'phags pa ngan 'gro thams cad yongs su sbyong ba gtsug tor rnam par rgyal ba zhes bya ba'i gzungs
Text
ff. 226b–231b · 11 folio sides
- 226b
r gyal ba zhes bya ba'i gzungs 'di nyi ma re re la dus gsum du lan nyi shu rtsa gcig bzlas pa bya zhing mchod rten chen po byas te yang dag par bcangs la gzhan la yang rgya cher gsal bar byas na de sbrid pa 'thob cing stobs dang ldan pa dang nad med pa dang lo rgya thub pa dang / blo rno ba dang skye ba dran par 'gyur ro// gang gi tshe 'chi ba'i dus byas pa de'i tshe sbrul shun pa rjes pa dang 'dra bar rang gi lus bor ste bde ba can gyi 'jig rten gyi khams su skye bar 'gyur// dmyal ba'i sgra rna bug du yang thos par mi 'gyur na 'bras bu smin par lta yang ga la 'gyur/ gang dang gang du skyes pa de dang de ru skye ba dran par 'gyur ro// bcom ldan 'das kyis de skad ces bka' stsal pa dang thams cad dang ldan pa'i 'khor de dag dang / lha dang mi dang lha ma yin dang dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod// de bzhin gshegs pa thams cad kyi gtsug tor rnam par rgyal ba zhes bya ba'i gzungs rtog pa dang bcas pa rdzogs s+ho/ / !// rgya gar skad du/ Ar+ya sarba dun ti pa ri sho d+ha ni USh+NI Sha bi dza ya nA ma d+hA ra Ni// bod skad du/ 'phags pa ngan 'gro thams cad yongs su sbyong ba gtsug tor rnam par rgyal ba zhes bya ba'i gzungs/ / sangs rgyas dang byang chub sems dpa' thams cad la phyag 'tshal lo// de nas lha'i bu shin tu brtan pa zhes bya ba zhig sum bcu rtsa gsum gyi lha rnams kyi nang chos bzang lha'i mdun sa na gnas te/ lha'i gzhal yas khang chen po na lha'i longs spyod chen po dang / lha'i bu mo'i tshogs chen pos bskor nas rtse dga' zhing dga' mgur spyod de/ lha'i longs spyod med pa las mtshan mo sgra zhig thos pa/ lha'i bu shin du brtan pa zhag bdun gyi nyin par 'chi ba'i dus byed de/ de 'chi ba'i dus byas nas kyang 'dzam bu'i gling du skyes te/ de yang 'gro ba bdun po myong bar 'gyur ro// 'gro ba bdun po myong nas sems
- 227a
can dmyal bar skye bar 'gyur ro/ / brgyal nam zhig mir skyes par gyur na yang der dbul por 'gyur zhing dmus long du 'gyur ro zhes des thos so// de nas lha'i bu des sgra de thos nas 'jigs skrag spangs te spu zing zhes byed par gyur nas/ de rings pa rings par lha'i dbang po brgya byin ga la ba der song ste phyin nas/ de nas lha'i dbang po brgya byin gyi rkang pa la phyag 'tshal te/ brtabs par spro zhing / de kyi hud kyi hud ces smre sngags 'don bzhin du lha'i dbang po rgya byin la 'di skad ces smras so/ / lha'i dbang po gsan du gsol// lha'i dbang po bdag dang lha'i bu mo'i tshogs kyis skor te/ lha'i longs spyod kyi dga' bas rtse zhing bde ba myong ba las sgra zhig thos lha'i bu shin du brtan pa zhag bdun na 'chi ba'i dus byed par 'gyur te/ 'dzam bu'i gling du skye bar 'gyur ro// der yang 'gro ba bdun myong nas sems can dmyal bar skye bar 'gyur ro// brgyal nam zhig mir skyes par gyur nayang der de dbul por 'gyur zhing