de bzhin gshegs pa thams cad dgongs pa khro bo 'dus pa'i rgyud ces bya ba
Sarbatathāgatāśayakrodhasamudāyatantranāma
Text
ff. 270a–281a · 23 folio sides
- 270a
'gyur// de 'og rnam pa lnga ru 'gyur// gzas pa gshed ma'i tshogs kyis gang ba ni// 'byung ba lnga 'khrug sdug bsngal nyams su myong // ma bcos rang byung snying po len par sems// gsang ba bzlog med ze'u rang rgya ru bstan/ bse dung lcags dang gsum gyi le'u ste brgyad pa'o// // @#// rgya gar skad du/ sarba ta thA ga tA sha ya kro d+ha sa mu dA ya tan+t+ra nA ma/ bod skad du/ de bzhin gshegs pa thams cad dgongs pa khro bo 'dus pa'i rgyud ces bya ba/ bcom ldan 'das dpal kun tu bzang po he ru ka la phyag 'tshal lo// de nas bcom ldan 'das chos thams cad kyi rang bzhin de kho na nyid ye shes chen po'i ngo bo/ sku gsung thugs lhun gyis grub pa// rdo rje'i bdag nyid/ ye shes thugs rje'i rol pa// gnyis su med pa'i thig le/ yongs su bkod pa'i snying po// thams cad nas thams cad du khyab gdal te// mi skye mi 'gag nam mkha'i ngo bor ye nas sangs rgyas pa/ cis kyang btsal du med pa// mi 'gyur ba 'gyur ba med pa// ma bcos pa bcos pa med pa// mi snang ba snang ba med pa// ma grub pa bsgrub tu med pa/ gnyis su med cing tha mi dad pa/ thams cad so so ma yin pa'i sangs rgyas de nyid/ nyid la nyid gsung du med pa'i dgongs par chos thams cad 'dus par gsungs te/ chos thams cad
- 270b
brjod du med cing brjod pa las 'das pas/ 'das pa'i sangs rgyas thams cad ni chos nyid ma skyes pa'i rang bzhin du 'dus so// chos thams cad bsam du med cing bsam pa las 'das pas/ da ltar gyi sangs rgyas thams cad ni byang chub kyi sems bde ba chen por 'dus so// chos thams cad 'gyur ba med cing 'pho 'gyur las 'das pas/ ma byon pa'i sangs rgyas thams cad ni/ yid rang byung gi ye shes btsal ba med par 'dus so// dus gsum gyi sangs rgyas thams cad mnyam pa nyid spros pa med pa'i thig le chen por 'dus so// de nas phyogs bcu'i dus gsum gyi sangs rgyas thams cad kyi rang bzhin de/ mtshan ma dngos po thams cad la ye nas 'di 'dra bar grub cing rtag pa med la/ thams cad chos nyid du sangs rgyas pas/ stong zhing chad pa ma yin te/ thams cad chos nyid bde ba chen po'i ngang du sangs rgyas pas/ skye 'gro ming dang gzugs thams cad ye nas phyogs dang ris/ dbyibs dang kha dog gang du yang grub pa med de/ thams cad ye shes chen po'i rang bzhin du sangs rgyas te/ chos kyi sku'i rang bzhin gnyis su med pa'i byang chub sems/ ye nas sus kyang ma byas ma btsal ba'i don/ nam mkha' bzhin du ye nas gnas te/ ji ltar 'dul ba'i don la ji bzhin par gnas so// de yang sems kyi mtshan nyid so sor 'dzin pa'i
- 271a
don gnas skabs kyis mdzad de/ yang dag par na sangs rgyas kyi sku gsung thugs kyi mdzad pa ni/ chos kyi sku dus gsum du 'pho 'gyur med pa/ ma bcos pa'i chos nyid/ ma bslabs pa'i ye shes/ thams cad byang chub sems kyi rang bzhin du sangs rgyas par mdzad de/ byang chub kyi sems cir yang ma yin pa nyid/ rang bzhin du lhun gyis grub ste btsal ba med pa'i dgongs par 'dus so// mi zad pa rgyan gyi 'khor lo// sku gsung thugs chos sku 'gyur ba med pa/ brjod pa med pa gsung mi mnga' ba/ rnam par mi rtog pa'i ye shes kyi dgongs par 'dus so// chos nyid dus gsum du 'gyur ba med de// dbus dang mtha' mi dmigs pa/ spros bral ye shes kyi snying por/ sems kyi rang bzhin cir yang mi snang zhing / cir yang mi 'gyur ba'i dgongs pa dang / lhun gyis grub par gnas pa la/ byis pa'i spyod pa lta bur byar med de/ ma spangs rtog pa med par longs spyod pas/ skyon med bde ba chen po zhes bya ba'i dgongs pa dang / chos thams cad sku dang ye shes kyi rang bzhin gyis/ sems nyid dkyil 'khor chen por lhun gyis grub pa'i dgongs pa dang / skye ba med pa'i chos kyi dbyings las sems kyis dbang sgyur bas/ rang rig pa'i rtsal dbang thob pa'i dgongs pa dang / chos thams cad nam mkha' lta bu la bsrung ba dang mi bsrung
