rDzogs chen - Sems sdeAll versions of this work

rin po che 'khor lo brtsegs pa'i rgyud ces bya ba

Ratnacakrasircartantranama

Text

ff. 192b–206b · 29 folio sides

  1. 192b

    phyag 'tshalo// zhes brjod pas/ de bzhin gshegs nyid mnyes par gyur te/ gsang ba'i bdag po phyag na rdo rje la bos nas/ khyod kyis shin tu rnal 'byor gyi don 'di/ byang chub sems dpa'i rigs can gyis 'gro ba rnams la chos kyi 'khor lo bskor cig/ zhes gsungs pas phyag na rdo rjes bcom ldan 'das kyis gsungs pa bzhin du bgyi'o// zhes brjod do// de nas chos kyi rgyal mtshan chen por dbang bskur ro// de nas bcom ldan 'das de bzhin gshegs pa tha~Md kyi bdag po 'khor dang bcas pa thaMd shin tu rnal 'byor gyis don la zhugs te/ cang mi snang bar gyur to// de bzhin gshegs pa thaMd kyi rang bzhin/ na mkha che rgyas pa'i rgyud las/ bdag po mnyes pa dang / yongasu bzung ba'i le'u ste bco lnga pa'o// // de bzhin gshegs pa thams cad kyi rang bzhin/ nam mkha' che rgyas pa'i zhes bya ba ste/ man ngagi snying po zhes bya ba rnal 'byor ma'i rgyud/ rdzogs pa'i yang rdzogs pa zab mo'i yang zab mo// shin tu rnal 'byor gyi don/ mthar thug pa na mkha' che rgyas pa'i rgyud rdzogaso// rgyo gar gyi mkhan po dz+nyA na gar+b+ha dang / bod kyi dge slong bai ro tsa nas bsgyur cing gtan la phab pa/ phyis skad gsar bcad kyis kyang bcos pa'o// / rin po che 'khor lo brtsegs ba'i chung bzhugs// rgya gar skad du/ rat+na tsakra sir tsa ra tan+t+ra nA mo/ bod skad du/ rin po che 'khor lo brtsegs pa'i rgyud ces bya ba/ bac+doMs bde chen bdal ba'i pho brang na/ rig

  2. 193a

    bzang thal gyis gzhal yas khang na bzhugs pa'i sku bde ba chen po'i nyid kyis nyid la gzigs nas/ snang ba zag pa dang bral ba zhes bya ba'i ting 'dzin la snyoms par zhugs te zhugs ma thag tu rang snang dag pa'i bde bar gshegs pa rnams/ stong gsum mi mjed kyi 'jig rten gyi khams mtha' yas mu med pa ma lus pa dang / bdag nyid rang snang gi 'khor thad dbyer med de/ bdag nyid kyi mtshan ma las byung zhing // de dag thaMd rang nyid yin pa dang / rang gi cho 'phrul las byung gi 'khor/ rol pa'i mtshan nyid yin pa'i don thugasu chud pa'i tshul de yang / rang gi chos nyi du shes par bya ba'i phyir/ rang gi ngo bo la gzigs te/ gsang ba ye shes kyi mthong gsal te/ ma rig pa'i dbyings phyung nas/ rig pa'i ye shes kyi bde ba chen po'i don gsal bar phyung ste/ 'khor ba dang mya ngan las sa pa dzin rje snang sbyin pa dang / rlung khud na smin sgyur yin pa mtshan ny-id bu dpyo/ r-ing shrI rgyun du myung bar byas nas// rang na ba dang / rang po rang bzhin dang / rang gi mtshan nyid dang / gi spyod yul 'jig rten gyi khams mtha' yas med pa thad/ rang gi mtshan nyid dbyer mi phyed pa'i/ lhun gyis grub pa'i chos nyid yin pa dang / de nyid kyi shar lugs la/ bde bar gshegs pa'i sku dang po ye shes kyi snang ba rnam par dag par rang byung ba dang de nyid ji ltar yang 'phrul zhing sku gsung thugs ye shes lnga'i rang bzhin cir yang ston cing chos nyid don las g.yos pa med par gyur pa dang / ma

  3. 193b

    nges pa 'ja' tshon ltar cir yang gsal ba'i rdo'i dus nyid na yang / byang chub kyi sems rig pa dbyer med pa rang gi ngo bor 'dus te/ gzhan du ma mthong ba'o// de nas nyid kyis rang bzhin la/ ngo bo nyid kyis 'di skad ces gsol to// lhun gyis grub pa'i gzhi don ni// rang snang gzhir shes oM sang+yas// mtshan nyid so sor ston mdzad pas// nyid kyis thugs ni ye sangs rgyas// gang gis sangs rgyas ma rig pa// rang gis sems nyid rang gi sgribs// sgrib g.yog mthong na sgrib pa dag/ bdag gis sngon chad sgrib g.yog mthong // mthong med mthong bas mtha' dang bral// rig pa 'gyur med byang chub sems// yang dag nyid nga yis mthong // de ma thag tu mdo don rtogs// rtogs pas rin chen nyid la 'dud// thugs kyi gter mdzod gter du brubs// rnal 'byor chen po gang dag gis// rtogs pas nus pa 'byung gyur// thugs kyi nyi zer spro/ zhing sdu// kun gyi rang bzhin rtogs 'gyur na// kun kyang cig te lhun grub nyid// tha dad nyid na'ang gzhan ma grub// ma grub don rtogs de bar dka'// kun gyi spyod yul ma yin te// kun bzang dgongs pa gtong mtha' med// rig pa'i rdo rje gshig par dka'// tha~Md mkhyen pa'i ye shes ni// dmigs pa gtad med cing mnyam pa'i ngang // de las g.yos par ma gyur na// kun bzang dgongs pa de kho na// bde ba chen po zag pa med// ma spangs rang grol don gyis gter// gang yang spangs du med na bde// spangs blangs med pa'i don rtogs na// rig pa 'gyur med rgyas btab nas// rgya las mi 'da' g.yos med na// mtshan nyid

  4. 194a

    tha dad don du cig/ byang chub sems kyi mtshan nyid ni// sems can kun gyi sems nyid de// ye nas 'dzin pa'i dri ma dag/ bde chen klong du ye shes grol// zag pa med cing rang bzhin stong nga ru bde chen spros bral zag med la// dag pa'i sems med ma dag kyang // 'di 'dra med cing rtogs pa med// zhing khams dag kyang yod ma yin// med tsam nyid na sna tshogs 'byung // mtshan nyid mi 'gyur g.yo/ ba med// gnyis dang mi gnyis tha snyad bral// mi gnyis pa nyid dmigs med can// lhun grub ma 'gags kun tu gsal// e ma ho bde ba chen po rang bzhin ni yang dag pA ri na kun tu bzang po'i sku gsung thub/ g.yo ba med pa dang / sems can gyis lus ngag yid gsum khyad rdul tsam yang med cing 'dra ste// rang gi snang gis mtshan nyid tha dang ltar 'dus pa'o// 'dug tsam nyid ni yang rang gis cho 'phrul du 'byung ba te dang rigs pa'i cho 'phrul chen po rang shar bas mtha' dang mtha' las mi gnas pa zhes bya'o// mtha' thad rang du 'dus pa zhes bya'o// 'du 'phro semasu shar ba zhes bya'o// mtha' yas cig tu snang ba zhes bya'o// cig tu kun tu shar pa zhes bya'o// gzhi 'dzin pa'i rig pa zhes bya'o// bkag pas mi khegs ye shes la// slod pas mi slod pa'i chos sku zhes bya'o// tha mkhyen pa'i sbrul sku la mnyam pa chen po'i 'bras bu zhes bya'o// dngos mtshon med pa'i chos nyid la/ dmigs gtang gang la yang gcar med pa zhes bya'o// rten med cing lus dang bral ba'i chos nyid ni/ rang bzhin ma bcos pa'i 'du 'phro ste/

