MW21521_E97B06མན་ངག་ཨ་ཏི་ཡོ་གའི་ཆོས་སྐོར།All versions of this work

rdo rje sems dpa' nam mkha' che'i rgyud

Text

ff. 83a–96a · 27 folio sides

  1. 83a

    rgyud 'di thos pa'i yid rang byung ye shes su gyur nas/ gnyis su med pa ma btsal ba'i thig ler gyur to// rdo rje sems dpa' la sogs pa'i 'khor rnams rjes su rang ngo // rgyud yongs su gtad pa'i le'u ste nyer lnga pa'o// // rgyal po rgyas rgyud snying por gyur pa'o// rdzogs so// / rgya gar skad du/ badz+ra satwa ga ga sa me ma hA tan+t+ra nA ma/ bod skad du/ rdo rje sems dpa' nam mkha' che'i rgyud ces bya ba/ dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ bcom ldan 'das de bzhin gshegs pa kun tu bzang po sku ma dun dang rgyab med parnam par thar pa'i dbu gsum dang ldan pa/ phyag drug gis nor bu rin po che 'od 'bar bzur brgyad pa 'dzin pa ste/ yum kun tu bzang mo dang gnyis su med par 'og min gyi gnas mtha' dang dbus med ba yum gyi gzhal yas khang na/ gdan glang po che la sogs pa'i steng na pad+ma dang nyi zla ba rtsegs pa'i gdan la// rdo rje sems dpa' la sogs pa'i de bzhin gshegs pa rnam par snang mdzad dang / dkon mchog 'byung gnas dang / snang ba mtha' yas dang / gdon mi za bar grub pa la sogs pa

  2. 83b

    btsun mo dang bcas pa dang / 'khor gyi byang chub sems dpa' sa'i snying po dang / nam mkha'i snying po dang / 'jig rten dbang phyug dang / phyag na rdo rje la sogs pa btsun mo dang bcas pa dang / byang chub sems dpa' byams pa dang / kun tu bzang po dang / sgrib pa rnam par sel ba dang / 'jam pa'i dbyangs la sogs pa btsun mo dang bcas pa dang / gzhan yang khro bo chen po gshin rje gshed po dang / stobs po che dang / rta mgrin dang / bdud rtsi 'khyil pa la sogs pa btsun mo dang bcas pa dang thabs cig tu bzhugs so// gleng gzhi'i le'u ste dang po'o// // de nas rdo rje sems dpa' la sogs pa'i de bzhin gshegs pa thams cad kyis/ bcom ldan 'das de bzhin gshegs pa kun tu bzang po la 'di skad ces gsol to// bcom ldan 'das kun tu bzang po bdag nyid chen po lhun gyis grub pa'i dkyil 'khor ji ltar bskyed pa lags/ gnas ni ji ltar bskyed pa lags/ zhes gsol pa dang / bcom ldan 'das de bzhin gshegs pa kun tu bzang pos bka' stsal pa/ rdo rje sems dpa' la sogs pa 'khor gyi de bzhin gshegs pa rnams nyon cig/ bdag nyid chen po lhun gyis

  3. 84a

    grub pa'i gnas ni/ skad cig ma gcig gam thang cig la yum gyi mkha' dag pa'i gzhal yas khang du bskyed do// de la bdag nyid chen po lhun gyis grub pa'i dkyil 'khor la gnyis te/ dkyil 'khor du lhun gyis grub pa'i dkyil 'khor dang / bdag nyid chen po lus kyi dkyil 'khor ro// gleng bslang ba'i le'u ste gnyis pa'o// / de nas yang rdo rje sems dpa' la sogs pa de bzhin gshegs pa rnams kyis/ bcom ldan 'das de bzhin gshegs pa kun tu bzang po la 'di skad ces gsol to// bcom ldan 'das de bzhin gshegs pa kun tu bzang po/ bdag nyid chen po lhun gyis grub pa'i dkyil 'khor ji ltar lags// de bzhin gshegs pa kun tu bzang po/ bdag nyid chen po lus kyi dkyil 'khor ji ltar legs/ zhes gsol pa dang / bcom ldan 'das de bzhin gshegs pa kun tu bzang pos bka' stsal pa/ bcom ldan 'das rdo rje sems dpa' la sogs pa 'khor gyi de bzhin gshegs pa rnams nyon cig/ rig pa'i skad cig ma de nyid la rigs lnga dang rigs kyi yum lnga dang / sems dpa' brgyad dang / sems ma brgyad dang / khro bo dang khro mo brgyad du gsal bar nga rgyal byas pa nyid do// bdag nyid chen po lus

