Maha'yoga - 'Jam dpal gshin rje'i gshed po'i rgyud skorAll versions of this work

'phags pa 'jam dpal gshin rje'i rgyal po sdig pa stobs chen gsang ba'i rgyud

Aryamañjuśri yamarajamahabalabricuguhyatantra

Text

ff. 198a–219a · 43 folio sides

  1. 198a

    @#rje'i 'khrul 'khor nag po// sdig pa snying 'dzings gsang ba'i rgyud las/ rgyud gtad cing rjes su yi rang ba'i le'u ste bcu bzhi pa'o// / 'jam dpal gshin rje dngos grub nye bar bsdus pa'i zla gsang nag po'i rgyud// las kyi 'khor lo nag po sdigs pa snying 'dzings kyi rgyud zhes bya ba/ lha'i yul du grags pa rdzogs so// // bal yul gyi slob dpon chen po ba su d+ha ra dang / bod kyi lo ts+tsha ba sru ngan bdag gis bsgyur ba'o// / rgya rgyu rgya rmya rgya/ rgya rgya rgya s+ya smr-i/ gang gram gyi gter ma'o// / pa lag shin rdo rdzog parta byung bachugs/ @#// rgya gar skad du/ Ar+ya many+dzu shrI/ ya ma rA dza ma hA ba la bri tsu gu h+ya tan+ta/ bod skad du/ 'phags pa 'jam dpal gshin rje'i rgyal po sdig pa stobs chen gsang ba'i rgyud// bcom ldan 'das gshin rje gshed po phyag 'tshal lo// 'di skad bdag gis thos pa dus gcig na// bcom ldan 'das chos thams cad lhun gyis rdzogs pa'i rang bzhin/ yongs su bkod pa'i snying po// mkha' dbyings rnam par dag pa'i klong // rgya yongs su ma chad par// rang bzhin lhun gyis grub pa'i gzhal yas khang na// snying po dregs pa 'joms pa nyid// dus gsum du gcig pa'i sangs rgyas rnams dang // ma skyes lam la 'dzud pa rnams dang // sa la gnas pa'i sems dpa' rnams dang / rdo rje khro bo dregs pa rnams dang // khram thogs kyi bdud pho mo rnams dang // gri thogs kyi ging dang // zor thogs kyi ma mo dang // 'jig rten gyi dregs can rnams dang // phung byed dregs pa'i tshogs bsam gyis mi khyab pa dang / klu dang gnyen sa bdag la sogs pa yongasu bskor te thabs gcig tu bzhug so// de nas bcom ldan 'das rdo rje 'chang chen pos// sangs rgyas tha~Md kyi rang bzhin chos nyid mnyam pa chen

  2. 198b

    po ci'i ngo bo yang ma grub pa zhes bya ba/ lhun gyis grub par kun la khyab par mdzod// de nas 'khor rnams sems par gzigs nas 'khor rnams la rang bzhin 'di ston to// e ma ngo mtshar rmad kyi chos// ma skyes ye nas gnyisu med/ rgyu dang rkyen med rang 'byung ba// de las kun thabs bsam yas// thams cad nga'i rang bzhin las// ma g.yos mi g.yo cir yang snang // snying po nyid las g.yo ba med// ces gsungaso// 'khor rnams rang rang gi de kho na nyid so so ma yin par mthong bar 'gyur to// de nas rdo rje snying po dregs pa 'joms pa de// bcom ldan 'das rdo rje 'chang chen po la 'di skad ces smraso// kun gyi rang bzhin rdo rje nyid// dus gsum sangs rgyas kun gyi dngos// gsang sngags kun gyi ngo bo nyid// che ba'i yon tan rgyas par mdzod// ces gsol pas/ de nas bcom ldan 'das kyis// chos thams cad gnyisu med pa'i bdag nyid chen po la// sprul pa snang ba'i tshul 'od zer bye bas ya phyogs bcur bkye'o// 'od zer de dag thams cad du khyab par mdzad nas// sangs rgyas tha~Md kyis dgongs pa rgyud ste/ sangs rgyas thams cad kyi rang bzhin chos tha~Md kyi rtsa ba// rdo rje 'chang nyid du mdzod do// rtsol ba dang bral ba'i lam mngon du gyur par gsung so// de nas rdo rje snying pos/ bcom ldan 'das la gsol pa/ sangs rgyas kun gyi rang bzhin dngos// lhun gyis grub pa'i rang bzhin khyod// mi rtogs dbyings nas sku bzhengs la// 'khor ni dregs pa dbang du bsdus// ces gsol bas/ de nas bcom ldan 'das kyis/ zil gyis gnon pa'i khro bo 'bar ba zhes bya ba'i dgongs pa la zhugs te// 'byung ba ye nas lhun gyis grub pa'i gzhal yas khang mtha' dbus med pa'i pho brang dang / 'bras bur lam tha~Md kyi snying por rig pa snying po zin pa'i thabs chen po//

  3. 199a

    skrong du med pa'i lam khyad par can// stobs kyi stobs las khyad par 'phags par// rmad du 'byung ba'i stobs dang // nyes pa'i sbyor ba du ma rol par 'char ba// rab tu 'khros pa'i tshul 'chang ba// 'jig rten gyi khams gang bar mdzad pa/ chos kyi nges par sbyar ba'i skyab kyis// las rnams thams cad gtan la phab ste// las ma yin pa la sbyor ba tha~Md kyi srog dang / las nus pas tha~Mng gnad la bor te srog dbang du bsdus pa'o// de nas 'jig rten gsum po rab tu g.yos so// lde go rab tu ldeg go/ 'ur 'ur rab tu 'ur 'ur/ cham chem chem/ kun tu chem chem mo// 'jig rten gsum po 'jig la khang ngo // 'khor thaMd brgyal te dbang po nyamaso// de nas bcom ldan 'das kyi stobs khyad par gyur pas srog gi dngas ma gsal bar mdzadado// de ma thag tu 'khor rnams myos shing dran pa nyams pa las log go// shin tu bred cing mi zad pa chen por gyur nas/ rang rang gi snying po thaMd mngon du phulo// de nas bcom ldan 'dra kyis rngam pa'i sgra chen po ston te// srog dang las thad kyi yi ge gnyis la bsdus te// rang rang gi srog gi snying po thaMd nus pa'i mthu can du byin gyis brlabs te/ dkyil 'khor chen po yongasu rdzogs par mdzad nas// dregs pa de dag kun kyang gshin rje gshed kyi dge 'dun du 'gyur to// 'phags pa 'jam dpal gshin rje'i rgyal po sdig pa stobs chen gsang ba'i rgyud las gleng gzhi'i le'u ste dang po'o// / de nas mthu stobs kyi bdag po rdo rje snying pos bcom ldan 'das la 'di skad ces gsol to// kye ma ho mi bshig rdo rje dregs pa'i sku// zil gyis gnon pa'i ye shes rdo rje khyod/ 'khor gyi dregs pa dbang bsdus nas// dkyil 'khor chen po lhun rdzogs gang // drag po sngags rgod

  4. 199b

    'jug tshul gang // phyag rgya zil gnon ji lta bu// drag sngags mtshon cha ji ltar lags// de bzhin dkyil 'khor dbang dang ni// dam tshig 'phrin las rdzogs mdzad pa'i// stobs chen bka' rgyud ji lta bu// ye shes chen pos bshad du gsol/ ces gsol pa dang // de nas bcom ldan 'das rdo rje 'chang chen pos/ 'gro ba yongs su bstan pa'i ti nge 'dzin la snyoms par bzhugs te// gsang tshig sngags kyi sbyor ba 'di rgyas par gsungaso// drag po sngags rgod dmod pa dag/ rgyu dang rkyen la rag ma lus// bsnyen bsgrub byed rtsol mthur ma lhung // re dog byed pa'i g.yang sa med// rdzas dang sbyor ba'i 'phro 'du bral// mchod dang rdzas la rton mi 'cha'// chags sdang rgyu rkyen dbyer med 'dzema?// sa dang lam la spyod pa med// de ni lha'i ngo bo ni/ tIng 'dzin rim pa'i 'phrin las min// gzhi rtsa med pas ye shes de// rgyud dang rkyen la rag ma lus/ smin dang ma smin nye ring med// phyag rgya gsal ba lhun gyis grub// phyag rgya rdzos pas zhing khams rdzogs// phyag rgya grol bas dang du thims// che ba rang 'byung rgyal po ste// zil gyis gnon pa'i ye shes yin// drag po sngags kyi go cha ni// brdung dang dar thar ma yin te// mkhas pa bya ba thaMd bzhin// rgyab pas thad mi 'jigs gcod// bde gshegs thaMd bka' 'dus te/ sangs rgyas kun gyi thugs rgyud de// rnam pa'i yi ge ngo bo la// sangs rgyas mthu yis rang mthar bcug/ stobs dang nus pa kun 'dus pas// mkhyen pa nyid kyang brlag par 'gyur// dkyil 'khor yongs rdzogs thig le che// 'byung lnga ye nas rnam dag klong // lhun gyis grub pa'i gzhal med khang // rtog rdzogs lha'i dkyil 'khor rdzogs// ma lus 'dus pa'i thig le che// snang sring dbang gi dkyil 'khor du//

  5. 200a

    ma skur skur med ye nas rdzogs// skyes bu rig pa'i rtsal ldan pa// dbang mchog chen po rgyun du gnas// dka' thub dam tshig sdom pa'i don// chos rnams ma lus kun gyi gzhi// ngo bo chos sku byang chub sems// 'khor 'das lhun grub dang rdzogs pa'i// dam tshig chen po de nyid bsrung // 'phrin las ma brtsal rol pa'i rgyan// sgyu ma lhun grub rol par shar// dus gsum rgyal ba'i byin brlabs stobs// ma lus sdud pa'i rdo rje'i bka'// bzhi dang las dang 'bras bu'i rgyud// lta spyod dkyil 'khor dam tshig dbang // las rims bsgrubs pa'i gsang sngags dang // ngo bo 'brel bcas rgyu dang rkyen// rang bzhin rnams dang 'byed pa// gsang sngags rgyud kyi nges par bshad// ces gsung so// 'phags pa 'jam dpal gshin rje'i rgyal po// sdig pa stobs chen gsang ba'i rgyud las/ rang bzhin lhun gyis grub pa'i le'u ste gnyis pa'o// / de nas mthu stobs kyi bdag rdo rje snying pos/ bcom ldan 'das la 'di skad ces gsol to// rgyal ba kun gyi rang bzhin dngos// gsang sngags ngo bo de nyid gang // 'jig rten 'jig rten 'das pa yin// dregs pa mthu stobs ldan pa kun// bka' bzhin nyes pa ji lta bu// lhun grub phyag rgya chen po yis// drag po gdul bya gang yin pa// 'khor la rgyas par bshad du gsol// ces gsol pas/ bcom ldan 'das kyi don bshad do// bskal pa rdzogs dang ldan pa la// lho'i 'dzam bu gling 'di ru// bde ba'i dbang phyug ded dpon zhes// rigs kyi bdag por grags pa zhig/ drag po sngags kyi sgor zhugs nas// bgrod pa ma thob dpe las mtshon// brda' don ma grol lhug par bya// rigs ngan mo la grogasu bcad // sha khrag keng rus rnams la rol// 'jig rten dreg

