Gpb003.014MW1KG14783_0003_014All versions of this work

rin po che snang gsal spu gri 'bar ba 'khrul snang thams cad rtsad nas gcod pa nam mkha' dang mnyam pa'i rgyud ces bya ba

Ratnadīpakartarījvalasarbabhramamūlacchedaākāśasamatantranāma

Text

ff. 203b–241a · 76 folio sides

  1. 203b

    rgya gar skad du/ rat+na dI pa karta rI dza la sarba b+hU ma mU lats+tshe da A kA sha sa ma tan+t+ra nA ma/ bod skad du/ rin po che snang gsal spu gri 'bar ba 'khrul snang thams cad rtsad nas gcod pa nam mkha' dang mnyam pa'i rgyud ces bya ba/ mtshon med brjod 'das chos kyi sku la phyag 'tshal lo// 'di skad bdag gis rtogs shing bshad pa'i dus gcig na/ 'og min gyi gnas chos nyid kyi klong / kun gzhi'i mkha' dbyings yangs pa sems kyi gzhal yas khang dbyings rnam par dag pa'i gnas/ rin po che sna tshogs gcig tu 'dus pa'i 'od khang zhes bya ba na/ ston pa'i rgyal po bsam med brjod 'das dang / ston pa'i rgyal po brjod med blo 'das dang // ston pa'i rgyal po dran med yid la byar med gsum// ye thog ye nas ston pa rnam gsum mo// de gsum thugs kyi sprul pa las// kun tu bzang po rdo rje sems// dga' rab rdo rje gsum yin no// ston pa'i rgyal po drug po la// drung na gnas pa'i 'khor yang 'di lta ste// ma 'gags rgya chad med pa'i 'khor dang / rtsal snang yan lag 'od kyi 'khor dang / snang tshul zer gyi 'khor rnams ni// ye thog ston gsum 'khor yin no// de gsum thugs kyi sbrul pa las// rig pa'i 'khor dang yid kyi 'khor// sems kyi 'khor dang rnam gsum mo// de gsum rtsal snang bstan pa las// rang bzhin 'khor

  2. 204a

    dang don gyi 'khor// 'dod pas bsdus pa'i 'khor dang gsum// gzhan yang 'khor tshogs 'di lta ste// rgyu yi byang chub sems dpa' dang // lam gyi byang chub sems dpa' dang // 'bras bu'i byang chub sems dpa' dang // rjes kyi rnal 'byor dang / sems pa'i rnal 'byor dang / yongs su rnal 'byor dang / rnal 'byor chen po dang / shin tu rnal 'byor dang / ye nas gnas pa'i 'khor yang 'di lta ste/ sa dang chu dang me dang rlung dang nam mkha'o// de dag la sogs pa 'khor sna tshogs dang thabs gcig tu bzhugs so// de nas yang 'khor gyi nang nas rang gsal khye'u chung bstan las langs nas/ pus btsugs thal sbyar gus pas 'di skad gsol/ a pi ra ka ta gad ka tad a ti/ ston pa'i rgyal po sems nyid kun bzang lags// bdag cag 'dus pa'i 'khor tshogs thams cad la// dngos po ji ltar gnas pa'i gnas lugs dang // ma rtogs sems can ji ltar 'khrul tshul dang // 'khrul snang rtsad nas bcad pa'i bcad lugs dang // chod nas 'bras bu thob pa'i thob lugs dang // thob nas mi 'gyur gdeng gis zin lugs dang // 'khrul pa gsal zhing ldog pa'i gdams ngag dang // sangs rgyas rnams la yon tan ji lta bu// sems can rnams la skyon ni ci zhig mchis// ye thog sangs rgyas rnams kyis bzang byas lha gsol

  3. 204b

    lam// rigs drug sems can rnams kyis ngan byed thabs byas sam// de gnyis skyon dang yon tan ji ltar lags// theg pa brgyad khri bzhi stong phye ba gang la dgongs// theg pa dgu ru bsdus pa de// 'dus bya gang la dgongs nas bsdus// a nu man chad rgyal po rnams// spang ngam 'on te ji ltar bgyi// phyi pa mu stegs theg pa de// spangs na rdzogs par cang 'gyur ram// bsgrubs na phyi rol gsung la dgos pa med// theg pa dag ni thams cad kyi// gol sgrib gdar sha ji ltar bcad// rang gzhung nyams su ji ltar blang // gzhan gzhung shes par ji ltar bya// rang gzhan gnyis su gsungs pa de// khyad par gang gis ji ltar 'thon// zhus tshig nyi shu rtsa gcig de// ston pas 'khor la gsung du gsol// bdag cag 'dus pa'i 'khor rnams la// shin tu zab par gsung du gsol// zhes zhus so// rin chen snang gsal spu gri 'khrul snang rtsad nas gcod pa nam mkha' dang mnyam pa'i rgyud las/ gleng gzhi'i le'u ste dang po'o// // de nas rdo rje sems dpa' yis// kun bzang nyid la 'di skad zhus// dngos po gnas pa'i gnas lugs de// bdag cag rnams la bstan du gsol// zhes gsol pa dang / de nas mtshon med kun bzang des// rin po che 'od 'byed pa med pa'i ting nge 'dzin la zhugs so// de nas gnyis med kun bzang

  4. 205a

    gis// 'khor rnams drung na tshogs par gzigs// bzhengs nas 'khor la 'di skad gsungs// rdo rje sems dpa' la sogs rnams// ma yengs gus par ldan pas nyon// a pa d+ha i a pi thi a// dngos po gshis kyi gnas lugs de// mtshon byed yul du mi 'gyur kyang // rtog pa'i shes rab gsal ba yis// ye shes rin chen sgron me 'di// gsung gis 'gags med gsal ba yis// nyi zla bzhin du gsal khyab bshad// dper na mi gcig don yod pas// ma bsgrub don dang 'phrad mi 'gyur// de bzhin chos nyid rtogs 'dod pas// ma mtshon brjod pa med na rtogs mi 'gyur// brjod bral mtha' la brten te bshad// dper na skom pa chu 'dod pas// me 'dod brjod pas chu mi myong // chu 'dod brjod pas phrad par nges// de bzhin dngos med don 'dod la// dngos por bstan pas mi rtogs 'gyur// dngos med bstan pas skye med rtogs// de bzhin dngos po'i gnas lugs kyang // dpe dang don du sbyar la bshad// rdo rje sems dpa' go bar zung // mtsho la dar chags zhing sa dang // rgyal po'i bang mdzod gser dang bzhi// gzhi yi gnas lugs mtshon dper gsungs// mtsho la dar chags dus nyid du// 'bar 'bur mtho dman sgang gshong med// mnyam pa nyid du gnas pa'o// gzhi

  5. 205b

    la rnam pa bzhi yod de// khyab pa'i gzhi dang gnas pa'i gzhi// g.yo ba'i gzhi dang 'byung ba'i gzhi'o// mtsho la dar chags dpe bzhin du// gnas pa'i gzhi yang 'di ltar gnas// sems can ma yin sangs rgyas min// 'khor ba ma yin myang 'das min// ma rig ma yin ye shes min// rnam rtog ma yin chos nyid min// bde ba ma yin sdug bsngal min// mtshon med tshig med ming brjod med// bstan med ston med nyan pa med// smrar med dmigs med brtags pa med// snang med srid med chags pa med// yul med sems med dbye bsal med// nga med bdag med phye ba med// phyi med nang med gzung 'dzin med// dgra med gnyen med phyogs ris med// pha med ma med skyes pa med// yul med gnas med chags pa med// bcud med snod med 'khor ba med// dbus med mtha' med phyogs mtshams med// dkar med nag med kha dog med// de dag la sogs thams cad la// rig med yid med sems pa med// dmigs med gtad med chags zhen med// smra bsam brjod 'das ngo bo de// yid la byar med rtsis gdab med// blo yi bcos med sems la bzhag tu med// de dag kun gyi rang bzhin ni// dngos po gshis kyi gnas lugs yin// sangs rgyas sems can btags pa med// bstan bya ston byed btags pa med// tshig dang yi ge'i

  6. 206a

    mtha' las 'das// tshogs brgyad yul du ma gyur gnas lugs dang // ma rig ye shes mnyam par gnas// 'char sgo 'khrul sgo mnyam par gnas// rnam rtog chos nyid mnyam par gnas// sangs rgyas sems can mnyam par gnas// 'khor ba myang 'das mnyam par gnas// bde dang sdug bsngal mnyam par gnas// mnyam pa nyid du gnas pa'o// de ni gnas pa'i gzhi zhes bya'o// khyab pa'i gzhi ni 'di lta ste// til la mar gyis khyab pa bzhin// ya tha rgyal ba'i dkyil 'khor nas// ma tha dmyal ba'i 'jig tshogs rnams// skye 'gro'i gzugs kyis bsdus pa la// kun la khyab par gnas pa'o// de ni khyab pa'i gzhi ru gsungs// g.yo ba'i gzhi ni 'di lta ste// sngon gnas gzhi la thog mar g.yos// thog ma'i gzhi la ye nas g.yos// ye nas gzhi la rang bzhin g.yos// rang bzhin gzhi la khyab gzhi g.yos// khyab pa'i gzhi la ye rlung g.yos// ye rlung gzhi la tho long g.yos// de ni g.yo ba'i gzhi ru gsungs// 'byung ba'i gzhi ni 'di lta ste// ye rlung thol lo de las ni// bag tsam 'gyu ba'i cha ru byung // de las yid tsam 'gyu ba byung // de las zer gyi tshul du byung // de las kun gzhi spyi khyab byung // de las 'byung ba'i rang bzhin byung // de las 'od kyi tshul du gyur// 'od la ma 'gags zer shar bas// rtsal snang

  7. 206b

    yan lag bu ru gyur// rtsal snang gzhan du ma chags te// slar la 'od kyi nang du thim// 'od la snang gsal bu thim pas// ma bu dbyer med ye sangs rgyas// thog ma'i rang sar rang thim pas// 'od dang zer 'phrad rang sa zin// 'khrul chod skye med rgya yis thebs// snying po klong nas shar ba yin// kun tu bzang po ye sangs rgyas// rgyu rkyen rtsol bsgrub ma byas par// shugs 'byung thog ma ye sangs rgyas// dper na rin chen gser bzhin du// kun tu 'gyur ba med par gnas// de ltar 'byung ba bzhi yis ni// 'byung ba ma la zha ba dang // ye shes mkha' la thim pa dang // chos nyid ma dang 'phrad pa dang // skye med rang sa zin pa dang // 'gyur med rgya yis thebs dang lngas// brjod pa med dbyings mngon sangs rgyas// thog ma gzhi yi sangs rgyas yin// dper na rgyal po'i bang mdzod bzhin// nor rdzas che ba 'byung la chung ba'ang 'byung // rin chen gser dang g.yu yang 'byung // 'bras kyang 'byung la sran ma 'byung // rin zang che 'byung chung ba 'byung // de bzhin kun gzhi mdzod chen nas// ma rig 'byung la ye shes 'byung // sangs rgyas 'byung la sems can 'byung // 'khor ba 'byung la myang 'das 'byung // rnam rtog 'byung la chos nyid 'byung // bde ba 'byung la sdug bsngal 'byung // dga' ba 'byung la mi dga' 'byung // nga bdag 'byung la bdag

  8. 207a

    med 'byung // yul sems 'byung la gnyis med 'byung // phyogs ris 'byung la phyogs med 'byung // de sogs 'byung ba'i gzhi ru gsungs// zhes gsungs so// rin po che snang gsal spu gri 'bar bas 'khrul snang rtsad nas gcod pa nam mkha' dang mnyam pa'i rgyud las/ dngos po gzhi'i gnas lugs bstan pa'i le'u ste gnyis pa'o// // de nas rdo rje sems dpa' yis// kun bzang nyid la 'di skad zhus// khams gsum 'khor ba'i sems can dang // phyi nang snod bcud ji ltar 'khrul// 'dus pa'i 'khor la gsung du gsol// zhes gsol pa dang / ston pas 'khor la 'di skad gsungs// snying po ming med brjod med 'gyur med ma rtogs pas// yan lag rtsal gyi shes pa rang shugs las// ma rtogs sems can 'khrul lugs ngas bshad kyi// rdo rje sems dpa' gus pas yid la zung // ma byung ma skyes sngon thog ye yod las// sngon gnas gzhi ru rang bzhin gnas// de nyid thog ma'i gzhi ru gyur// de nyid cang med gzhi ru gyur// cang med pa yi gzhi de las// de nyid ming med gzhi ru gyur// ming med rang bzhin ma shes pas// 'byed pa med pa'i gzhi ru gyur// de nyid g.yo ba'i gzhi ru 'khrul// g.yo ba'i rang bzhin kun la gnas// de nyid khyab pa'i gzhi ru 'khrul// de las gzhi yi 'degs byed kyi// ye rlung gdengs

  9. 207b

    med bya bar g.yos// de nyid kun gnas rlung gyur 'khrul// de nyid thol tsam long tsam 'khrul// sang sang seng seng tsam du 'khrul// bag tsam tshor tsam dag tu 'khrul// de nyid bag tsam 'gyu bar gyur// de las zer tsam tshul du 'khrul// zer des kun gyi gzhi byas pas// der sdod kun gzhi spyi khyab 'byung // dngos po mtshan ma kun gyi gzhi mo byas// gzhi rtsa med pa'i chos nyid klong chen 'khrul// chos rnams kun gyi 'khrul pa'i rtsa ba byas// de las rang byung ye shes las// yan lag rtsal snang zer 'phros pas// g.yo mi g.yo las phra rab zer g.yos pas// zer gyi rang bzhin ma 'gags 'od lngar 'khrul// de las 'byung ba'i rang bzhin 'khrul// 'byung ba 'od kyi rang bzhin las// rtsal snang yan lag bu ru 'khrul// sngar g.yos ma myong yid tsam g.yos pa yis// de las 'gyu ba'i rlung du 'khrul// de las gsal ba'i shes par 'khrul// bde snyam mi bde snyam byung bas// myong rig gnyis su de yis 'khrul// myong zhing rig pa yod pa des// 'gyu mi 'gyu las yid gsum yin par 'gyur// 'gyu ba'i zer las rig pa skyes// rang sa ma zin bcos pa'i rlung dang bcas// yin nam ma yin ming gis rnam grangs skyes// yin pa ma mthong med par 'khrul// yin pa ma rig min pa rig/ de phyir ma rig mun par 'khrul// 'gyu ba rlung gis rgyu byas

