'phags pa bzhi pa bsgrubs pa zhes bya ba theg pa chen po'i mdo
Āryacatuśkanirhāranamamahāyanasutra
Text
ff. 93a–106b · 28 folio sides
- 93a
sa la ga la ba de logs su gshegs so// gshegs nas gser gyi me tog rin po che'i rdzing bu dang bcas par mi snang bar gyur to// de bzhin gshegs pa'i 'od kyang bsdus nas/ mi mjed kyi 'jig rten gyi mthon dman dang / gtsang sme yang sngon bzhin no// mi rnams nyes pa'i phyir/ dmyal ba yang sngon bzhin no// bcom ldan 'das kyi de skad ces bka' stsal pa dang / byang chub sems dpa'i tshogs thams cad dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa thar pa chen po phyogs su rgyas pa zhes bya ba theg pa chen po'i mdo rdzogs s+ho// rgya gar skad du// ar+ya tsa tu shrA nir bA ra na ma ma hA ya na su tra/ bod skad du/ 'phags pa bzhi pa bsgrubs pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das mnyan yod na/ rgyal du rgyal byed kyi tshal mgon med zas sbyin gyi kun dga' ra ba na/ dge slong lnga brgya tsam gyi dge slong gi dge 'dun chen po dang / byang chub sems dpa' brgyad stong thams cad kyang go cha chen
- 93b
bo dgos pa sha stag dang / 'dod pa na spyod pa dang / gzugs na spyod pa'i lha'i bu rnams dang thangs gcig tu bzhugs te/ de nas bcom ldan 'das 'khor brgya stong du mas yongs su bskor cing bdan gyis lhas nas chos ston to// de nas 'jam dpal gzhon nur gyur pas/ bcom ldan 'das la mchod pa'i las kyi phyir rin po che'i gdugs dpag tshad bcu'i tshad tsam thogs te/ bcom ldan 'das kyis dbu'i gtsug tu 'dzin to// de nas 'khor de nyid du dga' ldan gyi ris kyi bu dpal bzangs ldan zhes bya ba bla na med pa yang dag par rdzogs pa'i byang chub las phyir mi ldog pa g.yog dang bcas te/ 'khor de nyid du 'dus par gyur nas 'dug pa de snyan las langs te bla gos phrag pa gcig tu gzar nas/ pus mo g.yas pa'i lha nga sa la gtsugs te/ 'jam dpal gzhon nur gyur pa ga la ba de logs su thal mo sbyar ba btud nas/ 'jam gzhon nur gyur pa la 'di skad ces smras so/ 'jam dpal khyod da dung de bzhin gshegs pa la mchod pa'i las mdzad pas mchi ma 'am/ 'jam dpal gyis smras pa/ lha'i bu 'di ji snyam du sems/ rgya mtsho chen po chu thams cad len pas gzhar yang cho ga shes sam/ lha'i bras spras pa/ 'jam dpal de ni ma lags so// 'jam dpal gyis spras pa/ lha'i bu
- 94a
bzhin du rgya mtsho chen po'i mtsho'i gting dpag dka' ba de la bu thams cad mkhyer pa'i ye shes tshad med dpag tu med pa btsalA bya ste/ byang chub sems dpa' de bzhin gshegs pa la mchod pa'i las kyi gzhar yang tshim par mi bya'o// lha bus smras pa/ 'jam dpal byang chub sems dpa' sa ci la dmigs te/ de bzhin gshegs pa la mchod par bgyis/ 'jam dpal gyis smras pa/ lha'i bu byang chub sems dpa' bas dmigs pas bzhis de bzhin gshegs pa la mchod par bya'o// bzhi gang zhe na/ 'di lta ste/ thams cad mkhyen pa nyid la dmigs pa dang / sems can thams cad rab tu dgrol ba la dmigs pa dang / dkon mchog gsum gyi gdung mi chad par bya ba la dmigs pa dang / sangs rgyas kyi zhing gi yon tan bkod pa yongs su bzung ba la dmigs pa ste/ lha'i bu byang chub sems dpas dmigs pa bzhi po de dag gis de bzhin gshegs ba la mchod par bya'o// lha'i bus smras pa/ 'jam dpal khyod kyis tshangs pa'i rigs kyi lha'i bu'i nang na tshangs pa gtsug phud can la byang chub sems dpa'i lam bzhi pa bsgrub pa zhes bgyis pa'i chos kyi rnam grangs bshad pa de/ 'jam dpal legs par bshad du gsol/ de la ni bdag dang / thams cad
- 94b
dang ldan pa'i 'khor 'di yang nyan par 'tshal lo// 'jam dpal byang chub sems dpa' rnams la/ chos kyi ser sna ma mchis/ slob dpon gyi chos kyi dpe ma khyud kyang ma mchis so// 'jam dpal gyis smras pa/ lha'i bu de'i phyir legs par rab tu nyon la yid la bzung shig dang / bzhi pa bsgrub pa zhes bya ba'i chos kyi rnam grangs de ngas khyod la bshad do// lha'i bu bzhi po 'di dag ni byang chub sems dpa' rnams kyis lhag pa'i sems skyed par bya'o// bzhi gang zhes na/ lha'i bu 'di la byang chub sems dpa' sems can dpag tu med pa bsdus pa'i ba'i phyir sems bskyed pa dang / sems can dpag tu med pa yongs su smin par bya ba'i phyir sems bskyed pa dang / dge ba'i rtsa ba dpag tu med pa bsngags pa'i phyir sems bskyed pa dang / sangs rgyas kyi chos dpag tu med pa mngon par rdzogs par rtogs par bya ba'i phyir/ sems bskyed pa ste/ lha'i bu bzhi po dag ni byang chub sems dpa'i lhag pa'i bsam pa'i sems bskyed par rig par bya'o// lha'i bu bzhi po 'di dag ni/ byang chub sems dpa' rnams kyis sems bskyed pa brag lta bu yino// bzhi gang zhen/ dge slong rnams la khong khro ba med pa'i sems dang / log par zhugs pa rnams la snying rje ba'i sems dang / shes rab las ma sems
