rnam par 'thag pa thams cad bsdud pa
Text
ff. 282b–301a · 38 folio sides
- 282b
ldan 'das kyis gsungs pa la mngon par bstod do//'phags pa srid pa 'pho ba zhes bya ba theg pa chen po'i mdo rdzogs so////rgya gar gyi mkhan po dzi na mi tA dang /dA na shrI la dang /zhus chen gyi lo tsA ba ban+de ye shes sdes bsgyur cing zhus te/skad gsar tshad kyis kyang bcos nas gtan la phab pa///rgyu gar skad du/Ar+ya sarba bi da l+yA saM mo gra ta nA ma ma hA yA na sU tA/bede skad du/'phags pa rnam par 'thag pa thams cad bsdus pa zhes bya ba theg pa chen po'i mdo//sangs rgyas dang /byang chub sems dpa' thams cad la phyag 'tshalo//'di skad bdag gis thos pa dus gcig na/bcom ldan 'das rgyal po'i khab na bya rgod kyi phung po'i ri la dge slong drug khri nyis stong gi/dge slong gi dge 'dun chen po dang /byang chub sems dpa' bye ba phrag brgyad cu dang /lce drug khri dang /dge bsnyen stong phrag mang po dang thabs cig tu bzhugs te/ de'i tshe bcom ldan 'das yongasu mya ngan las 'da' ba'i dus la bau bA ste/'di ni bcom ldan 'das rgyal po'i khab na dbyar gnas shing bzhugs pa'i tha ma yin//de nas bcom ldan 'das kyis tingange 'dzin rnam pa ji lta bus stong gsum gyi stong chen po'i 'jig rten gyi khams 'di dar gyi lnga ldi bres pas brgyan pa dang /pog por gyis
- 283a
brgyan cing gdug pas bdugs pa dang /me tog sil mas tshal par gang ba dang /pad+ma 'dab ma stong phrag brgya bas khebs par gyur pa de lta bu'i tingange 'dzin la snyoms par zhugaso//stong gsum gyi stong chen po'i 'jig rten gyi khams 'di na tshangs pa bye ba phrag stong ji snyed yod pa'i tshangs pa de dag re re zhing yang g.yog 'khor bye ba phrag stong dang /bcom ldan 'das ga la ba der dong nas phyin pa dang /bcom ldan 'das kyi zhabs la mgo bos phyag btsal te thal mo sbyar nas/bcom ldan 'das la phyag 'tshal zhing phyogs gcig tu 'khod par gyur to//stong gsum gyi stong chen po'i 'jig rten gyi khams 'di na gnas gtsang ma'i ros kyi lha'i bu rnams dang /lha'i bu dbang phyug rnams dang /dbang phyug chen po rnams dang /lha'i dbang po rnams dang /klu'i dbang po rnams dang /gnod sbyin gyi dbang po rnams dang /lha ma yin gyi dbang po rnams dang /nam mkha' lding gi dbang po rnams dang /mi 'am ci'i dbang po rnams dang /lto 'phye chen po'i dbang po rnams ji snyed pa de dag thams cad g.yog 'khor bye ba brgya stong phrag du ma dang /bcom ldan 'das ga la ba der dong ste phyin pa dang /bcom ldan 'das kyi zhabs la mgo bos phyag ha tsal te/thal mo sbyar nas
- 283b
bcom ldan 'das la phyag 'tshal zhing phyogs gcig tu 'khod par gyur to//phyogs bcu'i 'jig rten gyi khams gang+gA'i klung gi bye ma snyed dag na byang chub sems dpa' sems dpa' chen/ po dbang che ba/dbang tsho bar grags po ji snyed pa de dag kyang /bcom ldan 'das ga la ba der dong ste phyin nas/bcom ldan 'das kyi zhabs la mgo bos phyag btsal te/thal mo sbyar nas bcom ldan 'das la phyag 'tshal zhing phyogs gcig tu 'khod par gyur to//de'i tshe stong gsum gyi stong chen po'i 'jig rten gyi khams 'di srid po'i rtse mo man chad/lha dang klu dang /gnod sbyin dang /dri zo dang lha ma yin dang na mkha' lding dang mi 'am ci dang /lto 'phye chen po dbang che ba/dbang che bar grags pa dag gis gang bar ma gyur pa ni tha na 'khar ba'i rtse mo gzugs pa'i phyogs tsam yang med do//de nas bcom ldan 'das dgongs shing mkhyen bzhin du ting 'dzin de las bzhengs te/bzhengs nas kyang 'khor la ldan gsum gzig so// 'khor la gzigs nas kyang seng ge'i bsgyings pa chen po lan gsum mdzad do//bsgyings nas kyang ljags kyi dbang po lan gsum phyung ngo //ljags kyi dbang po lan gsum phyung nas kyang stong gsum gyi stong chen po'i 'jig rten gyi khams ljags kyi dbang pos lan gsum khyab par mdzad//stong gsum gyi stong chen po'i 'jig rten gyi khams
- 284a
ljags kyi dbang pos lan gsum khyab par mdzad cing rdzu 'phrul mngon pa'ang bya ba des khyab par mdzad nas yang rnam par gzig so//de nas thams cad dang ldan pa'i 'khor de stan las langs te thal mo sbyar nas bcom ldan 'das nyid la phyag 'tshal zhing 'khod par gyur to//de nas bcom ldan 'das kyis byang chub sems dpa' sems dpa' chen po byams pa la bka' stsal pa/mi pham pa de bzhin gshegs pa ring po mi thogs por yong su mya ngan las 'da' bar 'gyur gyis 'dri ni khyed de bzhin gshegs pa la yongasu dri ba'i dus yin//'di ni tshod yino//khyed gang su dag chos la the tshom yod pa de dag de bzhin gshegs pa la yongasu ma zhus na de bzhin gshegs pa mngon sum du bzhugs pa'i tshe bdag cag gis ma zhus pa ga la srid ces phyis 'gyod par gyur ta raM/de skad ces bka' stsal pa dang /byang chub sems dpa' sems dpa' chen po byams pas/bcom ldan 'das la 'di skad ces gsol to//bcom ldan 'das nyid mkhas pa/bcom ldan 'das nyid dus mkhyen pa// tshod mkhyen pa ran pa mkhyen pa/bcom ldan 'das nyid thams cad mkhyen cing thams cad gzigs pa ste/chos thams cad rtogs par thugasu chud pa lags na/bcom
- 284b
ldan 'das kyis chos bstun pa rnam pa ji lta bus yang dag par rdzogs dra'i sangs rgyas thams cad kyi chos kyi tshul 'di yun ring du gnas par 'gyur ba de lta bur chos legs par bstan du gsol/de nas lha'i bu dbang phyug chen po gnas gtsang ma'i ris kyi lha'i bu bye ba phrag brgyad cu'i g.yog 'khor dang ldan pas bcom ldan 'das kyi zhabs la mgo bos phyog btsal te thal me sbyar nas/bcom ldan 'das la 'di skad ces gsol to//bcom ldan 'das rnam par 'thag pa thams cad bsdus pa zhes bgyi ba'i chos kyi rnam grangs 'di sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis sngon gsungs na de skye bo mang po la sman pa dang /skye bo mang po la bde ba dang / de bzhin gshegs pa'i bstan pa 'di 'ang yun ring du gnas par 'gyur ba'i slad du bcom ldan 'das kyis kyang bstan du gsol zhes gsol nas/bcom ldan 'das kyis lha'i bu dbang phyug chen po la cang mi gsungs pas gnang bar mdzad do//de nas lha'i bu dbang phyug chen pos bcom ldan 'das kyis cang mi gsungs pas gnang bar rig nas phyogs gcig tu 'dug go/de nas bcom ldan 'das kyis byang chub sems dpa' sems dpa' chen po byams pa la bka' stsal pa/mi pham pa 'das pa'i dus kyi de bzhin
