Untitled work
Text
ff. 120b–126b · 13 folio sides
- 120b
yang 'byed 'bras gyi lde mig las/ man ngag lus tshad kyis rgyud phyi mar byas pa'o// dgongs pa'i don mdor bsdus pa/ tshig le'un byas pa rang snang gi spyon pa kum tu bzang po la/ zer gyi bsdus pa'i bo rdo rje sa yis man ngag gi don yang nas yang du zhus pa'i don/ yang 'byung 'phrul gyi lde mig zhes kyang bya/ kun tu bzang po bde ba chen po'i man ngag zhes kyang bya ba rdzogs so// / ma me long bcugs// bcom ldan 'das bya bral rdzogs pa'i ngeng la phyag 'tshalo// de nas gsang ba'i bdag pos chos nyid kyi ngang las bzhengs te/ phyogs bcur zhal rnam par gzigs nas/ 'di skad ces gsol to// kye gsang ba'i bdag po nyon cig/ khyod la sogs pa'i 'khor rnams kyis// kun tu bzang po'i don mchog ste// nga yis don 'di rtogs mi 'dra// rtogs mi 'dra bas yid ma ches nga yis don rtogs par gyis ces gsung so// de nas sems dpa' rdos 'khor gyis nang nas langs te/ 'di skad ces gsol to// 'khor los bsgyur rgyal ma mthong na// che zhing gnyen par yid mi ches 'khor los bsgyur rgyal mthong tsam na// bzod cig che zhing gnyen blo skyes// bu ram khar bcug ma mur na// bu ram mngar ba'i ro mi tshor// bu ram khar bcug mur tsam na// bzod cing mngar ba'i ro dang phrad // kun tu bzang po nyid kyi don// ma bshad bar du go mi 'gyur// bshad na bzod cig pa skye// de don bdag la bstan du gsol// ces gsol pas/ gsang ba'i bdag pos gsungs pa/ kye sems dpa' chen po nyin cig/
- 121a
@#/ ri rnams thams cad lta 'dod na// lhun po rtse nas cig char ltos// chu rnams thams cad 'thung 'dod na// rgya mtsho'i chu la ngoms par 'thungs// rdzogs chen 'bras bu thob 'dod na// bcol med sems kyi ngang la zhog/ sangs rgyas sa ru 'gro 'dod na// gnyis med pa la zhugs las song // zas med zas la spyod 'dod na// ye shes mngon gyur zas la sbyong // chos nyid ngo bo rtogs 'dod na// 'phrul gyi me/ long 'di la ltos// ces gsungaso// bang mdzod 'phrul gyi me long las/ chos nyid kyi don zhus pa'i le'u ste dang po'o// / de nas sems dpa' rdo rjes 'di skad ces gsol tor kye gsang ba'i bdag po lags// rtag chad gnyis kyi mtha' gang lags// rtag chad mtha' ni gang gis bsal// 'jig rten snang tshul ji ltar lags// 'khrul pa'i 'bras bu ji ltar lags// 'khrul pa'i snang tshul ji ltar lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ mngon sum rtog dang bral ba can// mngon sum nyid grub pa yin// mngon sum nyid las dgag mi rigs// gang gis 'gegs na chad pa'i mtha'// mngon sum snang yang rmi lam bzhin// snang yang ngos por grub pa med// gang zhig mngon 'dzin rtag pa'i mtha'// rang bzhin gnas pa'i chos nyid la// yod med sgo dang skur ma 'debs// ma dmigs phyir na rang gis stong // ces gsungaso// yang gsungs pa/ mngon sum rten 'brel rkyen gyis snang // rkyen ma 'dus pa snang mi srid// dper na mdung
- 121b
khyim lta bu'o// rmi lam sngar zhen bag chags yin// mthong thos byas phyin bag chags rnams// sngar zhe na sems la yod pa'i phyir// rmi lam dag du snang ba yin// sngar zhen med nu snang srid// ces gsungs sor yang gsol pa/ ting 'dzin rtogs pa sngon la bcug/ phyi mas long stabs gsal btags// ting 'dzin phyag rgyar gsal ba yang // de yang rtog pa'i 'bras bu yin// ces gsung so// yang gsungs pa/ mtho mi thag sbrul mig sgyu chu// 'dra zhing tsam la rten na ni// sngar zhon yid kyi 'khrul snang yin// sngar zhen med na 'khrul mi srid// gal te med kyang 'khrul na ni// ri bong ra dang mo sham bu// rus sbal spus kyang 'khrul par rigs zhes gsungaso// / bang mdzod 'phrul gyi long las/ 'jig rten gyi snang tshul dang rtag