gnod sbyin gyi sde dpon chen po lag na rdo rje gos sngon po can gyi sgrub thabs
Mahāyakṣasenāpatinīlāṃbaradharabajrapāṇisādhanaṃ
Text
ff. 390a–392b · 6 folio sides
- 390a
ngag 'di bkod cho ga yis// bdag dang sems can thams cad kun// bsod nams 'di la brten nas ni// thams cad byang chub thob par shog/ slob dpon b+ha bas mdzad pa'i sgrub thabs chen po rdzogs so// / rgya gar skad du/ ma hA ya k+Sha se nA pa tI nI lAM ba ra d+hA ra badz+ra pA Ni sA d+ha naM/ bod skad du/ gnod sbyin gyi sde dpon chen po lag na rdo rje gos sngon po can gyi sgrub thabs// dkon mchog gsum la phyag 'tshal lo// rdo rje mkha' 'gro rgyud dag la// brten nas nang gi sgrub thabs 'di// bdag gis dran phyir bshad par bya// lha'i rnal 'byor yud tsam bsam// rang gi snying khar zla dkyil bsam// de yi steng du hUM yig bsam// hUM las 'od zer 'phros pa las// phyi nang gsal nas 'od zer 'phros// bla ma dang ni gos sngon can// dkon mchog la sogs spyan drangs nas// phyag 'tshal michod cing bshags pa dang // rjes su yi rang bskul zhing gsol ba gdab// skyabs gsol lus dbul dge rtsa bsngo// tshad med bzhi yang bsgom par bya// de nas stong pa'i ting 'dzin bsgom// de la 'od phung tshul du bdag rang nyid// de yi nang na hUM gnas la// de las tsam 'phros 'khor lo 'gyur// lte bar nyi bas ma hUM de nyid// de las gnod mdzes rgyal por gyur// de yi hUM gi 'phro 'du yis// khro bo chen po bcu ru gyur// hUM bzhi'i gsang sngags brjod pa yis// tho bcu'i sprul pas gdug pa bkug/ sku gsung thugs kyi phur bus gdab// bkral zhing
- 390b
sbyangs nas nam mkhar gyur// de nas hUM gi 'gro 'dra yis// rdo rje gur dang ra ba dang // dra ba nyid du gyur pa'o// hUM gi 'phro 'dus slar la zhu// stong pa nyid las 'od dpung byung / de las nyi zla kha sbyang gyur// A li kA li sa nyi zla brgyan// dbus su a dang hUM sbyar te// kha dog dkar dmar nyid du blta// 'od zer dkar dmar 'phro 'du las// zhu bas rdo rje pad+mar gyur// pad steng rdo rje rked nub tsam// lte ba gnyis la snying pos bskor// de gnyis las ni thugs dang gsung // gnyi gas sku bsdus byin gyis brlab// de nyid 'od du zhu ba las// rdo rje las ni khro bor gyur// pad+ma las ni khro mor gyur// khro bo rdo rje gos sngon can// sku mdog mthing nag zhal gcig pa// phyag gnyis rdo rje dril bu bsnams// mche ba gcig pas 'dod dgur gyur// zhabs gnyis brkyang bsum 'khril ba'i tshul// g.yon du rdo rje khro mo ni// sku mdog ljang dmar zhal gcig ma// phyag g.yas rdo rje gri gug gcol 'khrud// g.yon pa ban dmar gtso la bstobs// gnyis med 'khril ba'i tshul bsgoms nas// ye shes sems dpa' spyan drangs te// phyi nang bdud rtsi mchod nas bstim// 'od zer 'phro 'du byin gyis bslab// de bzhin khro chung lus byin brlab// dbang bskung bas ni mi bskyong 'gyur// de ltar bsgoms nas bzlas pa bya// de steng ye shes sems dpa' yi// mtshan ma la sogs bsgoms nas su// thugs kar 'khor ram yul 'khor ba// 'od zer la ni yi 'bru ba skyon// ma gsal bar du bsgom par bya// de ltar rab//
