rDzogs chen - Sems sdeAll versions of this work

Untitled work

Text

ff. 141a–148a · 15 folio sides

  1. 141a

    par ston rdzogs pas nyams pa'i dbang du mi 'gyur bstan// byang chub sems kyi mdo 'grel chen po bcu las// theg pa yas 'bubs kyi mdo dang // don gyi 'grel pa dgu pa rdzog s+ho// de nas yang sems dpa' chen po des// 'dus pa'i tshogs thaMd la chos tha daM ni// byang chub kyi sems rdzogs pa chen po kho nar rdzogs pa'i phyir// yongasu rdzogs pa'i mdo 'di gsungaso// kye 'das pa'i tshogs tshan da nyon cig/ ji ltar snang ba'i chos rnams ni// byang chub sems la rdzogs pa'i phyir// byang chub sems 'di shes par gyis// byang chub sems 'di shes pa dang // chos kun rang la rdzogs shes pas// rang las byung ba'i chos rnams kun// rang byung byang chub semasu shes// rang byung byang chub sems 'di la// ma yin pa yi chos med pas// sems ma yin gyi chos yong min// ces gsungs pas// 'dus pa'i tshogs rnams rab tu yid rang ste// kun 'dus pa'i tshe kyis zhus pa/ e ma ho// sems dpa' rdo rje kun tu bzang // ji ltar snang ba'i chos rnams kun// sems yin sems men chos men nam// bdag cag 'dus tshogs semasu yang // chos kun rab tu 'dus lags sam ces zhuso// de nas sems dpa' chen pos don 'di gsung so// kye 'dus pa'i tshogs chen 'di dag la// 'di yis don kun rig par gyis// snang chos rgyu ni 'byung chen lnga// 'byung lnga rgyu ni byang chub sems// sems kyi chos kun snang bar bskyed// sems mi snang la chos mi snang // des na sems snang cho su 'dus// sems la cig las yong ma yin// sems la gcig tu khyab pa'i phyir// sangs rgyas ye shes thugs kyang sems// son bag chags yid

  2. 141b

    kyi sems// sangs rgyas yid la mi rtog rgyas// sems can rang rtog bag chags sgrib// rang byung sems de mi gnyis gcig/ gcig phyir dus gsum sangs rgyas dang // 'dus tshogs khyed sems dbyer med pas// sems nyid rdzogs pa chen po ni// yongasu rdzogs pa'i mdo zhes bya// kye 'dus pa'i tshogs chen de nyon cig/ yongasu rdzogs pa'i mdo 'di la// don ni rnam pa gnyis rdzogs te// 'jig rten yongasu rdzogs pa dang // 'das pa yongasu rdzob pa 'od srid gsum 'khor ba'i se naM rnams// rkam tshogs lnga yi lam sbyang zhing // khams gsum 'khor ba'i tshogs skyes te// bde ba'i don med rgyud sngar 'gyur// kye 'dus pa'i tshogs chen nga nyon cig/ 'dus pa yongasu rdzogs pa la// man ngag bcu tshan gsum bstan te// mdo dgu sems nyid rdzogs dang bcu// lung dgu man ngag 'dus dang bcu// tshig dgu byang chub sems dang bcu'o// de yang gang dang gang zhe na/ gcig gi mdo dang gnyis kyi mdo// gsum gyi mdo dang bzhi yi mdo// lnga yi mdo dang drug gi mdo// bdun gyi mdo dang brgyad kyi mdo// dgu yi mdo dang bcu yi mongs// thaMd rdzogs par bstan pa ni// gcig dang gnyis dang bcu par du dang grangs la mthun pa'i grangs kyis bstan// de yang ji ltar bstan ce na// kun bzang rdo rje sems dpa'i dka'// gcig la cig bstan gnyis la gnyis// gsum la gsum bstan bzhi la bzhi// lnga la lnga bstan drug la drug/ bdun la bdun bstan brgyad la brgyad// dgu la dgu bstan bcu la bcu// lnga bcu rtsa lnga'i bye brag 'dis// kun bzang rdo rje sems dpa'i bka'// mdo yi tshogs bzhi lnga bcu lngas// 'khor ba mya ngan 'das

