F624MW1KG13607_0624rgyudAll versions of this work

gsang sngags chen po rjes su 'dzin pa'i mdo

Mahāmantraanudharinisutra

Text

ff. 152a–160b · 18 folio sides

  1. 152a

    @##/ rgya gar skad du/ ma hA man tra a nu d+ha rini su tra/ bod skad du/ gsang sngags chen po rjes su 'dzin pa'i mdo// dkon mchog gsum la phyag 'tshal lo// sangs rgyas la phyag 'tshal lo// chos la phyag 'tshal lo// dge 'dun la phyag 'tshal lo// yang dag par rdzogs ba'i sangs rgyas bdun nyan thos dang bcas pa yang dag par song ba yang dag par zhugs pa rnams la phyag 'tshal lo// de rnams la phyag 'tshal nas/ rig sngags 'di ni don du bsgrub// rig sngags 'di dag grub gyur cig/ gang phyir don du bsgrub pa yi// don de yang ni grub par shog// 'di skad bdag gis zos pa dus gcig na/ bcom ldan 'das mnyan yod na/ rgyal bu rgyal byed kyis tshal/ mgon med zas sbyin gyi kun dga' ra ba na bzhugs so// de'i tshe mi mjed kyi bdag po tshangs pa/ tshangs ris kyi lha rnams dang bcas pa dang / lha'i dbang po brgya byin sum bcu rtsa gsum pa'i lha rnams dang bcas pa/ rgyal po chen po bzhi rgyal chen bzhi'i ris kyi lha rnams dang bcas pa/ gnod sbyin gyi sde dpon nyi shu rtsa brgyad dang / 'phrogs bu dang bcas pa/ g.yog 'khor dang bcas pa rnams bcom ldan 'das ga la bder dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// phyogs gcig tu 'khod nas/ mi mjed kyi

  2. 152b

    bdag po tshangs pas/ bcom ldan 'das ga la ba der log su thal mo sbyar ba btud de/ bcom ldan 'das la 'di skad ces gsol to// btsun pa bcom ldan 'das bdag ni stong gi 'jig rten gyi khams rnams su dbang phyug la dbang mdzad pa lags te/ btsun pa bcom ldan 'das bdag ni 'tshal na/ stong gi 'jig rten gyi khams rnams su bsrung ba dang / yongs su skyob par bgyid/ yongs su bzung ba dang / zhi ba dang bde leg su 'gyur bar bgyid lags so// btsun pa bde bar gshegs pa chos kyi mnga' bdag bcom ldan 'das ni stong gsum gyi stong chen po'i 'jig rten gyi gyi khams rnams su dbang phyug la mnga' mdzad pa lags te/ bcom ldan 'das kyang bzhed na/ stong gsum gyi stong chen po'i 'jig rten gyi khams rnams su bsrung ba dang // yongs su bzung ba dang / zhi ba dang / bde legs su 'gyur bar mdzad lags na/ btsun pa bcom ldan 'das stong gsum gyi snong chen po'i 'jig rten gyi khams rnam su bsrang ba dang / yongs su bslab pa dang / yongs su bzung ba dang / zhi ba dang / bde leg su 'gyur bar mdzad du gsol// de nas bcom ldan 'das kyis mi mjed kyi bdag po tshangs pa ya cang mi gsungs par snang ngo // de nas mi mjed kyi bdag po tshangs pas/ bdag bcom ldan 'das kyi cang mi gsung bas gnang bar rig nas de nyid du mi snang bar gyur to// de nas bcom ldan 'das kyis dge slong rnams la

