N949MW22704_0949rgyud 'grelAll versions of this work

dpal rdo rje mkha' 'gro'i bstod pa rgyun chags zhes bya ba

Śrībajraḍākasyastapadaṇḍakanāma

Text

ff. 262b–264b · 5 folio sides

  1. 262b

    rin chen gtso mo gser 'od 'bar ba gzugs can ma/ /zhal gcig phyag bzhi spyan gsum skra grol mche bzhi gtsigs/ /thod pa kha TwAM gri gug cang te'u phyag na bsnams/ /'khor lo snyan cha mgur chu phyag gdub mchod phyir thogs/ /phyag rgya lngas brgyan lang tsho gzhon pa sgeg pa'i sku/ /gcer mo g.yon brkyang srog song zla ba'i gdan la bzhugs/ /chos dbyings las bzhengs 'khor ba sgrol ba'i khro mo'i rgyal/ /ma me nam mkha' khyab 'gro 'gro ba'i nga rgyal 'joms/ /rdzu 'phrul sna tshogs sems can don la khyab par 'jug /ye shes chen mo rnal 'byor skal ldan 'char ba mo/ /bdud dang mu stegs mi mthun phyogs rnams rdul du rlog /lam log 'gro ba bde la thabs kyis sbyor mdzad cing/ /dngos grub kun ster lha mo khyod la phyag 'tshal bstod/ /de ltar bdag gis rab dad pas/ /dngos grub chen po 'byung ba'i rgyu/ /dkyil 'khor lha la gus bstod pas/ /dung dang kun da ltar dkar ba'i/ /dge des 'gro kun rdo rje 'dzin thob shog/ //dkyil 'khor gyi lha la bstod pa rin po che sgyu 'phrul sbyin pa zhes bya ba/ slob dpon rdo rje dril bu pas mdzad pa rdzogs so// //mahA paN+Di ta su ma ti kIrti dang/ bod kyi lots+tsha ba mar pa chos kyi dbang phyug gis bsgyur cing zhus te gtan la phab pa'o// (//dpal rdo rje mkha' 'gro'i bstod pa bzhugs so// //) rgya gar skad du/ sh+rI badzra DA ka sya sta pa daN+Da ka nA ma/ bod skad du/ dpal rdo rje mkha' 'gro'i bstod pa rgyun chags zhes bya ba/ dpal 'khor lo sdom pa la phyag 'tshal lo/ /utpal mdog sngon char sprin phreng ba dri med nam mkha' sngon po'i sku mdog rlung chen me chu sa yi dkyil 'khor steng du gnas pa'i gser gyi ri bo'i steng na pad+ma rgyas pa'i gdan gnas dbang phyug mnan cing dkar mo'i nu ma gnyis po mnyam brdzis zil gyis dbang po nye dbang nyi ma zla ba la sogs lha rnams gdangs? mdzad lha min du ma skrag

  2. 263a

    par mdzad cing 'jig rten srung mdzad dogs pa kun 'phrog stag lpags na bza' dka' mdzad ngan bsgral brtan zhing zab pa'i yi ge hUM dang pheM gyi rnam pa hA hA nga ros nam mkha' kun gar sna tshogs rdo rje zla phyed kyis mtshan gtsug tor dam pa gti mug mun bcom legs par sgrol ba dung chen phreng ba 'bar ba'i rdo rje sgrar bcas dril bu rab gsil dam pa'i phyag zung nye bar 'khyud pa gnyis med ye shes chags pa'i yan lag rang bzhin btsun mo'i grogs dang ldan pa phyag gnyis glang chen myos pa chen po'i pags pa'i na bza' bsnams pas brel zhing rnam par 'phro ba'i dgra sta mdud rno gri gug 'bar ba'i rdo rje kha TwAM ga dang zhags pa 'phro ba changs pa'i mgo dang cang te'u dang ni thod pa 'phro ba'i phyag rnam/ kyis mdzes sha dang tshil bu chen po gsol ba bsam gtan ldan pa cod pan ldan pa ye shes ldan pa blo nor ldan pa bcu drug phyed phyed zhal dang ldan pa spyan gsum dag par mdzad pa mgo bo'i phreng bas brgyan pa 'jigs su rung ba drag po mi bzang 'khor ba'i dgon pa yang dag sgrol ba bdud rnams 'joms pa rdo rje sems dpa' la phyag 'tshal /de yi rjes su phyogs kyi pad+ma'i 'dab ma bzhir bzhugs mkha' 'gro chen mo lA ma dum skyes gzugs can ma ni yid 'phrog byed ma rnams dang ldan zhing mtshams su kun gnas thod pas bskor cing de nas sku gsung thugs kyi 'khor lor bzhugs shing sa 'og sa steng mtho ris spyong pa de nyid gsum las 'phros pa'i dpa' bo dpa' mo'i dbang phyug 'khor lo dam pa'i 'khor lo can ni phyogs dang phyogs ? dag na gnas pa'i khwa gdong la sogs lha mo brgyad kyis mngon par mchod cing rang gi lha mos mnyam par sbyor pa'i sgeg pa dang ldan bdud kyi sde rnams sdangs par mjad pa rnam par 'phro ba sems can la ni yang dag chags can

