F344MW1KG13607_0344mdo sdeAll versions of this work

'phags pa rnam par mi rtog pa la 'jug pa zhes bya ba'i gzungs

Āryasapikaladapāprabeśanāmadhārani

Text

ff. 213b–220b · 15 folio sides

  1. 213b

    rigs kyi bu khyed kyis rnam par rtog par 'jug pa zhes bya ba zung shig/ de bzung na byang chub sems dpa' myur ba myur bar sangs rgyas kyi chos rnam sgrub cing rtag tu khyad par du'ang 'gro'o// de nas 'khor de nyid kyi nang nas byang chub sems dpa' sems dpa' chen po rnam par mi tog snang ba zhes bya sten las langs te/ bla gos phrag pa cig tu gzar nas/ pus mo g.yas pa'i lha ngas la gcugs te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das byang chub sems dpa' sems dpa' chen pos gang thos nas/ 'dzin pa dang / klog pa dang / tshul bzhin du yid la byed pa dang / gzhan dag la yang rgya cher ston por 'gyur ba'i rnam par mi rtog par gzungs bshad du gsol/ de skad ces gsol pa dang / bcom ldan 'das kyis bka' stsal pa/ rigs kyi bu dag de'i phyir legs par rab tu nyon la yid la zung shig dang / ngas rnam par mi rtog par 'jug pa'i gzung bshad do// bcom ldan 'das legs so zhes gsol to// byang chub sems dpa' sems dpa' chen po de dag/ bcom ldan 'das kyi ltar nyan pa dang bcom ldan

  2. 214a

    'das kyis de dag la 'di skad ces bka' stsal to// rigs kyi bu 'di la byang chub sems dpa' sems dpa' chen po rnams par mi rtog pa'i dbang du byas pa'i chos thos te/ rnam par mi rtog pa la bsam pa bzhag nas/ rnam par rtog pa'i mtshan ma thams cad yongs su spangs te/ de thog ma nyid du 'di lta ste/ gzung ba 'am 'dzin pa yang rung / rang bzhin la rnam par rtog pa'i mtshan ma thams cad yongs su spong ngo // de la gang zag pa dang bcas pa'i dngos po mtshan ma de ni rang bzhin la rnam par rtogs pa'i mtshan ma'o// gang zag pa dang bcas pa'i dngos po ni nye bar len pa'i phung po lnga rnams te/ 'di lta ste gzugs nye bar len pa'i phung po dang / tshor ba nye bar len pa'i phung po dang / 'du shes nye bar len pa'i phung po dang / 'du byed nye bar len pa'i phung po dang / rnam par shes pa nye bar len pa'i phung za'o// ji ltar rang bzhin la rnam par rtog pa'i mtshan sa de dag yongs su spong zhe na/ snang bar gyur pa'i tshul gyis mngon du gyur pa de dag/ yid la mi byed pas yongs su spong ngo // de rang bzhin la rnam par rtog par mtshan ma de dag rims kyis yongasu

  3. 214b

    spong ba na/ de ma yin pa gzhan gnyen po la rnam par rtog pa'i mtshan ma rnams snang bar 'gyur ba'i tshul gyis kun du 'byung zhing mngon du 'gyur te// 'di lta ste/ sbyin pa la spyod pa rnams par rtog pa'i mtshan ma dang / tshul khrims la spyod pa rnam par rtog pa'i mtshan ma dang / bzod pa la spyod pa rnam par rtog pa'i mtshan ma dang / brtson 'grus la spyod pa rnam par rtog pa'i mtshan ma dang / bsam gtan la spyod pa rnam par rtog pa spong ba'i mtshan ma dang / shes rab la rnam par rtog pa'i spong ba'i mtshan ma ste/ 'di lta ste ngo bo nyid la spyod pa pa 'am/ yon tan la spyod pa 'am/ snying po la spyod pa 'ang rung / de de dag kyang yid la mi byed pas yongs su spong ngo // des de dag yongs su spong ba na/ gzhan de kho na la spyod pa rnam par rtog pa'i mtshan ma rnams snang bar 'gyur ba'i tshul gyis kun du 'byung zhing mngon du 'gyur te/ 'di lta ste/ stong pa nyid la spyod pa rnam par rtog pa'i mtshan ma dang / de bzhin nyid la spyod pa rnam par rtog pa'i mtshan ma dang / yang dag pa'i mtha' la spyod pa rnam par rtog pa'i mtshan ma dang / mtshan ma med pa dang / don dam pa dang / chos kyi

