bcom ldan 'das dpal bde mchog 'khor lo'i dkyil 'khor gyi cho ga
Bhagavānśrīcakrasaṃbaramaṇḍalabidhi
Text
ff. 302b–326b · 49 folio sides
- 302b
btsun ma'i rkang pa'i sngags so/ /oM ha na ma hi/ swAhA hu/ bau? Sha Ta he hUM hUM ho/ phaT haM/ dpa' bo'i go cha drug go /oM bi haM yoM h+rIM moM h+reM h+rEM hUM hUM phaT phaT/ yi ge oM ni thams cad du ste/ rnal 'byor ma drug gi go cha'o/ /dpal 'khor lo sdom pa'i sgrub thabs slob dpon chen po brtul zhugs kyi spyod pa'i zhal snga nas mdzad pa rdzogs so// //*/ (/bde mchog 'khor lo'i dkyil 'khor gyi cho ga bzhugs so// //) rgya gar skad du/ b+ha ga wA na sh+rI tsa kra saM ba ra maN+Dal bi d+hi/ bod skad du/ bcom ldan 'das dpal bde mchog 'khor lo'i dkyil 'khor gyi cho ga/ bcom ldan 'das dpal rdo rje sems dpa' la phyag 'tshal lo/ /dpal ldan khrag 'thung 'gro ba'i mgon/ /nyi shu rtsa bzhi gnyis med la/ /phyag 'tshal dkyil 'khor spyod pa dang/ /brtul zhugs rim pa bsnyen pa bshad/ /lugs su byung? dang bzlog pa dang/ /tha dad phyi ni spas pa dag /shes nas gang yang cho ga 'di/ bdag gi thams cad bshad par bya/ /sgra dang sgra nyams brda dang ni/ /sdeb sbyor mtshan nyid spangs pa yi/ /'khor lo mchod pa'i cho ga gsal/ /de ni bdag nyid dran phyir dang/ /gar gyi gnas dang mtshungs 'dra ba'i/ /phyi rol bstan bcos sun 'byin pa/ /don la rtog pa de nyid can/ /spyod dang thar pa'ang rang dga' yin/ /legs par brtags pa'i slob ma la/ /slob dpon gyis ni dkyil 'khor bri/ /'jam zhing snyan par smra ba dang/ /snying rje la sogs phan sems ldan/ /thos dang klog la mngon par brtson/ /gsang ba'i cho ga lhag par dang/ /rtag par rgyun du bla ma gus/ /slob ma de ni yongs su gzung/ /de ni dngos grub ma lus pa/ /sgrub byed ye shes bshad bya ste/ /lha ni mnyes
- 303a
par ma byas na/ /bdag nyid rnam par sun 'byin yin/ /dpal ldan khrag 'thung 'khor lo yis/ /sngags rnams mnyes par rab dad cing/ /dpa' bo'i snying po'i gsang sngags ni/ /khri drug gsum du bzlas brjod bya/ rnal 'byor ma yis 'khor lo yi/ /khri phrag gnyis ni bsnyen par bya/ /kA ka'i gdong sogs rnam pa brgyad/ /snying po rnal 'byor ma bzhi yi/ /stong phrag lnga dang lnga brgya ni/ /sngon du bsnyen pa bya ba ste/ /bdag gam yang na dkyil 'khor ni// sngon du bsnyen pas 'grub par 'gyur/ /gang 'dir rjes gnang dbang bskur ba'i/ /bla ma'i gtso bo bri bya zhing/ /'khor lo'i yo byad phun tshogs pa'i/ /slob mas de la gsol ba gdab/ /'khor lo mchod pa'i rim ji bzhin/ /khyod kyis thams cad 'byor gyur tam/ /rnal 'byor rnal 'byor ma dga' bar/ /gus pa yis ni byed nus sam/ /gal te dpa' bo thams cad du/ /gzi brjid can byed nus smra ba/ /de nas dpa' bo chen pos 'dir/ /shes rab yan lag gnyis med lus/ /dpal ldan khrag 'thung rnal 'byor che/ /'khor lo kun la rnam par bzhugs/ /dang po gnas ni khyad par du/ /de las 'bad pas btsal bar bya/ /sems can don bya'i rgyu ru ni/ /bdag gis byang chub de la bdag /da ni dngos grub thams cad kyi/ /yon tan gnas ni bshad bya ste/ /shin tu bgrod par dka' ba yi/ /dur khrod chen po'i gnas dag tu/ /ro langs dang ni srin po rnams/ /mi bzad 'jigs pa'i sgra sgrogs pa/ /yi ge pheM gi sgras khyab pa 'am/ /sgrub pa po dang mtshams phyogs su/ /'jigs bral yongs su dag pa'i blos/ /ma lus rnam rtog bral ba yis/ /byams dang snying rje'i rgyan gyis ni/ /'dres med rnal 'byor pa der gnas/ /sems can gcig tu gdug cing
- 303b
gsum?/ /sdug bsngal dang ni las kyis gzir/ /stong dang snying rje'i snying po yis/ /byang chub la bzhag yid la bya/ /kye ma sems can sdug bsngal zhing/ /kun rtog la ni mngon par zhe na/ /de yi rtog pa gzhom phyir bdag /dpal ldan he ru ka rang bya/ /sngon du bsnyen pa'i cho ga'o/ /gnas las langs pa nyid dang ni/ /'jug dang rdzogs pa nyid dag dang/ /byin gyis brlabs dang dbang bskur dang/ /ting 'dzin mchod pa nye bar bsdu/ /yang dag ye shes rgyud shes shing/ /he ru ka dpal gsang sngags shis// khro ba med cing gtsang la mkhas/ /sbyor shes ye shes pha rol 'gro/ /dpal ldan khrag 'thung sogs cha lugs/ /bdag nyid sngon du byed bdag ni/ /skye ba bye ba stong phrag tu/ /gsang ba'i ye shes rnam par spangs/ /dman la mos pa'i sems can rnams// mthong nas slob dpon tshul la gnas/ /sems can gdon par bya'o zhes/ /snying rjes non pa'i sems dang ldan/ /de bas he ru ka rnal 'byor/ /bde mchog mgon po bdag ston no/ /dam tshig skyong zhing brten byed pa/ /bu khyod cig spro gyur tam/ /he ru ka dpal tshul 'di la/ /bza' dang bsrung la brten ba dang/ /skye bo mang po'i sdig pa ni/ /bsags pas rnam par 'jigs byed pa/ /dpa' bo 'khor lo sdom pa yi/ /sdom pa so sor bsrung bar bgyi/ /slob mas gsol ba'o/ /de nas 'dir ni dpa' po ches/ /sngon du spyod pa byas nas ni/ /da ni sems can bsgral bya zhing/ /dga' ba'i sems ni sngon du bya/ /'khor lo bde mchog dpal rnal 'byor/ /rgyud kyi cho gas lha rnams ni/ /mnyes byas dkyil 'khor bri bya zhing/ /sa yang yongs su brtag par bya/ /ri dang nags dang sman ljongs dang/ /rgya mtsho chen po'i 'gram dang ni/ /sngon nas grub pa'i dur khrod dang/ /yid du 'ong ba'i sa phyogs dang/ /gang yang sems ni 'dug pa dang/ /mdzes shing yid ni dga' ba ru/ /chu dang ba
- 304a
lang lci bas byugs/ /me tog sna tshogs rnam par dgram/ /dbugs dbyung mchog dang bar me dang/ /dri ni chu dang bcas par byugs/ /de la sogs pa mnye ba dang/ /kun tu rgya cher brdung ba dang/ /shar dang byang du gzhol bas ni/ /sngags pa rnams ni dngos grub 'grub/ /dbus su mtho bas rgyal srid dam/ /rig pa 'dzin pa'i gnas dag thob/ /byang du mtho bas 'chi 'gyur zhing/ /nor rnams rab tu 'jig par byed/ /ji skad bshad pas shar mtho bas/ /rigs rnams rab tu bzang bar byed/ /dbus su dma' ba' i rang bzhin gang/ /sgrub pa po ni 'dzams dang ldan/ /de ltar mtshan nyid bcas pa yis/ /dpa' bo'i dbang po sogs pas mtshan/ /sa'i mtshan nyid bstan pa'o// de ltar sbyangs pa byas mdzes pa'i/ /sa yi dbus su 'dug nas su/ /mdzes dkar ma mo zhes bya ni/ /bskul bas 'di yis gsol ba gdab/ /dang por sgra la sogs sngon gyis/ /rnal 'byor dmigs pa thams cad du/ /dpal ldan khrag 'thung rnal 'byor che/ /gnyis med ye shes la legs gnas/ /sa la reg pa'i phyag rgya dang/ /mi shigs thig ler byas pa yis/ /sor mos lan gsum bsnun pa ni/ /bkug gnas mdun du 'dug par bsam/ /yan lag rgyan rnams thams cad dang/ /kha dog ser po legs par mdzes/ /lag na bum pa thogs nas ni/ /bdag gis ci bgyi bka' stsol smra/ /mchod yon rkang pa dkrug sogs byin la/ /gzi brjid can de 'di ltar bya/ /skyob pa sangs rgyas thams cad kyis/ /spyod pa'i tshul dang khyad par gyi/ /sa dang pha rol phyin pa la/ /lha mo khyod ni dpang du gyur/ /shAkya seng ges skyob pa yis/ /ji ltar bdud ni sde bcom pa/ /de bzhin bdag gis bdud sde las/ /rgyal bar
- 304b
byas nas dkyil 'khor bri/ /de skad lan gsum brjod nas ni/ /der ni thim par rnam par bsam/ /sa bslad pa'o/ /mgul rgyan gdu gu rna rgyan dang/ /spyi bor nor bus rnam par brgyan/ /mchod phyir thogs rgya thal ba yi/ /rgya yis yan lag kun nas brgyan/ /dpal ldan khrag 'thung rnal 'byor che/ /sgom nas bgegs rnams bsal bar bya/ /de nas rkang pa gnyis su yi ge hUM las 'bar ba'i rdo rje bsam la/ mig gnis su ma dang Ta las zla ba dang/ nyi ma bsam te/ rdo rje lta bas thams cad du bltas la/ lag pa g.yon pas dril bu bzung zhing/ g.yas kyis rdo rje gsor ba la 'bad de/ kha TwAM ga la legs par khyud nas de ni gnas pa 'dis bskrad par bya'o/ /sa phyogs 'dir sems can gyi don rtsom gyi lha dang/ klu dang/ gnod sbyin dang/ dri za dang/ 'byung po dang/ yi dags dang/ srin po dang/ srin mo la sogs pa gang dag gnas pa'i sa'i bdag po myur du song shig /'di ltar dpal he ru ka'i bka' nos la myur ba nyid du sod shig /gang dag mi 'gro ba re la pa'i ye shes kyi rdo rje dang/ kha TwAM 'dis spyi bo nas rnam pa brgyar dgra par bya'o zhes lan gsum brjod par bya'o/ /dbang ldan gyi phyogs nas brtsams te g.yas nas lan gsum du bskor bar bya'o/ /bskal pa'i me lta bu'i 'od zer rkang pa'i 'og nas byung nas gdug pa rnams bsregs par gyur nas phan tshun byer bar gyur par bsam mo/ /g.yas dang g.yon du bskor ba dang/ /'khyud dang ku tsa pa yi dang/ /ba ri ti dang swa ti ka /bring de ke shig kya la sogs/ /chags bcas tshul gyis sbyor bas ni/ /rol pa rab tu bya ba dang/ /rol pa'i goms stabs bcas pa 'am/ /gom pa brgyad par gar bya'o/ /rkang pa bskyod dang lag pa bskyod/ /smin ma 'degs dang rab dags 'brang/ /cung zad ngo tsha'i mag zur dang/ /brla rgyas
- 305a
lta na sdug pa dang/ /mig yangs gang ni byed 'gyur zhing/ /kha yi pad+ma 'dzum dang bcas/ /cung zad dman pa'i mche ba 'chang/ /kunda ltar dkar so yi khreng/ /dpal ldan khrag 'thung rnal 'byor che/ /sems can sgrol la rmad du byung/ /de la sogs pa gar gyis ni/ /bgegs la sogs pa bskrad par bya/ /zhal bzhi la sogs sngags kyis ni/ /phur bu ra ba dra ba bya/ /tha ma pa dbyangs yig las byung ba yi/ /sna tshogs rdo rje'i rang bzhin las/ /yi ge bdun gyis sngags kyis ni/ /rdo rje'i lta bas ltas nas ni/ /dkyil 'khor gyi ni sa yi cha/ /nyes dang ldan yang dag par 'gyur/ /bgegs bsal ba'o// //nA da sogs pa'i gzugs las byung/ /ri la sogs pa ji bzhin bsam/ /in+d+ra nI la'i sa gzhi la/ /'khor lo gsum gyi bdag nyid bsam/ /sna tshogs pad+ma 'jam pa la/ /ji bzhin gnas su rnam par bsam/ /A li kA li la sogs las/ /dkyil 'khor du ni rnam par brtag / de la gtso bo'i gnas su ni/ /dpal ldan khrag 'thung shes rab kyi/ /phaiM brang mchog dpa' rnal 'byor ma/ /yan lag gnyis med 'dus gyur pa/ /gnyis su med par ji bzhin bsam/ /rang bzhin mi gnas ye shes 'khor lo ni/ / dam tshig 'khor lo 'di yi gzhug par bya/ /rkang pa gnon cing gyen du bltas nas ni/ /pheM zhes bya ba'i sgra ni bsgrag par bya/ /phyogs bcur gnas pa'i dpa' bo dang/ /rnal 'byor ma ni dgug pa ste/ /dang por go cha ji bzhin pas// legs pa nyid du bsrung bar bya/ /mdzub gnyis mdud cing gung mo gnyis/ /sbyar te mthe bo rdo rje ni/ /brtan par sbyar la dpral pa yi/ /dbus su legs par bzhag par bya/ /phyag rgya ma mo'i chogs bskul nas/ /bskor zhing
- 305b
