MW21521_709268མན་ངག་ཨ་ཏི་ཡོ་གའི་ཆོས་སྐོར།All versions of this work

rdzogs pa chen po ye shes 'khor lo gsang ba thugs kyi rgyud

Text

ff. 40b–53a · 26 folio sides

  1. 40b

    sku thob/ bsgrub pa med pa'i 'bras bu grub// rang bzhin btsal ba med par sangs rgyas so// kun tu bzang po nam mkha' che rtsa ba bsdus pa'i rgyud rdzogs so// dga' rab rdo rje la zhus pa'o// man ngag rtsa ba bsdus pa'i rgyud// chos nyid mi 'gyur rgyas btab gzhag/ ban chung 'khyams po bdag gis drangs// bod nas rgyu gar yul gyi bar// dka' ba bco brgyad spyad pa las// de'u shi lnga bcu rtsa bzhi byung // man ngag rgyal po'i phyag tu gdams// rgya gar gyi mkhas pa shrI sid+ha dang / bod kyi ban+d+he bai re tsa nas bsgyur ba'o// rgya gar skad du/ san+ti ma hA dz+nyA na tsakra gu h+ya tsit+ta tan tra nA ma/ bod skad du/ rdzogs pa chen po ye shes 'khor lo gsang ba thugs kyi rgyud ces bya/ dpal rang byung rig pa'i ye shes chos sku de kho na nyid la phyaka 'tshal lo// 'di skad gsungs pa'i dus gcig na// rang byung ngo bo ston pa de// ye shes glong gi gnas mchog na// nyid las mi zhan rtog pa'i 'khor// don gcig bstan pa'i mngon gyur to// de tshe chos skra snying po 'di// dpal gyi dpal gyur kun bzang gis// / rgyud bdag rdo rje sems dpa' la// bka' rtags lnga yi don bsdus nas// nges don gdams ngag bka' stsal pa// sangs rgyas kun gyi nges pa'i don// don gyis khyab dang

  2. 41a

    rtog pa'i byin rlabs brda dang tshig gi don// snod ldan blo dang ldan pa la// ma nor nges pa ngas bshad kyis// brjed med dad pa'i yid kyis nyon// de skad ces ni gsungs pa dang // khab len la ni lcags 'du bzhin// byin gyis brlabs kyis snang ba yis// 'khor rnams dga' mgu mos pas nyon// rdzogs pa chen po ye shes 'khor lo gsang ba thugs kyi rgyud las/ gsung bar zhal gyis bzhes te glang gzhi bstan pa'i le'u ste dang po'o// // de nas kun rig ston pa des// sngon gyi thugs dam zhal bzhes pas// 'gro don thugs rje rdzogs mdzad phyir// ched du dgongs nas bka' stsal pa// bde gshegs snying po chos kyi sku// 'gro drug sems can thams cad la// kun la khyab pas nam mkha' bzhin// rang byung ngo bo ya nas yod// de yang 'khor gyi snying po nyon// 'khor 'das med pa'i go rol du// ya nas gnas// pa'i chos nyid la// ma 'khrul phyir na nang gis rtogs// yon tan lnga ldan shes pa dang // sangs rgyas dus mnyam kun bzang byung // nyid las mi zhen 'khor rnams nyon// 'og/ min gnas su kun bzang gis// rgyud bdag rdo rje sems dpa' la// tshig tu ma gsungs don rnams go// rang gi rig cing dgongs pas brgyud// de phyir byin gyis brlabs zhes bya// /

  3. 41b

    sprul skus brda yis brgyud pa yang // tshig don lus dang rtags kyi brda// shAkya thub sprul pa bzhad rtsal gyis// lha gnas mi yi yul du byung // rig 'dzin 'phrul gyi thag gi ni// rgya yi mthing shog srab bad la// yang zhun gsar gyi ya gar bris// lag na rdo rje'i sprul pa la// nges don dgongs don mngon byung nas// sdeb sgor tshig gis bkrol nas bshad/ de yang rdo rje sems dpa' nyon// rigs btsun khyad 'phags snod ldan ni// gang zag rjes su mi 'brang bar// lung rig gnyis la rtog pa mkhaso// man ngag chos phyir shin tu mos bla ma la gus phyi thag ring // 'phangs med 'bul nas snod ldan la// 'bral me da ye shes rang shar don// rgyud drug yang snying yin pa'i phyir// bstan ma thag tu shes pa'i chos// snod ldan gsang thub 'ga' la bstan// rdzogs pa chen po ye shes 'khor lo gsang ba thugs kyi rgyud las/ tshul du gsungs pa mdor bstan pa'i le'u ste gnyis pa'o// de nas rdo rje sems dpa' yis// ched du gsungs pa'i don go nas// 'khor rnams la ni brtsor dgongs nas// rdzogs sangs rgyas la 'di skad gsol// gzhi nyid dpe don gang gis mtshon// dang po sangs rgyas ji ltar byung // de yi byin rlabs ji ltar rtogs// brda dang tshig gis bshad du gsol// de skad zhus pas don gsan nas//