- 285a
gshegs bdag thatsam pa yang dag par rdzogs pa'i sangs rgyas gang rnam par 'thag pa thams cad bsdus pa'i mdo'i chos kyi rnam grangs 'di ma gsungs pa dedomi bzhug so//ma 'ongs pa'i dus na de bzhin gshegs pa 'byung ba gang chos kyi rnam grangs 'di gsung bar mi 'gyur ba gang yid mi 'byung ngo //de ci'i phyir zhe na/gang zhig chos 'di la sbyang ba ma byas par chos ston pa de ni de bzhin gshegs pa la skur pa 'debs pa yin/chos spong ba yin/dge 'dun la smod pa yin//dkon mchog gsum la log par zhugs pa de ni ngas ngan song ba sems can dmyal ba par gsung so//byams pa de lta bas na rigs kyi bu 'am rigs kyi bu mo byang chub la yang dag par zhugs pa gang dag bdag la 'khrul pa med par 'dod pa de dag gis chos kyi rnam grangs 'di rtogs par khong du chud par byas la de nas gdod chos bstan par bya'o//byams pa phyi ma'i dus na dam pa'i chos bsdu ba 'dri khyod kyi las yin gyis soms shig/byang chub sems dpa'i sems dpa' chen po byams pas bcom ldan 'das de bzhin no zhes gsol to// bcom ldan 'das kyi ltar nyan to//de nas yang bcom ldan 'das kyis byang chub sems dpa' sems dpa' chen po byams pa le bos te 'di skad ces bka' stsal to//
- 285b
mi pham pa gang gi nub mo de bzhin gshegs pa bla na med pa yang dag par rdzogs pa'i byang chub mngon par rdzogs par sangs rgyas pa dang /byams pa gang gi nub mo de bzhin gshegs pa len pa med par yongasu mya ngan las 'da' bar 'gyur ba'i bar du de bzhin gshegs pa la 'khrul pa'am/ca co'am/bsnyel pa 'am/gsungs gis nyes par gsungs pa'am/nyes par dgongs pa'am/phrin las nyes par mdzad pa ci'ang yod dam/gsol pa bcom ldan 'das de ni ma mchiso//bka' stsal pa/mi pham pa gang gi nub mo de bzhin gshegs pa bla na med pa yang dag par rdzogs pa'i byang chub mngon par rdzogs par sangs rgyas pa dang /gang gi nub mo de bzhin gshegs pa len ba med par yongasu mya ngan las 'dra' bar 'gyur ba de'i bar du de bzhin gshegs pas gang ci gsungs pa de dag thams cad ni yang dag pa/de kho na de bzhin ma nor ba de bzhin te gzhan du ma yin no//'di la mi blun po kha cig de bzhin gshegs pa'i thabs la mkhas pa mi shes shing khong du ma chud par nga'i ldem po dag la 'di skad du 'dri ni rung ngo //'di ni mi rung ngo zhes zer te/de lta bu de dag ni dam pa'i chos spong ba yin/de dag ni de bzhin gshegs pa la skur pa 'debs pa yin te/rgyu des na de dag ni sems
- 286a
can dmyal ba pa zhes nga 'chad do//mi pham pa ma 'ongs pa'i dun phyi ma'i chu phyi ma'i dus lnga brgya pa tha mA la dge slong dang /dge slong ma dang /dge bsnyen dang /dge bsnyen ma byang chub sems dpar khas 'che ba/sngon mu stegs can du gyur pa/smon lam gyi dbang gis de bzhin gshegs pa'i bstan pa legs par gsungs pa'i chos 'dul ba la rab tu byung nas phyogs gcig la spyod pa/gnyen la gdu ba/rnyed pa dang /bkur sti la chags pa/khyim la ser sna byed pa/khyim sun par byed pa/mdog ngan pa/dman pA la mos pa/bka' blo mi badre ba/ma grags pa/rigs dma' ba/yo byad la yongasu chags pa/chos la badri bar gnas pa'i zas thams cad dang bral ba/ting 'dzin gyi zas las shin tu ring zhing rnam par rid ba/sgyu dang g.yo la gnas po dag gzhan du smra zhing gzhan du byed de/de dag mi shes bzhin du deng ni shes pa dang ljon no zhes zer mi mkhas bzhin du dad ni mkhas so zhes zer te/ngas sems can thams cad la sems mnyam pa la gnas nas thugs rje chen po dang thabs la mkhas pas de bzhin gshegs pa'i stobs bsnyel ba mi mnga' ba la gnas te/mos pa la gzung ba'i phyir sems can thams cad
- 286b
labyang chub bstan pa gang yin pA da la/de dag khru cig 'di skad du gang nyan thos rnams la gsungasu pA'i mdo sde de dag la byang chub sems dpa' rnams kyis dAsgrub byar mi bya'o// dedag mnyen par mi bya'o//de ni bdag cig gi chos ma yin te 'don nyan thos dang ldan pa yin gyis de la byeng chub sems dpa' rnams kyis bslab par mi bya'o//gong rang sangs rgyas rnams lo gsungs pa'i mdo sde de dag la byang chub sems dpa' rnams kyis bslab par mi bya'o//de dag mnyen par mi bya'o//de ni bdag caglo gi chos ma yin te/'di ni rang sangs rgyas dang ldan pa yin gyis de lo byang chub sems dpa' rnams kyis bslab par mi bya'o//zhes zer ba dag 'byung bar 'gyuraro//mi pham pa ngas ni lha rnams la chos bstan te ngas mos pa ji lta ba bzhin du btul to//de bzhin du ngas nI klu rnams dang /gnod sbyin rnams dang /lha ma yin rnams dang /na mkha' lding rnams dang /mi 'am tswi rnams dang /lto 'phye chen po rnam sna dang /dri za rnams dang /mi rnams la rjes bstan te ngas mos pa ji lta ba bzhin du btul te//mI pham pa ni sems can rnams kyi don bya ba'i phyir phyogs bcu'i 'jig rten gyi khams gang+gA'i klung gi bye ma snyed du 'gro zhing der yang mos pa ji lta ba bzhin du sems
- 287a
can rnams la chos ston na/de ni byang chub sems dpa' khas 'che la byang chub sems dpa' mu rgod/byang chub sems dpa' la skur ba 'debs pa/brdzun du/ smra ba/thos pa nyung ba de dag nga'i byang chub gnyis kyis rab tu phye ba ma yin pa 'di la gnyisu smre ste/'di la ni byang chub sems dpas bslab par bya/'di la ni byang chub sems dpes bslab par mi bya'o zhes zer te/sems des de bzhin gshegs pa la skur pa 'debs//chos spong ngo /dge 'dun la smod do//de dag lus zhig ste/shi nas sems can dmyal ba rnams skye bar 'gyur te/de dag der bskal pa mang po dang /bskal pa brgya phrag mang po 'das nas thar pa 'thob ste/yang de dag dbul po'i rig su skye bar 'gyur ro// gang gi tshe brgya lom brgya lam na byang chub tu lung bstan pa 'thob par 'gyur na/yang snyigs ma lnga'i dus na lung bstan pa thob par 'gyur te/dper na da ltar nga yun ring po 'gyangs bas dus kyi snyigs ma'i tshe byang chub mngon par rdzogs par sangs rgyas pa lta bu'o//gang dag de dag gi ltar nyan pa 'am/byed pa'am/yid ches par sems pa de dag kyang 'di lta ste/sdig pa'i grogs po la mos pas 'gro ba de lta bu nyid du 'gro bar 'gyuraro//mi pham pa sngon byung ba 'das pa'i dus bskal pa grangs med pas yang ches grangs med pa
