'phags pa ngan 'gro thams cad yongs su sbyong ba gtsug gtor rnam par rgyal ba zhes bya ba'i gzungs
Aryasarbadurgatipariśodhaniuṣṇiṣabijayanāmadharani
Text
ff. 224a–231a · 15 folio sides
- 224a
bka' stsal pa dang / thams cad dang ldan pa'i 'khor de dag dang / lha dang / mi dang / lha ma yin dang dri zar bcas pa'i 'jig rten yid rangs te/ bcom ldan 'das kyi gsungs pa la mngon par bstod do// de bzhin gshegs pa thams cad kyi gtsug gtor rnam par rgyal ba zhes bya ba'i gzungs rtogs dang bcas pa rdzogs s+ho// rgya gar skad du/ ar+ya sarba durga tipa ri sho d+ha ni uSh+NI Sha bi dza ya na ma d+ha ra ni/ bod skad du/ 'phags pa ngan 'gro thams cad yongs su sbyong ba gtsug gtor rnam par rgyal ba zhes bya ba'i gzungs sangs rgyas dang byang chub sems thams cad la phyag 'tshal lo// de nas lha'i bu shin du brtan pa zhes bya ba zhig sum bcu rtsa gsum pa'i lha rnams kyi nang na chos bzang lha'i mdun sa na gnas te/ lha'i gzhal med chen po na longs spyod chen po dang lha'i bu mo'i tshogs chen pos bskor nas/ rtse dga' zhing dga' mgur spyod de/ de lha'i longs spod myong ba la/ mtshan mo sgra zhig thos nas lnga bu shin du brtan pa/ zhag bdun gyi nyin par 'chi ba'i dus byed de/ de 'chi ba'i dus byas nas kyang 'dzam bu'i gling du skye ste/ de yang 'gro ba bdun po myong bar 'gyur ro// 'gro ba bdun po myong nas kyang sems can dmyal ba myong bar 'gyur ro// brgya la nam zhig mir skye bar gyur na yang / der dbul por gyur zhing chu long du yang 'gyur ro zhes thoso// /
- 224b
da bad nga de nas lha'i bu des sgra de thos nas 'jigs skrag sngangs te spu zings zhes byed par gyur nas/ de ring pa ring por brgya byin ga la ba der song ste phyin nas/ lha'i dbang po brgya byin gyi rkang pa la mgo bos phyag 'tshal te// brtabs par smra zhing de kyi hud kyi hud ces smre sngags 'don bzhin du lha'i dbang po brgya byin la 'di skad ces smras so// lha'i dbang po bdag lha bu mo'i tshogs kyis bskor te/ lha'i longs spyod kyis dga' brtse zhing bde ba myong ba las sgra zhig thos pas/ lha'i bu shin du brten pa zhag bdun na 'chi ba'i dus byed par 'gyur te/ 'dzam bu'i 'ang du skye bar 'gyur ro// der yang 'gro ba bdun po myong nas sems can dmyal bar 'gyur ro// brgya la nam zhig mir skye bar gyur na yang der dbul por 'gyur zhing rma long / du yang 'gyur ro// zhes thos nas lha'i dbang po de la bdag gis ji ltar bsgrub par bgyi/ de nas lha'i dbang po brgya byin gyis lha'i bu shin du brtan pa'i tshig de thos nas shin du ngo mtshar du 'dzin par gyur te/ lha'i bu 'di yis 'gro ba bdun po gang dag myong bar 'gyur snyam du sems shing / skad cig cang mi smra bar gyur pa dang / 'gro ba bdun ni phag gi skye gnas dang / khyi dang / wa dang / sgrol bu dang / ska bya ba dang / sbrul gdug pa can dang / bya rgod dang / bya khra dag ste/ 'gro ba bdun po de dag shin du mi gtsang ba za ba mthong ngo // de nas lha'i dbang po brgya byin gyis 'gro ba bdun po de dag mthong nas 'di snyam du/ lha'i sdug bsngal mi bzod pa chen po myong bar 'gyur ro// de la dgra bcom pa yang dag par
- 225a
