F118MW1KG13607_0118mdo sdeAll versions of this work

'phags pa bram ze mo dpal ldan mas zhus pa zhes bya ba theg pa chen po'i mdo

Āryaśrimatraṇīparipridcānāmamahāyanasutra

Text

ff. 89b–94a · 10 folio sides

  1. 89b

    pa/ rgya gar skad du/ Ar+ya shri ma tra NI pa ri brid tsA nA ma ma hA ya na su tra/ bod skad du/ 'phags pa bram ze mo dpal ldan mas zhus pa zhes bya ba theg pa chen po'i mdo// sangs rgyas dang byang chub sems dpa' thams cad 'tshal lo// 'di skad bdag gi thos pa'i dus cig na/ bcom ldan 'das pa ra na se na drang srong lhung ba ri dgas kyi nags nas/ dge slong bdun brgya tsam gyi dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs so// de nas bcom ldan 'das snga dro'i dus kyi tshe/ chos gos dang shams thabs snams te/ lhung bzed bsnams nas/ phyi bzhin 'brang ba'i dge sbyong tshe dang ldan pa byang chub sems dpa' sems dpa' chen po mi pham pa dang thabs cig tu grong khyer ba ra na ser bsod snyoms kyi phyir gshegs so// de nas bcom ldan 'das grong khyer ba ra na ser ther chagasu bsod snyoms spyod cing / bram ze dpal ldan ma'i khyim ga la ba der gshegs byon nas/ bsod snyoms kyi phyir phyogs gcig tu zhugs pa dang / bram ze mo dpal ldan mas bcom ldan 'das mdzes pa dang / dad par bya ba dbang po zhi ba/ thugs zhi ba dul ba dang / zhi gnas kyi pha rol tu phyin pa/ zhi gnas mchog gi pha rol tu byon pa/ zhi ba dul bsrungs pa/ sdig pa med pa/ dbang po dul ba/ kha dog bzang po rgyas pa mchog dang ldan pa/ mtsho ltar dang zhing gsal la rnyog pa

  2. 90a

    med pa/ gser gyi mchod sdong ltar mngon par 'phags pa/ ma skyod pa/ mi g.yo ba brnyes pa/ dpal gyis 'bar ba lha me ga ldan ne lhang nge zhing gshegs pa rgyang ring po nyid nas mthong ngo // mthong nas kyang de sems dang bar gyur te/ de sems dang bas bcom ldan 'das ga la ba der song ste phyin nas/ bcom ldan 'das kyi zhabs dang / byang chub sems dpa' sems dpa' chen po ma bam pa'i rkang pa la phyag 'tshal nas/ bcom ldan 'das ga la ba de log su thal mo sbyar ba btung te/ bcom ldan 'das la 'di skad ces gsol to// bcom ldan 'das bdan bshams pa 'di la bzhugs su gsol pa dang / bcom ldan 'das dang byang chub sems dpa' sems dpa' chen po ma pham pa so so ci rigs par zhugs so// de nas bram ze mo dpal ldan mos/ bcom ldan 'das byang chub sems dpa' sems dpa' chen po ma pham pa bde bar bzhag bar rigs nas/ bcom ldan 'das ga la ba de log su thal mo sbyar ba btud de/ bcom ldan 'das la 'di skad ces gsol to// bcom ldan 'das grong khyer khar ba ka na se drang srong lhung ba'i ri dgas kyi nags 'dir bcom ldan 'das kyi chos kyi 'khor lo bskor te zhes bdag gi thos nas/ bcom ldan 'das kyi gang bskor ba'i chos de ji lta bu zhig lags/ de skad ces gsol pa/ bcom ldan 'das kyi bram ze mo dpal ldan ma la 'di skad ces bka' stsal to// dpal ldan ma ma rig pa'i rkyen gyi 'du byed