  6. 200b

    pa sha khrag brten// sngags tshig phra mo'i stobs dang ldan// rtag pa'i khro bo yod par bsgoms// lus can yan lag rag pas brtags// don gyi gdengs stobs ma skyes par// dngos po la ni sgra bzhin sbyang // gsang sngags bka' sgo log pa yis// dus ma yin par tshe zad nas// na rag rdo rje dmyal bar lhung // bzhi brgya rtsa bzhi'i sdug bsngal myong // tshad mas 'brel te bde ba 'brel// bskal pa bzhi nas brgyud gnyis 'khor// tsha grang gnas nas bskal pa bzhin// 'khor zhing sdug bsngal zad pa'i mthar/ nyi tshe nya'i 'khor khang bskor nas// bskal pa gnyis su sdug cing khyams// de mthar phyin nas sgrib pa'i gnas// skye ba gnyi su dud 'gror gnas// de mthar rdzu 'phrul lus blangs nas// gshin yul 'jigs shing skyi g.ya' ba'i// lcags mkhar bcu gnyis bcu drug 'obs// thod mkhar chen po'i pho brang du// las kyi gshin rje nag por gyur// bdud dang ma mo sro gcod ging // gdug pa can gyi ded dpon gtso// phu dbyed nag po che srog bdag/ lus can yan lag rag pa rngam// skra dang ba spu ag tshom rtsub// mgo dang snying gi 'phreng bas brgyan// ko rlon zhing lpags gosu gon// mtshon cha du ba me phung 'phro// myur du gsad cing sha rlon za// mngal du 'tshub zhing rag 'dzag/ thod rus 'bru mar 'khrug cing 'thung // ded dpon bzhi po 'khor lo gcod// chags pa'i rgya mtshos myos par byed// chags pa'i me dpung rang brgyud bsreg/ de yis 'jig rten phud byed nas// rgyal ba kun gyis thugs rgyud de// bka' sgo rdzu 'phrul sna tshogs skye/ skyong ba'i rang bzhin des stong de// stong pa nag po bde ma stong / sangs rgyas rdul snyeng zhing khams 'khod// de mthul te rigs gsum sngags// ya ma badz+ra ha la'i sku/ rang rang lag cha 'khor sprul nas// na dang mtshon gyi char dba' gzer/ sha khrog ro dong bdud rtsir 'gyur// ma thub sde gsum brgyal la khang

  7. 201a

    / de ma thub nas bka' bgros te// khro bo rma brtsegs 'bar ba sngags// rdo rje srin po 'khor dang bcas// nag po gdug pa sgral bar byas// ye shes me yis sras mchog sprul// nag po che srog bdag po yis/ dkar nagA tsit+ti dkyil dus btses// btab pas khro bo rma brtsegs rgyal// rdo rje srin po'i 'khor brlag nas// bde gshegs kun gyis dgongs pa bsdus// gsang sngags ngo bo de kho na// dngas ma chen mo lnga'i dngos// yis lnga nyid de rtogs pa'o// rigs lnga'i gtso bo spyi gzugs can// nag po cha mthun brjid pa'i sku// zil gnon phyag rgya chen po nyid// stong nyid ma skyes 'gag med pa'i// lhun grub ye shes thams cad mkhyen// lhun po ri rab lta bur brjid// rnam thar dbu gsum sku gsung thugs// rgyud drug 'khor kha sgrol ba'i rtags// pha rol phyin drug ye shes drug/ skye ba rnam bzhi dag pa'i rtags// tshad me zhabs bzhi rdzu 'phrul zhabs// bsra byed brtan pas thad gnon// gnyen byed skyon pas bdud pa'i dbang // gsal byed khrag chu bag chags bsreg/ yab kyis skyon med rang shug ldan// snang byed go 'byed khobs 'ob chu// rgyu rkyen thabs la rag ma lus// bde ba'i rgyu gnyis stong bdag med// stong las kun 'byung bsam dpag dka'// nag po brdul phyir sna tshogs sbrul// ya ma badz+ra khyams khang khyung // de bzhin rigs ldan seng ge stag/ gdug pa'i ye shes khro chu 'bab// tshul dgu chags dgu brgyan dgu dang // gar dgu stab dgu rngam sgra dgu// 'khor lo ral gri rdo rje 'phen// be con gtun shing sdig 'dzub brda ba// nag po gel pa rgyal te gnan// pho nya sprul pa gdan du gting // nag po brgyal te bdar ba de// zhal du rngub te mngal nas phyung // 'khor rnams dbang bsdus mdangs dang phral// nag po rgyal sangs smre sngags bton// e ma sangs rgyas 'dus pa'i sku// rdzu 'phrul rmad 'byung ngo /

  8. 201b

    mtshar che// bdag cag rgyal ba'i 'khor bgyid pas// srog dang ma bral bran du shog/ 'khor la thugs rje ma chung bar// bka' las thog cig bka' bzhin byed// ci bcol las rnams bka' bzhin nyan pa// dkyil 'khor chen po'i bsrung la / ma kyis sa pacwa lag sa dang / su ma pa'i / \u0f7fsa rnas sa na [।] smyan da sa n+d+ha/ rnal 'byor can gyis 'phrin las kyis// ces gsungs so// 'khor rnams dkyil 'khor chen po'i bsrung mar gyur pa'o// 'phags pa 'jam dpal gshin rje'i rgyal po sdig pa stobs chen gsang ba'i rgyud las ru dra brtul ba'i le'u ste gsum pa'o// // de nas mthu stobs kyi bdag po rdo rje snying pos// bcom ldan 'das la gsol pa// kye ho sangs rgyas kun gyi dngos// ye shes dbyings las sprul pa yis// 'phrin las rdzogs pa'i ye shes khyod/ las rnams kun gyi rtsa ba ru// rnag pa'i rgyal po gsang ba'i rgyud// sdig pa nag po stobs can gyis// las kyi rnam grangs ji lta bu// 'khor la rgyas par bshad du gsol// ces gsol pas// bcom ldan 'das dri ba'i don gyi gsang rgyud las rtsa ba'i yan lag bzhi ru bshad// rtsa ba'i las ni gsum du bshad// gsang ba mchogi sbyor ba dang // dregs pa stobs kyis gzhom pa dang // gdug pa gdul ba'i lasu bshad// gsad pa mchog sbyor ba las// stobs chen dang ni stobs med las// srog la 'khor lo bskor ba dang // drag po thun gyis gsad pa dang // gdug po klu la gtang ba yis// rten can rten med thun mong gis// gsang pa'i sbyor ba rdzogs par bshad// dregs po'i stobs kyis gzhom pa la// stong

  9. 202a

    @srog gcig tu bsdu ba dang // rang gshed rang la dbab pa dang // phyag cha rang la bskor ba dang // rang rang gnad kyis gzir ba ste/ dgug dang srog dbrog gzir ba gsang ba dang // thab bsdud las rnams rdzogs pa ste/ sbyor ba gsum gyis las sbyar nas// mi byas mi ma byas pa rnams// na mkha' bar snang sa gzhir rnams// stobs gshig dug dbyung kha bcings bzhi // zug dbang phyug dang gsal ma dgag/ de bzhin gdug pa 'dul ba dang // stobs chen lha dang drag po sngags// rten 'brel rdzas dang 'tshe 'byed sman// 'phrin las sbyor bka'i bcud kyis gso// ma grub spogs dang log gnon gyis// las kyi sbyor ba rdzogs par bshad/ yan lag sbyor ba bstan pa ni// dbab gcang sprul pa'i las kyis te// rnal ma lto log 'byung ba dkrug/ de'i las rnams 'grub par byed// stobs ldan drod thob lha gsal bas// rno myur stobs can dar ldan yin// de dang mi ldan rang 'chi bas// ya ba ga sha'i sbyor ba bshad// 'jam dpal khro bo gshin rje gshed// sdig pa stobs can gyi rgyud las dngos bzhi sbyor ba'i don bstan pa'i le'u ste bzhi pa'o// / de nas yang rdo rje snying pos// bcom ldan 'das la 'di skad ces gsol to// e ma 'bar ba'i rgyal po ste/ lhun gyis grub pa'i ye shes khyod// snod bcud 'byung bzhir lhun grub pa'i/ gzhal med pho brang dam pa gang // skye med don pa nyid skye shar ba'i// phyag rgya'i dkyil 'khor ji lta bu// rtog tshogs rnam dag 'bras bu gang // ces gsol bas// de nas btso// ldan 'das kyis 'khor la sangs rgyas par bshad do// rang bzhin mi gnas mnyam nyid dang // lhun grub ye shes gzhal med khang // rin chen dur khrod brtan par gnas// phyi nang gnyis med bdal bar gnas/ gru gsum mthing

  10. 202b

    nag 'bar ba'i dbyings// zla gam dmar po dbang gi tshul// lag pa'i ye shes thod mkhar bzhi// lcags mkhar bcu gnyis bcu drug 'obs// rdo rje 'phreng ba gru chad bzhi// bar khyams dmar po sgo khyud ldan/ gru bzhi sgo la rta babs ldan// rtse mo gnam lcags 'bar ba mthong // lha brgyad klu brgyad zhing dang ro// dra ba dra phyed chun 'phyangs sbrul// glang chen 'brug dang seng ge stag/ ru sbal chu srin gnam lcags thog/ zhing dang zhing chung thod pa sbrul// kha khyer lha mor mdzes ba byed// ma skyes dbyings nas ye shes gsal// drag po e'i pho brang du// klu 'bum gnyen khri sa bdag stong // phyogs skyong nyi zla ma he'i gdan// dbus su zil gnon lhun grub sku/ mthing nag dug che ha la'i mdog/ dbu gsum phyag drug zhabs bzhir bgrang// g.yas pa sku ma ta 'dra bas// ro nyi za dang rngam par gzigs// g.yon pa rak+ta gnyan khri gsol// dbus mthing dgra bgegs sa bdag za/ rdo rje 'khor lo ral gri g.yas// be con gtun shing sdigs 'dzubs 'bru/ glang chen ko rlon dur khrod chas/ sbrul dang rin chen tsit+ta sa brgyan// dbu kha rigs lnga'i khro bo sku// dregs pa'i snying dang na ga'i mgo/ do shal khro bo'i chags ga rdzogs// de bzhin dbyings nas khros pa'i sku// mthing nag snying stobs gri thogs 'khyud// gtso bo'i thugs kar ya ma'i sku// zhe sdang rdo rje spug nag 'jigs// tsakra tsit+ta phyag na bsnams// ya ma'i thugs khar dregs pa che// nga rgyal rdo rje ljang nag rngam// rdo rje snying phreng phyag na bsnams// dregs pa'i thugs khar khyams khang ste/ phrag dog rdo rje 'jigs pa'i sku// spyi gtsug mkha' lding ku mu ta/ 'dod chags rdo rje zil gnon sku// ro nye 'dren pa'i stobs dang ldan/ phrag dog khyung mo spug nag gnyis/ bu dpar sing ge ni

  11. 203a

    @dpung par rtag/ lha zur sprul na ce spyang rngam// khro chung mang pos sku la skams// thod mkhar gshed bzhi pho nyas gang // bdud dang mon bke kang tshogs/ rgyal ba gcigs ye shes la// du ma las la rgyug 'gro ba// rang las 'byung zhing sprul par snang // don dam gnyis med gcig tu rdzogs// rtag rdzogs rnam dag rdo rje'i sku// srid gsum las la sbyor ba dang // mo gdon 'bum ste zil gyis gnon// zhi khro ma gshin rje phur dbang // bdud dang mu steg rgyal po dang // the'u rang gnyen bdag gnod sbyin btsan// bklag mdangs tshe srog bdud pa dang // mdze 'dres srin klu srin dang / brag btsan yul lha zil gyis gnon// ma rigs stobs chen dag dang ni/ gcan zan gdug pa kha 'ching dang / smod pa'i dug dang rigs bzhi'i dug/ zad 'joms shing zil gyis gnon/ rtsa gcad khrag skems srog dbugs gcod// 'og gcod tshe srog rten 'brel 'chang // srid pa'i rus pa 'chang ba dang // khris pa 'byin cing sha khrag rol// bla dang / drod dang srog dbugs len// shes pa dang snyigs 'byed par byed// 'bras bu chos sku zug rngu med// byed rtsol g.yang sa'i lo dag chong // ma bcos de nyid gnyug mar gnas// 'khor ba dong smug ka dag gling // snang stong dbyer med ye shes sku/ mi zad rgyan gyi 'khor lo rdzogs// ces gsung so// 'phags pa 'jam dpal gshin rje'i rgyal po sdig pa stobs chen po gsang ba'i rgyud las// phyag rgya'i dkyil 'khor rdzogs pa'i le'u ste lnga pa'o// / de nas rdo rje snying pos bcom ldan 'das la gsol pa// kye 'o 'bar ba'i rgyal po ste// che ba lhun grub ye shes khyod// mtshon cha'i rgyal po nor bu yis// 'phreng ba'i rnam pa'i ngo bo gang // rang bzhin nus pa ji lta bu// rtsa ba yan lag bcas pa yis// so dang dkrug