  4. 42a

    'dus pa'i 'khor la nges pa'i don// ma nor nges pa'i sangs rgyas bka'// nga yis bshad kyis nges par nyon// rang bzhin gzhi yi mtshan dpe ni// 'dus ma byas kyi nam mkha' ni// gang nas ma 'ongs ya nas yod// gar yang mi 'gro dus gsum gcig/ da ltar kun khyab nges gzung med// thog mtha' med pas nam mkha' 'dra// rig med stong pa yin pa'i phyir// dpe ru za ba ste don du med// da yang rdo rje sems dpa' nyon// de bzhin ngo bo'i gnas lugs ni// 'khor 'das ma rig rang bzhin lus// sangs rgyas sems can gnyis med pa'i// 'khor 'das gnyis kyi gzhir gyur pa// ma yangs par ni yod gyur kyang // don gyis ma zin rang snang ba// nges ma zin cing shan ma phyed// 'gro 'ong med par rgyun du gnas// thog mtha' med phyir ngo ma shes// da lta kun gzhi'i sems la gnas// / 'dus ma byas phyir skye 'jig med// sems can kun gyis rten nas gzhi// mos gus meng phyir rtogs par dka'// rdzogs pa chen po ya shes 'khor lo gsang ba thugs kyi rgyud las/ gzhi'i dpe bstan pa'i le'u ste gsum pa'o// // de nas kun rig ston pa yis// dang po sangs rgyas rtogs

  5. 42b

    tshul ni/ dad ldan 'dus pa'i 'khor rnams la// nga yi rtogs nyams bka' stsal pa// 'khor 'das med pa'i gong rol du// sa chu ma rlung gang yang med// srid pa ma chags stong pa nyid// de tshe rang bzhin lus de ni// ye nas yod pa'i chos nyid de// don de ma 'khrul rig pa yis// da lta mo 'khrul nges bstan phyir// gzhi dang rig pa gcig tu shes// rtogs dang sangs rgyas dus mnyam byung // num langs nyi ma shar dus mnyam// ri bo ta la'i dpe bzhin du// 'khor 'das the ga mtha' dus gcig chod// da yang rdo rje sems dpa' nyon// kun bzang rgyal ba'i rtogs pa de// rang byung ngo bo nyid kyi sku// rgyu rkyen ma byas 'dus ma byas// kun la khyab pas chos kyi sku// rang gi rig pas ye shes thugs// de nyid yin par ngo shes pas// lhag mthong ye shes rang shar phyir// yod med gnyis kyi sgro skur bral// dus gsum mi 'gyur bstan nges pas// thig le nyag gcig chos kyi sku// de las sangs rgyas chos rnams byung // de phyir kun tu bzang po bya// rdzogs pa chen po yi shes 'khor lo gsang ba thugs kyi rgyud las/ kun tu bzang po rtogs pa bstan po'i le'u sta bzhi pa'o// // de nas kun rig ston pa yis// 'og min chos dbyings gnas da ru// ji bzhin rdo rje

  6. 43a

    sems dpa' yis// ma 'khrul rig pa gsal ba ni// rang la ye nas yod min yang // gzhi ni mi 'gyur nges pa ni// 'di nyid kho na yin nam min// yid la the tsom cha phra yod// de rtogs bsal phyir mos gus byed// da phyir kun bzang de ched du// mnyam gzhag dgongs pa thugs brtan pas// the tsom med par chos nyid rtogs// de phyir ye shes rgyud dag pa'i// rdo rje sems dpa' mngon gyu re go/ tshig tu ma bstan don du shar// da yang 'dus pa'i snying po nyon// de phyir byin gyis brlabs lugs ni// kun bzang thugs kyi nges don de// chos drug ming dang don dpe gnyis// drug gsum gcig phyir rim gyis kyang // gang la ma brten yid kyis ni/ lhag mthong chos sku de ltar shes// de phyir dgongs pas brgyud pa'i phyir// rtogs pa mngon gyur sangs rgyas pa'i// phyis mi len pa'i rig pas go/ nyid las mi zhan sangs rgyas 'byung // de phyir byin gyis brlabs zhes bya// de yang 'dus pa'i snying po nyon// ston pa kun bzang byin rlabs kyis// sku gsung thugs kyi sprul pa gsum// gza' skar rgya mtsho ji bzhin du// nges don nyid kyi rtsal du byung // rdzogs pa chen po ye shes 'khor lo gsang ba thugs kyi rgyud las/ rdo rje sems dpas byin gyis brlabs kyis

