'jam dpal gyi mtshan yang dag par brjod pa
Text
ff. 1b–18b · 35 folio sides
- 1b
//na/ satwA s+yA par na rgyun sa/bong sa 'dzum dpal ye shesasems dpa'i don dem pa'i mtshan yang dag bar brjod pa/'jam
- 2a
/dpal gzhon nur gyur pa la phyag 'tshalo//de nas dpal ldan rdo rje 'chang //gdul dka' 'dul ba rnams kyi mchog/dpa' bo 'jig rten gsum las rgyal//rdo rje dbang phyug gsang ba'i rgyal//rnam rgyas pad+ma dkar po'i spyan//pad+ma rab tu rgyas pa'i zhal//rang gi lag gi rdo rje mchog/yang dang yang du gser pyod pa//khre gnyer ldan pa'i rlabs la sogs//lag na rdo rje mtha' yas pa//dpa' bo gdul dka' 'dul ba po/dpa' bo 'jigs rung gzugs can dang //rdo rje rtse mi rab 'phrog/rang gi lag gis gser byed pa//
- 2b
shes rab thabs dang snying rje che//'gro don byed pa rnams kyi mchog/dga' mgur rangs pa'i bsnams pa can//khro bo'i lus kyi gzugs ldan pa// sangs rgyas phrin las byed pa'i mgon//lus btud rnams kyis lhan cig tu//mgon po bcom ldan de bzhin gshegs//rdzogs sangs rgyas la phyag 'tshal to//thal mo sbyar ba byas gyur nas//spyan sngar 'dug ste 'di skad gsol//khyab bdag bdag la sman pa dang //bdag don bdag la thugs brtse'i phyir//sgyu 'phrul dra bas mngon rdzogs pa'i//byang chub ji ltar bdag thob bgyi//nyon mongs pas ni sems bkrugs shing //mi shes 'dom du bying ba yi//sems can kun la sman pa dang //bla med 'bras bu thob pa'i phyir//bcom ldan ston pa rdzogs sangs rgyas//'gro ba'i bla mas bshad du gsol//dam tshig che ni po de nyid mkhyen//dbang po bsam po rig pa mchog/bcom ldan
- 3a
'das kyi ye shes sku//gtsug gtor chen po tshig gi bdag/'jam dpal ye shes sems dpa' yi//ye shes sku ste rang byung ba//don zab don+da ni rgya che zhing //don chen mtshungs med rab zhi pa//thog ma bar dang mthar dge ba//mtshan yang dag par brjod pa mchog/'das pa'i sangs rgyas rnams kyis gsungs//ma 'ongs rnams kyang gsung 'gyur la//da ltar byung ba'i rdzogs sangs rgyas//gang yang yang yang gsung ba gang //rgyu do chen sgyu 'phrul dra ba 'dir//rdo rje 'chang chen gsang sngags 'chang //dpag med rnams kyis dgos pa yi//gang yang yang dag rab gsungs pa//bdag kyang 'di ni gzung bar bgyi//bsam pa brtan pos nges 'byung bar//mgron po rdzogs sangs rgyas kun gyi//gsang 'dzin ji ltar bdag 'gyur bgyi//nyon mongs ma lus bsal ba dang //mi shes ma lus spang ba'i phyir//sems can rnams kyis bsam pa yi//khyad
- 3b
par ji bzhin rab bshad 'tshal//gsang dbang lag na rdo rje yis//de bzhin gshegs la de skad du//gsol btab thal mo sbyar byas te//lus btud nas ni spyan sngar 'dug/ de nas bcom ldan shAkya thub//rdzogs pa'i sangs rgyas rkang gnyis mchog/nyid kyi zhal nas ljags bzang dge/ring zhing yongs pa brkyang mdzad de//'jig rten gsum po snang byed cing //bdud bzhi'i dgra rnams 'dul byed po//'jig rten rnams kyi ngan song gsum//sgying bar byed pa'i 'dzum bstan nas//tshangs pa'i gsung ni snyan pa yis// 'jig rten gsum po kun bkang ste//lag na rdo rje stobs po che//gsang dbang la ni slar gsungs po//legs so dpal ldan rdo rje 'chang //lag na rdo rje khyod leg so//'gro la phan pa'i don du khyod//snying rje che dang ldan gyur te//'jam dpal ye shes sku yi mtshan//yang dag brjod pa don che ba//ngag par byed cing sdig sel ba//nga las nyan par brtson pa ni//gsang po'i bdag po khyod legs so//de phyir 'di ni ngas bshad bya//khyod ni rtse gcig yid kyis nyon//bcom ldan de ni legs zhes gsol//de nas bcom ldan shAkya thub//gsang sngags mtha' dag rigs chen po//gsang sngags rig po 'chang ba'i rigs//rigs gsum la ni rnam par gzigs//'jig rten 'jig rten 'das pa'i rigs//
- 4a
'jig rten smrang byed rigs chen dang //phyug rgya chen po'i rigs mchog dang //gtsug tor chen po rigs chen no//gsung sngags rgyal po drug ldan zhing //gnyis su/ med par 'byung ba dang //skye ba med pa'i chos can 'di//tshig gi bdag pos tshigs bcad gsungs//a A/i I/u U/a ai/o ai/aM auH/s+t+rI ta hr-i /dz+nyA na mUrti ra haM bud+d+ha/ bud+hA nAM/t+yA d+b+ha baN+Di ni oM badz+ro tik+Sh+Na duHkhats+tshedAHbrAdz+nyedz+nyA narmAr+d+ha ya/dz+nyA nak+ShA ya/lU gI shwAr/a ra pa ts+tsha nA ya te nA maH//'di ltar sangs rgyas bcom ldan 'das/ po'i sangs rgyas A yig byung //a yi ge yig 'bru kun gyi mchog/don chen 'gyur med dam pa yin//srog chen po ste skye ba med//tshig tu brjod pa spongs pa te//brjod pa kun gyi rgyu yi mchog/tshig kun rab tu gsal bar byed//mchod pa chen po 'dod chags che//sems can thams cad dga' bar byed//mchod pa chen po zhe sdang che//nyon mongs kun gyi ngag che ba//mchod pa chen po gti mug tshe//gti mug blo ste gti mug sel//mchod pa chen po khro ba che//khro ba chen po dgra che ba//mchod pa chen po chags pa che//chags pathams cad sel bar byed//'dod pa chen po bde ba che//dga' bo chen po dgu pa che//gzugs che lus kyang che ba ste//khadog che zhing lus bong che//ming yang che zhing rgya che ga
- 4b
