snying po bcud spungs namkha' klong yangs kyi rgyud
Hridarasskandagaganaudaratantra
Text
ff. 110b–119b · 19 folio sides
- 110b
snying po bcud srungs na mkha' klong yangs kyi rgyud bzhugs// / rgya gar skad du/ hri da ras skan da ga ga na u da ra tan tra/ bod skad du/ snying po bcud spungs na mkha' klong yangs kyi rgyud// sngon gnas ye thog/ ma'i sangs rgyas la phyag 'tshalo// 'di skad bdag gis rtogs pa'i dus gcig na// 'og min gyi gnas/ sems nyid brdal pa chen po'i zhing khams// kun gzhi chos dbyings kyi pho brang na// bcom ldan 'das dpal gsang ba'i bdag po bzhugaso// yan lag rtsal gyi 'khor 'di lta ste// 'od dang zer yan lag shes rig ye sems dran rtogs blo yis 'khoraro// rang byung gi 'khor yang 'di lta ste// gti mug dang // zhe sdang dang / 'dod chags dang / nga rgyal dang / phrag dog go/ rang bzhin gyis 'khor dang / rang bzhin rtogs pa'i 'khor ro// ye nas gnas pa'i 'khor yang 'di lta ste// sa dang chu dang me dang rlung namakha'o// / sems dpa' rdo rje la sogs pa// stong gsum gyi stong chen po'i 'jig rten gyi khams kyis sen thams cad dang / lha dang klu dang / gnod sbyin dang / dri za dang / na mkha' lding dang / grul bum la sogs pa lha 'am lha srin sde brgyad dang / rigs lnga'i sangs rgyas dang / sangs rgyas bye ba sa ya dang / byang chub sems dpa' bye ba khrag khrig rnams dang lhan cig tu bzhugaso// de'i tshe 'khor rnams kyi nang nas// zhu ba bo rdo rje sems dpa' stan las langs nas/ bcom ldan 'das gsang ba'i bdag po la phyag 'tsha'o// bus gtsugs thal sbyar 'di skad zhus// spyi ti spyi rgyal byar med ji ltar gsungs// ka dag dngos med
- 111a
@#bstan du lhub lags sam// snying po skye med gnas lugs ji ltar gnas// yan lag rtsal gyis 'char lugs ji lta 'char// yan lag rtsal bar snying por ji ltar thim// dus gsum cad nas ji ltar bcad par bya// 'khor ba'i ru ni nang gis bzlog par bya// 'gro ba drug gis g.yang sa ji ltar bcad// snying po skye med ka dag gang gis rtogs// gsang sngags brda' yis ji ltar bshad par bya// rnal ma rtogs nas lha sgom mi 'tshal lam// chos rnams go zlog ji ltar rtogs par bya// nyon mongs dug lnga rnga log ji ltar bsgyur// chos rnams thaMd la ni gang du zla// mdo don thad gcig tu ji ltar bsdu// snying po bcud ni gang du spungs pa lags// namakha' klong yang dpe yis ji ltar bstan// theg chen brgyad khri bzhi stong gang du 'dus// kye bdag don bdag la sman pa dang // bdag don bdag la thugs rtsa bas// sems can kun la sman ba dang // zla med 'bras bu thob bya'i phyir// sems kyi khyad par ji bzhin du// dbang po bsam pa mkhyen mchog gis// bdag gis zhus tshig bco brgyad go// bdag cags blo la khor bcas la// ka ngag lag tshang thob bya'i phyir// shin tu zab par bka' stsol cig/ ces zhus so// 'das dang ma 'ong da ltar gsum// tha snyad ming la mi gnas ste// dus gsum gcig ste khyad par med// sngon med phyi med gdod nas byung // ces gsung so// snying po bcud srungs na mkha' klongs yangs kyi rgyud las/ phun sum tshogs pa lnga dang / 'khor gyis gleng bslang ba'i le'u ste dang po'o// / de nas bcom ldan 'das gsang ba'i bdag
- 111b
