rnal 'byor nang pa'i tshogs rgyud
Text
ff. 88b–126a · 76 folio sides
- 88b
'byor pa thams cad kyi lta phugs su gyur pa 'di ni// kun mkhyen sems kyi ston pa zhes bya ba de yin par shes par bya'o// lta ba mdor bsdus pa zhes de la bgyi'o// mAn ngag thams cad kyi lta ba mdor bsdus pa zhes bya ba rdzogs so// / rgya gar gyi mkhan po pad+ma sam b+ha bi dang / bi ma la ni tra dang / bod kyi lo tsa bsgrubs nam mkha'i snying pos bsgyur ba'o// phyis bal po bA su b+ha ra dang / sbubs sangs rgyas ye shes kyis zhus gtugs so// thugs rje chen po'i gtor rgyud rdzogs so// / rgya gar skad du/ yo ga ga na ma hA tan tra/ bod skad du/ rnal 'byor nang pa'i tshogs rgyud// dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ 'og min chos kyi dbyings pho brang yum gyi b+ha ga'i dbyings rnam par dag pa na/ bcom ldan 'das dpal rdo rje sems dpa' dang / rigs lnga'i sangs rgyas dang / gsang ba'i yum dang / 'khor sems dpa' dang / sems ma dang / mkha' 'gro ma dang / khro bo dang / khro mo dang / sprul pa'i 'khor dang bcas pa dang thabs cig tu bzhug pa'i tshe//
- 89a
bcom ldan 'das dpal rdo rje sems dpa'i dbu'i gtsug tor drang po las 'od zer bsam gyis mi khyab pa 'bros pas// nam mkha'i dbyings kyis gang nas gang du khyab pa'i 'jig rten gyi khams thams cad du khyab pas/ lha dang lha mo'i dkyil 'khor rab 'byam bsam gyis mi khyab pa// phyag na yang rnal 'byor tshogs kyi mchod pa bsam gyis mi khyab pa thogs pas// rgyal ba'i dkyil 'khor rab 'byam bsam gyis mi khyab pa thams cad la/ mchod pa'i rnam pas thabs dang shes rab kyi tshul du mchod// dgyes pa chen po'i gzi mdangs kyis tshim par mdzad nas/ bde bar gshegs pa rnams kyi sku gsung thugs la phog pas/ thugs dam chen po'i rgyud bskul te/ sku la phog pas mdzad pa'i 'phrin las dang ma 'gal bar thugs dam bskul/ gsung la phog pas bden pa'i chos nyid las ma bcos par thugs dam bskul// thugs la phog pas bden pa'i chos nyid las mnyam pa'i sems las ma g.yos par thugs dam bskul/ dbang gi mchog zhus pa ni/ lha dbang lus la brtsegs pa dang / spyi dbang 'dod dgur bsgyur ba dang / chos dbang sems dang 'dres pa dang / gsang dbang lhun gyis grub pa dang bzhi mnos//
- 89b
dngos grub kyi mchog zhus pa ni/ sku'i dngos grub phyag rgya chen por rang snang ba dang / gsung gi dngos grub chos nyid ma skyes pa lhun gyis grub pa rang snang ba dang / thugs kyi dngos grub sems ye nas sangs rgyas yin pa la mnos// skye 'gro mi dang / gzugs kyi bsdus pa thams cad la khyab pas sems can gyi don byas te/ long bas gzugs mthong ba la sogs pa'i don byas te/ 'khor ba'i skyon bsal te/ dngos por lta ba'i gdos pa bshig/ log pa'i skyon bcom/ ma rig pa'i mun pa bsal sdug bsngal gyi rgyu ba shig/ 'khor ba'i 'dam nas drangs/ byang chub kyi shul btod/ dngos grub kyi snod du rung bar mdzad// rigs nges pa'i sras su mdzad nas/ 'od zer de dag rdo rje sems dpa'i sku la 'dus pas// rdo rje sems dpa'i sku nyid shin tu lhan ne/ lhan ne ba yang ma yin pa/ shin tu lham me ba/ lham me pa yang ma yin pa/ shin tu sa le ba/ sa le ba yang ma yin pa/ shin tu sang nge ba/ sang nge ba yang ma yin pa/ ji lta bur yang snang ba/ ji lta bur yang ma yin pa thams cad du gsal la ma bsgribs pa/ nyi ma'i 'od dang 'dra ba la// de lta bu'i gdos pa can yang ma yin te/ thams cad du lta bas mi ngoms pa la/ brtag gis
- 90a
mi lang ba'i sku gcig kyang gcig/ bsam gyis kyang mi khyab// mtha' thug pa yang med// dbus rtag pa yang med/ dngos po yang ma yin// stong pa yang ma yin/ yod par yang ma yin/ med par yang ma song // drung nas nye bar med pa dang / bgyed nas ring ba med pa// thams cad du lhun gyis grub pa la 'di la zhes bstan du med pa la/ ji lta bur yang dmigs su med pa la// ji ltar gang yang ma tshang ba med pa'i sku gad la bas/ rdo rje sems dpa'i chos kyi skur gyur to// de nas rdo rje sems dpa'i ljags kyi pad+ma las/ yig 'bru bzhi bcu rtsa gnyis kha dog rnam pa sna tshogs pa'i 'od zer bsam gyis mi khyab pa 'phros pas/ stong gsum gyi stong chen po lta bu'i grangs ma yin pa/ ji ltar nam mkha' gang nas gang du khyab pa thams cad gzungs dang sgra la sogs pas bsdus la/ de dag thams cad tshig gis bsdus la/ tshig thams cad yi ger bsdus/ yi ge thams cad sangs rgyas kyi rang bzhin du lung bstan/ phyogs bcu dus gsum gyi sangs rgyas thams cad kyi ljags dang gsung la phog pas/ gang nas sangs rgyas bcom ldan 'das gsung gi sgo nas chos kyi 'khor lo bskor bar bzhed pa rnams bskul ba'i sa la bzhes
- 90b
te bzhugs pa rnams la/ gsung gi sgo nas thugs dam gyi rgyud bskul te/ dgyes pa chen pos chos nyid kyi mchod pa phul nas/ chos thams cad tshig dang yi ge'i sgo nas sangs rgyas kyi don thugs la ye shes klong rum nas dgongs nas/ mgur gsang ba'i bum par byung nas/ ljags kyi pad+mo dbang po mchog la bkram ste/ 'gro ba sems can la chos kyi 'khor lo bskor bar bskul ma btab// gang na sangs rgyas bcom ldan 'das chos kyi 'khor lo bskor te/ 'gro ba mi rtag par bstan pa'i slad du/ thabs kyis mya ngan las 'da' bar tshul ston par bzhed pa rnams la yang phog pas/ dgyes pa'i mchod pa chen po'i mchod pa phul nas/ thugs dam chen po'i rgyud bskul nas/ thabs kyi mya ngan las mi 'da' zhing / 'jig rten du yun ring du bzhugs par gsol ba gdab/ stug pos brgyan pa'i sangs rgyas rnams la pog/ pas/ yig 'bru gzugs kyi mchod pas sku mtshan dang dpe byad du ldan pa'i sgo nas/ bdag dang gnyis su med pa'i thugs dam bsku la/ yig 'bru tshig gi mchod pas gsung dbyangs bsam gyis mi khyab pa dang ldan pa'i sgo nas/ tshig don gsal rtogs par byas la/ tshig gis gsal bar byas te/ mnyam pa chen po'i lhun nas chos
- 91a
nyid ma skyes par thugs dam bskul/ yig 'bru don gyi mchod pas thams cad mkhyen pa'i ye shes dang ldan pa'i sgo nas don gyi rtogs par byas la/ tshig gis gsal bar byas te/ mnyam pa chen po'i lhun thams cad sangs rgyas par thugs dam bskul/ mtha' yas pa'i sems can thams cad la phog pas nga rgyal gdug rtsub kyi sgra ni drag po'i sngags zer du bsgyur// zhe sdang gsod gcod kyi sgra ni khro bo'i gad rgyangs su phyung / gti mug 'tshal pa'i sgra ni chos nyid ma bcos par bstan// tshig dang sgra brnyan gyi sgra ni sangs rgyas kyi gsung du bsgrags// don dang gtan tshigs kyis bstan pa'i yi ger bzhag/ yig 'bru gsum gyis ngan song gi sgo bcud/ 'od dang gzi mdangs kyis lus ngag yid gsum gyi sgrib pa sbyangs/ bden pa chos nyid kyi tshig las ma gtogs pa/ mtshan ma dang rtog pa'i gtan tshigs spang // ma rig pa thabs kyis drangs// mi 'dul ba la bcus te bstan nas dam la btsud// rtogs pa dang ldan pa rnams don dang gtan tshigs rna khung nas brgyud de/ chos nyid skye ba med pa'i sangs rgyas pa'i tshig gis 'gro ba'i ngag bsgyur/ mi gsung ba la chos nyid brjod du med pa/ tshig tu snang ba la yig 'brur sangs rgyas pa thams cad 'dod
- 91b
dgur lhun gyis grub ste/ yig 'bru dang 'od zer du bcas te slar 'dus pa las/ rdo rje sems dpa'i ljags la thim pas/ thams cad du ma skyes pa/ skye ba med pa thams cad du ma brjod pa/ brjod du med pa/ thams cad du mi dmigs pa/ dmigs su med pa/ chos nyid brdal ba chen po las gang yang bcos su med pa/ chos nyid ma skyes pa las gang yang dngos po med pa/ gangal ba chen po la gang la yang chags pa med pa/ chos nyid kyi longs spyod kyi zug rngu med par mdzad pa'i gsung bsam gyis mi khyab par gyur to// de nas rdo rje sems dpa'i thugs dpal be'u las/ ye shes sems dpa' sku bsam gyis mi khyab pa 'phros/ byang chub sems kyis gang du khyab pa thams cad ye shes sems dpas khyab pas/ sangs rgyas thams cad kyi thugs kyi ye shes la phog pas/ thams cad kun tu bzang por sangs rgyas pa'i mchod pa phul// mnyam pa chen po'i thugs dam bskul/ bdag nyid chen po sems ma bcos pa ye nas sangs rgyas pa la/ ma btsal bar dgyes pa bskyed/ mtha' yas pa'i sems can thams cad kyi sems la phog pas/ sems can thams cad kyi sems ye nas sangs rgyas pa'i ye shes kyi rang bzhin du gnas pa ma rig pa rig par
- 92a
byas ma rtogs pa rtogs par byas// rtogs pa grol zhing smin te sangs rgyas par byas te/ 'khor ba'i rgyud btsal gyis mi rnyed cing / thams cad byang chub snying po can du lhun gyis grub par dbang bskur te/ slar 'dus pas rdo rje sems dpa'i thugs kar 'dus pa las/ rdo rje sems dpa'i thugs gcig tu mi snang ba/ gnyis su ma phye/ grangs su ma brjod pa// ris su mi snang ba/ brjod pa med cing / brjod pa'i mtha' las 'das pa/ smra ba yang med// ma gsung ba yang med pa'i thugs nam mkha' dang 'dra ba la// rtogs pa'i 'od zer nyi bzhin bdal bas snang ba thams cad ni lha'i dkyil 'khor// brjod pa thams cad ni chos nyid kyi mchod pa/ grags pa thams cad ni skye ba med pa'i rang sgra/ rol pa thams cad ni thabs dang shes rab kyi rang bzhin// dgongs pa thams cad ni skye ba med pa'i klong lhun gyis grub pas/ byang chub sems dpa' dang / mtha' yas pa'i sems can thams cad// rdo rje sems dpa' chos kyi skur lhun gyis grub pas// byang chub sems pa rnams ngo mtshar du gyur nas/ bcom ldan 'das rdo rje sems dpa' la mgrin gcig tu 'di skad ces gsol to// e ma'o a la la bcom ldan 'das/ 'di ci'i rgyu/ ci'i rkyen/ ci las
- 92b
byung ba lags/ thugs rje chen po dang ldan pas lung bstan du gsol/ bde bar gshegs pas lung bstan du gsol// rdo rje sems dpas bka' stsal pa/ 'di ni rnal 'byor gyi tshogs rgyud do// rnal 'byor gyi tshogs ni/ de bzhin gshegs pa rnams kyi rkyen no// rdo rje sems dpa' ngas rnal 'byor gyi tshogs kyi mchod pa phul bas/ sangs rgyas pas 'di dag thams cad ni tshogs kyi mchod pa las byung ba'o// // byang chub sems dpa' rnams kyis gsol pa// tshogs zhes bya ba'i nges tshig ci lags/ tshogs kyi dkyil 'khor ji ltar bskyed/ tshogs kyi slob dpon ji ltar bu la bgyi/ tshogs kyi rgyal tshab dang / skar ma dang / ging ji lta bu la bgyi/ yum ji lta bu la bgyi/ tshogs kyi yo byad ci 'tshal// mchod pa ji ltar dbul/ grangs du 'tshal// tshogs kyis 'bras bu ci thob pa lags/ yun ji tsam gyis 'grub/ phul ba'i yon tan dang ma phul ba'i skyon ci mchis// bcom ldan 'das lung bstan du gsol// bde bar gshegs pa lung bstan du gsol// bcom ldan 'das kyis bka' stsal pa/ khyed la sogs pa rnams chos thos par 'dod na/ legs par yid la zung la nyon cig/ rnal 'byor gyi tshogs rgyud chen po 'di/ dus
- 93a