bskor zhing nges gzhug par/ /dam tshig 'khor lo bsam par bya/ /mkha' 'gro kun dang gnas bdag ni/ /yid kyi mkha' bsam yid gzhug bsam/ /sa yi 'jig rten dag phyogs gzhug /sa 'og lus ni kun la sbyar/ /rang mdog phyag tshogs yan lag 'khyud pa dang/ /thams cad mchod cing phyogs su ma mo rnams/ /mtshams su brgyad po rnams dang sa yi ni/ /bdag po rnams kyang legs par bsam par bya/ /ye shes 'khor lo spyan drangs pa'o// //rang gi ming brjod gsang sngags rgyal/ /dang por oM dang hUM gnyis ldan/ /phaT dang yang dag sbyar ba ni/ /lha rnams ma lus pa yi yin/ /bar mar bugs phyung mchog dri chu/ /mchod par rtag tu brtson pa dang/ /cho ga'i rjes mthun thams cad mchod/ /dpal ldan khrag 'thung sogs bsam pa/ /rang gnas dbus kyi phyogs su ni/ /yongs su bskor cing bshad pa yi/ /gsang sngags ji bzhin rim dang po/ /g.yon nas bskor zhing rang bdag dang/ /tha dad phyi yi me tog sogs/ /dpal ldan khrag 'thung rjes mthun 'gro/ /ma lus lhag par gnas bya zhing/ /gsang sngags rgyal po sngon 'gro bas/ /phyogs kun ma lus khyab pa dang/ /ku tsa gnyis ni 'khyud pa yis/ /dpal ldan khrag 'thung sogs sum bcu/ /rtsa bdun rnam bsams tshogs mchod gnyis med ye shes las byung ba/ /khyab bdag dngos kun bdag nyid can/ /ston pa'i gtso bo khrag 'thung dpal/ /phag mo lhan cig yang dag ldan/ /gang du phyogs bcu'i dpa' bo dang/ /rig pa'i lha mo rdzu 'phrul can/ /byang chub sems dpa' la sogs kun/ /ma lus bdag la dgongs su gsol/ /dri zhim me tog 'phreng ba dang/ /thod pa der mi lnga pa ste/ /dpal ldan khrag 'thung sogs kun la/ /bdug spos legs par 'bul bar bya/ /de 'og rang gi
- 306a
dbugs dbyung bsam/ /tshogs brtul zhugs can zhugs par bya/ /lha la gsol pa gdab pa'o// //slob ma'i gtso bo la sogs pa/ /lhag par gnas bya mchod par bya/ khu tshur theg pa chen po la/ /khyod ni tshul chen snod yin te/ /gsang sngags spyod pa'i cho ga 'di/ /khyod la yang dag bshad par bya/ /rdzogs pa'i sangs rgyas gang 'das dang/ /de bzhin gang dag ma byon dang/ /da ltar byung ba rdzogs sangs rgyas/ / 'gro la phan phyir bzhugs pa kun/ /de dag kun gyi gsang sngags kyi/ /cho ga bzang po 'di mkhyen nas/ /dpa' bo byang chub shing drung du/ /thams cad mkhyen pa mtshan med brnyes/ /gsang sngags sbyor ba mnyam med de/ /skyob pa dpal ldan he ru kas/ /bdud sde shin tu mi bzad pas/ /dpung chen dag kyang de'i bcom/ /de bas kun mkhyen thob pa'i phyir/ /bu yis blo gros 'di gyis shig/ /dpa' bo yan lag las byung ba'i/ /sdom pa la sogs slob ma la/ / byang chub thob pa'i don gyi phyir/ /cho ga thams cad sbyin par bya/ /sangs rgyas chos dang dge 'dun la/ /rtag par bdag ni skyabs su mchi/ /rnal 'byor gsang sogs mkha' 'gro ma/ /'khor lo gsum gyi bdag nyid can/ /kun la/ rtag tu skyabs su mchi/ /dpa' bo dpa' mo'i dbang lha mo/ /byang chub sems dpa' i bdag nyid che/ /khyad par du yang slob dpon la/ /rtag par bdag ni skyabs su mchi/ /dpal chen khrag 'thung sogs pa'o/ /rnal 'byor ma dang snang mdzad sogs/ /byang chub sems dpa' dpag med la/ /thams cad bdag la dgongs su gsol/ /cho ga dus 'di nas gzung ste/ /ji srid gnyis med la gnas par/ /de yi tshangs spyod gnyis med pa/ /nyi shu rtsa gnyis legs par
- 306b
bsrung/ /rang gi srog ta ni yi rgyun/ /yi ge bdun gyi mngon bsngags pas/ /slob ma la ni bsrung pa'i phyir/ /thigs pa kun tu dag par bya/ /'jig rten dbang phyug kun gyis ni/ /kha nas thams cad dbang bskur ro/ /dkyil 'khor gyi ni sa yi cha/ /gnyis med ye shes las byung mchog /dpal chen kun gyi rang lha mo/ /mchod pa'i cho ga rjes su spyad/ /phyi nang bdag nyid can gyis kyang/ /dpal chen khrag 'thung 'khor lo mchod/ /slob ma lhag par gnas pa'i cho ga'o/ /shes rab can gyis nang par sngar thig gdab gnyis med ye shes las/ /byung ba'i dkyil 'khor kun bri'o/ /slob dpon mtshan nyid bzang dang ldan/ /yang dag ye shes de nyid shes/ /dpal ldan khrag 'thung gsang sngags shes/ /khro med gtsang la mkhas pa dang/ /sbyor shes ye shes pha rol 'gro /thod pa la sogs spyi bor bcings/ /yan lag thams cad rnam par byugs/ /lus la phyag rgya drug la sogs/ /kha TwAM ga ni lag na thogs/ /brgya phyed pa'i phreng bas brgyan/ /he ru ka'i rang byas te/ /'khor lo la bltas snying gar dgod/ /de ltar bdag nyid go bgos shing/ /sngags dang phyag rgyas brgyan nas ni/ /dngos grub chen por brtsol ba yi/ /dkyil 'khor 'jigs pa bri bar bya/ /de nas ro yi srang bu la/ /mahA ru ti ras brlan pas/ /dpal ldan khrag 'thung dkyil 'khor bri/ /grong khyer dam pa'i thig gdab po/ /khru gang pa la sogs pa bri/ /ji srid bcu gnyis bcu drug par/ /rnal 'byor dbang phyug dbang phyug che/ /shes rab can gyi thig gdab po/ /ji bzhin srad bus lnga ru ni/ /rnam par phye ste bcos nas su/ /dpal ldan khrag 'thung la sogs pa/ /spyan drangs gnas ni de ru bzhugs/ /sangs rgyas kun gyi mkha' 'gro ma/ /rtsa ba'i sngags dang gnyis med de/ /pad+ma'i snod du legs bzhag ste/ /rang byung me tog dag
- 307a
gis mchod/ /ye shes thig ni bskyed nas su/ /mkhas pas thig ni gdab bar bya/ /sngon chad cho ga mthong gyur pas/ /ye shes thig ni gdab par bya/ bla mas khu tshur gyis gzung zhing/ /gcig gi mdza' du slob ma yis/ /dbugs 'byin 'gro bar bsam nas su/ /thig gnyis ngag ni legs par bsgril/ /gnyis med gnyis su med sngags kyis/ /bsgril nas de ni thig gdab bya/ /dzdza dzdza zhes pas legs btang zhing/ /blo ldan rgyab nas 'gro bar bya/ /dang por lho dang shar yi ni/ /sgo dbus ji bzhin gnas nas su/ /lho ru mngon par phyogs nas kyang/ /nam mkhar de bzhin thig gdab bo/ /g.yon pa rdo rje khu tshur gyis/ /lte ba'i phyogs su bzung nas su/ /shar du bltas nas dpa' bo yis/ /sa la tshangs pa'i thig gnyis gdab/ /thig skud dag ni 'degs pa yi/ /'jig rten khams ni ma lus pa'i/ /sangs rgyas la sogs 'gro don gyis/ /khyod ni don dus yin zhes bskul/ /slob dpon nyid dang grogs kyis ni/ /g.yon nas bskor ba shin tu brtsom/ /rlung dang dbang ldan phyogs nas nang/ /me dang bden bral phyogs nas te/ /bla mas mtshams su thig gnyis ni/ /me yi phyogs nas brtsams te gdab/ /byang du mngon par bltas nas ni/ /me yi phyogs su thig gdab bo/ /nub phyogs su ni kha bltas la/ /bden bral du ni srad bus bri/ /rlung gi phyogs su gnas pa dang/ /lho phyogs su ni bltas pa yi/ /nub kyi thig ni gang yin pa/ /brtul zhugs can gyis chogs gdab/ /dpa' bos shar du bltas nas ni/ /byang gi thig ni gdab par bya/ /phyogs la sogs pa dbye shes nas/ /kun nas thig ni thams cad kyang/ /man ngag ji ltar thob pa las/ /blo ldan ji bzhin thig gdab bo/ /zur bzhi pa la sgo bzhi pa/ /rta babs bzhi ni rnam
- 307b
par brgyan/ /dra ba dra phyed 'phyar bas mdzes/ /g.yer ga'i phreng ba'i dra ba can/ /mtshams kyi cha ni thams cad dang/ /sgo khyud kyi ni nang rnams su/ /rdo rje rin chen gyis spras pa/ /phyi yi dkyil 'khor thig gdab bo/ /de yi nang du pad+ma ni/ /pad+ma'i rgyab tu 'khor lo bya/ /'khor lo gnyis pa de yi rgyan/ /rdo rje phreng bas bskor bar bya/ /rdo rje 'khor lo cha mnyam par/ /rdo rje'i thig gis bskor bar bya/ /ge sar dang ni 'dab mar bcas/ /'dab ma bcu drug dag tu gnas/ /man ngag dag ni thob pa las// dkyil 'khor thig gdab kun shes nas/ /sgo ni 'khor lo'i brgyad cha ste/ /khyams ni de yi phyed du bya/ /sgo khyud dag ni sgo yi tshad/ /lha yi snam bu'i tshang de bzhin/ /mtshams kyi thig nas bskor ba dag /rta babs kyi ni gnas su bshad/ /ba dan dril bu'i 'od zer gyis/ /brgyan par thams cad thig gdab bo/ /lcags ris mthar thug pa yi bar/ /rdo rje'i phreng bas mngon bskor zhing/ /'od kyi dkyil 'khor nang du ni/ /rim gnyis thig ni gdab par bya/ /tshon gyi sa ni de yi phyed/ /rtsa ba'i thig ni gdab par bya/ /dang por rdor rgyus thig sogs pas/ /thig rnams thams cad nges par bya/ /de'i steng du ye shes thig/ /kun nas yongs su brkyang bar bya/ /ye shes thig gdab po/ /dur khrod rus pa'i phye ma dang/ /de yi so phag yang dag ldan/ /de yi shing gi 'dab ma ni/ /rnal 'byor pas de'i tshon du sbyar/ /de yi sol ba'i phye ma dang/ /ba bla dag dang de bsres te/ /kha dog lnga dang yang dag ldan/ /lnga po lnga ni sprul par bya/ /dur khrod sa gnas thams cad ni// dbang phyug chen po'i rgya 'di yis/ /ye shes thig ni ji bzhin du/ /brtul zhugs can gyis tshon bskyed bya/ /sems dag nang par longs nas ni/ /khrus ni legs par byas nas su/ /rgyud kyi yan lag ma lus pa'i/ /las kyi dkyil 'khor dag tu brtsam//
- 308a
'di ni chos dbyings dag pa ste/ /sems can khams ni sgrol byed pa/ /dpal ldan khrag 'thung rgyal po nyid/ /de bzhin gshegs pa kun gyis gnas/ /nyes pa kun las rnam par grol/ /tshon gyi las ni yang dag brtsam/ /slob dpon gyi ni dang por dgye/ /phyi nas kun tu slob mas so/ /gnas lnga sogs par brtsams nas ni/ /ri mo lnga la rgyab tu'o/ /tshon dang gzo yi las byed pa/ /dam tshig dang ni slab pa sbyin/ /mthe chung gi ni sor gyi dpangs// drang la mtho bar yang dag bri/ /gal te ri mo mi mnyam pa 'am/ /yo zhing dma' dang chad pas kyang/ /ri mo dma' bas mi 'grub cing/ /yon pos gdung ba bskyed byed la/ /chad pas slob dpon slob ma brtag /gnyis ka 'chi bar shes par bya/ /de bas mtshan ldan ri mo ni/ /mtshan nyid kun gyis mtshan par bya/ /slob ma la sogs 'dir zhugs nas/ /dri yi chus ni rab gar bas/ /lus kun dbang ni bskur bya zhing/ /gnod mdzes sngags kyi rig pas blud/ /yig bdun rnal 'byor bdag nyid can/ /skye ba bdun sogs big pa can/ /slob ma cho gas dkrus pas ni/ /sems ni shel dang 'dra bar 'gyur/ /nang gi pad+ma'i 'dab ma ni/ /gser la sogs pa'i phye mas so/ /pad+ma'i rgyab kyi 'khor lo ni/ / rtsibs brgyad pa yang de dang mnyam/ /rdo rje ka ba'i rtsibs la ni/ /rdo rje'i thig gis bskor bar bya/ /mthing shun la sogs mdog gis ni/ /thugs kyi 'khor lo rab tu grags/ /de bzhin 'khor lo'i rtsibs dag kyang/ /pad+ma'i ka bar yang dag ldan/ /pad+ma'i thig gis bskor ba ni/ /gsung gi 'khor lo zhes sprul pa/ /byu ru la sogs mdog 'dra yi/ /'khor lo 'bar ba'i las bya'o/ /sku'i 'khor lo rnam bgos la/ /rtsibs brgyad snga ma de dang 'dra/ /de bzhin 'khor
- 308b