  12. 203b

    dang btsun pa gang // yang dag dpa' bos bshad du gsol// ces gsol pas/ bcom ldan 'das kyis drag sngags kyi ngo bo 'di bshad// gsang sngags don gyi ngo bo ni// skye med don gyi gsang sngags bshad// rang bzhin stong pa spros dang bral// skye ba med pa'i ye shes yin/ rnam pa'i gzugs brnyan yi ge ste// ngo bo lha'i sku ru gshad// dus gsum rgyal ba'i byin brlabs rnams// yang snying dril brtsa ba'i sngags// sku dang gsung dang thugs kyi sngags// bzhi gcig bzhi gnyis bzhig yin// rgyal bkun gyi ngo bo ni// chos sku skye med rnam dag las// thig le nya gcig spro dang bral ba'i// a ni ma skyes yi ge'i mchog/ 'gro don rdzogs pa'i 'greng bus brgyan// oM'i ye shes las 'byung ba// drag po dbang bsdus srog snying bsdus// phyag rgya zil non sku ru rdzogs// ka'i ye shes las byung ba// sbyor ba las kyi rgyal po kun/ sprul pa'i tshe bdag nag po rdzogs// ya'i ye shes las byung ba// rlung gi stobs kyis 'phen skyong pa// gshin rje'i ya ma ra tsa rdzogs// ma'i ye shes las 'byung ba/ skye dang sdud par byed pas ni// ma mo rdo rje mkhros mar rdzogs// he'i yis las byung ba// dgyes pa'i gar dgu gdug pa 'joms// bya khyung rgyal po snying po rdzogs// dun gyi ye shes las byung ba// srog dang dbang po las bsdus nas// las kyi 'chi bdag chen por rdzogs// snying gi ye shes las byung ba// gdug pa ma lus gnasu 'joms// khyung mo smug nag gnyisu rdzogs// khra gi ye shes las byung ba// dregs pa 'joms pas rdo rje rdzogs// ra'i yis las byung ba/ bsreg cing skyems te gnas su spong // zhe sdang gdug pa sbrul nag rdzogs/ ma'i yis las 'byung ba// pho nya las la mngag pa ste// bdud mo khra gi ral can rdzogs// rtsa'i ye shes las byung ba// snang srong srog dang rdza

  13. 204a

    sdus nas// rus sbal rngam pa'i sku ru rdzogs// ya'i ye shes las byung ba// las kyi rlung gis phul zhing sgrol// srog bdag shan pa ma ru tse// sgrol ging chen po'i sku ru rdzogs// de phyir lha'i ngo bo bshad// nus pas me rlung las kyi mtshon// dug gi me dpung lta bur shar// de nas bcom ldan 'das kyis gsang sngags 'di dag sku gsung thugs rdo rje las 'thon te// aM ka he du na ya me snying khrag ra ma tsi ya// dus gsum rgyal ba'i dgongs pa do// mi 'gyur rtsa ba'i snying por bshad// e myags ya rngubs mugs shag kadun/ e'i ye shes las byung ba// stong srog yig 'bru de nyid de// rigs lnga spyi gzugs zil gnon sku// myags kyi ye shes las byung ba// dmigs med yum nyid chos kyi dbyings// ya'i ye shes las byung ba// me long ye shes ya ma'i sku// rlung gi stobs kyis sdud cing grub// rngubs kyi ye shes las byung ba// mnyam nyid ye shes rdo rje'i sku// phyi nang nang gi dbugs kun gcod// mug gi ye shes las byung ba// tan tan ye shes khyams khang sku// srid gsum lho ru 'chang bar byed// shag gi ye shes las byung ba// kun rtog ye shes mkha' lding sku// srog lus dngas snyigs 'byed pa'o// ka'i yis las byung ba// las kyi gshin rje sprul pa gsum// las rnams thogs med ye shes so// dun gyi yis las byung ba// rgyan gyi lha brgyad srog gshed bzhi// pho nya sprul pa bsam 'das te// rnam pa yi ge ngo bo la// sngags ni shes skyobs smin byed 'jom 'di la 'jig rten dngos grub mchog ma lus 'byung phyir snying po'i don// rgyal ba kun gyi thugs kyi gter// mi zad sngags kyi yon tan rdzogs// rin chen rgya mtsho'i nam mkha' la// rims pa du ma'i don cig rdzogs// rtsa ba sngags

  14. 204b

    kyi lugasu bshad// so ni spu gri du ma ste// gsang dang bsrung dang dbab dang sprul// gang byed las kyis sham bur 'grub// ces gsung so// 'phags pa 'jam dpal gshin rje gshed po sdig pa stobs las/ gsang sngags bstan pa'i le'u ste drug pa'o// // de nas rdo rje snying pos gsol pa// kye ma rdo rje khro bo'i sku// gsang sngags bshad pa de ltar ma// ngo dmar gdug pa sprul ba yis// gsad pa sbyor ba ji ltar bya// yang dag dpa' bos bshad du gsol// ces gsol pa/ de nas bcom ldan 'das kyi yang gsang spro ba 'di gsungaso// thog mar shes ldan smin byed mos// bla med byang chub rjes bsgrub pa// bstan pa spyi'i blo sring can// bgrod thob stobs ldan chen po yis// bdag don ma yin bstan pa'i don// dkon mchog bla ma'i don chad du// bstan pa'i bor gcod byed pa dag/ bsgral na bla med byang chub myur// de ma yin pa mnar med de// las kyi ru dra srin por 'gyur// dur khrod gnas sam brag ri'i ngogs// dben par 'dug la bsam gtan bya// phungs gsum gyi sa blangs la// gri rgod khrag dang dug chus spu// 'brub khung sum brtsegs gtsang gis bskor// dur khrod ras sam rgya shog la// rme khrag dugs rab byugs te// dur khrod rdo sol de dag gi/ mkhas pas 'khor lo bri bar bya// dbus su gru gsum ldan pa la// phyi rims rdo rje rgya raM la/ rtsa ba lus kyi yig 'bru dgod// bar bsam bris pa sngags kyis bskor// phyi rim mu khyud zlum po la// shan pa gsod byed spu gri dgod// tha ma mu khyud dag la ni// 'khor lo'i rtsibs ni gnyis gcig rtse mo nang du bstan byas la/ yang gsang bcu gcig gsang sngags dgod// srid ba ru sbal sto bar bcal/ gre nod khrag dang zung kar dug/ las kyi thod pa la ye langab/ 'khor la gru gsum steng du yang / kha sbyar

  15. 205a

    @#/ rtsang mar bzhi la brgyan// dbus nas nang du thod nang du// ling ga bris la rme bdud bdug/ mtshon cha rtsibs kyi bar bar du// bla re sprul pa brgyad dang ni// yang sbrul bcu gnyis 'bri zhing dgod// bla rtags gang byung rtags sbyar rdeg/ phyag rgya zil gnon bskur bsgom la// zhag grangs bdun nam bcu gtsigs// nyi shu gcig tu mnan pa bya// sgom skul drag sngags snol mar badz+rag/ dregs sngags dbugs kyi rta zhon nas// gsang lam dgu nas rtsit+ta thims// srog dang shes pa dang snying 'byed// snying po stong ngam rgya bar du// drag po thun gyis gsad pa tsam// mtshon cha bsnol ba'i sngags rdzogs nas// gdug pa gnas pa'i sa ru gnan// de'i ngan sngags 'di lta ste// e myags ya rngub mu ga shag ka dun/ dgra bo'i srog la breng shag thum ril dun dun nri hur thums dza// dgra bo'i srog la breng breng dza dza thum ril shag rbad/ dgra bo tsit+ta thums rims ta shag rbad/ dgra bo'i rtsa la hur rims shag rbad// dgra bo'i srog la ka dun ling thums ril shag bod/ dgra bo'i srog la hur thums ril shag rbad/ dgra bo'i srog la khaM nan thum ril shag rbad/ dgra bo'i srog la snying gzer sbur nan/ thum ril shag rbad/ dgra bo'i srog la gzer thum ri la shag rbad/ dgra bo'i srog la yab shig/ thum ril shag rbad/ dgra bo'i srog la thun gzir thun b+h+yo/ gsang pa drag po mchog gi las// sbyor ba brkyang ba de nyid do// sdeb na mtshon cha snol ma ste// gang mos sngags kyi spu gri bsnol// de'i las kun 'grub par 'gyur// bla chen bzhi dang sprul ba brgyad// yang sprul bcu gnyis chags sdang lnga/ gang byung rtags sbyar drag sngags gdags// srog la hri shag dza ti ta breng shag rbad// srog la thun mug dza ti ta breng shag rbad// dgra bo'i srog la nri hur thums dza dza ti breng breng dug shag rbad/

  16. 205b

    dgra bo'i srog la thun gzir tsit+ta breng shAg zang / dgra bo'i srog la yaM ya~M nAM dza tsit+ta sha ga zang // rtags dang g+hur la spu gr-i ste/ brgya stong skabasu brab bar bya// de ltar drag po'i las rdzogs nas/ 'byung ba'i lto bshag gshin rje la// bskal pagasum gyi bar drug tad// thugs kyi stobs kyis nanan nas kyang // gdon mi za ba'i las yin no// 'phags pa 'jam dpal gshin rje'i rgyal po sdig pa stobs can gyis rgyud las gsang ba mtshon cha'i le'u ste bdun pa'o// de nas bcom ldan 'das kyi gsad pa mchog sbyor ba stobs can sgrol ba'i las 'di gsung so// mkha' lnga khyab pa'i don bsdus pas// gzung 'dzin chos kyi dbyings su sgrol// bgrod thabs stobs can rnal 'byor gyis// phung byed sdig pa stobs can gyis// gya nom 'khrul 'khor sbyor ba tsam// srin po gdug pa'i thod pa ru// gti mug ka la'i tsiSh+Tha bzhugs// stobs chen a mu ka'i rdzas dag la/ ling ga bris te gzhug par bya// phung sa'i 'brub khung dag tu yang // rtsang bcas gnyi ba / drub dzang rnam pas phyims la/ drung byung drug pa'i rgyub // skangs rkyen ma ga na ting 'dzin rnaMs/ rag sngags rnam la tshig par zlas/ b+h+ya na pas chen bar ba yis// num pa'amacing gzu pa / ru sbal stobs chen lto ba ru// mun pa'i dmag sdung stobs kyi gnan/ rdo rje stobs chen khros pa yis// dregs pa'i zhe sdang 'joms par byed// ya ma ra tsa 'khros pa'i sku// gnam lcags ur mo so brdar gcad// drag po sngags kyi 'od zer gyis// rang gshed rang la 'bebs par byed// bdud bzhi sdig pa mgo dgu yis// rnam shes gtsang gcad me mar gsod/ srog dang shes pa dang snyigs 'byed// dug dang rtsang phur zangs lcags phye// gnad la dbab cing rang gshed bskon//