dkyil 'khor chen po yangs pa yin//shes rab chen po mtshon 'chang ba//nyon mongs lcags kyu che ba'i mchog/grags tshon snyan grags chen po ste//snang ba chen po gsal ba tshe// mkhas pa sgyu 'phrul chen po 'chang //sgyu 'phrul chen po don srub pa//sgyu 'phrul chen po dga' bas dga'//sgyu 'phrul chen po mig 'phrul can//sbyin bdag chen po gtso bo ste//tshul khrims/ chen po 'tshong ba'i mchog/bzod tshan 'chang ba brtan pa ste//brtson 'grus chen po pha rol gnon//bsam gtan chen po ting 'dzin gnas//shes rab chen po lus 'chang ba//stobs po che la thabs che ba//smon lam ye shes rgya mtsho ste//byams chen rang bzhin dpag tu med//snying rje chen po blo yi mchog/shes rab chen po blo chun ldan//thubs chen byed pa chen po ste/rdzu 'phrul chen po stobs dang ldan//shugs chen mgyogs pa chen po ste//rdzu 'phrul chen po cher grags pa//stobs chen pha rol gnon pa po//srid pa'i ri bo chen po 'joms// mikhrigs shing rdo rje chen po 'chang //drag po chen po drug shul che//'jigs chen 'jigs par byed pa po//mgon po rigs mchog chen po ste//bla ma gsang sngags che ba mchog theg pa chen po'i tshul la gnas//theg pa chen po'i tshul gyi mchog/sangs rgyas rnam par snang mdzad che//thub pa chen po thub chen ldan//gsang sngags tshul chen las byung ba/
- 5a
gus du sngags tshul chen bdag nyid can//pha rol byin bcu thob pa ste//pha rol phyin pa brtu la gnas//pha rol phyin bcu dag pa ste//pha rol phyin pa bcu yi tshul//sa bcu'i dbang phyug mgon po ste//sa bcu la nu rab tu gnas//shes bcu rnam dag bdag nyid can//shes bcu rnam dag 'chang ba po//rnam pa bcu po don bcu'i don//thub dbang stobs bcu khyab pa'i bdag/kun gyi don ni ma lus byed//rnam bcu dbang ldan tsho ba po//thog ma med pa spros med bdag/de bzhin nyid dag dag pa'i bdag/yang dag smra zhing tshig gzhan med ji skad smras pa de bzhin byed//gnyis su med pa gnyis med smra//yang dag mtha' la rnam par gnas//bdag med seng ge'i sgra dang ldan//mu stegs ri dwags ngan 'jigs byed//kun tu 'gro ba don yod bgrod//de bzhin gshegs pa yid ltar mgyogs//rgyal ba dgra rgyal rnam par rgyal//'khor los bsgyur ba stobs po che//tshogs kyi slob dpon tshogs kyi gtso// tshogs rje tshogs bdag dbang dang ldan//mthu chen gces pa 'dzin pa ste//tshul chen gzhan gyi 'dren pa min//tshig rje tshig bdag smra mkhas pa//tshig la dbang ba tshig mtha' yas/ tshig bden bden par smra ba dang //bden pa bzhi ni ston pa po//phyir mi ldog pa phyir mi 'ong //bse ru so sor 'dren pa ste//nges 'byung sna tshogs nges 'byung ba//'byung ba chen po rgyu gcig pa
- 5b
dge slong dgra bcom zag pa zad//'dod chags bral ba dbang po thul//bde ba rnyed pa 'jigs med thob//bsil bar gyur pa gos pa med//rig pa dang ni rkang par ldan//bder gshegs 'jig rten rig pa mchog/bdag gir mi 'dzin dar mi 'dzin//bden pa gnyis kyi tshul la gnas//'khor ba'i pha rol mthar gnas pa//bya ba byas pa skam sar gnas//ye shes 'ba' zhig nges 'byung ba//shes rab mtshon chas rnam 'joms pa//dam chos chos rgyal gsal bar ldan//'jig rten snang bar byed pa mchog/chos kyi dbang phyug chos kyi rgyal//legs pa'i lam ni ston pa po//don grub grub pa'i kun rtog ni//kun tu rtog pa thams cad spangs//rnam par mi rtog dbyings mi zad//chos dbyings dam pa zad mi shes//bsod nams ldan pa bsod nams tshogs//ye shes ye shes 'byung gnas che//ye shes ldan pa yod med shes//tshogs gnyis tshogs dang yang dag ldan//rtag pa kun rgyal rnal 'byor can//bsam gtan bsam byas blo yi bdag/so so rang rig ma g.yo ba//mchog gi dang po sku gsum 'chang //sangs rgyas sku lnga'i bdag nyid can//khyab bdag ye shes lnga yi bdag/sangs rgyas lnga bdag cod pani can//spyan lnga chags pa med pa 'chang //sangs rgyas thams cad skyes pa po//sangs rgyas sras po dam pa mchog/shes rab srid 'byung skye gnas te//chos kyi skye gnas srid mthar
- 6a
byed da/ gcig pu sra mkhregs rdo rje'i bdag/'phral du bskyed pa 'gro ba'i bdag/na mkha' las byung rang byung ba//shes rab ye shes me bo che//'od tshon rnam par snang bar byed//ye shes snang ba lam me ba//'gro ba'i mar me ye shes sgron//gzi brjid chen po 'od gsal ba//rig pa'i rgyal mchog sngags dbang po//gsang sngags rgyal po don chen byed//gtsug tor chen po rmad byung gtsug/na mkha'i bdag po sna tshogs ston//sangs rgyas kun bdug dngos po mchog/'gro ba dga' ba'i mig dang ldan//sna tshogs gzugs can skyed pa po//mchod 'os rjed 'os drang srong che//rigs gsum 'ching ba gsang sngags ldan//dam tshig chen po gsang sngags 'dzin//gtso bo dkon mchog gsum 'dzin pa//theg po mchog gsum ston pa po//don yod zhags pa rnam par rgyal//'dzin pa chen po rdo rje zhugs//rdo rje lcags kyu zhags pa che//rdo rje 'jigs byed 'jigs par byed//khro bo'i rgyal po gdong drug 'jigs//mig drug lag drug stobs dang ldan//keng rus mche ba gtsigs pa po//ha la ha la gdod brgya pa//gshin rje mthar byed bgegs kyi rgyal//rdo rje shugs can 'jigs byed pa//rdo rje grags pa rdo rje snying //sgyu 'phrul rdo rje gsus po che//rdo rje skye gnas rdo rje'i dbang //rdo rje stong po mkha' 'dri ba//mo g.yo ral pa gcig bgyings
- 6b
pa//glang chen lpags pa rlon pa 'chang //drag chen hA hA zhes sgrogs pa//hi hi zhes sgyogs 'jigs par byed//gad mo chen po gad rgyangs can//rdo rje gud mo tshar sgrogs pa//rdo rje sems dpa' sems dpa' che//rdo rje rgyal po bde ba che//rdo rje gtum po dga' ba ni//rdo rje hU~M mdzad hUM gI gzugs//rdo rje mda' yi mtshon 'chang ba/rdo rje ral gris gcod mdzad pa//rdo rje kun 'chang rdorje can//rdo rje gcig pu g.yul sel ba//rdo rje 'brar ba gtsigs pa'i mig/mgo skyes rdo rje 'bang ba ste//rdo rje 'bebs pa 'bebs pa che//mig brgya pa ste rdo rje'i mig/rdo rje'i spu ni myA gu lus//rdo rje'i spu ni lus gcig pu//rdo rje rtse mo sen mos brtsams//rdo rje snying po lcogs pa mkhregs//rdo rje phreng thogs dpal dang ldan//rdo rje'i rgyan gyis brgyan pa ste//gang /rgyangs hA hA nges par sgrogs//yI ge drug pa rdo rje'i sgra//'jam pa'i dbyangs ni sgra che ba//'jig rten gsum gcig sgra chen po//na mkha'i khams kyi mthar thugs sgra//sgra dang ldan pa rnams kyi mchog/yang dag med de de bzhini nyid//yang dge mtha' ste yi ge med//stong nyid smra ba'i khyu mchog ste//zab cing rgya che'i sgra sgrogs pa//chos kyi drung ste sgra chen po//chos kyi gaN+DI sgra ngo tshe//rab tu mi gnas mya ngan 'das//phyogs bcu chos kyi rje bo che//gzugs med gzugs ldan dam pa ste//sna tshogs gzugs can yid rang bzhin//gzugs rnams thams cad