dmus long du 'gyur ro zhes thos na/ lha'i dbang po de la bdag gis ji ltar bsgrub par bgyi/ de nas lha'i dbang po brgya byin gyis lha'i bu shin tu brtan pa'i tshig de thos nas shin tu mtshar du 'dzin par gyur te/ lha'i bu 'dis 'gro ba bdun po gang dag myong bar 'gyur snyam du sems shing cang mi smra bar 'dug pa dang / 'gro ba bdun ni phag gi skye gnas dang // byi dang wa dang spre'u dang / sbrul gdug pa dang brgod dang bya khwa ste/ 'gro ba bdun po de dag shin tu mi gtsang ba'i za ba myong bar 'gyur ba mthong ngo // de nas lha'i dbang po brgya byin gyis 'gro ba bdun po de dag mthong nas 'di snyam du e ma lha'i bu 'di sdug bsngal mi bzad pa chen po myong bar 'gyur na/ de bzhin gshegs pa dgra bcom pa yang dag par rdzogs sangs rgyas ma gtogs par de'i skyabs dang / rten dang dpung gnyen du 'gyur ba su yod snyam bsams so// de nas lha'i
- 227b
dbang po brgya byin nub mo de'i srod la spos dang / me tog dang bdug pa sna tshogs dang / gos dang rgyan sna tshogs la sogs pa khyed nas bcom ldan 'das ga la ba der song ste phyin pa dang / bcom ldan 'das kyi zhabs la mgo zla phyag 'tshal te lan bdun bskor ba byas te/ bcom ldan 'das kyi spyan sngar 'dug nas lha'i bu shin tu brtan pa'i 'gro ba bdun po dag bcom ldan 'das la zhib tu gsol to// lha'i dbang po brgya byin gyis 'gro ba de dag gsol ma thag tu/ de nas bcom ldan 'das kyi gtsug tor nas 'od zer sna tshogs byung ste/ des phyogs bcu'i 'jig rten gyi khams kyi gnas thams cad kun nas snang bar byas te slar log nas bcom ldan 'das kyi zhal gyi sgo zhug so/ / de nas bcom ldan 'das kyis 'dzum pa mdzad nas lha'i dbang po brgya byin la 'di skad ces bka' stsal to// lha'i dbang po gtsug tor rnam par rgyal ba zhes bya ba'i gzungs de bzhin gshegs pa spyi bo nas dbang bskur ba/ ngan 'gro thams cad yongs su sbyong ba/ sgrib pa dang sdug bsngal bar skye ba thams cad 'jig par byed pa/ sems can dmyal ba dang byol song gi skye gnas dang gshin rje'i 'jig rten thams cad yongs su sbyong ba dang bde 'gro'i lam du 'jog pa yod de/ lha'i dbang po de lta bas na gtsug tor rnam par rgyal ba zhes bya ba'i gzungs ngan 'gro thams cad yongs su sbyong ba thos ma thag tu sgrib par 'gyur ba'i sdug bsngal gyi rang bzhin sna tshogs shin tu mang po 'jig par byed do/ / skye ba yongs su dag pa'i rgyud thos par 'gyur ro// tshe rabs thams cad du yang tshe rabs dran par 'gyur ro// sangs rgyas kyi zhing nas sangs rgyas zhing du 'gro bar 'gyur ro/ / lha'i 'jig rten nas lha'i 'jig rten du 'gro bar 'gyur te/ lha'i gnas sum cu rtsa gnyis kyi bar du 'gro bar 'gyur ro// lha'i dbang po de brjod ma thag tu tshe zad pa yang tshe phyir/
- 228a
