'jam dpal ma ru tse'i sngags rgyud las phyi ma'i phyi ma
Text
ff. 327b–329b · 5 folio sides
- 327b
te stag lpags mgo/ 'jig rten lha 'dre thams cad la// bden bdar zor lam bsal bar bya// gshin rje bskul te khrag thun 'phang // thod pa bub na gdon mi za// g.yas g.yon bltas na pho mo la// tshur la bltas na rang la gnod// dngas kyis sod na bsgyur la bya// lo zla gza' skar gdug pa'i dus// nam phyed dag la brdeg par bya// zhes bka' stsal pas/ lha srin sde brgyad rjes su yi rangs te// de nyid du mi snang bar gyur ro// 'jam dpal ma ru tse'i sngags rgyud phyi ma las/ smon lam dang thun dang rjes su yi rangs pa'i le'u ste bdun pa'o// // 'jam dpal ma ru tse'i sngags rgyud phyi ma rdzogs so// // de nas yang de'i tshe de'i dus na dbang phyug chen pos bcom ldan 'das ya mAn+ta ka la 'di skad ces gsol to// rang rig ye shes blo dang ma ldan pas// bsnyen pa ma rdzogs las la bskul snga ba// rdzas dang lag cha gzhung bzhin ma rdzogs shing // rtags dang mtshan ma dus la ma phyin pa// sgrol bdag chen po'i sku la bzod par gsol// zhes bag chags sbyangs nas yang 'di skad ces zhus so// rgyud 'di'i gzhi rnams dpa' bo yi// 'gro ba'i don du bdag la shod// ces pas/ de nas dpa' bos yang dag bshad// ma skyes pa yi chos nyid las// dus gsum srid pas bsdus pa'i chos// skye ba'i cho 'phrul 'byung ba yi// gzung
- 328a
'dzin 'khrul pa'i rgyu las byung // dang por zhen rtog bzlog pa'i phyir// ji ltar mos pa dam pas 'dul// de bas 'di ni gdong dmar don// sku mdog phyag mtshan phyag rgya ni// ji ltar 'dul ba bzhin du bstan// gzhi nyid snang med gcig gi ngang // dper na spyir 'dod sker 'dod pas// las kyi brtson 'grus rim pa bzhin// gshin rje gcig la las bcol myur// de bzhin so so las nyid la// bsnyen zhing bsgrub pa la sogs pa'i// sgrol ba'i las nyid bshad bya ba// ku ma rA dza bco lnga'i phreng / 'khor lo sgrub pa'i bsnyen pa ste// sgrub pa'i sngags mtshan bzhi po rnams// nam gyi gung dang tho rangs rtse// nyi ma shar dang dgong gi bar// sngags bzlas rdzas kyis brab par bya// srog las drang ba'i bsnyen pa ni// shrI many+dzu yi gsang sngags la// rtag tu grangs pa'i bsnyen pa yin// de la sgrub pa'i gsang sngags ni// rnal ma tri lang sngags gnyis po// gong ma de la btags te bzlas// drag po phur pa'i sgrub sngags so// rdzas la bgrang ba'i bsnyen pa'o// rat+na tra yA'i bsnyen pa yin// klu ling b+ha sa la sogs pa// bsgrub cing lha dang dbye ba yin// thod pa'i bsnyen par grangs pa ni// shrI many+dzu'i gsang sngags dang // ma ru tse yi gsang sngags ni// yi ge bcu gnyis yang snying bgrang // bsgrub cing gnad la bor ba ni// shrI many+dzus dbu gnan te// rat+na ya
- 328b
la sogs pa yi// mched bzhi'i rtsa ba'i drag sngags la// bse yi lha mo'i drag sngags spel// bar bar ming dang rus bcug la// mA ra ya yi sgra dang bcas// dzo da ba tri la sogs pa// bdud dang bse mo'i drag sngags dang // srid pa'i ma mo'i drag sngags dang // zor zur dbab pa'i drag sngags dang // gshin rje'i kham sngags bzlas pa dang // phur bus gdab dang bsreg gnan sngags// drag po'i las sngags zhes su bshad// rang sems bskyed pa ltar bsgoms pas// rtog pa dor ba'i dgongs pa ni// shi nas las kyi srin por skyes// de phyir