chad kyi mtha' gsal ba'i bstan pa'i le'u ste gnyis pa'o// // yang gsol pa kye gsang ba'i bdag po lags// ma rig rig par bshad pa gang // rgyu las ma byung 'bras bu dang // sems las ma byung sangs rgyas dang // lung las ma byung man ngag dang // chos sku dri ma yod pa dang // sku dang ye shes 'khrul snang dang // sangs rgyas rtogs pa yod pa dang // 'o byung bzhis ma bskyed sems can dang // 'gro ba drug la ma gtogs pa'i// sems can yod ni mi srid na// gal te yod na de nyid gang gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ byang chub sems kyi chos nyid de// ye nas sangs rgyas yin pas na// bsod nams rgyu las ma
- 122a
byung bas// rgyu las ma byung 'bras bu yang // mi rig rig par bshad pa yin// sems kyis rang byung ye shes de// shes dang dran las byung ba med// sems las ma byung sangs rgyas kyang nga ma rig rig par bshad pa yin// byang chub sems kyis chos nyid de// nyam su blangs pa'i man ngag ste// rgyal ba'i lung la mi rtos pas// lung la ma rten man ngag kyang // mi rig rig par bshad pa yin// / chos skus 'gro ba kun khyab pas// chos sku dri ma yod pa yang // mi rig rig par bshad pa yin// sku dang ye shes bzang 'khrul pas// sku dang ye shes 'khrul snang ba// mi rig rig par bshad pa yin// dus gsum sangs rgyas thams cad la// snang ba mthun pa'i mi 'gog pas// sangs rgyas rtog pa yod pa yang // mi rig rig par bshad pa yin// skye mched mu bzhi'i lha rnams kyang // 'byung ba bzhi la mi ltos pas// 'byung ba bzhi yis ma skyed pa'i// 'gro drug sems can yod pa yang // mi rig rig par bshad pa yin// bar ma dor yi srid pa yis// 'gro ba gang gis rgyud ma bzung // 'gro drug ma gtogs sems can yang // mi rig rig par bshad pa yin// ces gsung so// bang mdzod 'phrul gyi me long las// mi rig rig par bshad pa'i le'u ste gsum pa'o// / yang gsol ba/ kye gsang ba'i bdag po lags/ sangs rgyas sems can bde sdug bsngal// bzang ngan che chung skyon yon tan// chos dang chos nyid bden rdzun gnyis// phyi yi yul dang nang gi sems// cig pa lags sam tha dad
- 122b
lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ gong du dris pa'i don de dag/ ma rtogs pa la tha dad snang // byang chub sems kyi don rtogs nang thams cad dbyer med cig dang // ces gsungaso// bang mdzod 'phrul gyi me long las/ cig pa dang tha dad pa'i mtha' gsal ba'i le'u ste bzhi pa'o// // yang gsol pa/ kye gsang ba'i bdag po lags// chos nyid bkol ba med pa la// thig le drug phye mi 'gal lam// che ba'i yon tan bsam yas la// tsha ba sngar 'dus mi 'gal lam// chos nyid ngos bzung med pa la yin pa gsum po mi 'gal lam// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ chos nyid bkod pa med pa la// thig le drug tu phye ba yang ba byang chub sems kyi chos nyid kyi// yon tan cha la brtsis nas phye// de phyir de la 'gal ba med// che ba'i yon tan bsam yas la// che ba wA ru bsdus pa yang // bzhi ni yo ga bzhi dang sbyar gcig ni kun gyi la zla bas// de phyir de la 'gal ba med// chos nyid ngos bzung med pa la// yin pa gsum du bstan pa yang // byang chub sems kyi chos nyid de// kun dang 'brel pa rgyud kyang yin// yang dag lam du zhugs pa yis// bzung du rung bas lung yang yin// nyam su blangs pa'i chos nyid du// byang chub sems las med pa'i phyir// de phyir man ngan dam pa yin// des na de na la 'gal ba med// sems
- 123a