  7. 43b

    bshad pa'i le'u ste lnga pa'o// // de nas 'dus pa'i tshogs rnams la// kun rig ston pas bka' stsal pa// sprul skras brda yis bstan pa yang // / tshig gis brda' yi sgron me yis// ma rig mun pa bsal ba'i phyir// lung dang ldan pa'i gdams ngag gis// snyan nas rna bar brgyud ces bya// de yang 'dus pa'i snying po nyan / don gyi brda yi gdams ngag gis// ye shes rig pa khong nas shar// de tsam nyid na skye 'gag med// da lta nyid na mngon 'gyur rtog/ lus kyi brda yi sprul pa 'gyed// stong gsum ma lus thams cad kun// sprul pa grangs med kun tu khyab// lnga bcu rtsa bdun brda yis ni// skyon gyis ma gos 'gro don 'grub// da yang 'dus pa'i snying po nyon// rtags kyis brda yis bstan pa'i phyir// sku mdog phyag mtshan sna tshogs la// gang 'dul 'phrin las rdzogs mdzad pa// byin rlabs sangs rgyas dngos grub thob// rdzogs pa chen po ye shes 'khor lo gsang ba thugs kyi rgyud las/ tshig dang brdas bstan pa'i le'u ste drug pa'o// // de nas rdo rje sems dpa' yis// ye shes mngon du rtogs bya'i phyir// kun rig chos kyi rgyal po la// bden pa'i yid kyis 'di skad gsol// chos rnams kun gyi rtsa ba yi// gzhi gsum 'brel pa yod

  8. 44a

    dam med// kun gzhi sems kyi mun gseb nas// chos sku'i ngos ni ji ltar gzung // da lta'i lus dang ma bral bar// gzugs sku mi 'byung gang gis bsgribs// mnyam pa'i rgyal pos bshad du gsol// de skad gsungs pa'i don gsan nas// 'dus pa'i 'khor la bka' stsal pa// de don rtsa ba mdor bsdus na// gzhi gsum ma nor ngas pa yi// 'brel ba yod dam ngas bshad kyis// de gsum yod med gcig tu rtogs// 'khor 'das gzhi yi rang bzhin lus// 'khor gzhi shis ba lung ma bstan// gnas skabs 'brel yod mthar thug med// gnas skabs 'brel pa yod pa ni// lung ma bstan pa rnam gsum la// rang bzhin lus kyis khyab pa'i phyir/ da yang 'dus pa'i snying po nyon// mthar thug 'brel pa med pa ni// shas gzhi lung ma bstan pa la// yid ribs yod sprir mos gus med// byin rlabs rtog dang lung ldan gyis// bstan thabs med phyir 'khor ba'i rgyu// des bskyed 'khor ba 'ba' zhig yin// de phyir mthar thug 'brel pa med// mun dang nyi ma dus mi mtshungs// ma rig ye shes de bzhin nor// de yang 'dus pa'i snying po nyon// 'khor 'das gzhi yi rang bzhin lus// myang 'das kun bzang gzhi dang ni// mthar thug 'brel yod

  9. 44b

    gnas skabs med// mthar thug 'brel pa yod pa ni// lan cig skye shi bar do la// lung bstan gdams ngag phrad srid na// mos gus dad pas rtogs gyur tshe// lung ma bstan pa brlag cing stongs// mthar thug ye shes 'brel ba yod// nam langs nyi ma shar ba 'dra// de yang 'dus pa'i snying po nyon// myang 'das kun bzang gzhi dang ni// / 'khor gzhi lung ma bstan pa gnyis// lhan cig mi gnas 'gal ba'i phyir// gnas skabs mthar thug 'brel pa med// nyi ma'i dkyil 'khor mun med bzhin// de phyir ye shes zang thal nyid// da yang 'dus pa'i 'khor rnams nyon// 'khrul gzhi lung ma bstan pa sogs// shan phye'i skabs su ngas bshad kyis// la zlo'i dus su ngas ma gsungs// phyi rabs rnal 'byor de bzhin no// rdzogs pa chen po ye shes 'khor lo'i gsang ba thugs kyi rgyud las/ gzhi gsum 'brel ba yod med bstan pa'i le'u ste bdun pa'o// // de nas kun rig ston pa yis// kun gzhi sems kyi mun gseb nas// 'khrul dang ma 'khrul bka' stsal pa// 'khrul pa rnam gzhi dbye ba'i phyir// gsum 'brel gzhi ldan gol sa med// de phyir chos sku gzhi dang gcig/ de yang 'dus pa'i snying po nyon// 'khrul dang ma 'khrul sha

  10. 45a

    phyed pas// thog ma nyid nas bsags pa yi// sngar gyi bag chags bzang ngan ni// dus dang gnas skabs 'gyur ba'i phyir// shes pa ma 'khrul dngos po 'khrul// zhan pa brtan phyir bag chags te// mi shi kha don dran pa 'dra// da yang 'dus pa'i snying po nyon// chags sdang 'byung ba'i rgyur gyur pa'i/ phyis kyis nyon mongs skye ba yang // dga' dang mi dga' la sogs pa'i// glo bur rkyen gyis 'byung ba'i phyir// dngos po ma 'khrul shes pa 'khrul// brag pa sbrul du 'dzin pa 'dra// de yang 'khor gyi sems dpa' nyon// snang ba gzhi la med pa la// spong sdud zhen par byed pa ni// blo dngos gnyis ka 'khrul pa'i phyir// med pa la ni yod rtag pa// ri bong rwa la rtogs spyod 'dra// de yang 'khor gyi snying po nyon// skye bo tha mal shes pa yang // bya ba ma 'khrul gang byed kyang // blo drangos ma 'khrul chos nyid med// lung ldan gdamos ngag med pa'i phyir// gzhi nyid ma shes mi rig yod// zla ba dkar kyang mun yod 'dra// da yang // 'dus pa'i snying po nyon// de dag rtsa ba mdor bsdus ni// 'khrul pa zung bzhi yo bdun dag/ snang ba med par ma shes phyir// sgo skur zhen pas rang bslus te/

