'phags pa 'du shes bcu gcig bstan pa'i mdo
Ekadaśasaṃjñanirdeśasūtra
Text
ff. 341b–342a · 2 folio sides
- 341b
sems kun nas ldang ba med par de bzhin gshegs pa'i mtshan yongs su brjod pa'i chos kyi rnam grangs 'di/ yid la byed pa bzhin du/ slad kyis kyang bdag gis bcom ldan 'das kyi/ zhal mthong bar gyur cig ces tshigs du smras nas/ sum bcu rtsa gsum pa'i lha rnams dang / lhan cig tu bcom ldan 'das kyi zad nas song ngo // bcom ldan 'das kyis de skad ces bka' stsal nas/ li tsa bye'i bu rtsal rab dang / lha rnams kyi dbang po brgya byin dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// / 'phags pa bkra shis brgyad pa zhes bya ba theg pa chen po'i mdo// // rdzogs so// rgya gar gyi mkhan po// su ren dra bo de dang / zhu chen gyi lo tsA ba ban de ye shes sdes zhus te gtan la phab rgya gar skad du/ e kad sha saM dzA nir de sha sU tra/ bod skad du/ 'phags pa 'du shes bcu gcig bstan pa'i mdo/ dkon mchog gsum la phyag 'tshal lo// 'di skad bdag gis thos pa dus gcig na/ bcom ldan 'das rtsa mchog gi grong khyer na gyad kyi nye 'khor shing sA la zung gi drung na bzhugs te/ yongs su mya ngan las 'da' ba'i dus kyi tshe na/ de nas bcom ldan 'das kyis dge slong rnams
- 342a
la bka' stsal pa/ dge slong dag nam 'chi bar nges pa'i dus kyi me/ dge slong dag gis 'du shes bcu gcig mngon du bya'o// bcu gcig gang zhe na/ tshe 'di la ma chags pa'i 'du shes dang / sems can thams cad la byams pa'i 'du shes dang / 'khon du 'dzin pa thams cad yongs su 'dor ba'i 'du shes dang / 'chal pa'i tshul khrims thams cad yang dag pa bshags pa'i 'du shes dang / tshul khrims thams cad la yang dag par blang ba'i 'du shes dang / nyes byas chen po dag la yang ba spang ba'i 'du shes dang / dge ba'i rtsa ba chu du la yang chen po'i 'du shes dang / 'jig rten pha rol dag la 'jigs pa med pa'i 'du shes dang / 'du byed thams cad la mi rtag pa'i 'du shes dang / chos thams cad la bdag med pa'i 'du shes dang / mya ngan las 'das pa la zhi ba'i 'du shes mang du bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// 'phags pa 'du shes bcu gcig bstan pa'i mdo// bcom ldan 'das kyis zhal chems/ rdzogs so// rgya gar skad du/ d+hu mra pa naMs mu kha na ma sU tra/ bod skad du/ mun gyi nags
Colophon
'phags pa 'du shes bcu gcig bstan pa'i mdo/ bcom ldan 'das kyis zhal chems/ rdzogs so/