  3. 153a

    rgyal po chen po ban bka' stsal pa/ dge slong dag mdangs gsum mi mjed kyi bdag po tshangs pa tshangs ris kyi lha rnams dang bcas pa dang / lha'i dbang po brgya byin sum bcu rtsa gsum pa'i lha rnams dang bcas pa dang / rgyal chen bzhi'i rigs kyi lha rnams dang bcas pa dang / gnod sprin gyi sde dpon chen po nyi shu rtsa brgyad dang / 'phrog ma'i bu dang bcas pa/ g.yog 'khor dang bcas pa rnams ngag la ba der lhags te 'ongs nas/ mi mjed kyi bdag po tshangs pas/ nga la 'di skad ces smras so// btsun pa bcom ldan 'das bdag ni stong gi 'jig rten gyi khams rnams su dbang phyug la dbang bgyid pa lags te/ btsun pa bcom ldan 'das bdag ni 'tshal na/ stong gi 'jig rten gyi khams rnams su bsrung bar bgyid/ yongasu skyob par bgyid/ yongs su bzung ba dang / zhi ba dang / bde leg su 'gyur bar bgyid lag so// btsun pa bde bar gshegs pa chos kyi mnga' bdag bcom ldan 'das kyang / stong gsum gyi stong chen po'i 'jig rten gyi khams rnams su dbang phyug la mnga' bdag mdzad ba lags te/ bcom ldan 'das kyang bzhed na/ stong gsum gyi stong chen po'i 'jig rten gyi khams rnamasu bsrung ba dang / yongs su sgrub pa dang / yongs su bzung ba dang /

  4. 153b

    zhi ba dang / bde bar legasu 'gyur bar mdzad lags na/ bcom ldan 'das stong gsum gyi stong chen po'i 'jig rten gyi khams rnams su bsrung ba dang / yongs bskyab pa dang / yongs su bzung ba dang / zhi ba dang / bde legs su 'gyur bar mdzad du gsol// zhes gsol to// dge slong dag ngas kyang mi mjed kyi bdag po tshangs pa la cang mi gsung bas gnang ngo // de nas mi mjed kyi bdag po tshangs pas/ dA cang mi gsung bar gnang bar rig nas/ de nyid du mi snang bar gyur to// dge slong dag rig sngags kyi rgyal mo gsang sngags chen mo rjes su 'dzin pa 'di ni/ 'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang gsungs so// ma 'ongs pa'i de bzhin gshes pa dgra bcom po yang dag par rdzogs pa'i sangs rgyas rnams kyis kyang gsung bar 'gyur ro// da ltar byung ba na 'di lta ste/ sangs rgyas kyi byang chub 'di nyid la phan par bya ba'i phyir/ da ltar nga nyid kyis bshad do// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis rig sngags kyi rgyal mo gsang sngags chen po rjes su 'dzin pa 'di zung shig/ chongs shig/ lhogs shig/ shod cig/ kun chub par gyis shig/ kun dga' bo rig sngags kyi rgyal mo gsang sngags chen

  5. 154a

    po rjes 'dzin pa 'di ni/ 'khor bzhi po rnams kyis don dang / phan pa dang / bde ba dang / bde bar gnas par 'gyur ba'o// tad ya \u0f7f/ su b+hud de/ ni br-id d+he/ bi b+hud de/ sa ma prad d+he/ bi shaSh+TaM bud d+he/ I ha bud d+he/ tad tra bud d+he/ ni yag me/ tsha bi li/ a phul/ ta pu la/ ta le mA lI/ maMg ga maM ga ma nan/ i ma ma bai r+ya/ hu du me hu hu me/ surba pra ha ra raM// kun dga' bo yun ring po nas spyad pa'i gsang sngags stobs dang / mthu rtsal dang ldan pa 'di 'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang gsungs so// ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang gsung bar 'gyur ro// de ltar byung ba na 'di lta ste/ sangs rgyas kyi byang chub 'di nyid la phan par bya ba'i phyir/ da ltar nga nyid kyis bshad do// ngas rig sngags kyi rgyal mi chen mo gsang sngags chen po rjes su 'dzin pa 'dis ming 'di zhes bya ba la bsrung bar bya'o/ 'tshams bcad do// shar phyogs su rgyang grags gcig tshun chad kyis 'tshams bcad do// phyogs dang phyogs 'tshams thams cad kyi bar du yang rgyang grags gcig tshun chad 'tshams bcad do// / tad ya thA/ sa mu tsa bi sa?H/ ba la muH/ dza g+ha d+ha ra/ mad sA la/ ni la ka ma ga/ sa mu shra ba ti/ bi srag ti/ yo ga/

