F312MW1KG13607_0312mdo sdeAll versions of this work

phag mo'i rtogs pa brjod pa zhes bya ba

Sukarikābadānasūtra

Text

ff. 423b–426a · 6 folio sides

  1. 423b

    @##/ rgya gar skad du/ Ar+ya sadan tur su tra/ bod skad du/ 'phags pa bden pa bzhi'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa des cig na/ bcom ldan 'das dmar bu can gyi grong khyer dang / rgyal po'i khab kyi bar gyi dbus na/ rgyal po'i gnas 'od ma'i dbyug pa can na/ nub mo nye bar brten cing dge slong gi dge 'dun chen po dang / thabs cig tu bzhag so// de nas bcom ldan 'das kyis dge slong rnams la bka' stsal pa/ dge slong dag nga dang khyed cag kho nas/ 'phags pa'i bden pa bzhi po dag ma shes mthong / khod dam chud so sor ma rtogs pas/ lam ring po 'dir rgyug cing 'khor bar gyur to// bzhi po de dag gang zhe na/ nga dang khyed cag kho nas sdug bsngal 'phags pa'i bden pa ma shes ma mthong khong da ma chud/ so sor ma rtogs pas lam ring po 'dir rgyag cing / 'khor bar gyur to// nga dang khyed cag kho nas sdug bsngal kun 'byung 'phags pa'i bden pa ma shes ma mthong khong du ma chud/ so sor ma rtogs pas lam ring por rgyug cing 'khor bar gyur to// nga dang khyed cag kho nas sdug bsngal 'gog par 'gro ba'i bden pa ma shes ma mthong khong du ma chud so sor ma rtogs pas lam ring po 'dir rgyug cing 'khor bar gyur to// nga dang khyed cag kho nas sdug bsngal

  2. 424a

    'gog par 'gro ba'i lam/ 'phags pa'i bden pa ma shes ma mthong / khong du ma chud so sor ma rtogs pas lam ring po 'dir rgyug cing 'khor bar gyur to// dge slong dag ngas sdug bsngal 'phags pa'i bden pa rjes su rtogs shing / so sor rtogs te/ srid pa'i sred pa bcad pas 'khor ba'i skye ba zad de/ da ni srid pa gzhan med do// ngas sdug bsngal 'khor ba 'phags pa'i bden pa rjes su rtogs shing so sor rtogs te/ srid pa'i sred pa bcad pas/ 'khor ba'i skye ba zad de/ da ni srid pa gzhan med do// ngas sdug bsngal 'gog par 'gro ba'i lam/ 'phags pa'i bden pa rjes su rtogs shing so sor rtogs te/ srid pa'i sred pa bcad pas 'khor ba'i skye ba zad de da ni srid pa gzhan med de/ bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad bka' stsal to// nga dang khyed cag kho na yis// 'phags pa'i bden pa bzhi po dag/ ji lta ba bzhin ma mthong bas/ lam ring du ni 'khor bar 'gyur// bden pa de dag mthong bas na// srid pa'i sred pa bcad nas su// 'khor ba'i skye ba zad pas na// da ni srid pa gzhan med do// bcom ldan 'das kyis de skad ces bka' stsal nas/ dge slong de dag yid rangs te/ bcom ldan 'das kyis gsungs pa la mngon par bstod do//

  3. 424b

    'phags pa'i bden pa bzhi'i mdo rdzogs s+ho/ bkra shis/ @rgya gar skad du/ su ka ri ka ba dun sU tra/ bod skad du/ phag mo'i rtogs pa brjod pa zhes bya ba ste/ dkon mchog gsum la phyag 'tshal lo// 'di skad bdag gis thos pa'i dus cig na/ bcom ldan 'das mnyan yod na/ rgyal bu rgyal byed kyi tshal/ mgon med zas sbyin gyi kun dga' ra ba na bzhugs te/ de nas bcom ldan 'das kyis dge slong rnams la bka' stsal pa/ dge slong dag lha'i bu'i/ 'chi 'pho'i chos kyi lnga ltas rnam pa lnga 'byung bar 'gyur ro// lnga gang zhe na/ gos rnams sngon dri ma mi chags pa las/ dri ma chags pa dang / me tog 'phreng ba rnams sngon mi rnyis pa las rnyis pa dang / mtshan khung gnyis nas rdul 'byung ba dang / lus las dri mi zhim pa 'byung ba dang / lha'i bu'i 'chi 'pho'i chos ni rang gi stan la dga' ba mi thob pa'o// dge slong dag de nas lha'i bu zhig 'chi 'pho'i chos kyi las 'gre ldog ste/ brang rdung zhing du la/ snying rje rje skad du/ smre sngags 'don te/ kyi hud dral gyis 'bab pa/ kyi hud rdzing / kyi hud rdzing bu/ kyi hud shing rta sna tshogs can gyi tshal/ kyi hud rtsub 'gyur gyi tshal/ kyi hud dga' 'gyur gyi tshal/ kyi hud 'dres pa'i tshal/ kyi hud yongs 'du/ kyi hud sdug pa/ kyi hud

