Untitled work
Text
ff. 121a–131a · 21 folio sides
- 121a
nga yis ba shang // yon tan bcu ni sgrib pa bcu yin te// sgrib pa bcu ni gang zhe na// mig g.yo ba dang gsal ba dang // thim pa dang ni gse ba dang // lham ne ba dang lgang nge ba// sems la ye shes skye ba dang gzhan gyi lta ba khyad gsod dang // rang gi lta ba ngo snyoms dang // mngon par shes dang ldan du re// 'di ni bla med yin zer nas// cho ga shes 'dzin pa 'di bcu ni// gol sa sgrib pa yin par bshad// yon tan brgyad ni gang zhe na/ 'gro dang sdong dang 'dug dang nyal// spyod lam bzhi la nyams pa med// gnas gcig g.yos pa med pa dang // sangs rgyas spyod pa mngon gyur yang // de la re ba mi 'jog dang // phyogs bcu zhing khams 'ang kun// sgyu ru bzhin mngon gsal yang // de la gzung 'dzin modang pa dang // yang dag chos la ma nyams dang // chos nyid dbyings ni mngon rtogs kyang // 'dus byas dge rtsa rgyun mi gcod // yon tan chen po 'di brgyad ni/ bsam gtan nyid kyi yon tan no// ces gol sgrib ston pa'i mdo rdzog s+ho// / de nas sems dpa' chen po rdo rje'i zhal du/ 'dus pa'i tsho gos tha~Mng 'di lta ste// kun gyis zhus pa kye kun bzang snying po rdo rje khyod khyod ni gsung gi seng ge ste// rdzogs chen don 'di thos pa na// gol sa skyon yon bstan ces na// gsung gi seng ge bstan pa de// 'dus pa nged kyis ma rig pas/ gsung gi seng ge khyod kyis ni// nges par gtan la dbang du gsol zhus so// de nas sems dpa' rdo rje ngas/ chos thams cad gtan la dbab pa'i phyir// gtan la 'bebs pa'i mdo gsung so// / kye 'dus pa'i tshogs chen nga nyon cig/ lung gsum man ngag bzhi bdun
- 121b
gyisad/ nges par gtan la 'bebs par bstan/ de yang lung gang man ngag gang zhe na/ snyan khung rgyud pa'i lung dang gcig/ mngon du phyung ba'i lung dang gnyis/ gtan la 'bebs pa'i lung dang bstan// man ngag bzhi ni gang zhe na/ nges pa bzhi yi ngo bo dang / mi rigs par ru bshad pa gsum// rang bzhin chos nyid mnyam yas su// skabs dang phyag brgya'i man ngag gnyis// de nyid lam gyi man ngag go// snyan khung rgyud pa'i lung la yang // rnam pa gnyis su dbye bar bya/ 'phags pa ye shes snyan khung brgyud/ gang zag rna ba'i dbang por brgyud// 'phags pa ye shes snyan khung brgyud/ rang bzhin chos nyid mnyam yas su// ston pa kun tu bzang po yis// tshi gi rdo rje nga nyid la/ chos nyid rang bzhin sems nyid ste// sems nyid rdzogs pa chen po'i lung // rdo rje ye shes ngasnyan brgyud// gang zag rna dbang rgyud pa ni// nga las sprul pa rabs bdun dang // yang sbrul gang zag thugs spras kyis// 'khor gyi gang zag dbang po la// 'dzam gling rdo rje gdan stengasu// sde snod gsum pa rim pa drug/ gang zag blo la 'thadang phyogasu/ 'dul ba'i dbang gis bstan pa yang // de yang nga yis bstan pa yin// gang zag rna ba'i dbang po brgyud// snyan khung brgyud pa'i lung 'di la// lo rgyus don ces bshad pa yin// lo rgyus don la rnam gsum ste/ byin gyis brlabs kyis bshad pa dang // rang gi ngo bos bshad pa dang // tshig sdebs legs par bshad pa 'o/ byin gyis rlabs kyis bshad pa ni// rang bzhin chos kyi gzhal yas ni// ston pa kun tu bzang po yang // mtshan ma'i sku gsung mi mnga' bar// chos nyid skye ba med pa de// bzang ngan blang ngor meng pa ru
- 122a
kun bzang nyid du byin rlabs nas/ rdo rje sems dpa'i thugs la brgyud// byin gyis rlabs kyis bshad ces bya// rang gi ngo bos bshad pa ni// skye med dbyings kyi pho brang na// ston pa'i rdo rje se yang na mtshan ma'i sku gsum mi mnga' bar// chos nyid skye ba med pa de/ skye 'jig med pa'i ngo po dang // rdo rje nga yi ngo bo ru// sprul pa gang zag skal ldan la// rig pa 'og min gnas bshad// rang gi ngo bos bshad ces byad/ tshig sdebs legs par bshad pa ni// 'dzam gling rgyud drug gnas 'di na// sprul pa gang zag skal ldan ste// chos nyid skye ba med pa de/ skye ba med pa'i tshig brjod pas// skye ba med pa'i don rtagasu// rin chen gser gyi glegs bam la// ba DU zhun ma rang nan gyis// tshig dang yi ger bris sdebs nas// phyi rabs rnams kyi don du bshang // tshig sdebs legs pas bshad ces bya// des snyan khung brgyud pa'i lung chen