@kyi chos nyid ci bzhin la// de ni kun tu bzang po yis// rtsal dang nus pa ma 'gags pa// de ni kun tu bzang po yin// ji ltar mtsho dang rlabs bzhin nam// dung dang dkar ba 'am gser// dang ser// don la bkol ba med par gnas// de phyir de la 'gal ba med// ces gsungs// bang mdzod 'phrul gyi me long las/ gal po blo rdegs kyi le'u ste lnga pa'o// / yang gsol pa/ kye gsang ba'i bdag po lags// chos nyid zhes bgyi ba gang la bgyi// nyid zhes bgyi ba gang la bgyi// gsang ba'i bdag pos bstan du gsol// gsang ba'i bdag pos gsungs pa/ kye seMdar chen po nyon cig/ ji ltar stong ba'i chos rnams la// chos zhes ming du brtags pa yin// rang bzhin med pa chos nyid yin// chos ni sa yin chos nyid sa pa yin// chos ni chu yin chos nyid gsher ba yin// chos ni me yin chos nyid che bo yin// de la sogs pa gzhan yang rtsi bar bya// chos ni byang chub sems yin te// chos nyid rig cing gsal ba'o// de sogs bshad pa'i don rnams ni// chos dang chos nyid gtan la dbab// ces gsungaso// bang mdzod 'phrul gyi me long las/ chos dang chos nyid bstan pa'i le'u ste drug pa'o// // yang gsol pa/ kye gsang ba'i bdag po lags// mnyan bsam sgom pa'i khyad par ci// gsang po'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ don nyid nyam su ma blangs na// ci tsam zab mo'i tshig so
- 123b
don dang 'thun par de mi 'gyur// bshad pa tshig than pa yin// zur ka'i 'dzag ma phyar ba 'dra// sgom pas chos nyid don dang ldan// tshig dang brjod nas bshad pa ni// bu ram lo rgyus bshad pa 'dra// sgom pa'i gdams ngag phog pa ni// bu ram lag tu gtad pa 'dra// don nyid nyam su blangs pa ni// bu ram khar bcug myung ba 'dra// ces gsungs so// yang gsungs pa/ ting 'dzin don dang mi ldan na// thos pa mang po'i tshig bsags kyang // byis pa rtsigs sogs byed pa 'dra// de yang ye rngam chos la za// chos nyid don dang 'byor pa med// mnyan pas tshig go ba skye// bsam pas spyod pa'i shes rab skye// sgom pas don gyi glo ba skye// de phyir nyam su blangs pa gces// ces gsungs so// bang mdzod 'phrul gyi me long las/ mnyan bsam sgom pa'i khyad par bstan pa'i le'u ste bdun pa'o// / yang gsol pa/ kye gsang ba'i bdag po lags// rdzogs chen rang byung ye shes der// pha rol phyin drug ji ltar 'dus// zhi nas lhag mthong ji ltar 'dus// phrin las rnam pa ni ji ltar 'dus// sku gdung ring srel rdzi ltar 'dus// sngags kyi don rnams ji ltar 'dus// thabs dang shes rab ji ltar 'dus// bsnyen sgrub rnam bzhi ji ltar 'dus// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ rig pa khyab rdal snyoms pa ni// sbyin pa'i pha rol phyin pa 'dus// chos nyid dang lam yeng bas// tshul khrims pha rol phyin pa 'dus// mtshan ma'i chos la mi skrag pas//
- 124a
bzod pa'i pha rol phyin pa 'dus// shes pa rig dran pa ma nyams pa sa// brtson 'grus pha rol phyin pa 'dus// mi g.yo brtan par gnas pas na// bsam gtan pha rol phyin pa 'dus// dmigs med bsam dang bral bas na// shes rab pha rol phyin pa 'dus// ces gsungaso// yang gsungs pa/ sems kyi rang byung ye shes de// rig pa phyi nang gsal bas lhag mthong yin// gsal ba don la ma yengs zhi gnas yin// ces gsungaso// yang gsungs pa/ kye sems kyi rang byung ye shes de// gzung 'dzin med pas zhi ba yin// kun la khyab pas rgyas pa yin// sems la dbang thob dbang yin te// rnam rtog 'joms pas drag po yin// ces gsungs pa/ sku ni ston pa sku gsum ste// nga yi rang bzhin chos sku yin// nga yi ngo bo longs spyod rdzogs// nga yi thugs rje sprul pa'i sku// gdung ni sangs kun gyis thugs// ma g.yengs gnas pa ring bsrel yin// ces gsungs so// yang gsungs pa/ sngags ni rnam pa gsum yin te// rig sngags gsang sngags gzung sngags so// sems kyis kun la khyab mod kyang // kun la gyi rtogs par dka' ba'i phyir// gsang sngags zhesu btags yin te// de don phyin ci ma log pa// rig sngags zhesu btags pa yin// rtogs pa'i ngang las ma yengs par// gzung sngags zhesu btags pa yin// de phyir sems kyi sngags kyang yin// ces gsungaso// yang gsungs pa/ snang ba lam du khyer ba thabs yin te// zhen cing chags med pa shes rab yin// sems ni thabs