  3. 263b

    sdang la rnam sdang khro la kun khro nyon mongs rnams 'joms 'chi bdag bdud sogs khrag dron btung bas tshim pa'i thugs bde 'jig rten gsum na mdzad pa gcig bzhugs sangs rgyas mdzad brtson rdo rje lha mo'i bde ba reg pa las skyes pa spu langs pa'i tshogs kyis khyab pa'i sku can spyan gyi rdzi ma g.yo zhing mgur gyi sbubs nas srid kyi sgrar bcas bzhad cing yid 'ong phyag gi zhags pas mgul 'khyud na ma gnyis rgyas mkhrad rten las byung rdul gyi thogs pa'i tshogs kyis mchod cing nyi ma bye ba'i 'od kyi snang bas phyogs kyi dkyil 'khor sna tshogs khyab cing mdza' yas khyab cing snyan chas brgyan pa zla ba gzhon nu phyed pa'i mche ba'i myu gu lham me dpal mdzad blo mdzad tshim pa ster zhing rgyas pa ster ba rgyal srid ster zhing dngos grub ster ba phun sum tshogs pa thams cad rab ster 'dren pa rdo rje mkha' 'gro la ni rtag tu 'dud/ /dpe med thugs rje'i nyams kyis 'jug pa de bzhin gshegs pa'i bkod pa ma lus rnam par 'phro bas 'khor ba'i rgya mtsho mi bzad nang song nyon mongs rba rlabs 'phro ba'i phreng ba rnam par 'joms mdzad me 'bar stod pas lhag pa'i 'od 'bar glog 'phro'o 'od gsal ye shes phung po'i 'od zer khyab par yang dag bstan cing mdza' yas dngos po'i rang bzhin dngos bral dngos dang dngos med ngo bo yang dag las byung ngo bo khams gsum rang bzhin gzugs bzang gzugs bral ma lus gzugs bcom tshangs pa'i gnas bzhis nges par gnas pa mtshan gyis brgyan pa dpe byad rnams kyis legs par spras pa chos dang longs spyod rdzogs pa sprul pa'i sku gsum po yis khyab pa'i sems can don gyi 'phrin las de nyid gsum pa tshags la chags chan ma rungs pa la zhe sdang chen po rmongs la rmongs chen 'dod la 'dod chen brtse ba stong nyid tha dad med pa sngon dang phyi ma'i mdza' ni spangs shing 'jig rten gsum

  4. 264a

    po skad cig gis khyab rnam par shes par mngon du gyur pa dga' ba chen po'i tshogs kyi mchog mdzes sbyin dang tshul khrims la sogs yongs dag phyi nang mun pa mi bzad brgral zhing 'gro ba'i mdzad pa byed pa 'phrog byed 'khor ba'i 'jigs pa yang dag sgrol mdzad nyon mongs nyon mongs kun 'phrog gzugs dang ldan zhing gzugs kun sdud mdzad gdug pa kun nas skrag par mdzad cing phra mo'i sku can spom po'i lus chen khyab bdag khyab pa rtag pa skad cig gnas pa brtan pa g.yo? ba? gsal ba dpa' bo dpa' mo'i dbang phyug 'jig rten dbang phyug la ni dngos po kun gyis 'dud/ /ro brgyas spras shing rmad byung 'jigs rung du ma'i gzugs can ro bsregs ma dregs mi go rab gtum dus pa dum bu'i tshogs dang skra sogs kyis brgyan bsreg bzhin pa yi yan lag mchog gis klad pa lug cing rkar mar zhag 'thor 'dam ni 'dred pa skra chad pa dang rgyu ma'i phreng ba lang lor nar ba mkha' 'gro ma dang 'byung po ro langs ha ha'i nga ro mthon por sgrogs shing sgrub pa po ni dum hUM yig gis bsdigs rgyu zhing ce spyang phaT kyi rnam pa'i ku co 'don cing lag bteg gar byed keng rus phreng ba 'khrigs pa dpa' bo'i btung ba'i spro ba las byung dga' ba dang bcas glu snyan len cing gar byed g.yo zhing rol pa rnal 'byor rnal 'byor ma yi dbang phyug tshogs pa bya rgod mchu yis bsnun cing bcad pa'i lus kyi khrag gi rgyun 'dzag mun nag can ni lce sbyang gdong las byung ba'i bar ba drag po me 'bar tshogs can bdud sde'i tshogs med nag pa dus chen 'khrigs pa'i lha rdzas dur khrod brgyad du gar mdzad bla ma he ru ka la bdag gis ngag rnams kyis ni mngon mchod bsod nams nam mkha' i khams kyi khongs khyab rab skyes 'di yis skye ba 'di rnams nyon mongs dra ba ma