  4. 84b

    kyi dkyil 'khor ni/ lha rnams rtsa rnams la gsal bar byas pa ste/ bdag nyid chen po spun gyis grub pa'i dkyil 'khor ro// bdag nyid chen po lhun gyis grub pa'i dkyil 'khor gyi le'u ste gsum pa'o// / de nas yang bcom ldan 'das 'khor gyi de bzhin gshegs pa rnams kyis/ bcom ldan 'das de bzhin gshes pa kun tu bzang po la 'di skad ces gsol to// bcom ldan 'das de bzhin gshegs pa kun tu bzang po/ lus kyi rtsa rnams ji skar lags/ zhes pa dang / bcom lda 'das de bzhin gshegs pa kun tu bzang pos bka' stsal pa/ bcom ldan 'das 'khor gyi de bzhin gshegs pa rnams nyon cig/ lus kyi rtsa rnams ni/ rgya mdu zer sbubs bzhi dang seng dkar bsgril// bde chen rtsa dang srog cu drug/ srog rtsa sgril mar gnas pa ste// gcig ni yid rtsa kun tu bzang // mig rtsa gnyis dang rna rtsa gnyis// rtswa rtsa gnyis dang skye rtsa gnyis// rnam shes bzhi yi tsA bzhi dang // dbang po bzhi yi rtsa bzhi'o// rnam shes bzhi yi yul rtswa rnams// rtsa rnams 'on gzugs can no// de la dus bzhi lha mo'i rtsa// thog mar rtsa rnams srid par chags// srid pa gnas dang chags pa dang // che 'phos pa ni 'jig pa'i rtsa// zhig pas

  5. 85a

    stongs par gyur pa'i rtsa// dus bzhi lha mo'i rtsa ru shes// srid pa sbyor che reg par shes// de na dbang po lang ga'i rtsa// reg bya'i mtshan nyid gang yin shes// de ni lus kyi dbang po rtsa// reg bya rang gi ngo bo nyid// lus kyi rtsa ru shes par bya// nyams su myong ba'i mtshan nyid de// yul dang po rnam shes gsum// 'dus pa las ni byung ba'i rtsa// rtsa rnams ma lus mu stegs pas// bdag tu btags pa ma yin dang // rtag par btags pa ma yin dang / chad par btags pa ma yin dang // mtshan mar btags pa ma yin pa// de ni lus kyi rtsa rnams yin// rtsa'i le'u ste bzhi pa'o// / nas yang bcom ldan 'das de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang po/ rtsa de rnams tshul ji ltar gnas pa lags/ zhes gsol pa dang / bcom ldan 'das kyis 'khor gyi de bzhin gshegs pa rnams nyon cig/ seng dkar rtsa ni sgril ma la// a dang k+Sha/ bde chen rtsa yi tshul la gnas// srog pa rtsa ni sgril ma la// mi bskyod rtsa dang kun bzang rtsa// tha dang k+Sha ru shes par bya// rtsa gnyis pa yi rang bzhin te// rdo rje dbyings

  6. 85b

    kyi dbang phyug ma// kun tu bzang po'i rtsar shes bya// de yang tha dad a ru ba tag sa// rgya sngas bzhe ni Te ta dang // Da da dang ne D+ha d+ha dang // na Na bzhon naM shes par bya// ka kha dang ni ga g+ha dang // pa pha dang ni ba b+ha brgyad// mig rtsa gnyis dang sku rtsa gnyis// lce rtsa gnyis dang d+ha rtsa gnyis// rnam shes bzhi dang dbang po gzugs can bzhi// mig dang rna ba sna dang lce// dbang po bzhi yi rtsa la ni// tsa tsha dza dz+ha bzhi dang ni// ya ra dang ni wa la bzhi// gsang ba'i dbang po ling ga'i rtsa// nga nyo ma o bzhi dang ni/ Sha sha sa ha bzhi po dang // de dag kha dog dbyibs kyi tshul// rtsa rnams yi ge'i tshul du gnas pa'i le'u ste lnga pa'o// // de nas yang 'khor gyi bcom ldan 'das de bzhin gshegs pa rnams kyis/ bcom ldan 'das de bzhin gshegs pa kun tu bzang po la gsol pa/ bcom ldan 'das de bzhin gshegs pa kun tu bzang po/ sems can thams cad kyi rang bzhin ji lta bur gnas pa lags/ zhes gsol pa dang / bcom ldan 'das de bzhin gshegs pa kun tu bzang pos bka' stsal pa/ bcom ldan 'das 'khor gyi de bzhin gshegs pa rnams nyon cig/ 'byung ba chen po bcom ldan 'das// chub par gnas pas

