S280MW22083_0280mdo sdeAll versions of this work

'phags pa dam pa'i chos dran pa nye bar gzhag pa

Āryasaddharmasmṛdtyupasthāna

Text

ff. 1b–416a · 1,584 folio sides

This work spans more than one volume. Folios from its first and last volumes are shown.

  1. 1b

    rgya gar skad du.Ar+ya sad d+harma smad t+yu bas+thAn/ bod skad du/ 'phags pa/ dam pa'i chos dran pa nye bar bzhag pa/ / // bam po dang po/ sangs rgyas dang /

  2. 2a

    bya// byang chub sems dpa' dang / rang sangs rgyas dang / 'phags pa thos thams cad la phyag 'tshal lo/ / 'di skad 'dug+sa gis thos byu gcig na/ bcom ldan 'das rgyal po'i khab na/ na la ta'i grong gi bram ze'i grong na bzhugs so/ / de'i tshe na tshe dang ldan pa shA ra dA ti'i bu dge slong rab tu mang po dag dang

  3. 2b

    lhan cig tu snga dro'i dus kyi tshe/ rgyal po'i khab tu bsod snyoms kyi phyir dong ngo // de'i tshe dge slong rab tu mang po dag bsod snyoms kyi phyir rgyu ba na/ gzhan mu stegs can spyod pa pa kun tu rgyu ba dag ga la ba der dong ste/ gzhan mu stegs can spyod pa pa kun tu rgyu ba dag dang lhan cig tu yang dag par dga' bar 'gyur ba dang / yang dag par mgu bar 'gyur ba'i chos kyi gtam byas nas/ gzhan mu stegs can spod pa pa kun tu rgyu ba dag gis dris pa/ kye shAkya pa dag khyed cag gi dge sbyong go'u ta ma lus kyi chad pa mi dge ba/ mi 'dod pa/ mi sdug pa/ yid du mi 'ong ba ston cing / gzhan dag gi la yang rjes su yi rang bar mi byed pa bden nam/ nged cag kyang lus kyi chad pa mi 'dod pa/ mi sdug pa/

  4. 3a

    yid du mi 'ong ba ston cing / gzhan dag gi la yang rjes su yi rang bar mi byed do// kye khyed cag gi dge sbyong go'u ta ma ngag gi chad pa mi 'dod pa/ mi sdug pa/ yid du mi 'ong ba ston cing / gzhan dag gi la yang rjes su yi rang bar mi byed/ nged cag kyang ngag gi chad pa mi 'dod pa/ mi sdug pa/ yid du mi 'ong ba ston cing / gzhan dag gi la yang rjes su yi rang bar mi byed do// khyed cag gi dge sbyong go'u ta ma yid kyi chad pa mi 'dod/ pa mi sdug pa/ yid du mi 'ong ba ston cing / gzhan dag gi la yang rjes su yi rang bar mi byed/ nged kyang yid kyi chad pa mi 'dod pa/ mi sdug pa yid du mi 'ong ba ston cing / gzhan dag gi la yang rjes su yi rang bar mi byed na/ khyed cag gi dge sbyong go'u ta ma'i chos 'dul ba dang / nged kyi tha dad du bya ba ci yod/ bsam pa ni ci yod/ khyad par ni ci yod/ gang gis na dge sbyong go'u ta ma'i chos 'dul ba ni nged kyi las khyad par du

  5. 3b

    'phag sa/ dge slong go'u ta ma de ni thams cad mkhyen pa yin no zhes bdag nyid sgrogs/ gzhan mu stegs can spyod pa pa kun tu rgyu ba dag gis de skad dris pa dang / dge slong gsar du rab tu byung ba dag tshe dang ldan pa shA ra dwa ti'i bu dang bral bas rjes su yi rang bar yang mi byed/ lan yang ma btab bo// de nas dge slong rab tu mang po tshe dang ldan pa shA ra dwa ti'i bu dang bral ba dag bsod// snyoms kyi bya ba byas nas/ na la ta'i grong gang na ba der dong ste phyin nas/ dge slong rab tu mang po dag zas kyi bya ba byas nas 'khod do// de nas tshe dang ldan pa shA ra dwa ti'i bu phyi zhig nas bsod snyoms blangs te/ na la ta'i grong ga la ba der dong ngo // de nas dge slong rab tu mang po tshe dang ldan pa shA ra dwa ti'i bu ga la ba der dong ste phyin nas/ dge slong rab tu mang po dag gis/ tshe dang ldan pa shA ra dwa ti'i bu la bsnyad do// de nas tshe dang ldan pa shA ra dwa ti'i bus/ dge slong rab tu mang po dag la 'di skad ces smras so// gal te bdag tshe dang ldan pa khyed dang lhan cig rgyal po'i khab kyi lam srang dang / bzhi mdo dang / sum mdo gcig tu rim gyis dong ba las/ gzhan mu stegs can spyod pa pa kun tu rgyu ba rnams dang phrad par gyur na ni/ des na bdag gis gzhan mu stegs can spyod pa pa kun tu rgyu ba de dag chos dang mthun pas tshar bcad zin pa zhig na/ kye ma bdag cag la ma srang dang / bzhi mdo dang / sum mdo gzhan nas bsod snyoms la

  6. 4a

    rgyu rgyu nas/ 'dir phyin te/ gang tshe dang ldan pa dag gzhan mu stegs can spyod pa pa kun tu rgyu ba rnams dang lhan cig gtam byas pa'i 'dri ba'i tshul de ni bdag gis tshor yang ma/ tshor ro// tshe dang ldan pa dag bcom ldan 'das kun tu spyan mnga' ba/ thams cad mngon sum pa la sa dang / 'bras bu dang / rnam par smin pa mkhyen pa de ha cang mi ring ba zhig na mu stegs kyi lta ba can thams cad zil gyis mnan nas/ nyan thos dang / dge bsnyen dang / lha dang / mi rnams la las dang 'bras bu rnam par smin pa'i chos ston gyis/ khyed de la zhus shig dang / de yang las dang / 'bras bu dang / rnam par smin pa thams cad ston par mdzad de/ gang lha dang bcas pa/ bdud dang bcas pa/ tshangs pa dang bcas pa/ dge sbyong dang bram zer bcas pa'i skye dgu dag gis ma mthong ba de khyod la ston par mdzad cing / gang bdag cag gi mngon sum du ma gyur pa de yang khyed la bcom ldan 'das shin tu mngon du gyur pa/ las dang 'bras bu rnam par smin pa mkhyen pa ston par mdzad do/ / de nas dge slong rab tu mang po dag bcom ldan 'das ga la ba der dong ngo // de nas dge slong dag gis bcom ldan 'das nyin mo'i gnas pas bzhugs pa ri rab ltar rang gi 'od kyi dra bas mngon par 'bar ba/ nyin mo'i nyi ma ltar snang bas rab tu gsal ba/ mtshan mo'i zla ba ltar zhi bas rab tu sim par mdzad pa/ mtsho ltar shin tu gsal

  7. 4b

    pa/ rgya mtsho ltar zab pa/ ri rab ltar mi g.yo ba/ seng ge ltar dpa' ba/ pha ma ltar 'byung po thams cad kyi skyabs su gyur pa/ thugs rje chen pos brlan pa'i thugs/ sems can thams cad kyi gnyen gcig par gyur pa/ byams pa dang / snying rje dang / dga' ba dang / btang snyoms kyi rten du gyur pa/ byang chub kyi phyogs kyi chos sum cu rtsa bdun gyis sku brgyan pa/ rab tu dang bas lus can thams cad kyi mig mgu bar mdzad pa/ zla ba dang nyi ma'i 'od zil gyis gnon pa/ shAkya'i rgyal po'i sras kun tu spun mnga' ba/ spyan dri ma gsum dang bral ba/ bden pa gnyis gsung ba/ sdug bsngal gnyis mkhyen pa/ bsgom pa gnyis bsgoms shing mngon sum du mdzad pa/ lam gyi 'bras bu mngon du mdzad pa/ 'gog pa'i de nyid mkhyen pa/ khams gsum mngon sum du mdzad pa'i spyan mnga' ba/ khams gsum gzhan yang dag par ston pa/ khams bco brgyad kyi de bzhin nyid mkhyen pa/ mos pa yid la byed pa'i de nyid mkhyen ga/ yon tan gyi glu rang gi yon tan bco brgyad dang ldan pa/ srid pa'i'i ching ba las rnam par grol ba/ stobs bcu dang ldan pa/ bsnyengs pa mi mnga' ba bzhis mi bsnyengs pa/ thugs rje chen po dang ldan pa/ dran pa nye bar gzhag pa gsum dang rtag tu ldan pa de mthong ngo // de nas dge slong rab tu mang po dag chos gos phrag pa gcig la gzar nas/ pus mo g.yas pa'i lhangs

  8. 5a

    la btsugs te/ bcom ldan 'das kyi zhabs la mgo bos phyag 'tshal nas/ dul bas mgo btud de phyogs gcig tu 'khod do// de nas dge slong rab tu mang po dag gis/ dge slong gcig cig bsgo ba dang / bcom ldan 'das ga la ba der shin tu nye bar phyin nas/ yang de bzhin du bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ / bcom ldan 'das 'dir bdag snga dro'i dus su lhung bzed dang chos gos 'tshal nas/ rgyal po'i khab tu bsod snyoms la mchi mchi na zhes bya ba snga ma bzhin te/ gzhan mu stegs can spyod pa pa kun tu rgyu ba rnams dang lhan cig lus kyi chad pa dang / ngag gi chad pa dang / yid kyi chad pa sngon du 'gro ba'i gtam 'dri ba'i bar snga ma bzhin te/ de dag bcom ldan 'das la gsol to/ / de nas bcom ldan 'das kyis/ de'i tshe dge slong de dag dang / na la ta'i grong gi bram ze la sogs pa la 'di skad ces bka' stsal to// dge slong dag khyed cag la chos bshad par bya ba 'di lta ste/ dam pa'i chos dran pa nye bar gzhag pa zhes bya ba'i chos kyi rnam grangs thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ tshangs par spyod pa yang dag par rab tu bstan par byas/

  9. 5b

    de legs par rab tu nyon la yid la zung zhig dang ngas bshad par bya'o// bcom ldan 'das de ltar 'tshal lo zhes gsol te/ dge slong de dag bcom ldan 'das la nyan pa dang / bcom ldan 'das kyis de dag la 'di skad ces bka' stsal to/ / dge slong dag dam pa'i chos dran pa nye bar gzhag pa zhes bya ba'i chos kyi rnam grangs de gang yin zhe na/ 'di lta ste/ chos la yang chos nyid du/ chos ma yin pa la yang chos ma yin pa nyid du mthong ba de/ dran pa rtag tu nye bar gnas par 'gyur zhing / 'di la the tshom yang mi skye/ chos nyan pa la mngon par dga' bar yang 'gyur/ rgan rabs la yang ri mo byed do// de ni lus kyi las dang / ngag gi las dang / yid kyi las gsum gyi las kyi 'bras bu dang / 'chi ba dang skye ba'i rnam par smin pa shes par 'gyur te/ lta ba log pa ma yin zhing gzhan gyis kha mi phyin par 'gyur ro// dge slong dag de la lus kyi chad pa rnam pa gsum ste/ srog gcod pa dang / ma byin par len pa dang / 'dod pas log par g.yem pa'o/ / de la srog gcod pa ji lta bu yin zhe na/ sems can pha rol la sems can du 'du shes shing / bsams bzhin du srog chags bsad de/ srog dang bral bar byas pa yin no/ / de yang rnam pa gsum ste/ chen po dang / 'bring dang / tha ma'o// de la chen po ni dgra bcom pa la sogs pa bsad pa ste/ mnar med par 'gro ba'o// 'bring ni