  17. 206a

    @de'i drag sngags 'di lta ste// e myags ya rngubs mug shag ka dun/ dgra bo'i srog la nri hur thums dza tsa khrag snying thum ri la raM shag rbad/ srog thum ri la dza tsa khrag hu ra raM thun rbad/ srog la ma ra ya thun b+h+yo// gsang ba mchog gi drag sngags te// bdun nam dgu 'am bcu bzhir bya// drag po thun dang gnad kyi rdzas// yang nas yang du brdeg par bya// sarba tsi srur srog nan snying gzer breng shag yo rbad/ sbyor ba bshig pa'i sngagasu bshad// gal te las de ma grub na// 'khrul 'khor lto bar dkrug par bya// e myags ya rngubs mug shag ka dun/ e a shag myags dun rngubs ka mugs/ dgra bo'i srog thums ril ni// hu ra dza thums khrag snying la thur ram shag rbang / srog rtsa khrag thum ril dza snying thum hu ra yaM/ srog la chad/ ma ra ya thun/ sngags kyi lto dkrugs nag po de// kun la byas na snying khrag 'dzag/ las kyi sbyor ba rdzogs pa dang // 'khor lo dril te tsit+tar bzhugs// gdug pa'i gnas sam bka' rten nam// sgrub pa'i dkyil 'khor 'og tu mnan// bskyod pa'i kha lo rgyun mi gcad// ban+d+he bon po mu stegs dang // las kyi rgyal po rtog 'gor gsad// seng ge kha thab la sogs pa/ sdig pa stobs chen 'di yis 'joms// 'phags pa 'jam dpal sdig pa stobs chen rgyung las/ stobs chen gying gnod sbyin gyi lo chu ste brgyad pa'o// / de nas bcom ldan 'das kyis/ bstan pa 'jigs pa'i dgra bok+kul gtang ba'i phyir/ 'chi bdag par bu nag po'i sbyor ba 'di gsungs/ dben pa'i gnas sam ga na gnas/ gnyan ra gdug pa'i sa phyogasu// gro ga shing shun dar dkar las// a mu ka'i gzugs bris la// yan lag rig bzhi za bar bris// sbal ba khong stong nang brus la// klu'i smod pa 'bum phrag gsum//

  18. 206b

    rdzogs shing ri lu sngags shing gdab// khams pa'i sa ru kha sbyar gzhug/ klu'i nor brgyad dang bcas pa// sngo dmar skud pas dril la bzhag/ chags drag re bas dril nas kyang // nyi zla 'phang du khyer la gtad// klu bdud shan pa'i ting 'dzin bya// klu'i smod pa 'di dag go/ nA ga hU ya ba ling dud pa le/ che ge mo thun song zung na gshig ro la thim thim// nag po klu'i dug mda' ste// zhe sdang 'khros pa'i smod pa bshad// 'phags pa 'jam dpal sdig pa stobs chen rgyud las// klu smod pa nag pa'i le'u ste dgu pa'o// / de nas rdo rje snying pos/ bcom ldan 'das la gsol pa// e ma rdo rje 'chang rgyal ba// gsang ba'i sbyor ba 'di lta na// 'jig rten lha 'dre dregs pa can// gtum po 'jig pa 'di dag kun/ gtong srog bsdu na ji ltar bsdus// srog snying dbrog dang gzir gnan dang // bshig dang khab cing bya sgrol dang // dug mnga' dbyung ba ji ltar lags// dam tshig brdar dang zhi ba gang // yang dag dpa' bos bsha du gsol// ces gsol pas// de nas bcom ldan 'das kyis// srog dmar len yang gsad snying po don gyi sbyor ba 'di gsung so// stong phrag brgyad cu gdon gyi rigs// dug lnga'i shes pa yul las 'dzin// lus ngag sems kyi 'du byed kyis// dregs pa zhesu gnas bar bshad// dregs pa de nyid shes 'gyur na// dregs pa rang gshed rang gis byed// de'i 'khor lo 'di lta ste// dur khrod rgyu las rdzas byug la// gti mug lto bshag mu khyud bzhi// e dbus drag po dbang dang ldan// phyi rims las kyis rdo rje ste/ yang logs mtshon cha bcu bzhis rtsigs// de bzhin mtshon cha brgyad gnyis ldan// de la drag sngags 'joms byed gnas// dbus dang zlagam srog dang ming / sna tshogs rdo rje rtsa sngags lus// phyi rims thaMd bsrung bas so// yang

  19. 207a

    @log gzir dang spu ris te// 'tshams dang mu ran gcod pa'i don// bkod pa kha sbyar thod par bca'// gsal ba gsum ldan zhag gsum gzir// mtha' ru ka rten la sogs gnan// 'pho ba med pa'i las zhes bshad// de'i gsang sngags 'di lta ste// e myags ya rngubs mugs shag ka dun/ sarba tsit+ta yaM shag hur kham dring nan gzir rbad/ sa na ga snying gzir skur nan/ ha la yaM thun gzir hur thums dza shag rbad gzir chad/ lugs dang spu ris srog dang snying // sdebs na nges par gcod par byed// snying po brda' sbyar gzir ba'o// de yi se las kyi sbyor ba 'joms// chos nyid ye nas lhun gyis grub// ye shes dkyil 'khor rang bzhin med// sprul pa sna tshogs log rtog 'dul// tha snyad tshig rnams stong // de don ldan pa bud+d+ha nyid// gsang dang gnan dang srog kyang med// bden don ma rtogs dregs pa yis// sems ni rlung gi khams te mchog/ srid gsum sha khrag srog dbugs 'byin// khams gsum gnas bskyed yi ger gnas// de la bod pa'i ming dang rnam shis ni// nges par bstan pa 'di lta ste/ shrI badz+ra kro d+ha/ sa ma yA/ ma ma ru lu mdun gyi sa la ya/ ta ru dra t+ta/ de sad a a/ rak+Sha ra/ rag mo ra/ dun ting / ma re tsa tsa/ shu la dzA/ mun mun pa/ yak+ShaHk+SheHyag+ho sha shaM/ tri ru dra ni/ ru tri tu/ badz+ra pA du/ tri sa na gsu/ a gu sha dza/ trig nan hur thums dza/ ma ra ya rbang / stam b+ha ya nan/ baM taM b+haM/ rog sa rba phyung bya ti sa sarba swA hA/ tsa shaM che ge mo nan 'gring rbad/ khaM thaM srog gzir nam/ hUM hUM sa ma ya dadi/ byer chad phaT/ shan+ti ku ru swA hA/ puSh+TiM ku ru swA hA/ lus dang spu gri ming dang bcas/ sbyor bas las kun grub par byed// dmar len yang gsang mchog gi las// spyi dang sgo'i rang gnad yin// stong srog gcig tu ma 'dus na// nyungs kar spang la po ba

  20. 207b

    'du// sngags la sarba sha truM rde ga// so so sgo'i mtshan nyid can// zhi khro gshin rje phur pa lnga// ma mo srin mo srin po bdun// mu stegs rgyal po btsan dang mu// ru dra srin po srog bdag ging // gnod sbyin pho mo 'gong po lha// phug bdag srid can gdug pa gsum// snying po brda' sbyar gzir cing gcod// dmar len yang gsang mchog tu bshad// ces gsung so// 'phags pa 'jam dpal gshin rje'i rgyal po sdig pa stobs can gyi rgyud las/ dmar len yang gsang mchog gi le'u ste bcu ba'o// / de nas bcom ldan 'das kyis bsrung ba'i sbyor ba 'di gsungs so// gsal ba gsum ldan sngags pa yis// 'khrul 'khor rim pa rdzogs pa dang // rtsa ba spu gri sde ba bshad pa// dmar len yang gsang skabs kyis te// 'phra mo'i sbyor ba bshad pa// rtsa ba bod la gzir cing dbrog/ ma ra ya'i skabs sbyar la// glang du dgug pa yang dag bshad// mtha' sdud sbyor ba rdzogs pa ni// ling ga la sogs gnad kyis te// dreg pa dang gnad gshed ma yin/ drag po spu gri don dag tu// spyi dang sgo yis bshig pa ste// mis byas de min byas pa nyid// gshig pa'i sngagasu yang dag bshad// bshig pa 'bur nag chu yis 'grub// spyi'i tha ma gcod byed par// 'bru drug sngags kyi spu gri gdags// rdo ljags zangs phur gzugs la gdags// klu'i gdug pa'i dug nang 'byin/ mun sel sngags kyi rtsa rgyud dag/ gcod byed so'i kha tham brjod/ 'byung po bgegs dang mi ma yim/ gcan zan gdug pa'i kha 'ching yin// sngon dmar mtshan sprin klu gzugs sam// gnod byed nad kyis mtshon du bsad// kha tha ma la sogs su byad bgrod gdags// byad du bcug la nges par thar// shin tu bgegs bka' mnyam na// dbang bsdud dam brdar de bzhin bya// yang na 'bru gsum

  21. 208a

    sbyor dka' yis// dregs pa rnam thar bgyel bar byed// gtsang gtor sngags bzlas bsngo ba dang // shan+tiM ku ru mtha' sbyar nas// mi bsrun dregs pa zhi bar 'gyur// phyi rims gsang gnan rang gsher mthar// na mkha' bar snangs bzhi la// gnan pa'i las rnams rdzogs par bya// dug shing phur pa byin rlabs la// shin tu mi 'grungs dregs pa tsan// sngon du rdzas dgod du bas gzir// de ni myur du brlag par 'gyur// phur bdag rdzas bdug 'khor lo bskon/ sarba du raM u nan/ gzer phyung sbur nan/ srog la myogs rbad// srog la ki li ki la ya/ trig nan mig nan/ snying gzer sbur nan hur thums dza/ myags thum ril rbad ya/ de bzhin lha sngags rdzas dang ni// sbyor ba rdab pa'i las 'di dag/ dregs pa 'joms pa'i mchog tu bshad// bshig pa'i sbyor ba bshad bya ba// rgya shog lcag 'khrul 'khor lcags mkhar dang // zhing gis rga ba ldan bris la/ rtsa sngags bshig sngags rims pa dgod// rtsa ba spu gri'i bar dag tu// spyi dang / sgo'i a mu ka/ sbyor ba rdzogs dang gnan pa re// rdzas dgod la sogs du bas gdug/ khyad par bshig pa'i las su bshad// ces gsungs so// 'phags pa 'jam dpal sdig pa stobs can gyi rgyud las// bsrung ba khyad par gyi le'u ste bcu gcig pa'o// / de nas rdo rje snying pos bcom ldan 'das la 'di skad ces gsol to// kye ma sangs rgyas kun gyi dngos// ye shes lnga rdzogs lhun grub sku/ dug gsum rtsa gcod ye shes khyod/ 'gro ba'i lus la gdug pa'i nang // tsi tsi dz+wa la nyam nga ba/ rdzogs pa'i rgyu rkyen ji ltar lags// nad kyi mtshan nyid ji lta bu// de dag gso ba'i sbyor ba gang / yang dag dpa' bos bshad par mdzad// bcom ldan 'das kyi rgyas par bshad do// snyig ma lnga'i