- 95a
ru s+ya/ pa'i sems dang / brtsom pa gams 'og tu chud par byed pa'i sems te/ lha'i bu bzhi po de dag ni byang chub sems dpa' rnams kyi sems bskyed pa brag lta bu yin no// lha'i bu bzhi po 'di dag ni byang chub sems dpa' rnams kyi sems bskyed pa mngon par 'phags pa yin no// bzhi gang zhe na/ tshul khrims mngon par 'phags pa dang / thos pa mngon par 'phags pa dang / byams pa chen po mngon par 'bags pa dang / snying rje chen po mngon par 'phags pa dang / bzhi po de dag go// lha'i bu bzhi po 'di dag ni byang chub sems dpa' rnams kyi sems bskyed pa bstan pa snying po can mi byed pa/ rdo rje lta bu'o// bzhi gang zhe na/ bsam pa las mi phyed pa dang / mdza' ba las mi phyed pa dang / nan tan las mi phyed pa dang / theg pa chen chen po las mi phyed pa ste/ bzhi po de dag go// lha'i bu bzhi po 'di dag ni byang chub sems dpa' rnams kyis sems bskyed pa brnyed dka' ba yin no// bzhi gang zhe na/ nyon mongs pa dang ma 'dres pa dang / rnyed pa dang / bkur sti dang / tshigs su bcad pa thams cad dang ma 'dres pa dang / theg pa dang na dang ma 'dres pa dang / skye bo mi dgrungs pa thams cad ma 'dres pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi sems
- 95b
bskyed pa bla na med pa'o// / bzhi gang zhe na/ phangs pa'i dngos po thams cad yongs su gtong ba'i sems dang / byin nas 'gyod pa med pa'i sems dang / rnam par smin pa la re ba med pa'i sems dang / byang chub tu yongs su sngo ba'i sems te/ bzhi po de dag go/ lha'i bu bzhi po 'di dag ni byang chub sems dpa' rnams kyis spyi bor phyin pa'i chos so// bzhi gang zhe na/ shes rab kyi pha rol tu phyin pa dang / thabs mkhas pa dang / dam pa'i chos yongs su 'dzin pa dang / sems can yongs su smin par byed pa ste/ bzhi po de dag go/ lha'i bu bzhi po 'di dag ni byang chub sems dpa' rnams kyi byang chub kyi lam ston par byed pa'o// bzhi gang zhe na/ pha rol tu phyin pa rnams la brtson pa dang / bsdad pa'i dngos po rnams kyi rjes su 'thun pa dang / tshangs ba'i gnas bsgrub pa dang / mngon par shes pas rnams par rtse ba ste/ bzhi po de dag go/ lha'i bu bzhi po 'di dag ni byang chub sems dpa' rnams kyis chos gya nom pa dam pa mchog yin no// bzhi gang zhe na/ sems can thams can la khong khro ba med pa dang / gang dag de dang 'gal bar byed pa de dag nyid la rab tu thar bar bya bar sems bskyed pa/ ji tsam gyi yul rgya chen po zhig gis 'byor kyang de la bag yod pa dang / ji tsam dbul bas 'phongs par gyur kyang chos
- 96a
spyod pa dang / bzhi po de dag go// lha'i bu bzhi po 'di dag ni byang chub sems dpa' rnams kyi mos pa'o// bzhi gang zhe na/ khyim par gyur na bdag gis longs spyod kyis chog shes pa/ gzhan gyis nor la mngon par 'dod pa med pa dang / rab tu byung na 'phags pa'i rigs chog shes pa dang / sbyangs pa'i yon tan dang / yo byad baspangs pa ste/ bzhi po de dag go// lha'i bu bzhi po 'di dag ni byang chub sems dpa' rnam kyi sbyin pa'o// bzhi gang zhe na/ chos sbyin pa dang / zang zing sbyin pa dang / shog shog dang / snag tsa dang / smyu gu dang / gleg bam sbyin pa dang / chos smra ba la bsam pa thag pa nas legs so zhes bya ba sbyin pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi snying po zhing do// bzhi gang zhe na/ thos pa las nan tan snying po nyid dang / longs spyod rnams las gtong ba'i snying po nyid dang / lus las bla ma la bsnyen bkur bya'o snyam pa zhidang dang / srog las dge ba'i rtsa ba bskyed pa spang pa de nyid de/ bzhi po de dag go// lha'i bu bzhi po 'di dag ni byang chub sems dpa' rnams kyi yongasu gtang bar mi bya ba'o// bzhi gang zhe na/ byang chub kyi sems yongs su gnang bar mi bya ba dang / dam pa'i chos yongs su gnang