- 271b
ba'i phyogs dang bral ba ste/ don chos nyid nam mkha' lta bu las mi 'da' ba'i dgongs pa dang / dngos grub chen po rang gi sems nyid de// dgos 'dod 'byung ba'i rin po che ltar du/ ji ltar dmigs shing bsgyur bas 'grub pa/ bsgyur ba'i don thams cad rdzogs pa'i dgongs pa dang / phrin las rnam pa bzhi la sogs pas gang la gang gis 'dul bar ston pa ni/ sangs rgyas kyi phrin las thams cad rdzogs pa'i dgongs pa'o// de lta bas na dus gsum gyi de bzhin gshegs pa thams cad kyi thugs kyi dngos gzhi ma bcos pa'i de kho na nyid du 'dus/ khams gsum dang dus gsum gyi sems can thams cad kyi sems kyang de kho na nyid du 'dus/ 'jig rten gyi dregs pa can thams cad kyi srog kyang dngos gzhi ma bcos pa de kho na nyid du 'dus pa thams cad kyang dgongs pa 'dir 'dus so// de la ched du brjod pa ni// e ma ho// sems nyid kun tu bzang po yi// byas pa med par sna tshogs 'grub// ma brjod sgra skad cir yang sgrog/ ma spyad rol pa rgyan du shar// srid gsum rnam dag lhun gyis grub// kun la khyab pas nam mkha' ste// sna tshogs 'byung ba rig pa'i gter// gting dpag dka' ba rgya mtsho'i klung // bde gshegs dgongs pa 'dus par bshad// ces gsungs so// de bzhin gshegs pa thams cad kyi dgongs pa khro bo
- 272a
'dus pa'i rgyud las le'u dang po'o// // de nas bcom ldan 'das chos kyi rang bzhin de/ ye shes chen po'i rol par shar bar mkhyen nas/ sku gsung thugs mnyam pa nyid mi dmigs par mdzad de/ ched du brjod pa/ ma nor ma bcos de bzhin nyid// mi gnas mi rtog bsam dang bral// ma chags chags bral yul las 'das// cir yang ma yin cir ma yin// rang byung rang zhi brjod dang bral// rnam par mi rtog ye shes kyi// rtog pa'i dngos po zil gyis gnon// stong pa'i go cha bla na med// skye med sems nyid yi dam lha// zhes gsungs so// chos sku skye 'gag med pa las// ye shes chen po rol pa'i sku// dngos med rtog pa zil gyis gnon// mthing nag zhal gsum phyag drug ste// rnam par thar pa'i dbu gsum gyis// srid pa gsum po sgrol bar mdzad// pha rol phyin drug phyag mtshan ni// 'khor lo ral gri rdo rje dang // be con gtun shing sdigs mdzub 'bar// rgyud drug gnas pa'i log lta sgrol// tshad med bzhi dang rdzu 'phrul rkang // skye ba rnam bzhi stong bdag med// glang chen ko rlon gos su gyon// zhing lpags g.yang gzhi ya bas bskor// stag gi pags pas sham thabs byas// skam rlon thod pas rgyan du byas// rigs bzhi'i klu dang sa bdag gnyen// dregs pa brgyad po phyogs mtshams bsnol// ma he glang po
- 272b
brdzis pa la// nyi zla pad+ma'i gdan la bzhugs// sems nyid yi ge'i rang bzhin te// rgyal ba'i sku nyid yin par bshad// khyab bdag ye shes lnga yi bdag/ dbu la rdzogs pa'i rigs lnga'o// yum ni dmigs med chos kyi dbyings// gnyis su med par sku la gnas// oM ya mAn+ta ka hUM/ 'di ni gsang sngags rgyal po ste// khro bo de nyid 'bar ba yin// a kro te ka ya mAn+ta ka/ skye med ye shes khro bo'i sku// gshin rje gshed po bgegs kyi rgyal// 'gyur med rdo rje'i sku ru gyur// kra sha kA la rU pa/ nag po chen po 'jigs byed gzugs// 'gag pa med pa rdo rje'i gsung / hrIHSh+T+r-i ya ma ye/ mi rtog ye shes chen po'i ngang // rdo rje'i thugs nyid brtan par mdzod// rtog med rang bzhin 'od gsal lo// chos kyi dbyings las ngo bo'i sku// gshin rje gshed nag lhun gyis grub// hrIHbadz+ra kro ta h+ya grI wa pad+ma ta kr-ita rA ga tsan d+ha// chos rnams ma 'dres so/ sor rtog/ 'du shes phung po pad+ma'i gsung // ha ya gr-i wa rta mchog dpal// chags med sku mdog dmar po la// spyi gtsug rta mgo ljang zhur 'tsher// bde gshegs gsung gi ngo bo nyid// badz+ra pa Ni tsaN+Da ma hA ro Na// chos rnams me long lta bu yi// rnam shes phung po rdo rje'i thugs// lag na rdo rje khro bo'i rgyal// bai DUr sngon po'i mdog 'dra la// khros pas mthing nag 'jigs pa'i sku// bde gshegs thugs kyi ngo bo
