lha rgyud rin po che dbang 'khor lo
Text
ff. 293a–305a · 25 folio sides
- 293a
zhus te gtan la phab pa'o// // / rgya gar skad du/ de wa a b+hi Shiny+tsa rat+na tsak+ka tan+t+ra na ma \u0f7fbod skad du/ lha rgyud rin po che dbang 'khor lo zhes bya ba/ bcom ldan 'das dpal kun tu bzang po la phyag 'tshal lo// 'di skad bdag gis thos pa dus gcig na/ chos dbyings bdal ba chen po'i pho brang na/ rgyo yongs su ma chad pa'i zhing khams/ gser gyi 'od zer rab tu 'phro ba zhes bya ba/ bai DUr+ya zhun mas nan tan du byas pa'i sa gzhi/ ma 'dres la yongs su rdzogs pa'i gnas chen po/ gser la rin po ches spras pa'i gnas/ de na bcom ldan 'daso kun tu bzang po bzhugs 'khor ni nyid las mi gzhan pa'i 'khor ye shes rnam pa lnga la sogs te/ rgyal sras sprul pa'i 'khor rdo rje sems dpa' dang / dbang med dod pas 'dus pa'i 'khor mkha' 'gro ma rdo rje drag mo khro gnyer gdong zhes bya ba dang / sgrol ma dang / 'od zer can dang / phag mo dang / lce spyang la sogs te dur khrod kyi bdag mo glog gi 'phreng ba la sogs pa sa bskor te// de'i tshe de'i dus na gsang ba'i bdag pos/ bcom ldan 'das la gsol
- 293b
pa kye bcom ldan 'das kun tu bzang po lags// bdag cag 'khor dang bcas pa la// dbang bskur brda dang bcas pa gsung du gsol// zhes zhus so// kun tu bzang pos bka' stsal pa// rgyal thabs spyi blugs dbang dang ni// sprul skra thug phrad dbang dang ni// rig pa rtsal gyi dbang dang ni// mtshan ma zil gnon dbang dang ni// dbul mo nor gyi dbang dang ni// rgyal po bka' brtags dbang dang ni// blon po bka' chad dbang dang ni// btsun mo dpa' bo'i dbang bstan to// zhes gsungs so// gleng gzhi'i le'u ste dang ba'o// / bcom ldan 'das kyis bka' stsal pa/ rgyal thabs spyi blugs dbang bstan pa// sngon rgya gar yul grong khyer ser skya zhes bya ba ru// rgyal bu phrug gus ltad mo la phyin pas// rgyal bu rkang 'khyams so// spang po dang khyad med do// de nas blon pos ngo shes so// rgyal bu la khrus byas te dbang bskur ro// dus de tshun chad du 'khor mnga' 'og tu 'dus so// de ba de bzhin du/ thog ma sangs rgyas spyis nas// 'gyu bas 'od lnga mthong ba las// 'khor ba'i 'khrul pa la sogs spyad// 'gro drug gnas la thar pa med// de nas nga spong bstan
- 294a
pa yis// sangs rgyas pa yi dbang bskur bas// rgyal thabs ye shes dbang bskur yin// ye shes dbang bskur zang thal bstan// 'khor ba'i mtshan ma rang sar grol// ra grol mtshan ma rtse mor chibs// so rtse chib pas mtshan ma dang // ye shes ye shes khyad par che// ye shes zang thal rang la shar// 'gyu ba spangs nas yang shes gang // gzung 'dzin spaspangs nas gnyis med gang // ma rig spangs nas ye shes gang // dug lnga spangs nas sangs rgyas gang // phung lA spangs nas chos sku gang blosnga spangs nas yon tan gang // 'byung lnga spangs nas zhing khams gang // rtog las sbyangs nas rtogs med gang // spang ba spangs nas rnal ba gang // sems can spangs nas sangs rgyas gang // de rnams gdams pas zin pa na// dbyer med rang grol chos las 'das// zhes gsungs so// dbang rin po che 'khor lo'i rgyud/ las rgyal thabs spyi blugs kyi le'u ste gnyis pa'o// // de nas yang bka' stsal pa/ gsang ba'i bdag po khyed nyon cig/ spu la sku thugs phrad dbang bstan po// dper na ral gri'i rgyal po kha ma 'de// lcags sna lnga las brdungs pa ni// mgar ba bi shwa karma ltar// bzo sna dgu la ma rmongs pas//
- 294b