- 96b
mi bya ba dang / sems can yongs su gtang bar mi bya ba dang / dge ba'i rtsa ba'i chos thams cad yongs su btsal ba yongs su gtang bar mi bya ste/ bzhi po de dag go// lha'i bu bzhi po 'di dag ni byang chub sems dpa' rnams kyi skyed mos tshal lo// bzhi gang zhe na/ dgon pa na gnas pa dang / dben pa la mngon par dga' ba dang / dge ba'i chos la 'dun pa dang / thabs mkhas pa sems can yongs su smin par byed pa ste/ bzhi po de dag go// lha'i bu bzhi po de dag ni byang chub sems dpa' rnams kyi gzhal med khang ngo // bzhi gang zhe na/ tshangs pa'i gnas pa dang / 'brel ba'i gtam gyi chos nyan pa la dga' ba myong bar byed pa dang / stong pa nyid la nges par sems pa dang / sems can dbul po sdud pa'i nor dang / byang chub tu yongs su bsngo ba'i nor dang / bzhi po de dag go// lha'i bu bzhi po 'di ni byang chub sems dpa' rnams kyi gter ro// bzhi gang zhe na/ gzungs kyi gter dang / spobs pa'i gter dang / chos kyi gter dang / longs spyod zad mi shes par yongs su bsngo ba'i gter te/ bzhi po de dag go/ lha'i bu bzhi po 'di dag ni byang chub sems dpa' rnams kyi mngon par 'byung ba'o// bzhi gang zhe na/ 'du 'dzin las 'byung ba dang / yul thams can las 'byung ba dang //
- 97a
'phags pa ma yin pa'i bsam pa las 'byung ba dang / khams gsum thams cad las 'byung ba ste/ bzhi po de dag ni mngon par 'byung ba'o// lha'i bu bzhi po 'di dag ni byang chub sems dpa' rnams kyi bde ba'o// bzhi gang zhe na/ dngos po thams cad la mi lta ba'i phyir bdag gis med cing yongs su 'dzin pa med pa'i bde ba dang / yul spangs pas bden pa'i bde ba dang / nyon mongs pa med pa'i phyir zhi ba'i bde ba dang / sems can thams cad yongs su mi spong ba'i phyir/ mya ngan 'das pa'i bde ba ste/ bzhi po de dag go// lha'i bu bzhi po 'di dag ni byang chub sems dpa' rnams kyi mchog tu dga' ba'o// bzhi gang zhe na/ de bzhin gshegs pa mthong bas mchog tu dga' ba dang / chos thos pas mchog tu dga' ba dang / sbyin pa la 'gyod pa med pas mchog tu dga' ba dang / sems can thams cad la bde ba bskyed pas mchog tu dga' nga ste/ bzhi po de dag go// lha'i bu bzhi po 'di dag ni byang chub sems dpa' rnams kyis bden pa dang / bzhi gang zhe na/ byang chub kyi sems mi gtong ba dang / yid dam las mi nyams pa dang / skyabs su song ba dag yongs su mi gtong ba dang / ngag bsdams pas tshig thams cad bden pa ste/
- 97b
bzhi po de dag go/ lha'i bu bzhi po 'di dag ni byang chub sems dpa' rnams kyi dge ba'i chos so// bzhi gang zhe na/ dge ba'i chos thams cad la lhag pa'i bsam pas sbyor ba dang / ma brlabs pa thams cad la mi bsnyen pa dang / gsol ba ma btab par sems can thams cad la bshes gnyen du gyur pa dang / yon tan thams cad sgrubs pa la phyir bya ba'i re ba med pas lan la mi re ba ste/ bzhi po de dag go// lha'i bu bzhi po 'di dag ni byang chub sems dpa' rnams kyi spyod pa rnam par dag pa'o// bzhi gang zhe na/ bdag med pa'i phyir tshul khrims rnam par dag pa'o// sems can med pa'i phyir ting nge 'dzin rnam bar dag pa dang / srog med pa'i phyir shes rab rnam par dag pa dang / gang zag med pa'i phyir rnam par grol ba rnam par dag pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi rkang pa'o// bzhi gang zhe na/ chos kyi rkang pa dang / don gyi rkang pa dang / sbyangs pa'i yon taR+Sha rkang pa dang / yo byad bsnyungs pas 'jugs pa'i rkang pa dang / byang chub kyi las kyi tshogs rdzogs pa'i rkang pa ste/ bzhi po de dag go/ lha'i bu bani po 'di dag ni byang chub sems dpa' rnams kyi lag pa'o// bzhi gang zhe na/ dag pa'i lag pa dang / tshul khrims kyi lag pa dang / thos pa'i lag pa dang /
- 98a