nur bar 'gyur ba'i las thob par 'gyur ro// lus dang ngag dang yid kyi las yongs su dag pa bsags pa bde bar reg pa la gnas pas gnas par 'gyur ro// de bzhin gshegs pa thams cad kyang de la gzigs so// / de dag de la rtag tu rgyun mi 'chad par bsrung ba dang / bskyed pa dang sba bar mdzad par 'gyur ro// byang chub sems dpa' thams cad kyang de la sems par 'gyur/ brjod pa tsam gyis sems can dmyal ba dang / dud 'gro'i skye gnas dang gshin rje'i 'jig rten dang / yi dgas kyi yul thams cad skems par 'gyur/ rnam par 'jig par 'gyur// rnam par 'thor bar 'gyur rnam par sel bar 'gyur stongs pa 'gyur ro/ / de ltar de la sangs rgyas kyi zhing thams cad dang / lha'i gnas thams cad dang / byang chub sems dpa'i gnas thams cad kyi sgo rnams phye bar 'gyur ro// da gang 'dod pa der 'jug par 'gyur ro// de nas bcom ldan 'das la lha'i dbang po brgya byin gyis 'di skad ces gsol to/ / bcom ldan 'das gzungs de bka' stsal du gsol// sems can thams cad kyi srog la sman gdags pa bshad du gsol// de nas bcom ldan 'das kyis lha'i dbang po brgya byin gyis gsol pa btab pa mkhyen nas gzungs 'di dgaga'asu ma nyon po tra yA/ oM na mo b+ha ga wa te sarba trai lo kya pra ti bi ShiSh+Ta ya bud d+hA ya te na maHtad ya thA/ oM b+h+rUM b+h+rUM b+h+yAM/ sho d+ha ya sho d+ha ya/ bi sho d+ha ya bi sho d+ha ya/ a sa ma sa man te/ a ba b+hA sa s+pha ra Na ga ti ga ga na swab+hA ba bi shud d+he/ uSh+NI Sha bi dza ya pa ri shud d+he/ a b+hi Shiny+tsan+tu maM/ sarbe tA thA ga ta su ga ta ba ra bA tsa na// a mri te a bai She ki ra/ ma hA mu dra/ man tra ba daiHA ha ra A ha ra/ ma ma a yur san d+ha ra Ni/ sho d+ha ya sho d+ha ya/ bi sho d+ha ya bi sho d+ha yi/ ga ga na swa b+hA wa bi shud d+he/ uSh+Ti Sha bi dza ya pa ri shud d+he/ sa ha sra rasmi saM tse di te/ sarba ta thA ga tA a ba lo ki ni/
- 228b
Sha Ta pA ra mi tA pa ri pA ra ni/ sarba tathA ga tA ma teng sha thA mi pra tiSh+Thi te/ sarbA tA thA ga tA hI da yA a d+hiSh+Tha na/ a d+hiSh+Ti te/ mA dwe mu dwe/ ma hA mud+he/ badz+ra kA ya saM tA ra na/ pA ri shud d+he sarba karma a ba ra NA bi shud d+he/ pra ti ni bar ta ye/ ma ma a yu ra bi shud d+he/ sarba ta thA ga ta sa ma ya A d+hiSh+ThA na a d+hiSh+Ti ti// oM mu ni mu ni/ ma hA mu na/ bi mu ni bi mu ni/ ma hA bi mu ni// ma ti ma ti ma hA ma ti// ma ma tI/ su ma ti/ ta thA te/ b+hU ta ko Te/ ba ri shu d+hi/ bi s+phu Ta/ bud d+he bud d+he/ he he/ dza ya dza ya/ bi dza ya bi dza ya/ s+pha ra sma ra// s+pha ra sma ra/ s+phA ra ya s+pha ra ya/ sarba bud d+ha a d+hiSh+Tha na/ a d+hiSh+Thi te// shud d+he shud d+he/ bud d+he bud d+he/ badz+re badz+ri ma hA badz+ri/ su brje badz+ra ga ra b+he/ dza ya gar b+he/ bi dza ya gar b+he/ badz+ra sha / dzA mu b+he She/ badz+ra saM b+ha be/ badz+re badz+ri Ni/ badz+ram+b+ha ba tu/ me ma sha ri raM sarba sad trA nAny+tsa ka ya pa ri shud d+hi ra b+ha ba tu/ sa da me sarba ga ti pA ri shud d+hish+tsa/ sarba tathA ga tA sa ma ya/ a d+hiSh+ThA na a d+hiSh+Thi te/ sarba ta thA ga tA sh+tsa mAM sa mA sA sa yan tu/ bud d+h+ya bud d+ha/ sid d+h+ya sid d+h+ya/ bo d+ha ya bo d+ha ya/ bi bo d+ha ya bi bo d+ha ya/ mo tsa ya mo tsa ya/ bi mo tsa ya bi mo tsa ya/ sho d+ha ya sho d+ha ya/ ba~M