- 273a
nyid// badz+ra ki li ki la ya pa ra bi d+hAn+da// bya ba thams cad grub pa yi// 'du byed don grub rnam pa ni// las kyi rgyal po he ru ka/ badz+ra ku mA ra yi sku// ljang nag chen mo 'jigs pa'i sku// brda gshegs phrin las ngo bo nyid// ye shes lhun gyis grub pa ni// phyag rgya rdzogs pa'i rgyal po'o// ma bcos mi 'gyur chags pa med// kun 'byung bya ba byed pa yi// rigs kyi bdag po kun 'dus pa// sku lnga lhun gyis grub pa'o// dpral bar gyad gnon khyung gnyis ni// spu dang gshog pa mtshon cha me// khyung gi kha nas lce 'bar bas// gdug pa gzir dang rlog par byed// seng ge ral pa sprug pa gnyis// kha nas rdo rje mang po 'phro// bar mtshams med par gdug pa 'joms// stag chen rngams shing 'phyo ba gnyis// kha nas ral gri 'bar ba 'phro// ma lus gshog dang gtub par mdzad// sbrul gdug 'bar ba nag po la// kha nas me 'bar 'chub cing bsreg/ ce spyang mthing skra 'bar ba la// zhal nas lcags kyus 'gugs shing sgrol// thams cad zil gyis gnon pa ste// rang snang dbyer med rdo rje'i sgra// rnam dag bsod nams rgyan gyis brgyan// dpe byad 'bru bkod bltar mi ngom// sku lnga mchog ste khyod la 'dud// rnam par dag pa nam mkha'i dbyings// ci gsungs sna tshogs sgra rig mkhyen// bsam 'das brjod med rdo rje'i gsung // gsung lnga
- 273b
mchog la phyag 'tshal 'dud// rdo rje gsang ba nam mkha'i thugs// mnyam nyid mi g.yo so sor gsal// kun rig snying po ye shes mchog/ thugs lnga'i mchog la phyag 'tshal 'dud// yid bzhin nor bu chen po ste// mkhyen pa'i ye shes rang rig 'bar// mgon po yon tan bsam las 'das// lhun gyis grub mdzad khyod la 'dud// mi mdzad pa nyid mdzad pa che// ma chags chags bral 'dod chags mdzad// thams cad ma lus sgrol ba yi// phrin las mchog la phyag 'tshal 'dud// ces sku gsung thugs yon tan phrin las lnga rang la rdzogs shing ched du rang la bstod pa mdzad do// de bzhin gshegs pa thams cad kyi dgongs pa khro bo 'dus pa'i rgyud las le'u gnyis pa'o// // de nas bcom ldan 'das chos thams cad ye nas lhun gyis grub par mdzad de/ e yaM raM baM laM zhes ched du brjod do// e stong nyid ye shes rdo rje'i sku// nyon mongs zhe sdang 'joms mdzad pa// nam mkha'i rang bzhin rdo rje nyid// cis kyang mi chod mi shig pa// gdod nas ma skyes sems nyid do// yaM gi ye shes las byung ba// gtum khro phrag dog 'joms mdzad pa// sra mkhregs dong tshe rnam rtog 'thor// raM gyi ye shes las byung bas// srad 'dzin 'dod chags 'joms mdzad pa// kun tu me 'od 'bar dang 'phros// 'du klong 'khyil bas 'khrigs pa'o// baM gyi ye
- 274a
shes las byung ba// dregs pa'i nga rgyal 'joms mdzad pa// chu rgod sbyin zang 'khrugs pa yi// mtshan ma'i rtog pa 'joms par byed// laM gyi ye shes las byung ba// rmongs pa'i gti mug 'joms dzad pa// sra mkhregs brtan pa rdo rje che// rdo rje 'od phung 'khrigs pa yis// rmongs pa'i mun nag chen po 'joms// 'byung ba chen po bcom ldan 'das// kun la rang bzhin gnas pa de// lhun gyis grub pa'i ye shes kyis// gur ram ra ba spyil po'i tshul// cis kyang mi tshugs cis mi shigs// 'byung ba lus kyi dkyil 'khor ni// ye shes chen po'i rang bzhin gyi// rdo rje'i go cha rab tu sra// skye med nam mkha'i cho 'phrul las// 'gag med 'byung ba lhun gyis grub// thams cad skyed pa yul nyid klong // rten du gyur pa sku dang gnas// gnas tshogs 'byung ba rig pa'i gter// nyon mongs 'joms pas ye shes te// rnam rtog gcod pas 'khor lo'o// gcod dang 'dral bas mtshon cha yin// snang tsam nyid na rang bzhin med// bden pa dbyer med nam mkha'i ngang // snang srid sku gsung thugs nyid de// rnam pa rkang pa 'di med pa'ang snang ba dbyer med nam mkha'i ngang // de yi rang bzhin de nyid do// zhes gsungs so// de bzhin gshegs pa thams cad kyi dgongs pa khro bo 'dus pa'i rgyud las le'u gsum pa'o// // de nas bcom ldan 'das ye
