rdzogs pa chen po ma rig mun pa rab tu sel bar byed pa'i lta ba // ye shes gting nas rdzogs pa'i rgyud ces bya ba
Sandhimahamuhipradipakaridris.t.ajñanagitisandhitantranama
Text
ff. 193a–217b · 50 folio sides
- 193a
@#cad kyi me long // sgom pa thams cad kyi 'bral med// spyod pa thams cad kyi la zlo// dam tshig thams cad kyi bsrung mtshams// 'bras bu thams cad kyi se snying // theg pa thams cad kyi zil gnon// shes rab can gyi rgyang shing // dman pa rnams skrag par byed pa ye shes na mkha' dang mnyam pa'i spyi rgyud rdzogs so// / lta ba ye shes gting rdzogs kyi rgyud bzhugs// @#// rgya gar skad du/ san d+hi ma hA mu hi pra dI pa ka ri driSh+Ta dz+nyA na gi ti san d+hi tan tra nA ma/ bod skad du/ rdzogs pa chen po ma rig mun pa rab tu sel bar byed pa'i lta ba// ye shes gting nas rdzogs pa'i rgyud ces bya ba// bcom ldan 'das dpal kun rig chos kyi rje ye shes kyi sku dang ldan pa de la phyag 'tshalo// 'di skad go zhing rtogs pa'i dus gcig na// ya nas rang byung kun reg rgyal po de// 'khor 'das ma rig don gyi gnas chen du// rang gis rig cing yid ches dang ldan 'khor/ gang yang mi brjod bstan pa lhun gyis bzhugs/ sangs rgyas sems can ngo bo nyid las byung // chos rnams kun gyi yod med rang byung sku// de nyid rang rig rtogs pas kun tu bzang // rang gi ngo bo ye shes ston pa'i mchog/ rnal 'byor skal ldan dam pa nges pa'i don// yang dog snga phyi med pa'i ye shes de// skye 'gag mtha' dbus med pa'i 'og min gyi// rang byung kun khyab chos dbyings gnas kyi mchog/ der 'dus chos sku nga'i byin brlabs kyis// bde gshegs rgyal ba rigs lnga la sogs pa// rigs 'dzin sprul pa dang ldan 'khor rnams ni// ma lus ye nas 'dus pa 'khor gyi mchog/ dus gsum gang yang mi sems ngo la// sngar med phyis min ye nas da lta nyid//
- 193b
sems nyid gdod nas ma bcos rang rig la// dus kyi nang na gcig pa dam pa'i mchog/ rang byung chos sku sems la gnas pa'i phyir// yang dag don gyi nges don ye shes de// tshig gis mi mtshon go ba'i gdams ngag ni// sangs rgyas kun gyis chos nyid bstan pa'i mchog/ de tshe rdo rje sems dpas don zhus pa// sangs rgyas kun gyi dgongs pa nges pa'i don// ma nor ma bcos rang byung chos sku de// sems can blo yis nges par rtogs pa'i thabs// / kun rig ston pa chos rjes bshad du gsol// zhus pa'i don gnas thugs kyis bka' stsal pa// nges don ma nor nges don ngas bshad do// srid gsum mi rnams ma lus thad kun// nges pa'i don gyis mi 'dul drang don gyis/ gnod bzhin srog ser sdig la 'phangs med 'bul// dam log mangs pas tshe thung bkra mi shis// de dus rdzogs chen snying po'i don bshad du// nyan thos rang rgyal byang chub sems dpa' skrag/ rgyud lung rnal 'byor sgro skur 'debs bzhin 'phye// tshul chos sde pa zhe sdang phra dog byed// nges don 'di la 'gal sems sdig can rnams// dmyal bar nges 'gro gtan du snying re rje// rgya mtsho kun rtsal rin chen rnyed bka' bzhin// snod ldan slob ma dang ldan shin tu dkon/ de phyir shin tu gsang ba'i gter du bzhag/ rdzogs pa chen po ma rig mun pa rab tu sel bar byed pa'i lta ba// ye shes gting nas rdzogs pa'i rgyud las/ don gyi gling gzhi gsang gsungs pa'i le'u ste dang po'o// // de skad gsungs pas 'khor gyi don go nas// gdung bas 'don phyir yid kyis don gsol pa// ma rig las kyis sdug bsngal 'khyams pa'i sems// bzung 'dzin bag
- 194a
@chags dbang gis zhen pa la// rnam rtog dra ba gang gis bcad ba'i thabs// thugs rje chen pos mi 'dzin ya re chad// shin tu rnal 'byor bka' don 'byung ba dka'// sems can tshe thung skye rgas gting nas thugs// ma rig mun pas gtibs pa snying re rje// 'gro drug 'khor ba mi sgrol yi re mug/ rang sems sa 'khor bdag la sa mkhan mdzod// sems can las la thugs rjes yid chad kyang // snying rjes 'gro don thugs rjes mi mdzad dam// sems can lha mi rnams ni shes pa cing // dbang po yul la yengs pa'i bzung 'dzin gyis// 'tsho ba dkon dkon la nang dang rkyen mang bas// thar lam mi thob 'khor bar lhung zhing 'byam// nges don man ngag rtog par bya ba'i don// bka' bzhin snod dang ldan pa dam bcas pas// ma bsgoms 'bral med nges don thugs rjes gzungs// rdzogs pa chen po'i lta ba ye shes bting nas rdzogs pa'i rgyud las// 'khor gyis gdung ba ston pa'i le'u ste gnyis pa'o// // de nas 'dus pa'i rdo rje sems dpa' la// thugs kyi gzugs nas nges par bka' stsal pa// sgom du med pa mi 'bral gdams ngagu rgyun// kun bzang nga yi thugs nas brgyud pa yi// nges don byin gyis brlabs pa'i mkhas pa la// rang sems rtog 'dod slob ma las can gyis// dad pas rang nyid shin tu dul byas nas// lus dang longs spyod srog li mo lta bar// sring mo bu mo la sogs rab brgyan te// lha dang glang po nor gyis dbyigs rnams kyang // ser sna med pa bla ma dag la 'bul// nga yang 'dus pa'i 'khor gyi snying po nyan// chos phyir brtson 'grus che la dam tshig ldan
- 194b
brtan shes rab che zhing don bzang thub// tshul shis ngang bzang rnams kyi don gyi gter// de dag yon tan brgya ldan slob ma la// rab tu gsang ste don gnyis ston pa yi// bla ma mkhas pa mtha' bcu rdzogs pa la// gnyen zhing dul la thugs rje rab ldan zhing // srid par zhus kyang don rnams zad med pa'i// dam pa mdzod kyi gter ldan ston pa mkhas// dper na seng ge 'jigs pa rtsad gcod bzhin// blo dngos gcig la ston la gus par zhus// de yA rdo rje sems dpa' 'khor rnams nyon// yang dag don gyi lta ba gsang ba 'di// gang zag phyin ci log dang lta ba dman// thos pa chung la blo brtul shes rab med// nor 'phangs kha ral la sogs snod med la// 'di bstan gnyis ka sreg phyir rab tu gsang // de skad gsungs ma thag tu yid dga' nas// 'khor rnams snod kyi don dang ldan pa ni// khas blangs dam bcas nas ni yid bsdus te// mgrin gcig gsol te lhags nas 'khod gyur to// rdzogs pa chen po ye shes gting nas rdzogs pa'i rgyud las snod bcud bstan pa'i le'u ste gsum pa'o// // de nas bcom ldan rig rgyal po yis// ched du brjod pa'i don 'di gsungs pa ni// 'gra drug sems can med pa'i gong rol du// sangs rgyas med pas yis ming yang med// rang bzhin lhun grub sangs rgyas ma rig yod// de phyir kun bzang nyid kyang blo bur sangs rgyas te// ma bcos gdod nas mi rtog blos bsgoms kyang // bag la nyal gyi bag chags yod pa'i phyir// byang chub sems dpa' man chad gdengs mi gol// ma rig sems can rnams ni shes pa rtsing // kun gzhi rnams gsum bag chags
- 195a
mngon rgyu bas// 'og ma'i phra mo'i rnal 'byor shin tu grol// de skad gsang ba'i don gsungs ma thag tu 'khor rnams sems 'grogs yid ma rangs te// sems kyi don la the tshom du gyur nas/ ti nge 'dzin la yid 'byung bar gyur to// rdzogs pa chen po lta ba gting nas rdzogs pa'i rgyud las che du brjod pa'i le'u ste bzhi pa'o// / de nas 'dus pa'i rdo rje sems dpa' yis// 'khor ba'i zhen rtog gsal ba'i don ched du// kun rig chos kyi rje la 'di skad gsol// dang po sems kyi kun gzhi ji ltar gnas// de la bag chags kun gzhi ji ltar byung // lus kyi kun gzhi blangs tshul ji ltar kho ma rtog sems can par dor ji ltar 'khyams// kun rig chos skas nges par bshang du gsol// de don thugs chung zhus pa bka' stsal pa// dang po sems kyi kun gzhi gnas tshul ni// thog ma'i khungs dang nga lta tha ma yi// ngo bo nges tshig che chung shesu dbye// mtshan nyid gnyen po las dang rtsa lnga dang yul// dpe rtags sgo nas bstan pa shin tu gsungs// nga yang rdo rje sems dpa' yid kyis nyon// dang po sem kyi kun gzhi thog mar yang // gang la mi rtog don gyis ma zin pa// de nyid ma shes lhan cig ma rig pa// de rtogs zhugs pas sems kyi kun gzhi byung // de nyid da lta ga na gnas pa'i rten// 'gro drug sem tha~Mng ma lus dang // nyan thos rang rgyal byang chub sems dpa' la// thun dang thun mong ma yin tshul du gnas// nga yang 'dus pa'i 'khor rnams yid kyi nyon// sems kyi kun gzhi tha ma gar 'gro na/ gnyen
- 195b
bo ye shes lung bstan ra nga shar nas// cig char rim gyis nges par dengs pa ste// de don ma smad sa zin nges pa med// ngo bo bzhi'i don nyid ma shes phyir// shes pa bag chags gnyid log kun gzhi ste// ras dkar la ni snum zhen dpe bzhin du// chos nyid ma rig rtogs pa'i dpe bzhin du// chos nyid ma rigs rtog pa'i ngo bo gnas// de yang 'khor gyi snying po yang nyon cig/ sems kyi kun gzhi nges tshig snang ba la// rnam shes sna tshogs yul la sems pa'i phyir// med pa'i chos la yang dag bden par 'dzin// thag pa la ni sbrul snyam sems 'khrul 'dra// sems can kun la shes ni che chung yong // nyan thos byang chub sems dpa' gnyen po ni// bag nyal phra ba shin tu phra bar gnas// mngon du rgyu ba med pas nyon mongs dge/ rgyu rkyen mtshan nyid gnyen pos 'jig pa'i phyir// tha ma so sor dengs pa dngos po med// da lta kun gzhi ji srid yod kyi bar// rgyun mi 'chad dang dus gsum 'gag tu med// de yang 'khor gyi 'dus pa'i snying po nyo ni// thun mongs gnyen pos rim gyis sbyin sogs bzhis// nyon mongs bag chags khad kyi rang zhi ste// bsam gtan shes rab me rig log lta 'joms// thun mongs ma yin ye shes gcig char 'joms// dge sdig las kyi rgyu mthun gang rung skye// rnam smin las ni rim gyis ma yin te/ myur dra bar mchod na 'bras bu smin// lung du ma bstan 'bras bu nges pa med// nga yang rdo songa' yid kyi nyon// bag chags bzang ngan rtsal ni rigs drug ste// bde sdug bye brag so sor snang ba la// cha phra rtsa la ni nyan tho
- 196a