  10. 6a

    lam la gnas pa bsad pa'o/ / tha ma ni dud 'gro dang / tshul khrims 'chal pa spyad pa bsad pa'o// yang rnam pa gsum ste/ 'das pa dang / ma 'ongs pa dang / da ltar byung ba'i'o// yang rnam pa gsum ste/ 'dod chags kyis byas pa dang / zhe sdang giso byas pa dang / gti mug gis byas pa'o// de la 'dod chags kyis byas pa ni/ ri dgas la sogs pa la'o// zhe sdang gis byas pa ni sbrul dang / ne'u la la sogs pa'o// gti mug gis byas pa ni mchod sbyin la sogs pa na'o// yang rnam pa gsum ste/ rang gis byas pa dang / gzhan gyis bcol ba dang / gnyis kas byas pa'o// rgyu lngas srog gcod pa byas kyang / kha na ma tho bas gos par mi 'gyur te/ 'di lta ste/ lam du 'gro bar zhugs pa mi shes pas srog chags phra mo dang / grog sbur la sogs pa srog dang bral bar byed pa dang / gzhan la mtshon chagazas pa las bsams pa dang mi ldan par gzhan la phog ste/ de srog dang bral ba dang / nad pa la sman pa phan par 'dod pa des nyes par ma mthong ste/ sman byin pa las de shi ba dang / de bzhin du mas bu gdul bar bya ba'i phyir brdegs pa las de srog dang bral ba dang / me 'bar ba'i nang du srog chags mi 'dod bzhin du lhung ba ste/ rgyu rnam pa de lngas srog bcad par gyur kyang gos par mi 'gyur ro// yang srog gcod pa rnam pa gsum ste/ gzhan la bsgo ba dang /

  11. 6b

    bdag nyid byed pa dang / gnyis kas byed pa'o// gzhan yang ma byin par len pa rdzogs pa ji lta bu yin zhe na/ rnal 'byor spyod pa chos la chos kyi rjes su lta zhing gnas pa des thos pa las byung ba'i shes pa'am/ lha'i mig gis mthong ste/ pha rol gyis yongs su bzung ba la bdag gir bya ba'i bsam pas/ rku bar byed pa 'di ni ma byin par len pa rdzogs pa yin no// 'bras bu chung ba ji lta bu yin zhe na/ 'di lta ste/ rgyal po'i chad pas nyen pa dang / bla ma'i don dang / pha ma dang / nad pa dang / rang sangs rgyas dang / dgra bcom pa dang / phyir mi 'ong ba dang / rgyun du zhugs pa la sogs pa dang / nad pa dang / ltogs pa de dag gi don du ma byin par blangs pa 'di ni 'bras bu chung ba yin no// ma byin par len pa'i sdom pa ma blangs pas ma byin par len pa 'di ni rnam par smin pa chung ba yin no/ / gzhan yang 'bras bu chung bar 'gyur ba ni ma byin par len pa byas nas/ sems kyis 'chags par mi byed/ 'gyod la phyir zhing mi byed/ pha rol yang ma byin par len pa las phyir zlog par byed/ sdom pa'i lung yang 'bog par byed/ lam la yang 'jog par byed/ ma byin par len pa spong ba dag la 'jog par byed cing / las kyi nyer bsdogs dang // las kyi mjug mi byed pa'o// ma byin par len pa'i las kyi nyer bsdogs ji lta bu yin zhe na/ 'di la ma byin par len pa pos pha rol la g.yo sgyu byed cing / gsang thabs su smra ba dang / 'jal

  12. 7a

    lugs la g.yo byed pa dang / mi rigs pa'i las lhag par spyod pa rnam pa 'di dag ni las kyi nyer bsdogs yin no// las ji lta bu yin zhe na/ gang gi tshe pha rol gyis// yongs su bzung ba'i rdzas kyi rnam pa ma byin par len pa 'di ni las yin no// las kyi mjug ji lta bu yin zhe na/ 'di la byas na rjes su yi rang bar byed cing / goms par byed la mang du byas te/ rjes su yi rang ba kun tu 'chab par byed// tshul khrims dang ldan pa gzhan ma byin par len pa la rab tu 'jog par byed pa 'di ni las kyi mjug yin no// rnam pa 'di gsum gyis ma byin par len pa'i las kyi nyer bsdogs dang / mjug dang bral bar ma byin par len pa'i chad pa'i 'bras bu chung bar gyur te/ myong bar 'gyur bar nges pa ma yin no// gzhan yang 'dod pas log pa// yem pa ji lta bu yin zhe na/ rnal 'byor spyod pa chos la chos kyi rjes su lta bas mthong ste/ 'di la 'dod pas log par g.yem pa kun tu spyod pa ni rang gi chung ma 'am/ gzhan gyi chung ma dag gi skye gnas ma yin par 'jug par byed/ gzhan byed pa la yang rjes su yi rang bar byed/ mi byed pa yang thabs kyis byed du 'jug pa 'di ni 'dod pas log par g.yem pa zhes bya'o// 'dod pas log par g.yem pa'i 'bras bu chung bar 'gyur ba ji lta bu yin zhe na/ 'di la byas nas 'gyod cing 'chags te/ rjes su yi rang bar mi byed/ gzhan 'dod pas log par g.yem pa yang phyir zlog

  13. 7b

    par byed/ lam la 'jog par byed/ las kyi nyer bsdogs dang / las kyi mjug dang bral ba'i sems yin zhing / tshul khrims dang ldan pa yin te/ 'di ni 'dod pas log par g.yem pa'i 'bras bu chung bar 'gyur zhing / myong bar 'gyur ba ma nges pa yin no// lus kyi chad pa rnam pa gsum po de dag ni 'bras bu chung ba dang / 'bras bu zhan par 'gyur ro// de dag ni nga'i nyan thos sam/ nga las thos nas las dang 'bras bu rnam par smin pa shes shing / gzhan gyis kha drang du mi rung ba/ gzhan la rag ma las pa/ ma gtogs pa/ gzhan mu stegs can spyod pa pa kun tu rgyu ba rnams sam/ lha dang bcas pa'i 'jig rten nam/ bdud dang bcas pa'am/ tshangs pa dang bcas pa 'am/ dge sbyong dang bram zer bcas pa'i skye dgu 'am/ lha dang // mi dang / lha ma yin du bcas pas rtogs pa'i yul ma yin no// gzhan yang ngag gi chad pa lci ba ji lta bu yin zhe na/ rnal 'byor spyod pa chos dang / las dang / rnam par smin pa shes pa yin te/ ngag gi chad pa rnam pa bzhi la 'di lta ste/ brdzun dang / phra ma dang / tshig rtsub po dang / tshig bkyal pa dang bzhi'o// de la brdzun gang zhe na/ bdag nyid la bdag nyid slu zhing / gzhan yang slu ba yin te/ smras pa'i tshe/ rgyal po 'am/ blon po'i mngon sum du gzhan la gnod pa 'am/ 'phrog par byed pa log pas bskyed pa'i brdzun gyi skyon rab tu 'jug pa 'di

  14. 8a

    ni brdzun du smra ba/ ngag gi chad pa rdzogs pa yin te/ sems can dmyal ba myong bar 'gyur ba yin no// gzhan yang ngag gi chad pa phra ma zhes bya ba ni/ don gcig la mthun par zhugs pa rnams la dbyen bya ba'i bsam pas tshig rjod par byed pa 'di ni/ phra ma'i ngag gi chad pa yin no// phra ma'i 'bras bu chung ba ji lta bu yin zhe na/ bdag gti mug gis ngan pa byas so zhes 'chags par byed/ gzhan phra ma la mngon par dga' ba zlog par byed/ lam la yang dag par 'jog par byed la/ las kyi nyer bsdogs dang / las kyi mjug mi byed pa yinano/ / ! rdzogs rnaMs su yin ne// 'di la rnam la mngon pa dga'ab/ rgyun mongs brgyags pa sa mngon pa sgrugs pa tshogs gzhan du brtags nas/ 'a ba 'di ni las kyi nyer bsdogs yin no/ / phra ma'i las kyi lam dang yang dag par rab tu ldan pa ji lta bu yin zhe na/ 'di la sdang ba'i sems kyis yang dang yang du gzhan 'byed la/ rjes su yi rang zhing kun dga' bar byed pa 'di ni phra ma'i las kyi lam dang yang dag par ldan pa yin no/ / las kyi mjug dang bcas pa ji lta bu yin zhe na/ 'di la phra ma byas nas/ rjes su yi rang bar byed/ phyir zhing byed byed pa la rjes su yi rang bar byed/ yid kyis kun tu rtog par byed/ de nyid la mngon par dga' bar byed/ ngang tshul gzhan du mi byed pa yin/ sdang ba'i sems yin//

  15. 8b

    gzhan dag gis btsal btsal cing yid ches pa'i gnas su mi 'gyur ba yin/ smad pa yin/ ngo tsha bar mi byed pa yin/ khrel med la bdag nyid la smod par mi byed pa 'di ni phra ma'i chad pa yin/ no// gzhan yang tshig rtsub mo'i chad pa ji lta bu yin zhe na/ rnal 'byor spyod pa chos dang / las dang / kun 'byung ba mthong ba des thos pa las byung ba'i shes pas mthong ste/ 'di ni tshig rtsub pos bdag dung bar byed cing / yid du mi 'ong ba rna bar thos la/ glags skyed par byed/ de gzhan la gnas te/ mkhyud pa dang / 'chags pa dang / dgod pa dang / khro ba'i bsam pas rnam par smin pa du ma rnam pa du ma'o// de la tshig rtsub po chen pos ni sems can dmyal ba'i tshor ba myong bar 'gyur/ tshig rtsub po 'chags pa ni myong bar 'gyur bar madre pa yin te/ 'di dag ni ngag gi chad pa gsum pa yin no// las kyi nyer bsdogs dang / las kyi mjug dang yang dag par ldan pa zhes bya ba ni snga ma bzhin no// gzhan yang ngag gi chad pa bzhi pa ji lta bu yin zhe na/ rnal 'byor spyod pa las dang / chos dang / rnam par smin pa'i rnam pa du ma shes pa yin te/ tshig bkyal ba zhes bya ba snga phyi 'brel pa med pa'i tshig bkyal pa snga ma dang phyi mar mi sbyor ba yin te/ myong bar 'gyur bar ma nges shing / kha na ma tho ba mi mang ba yin pa 'di ni ngag gi chad pa bzhi pa yin no// gzhan yang yid kyi chad pa ji lta bu yin/

  16. 9a

    rnam pa ni du zhig yod ce na/ rnal 'byor spyod pa las dang / chos dang / rnam par smin pa la rjes su lta ba des/ thos pa las byung ba'i shes pas yid kyi chad pa/ rnam pa gsum mthong ste/ 'di lta ste/ brdab sems ni gzhan gyi 'byor pa mthong nas shin tu rtog par byed/ sems kyis 'dod par byed/ rdzas 'don bdag gir bya'o snyam ste/ brnab sems 'di ni yid kyi chad pa dang po yin no// gzhan yang yid kyi chad par 'gyur ba ni/ pha rol gyi phun sum tshogs pa mthong nas/ yid rab tu sdang ba gnod sems te/ yid kyi chad pa gnyis pa yin no/ / gzhan yang yid kyi chad pa gsum pa ni/ log par lta bas phyin ci log tu mthong ba log par lta ba'i chad pa'o// de yang rnam pa gnyis te/ yod pa 'jig pa dang / log par shes pa'o// de la yod pa 'jig pa ni/ 'di ltar sbyin pa med/ sbyin sreg med/ mchod sbyin med/ legs par byas pa dang / nyes par byas pa dag gi las kyi 'bras bu rnam par smin pa med do zhes bya bar rgya cher sbyar ro/ / log par shes pa zhes bya ba ni bde ba dang / sdug bsngal gang yin pa de ni lhas byas kyis/ las kyi 'bras bus ni ma byas so zhes zer ba ste/ 'di ni log par lta ba rnam pa gnyis pa yin no// gzhan yang ji ltar na lus dang / ngag dang / yid rnam pa gsum gyi chad pa rnam pa bcu kun tu bsten