chu la grang ba ga pur chu// me la tsha ba tsan dan shing // de rnams 'tshogs nas brdungs pa yis// ral gri kha mangs chen po 'dis// ma brgyab 'od kyis thams cad gcod// de bzhin 'gyu ba sna tshogs des// dug lnga lam du ngo sprad pa'i// bcom ldan rdo rje sems dpa' yi// tshogs brgyad 'byung ba dag dang dgu// thabs ma 'gags pas snang ba che// de la gcod pa shes rab yin// de gnyis zung du 'brel ba ni// gnyis med rang snang chen po de// ma bsgoms ye shes zang tal 'char// mig ni ye shes zad tal yin// rna ba me long lta bu yin// sna ni mnyam nyid ye shes yin// lce ni kun rtogs ye shes yin// 'og sgo bya ba grub pa yin// yid kyi rnam shes ye shes lhag mthong yin// yid ni rang byung ye shes yin// kun gzhi chos dbyings ye shes yin// 'gyu ba rang rig ye shes yin// nyon mongs brgyad khri bzhi stong gi 'khor ba'i 'dam las mi thar pas// thar pa chen po'i sa bon yin// chos kyi sgo mo brgyad khri bzhi stong kyang // thugs rje gzungs kyi tha ga pa yin// rtsa ba gcig la lo ma stong // sangs rgyas stong dang rtsa gcig gis// yang dag snying po gcig la sa med// yang snying srog gi 'bru gcig yin// lha srin sde brgyad
- 295a
srog snying 'bru gcig pu// de shes pas ni srog kun dbang du 'dus// tshogs brgyad theg pa brgyad du bstan// theg pa'i rtsa ba a ti yo gang 'dus// tshogs brgyad rtsa ba 'gyub gcig pur 'dus// mig ni 'gyur pa med cing khrag med pas// nag po khrag med bya ba yin// rna bas mnyan nas blo dang 'gros/ de nas nga rgyal sna tshogs skye// rgyal po'i blo gros spyan gcig yin// lce'i rnam shes 'gag med thams cad sgrub// sgra skad sna tshogs 'byin pas gyad kyi gsung mchog yin// sna yi rnam shes stag dang 'dra ste nags khrod dri la myong // des na stag gu spyan cig yin// 'og sgo thams cad 'byin cing rlag pa dang // dri mi zhim zhing skrag pas gnod sbyin kun la sgrib// yid kyi rnam shes thams cad du// slebs shing dbugs la rten pas na// ha nu pa ga shu rkang mgyogs yin// yid ni 'khor bar rgyu zhing kun sru bas// klu rgyal dga' bo kun ba slu yin// tshogs bdun kun gzhi la 'du bas// kun gzhi sred pa'i rgyal mo kun 'du ma dang brgyad// lha srin sde brgyad rang las shar ba yin// sde brgyad dpon po dbang phyug chen po yin// de rnams srog gcad dbang du bsdu ba'i phyir// dbang phyug chen
- 295b
po dbang du bsdus// srid pa'i rgyal mo'i dbyings su stim// lha srin sde brgyad srog snying brgyad// yang snying 'bru gcig pa la dril// yang snying dpa' bo 'bru gcig ha// du dang / tri dang / ya dang / shu dang ni// tsi dang ma dang na dang k+Sha dang brgyad// yang snying yi gre 'bru gcig yin// 'bru gcig pu la dbang bskur na// lga rgyal tshangs pa'i dbang thob 'gyur// tshangs pa dung gi thor tsugs can// lha ni zug rngu med pa yin// tshangs pa ye shes zang tal yin// dung ni dri ma med pa yin/ thor tshugs gong na med pa yin// des ni spyir yang sprul pas na// sprul sku thug phrad dbang zhes bshad// ces gsungs so// dbang rin po che 'khor mo'i rgyud las/ sprul sku thug phrad lha srin sde brgyad dbang phyug chen po'i dbang du bsdus te bstan pa'i le'u ste gsum pa'o// / de nas yang bka' stsal pa/ gsang ba'i bdag po nyon cig/ rig pa rtsal gyi dbang bskur bstan pa ni// dper na rus sbal rtsal dang ldan pa de// 'khar gzhong nang du bcug gyur na// 'khar gzhong rang bzhin 'jam pa dang // rus sbal rkang lag 'jam pa yis// rus sbal de yis 'khrug mi nus// de bzhin rig pa rang rtsal dbang /
- 296a