lo'i ka ba dang/ /'khor lo'i thig gis dbye bar bya/ /mu tig la sogs phye ma yis/ /sku yi 'khor lo bri bar bya/ /ji ltar pad+ma la sogs cha/ /sgo'i cha yi kha dog ste/ /ri mo lnga sogs kha dog mdzes/ /ji ltar mdzes pa rab tu bstan/ /tshon dgye ba'o/ //de ltar sna tshogs bris pa yis/ /gzhal yas khang mchog lha yi gnas/ /cho ga mthong bas dang por ni/ /ji srid bshad bzhin rdzogs par bya/ /tshogs rnams kun gyis rab brgyan cing/ /bde ba thams cad rab ster ba'o/ / dpal ldan khrag 'thung la sogs ni/ /'khor lo gsum bdag nyid can sprul/ /mkha' spyod sa spyod ces bya dang/ /sa 'og la sogs mi 'am ci/ /khwa gdong la sogs brgyad po ni/ /rang gi stan la bzhugs par dgod/ /ri yi rtse mor ge sar dang/ /sna tshogs pad+mar A li dang/ /kA li uSh+ma Na'i bzhi pa/ /thig le sgra las yang dag 'byung/ /he ru ka dpal rgyal po che/ /shes rab yan lag gnyis med 'du/ /zhal bzhi zhal re spyan gsum pa/ /mgo dang dum bus rnam par brgyan/ /ljang dang dmar dang de bzhin ser/ /phyag ni bcu gnyis yang dag ldan/ /g.yas rkyang ba yi rnam par bzhugs/ /ral pa'i thor tshugs dar dpyangs dang/ /phyag gnyis dag gis 'khyud par mdzad/ /gzhan gnyis glang chen pags pa te/ /dgra ste rtse gsum gri gug dang/ /Da ma ru ni phyag g.yas na/ /kha TwAM ga dang de bzhin du/ /thod pa khrag gis bkang ba dang/ /phyag na zhags pa dag dang mgo /bdud ni bzhi las rnam rgyal ba/ /phyag g.yon dag na bsnams par mdzad/ /yi dags chen po kun khyab bo/ /pang na gnas pa'i phag mo ni/ /phyag gis 'khyud par mdzad pa las/ /gdug pa bdud kyi khrag 'chang zhing/ /zhal nas khrag gis rgyun 'dzag pa/ /khrag chen gyis phyugs sku yan lag /
- 309a
chags dang bcas shing sgra grol ba/ /thod pa'i phreng bas bcings pa yin/ /ha he zhes bzhad spyan gsum sku/ /dum bu dang ni thod pas brgyan/ /g.yas na sdigs mdzub rdo rje ste/ /bdud sogs kun la sdigs par mdzad/ /mkha' 'gro ma ni mA ma kI/ /mdun gyi 'dab ma gnon par bzhugs/ /phyag bzhi skra ni grol ba la/ /rtse mo lnga yis rnam brgyan pa/ /phyag rgya lnga sogs sku la mnga' / /spyan gsum khro bo hUM mdzad cing/ /sku mdog sde la 'jigs pa che/ ha ha zhes ni 'jigs par mdzad/ /thod pa'i cod pan lnga pa ste/ /dbu skra grol zhing 'jigs par mdzad/ /kha TwAM ga brten thod pa bsnams/ /rnal 'byor mtshon chags ma ru g.yas/ /phyag bzhi pas ni rnam par brgyan/ /g.yon nas bskor ba'i pad+ma la/ /lA ma zhes bya sgrel mdzad ma'o/ /sku mdog ljang gu 'jigs pa che/ /ha ha zhes bzhang gtsigs pa po/ /rtse dran lngas ni brgyan pa ste/ /dbu skra grol zhing 'jigs mdzad pa/ /spyan gsum ba la hUM mdzad cing/ /khatA ga brten thod pa bsnams/ /rnal 'byor mtshon dang Da ma ru/ /phyag bzhi pas ni rnam par brgyan/ /khaN+Da ro ni gos dkar mo/ /byang gi 'dab ma gnon pas bzhugs/ /sku mdog dmar mo shas cher 'bar/ /phyag bzhi 'jigs pa'i hUM mdzad pa/ / dbu skra grol zhing 'bar ba la/ /rtse bran lngas ni rnam par brgyan/ /rnal 'byor snod dang kha TwAM ga /rnal 'byor mtshon dang Da ma ru/ /phyag rgya lngas ni brgyan pa dang/ /spyan gsum 'og pag dag gis brgyan/ /nub kyi 'dab mar gzugs can ma// sku mdog sar zhing cher 'bar ba/ /ha ha zhes bzhad 'jigs par mdzad/ /sgra grol kha twAM ga dang bcas/ /phyag bzhi dag gis rnam par brgyan/ /spyan gsum hUM gis 'jigs par mdzad/ /rtse bran lngas ni rnam par brgyan/ /phyag rgya lnga
- 309b
sogs sku la mnga' / /rnal 'byor mtshon pa snod rnams pa'o/ /chu dang me dang rlung dang ni/ /sa yi khams bdag nyid yin no/ /sgrub pa'i rnal 'byor ma bzhi po/ /phyi dang nang na yang dag bzhugs/ /mtshams kyi cha yi pad+ma la/ /ma dang de bzhin pha ngag dang/ rgyal po dang ni rgyal rigs gnyis/ /mdo bo'i snod ni mchod byed pa/ /gnyis med ye shes rnal 'byor ma/ /bu la sogs pas yang dag drangs/ /bkug ste 'khor lo'i nang du bzhugs/ /rnal 'byor can gyis rtag tu mchog/ /de la bu skyes rnal 'byor ma'i/ /'khor lo'i gnas ni bshad bya ste/ /pu zhes bya ba ni pul+lir ma la ya ste/ thad pa'i dum bu can dang/ rab gtum ma'o/ /dza zhes bya ba ni dzA land+ha ra ste/ keng rus chen po dang/ gtum mig ma'o/ /o zhes bya ba ni u rgyan te/ keng rus can dang/ 'od ldan ma'o/ /oM zhes bya ba ni arpu ta ste/ mche ba rnam par gtsigs pa dang/ /sna chen ma'o/ /de dag ni gnas so/ /go zhes bya ba ni go dA bar ste/ /lha dgra dang/ brtan pa'i blo can ma'o/ /rA zhes bya ba ni rA ma shwa ri ste/ 'od dpag med dang/ me'u thung ma'o/ /de zhes bya ba ni de bi ko TaM ste/ rdo rje 'od dang laM ka'i dbang phyug ma'o/ /mA zhes bya ba ni mA la ba ste/ rdo rje'i sku dang/ shing grub ma'o/ /de dag ni nye ba'i gnas yin la/ thugs kyi 'khor lo ste/ nam mkha' la rgyu ba yin no// // kA zhes bya ba ni kA ma ru pa ste/ myu gu can dang/ sa srungs ma'o/ /oM zhes bya ba ni o Te ste/ rdo rje ral pa can dang/ 'jigs byed chen mo'o/ /de dag ni zhing ngo/ /tri zhes bya ba ni tri sha ku ne ste/ dpa' bo chen po dang/ rlung gi shugs can ma'o/ /ko zhes pa ni ko sa la ste/ rdo rje hUM mdzad dang/ chang 'thung ma'o/ /de dag ni nye ba'i zhing ngo/ /ka zhes bya ba ni ka ling+ga ste/ rab tu bzang po dang/ mdog ljang ma'o/ /la zhes bya ba ni laM pA ka ste/ rdo rje bzang po dang/ shin tu bzang mo'o/ /de dag ni
- 310a
tshand+ho ha'o/ /ka zhes bya ba ni kany+tsi ste/ 'jigs byed chen po dang/ rta rna ma'o/ /hi zhes bya ba ni hi mA la ya te/ /mig mi bzang dang/ bya gdong ma'o/ /de dag ni u pa tshand+ho ha yin pas gsung gi 'khor lo ste sa la rgyu ba yin no/ /pra zhes bya ba pre ta pu ri ste/ stobs bo che dang/ 'khor lo'i shugs can ma'o/ /gri zhes bya ba ni gri ha de ba ste/ rin chen rdo rje dang/ dum skyes ma'o/ /de dag ni 'dus pa zhes bya'o/ /so zhes bya ba sa rOSh+TA ste/ /rta mgrin dang/ shauN+Di ni'o/ /su zhes bya ba ni su war+N+Na dwI pa ste/ nam mkha' i snying po dang/ /'khor lo'i go cha ma'o/ /de dag ni nye ba'i 'dus pa can no/ /na zhes bya ba ni na gar ste/ dpal he ru ka dang/ shin tu dpa' mo'o/ /sa zhes bya ba ni sind+hU ste/ pad+ma gar gyi dbang phyug dang/ stobs chen ma'o/ /de dag ni dur khrod de/ ma zhes bya ba ni ma ru de sha ste/ rnam par snang mdzad dang/ 'khor lo sgyur ma'o/ /ku zhes bya ba ni ku lu ta ste/ rdo rje sems dpa' brtson 'grus chen mo'o/ /de dag ni nye ba'i dur khrod do// sku'i 'khor lo ste sa 'og na gnas pa yin no/ /sgo rnams ni khwa gdong ma dang/ 'ug gdong can ma dang/ khyi'i gdong can ma dang/ phag gdong can ma'o/ /mtshams rnams su ni gshin rje brtan ma dang/ /gshin rje'i pho nya mo dang/ gshin rje mche ba ma dang/ gshin rje 'joms ma'o/ /grub pa'i dpa' bo rnal 'byor ma/ /phyogs kun tu ni rnam par gnas/ /pha rol phyin bcu dag pa ste/ /sa bcu la ni rnam par bzhugs/ /he ru ka dpal rgyal po che/ /phyi dang nang du yang dag bzhugs/ /de la sogs pa mdza' yas mchog /byang chub sems dpa' du ma'o/ /dkyil 'khor du lha dgod pa'o// //mkha' 'gro ma la sogs pa dang/ /sgo spungs brgyad po gtogs pa/ 'khor lo gsum la thod
- 310b
ba'i dum bu la sogs pa rnams ni phyag gnyis pa/ zhal gcig pa/ ral pa'i thor tshugs dang dar gyis brgyan pa/ phyag rgya lnga dang spyi gtsug gi nor bu dang ldan pa 'og pag gis brgyan pa/ /spyan gsum pa/ phyag gnyis kyis 'khyud pas/ rdo rje dang dril bu bsnams pa/ lha mo la gzigs shing spros 'dzin pa'o/ /rab tu gtum ma la sogs pa'i lha mo rnams ni/ rang gi bdag po'i sku mdog dang ldan pa/ zhal gcig pa phyag gnyis pa ste/ dbu skra grol bas rnam brgyan pa/ /thod pa dang ni 'khyud pa dang/ /gri gug dang ni sdigs mdzub can/ /spyan gsum hUM gis 'jigs par byed/ /rtse bran dum bus rnam par brgyan/ /mkha' 'gro ma sogs thams cad kyang/ /g.yon nas skor ba sngon 'gro ba/ /rgyu dang mi rgyu'i 'jig rten gsum/ / 'gro kun g.yon nas 'byung ba yin/ /dkar min dkar dang dmar po ni/ /tha ma mchog dang bar ma ste/ /thams cad ji bzhin dgod pa ni/ /bla ma'i rim gyis drin yin no/ /kha la sogs pa brgyad po ni/ /mkha' 'gro la sogs dbye ba yis/ /zhabs? kyis rol gnon pa dang/ /sna tshogs gzugs can bzhi bo yin/ /thams cad khro bo rnam rgyal sogs/ /rnal 'byor ma brgyad sprul ba yin/ /rdo rje mtshan ba'i kha TwAM ga /pad+ma'i snod ni lnga can te/ /g.yas pas mtshon cha 'phyar ba ni/ /gdug pa thams cad des gnon pa'o/ /dpal ldan he ru ka sogs kun/ /g.yon gyis 'khyud cing nu ma 'dzin/ /lha rnams kyi phyag dang/ sku mdog dang/ phyag mtshan te/ byang chub kyi yan lag gsum cu rtsa bdun du byas pa'o// //nA da'i gzugs sogs sngon du 'gro ba dang/ gos dang/ phyag rgya lnga la sogs pa dang/ shes rab kyi yan lag dang/ phur bu dang/ dra ba dang/ A li kA li zhes brjod nas/ /rgyu sogs rtog pa sngon 'gro ba/ /'jug pa sgra la sogs pa nas/ /ji srid bsdus
- 311a
pa'i rim gyis so/ /'bad pa yis tre de bzhin du/ /shes rab yan lag bstan gyi ste/ /mgul rgyan gtsug tor dbu rgyan dang/ /rna rgyan tshangs pa'i srad bu dang/ /mgul bar rgyan bcings mgo bor phreng/ /ska rags dang ni sil khrol sgra/ /ral pa cod pan dar dang ni/ /bcos ma'i sgra yis rnam par brgyan/ /rdo rje pad+ma kha TwAM bcas/ /rde'u chung sgra dang hUM sgrogs shing/ /dpa' bo kun dang rnal 'byor ma'i/ /go cha gsum gyis brgyan pa yin/ /he ru ka dpal dpa' bo che/ /rang gi bdag nyid gcig tu byas/ /sems can kun la rjes brtse ba'i/ /blo ldan bum pa mngon par bzlas/ /bum pa mchog ni bcu dag tu/ /de nyid kyi ni mtshan nyid gsungs/ /chu ni 'o mar yang dag bsre/ /chu chen chu chung bum pa dag /dri dang me tog sna tshogs pas/ /dbugs dbyung mchog dang bar ma yis/ /dri yi chus ni yang dag byug /kha ni 'dab mas yang dag brgyan/ /sangs rgyas kun gyis mkha' 'gro ma/ /cho ga bzhin du mngon par bzlas/ /mgul pa gos kyis rnam dkris shing/ /rgyan ni mdzes pas rnam par brgyan/ /me tog phreng gis kun bskor ba/ /brgyad po dag ni sgo ru dgod/ /bum pa dgu pa dbus su'o/ /ma dang de bzhin pha dag dang/ /rgyal po rgyal rigs gnyis kyi ni/ /bum pa chus ni rab tu dga' / /kha dog lnga pa'i gos kyis ni/ /brgyan cing mgul pa dkri bar bya/ /sna tshogs 'dab mas kha dgab cing/ /rang byung me tog dag gis mchod/ /lho yi sgo yi logs su ni/ /ri mo'i dbus su bzhag par bya/ /bla bre dag ni bre bya zhing/ sna tshogs pa yi gos kyang bri/ /rgyal mtshan gdugs sogs dar rnams kyis/ /gnas dang gnas su rnam par brgyan/ /bum pa bzhag nas mchod pa ni/ /ji skad bshad pa bzhin du bya/ /rin chen gser gyis mdzes par
- 311b