- 7a
snang ba'i dpalnga//gzugs brnyan ma lus 'chang ba po//snang ba med cing che bar grags//khams gsum dbang phyug chen po ste//'phags lam shin tu mtho la gaR+Sha/ chos kyi tog ni cher 'byung ba//'jig rten gsum po cig gzhal lus//gnas brtan rgan po skye dgu'i bdag/sum cu rtsa gnyis mtshan 'chang ba//sdug gu 'jig rten gsum na mdzes// slob dpon 'jig rten yon tan shes//'jig rten slob dpon 'jigs pa med//mgon skyob 'jig rten gsum khyab pa//skyabs dang skyob pa bla na med//nam mkha' khyab pa longs spyod pa// thams cad mkhyen pa ye shes mtsho//ma rig sgo nga'i sbugs 'byed pa/srid pa'i dra ba 'joms pa po//nyon mongs ma lus zhi byed po//'khor ba'i rgya mtsho pha rol son//ye shes dbang bskur cod pan can//yang dag rdzogs pa'i sangs rgyas rgyan//sdug bsngal gsum gyi sdug bsngal zhi//gsum mtha' mtha' yas grol gsum pa//sgrib pa thams cad nges par grol//nam mkha' mnyam pa nyid la gnas//nyon mongs dri ma kun las 'das//dus gsum dus med rtog par gnas//sems can kun gyi klu chen po//yon tan thod can rnams kyi thod//lhag ma kun las rnam grol ba//na mkha'i lam la rab gnas pa//yid bzhin nor bu chen po 'chang //khyab bdag rin chen kun gyi mchog/dpag bsam shing chen
- 7b
rgyas pa ste//bum pa bzang po che ba'i mchog/byed pa sems can kun don byed//phan thogs sems can gnyis gshin pa//bzang ngan shes pa dus shes pa//khyab bdag dram shes dam tshig ldan//dus shes sems can dbang po shes//rnam grol gsu mo la mkhas pa po//yon tan ldan zhing yon tan shes//chos shes rab zhi bkra shis 'byung //bkra shis kun gyi bku shis pa//grags pa dpal mo snyan pa dge/dbugs 'byin chen po dga' ston che//dga' ba chen po rilnga pa che//bkur sti rim gro phun sum tshogs//rab tu dga' ba grags bdag dpal// mchog ldan mchog sbyin gtso ba ste//skyabs kyi dam pa skyabs su 'os//rab mchog 'jigs pa chen po'i dgra/'jigs pa ma lus sol ba po//gtsug phud phud bu ral pa can//ral pa mgo rig cod pan ldan//gdong lnga gtsug phud lnga dang ldan//zur phud lnga dang ldan pa'i thod//mgo zlum brtul zhugs chen po 'chang //tshangs par spyod pa brtul zhugs mchog/ dka' thub mthar phyin dka' thub che//khrus ldan gau ta me mchog/bram ze tshangs pa tshangs pa rig/tshangs pa mya ngan 'das pa thob//grol ba mthar pa rnam grol lus//rnam grol zhi ba zhi ba nyid//mya ngan 'das zhi mya ngan 'das//legs par nges 'byung mthar byed pa//bde ba sdug bsngal mthong byed gnas//'dod chags bral ba brtag pa zad//thub pa med par dpe
- 8a
med pa//gsal min mi snang gos pa med//cha med kun 'gro khyab pa po//phra mos sa bon zag pa med//rdul med rdul bral dri ma med//nyes pa spangs paskyon med pa//sha tu rab sad rnams sad bdag/thams cad ye shes kun rig mchog/rnam par shes pa'i chos nyid 'das//ye shes gnyis med tshul 'chang ba//rnam par rtog med lhun gyis grub//dus gsum sangs rgyas las byed pa//sangs rgyas thog ma tha ma med//dang po'i sangs rgyas rigs med pa//ye shes mig nig dri ma med//ye shes lus can de bzhin gshegs//tshig gi da phyug smra ba che//smra ba'i skyes mchog smra ba'i rgyal//smra ba'i dam pa mchog gi gnas//smra ba'i seng ge thub pa med//kun tu lta ba mchog tu dga'//gzi brjid phreng ldan lta na sdug/'od bzang 'bar ba dpal gyi be'u//snang ba gsal bar byed pa'i 'od//sman pa che mchog gtso bo ste//zug rngu 'byin pa bla na med//spyan rnams ma lus ljon pa'i shing //nyon mongs nad kyi dgra che ba//sdug gu 'jig rten gsum gyi mchog/dpal ldan rgyu skar dkyil 'khor can//phyogs bcu no mkha'i mthar thug pa//chos kyi rgyal mtshan chen po sbreng //'gro ba'i gdugs gcig yangs pa ste//byams dang snying rje'i dkyil 'khor can//dpal ldan pad+ma gar dbang phyug/khyab bdag chen po rin chen gdugs//sangs rgyas kun gyi rgyal po
- 8b
tshe//sangs rgyas kun bdag dngos po 'dzin//sangs rgyas kun gyi rnal 'byor tshe//sangs rgyas kun gyi bstan pa gcig/rdo rje rin chen dbang bskur dpal//rin chen kun bdag dbang phyug ste//'jig rten dbang phyug kun gyi bdag/rdo rje kun 'chang mnga' bdag ste//sangs rgyas kun gyi thugs che ba//sangs rgyas kun gyi thugs la gnas//sangs rgyas kun gyi sku chi ba//sangs rgyas kun gyi mtsho dang ldan//rdo rje nyi ma snang ba che//rdo rje zla ba dri med 'od//chags bral dang po chags pa che//kha dog sna tshogs 'bar ba'i 'od//rdo rje dkyil krungs rdzogs sangs rgyas//sangs rgyas brjod pa'i chos 'dzin pa//dpal ldan sangs rgyas pad+ma skyes//kun mkhyen ye shes mdzod 'dzin pa//rgyal po sgyu 'phrul sna tshogs 'chung //che ba sangs rgyas rigs pa 'chang //rdo rje rnon po ral gri che//rnam par dag pa 'gyur med mchog/theg pa chen po sdug bsngal gcod//mtshon cha chen po rdo rje chos//rdo rje zab mo dzi ni dzika/rdo rje blo gros don bzhin rig/pha rol phyin pa kun rdzogs pa//sa rnams thams cad rnam par rgyan//rnam par dag pa bdag med chos//yang dag ye shes zla snying 'od//sgyu 'phrul dra ba rnal 'byor che//rgyud kun gyi ni bdug po mchog/me lus rdo rje dkyil dkrungs te//ye shes sku rnams ma lus 'chang //kun tu bzang po blo gros bzang //sa yi snying po 'gro ba 'dzin//sangs rgyas kun gyi snying po che//sna tshogs sprul pa'i 'khor lo 'chang //