  7. 86a

    bcom ldan 'das// 'gro ba kun la rang bzhin gnas// ye nas rgyal ba'i dkyil 'khor nyid// byin ci log tu rnam btags kyang // grol ba radra byung gzhan las min// rang bzhin gyis gnas pa'i le'u ste drug pa'o// // de nas yang 'khor gyi de bzhin gshegs pa rnams kyis/ bcom ldan 'das de bzhin gshegs pa kun tu bzang po la gsol pa/ bcom ldan 'das de bzhin gshegs pa kun tu bzang po/ rdzogs pa chen po'i don thabs gang gis rtogs par bgyi/ de bzhin gshegs pa kun tu bzang pos bka' stsal pa/ bcom ldan 'das 'khor gyi de bzhin gshegs pa rnams nyon cig/ rtog med mnyam nyid chos kyi sku// chos sku nam mkha' lta bu las// 'ja' tshon lta bu'i skur bzhengs pa// gzung ba ma zin chu zla 'dra// thabs dang shes rab rtsa gnyis la// A li kA li yi ge gsal// 'khor lo bzhi yang gsal ba las// gnyis su med par gyur pa las// kun tu bzang po'i rol pa yis// A li kA li zab tu bstan// de ni e dang mdzes pa'i ta// pa dang yan lag spros pa bzhin// 'jig rten yongs kyi spyi yul la// sangs rgyas gsung gi zab mo 'byung //

  8. 86b

    e ma'o sangs rgyas spyod yul 'di// btsal bas rnyed pa'i gnas med do// drug gi chos bzhin mi 'grub pas// ldongs pas nam mkha' bsnyegs pa bzhin/ gong nas gong du tshangs pa'i lam// bya bral chos dang mthun pa min// ci ste lam las bgro 'gyur na// nam mkha'i mtha' bzhin 'thob pa med// mngon par byang chub pa'i le'u ste bdun pa'o// // de nas yang bcom ldan 'das 'khor gyi de bzhin gshegs pa rnams kyis gsol pa bcom ldan 'das de bzhin gshegs pa kun tu bzang po/ kun tu bzang po'i rol pa las// rdzogs pa chen po ji ltar byung // zhes gsol pa dang / bcom ldan 'das kun tu bzang pos bka' stsal pa/ cir yang mi gnas mi rtog pa// U li kA li las byung ba// de ltar de bzhin de yi phyir// de la de bstan de yang theb// de ni snying po de bas na// de las de byung ngo mtshar che// sngon gyi de dang da lha'i de// de bzhin de yi gnas su che// de ltar de yis lam 'dra bar/ de ni de yi rang bzhin no// de dang 'dra ba yongs kyi lam// zla ba las byung rten dang bcas// kun gyi mnyam nyid yin pa la// phyogs su bltas pas

  9. 87a

    mthong ba med// gdod nas rang bzhin rnam par dag/ yongs su rdzogs pa'i le'u ste brgyad pa'o// // de nas yang 'khor gyi de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang po// gdod ma nas rang bzhin gyis rnam par dag pa la// thabs shes rab la brten pa ji ltar lags// bcom ldan 'das kun tu bzang pos bka' stsal pa/ bcom ldan 'das 'khor gyi de bzhin gshegs pa rnams nyon cig/ che ba'i ye shes rnyed dka' ba// shes rab thabs la brten pas 'grub// ming tsam gzhan la bstan 'dra yang // mngon sum bde ba rang las 'byung // rang bzhin che ba la gnas pa'i le'u ste dgu pa'o// // de nas yang 'khor gyi de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang po rdzogs pa bya btsal dang bral ba'i don ji ltar lags// bcom ldan 'das de bzhin gshegs pa ku nad tu bzang pos bka' stsal pa/ 'khor gyi de bzhin gshegs pa rnams nyon cig/ bcom ldan 'das 'khor gyi de bzhin gshegs pa rnams/ rdzogs pa chen po