pos chos thams 'byed pa med pa'i ting 'dzin la snyoms par bzhugaso// de nas rdo rje sems dpa' yis// gsang ba'i bdag la yang zhus pa// ci rje byar mang ji ltar lags// ces zhus pa dang / gsang ba'i bdag po ting 'dzin de las bzhengs nas// sku gsung thugs yon tan 'phrin las// 'od zer ma lus pa med pa bsam gyis mi khyab pa spros nas// ma rig nyon mongs dbang gis na// ma shes 'khor bar 'khyams pa rnams// ston pa gsang ba'i bdag po yis// 'khor brtsang bcod ral gri thogs// ma rig mun sel nyi zla ston// ring bzhin yangs par ljags kyang nas// dug lnga rtsad gcod 'gro drug gis// g.yang sa bcod pa spyi ti bshad// 'khor rnams ma yengs gus pas nyon// a ti hri da ta ya/ hri badz+ra ma hA su ka ho// byar med blo 'das theg pa 'di// rang gis mthu yis rtogs pa las// chos ni gzhan nas 'byung mi 'gyur// gleng bral byar med la gnas na// dngos med ka dag rnal ma rtogs// rnal 'byor yang rab bskal pa bzang // dgu rtse byar med blo 'das la// ming tsam 'di zhes bstan pa ni// gsang ba'i bdag pos mtshon du med// byar med blos btab la dor cig/ brtsol bsgrub bden gnyi sun phyung cig/ bshad du med par bstan pa ni// blo dman drang phyir bstan pa las// ka dag dngos med mtshon du med// ces gsungaso// na mkha' klong yangs kyi rgyud las byar med bstan pa'i le'u ste gnyis pa'o// / de nas rdo rje sems dpa' yis// ston pas gsang ba'i bdag po la// ka dag bstan tu lhubs lags sam// ces zhus pa dang /
- 112a
@ston pas la bor la bka' stsal pa// dro dman dran pa bskyed phyir las// ka dag dngos med bstan du med// 'on trang la drul mongs mi shes la// mun khungs gser sgron lta bur bshad// mi mngon mi snang 'od khang na// shes ma da ka dag blo 'das dngos po med// cang med cir snang kun 'byung dang // dngos med sna tshogs gnyis ma grub// stong gsal dang la gang gis tha snyad med// yong dang med dang cir yang 'grub pa med// snyam dang mi snyams dbye gsal rtsis gdab med// dngos med rang byung dang dngas dang sA ng+ge// byang nge bun ne mer re lhang nge ba// tha snyad ce ma yin cir yang grub pa med// phra zhing shes dka' mi rtogs rtogs las 'das// / mchog tu gsang ba'i dngos med zang ka 'di// rna bas thos med lce yis brjod med// yid la dran pa de sems la bzhag tu med// rig pas brtag med blo yis yul las 'das// tshogs rgyal yul du ma gyur rtsis gdab med// sgo lnga'i yul du ma 'gyur dmigs las 'das// dpe byad kun las 'das pas bstan du med// ces gsungaso// nam mkha' klong yangs kyi rgyud las// dngos med mtshon du mi gtub par bstan pa'i le'u ste/ gsum pa'o// / de nas rdo rje sems dpa' yis// bcom ldan gsang ba'i bdag po la// snying po'i gnas lugs ji ltar gnas// tsas zhus pa dang / ston pas 'khor la bka' stsal pa// snying po'i gnas lugs mtshon du med// re shig gsung gis sgron ma yis// chos tshogs 'dul ba'i 'khor la bshad// snying po'i gnas lugs 'di ltar gnas// ka dag zang ka gnas pa yis// dngos med rnal mar
- 112b
gnas pa yin// skye ba med par gnas pa yin// 'gag pa med par gnas pa yin// gnyi su med par gnas pa yin// rang grol chen por gnas pa yin// rgyu rkyen snying po med par gnas// dngos med blo las 'das ba yin// bya brtsal med par gnas pa yin// g.yo ba med par gnas pa yin// dbye gsal rtsis gdab med par gnas pa yin// kun ldan gang gisa'ang rnam pa med// cir yang ma yin dngos med dang // mtshon med/ dpe las 'das pa yin// stong nyid gsal gdangs 'dzin med rtogs// ting gsal mi mngon mkha' gsal dengs// sang de phyang de lha dngas sad de// dngos po ci yang grub pa med// ces gsung so// nam mkha' klong yangs kyi rgyud las// snying po gnas lugs bstan pa'i le'u ste bzhi pa'o// / de nas rdo rje sems dpa' yis// bcom ldan 'das gsang ba'i bdag po la// rtsal zer yan lag ji ltar bshad ces zhus pas// ston pas 'khor la bka' stsal pa// 'gag med yan lag rtsal zer rnams// shar lugs sna tshogs bsam mi khya ba// 'od gsal 'khor la bshad kyis nyon// rgyu rkyen 'pho 'gyur med ba yin// mkha' klod bzhi nas ma 'gag pas// rtsal zer shes rig 'od rlung shar// cang med sa le ci yang shar// dngos med dang las dngos kun shar// ye med dang las sna tshogs shar// skye med dang las yid rig shar// 'gag med pang las sgo gnyis shar/ sa ma zin pas 'khor gsum shar// brda' ma phrang bas 'khor gsum shar// cang mtshang bas gzugs lnga 'khril// klong du ma gyur 'gro drug 'khor//
