Q5045MW1KG13126_5045rgyud 'grelAll versions of this work

dpal de kho na nyid grub pa

Śrītattṣasiddhi

Text

ff. 24a–26a · 5 folio sides

  1. 24a

    nags kyi rin chen gyi bstod pa bdun pa 'di ni rdzogs so// // yul ma ga d+ha nas byung ba'i dgos sprin dam pa nyim pa zhes bya bas mdzad pa'o// 'di ni spyan snga chos kyi rgyal pos gser gyi me tog dang bcas pa'i bka' lung gis/ rtse thang lo tsa ba gzhon du dpal gyi bsgyur ba'o// man+ta/ mamam / rgya gar skad du/ shrI tan siH/ bod skad du/ dpal de kho nyid grub pa/ dpal rdo rje sems dpa' la phyag 'tshal lo// sangs rgyas byang chub rdo rje ni// tshe 'dis 'grub kyi gzhan du min// lus dang ngag yid legs gnas pas// med par 'grub par mi 'gyur ro// 'dod pa'i longs spyod rgyun mi 'chad// med nade yang ji ltar 'dod pa bsten// gnyis med ye shes dag pa las// de ltar min na log par lhung // de nas sdug bsngal brgyud par 'byung // de phyir sngags kyis byin brlabs po'i// mkhas pa dag pas sngon 'gro spyad// ji ltar chu yi thigs pa ni// rgya mtsho rab bas na lan tshar 'gyur// lan tsha'i ma'i mtshor zhugs nas// de nyid slar yang bdud rtsir 'gyur// ji ltar dug sbrul de nyid shes// nus pa 'phrog par byed nus med// de nyid rgyud gzhan dag la ni// lnga po gnas skabs las mi 'da'// gzhan yang 'dod pa zil non na// 'dod pa nyid ni sman yin no// ji ltar drug gi gdungs pa la// dug nyid sman du che ba yin// ji ltar me yis tshi gal me// tsher mas zug la zer ma nyid// de bzhin nyon mongs kyis nyen na// nyon mongs nyid ni bdud rtsir che// dper na dug gi de nyid shes// dug zos kyang ni gnod mi 'grub/ de bzhin yul gyi de nyid shes// 'dod pa spyad pas gnod pa med// ji ltar bdam gyi pad+ma ni// 'dam la gnas kyang des mi gos// de nyid rig pa sna rtag tu ri// 'dod pa rol pas spyad par bya// de pyi

  2. 24b

    kun nas ngogs med par// khyad par du ni longs spyod 'gyur/ 'dod pa lnga la brten byas na// dngos grub myur du des thob 'gyur// dka' thub brtul zhugs bskung ba yi// mkhas rnams skams par 'gyur ba yin// skams pas sdug bsngal 'gyur ba ste// sdug bsngal gyis ni sems g.yengs 'gyur// g.yengs pas byang chub gzhan du 'gyur// de phyir dngos grub mchog mnyen ra// dka' thub brtul zhugs spyad mi bya// ji ltar bde bas de bzhin pa nis// bde ba spongs na dngos grub med// de bas yid 'ong gnas su ni// nyams dga'i bu mo bcu gnyis ma// yid 'ong mig gi dkyus ring ma// gzugs dang lang chos rnam par mdzes// brdar zhing mi g.yo dam tshig can// 'dam las skyes pa'i dri 'bab ma// chags pa chen po'i rol rol pa// mchog tu mkhas shing sgeg pa dang // nyams dang ldan pa'i rnal 'byor pas// rang nyid 'khor lo'i dbus su gnas// dam tshig can ni rlung dag pa'i// nang du nyid mtshan 'du bar bya// spu 'dang 'dar zhing cher 'dar la// 'dzum dang dgod dang rab tu dgod// myos pa dang ni bcas pa yi// 'bebs pa rnam pa bdun du bshad// rengs dang myos dang 'gyur ba dang // rol dang yur dang shin du 'phel// rkang pa mdor dang lag pa bsgyur// phyag rgya mtshan ma lta ltangs dang / sngags dang rgod dang drag po sogs// ki li kai li phreng sgrogs byed// rol pa dpa' kho rnam par nyed// sa bskyod ca co'i bye brag ldan// rgyal ba rab zhing bas rtogs// byams shing dga' ba rgya mtsho ni// bde ba'i rtags las skyes pa'i 'od// ngo bo nyid kyis gsal ba'i yid// gnyis med rnam par gsal ba yi// rdzu 'phrul mngon shes dag dang ldan// de ltar bden don rab zhi pa'i// bye brag bcu

  3. 25a

    gnyis dag gis mdzes// e yi cha byad bzang po gang // dbus su baM gis rnam par brgyan// bde ba kun gyi gnas yin te// sangs rgyas rin chen za ma tog/ der ni dga' ba skye 'gyur/ te// skad cig dbye bas phye ba ni// dag pa'i grangs kyi rim pa yis// de dag so sor gsal bar byas// stong nyid gsum gyi nyams sbyar bas// thams cad stong nyid rab tu gsal// de nyid gsal bas dag pa ni// mchog gi go 'phang de gsal 'gyur// de phyir mi g.yo phra ba'i yid// ldan pa'i rnal 'byor pas mtshon bya// ji srid gsal bar ma gyur pa// de srid bsgom pa la 'jug bya// rab tu gsal ba thob nas ni// rang dga'i gzugs su skye bar 'gyur// der ni skad cig ma bzhi dang // de bzhin du ni dga' ba bzhi// de la sna tshogs skad cig dang // rnam par smin par rnam par nyed// mtshan nyid med par brjod pa yis// bye brag mkhas pas shes par bya// sna tshogs du ma'i rnam pa can// 'khyud dang 'o byed la sogs pa'o// rnam smin de las gyur pa ste// bdag gi bde ba la spyod mdzes// rnam nyid spyod pa'i bdag nyid de// bdag gi bde ba la spyod mdzes// de dag las gzhan mtshan nyid bral// dga' ba dang do// mchog dga' dang // dga' bral la sogs lhan cig skyes// dga' bo'i bde ba cung zad bde// mchog tu dga' bde bas lhag/ dga' bral chags pa bral ba ste// lhan cig skyes pa de dag spangs// brgyal dang phyi mo phyed tsam dang // phyi mo zhes bya skad cig gsum// dam pa'i bde ba rnam par rol// dbye bas ldan cig skyes pa shes// brgyal ba kun nas ye shes med// cung zad shes pa phyi mo'i phyed// rnam pa kun gyi mchog ldan pa'i// ye shes kyi mo nyid du 'gyur// de phyir de nyid ye shes ni// gnyis med ye shes rab zugs