  10. 87b

    bya btsal dang bral ba'i don ni/ dbyings nyid gting mtha' med pa nas/ yid rang byung gi ye shes chen po btsal ba med par ye nyid rang shar ba ste gdod ma nas rtsol sems dang bral ba'i don no// bcom ldan 'das 'khor gyi de bzhin gshegs pa rnams kyis yang gsol pa/ rdzogs pa chen po ye rtsol sems dang bral ba lags na/ bcom ldan 'das de bzhin gshegs pa kun tu bzang po/ sangs rgyas kyi che ba'i yon tan stobs dang / mi 'jigs pa dang mtshan dang / dpe byad rgyu ci las byung lags/ bcom ldan 'das de bzhin gshegs pa kun tu bzang po sa bka' stsal pa/ bcom ldan 'das 'khor gyi de bzhin gshegs pa rnams/ sangs rgyas kyi che ba'i yon tan stobs dang mi 'jigs pa la sogs pa ni/ theg pa 'og ma pa'i skabs de nyid kyang / rdzogs pa chen po bya btsal dang bral ba de nyid bya ba tsal bya ba'i dka' bla sa med par rdzogs pa chen po'i don rtogs ma thag tu/ bya btsal dang bral ba'i rdzogs pa chen po rang las byung ngo zhes bka' stsal to// yang 'khor gyi de bzhin gshegs pa rnams kyis gsol pa/ bcom ldan 'das rdzogs pa chen po'i don de/ ma 'ongs pa'i

  11. 88a

    rnal 'byor gyis bsgom na ji ltar bsgom/ bcom ldan 'das kyis bka' stsal pa/ 'khor gyi de bzhin gshegs pa rnams/ rdzogs pa chen po'i don ma 'ongs pa'i rnal 'byor pas bsgom na chos nyid gdod ma nas ma skyes pa la rang ga blo ma skyes pa bzhag nas bsgom pa yin no// yang 'khor gyi de bzhin gshegs pa rnams kyis gsol pa/ bcom ldan 'das chos nyid ma skyes par bzhag pa las/ cho 'phrul chen po stobs dang mi 'jigs pa la sogs pa ji ltar 'byung ba lags/ zhes gsol pa dang / bcom ldan 'das kyis bka' stsal pa/ cho 'phrul chen po dka' ba min// yon tan kun dang stobs kyi rnams// ji bzhin rtog pa phra ba yis// de ma thag tu rang las 'byung // snang ba med pa'i chos nyid la// ma btsal bzhag na bsgom pa yin// de dang der ni rnam btsal na// de las de bzhin de mi 'byung // bya ba tsal dang bral ba'i le'u ste bcu pa'o// // bcom ldan 'das la/ 'khor gyi de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang po/ chos nyid rang bzhin gyis gnas pa'i don ji ltar

  12. 88b

    lagasazhes gsol pa dang / bcom ldan 'das kyis bka' stsal pa/ 'khor gyi de bzhin gshegs pa rnams/ chos nyid rang bzhin gyis gnas pa ni/ rdo rje sems dpa' nam mkha' che// kun bzang yangs pa chos kyi dbyings// rnam dag lam chen kun sgrol phyir// mi skye mi 'gag cir mi dgongs// byams pas don nyid rnam sbyang phyir// snying rje chen po cir mi mdzad// che ba che ba'i zab mo nyid// yon tan cir yang bsngags pa med// don rnams ji bzhin mi bskyed de// bya ba med pas grol ba dgrol// rang byung ye shes btsal med pas// grol nas grol ba'i lam yang ston// chos nyid rang bzhin gyis gnas pa'i le'u ste bcu gcig pa'o// / tayang 'khor gyi de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang po/ rang gi byang chub kyi sems brjod pa dang bral ba'i don ji ltar lags/ zhes gsol pa dang / 'khor gyi de bzhin gshegs pa rnams la bka' stsal pa/ rang gi byang chub kyi sems brjod pa dang bral ba ni/ kun gzhi'i chos nyid gdod ma nas ma skyes pa ste/ mchog tu gsang ba'i chos nyid ni// rna dbang gzhan la thos mi 'gyur//

  13. 89a

    de bzhin lce yi dbang pos kyang // de la brjod du rdul tsam med// ces bka' stsal to// rang gi byang chub kyi sems brjod pa dang bral ba'i le'u ste bcu gnyis pa'o// // yang 'khor gyi de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang po/ rang gi byang chub kyi sems de las kyis 'khol ba lags sam/ mi 'khol ba lags/ zhes gsol pa dang / bcom ldan 'das kyis bka' stsal pa/ 'gro ba'i sdug bsngal byang chub sems// kun tu chub pas rnam par rol// de la bskyed pa med bzhin du// nam mkha'i mtha' dang mnyam/ par gnas// khyad par cir yang mtshungs pa la// las so zhes ni rnam par btags// ci ste las kyi dbang gyur na// rang byung ye shes yod ma yin// rgyu nyid rdo rje rkyen dang 'dra// ma skyes pas na 'jig pa med// gdod nas snying po byang chub la// rtsal ba'i bsam pas dbyings mi bskyod// byang chub kyi sems 'gro ba las kyis mi 'khol ba'i le'u ste bcu gsum pa'o// // yang 'khor gyi de bzhin gshegs pa rnams kyis gsol pa/ bcom ldan