rdzogs pa'i sangs rgyas ma rtogs par/ de'i skyabs dang dpung gnyen du 'gro ba gzhan med do snyam du bsams so// de nas ldan dbang po brgya byin de'i srod la me tog dang / bdug spos dang / gos dang / rgyan sna tshogs la sogs pa khyer nas/ bcom ldan 'das ga la ba der phyin pa dang / bcom ldan 'das kyi zhabs la mgo bos phyag 'tshal te// lan bdun bskor ba byas na mchod rten pa chen po byas te/ bcom ldan 'das kyi spyan sngar 'dug ste/ lha'i bu shin du brtan pa'i 'gro ba bdun po 'di dag bcom ldan 'das la zhib tu gsol to// / lha'i dbang po brgya byin la 'dus pa de dag gi gsol ma thag tu/ de nas bcom ldan 'das kyis gtsug gtor nas 'a zer sna tshogs phyung ste/ de nas phyogs bcu'i 'jig rten gyi khams thams cad snang bar byas te/ slar log nas bcom ldan 'das kyi zhal kyi sgor zhu gso// de nas bcom ldan 'das kyis 'dzum pa mdzad nas/ lha'i dbang po brgya byin la 'di skad ces bka' stsal to// lha'i dbang po gtsug gtor rnam par rgyal ba zhes bya ba'i gzungs de bzhin gshegs pas skye kho nas dbang bskur ba/ ngan 'gro thams cad longs sbyong ba srid pa dang sdug bsngal bar byed pa thamasas cad 'jig par byed pa/ sems can dmyal ba dang / dud 'gro'i skye gnas dang / gshin rje'i 'jig rten thams cad yongs su spong ba'i bde 'gro'i lam du 'jug pa yod de/ lha'i dbang po de lta bas na gtsug gtor rnam par rgyal ba ngan 'gro thams cad yongs
- 225b
sbyong ba thos ma thag tu sgrib pa byang bar gyur pa dang / sdug bsngal gyi rang bzhin sna tshogs che rje ba shin du mang po dag 'jig par byed pa'o// skye ba yong su dag pa'i rgyud thob par 'gyuro// tshe rabs thams cad du tshe rabs dran par 'gyur ro// sangs rgyas kyi zhing nas sangs rgyas kyi zhing du 'gro bar 'gyur ro// lha'i 'jig rten nas lha'i 'jig rten du 'gro bar gyur te/ lha'i gnas sum bcu rtsa gsum kyi bar du 'gro bar bya'o// lha'i dbang po de brjod ma thug tu tshe zad pa'i mi che phyir nor par 'gyur lhas thob par 'gyur ro// lus dang ngag dang / yid kyi las yongs su brtsegs pa bde bar reg pa la gnas pas gnas par 'gyur ro// de bzhin gshegs pa thams cad kyang de la gzig so// de dag kyang de la rtag tu rgyun mi 'chad par bsrung ba dang bskyabs pa dang sba bar 'gyur ro// byang chub sems dpa' thams cad kyang de la sems par 'gyur ro// brjod pa tsam gyis sems can dmyal ba dang / dud 'gro'i skye gnas dang / gshin rje'i 'jig rten dang / yi dgas kyi yul thams cad skems par 'gyur// rnam par thar par 'gyur/ rnam par spel bar 'gyur/ stong par 'gyur ro// de de ltar sangs rgyas kyi zhing thams cad dang / lha'i gnas thams cad dang / byang chub sems dpa'i gnas thams cad kyi sgo rnams phye bar 'gyuraro// de gang 'dod pa der 'jug par 'gyuraro// de nas bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das gzungs de bka'
- 226a
stsal du gsol// sems can thams cad kyi srog la sman gdags par mdzad du gsol// de nas bcom ldan 'das kyis lha rnams kyi dbang po brgya byin gyis gsol ba btab pa mkhyen nas gzungs 'di bka' stsal to// na mo rad na tra yA ya/ na mo b+ha ga wa ti/ namaHtrai lo kya pra ti be shiSh+Na ya b+hu d+ha ba ga wa te/ tad+ya thA oM bi sho d+ha ya/ a sa ma sa man yA/ a ba b+ha Sha sa ra nag ti ga ga na/ swa b+ha wa shud d+he/ a b+hi shin tsa tu maM/ su ga ta ba ra ba can/ a mr-i ta a b+hi she kair+ra/ ma dA man tra daM/ a ha ra a ha ra a yur san d+ha ra ni/ sho d+ha ya sho d+ha ya/ ga ga na bi shud d+he/ uSh+NI sha