rdo rje dur mo'i tan t+ra zhes bya ba'i rgyud chen po
Text
ff. 190a–195a · 11 folio sides
- 190a
bod skad du/ rdo rje ngur mo'i tan tra zhes bya ba'i rgyud chen po/ bcom ldan 'das dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ bcom ldan 'das dpal rdo rje sems dpa' 'og min gyi gnas stug po brgyan pa'i zhing khams na// de bzhin gshegs pa rnam par snang mdzad la sogs te/ rigs lnga'i sangs rgyas dang / dpal phyag na rdo rje la sogs te/ byang chub sems dpa' thams cad dang // dga' ldan gyi lha la sogs pa'i 'jig rten dang / 'jig rten las 'das pa'i 'khor phun sum tshogs pa dang thabs cig tu bzhugs pa las/ sdud pa po phyag na rdo rjes mchod pa rgya che ba dpag tu med pas/ bcom ldan 'das la mchod nas/ lan brgya stong du ma 'tshal nas 'di skad zhus so// ston pa dpal rdo rje sems dpa' thams cad mkhyen pa/ 'jig rten du dkon mchog gsum gyi dbu 'phangs bstod pa dang / las rnam bzhi'i byin rlabs brtan par mdzad pa dang // dgra bgegs gdug pa can rnams 'dul ba'i phyir drag po'i 'phrin las bka' stsa la du gsol zhes// gsang ba'i bdag po lag na rdo rjes zhus pa dang // dpal rdo rje sems dpa' gdan seng ge'i steng na/ sku mdun dang rgyab med par thams cad du thal le gsal zhing / mtshan dang
- 190b
dpe byad ldan pas thams cad du ldan pa/ thams cad du bsam gyis mi khyab pa'i sku gsung thugs yon tan 'phrin las sna tshogs par snang ba/ thabs dang shes rab kyi zhabs gnyis brkyang bskum du bzhugs nas/ gdul dka'i sems can thams cad la thugs brtse bar dgongs nas/ nyid kyi gsang ba'i 'phrin las 'di nyid kyi sku gsung thugs yon tan 'phrin las las phyung nas// gdul dka' ba'i sems can thams cad la thugs brtse bar dgongs pas bka' stsal to// bdag dang gzhan gyi dbang du rgyud 'di gsungs so// thog mar brtags pa'i sa bcad de// bla gab yod pa'i gnas su ni// sa gzhi byin du nag po la// dang por sa blang ba dang / sbyang ba dang // brtan dang byin rlabs drags par bya// hom khung dbyibs ni gru gsum du brko// ngos ni ring po che drug tu bya ba dang // thugs la chag gang bar bya ste// thur du khru gang brko bar bya// de'i dbus su me thab bca'// kha khyer zur gsum pa cig byas la// kha ran rim pa gsum po yang // zheng tshad sor gsum par byas te// de la rdo rje ra bas bskor// de yi phyi rim mdzub gang la// bang rim gsum du gcad par bya// stegs bu khru lnga gru bzhi la// 'phang du chag gang yan chad bya// de nas zhal ni nag
- 191a
bor bgyi// ngos ni dmar por byung bar bya// sgo ni byang gi phyogs su bstan// kha ra na gsum pa'i dang po la// de yi phyi rim pa bang rim la// thod pa mda' gzhu spe la mar btang // de yi phyi rim pang rim la// 'bar ba'i me lce 'khrig par bris pa la// de yi phyi rim pang rim ngos gsum du// sgo gsum dag ni dod par bya// de yi phyi rim par khyams gnyis// sgo bzhi dag dang ldan par bya// tshon rtsi dmar por me 'od gtang // rtse mo thams cad lhor bstan no// thab kyi zhabs su rdo rje dgod// rdo rje tshad du sor brgyad pa// sboms su tshad ni