  17. 9b

    cing bsgoms te mang du byas na tshe 'di nyid la las kyi 'bras bu myong bar 'gyur bar nges pa dang / shi nas gzhan du skyes na de'i rgyu can gyi las kyi 'bras bu gang yin pa dang / rgyu mthun pa'i 'bras bu ji lta bu yin pa dang / yang 'jig rten 'dir skyes na yang de dag ci 'dra bar 'gyur zhe na/ rnal 'byor spyod pa las dang / chos dang / rnam par smin pa la rjes su lta ba des thos pa las byung ba'i shes pa 'am/ lha'i mig gis mthong ste/ lus kyi srog gcod dang po'o// srog gcod pa kun tu bsten cing bsgoms te mang du byas pas sems can dmyal ba dang / dud 'gro dang / yi dgas kyi yul rnams su skye bar byed do// gal te mi dag dang skal ba mnyam par ma'i nang du skye na tshe thung ba yin no// gal te rngon pa lta bu la chags pas srog gcod pa byas na/ srog gcod pa byas pa de nyams par 'gyur te/ de ri dgas dang / phag dang / sreg pa dang / khyim bya dang / gong ma sreg dang / nya la sogs par gyur// ba na/ rgya 'am/ mchil pas gsod do// 'khor ba na las de lta bu'i rgyus 'brel ba gal te yang mi rnams dang skal ba mnyam par mi'i nang du skyes na de tshe thung bar 'gyur zhing / mkhas pa rnams kyi yul du skye bar mi 'gyur la/ mtshon mang pos 'khrug pa'i yul du myur ba nyid du gsod do// srog gcod pa chung ngu dang / 'bring dang / chen po'i tshogs su bcad pa

  18. 10a

    kha cig mngal dang de bzhin gzhan/ / btsas pa'i khyim dang gzhan dag ni// gog pa tsam dang de bzhin du// gzhan dag yongs su rgyun 'chi// de ltar srog gcod pa ni da ltar gyi tshe la rnam par smin pas dbang du byas pa'i las yin no/ / gzhan yang ma byin par len pa kun tu bsten cing bsgoms te mang du byas pa'i rnam par smin pa gsum pa 'di lta ste/ sems can dmyal ba myong ba dang / tshe 'di dang rgyu mthun pa'i 'bras bu ji lta bu yin zhe na/ rnal 'byor spyod pa las dang / chos dang / rnam par smin pa la rjes su lta ba des thos pa las byung ba'i shes pas mthong ste/ de ltar ma byin par len pa kun tu bsten cing bsgoms te mang du byas pas sems can dmyal ba dang / dud 'gro dang / yi dgas rnams kyi yul du skye bar 'gyur ro/ / gal te mi rnams dang skal ba mnyam par mi'i nang du skyes na yang dbul bar 'gyur te/ longs spyod pasgrubs pa gang dag yod pa de dag rgyal po'i chad pa dang / chu dang / me dang / mtshon dang / chom rkun gyi 'jigs pa dag gis bsags bsags pa dag chud za bar 'gyur/ nams kyang bde bar mi 'gyur te/ 'di ni ma byin par len pa'i chad pa'i 'bras bu rnam pa gsum pa yin no/ / gzhan yang nang gi 'dod pas log par g.yem pa kun tu bsten cing bsgoms te mang du byas pa'i 'bras bu rnam pa gsum pa ji lta bu yin zhe na/ rnal 'byor spyod pa lnga

  19. 10b

    dang / chos dang / rnam par smin pa la rjes su lta ba des/ thos pa las byung ba'i shes pa 'am/ lha'i mig gis mthong ste/ 'dod pas log par g.yem pa kun tu bsten cing bsgoms te mang du byas pas sems can dmyal ba dang / dud 'gro dang / yi dgas rnams kyi yul du skye'o// gal te mir skyes na yang rgyu mthun pa'i 'bras bus de'i chung ma gus pa med par 'gyur/ mtshan gnyis par 'gyur/ 'jig rten pas brnyas par 'gyur ro// 'di ni lus kyi chad pa rnam pa gsum pa'i rnam par smin pa'i 'bras bu rnam pa gsum te/ gzhan mu stegs can spyod pa pa kun tu rgyu ba rnams kyi lus kyi chad pa mi 'dod pa nas/ rgyas par las kyi rnam par smin pa'i bar ni de lta bu ma yin no// de ci'i phyir zhe na/ gti mug dang 'grogs pa bsgoms pa'i sems dang ldan pa gzhan gyis ni nga'i las dang / chos dang / rnam par smin pa gang yin pa 'di mi mthong gi/ 'di ltar nga'i nyan thos dang / nga'i rnal 'byor spyod pa dag gis rjes su mthong ngo // gzhan yang tshig dang ngag gi chad pa ji lta bu yin/ / rnam pa ni du yod ce na/ rnal 'byor spyod pa chos la chos kyi rjes su lta ba des thos pa las byung ba'i shes pas/ ngag gi chad pa rnam pa bzhi mthong ste/ 'di lta ste// brdzun dang / phra ma dang / tshig rtsub po dang / tshig bkyal pa'o// de la brdzun kun tu bsten cing bsgoms te mang du byas pas/ sems can dmyal ba dang / dud 'gro dang / yi dgas kyi skye gnas

  20. 11a

    rnams su skye'o/ / gal te mi rnams dang skal ba mnyam par mi'i nang du skyes na yang sems can thams cad kyis tshig gzung bar mi 'gyur te/ rgyal po'i pho brang 'khor dang khyim bdag gi 'khor dang / rgyal rigs kyi 'khor dang / rang gi bu dang / chung mas kyang tshig gzung bar mi 'gyur/ de'i kha nas dri mnam pa 'byung / so dang / kha dang / mdog dang / pags pa mi sdug par 'gyur/ 'jig rten pa kun gyis kyang log pa'i mngon par spyod pas mngon par sbyor bar 'gyur/ rtag tu 'jigs par yang 'gyur/ de'i mdza' bshes dang / gnyen dang // skye bo snying du sdug pa dag brtan par mi 'gyur/ byed pa bsams pa thams cad 'bras bu med par 'gyur/ don med pa thams cad spyod par 'gyur te/ 'di ni brdzun gyi las kyi 'bras bu mi 'dod pa/ mi sdug pa/ yid du mi 'ong ba yin no// gzhan yang ngag gi chad pa gnyis pa kun tu bsten cing bsgoms te mang du byas pa'i 'bras bu ji lta bu yin zhe na/ rnal 'byor spyod pa chos la chos kyi rjes su lta ba des thos pa las byung ba'i shes pa'am/ lha'i mig gis mthong ste/ phra ma kun tu bsten cing bsgoms te mang du byas pas sems can dmyal ba dang / dud 'gro dang / yi dgas rnams kyi yul du skye'o/ / gal te mi rnams dang skal ba mnyam par mi'i nang du skyes na yang de lkugs par 'gyur/ 'on par 'gyur/ de'i kha nas dri mnam pa 'byung / de'i tshig la su yang yid

  21. 11b

    mi ches shing / de skye bo kun gyis bzhad gad par 'gyur/ gdong gi mdog mi sdug par 'gyur/ gnas la mngon par dga' bar mi 'gyur/ sems g.yo bar 'gyur/ sems mthas par 'gyur te/ 'di ni phra ma'i chad pa yin no// tshig rtsub po kun tu bsten cing bsgoms te mang du byas pa'i chad pa ji lta bu yin zhe na/ des thos pa las byung ba'i shes pa'am/ lha'i mig gis mthong ste/ tshig rtsub po kun tu bsten cing bsgoms te mang du byas pas sems can dmyal ba dang / dud 'gro dang / yi dgas rnams kyi yul du skye'o// gal te mi rnams dang skal ba mnyam par mi'i nang du skyes na yang de su las kyang dbugs phyin pa mi 'thob/ skye bo kun gyis kyang rtag tu mngon par gtse bar 'gyur te/ su las kyang dbugs 'byin par mi 'gyur/ bu dang chung ma las dga' ba'i tshig gcig tsam yang mi 'thob/ ri dgas ltar rtag tu skye bo kun gyis 'jig par 'gyur/ dge ba'i bshes gnyen dang spyod par mi 'gyur/ sdig pa'i grogs por gyur te/ rnam pa gsum po 'di ni tshig rtsub po'i 'bras bu yin no// gzhan yang tshig bkyil pa kun tu bsten cing bsgoms te mang du byas pa'i chad pa ji lta bu yin zhe na/ rnal 'byor spyod pa nang gi chos la chos kyi rjes su lta ba des/ thos pa las byung ba'i shes pa 'am/ lha'i mig gis mthong ste/ tshig bkyil pa kun tu bsten cing bsgoms te mang du byas pas/ sems can dmyal

  22. 12a

    ba dang / dud 'gro dang / yi dgas rnams kyi yul du 'gro'o// gal te mi rnams dang skal ba mnyam par mi'i nang du skyes na yang / skye bo kun mi dka' zhing yang bar/ 'gyur/ rgyal po'i pho brang dang / mdza' bshes dang / gnyen dag gi khyim du yang smyon thabs mkhan lta bur 'gyur te/ 'di ni tshig bkyal pa'i chad pa yin no// gzhan yang yid kyi mi dge ba rnam pa gsum po kun tu bstan cing bsgoms te mang du byas pa'i chad pa ji lta bu yin zhe na/ rnal 'byor spyod pa nang gi chos la chos kyi rjes su lta ba des/ thos pa las byung ba'i shes pa'am/ lha'i mig gis mthong ste/ brnab sems kun tu bsten cing bsgoms te mang du byas pas sems can dmyal ba dang / dud 'gro dang / yi dgas rnams kyi yul du skye'o// gal te mi rnams dang // skal ba mnyam par mi'i nang du skyes na yang de'i rdzas bsags bsags pa dag rgyal po dang / chu dang / me'i gnod pas bsog par 'gyur/ rtag tu dbul bar yang 'gyur ro// gzhan yang gnod sems kun tu bstan cing bsgoms te mang du byas pa'i yid kyi chad pa ji lta bu yin zhe na/ rnal 'byor spyod pa nang gi chos pa chos kyi rjes su lta zhing gnas pa des/ thos pa las byung ba'i shes pa'am/ lha'i mig gis mthong ste/ gnod sems kun tu bsten cing bsgoms te mang du byas pas/ sems can dmyal ba dang / dud 'gro'i skye gnas dang / yi dgas rnams kyi yul du

  23. 12b

    skye'o/ / gal te mi rnams dang skal ba mnyam par mi'i nang du skyes na yang / de ri brag dang / klu klo rtag tu mtshon gyis 'khrug cing / rtag tu 'jigs pa rnams su skye bar 'gyur/ rtag tu g.yang / sa rnams su ltung bar 'gyur/ de'i sems rnams kyang bde bar gnas par mi 'gyur zhing / gnod pa dag gis rtag tu gnod par 'gyur ro// gzhan yang log par lta ba kun tu bsten cing bsgoms te mang du byas pa'i yid kyi chad pa ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa'am/ lha'i mig gis mthong ste/ log par lta ba kun tu bsten cing bsgoms te mang du byas pas sems can dmyal ba mnar med pa la sogs par sdug bsngal gyi tshor ba thams cad myong bar skye/ dud 'gro'i skye gnas su tshe bye ba brgya phrag du mar 'pho zhing skye/ de bzhin du yi dgas kyi yul du yang skye'o// gal te brgya la mi rnams dang skal ba mnyam par mi'i nang du skyes na yang / de ji skad bshad pa'i mi dge ba'i las kyi lam gyi skyon stong du bsgyur ba thams cad de dag las byung ngo / / gzhan yang rnam pa gzhan gang gis na/ mi dge ba bcu'i chos dag shin tu phra ba rjes su sems na yang 'khor ba'i sems can dmyal ba dang / yi dgas dang / dud 'gro rnams su 'khyam pa/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa'am/ lha'i mig gis mthong ste/ srog gcod pa ji ltar