@sems dpa' la// ye shes me long lta bur rang snang gnas// mtshon dpe ras dang mar dang na mkha' dang // chu dang me long kha dog la sogs rnams// gzhi la rgyu yi rkyen byung ma rig pa// med las 'byung ba ya mtshan cher gyur to// kun gzhi dngos por med la semasu 'dod// ngu yod phyir na me yod nges pa bzhi// de las skyed pa'i 'bras bu dge sdig la// sems pa'i rtag su lus ngag yid gsum 'grub// / de yang 'dus pa'i 'khor rnams yang nyon cig/ de dag dbye ba bstan pa blo dman la// yid ches bya phyir mtshon par bstan pa yin// don lam rig pa la ni semasu gdags// gzugs 'dzin 'khor ba bskyed phyir/ kun gzhi ya ni// rdzogs pa chen po lta ba ye shes snying nas rdzogs pa'i rgyud las// gzhi gnas sems kun gzhi bstan pa'i le'u ste lnga pa'o// // de nas 'dus pa'i 'khor gyi snying po la// kun rig ston pa chos rjes yang gsungs pa// bag chags kun gzhi 'phral byung dang po'i khungs// de lta gnas dang tha mar gar 'gro ba'i// ngo bo mtshan nyid nges tshigs las dang dpe// rtags dang gnyen po dbye ba rtsa dang grangs// de dag don du bsdus te gsungs pa yin// de yang rdo rje sems dpa' yang nyon// thog ma mtha' drug rtog pa las byung ba// gang yang mi rtog shes pa don ma rig/ rang nyid yengs pa'i tshul gyis rtog pa 'phros// mi rtog rang snang sgrib pa bag chags ltas// ma rig bag chags snga ma'i rgyun la rten// 'gags pa ma rig pas ni sdug bsngal 'byung // chos sku mi 'gyur ba la 'khor ba brten// de phyir lus dang sems la
- 196b
bag chags yod// du yang 'dus pa'i snying po yid la nyon// tha ma gar 'gro dus la nges med rkyen// ye shes 'phrad nas ma rig bag chags borla ba// de med bag chags dag pa'i thabs med de// nyi ma'i snang med mun pa mi 'bros 'dra// ngo bo brdzun la thog mar bden bzung nas// rtog rtog zhen zhe na blo ltas rgyud la gnas// de ltar tha mar bag chags rgyun mi 'chang// de phyir 'khor bar 'ba' zhig yang yang skye// mtshan nyid gcig gis gcig bskyed yongasu 'gyur// de'i 'bras bu rami dang so sor smin// rgyu rkyen 'tshogs dang ye shes gnyen pos 'dzegs// bzang ngan che chung ci 'dra de 'drar brten// nga yang rdo rje sems dpa' yid kyis nyon// bag chags kun gyi bzhi ni rtog pa ste// nges tshig rtog rgyun shin tu cha phra de// bag tsam la rten rtog pa rags ltas pas// bag chags kun gzhi snang ba yul du 'byung // las ni 'bras bu gang rung smin par byed// de yang thog mar bcas dang thog ma med// gar smin phra rabs ze 'i gnon bag chags chung // lung du ma bstan 'bras bu smin mi nus// de dpe na mkha' sprin dang sa zhag snum// g.ya' rdul sbu ba la so Da bag chags dper// 'dra ba yod kyang don smin mtshon par zad// blo bur byung phyir yun ni gzhi la med// nga yang 'dus pa'i 'dus pa'i 'khor rnams yid kyi nyon// bag chags kun gzhi'i rtag ni phung po lnga// bag chags rgyu mthun rnam par smin pa ste// phung po lnga dang dus gsum mi 'bral phyir// 'khrul pa bltas pa'i rtag su bstan pa yin// gnyen po thun mong nga dang ma yin gnyis// thun mong dad pa brtson 'grus bzod pa dang // mos pa drang
- 197a
ba'i ting 'dzin la sogs rnams// thun mongs ma yin ye shes ma rig dag/ dbye ba bag le nyal dag mngon gyur cing // skyes pas nges par 'grub dang gzhan du gyur// gzhan du ltos dang ngos 'grub par 'dod// phye ba ma nor mi 'gal bstan pa yin// de yang 'dus pa'i snying po se 'i nyon// bag chags rtsal kyang shas ni che chung ste// spyi yi sdug bsngal skye rga na 'chi yin// byams bral dgra phrad mi rtsal mi rnyed// gang byung 'khor ba'i bag chags rtsal du gsungs// ming gi grangs la mang du yod mod kyang // bag chags nyon mongs rtog pa skyon dang bsog/ sgrib pa ltung ba gol sa 'khrul pa ste// yul yod par du bag chags grangs la thugs pa med da yang rdo rje sems dpa' yang nyon cig/ de dbye snang ba'i 'khrul pa yul las 'byung // de phyir yul sems bar du gol sa gcong // des chod bag chags gzhi la gos pa med// rdzogs pa chen po lta ba ye shes gting nas rdzogs pa'i rgyud las// 'phral byung bag chags kun gzhi bstan pa'i le'u ste drug pa'o// // de nas 'dus pa'i 'khor la bka' stsal ba// lus kyi kun gzhi dbye ba'i don bstan pa// lus kyi dbye ba ngo bo mtshan nyid dang // de'i las dpe bstan pas rtog par gsungs// da yang 'dus pa'i 'khor rnams yid kyis nyon// dbye ba rang bzhin bag chags yid kyi lus// thog ma tha ma da lta so so'i khyad// nges par bstan la phab pa'i don bstan phyir// gzugs ni tha dad lus kyi gzhi las byung // ngo bo rtsal shugs tha dad lta bur ni// dngos por snang dang thig le'i rtsa la de la// gong gi lus gnyis kyang ni de la bstan// re shig lus kyang bag chaT dbang gis snang // de yid mtsha/
- 197b
nyid nges par chos sku dang // bag chags lus kyang rang bzhin lus la rten// gcig dang tha dad gnyis ka yin pa'i phyir// 'khor 'das brtan pa de yang de ltar gnas// nga yang 'dus pa'i snying po yang nyon cig/ sangs rgyas byang chub nyan thos las kyis ni// rdzu 'phrul mtshan dang dpe byang kun gyi gzhi/ sems can lus ngag yid kyang de la rten// lus kyi kun gzhi thad bstan pa'i las// de yi de nyid mtshon pa'i dper gsungs pa// lus kyi kun gzhi rang gnas khyim dang 'dra// nyi ma 'jug pa'i dpe gang la dmigs pa 'dra// nyi zla gza' skar 'char ba'i nam mkha' 'dra// nga yang rdo rje sems dpa' yang nyon cig/ de dag kun gzhi rnam gsum bstan pa yang / nang gi kun rtags sems kyi kun gzhi bstan// phyi'i kun rtags bag chags kun gzhi byung // zung du 'jam pas lus kyi kun gzhir 'grub// rdzogs pa chen lta ba ye shes gting nas rdzogs pa'i rgyud las nyon mongs lus kyi kun gzhi bstan pa'i le'u ste bdun pa'o// // nga yang 'dus pa'i 'khor rnams yang nyon cig/ lung ldan nges pa'i gdams ngag med pa'i mi// skye bo sngags pa btsun pa gang yang rung / kun gzhi rnams gsum bag chags mthu bltas pas// dge ba'i chos spyod las rnams ci spyad kyang // don med khams gsum 'khor bar khyam pa skyon// de don bshad cing nges par 'grol gyis nyon// son 'chi// ltas rim par 'byung ba ni// dang po 'byung ba sa ni chu la thim// de rtags phung po gzugs ni mi thub lci// lus kyi skag gdangs nyams phyir kha dog mogs// de nas chu ni me la thim 'gyur te// kha skams chu dang
- 198a
lce ni rwa bzhin 'gyur// nyams chung smra ba mi nus khar mi thon// de nas me ni rlung la thim 'gyur te// lus kyi drod shor shin tu grang ba 'byung // de tshe shi 'drad gdon cing mig rtsa bzlog/ de nas rlung ni rnam// shes thim 'gyur te// dbugs ni rtseg ma thum thum byed pa 'byung // de tshe chags sdang mi mno dgu gcig bsams// gnad gcod drag nas dran pa rlag par 'gyur// 'di ni snang ba nub pa'i dus yin te// sha ba'i nad par mun par 'thibs pa'i tshe// de tshe snang ba gnyis ni nyamasu myong // dang po snang ba smig rgyu du ba ltar// bun ne long long 'jig rten zhig par mthong // de tshe 'phos ma thag tu snang ba mched// srin bu me khyer lta bur hA ba hri ba tsam// snang ba thob pa mar me'i rtse mor ltar// shin tu rtag bka' rab rib 'byung ba'i tshe// ye shes nyug gis byung ste ma rig bsgribs// nga yang 'dus pa'i rdo rje song la nyon// de tshe bar do'i 'bral byung bag chags kyis snga ma'i lus dang bcas yod snyam pa 'byung // bar do'i snang ba 'gyur ba yid kyi lus// 'khor los bsgyur rgyal cha lug rang yid kyis// dbang po kun tshang thog med kun tu 'gro// de nas shes pa'i snang ba yang 'gyur te/ phyi ma gang len lus su yod snyam nas// rtsa spyil khyim sogs bu ga gang rung du// rang dbang med pa shes pa mngal du 'jug zhugs nas chags sdung skyes te lus blangs pas// skye rga na 'chi can gyi 'khor bar 'khyams// yang nas yang du 'khor bar sdug bsngal bskyed// de phyir 'khor ba'i mtha' la zang ba med// rdzogs pa chen po lta ba ye shes gting nas rdzogs pa'i rgyud las// ma rtogaso par bar dor 'khor bar la byan
- 198b
ba'i le'u ste brgyad pa'o// / de nas 'khor gyi snying pos yang gsol pa// dad ldan 'dus pa'i tshogs la phan gdags phyir// kun rigs chos kyi rje la 'di skad gsol// myang 'das 'og ma'i lta sgom ji ltar/ khyebyed theg pa'i bye brag sa lam ji ltar sbyang // lhun gyi grub pa'i 'dod gzhung dbye ba gang // mnyam pa'i rgyal pos nges par bshad du gsol// de skad zhus pa'i don 'khor rnams// ston pas theg pa'i dbye ba bka' stsal pa/ mu stegs rtag chag log lta 'dzin pa dang // nyan thos rang rgyal mdo sde'i mtshan nyid dang // phyi pa kri ya u pa yo ga dang // nang pa ma hA a nu yo ga rnams// de yi dbye ba ngas bshad legs par nyon// nyan thos gang zag bdag med blos byas nas// lam du kun 'byung ba dang sdug bsngal spong // phyi nang dbugs la sems gtang 'gog pa'i bsgom// sngon gyi mar me'i bstan pa la zhugs nas// shAkya thub pa'i bstan la mnyam par bzhag/ ma 'ongs byams pa sems skyed dgra bcom 'dod// re ba yod phyir chos nyid gnas lugs 'khrul// nga yang 'dus pa'i snying po rdo rje sems dpa' nyan// rang rgyal 'dod pa yul rnams phyogs chas stong // sem su snang ba'i chos rnams ma rtags par// ne tso khyu ldings bse ru dpung bcas nas// sgo lnga yul ni mi 'gegs rgyu ba 'gegs// rjes 'breng med par stong pa blos bzung bsgom// lung bstan man ngag med phyir rang sems grol// then tsher mig gi nam mkha' chung ngu la// phra rigs 'then thag nan gyis 'dzud pa bzhin// yul la srung sdung zhen pa byed phyi'i phyir// yul sems tha dad bdag med blos btags nor// da yang 'dus pa'i 'khor
- 199a