  5. 194b

    rang gis rig pa las byung ba'i cho 'phrul mi 'gags pa dang / rig pa bden rdzun du shar ba'i snang ba dag ma dag pa dang / thad bden rdzun med par rig pa byang chub sems kun tu bzang po nyag gcig chos nyid zhes nyid la nyid kyis gsungs pa'o// rin po che 'khor lo brtsegs pa'i rgyud las/ gleng gzhi grub tshul dang bcas pa'i le'u ste dang po'o// // de nas yang nyid kyis ting 'dzin bde ba chen po'i don la ngo bos zhugs pa/ e ma ho gang 'dod pa dang bcas pa la ni/ mtha' rang gis sgribs shing ma grub pa'i don ji ltar yin zhes na/ rtog mtha' med pa'i chos nyid la// g.yo ba med par gang 'jug pa// ma skye ba yi chos nyid yin// dngos po sgyu ma ltar shes na// dngos med don nyid rang sor grol// kun tu bzang po'i dgongs pa ni// mtshan ma gang la yang bri thob med// sems kyi rang bzhin na mkha' 'dra// thams cad 'byung bzhi rin po che// nga yongs su mi snang phyogs dang bral// phyogs bral don la phyogasu 'byung // ma skyes pa yis chos nyid la// phyogs kyi tha snyad gang la 'dogs// rten dang bral phyir gdags gzhi med// na mkha'i snang ba gting phyin no// sems kyi re thag stong par grol// 'byung ba'i rlung chen mkho' la 'das// 'od gsal chen po zung du zhugs// rgya che 'od gsal yangs na bong // dngos po mtshan nyid rnam par dag/ sgyu ma'i gzugs brnyen rmi lam nyid// rtog pa med la phun tshogs tsam// de nyid mi rtog dgongs pa ste// rang gsal shes pa'i

  6. 195a

    chos sku ste// rang gsal yin phyir rtsol med bral// snang ba kha yeng khog stong la// rnam shes bu ni long bzhag/ gang la yang bzhag pa med na bde// bde bar shes na mi bde med// shes shing rtsol na'ang sdug bsngal med// ces gsungaso// rin po che 'khor lo brtsegs pa'i rgyud las/ nyid kyi dgongs pa rnam par dag pa'i le'u ste gnyis pa'o// de nas nyid kyi rang bzhin gyi// nyid kyi ngo bo la rang bzhin che ba'i yon tan bstan pa'i phyir/ e ma ho// ngo bo nyid bde ba chen po 'byung ba na mkha'i snang ba la/ ye shes kyi 'od chen po kun tu shar zhing rtsi shing nags tshal du 'khrungs pa dang / skye 'gro gzugs su snang ba thaMd rang bzhin kun tu bzang po rig pa'i rtsa la du shar ba yin te/ 'dus kyang rang gis rig pa kho na'i tshul du 'dus pa'o// snang ba rgya yan la ye shes kyi me long rang gsal ba yang / sems nyid rin po che'i sgron mar gsal bas/ snang ba'i ngo bo nyid du rdzogs shing ye shes kyi snang ba lhag ger 'dug pa'o// sems nyid rin po che lta ba'i don rtogs nang me long gsal ba la byi dor byas te/ g.ya' dag pa'i rang bzhin du snang ba ltar/ rang bzhin gyis rnam par dag pa la snang ba kun mkhyen du rang shar bas/ thad mkhyen pa'i ye shes kho na'o// 'khor 'das tha~Md kyi rang bzhin chos nyid kun tu bzong por khrog bklag cing dbyings skor bas 'khor 'das kyi po mi 'gyur ba'i dbyings zhes bya'o// stong tsom nyid na yang sangs rgyas kyi zhing dang son gyi lus ngag yid gsum sku gsung

  7. 195b

    thugs dang bcas par de nas 'byung bas/ mi zad pa'i mdzod chen po zhes de la bya'o// chos nyid thal byung gi dkyil 'khor du/ mngon du phyung ba'i rig pa ma btsal bar rang shar te/ thaMd mkhyen pa'i sprul pa rol cing mdzad pa phad 'gog zhing / sku gsung thugs kyi rol pa ji tsam du shar ba nyid mo lus ngag yid gsum gyis spyod pa las ma g.yos pa'o// sang+yas sen gnyisu brjod kyang bdag nyid chos sku nyag cig la dbyer med do// de nyid kun tu shes pa chos sku rang gsal lo// mi gsal ba cig byung na yang / mi gsal bar rtog pa nyid kyi rang gsal ba'o// ngo bo nyid bde ba chen po rang gsal nyid du kun gsal bas/ ma gsal ngo bo gang yang med// 'od zer nyi zer 'bar ba ltar// rig pa'i 'od zer kun tu khyab// de nyid byang chub sems chen po// de nyid ldan rnal 'byor pas// ngo bo nyid la'ang ma gnas te// thaMd thad dbyer med sems// sems kyi mtha' la sems mi gnas// ces gsung so// rin po che 'khor lo brtsegs pa'i rgyud las/ rang bzhin gyi le'u ste gsum pa'o// // nyid kyi rang bzhin gyi khyad par chen po gsungs pa/ e ma ho ngo bo bde ba chen po'o// snang ba dang mi snang ba'i chos tha~Mng / rang gsal nyid du mngon phyung bas// 'khrul rtog gi gting phyin te/ kun btags kyi 'khrul pa ye nas mdo de phyir ma nor ba'i chos nyid ni/ rang gsal rang gang la 'ang ma ltos pa nyid yin// de nyid thad du rang 'khrul bas sprul pa'i sku zhes kyang bya ba la/ rang la rang snang ba dag par longs spyod pas longs spyod rdzogs pa'i sku