- 274b
shes chen po'i rol pa/ yi ge rnam par 'phrul pa sku gsung thugs rdo rje brjod pa/ gsang sngags don ni lam yin te// skyabs par byed pa las su 'gyur// de phyir skyes bu chen po'o// thugs las mgur gyi bum par gril// zla kham dkyil nas ljags rtser bkram// zhal dang sku yi rnam pa las// kun la khyab par shar ba po// sku dang gsung thugs lhun grub pa'i// phrin las rol pa chen po ste// bde gshegs spyi dril snying po'o// thog mar 'byung ba'i yi ge lnga// mkha' ltar dag pa sems kyi dbyings// chos kyi 'byung gnas chen po ste// drag po dbang sdud yi ge dag/ gsang sngags rgyal po dbu la bzhag/ g.yo ba rlung la sreg pa me// sdud pa chu yin sra brtan sa// 'byung lnga'i dbyings nas blangs nas kyang // gsang sngags phreng ba'i gral la bzhag/ kun gyi mchog tu gyur pa ste// khong nas 'byung ba'i yi ge dang // skyes bu can gyi rang bzhin dang / de bzhin snyan dang shangs dang tshems// 'byung ba'i yi ge klod pa'i 'bru// sna ldan yig 'bru gral gnas pa'o// de 'og 'gyur gyi yi ge lnga// bya ba'i yi ge khyab byed dang // don du 'gyur dang gnas pa yi// 'dzin pa med pa'i sgo dag go/ de 'og char pa med pa dang // rgyu rkyen med dang rkyen dang bral// bslang ba med pa'i yi ge'o// dbyangs dang sgra yi dbyings nas blang // de 'og sku yi yi ge yang // gshin rje
- 275a
gshed nag thugs las bslang // de bzhin gsung gi yi ge yang // gsod byed rngam chen zugs nas blang // thugs kyi yi ge'i phreng ba ste// rdo rje 'jigs byed thugs las blang // rim pa bzhin du gral la gzhag/ de 'og gsum tshan gsum yin te// gnang dgu 'joms pa gral la bzhag/ gsang sngags rgyal po brgyad gnyis po// pad+ma 'khyil pa'i ga'u nas// blangs te gral la gnas pa'o// thugs kyi yi ge 'bru bcu ste// rdo rje gtum po'i thugs las blang // de 'og zil gyis mnan pa ste// 'bar ba bya khyung thugs nas sbrul// de 'og gsang sngags 'bru brgyad de// gshin rje'i rgyal po las kyi bdag/ phrin las thams cad byed pa'o// de rjes phrin las rdzogs pa'i sngags// las mchog rgyal po'i thugs las blang // mthar ni mtshon cha me dpung sngags// 'dren pa stobs kyi drag sngags te// gsang sngags rgyal po brgya dang bcu// sngags kyi yan lag bzhi ldan pas// gsung gi cho 'phrul sgra bsgrags pas// sku bskyed srog gi ngo bo la// bsgrub dang thugs dang bskul ba dang // bsrung dang bsad pa gnad la dbab// yid bzhin nor bu lta bu yis// ma lus 'dus pa'i thig le'o// de bzhin gshegs pa thams cad kyi dgongs pa khro bo 'dus pa'i rgyud las le'u bzhi pa'o// // de nas bcos ldan 'das ye shes chen po'i
- 275b
rol pa la/ phrin las rnam par 'phrul pa brjod pa/ stobs bcu pha rol gnan pa yi// 'khor lo rim pa re mig bcu// bcu phrag bcu gcig khong mig can// bde gshegs khro bo 'dus pa yi// drag po sngags kyi grong khyer yin// thog mar nam mkha' rdo rje phreng // gnyis ni 'thor byed rdo rje la// gsum pa 'bar byed rdo rje yi// bzhi pa sdud byed rdo rje la// lnga pa sra byed rdo rje'o// drug pa skye med rdo rje yin// bdun pa rdo rje spyan du bshad// brgyad pa snyan la dgu pa shangs// bcu pa rdo rje 'bar ba tshems// yi ge'i phreng bas brgyan pa'o// mtha' nas dbus su sdud pa'i tshul// 'khrul 'khor rgyal po rnal ma ste// srog dang snying po ldan par bya// thems dang gzir