gyi snying po nyon// mdo sde'i lta sgom rnam pa gnyis gsungs pa// sems tsam snang ba semasu blo sdung byed// bden gnyis bzang ngan rigasu 'byed pa'i phyir// yang dag semasu 'dzin pa rags par gsungs// rnams rig blang dor ched du yang dag byed// yul rnams 'khrul pa gnyen pos sbyangs par 'dod// don dam 'khrul med nyams myong rang gsal ba// blang dor yod phyir nges pa'i don dang 'gal// de yang 'dus bri/ rdo rje sems dpa' nyon// theg chen dbu mi'i kun rdzob sgyu ma'i yul// don dam mtha' gnyis bral ba'i dmigs med de// zhi gnas las ni lhag mthong bzung 'brel sgom// rjes thob mnyam bzhag rim gyis yod phyir gol// yul la rtog pa zhugs nas sems kyis ga zhig/ yid kyi dmigs pa zhugs nas 'dzin pa skyes// de phyir ma rtog bdud kyi spyod yul te// lam la rim pa dgrod pa grangs byung na// chos sku yang dag don du ga la 'gyur// rdzogs pa chen po lta ba ye shes gting nas rdzogs pa'i rgyud las// phyogs mtshams 'dzin pa'i le'u ste dgu pa'o// // de nas kun rigs chos rjes yang gsungs pa// kr-i ya'i lta ba chos nyid spyong sgom nas// snang ba kun rdzob tshe 'phrul rig gsum lha// je 'brangs rim pa bzhin du dngos grub ra// gzhi la gcig par ma rtogs don dang 'gal// gnyis ka brgyud kyi sgra sbyong ya gal ste// gong 'og bzung 'dzin theg pas ma zin pas// rtsa ba gcig tu ma shes don dang bral// lha spyod gong 'og gnyis 'dod rang nyid 'khrul// rnal 'byor yo gas chos dbyings dkyil 'khor du// spun dang grogs po mnyam nyid lhar sgo
- 199b
bas/ lus ngag rtsol ba yod phyir byol ba ste// ji ltar nan gyis bsgoms kyang chos sku min// de yang 'dus pa'i rdo rje sems dpa' nyon// cheng du grub dang rtsol ba ci spyad kyang // byas pas don med sdug bsngal gyi nar 'khyams/ rtsol sems byas pas thams cad don med 'khrul// bla med byang chub chen po'i bgegasu che// ji srid dngos po mtshan ma rags kyi bar// de bzhin lha'i sku dang shin tu rags// de phyir dngos po mtshan ma med na ni// lha yi sku yang bzhi la med pa'i phyir// blo dman drang ba'i don ni gsang sngags la// nges don snying po don gyi lta ba med// rdzogs pa chen po lta ba ye shes gting nas rdzogs pa'i rgyud las// rtsol ba phra rags kyi gol sa bstan pa'i le'u ste bcu pa'o// // da yang rdo rje sems dpa' legs par nyon// gnyisu med pa'i rgyud kyi lta ba'i gzhi// snang ba 'di nyid ye nas skye ba med// skye med nyid na gang yang thad skyes// skyes tsam nyid na rang sems ngang gis stong // dper na chu dang me long gzugs brnyan bzhin/ snang dang stong pa dbyer med gdod nas dag/ da yang 'khor gyi snying po legs par nyon// chags grol gnyis kyi lam du bstan pa yang ting 'dzin rnams gsum la sogs dmigs sgom pa// gzhi la rtsol med la ma la rtsol yod phyir// rtog tshogs lhar bsgyur don dang 'gal bar gsungs// de phyir lam nor 'bras bu ma byung bas// ye sangs rgyas su 'dod pa chos sku bral// de bas ma hA lta bu yul sems bsres// nan gyis gnyis med lta bu 'bras bu med// da yang rdo rje sems dpa' chen po nyon// a nu yo ga snang ba ske med la// kun tu bzang mo'i
- 200a
@#mkha' dbyings b+ha gar brtags// yul la rnam rtog 'dzin pa cir snang ba// kun tu bzang po'i rol pa yin par brtags// gnyis med bde chen sras dang rtsal du 'gyur// de la rang gis rgyun tu ma yengs sgoms// de nyams bde gsal rtsal ni btang mi bral// ji bzhin pa yi don gyi chos nyid la// ma bcos ma yengs ched du blo bzhag go// de don mi brjed spyod pa'i 'bras bu yang // che du byur meng nga dam shugs las gsal// de la yid 'jog rtsol ba phra mo yod// de phyir lung gis yul sems gcig 'dod gol// de dag rgyud lung yul gyi bsgribs pa'i phyir// rang byung ye shes don ma reg pa'i lam// de don rim gyis ngang du bzhag dgongs pas// yengs pa 'byung phyir ma nor don dang bral// rdzogs pa chen po lta ba ye shes gting nas rdzogs pa'i rgyud las// rgyud lung dang sgom gyi don ma reg par bstan pa'i le'u ste bcu gcig pa'o// // de nas kun rig rgyal pos bka' stsal pa// theg brgyad mya ngan 'das par bstan pa yang // gong 'og sa lam rim par phye ba ste// la shan drang don yin te ngas bshad nyon// nyan thos rang rgyal mdo sde bye brag pa// mun las nam langs byang ltas nyi rdzu hUM byu / g+sa sang m+bu tsun 'bras kyi med/ sa rnasems pa byang chub sems dpa' theg pa chen po la// nyi ma'i snying po ma mthong zer mthong bzhin// bdag gzhan don dus lam rim sbyangs pas// 'og ma dag las khyad par 'phags gyur kyang // yang dag ma rtog bag nya
- 200b
phra yod phyir// shes bya'i sgrib pa yod pas chos skur bsgribs// yang dag rdo rje sems dpa' legs par nyon// ting 'dzin khyab par 'phel ba'i rim pa las// sa yi ngo bo nges tshigs dbye ba yang // brten dpe rtsal gyi sgo nas bstan par gsungs// sa dang lam lnga rim gyis bstan pa yang // pha rol phyin pa bcu dang sbyar ba ste// shes rab che chung khyad par che ba las// log nas 'gran thub yod pa ma yino// de yang 'dus pa'i 'khor rnams yang nyon cig/ gsang sngags gsang chen lam ni phyi nang lnga// dgra 'thun don dpa' nges pa'i gtan tshig kyis// lam lngas la khyad yod thabs che yang // rgyal srid med pa'i rgyal po 'khor sdud bzhin// lta ba khyad med snang // ba semasu sdung // de phyir rang byung chos sku 'gegasu che// rdzogs pa chen po lta ba ye shes gting nas rdzogs pa'i rgyud las// theg pa thun mongs gi sa lam bstan pa'i le'u ste bcu gnyis pa'o// // de nas 'dus pa'i 'khor gyi snying po nyon// kun rig ston pa chos rje kun bzang gis// lhun grub la shan dbye ba bka' stsal pa// gzhi dang bsam pa 'thun snang nges med dang // sems yin spros med thal brags grub la sgrub// rnam dag dgongs med rnam pa mang phye yang // de dag chos nyid gnas lugs men phyir gol// de yang 'dus pa'i rdo rje sems dpa' nyon// 'khor 'das gzhi la gnas pa'i lhun grub ni// rang sems snying po byang chub chos nyid de// kun la rang chas yod phyir ye sangs rgyas// rtogs dang ma rtogs med pa kun gyi gzhi/ bsam pa lhan grub yid smon bla yis chos// sa rdo gser du byed bzhin yod par 'dod// gnas gyur lta bsgom grol 'dod kun brtags te/
- 201a
med las yod tshol smig rgyud snyeg pa 'dra// nga yang 'khor gyi snying po legs par nyon// 'jig rten mthun snang lhun gyi 'khrul pa ste// snang srid blo yis 'di ltar brtags// gzhi ni lam mal ma sgyur sangs rgyas// log lta ye yin ma phan 'khor bar smin// nges med sna tshogs lhun grub yin zer nas// gzhi ni nges med lta ba phyogs med 'dong // rang sems sna tshogs phyir na chos nyid min// de phyir rig byed smra ba'i lte ba gol// da ya rang sems sna tshogs phyir na chos nyid min// de phyir rig byed smra ba'i lta ba gol// nga yang rdo sems dpa' nyon// gang yang sems yin lhun grub 'dod pa de// phyi nang chos rnams semasu blos bsdug pas// dbang po yul// / yengs phyir na rang sems 'khrul// sems tsam ka ta ri'i lta bar gol// spros med rgyun chad lhun grub 'dod pa de// me shi shing zad dpe bzhin 'dod pa'i phyir// ye shes rnam rtog rgyun chang spangs bya med // de phyir gnyen po med pas grub bya bral// ye shes med par 'dod phyir don las 'khrul// nga yang 'dus pa'i rdo rje sems dpa' nyon// thal brags gol rgal lhun grub 'dod pa de// chos can kha dkar rdzas cig gang rung ba// 'khor 'das / dus gsum chang zhing rdzogs 'dod pas// gcig la gcig med grangs can lta bar gol// sgru ba zin pa grub pa'i lhun grub de// sangs rgya sa yon tan grub la sems can skyon// rang re lhun gyi grub pa yin pa'i phyir// skyon yon tha dad gnyis 'dzin don las gol// chos nyid rnams dag lhun grub 'dod pa de// ngo bo nyid kyi gzhi la dgongs nas ni// dper na rin po che'i gser gling ltar// sangs rgyas rnams kyi dgongs pa'i ngo bo la// sgo/
- 201b
du rdul tsam du yang medo zer// rang gi sems kyi chos sku ma rtog par// mi rtogs phyug po'i nor rnams bgrang ba dang // se naM sangs rgyas yon tan brjod dang 'dra// ye nas rna raM dag par 'dod pa de// gnas lug bden ste rang blo 'khrul nga yang 'khor gyi snying po yang nyon cig/ dgos pa med pa'i lhun grub 'dod pa dang // rang sems snying po ye shes ma rtog par// dge rtsa kun la thun mongs bsngo ba'i phyir// sdig can sgrib sbyang tshogasu 'gyur 'dod gol// de ngag lhun grub bcur gsungs gol sa te// don gyi nges don lhun grub med pa'i phyir// de yang dus kyi lha log nan brtags pas// nges pa'i lung med blo spyang shin tu 'khrul// rdzogs pa chen po lta ba ye shes gting nas rdzogs pa'i rgyud las// spyi'i mtshan nyid lhun grub du 'dod pa shan dbye ba'i le'u ste bcu gsum pa'o// // de nas rdo rje sems dpa' yis// 'khor rnams kyi bsam pa thugasu chung nus// sems rtogs sa la phyir don 'di zhus// don gyi sangs rgyas rgya 'di gang las byung // gzhi la 'pho 'gyur med pa'i lta ba gang // snang ba nges med sna tshogs ci las byung // ma bsgom skye bor mi gol thabs ci las// yid kyi zhus pa'i don gsan thugs chung nas// ston pa kun rig rgyal po chos rje yis// thugs kyi dkyil 'khor rin chen sgo phye nas// sangs rgyas dpal gyi mgur nas bka' stsal pa// 'khor 'das bzhi ni ngo bo nyi kyi sku// don gyi sangs rgyas rang byung don/ rtogs na// kun tu bzang po rang byung bcom ldan 'das// yis rab tu che mchog chos kyi sku// mi skye mi 'gag na mkha'i rang bzhin la// 'khrul rtog nyid kyang yis bde ba'i klong // dper na khyung chen chu rlung gyen thur kyang // nyam nga me/
- 202a