  3. 142a

    pa'i chos// tha daM yongasu rdzogs par bstan// mdo dag sems nyid rdzogs dang bcu// de yang gang dang gang zhe na// gcig mdo byang chub sems kyi mdo// gnyis mdo rnam par bgrang ba'i mdor gsum mdo phun sum tshogs pa'i mdo// bzhi mdo bye brag 'byed pa'i mdo// lnga mdo khyad par 'phags pa'i mdo// drug mdo gol sgrib ston pa'i mdo// bdun mdo gtan la 'bebs pa'i mdo// brgyad mdo nges par ston pa'i mdo// dgu mdo theg pa yas 'bubs mdo// bcu pa sems nyid rdzogs chen 'dis// lnga bcu rtsa lnga'i bye brag ston// de yang ji lta bu zhe na/ gcig ni byang chub sems yin te// byang chub sems la bgrang du med// rtsa ba'i don du shes par bya// gnyis ni rnam par bgrengs pa ste// byang chub sems la gnyis bgrangs pas// 'khor ba mya ngan 'das pa ste// sangs rgyas sen gnyisu bgrangs// gsum la don gsum bstan pa ni// ston pa bstan pa'i 'khor ston na// dus dang gnas ni rang bzhin tshad// phun sum tshogs pa gsum du bstan// bzhi pa'i mdo las don bzhi ste// yo ga bzhi yi rnam pa la// re re la yang bzhi bzhi ste// yo ga bzhi yi bye brag 'byed// lnga yi mdo la don lnga ste// khyad par 'phags pa'i mdo dag las// khyad par 'phags pa'i tshe lnga ston// drug pa'i mdo la don drug ste// gol sgrib ston pa'i mdo dag las// nges pa thob pa'i theg pa dag/ rdzogs pa chen po'i gol sar bstan/ gol sa drug dang sgrib drug/ bdun pa'i mdol don bdun pa'o// / bstan la 'bebs pa'i mdo dag las// lung chen gsum dang man ngag bzhi'o/

  4. 142b

    rnam pa bdun gyis gtan la 'bebs// brgyad pa'i mdo la don brgyad// nges par ston pa'i mdo dag las// nges pa dag ni rnam brgyad kyis// med pa brgyad dang nges pa lnga// ma nges rnam pa gsum dang brgyad// brgyad pa gnyis kyi rnam pa bstan// drag pa'i don la don dgu ste// theg pa yas 'bubs mdo dag las// bden pa dgu yi tshig dgu ni// yas 'bubs theg pa dgu ru bstan// bcu yi mdo las don bcu ste// yongs su dag pa'i mdo dag las lung dgu man ngag bsdus dang bcu'o// de la mdo dgu sems dang bcur// byang chub sems dpas bshad pa yin// lung dgu man ngag bsdus dang bcu'o// de don gang dang gang zhe na/ rtsa ba bzhi yi rtsis mgo dang // sdung pa 'byed pa'i theg le dang // 'gyur ba med pa'i phyag rgya dang // bgrod lam nor ba'i gol sa dang // ma shes pa yi sgrib pa dang // 'brel pa brgyad bstan pa dang // gtan la 'babs pa'i lung chen dang // la bzla ba'i man ngag dang nges pa dag gi yin pa dang // don bsdus pa'i gautan tshigs lnga'o// de yang gang dang gang zhe na// rtsa ba bzhi yi rtsis mgo ni// byang chub sems kyi rang bzhin ni// ston pa rdo rje'i sa yin te// ston pa rdo rje sems dpa' la// ming dang don dang dben dang ni// rang bzhin de ga gi che ba bstan// de yang ji lta bu zhe na// ming ni rdo rje sems dpa' la// don gyi rang bzhin skye ba med// dpe ni nam mkha' lta bu ste// ske ba lnga ni khyad par 'phags// des na rtsa ba bzhi zhes byang/ sdud par byed pa'i thig le ni// byang chub sems kyi ngo bo ni// spros pa med pa'i rang bzhin gyis/ sdud pa byed pa'i thig le to// spros med thig le chen po drug/ chen po'i yon tan rnam grangs te// chos nyid byang chub sem