bya'o// mngon du phyung ba'i lung la yang // rnam pa gnyisu dbye bar bya// de yang gang dang gang zhe na/ drang ba'i lung dang nges pa'i lung // drang ba'i lung ni gang zhe na/ rnam pa bdun du shes par bya// mos sbyong bzod thob sar 'dren dang // 'od zor 'phro ba'i sar 'dran dang rdo rje 'dren pa'i sar 'dren dang // stug po chos nyid sar 'dren dang // sku gsung rdo rje sar 'dren dang // dbyer med sa ru 'dren pa'i lung // rtsol sgrub 'das par drang ba'i lung // rnam pa bdun du shes par bya// de ni don ni 'di lta ste// mos spyod sa ru 'dren lung ni// bden pa bzhi yi lam drangs nas// spong dang bgegs pa'i lung bstan ste/ bzod thob dang po'i sa ru 'dren// 'od zer 'phros pas 'dren lung ni// sa bcu dag gi lam drangs nas// pha rol phyin bcu lnga/
- 122b
bstan te// rtog 'das kun tu 'od sar 'dren// rdo rje 'dzin sar 'dren lung ni// dag pa gsum gyi lam drangs nas// yan lag bcu gcig lung bstan te// rdo rje 'dren pa'i sa ru 'dren// stug pos ru 'dren lung ni// mtshan ma med pa'i lam drangs nas// phyag rgya bzhi'i lung bstan ste/ chos nyid sa ru 'dren lung ni// ting 'dzin rnam gsum drangs nas// rang rgyud dag par lung bstan ste// sku gsum rdo rje sa ru 'dren// dbyer med sa ru 'dren lung ni// dbyings dang ye shes lam drangs nasad/ snang la rang bzhin lung bstan ste// dbye ba med pas sa ru 'dren// rtsol sgrub 'das sar 'dren lung ni// dbye ba med pa'i lam drangs nas// ye shes lhun grub lung bstan te// rtsol sgrub 'das pa'i sa ru 'dren// rim pa dgu yi don bdun ni// tshig dang yi ger don bstan pas// dran pa'i lung zhes nga yis bshad// / nges pa'i lung gi don 'di ni// byang chub sems kyi chos nyid la// sems dpa' rdo rje nga yis kyang // yang ngag nges pa 'di yin zhes// tshig dang yi ges mtshon du med// sgra dang tha snyed ring las 'das// sgros dang skur ba kun dang bral// kun las 'das pa'i don 'di la// 'di nyid mtshon du med pas na// nges pa'i lung zhes ming tsam bta'/ nges par gdag su yod pa med// ces gsungaso// gtan la 'bebs pa'i lung 'di la// bye brag gnyi su dbye bar bya// se naM dbang po rim dgu la// sems 'thad yan rim pa dgu// gtan la 'bebs ste bstan pa yang // sems dang chos la dbyer med// bang sem su gcig pa'i phyir// dgu yis gtan la 'bebs pa meng // thang semasu 'dus pa'i phyir/ sems nyid rdzogs pa gtan la 'bebs// se ni thang ya na rim pa dgus// gtan la 'bebs pa med pa ni
- 123a
nyan thos dang ni rang rgyal gnyis// bden pa bzhi yi gtan tshigs kyis// rang las byung ba'i chos nyid la// spong zhing 'gegs pas gtan la 'bebs// rang las byung bas spong 'gegs pas// gtan la 'bebs/ par ma gsung so// theg chen byang chub sems dpa' ni/ bden pa gnyis kyi gtan tshigs kyis// rang las byung ba'i chos nyid ni// mi rtag sdug bsngal stong bdag med// sbyang zhing bgrod pas gtan la 'bebs// rang las byung ba'i chos sbyong bas// gtan la 'bebs par yongs ma gsungs// 'bras bu nges thob bya ba ni// dag pa gsum gyi gtan tshigs kyis// rang las byung ba'i chos nyid ni// gzugs sgra dri ro reg la sogs// spong dang srun dang dag pa yis dang chos de gtan la 'bebs par byed// rang chos srun par byed pas na// gtan la 'bebs par yongs ma gsungs// phyi bapa thub pa'i sems dpa' ni// mtshan ma med pa'i gtan tshigs kyis// rang las byung ba'i chos nyid ni// dam rdzas lnga la spong len gyis// sems dpa' gtan la 'bebs 'dod pas// rang las byung ba'i chos lnga la// slong lon byed pa'i rang bzhin gyis// gtan la 'bebs par yongs ma gsungs// bskyed pa'i rnal 'byor chen po ni thabs dang shes rab gtan tshigs kyis// rang las byung ba'i chos nyid// phung po 'byung ba rnam shes yul+yA// dus rnams kun las sgrub byed pas// rnal byor gtan la 'bebs byed pa// rang byung chos la sgrub byed pas// gtan la 'dengs par yongs ma gsungs// rdzogs pa'i rnal 'byor chen po ni// dbyings dang ye shes gtan tshigs kyis/ rang las byung po'i chos nyid ni// sems dang chos dang rig pa la// hUM nga 'bras bu gnyis 'byed pas
- 123b