dang ldan pas ni// sred med bu yang 'joms par byed// dregs pa gzhan lta smos ci dgos// dbus nas mtha' ru skyel ba dag/ las kyi 'khrul 'khor bzlog pa'o// lha rnams gnad la dbab pa'o// phyi dang nang du 'gro ldog lto// dkrug pa a ra la gtad pa yin// mu mtha' 'khor 'das dral bar byed// shi sa bstan pa zhes su brjod// rdo rje nas ni tshems kyi bar// 'bar ba'i 'khor los 'thub par byed// gsang ba bka' yi 'khor lo 'di// bde gshegs rgyal bas mi theg na// bdud dang mu stegs la sogs pa// 'jig rten gzhan dag lta ci smos// 'khor lo'i rgyal po 'di dag
- 276a
gis// bsrung dang bzlog dang bshig pa dang // gsad dang stobs gnan gshed du dbab// dbye dang phral ba la sogs pa// las rnams ma lus 'grub par byed// de bzhin gshegs pa thams cad kyi dgongs pa khro bo 'dus pa'i rgyud las le'u lnga pa'o// / de nas yang bcom ldan 'das rol pa chen po'i phrin las/ gdug pa 'dul ba'i rnam par 'phrul pa ched du brjod pa/ bde gshegs spyi dril dgongs pa ste// sde brgyad kun gyi snying po yin// srin po gdug pa la sogs pa// mu stegs dregs pa rdzu 'phrul can// lha srin dregs pa ma lus 'joms// bram ze ngan sngags la sogs pa// thams cad bzlog cing bshig pa ste// rdo rje nang 'gras stobs 'joms pa// drag po sngags rgod las mchog 'di// yid 'ong bkra shis nyams dga' bar// dpa' brtul ldan pa'i sngags pa yis// mi shis pa yi sa gsum la// drag po las kyi maN+Dal bya// e nas bang rim gsum du bya// rdzas kyi rim pa 'di dag go// rten ni ling+ga ra rog dang // srin rdo cha la rten bcas te// las rnams so sor bya ba yin// gang yin brnag pa'i rdzas blangs te// dbang po dod cing tshad ldan la// ming rus snying po gdab par bya// tsa ra rog po dmigs pa'i rten// g.yas su pho rgyud bris pa gdags// de bzhin g.yon du mo rgyud do// spyi bor sngags pa bris
- 276b
la gdags// tshon gyi zag pas bcings pa dang // mgo dang g.yas g.yon rim par brag/ ka ra bI ra bal po se'u// bya ma pu rgya dza las bdug/ srin tshad dkar nag drag po'i mtshon// khrag dang dug chus ngar blud la// gang dgos phyi la dus su brdeg/ gang gnod sa nas rdzas blangs la// gzugs bca' ming dang ling+ga bri// zhing lpags rgyu la drag sngags kyi// 'khor los bris pa'i khung du dril// mon nam phag pa'i thod par mnan// gri lcags sher shing phur pa la// sme ba'i khrag gis ngar blud brdeg/ gang yin sa de der dmigs la// zhag grangs gsum du dmod pa dbab// gsal ba gsum dang ldan pa yis// sras mchog phur pa snying la gdab// dka' bar gyur na bdun bdun brdeg/ thon nas ling+ga mchod rten nam// mgon po byin can 'og tu mnan// zhe sdang drag sngags 'di dag brjod pa'o// che ge mo tri A kaR+sha ya dza/ snying la dun dun dza/ a mu ka myag rbad/ trig nan myog rbad/ u nan shag rbad/ sbur nan thum ri la rbad/ e hur bruM dza/ breng shag raM ya rbad e// nA ga srog breng breng dun dun dza dza/ a ya ma du ru tsa na sa/ ming dang rus su brdeg par bya// bsad pa las kyi spu gri 'di// bde gshegs nus pa dril pa'o// che ge mo trig nan/ nr-i hur bruM dza/ nr-i mA ra ya rbad/ nr-i myag bruM ri la/ mA ra ya rbad/ a mu ka staM b+ha ya tu badz+ra rak+Sha mA ra ya phaT/ a
- 277a
mu ka trig nan/ e hur bruM dza mA ra ya rbad/ myag zi ril mA ra ya rbad/ drag sngags nus pa dril ba'i mchog/ phrin las kun gyi rtsa bar gsungs// de bzhin gshegs pa thams cad kyi dgongs pa khro bopo 'dus pa'i rgyud las le'u ste drug pa'o// // de nas bcom ldan 'das rol pa chen po'i phrin las/ dregs pa can 'dul ba'i rnam par 'phrul pa brjod pa/ mi rtog dbyings las sku bzhengs pa// bcom ldan dpal chen gshin rje gshed/ mthing nag chen po 'jigs pa'i sku// dbu yi gtsug na 'bar ba khyung // phyag g.yas dregs pa lha ma srin// sde brgyad spyi