theg pa chen po'i mdo chos rgya mtsho zhes bya ba
Text
ff. 74b–78a · 8 folio sides
- 74b
byang chub sems dpa' byams pa dang / tshe dang ldan pa 'od srung chen po dang / tshe dang ldan pa kun dga' bo dang lha dang mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par stod do/ / 'phags pa bzhi pa sgrub pa zhes bya ba theg pa chen po'i mdo rdzogs s+ho// @/ rgya gar skad du/ tri d+harma ka nA ma sU tra/ bod skad du/ chos gsum pa zhes bya ba'i mdo// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge 'dun chen po dang thabs gcig tu bzhugs te/ de nas bcom ldan 'das kyis dge slong rnams la bka' stsal pa/ dge slong dag 'di na mi blun po la la dam pa'i chos ma yin pa gsum dang ldan na sbyin pa dag mi sbyin zhing bsod/ nams dag mi byed la/ tshul khrims yang dag par spangs nas gnas par mi byed do// gsum gang zhe na/ 'di lta ste/ 'dod chags dang / ser sna dang / bag med pa ste/ dge slong dag 'di na mi blun po la lo dam pa'i chos ma yin pa gsum po de dag dang ldan pas sbyin pa dag ma byin zhing bsod nams dag ma byas la/ tshul khrims yang dag par blangs te gnas par ma byas pas/ lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ / dge slong dag skyes bu dam pa dam pa'i chos gsum dang ldan pa ni sbyin pa dag sbyin zhing / bsod nams dag byed la/ tshul khrims yang dag par blangs te gnas par byed do// gsu po gang zhe na/ 'di lta ste/ mi chags pa dang / ser sna med pa dang / bag yod pa'o// dge slong dag dam pa'i chos gsum po de dag dang ldan na skyes bu dam pa sbyin pa dag byin zhing bsod nams dag byed la/ tshul khrims yang dag
- 75a
bar blangs te gnas par byas pas lus zhig ste/ shi ba'i 'og tu bde 'gro mtho ris kyi 'jig rten lha rnams kyi nang du skye bar 'gyur ro// bcom ldan 'das kyis de skad ces bka' stsal te bde bar gshegs pas deskad gsungs nas/ ston pas gzhan yang 'di skad ces bka' stsal to// gang phyir ser sna bag med pas// sbyin pa sbyin par mi byed de// de phyir bsod nams 'dod pa yi// mkhas pas sbyin pa sbyin par bya// ser sna can gyis 'jigs pa ni/ / bkres dang bsgom pa 'di yin na// gang gis 'jigs pas 'dir ma byin// de nyid mi yi 'jigs pa yin// gang gis ser sna'i dbang gis na// yod ma byin pa 'jigs pa ste// 'jig rten 'di dang pha rol tu// de yis byis pa bgos par 'gyur/ / gang dag ser sna spangs nas kyang // dus su sbyin pa sbyin byed na// shi yang de ni shi ma yin// rgyags bzangs po yi 'gron po bzhin// gang dag shin tu gtad dka' ba// nyung ngu'ang mang po gtong byed na/ / btang ka gtong ba de dag ni// dka' ba'i las dag byed pa yin// dam pa min pas mi rtogs te// dam pa chos las 'da' mi byed// de phyir dam pa dam pa min// 'di nas shi bar 'gyur ba na// dam pa min pa dmyal bar 'gro/ / dam pa dag ni mtho sa 'gro// nabs gtses pa la ni skyabs med de// tshe thung bas ni srog khyer dus kyang nye// 'chi ba'i 'jigs pa 'di mthong rnams kyis ni// bsod nams bde sbyor dag ni bya ba'i rigs// bud rje spangs 'dir sto bas 'cha ba grang / / dka' bas byin pa zung du byin na yang // stong ga mchod sbyin brgya stong byed pa ni// des bcu drug char yang mi pod do// ci phyir mchod sbyin yangs shing rgya cheg// mchod sbyin 'thun pa de yi la ma 'gro/ / ji ltar stong gi mchod sbyin chernams kyang // de yi bcu drug char mi 'gyur zhe na// byis pa la la gsod cing 'chi byed 'dir// gzhan nor ma byin len byed brlag par 'gyur// mchi ba'i gdong bcas chad par bcas pa yi//
- 75b
