rDzogs chen - Sems sdeAll versions of this work

Untitled work

Text

ff. 109a–111a · 5 folio sides

  1. 109a

    ston pa kun bzang bstan pa byang chub sems// sku gsum thugs kyi bdag nyid las// mnyam par gnas pa'i ngo mtshar che// 'jig rten gdul ba rmad byung ste// mi gnas kun bzang rol pa 'dis bye brag med pas 'da' ba'i mchog/ na mkha' 'dra bar mi 'byung gnas pa'i chos// chos nyid ci yang mi mdzad chos bzhin ste// de bzhin 'byung ba na mkha'o// ci yang mi gnas bde ba che// gti mug chen po de ma thag shes rab chos kyi dbyings nyid las// bde ba chen po rang las byung ces bstan// kun bzang rdo rje nga yi 'khor 'dus pa// gang zhig su yang rung ba de yis ni// sems nyid sangs rgyas yin par go ba yi// rig pa yul na sem nyid bde ba ches// gang zhig 'di ltar rig cing rtogs pa ni/ rnam par dag pa'i 'jig rten yin par bshad// gang su rig cing rtogs pa de la ni// chos rnams thad rig pa'i 'od 'dus pas// phyogs bzhi mtshams brgyad bla 'og 'grub pa ni// snang srid chos kun lha dang semasu 'grub// ces phun sum tshogs pa'i mdo dang don gyi 'brel pa gsum rdzogs s+ho// // de nas sems dpa' chen po des// yongasu 'dus pa'i tshogs la// rdzogs pa chen po'i don go bar 'dus pa'i phyir// bye brag 'byed pa'i mdo 'di gsung so// kye 'dus pa'i tshogs chen de nyon cig/ chos kun yo ga bzhir 'dus ste/ yo ga ma hA yo ga dang // a nu yo ga a ti bzhi// re re la yang bzhi bzhir dbye// de yang gang dang gang zhe na/ yo ga'i ma hA ye ga dang // yo ga'i a ti yo ga bzhi/ ma hA la'ang bzhir dbye ste/ ma hA yo ge'i yo ga dang // ma hA yo ga'i a nu dang // ma hA

  2. 109b

    yo ga'i a ti bzhi'o// a nu la yang bzhir dbye ste/ a nu yo ga'i yo ga dang / a nu yo ga'i ma hA dang // a nu yo ga'i a ti bzhi'o// a ti la yang bzhir dbye ste/ a ti yo ga'i yo ga dang // a ti yo ga'i ma hA dang a ti yo ga'i a nu bzhi'o// de yang gang gis 'byed zhe na/ yo ga rnam pa re re la// che ba rnam pa lnga lnga ste/ che ba nyi shur phye ba ni// yo ga bzhi las phye ba yin// de yang ji ltar bstan zhe na// sangs rgyas med pa'i che ba bzhi yo ga bzhi la bzlas pa'o// mngon par sangs rgyas che bzhi ni// yo ga bzhi yi a ti bzhi// chos dbyings sangs rgyas che bzhi ni// yo ga bzhi yi a nu bzhi// bdag nyid sangs rgyas che bzhi ni// yo ga bzhi yi ma hA bzhi// de yin sangs rgyas che bzhi ni// yo ga bzhi yi yo ga bzhi// che ba rnam lnga spyir bstan pa// bzhis na rang kha'i 'dzin par byed// sangs rgyas med pa'i che bas ni// yo ga bzhi po la bzlas pa'o// ye ge bzhi yi bye brag ni// a ti yo ga'i a ti ni/ 'das ma byas pa'i chos nyid ste// skye ba med pa'i rang bzhin gyis// mtshan ma'i yul dang bral ba'o// a ti yo ga'i a nu ni// rang bzhin ma bcos chos nyid/ sgrib pa med pa'i rang bzhin las// dbyings dang ye she rang byung ba'o// a ti yo ga'i ma hA ni/ 'byung chen lnga yi chos nyid ste// kun la khyab pa'i rang bzhin gyis// thabs dang shes rab rang byung ba'o// a ti yo ga'i yo ga ni/ ma btsal grub pa'i chos nyi // zab mo rtogs pa'i rang bzhin gyis/ yul dang dbang po rang byung ba'o// a ti yo ga'i la bzlas ni/ brjod du med pa'i chos nyid ste// sgro skar bral ba'i rang bzhin gyis// bde ba chen po rang byung ba'o// a nu yo ga'i a ti ni/ byang