shes rab kyi lag pa ste bzhi po de dag go/ lha'i bu bzhi po 'di dag ni byang chub sems dpa' rnams kyi mig go/ bzhi gang zhe na/ las legs par byas pa'i phyir sha'i mig dang / mngon par shes pa las mi mnyam pa'i phyir lha'i mig dang / shin tu thos pa'i stobs dang ldan pa'i phyir/ shes rab kyi mig dang / chos thams cad nges par sems pa'i phyir/ chos kyi mig ste/ bzhi po de dag go// lha'i bu bzhi po 'di dag ni byang chub sems dpa' rnams kyis mi ngoms pa'o// bzhi gang zhe na/ sbyin pas mi ngoms pa dang / dkon pa la gnas pa'i mi ngoms dang / chos nyan pas mi ngoms pa dang / dge ba'i chos kyi tshogs thams cad kyis mi dmas pa ste/ bzhi po de dag go/ lha'i bu bzhi po 'di dag ni byang chub sems dpa' rnams kyi dka' ba byed pa'o// bzhi gang zhe na/ sems can mthu chung ba rnams la bzod cing dang du blang ba dka' ba byed pa dang / dbul po la bdog pa thams cad yongs su btang bar bsams dka' ba byed pa dang / yan lag gi mchog mgo slong ba la/ khong khro ba med ba'i sems dka' ba byed kyi steng du/ dge ba'i bshes gnyen du sems bskyed pa dang / skye ba la mi rtogs pas bsam bzhin du skye bar byed pa'i dka'
- 98b
byed pa ste/ bzhi po de dag go/ lha'i bu bzhi po 'di dag ni byang chub sems dpa' rnams kyi nad med pa'o// bzhi gang zhe na/ khams nyams pas nad med pa dang / nyon mongs pa'i gdung ba med pas nad med pa dang / sems can thams cad bde bar gzhog pas nad med pa dang / chos thams cad la the tshom med pas nad med pa ste/ bzhi po de dag go/ lha'i bu bzhi po 'di dag ni byang chub sems dpa' rnams kyi bdag gi phyogs so// bzhi gang zhe na/ pha rol tu phyin pa'i phyogs dang / byang chub kyi phyogs kyi chos kyi phyogs dang / dge ba'i bshes gnyen yang dag pa'i phyogs dang / sdig pa thams cad cing mi bya ba'i phyogs te/ bzhi po de dag go// lha'i bu bzhi po 'di dag ni byang chub sems dpa' rnams kyi mi skyod pa'o// bzhi gang zhe na/ byang chub sems mi bskyod pa dang / yid dam mi bskyod pa dang / ji skad smras pa de bzhin du byed pa las mi bskyod pa dang / yang dag pa'i nan tan las mi bskyod pa ste/ bzhi po de dag go/ lha'i bu bzhi po 'di dag ni byang chub sems dpa' rnams kyi tshogs so// bzhi gang zhe na/ zhe gnas kyi tshogs dang / lhag mthong gi tshogs dang / thos pa'i tshogs dang / dge ba'i rtsa ba thams cad kyi
- 99a
tshogs te/ bzhi po de dag go/ lha'i bu bzhi po 'di dag ni byang chub sems dpa' rnams kyi chos zung du 'brel bar gyur pa'o// bzhi gang zhe na/ bsam pa dang / sbyor ba zung du 'brel ba dang / gtong ba dang / sngo ba zung du 'brel pa dang / byams pa dang / snying rje zung du 'brel ba/ thabs dang shes rab zung du 'brel ba dang / bzhi de dag go/ lha'i bu bzhi po 'di dag ni byang chub sems dpa' rnams kyi sgrib pa'i rgyu mthun pa'i rmi lam mo// bzhi gang zhe na/ khron pa rdul can mthong zhing de'i gting na yang zla ba'i dkyil khor byA dang / 'tshe'u 'am/ rdzing bu 'am/ khron pa rnyog pa can mthong zhing / de'i gting na yang zla ba'i dkyil 'khor mthong ba dang / bar snang la sprin chen pos g.yog cing de la yang zla ba'i dkyil 'khor mthong ba dang / bar snang la rlung dang rdal dang du bas 'khrigs par mthong zhing / de la zla ba'i dkyil 'khor mthong ba ste/ bzhi po de dag go// lha'i bu bzhi po dri dag ni byang chub sems dpa' rnams kyi las kyi sgrib pa'i rgyu mthun pa'i lam mo// bzhi gang zhe na/ g.yang sa chen po nas bdag g.yang du lgang ba mthong ba dang / lam mthon dman du mthong ba dang / bdag lam srang dog par zhugs par mthong ba dang / rmi lam na phyogs bskrad cing 'jigs pa mang po mthong ste/ bzhi po de dag go//
- 99b
lha'i bu bzhi po 'di dag ni byang chub sems dpa' rnams kyi nyon mongs pa'i sgrib pa'i rgyu 'thun pa'i rmi lam mo// bzhi gang zhe na/ dug drag pos 'khrugs pa mthong ba/ dang / gcan zan gtum po phal po che'i skra thos pa dang / bdag g.yon can gyi nang na gnas par mthong ba dang / bdag gi lus dri ma can dang / goso dri ma can du mthong ste/ bzhi po de dag go/ lha'i bu bzhi po 'di dag ni byang chub sems dpa' rnams kyi gzungs ma thob pa'i rgyu mthun pa'i rmi lam mo/ bzhi gang zhe na/ gnyer chen po rin po che'i sna tshogs kyi gang ba mthong ba dang / rdzing bu me tog pad ma rgyas pa yongasu gang ba mthong ba dang / bdag gi dkar po'i phrugs rnyed pa mthong ba dang / lha zhig spyi bo'i gcugs na gdugs 'dzin pa mthong ba ste/ bzhi po de dag go// lha'i bu bzhi pa 'di dag ni byang chub sems dpa' rnams kyi ting nge 'dzin thob pa'i rgyu mthun pa'i ba'i rmi lam mo// bzhi gang zhe na/ bzang mo rgyan bzang brgyan pa dang / me tog sil ma 'bul bar mthong ba dang / nam mkha' la bya ngang pa dkar po thal kar gyi khyu skad 'byin cing 'gro ba mthong ba dang / de bzhin gshegs pa 'od mang pos brgyan pa'i phyag spyi bor 'jog pa 'dzeg pa mthong ba dang / de bzhin gshegs pa me sogs pad ma la bzhugs shing bsam gtan mdzad par mthong ba ste/