sho d+hA ya bi sho d+ha ya/ sa man ta rasmai pa ri shud d+he/ sarba ta thA ga tA trid ya/ a d+hiSh+Tha na/ ad+h+yaSh+NI te/ mr-i dra mur+Ne/ ma hA mu tre ma d+ha mra man r+tha ba de swAr+tha// lha'i dbang po gtsug tor rnam par rgyal ba zhes bya ba'i gzungs/ ngan 'gro thams cad yongs su sbyong ba/ sdig pa dang las dang / sgrib pa thams cad rnam par sbyong ba/ bde 'gro'i lam thams cad du 'gro ba dang / ngan 'gro thams cad rnam par 'jig par byed pa ni sangs rgyas bcom ldan 'das gang gA'i klung 'bum phrag bye ba phrag brgyad bcu rtsa brgyad kyi bye ma snyed dag gis gsungs pa/ byin gyis brlabs pa rjes su yi rang bar mdzad pa/ de bzhin gshegs pa thams cad kyi ye shes kyi phyag
- 229a
rgyas btab pa ste/ sems can thams cad bde 'gror 'gro bar bya ba dang / ngan 'gror lhung ba rnams bzlog pa dang / sems can dmyal ba dang dud 'gro'i skye gnas dang / gshin rje'i 'jig rten la sogs pa sdug bsngal gyi gnas thams cad du sdug bsngal zhing nyam dbar gyur pa rnams dang / sdug bsngal gyi rgya mtshor lhung ba'i sems can rnams rnam par grol bar bya ba'i phyir gsungs pa'o// de bzhin du sems can tshe thung zhing skal ba chung ba smad pa dang bsam pa nyams pa dang sems can lam las nyams pa rnams kyi don du gzungs 'di 'dzam bu'i gling du bzhag go/ / lha'i dbang po khyod kyis gzungs 'di bzung la lha'i bu shin du brtan pa la sgrogs shig/ bsgrag nas kyang gdon pa dang kha ton du bya ba dang / bsam pa dang sgom pa dang dran par bya ba dang / mchod pa dang bzung ba dang kun chub par bya ba la de sbyor bar gyis shig dang / de ltar lha'i gnas thams cad na 'khod pa'i lha'i bu rnams dang 'dzam bu'i gling pa'i sems can rnams kyi don dang phan pa dang bde ba'i phyir gzungs kyi phyag rgya dang / gsang sngags 'di dag khyod la gtad do// de'i phyir lha'i dbang po khyod kyis gzung bar bya'o// lha'i dbang po gzungs 'di thos ma thag tu bskal pa brgya stong du bsags pa'i las kyi sgrib pa yongs su byar bar 'gyur ro/ / skye bar skye ba rnam pa sna tshogs sems can dmyal ba dang / dud 'gro'i skye gnas dang / gshin rje'i 'jig rten dang yi dgas gyi yul dang / lha ma yin gyi ris dang / 'di lta ste gnod sbyin da srin po dang 'byung po dang / sha za dang srul po dang / lus srul po dang / khyi dang du sbal dang / sbrul dang gcan zan khro bo dang / bya dang sbra bu dang sbrang ma dang / sdig sbrul dang grog sbur la sogs pa'i srog chags kyi rigs su phyis mi skye bar shes pa bya'o/ / gzhan du na de bzhin gshegs pa dang phrad pa dang / byang chub sems dpa'i rigs su skye ba ni ma gtogs so// de rigs chen po
- 229b