- 9a
dngos po kun gyi rang bzhin mchog/dngos po kun gyi rang bzhin 'dzin//skye med chos te sna tshogs don//chos kun ngo bo nyid 'chang ba//skad cig gcig la shes rab che// chos kun khong du chud pa 'chang //chos kun mngon par rtogs pa ste//thub pa blo mchog yang dag mtha'//mi g.yo rab tu dang ba'i bdag/rdzogs pa'i sangs rgyas byang chub 'chang //sangs rgyas kun gyi mngon gsum pa//ye shes me lce 'od rab gsal//'dod pa'i don sgrub dam pa ste//ngan song thams cad rnam sbyong ba//mgon po sems can kun gyi mchog/sems can thams cad rab grol byed//nyon mongs g.yul du cig dpa' ba//mi shes dgra yi dregs pa 'joms//blo ni sgeg 'chang dpal dang ldan//dpa' bo mi sdug gzugs 'chang ba//lag pa'i dbyug pa brgya bskyod cing //rkang pa bskyod pas gar byed pa//dpal ldan log pa brgyas gang la//na mkha' khyab par gar byed pa//rkang pa gcig gis mthil gnon pa//sa yi snying po mthil la gnas//tshangs pa'i sgo nga'i rtse mo gnon//rkang 'theb sen mo la gnas pa//don gcig gnyis mod chos kyi don//dam pa'i don te 'jigs pa med rnam rig sna tshogs rang bzhin don//sems dang rnam shes rgyud dang ldan//dngos po ma lus don dga' ba//stong pa nyid dga' mchog gi blo//srid pa'i 'dod chags la sogs
- 9b
'das//sred pa gsum po dga' ba che//dag pa sprin dkar bzhin du dkar//'od bzang ston ka'i zla ba'i 'od//nyi ma 'char ka'i dkyil ltar mdzes//'dod chags chen po sen mo'i 'od// zur phud bzang po mthon kha mchog/skra mchog mthon ka chen po 'chang //nor bu chen po 'od chags dpal//sangs rgyas sprul pa'i rgyan dang ldan//'jig rten kham brgya kun bskyod pa//rdzu 'phrul rkang pa stobs chen ldan//de nyid dran pa chen po 'chang //dran pa bzhi po ting 'dzin rgyal//byang chub yan lag me tog dga'//de bzhin gshegs pa yon tan mtshe//lam gyi yan lag brgyad tshul rig/yang dag sangs rgyas lam rig pa//sems can kun la shas tshor chags//na mkha' lta bur chags pa med//sems can kun gyi yid las skyes// sems can kun gyi yid ltar mgyogs//sems can kun gyi dbang don shes//sems can kun gyi yid 'phrog pa//phung po lnga don de nyid shes//rnam dag phung po lnga 'tshang ba//zams cad nges 'byung mtha' la gnas//thams cad nges par 'byung ba mkhas//thams cad nges 'byung lam la gnas//thams cad nges 'byung ston pa po//yan lag bcu gnyis srid rtsa bton//dag pa rnam pa bcu gnyis 'chang //bden bzhi tshul gyi rnam pa can//shes pa brgyad po rtogs pa 'chang //bden don rnam pa bcu gnyis ldan//de nyid rnam pa bcu drug rig
- 10a
rnam pa nyi shus byang chub pa//rnam par sangs rgyas kun rig mchog/dpag med srungs rgyas sprul pa yi//sku yi mtha' ni rnam sgom pa//skad cig thams cad mngon par rtogs//sems kyi skad cig don kun rig/theg pa sna tshogs thabs tshul gyi//'gro ba'i don gyi rnam da bye can//theg pa gsum gyi nges 'byung ni//theg pa gcig gi 'bras bur gnas/// nyon mongs khams rnams rnam dag bdag/las kyi khams rnams zad byed pa//chu bo rgya mtsho kun las rgal//sbyor ba'i dgon pa las byung ba//nyon mongs nye nyon kun nyon mongs//bag chags bcas pa rab spangs pa//snying rje chen po shes rab thabs//don yod 'gro ba'i don mdzad pa//'du shes thams cad rab spangs don//rnam shes don ni 'gog pa 'chang // sems can kun gyi yid kyi yul//sems can kun gyi yid gnas pa//sems can kun gyi yid na gnas//de dag sems dang mnyam nyid son//sems can kun yid tshim par byed// sems can kun gyi yid dga' ba//grub mtha' 'khrul pa ldan pa min//'khrul pa thams cad rnam par spangs//don gsum the tshom med pa'i blo//kun don yon tan gsum gyi bdag/ dus gsum phung po lnga yi don//skad cig thams cad rnam sgom pa//skad cig gcig mngon rdzogs sangs rgyas//sangs rgyas kun gyi rang bzhin 'chang //lus med sku te sku yi
- 10b
mchog/sku ni bye ba rnam par 'gyed//gzugs rnams ma lus kun tu ston//nor bu chen po rin chen tog/sangs rgyas kun gyis rtogs bya ba//sangs rgyas byang chub bla na med//gras sngags skye gnas yi ge med//gsang sngags chen po rigs gsum pa//gsang sngags don kun skyed pa po//thig lo chen po yi ge med//stong pa chen po yi ge lnga//thig le stong pa yi ge drug/rnam pa thams cad rnam pa med//bcu drug phyed phyed thig le can//cha med che ldan las 'das pa//bsam gtan bzhi pa'i rtse mo 'chang //bsam gtan yan lag kun shes shing // ting 'dzin rig dang rgyud rig pa//ting 'dzin sku ste sku yi mchog/longs spyod rdzogs sku kun gyi rgyal//sprul pa'i sku ste sku yi mchog/sangs rgyas sprul pa'i rgyud 'chang ba//phyogs bcur sprul pa sna tshogs 'gyed//ji bzhin 'gro ba'i don byed pa//lha yi dbang po lha yi lha//lha min dbang po sbyin byed bdag/lha yi bla ma 'tsho med dbang //rab 'joms rab 'joms dbang phyug po//sred pa'i dgon pa las rgal ba//ston po gcig pu 'gro ba'i bla//'jig rten phyogs bcur rab grags pa//chos kyi sbyin bdag che ba po//byams pa'i go cha chas pa ste//snying rje yi ni ya lad bgos//shes rab ral gri mda' gzhu thogs//nyon mongs mi shos g.yul ngo sel//dpa' bo bdud dag bdud 'dul ba//bdud bzhi'i 'jigs pa
- 11a