chos te gtan la 'bebs par byed// rang las byung ba'i sems rig la// rgyu dang 'bras bur 'byed pa yis// gtan la 'bebs par yongs ma gsungs// gtan la 'bebs par gsungs pa ni// sems nyid rdzogs pa chen po lang chos kun 'dus shing gsol ba yis// thams cad gtan la 'bebs par bstan// / de yang ci lta bu zhe na// sems nyid rdzogs pa chen po yis// chos kun yongasu byas pa'i phyir// gtan la 'bebs pa'i ngo bo ste// chos kun gtan la 'bebs par bshad// sems nyid rdzogs pa chen po yis// rang las byung ba'i chos rnams ni// sems nyid gcig rang bzhin gyis// sems las gtan la dpag tu med// so sor gtan la 'bebs pa ni// ma rtogs ya na dgu las byung // sems las byung ba'i chos nyid la// sdug bsngal kun 'byung yin zer ba// gtan la 'bebs pa'i chos ma yin// sdug bsngal bde ba'i chos nyid du/ sems nyid rdzogs pas gtan la dbab// slong zhing bgegs pas yongs ma gtogs/ sems la byung ba'i chos nyid la/ mi rtag sdug bsngal yin zer byas// mdo sde gtan la 'bebs pa min// mi rtag sdug bsngal chos nyid 'gyur med bde chen chos nyid du// sems nyid rdzogs pas gtan la phab// sems las byung ba'i chos nyid la// mtshan ma gzung 'dzin yin zer bas// kri yas gtan la 'bebs pa men// 'gegs spong dri ro chos nyid ye nas dag pa'i chos nyi du// sems nyid rdzogs pa gtan la 'bebs// sems las byung ba'i chos nyid la// ngam rdzas gtsang sogs yin zer bas// yo gas gtan la 'bebs pa men// ngam rdzas lnga yi chos nyid nga/
- 124a
rang rgyud dam pa'i chos nyid du// sems nyid rdzogs pas gtan la 'bebs// sems las byung ba'i chos nyid// phung po 'byung ba rnam shes la// brtsal zhing sgrub pa dgos zer bas// ma hAs gtan la 'bebs pa men// phung po rnam shes chos nyid de// ma 'gags pa yi ye shesu// sems nyid rdzogs pas gtan la 'babs// sems las byung ba'i chos nyid// sems rig rgyu 'bras yon zer ba// a nus gtan la 'bebs pa men// dbyings dang ye shes chos nyid// rtsol sgrub 'das pa'i chos nyi du// sems nyid rdzogs pas gtan la phab// sems nyid rdzogs pa chen po 'dis// thang gtan la 'bebs pa ni// chos kun semasu 'dus pas ni// sems kyi rang bzhin bstan pas ni// sems kyi rang bzhin bstan pa la// chos kun bstan la phab ces bya// gtan la 'bebs pa'i lung gsum bstan/ man ngag bzhi ni gang zhe na/ rnam pa gnyisu dbye bar bya// de yang gang dang gang zhe na da bzhi pa gnyis kyi rnam pa ste// nges pa bzhi yi man ngag dang // ma rig rigs par bshad pa gsum// skabs dang phyag rgya'i man ngag gnyis// de nyid lam gyi man dgo// nges pa bzhi ni gang zhe na/ ye shes spong len med par des da/ snying rje phyogs ris med par nges// 'byung lnga ye nas sangs rgyas nges// sems la gnyis po med par ngas// mi rigs rigs par bshad gsum ni// sems las ma byung sangs rgyas kyang // mi rigs rigs par bshad pa dong // rgyud las ma byung 'bras bu dang // mi rigs rigs par bshad pa dang // rgyud las ma byung man ngag kyang // mi rigs rigs pas bshad pa yin// skabs dang phyag rgya'i man ngag ni// skabs ni lu
- 124b
gnyis bstan pa la/ phyag rgya bcu gcig lnga yis bstan// de nyid lam gyi man ngag ni// chos nyid sems te sus mthong ba// nges pa lam gyi man ngag go// rnam gcig man ngag rnam bzhi ni// ngo bo bzhi la bstan pa ste// byang chub sems kyi man ngag dang // sbyor ba med pa'i man ngag dang // dus gsum bstan tshigs man ngag dang // lung chen khungs kyi man ngago/ ye shes spong len med pa ni// sems nyid rdzogs pa'i ye shes te// ye r-ishes rang byung ye shes la// chos la dus gsum sgrib med pas// spong dang len pa mi mnga' ste// rang byung ye shes 'gyur med la// spang dang 'gegs pa yongs mi mnga'// sbyang zhing bgrod pa yongs mi mnga'// gzung zhing 'dzin pa yongs mi mnga'// blang zhing dor ba yongs mi mnga'// brtsal zhing bsgrub pa yongs mi mnga'// rgyu dang 'bras bu yongs mi mnga'// des na rang byung se shes la// spong len med par bstan pa ni// ya na rnam pa brgyad po lang rang byung ye shes yod pa yin// so sor rtog pa'i ye shes kyis// ya na so sor rtog par byed// des na ye shes grangs byung // grangs kyi ye shes rnam pa ni// shes dang chos shes rje su shes// ci ming snyam pa'i shes pa ni// bden pa bzhi po gcig la yang // rnam pa bzhi bzhir dbye ba ni/ grangs kyi ye shes bcu drug tu/ bden pa bzhi las byung ba yin// des kyang slong zhing 'gegs pas na/ spong len med pa'i ye shes men mi rtag pa dang sdug bsngal dang / stong pa dang ni bdag med pa/ thams cad mkhyen pa'i ye shes ni// don dam kun rdzob shes pa ste// des kyang sbyang zhing bgrod pas na// sbyar bgrod med pa'i ye shes men// dag pa