- 124b
dang shes rab tshul du gnas// ces gsungaso// yang gsungs pa/ byang chub sems ni bsnyen pa ste// rtogs pa'i lta ba nye bsten yin// nyam su blangs pa sgrub pa yin// mngon du gyur pa sgrub chen yin// de ni bsnyen sgrub tshul dang ldan// ces gsungaso// yang gsol pa/ kye gsang ba'i bdag po lags// byang chub sems kyi chos nyid de// slob dpon don dang ji ltar ldan// slob bu don dang ji ltar ldan// dkyil 'khor don deng ji ltar ldan// gzhal yas khang dang ji ltar ldan// bag chags tshul du ji ltar gnas// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ slob dpon ma mthong sems nyid mthong // rang sems bla mar gnas pa na// kun gyis slob dpon bskal pa bzang // gnyis ming slob dpon dam pa ste// log sred can la bka' mi rtsol// bsam gyis mi khyab/ yul slob bu// rdo sems dpa'i spyan yin pas// rgyal bas sras kyi dam par gsungs// rang rig sems ni slob bur gnas// ces gsung so// yang gsungs pa/ sangs rgyas kun gyi byang chub sems bla na med par thugs chung nas// de ni dkyil 'khor chen por gsungs// chos nyid byang chub sems dkyil nas// rang rig ye shes 'khor gyis bskor// rdo rje rang 'khrungs dkyil 'khor yin// kun gzhi dpal gyi maN+Dal la// rnam shes srang bu'i thig chen brgyad // ye btabs dkyil 'khor rgyun mi chad// ces gsung so// yang gsungs pa/ ma bcos ji bzhin sa gzhi la// gsal la mi rtog phyi nang rmang
- 125a
@snang srid sa rdor pangs pa la// dran pa rgyun gyi rtsigs pas rtsigs// dran pa yang dag them skas brgyad // bsdu ba rnam thar tshad med sgo// rdzu 'phrul rta babs ngag gis brgyan// yang ngag brgyad kyis ka ba btsugs// mi 'jigs rig pa'i gdung chen bres// rang byung ye shes dbu rtser 'phags// ye shes lnga yis dkar mthong btsal// theg chen gsang sngags sil snyan sgrogs// bden gnyis khyams kyis nges par mdzes// blo yi rim dang sbyar nas ni// 'og khang par khang sum thog rtse// phyi dang nang med kun tu nang // rang byung sems kyis gzhal med khang // ces gsungaso// yang gsungs pa bag chags rgyu ru bstan pa ni// lhan cig skyes pa'i ma rig pa// rkyen ni 'dod yon rnam pa lnga// ngo bo lus ngag yid kyi las// dbye ba dge sdig dkar nag chos// gsogs pa'i gzhi ni kun gzhi la// dgod pa'i bdag po yid gnyis ste// 'bras bu 'gro ba drug tu smin// ces gsungs// bang mdzod 'phrul gyis me long las/ don dam paro rtsi ba'i le'u ste brgyud pa'o// / yang gsol pa/ kye gsang ba'i bdag po lags// rdzogs chen skyong ba'i rnal 'byor bas// chos rnams kun gyi ngo bo la// rgyu gzer rtsi yis ji ltar btab// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ rdzogs chen skyong ba'i rnal 'byor pas// don gyi ngo bo rtogs 'dod na// bas sgom gsum pa'i sde mig gis// nges pa'i gsang sgo dbye bar bya// nges pa'i
- 125b
gsang sgo phye nas ni// kun gzhi sems kyi na mkha' la// rang byung ye shes 'od shar ba// nges pa'i gsang mdzod chen po na// mi zad gter chen yod pa mthong // sems kyi rang byung ye shes de// chos rnams kun gyi ngo bor shar// dper na gsang brgya dag la// gser srang gcig gi rtsi gtang bas// thams cad gser du 'gyur pa bzhin// chos rnams kun gyi ngo bo la// byang chub sems kyi rtsi gtang bas// rang byung ye shes chen po 'am// chos nyid min pa gang yang med// dper na rin chen gser gling na// thams cad gser las med pa'i phyir// sa rdo btsal yang