  24. 13a

    kun tu sten/ ji ltar sgom/ ji ltar mang du byed ce na/ 'di la srog gcod pa grogs po ngan pa'am/ slob ma 'am/ de'i grogs la kun tu sten par byed/ de dang lhan cig kun tu dga' bar byed/ rtse bar byed/ yongs su spyod par byed/ kun tu gnas par byed/ de la yid ches pa'i gnas su byed/ thams cad yon tan du lta bar byed/ de'i tshul gyis rjes su 'jug par byed/ mi dge ba'i bshes gnyen nam/ slob ma des mi srog gcod pa'i tshul can de srog gcod pa'i rgyu byed pa'i gtam sna tshogs lam ma yin par gyur pa dang / srog gcod pa la rab tu 'jog par byed de/ de bzhin du mchod sbyin gyi gtam mam/ de bzhin du ri dgas kyi gtam mam/ de bzhin du ro la chags pa rab tu nyes pa'i gtam mam/ de bzhin du dgra bo mi mdza' ba dang 'brel pa la lan 'don pa'i gtam mam/ de bzhin du de'i rdzas la chags pa'i gtam mam/ de bzhin du nyon mongs pa la rab tu spro ba rdzas la chags pa dang / grags pa'i las kyi gtam rnams la rab tu 'jog par byed/ de yang de la yid ches pa'i gnas su 'jug pa na/ srog gcod pa kun tu sten par byed do// de ltar srog gcod pa bsten pa ni/ sems can dmyal bar 'gro/ yi dgas kyi 'jig rten du 'gro/ dud 'gro'i 'jig rten du 'gro ste/ mi 'dod pa/ mi sdug pa/ yid du mi 'ong ba/ skye bo mkhas pa kun gyis smad par 'gyur ro// mir skyes na yang tshe thung ba'i rgyur 'gyur ro// de ltar na ba shes

  25. 13b

    gnyen ngan pa'i sa bon can gyi srog gcod pa po ni srog gcod pa kun tu sten par byed do/ / mi ngan pa goms par byed pa ji lta bu yin zhe na/ mi ngan pa srog gcod pa bsten pa zhes snga ma bzhin sbyar te/ srog gcod pa byas na yid dga' bar byed/ mgu bar byed/ yid kyis kun tu rtog par byed/ yon tan du lta ba'i blor byed/ de srog gcod pa nyid la kun tu rtog par byed/ rnam pa mang pos gzhan/ gyi srog 'phrog par byed do// de la skyon du mi bgrang / de la smod par mi byed/ de la dga' ba dang 'bral bar mi byed/ phyir zhing de'i ngang tshul du byed/ srog mi gcod pa'i tshul can gzhan dag kyang srog gcod pa de la rab tu 'jog par byed/ gtan rgyu dang bcas pa sna tshogs dag gi snga ma bzhin du sbyar te/ de ltar srog gcod pa goms par byed do// mang du byed pa ji lta bu yin zhe na/ 'di ni srog gcod pa byas nas goms par byed pa snga ma bzhin du sbyar te/ de la goms par byed/ sdig pa'i grogs po dang phrad pas rgya 'bre bar byed/ de la dug mda' byed/ khyi sogs par byed/ srog gcod pa'i bya sdud par byed/ gtum po dang sten par byed/ 'thab mo la dga' ba ste/ ya lad dang / mtshon cha dang / ral gri dang / mda' bo che dang / ste'u ka dang / 'khor lo dang / go mtshon la sogs pa'i ngang tshul can yin/ srog gcod par byed pa'i rgyu gzhan gang yin pa de thams cad kyang yongs su 'dzin par byed de/ mi de lta bu ni srog gcod pa mang du

  26. 14a

    byed pa yin no/ / rgyu de dang / gzhi de dang / rkyen des sems can dmyal ba dang / dud 'gro dang / yi dgas rnams kyi yul du skye ste/ gnod pa mi bzad pas mngon par gnod do/ / srog gcod pa tha ma dang / 'bring dang / chen pos/ rnam par smin pa tha ma dang / 'bring dang / chen po nye bar spyod par 'gyur ro// las byas la bsags pas ni las kyi rnam par smin pa myong bar mi 'gyur ba med de/ de ltar na bdag nyid kyis byas pa'i las ni bdag nyid kyis nye bar spyod par 'gyur ro// de lta bas na gal te 'khor ba la yid byung na/ sdig pa spangs nas dge ba kun tu spyad par bya ste/ 'di ni srog gcod pa kun tu sten cing mang du byed pa yin no// ji ltar na ma byin par len pa kun tu sten cing sgom ste mang du byed pa yin/ kun nas bsten cing bsgoms te mang du byas pas/ sems can dmyal ba ji ltar myong bar 'gyur zhe na/ 'di la tshul khrims 'chal pa'i mi na ngo bo nyid kyis ma byin par len pa'i ngang tshul can yin te/ grogs po ngan pa 'am/ slob ma dang 'brel bas ma byin par len pa tha ma dang / 'bring dang / chen po kun tu spyod do// de la tha ma ni rgyal po'i chad pas skrag nas gzhan gyi len pa yin te snga ma bzhin no// 'bring ni/ dngos po chung ngu yin te/ zhing bzang po la brkus pa ma yin pa 'di ni ma byin par len pa 'bring yin no// sangs rgyas dang / chos dang / dge 'dun dag dge 'dun dag las ni chung ngu zhig blangs na

  27. 14b

    yang chen por 'gyur te/ sangs rgyas dang / chos dang / dge 'dun gyi ma byin par blangs pa de dag las kyang ris mthun par slar phul na/ sangs rgyas dang chos kyi ni dag par 'gyur la/ dge 'dun gyi brkus pa ni tshor ba ma myong bar dag par 'gyur ba med de/ zhing lci ba'i phyir gal te zhal du 'du ba'i sgo zhig na ni/ de sems can dmyal ba chen por ltung la/ gal te zhal du 'du ba'i sgo ma yin na ni/ de'i nang gi bar mnar med pa'i 'khor yun nag chen po la sogs par skye bar 'gyur ro// gal te ma byin par len pa chung ngu zhig blangs nas kyang kun tu ston cing sems la dga' bar byed de/ goms par byed pa mang du byed na/ ma byin par len pa chung ngu des kyang / sems can dmyal ba dang / dud 'gro dang / yi dgas kyi nang du skye bar 'gyur ro// gal te 'chags par byed cing / rjes su yi rang bar mi byed la/ 'gyod na de'i myong bar 'gyur bar ma nges pa yin no// gal te ma byin par len pa'i ngang tshul can zhig/ de thabs du mas ma byin par len na ma byin par len pa kun tu sten pa yin no// gom pa/ byed pa ji lta bu yin zhe na/ 'di la ma byin par len pa'i rdzas thob nas mgu bar 'gyur zhing chom rkun la mngon par dga' bar byed do// de rdzas de thob nas bza' ba dang bgo ba byas shing dga' bar 'gyur te/ yon tan du bzung nas/ gzhan dag kyang ma byin par len pa la rab tu 'jog par byed/ yang dag par 'jug par byed/ yang dag par 'dzin du 'jug cing byed du 'jug pa de lta bu ni ma byin par len pa

  28. 15a

    goms par byed pa yin no/ / ma byin par len pa mang du byed pa ji lta bu yin zhe na/ 'di la ma byin par len pa byas nas mal cha dang / bza' ba dang / bca' ba dang / gos dang / rgyan dang / btung ba dang / smad 'tshong dang / rgyan po mang po dag la mngon par dga' bar byed do// de sems kyis mngon par dga' bar byed de/ bde ba thams cad kyi nang na 'di lta ste/ ma byin par len pa zhes bya ba 'di ni legs par byas pa yin no/ / rgyu des bdag mal cha dang / bza' ba dang / bca' ba dang / gos dang / rgyan dang / btung ba dang / smad 'tshong dang / rgyan po mang po dag gis mchog tu bde ba myong ngo / / ma byin par len pa de bdag gis kun tu spyad par bya ste/ de bdag la bde ba rab tu mang po dag tu 'gyur ro snyam na/ snga ma bzhin du sbyar te/ 'di dag ma byin par len pa mang du byed pa yin te/ de ni sems can dmyal ba rnams su myong bar 'gyur bar nges pa yin no// 'dod pas log par g.yem pa kun tu sten cing sgom ste mang du byed pa ji lta bu yin zhe na/ 'di la tshul bzhin ma yin pa yid la byed pas/ zil gyis gnon pa ni 'dod chags dang bcas pa'i ris mthun pa gzhan 'di lta ste/ bye'u mchil pa dang / ngur pa dang / gong ma sreg dang / tso dang / rma bya dang / sreg pa dang / nya dang / srog chags dud ka dag ni/ lha ma yin gyi rigs dag nas shis 'phos nas 'dir skyes pa yin te/ 'dod chags shas che ba'i grogs po ngan pa

  29. 15b

    dang lhan cig yan lag ma yin par spyod pa yin no/ / de'i tshul bzhin ma yin pa nyis bsgyur gyis mngon par zhen la/ de 'dod chags tshim pa med pa dang bcas pa'i sems kyis tshul bzhin ma yin// pa kun tu spyod de/ gang dri za der nye bar 'gyur zhing / gang gis der skye bar 'gyur ba tshul bzhin ma yin pa de ni skye gnas kyi zhing la skyon yod pa'i phyir der skye bar mi 'gyur ro// rgyu des na tshul bzhin ma yin/ ba dang bcas pa'i 'dod pas log par spyod pa ni ngan pa yin no// ma de reg bya 'dod chags shas che bas de dang de nyid la mngon par dga' ste/ de ni 'di ltar 'dod pas log par g.yem pa 'di yang dang yang du sten cing / reg bya ngan pa la mngon par dga' ba yin te/ 'di ltar 'di ni 'dod pas log par g.yem pa kun tu sten pa yin no// 'dod pas log par g.yem pa goms par byed pa ji lta bu yin zhe na/ 'di la 'dod pas log par g.yem pa yang dang yang du sten cing / yid kyis yang dag par rtog par byed do// de'i yid la mngon par dga' ba gzhan spangs te/ de 'dod pas log par g.yem pa 'di nyid goms par byas nas/ yang yul bde ba de goms par byed pa yin no// mang du byed pa ji lta bu yin zhe na/ 'di la tshul bzhin ma yin pa yid la byed pas brlan pa'i byis pa so so'i skye bo ni/ 'di ltar 'dod pas log par g.yem pa ni mchog tu bzang ba yin la/ 'dod pas log par mi g.yem pa ni ma yin zhes yon tan mchog dang 'dra bar yang dag par 'dzin

  30. 16a

    par byed do/ / de gzhan shin tu mang po dag kyang 'dod pas log par g.yem pa la mngon par 'jug cing byed du 'jug ste/ 'di ni 'dod pas log par g.yem pa mang du byed pa yin no/ / lus kyi rnam pa gsum po 'di dag ni byis pa so so'i skye bo rnams kyi mi dge ba yin no// ngag gi rnam pa bzhi ste/ brdzun dang / tshig rtsub po dang / phra ma dang / tshig bkyal pa'o/ / de la brdzun gang zhe na/ 'di lta ste/ bdag nyid kyis bdag nyid slu bar byed/ gzhan yang slu bar byed pa yin te/ brdzun du smra ba 'di ni bdag dang gzhan smra bar byed pa yin no/ / de yang rgyu lnga dang ldan pa yin te/ 'di lta ste/ 'dod chags dang / zhe sdang dang / 'jigs pa dang / rnyed pa dang / chos log pa'i 'dul ba yongs su sdud pa'o// brdzun du smra ba ji lta bu yin zhe na/ 'di la rgyal po'i pho brang 'khor na 'dug kyang rung / khyim bdag gi 'khor gyi nang na 'dug kyang rung / nye du'i nang na 'dug kyang rung ste/ mdza' bshes dang / mdza' bshes ma yin pa dag smra ba na/ mdza' bshes kyi phyir ni 'dod chags kyi brdzun smra'o// mdza' bshes ma yin pa'i phyir ni zhe sdang gis kyang brdzun smra'o// rnyed pa'i phyir yang brdzun smra'o/ / nor la chags pas de brdzun smra'o// chos log pa'i tshig yongs su sdud pas kyang brdzun smra ba yin te/ 'di la bram ze rnams yon tan gyi phyir dang / rang gi srog la gnod pa dang /