- 113a
#ye shes ma shar ma rig shar// gsal gdangs ma shar mun pa snang // bde ba myong sdug bsngal myong // yul sems dgag sgrub gzung 'dzin dang // snang ba btag snang phyogs ris med// bsam las 'das pas brjod mi rdzogs// rtsa ba ma rig nga bdag dang // gzugs 'dzin zhe 'dod bya rtsal yin// yan lag 'gag med bsam mi khyab// ces gsung so// yan lag shar lug bstan pa'i le'u ste lnga pa'o// / de nas rdo rje sems dpa' yis// bcom ldan gsang ba'i bdag po la// yan lag rtsal zer ji ltar thim/ ces zhus pa dang // ston pas 'khor la bka' stsal pa// snying po chos dbyings mkha' klong rnam dag tu// 'gag med rtsal zer rig yid sems blo rnams// rang byung dang dngas snying po'i klong du thim// snying po yan lag 'phrang rtsal rang sa zin// 'khrul chos rgyas thebs snying po klong du 'gyur// yid sems drin rig thaMd 'dul thams cad// gsang bdag klong du rgyu rkyen rtsol med par// 'khrul chos mun pa sangs na sangs rgyaso// ces gsung so// yan lag rtsal zer shes rig dran rtogs ji snyed ma lus pa// snying po klong du 'ub chung yongs bsdu su thim par bstan pa'i le'u ste drug pa'o// / de nas rdo rje sems dpa' yis// bcom ldan gsang ba'i bdag po la// dus gsum rtsad nas ji ltar bcang // tsas zhus pa dang / ston pas 'khor la bka' stsal pa// dus gsum ngo shes rtsad nas bcad // sprod sbyor bsgyur ba ma yin no// gti mug dbyer med chos kyi sku// zhe sdang 'od gsal longs spyod sku// 'dod chags gsal dag
- 113b
sprul pa'i sku// jo shes rtsad tshod gdong ldan na// dus gsum rgyal ba'i sku gsum yin// ces gsung so// nam mkha' klong yangs kyi rgyud las/ du gsum rtsad nas bcad pa'i le'u ste bdun pa'o// de nas rdo rje sems dpa' yis// ston pa gsang ba'i bdag po la// 'khor ba ru bzlog ji ltar bzlog/ ces zhus pa dang / ston pas 'khor la bka' stsal pa// ka dag ye med gdod dag pa/ de nyid ma rtogs 'khor ba la khyams// ka dag don rtogs mya ngan 'das// dngos med ka dag sangs rgyas nyid// nga bdag gzung 'dzin sems cano// dngos med gcig la 'khor 'das gnyis// rtogs dang ma rtogs gnyis las med// rtogs pa mya ngan 'das ma rtogs 'khor// ka dag klong la gnyis ka med// 'khor bar stong pa'i ngo bo ni// ma yi khyo la mun pa'i chung // phrag pa'i yab la khyi'i yum// bya sbrul khra dang spre'u bu// ces gsungaso// skye med ka dag dpa' bo yis// 'khor ba ru bzlog dmag dpung 'joms// don cig dngos med ka dag gis// shes rab ral gri mda' gzhu thogs// nyon mongs mi shes g.yul ngo bzlog/ thub pa chen po stobs chen gyis// mi shes 'khor ba'i dgra dpung 'joms// nyi zla 'bar ba'i sgron me yis// mun pa'i chung ma gtan nas brlag/ g.yo brtsol med pa'i za brlabs kyis// me yis rgyal po rtsang nas bcad// shes rab ral gri 'phags pa gsang // rdo rje chen po'i mda' gzhu yis// bya sbrul khra dang spre'u bsad// theg pa chen pos sdug bsngal bcod// rang bzhin ngo bo thugs rje gsum// yon tan 'phrin las thogs med lngas// 'khor ba ru bzlog sku/
- 114a