yo na de'i mchod sbyin 'thun pa'i lam mi 'gro// de ltar mchod sbyin yangs shing rgya che ba// mchod sbyin mthun pa'i lam du mi 'gro la// de ltar stong gi mchod sbyin stong rnams kyang // de yi bcu drug char yang mi phod do// la la gang dag gzu lums ma yin pa// chos bzhin nor rnams thob pa gtong byed pa// de dag gtad dka' de rnams btang bas na// rang gi bsod nams kyis ni lte gnas 'gro// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// chos gsum pa zhes bya ba'i mdo rdzogs s+ho// // rgya gar gyi mkhan po dzi na mi tra dang / zhu chen gyi le ts+tsha ba ban de de ba tsan dras bsgyur/ lo ts+tsha ba dpal brtsegs kyis zhus te gtan la phab pa// // @#// rgya gar skad du/ Ar+ya d+harmA ke du ma hA yA na sU tra/ bod skad du/ 'phags pa chos kyi rgyal mtshan gyi mdo theg pa chen po'o// sangs rgyas deng byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de'i tshe byang chub sems dpa' chos kyi rgyal mtshan bya ba 'dug pa stan las langs te/ bcom ldan/ 'das la 'di skad ces gsol to/ / bcom ldan 'das byang chub sems dpa' chos du dang ldan na myur du bla na med pa yang dag par rdzogs pa'i sangs rgyas su 'gyur ba lags/ bcom ldan 'das kyis bka' stsal pa/ rig kyi bu byang chub sems dpa' chos bcu dang ldan na myur du bla na med pa yang dag par rdzogs pa'i sangs rgyas su 'gyur ro/ / bcu gang zhe na/ 'dir byang chub sems dpa' dad pa dang ldan par bya ba dang / byang chub
- 76a
kyi sems dang ldan par bya ba dang / dge ba'i bshes gnyen yongs su ma gtang ba dang / dgon par bstan cing 'du 'ju brang ba dang / bla ma dang mkhan pa'i gdams ngag yongs su stsal ba dang / snying rngu dang ldan pa dang / mang du thos pa dang / ldan pa dang / ting nge 'dzin dang ldan pa dang / tshul khrims dang ldan pa dang / brtson 'grus phun sum tshogs pas don ma lus par sgrub pa'o// bcom ldan 'das kyis de skad ces bkru stsal pa dang / rti rje dang byang chub sems dpa' chos kyi rgyal mtshan dang / thams cad dang ldan pa'i 'khor de dag bcom ldan 'das kyis gsungs pa la mngon par bstod do// 'phags pa chos kyi rgyal mtshan gyi mdo rdzogs so// rgya gar skad du/ d+harma sa mu dra na ma ma hA yA na sU tra/ bod skad du/ theg pa chen po'i mdo chos rgya mtsho zhes bya ba/ 'di skad bdag gis thos pa dus gcig na/ bcom ldan 'das rgya mtsho'i gling bran po ta la ke'i ri la rgyal ba'i sras mi ldog pa bal po ches bskor cing mdun du byas te bzhugs so/ / de nas bcom ldan 'das kyis 'jig rten gyi dbang po byang chub sems dpa' sems dpa' chen po la bka' stsal pa/ skyes bu dam pa chos kyi gtam ci 'dod pa dri bar gyis shig ces 'dod pa la rtog cing mi rten pa dang / mi 'chang ba dang / nga rgyal med pa dang / shes rab dang / thabs la mkhas pa dang / stong pa nyid la shin tu mos pa dang ldan te/ yod pa dang med pa spangs pa dang / yang dag pa ma yin pa la rtags pas grangs med par 'khor bar 'gyur/ ji ltar na dge bar gsungs pa'i chos dang / 'dul ba la rab tu byung zhing yang dag par rdzogs pa'i bsnyen par rdzogs pa lags/ / 'gro ba tha dad pa'i chos rnams las 'das pa dang / gnas ngan len la rten cing 'jug pa'i sems dang / yid dang / yid kyi rnam par shes pa las 'das te/ mi gnyis pa'i chos thos
- 76b
