S582MW22083_0582rgyudAll versions of this work

rims nad zhi ba'i gzungs

Text

ff. 413b–414a · 2 folio sides

  1. 413b

    dmar po la lanA bdun pa zlas pa byas la/ mdud pa bdun bor te mgul du gdags so// 'phags pa gzhang 'brum rab tu zhi bar byed pa'i mdo rdzogs so// rgya gar gyi mkhan po dzi na mi tra dang / dA na shI la dang / zhu chen gyi lo tsa ba ban d+he ye shes sdes bsgyur cing zhus te gtan la phab pa// rgya gar skad du/ sarba ro ga pra sha ma ni nA ma d+hA ra Ni/ bod skad du/ 'phags pa nad thams cad rab tu zhi bar byed pa zhes bya ba'i gzungs/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas bcom ldan 'das kyis/ dge slong rnams la bka' stsal pA/ dge slong dag chos kyi rnam grangs 'di zung zhig/ chongs shig/ lhogs shig/ kun chub par gyis shig/ gzhan dag la'ang rgya cher yang dag par ston cig/ tad+ya thA tsi le me/ tsi le me/ paM na ko ki li/ shri ma ti/ kun+d+ra le/ dun+na b+he/ in+d+ra ni/ mu khe swA hA/ 'di dag ni zas ma zhu ba dang / lbos pa dang / khrag dang mkhris pa 'dres pa dang / gzhang 'brum gyis bta ba pa dang / gzhang nad can dang / za gu dang / lud pa can dang / rims can dang / klad pa na ba dang / gzhogs phyed na ba dang / yi dgas kyis zin pa'i gsang sngags kyi gzhi yin te/ kun dga'

  2. 414a

    bo gang gsang sngags kyi gzhi 'di dag las 'gal bar byed pa de ni/ ngas lha dang bcas pa'i 'jig rten na ma mthong ngo // tshe zad pa ni ma gtogs so// gsang sngags kyi gzhi dag ni de bzhin gshegs pa dgra bcom pa yang dag par rdzogs pa'i sangs rgyas kyis gsungs pa ste/ 'di la sangs rgyas ni sems can thams cad kyi mchog go/ 'dod chags dang bral ba ni chos thams cad kyi mchog go/ dge 'dun ni tshogs thams cad kyi mchog go/ bden pa'i tshig dang bden pa'i ngag 'dis/ bdag gis zos pa dang / 'thungs pa dang / 'chos pa dang / myangs pa rnams legs par bde bar zhu bar gyur cig swA hA/ bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod ngo do/ / 'phags pa nang thams cad rab tu zhi bar byed pa'i gzungs rdzogs so// / dkon mchog gsum la phyag 'tshal lo/ / 'phags pa 'od dpag med la phyag 'tshal lo// tad+ya thA/ i li mi ti me li/ ha ne su hA n+te/ che ge mo zhig dza ra ban d+ha me/ e ka hi ka ne/ tri he ka tsa tuH kan/ sIt+ya dz+wa ra na swA hA/ cho ga 'di bris te mgul du btags na rims nad med par byed do// rims nang zhi ba'i gzungs rje/

Colophon

rims nad zhi ba'i gzungs rdzogs so/