  10. 208a

    nas// sgrib g.yogs mun pas bar bcad de/ rtsal snang bu yis rkyen byas nas// ma rig 'khrul sgo 'bras bu smin// rig pa yid dang sems su 'khrul// de la yid gsum rim gyis 'khrul// rig pa kun tu tshol ba yis// phyogs mtshams kun tu rgyu ba'o// kun tu tshol ba'i yid du 'khrul// yid kyi mtshan nyid 'gyu ba yis// yid la rten med ma bde ste// phya sang ban bun phyed phyod byed// sang sang seng seng rten med la// yin snyam min snyam yid gnyis skyes// nges par 'jog pa'i yid du 'khrul// nga las med dam rang snyam mo// de las sems su gsal ba skyes// gsal ba'i rang bzhin rnam pa lnga// gsal dang mi g.yo rgya ma chad// ma 'gags mi 'gyur lnga ru 'khrul// gtan la 'bebs pa'i yid du 'khrul// de la rig pa'i gzugs su 'khrul// de la yid kyi gzugs su 'khrul// de las sems nyid gzugs su 'khrul// de las 'od kyi gzugs su 'khrul// de yis snang tshul lnga ru shar// de yis nyon mongs lnga ru 'khrul// de las 'byung ba lnga ru 'khrul// de las kha dog lnga ru 'khrul// de las gzugs snang lnga ru 'khrul// de las don snying rnam lnga 'khrul// de las dbang po rnam lngar 'khrul// de las rnam shes rnam lngar 'khrul// de las yan lag rnam lngar 'khrul// de las yul lnga rigs lngar 'khrul// 'od gzugs de ni

  11. 208b

    rnam shes la// rang rang bag chags ji ltar bltas mthong ste// rang rang lus la bzang dang ngan par mthong // la las cher mthong la las chung bar mthong // la las ring mthong la las zung bar mthong // la las zlum mthong la las nar bar mthong // mthong ba'i dbang gis rang rang gzugs su 'khrul// 'od gzugs shes pa 'di ltar 'khrul// phyi nang snod bcud dngos med dngos snang dang // 'byung ba rnam lnga dngos med dngos snang dang // nyon mongs rnam lnga dngos med dngos snang dang // dbang po rnam lnga dngos med dngos snang dang // 'dod yon rnam lnga dngos med dngos snang dang // phung po rnam lnga dngos med dngos snang dang // kha dog rnam lnga dngos med dngos snang dang // dbyibs kyi bye brag dngos med dngos snang dang // pho mo ma ning dngos med dngos snang dang // phyogs mtshams dngos med dngos por snang ba dang // nyin mtshan dngos med dngos por snang ba dang // nyi zla gza' skar dngos med dngos snang dang // 'gro ba rigs drug dngos med dngos snang dang // ri rab gleng bzhi dngos med dngos snang dang // rtsi shing nags tshal dngos med dngos snang dang // longs spyod sna tshogs dngos med dngos snang dang // yan lag rtsal rnams rim gyis 'khrul pa las// 'od kyis gzugs kyi snang ba 'khrul// zhes gsungs so// rin po che snang

  12. 209a

    gsal spu gri 'bar bas 'khrul snang rtsad gcod nam mkha' dang mnyam pa'i rgyud las/ brgyud pa rim gyis 'khrul pa'i 'khrul lugs bstan pa'i le'u ste gsum pa'o// // de nas rdo rje sems dpa' yis// kun bzang nyid la 'di skad gsol// 'od kyi gzugs las 'khrul pa yi// dngos po rkyen du snang ba dang // med snang 'khrul pa ji ltar 'khrul// zhes gsol pa dang / ston pas 'khor la 'di skad gsungs// rang byung rtsal gyi yan lag zer g.yos pas// mdo ru bsdus na yan lag lnga po 'di byung bas// lnga po dag las phyi nang snod bcud 'khrul// rig pa ma 'gags 'byung ba rnam lngar 'khrul// sang sang ming dang seng seng gsal ba dang // snang stong go 'byed 'dug snyam nam mkhar bzung // bzung ba'i zhen pa 'khrul pa'i 'bras bur smin// brtas 'thas mkhrang dang sra ba brtan pa dang // 'degs pa yin no/ snyam nas sar bzung bas// btags zhing zhen pas sa ru 'khrul pa'o// mer mer rlan dang sbangs dang gsher ba dang // sdud pa chu yin snyam nas chu ru bzung // bzung bas zhen nas chu yi dngos por snang // tsha zhing bsreg dang 'bar zhing mched pa la// me yin snyam nas mer gzung mer snang bas// me ru bzung bas me yi 'khrul par smin// yang zhing g.yo dang mgul dang ldeg pa dang // bskyod byed rlung yin snyam nas rlung

  13. 209b

    du bzung // bzung bas zhen nas rlung gi 'khrul pa smin// de ltar 'byung lnga dngos yod mtshan ma yi// rigs mthun ming gis 'khrul pa smin pa'o// rtsal gyi yan lag rig pa'i zer g.yos pas// 'khor lo gsum du yid g.yo mor mthong bas// mthong ba'i mor bsgribs mo ru snang zhing 'khrul// rang gi rig pa phor snang phor bzung 'khrul// chos nyid mi rtog dag pa'i bde ba la// pho mor bzung bas rig pas bde myong bas// pho mos 'dod chags spyad pa yin snyam 'khrul// des ni rig pa slar la langs pa des// de ltar 'dod cing chags pas 'dod chags bzung // bzung bas zhen pa 'dod chags 'khrul pa smin// yan lag rig skyes 'khor lo gsum g.yos pas// pho gzhan mthong ste rig pa'i bde bzung bas// gnyis med ma rtogs dga' ba'i bde ba de// des spyad snyam nas zhe sdang skyes pa la// skyes pa'i zhe sdang 'khrul pa'i 'bras bur smin// de nas rang gi log rtog phrag dog skyes// skyes pa'i phrag dog 'khrul pa'i 'bras bur smin// de nas rang gi ming gi dri mas bsgribs// gzhan mthong gzhan las bdag che snyam pa'i nga rgyal skyes// skyes pa'i nga rgyal 'khrul pa'i snang ba'o// log par lta ba'i ming gi bag chags brtas// brtas pa'i bag chags ma rig 'khrul par smin// de ltar nyon mongs rnam lnga 'khrul pa'o// yan lag rtog skyes

  14. 210a

    rig pa'i ming btags pa// nam mkha' gsal la dngas pa'i gzugs su 'dug/ blta ba'i yul yin snyam ste gzugs su bzung // bzung ba'i ming gis bsgribs nas gzugs su 'khrul// de nas rang gi log rtog skyes pa des// me la tsha dang dro ba smin pa de// mnyan pa'i yul yin snyam ste sgra ru bzung // bzung ba'i ming gis bsgribs te sgra ru 'khrul// rtsal snang rang gi log rtog yang skyes pas// chu las rlan dang gsher dang spangs pa 'di// ror 'dug myong rgyur 'dug snyam ro ru bzung // bzung bas ming gi bag chags ro ru 'khrul// de nas rang gi log rtog yang skyes pas// rlung las yang zhing g.yo ba'i bskyod pa 'di// drir 'dug bsnam pa'i yul yin dri ru bzung // bzung ba'i ming gis bag chags dri ru 'khrul// de nas rang gi rnam rtog langs pa nas// sa la sra zhing brtan la 'degs pa 'di// 'jab rtsub 'dug snyam reg bya'i yul du bzung // bzung bas ming gi bag chags reg byar 'khrul// de ltar 'dod yon rnam lnga bag chags te// snying po nyid dang yan lag sems la chags// chags pa'i bag chags 'dod yon lngar 'khrul pa'o// zhes gsungs so// rin po che snang gsal spu gri 'bar bas 'khrul snang rtsad nas gcod pa nam mkha' dang mnyam pa'i rgyud las/ 'byung lnga dug lnga 'dod yon lnga ru 'khrul pa'i le'u ste bzhi

  15. 210b

    pa'o// // de nas rdo rje sems dpa' yis// mtshon med ston pa kun bzang la// phung po khams dang rten 'brel 'byung ba dang // gzugs kyi khyad par dbyibs su snang ba dang // phyogs dang kha dog mtshan ma sna tshogs dang // khams gsum 'gro drug rigs mthun mos mthun 'di// 'dra mthun ming gi bag chags ji ltar 'khrul// zhes gsol pa dang / ston pas 'dus pa'i 'khor la bka' stsal pa// rang byung rtsal gyi yan lag rig pa zer g.yos pas// yul lnga'i bag chag gdod nas snang ba yis// yul lnga de la rig pas reg pa yis// rig pas tshor te nyams su myong ba des// tshor ba yin no snyam nas tshor bar bzung // bzung bas ming gi bag chags tshor bar 'khrul// de la 'dod pas skyes pas 'du shes te// shes so snyam nas 'du shes su bzung nas// bzung bas ming gi bag chags 'du shes 'khrul// 'khrul pa de la blang ba'i shes pa skyes// rnam pa sna tshogs 'du bar spyod skyes pas// 'du zhing byed 'dug snyam te 'du byed du// bzung bas ming gi bag chags yid du 'khrul// snang ba'i 'od rnams kha dog gcig tu bzhugs// 'dus pa'i bag chags brtas pas gzugs su 'khrul// snang ba de lnga gcig tu 'dus pa las// phung po lnga yi ming btags brtas pa las// ngo bo'i cha bzung 'od kyi gzugs su byung // rang rang bag/

  16. 211a

    chags ji ltar brtas mthong ste// rang rang lus la bzang dang ngan mthong ste// che dang chung ba'i gzugs su 'khrul// ring dang thung dang gra dang zlum// yan lag mang nyung sbom dang phra// legs dang ma legs 'od bzung gis// rang rang mthong stangs ji bzhin du// bzung bas ming gi bag chags 'du byed drug tu 'khrul// snang ba kun la nga dang bdag tu bzung // yid yin snyam te yid du bzung ba yis// rang byung ye yod rtsal snang zer g.yos pas// zer gyi snang tshul 'khor lo gsum g.yos pas// de yi rkyen gyis pho mo'i gzugs su 'khrul// de yi rkyen gyis bral dang len par mthong // mthong ba'i dbang gis blang dang len pa mthong // len pa'i dbang gis 'dod cing chags tshul spyad// spyad pa'i rkyen gyis rang byung yan lag gis// rig pa gzhan zhig 'khrul nas der 'byung ste// de byung de la gong bzhin brtan pa des// srid pa spyad pas 'byung snyam bzung bas bu// skyes pa'i rkyen gyi bur bzung 'khrul pa de// chos nyid rlan gyi nyal nyal song ba la// skyes de rgas pa snyam nas rgas par bzung // bzung bas mig gi sgrib pas shi bar bzung // de ltar yan lag chos nyid ngang song la// na ba shi ba gnyid dang nyi ma nub// sa sros pa yi rnam par mthong bas 'khrul// yan lag shes pa slar la langs pa des// skyes dang gnyid sad nam

  17. 211b

    langs nyi shar dang // yan lag rtsal gyi 'byung ba 'od lnga dang // rtsal gyi yan lag rig pa skyes pa des// gsal dang ma rtogs gnas pas nub tu 'khrul// rtsal gyis yan lag 'byung bas shar du 'khrul// yan lag rgya ma chad pas lho ru bzung // bzung bas ming btags bag chags lho ru 'khrul// yan lag mi g.yo ba las byang du bzung // bzung bas ming gi bag chags byang du 'khrul// yan lag mi 'gyur dbus dang mtshams su bzung // bzung ba'i ming bsgribs dbus dang mtshams su 'khrul// de ltar ming btags phyogs dang ris su 'khrul// de nas yan lag log rtog las skyes pas// yan lag rang gsal kha dog/ dkar po bzung // bzung bas ming gi bsgribs pas dkar por 'khrul// yan lag rang gsal ma g.yos sngon por 'khrul// yan lag rgya ma chad pas dmar por 'khrul// yan lag mi 'gyur ba las ser por 'khrul// yan lag g.yos shing 'gul bas ldang gur 'khrul// de ltar yan lag bag chags brtas snang la// la las snod mthong la las bcud du mthong // mthong ba'i ming gis bag chags snod bcud 'khrul// la las bzang mthong la las ngan par mthong // bzang mthong de la zhen cing chags pa skyes// ngan thong de la sdang dang nga rgyal skyes// mnyam mthong 'dra ba de la phrag dog skyes// skyes pa'i bag chags

  18. 212a

    bzang ngan ma mthong ste// dge sdig spyad pa'i dbang las 'khrul par bzung // bzung ba'i grib ma dge sdig gnyis su snang // de ltar rang gi bag chags sna tshogs pa// rang byung chos sku'i rtsal dang nga nyid du// so so rang rang gsal ba'i mtshan nyid snang // de ltar gzugs brnyan kha mig sna la sogs// mtshan dang dpe byad rgyan dang ldan pa yi// 'od kyi rang bzhin longs spyod rdzogs skur 'khrul// sgra yi longs spyod 'od kyi 'dod yon spyod// rang byung rtsal gyi yid 'khor gsum g.yos pas// yod min med min sems kyi gzugs su bzung // bzung ba'i rigs mthun sems can skye zhing mched// skye zhing mched pa'i sems can de rnams las// yod min med min skye mched gzugs su 'khrul// rtsal gyi yan lag 'khor lo gsum skyes des// ci yang med pa'i sems kyi rigs mthun bzung // bzung ba'i rigs mthun sems can skye zhing mched// skye zhing mched pa'i sems can de rnams la// ci yang med pa'i skye mched ming du btags// btags pa'i bag chags med pa'i skye mched 'khrul// rtsal snang rig skyes 'khor lo gsum g.yos pas// rnam shes mtha' yas sems kyi rigs su bzung // bzung bas rnam shes mtha' yas nyid du 'khrul// rtsal gyi yan lag 'khrul 'khor gsum skyes pas// nam mkha' mtha' yas skye mched rigs

  19. 212b

    mthun bzung // bzung bas nam mkha' mtha' yas skye mched dag tu 'khrul// gzugs med khams kyi skye mched mu bzhir 'khrul pa'o// snod bcud chags te bag chags brtas snang ba'o// rtsal gyi yan lag 'od gzugs brtas pa la// 'og min rigs kyi rigs mthun gzugs su bzung // bzung ba'i bag chags 'og min lha ru 'khrul// rtsal gyi yan lag 'od gzugs brtas pa las// rtsal gyi yan lag 'khor lo/ gsum skyes pas// shin tu mthong ba'i 'od gzugs rigs bzung bas// bzung ba'i bag chags shin tu mthong bar 'khrul// rtsal gyi yan lag 'khor lo gsum skyes pas// gya nom snang ba'i 'od gzugs rigs su bzung // bzung ba'i bag chags gya nom snang du 'khrul// rtsal gyi yan lag 'khor lo gsum skyes pas// mi gdung rigs kyi gzugs su 'dzin pas bzung // bzung ba'i bag chags mi gdung gzugs su 'khrul// rtsal gyi yan lag 'khor lo gsum skyes pas// mi che ba yi rigs kyi gzugs su bzung // bzung ba'i bag chags mi che'i gzugs su 'khrul// rtsal gyi yan lag 'khor lo gsum skyes pas// 'bras bu che ba'i 'od gzugs rigs su bzung // bzung ba'i bag chag 'bras bu che ru 'khrul// rtsal gyi yan lag 'khor lo gsum skyes pas// bsod nams 'od kyi gzugs kyi rigs su