- 287b
de'i tshe de'i dus na/de bzhin gshegs pa dgra bcom pa yang dag par rdzogs pa'i sangs rgyas dri ma med pa'i 'od 'phro las byung ba'i grags pa zhes bya ba 'jig rten du byung ste/nges lo khrag khrig phrag brgyad cur sems can rnams la tshes bstan to//de'i gsung rab la dge slong 'tsho ba yongasu dag pa zhes bya ba chos smra ba/gtam sna tshogs smra ba/skye ba mang po po yang dag par ston pa skye bo mang po yang dag po 'dzin du 'jug pa/skye bo mang po la yang dag par gzeng stong pa/skye bo mang po la yang dag par dga' bar byed pa byung nas/de la de bzhin gshegs pa dri ma med pa'i 'od 'phro las byung ba'i grags pa ngos phyi ma'i tshe phyi ma'i dus na dam pa'i chos bsdu bar bcol te/des de bzhin gshegs pa de yongasu mya ngan las 'das pa'i 'og tu lo bye bar dam pa'i chos kyi tshul gzung ste/dri rnam par 'othag pa thams cad bsdus pa'i chos kyi rnam grangs 'di la zhugs nas chos ston te/mos pa ji lta ba de bzhin du sems can rnams la chos bstan to//des grong khyer stong phrag brgyad cu smon lam ji lta ba bzhin du sems can rnams rab tu dga' bar byas nas de grong khyer chen po bzang po zhes bya bar song ste/khyim bye ba phrag brgyad cu la mos pa ji lta ba bzhin du chos bstan nas grong khyer de nas srog chags bye ba phrag brgyad cu rab tu dad par byas//de'i nang nas bye ba
- 288a
phrag gcag ni byang chub la rab tu bkod do//sems can bye ba phrag bdun cu rtsa dgu ni nyan thos kyi theg pa la rab tu bkod de btul to//de nas dge slong 'tsho yongasu dag pa de dge slong khri dang lhan cig tu byang chub kyi snying po ga la ba der yul rgyu zhing song ngo //mi pham pa dge slong 'tshe ba yongasu dag pa song nas ring po ma lon par grong khyer chen po bzang po der dge slong chos zhes bya ba phyin te/des rnam par 'thag pa'i mang stong bzung ngo //bsam gtan bzhi'ang thob par gyur to//dge sbyong 'tsho ba yongasu dag pas ni mdo sde bye ba phrag bcu dang /rnam par 'thag pa'i mdo drug khri bzung bar gyur to//de nas dge slong chos des grong khyer chen po bzang po der tshul gcig gis chos bstan pas skye bo rab tu dga' bar byas kyang de mos pa ji lta ba bzhin du chos bstan pa la mkhas pa ma yin te/de skye bo de dag la chos thams cad ni stong pa'o zhes stong pa nyid kyis 'dems shing stong pa nyid kyis rje su ston te/gang des chos thams cad stong pa'o zhes bstan pa 'di ni de bzhin gshegs pa'i bka' kho na yino//gang 'tsho ba yongasu dag pa des bshad pas de ni skyon chags pa ste/ dge slong de 'tsho ba yongasu dag pa ma yin na ci'i phyir ming 'tsho ba yongs su dag pa zhes bya/de ni 'tsho ba yongasu dag pa ma yin te/de ci'i phyir zhe na/me tog yongasu len cing blangs nas
- 288b
yongasu spyod do//spros dang byug pa yongasu len cing blangs nas yongasu spyod do//de ni shes pa ma yin te byis pa'o//nga ni tshangs par spyad nas yun ring ba yin gyi de ni gsar bu ste/bsnyen par rdzogs nas ring por ma lon pa yin gyis de ltar yid ches par ma byed cig ces zer ro//dge slong de ni bag yod pa yin te/dge slong 'tsho ba yongasu dag pa de la skye bo de dag rab tu dad pas de ltar des skye bo de dag la dbyen byas na dbye bar ma nuso//de nas dge slong chos de 'chi ba'i dus byas par gyur te 'chi ba'i dus byas nas 'di ltar de bzhin gshegs pa la skur pa btab pa dang /'di ltar chos spangs pas bskal pa bdun nur sems can dmyal bar skyeso//de bskal pa bdun cu po de dag 'das nas bskal pa drug cur byang chub kyi sems brjedado//bskal pa drug cu po de dag 'das nas de bzhin gshegs pa kun nas spos rin po che'i 'od kyi gsung rab la de bzhin gshegs pa des byang chub tu sems bskyed du bcug nas des byang chub tu sems bskyed do// tshe rabs dgu khrir dud 'gro'i skye gnasu skyes//tshe rabs drug khrir mi dbul po rnams kyi nang du skyes te thams cad du'ang lce med par gyur to//dge slong 'tshe ba yongasu dag pa de// sangs rgyas khrag khrig phrag lnga'i gan ni chos smra bar gyur te/thams cad du'ang mngon par shes pa lnga dang ldan par gyur to//sangs rgyas bcom ldan 'das de dag gis
- 289a
bod par 'os par gyur to//chos thams cad la yong su dag par chos ston par yang gyur to//mi pham pa de'i tshe de'i dus nu dge slong 'tsho ba yongasu dag pa zhes bya bar gyur pa de gzhan zhig yin pa snyam du khyod sems nu khyod kyis de ltar mi lta ste/de bzhin gshegs pa 'od dpag med ces bya ba de'i tshe de'i dus na dge slong tshes smra ba 'tsho ba yongasu dag pa zhes bya bar gyur to//mi pham pa de'i tshe de'i dus na dge slong chos smra ba zhes bya ba de gzhan ni ka yin pa snyam du khyod sems na khyod kyis dri ltar mi blta ste/nga de'i tshe de'i dus na dge slong chos zhes bya bar gyur te nga nyid las de lta bu'i mi tshul ba byung ngo //mi pham pa chos kyis phongs par 'gyur de'o las kyi sgrib pa ni de ltar shes par dka' ste/las de'i rnam par smin pas nga snyigs ma lnga'i dus na byang chub mngon par rdzogs par sangs rgyaso//mi pham pa byang chub sems dpa' gang dag gnyisu 'byed cing chos ston pa de dag ni las de'i rnam par smin pas dus kyi snyigs ma'i tshe byang chub mngon par rdzogs par 'tshang rgya bar 'gyur te/de dag gis rgyas kyi zhing ngor byang chub par bye ba dang ches bstan pa yi bdud dang bar chang mang po 'byung bar 'gyur//de nas thams cad dang ldan pa'i 'khor nga mchi ma blags
- 289b
