drag sngags mtshon cha nag po'i rgyud
Rudramanrapraharaṇakālatantra
Text
ff. 73b–80a · 14 folio sides
- 73b
rgyas ye shes rin po ches bskur ba'o// sa ma ya// rgya rgya rgya/ @#// rgya gar skad du/ ru dra man+ta pra ha ra Na ka la tar+tha/ bod skad du/ drag sngags mtshon cha nag po'i rgyud/ dpal gshin rje gshed po la phyag 'tshal lo// thams cad gsum ldan bde ba yis// zungs thub mtshan ma kun spangs shing // yon tan ma lus kun ldan pa// bde ba chen po khyed la 'dud// 'di skad bdag gis thos pa'i dus gcig na/ bcom ldan 'das chos kyi dbyings mtha' dbus med pa'i pho brang ye shes lhun gyis grub pa'i gzhal yas khang na/ 'jig rten pa'i dregs pa can dbang du sdud pa'i ting nge 'dzin la snyoms par zhugs so// de'i tshe 'khor rdo rje snying po la sogs pa ma bsgribs pa'i chos kyi dbyings na gnas pa rnams dang / sa lam la gnas pa rnams dang / bgrod pa phyin ci ma log pa rnams dang / dregs pa 'dul ba'i khro tshogs dang / 'jig rten khram 'debs 'joms pa'i tshogs dang / khrag skyugs bshan pa srog la rngam pa'i tshogs dang / gdug pa gsum dang bcas pa'i sde dpon dregs pa can dang / thams cad 'dus pa'i dbus na/ 'jam pa'i rdo rje snying pos rdo rje 'chang la 'di skad gsol/ rnam dag chos sku'i rang bzhin las// 'gro ba 'dul phyir mtshan ma'i sku// thabs kyi rgyal po bde ba che// ye shes rol pa'i las rnams kun// rdzogs
- 74a
pa'i tshul du rgyas mdzod la// gdug pa 'dul ba'i don mdzod cig/ ces gsol to// de nas bcom ldan 'das kyis mnyam pa nyid mi g.yo ba las rngam tshig drag po'i ting nge 'dzin las bzhengs te/ s+ye badz+ra sarba duSh+TAM zhes gsungs pas 'jig rten thams cad 'ur 'ur rab tu 'ur/ chem chem rab tu chem/ g.yo zhing ldeg go/ de'i tshe 'khor thams cad brgyal zhing srog dang bral du cha'o// lus sa la brdebs shing smre sngags 'don no// rigs pa'i rgyal po bde ba che// 'khor du 'dus pa srog dang bral du nye// srog gi snying po 'di bzhes la// dkyil 'khor chen po sprul pa mdzod// ces gsol ba gdab bo// de nas bcom ldan 'das kyis 'khor rnams la gzigs te/ rngam pa'i sgra 'di bsgrags so// kun gyi rang bzhin gcig pa la// rtog dpyod snang srid kun khyab gdal// ye shes chen po kun 'byung ba// sna tshogs sbyor ba rgyas pa'i zhing // zhes gsungs pas/ 'khor rnams kyis thos nas/ 'khor gyi gtso bo 'jam pa'i rdo rjes 'di skad ces gsol to// yang dag bde ba'i lam mchog las// gsang ba rin chen grub pa'i don// zung 'jug thabs dang shes rab lam// dmod pa drag po rgyas par mdzod// ces gsol to// de nas bcom ldan 'das phyag rgya chen po nyid dregs pa can 'dul zhing dmod pa'i las rgyas par mdzad pa'i phyir zil
- 74b
gyis gnon pa'i ting nge 'dzin la zhugs pa'i dkyil 'khor 'di lta ste/ chos kyi dbyings kyi pho brang nas// drag po e yi gzhal yas na// stobs chen dregs pa 'dul ba ste// dbu gsum phyag drug zhabs bzhi bgrad// g.yas dkar g.yon dmar dbus mthing zhal// 'khor lo rdo rje ral gri g.yas// be con gtun shing sdigs mdzub g.yon// zhing chen g.yang gzhi ko rlon dang // stag gi sham thabs rab tu mdzes// sbrul dang rin po che yis mdzes// snyan cha mgur chu tshangs skud dang // phyag zhabs ro nyes rab tu mdzes// dbu la he ru lnga yis brgyan// bdud rgyal srin po'i thod pas spras// thugs mchog smug nag 'khor lo snying // dregs 'dul ldang nag rdo rje phreng // rus sbal rngam pa klog 'gyu ste// dbu la mkha' lding gdug pa 'dul// stag dang seng ge rngam pa la// yang sbrul spug nag ro nye 'dren// dug sbrul rlangs pa dgra la gtong // bdud mo g.yon na nye ba ste// snying 'khyud dung dmar gtso la stob// 'khor gyi mon pa bla 'gugs dang // 'chi bdag tshe bdag srog bdag bcas// ma skyes gdod nas lhun gyis grub// stong pa'i nga las rang bzhin 'char// las dang sbyor ba sna tshogs pa// ye shes rol pa'i rgyan du che// bsgo dang phyag rgya stobs can gyis// stobs chen snying pos rang lus bsrung // dus ngan las kyis mnar ba'i tshe// sdang