yi rang bzhin te// las kyi gshin rje mgo dgu pa// phyag g.yon dregs pa de yi yum// lha mo nag mo dbu bdun ma// spyan ni sdang mig kun tu blta// zhal nas ha ha zhes sgrog pa// rdo rje'i sku dang yan lag rnams// klu rigs du mas brgyan par mdzad// chags med pad+ma rA ga'i mdog/ dbang gi rgyal po dpangs bskyed do// rdo rje drag po brjid pa po// phrin las rdzogs mdzad he ru ka/ gru gsum mthing nag 'bar ba'i dbus// bskal pa'i me dpung 'bar ba yi// gnyis med rol pa'i byang chub sems// sngags kyi 'phro 'dus gdug pa 'dul// dregs pa gzir dang byas pa bshig/ zhen bzlog gnas spor zug pa dbyung // bcings grol sde brgyad dkrug pa dang // rang gshed rang
- 277b
la dbab pa'o// zhes gsang sngags 'di dag 'thon te// oM a kro te ka ya mAn+ta ka nan ta kra shrI many+dzu ka la rU pa/ hrIHSh+ThI ti mu kha ye/ a che ge mo a/ I che ge mo I/ u che ge mo u/ u ne u ne u ne/ u u u/ sed+ha ye/ bya tsa ye/ du ru ye/ tsit+ta ye/ byi ta ye/ ha la ye/ che ge mo trig nan/ e hur bruM dza/ che ge mo myag bruM ril rbad/ e ka he tri ma he ka tri yaM he ka/ tsa dur thar ka/ b+hi sa ma dza ni dza sad ka ya ra hUM phaT/ bshig pa'o// ya ma e sarba bu ya tsit+ta sarba duSh+Tan u u rbad bu ma mkhas srog rtsa hu ra bruM dun he b+h+yo/ du na ma ma b+h+yo b+h+yo/ u ne u ne u ne/ staM pa ka ya mA ra ya phaT/ bzlog pa'o// he ya ma ma dza ra ma ma dza dza tig/ tsa ga me su nan dun/ dza dza tri tra tsa yak+Sha rbad tshil/ bu du na he ya ma snying to me/ hur hu ra dza dzaH/ s+pho b+ho sho ma rbad pu tsa du bya ne/ ma ne ya/ ma snying khrag du ti b+h+yo/ myag myag rbad/ sarba du stan li ti phyug/ bi ta phyung phu phaT/ phyung phyung / dbyung ba'o// sarba big+h+nAM bruM gzir zad/ tsit+ta ya ma rbad/ mi shig thig shig/ ku dun da dun b+h+yo/ dun d+hi sha b+hi ma rbad trig rna b+ho/ rgol ba'o// yak+ka snying kha rag dun dun/ rbad ru tra ra tra ma traM srog tri/ ma tra ru tra srog ma ma rbad/ nag po tsit+ta snying kha rag b+his sti dun dun rbad/ d+hing na b+his ma srog dun dun d+h+ri ga nan/ ma hA rA dza dun dun rbad/ ra tsa ha ti dun rbad/ tri dza ba la a shug me srog trig nan/ ra tsa bruM ril
- 278a
rbad/ tri tsi ran dun dun rbad/ he le hu le bai ril dun rbad/ srog trig nan rbad/ badz+ra sA d+hA ru tra dun dun rbad/ badz+ra sa d+hA a tri dun dun zad/ a ka sha a tra snying kha rag dun dun rbad/ a tra tsitra srog la mA ra yaM rbad/ tri na nan/ rA hu la ma ra tsa sha bruM ri la tsa pa ti rA hu la bya sha mi ka ma ra sha srog dun dun trig nan/ dug brag ni ro na ro ma du srog pa trig rbad/ ru lu ru lu bruM ri la rbad/ e du na sa nan/ dza ram sad ka ra ya/ ma mA ra ya rbad/ thun gzir/ thun b+h+yo/ rag mo ru tri mug/ dun dun rag mo ru lu tri mug che ge mo mA ra ya rbad/ khung tra dun dun k+She ma na g+h+ri ga nan/ shong khro mo ro ni mA ra ya rbad/ trag ma ma yak+Sha kha rag ru ru tri dun dun rbad/ ma ma lhag zhug/ ma bdun srog trig nan/ rbad bruM ri la/ dkrug dang ma gtang gshig la sogs// rang gshed dbab pa las kyis so// rgyal ba dgongs pa 'dus nas kyang // spu gri mngon par brjod pa'o// bsdeb kyi rgyal po las kun byed// yang na rang gnad stobs bshig pa// 'khor lo nyid kyis byed pa yin// gdeng chen gsum ldan dpa' bo yi// thams cad 'khor lo'i dbang du bskur// zhes gsungs so// de bzhin gshegs pa thams cad kyi dgongs pa 'dus pa'i rgyud las le'u bdun pa'o// // de nas bcom ldan 'das rol pa chen po'i phrin las/ drag po rnam par 'phrul pa brjod
- 278b