  11. 45b

    gdams ngag med phyir chos sku min// de phyir grub mtha' blo ma bsgyur// rdzogs pa chen po ye shes 'khor lo gsang ba thugs kyi rgyud las/ snga phyi'i rtog pa 'khrul par bstan pa'i le'u ste brgyad pa'o// // de nas 'dus pa'i tshogs rnams la// chos sku ngo sprod don gsungs pa'i// snga phyi'i rtog gsum bral ba yi// rang rig chos sku'i ye shes ni// 'khrul med da lta'i shes pa la// tha mal lus la rten bcas pa'o// shes pa ma bsgrib gsal ba 'di// rang byung chos sku dag pa'o// de la mi rig mun pa med// du yang 'dus pa'i snying po nyon// de la yon tan gzhi ldan pas// dam tshig 'dzin pa'i ye shes kyis// skye bo mu stegs yul 'dri la// nga dang bdag tu rang rgyud byed// zhen pa'i gnyis 'dzin med pa'i phyir// snang ba med pa'i ye shes ni// gol med chos dbyings nam mkha' 'dra// ngang gis gsal ba'i ye shes kyis// tshogs drug bklag pa'i 'gog pa dang // lus mid med pa'i lha rgyu ni// gol sa ka nas med pa'i phyir// rin chen 'od 'dra 'char nub med// da yang rdo rje sems dpa' nyon// ye shes gnyug mar gnas pa yis// dbu ma sems tsam thun sgom dang // thabs kyi rtsa dang thig

  12. 46a

    le sogs// 'byung 'jug can gyi gol sa med// bskyed rim kun gzhi la sogs pa// zhi khro'i lha ru sgom pa dang // 'phel 'grib can gyi gol sa med// de phyir rgyun du 'bral med yin// da yang 'dus pa'i snying po nyon// gtan la 'bebs pa'i yid kyis ni// lhag mthong rig pa rtogs tsam na// dmigs 'dzin med dang ngang gis gsal// gnyug mar gnas dang 'phel 'grib med// da lta'i shes pa 'di nyon la// rang rig chos sku gcig tu 'dus// rdzogs pa chen po ye shes 'khor lo gsang ba thugs kyi rgyud las/ chos kyi sku'i sgom pa ngos gzung ba'i le'u ste dgu pa'o// // de nas 'dus pa'i tshogs rnams la/ kun rig ston pa chos rje yis// rnam smin lus dang bcas dus 'dis// gzugs sku mi 'byung bka' stsal pa// lha min mngal gyis bsgribs pa 'dra// gzugs sku dngos spyod mi 'dod do// che ba'i yon tan mi 'byung phyir// nam srod nyi ma mi 'char 'dra// da yang 'dus pa'i snying po nyon// lan cig dus kyis ding sang ni// lung med rmongs pa'i nga rgyal can// sprad gzo rigs pa byed pa kun// gzugs sku da lta ngo spyod yod// kha tshabs rdzun tshig smra ba la// rmongs pa bden par 'dzin

  13. 46b

    pa 'byung // da yang 'dus pa'i snying po nyon// ma rig rdzu na de sun 'don phyir// da lta mngal gyi sgrib g.yogs pas// longs skra dang ni sprul pa'i sku// chu she la sgron ma'i dpes mtshon kyang // de lta rang la 'byung mi srid// khyung sko ma chag 'phur mi nus// de phyir gzugs ska'i gzugs brlan ni// ris su bris dang lugs su blag/ 'bur du brkos pa la sogs pa'i// gzugs ska'i lha ru byung ba yang // dngos su sprad du mi 'dod pas// de phyir drang don ldem dgongs su// khro bo sgom pa'i lha tshogs bstan// da yang 'dus pa'i snying po nyon// sngon byung gzugs skra byung ba yang // rang rgyud lus can ma yin te// rgyud dag sprul pa gzhi gcig las// sangs rgyas byang chub sems dpa' yin// chags sdang lnga dang bcas pa'i yid// tha mal rang lus sems 'di la// gzugs sku da lta 'byung mi srid// nam ma langs par nyi mi 'char// da yang rdo rje sems dpa' nyon// da lta gzugs sku sprad 'dod na// mtshan dang dpe byad ma lus kun// rang gi lus la tshang dgos na// zhing khams yon tan kun mthong dgos dus gsum sangs rgyas thams cad kyang // sku gsung thugs ni mnyam dgos na// de med yid smon ngo sprod med// da yang 'dus pa'i snying po nyon// mngal gyi bsgribs