  6. 154b

    hi na sa ga ma/ ar da mu la/ bi hang ga mi/ i di tsi ri/ bi ta la ma kha yo/ la ga bi d+ha ra ni/ pra ti pra yo ga/ a tsag kra ba ti/ sa ma sra ba ti/ i la ya mi ma ya/ ba hu sad d+ya/ a na ta ma ar+tha ba ti/ ga ra ba ti/ ti khi ni te dwe/ a ka na ti sa ka na ti ba mi di ma/ ba su ba Te/ a Te/ ad Te/ ta tra kha ru smin/ tha ru smin/ la ha tan/ la hU tan/ sam b+ha ra/ sam b+ha ra/ ba ti ra ne tan/ ni ru tan/ i la/ ta au laM/ sa ra pha la ba le/ ba hu pha la/ sa ta ma ta/ daSh+Ti ma ta// kun dga' bo yun ring po nas sprad pa'i gsang sngags stobs dang / mthu rtsal dang ldan pa 'di dag ni/ 'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang gsungs so// ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang gsung bar 'gyur ro// da ltar byung ba na yang ngas bshad do// mi mjed kyi bdag po tshangs pas kyang bshad do// lha'i dbang po brgya byin gyis bshad do// rgyal po chen po bzhis kyang bshad// gnod sbyin gyi sde dpon chen po nyi shu rtsa brgyad kyis kyang bshad do// 'phrog ma bu dang bcas g.yog 'khor dang bcas pas kyang bshad do// kun dga' bo dge slong ngam/ dge slong ma'am/ dge bsnyen nam/ dge bsnyen ma gang la la rig sngags kyi rgyal mo gsang sngags rjes su 'dzin pa 'di bzung nas/ ji ltar bstan pa dang /

  7. 155a

    ji ltar kun chub par byas pa de bzhin du/ shes sam/ mthong ngam/ las su byed pa de la ni ji srid 'tsho'i bar du bsrung ba dang / yongs su bskyab pa dang / yongs su bzung ba dang / zhi ba dang bde leg su 'gyur ba byas par 'gyur ro// kun dga' bo 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi bkas/ rig sngags kyi rgyal mo gsang sngags rjes su 'dzin pa 'di/ ming 'di zhes bya ba la bsrung bar bya'o// yongasu bskyab pa dang / yongs su bzung bar bya'o// yongs su zhi ba dang / bde legasu 'gyur bar bya'o// 'tshams bcad do// shar phyogs su rgyang grags gcig tshun chad 'tshams bcad do// de bzhin du nub phyogs su rgyang grags gcig tshun chad 'tshams bcad do// lho phyogs su rgyang grags gcig tshun chad 'tshams bcad do// byang phyogs su rgyang grags gcig tshun chad 'tshams bcad do// phyogs dang phyogs 'tshams thams cad du rgyang grags gcig tshun chad mtshams bcad do// kun dga' bo rgyal po chen po bzhi'i lam dang / lam ma yin par gnas pa bzhi yod de/ de dag gang zhe na/ 'di lta ste/ bkra shis ldan dang /

  8. 155b

    kun shes dang / gang po dang / dga' ba'i dpal rnams te/ gang de dag gi ming shes pa dang / rus shes pa de la ni/ rgyal po'i 'jigs pa mi 'byung ngo // chom rkun gyi 'jigs pa dang / me'i 'jigs pa dang / chu'i 'jigs pa dang / mi'i 'jigs pa dang / mi ma yin pa'i 'jigs pa mi 'byung ngo // kun dga' bo lag na rdo rje'i bu mthu bo lag myur zhes bya ba grong khyer 'khor yug ces bya ba na gnas pa yod de/ gang de'i ming shes pa dang / rus shes pa de la ni des bsrung bar byed/ yongs su skyob par byed/ yongasu 'dzin par byed/ chad pa bzlog par byed/ zhi ba dang / bde leg su 'gyur bar byed do// ming 'di zhes bya ba'i phyir/ lag na rdo rje'i phu bo lag myur la gsol lo// gsol 'debs so// 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi bkas/ gang ming 'di zhes bya ba la skabs tshol ba dang / glags lta ba'i gnod sbyin nam/ srin po 'am/ yi dgas sam/ sha zla 'am/ grul bum 'am/ srul po 'am/ lus srul po rnams kyis bdag la glags rnyed par ma gyur cig/ bdag la glan ka rnyed par mi gyur cig/ kun dga' bo srin mo tshan mo bcu bzhi yod de/ de dag ni byang chub sems dpa' yum gyi lhums