snang ba zang tal snang zhe na log/ rang snang ye shes zang tal dang // phyi nang med pas sangs rgyas yul med shar// rig pa rang grol shar bas mngon zhen log/ rig pa zang tal snang srid 'ub chub glong du thim// 'gyur med rig pa rtsal tshon rdzogs nas ni// dam pas dbang du sbyar ba sangs rgyas yul med shar// rig pa rang dbang gyur pas mkha' la ral bskor 'dra// seng ge'i phrug gu ru ma na gnas pa ltar// sangs rgyas dgongs pa khong nas rdzogs pa yin// ru sa sbal rkang lag nang du bskum pa ltar// rgyu ba sangs rgyas rig pa khong du grol// mtshan ma'i rnam par rtog pa kyi skyes kyang // chos nyid 'od gsal shes na gnad kyi dam pa yin// rig pa'i rang sgo ma shes ma rig bdud// rang sgo rang snang zang tal shes pas rtsi// dug lnga khong khro bo dud ltar 'byung // rang byung ye shes shar bas rtsi// rnam rtog 'khor ba ma rig bdud// rang rig ye shes rang shar rtsi// lha srin sde brgyad nad dang bsdongs pa bdud// rang rig ye shes lha yi lha// lhag pa'i lha ni bla ma'i rtsi// bag chags gzugs kyi phung po dang // bar chod byed pa'i bgegs ni bdud// 'gyur ba med pa rig pa bzlog pa rtsi// rlung mkhris bad kan 'dus
- 296b
bas bdud// 'gyu ba zang tal shes pas rtsi// 'byung ba rnam lnga bdud du shar// ltas pa zang tal shar bas rtsi yin no// des na rig pa rang rtsa la dbang // zhes gsungs so// dbang ye shes 'khor lo'i rgyud las/ rig pa rtsal gyi le'u ste bzhi pa'o// // de nas yang dag bka' stsal pa// gsang ba'i bdag po nyon cig/ mtshan ma zil gnon dbang bstan pa// dper na nyi ma shar ba yis// mun pa'i mtshan ma rang sar grol// nyi ma'i snying po mkha' la sha ra ba yis// thugs rje'i 'od kyi kun tu bdal// phyogs med rgyu zhing ris mi mnga'// nyi ma'i 'od zer khyab brdal des// mun pa skad cig ma la sa la// de bzhin ye shes thig le'i dbang // shes rab skad cig gcig gis thob// shes rab 'gag pa med pa de// de ni shes rab dbang yin te// shes rab dab pa chen ba skur ba oM sa// ma ri ge mun pa rang sar gro la// e shes khyab ba dal chen po i na// thA gas rje 'ag ga sa ma dang she sa ra ba da ba nga // phyog sa ma da e shes bra nga tA shar/ chos min shes rab zang tal bas// ma rig ye shes nyid du shar// phyi yi shes rab gdams pa'i dbang // mtshan ma zil gnon thabs kyi dbang //
- 297a
nang gi shes rab rtog chod dbang // snang ba lam du slongs pa'i dbang // gsang ba'i shes rab 'gyu ba'i dbang // ye shes lam du slong ba'i dbang phyi yi dbang mchog ma thob na// snang ba rgyal 'chings te 'chi// nang gi dbang mchog ma thob na// chags sdang rgyal 'chings te 'chi// gsang ba'i dbang mchog ma thob na// nyams myong rgyal 'chings te 'chi// dbang mchog rang grol ma thob na// gdams pa'i rgyal 'chings te 'chi// phyi yi dbang mchog thob pa la// rang snang rang gsal dbang po dgos// mkha' 'gro dbang du 'dus pa'i yid ches yin// snang ba zang tal 'char ba ngo sprod yin// 'gro drug g.yang sa chod pa'i dgos pa yin// rig pa lam sna zin pa'i yon tan yin// sangs rgyas rang snang shar ba 'bras bu yin// nang gi dbang mchog thob pa la// chags sdang rang grol dbang po dgos pa yin// reg pa rang dbang thob pa yid ches yin// dug lnga 'od gsal 'char ba ngo spyod yin// 'gro drug chags sngang grol ba dgos pa yin// sangs rgyas dgongs pa rang shar 'bras bu yin// gsang ba'i dbang mchog thob pa la// 'gyur dang sangs dbang po dgos// ye shes zang ta la shar ba yid che sa yin/
- 297b
'gyu ba rang sar grol ba ngo sprod yin// ma rig rtsad nas chod pa dgos pa yin// 'das pa lnga ru shar ba 'bras bu yin// dbang mchog rang grol thob pa la// thig le nyag gcig spang po dgos// thig le rang snang dbang po yin// chos min rang dga' ngo sprod yin// rtsol med nyag gcig yon tan yin// chos las byung ba 'bras bu'i mchog/ rgya bzhi'i gras thag bcad pa yin// zhes gsungs so// dbang rin po che'i 'khor lo'i rgyud las/ mtshan ma zil gnon gyi le'u ste lnga pa'o// / / de nas yang bka' stsal pa/ gsang ba'i bdag po nyon cig/ dbul mo nor gyi