- 100a
bzhi po de dag go// lha'i bu bzhi po 'di dag ni byang chub sems dpa' rnams kyi de bzhin gshegs pa mthong ba'i rgyu mthun pa'i rmi lam mo// bzhi gang zhe na/ zla ba'i dkyil 'khor 'char bar mthong ba dang / nyi ma'i dkyil 'khor 'chang bar mthong ba dang / me tog pad ma kha 'bus par mthong ba dang / tshangs pa'i dbang po'i rab tu zhi ba'i spyod lam mthong ba ste/ lha'i bu bzhi po 'di dag ni byang chub sems dpa' rnams kyi de bzhin gshegs pa mthong ba'i rgyu mthun pa'i rmi lam mo// lha'i bu bzhi po 'di dag ni byang chub sems dpa' rnams kyi rang gi mtshan nyid kyi rgyu mthun pa'i rmi lam mo// bzhi gang zhe na/ shing sa la chen po'i 'dab ma dang / me tog dang / 'bras bu sna tshogs kyis gang bar mthong ba dang / khar ba'i snod gser gyi gang bar mthong ba dang / na mkha'i ngos gdugs dang / rgyal mtshan dang / ba dan gyi gang bar mthong ba dang / 'khor los bsgyur ba'i rgyal po chen po mthong ba ste/ bzhi po de dag go// lha'i bu bzhi pa 'di dag ni byang chub sems dpa' rnams kyi bdud 'dul ba'i rgyu mthun pa'i rmi lam mo// bzhi gang zhe na/ gyad chen pos kyang thams cad mnan nas/ ba dan thogs te/ 'gro ba mthong ba dang / dpa' bo chen po g.yul las 'das te/ 'gro ba
- 100b
mthong ba dang / rgyal po dbang bskur bar mthong ba dang / bdag nyid byang chub kyi snying po la 'dug cing bdud 'dul bar mthong ba ste/ bzhi po de dag go/ lha'i bu bzhi po 'di dag ni byang chub sems dpa' rnams kyi phyir mi ldog pa'i rtags kyi rgyu mthun pa'i rmi lam mo// bzhi gang zhe na/ mgo la thod dkar pos bcings par mthong ba dang / bdag gtan pa med pa'i mchod sbyin byed par mthong ba dang // bdag chos kyi stan chen po la 'dug par mthong ba dang / de bzhin gshegs ba byang chub kyi snying po la bzhugs shing chos ston pa mthong ba ste/ bzhi po de dag go// lha'i bu bzhi po 'di dag ni byang chub sems dpa' rnams kyis snying po 'thob pa'i rgyu mthun pa'i rmi lam mo// bzhi gang zhe na/ bum pa mthong ba dang / bya tsa shes bskor ba mthong ba dang / gang dang gang du 'gro ba de byang chub kyi dang de nyid du shing thams cad ldang zhing 'dud la phyag 'tshal bar byed pa dang / gser gyi kha dog lta bu'i snang ba chen po mthong ba ste/ lha'i bu bzhi po 'di dag ni byang chub sems dpa' rnams kyi byang chub kyi snying po 'thob pa'i rgyu mthun pa'i rmi lam mo// 'jam dpal gzhon nur gyur pas bzhis pa bsgrub pa'i chos kyi rnams grangs 'di bshad pa na/ lha'i bu dpal bzangs ldan dga' dgu ma yi rangs te/ rab tu dga' zhing dga' ba dang / yid bde ba/
- 101a
skyes nas 'khor dang bcas pas 'jam dpal gzhon nur gyur pa la mchod pa'i las bya ba'i phyir/ lha'i me tog mar da ra ba dang / ud pa la dang / pad ma dang / ku mu ta dang / pad ma dkar po dag gis thams cad ldan pa'i 'khor la gtor ro// me tog de dag gtor ma thag tu de nas de'i tshe/ sangs rgyas kyis mthus stes gi bar steng la me tog pad ma shing ha la'i phang lo tsam gyis tshad lha na sdug pa'i yid du 'ongs pa gsung dang ldan pa dag byung bar 'gyur/ me tog de dag gis dbus kyi snying po la byang chub sems dpa' lus skyes bu chen po'i mtshan sum cu rtsa gnyis kyis brgyan pa dag 'byung bar 'gyur to// de nas 'jam dpal gzhon nur gyur pa la lha'i bu dpal bzangs ldan gyis 'di skad ces smras so// 'jam dpal byang chub sems dpa' 'di dag nas lhags/ 'jam dpa' gyis smras pa/ lha'i bu me tog 'di dag gang las 'ongs nyid nas so// lha'i bus smras pa/ 'jam dpal me tog 'di dag ni sprul pa ste/ bdag gis khyod la mchod pa'i las bgyi ba'i slad du gtor ro// 'jam dpal gyis smras pa/ lha'i bu ji ltar me togs 'di dag sprul pa yin pa ltar byang chub sems dpa' de dag gis lus la'ang de bzhin du lha'o// de nas de'i tshe bcom ldan 'das 'dzum