sor gsum pa// sangs rgyas spyan ni zlum leb la// 'byams 'byil yang 'bar du du brko// dkyil 'khor dag gi dbus su gzhag/ de nas dkyil 'khor dbus su bkram// shar lho'i mtshams su yi ge raM// nub byang mtshams su yi ge yaM// kha khyer nang du me 'od bri// de nas lha rnams dgod par bya// kha khyer dang po mthon po la// badz+ra mA le la sogs dgod// de yi phyi rim pang rim la// ke'u ri la sogs ma brgyad dang // sing ha la sogs 'phra men dgod// de yi phyi rim bang rim la// khro bo chen po bcu dag dgod// de yi phyi rim sgo bzhi la// lcags kyu ma dang zhags pa dang // lcags
- 191b
sgrog dril bu bzhi dag dgod// de yi phyi rim snam bu la// dbang phyug nyi shu rtsa brgyad dgod// de yi phyi rim snam bu la// phonya drug cu rtsa bzhi dgod// de skad ces gsungs pas/ 'khor rnams yid rab tu rangs so// rdo rje ngur mo'i tan+t+ra las// gleng gzhi dang khyad par dkyil 'khor gyi le'u ste dang po'o// // de nas tsher ma nag mo 'am// ser skyer la sogs pa'i shing // tsher ma can gyi shing nyid la// chag drug pa yis tshad du bya// mgo mjug ma nor bar byas la// dri chu gtsang mas bsang gtor bya// khro bo bcu yi sngags bzlas shing // khro bo'i shing rtsi rdzang bar bya// bgegs kyi dbang du mi gtang bar// mtshams bcad drag tu bskrad par bya// gdon bgegs bskrad pa'i sngags la// d+h+rig a d+hI ga swA hA/ hU hri/ lan gsum bzlas so// khro bo'i rtsi shing rdzongs pa dang // sngags 'dis sbyang zhing shes par bya'o// oM sarba d+h+r-i ga ni yaM yaM/ oM badz+ra li li/ oM bud+d+ha dz+wA la bud+d+ha dz+wA la/ mA hA raM raM he ma barbe raM/ dred na ma be laM/ mahA be raM/ yaM dz+wA la raM/ oM badz+ra gar shing / raMr ag ni ti rA/ yang dzA zhes bzlas/ thab tu me gzhug pa'i snying po'o// oM bya ma byam/ hU hUM/ zhes bzlas pas/ yang na/ oM buM br-i ta/ me spar ba'i snying po'o//
- 192a
oM la ri shi dza/ dpe ta sa tsa hUM/ 'bum bu snu ma sa sas hUM/ 'dzuswA/ o d+hi sri kha na na/ hUM sarba na na shang ya snyam pa la/ hUM hUM phaT phaT/ yang na rnam cig la/ au taM sum ha/ hri ha/ hUM hi phaT/ yang na// oM r-i raM/ hUM yaM yaM raM/ zhes brgya rtsa bzlas so// pho nya dpal dang bcas pa yang // la cig de yi tshig bshad rung // rnog por snang yang gyen du bstan// dkyil 'khor de yi dbus nyid du// las kyi tshad 'dzin sngags kyang bzlas// zhes gsungs te/ rdo rje dur mo'i tan+ta las// khyad par sngags tan+t+ra'i le'u ste gnyis pa'o// // dkyil 'khor de yi cha rkyen la// gdugs 'phan zung gcig 'khor du dgod// dkar po'i rtsog pan ci rang ga dang / lcags thag la sogs mda' rgyan dang // lha bshos dag ni gtor mar bcas// gzhan yang ma lus 'tshogs par bsngags// dar ram ras sam shing yang rung // zhal khab nag po cig gis dgab// lcags thag nag pos dkyil 'khor bskor// zur gsum dag tu phur pa dgod// mda' dang dar sna bcas par gzugs// ral gri gsum dang lha bshos gsum// bur ba nyi shu rtsa gcig dang // rtsang chen drug cu rtsa gnyis kyi// dkyil 'khor dag tu dgod par bya// de nas
- 192b