ni/ dkyil 'khor kun tu gtong bar bya/ /spos snod dag ni brgyad po dang/ /mar me'i sdong bu de mnyam bya/ /til mar chen po rab sbar la/ /spos ni lnga po sngon 'gro ba'o/ /sna tshogs me tog 'phyang ba dang/ /sna tshogs chad dang khu ba dang/ /rol mo dag gis rab bkar zhing/ /sna tshogs rnal 'byor ma spang na/ /dri bzang me tog sna tshogs ldan/ /sna tshogs pa yi glu len cing/ /sna tshogs gar gyi gar bzang? byed/ /bkra shis sgra ni sna tshogs pa'i/ /dga' ston sh+rI he ru ka yi/ /spyod pa dang ni 'gro ba'i gnas/ /'dod pa rnal 'byor ma yi laM/ /sgo bzhi dag tu rnal 'byor ma/ /dpa' bo gnyis med dag gis mtshan/ /tshon chen la sogs gos dag gam/ /dar la sogs pa dag gis brgyan/ /phyag rgya lnga la sogs pa'i lus/ /rtse bran lngas ni rnam par brgyan/ /rdo rje dril bu yang dag 'khyud/ /sgo brgyad ngag tu kha sbyor ro/ /tshogs kyi gtso bo bdag po kun/ /'khor lo sgyur ba'i rnal 'byor yin/ /sngar bshad rgyan gyis brgyan pa dang/ /ston dang gnas ni rnam mdzes par/ / dpal ldan rdo rje dril bu 'phyad/ /'khyud cing nu ma 'tshir ba dang/ /steng gi mgo bo spyi gtsug dang/ /mig sogs gos chas rnam par brgyan/ /rdo rje sems sogs byin brlabs la/ /rnal 'byor chen po gnyis med gnas/ /byang chub yan lag sum cu bdun/ /byas shing go bgos mnyam par bzhag /de ltar go bgos bdag nyid ni/ /sum cu gsum pas kyang mi shigs/ /dkyil 'khor gyi lha mo dang dpa' mo rnams la mchod pa'o/ /rang nyid ji ltar grub par ni/ /ye shes 'khor lo rnam par bsgom/ /bdag nyid kha sbyar byas pa yis/ /dam tshig la ni gzhug par bya/ /dang por spyan drangs phyag rgya yis/ /gyen du pheM gi sgra bsgrags la/ /mchog dang bar ma'i rnal 'byor ma/ /'jig rten khams la sogs pas dgug /rang
- 312a
nyid sku mdog phyag mtshan dbyibs/ /sngar bshad pa yi rgyan dang ldan/ /rang gi phyag mtshan rgyan bcas la/ /ral pa'i thor tshugs dag dang ldan/ /dam tshig 'khor lor zhugs nas ni/ /gnyis med ye shes bsgom par bya/ /he ru ka dpal la sogs kun/ /g.yas brkyang bas ni gdan la bzhugs/ /ye shes kyi 'khor lo spyan drang ba'o// //he ru ka dpal sogs 'khor lo'i/ /lha rnams phyi dang nang gis mchod/ /lha yi grangs bzhi blo ldan pas/ /mdzes pa'i gos kyang dbul bar bya/ /'khor lo sgyur dang dpa' bo ni/ /rang 'byung me tog gis mchod cing/ /gdong ni dag bar bkru bar bya/ /lho phyogs sgo nas dag bas so/ /gnyis med gnyis med sngags kyis ni/ / mngon par bzlas la byin gyis brlab/ /sangs rgyas kun gyi mkha' 'gro mas/ /khyad par du ni mngon par bzlas/ /sgo srung kun gyi rnal 'byor mas/ /ji srid brgya rtsa brgyad bzlas par/ /sngags pas lha yi grangs bzhin du/ /A li kA li zhes smra zhing/ /byin gyis brlabs la mnyam par mchod/ /dkyil 'khor lha rnams mnyes par bya/ /dkyil 'khor byin gyis brlab pa'o// //bya ba'i mchod pa'i khyad par ni/ /b+ha ra tis ti gi bri ste/ /ki shi ge kya dang ar ba di/ /bar rnams kun gyis gar bya'o/ /chags bcas mngon sbyor tshul gyis ni/ /rnam par 'phyar bas rnam rol cing/ /sgeg dang bcas pa'i gom stobs kyis/ /gom stabs brgyad kyi gar bya'o/ /'khyud sogs bya ba kun dad? ni/ /'khyud cing nu ma btsir ba dang/ /dang po rnal 'byor ma mnyes bya/ /nang gi bdag nyid sbyin sreg gis/ /skye bo dam pa kun 'dus bya/ /he ru ka dpal rgyal po che/ /mdza' ba thams cad yang dag 'dus/ /zhi ba'i chu la dngos grub ni/ /
- 312b
dam pa'i gnas ni rtag pa 'grub/ /rgyun chags la sogs thams cad dang/ /bza' ba zhim po sna tshogs dang/ /sha rlon dag gis khyad par du/ /sngags dang ldan pas sbyin sreg bya/ /oM sarba badzra kA mi ni b+hak+ShaM sho d+ha ya gu hya badzrI Na hUM phaT swAhA/ mngon par bsngags shing byin gyis brlab pa'o/ /lta ba yis ni sbyin sreg mes/ /pad+ma'i 'dab ma 'dab brgyad ba/ /dpa' bo'i dbang sogs sum cu bdun/ /pad+ma'i lte ba ge sar la/ /ji bzhin las kyi rjes mthun par/ /lha yi bdag nyid dngos byas la/ /cho gas sbyin sreg kun byas na/ /brtag mi dgos par dngos grub 'gyur/ /bza' 'am yar na btung ba dag /brtul zhugs can ni ci za ba/ /mchog dang bar ma'i dbugs dbyung ba/ /bsam pa thams cad rab tu brtag /bdag nyid lha ni lha yi mchog /bdag nyid lha ni lha dam pa/ /bdag gi gzugs la ma chags la/ /gzugs brnyan la sogs lta bur shes/ /bdag nyid sangs rgyas thams cad dang/ /dpa' bo kun gyi gnas yin te/ /de las 'bad pa thams cad kyis/ /bdag nyid he ru ka dpal mchod/ /de ltar 'bad pa thams cad kyis/ /dge ba yongs su rgyas par 'gyur/ /las tshogs gang zhig bsams pa rnams/ /'grub 'gyur 'di la the tshom med/ /dpal 'khor las kyi nang gi sbyin sreg go/ drug cu pa sogs bzar bcas pa'i/ /zan dron sha dang nya sha dang/ /bar dang mchog gi lnga po yi/ /gtor ma 'bad de dbul bar bya/ /thod pa'i nang du legs bzhag ste/ /dang po phyag rgyas spyan drang ngo/ /gyen du pheM gi sgra sgogs shing/ / mig dang gdod dang yan lag bsgyur/ /bkug cing bkug cing kun mchod la/ /dpa' bo rnal 'byor mas spyan drang/ /rdo rje thal mo spyi bor dbye/ /reg par gyur na 'byung bar 'gyur/ /dpa' bo rdo rje rnal 'byor ma/ /ji bzhin las la sbyar bar bya/ /
- 313a
mtshan mo skra grol gcer bu yis/ /brtul zhugs can gyis gtor ma sbyin/ /he ru ka dpal rnal 'byor bdag /des ni rnal 'byor ma rnams mnyes/ /gtor ma'i cho ga'o/ /pha rol phyin pa'i rgya drug sogs/ / byang chub sum cu rtsa bdun nyid/ /gnas la sogs pa sa bcu dang/ /che mchog lha yi bdag nyid can/ /gdan du byas pa'i bdag nyid can/ /dbang bskur ba ni dam pa'o/ /dag dang ma dag 'dres pa ste/ /sgrub pa po ni mngon sum gnas// mnyes byed rnam par dag pa dang/ /gsal byed yon tan ldan pa'i mi/ /de ltar phyi dang nang gi sbyin sreg bya/ /gtor ma'i bya ba dang/ mchod pa'i bya ba'i las ma lus par byas pa'i rnal 'byor pas slob ma ma lus pa'i tshogs kyi bdag po nyid mngon sum du byas la 'di skad ces brjod par bya'o/ /gong nas gong ma'i sdom pa ni/ /bu khyod kyis ni bsrung bya ste/ /grol ba'i rgyu ni de las gzhan/ /thabs ni ci yang yod ma yin/ /gnyis med gnyis med rnal 'byor dag / byang chub shes rab yan lag sprul/ /ma dang de bzhin pha dag dang/ /rgyal po dang ni rgyal rigs gnyis/ /thod pa der ni legs bzhag pa/ /slob ma'i sdig pa 'jig byed pa'o/ /slob dpon mkhas ni dbang bskur ba/ /yig bdun kun mkhyen gyi slob ma/ /khu tshur zhes ni brjod bya zhing/ /go cha che la sogs pas bsrung/ /rdo rje sems sogs pas go bskon/ /dar dpyangs dag kyang bcings par bya/ /sems can dman dang mchog dang ni/ /slob ma la sogs yid shes bya/ /dngos grub 'dod pas dngos kun gyis/ /dang por slob don mgu bar bya/ /slob ma yongs su brtag pa'o// //de nas slob ma sogs bya ba/ /lag pas lag pa gzung nas ni/ /sh+rI he ru ka ya padmi he bi dyA rA dzA d+hi ma he
- 313b
swAhA zhes bya bas dpa' bo bskul bar bya'o/ /sangs rgyas kun gyi rang bzhin sku/ /slob dpon la ni skyabs su mchi/ /dpa' bo rnal 'byor ma 'khor ro/ /rnal 'byor gnas la bdag phyag 'tshal/ /slob ma'i gsol ba'o/ /don dam smra ba'i seng ge rnal 'byor che zhes pa/ /nyon mongs gcod pa'i don la shin tu mkhas gyur pa/ /srid pa'i nyes brgya bskyed la nyon mongs gcod mdzad lha'i/ /rnal 'byor don dam rgyal po de nyid grub par mdzod/ /de bzhin gshegs pa kun gyi gnas/ /he ru ka dpal grong khyer mchog /snying po'i dkyil 'khor 'di ru ni/ /bdag gis slob ma gzhug par bgyi/ /de nas lho phyogs kyi sgor mngon du phyogs par byas la/ oM na ma ste hUM/ na mA mi hUM/ na mo na ma hUM swAhA/ zhes bya bas sku gsung thugs kyi sgo nas phyag bya ba sngon du 'gro bas lan gsum phyag byas la/ oM sarba bI ra yo gi ni pU dzo pa s+tha na ya At+ma naM nirya ta yA mi/ sarba ta thA ga ta bI ra yo gi rI At+ma naM badzra DA ki ni a d+hi tiSh+Tha swA mAM zhes bya bas lus thams cad kyis phyag byed du gzhug go /de nas g.yon phyogs su de snying gar thal mo sbyor du bcug la shar phyogs kyi sgo nas/ oM sarba bI ra yo gi nI pU dza a b+hi She ka At+ma ni nirya ta yA mi sarba ta thA ga ta bI ra yo gi ni a ha ma naM badzra lA mi ratna a b+hi Shiny+tsa tu mAM/ de nas byang phyogs kyi sgor thal mo de nyid dpral bar bzhag la phyag byed du gzhug ste/ oM sarba bA ri yo gi ni pU dza pra brtan ya At+ma na nirya ta yU mi/ sar ba ta thA ga ta bI ra yo gi ni at+ma na badzra khaN+Da ro ha ryi pra barta ya mAM/ de nas nub phyogs kyi sgor thal mor nyid mgor bzhag la phyag byed du gzhug ste/ oM sarba bI ra yo gi ni pU dza karma ka ra Na ya at+ma naM nirya ta yA mi/ sarba ta thA ga ta bI ra yo gi ni At+ma badzra rU paM Nirya karma ka ru mAM/ phyag bzhi'o/ /de nas lhor ni phyag byas te/ /slob ma'i lag nas bzung
- 314a
nas ni/ /bde mchog sdom pa'i cho ga bzhin/ /thams cad brjod de sbyin par bya/ /sangs rgyas chos dang dge 'dun te/ /dkon mchog gsum la skyabs su song/ /'di ni sangs rgyas rigs 'das pa'i/ /sdom pa brtan par gyur pa'o/ /rdo rje dril bu'i phyag gya ni/ /blo chen khyod kyis bzung bar bya/ /byang chub sems gang rdo rje/ /she rab dril bu zhes grags so/ /slob don khyod kyis bzung bya ste/ /bla ma sangs rgyas kun dang mnyam/ /'di ni rdo rje rigs dag pa'i/ /dam tshig sdom pa yin par bshad/ /rin chen rigs la rtag tu ni/ /nyin re bzhin yang lan drug tu/ /chos dang zang zing mi 'jigs byams/ /sbyin pa rnam bzhi rtag tu sbyin/ /phyi dang gsang ba'i theg pa gsum/ /dam pa'i chos kyang ma lus gzung/ /'di ni pad+ma'i rigs dag pa'i/ /dam tshig yid du 'ong ba'o/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bya/ /rtsa ba'i ltung ba bcu zhi ni/ /gang phyir rgyud las gsungs pa rnams/ /blo chen khyod kyis rtag tu ni/ /dngos grub phyir ni bsrung bar bya/ /dam tshig bsgrag pa'o/ /slob dpon 'dir ni bdag la gson/ /gtso bos ji ltar bka' stsal pa/ /de ltar bdag ni bgyid par 'tshal/ /ji ltar dus gsum mgon po rnams/ /byang chub tu ni nges mdzad pa'i/ /byang chub sems ni bla med pa/ /dam pa bdag gis bskyed par bgyi/ /sangs rgyas rnal 'byor sdom pa la/ /sdom pa yi ni tshul khrims dang/ /dge ba'i chos ni sdud pa ngo/ /sems can don byed tshul khrims gsum/ /bdag gis brtan por gzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /de nas brtsams te gzung bar
- 314b