  14. 89b

    'das de bzhin gshegs pa kun tu bzang po/ byang chub kyi sems rtsol sems dang bral ba de re ba 'jog pa dang smon lam gnas lags sam/ zhes gsol pa dngabacom ldan 'das kyis bka' stsal pa/ yon tan chen po'i bsam gtan ni// bsam gtan nyid pas bsam du med// ma bsams ma sbyangs chos bzhin du// rnam rtog nyid las ye shes skye// 'phra ba'i sgo mor ming btags shing // sems kyi dben pas lam tshol zhing // dgon pa'i rgyud du dben 'dzin zhing // btags na rnam par rtog 'gyur bsgom// rgyu dang 'bras bur ming btag sang zhing // dge sdig gnyis ka rnam pa re sel// 'jig rten 'di la 'byung ngo zhes/ blang dor brod pa mchog tu bskyed// ces bka' stsal to// byang chub kyi sems rtsol sems dang bral ba'i le'u ste bcu bzhi pa'o// / / yang 'khor gyi de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang // byang chub kyi sems rtsol sems dang bral ba/ bsam du med pa de nyid gnyis su med pa'i skyon dang bral ba lags sam ma lags// zhes gsol pa dang / bcom ldan 'das

  15. 90a

    kyis bka' stsal pa/ chags dang ma chags tshig gi lam// dbu ma bzhin te brag cha 'dra// bde dang sdug bsngal rgyu mthun zhes// bcom ldan 'das kyis bka' stsal to// byang chub kyi sems gnyis su med pa'i skyon dang bral ba'i le'u ste bco lnga pa'o// / yang 'khor gyi de bzhin gshegs pa rnams kyis gsol pa// bcom ldan 'das de bzhin gshegs pa kun tu bzang po/ byang chub kyi sems bdag nyid chen po de/ rang las ye shes byung ba lags sam ma lags/ zhes gsol pa dang / bcom ldan 'das kyis bka' stsal pa/ 'dod chags zhe sdang gti mug kyang // byang chub chen po'i lam las byung // kun spyod yon tan rnam lnga yang // chos nyid ma skyes nyid kyi rgyan// ces bka' stsal to// ye shes chen po rang los byung ba'i le'u ste bcu drug pa'o// // yang 'khor gyi de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang po/ thabs dang shes rab gnyis su med pa'i lta ba dang / yongs su rdzogs pa'i dgongs pa'i don ji lta bu lags

  16. 90b

    zhes gsol pa dang / bcom ldan 'das kyi sa bka' stsal pa/ nam mkha'i rtog pa skye med cing // rtog pa de nyid nam mkha' 'dra// ma chags nam mkha' sngo ba lags/ ta rang don chen po nam mkha' 'byung // zhes bka' stsal to// yongs su rdzogs pa dang sbyor thabs kyi le'u ste bcu bdun pa'o// / yang 'khor gyi de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang po/ thabs dang shes rab kyi sbyor thabs chags pa dang bral ba lags sam ma lags/ zhes gsol ba dang / bcom ldan 'das kyis bka' stsal pa/ da lta'i bde dang phyi ma'i bde// mngon sum pa dang rgya ba la 'byung / de yang rnam pa'i skyon yin pas// de la brten par mi bya'o// zhes bka' stsal to// chags pa dang bral ba'i le'u ste bco brgyad pa'o// / / yang 'khor gyi de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang po/ chags pa dang bral ba'i byang chub kyi sems de gdod ma nas che ba'i snying po la rang bzhin gyis gnas pa lags sam ma lags/ zhes gsol pa dang / bcom ldan 'das kyis bka'

  17. 91a

    stsal pa dus gsum gcig ste khyad par med// sngon med phyis med gdod nas 'byung // chos skus khyab pas gcig pa'i phyir// che bas chen po rang bzhin gnas// zhes bka' stsal to// gdod ma nas che ba'i snying po rang bzhin gyi sa gnas pa'i le'u ste bcu dgu pa'o// / yang 'khor gyi de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang po/ rang bzhin gyis gdod ma nas ma skyes pa'i byang chub kyi sems de smon lam dang bral ba lags sam ma lags/ zhes gsol pa dang / bcom ldan 'das kyis bka' stsal pa/ srid pa gsum ni sbyor ba yang // ming tsam sgyu mar snang ba ste// 'khor los sgyur ba'i gan sa chen yang // sgyu ma sbyor ba'i bsti gnas yin// rnam spyod du sa la bltas pa rnams// dus 'di 'byung bar mi 'gyur te// bya bral smon pa spyod pa sa na// stong pa'i mtshan nyid gsungs pa bzhin// zhes bka' stsal to// kun tu smon lam dang bral ba'i le'u ste nyi shu pa'o// / yang 'khor gyi de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang po/ byang