  9. 156a

    na zhugs pa na yang bsrung bsrung / bltas pa'i tshe na yang bsrung bsrung / bltam zin pa'i 'og tu yang bsrung bsrung / sku 'khrungs pa na yang bsrung bsrung / bcu bzhi gang zhe na/ 'di lta ste/ stobs ldan dang / dri med dang / sgra chen dang / rab mnyen dang / 'jigs byed ma dang / 'dzam bu'i grin dang / mchog len dang / bla ma dang / grags ma dang / rmad grags ma dang / 'thab dga' dang / rtsed mo dga' dang / sa 'dzin dang / khyab 'jug rnams te/ gang de dag gi ming shes rab dang / rus shes pa de dag gis bsrung bar byed/ yongs su skyob pa dang / yongs su 'dzin par byed/ zhi ba dang / bde leg su 'gyur bar byed do// kun dga' bo srin mo brgyad yod de/ de dag ni skyes pa dang / bud med gnyid log kyang rung / ma log kyang rung ste/ gzi byin 'phrog par byed do// de dag gang zhe na/ 'di lta ste/ ra dang / thub med ma dang / ngan slob dang / phra ma can dang / bran mo dmar mo dang / rab chen dang / mig bzang dang / brgyad po ste/ 'jigs byed do// gang de dag gis ming shes pa dang / rus shes pa de dag gis bsrung bar byed do// yongs su bskyab pa dang / yongs su 'dzin pa dang / zhi ba dang bde legs su 'gyur ba dang / chad pa bzlog par byed do// kun dga' bo srin mo bdun yod de/ de dag ni khrag gi dri bsnam na/ dpag tshad brgyar yang rgyug go/

  10. 156b

    de dag gang zhe na/ 'di lta ste/ gzi brjid mchog dang / dga' rtsegs dang / sna tshogs sbyin spong dang / bran mo dkar mo bzang dang / 'jug 'dod dang / grong khyer khor yug dang bdun pa ste/ ri bsrung ngo // gang de dag gi ming shes pa dang / rus shes pa de la ni/ de dag gis bsrung bar byed do// yongs su skyob pa dang / yongs su 'dzin pa dang / zhi ba dang / bde legs su 'gyur ba dang / chad pa bzlog par byed do// kun dga' bo srin mo nag mo chen mo zhes bya ba bu stong yod pa rgya mtsho'i 'gram na gnas pa gcig gis dpag tshad brgyad khrir phyin pa gcig yod de/ gang de'i ming shes pa dang / rus shes pa de la ni des bsrung bar byed/ yongs su skyob pa dang / yongs su 'dzin pa dang / zhi ba dang / bde legs su 'gyur ba dang / chad pa bzlog par byed do// kun dga' bo srin mo chen mo lnga gnod sbyin 'bum phrag bdun bcu rtsa bdun dang / lhan cig tu 'dzam bu'i gling gi mi rnams srung zhing skyob par byed/ de dag kyang gang zhe na/ 'di lta ste/ rtag tu myos dang / rje su nyos dang / stobs kyis rgyags dang / 'od ma'i sbubs dang / lnga pa ste 'byor ldan no// gang de dag gi ming shes pa dang / rus shes pa de la ni de dag gis bsrung bar byed// yongs su skyob pa dang / yongs su 'dzin pa dang / zhi ba dang / bde legs su 'gyur ba dang / chad pa bzlog par byed do// de bas na bdag gis ming 'di zhes