  31. 16b

    bag ma len pa dag gi phyir brdzun smras kyang mi gos so zhes zer ro// de ni chos log pa'i tshig yongs su sdud pa'i brdzun smra ba yin te/ mi gti mug log par lta ba'i tshig yongs su sdud pa 'di ni/ sems can dmyal ba mi bzad par yang 'gyur ro// sems can dmyal ba 'grub par 'gyur ba'i sa bon dag ni 'di lta ste/ brdzun smra ba yin pas rang gi srog gi phyir ram/ gzhan gyi srog gi phyir brdzun cung zad kyang smra bar mi bya ba 'di ni mchog yin no/ / 'jigs pas kyang brdzun smra ba ste/ gang bdag gi brdzun smra ba 'di mi smras na/ de bdag gi srog la sman pa don med pa chen po 'thob par 'gyur ro snyam nas/ de gang las 'jigs par 'gyur ba de'i don du brdzun smra ba yin te/ rgyu lnga po 'di dag gis byis pa dag brdzun smra ba ste/ gti mug ni thams cad la gnas pa yin/ no// 'dir tshigs su bcad pa/ 'jig rten pa rol khyad gsod cing // chos gcig la seMni 'da' byed pa// brdzun du smra ba'i lus can gyis// sdig pa mi byed ci yang med// ma yi lus su skyes ma thag/ kha nas ste re lta bu yi// tshig 'byung ngan par brjod smrab// de yi bdag nyid gcod par byed// bden par smra zhing 'khrug mi bya// bslangs na chung yang sbyin par bya// gnas 'di gsum dang ldan pa ni/ / lha rnams dag ni drung du 'gro// de lta bas na rgyu thams cad dang / rkyen thams cad kyis brdzun du smra bar mi bya zhing / gzhan brdzun smra ba na rjes su yi ring bar mi bya/ brdzun

  32. 17a

    smra ba dang lhan cig 'bel ba'i gtam zer du mi 'gro/ mi gnas/ 'dug par mi bya'o// gzhan du na 'di yang brdzun smra ba mngon du zer ba yin no zhes skye bo gzhan dag gis bsams par 'gyur te/ de ltar na las dri ma can la mngon par dga' ba'i mi rnams dang 'grogs pas/ las dri ma can du gzhan dag sems so// de lta bas na sdig pa'i grogs po dang 'grogs par mi bya ste/ 'di lta ste/ sdig pa'i grogs po dang 'grogs pa ni 'khor ba'i 'ching ba sems can dmyal ba dang / yi dgas dang / dud 'gro rnams kyi gnas yin la/ dge ba'i bshes gnyen dang 'grogs pa 'di ni thar pa mchog yin te/ 'di dag ni brdzun du smra ba mdor bshad pa yin no// gzhan yang phra ma ji lta bu yin/ rnam pa du yod ce na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa'am/ lha'i mig gis mthong ste/ phra ma zhes bya ba ni mthun zhing 'byor pa dag la dbye ba'i bsams pas tshig brjod pa ni phra ma yin/ no// de rnam pa gnyis te/ pha rol dang sbyor ba dang / mi sbyor ba'o// de la khyod kyis mi gnyis dbye ba'i sbyor bgyis shig ces dgra 'am/ dgra chung ngu gzhan dag gi sbyor ba byed pa dang / bdag nyid kyi 'byed par 'dod pa'o/ / gzhan yang tshig rtsub po ji lta bu yin/ rnam pa du yod ce na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa'am/

  33. 17b

    lha'i mig gis mthong ste/ tshig rtsub po zhes bya ba ni/ bdag dang gzhan la gnod pa byed pa/ khro ba'i rgyu mthun par gyur pa/ yid du mi 'ong ba/ mi sdug pa/ mi dga' ba'i tshig brjod pa/ nyan pa dang / mi mthun pa/ 'dod chags dang / zhe sdang dang / gti mug dang bcas pa byis pa so so'i skye bo thams cad dang lhan cig spyod pa'i tshig smra ba 'di ni tshig rtsub po zhes bya ste/ rnam pa du ma dmigs pa du ma/ rgyu du ma/ sems kyi kun nas ldang ba du ma/ rnam par smin pa du ma/ bde 'gror 'gro ba rnam par 'jig pa du ma/ skye bo thams cad mi dga' bar byed pa/ 'jig rten sdang ba'i rgyur gyur pa/ mthun par gyur pa rnam par 'jig par byed pa/ yid mi ches pa'i gnas su gyur pa/ yid gcugs pa ma yin pa/ lce dgu lta bur gyur pa'i tshig rtsub po ngag gi dri ma ni/ tshangs pa mtshungs par spyod pas rnam par spangs pa yin no/ / 'dir tshogs su bcad pa/ brtan pas tshig rtsu ba spang bya zhing // rtag tu yang dag tshig smros shig/ tshig snyan mngon par dga' ba'i mi// mya ngan 'das la nye bar gnas/ / tshig zhi rtag tu smra bya zhing // dri ma yod pa rnam par spang // tshig gi dri mas zil non pa// mi gang de ni dmyal bar 'gro// tshig gi dri mas zil non pa// gang yin de la bde ba med/ / seng ge sbrul ni 'phags min ltar// de dag la ni mtho ris med// gang dag tshig rtsub mi smra zhing // gang dag g.yo ni rnam spangs pa// de dag thams cad dga' skyed cing // bde ba/

  34. 18a

    dang ni dbugs 'byin byed// skye bo de ni 'jig rten 'dir// dga' zhing pha rol mtho ris 'gro// de 'dra ba yi mi dag ni// mkhas pa'i de la phyag byar 'os// bden tshig rtag tu zhi ba dang / / g.yo sgyu med cing drang po'i sems// gzhan la gnod pa byed dang bral// de ni chos kyi rgyal mtshan dga'// lag pa brdabs pa'i sgra lta bur// mi ni chung bar gyur pa yin// gang dag de thob chos mi shes/ / mi ni rmongs pa dag gis bslus// gang dag bdag sdug mi 'gyur dang // gang dag bde ba ma'i 'dod pa// de ni sdig gi las byed cing // sred pa'i rgyu yis rnam par bsdus// gang du las kyi rjes 'gro ba// nor dang bu dang chung ma dang // mdza' bshes nyi du gnyen 'dab dang // der ni 'gro bar mi nus so// legs par byas dang nyes par byas// de dag 'gro ba rjes su 'gro/ mkha' la bya dag gnas pa yi// de'i gring lhan cig 'gro ba bzhin// ji ltar lam brgyags nyung ba dag/ lam zhugs sdug bsngal 'gro ba ltar// de bzhin las bzang ma byas pa'i// sems can dag ni ngan 'gror 'gro/ / ji ltar lam brgyags mang bdog pa// lam zhugs bde bar 'gro ba ltar// de bzhin las bzang byas pa yi// sems can dag ni bde 'gror 'gro// yun ring yul gzhan gnas pa yi/ / mi dag bde bar 'ongs pa dang // gnyen dang sdug pa mdza' bshes dang // 'dir 'ongs mngon par dga' ba ltar// de bzhin bsod nams byas pa'i mi// 'jig rten 'di nas

  35. 18b

    phar 'gro ba/ / bsod nams nyid kyis mngon dga' ste// gnyen sdug dag ni 'ongs pa bzhin// de lta bas na tshe phyi ma'i// bsod nams dag ni bya zhing bsags// bsod nams 'jig rte pha rol tu/ srog chags rnams ni dran gnas yin// spyod pa mthun par gang spyod pa'i// bsod nams dag la lha bstod cing // de dag 'dir ni mngon dga' la// pha rol mtho ris dga' bar 'gyur/ / gnas 'di gzhan gyis mthong ba yi// mkhas pa dag gis tshul khrims srungs// 'phags pa mthong ba phun sum tshogs// 'jig rten 'dir ni zhi bsten// gzhan yang rnal 'byor spyod pa nang gi chos la chos kyi rjes su lta zhing gnas pa de mi dge ba'i las kyi lam gyi tshig bzhi pa'i tshig bkyil pa la rtog par byed de/ / de la tshig bkyal pa rnam pa du yod ce na/ tshig 'byung ba snga phyi 'brel pa med pa'i tshig bkyal pa dang / sems 'jug pa yang bas snga phyi 'brel pa med pa'i tshig brjod pa'i tshig bkyal pa'o// rgyags pa dang bcas pa dang / rgyags pa med pa'i dus kyis// bslangs pa yang byed pa'i rgyu'i ngo bo nyid skyed pa de tshe 'di la yid gcugs pa'i gnas su mi 'gyur zhing / tshe 'di las kyi lam skyed pa/ 'jig rten pa kun gyis smad pa'i gnas kyi rgyu/ don med par smra ba ni tshig bkyal ba ste/ tshig gi dri ma bzhi pa 'di ni mi dge ba'i las kyi lam skyed pa dang / skyed par byed pa smra bar mi bya zhing rjes su yi rang bar mi bya la/ gzhan mi tshig bkyal pa smra ba de la gnas

  36. 19a

    par mi bya'o/ / yid kyi mi dge ba'i las kyi lam ni brnab sems dang / gnod sems dang / log par lta ba'o// de la brnab sems ni gzhan gyis yongs su bzung / pa'i nor rdzas dang / nor rdzas kyi rnam pa la ngag dang yid kyis shin tu rtog par byed de/ 'di ni bdag gir bya'o snyam pa yang dag pa ma yin pa'i tshul bzhin yid la byed cing / de gzhan gyi phun sum tshogs pa la 'phral la sems pa ldang ste/ don la 'chums pa rgyu med pa yin no// de ni brnab sems kyi mi dge ba'i las kyi lam yin te/ mi 'dod pa/ mi sdug pa/ yid du mi 'ong ba'i rnam par smin pa/ yid ma zhi ba/ ma sbyangs pa'i byis pa skye bo brnab sems kyis rab tu bslus pa de gzhan gyi phun sum tshogs pa la 'phral la yid kyis shin tu rtog par byed/ ro myong bar byed/ yang dang yang du byed/ yongs su sbyor bar byed/ rtag tu 'dod par byed/ rtag tu dga' bar byed cing / gzhan gyi nor rdzas phun sum tshogs pa mthong na sdug bsngal ba yin no// 'di ni brnab sems zhes bya ste/ yid kyi mi dge ba'i las kyi lam dri ma chen po yin no// gzhan yang sems las byung ba'i gnod sems mi dge ba'i las kyi lam la sogs pa ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ gzhan dag gi rgyu ma yin pa yid kyis nyes pa'i gnod