  22. 208b

    / dus nyid du// sa yams drag pos dz+wa la'i nad// 'gro ba yongs la khyab pa'i rgyud// spyi dang khyad par bsrung bya nyes// 'tshams med nye ba na ra nyan// las ngan smin nas gnas ngan ltung // las kyi rnam par smin pa bshad// 'byung bzhi 'khrugs nas nad bzhi rgyas// 'du ba rnam bzhi rgyas par bshad// rigs dang rang gi thabs las dang // rtsol ba byed kyi gtad khram dang // rang gi gtad khram gnan gzir log/ na ga thugs phrad zhes bya ba// bar gcod gdon bgegs 'phral gyi rkyen// nad rig zas dang sngags kyis rtags// phan gnod gang che nad rigs rtags// zas dang sngags kyi phan gnod med// rnam smin sgrib sbyong dge ba bya// rigs bzhi gdol pa kha 'khor gyis// 'jug pa nges pa'i nad rtags ni// rgyal rigs mgon 'jug par byed// sha skams mdog dmar zug pa che// rje rigs las pa g.yas la 'jug/ tsha zhing za dang rtse bar byed// bram ze lag pa g.yon la 'jug/ khrag dang tsha ba chu ser skye// dmangs rig rkang g.yas zha grum g.yon// gdol pa rkang g.yon rnams la 'jug/ kha khor kun la khyab pa ste// zhugs pa'i mtshan nyid lnga phrag gnyis// lus skams gzer che khol bu khol// rus pa'i nang du bshad pa yin// lus kun lci zhing bim las gnag/ sha'i nang du shes par bya// sha 'phrig mdog skye rtse zhing za// lpags pa spyi la zhugs pa yin// lus sbring sgying lugs tsha zhing srang // rtag tu khrag 'dzag kha dog dmar// lci zhing myogs po khrag nad yin// glo snying na zhing 'dar ba dang // snying mi dga' zhing dran pa nyams// khong sgyur don la zhugs pa'o// stobs shor sgyid lugs myal rgyal po// sgyid lugs stobs la zhugs pa'o// dbang po mi ldan khub med/ dngas snyigs phye la bcud la zhugs// mgo srang mthong zhing 'khor ba dang / mig mi gsal la khu sgra 'byin// klad pa dag la zhugs par bsad/

  23. 209a

    rtag tu kha chu mig chu 'dzag/ sngags kyi chu ni mar la rtsig/ chul zhugs par yin par bshad// yan lag reng dang 'khum pa dang / zha grum chu nga'i nang du 'dod// nad la sman te klu la sngags/ rnam smin tshogs rdzogs par gsungs// 'phags pa 'jam dpal gshin rje'i rgyal po sdig pa stobs can gyi rgyud las/ klu nad gso ba'i le'u ste bcu gnyis pa'o// dbang ldan bri// phyi rims 'khrul mi go bzhi gnyis gsum// yang rims mtshon cha bcu gnyis tsam// de bzhin sum cu rtsa gnyis ldan// thod 'phreng me ris rgyan pa bri// dbus su gang dmigs gzugs dang ming // gnyis pa rtsa ba'i snying po lus// gsum pa khyad par drag pa'o// gzir 'jom srog dbrog myos shing 'joms// mtshan gyi rang gshed shi phrag dgod// bzhi pa rtsibs tshan sum cu gnyis// shi phrad 'joms rgyal po dgod// ru sbal lto bar rdzogs par bya// 'khrul/ 'khor rgyal po'i sbyor ba las// bdud rtsi lo ma khrags byug/ kha sbyar phag rgod srang bus dril// lho sbyor khri yis ngang blung la// sngags pa'i steng 'og 'gag su bzhag/ phyi ma kha sbyar thod par bzhug/ phyag rgya gsal bas rngam tshig bzlas/ drag po'i gnod pa'i sa chu dang // dge zan bsreg la gdug pa'i gzugs// rgya shog gzugs ming spel la bzhugs// bsgom bskul drag sngags snol mar brdeg/ thun sdebs mtshon brab du bas gdug/ sreg dang mnan pa la sogs bya// sbyor

  24. 209b

    ba'i rgyal po gsang bar bshad// e ka he dun a ma snying khrag ma ra tsa ya/ sa na ga tri ga nan/ phu hur thums dza/ sa na ga tsa tri srog la breng breng // rtsa la dun dun sbur nan/ kha shag rbang / sa na ga tsi ta ro myags rbad/ srog la mu tsi rbad/ dug phyung kha shig rbad / tsa tri ma ma dbugs la thad/ gzer chang / srog la thun rbad b+h+yo// sa nag tsi ta ro myags kha tha ma 'drid phyung / tri nan sa na ga tsi ta rbad/ sa nag ro myags rbad/ sa na ga snying gzer sbur nan rbad/ sa tsa 'dri ma thi sa ra na ga tsi tri thum gzer chad/ na ga tsa tri dun nan/ na ga tsi ti sbur nan/ ma rA ya nan/ gsang sngags dug gi spu gri de// rang bzhin drag po bcan thabs kyis// gdug pa 'joms shing dug rlangs 'byin// yang gsang snying po gsang ba de// kun 'joms sbyor ba'i rgyal por bshad// 'phags pa 'jam dpal gshin rje'i rgyal po sdig pa stobs can gyi rgyud las/ shi phrang kun 'joms na ga rang gshed dbab pa'i le'u ste bcu gsum pa'o// / de nas rdo rje snying pos bcom ldan 'das la 'di skad ces gsol to// e ma 'jig byed rdo rje'i sku// gdug pa nad kyi mtshan nyid dang // sngags sbyor med de de ltar na// rigs bzhi dug dang nad dang ni// sngo zla rtags pa ji lta bu// dmigs ltas rtags pa ji ltar lags// yang dag dpa' bos bshad par mdzod// ces gsol pas/ de nas bcom ldan 'das kyis dri ba'i don legs par bshad// klu dang gnyen dngas bdag gis// dug gis zin pa 'di lta ste/ rgyal rigs dug gis bcing zhing 'thibs// rje rigs dugis tsha zhing sreg/ dmangs rigs dug gis yang zhing g.yo// bram ze drug gis grang zhing 'bar// gdol pa'i klu la dug gsum yod// reg pa'i dug gis gzir bar byed// kha rlangs dug gis myos par byed// mthong ba'i

  25. 210a

    @dug gis za 'phrug byed// nad bzhi rtags pa 'di ltar ste// rgyal rigs mthong ba'i dug nad de// lus lci sha yang bem por 'ong // 'thibs zhing rab bzhi la ni// nya'i gung nyid lus mi de// bram ze bsam pa'i dug nad ni// lus srang mdog kyang spobs par 'ong // grang bzhi bsil la sngo ro nag/ tshes brgyad dag la lus mi bde// rdza rigs kha rlangs dug nad ni// lus kyi sha 'dar sgongs ka na// dmangs rigs reg pa'i dug nad ni// lus 'dar sems rgod snying 'dra// nyi ma nub nas na bar 'ong // dug sel sman la dug 'joms sngags// sbyor ba gnyisu bsdeb na 'tsho// stong zla rtag pa 'di lta ste// rgyal rigs klu'i gdon gnod na// rtag tu rgyal po dkor bdag gnod// bram ze klu'i gdon gnod na/ sa srin klu srin mtsho sman gnod// rje rigs klu'i gdon gnod na// klu btsan brag btsan yam shud gnod// dmangs rigs gdon la dam sri gnod// rang rang nad kyis gzer zhing gsad// rmi ltas mtshan ma 'di lta ste// btsun pa a tsa ra dang ni// min dang bu chung spre'u khyi// bya dang bag dang seng ge lha khang dang // bud med nag mo ral pa can// na chung gzhon grogs mo dang // sring mo bud med bya mo dang // ri dwags sha sgo la sogs pa// rta ba skyes pa brag dmar chu// kha brgyad sprul dang ba lang mdzod// bung bur lug kyin thang chu// sbrang bu la sogs rigs bzhi'i rtags// reng dang dbang bsdud rtag na thub// tshur la 'du dang 'jun ngan// sa 'tshams 'das nas 'gro ba dang // rtag tu 'thur la rgyug na ngan/ gru dang glang po zhon pa dang // dmag dpon byed dang ri la 'dzeg/ bzang ba'i rtag su shes par bya// yid kyi dbang po 'khrul pa'i yul// rmi lam don la bden mi bya// rang nyams dbang po drod la gtan// ces gsungaso// 'phags pa 'jam dpal gshin

  26. 210b

    rje'i rgyal po sdig pa stobs can gsang ba'i rgyud las/ nad dang dug dang sdong zla dang rmi ltas brtag pa'i le'u ste bcu bzhi pa'o// // de nas rdo rje snying pos bcom ldan 'das la 'di skad ces gsol to// e ma phyag rgya chen po'i sku// skye med dbyings nas rol pa'i rang bzhin dbang bsdud de nyid dang // 'khor lo nges par bsha du gsol// ces gsol pas/ de nas bcom ldan 'das kyis/ gdug pa'i rigs bzhi'i gnyen po phyag rgya rdzogs pa 'di bshad do// skye med dbyings las rol pa'i sku// phyag rgya zil gnon spyi gzugs can/ rigs bzhi'i sprul pa gyad gnon brgyad// ma skyes dbyings nas rdzogs par bya// de yang ji lta bu zhe na// rang lus tha mal phung po gang // hUM las ye shes me yis kyang // lus kyi dngos po bsregs nas kyang // gsang sngags ye shes me 'od kyis// rnam rtog ma rig nad dang dug/ sgrib pa'i phung po sprin ltar bsreg/ yang nas yang du nan tan bya// shes pa'i ngo bo zil gnon sku// bskal pa me dpung 'bar dbus bsam/ yang na tha mal lus nyid kyis// snying kha chos kyi 'khor lo la// e las gsang sngags 'khor lo 'phreng bas bskor// rtsa chen bzhi dang rtsa bran brgyad// sngags la 'od zer 'phros pas ni// 'od zer dang bcas yig 'bru yis// dang ma'i rtsa dang rtsa bran dang // sha dang lpags pa rus dmigs nas// nad dang dug rlangs kun dad de// ba spu'i bu ga la sogs par// sngo dmar du ba lta bur bsam/ rlung dang shes pa'i nad rnams 'byin// 'dus pas e las phyag rgyar gsal/ phyag rgyar rdzogs pa'i rim pa'o// drag po'i 'khor lo bskor ba'i tshe/ sngags kyi 'od zer lcags kyu'i dbyibs/ gnas su spros te dmigs pa dgug/ sngags kyi 'khrul 'khor chen po ru// sa dang chu dang me rlung gis// 'byung ba zhi

  27. 211a

    @#gnyen po mtshon pa'i// srog 'phrog gzir zhing gcad gtub nas// thod pa'i 'khrul 'khor nang du bcang // kun la srid pa'i khyams khang nas// sngags kyi 'od zer 'phro 'du bya// rgyal rig bya khyud stobs kyis shig/ rje rigs phyag na rdo rjes bshig/ dmangs dang gdol pa gshin rjes gshig/ bram ze khyams khang lto bar bshig/ phyag rgya rdzogs dang sems dpa' rdzogs// gang zag shes pa'i stobs dang sbyar/ kun la srid pa'i ru sbal te// sngags kyi phreng ba 'gyed dang sdud// yul la dmigs pa gsum dang sbyar// rang bzhin lha la dmigs pa ni// bsgreng byang rdzogs par dbyings su thim// drag po ngan sngags kyi nathang 'bru// s+phu kr-i du ma gcod byed mtshan// drug spang rdzas dgong du bas gdug/ klu dang gnyan dang sa bdag dang // ma mo rgyal po the rang btsan// klu gsan mo dang dam sri dang // mdze 'dre la sogs gzer zhing 'joms// rang bzhin dbang bsdud ting 'dzin te// 'phen pa'i rta zhes dpa' bos bshad// 'phags pa 'jam dpal gshin rje'i rgyal po sdig pa stobs can gyi rgyud las// gnyen pa'i lha'i rtog pa bstan pa'i le'u ste bco lnga pa'o// / de nas rdo rje snying pos/ bcom ldan 'das la 'di skad ces gsol to// e ma yang gsang rnal 'byor chen/ lha'i rtog pa de ltar na// 'phrin las sbyor ka la sogs mdzad pa'i// phyag rgya bsam gtan kha ching mchog/ bum pa'i sbyor ba ji lta bu// phan gdags pa dang cher gcad pa'i// sreg pa me'i sbyor ba gang // dregs pa stobs kyis gnan pa'i// las rim rdzogs pa bshad pa mdzad// ces gsol to// de nas bcom ldan 'das kyis phyag rgya bsam gtan gyi las 'di gsung so// dben pa'i gnasu maN+Dal bshams// rin chen bum pa rin chen btsug/ sna