gsum gyi sangs rgyas thams cad kyis kyang gsungs la/ ngas kyang bshad do// de la tshogs zhes bya ba'i nges tshig ni/ don dang 'thun pa la// bka' dang mi 'gal zhing gzhung bzhin du bsgrub pa la sogs pa la tshogs zhes bya ste/ nyan thos dang // rang sangs rgyas dang / dgra bcom pa ming yang med pas// shin tu rnal 'byor gyi dbang phyug chen po gsang sngags rdo rje theg pa la mos shing gzhol ba dang / 'di dag ston cing bshad pa'i snod du gyur pa dang / rtsa ba dang yan lag gi dam tshig la gnas shing mi nyams par bsrung ba dang / ras chod dang gzu lums ma yin par// phyi nang gi dbang rnams lung bzhin du nod pa dang // rgyud phyi nang gi don la mos shing mkhas pa dang / lta ba chos nyid tshig tsam ma yin par rtogs pa dang / spyod pas de dang mi 'gal bar spyod pa dang / 'phrin las kyis bab chol du mi byed cing / gong 'og rim pa rin po che 'phreng ba brgyus pa ltar ma nor zhing sgom zhing bsgrub pa la/ bzhad gang dang gnyid dbang du mi gtang zhing / dang du len pa'i brtson 'grus kyis mgo la me shor ba dang 'dra bar 'bad cing rtsol ba dang / rnal 'byor gyi don gang la yang shong yangs che ba dang / rtogs pas 'khu 'khrig med
- 93b
cing 'khu ldog dang / ya kha dang / mtshang tshig la sogs pas mi smod cing / rnal 'byor pa'i mchod pa'i rgyu 'dod pa'i yon tan rnam pa lnga la sogs pa/ gang yang ma tshang ba med cing zungs su bzung nas// thams cad tshang zhing tshogs pa la tshogs zhes bya ba las// ma tshang zhing ma tshogs pa dang / mi mthun pa'i phyogs la tshogs zhes bya ba'i nges tshig med do// de la tshogs kyi slob dpon ni kun gyis bya ba ma yin te/ lta ba gnyis su med pa/ byang chub kyi sems rtogs pa/ spyod pas gsang ba bka' dang mi 'gal zhing // thabs la mkhas pas snod min pa dang / mu stegs dang / log pa'i phyogs rnams kyis ma tshor ma 'phrigs par thabs la mkhas par spyod pa dang / dbang rim pas brtsegs te/ rig pa'i rgyal po rlab 'byam gyi dbang thob nas/ dbang rgyud dang / dbang rdzas dang / dbang rtags dang / dbang bsgrub dang / dbang snyen dang / dbang bskur la mkhas pa dang // dam tshigs gzhi dang 'dra bar shongs yangs dang theg pa che zhing snying la bcangs te bsrung ba dang 'phrin las kyi sngags dang / phyag rgya dang / ting nge 'dzin dang / ma nor ba'i tshul dgu ste/ dgongs pa lha'i tshul dang / gar ye shes kyi tshul dang /
- 94a
phyag rgya sku'i tshul dang / sngags gsung gi tshul/ snying po thugs kyi tshul/ mchod pa yon tan gyi tshul/ glu 'phrin las kyi chu la/ skyil krung zhi ba'i tshul/ stang stabs khro bo'i tshul/ tshig tu 'brel pa dang / gong 'og ma 'chol pa dang / dgongs pas dkyil 'khor chen po rdzogs par 'dzin pa'o// de la tshogs kyi rgyal tshwa ba ni// dper na rgyal pos bka' bsgo nas blon pos bsrungs pa dang 'dra bar/ dgongs spyod kyi don tha mi dad pa de nyid dang mtshungs pa las// gzhan 'dren pa'i thabs la mkhas pa dang // slob dpon gyi sku snyel dang / thugs gso ba dang snyoms pa la sogs pa bar mchod cing 'grub par bya ba dang // slob dpon gyi zhal tshab tu gzhan la chos ston pa la mkhas pa'o// tshogs kyi kAr ma ni/ 'phrin las rnam bzhi la sogs pa dang // mchod pa dang brda'i don mtha' dag la mkhas pa las ma gtogs pa/ ke'u shang dang blos sdebs pa dang / chos mos btsan du byas pa ma yin pa'o// de la tshogs kyi ging ni/ rang gi sgo ched mi len par/ rnal 'byor gyi spyi ched la brtson pa dang / zhing bcur gyur pa la thugs rjes sgrol nges pa dang / dgongs pa dang //
- 94b
lha rgyud du ldan pa las ma gtogs pa/ sgrol ba btsun thabs dang / sbyor ba rA non dang / rang gang la dga' ba la mngon spyod dang / drag shul gyi las rtsom pa ma yin pa'o// tshogs kyi yum ni// gtso bo'i dgongs pa bzhin du byed nus pa dang / gzhung dgu dang ldan te// tshul shes pa dang / yangs pa che ba dang / mnog thub pa dang // gsang sgo sdom pa dang / dam la gnas pa dang / dam la mos pa dang / dad pas mos pa dang / sems bzang ba dang / rtogs pa che ba la mtshan gyis brgyan pa dang / sems bzang ba dang dgur ldan pa las ma gtogs pa'o// 'dod mos pa dang / rnyed btsal dang / snga 'dris dang / mtshan ngan dang / gsang mi thub pa ma yin pa'o// de la tshogs kyi yo byad ni/ sangs rgyas rnams la ba sgribs pa dang / skyems pa dang / gser ba dang / bsnyung ba mi mnga'// chags pa mi mnga' lags na'ang // dper na rgyal po chen po la/ dkor dang longs spyod kyis ma brel cing ma 'phongs na yang / 'bangs la sogs pas dkor dang longs spyod phul bas/ 'phral gyi phan pa dang / yun gyi bde ba dang / bdag yid la gang 'dod pa stsol ba dang 'dra bar/
- 95a
sangs rgyas rnams la zhen pa mi mnga' yang / phyi rabs kyi rnal 'byor pas tshogs kyi mchod pa chen po'i 'byor pa bsags/ dkon pa btsal// mos pa dang dad pas phul na/ 'di dang pha rol gnyis ka bde ba la sogs par mdzad pas chos nyid la longs spyod dga' bde chen po da lta nyid du stsol bar mdzad pas/ de'i phyir 'dod pa'i yon tan lnga po gzhung bzhin du bsham par bya ste/ gang zhe na/ gzugs la yang rnam pa gsum ste/ rgyan dang / dbyibs dang / snod do// rgyan la yang rnam pa gsum ste/ bkod pa lha'i rgyan dang / mdzes pa lus kyi rgyan dang / gzhal yas sprul pa'i rgyan no// dbyibs la yang rnam pa gsum ste/ lha'i zhal zas kyi dbyibs dang / mi'i zhal zas kyi dbyibs dang / 'byung ba rang skyes kyi dbyibs so// snod la yang gsum ste/ bza' ba'i snod dang / bca' ba'i snod dang / btung ba'i snod do// dr-i la yang rnam pa gsum ste/ dbang po tshim byed spos kyi dri dang / mdog gsal rgyas pa sman gyi dri dang / bcud gsal yid 'ong zhal zas kyi dri'o// ro la
- 95b
yang rnam pa gsum ste/ rang bzhin gyis rlabs pa lan tshwa ba dang / shing tog la sogs kha ba dang / mngar ba dang / sgyur ba dang / tsha ba dang / rtsub pa dang / snyi ba la sogs pa phyi'i 'byung ba'i rang la rang skyes pa'i ro dang / 'gro ba rnams kyis btsal ba'i phabs dang // ru me dang / mnam pa dang // bsdus pa dang // dbyibs pa dang // btsos pa dang // sbyar ba dang / bsregs pa dang / bsangs pa la sogs pa'i ro dang / sngags dang ting nge 'dzin gyis byin gyis brlabs/ pa'i ro dang / chung ngu las chen po/ nyung ngu las mang po/ mi zhim pa las zhim pa/ lha'i zhal zas ro mchog brgya dang ldan pa'o// sgra la yang rnam pa gsum ste/ shes pas zin pa'i sgra dang / glu dbyangs la sogs pa snyan cing yid du 'ong ba sna tshogs pa'i sgra dang / shes pas ma zin pa'i sgra 'byung ba rang rgyud kyi grag pa'i sgra dang / rtsol ba dang / skyes bu'i lag pa dang / rkang pa dang / dbugs dang 'jom pa'i sgra'o// reg pa la rnam pa gsum ste/ dro 'jam reg pa gos kyi reg pa dang / dga' 'jam reg pa yul gyi reg pa dang / don gyi skegs pas rin po che'i chas kyis brgyan pa'i reg pa dang /
- 96a
de lta bu 'dod pa'i yon tan thams cad ni tshogs kyi yo byad yin no// tshogs kyi yo byad ni 'dod pa'i yon tan lnga'o// de dag tshang zhing tshogs na yang legs// de ci'i phyir zhe na/ sangs rgyas nyid kyis mchod pa'i rkyen du byin gyis brlabs pa'o// de bas kyang thams cad du ting nge 'dzin la gnas shing // de gnyis su med pa las ma g.yos pa thams cad tshogs shing dkyil 'khor chen po yin no// de ci'i phyir zhe na/ de ni dper na 'jig rten pa la 'byor pa'i longs spyod sna tshogs pa dang ldan pa la/ mu ge dang 'phongs pa med la/ de bas kyang nor bu rin po che la spyod pa la/ gang gis kyang bag tsha ba med/ sman dang gser 'gyur bzhin du/ dgongs pa'i ting nge 'dzin las ma nyams par ma tshang ba dang / ma 'dus pa gang yang med pa las ma gtogs pa de dang mi ldan pa 'jug pa dang / 'ching ba dang // ma grol ba dang / dgongs pa klong du ma phebs pa rnams ni ma gtogs so// de la tshogs kyi dkyil 'khor ji ltar bskyed pa ni 'di skad do// hUM/ chos rnams stong pa'i rang bzhin pas// ngo bo nyid kyis kun tu dag/ rtog pa'i smra bas ma yul las 'das/ bsgom pa dmigs
- 96b
su med pa'o// oM ma hA shU n+yA tA dz+nyA na badz+ra swa b+ha ba A ta ma ko&haM/ dbyings gcig rang bzhin mi gnyis kyang // ma rig rmongs la bstan pa'i phyir// khyab pa'i snying rje yongs la 'byung // de tshe kye ba med par bsgom// oM d+harma d+hA tu swa b+ha ba A t+ma ma ko&haM/ mtha' dbus med pa'i byang chub sems// chos rnam kun gyi rtsa ba yin// sems nyid yi ger rang bzhin rgyu// yi ge'i mchog tu bsgom par bya'o// hUM badz+ra tsit+ta hUM/ oM ya~M baM laM saM// bruM bi shA bi shud d+he/ mkha' dbyings nam mkha'i klong yangs su// 'byung ba rlung gi sgras bcas te// bdud rtsi chu dkyil mA ma ki/ gser gyi sa gzhi ri rab mdzes// kha dog lngar bcas rin chen lnga// bru las rin chen ga zhal yas khang // ta ma'i skyed shing tsong tsong 'khyil// yid bzhin rin chen grA na gsal// lnga ldi 'ja' tshon sprin ru ma yangs// mu tig chun po sna tshogs bre/ nyi zla thabs dang shes rab kyis// 'khor cing gsal ba'i byin brlabs can// ma rig mun sel ye shes sgro na// gser gyi dril bu g.yer ka las// theg pa'i bye brag sna tshogs sgrog/ phyi nang med pa'i bzhugs gnas de// yangs dogs med pa'i dkyil 'khor bskyed// oM dz+nyA na tsakra man Da la hUM/ dkyil 'khor bzhi
- 97a
bcu rtsa gnyis ni// ma bskyed rdzogs pa'i tshul gyis bskyed// rgyud gzhan dag dang 'thun par bskyed// sems dpa' sum cu rtsa gnyis kyang // ma bskyed rdzogs pa'i tshul gyis bskyed// oM badz+ra satwa hUM/ badz+ra rA dza hUM/ badz+ra rA ga hUM/ badz+ra sA d+hu hUM/ badz+ra rat+na traM/ badz+ra sUR+Ya traM/ badz+ra ke tu traM/ badz+ra ha sa tAM/ badz+ra d+ha ra ma hri/ badz+ra tsakra hrI/ badz+ra pA sha hri/ badz+ra tI kA na hri/ badz+ra karma hri/ badz+ra rak+Sha ha/ badz+ra yak+Sha ha/ badz+ra muSh+Ti hA/ hUM hUM hUM hUM/ tra traM traM tAM/ tri hri hri hr-i/ a a a a/ sku bskyed gsal btab dbang bskur nas// spyan drangs cho ga gzhung bzhin bye// mchod pa la sogs mchod byas nas// de nyid las ni gnas 'gyur te/ he ru dgu dang yum chen dgu/ ke ri brgyud dang 'phra men brgyad// spor ma brgyad dang sgo ma bzhi// dbang phyug nyi shu rtsa brgyad dang / mkha' 'gro sum cu rtsa gnyis dang pho nya sum brgya drug cu dang // ma mo bdun dang sring mo bzhi// rdo rje ging chen bco brgyad rnams// ma bskyed rdzogs pa'i tshul gyis su// dpal 'bar khro mo'i rgyud bzhin bskyed/ sku bskyed gsal btab dbang bskur nas// spyan 'dren cho ga gzhung bzhin dbul// de dag 'dir bshad mang ba'i phyir// gzhan dang 'thun pa'i rgyas par gsungs//
- 97b
tshogs rgyud chen po las dkyil 'khor bskyed pa'i le'u ste dang po'o// // de nas tshogs kyi mchod pa la yang rnam pa gsum ste/ de la tshogs byin gyis brlabs pa dang / tshogs drang ba dang / tshogs kyi mchod pa 'bul ba'o// de la tshogs byin gyis brlabs pa ni/ de bzhin gshegs pa thams cad la 'khor lo gnyis te/ bsam pa mya ngan las 'das shing dgongs pa chos nyid 'brel ba'i 'khor lo dang / 'jig rten dbang du 'dus pa'i 'khor lo'o// de la dgongs pabapachos nyid gcig 'brel ba'i 'khor lo ni/ chos nyid mnyam pa la 'jug pa ni/ thugs rje 'bri bsgrol mi mdzad pa'i don/ sems can thams cad kyi don dang / mgon dang / skyabs dang / dpung gnyen mdzad cing bzhugs pas/ dmigs pa yod na bzhes su snang la/ byin gyis rlob cing dngos grub stsol bar mdzad pas byin gyis brlab mi dgos so// 'jig rten dbang du 'dus pa'i 'khor lo ni// chos mnyam pa la zhugs nas thams cad bya ra'i tshul gyis rtogs te/ dam tshig bsrung mi bsrung lta// dam tshig srung ba la stongs dang grogs byed/ dam tshig mi srung ba nyams pa la chad pa gcod/ mnar med par ltung bar byed// rnal 'byor gyi mchod pa la phud nyams ma nyams