dbang bskur bstan pa ni// dbul mo bde ba skyong ma yis// gser gyi skyed bu phugs su bcug/ mo rang kha zas mi la 'tshol// shin tu dbul zhing nyam thag nas// grong khyer kun tu yug pa las// nam zhig gser gyi skyed bu de// shes pa yis dbul ba sa la// de bzhin 'gro drug 'khyams pa yi// ma rig rgan mo long ba des// rig pa ye shes ngo ma shes// chos spyod spyod cing mtho ris 'tshol// 'bras bu 'khor bar nyag tha ga pas// 'gro drug 'khrul par spyod pa la// bla ma'i gsang dbang skad cig gis// 'khor ba'i sdog baM sngal grol bar
- 298a
byed/ rang snang ye shes nyams kyi gzer// 'gyur ba med pa'i dgos pa yod// rtogs pa ye shes gdeng gi gzer// 'phel 'grib med pa'i dgos pa yod// bying rmugs med pa ye shes gzar// sgom mi dgos pa'i dgos pa yod// gnyis med yang shes rang byung gzer// spyad mi dgos pa'i dgos pa yod// snang srid gzhi gzhengs rang grol gdeng // 'bras bu thob med dgos pa yod// tshogs drug lhag pa gdams pa'i gzer// dag go tu med pa'i dgos pa yod// 'gyu ba lta stangs gnad kyi gzer// 'dre rkun ngos 'dzin dgos pa yod// 'byung ba zang tal gdams pa'i gzer// nyams kyis mi 'ching dgos pa yod// lhan skyes rtsa rlung thig le'i gzer// btsal mi dgos pa'i dgos pa yod// chos las 'das pa'i nge spod gzer// kha mi 'khyar ba'i dgos pa yod// ces gsungs so// / dbang rin po che'akhor lo'i rgyud las/ dbul mo gter gyi dbang bskur ba'i le'u ste drug pa'o// // de nas yang dag pa shad bya ba// gsang ba'i bdag po khyod nyon cig/ rgyal po bka' brtags dbang bstan gyis// rgyal pos btsun mo spangs nas ni// dbang bskur khrus sogs byas tsam na// skyes pa
- 298b
bsam gyis mi khyab kyang // btsun mo de la 'jug mi nus// rgyal po bka' brtags phyag rgya'i dbang zhes bya// de bzhin bla ma dam pa yis// rig pa ye shes ngo sprad na snang ba rnam pa sna tshogs kyis// gnod pa 'byung bar mi 'gyur ro// nyon mongs brgyad khri bzhi stong kyang // phyag rgya'i dbang las 'da' mi nus// mi 'da' ye shes thugs kyi rgya// gnyis med ye shes gsung gi rgya// mi bskyod pas ni sku yi rgya// mi 'da' bas ni yul gyi rgya// rgya bzhi gnad kyi thebs tsam na// rgyal po'i bka' brtags phyag rgya bzhin// sus kyang 'da' bar mi nus so// gdams pa bka' yi gzer dang rgya// rnal 'byor snod dang ldan la gdab// rig pa ye shes lha yi gzer dang rgya// lha srin sde brgyad srog la gdab// phung byed sde brgyad srog rtsa rtsad nas gcod// byin rgyud nyams myong ye shes gzer// mkha' 'gro rnams kyi srog la gdab// mkha' 'gro'i srog rtsa mchod na// yaM ma dam sri gdon du che// thugs rgyud gdams pa gnad kyi gzer dang rgya// 'khor ba rnam bzhi'i srog la gdab/ 'khor ba'i srog rtsa mchod na// 'gro drug 'khrul pa g.yang sa che// skan brgyad ngo sprod gnad kyi gzer dang rgya// tshogs kyi
- 299a
'khor lo dbang bskur dus su gdab// bla ma'i gdams pa mchod na// theg pa'i srog la thug pa med// dpe rgyud gdams pa gags dang thebs kyi / mtshan par byed pa dang po'i dus su gdag/ dpe yang mthun dpa khyad par che// yid la ches pa'i srog rtsa bcad// gnang la phebs pa'i gzer dang rgya/ gcig pu yi srog la gdab// thams cad bcad pas gang la'ang // gcig chod pa ni khams gsum sgral// srog gi ngo bo 'dzin pa yin// nges pa'i tshig ni rngubs pa yin// dbye ba rnam pa gsum yin te// 'jig rten pa dang 'jig rten 'das// yang dag ye shes srog chen po// mthun pa'i dpe ni dra ba'i snying po 'dra// de ni thun mo srog yin no// khyad par srog ni rnam pa gsum// 'byung ba'i srog dang lus kyi srog/ dbugs gang ba yi srog dang gsum// mchog gi srog ni 'di lta ste// 'gyu bas bzu ba 'khrul pa'i srog/ 'byung ba zang tal nyams kyi srog/ ye shes rang snang thig le'i srog/ thig le'i srog chen 'pho 'gyur med// rgyal po phyag rgya dbang gi srog/ ces gsungs so// dbang rin po che'i 'khor lo'i rgyud las bka' brtags phyag rgya'i le'u bdun pa'o// // de nas
