'phags pa yongs su mya ngan las 'das pa chen po'i mdo
Text
ff. 193b–196b · 6 folio sides
- 193b
dgas kyi rgya mtsho las nges par bsgral ba'i phyir/ sbyin pa'i pha rol phyin pa bsngags par yang mdzad la/ gsol bar yang mi mdzad do// de bzhin gshegs pa lo drag gi bar du bka' ba sprad pas/ nyam chung bar gyur te zhes/ sangs rgyas la sems can thams cad dang 'dra bar blta bar mi bya'o// 'dod pa'i chu bo las rgal ba de dag ni rten pa yin te/ dpa' bo de dag ni mi'i yul la spod pa ma yin no// de bzhin du 'di nyan thos rnams kyi stobs dang / spyod yul yang bsam gyis mi khyab po// sems can thams cad zas la rten/ ces bya ba yang lhag ma yod pa'i don yin par shes par bya'o// ser sna med pa thams cad g.yo ba yin zhes bya ba de yang lhag ma yod pa'i don yin te/ bdag la ser na byed pa mi g.yo ba'i bde bar 'gro ba dam pa 'ga' yang yod do// thams cad zas kyi nyes pas nad du 'gyur/ zhes bya ba de yang lhag ma yod pa'i don yin te// tsher mas zug pa logs pa'i nad blo bur ba dag kyang yod do// chos spyod pa rnams dang 'gogs pa thams cad bde zhes bya ba de yang lhag ma yod pa'i yin te/ 'jig rten pa thams cad la yang chos 'dzin pa rnams dang / 'tshams med pa'i chos rnam pa mang po dag yod de/ de dag la yang bya ba sna tshogs yod mod kyi smang ba rnam pa sna tshogs can lus nyon mongs pa de dag dang / gal te la la zhig 'grogs par gyur na/ ci'i bde ba ston par 'gyur ram/ de lta na ni don dang 'gal bar 'gyur ro// de bas na sangs rgyas ni rgyu
- 194a
med par don dang / 'gal ba ston par mi mdzad de/ 'dul bar bya ba'i dbang gis/ rgyu dang bcas/ rkyen dang bcas par ston par shes par gyis shig/ 'jig rten las 'das pa'i chos ni mchog tu bde ba yin no// tshigs su bcad pa 'di ni/ grong khyer gyen du rgyal zhes bya ba'i bram ze lug dpal zhes bya ba las brtsams nas/ bstan pa yin te/ bram ze lug dpal zhag bzhi pa'i bsnyung ba byed cing de'i thad du 'ongs nas sangs de'i zhag bzhi pa'i smang ba'i lta ba bsal ba'i phyir/ sems can thams cad zas la rten/ ces bya ba'i tshigasu bcad pa 'di bstan te// de nas bcom ldan 'das la byang chub sems dpa' sems dpa' chen po 'od srung dang rus gcig pas 'di skad ces gsol to// bcom ldan 'das thams cad ma lus pa ji lta bu lags so// thams cad ces bya ba yang ji lta bu lags/ bka' stsal pa/ ma lus pa'i don ni dge ba'i chos thams cad rtag pa/ bde ba zhes bya ba lta bu'o// de ltar na kha cig ni lhag ma yod pa'o// kha cig ni lhag ma med pa yin par chos 'dod pa'i rigs kyi bus rigs par bya'o// gsol pa/ kye ma de bzhin gshegs pa ni sems can thams cad la sgra gcan zin bzhin du gzigs pa lags te/ bdag shin tu rang lags so/ bka' stsal pa/ rigs kyi bu legs so leg so// de ltar cha phra bar rtag dgos so// gsol pa/ bcom ldan 'das da ni yongs su mya ngan las 'das pa chen po'i mdo chen
- 194b