mthar byed pa//bdud dpung thams cad pham par byed//rdzogs pa'i sangs rgyas 'jig rten 'dran//mchod 'os bstod 'os byug gi gnas//rtag tu rim gro bya ba 'i na// bkur 'os rjed par bya ba'o mchog/phyag byar 'os pa bla ma'i mchog/'jig rten gsum pa gom gcig bgrod//nam mkha' mtha' med rjer gnon//gsum rig gcing ma dag ste// mngon shes drug ldan rjes dran drug/byang chub sems dpa' sems dpa' che//rdzu 'phrul chen po 'jig rten 'das//shes rab pha rol phyin pa'i mtha'//shes rab kyi ni de nyid thaH/ bdag rig gzhi ni rag thams cid pa//kun la phan pa gang zag mchog/'jig rten dpe las 'das pa ste/shes dang shes bya'i bdag po mchog/gtso bo che kyi sbyin pa'i bdag/ phyag rgya bzhi po'i don ston pa//'gro ba'i bsnyen bkur gnas kyi mchog/nges 'byung gsum po bgrod rnams kyi//don gyi dam po rnam dag dpal//'jig rten gsum gyi bskul bzang che//dpal ldan 'byor pa kun byed pa//'jam dpal dpal dang ldan pa'i mchog/mchog sbyin rdo rje mchog khyod 'dud//yang dag mthar gyur khyod la 'dud//stong nyid snying po khyod la 'dud//sangs rgyas byang chub khyod la 'dud//sangs rgyas chags pa khyod la 'dud//sangs rgyas 'dod la phyag 'tshal 'dud//sangs rgyas dgos pa khyod la 'dud//
- 11b
sangs rgyas rol la phyag 'tshal 'dud//sangs rgyas 'dzum pa khyod la 'dud//sangs rgyas snang la phyag 'tshal 'dud//sangs rgyas gsung ba khyod la 'dud//sangs rgyas thugs la phyag 'tshal 'dud//dngos med las byung khyod la 'dud//sangs rgyas 'byung ba khyod la 'dud//na mkho' las byung khyod la 'dud//ye shes las byung khyod la 'dud//sgyu 'phrul dra bo khyod la 'dud//sangs rgyas gar mdzad khyod la 'dud//thams cad thams cad khyod la 'dud//ye shes sku nyid khyod la 'dud de//lag na rdo rje rdo rje 'tshang 'di ni bcom ldan 'das kyi ye shes kyi sku dang de bzhin gshegs pa thams cad kyi ye shes kyi sku dang 'jam dpol ye shes sems dpa'i ma 'dres pa yongs su dag pa'i mtshan yang dag par brjod pa'o//khyod kyi bla na med pa'i dga' ba dang rab tu dang ba dang mgu ba chen po yang dag par bskyed pa'i don dang sku dang gsung dang thugs kyi gsang ba yongs su dag pa'i phyir dang yongs su ma rdzogs pa dang yongs su ma dag pa'i sa dang pha rol tu phyin pa dang bsod namra dang ye shes kyi tshogs yongs su rdzogs pa dang yongs su dag pa'i phyir dang bla na med pa'i don lhag por ma rtogs pa lhag par rtogs pa'i phyir dang ma thob pa thob pa'i phyir dang ji srid de bzhin gshegs pa thams cad kyi dam pa'i chos kyi tshul yang dag par bzung ba'i don tu yang bdag gis bstan pa dang yang dag pa rab tu bshad pa dang rnam par
- 12a
bkrol ba dang rnam par phye ba dang rab tu gsal bar byas pa dang byin gyis brlabs pa'o//lag na rdo rje rdo rje 'chang 'di ni ngas khyod kyi rgyud la sngags kyi chos nyid thams cad kyi byin gyis brlabs kyis byin gyis brlabs pa'o//'di ni 'khor lo dang po'i rjes su bsngags pa'o//gzhan yang lag na rdo rje rdo rje 'chang mtshan yang dag par brjod pa 'di ni shin tu yongs su dag pa yongs su byang ba thams cad mkhyen pa'i ye shes dang sku dang gsung dang thugs kyi gsang bar gyur pa'o//de bzhin gshegs pa thams cad kyi sangs rgyas kyi byang chub pa'o//yang dag par rdzogs pa'i sangs rgyas rnams kyi mngon par rtogs pa'o//de bzhin gshegs pa thams cad kyi bla na med pa'o//bde bar gshegs pa thams cad kyi chos kyi dbyings rtogs pa'o//rgyal ba rnams kyi bdud kyi stobs thams cad pham par byed pa'o//stobs bcu dang ldan pa thams cad kyi stobs bcu'i stobs su gyur pa'o// thams cad mkhyen pa'i ye shes rnams kyi thams cad mkhyen pa'o//chos thams cad kyi lung ngo //sangs rgyas thams cad kyi yang dag par kun chub pa'o//byang chub sems dpa' chen po thams cad kyi dri ma med pa shin tu yongs su dag pa bsod nams dang ye shes kyi tshogs yongs su rdzogs pa'o//nyan thos dang rang sang+yas tha~Md kyi rab tu skye ba'o//
- 12b
lha dang mi thams cad kyi phun sum tshogs pa'i zhing ngo //theg pa chen po'i rab tu gnas pa'o//byang chub sems dpa'i spyod pa'i 'byung khung ngo //'phags pa'i lam yang dag pa'i mthar thug pa'o//rnam par grol ba rnams kyi brtag pa'o//nges par 'byung ba'i lam gyi skyed pa'o//de bzhin gshegs pa'i gdung gi rgyun mi 'chad pa'o//byang chub sems dpa' chen po'i rigs dang rgyud rab tu 'phel ba'o//phas kyi rgol ba thams cad kyi char gcod pa'o//mu stegs pa thams cad kyi rnam par 'joms pa'o//bdud bzhi'i stobs dang dpung dang sde rnams kyi pham par byed pa'o//sems can thams cad kyi yang dag par sdud pa'o//nges par 'byung bas bgrod pa thams cad kyi 'phags pa'i lam yongs su smin pa'o//tshangs pa'i gnas bzhi la gnas pa rnams kyi ting nge 'dzin no//sems rtse gcig pa rnams kyi bsam gtan no//lus dang ngag dang yid mngon par sbyor ba rnams kyi rnal 'byor ro//yang dag par sbyor ba thams cad kun tu sbyor ba dang bral ba'o//nyon mongs pa dang nye ba'i nyon mongs pa thams cad kyi spong ba'o//sgrib pa thams cad kyi nye bor zhi ba'o//'ching po thams cad kyi rnam par grol ba'o/// lhag ma thams cad kyi thar pa'o//sems nye bar 'phro ba thams cad kyi zhi ba'o//'byor pa thams cad kyi 'byung gnas so//rgud pa thams cad kyi rab tu 'joms pa'o//nga ni song gi
- 13a