  5. 143a

    la grangs// de yang ji ltar sdung zhe na// spros med chos nyid thig le ni// ma bcos pa yi byang chub sems// rang bzhin gnas pa'i thig ler bshad// byang chub sems kyi che ba yin// spros med dbyings kyi thig le ni// thams cad sdud pa'i byang chub sems// 'byed pa med pa'i thig ler sdud// byang chub sems kyi che ba yin// dbyings nyid rnam dag thig le ni// gzung 'dzin dag po'i byang chub sems// spros med pa'i thig ler sdungasang byang chub sems kyi che ba yis// ye ri shes chen po'i thig le ni// ma sgribs pa yi byang chub sems// 'phags pa med po'i thig le sdung // byang chub sems kyi che ba yin// spros med kun bzang thig le ni// blang dor med pa'i byang chub sems// mnyam pa med pa'i thig ler sdud // byang chub sems kyi che ba yin// spris med lhun gnas thig le ni// rtsol sgrub 'das pa'i byang chub sems// ma g.yos pa yi thig ler sdud// thig le thig le zhes bya ba// spros pa med pa'i don yin te/ byang chub sems kyi rang bzhi no// // 'gyur ba med pa'i phyag rgya ni// rang byung ye shes bskyed med pas// bcu gnyis lnga ru shes bya ste// ye shes don gyi bye brag yin// gtan la 'bebs pa'i mdo yis bstan// bgrod lam nor ba'i gol sa dang // ma shes pa yi sgrib pa gnyis// rang bzhin 'di bcu ma shes pas// gol sa dang ni sgrib par 'gyur// rang bzhin bcu ni 'di lta ste// lta ba dang ni dam tshig dang // 'phrin las dang ni ye shes dang // sa dang lam gyi rim pa dang // phra ba chos nyid rang bzhin dang // 'brel pa rgyud kyi rang bzhin dang // theg pa 'bengs pa'i lung chen dang // la bzlas

  6. 143b

    man ngago/ nges par thob pa'i theg pa drug/ soms nyid rdzogs pa chen po la// rang bzhin 'di bcus khyab pa'i phyir// rang bzhin 'di bcu shes par bya// de yang gang dang gang zhe na// lta ba bdun dang dam tshig bdun// 'phrin las bdun dang ye shes bdun// sa bdun dang ni bgrod lam bdun// phra ba chos bdun brgyud 'brel bdun/ thog tu 'bebs pa'i lung bstan dang // la bzlos pa yi man ngag bdun// bcu chen bdun gyi rang bzhin 'di// ya na bdun gyi ngo bo 'dis// gong mo ma shes sgrib par bshad// 'og minA lam nai re go la sa te// go la sa bcu tshan drug dang ni// sgrib pa bcu tshan drug yod do// sum rgya drug cu tham pa bgrang // de yang gang zag blo la snang ba rnal 'byor bzhi las phye ba ni// gol sa brgya ni brgya cu la// sgrib pa sum cu bcu gnyis bcu// nyis brgya bzhi bzhi gol sgrib bgrang // sum cu tham pa bgrangs pa ste// de yang gang zag blo la snang // rnal 'byor/ bzhi las bgrangs pa ste// rang bzhin bcu yi go la sgrib la// gang gol gang sgrib ngos mA bzung // 'dri gol 'di sgribs bstan pa med// 'di gol 'di sgribs bstan pa ni// rang bzhin bcu po gcig la yang dal la gol la la sgribs// ya ni bdun gyi ngos la snang / de na gol sgrib ban gnyis// rang bzhin bcu po gcig la yang / ya na bdun gyi gol bgrangs na// gol sa bcu dang sgrib pa bcu gcig la bsgribs pa mi gnas la// gcig la gcig gol yod pa min// de yang ji lta bu zhe na// rdzogs pa chen po a ti yo ga la// sgrib pa bcu yi sgrib pa med// gol sa drug cu tham pa yod// theg chen