- 391a
'bring tha ma yis// 'bum ma nyi 'bum sum 'bum 'grub// the tsom med na dngos grub 'grub// dam tshig nyams sam sdig che bas// sbyin sreg la sogs mang du bya// mtshan ma gsum mam nus pa brtag/ de ltar byung na bsgrub pa brtsam// sngon du bsnyen pa'i cho ga'o// / bsgrub pa'i rim pa bstan pa ni// mkha' 'gro 'du ba'i gnas phyin la// dkyil 'khor gru gsum nag por bya// rdo rje gri gug nang du ste// bar du me ri gtang bar bya// gzhu dang dgra sta mdung dang gsum// me ri'i zur nas gtang // bar bya// chub ma dur khrod sol ba dang // bdud rtsi bag zan gzugs brnyan bya// snying khar gru gsum gzugs brnyan gzhug/ kha gcad seng ldeng phur la btod// mtshan ldan ka pA la ng+ka ni// bdud rtsi lnga dang sha lngas dgang // de ni gos sngon nyid la mchod// lcags kyi grwa gsum nang du ni// bdud rtsisha lnga khrag gsum dgang // de ni nag po'i gter rta'o// rnam gri'i snod du drag gtor grasags// phye ma gsum dang yungs kang gdab// slob dpon slob ma gnyis ka yang // gos sngon gos nag rgyan cha bgo/ rag sha rus pa'i phreng ba bsgreng// nub dang lho ru kha bltas te// bskyed pa'i rim pa'i tshul bzhin bsgom// thun mongs sngags dang khyad par sngags// dgra'am 'byung po klu rnams la// bzlas pas gsang ba'i rim pa brtsams// snying kha'i mtshan ma la sogs gas la// lce ni hUM gi rdo rjer bskur// 'od zer dkar dmar 'phros pa las// de la khro tshogs byung bas dgug/ yang na
- 391b
mgon po bskul bas bsam// khri yi bar du bzlas nas ni// than bar du ni phye ma gsum// mgon pos las kyi gtor mar gdab// yungs kar gos sngon can gyis so// phye ma dug nag 'od zer dgang // yungs kar khro chang nyid du spro// rtags byung nas ni gzugs brnyan bzhug/ de nas basbub khang them rtsa ru// grug sum nag po'i 'brub khung du// de nyid bcug la kha gcad ri rab bri// de steng mnan cing stang stabs bya// de ni mnan pa'i sbyor ba'o// phur bus gdabi cing gri gug gtub// de nas gru gsum gtor mar dbul/ nag po chen po nyid la btab// drag sngags bzlas pa'i gtor ma yis// gsang ba'i man ngag shes par bya'o// yang na sbyin sreg nyid kyis bya// de rnams gsad pa'i sbyor ba'o// pad+ma 'dab brgyad bskyed pa yi// lte bar gtso bo bskyed nas ni// klu chen brgyad po 'dab mar bskyed// rin chen snod du gtor ma bsham// chu gtsang sman la sogs pa dang // khyad par klu sman sna tshogs dang // dkar gsum mdor gsum rnams kyis bya// sbyang zhing byin gyis brlabs sogs bya// klu la byin pas zhe sdang zhi// lhag ma 'khor la byin pa yis// gnod pa rnams ni zhi bar 'gyur// sngags bzlas 'od zer phog pa yis// gtso bo'i dam tshig rjes dran pas// 'khor rnams zhe sdang zhi bar 'gyur// yang na zhi ba'i sbyin sreg bya// bskrad dang bcing dang dgug pa yis// de la sogs pa'i sbyor ba ni// sbyor ka chen por shes par bya// 'khor lo ser po'i lte bar gtso// mdun du rgyal
- 392a