- 101b
ba mdzad do// 'di ni sangs rgyas bcom ldan 'das rnams gang gi tshe/ 'dzum pa mdzad pa'i chos nyid de/ de'i tshe bcom ldan 'das kyis zhal gyi sgo nas 'od zer kha dog sna tshogs kha dog du ma 'di lha ste/ sngon po dang / ser po dang / dmar po dang / dkar po dang / leb rgan dang / shel gyi kha dog lta bu dag byung ngo // de dag gis kyang 'jig rten gyi khams mtha' yas mu med pa snang bar khyab par byas nas/ steng du tshangs pa'i 'jig rten gyi bar du mngon par byung ste/ gzi brjid kyi nyi ma dang zla ba'i gzi brjid zil gyis mnan nas slar ldog ste/ bcom ldan 'das kyi dbu'i gtsug tu nub bo// de nas lha'i bu dpal bzangs ldan stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbar ba btud nas/ bcom ldan 'das la tshigs su bcad pas bstod pa/ gser bzang dri ma med pa'i 'od kyis gzi brjid ldan/ skyes chen mtshon mchog sum cu rtsa gnyis sna tshogs mnga'/ yon tan khrag khrig yon tan gzhal yas gzi brjid can/ mgon po ci'i slad du 'dzum pa ston pa mdzad/ sgra bstan 'byin par mdzad cing rab tu gsung 'brel ba/ tshangs pa'i dbangs su gsungs zhing 'jam
- 102a
pa'i tshig gsung ba/ nor bdun 'od zer rgya chen bde gshegs blo gros ldan/ ka la bing ka'i gsung can ji skad 'dzum pa gsungs/ mi mchog skyes bu dam pa'i tshogs can 'dul/ bdud kyi stobs ni rtags par tha mar sbyin par mdzad/ lha dang lha min namakha' lding gis rtag mchod pa// stobs bcu ldan pas ji skad 'dzum pa sten pa gsungs/ dri med dri bral dri ma ngan pa gsum spangs nas// zla ba nye ba'i dkyil 'khor lha bur zhal rgyas pa/ mun pa rab rib sgrib pa'i rdul gyis zhes bcod pa/ bde dang bde ldan sbyin par mdzad pa 'dzum don gsungs/ bde bar gshegs pa sa dang lha yul phan mchog/ bde dang bde ldan sprin mdzad yon tan mtha' yas pa/ mtshungs shing 'brel la legs gsungs bya'i gsung ldan pa/ 'dzum bstan 'di'i don ni ji ltar rtogs par bgyi/ ling tog stug po mun pa rab rib rnam bstsal pa/ shes rab sgron ma 'od kyis gzi brjid ldan pa'o// glang chen khyu mchod rta dang seng ge'i skabs lhar brjid// 'gro ba'i don mdzad 'dzum pa'i don ni stan du gsol/ mi yi dam pa mi ngan tshogs can 'dul mdzad pa/ zab cing mthong bar dka' la gtid chod dpag dka' ba/ srid pa'i chu ni skye mas mdzad mnyas
- 102b
ba med pa can// sgyu med stobs bcu ldan gyis 'dzum pa mji skad bstan// rga shi zhi bar bgyid pa'i bdud rtsi'i don bstsal ba// zhan+di 'jam zhing dra ba dag dang 'khor lor ldan// blun pa spong mdzad srid pa gsum na mnyam med pa/ ye shes chen po mnga' bas 'dzum don bstan du gsol pa dang / de skad ces gsol ba dang / bcom ldan 'das kyi lha'i bu dpal bzangs ldan la 'di skad ces bka' stsal to// lha'i bu khyod kyis byang chub sems dpa' steng gi bar snang la seng ge'i khril ba ma'i snying po la 'khod pa'i de dag mthong ngam/ gsol pa/ bcom ldan 'das mi tho lags so// bcom ldan 'das kyis bka' stsal ba/ lha'i bu byang chub sems dpa' phyogs bcu nas 'dus pa 'di dag thams cad ni 'jam dpal gzhon nur gyur pa'i dung du chos mnyan pa dang / bzhi pa bsgrub pa'i chos kyi rnam grangs 'di nyan pa'i phyir lhags so// yang byang chub sems dpa' 'di dag thams cad ni 'jam dpal gzhon nur gyur pas/ yongs su smin par byas pa yin no// yang byang chub sems dpa' 'di dag thams cad ni bla na med pa yang dag par rdzogs pa'i byang chub tu skye ba gcig gis thogs ma yin te/ phyogs bcu'i 'jig rten gyi khams ming sna tshogs kyi sangs rgyas kyi zhing gzhan dang gzhan dag tu bla na med pa yang dag par rdzogs
- 103a