sngags mkhan chas gos ni// sngags kyi chas gos rnam pa lnga// sngags ber sngags thod stod g.yogs smad dkris dang // sngags kyi phu ru ra la sogs pa// dar ram ras sam re ba 'am// nan tan gyis ni dkri bar bya// g.yab dar sngon mar kha tshon do// me 'dren mda' dang bcas par bya// de nas 'byung po'i gzugs sam dgra bo'i gzugs// gro ga'am ras sam shing shun nam// bzabs la legs par bri bar bya// yang na rjes kyis dag las// ba na 'di'i shing rtsi dag dang ni// ri bong dag gi ril mar bsre// de la gzugs su byas nas ni// de yi snying gar ming rus bya// snying po dang ni bcas par bri'o// de la sbrul na gzhags pas bcing // yan lag lnga ni bcings bzhin du// khro bo'i sku la brjod de gzhag/ de nas mchod rdzas brtsam pa ni// mchod pa rnam lnga tshul bzhin brtsam// mar khu dang ni sbrang rtsi dang // 'bras chan 'bras kyi thug pa dang // shug gu rting dkar dang ni mdu ba// me tog dang ni til mar dang // 'bru thugs dang ni lag sam dang // 'ol kon dang ni yab the'u rnams su bcas// rin chen lnga dang spos lnga sman lnga dang // snying po lnga dang 'bras kyi lag sa na dang // gzhan yang sman gyi stong pa dang //
- 193a
na nan smras du na sa / san na sa su su sa sa par dkyil 'khor gyi tshe rkyen dang mchod pa'i le'u ste gsum pa'o// de nas na na 'a/ na /
- 193b
gos nag po 'am// de la sogs te phyag cha tshangs par bsogs// de nas mchod pa rnam pa lnga dang // yo byad cha rkyen ma lus par// kun ka ba sogs la byin gyis brlabs// byin gyis brlabs pa'i dri chus bsang bar bya// de dag kun gyi byang phyogs g.yon du gzhag/ de nas mtshams kyi cho ga drag tu bya// de nas rdo rje 'gros kyis bskor ba dang // khro bo bcu'i sa mtshams bcad do// de nas 'od chen shar ba dang // drag po'i las su khyad par bstan// khro bo rnams kyis byin yang skye// sems btsan por bzung ngo // rdo rje bgo ba pha mas bu 'tsho lta bu// sku gsung thugs kyi rang bzhin las// 'gal bar bya ba ma yin no// tshad med pa bzhi yi gzhi bzung med// de ltar ma bgyis na las kyi srin por skye ba'i nyen yod// dpal chen po'i tshul du gnas so// rdo rje ngur mo'i tan+t+ra las/ gsang bar bya ba'i las kyi khyad par gyi le'u ste bzhi pa'o// / / de nas me blang ba ni// dur khrod kyi me 'am/ gdol pa'i me 'am/ yug se mo'i khyim nas me'i sa bon blang // de nas me'i bsnyen pa bgyi ba bya/ bsnyen pa'i don ni 'dzab tu bzlas/ de nas cho ga phun sum tshogs pas drang bar bya/ da ni drag po'i 'phrin las bgyi ste/ 'gug 'dren drag tu bgyi/ dgra bgegs la sogs
- 194a
pa bkug nas// dug sna tshogs kyis me gsad de 'di skad do// shing gi gnyen po me yin te// mes su shing bsregs snying re tshim// me yi gnyen po chu yin te// chus su ma bsad snying re tshim// chu yi gnyen po dug yin te// dug gis chubasad snying re tshim// dug gi gnyen po sman yin te// sman gyis dug bsad snying re tshim// sman ni lha yi sprul pa yin// sman gyi gang zhig gso bar byed// ces brjod de sman sbyar ba slar blug ste me gso'o// me gso ba'i yas stag la// shug lo