  3. 90b

    kyi rkyen gyi rnam par shes pa/ rnam par shes pa'i rkyen gyi ming dang gzugs/ ming dang gzugs kyi rkyen gyi skye mched drug/ skye mched drug gi rkyen gyi reg pa/ reg pa rkyen gyi tshor ba/ tshor ba'i rkyen gyis sred pa/ sred pa'i rkyen gyi len pa/ len pa'i rkyen gyi srid pa/ srid pa'i rkyen gyi skye ba/ skye ba'i rkyen gyi rga shi dang mya ngan dang / sme sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ de ltar bsdug bsngal gyi phung po chen po 'ba' shig po 'di 'byung bar 'gyur// ma rigs pa 'gags pas 'du byed dgag/ 'du byed 'gag pas rnam par shes pa 'gag/ rnam par shes pas ming dang 'gag/ mang ba 'gag pas sad pa 'gag/ sred pa 'gag pas ming dang gzugs 'gag pas skye mched drug 'gag/ skye mched drug 'gag pas reg pa 'gag/ reg pa 'gag pas tshor ba 'gag/ tsher ba 'gag pas sred pa 'gag/ sred pa 'gag pas len pa 'gag/ len pa 'gag pas srid pa 'gag/ srid pa 'gag pas skye ba 'gag/ skye ba 'gag pas rga shi dang / mya ngan dang smre sngags 'don pa dang / sdug bsngal ba dang / yid mi bde ba dang / 'khrug pa rnam 'gag ste/ de ltar sdug bsngal gyi phung po 'ba' shig po 'gag par 'gyur ro// zhes bya ba dpal ldan ma/ dge sbyong ma bram ze'am/ lha dang / bdud dam/ tshangs pa 'am/ sus kyang chos dang mthun par 'jig rten

  4. 91a

    par 'jig rten du ma bskor ba'i chos kyi 'khor lo 'di/ grong khyer ba ra na se drang srong lhung ba'i ri dgas kyi nag su de bzhin gshegs pas bskor to// de skad ces bka' stsal pa dang / bram ze mo dpal ldan mos bcom ldan 'das la 'di skad ces gsol to// bcom ldan 'das ci ma rig pa nang na mchis sam/ slad rol na mchis/ bcom ldan 'das bka' stsal pa/ dpal ldan ma de ni ma yin no// bcom ldan 'das gal ma rig pa nang dang slad rol na ma mchis pa lags na/ ma mchis pa de ltar 'du byed rnams kyi rkyen du 'gyur te/ bcom ldan 'das chos gang yang 'jig rten pha rol nas mchis 'am/ bka' stsal pa/ dpal ldan ma de ni ma yin no// gsol pa/ bcom ldan 'das ma rig pa'i rnam pa mchis sam/ bcom ldan 'das kyis bka' stsal pa/ dpal ldan ma de ni medo// dpal ldan ma rig pa ni yang dag pa ma yin pa'i rnam par 'byung gi/ yang dag pa'i rnam pa ni mi 'byung ngo // dpal ldan ma rig pa ni phyin ci log gi rnam par 'byung gi byin ci ma log pa'i rnam par ni mi 'byung ngo // gsol pa/ bcom ldan 'das ma rig pa ma mchis na/ 'du byed rnams ci las 'byung / sdug bsngal yang ci las 'byung / bcom ldan 'das 'di lta ste dper na/ zhugs shing n+ya dro da'i rtsa ba ma mchis na/ de'i yal ga dang lo ma dang yal ga phre'u ci ltar mngon par 'gyur/

  5. 91b

    bcom ldan 'das de bzhin du ma rig pa ma byung zhing ma mchis pa lags na/ ma rig pa 'du byed rnams kyi rkyen lags par ji ltar 'tshal bar 'gyur/ bcom ldan 'das kyis bka' stsal pa/ de bzhin te dpal ldan ma rang gi mtshan nyid stong pa nyid kyi chos thams cad stong na/ byis pa so so'i skye bo thos pa dang / mi ldan par mi shes pa/ ma togs pa dag las mngon par 'du byed de/ las rnams yod pa des srid pa mngon par 'grub par byed do// srid pa yod pas sdug bsngal myong bar zad do// 'di la las mngon par 'du byed pa yongs su yang med cing srid pa mngon par grub par byed pa yang med de/ chos rnams kyi don dam pa'o// dpal ldan ma 'on kyang sems can rnams ji ltar don dam pa rtog par 'gyur snyam nas tha snyed nye bar bzung ste/ de bzhin gshegs pa dgra bcom pa yang dag par rdzogs pa'i sangs rgyas rnams sems can rnams la chos ston to// dpal ldan ma tha snyad ni yang dag pa ma yin te/ de ci'i phyir zhe na/ de la khong du chud par byed pa po yang med de la shes par byed pa yang med pa'i phyir ro// dpal ldan ma 'di lta ste dper na/ de bzhin gshegs pas sprul pa sprul la/ de bzhin gshegs pas sprul pa des kyang sprul pa gzhan sprul na/ de la de bzhin gshegs pas sprul pa yang bsogs ste/ brdzun pa'i chos can ni// sprul pas sprul pa gang yin pa de yang bsod