  5. 264b

    lus spangs nas mnyam med bsod nams phung po bsags las rab skyes dri med ye shes tshogs ni mngon gyur rang rig yang dag gsal ba dam pa'i 'od kyis gsal byas sna tshogs du ma'i gti mug mun nag mdza' yas kun nas bsal ba'i skad cig la ni rdo rje mkha' 'gro rdzogs pa'i sangs rgyas kun gyi sku bzhin kun nas rtag tu gyur/ /dpal rdo rje mkha' 'gro'i bstod pa rgyun chags zhes bya ba rtog ge pa'i tshogs kyi gtsug gi nor bu slob dpon chen po dpal ldan chos kyi grags pa'i zhabs kyis mdzad pa rdzogs so// //rgya gar gyi mkhan po mA Ni ka sh+rI dz+nyA na'i zhal snga nas chag lo tsa ba shAkya'i dge slong dpal gyi mdza' can gyis bsgyur cing zhus te gtan la phab pa// 'di'i gzhung tshad ni bla ma'i phyag dpe la tshig rkang pa bzhi'i re re zhing yi ge sum cu rtsa drug tu gnas shing rkang pa bzhi ka bsdoms pas yi ge stong sum brgya bzhi bcu rtsa bzhi bzhugs so// bod kyi dpe la ni tshig rkang re re la tshegs bar nyi sa brgya dgu bcu rtsa lnga yod cing/ bsdom pas tshegs par stong brgya brgyad cu yod do// // */ (/dpal 'khor lo bde mchog gi sgrub thabs rin po che gtsug gi nor bu grub chen la babs mdzad pa bzhugs//) // */ /rgya gar skad du/ b+ha ga bA na sh+rI tsakra saM par sya sAd+ha ni ratna tsU Da ma Ni nA ma/ bod skad du/ bcom ldan 'das dpal 'khor lo bde mchog gi sgrub thabs rin po che gtsug gi nor bu zhes bya ba/ bcom ldan 'das dpal rdo rje mkha' 'gro la phyag 'tshal lo/ /yi dags gdan la gar gyis bzhugs shing zhal bzhi bai DUrya pad gser margad spyan gsum byu ru bcag 'dra'i zhal gcig phyag gnyis thod khrag cang te'u bsnams pa'i rdo rje rnal 'byor ma/ zhabs gnyis mnyam 'khril zhal sbyar sku la rtsa ba'i phyag gnyis dril

Colophon

dpal rdo rje mkha' 'gro'i bstod pa rgyun chags zhes bya ba rtogs ge pa'i tshogs kyi gtsug gi nor bu slob dpon chen po dpal ldan chos kyi grags pa'i zhabs kyis mdzad pa rdzogs so/_/rgya gar gyi mkhan po mA Ne ka shrI dz+nyA na'i zhal snga nas chag lo tsA ba shAkyi dge slong dpal gyi mtha' can gyis bsgyur cing zhus te gtan la phab pa/_/'di'i gzhung tshad ni bla ma'i phyag dpe la tshig rkang pa bzhi'i re re zhing yig ge sum cu tsa drug tu gnas shing rkang pa bzhi ka bsdoms pas yi ge stong sum brgya bzhi bcu bzhi bzhugs so/_/bod kyi dpe lan ni tshig rkang re re la tshigs bar nyis brgya dgu bcu tsa lnga yod cing //bsdoms pas tshogs bar stong brgya brgyad cu yod do/