- 75a
sems can dang 'gugs byed la// las kyi 'khor lo snying la bskor// 'byung ba rgyu ba'i phung po bshig/ nyon mongs lnga gsum rang gshed dbab// pho nya'i za kha nang du bstan// 'byung bzhi dkrugs shing sbyin thang dbabe// las kyi mtha' bsdu mkhas pas brtag/ gsal gsum yin pa gsum gyi gdeng // lhun gyis grub pa'i las su bshad// mtshon cha nag po sku'i rgyud las gleng bzhi rtsa ba'i le'u ste dang po'o// // de nas bcom ldan 'das kyis dregs pa'i rang gshed rang la dbab pa'i phrin las 'di gsungs so// dur khrod gdug pa'i dben gnas su// mchog gsum tshang ba'i mtshams bcad la// man+dal mthing nag gru gsum la// phung sa gsum la dug khrag sku// lho ru rtse bstan rtsang dmar bskor// sha chen snying snas gtor ma brgyan// mon pa'i don dang dpa' bo'i rta/ khyi sbyang bya spre'u lug dang ra// rabs chad nag mo yugs sa phag/ nal bu'i rgya tshil bong bu sbrul// 'bras bu bcas dang don snying la// dregs pa'i dam rdzas bzung la dbye// blta ba chos nyid zab mo'i gdeng // dbang rdzogs rdo rje ye shes gdang // ye shes lhun grub phyag rgya gsal// spyod pa spyi dang sgo yi gzer// gnod byed gzir ba de bzhin min// chos sku mnyam rdzogs gzir mi dgos// log rtog brkam chags 'khrul pa yi// dug lnga'i
- 75b
nad kyis zin pa la// bde ba'i stobs med zhen chags can// log pa'i stobs gzhom drag pos gzir// gshin rje la sogs dregs pa yi// rang rang srog dang spyi srog dril// yi ge'i gnad kyis 'joms par byed/ khams gsum dbang byed dregs pa can// dregs pa'i de nyid shes gyur na// dregs pa rang gshed rang gis byed// kun gyi srog snying e la bsdu// 'bru gsum snying rtsa mgrin par gnas// 'bru gnyis mgo dang yan lag gnas// gnod byed 'bru drug shes rgyud dbang // de la sngags kyi stobs kyis gzir// rang gshed phyag cha rang la bskor// lha bsnyen brtan thob sgra la dbyung // oM a kro te ka ya mAn+ta ka ha na ma tha b+han dza hUM phaT/ bdag nyid sku gsum rdzogs par bsgom// stobs kyi drag sngags 'bum tsho bcu// snying sna dam rdzas gang grub dbye// spyi dril las dang rang rang dbye// myur dang stobs dpag med pa 'byung // sgrub bya las kyi shes rgyud la// rno dpal mtshon cha'i yi ge gnas// snying la nr-i gnas mgrin par hur// lte bar thums dang gsang bar dza// klad par hrig nan mgo steng nan// rtsa bzhi'i mdud pa 'bru bzhis gcod// mtshon cha'i rgyal po rno dpal ldan// rtsa srog shes rgyud dran pa gcod// de bskul mtshon cha rgyud la ldang // stobs kyi sngags kyis 'phen par byed// e badz+ra sarba dus tan/ e tri nan/ e hur thums
- 76a