- 125a
gsum gyi ting 'dzin gyis// dri ro srong zhing rigs gsum rtog/ nges kyang gzung zhing 'dzin pas na// gzung 'dzin 'das pa'i ye shes men// phyag rgya bzhi 'dzin rigs pa yis// rang rgyud dag pa'i chos lnga la// rtog pas blang zhing ngor byed pas// blang dor med pa'i ye shes min// thabs dang shes rab chos nyid la// sku gsung rigs dang kha dog gsal// rang rgyud dag la sgrub byed pas// rtsol sgrub 'das pa'i ye shes men/ dbyings dang ye shes chos nyid la/ rgyu 'bras dag pa'i rig pa yis// nges kyang brtsal zhing bsgrub med pas// rgyu 'bras dag pa'i ye shes men// rang byung yis sku gcig la// ya na grangs kyi ye shes kyis// gsal bar byed par mi nuso// sems nyid rdzogs pa chen po yi// 'gyur med rang byung ye shes la// ye nas sgribs pa mi mnga' bas// spong len med pa'i ye shes so// de bas spong len med par nges ces bstan// snying rje phyogs ris med pa ni// rnam pa gsum du shes par bya// cir mi mdzad pa'i snying rje dang // kun la khyab pa'i snying rje dang // phyogs mtshams 'dzin pa'i snying rje'o// gnyis la phyogs ris med pa ste/ phyogs 'tshams 'dzin pa phyogs ris yod// de yang gang dang gang zhe na// cir mi mdzad pa'i snying rje ni// sems nyid rdzogs pa'i byang chub sems// spros dang bral ba'i rang bzhin gyis// dngos po mtshan mar cir mi mdzad// des ni snying rje phyogs ris med// kun la khyab pa'i snying rje ni/ sems nyid rdzogs pa'i byang chub sems/ blang ngor med po'i rang bzhin gyis// sangs rgyas se ni kun la khyab// des na snying rje phyogs ris med// phyogs mtshams 'dzin pa'i
- 125b
pa'i snying rje ni/ ya na brgyad kyi chos nyid ste// rgyu dang 'bras bur phyogs mtshams 'dzin// rtsa la sgrub yod par phyogs mtshams 'dzin// lha dang bdag tu phyogs mtshams 'dzin// yul dang dbang por phyogs mtshams 'dzin phyogs mtshams 'dzin pa'i snying rje ste/ snying rje chen po ma yin te/ snying rje chen po yin par bshad// sems nyid rdzogs pa'i byang chub sems// thams cad rdzogs pa'i rang bzhin gyis// snying rje phyogs ris med par nges// ces bstan/ 'byung ba lnga yi sangs rgyas ni// zab mo lnga yis sangs rgyas te// de yang gang dang gang zhe na/ sa chu me rlung na mkha' lnga// gcig la rang bzhin lnga lnga ste// nyi shu rtsa lngar 'byung ba'o// de yang rang bzhin rnam lnga ni// snang bas yi rang bzhin la// sdud pa chu yi rang bzhin yin// yang ba rlung gi rang bzhin yin// snyoms pa me yi rang bzhin la// gsal ba na mkha'i rang bzhin yin// de yang ye nas sangs rgyas te// sa ni sra byed rdo rje dbyings dang skye 'jig med pa'i sangs rgyas so// chu ni rin chen gter gyi dbyings// thams cad 'dus pa'i sangs rgyaso// me ni pad+ma dag pa'i dbyings// gzung 'dzin sreg pa'i sangs rgyaso// rlung ni yang zhing spyod pa'i dbyings// kun / tu bskyob pa'i sangs rgyaso// nam mkha' snang byed khyab pa'i dbyings// mi sgrib gsal ba'i sangs rgyaso// de nas 'byung chen rnam pa lnga// yau nas sangs rgyas yin pa ru// sems nyid rdzogs pa'i lung gis bshad ces bstan sems la gnyen po med des ni/ rnam pa gsum gyi gtan tshigs kyis/ gnyen po med par bstan pa yin// de yang gang dang gang zhe na/ dpe la gnyen po med pa dang // don la gnyen po med pa dang // rtags la gnyen po
- 126a