'dilta ste bram ze'i rigs shings la chen po lta bu'am/ rgyal rigs shing sa la chen po lta bu 'am/ tshong dpon gyi rigs shing sa la chen po lta bur skye'o zhes nga smra'o// lha'i dbang po de ltar na gzungs 'di'i mthus byang chub kyi snying po la mthar thug gi bar du skye ba yongs su dag pa chen po 'thob ste/ lha'i dbang po gzungs 'di ni de ltar mthu che ste/ lha'i dbang po gzungs 'od ltar mthu che ba phan yon che ba mthu stobs che ba dge zhing shis pa yin te/ lha'i dbang po sems can rnams kyi don gyi phyir/ gtsug tor rnam par rgyal zhes bya ba'i gzungs ngan 'gro thams cad yongs su sbyor ba 'di bzhag go/ 'di lta ste dper na nor bu rin po che nyi ma'i snying po shin du dri ma med pa nam mkha' ltar yongs su dag pa 'od gsal ba ni 'od zer gyi snang bas 'bar zhing 'dug go/ lha'i dbang po de bzhin du sems can de yang gos pa med par shes par bya'o// 'di lta ste dper na 'dzam bu'i chu bo'i gser ni dri ma med pa shin tu yongs su dag pa dang shin du mnyen pa shin du sdug pa'o/ / lha'i dbang po de bzhin du sems can de yang shin du yongs su dag par rig par bya ste/ tshe rabs gzhan du yang de bzhin du skye bar 'gyur ro// lha'i dbang po gang na gzungs 'di rab tu ston pa dang / bye brag tu na yi ger 'drir 'jug pa dang / 'dzin pa dang / klog pa dang / 'don pa dang / kha ton du byed pa dang mchod pa dang / kun chub par byed pa dang / nyan pa dang 'dzin par 'gyur ba der 'gro ba thams cad yongs su dag par 'gyur/ sems can dmyal ba thams cad rgyun chad par 'gyur ro// lha'i dbang po gzungs 'di yi ger bris te rgyal mtshan gyi rtse mor gzhag par bya// ri mthon po 'am khang pa mthon po 'am mchod rten gyi srog shing gi steng du gzhag par bya'o/ / lha'i dbang po dge slong ngam/ dge slong ma'am/ dge bsnyen nam/ dge bsnyen ma'am/ de las gzhan pa'i rigs kyi bu'am rigs kyi bu mo gang gis rgyal mtshan gyi rtse mor bzhag pa
- 230a
mthong ngam/ de dang de nye bar gnas par gyur na/ tha na de'i grib ma phog gam/ de'i rdul rlung gis btab pas phog na/ yang lha'i dbang po sems can de la sdig pa thams cad dang / ngan 'gror 'gro ba'i 'jigs pa thams cad mi 'byung ngo / / sems can dmyal ba dang dud 'gro'i skye gnas dang / gshin rje'i 'jig rten dang yi dgas dang / lha ma yin gyi ris thams cad du mi skye bar 'gyur ro// lha'i dbang po sems can de ni de bzhin gshegs pa thams cad kyis lung bstan cing / bla na med pa yang dag par rdzogs pa'i byang chub las phyir mi ldog par rig par bya'o// lha'i dbang po mchod pa dang rim gro byed cing me tog dang / bdug pa dang spos dang / me tog phreng ba dang bug pa dang gdugs dang / rgyal mtshan dang ba dan dang / rgyan rnams kyis brgyan par byed pa dang / lam gyi bzhi mdor mchod rten byas te/ gzungs 'di bzhag pa la thal mo sbyar ba 'am phyag 'tshal ba 'am skor ba byed pa lta ci smos te/ lha'i dbang po sems can de ni sems can chen por rig par bya'o// de bzhin gshegs pa'i sras su rig par bya'o// chos kyi gnas su rig par bya'o// de bzhin gshegs pa'i mchod rten du rig par bya'o/ / de nas chos kyi rgyal po gshin rje nub mo nam langs nas/ bcom ldan 'das ga la ba der song ste/ bcom ldan 'das la lha'i me tog dang / gos dang rgyan la sogs pas mchod pa dang / sti stang byas nas/ des bcom ldan 'das la lan bdun bskor ba byas nas/ bcom ldan 'das kyi zhabs la gtugs nas 'di skad ces gsol to// bcom ldan 'das gzungs 'di ni mthu che zhing phan yon che ba lags te/ bcom ldan 'das bdag kyang rtag tu rgyun mi 'chad par sems can de'i slad bzhin du 'brang zhing kun du bsrung ba dang / yongs su bskyab pa'i slad du gnas par bgyi'o// sems can dmyal ba thams cad las de bzlog par bgyi'o// bcom ldan 'dra