@#lngar rgyur// ces gsung so// nam mkha' dngos med cang med las// de ma rtogs pas 'gro drug 'khrul// dngos med ma rtogs zhe sdang skyes// yi dgas gnas skyes bkres skom sdug/ sgrib gsum// sdug bsngal zad me myong // ka dag ma rtogs gti mug skyes// byol song gnas skyes glen lcug myongs// rkang mangs rkang gnyis rkang bzhi dang // rkang med la sogs bsam las 'das// dngos po med las phrag dog skyes mi yi gnas skyes nyon mongs spyod// brgyad dang bcu drug sdug bsngal myong // dngos po med las 'dod chags skyes// lha yis gnas 'khrul le lo spyod// longs spyod g.yeng ba'i sdug sngal myong // dngos med/ las nga rgyal skyes// lha min gnasu 'khrug pa spyod// 'thab rtsod mtshon cha'i sdug bsngal myong // de sogs 'gro drug gnas skyes kyang // dngos med ka dag cho 'phrul yin// dngos med cho 'phrul rtsad bcad pas// 'gro/ drug ga yang sa chod par bstan// ka dag don rtog zhe sdang med// gtso sreg ming meng longs spyod rdzogs// dmyal bar skye ba'i g.yang sa bcad// ka dag don rtogs ser sna med// yi dwags rtsad bcad 'od gsal skra// bkres skom skye ba ga yang sa bcad// gsal dag 'od gsal gti mug med// glen lkug sdug bsngal ming yang med// ming med gti mug chos kyi sku// rang byung dang dngas phrag dog med// mi yi gnas 'khrul skye ca bcad// chu bzhi che bzhi sdug bsngal med// phrag dog chen po chos kyi sku// ka ngag don rtogs nga rgyal med// lha min 'khrul bcang 'thab rtsod med// nga rgyal dbyer med ngo bo'i sku// dngos med 'od gsal 'dod char med
- 114b
lha yis 'khrul rtsa le lo bcang // 'dod chags zhen 'khrul sprul pa'i sku// de ltar 'gro drug g.yang sa bcad// sku lnga dbyer med dngos med rdzogs// ces gsung so// nam mkha' klong yang kyis rgyud las/ 'gro drug g.yangs bcad pa'i le'u ste brgyad pa'o// / de nas rdo sems dpa' yis// bcom ldan gsang ba'i bdag po la// snying po ka dag gang gis rtogs// zhes zhus pa dang / ston pas 'khor la bka' stsal pa// snying po// ka dag rtogs thabs ni/ byar med shes 'dod med pa las// brtson 'grus bden nyid blos mi rtogs// rang byung sar thim dbyer med rtogs// dad dngas brtsol bsgrub dang dngas dang sad de// rang byung rang brlag rig med rtogs// gsal dngas rang sangs go skabs med// stong gsal rig med tha snyad med// dngos med ka dag rtogs pa yin// yangs med phyang nge bun ne ba// sang nge sal le mer 'khyil le// de rnams ming yin blo las 'das// ka dag dngos med zad ka de// rang gis mthu yis rig pa las// chos ni gzhan nas byung mi 'gyur// byar med brtsol med bsam du med// dngos med rnal ma blo 'das kyis// snying po ka ngag rtogs pa yin// ces gsungaso// nam mkha' klong yangs kyi rgyud las/ ka dag rtogs thabs kyi le'u ste dgu pa'o// / de nas rdo rje sems dpa' yis// bcom ldan gsang ba'i bdag po la// gsang sngags brda' yi ji ltar bshad// ces zhus pa dang / ston pas 'khor la bka' stsal pa// a a 'bo yaM/ hri tha ra sa/ da ra ma sarba/ dang du a a/ nga yis gsang sngags brda' yis bshad// 'khor rnams ma yengs ngal nyon//
- 115a
@#a pa ra si ti a/ stong gsal byang chad kyi lha khang na// rlung skyo kun byed kyi mi ltas pas// ci yang mi 'dug gang yang mi mthong // der 'khor ba'i bsam pardugs// dran pa brlag blo stor ro// rig pa tha snyad gang yang du yang mtshon brjod kyi tshig ci yang ma shes so// sngon rol ming ma thogs kyi brda'o// kha dog lnga gsal rin po che'i lha khang na// smig rgyus rta la 'ja' tshon gyis mis zhon nas ltas pas lha khang de dag na gsal ngag 'od kyi lha dang / g.yo tsam mi g.yo tsam gyis lhar 'dug go/ sems can sangs rgyas kyi ming tsam mtshon gyis brda'o// 'gyu ba rlung gis rta pho la// shes rig yid sems kyis mis zhon nas// 'od rtsal 'byung gis lha khang du phyin nas ltas pas// lha 'ga' zhig g.yo 