dus nas tshig 'di skad ces dang phan cad dge slong chos kyis ji skad smras pa ltar su 'ang chos ston par ma gyur cig ces 'dzer to//de'i tshe byang chub sems dpa' sems dpa' chen 'khor der 'dus pa dag kyang stan las langs te sa la 'khod do//sa la 'khod nas kyang duso//de nas bcom ldan 'das kyis mkhyen bzhin du byang chub sems dpa' de dag la 'di skad ces bka' stsal to//rigs kyi bu dag khyed ci'i phyir sa la 'khod cing ngu/de dag gis gsol pa/bcom ldan 'das bdag cag ni las kyi sgrib pa de dang ldan par bdag cag nyid kyis mthong lagaso//bcom ldan 'das kyis bka' stsal pa/rigs kyi bu dag de bzhin te/de bzhin gshegs pa mar me mdzad yongasu mya ngan las 'das nas/ de'i gsungs rab la shes rab brtsegs zhes bya ba chos smra ba zhig byung ba la khyed kyis smad de//de phyin cad khyed kyis nam yang sangs rgyas ma mthong //nam yang byang chub kyi sems ma rnyed do//gzungs dang ting 'dzin mo rnyed do//rigs kyi bu dag khyed de'i byang chub la yang dag par zhugs kyang bskal pa bzang po 'di la de bzhin gshegs pa gang 'byung ba'i tha ma pa'i tshe khyed mi skye ba'i chos la bzod pa thob par 'gyur//de phyin chad bskal pa grangs med pa gsum gyis bla na med pa yang dag par rdzogs pa'i byang chub
- 290a
mngon par rdzogs par 'chang rgya bar 'gyur/rigs kyi bu dag de bas na byang chub sems dpa' dag gis byang chub sems dpa' mthong na sems kyis gzhan bsam par mi bya ste/bdag cag gis mchod rten nam/de bzhin gshegs pa mthong ngo //bdag cag gis mdun na sangs rgyas bzhugs snyam du bsam mo//rigs kyi bu ngag gal te byang chub sems dpas byang chub sems dpa' mthong na mchod rten gyi 'du shes sam/de bzhin gshegs pa'i 'du shes ba skyed pa mi gtogs par 'du shes gzhan bskyed par mi bya'o//gzhan du gyur na byang chub sems dpas bdag nyid la rma phyung bar 'gyuraro//de la dgongs te de bzhin gshegs pa mo 'khrugs pas thugs dam pazhes pa/ gal te bdag gis sems dang po bskyed pa'i byang chub sems dpa' mthong ste sangs rgyas kyi 'du shes ma bskyed na ngas 'jig rten gyi khams dpag tu med pa rnams na gang dag bsdus pa'i sangs rgyas bcom ldan 'das thams cad la bslus par gyur cig ces bya ba yin//rigs kyi bu dag phyi ma'i che bi ma'i dus lnga brgya tha ma la grangasu dag gzungs ba 'am/ting 'dzin thob par 'gyur ba de dag thams cad ni de bzhin gshegs pa'i mthus thob par 'gyur te/rigs kyi bu dag de lta bas na 'di la su chos smra ba la ma
- 290b
snyan par brjod pa des ni de bzhin gshegs pa spangs par 'gyuraro//rigs kyi bu dag gang su zhig sems can dag ji ltar mes pas mos pa bzhin du de bzhin gshegs pa'i chos ston pa de thams cad ni de bzhin gshegs pa'i mthu yino//'khor gang du byang chub sems dpa'i theg pa dag lan 'ga' zhig spu zing zhes byed dam mchi ma lan 'ga' zhig klog pa de thams cad kyang de bzhin gshegs pa'i mthur shes par bya ba yin no/de la mi blun po byang chub sems dpa' ma yin par byang chub sems dpa' khas 'che ba/byang chub sems dpa' sun 'byin par gyur pa/chos rku ba tshul 'chos pa/tsho ga ngan pa la spyod pa de dag kha cig 'di skad ces 'di lta bu zhig ci shes zhes zer ro//byams pa ngas byang chub kyi phyir spyod pa na bdag nyid kyis gang tshigasu bcad pa nyos pa ni rang gi lus yongasu btang ba dang /chung ma yongasu btang ba dang /bu dang bu mo yongasu btang ba dang /rgyal srid yongasu btang ba'i nyos shing //byams pa legs par bshad pa'i tshig su bcad pa gcig gis phyir dzam+bu'i gling byin te nyos par ngas mngon par dran na/de dag ni rnyed pa dang bkur sti srung zhing sangs rgyas dang 'dra ba'i gan du 'gro bar mi sems//mi pham pa dam pa'i chos kyi tshul 'odadi gzung bar yang 'byor ldan pas nus kyi me ldan pas ni ma yin
- 291a
mi kham pa ngas mngon par rdzogs par sangs rgyas nas/sangs rgyas kyi ye shes kyis chos gang bstan pa du la de dag la 'di skad du de ni lung mnod par/ bya ba ma yino zhes zer te/sems can de dag 'byung ba ma yin pa'i nyes pa chen po ji tsam dang ldan pa la ltos/mi pham pa dge slong chos des rnam par 'thag pa'i mdo stong bstan te/bsam gtan bzhi bskyed kyang de lta bu'i gnas gyur na/gang phyogs tsam mam/che tsam la reg pa/rnam par 'thag pa 'dzin pa'i dge slong rnams la mngon par mi dga' zhing rnam par 'thag pa la skyon 'dogs pa lta ci smos te/de dag ni chos smra ba'i dge slong la skur pa 'debs pa yin/sangs rgyas kyi chos spong ba yin/rlom sems chen pos skur pa 'debs pa yin te sems can dmyal bar skye ba de dag la ni legs par byas pa zhes nga mi smra'o//de ci'i phyir zhe na/gang dag chos smra ba la rnam par smod bde dag ni sangs rgyas lnga rnam par smod pa yin/chos la rnam par spyod pa yin//gang drug chos smra ba li rim gro med pa de dag ni sangs rgyas la rim gro med pa yin// gang dag chos smra ba la mi snyan pa brjod pa de dag ni sangs rgyas mthong bar mi 'dod pa yin/sangs rgyas la mi snyan par brjod pa yin//gang dag sems dang po
- 291b
daskyed pa'i byang chub sems dpa' la khong khro ba'i sems bskyed pa de dag gis ni sangs rgyas yongasu btang ba yin te ji snyed du khong khro ba'i sems bskyed par byed pa de snyed kyi bskul papor semaso n+dan dmyal bar gnas par go cha dgos so//ji tsam du khong khro ba'i mig gis lta ba de srid du long pa'i skye mched thob par 'gyuraro//ji tsam du mi snyan par brjod pabade srid du lce'i skye mched med par thob par 'gyur ro//mi pham pa ji ltar byang chub sems dpa' rnams la gnod pa'i sems bskyed pas byang chub sems dpa' ngan song du 'gro bar log par ltung bar 'gyur ba'i chos de lta bu gzhan ngas ma mthong ngo //mi pham pa sems can gyi 'du shes dang chos kyi 'du shes la gnas pa rnams la ni las mngon par 'du bya ba yod de mi dmigs pa la ni med do//byang chub sems dpa' gang dag chos tha dad du 'byed cing ston pa de dag ni spros pa la gnas pa yin//mi pham pa byang chub sems dpa' rnams kyi pha rol tu phyin pa drug yang dag par bsgrub pa 'di ni byang chub kyi phyir yin na/de la'ang mi blun po de dag 'di skad du shes rab kyi pha rol tu phyin pa kho na la byang chub sems dpas bslab par bya'o zhes zer zhing pha rol tu phyin pa lkog ma rnams la sun 'byin to//mi pham pa 'di ji snyam du sems/ka shri ka'i rgyal po gang yin pas