  8. 196a

    zhes kyang bya'o// de yis dus nyid na snang ga zhig du'ang 'gog pa med pas/ mi g.yo ba chos kyi sku zhes kyang bya'o// 'gyur med kyi shes pa la/ snying po med pa ni/ rtogs mtha' dang bral ba ste rang byung gi ye sheso// rnam par shes pa rlung la rgyu ba'i dus na/ rlung la 'pho ba med pa ni// rgyun mi chang pa'i bsam gtan no// 'byung ba med pa'i sngon rol tu rang byung gis mdangs shar ba ni/ gsang ba 'gag med kyi nam mkha' kho na rigs pa ma 'gag par sna ngo // chags sdang gang la yang ma chags pa'i dus nyid na/ dug lnga ye shes kyi lam du byung ba ni/ da lta nyid chags sdang rgyud la rang cha su snang ba'o// 'khor 'das gang du yang mi snang ba'i dus nyid na yang / chos nyid gzhi ru grub pas chos sku rang chas su gsal ba'o// gsal ba'i ngang la bstan nus na 'khor ba gting nas zlog pa'o// de nyid bya ba dang bcas shing rlung 'ba' shig gis bskyod pa ni/ 'khor bar 'gro ba'i 'dres ma hA zhes bya/ rlung 'byung ldog gis 'khor ba'i lam 'dren cing ye shes kyi ma gsod pa'o// de'i phyir gtang snyoms mi sgrib/ byung tshor klong la bzhag/ ces gsung so// rin po che 'khor lo brtsegs pa'i rgyud las/ rang bzhin gyi khyad par gyi le'u ste bzhi pa'o// // de nas yang nyid kyi rang bzhin gyi ngo bo bde ba chen po la bka' stsal pa/ gzhi 'dzin cing rtsal shar ba'i byang chub sems ni 'khor 'das gang du'ang rgya ma chad la/ gang gis kyang gtan la phebs par dka' ste/ ci'i phyir zhe na/ dngos por ma grub cing sna tshogs 'byung bas/ rgyu rkyen dang bral te snying po

  9. 196b

    med pa'o// de yang rang gis ni mi rtag pa'i sngon rol tu rig pa'i ye shes su mkhyen zin te/ don la rig ma rig gi gnas skabs tsam gyis kyang ma bcang rig pa thong rgal du sangs rgyas zin no// dug lnga rnam pa sngar snang yang ngam 'khrul ba'i ngang du ye shes kyi rang bzhin du gsal bas/ dug lnga ma spangs par rang dag zin pa'o// da ltar 'khrul pa ltar snang ba ngo shes shing rtogs pas grol ba yang sngar gyi rang sa'o// snang ba dang mi snang ba'i chos thaMd kyang rig pa'i rlung chen por phebs na mnyam pa nyid// rang rig pa'i rlung lam chen po las ma byung ba'i chos ni gang ying med la/ sems kyi snang tshul bsam gyis mi khyab pa yang rig pa nyid rang gi rtsal las 'byung zhing gzhan med na/ bde bar gshegs pa'i rig thaMd dang rigs lngar gyur pa'i sangs rgyas yab yum sras dang bcas pa'i 'khor phun sum tshogs pa yang / rang gi rig pa'i rtsa la de yang de ru byung ba las gzhan med pa'o// rgyu rkyen nus pa'i mthu snang ba nyid kyang byang chub sems kyi cho 'phrul yin te/ snang ba tha~Md rig pa byang chub sems kyi nyid/ yul sems dbyer med par thad mnyam pa nyid kyi rang bzhin du gyur pa/ rig pa rang gi ngo bo brjod pa dang bral ba'i mthus/ gsang ba gsum gyi dkyor du gyur pa thaMd mi 'gag par rang byung ba/ ye shes kyi snang ba dang / yul gyi snang bzhi dang / mngon par shes pa'i rdzu 'phrul gyis// namakha'i ri brag g.yang sa gang la yang thogs pa med/ par 'gro ba dang / sprul pa sna tshogs ji ltar 'tsham pa bzhin sbrul nus pa dang / gsung gi dbyangs yan lag drug cu'i sgo nas bstan

  10. 197a

    pa rgya mtsho sgrog pa dang / khams mang zhing rgya che ba'i stong gsum thad kyang phyogs ris med pa'i ye shes shar ba'o// snang zhing srid pas sdus pa'i chos thams cad rig pa rang byung ye shes kyi mthu las gyur pa'o// rig pa 'gyur med kyi ye shes po rlung gi skyed cing rang snang ba ni gang du 'ong rang 'char te/ ji srid 'khor ba'i chos dang mya ngan las 'das pa'i zhing du yang 'char du rung ba ni rtsa la nyid// rig pa nyid chos thaMd la dbye ba gsal mi byed pa ni yongs su rdzogs pa'i chos nyid// rang bzhin cig las ma g.yos par rang snang cir yang 'gyur ba ni sangs rgyas nyid kyi sprul pa'o// rig pa nyid cing yang 'char la mi 'gag pa la skye ba med pa'i rgyug thebs pa ni mi skye ba'i sgo skye ba la ma 'gag pa'o// sna tshogs su snang ba yang rig pa'i cho 'phrul le/ byang chub sems las ni gzhan du skye ba medado// snang ba thaMd ye nas sangs rgyas pa yang rig pa rang gis stobs dbyings su shar ba'o// lhun gyis grub pa'i chos nyid la ni snang brtags gang du yang ma phye bar gsal la dbyer mi phyed pa'o// chos nyid bde ba chen po bsam rtog dang bral ba cir yang snang ba ni/ rig pa byang chub kyi sems zung du med pa'i chos nyi // de nyid bde ba chen po'i don du nyam su myong zhing gsang ba bla na med par grub pa ni ye spangs pa zhes bya'o// rin po 'khor lo brtsegs pa'i rgyud las/ khyad par chen po'i le'u ste lnga pa'o// / de nas yang nyid kyi rang bzhin gyi don gsal bar gsungs pa/ e ma hau ngo bo bde ba chen po

  11. 197b

    rdzogs pa chen po'i rnal 'byor pas ni/ rtsol ba tha~Md ma sbyangs par rang sar dag cing don thaMd rang la 'dus par shes pa'o// gzhan gang du yang sems bskyed cing 'jug par byed pa ni/ nyid las gzhan du ring bar shes par bya'o// rgyud kyi dam pa ni sems kyi dngos gzhi rig pa rang la rten nas don thaMd sdud pa'o// dngos grub thaMd kyang rig pa rang gis rlabs las 'byung ba'o// sangs rgyas thams cad skyed cing gegs dang rtog ba thams cad kyis rang 'joms pa'o// mchog dang mchog ma yin pa'i legs pa thams cad nor bu rin po che rig pa 'phel ba'o// yon tan ma lus pa'i chos gsang ba mchog rang bzhino// 'jig rten pa dang 'jig rten las 'das pa'i bdag nyid ni chos tha~Md mi phyed ba'i rang bzhin cano// rig pa byang chub kyi sems ni sngon gyi rgyal ba kun gyi spyi mes chen po yang yin la da ltar yid kyis sku gsung thugs kyi bdag nyid kyang yin te zad pa'i 'khor lo thaMd rang las bskor ba'o// de nyid kyang rang snang las gzhan mau snang ba ni/ snang ba rgya yin chen po zhes bya ste yang dag par rdzogs pa'i sangs rgyas rnams kyi thugs rig pa'i ga'u nas 'od gsal chags pa med par rang snang zhing chags pa med par 'dus pa'o// dran pa dang rig pa cir gsal ba thaMd ma bkod bzhin du rig pa rgyu yin pa'o// rig pa lhun gyis grub pa'i chos nyid la ni gang du bsam zhing rtog pa las 'das pa'o// de nyid kyi spyod yul ni/ de nyid med nas gsang ba chen po man cha du 'char ba'o// gsang ba chen po'i sgra skad ji snyed par grags pa yang gsang ba chen po'i lam yin gang du'ang rang las