bar na mkhar spyod pa'i lam// de bzhin ye nas blo sbyangs rnal 'byor thugs// sangs rgyas snying po rtogasa'i bskal ldan rnams// chos sku mngon du grub pa'i gdams ngag can// don rtogs ye shes yon tan de las 'byung // de phyir gzhi la 'gyur med rgyal ba'i bka'// de la 'phel sgrib med pas rtog pa'i mchog/ mngon 'gyur sangs rgyas nga lha nyid du 'grub// rdzogs pa chen po lta ba ye shes gting nas rdzogs pa'i rgyud las/ sangs rgyas ye shes 'byung bar bstan pa'i le'u ste bcu bzhi pa'o// // de nas 'dus pa'i 'khor la bka' stsal pa// sangs rgyas rgyal po chos kyi sku mchog la// 'khor 'das ma grub rig pa klong du rdzogs// gzhi la 'gyur ba med pas lta ba'i gdengs// yul la mi ltos rang rig chos kyi sku// nam mkha' bzhin du ye shes mtha' mnyam pas// don la 'gyur med ring rigs ye shes la// skyon gyis mi gos lta ba dran pa la// 'pho 'gyur med pas chos nyid gdal ba'i klong // mi skye mi 'gag lta ba rang byung la// bsgoms pas mi rnyed rtog pas 'gyur me // ma bsgoms 'du 'bral med ltar rang rig thugs// bskal par la byams kyang ngo bo nyid la ni// skye 'chi med par rig pa lta ba mchog/ don du ma sgoms ye shes mthar phyin lam// re ngogs med phyir 'khor bar lhung mi srid// gdong nas 'gyur meng byang chub snying po yin// rdzogs pa chen po lta ba ste/ shes gting nas rdzogs pa'i rgyud las// don las 'gyur ba med par bstan pa'i le'u ste bco lnga pa'o// // de nas kun rig ston pas yang gsungs pa// 'khor 'das snang ba cig tu ma nges pas// 'khrul pa'i yul/
- 202b
rnam ji ltar snang ba de// bag chags sna tshogs ltas phyir 'khrul ngor bden// don la mi bden bzung 'dzin mthu ltas pas// ji ltar goms pa de ltar snang ba'i phyir// snang ba blo yis brtags pas yod min te// yod / na 'gro drug kun la 'thun snang rigs// de yang 'dus pa'i sems dpa' yid kyis nyon// gdong ma rang 'khrul kun gzhi rnam gsum gyis// rang sems mthong snangs so so sna tshogs pas// de phyir bag chags sems ni so sor snang // ngo bo nyid kyi sku la 'gyur med phyir// blo yis brtags pa cig yul cig min pas// rang sems 'khrul par snang bar the tshom med// de phyir dbang ba'i yul rnams gzhi la med// 'khrul ba'i rtog sems 'gro ba so so'i sems// cig na dge sdig rnams smin 'bras bu yang // ma sbyang se ni kun gyis myong bar rigs// las kyi rnam smin thun mong ma grub phyir// bag chags rtag pas 'khrul pa'i sdug bsngal yin// nga yang rdo rje sems dpa' chen po nyon// gzhi dang snang ba 'brel med pa'i phyir// yuli ni 'khrul pa'i bag chags ltas pa'i phyir// nges med blo yis spyod yul sna tshogs pa// ma rigs med na gnod mi nus par gsungs// rdzogs pa chen po lta ba ye shes gting nas rdzogs pa'i rgyud las// snang ba nges med don dang mi 'gal bar bstan pa'i le'u ste bcu drug po'o// // de nas kun rigs chos rjes bka' stsal pam bsgoms shes pa rang yan bzhag gyur kyang // phyi rol yul gyi rnam pa gang la yang // 'khrul pa yin par shes phyir zhen pa med// chos brgyad rang sar grol ba mnyam pa'i phyir// skye bo nyid kyang ma spangs chos
- 203a
kyi sku// dper na a shu ka nyid bdud rtsir shes// de bzhin skye bo rang sems 'di nyid ni// bla ma'i don bstan tha mal byang chub sems// bdag nyid snying po don nyid ye nas yin// de nas 'dus pa'i rdo rje sems dpa' nyon// chos nyid don ma rtog pas skye bo ste// de nyid lung dang man ngag don stobs kyis// rang sems rtog pas skye bo men pa'i phyir// ma bsgom gol ba med par mkhas pas gsungs// ngo bo nyid la rtag chang med pa'i phyir// sems nyid rang gsal don gyis ma brjed pas// phyal ba lung ma bstan du gol sa med// dper na gser 'gyur rtsi yis gang thebs rnams// thams cad gser las gzhan du mi 'gyur// bzhin// de bzhin mu stegs skye bo'i sems nyid kying // man ngag gser 'gyur rtsi yis thebs pa'i sems// mu stegs rnams kyang ye shes bde ba'i ngang // yul la mi zhen phyir na sgom du med// rdzogs pa chen po lta ba ye shes gting nas rdzogs pa'i rgyud las// ma bsgoms kyang gol sa med par bstan pa'i le'u ste bcu bdun pa'o// // de nas rdo rje sems dpas yang zhus pas// rang sems snying / bo don rdzogs lta ba yi// nges don gdams dge rtogs pa'i 'bras bu gang // ngo bo nyid kyi lhun grub lta ba gang // snang meng blo dngos don ni ji ltar cig/ ma sgoms 'bral med don ni ji ltar 'grub// ye shes don ni ji ltar mtshon du med// nyams dang brtags kyi rim pa ji ltar 'byung // de skad gsol bas thugs chung bka' stsal pa// sa mkhan ldan pa'i kun tu rgyu ba ltar// 'khor ba myang 'das nyid kyi bar do ru// thog
- 203b
mtha' nges par gcod pa'i gradams ngag gis// rang byung ye shes ngo bo nyid sku rtogs// 'bras bu skye shi med par mngon sangs rgyas// nga yang rdo rje sems dpa' yid kyis nyon// sgron steg mun pa nges par sangs pa bzhin// skye shi rnams gnyis 'byung ba'i bar do ru// rang sems chos sku ngo spyod man ngag gis// ma rigs 'khor ba sangs nas rig pa rgyal// nyon mongs bag chags gzhi nas med// chu bo chen po gzhung 'dril/ skam med bzhini// ting 'dzin mnyam bzhag rjes thob par ngo ruka/ rgyun tu 'brel med nges pa'i gdams ngag gis// bar chad rkyen thub don la 'bral ba med// gzhan du ka nas yengs par 'byung mi srid// nga yang 'dus pa'i 'khor gyi snying po nyon// ngang pas chu 'dres 'o ma bcud len bzhin/ zhen pa'i yul sems gnyis kyi bar ngo ru// phyi yi gol sa bcad pa'i man ngag gis// spong sdud zhen pa'i yul 'di med pa'i phyir// yul med rgod 'phro bying rmugs bzhin nas dag/ dper na yid bzhin nor bu rin chen ltar// srid pa dag gis las kyi bar do ru// sangs rgyas 'byung ba'i dus kyi man ngag gis// mthar thugs 'bras bu nges pa'i yon tan 'byung // phyis ni skye ba gzhan du len mi srid// nga yang 'dus pa'i 'khor rnams legs par nyon// g.yul ngo legs par rgyal ba'i dpa' bo bzhin// bdag gzhan rtsod pa byed pa kun las rgyal// gol med rtsod pa'i tshig gis man ngag bzhin// rang gzhung zab par nges pa'i khyad chen 'phags// de phyir 'jig rten gsum na 'gran 'da' med// de yang 'dus pa'i rdo rje sems dpa' nyon// de yang gdan
- 204a
ngag don bstan 'bras bu yang // phyi ma ma yin dus 'di nyid du rtogs// de phyir 'bras bu nges pa'i sangs rgyas thob// che ba'i yon tan lhun gyis thams cad rdzogs// rdzogs pa chen po lta ba shes gting nas rdzogs pa'i rgyud las// nges don rtogs pa'i 'bras bu bstan pa'i le'u ste bcwo brgyad pa'o// / de nas der 'dus pa'i 'khor la bka' stsal pa// rang sems ngo bo nyid kyi lhun grub ni chos rnams kun gyis rtsa ba reng rig sku// de nyid ye shes chos skur lta ba'i phyir// rgyal ba'i thugs nas dmyal ba yan chod kyi// kun gyi gzhi ni rang byung ngo bo nyid// rang sems gnyug mar gnas pa 'di nyid na rgyu rkyen ma bskyed yang dag yod pa'i phyir// mtha'i sgro skur bral la rig pa gsal// de ldan chos sku gzhi nges yin par bshad// nga yang 'khor gyi rdo rje sems dpa' nyon// nges pa'i gdang chen lha sgom spyod pa dang / 'bras bu bslu med yis gdengs ldan pas// de la lta ba'i gdengs gis nges pa'i don// zin phyir kun bzang ye shes rgyal ba'i thugs// dge la dad cing mos pa'i rgyu mi dmyigs// sgom pa'i gdongs chen don la ma yengs na// ched du gtad la sgom ni mi dgongs pas// byung gdong nas ni snying po skye 'gag med// de phyir rang gsal ye shes chos kyi sku// 'khor 'das cho sa la spyod pa'i gdangs ldan phyir// ci sbyong don ldan tsham tshom med par bstan// nyam nga med par brtul zhugs mchog spyod pa// ye shes bla med sangs rgyas dgongs pa yin// de yis 'bras bu nges pa'i chos nyid de// sdug bsngal mi
- 204b
'byung mya ngan 'das pa ste// skye 'chi med pa'i ye shes rig pa'i sku// de phyir da lta chos sku kha mig can// rdzogs pa chen po ma rig mun pa sel bar byed pa ye shes gting nas rdzogs pa'i rgyud las// ngo bo nyid kyi sku la rang zhung bskan po len ste bcu dgu pa'o// / de nas 'dus pa'i 'khor la dka' sprul pa/ sems can ma 'phrul sangs rgyas med pa'i grong // de bo nyid kyi sbru la rang byung snyam/ de nyid gnas lugs yin pa'i phyir// de rtogs ches sku mya ngan 'das pa'i chos// kun tu bzang po rang byung ye shes thugs// rang sems rang gis rig pa chos kyi rje// rang sems ra 'byung 'gro drug sems can gyi// kun gzhi gzhi cha chos sku ye shes lo// gsum ldan 'khor ba'i sgrib pa lus yin phyin// dus tshod bla ma'i gdams ngag bstan pa'i don// gzhi cha chos sku rang byung de nyid dang // dang po sems nyid ngo bo nyid kyi sku// snga phyis ma slang chos sku gcig pa'i phyir// blo dngos gcig pa'i don la sgom mi dgos// da yang 'dus pa'i 'khor rnams yid kyi nyon// sangs rgyas ye shes thugs dang sems can sems// 'bral med so sor snang ba ma yin te// btsal med rang sems chos skur cig pa'i phyir// blo dngos cig par yis ched sems nyid yin// de yang 'dus pa'i 'khor rnams yid kyi nyon// 'khor// / pa'i sdug bsngal lus 'di sgrib g.yogs dang / sangs rgyas sku dang sems can nga ni yin phyir/ kho ma 'di nyid yin rtogs chos skul/ mang ngo med par blo dngos ngos gcig bangs su nyid 'dzu/
- 205a
rkyen gyi 'gyur// de bzhin skye bo rang sems 'di nyid la// bla ma'i rkyen gyis rtog pas bsgoms mi dgos// ma sgom phyir na gol med blo dngos gcig/ nga yang 'dus pa'i 'khor rnams nyid kyi nyon// ye shes rtog nas mnyam pa'i don nyid la// rgyub tu ma rjed rig pas gsal theb na// bag chags nyon mongs rtog pa'i skyon gyis kyang // de la rdul tsam mi sgrib ye shes gsal// dper na skyes bu sngags kyi gdengs ldan pas// dug ma gsal bar dug nyid sman 'gyur ltar// snga phyir ma song chos sku yin shes nas// spu phyi ma spangs blo bur rang stong phyir// blo dngos dbyer med rtog pa'i tshad yin// rdzogs pa chen po lta bya ye shes gting nas rdzogs pa'i rgyud las// blo dngos gcig par bstan pa'i le'u ste nyi shu pa'o// // de nas 'dus pa'i 'khor la bka' stsal pa// rang sems don rtogs snying po chos sku las// bsgo bya'i ye shes chos sku gud na med// snga phyi sems kyi ye shes mtha' bral phyir// ma nor bsgom pa po yang ga la yod// de ltar sgom chen sems la dngos med na// mi gnas mi rtogs 'jog pa rnal 'byor min/ rdo rje sems dpa'i snying po de yang nyon// a ti rdzogs chen chos sku bden gnyis bral// ngo bo nyid kyi rang shar ye shes ni// yod med dbus kyi ye shes mtha' gsum bral// yul la spong sdud gnyis pa gdod/ na med// dper na nam mkha' rang du shes pa bzhin// ji bzhin ma nor rang sems rtogs pa yis// lus ngag ma skyes rtog pa'i gzhi med phyir// dkyil krung drang 'dug smra bcad kha na med// de phyir sems kyang