dza mA ra ya rbad/ de yis sbyor ba stobs zhan na// ming dang snying po 'bru re sbyar// 'bru bzhi mtshon cha'i stobs kyis gcad// las dang sbyor ba rtsa dang srog/ thams cad gang 'dod mi 'jig gcod// gang brtsam las la don med na// stobs dang bcas pa dril la brdeg/ rang lus brtan pa'i shes rgyud la// badz+ra sarba dus stan gnas// rang lus gnas pa'i go chas bsrung // zhes gsungs so// mtshon cha nag po sku'i rgyud las rang gshed dbab pa'i le'u ste gnyis pa'o// // de nas bcom ldan 'das kyis drag sngags kyi snying po 'di gsungs so// sngags sor bzhag/ e ka he du na ya ma snying khrag ra ma tsa ya/ e badz+ra sarba dus tan/ trig nan/ hur thums dza/ e mA ra ya rbad/ srog la tsa sha ru ti nr-i mA ra ya rbad/ srog la mA ra ya nr-i mA ra ya rbad/ srog la tsit+ta 'gu li ni mA ra ya rbad/ srog la e baM raM yaM khaM nr-i mA ra ya rbad/ srog la khyer phung baM shag mA ra ya rbad/ nr-i hur thums dza staM b+ha ya nan/ ang+ga sha dza/ ag+ne dza la raM/ srog la ki li kI li ya/ trig nan big+h+nAM snying la gzir nan/ hur zums dza/ myags thums ril rbad ya/ mtshon cha nag po sku'i rgyud las drag sngags bstan pa'i le'u ste gsum pa'o// // de nas bcom ldan 'das kyis dregs pa cham la dbab pa'i phrin las 'di gsungs so// ngo bo ma bcos bde ba chen
- 76b
po'i ngang // chos nyid ye nas lhun gyis grub// ye shes dkyil 'khor snang la rang bzhin med// sprul pa sna tshogs log rtog 'dul la mkhas// tha snyad tshig rnams don la yang dag stong // de rtogs sangs rgyas yin pa gsad mnan med// bden don ma rtogs sdug bsngal phung por smin// lus ngag sems kyi 'du byed kyis// gzhan las lhag pa'i stobs rnyed pas// dregs pa'i lus ngag sems su snang // gdug pa'i sems kyis gcod cing rngam// de la sngags kyi sbyor ba brdeg/ rang bdud phyag cha rang la bskor/ khams gsum dbang byed dregs pa yin// dregs pa'i de nyid shes gyur na// dregs pa'i rang gshed rang gis byed// yi ge spyi yis gzir byas la// dregs pa'i rnam shes yig 'bru gcig/ 'phrog byed yi ge 'bru gsum gyis// snying gi dkyil las 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// dregs pa spyi yi gnad rnams dang / dregs pa sgos kyi sbyor ba'i stobs// las dang nus pa sbyar la gzud// gzir dang srog dbrog zad pa'i las// rang gnad gzhom pa 'di lta ste// zhi khro gshin rje phur pa dang // ma mo bdud mo srin mo dang // bdud dang mu stegs rgyal po btsan// rmu dang rU tra srin po dang // gnod sbyin skyes bu gying dag dang // thug bdag sri can gdug pa gsum// de
- 77a
nyid shes na rang srog gcod// dregs pa'i phyag cha rang la 'khor// de nas bcom ldan 'das kyis gsang sngags 'di dag bstan to// e badz+ra sarba dus tan sarba sha trun/ oM shrI badz+ra kro d+ha/ e ya ma ya/ ma ma ru lu ma/ dun ting kI lA ya/ ta tir ti ka/ ru tra du/ de ba a/ dan tang me/ mun mun pa/ rA tsa tsa/ rak+Sha ra/ rag mo ra/ yak+Sha yak+Sha/ yag mo k+Sha/ shu la dza/ badz+ra sa du tri/ haM shaM tri/ ru tri ru/ sa nA ga phu/ de sngags kyi grong khyer te// sngags pa nang 'gras pa/ dregs pa'i lha 'dre rgyud la gnod pa dang / rtags dang sbyar zhing sngags kyi phyag cha rang la bskor// rtags rnams 'khrugs na stong gsum gcig dril gzir// bdun nam bcu bzhi nyi shu gcig/ gsum mam lnga ru drag por gzir// dang po rab sgrub snying po drangs// gnad du gzir zing dgug par bya// bos shing gzir la srog snying dbrog/ ming dang rnam shes 'bru bzhis gcod// tha ma gnan bsreg dam bdar gces// mtshon cha nag po sku'i rgyud las dregs pa gzir ba'i le'u ste bzhi pa'o// // de nas bcom ldan 'das kyis bsad pa las kyi rang gshed mtshon cha rang bzlog gi 'khor lo 'di gsungs so// phung sa'i 'brub khung mthing nag tu// mtshon cha dmar po srin mo 'gros// dur khrod ras sam rgya shog la// 'khor lo rim pa gsum pa ste// drag po dbang gi 'khor lo
- 77b