  20. 213a

    bzung // bzung ba'i bag chags bsod nams skyes su 'khrul// rtsal gyi yan lag 'khor lo gsum skyes pas// sprin med 'od kyi rigs mthun gzugs su bzung // bzung ba'i bag chags sprin da gzugs su 'khrul// rtsal gyi yan lag 'khor lo gsum skyes pas// dge rgyas rigs kyi rigs mthun gzugs su bzung // bzung ba'i bag chags dge rgyas gzugs su 'khrul// rtsal gyi yan lag 'khor lo gsum skyes pas// tshad med dge ba'i rigs mthun gzugs su bzung // bzung ba'i bag chags tshad med dge ru 'khrul// rtsal gyi yan lag 'khor lo gsum skyes pas// dge chung rigs kyi gzugs mthun rigs su bzung // bzung ba'i bag chags dge chung gzugs su 'khrul// rtsal gyi yan lag 'od kyi gzugs brtas las// rtsal gyi yan lag 'khor lo gsum skyes pas// 'od gsal lha yi gzugs mthun rigs su bzung // bzung ba'i bag chags 'od gsal lha ru 'khrul// rtsal gyi yan lag 'khor lo gsum skyes pas// tshad med 'od kyi gzugs mthun rigs su bzung // bzung ba'i bag chags tshad med 'od du 'khrul// rtsal gyi yan lag 'khor lo gsum skyes pas// tshang chen gzugs kyi rigs mthun gzugs su bzung // bzung ba'i bag chags tshang chen gzugs su 'khrul// rtsal gyi yan lag 'khor lo gsum

  21. 213b

    g.yos pas// tshangs pa mdun na 'don pa'i gzugs su bzung // bzung ba'i bag chags mdun na 'don du 'khrul// rtsal gyi yan lag 'od gsal gzugs brtas pas// rtsal gyi yan lag 'khor lo gsum g.yos pas// tshangs rigs gzugs mthun tshangs rigs gzugs su bzung // bzung ba'i bag chags tshangs rigs gzugs su 'khrul// bsam gtan dang por bag chags brtas snang ba// de ltar gzugs khams gnas rigs bcu bdun gyi// snod bcud bag chags 'od gzugs brtas snang ba'o// rang byung yan lag dngos por brtas pa la// rtsal gyi yan lag rtog pas yid g.yos pas// gzhan 'phrul dbang byed rigs mthun gzugs su bzung // bzung ba'i bag chags gzhan 'phrul dbang byed dag tu 'khrul// rtsal gyi yan lag rtog pa'i yid g.yos pas// 'phrul dga'i rigs kyi gzugs mthun gzugs su bzung // bzung ba'i bag chags 'phrul dga'i gzugs su 'khrul// rang byung rtsal gyi 'khor lo yid g.yos pas// dga' ldan rigs kyi gzugs mthun lha ru bzung // bzung ba'i bag chags dga' ldan lha ru 'khrul// rtsal gyi rig pa 'khor lo yid g.yos pas// mtha' bral rigs kyi gzugs mthong gzugs su 'khrul// bzung ba'i bag chags mtha' bral gzugs su 'khrul// rtsal gyi yan lag 'khor lo gsum

  22. 214a

    skyes pas// sum cu rtsa gsum rigs kyi lha ru bzung // bzung ba'i bag chags sum cu rtsa gsum lha ru bzung // rtsal gyi yan lag rig pa'i yid g.yos pas// rgyal chen rigs bzhi'i rigs mthun gzugs su bzung // bzung ba'i bag chags rgyal chen rigs bzhir 'khrul// de ltar 'dod khams lha yi rigs drug ni// snod bcud bag chags brtas pa'i 'khrul pa yi// rtsal gyi yan lag rtog pa'i yid g.yos pas// ri khong lha min rigs mthun gzugs su bzung // bzung ba'i bag chags lha ma yin du 'khrul// rtsal gyi bag chags rtog pa'i yid g.yos pas// gling dang mi rnams rigs mthun so sor bzung // bzung ba'i bag chags gling dang mi rnams 'khrul// yan lag rtogs pa'i dngos po yang skyes pas// byol song rnams kyi rigs mthun bzung ba dang // yid dwags rnams kyi rigs mthun bzung ba dang // dmyal ba rnams kyi rigs mthun gzugs su bzung // bzung ba'i bag chags rnam rtog mthu brtas pas// dmyal ba rnams kyi rigs mthun tsha grang ba// yang sos thig nag bsdus 'joms du 'bod dang // ngu 'bod che dang tsha ba rab tu tsha// mnar med pa ste tsha ba'i dmyal brgyad rigs// chu bur can dang chu bur brdol ba can// a chu zer dang so tham tham pa dang // kyi hud zer dang ut+pal ltar gas

  23. 214b

    dang // pad+ma ltar gas pad+ma cher gas te// bzung ba'i bag chags tsha grangs so sor 'khrul// de ltar 'dod khams gnas rigs nyi shur 'khrul pa'o// so sor rgyas par grangs med 'khrul pa'o// rtsal gyi yan lag rtog pa skyes pa yang // der yengs le lo sngon btang gtsor bzung bas// bzung ba'i bag chags mthu brtas lha ru 'khrul// rtsal gyi yan lag rtog pa'i yid g.yos pa// brtas pas dngos po'i bag chags ngan pa mthong // mthong bas nga bzang snyam te nga rgyal skyes// nga rgyal sngon btang nga rgyal gtsor bzung bas// bzung ba'i bag chags mang po mthur brtas pas// brtas pa'i bag chags lha ma yin du 'khrul// rtsal gyi yan lag rtog pa yang skyes pas// yan lag dngos po 'dra mthun mnyam par mthong // mthong ba de la nga rgyal phrag dog skyes// phrag dog sngon dang phrag dog gtsor bzung bas// bzung ba'i bag chags mang po mthu brtas te// brtas pas bag chags mi yi gzugs su 'khrul// rtsal gyi yan lag rtog pa yang skyes pas// rtsal gyi yan lag dngos por brtas pa la// brtas pas rig par ma mthong shes par mthong // ma shes mthong bas ma rig gti mug skyes// gti mug skyes pa sngon btang gtsor bzung bas// bzung ba'i bag chags mang por mthur brtas te// bltas pas bag chags 'gro ba byol song

  24. 215a

    'khrul// rtsal gyi yan lag longs spyod nor du mthong // mthong ba de la phongs snyam ser sna skyes// skyes pa'i ser sna sngon btang gtsor bzung bas// bzung ba'i bag chags mang po mthur brtas te// phyi sgrib nang sgrib yi dgas gzugs su 'khrul// rtsal gyi yan lag 'khor lo gsum g.yos pas// rtsal gyi yan lag rig pa dngos snang la// bltas pas ngan skyes gnod pa byed pa mthong // mthong bas de gnod snyam nas zhe sdang skyes// skyes pa'i zhe sdang sngon btang gtsor bzung bas// bzung ba'i bag chags mang po mthu brtas nas// 'gro ba dmyal ba'i gzugs su 'khrul pa'o// de ltar 'jig rten khams 'di grangs med na// 'gro ba rigs drug 'khrul nas de bzhin snang // snang ba'i 'dra mthun bag chags 'khrul pa'o// khams gsum 'gro drug dngos por snang ba dang // phyi nang snod bcud srid pa skye 'gul rnams// ji ltar 'khrul lugs 'khrul snang gtan la phab pa'o// ces gsungs so// rin po che snang gsal spu gri 'khrul snang rtsad nas gcod pa nam mkha' dang mnyam pa'i rgyud las/ ji ltar 'khrul lugs gtan la phab pa'i le'u ste lnga pa'o// // a tha b+ha ri sa ka ta ya be ma la pa ti/ badz+ra a pa ga ta ta ya na/ wa ku bi ri b+hi li i ba ra ya/ a la a thim ka i/ de nas rdo rje sems dpa' yis// kun bzang nyid la 'di skad

  25. 215b

    zhus// gong gi 'khrul pa'i 'khrul snang de// 'khrul gzhi rtsad nas ji ltar bcad// de skad ces gsol pa dang / mtshon byed ston pa kun bzang de/ rin po che kha sbyor dbyer med kyi ting nge 'dzin la zhugs so// de nas ston pa kun bzang gis// bzhengs nas 'khor la 'di skad gsungs// nga yis 'khrul snang rtsad gcod bshad// rdo rje sems dpas go bar nyon// a ta pa ti a gA sa/ b+ha la a li kang kang a/ 'khrul gzhi rtsad nas bcad thabs ni// blo la rab 'bring tha ma gsum// de yi bcad pa'i thabs bstan pa'i// dbang po rab kyi bcad thabs ni// gzhi rtsa yid gnyis chod pas chog/ gzhi rtsa chod pas 'khrul snang chod// gzhi mo don shes 'khrul du med// dug ngo shes na dug rtsa chod// dper na ha la nag po'i dug/ sngags dang thabs ldan gang zos pa// mi 'chi slar la sman du 'gyur// de bzhin 'khrul gzhi 'khrul snang kyang // gzhi 'khrul rtsad chod rjes mi 'brang // rang sangs ye shes dang thim pas// gcad bya gcod byed gnyis med de// 'khrul gzhi'i 'khrul snang rtsad nas gcod// dbang po 'bring gi bcad lugs ni// gzhi ni kun khyab spyi phud de// ming 'dogs med par rtsad nas chod// 'khrul pa kun tu tshol ba'i yid// gzhi la nges par spros pa chod// gzhi ni ye nas gnas pa ste// 'pho 'gyur med par spros pa chod// 'gyu ba ye rtog

  26. 216a

    blo bur ba// gzhi la med kyis spros pa chod// gzhi ni blo 'das mtshon med de// 'khrul pa bsam brjod rtog pa'i tshig/ mtshon brjod bsam 'das rtsad nas chod// gzhi ni kun gzhi'i rnam shes te// kun khyab dngos med rtsad nas chod// 'khrul pa 'od lnga 'byung ba ste// rang bzhin gzhi la ma grub ste// rtsal snang yin gyis rtsad nas chod// rtsal dang zer dang khyab byed gsum// shugs 'byung yin gyis rtsad nas chod// yan lag mtshan nyid bu dang gsum// rgya chad med kyis rtsad nas chod// shes pa rig pa ma rig gsum// 'khrul pa'i rgyu yin rtsad nas chod// yid dang rlung dang sems dang gsum// 'khrul pa'i rkyen yin rtsad nas chod// 'khrul sgo min pa mi gsal gsum// 'khrul pa'i dus yin rtsad nas chod// nga med pa la ngar 'dzin dang // mi bden pa la bden 'dzin dang // mi rtag pa la rtag 'dzin gsum// 'khrul pa'i ngo bo rtsad nas chod// sems dang yid dang bag chags gsum// 'khrul tshul yin gyis rtsad nas chod// rigs gzugs 'od gzugs sha gzugs gsum// 'khrul 'bras yin gyis rtsad nas chod// sbyar ba srin bu smig rgyu gsum// 'khrul pa'i dpe yin rtsad nas chod// log pa'i ma dag bdun po yi// 'khrul pa bdun po rtsad nas chod// dbang po tha ma'i spyod tshul ni// 'khrul pa'i gzhi ni rtsad chod pas// bcos bslad

  27. 216b

    'phel 'grib rgyu rkyen bral// 'pho 'gyur bya btsal 'gyur ba med// dngos med ma bcos lhun gyis grub// glo bur chos la rag lus med// ma bcos ma bslad ma btsal don// 'dzin bcas blo las khyad par grol// de yis 'khrul gzhi rtsad nas chod// lhan cig skyes pa'i ma rig de// nyon mongs can gyi yid kyi gzhi// rang gsal rin chen 'od gsal 'bar// rang sangs snying po klong du thim// gang gis 'khrul pa 'khrul snang dang // 'khrul gzhi ma rig rtsad nas bcad// nyon mongs 'gyu ba shes pa de// yid kyi rnam par shes pa'i gzhi/ rlung med yid med sems med pas// 'khrul pa'i rkyen rnams rtsad nas bcad// 'gyur/ ba sems kyi shes pa de// sgo lnga'i rnam par shes pa'i gzhi// 'char sgo ye shes chen po dang // ngang dngas ye shes zang thal yin// 'khrul pa'i dus rnams rtsad nas bcad// bden pa'i don mthong the tshom med// yul sems gnyis med bzung 'dzin bral// rtag chad gnyis med gsal dngas pas// nga bdag mi bden 'dzin med de// 'khrul pa'i ngo bo rtsad nas bcad// sems med yid med bag chags med// 'khrul pa'i tshul rnams rtsad nas bcad// rgyu med rkyen med gzugs med gsum// 'khrul pa'i 'bras bu rtsad nas bcad// gzhi med 'khrul med yid gnyis med// 'khrul dpe gang yin rtsad nas

  28. 217a

    bcad// 'od la 'dod med dbyings su thim// 'dod khams lha 'khrul rtsad nas bcad// 'od la gzugs med chos nyid klong du thim// gzugs khams lhar 'khrul rtsad nas bcad// gnas pa'i don rtogs dbyings su thim// gzugs med lhar 'khrul rtsad nas bcad// chos nyid ma dang 'phrad pas zhe sdang med// dmyal ba'i 'khrul snang rtsad nas bcad// dbyer med ngang du thim pas ser sna med// yi dwags 'khrul snang rtsad nas bcad// ma rig mun sangs ye shes rang shar bas// byol song 'khrul snang rtsad nas bcad// 'khrul pa rang sangs phrag dog chod// mi rnams 'khrul snang rtsad nas bcad// rnam rtog rang grol nga rgyal med// lha min 'khrul snang rtsad nas bcad// skye med don rtogs chags zhen med// lha yi 'khrul snang rtsad nas bcad// snying po klong shar sku gsum 'du 'bral med// dug gsum 'khrul pa rtsad nas bcad// lus ngag yid gsum bya brtsal med// lus ngag yid gsum 'khrul snang rtsad nas bcad// phyi yi yul la rtsis gdab dbye bsal med// phyi snod gling bzhi'i 'khrul snang rtsad nas bcad// nang gi sems yid rtsis gdab med// rig yid sems kyi 'khrul pa rtsad nas bcad// phyogs mtshams dbus lnga ma grub pas// kha dog phyogs mtshams 'khrul pa bcad// phyi blta nang blta yid gnyis las// 'khrul pa