  14. 47a

    g.yog ma bral bar// lung ldan rkyen dang phrad srid na// rang sems chos sku rtogs pa las// gzugs sku mi 'gyur lus kyis bsgribs// nyi ma sprin gyis bsgribs pa 'dra// da yang 'khor gyi snying po nyon// sprul sku ngo sprod yod zer na// da lta tha mal lus 'di yis// 'dzom gling bye ba phrag brgya ru// sprul pa bye phrag brgya nus dgongs// sangs rgyas dmyal ba yan chad du// lus phyi mig gi mthong ba dgos// rnam smin lus dang bcas dus 'dir// ji ltar gzugs sku nga sprod kyang // tha kho ba chu dang bral la yang // mi thar sdug bsngal byung ba'i phyir// sprul sku ngo sprod yod zer rdzun// lha mi kun gyis smad bsad rigs// da yang rdo rje sems/ dpa' nyon// yi smon tsam du sprod zer nas// zhi khri la sogs sgom pa yang // rgyud lung chos su lden dgongs bstan// de phyir gzugs sku gnas 'gyur las// dngos su 'byung bar ngas ma bshad// de yang 'dus pa'i snying po nyon// gzugs sku ngo ni sprad 'dod na// de la rtags chen 'dri 'byung ste// seng ge khyung dang u dum par// rin chen/ la sogs dus 'dir 'byung // 'jig rten sangs rgyas 'byung ba'i rtags// de med gzugs sku 'jig rten du// sems can lus dang ma bral bar// gzugs sku'i

  15. 47b

    yon tan 'byung 'dod pa// mu stegs ka ta ri pa zer// ma rig rmongs pa snying re rje// mnar med dmyal ba chen por 'gyur// rdzogs pa chen po ye shes 'khor lo gsang ba thugs kyi rgyud las/ lus dang ma bral bar gzugs sku mi 'byung bar bstan pa'i le'u ste bcu pa'o// // de nas rdo rje sems dpa' yis/ rang rig chos sku la bzla'i phyir// kun rig chos kyi rgyal po la// bden pa'i don gyis 'di skad gsol// ma bsgoms don dang mi 'brel ba'i// ye shes rang shar man ngag gang / tha mal rnam rtog mi 'gog pa'i// rang shar spyod pa ji ltar spyod// mnyam pa'i rgyal pos bshad du gsol// de skad gsungs pas don gsan nas// ma bsgoms 'bral ba med pa yi// ye shes rang shar nges pa'i don// kun rig ston pas bka' stsal pa// dngos po ma 'khrul rig pa la// tshor ba bde sdug ci byung yang // lung ldan rin chen rkyen gyis kyang // de nyid chos skur nyams su myong // nga yang rdo rje sems dpa' nyon// yul gyi rnam pa gdu byang yang // dngos po ma 'khru la rig pa yis// don gyis zin pa'i ye shes te// chos nyid yang dag gnas lugs yin// de nyid lung ldan sgron ma yis// ma rig mun pa med pa'i phyir// sgro skur bral ba'i shes pa la//

  16. 48a

    chos kyi sku zhes de la bya// da yang rdo rje sems dpa' nyon// dang po pa yi dad ldan la// dngos po'i yul la bstan te bstan// snang ba mi 'gog thabs yin te// de rten yul dang 'brel med shes// de tshor bde ba 'jam dang zhim// dga' bar nyams su myong ba'i phyir// yul med nyams su myong tshad ni// man ngag lung ni chos skur shes// de phyir ye shes rang shar yin// da yang 'dus pa'i snying po nyon// tshor ba mi bde sdug bsngal yang // na tsha mi zhi rtsub pa dang // mi dga' la sogs ci byung tshe// lung ldan rin chen rkyen gyis ni// chos skur nyams su myong ba'i phyir// yul dang gnas skabs mthar thug gi/ 'brel ba med shes nyams kyi tshad// de yang 'dus pa'i snying po nyon// yul 'di/ rigs med 'khrul par shes// 'dus byas yin phyir chos sku med// sdug bsngal tshor ba gang byung yang // de dus rtag chad mtha' ma ltung / bying rgod gnyis kyi rkyen ma gos// de phyir chos sku sgom mi dgos// de yang rdo rje sems dpa' nyon// yul gyi dran rtog ci byung yang // gang phyir chos sku nyams su myong // yang drug nyams dang 'brel med shes// rtogs thabs rnam pa dgur ni brten// rkyen thub gang drag lhag mthong la// rkyen thub drug tu dbye mi dgos// de yang 'dus pa'i snying po nyon// mtha' ru mi 'dzin lta ba la/