med pa'o// dpe la gnyen po med pa ni// nam mkha'i dpe la gnyen po med// don la gnyen po med pa ni// chos nyid don la gnyen po med// rtags la gnyen po med pa ni// byang chub sems la gnyen bo med// de yang ji lta bu zhe na// dpe dang don rtags gsum pa'o// rgyud nga sa bon ma mchis pas/ rkyen dang gnyen po kun dang bral// de na sems nyid rdzogs pa la/ gnyen po med pa zhes bya'o// nges po bzhi yi man dgo// mi rigs rigs par bshad gsum ni// sems las ma byung sangs rgyas ni// mi rigs rigs par bshad pa yin// rgyu las byung 'bras bu yang // mi rigs rigs par bshad pa yin// lung las ma byung man ngag kyang rnga mi rigs rigs par bshad pa yin// de yang ci lta bu zhe na// sems las ma byung sangs rgyas ni// chos nyid na mkha' dbyings nyid klong // sems las ma byung sangs rgyas yin// rgyu las ma zung 'bras bu ni// byang chub sems kyi 'bras bu ni// rgyu las ma byung 'bras bu yin// lung las ma byung man ngag ni// chos nyid byang chub sems kyi don// sprul pa gang zag skal ldan gyis// ji ltar rtogs shing rig pa de// lung las ma byung man ngag yin// mi rigs rigs pa 'di gsum yang // man ngag dag gi rigs par bshad// mi rigs rigs par bshad pa'o// skabs dang phyag rgya'i mnA ngag ni// rnam pa gnyi su dbye bar bya// skabs ni bcu pa gnyis dang bdun/ phyag rgya bcu gnyis lnga las med// gnyis ni rtsol zhing sgrub par bshad // skabs zhes bya ba'i nges pa ni// sems nyid rdzogs pa'i snying po s+ho// sgrib med rang thung ye shes byos// chos kun su gsum sgrib med
- 126b
bas dzad chos nyid don la 'gag pa med// so sor dag gi go skabs 'byed// des na skabs zhes bstan pa yin/ phyag rgya drug gi nges pa ni// sems nyid rdzogs pa'i snying po ste// ye nas byang chub sku yin pas// skye ba med cing 'gyur ba med// ye nas ye shes chen po'i sku// 'gyur ba med pa'i rang bzhin la// phyag rgya zhes ni bston pa yin// sems nyid rdzogs pa chen po la// ye shes don gyi bye brag ni// skabs dang phyog rgya nyi shu lngas dang / so so dag gi skabs phye nas// yo ga bzhi yi don phyung ste// che ba lnga yi khyad par gyis// rim pa dgu dang 'jig rten pa// rang re dag gi bden pa des// nges par gtan la ma phebs par// long ba dmigs bus zin pa ltar// ye shes don gyi bye brag 'dis// nges par gtan la 'bebs byar byed// de yang ji lta bu zhe na// ci ltar snang ba'i chos rnams kun/ ye nas 'das byas ma yin pas// chos nyid rdzogs pa dag tu gnas pa ni// / chos nyid skabs zhes bstan pa yin// 'dus ma byas pa'i chos nyid// 'gro ba rnams la rang bzhin gyis// ye nas ma phye gnas pa'i phyir// rang bzhin gnas kyi skabs zhes bya// 'dus ma byas kyi chos nyid// ma bcos rang la gnas pa yis// sangs rgyas che ba thob pa'i phyir// rang bzhin che ba'i skabs kyis bstan// 'dus ma byas pa'i chos nyid// brtsal ba med pas grub pa yi// brtsal dang bral ba'i skabs kyis bstan// 'dus ma byas pa'i chos nyid// tshig dang yi ger brjod med phyir// brjod dang bral ba'i skabs kyis bstan// 'dus ma byas pa'i chos nyid// skye ba med pa'i rang bzhin gyis// khams gsum dag tu mi 'khor bas// las kyis
- 127a
mi 'khor skabs zhes bya/ 'dus ma byas pa'i chos nyid// byang chub semasu gcig pa'i phyir// gnyis med skyon bral skabs zhes bya// chos kun rang gi sems la 'dus// sems kyi rtog pa bshad pa'i phyir// ye shes rang byung skabs zhes bya// chos kun rang gi sems la 'dus// sems la 'du 'bral med pa'i phyir// gzungs kyi sbyor thabs zhes bya'o// chos kun rang bzhin sems la 'dus// sems la chos kun rdzogs pa'i phyir// yongs su rdzogs pa'i skabaso zhes bya// chos kun rang gi sems la rdzogs// sems la gzung 'dzin med pa'i phyir// chags dang bral ba'i skabs zhes bya// chos kun byang chub sems la 'dus// sems nyid ye nas che ba'i phyir// gdod nas che ba'i skabs zhes bya// chos kun byang chub sems la 'dus// sems la skyon yon med pa'i phyir// smon lam bral ba'i skabs zhes bya// chos kun byang chub sems la 'dus// se ni tha~Mng 'dus pa'i phyiradang lung ston pa yi skabs zhes bya/ chos sku byang chub semasu 'dus// sems la bzang ngan med pa'i phyir// mnyam pa nyid kyi sems kyi skabs zhes bya// chos kun byang chub sems 'das kyang // blang ngor med la ma gtogs phyir bde ba spong ba'i skabs zhes bya// chos kun byang chub sems la 'dus// sems la brtsal du med pa'i phyir// brtsal dang bral ba'i skabs zhes bya// chos kun byang chub sems la 'das// sems la 'gyur ba med pa'i phyir// chos nyid mi 'gyur skabs zhes bya// chos kun byed chu sem su 'dus// sems la gnyen po med pa'i phyir/ rgyu rgyan bral ba'i skabs zhes bya// chos kun byang chub sem su gcig/ rgyu dag snying po sems gcig phyir/ 'gro gonas
- 127b