  29. 217b

    de dag thams cad snang // yid rtsad chod pas 'khrul du med// 'khrul pa gzhi la med par rtsad nas bcad// ces gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ 'khrul pa'i 'khrul snang rtsad nas gcod pa'i le'u ste drug pa'o// / g+ha ta a ti ri i pa d+ha ni bi ma la sa ta A/ de nas rdo rje sems dpa' yis// kun bzang nyid la 'di skad zhus// 'khrul pa bsal zhing ldog pa'i thabs// bdag cag rnams la gsung du gsol// zhes gsol pa dang / ston pas 'khor la bka' stsal pa// 'khrul pa bsal na thad kar bsal// 'khrul pa ldog na rgyu nas ldog/ sgo lnga yul las gsal dus su// snang ba'i mtshan nyid shes pa ldog/ nyon mongs rnam lngar gsal ba'i tshe// glo bur 'khrul par shes pa ldog/ yid kyis nang du bltas pa yis// blo yis 'dzin par shes pa ldog/ bden pa'i chos la the tshom za// mi bden chos la yang dag 'dzin// bden rdzun shes pa 'byung ba'i tshe// ma rig 'khrul par shes pas bzlog/ ci yang ma shes mi gsal tshe// gdams pa thebs pas ldog/ snang yang mi 'gegs mi bsgrub na// phyi yi 'khrul pa sol ba yin// gsal yang yul la mi 'dug na// rten gyi 'khrul pa sol ba yin// nang du bdag 'dzin ma skyes na// 'phrang gi 'khrul pa

  30. 218a

    sol ba yin// phyi nang shes pas ma bzung na// blo yi 'khrul pa sol ba yin// yang dag don la gdeng rnyed kyang // 'dzin dang the tshom mi skye na// ma rig 'khrul pa sol ba yin// rig med stong pa'i snying po can// snying po ngo yis zin pa'i tshe// rtsol bsgrub 'khrul pa sol pa yin// rgyud kyi bya ba thongs pa'i tshe// zhen chags 'khrul pa sol ba yin// gnyen po klong du gyur pa'i tshe// rkyen gyi 'khrul pa sol ba yin// ye shes klong du gyur pa'i tshe// ma rtogs 'khrul pa sol ba yin// ye shes rgyun chad med pa'i tshe// dum bu'i 'khrul pa sol ba yin// rtogs pa rang dang mi 'bral tshe// 'khrul pa thams cad ma spangs sol// dkar dmar gnyis la ma chags na// phyi yi 'khrul pa sol ba yin// rig yid 'gyu ba chod pa ni// nang gi 'khrul pa sol ba yin// dbye bsal shes pa ma skyes na// bar gyi gzung 'dzin sol ba yin// phyi yi yul la mi spyod na// yul gyi 'khrul pa sol ba yin// nang du sems la ma bsam na// bdag 'dzin 'khrul pa sol ba yin// phyi nang gnyis su ma bzung na// dgag bsgrub 'khrul pa sol ba yin// rtog dpyod blo 'das mtshan ma med// de ltar sus rtogs go yang gnas// 'khrul snang thams cad ma spangs so// zhes gsungs so// rin po che snang gsal spu gris 'khrul snang rtsad nas gcod pa'i rgyud

  31. 218b

    las/ 'khrul pa bsal thabs kyi le'u ste bdun pa'o// / a ti pa ti prad ta ka ra a/ de nas rdo rje sems dpa' yis// kun bzang nyid la 'di skad zhus// 'bras bu ji ltar thob lugs rnams// 'dus pa'i 'khor la gsung du gsol// zhes gsol pa dang / ston pas 'khor la bka' stsal pa// thog ma med pa'i dus mtha' nas// rang la rang chas yod pa yi// sems nyid brjod du med pa de// brjod med dbyings thim 'bras bu thob// sems nyid skye ba med pa de// skye med dbyings thim 'bras bu yin// sems nyid dngos med 'gyur med de// 'pho 'gyur med na 'bras bu yin// snang ba gsum gyi dkyil 'khor nas// sku gsum 'bras bu shugs las 'char// gdul bya gsum la dgongs nas su// zhing khams ma lus bde bar spyod// don dam 'bras bu 'char ba'i gzhi// ye nas rang la gnas pa yi// rang sa zin cing gnas pas chog/ ces gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ 'bras bu bstan pa'i le'u ste brgyad pa'o// // de nas rdo rje sems dpa' yis// kun bzang nyid la 'di skad gsol// 'bras bu'i gdeng zin ji ltar lags// zhes gsol pa dang / kun tu bzang pos 'di skad gsungs// 'bras bu'i gdeng zin 'di ltar shes

  32. 219a

    par gyis// snying po'i rang bzhin ming med brjod med la// zin dang ma zin don la gnyis med kyang // re zhig 'bras bu'i gdeng zin 'di ltar ro// chos sku gnas pa'i gnas lugs ming med pa// ma 'khrul snang ba gnas lugs gdeng zin yin// chos sku rang byung ye shes dbyer med de// chos sku mtshan ma brda yi ming las 'das// 'gyur med dang gnas gdeng zin chen po yin// rang bzhin lhun grub 'gyur med klong na gnas// chos nyid ngang dang gdeng zin chen po yin// gsal la dngas pa'i snying po 'gag med la// skye 'jig med de gdeng zin chen po yin// dngos po mtshan med pa yi rang bzhin de// kha dogs dbyibs dang bral ba'i gdeng zin chen po yin// rgyu dang rkyen gyis ma bskyed phyogs ris med// tshogs brgyad yul du ma zin skye med gdeng gis zin// yod med stong dang mi stong rtag chad med// mtha' dang dbus med tshig 'das gdeng gis zin// yi ge brjod du med pa'i ngo bo ste// rang gsal ris med phyogs med gdeng gis zin// chos nyid ma dang 'phrad pas gnyis med gdeng gis zin// ye shes rang sa zin pa'i 'gyur med gdeng gis zin// 'khrul par rang sangs ye shes gdeng gis zin// rnam rtog rang grol chos nyid gdeng gis zin// gti mug dang dngas 'od gsal gdeng gis zin// blo 'das dbyer

  33. 219b

    med chos sku gdeng gis zin// zhe sdang rang sangs kha gsal gdeng gis zin// skye med 'gag med longs sku'i gdeng gis zin// 'dod chags ngang dngas ye shes zang thal gdeng gis zin// yid la ma byas sprul sku'i gdeng gis zin// dug gsum rtsad gcod sku gsung thugs su 'gyur// sku gsum 'du 'bral med pa'i gdeng gis zin// zhes gsungs so// rin po che snang gsal spu gris 'khrul snang rtsad nas gcod pa'i rgyud las/ 'bras bu'i gdeng zin bstan pa'i le'u ste dgu pa'o// // de nas rdo rje sems dpa' yis// kun bzang nyid la 'di skad gsol// sa ra ta yA/ bu su da rang 'ga' ya/ ba la mu pi si ti a a/ sangs rgyas che ba'i yon tan ji ltar lags// zhes gsol pa dang / kun tu bzang pos bka' stsal pa// skye med snying po chos sku la// skyon dang yon tan gnyis med kyang // ma rtogs sems can go ba bskyed pa'i phyir// nga yis sangs rgyas yon tan bshad// 'khor rnams ma yengs dad ldan gus pas nyon// sangs rgyas che ba'i yon tan bsam mi khyab// bdag med gnyis med rtogs pa chos kyi sku// blo yi yul du ma gyur yon tan bsam las 'das// gzugs sku rnam gnyis la sogs yon tan kun// nyi zla'i 'od bzhin kun la yon tan khyab// drang ba'i don du bye brag bgrang ba tsam// bdag tu 'dzin pa'i shes pa log pa

  34. 220a

    yis// skye rga na 'chi'i chu bo rtsad nas bcad// smre shi'i sdug bsngal med de yon tan che// chos sgra song ba'i yul de log pa yis// nyon mongs dug lnga ma bcad rang bzhin chad// sku bzhi ye shes lnga nyid lhun gyis grub// sangs rgyas che ba'i yon tan bsam mi khyab// sku yi dngos po ci yang mi mnga' bar// stong gsum ma lus dbang bsdus zil gyis gnon// gsung gi dngos po cir yang mi mnga' bar// bstan pa ma lus thams cad rgyas par sgrogs// thugs kyi dngos po ci yang ma yin par// thams cad rang gi ngo bo chos skur gsal// mkhyen pa med pa'i mkhyen pa chen po de// ji snyed mkhyen pa'i mkhyen pa mchog tu gsungs// rnam rtog mi mnga' ci yang gsal ler mkhyen// nga dang gzhan dang bya byed la sogs pa// rnam rtog mi mnga' snang srid chos skur mkhyen// ji lta ba nyid mkhyen pas mkhyen pa'i mchog/ de ni thams cad mkhyen pa chen po yin// sku gsung thugs kyang gcig gi ngo bor gsungs// sku gsung thugs kyang chos kyi dbyings na gnas// sku gsum ngo bo nyid kyi klong du thim// thams cad ngo bo bsam med pa/ du thim// g.yos pa mi mnga' sal le sang nge ba// mchog mkhyen thams cad mkhyen pa'i yon tan mchog tu gsungs// de lta bu yi yon tan chen po de// bsgrubs nas gzhan nas byung ba ma yin te// rang gi ngo bo

  35. 220b

    ye nas de ltar gnas// ye nas gnas pa rtogs nas bstan pa la// mthar thug sangs rgyas de la bya ba yin// ngang dngas sems nyid sku gsum sangs rgyas pas// phyi nang snod bcud nga yi yon tan yin// yon tan mchog tu gyur par rgyal bas gsungs// drang don a nu man chad mkhyen pa de// bdag gis gzhan mkhyen bya dang byed pa de// bdag gzhan gnyis med rtogs pa'i mkhyen pa med// de ni da dung 'dus byas gzung 'dzin yin// yon tan phyogs chad sangs rgyas yon tan med// de ni sems can blo yi yon tan yin// de ni nga yi yon tan ma yin no// zhes gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las// sangs rgyas che ba'i yon tan bstan pa'i le'u ste bcu pa'o// // a nu a sa ha ya/ bi ba sa la rta yi/ ka ta mu ru sa to/ e ma'o a/ de nas rdo rje sems dpa' yis// kun bzang nyid la 'di skad zhus// sems can rnams la skyon du ci zhig mchis// zhes gsol pa dang // kun tu bzang pos bka' stsal pa// snying po ming med brjod med 'gyur med ma rtogs pas// rig pa rtsal snang sems can rnams kyi skyon// bsam dang brjod pa'i mtha' las 'das mod kyang // re zhig bshad kyis rdo rje sems dpas zung // sems can skyon gyi rtsa ba gcig

  36. 221a

    po la// bdag tu 'dzin pa'i dug lnga rang las byung // sems can zhes kyang 'dzin pas btags pa yin// nyon mongs ji snyed thams cad 'byung ba'i gnas// bdag tu 'dzin pa thog ma med pa nas// da lta'i bar du sdug bsngal gsum du mnar// da dung gzung 'dzin phur pa ma thon par// thar bar kun tu bzang pos ma gsungs so// ming med chos nyid zla dang bral ba la// nga dang bdag tu bzung bas gtan du 'khyams// ji srid bdag gzhan 'du shes yod kyi bar// dka' ba ci spyad rang nyid 'ching ba'i rgyu// grol bar 'dod pa rang nyid 'ching bar 'gyur// skur ba bal du thum pa ji bzhin no// bdag gzhan gnyis kyi go ba ma skyes na// bdag gzhan yul dang sems la byed pa ste// de gnyis yod pas bya byed yod pa dang // blang dor dgag bsgrub spong len re dogs dang // legs nyes bzang ngan rgyu dang 'bras bu dang // mtho ris ngan song thams cad yod pa ste// ji srid yul sems gnyis med ma rtogs par// bdag gzhan gnyis med zer ba'i dmus long bya ra mkhan// bdag dang gzhan gyi shes pa mi 'dra bar// yul sems gnyis med zer ba'i rmongs pa yod// skyon gyi rtsa ba gzung 'dzin gnyis dang 'grogs// kha cig grub mtha' 'di skad zer ba yod// nga dang khyod kyang ye nas so so ste// bdag gi sems nyid btsal bas mi

  37. 221b

    rnyed de// yul sems gnyis med zer ba'i rmongs pa yod// kha cig chos nyid tsam du gcig pa la// chos nyid tha dad yul sems gnyis med zer// kha cig chos nyid tsam du gcig pa la// sems nyid tha dad yul sems gnyis med zer// kha cig dam pa'i don dang ma sbyor bar// yid dpyod tshig tu bcag go zer ba yod// yod kyang skyon gyi rtsa ba gzung 'dzin gnyis dang 'grogs// nyes pa'i byung khungs de dang ma bral bar// 'khor ba'i mtha' las grol bar ma gsungs so// de ltar skyon gyi rtsa ba shes par gyis// rnam grangs mtha' yas rgyal bas mkhyen par gsungs// re zhig bsdu na brgyad khri bzhi stong ngo // nga bdag gzung 'dzin skyon gyi rtsa ba yin// nyon mongs dug lnga skyon gyi rtsa ba yin// ming med ming 'dogs skyon gyi rtsa ba yin// yid rig rtog pa skyon gyi rtsa ba yin// gzung 'dzin zhen pa skyon gyi rtsa ba yin// nga bdag phyogs ris skyon gyi rtsa ba yin// bya btsal 'khrul pa skyon gyi rtsa ba yin// gnyis 'dzin chags zhen skyon gyi rtsa ba yin// rtsal snang phyir 'phros skyon gyi rtsa ba yin// cir snang rig pa'i mtshan nyid yin lags kyang // rang sa ma zin skyon gyi rtsa ba yin// sems dang yid dang ma 'gogs bu rnams kyang // ma bu ma 'phrad skyon gyi rtsa ba yin// zhe 'dod phyogs ris skyon gyi rtsa ba yin// rig 'gyu yid sems skyon gyi rtsa ba yin// bya byed

  38. 222a

    'bad rtsol skyon gyi rtsa ba yin// rtsis gdabs dbye bsal yid smon re dogs rnams// mdor bsdus skyon gyi rtsa bar bstan pa yin// zhes gsungs so// rin po che snang gsal spu gris 'phrul snang rtsad nas gcod pa nam mkha' dang mnyam pa'i rgyud las/ sems can skyon gyi rtsa ba bstan pa'i le'u ste bcu gcig pa'o// // de nas rdo rje sems dpa' yis// kun bzang nyid la 'di skad zhus// ye thog/ sangs rgyas rnams kyis bzang byas sam// zhes gsol pa dang / mtshon byed kun tu bzang pos bka' stsal pa// gzhi yi rang bzhin ming med mnyam pa la// rtsal snang ma 'gags yan lag zer shar bas// ye thogs sangs rgyas rnams kyis bzang ma byas// ye shes rlung 'grus yid rtog skye ma nus// rig pa zer la thim pas bcad mi nus// rtsal snang ma 'gags yan lag bzhi thim pas// rtsal snang gzhi la thim pas thog mar ye sangs rgyas// rig pa ma 'gags ma la bu thim pas// ma bu ngo 'phrod dbyer med blang dor med// yan lag shes pas snying po klong thim pas// yan lag snying po gnyis med dbyer mi phyed// snying po yan lag 'phrad pas ye shes rang sa zin// chos nyid ma bu 'phrad pas rang sar grol// ngang dngas 'gyur med rtogs pas 'pho 'gyur bya btsal med// ye shes rang sa zin pas gsal dngas klong