  18. 91b

    chub kyi sems smon lam dang bral ba de la/ lung bstan pa mchis sam ma mchis/ zhes gsol pa dang / bcom ldan 'das kyis bka' stsal pa/ gcig ste rnam pa yongs kyi med// rnal 'byor nam mkha' bya lam gnas// ma byung ma skyes snying po la// sgro btags chos kun ga la yod// phyi nang gnyis ka phyi nyid nang // zab mo'i cha shes rtogs yul med// srid pa'i ming tsam log pa'i stobs// de bas ting 'dzin mnyam dang bral// de la tha tshig snga phyi dang // rang bzhin phung po khams bzhin gnas// dus gsum de dang mi 'bral bas// tha tshig ming du btags pa med// ye shes chen po'i thig le'o// zhes bka' stsal to// byang chub kyi sems la lung ba stan du med pa'i le'u ste nyi shu gcig pa'o// // yang 'khor gyi de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang po/ byang chub kyi sems mnyam pa nyid la dbang sgyur du mchis sam ma mchis/ zhes gsol pa dang / bcom ldan 'das kyis bka' stsal pa/ mi g.yo ba ni sku yi rgya// mi bskyod pa ni ye shes te// mi len pas na bdag med cing // mi bde tshig bral mnyam nyid do// gang dang gang gi yul

  19. 92a

    du yang // kun 'khol kun spyod bdag las byung // 'di la skyes pa'am bud med// ces bka' stsal to// mnyam pa nyid la dbang sgyur du med pa'i le'u ste nyi shu gnyis pa'o// // yang 'khor gyi de bzhin gshegs pa rnams kyis gsol pa// bcom ldan 'das de bzhin gshegs pa kun tu bzang po/ byang chub kyi sems mnyam pa nyid la dbang bskur du mchis sa ma ma mchis pa lags/ spong len mchis sam ma mchis// zhes gsol pa dang / bcom ldan 'das kyis ba ka' skul pa/ 'di la sdug bsngal drag shul gyis// gnas par bya ba'i gzhi med de// a dang par ni rnam ldan na// sgyu ma bde ba bskyod par 'dod// de yang 'dzin pa'i skyon yin te// rang bzhin gcig tu ma nges pas// ji ltar bltas pa de ltar snang // snang 'dod rtsol sems bde ba yang // de ni sgrib pa'i skyon chen yin// byang chub yan lag kun gyi sgo// cha lugs bsgoms pas chu zla bzhin// ma chags ma gos 'byung 'gyur yang // bsgoms pas byis pa'i spyod yul bzhin// dkyil 'khor khro gnyer cha lugs kyi// khro bdag chen po'i gzugs bzung nas// yi ge mngon du gyur na

  20. 92b

    yang / zhi ba de nyid mthong ba min// ta la'i mgo bo bcad pa dang // sa bon me yis bsregs pa yang // de yi dbang du mi 'gyur gyi// rnam grangs brgya stong mtha' yas pa// gang ltar bskyed kyang me tog skye// mtshan ma med pa'i dbang gis na// ba sti gnas de las 'byung mi 'gyur// zhes bka' stsal to// byang chub mnyam pa nyid la spong len med pa'i le'u ste nyi shu gsum pa'o// // yang 'khor gyi de bzhin gshegs pa rnams kyis gsol pa bcom ldan 'das de bzhin gshegs pa kun tu bzang po/ byang chub kyi sems spong len med pa la bde ba chen po thob par bya ba'i thabs mchis sa ma ma mchis/ zhes gsol pa dang / bcom ldan 'das kyi sa ba ka' stsal pa/ gleng bral 'di la gnas pa yi// rnal 'byor de nyid skal ba bzang // ba dag dang gzhan du mi 'byed pa sa// sgyu ma lhun grub yul la rol// zhes bka' stsal to// byang chub kyi sems spospo nga len med pa la sa// sgyu ma tsam du bde ba chen po thob par bya ba'i thabs bstan pa'i le'u ste nyi shu bzhi pa'o// // yang 'khor gyi de bzhin gshegs pa rnams kyi sa gsol