  7. 144a

    byang chub sems dpa' la// gol sa bcu po bgrang du med// sgrib pa drug cu tham pa yod// rdzogs chen shin tu rnal 'byor la// gol sa bstan pa de bzhin du// yongasu rdzogs pa'i rnal 'byor la// sgrib pa rnam pa bcu bstan te// rang bzhin bcu yi sgrib pa'o// gol sa bcu tshan lnga bstan te// rang bzhin bcu yi gol sa'o// rnal 'byor chen po bskyed pa la// sgrib pa bcu tshan gnyis bstan pa// gol sa bcu tshan bzhi bstan te/ rang bzhin bcu yi sgrib pa'o// gol sa bcu tshan lnga bstan te/ rang bzhin bcu yi gol sa'o// rnal 'byor chen po bskyed pa la/ sgrib pa bcu tshan gnyis bstan pa/ gol sa bcu tshan bzhi bstan te// rang bzhin bcu yi gol sgrib po// sems dpa' chen po rnal 'byor la/ gol sgrib bcu tshan gsum gsum ste// de yang rang bzhin gol sgrib po// gnyis kar spyod pa'i u pa ya// sgrib pa bcu tshan bzhis sgribs la// gol sa bcu tshan gnyis su bstan// de yang rang bzhin bcu las bstan// bya ba dag gis kri ya la// sgrib pa bcu tshan ljags bsgribs/ gol sa bcu tshan gcig gis bstan// de nas sum brgya drug cur bshad// yan lag rnam pa drug po yis// rang gi rang bzhin ma shes na// gol sgrib gong du bstan pa 'byung // rnal 'byor rnam pa bzhi po la// gol sgrib nyis brgya bzhi bcu 'byung // grol sgrib bgrangs te 'byung ba ni// ya na rnam pa bdun po la// lha ba re dang ngam tshig re// 'phrin las re dang ye shes ro// sa re li ma ri pra ba ra// rgyud re lung riman ngag re// sa nas re la yod pa'i phyir/ des mo gol sgri gringasu byung / 'di rdu mdo tsam bstan pa yi// gol

  8. 144b

    bstan pa'i mdo yis bshad// / 'brel pa rgyud kyi rang bzhin ni// rnam pa bcu ru shes par bya// snang ba dang ni srid par 'brel// snod dang bcud du ye nas 'brel// 'khor ba mya ngan 'das par 'grel// rgyu dang 'bras bu ye nas 'brel/ yul dang dbang po ye nas 'brel/ thabs dang shes rab ye nas 'brel// dbyings dang ye na shes ye nas 'brel// don dam kun rdzob ye nas 'brel// sems dang cho su ye nas 'brel de nas sangs rgyas se ni 'brel// rgyud dang rang bzhin 'brel par bshad// de yang ji lta bu zhe na// ji ltar snang ba'i chos rnams ni// srid pa'i snang ba'i byung ba'i phyir// 'brel pa zhes bshad pa yin// snod ni ye nas bcud gan te da snod ces bya ba bcud kyi snod // de nas snod bcud ye nas 'brel// rgyud drug 'khor ba'i senaM rnams// ye nas mya ngan 'das pa'i rgyu// des na ye nas rgyu yis 'brel/ gang rgyu sa bon de las ni/ gang gis 'bras bu de 'byung bas// rgyu dang 'bras bu ye nas 'brel/ dbang po dag la yul gsol bas/ ma 'gags rang rkyen dag gis gsal// des na yul dang dbang por 'bral// gang zhig skye med yul de ni// rig pa thabs kyi rgyal pos rtogs// des na thabs dang shes rab 'brel// spros dang bral ba'i chos dbyings te// ma sgribs pa'i ye shes yin// des na dbyings dang ye shes 'brel/ kun rdzob tshig dang yi ge yis// don dam kun rdzob brjod med par rtogs// nges mngon dam kun rdzob 'brel// sems dpa' chosu 'brel pas ni// sems de chos kyi yul la gnas// chos yul semasu ye gsal bas// nges nas sems dang chosu 'brel// sangs rgyas som