bgyi/ /nam du yang mi btang ngo/ /rdo rje'i rigs mchog chen po la/ /rdo rje dril bu phyag gya yang/ /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ / nyin re bzhin du dus drag tu/ /spyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs mchog dag pa la/ /phyi dang gsang ba theg pa gsum/ /dam pa'i chos ni gzung bar bgyi/ /las kyi rigs mchog chen po la/ /sdom pa thams cad ldan par ni/ /yang bdag nyid du gzung bar bgyi/ /mchod pa'i las kyang ci nus bgyi/ /byang chub sems ni bla med pa/ /dam pa bdag gis bskyed bgyis nas/ /sems can kun gyi don gyi phyir/ /bdag gis sdom pa ma lus gzung/ /ma sgral ba ni bsgral bar bgyi/ /ma grol ba ni dgrol bar bgyi/ /dbugs ma phyung ba dpungs du byung zhing/ /sems can mya ngan 'das la dgod/ /sdom pa gzung ba'o/ /deng khyod dpa' bo dang rnal 'byor ma thams cad kyi rigs su zhugs kyis/ ngas khyod la dpal he ru ka'i ye shes bskyed par bya ste/ ye shes gang gis khyod de bzhin gshegs pa thams cad dang/ /dpa' bo dang rnal 'byor ma thams cad kyi dngos grub kyang thob par 'gyur na dngos grub gzhan lta ci smos/ khyod kyis dkyil 'khor ma mthon ba rnams kyi mdun du smra bar mi bya ste/ dam tshig nyams par gyur ta re/ he ru ka dpal deng khyod kyi snying la yang dag gzhugs par gyur/ /gal te tshul 'di smras na ni/ /de ma thag tu dral te gshegs/ /de nas dam tshig blud pa ni/ /ga bur tsan dan ldan pa dang/ /bde ba'i me tog chur bcas pa/ /sangs rgyas kun dang mkha' 'gro ma'i/ /slob ma blo gros brtan pa la/ /blangs te rgyan gyis de la sbyin/ /
- 315a
thod pa legs par sbyar nas ni/ /gzi mdang bcas pa 'di skad brjod/ /'di ni khyod kyi dmyal ba'i chu/ /dam tshig 'das na bsreg par byed/ /dam tshig bsrungs na dngos grub ni/ /rdo rje bdud rtsi'i chu 'dis 'thob/ /oM sarba pany+tsa a mri ta da ka tha:hUM/ der nas brtsams te khyod kyis dpal he ru ka nga nyid yin gyis/ gang 'di byos shig ces bsgo ba de khyod kyis bya'o/ /khyod kyis nga la brnyas par ma byed cig /khyod mi bde ba ma spangs par dus byas nas dmyal bar lhung bar 'gyur ta re/ de nas dpa' bo dang rnal 'byor ma thams cad kyis byin gyis rlobs shig /dpal he ru ka bdag la 'bab par mdzod cig ces smrar gzhug go /thar chu lnga rtsi legs sbyar ba'i/ /bskus shing gos ni legs brdungs dang/ /byi la'i rtug pa nyid dang ni/ /gu gul lhan cig sbyar nas ni/ /pad+ma'i snod du gzhag nas su/ /yi dags me yis gdung bar bya/ /gnyis med gnyis med sngag kyis ni/ /'gyings bcas 'dug ste gzi ldan pa/ /sngar bshad rgyan dang ldan pa dang/ /de bzhin go cha bgos nas ni/ /'khor lo kun gyi dpa' bo dang/ /rnal 'byor ma rnams de snying gzhug /g.yas brkyang pa la legs bsdams pas/ /gnyis med sngags ni brjod nas ni/ /gdug pa de dang gsang sngags kyis/ /skad cig de nyid dag la 'jug /oM tiSh+Tha mahA kro d+ha A be sha hUM/ oM sh+rI he ru k+Sha ya bi dma he pi dyA rA dz+nyA ya d+hi ma he swAhA/ zhes bya ba 'dis dpa' bo bskul bar bya'o/ /de nas lag ba bzung ba yis/ /mig phye nas ni blta bar bya/ /he ru ka dpal der khyod kyis/ /mig 'byed par ni brtson par mdzad/ /oM badzra Na tra ya a pa ha ra pa Ta laM h+rI(rgyud 'grel): dkyil 'khor bzang po 'di la ltos/ /da ni dad pa rab tu bskyed/ /khyod ni rnal 'byor ma rigs skyes/ /
- 315b
sngags dang phyag rgyas byin gyis brlabs/ /'gro ba phun sum tshogs kun dang/ /dngos grub phun tshogs khyod mngon 'gyur/ /dam tshig thams cad bskyang ba dan/ /gsang sngags la yang brtson par gyis/ /gang du me tog lhur gyur pa/ /de yi gnas sogs bstan par bya/ /slob ma gzhug pa'o// //sna tshogs pad+ma'i lte bar bzhugs/ /gnyis med gnyis med par na gnas/ /brtan g.yo kun gyi bdag nyid can/ /spyod dang grol ba rab stsol ba/ /kun mkhyen kun mdzad gtso bo ste/ /dpa' bo che la bu khyod ltos/ /rnal 'byor ma la sog pa'i tshogs/ /grub pa'i rnal 'byor ma lnga po/ /thor pa'i dum bu la sogs kun/ /'khor lo mkha' la spyod pas bskor/ /rab gtum mo sogs yang dag 'khyud/ /gnyis po thugs kyi sprul pa yin/ /myu gu can la sogs ba kun/ /rnal 'byor ma brgyad gnyis su med/ /gsung ni rnam dag ngo bo yis/ /mi yi 'jig rten dag tu khyab/ /stobs po che sogs par gnas pa/ /grub pas sa 'og gnas pa yin/ /sku'i sprul par bshad pa ste/ /chags pa kun gyi rjes su chags/ /he ru ka dpal sogs 'khor la/ /g.yon nas 'khyud cing nu ma 'dzin/ /sku gsum zhes bya'i sprul pa ste/ /'bring dang mchog dang tha ma'o/ /khwa la sogs pa brgyad pa yi/ /gzugs ni sgyu yis yang dag bstan/ /khro bo rnam rgyal la sogs brgyad/ /byang chub sum cu rtsa bdun sprul/ /mkha' la spyod dang sa la spyod/ /sa 'og dag gis ma mo brgyad/ /brgyad gnyis mchod pa'i lha mo yis/ /lha rnams de nyid mtshan pa yin/ / dkyil 'khor gyi de ho na nyid do// //de nas slob ma bla ma yi/ /zhabs la dad pas phyag 'tshal te/ /thal sbyar yon ni phul ba yis/ /dbang bskur don du gsol ba gdab/ /he ru ka dpal dbang bskur ba/ /'gro ba skyob phyir gzi brjid can/ /
- 316a
ji ltar yon tan 'byung gnas sogs/ /de bzhin dag la de stsol cig /dpa' bo chen po mi ldog pa'i/ /dbang bskur ba ni bdag la stsol/ /sems can kun gyi don gyi phyir/ /bdag ni rtag tu slob dpon bgyid// 'jug pa sgo yi lho phyogs su/ /he ru ka dpal bdag nyid sems/ /pad+ma 'dab brgyad steng du ni/ /seng ge'i khri sogs la bzhag ste/ /slob ma gnyis med sbyar ldan pa/ /sna tshogs stan la gzhag nas ni/ /gnyis med ye she sems ldan gyis/ /me tog dbang bskur la sogs pa/ /thams cad cho ga bzhin sbyin zhing/ /dkyil 'khor lus nang chud par bya/ /phyag rgya lnga la sogs pa'i lus/ /he ru ka dpal bdag nyid sprul/ /spyod dang brtul zhugs brtan pa dang/ /de bzhin gnyis med tshangs spyod bstan/ /steng du gdugs dkar bzung nas ni/ /dpa' bo rnal 'byor ma tshogs kyi/ /bkra shis sgra yis gang ba yis/ /glu len rol mo snyan pa yis/ /he ru ka dpal bdag nyid sprul/ /rab tu 'bad de mchod par bya/ /dbang bskur bar gsol ba'o/ /rnal 'byor pa yis yungs kar ni/ /cho ga bzhin du yongs bzlas pas/ /gsang sngags brjod cing brdeg pa ste/ /he ru ka dpal sogs gnyis med/ /bzlas nas dkyil 'khor thams cad ni// dkyil 'khor glu yis glu len cing/ /gnyis med ye shes gzigs pa rnams/ /thams cad cho ga bzhin dbang bskur/ /yang na sngar gyi cho ga yis/ /rnam rgyal bum par brdeg par bya/ /'dab ma'i rtse mos blangs nas ni/ /snga ma bzhin du dbang bskur zhing/ /gsang sngags nyi shu gnyis pa dang/ /sngar bsnyen pa yi sngags kyis ni/ /he ru ka dpal rnal 'byor che/ /brtag mi dgos par 'grub par 'gyur/ /yang na nus pa med gyur na/ /'khor lo kun gyi lha
- 316b
rnams ni/ /gnyis su med pa'i ye shes can/ /nam mkha' i khams ni thams cad dgang/ /sngon mdzad pa yi shugs kyis ni/ /dgyes pa chen pos legs byon te/ /he ru ka dpal la sogs pa/ /bsgoms nas thams cad dbang bskur ro/ / bkra shis glu yi rnam pa dang/ /chang dang sha khu'i dga' ston gyis/ /rnal 'byor ma kun dpa' bo rnams/ /gnyis med ye shes dag gis sprul/ /lha yi rigs kyis mtshan pa yi/ /me tog ji bzhin gtor par bya/ /me tog lhung ba blangs nas ni/ /slob ma'i mgo la bcing bar bya/ /'dab ma'i rtse dang lag gnyis kyis/ /sngags pas bum pa bteg nas ni/ /lus dang gtogs pa'i dkyil 'khor ni/ /cho ga bzhin du kun dbang bskur/ /de 'og rnam rgyal bum pa dang/ / dril bu sgra sgrogs glu yis ni/ /dpa' bo rnal 'byor ma sogs kun/ /bsgoms la thams cad dbang bskur ro/ /chu yis dbang bskur byin pa yis/ /sdig pa thams cad bkru bar bya'o/ /de nas rdo rje rgya gram mgor/ /ral pa'i thor tshugs kyis brgyan pa/ /sangs rgyas kun gyis bsngags pa yis/ /dar dpyangs dbang bskur byin par bya/ /oM sarba bud+d+ha DA ki nI ye badzra war+N+Na nI ye hUM hUM phaT swAhA/ zhes brjod la 'khor lo thams cad kyi dpa' bo la sogs pa brjod do/ /sngags kyi bskul ba'o/ /lag tu rang mtshan de nyid dang/ mtshan ma'i dbang bskur sbyin par bya/ /he ru ka dpal dbang bskur bas/ /de ring khyod ni dbang bskur bya/ /'di ni sangs rgyas thams cad de/ /rab tu sgrub phyir rdo rje long/ /de nas 'dir rang gi mtshan ma'i dbang bskur sbyin par bya ste/ oM sh+rI he ru ka a d+hi pa ti stwaM a b+hi Shiny+tsa mi tiSh+Tha mi tiSh+Tha bI ra sa ma ya stwaM/ thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje snyems tshul bdag
- 317a
po'i bdag /rdo rje'o/ /'di ni rnal 'byor ma kun gyi/ /shes rab dbyangs kyi rjes 'gror bshad/ /khyad kyis kyang ni rtag tu bcad/ /byang chub mchog tu rgyal ba bzhed/ /srid pa ngo bo nyid kyis dag /ngo bo nyid kyis srid bral byas/ /rang bzhin dag pa'i sems dpa' ni/ /srid pa dam pa byed par 'gyur/ /dril bu'o/ /rdo rje dril bu yang dag 'khyud/ /g.yon bsnyems pa dang sgros gnon 'chang/ /gnyis med gnyis med rnal 'byor bdag /phyag rgya chen por byin gyis brlab/ /nyi shu rtsa gnyis sngags kyis ni/ /sngags kyi dbang bskur sbyin par bya/ /oM sh+rI he ru ka a d+hi pa ti twaM a b+hi Shiny+tsa mi/ sh+rI he ru na ma a b+hi She ka ta zhes bya ba dang/ sh+rI'i sgra dang bcas pas ming gi dbang bskur sbyin par bya'o/ /'di ni sangs rgyas thams cad de/ /he ru ka dpal phyag na gnas/ /khyod kyis kyang ni rtag tu bcad/ /he ru ka dpal brtul zhugs brtan/ /oM sarba ta thA ga ta sid+d+he badzra sa ma ya tiSh+Tha ye Sha tpaM d+ha ra yA mi hUM ha ha ha ha ho/ rdo rje'i brtul zhugs so// /kha TwAM ga dang Da ma ru bzung ste/ he ru ka dpal kha TwAM ga /rnal 'byor ma ni Da ma ru/ /rdo rje kha TwAM rdo rje bcas/ /dril bu sil sil sgra sgrogs shing/ /tshangs pa'i skud thogs rnal 'byor bdag kha TwAM ga dang rnal 'byor snang/ /dpa' bo chen pos blang bar gyis/ /dbang bskur ba bdun no/ /de nas brtsams te rdzogs sangs rgyas/ /rnal 'byor ma dang dpa' bo'i tshogs/ /shes rab thabs kyi bsnyems chen gyis/ /gang mchod bde ba'i dga' ston gyis/ /gar ro/ /sgeg dang bcas pas phreng ba 'chang/ /sangs rgyas kun sogs rnal 'byor ma/ /des na bral bar mi 'gyur ro/ /phreng ba de ni rgyan yin no/ /phreng ba'o/ /lus can kun la
- 317b
dam chos kyi/ /khyod kyis glu ni blang bar bya/ /de nas rnal 'byor ma de dang/ /myur du bde ba myong bar 'gyur/ /glu'o/ /khyod kyis rgyal la dri phul bas/ /tshul khrims ting 'dzin shes rab dang/ /rnam rdol? ye shes mthong ba yis/ /byang chub lus can rnams la bsgo/ /dri'o/ /rdzogs sangs rgyas la spos phul bas/ /brtul zhugs bzang po la legs tshim gyis/ /lus can bde gshegs cha lugs su/ /ye shes kyis ni tshim par 'gyur/ /sbos so/ /chos kyi mig ni legs gsal ba/ /pad+ma gar dbang rang nyid de/ /sems can ma rig ldongs byas pa/ /ye shes sgron mas snang bar gyis/ /mar me'o/ /ji ltar mig mkhan rgyal po gis/ /'jig rten rab rib bsal ba ltar/ /su khyod kyis ni mi shes pa'i/ /rab rib rgyal ba rnams kyis bsal/ /oM badzra Ne Ta ya a pa ha ra phaT laM? trI:thur ma'o/ /chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las las kun tu 'byung/ /ngo bo med cing gnas med par/ /de ltar chos 'di shes gyis la/ /sems can don ni mnyam med byas/ /'on kyang rnal 'byor ma sras skye/ /me long ngo/ /sems can kun la phan pa'i phyir/ /'jig rten khams ni thams cad du/ /bya ba spyod tshul gsar ba yis/ /chos kyi 'khor lo bskor bar gyis/ /'khor lo'o/ /khyed kyi the tshom dogs med par/ /yid gnyis med pa'i sems kyis ni/ /chos kyi dung ni bla med pa/ /dri med kun hu gang bar gyis/ /dung ngo/ /de dag ni chos kyi 'khor na nyid do/ /zhi dang rgyas dang dbang dang dgug /sdang bar byed dang gnod sogs dang/ /gsod dang bskrab pa thams cad de/ /las de rnams ni grub par gyis/ /ral gri mig sman sa 'og dang/ /mchil ltam de bzhin ring po ste/ /rnal