pa// drag pos bsad pa'i las dag ni// mnyan zhing gdug pa brag nag mtsho// srin po 'du dang gcan gzan gnas// phung shul dag tu bsgrub pa brtsam// drag po 'bar ba'i maN+Dal la// dme khrag dag gis byug par bya// a mu ka yi rdzas drug la// dug dang mnol khrag kha shog pa// mi rkang sha zan sgro rtsa yis// 'khor lo ling+ga bri bar bya// dur khrod ro yi gos la shis// e gnas gdug pa'i mtshon gyis bskor// nang du mon nam rabs chad mgo/ ling+ga byad thag gdags pa ni// 'khor lo dong rtsang mkha' la ldeng // mA ra ya yi ling+ga la// yig 'bru sum cu rtsa gnyis te// 'chi bdag gshin rje'i drag sngags rnams// lus gnad rtsa yi nang na gnas// des bskul gnas bzhir 'khor ba yis// rtsa bzhi bcad pas las su 'gyur// stong nyid ngang las gshin rje'i gshed// sangs rgyas thams cad 'dus pa'i sku// rigs kyi bdag po lnga ldan pa/ rdzogs par rang bzhin lhun gyis grub// ye shes dkyil 'khor spyan drangs bstims// rang snang dbyer med rdo rje'i sku// rdo rje'i sku lnga'i thugs ka nas// rang rang thugs mtshan yig 'bru la// rang rang sngags kyis bskor ba ni// byang chub lam gyi sgron ma yin// nag po dug gi mtshon cha yin// gri lcags sher shing phur pa la// sme ba'i khrag gis ngar blud la// gu gul yungs kar la sogs pas// gzi brjid
- 279a
'bar bar bya ba ni// sras mchog ya ma rA dza ste// sku stod khro bo chen po la// ral gri'i skra la phur pa'i so// spyan gnyis me yi tsha tsha 'phro// lag na ral gri'i sdigs mdzub 'bar// smad ni lcags phur zur gsum pa// mthing nag 'bar ba 'jigs par bsgom// de yi gsang sngags rgyal po 'dis// ya ma ra dzastaM kri ra ya// las kyi gshin rje thams cad kyi// srog gi ngo bo bsrung ba'o// rtsa ba drag po'i gsang sngags la// spu gri nyi ma bzhi pa yi// tshangs pa la sogs gnas rnams bod// 'khor lo rang gi rgyud las ldang // ya ma rA dza sa do me ya/ pra ma ya che ge mo klad khrag a mu kha myag rbad/ ya me do ru Na yo da ya/ rak+ta tsa ra ya che ge mo mgrin khrag trig nan myog rbad/ ya da yo ni ra ya k+She ya/ mur tsa ya che ge mo lte khrag u nan shag rbad/ yak+She ya ts+tsha ni rA ma ya/ mA ra ya che ge mo'i snying khrag sbur nan/ bruM ri la rbad/ nyi ma bzhi ru drang ba ste// thun du sngags kyi bar bar brab// nr-i mA ra ya rbad/ ma ra du ya ma snying ya ma khrag che ge mo'i srog rtsa nr-i hur bruM dza/ breng shag raM yaM rbad e/ lnga ru las kyis sbyar ba bya// mtha' brtul las la bcu gcig go/ thun bzung 'brub khung thun rdzas brab// mtha' ru phur gdab gzir byas te// ral pa tshal dgu'i lag tu gtad// lho phyogs 'on khyung rnying pa'am// yang na bka' rten byin can nam// byang du kha
- 279b
bltas chu brag 'thab// rgya gram lam mam 'jigs sar mnan// don yod grub pa'i pho brang gdab// 'khor los mtha' las btul ba yin// srog la ming rus rten la gdags// zhag grangs bdun gyi bar dag tu// ling+ga gsum la rim pas brab// lhad na las 'di 'grub pa yin// skad chen 'byin na drag tu brnag/ tha mar dgra bzlog chen po bya// ra bsgral khrag la zor byas 'phang // snying gshag nang du ling+ga gzhug/ khar btsang 'og khung dag tu gnan// yang na klu gnas sa ru gnan// brnag pa las kyi thun kha ste// bya ba sngas na dus min pas// bde gshegs bka' yi chad pa yis// rang gi rgyud kyang brlag byas nas// rdo rje dmyal bar 'khyams par 'gyur// bde gshegs sras mchog phur pa ste// dngas ma 'dus pa'i srog rten la// dkar nag mtshams su mA ra ya// dngas ma 'dus pa rtsa bzhi'i mdo// tsit+ta srog gi gzhi la gdab// 'od zer ze kha 'dus pa bzhin// phur pa nyid la 'dus pa las// khong seng byang chub sems brgyad nas// spyi bor phyung ste rang la bstim// tshe bkrag rang la bsdu ba'o// de ltar bstan pa'i ling+ga ste// gnan nam yang na bsreg par bya// de yi gsang sngags bstan pa'o// kI li kI la ya trig nan big nan/ snying gzer sbur nan nr-i hur bruM dza/ myag bruM ril rbad ya/ gnod gdug rnam gnyis gang yang rung //
