rje btsan dam pa
Caraśaartha
Text
ff. 193a–193b · 2 folio sides
- 193a
gyis grub pa la/ bsod nams med kyang 'grub ces rgyal bas gsungs/ chos kyi dbyings ni mi skyod gnas che ba// kun la khyab pas sgra med tshig las las 'das// sprul pa mang po rgya mtsho'i tshogs chen gyis// bya med don las rdul tsam bskyod mi nus// zhi ba phra ste mngon du rnyed pa dka'o// rtog ge sbyong yul 'khrul pas shes mi nus// bskyod dang mi skyong rtog pa med pa ni// ma tshan nyid mkha' las kyang 'das pa'o// ye nas lhun gyis grub pa'i thabs chen la/ rgyu bcos rtog pas grub par mi 'gyur te// spyod pa'i sgo dang mtha' las 'das pa la// log rtog 'khrul pas bsrung du ga la yod// mtshan nyid med pa'i thig le chen po ni// sprul pa sgyu ma tsam du snang ba yang // chos nyid dbyings las dbye ba skul mi 'jug pas// sgyu ma'i lam du rgyal bas yongs ma bsngags// mi gnas chos sku brjod las 'ongs pa ni dang dbu ma tsam du ye nas mi gnas pas// yid bzhin bde ba'i ye shes mtha' klas kyang // snang dang brjod pa'i mtha' las 'das pa'o// byang chub sems na mkha'i rgyal po rdzogs so// / rje btsan dam pa bzhugs/ @#// rgya gar skad du/ tsa ra sha ar thAM/ bod skad/ rje bcan dam pa/ bcom ldan 'das dpal kun tu bzang po la phyag 'tshalo// shin tu rnal 'byor lha yi lha// rnal 'byor las kyang rnal 'byor mchog/ 'phags pa las kyang 'phags pa ni/ rdo rje rgyal ba kun gyi mes// rje btsan dam pa kun tu bzang / rdo rje 'chang rgyal 'jigs pa'i skyabs// nyams pa'i chang ba byung ba la/ mgos
- 193b
btsun de las gzhan me do// der gzhol ba ni mchod pa'i sprin// kun tu gnas pas bsgrubs thab so// ngang gis mi ldog dngos grub pas// don kun phyag rgyar rdzogs pa yin// bde chen lhun gyis rdzogs pa yang // 'di ngag kun gyi bla ma ste// mngon sum sangs rgyas yin pas na// 'dra bar dang ba'i mchog bskyod do// nges pa'i lung ston dpa' bo yis// lung chen de dag la bstan nas// mkhas pas lung bzhin rgyud pa yis// bsnam pa'i dam tshig bskang ba yin// thugs rje thabs dang ldan pa yin// phan par bzhed pa'i skye bo la// cha shas tshang bar mdor bsdus nas/ 'jug pa tsam cig skabs 'dir dbye'o// lung dang man ngag gi don yi ge nyung yang // don rgya chen bsdus te// ma lus 'grel cing theg pa mtha' dag gi don bkod sa/ byang chub kyi sems bsam gtan nges pa'i rgyal po// rje btsan dam pa rdzogs s+ho// rtse mo byung rgyal bzhugs// / bcom ldan 'das dpal bde ba chen po// kun tu bzang po la phyag 'tshalo// bcom ldan 'das dpal bde/ thams cad mkhyen pa'i thugs// sna tshogs kun tu bzang po rdo rje sems da/ dbyings dang ye shes 'du 'bral med pa'i gsung // rnam dag byang chub sems la phyag 'tsho lo// sngon tshe 'das pa'i bskal pa mtha' rings nas/ 'khrul 'khor blun rmongs mdongs pa'i 'gro ba rnams nga dang bdag bcas mtshan mas bcings pa yis// khams gsum rgyud la 'khor ba'i 'gro don du// snying po don las bsdams pa'i gsung brjod 'di// rgyal sras gang 'dod dbang phyug skal ldan la// thugs