po'i bsod nams ji ltar skyes bka' stsal du gsol/ bka' stsal pa/ sangs rgyas kyi yul 'di ni bsam gyis mi khyab pa'i phyir/ nyan thos dang / rang sangs rgyas thams/ cad kyis kyang / mdo sde 'di'i ming yang tshig tsam yang mnyan pa rnams la brjod par mi nus so// de nas bcom ldan 'das la lhag dang mi dang lha ma yin rnams kyis tshig mthun par tshigasu bcad gsol pa/ sangs rgyas bsam yas chos gsungs pa// chos dang dge 'dun rtag tu khyed la rten// de'i phyir dge slong 'od srung kun dga' ba'o// ma mchis du mtshon po bzhi nas par gsol// pe de ha ras rgyal po ma skyes sgra// khyod kyi 'dza' mchog thugs 'dra che ba dang // da dung ma mchis mthar thug khyod ma gshegs// kun mkhyen khyod kyis bdag cag the tsom chod// de nas bcom ldan 'das kyis de dag la 'di skad ces bka' stsal to// nga'i sras mchog mthu bo 'od srungs dang // blo ldan kun dga' bo khyod kyis the tsom gcod// khyod kyi nga'i zhal ltos rtag pa dang / mi rtag shes byos mya ngan ma byed cig/ de nas 'khor de dag thams cad kyis bcom ldan 'das la mchod pa byas te/ bla na med pa yang dag par rdzogs pa'i byang chub tu smon lam btab nas/ der sems can gang ga'i klung stong phrag dkrig snyed kyi bye ma'i grangs snyed kyis sems bskyed nas/ byang chub sems dpa'i sa dang po'i gnas thob po// de nas bcom ldan 'das kyi 'jam dpal gzhon nur gyur pa dang / bram ze che zhing mtho ba 'od srungs chen po dang rus cig
- 195a
pa la bka' stsal pa/ mgar ba'i bu tsun da byang chub tu dbang bskur nas/ byang chub sems dpa' de gsum la bka' stsal pa/ rigs kyi bu dag bag yod pa gyis shig/ bag yod par gyis shig/ nga sked pa'i drag pos btab ste/ gzhon nur dag ngare shig thabs kyi nang du nyal bar 'dod kyis nyal du chug cig/ 'jam dpal khyod kyis 'khor thams cad la chos ston cig/ seng ge'i sgra sgrogs shig/ gnas rten 'od srung chen po dang / kun dga' bo// gnyis ma 'ongs kyi bar du ngas khyod la bstan pa 'di gtad kyi/ nam 'ongs pa na de nyid la gtod cig/ de skad ces bka' stsal na/ bco ldan 'das gdul bar bya ba'i dbang gi nad pa'i tshul du bzhugs par bstan te gzims khang log su gzur gyis gzig so// yongasu mya ngan las 'das pa chen po'i mdo chen po dam pa'i chos gsung rab thams cad kyi snying por gyur pa/ rgyud phyi ma lta bu rtogs par dka' ba'i chos kyi 'byung gnas/ gcig tu de bzhin gshegs pa'i snying po ston pa'i sras/ le'u khri lnga stong yod pa las lha dang / mi dang / lha ma yin dang / mi'i ci dang rig sngags 'chang dang / srin po la sogs pa 'dus pa zhus pa 'bye ba'i le'u rdzog s+ho// rgya gar gyi mkhan po dzi na mi tra dang / dz+nyA na gar+b+ha dang / zhu chen gyi lo ts+tsha ba ban de de ba can tra las bsgyur te gtan la phab pa/ sh+lau kha gsuM stong brgyad rgya bzhug so/
- 196a
yongs su mya ngan las 'das pa chen po'i mdo chung ngu bzhugs lags s+ho//
- 196b
@##/ rgya gar skad du/ ma hA pa ri ni ri ba na sU tra/ bod skad du/ 'phags pa yongs su mya ngan las 'dra pa chen po'i mdo// sangs rgyas dang bang chub sems dpa' thams cad la bag 'tshal lo// 'di skad bdag gi tho ba'i dus cig na// bcom ldan 'das ku sha'i grong khyer gyod kyi nye 'khor shing sa la zung gi tsha lo na/ dge slong nyis brgya lnga bcu'i dge slong gi dge 'dun chen po dang thabs cig tu bzhugs te/ de phyi ma'i dus dang nye bar gyur pa na/ de'i tshe bcom ldan 'das kyis tshe dang ldan pa kun dga' bo la bka' stsal pa/ kun dga' bo de yongs su ma dran las 'das nas lo brgya phrag dang po la ni bstan pa la chos la bla maM mar byed par 'gyur ro// de'i nyan thos rnams kyang chos kyi kun dga' ba dang ldan par gnas par 'gyur zhing shes pa la mkhas pa dang / shes rab dam pa dang ldan pa'i rang bzhin du 'gyur ro// kun dga' bo yang de'i tshe na rgyal po ma ngan med
Colophon
no scan for vol 63