brgyad// dregs pa gang sgrub lto bar bca'// ming dang rnam shes bsgyur cing bsad// rang gshed rang la dbab cing bskor// des kyang lus sems ma phyed na// dug lnga lngas ni 'khor lo bskor// dug gsum shes pa ar la gtad// tsit+ta gnad la dbab cing bsad// 'byung ba dkrugs pas phung po 'jig/ rang bsgrubs dam can rang la bzlog/ tsit+ta dkrug pa'i sngags dang bsdebs// gshed po las rgyal lto bar bsad// gu ru seng ge'i khog mi bshig/ dam mi gcig dang sngags pa spyi// rdo rje spun dang ur mo pa// las kyi skabs sbyar 'khor lo dkrug/ 'di min las gzhan yug pa brkyang // mtshon cha nag po'i sku'i rgyud las/ bsad pa srog tig las kyi 'khor lo'i le'u ste lnga pa'o// // de nas bcom ldan 'das kyis sbyin thang drag po chu 'khyags dbab pa 'di gsungs so// gnyen ra gdug pa'i gnas dag tu// rabs chad thod pa sbyang ki'i khrag/ gsum la khrag gis kha so skus/ khrag dug yul ming srung ma bzhugs// rta nag lug gam rta dkar snying // ra dmar rgya bo sbrul gyi snying // gri bo rabs chad nag po'i snying // dam rdzas rten la sde brgyad bsten// thod pa dong bur yugs sa sme// gri dang mnol gyi khrag blugs la// drag sngags 'bum tsho bcu ru bstim// rta tsho gsum po me thab tshul// yul gyi kyang mdun dbus su gzhug/ dril dang
- 78a
bzlog sngags mngon du dbab// ma phebs sbyor ba stobs zhan na// sde brgyad snying po gnad nas dbrog/ dmar nag dug khrag klong du sdud// sngags rnams dkrugs la sde brgyad gzir// snying sna bsres la 'og tu gzhug/ gshin rje gshed dang stobs chen bsgom// snying po 'bru brgyad bsreg cing sdud// de yis chu rgod ri ltar gtibs// dril dang gtor ma bsnol mar brdeg/ de nas bcom ldan 'das kyis chu 'khyags dbab pa 'di gsungs so// sngags mar bzhag byas shing dab can 'di dang gcig las bsngar sa ma med// e badz+ra sarba dus tan/ ma ma/ ya ma ra tsa mu sa trig nan// ku ma hri ta khri khr-i shar shar kha hur thog phob tri sa mu tsa ra la ya// hril shar phreM praM/ ya ma mu tsa mun pa tri hur thums dza/ trig nan phreM praM hril hril/ kham shar dril hril b+h+yo/ su trig nan sa na ga khaM shar dril phob/ de yis 'khyags pa ri ltar spungs// ma phebs sbyor ba stobs zhan na// zhing lpags brgyangs la gsum du bskor// dbus su thig bzhi le tshe brgyad// phyi rim rtsibs drug la long mtshon// lte bar e dang badz+ra la// phyogs bzhir stobs la mtshams bzhi srog/ drug la srog dbrog gzir ba ste// tha mar mtshon cha 'bru bzhis gcod/ kha sbyar bcas la dug mes bdug/ des ni las rnams 'grub par bshad// mtshon cha nag po sku'i rgyud las chu 'khyags dbab pa'i le'u ste drug
- 78b
pa'o// // de nas bcom ldan 'das kyis dregs pa rnams kyi rtags bzung ba 'di gsungs so// sngags pa zod gtong 'gras pa'am// dregs pa'i tshogs kyi rtags bstan pa// mon dang zhub can mdze can rnams// gshin rje gshed kyi rtags su bshad/ khrag mtsho mun pa ma mo'i rtags// me 'bar phyur ba na 'un bun// rtags// bya nag shing chen bdud kyi rtags// 'bag seng btsad po rgyal po'i rtags// nag po bzhad khro bya nag 'thab// me 'bar tshig pa bdud mo'i rtags// spre'u dang ban de dge bsnyen rtags// rta pa khyi spyang btsan gyi rtags// khyi dmar khrag mtshon ze rang rtags// g.yag dang bon po mu stegs rtags// me 'bar sha rgal srin po'i rtags// kya mul skya bshar the brang ngo // bya nag bud med dam sri'i rtags// rgol dang khro na rbod gtong yin// las byed gar stabs sha la rol// ded dang brdeg na thub pa'i rtags// rmi lam sna tshogs phyi yi rtags// dbang po mngon sum nang gi rtags// lus yang sems gsal gsang ba'i rtags// zhes pas rtags bzung 'khor lo bskor// gnam la shing lo gtibs pa'i sprin// bar snang rlung sgra 'od chags med// sa la 'khyags rom snyom ma lud// dug rlangs 'chol ba sbyin thang rtags// mtshon cha nag po'i sku'i rgyud las rtags kyi le'u ste bdun pa'o// // de nas bcom