- 205b
dngos med rtag chad bral// rtog spang mi rtog sgom pa'i khar mi 'ong // ye shes lta ba'i shugs las byung ba'i phyir// rnal 'byor dmigs pa'i sems kyi sgom mi dgos// rnam rtog rang sems ma skyes ye shes med/ phyir// dang ldan ched du bsgom pa rten mi dgos// sems dpa' 'dus pa'i snying po de yang nyon// yul gyi snang ba spyod yul ma grub phyir// nam mkha' lta bur ye shes rang shar bas// rang sems chos sku'i ngang du don rtog pas// rnal 'byor ci yang yid la mi bsgom na// yang dag lta ba'i don dang thun pas grub// rdo rje sems dpa'i snying po de yang nyon// rdzogs chen gol sa bcad phyir sgom med de// ye shes sgom mo dag tu rab rtog na/ sgom kyang skyon med chos dbyings na mkha' 'dra// sgom med des ni kun gyis re ba bskang // kun la khyab phyir ma rdzogs med mod kyi// kun gyis gdams ngag ma 'phrang rtog par dka'// rdzogs pa chen po lta ba ye gting nas rdzogs pa'i rgyud las// ma bsgom 'bral ba med pa'i le'u ste nyi shu gcig pa'o// / kun rig rgyal po chos rjes bka' stsal pa// rang sems ngo bo nyid kyi chos sku ni// dbang po mngon sum mi gnas kun la khyab// chos sku tshig tu 'di zhes bstan pa ni// rdo rje sems dpa' nyid kyis mtshon du med// nga yang rdo rje sems dpa' yid kyi nyon// 'khor 'das tshig las 'das pa'i ye shes ni// dbyings dang kha dog dbang po'i spyod yul du// sangs rgyas nyid kyis bstan cing mtshon du med// mtshon cing brtag par dka' ba'i rang sems don// yod med dbu ma las 'das pa'i byang chub de// dngos med yid la dran pa'i
- 206a
ye shes ni// kun bzang nyid kyis mi gzigs lta ba mchog/ bzung 'dzin mthu ltas rnam smin lus 'di la// dbang po yul rnams ming du brjod byed kyang // don la phan par rdul tsam mtshon mi nus// dper na bum pa nang gis na mkha' la// dngos med brjod kyi nam mkha' chen po min// de bzhin rtse gcig mi rtog don bsgom kyang // ye shes rang shar chen po'i lta ba min// bum chag na mkha' chen por thom pa bzhin// lus bral rang sems ngo bo nyid kyi sku// de nyid rig par gsal btab bde ba'i klong // de tsam nyid las kun tu bzang pos kyang // ngo bo nyid kyi chos sku mtshon mi mkhyen// rdzogs pa chen po lta ba'i ye shes gting nas rdzogs pa'i rgyud las mtshon du med pa'i le'u ste nye gnyis pa'o// // de yang 'dus pa'i rdo rje sems dpa' nyon// nyams dang rtog kyi rim pa ngas bshad kyis// legs par bzang la yid kyis da nyon cig/ zhes med rang gsal bde la mi g.yo ba// de nyid rang rig chos sku ye yin zhes// de phyir gol ba med pa ye shes klong // de las mi 'da' rdeng chud mchog gi mnyam// nga yang rdo rje sems dpa' chen po nyon nges don nang du gsal la zhen med bde// chos nyid don rtog ye shes mi g.yo ba// rgyun tu 'bral med rang gsal mi rtog nyams// de don rkyen gyis mi 'gyur rang rig sku// thog mtha' chod pas ma rig mun pa med// de phyir rang byung chos sku nyams chen la// dus gsum cig par bying rgod 'phel sgrib med// de yi yon tan rang byung na mkha' dang nyams// da yang 'dus pa'i 'khor gyi snying po nyon// gdams ngag gnod chud do//
- 206b
la nyams pa med// chos nyid don las mi 'da' rgyal ba'i thugs// ched du mi dmigs ngang la gnas pa'i tshe// lus ngag spyod pa gang yang nyams pa med// de nyid sangs rgyas dgongs pa nyam su myong // lta// ba'i gdeng ldan ye shes rang gsal thugs// de yi yon tan sangs rgyas chos kun rdzogs// phyi ma ma yin dus 'dir 'bras bu smin// nga yang 'khor gyi snying po legs par nyon// rang byung gdal khyab bde ldan dgongs pa'i nyams// sen dus na sangs rgyas 'bras bur ldan// de'i ye shes da lta nyid kyi sems// de ltar rtog pa dgongs pa'i nyamasu gsungs// nyams kyi rim pa de dag gsungs pa yang // ngo bo tshe// sku don cig rang byung sku// de don yang dag 'bras bu gzhi la cig/ dus gsum rgyal ba'i yon tan ma lus pa// rnal 'byor dam pa de la chung zhing zlogs pa'i rgyud las// nges pa don gyi lta ba gdengs nyams bstan pa'i le'u ste the gsum pa'o// // de nas kun rig sems kyi rgyal po yis// don gyi rtags chen 'khor la bka' stsal pa// rmi lam bag chags byang rtag 'byung ba dang // sa thob ltas dang sa non ltas rnams dang // nang rtags rlung gsum ldan pa'i yon tan dang // 'bras bu da lta nyid grub nges par gsungs// nga yang rdo rje sems dpa' yid kyi nyon// de don nges rnyed nyams ni gsal ba la// rmi lam bag chags ngag rtags 'byung ba na// rtag tu gcer bur phyung dang me dpung sregs// chu bo'i pha rol tshong par rgyal ba dang // bum chus spyi nas dag par 'khru 'dong dang // na mkha' dag la 'phur dang dkyil krung 'chal//
- 207a
@yang rdo rje sems dpa' yid kyis nyon// rnal 'byor dam pas thob 'byung ba yang // ljon shing 'dzeg dang mchod rten khar phyin dang // khams gsum dus cig mthong gyur ma zhen 'byung // tinge 'dzin gyis sa ni nges par non// de rtogs ltas ni 'byung bar gsungs pa ni// na mkhar seng ge zhon 'gro nyam nga med// dpung pa g.yas g.yon nyi zla 'char ba dang // ri rab khar khyer mkha' la nges par 'gro// sprin lding steng na 'dug pa la sogs 'byung // de yang 'dus pa'i tshogs kyi snying po nyon// rnal 'byor dam pa skyes mchog don ldan la// rtog pas bar mchod pas ye shes rlung // mnyam nyid mthar phyin lam chen kun bsgral bas// ci spyod ting 'dzin las ni ma nyams rlung // goms pa'i rlung su shin tu gsal 'gyur te// rgyal ba'i dgongs pa chos nyid rang byung klong // bdag gzhan gnyisu mthong ba ci yang med// de phyir klong gsum/ ldan pa'i ye shes bshad// rdzogs pa chen po lta ba ye shes gtong nas rdzogs pa'i rgyud de las rtags bstan pa'i le'u ste the bzhi pa'o// // de nas 'dus pa'i 'khor gyis yang zhus pa// rang sems don rtogs rnal 'byor spyod pa la// 'ching grol med pa'i spyod pa'i don ni gang // sa lam spyang du med pa'i don ni ce// / dam tshigs bsrung dang nyam pa ji ltar med// la bzla don gyi lta ba gang la bgyi// de skad gsol ba'i don gsan bka' stsal pa// sangs rgyas rnams kyi dgongs pa ji lta ba// rang gi mtshan nyid ma bcos de bzhin nyid// chos sku skye med rtogs nas 'gro don du// ji ltar snang ba'i gzugs can sprul pa'i
- 207b
skus mdzad pa bcu gnyis 'gro don mthar phyin pa// thugs rjes sprul pas gdul bya kun 'dul yang // ye shes blo ldan rlom sems rdul tsam med// bdag dang gzhan du rtog pa med pa'i phyir// ye nas gnyis med don cig chos kyi sku// mthun 'jug mtshan ma spyod pa rgya mtsho ni// thugs rje chen po'i 'gro don rdzogs par mdzad// rang byung ye shes dbyings las ma g.yos kyang // 'gro ba'i dpal mgon kun tu bzang po/ ste/ bdag dang gzhan don blang dor med pa'i phyir// spyod pa rgya mtshor sna tshogs ci bde spyod// pad+ma skye ba'i rgyu ni 'dam yin te// de la 'dam gyi skyon gyis ma gos bzhin// chos nyid blang dor med par rtogs gyur na/ ye shes rtogs med nyams pa rdul tsam med// thun 'tshams mi bsgom rgyun gyi rnal 'byor la// 'chang grol spyod pa med phyir gol se med// rdzogs pa chen po lta ba ye shes gting nas rdzogs pa'i rgyud las spyod ba 'ching grol med par bstan pa'i le'u ste the lnga pa'o// // kun rag ston pa chos rjes bka' stsal pa// bde gshegs mya ngan 'das pa nges pa'i don// sa la ma yang dag chos sku gcig las med// gong 'og nye ring yod par gsungs pa yang // blo dman drang ba'i don du bshad pa yin// 'dus pa'i 'khor rnams yid kyis nga nyon cig/ sa med rdzogs chen chos sku ye shes sa// gar yang mi 'gro sa mchog sbyin chongs// bgrod med sems nyid ye shes mchog gi lam// ye shes chos sku mthar phyin chos nyon sa// rdo rje sems dpa'i snying po de nyon cig/ sa ni dang po 'khor bar mi ldog sa// snying po byang chub mchog
- 208a
@ni yin zhes na// bza' zhing bgrod pa'i yul ni ga la yod// bya med rdzogs pa'i ngang du rab rtogs na// lam la gza' zhing sa sbyang yul las 'das// bgrong med snying po lam gyi mchog ston pa/ gzhan nas btsal bas rnyed pa'i gnas med de// ye shes chen po kun tu khyab gnas pa// rang byung ye shes rang rig 'od gsal bas// sa lam btsal du med de snying po'i don// rnam par snang mdzad che mchog kun tu bzang // de yang rdo rje sems dpa' yid kyis nyon// dper na rgyal po gzhan du mi 'gro bzhin// rang sems yul la mi spyod don la gnas// de tsam nyid ni chos sku bde ba'i klong // sa lam ma bgrod chos nyid ye shes sku// sa dang lam la ltos na byang chub bgegs// rdzogs pa chen po lta ba ye shes gting nas rdzogs pa'i rgyud las// sa lam sbyangs du med pa'i le'u ste tho drug pa'o// // de nas 'dus pa'i 'khor la bka' stsal pa// dam tshig bsrungs nyams med pa'i ye shes ni// 'og ma bzhin du dam dum bcas pas// nyams pa med phyir ye bsrungs chen po yin// gdengs ldan lta ba'i dam tshig rgyun tu d+hA/ ched du ma yin rang rig don gsal bas// ye bsrung rkyen pol bang mtshig yin/ da s+yAng dus par 'khor rnams ying rgyas hon// theg pa'i khyang par ji snyed grags pa dang // tshul khrims sum phyi nang mi tshig kyang // 'gro ba gdul bya'i ji ltar 'dod par ston// tha snyad tsam du 'dul zhes bya mod kyi// dam du dam bca' don la rdul tsam med// dam du bca' ba med pa'i ngang rtog na// dam du bcas kyang skyon med
- 208b