  39. 222b

    nas shar// rgyu dang rkyen gyi sgo nas bzang ma byas// rang bzhin gzhi yi shugs las gyur pa yin// rgyu ru ye shes bzhi gnas mno// rkyen du ye shes rlung rkyen mno// de yis 'bras bu kun tu bzang po'o// rang bzhin kun bzang rgyu rkyen rtsol nad bral// rtogs pas kun bzang rang gi de nyid rtogs gyur pa// kun tu bzang po de ni dug gsum sku gsung thugs// de ltar gyur pas kun bzang zhes bya'o// zhes gsungs so// rin po che snang gsal spu gri 'bar bas 'khrul snang rtsad nas gcod pa nam mkha' dang mnyam pa'i rgyud las/ ye thog sangs rgyas rnams kyis bzang ma byas par rang bzhin shugs kyis ye sangs rgyas par bstan pa'i le'u ste bcu gnyis pa'o// // a tha b+ha ri nu ya bi ta ya/ d+harma d+hA tu i pa d+ha ni/ de nas rdo rje sems dpa' yis// kun bzang nyid la 'di skad zhus// rigs drug sems can rnams kyis ngan byas sam// zhes gsol pa dang / ston pas 'khor la bka' stsal pa// 'khrul rgyu rlung gi rang bzhin de// gnyis ka'i gzhi ru mnyam pa la// rang sa ma zin rlung 'grus pas// chos nyid ma dang ma 'phrad 'gyur med klong du ma gyur pas// ye shes rang sa ma zin par// 'khrul pa rang du mchod de// snying po klong nas ma shar bas// skye ba med par sangs ma rgyas// 'khrul pa'i 'bras bu rig pa'o// rgyu ni rlung gi/

  40. 223a

    nus pa la// 'bras bu rig pa yod pa yi// rig pa'i ye shes don ma rig/ ma rtogs ma rig mun par 'thums// de ru yid 'grus sems su 'khrul// 'od gzugs rigs gzugs sha gzugs rnams// rang sa ma zin gsum gyis lan// ngan ma byas shing thabs kyang ma byas te// rig pas rang sa ma zin 'dod khams 'khrul// yid kyis rang sa ma zin gzugs khams 'khrul// sems kyis rang sa ma zin gzugs med 'khrul// rang sa ma zin rnam gsum gyis// ngan pa ma byas shugs kyis 'khor bar 'khyams// dper na bcu bdun man chad kyi// zla ba rgyu rkyen byed med kyang // shugs kyis chung du 'gro ba ltar// byed mkhan med par 'khor bar 'khyams// zhes gsungs so// rin po che snang gsal spu gri 'bar bas 'khrul snang rtsad nas bcod pa nam mkha' dang mnyam pa'i rgyud las/ sems can gyis ngan ma byas par 'khor tshul bstan pa'i le'u ste bcu gsum pa'o// // a ba ta yi b+ha ta sa ka ta ya a// de nas rdo rje sems dpa' yis// kun bzang nyid la 'di skad zhus// de nyid skyon yon ji ltar lags// zhes gsol pa dang / kun bzang nyid kyis 'di skad gsungs// dper na nas kyi gzhi gcig la// zhing sa gcig la btab pa la// byed mkhan med par bzang ngan 'byung // de bzhin rang shugs las

  41. 223b

    byung ba// ma rig ye shes shugs kyis byung // lcags rdo lcags su gzhi gcig la// bzang ngan rno brtul shugs kyis 'byung // de bzhin 'char sgo 'khrul sgo 'byung // dper na pha ma gzhi gcig la// sbyor bar mnyam pa thig ler mnyam// gnas su mnyam la 'byung bar mnyam// de ltar mnyam pa'i rang bzhin la// khye'u bu mor 'ong ba dang // legs ma legs su 'ong ba dang // bzang dang ngan dang 'ong ba yang // rang bzhin shugs kyis 'byung ba las// bu mo khye'u lta bur byas pa min// khye'u bu mor byas pa min// ma legs legs su lta bur byas pa min// bzang po ngan par lta bur byas pa min// che chung gnyis su 'ong ba dang // bzang ngan gnyis su 'ong ba dang // blo la rno brtul 'ong ba dang // sbyang glen gnyis su 'ong ba yang // rgyu rkyen rtsol bsgrub ma byas par// rang bzhin shugs kyis de ltar byung // de bzhin rig par gzhi gcig la// sems can sangs rgyas gnyis su byung // sangs rgyas yon tan bsam mi khyab// sems can skyon kyang tshad las 'das// skyon dang yon tan rnam gnyis kyang // gzhi shugs dag las byung ba yin// zhes gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ skyon yon gtan tshigs bstan pa'i le'u ste bcu bzhi pa'o// // a tha a ri sha

  42. 224a

    pa ri/ b+ha ta ki ba tsit+ta ya/ bI ma la ya a ti pa ri/ de nas rdo rje sems dpa' yis// kun bzang nyid la 'di skad zhus// theg pa brgyad khri bzhi stong de// gang la dgongs nas phye ba lags// zhes gsol pa dang / kun tu bzang pos bka' stsal pa// snying po rang bzhin ming med mnyam pa la// rtsal snang yan lag snang tshul rim par phye// dug gsum cha nas nyon mongs brgyad khri bzhi stong byung // 'dod chags las gyur nyi khri chig stong gcig/ gti mug las gyur nyi khri chig stong gcig/ zhe sdang las gyur nyi khri tshig stong gcig/ dug gsum cha mnyam nyi khri chig stong gcig/ de la sogs pa nyon mongs brgyad khri bzhi stong rnams// de 'dul chos sgo brgyad khri bzhi stong ngo // mdo sde las gyur nyi khri chig stong gcig/ 'dul ba las gyur nyi khri chig stong gcig/ mngon pa las gyur nyi khri chig stong gcig/ de gsum cha las gyur pa nyi khri chig stong gcig/ theg pa brgyad khri bzhi stong phye ba ste// nyon mongs brgyad khri bzhi stong don la dgongs nas gsungs// mu stegs nyan thos rang rgyal dang // sems tsam dbu ma gnyis kyi don// kri pa u pa yo ga dang // ma hA a nu yo ga rnams// yan lag mi 'dra dbang po rim par phye// rgyu lam 'bras bu gsum la theg pa gsum// 'dul bya gang la gang 'dul don du bstan// zhes gsungs

  43. 224b

    so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ theg pa brgyad khri bzhi stong du phye ba'i le'u ste bco lnga pa'o// // de nas rdo rje sems dpa' yis// kun bzang nyid la 'di skad gsol// theg pa dgu ru bsdus pa de// gdul bya gang la dgongs nas gsungs// kun tu bzang pos bka' stsal pa// snying po'i rang bzhin gcig mod kyang // rtsal snang yan lag mi 'dra bar// dbang po rab 'bring gsum du byung // dbang po rab kyi don du ni// nang gi bskyed rdzogs rnam gsum bstan// dbang po 'bring gi don du ni// phyi yi kri yog rnam gsum bstan// dbang po tha ma'i don du ni// mtshan nyid sde gsum theg pa bstan// de ltar theg pa'i rim dgu de// rab 'bring dgu la dgongs nas gsungs// zhes gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ theg pa dgu ru bsdus te bstan pa'i le'u ste bcu drug pa'o// / de nas rdo rje sems dpa' yis// kun bzang nyid la 'di skad zhus// gzhan gzhung theg pa ji ltar shes par bgyi// zhes gsol pa dang / kun tu bzang pos bka' stsal pa// snying po'i rang bzhin ming med mnyam pa la// yan lag rtsal gyi shes pas ming btags pa// theg dgu theg pa gnyis su

  44. 225a

    bsdus// 'jig rten pa dang 'jig rten 'das// 'jig rten pa yis theg pa phyi ba mu stegs te// g.yo med gtsang dang rtog dpyod sgo nas 'jug/ lus la gsum la ngag la bzhi// bsrung ba'i tshul khrims bdun bsrung ngo // 'jig rten mu stegs lta ba ni/ sum brgya drug cu'i grangs snyed yod// de las lta ba bsdus pa ni// 'jig tshogs drug cu rtsa gnyis yod// sngon gyi mtha' rtogs bco brgyad dang // phyi ma'i mtha' la rtog pa po// bzhi bcu rtsa bzhi grangs su yod// bsdoms pas drug cu rtsa bzhi yod// de las bsdus pas nyi shu ste// de las bsdus pa rnam bzhi ste// rtags chad thun mong rig byed gtsang ma bzhi// rtag par blta ba'i lha lugs ni// snying po'i rang bzhin ming med ma rtog pas// ma rtogs yan lag snang tshul rtog par 'dod// rgyu med 'bras bu yod par rang rig 'dod// thams cad byed pa'i rtags pa chen por 'dod// rtag par 'dod pa kha dog dbyibs kyi tshad// kha dog tshad ni dkar 'tsher snum la 'dril// tshad ni mthe bong sran ma nyung 'bru tsam// che chung dag ni lus dang sbyor nas yod// chad par blta ba'i blta lugs ni// snying po'i rang bzhin ma rtogs chad lta ni// snang tshul ma 'gags rig pa ni// rig pa glo bur snang ba yin par 'dod// phyi ma rig pa skye zhing med par 'dod// dge sdig 'bras bu tshe 'di nyid la

  45. 225b

    yod// bde skyid nad nyung tshe 'di nyid la 'bras bu'o// dge ba byas pa'i 'bras bu de rang yin// mi bde sdug bsngal nad mang tshe thung ni// sdig pa byas pa'i rnam smin 'bras bu yang // tshe 'di nyid la 'ong bas phyi ma med// lus ngag yid gsum sgo nas dge dang sdig pa spyad// tshe 'di nyid la smin nas 'ong ba la// mi dge spangs shing dge ba spyad par bya'o// dge sdig gnyis kyi 'bras bu so so yang // phyi mar mi sdod 'bras bu da lta'o// thun mongs mu stegs lta ba'i 'dod pa yang // chos sku 'gyur med rang bzhin ma shes pas// yan lag rtsal gyi shes pa'i bye brag las// rig pa g.yo ba rlung gis g.yo ba yin// rlung gis bcud byas rtsa yi snod du chags// rlung g.yos bde ba mi 'char ma g.yos bde// bde ba 'dod pas rlung bkag bde ba bsgom// rig byed gtsang ba'i mu stegs lta ba ni// snying po'i rang bzhin ma shes ma rtogs pas// snang tshul rtsal gyi rig pa gsal ba la// shes pa'i dngas ma gcig ni yod par 'dod// don dam rang bzhin shes pa 'gyur ba med// rtag chad rang bzhin kha dog dbyibs las 'das// rkyen gyis mi shigs tshig gis shes par dka'// rig pas brtags na shin tu shes par sla// rtag chad mtha' dang bral ba'i dngas ma gcig/ de nyid de ni don dam rang bzhin lta ba yin// me lnga bsten dang khrus dang gtsang sgra spyod// yod med

  46. 226a

    rtag chad gnyis kyi mtha' la bsgoms// grub tshad mi dang lhar skyes sgyu ma nam grub pa// mthar phyin 'bras bu mi dang lha ru skyes// so so'i skye bo sdig pa che las sbags// lha brgyad mi pham mgon pos shang ka bdun tshe'o// bstan pa sde drug dag gis gzhung bstan no// zhes gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ 'jig rten pa mu stegs theg pa bstan pa'i le'u ste bcu bdun pa'o// // de nas rdo rje sems dpa' yis// kun bzang nyid la 'di skad zhus// nyan thos theg pa ji ltar lags// zhes gsol pa dang / ston pas 'khor la bka' stsal pa// snying po chos sku'i rang bzhin ma rtogs pas// rtsal snang rig pa nyan thos theg pa ni// 'phags pa'i bden pa bzhi yi sgo nas 'jug/ bsrung ba'i tshul khrims nyis brgya lnga bcu bsrung // 'phags pa nyan thos lta ba ni// nyan thos bye brag pa dang mdo sde pa// bye brag don dam rdul phran cha// cha med phyogs dang bral bar 'dod// mdo sde g.yag rnga ne'u sing tshul// kun rdzob tshul du 'dod pa yin// 'tsho ba'i yo byad bcu gnyis dang // sbyangs pa'i yon tan bcu gnyis dag la spyod// spang bya sum cu rtsa gcig dang // thob bya mthong ba brgyad cu tham pa bsgom// grub tshad bskal pa bdun gyis grub// mthar phyin dgra bcom

  47. 226b

    rnam bzhi 'bras bu thob// ces gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ nyan thos theg pa bstan pa'i le'u ste bco brgyad pa'o// // de nas rdo rje sems dpa' yis// kun bzang nyid la 'di skad zhus// rang rgyal theg pa ji ltar lags// zhes gsol pa dang / kun tu bzang dang pos bka' stsal pa// snying po'i rang bzhin ming med ma rtogs pas// snang tshul yan lag rig pa'i shes pa las// rang rgyal theg pa'i 'jug sgo ni// rten 'brel bcu gnyis sgo nas 'jug/ bsrung ba'i tshul khrims nyis brgya lnga bcu bsrung // bsgom pa'i rim pa 'gog pa'i snyoms 'jug bsgom// lta ba phyogs gcig nyan thos pa dang mthun// de las khyad par spags byed ni// rnam par rig byed ma yin pa'i// gzugs la bdag med khyad par spags// nang gi shes pa skad cig la// skye 'gag can de rgyu 'bras med// rdzu 'phrul ya ma zung la spyod/ grub tshad bskal pa ldan grub// bya ba byas dang ar han 'bras bu thob// ces gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ rang rgyal blta ba bstan pa'i le'u ste bcu dgu pa'o// // de nas rdo rje sems dpa' yis// kun bzang nyid la 'di skad zhus// mdo