mchan khung gang dang / mar dkar srungs cig slar me gso'o// oM ra ra ba ya hUM/ raM ka la ya hU~M/ dz+wa la dz+wa la raM hUM/ ma ma ni r-i raM yA/ phaT phaT hU he raM traM raM/ de nas thugs dam 'di skad bskul// me lha rgyal po chen po ste// sbyin chen bshigs pa'i khri la bzhugs// rdo rje 'bar ba phyag na bsnams// me yi ral pas bar snang khebs/ shangs nas du ba'i sprin du 'khrigs// ljags nas me yi dpa' glong 'khyil// shar gyi phyogs nas me drongs shig/ lho yi phyogs nas bskul ba ni// me yi rgyal po chen po ste// chu glang sngon po'i khril bzhugs// sku mdog sngo nag ral pa can// dril chen 'bar ba phyag na bsnams// me yi ral pas bar snang khebs// shangs
- 194b
nas du bas sprin du 'khrigs// zhal nas me yi dba' klong 'khyil// lho yi phyogs nas me drongs shig/ nub kyi phyogs nas bskul ba ni// pad+ma rigs kyi me lha ste// sku mdog dmar la ral pa can// shing rta gtams pa'i khri la bzhugs// phyag na pad+ma dkar po bsnams// me yi ral pas bar snang khebs// shangs nas du bas sprin du 'khrigs// zhal nas me yi dpa' klong 'khyil// nub kyi phyogs nas me drongs shig/ byang gi phyogs nas bskul ba ni// me lha'i rgyal po chen po ste// sku mdog ljang ser ral pa can// kru lug gro mo'i khri la bzhugs// rdo rje rgya gram phyag na bsnams// me yi ral bas par snang khebs// shangs nas du ba'i sprin du 'khrigs// zhal nas me yi dpa' klong 'khyil// byang gi phyogs nas me drongs shig/ du spud ma dang dung mchum// dung gi me mo chen mo dang // dung gi sbud mchu chen mo dang // g.yas na dung gi skud pa thogs// g.yon na khyung gi khra thogs shing // gshog pa g.yobs la me bus shig/ mched lnga'i tshig bskul ba ni/ ag ne dmar ser me yi lha// me dpung 'bar ba'i dkyil 'khor nas// skyen chen kham pa'i khri la bzhugs// me yi ral pas bar snang khebs// spyan nas me stag phyogs bzhir 'phros// zhal nas
- 195a
me yi rba klong 'khyil// ljags nas me yi dkyil 'khor 'dril// phyag na me yi bgrang 'phreng 'dzin// rgyal chen rigs bzhis phyogs bzhi srung / bram ze pho mo lnga brgya yang // 'khor na gnas pa'i 'khor lags kyis// kha 'bar mas ni me bus la// bram ze rgyal pos mag la skul zhig/ me yi sa bon ma bcug kyang // 'byung ba chen po me yi rgyu// so so'i rgyu las me drongs la// rgya mtsho'i gting nas me drongs la// 'khor ba'i rgya mtsho bskam pa dang // nyon mongs bu da shing bsreg pa dang // sdang ba'i dgra dang gnod pa'i bgegs// de yi bag chags bsregs dgos kyis// bus shig bus shig ma bus shig/ sku la cig skal cig mgal skul cig/ ma ma ma mo'i tshogs 'bar ba// chu klung skems par byed pa ste// rgya mtsho'i gting du me bus pas// ri rab rtse la ljon shing chags// rgya mtsho'i gting du rdo bcag pas// rdo rje khro bor gyur nas su// zhe sdang byed pa rdul du lhogs// srid gsum sreg pa'i me spar bas// khro bo 'bar ba'i thugs dam skongs// dbang phyug ma dang bran mo'i tshogs// khyed rnams 'dul la las rnams kyis// drag po'i las las khyad par bskul ba'i le'u ste tha ma'o// // de nas dpal