- 230b
bdag ni byas pa bzo bar bgyid cing / byas pa mi bzo bar mi bgyid do// de nas rgyal po chen po bzhis bcom ldan 'das la lan gsum bskor ba byas te/ bcom ldan 'das la 'di skad ces gsol to// bcom ldan 'das gzungs 'di'i cho ga zhib mo dang / bgyi ba'i cho ga tshul rgyas par bshad du gsol// de nas bcom ldan 'das kyis rgyal po bzhi po dag la 'di skad ces bka' stsal to// nyon cig dang gzungs 'di'i bya ba'i tshul bshad par bya'o/ / sems can tshe thung ba'i don gyi phyir rigs kyi bu 'am/ rigs kyi bu mos tshes bcwa lnga zla ba nya ba la khrus byas te lan stong rtsa brgyad bzlas brjod byas na des sems can tshe zad pa de'i tshe phyir nar nas nad thams cad dang bral bar 'gyur ro/ / sgrib pa thams cad rnam par dag pa thob par 'gyur ro// sems can dmyal ba la sogs pa ngan 'gro thams cad las yongs su thar bar 'gyur ro// tha na dud 'gro'i skye gnas su song ba'i srog chags bya'i rna lam du gzungs 'di'i sgra bsgrags par bya ste/ / des ni de'i ngan 'gro'i tha ma yin par rig par bya'o// gang zhig nad chen pos btab te sman pa rnams kyis bye brag bye ba de yang nad de las yongs su thar bar 'gyur ro/ / de'i ngan 'gror skye ba thams cad kyang rgyun chad par 'gyur ro// shi 'phos nas kyang 'jig rten gyi khams bde ba can du skye bar 'gyur ro// de nyid de'i mngal gyi gnas tha ma yin par rig par bya'o// gang dang gang du skyes pa de dang der pad ma'i snying po kho na las brdzus te skye bar 'gyur ro// tshe rabs thams cad du yang tshe rabs dran par 'gyur ro// sems can sdig pa byed pa gang dag shi ba'i dus byas pa de dag gi don du gzungs nyungs dkar dag la lan nyi shu rtsa gcig yongs su brjod de/ de dag gi rus gong rnams kyi steng du gtor na de dag dmyal ba 'am/ dus 'gro'i skye gnas sam gshin rje'i 'jig rten nas yi dgas sam
- 231a
de las gzhan ngan 'gro rnams su skye bar gyur kyang rung ste/ de dag gzungs 'di'i mthus dran 'gro de dag las thar bar 'gyur ro// de dag las thar nas kyang lhar skye bar 'gyur ro// su zhig 'di nyin gcig bzhin du la ni nyi shu rtsa gcig re re yongasu brjod pa de 'jig rten mang po'i mchod pa'i 'os su 'gyur ro/ / tshe ring bar 'gyur ro// bde ba myong bar 'gyur ro// rtag tu spro ba dang ldan pa dang mya ngan las 'das pa chen po thob par 'gyur ro/ / shi 'phos nas kyang 'jig rten gyi khams bde ba can du skye bar 'gyur ro// de nas kyang sangs rgyas kyi zhing tha dad pa sna tshogasu yongs su 'gro bar 'gyur ro// der yang de bzhin gshegs pa thams cad dang phrad par 'gyur/ de bzhin gshegs pa thams cad kyis kyang dbugs 'byin par 'gyur/ de bzhin gshegs pa thams cad kyis lung