'phags pa sku gsum zhes bya ba theg pa chen po'i mdo
Text
ff. 60a–61a · 3 folio sides
- 60a
bya ba ni byas so// 'di las srid pa gzhan mi shes so zhes yang dag pa kho nar shes par 'gyur ro// bcom ldan 'das kyis de skad ces bka' stsal nas dge slong de dag yi rangs te bcom ldan 'das kyis gsungs pa la mngon par bstod do/ / bslab pa gsum gyi mdo rdzogs so// // rgya gar skad du/ Ar+ya kA ya trA~M nA ma sa nA yAn sUH/ bod skad du/ 'phags pa sku gsum zhes bya ba zag pa chen po'i mdo/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab bya rgod phung po'i ri la bzhugs so byang chub sems dpa' tshad med grangs med pa dang / lha dang / klu dang / 'khor thams cad dang thabs gcig tu bzhugs te/ bcom ldan 'das la bkur stir bgyid cing mchod do// de'i tshe la bor der byang chub sems dpa' sa'i snying po 'dug pa stan las langs nas/ bcom ldan 'das la 'di skad ces gsol to// bcom ldan 'das la sku du mnga'/ bcom ldan 'das kyis bka' stsal pa/ sa'i snying po bcom ldan 'das de bzhin gshegs pa la sku gsum mnga' ste/ chos kyi sku dang / longs spyod rdzogs pa'i sku dang / sprul pa'i sku'o// rigs kyi bu de bzhin gshegs pa'i sku gsum ni rang bzhin rnam par dag pa ni chos kyi sku'o/ / ting nge 'dzin rnam par dag pa ni longs spyod rdzogs pa'i sku'o// spyod pa rnam par dag pa ni sangs rgyas thams cad kyi sprul pa'i sku'o// rigs kyi bu de bzhin gshegs pa'i chos kyi sku ni nam mkha' ltar rang bzhin med pa'i don no/ / longs spyod rdzogs pa'i su ni sprin ltar 'byung ba'i don no// sprul pa'i sku ni sangs rgyas thams cad kyi 'phrin las te/ char pa lta bu ste thams cad 'das pa'i don no//
- 60b
bcom ldan 'das la byang chub sems dpa' sa'i snying pos 'di skad ces gsol to// bcom ldan 'das kyi sku gsum gyi bshad pa ji ltar blta bar bgyi/ bcom ldan 'das kyis byang chub sems dpa' sam snying po la bka' stsal pa/ rigs kyi bu de bzhin gshegs pa'i sku gsum ni 'di ltar blta bar bya'o// chos kyi sku ni de bzhin gshegs pa'i ngo gang la blta bar bya'o// longs spyod rdzogs pa'i sku ni byang chub sems dpa'i ngo gang la blta bar bya'o/ / sprul pa'i sku ni mos pas spyod pa'i so so skye bo'i do gang la blta bar bya'o// rigs kyi bu chos kyi sku ni sangs rgyas thams cad dang rang bzhin mthun par gnas so// longs spyod rdzogs pa'i sku ni sangs rgyas thams cad dang ting nge 'dzin mthun par gnas so// sprul pa'i sku ni sangs rgyas thams cad dang 'phrin las mthun par gnas so// rigs kyi bu kun gzhi gnas su dag pa ni me long lta bu'i yo shes te chos kyi sku'o/ / nyon mongs pa'i yid gnas su dag pa ni mnyam pa nyid kyi ye shes so// yid kyi rnam par shes pa gnas su dag pa ni so sor kun tu rtog pa'i ye shes te/ longs spyod rdzogs pa'i sku'o// sgo lnga'i rnam par shes pa gnas su dag pa ni bya ba grub pa'i ye shes te sprul pa'i sku'o// de nas byang chub sems dpa' sa'i snying pos bcom ldan 'das la 'di skad ces gsol to/ / bcom ldan 'das bdag gis bcom ldan 'das la dam pa'i chos thos pa ni rab tu legs so// bde bar gshegs pa rab tu legs so// bcom ldan 'das kyis ba/ 'astsal pa/ rigs kyi bu bcom ldan 'das la khyod kyis thos pa'i chos kyi rnam grangs 'di gang gis rab tu 'dzin pa das bsod nams tshad mad brjod du med grangs med cing dpag tu med pa 'thob bo// bcom ldan da
- 61a
kyis de skad ces bka' stsal pa dang / byang chub sems dpa' sa'i snying po dang / lha dang / klu dang / gnod sbyin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa sku gsum zhes bya ba theg pa chen po'i mdo// rdzogs s+ho// / rgya gar skad du/ Ar+ya tri skan d+ha ka nA ma ma hA yA na sU tra/ bod skad du/ 'phags pa phung po gsum pa zhes bya batheg pa chen po'i mdo/ / sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das chos kyi dbye dgon na bzhugs te/ 'das pa dang / mabyon pa dang / da ltar byung ba'i sangs rgyas bcom ldan 'das ye shes chen pos legs par thugs su chud pa'i blo mnga' ba/ sangs rgyas thams cad dang mnyam pa nyid brnyes pa/ chos kyi sku gnyis su med pa la brten cing gnas pa/ nam mkha'i dkyil yul du gyur cing thug pa med pa'i ye shes mnga' ba/ chos kyi dbyings thams cad du rab tu zhugs pa'i sku dang ldan pa chos kyi cod pan chags pa med pa mchog dam pa dri ma med pas bcings pa/ so so yang dag par rig pa chen po rjes su bsgrags pas shin tu rnam par dbye ba'i dbyings can/ bsod nams mi zad pa'i mdzod kyis ye shes kyi dkyil 'khor yangs shing 'od gsal ba/ nyon mongs pa med pa'i chos thugs su chud pas mi brtan par gnas pa/ chos kyi dbyings thams cad du shin tu rnam par grol ba'i ye shes kyi sku dang ldan pa/ bskal pa bye ba dpag tu med par yon tan gyi chos yongs su brjod kyang mi zad cing thug pa med pa'i yon tan gyi bsngags pa bstan pa'i khyad par brnyes pa de dag la phyag 'tshal lo/ / de bzhin gshegs pa sems can thams cad snyed kyis sangs rgyas bcom ldan
Colophon
'phags pa sku gsum pa zhes bya ba theg pa chen po'i mdo|| rdzogs s.ho||