pani shin ta rab tu byung ngo / / sems can gang za dad pa 'di lta bus rab tu byung ba de ni yang dag par rab tu byung ba'o// gang rab tu byung yang tshul khrims dang / spyod yul dang / 'tsho ba dang / lta ba dang / bsam pa nyams pa ste/ de ni mgo dang kha spu bregs kyang don med pa ste/ rnyog pa 'chang bas rang rnyog pa des ngan song du gzhol ba yin no// ngas dad pas byin pa spyod du gnang ba ni rigs pas grol ba ste/ dge slong gang brtsol ba mi 'dor ba des gzugs mi 'dor tshor ba dang / 'du shes dang / 'du byed dang / rnam par shes pa mi 'dor/ phung po lnga tha dad pa dang / ril gyis brtags pa'i rang bzhin pas na mi rtag pa dang / sdug bsngal ba dang / stong pa dang / bdag med par lta ba de dag kyang mi dmigs pa'i tshul gyis khams dang / skye mched rnams ma yin par spro ba dam par byed pas rtag tu bsgom mo/ / snying po med pa dang / 'brum pa can/ zug rngu can dang ldan pa/ skyon can/ pha rol po slu ba'i chos nyid ces sun 'byin pa de dag kyang mi dmigs pa'i tshul du sbyor bas/ gang lus kyis lus la srid pa dang / lus la byams pa dang / lus la bdag yid ches pa dang / lus la zhen pa de dag rab tu spong ngo // gang 'di lta bu'i dge slong ni dge bar gsungs pa'i chos dang 'dul ba la rab tu byung bar gyur/ dad pas bsnyen par rdzogs pa'i yang dag par rdzogs pa yin te/ 'di lta bu'i dge slong ni lha dang 'jig rten tu bcas pa rnams kyi sbyin gnas su gyur pa'o// de nas byams pa byang chub sems dpas 'jig rten gyi dbang po byang chub sems dpa' la smras pa bcom ldan 'das kyis ci las dgongs te 'gro ba tha dad pa'i chos rnams la 'das shing 'jig rten las 'das pa'i chos rnams thos pa de ni dge bar gsungs pa'i chos 'dul ba la rab tu byung bar gyur/ bsnyen par rdzogs pa'i yang dag par rdzogs pa zhes gsungs/ gzhan gang zhig rab tu byung zhing bsnyen par rdzogs kyang bdag bslus pa ste/ pha bang ltar byi ba yang
- 77a
ma yin/ bya yang ma yin pa bzhin du de ni khyim pa yang ma yin/ rab tu byung ba yang ma yin pas na glen pa'i skyes bu de de lta bu'i tshul du zung shig/ skyes bu dam pa 'gro ba tha dad pa'i chos de dag ni sgyu ma lta bu ste/ de las 'da' bar yang mi nus/ 'gro ba tha dad pa'i chos ni yongs su ma rdzogs pas na/ de las 'da' bar yang dga'/ sems can gyi khams ni phyin yang med/ nang na yang med de// gnyis kar yang dmigs su med pas na/ gang sems can gyi khams kyi dngos po de ni 'gro ba tha dad pa'i chos kyi dngos po ste/ de las 'da' bar yang dga' ba de la kye rgyal ba'i sras bcom ldan 'das kyis 'gro ba tha dad pa'i chos las 'das shing 'jig rten las 'das/ pa'i chos thob pa'i dge slong de ni rab tu byung bar gyur/ bsnyen par rdzogs par yang dag par rdzogs pa ste/ de ni dad pas byin pa spyod pa'i mchod gnas su gyur pa'o zhes gsungs pa yang kye rgyal ba'i sras rten pa'i gnas med na/ de la 'thob pa gang ci ste 'jig rten las 'das pa'i chos rnams 'thob par 'gyur na de ni dmigs par gyur pa'o// de bzhin gshegs pa dgra bcom pa yang dag par rdzogs pa'i sangs rgyas kyi chos nyid ni mi dmigs pa ste/ bcom ldan 'das kyis kyang 'di ltar dgongs nas 'gro ba tha dad pa'i chos las 'das shing 'jig rten las 'das pa'i chos thob pa de ni dge slong yang dag par gyur pa ste/ dad pas byin pa spyod pa'i mchod gnas so/ / de nas byams pa byang chub sems dpas 'jig rten gyi dbang po byang chub sems dpa' la smras pa/ bcom ldan 'das kyis ci las dgongs te/ brtson pa mi 'dor ba'i dge slong gang gis gzugs mi 'dor/ tshor ba dang 'du shes dang / 'du byed dang / rnam par shes pa mi 'dor ba de ni rab tu byung ba'i dge slong ste/ de ni dge bar gsungs pa'i chos kyi 'dul ba la shin du rab tu byung bar gyur pas na 'di lta bu'i dge slong ni dad pas byin pa spyod pa'i
- 77b
