rDzogs chen - Sems sdeAll versions of this work

kun 'dus

Sarbaatha

Text

ff. 198b–199a · 2 folio sides

  1. 198b

    sdig 'dzem snying rje bskyed/ khyad par 'phags pa'i bsod nams khri phrag yas// lta ba dgongs pa'i 'bras bu mthar phyin yang // lung dang man ngag nges don gsal bar bya// byang chub sems rtse mo byung rgyal zhes bya ba bsam gtan rdzogs so// / kun 'dus bzhugs/ @#/ rgya gar skad du/ sarba a tha/ bod skad du/ kun 'dus/ bcom ldan las bya bral bde ba'i ngang la phyag 'tshal chos sku ye nas rnam par rab dben pa'i// rnam rtog bla dwags yul las 'das pa'i phyir/ yod med stong pa'i mtha' ni dbyingasu gcig/ dbyings nyid gcig la lta ba'i khyad par dgur snang ste/ snang 'dod rtsol ba'i sems ni sdug bsngal nang // chos nyid ngang gis gnas pa'i rang bzhin las// thugos rje chen po'i mkha' ltar khyab pa ni// thabs kyis rol pas 'dod dgur sgyur ba'i dpal// chos rnams sna tshogs ji bzhin snang ba las// tha snyad thaMng byang chub mchog gi lam// snying po byang chub mchog tu nges pa las// gzung 'dzin bgrod pa'i yul ni ga la yod// tha snyad tsam du 'du re shes bya mod kyi// dam du bcas pa'i yul yang rdul tsam med// dam du bcos pa'i yul med gsal ba na// dam du bcas kyang yul med na mkha' 'dra// 'dod dgur bsgyur ba'i snying rje thabs chen la// bsam drag lhun gyis grub par byed pa yang // ye shes klong du shar ba'i rnal 'byor pas// sa mchog 'di ni ma sgrubs lhun gyis grub// bag la nyal ba'i skyon rnams mo lus kun// ye shes 'od gsal rang la shar ba'i phyir// theg chen 'di ni mkha'

  2. 199a

    la nyi shar bzhin// mtha'i mun pa med par ye nas gsal// bsgom pa'i yul la 'dzin pa'i gnas med pas// bsgom bcas de dag 'dzin pa'i sdug bsngal yin// bsgom pa'i gnas med rig pa rang dbang na// bsgom kyang skyon med thaMd mkha'i klong // gang yang ma bkol kun gyi re ba skong // mnyam pa nyid kyi man ngag gter chen gyi// kun la khyab cing thams cad rang la rdzogs// de la cha shas rim pas bza' ba med// des na bdud rtsi chen po yin pa la// gzhan nas btsal bas 'grub par mi 'gyur zhing // mA btsal lhun gyis grub pa'i dbyings 'gyur lo// rnam pa kun tu che bas byang chub lam thad dgongs spyod ye nas dag pa la// 'khrul dang ma 'khrul cis kyang nyams pa med// tha 'dus te cir yang mi snang bas// dus gsum rgyal ba'i dgongs pa ngan gsal// byang chub kyi sems kun 'dus rdzogs so// / srog gi 'khor lo bzhugs// rgya gar skad du/ a yo tsakA/ bod skad du/ srog gi 'khor lo// bcom ldan 'das te ma lus kun gyi dpal/ thugs rje thabs kyis 'gro don mthar phyin pa// bde ba tha~Mng mkhyen pa nyid kyi ngang // sku gsung thug kyi rang bzhin chos kyi dbyings// byang chub sems ni srog gi 'khor lo bas// mnyam nyid 'dus pa'i gter la phyag 'tshalo// lus ngag yid gsum sku gsung thugs sbyor bas// rgyal ba rnams kyi gsang chen 'khor zlog pa// mya ngan 'das pa'i dam tshig lu gu rgyud// chos dbyings rnal 'byor yongs kyi gter chen pos/ rna rgyud thugs