- 318a
'byor ma yi dngos grub ni/ /de ni cig dgar bsgrub par bgyis/ /gnang ba'o/ /nang pas sngar langs sems bdag nyid/ /ma lus las ni byas nas kyang/ /bsrung dang bza' la sogs pa yi/ /sdom pa'i bdag nyid can bsrung ngo/ /lus dang srog la bltos med bar/ /dam tshig dang ni sdom pa 'grub/ /nyin dang mtshan mo lan gsum du/ /nyin re bzhin ni bzlas par bya/ /gang tshe nyams na rnal 'byor pa/ /kha nam tho sbom por 'gyur/ /dgun zla 'bring? po nas brtsams te/ /zla ba re re bsrung bar ni/ /gnyis med gnyis med 'khor lor gnas/ /tshes bcu la ni de rab mchod/ /chang dang sha sogs gang ci'ang rung/ /dpa' bo rnal 'byor ma'i tshogs/ /thams cad gnyis med pang? na gnas/ /he ru ka dpal rab tu mchod/ /theg pa dman pa 'dod mi bya /sems can la yang rgyab mi phyogs/ /'khor bdag kyang mi spang zhing/ /mya ngan 'das la dgar mi 'gro /dpa' bo rnal 'byor ma kun la/ /khyod kyis brnyas par mi bya ste/ /phyag rgya bzhon pa mtshon cha dang/ /mtshan ma bgom par mi bya'o/ /dam tshig rab bsrungs bsod nams kyis/ /tshe 'di nyid la 'grub par 'gyur/ /bud med thams cad mthong ba na/ /g.yon nas lan gsum bskor bya zhing/ /spyi bos phyag ni byas nas kyang/ /lan gsum bar du gsol ba gdab/ /bdag gi ma khyod bu yin te/ /ji srid byang chub byung bar du/ /byang chub yan lag nu ma las/ /byung ba'i rang gi 'o mas skyongs/ /gnyis med ye shes sbyong ldan pa'i/ /bslab pa blangs pa sngon 'gro ba'i/ /nad la sogs sngon 'gro bas/ /tshangs par spyod pa shin tu bsrung/ /dam tshig de la rtag tu bsrung/ /de sngon 'gro ba sbas pa'i gnas/ /spyod dang grol ba'i gnas 'dod pa'i//
- 318b
yid la 'dod pa kun 'byung 'gyur/ /gtso bas ji ltar bka' stsal pa/ /ji ltar bdag ni bgyis par 'tshal/ /dam tshig dang snom pa bsrung ba'o// //'dir dbang bsdus pa'i slob ma ni/ /lag nas bzung nas gzi bcas pas/ /gnyis med ye shes bla med pa/ /ma lus don ni kun brjod bya/ /gnyis med ye shes sems ldan la/ /mi bya ba ni ci yang med/ /tshangs par spyod pa rtag mnos pa/ /'dod pa lnga ni sbyad par gyis/ /gnyis med la gnas zas la ni/ /rdo rje sems dpa' la sogs brda/ /gnyis med pa dang thogs med pa/ /dam tshig sbyong pa'i sbyor ba bya/ /sna tshogs dbang phyug legs spyad cing/ /tshangs par spyangs pa de bzhin no/ /khro ba med pa'i rgyun spyad pa/ /sgrub pa pos ni yongs su bsrung/ /rtag tu bsgrub la gnas nas ni/ /yul kun la ni rnal 'byor pa'i/ /gnas med grub pa'i rnal 'byor ma/ /mi brtan srog na ji srid bar/ /bu khyod kyis ni bsgrub par bya/ /'dod pa'i longs spyod thams cad la/ /ci dga' bar ni longs spyod thams cad/ he ru ka dpal rnal 'byor ched/ /bsams nas thams cad rab tu brtag /bdag nyid sangs rgyas thams cad dang/ /rnal 'byor ma ni kun gyi gnas/ /de bas 'bad pa thams cad kyis/ /he ru ka dpal bdag mchod do/ /'dod chags bral ba lta bu yi/ /khams gsum na ni sdig med pas/ /de bas 'dod la chags bral bar/ /khyod kyis nam yang mi bya'o/ /bsrung ba'i dam tshig go/ //g.yon pa yis ni chos gos mdza' / /g.yas kyis mi 'jigs dbugs 'byin pa/ /he ru ka dpal rnal 'byor che/ /'khor lo thams cad rnam par gnas/ /he ru ka dpal lung ston bzhin/ /mgrin gcig tu ni thams cad kyis/ /'di ltar nga yis lung bstan te/ /he ru ka dpal de bzhin gshegs/ /dngos po
- 319a
mchog tu grub pa'i phyir/ /srid pa'i ngan 'gro rnams las bton/ /sh+rI he ru ka nA ma ta tha ga ta sid+d+hi sa ma ya stwaM b+hu rb+hu pa swA:/ gang la tshigs su bcad pa 'dis don yod par grub pa'i phyag rgyas gnas pa las mchog tu gsang ba'i cho gas mgrin gcig tu rgyal ba rnams kyis lung ston par mdzad do/ /lung bstan pa dang gzeng bstod pa'o// //khams gsum gyis ni rgyal srid che/ /rgyal ba'i bdag por bstan pa dang/ /deng ni bdud las rnam rgyal zhing/ /grong khyer mchog tu zhugs pa yis/ /deng ni sangs rgyas nyid thob par/ /khyed rnams the tshom med pa yin/ /dbang ni bskur ba tsam gyis ni/ /slob ma yon tan bdag par 'gyur/ /slob dpon nyid kyi bde ba yis/ /brtan g.yo kun gyi dam tshig yin/ /dbugs dbyung ba'o// //rta dang glang po shing rta nor/ /nor bu byu ru mu tig sogs/ /yon gyi mchog ni blangs pa rnams/ /phyag byas nas ni dbul bar bya/ /de nas brtsams te bdag bran du/ /khyod la bdag ni phul ba lags/ /rang gi slob mar gyur pa dang/ /cha yis kyang ni sbyang du gsol/ /slob ma gus pa med pa yis/ /dngos grub ring bar the tshom med/ /mos pa kun gyis slob ma yis/ /dang por yon gyis bya ba yin/ /gal te lha ni mnyes 'dod na/ /'bad de bla ma mnyes par bya/ /dpa' bo ji bzhin rig de bzhin/ /rig pa ji bzhin bla ma 'dra/ /dpa' bo rig dang bla ma la/ /mchod pa'i 'bras bu mnyam pa yis/ /slob dpon gyi ni yon yin no/ /de bas 'dir ni mdor bsdus nas/ /me tog ldan zhing shin tu brlabs/ /shin tu gsang ba'i sa phyogs ni/ /khams lnga dang ni yang dag ldan/ /phye mar byas te de thams cad/ /rdo rje lam du byug par bya/ /kun tu dga' la sogs pa bzhi/ /
- 319b
'khor lo kun bdag rnal 'byor ldan/ /'dod chags chos las byung ba'i mgon/ /chags pa kun gyis rjes chags pas/ /pad+ma'i snod du lag bzhag ste/ /rnal 'byor ma ni 'di skad smra/ /bram ze rgyal rigs rje rigs dang/ /dmangs rigs thar gnas bud med kun/ /gus dang bcas pas mchod pa dang/ /gnyis med tshul gyis tsam pa na/ /dpa' bo khyod ni spro gyur tam/ /smros shig dpa' bo bde ba che/ /ci gsungs dam tshig bsten par ni/ /lha mo bdag gis byed par nus/ /pad+ma bi ga sa twaM kri mugte? ke shi bi ba sre ke me tog tshur ldan dpa' bo yis/ /rnal 'byor ma la rdo rje sbyin/ /de nas brtsams te bu khyod ni/ /brtul zhugs bzang pos 'gro don gyis/ /bram ze rgyal rigs rje rigs dang/ /dmangs rigs tha ma dag spyad cing/ /b+ha ga pad+mar tsumpa na/ /bdud rtsi lnga ni bsgrub par bya/ /rnal 'byor ma yi rkang g.yon ni/ /lung bsgo bar ni sbyi bor bzhag /rdo rje rnal 'byor ma dpa' bo/ /gnyis med ye shes sems ldan la/ /dpa' bo las byung byang chub sems/ /rgyun gyis dbang ni bskur bar bya/ /'di ni byang chub 'grub rnal 'byor/ /khams lnga bcud kyi bdag nyid can/ /he ru ka dpal bdag sbyor bas/ /yang dag bde ba myong bar gyis/ /gnyis med ye shes dbang bskur ni/ /gsang ba kun la sogs par bshad/ /'di dag thams cad gsal ba che/ /dbang bskur ba ni mchog gi gnas/ /yon dang dad pa sngon 'gro bas/ /der ni phyag rgya gtang par bya/ /de nas ji skad bshad pa yis/ /cho gas sbyin sreg las bya zhing/ /rnal 'byor ma la gtor ma sbyin/ /mal 'gro ma ni mchod 'grub 'gyur/ /sangs rgyas zhing sogs zhing rnams la/ /khyad par du ni sbyin la spyod/ /dmangs rigs stong phrag gnyis dag kyang/ /bram ze gtsang ma gcig
- 320a
dang 'dra/ /bram ze stong phrag gnyis dag ni/ /dge slong gcig dang rab tu sbyad?/ /dge slong stong phrag gnyis dag ni/ /rdul med pa ni gcig dang mnyam/ /rdul med stong phrag gnyis dag ni/ /ye shes ldan pa gcig dang sbyar/ /ye shes ldan pa stong phrag gnyis/ /slob dpon gcig dang mnyam par brtag /de ltar sbyin pa'i zhing byas nas/ /blo dang ldan pas rtag tu sbyin/ /rnal 'byor rtsa ba'i chos la ni/ /zhing bzang po la sa bon btab/ /mtshams med pa dang sdig can yang/ /tshon rtsi mthong bas grol bar 'gyur/ /mngon par zhugs pa tsam gyis ni/ /gtsang ma'i gnas su skye bar 'gyur/ /sbyin bdag bzang po rnal 'byor pa/ /rim gyis myur du byang chub 'thob/ /me tog chu yi dbang bskur dang// cod pan rdo rje bdag po dang/ /ming dang sngags dang brtul zhugs dang/ /gnas dang dam tshig spyod pa dang/ /de bzhin lung bstan dbugs dbyung dang/ /gsang dang phyag rgya gtad pa dang/ /dbang bskur 'di rnams thob pa ni/ /sangs rgyas kun gyis rab tu mchod/ /dbang bskur ba bcu bzhi pa'o// //g.yas dang g.yon gyi legs su ni/ /bskor la de nas 'jug par bya/ /longs spyod rdzogs pa gzung nas ni/ /gnyis med ye shes dal bso'o/ /tshon la sogs pa'i dngos po kun/ /nang bar tho rangs bsdu bar bya/ /bsdus nas gser gyi bum par ni/ /bcug nas chu bo chen por dor/ /bum pa thams cad bsdus nas ni/ /sngon bzhin du ni dga' ston bya/ /de nas bdud rtsi lnga sogs dang/ /sbyar bas sa ni byug par bya/ /sngar gyi rdzas kyi lhag ma rnams/ /gnyis med ye shes sbyin sreg bya/ /mdza' bo sdug dang rigs mthun bcas/ /snod gyur skye bo gnyis med dang/ /bkra shis glu yi rnam pa dang/ /rdo rje dril bus rol pa bya/ /srid pa
- 320b
gsum 'bar sku ni rjes chags dul bar ldan/ /'od zer sngon po stong ldan nyi ma brgya stong ldan/ /rnam mang sku dang cha lugs rjes chags sems dpar ldan/ /he ru ka dpal sngags pa lhan cig gar byed do/ /ha ha hi hi hu hu ho/ /bcom ldan 'das dpal bde mchog 'khor lo'i dkyil 'khor gyi cho ga slob dpon chen po brtul zhugs spyod pa nag po pas mdzad pa rdzogs so// //rgya gar gyi mkhan po bud+d+ha sh+rI shAn+ti dang/ lo tsa pa dge slong rin chen bzang pos bsgyur/ slad kyi paN+Di ta chen po ga d+ha ra dang/ lo tsa ba mgos lha btsas kyis bcos te gtan la phab pa'o// // */ (/dpal bde mchog 'khor lo'i dkyil 'khor gyi cho ga bzhugs//) //*/ /bcom ldan 'das dpal rdo rje sems dpa' la phyag 'tshal lo/ /dpal ldan khrag 'thung 'gro ba'i mgon/ /nyi shu rtsa bzhi gnyis med la/ /phyag 'tshal dkyil 'khor spyod pa yis/ /brtul zhugs rim pa'i bsnyen pa bshad/ /lugs 'byung lugs las bzlog pa dang/ / mdza' dang spyi ni sbas pa dag /gang yang shes nas cho ga 'di/ /bdag gis thams cad bshad par bya/ /sgra dang sgra nyams brda dang ni/ /sdeb sbyor mtshan nyid spangs pa yi/ /'khor lo mchod pa'i cho ga gsal/ /de ni bdag nyid dran phyir bya/ / phyi rol bstan chos sun 'byin pa/ /gang gi gtan mo 'dra zhing mtshungs/ /don la rton pa'i don gnyer ba'i/ /spyod dang thar pa rang dga' yin/ /legs par brtags pa'i slob ma la/ /slob dpon gyis ni dkyil 'khor bri/ /'jam zhing snyan par smra ba dang/ /snying rje la sogs phan sems ldan/ /thos dang klog la sogs la rtson/ /gsang ba'i chas la lhag dang ldan/ /rtag par rgyun du bla mar gus/ /slob ma de ni yongs su gzung/ /de ni dngos grub ma lus pa'i/ /sgrub byed ye shes bshad