  21. 93a

    pa bcom ldan 'das kun tu bzang po/ sgyu ma tsam du bde ba chen po thob par bya ba'i thabs mchis na/ 'gro ba thams cad la rang bzhin gyis sangs rgyas pa mchis sam/ zhes gsol pa dang / b+ha ga wen gyis bka' stsal pa/ go ba'i yul na bde ba che// 'di nyid rnam dag 'jig rten yin// de la phyogs kyi 'od 'dus pas// phyogs bzhi mtshams dang bla 'og 'grub// ma nges 'ja' tshon kha dog las// rigs kyi khyad par mngon du snang // de bzhin g.yo rdul mi g.yo bar// 'byung ba lnga las gtso chen yin// zhes bka' stsal to// 'gro ba thams cad rang bzhin gyis sangs rgyas pa'i le'u ste nyi shu lnga pa'o// / / yang 'khor gyi de bzhin gshegs pa rnams kyis yang gsol pa/ bcom ldan 'das de bzhin gshegs pa kun tu bzang po/ 'gro/ ba thams cad rang bzhin gyis sangs rgyas pa la/ tshogs dbul ba dang rang bzhin gyis yongs su rdzogs pa mchis sam ma mchis/ zhes gsol pa dang / bcom ldan 'das kyis bka' stsal pa/ 'das dang ma byon da ltar gyi// tha snyad ming la mi gnas te// skye 'gag med pa rnam brtags na// 'di ni dus gsum

  22. 93b

    chen por sbyor// mnyam pa'i rig pas bkod pa med// gcig pa'i phyogs su bsngo dang bral// tshogs kyi rgyan du dgram pa yang // rang bzhin gnas pas 'drim pa me da/ lhun gyis gnas pas mi bsngo zhing // gdod nas dag pas bdud rtsi yin// 'du byed bcu gnyis khyad par du// rang bzhin lhun gyis grub pa la// sku gsum ye shes shar bas na// lhag pa'i bsam pas gzung du med// ces bka' stsal to// tshigs rang bzhin gyis lhun gyis grub pa dang yongs su rdzogs par bstan ba'i le'u ste nyi shu drug pa'o// // 'khor gyi de bzhin gshegs pa rnams kyis yang gsol pa/ bcom ldan 'das de bzhin gshegs pa kun tu bzang po/ tshogs kyi bdag po dang rgyan rang bzhin gyis grub par gnas pa mchis sam ma mchis/ zhes gsol pa dang / bcom ldan 'das kyis ba ka' stsal pa// yid kyi bsam pa yon bdag ste// blta bslu pa'i stobs ni bkram pa'o// mthong bar gyur pa dngos gyur la// de ni mnyam gzhag rdzogs pa'o// yud tsam bzung bas sbyor ba yin// dga' bar gyur pas dam chog ste// thabs kyi gar bstabs bskyod pa yis// gnyis med sbyor bas phul ba yin// ces

  23. 94a

    bka' stsal to// tshogs kyi bdag po dang rgyan rang bzhin gyis lhun gyis grub par bstan pa'i le'u ste nyi shu bdun pa'o// / / 'khor gyi de bzhin gshegs pa rnams kyis yang gsol pa/ bcom ldan 'das de bzhin gshegs pa kun tu bzang po/ gtor ma la sogs pa'i las rgya mtsho la mnyam par gzhag pas grub pa mchis sam ma mchis/ zhes gsol pa dang / bcom ldan 'das kyis bka' stsal pa/ mi gzung gtong bas gtor ma yin// bya ba med pas las rnams zin// mi rtog ye shes bgegs bsal nas// mi gsung mnyam bzhag sngags chog go/ zhes bka' stsal to// gtor ma la sogs pa'i las rgya mtsho bya mi dgos par mnyam par bzhag pas 'grub par bstan pa'i le'u ste nyi shu brgyad pa'o// / / yang 'khor gyi de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang po gtor ma la sogs pa'i las byas pas nyon mongs par 'gyur ba mchis sam ma mchis/ zhes gsol pa dang / bcom ldan 'das kyis bka' stsal

  24. 94b

    pabla ma mchod dang gtong ba dang // de bzhin bsod nams thams cad dang // ma chags mi g.yo'i sems med na// byas na 'ching ba chen por 'gyur/ ta zhes bka' stsal to// gtor ma la sogs pa'i las byas na nyon mongs 'ching ba chen por bstan pa'i le'u ste nyi shu dgu pa'o// / / yang 'khor gyi de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang po/ rang bzhin lhun gyis grub pa lags sam/ zhes gsol pa dang / bcom ldan 'das kyis bka' stsal pa/ de la de byar sgrib par 'gyur// ji ltar de la de rtogs na// de la de nyid grub pa med// ces bka' stsal to// rang bzhin lhun gyis gnas pa'i le'u ste sum cu pa'o// / / 'khor gyi de bzhin gshegs pa rnams kyis yang gsol pa/ bcom ldan 'das de bzhin gshegs pa kun tu bzang po/ rang bzhin gyis lhun gyis grub pa mi 'gyur bar gnas pa'i don ji ltar 'gyur ba lags/ bcom ldan 'das kyis bka' stsal pa/ lhag ma med pas yongs su rdzogs//