- 292a
mgo byin par gyur pa de 'chal pa'i shes rab yin nam/gsol pa/bcom ldan 'das de ni mya lag so//bka' stsal pa/mi pham pa ngas pha rol tu phyin pa drug dang ldan pa'i mdo gong dag bstan pa de dag ci byang chub 'thob par 'gyur ba ma yin nam/gsol pa/bcom ldan 'das byang chub thob par 'gyur ba lag so// stsol pa/mi pham pa khyod kyis bskal pa drug cur sbyin pa'i pha rol tu phyin pa la spyad/bskal pa drug nur tshul khrims kyi pha rol tu phyin pa la spyad/bskal pa drug cur bzod pa'i pha rol tu phyin pa la spyad/bskul pa drug cur brtson 'grus kyi pha rol tu phyin pa la spyad/bskal pa drug nur bsam gtan gyi pha rol tu phyin pa la spyad na/du li mi blun dag 'di skad du 'di lta ste/mi dmigs pa'i tshul gcig pus byang chub 'thob bo zhes zer to/de dag ni spyong pa yongasu ma dag pa yin/tshig tsam gyis dga' bar sems shig/ bsgrub pa snying por byed bla ma yin/ngag gis las lhur yin gyi nan tan las ring ba yin te/blag dog can du gyur pa/chags par gnas pa/nye du la gang+gA pa yin no// ma bim pa de'ang mgo byin pas dga' ba tsam du lakhi los sgyur ba'i rgyal srid thob pas ni ma yin na de la mi blun ba zang zing la ser sna byed pa de dag gzhan gyi khyim rnam
- 292b
deng nas 'di skad du byang chub tu ni 'di ltar spyad do//'di ni byang chub sems dpa' spyod pa ste 'di ni tshul lo//gzhan ni tshul ma yin//chos kyi tshul 'di ni chos smra ba phal cher gyis bya/ sheso zhes zer te de dge rnyed pa dang bkur sti'i phyir chos smra bai dag la kun nas maunar sems mang po 'byung ngo //mi pham pa 'tsho ba can gyi ming dag ni bskal pa brgyus kyang mthun pa'i bzod pa thob par nga mi smra na byang chub lta smos kyang ci dgos te mi pham pa g.yo dang ldan pa la byang chub med do//phrag dog can la med do//rim gro med pa la med do//yang dag pa'i shes pa med pa la med do//khyim sun par byed pa la med do//gnyis spyod pa la med do//mi pham pa mi blun po de dag ni nga bas kyang ches mkhas par khas 'che zhing nyan thos kyi chos sam/rang sangs rgyas kyi chos gong yin pa'i chos de ni de bzhin gshegs pas gsungs pa mi yino zhes zero//de nas bcom ldan 'das kyis tshe dang ldan pa rab 'byor la bka' stsal pa/rab 'byor gnyi su med pa spyod pa la shes rab kyi pha rol tu phyin pa yod mod/gsol pa/bcom ldan 'das de lta lagaso//bka' skyel pa/rab 'byor mi gnas pa la byang chub yod mod/gsol pa/bcom ldan 'das de lta log so//bka' stsal pa/rab 'byor spros pa med pa la byang chub yod mod
- 293a
gsol pa bcom ldan 'das de lta lag so//bka' stsal pa/rab 'byor nye du lag tu ba'i phyir ngo tsha med pa de dag gis 'di lta ste dbul por 'gyur ba'i/ las kyi rnam par smin pa ji tsam yongasu gzung bar sems pa la ltos/mi pham pa gzhan yang byang chub sems dpas chos thams cad nyan thos kyi chos so zhes skrag par mi bya'o//chos thams cad rang sangs rgyas kyi chos so zhes skrag par mi bya'o//chos thams cad sangs rgyas kyi chos so zhes skrag par mi bya'o//mngon par zhen par mi bya'o//chos thams cad nyan thos kyi chos ma yino zhes sgrog par mi bya'o//chos thams cad rang sangs rgyas kyi chos ma yin no zhes sgrog par mi bya'o//chos thams cad sangs rgyas kyi chos ma yino zhes skrag par mi bya'o//mngon par zhon par mi bya'o//chos thams cad so so'i skye bo'i chos so zhes skrag par mi bya'o//chos thams cad so so'i skye bo'i chos ma yino zhes skrag por mi bya'o//chos thams cad kun nas nyon mongs pa'i chos so zhes skrag par mi bya'o//chos thams cad kun nas nyon mongs pa med pa chos so zhes skrag par mi bya'o//chos thams cad rnam par bya ba'i chos so zhes skrag par mi bya'o//chos thams cad rnam par byang ba med pa'i chos so zhes skrag par mi bya'o//
- 293b
chos thams cad nye bar len pa'i chos so zhes skrag par mi bya'o//chos thams cad nye bar len pa med pa'i chos so zhes skrag par mi bya'o//chos thams cad bya ba dang bcas pa'i chos so zhes skrag par mi bya'o//chos thams rnyed bya ba med pa'i chos so zhes skrag par mi bya'o//chos thams cad gsar pa'i chos so zhes skrag par mi bya'o//chos thams cad gsar ba ma yin pa'i chos so zhes skrag par mi bya'o//tsham thams cung sring po'i chos so zhes skrag par mi bya'o//chos thams cad snying po med pa'i chos so zhes skrag par myi bya'o//chos thams cad sems kyi chos so zhes skrag par mi bya'o//chos thams cad sems med pa'i chos so zhes skrag par mi bya'o//chos thams cad sems pa'i chos so zhes skrag par mi bya'o//chos thams cad sems med pa'i chos so zhes skrag par mi bya'o//chos thams cad las kyi chos so zhes skrag par mi bya'o//chos thams da las med pa'i chos zhes skrag par mi bya'o//chos thams cad rnam par smin pa'i chos sa zhes skrag par mi bya'o//chos thams cad rnam par smin po med pa'i chos tha gis skrag par mi bya'o//chos thams cad bzong ba'i chos sa zhes sgeg par mi bya'o//chas thams cad bzong ba med pa'i tshas sa zhes skrag par mi bya'o//chas thams
- 294a
cad thar pa'i chos so zhes skrag par ma bya'o//chos thams cad thar pa med pa'i chos sa zhes skrag par mA gyur//chos thams cad rnal 'byor gyi chos so zhes skrag par mi bya'o//chos thams cad rnal 'byor med pa'i chos so zhes skrag par mi bya'o//chos thams cad 'phags pa'i chos so zhes skrag par mi bya'o//chos thams cad 'phags pa med pa'i chos so zhes skrag par mi bya'o//chos thams cad sems can gyi chos so zhes skrag par mi bya'o//chos thams cad sems can med pa'i chos so zhes skrag par mi bya'o//chos thams cad gzung ba'i chos so zhes skrag par mi bya'o//chos thams cad gzung du med pa'i chos so zhes skrag par mi bya'o//chos thams cad bden pa'i chos so zhes skrag par mi bya'o//chos thams cad bden pa med pa'i chos so zhes skrag par mi bya'o//chos thams cad tshul bzhin gyi chos so zhes skrag par mi bya'o//chos thams cad tshul bzhin mod pa'i chos so zhes skrag par mi bya'o//chos thams cad brtan pa'i chos so zhes skrag par mi bya'o//chos thams cad mi brten pa'i chos so zhes skrag par mi bya'o//mi pham pa ngas byang chub kyi snying por chos nyid mngon par rdzogs par sangs rgyas te chos kyi yul thams cad mkhyen kyang dmigs pas ma yin na