  4. 215a

    dbyings la spyod pa rnam par rtog pa'i mtshan ma ste/ 'di lta ste/ rang gi mtshan nyid la spyod pa 'am/ yon tan la spyod pa 'am/ snying po la spyod pa yang rung / des de kho na la spyod pa rnam par rtog pa'i mtshan ma de dag yid la mi byed pas yongs su spong ngo // des de yongs su spang ba na/ gzhan 'thob pa la spyod pa rnam par rtog pa'i mtshan ma rnams snang bar 'gyur ba'i tshul gyi kun du 'byung zhing mngon du 'gyur te/ 'di lta ste/ sa dang po thob pa la spyod pa rnams par rtog pa'i mtshan ma dang / sa bcu pa'i bar du thob pa la spyod pa rnam par rtog pa'i mtshan ma dang / mi skye ba'i chos la bzod pa la spyod pa'i rnam par rtog pa'i mtshan ma dang / lung stan pa thob pa la spyod pa rnam par rtog pa'i mtshan ma dang / sangs rgyas kyi zhing yongs su dag pa thob pa spyod pa rnam par rtog pa'i mtshan ma dang / sems can yongs su smin par byed pa thob pa la spyod pa rnam par rtog pa'i mtshan ma dang / dbang bskur ba thob pa la spyod pa rnam par rtog pa'i mtshan ma nas rnam pa thams cad mkhyen pa nyid thob pa'i bar la spyod pa rnam par rtog pa'i

  5. 215b

    mtshan pa ste/ 'di lta ste/ rang gi mtshan nyid la spyod pa'am/ yon tan la spyod pa 'am/ snying po la spyod pa yang rung des zab pa la spyod pa rnam par rtog pa'i mtshan ma de dag kyang yid la mi byed pas yongs su spong ngo // de ltar byang chub sems dpa' sems dpa' chen po rnam par rtog pa'i mtshan ma'i rnam pa thams cad yid la mi byed pas yongs su spong bas na/ rnam par mi rtogs pa'i dbyings la shin tu brtan pa/ yin te/ re shig rnam par mi rtog pa'i dbyings la ni ma reg mod kyi/ rnam par mi rtog pa'i dbyings la reg par 'gyur ba'i tshul bzhin gyi ting nge 'dzin yod do// de yang dag par spyod pa de dang / rten pas rjes su 'gro'o// sgoms pas rjes su 'gro'o// mang du byas pas rjes su 'gro'o// yang dag par yid la byas pas rjes su 'gro'o// bas na mngon par 'du bya ba med cing / lhun gyis grub pas rnam par mi rtog pa'i dbyings la reg ste/ rims kyis yongs su sbyong ngo // ci'i phyir rnam par mi rtog pa'i dbyings la meton pa zhes bya zhe na/ spyad pa'i rnam par rtog pa thams cad las shin du 'das pa dang / snyan pa dang / dpes rnam par rtags pa thams cad las shin du 'das pa/

  6. 216a

    dang / dbang por rnam par brtags pa thams cad las shin tu 'das pa dang / rnam par rig pa rnam par brtags pa thams cad las shin tu 'das pa dang / nyon mongs pa thams cad dang / shes bya'i sgrib pa thams cad kyis gnas med pa'i phyir te/ de'i phyir rnam par mi rtog pa zhes bya'o// rnam par mi rtog pa de dag gang zhe na/ rnam par mi rtog pa ni gzugs med pa/ stan du med pa/ brten med pa/ snang ba med pa/ rnam par rig pa ma yin pa/ gnas med pa'o// byang chub sems dpa' sems dpa' chen po rnam par mi rtogs pa'i dbyings la rab tu gnas pas ni/ shes bya dang shes pa khyad par med pa/ rnam par mi rtog pa'i ye shes kyi chos tham cad nam mkha'i dkyil dang mtshungs par mthong ngo // rnam par mi rtog pa'i rjes la thob pa'i shes pas ni/ chos thams cad sgyu ma dang / mig sgyu dang / rmi lam dang / mig yor dang / zag cha dang / gzugs bstan dang / chu zla dang / sprul pa dang mtshungs par mdong / bde ba chen po na gnas pa shin du rgyas pa 'am thob po// sems phun sum tshogs pa shin du rgyas pa'ang thob po// shes rab dang