  48. 227a

    sde byang chub sems dpa'i theg pa ji ltar lags// zhes gsol pa dang / ston pas 'khor la bka' stsal pa// snying po ming med brjod med ma rtogs pa'i// rtsal snang rig pa phra ba'i shes pa las// mdo sde byang chub sems dpa'i 'jug sgo ni// bden pa gnyis kyi sgo nas 'jug/ 'dul khrims byang sems sdom pa nyi shu bsrung // mdo sde byang chub sems pa'i lta ba ni// mdo sde'i lta ba gsum yod de// rnam pa bden rdzun gnyis su 'dod// sems tsam spyod pa'i dbu ma dang // mdo sde spyod pa'i dbu ma dang // rnal 'byor spyod pa'i dbu ma'o// sems tsam la yang gnyis yod de// rnam bcas dang ni rnam med do// rnam bcas la yang gnyis yod de// rnam pa bden rdzun gnyis su 'dod// rnam pa bden pa'i lta ba ni// phyi yi yul dang nang gi sems// don dam du ni 'brel med kyang // kun rdzob tsam du 'brel par 'dod// nang gi shes pa skad cig la// skad cig ma yin mi rtag ste// de nyid rgyun gyis rtag par 'dod// snga ma snga ma rgyu byas nas// phyi ma phyi ma 'bras bur 'dod// rnam pa rdzun pa'i lta ba ni// shes pa bden/ rnam pa rdzun// rnam par shes dang go mnyam dus// yang dag yod pa ma yin te// don tsam du yang a cang ches// kun rdzob tsam du 'brel par 'dod// shes pa rang rig gsal ba tsam// de las gzhan pa'i chos

  49. 227b

    mi 'dod// rnam med dag gi lta ba ni// gnyis med ye shes shel lta bu// rang rig gsal ba'i ngo bor 'dod// mdo sde spyod pa'i dbu ma ni// chos rnams yul sems gnyis su 'dod// yul gyi rgyu ni phra rabs rdul// phyogs cha bshigs nas gcig ma grub// gcig ma grub pa'i gtan tshigs kyis// gcig gis bsags pa'i du ma yang // yang dag nyid du mi 'dod de// rang gi rang bzhin stong pa 'dod// nang gi shes pa skad cig ma// snga ma 'gags te mi gnas stong // da lta 'gag par gyur pas stong // phyis ni mi 'ong mi gnas stong // dus gsum cha yis stong par 'dod// rnal 'byor spyod pa'i lta ba ni// phyi yis yul ltar snang ba 'di// kun rdzob sgyu ma'i tshul du snang // 'ja' tshon lta bu'i tshul du snang // stong zhing snang la rang bzhin stong // snang stong dbye ba med par 'dod// byang chub sems dpa'i spyod pa ni// mi dge bcu spangs dge ba bcu// gzhan gyi don du spyod par byed// pha rol phyin pa bcu dag ni// bdag gzhan gnyis ka'i don du spyod// byang chub sems dpa'i bsgom pa ni// sgo lnga gsal ba'i shes pa la// yid ni rtog pa med par gnas// grub tshad bskal pa gsum na grub// pha rol phyin pa bcu dag mthar phyin 'bras bu'o// bcu gcig kun tu 'od kyi sa yang thob// ces gsungs so// rin po che snang gsal spu gris 'khrul snang rtsad nas

  50. 228a

    gcod pa'i nam mkha' dang mnyam pa'i rgyud las/ byang sems mdo sde'i theg pa bstan pa'i le'u ste nyi shu pa'o// // de nas rdo rje sems dpa' yis// kun bzang nyid la 'di skad zhus// kri ya'i theg pa ji ltar lags// zhes gsol pa dang / kun tu bzang pos bka' stsal pa// snying po ming med 'gyur med ma rtogs pas// rtsal snang rig pa'i shes pa g.yos pa las// kri ya'i theg pa bstan pa ni// 'jug sgo gza' skar dus bzang ngan dang dag pa gsum nas 'jug/ bsrung ba'i tshul khrims rtsa ba yan lag gi/ mi nyams yan lag bdun po bsrung // kri yog rtogs pa'i lta ba ni// cho ga yan lag bcu gcig gis// byin gyis brlabs nas lha ru 'dod// de yang rje dang khol gyi tshul// zhi rgyas dbang drag mngon spyod bzhi// bdag gzhan gnyis ka'i don du spyod// yan lag bcu gcig cho ga yis// byin gyis brlabs nas lha ru bsgom// mi tshe bdun gyis grub par 'dod// mthar phyin rdo rje 'dzin pa'i sa yang thob// ces gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ kri ya'i blta ba theg pa bstan pa'i le'u ste nyi shu rtsa gcig pa'o// // de nas rdo rje sems dpa' yis// kun bzang nyid la 'di skad zhus// u pa ya yi theg pa ji ltar lags// zhes

  51. 228b

    gsol pa dang / kun tu bzang pos bka' stsal pa// snying po rang bzhin ming med mnyam pa la// yan lag rtsal gyi rig pa shes pa las// u pa ya yi theg pa bstan pa ni// 'jug sgo khrus dang gtsang sbra'i sgo nas 'jug/ bsrung ba'i tshul khrims dkon mchog gsum mchod dang // slob dpon mched lcam gdung sems che ba dang // rtogs pa'i lta ba dpon dang g.yog gi tshul// spyod pa'i thabs ni 'khrus dang gtsang sgra spyod// sum cu rtsa gsum lha ru bsgom// mi tshe lnga yis grub par bshad// 'bras bu rigs gsum mgon po'i go 'phang thob// ces gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ u pa ya'i theg pa bstan pa'i le'u ste nyi shu rtsa gnyis pa'o// // de nas rdo rje sems dpa' yis// kun bzang nyid la 'di skad zhus// yo ga'i theg pa ji ltar lags// zhes gsol pa dang / ston pas 'khor la bka' stsal pa// g.yo med skye med chos skur ma rtogs pas// rtsal snang zer gyi shes pa las// yo ga'i theg pa bstan pa ni// 'jug sgo lta spyod gnyis dang ni// rnal 'byor bzhi yi sgo nas 'jug/ rtsa ba gsum dang yan lag bdun// rtsa ba'i ltung ba bcu bzhi bsrung // yo gas rtogs pa'i lta ba ni// byang chub lnga dang cho 'phrul bzhi// yongs su rtogs nas lha ru

  52. 229a

    blta// de yang spun dang grogs po'i tshul// snying rje la sogs tshad med bzhi// gzhan gyi don du spyod par byed// byang chub lnga dang cho 'phrul bzhi// sum cu rtsa bdun lha ru bsgom// grub tshad mi tshe gsum gyis 'grub// mthar phyin 'bras bu stug po bkod pa'i sa yang 'thob// ces gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ sngags kyi rgyud sde gsum gyi theg pa bstan pa'i le'u ste nyi shu rtsa gsum pa'o// // oM tha ma hA pa ti ri/ ing pa d+ha ni be ma ma ya ta yA/ 'bi 'bu rnga pi dar ma 'ga' pa ya/ de nas rdo rje sems dpa' yis// kun bzang nyid la 'di skad zhus// bskyed rdzogs rnam gsum theg pa yi// de yi gnas lugs ji ltar lags// zhes gsol pa dang / ston pas 'khor la bka' stsal pa// snying po'i rang bzhin ming med ma rtogs pas// rtsal snang rig pa 'khor lo yid g.yos pas// mtshan nyid rig pa'i dbang gis ming btags pa// bskyed pa ma hA yo ga'i theg pa ni// 'jug sgo thabs dang shes rab gnyis kyi sgo nas 'jug/ bsrung ba'i dam tshig nyi shu rtsa brgyad bsrung // bsrung bar bya ba'i dam tshig gsum// spyad par bya ba'i dam tshig lnga// mi spang ba yi dam tshig lnga// dang du blang ba'i dam tshig lnga// shes par bya ba'i dam tshig lnga// bsgrub par

  53. 229b

    bya ba'i dam tshig lnga// phye bas nyi shu rtsa brgyad bsrung // ma hA yo ga'i lta ba ni// ting 'dzin gsum dang bsnyen bsgrub bzhi// yongs su brtags nas lha ru blta// ye shes dam tshig tshul mi 'dzin// snang grags chos rnams gdod ma nas// rang gi sems nyid yin pa la// sems der snang ba mi 'gog thabs// rang bzhin med pa shes rab yin// thabs kyi rang bzhin stong pa la// shes rab rang bzhin gnyis su med// snang stong gnyis med byang chub sems// don dam rang bzhin dbyer med kyang // de nyid ye shes sgyu ma'i rtsal// phung po lnga dang rnam shes lnga// dbang po lnga dang rnam shes tshogs// snang zhing srid pas bsdus pa rnams// kun rdzob lha dang lha mo'i dkyil 'khor blta// don dam rang bzhin skye med 'gag pa med// spyod yul kun dang bral ba la// thams cad gnyis su med par blta// bskyed pa ma hA'i bsgom pa ni// ting 'dzin gsum dang bsnyen bsgrub bzhis// rang rgyud dag pa'i lha ru bsgom// bsgrub pa'i thabs ni rtogs pa dang // ting 'dzin rnam gsum sgo nas su// sku gsung thugs kyi don du bsgrub// rnal 'byor ma hA'i spyod pa ni// ta na dang ni ga Na dang // dam rdzas bdud rtsi lnga po la// bdag gzhan gnyis ka'i don du spyod// grub tshad rig pa 'dzin pa'i tshe// phyag rgya chen po'i rig 'dzin 'thob// mthar phyin pa yi 'bras bu ni//

  54. 230a

    rje 'chang gi sangs rgyas 'thob// ces gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ ma hA yo ga'i theg pa bstan pa'i le'u ste nyi shu rtsa bzhi pa'o// // de nas rdo rje sems dpa' yis// kun bzang nyid la 'di skad zhus// a nu'i theg pa ji ltar lags// zhes gsol pa dang // kun tu bzang pos bka' stsal pa// snying po'i rang bzhin ming med ma shes pas// yan lag rtsal gyi 'khor dang yid g.yos pas// mtshan nyid rig pa ming med ming btags pas// rdzogs pa a nu yo ga'i theg pa ni// dbyings dang ye shes sgor zhugs nas// 'di ltar snang ba'i chos rnams la// thams cad dbyings kyi dkyil 'khor te// dran rig yid sems ci skyes rnams// de nyid ye shes chen po ste// de dag gnyis med sgo nas 'jug/ bsrung bar bya ba'i dam tshig ni// sku gsung thugs kyi dam tshig dang // snying po chos nyid tha mi dad par bzung // snang ba thams cad dbyings yin te// shes pa ci skyes ye shes la// dbyings dang ye shes chen po ste// skye 'gag med pa'i thabs la spyod// bya byed gang la mi gnas pa'o// sku ni lha yi sku ru bsgom// lus kyang rdo rje 'chang du bsgom// ngag ni ting 'dzin zhi ba yin// yid ni ting 'dzin spro bsdus gzung // rtsa ba mi rtog ting 'dzin bde dang

  55. 230b

    bral// yab yum thabs dang shes rab mi rtog pas// snying po tsam gyis dkyil 'khor rdzogs bya'i phyir// a nu'i ting 'dzin chen por shar// grub tshad lhag pa'i lus nyid kyi// tshe la dbang ba'i rig 'dzin 'thob// mtha' ru phyin pa'i 'bras bu yang // rdo rje sems dpa' mtshan nyid yongs su rdzogs pa'i sa// ye shes 'khor lo pad+ma can gyi sangs rgyas 'thob// ces gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ a nu yo ga'i theg pa bstan pa'i le'u ste nyi shu rtsa lnga pa'o// // de nas rdo rje sems dpa' yis// kun bzang nyid la 'di skad zhus// rdzogs chen a ti yo ga yi// de yi theg pa ji ltar lags// zhes gsol pa dang / ston pas 'khor la bka' stsal pa// snying po'i rang bzhin ming med ma shes pas// yan lag rtsal gyi rig pa yid g.yos pas// ming med ming btags a ti'i lta ba ni// sems nyid sangs rgyas sgo nas 'jug/ rtogs pa'i lta ba mthar zug skyon dang bral// snang zhing srid pa'i chos rnams la// rang bzhin rnam par dag par blta// med pa dang ni phyal pa dang // gcig pu dang ni lhun gyis grub// bsrung du med pa'i don mi 'da'// sgom pa ma bcos mnyam bzhag ni// sems dang chos ni ci yang ma yin pas// bsgom pa'i tshe ni ci yang

  56. 231a

    yid la med// bsgom du med pas dang la bsgom// rtsol bsgrub mtha' dang bral ba don la bsgrub// spyod pa'i phrin las rtsol du med// gang yang bya ba btang ba la// bya rgyu ci yang ma mchis so// dus ni mi tshe gcig gis 'grub// mthar phyin 'bras bu thams cad mkhyen pa'i sangs rgyas 'thob// ces gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ rdzogs pa chen po bstan pa'i le'u ste nyi shu rtsa drug pa'o// / a thA ma hA su kha ho/ ma hA b+hu si tiHa ta ri/ saM ka ri d+harma d+hA tu ka ya wA ka sid+d+hi AHa a b+hi b+hi ma la a ti ta yaH de nas rdo rje sems dpa' yis// kun bzang nyid la 'di skad zhus// theg pa thams cad gcig bsdus pa'i// rang gzhung nyams blangs spyi ti yang ti ste// spyi ti yo ga'i theg pa de// 'dus pa'i 'khor la gsung du gsol// de nas kun tu bzang po yis// 'dus pa'i 'khor la 'di skad gsungs// nga yi s+thi ti yo ga 'di// theg pa kun gyi gnya' gcog yin// theg pa spyi yi bcud phyung nas// bcud kyi snying po yang ti yo ga 'di// gcig thig byang chub sems kyi thig pa yi// spyi bsdus spyi ti yo ga de// dbye bsal med pa'i sgo nas 'jug/ phyogs mtshams med pa'i dam tshig bsrung // zhe 'dod med pa'i lta ba blta// g.yo rtsol med

  57. 231b

    pa'i ting 'dzin bsgom// bya rgyu med pa'i ngang la spyod// rtsis gdab med pa'i don du bsgrub// dus gsum gcig ste snga phyi med// 'bras bu da lta mngon sangs rgyas// zhes gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ spyi ti yo ga'i theg pa bstan pa'i le'u ste nyi shu rtsa bdun pa'o// // de nas rdo rje sems dpa' yis// kun bzang nyid la 'di skad zhus// a nu man chod theg pa de// spang ngam 'on te ji ltar bgyi// zhes gsol pa dang / kun tu bzang pos 'di skad gsungs// snying po'i rang bzhin ming med mnyam pa la// rtsal gyi rim par ming btags theg pa brgyad// nga yi s+thi ti yo ga 'di// theg pa ma lus ngang gis rdzogs/ spangs na nyan thos lta bar 'gyur// a nu man chad rdzogs lugs kyang // dbyings dang ye shes gnyis med pas// a nu yo ga'i theg pa rdzogs// thabs dang shes rab gnyis med pas// ma hA yo ga'i theg pa rdzogs// spun dang grogs po gnyis med pas// yo ga'i lta ba yongs su rdzogs// lta spyod ya char 'gal med pas// u pa ya yi lta ba rdzogs// phyi dag nang dag thams cad dag/ kri ya'i lta ba yongs su rdzogs// don dam kun rdzob gnyis med pas// byang chub sems dpa'i lta ba rdzogs// yul sems gnyis su ma grub pas// sems tsam