  9. 145a

    'brel pa ni// sangs rgyas thugs rje sems can las// smon pa gcig las ye nas 'brel// de nas 'brel pa bcu zhes bshad// gtan la 'brel ba'i lung chen ni// dper na blon po'i gtan smras la// bka' lung zhes ni sgrogs pa med// rgya lnga po dag gis bka' stsal na// de la bka' lung zhesu gdags// de bzhin gang zag don bstan yang // lung zhes bya bar ming mi 'dogs// de bzhin ston pa rnam gsu gyis// gang zag dbang por mi dgu la// bden pa'i tshig dgu smras pa ni// ston pa'i lung dgu zhes su gdags// la zlos pa yi man ngag ni// rnam pa bcu ru shes par bya// de yang gang dang gang zhe na// lta ba dang ni dam tshig dang // 'phrin las dang ni ye shes dang // sa dang lam dang rim pa dang // phra ba chos dang rgyud dang lung // man ngag rang bzhin bcu po de// sems nyid rdzogs pa che bstan bzhin// man ngag tu ni shes par bya// / nges pa dag gi yin pa ni// rnam pa drug du shes par bya// byang chub sems kyi rang bzhin to// ye nas yin pa'i don bshed// kun tu bzang po yin pa dang // gnyi su med par yin pa dang // rgyud yin lung yin man dgra yin// chos nyid byang chub sems de le// bzang ngan blang dor med pa'i phyir// kun tu bzang po yin par bshad// chos nyid byang chub sems de la// thams cad 'dus shing 'byung ba'i phyir// kun tu bzang mo yin par bshad/ chos nyid byang chub sems de la// gzung 'dzin spros pa med pa'i phyir// gnyi su med pa yin par bshad// rgyud lung man ngag gsum yin pa// chos nyid byang chub sems de la/ thams

  10. 145b

    cad 'dus shing 'tshogs pa'i phyir/ phun sum tshogs pa'i rgyud ces bya// chos nyid byang chub sems de yis// chos kun gtan la 'bebs pa'i phyir// lung chen gtan la 'bebs pa'i phyir// byang chub sems kyi lung chen bshad// sems nyid rdzogs pa chen po 'dis/ man ngag rang bzhin bcu po 'di// sgro skur 'das par la zlos phyir// man ngag kyang ni yin par bshad// don 'dus pa yi gta tshigs ni// rnam pa lnga ru bstan pa ste// dgos don lnga dang man ngag brgyad// rnal 'byor srog bzhin dam tshig dang // lnga gcig gsum gyis pA dang // gangag su yod med bstan pa'o// dgos don lnga ni gang zhe na/ byang chub sems kyi rang bzhin dang // sems kyi rdo rje skye mched dang / brtsal du med pa'i chos nyid dang // kun bzang rol pa 'byung ba'i phyir// ting 'dzin bskyed rdzogs mi dgongs dang // ji ltar byas pa gang zhe na/ man ngag dam pa yin par bshad// man ngag brgyad ni gang zhe na/ sa dang lam gyi dkyil 'khor dang / las dang sbyor ba dag pa dang / 'byed pa med dang sgrol ba dang // rdzogs pa chen po'i nam mkha' dang // de yang ji lta bu zhe na/ sa la sbyang du med pa yin// lam la bgrod du med pa yin/ dkyil 'khor mtha' dbus med pa yin// las la rtsal du med pa yin/ sbyor ba gnyisu med pa yin gcig la dbye ru med pa yin/ rgyu rkyen ma byung skye me rtsa la// rdzogs pa chen po'i man ngag ni// sems nyid rdzogs pa chen po yin// chos nyid rdzogs pa chen po'o// srog chags bzhi'i man ngag gang zhe na

  11. 146a

    rnal 'byor srog gi dam tshig bzhi/ dam tshig bzhi ni gang zhe na/ bsrung du med pa'i rnam bzhi ste// med pa dang ni phyal pa dang // gcig lung dang ni lhun gru'o// dam tshig srog ni lta ba yind/ lta ba'i srog ni ston pa'i lung / lung gi srog ni gsang ba'o// lnga gcig gsum gyis 'phags pa ni// de yang gang dang gang zhe na/ khyad par 'phags pa'i mdo dag las// khyad par 'phags pa'i che lngas 'phags// gsum 'phags phun sum tshogs mdo las// phun sum tshogs pa gsum gyis 'phags// gcig 'phags byang chub sems mdo 'phags// des na theg pa kun las 'phags// bdag su yod med bstan pa ni/ bdag su yod par bstan pa dang // bdag su med par bstan pa'o// rnam par bgrang ba'i mdo dag las// theg pa yas 'bebs mdo dag las// bde ba tshig dgu gdag su yod// tshig dgu ston pa'i ston pa yang // gdag su yod par bshad pa yin// bdag su med par bstan pa ni// nges pa ston pa'i mdo dag las// bdag su med par brgyad bstan pa// byang chub sems kyi mdo dag las byang chub sems la mtshon pa med// des na bdag su yod par bshad pa yin// bdag su med par bstan pa ni/ nges pa ston pa'i mdo dag las// bdag su med par brgyad bstan la// chos thad tshig dgur 'das pa la// tshig dgu byang chub kyi sems gcig la smras pa/ byang chub sems dpa' chen po des/ kye 'dus pa'i tshogs chen da nyon cig/ tshig dgu byang chub sems bcu ni// tshig dgu smras pa sems kyis