- 299b
yang dag pa shang bya ba// nyon cig gsang ba'i bdag po khyod// blon po bka' chad dbang bstan pa// dper na blon pos rgyal po'i khrims bcas na// da mangs kyis khrims las 'da' mi nus// gal te khrims las 'das pa na// 'chad pas thabs gcig bcad pa yin// de nas sus kyang 'da' mi nus// de bzhin ye shes ngo sprad na// rtog pa skye ba'i sa mi rnyed// gal te skyes na ngo sprad pas// phyis ni skye bar mi nus so// yang dag nges pa'i ngo sprod yin// dper na gser la nag tshur bzhin// phyis na ga ya'o yi skon dang bral// de bzhon ma rig ye shes bstan// phyis ni 'khor bar mi 'khrul lo// 'khor ba'i bag chags bza' rtog nga na rtog/ yin// bag chags srog rtsa mchod na// 'khor ba'i 'dam du bying te 'chi// de la gnad kyi gdams pa bstan pa ni// nyon mongs brgyad khri bzhi stong chags sngang lnga/ lnga po gsum du 'du sa de ma rig pa// de yang ngo bo rtsal dang las dang gnas// lam dang sgo dang skyon dang 'bras bu brkyang // mi dge lung ma bstan dang dge ba dang / mtshan bcas mtshan med rnal 'byor dang // dge bcu spyod pa'i gang zag dang // sdig bcu chags sdang sgo nas spyod pa dang // lung du ma bstan sngag sogs byed
- 300a
pa rnams// rang rang las dang las kyi 'bras bur bstan par bya// rig pa'i ngo bo rtsal dang las dang gnas// lam dang sgo dang yon tan 'bras bu brgyad rtog pa ye shes khong gsal shes rab chen po yis// 'bras bu phyir mi ldog pas des shes dbang po yin// 'gyu ba dkar nag glo rtsa'i mtshams na gnas lhan cig skyes pa'i lha dang lhan skyes 'dre// de gnyis lhan cig la sbyor 'khyud nas yod// 'dre dang bsdongs pa'i dbang po rnam shes brgyad kyis byed// lha dang bsdongs pa'i dbang po rig pa'i lha yis byed// lha 'dre gnyis kyi dbang po kun tu rgyu yi byed// phyi yi lha 'dre sel ba la// snang ba thug phrad dbang po dgos// 'odi gsal 'khor lo'i yid ches dgos// snang ba rang dag 'bras bu'i mchog/ nges pa'i shes pa khong nas 'char// nang gi na tsha sel ba la// rig pa'i 'od gsal 'khor lo dgos gang nar bskor ba dbang po yin// nad rnams sel ba'i dgos pa yod// bar mi chod pa'i 'bras bu yin// bar gyi rnam rtog sel ba la// tshogs drug 'od gsal 'khor lo dgos// rtogs pa rang grol dbang po yin// rang byung thig le 'bras bu yin// rtsol ba'i rtog pa sel ba la// 'gyu ba 'od gsal 'khor lo dgos//
- 300b
rang bya ba rang snang dgos pa yod// 'gyu ba dngas sangs dbang po yin// 'das pa rnam lnga 'bras bu'i mchog/ 'khor los thams cad gcod pa ltar// 'gyu ba'i 'khor los 'khor ba gcong // ces gsungs so// dbang rin po che 'khor lo'i rgyud las/ blon po'i bka' chad kyi le'u ste brgyad pa'o// // de nas yang dag bshad bya ba// nyon cig gsang ba'i bdag po khyod// dper na me btsun dpa' bo'i dbang bstan pa// dpa' bo rtsal dang ldan pa la// mo btsun mdzes mas g.yos tsam na// mo yis phar la glags btsal kyang // skyes pa rnams kyis 'jug mi nus// de bzhin ye shes dbang thob na// dug lnga sna tshogs rang khang 'dus// 'gyu bas btsal bas mi rnyed de// btsal bas ye shes tshogs drug shar// dug lnga'i mtshan ma rang sar grol// 'gyu ba bya ba'i ming yang med// snang srid thig le'i glong du grol/ dug lnga skyes pa ming yang med// phyi nang med par rang snang bas// nyams su myong rgyas yul ma rnyed// thams cad thig le'i ngang tu grob// tha skad tshig tshogs yul na med// dpe las 'das pa'i ye shes yin// rnam rtog 'gyu ba'i ye shes 'char ba la// rlung gi gdams pa'i dpa' bo dgos// rlung gi ngo bo g.yo