  4. 425a

    a ra mo nig lta bu rdo leg/ kyi hud lha'i mdun sa/ kyi dung lta na sdug pa zhes/ snying rje rje skad du smre sngags 'don te// lha'i dbang po/ brgya byin gyis/ lha'i bu de shin tu 'dre ldog cing / snying rje rje skad du/ smre sngags 'don pa mthong ste/ mthong nas kyang lha'i bu ga la ba der song ste phyin nas/ lha'i bu la 'di skad ces smras so// grogs po khyod ci'i phyir shin tu sa la 'gro cing snying rje rje smre sngags 'don te/ kyi hud dal gyi 'bab la/ kyi hud rdzing bu/ hud shing rta sna tshogs can gyi tshal/ kyi hud brtsub 'gyur gyi tshal/ kyi hud 'dres pa'i tshal/ kyi hud sdug pa/ kyi hud ar mo nig lta bu'i rdo leb/ kyi hud lha'i 'dun sa/ kyi hud blta na sdug pa zhes snying rje rje skad/ da smre sngags 'don par byed/ de skad smras pa dang / lha'i dbang po brgya byin la/ lha'i bu des 'di skad ces smras so// ko'u shi ka/ bdag ni 'dir lha'i bde ba dang bral te/ zhag bdun na 'di nas rgyal po'i khab kyi grong khyer chen por phag mo'i mngal du skye bar 'gyur te/ bdag ni der lo mang po/ zhig tu byi sa dang / gcin 'tshal bar 'gyur bas/ de'i srad du bdag de skad mchi'o// grogs po tshur shog/ khyod rkang gnyis rnams kyi mchog/ sangs rgyas la skyabs su song shig/ 'dod chags dang bral ba rnams kyi mchog/ chos la skyabs su song shig/ tshogs rnams kyi mchog/ dge 'dun la skyabs su song shig/ des 'di skad ces smras so//

  5. 425b

    grogs po bdag ni rkang gnyis rnams kyis mchog/ sangs rgyas la skyabs su mchi'o// 'dod chags dang bral ba rnams kyi mchog/ chos la skyabs su mchi'o// tshogs rnams kyi mchog/ dge 'dun la skyabs su mchi'o// de nas lha'i bu des/ skyabs gsum bzung ste/ 'chi 'pho'i des byas nas/ dga' ldan gyi lha'i rigs su skyes so// de nas lha'i babang po brgya byin gyis/ lha'i bu bltas pa ci lha'i bu de phag mo'i mngal du skyes sam/ ma skyes shes bltas na yang ma skyes/ sems can dmyal ba dang / dud 'gro'i skye gnas su skyes sam/ ma skyes bltas na/ yang ma skyes te/ lha'i bu rnams ni chos nyid kyis 'og ma la shes pa dang / mthong ba 'jug gi gong ma la ni ma yin no// de nas lha'i dbang po brgya byin gyis the tsom skyes nas/ bcom ldan 'das ga la ba der song ste phyin nas/ bcom ldan 'das kyis zhabs la mgo bos phyag 'tshal te/ phyogs gcig tu 'jug go/ phyogs gcig tu 'dug nas kyang lha'i dbang po brgya byin gyis/ bcom ldan 'das la 'di skad ces gso/ to// bcom ldan 'das bdag gis 'di na/ lha'i bu zhig 'chi 'pho'i chos zhig nas/ dog sa la ldog cing / snying rje rje skad du smre sngags 'don te/ kyi hud dal gyi 'bab pa/ kyi hud rdzing / kyi hud shing rta sna tshogs can gyi tshal/ kyi hud rtsub 'gyur gyi tsha la/ kyi hud dga' 'gyur gyi tshal/ kyi hud 'dres pa'i tshal/ kyi hud yongs

  6. 426a

    su 'dra/ kyi hud sdug pa/ kyi hud ar mo nig lha'i rdo leg/ kyi hud lha'i 'dun sa/ kyi hud lta na sdug pa/ zhes snying rje rje skad du/ smre sngags 'don pa mthong ste/ bdag der mchi nas/ 'di skad ces bgyis so// grogs po khyod ci'i phyir brang rdung / zhing du ba la mya ngan byed de smre sngags 'don/ des smras pa/ bdag ni 'dir lha'i bde ba dang bral te/ zhag bdun na 'di nas rgyal po'i khab kyi grong khyer chen por/ phag mo'i mngal du skye bar 'gyur te/ bdag ni deng lo mang po zhig phyi sa dang gcin 'tshal bar 'gyur bas/ de'i slad du bdag de skad mchi'o// grogs po tshur shog/ khyod rkang gnyis rnams kyi mchog/ sangs rgyas la skyabs su song shig/ 'dod chags dang bral ba rnams kyi mchog/ chos la skyabs su song shig/ tshogs rnams kyi mchog/ dge 'dun la skyabasu song shig/ de nas lha'i bu de dud 'gro'i skye gnas kyi 'jig shing skrag te/ de skad ces mchi'o// grogs po dag ni/ 'di ltar rkang gnyis rnams kyi mchog/ sangs rgyas la skyabs su mchi'o// 'dod chags dang bral rnams kyi mchog/ chos la skyabs su mchi'o// tshogs rnams kyi mchog/ dge 'dun la skyabs su mchi'o// de nas lha'i bu des skyabs gsum bzung nas/ 'chi 'pho'i dus byas pa de/ bcom ldan 'das gang du skyes lags/ bcom ldan 'das kyis bka' stsal pa/ ko'u shi ka lha'i bu de ni dga' ldan gyi rigs der skyes te/ lha'i

Colophon

phag mo'i rtog pa brjod pa'i mdo// rdzogs s+ho// rgya gar gyi mkhan po 'dzi na mi tra dang/ zhu chen gyi lots+tsha ba ban de yais sdes sgyur cing zhus te gtan la phab pa'o