  37. 19b

    sems dang / gzhan dag gi phun sum tshogs pa 'am/ phun sum tshogs pa ma yin pa mthong nas rgyu ma yin pa ji ltar 'dod pa bzhin byas pa/ yid kyi nyes pa mi bzad pa chen po skye bar 'gyur te/ gnod sems de ni sems can dmyal ba myong bar 'gyur ba/ dge ba'i chos kyi lo tog tu gyur pa rnams kyi ser ba/ yang dag pa'i shes rab kyi mig gi mi mthun par 'gyur ba/ mun nag snying// la gnas pa'i me de tshul khrims thams cad sreg par byed pa/ mdog ngan pa'i rgyu chos kyi stegs gcod par byed pa/ 'jig rten 'di dang / 'jig rten pha rol gyi dgra nang du zhugs pa sems rtse gcig pa nyid 'jig par byed/ byams pa dang mi mthun zhing 'phags pa'i bden pa bzhi po sdug bsngal dang / kun 'byung dang / lam dang / 'gog pa rnams 'jig par byed pa yin/ no// gnod sems zhes bya ba sems can dmyal ba'i pho nya mchog yin te/ de skyes bu dam pa dang / 'phags pa nyan thos dang / thos pa don du gnyer ba rnams kyis spong bar 'gyur ro// gzhan yang log par lta ba dam pa'i chos kyi mi mthun par gyur pa lta ba ngan pa thams cad kyi mun gnag snying la yang dag par skye bar 'gyur ba ji lta bu yin zhe na/ rnal 'byor spyod pa nang gi chos la sa kyi rjes su lta zhing gnas pa des/ thos pa las byung ba'i shes pa'am/ lha'i mig gis mthong ste/ thog ma med pa'i dus na zhugs shing skyes pa sems can dmyal ba dang / yi dgas

  38. 20a

    #/ dang dud 'gro'i 'gro ba'i myi skyed pa// spyan la mun nag tu gyur pa/ sgrub nganapa la mngon par dka' / yang dag pa'i lam gyi mi mthun par gyur pa/ mtshon dang / me dang / drAH/ dang / g.yang sa lta bu/ skye bo thams cad rnam par 'jig par byed pa// phyin ci log tu lta zhing log par lta ba yin no// de yang rnam pa gnyis te/ rkyen yod pa dang / las dang 'bras bu la skur pa 'debs pa'o/ / de la rkyen yod pa ni bde ba dang sdug bsngal gang yin pa de dag ni de dag nyid kyis byas kyi/ las dang 'bras bus byas pa ni ma yin no zhes zer ro// las dang 'bras bu la skur ba 'debs pa ni/ sbyin pa med do zhes bya ba la sogs pa ste/ de ltar de dag log par lta ba mi dge ba bcu'i las kyi lam 'di dag thams cad don thams cad med par byed pa'i rtsa ba yin no// / dam pa'i chos dran pa nye bar gzhag pa bam po gnyis pa// gzhan yang mi dge ba bcu'i las kyi lam 'di dag bzlog nas/ bag dang bcas pa dang / zag pa med pa dag gi las byed par 'gyur ba ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am// lha'i mig gis mthong ste/ 'di ni re zhig 'khor ba'i 'ching ba/ chos zad par byed pa 'di lta ste/ 'ching ba'i rgyu mi dge ba'o// thar pa'i rgyu'i dngos po ni dge ba yin te/ de la srog gcod pa

  39. 20b

    spangs pas/ 'khor bar gtogs pa'i sems can rnams la mi 'jigs pa sbyin par 'gyur te/ de tshe 'di nyid la bsngags par 'gyur/ de'i bzhin gyi mdog dang dbang po rnams gsal bar/ 'gyur/ tshe ring por 'gyur ba'i las byed par 'gyur/ gang srin po dang / sha za dang / grul bum gyi rigs dang / gzhan yang sems can 'tshe bar byed pa de dag kyang nyin mtshan du srung bar byed// phyi bzhin du lha dag kyang mngon par srung bar byed la/ lus dang bral nas kyang bde 'gro mtho ris lha'i 'jig rten du skye bar 'gyur te/ gal te rnam par smin pa'i 'bras bu myong bar 'dod na yang ji/ ltar brtson 'grus brtsams pa bzhin du myong bar 'gyur ro// gal te byang chub kyi lam tha ma dang / 'bring dang / chen po rnams kyi so so yang dag par myong bar 'dod na/ de rnam pa gsum po 'dir 'gyur te/ gal te nyan thos kyi byang chub tu yongs su bsngo na/ de dgra bcom par gyur nas yongs su mya ngan las 'da' 'o// gal te byang chub 'bring du yongs su bsngo na/ de rang sangs rgyas su 'gyur ro/ / gal te bla na med pa yang dag par rdzogs pa'i byang chub tu yongs su bsngo na/ de yang dag par rdzogs pa'i sangs rgyas su 'gyur te/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su 'gyur ro// chos thams cad kyi rtsa ba ni srog yin te/

  40. 21a

    gang srog de mngon par bsrung ba des ni bde ba thams cad sbyin par 'gyur la/ sbyin pa rnams kyi nang na mchog ni 'di yin te/ 'di lta ste/ sems las byung ba so sor bsgoms pa srog byin pa'o/ / tshul khrims kyi nang na mtho ris su skye ba mchog ni 'di yin te/ 'di lta ste/ srog byin pa'i tshul khrims so// gal te yul gyi bde ba kun nas nyon mongs pa sred ba'i rgyur 'gyur bar yongs su bsngon/ de tshangs pa 'am/ bdud dam/ brgya byin du 'gyur// gal te ma'i bdag nyid chen por yongs su bsngo na/ de 'khor los sgyur ba'i rgyal po rin po che sna bdun dang ldan pa/ gling bzhi la spyod par 'gyur/ gal te lha ma yin gyi bdag nyid chen por yongs su bsngon// de lha ma yin gyi rgyal srid byed par 'gyur// gal te gnod sbyin gyi bdag nyid chen po yongs su bsngon/ de gnod sbyin gyi rgyal srid byed par 'gyur ro// chen po 'don dam pa'i chos kyis bon du gyur pa/ 'khor ba'i skyabs su gyur pa/ 'khor ba'i smon nag tu zhugs pa rnams kyi sgron mar gyur pa yin te/ 'di lta ste/ srog gcod pa spong ba zhes bya'o// srog gcod pa spangs pa byams pa sgom par 'gyur zhing / snying rje'i rgyud la gnas pa yin te/ bsams nas srog gcod pa spangs na gtsang zhing dga' bar 'gyur/ gang gi tshe pha rol yang dag par bsrung bar ma nus pa de'i tshe btang snyoms su 'gyur zhing / de tshangs pa'i gnas bzhi la gnas pa'i rgyud du 'gyur

  41. 21b

    srog gcod pa spangs pa'i dge ba'i rtsa ba'i snying po ni bsam gyis mi khyab pa ste/ rnam pa gang dang gang gis ji lta ji ltar yongs su bsngo ba de lta de ltar yongs su 'grub bo// dper na gser mgar mkhas pa ni gser bzang po blangs nas/ ji lta ji ltar 'dod pa de lta de ltar gser de la byed de/ ci de las rgyan tam/ de las bum pa'am/ de las mi'i gzugs sam/ de las sangs rgyas kyi gzugs byed do/ / de bzhin du srog gcod pa yang dag par bsrungs te/ ma nyams shing ma ral la/ ma zhig na ji lta ji ltar yongs su bsngo ba de lta de ltar yongs su 'grub bo// de lta bas na srog/ gcod pa spangs pa'i sems can gang yin pa de ni mya ngan las 'das pa dang nye bar gnas shing // de dge ba'i bshes gnyen dang yang dag par spyod/ sems can de bdag dang gzhan la phan pa'i skal ba dang ldan zhing / de sems can dmyal ba dang / dud 'gro dang / yi dgas rnams kyi 'gro ba la bsod nams kyi zhing du gyur pa yin/ des 'khor ba na chos dang ldan pa'i chos kyi rjes su 'jug pa/ chos dang ldan pa'i kun tu rtog pa rnams 'grub par 'gyur zhing / grub pa yang brtan par 'gyur la/ rgyal po dang / chom rkun dang / chu dang / mes 'jigs pa'am/ thun mong ma yin pabar 'gyur te/ bdag nyid nye bar spyod par 'gyur ro// chos dang ldan pa'i 'gran zla gzhan dag gis mi non par mthong ste/ de lta bas srog gcod pa spang bar bya'o// de nas gzhan yang ma byin

  42. 22a

    par len pa spangs pas legs par byas pa mthong ba ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ ma byin par len pa spangs pa ni/ gzhan gyis yongs su bzung ba'i chags pa chen po'i dri ba las grol bar 'gyur/ tshe 'di nyid la de dbugs 'byung bar 'gyur/ rgyal po 'am/ blon po'i yid brtan par 'gyur/ rgyal po'i 'khor dang / khyim bdag gi 'khor dang / rgyal rigs kyi 'khor dang / dge sbyong gi 'khor dang / bram ze'i 'khor du yid brtan pa dang / dga' ba dang / sdug pa dang / yid du 'ong zhing tshig yongs su bzung bar 'os par 'gyur/ de'i longs spyod gang yin pa de dag rtag cing gzhan la gnod pa med par 'gyur la/ rgyal po dang / chu dang / chom kun dang / me'i 'jigs pa med par 'gyur/ ma bsams par de dag 'phral la 'byung bar 'gyur la/ byung nas kyang zhing dang / tshul khrims dang ldan pa dang / lam bzang po la zhugs pa dang / 'jig rten pa rnams la yang dag par nye bar sbyor bar 'gyur/ lus dang bral nas kyang bde 'gro mtho ris kyi lha'i 'jig rten rnams su skye bar 'gyur ro/ / gal te nges par 'byung ba'i lam gyi yongs su bsngo na/ nges par 'byung bar 'gyur la/ snga ma bzhin du tshangs pa 'am/ bdud dam/ brgya byin nam/ 'khor los sgyur ba'i rgyal po

  43. 22b

    gling bzhi la dbang ba/ rin po che sna bdun dang ldan par 'gyur te/ 'di ltar tshul khrims la mngon par dga' ba de byang chub rnams 'thob par 'gyur ro// de nas gzhan yang 'dod pas log par g.yem pa spangs pa'i 'bras bu ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ 'dod pas log par g.yem pa spangs pa ni/ dge ba'i las kyi lam bzang po spyod cing / tshe 'di nyid la de bsngags par 'gyur/ yid ches pa'i gnas su yang 'gyur/ bud med kyi nang na 'dug kyang dogs pa med par 'gyur/ de rgyal po 'am/ blon po'i yid brtan par 'gyur/ de'i chung ma nam yang gzhan gyis 'phrog par mi 'gyur zhing / rtag tu de'i rim gro byed par brtson par 'gyur labasam pa dang mthun par yang 'gyur/ nyam thag par gyur pa na yang khyad du gsod par mi 'gyur zhing / tshul dang mi mthun par mi 'gyur la/ gcig la gcig gnod pa byed pa la mngon par dga' bar mi 'gyur/ de'i chung ma de la brnyas pa byed par mi 'gyur zhing / 'jig rten thams cad la ma drang sring mo lta bur kun tu spyod par 'gyur la/ de'i chung ma 'jig rten la khro ba med par 'gyur te/ snga ma bzhin du lus dang bral nas bde 'gro mtho ris kyi lha'i 'jig rten du skye bar 'gyur ro// gang gi tshe lha dag las 'chi bar 'gyur ba de'i tshe lha'i bu gzhan zhig der skye bar 'gyur ro//