bi dza ya pa ri shud d+he/ sa ha pra sasmi san tso di ti/ sarba ta thA ga ta hri da ya/ a d+hiSh+Tha na/ a d+hiShI te/ ma hA mu tre/ badz+ra ka ya sa hA ta na/ shud d+he sarba karma a pa ra na bi shud d+he/ pra ti ni ba ra ta ya/ a yur bi shud de/ sa ma ya a d+hiShA na a d+hi ShI ti/ ma ni ma ni/ me ma ni/ ma hA ma ni/ ta thA b+hud d+ha ko ti/ pa ri shud d+he ba sU bud d+he shud d+he/ he he dza ya dza ya/ bi dza ya/ sma ra sma ra/ sarba b+hud d+ha a d+hiSh+Tha na a d+hi Sh+Thi te/ shudad+he/ bde badz+re/ ma hA badz+ra/ badz+ra gai rI/ badzas b+ha ba tuM/ ma hA sha re ra ma/ sarba swA tA nan tsa ka ya/ pa ri shud d+hes sha/ b+hab tu mo/ sarba ga ti pa ri shud d+he/ sarba te ga ta b+hud d+ha ko ti pa ri shud d+he/ sarba ta thA ga ta sa ma shwa sa a d+hi sha te/ sarba ta thA ga ta shrA maM/ sa ma sha sa man tu/ b+hu d+ha b+hu d+hu/ bo d+ha ya bo d+ha ya/ bi bo d+ha ya bi bo d+ha ya/
- 226b
sa man tA ra sri ba shud d+he/ sarba ta thA ga ta hri da ya/ ad+hiSh+Tha na/ a d+hiSh+Thi te/ mu tra mu tre swA hA// lha'i dbang po gtsug gtor rnam par rgyal ba zhes bya ba gzungs 'di ngan 'gro thams cad yongs su sbyong ba/ sdig pa dang sgrib pa thams cad spyong pa/ bde 'gro'i lam du 'gro ba/ ngan song thams cad rnam par 'jig par byed pa/ 'di ni sangs rgyas bcom ldan 'das gang gi klung gi bum phrag bye ba brgya bcu rtsa bdun gyi bye ma snyed kyis gsungs/ byin gyis brlabs pa/ rjes su yid rangs par mdzad pa/ de bzhin gshegs pa thams cad kyi ye shes kyi phyag rgya btab ste/ sems can thams cad bde 'gror 'gro ba dang / ngan 'gror lhung ba rnams bzlog pa dang / sems can dmyal ba thams cad dang / dad 'gro'i skye gnas thams cad dang / gshin rje'i 'jig rten la sogs te/ sdug bsngal gyi gnas thams cad du sdug bsngal zhing nyamasang bar gyur pa rnams dang / sdug bsngal gyi rgya mtshor lhung ba'i sems can rnams rnam par grol bar bya ba'i phyir gsungs pa'o// de bzhin du sems can tshe thung zhing skal ba chung basmad pa dang / snam sna tshogs pa'i skye bar lhung ba rnams dang / bsam pa nyams pa dang / sems can lam las nyams pa rnams kyi don tu gzungs 'di 'dzam bu gling du bzhag go/ lha'i dbang po khyed kyis gzungs 'di zung la lha'i bu shin du brtan pa la sgrogs shig bsgrags nas kyang / 'don pa dang / kha ton du bya ba dang / bsam pa dang /
- 227a
bsgom pa dang / dran par bya ba dang / mchod pa dang / bzung ba dang / kun chub bya ba dang / de ltar lha'i gnas thams cad du 'khod pa'i lha'i bu rnams dang / 'dzam bu'i gling du sems can rnams kyi don dang phan pa dang bde ba'i phyir gzungs 'di dang / phyag rgya dang h+ya yongs su gtad pa yin no// phyir lha'i dbang po khyed kyis yang dag par bzung bar bya'o// lha'i dbang po gzungs 'di lan gcig thos ma thag tu bskal pa brgya stong du bsags pa'i las kyi sgrib pa yongasu byang bar 'gyur ro// skye bar skye ba sna tshogs pa sems can dmyal ba dang / dud 'gro'i skye gnas dang / gshin rje'i 'jig rten dang / yi dgas kyi yul dang / lha ma yin gyi ris dang / 'di lta ste/ gnod sbyin dang / srin po dang / 'byung po dang / sha za dang / srul po dang / lus srel po dang / brjed byed dang / khyi dang / rus sbal dang / sbrul dang / gcan zan mi bzad pa dang / bya dang / sbrang bu dang / sbrang ma dang / sdig sbrul dang / grog sbur la sogs pa'i rigs rnams su mi skye bar rigs par bya'o// gzhan du de bzhin gshegs pa dang phrad pa dang / byang chub sems dpa'i rigs su skye ba dang / rigs chen por skye ba dang / de la rigs chen por skye ba gang zhe na/ bram ze'i rigs shing sa la chen po lta bu'am/ rgyal rigs shing sa la chen po lta bu 'am/ khyim bdag gi rigs shing sa la chen po lta bu'am/ tshong dpon gyi rigs shing sa