  7. 216b

    ye shes che zhing shin du rgyas pa'ang thob bo// dus thams cad du sems can thams cad kyi don gyi rnam pa thams cad kyang byed nus par 'gyur te/ sangs rgyas kyi mdzad pa lhun grub pa'ang rgyun mi bcod do// rigs kyi bu 'di lta ste dper na// zag cig tu sdug cing sra ba'i 'og na/ yid bzhin gyi nor bu rin po che chen po sna tshogs 'od gsal ba 'di lta ste/ dngul rin po che dang / gser rin po che dang / rdo'i snying po rin po che sna tshogs kyi rin po che tha dad pas/ yongs su gang ba'i gter chen pa zhig yod la/ de nas gter chen po 'dod pa'i mi la la zhig 'ong ba de la/ gter chen po mngon par shes pa'i mis 'di skad du/ kye skyes bu zag cig tu stug cing sra ba de'i 'og na/ rin po che 'od gsal bas yongs su gang ba'i rin po che'i gter chen po yod kyis/ khyod kyis thog ma kho nar rdo rje ba'i rang bzhin thams cad rkos shig/ de skos dang dngul du snang ba'i rdo khyod la snang bar 'gyur te/ de la khyod kyis gter chen por 'du shes mi bya'o// de yongs su shes par byos te/ rkos shig de rkos dang / gser du snang ba'i rdo snang bar 'gyur te/ de la'ang khyekhyod kyis gter chen por 'du shes

  8. 217a

    mi bya'i/ de yang yongs su shes par byos te/ rkos shig/ de rkos dang / rin po che sna tshogs snang bar 'gyur te/ de la'ang khyod kyis gter chen por 'du shes mi bya'i/ de yongs su shes par byos te/ rkos shig kye skyes bu khyod kyis de lngar brten par byas na/ rkob rkos na par 'du bya ba med cing / 'bad mi dgos par yid bzhin gyi nor bu rin po che'i gter chen po mthong bar 'gyuraro// yid bzhin gyi nor bu rin po che'i gter chen po nyid na/ khyod phyag cing nor che la long spyod che bar 'gyur te/ bdag dang gzhan gyi don la mthu yod pa 'gyur ro// zhes smras pa ltar rigs kyi bu dag ci tsam du don 'di shes bya ba'i phyir 'di dper byas te/ brag cig tu stug cing sra bzhi pa de ni/ 'du byed kyi rnam pa kun nas nyon mongs pa dang / gnyis la so sor nye bar gnas pa'i tshig bla dag te/ 'og na yod bzhin gyi nor bu rin po che'i gter chen po zhes bya ba de ni rnam par rtog pa'i dbyings kyi tshig bla dag so// yid bzhin gyi nor bu rin po che'i gter chen po 'dod pa'i mi shes bya ba de ni byang chub sems dpa' sems dpa' chen po'i tshig bla dag so// gter chen po mngon par shes pa'i mi zhes bya ba de ni/ de bzhin gshegs

  9. 217b

    pa dgra bcom pa yang dag par rdzogs pa'i sangs rgyas kyi tshig bla dag so// brag ces bya ba de ni rang bzhin la rnam par rtog pa'i mtshan ma rnams kyi tshig bla dag so// rkos shig ces bya ba ni yid la mi byed pa'i tshig bla dag so// dngul du snang ba'i rdo zhes bya ba de ni gnyer po la rnam par rtog pa'i mtshan ma rnams kyi tshig bla dag so// gser du snang ba'i rdo zhes bya ba de ni stong pa nyid la sogs pa la rnam par rtog pa'i mtshan ma rnams kyi tshig bla dag so// rin po che sna tshogs su snang ba'i rdo zhes bya ba de ni/ thob pa la rnam par rtog pa'i mtshan ma rnams kyi rig bla dag so// yid bzhin gyi nor bu rin po che'i gter chen po rnyed ces bya ba de ni/ rnam par mi rtog pa'i dbyings la reg pa'i tshig bla dag so// rigs kyi bu dag de ltar dpe nye bar bkod pa 'dis rnam par mi rtog pa'i dbyings su 'jug pa khong du chud par bya'o// rigs kyi bu dag ci ltar na yang / byang chub sems dpa' sems dpa' chen po rnams par mi rtog pa'i mtshan ma ji skad snyan pa de dag nye bar rtog cing rnam par mi rtog cing rnam par mi tog pa'i dbyings su 'jug ce na/ rigs kyi bu dag 'di la byang chub sems dpa' sems dpa' chen po de ltar rnam par mi rtog pa'i dbyings la rab tu gnas pa ni/ gzugs

