dpal lhan cig skyes pa'i bde ba'i mchog bdag byin gyis rlab pa zhes bya ba
Śrīsahajasaṃbarasvatiṣṭhanāma
Text
ff. 128b–129a · 2 folio sides
- 128b
dad pa yis ni phye ba yin/ /'dir ni mchog gi khur chen dpa' bo dang/ /yang ni dpa' bo rnams kyi dpa' bo yang/ /de phyir legs bstan dam tshig bcas pa yis/ /mkhas pa rnams kyis bdag la bzod par 'os/ /don dang gzhung 'di mdzes par byas 'di yis/ bsod nams kyis ni 'gro ba rnams la ni/ /yun rings 'jigs pa med par dga' ba dang/ /bdag gzhan bde ba mchog ni bskyed gyur cing/ /de nyid gsal skye rmongs pa rab 'joms shing/ /mchog tu mi 'jigs ster ba'i mnga' bdag shog /nor ni ma lus bskyed pa'i gzhi/ /skyed pa'i sa ni lang ka ste/ /rgyal ba'i zhabs kyis byas pa la/ /mdza' ni bzang po'i ming gsal byas/ /nyon mongs tshogs ni spangs pa yi/ /legs par bstan pa'i blo gros kyis/ /yon tan tshogs ni rjes rtogs pas/ /rdzogs par byas kyis bsam par gyis/ /dpal 'khor lo bde mchog gi dkyil 'khor gyi cho ga tshigs su bcad pa dgu brgya pa/ slob dpon rgyal ba bzang pos mdzad pa rdzogs so// //rgya gar gyis mkhan po paN+Ti ta 'jam dpal dang/ bod kyis lo tsa ba dge slong ba ris? bsgyur cing zhus te gtan la phab pa'o// //lhan cig skyes pa'i bde mchog bzhugs// */ /rgya gar skad du/ sh+rI si ha dza saM ba ra swa tiSh+Tha nA ma/ bed skad du/ /dpal ldan cig skyes pa'i bde ba'i mchog /bdag byin gyis rlab pa zhes bya'o/ he ru ka la phyag 'tshal lo/ /rnal 'byor rnam gsum shes bya ste/ byin gyis brlabs dang rab rtags dang/ /rdzogs pa gzugs brnyan bsam med do/ /shin tu brtson ldan dpa' bo des/ /skad cig gcig gis sbyor ba yis/ /bde chen lhan cig skyes pa'i sku/ /mkha' ltar dga' ba'i rang nyid las/ /shin tu bla ma'i rnal 'byor bya/ /la la ra sa d+hU tI yang/ /thabs dang shes rab gnyis med sku/ /a haM bde ba'i rnam pa can/ /chengs pa'i 'khor lo rdzogs par bsgom/ /srog ni 'dzin par byed pa ste/ /rtog
- 129a
pa thams cad legs par bsnga/ /nyi ma zla pa'i 'phen sdud kyang/ /sbyor ba bzhi dang yang dag ldan/ /rdub pa dgang zhing btang ba yin/ /bag chags bsregs pa'i me dpung gis/ /tshangs pa'i 'jig rten g.yo bar byed/ /'bar 'dzag mkhas pa'i byin brlab dang/ /dngos ma lnga yi 'od zer gyis/ /'byung chen lnga po stongs su 'gyur/ /rtogs bcu yon tan brgyad dang ldan/ /sna tshogs snang la rang bzhin med/ /brjod du med cing bsam mi khyab/ /rtog tu med pa nam mkha' i dbus/ /ma ning zhes byar brjod pa ste/ /kha cig zung 'jug zhes byar brjod/ /sgrib pa dang bral chos sku 'dir/ /me chu la sogs 'byung rnams dang/ /rten dang brten pa'i mtshan nyid kyis/ /dkyil 'khor thams cad 'di nyid do/ /dpal lhan cig skyes pa'i sgrub thabs/ bdag byin gyis brlab pa zhes bya ba/ slob dpon chen po te l+lo pas mdzad pa/ rje mi nyag pa chen pos bsgyur ba rdzogs so// //rgya gar skad du/ e ka bI ra he ru ka sA d+ha nA ma/ dpa' bo gcig pa he ru ka'i sgrub thabs zhes bya ba/ dpal he ru ka la phyag 'tshal lo/ /dang po mal nas langs te/ kha la sogs pa dag par byas nas/ stan 'jam po la nye bar 'dug ste/ /snying gad pa las pad+ma dkar po 'dab ma brgyad pa bsgom par bya'o /de'i steng du ? las nyi ma'i dkyil 'khor bsams la/ de'i steng du hUM kha dog mthing ga bsams la /de'i 'od zer gyi mdun gyi nam mkha' la/ bla ma dang sangs rgyas dang byang chub sems dpa' dang/ lha mo rnams dmigs te/ yid kyis mchod par bsam mo/ /'od zer de nyid kyis sems can thams cad gsal bar byas la/ /tshad med pa bzhi bsgom par bya'o/ /de'i rjes su chos thams cad stong pa nyid du sngags 'dis bsgom par bya'o/ /oM swa b+hA ba shud d+ha:sarba d+harmA:swa b+ha ba bi
Colophon
dpal lhan cig skyes pa'i sgrub thabs/_/bdag byin gyis rlab pa zhes bya ba/_/slob dpon chen po te lo pas mdzad pa/_/rje mi nyag pa chen pos bsgyur pa rdzogs so/