rgyas skabs zhes bya// chos kun byang chub sems la 'dus// sems la chos kun rdzogs pa'i phyir// ye nas dag pa'i tshogs chen pos// / tshogs chen dbul ba'i skabs zhes bya// chos kun byang chub sems la 'dus// sems la ye shes shar ba'i phyir// tshogs rgyan lhun gyis grub pa'i skabs// chos kun byang chub semasu 'dus// sems nyid lhun gyis grub pa'i phyir/ lhun gyis grub pa'i skabs zhes bya// chos kun byang chub semasu 'dus// sems la rtsol sgrub med pa'i phyir/ 'phrin las rgya mtsho'i skabs zhes bya// chos kun byang chub semasu 'dus// sems nyid chos kyi khungs yin te// lung chen 'brel ba'i skabs zhes bya// chos kun byang chub sems 'dus pas// sems nyid brtsal ba med pa la// brtsal ba'i gol sgrib bstan pa'i phyir// brtsal dang mi bral skabs zhes bya// chos kun byang chub sems 'dus pa// sems nyid tshogs shing g.yos med la// mi chags mi g.yo sems med pas// 'ching ba med pa'i skabs zhes bya// sems kyi chos nyid de rnams la// ma 'gags pa na skabs zhes bshad// phyag rgya nyi shu rtsa lnga la/ yi ge a li ka li gnyis// gcig tu bsdus te nyi shu lngar// bgrang ba'i don ni 'di lta ste// rgyu drug sen thad kun// snying po byang chub zhing yin pas// chos nyid don te shes pa dang // don te yid ces bya ba'i phyir/ nyi shu rtsa lngar bgrangs mod kyi// yang dag byang chub sems la ni// tshig tu bgrangs na mtha' yas te// nges par sems la bgrang du ming / nyi shu rtsa lngar 'di lta ste/ mtshan ma'i yul la mi gnas na/ ye shes chen po'i phyag rgya yin// thabs dang shes rab gnyis med pa// ye shes chen po'i phyag rgya yin// dbyings dang ye shes
- 128a
gnyis med pa// ye shes chen po'i phyag rgya yin// yul dang dbang po gnyis med pa// ye shes chen po'i phyag rgya yin// sems nyid bde ba chen po ste// ye shes chen po'i phyag rgya yin// chos nyid gsang ba'i byang chub sems// ye shes chen po'i phyag rgya yin// thabs dpa shes rab 'du 'bral med// ye shes chen po'i phyag rgya yin// chos nyid dag la ye shes 'byung // ye shes chen po'i phyag rgya yin// kun po kun po gnyis med pa// ye shes chen po'i phyag rgya yin// thams cad rang la rdzogs pa yang // chos nyid 'du 'bral med pa ste// ye shes chen po'i phyag rgya yin// sems la dus gsum med pa'i phyir// ye shes chen po'i phyag rgya yin da chos nyid 'du 'bral med pa s+ho// ye shes chen po'i phyag rgya yin// thams cad gcig tu 'das pa ste// ye shes chen po'i phyag rgya yin// byang chub sems la g.yos pa med// ye shes chen po'i phyag rgya yin// byang chub sems nyid dag la 'gyur ba med// ye shes chen po'i phyag rgya yin// brjod du med pa'i yul la rol// ye shes chen po'i phyag rgya yin// dbyings dang ye shes 'du 'bral med// ye shes chen po'i phyag rgya yin// byang chub sems las kun sprul pas// ye shes chen po'i phyag rgya yin// gang gis chos nyid rig pa ste// ye shes chen po'i phyag rgya yin// chos nyid rgyan du rig pa ste// ye shes chen po'i phyag rgya yin// ji lta bu rtogs pa'i rig pa ste// ye shes chen po'i phyag rgya yin// thams cad sangs rgyas ye shes te// ye shes chen po'i phyag rgya yin// 'phrin las lhun gyis grub pa ste// ye shes chen po'i phyag rgya yin// nges par gtan la
- 128b
'bebs pa ste// ye shes chen po'i phyag rgya yin// phyag rgya nyi shu rtsa lnga 'dis// ltos pa'i chos ni thams cad kun// long bas smigs pu zin pa ltar// bstan pa rgyud kyi spyi 'grel zhes// rdzogs pa nga yis bshad pa/ yin da/ phyag rgya 'di yi rang bzhin ni/ rnam pa gsum du shes par bya// ming dang rang bzhin dpe gsum ste// ming ni phyag rgyar bshad pa yin// rang bzhin 'gyur ba med pa ste// rdo rje sems las 'gyur ba med// dpa ni nam mkha' lta bu ste// na mkha'i dpe la mtshon du med// ces bstan/ skabs dang phyag rgya'i man ngago/ de nyid lam gyi mni ngag yin// rnam pa bcu dang drug cu bgrang // de yang gang dang gang zhe na// yo ga rnam bzhi re re la de nyid rnam pa bzhi bzhi ste// rnam pa bcu dang drug tu bgrang // de nyid rnam pa bcu drug ni// byang chub sems kyi de nyid// sems dang chos dang ye shes dang // ngo bo dag ni de nyid do// sngon dang da ltar phyi ma dang // de dang 'dra bar kun gyi'o// shin