  28. 211b

    dgu'i chu dang dri zhim gang // 'bru dang snying pos 'tsho byed gang // kha brgyan mgul ching me tog mdzes// bdag nyid phyag rgya'i skur bsgom la// thugs ka'i snying po 'od bcas 'phros// dngos rtogs bsreg sbyang gzhal yas khang // bdun la rdzogs/ pa zil gnon sku// lhun gyis grub pa'i lha brgyud bsam// yid kyis sprul te mchog phul nas// gsang sngags brgya stong bzlas shing bstim// lha rnams 'od kyi gong bur gzhu// dkrug nas nang du ga zhan chag sbyong // spyod pa sngags kyi srung ba bshad// snying khar phyag rgya lnga gsal ba// rtsa rgyud dag cing zhen chag sbyong // 'khor lo rgyun gyi khru su bshad// rnam rtog bag chags 'dzin byed grol// lta ba chos nyid khru su bshad// de nas bcom ldan 'das kyis phyag rgya bsam gtan gyi sngags 'di gsungs so// sa na ga tsi ta ro myags kha tham srog gzir sbur nan/ 'drid phyung hri shag rbad/ spyi tshangs sgo'i kha chings mchog/ phyag rgya bsam gtan bsrung ba ste// bsrung ba kun gyi mchog tu bshad// gzhan yang bsreg ba'i sbyor ba bshad// yid mthun gnas su rjes bsags la/ maN+Dal dkar po dri spos ldan// thab khung bzlum pa'i dbus su ste// khru gang kha khyer 'dzub gang la// ser bzhi gyen du rnam par rtag/ khru gang thur rkos pad+ma rgyud// khor yus dkar po mdzes par bya/ lcang ma glang ma 'phang ma la// hom shing khru gang sa du bya// yaM shing sor brgyad de nyid la// dbyibs dang kha dog dkar la zlum// 'brum bu nas mtshan rtsi dmar dang // me tog dkar po gu gul dkar// 'o ma dang bcas mchod pa 'bul// me ltar dkar po lha brgyad dkar// rim pas bskul te sngags re 'bul// zhi bar gyur cig brjod cing sngags// thal 'dzin zhi ba'i gan su spang // de nas bcom ldan 'das kyi zhi ba'i sngags 'di gsungs so//

  29. 212a

    @/ e ka he du na ya ma snying khrag ra ma tsa ya/ hu ra kham baM ri la ba na ga shan+ti a mu ka gnya' na sarba shin+tiM ku ru ye swA hA// tshogs bsags sgrib byang bla med 'grub// nyams pa skong ba dngos grub myur// 'jigs pa brgyad las nye bar skyabs// phan gdags zhi ba'i sbyor ba bshad// gzhan yang gdug rtsub tshar gcad phyir/ drag po dmar len sbyin sreg bshad// sa gsum khar dgongs chu gsu ma la// maN+Dal khru gang spangs su rtsig/ dbus su khru gang me thab bo// kha khyor gsum ldan thur du rko// kha khyer mtho gang 'dzub gang tshad// sor gnyis zhing du rtsang thod me// rgya sol khrag gis nag por bya// sna tshogs rdo rje rlung gi 'bru// phyi rim 'khor lo bsregs pa'i sngags// yang logs rdzas rnams 'gram par bya/ mi byang ri lu brgya dang brgyad// mchod rdzas gnang rdzas gsang ba'i rdzas// tshang ba'i rdzas dang myos pa'i rdzas// thun rdzas la sogs rdzogs par dgod// rgya ram steng du ming byang khar// tsher ma can dang dug shing rtsigs// khrag dang dug gis rab tu glan// thab khung raM las me lha bskyed// mchod 'bul me'i lha'i thugs khar bsdu// ye shes rang gsal stong bdag med// chos sku'i ngang las phyag rgya'i sku// bskyed pa bla kun rbad cing sreg/ sku la dang bcas pas drag sngags bcus// rdzas kyi mchod pas me mar sregs// rkyen gyi 'phro 'du sbyor ba min// rtsol bral ji bzhin lhun gyis grub// na mkha'i dkyil 'khor spyi chod 'joms// sbyor ba dril lo thod chen gnan/ drag po tshar gcod sbyin sreg mchod/ de nas bcom ldan 'das kyis// gsang sngags 'di dag sku gsung thugs rdo rje las ston to// e ka he dun ya ma snying khrag ra ma tsa ya sa na ga du raM/ sa na ga u nan gzer phyung / srog du raM tsit+ta breng shag

  30. 212b

    thun cad / e raM/ gnod byed 'byung po dza la raM/ ma ra ya phaT phaT/ rdzogs dang thod par rdzas blugs la// ka rten 'og gam dur khrod gnas// drag po cher gcod 'khor lor bshad// de nas dmar len yang gsang mchog/ gnan pa'i sbyor ba 'di lta ste// 'khor lo ling ga thal ba rnams// nyan thas thad ga la bka' rten gnas// bdud dang mu stegs 'gang ba rnams/ gang yin thod par blugs nas ni// tshes gcig dang ni bcu drug la/ sbyor ba mkhas pas mnan par bya// zhi khro gshin rje phur pa rnams// 'khor lo rus sbal thod chen gzhug/ ma hA maN+Dal 'og tu mnan// ma mo bdud kyi srin mo rnams// nyan thos thod gol bka' rten gnas// bdud dang mu stegs 'gong po rnams// g.yag du 'og khung sgo bsrung gnan// rgyal po dkar bsrungs dge bsnyen rnams// sbrang thod sgo lam srang khar gnan// btsan dang srog bdag gri bo rnams// sha ru spyang thod gong gsum gnan/ klu bdud mo bdud phug bdag rnams// bon po'i gos gtum lha khang gnan// the brang chags gong gshin rje rnams// glang rur bcug la lam mdor gnan// sri can chung thod them 'og gnan// sa bdag klu gnyen mdze 'dre rnams// 'khor lo phag pa'i lto bar gzhug/ phag thod bka' rten gang gnod gnan// legs nag rdo rje rgya grum ldan// lam las rin chen ri rab bstan// ru sbrul lto bar stabs kyis gnan// gdon mi za ba'i pho brang gdab// gdug pa stobs kyis gnan par bshad/ de nas gsang sngags 'di lta ste// e dun ka ya~M/ sarba tsi b+ha ga zig nan/ hUM laM staM pa nan/ che ge mo ma ra ya nan/ dregs pa gnod pa'i 'khor lo bshad// 'phags pa 'jam dpal gshin rje'i rgyal po sdig pa stobs can gyi rgyud las/ 'phrin las sbyor ka'i le'u ste bcu drug pa'o// // de nas

  31. 213a

    @#yang rdo rje snying pos/ bcom ldan 'das la gsol pa// rigs bzhi'i rdol pa'i nang dam dug/ 'khor gyis byas pa'i nad rigs gang // chu dang khrag las rtag pa gang // ces pas// yang dag rdzogs kyis bka' stsal ba/ bal mdog me bal thig gu dang / 'bum phrag nad dang sbyo bog gi/ rgyal rigs klu 'khor gyis so// snying mi dga' dang 'gro snying 'dod// du bro 'phyo sangs khyer ba dang // gzhan la rgol zhing 'thibs drangs blangs/ bram ze'i nang du shes par bya// glu len gar byed dmigs rtsa drung // dmangs rigs nang du shes par bya// sha mdangs bar na zug zer che// rtsa dang tsha 'phros 'ong ba dang // skabasu blo bur glang thabs 'od dang / rje rigs gnod pa'i rtags yin no// spyir ni klu gnyan sa bdag dang // klu srin la sogs nad rtags gzir// khrag dang tshul nad brtags bya// chu ni ngal sbub chang ma 'thung // mang po ma smras nyal po yin/ 'byung ba ma 'khrug pa la brtag/ dang po'i gnod du rtsa shes btang // logs pa'i du su brtag par bya// kha dog la ni nad bzhi brtag/ ma khu'i mdog 'dra byung ba la// 'khrus pa sha'i mdze nad yin/ 'o ma'i mdog 'dra 'byung ba na// rlung nad rus pa'i ma dza ru gyur// chu rtsa 'dra ba byung ba na// bad kan nang khrol mdze nad yin// raM po 'dra ba byung ba na// 'dus pa kun khyab nang du bshad// mgom shun pa lta bu dang / srur lo 'dra dang ba 'dra ma dog/ 'byung ba ma 'khrugs pa yin te// lus la nad bzhi med par 'dod// dmar la lcibs so rtsigs sig so// 'gyur mdog med par 'dug pa na/ chu ser nag po yin par bshad// gzugs la gdon gyi rtags bya ba// nya 'dra sbru la 'dra ru sbal 'dra// pir 'dra chu srin 'dra ba dang // dpag bsam shing 'dra gdug pa gsum// zhing pa khang pa dur sa dang // byad kyi sa dang rtsol ba rtag/ rnal ma lto bzlog gyad 'gyur rtag/ sa chu me rlung 'khrun/

  32. 213b

    'khor rtsi// 'khyil ba'i gzugs dang thig le dang / rtse gsum gzugs brnyan byung ba na/ nya mig dang ni mun pa 'dra// dmar la sdang dang sna tshogs gzugs// rig pa can gyis brtag par bya// rgyal po bram ze rje dang dmangs// klu rigs stong la rtogs pa yin// dmar ser ku la mi ston na// klu gnyan sa bdag gnod pa yin// gzugs rnams med na skol la brtag/ de yis gtan la phebs par 'gyur// khrag la brtag pa 'di lta ste/ rtsa la gtar zhing brtag pa dang // chu ser brtag pa 'di lta ste// dmar ser bdag ni bla bar mtsho// skya nag gnyis so dga' bar bshad// lus kyi nang nas 'khyag ngan dbyangs// khyag med gso ba ma bshad de// chu ser sngo skya byung yang spang // khrag ni chul chu lta bu gril// shin tu gso ba dka' ba yang // khrag gis dong bar ma dang ba// tha ma gsum po rim pas shes// gzugs brnyan brtag pa ma yin te// rlung mkhris bad kan khrag don brtag/ ces gsungs so// spyi gtsug smin 'tshams rna rtse dang // rkang pa snying kha mthe bong dang // lte ba mtshan ma zin pa ni// nad kyi mkhar brgyan shor na yang / phyi ma bdun dang g.yon zin sla// rgyab tu zin dang g.yas pa ska// sha dug rus dug spyad dug gsum// rnam smin lus la rdzogs pas spang // 'phags pa 'jam dpal gshin rje'i rgyal po sdig pa stobs chen rgyud las nang bzhi brtag pa'i le'u ste bcu bdun pa'o// / de nas rdo rje snying pos/ bcom ldan 'das la gsol pa// sa yis 'byung ba'i nad 'khrug na// rdzas dang sman gyi sbyor ba gang // yang dag dpa' bos bshad du gsol/ de nas bcom ldan 'das kyi dri ba'i don gsung so// sbyor ba'i rdzas la nus pa'i mthu// bsam mi khyab pa'i bcud kyis gsol// dri ma chu dang zil pa gsum// yig