mi rnyed 'gyur// de bzhin rdzogs chen rnal 'byor pas// snang srid sems su thag chod na// byang chub sems las ma gtogs pa'i// chos rnams gzhan nas 'tshol ba ni// rgyal bas btsal yang mi rnyed do// rgyu 'bras snang stong la sogs pa// cig la cig ni rgyu yis gdab// byang chub sems kyi don rtogs na// sangs rgyas sems can gnyis med mnyam// bde dang sdug bsngal gnyis med mnyam// bzang ngan chung gnyis med mnyam// skyon dang yon tan gnyis med mnyam da chos dang chos nyid gnyis med mnyam// don dam kun rdzob gnyis med mnyam// phyi nang yul sems gnyis med mnyam// mnyam pas rim par bkod pa med// ji ltar snang ba'i chos rnams kun// byang chub semasu gsal theb na// rang rgyud 'dzin pa'i zhen pa ldog/ chos rnams kun gyi ngo bo la// tshad gsum gtan la phebs pa na// gdeng dang yid ches de la skye// de ni mi 'gyur bstan pa'i gzor// chos
- 126a
/ gsung so// bang mdzod 'phrul gyis me long las/ don gnyis gtan la dbab pa'i le'u ste dgu pa'o// / yang gsol pa/ kye gsang ba'i bdag po lags// 'jig rten 'jig rten 'das pa'i gsungs// de yi bye brag ji ltar lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ sbyin par smra ba tshangs pa'i dbyangs kyis gsungs// bdud kyi bu mo la sogs pa// kun kyang chags pa skye bar byed// blo ldan skyes bu gang dag gis// gsung bzhin gtan la phebs 'gyur na// smra ba'i gtan tshig rmongs mi 'gyur// bde gshegs rgyal ba sangs rgyas kyis// blo yis rim pa dgongs nas ni// rang rang 'thun pa'i tshig dgu smras// gang thang yul la ldem du bcug/ bde gshegs rgyal ba sangs kyir sku drug rnam par sprul nas ni// gsung drug brjod 'gro drug 'dren// bde gshegs rgyal ba sangs rgyas kyis// gsung drug dgongs pa'i bshad pa ni// ci bzhin ma yin dgongs pa bshad// dgongs bshad mo yin ci bzhin po// nges dang ma nges rnam pa can// zhal nas gsungs cig spyi sangs la// 'gro bas don rnams so so go// gong nas gong gis zhen blo ldog/ bde gshegs rgyal ba sangs rgyas kyis thugs nyid ni las ma g.yos kyang // 'jigs tshul rngam pa'i skur sprul nas// 'dar 'grel 'jigs skrag dngas par byed// snang sring sdong bcud thams cad kyi// sgra skad bsam gyis mi khyab pa// kun kyang
- 126b
gsang sngags gsang ba'i tshig/ 'jig rten yongs kyis spyod yul la// sangs rgyas gsung gis zab mo 'byung // rdzogs chen a ti yo gA'i gsungs// mchog tu gsang ba'i chos nyid ni// mi gsung mnyam bzhag brjod pa ste// yi ge med pa don gyis gsungs// tshigs tu brjod pa spangs te// brjod pa kun gyi rgyu gzhi yin// tshig gis dbang po tshig bdag/ tshig kun rab tu gsal bar byed// ri rab ri yi rtse mo na// mtshan dang ldan pa'i dpe byad can// zhal gyis sgom nas mi brjod kyang // rang gis ngo bos chos rnams ston// ces gsungaso// bang mdzod 'phrul gyis me long las// gsung gi yon lag rnam par phye ba'i le'u ste bcu pa'o// / bang mdzod 'phrul gyi me long rgyud phyi ma'i phyi mar byas par ma tshang ba kha bskang pa rdzogaso// / 'jam dpal gshes gnyen shrI sid+ha/ bai ro/ g.yu sgra/ dz+nyA na/ des sangs rgyas ye shes/ des bsgrags kyi yang rdzong du su l-i yang ma spel bar thugs dam de la mdzad do// tha mar mgar sreg la yang thugs ma ches par man ngag bzheg pa'i snod ma rnyed nas dir gyis dril/ tshigs su bcad pas sbas so// las 'phro can dang phrad par shog// lag ring du 'gro ba na mkha' dang mnyam pa'i rgyud bzhugs// / rgya gar skad du kha su muny+tsa a ka kro ti ra tan+t+ra/ bod skadadu/ thag ring du 'gro ba na mkha'i mtha' dang mnyam pa'i rgyud/ dpal kun tu bzang po la phyag 'tshal lo// 'di skad bdag gis thos pa dus gcig na/ bcom ldan 'das chos