tu rnal 'byor de nyid ni// rnam pa bzhi ru bgrang bar bya// sangs rgyas sems can rgyud drug kun// ma bcos sems kyi de nyid// snang srid snod bcud thams cad kun// mi byas chos kyi de nyid/ dus gsum bskyod pa med pa ni// ma sgribs ye shes de nyid // thams cad yongasu rdzogs pa ni// ngo bo dag gI de nyid // kun tu rnal 'byor de nyid ni// rnam pa bzhi ru bgrang bar bya// chos dbyings ji ltar rig pa ste// de ni sems kyi de nyid yin// dbyings nyid ci yang bcos med pas// de ni chos kyi de nyid yin// dbyings dang ye shes gsal ba ni// de ni ye shes de nyid yin// dbyings dang ye shes gnyis med pa
- 129a
de ni ngo bo de nyid yin// rnal 'byor chen po de nyid kyang // rnam pa bzhi ru shes par bya// yi ge hUM la sogs pas ni// de las thaMd bskyed pa ni// sems kyi de nyid yin par bshad// phung po 'byung ba rnam shes yul// snang la rang bzhin med pas ni// ye nas chos kyi de nyid yin// de ltar ma sgribs gsal ba ni// ye shes ngag gi de nyid yin// bdag nyid chen por grub pa ni// ngo bo dag gi de nyid// sems pa'i rnal 'byor de nyid kyang // rnam pa bzhi ru sbyang bar bya// gang zhig ting 'dzin sdom gnas nas// sdom de yid la gang 'dzin pa// sems kyi de nyid yin par bshad// ting 'dzin chags pa med par ni// chos kyi de nyid yin par bshad // rigs dang kha dog so sor gsol// ye shes dag gi de nyid yin// rigs bzhi phyag rgya chen po bzhi// ngo bo dag gi de nyid de// ngo bo rnam pa bcu drug ni// lam gyi lung du shes par bya// ces bya ngo bo bzhi yi man ngag la// byang chub sems kyi man ngag ni// dus gsum sangs rgyas thaMdaM dang // khams gsum se naM thaMd kun// byang chub sems las kun byung ste// sangs rgyas sku dang ye shes dang // se na lus dang bag chags dang // snang zhing srid pa thang kun// byang chub sems kyi byung dor med// sangs rgyas ye shes thugs rjes kyang // dbri skol blang dor yongs mi mnga'// sems can 'gro ba'i sdug bsngal yang // byang chub sems kyi rang bzhin te// snang sring sdong bcur kun la khyo// gnyen po dag gis bskyong myong // namakha'i mkha' ltar mnyam par gnas// des na snying po byang chub ste// gzung 'dzin sgos pa kun dang bral// sgra ma
- 129b
snyed ril las 'das// tshig dang yi ge brjod dang bral// bstan du mtshan ma'i dngos po med// mthong du dmigs pa'i yul dang bral// rgyu las ma byung snying po 'di// sgros kyis btags pa kun dang bral// ces bstan sbyor ba byar med man ngag ni// byang chub sems kyi sku mchog 'dis// chos kun yong su byas pa'i phyir// gcig la gnyisu byar med pas// de la gnyis kyi sbyor ba med// chos kun sems las byung ba'i phyir// chos sems gnyisu sbyar du med// rgyu las 'bras bu btsal med pas// rgyu 'bras gnyisu sbyar du med// thabs las shes rab yul byung bas// thabs dang shes rab sbyar du med// ye shes rig pa dbyings gsal bas dang dbyings dang ye re shes sbyar du med// dbang po dag la yul snang bas// yul dang dbang po sbyar du med// chos kun semasu gcig pa'i phyir// gcig la gnyis sgrar med par gsungs ces bya// dus gsum gtan tshigs man ngag ni// skye dang 'gag pa med pas na// dus gsum med pa'i gtan tshigs te// 'das dang ma byon de ltar gyi// tha snyed ming la mi gnas te// 'das pa'i dus na 'gag pa med// ma 'ongs pa la skyes pa med// da ltar dus zhes gnas med pas// dus gsum gcig pa'i man ngago/ ces bstan// lung chen khungs kyi man ngag ni/ sems nyid rdzogs pa chen po 'dis// chos kun gtan la 'bebs pa'i phyir/ lung chen khungs kyi man ngago/ ces/ lung gsum man ngag bzhis gtan la phab pa'i mdo'o// // de nas yang sems dpa' chen po des// 'dus pa'i tshogs la lung gsum// man ngag
- 130a