  58. 232a

    lta ba yongs su rdzogs// gzung 'dzin gnyis su ma grub pas// rang rgyal lta ba yongs su rdzogs// rnam par rig byed ma grub pas// nyan thos lta ba yongs su rdzogs// rtag chad gnyis kyi mtha' las grol// mu stegs lta ba yongs su rdzogs// spang bar bya ba ma yin te// rang bzhin yongs su rdzogs pa'o// phyi pa mu stegs theg pa yang // rtag chad mtha' ru gol dgos pas// re zhig phyi bar bstan pa tsam// byang chub sems kyi ngang gcig pas// spangs na rdzogs par mi 'gyur te// drug gis bstan pa'i log chos kyang // ngan du mi spang mi dor ro// zhes gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ ma spangs ngang gis yongs su rdzogs par bstan pa'i le'u ste nyi shu rtsa brgyad pa'o// // a da pa ti dar du/ kA ya wA ka tsit+ta/ de nas rdo rje sems dpa' yis// kun bzang nyid la 'di skad zhus// theg pa de dag thams cad kyi// gol sgrib gdar sha ji ltar bcad// ces gsol pa dang / kun tu bzang pos bka' stsal pa// snying po'i rang bzhin ming med ma rtogs pas// yan lag rtog pa'i 'khor lo yid g.yos pas// mi rtog theg pa'i gol sgrib ngas bshad kyi// rdo rje sems dpa' yid la zung // theg pa'i gol sgrib 'khrul dang gsum// nyan thos bdag

  59. 232b

    med blta ba yang // bdag med ma rtogs mu stegs dag tu gol// nyan thos bdag med dag la sgrib// phrag dog dag tu nyan thos 'khrul// chos la bdag med rang rgyal yang // bdag tu 'dod na rang rgyal nyid du gol// chos la bdag 'dod nyan thos kyis// rang rgyal dag la nyan thos bsgribs// rang rgyal ma rig dag tu 'khrul// gzung 'dzin gnyis bral sems tsam yang // rang rig gsal bar 'dod na yang // se mas tsam rang rgyal dag tu gol// rang rgyal rnam par rig byed kyis// sems tsam gzung 'dzin bral la bsgribs// sems tsam zhe sdang dag tu 'khrul// rang bzhin med pa'i dbu ma yang // sems su gsal bar 'dod na yang // dam sems tsam dag tu gol// gzung 'dzin gnyis bral sems tsam gyis// dbu ma rang bzhin med la bsgribs// dbu ma zhe sdang dag tu 'khrul// skye 'gag med pa'i kri yog kyang // kun rdzob don dam gnyis su blta// kri yog dbu ma dag tu gol// dbu ma bden pa gnyis 'dod kyis// kri yog skye 'gag med la bsgribs// kri yog nga rgyal dag tu 'khrul// snang stong gnyis med ma hA yang // don dam skye 'gag med par blta// ma hA kri yog dag tu 'khrul// kri yog skye 'gag med pa des// ma hA snang stong med la bsgribs// ma hA 'dod chags dag tu 'khrul// snod bcud gnyis med a nu yang // snang stong

  60. 233a

    gnyis su 'dod na yang // a nu ma hA dag tu gol// snod bcud gnyis med ma hA yis// a nu snod bcud dag la bsgribs// a nu gzung 'dzin dag tu 'khrul// zhes gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ theg pa'i gol sgrib 'khrul pa bstan pa'i le'u ste nyi shu rtsa dgu pa'o// // de nas rdo rje sems dpa' yis// kun bzang nyid la 'di skad zhus// a ti yo ga'i snying po la// gol sgrib 'khrul pa yod dam med// zhes gsol pa dang / mtshon med kun tu bzang pos bka' stsal pa// rtogs na gol sgrib med mod kyang // ma rtogs gol sgrib 'khrul par snang // nges pa thob pa'i theg pa drug/ rdzogs pa chen po'i gol sa ste// rdzogs chen nges thob sgrib pa bshad// mdo sde dang ni kri ya dang // u pa dang ni yo ga dang // ma hA a nu yo ga/ drug/ rdzogs pa chen po'i gol sgrib ste// mdo sde byang chub sems dpa' ni// kun tu 'od kyi sa 'dod pas// bden pa gnyis kyi sa 'dod pa// chos nyid stong la rnam par rtog/ a ti stong pa bde chen la// rtog dpyod rtsis gdab med pa'i don// rtsis gdab med la mdo sdes bsgribs// rtog dpyod rtsis gdab byed pa ni// mdo sde dag tu go bar bshad// rtog dpyod 'khrul pa rtsad nas mchod pas// rdzogs chen gti

  61. 233b

    mug dag tu 'khrul// kri ya rdo rje 'dzin 'dod pas// dag pa rnam gsum sgor zhugs pas// chos nyid dag la 'dzin pa ste// gzung 'dzin dag gi yul la gnas// gzung 'dzin 'khrul pa med pa'i don// gzung 'dzin med la kri yas bsgribs// rdzogs chen gzung 'dzin med pa ni// kri ya dag tu gol bar bshad// gzung 'dzin 'khrul rtsad ma chod pas// rdzogs chen kri ya dag tu 'khrul// u pa ya yi blta ba ni// kri ya spyod la yo ga bsgrub// lta spyod 'brel ba'i don med pas// a ti yo ga'i snying po ni// lta spyod gnyis po byang chub sems// gnyis su med la u pa ya yis bsgrib// rdzogs chen gnyis su 'dod pa ni// u pa ya ru gol bar bshad// gnyis med ye shes ma shes par// rdzogs chen ya bral dag tu 'khrul// yo ga stug po bkod 'dod pas// mtshan ma yod med sgor zhugs nas// phyag rgya bzhi la gtsor byed pa// dbye bsal med la 'jug ma nus// a ti yo ga'i snying po ni// dbye bsal med pa'i byang chub sems// dbye bsal med la yo gas bsgribs// rdzogs chen dbye bsal byed pa ni// yo ga dag tu gol bar bshad// dbye bsal med par ma go bas// rdzogs chen gnyis snang dag tu 'khrul// ma hA rdo rje 'chang 'dod pas// ting 'dzin rnam gsum sgor zhugs nas// rang rgyud dag pa'i dkyil 'khor la// bsnyen bsgrub

  62. 234a

    rnam bzhi sgrub par byed// a ti yo ga'i snying po ni// rtsol bsgrub 'das pa'i byang chub sems// rtsol bsgrub 'das la ma hAs bsgribs// rdzogs chen rtsol bsgrub byed pa ni// ma hA yo gar gol bar bshad// lus ngag 'khrul pa ma zhig pas// rdzogs chen bya btsal dag tu 'khrul// a nu dbyer med du 'dod pas// dbyings dang ye shes sgor zhugs nas// rgyu ni dag pa'i dbyings su blta// 'bras bu ye shes dkyil 'khor lha// a ti yo ga'i snying po ni// rgyu 'bras 'das pa'i byang chub sems// rgyu 'bras 'das la a nus bsgribs// rdzogs chen rgyu 'bras gnyis blta na// a nu yo gar gol bar bshad// rgyu 'bras 'khrul rtsad ma chod pas// rdzogs chen bya btsal dag tu 'khrul// theg pa'i gol sgrib 'khrul snang gsum// theg pa gcig gi lta ba la// gol sgrib 'khrul pa sum cu yod// blta ba'i gol sgrib 'khrul dang sum// dam tshig gol sgrib 'khrul dang gsum// phrin las gol sgrib 'khrul dang gsum// ye shes gol sgrib 'khrul dang gsum// sa yi gol sgrib 'khrul dang gsum// lam gyi gol sgrib 'khrul dang gsum// phra ba'i gol sgrib 'khrul dang gsum// rgyud kyi gol sgrib 'khrul dang gsum// lung gi gol sgrib 'khrul dang gsum// man ngag gol sgrib 'khrul dang gsum// phye bas sum cu tham pa'o// de yi

  63. 234b

    mtshan nyid gang dang gang // lta ba ngag gi rang bzhin ni// bsgom med rang bzhin don la blta// sgom med rang bzhin ma shes na// lta ba dag gis sgrib par bshad// ye nas mnyam pa'i rang bzhin la// zhe 'dod med pas mi blta ste// bsgoms nas rtogs par blta ba ni// lta ba dag gi gol sa yin// zhe 'dod rtsis gdab byed pa ni// lta ba'i 'khrul pa yin par bshad// bsrung mtshams med pa'i dam tshig la// bsrung mtshams med par ma shes na// dam tshig sgrib pa yin par bshad// bsrung mtshams med par ma rtogs nas// phyogs mtshams dam tshig bsrung ba ni// dam tshig gol sa yin par bshad// phyogs dang bye brag phye ba ni// dam tshig 'khrul pa yin par bshad// phrin las rang bzhin btsal med la// rtsol bsgrub 'das pa'i phrin las la// btsal du med par ma shes na// phrin las sgrib pa yin par bshad// btsal du med pa'i rang bzhin la// btsal du med par ma rtogs te// phrin las rtsol bar byed pa ni// phrin las gol sa yin par bshad// lus ngag 'bad rtsol byed pa ni// phrin las 'khrul pa yin par bshad// ye shes dag gi rang bzhin ni// ye nas sgrib pa med par gsal// sgrib pa med par ma shes na// ye shes dag gi sgrib par bshad// sgrib pa med pa'i ye shes la// sgrib pa med par ma rtogs te// mi spyod gsal bar ma

  64. 235a

    rtogs na// ye shes gol sa yin par bshad// gsal mi gsal du 'dod pa ni// ye shes 'khrul pa yin par bshad// sa dang pha rol phyin pa ni// sbyang zhing bgrod du med par ma shes na// sa dang pha rol phyin pa'i sgrib par bshad// sbyang bgrod mi dgos sa lam la// sbyang bgrod ma dgos ma rtogs te// sbyang zhing bgrod par byed pa ni// sa dang pha rol gol sar bshad// gong 'og rim par 'dod pa ni// sa dang pha rol 'khrul par bshad// lam gyi rim pa'i rang bzhin ni// bgrod du med pa'i rang bzhin yin// bgrod du med par ma shes na// lam gyi sgrib pa yin par bshad// bgrod du med pa'i rang bzhin la// bgrod du med par ma rtogs te// lam la bgrod du yod 'dod na// lam gyi gol sa yin par bshad// bye brag lnga ru 'dod pa ni// lam gyi 'khrul pa yin par bshad// phra ba dag gi rang bzhin gzung 'dzin dag gi rang bzhin yin// gzung 'dzin bral bar ma shes na// phra ba dag gi sgrib par bshad// gzung 'dzin bral bar ma rtogs te// phra ba rdul du yod lta na// phra rags gol sa yin par bshad// gzung 'dzin phra rags gnyis snang na// phra ba'i 'khrul pa yin par bshad// rgyud kyi rang bzhin bstan pa ni// sems chos gnyis su med par 'brel// gnyis med 'brel bar ma shes na// rgyud kyi sgrib

  65. 235b

    pa yin par bshad// gnyis su med par 'brel ba la// gnyis med 'brel bar ma rtogs te// sems chos gnyis su lta ba ni// rgyud kyi gol sa yin par bshad// tha dad rtse gnyis skyes pa ni// rgyud kyi 'khrul pa yin par bshad// lung gi rang bzhin yin pa ni// gtan la 'bebs shing nges par ston// gtan la 'bebs par ma shes na// lung gi sgrib pa yin par bshad// gtan la 'bebs pa'i lung de la// thog tu phebs par ma rtogs te// thog tu mi phebs zer ba ni// lung gi gol sa yin par bshad// sgra tshig rang zad khyer nas ni// don dang mi mthun tshig rjes 'brang // lung gi 'khrul pa yin par bshad// man ngag rang bzhin bstan pa ni// gnyis snang med par la zlos nas// spros pa med par ma shes na// man ngag dag gi sgrib pa yin// sgro skur bral ba'i man ngag la// spros pa med par ma rtogs te// sgro skur yod par 'dogs pa ni// man ngag dag gi gol sar bshad// spros pa'i mtha' la mngon zhen na// man ngag 'khrul pa yin par bshad// dbye na de ltar yod mod kyang // bsdu na gsum las med par shes// 'gro sgo nor bas gol sa yin// gnas don ma rtogs sgrib pa yin// sgo lngar 'khyams pas 'khrul pa yin// dper na don yod lam zhugs na// shar na don yod nub la phyin// nub kyis shar gyi don mi 'grub// lam rgyus

  66. 236a

    gas 'phrul ba 'byung // na'adod yod pas don 'dod pas// na'adod mtshan ma'i las du zhugs// gas sa nas na la gas// sa gnyis thas rang bzhan la// bad pang rtag par pa yin// chag gi sgo 'dogs mchod 'khrul// gang zag dbang po'i khyad par las// sems khyad theg pa rim pa dgu// mi mthun sa spyod so sor bshad// des ni gol sgrib 'khrul pa byung // yang dag don la theg bzad// ces gsungs pa// ngan po che sdang gsal zla gris 'azlas sdang cad nas gtsad pa nam mtha' dang mnyam pa'i rlud las/ sa ga mtshags pa rnams lagal sgrib 'phrul pa bstan pa'i lan ba'o// / a tha ya~M pa d+ha na~M ba la rba si/ sa ka re a a me ting ka ya/ ma hA 'apra to sa b+ha ra ya ti/ de nas rdo rje sems dpa' yis// kun bzang nyid la 'di skad zhus// rdzogs chen g+hA ti lo ga sa/ sgrib 'phrul gsum la badz+ra dze lta pra// zhes gsol pa dang / kun tu bzang pos 'di skad gsungs// thog ma'i snying po ma 'di la// rgyal snang rig pa tha 'thad pas// ma tha dbyer med 'thad 'dres pas// zin 'gyur zad rgya bas thabs// snying po klong nas shar tsam na// g+ha nyi mo ga'i dgongs pa la// nges pa'i ni 'dod ma thus na// rdzogs chen sgrib pa min par bshad// b+hU nyi lo ga 'di rtags na// gong la//