- 98a
dang / gtsang sbra phyed ma phyed lta/ phud ma nyams shing gtsang sbras phyed na/ ci 'dod pa'i dngos grub dang / gang bcol ba'i las byed/ phud nyams shing gtsang sbra ma phyed na// dngos grub kyi bar chad byed// las bcol ba log par bsgrub// rnal 'byor pas byin gyis rlobs ma rlobs dang / dgongs pa dag ma dag lta// byin gyis rlobs la dgongs pa dag na// bsgo ba nyan pa dang / lus dang grib ma bzhin 'khor ba dang / 'khor dang rigs bsrung ba dang / mthu dang dbang ster ba dang / gtor ma spyi bo la mngon du khyer te/ bran snying nye ba bzhin las byed cing 'khru ldog med la/ rnal 'byor pa dgongs pa ma dag cing byin gyis ma rlobs na bar chod kyi bgegs byed/ cho phrul ston// mthu dang dbang 'phrog/ khu ldog che/ mi bde ba'i nad dang / sdug bsngal dang / srog gi bar chad dang // 'khor dang sde la gnod pas byin gyis brlabs dgos te/ dang po tshogs kyi zhal zas la phung ma nyams shing gtsang sbra dang ldan par bsags la dri chab la chos nyid rnam par dag pa'i sngags dang / phyag rgyas byin gyis brlabs pas bsang la/ de nas khro mo dbang phyug ma'i sngags kyis byin gyis
- 98b
brlabs pa ni/ chu gtsang ma'i nang du tsan dan dmar po brdar te/ de la yi ge hUM dmar po gcig tu bsgoms la/ de nas ma hA kro d+hI shwa rI zhes brjod pas/ khro mo dbang phyug ma sku mdog dmar mo mtshon gang ba gcig tu gyur pa'i thugs kar/ yi ge oM gtad la srin mtheb kyi bar du yig 'bru gzung ste/ oM mahA kro d+hi shwa ri hUM hrIHtha sarba dra bya ma sho d+ha ya hUM thA/ zhes lan brgya rtsa brgyad bzlas pas/ khro mo dbang phyug ma 'od du zhu bas/ tshogs kyi longs spyod thams cad mkha' dbyings rnam par dag par byin gyis brlabs te/ de nas tshogs kyi longs spyod la/ yi ge sra mthing kha gcig bkod la/ de 'phros shing 'dus pa las/ oM rad na swa b+hA ba ga ga na khang zhes brjod pas/ lag pa thal mor sbyar te gtugs pas/ tshogs kyi mchod pa thams cad rgya che ba nam mkha' dang mnyam pa/ lhun stug pa ri rab dang mnyam pa/ grangs mang ba rdul phra rab dang mnyam pa/ gting zab pa rgya mtsho dang mtshungs par byin gyis brlabs so// de nas tshogs kyi zhal zas la// hUM dang muM las rdo rje sems dpa' yab yum du gyur/ yab yum gnyis su med pa'i mkha' las zhi khro bo'i dkyil 'khor bsam gyis mi khyab pa 'phros pas/ 'jig rten gyi rnam rtog thams
- 99a
cad bsregs sbyangs tshul bzhin byas la/ rgyal ba'i dkyil 'khor rab 'byam bsam gyis mi khyab pa la/ dgyes pa chen po'i mchod pa lha la lha thim pa'i tshul gyis phul/ mnyes pa chen po'i thugs dam chos nyid dag pa'i rgyan du bskul nas/ rgyal ba'i byin gyis brlabs dang / dpal gyi pham phags kyis khams gsum gyi sems can dang / phyogs bcu'i 'jig rten gyi khams na rdo rje slob dpon dang mched lcam dral/ gsang sngags yo ga rnam gsum gyi sgor zhugs nas/ rnal 'byor gyi bka' gzhung bzhin du mdzad pa thams cad la 'dod pa'i yon tan rnam pa lnga chos nyid dag pa'i rgyan du mchod pa bu la/ thams cad mnyes shing tshim pa dang / 'grangs shing ngoms pa dang // g.yar dam nyams pa so sor stsal/ lus ngag yid gsum gyi sgrib pa sbyangs nas/ ma mo dang mkha' 'gro thams cad la khyab pas// dam rdzas gang la dad pas mchod/ rang rang gi dam tshig srungs/ dpal gyi bka' dang ngam las mi 'da' bar byas/ rnal 'byor gyi las gnyer gtad pa mthar phyin par dam tshig mnos te/ rnal 'byor gyi dgongs pa mthar phyin par byin gyis brlabs so// tshogs rgyud chen po las/ byin gyis
- 99b
brlabs pa'i le'u ste gnyis pa'o// // de nas tshogs kyi mchod pa drang ba 'di skad do// rdza rnga cang ti'u pi wang dang / gling bu dung dang ker ko ta/ 'gan De chos rnams sna tshogs dang // glu dang de'u dang tshig dang bcas// snyan pa'i glu dbyangs sna tshogs kyis// snyan gyi mchod par bzhes su gsol// rgyal ba'i thugs dam skongs gyur cig/ gar dang phyag rgya stangs thabs dang / gzugs dang dbyabs dang rdzas dang bsten// sdug dang mdzes dang yid 'ong zhing // kha dog gsal ba sna tshogs kyis// spyan gyi mchod par bzhes su gsol// rgyal ba rgya mtsho'i thugs dam bskongs// dri dang spos dang bdug pa dang / bsregs dang btsos dang sbyar ba dang // rlangs dang dud pa sna tshogs kyis// shangs kyi mchod par bzhes su gsol// dkyil 'khor thugs dam skongs gyur cig/ bza' dang bca' dang btung ba dang // bshos dang zhal zas sna tshogs dang // kha dang mngar dang sgyur ba dang // tsha dang rtsub dang lan tshwa'i ro// ljags kyi mchod par ba zhes su gsol// sras bcas 'khor gyi thugs dam bskongs// lha dang mi yin bza' dang // gos dang rgyan dang lha ba lbu ba dang // rin chen dbu rgyan
- 100a
cod pan dang // dpung rgyan do sha la se mo do// dar 'phyangs pa ti sham bu dang // snyan cha mgur chu bla med do// sku yi mchod par ba zhes su gsol// dga' ldan lha yi longs spyod dang // 'byor pa mi yi longs spyod dang // dgongs ldan 'phrul gyi longs spyod rnams// dkyil 'khor chen por ba zhes su gsol// 'phags pa'i thugs dam skongs gyur cig/ 'bru tshig don dang man ngag dang // gsal dang gau 'byed snying po'i rgyud// dbang po tshim byed rgyal po'i bka'// phyag rgya chen po'i bsung ldan pa// chos kyi mchod par bzhes su gsol// ma lus thugs dam skongs gyur cig/ ces mchod pa drangs so// tshogs rgyud chen po las/ tshogs drangs pa'i le'u ste gsum pa'o// // de nas tshogs kyi mchod pa la yang rnam pa gsum ste/ phyi gzugs kyi mchod pa dang / nang bsgral ba'i mchod pa dang / gsang ba thabs dang shes rab byang chub sems kyi mchod pa'o// de la phyi gzugs kyi mchod pa la yang rnam pa bcu drug ste/ rnam par mi rtog don gyi mchod pa dang / ting nge 'dzin gyi mchod pa dang / gar gyi mchod pa dang /
- 100b
phyag rgya'i mchod pa dang / sems dpa' bcu drug gi mchod pa dang / sems ma bcu drug gi mchod pa dang / 'dod pa'i yon tan lnga'i mchod pa dang / kun tu bzang po'i mchod pa dang / bde ba chen po'i mchod pa dang / 'dus byas rdzas kyi mchod pa dang / bla na med pa'i mchod pa dang / rnam par grol ba'i mchod pa dang / 'khor gsum yongs su dag pa'i mchod pa dang / gnyis su med pa'i mchod pa dang / mnyam par gzhag pa'i mchod pa dang / lhun gyis grub pa'i mchod pa'o// de la rnam par mi rtog don gyi mchod pa ni 'di skad do// chos nyid stong pa'i rang bzhin la// rnam rtog mtshan ma mi gnas shing // dbu ma la yang mi gnas te// mi rtog mi g.yo skyon bsal te// gzung 'dzin mtshan ma las 'das pas// mi rtog mchod par bzhes su gso la// oM d+harma d+hA tu/ ma hA shU n+ya tA pU dza sA b+ha ba A ta ma ko&haM/ zhes dgongs pa bzung ngo // de nas ting nge 'dzin gyi mchod pa 'bul ba 'di skad do// phyogs bcu stong khams bsam mi khyab// rab 'byam dpag tu med pa na// phyi nang snod bcud ma lus kun// thabs dang shes rab rang bzhin las// phyag rgya chen po
- 101a
dkyil 'khor te// rtogs dang ldan pas gsal bsgoms nas// dbyer med ngo bo nyid kyis mnyam// dmigs pa'i ting 'dzin mchod par ba zhes// oM sa mA d+hi tsa ru pU dza swA hA/ zhes dgongs par brlabs so// de nas gar gyi mchod pa 'bul ba 'di skad do// oM/ gar gyi rgyud dang gar gyi khungs// ga ri gyi ga ri thabs grangs dang bcas// gar gyi gleng gzhi yon tan gyis// gar gyi mchod pa 'bul bar bya// oM dang po dam tshig gar lags te// nam mkha' kun kyang gar gyis khengs// da lta dam tshig gar lags te// sa gzhi kun kyang gar gyis khengs// ga ra mkhan tshul du sangs rgyas zhing // gsang chen bde ba mchod bstan pa// ngo mtshar che la phyag 'tshal lo// g.yas kyi se go la ta la ho// g.yon gyi se go la sham pa rgya// ta la sha ma rgya rtse bsdams pas// 'das pa'i sangs rgyas 'dir bsdus na// phyi nang gzhan lta smos ci dgos// sprin phung bzhin du 'khor 'dus nas/ gzugs dang sgra dang dri dang ro// lo tsa na la sogs pa lngas// dus gsum rgyal ba'i thugs dam skongs gyur nas// rnal 'byor bcol ba'i 'phrin las grub
- 101b
pabar mdzod// oM ma hA shU n+ya tA yo ga prA be b+ha k+Sha mu ba s+yA da pra be b+he su ka ta na/ zhes gar gyi gleng gzhis mchod pa phul nas/ gAr 'byung ba'i rgyu ni g.yon nas khu tshur bcas pa las byung ngo // gar gyi grangs thabs ni/ bsgyur thabs sku gsung thugs su 'dus so// gar gyi yon tan ni// gar bsgyur nas phyag rgya bcings pa'i tshe/ lha'i phyag rgya gsal bar byas nas/ der yang grol thar par 'gyur ro// de nas phyag rgya'i mchod pa 'di skad do// phyag rgya rgyal ba'i bzhugs tshul las// skra yi phyag rgya 'da' ba med// mi 'gyur phyag rgya'i mchod pa las// rgyal ba mnyes te dngos grub stso la// sems dpa'i skyil krung mnyam pa zhag nas/ g.yon pa'i lag pa rkang mthil stengs// g.yas pa de stengs mnyam bzhag pa// kun bzangs yid kyi phyag rgya yin// lag pa thal sbyor sor mo bsnol// gung mo rtse spud mthe'u bsgrengs// mthe bong gnyis kyang de bzhin pasgrengs// rdo rje rigs kyi phyag rgya yin// sor mo bzhi po rgyab bsnol te/ gcig la gcig 'khyud lu gu rgyud// mthe bong nyid ni mthil du sprad// de bzhin rigs kyi phyag rgya yin// thal mo khong stong sbyar ba las// mthe bong glor gzhag mdzub zur can// gong mo sa
- 102a
drug 'od ltar bkris// rin chen rigs kyi phyag rgya yin// lag pa thal mo de nyid las// sor mo rtse sprad skur byas la// pad+ma kha 'bus tshul du byas// pad+ma rigs kyi phyag rgya yin// lag pa thal mo de nyid las// srin lag gnyis ni nang du dgug/ bzhi po rtse sprad phyogs bzhir brlad// las kyi rigs kyi phyag rgya yin// phyag rgya de nyid bcings pa las// bzhi po rtse sprad gye na bsgrengs nas// dam du bcings te bsgrengs pa ni// rigs kyi yum lnga'i phyag rgya yin// thal mo gnyis ni mnyam sbyar nas// sor mo gzhan rnams rgyab tu bsnol// mdzub mo zur can myu gu'i tshul// sa yi snying po'i phyag rgya yin// g.yas pa'i mthe bos mthe'u chung mnan// sor gsum 'phyar ba ral gri'i tshul// g.yon pa shubs ltar byas pa ni// nam mkha'i snying po'i phyag rgya yin// lag pa thal mo kha sbyar brkya / sor mo spel te yid tsam bsnol// pad+ma kha rgyas tshul bzhin byas// spya na ras gzigs dbang phyag rgya yin// g.yas g.yon sor ba sno la gung mo bsgrengs// mdzub mo rA ltar gung mo bzung // mthe bong gnyis ni glor bzhag pa// phyag na rdo rje'i phyag rgya yin// g.yas pa skyabs kyi phyag rgya las// g.yon pa mdzub mo
- 102b