  10. 218a

    kyi rang bzhin la rnam par rtog pa'i mtshan ma mngon du gyur na 'di ltar nye bar tog te gang dag gi gzugs zhes spyod na/ rnam par rtog pa la spyod pa'o// gzhan yang gzugs zhes spyod na rnam par rtog pa la spyod pa'o// gzugs 'di yod do zhes spyod na rnam par rtog pa la spyod pa'o// gzugs skye'o 'gago/ kun nas nyon mongs pa'o// rnam par byang ba'o zhes spyod na rnam par rtog pa'o// gzugs med ces spyod na rnam par rtog pa la spyod pa'o// gzugs la ngo bo nyid kyis kyang med/ rgyur yang med/ 'bras bur yang med/ lus su yang med// ldan par yang med/ 'jug par yang med ces spyod na rnam par rtog pa la spyod pa'o// gzugs kyi rnam par rig pa tsam zhes spyod pa'o// gzug kyi rnam par rig pa tsam zhes spyod na rnam par rtog pa la spyod pa'o// ji ltar gzugs la de bzhin du gzugasu snang ba'i rnam par rig pa yang med do zhes spyod na rnam par rtog pa la spyod pa'o snyam// rigs kyi bu dag 'di ltar byang chub sems dpa' sems dpa' chen po'i gzugs kyang mi dmigs/ gzugs su snang ba'i rnam par rig pa yang mi dmigs mod kyi rnam par rig pa thams cad kyis thams cad du chud zos pa ni ma yin no// rnam par rig

  11. 218b

    pa ma togs par chos gang yang mi dmigs la/ rnam par rig pa de yang dngos po med pa/ yang dag par rjes su mi mthong ngo // rnam/ par rig pa ma togs par dngos po med pa yang dag par rjes su mi mthong ngo // gzugs snang ba'i rnam par rig pa med pa de dang / rnam par/ rig pa de rjes su mi mthong / tha dad pa yang yang dag par des rjes su mi mthong / rnam par rig pa dngos po med pa la/ dngos por yang yang dag par rjes su mi mthong ngo // dngos po med par yang yang dag par rjes su mi mthong ste/ rigs kyi bu dag rnam pa thams cad mkhyed pa'i rnam par rtog pa thams cad kyis gang rnam par ma brtags pa de rnam par mi rtog pa'i dbyings so// zhes kyang yang dag par rjes su mi mthong ngo// rigs kyi bu dag 'di ni rnam par mi rtogs pa'i dbyings su 'jug pa'i tshul yin te/ de ltar byang chub sems dpa' sems dpa' chen po rnam par mi rtog pa'i dbyings la rab tu gnas pa yin no// de bzhin du tshor ba dang / 'du shes dang / 'du byed rnams dang / rnam par shes pa dang / de bzhin du sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu

  12. 219a

    phyin pa dang / btson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / de bzhin du nang stong pa nyid la sogs pa nas/ rnam pa thams cad mkhyen pa nyid kyi bar du sbyor ro// rigs kyi bu dag 'di la byang chub sems dpa' sems dpa' chen po rnam pa thams cad mkhyen pa'i rnam par rtog pa mngon du gyur na/ 'di ltar nye bar rtog te/ gang bdag gis rnam pa thams cad mkhyen pa nyid ces spyod na/ de rnam par rtog pa la spyod pa'o// bzhan bdag gi rnam pa thams cad mkhyen pa nyid ces spyod na/ rnam par rtog pa la spyod pa'o// rnam pa thams cad mkhyen pa nyid ni zhes spyod na/ rnam par rtog pa la spyod pa'o// rnam pa thams mkhyen pa nyid thob ces spyod na/ rnam par rtog pa la spyod pa'o// rnam pa thams cad mkhyen pa nyid ni nyon mongs pa dang / shes bya'i sgribs pa thams cad spong ba'o zhes spyod na/ rnam par rtog pa la spyod la spyod pa'o// rnam pa thams cad mkhyen pa nyid shin du rnam par byang ba'i zhes sbyong na/ rnam par rtog pa la spyod pa'o// rnam pa thams cad mkhyen pa nyid ni med do zhes spyod na/ rnam par rtog