- 227b
la chen po lta bur skye'o zhes nga sla'o// lha'i dbang po de ltar na gzungs 'di'i mthus byang chub snying po mthar thag gcer bu skye ba yongs su dag pa chen po thob ste/ lha'i dbang po bzung 'di de ltar mthu che ba/ phan yon che ba/ mthu stobs che ba/ dge ba shis pa yin te/ lha'i dbang po sems can rnams kyi don gyi phyir/ gtsug gtor rnam par rgyal ba zhes bya ba'i gzungs/ ngan 'gro thams cad yongs su sbyong ba 'di bzhag go// 'di lta ste/ dper na nor bu nyi ma'i snying po shin du dri ma med pa na mkha' ltar yongs su dag pa'o// 'od gsal ba ni 'od kyi snang bas 'bar bzhin du 'dug go/ lha'i dbang po de bzhin du sems can de yang gos pa med par bya'o// 'di lta ste dper na 'dzam bu'i chu bo'i gser ni shin du yongs su dag pa/ shin du mnyen pa/ shin du sdug pa'o// lha'i dbang po de bzhin du sems can de yang yongasu dag par rig par bya'o// tshe rabs gzhan du de bzhin du skye bar 'gyur ro// lha'i dbang po gang na gzungs 'di rab du ston pa dang / bye brag tu na yi ger 'brir 'jug pa dang / 'dzin pa dang / klog pa dang / 'don pa dang / kha ton du byed pa dang / mchod pa dang / kun chub par byed pa dang / nyan pa dang / 'dzin par gyur pa dang / 'gro ba thams cad yongasu dag par 'gyur/ sems can dmyal ba thams cad rgyun 'chad par 'gyur ro// lha'i dbang po gzungs 'di yi ger bris te rgyal mtshan gyi rtse la bzhag par bya'o// ri 'thon po'am/ khang pa 'thon po lnga/
- 228a
mchod rten gyi nang du bzhag par bya'o// lha'i dbang po dge slong ngam/ dge slong ma 'am/ dge bsnyen pa/ dge bsnyen ma 'am/ de las gzhan pa'i rigs kyi bu 'am/ rigs kyi bu mo gang gis rgyal mtshan gyi rtse mor bzhag pa mthong ngam/ de dang nye bar gnas par 'gyur na/ tha na de'i grib ma phog gam/ de'i rdul rlung gis btab par gyur pas phog na yang / lha'i dbang po sems can de la sdig pa thams cad dang / ngan 'gror 'gro ba'i sems can 'jig pa thams cad mi 'byung ngo // sems can dmyal ba dang / dad 'gro'i skye gnas dang / gshin rje'i 'jig rten dang / yi dgas dang / lha ma yin gyi rigs thams cad du mi skye bar rig par bya'o// lha'i dbang po sems can de ni de dag thams cad kyis lung bstan cing / bla na med pa yang dag par rdzogs pa'i byang chub tu phyir mi ldog par rig par bya'o// lha'i dbang po shing bzo byed pa la yang phan yon chen por gyur na/ mchod pa byed pa dang / rim 'gro byed cing / me tog dang / bdag pa dang / spos dang / me tog phreng ba dang / byug pa dang / phye ma dang / gdags dang rgya mtshan dang / ba dan dang / rgyan thams cad kyis brgyan par byed pa dang / lam gyi gzhi mdor mchod rten byas te/ gzungs 'di bzhag la/ thal mo bya ba'am/ phyag 'tshal zhing / bskor ba byed pa lta ci smos te/ lha'i dbang po sems can de ni sems can chen po yin par rig par bya'o// de dag gi srasu rig par bya'o// chos kyi gnas rig par