snang la rang bzhin med// ye shes gsal ba'i thugs rje yis// nyon mongs sgrol ba ma gtogs par// zhe sdang gdug pas dmigs la sgrol// dmyal bar skye ba mnar med len// de phyir thugs rje'i gzungs thag gces// sgrol ba'i phrin las gsungs pa ni// rgyal ba'i lung las gsungs pa ni// sbyor ba'i mchod pas bskang ba ni// bu mo shin tu mtshan ldan la// chags pa'i bu mo ming bzhi ma// bkug ste bstim la sbyor dag bskul// b+ha ga gsang ba'i mdangs 'bul bsam// tha tshig shin tu bsres pa dang // mkha' gsang byin gyis brlab pa tsam// byang sems mkha' la phebs pa dang // 'phags pa yi dam lha yang mchod// bdag nyid dngos grub blang byas nas// srid pa'i dbang can pho mo rnams// spyan drang
- 329a
mchod la de dbang bskur// mngag pa'i las la bskul bar bya// lus la bstim pa'i lha mo rnams// dga' ba'i yid kyis gshegs su gsol// 'bras bu phyin par byed pa ni// blta ba dang ni dam tshig yin// 'di yi dam tshig bstan pa ni// ba dmar glang dmar sha yang bsrung // khyi dang skyes pa mtshon mi bsten// mthun pa'i rdzas rnams tshogs par bya// bdag nyid bdud chas 'jug pa ni// lhag par sku yi dam tshig yin// ma nor sngags bzlas chu bo'i gzhung // skad mi gcig dang skyes pa dang // smra ba spangs te bzlas pa ni// tshad du 'byung zhing mchod bstod bya// dkon mchog spyi dang bla ma la// ngag gi nyes pa sbyang bar bya// lhag pa gsung gi dam tshig yin// ting 'dzin mi 'bral rgyun du bya// lta ba dang ni spyod pa ni// mthun pa'i phyogs nas spyad par bya// bshad cing bstan par mi bya ste// sbrul ltar gdug pa'i zhe sdang gnag/ brnag pa thugs kyi dam tshig yin// bsnyen bsgrub las la sbyar dus bsrung // rgyun tu spyi yi dam tshig bsrung // dam tshig srog ltar bsrung ba gces// dam tshig gzhung ltar bsrung ba dang // bka' dbang gzhung du zhu ba dang // phyi nang gsang ba'i dbang bskur zhing // lung dang man ngag de la bstan// de ma yin la bstan gyur na// bdag kyang phung la gzhan kyang brlag/ rgyu dang yi ger bris pa 'di// skal ldan
- 329b
rnams la snang bar gyis// zhes bka' stsal pa dang dbang phyug chen po shin tu yi rangs te bstod do// // 'jam dpal ma ru tse'i sngags rgyud las phyi ma'i phyi ma rdzogs so// // rgya gar skad du// yak+Sha ma ru tse be tA li g+hA h+ya tan+t+ra/ bod skad du/ gnod sbyin ma ru tse ro langs gsang ba'i rgyud/ bcom ldan 'das drag po 'dul ba la phyag 'tshal lo// 'di skad bdag gis thos pa'i dus gcig na/ ri bdun gyi byang phyogs kyi ngos la/ gnod sbyin gyi rgyal po ma ru tse zhes bya ba gnas te/ lha dang lha ma yin la sogs pa thams cad dang g.yul 'gyed pa/ mi dang dud 'gro la sogs pa thams cad gsod cing / mi dang rta sha mi lpags la sogs pa la longs spyod pa/ de lta bu'i las mkhan de las kyi dbang gis gnas der 'khod do// de nas 'phags pa kun dga' bo/ zhing bsnol ba'i stan las langs te/ bcom ldan 'das drag po sgrol ba la zhus pa/ kye kye dpal ldan drag po sgrol ba lags// thams cad gsod pa'i sems can 'di// myur du sgrol lam 'dul ba dang // las las bzlog gam zhen pa dgag/ ces gsol pa dang / dpal ldan drag po sgrol bas bka' stsal pa// e ma ho sems can chen po 'di// sgrol dang sbyor la brtson pa yis// 'dis ni bstan pa bsrung ba yin// dus la bab par bstan pa'o// zhes