  17. 48b

    rig pa rgya yan chos skur gsal// yid ches gdeng gis zin pa la// nyams dang ldan pa'i tshad ces gsungs// rdzogs pa chen po ye shes 'khor lo gsang ba thugs kyi rgyud las/ ye shes rang shar bstan pa'i le'u ste bcu gcig pa'o// // de nas kun rig chos rje yis// tha mal rnam rtog mi gos pa'i// la zla'i spyod pa bka' stsal pa// gzhi shes blo dngos gcig pa dang // brtul zhugs mchog dang bgegs med pa'i// la blo'i spyod pa bka' stsal pa// gzhi shes rang shar spyod pa'i dus// lung ldan nges pa'i gdams ngag gis// yul med chos skur ngos zin pas// lus dag byar med brjod pa yi// gzhan du 'dzin med rang rig sku// snga phyi sa ma bslang ma bcos shing // 'du 'bral med pa'i ye shes ni// sus kyang ma byas rang byung ste// gzhi nyid shes pas nam mkha' 'dra// de yang 'dus pa'i snying po nyon// chos sku'i rig pa 'gro 'ong med// rtag chad mtha' yi sgro skur bral// rang gi spyod pa gang spyod kyang // chos kyi sku las ma rtogs pa// rdul tsam gzhan na yod mi srid // de phyir shes pa rang yan la// lhag mthong dran pa'i gdeng gis zin// yangs dngango ma yangs med par ni// lta ba'i gdeng gis 'bral med

  18. 49a

    phyir/ chos sku gzhi shes spyod pa yin// rdzogs pa chen po ye shes 'khor lo gsang ba thugs kyi rgyud las/ gzhi shes pa'i spyod pa bstan pa'i le'u ste bcu gnyis pa'o// // de nas kun rig rgyal po yis// 'dus pa'i 'khor la bka' stsal pa// blo dngos spyod pa bstan pa'i phyir// gzhi nyid de ltar rtogs pa la// snang ba nges med sems la rgyu// de rgyu rtsa na chos sku yin// de ltar thag chod nges pa yis// bsgoms dngango ma bsgoms rang ser grol// gang yang chos skur gyur pa las// blo dang dngos po dbyer med phyir// nam mkha' 'ja' tshon ma nges rdzogs// blo dang snang ba dngos pa'i chos// sems kyi dran pa ci snang yang // dngos med rig pa chos skur gsal// sgom dang mi sgom tha snyad bral// de phyir blo dngos ye shes shar// rdzogs pa chen po ye shes 'khor lo gsang ba thugs kyi rgyud las/ blo dngos ye shes rang shar gyi spyod pa bstan pa'i le'u ste bcu gsum pa'o// // de nas 'dus pa'i tshogs rnams la// brtul zhugs mchog spyod bka' stsal pa// lta ba la ni bzla ba'i phyir// sprod pa rtsing mo ched du dgos// des mi 'ching ba'i gdams ngag yod// de phyir rang grol rtog pa

  19. 49b

    ces/ da yang 'dus pa'i snying po nyon// nges lung bstan pa'i rnal 'byor pas// ma dang sring mo kun kyang spyod// gzhan gyi bud med smos ci dgos// sems can mnar cing bsad gyur kyang // dge 'dun mchod rten dkor phrogs na// rkyen sgrib med par ye shes shar// dmyal dpon ltung ba med pa bzhin// brtul zhugs mchog gi spyod pa la// bsrung ba'i dam tshig mi 'gal te// lung rig mthun pa'i chos 'di dgos// da yang rdo rje sems dpa' nyon// ding sang dus kyi chos byed rnams// zhi 'jam rgyud 'bol 'dod pa de// gdams ngag med phyir byol song rgyud// de phyir rmongs pa snying re rje// zhi 'bol 'bras bu thob pa med// lha rnams 'jig rten du ltung zhing // lta ba ma rtogs thams cad ltung // rdzogs pa chen po ye shes 'khor lo gsang ba thugs kyi rgyud las/ brtul zhugs mchog gi ye shes rang shar bstan pa'i le'u ste bcu bizhi pa'o// // de nas 'dus pa'i tshogs rnams la// gzhi la 'dre med bstan pa'i phyir// ston pa kun rig chos rje yis// 'dre sun 'don pa bka' stsal pa gzhi la lha 'dre med pa la// mu stegs skye bo bden 'dzin pa// 'dre yod sun 'don la zlo'i don// nga yis bshad kyis sems la zhog/ da yang rdo rje sems dpa' nyon//

  20. 50a

    yul gyi rtogs pa ma zad par// gnod pa'i bgegs la zad pa med// bgegs rigs stong phrag brgyad cu dang // ye 'grog sum brgya drug cu rnams// gzhi la gang yang med pa las// btsun pa khrims 'chal u li yis// mu stegs log lta'i lha bsgrubs nas// kha cha bye brag smra ba yis// thol thol smra zhing lam lam 'bor// bdud kyis byin rlabs glo bur 'byung // lha med lhar 'dzin 'dre rnams gnod// 'du ba rnam bzhi'i nad dang ni// ye 'gro ga sum brgya 'dre yis byas// lha mchod 'dre rtags nad la phan// de skad rdzun du smra ba la// rmongs pa'i skye bo bden snyam nas// bon chog byas pas phan pa skam// 'dre mchod bdud du phyi mar che// 'byung ba lnga la 'dre yod zer// srid pa'i spyi bgegs ma la gnod// mi shi 'dre ru gnod zer te// rgyab mchod 'dre ni brtags byas pas// na tsha god kha slar la 'ong // de yang 'dus pa'i snying po nyon// srid pa'i spyi bgegs chen po 'di// skye bo rgyang 'phen pa la yod// sangs rgyas chos la 'dre med phyir// chos dang gang zag bdag dang bral// de phyir snang ba med pa'i phyir// srid pa'i spri 'dre gzhi la maud// 'dre yod zer ba lta ba log/ rdzogs pa chen po ye shes 'khor lo gsang ba thugs kyi rgyud las/ gzhi la 'dre med par bstan pa'i le'u ste bco lnga pa'o// /