  12. 198a

    gzhan du thos su med banying // rang gi rim pa nyid gas 'chos hU~M sgyur ra rnams pa Sh+T+r-i gyi mi rtags pa'o// sems cad lus la khyab chang chus sgyur rang gsal ba nam/ kha nga ma tham// sman gyi grub pa mtshas nyid su pa byung mo shes kyi sku sku rdzogs pa ni/ rig pa nyid kyis snang gzhi mi 'jig pa'o// snang skyong 'byung ba lngar shar ba yang rlung byung ye shes chen po ma man tan no// 'byung rlung du byu ba ni sems nyid dgu pachen po jigs bskyed du// nga ba da shin tu stsal pa 'a'i khyongad yin ti/ gzha nas ma ra// yang nis dang du byas sa 'byung ste rang nyid yin pa'o// skye gnas rnam pa bzhi'i yul dang / rgyud lnga 'khor ba'i sems can thaMd kyang / 'dzin pa rang gi log pa las snang ba'o// 'dzin pa'i dri ma nyid kyi dkar dag pa'o// 'jig rten khams na yang dag par rdzogs po'i sangs rgyas 'das pa dang ma khyen pa dang da star du byung ba'am bzhugs pa 'ang rig pa'i rnal las ma byung ba'i chos skad cig tsam yang med la/ rim pa cig rdzun dum ma @#nga bzhin// dkye+e chung chos kyi sgru na ba dang mas 'ja' tshor mi byed // sa kyi tshe 'bral cirang yang ston/ smon pa nyid na yang tsog la kun 'dus pa'o// dgongs pa bzhin gyi klo nas mi skyod pa'i rnam tshor// 'ang tsam sa tsho chags pa'i chungasas// 'dri gams par bltad po ledu sa bdenas yang cing phyi chenam gyi go ming brgyang du/

  13. 198b

    bral ba'i don du gsungs pa/ e ma ho// ngo bo bde ba chen po'i dug lnga la sbyong ba'i gang zag la ni/ bcas bcos gang yang byar me // 'jam gyi bun khung na pad+ma'i me tog rang 'bar bA la ni/ bzo yis bcos su med pa'o// gsal byed kyi nyi ma la 'ja' tshon gyi 'od bkra ba la ni sus kyang gsal du med pa'o// dug lnga'i snying po la ye shes kyi me gsal ba la ni nga rang nyid kyis kyang du med pa'o// lhun gyis grub pa'i chos nyid mi 'dod pa'i 'dod chags chen por shar nas rtog pa'i mtshan ma la snang ba'o// mtshan rtog dbyer med par chos nyid kyi rlung na nyal ba ni/ mi 'byed pa'i gti mug chen po ste/ de las gzhan gyis spros pa gcad pa ni/ gzhan med nga rgyal te/ rang las gzhan du rtogs pa'i blun po'i lta ba la phra dog pa ni/ gang gis kyang spang du mdo// dug lnga lam du khyer ba ni 'bras bu cig chos kyi bas pa ste/ yis chen po'i rang bzhin du khyab bdal ba'o// ye shes chen po'i klong ni tha~Md kyi 'byung gnas ma byung gzhi ste/ rgyu rkyen 'bras bu gang yang mi 'gag pa'o// thar pa'i lam ni thams cad nas thams cad du 'byung zhing ma 'gag pa tsam la bya'o// e ma ho// bde ba chen po sangs dang byang chub sadaM'i thad kyi 'byung gzhi ni rig pa mi 'gag pa ste der byang chub kyi sems skyeso// ji srid 'khor ba'i cho su snang ba yang de nyi nga phung po dang skye mchod rnar dag pa'i byang chub so nga dang / mkha' dang mkha' dag pa'i rgyal tha~Md kyang rig pa rang gis mthong rtags rnam par dag par shar zhes bya'o// sa dang lam tha rid bar bgrang

  14. 199a

    ba nI blo chung ba'i gang zag te na mkha' la rten 'chol ba dang 'dra'o// rkyen 'gyur las kyi dbang gi so sor srung ba ni namakha'i zla ba dang 'dra'o// yan lag yang med par sna tshogs 'gro ba ni rlung yid kyi shugs can// rtog pa'i blo dang ldan pa ni// sangs rgyas dgongs pa'o// 'dod pa'i longs spyod thams cad kyang / rang gi rgyan du shar nas rang la rang rol pa'o// chags pa dang bral ba'i bde ba'i ye shes/ mi dmigs pa'i yul la gnas pa ni shes rab dam pa'o// sems rtogs par dka' zhing tshe phra la zag pa med pa ni bde ba chen po zhes bya'o// rang gi sems dri ma me dang bral zhing dkar dag pa'i ye shes ni kun mkhyen gyi sangs rgyas dang sems can gyi thugs la dbyer med pa'o// 'di las ma byung ba'i sangs rgyas dang / sems can gang yang med pa'o// e ma ho// ngo bo bde ba chen po yang dag par rdzogs pa'i sangs rgyas ni 'di bzhin shes par bya ste snang la mi dmigs pa'i kun tu lus kun tu sprul pa de sku rang snang la bzhugs shing gsung sgra brjod med pa'i zer la rol cing / thugs ming ra ba'i bde ba'i dbyings na bzhugs pa ni/ rgya khyon med pa na mkha' dang 'dra ba'i sku gsung thug so// de ji ltar bar ring gi shes pa kha med na mkha' dang mnyam par rang bzhag na kho nar nyam su myong ba yin no/ risu ma phye bar bzhag na yang de kho na'o// don dang ldan pa'i rnal 'byor la ni gang gis kyang mi 'gog pa'o// rang snang gi gdangs na mkha' la shar ba ni/ g.yo ba yid kyi rang bzhin no// 'byung ba lnga po so sor ma