'gul med par bzhugs// lha 'ga' zhig 'gul bskyod dang bcas nas 'dug// spyi sa'i so 'tshams mtshon pa'i brda'o// na bun kha blangs kyis rta pho la// 'gyu ba spre'u'i mi zhon nas// yar 'gro mar 'gro'i so 'tshams na// lha khang gnyis yod pa la// sgo gang phye nas 'dug blta bas// 'od gsal dang dngas byung na rin po chegs la ngag rnam dag lha khang gis sgo phye nas// ngar 'dzin mun nag grong rgyun khan byung nas mun pa lha khang gis byed ces gsung so// 'char sgo dang 'khrul sgo'i brda'o// 'gyu ba yid kyi rta pho la// rig sems dran rtogs blo'i mi zhon nas/ 'phrang gsum sbubs gsum du phyin pas// long ma dug gsum gyis 'khor ba can dang 'phrang nas// khyod nga'i mun pa'i g.yung rung mi lta ba ci nyes// mun pa'i lha khang
- 115b
ltos la// khyod med pa la yod par zung cig/ mi bden pa la bden par zud cig/ mi rtag pa la rtag par zung cig/ don dam la kun rdzob tu zung cig/ ka ngag la ma dag par zung cig/ bde ba la sdug bsngal du zungad cig/ gnyis med la gnyisu zud cig/ dngos med la sna tshogasu zung cig/ rtogs pa la ma rtogs par zung cig/ ka dag la grib bca su zung cig/ sangs rgyas la sen du zung cig/ mya ngan las 'das pa 'khor bar zung cig/ sku gsum la dug gsum du zung cig/ zhing khams rnams gsum la dmyal ba yi dwags dud 'gro ngan song gsum du zung cig/ pho dang thag pa dang / smig rgyu la mi sbrul chu dang gsum du zung cig/ ces 'khrul ba dang 'khor snang 'khrul par brdar bstan to// de nas yang ye shes brdar gsungs pa// 'ja' mtshon 'od glog gi rta pho la// dngas gsal dngas kyis mi zhen nas// ga ya su nyi ma thogs// g.yon du za ba thoT/ ral gris klad la bskor// spu gris rlung dang chu gnyer spre'u gsang nas// chos dbyings snying po 'dus ma byas kyi lha khang du phyin pas// ka dag ye gdangs kyi lha dang 'phrad pas// dngos med rnam dag ka dag zang kar 'gyur// rig yid sems blo dran rtog dang dngas snying po ma dang phrad// 'khrul pa rtsad nas bcad// ye shes rang sa zin/ snang ba rang sar grol// snying po klong nas shar// yes dbyingasu thim// 'gyur med rgya yi the bras/ dug gsum sdong po tshong// 'gro drug g.yang sa bcang // 'khor ba dang nas sbugs// sring ba ru nas bzlog/ nor bu rim chen rnyed// sun ru ma nang du nyi zla shar// dug la sngags thebs gser 'gyur rtsi dang ldan
- 116a
@zas kyi bcud 'thungs bde chen klong du nyal// nor gyi dbyigs rnyed zad med gter la sbyod// ka dag don rtogs 'gro drug g.yang sa bcang // dngos med gdeng rnyed sangs rgyas 'khor ba med// rangs rang grol chags sdang ming yang med// yid sems gzung 'dzin dgag bsgrub dbye gsal med// dgra gnyen phyogs ris spong len rtsis gdab med// dug lnga rtsad gtsang 'khor ba'i ming yang med// zhe 'dod bya btsal rtsad gtsang 'bad rtsol med// ces gsungaso// ye shes 'char sgo brdar bstan pa'o// nam mkha' klong yangs kyi rgyud las// gsang sngags brdas bstas bstan pa'i le'u ste bcu pa'o// / de nas rdo rje sems dpa' yis// gsang ba'i bdag po la zhus pa// rnam dag lta sgom mi 'tshal lam// zhes zhus pa dang // ston pas 'khor la bka' stsal pa// dngos med ka dag rtogs pa na// lha bsgom spyod 'bras blo yi yul// zhe 'dod bsam spyod pa yid smon// rnal 'byor ma bsgrub med las 'das// ka dag tshig med brten ma da la// zhe 'dod phyogs cha'i lta ba med// dngos med 'gyur med rtogs med la// 'gyu ba bsam dmigs bsgoms pa med// zad ka so ma rang lugs la// phyed byas brtsol bsgrub bya brtsal med// gdong nas ye gnas bsgrub med la// re dogs yid smon 'bras bu med// dngos med ka dag gcig rtogs na/ lta bsgom spyod 'bras ming yang med// ces gsung so// namakha' klong yangs kyi rgyud las// dngos mang rtogs na lha bsgom skyong 'bras mi dgos par bstan pa'i le'u ste bcu gcig pa'o// / de nas rdo rje sems dpa' yis/ bcom ldan