po bskyed par bya// de yi g.yas su nor lha ni// sku mdog dkar po 'dzum bag can// nor bu'i sbom ni g.yas g.yon bsnyams// mchod cing bstod pa gsang sngags bzlas// gzugs brnyan 'di la rin chen brten// kha dog lnga dang gser gyis mtshon// kha dog ser po'i bzlas thems nas// ci 'dod pa yi nor rnams ster// de ni thun mong dngos grub po// bdud rtsi rtsa ba lnga btsal la// bdag nyid lha yi rnal 'byor bya// dkar gsum mngar gsum nyid la ni// sngags bzlas ri lu byas te bza'// zas dang sman ni srang la brje/ brjes zin zhag gsum 'bras bu 'byung // de gsum skye ba bdun pa dang // yum gyi cha sres sman rnams sbyar// de sgrub 'od zer btul zhing sbyang // rtags byung nas ni bza' zhing byug de yis thun mong dngos grub 'grub// mchog gi yang ni grogs su 'gyur// mchog gi dngos grub bslab pa yang // thugs ka yi ni dkyil 'khor du// rtsa rgud 'dab ma brgyad du bsam// de dkyil rtse ni lnga ta'i tshad// de yi nang du dbugs kyi lta// kha dog lnga dang ldan pa'o// de dkyil thig le byang chub sems// de la lta zhing bsgom pa ni// rtags lnga'i mthar ni stong nyid 'gyur// de nyid spro zhing bsdu ba dang // dgug cing bskyil ba'i rim pa'am// mnan cing bzlog pa'i man ngag gis// rim gyis ye shes skye bar 'gyur// de nas phyag rgya'i dngos grub 'thob// nang sgrub rim pa 'di yis ni// bdag dang mtha' yas sems can dang // 'di la brten pa'i rnal 'byor pa// bla med byang chub thob par shog/ gnod sbyin gyi sde dpon chen po phyag na rdo rje gos sngon
- 392b
po can gyi sgrub thabs// slob dpon b+ha bas mdzad pa rdzogs so// // pagan gas can po kyi ma gsob pon byamasas da pa thugs so/ rgya gang skad du// maHyak+Sha sen pa ta ye nI lAM bar d+ha ra badz+ra pA Ni ye maN+Da la nA ma// bod skad du// gnod sbyin gyi sde dpon chen po lag na rdo rje gos sngon po can gyi dkyil 'khor gyi cho ga zhes bya ba/ bcom ldan 'das rdo rje 'dzin pa la phyag 'tshal lo// bdud rnams thams cad tshar gcod pa'i// mthu stobs can la phyag 'tshal nas// chags la mos par gyur pa yi// rnal 'byor lam pa'i don chen du// chung rnams kun dang mi 'gal ba'i// dkyil 'khor cho ga bshad par bya// slob dpon mtshan nyid ldan pa yis// sngon du bsnyen pa rdzogs byas te// de nas dkyil 'khor bri bar bya// yid du 'ong ba'i gnas dag du// dri bzang tsan dan spos kyis byugs// dri zhim me tog mchog bkram nas// lho ru kha bltas rol pa'i 'dug stangs bya// yang na bsnyen pa zhi ba'i tshul yin pas// shar du kha bltas sems dpa'i skyil krung bca'// 'khor ba'i 'dam du bying ba yi// 'gro la phan dang skyob pa'i phyir// snying rje chen po'i dmigs par bya// / bskyed pa'i rim pa'i tshul bsgom bya// de nas bzlas brjod tshul bzhin bya// dkyil 'khor gtso ba'i 'bum du bzlas// de las gzhan pa khri ru bzlas// mtshan ma rnams gsum thob pa yis// yang na bsnyen sbyor goms pas ni// rdul chen dkyil 'khor brtsam par bya'o// slob ma snod dang ldan pa yis// dang por gsol gsum btab nas ni// bsnyen rdzogs
Colophon
gnod sbyin gyi sde dpon chen po phyag na rdo rje gos sngon po can gyi sgrub thabs/_slob dpon b+ha bas mdzad pa rdzogs so/