nam mkha' 'dra// 'dus pa'i rdo rje sems dpa' de yang nyon// chos sku mi g.yo thugs kyi dam tshig ste// blang ngor med pa spyod pa'i dam tshig yin// rang sems mi spong ye shes chen por gnas// dus gsum don dang ma// bral nyams pa med// rdzogs pa chen po lta ba ye shes gting nas rdzogs pa'i rgyud las dam tshigs bsrungs par bstan pa'i le'u ste the bdun pa'o// // de nas 'dus pa'i 'khor la bka' stsal pa// la bzlas pa yi ye shes chen po ni// kun gzhi bzhi cha mkha' la nyi shar 'dra// thams cad 'dus rang snang ye shes gsal// e nas rtsal med 'bras bu mngon sangs rgyas// rgyal ba kun gyis spyi med chen po ste// gol med gdod nas dag pa chos kyi sku// rang byung 'gag pa med pa ye shes klong // lam lnga ma bgrod sangs rgyas sa yi mchog/ cir snang dmigasu med pas rang byung sku// gzhan la smon du mod par rang la rdzogs/ chos sku 'di ni gzhan nas mi rnyed pas// rtog par 'don na rang gi sems la tshol// sems la don rnyed nus pa'i rnal 'byor pa// 'khrul pa med phyir sems can 'khor ba med// rang rig rtogs pa'i don las ma rtog/ ba khede zhing skying pa'i sangs rgyas log na med// de phyir rgyu las mi brtsol 'bras bu la// re dog rtsol ba rgya mtsho'i chu bor na// smig sgyur ri dwags chur thog snyeg pa bzhi// / sgom med don gnyis bor nasu sgom pa// byang chub med par rang gi sdug bsngal snon// da yang rdo rje sems dpa' yid kyis nyon// rang rig 'di nyid rtogs pa'i rnal 'byor pa// ye shes bcung nyid chos kyi gter du smin// na mkha' go yangs 'byung ba'i ma
- 209a
tu bde// rtogs pa'i go yangs sangs rgyas lam du bde// gdams ngag go yangs sgom pa'i lam du bde// dus gsum 'gyur med rang rig lta ba'i dbyings// 'dod dgu rang las yon tan 'char ba'i phyir// sgyur 'bras gzhan la rag ma lus pas zab// ye nas chos nyid ye shes rang byung la// 'khor bar gnas kyang sgrib pas gos pa med// de phyir don rtogs da lta nyid na ni// chos sku mngon du gyur pas sangs rgyas yin// rdzogs pa chen po lta ba ye shes gting nas rdzogs pa'i rgyud las ye shes don las bzla ba'i le'u ste the brgyad pa'o// // de nas rdo rje sems dpas yang zhus pa// nges don chos sku rtog pa'i rnal 'byor la// dug lnga ma spangs rang grol ji ltar 'byung // tshogs ma bsags par gzugs sku gang las 'byung // gong 'og the tshom bgegs ni ji ltar spyad// de skad zhus pa'i don gsan bka' stsal pa// dug lnga ma spangs rang sar grol ba yang // dper na rin chen 'od kyi mun med ltar// 'khor ba'i thog mtha' rtsad nas chod pa'i phyir// ngo bo nyid kyi sku ru rang rtogs na// gdod nas ma rig dag pas gti/ mug bral// da yang 'dus pa'i rdo rje sems dpa' nyon// ma rig med phyir zhe sdang yul med phyir// kha dog yul la mnar sems byed pa yang // ba mo ma ni nyi shar dngos med ltar// yul dang 'bral med dran pas zhe sdang grol// pho mo chags pa las kyi skyes 'gyur tshe// snga phyir ma song de dus chos skur shes// gzugs brnyan brda' yi chags med rmi lam bzhin// chags pa nyid na rang byung skyon mi dgos//
- 209b
de yang 'dus pa'i snying po yid kyis nyon// nga rgyal chen po rang sems rtog pa 'chang // de phyir lhag mthong rig pa'i rang rgyal des// log rtog 'khor brtsad nas gcod pa'i don// dran pa'i ye shes nga rgyal byung thugs// lta ba ma nor man ngag gdeng gi 'phrang // gol sgrib skyon med rang rig chos nyid la// dgag sgrub med pas phra dog rang sar grol// thugs lnga spyad pas rang byung ye shes thugs// rdzogs pa chen po lta bu ye shes gting nas rdzogs pa'i rgyud las// dug lnga rang grol bstan pa'i le'u ste nye dgu pa'o// // de nas 'dus pa'i 'khor la bka' stsal pa// rang sems chos sku chen por gsal gyur/ na/ yis tshogs chen rang rig byang chub thugs// dper na rgya mtsho rnyog med dngas gyur na// na mkha'i bza' skar 'byung ba mi 'gag bzhin// chos nyid dang la longs spyod rig pa'i rgyun// de yi sprul pa sna tshogs sprul pa'i sku// de yang rdo rje sems dpa' yid kyi nyon// chu nyid chags kyis btsags kyang gzugs brnyan med// de bzhin ngo bo nyid rtogs chos sku la// kun bzang nyid kyis shes bzhin gzugs brtsal kyang // rdos pa'i lus can sangs rgyas nyid mi rnyed// bsod nams tshogs kyis sangs rgyas 'byung ba min// rimi dgu ston pa'i sangs rgyas gzugs kyi sku// mos pa so sor 'dul phyir snang med kyang // brgyud nas chos sku rtogs pa'i thabasu bstan// smon lam dbang gis 'gro don byed 'dod pa// 'og ma'i blos bzhag sangs rgyas chos sku min// de phyir rang sems ma rtogs dge ba yi// rgyu med 'bras bu mi 'byung dpe
- 210a
@#bzhin du// bskal pa stong du tshogs bsags sgrib sbyangs kyang // 'bras bu gzugs sku sangs rgyas 'byung mi 'gyur// nga yang 'dus pa'i dngang ldan 'khor kun nyon// gser sbrul mig gis 'dod pa'i yon tan lnga// dus gcig nyamasu myong ba'i dpe bzhin du// ngo nyid kyi don rtogs chos kyi sku// de don rig pa longs spyod rdzogs pa'i sku// sna tshogs nyid na gsal thebs sprul pa'i sku// bskal med rtog pa dka' phyir gsang ba'i sku// blo dngos gcig phyir mngon par byang chub sku// de rnams gcig gis yon tan sngar snang bso// sangs rgyas 'gro don brtsal mi dgos pa'i phyir// sems can nyid ni rang byung chos kyi sku// rdzogs pa chen po lta ba ye shes gting nas rdzogs pa'i rgyud las// chos sku rtogs nas gzugs sku 'byung bar bstan pa'i le'u ste sum cu pa'o// // de nas 'dus pa'i 'khor rnams kyis// the tshom bgegs chen don zhus pa// 'khor 'das spyi mtshan sems yin phyir// rtogs na kun kyang yin te ma rtogs min// a ti theg chen snying po rdzogs gzhi la// yod med gang yang rtag chad skyon yin phyir// ma nges sgyu 'bras lam pa'i kha rje la// sangs rgyas 'bras bu mi thob snying rje'i gnas// de yang 'dus pa'i 'khor rnams yid kyis nyon// 'jig rten pa dang 'das pa'i chos rnams kyis// gnyis ka'i gzhi ni ngo bo chos skur nges// yul/ gyi snang ba ma nges sna tshogs pa// blang dor med cing chos rnams lhun gyis grub// 'dus pa'i snying pos don gsol pa// yul nyid sems sam sems nyid yul// yul nyid yin phyir yul la sdug bsngal rigs//
- 210b
sems nyid yul na rang sems bem byor sprul// slong sdud kyi shes zhen pa rgyu ba ma// de pyir rdzogs chan chas sgyu na med yang // yang 'dus pa'i 'khor gyi snying banyan// yul nyid thong snang zhen pa rnams kyi spyos/ blang dor med phyir gnyen pos brtsal mi dgos// de tsam nyid na bsam gton mchog gi lam// de la gnyen po mang phyir blang med chos kyi sku// 'dus pa'i gtso bos yang zhus pa// sgom du yod med sgro sku ro mthar lhung phyir// sgom yod zhi gnas mtha' la zhen pa ste// ma rtog sgom med don gyi gdeng dang bral// de phyir mthil lta ba nor ba'i blo// da yang dang ldan 'khor rnams yid kyi nyon// a ti'i man ngag chos sku'i snying po 'di// bsgom kyang log med rang sems nam mkha' 'dra// ma sgoms pas kyang chos sku stor bral med// byang chub lam du sems nyid rtog pa bces// rdo rje sems dpa' yid kyis don zhus pa// sangs rgyas sems can gcig gam tha dad lags// tha dad 'bral med thugs rjes phan mi nus// gcig na 'gro drug sdug bsngal ci phyir 'byung // kun rig ston pas bka' stsal yid kyis nyon// de nyid sor snang ba ma yin te// rtogs na ngo bo gcig phyir thugs rje 'byung // rang sems ma rig rnam rtog sdug bsngal yin// don la dbyer med sems nyid lhun gyis grub// 'dus pa'i tshogs kyis rang don yid kyis zhus// sangs rgyas sems can rgyu 'bras yin gyur na// sangs rgyas las byung rnam gsum don mid 'gyur// seMn las byung tshogs gnyis 'dus mi rtags// kun rig ston pas bka' stsal pa// sangs rgyas sems can rgyu 'bras ro
- 211a
gcig phyir// ltos pa'i gcig la cig byung ma yin te// gnyis ka'i ngo bo rang sems chos skur gcig/ sangs rgyas sems can skyon yon rnam pa gnyis// chos nyid 'khrul pa gang rung gzhir gzhag la/ gnyis ka ltar yang rtsod na mi 'gal phyir// ma rig ye shes gang zag phyogs bzung na// kun kyang yin la thams cad med pa'i phyir// rgyu yon dang ni rgyu med gang 'khrul pa// gzhi 'jog ma nor shin tu gces par gsung/ rdo rje sems dpa' 'khor gyi don zhus pa// rang la yod na mkhas pas ji ltar ston// ye nas yod na man ngag bstan mi dgos// med na ri bing rwa bzhin rgyu mi dmigs// kun rig rgyal pos 'khor la bka' stsal pa// ye nas rang la yod pa'i chos sku ni// bla mas mtshon nas rang sems don bstan pas// ma rig rnam rtog chos skur shes pa las// logs nas brtsal bas ma rnyed pa ma yino// dang ldan 'khor gyi don ched yid kyis zhus bla ma'i gdams dge yul la mi rtog pa// rtsam du nyams myong zhi gnas skyon yin phyir// rtog ni rang rgyud yin phyir man ngag min// ma dran 'du shes 'gag phyir gnyid du thal// nga yang rdo senga'i yid kyis nyon/ yul la mi rtog de nyid bsam gtan te// rtog dang mi 'dra gnyis ka'i gzhi yin te// thog mtha' tshong na chos nyid byang chub sems// de nyid rang byung ye shes don rtog na// yul nyid mi rtog sgom pa'i don nyid shar// man ngag gis ni bcos na don dang 'gal// ma bcos man ngag bka' la dgos pa med// yang 'dus pa'i 'khor rnams yid kyis nyon// lung bstan mkhas pa'i man ngag don zab kyis// kun gyi gzhi cha chos sku/
- 211b
/ ngo bo nyid// bcos su med par rang sems na mkha' 'dra// sgo lnga yul nyid 'khrul phyir 'brel pa chong// yid la lta ba bstan pas nyon mongs grol// de phyir bka' don rtog pa shin tu gces// rdzogs pa chen po lta ba ye shes gting nas rdzogs pa'i rgyud las the tshom gags ser bstan pa'i le'u ste so gcig pa'o// / de nas 'dus pa'i ched du yang zhus pa// bar chad mi 'byung spyod pa'i dam tshig gang // rnal 'byor lta ba nyams pa'i skyon ni gang // de la bskal thabs ji ltar bstan par bgyis// skyongs pa'i 'bras bu ji ltar 'byung ba lags// mnyam pa'i rgyal pos lung ni bstan du gsol// zhus pa'i don nas thugs kyis bka' stsal pa// bar chad mi 'byung spyod pa'i dam tshig ni// nges pa'i lung bstan man ngag 'chang ba yis// rdo rje slob dpon sku dgra brnyas byed dang // skad cig tsam yang mi 'grags spong rgyu la// 'dris shes gus par byed ba'i slob ma de// mkha 'gros par gtsod tshe thung nang mang 'byung // phyi ma rab tu tsha ba'i dmyal bar skye// skra dgra bsgral cing spangs na dngos grub 'byung // da yang 'dus pa'i snying po yang nyon cig/ de yi phyogs 'thun dam tshig bsrung ba'i phyir// dam nyams thabs dang nag mo 'dzings pa yis// shugs sngams mi bya bka' las 'das par gsungs// byas na gtsang rasi chos skyong mgon khros nas// gos ka 'byung zhing sgrub pa'i lha dang 'bral// phyi ma dran nyams lkugs pa'i dmyal bar skye// de phyir bya ba sbyangs la don la banag// nga yang 'dus pa'i snying po yang nyon cig/ nges pa'i rnal 'byor lung bstan pas// rigs 'dzin spyod pa bstan pa'i phyir// rta bong che/