  15. 199b

    'dres pa yin/ dngas pa chen po'i rang bzhin no// ye shes lnga'i rang bzhin no// yang dag par rdzogs pa'i sangs rgyas kyi ma gnas pa'i sku'i 'od kyis kun la khyab pa ni/ na mkha' dngos su gsal ba 'di nyid kho na'o// rang gi sems nyid ji ltar snang ba ni nam mkha' kho na rang gi sems nyid ji ltar snang ba nam mkha' kho nar bzhino// na mkha'i cho 'phrul la sogs pa ji ltar shar ba yang / de nyid mi 'gag pa'i cho 'phrul dang mi phyed pa'o// bar snang yangs pa'i rang bzhin yang sems nyid gang du yang go 'byed pa'o// gsung sgra brjod dang bral ba'i rang bzhin las mtshon pa mi 'gag pa ni ye shes rol pa'o// bar snang la 'ja' tshon gyi ri mo so sor gsal ba yang sku dang ye shes mi 'gag pa'i rnam 'phrul shar ba'o// bde bar gshegs pa'i sku gsung thugs kyi rang bzhi ni/ sems can gyi lus ngag yid gsum nyid yin la/ de nyid na mkha' dang go mnyam par 'dug pa'o// yang dag par rdzogs pa'i sang+yas kyi sku ni shes rig yul du 'byor pa las 'byung ba'o// 'byung ba dang 'byung ba las bskyed pa'i sku gsung thugs rnar dag pa thaMd dang / rgyud lnga 'khor ba'i senaM thad kyang shes rig yul du snang ba las byung la/ stong gsum mi mjed ma lus pa thad kyang sku gsung thugs kyi rang bzhin cir yang bstan cing 'jig rten dang 'jig rten las 'das pa'i chos tha~Md mnga' mdzad cing de nyid la nyid kyi longs spyod rtag su mdzad pa'o// mdzad tsam nyid yang pad+ma'i me tog bzhin no// rin po che 'khor lo brtsegs pa'i rgyud las/ gsang ba skyon dang bral ba'i

  16. 200a

    le'u ste bdun pa'o// / de nas yang nyid kyi rang bzhin gyis// nyid kyi ngo bo la rig pa ye shes kyi don bstan pa'o// e ma hong po bde ba chen po rang rig pa'i ye shes rang la shar ba la ni 'dzin pa'i rlung log pa zhes bya ste/ bzung 'dzin dag pa'i sku gsung thugs zhes bya nga bya ste/ yang dag par rdzogs pa'i sangs kyi thugs mi rtog pa'i ye shes kyis shes pa rang gsal kyang de kho na'o// rnam par grol ba'i phung po la skye ba med pa'i chos kyi yid kyi ye sheso// bzung 'dzin rnam par dag pa'i chos nyid // de la rig pa rlung gi snying po can/ rlung kun tu 'pho ba'i yid can no// 'khor 'das kun gyis bdag nyid du yod pa dang / snod bcud kun gyi bdag nyid gyur pa'o// de nyid snying por rang sa zin pa ni rig pa khong stong ste/ gang yang 'jug pa'i rgyu med de lhun gyis grub pa'i rig pa zhes bya'o// kun gzhi stong pas ye shesu gnas 'gyur ba zhes bya'o// snying po med pa'i chos sku rang gsal zhes bya'o// med pa'i ngang las sku dang ye shes sna tshogs cir yang 'byung bas kun tu khyab pa zhes bya ste/ oM ma ho// bde ba chen po dus gsum gyi de bzhin gshegs pa thaMd dang / skye 'gro'i gzugasu snang ba thad ni shes pa chos sku rang gsal ba las ma byung ba cig kyang med de/ de phyir rig pa'o mi shesu mo gyur pa gang yang med pa ni/ kun tu bzang po'i dgongs pa'i klong chen po zhes bya'o// gon tu snang bar mdzad pas nar snang mdzad ces phyir// rnam par sngangs mdzad kyi ye shes chen po no

  17. 200b

    cir yang sprul zhing gang du'ang 'gyur bas rig pa'o// ye shes lnga las gyur pa'i chos nyid la/ sku 'gag pa med par rol pa la rang bzhin 'gyur ba med pa ni rtogs pa chen por bzhugs pa'i chos nyid do// dbyings mi 'gyur ba la thugs rje'i rol pa ni cir yang snang ba'o// snang tsam na yang de yis rang bzhin la nges pa med pa'o// rol pa chos nyid la mnga' mdzad pa ni/ cir snang sku'i cho 'phrul du ston pa/ ma nges pa'i cho 'phrul cir yang ston no// rol pa'i cho 'phrul gyis sku cir yang snang ba la/ longs spyod cing rtag par bzhugs pas ni spyod yul tha~Md rang du shar ba'o// 'jig rten srid pas sdus pa'i chos thad de bzhin ga pa'i dgongs spyod rgya che ba'i zhing ngo // sems las ma byung ba'i chos ni rdul tsam yang me do// sku gsung thugs kyi snying po rig pa byang chub kyi semaso// sems cing yang snang ba'o// snang ba nyid na 'gog pa med pa'o// sems cir yang bstan pa'o// bstan pa tsam nyid na ther zug pa gang yang med do// sems zad mi shes par bstan pa'o// bstan tsam nyid na zad pa'i rgyu med pa'o// theg pa rim par 'grangs pa'o// de'i don bstan pa yang don dam rim pa bzhin du bstan pa'o// rig pa na mkha' la zad mi shes par bstan par rol pa'i cho 'phrul ni/ rig pa rlung la rgyu ba'i cho 'phrul lo// don du gang yang phyin pa med pang gang du'ang song ba med do// 'das pa'i yul dang lhung ba'i sa ni ma rig rig las ngo bo cig las rkyen gnyis so// rkyen 'gyur las dang thugs rje'i da bang gis yul dang yul can la sogs kyi ris su phye

  18. 201a

    @#yang rig pa'i ye shes la yas dang las las byung ba gang yang med de/ rgyu rkyen las las ma byung ba'i ngo shes pa chos sku rang gsal du gdod ma nas gnas pa'o// de la yengs pa 'am brjed pa'i tshul gyis 'khor bar 'khyams pa yin la/ dran pa 'am rig pa 'am/ shes pa'i tshul gyi sa ni mya ngan las 'dres pa'o// de yang gsal byed kyi rlung dang / sgrib byed kyi rlung rgyu ba phra mo las/ 'gyur byed kyi rlung dang shes byed kyi rlung rgyu ba sboms por byung ste/ de las zhi byed kyi rlung dang / rtsub rnol gyis rlung cha rag par byung bas 'khor 'das kyis dmig phye ste/ gnyen gyis rig mo rig kho na'o// rig pa'i ye shes ji lta ba tha~Md mkhyen pa dang / ji snyed pa kun mkhyen pa ni/ mya ngan las 'das pa'i ye shes// lhan cig skyes pa dang kun tu brtags pa'i ma rig pa ni dug lnga 'khor ba'i rkyen gyis rgyu ba'o// rkyen gyis rkyen byas 'bras bu sdug bsngal byung ba ni/ shing rta'i 'phang po 'am ze chu'i khyud mo ltar 'khor ba'o// e mo ho// bde ba chen po de nas 'khor 'das ni ngo bo cig la rkyen gnyis kho na'o// rang bzhin cig la snang ba gnyis kho na'o// mtshan nyid cig la yul gnyis kho na'o// cig tu shes na shes pa kho na'o// byung sa shes na phug thag chod pa'o// phug thag chod na 'gros meng ba'o// 'gro sa med na g.yang sa bral ba'o// g.yang sa med na 'pho 'gyur med pa'o// de ltar shes na rtag tshad bral ba'o// bral bar shes na ma bral med pa'o// ma bral nyid na bral ba med pa'o// bral ba dang ma bral kun tu khyad med pa'o