- 321a
bya ste/ /lha ni mnyes par ma byas na/ /bdag nyid rnam par sun 'byin yin/ /dpal ldan khrag 'thung sogs 'khor lo'i/ /sngags rnams mnyes la rab brtson pas/ /dpa' bo'i snying po'i gsang sngags ni/ /khri phrag gsum du bzlas brjod bya/ /dpa' bo rnal 'byor ma 'khor lo'i/ /khri phrag gnyis ni bsnyen byas shing/ /bya rog gdong sogs rnam pa brgyad/ /snying po'i rnal 'byor ma bzhi yi/ /stong phrag lnga dang lnga brgya ni/ /sngon du bsnyen pa bya ba ste/ / bdag gis ye shes dkyil 'khor ni/ /sngon du bsnyen pas 'grub par 'gyur/ /gang 'dod dbang bskur rjes gnang ba'i/ /bla ma nyid kyis bri bar bya/ /'khor lo'i yo byad phun tshogs pa'i/ /slob mas de la gsol ba gdab/ /'khor lo mchod pa'i rim ji bzhin/ /khyod kyis thams cad 'byor gyur tam/ /rnal 'byor rnal 'byor ma dga' ba/ /gus pa yis ni byed nus sam/ /gal te dpa' bo gzi brjid can/ /thams cad du byed nus smras nas/ /de nas dpa' bo chen por 'dir/ / shes rab yan lag gnyis med 'dus/ /dpal ldan khrag 'thung rnal 'byor che/ /'khor lo kun la rnam par bzhugs/ /dang po gnas ni khyad par du/ /de la 'bad pas btsal bar bya/ /sems can don bya'i rgyu ru ni/ /bdag gis byang chub la rab gzhag /da ni dngos grub thams cad kyi/ /yon tan gnas ni bshad bya ste/ /shin bkod dka' dur khrod chen po'i/ /mi bzad drag shul can/ ro langs dang ni srin po rnams dang yi dags sgra sgrogs pas/ ces sbyang peM zhes sgra 'byin pa yis khyab pa'i sa dag gam/ /bsgrub pa po'i yid ni brtan par rung ba'i yul gzhan du/ 'jigs pa dang bral yongs su dag pa'i blos/ /rnam rtog dra ba ma lus bsal byas te/ /byams dang snying rje'i rgyan gyis brgyan pa'i lus/ /'dres
- 321b
med rnal 'byor pas ni bde bar gnas/ /sems can gcig tu gdug cing drag /sdug bsngal dang ni las kyis gzir/ /stong dang snying rje'i snying po yis/ /byang chub la bzhag yid la bya/ /kye ma sems can sdug bsngal zhing/ /kun rtog la ni mngon par zhe na/ /de'i rtog pa gzhom phyir bdag /dpal ldan he ru kar rang bya/ /sngon du bsnyen pa'i cho ga'o/ /gnas dang ldang ba nyer dang ni/ /'jug dang rdzogs pa nyid dag dang/ /byin gyis brlabs dang dbang bskur dang/ /ting 'dzin mchod pa nye bar bsdu/ /yang dag ye shes rgyud shes shing/ /he ru ka dpal gsang sngags shes/ /khro ba med cing gtsang la brtson/ /sbyor shes ye shes pha rol son/ /dpal ldan khrag 'thung yang dag bzhugs/ /bde zhing rang dbang bdag nyid can/ /skya ba bye ba stong phrag du/ /gsang ba'i ye shes kyis bskul ba/ /dman la mos pa'i sems can rnams/ /mthong na spyod pa'i tshul la gnas/ /sems can de dag gdon bya'o zhes/ /snying rjes non pa'i sems dang ldan/ /khrag 'thung dpal zhes brjod pa'i/ / sdom pa bza' dang ltung ba yi/ /dam tshig skyong zhing sten byed par/ /bu khyod ci dga' spro gyur tam/ /skye dang skye bar sdig bgyis pa/ /khyod kyis spyan sngar bshags par bgyi/ /dpa' bo 'khor lo sdom pa'i/ /sdom pa so sor skyang bar bgyi/ /slob ma'i gsol ba gdab pa'o/ /de nas 'dir yang dpa' bo ches/ /bsnyen phyir sngar sbyar byas nas ni/ /sems can sgrol bar byed don du/ /dam pa'i sems ni sngon du bya/ /'khor lo sdom pa'i rnal 'byor ma'i/ /rgyud chen cho gas lha rnams ni/ / mnyes bya dkyil 'khor bri bya'i phyir/ /sa yang yongs su brtag par bya/ /ri bo tshang tshing sman ljongs dang/ /rgya mtsho chen po'i 'gram dang ni/ /sngon du grub pa'i dur khrod dam/ /yid du 'od ba'i sa phyogs su/ /gang kun sems ni 'jug pa dang/ /
- 322a
mdzes shing yid ni gang dga' bar/ /sa la ma lhung lci bas byug /sna tshogs me tog rnam par bkram/ /bar ma mchog dang dbugs 'byung dang/ /dri dang chu dang bcas pas mchod/ /der ni sa la sogs pa mnye/ / kun tu rgya cher legs par bcag /shar dang byang du gzhol bar ni/ /sngags pa rnams kyi dngos grub 'gyur/ /dbus su mtho bas rgyal srid dam/ /rig pa 'dzin pa'i gnas dag thob/ /byang du mtho bas 'chir 'gyur ram/ /nor rnams rab tu 'jig par byed/ /ji skad bshad pa'i shar mtho bas/ /myur du rigs rnams zad par byed/ /dbus su dma' ba' i mtshan nyid gang/ /sgrub pa po ni 'joms par byed/ /de ltar mtshan nyid bcas pa yis/ /dpa' bo dbang pos sogs pas mtshon/ /sa'i mtshan nyid do/ /de la sbyar ba mdzes byas pa'i/ /sa'i dbus su 'dug nas su/ /nor 'dzin zhes bya'i ma mo ni/ /bskul la 'di yis gsol ba gdab/ /dang po sgra sogs sngon gyi ni/ /rnal 'byor dmigs la thams cad bsdu/ /dpal ldan khrag 'thung rnal 'byor che/ /gnyis med ye shes la legs gnas/ /sa la reg pa'i phyag rgya dang/ /mi shig thig ler bcas pa yi/ /sor mo lan gsum bsnun nas ni/ /bkug nas mdun du 'dug par bsam/ / yan lag rgyan rnams thams cad dang/ /kha dog sar pos legs par mdzes/ /lag na bum pa thogs nas ni/ /bdag gis ci bgyi bka' stsol smra/ /mchod yon bka' bsgo sogs byin la/ /gzi brjid can des 'di ltar bya/ /skyob pa sangs rgyas thams cad kyi/ /spyod pa'i tshul dang khyad par gyis/ /sa dang pha rol phyin pa la/ /lha mo khyod ni dpang du 'gyur/ /shAkya seng ge skyobs pa yis/ /ci ltar bdud kyi sde bcom pa/ /de bzhin bdag gis bdud kyi stobs /
- 322b
rgyal bar byas nas dkyil 'khor bri/ /de skad lan gsum brjod nas ni/ /der ni thim par rnam par bsam/ /sa la gsol ba gdab pa'o/ /mgul rgyan gdu bu rna brgyan dang/ /spyi bor nor bus rnam par brgyan/ /mchod phyir thogs bdag thal ba'i/ /phyag rgyas yan lag kun rnams brgyan/ /dpal ldan khrag 'thung rnal 'byor che/ /bsgoms nas bgegs ni bsal bar bya/ /de nas rkang pa gnyis su yi ge hUM las 'bar ba'i rdo rje dang/ mig gnyis su ma dang ta las zla ba dang nyi ma bsams te/ /rdo rje'i lta bas thams cad du bltas la/ lag pa g.yon gyis dril bu bzung zhing/ g.yas kyis rdo rje gsor pa la 'bad cing khA twAM ga legs par 'khyud nas/ sa de na gnas pa 'dis bsku bar bya'o/ /sems can gyi don byed par rtsom gyis/ lha dang/ klu dang/ gnod sbyin dang/ dri za dang/ 'byung po dang/ sha za dang/ yi dags dang/ srin po la sogs pa gnas kyi bdag po gang su yang rung ba khyer byer cig /myur du song shig /'di ltar dpal he ru ka'i bka' thos nas/ myur du song shig /gang dag mi 'gro ba de la nga'i rdo rje 'bar ba dang kha TwAM ga 'dis/ spyi bo rnam pa brgyar 'gas par bya'o/ /zhes lan gsum gyi bar du brjod do/ /dbang ldan gyi phyogs nas brtsams te/ g.yas nas lan gsum bskor bar bya'o/ /bskal pa'i me lta bu'i 'od zer gyis rkang pa nas byung nas/ 'dug pa rnams bsregs par gyur nas/ phan tshun 'bros par gyur par bsam mo/ /g.yas dang g.yon du bskor ba dang/ /ku tsa ba ril? 'khyud pa dang/ /ba ra ti dang sa tI kri/ /'bre te k+She shig kya la sogs /chags bcas tshul gyi sbyor ba ni/ /rol pas rab tu 'phyang ba dang/ /rol ba'i gom stabs bcas pa 'am/ /goms pa brgyad pas gar bya'o/ /rkang pa bskyod dang lag pa
- 323a
bskyod/ /smin 'degs rab dga' i rjes su 'brang/ /cung zad ngo tsha'i mig zur dang/ /brlab rgyas bltas na sdug pa dang/ /mig yangs gar ni byed 'gyur zhing/ /kha'i pad+mar 'dzum dang bcas/ /cung zad mche ba ma mchu dmar/ /kun da zla ltar dri med pa'o/ /dpal ldan khrag 'thung rnal 'byor che/ /sems can sgrol la rmad du byung/ /de la sogs pa'i gar gyis ni/ /bgegs la sogs pa skrag par byed/ /zhal bzhi la sogs sngags kyis ni// phur bu ra ba dra ba bya/ /mdza' yi dbyangs yig las byung ba'i/ /sna tshogs rdo rje'i rang bzhin pa/ /yi ge bdun pa'i sngags kyis ni/ /rdo rje lta bas bltas nas ni/ /dkyil 'khor gyis ni sa'i cha/ /nyes dang ldan yang dag par 'gyur/ /bgegs bsal ba'o/ /sgra'i gzugs la sogs las byung/ /re la sogs pa ji bzhin bsam/ /in tra ni la rang bzhin sar/ /'khor lo gsum gyi bdag nyid bsam/ /sna tshogs 'dab ma 'jam pa la/ /ji bzhin gnas su rnam par bsam/ /a li ka li la sogs las/ /dkyil 'khor ru ni rnam par brtag /de la gtso bo'i stan la ni/ /dpal ldan khrag 'thung shes rab lus/ /gnyis med du gyur gzhal yas khang/ /mchog tu dpa' bo rnal 'byor ma/ /gnyis su med par ci bzhen bsam/ /rang bzhin mi gnas ye shes 'khor lo ni/ /dam tshig 'khor lor 'di yis gzhug par bya/ /rkang pa mnan cing gyen du blta/ /gyen du pheM zhes sgra sgrogs pa/ /phyogs bcu 'jig rten khams gnas pa'i/ /dpa' bo rnal 'byor ma rnams dgub/ /dang por cho ga ci lta ba bzhin du sngags dang bcas pas so/ /mdzub mo btung byas gung mo rtser sbyar te/ /mthe bong rdo rje brtan por rab sbyar la/ /dpral ba'i
- 323b
phyogs su legs par bzhag byas te/ /phyag rgyas ma mo'i tshogs rnams bskul par bya/ /bskor zhing bskor zhing bsgyur bas bkug nas ni/ /dam tshig 'khor lo mchog la sems kyis bcug /mkha' 'gro ma dang gzhan gyi bdag po'i/ /nam mkha' i yid ni zhugs par legs bsams la/ /sa'i 'jig rten de dag mkha' phyogs bzhugs/ /sa 'og lus skyes kun la sbyang bar bya/ /rang mdog phyag sogs yan lag 'khyud pa dang/ /rang gi rigs dang mthun par thams cad mchod/ /phyogs dang 'tshams kyi ma mo brgyad po dang/ /gnas kyi bdag po thams cad bsam par bya/ /ye shes kyi 'khor lo spyan drangs pa'o/ /rang gi ming brjod gsang sngags rgyal/ /dang por AM dang hUM gnyis ldan/ /phaT dang yang dag sbyang ba ni/ /lha rnams ma lus pa yi yin/ /bar ma mchog dang dbugs 'byung dri dang chus/ /cho ga rjes mthun thams cad mchod par bya/ /dpal ldan khrag 'thung la sogs rang gis gnas/ /dbus phyogs yongs bskor dkyil 'khor rnams bsams la/ /bshad pa'i sngags kyis rim bzhin dang por ni/ /g.yon nas bskor zhing rang bdag tha mi dad/ /phyi'i me tog sogs kyis mchod la brtson/ /dpal ldan khrag 'thung rjes mthun thams cad ni/ /ma lus mgon gnyer sngon 'gros lhag gnas ba/ /phyogs kun ma lus khyab pa dang/ /ku tsa pa na 'khyud pa dang/ /dpal ldan khrag 'thung sogs sum cu/ /rtsa bdun rnams bsams cho gas mchod/ /gnyis med ye shes las byung ba/ /khyab bdag dngos kun bdag nyid can/ /ston pa'i gtso bo khrag 'thung dpal/ phag mo lhan cig yang dag ldan/ /gang zhig phyogs bcu'i dpa' bo dang/ /rig pa'i lha mo rdzu 'phrul can/ /byang chub sems la sogs pa kun/ /ma lus bdag la dgongs su gsol/ /slob ma la ni phan pa dang/ /khyed rnams la yang
- 324a