- 212a
@6zlum sha rnams rtag tu spangs// ma spangs dgra rkun rnams kyi bar chad yod// phyi mar yi dwags 'dre srin gnas su skye// de phyir nges pa'i rnal 'byor lung bstan gyis// de bas gtsang sbra bram ze bzhin du spyad/ de la rigs 'dzin byin gyis rlob par nges// da yang rdo rje sems dpa' yid kyis nyon// bla ma'i thugs kyi dam tshig bsrung ba'i phyir// yang dag nges par bka' don 'di yi chos// snod ldan las can slob ma dad pa yis// nges don ma nor rgyal ba'i bka' yi lung // theg dman bstan bsrungs chos dang 'di rjes na// 'di la bar chad tshan can brjod mi lang // phyi mar rdo rje dmyal ba chen por ltung // de phyir rang gi sems la bcad par gyis/ nga yang 'dus pa'i rdo rje sems dpa' nyon// 'jig rten mkha 'gro dam tshig bsrungs pa'i phyir// rnal 'byor ting 'dzin mi g.yo don ldan pas// khyod shi yugs sa ngo gnog de ma thag/ gzhan gyis ma spyad khras nas ma ston la// 'khrig pa sbyang na bar chad 'gro ba'i nang // yun rings thebs te dud 'gro skur bar skye// de phyir mkha'agro rtag tu mchod par bya// de bas thun mong mchog gi dngos grub myur// nga yang 'dus pa'i rdo rje sems dpa' nyon// de dag bar chad mi 'ong dam tshig la// srog la bab kyang ma nyams bsrungs gyur na// rgyal ba rnams kyis byin gyis rlabs cing ye shes tshogs// 'bras bu ci bsams 'grub cing chos skur smin// rdzogs pa chen po lta ba ye shes gting nas rdzogs pa'i rgyud las spyod pa'i dam tshig bsrungs par bstan pa'i le'u ste so gnyis pa'o// // de nas kun rig ston pas yang gsungs pa// snod ngan
- 212b
dmas kha bsags g.yo sgyu can// lung bstan nges pa'i don gyi gdeng med par// bka' la gzu lums byed cing na na rtags kyis// blos byas tshig tsam mang du smra byed cing // don med nga rgyal dregs pa'i mkhas/ 'dod pas// rang gi lta ba yi ribs mtho bzhed nas// tshig la mnyam sbyor mkhas pa'i zla med kyang // dam tshig phyal por byang chub sems spangs nas// log 'dren khong bsog bden tshig ci smras kyang // 'khrul pa'i sems nyid log 'dren dbang du 'gyur// gnam lcags mkhas las 'dam du bying pa bzhin// dmyal bar gtan du nges 'gro skang re rje// nga yang 'dus pa'i rdo rje sems dpa' nyon// gsang ba'i gsang sngags/ lta ba'i sgor zhugs nas// yang dag chos nyid don la mi 'dud par// mi chos lus ngag g.yengs pa'i las byed pa// ri bos srog chags chung ngu bsnan pa ltar// mi shes rang gi nga rgyal chos bsnyems byed pa de// nam yang sangs rgyas thar pa thob mi srid// nga yang rdo rje sems dpa' da nyon cig/ rgya mtsho'i 'dzings kyi pha bong dkyil skams lta// theg pa 'og ma'i sde snod chos ma nyan kyang // yang dag don gyi lta ba gdeng med par// tshig tsam lung las chos kyi khungs phyung nas// bya med chos kyi nga rgyal blo gtad nas// lus ngag rtsing chos phrad tul spyod byed la// sangs rgyas bka' kyang 'khor bas mi skyobs te// sdug bsngal ya nga'i 'bras bur the tshom med// lta ba nyams pa'i nyes skyon chen po ni// mthar med rdo rje dmyal ba chen por ltung // las dbang sgro skur ngan pa'i rkyen byas nas// thar med sdug bsngal bas mo 'das brjid mi lang //
- 213a
log lha'i dbang gis byang chub sems ni 'char mi srid// nyes pa'i skyon du bshad pa na ni pa'i phyir// shin tu rnal 'byor don nyid rtogs pa med// rdzogs pa chen po lta ba ye shes gting nas rdzogs pa'i rgyud las// rnal 'byor lta ba nyams pa'i skyon bstan pa'i le'u ste so gsum pa'o// // de nas kun rig ston pa chos rje kun bzang gis// rnal 'byor lta ba nyams pa bskangs pa'i thabs// 'dus pa'i tshogs la cheng du bka' stsal pa// rang gi byang chub sems da ma rtogs na// ma hA yo ga'i chos kyi tshogs mchod kyis// bskang bzhag phrin las gzhung du byas gyur kyang // rnal 'byor lta ba nyams pa skangs mi 'gyur// nga yang rdo rje sems dpa' yid kyis nyon// bla ma brgyud pa'i man ngag don ldan la// rang sems spangs gtsugs don zhus nas// rgyun tu mi gtong lta ba dran byas na// snying po mchog ni sangs rgyas chos kyi sku// bde chen thugs la gsal ba'i dam tshig ste// yan lag dam tshig nyams kyang sgrib mi nus// rgyun tu mi stong ting 'dzin don bstan la// 'tshams med la sogs byas kyang chos kyi sku// 'gyod pa drag po yid la byas nas lta ba ni// mi brjed gzungs tho so don la gus pa'i chos// sems la gsal bas rnam rtog ming yang med// de ni rang byung ye shes thugs la shar// de tsam 'di ni nges doni chos kyi sku// de rtog sangs rgyas rang byung bcom ldan 'das// thams cad mkhyen pa'i ye shes thugs la bkra/ de phyir man ngag nges don snying po 'di// skyabs dang mgon du lta ba mchog tu gsungs// rdzogs pa chen po lta ba ye
- 213b
/ shes gting nas rtogs pa'i rgyud las// lta ba nyams pa bsrung ba'i thabs bstan pa'i le'u ste so bzhi pa'o// // de nasna 'dus pa'i 'khor rnams la// kun bzang ston pa'i chos rjes bka' stsal pa/ lta ba nyams pa skongs pa'i 'bras bu ni// rang sems sangs rgyas snying po ye shes 'byung // rtog pa tsam gyis rang rig chos kyi sku// 'bras bu gzhan nas btsal mi dgos pas mchog/ rang byung gdod nas/ dag pas ngo bo nyid// chos sku 'gyur ba med pas ye shes bde// 'bras bu dus la mi ltos da lta nyid// ye dbang thob pas sangs rgyas kun dang mnyam// rnam smin lus 'di bral bas kun bzang thugs// / mi len 'bras bu mngon du gyur// byang chub mchog nyid rang byung mthar phyin pas// mi tshe 'di yi byang chub mchog thob pas// rgyu las mi ltos 'bras bu ye shes tshogs// da lta nyid rang rig kun tu bzang/ lus 'di bral bas sangs rgyas chos kyi sku// skye ba mi len 'bras bu mngon du gyur// dngos po lus med snying po byang chub sems// sprin med na mkha' gza' skar shar ba bzhin// rang sems rtogs bas 'gro don brtsal mi dgos// de yang rdo rje sems dpa' yid kyis nyon// ma rig 'khrul pa'i mun pa sangs// rig pa ye shes yang dag nges par rgyas// rnam pa thams cad mkhyen pa'i ye shes rab tu ldan// 'gro drug sems can lus 'di len mi srid // rdzogs pa chen po lta ba ye shes gting nas rdzogs pa'i rgyud las lta ba nyams pa skongs pa'i 'bras bu bstan pa'i le'u ste so lnga pa'o// // de nas
- 214a
'dus pa'i 'khor gyi snying po yis// ston pa kun bzang rdo rje chen po la// bden pa'i dgos don yod kyis 'di skad gsol// chos rnams kun gyi mtha' ni gang la thugs// theg dgu 'bras// bu rim pa ji ltar 'byung // rtsol med ngang du yid ches ji ltar 'dus// don gyis dbye ba'i bye brag ngo bo gang // thun mong chos rnams zil gyis ji ltar gnon// kun rig ston pa chos rjes bshad du gsol// / de skad zhus pa'i don chen nges bstan nas// kun rig ston pa chos rjes bka' stsol pa// lam gyi mthar thug 'gro 'ong nges pa 'ang // grong khyer nang du mthar thug 'gro 'ong bzhin// chos kun rtsa ba rang gi sems yin pas// de'i rtsa ba ma rig sems la thug/ chu bran kun gyis 'gro 'ong dus bzhir ni// rgya mtsho chen por mtha' gting med par thug/ de bzhin 'khor ba'i sdug bsngal chen po yang // skye rga na 'chi las ngan mtha' ru phug/ 'byung gzhi snang ba'i cho 'phrul cir snang yang // na mkha' mtha' dbus med pa'i ngang du thug/ de phyir yul sems 'dod gzhung cir bshad kyang // 'khrul pa'i rnamo rtog / min pa'i mtha' du thug/ de yang 'dres pa'i sems dpa' chen za nyan// chos kyi sgo mo brgyad khri bsam yas dang // ming bA smras theg dgu'i chos bstun po yang // rdzogs pa chen po chos kyi ru thug/ de phyir nges pa kun gyi rtsa ba yin// yis rnam lnga la sogs mdor bsdus pa// rang byung ye shes chen por 'dus pa'i phyir// rig pas bsdus pa'i chos kun rtsa ba ste// rang rig pa ma srad chos
- 214b
skur thug/ yul gyis bsdus pa'i chos rnams ma lus pa// yin min blo yis byas pa'i zhen pa la// bdag la mthar thug yod pa mtha' yin kyang // nges don mthar thug mchog/ rdzogs pa chen po lta ba ye shes gting nas rdzogs pa'i rgyud las chos nyid kyi mthar thug bstan pa'i le'u ste so drug pa'o// // de yang 'dus pa'i 'khor gyi tshogs rnams la// ston pa kun bzang rdo rje bka' stsal pa// sdug bsngal ched du spong ba'i nyan thos dang // ma rig rgyu ba 'gegs pa'i rang rgyal dang // rnam rtog rim gyis sbyongs pa'i mdo sde gsum// rang rang sgom pa ched/ du gzhung du byas// bskal pa chen po gsum du sgrib sbyangs nas// tha ma sangs rgyas sa la nges par sbyor// nga yang 'dus pa'i sems dpa' chen po nyon// lus ngag las kyi bya ba gtsor byed pa'i kri ya bya rgyud kyi theg pa ni// rang gzhung chos kyi yan lag tshang pa yis// mi tshe bdun gyis rigs 'dzin sa la sbyor// phyag rgya bzhi la rtsol sgrub byed pa'i phyir// byang chub lam lnga lhar rdzogs cho 'phrul gyis// rnal 'byor yo gi'i theg pa ni// mi tshe gsum gyisna rigs 'dzin sa la sbyor// nga yang 'khor gyi sems dpa' chen po nyon// nang pa ma hA yo ga'i theg pa ni// cho ga lnga'i rim pa rdzogs byas nas// gsang sngags yan lag lnga tshang nas// rnal 'byor zhag ni sum cu phrag drug na// tshe la dbang ba'i dngos grub thob par nges// lho ni nyis stong lnga brgyar rang gnas pas// longs spyod rdzogs