- 228b
bya'o// de dag gi mchod rten du rig par bya'o// de nas chos kyi rgyal po gshin rje'i de'i nub mo nam langs nas/ bcom ldan 'das ga la ba der song ste/ bcom ldan 'das la lha'i me tog dang / gos dang rgyal mtshan la sogs pas mchod pa dang / bsti stang du byas pa nas/ de nas bcom ldan 'das la lan bdun bskor ba byas te/ bcom ldan 'das kyi zhabs la btu nas 'di skad ces gsol to// bcom ldan 'das gzungs 'di ni mthu che zhing phan yon che ba lags te/ bcom ldan 'das bdag gang rtag tu rgyun mi 'chad par sems can de'i slad bzhin du 'brang zhing / kun du bsrung ba dang / yongs su bskyab pa'i slad du gnas par bgyi'o// sems can dmyal ba thams cad las de bzlog par bgyi'o// bcom ldan 'das bdag ni byas pa bzo bar bgyid kyi/ byas pa mi bzo bar mi bgyid do// de nas rgyal po chen po bzhis bcom ldan 'das la lan gsum bskor ba byas te/ bcom ldan 'das la 'di skad ces gsol to// bcom ldan 'das gzungs 'di'i cho ga zhib mo dang bgyi ba'i cho ga'i tshul rgyas par bshad du gsol// de nas bcom ldan 'das kyis rgyal po chen po bzhi dag la 'di ces bka' stsal to// nyon cig dang gzungs 'di'i bya ba'i cho ga'i tshul bshad par bya'o// rmi lam ngan pa'i phyir nyon cig pa'i cho ga sems can che thung ba'i don gyi phyir dang / rigs kyi bu dang rig kyi bu mos tshes bcwo lnga'i zla ba mkhrus byas te gos gtsang mgon nas bsnyung ba byas te/ lan stong bzlas brjod byas na/ des sems can tshe zad pa de yang phyir nu ro// nad dang bral bar 'gyuraro//
- 229a
sgrib pa thams cad rnam par byang bar 'gyuraro// sems can dmyal ba la sogs pa ngan 'gro thams cad yongs su thar bar 'gyuraro// tha na dud 'gro'i skye gnas su song ba'i bya'i rnal du yang gzungs 'di bsgrag par bya ste/ de na de'i ngan 'gro 'di nyid yin par rig par bya'o// gang zhig nad chen pos btab te/ sman pa rnam kyis bye brag phye ste bor ba yang de ltar na nad de las yongs su thar bar 'gyur ro// da ni ngan 'gror skye ba thams cad rgyun chad par 'gyuraro// shi 'phos nas kyang 'jig rten gyi khams bde ba can du skye bar 'gyur te/ de nyid de'i las kyi gnas tha ma yin par rig par bya'o// de gang dang gang du skye ba der pad ma'i snying po kho na las rdzus te skye bar 'gyur ro// tshe rabs thams cad du yang tshe rabs dran par 'gyur ro// sems can sdig pa byed pa gang dag shi ba'i dus byas pa de dag gi don du gzungs 'di yung kar la lan nyi shu rtsa gcig yongs su brjod de/ de dag gi rus gong rnams kyi steng du gtor na de dag sems can dmyal ba 'am/ dud 'gro'i skye gnas sam/ gshin rje'i 'jig rten nas/ yi dgas sam/ de las gzhan pa'i ngan 'gro rnamasu skye bar gyur kyang rung ste/ de dag gzungs 'di'i mthus ngan 'gro de dag las thar bar 'gyur ro// de dag las thar nas kyang lhar skye bar 'gyur ro// su zhig nyin cig bzhin du lan nyi shu rtsa re re yongasu brjod pa/ de 'jigs pa chen po rnams kyi mchod pa'i 'os su 'gyur ro// tshe ring bar 'gyur ro// nad med par 'gyur ro// bde ba
- 229b