- 301a
ba'o// nges pa'i tshig ni 'degs bskyod do// dbye ba gzhi lam 'bras bu'o// 'bras bu rnam pa gnyis yin te// ma rig rlung dang ye shes rlung // ma rig rgyu ba'i rlung chen de// mi 'gags bskyod pas 'gyu ba'i rlung // dug lnga khong khro'i rlung rgyu bas// blo rkang gnyis la dbugs can rgyu// dbugs rgyu ma rig thugs ka la/ 'gyus pa rnam rtog ma rig rlung // nyon mongs brgyad khri bzhi stong rgyu// srog rtsa dbugs med rlung rgyu bas// lug pa 'khor ba'i rlung rgyu'o// mdzod spur ye shes rlung rgyu bas// 'das pa lnga yi rlung rgyu'o// snying nang ye shes rlung rgyu bas// zang tal 'gag pa med pa'i rlung // snying mtshams shes rab rlung rgyu bas// shes bya 'gag pa med pa'i rlung // glo'i mtshams ye shes rlung rgyu bas// thog pa med pa'i ye shes rlung // mgrin pa dbugs can rlung rgyu bas// rtog pa 'gag pa med pa'i rlung // kha sna dbugs can rlung ste/ 'gro ba 'ong ba gnas pa rgyu// blo sgang nga bugs can rlung rgyu bas// skye ba gcod pa gnas pa rgyu// snying nas rgyu ba 'gag med glong // 'char ba 'du ba gnas pa rgyu// de nas gsang lam 'od lnga'i rlung // rtog med shes pa'i rlung rgyu'o// mdzod spu rgyu ba'i dkar dmar rlung // lkog tu gyur pa'i rlung rgyu'o// mig la ye shes za' ta la rlung //
- 301b
'gag med ye shes mngon 'gyur rlung rgyu'o// sna ba chos nyid rlung rgyu'o// snying ka shes rab rlung rgyu'o// ro smad 'khor ba'i rlung rgyu'o// re stod mya ngan 'das pa'i rlung // ba ra na 'khor 'das ru gcod rlung // 'gag pa med par rgyu ba yin// zhes gsungs so// dbang rin po che'i 'khor lo'i rgyud las/ rlung dang dpa' bo dbang gi le'u ste dgu pa'o// / / de nas yang bka' stsal pa/ gsang ba'i bdag po nyon cig/ rtsa yi mdor bsdus ngo sprod bstan par bya// de la rtsa yi ngo bo stong pa yin// nges pa'i tshig ni gnas pa'o// mtshan nyid gnyis su med pa'o// dbye ba rnam pa gsum yin te// dpe ni dra ba'i tshul bzhin no// thun mong mchog dang khyad par gsum// thun mo ra khor lo bzhi la gnas// de yang ba spun gsum du 'dus// rkyang ma ro ma kun dar ma// khyad par rtsa yang bsdu na gsum// rna ba chos kyi rtsa dang ni// snying pa shes rab rtsa dang ni// mig la ye shes rtsa gsum gnas// snying la shes rab rtsa gnas pa// rtsa chen bzhi ru gyes pa yin// rna ba chos nyid rtsa dang 'brel// mig ni ye shas rtsa dang 'brel// bgrin pa chos kyi rtsa dang 'brel// blo sgang skyon yon rtsa dang 'brel// mig la ye shes rtsa gnas pa// kha dog lnga dang ldan pa ni// rtags kyi ye shes phyi ru shar/
- 302a
mgrin pa 'od du shar ba ni// longs sku gzhi la gab pa'i rtsa// snying ka chos gsum 'dus pa ni// chos sku rtsa ste rang chas yin// 'gyu ba stong pa'i lam sna zin// de ni rtsa ba'i lam chen yin// glo snying gnyis kyi mtshams dag na// sbu gu lta bu'i rtse gnas te// de la 'gyu ba'i rten pa yin// glo bar song bas sgrog 'dra'i rtse// skye ba gcod par gnas pa'i rtsa// mgrin pa gnya' tshan lta bu'i rtsa// dbugs kyang 'gro'ong gnas pa'i rtsa// mgrin pa thag sbrel 'dra ba'i rtsa// 'od lnga rang chas gnas pa'i / rtsa/ bde chen ka ba btsugs 'dra'i rtse// thig le'i rang gdang sa rlangs pa rgyu// mdzod spu shel gyi ze ru'i rtse// 'gyu ba rang byung gnas pa'i rtsa// bar do'i 'od gsal gnas pa'i rtsa// 'gyu ba stong pa rtsa yi rgyu// rtsa yi srog dang srog gi rten// de gnyis 'brel bas tshe dang gzungs// tshe srog rtsa dang gzungs bcad rtsa// sbyor sgrol sgro 'dog shes par bya// chos nyid ma bu sprod pa la// rtsa rlung gnyis kyi gdams pa dgos// tshe gzungs gcod shes dbang po dgos// chos nyid bar do'i ngo sprod gces// bar do tshad la phebs tsam na// chos nyid ma bu 'phrad pa yin// ye shes tshad la phebs tsam na// rnam rtog rang sar grol ba yin// thos pa tshad la phebs tsam na/