- 280a
btab na lha yang brlag par byed// ces gsungs so// de bzhin gshegs pa thams cad kyi dgongs pa khro bo 'dus pa'i rgyud las le'u brgyad pa'o// / de nas yang bcom ldan 'das rol pa'i phrin las rdzogs par brjod pa/ chos dbyings skye ba med pa las// ye shes rol pa'i thugs rje yis// ye nas chos rnams skye med las// rtog pa'i dbang gis sdug bsngal ba// de dag bsgral bar bya/ ba'i phyir// 'phrul pa'i tshul du phrin las so// bde gshegs nus pa dril ba yin// gsang sngags rgyal po 'di nyid kyis// 'dod pa'i don kun bsgrub pa'o// bzlog dang dkrugs shing dral byed pa// 'di dag las kyi mtha' dag ste// gcod pa'i spu gri ldan pa yi// 'byung ba lnga yi lus ngag yid// bla gnas dgu 'joms tshul du bya// ma yengs srog gi ting 'dzin pas// bdag nyid sku lnga'i rang bzhin du// ye shes lha yi tshogs kyis gang ba yin// ting 'dzin dkyil 'khor mtha' yas mchog/ las su rung ba'i rnal 'byor pa// de yis mi 'grub gang yang med// ting 'dzin klong du su 'dres pa// bde gshegs rgyal ba de yin pas// sangs rgyas zhes pa gud na med// bstan pa stobs su gyur pa yin// bka' don las kyi mtshan ma dang // 'dod dang log par dam nyams pa// gnod sbyin gyur pa bsgral bar bya// bden pa'i don nyid ma
- 280b
mthong bas// lus ngag yid kyi 'du byed kyis// lus dang sems su snang ba'o// 'byung ba lnga la rten bcas nas// nyon mongs 'khrul pa snang ba dag/ rang las byung bas gshed du dbab// e yaM ra baM laM/ 'byung ba gshed du dbab pa'o// ra ka de ba mo ha/ dug gsum gnad la dbab pa'o// ra ka de ba na mo he na ma hi hi sha b+h+yo/ dug lnga gnad la dbab pa'o// kA ya wAka tsit+ta/ rbad rbad bruM ri la/ rbud rbud sad sad rbad nan/ srog la bruM ril b+h+yo nr-i dza rbad nan/ staM b+ha ya nan/ gsum drug dgu yi thu ril gyis// lus ngag yid gsum gcod par byed// spyi dang bye brag so so yi// sde brgyad la sogs dregs pa la// rang rang gshed du dbab pa'o// rig sngags la sogs gzhan gyis byas// bshig dang gshed du dbab pa dang // ngag gnan nus stobs dpral ba sogs// rgyab dang ldan pa las rim sbyar// dus gsum bde gshegs thams cad kyi// dgongs don khro bo 'dus pa yi// 'byung ba ye nas lhun grub pa'i// lus kyi rnam par snang ba 'di// rtog pa'i dbang gis 'dzin pa la// 'khrul pa'i dbang gis dngos por snang // yongs med ye nas mngon sangs rgyas// ye nas rgyal ba'i dkyil 'khor yin// rtog med ye shes gzhal yas khang // rdo rje phung po yan lag rnams// ye nas lhun grub rdzogs sangs rgyas// sku lnga'i rang bzhin ye shes sku// bskyed pa mi
- 281a
dgos rang bzhin gnas// bde gshegs sku gsung thugs su rtogs// rgya mtsho dngas pa'i gza' skar ltar// snang la rang bzhin med pa'o// thugs ni ye nas stong pa nyid// rnam par rtog med ye shes so// stong pa nyid kyi cho 'phrul ni// 'gro ba'i don la de bzhin gshegs// spyan drang mchod bstod byar med de// rang snang dbyer med spyan drang mchog/ gnyis med rol pas mchod pa yin// de nyid gus brtson bstod phyag go/ phrin las sna tshogs rol pa'i rgyan// mtshan mar snang ba'i chos rnams la// rol pa thabs kyi bye brag rnams// gnyis med 'bras bur rgyas btab nas// ma 'byung klong na rdzogs pa che// zhes phrin las thams cad rdzogs par brjod pa'o// de bzhin gshegs pa thams cad kyi dgongs pa khro bo 'dus pa'i rgyud las le'u dgu pa'o// // bde gshegs rgyal ba'i dgongs don khro bo 'dus pa'i rgyud ces bya ba rdzogs so// bde gshegs rgyal ba'i dgongs don zhes bya ba/ dgongs pa spyi dril gyi rgyud/ bal yul gyi rgyal po ba su d+ha ra dang / rdo rje yang dbang gter gyis b+ha ra sa'i brag phug tu/ bsgyur zhus gtan la phab pa'o// sngags dang mtshon cha bka'i bdag po gsum gyi rgyas btab nas bzhag pa'o// rgya rgya rgya/ sa ma ya//