rin po che 'od 'bar ba
Text
ff. 36b–38a · 4 folio sides
- 36b
'gro'o// rang lus snying po med pa'i mchog yin te// bde gshegs kun gyi snying po mchog yin no// bde gshegs mchod bya rang gi zas bza' 'o// rang la gnas pa'i srin bu 'bum chags la// srin bu lus rgyas sbyin pa chen por bsam// zas de za yang rang bzhin med par bzhag/ tshogs gnyis bsag cing lha sgom zas kyi rnal 'byor gyi le'u ste bdun pa'o// // ston pa'i ston pa kun tu bzang po la// sdud pa'i gsang bdag rdo rje sems dpa' yis// rgyud 'di gang la ji ltar gtad pa yin// ston pa'i ston pa kun tu bzang po des// nyid las mi zhan sdud pa po la gtad// sdud pa'i gsang ba dag rdo rje sems dpa' des// brgya byin lha yi bu la gtad// brgya byin lha yi bu des rgyud kyi rgyal po 'di// lha dang mkha' 'gro rnams la gtad// lha dang mkha' 'gro de rnams kyis// mchod pa'i rten du rab mthong ste/ rin chen gsar gyi glegs bam la// bai DUr+ya yi zhun mas bris// rang byung mchod rten de la gtang // gsang ba gnyis su med pa'i 'khor lo bskor te/ rin po che ral gri'i rgyud gtad pa'i le'u ste brgyad pa'o// // rin po che sna tshogs ral gri'i rgyud rdzogs so// / rin po
- 37a
shes kyi rgyal po la phyag 'tshal lo// lnga phung yan lag thams cad ni// 'bru lnga bzhag pa'i byang chub ste// oM dang su 'drar 'bral bas byang chub nyid las byung // spyi ni brjod pas thams cad ming tsam yin te a// a nyid mngon rdzogs rgyal po dbyings kyi ngang // skye 'jig nyid na yi ge a// de nyid byang chub sems yin te// mi dmigs byang chub mchog 'byung ba'i// gsum char lnga 'bar bcur 'byor pa'i// zad med rin chen gter yin te// mngon shes drug ldan mtshan gsol/ dpags// de nyid phung po rdzogs pa'i don// gnyis med ye shes byang chub sems// mi dmigs ye shes thig ler gsal// spros med ye shes nam mkha'i dbyings// 'gyur med ye shes rgyas pa la// rgyas 'debs chen po bdag nyid che// a ho phyogs bcu rgyal ba'i dkyil 'khor kun// nges pa'i don bkrol bzhi bcu rtsa lngar gsungs// bsdus pa'i don du ye shes 'bru lngar gsungs// lnga po nyid kyang 'bra gsum nang du bsdus// gsum po nyid kyang yi ge ar 'dus te// a nyid ma skyes mngon rdzogs nyid la thim// dbyings nyid ya nas rin chen lus la gsal// rin chen lus nyid ye shes bcud la gnas// hUM ni bde che na thugs kyi dbyings// skye 'gag med pa'i g.yung drung dbyings// gang
- 37b
gis rtogs pa rin po che// rdo rje spu gri gnon po ste// gsang chen bde ba'i thig btab pas// mi gos lam zhes bgrod du med// de nyid dur khrod dpal chen te// thugs ni ha chan dpal gyi ngo bo ra sta na// oM badz+ra shrI he ru ka hUM/ dbyings dang mnyam pa'i tshogs la phyag 'tshal lo// a la spros shing bsdu ba ni// gsang ba'i thig le nyid kyi dbyings// nam mkha'i dbyings nas sprin byung ste// sa las 'bras bu sna tshogs smin// gcig pu'i ngang las bsam mi khyab// byin rlabs yon tan chen po 'byung // yon tan rin chen 'byung ldan cha ho// gcig gi ngang las bsam mi khyab// dbyings las mi zhan yon tan thig le'i ngang // ye nas dbyings nyid che ba'i tshul// snang byed nyid la bya byed med par gnas// ye shes brdal khyab rin po che// phyi mar gar 'gro ba stan pa ni// rnam shes sems kyi rgyal po la// ting 'dzin thugs la byin gyis brlabs// mi skye sems kyi me long la// mi 'gog sku yi ngo bor gsal// skye 'gag med pa'i chos dbyings las// bde ba chen po'i 'od zer gsal// de yi ngang las nges pa'i don// mngon rdzogs rgyal po'i dbyings la rol// bde chen rgyal ba'i thugs la shar// rin chen sprul pa spros pas khams gsum dbyings la rol// chags med thugs la shar bas srid
- 38a
pa'i dpa' bo mdzad// rtsa brgyad lus la rdzogs pas dpag tsam sku yi brgyan/ ka thig le dbyings la sbyor bas nyes pa'i skyon mi mnga'// shes rab mchog dang rnam bral ba// dug dang 'khor ba mthong ba yi// rang sems bslus pa'i sems can la// nam yang spel bar yod ma gsungs// rin po che 'od 'bar ba rdzogs so// / @bcom ldan 'das dpal mngon rdzogs rgyal po la phyag 'tshal lo// de la bdag gi rgyu ji lta bu zhe na// rgyu dang rkyen dang rkyen dang len// des ni mngon par yong ma yin// shes pa gsum la zhen pa sI// sus dang dngas sa 'khor ba'i lam// nug po gsum dang mngon par gnas/ nag po gsum gyis 'phen po yin// de la bdud kyi tha ma ni// dmar gnag gdong la o shol dbyings// de ni blo rmugs snod yin te// shes pa gsum la sgom par 'gebs// de las gnas 'gyur mnyam pa nyid// shes pa gsum gi mtshan nyid ni// dbyibs dang kha dog la sogs te// rang gi gnas 'gyur sna tshogs pa/ sdud kyis bsdus te bdud bzhi bsgral// gcig las gcig tu gzhu 'dul byas// rang rig lhums nas mngon par phyung // thugs kyi sras su bzhag pa yin// ye