  33. 214a

    @'bru bdud rtsi mtshon cha dang // 'byung gzhi gnyen por rab brtags la/ sbyar te khong du btang ba na// tshe ring sha 'jam skad mdangs snyan// gdug pa'i nad dang dug las mthar// bsku dang byug pa'i las byas na/ spyang dug spyang tsher chu dang // btsong khu tsha nag tsha sbyar nag/ ra dug long rtol gu gul dang // mu zi dri ma ldong ros dang / tsit+ta mar dkar ba glang dang // gu gu la dang nag po rwa 'khor dang // ra tshwa rgya tshwa mar khu che// ga bur gA rtsi shing khun dang // spyi mo srub ma ldong ros tsha// sna tshogs phabs dang mu zi rlum// sbyor ba rdzogs pas sku dang byug/ gdug pa'i nad dang dug las thar// zug ngu'i nad 'joms chen po ste/ bsrung ba'i cho ga bshad par bya// de nas rtsang 'byongs rtsa bkru ba// sngon du khrus sogs rdzogs par bya// zas dang spyod lam sna sol bya// pad+mo kun la khyab pa dang // gser tshu ra ha shig rdo dang ni// ri dgas lte ba mi gi d+ha// dkar po tshig thub tshal dang sbyar// chang dang sbyar la khong du btang // mdung bar kun khyab pad+mo dang // sdig srin sgra dang chang sbyar nas// nyi ro grogs po de bzhin btang // rjes ni gar chang tshogs gus bcad// 'byams nas lus zungs khrag byung na// chu bskol dom mkhris btab pa btang // rgya srin me tog chu ser ldan// grang 'a byam rlung la lo yib btang // rtsa rnams bkrus par mi rung ba/ rtsa mdung can dang grangs rlung can// lus zungs zas dang rgas po gzhon// mkhas kyang shin tu spang bar bya// rtsa rnams bkrus pa'i yon tan ne/ du nang rgyas dang mgyi bya'o/ mumi ngan labangs pa dang / lung med cinang srung bdag mjed byas pa'i ning rnamams pa ga'amasang sa sbyang bshad byab / badzad rog tu dang / tshab ga nyis dang cigadug stsar/ sangs/

  34. 214b

    sbyar te tshangs par byug/ 'di zhes rdo rje spyi bos 'joms// sna sel chang gi bya ba bshad// rjes ni tshogs pas bcad pas de// chu ser tshan dem zer bar// rjes spyod tsha ba spang bar bya// chu ser 'dren byed bshal chen ste// tsha ba chu ser nad rnams sel/ gzhan yang kun tu khyab pa dang // skye tshes gdan gyi chu ser 'dren/ pad+ma kun khyab sho za dang // gser gyi me tog sbyar na yang // yan lag chu sor 'dren par bshad// gzhan yang bcud len sman bshad pa// dkar bo tshig dug sbal rgyal dang / 'bri tas 'dzin mon ldom dang / rgya mtsho ga ser gyi phye ma dang / man 'dzir dang tsan dan dmar ba dang // 'bri tas 'dzin mon lham dang / seng ldeng can dan mar khu dang // bye ma la bdur basbyar la/ so sor btang ngam ril la btang // sha dang rus pa tsa khrag dang // glo snying khal ma nang khrol dang // chu ser nag po mtha' dag skems// gzhan yang bcud len sman sbyar ba// tsan dan dkar po seng ldeng dang // bdud rtsir sdoms nas chu bsdus mam ga pa bskang rtsi bar/ sbya mus du 'i zhes pa/ lus kyi stongs ldar sgrug rgyas 'gyur/ sa rjeng sa ze tsang/ du/ rab zis rdzogasum/ rim pa ma me pe dang // ra na rgya sa mam ldeng 'o mar sbyar ba dang // 'bras bu gsum dang gu gul dang // thal kar rdo rje sro ma ra// cong zi bdud rtsi ka ra sbyar// bcud len chu ser nag po skems// skabasu chu ser 'dren pa zhal btang / grub 'gyur 'di la the tshom med// bcud len sman gyi sbyor ba bshad// mthong bas dug gis zin pa na// ga bur chu yis btab pa na/ skyer ba kha mda' byug par bya// khris pa sna tshogs gzhug tri pa// kha rlangs dug gi zin pa na// khong du ga bur btang bar bya// rtag tu phyi shal nang

  35. 215a

    / ba sha la bya// mchin rtsa gtar la khrag ngan ga dan// babam pa'i dug gis zin pa na/ a ru ra'i sman mar ba tang // 'byung ba'i nang rnams gso ba'i phyir/ rtsa dkru gtar zhing khrag ngan gdon// mu zi'i sman mar rtag tu bza'/ sha mdangs par dang nang grol gyi// chu ser thams cad skems par byed// seng ldeng sman mar dag gi ni// rus pa rkang gi chu ser skems// a ru ra'i 'byung ba snyoms// dran 'dra'i mar khu sbyor ba yis// chu ser nag po 'joms pa byed// gzhan yang chu ser 'dren bar byed// kha ni yon por song ba na// mi g.yo'i ngos nas chu ser dbyung // mig sle mas sgribs dag nas byung // 'tshul pa 'gag na sna bshal bya// tsha ba gsum dang tshe de drang // gre ba 'gags na glo rtsa gsang / ka ra rgun 'brum shing mngar btang / 'byung ba 'khrug pa'i nad dang dug/ gso ba'i sbyor ba 'di dag gis// chu ser nad rnams 'joms par byed// 'phags pa 'jam dpal gshin rje'i rgyal po sdig pa stobs can gsang ba'i rgyud las/ 'tsho byed sman gyi le'u ste bco brgyad pa'o// / de nas rdo rje snying pos/ bcom ldan 'das la 'di skad ces gsol to// dregs pa 'joms pa'i rgyud las/ bstod gsal gtab nad bskul zhing // mchod par btab phyir bshad par mdzod// ces gsol bas/ de nas bcom ldan 'das dregs pa gdul ba'i lha rnams la bstod cing // thugs ngam gnas nas bskul ba 'di gsungs so// chos kyi dbyings kyi pho brang nas// drag po e'i pho brang nas// klu 'bum gnyen khris bdag stong gi gdan/ phyogs skyong ma he rdzis pa'i khri// thabs dang shes rab nyi zla'i gdan steng nas// dug lnga rkam chags 'joms pa'i lha// sangs rgyas thams cad 'dus pa'i ngo bo nyid// ye shes rngam pa'i rgyal po zil gnon sku/

  36. 215b

    dbu gsum phyag drug zhabs bzhir bgrang // g.yas dkar g.yon dmar dbus mthing rngam/ g.yas kar klu rgyal zas su za// g.yon dmar klu 'bum gnyan khri gsol// dbus kyi mthing la rngam pa yis// sku dgrar dngos pa'i dam nyams dang // sa bdag sde brgyad lha srin gyi// dbang po lnga dang tsit+ta gsol// phyag drug mtshon cha 'bar ba yis// zhe sdang klu gnyan sa bdag dang / dgra bgegs mgo lus tshal par shog/ dbu la bdud dang srin po dang // btsan dang mu stegs rgyal po yis// thong ba'i 'phreng bas brgyan du byas// klu chen brgyad kyi mgo bcad nas/ do shal snying dang phreng bas rgyan// rgyal rigs gnyen gyi grong khyer brgyan// rje rigs 'gur chu tshangs srung brgyan// dmangs rigs nag pos zhabs gdungs bya/ rigs ngan gdol pa zhabasu byas// b+ha su rigs drug zas su za// 'chi ba dgu khri rkang phur gtams// snyan nas 'jigs pa'i me 'bar zhing // shangs nas rlung nag tshub nag lnga// dbu skra sma ra ba spu las// gdug rtsub dmar nag me chen 'bar// sku dgra 'os pa'i dam nyams dang // gdug pa'i sa bdag klu gnyen bsreg/ gang la bya ba khyod shes kyis// dmigs pa gang yin myur du sgrol// zhe sdang dregs pa'i sbyor ba choms// lus srog dbang po dngas snyigs phyed// rtsa rgyud khrag dang bla mtsho skoms// sbyin sreg byed na gdug rtsub me'i zhal du stabs// sdang ba'i dgra dang gnod pa'i bgegs/ mchod par 'bul lo kha raM khA hi// ces gsungaso// des 'dre// 'phrin las chol na thal ba bzhin du brlog/ ces gdags kun des 'dre// g.yon gyi phyogs nas yum cig ma// yum cag rdo rje 'khros ma ste/ sku mdog mthing nag 'bar ba la// gdug pa'i ral pa mun ltar gtibs// ral pa'i zar bu re ra la// gser g.yu me tog brgyan 'chang ma// gdol pa'i

  37. 216a

    @klu dang thong ba yis// dpungang phyug gdub khyu tshig brgyan// zhal nas mi ro rta ro 'brul/ spyan nas khrag 'dzag zu lu lu// shangs nas rlung nag 'tshub ma ljang // g.yas pa dgra snying phyung khyung ma/ g.yon pa sgying khrag gtso la stobs// drag tu bskul zhing rbad tsam na// ma tshogs 'bum yang gzer cing sngags/ ma mo skye kang dgra la 'bebs// gang la bya ba khyod kyi shes// dmigs pa gang yin myur du bsgrol// zil gnon thugs kyi dkyil 'khor nas// 'byung ba sa'i dang ma las// rdo rje rigs kyi mkha' 'gro ste// 'jig byed ya ma ra dza/ sku mdog smug nog 'bar ba las// rngam zhing dregs pas dgra bgegs 'dul// rna ba'i drod gsher sbrul gyis brgyan/ tshangs pa'i rtsa gcad do shal byas// g.yas nas 'khor lo rtsibs bcu yis// dgra bgegs mgo lus 'tshal par shog/ g.yon na tsit+ta dmar po bsnams// 'gal byed tsit+ta khong nas 'byin// rtag tu bskul zhing rbad tsam na// bdud dang srin po du snying 'byin// btsan dang dbang po srog bdag 'joms// dug lnga'i gdug pa khros pa yis// sa bdag klu gnyen gzir zhing bsreg/ gang la bya ba khyod shes kyis// dmigs pa gang yin myur du bsgrol/ ya ma ra tsa thugs kyi dkyil 'khor nas// 'byung ba med pa'i dngas ma las// rin chen rigs kyi khro bo ste// dregs pa phyag na rdo rje'i sku/ sku mdog ljang nag 'bar ba yis// 'phrin las sna tshogs mdzad pa'i rtags// zhal gcig rngam zhing rtsegs pa yis// dregs pa can dang lha srin bsnams// srog dang 'phral na zas su za// tshems dang mche ba gcig pa yis// gdug pa'i klu gnyan 'khor du gsol// g.yas pa rdo rje rtsi dgu yis// ye shes dgu ldan nyon mongs 'joms// g.yon na tsit+ta 'phreng ba yin// dbang chen dregs pa bran du

  38. 216b

    'khol// zhabs gnyis gyad kyi dor thabs kyis// gdug pa'i dgra bgegs zil gyis gnon/ dbu dang phyag zhabs lha tshigs rnams// sbrul dang rin po che yis brgyan// gang la bya ba khyod shes kyis// dmigs pa gang yin myur du sgrol// dregs pas thugs kyi dkyil 'khor nas// 'byung ba rlung gis dngas ma lags/ las kyi rigs kyi khro mo ste// ru sbal rngam pa'i mi zan mi// nyon mongs lnga yis rtsa ba gcod// skye ba med pa'i khams su bsdud// thugs kyi gsang mdzod chen po ru// lha srin ming gi snying po 'chang // dmigs pa'i dam nyams dgra bgegs kun// lcags sngar 'bar ba'i stobs kyis khrug/ spyan mig nyi ma'i 'od kyis bsreg/ rtsa bzhi dngas ma'i stobs kyi gnon// slong pa drag po'i mchod pas mchod// mchod rten drug gis stobs kyi non// gang la bya ba khyod shes kyis// dmigs pa gang yin myur du sgrol// spyi gtsug gdug pa 'dul byed pa// 'byung ba chu'i dngas ma las// pad+ma rigs kyi khro/ mo ste// bya khyud rgyal po mthu bo che// 'khor lo 'bar ba'i gshog pa la// ral gris mtshon cha spu gri gtams// mtshon cha gshog pa gdeb pa yos// gdugs byed ma lus gshog cing stobs// spyan mig nyi ma'i gzigs stangs kyis// bag chags rgya mtsho gting nas skems// rdo rje 'bar ba'i chun dpal gyis// gdug pa'i klu rgyal spyi nas 'dren// gru gsum gdangs pa'i zhal bgrad pas// gdug pa'i klu rgyal khong du gsol// gang la bye ba khyod shes kyis// dmigs pa gang yin myur du bsgrol// yang sbrul dug gi khrung cher gnyis// spu dang gzhog pa mchos pa med / klu bdud kyu srin sreg par mdzod// stag dang seng gi rngam pa mis// nyams pa'i ga khrag srog la gtong // zhe sdang gdug pa'i sbub nag kri/