ni thams cad kyi 'gobs pa'o//rnam par grol ba'i grong khyor kyi lam dam pa'o//'khor ba'i 'khor lo'i rab tu mi 'jug pa'o//chos kyi 'khor la'i ro tu slong ngan de bzhin gshegs pa'i bstan pa'i gdugs dang rgyal mtshan dang ba dan rab tu sgreng ba'o//dam pa'i chos ston pa'i lhag par gnas pa'o//byang chub sems dpa'i sngags kyi sgo'i spyod pa rnams kyi myur du grub pa'o//shes rab kyi pha rol tu phyin pa rnams la mngon par sbyor ba rnams kyi sgom par lhag par rtogs pa'o//gnyis su med pa so sor rtog par sgom pa mngon por sbyor ba rnams kyi stong pa nyid so sor rtogs pa'o//pha rol tu phyin pa dang tshogs thams cad kyi bskyed pa'o//yongs su dag pa'i sa drang pha rol tu phyin pa thams cad kyi yongs su rdzogs pa'o// yang dag pa'i 'phags pa'i bden pa rnams kyi so sor rtog pa'o//dran pa nye bar gzhag pa bzhi po rnams kyi chos thams cad gcig pa'i sems so sor rtogs pa'o//mtshan yang dag par brjod pa 'di ni ji srid sangs rgyas kyi yon tan thams cad kyi yongs su rdzogs pa'i bar ro//'di ni 'khor lo gnyis pa'i rje su bsngags pa lnga bcu rtsa gnyis so//gzhan yang lag na rdo rje rdo rje 'chang mtshan yang dag par brjod pa 'di ni sems can thams cad kyi lus dang ngag dang yid kyis kun tu spyad pa'i sdig pa ma lus pa rab tu zhi bar byed pa'o//sems
- 13b
can thams cad kyi ngan song thams cad rnam par sbyong bya'o//ngan 'gro thams cad bzlog pa'o//las kyi sgrib pa thams cad yang dag par gcod pa'o//mi khom pa brgyad du skye bar 'gyur ba thams cad mi skyo bar byed pa'o//'jigs pa chen po brgyad nye bar zhi bar byed pa'o//rmo lam ngan pa thams cad nges par sel ba'o//mtshan ma ngon pa thams cad rnam par sel bar byed pa'o// lta ba ngan pa dang bgegs thams cad nye bar zhi bar byed pa'o//bdud kyi dga'i las thams cad thag ring du byed pa'o//dge ba'i rtsa ba dang bsod nams thams cad nye bar 'phel bar byed pa'o/ tshul bzhin ma yin pa'i yid la byed pa thams cad mi skye bar byed pa'o//brgyags pa dang nga rgyal dang dregs pa dang ngar 'dzin pa thams cad nges par 'joms par byed pa'o//sdug bsngal dang yid mi bde ba thams cad mi skyo bar byed pa'o//de bzhin gshegs pa thams cad kyi snying por gyur pa'o//byang chub sems dpa' thams cad kyi gsang bar gyur pa'o//nyan thos dang rang sangs rgyas thams cad kyi gsang tshon du gyur pa'o//phyag rgya dang sngags thams cad du gyur pa'o//chos thams cad brjod du med par smra ba rnams kyi dran pa dang shes bzhin yang dag par bskyed pa'o//bla na med pa'i shes rab dang yid gzhungs par byed pa'o//nad med pa dang stobs dang dbang phyug phun sum tshogs par byed pa'o//dpal dang dge ba dang zhi ba lags pa
- 14a
rab tu 'phel bar byed pa'o//grags pa dang snyan pa dang tshigs su bcad pa dang bskyed pa rab tu gsal bar byed pa'o//nad dang 'jigs pa chen po thams cad nye bar zhi bar byed pa'o//shin tu dag pa rnams kyi shin tu dge pa'o//shin tu gtsang ba rnams kyi shin tu gtsang ba'o//shin tu 'byor ldan rnams kyi shin tu 'byor ldan no//shin tu bkra shis pa rnams kyi shin tu bkra shis pa'o//skyabs 'dod pa rnams kyi skyabs so//gnas 'drod pa rnams kyi gnas so//skyob pa 'dod pa rnams kyi skyob pa'o//dpung gnyen mod pa rnams kyi dpung gnyen no//gling 'dod pa rnams kyi gling du gyur pa'o//rten 'dod pa rnams kyi bla na med pa'i rten du gyur pa'o//srid pa'i rgya mtsho'i pha rol tu 'gro ba rnams kyi grur gyur pa'o//nad thams cad nges par 'joms pa'i phyir sman po'i rgyal po chen por gyur pa'o//blang bar bya ba dang dor bar bya ba'i dngos po rnam par dbye ba'i phyir shes rab tu gyur pa'i// lta ba dran pa'i mun pa'i smug rum thams cad bsal ba'i phyir ye shes kyi snang bar gyur pa'o//sems can thams cad kyi bsam pa dang 'dod pa ji lta ba bzhin du yongs su rdzogs papo'i phyir yid bzhin gyi nor bur gyur pa'o//'jam dpal gyi ye shes kyi sku rab tu thob pa'i phyir thams cad mkhyen pa'i ye shes su gyur pa'o//spyan lnga rab tu thob pa'i phyir yongs
- 14b
dag pa'i ye shes gzigs par gyur pa'o//zang zing dang mi 'jigs pa dang chos kyi sbyin pa rab tu gtong ba nyid kyis pha rol tu phyin pa drug yongs su rdzogs par gyur pa'o//bsod nams dang ye shes kyi tshogs dang tIng 'dzin ni yongs su rdzogs pa nyid kyis sa bcu rab tu thob par gyur pa'o//gnyis kyi chos dang bral ba'i phyir gnyis su med pa'i chos nyid do//lhag par sgo 'dos pa dang bral ba nyid kyi phyir de bzhin nyid kyi rang bzhin dang gzhan ma yin pa'i chos nyid do//de bzhin gshegs pa thams cad kyi ye shes kyi sku yongs su dag pa'i rang bzhin nyid kyis yang dag pa'i rang bzhin nyid//lta bA ngan+da pa'i tshang tshing ma lus pa nges par sel ba nyid kyis rnam pa thams cad chen po stong pa nyid kyi rang bzhin nyid do//mtshan yang dag par brjod pa 'di ni//'di ltar gnyis su med pa'i chos nyid kyi don dang ming yang dag par 'dzin pa rab tu gsal bar byed pa nyid kyis chos thams cad brjod du med par gyur pa'o//'di ni 'khor lo gsum pa rjes su bsngags pa lnga bcu rtsa gnyis so//gzhan yang lag na rdo rje rdo rje 'chung /rigs kyi bu'om rigs kyi bu mo gang la la sngags kyi sgo'i spyod pa spyod pas/bcom ldan 'das ye shes sems dpa'i ye shes kyi sku/de bzhin gshegs pa thams cad kyi ye shes kyi sku gnyis su med pa don dam pa'i mtshan yang dag par brjod pa gtsug gi nor bu zhes bya ba 'di mtha' dag
- 15a