- 116b
gsang ba'i bdag po la// chos rnams go bzlog ji ltar bzlog/ ces zhus pa dang / ston pas 'khor la bka' stsal pa// chos rnams go bzlog ma bshad na// ka dag sangs rgyas ga la 'thob// der chos rnams go bzlog bshad// 'khor rnams ma yengs gus pas nyon// snying po bcud spungs klong yang su// rtsal zer ma 'gag go bzlog la// snang srid 'khor 'das 'u ba chu do// ngo 'phrang dbyer med ka drag grol// dgu rtsi spyi ti'i go bzlog ni// theg pa'i chos rnams go bzlog la// chos las 'das pa ka dag rtogs// gzhan dag 'khrul gzhi kun gzhir 'dod// kun bzhi go bzlog rlung yino// 'khrul chu ma rig yin par 'dod// ma rig go bzlog rig pa yin// dug gsum go bzlog sku gsum yin// mun pa go bzlog gsal dag rtogs// 'khrul pa go bzlog 'char sgo rtogs// ma rig go bzlog ka dag rtogs// 'khrul snang go bzlog 'od snang rtogs// rtsang chod rang grol rang sangs rtogs// sen go bzlog sangs rgyas rtogs// 'khor ba go bzlog myang 'das rtogs// go bzlog gdams pa gsum du bshad// chos rnams bor bas ka dag rtogs// sems can las 'das pa'i dngos med rtogs// sna tshogs ming med blo 'das rtogs// ces gsungaso// nam mkha' klong yangs kyi rgyud las// go bzlog rtogs par bstan pa'i le'u ste bcu gnyis pa'o// // de nas rdo rje sems dpa' yis// bcom ldan gsang ba'i bdag po la// dug lnga rnga log ji ltar rtogs// ces zhus pas/ ston pas 'khor la bka' stsal paM// dug lnga rnga log sku lngar
- 117a
'gyur/ gti mug dza log chos skur 'gyur// zhe sdang rnga log longs skur 'gyur// 'dod chags rnga logs sprul skur 'gyur// nga rgyal rnga log dbyer med sku// phrag dog bya log brjod med sku dug lnga dza log sku lngar 'gyur// ces gsung so// na mkha' klong yangs kyi rgyud las// dug lnga dza log bstan pa'i le'u ste bcu gsum pa'o// / de nas rdo rje sems dpa' yis// bcom ldan gsang ba'i/ bdag po la// thams cad la ni gang du zla// ces zhus pas// ston pas 'khor la bka' stsal pa// snying po chos dbyings klong yang su// ma 'gag rtsal zer ji snyed pa// ma lus 'ub chung snying por 'dus// ka dag zang ka dngos med du// snang srid 'khor 'das rtag chad rnams// gang la'ang mi 'gyur rtsis gdab med// yid sems blo yi 'dzin rtogs med// ma lus rin po blo las 'das// sangs rgyas ka dag dngos med pas// gzhan rnams med par la zla'o// sangs rgyas sku dang ye shes med// sems can lus dang bag chags med// sku lnga rigs lnga drug lnga med// 'khor ba mya ngan 'das byang chub sems// 'khor ba'i chos la lta ci smos// lta bsgom spyod pa 'bras bu dang // 'dul sdom bslab pa dam tshig med// phar phyin lam lnga sa bcu med// thams cad 'dod med zad kar 'anga'o// ces gsungaso// nam mkha' klong yangs kyi rgyud las// thaMd la zla ba'i le'u ste bcu bzhi pa'o// / de nas rdo rje sems dpa' yis// ston pa gsang bdag chen po la// mdo don gcig tu ji ltar bsdu// ces zhus pas/ ston pas 'khor la bka' stsal pa/
- 117b