  39. 217a

    @#kha nas me 'bar stong khams sreg/ dgra bo'i khang pa rmad nas bshig/ dug sbrul rlang pa dgra la gtong // dgra bo'i khong du dug mda' rgyab// gang la bya ba khyod shes kyis// dmigs pa gang yin myur du skra ga/ shar lho nub byang phyogs bzhir nas// bla 'gug mon pa chen po yis// pa nyams dgra bgags zla khrug rtsegi/ man mo 'jig byed bzhi dag dang // bdud po bzhi dang bdud pa pa'i// snang ba'i dgra bgags bla khrag la// mngon spro'i tshul bzhin bsgral bar mdzod// rgya mtsho chen po'i gting rum nas// 'chi bdag bye ba dgu khri bzhugs// las kyi mtha' bsdud khyod yin pas// nyams pa'i dgra bgegs myur du bsgrol// 'byung bzhi rngam gyi 'og shed na// sgo med lcags khang bcu bdun dbus// thod mkhar 'jig rten pho brang nas// gshin rje tshe bdag nag po bzhugs// las kyi mtha' sdud khyod yin kyang // dmigs pa gang yin myur du bskol// ces gsungaso// 'phags pa 'jam dpal gshin rje gshed po'i rgyal po'i sdig pa stobs chen rgyud las// thugs dam bskul ba dang bstod pa'i le'u ste bcu dgu pa'o// // de nas rdo rje snying pos bcom ldan 'das la 'di skad ces gsol to// kye ho 'phrin las rdzogs pa lis// rdo rje 'chang chen rgyal po khyod// stobs tshon gyad non rgyal po khyod// gdug pa gsum po lo gnon dang // yan lag sbyor ba rgyas par mdzod// ces gsol// de nas bcom ldan 'das kyis/ dri ba'i don rgyas par bshad// sngags kyi nus pa stobs med na// dam tshig bshags shing tig 'dzin gsal// mtshon cha snol ba rang dbyung zhing // dmigs pa myur du mchod ma// sngags kyi so brtag spyi bsnol// shi sa bstan dang rdo la myur// sgrub dang brkyang bas shes pa rdeg/ sngags zlos ces kyang mi thub na// sbyor ba'i 'khrul 'tsha

  40. 217b

    log cing dkug/ rgya shog rgyud las rme khrag byug/ 'khrul 'khor dug dang khrag sbyar bri// cha lugs bzlog cing ting 'dzin gsal// bshig cing bsdud pas rten la gdug/ thun rdeg phur bdag zhag gsum sngags// sgom dang sngags bzlas 'phrin las bcolal// de nas bcom ldan 'das kyis// gsang sngags kyi rgyal po 'khor lo bzlog cing dkrug pa 'di gsung so// e myags ya btubs/ mu ga shag ka dun sa na ga trig/ phu dza/ thum hu ra/ du me dza hri na/ srog la breng breng rtsa la dun thun rbad/ srog la b+h+yo// 'phrin las rdzogs dang dur khrod dang // bka' rten byin brlabs 'og tu mnan// ba yag sha ga ya ha la dug/ bya ba kun 'grub rlag par 'gyur// stobs med byas na rang 'chi ba// tsa ma ha ri zhes las bshad// gzhan yang lo tog gzhom bya ba// bam chen mo'i thod pa ru// dgra bo'i yul dbyings zhing sa brub// dud pa dug rdzas bsreg rtag brdal bya// sro dang rtsi shing rdzing yur dang // ser bsrungs yul lha bcas pa bzhag/ snol khrag dug dang nyungs kar brab// tha ma dgra'i yul dbus gzhag/ gang zhig dmigs pa'i lo 'bras rlag/ gang zhig phebs par ma gyur na// sa bdag snying la phur pa gdab// dud bdug rdzas bsreg rtag rdal bya// 'jig rten rlag par yang dag bshad// de'i gsang sngags 'di dag go// a nu ka yaM/ ra hU la trig nan/ sr-i sr-i d+hI la d+hi la shar shar phob// ma ra tsa sha tri ga nan/ phro phra rig mo phrong // gti mug khrag la rag sha sha du ma/ ya ma na ga gzir nan/ trag du phroM phro shar shar d+hi la nan phrong // 'bras bu lo tog 'joms par bshad// gzhan yang yul khams bsrung byed ma/ nyung kar blang srung thal chen stobs/ zil gnon bya khrung gshog g.yas mas/ srin rnams shing gi phur bor bsregs/ sder mo chu yis dregs pa 'joms/ e dun ka yaM/ sa chesha tsu staM pa ya nam/

  41. 218a

    @hUM phaT/ sa tsa bi de sa sho sha ya/ mo ha 'ga' ya hUM phaT/ 'bras bu yul khams bsrung bar bshad// gzhan yang ltas ngan las byed na// spyang ki sreg pa ri bong dang // mon pa tsit+ta dbang po lnga// gzugs la snga bskor 'bru gsum la// sngags bzlas gza' skar 'joms pa la// dgra bo'i gnas la chung pa na/ ltas ngan sna tshogs 'bebs par 'gyur// e dun ka yaM/ ag chos khru tril chums rbad// myags du ling ha sa phob// ag mo kha ti khug chug myogs dril skoms phog// myogs du ling has phob/ tso ti myags gur chum myogs khung so hi btson pho ba// du ling has phob// ti khron chug myogs ti// a ti du ling has phob// nas khung ldir mug khong bu myags// ngu ling has pho ba// lhas ngan sbyor ba rdzogs pas ni// rang rang sngags dang rdzas kyi dug/ ltas ngan sprul pa'i sbyor ba bshad// 'phags pa 'jam dpal gshin rje'i rgyal po sdig pa stobs chen gsang ba'i rgyud las// yan lag gi sbyor ba bstan pa'i le ste nyi shu pa'o// / de nas rdo rje snying pos gsol pa// e ma sangs rgyas 'dus pa'i sku// che ba rang byung rgyal po khyod// stobs chen gyad gnon bka' rgyud 'di// drag po sngon du byung ba 'di/ dang po gong nas ji ltar rgyud// yongasu rdzogs dang gtad pa gang // ces gsol bas// bcom ldan 'das kyis dri ba'i don rgyas par bshadado// dregs pa 'joms pa rdo rje bdag/ longs spyod 'khor gyi sangs rgyas dang // byang sems sprul pa'i rig pa 'dzin// lha dang mkha'agro rnal 'byor ma// bdud dang srin po sha za'i tshogs// nyi zla dbang phyug bskor bsrungs bza'// smra byed byang skams gnod sbyin klu// gshin rje ga shed kyi dge 'dun kun// nga'i bka' rgyud rol pa 'od// rnam rtog mtshan ma

  42. 218b

    rang grol ba'i// rdo rje bde ba chen po 'di// chos nyid skye ba med dbyings nas// bstan pa'i snying po nyes pa'i don// stong phrag bdun dang brgya phrag brgyad// thabs dang shes rab snying po'i bka'// sgyu 'phrul dra ba mngon rdzogs pas// snying po nye bar 'gro ba'i lam// gsang ba nges pa'i bka' rgyud phyung // stobs tshon lhun 'grub zil gyis gnon// chos sku lhug pa rang gsal ba// yang dag dgos pa'i gnyis med grol// 'brel ba bzhi yi don gnyis rdzogs// chos dang chos nyid chos can cig/ rnam shes gzung 'dzin rang snang shugs// lta spyod man ngag thabs gcig dang // 'khor 'das snang srid don dam gcig/ bde dang sdug bsngal rgyu 'bras 'das// rang bzhin bdag nyid chen por rdzogs// so ma lhug par rdzogs sangs rgyas// ma skyes skye med gnas las 'das// skye 'jig 'gag pa stong bdag med// bde ba'i yes ro gcig mnyam// e ma mi 'gyur stobs ldan rdeng // bgrod thabs shing langs lo// seng+ge'i rgyal po bskur bar bya// nor bu'i 'phreng ba mi gcad// gnas dang grogs po 'od ba sdung // dgon pa'i gan su mi dgod bya// gsang sngags nus pa 'byung bar bshad// tsha gsum myos dang bsdus pa yang // drod dang dbang pos rang nyams brtag/ e ma bka' rgyud rol pa 'di// lag na rdo rje khros pa'i rgyal// sna tshogs gzhan yang mkha' gro tshogs// gshin rje gshed kyi dge 'dun la// snying po'i don gyi bka' rgyud gtad// 'di la ji ltar dngos grub mchog/ ma lus lus pas stobs bdag med// 'di la yun gyi don gnod pas// che ba'i che bas yon tan rdzogs// snying po 'di las gzhan med pas// snying po rgyud kyi don du bshad// ces gsung so// de nas 'khor mang po dag dga' mgu yi rangs te// bcom ldan 'das kyis gsungs pa la mngon par bstod do// e ma sangs rgyas thams cad 'dus pa'i sku// bde chen

  43. 219a

    @/ ngang las thabs kyis bye brag shar// gnyis med 'bras bu khams gsum rgyas btab nas// mi 'gyur lhun grub rdzogs pa'i sku la 'dud// e ma mi rtogs dbyings las rdzogs sangs rgyas// dbang bsdud zil gnon dregs pa'i sku// gtum rngam chen po'i sku la bstod// skye med dbyings las thugs rje don mdzad pa// dug gsum nad sel sman pa'i rgyal po mchog/ bdud rtsi rgyal po khyed la phyag 'tshal 'dud// ces bstod do// 'phags pa 'jam dpal gshin rje'i rgyal po sdig pa stobs chen rgyud las/ gtad cing rje su yi rang ba'i le'u ste sde gcig pa'o// / 'phags pa 'jam dpal gshin rje zla gsang nag po'i snying po'i rgyud// mchog tu gsang ba'i sdig pa stobs chen bya ba lha yul du grags pa rdzog s+ho// sngags dang mtshon cha dang // bka'i bdag po'i gsum gyis rgyas btab pa// rgya rgya rgya/ 'gu tang / rab tu gsang ba'i bka' rgyud 'bras bu rdzogs pa zhes bya ba sing+ga la'i lho phyogs gyad kyi yul du dbang bskur ba'i// slob dpon 'jam dpal bshes gnyen gyis/ u rgyan gyi yul dpal rang byung mchod rten d+harma tsakra chos kyi 'byung gnas nas/ mkha'agro ma la zhus par rim par brgyud pa'o// bal yul gyi slob dpon pa su d+ha ra dang // ban chung rdo rje khri gtsugi bsgyur ba rdzogs skyo// ga gro smra ma@#// rgya gar skad du/ shri gu h+ya tan+ta kA la tra ga he ra tsan+ta tan+da/ bod skad du/ dpal zla gsang drag sngags nag po shan pa spu gri'i rgyung / dpal khro mchog ya mnu ka la phyag 'tshal lo// 'di skad bdag gis thos