F115MW1KG13607_0115mdo sdeAll versions of this work

'phags pa chos bzhi pa'i mdo

Āryacaturdharmakasutra

Text

ff. 56a–57a · 3 folio sides

  1. 56a

    tshul lo// tshul gyi tshig 'di dag bstan pa'i tshe/ lha'i bu brgya stong ni byang chub tu sems bskyes par 'gyur to// byang chub sems dpa' lnga brgya ni mi skye ba'i chos la bzod pa thob par 'gyur to// bcom ldan 'das kyis de skad ces bka' stsal pa nas/ byang chub sems dpa' sems dpa' chen pos mang po dag dang lha dang mi dang lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par stod do// 'phags pa chos kyi tshul zhes bya ba theg pa chen po'i mdo// rdzogs so// rgya gar gyi mkhan po brad nye bar ma dang / zhu chen gyi lo ts+tsha ba ban d+he ye shes sngo la srog pas sbyar cing zhus te gtan la phab pa// rgya gar skad du/ Ar+ya tsa tur d+harma ka su tra/ bod skad du/ 'phags pa chos bzhi po'i mdo// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang / thabs gcig tu bzhugs te/ de nas bcom ldan 'das kyis brtan zhing zab pa/ snyan cing rgya che ba'i sgra dbyangs kyis/ dge slong rnams la bka' stsal pa/ dge slong dag rigs kyi bu

  2. 56b

    mkhas pas/ ji srid 'tsho'i bar du/ gnas bzhi la yid brtan par mi bya'o// bzhi gang zhe na/ dge slong dag rigs kyi bu mkhas pas/ bdag ni bu dag la dga' ba'o// nyam du ji srid mtsho'i bar du yid brtan par mi bya ba dang / dge slong dag rigs kyi bu mkhas pas/ bdag ni pho brang 'khor la dga' ba'o// snyam du ji srid mchog bar du yid brtan par mi bya ba dang / dge slong dag rigs kyi bu mkhas pas/ bdag ni gzugs bzang ba/ mdzes pa lta na sdug pa/ nad nyung ba'o// snyam pa'o// / ji srid mtsho'i bar du yid brten par mi bya ba dang / dge slong dag rigs kyi bu mkhas pa bdag ni phyag pa/ nor mang ba yo byad phun sum tshogs pa'o snyam du/ ji srid mtsho'i bar du yid brtan par mi bya'o// bcom ldan 'das kyis de skad ces bka' stsal te/ bde bar gshegaso pas de skad gsungs nas/ ston pas gzhan yang 'di skad ces bka' stsal to// bud med sten du ga la rung / rgyal po'i pho brang ga la dga'/ dbu'i snying po ga la yod/ long spyod rtag pa la yin// long spyod dag ni 'bab chu bzhin/ gru de ci 'dra khyim de 'dra/ me tog ci 'dra gzugs de bzhin/ srog ni chu bur 'dra ba yin/ bcom ldan 'das kyis de skad ces bka' stsal pa nas/ dge slong de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs

  3. 57a

    pa la mngon par bstod do// 'phags pa chos bzhi po'i mdo// rdzogs so// // rgya gar skad du/ ha sti ka krA na ma ma hA ya na su tra/ bod skad du/ glang po'i rtsal zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal 'di skad bdag gis zos pa dus gcig na/ bcom ldan 'das bya rgod phung po'i ri la/ dge slong lnga brgya tsam gyi dge slong gi dge 'dun po dang / byang chub sems dpa' mngon par grags pa/ gzungs thob pa/ spobs pa thogs pa med pa/ gnyis su med pa'i chos 'chad pa/ rdzu 'phrul rnam par 'brul ba bsam gyis mi khyab pa dang ldan pa drug khri dang yang thabs gcig tu bzhugs te/ 'di lta ste/ byang chub sems dpa' sems dpa' chen po brtson 'grus dpe med blo gros dang / mngon par gnon pa'i sgra sgrogs gzi brjid snying po dang / byang chub sems dpa' rin po che bzhi'i me tog rgyas pa dang / klog chen po sgron me dang / mtha' yas par lta zhing yul thams cad las 'das pa dang / ri rab brtsegs pa ltar mngon par 'phags pa dang / mngon par dga' bas mgus pa skyed pa dang / dpung pa dri ma med pas 'od zer bcom pa dang / sems can gyi bsam pa nges pa'i don gyi pha rol tu bgrod par dong ba dang / rdo rje lta bur brtan

Colophon

'phags pa chos bzhi pa'i mdo// rdzogs so/