  19. 201b

    e ma ho// bde ba chen po mi gnas pa'i chos nyid la gnyisu 'dzin pa'i sgros mi gdags 'du 'bral med pa'i ye shes la mkhyen dang ma mkhyen pa tha snyad mi 'jug rang byung ye shes rig pa la/ 'khor 'das gnyisu btags pas nor/ rang sems ngo bo nyid kyi dbyings// bzung du med pas chu zla 'dra// snang la zhen rtog med pas bde// sdug bsngal bde ba chen po la// rkyen gyis khyad bar nyid 'gyur// zhes gsungaso// / rin po che 'khor lo brtsegs pa'i rgyud las/ rin po che ye shes kyi le'u ste brgyad pa'o// // de nas yang nyid kyi rang bzhin gyis nyid kyi ngo bo la gdams pa'i don bstan pa/ e ma ho// bde ba chen po chos thams cad rig pa'i rtsa la las ma byung ba ni gang yang med/ namakha' la nyi ma shar ba dang 'dra ste/ 'di gsal 'dir mi gsal med pa'o// de bzhin du lung dang man ngag lta dgongs rnam pa gnyis kyis thag bcad nas/ thad du byang chub sems bde ba dal ba'i don du khyab brda lo// chos thaMd dbyings mi 'gyur ba'i klong na kla gab pa de/ gdam ngag dang dgongs pa rnar dag pa/ rang lugs chen po'i don mngon du byung ba ni/ 'khor 'das sgyur ba'i rgyal po chun long dmigs bu phye ba bzhin du/ sen gyis shes pa nyid la smad pa'i chos nyid du rtogs pa 'char ba'o// rig pa gang la'ang ma chags par rang byung ye shes su thal phyung ba ni/ ngo bo gzhi la rig pa nyid cir yang mi gnas pa la/ lam rkyen gyis chos gang la yang chags pa med pa ste/ glang po che smyon pa btags na 'bros shing btang na 'dug pa dang 'dra ste/

  20. 202a

    @gi rig pa byang chub kyi sems sdus na 'phro/ yan par btang na rang ldog te/ rang byung rang shar mi 'gug pa'o// rig pa cir yang snang gang yang mi spong thug phrad ba ni/ rig pa gzhi rang sar grol ba la/ rkyen tha~Md bskul mar shes na/ me 'bar ba la shing bsnun pa lta bu ste/ ngo shes pa'i mi dang phrad pas the tshom mi za ba bzhin du/ dran pa dang rig pa ci rgyus thaMd ye shes zang thal chos nyid thug phrang dgag bsgrub med pa'o// rig pa la gtang bzhag med pa cog gis bzhag pa ni gzhi gang la yang rang gsal bar snang ba la/ de la ched du byed pa'i rtsol ba ma zhugs te/ rgya mtsho dngas pa'i nang du snang srid gsal ba dang 'dra ste/ dran pa dang rig pa ma bkod bzhin du cir yang gsal ba la ming 'di zhes gang du yang gdags pa med pa'o// rig pa na mkha'i bya lam dang 'dra ba la btsal bas rjes med pa na/ btsal bar bya ba'i yul rang gis sems nyid la btsal bar bya ba'i sgo sems nyid gzhan la rten pa ltar byas na btsal bas rjes med pa ni/ khyi rkun gyis khang stong btsal bas gza' rgyu cang #yang ma rnyed pa bzhin du/ rang gi sems la shes pa kha nang du log nas btsal bas cir mthong la ming du gang yang ma thogs pa te gdags gzhi dang bral ba'o// rig pa dngos mtshan dang bral ba la gang du yang dmigs pa rjes med pa ste/ dmigs pa yul mtshan ma bcas dang mtshan med la dmigs par byed pa'i thabs shes pa gtad bas dran pa'i rjes med pa ni/ gang yang rung ba la mig 'bya tshug su ha re bltas/

  21. 202b

    pas thog mar mthong ba la tha mar mi gsal ba ste/ mig nang can gyis rgyang mig lta bu ste/ dmigs gtang gang yang med pa'o// sems nyid 'di kho na ji ltar yang bsgyur btub pa ni gtong phur ste/ gzung bar bya ba'i rten dmigs bcas pa la/ 'dzin par byong thabs shes pa stong pas mi 'phro ba ni khyi gsar gtong la btags pas 'gro mi shes pa ltar mtshan bcas dang mtshan ma med pa la sems bzung bas gang du'ang mi rgyu ba ste/ shes pa btson du bzung bas thil le 'khyil pa'i don la ro snyoms pa'o/ e mtho ngo bde ba chen po'o gdeng lnga don thog cig du 'dril ba ni rig pa rtsal gyis ni cir yang snang sems nyid rang snang gdeng gis zin pa dang / thug phrad kyis ni snang srid grags chod thams cad chos nyi du rang shar bar gdeng gis zin pa dang / gab pa mngon du phyung bas ni chos sku rang las shar bar gdeng gis zin pa dang / ye shes zang thal gyis ni shor yang ngos bzung med par gdeng gis zin pa dang / lhun grub cog bzhag gis ni ngos zung rang sar grol ba gdang gi zin pa/ don kun tu bzang po'i dgongs pa chos sku rang gsal gyis 'bras bu rang grol ba'o// e ma ho// ngo bo bde ba chen po tshol ba rjes med kyi gang du yang rnyed pa dngos po med pa'i gdeng ngo // dmigs pa rjes med kyis gang du'ang ma dran pas 'dzin pa dang bral ba'i gdeng ste/ gtong phung gang yang rung ba la sems zin pa ni nyams myong yid ches pa'i gdeng yin te/ gdeng gsum dbyer med pa ni kun tu bzang po'i dgongs pa ste/ gdeng lnga don gyis

  22. 203a

    / gu sug phru gams pa la/ dus byung rdzogs brgyangs dang / ma ces ma tshang sarba da/ na byu la du sgyu rgyan/ la ba sa tu gas sa brdeg pa'o// rin po che 'khor lo brtsegs pa'i rgyud las/ gdam pa'i lo'u ste dgu pa'o// // de nas yang nyid kyi rang bzhin gyis ngo bo la sems nyid ye shes su 'chal ba'i don bstan pa/ snang zhing srid pa'i chos shar ba kun/ thaMd rang gis ye shes kyi 'byung 'jug la 'duso// 'byung ba ni snang srid la 'jug pa ni thad sems kyi rang bzhin no// sems kyi stobs la sangs rgyas kyi zhing du ma 'byed nus pa'o// sku mi zad pa rgyan gyi 'khor lo dang / gsung mi zad pa rgyan gyi 'khor lo dang / thugs mi zad pa rgyan gyi 'khor lo'i mdzod chen po rig pa la zad mi shes pa'o// rig pa nor bu rtsegs pa'i khong bzangs nas nges pa'i don dang don ma yin pa thams cad ma btsal bar 'byung ba'o// kun la khyab pa'i ris med par na mkha' lta bu la dngos po thams cad sgyu ma'i gzugs brnyan bzhin gsal bar nges pa med pa'o// phyi dang na med pa'i gzhal yas khang kun tu yangs shing rgya che ba ni/ ye shos rang snang gis sprus snang ba rig pa'i da // rdul skyed kyi byas kyis gzugs brten du 'byung ba yang / rang snang dag pa'i sku dkyir ro// 'dod yon ris med du shar ba la ming spong ba ni gsang sngags thabs kyi zin pas nye lam du 'jug pa'o// ma dag pa'i sgo skyon dang bcas pa'i sman pa la thang