  3. 110a

    chub sems kyi chos nyid/ rgyu rkyen bral ba'i rang bzhin gyis/ gsang ba'i ye shes rang byung ba'o// a nu yo ga'i a nu ni// dbyings dang ye shes chos nyid ste// thams cad 'byung ba'i rang bzhin gyis chos kun rang byung ye shes pa'o// a nu yo ga'i ma hA ni/ tha~Mng shes rab chos nyid// 'du 'bral med pa'i rang bzhin gyis// gnyis med bde bar byung ba'o// a nu yo ga'i yo ga ni// sems la rdzogs pa'i chos nyid ste// blang ngor med pa'i rang bzhin gyis// lung chen ston pa rang byung ba'o// a nu yo ga la bzlas ni// 'du 'bral med pa'i chos nyid ste/ gzung 'dzin bral ba'i rang bzhin gyis// chos nyid zab mo rang byung ba'o// ma hA yo ga'i a ti ni// chags pa med pa'i chos nyid skye// gzung 'dzin bral ba'i rang bzhin gyis// bde ba'i ye shes rang byung ba'o// ma hA yo ga'i a nu ni// dus gsum gcig pa'i chos nyid ste// sku gcig pa yi rang bzhin gyis// che ba'i bde ba rang byung ba'o/ ma hA yo ga'i ma hA ni// blang dor med pa'i chos nyid/ mi g.yo mi bskyod rang bzhin gyis/ mnyam pa'i bde bar rang byung ba'o// ma hA yo ga'i yo ga ni/ gcig tu 'das pa'i chos nyid ste/ ma byung ma skyes rang bzhin gyis sgro skur bral ba'i rang byung ba'o// ma hA yo gA la bzlas ni/ srid gsum sangs rgyas chos nyid ste/ sgyu mar snang ba'i chos nyid kyis// chos nyid dag tu rang byung ba'o// yo ga'i a ti yo ga nI/ mtshan ma bde ba'i chos nyid snyed mtshan ma med pa'i rang bzhin gyis/ me tog 'bras bu rang byung ba'o// yo ga'i a nu yo ga ni/ yong su rdzogs pa'i chos nyid ste/ lhun gyis grub pa'i chos nyid kyis// bde chen chos nyid rang byung ba'i// yo ga'i ma

  4. 110b

    yo ga ni/ rma ru byung ba'i chos nyid ste// nam mkha' lta bu'i chos nyid kyis// rmad 'byung rol pa rang byung ba'o// yo ga nyid kyi yo ga ni// kun kyang sangs rgyas chos nyid ste/ snying po gcig pa'i rang bzhin gyis// rnam par dag pa rang byung ba'o// yo ga bzhi yi la bzlas pa/ rtsol dang bral ba'i chos nyid ste/ sgrub du med pa'i rang bzhin gyis// sgyu ma lhun grub rang byung ba'o// ces bye brag 'byed pa'i mdo las// yo ga bzhi'i bye brag 'byed pa'i le'u'o// de nas yang sems pa' chen po nges 'dus pa'i tshogs yo ga rnam pa bzhi lo// don ma do'i 'brel pa 'di gsung so// kye 'dus pa'i tshogs chen nga nyon cig/ yang na rnam pa bzhi po las/ rdzogs chen a ti yo ga la// don gyi 'grel pa 'di gsung so// rdzogs chen a ti yo ga'i chos nyid ni/ ye nas lhun gyis grub pa'i chos nyid ste// gzhan la rag ma lus pa'i byang chub sems// dngos po mtshan ma gar yang mtshungs med pa'i/ rgyu rkyen bral ba'i rang byung ye shes kying mngon du gyur pa'i mthu'i rig pa la// bde chen chos ni gzhan nas 'byung mi 'gyur// ces bstan/ rdzogs pa a nu yo ga'i chos nyid ni/ rdo rje skye mched 'byung ba'i chos nyid ste/ nam mkha'i rtog pa'i sprin dang khu lang 'dras rtog pa de la mtshan ma skye med cing // sems rtog mtshan ma med pa de nyid ni// dus gsum rtog pa sku gsum na mkha' 'dra// 'dod yon lnga la chags na mkha' sngo// nam mkha' chags med lta bur sngo ba'o// chos nyid nam mkha' lta/ bur mngon kun bsams// rang don nam mkha' lta bur 'byung bar nges ces bya// bskyed pa ma hA yo ga'i chos nyid ni// sems kyi dkyil la rnam par shes 'khor gyis skor// lha yi skaskra yi khro gnyer cha lugs bzhin// thaM 'joms

  5. 111a

    pa'i khro bo chen po yi// gtso bo khrod bdag ci 'ang lus bsgoms skye// yang nas yang du bsgoms pas mngon gyur nas// bag chags rtas pa'i yi ge hUM byung nas// ma bcos chos dbyings chos nyid zhi ba ste dbang po mngon sum ngag gis mthong ba med// ces so// yo ga phyi yi chos nyid bstan pa ni// byang chub sgrub pa'i yan lag bcu gcig rgyus// kun gyi sgo nas zhugs bsgoms pa 'ang // sku mdog phyag rgya phyag mtshan rdzogs pa rus sku yi cha lugs yid la ting 'dzin sgom// chu zla bzhin du gsal bar bsgom pa yis// gzung 'dzin mtshan ma ngag gis tshur ma gos// ye shes sems dpa' dag la bdag ma chags// chags pa med pa ci lta byung 'gyur yengs dper na byis pas 'dag khang brtsigs pa bzhin/ yang bsgoms yang bshig 'dag khang bzhig pa 'dra// ces bye brag 'byed pa'i mdo las// yo ba rnam pa bzhi'i don gyis 'grel pa bye brag 'byed pa'i mdo rdzogs so// // de nas yang sems dpa' chen po des/ 'dus pa'i tshogs la khyad par 'phags pa'i mdo 'di gsung so// kye 'dus pa'i tshogs chen nga nyon cig/ khyad par 'phags pa'i mdo 'di las// khyad par 'phags pa'i tshe lnga ru// chos rnams thams cad 'dus par bshad// khyad par 'phags pa'i tshe lnga ni// mngon par sangs rgyas che ba dang // chos nyid sangs rgyas che ba dang // bdag nyid sangs rgyas che ba dang // de yin sangs rgyas che ba dang // sangs rgyas med pa'i che ba'o// de yang ji ltar 'phags zhe na/ che ba lnga yi byang chub sems/ sems nyid che ba lngas 'phags ste// mngon par sangs rgyas che ba ni/ 'dus ma byas pa'i byang chub sems// snang sring