ma phye ma bkol snying po'i klong // snang btags bzung zhen ji snyed kun// snying po chos nyid klong du 'dus// dngos po thams cad dngos med klong du 'dus// snang srid 'khor 'das gnyis med klong du 'dus// mtshon brjod btags chags mtshon med klong du 'dus// lha bsgom grub mtha' blo 'das ngang du 'dus// tshig tshogs rgya mtsho brjod med gcig tu 'dus// 'bras bu thad ka ngag gcig tu 'dus// dgongs pa brgyad khri bsams 'das dang du 'dus// ces gsungs so// na mkha' klong yangs kyi rgyud las// mdo don gcig tu 'dus par bstan pa'i le'u ste bco lnga pa'o// / de nas rdo rje sems dpa' yis// ston pa gsang bdag chen po la// snying po bcud 'di gang du spungs// ces zhus pa dang / ston pas 'khor la bka' stsal pa// mkha' dbyings 'od gsal klong chen du// rang byung rtsal zer yan lag ma lus srungs// ka dag dngos med zad ka chen po ru// snang sring 'khor 'das yod med rtag chad srungs// yid gdangs gsal la dngas pa'i klong chen du// rang byung dang dngas chen po bcud srung so// snying po chos nyid kun bzhi'i klong yangasu rtsal zer sna tshogs ma 'gag bcud srungaso// rang byung rang sar brlag par bcud srungaso// rang dang rang sangs chen por bcud srungaso// yid sems gang la 'dzin med bcud srungaso// ka dag zang ka chen por bcud srung so// shes rig gang la'ang mi 'jug bcud srungs// yid gnyis gzung 'dzin gnyis med bcud srung so// ces gsung so// na mkha' klong yangs kyi rgyud las// snying po'i bcungad spungs pa'i le'u ste bcu drug pa'o//
- 118a
de nas rdo rje sems dpa' yis// ston pas gsang bdag chen po la// nam mkha' klong yangs dpe ji ltar bstan// ces zhus pa dang / ston pas 'khor la bka' stsal pa// snying po ka dag dpe med kyang // 'khor gyi rtogs pa gsal phyir bstan// 'khor rnams ma yengs gus pas nyon// sems kyi dpe ni nam mkha' bstan// nam mkha' mtshon pa kun dang bral// nam ni skye ba med pa yin// kha ni 'gag pa med pa yin// skye 'gag gnyis med na mkha' de// snying po chos nyid klong du 'dus// nam mkha' phyogs ris kun dang bral// na mkha' ces ni mtshon pa yang // ma rtogs blo la mtshon pa yin// nam mkha' tha snyad kun dang bral// skye ma myong la 'gag ma myong // gnyisu ma chang gcig ma myong // mtshon du med pas mtshon las 'das// snang med mi snang ba las 'das// ming 'dogs med pas btags chags 'dus// ming med tshig tu brjod las 'das// na mkha' de ni bskal ba nas// bskal pa'i bar du yod ma myong // med ma myong la stong ma myong // snang ma myong la gsal ma myong // bzang ngan bde dang sdug ma myong // 'khrul dang 'khor dang rgyas ma myong // mi rgyas ma myong na mkha' ni// kha dog phyogs mtshams brjod las 'das// de bzhin sems nyid ka dag de// tha snyad mtshon tshig blo las 'das// klong yangs zhes bya'i dpe yis ni// zhe 'dod brten med lta ba'i klong yangs so// yid rig gang la'ang mi rtog bsgom pa'i klong yang so// sna tshogs yul la ma chags spyod pa'i klong yang so// ka dag blo las 'das pa'i 'bras bu'i klong yang so// g.yo 'gul dran rtog mi/
- 118b
'gyur dgongs pa'i klongs yang so// dbye gsal med pa shes rab klong yang so// bsrung ba med pas dam tshig klong yang so// bya btsal med pas 'phrin las klong yang so// spyad du med pas sa yi klong yang so// bsgro du med/ pas lam gyi klong yangs so// chos rnams dbyer med snying po'i klong yang so// thog ma med nas tha ma da lta'i bar// dngos med rnal mar rgyun tu gnas pa'i phyir// dus gsum kun tu 'pho 'gyur med pa'i phyir// snying po bcud spungs nam mkha' klong yang so// ces gsung so// nam mkha' klong yangs kyi rgyud las// rgyud kyi mtshan ma bstan pa'i le'u ste bcu bdun pa'o// / de nas rdo rje sems dpa' yis// ston pa gsang ba bdag po la// theg pa brgyad khri bzhi stong gang du 'dus/ ces zhus pa dang // ston pas 'khor la bka' stsal pa// spyi ti yo ga'i theg pa ru // theg pa brgyad khri bzhi stong 'dus// mi 'gegs mi spyod ma bsgyur bar// chos sde brgyad khri bzhi stong 'dus// gzung 'dzin rten 'brel yul sems dang // bden gnyis med pas mtshan nyid 'dus// ngag gsum skye 'gag rtse gnyis med// phyi rgyud sde gsum theg pa 'dus// nang stong dbyings dang ye shes med// rang byung ye shes snang ba 'di// chos skur 'dod pa med pa yi// bskyeng rdzogs rnam gsum theg pa 'dus// rim dgu sbyi tI yo gar 'dus// ces gsungaso// na mkha' klong yangs kyi rgyud las// spyi ti yo ga'i theg pa brgyad khri bzhi stong rdzogs par bsdus par bstan pa'i le'u ste bco brgyad pa'o// / de nis rdo rje sems dpa' yis// ston pa gsang ba'i bdag pon