  4. 25b

    de la chags dang chags bral med// gcig ma yin stong nyid min// kun min thams cad min pa min// yang na thams cad rnam par thim// ji ltar char gyi rgyu sna tshogs// ro gzugs du ma gzhan yin kyang // snod gcig du ni zhugs pa na// nunas rogacig nyid du 'gyur// de bzhin ye shes pa de chen po// rnam par ngo bo nyid kyis gsal// gnyis med rnam pa'i rnal 'byor gyis// chos kun rnam pa bcom pas na// ye shes rgyun 'bab gtong ba'i blo// mkhas pas de lta pa nyid mtshon// mi g.yo sgrib bral phra ba yi// thig le'i gzugs can rtog pa med// thog mtha' med pa'i de nyid ni// ma byung ma byas mchog yin no// skye bo'i chos rnams thams cad kyi// gzhi ni de ny-id yin no// sangs rgyas byang chub sems dpa' dang // rnal 'byor pa yis de nyid la// mthong ba de nyid ma mthong ba// del phyi rol ci zhig bsam/ de phyir 'brul pa'i mchod pa sogs// phyi rol pa yis ci byang yod// thams cad spangs nas de nyid bsgom// thams cad 'di las 'grub par 'gyur// A li kA li mnyam sbyor las// gang che nor bur chud pa na// man ngag gis ni rlung bzung ste// de tshe ye shes mthong bas 'grub// bskal pa mtha' yas bar du ni// der ni 'dod pa yang dag gnas// 'od gsal ba'i gnas thob nas// sems can kun gyis phyag byas pa'i// zam la snang ba'i rnal 'byor gyis// bzhi pa'i de nyid la brten bya// mngon du gom byed rnal 'byor pas// des ni myur du 'grub par 'gyur// rgyu la 'bras bu'i rgyas gdab cing // 'bras bu la yang rgyus rgyas gdab// rgyu 'bras gcig tu rgyas btab pas// phyag rgya chen po skye bar 'gyur// mtshan mo snang ba'i cha ste gsal ba'i nyi ma'i 'od zer 'gyed pa snang ba

  5. 26a

    mched pa yin// mtshams ni snang ba thob pa rang gi rang bzhin rnams kyis lan gcig min par 'gro/ mtshan min nyin par min pa mtshams min gang zhig rang bzhin rnams dang rnam bral ba// de ni byang chub yin par bla ma/ mchog bshad rnal 'byor pa nyid yul// ji ltar phyi rol de bzhin nang // ji ltar nang bzhin phyi rol te// gnyis su med pa'i rnal 'byor 'dis// sgrub pa ru ni rigs pa yin// slob dpon chen po ge ra li bas mdzad pa de kho na nyid grub pa rdzogs so// mang+ga laM ma// / rgya gar skad du/ sa ma ya bany+tsa shi ka/ bod skad du/ dam tshig lnga bcu ba/ dpal rdo rje sems dpa' la phyag 'tshal lo// dpal ldan rdo rje sems dpa' thugs brtser bcas la phyag 'tshal te/ yang dag bde bas mtha' dag dngos grub gter ni sgrub byed pa// dpal ldan gsang ba'i rgyud mang las gsungs shin tu gsang ba yi// tshegs kyi 'khor lo'i cho ga bzang po mdor bsdus gsal bar bya// nyin dang mtshan mo 'am nyin re bzhin nam yang na ni// ji ltar thob pa'am de bzhin yang na tshigs kyi nyin// yang na zla ba so sor 'khor lo bya ba ste// lo las 'das par gyur na dgegs ni byed pa nyid// the tshe med pa'i dur khrod dang ni dgon pa'am// yang na rdzing bu'i 'gram dang skyes mos tshal dag dang // chu gter 'gram dang ri bo yi ni sul dag dang // phug bzang sogs su 'khor lo 'bras bu rab tu ster// dpal ldan yang dag rab sbyin thob// cho ga shes shing snying rtser ldan// 'jig rten chos la ma chags shing // chags dang skya la sogs pa yangs// snyan par smra zhing bzhin 'dzum ldan// bzod bcas dran dang brtson 'grus ldan// tshogs kyi dkyil 'khor 'dren pa rung // dpal ldan rdo rje sems dpas gsungs// de yi dkyil 'khor pa rnams kyang // skal par ldan ning chags sogs spangs// dbang bskur thob cing blo gros dang // bzod brtson dran dang snying brtser ldan// gan rigs bzhin du 'dug par 'dod// dam tshig spyod pa'i spyod pa ldan/ dbang mthob pas mi rigs par// der ni sgrub pos 'khor lo bya//

Colophon

slob dpon chen pa ke ra li pas mdzad pa de kho na nyid grub pa rdzogs so/