- 215a
@pa'i tshul du lus bzung nas// dus der sangs rgyas sa la nges par 'gro// sku lnga ye shes lhun gyis 'grub par 'gyur// a nu rje su yo ga'i theg pa ni// snying po dran tsam ma rnyed rdzogs pa'i phyir// gzhan gyis bar chod kyi tshe gcig gis// 'bras bu sangs rgyas sa la nges par 'gro// de yang rdo rje sems dpa' 'chad pa nyon// rdzogs chen nges don a ti yo ga ni// grangs dang dus la mi ltos rang byung thugs// chos sku ji bzhin ma nor rtog ba yis// 'bras bu sangs rgyas sku gsum dus gcig rdzogs// rdzogs pa chen po lta ba ye shes gting nas rdzogs pa'i rgyud las theg dgu'i 'bras bu bstan pa'i le'u ste so bdun pa'o// // de nas 'dus ba'i 'khor gyi sems dpa' la// ston pa kun rig chos kyi rje bo yis// rtsal med ngang du yid ches bka' stsal pa// ma bcos rnal du bzhag pa chen po der// theg dman rtsol grub ma lus kun 'dus ste// pha rol phyin bcu gsang sngags phrin las ma lus kun// byang ba med pa chos nyid ngang du rdzogs// ji ltar snang ba'i chos nyid kun// rtsol ba ma byas byang chub mi 'gyur dbyings// mi snang ba la mngon du 'byin nus phyir// chos kyi snying po yin par yid kyang ches// ye nas gnas pa'i rang byung snying po 'di// rgyu las ma byung rang byung rkyen gyis ma skyes pas// rtsol ba gang yang byed do chos sku ru// rang byung ye shes yin par yid kyang ches// gzhan las ma rtsal rang las rnyed pa'i phyir// gnyen pos ma skyed rang bzhini gnas pa na// lus ngag che du rtsal du med pas na// ma rtsal lhun gyis grub par yid ches kyang // phyi nang theg pa ma lus bka' yi don// chos rnams thad gtan la
- 215b
'bebs pa'i phyir// rtsol bas rtsol med don 'di bstan pa yis// ye shes sgron ma yin par yid kyang ches// sde snod chos rnams man ngag kun kyang ni// 'byung gnas gtan la 'babs pa'i chos yin pas// bstan pas go/ zhing rtog pa 'byung ba'i phyir// kun gyi spyi 'brel yin par yid kyang ches// drang don blo brid chos kyi rnam grangs kyis// rgyu 'bras theg pa kun las khyad par 'phags pa'i phyir// theg pa'i yang rtse yin par yid kyang ches// nges don snying po man ngag gsang chen 'di// dus gsum sangs rgyas kun gyi lam yin pas// nges don chos sku rtog pas chog phyir// rnam dag lam chen yin par yid kyang ches// kun gyi gzhi ma chos nyid rang byung bas// 'khor 'das gnyis kyi ma reg don ched 'di// kun gyi rtsa ba yin par yid kyang ches// sems can kun la khyab pa'i snying po 'di// thams cad rang las byung ba ye shes te// lung bstan gtan pas shes phyir nges pa'i don// nges pa'i sangs rgyas yin par yid kyang ches// ye nas gnas pa'i chos nyid snying po 'di// snang ba med par kun la khyab pa'i phyir// rtsol med ngang du rtsol ba 'dus pas na// chos sku brdul ba yin par yid kyang ches// / rang byung ngo nyid sku ye gnas la// gcig dang du mar bskrang du med pa ste// gcig shes pa ni chog pa'i don yin phyir// thig le nyag gcig yin par yid kyang ches// rang la yod kyang rtog pa dka' ba yis// ma bstan bar du/ mi shes pa snying // chos rnams kun gyis snying po chen po 'di// gsang ba'i man ngag yin par yid kyang ches// rdzogs pa chen po lta ba ye shes gting nas rdzogs pa'i rgyud las// rtsol med ngang du yid pa'i le'u ste so brgya/
- 216a
@pa'o// / de nas 'dus pa'i 'khor tshogs dang ldan la// kun rig ston pa kun bzang chos rje yis// don gyi dbye ba'i bye brag bka' stsal pa// chos kyi sku dang chos kyi dbyings gnyis ni// nyi ma'i snying po dang ni zer bzhin du// cig pa ma yin tha dad med pa'i phyir// zlog bcas tha dad ngo bo gcig par gsungs// chos nyid sku dang gzugs sku 'byung ba gnyis// na mkha'i zla ba dang ni chu ba zla bzhin// chos sku las ni gzugs sku byung ba las// gzugs sku las ni chos sku 'byung ba med// chos kyi sku dang ye shes rnam pa gnyis ni// til dang mar me dang ni 'od bzhin du// chos sku kun la don gyis khyab pa las// de don rtog pas ye shes nges par shes// de yang rdo rje sems dpa' chen po nyon// ma rig pa dang ye shes rnam pa gnyis// me dang chu gnyis mi mthun dpa' bzhin du// gcig yod na ni gcig med rkyen gyis 'gyur// de phyir lung bstan man ngag ces par gsungs// chos can dang ni chos nyid rnam pa gnyis// rtogs dang ma rtogs khyad par rnam gnyis kyis// snang ba dag dang mi dag gnyisu 'byung // de phyir gzhi la chos can chos nyid med// rdzogs pa chen po lta ba ye shes gting nas rdzogs pa'i rgyud las don gyi bye brag bstan pa'i le'u ste so dgu pa'o// / de nas 'dus pa'i 'khor gyi tshogs rnams la// ston pa kun rig chos rje chen po yis// thun mongs zil gnon bka' stsal pa// khyung chen bshog rgyas mkha' la lding ba la// ngam grog g.yang sa rgya mtsho nyam ming // de bzhin rang gi sems rtogs rnal 'byor pa// 'khor ba'i sdug bsngal zil gnon gnod mi nus// seng ge brtsal rdzogs gangs gong nyal ba la// gcan gzan char lhags
- 216b
zil gnon gnod mi nus// de bzhin rnal 'byor gdangs chen ldan pa la// khams gsum 'khor ba'i gol sgrib zil gyis gnon// da yang 'dus pa'i rdo rje sems dpa' nyon// snang med chos sku nges don rtog pa la// mtshan ma sna tshogs snang rung ma snang rung // skye 'chi med pa'i ye shes don rtogs na// rgyu rkyen 'dus byas rtag rung // e nas chos sku yin pa'i don rtogs ni// nga bzod rtsol ba byed rung mi byed rung // gzhi la gnyis med nges pa'i don mthong na// cig dang du mar byed rung mi byed rung // mnyam pa nyid kyis ye shes don rtogs na// mthon dman bzang ngan byed rung mi byed rung // rang byung bgrod pa'i don rtog na// sa lam rim par bgrod rung mi bgrod rung // ye shes gsal sgrib med pa'i don rtogs na// snang ba mun pa srong rung mi srod rung // de yang 'dus pa 'khor kun nyon// rang byung rig pa 'di yis don rtogs na// sangs rgyas ye shes snying po chos sku yang // da lta sgrub nas 'byung ba ma yin te// ye nas rang la gnas pa'i snying po'i chos// 'khor ba'i ming med sangs rgyas 'ba' shig yin// nga yang 'dus pa'i snying po sems dpa' nyon// de nyid dus 'dir shes bas btigs pa ni// yang dag sangs rgyas nges pa'i don chen gyis// ye shes mngon gyur sangs rgyas dus cig byung // de phyir lung bstan man ngag rtsi su che// rdzogs pa chen po lta ba ye shes gting nas rdzogs ba'i rgyud las// thun mong chos rnams zil gyis gnon pa'i le'u ste bzhi bcu pa'o// / de nas 'dus pa'i snying po 'khor rnams la// ston pa kun rig rgyal pos don gtang ba// theg pa'i rgyal po chos nyid lhur
- 217a
rdzogs 'di// bskal ldan 'das 'khor rnams byed kyis kyang // rgyud 'di yid la gnas cing bcang bar bgyis// da yang 'dus pa'i rdo rje snying po nyon// spyod pa tshul chos byed cing slob dpon smod// nor 'phang chos 'dod thabs kyis 'bru ba la// ye shes gting rdzogs rgyud chen lta ba 'di// snod ngan rnams la nam yang bstan par ma gsungaso// bka' bzhin ma byas don gyi snying po'i chos/ ka/ 'jig rten nor 'dod don ston rnal 'byor la// sangs rgyas bka' mchog bka' chang 'byung nges phyir// 'jig rten mkha'agro dam can rnams dang ni// gnod sbyin srin pos srog gcad mnar med lhung // da yang 'khor gyi sems dpa' yid kyis nyon// bstan pa 'jig pa'i dus 'di chos rnams kyis// snying po rdzogs chen don 'di 'byung 'gyur pas// snod ldan rnal 'byor 'ga' la gtad pa las// dang me snang rgyu rnams kyi spyod yul med// 'khor rnams kun kyang nges par de la zhog/ lan gcig rnal 'byor khas ches chos pa rnams// don med tshig mkhas nyam su len pa med// 'dus byas tshos spangs don la mi 'dud par// bsod nams 'dod phyir grong du chos 'chang 'byung // nga yang rdo rje sems dpa' yid kyis nyon// rnal 'byor las can dang ldan tshe 'di la// gzhung bzhin don las mi 'da' bsam pa can// bka' dgu'i dngos nas man ngag rgyud 'di tshol// de tshe rnal 'byor las can kun gyi phyir// sba skyib min phyi brgyud 'di bstan par bgyis// gal te snod ldan ma rnyed dus nye na// chos skyong yod pa'i gtsug lag khang chen nam// dreg pa'i lha 'dre yod pa'i brag dkyil du// sa phyogs brta//
- 217b
la dang ldan phyi rabs kyi// phan phyir smon lam btab la sbas la bzhag/ rdzogs pa chen po lta ba ye shes gting nas rdzogs pa'i rgyud las// 'khor la rgyud gtad pa'i le'u ste zhe gcig pa'o// / rdzogs ba chen po ma rig mun pa sel bar byed pa'i lta ba ye shes gting nas rdzogs pa'i rgyud rin po che dngul gyi dril shing can 'di rgya gar gyi mkhan po bi ma la mi tra dang // bod kyi lo ts+tsha ba a tsar+ya dran pa'i ye shes kyi skad dang rgyud kyis// bsgyur nas gtan la phab nas// nyang ting 'dzin bzang pos lcags sgrom nag po'i nang du// gas sgrom smug por bcug ste// dbu ru gzung phug mo'i brag phug tu// mkha' gro ma rdo rje brgyan gcig ma dang // badz+ra sa d+hu legs par brtsal la gtad nas sbas pa// 'brom ye shes snying pos gton nas// nyang dbang phyug rgya mtsho la gtad pa'o// des shangs pa lce chung ba ye shes la gtad pa lagaso// lta ba thams cad kyi snying ba rgyud bzhugs// / rgya gar skad du// sin+d+hu ma hA d+hi ti sarba garbe ta na tra nA ma// bod skad du// rdzogs pa chen po lta ba thams cad kyi snying po'i rgyud ces bya ba// bcom ldan 'das mnyam pa nyid kyi rgyal po// dpal kun tu bzang po la phyag 'tshalo// 'di skad gsungs pa'i dus gcig/ na// kun rig sems kyi rgyal po de// 'og min chos kyi dbyings dag na// mnyam pa'i don la rab zhugs te// gsang sngags bdag po la sogs pa'i// 'khor rnams 'dus nas rab tu 'khod// de nas rdo rje sems dpa' yis// 'dus pa'i tshogs la phan gdags phyir// gus pa'i tshul gyis thal sbyar te// bden pa'i tshig gis 'di skad gsol// rtsa ba gcig pa'i sems nyid la// sangs rgyas