mchod gnas su gyur pa'o zhes gsungs/ 'jig rten gyi dbang pos smras pa/ kye rgyal ba'i sras bcom ldan 'das kyis chos nyid la dgongs te chos kyi dbyings nang na yang med/ byin yang med de/ gnyi gar yang dmigs su med pas na nad med par btags pa dang / mi skye bar btags pa dang / mi 'gag par gdags pa rnams gdags su med pa ste/ sems can gyi khams mnyam pa bzhin du chos kyi dbyings mnyam pa nyid chos kyi dbyings mnye pa bzhin du sems can gyi khams mnyam pa nyid dang / chos kyi dbyings mnyam pa nyid du mi gnyis te gnyis su medade// de mi gnyis te gnyis su med pas na de la dor ba yang med/ mi dor ba yang med/ gang dor ba yang med mi dor ba yang med pas na de la mnga' ba dang / thob par mi nus te/ bcom ldan 'das kyis kyang 'di ltar dgongs nas gdags su med pa'i dge slong btags pa la mi 'jug go/ gang yi ge med pa'i dge slong yi ge las 'das pa ste/ de la grangs kyis bstan par yang mi rung ste/ de ni mi 'ong mi 'gro mi gnas mi 'dug nyal bar yang mi rtog go/ zhi ba dang nye bar zhi ba rnams mi dmigs pa'i dge slong la brtags pa ste/ spyod pa rnams kyang brtag pa'o/ / log pa la rnam pa mang du rtog pa'i dge slong spyod pa ni ma brtags pa'o// bcom ldan 'das kyis 'di ltar dgongs nas 'di lta bu'i dge slong ni dad pas sbyin pa spyod pa'i sbyin gnas su gyur pa'o// de nas bcom ldan 'das kyis spyan ras gzigs dbang po byang chub sems dpa' la dge ba byin te ngas dgongs te bshad pa bzhin du skyes bu dam pa khyod kyis bstan pa ni dge'o dge'o/ / dge bar gsungs pa'i chos kyi 'dul ba la rab tha byung ba 'di bla na med pa dam pa'i chos kyi phyag rgya ste/ 'di tshul khrims nyams pa dang / ma dul ba dang / nga rgyal mngon par byed pa rnams kyi mdun du mi bshad par gyis shig/ de lta bu de dag rnams kyi snyoms
- 78a
ba spang ba'i phyir phyag rgya 'di la gang gis yang dag pa ji lta ba bzhin du shes rab kyis bltas shing mi dmigs pa'i lus mngon du byas na/ des yid kyi lus myur drang thob bo// gang gi yid kyi lus des grang med pa'i sems can rnams byang chub tu smin par byed do/ / de nas chos kyi gzhung 'di bshad pa'i tshe dge slong bdun stong zag pa med par mi skye ba'i sems rnam par grol bar gyur// byang chub sems dpa' stong phrag bcu mi skye ba'i chos la bzod pa thob par gyur/ dmigs pa can gyi dge slong lnga brgya chos kyi gzhung 'di mi sgrub cing mi 'jug pa dang / ma dad pas na stan las langs te dong ngo // bcom ldan 'das ngas dgongs de gsungs po 'di dag 'jig rten thams cad yid mi ches pa'i gnyen po yin pas na chos kyi gzhung 'di dmigs pa dang bcas pa rnams mi 'thun pa'o/ / yod pa ma yin pa la brtan pa rnams dang mi 'gal te/ dge ba'i shes gan gyi gzung ba rnams dang / zab mo'i chos la mos pa rnams dang / skyo zhing chog shes pas bsnyungs te dben pa la mngon par dga' ba rnams dang / sngon gyi sangs rgyas rnams la dge ba'i rtsa ba bskrun pa rnams kyis nga'i chos kyi gzhung 'di la ston par shes so/ / kye rgyal ba'i sras 'di lta ste/ dper na skyes bu gang zhig gnyid kyis log pa'i rmi lam na 'gro ba mang po'i mdun na smra zhing chos 'chad kyang chos de 'jig rten thams cad 'asam grags na/ kye rgyal ba'i sras ci 'gro ba mang po de rnams yod de/ gang des sangs rgyas kyi chos bshad pa dang mi 'gal ba snyam du sems sam/ byams pas smras pa/ rmil ma ni yang dag par ma mchis pa ste/ 'khrul pa tsam zhig mchis par bas na de ngan 'gro phal po che la tshes 'chad par gyur pa lta ga la zhig mchis/ kye rgyal ba'i sras de ltar de bzhin du chos thams cad ni rmilam dang mtshungs te/ yang
Colophon
theg pa chen po'i mdo chos rgya mtsho zhes bya ba rdzogs s.ho||