  21. 50b

    de nas 'dus pa'i tshogs rnams la// kun rig chos kyi rgyal po yis// 'dre sun 'don pa bka' stsal pa// 'jig rten zhig na 'dre yang med// kun brtags ma rig yul du btags ma rig med na 'dre yang med// 'dre ni glo bur btags tsam na// mi las gyur pa'i 'dre gnod na// lus can gnod na ma shi rigs// lus med stong pas gnod mi nus// de phyir 'dre snod rdzun po che// lhab ka'i mo ma kun gyis bslus// tha mal las kyi dus zad na// mo chog byas dang ma byas med// rkyen ma zlog sta kun ka 'chi// da yang 'dus pa'i snying po nyon// de phyir lha 'dre kun med de// 'khrul pa'i blo yis btags pa las// rtogs pas 'dre med la bzla na// 'khor 'das ma reg chos 'di la// lha 'dre bya ba'i ming med shes/ thams cad thig le nyag gcig sku// dug nyid sman du sbyor shes ltar// 'dre nyid ye shes glong du shes// dgag sgrub med phyir 'dre rnams stongs// rkyen gyis mi tshugs nam mkha' 'dra// da yang 'dus pa'i snying po nyon// sngags dong don gyi ngo bo la// lha 'dre med shes ye shes skra// gang la rtog med rang 'u byang la// nges don gdam sa ngag gsal thebs phyir// spu brid chos kyi gol sgrib med// 'dre med ye shes la bzla'o// rdzogs pa chen po ye shes 'khor lo gsang ba thugs kyi rgyud las/ 'dre sun 'byin par

  22. 51a

    bstan pa'i le'u ste bcu drug pa'o// / de nas rdo rje sems dpa' yis// rtogs ldan 'khor gyi don ched du// kun rig ston pa chos rje la// bden pa'i dgongs don 'di skad gsol// ye shes la ni ji ltar bzla// de yi 'bras bu ji ltar 'byung // nges don rgyud 'di gang la gtad// mnyam/ pa'i ston pas bshad du gsol// de skad zhus pas don gsan nas// 'dus pa'i 'khor la bka' stsal pa// rgyu dang 'bras bu ro gcig phyir// rim par dbyer med ngo bo gcig/ sangs rgyas ma tsho la rang la gnas// de phyir rgyu 'bras dbye rgyu med// de yang 'dus pa'i snying po nyon// 'khor 'das rtsa ba gcig pa'i phyir// rang bzhin lus de jo shas pas// thar pa thob ces bstan pa'i phyir// 'khor 'das med pa'i chos sku rtogs// phyi nang snod bcud ma lus kun// ma byung ma skyes chos dbyings la// dus gsum sangs rgyas 'gyur med phyir// phyi nang ma btsal ye gnas yin// de ying rdo rje sems dpa' nyon// ma rig las skyes sems can dang // ye shes las byung sangs rgyas gnyis// nges lung bstan pas chos skur gcig/ ma btsal la zlo chen po yin// bde dang sdug bsngal 'khor 'das chos// rtog dang mi rtog gnyis med phyir// yul du 'dzin /

  23. 51b

    pas blo med pas// ma btsal rang gnas ye shes yin// de yang 'dus pa'i snying po nyon// gtsang sme gzhi la med pa'i phyir// blo yis byas pa thams cad 'khrul// ma byas ma bcos rang byung thugs// la bzla bzang ngan med par gyis// da yang 'dus pa'i snying po nyon// mtho dman che chung ma lus kun// man ngag can la che chung med// ye shes ring la gnas pa la// mtho dman med par rtogs par gyis// rang byung skye shi med po'i phyir// dus gsum gcig pas ye shes sku// grangs dang tshe tshad bgrang du med// de phyir mi 'gyur ye shes gcig/ da yang 'dus pa'i snying po nyon// ye shes rang kar la zlo la// gang ltar snang dran chos nyid la// ma btsal ye shes rang gnas phyir// b+hai mi dgos par la bzla'o// rdzogs pa chen po ye shes 'khor lo gsang ba thugs kyi rgyud las/ ye shes rang shar du la bzla ba'i le'u ste bcu bdun pa'o// // de nas kun rig rgyal po yis// dad ldan 'dus pa'i 'khor rnams la// rtog pa'i 'bras bu bka' stsal pa// rtogs pa'i yon tan dus 'dir ni// lus med sgo lnga'i rig pa 'di// sngar ma mthong ba'i zhing khams gsum// ye shes mig gis dus gcig mthong // 'char nub med pa'i nyi zla shar// de yang rdo rje sems dpa' nyon// ma bsams pa yi lhag mthong la//