- 294b
chos thams cad kyi ngo bo nyid kun tu mkhyen kyang mngon par zhen pas 'jig rten la chos mi ston to//byang chub sems dpa' rnams la chos rnams kyi snang ba thob par bya ba dang /gzungs dang chos kyi phyag brgya rnams bskyed pa'i phyir ngas de bzhin nyid rnam par dkrugs pa med/chos rnams bsal ba ma byas/gzhag pa ma byas so//mi pham pa ngas gling bzhi chen po'i 'jig rten gyi khams 'dir 'og min gyi gnas man chad du chos bstan pa'i tshe sems can rnams 'di snyam du de bzhin gshegs pa ni bdog cag kho na la chos ston to snyam mo//de bzhin du sbyar te/gling bzhi pa gnyis pa dang /de bzhin du stong gsum gyi stong chen po'i 'jig rten gyi khamasu chos bstan pa'i tshe sems can rnams 'di snyam du de bzhin gshegs pa ni bdag cag kho na la chos ston to//'di na de bzhin gshegs pa chos ston to//'dir de bzhin gshegs pa skyeso//'dir chos kyi 'khor lo bskor ro//chos kyi 'khor lo bskor nas chos ston to snyam mo//mi pham pa 'di la nga ni thabs 'dis 'jig rten gyi khams mtha' yas mu med pa dag tu snga gro'i dus kyi tshe 'ang chos ston cing de ltar sangs rgyas kyi mdzad pa mdzad do//nyi ma gung gi dus kyi tshe'ang de ltar sangs rgyas kyi mdzad pa mdzad do//phyi gro'i dus kyi tshe'ang de ltar sangs rgyas kyi mdzad pa mdzad do//chos thams cad
- 295a
dang /sems can thams cad dang /'jig rten gyi khams thams cad du de bzhin gshegs pa'i spyan thogs pa mi mnga' bar gzigs pa dang /shes rab dang ye shes kyi gzigs pa 'jug ste/de ltar sangs rgyas kyi yul dusam gyis mi khyab cing tshad med na de la de dag 'di ltar chos spong ba la gnas pas byang chub sems dpas 'di la ni bslab par bya'o//'di la ni bslab par mi bya'o zhes zer te/gang su dag sbyong bar gnas pa de dag ni sangs rgyas la skur pa 'debs par gnas pa yin/gang dag sangs rgyas la skur pa 'dengs par gnas pa de dag ni 'di lta ste/ngan song gi ga yang sa'i sa la gnas pa yin te de dag ni chos kyis phongs par 'gyur ba la gnas pa yin//mi pham pa de lta bas na de bzhin gshegs pa'i thabs mkhas pas bstan pa'i chos la bdag bsrung bar bya'o//de nas 'jam dpal gzhon nur gyur pa dang /byang chub sems dpa' shes rab kyi phung po yang dag grub dang /byang chub sems dpa' mthong ba don yod dang /byang chub sems dpa' gcig tu spobs pa rnam par nges pa'i blo gros dang /byang chub sem dpa' shin tu rnam par nges pa'i sems ston pa'i blo gros dang /byang chub sems dpa' shes rab spobs pas smra ba dang /byang chub sems dpa' 'jigs grol yang dag
- 295b
gsal byed dang /byang chub sems dpa' mchog tu dga' ba'i rgyal po dang /byang chub sems dpa' khengs med gnas dang /byang chub sems dpa' sangs rgyas kyi zhing mtha' yas pa'i tshi ga soms pa dang /byang chub sems dpa' spyan ras gzigs dbang phyug dang /byang chub sems dpa' spos kyi glang po che dang /byang chub sems dpa' bal glang spos kyi glang po che dang /byang chub sems dpa' gzi brjod dbyangs kyi dbang phyug dang /byang chub sems dpa' sgrib pa thams cad rnam par sel ba dang /byang chub sems dpa' brtson pa mi gtong ba gnas pa dang /byang chub sems dpa' yon tan brgya stong brgyan dang /byang chub sems dpa' thams cad mkhyen gyi ye shes la rmongs pa med par sems pa dang /byang chub sems dpa' brjod pa grags pa'i tog gi rgyal mtshan dang /byang chub sems dpa' chos thams cad kyis phan gdags sems pa dang / byang chub sems dpa' sangs rgyas kyi yul dang ma bral bar gnas pa dang /byang chub sems dpa' can gyis brgyan pa'i gzi brjid kyis gtul bas rnam par gnon pa dang / byang chub sems dpa' 'jig rten kun gyis mchod grags dang /byang chub sems dpa' nyi shu po de dag gis bcom ldan 'das la 'di skad ces gsol to//bcom ldan
- 296a
'das dade lta lagraso//bde bar gshegs pa de de lta lags//bdag cag kyang shur phyogs kyi sangs rgyas kyi zhing gad+ha'i klung bcu'i bye ma skyed du mchis/ te/sangs rgyas bcom ldan 'das la bsnyen bkur bgyis na thams cad ni'ang bcom ldan 'das nyid chos ston pa mdzad do//de bzhin du phyogs bcu'i 'jig rten gyi khams rnamasu mchis na'ang de bzhin du sems can rnams la chos ston pa mdzad do//bcom ldan 'das de dag tu bdag cag gis gdug so bdun du sangs rgyas kyi zhing du rgyu babagyis na sangs rgyas gzhan ma mthong nas slar 'dir chos nyan du mchis//de nas bcom ldan 'das kyis 'jam dpal gzhon nur gyur pa laM bka' stsal pa/'jom dpal ltos/de bzhin gshegs pa'i yul dang ye shes ni de ltar tshad med/sangs rgyas kyi yul ni de ltar bskum mi khyab/de ltar de bzhin gshegs pa ni de bzhin gshegs pa'i chos rnams kyis mi mnyam pa dang mnyam na/'jam dpal de la skyes bu blun po de dag 'di skad du 'di lta ste/byang chub sems dpa' rnams kyi de bzhin gshegs ba'i phyir spyod pa ni shes rab kyi pha rol tu phyin pa'o zhes zer ro//'jam dpal 'di lta ste byang chub sems dpa'i spyod pa ni dpag tu med pa'i spyod pa'o//'di lta ste byang chub
- 296b
sems dpa'i spyod pa ni mnyam pa med pa'i spyod pa'o//'di lta ste/byang chub sems dpa'i spyod pa ni yong su 'dzin pa med pa'i spyod pa'o//'di lta ste byang chub sems dpa'i spyod pa ni mi mdor ba'i spyod pa'o//byang chub sems dpa'i spyod pa ni dam bcas pa la brtan zhing lhag pa'i bsam pa yongasu dag pa'i spyod pa'o//byang chub sems dpa'i spyod pa ni gzhan la phan gdags pas yongasu mi skye ba'i spyod pa'o//'jam dpal byang chub sems dpa' rnams kyi spyod pa yongasu dag pa 'di lta bu ni nga'i chos yin na de'i tshe mthong dka' bar 'gyuraro// 'jam dpal de lta bsdu ni skyes bu dam pa nyi shu po khyed thams cad kyis ci nas kyang de'i byang chub bskal pa grangs med pa bye bar yang dag par bsgrubs pa thabs mkhas pas bstan pa 'di gzhan gyis shes par 'gyur bar chos yang dag par blang ba la gnas te bag yod par bya'o//dam bcas pa la brtan par bya'o//khong khro ba med pa'i sems bya'o//sems can dag 'di lta ste/chos spong ba'i g.yang sa chen por mi ltung bar bya'o//de nas 'jam dpal gyis gsol pa/bcom ldan 'das chos spong ba zhes bgyi ba gong lags/bcom ldan 'das kyis bka' stsal pa/'jam dpal gang de bzhin gshegs pas gsungs pa'i bka' la la ni bzang bar 'du shes/la la ni ngan par 'du