  67. 236b

    khyad par dbye ru med// theg pa drug gi gol sgrib ste// bden gnyis kha mtshon bcad du med// snying po'i rang bzhin rtsis gdab med// rang bzhin shes pas sgrib pa med// 'dzin rtog gnyis las grol ba ni// de yi don rtogs gol du med// 'dzin rtog yid gnyis 'khrul par shes// rtsis gdab med na 'khrul du med// gzung dang 'dzin pa 'khrul pa'i chos// de ltar shes pas sgrib tu med// gzung 'dzin yid gnyis ma skyes na// gol dang 'khrul pa med par bshad// snying po'i rang bzhin ma nor shar// lta ba gol med byang chub sems// phyogs cha ya bral ma skyes na// 'dzin rtog gol sgrib 'khrul pa med// dngos po gang yang dbye bsal med// dbye bsal gol sgrib 'khrul pa med// lus ngag yid gsum rtsol bsgrub byar med pas// bya btsal gol sgrib 'khrul pa med// rgyu las ma byung 'bras bu mchog/ rgyu 'bras bya btsal gol sgrib med// snying po'i rang bzhin gcig shes nas// lta ba la sogs bcu po la// gol sgrib 'khrul pa ga la yod// lta ba rtogs nas bsgom med don// bkol med mnyam pa'i don shar na// lta ba'i gol sgrib 'khrul pa med// phyogs dang ris med mnyam pa'i ngang // de yi don las mi 'da' na// dam tshig gol sgrib 'khrul pa med// rtsol bsgrub med pa'i snying po la// lus ngag 'bad rtsol med pas ni// phrin las gol sgrib

  68. 237a

    'khrul pa med// ma bsgribs gsal ba'i ye shes ni// ye nas yin pas bya mi dgos// ye shes gol sgrib 'khrul pa med// bskyod med ye shes mthar phyin don// rim pa gnyis su med pa'i mchog/ sa yi gol sgrib 'khrul pa med// yang dag lam la gnas pa la// bye brag rim par mi bgrod na// lam gyi gol sgrib 'khrul pa med// gzung 'dzin gnyis bral byang chub sems// phra rags yid rtog med pa la// phra ba'i gol sgrib 'khrul pa med// gnyis med thig le gcig gi dang // mnyam pa'i rang bzhin rgya ma chad// rang bzhin rgyun du gnas pa'i mchog/ rgyud kyi gol sgrib 'khrul pa med// ma nor byang chub sems kyis ni// yang dag don ni gtan la 'bebs// lung gi gol sgrib 'khrul pa med// phyogs ris spros pa med pa'i don// sgro skur mtha' las grol ba ni// man ngag gol sgrib 'khrul pa med// gol sgrib 'khrul pa bsam mi khyab// 'char ba'i sgo nor 'khrul pa yang // ldog pa'i thabs shes gol du med// gnas don ma rtogs sgrib pa yang // snying po'i don shar bsgrib tu med// sgo lnga'i yul 'dzin 'khrul pa yang // yid rtsad chod pas 'khrul du med// 'khyer sgom nor yang dag lam// nges pa'i don mthong the tshom med// thag chod gdeng ldan re dogs med// rang sems ma bcos sangs rgyas pas// sangs rgyas

  69. 237b

    gzhan nas btsal du med// ces gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ gol sgrib la bzla ba'i le'u ste so gcig pa'o// // de nas rdo rje sems dpa' yis// mtshon med ston pa kun bzang la// bdag gzhan gnyis su gsungs pa de// 'di nyid khyad par gang gis 'don// zhes gsol pa dang / kun bzang 'khor la bka' stsal pa// snying po'i rang bzhin ming med mnyam pa med pa ma rtogs par// rtsal gyi 'khor la rtog pa yid g.yos pas// yan lag mi 'du theg pa rim dgu'o// rang lta mngon par zhen la gzhan lha rgyab kyis phyogs// nyan thos chos kyi bdag la zhe na// rang rgyal rten 'brel gnyis la zhe na// sems tsam gzung 'dzin gnyis la zhe na// dbu ma bden pa gnyis la zhen// kri ya dag pa gsum la zhe na// gnyis ka rgyud la gzhung tshugs med// yo ga skye 'gag gnyis la zhe na// ma hA snang stong gnyis la zhe na// a nu rgyu 'bras gnyis la zhen// dbyings dang ye shes gnyis la chags// rdzogs chen rtsal snang rig pa la// rang byung ye shes yin zer nas// yid smon ye sangs rgyas la gtong // rig pa 'gyu ba'i rang bzhin la// sangs rgyas dgongs pa yin zhes zer// nyon mongs kha ni ma bri bar// kha tshig yid smon tshig tsam la// rtogs na sangs rgyas yin smra

  70. 238a

    ba'i// gzung 'dzin chos brgyad ma bral bar// chags zhen mthar brgyad mchod par// dug lnga sangs rgyas yin zer nas// da ltar sangs rgyas yin smra ba// rmi lam na yang mi srid do// lta ba nan pa rtags tshig la zhe na// bsgom pa stong ba had po bsgom// spyod pa tho cho bab chol spyod// dam tshig khrel med grogs po bslu// phrin las bcol zhing bsgrub par byed// sa la sbyong zhing lam la bgrod// 'bras bu yid smon rtsol bas sgrub// sgrib pa med pa'i ye shes la// da gdod btsal du re ba dang // gzung 'dzin bral ba'i rang bzhin la// dus la thob tu re ba dang // de ltar theg pa rim dgu yis// rang gi gam por gzhan nas btsal// btsal pas bskal pa brgyar mi rnyed// mdongs pas nam mkhar bsnyegs pa 'dra// nga yi s+thi ti yo ga la// blos btags blta ba'i tshig dang bral// yid smon bsgom pa'i sems dang bral// skyon med dam tshig sems dang bral// ched byas spyod pa'i sems dang bral// rtsol bsgrub 'phrin las sems dang bral// sbyang med sa thob sems dang bral// bgrod med lam gyi sems dang bral// thob med 'bras bu'i sems dang bral// sgrib med gsal ba'i sems dang bral// gzung 'dzin gnyis med phra ba'i sems dang bral// des na bdag gzhan khyad par ro// khyad par gang gi sbags shes na// bden pa'i

  71. 238b

    snying po mthong ba lta ba'i rgyal po yin// dus gsum cha las grol ba blta ba'i rgyal po yin// rtog pa med pa lta ba'i rgyal po yin// 'gyur ba med pa lta ba'i rgyal po yin// 'khrul pa rnam par dag pa lta ba'i rgyal po yin// zhe 'dod med pa lta ba'i rgyal po yin// tshig las 'das pa lta ba'i rgyal po yin// yin pa med pa lta ba'i rgyal po yin// phyogs dang mtha' bral lta ba'i rgyal po yin// khyung dang nam mkha'i dpe bzhin no// ngang gnas 'gro 'od med pa bsgom pa'i rgyal po yin// yid la bzhag med bsgom pa'i rgyal po yin// bsam dang bral ba bsgom pa'i rgyal po yin// bcos slad med pa bsgom pa'i rgyal po yin// zhen pa med pa bsgom pa'i rgyal po yin// gzung 'dzin rtogs med bsgom pa'i rgyal po yin// yid smon byar med bsgom pa'i rgyal po yin// dper na nyi zla rgya mtsho 'dra// lus ngag yid gsum byar med spyod pa'i rgyal po yin// bcos su med de spyod pa'i rgyal po yin// nges pa med de spyod pa'i rgyal po yin// shugs 'byung chags med spyod pa'i rgyal po yin// nyam nga bag tsha med pa spyod pa'i rgyal po yin// bya btsal kun dang bral ba spyod pa'i rgyal po yin// dper na me tog bung ba dang // smyon pa glang chen bu chung 'dra// thob tu med pa 'bras bu'i rgyal po yin// rang nyid yin te 'bras bu'i rgyal po yin// yin pa'i don rtogs 'bras bu'i

  72. 239a

    rgyal po yin// skye med 'gyur med 'bras bu'i rgyal po yin// rang sangs rgyas te 'bras bu'i rgyal po yin// re dogs med pa 'bras bu'i rgyal po yin// dper na rin chen ri bo gser dang 'dra// zhes gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ rang gzhan gnyis kyi khyad par bstan pa'i le'u ste so gnyis pa'o// // a tha badz+ra sa twa li/ d+harma ka ya d+hA tu a/ de nas rdo rje sems dpa' yis// kun bzang nyid la 'di skad zhus// rgyud kyi mtshan ni ji ltar gzung // zhes gsol pa dang / kun tu bzang pos bka' stsal pa// snying po'i rang bzhin mtshan med la// rtsal sdang rig pa'i dbang gis mtshan btags pa// theg pa spyi yi don ston phyir// s+thi ti yo ga'i rgyud yin no// dgos 'dod ma lus ci 'dod 'byung ba'i phyir// rin po che yi rgyud yin no// snang srid gsal bar rtogs pa'i phyir// nyi zla lta bu'i rgyud yin no// 'khrul gzhi 'khrul snang bcad pa'i phyir// 'khrul snang gcod pa'i rgyud yin no// theg pa spyi yi don ston phyir// s+thi ti yo ga'i rgyud yin no// yid gnyis log lta gcod pa'i phyir// spu gri 'bar ba'i rgyud yin no// kun khyab phyogs mtshams med pa'i phyir// yangs pa nam mkha'i rgyud yin no// zhes gsungs so// rin po che snang gsal spu gris

  73. 239b

    'khrul snang rtsad nas gcod pa nam mkha' dang mnyam pa'i rgyud las/ rgyud kyi mtshan bstan pa'i le'u ste so gsum pa'o// / a tha badz+ra sa twa a sa/ de nas rdo rje sems dpa' yis// rgyud kyi gtad rgya gang zag ci lta bu la gtad// ces gsol pa dang / ston pa kun tu bzang po yis// rdo rje sems dpar 'di skad gsungs// snying po ma bcos rin chen rgyud// rtsal gyi rang bzhin khyab par ston// gdung so rgyud 'di gtad pa'i gnas// ngang rgyud bzang zhing dad pa che// dam tshig gzhung bsrung rnam smin 'dzem// ser sna chung la gtong phod che// rin chen snod ldan de dag la// s+thi ti yo ga'i rgyud 'di gtad// man ngag gsang tshig thub pa dang // 'khrul pa rtsad chod skyes bu la// rin po che yi rgyud 'di gtad// rin chen la sogs 'dod pa'i yon// ma chags ser sna med pa la// 'khrul snang gcod pa'i rgyud 'di gdams// dad pa mi 'gyur ri rab lta bu la// snying rje phan sems che zhing dkon mchog mchod// dge ba'i sems dang ldan pa la// spu gri 'bar ba'i rgyud 'di gtad// ngang rgyud bzang zhing bla ma khur// mched la brtse zhing dam tshig bsrungs// blo che blo yangs blo zab blo rno la// nam mkha' lta bu'i rgyud 'di gtad// nga rgyal dregs pas khengs pa dang // mu cor smra zhing khe 'dod dang // don du mi bsgom tshig tu bsgom// lag

  74. 240a

    tu thob na zong du 'tshong // khrel med thabs kyis 'dod pa la// yul mkhar ster yang mi sbyin no// de lta bu la byin gyur na// ngam shod gling gi dur khrod du// ma mo mkha' 'gro tshogs sa ru// bka' srung dam can chos skyong gis// ma shi pa yi sngon rol du// sha khrag rlon pa za bar byed// rgya mtsho dug chur g.yos pa yi// sdig pas char yang mi phod do// rdo rje dmyal bar ltung mchi'o// zhes gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ rgyud gtad pa'i gang zag bstan pa'i le'u ste so bzhi pa'o// // de nas rdo rje sems dpa' yis// rgyud 'di 'byung ba'i dus ni ji tsam na// zhes gsol pa dang / kun tu bzang pos bka' stsal pa// nam zhig dus ni phyi ma la// ma 'ongs dus su 'byung ba ni// mngon par shes pas deng dus shes// nga yi bstan pa 'byung dus su// chos 'khor mi btsun rgyal khrims zhig pa'i tshe// skad rigs mi mthun mtha' yi rgya gar rnams// phu chu bub bam nam mkha'i bya bran bzhin// bod kyi rgyal khams khengs te mang po 'byung // skad rigs mi mthun mtha' yi rgya gar rnams kyi kyang // dam pa'i chos ni yid bzhin bdud rtsi 'dra// de la brten nas ngan spyad byas nas kyang // snyan tshig yid la byas nas yi ger bris// bod kyi gser 'dod phyir na zong du

  75. 240b

    byas// chos smra byed pa'i lots+tsha rnams kyis kyang // sa dang pha rol phyin la blo ma 'byongs// chos skad ma shes 'phral skad tsam zhig shes// 'phral skad tsam zhig shes pas lots+tsha byas// dam chos tshong dus 'o ma bzhin du bslad// de dus nga yi rgyud 'di 'byung // chos 'khor mda' bug 'don pa dang // gnas gzhi 'thab ras bskor ba'i dus// rgyal po grong spang byed pa'i dus// blun po lug rdzi byed pa'i dus// bod 'bangs sil bur 'gro ba'i dus// che btsun dug la spyod pa'i dus// nyan thos khrims dang bral ba'i dus// dge slong tshong dpon byed pa'i dus// chos gos 'og tu gri 'jug dus// btsun pa khyim thab byed pa'i dus// btsun ma bu chung 'tsho ba'i dus// de dus spros gcod sde lnga 'byung // skye min ban min nag po gon pa'i dus// zhwa mtha' ras lcags bskor ba'i dus// lham yu re bas byed pa'i dus// de dus spros gcod sde lnga 'byung // pha zer bu yang mi nyan te// mi rnams g.yo sgyus 'tsho ba'i dus// 'byung ba sa yis gser mi thub// skye 'gros gtad pa'i gnyer mi thub// bde gshegs byin rlabs mi thub ste// mkha' 'gros gtad pa'i gter mi thub/ rtsod btsun pas mda' rgyab yin nam nyapa'i 'dab rgyas byed pa'i dus// de dus spyi ti yo ga 'byung // nyon mongs dug lnga'i dbang nyid kyis// chos dang sems su ma 'dres pas//

  76. 241a

    blta ba kha khyer zhen ma log/ chags zhen lnga dang ma bral bar// da lta sangs rgyas yin zer dus// de dus s+thi ti yo ga 'byung // zhes gsungs so// rin po che snang gsal spu gris 'khrul snang rtsad nas gcod pa nam mkha' dang mnyam pa'i rgyud las/ bstan pa 'byung ba'i dus bstan pa'i le'u ste so lnga pa'o// // rin po che snang gsal spu gri 'bar bas 'khrul snang rtsad nas gcod pa nam mkha' dang mnyam pa'i rgyud rdzogs so// // rgya gar gyi gu ru pad+ma sam b+ha wa dang / bod kyi lo tsA ba chen po ska ba dpal brtsegs kyis bsgyur cing gtan la phab pa'o// // tshig la 'chal ba'i mi rnams ni// su zer nyan la blo sho rgod// man ngag gdeng du ma gyur pas// tshig dang don byed sbrang gi bsgom pa mkhan// man ngag zong du tshong ba'i bod ban la// spel ba'i gnas med sa yi gter du spos// skal ldan cig dang 'phrad par shog/ bka' rgya/ gter rgya/ zab rgya// //