mthe bong spyad// snye ma 'dzin pa ltar byas pa// sems dpa' kun bzangs phyag rgya yin// g.yas pa lag mthil lte bar brkyang // g.yon pa bla la se gol tshul/ po ti 'dzin pa ltar byas pa// sgrib pa rnam sel phyag rgya yin// lag pa g.yas pa mchog sbyin tshul// g.yon pa brkyangs te sa gnon tshul// klu shing 'dzin pa ltar byas pa// byams pa mchog gi phyag rgya yin// lag pa g.yas g.yon rting sbyar nas// sor mo phyir bkyed rtse mo dgug/ ut+pal tshul du byas pa ni/ 'jam dpal gzhon nu'i phyag rgya yin// log pa khu tshur dkur bstan nas// 'gring ba'i tshul du gnas pa la// mdzub gnyis steg pas g.yas su 'dud/ lA s+ye sgeg mo'i phyag rgya yin// lag pa g.yas g.yon mthe mdzub spad// g.yon pa 'phreng ba 'dzin pa la// g.yas pa smin mtshams 'dren pa ni// mA le 'phreng 'dren phyag rgya yin// g.yon pa rin chen pi wa nga la// sor mo dgug dang gnon pa las// g.yas pa rdeb pa ltar byas pa// dbyangs mkhan ma yin phyag rgya yin// g.yon pa thal mo bkan ba ni// g.yas pa'i steng du lto bsnol te// 'khril ba'i tshul gyis bskyod pa ni// gar mkhan bskyod pa'i phyag rgya yin// lag pa g.yon
- 103a
pa'i gru mo nas// g.yas pa 'degs pa ltar byas pa// g.yon pa spos phor tshul du sbyar// d+hU pe tshim byed phyag rgya yin// lag pa g.yas g.yon brathal mo sbyar// snyim pa yid tsam bkang pa las// 'thor ba'i grabs su bskyod pa ni// pus pa me tog 'thor ba'i phyag rgya yin// lag pa g.yas g.yon nyam pa las// mthe'u chung gnyis ni dkyil nas bsgreng // gshibs te gyen du bstan pa ni// zhugs mar A lo phyag rgya yin// lag pa g.yon pa sbyor ba la// g.yas pa'i srin mtheb phyag rgya yis// 'thor ba'i thabs su byas pa ni// gan+d+he dri yi phyag rgya yin// lag pa khu tshur bcangs nas ni// ni mgo'i phyag rgya chen po las// brdeg pa'i tshul du 'phyar ba ni// gshin rje gshed kyi phyag rgya yin// g.yon pa sdig pa mdzub mo las// g.yas pa rdo rje be con gyis// rdeg pa'i thabs su gdengs pa ni// stobs chen po yi phyag rgya yin// rta mgrin dpal ni rta yi rgyal// yang na g.yon pa thong khrag las// g.yas pa sbrul zhags bsnams pa ni// ha ya grI ba'i phyag rgya yin// lag pa g.yas g.yon bsnol ba las// rdo rje rgya gram tshul du byas// 'geng ba'i thabs su brjid pa ni// bdud rtsi 'khyil ba'i phyag rgya yin// mdzub mo lcags kyu ltar byas pa// mi pham
- 103b
ma yi phyag rgya yin// zhags pa sdom pa ltar byas pa// khro gnyer ma yi phyag rgya yin// 'khyud pas lcags sgrog ltar byas pa// ro langs ma yi phyag rgya yin// dril bu dkrol ba ltar byas pa// ral gcig ma yi phyag rgya yin// pi wang rdeb pa ltar byas pa// lha yi thub pa'i phyag rgya yin// go cha sdom pa ltar byas pa// lha min thub pa'i phyag rgya yin/ bsreg par 'dzin pa ltar byas pa// mi mgon thub pa'i phyag rgya yin// po ti chos 'chang phyag rgya ni// byol song thub pa'i phyag rgya yin// rin chen sgrom bu kha phye ni// yi dgas thub pa'i phyag rgya yin// me 'bar chus lcug lag gnyis ni// dmyal ba'i thub pa'i phyag rgya yin// phyag rgya'i mchod pa sna tshogs kyis// dkyil 'khor thugs dam skongs gyur cig/ rgyal sras mchod pas mnyes gyur nas// mthar phyi na dngos grub sbrul du gsol// oM mu dra tsa ri pU dza swA hA/ zhes ma nor bar dbul// de nas sems dpa' bcu drug gi mchod pa 'di skad do// rdo rje sems dpa' dga' ba che// rdo rje rgyal po bde ba che// rdo rje chags pa 'bebs pa cha// rdo rje legs pa bla na med/ rdo rje rin chen dri ma med// rdo rje nyi ma gsal ba che// rdo rje go cha dpa' bo sde// rdo rje bzhad pa thabs chen po// rdo rje chos mchog gsang ba che// rdo rje 'khor lo yid bzhin bskor//
- 104a
rdo rje rnon po thogs pa med// rdo rje smra ba gsungs pa che// rdo rje las rab 'dul mkhas pa// rdo rje gnod sbyin gdug pa sel// rdo rje go cha dpa' bo ste/ rdo rje khu tshur legs pa che// sems dpa' chen po'i mchod pa mi// phyag rgya chen pos mnyes 'gyur te// ma lus dgyes te thugs dam grongs// rtsu ba'i sngags brjod/ sems ma bcu drug gi mchod pa 'di skad do// oM su ra to badz+ra ma nod b+ha ba hri/ oM su ra to badz+ra ki li ki li hU/ oM badz+ra su ra to badz+ra sna ha hri/ oM su ra to badz+ra gar b+he hUM/ bde ba za byed yab yum phyag rgyar gsal// bde ba rmongs byed gnyis su med par skyed// bde ba rgyus 'debs dkyil 'khor 'phrin las rdzogs// bde ba tshe 'phel skye shi med pa'i ngang // oM hA ma hA su sa ra ta bA li se ni rA thA tra tha/ oM he ma su ra tro ha ha pe ha ha/ oM ma hA pU dza to badz+ra gI ra ti tre tre/ oM he ma hA su ra to ni ra ti pe pha phe ba/ rdo rje sgeg mo byang chub sems kyi ngang // rin chen dpal 'phreng gzugs dang ting nge 'dzin// pad+ma dbyangs mkhan gsung rab rgya mtsho sgrogs// las kyi ga ra mkhan 'phrin las rgya mtsho sgrol// oM su ra to badz+ra ma tu ga ra b+he gung gung/ oM su ra to badz+ra me ko tra trang/ oM su ra to badz+ra shwa su ra ta a a/ oM su ra to shrI badz+ra
- 104b
gan d+he ho ho/ rdo rje bdug pa mas ni byang chub sems nyid 'dod pa'i ngang // rdo rje me tog mas ni dkyil 'khor gsal bar bkram// rdo rje mar me mas ni dkyil 'khor gsal bar sgron// rdo rje dri chab mas ni byang chub sems nyid thig le ra spro// oM su ra to badz+ra bi shwa ra po dza dza/ oM su ra to badz+ra ma hA pa sha ni su hUM hUM/ oM su ra to kha badz+ra ma hA ra to// kha badz+ra ma hA ra to kha badz+ra ma hA ra se baM baM/ oM su ra to badz+ra ma hA ga na d+he ho ho/ thugs rje lcags kyu sa thugs dam rgyud bskul zhing // byams pa'i zhags pas gnas nas spyan drongs la// bka' yi pho nya lcags sgrog gnas bskyod la// bde gshegs rtog bral mas ni dgyes pa bskyed// ces ting nge 'dzin dang 'thun par sbyar ro// de nas 'dod pa'i yon tan lnga'i mchod pa 'di skad do// gzugs kyi lha mo'i mchod pa ni// gzugs mdzes gsal ba'i me long bsnams// mdzes par gzugs kyi mchod pa 'bul// spyan gyi mchod par dgyes gyur cig/ sgra yi lha mo'i mchod pa ni// phyag gnyis dbyangs snyan pi wang bsnams// snyan pa'i rol mo'i mchod pa 'bul// skan gyi mchod par dgyes gyur cig/ dri yi lha mo'i mchod pa ni// phyag na tshim byed spos phor bsnams// dri mchog sna tshogs mchod par 'bul// shangs kyi mchod pas
- 105a
mnyes gyur cig/ ro yi lha mo'i mchod pa ni// snod mchog zhal zas sna tshogs bsnams// bdud rtsi zas mchog sna tshogs kyis// ljags la dgyes pas mnyes gyur cig/ reg gi lha mo'i mchod pa ni// na bza' pany+tsa li ka bsnams// dro 'jam tsha bsil reg bde yis// sku la dgyes pas mnyes gyur cig/ ces sngags dang phyag rgya dang ldan par yang mchod do// de nas kun tu bzang po'i mchod pa 'di skad do// bde bar gshegs pa bcom ldan 'das// rgyal ba rgya mtsho'i ye shes kyis// srid pa rgya mtsho mtha' yas kun// kun bzangs mchod sprin mchog tu rol// oM shrI b+hU drA sarba ta thA ga te b+h+yaHbi shA mu khe b+h+ya/ sarba thA khaM ud ga te/ s+pha ra na hi maM ga ga na khaM swA hA/ zhes lta ba yangs par bya'o// de nas bde ba chen po'i mchod pa 'bul ba 'di skad do// bde ba chen po gang na gnas pa na// rtag pa chen po longs spyod rdzogs pa'i tshe// khams gsum las 'das byang chub rin po che// stongs pas btsal kyang rnyed par ga la 'gyur// thig le chen po chub par gnas pa las// ye shes snying po 'di las gzhan med de// 'khor ba myang 'das skye 'chi
- 105b
med pa'i dbyings// bde ba chen po'i ngang la rnam par rol// oM/ ci la bde bas ci yang rol// bde mchog bde dang mi gnyis bde// srid pa shin tu dag bya'i phyir// mi srid dbyings su mnyam sbyar nas// bcom ldan rdo rje sems dpa' dang // dkyil 'khor sras dang bcas pa la// dam tshig bde mchog 'di 'bul na// nam mkha'i rdo rje stsa la du gsol// oM sarba ta thA ga ta a d+haM ma hA su kha pU dza pra tits+tsha to// de nas 'dus byas rdzas kyi mchod pa 'bu la ba 'di skad do// rin chen sna tshogs rgyan gyis klubs pa 'dir// rgyal mtshan 'phan gdugs bla re lhab lbub dang // bdug spos dri zhim me tog sil ma bkram// bdud rtsi dri dang snang gas la sgron mer bcas// lha dang mi yi rol mo sna tshogs dang // glu gar de'u dang tshigs su bcad par bstod// bza' btung bdud rtsi bro mchog rnam mang dang / rgyal srid rin chen sna bdun la sogs rdzas// mtshan mchog btsun mo yid du 'ong ba dang // gos dang rgyan dang rin chen chas kyis mdzes// thabs dang rol mo'i tshul gyis pazhes su gsol// bsod nams tshogs kyi dngos grub stsal du gsol// de nas bla na med pa'i mchod pa dbul ba 'di skad do// bla med
- 106a
mchog gi mchod pa sbyar ba 'di// ye shes lnga yi 'od zer rnam par 'phro// 'dod pa lnga yi longs spyod 'kho dgur ldan// nam mkha'i mtha' klas gter chen 'byung gyur cig/ phung po bla med rgyal ba ye shes lnga// 'byung ba bla med gsang ba'i yum mchog lnga// rnam shes yul dus sems dpa' sems ma dang // mchod pa bla med rab 'byor rnams kyis mchod// bla na med pa dus dang rgyun med pas// dmyal tshogs me ltar 'bar bzhi bar mdzod// de nas rnam par grol ba'i mchod pa dbul ba 'di skad do// phung po khams dang skye mched dang // phyi nang snod bcud ma lus kun// sangs rgyas zhing yin rnam grol ba'i// 'dzin med chags dang bral ba yi// 'khor ba'i chos las kun grol bas// mya ngan 'das la dkyil 'khor dgod// rtog bral bag chags med pa las// 'di zhes mtshon pa med pa yis// shes rab shin tu rnam par grol// blo chen po dang tshangs pa'i bdag/ byang chub nyid de rnam grol bas// thabs ldan rol pa'i mchod pa 'bul// gnyis med don gyi tshangs pa stsol// de nas 'khor gsum yongs su dag pa'i mchod pa 'bul ba 'di skad do// ma chags pa la chags pa med//
- 106b
chags pa la yang chags pa med// bdag med rtogs pa mya ngan 'das// 'dzin med dbyings la ye shes rol// rgyal snyid dang ni rang gi lus// 'phags pa rnams la 'bul gyis bzhes// bu dang chung ma bu mo dang // nor dang dbyig dang sbas pa'i gter// bla ma rnams la 'bul bar bgyis// rta mchog rgyan gyis brgyan pa dang // dud 'gro glang chen smen sha dang // 'dab chags la sogs thams cad kyang // 'khor bcas rab 'byam bzhes su gsol// sdug bsngal ba yang sdug bsngal med// 'khor ba la yang 'khor ba med// ma lus bzhes te dgyes mdzod la// 'khor ba'i khri mun stongs par mdzod// de nas gnyis su med pa'i mchod pa 'bul ba 'di skad do// rang bzhin dkyil 'khor spyan drangs nas// gzugs brnyan dkyil 'khor grangs bris te// ting 'dzin dkyil 'khor gsal bsgoms nas/ bde gshegs mchod dbul bzhugs pa rnams// gnyis med yongs kyi sbyor ba yis// dam tshig thugs kyis sor skongs te// gnyis su med par mchod par dbul// 'khor ba dang ni mya ngan 'das// gnyis su 'phags pa cang mi gsung // dbyer med rang bzhin gcig pa'i phyir// gnyis su med par mchod par ba zhes
- 107a
su gsol// nyon mongs la sogs dug lnga rnams// thabs mkhas rgyal ba'i dkyil 'khor de// thabs dang shes rab rol pa las// gnyis su med par bzhes su gsol// mi mnyam 'khor ba'i sdug bsngal bcil du gsol// de nas mnyam par gzhag pa'i mchod par dbul ba de 'di skad do// mnyam nyid mi g.yo mnyam nyid sangs rgyas pa'i// nga rtog mtshan ma'i spyod yul ngang gis med// gzung 'dzin mtshan ma kun las 'das pa yi// mnyam pa chen po'i mchod par rnam par rol// log rtog sgyu mar snang ba'i sems can dang // ye shes sgyu mar snang ba'i sangs rgyas gnyis// ye shes log rtog khyad par bsam las kyang // sgyu ma yin pas rang bzhin yongs kyi mnyam// mnyam pa chen po'i mchod par bzhes su gsol// rnam par rtog med dus gsum rgyal ba'i sku// nga rgya la nyon mongs dug lngar rang 'thad kyang // don rtogs gsol ba'i skyes bus gnyis su med// mnyam pa chen po'i mchod par bzhes su gsol// rig dang ma rig sgyu ma'i khyad par las// lhun gyis grub pa'i ngang nyid btsal ba med// gnyis med don gyi ngang du gcig pa'i phyir// mnyam par bzhag pa'i mchod par bzhes su gsol/