- 302b
sgro 'dogs thag pa chod pa yin// 'od gsal tshad la phebs tsam na// sangs rgyas zhing khams shar ba yin// gnyis med chad la phebs tsam na// sangs rgyas yul med shar ba yin// rnam rtog tshad la phebs tsam na// snang ba'i zhen pa ldog pa yin// gdams pa tshad la phebs tsam na// nyams myong khong nas shar ba yin// byin rlabs tshang la phebs tsam na// 'khor ba'i zhen pa log pa yin// bka' rgyud tshad la phebs tsam na// sangs rgyas dgongs pa 'char ba yin// thugs rgyud tshad la phebs tsam na/ skye rgyun thag pa chod pa yin// sman rgyud tshad la phebs tsam na// ye shes khong nas shar ba yin// ye shes ye shes khyad par che// rgyun chad med na ye shes yin/ snang ba tshad la phebs tsam na// mkha' 'gro dbang du 'dus pa yin// go ba tshad la phebs tsam na// rigs 'dzin dbang du 'dus pa yin// rtog pa tshad la phebs tsam na// sangs rgyas rang la brnyes pa yin// shar ba tshad la phe bas tsam na// tshad ma rang sar grol ba yin// grol ba tshad la phebs tsam na// thams cad mkhyen pa thob pa yin// tshad ma gtan la phebs tsam na// phyir mi ldog pa'i dgongs pa 'char// ces gsungs so// nga bang rin po che 'khor lo'i rgyud las/ rtsa
- 303a
dang tshang ma'i le'u ste bcu pa'o// // de nas yang dag bshad bya yis// nyon cig gsang ba'i bdag po khyod// thig le'i gdam pa bstan pa ni// phyi nang gsang ba rnam pa gsum// de yang ngo bo nges tshig dang // dbye ba 'thun pa'i dpe dang bzhi// thig le'i ngo bo gsal ba yin// nges tshig 'gyur med bde ba yin// dbye ba thun mong khyad par mchog/ dpe ni thig dang 'dra ba'o// thun mo thig le gdab pa dang // gzung ba dang ni bzlog pa dang // dgram pa dang ni gtang ba'o// dngas ma bzung dang snyigs ma btang // de las ye shes ngos zin pa// thun mong thig ler shes par bya// khyad par thig le rnam pa gsum// gzhi yi thig le ngo bo yin// rgyu yi thig le 'gyu ba gsal// lam gyi thig le 'od lnga gsal// de ni phra thig rags thig yin// dngos po'i gzhi lam 'bras bu yin// rig pa 'od gsal gzhi yi thig lo yin// snang ba 'od gsal lam gyi thig le yin// ye shes 'od gsal 'bras bu'i thig le yin// 'gyu ba rtsa ba zhi gsal ba gnad kyi thig le yin// 'gyus tshad rang gsal gdams pa'i thig le yin// dbyer med rang gsal bka' rgyad thig le yin// 'gyu ba tshad la phebs tsam na// ye
- 303b
shes mthil du sleb pa yin// thig le tshad la phebs tsam na// chad pa'i gol sa chod pa yin// rtsa rgyud tshad la phebs tsam na// rtag pa'i gol sa chod pa yin// rlung rgyud tshad la phebs tsam na// mtha' bzhi'i gol sa chod pa yin// rtsa yi gdams pa bstan tsam na// chos sku'i dgongs pa 'char ba yin// thig le'i gdams pa bstan tsam na// longs sku mngon du 'gyur ba yin// rlung gi gdams ngag bstan tsam na// spru la sku khong nas shar ba yin// mchog gi 'du 'bral med pa yin// zhes/ gsungs so// dbang rin po che 'khor lo'i rgyud las thig le gdams pa sku gsum ngo spyod kyi le'u ste bcu gcig pa'o// // de nas yang bka' stsal pa/ gsang ba'i bdag po nyon cig/ dbang gi chu bo bzhi po bstan par bya// de la brda yi chu bo chen po bzhi// gang+ku pak+Sha si ta sin d+hU dang // gang+gA glang po'i kha nus 'bab// sin+d+hurma bya'i kha nas 'babs// si ta seng ge'i kha nas 'bab// pak+Shu rta yi khA nas 'babs// de bzhi ti si'i gang sa la ga nas// rgyun chad med pa'i dbang gi brda// brtogs ni klad pa phyur kha' las// rna ba glang chen nyal ba 'dra// mig ni rma bya me tog zar ma 'dra// kha ni seng ge gnam du 'tshong ba 'dra//