- 297a
shes pa de ni chos spong ba'o//gang chos spang ba des chos spangs pas de bzhin gshegs pa la skur pa 'debs pa yin/dge 'dun la ngan du brjod pa yin no//'di ni rigs pa'o//'di ni mi rigs pa'o zhes zer na chos spong ba yin//'di ni byang chub sems dpa' rnams kyi ched du gsungs pa'o//'di ni nyen thos rnams kyi ched du gsungs pa'o zhes zer na chos spong ba yin//'di ni rang sangs rgyas rnams kyi ched du gsungs pa'o zhes zer na chos spong ba yin//'di ni byang chub sems dpa'i bslab pa'o//'di ni byang chub sems dpa'i bslab pa ma yin zhes zer na chos spong ba yin//spobs pa yod do zhe 'am spobs pa med do zhes zer na chos spong ba yin//chos ni chos ma yin par ston to zhes zer na chos spong ba yino//sangs rgyas 'byung ba med par gzungs 'thob ces zer ni chos spong ba yin//gzungs thob pa'i thob pa ni yong su dag pa ma yin zhes zer na chos spong ba yin no//chos smra ba'i spyod pa nyis par byas pa dang ldan no zhes zer na chos spongs pa yin//chos smra ba sgrub pa phun sum tshogs pa yin no/ zhes zer na chos spong ba yin no//bag med par gleng ni chos spong ba yin//spyod lam gyis gleng na chos spong ba yin no//spyod pa dang tshul khrims nyams pas gleng na
- 297b
chos spong ba yin//spobs pas go bar mi byed do zhes zer na chos spong ba yin no//snang ba legs par ma bshad do zhes zer na chos spong ba yin//khong du mu chud pas tshig dang tshig tu 'gal bar byas so zhes zer no chos spong ba yin no//yi ge ming gis de bzhin gshegs pa'i bka' la 'jug go zhes zer na chos spong ba yin//mdo sde dang mdo sde 'gal bar byos so zhes zer na chos spyod pa yin//tshig su bcad pa dang tshig su bcad par 'gal bar byas so zhes zer na chos spong ba yin no//don la le myos shing don la lo ma mos so zhes zer na chos spong ba yino//chos 'chad pa'i tshe gtam gzhan du bsgyur na tshos spong ba yin no//dkrugs ma byed na chos spong ba yin no//kun tu rtog pas smra na chos spong ba yin//'di la spyad 'dri la mi spyad ces zer na chos spong ba yin no//'di ni rigs 'di ni mi rigs zhes zer na chos spod pa yin no//'jam dpal nyan thos rnams kyi spobs pa gang ji snyed pa dang /byang chub sems dpa' rnams kyi spobs pa gang ji snyed pa de dag thams cad ni de bzhin gshegs pa'i mthu yin//'jam dpal ngas ni nyan thos rnams kyi spobs pa gang ji snyed pa dang /byang chub sems dpa' rnams kyi spobs pa gang ji snyed pa de thams
- 298a
cad de bzhin gshegs pa'i mthu las drung bar smon lam legs par btab pa yin/'jam dpal ngas mi byang chub tu 'ang smon lam legs par btab pa yin no//'di ltar mi blun po de dag ngan song du 'gro bar bdud kyis byin gyis brlabs pa'i phyir de la'ang skyon 'dogs par sema'o//de bzhin gshegs pas gnang ba'i chos smra ba de dag la 'dre skyon 'dogs par semaso//rnyed pa'i phyir khyim srung bar gnas pa yin gyi de bzhin gshegs pa'i bstan pa bsrung ba'i phyir gnas pa ma yin/rigs lnga gdu bas bram ze dang khyim bdag rnamasna la sgru ba ni 'di skad khyod kyis legs par smras//khyod kyis de bzhin gshegs pa bka' legs par rtogs zhes zer te phyogs kyi'ang phyogs gcig smos pa la rje su yi rang ba'i gzhis de dag chos skyong bar gyur pas 'di lta ste/ngan song chen por 'gro bar 'gro ba mtshungs par 'gyuraro//'jam dpal mngon par zhen pa la byang chub sems dpa'i spyod pa'o zhes du mi smra'o//khyim la chags pa'i 'tsho ba rnam par dge pa zhes nga mi smra'o//gnyi su ston pa rnams kyi chos kyis 'phongs par 'gyur ba las grol bar ngo mi smra'o//gcig tu ston pa rnams ngan song las grol bar nga mi smra'o//smra ba la dga' ba rnams yongasu dag pa'o//
- 298b
zhes nga mi smra'o//'jam dpal ngas ni gAng+gA'i klung gi bye ma ji snyed pa de snyed kyi chos kyi sgo rnams mi dmigs pa'i tshul gyis bstan to//'jam dpal gAng+gA'i klung ki bye mA ji snyed pade snyed kyi chos kyi sgo rnams ngas dmigs pa'i tshul gyis bstan to//'jam dpal ngas ni stong pa nyid la mos pa rnams la gang+gA'i klung gi bye ma ci snyed kyi chos kyi sgo rnams bstan to//ngas ni sems can du 'du shes pa'i de skad du chos kyi sgo rnams bstan to//dus ni mtshan ma med pa'i sgo nas de snyed kyi chos kyi sgo rnams bstan to//ngas ni rnam par rtog pa'i sgo nas de snyed kyi chos kyi sgo rnams bstan to//ngas ni smon pa med pa'i sgo nas de snyed kyi chos kyi sgo rnams bstan to//ngas ni smin pa'i sgo nas de snyed kyi chos kyi sgo rnams bstan to//ngas ni gang zag gi sgo nas de snyed kyi chos kyi sgo rnams bstan to//ngas ni gang zag med pa'i sgo nas de snyed kyi chos kyi sgo rnams bstan to// ngas ni 'jug pas de snyed dang /ldog pas de snyed dang /ngas ni yod pas de snyed dang /med pas de snyed dang /ngas ni 'dus byas kyis de snyed dang /'dus ma byas de snyed dang / ngas ni drang bas de snyed dang /drang ba med pas de snyed dang /ngas ni gsang bas de snyed dang /gsang pa med pas de snyed dang /ngas ni 'khor ba'i sgo de snyed dang /ngas ni mya
- 299a