- 79a
ldan 'das kyis mnan pa'i las 'di gsungs so// gzhan gyi rbod gtong mnan pa dag/ zhi khro ya ma phur pa ni// sgrub pa'i dkyil 'khor 'og tu mnan// ma mo bdud mo srin po rnams// bka' rten byin can 'og tu mnan// bdud dang mu stegs mgon po rnams// ro khang sgo srung 'og tu mnan// rgyal po dge bsnyen dkor srung rnams// khyi tshang lam ka'i 'og tu mnan// btsan dang srog bdag srin po rnams// sha ru spyang zod gong gsum mnan// the brang phyag 'gong gshin rdog rnams// glang rur bcug la lam mdor mnan// bon po rig 'dzin khyi tshang mnan// sri can chu bya them 'og mnan// srin po gdug pa'i thod pa la// ri rab rgya gram dang bcas la// thugs kyi snying po rab mdzes pa// mnan pa thod pa'i 'khor lo bshad// gri lcags phur pa gdug pa la// rdzas rgod bdug ste snying la gdab// bco brgyad rdzas kyi dud pas bdug/ dregs pa gnad la dbab par bshad// bsreg pa me yi 'khor lo dag/ me zab bcas la me lha bskyed// ling+ga bdug la dug khrag nyug/ dug sngags brab cing bsreg par bya// las rnams rdzogs nas stong nyid la// dregs pa thams cad zhi bar bsgyur// phyis kyi dngos grub bsdu bar bya// lha la stong pa'i rgya yis gdab// ces gsungs so// de nas yang dag bshad bya ba// sngags thun gzer la
- 79b
dbab bya ba// thod khrag dug chu stong skor tshad// ldan pa gsum gyis zor du 'phang // nyung dkar thal chen rdo thun brab// gzugs dang thal ba dong der sba// gnan pa gsang ba'i las su rig/ ces gsungs so// mtshon cha nag po sku'i rgyud las/ las kyi mtha' sdud pa'i le'u ste brgyad pa'o// // de nas bcom ldan 'das kyis 'khor la rgyud gtad pa/ e ma rdo rje snying po che// nga yi bka' rgyud me lce 'di// rgyal ba kun gyi mdzad spyod ste// skye med rdo rjes bsam dpag dka'// stong phrag bdun dang brgya phrag brgyad// snying po don gyi gnad bsdus pa'o// brjod pa kun grol bka' dang ldan// bde ba gcig gis bgrod pa 'di// sangs rgyas spyod lam bcing grol med// gab pa gsang ba'i lam can 'di// rigs can rdo rje snying pos zung // nga yi bka' yi gsang rgyud 'di// ma 'ongs dam can sgrub byed na// nga yang dam las mi g.yel bsrung // rdo rje bde ba'i rgyal po dang // stobs dpag med pa'i khro tshogs kun// dam can sgrub byed bsrung zhing gnas// rgyud kyi snying po rab tu zung // rnam rtog mtshan ma rang grol ba'i// rdo rje rgyal po bde ba'i bka'// lcags thogs spu gri rbab chen 'di// lha dang mkha' 'gro gsang ba yi// thun min rigs dang thun mong kun// snying po sngags kyi gsang rgyud zung // dam tshig bsrung dang thugs brtse
- 80a
'ong // de skad gsungs pas 'khor thams cad rjes su yi rang ste mngon par bstod do// drag sngags mtshon cha nag po sku'i rgyud las// rgyud gtad cing yi rang ba'i le'u ste dgu pa'o// // sde brgyad cham la 'bebs shing rang gshed rang la 'bebs pa'i rgyud// rdo rje thogs 'bebs sku'i rgyud ces bya ba// lha yul du grags pa rdzogs so// // bal po ba su d+ha ra dang / bod kyi sgra bskur gyi lo tsA ba slob dpon sangs rgyas ye shes kyis/ ba ta sa ru mkha' 'gro dang bka' 'gros te bskur ba'o// snying po'i rgyud dam pa/ snying po don gyi rgyud/ rtsigs su bzhag pa lags so// rgya rgya rgya/ phra chun lags so// s+thi/ mAn zanaH/