- 107b
de nas lhun gyis grub pa'i mchod pa 'di skad do// phung po lnga yi dkyil 'khor du// phyag rgya chen por lhun gyis grub// lha dang lha mo'i dkyil 'khor du// thams cad ma lus lhun gyis grub// bro gar 'du 'phro la sogs pas// 'dzul lam mkha' la 'gro ba dang // gar yang thogs pa med pa yi// mkha' 'gro chen por lhun gyis grub// sgra ru grags pa ji snyed pa// tshig dang yi ge thams cad las// gsung gi phyag rgyar lhun gyis grub// bza' btung longs spyod thams cad kyis// sku dang bdud rtsi thams cad 'grub// chos nyid lham me lhan ner gsal// bde chen rgyal po lhun gyis grub// lhun grub mthar phyin mchod par bzhes// bsgrub pa'i 'bras bu rdzogs par mdzod/ tshogs rgyud chen po las/ phyi gzugs kyi mchod pa'i le'u ste bzhi pa'o// // de nas nang sgrol ba'i mchod pa la don rnam pa lnga ste/ dang po bsgral ba'i rgyu dang / de'i dgongs pa dang // de'i 'phrin las dang / thugs dam bskul ba dang / zhal du bstab pa'o// dang po bsgral ba'i rgyu la yang don rnam pa lnga ste/ gang bsgral pa dang / gang gis bsgral ba dang / gang du bsgral ba dang / don byed ci'i phyir bsgral ba dang / bsgral ba'i yon tan dang / ma bsgral
- 108a
ba'i skyon no// // de la gang bsgral na/ zhing bcur gyur pa 'di bsgral te/ dkon mchog gsum gyi sku dgrar gyur pa dang / ngan pa'i tshul can la sogs pa de bsgral lo// de gang gis bsgral na/ thabs mkhas pa'i skyes bu chen pos/ lha'i dkyil 'khor dang gnyis su med par bsgral lo// dgang du bsgral na/ 'og min chos kyi pho brang yum gyi mkha' la bsgral lo// don ched ci'i phyir bsgral ce na/ mnar med par ltung nges pas// de mtho ris su gdon pa'i ched du thugs rje chen pos bsgral lo// de ma bsgral ba'i skyon ni/ rdo rje theg pa'i bka' 'jig cing // rnal 'byor gyi chos spyod nub nas rgyal khams yongs su phung ba'i skyon yod do// de bsgral ba'i dgongs pa ni/ bdag nyid phyag rgya'i dkyil 'khor du gsal bar byas pas/ dkyil 'khor chen po drangs te 'khor ba zhes bya ba'i rgya gag byas la/ dang po yi ge raM dang / yaM dang / kha gyis bsreg sbyang tshul bzhin byas nas/ dang po mtshon cha rnam pa lnga'i char phab ste/ tsakra oM/ zhes brjod pas/ 'khor lo spyi gtsug tu brgya pa pas/ gti mug gnas su bcom/ badz+ra hUM phaT/ ces brjod
- 108b
bas/ rdo rje snying kar brgyab pas/ zhe sdang gnas su dag par bcom/ rang na swa bruM/ zhes brjod pas/ rin chen lte ba la brgyab pas/ nga rgyal gnas su dag par bcom/ pad+ma ya oM bru/ zhes brjod pas/ pad+ma lte ba la brgyab pas/ 'dod chags gnas su dag par bcom/ tig s+t+ra karma ha/ zhes brjod pas/ ral gri rkang ma thil du brgyab pas// phrag dog gnas su dag par bcom// rnam par shes pa sems yi ge hUM du bsgyur/ zla ba'i dkyil 'khor stengs su gzhag 'og yaM las rlung gi dkyil 'khor gyis bteg/ yab yum sbyor mtshams su 'phangs// sgal tshig gsang ba'i rta brgyud byang chub sems dang 'dres te/ rig pa nges sras su bskyed/ oM AHhUM gsum gyis byin gyis brlabs// slar 'khor bar mi ltung ba'i phyir/ rdo rje rgya gram gyis kha bcad de/ bcag pa ni dgongs pa'o// de'i 'phrin las ni// sems can khyod kyi spyi bo na// yi ge a gcig yod pa ni// lha yi 'chi 'pho la ma yin te// lha yi gnas su khyod mi gtang // a las oM dkar 'od ldan bsgom// oM las rnam par snang mdzad sku// phyag rgya bzhi dang ldan bsgoms na// rgyal ba'i sras su skye bar 'gyur//
- 109a
kun tu bzang po'i zhal nas gsungs// sems can khyod kyi lce stengs na// yi ge pre gcig gnas pa ni// yi dgas bkres skom lam yin te/ bkres skom gnas su khyod mi gtang // pre las aM dmar 'od ldan bsgom// aM las snang ba mtha' yas sku// phyag rgya bzhi ldan bsgom byas na// khyod ni rgyal ba'i sras su 'gyur// sems can khyod kyi snying ka na// yi ge ni gcig gnas pa ni// nr-i ni mi yi sdug bsngal lam// sdug bsngal gnas su khyod mi gtang // nr-i las hUM mthing 'od ldan bsgom// hU las rdo rje sems dpa'i sku// phyag rgya bzhi dang ldan bsgoms na// khyod ni rgyal ba'i sras yin no// sems can khyod kyi lte ba la/ yi ge tri gcig gnas pa ni// byol song blun shing gti mug la ma// gti mug gnas su khyod mi gtang // tri las swa ser 'od ldan bsgom// swa las rin chen 'byung ldan sku// phyag rgya bzhi ldan gsal byas na// khyod ni rgyal ba'i sras su 'gyur// sems can khyod kyi gsang ba na// yi ge du gcig gnas pa ni// dmyal ba btso bsreg lam yin te// btso bsreg gnas su khyod mi gtang // du yi steng du ha gcig bsgoms// du las ha ljang 'od ldan pas// cho ga rnam gsum
- 109b
'phro 'du las// don yod grub pa rgyal ba'i sku// phyag rgya bzhi dang ldan par bsgoms// rgyal ba'i sras su skye bar 'gyur// bcom ldan 'das kyi zhal nas gsungs// 'dis kyang spor ba'i las mdzod cig/ gzhan yang 'phrin las rnam bzhi dang // brtul zhugs chen po'i mchog rnams kyis// smor dang spar ba'i las mdzod cig/ de nas thugs dam gyi rgyud bskul ba 'di skad do// hUM/ rdo rje khro rgyal dpal chen he rA ka/ ngan rtortag khro tshul zhe sdang mi mnga' yang / gtum khro gdug pa ma lus gdul ba'i phyir// thugs rje chen pos bsgral ba'i 'phrin las mdzad// 'bar ba'i dkyil 'khor kun la mchod mdzad pa'i// sgeg mo rin chen 'phreng thogs dbyangs dang gar// spos kyi sbyin mchog me tog mar me dri// hUM mdzad dz+wal de ste bzhes su gsol// bcom ldan dpal chen badz+ra herA la/ bsgral ba'i rnam par shes pa mchod par 'bul// rdo rje rigs kyi thugs dam skongs gyur cig/ thugs kyi dngos grub dus 'dir stsal du gsol// bcom ldan dpal chen bu b+he he ru la// bsgral ba'i gzugs kyi phung po mchod par 'bul// de bzhin rigs kyi thugs dam gongs gyur cig/ sku yi dngos grub dus 'dir stsal du
- 110a
gsol/ bcom ldan dpal chen rang na he ru la// bsgral ba'i tshor ba'i phung po mchod par 'bul// rin chen rigs kyi thugs dam skongs gyur cig/ yon tan dngos grub dus 'dir sku la du gsol/ bcom ldan dpal chen pad+ma he ru la// bsgral ba'i 'du shes phung po mchod par 'bu la// pad+ma rigs kyi thugs dam skongs gyur cig/ gsung gi dngos grub dus 'dir sku la du gsol// bcom ldan dpal chen karma he ru la// bsgral ba'i 'du byed phung po mche/ par 'bul// las kyi rigs kyi thugs dam skongs gyur cig/ 'phrin las dngos grub dus 'dir stsal du gsol// yum chen badz+ra kro d+hi shwa ri la// bsgral ba'i bkrag dang mdangs kyi mchod pa 'bu la// rdo rje dbyings phyug thug dam skongs gyur nas// mkha' la dbyings phyug dngos grub stsal du gsol// yum chen bud+d+ha kro d+hi shA ri la// bsgral ba'i sha dang rus pa mchod par 'bul// bud+d+ha yum chen thugs dam skongs gyur nas// bud+d+ha dbyings phyug dngos grub stu la du gsol// yum che na ra tA kro d+hi shwa ri la// bsgral ba'i khrag dang chu yi mchod pa 'bul// rat+na kro d+hi'i thugs dam skongs gyur nas// rin chen dbyings phyug dngos grub stsa la du gsol// yum chen
- 110b
pad+ma kro d+hi shwa ri la// bsgra la ba'i drod dang me yi mchod pa 'bu la// pad+ma yum chen thugs dam skongs gyur nas// pad+ma dbyings phyag dngos grub stu la du gsol// yun chen karma kro d+hi shwa ri la// bsgral ba'i dbugs dang rlung gi mchod pa 'bu la// karma kro d+hi'i thugs ngam skongs gyur nas// las kyi dbyings phyug dngos grub sku la du gsol// ke'u ri la sogs khro mo brgyad rnams la// bsgral ba'i rnam shes brgyad kyi mchod pa 'bul// khro mo brgyad ni thugs dam skongs gyur nas// rtogs pa brgyad kyi dngos grub skul du gsol// sing ha la sogs 'phra men brgyad rnams la// bsgral ba'i dur khrod brgyad kyi mchod pa 'bul// mgo brnyan brgyad kyi thugs dam skongs gyur nas// grub pa'i gnas brgyad dngos grub sA la du gsol// rta gdong la sogs sgo ma bzhi rnams la// bsgral ba'i yan lag bzhi yi mchod pa 'bul/ sgo ma bzhi yi thugs dam skongs gyur nas// 'phrin las rnam bzhi'i dngos grub stsal du gsol// dbang phyug khrag 'thung nyi shu brgyad rnams la// bsgral ba'i skal tshigs nyi shu rtsa brgyad kyi mchod pa 'bul// dbang phyug nyi shu rtsa brgyad thugs dam skongs gyur nas// las bco la 'bras bu mchis pa'i dngos grub stsal du gsol//
- 111a
ma bdun srid bzhi gsang ba'i yum chen la// bsgral ba'i glo snying nang khrol pho mchin dang // mkhris pa mkhal ma la sogs mchod par 'bul// thugs dam gnyen skongs dngos grub stsal du gsol// mi mo pho nya sum brgya drug cu la// bsgral ba'i rus dum sum brgya drug cu rnams// pho nya'i tshogs la mchod 'bul thugs dam skongs// phonya rkang mgyogs dngos grub stsal du gsol// rdo rje kaM dang ging mchog bco brgyad la/ bsgral ba'i rtsib ma bcwo brgyad mchod par 'bul// gling chen thugs ngam skongs te dngos grub stsol// de nas zhal du bstabs pa 'di skad do// bstabs so kha ram zhal phye zhig/ 'bar ba chen po zhal phye zhig/ rnam rtog ma lus zhal du bstabs// dbu dang phyag mangs zhal phye zhig/ dgra bgegs ma lus zhal du bstabs// zhing gsol chas brgyad zhal phye// zhig/ bar du gcod pa zhal du bstabs// sha zan khrag 'thung zhal phye zhig/ bsgral ba'i zhing bcu zhal du bstabs// rnga ma chen ma lus zhal phye zhig/ bdud dang srin po zhal du bstabs// mgyogs byed la sogs zhal phye zhig/ dam nyams dgra bgegs zhal du bstabs// 'dzin byed la sogs zhal phye zhig
- 111b
dngos grub par chod zhal du bstabs// bka' nyan la sogs zhal phye zhig/ bstan pa gnyen po 'jig pa dang // dkyil 'khor gnyan po dral ba dang // bsgrub la bar chad byed pa dang // rdo rje slob dpon sku dgra rnams// ma lus pa zhes te rol par mdzod// 'byung po'i khrag ni chang bas zhim// 'dod chags mchod pa pra na med// 'dod chags mchod pa 'di bzhes la// gsung gi dngos grub stsal du gsol// 'byung po'i rus pa mar bas zhim// zhe sdang mchod pa bla na med// zhe sdang mchod pa 'di bzhes la// thugs kyi dngos grub stsal du gsol// 'byung po'i sha ni zan byas zhim// gti mug mchod pa bla na med// gti mug mchod pa 'di bzhes la// sku yi dngos grub stsal du gsol// ma hA rak+ta/ ma hA a mr-i ta/ ma hA keng ni rI/ kha ra mA khA hi khA hi/ tshogs rgyud chen po las/ nang sprul ba'i mchod pa'i le'u ste lnga pa'o// // de nas gsang ba thabs dang shes rab byang chub sems kyi mchod pa la yang do ni rnam pa lnga ste/ gzungs ma byin gyis brlab pa dang / gnyis su med par sbyar ba dang / gsang ba'i mkha' la sems can thams cad gnas spar te dbang bskur ba dang / dkyil 'khor gyi lha la byang
- 112a