  12. 146b

    smras dang sems te bstan phyir tshig dgu byung // nga ni sems kyi chos nyid// chos nyid ye nas 'dus ma byas/ da ni sems dpa' rdo rje zhes// kun bzang byang chub sems kyis btags// byang chub sems kyi chos nyid la rang byung ye nas rgyu med las// rang byung ye nas gnyen po med// brtsal du med la byang chub sems// spyad du med la byang chub sems// bsam du med pa'i byang chub sems// dngos po bral ba'i byang chub sems// bstan du med pa'i byang chub sems// spros pa med pa'i byang chub sems/ brtag tu med pa'i byang chub sems// sgros skur med pa'i byang chub sems// kun la 'das pa'i sems nyid 'dir// chos kun ye nas 'dus shing gnas dang sems nyid na mkha' lta bu gnas// nam mkha' ci las mi gnas bzhin// sems nyid ci la 'ang gnas pa med// sems dpa' chen po nga yis ni// nga yi rang bzhin 'das pa'i dgu// khyed la tshig dag/ bstan pa 'dis// nga yi rang bzhin shes par gyis// nga yi rang bzhin 'di shes na// khyed kyang nga yi rang bzhin yin// nga yi chos rnams thams cad kun// spyod yul kun las 'das pa'i phyir// sgros skur kun dang 'brel lo ces/ yongasu rdzogs pa'i mdo'o// / de nas sems dpa' rdo rje nges// 'dus pa'i tshogs la yongasu rdzogs pa'i mdo las// don gyi 'grel pa bcu pa 'di gsung so// kye 'dus pa'i tshogs chen nga nyon cig/ yongasu rdzogs pa'i mdo 'di ni// rdzogs pa rnam pa gnyis rdzogs/ 'jig rten yong su rdzogs pa dang / 'das pa yongasu rdzogs pa'o// 'jig rten rnam pa gnyis bstan la/ 'das pa rnam pa

  13. 147a

    brgyad kyis bstan// 'jig rten las dang bsam pa nyid / 'jig rten khams gsum las kyi sbyor ba yang // don dam skye ba med pa'i sgyu mar snang ba ste// don ngam ma yin tshig tsam snang ba ste// 'jig rten 'di na bsod nams 'tshogs pa yis// 'khor ba'i 'khor lo sgyur ba'i gnas thob kyang // mi rtag sgyu ma 'dra ba'i snyi gnas yin// 'jig rten po yi bsam pa 'di lta bu'o// sna tshogs spyod cing med pa'i yul la ltos// las kyi dus der 'byung bar mi 'gyur te/ chags dang ma bral smon lam 'debs pas na/ 'bras bu med cing stong par gsungs pa yin/ de ni 'jig rten lta ba bstan pa yin zhes gsungs so// // de las 'das pa yongasu rdzogs pa la brgya de// nyan thos dag ni rang bzhin dang // rdzogs pa chen po bstan pa dang // lam bsnun pa dang lam gyi dpe// yid la ma byas tshogs chen po sku dang ye shes bstan pa dang // bsgom du med par bstan pa dang // rol pa rang las 'byung bar bstan pa'o// de la nyan thos bstan pa ni// brtsal du med pa'i chos nyid de la ni// dbang po drug brtul 'dul ba'i khrims zhus rtso lad sdug bsngal lus kyi spyod pa drag shul gyis// spyad kyang nges pa'i gnas la ming med// lung gi a dang ston pa'i bar ldan na// skad cig sgyu ma'i bde ba 'byung ba yod ces bstan// rdzogs pa chen po rol pa bstan pa ni// chos nyid byang chub sems ni na mkha' 'dra// sems la rtog pa med pas chos kyi sku// dngos po mtshan ma med par gzung 'dzin ni/ dpe ni tshul snang ba'i zla ba 'dra// chos sku ma skyes kun tu bzang po las