bzhi gtan la 'bebs pa'i mdo'i don gyi 'grel pa 'di gsung so// kye 'dus pa'i tshogs chen dag nyon cig/ snyan khung brgyud pa'i lung 'di ni/ gang gis ji ltar snyan khung gang brgyud pa// kun bzang rdo rje chos nyid bgrod med// bgrod du med pa'i don ni de ltar la// de bzhin chos nyid gcig tu gnas pa'i phyir// gang zhig su yang rung ba de la ni// chos nyid bgrong med de bstan de yang mthong // byang chub sems kyi snying po de nyid ni// chos kun 'byung ba'i snying po yin par na// spros dang bral ba'i snying po de las ni// chos nyid spros bral de byung sgros bral ngo mtshar che// ces snyan khung brgyu do// gang gi mngon du ci ltar byung ces nad chos nyid sems nyid mngon du bstan pa 'di/ a dang mdzes pa'i tha ste skur la bshad// snying po byang chub sems ni chos sku las// cho 'phrul phung po lnga dang ni// rnam shes brgyad kyi yan lag spros pa bzhin da/ khams gsum 'jig rten yongs kyi spyod yul ni// nyon mongs lnga ni 'dod chags rnam pa lnga// dus gsum sangs rgyas gsung gi zab mo ni// skye ba med pas zab mo sangs rgyas gsung // ces bstan// de bzhin gtan la 'bebs pa'i man ngag ni// sangs rgyas sems can don rnams ni// ji bzhin mi bskyod pa'i chos nyid// bya ba med pas grol ba'i rdzogs chen la// bya byed rtsol sgrub med pas na// grol ba med pas grol bar bshad// rgyu rkyen med pa'i rang byung ye shes te// ma rtsal rang bzhin gnas pas bdag 'gro la// brtsal du med pas grol ba gzhan la ston ces bstan// de bzhin man ngag rnam bzhi ni
- 130b
byang chub sems kyi man ngag ni// 'gro ba ris drug sdug bsngal nyon mongs lnga// snying po byang chub sems kyi rang bzhin yin// sangs rgyas rnams kyi sku gsung thugs la chub// sems can rnams kyi lus ngag yid la khyab// dus gsum sangs rgyas sku dang ye shes rol// khams gsum sems can dug lnga rang khar spyod// byang chub sems kyi snying po de la ni// dngos po mtshan mar bskyod pa med bzhin du// dpe ni nam mkha' lta bu'i rang bzhin du// kun la khyab pas na mkha'i mtha' ltar gnas// ces byang chub sems kyi man ngag// / de bzhin sbyor ba dag gi man ngag ni// chos nyid skad cig gnyis med gzung ba ni gnyisu med pa'i sbyor ba chen po yin// rgyu rkyen med pas bde zhing dga' ba ste/ skye ba med pa'i dam tshig yin par bshad// shes rab yul de yin pas mngon gyur nas// thabs kyi gang thabs rig pa bskyod pa yis/ chos rnams ma skyes pa dang gnyis med sbyor// skye ba med pa'i mchod pa phul ba yin// ces sbyor ba'i man ngago// dus gsum gtan tshigs man ngag ni// snga ma 'das dang da ltar gnas pa dang // phyi ma ma 'ongs dus gsum tha snyed 'o di// gsum du mi gnas snga phyi tho snyad yin/ da ltar mi gnas snga phyi skye 'gog med// dus gsum skye 'gag med pa'i don 'di ni/ snga phyi med pas dus gsum chen por sbyor// ces dus kyi/ man ngago/ lung chen khungs kyi man ngag ni/ brtsal na 'ching par 'gyur ba de bas na// thams cad yongasu rdzogs pa'i lung 'di las// brtsal du med pa de las rtsa la gyur no// tshe chad pa'i nang de sgrib par 'gyur
- 131a
bya ru med pa de la de rtog na// chos nyid la ni chos nyid grub pa med// ces gtan la 'bebs pa'i mdo dang // don gyis 'grel pa rdzogs s+ho// / de nas sems dpa' chen po des dang 'dus pa'i tshogs rnams la// nges par ston pa'i don 'di bstan te/ blo nges par bzhago// kye 'dus pa'i tshogs chen de nyon cig/ nges par ston pa'i mdo 'di las// med pa'i man ngag rnam pa brgyad// nges pa lnga dang ma nges gsum// brgyad pa gnyis kyi man ngag gis// khyod blo nges par bzhag par bya// de yang gang dang zhe na// sems la skye 'jig med pa dang // don la bsgom du med pa dang // spyod pa blang dor med pa dang // lam la bgro du med pa dang // rnam pa bgrang du med pa dang // sems la ngo bo med pa dang // chos nyid skye ba med pa dang // sgros skur gdag su med pa dang // spyod pa blang dor med pa dang // nges po lnga ni gang zhe na// dus gsum khyad par med par nges// bla med dkon mchog mchod par nges// mchod pa bsde ru med par ngeso// bka' la mtshon du med par nges// bde dang sdug bsngal rgyu mthun nges// chos kyi rang bzhin ma nges dang // blo yi rang bzhin ma nges dang ye shes rang bzhin ma nges gsum// sems la skye 'jig med pa ni// snying po byang chub sems 'di la// pha zhes bya ba'i rgyu ma mchis// ma zhes bya ba'i rkyen ma mchis// rgyu ma mchis pas skye ba med// rkyen ma mchis pas 'jig pa med// des na skye 'jig med ces bya/ don la bsgom du med pa ni/ don ni chos nyid skye med// dpe yis bsgom du med pa dang // rtags kyis sgom du med pa'o// de yang ji lta bu zhe na/ dpe' yis sgom du med pa ni/ chos kum