  13. 219b

    pa la spyod pa'o// rnam pa thams cad mkhyen pa nyid la ngo bo nyid kyang med/ rgyur yang med/ 'bras bur yang med/ las su yang med/ 'jug par yang med de zhes spyod na/ rnam par rtog pa la spyod pa'o// rnam pa thams cad mkhyen pa nyid rnam par rig pa tsam mo zhes sbyor na/ rnam par rtog pa la spyod pa'o// ji ltar rnam pa thams cad mkhyen pa nyid med pa de bzhin du/ rnam pa thams cad mkhyen pa nyid du snang ba'i rnam par rig pa yang med de zhes spyod na/ rnam par rtog pa la spyod pa'o snyam mo// rigs kyi bu dag 'di ltar byang chub sems dpa' sems dpa' chen po ji ltar rnam pa thams cad mkhyen pa nyid mi dmigs pa de bzhin du/ der snang ba'i rnam par rig pa yang mi dmigs mod kyis/ rnam par rig pa thams cad du chud gzon pa ni ma yin no// rnam par rig pa ma rtog par chos thams cad mi dmigs la/ rnam par rig pa de yang dngos po med par yang yang dag par rjes su mi mthong ngo // rnam par rig pa ma rtog par dngos po med par yang yang dag par rjes su mi mthong / rnam pa thams cad mkhyen pa nyid du snang ba'i rnam par rig pa med

  14. 220a

    pa de dang / rnam par rig pa de cig par yang dag par rjes su mi mthong ngo // tha dad par yang yang dag par rjes su mi mthong / rnam par rig par dngos po yod par yang dag par rjes su mi mthong ngo // dngos po med par yang yang dag par rjes su mi mthong ste/ rigs kyi bu dag rnam pa thams cad mkhyen pa'i rnam par rtog pa thams cad kyis/ gang rnam par rtogs pa de/ rnam par mi rtog pa'i chos kyi dbyings so// zhes kyang yang dag par rjes su mi mthong ngo // de ltar 'di ni rnam par mi rtogs pa'i dbyings la 'jug pa'i tshul yin te/ rigs kyi bu de ltar na/ byang chub sems dpa' sems dpa' chen po rnam par mi rtog pa'i dbyings la rab tu gnas pa yin no// rigs kyi bu dag chos kyi rnam grangs 'di 'dzin pa dang / yi ger 'dri ba dang / 'chang ba dang / klog pa'i bsod nam ni rab tu mang gi/ lus gang ga'i klung gi bye ma snyed yongs su btang ba de ni de lta ma yin no// 'jig rten gyi khams gang gang gi bye ma snyed yongs su gang ba'i sbyin pa byin pa de ni/ de lta ma yin no// de bzhin gshegs pa'i gzugs brnyan rin po che las byas te/

  15. 220b

    'jig rten gyi khams gang ga'i klung gi bye ma rnyed yongs su bkang ba'i bsod nams kyi phung po ni de lta ma yin no// de nas de'i tshe bcom ldan 'das kyi tshigs su bcad pa 'di dag gsungaso// dam chos 'di la rgyal ba'i sras// rnam par mi rtog bsam gyur nas// rnam rtog bgrod dga' rnam 'das te// rims gyis mi rtog thob par 'gyur// de las rab bzhi g.yo ba mchog/ dbang byed mnyam la mi mnyam pa// rnam par mi rtog bde ba ni// byang chub sems dpa' sa thob 'gyur// bcom ldan 'das kyis de skad ces bka' stsal nas/ byang chub sems dpa' rnam par mi rtog snang ba dang / thams cad dang ldan pa'i 'khor de dag dang / lU dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par stod do// / 'phags pa rnam par mi rtog pa la 'jug pa zhes bya ba'i gzungs rdzogs s+ho// / dge'o//

Colophon

'phags pa rnam par mi rtog pa la 'jug pa zhes bya ba'i gzungs rdzogs s+ho/