yongs su rdzogs pa ma tshang ba med pa dum du ma yin pa/tshigs su bcad pa dang tshig dang yi ge 'di rnams nyid kyis/nyi ma so sor dus gsum du 'dzin par byed pa dang brjod par byed pa dang kun chub par byed pa dang tshul bzhin yid la byed pa dang gzhan rnams la yang dus ji lta bar rgyas par ji lta ba bzhin rab tu gsal bar byed pa dang mtshan gyi don gzhan dang gzhan re re zhing yang 'jam dpal ye shes kyi sku mngon du byas te yid rtse gcig pas sgom par byed pa dang lhog par mos pa dang de kho na yid la byed po dag gis kun nas sgo'i gnas pas gnas pa dang chos thams cad so sor rtogs pa dang mchog tu gyur pa dang rnyog pa med pa dang shes rab kyis rjes su 'bigs pa dang /dad pas yang dag par bgrod pa de la ni dus gsum du dus med par sangs rgyas dang byang chub sems dpa' thams cad yang dag par 'dus te yang dag par gshegs shing yang dag par byon nas chos thams cad kyi sgo rnams nye bar ston par 'gyuraro//bdag nyid sbom po nye bar ston par byed do//sangs rgyas dang byang chub sems dpa' thams cad kyi byin gyis brlabs kyis kyang lus dang ngag dang yid kyi rgyud la yang dag par byin gyis rlob par byed do//sangs rgyas dang byang chub sems dpa'o' thams cad kyi rjesu 'dzin pas kyang 'dzin par byed do//chos thams cad la mi 'jigs
- 15b
pa'i spobs pa yang nye bar sgrub par byed do//dgra bcom pa dang nyan thos dang rang sangs rgyas thams cad kyang 'phags pa'i chos la sdug pa'i bsam pa nyid kyis bdag gi dngos po yang nye bar ston par byed do//gdul dka' ba 'dul ba po rnams kyang khro bo'i rgyal po chen po dang rdo rje 'chang chen po la sogs pa 'gro ba yongs su skyob par gyur pa gzugs sna tshogs pa'i sprul pa'i sku rnams kyis mdangs dang stobs dang gzi brjid zil gyis mi gnon pa nyid dang sngags dang phyag rgya dang mngon par rdzogs pa dang dkyil 'khor rnams nye bar ston par byed do//s+pho dang rigs pa'i rgyal po ma lus pa dang bgegs dang lag 'dren dang bdud dang ngagra phyir rgol ba dang gzhan gyi mi thub pa chen po thams cad kyang mtshan mo dang nyin mor bcas par skad cig so sor spyod pa thams cad dang lam rnams su yang srung ba dang sgrib pa dang sbed par byed do//tshangs pa dang dbang po dang nye dbang dang drag po dang sred med kyi bu dang kun 'gyed gzhon nu dang dbang phyug chen po dang smin drug gi bu dang nag po chen po dang dga' byed dbang phyug dang gshin rje dang chu lha dang lus ngan dang 'phrog ma dang phyogs bcu'i 'jig rten skyong ba gang yin pa de dag thams cad kyang rtag par rgyun tu mtshan mo dang nyin mor bcas pa 'gro ba dang gnas pa dang nyal ba dang 'dug pa dang gnyid log pa dang ginyid sad pa dang mnyam par gzhag pa dang mnyam par ma
- 16a
gzhag pa dang gcig pur gnas pa dang skye bo mang po'i nang du song ba dang ji srid grong dang grong khyer dang grong rdal dang ljongs dang yul 'khor drang rgyal po'i pho brang na gnas pa dang dbang po'i phur pa drang sgo khang dang lam srang dang bzhi mdo dang sum mdo dang grong khyer gyi bar dang tshong khong gi nang du gnas pa dang ji srid khang stong dang ri dang dgon pa dang chu klung dang dung khrod dang nags tshong tshing ba yin pa dang 'bags pa dang mi 'jigs pa deng myos po dang /rab tu myos par rtag tu khams cad kyi rnam pa thams cad du mchog tu sbyid ba dang skye'i pang srid pa byed par 'gyur ro//rkyen mo dang mtshan mo mchog tu bde legs su byed por 'gyur//gzhan yong gang lha dang klu dang gnod sgyid dri za dang lha ma yin dang na mkha'i lding dang mi'am dang lto 'phye chen po dang mi dang mi ma yin pa rnams dang gzhan yang gang dag gza' dang rgyu skar dang ma mo dang tshogs kyi bdag po rnams dong gang yang ma mo bdun po rnams dang gang yang gnod sbyin mdang srin mo dang shaza mo rnams te de rnams thams cad lhan cig 'thun par sde dang bcas pa 'khor dang bcas pa rnams kyis spyod lam dang lam rnams su yang mchog tu snang ba dang ba dang /sba ba byed par 'gyur ro//gzhan yang de'i lus la mdangs dang steng sa rab tu 'jug par byed do//nad med pa dang stobs dang tshe 'phel ba yang nye bar sgrub par byed//'drin mo//
- 16b
'khor lo bzhi pa'i rjes su bsngags pa bcu dgu pa'o///gzhan yang lag na rdo rdo rdo rje 'chang mtshan yang dag par brjod pa gtsug gi nor bu zhes bya ba 'di nyims sa ma nyams pa// yang dag par blangs te mgrin par gnas pa lan gsum du kha ton du byed pa dang glegs bam du chud pa klog par byed pa dang rab tu 'dron par byed pa dang bcom ldan 'das 'jam dpal ye shes sems// dpa'i gzugs la dmigs te de'i gzugs kyis rjes su sems par byed pa dang /yang de'i gzugs kyi rje su bsam gtan byed pa de nyid sprul pa'i sku yis yun mi ring ba nyid las gdul bya'i dbang nye bar gzung nas mthong bar 'gyuraro//sangs rgyas dang byang chub sems dpa' thams cad sna tshogs pa'i sprul pa'i gzugs kyi sku dang lhan cig gnas pa na mkha'i mthil na bzhugs pa rnams kyang mthong bar 'gyuraro//sems dpa' chen po de'i skye ba ji ltar gyur kyang ngan 'gro dang ngan sing du ltung ba'i 'jigs pa 'byung bar mi 'gyur ro//rigs ngan du skye bar mi 'gyur ro//yul mtha' 'khob kyi skye bor skye bar mi 'gyur ro//dbang po dman par mi 'gyuraro//dbang po ma tshang bar mi 'gyuraro//log par lta ba'i rigs su skye bar mi 'gyuraro//sangs rgyas mi bzhugs pa'i sangs rgyas kyi zhing rnamasu skye bar mi 'gyuraro//sangs rgyas 'byung ba dang des bstan pa'i chos spong ba dang lkog tu gyur par mi 'gyur ro//lha tshe ring po rnams su skye bar mi 'gyuraro//mu ge dang nad dang
- 17a