nub sems kyis mchod pa dang / byang chub sems la rdo rje tshe'i dngos grub blang ba'o// de la dang po gzungs ma byin gyis brlab pa ni// gzungs ma nyid yum shes rab kyi pha rol tu phyin pa'i rang bzhin du// dus gsum gyi bde bar gshegs pa'i pho brang bzhugs gnas gzhal med khang du byin gyis brlabs la/ gsang ba'i mkha' la dkyil 'khor gyi lha tshang bar bsgom pa dang / gnas lngar yi ge dpa' bo 'bru lnga las rigs lngar bsgyur ba dang / gsang ba'i yum bzhis bskor bar bsgoms la byin gyis brlab bo// de nas gnyis su med par sbyor ba ni/ dang po spyan gyi brda zhig mdzad de/ 'dis sku la lo// mtshan mchog brgyan pa'i yum mchog shes rab spyan// shes rab don gyi rgyal ba'i thugs dmo bskul// mi dmigs snying rjes thams cad yongs la snyoms/ thubs dang shes rab tshul gyis sa ma ya s+thA ma// zhes bskul ba dang / yum gyis yab la 'di skad ces bskul lo// thabs la mkhas pas 'gro pa 'dren pa'i gtso// 'khor ba ma spangs gnas su dag pa las// 'phags pa rnams la dgyes pa'i thugs dam bskul// bde ba chen po rgyan du mchod
- 112b
par bzhes// sa ma ya hUM/ zhes bskul bas/ yab kyis phyag rgya chen po bzhis mnyam par sbyar/ hUM las gsang ba rdo rje rtse lngar bsgoms nas/ rje'i rwa lnga la rigs lnga'i snying po bkod/ yum gyi mkha' la paM las pad+ma 'dab ma brgyad la yum lnga'i snying po bkod// pra be sha phaT kyis sgo dbye/ su ra ta stam/ zhes bskul bas// de bzhin gshegs pa thams cad dang dgyes pa dus gcig tu bstar te/ mnyes pa chen pos thugs dam bskongs/ don dbying dang ye shes// rtags thabs dang shes rab gnyis su med par lhun gyis grub bo// de nas gsang ba'i mkha' la sems can thams cad gnas spar te dbyung bskur ba ni// nam mkha' gang nas gang du khyab par chos kyi dbyings kyis khyab la/ chos kyi dbyings kyis gang nas gang du khyab par/ yum gyi mkha'i klong rnam par dag pas khyab par/ snod kyi 'jig rten thams cad yum gyi mkha' dbyings rnam par dag par rang gzhal yas khang du gyur pa'i gnas na/ mtha' yas pa'i sems can thams cad kyi sems me mar rlung gis ma bskyed pa 'dra ba la gnas pa las/ kun gzhi a'i rang bzhin dang / yi dam hUM gi rang
- 113a
bzhin du bsdus te/ yum gyi mkha' la gnas spur te/ yab yum gyi 'od bsnol mar bstims pas/ a dang / hUM dang / byang chub sems gsum 'dres pa las/ thams cad rdo rje sems dpa' kun tu bzang po'i sras su gyur te/ sems can thams cad rgyal ba'i sras zhes dkyil 'khor gyi lha rnams kyis kyang rdo rje ming gi dbang bskur te/ sangs rgyas kyi gdung 'dzin par byang chub kyi sems kyi dbang byin te gzhag go// rnal 'byor gyi tshogs rgyud las// byang chub sems kyi dbang byin pa'i le'u ste drug pa'o// // de nas dkyil 'khor gyi lha la byang chub sems kyi mchod pa dbul ba ni/ me long rang yu can gyi nang du gzhag la/ srin mtheb kyi phyag rgyas gtso bo dang 'khor yan chad la mchod pa phul bas dgyes pa chen po'i bdud rtsis mnyes nas/ dngos grub stsol zhing byin gyis rlob par mdzad do// de nas byang chub sems las rdo rje che'i dngos grub blang ba ni/ dkyil 'khor gyi lha thams cad yab yum gnyis su med pa'i sbyor ba mdzad pa'i byang chub kyi sems kun dkar tsa ra ra 'dzags pas/ bdag gi byang chub sems dang 'dres te lce la blangs
- 113b
byas/ tsit+tA la thim pas/ ye shes sems dpa'i sku mtshon gang bar gyur te/ skye 'chi med pa'i g.yung drung du gyur te byang chub sems kyi sid+d+hi thob pa'o// tshogs kyi mchod pa'i cho ga rgyas pa rdzogs so// / tshogs rgyud chen po las// tshogs kyi mchod pa'i le'u ste bdun pa'o// / de nas tshogs kyi mchod pa'i grangs ni// rab kyis nyin lan gsum mtshan lan gsum dbul bar gsungs so// 'bring gis dus bzhir dbul bar bya'o// thams nyin lanA ra mtshan lan re dbul bar bya'o// de ci'i phyir zhe na/ spyad thengs re zhing grol thengs re dang / smin pa'i mchog rI re 'grub par gsungs so// de la tshogs kyi mchod pa'i 'bras bu ni// rgyu mtshan nyid kyi theg pa ltar dka' ba da ltar spyad nas 'bras bu phyis 'ong du re ba ma yin te/ tshogs kyi 'bras bu ni yi ge 'khor lo tshogs chen gyi sa las bcur rim gyis bgrod mi dgos te/ da ltar nyid nas rigs lnga'i sangs rgyas dang mnyam par sangs rgyas par 'gyur ro// de'i phyir sangs rgyas rnams kyis kyang 'di skad ces bka' stsal to// tshogs kyi mchod pa'i 'bras bu ni// phung po mi gnas mya ngan 'das// rigs 'dzin
- 114a
sa la bde bar gnas// phyogs bcu'i sangs rgyas kun mnyes te// byin gyis brlabs nas dbang bskur te// dngos grub dam pa stsol bar mdzad// chos kyi sku dang gnyis su med// ces sangs rgyas rnams kyis gsungs so// de la tshogs kyi mchod pa 'di yun ci tsam gyis 'grub ce na/ rab kyis zla ba gcig gis 'grub// 'bring ni lo gcig dag gis 'grub// tha mas lo gsum tshun chad du// tshogs kyi mchod pa phul byas nA/ rdo rje sems dpa' nyid du 'gyur// sangs rgyas byang chub thag mi ring // zhes gsungs so// de la tshogs phul ba'i yon tan ni/ 'jig rten gyi khams 'dir yang / rgyal ba'i sras dang bcas pa'i zhal mthong bar 'gyur ba dang / ma mo dang mkha' 'gro thams cad sprin spungs bzhin du gtibs te/ ci bsgo ba'i bka' nyan cing // dngos grub kyi stongs dang grogs byed cing / mthu dang dbang phyug phun sum tshogs par dbang byin te/ thams cad du bde skyid phun sum tshogs pa dang ldan pa dang / longs spyod thams cad 'phel ba dang / 'khor thams cad 'du zhing nad dang sdug bsngal mi 'byung ba dang / 'jig rten gyi
- 114b
lha ma srin thams cad kyis kyang gnyen zhing byin che bar mthong ba dang // de la gar gyi dbang phyug ltar len pa dang / sems can thams cad kyis kyang mig gi 'bras bu ltar mthong ste/ yid du 'ong zhing dga' bar 'gyur ba dang / 'jig rten phyi mar rigs 'dzin thams cad kyis mdun bsu ste/ lcang lo can gyi gnas su phyin par 'gyur ro// tshogs ma phul ba'i skyon ni/ bsgrubs kyang don med cing bde bar gshegs pa rnams kyang zhal 'dzum pa mi mdzad cing // bsod nams dang skal ba'i shas chung ste/ dmyal ba dang / yi dgas dang / byol song gi gnas su skye bar 'gyur ro// rnal 'byor gyi tshogs rgyud chen po las/ skyon dang yon tan bstan pa'i le'u ste brgyad pa'o// // rnal 'byor pa'i tshogs rgyud chen po rtsa ba'i rgyud rdzogs so// / de nas byang chub sems dpa' rnams kyis gsol pa/ de lta bu'i tshogs rgyud chen po 'di 'jig rten gyi khams gang dang gang du snang bar 'gyur// sems can rnams la ji ltar phan par 'gyur/ bde bar gshegs pa lung bstan du gsol/ rdo rje sems dpas bka' stsal pa/ rnam 'byor gyi tshogs rgyud chen po 'di
- 115a
ni 'dod khams dang / gzugs khams dang / gzugs med pa'i rigs thams cad du khyab par 'gyur ro// dang po 'og min gyi gnas su ting nge 'dzin gyi pU tsa'i mchod pa las rgyu blang ste/ rnal 'byor gyi tshogs kyi mchod pa phul bas/ thams cad chos kyi skur sangs rgyas par 'gyur ro// de nas gzugs khams kyi lha tshogs su tshogs sbyor gyi tshogs 'dis khyab pas// dpal tshangs pa dang brgya byin gyis rgyu byas te/ lha'i longs sprod rnam pa sna tshogs pa las gzhi blangs te/ rgyal ba'i dkyil 'khor rab 'byam 'khor dang bcas pa la/ rnal 'byor gyi tshogs mchod chen po phul bas// lha'i rigs 'bum phrag bsam gyis mi khyab pa/ phung po mi gnas par mya ngan las 'das pa mngon par rdzogs par sangs rgyas par byed do// de nas drang srong rnams kyi rigs su rnal 'byor gyi tshogs rgyud 'dis khyab pas// drang srong rnams kyis rnal 'byor pa'i longs spyod rnam pa sna tshogs pas// rgyal ba'i dkyil 'khor la mchod pa phul bas/ drang srong la sogs pa rims kyis phung po lhag ma med pa'i mi gnas par mya ngan las 'das par mngon par rdzogs par sangs rgyas par byed
- 115b
do// de nas klu'i rigs su rnal 'byor gyi tshogs rgyud chen po 'dis khyab pas/ klu'i rgyal po 'jog po dang / klu'i rgyal po rgya mtsho la sogs pa klu'i longs spyod rnam pa sna tshogs pa'i longs spyod kyis// rgyal ba sras dang bcas pa ma lus pa la rnal 'byor tshogs kyi mchod pa phul bas/ klu'i rigs 'bum phrag bsam gyis mi khyab pa lus ma bor bar// mi gnas pa'i mya ngan las ma 'das par mngon par rdzogs par sangs rgyas par 'gyur ro// de nas mi'i rigs su rnal 'byor gyi tshogs rgyud chen po 'dis khyab na yang / mi gnas pa'i snod du gyur pa yang rig pa cha phra mo yod pa dang / sprul pa'i sku la gnas pa dang sngon gyi smon lam gyi dad pa dang / rgyal po dang / bram ze dang / mgo ru dang / sha ru dang / bstan pa 'jam dang / khyim bdag gi ris su/ las kyi 'phro can la sogs pa rnams kyis dang du blangs te/ rgyal srid dang / longs spyod dang / grogs mchog tu bcas te rab tu bde ba'i gnas su/ gsang ba'i dkyil 'khor chen po bzhengs su gsol te/ bde bar gshegs pa'i 'khor rgyal po rgya mtsho dang bcas pa spyan drangs te/ rnal 'byor gyi tshogs mchod chen po phul te/
- 116a
'phags pa'i zhal mngon sum du mthong ste/ chom bu grangs brgya dang stong la sogs pa dang / pho mo rigs bsam gyis mi khyab pa lus ma bor bar tshe 'di nyid la/ mi gnas pa'i mya ngan las 'das pa'i gnas su mngon par rdzogs par sangs rgyas par 'gyur ro// rgyu de la rten nas dmyal ba dang / yi dgas dang / byol song dang / gshin rje'i sgo bkag ste/ rim kyis bla na med pa'i sa la phyin par 'gyur ro// rgyu de lam la 'god par byed do// gang zhig mtshams med pa lnga'i las byas te dmyal bar ltung nges pa yang / rnal 'byor gyi tshogs mchod chen po 'di gzhung bzhin du phul na/ mnar med pa'i gnas su mi ltung ste/ bde ba'i gnas su skye bar 'gyur ro// gang zhig rtsa ba dang yan lag gi dam tshig nyams pa yang gzhan gyis mi bskodas te/ rnal 'byor gyi tshogs mchod chen po 'dis skongs par 'gyur ro// gang zhig gzhan la phan 'dogs par 'dod na yang / las gzhan gyis mi 'grub ste/ rnal 'byor gyi tshogs mchod chen po phul nas gang phan gdags pa de 'grub par 'gyur ro// gang zhig bar du gcod pa sgrol bar 'dod na
- 116b
yang rnal 'byor gyi tshogs mchod chen po 'di phul na yid la bsam pa bzhin sgrol bar 'gyur ro// gang zhig 'jig rten 'di'i bde ba dang // mthu dbang phun sum tshogs par 'dod na yang / rnal 'byor chen po'i tshogs kyi mchod pa 'dri gzhung bzhin du phul na glang 'dod pa de thob par 'gyur ro// de lta bu'i rnal 'byor gyi tshogs rgyud chen po 'di yang snod ma yin pa dang / zhe sdang can dang / dam tshig la mi gnas pa dang / ngan sems can dang / 'dod rgyal ba rnams ni ma gtogs/ so// de nas sems dpa' rnams kyis gsol pa// rim kyis thams cad bla na med par 'grub pa lags na/ mi la sogs pa thams cad kyis mthar rdzogs par spyod par 'gyur ba lags sam/ rdo rje sems dpas bka' stsal pa// rnal 'byor gyi tshogs rgyud chen po 'dis// rim kyis tshom bu mang po sangs rgyas par byed na yang // kun gyi thun mong du ma gsungs te/ dper na til mar gyis rdzas gang la phog kyang sra zhing mkhregs par 'gyur na/ ardza ga'i dog po la phog na tshal pa brgyar 'gas par 'gyur ba bzhin du/ dam la mi gnas shing gsang sngags tshig tsam la khungs phyung nas/ khe dang / grags pa dang / phrag dog dang /