  23. 203b

    kyang rang rang gis lam la dgongs te dor mi bya'o// blang dor med pa nyid chos rnams kyi nang nas mchog dang phul du gyur pa'o// byang chub sems kyis rang bzhin yangs so// rgya che'o na mkha' bzhin du tshad gzung // / du medado// dbyings brtags pas mi rtogaso// kha dog gsal bar mi stong ste// don dpag gsang bas mi dpogaso// tha~Md kyi dngos po zhi ba yin pas mtshon med kyis kho nar brjod pa ma nus ste/ brjod pa thams cad rang la rang smra ba'o// sgra brjod med pa nyid las mtshon tshul gyis sgrosgo mi 'gag pas ni/ tha~Md kyi dngos bzhi pa'o// sang+yas thams cad kyi mthar thug pa'i ye shes kyang byang chub kyi sems gsang ba dam pa'o// thugs cir yang sprul pa'i cho 'phrul gyis ngo bo nyid la chos kyi 'khor lo ro// 'khrul par snang ba yang yengs par snang ba'i tshul gyis 'khor la/ 'khor ba nyid kyang chos la 'khor zhing ye shes la gnas pa'o// yang dag par rdzogs pa'i sangs rgyas kyi sku gsung thugs kying sems kyi cho 'phrul nyid du shar ba las ma gtogs pa'i las dang nyon mongs par rgyud pa'i ming yang ye gdod ma nas med do// sems can skye 'gul cing 'khrungs kyang sangs rgyas nyid kyis sras las/ sems can bya ba ni ming gis btags gzhi yin no// thaMd chos kyi sku dang rang byung rang rig ye shes 'ba' zhig la ma dag pa'i sgo bcol du gang nas kyang mi rnyed do// zag pa med pa'i bde ba chen po'i ro yang kun la sems nyid du yod pa'o// myong ba dang ma myong ba'i khyad par yang / sems nyid rang rig ma rig gi stobs kyi

  24. 204a

    phye ba'o// 'khor ba dang sdug bsngal yin par ma shes pas med par spangs pa'o// de nyid bkrus pas kyang mi 'dag la/ spangs pas kyang mi spongs te na mkha' nyid do// rtse gcig sangs rgyas kyi sa phun sum tshogs pa dang dbye ba med pa'i sa 'di nyid do// sems nyid kyis cha lugs ni cir yang ston cing cha lugs thod pa ste/ sna tshogs nor bu rin po che lta bu'o// sen thaMd kyi sems nyid kho na sangs rgyas kyi thugs dang dbyer med de/ de nyid gnas gang du gnas pa la chags pa gang du 'ang ma chags pa'o// dbyibs kha dog du 'ang mi dmigs shing / cir yang ston pa ni nor bu chu 'dang lta bu ste/ rin po che nyid ji ltar snang yang rin po che kho na ste/ sems nyid gang du shar yang cig po kho na kun tu shar ba'o// e ma ho// bde ba chen po shar nub med pa'i nyi ma la rang byung ye shes 'od du 'bar/ rang 'od rang la sgribs te mchi'o// dag par ltos shig bde ba che// mthong ba med na rnam par grol// mthong rgyu byung na'ang ya mtshan te// mthong med ma mthong mthong ba yin// dgongs dang bral phyir gang yang yin// zhes gsungaso// rin po che 'khor lo rtsegs pa'i rgyud las/ sems nyid ye shesu 'char ba'i le'u ste bcu pa'o// / de nas nyid kyi rang bzhin gyis nyid kyis ngo bo la/ snang ba mi 'gog pa'i don bstan pa/ e ma ho// ngo bo bde ba chen po chos tha~Md yang dag par rdzogs pa'i sang+yas kun tu bzang po'i thugs las byung

  25. 204b

    zhing / thugs kyi sgron ma rin po che'i 'byung khung so// thugs ye shes kyi rang bzhi ni mi zad pa'i mdzod do// stong gsum gyi stong gi 'jig rten gyi khams mtha' yas mu med pa zad mtha'i yul dang bral/ ba'o/ stong gsum 'jig rten gyi khams thad stong pa'i dus med pa yang kun tu bzang po'i sems nyid 'pho 'gyur dang bral ba'o// rin po che tsit+ta rtsegs pa'i ga'u na phyi nang snod bcud kyi chos thad dngas ma chen po'i rang bzhin du gsal ba'o// de nyid kyi rang bzhin ni kun la gsal bar byung ba ni mngon du gsal ba 'di kho na'o// yang dag par rdzogs pa'i sangs rgyas kyi sku dang gsung dang thugs nyid las ma gtogs par/ srid pa gsum gyis chos gzhan na medado// 'gro ba rnams kyi don so sor ji lta bur gsal bar go ba ni de bzhin gshegs pa rnams kyi ye sheso// gsung mi zad pa las snang ba ni sgra skad cir yang grags pa dngang tshig dang ming mang po rnams la gsung mi zad pa'i yan lag gis khyab cing / gsung du ma gyur pa dang / dbyangs ma yin pa cig kyang medo// sna tshogasu gsal yang gnyi su med pa'i ye shes cig kho na'o/ cig po kho na la mi g.yo bar gsal ba ni mi dmigs pa'i bsam gtano// sems nyid mi g.yo ba ni g.yo ba'i yul med paso// yul med la yul du snang ba ni byang chub kyi sems spyod yul dang bral ba'o// ris med pa'o khyab bdal ba'o// gzung 'dzin dang bral ba'o// rnam rtog dang kun btags kyis ma bslang ba'i chos nyid ni sems nyid dag pa'o// rtogs pa mtshan ma thad spangs shing ma 'dres pa'i kun tu dbyer med par