  11. 157a

    bya ba'i phyir/ srin mo lnga gnod sbyin 'bum phrag bdun bcu rtsa bdun dang bcas pa de dag la gsol lo// gsol kha 'debs so// 'das pa dang / ma byon pa dang / da ltar byung ba'i sangs rgyas bcom ldan 'das rnams kyi bkas/ ming 'di zhes bya ba la bsrung ba gyis shig/ yongs su bskyab pa dang / yongs su bzung ba dang / zhi ba dang / bde legs su 'gyur ba dang / chad pa bzlog par gyis shig// tad ya thA/ bi mu de bI ti de/ pi tsa ri de/ pi ka ri de/ ka ra Di/ ka ra bI ra/ sA ri/ ma d+hu ra g+ho shAM/ sha ta ha ni ta/ b+ha shi ta g+he/ ag kI/ nag ke/ bi ka/ Ti ta/ ku TI t+ye/ bI ra tse bi gA Sh+Na b+ha de// / kun dga' bo rig sngags kyi rgyal mo chen mo gsang sngags chen po rje su 'dzin pa 'dis/ gang la bsrung ba byas pa dang / sba ba byas pa dang / yongs su sgrub pa byas pa dang / yongasasu bzung ba byas pa dang / zhi ba dang / bde legs su 'gyur ba dang / chad pa bzlog par byed pa de la ni/ lha dang bcas pa'i 'jig rten dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu dang / lha dang mir bcas pa dang / mi 'am ci dang / lto 'phye chen po dang bcas pa'i 'jig rten na/ mi 'am mi ma yin pa 'am/ gnod sbyin nam/ srin po 'am/ lha ma yin no/

  12. 157b

    dri za 'am/ klu 'am/ na mkha' lding ngam/ gsang ba pa 'am/ yi dgas sam/ sha za 'am/ ro langs sam/ byad sde mas sam/ gshed byed dam/ bsrul po 'am/ lus srul po 'am/ slo byed dam/ brjed byed glags blta ba dang / glan ka tshol ba rnams kyis glags rnyed pa'i sems can gang yang med la ngas yang dag par ma mthong ste/ de ni gnas med do// las kyi rnam par smin pa ni ma gtogs so// de bas na ngas 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi bkas/ rig sngags kyi rgyal mo gsang sngags rjesu 'dzin pa 'dis/ mi 'am mi ma yin pa 'am/ gnod sbyin nam/ srin po 'am sha sa 'am/ lha ma yin nam/ dri za'am/ klu 'am/ na mkha' lding ngam/ gsang ba pa 'am/ yi dgas sam/ sha za 'am/ ro langs sam/ byad sdems sam/ gshed byed dam/ srul po 'am/ lus srul po 'am/ smyo byed dam/ brjed byed rnams las ming 'di zhes bya ba la bsrung ba bya'o// yongs su bskyab pa dang / yongs su bzung ba dang / sba ba dang / zhi ba dang / bde log su 'gyur ba dang / chad pa bzlog par bya'o// dug med par bya'o// rig sngags kyi rgyal po gsang sngags chen mo rjes su 'dzin pa 'dis/ sdang bar sems dpa' thams cad dang / gnod par sems pa thams cad dang / mi phan par sems pa thams cad dang /

  13. 158a

    rab du sdang bar sems pa thams cad dang / bdud thams cad dang / gseb lam bsrung ba thams cad dang / la can bsrung ba thams cad dang / sho gas gyi gnas bsrung ba de dag thams cad myos par bya'o// rnam par myos par bya'o// rengs par bya'o// rmugs pa dang / lag pa bzung ba dang / rkang pa bzung ba dang / sems bzung ba dang / lce bzung bar bya'o// rig sngags kyi rgyal mo gsang sngags chen po rjes su 'dzin pa 'dis ni/ gang dang gang du yang thar bar 'gyur ro// kye ma bram ze mya ngan 'das// 'jig rten dag na sred las rgal// khon dang 'jigs pa kun 'das// ring mo zhig nas bzod mthong ngo // bzod pa dka' thub mchog ste bzod pa ni// mya ngan 'das pa mchog ces sangs rgyas gsung // rab du byung ba gzhan la gnod pa ni// gzhan la 'tshe bas dge sbyong ma yin no// ya ngar mig dang ldan pa dang // mthu rtsal dag kyang yod pa bzhin// tshangs pas 'tsho ba'i 'jig rten 'dir// sdig pa dag ni yongs su spang // da ltar byung dang 'das pa dang // ma byon sangs rgyas gang yin pa// thams cad la yang phyag 'tshal/ de dag kun la skyabasu mchi// 'jig rten dgra bcom bde gshegs la// zla ba skyabasu mchi lags kyis// sangs rgyas 'jig rten thugs brtse rnams// zla ba mthar mdzod sgra gcan las// sgra gcan zla ba mun sel ba// na mkha' dag la 'od byed cing // lham mer 'dug pa rab dkar ba// rnam par dag pa'i 'od ldan pa// bar snang dag la ma bzung bar// skye dgu'i sgron