- 119a
rgyud 'di'i mtshan ni ji ltar gzung // ces zhus pa dang / ston pas 'khor la bka' stsal pa/ snying po'i klong du gdams pa'i bcud// spungs pas snying po bcud spungs rgyud// skye 'gag med pa'i nam mkha' la// 'pho 'gyur g.yo rtsol bro las 'das// nam mkha' klong yangs rgyud du bzung // theg pa'i bcud rnams 'dus pa'i phyir// bcud 'dus smr-i ti yo gar bzung // ces gsungaso// nam mkha' klong yangs/ kyi rgyud las/ rgyud kyi mtshan ma bstan pa'i le'u ste bcu dgu pa'o// / de nas rdo rje sems dpa' yis// ston pa gsang ba'i bdag po la// rgyur 'di gtang ba'i gnad ni gang // ces zhus pas/ ston pas 'khor la bka' stsal pa// rgyud 'di gtang pa'i skal ldan ni// na mkha'i blo la nyi zla'i sems// ngar kar rgyud la ri bo'i blo// ral gri'i shes rab rgya mtsho'i thugs// bla ma la gus snying rje che// dam tshig zung babyung rnam ldan la ma// rnaM mas pa chung sa gtang bang po// sman dag gas thab skyed lam yang sa// daM ts+tsha \u0f89\u0fa4 la rgyu 'jig da// rgyu yang rgya la ngomatshig sod// che das dpe rmad grags tshang / kha bsags g.yo gyu thabs kyis 'brel// ma 'chang zong 'tshong da lta ste// khrel med g.yo sgros 'brel pa la// yul lnga ster yang ma byin cig/ de lta bu la byin gyur na// gnyis ka dmyal bar skye bar 'gyur// ces snod kyi khyad par gyi rim pa bstan pa ste le'u nyi shu pa'o// / snying po bcud spungs na mkha' klong yangs kyi rgyud rdzogs// / skyon gu ru 'ad+mas bshad// lo tsha bkab
- 119b
dpal rtsegs kyis bsgyur zhing / zhus nas gtan la phab pa// khri srong lde btsan la gtad// spel ba'i gnas med pas// gter du sbas/ gter N+ya/ zab rgya/ skas rgya/ mnga' bdag nyang ral pa can gyi gter nas gdan drangs pa'o// / thugs kyi yang snying dgongs pa'i bcud 'dus nyi zla 'bar ba'i rgyud bzhugs// / rgya gar skad du/ tsi ta u pa hr-i da ya ta ra sa la raM pa ra gu h+ya ar tha ra/ sa pin du/ a bI d+ya d+ha ra sa sUr+ya tsan tra dz+wa la tan tra/ bod skad du/ thugs kyi dgongs pa'i bcud 'dus pa// ka dag rnams kyi gsang don bcu du dril pa// ma rig mun sel nyi zla 'bar ba'i rgyud// ye nas thog ma'i sangs rgyas 'od gsal dang dngas la phyag 'tshalo// 'di skad bdag gis go zhing rtogs pa'i dus gcig na// chos nyid kyi klong / dbyings kyi stong ra// mkha' klong rnam par dag pa'i gnas// 'dod pa sna tshogs gcig tu 'dus pa// rin po che spungs pa'i rnam par dag pa'o// bsam gyis mi khyab pa'i dkyil 'khor rgya yongasu ma chad / phyogs gang du yang ma lhung // bsgrib pa med pa/ rang bzhin gyis 'od gsal ba// dbyings rnar dag pa'i mkha'/ snang srid skyo 'gro thad bsdud pa'i gnas de na// ye thog ma'i sangs rgyas 'od mi 'gyur ba'i rang bzhin// kun tu bzang po zhes bya ba bzhugaso// de'i tshe rang 'byung gi ston pa'i 'khor 'di lta ste/ rnam par dag pa bde gsal gyi 'od khang na// rang gsal sems rdo rje la// rang thung gi 'khor dang / rang gsal sems kyi 'khor dang // dran rtogs zla'i la bor dang / rtsal zer bu'i 'khor 'di lta ste/ 'od gas la rin po che'i dkyil 'kho na