myong bar 'gyur// rtag tu spro ba dang ldan par 'gyur ro// mya ngan las 'das chen po thob par 'gyur ro// shi 'phos nas kyang 'jig rten khams bde ba can du skye bar 'gyuraro// de nas sangs rgyas kyi zhing tha dad pa sna tshogasu skye bar 'gyur ro// der yang de dag rnams dang 'phrad par 'gyur ro// de dag thams cad kyang dbugs 'byin par 'gyur ro// de dag thams cad kyis kyang lung bston par 'gyur ro// sangs rgyas kyi zhing thams cad 'jig rten la snang bar byed par 'gyur ro// phyag rgya bcings pa ni/ sor mo bcu thal mo sbyar la/ sdig 'dzub gnyis bkug ste/ mtho bo gnyis sbyar la/ de nas gzungs 'di dran par byas la/ dkyil 'khor gru bzhi pa byas la me tog sna tshogs pa bkram la/ sna tshogs pa'i bdug pas bdug cing / pus mo g.yas pa'i lha nga sa la btsugs te/ de dag thams cad ti nge 'dzin gyis dmigs la/ phyag bya zhing de nas gzungs 'di brgyad brgya klag par bya'o// de ltar lan gcig klags pa tsam gyis bye ba khrag khrig stong phrag brgya bcu rtsa brgyad kyis gang ga'i klung gi bye ma dang mnyam pa de dag thams cad mchod pa byed cing bsnyan bkur ba dang / ri mor byas te/ de dag la mchod pa chen po'i sprin gyis mchod par 'gyur ro// de dag kun gyis kyang legs so zhes bya ba'i sgra brjod par 'gyur ro// sems can de ni de dag thams cad kyi bdag nyid las skyes pa'i sras su rig par bya'o// sgrib pa med pa'i ye shes dang ldan zhing byang chub chen po'i sems kyi brgyan dang mnyam pa thob 'gyuraro// de
- 230a
la gzungs 'di bsgrub pa'i cho ga'i thabs 'di ni lha'i dbang po 'gro ba thams cad kyang sems can dmyal ba la sogs pa'i ngan 'gro las yongs su thar par 'gyur ro// de dag gi 'gro ba thams cad kyang yongs su dag par 'gyur ro// tshe ring bar 'gyur ro// lha'i dbang po song la lha'i bu blo gros shin du brtan pa la gzungs 'di rjesu ston la sgrogs shig/ lha'i dbang po des na zhag bdan na lha'i bu shin du brtan pa'i 'gro ba thams cad yongs su dag cing tshe ring bar 'gyur ro// stobs che bar 'gyur ro// de nas lha'i dbang po brgya byin gyis de dag la rjes su brten pa 'di blangs te/ de'i gnas su phyin la shin du brtan pa la gzungs 'di byin no// de nas lha'i bu des nyi ma bdun pa'i bar du/ nyin drug mtshan drug tu gzungs 'di la brtson par byas na/ de thams cad phun sum tshogs pa 'di lta ste/ ngan 'gro las ni yongasu thar/ bde ba'i laM la yang dag gnas/ tshe ring bar yang gyur na su/ a la la sangs rgyas/ a la la chos/ a la la gzungs 'di lta bu 'jig rten du byung te/ des bdag 'jigs pa chen po las yongs su thar ro// zhes ched du brjod pas ched du brjod do// de nas lha rnams kyi dbang po brgya byin dang / lha'i bu shin du brtan pa dang / 'khor che ba rnams kyis me tog dang / dri dang / bdug dang / phreng ba dang / gdugs dang / rgyal mtshan dang / ba dan dang / gos gis rgyan bzang po'i bla re dang / lha'i tshogs kyi mthus bcom ldan 'das kyi drang
- 230b
du phyin te/ pha zad du phyin pa dang / bcom ldan 'das la mchod pa chen pos lha rdzas kyi rgyan la sogs pa nye bar 'kho ba'i mchod pa brgya stong phul te/ bskor ba byas nas bcom/ ldan 'das kyi mdun du 'dug te/ chos nyan to// de nas bcom ldan 'das kyi phyag gser gyi mdog can brkyang ste/ lha'i bu shin du brtan pa dbugs phyung nas chos ston par mdzad cing / sangs rgyas kyi bar du lung bstan to// // 'phags pa ngan 'gro thams cad yongasu sbyong ba gtsug gtor rnam par rgyal ba zhes bya ba'i gzungs// rdzogs s+ho// / rgya gar gyi mkhan po 'dzin mi tra dang / su ren tra bo de dang / zhu chen