  44. 23a

    gis 'dod pas log par g.yem pa byas par gyur na/ de tshe ma 'phos par lha gzhan zhig lha'i bu mo dag gi nang du skye bar 'gyur la/ de yang de dang mngon sum du 'gyur te/ dang lha gzhan dag dang lhan cig tu dgod par byed/ mdza' bar byed/ dga' mgur spyod par byed do// de 'chi ba na de'i chung mas mthong nas gzhan du 'gro bar byed de/ phrag dog gi zhags pas yongs su bzung ba dag sems can dmyal ba rnams su skye bar 'gyur ro/ / 'dod pas log par g.yem pa spyod pa kun tu bsten cing bsgoms te mang du byas pa 'di ni bar chad chen po yin no// de lta bas na 'dod pas log par g.yem pa spong ba gang yin pa de ni dge ba'i las kyi lam chen po yang dag par 'dzin cing / mya ngan las 'das pa'i skal ba dang ldan par 'gyur ro// de nas gzhan yang / dge ba'i phyogs thams cad dang mi mthun par gyur pa'i brdzun spangs pas dge ba'i phyogs chen po yang dag par 'dzin pa/ tshe 'di la 'bras bu rnam par smin pa ji lta bu yin zhe na/ rnal 'byor/ spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ brdzun du smra ba spangs pa ni skye bo kun gyi mig dang / rna ba'i lkog tu gyur kyang yid ches pa'i gnas chen por 'gyur zhing / nor rdzas med na yang skye bo kun dang / rgyal pos ji ltar 'dod pa bzhin mchod par 'gyur te/ ji ltar nam mkha' la gza' dang / skar ma

  45. 23b

    dang / rgyu skar gyi dbus na zla ba rab tu gsal ba de ltar 'jig rten thams cad kyi nang na bden par smra ba de rab tu gsal lo// rin po che thams cad kyi nang na bden pa rin po che mchog tu bzang ngo // 'khor/ ba thams cad las sgrol ba'i nang na bden par sgrol ba khyad par du 'phags so// ngan 'gro thams cad las phyir bzlog pa'i nang na bden pas phyir zlog go/ sgron ma thams cad kyi nang na bden pa sgron ma yin no/ / lam ston pa thams cad kyi nang na bden pa lam ston pa yin no// 'du byed kyi rdzas 'byung ba thams cad kyi nang na bden pa'i rdzas gzhan gyi nad 'phrog pa yin no// rtsal thams cad kyi nang na bden pa rtsal ba yin no/ / skyob pa thams cad kyi nang na bden pa skyob pa yin no// mdza' bshes thams cad kyi nang na bden pa mdza' bshes khyad par du 'phags pa yin no// gang bden pa'i nor kun tu 'dzin pa/ de ni nams kyang 'khor ba ra ngan 'gro log par ltung ba dbul bar mi 'gyur zhing / lha rnams dang nye bar 'gyur la/ gang dang gang du skye ba de dang der skye ba'i rigs che zhing / gzugs bzang por 'gyur te/ skye bo// thams cad la sdug pa dang / dga' ba dang / yid du 'ong ba dang / tshig yid ches par 'gyur/ de gnod sbyin dang sha za dag gis mi mthong la/ gtse bar mi nus shing / yul gzhan du phyin na yang mal cha dang / na ba'i gsos sman gyi rkyen mang po phun sum tshogs par 'gyur/ des 'dod pa gang dag yid la bsams pa de dag kyang de la 'grub par 'gyur te/ des mi'i bde ba mchog myong nas/ gal te brtsi

  46. 24a

    pa'i dus byed na/ de lus dang bral nas bde 'gro mtho ris lha rnams kyi 'jig rten du shin tu tshe ring ba dang / shin tu rdzu 'phrul che ba dang / shin tu gnas mtho bar skye bar 'gyur ro// snga ma bzhin du gal te rnam par byang ba zag pa med pa'i lam gyis yongs su sngo bar byed na/ mya ngan las 'das pa'i mthar 'gyur ro// de nas gzhan yang dge ba'i las kyi lam la spyod pa/ phra ma spangs pas tshe 'di dang pha rol gyi las kyi 'bras bu rnam par smin par ji ltar 'gyur zhe na/ rnal 'byor spyod pa nang gi chos la chos kyi rjes su blta zhing gnas pa des/ thos pa las byung ba'i shes pa 'am/ lha'i mig gis mthong ste/ phra ma spangs pas tshe 'di la las kyi 'bras bu rnam par smin pa myong bar 'gyur ba ni/ mdza' bshes dang / gnyen 'dab dang / rtsa lag dang / chung ma dang bran po dang / bran mo dang / las byed pa dang / zho shas 'tsho ba brtan par 'gyur/ gzhan gyis kha drang du mi rung zhing bshes pa dang / rgyal po'i pho brang 'khor dang / spun mi mthun pa dag gis dbye bar mi nus so/ / gal te nor dang bral bar 'gyur te/ nor dang bral bar gyur na yang mi gtong zhing / mu ge dang / 'brog dgon pa dang / ri dang / g.yang sa dang / gnas skabs mi mthun par chud na yang mi gtong ste/ nams kyang 'bral bar mi 'gyur la/ gang dag de'i skyon smra na/ de dag de la thabs kun gyis nyan par mi byed do// de rgyal po'i pho brang 'khor du brtan par 'gyur zhing / chu dang / mtshon cha

  47. 24b

    dang / mi mdza' ba'i 'jigs pa med par 'gyur te/ dri ma chen po phra ma spangs pa'i yon tan ni de dag yin no// lus dang bral nas shi ba'i 'og tu yang bde 'gro mtho ris lha'i 'jig rten du skye bar 'gyur te/ de der yang lha'i ris mthun pa'i lha mo'i tshogs mang po rtag tu rjes su chags pa rnams kyis yongs su bskor cing / me tog 'phreng dang / phye ma dang / byug pa dang / rgyan thogs pa rnams kyi rtag tu dga' ba'i mchog byed par 'gyur ro/ / snga ma bzhin du gal te phra ma spangs pa rnam par byang ba/ zag pa med par yongs su bsngo na/ de zag pa med pa'i bsam gtan gyi lam yongs su mya ngan las 'das pa thob par 'gyur ro/ / de nas gzhan yang mi dge ba'i las kyi las 'jig rten thams cad skyo bar byed pa/ tshig rtsub po spangs pa'i 'bras bu rnam par smin pa ji ltar 'thob par 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ tshig rtsub po spangs pas ni dge ba mthong bar 'gyur/ drang po'i rang bzhin dang / dbugs 'byung ba'i gnas dang / 'jig rten kun gyis rtogs pa dang / tshig 'jam zhing des la snyan pa dang / gzhan la rnam par 'tshe bar mi byed cing / skye bo thams cad kyi dbugs 'byung ba byed par 'gyur/ de rgyang ring po nas mthong nas/ skye bo kun nye bar 'gro bar byed/ mdza' bshes kyang mang bar 'gyur/ nor rdzas med na yang skye bo kun de'i bran dang 'dra bar 'gyur ro//

  48. 25a

    gal te de las gzhan zhig gis nyon mongs pa 'byung na yang de dag gis de nams kyang gtong bar mi byed cing / de'i don thams cad nyon mongs pa med par nye bar sgrub la/ de la mi mdza' ba dang / rgyal po dang / chu dang / me dang / mtshon gyi 'jigs pa med par 'gyur ro// lus dang bral nas kyang bde 'gro mtho ris kyi lha rnams kyi 'jig rten du skye bar 'gyur te/ der skyes nas kyang tshig gi rgyu 'jam pa dang / phan pa dang / snyan pa dang ldan par 'gyur zhing rdzu 'phrul che ba dang / mthu che bar 'gyur ro// snga ma bzhin du gal te nges par 'byung ba'i bsam gtan bde ba'i gnas zag pa med par yongs su bsngo na/ de byang chub gsum 'thob par 'gyur ro// de nas gzhan yang mi dge ba'i las kyi lam tshig bkyil pa spangs pas tshe 'di la ji ltar 'thob par 'gyur ba dang phyi ma la gang du skye bar 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des/ zos pa las byung ba'i shes pa 'am/ lha'i mig gis mthong ste/ tshig bkyal ba spangs pa ni/ 'jig rten na rigs btsun par 'gyur zhing / de bkur bar yang 'gyur/ tshig snga phyi 'brel par 'gyur zhing / tshig la skye bo thams cad mngon par dga' bar 'gyur/ de la skyon gyis su yang rnam par 'tshe bar mi byed la/ tshig shin tu 'brel cing 'jig rten na btsun par 'gyur te/ dal ba dang / snyan pa dang / khong du chud pa dang / chos dang ldan pa dang / 'jam pa dang / zab mo'i rgyu'i tshul

  49. 25b

    dang / chos nyid dang mi 'gal ba'i gtam smra ba 'jig rten na bla ma dang 'dra bar lta zhing nor rdzas brtan par yang 'gyur/ log pa spangs pa yang skye bo pha rol dag gis yon tan du 'dzin par 'gyur zhing // de'i yon tan des skye bo dag gzung bar 'gyur ro// lus dang bral nas kyang bde 'gro mtho ris lha rnams kyi 'jig rten du skye bar 'gyur te/ der smras nas kyang lha'i bu thams cad sems par 'gyur zhing rdzu 'phrul che ba dang / lha'i bde ba dpe med pa la spyod par 'gyur ro// snga ma bzhin du gal te rnam par byang ba zag pa med pa'i bsam gtan gyi bde bar yongs su bsngo na/ de byang chub gsum thob par 'gyur ro/ / de ltar lus kyi rnam pa gsum dang / ngag gi rnam pa bzhi mi dge ba yongs su spangs nas/ mthar mya ngan las 'das par 'gyur ro// de ni dge ba'i las kyi rgyu yin la/ 'jig rten na yang bsngags par 'gyur zhing / lha rnams kyi nang du yang skye bar 'gyur ro// de lus dang ngag gi las yang dag par gyur pa'i las kyi 'bras bu rnam par smin pa'i rgyu ni/ rnal 'byor spyod pa chos/ la chos kyi rjes su lta ba nang gi yang dag par gyur pa rjes su mthong ngo // // de nas gzhan yang yid kyi las ji ltar dge bar 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des/ zos pa las byung ba'i shes pa 'am/ lha'i mig gis mthong ste/ yid kyi mi dge ba rnam pa gsum po de bzlog pas/ dge ba'i 'bras bu tshe 'di la bde ba gnas

  50. 26a

    pa myong bar 'gyur zhing / lus dang bral nas kyang bde 'gro mtho ras lha rnams kyi 'jig rten du skye bar 'gyur/ gal te 'khor ba la yid byung na/ de rgyu des phung po lhag ma med pa'i mya ngan las 'das pa'i dbyings su 'jug par 'gyur ro/ / yid kyi las ni rnam pa gsum ste/ brnab sems dang / gnod sems dang / log par lta ba'o// de nas gzhan yang brnab sems spangs pas dge ba'i las kyi 'bras bu rnam par smin pa ji lta bu zhig 'byung zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ brnab sems spangs pa ni rgyal po 'am/ rgyal po'i blon po'i nor rdzas kyi rnam pa mang po thams cad gang la yang yid kyis 'phrog pa'i don du sems par mi byed pa yin no/ / de'i nor rdzas ga zhig tu stor na yang gzhan gyis rnyed cing de la skye bo de dang / gtso bor gyur pa zhig na yang slar sbyin par byed de/ nor dang rtag tu ldan zhing / gzhan dag gis mi thub par 'gyur ro// lus dang bral nas kyang bde 'gro mtho ris lha rnams kyi 'jig rten du skye bar 'gyur la/ der skyes nas kyang lha dang lha ma yin du g.yul 'gyed pa'i tshe lha ma yin gang gis kyang yongs su thub par mi 'gyur zhing / rdeg par mi 'gyur la/ rnam par mtho 'tsham par mi 'gyur ro// de dag las rnam par phye bar mi 'gyur te/ lha'i bu thams cad la 'dod pa dang /