ngan las 'das pa'i sgo de snyed dang /ngas ni 'jig rten de steng dang /ngas ni 'jig rten las 'das pade skyong dang /ngas ni 'dod chags kyi spyod skyed dang /ngas ni zhe sdang gi sgo de snyed dang /ngas ni gti mug gi sgo de snyed dang /'jam dpal ngas ni gAng+gA'i klung gi bye ma ji snyed pa de snyed kyi spang ba'i sgo'i chos kyi sgo rnams bstan te/'jam dpal thams cad kyang 'di lta ste/mi rtag pa'i tshul du shes rab kyi pha rol tu phyin pa'i tshul yin na nga la phyogs kyi'ang phyogs gcig shes pas de bzhin gshegs pa la skur pa 'dre ba so//de nas bcom ldan 'das la 'jam dpal gzhon nur gyur pas 'di skad ces gsol to//bcom ldan 'das gal te la la zhig sdig pa'i grogs po'i dbang gis chos spong ba 'di lta bu 'di bgyis par gyur na bcom ldan 'das de tshe 'di nyid la ji ltar thar par 'gyur/de skad ces gsol pa dang /bcom ldan 'das kyis 'jam dpal gzho nur gyur pa la 'di skad ces bka' stsal to//'jam dpal gal te lo bdun gyi bar du nyin gcig cing dus gsum du nyes pa la nyes par gshegs na de'i 'og tu byang bar 'gyur te/de phyin chad nyung na bskal pa bcus bzod pa 'thob par 'gyuraro//'jam dpal
- 299b
gal te byang chub sems dpa'i theg pa pa'i rigs kyi bu 'am rigs kyi bu mo zhig chos kyi rnam grangs 'di ma bzung ma glags par smra na chos kyis phongs par 'gyur ba las ma smras par thar bar shin tu dka'o//de lta bas na byang chub sems dpas 'di la bslabs nas phyis chos bstan par bya ste/de ltar ni dri smras par mi 'gyur ro//'dzum dpal byang chub sems dpas mnyam pa nyid bzhi khong du chud par bya ste/bzhi gang zhe na/sems can mnyam pa nyid dang /chos mnyam pa nyid dang /byang chub mnyam pa nyid dang /lkog mthong mnyam pa nyid de/mnyam pa nyid bzhi po de dag byang chub sems dpas khong du chud par bya'o//gang zhig mnyam pa nyid bzhi po de dag khong du ma chud par smra na/ci smra 'ang de bdag smras par 'gyur ro//gzhan yang chos bzhi dang ldan na byang chub sems dpa' sems dpa' chen po rigs kyi bu 'am/rigs kyi bu mo ma smras par thar par 'gyur te/ bzhi gang zhe na/sems can thams cad la khong khro ba med pa'i sems dang /shes pas mos nas chos smra ba rnams la 'gal bar mi byed pa dang /pha rol mi spong ba dang // de bzhin gshegs pas gsungs pa thams cad la gus pa yin te/chos bzhi po de dag dang ldan na rigs kyi bu 'am/rigs kyi bu mo de ma smras par thar par 'gyur ro//
- 300a
'jam dpal byang chub sems dpa' gang zhig gis bskal pa gang+gA'i klung gi bye ma snyed du sangs rgyas kyi zhing thams cad rin po che sna bdun gyis brgyun te/ sangs rgyas bcom ldan 'das gang+gA'i klung gi bye ma snyed la nyin gcig bzhin du dbul ba phul bas/gang zhig gis rnam par 'thag pa thams cad bsdus pa'i mdo'i chos kyi rnam grangs 'di bris shing glegs bam du byis te tha na lan gsum bklags na/'di ni de bas bsod nams ches mang du skyed par 'gyur ro//de ci'i phyir zhe na/byang chub sems dpa' gang rnam par 'thag pa thams cad bsdus pa'i mdo 'di la bslabs pa'i bsod nams kyi phung po dang mnyam pa'i sbyin pa dang /tshul khrims dang /bzod pa dang /brtson 'grus dang /bsam gtan dang /shes rab med do//chos kyi rnam grangs 'di bshad pa na byang chub sems dpa' gang+gA'i klu ngo sum cu'i bye ma snyed mi skye ba'i chos la bzod pa thob par gyur to/byang chub sems dpa' gang+gA'i klung bdun cu'i bye ma snyed ni bla na med pa yang dag par rdzogs pa'i byang chub las phyir mi ldog par gyur to//stong gsum gyi stong chen po'i 'jig rten gyi khams 'di'i sems can bye ba khrag khrig brgya stong phrag drug cus chos kyi rnam grangs 'di la yi rang nas byang chub tu go cha chen po dgos pas de dag thams cad bskal
- 300b
pa brgyad cur 'khor bar 'khor nas thams cad kyang bskal pa brgyud nus bla na med pa yang dag par rdzogs pa'i byang chub mngon par rdzogs par 'tshang rgya bar 'gyuraro//byang chub sems dpa' dag nan tan gyis bsgrubs na/chos kyi rnam grangs 'di de ltar don tsha zhing de ltar 'bras bu che ste phan yon che la gsal ba che zhing rgyas pa che'o//'jam dpal de lta bas na khyed kyis chos kyi rnam grangs 'di la bskabs te phyi ma'i dus na chos gzung bar bya'o//de ltar na khyed ma smras par thar bar 'gyuraro//de nas chos smra ba nyi shu po de dag gis bcom ldan 'das la 'di skad ces gsol to//bcom ldan 'das chos kyi rtse/chos kyi rgyal po/bcom ldan 'das kyis ji skad bka' stsal pa de bzhin du bgyi'o//sangs rgyas kyi mthu dang /sengs rgyas kyi byin gyis brlabs kyis de bzhin gshegs pa'i bka' legs par rab tu bsgrub par bgyi'o//bcom ldan 'das kyis de skad ces bka' stsal nAs/'jam dpal gzhon nur gyur pa dang /byang chub sems dpa' sems dpa' chen po de dag dang /dge slong de dag dang /lha dang /mi dang /lha ma yin dang /dri zar bcas pa'i 'jig rten yi rangs te bcom ldan 'das kyis gsungs pa la mngon par bstod do//'phags pa rnam par 'thag pa thams cad bsdus pa zhes bya ba theg pa chen po'i mdo rdzog so//
- 301a
rgya gar gyi mkhan po dzi na mi tra dang mu ne barma dang /zhu chen gyi lo tsA ba ban+de ye shes sdes bsgyur cing zhus te gtan la phab pa//rgya gar skad du/Ar+ya/ bud+d+ha sad+d+hi ti nA ma ma hA yA na sU tra/bod skad du/'phags pa sangs rgyas bgro ba zhes bya ba theg pa chen po'i ma //bam po dang po/sangs rgyas dang byang chub sems dpa' thams cad la phyag 'tshalo//'di skad bdag gis thos pa dus gcig na/bcom ldan 'das yul dbus gyur 'chang ba 'chang na yul dbus gyur rnams kyi shing a sma stug po'i tshal gyi grong 'dab/ri bzang po ba de ha'i dbang po'i brag gi phug na/dge slong lnga stong gi dge 'dun chen po dang /byang chub sems dpa' nyes khri lnga stong dang thabs cig tu bzhugs te/thams cad kyang bla na med pa yang dag par rdzogs pa'i byang chub las phyir mi ldog pa byang chub sems dpa' 'jam dpal dang /byams pa la sogs pa dang thabs cig go//lha'i bu brgyad khri bzhi stong dang yang thabs cig ste/thams cad kyang byang chub sems dpa'i theg pa la gnas pa sha stag go/yang de'i tshe na 'jigs rten du rnyog pa lnga dag byung ste/'di lta ste/tshe'i rnyog pa dang /sems can gyi rnyog pa dang /bskal pa'i rnyog pa dang /nyon mongs pa'i rnyog pa dang /lta ba'i rnyog pa byung ba'i
Colophon
'phags pa rnam par 'thag pa thams cad bsdus pa zhes bya ba theg pa chen po'i mdo rdzogs so/ /rgya gar gyi mkhan po dzi na mi tra dang mu ne barma dang /zhu chen gyi lo tsA ba ban+de ye shes sdes bsgyur cing zhus te gtan la phab pa/