pa'i byang chub tu mngon par rdzogs par sangs rgya bar 'gyur ro// lha'i bus gsol pa/ bcom ldan 'das bdag gis byang chub sems dpa' 'di gla gi grangs rtogs par rngo mi thogs na/ ji snyed cig mchis/ de nas bcom ldan 'das kyis tshe dang ldan pa sha ri'i bu la bka' stsal pa/ sha ri'i bu khrod kyi byang chub sems dpa' 'di dag gi grang rtogs par nus sam/ gsol pa/ bcom ldan 'das bdag gis stong gsum gyi stong chen po'i 'jig rten gyi khams na gang skar mi gzugs de dag thams cad ni skad cig thang cig yud tsam cig gis bgrang bar spro'i// bcom ldan 'das bdag gis byang chub sems dpa' 'di dag ni lo brgyar yang bgrang bar spro ba ma lags so// bcom ldan 'das kyis bka' stsal pa/ sha ri'i bu gal te 'dzam bu'i gling 'di rdul phra rab kyi rdul gyi gang bar gyur kyang / rdul phra rab de dag bgrangs pa'i tshul gyis mtha' rtogs par mi nus te/ byang chub sems dpa' 'dus pa 'di dag ni de tsam du tshad med do// gsol pa bcom ldan 'das byang chub sems dpa' 'di dag gang du byang chub mngon par rdzogs par 'tshang rgya ba'i sangs rgyas kyi zhing de rnyed mchis par ga la 'gyur/ bcom ldan 'das kyis bka' stsal pa//
- 103b
sha ri'i bu kha rog 'dug de skad ma smra shig/ sha ri'i bu sangs rgyas kyi zhing tshad med pa dag de bzhin gshegs pas stod do// sha ri'i bu yong su rtag pa bzung na gal te de bzhin gshegs pa'i tshe'i tshad bskal pa gang ga'i klung gi bye ma snyed du gyur la/ nyi ma re re thams cad la'ang chos bshad pa gang gi'i klung gi bye ma snyed 'jug par gyur cing / chos bshad pa thams cad la 'ang byang chub sems dpa' gang ga'i klung gi bye ma snyed du lung bstan par gyur la/ gang gis shar phyogs su sangs rgyas kyi zhing gang gi'i klung gi bye ma snyed 'das nas byang chub sems dpa' gcig mtshan mar bzhag kyang sangs rgyas kyi/ zhing rnams de bzhin gshegs pa dag gis de tsam du ston/ phyogs bcu'i sangs rgyas kyi zhing gang de bzhin gshegs pa'i sha'i spyan tha mal pas gzigs bar gyur pa'i sangs rgyas kyi zhing de dag tu skye ba'i sems can de dag gi sems de bzhin gshegs pas mkhyen pa'i de bzhin gshegs pa de dag gis ston ba lta ci smos/ de nas nyan thos chen po de dag thams cad dang ldan pa'i 'khor de ngo mtshar du gyur nas/ tshig 'di skad du bdag cag gis ston pa de dag de lhar rdzu 'phrul che/ de ltar ye shes gzigs pa chen po dang ldan te/ bdag cag gis sbed pa legs par sbed do zhes smras so// de nas byang chub sems
- 104a
dpa' gang phyogs bcu'i 'jig rten gyi khams nas 'das pa steng gi bar snang la 'khod de de dag par snang de las babs nas/ bcom ldan 'das dang / 'jam dpal gzhon nur gyur pa'i zhabs la mgo bos phyag 'tshal te/ bskor nas phyogs bcur dong ngo // de nas dang ma dpal gzhon nur gyur pa la/ lha'i bu dpal bzangs bzangs ldan gyis 'di skad ces smras so// 'jam dpal khyod kyis mdzad pa mdzad cing sems can chad med pa byang chub tu yongs su smin par mdzad pa legs so legs so// / 'jam dpal khyod kyis byang chub sems dpa' rnams kyi byang chub yongs su smin par bgyid pa'i chos la brtsams te spobs par mdzod cig/ 'jam dpal gyis smras pa/ lha'i bu byang chub sems dpa' rnams kyi byang chub yongasu smin par byed pa'i chos ni sum cu rtsa lnga'o// sum cu rtsa lnga gang zhe na/ 'di lta ste/ dus su ska bla dang / chod la skul ba dang / ran pa la skul ba dang / dbang po la skul ba dang / brtan par skul ba dang / pha rol tu phyin pa la bskul pa dang / thabs la bskul ba dang / lhag pa'i bsam pa la bskul pa dang / byams pa chen po la bskul ba dang / snying rje chen po la bskul pa dang / theg pa chen po la bskul ba dang / theg
- 104b
sman pa bskal ba dang / bden pa la bskul pa dang / de bya ba la bskal pa dang / chos srung bar bskul pa dang / thos pa bstan par bskul pa dang / sems can sna tshogs su mi dbye bar bskal pa dang / tshul khrims 'chal pa dang / tshul khrims dang ldan pa la sbyin pa'i gnas su mtshungs par bskal ba dang / bdud kyi las bstan par bskul ba dang / de bcas pa nyams 'og tu chung bar bskul ba dang / 'khor bas yongs su mi skyo bar skul ba dang / bdud 'dul bar skal ba dang / byas pa shes pa dang byas pa bzo bar bskul pa dang / rgyu zad pa la 'jug par bskal pa dang / rnam par thar pa'i sgo la mi 'jig par skul ba dang / de bzhin gshegs pa la mchod pa dang / rim gro bya bar bskal ba dang / sems can thams cad la ji bya snyam pa la spro bar bskal ba dang / 'jigs rten gyi chos ma 'dres par bskal ba dang / dgon pa la dga' bar bskal ba dang / 'dod pa chung shing chog shes par bskal ba dang / 'das pa dang / ma 'ongs pa ma grol ba dgrol ba dang / dbugs ma phyin pa dbugs dbyungs pa dang / yongs su mya ngan las ma 'das pa/ yongs su mya ngan las bzla bar bskul ba dang / dkon mchog gsum gyi gdung mi 'chad par bskul ba dang / sangs rgyas kyi zhing gi yon tan dkod pa yongs su dag par