- 117a
nyon mongs pa rang rgyud du spyod pa rnams kyis spyad kyang // slar nyams pa'i rgyur 'gyur ro// rnal 'byor gyi tshogs rgyud chen po 'di mi'i 'jig rten thams cad du khyab na yang // phal cher lta ba dang mi ldan par 'byor pa sna tshogs kyis mchod cing 'bul bar byed na yang // don med pa ni ma yin// 'byor pa'i tshogs rgyas par 'gyur ba dang / bsod nams kyi tshogs bskyed pa las// 'di nyid du mngon par sangs rgyas pa yang 'byung ngo // phal cher khungs phyung tsam dang 'byor pa ma tshogs par 'bul ba dag yod na/ dmigs pa'i phan stobs tsam du 'gyur ba yang yod do// gang zhig dgongs pa lhun gyis grub cing lta ba dang man ngag tu ldan pas/ dus gsum du 'phags pa'i tshogs la// rnal 'byor gyi tshogs mchod phul ba lta ci smos kyis// slob dpon de nyid kyi karma ra yang dro zhal gcig tsam drangs pa yang rnal 'byor gyi tshogs mchod phul ba dang 'dra bar skal ba mnyam par 'gyur ro// de ci'i phyir zhe na/ 'di ni sangs rgyas nyid kyi rang bzhin no// de lta bu'i rnal 'byor gyi tshogs rgyud chen po 'di lha'i 'jig rten dang / mi'i 'jig rten du mtha' yas par spyod par 'gyur la/ mi'i 'jig rten na yang bskal pa bzang po dang dus
- 117b
dang po la ni rgya gar yul la sogs pa dang / yul gyi dbus dang / khrims dang gtsug lag la gnas pa'i rgyal po dang / bram ze dang / khyim bdag gi rigs la sogs pa rnams kyis rgyu sbyar nas/ gu ru mahA la sogs pa rnams kyis byin gyis brlabs nas bshad cing bsgo la bsrung zhing ma nyams par byas nas// 'ga' dang 'ga' tsam las phal cher mi spro ste/ gsang sngags gsang ba'i sgo nas mthar phyin cing mngon du grub par 'gyur ro// bskal ba dang dus par ma la rgyal khams ris phal cher grags te// rigs pa'i sa thob pa dang // rgyud kyi don la mkhas pa dang / man ngag dang snod dbang tshul bzhin du thob par byas nas/ mtshan dang ldan pa'i mi mo dang / gzhung dang mthun pa'i sbyor ba dang / dad pa dang ldan pa'i sa ri ha dang / khrims dang ldan pa'i rgyal po dang / blon po la sogs pa grangs kyi tshoms bsdus te bshad cing bstan pa dang // rtog pa dkrol zhing 'khu 'phrig dang the tsom ma zos par byas te// yid ches shing dad pa la skyo du ba med par byas te/ phel cher dam la btags te/ gnas dben pa dang / 'gol bar skye bo dang / mi nag yongs kyis ma 'grims
- 118a
pas/ gsang ba'i dkyil 'khor chen po bzhengs su gsol nas// dus gsum 'phags pa'i tshogs la rnal 'byor tshogs kyi sa la mchod pa chen po gzhung bzhin du phul na// 'di dang phyi ma gnyis ka'i don dus gcig tu 'grub ste/ gzugs mi yul nas ma 'phags par sangs rgyas kyi sa la gnas pa dang yongs kyis gsang sngags mnyan zhing // spyod pa blangs po ma 'phrogs te/ ya ka dang sgro skur med cing gsang ba'i bka' thabs kyis spyod par 'gyur ro// bskal pa tha ma dang dus tha ma la ni gang zag gi tha dad dang // rgyal po'i bka' khrims nyams pas mi smad rims nas dbang che ba dang / blon po ma byang bas so kha nang du ltas pa dang / rnal 'byor pa ma grol bas bsrung mtshams las 'das shing // gsang sngags 'chol ba'i dbang gis// thang khob pa dang / gda' mdo dang / kla klo dang // rtsi ra sa'i grong thams cad du brdal bas// gsang sngags bka' 'chol// chos ni kun spyod/ chos bzhin du gang yang mi byed// chos ni kun la yod par byas// rtogs ni slob dpon rang gis kyang ma rtogs// dam tshig kun nod// bsrung ba gcig kyang mi bsrung // slob dpon ni kun
- 118b
byed/ dbang gang la yang med// lad mo kun zlos// nyams su gang gis kyang ma longs// dbang kun la bskur// chags pa ni gang la yang ma chags// 'chad pa kun 'chad// thog tu gang gis kyang ma phebs// rtsol ni kun rtsol/ mthar gang gis kyang ma phyin pas/ phal cher bgyid lug ste sngags las bzlog pa dang / phal cher ma rtogs pas the tshom za ba dang / phal cher ya ka dang sgro skur 'debs pa mang ba dang / rnal 'byor pa'i tshogs mchod kyi 'byor pa rnams mi 'bul bar// mi'i 'byor pa dang 'du ba med pas// de'i dbang gis rnal 'byor pa rnams kyang mnga' thang dang longs spyod bri nas/ mtshams tshad tsam 'bul bar byed pas bsod nams mi thob pa dang / phal cher 'byor pa sna tshogs pa sogs nas 'bul bar byed na yang // gsang ba med pa dang grags pa 'dod pa'i phyir// bdag dus 'di tsam na longs spyod 'di tsam bshams te// tshogs mchod 'bul bar byed do zhes bsgrags pa'i dbang gis btag pa can dang // brnab sems can dang / 'dod sems can dang / nyon mongs pa'i dbang du gyur pa'i skyon dang // mkhas pa rnams mi 'chad par/ mi mkhas pa rnams che 'dod pa'i phyir 'chad
- 119a
bas/ mkhas pa rnams kyis bka' rgyud gsang bya'i man ngag rnams brnags te sbas pas/ bka' nges pa nub pa'i skyon gyis phal cher nyungs par dogs nas rang bzo dang / ke'u shang / bsre bcos dang / mi tshig bsres pas// de la che bar mtshan rtags kyang / rgyud la khungs med pa'i gang zag sbyin du re ba'i rang thad du brgyud pa sa ngal ba'i tshe chad pa dang // las brtsams pa gron tshigs su 'gyur zhing // grub pa'i dus ring ba dang // phal cher ra chod dang / ga zu lums dang / rakr-i'i las spyos thabs su byas te snang snang ni sgrol/ 'phrad 'phrang ni sbyor/ rnyed rnyed ni za/ spyod pa 'chol ba'i dbang gis rnal 'byor gyi tshogs mchod du byed na yang / dper na zangs mi gser tu bcos pa dang 'dra ste/ gser gyi dngos po min pa dang 'dra'o// phal cher bdag nyid kyi 'jug sgo dang / thos phyogs dang // mos btsan la 'di ni bzang la don dam pa yin la// gzhan ni ngan pa yin no zhes/ chos nyid phyogs ris med pa la// phyogs dang ris su bcad pa'i skyon dang / 'khor dang / bde ba dang bcas par phye ste/ phrag dog che chung gi dbang gis mnyam pa'i don la 'gal bar gnas pa dang / phal cher theg pa'i
- 119b
ris so sor bzung ste/ rtsod pa'i chos bshom pa'i dus na ni// kun gyis 'bras bu bla na med pa mi thob par ngan song gsum po sha stag tu ltung ba dang / sngon gyi ston pa'i bka' nub pas/ ming tshig 'phel bas bsgrub thag ring ba dang / dam tshig la zer shor bas bsam pa mi 'grub cing bar chad kyi rkyen 'byung ba dang / dbang brgyud rims kyis mi bskur bas mthu byin chung ba dang / bsgom bsgrub kyi don mthil du ma 'phebs pas drod tshad la ma bab pa dang / shes pa'i rgyud ma grol bas rtogs pa ma shar ba dang / mchod rdzas ma 'tshogs shing phud nyams pas dngos grub mi thob pa dang / las dang man ngag rdeng du ma chud pas bar chod 'byung ba'i dus na yang / rnal 'byor pa 'ga' dang 'ga' zhig gi rnal 'byor gyi tshogs rgyud chen po 'di ltar spyod cing // dang du len nus pa rnams ni tshe 'di nyid la rdo rje sems dpa' dang skal ba mnyam par 'gyur ro// rin po che'i tshogs rgyud chen po las// bca' lugs dang skyon yon gyi le'u ste dgu pa'o// // de nas sems dpa' rnams kyis gsol pa/ de lta bu'i tshogs rgyud 'di la dam tshig gang lags/ dbang gang lags/ lta ba gang lags/ bsgrub pa gang lags/ spyod
- 120a
ba gang lags/ lung bstan du gsol/ bde bar gshegs pa lung bstan du gsol/ bcom ldan 'das kyis bka' stsal pa/ de dag zhus pa legs so legs so// de la tshogs kyi dam tshig ni/ slob dpon ni bdag gi srog dang 'dra'o// de ci'i phyir zhe na/ srog bcud na 'chi la/ srog ma bcad na mi 'chi brtan zhing // 'jig rten gyi bde ba rims kyis thob pa dang 'dra bar/ slob dpon dang 'thabs pa dang smod pa lta ci smos kyis spang ba 'am bral na yang dge ba'i bar chad cing man ngag mi thob pas/ dper na srog dang 'dra bar lta ba dang / rgyal theb dang karma la sogs kyang / dpe mig dang dbang po ltar lta ste/ dper na mig dang dbang po nyams pa dang med pa lta ci smos kyi/ bag tsam gzer ba yang mi bzod pa dang 'dra bar rgyal theb karma ging la 'thab rtso ci smos kyis// bag tsam ma dad pa skyes na yang sgrib pa'i rgyur 'gyur ba dang / mched dang lcam dral yan lag dang phung po dang 'dra ste/ gang snang bas kun g.yo zhing sdug bsngal nyams su myong ba dang 'dra ba dang / sku'i gnod pa tshabs po che lta ci smos kyi/ 'gal 'khrul tsam byung na yang /
- 120b
yongs mi bde zhing nyams pa'i chad par 'gyur bas/ sku'i dam tshig bsrung zhing rtse gdung byas la dad pa cher bskyed la yangs par bya'o// sngags dang phyag rgya dgongs pa gsum ni// dper na gtam dang / zas dang / gos ltar te/ phyi nang gtam gyis ma 'jal na gang yang mi 'grub la/ 'tsho ba zas kyis ma gsos na phung po mi theg/ dro ba gos ma gon na nyon mongs pa dang 'dra bar// snying po dang sngags ma bgrangs na grub pa'i rtags mi yong/ dgongs pa'i ting nge 'dzin ma spang na shes pa'i rgyud mi grol// phyag rgya dam du ma bcas na nyon mongs pa dang phung po gnas mi 'gyur ba sa/ dam du bcas te dang du blang ngo // thugs kyi dam tshig ni gter sba ba dang 'dra ste/ dper na rin po che gter sgrom du sbas na 'jigs pa dang bag tsha ba med cing // sgrom kha phye na dga' ba bskyed cing // 'dod pa phun sum tshogs par byed pa dang 'dra bar/ gsang ba'i man ngag thams cad snod ma yin pa la sbas te bdag gi blo la btags na rtogs pa mngon du gyur nas/ 'bras bu mthar phyin par 'gyur bas gter dang 'dra bar sba bar dam tshig bca' 'o// gtan mi 'byung ba ni ma yin te/ gter la bdag dang bu spyod pa dang 'dra bar/ gsang ba'i man
- 121a
ngag bdug dang bu dang 'dra ba la ma gtogs pa/ bshad pa'i grangs bzhi las mangs na 'gal bar gsungs so// dus tha ma la bab pa'i tshe/ rtsa ba 'di rnams nos nas gang yang mi bsrung ste/ sku'i dam tshig nyams te 'thab rtsod shor ba dang / gsung yang nyams te sngags dang / phyag rgya dang / ting nge 'dzin spangs te/ mdo sde bsam gtan gyi phul kyang ba zhes su don spyod pa dang / thugs kyang nyams te brgya dang nyi shu la bshad pa ni 'bras bu mnar med pa lta ci smos kyis/ dper na seng ge'i khog pa nang gis nang 'jig pa bzhin// chos nyan du gang zag sngags pa rang gis ma ster te/ rang gis rang smras so// rtsa ba'i dam tshig ma nyams na yan lag ljon shing dang 'dra ste/ skye bas nyi shu rtsa brgyad dang / brgya rtsa brgyad dang / sum brgya drug cu dang / sam ya stong 'bum sde la sogs pa'i gang spyod pa'i yan lag lo 'dab dang 'dra bas 'bras bu skye bar 'gyur ro// dam tshig 'di dag nyams par gyur na tshigs kyi mchod pa dang / longs spyod rdzas su phul kyang bzhes su mig nang zhing mnyes par mi 'gyur ro// de ci'i phyir zhe na/ de las bsod nams med cing 'bras bu mi thob pa'i
- 121b
phyir ro// tshogs rgyud chen po las// dam tshig nyams pa'i le'u ste bcu pa'o// // de la tshogs rgyud chen po 'di la dbang rnam pa lnga ste/ chos dang rgyud 'chad cing nyan pa'i dbang dang / yi dam gyi lha bsgom zhing bsgrub pa'i dbang dang / dkyil 'khor gnyan po zhal lta ba'i dbang dang / tshogs kyi zhal zas 'tshal zhing longs spyod pa'i dbang dang / las kyi rdo rje las gang byed par ming gi dbang bskur ba dang lnga'o// de la d+harma tAn+ta nyan cing 'chad pa'i dbang ni 'di skad do// gsang ba gsang chen gsang mchog rnams// ston pas nges par gsungs pa'i don// nyan cing yid la 'dzin pa dang / ma 'dres ston pa'i dbang tho ba shog/ de nas yi dam gyi lha bsgom zhing bsgrub pa'i dbang bskur ba 'di skad do// bskal pa grangs med sngon rol nas// bsgoms shing bsgrubs pa'i yi dam lha// me tog dbang gis phog pa 'di// bsgom zhing bsgrub pa'i dbang thob shog/ de nas dkyil 'khor gnyan po zhal lte ba'i dbang la 'di skad do// gsang ba'i dkyil 'khor chen po 'dir// dur khrod 'bar ba'i rdzas bkram