  6. 92a

    ste/ rdzun pa slu ba'i chos can no// dpal ldan ma de bzhin du gang gis chos mngon par 'du bya ba mngon par 'dus byas pa de yang bsog ste/ brdzun pa sla ba'i chos can no// chos gang mngon par 'du bya ba de yang ba sogs ste rdzun pa slu ba'i chos can no// gsol ba 'di lta ste/ bcom ldan 'das kyi stong pa nyid kyi 'khor lo dang / nges par 'byin pa'i 'khor lo dang / nges par 'byed pa'i 'khor lo dang / bsam gyis mi khyab pa'i 'khor lo dang / bskor ba ma byas pa'i 'khor lo dang / mtshungs pa ma mchis pa'i 'khor lo dang / ji lta ba bzhin gyi 'khor lo dang / skye ba ma mchis pa'i 'khor lo dang / dngos po ma mchis pa'i 'khor lo dang / mtshan nyid ma mchis pa'i 'khor lo bskor ba ni/ na mkha'i 'khor lo 'di bskor lags so// de nas bram ze mo dpal ldan mos/ tsan dan gyi phye ma spar gang blangs te bcom ldan 'das kyi zhabs la gtor nas/ tshig 'di skad ces bcom ldan 'das/ dge ba'i rtsa ba 'dis bdag ma 'ongs pa'in 'di lta ste/ stong pa nyid kyi 'khor lo nas mtshan nyid ma mchis pa'i 'khor lo'i bar du/ chos kyi 'khor lo de lta bur bskor bar gyur cig ces smras so// de nas bcom ldan 'das kyi de'i tshe 'dzum pa mdzad do// 'di ni sangs rgyas bcom ldan 'das rnams kyi chos nyid de/ gang gi tshe 'dzum pa mdzad pa de'i tshe/ bcom ldan

  7. 92b

    'das kyi zhal gyi sgo nas 'od zer kha dog sna tshogs 'di lta ste/ sngon po dang / ser po dang / dkar po dang / dmar po dang / leb rgan dang / shelnga dngul gyi kha dog lta bu dag byung nas/ de dag gi 'jig rten gyi khams mtha' yas mu med pa dag snang bas kheb par byas te/ tshangs pa'i 'jig rten gyi bar du mngon par 'phags nas slar log ste/ bcom ldan 'das la lan gsum bskor ba byas nas/ bcom ldan 'das kyi dbu'i tsug tu nub po// de nas bcom ldan 'das la byang chub sems dpa' sems dpa' chen po ma pham pas 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni/ rgyu ma mchis rkyen mchis par 'dzum pa mi mdzad pa 'dzum pa mdzad pa'i rgyu gang lags rkyen gang lags/ de skad ces gsol ba dang / bcom ldan 'das kyi byang chub sems dpa' sems dpa' chen po ma pham pa la 'di skad ces bka' stsal to// ma bam pa khyod kyi bram ze mo dpal ldan ma 'di tsan dan gyi bye ma spar gang blangs te/ de bzhin gshegs pa'i zhabs la gtor ba mthong ngam/ gsol pa bcom ldan 'das mthong lag so// bde bar gshegs pa mthong lags so// bcom ldan 'das kyis bka' stsal pa/ ma pham pa bram ze mo 'di dge ba'i rtsa ba 'dis bskal pa bye ba phrag brgyad bcu rtsa bzhir ngan