- 105a
blang bar bskul ba ste/ lha'i bu byang chub sems dpa' rnams kyi byang chub yongs su smin par byed pa'i chos ni sum bcu rtsa lnga pa de dag go// lha'i bu de ltar byang chub sems dpa' yongs su smin par byas pa ni bla na med pa yang dag par rdzog pa'i byang chub las bskyod du med pa yin te/ de ni phas kyi rgol ba thams cad kyis thul bar mi nus so// de ni phyin chad kyang byang chub sems dpa'i dregs pa bcus dregs par mi 'gyur ro// bcu gang zhe na/ tshul khrims kyis dregs pa dang / thos pas dregs pa dang / spobs pas dregs pa dang / rnyed pa dang / bkur sti dang / tshigs su bcad pas dregs pa dang / dgon par gnas par dregs pa dang / spangs pa'i yon tan dang / yo byad bsrungs pas dregs pa dang / gzugs dang longs spyod dang / g.yog 'khor gyis dregs pa dang / brgya byin gyi dang / tshangs pa dang / 'jig rten skyong ba bsnyen bskur byed pas dregs pa dang / bsam gtan dang / dbang phyug dang / mngon par shes pas dregs pa dang / sangs rgyas dang / chos dang / dge 'dun la dang ba'i lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dag 'dong ba dang /
- 105b
bstod pa dang / bsdig par byed pa des kyang bsnyems pa med pa yin te/ lha'i bu byang chub sems dpa'i dregs pa bcu po de dag gis mi snyems so// rab tu mi skems so// de nas 'jam dpal gzhon nur gyur pa la/ lha'i bu dpal bzangs ldan gyis 'di skad ces smras so// 'jam dpal khyod phyogs gang na gnas pa dang / chos kyi rnams grangs de gang na spong ba de ni sangs rgyas 'byung bar lha'o// de na ni chos kyi 'khor lo bskor bar lha'o// bcom ldan 'das kyis bka' stsal pa/ de de bzhin no// lha'i bu de bzhin te/ ji skad smras pa de bzhin no// phyogs gang na 'jam dpal gzhon nur gyur pa gnas pa de ni stong pa ma yin par mngon no// gang na chos kyi rnam grangs 'di spod par gyur pa de na/ de bzhin gshegs pa chos kyi bdag po nyid brtson par mdzad do// gang chos kyi rnam grangs 'di la nyan par byed/ mos par byed pa'i sems can de dag ni nga'i yin par 'gyur ro// gang dag chos kyi rnam grangs 'di nyan pa dang / mos pa'i sems can de dag ni de bzhin gshegs pas 'dul bar lta'o// gang dag kyi rnam grangs 'di 'dzin pa dang / de bzhin du nan tan byed pa de dag ni bla ni bla na med pa yang dag par rdzogs pa'i byang chub las phyir mi ldog pa yin no//
- 106a
de nas bcom ldan 'das kyis byang chub sems dpa' byams pa dang / gnas bstan 'od bsrung chen po dang / tshe dang ldan pa kun dga' bo la bka' stsal pa/ skyes bu dam pa 'di dag ji tsam du chos kyi rnam grangs 'di blang ba dang / bzungs pa dang / bshad pa dang / kun chub par byed pa'i phyir khyed la btad do// da ni ring por mi thogs par yongs su mya ngan las 'das 'gyur gyis/ de'i phyir khyed kyi sems can thams cad la sangs rgyas kyi bya ba'i chos kyi rnams grangs 'di gnas par gyis shig byams pas gsol pa/ bcom ldan 'das bdag gis chos kyi rnam grangs 'di bzungs lags na/ bcom ldan 'das chos kyi rnam grangs 'di'i ming ci lags/ 'di ji ltar bzungs par bgyi/ bcom ldan 'das kyis bka' stsal pa/ byams pa de'i phyir khyod kyis chos kyis rnam grangs 'di bzhi pa bsgrub pa dang / byang chub sems dpa' yongs su smin par byed pa zhes bya bzungs shig/ bcom ldan 'das kyis de skad ces bka' stsal nas/ byang chub sems dpa' byams pa dang / tshe dang ldan pa 'od srungs chen po dang / tshe dang ldan pa kun
- 106b
dga' bo dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa bzhi pa bsgrub pa zhes bya ba theg pa chen po'i mdo// rdzogs s+ho// dge'o// bkra shis/ zhu dag sarba pad+ma la//
Colophon
'phags pa bzhi pa bsgrub pa zhes bya ba theg pa chen po'i mdo// rdzogs s+ho/