gyi lo tsA ba ban d+he/ ye shes sdes bsgyur cing zhus te gtan la phab pa/ slad kyi paN+Di chos kyi sde dang / lo tsA ba khams pas pa ris rtogs pa snga ma bsgyur cing / rtog pa phyi ma sngar bsgyur ba rnams la zhu dag legs par bgyis pa'o// // spyir gtsug gtor rnam par rgyal ma la mang po bzhugs pa las/ snga ma tshe dpag med kyis gsungs pa'i 'chi bdag dbyug pa 'dzin pa yin pa la/ phyi ma ni shAkya thub pas gsungs pa/ ngan 'gro tha~Md sbyong ba'i rnam rgyal bya ba yin gsung ngo // spyir gzungs la oM dgu la sogs par bzhugs na/ 'di'i snga ma oM gsum pa 'di dag par grags/ 'di gnyis bsres pa'i dpe mang du bzhugs na/ de lo tsA bas cho ga 'thun pa la dgongs nas bsres pa yin nam/ rgya gar na'ang de bzhin bzhugs srid na/ sum pa lo tsA bas rgya dpe la gzigs tshad la'ang mi 'dug
- 231a
gsung / sa spyan rgya dpe bzhugs pa la mi bzhugs pas/ rtog pa so sor phye ba 'di dag pas sman chad 'di bzhin bya'o// / dge bar gyur cig/ rgya gar skad du/ sarba ta thA ga taSh+Ti Sha bi dza ya na ma d+ha ra ni kalpa/ de bzhin gshegs pa thams cad kyi gtsug to rnam par rgyal ma'i gzungs zhes bya ba'i rtog pa gtsug gtor rnam par rgyal ma la phyag 'tshal lo// 'di skad bdag gis zos pa'i dus gcig na/ bcom ldan 'das bde ba can na bzhug so// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas che dpag med chos yang dag par bsdud pa'i phug chen po'i khang bzangs kyi tsha la bde ba la nye bar bzhugs nas/ byang chub sems dpa' sems dpa' chen po 'phags pa spyan ras gzigs dbang phyug la 'di skad ces bka' stsal to// rigs kyi bu sems can sdug bsngal dang nad sna tshogs kyis yongs su gzir cing tshe thung ba yod de/ de rnams kyis don du tshe ring bar 'dod pa nye bar bsgrub par bya ba'i phyir de gshegs pa thams cad kyi gtsug gtor rnam par rgyal ba zhes bya ba'i gzungs 'di bzung bar bya/ gzhan rnams la rgya cher yang dag par bstan par bya'o// byang chub sems dpa' sems dpa' chen po 'phags pa spyan ras gzigs dbang phyug stan las langs te thal mo sbyar bar gyur pas bcom ldan 'das la 'di skad ces gsol to// bcom ldan 'das de bzhin gshes
Colophon
'phags pa ngan 'gro thams cad yongs su sbyong ba gtsug gtor rnam par rgyal ba zhes bya ba'i gzungs// rdzogs s+ho// //rgya gar gyi mkhan po 'dzi na mi tra dang/ su ren tra bo de dang/ zhu chen gyi lo ts+tsha ba ban d+he ye shes sdes bsgyur cing zhus te gtan la phab pa/ slad kyi paN+Di chos kyi sde dang/ lo ts+tsha ba khams pas pa ris rtogs pa snga ma bsgyur cing/ rtog pa phyi ma sngar bsgyur ba rnams la zhu dag legs par bgyis pa'o// //spyir gtsug gtor rnam par rgyal ma la mang po bzhugs pa las/ snga ma tshe dpag med kyis gsungs pa'i 'chi bdag byug pa 'dzin pa yin pa la/ phyi ma ni shAkxya thub pas gsungs pa/ ngan 'gro thaMd sbyong ba'i rnam rgyal bya ba yin gsung ngo/ /spyir gzungs la oM dgu la sogs par bzhugs na/ 'di'i snga ma oM gsum pa 'di dag par grags/ 'di gnyis bsres pa'i dpe mang du bzhugs na/ de lo ts+tsha bas cho ga 'thun pa la dgongs nas bsres pa yin nam/ rgya gar na'ang de bzhin bzhugs srid na/ sum pa lo ts+tsha bas rgya dpe la gzigs tshad la'Ang mi 'dug gsung/ sa skya na rgya dpe bzhugs pa la mi bzhugs pas/ rtog pa sos or phye ba 'di dag pas slan chad 'di bzhin bya'o