  14. 158b

    de myur du thong // de nas rings bzhin sgra gcan de// lus kyang rdul zhing skrag gyur la// nad pa bzhin du btad pa yis// zla ba rnam par gtong bar byed// ci yi phyir na sgra gcan khyod// sangs rgyas tshig bshad 'di brjod pas// gal te zla ba ma btang na// mgo bo tshal pa bdun 'gas shing // gson yang bde bar mi 'gyur ro// kye ma bden pa gzi pa yi// sangs rgyas rnams kyi 'byung ba rmad// de dag gi ni tshigs su bcad// brjod nas sgra gcan zla ba gtong // bden pa dang ba'i tshig gang gis// 'jig rten du sems can brjed ngas pa med pa'i chos can byung ba ni de bzhin gshegs pa'o// zhes yang dag par smra bas smra ba ni// dus su yang dag par smra bas smra ba yin no zhes bya ba dang / kun dag bo gzhan yang tshangs par spyod pa la phan pa'i phyir/ de bzhin gshegs pas tshigs su bcad pa gsungs pa gang yin pa de dag dang / kun dga' bo gzhan yang tshig de dag gis bya ba gang byed pa'i don dang / phan pa dang / bde ba de yang 'dis byed par 'gyur te// // s+yad la the dan/ swa sti ma ti/ bi lu ma ti/ pra ha ra ti/ ka shu mad che/ nan da ma ti/ pi ha gra he/ bi du ma ti/ I dgra ar+Ya su dri/ sha bud d+hi/ b+ho d+hi ma ti/ su hu du me i la khu me a la mi he/ hi ga ra sha ra/ a shu he/ pra ga shi ni// kun dga' bo sa bon gyi rtsa ba bcu dang / sa bon gyi rtsa ba'i tshig bcu de bzhin gshegs pas gsungs pa yod do// kun dga' bo tshig de dag de bzhin gshegs pas gsungs par

  15. 159a

    'gyur ba dang / ston par 'gyur ba yang yod de/ de dag bstan pa la zhugs pa'i mi rnams kyis khar brjod na/ gan sbyin dang / srin po rnams kyang bran bzhin du las byed par 'gyur ro// bden pa dang bden pa'i tshig gang gis phyir mi ldog pa'i tshig bden pa rnams la 'jig rten gyi tshig gi mchog dang / dge sbyong rnams kyi nang na/ dge sbyong skyid de ba zhes bya ba dang / de bzhin gshegs pa dgra bcom pa yang dag par rdzogs pa'i sangs rgyas ni 'jigs pa mi mnga' ba/ bag tsA ba mi mnga' ba ste/ mi skrag mi 'bros la/ 'jigs pa med cing 'jigs pa dang / 'jigs par byed pa spangs pa skyi bung zhes byed pa med pa'o// zhes yang dag pa smra bas smra ba ni/ dus su yang dag par smra bas smra ba yin te/ bden pa dang bden pa'i tshig des/ ming 'di zhes bya ba la bde leg su gyur cig/ bden pa dang bden pa'i tshig gang gis/ tshul khrims dang brtul zhugs dang / dka' thub dang / tshangs par spyod pa la gnas pa gang ci yang rung ba de dag gi nang na ni/ 'phags pa dgos pa'i tshul khrims mchog ces bya ste/ bden pa dang bden pa'i tshig des/ ming 'di zhes bya ba la bde legasu gyur cig/ gnas brtan rgyal po'i bu mthu bo dang 'dra ba rab du byung nas ring du lon pa tshangs par spyod pa/ mngon par spyad pa rnams kyi mchog/ 'di lta ste/ dge slong kun shes ko'u di n+ya dang / 'dod pa nyung ba dang / sbyangs pa'i yon tan la gan