  24. 52a

    ma brjed pa yi gzungs kyis gzung // ma zos bdud rtsi'i ro mchog myong // ma bsgrubs pa yi 'bras bu thob// ma bsams pa yi don gcig grub// da yang rdo rje sems dpa' nyon// de phyir nges don 'di bcangs nas// dus 'dir chos nyid bden ma mthong // thun mong dngos grub ci bsam 'grub// rjes dran yon tan bar dor 'ong // dus der sangs rgyas smos ci dgos// rdzogs pa chen po ye shes 'khor lo gsang ba thugs kyi rgyud las/ 'bras bu mngon du byung ba bstan pa'i le'u ste bco brgyad pa'o// / / de nas kun rig chos rje yis// 'dus pa'i 'khor ni dad ldan la// nges don gsang ba'i rgyud gtad pa// rgyud 'di thos pa'i phan yon ni// don mthong sangs rgyas lag tu thob/ chos sku'i ye shes dus 'dir rtogs// chos rnams rtsa ba dus gcig shes// rgyud 'di 'dzin pas dngos grub thob// kun tu bzang po da lta yin// gang zhig sangs rgyas dngos 'dod pas// rgyud chen 'di la lta bar gyis// sangs rgyas bstan pa nub ka ru// nga yi chos 'di dus de ru// man ngag snying po 'byung nges kyis// phyi rabs rnal 'byor sems la chongs// de yang rdo rje sems dpa' nyon// lan cig dus kyi ding sang na// 'dra chen sku chos dar ba'i tshe// 'phyar 'dzag tshong pa 'di bstan na// 'dir sdug phyi ma dmyal bar ltung // 'dus pa'i 'khor rnams yang nyon cig/ rang byung chos sku

  25. 52b

    gcig gi/ man ngag 'di med lha mi kun// phyi nang snod bcud dka' rgyud chos// mkhas kyang rmongs pa'i nga rgyal gyis// nges don rgyud chen don 'di la// sgro skur 'debs shing 'ching bar 'gyur// de tshe dus kyi dang sang na// 'dre min slu chos dar ba'i tshe// nyams gseg can gyis kun bslus te// man ngag gsang ba shad yod zer nas// gzhi 'bol chags chung tshul 'chos te// snod dang ldan la bstan zer nas// rang la nges lung ldan pa'i blo med par// gzhan gyi mkhas btsun dag la khungs phyung ste// rin chen gser sogs dpag med ngas phul bas// rdzun gyis dpe chung ra ti bdun bkram nas// khyod kyis 'byor tshad phul ni zer nas slu// mkhas pa shes rab can ni slur mi tshugs// dad ldan blun po kun ni rab bslus te// kha tshabs brdzun tshig chen po smras nas kyang // bstan rgyu med par phyi nang bstan zer nas// rang la gdams ngag med par gzhan la tshol du 'gro// gzhan nas ma rnyed phyir mi 'ong zhing 'phyar ka 'ang // brgya la rnyed na gtan gyi nor phul zer// dad ldan kun smras sus rten chos dang bral// dad ldan gcig slus sems can brgya bsad pas// sdig pa shin tu che bar rgyal bas gsungs// de phyir rang 'dod slu ba'i chos mi bshad// rdzogs pa chen po ye shes 'khor lo gsang ba thugs kyi rgyud//

  26. 53a

    las// rgyud gtad cing gzung ba'i le'u ste bcu dgu pa'o// // rdzogs pa chen po ye shes 'khor lo gsang ba thugs kyi rgyud ces bya ba rdzogs so// / rgya gar skad du/ hri da yo da ya ma hA tan+t+ra rA dza ma hA nA ma/ bod skad du/ srog gi 'byung ba rgyud kyi rgyal po chen po zhes bya ba/ dpal rdo rje sems dpa' la phyag 'tshal lo// 'di skad bdag gis bshad pa'i dus gcig na/ bcom ldan 'das srog gi 'byung ba nam mkha' che la/ sangs rgyas dang byang chub sems dpa' bye ba dgu bcu rtsa dgu dang lhan cig bzhugs so// de nas byang chub sems dpa' chen po kun tu bzang po stan las langs te bla gos phrag pa la gzar te/ bcom ldan 'das la thal mo sbyar zhing bcom ldan 'das la phyag byas nas mchod de 'di skad ces gsol to// bcom ldan 'das srog gi 'byung ba zhes bya ba de kho na nyid chen po mchog tu gsang ba snying po las kyang snying po mchog tu bshad du gsol/ de nas bcom ldan 'das kyis rdo rje 'chang kun tu bzang po la legs so legs so byin zhing 'di skad gsungs so// kun tu bzang po ji ltar zhus pa bshad pa de nyon cig/ 'jig