- 122a
nas/ sku gsung thugs su gsal sgom pa// lta zhing bsgrub pa'i dbang thob shogade nas tshogs kyi zhal zas la 'tshal zhing longs spyod pa'i dbang 'di skad do// rgyal ba mchod pas dam skong zhing // mchod pa phul bas bgegs zhi nas// pham phabs longs spyod bdud rtsi'i bcud// rnal 'byor tshogs la longs spyod shog/ de nas las kyi rdo rje las gang byed pa'i ming gi dbang bskur ba 'di skad do// zhi rgyas dbang dang mngon spyod dang // 'phrin las drag dal gang byed pa'i// las rnams che ge byed pa por// rdo rje ming gi dbang thob shog/ tshogs rgyud chen po las/ dbang gi le'u ste bcu gcig pa'o// // de nas tshogs kyi lta ba la don rnam pa lngas bstan te/ tshogs pa thams cad dkyil 'khor du lta ba dang / 'byor pa thams cad longs spyod du lta ba dang / mchod pa thams cad ye shes su lta ba dang / dmigs pa thams cad lha rgyud du lta ba dang // rtogs pa thams cad gzhal yas khang du lta ba'o// de la tshogs pa thams cad dkyil 'khor du lta ba ni/ rdo rje slob dpon dang / mched dang lcam
- 122b
dral tshogs pa yang // rdo rje slob dpon ni dkyil yin la/ mched dang lcam dral ni 'khor yin par lta'o// de ci'i phyir zhe na/ thams cad dgongs spyod rgya mtsho'i glong gi dkyil 'khor du rang bzhin lhun gyis grub pa'o// dam rdzas tshogs pa thams cad dkyil 'khor te/ byang chub sems ni dkyil yin la/ dam rdzas gzhan ni 'khor yin no// de ci'i phyir zhe na/ bde ba chen po'i don la skye 'chi med pa'i dkyil 'khor du lhun gyis grub pa'o// dam rdzas dang lag cha tshogs pa thams cad kyang dkyil 'khor te/ ban+d+ha dkyil yin la// dur khrod kyi chas ni 'khor ro// de ci'i phyir zhe na/ thabs la mkhas pa'i rol pa chen pos// rnam par rtog pa thams cad chos nyid du lhun gyis grub pa'i dkyil 'khor gyi rang bzhin yin no// de la 'byor pa thams cad longs spyod du lta ba dang / phyi snod kyi 'jig rten dang nang bcud kyi 'jig rten 'di dag thams cad kyang / sangs rgyas thams cad kyis chos kyi longs spyod du byin gyis brlabs pa'i dus su// byol song thams cad kyis lus tshogs su phul ba dang / gshin rje thams cad kyis sha chen tshogs su phul ba dang / srin po thams cad kyis thod rus dang 'bru mar tshogs su
- 123a
phul ba dang / gnod sbyin rnams kyis dza gang rnam pa sna tshogs tshogs su 'bul ba dang / ma mo dang mkha' 'gros khrag dang snum chen tshogs su phul ba dang / klu rnams kyis snying po sna tshogs 'bu la ba dang / byol song rnams kyi sa 'o ma sna tshogs 'bul ba dang / nam mkha' lding rnams kyis shing tog sna tshogs 'bul ba dang / sman gyi lhas sman sna tshogs 'bul ba dang / rtsi'i lha mos rtsi'i sman sna tshogs 'bul ba dang / mkha' lding gis spos sna tshogs tshogs su 'bul ba dang / sa bdag rnams kyis 'bru sna tshogs tshogs su 'bul pa dang / mi rnams kyis mis sbyar ba'i zhal zas sna tshogs tshogs su 'bul ba dang / lha rnams kyis rin po che chen po rnam pa sna tshogs pa dang / lha'i me tog man dA ra ba la sogs pa rnam pa sna tshogs pa dang / lha'i 'dod pa'i gzugs dang / sgra dang / dri dang / ro reg longs spyod rnam pa sna tshogs pa tshogs su 'bul ba la sogs pa// dus gsum gyi sangs rgyas thams cad kyis/ rnal 'byor tshogs kyi longs spyod chen por byin gyis brlabs te gsol/ gzhan yang 'grangs shing tshim par mdzad/ phyir mi ldog pa'i sa la bkod pas/ 'byor pa thams cad longs spyod du lta'o//
- 123b
de la mchod pa thams cad ye shes su lta ba ni/ phyi nang gsang ba'i mchod pa thams cad thugs yang dag pa'i ye shes chen po'i ngang las byung ste/ phar mchod pas thugs dam bskul// dngos grub nod// slar 'dus pas sgrib pa sbyangs/ dngos grub tho ba ste/ lha la lha thim/ ye shes la ye shes rol// chos nyid la chos nyid thim// phar mchod pas bdag nyid kyi sems dang de bzhin gshegs pa'i thugs ye shes su mnyam zhing dbyer med par mchod pa phul// slar 'dus pas de bzhin gshegs pa'i thugs ye shes dang / bdag gi sems mnyam zhing dbyer med de/ ye shes mchod pa 'od zer gyi rgyan du bdud rtsi'i rang bzhin byang chub sems kyi dngos po/ rgyal ba'i chos la dang po longs spyod par mdzad pas// mchod pa thams cad ye shes su lta'o// dmigs pa thams cad lha rgyud du lta ba ni// mdun gyi nam mkha' las ye shes sems dpa' rgyal ba rgya mtsho sras dang bcas par dmigs pa yang bdag gi phung po dang / khams dang / skye mched dang // rnam par shes pa nyid lha'i rgyud du snang ba las ma gtogs pa/ gzhan gud na med pa'i rtog pa'i lta bas rtogs par byas la/ ji ltar ga na ma ri dang sa brag thams cad 'byung
- 124a
ba lnga la bsdus la/ skye 'gro thams cad kyang 'byung ba lnga dang phung po lnga bsdus pas 'byung ba dang / phung po thams cad kyang lha dang lha mo'i dkyil 'khor gyi rang bzhin yin la/ rtogs pa'i lta bas rtogs par byas la/ mdun dang shar phyogs rdo rje rigs kyi lha dang / lha mo dang / zhing khams dang pho brang gi rang bzhin// g.yas dang lho thams rad rin chen rigs kyi lha dang / lha mo dang // zhing khams dang / pho brang gi rang bzhin// rgyab dang nub thams cad pad+ma rigs kyi lha dang / lha mo dang / zhing khams dang / pho brang gi rang bzhin// g.yon dang byang thams cad las kyi rigs kyi lha dang / lha mo dang / zhing khams dang / pho brang gi rang bzhin/ steng dang nam mkha' thams cad de bzhin gshegs pa'i rigs kyi lha dang / lha mo dang / sems dpa' dang / sems ma dang / khro bo dang / khro mo dang // zhing khams dang / pho brang dang / dkyil 'khor dang / lha rgyud kyi rang bzhin du rtogs par byas la/ yid kyis dmigs pas// dmigs pa rnams lha rgyud du lta'o// rtogs pa thams cad gzhal yas khang du lta ba ni// phyi nang snod bcud kyis bsdus pa'i chos thams cad 'byung
- 124b
ba lngas bsdus la/ 'byung ba lnga po nyid yum chen mo lnga'i mkha' klong rnam par dag pa chos nyid dbyings kyi rang bzhin pas/ dpag cing gzhal ba las 'das pa'i gzhal yas khang gi rang bzhin yin pa las// de ltar ma rtogs na gzhan nas gzhal yas khang gnyan pa ris su chad pa med pas// rtogs pa thams cad gzhal yas khang du lta'o// tshogs rgyud chen po las/ lta ba'i le'u ste bcu gnyis pa'o// // de nas tshogs kyi bsgrub pa la yang don rnam pa lnga ste/ sku'i bsgrub pa dang / gsung gi bsgrub pa dang / thugs kyi bsgrub pa dang / yon tan gyi bsgrub pa dang / 'phrin las kyi bsgrub pa gang byed kyang rung ste/ rnal 'byor gyi tshogs kyi bsgrub pa dgos te/ rnal 'byor gyi tshogs 'di ni lan tshwa dang cha 'dra ste/ gang la yang mi tshang du mi rung ste/ sku'i bsgrub pa'i dkyil 'khor gyi lha rnams la tshogs kyi mchod pa gzhung bzhin phul nas/ sku'i bsgrub pa yang 'grub cing mthar phyin par 'gyur zhing / gsung dang / thugs dang / yon tan dang / 'phrin las kyang de bzhin du gang bsgrub pa tshogs kyis bsgrub pa'o// de'i don ni gzhung du ma dag las rgya cher byung ngo // tshogs rgyud chen
- 125a
bau las/ bsgrub pa'i le'u ste bcu gsum pa'o// // de nas tshogs kyi spyod pa ni don rnam pa gsum ste/ tshogs kyi spyod pa thabs dang shes rab tu spyod pa dang / tshogs kyi spyod pa spong len med par spyod pa dang / tshogs kyi spyod pa 'ching grol med par spyod pa'o// de la tshogs kyi spyod pa thabs dang shes rab tu spyod pa ni/ yo ga phyi ma man chad kyi sgor zhugs pa rnams kyis// tshogs kyi mchod pa lta ci smos kyis/ 'dod pa'i yon tan gang la yang skyon du lta ba'i nang nas kyang / thabs dang shes rab 'ching ba'i bsha la thag tu brtags pa ste/ rdo rje'i theg pa thabs la mkhas pa'i gnas skabs na/ thams cad thabs dang shes rab dbyings dang ye shes kyi rang bzhin yin pas/ 'dod pa'i yon tan la sogs pa thams cad ma spangs par 'jol tog tu spyod par ma zad de/ chos nyid kyi rgyan du shar bas dga' ba der longs spyod la// de nyid kyis gnyis su med pa chos kyi sku thob par 'gyur ba'o// de la tshogs kyi spyod pa spong len med par spyod pa ni/ yo ga phyi ba man chad kyis 'di gtsang ba'i rigs te 'phags pa mchod pa'i rgyu yin la/ 'di ni mi gtsang ba dang sme ba yin pas/ 'phags pa mchod pa'i rgyu ma yin no//
- 125b
zhes spong len du spyod pa ma yin/ chos bdag med pa'i rang bzhin rnam par rtog pa ming yang med pa las/ gtsang ba yang lha'i zhal zas yin la/ mi gtsang ba yang lha'i zhal zas gnyis su med pa'i don de nyid 'phags pa'i dgongs spyod dang / rnam par mi rtog pa'i sku 'grub pas/ gang la yang 'di 'khor ba dang mi gtsang ba'i rgyu yin pas spong la/ 'di thar pa dang / bde ba dang / gtsang ba'i rgyu yin zhes dang du mi len te/ spong len med pas sangs rgyas kyi sa la gnas pa yin no// tshogs kyi mchod pa 'ching 'grol med par longs spyod pa ni/ 'dod pa'i yon tan rnam pa sna tshogs la chags pa la yang chags pa med par spyad/ mthar phyin par spyad pas/ 'khor ba dang nyon mongs pas 'ching ba med la/ de nyid rtog pa'i rgyan du rig nas chos thams cad ye nas sangs rgyas pa yin pas/ de ltar spyod na grol ba yang med la/ 'ching ba yang med pa'o// tshogs rgyud chen po las// spyod pa'i le'u ste bcu bzhi pa'o// // rdo rje sems dpas de skad ces bka' stsal pas/ rigs lnga yab yum dang / sems dpa' dang / sems ma dang / khro bo dang / khro mo dang / sprul pa dang / yang sprul dang / ci bgyi dang / bka' nyan dang / dam la btags pa'i 'khor thams cad kyis dgyes pa chen
- 126a
po'i tshogs la longs spyod sku nyams su bstar nas/ thams cad gnyis su med pa'i chos kyi skur lhun gyis grub nas bzhugs so// rnal 'byor gyi tshogs rgyud chen po las/ yongs su rdzogs pa'i le'u ste bco lnga pa'o// // rdzogs so// // tshogs rgyud chen po rtsa rgyud dang phyi ma 'dri bod du 'gyur ro// gsang ba bskyed rdzogs gsum gyi phug thugs/ sgrub sangs rgyas ye shes rin po ches skad gsar bcad kyis kyang bcos te/ stong tsha ba 'phags pa rin po che la bshad// // de nas gsang ba thabs dang shes rab byang chub sems kyi mchod pa la yang don rnam pa lnga ste/ gzungs ma byin gyis brlab pa dang / gnyis su med par sbyar ba dang / gsang ba'i mkha' la sems can thams cad gnas sbar te dbang bskur ba dang / dkyil 'khor gyi lha la byang chub sems kyi mchod pa 'bul ba dang / byang chub sems rdo rje lce'i dngos grub blang ba dang wA'o// de la dang po gzungs ma byin gyis brlab pa ni/ gzungs ma nyid yum shes rab kyi pha rol tu phyin ma'i rang bzhin du/ dus gsum bde bar gshegs pa'i bzhugs gnas gzhal med khang du byin gyis brlabs la