  16. 159b

    pa dang / chog shes pa rnams kyi mchog/ 'od bsrung chen po dang / shes rab che ba dang / spobs pa che ba rnams kyi mchog/ sha ri'i bu dang / rdzu 'phrul che ba dang / mthu ched rnaMs kyi mchog/ me'u 'gal gyi bu chen po dang / lha'i mig dang ldan pa rnams kyi mchog/ ma 'gags pa dang / mang du thos pa rnams kyi mchog/ kun dga' bo dang / 'dul ba 'dzin pa rnaMm kyi mchog/ nye ba 'khor dang / chos smra ba rnams kyi mchog/ byams pa'i bu gang po dang / bslab pa la gus pa rnams kyi mchog/ sgra gcan 'dzin dang / mal cha dang / stan sgo ba rnams kyi mchog/ gyad bu nor dang / se ge'i sgra sgrogs pa rnams kyi mchog/ ba ra da tshwa bsod snyoms len dang / khyim pa dad pa skyed pa rnams kyi mchog/ nag po 'char ka dang / lha dang mis mchod pa rnams kyi mchog/ legs mthong gi bden pa dang / bden pa'i tshig des ming 'di zhes bya ba la bsrung bar bya'o// yongs su bskyab pa dang / yongasu bzung ba dang / zhi ba dang / bde leg su 'gyur ba dang / chad pa bzlog par bya'o// rgyal po 'am/ chom rkun nam/ me 'am/ chu 'am/ dgra 'am/ mi mdza' ba la/ lam du 'gro ba 'am/ lam gol bar 'gro ba 'am/ gnyid log pa'am/ ra ro ba 'am/ bag med par las bsrung bar bya'o// bden pa dang bden pa'i tshig gang gis sem can rkang pa med pa 'am/ rkang gnyis pa 'am/ rkang bzhi pa 'am/ rkang pa mangs pa 'am/ gzugs can nam/ gzugs can ma yin pa 'am/ 'du shes can nam/ 'du shes can

  17. 160a

    ma yin pa 'am/ 'du shes med/ 'du shes med min gyi sems can ji snyed yod pa de dag gi nang na ni/ de bzhin gshegs pa mchog ces bya ste/ bden pa dang bden pa'i tshig des/ ming 'di zhes bya ba la bsrung bar bya'o// yongasu bskyab pa dang / yongs su bzung ba dang / zhi ba dang / bde legasu 'gyur ba dang / chad pa bzlog par bya'o// bden pa dang bden pa'i tshig gang gis 'dus byas sam/ 'dus ma byas kyi chos gang ji snyed yod pa de dag gi nang na ni/ 'dod chags dang bral ba mchog ces bya ste/ bden pa dang bden pa'i tshig des ming 'di zhes bya ba la bsrung bar bya'o// yongasu bskyab pa dang / yongasu bzung ba dang / zhi ba dang / bde legs su 'gyur ba dang / chad pa bzlog par bya'o// bde pa dang / bden pa'i tshig gang gis tshogs sam/ 'dus pa 'am/ mang po 'am/ 'khor ji snyed yod pa de dag gi nang na ni/ de bzhin gshegs pa'i nyan thos kyi dge 'dun mchog ces bya ste/ bden pa dang bden pa'i tshig des/ rgyal khams sam/ yul 'khor ram/ grong ngam/ grong brdal lam/ grong khyer ram/ khyim 'am/ gnas sam/ zhing ngam/ nad pa la la bsrung bar bya'o// yongasu bskyab pa dang / yongs su bzung ba dang / zhi ba dang / bde legasu 'gyur ba dang / 'tshams bcad par bya'o// 'byung po thams cad bzlog par bya'o// gzi byin 'phrog par rnams bzlog par bya'o// bden pa dang / bden pa'i tshig gang gis bcom ldan 'das de bzhin gshegs pa dgra bcom pa yang dag par rdzogs pa'i

  18. 160b

    sangs rgyas ngas/ 'dod chags dang / zhe sdang dang / gti mug zad par bya ba'i phyir/ chos kyi phung po brgyad khri bzhi stong bstan pa dang / bshad pa dang / brjod pa'i bden pa dang / bden pa'i tshig des/ ming zhes bya ba'i nad bzhi brgya rtsa bzhi zad par gyur cig/ med par gyur cig/ zhi ba gyur cig/ rab tu zhi bar gyur cig/ bcom ldan 'das kyis de skad ces bka' stsal nas/ tshe dang ldan pa kun dga' bo dang / mi mjed kyi bdag po tshangs pa dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// // gsang sngags chen mo rjesu 'dzin pa'i mdo// / rdzogs s+ho// zhu dgo/ sarba mang+ga laM//

Colophon

gsang sngags chen mo rjesu 'dzin pa'i mdo// //rdzogs s+ho/