  25. 95a

    'gyur ba ma yin drang por gnas// nam mkha' bzhin du mnyam 'gyur zhing // gzhan las stobs 'gyur chos ma yin// mtshungs pa med pa'i ye shes kyi// lhun gyis gnas pa'i bde chen de// rang gi mthu yis rig pa las// chos ni gzhan nas 'byung mi 'gyur// sla zhing dka' la sla phyir dka'// mngon sum mi gnas kun tu khyab// mngon sum 'di zhes brtan par ni// rdo rje sems dpas mtshon du med// ces bka' stsal to// chos nyid kun tu mi 'gyur/ bar bstan pa'i le'u ste sum cu gcig pa'o// // 'khor gyi de bzhin gshegs pa rnams kyi sa yang gsol pa/ bcom ldan 'das de bzhin gshegs pa kun tu bzang po/ rnam par rtog pa'i dga' ba la chags na skyon du 'gyur ba mchis lags sam/ zhes gsol pa dang / bcom ldan 'das kyis bka' stsal pa/ ngo mtshar rmad byung rol pa 'di// bya bral nam mkha' ji bzhin te// cir yang mi dmigs gti mug las// de ma thag tu rang las 'byung // 'di ni sems can mtshungs pa'i lam// 'gro ba kun la rang bzhin gnas// byis pas bslad pa'i 'khrul pa'i phyir// sman nyid sman pa 'chol ba bzhin// zhes bka'

  26. 95b

    sul to// ternam par rtog pa'i dga' ba la chags na/ skyon du 'gyur bar bstan pa'i le'u ste sum cu gnyis pa'o// / yang 'khor gyi de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang po/ ma 'ongs pa'i rnal 'byor pa rnams kyis rdzogs pa chen po don nyams su ji ltar blang bar bgyi/ zhes gsol pa dang / bcom ldan 'das kyis bka' stsal pa/ 'khor gyi de bzhin gshegs pa rnams nyon cig/ ma 'odra// pabapa'i rnal 'byor pas rdzogs pa chen po'i don nyams su 'di ltar blang bar bya'o// rdzogs pa chen po'i don ni/ rgyu dang / rkyen dang / 'bras bu gang la yang mi ltos te/ ta ye nas lhun gyis grub pa'i chos nyi de la// ma btsal ma yengs par ni gnas par bya'o// de nyid mngon du gyur pa sangs rgyas yin// rdzogs pa chen po'i rang bzhin ni// ci yang mi dmigs gti mug chen po la// ma yengs btang snyoms tshon por gnas pa las// de ma thag tu sangs rgyas rang las 'byung / yul du snang ba med pa'i chos nyid la// blo yis btsal du med de rtsol sems med// de yi ngang la ma yengs yun rings mnos// de nyid 'bras

  27. 96a

    bya chos kyi sku// bsam med brdal ba'i ngang nyid la// ye shes gdeng du ma bsags mnyam gzhag na// sbyangs pa med pa'i 'bras bu lhun gyis grub// ma bongs pa'i rnal 'byor pas rdzogs pa chen po'i don nyams su blang bar bstan pa'i le'u ste sum cu gsum pa'o// / rdo rje sems dpa' nam mkha' che'i rgyud rdzogs so// rgya gar skad du/ bo d+hi tsit+ta ma hA san d+hi kha sa me a lang ka ra tan tra rA dza nA ma/ bod skad du/ byang chub kyi sems rdzogs pa chen po mkha' mnyam klong gi rgyud kyi rgyal po zhes bya ba/ bcom ldan 'das dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ de bzhin gshegs pa dgra bcom pa yang dag par rdzogs pa'i sangs rgyas bcom ldan 'das gsang ba'i longs spyod mnga' mdzad cing mi phyed pa chen po/ chos thams cad dang gnyis su med par bzhugs pa/ nam mkha'i mtha' klas par longs spyod pa/ sku gsung thugs kyi gsang ba rdo rje ltar rnam par bsgyings pa/ khams gsum pa bde ba chen po'i gling du shar bar mkhyen pa/ rnam pa tha