MW21518_567BD8rdzogs pa chen po spyi ti'i skorAll versions of this work

spros bral don gsal chen mo

No folio content is linked to this work yet.

Colophon

slob dpon chen po pad+ma 'byung gnas kyi sgra rang 'gyur du mdzad pa'o//_guh+y/_gtad/_rgya rgya rgya/_-i+thi/_yang gsang ba'i man ngag gi rgyud chen po 'di sdud pa'i 'khor dga' rab rdo rjes sdus nas tshig dang yi ger bkod nas/_gu ru 'jam dpal bshes gnyen la bshad/_des gu ru sh+rI seng ha la bshad des u rgyan 'gu ru pad+m la bshad/_/u rgyan pad+m 'byung gnas des/_/snga brgya dus kyi snyig ma la/_/ldan gsum skyes bu'i don ched du/_/chos rnams kun gyi ma chen mo/_/kun bskyed rang gzhung tshugs shing tshogs/_/spros bral don gsal rgyud chen sbas/_/sems can sangs rgyas mnyam sbyor don/_/thos bsam sgom la mi ltos shing /_/bstan pas rtogs shing dran pas gsal/_/'phrad pas dbang thob mthong bas grol/_/'bras bu da ltar thob pai chos/_/yid bzhin nor bu lta bu yin/_/thugs gter yang gter gsang mdzod 'dis/_/ma tshang kha skong brul tsho sdud/_/'phrad thogs nyams su blangs mchog ma/_/snying nor yin no mig 'bras yin/_/bdag kyang thos chung ma yin te/_/rdo rje 'chang dang mkhyen rab mnyam/_/de phyir thugs kyi gsang gter 'di/_/gnam sa'i bar na gter cig ma'o/_/las 'phro can dang 'phrad nas kyang /_/bcwo lnga'i lo bar yid la brnag_/gsang dam dam srung dus thal tshe/_/'khor ba blos btang nges don 'tshol/_/bla ma la gus srog 'dor phod/_/gsum la dpe ston kun la min/_/dus la bab nas 'gro don yang /_/snyan rgyud du thob nas skal ldan skyong /_/rgyud mchog bla med nub dogs nas/_/rgyud 'di gter kha gsum du sbas/_/gcig ni byang gter bra dun tser/_/rnam snang thugs khar sbas te bzhag_/stag gi lo la 'byin par 'gyur/_/gcig ni yang gter 'dis sbas te/_/sbrul gyi lo lo 'byin par 'gyur/_/gcig ni mkha' ri dgye ri phug_/spre'u'i lo la 'byin par 'gyur/_/de yang 'dir ni ma bu tshang /_/yang gter rgyud gsum bu yi tshul/_/ci phyir ma'i bcud bsdud pa'o/_/don gsal rgyud mchog ma'i tshul/_/ci kun bskyed rang gzhung tshugs/_/de ltar zab phyir thugs gter yang /_/yang gter themsu 'di ma stan/_/de ltar sangs rgyas mnyam sbyor don/_/'dis ston phyir na rgyud sor zhog_/'brel pa'i mon pas g.yog sa re/_/tig ka'i spar mos bsdams sa re/_/lungs drangs lto tshem bskus sa re/_/de phyir bka' rgyud rang sar zhog_/don 'gro la dka' na bla ma brten/_/tshogs brgya rtsa dang maN+Dal dbul/_/zhib tu dpe blta don la spyod/_/bltas pas grol ba kho na'o/_/shes rab blo ldan snying rje can dang 'phrad par shog_/ci phyir gsang sngags ngo bo shes rab yin/_/i+thi/_guh+y/_rgya rgya rgya/_e ma ho/_bdag 'dra gter ston chos dbang la/_/dus gsum sangs rgyas bka' babs te/_snying po'i rgyud mchog 'di 'dra bdog_/chen ngo mtshar de che mod/_/sprul sku chos kyi dbang la/_/gzhu snye'i snang don dang sing gis/_/lho brag lha bro dgon pa ru/_/sprul gyi lo la zhus nas bris/_/de las byung ba'i dge ba yis/_/kun gyi rgyud 'di rtogs grol shog