mtshan gyi bskal pa rnams la skye bar mi 'gyur//snyig ma lnga'i dus rnams la skye bar mi 'gyur ro//rgyal po dang chom rkun dang dgra'i 'jigs pa 'byung bar mi 'gyur// rgud pa dang dbul ba'i 'jigs pa thams cad 'byung bar mi 'gyuraro//mi bsngags pa dang skur pa 'dongs pa dang smod pa dang mi snyan pa dang grags pa ngan pa'i 'jigs pa 'byung bar mi 'gyuraro// skye ba bzang po dang rigs dang rus phun sum tshogs pa 'byung bar 'gyur//kun nas mdzes par gyur pa dang gzugs dang kha dog yang dag par ldan par 'gyuraro//'jig rten pa rnams kyi rdzog pa dang yid la 'bab pa dang 'grogs na mchog tu bde ba dang mthong na dga' bar 'gyur ro//'jig rten pa rnams kyi mdzes pa dang skal ba bzang po dang ldan pa dang tshig gzung bar bya/ bar 'gyur ro//gang dang gang du skye bar 'gyur ba de dang der skye ba dran par 'gyur ro//longs spyod che ba dang 'khor mang ba dang longs spyod mi zad pa dang 'khor mi zad par 'gyur//soms can thams cad kyi mchog tu gyur po'i smon lam dang ye shes dang yang dag por ldan par 'gyur ro//rang bzhin gyis kyang pha rol tu phyin pa drug gi yon tan dang yang dgu par ldan pa 'gyuraro//tshangs pa'i gnas bzhi la gnas par 'gyur ro//dran pa dang shes bzhin dang thabs dang stobs dang smon lam dang ye shes dang yang dag par ldan par 'gyur//brtan
- 17b
bcos thams cad la 'jigs pa med pa dang sgra mkhas par yang 'gyur//tshig gsal ba dang blun po ma yin pa dang blo gsal bar 'gyur//mkhas pa dang le lo med pa dang chog shes pa dang don che ba dang sred pa med par 'gyur ro//sems can thams cad kyi mchog tu yid brtan par bya slob dpon dang bla ma bkur bar bya bar 'gyuraro//de'i sngon ma thos pa'i bzo dang rtsis dang shes pa dang bstan bcos thams cad kyang don dang gzhung las rab tu gsal ba yang dag par rtogs par 'gyuraro//shin tu yongs su dag po'i tshul khrims dang 'tshe ba dang kun tu spyod pa spyod pa dang ldan par 'gyur//legs par rab tu 'byung ba dang legs par bsnyen par rdzogs par 'gyur//thams cad mkhyen pa nyid byang chub kyi sems rab tu brjed pa med par 'gyuraro//nyon thos dang dgra bcom pa dang rang sangs rgyas kyi nges pa dang bgrod pa la gnas par nam yang mi 'gyur ro//'di ni 'khor lo lnga pa'i rjes su bsngags pa lnga bcu rtsa gcig go///lag na rdo rje rdo rje 'chad de ltar ston dpag tu med pa dang yang dag par ldan par 'gyur ro//rnam pa de lta bu'i yon tan dpag tu med pa gzhan rnams dang yang dag par ldan par 'gyur ro//lag na rdo rje rdo rje 'chang ngan dam pa'i mtshan yang dag par brjod pa 'di yang dag par 'dzin pa'i skyes bu gang zag ni ring po mi thogs par bsod nams dang ye shes kyi tshogs legs par bsags te shin tu myur bar
- 18a
sangs rgyas kyi yon tan rnams yang dag par bsgrubs nas bla na med pa yang dgu par rdzogs pa'i byang chub mngon par rdzogs par 'tshang rgya bar 'gyuraro//bsgral pa mang / por yongs su mya ngan las mi 'da' ba'i chos kyis sems can thams cad kyi bla na med pa'i chos ston pa po dang phyogs bcur chos kyi rnga bo che lhag par gnas pa'i chos kyi rgyal por 'gyur/ ro//'di ni 'khor lo drug pa'i bsngags pa dpag tu med pa'o////oM sarba d+har+m+ma b+hA ba sto b+hA ba bi shud+d+ha badz+ra tsAk+ShuHa IHaM AHpra kr-i ti/pa ri shud+d+haHsarba d+harma ya du ta/sarba ta thA ga ta/dz+nyA na kA ya/many+dzu shrI/pa ri shud+d+hi tA/mu pa dA ye ta/a A/sarba ta thA ga ta hr-i da ya/ha ra ha ra/oM hUM hrIHb+ha ga ban/dz+nyA na murti/wA gI shI/ ra/ma hA bA tsa/sarba d+har+m+ma ga ge nA ma la suM bai ri shud+d+ha/d+harmA d+hA tu dz+nyA na gan+d+ha aH//de nas dpal ldan rdo rje 'tshong //dga' zhing mgu nas thal mo sbyar// mgon po bcom ldan de bzhin gshegs//rdzogs sangs rgyas la phyog 'tshal nas//rnam mang mgon po gzhan rnams deng //gsang dbang lag na rdo rje de//khro bo'i rgyal po bcas rnams kyis//gsang bstod nas ni tshig 'di gsol//mgon po bdag cag rjes yi rang //legs so leg so legs par gsungs//bdag cag yang dag rdzogs pa yi//
- 18b
byang chub thob pa'i don chen mdzad//'gro ba mgon med rnams dang ni//rnam grol 'bras bu 'tshal ba yi//rnam dag logs pa'i lam 'di ni//sgyu 'phrul dra ba'i tshul bstan pa//zab cing / yangs la rgya che ba//don chen 'gro ba'i don byed pa//sangs rgyas rnams kyi yul 'di ni//rdzogs pa'i sangs rgyas kun gyis bshad///rnal 'byor chen po'i rgyud sgyu 'phrul dra ba stong phrag bcu drug pa'i ting nge 'dzin dra ba'i le'u las byung ba/'jam dpal ye shes sems dpa'i don dam pa'i mtshan yang dag par brjod pa bcom ldan 'das de bzhin gshegs pa shAkya thub pas gsungs pa rdzogs so////thun mongs dang thun mongs ma yin pa'i gsung rab thams cad la dbang 'byor pa'i bdag nyid chen po bla ma dam pa chos kyi rgyal po'i bka' drin gyis nye bar bskyangs pa sgra bsgyur gyi lo ts+tsha ba blo gros brtan pas/bsam gtan gling gi dben gnas su bsgyur zhing dag par byas pa'o//sngon gyi sgra bsgyur chen po de dag gis/ rgyud 'di bsgyur zhing kun la grags legs mod//'on kyang sgra don gtsug lag ji bzhin du//rgyud 'di blo brtan gnyis pas legs par bsgyur////rgya gar skad du/ She ko tad shi/bod skad du/dbang mdor bstan pa/dpal rdo rje sems dpa' la phyag 'tshalo//zla ba bzang pos gsol pa/ston pa dbang bskur rnam bdun dang //rnam
Colophon
rnal 'byor chen po'i rgyud sgyu 'phrul dra ba stong phrag bcu drug pa'i ting nge 'dzin dra ba'i le'u las byung ba/ 'jam dpal ye shes sems dpa'i don dam pa'i mtshan yang dag par brjod pa/ bcom ldan 'das de bzhin gshegs pa shAkya thub pas gsungs pa rdzogs so/ /thun mong dang thun mong ma yin pa'i gsung rab thams cad la dbang 'byor ba'i bdag nyid chen po bla ma dam pa chos kyi rgyal po'i bka' drin gyis nye bar bskyangs pa sgra bsgyur kyi lo ts+tsha ba blo gros brtan pas/ bsam gtan gling gis dben gnas su bsgyur zhing dag par byas pa'o/ /sngon gyi sgra bsgyur chen po de dag gis/ /rgyud 'di bsgyur zhing kun la grags lags mod/ /'on kyang sgra don gtsug lag ji bzhin du//rgyud 'di blo brtan gnyis pas legs par bsgyur//