  14. 147b

    rol pa skye ba'i cho 'phrul ba ni// snang srid mngon du byung ba'i chos nyid// don dam skye ba med pas A lir bshad// rig pa mngon du gyur pa'i sems nyid ni/ chos la 'gag pa med par kA lir bshad // de'i rdzogs pa chen po'i rol pas bstan/ chos nyid lam gyi rang bzhin bstan pa ni// sngon gyi lam yang chos nyid byang chub sems/ da ltar lam yang chos nyid chos kyi dbyings// snga ma rnams kyi lam gyi dpe bzhin du// chos nyid de ni phyi lam gnasu che// de ltar sangs rgyas lnga yi lam bzhin du// chos nyid skye ba med pa de nyid ni/ phyi ma'i kun gyi lam gyi rang bzhi no// kun gyi lam nyid yin par bstan pa ni/ gong ma kun gyi lam dang 'dra bar ni// 'gro ba yongs kyi lam ni chos nyid // chos nyid nam mkha'i zla ba 'dra ba las/ tshig brjod 'dzub mo rten dang bcas pa 'dra// sangs rgyas sems can gyi mnyam pa ni// chos nyid bden pa chen po de yin la// snang ba chen po'i chos nyid de la ni// dbang po ltas pas chos nyid grub pa med ces bstan// // yid kyi tshogs chen bstan pa ni// snang srid yid kyi tshogs bsngos yon dag ste/ dbang po ltas pas 'dod yon bkram pa'o// dbang po mig gi tshegasu mthong bar ni/ 'dod yon lnga ru gsal bas dngos grubo// de la ting 'dzin mnyam par bzhag pa ni// rgyu dang ya shas tshogs nyid rdzogs pa'o// ces bstan to// / skra dang ye shes bstan pa ni// byang chub sems ni dngos po cir mi g.yo// gzung 'dzin mi mnga' chos skur phyag rgya yin// ting 'dzin mi skyong rang byung ye shes te// chos nyid mtshan mar mi len bdag med cing // sems kyis

  15. 148a

    gang yang mi skyong mi len mi 'dor bas// 'di zhes brjod tshig bral mnyam nyid// zhes bstan// / bsgom du med pa bstan pa ni// srid pa 'byung ba snang ba yod pa'i chos chos nyid byang chub sems la snang ba med// ma brtsal rang bzhin bzhag pa bsgom pa'i mchog/ brtsal med chos la yod par rnam brtsal na// na mkha' dgu la khang po 'brubs pa 'dra// med par yod pa'i 'bras bu song mi 'byung nga/ ces bstan// // rol pa rang bzhin las 'byung bar bstan pa ni// byang chub sems ni kun gyi snying po ste// chos kun lhag ma med par yongasu rdzogs// gnyen po med pas gzhan gyi dbang mi 'gyur// 'gyur ba med pa'i rang bzhin drang por bshad// gnas dpe ni nam mkha' bzhin te mtha' yas khyab// rgyu rkyen med pas gzhan la rag ma lus// ces bstan// byang chub sems kyi mdo 'grel chen po bcu las// yongasu rdzo pa'i mdo'i don gyi 'grel pa rdzogas+ho// / de nas sems dpa' chen po nges// 'ongs pa'i tshogs la chos zad tshig dang yi ges gtan la dbab du med// tshig dang yi ge 'brel pa'i sgo nas// gang zag gi blo'i rtogs par bya ba'i phyir// don gyi 'grel pa lnga po 'di gsung so// kye 'dus pa'i tshogs chen nga nyon cag/ snga rabs 'das pa'i sangs rgyas kyang // don gyi 'grel pa lnga po 'dis// rtogs nas skye mched sa la gshegs da ltar bzhugs pa'i rnal 'byor yang // don gyi 'grel pa lnga po 'dis/ nga yi lung chen don rtogs nas/ dgongs pa 'di yi gnas par byed// spang nas byon pa'i gdung 'tsho ba rnams// don gyi 'grel pa lnga po 'dis