ston par 'gyur ro// sangs rgyas kyi zhing thams cad du yang 'jig rten snang bar byed par 'gyur ro/ / lha'i dbang po thabs 'dis ni 'gro ba thams cad kyang sems can dmyal ba la sogs pa'i 'gro ba thams cad las yongs su thar bar 'gyur ro// de dag gi 'gro ba thams cad kyang yongs su dag cing cho ring bar yang 'gyur ro/ / lha'i dbang po sod la lha'i bu blo gros shin du brtan pa la gzungs 'di rjes su ston la sgrogs shig/ lha'i dbang po des na zhag bdun na lha'i bu shin du brtan pa'i 'gro ba thams cad yongs su dag cing tshe ring bar 'gyur ro/ / stobs che bar 'gyur ro// de nas lha'i dbang po brgya byin gyis de bzhin gshegs pa las rjes su bstan pa 'di blangs te/ de'i gnas su phyin nas lha'i bu shin tu brtan pa la gzungs 'di byin no// denas lha'i bu des nyi ma bdun pa'i bar du nyin drug mtshan drug tu gzungs 'di la brtson par byas pa na de'i bsam pa thams cad phun sum tshogs te/ 'di lta ste ngan 'gro las ni yongs su thar// bde 'gro'i lam la yang
- 231b
gnas tshe ring ba yang gyur nas/ a la la sangs rgyas/ al la chos/ a la la gzungs 'di lta bu 'jig rten du byung ste/ des bdag 'jigs pa chen po las yongs su thar bar gyur to zhes ched du brjod do// 'phags pa ngan 'gro thams cad yongs su sbyong ba gtsug tor rnam par rgyal ba zhes bya ba'i gzungs rdzogs s+ho// / rgya gar gyi mkhan po 'dzin mi tra dang / su ren dra bo d+hi dang / zhu chen gyi lo tsA ba ban d+he ye shes sbas bsgyur cing zhus te gtan la phab pa/ dge'o// rgya gar skad du/ sarba ta thA ga ta muSh+NI Sha bi dza ya nA ma d+ha ra ni kalpa sa hi ta/ bod skad du/ de bzhin gshegs pa thams cad kyi gtsug tor rnam par rgyal ba zhes bya ba'i gzungs rtog pa dang bcas pa/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das tshe dpag tu med pa de bzhin gshegs pa dgra bcom pa yang dag par rdzogs pa'i sangs rgyas bde ba can gyi chos yang dag par sdud pa'i phug khang bzangs mchog na nye bar bzhugs so/ / byang chub sems dpa' sems dpa' chen po 'phags pa spyan ras gzig dbang phyug la bka' stsal pa/ rigs kyi bu sdug bsngal ba nad kyis gzir ba tshe thung ba yod de/ de rnams kyi phyir 'khor gyi dkyil 'khor la nye bar gzigs te/ kun tu gzigs pa'i dpal gyi mtshan de bzhin gshegs pa thams cad kyi gtsug tor rnam par rgyal po zhes bya ba'i gzungs 'di bcang ba dang / klag pa dang gzhan la rgya cher yang dag par ston pa ni tshe ring bar sgrub par byed pa'i ched du'o// de nas byang chub sems dpa' sems dpa' chen po 'phags pa spyan ras gzigs dbang phyug stan las langs te thal mo sbyar bar gyur pas/ bcom ldan 'das la 'di skad ces gsol to// bcom ldan 'das bstan du gsol/ de bzhin gshegs
Colophon
'phags pa ngan 'gro thams cad yongs su sbyong ba gtsug tor rnam par rgyal ba zhes bya ba'i gzungs rdzogs s+ho // // rgya gar gyi mkhan po 'dzi na mi tra dang /su ren dra bo dhi dang /zhu chen gyi lo ts+tsha ba ban dhe ye shes sdes bsgyur cing zhus te gtan la phab pa /dge'o // (pha, 231b2-3)