  26. 205a

    sa le gsal ba ni dgongs pa yang dog med krung so// gzugs la sogs pa sna tshogs su snang ba thaMd ni/ sems nyid mi 'gag pa'i ye shes shar ba de rang byung ye shes la ni smod su shar ba yang dbri bsnan med pa'o// ye shes gzugs can ma yin pa ni/ dngos po ngo bo nyid kyis stong pas rgyu rkyen med pa'o// ngo bo nyid 'di zhes bya ba'i mtha' las 'das pa'i rang gis ngo bor yang ma grub ste/ yang dag par rdzogs pa'i sangs rgyas nyag cig gi sku ru gnas pa bco su med pa mtha' tha~Md dang bral ba/ kun la khyab cing ye nas bdal ba/ mtshon cing brjod pa las 'das pa/ 'dzin rtog rnam pa gnyis dang bral zhing // ngo bo nyid kyis rnar dag pa ni don gyi mchog/ rin po che 'khor lo rtsegs pa'i rgyud las/ snang ba mi 'gag pa'i le'u ste bcug pa'o// // de nas nyid kyi rang bzhin gyis nyid kyis ngo bo la/ thig le don man ngag gcod pa'i don bstan pa/ gzhi cig thig le chen po la mthong stangs bsams kyis mi khyab kyang / log par mthong dang phyogasu mthong ba dang / ma rtogs pa dang yang dag pa'i snang ba'o// lhun gyis grub pa dang phyogs gcig pa rnams ni phyogs chas 'dod pas blo tsam mo gzhi'i ngo bo la// don bdag nyid lhun gyi grub pa/ nges pa med pa/ gnyis med pa cir yang grol ba ni// don gtan la 'bebs pa'o// gzhi lam 'bras bu sems gnas pa 'jug pa g.yo ba smon pa byang chub kyi don la sbyor ba'o// ma skyes pa dang ma 'gag pa dang mi gnyis pa dang grol ba ni/ rang bzhin dang rol dang

  27. 205b

    mtshan nyid kyis dngos su bkrol ba'o// grol bar bya ba'i gzhi dang gol dang rkyen gyi sa dang / 'dod pa gong 'og gi sun 'byin pa dang / rang byung ye shes su la zla ba ni/ don gyis gzer gdab pa'o// snang zhing srid pas bsdus pa'i chos thaMd ni sang+yas kyi ngo bo nyid de de bzhin nyid kyis snying po nyid yin no// snang zhing srid pa las sdus pas phyi nang gnyisu med pa thad ye gdod ma nas sangs nyi du shes na/ gol ma gol gnyis me do// g.yang sa chos nyid du grol ba'o// chos nyid rgyu rkyen las ma byung ba'i don ni skye 'chi dang bral ba'o// de nyid la rtsol ba'i sems dang rnam rtog gi mtshan mas ni gang du'ang slad du med pa'o// 'khor ba dang mya ngan las 'das pa'i chos thams cad sems nyid rang byung gi ye shes la ji ltar bar rdzogs pa ni/ sems nyid 'khor 'das gnyis las che ba'i don bstan pa yin// chos tha~Md thig le nyag cig/ byang chub sems la sdud pa ni sems nyid kyi dngos po kun la khyab par gnas pa'o// khyab bzhin du gzhan du spros pa/ gang yang med par gnas pa'o// rang gi byang chub kyi sems ma bcos pa'i rang bzhin ni don rnal 'byor chen po zhes bya'o// sems rtsol bsgrub las 'das pa ni gnang du stsol ba'i rig pa zhes bya ste/ 'ga' dang 'ga' la rag las pa las kun gyi spyod yul ma yin no// rig pa phyi nang med par 'od gsal ba ni kun gzhi 'phrul gyi me long zhes bya'o// sems nyid gang gis mtha' las 'ang gnas pa med cing 'gyur ba med pa ni/ rang byung ye shes mi skyong ba'i dbyings chen po zhes bya ste/ bgrod cing lam la btsal

  28. 206a

    kyang rang bzhin gyis don las gang du 'da' ba med par bde ba chen por shes na/ gol sa dang sgrib par mi 'gyuraro// kye ngo bo nyid bde ba chen po rol pa skye ba'i cho 'phrul sna tshogs brdol tsam na/ gab pa mngon du phyung ba'i ye shes zang thal du thug phrad pa'o// de nyid chos thaMd sems nyid ma 'gag pa la ma zhon na snang ba rang sar bzhag pa'o// yang dag par rdzogs pa'i sang+yas sngon 'das pa thaMd kyi gshegs shul yang byang chub kyi sems rang gi ye shes// da ltar bzhugs pa'i sang+yas dang / 'gro ba rigs drug sems se ni tha~Md kyang chos sku rang gsal gyis dbyings na longs spyod lo/ ma byon pa'i rgyal pa thaMd kyi lam du yang rig pa'i klung lam chen po nyid bde'o// zhes gsungaso// rin po che 'khor lo rtsegs pa'i rgyud las/ thig le'i don man ngag bcod pa'i le'u ste bcus pa'o// de nas nyid kyi rang bzhin gyis nyid kyi ngo bo la ngo bo la dbyer mi phyed pa'i 'khor la rgyud gtang ba 'di gsung so// e ma ho// 'dus pa'i tshogs chen po rang gi rang bzhin bstan pa'i rgyud 'di chen po zungs shig byang #chub kyi sems rin po che 'khor lo rtsegs pa 'di nyi / snang snying 'khor 'das kyis sdus pa'i chos thaMd dang / ston pa'i rang bzhin kun tu bzang po dang / ngo ba dz+ra seMdar las bstan pa'i chos nyid byang chub sems bstan pa yin pa'i phyir/ 'khor du rtogs pa rnams kyi sang yis bstan pa'i rgyud 'di mi gtang bzungs shig/ chos zad kyi snying po yin// bstan pa tha~Md kyi yin// gsung rab tha~Md kyi snying khu yin la/ snang srid/

  29. 206b

    'khor lo 'das kyi chos thams cad kyi dam pa rin po che sems nyid nor bu rin po che'i tog chen po 'dir 'duso// ces gsungs pas/ 'khor tha~Md rje su yi rangs ste/ mgu bar gyur to// rin po che 'khor lo rtsigs/ byungasas/ chung sa ba skye ris pa rnam mas na dub chen sob bi mA la dang dpal rtsegs kyi 'gyur// nya mo bag la nyal gyi rgyud bzhugs / bcom ldan 'das dpal kun tu bzang po la phyag 'tshalo// byang chub kyi sems nya mo bag la nyal/ bac+doMs kyi thugs kyi snying po'o// chos dbyings dam pa tshad med kun tu bzang // dus dang rnam med dus chen nyams pa med// ma bcos de bzhin nyid na de bzhin kun tu bzang // de nyid nyid la de nyid de bzhin pa// de la de ston de nyid de bzhin te// de dus de thob de nyid de tshe'o// kun gyi rang bzhin nya mo bag la nyal la phyag 'tshalo// de la mdun pa mdzad pa che ba yang dag lhun chen yin// gang gis skyes pa ma yin dpe bral dri med lam// gang yang migs cir yang ma nges 'ja' tshon ri mo'i tshul// bde dang sdug bsngal rgyu mthun byang chub snying po nyid// chos kyis nyams bag lon pa'i chos rnams ma lus snying por gnas// rnal 'byor mchog lam 'di kun gyi lam grol lam// phyag byas 'os pas bla mi'i mchod pas phyag kyang 'tshol// de phyir rnam grol mchog lam la kun kyang btsal// blang dor med pa rgyal ba'i lam 'di khyad/