  8. 93a

    'gro log par lhung bar mi 'gyur ro// sangs rgyas drug khri bzhi stong la sti stang byed par 'gyur// bla mar byed par 'gyur/ ri mor byed par 'gyur/ mchod par byed par 'gyur/ de dag las kyang chos nyan par 'gyur/ thos nas kyang 'dzin par 'gyur/ dam pa'i chos kyang yongs su 'dzin par 'gyur// de bzhin gshegs pa bzhugs pa 'am yongs su mya ngan las 'das pa de dag la yang mchod pa chen po byed par 'gyur ro// sems can grangs med dpag tu med pa dag kyang byang chub la dgod par 'gyur ro// phyi ma'i tshe phyi ma'i dus na bdag snang ba zhes bya ba'i bskal pa la/ stong gsum gyi stong chen po'i 'jig rten gyi khams 'di nyid du/ de bzhin gshegs pa dgra bcom pa yang dag par rdzogs pa'i sangs rgyas chos snang ba zhes bya bar 'jig rten du 'byung bar 'gyur te/ de'i tshe'i tshad ni bskal pa stong tshang bar 'gyuraro// de sems can grangs med dpag tu med pa dag gi don byas nas phung po'i lhag ma med pa'i mya ngan las 'das pa'i dbyings su yongs su mya ngan las 'das par 'gyur ro// de skad ces bka' stsal pa dang / bcom ldan 'das la byang chub sems dpa' sems dpa' chen bo ma bam pas 'di skad ces gsol to// bram ze mo dpal ldan ma'i sngon gyi dge ba'i rtsa ba gzhan yang chis lags sam bka' stsal pa ma pham pa yod de/

  9. 93b

    bram ze mo dpal ldan ma bla na med pa yang dag par rdzogs pa'i byang chub 'di nyid 'dod pas sngon bud med kyi lus nyid la gnas nas/ de bzhin gshegs pa rnam par gzigs kyi ska la me tog gis phreng ba gsol to// de bzhin gshegs pa gtsug tor can gyi ska la yang chos gos gsol to// de'i gsung rab la rab tu byung nas lo stong du tshangs par spyod pa spyad do// bcom ldan 'das de la bram ze mo des zab mo'i gnas rnams kyang zhus so// de bzhin gshegs pa thams cad skyo ba nyan thos kyi dge 'dun dang bcas pa la yang zhal zas kyi tshim par byas so// bstabs pa yang byas so// de bzhin gshegs pa 'khor ba 'jig la yang a gti mug ta ka'i me tog dag gis gtor nas/ bcom ldan 'das de las bslab pa'i bzhi lnga po dag blangaso// de bzhin gshegs pa gser thub la yang ji srid mtsho'i bar du na bza' dang / bshos dang / gzims na dang / snyun gyi gso sman dang / yo byad rnams kyi 'gron du gnyen te/ bcom ldan 'das des zla ba gnyis bshos gsol to// chags zung cig kyang bral lo// bla na med par rdzogs pa'i byang chub nyid 'dod pas/ de bzhin gshegs ba 'od srungs la gser gyi 'breng bas gtor to// 'dis 'di skad ces bdag bla na med pa yang dag par rdzogs pa'i byang chub lung bstan par ma gyur gyi bar

  10. 94a

    du/ bud med dngos po las ma gyur cig ces smras te/ ma pham pa 'di yang bram ze mo dpal ldan ma'i sngon gyi dge ba'i rtsa ba yin no// bcom ldan 'das kyis de skad ces gsol bka' stsal nas/ byang chub sems dpa' sems dpa' chen po ma bam pa dang / bram ze mo dpal mo dang ldan ma dang / lha dang mi dang lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// // 'phags pa bram ze mo dpal ldan mas zhus pa zhes bya ba theg pa chen po'i mdo rdzogs so// #/ rgya gar skad du/ ar+ya su kha ba ti bu ha na ma ma hA yA na su tra/ bod skad du/ 'phags pa bde ba can gyi bkod pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gi thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga cu'i dge slong gi dge 'dun chen po gnas brtan nyan thos chen po// dgra bcom pa sha stag la 'di lta ste/ gnas brtan sha ri'i bu dang / mi'u 'gal gyi bu chen po dang / 'od srungs chen po dang / ka ti'i bu chen po dang / kab phyin chen po dang / gsus po che dang / nam gru dang / lam phran bstan dang / dga' bo dang / kun dga' bo dang / sgra can zin dang / ba lang bdag dang /

Colophon

'phags pa bram ze mo dpal ldan mas zhus pa zhes bya ba theg pa chen po'i mdo rdzogs so/