mchod pa'i phyir/ /rdo rje can bdag 'di bzhes pas/ /nang par dkyil 'khor bri bar bgyid/ /rjes su brtse bar nyer dgongs te/ /nye ba ru ni mdzad pa'i rigs/ /dri zhim me tog me tog 'phreng/ /thod pa der ni lnga po ste/ / dpal ldan khrag 'thung la sogs kun/ /bdug spos legs par dbul bar bya/ /de 'og rang gi dbugs 'byung bas/ /cho gas brtul zhugs can gzhug bya/ /lha la gsol ba gdab pa'o/ /slob ma'i gtso bo la sogs pa/ /lhag par gnas bya mchod par bya/ /bu tshur theg pa chen po la/ /khyod ni tshul chen snod yin te/ /gsang sngags spyod pa'i cho ga 'di/ /khyod la yang dag bshad par bya/ /rdzogs pa'i sangs rgyas gang 'das dang/ /de bzhin du yang ma byon dang/ /da ltar byung ba'i dpa' bo gang/ /'gro la phan phyir bzhugs pa kun/ /de dag kun kyang gsang ba'i mchog /cho ga mchog bzang 'di mkhyen nas/ /dpa' bo byang chub shes rab kyi/ /'dus dang gnyis med kun mkhyen brnyes/ /gsang sngags spyod pa mnyam med pa skyob pa dpal ldan he ru kas/ /bdud sde shin tu mi bzad pa/ /stobs chen dag kyang de yis bcom/ /de bas kun mkhyen gnyis med ma/ /bu yis blo gros 'di gyis shig /dpa' bo yan lag las 'byung ba'i/ /sdom pa la sogs slob ma la/ / byang chub 'grub pa'i don gyi phyir/ /cho ga thams cad sbyin par bya/ /sangs rgyas chos dang dge 'dun la/ /rtag tu bdag ni skyabs su mchi/ /rnal 'byor gsang sogs mkha' 'gro ma/ /'khor lo gsum gyi bdag nyid kun/ /dpa' bo dpa' mo dbang lha mo/ /byang chub sems dpa' bdag nyid che/ /khyad par du yang slob dpon la/ /rtag tu bdag nyid skyabs su mchi/ /dpal ldan khrag 'thung sogs dpa' bo/ /rnal 'byor ma dang snang mdzad sogs de kun/ /byang chub sems
- 324b
dpa' dpag med du ma dag /thams cad bdag la dgongs su gsol/ /che ge mo bdag la dus 'di nas/ /bzung ste gnyis med mchis kyis bar/ /de'i tshang spyod gnyis med zung/ /nyi shu rtsa gnyis legs par gsungs/ /rang gi sho ni ta'i rgyun/ /yi ge bdun gyis mngon sngags pa/ /slob ma bsrung zhes bsrung ba'i phyir/ /theg pas kun tu dag par bya/ /'jig rten dbang po thams cad kyi/ /kha nas thams cad dbang bskur ro/ /dkyil 'khor gyi ni sa'i cha/ /gnyis med ye shes lam 'byung mchog/ dpal chen kun gyi rang lha mo/ /mchod pa'i cho ga rjes su spyang/ /phyi nang bdag nyid can gyis kyang/ /khrag 'thung dpal sogs 'khor lo mchod/ /slob ma lhag par gnas pa'i cho ga'o/ /shes rab can gyis nang par sngar/ /thig gdab gnyis med ye shes las/ /byung bas dkyil 'khor mchog bri bar/ /slob dpon mtshan nyid bzang dang ldan/ /yang dag ye shes de nyid shes/ /dpal ldan khrag 'thung gsang sngags shes/ /khro med gtsang la mkhas pa dang/ /sbyor shes ye shes pha rol son/ /thod pas skra ni mdzes byas shing/ /lus la thal bas rnam par byugs/ /lus la phyag rgya drug sogs btags/ /rus pa'i 'phreng ba 'phyang ba ste/ /khA twAM kha ni lag na thogs/ /brgya phyed pa'i 'phreng bas brgyan/ /he ru ka dpal rang bya ste/ /'khor lo snying kar dgod par bya/ /de ltar bdag nyid go bgos shing/ /sngags dang phyag rgyas brgyan nas ni/ /dngos grub chen po rab stsol ba'i/ /dkyil 'khor 'jigs pa bri bar bya/ /de nas mri hu ka thig gam/ /ma ha ru ti ras brlan? pas/ /dpal ldan khrag 'thung dkyil 'khor mchog /grong khyer dam pa'i thig gdab bo/ /khru gang khru do la sogs pa/ /ji srid bcu gnyis bcu drug bri/ /rnal 'byor dbang phyug chen po'i grong/ /shes rab can gyis thig gdab bo/ /ji srid
- 325a
srad bu lnga po ni/ rnam par phye ste btsos nas su/ /dpal ldan khrag 'thung la sogs kun/ /spyan drangs nas ni de su? gzhag /sangs rgyas kun gyi mkha' 'gro ma/ /rtsa ba'i sngags ni gnyis med pa/ /pad+ma'i snod du legs bzhag la/ /rang 'byung me tog dag gis mchod/ /ye shes thig ni bskyed nas su/ /thig 'debs pa la mkhas pa yis/ /sngon chad cho ga mthong gyur pas/ /ye shes thig ni gdab par bya/ /bla mas khu tshur gyis bzung zhing/ / gcig ni mdza' du slob ma yis/ /dbugs 'byin 'gro bar bsams nas su/ /thig gnyis dag ni legs par bsgril/ /gnyis med gnyis su med sngags kyis/ /bsgril nas der ni thig gdab bya/ /dzA dzA dzA zhes ni legs brjod zhing/ /blo ldan rgyab kyis 'gro bar bya/ /dang por byang dang lho yi ni/ /sgo dbus ji bzhin gnas dbus su/ /lho ru mngon par phyogs gyur nas/ /nam mkhar de bzhin thig gnyis gdab/ /g.yon pa'i rdo rje khu tshur gyis/ /lte ba'i phyogs su bzung nas su/ /shar du bltas nas dpa' bo yis/ /sa la tshangs pa'i thig gnyis gdab/ /thig skud dag ni rdebs pa'i tshe/ /'jig rten khams ni ma lus pa'i/ /sangs rgyas la sogs 'gro don gyi/ /khyed kyi dus ni yin zhes bskul/ /slob dpon slob ma dang bcas pas/ /g.yon nas bskor la shin tu brtsen/ /rlung dang dbang ldan phyogs gnas la/ /me dang bden bral kha bltas te/ /bla mas mtshams su thig gnyis ni/ /me'i phyogs nas brtsams te gdab/ /byang du mngon par bltas gyur nas/ /me'i phyogs su thig gdab bo/ /nub kyi phyogs su bltas nas ni/ /bden bral du ni srad bu bre/ /rlung gi phyogs su gnas byas la/ /lho phyogs su ni bltas pa yis/ /nub kyi thig ni gang
- 325b
yin pa/ /brtul zhugs can gyis cho gas gdab/ /dpa' bo shar du bltas nas ni/ /byang du thig gnyis gdab par bya/ /phyogs la sogs pa'i? ye shes bya/ /kun nas thig ni thams cad kyang/ /man ngag ji ltar thob pa las/ /blo ldan gyis ni thig gdab po/ /zur bzhi pa la sgo bzhi pa/ rta babs bzhis ni rnam par brgyan/ /dra ba dra phyed 'phyang bas mdzes/ /g.yer ka'i 'phreng ba'i dra ba can/ /grwa'i cha ni thams cad dang/ /sgo khyud kyi ni nang rnams su/ /rdo rje rin chen gyis spras par/ / phyi'i dkyil 'khor thig gdab bo/ /de'i nang du pad+ma ste/ /pad+ma'i rgyab du 'khor lo bya/ /rdo rje thig ni gnyis kyi bar/ /rdo rjes 'phreng bas bskor bar bya/ /'khor lo gsum gyi cha chen por/ /rdo rje thig gis bskor bar bya/ /ge sar dang bcas pad+ma ni/ 'dab ma bcu drug dag tu gnas/ /man ngag dag ni thob pa las/ /dkyil 'khor thig gdab kun shes nas/ /sgo ni 'khor lo'i brgyad cha ste/ /'khyams ni de'i phyed du bya/ /sgo khyud dag ni sgo'i tshad/ /lha'i snam bu de bzhin te/ /grwa nas thig ni bskor ba dag /rta babs kyi gnas su brtags/ /ba dan dril bu 'od zer gyis/ /brgyan par thams cad thig gdab cing/ /'khor yug gi ni mthar thug par/ /rdo rje'i 'phreng bas mngon bskor cing/ /'od kyi dkyil 'khor mdza' mar? te/ / slob dpon nyis 'gyur du thig gdab/ /mtshon gyis ni de'i phyir/ /rtsa ba'i thig gi phyi rol du'o/ /dang por rdo rgyas thig sogs pas/ /thig rnams thams cad nges par bya/ /de'i steng du ye shes thig /kun nas yongs su bskyang bar bya /ye shes kyi thig gdab pa'o/ /dur khrod dus pa'i thal ba dang/ /de yis? phag yang dag ldan/ /de'i shing gi 'dab ma ni/ /de'i mtshon du sbyar bar bya/ /de'i sol ba'i phye ma dang/ /bab bla ngag dang yang dag ldan/ /kha dog sngon po yongs dag pa/ /
- 326a
lnga por lngar? ni sprul par bya/ /dur khrod pa rnams thams cad ni/ /dbang phyug chen po'i rgyan 'di yin/ /ye shes thig ni ji bzhin du/ /brtul zhugs can gyis mtshon bskyed bya/ /nang par sngar langs sems bdag nyid/ /lus las ma lus byas nas su/ /lus kyi yan lag las 'das pa'i/ /las kyi dkyil 'khor nyid du brtsam/ /'di ni chos dbyings dag pa ste/ /sems can khams ni grol byed pa/ /dpal ldan khrag 'thung rgyal po nyid// de bzhin gshegs pa kun gyis gnas/ /nyes pa kun las rnam grol ba/ /mtshon gyi las ni yang dag brtsam/ /slob dpon gyis ni dang por bkye/ /phyi nas kun tu slob mas so/ /gnas lnga sogs par brtsams nas ni/ /phyi ri mo lnga pa rgyab du'o/ /mtshon dang bzo'i las byed la/ /dam tshig dang ni sbas pa sbyin/ /mthe'u chung gi ni sor mo'i dpangs/ /drang la mtho ba yang dag bri/ /gal te ri mo mi mnyam par/ /yo zhing dma' zhing chad pa 'am/ ri mo dma' bas mi 'grub cing/ /yon po gdud ba bskyed byed pa/ /chad pas slob dpon slob ma dag /gnyis ka 'chi bar shes par bya/ /de bas mtshan ldan ri mos ni/ /mtshan nyid kun gyis mtshon par bya/ /slob ma la sogs 'di zhugs pa/ dri'i chu ni rab bkang bas/ /lus kun la ni gtor bya zhing/ /gnod mdzes sngags rigs pa yis glung/ /yig bdun rnal 'byor bdag nyid can/ /skye ba bdun sogs sdig pa can/ /slob dpon cho ga 'grus pas ni/ /sems ni shel dad 'dra bar 'gyur/ /nang gi pad+ma'i 'dab ma ni/ /gser la sogs pa'i phye ma yis/ /pad+ma'i rgyab kyi 'khor lo ni/ /rtsibs brgyad pa yang de dang mnyam/ /rdo rje'i ka ba'i rtsibs la ni/ /rdo rje thig gis bskor bar bya/ /shing
- 326b
shun la sogs mdog gis ni/ /thugs kyi 'khor lor rnam par grags/ /de bzhin 'khor lo rtsibs dag kyang/ /pad+ma'i ka par yang dag ldan/ /pad+ma'i thig gis bskor ba ni/ /gsung gi 'khor lo zhes sprul pa/ /byi ru la sogs mdog 'dra'i phyes// 'khor lo bar ma'i las bya'o/ /sku'i 'khor lo'i rnam dgod par/ /rtsibs brgyad snga ma de dang mnyam/ /de bzhin 'khor lo'i ka ba ni/ /'khor lo'i thig gis dbye bar bya/ /mu tig la sogs phye ma yis/ /kun nas sku'i 'khor lo bya/ /ji ltar pad+ma'i phyogs kyi cha/ /sgo ni cha'i kha dog ste/ /ri mo lnga sogs kha dog phyug /ji ltar mdzes par rab tu brtag /mtshon dgye ba'o/ /de ltar cho ga sna tshogs bris pa'i/ /gzhal yas khang mchog lha yi gnas/ /cho ga mthong bas dang por ni/ /ji skad bshad bzhin rdzogs par bya/ /tshogs rnams kun gyis rnam rgyas shing/ /bde ba thams cad ster ba'o/ /snying po'i dpal ldan khrag 'thung sogs/ /'khor lo gsum bdag nyid can sprul/ /mkha' spyod sa spyod ces bya dang/ /sa 'og sogs dang mi 'am ci/ khwa'i gdong sogs brgyad po ni/ /rang gi stan la bzhugs par dgod/ /ri'i rtse dang ge sar dang/ /sna tshogs pad+ma a li dang/ /ka li usma'i bzhi pa dang/ /thig le sga yang yang dag 'byung/ /he ru ka dpal rgyal po che/ /shes rab yan lag gnyis med 'dus/ /zhal bzhi zhal de spyan gsum mnga' / /mgo yi dum bus rnam par brgyan/ /ljang dang de bzhin dmar dang gser/ /phyag ni bcu gnyis yang dag ldan/ /g.yas brkyang ba yis gdan la bzhugs/ /ral pa'i thor tshugs dar dpyangs can/ /phyag gnyis dag gis de bzhin 'khyud/ /gzhan gnyis glang chen pags pa ste/ /dgra sta rtse gsum gri gug dang/ /da ma ru ni phyag g.yas na/ /kha TwAM ga dang de bzhin du/ /thod ba khrag gis bkang ba dang/ /phyag na zhags pa
Colophon
bcom ldan 'das dpal bde mchog 'khor lo'i dkyil 'khor gyi cho ga slob dpon chen po brtul zhugs spyod pa nag po pas mdzad pa rdzogs so/_/rgya gar gyi mkhan po bud+d+ha shrI shAn+ti dang /_/lo tsA ba dge slong rin chen bzang pos bsgyur/_slad kyi paN+Di ta chen po ga ya d+ha ra dang /_lo tsA ba mgos lha btsas kyis bcos te gtan la phab pa'o