- 304a
sna ni rta sngon 'thur du rgyug pa 'dra// gti mug zhe sdang 'dod chags dang // nga rgyal chu bzhin rtag tu 'bab// rtog pa ye shes rnam pa bzhi// rgyun mi 'chad bas dbang gi chu// de bzhin snying la rig pa'i ye shes gnas// chos nyid rtsa ni rma bya 'dra// thabs kyi rtsi ni gla 'chen 'dra// ye shes rtsa ni se dge 'dra// skyon yon rtsa ni rta mchog 'dra// chos nyid rtsa la 'od lnga rgyu// ye shes rtsa la 'gyu ba rgyu// skyon yon rtsa la nyon mongs 'gyu// glo bur rtsa la rnam shes rgyu// rtsa ni srog chags chen po bzhi// 'gyu ba la sogs chu bzhi 'bab// dbang gi chu bo chen po bzhi// rgyun chad med pas dbang bskur yin// da ni dbang gi don bstan to// a ni te se'i gangs dang 'dra// wa dnga' dang d+hu dang ni// yi ge bzhi po dbang dngos yin// don ni tshig dbang gsang dbang thabs// shes rab bum pa'i dbang dang lnga// rtsa dang yi ge dbang gsum po// phyi na gsang ba'i dbang bskur yin// rtags dang brda dang don dang gsum// bskur thabs dbang rdzas thim lugs gsum// lha dbang lus la bskur bas ni// lus kyi zhen pa ldog pa yin// ye shes chos kyi dbang bskur bas// lha yi radu rgyud ldog pa yin// chos dbang sems la bskur bas ni// dug lnga rang sar dag pa yin// dbang gis chu bzhin bstan pas/
- 304b
ni/ btsal mi dgos pa'i yon tan yod// dbang lnga dngos su bstan pas ni// ngo sprod kha mi 'khyar ba'i gzer// dbang lnga lam du spangs pas ni// byin rlabs rang las 'byung ba yin// lhan cig skyes pa rnam bzhi ni// thun mong ma yin khyad par min// mchog gi 'bras bu thob pa yin// gzhi lam 'bras bu bstan pa ni// rnal 'byor rab 'bring dgongs so yin// zhes gsungs so// dbang rin po che'i 'khor lo las/ lha rgyud chung ngu'i le'u ste bcu gnyis pa'o// // gsang ba'i bdag po nyon cig/ lha rgyud rin po che dpa' 'khor lo zhes bya ba 'di ni/ tshegs chung la don che/ brtag dka' la gting zab pas na/ man ngag thams cad ma tshang ba med pas rgyud/ bka' las mi 'da' zhing brtag dka' bas lung / thams cad gtan la 'bebs pas/ rgyad lung man ngag gi tshad mar zung zhig ces gdams so// rdo rje sems dpa' yang rjes su yi rangs nas bstod pa/ ston pa kun rig chos kyi rje// sna tshogs ji spyod rgyud kyi rgyal po 'di// byin gyis brlabs kyi brgyud pas ngo mtshar che// byin rlabs sprul sku 'gro don mdzad la phyag 'tshal bstod// ces gnas bstad do// rjes su yi rang sa na sa bstod pa'i le'u
- 305a
ste bcu gsum pa'o// / rdzogs so// rgya gar skad du/ rat+na si ba sha ya tan+t+ra/ bod skad du/ rin po che srid pa bar do rang snang ba'i rgyud/ bcom ldan 'das dpal kun tu bzang po la phyag 'tshal lo// dus bzhi mnyam par gcig par snang ba'i dus// rgyu rkyen ma skyes ye shes rang snang dus// lus sems gnyis po tha dad snang ba'i dus// rang gi rnam rtog dbugs la rten pa'i dus// 'khor ba myang 'das gcig par snang ba'i dus// chos sku skye med rang bzhin grub pa'i gnas// ye shes ma skyes rig pa stong pa'i gnas// lus sems gnyis po srid par snang ba'i gaunas// snang ba thugs rje spyod yul ston pa'i gnas// 'khor ba'i rgyud dang mya ngan 'das pa snang ba'i gnas// chos sku snying po brjod med ston pa dang // ye shes snying po mi brjod ston pa dang // lus kyi snong tshul sems kyi ston pa dang // dbugs kyi rnam rtog snang ba'i ston pa dang // 'khor ba'i lam dang mya ngan 'das pa'i lam ston pa'o// rang byung chos sku ma 'gag 'khor nyid dang // lus kyi 'khor dang sems kyi 'khor nyid dang // dbugs kyi rnam rtog lam 'tshol 'khor nyid dang // thi ma dad pa gcig snang 'khor nyid do//