  51. 26b

    sdug pa dang / yid du 'ong bar 'gyur zhing / spu dang / reg bya dang / ro dang / gzugs dang / dri sdug pa/ dpe med pa nye bar spyod par 'gyur ro// snga ma bzhin du gal te nges par 'byung ba zag pa med pa'i bsam gtan gyi 'bras bu'i lam du yongs su bsngo na/ de byang chub gsum thob par 'gyur ro// de nas gzhan yang gnod sems mi dge ba'i las kyi lam spangs pas// dge ba'i las kyi 'bras bu ji ltar thob par 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa'am/ lha'i mig gis mthong ste/ gnod sems spangs pas tshe 'di la 'byor pa dang / bde bar gnas par 'gyur la/ skye bo thams cad dga' ba dang / yid du 'ong bar 'gyur/ pha rol gyis 'jigs shing nyam nga ba mi bzad pa chen po dang / rnam par gtse bar mi nus shing rgyal po'i 'khor gyi 'jigs pa dang / chom rkun dang / g.yang sa'i 'jigs pa dang / me'i 'jigs pa dang / gnod pa'i 'jigs pa dang / g.yo'i 'jigs pa dang / chu'i 'jigs pa dang / 'jigs pa du mnyam nga ba dag dang bral zhing / 'jigs pa dang nyam nga ba las kun tu thar te/ skye bo thams cad kyi sdug pa dang / mchog tu dga' bar 'gyur/ sdig pa'i skye bo dang / dge ba'i skye bo la bu dang / spun dang 'dra bar sdug par 'gyur ro// lus dang bral nas kyang bde 'gro mtho ris lha rnams kyi 'jig rten du skye bar 'gyur te/ der yang rdzu

  52. 27a

    'phrul che ba dang / mthu che bar 'gyur/ gzugs dang / sgra dang / reg bya 'dod pa thams cad 'byor pa la gnas par 'gyur zhing / dga' ba'i tshal dang / yongs su 'du ba dang / rnam par mdzes pa dang / shing rta sna tshogs kyi tshal chen po rnams su lha'i bu mo'i tshogs kyis yongs su skor bar 'gyur/ de'i lus dang / ngag dang / yid la lha gang gis kyang rnam par gtse bar mi nus shing / de la lha 'bum snyed dag gis dga' ba skyed par 'gyur la/ lha'i rgyal po brgya byin gyi 'dod pa dang / sdug pa dang / dga' ba dang / yid du 'ong bar 'gyur/ lha dang lha ma yin gyi g.yul 'gyed pa'i nyon mongs pa dag kyang med cing / 'khrug pa dag dang 'bral bar 'gyur ro// gal te nges par 'byung ba 'jig rten las 'das pa'i lam nyon mongs pa med par yongs su bsngo na/ de lha'i 'jig rten de nas shi nas/ 'khor los sgyur ba'i rgyal po gling bzhi la dbang ba rin po che sna bdun la nye bar spyod pa/ rnam pa du mar 'gyur te/ 'di lta ste/ bud med rin po che ni/ de'i bud med kyi lus las tsan dan dang spos 'byung zhing / kha nas ut+pa la'i dri 'byung / bya ka ling ka ltar reg na bde bar 'gyur te/ bya ka ling ka zhes bya ba ni rgya mtsho'i gling la gnas pa'i bya yin no// de ltar 'di'i mthus gang la reg pa nyid kyi lus kyi nyon mongs pa med par 'gyur zhing / gling de na gnas pa'i skye bo bkres pa dang / sgom pa dang / mya ngan dang bral bar 'gyur/ bud med de lta bu de 'khor los sgyur ba'i rgyal po

  53. 27b

    mthong nas/ grang ba'i dus su ni dro bar byed cing / dro ba'i dus su ni bsil bar byed de/ de la mi gzhan gang gis kyang reg par bya bar mi nus so// de gnod sems spangs pa'i mthus dge ba'i las/ kyi rjes su zhugs pa/ dge ba thams cad yang dag par rtogs pa'i mi de dag thams cad kyis ma dang sring mo lta bur mthong ngo // de yang rgyal po de'i yid du 'ong zhing / de la gus par byed la/ de'i snying du sdug pa dang / rtag tu bde ba'i rjes su 'jug par 'gyur ro// bud med kyi skyon rnam pa lnga spangs pa yin te/ 'di lta ste/ skyes pa gzhan la sems pa dang / ser sna dang mi rigs par chags pa dang / mi rigs pa'i gnas la rjes su dga' ba dang / khyim thab kyi srog bcad par 'dzin pa'o// bud med rin po che'i yon tan lnga dang ldan par 'gyur te/ 'di lta ste/ bsam pa dang mthun par 'gyur ba dang / bu mang po btsa' bar 'gyur ba dang / rigs mthun par 'gyur ba dang / srid mtho bar 'gyur ba dang / khyim thab bud med gzhan la sems na phrag dog mi byed pa'o/ / gzhan yang bud med chen mo'i yon tan gsum dang ldan par 'gyur te/ 'di lta ste/ tshig cal col med par 'gyur ba dang / log par lta ba med par 'gyur ba dang / khyim thab med kyang sgra dang / dri dang / ro dang / reg bya dag gi dbang du mi 'gyur ba'o// de rgyu des lus dang bral nas bde 'gro mtho ris kyi lha rnams kyi 'jig rten

  54. 28a

    du rgyu bar 'gyur te/ de sbyar 'khor los sgyur ba'i rgyal po bud med rin po che la nye bar spyod par 'gyur ro// de nas gzhan yang gnod sems kyi dri ma chen po tha/ pas/ dge ba'i las kyi rnam par smin pas 'khor los sgyur ba'i rgyal por ji ltar 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des/ zos pa las byung ba'i shes pa'am/ lha'i mig gis mthong ste/ gzhan gyi mi dge ba'i las kyi rgyu mthun pa gnod sems chen po spangs pas rin po che gnyis pa nor bu rin po che la nye bar spyod par 'gyur te/ de yon tan brgyad dang ldan pa yin no// 'di lta ste/ mtshan mo rab tu gsal ba yin te/ ji ltar ston ka'i zla ba nya ba ni/ ston ka bod gsal bar 'gyur ba de ltar nor bu yang mtshan mo'i mun nag dag la dpag tshad brgyar 'od 'byung zhing / nyin par tsha bas gdungs pa rnams la ni 'od bsil ba 'byung ste/ tsha ba sel bar byed pa 'di ni nor bu de'i yon tan gcig yin no// gzhan yang yon tan gnyis pa ni/ gang gi tshe lam du zhugs la chu dang bral ba de'i tshe/ skom pas gdungs pa rnams la chu chen po yan lag brgyad dang ldan pa rab tu 'byung bar 'gyur la/ des skom pa de dag thams cad sel bar 'gyur te/ 'di ni nor bu de'i yon tan gnyis pa yin no// gzhan yang nor bu de'i yon tan gsum pa ni/ gang 'khor los sgyur ba'i rgyal pos bsams pa nor/

  55. 28b

    bu de las 'byung ste/ 'di ni nor bu de'i yon tan gsum pa yin no// gzhan yang nor bu de'i yon tan bzhi pa ni yan lag brgyad par 'gyur te/ de'i cha re res 'od kyi kha dog sna tshogs gtong ste sngon po dang / ser po dang / dkar po dang / dmar po dang / btsod ka'i kha dog lta bu'o// gzhan yang nor bu'i yon tan lnga pa ni/ nor bu de gang na 'dug pa dpag tshad brgyar nye ba dag gis nad med par 'gyur zhing / rtag tu yid mnyam par gzhag pa dang / de'i 'dod pa thams cad las ji lta ba bzhin 'bras bu med par mi 'gyur ro// gzhan yang nor bu de'i yon tan drug pa ni klu ngan pas char mi bzad pa mngon par dbab par mi nus so/ / gzhan yang nor bu de'i yon tan bdun pa ni mya ngan dang / g.yang sa dang / dgon pa dang / shing ljon pa dang / yul dang bral ba rnams shing ljon pa dang / mtshe'u dang / tshal dang / pad+ma dang / nags tshal dang / ne'u gsing phun sum tshogs par 'gyur ro// gzhan yang nor bu de'i yon tan brgyad pa ni/ mi gang yang dus ma yin par 'chi bar mi 'gyur/ dud 'gro'i 'gro bar mi 'gyur/ dud 'gro'i 'gro ba gang gis kyang gnod par mi 'gyur ro// mi mthun pas kyang mi mthun pa la gnod par mi 'gyur te/ 'di lta ste/ ne'u le dang / sbrul lta bu ste/ yon tan chen po brgyad po de dag dang ldan no// 'khor los sgyur ba'i rgyal po de'i gnod sems spangs pa/ dge ba'i las kyi rnam par smin par 'gyur ba ni//

  56. 29a

    de'i bu yang skyong tham pa 'byung ste/ dpa' zhing rtul bod pa/ yan lag mchog gi gzugs dang ldan pa/ pha rol gyi sde mngon par 'joms pa/ bsam pa'i rjes su 'jug pa/ chos dang ldan zhing chos kyi rjes su 'jug pa/ rigs 'thun pa/ 'khor gyi skye bo thams cad dga' zhing rang bzhin gyis rjes su chags pa dag yin no// de nas gzhan yang gnod sems spangs pas/ gsum pa 'jig rten du 'khor lo rin po che ji ltar 'byung zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis brtags na/ 'khor lo rin po che yon tan lnga dang ldan par mthong ste/ 'di lta ste/ 'dzam bu chu bo'i gser las byas pa/ tshad dpag tshad lnga brgya yod pa/ rtsibs stong yod cing / 'jig rten na nyi ma gnyis pa lta bur rnam par mdzes te/ 'di ni de'i yon tan dang po yin no// gzhan yang 'khor lo rin po che'i yon tan gnyis pa ni/ nam mkha' la dpag tshad 'bum du nyi ma gcig gis thogs pa med par 'gro'o/ / gzhan yang 'khor lo rin po che de'i yon tan gsum pa ni 'di lta ste/ 'khor los sgyur ba'i rgyal po nub kyi ba lang spyod dang / shar gyi lus 'phags po dang / byang gi sgra mi snyan dang / rgyal chen bzhi'i lha'i gnas gang du 'gro bar 'dod pa de dang der nam mkha' la 'khor lo rtsibs stong yod pas 'gro zhing / de'i

  57. 29b

    mthus de'i dpung gi tshogs yan lag bzhi pa/ glang po dang / rta dang / shing rta dang / rkang tang ba dang lhan cig tu nam mkha' la 'gro'o// gzhan yang 'khor lo rin po che'i yon tan bzhi pa ni/ 'khor los sgyur ba'i rgyal po gang mi thos pa de/ 'khor lo rin po che des grogs byas te thos par byed do// gzhan yang 'khor lo rin po che de'i yon tan lnga pa ni/ sngo ba gang yang med de/ chos dang ldan pa'i chos kyi rjes su 'jug pa'i rgyal po la/ rgyal po 'am/ blon po chos kyi grogs pos mthong ma thag tu de dag thams cad 'bul te/ de ltar 'khor lo rin po che yon tan lnga dang ldan no/ / rin po che chen po gsum pa bshad zin to// de nas gzhan yang gnod sems spangs pa'i dge ba'i las kyi lam spyad pa dag 'khor los sgyur ba'i rgyal po'i bzhi pa glang po rin po che ji ltar 'jig rten du 'byung bar 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa'am/ lha'i mig gis mthong ste/ 'di la 'khor los sgyur ba'i rgyal po chos dang ldan zhing / chos kyi rjes su 'jug pa'i glang por 'gyur ba ni cang shes pa/ mchog tu bka' nyan pa/ pha rol gyi sde las rgyal bar byed pa/ yan lag bdun legs par gnas pa yin te/ 'di lta ste/ rkang lag bzhi dang / mjug ma ma theg pa dang / rlig pa mdoms kyi gnas na 'dug pa dang /

  58. 30a

    legs par gnas pa ste/ de dag la sogs pa de'i yan lag bdun dag sa'i steng na legs par rab tu gnas pa yin/ stobs che ba yin te/ rang bzhin gyis glang po che stong gi stobs yang dag par 'dzin par byed/ dkan 'jam pa dang ldan zhing / mdog dkar ba kha ba dang / dngul gyi mdog lta bu yin te/ 'di lta ste/ brgya byin gyi glang po che lta bu yin la/ glang po che gzhan dag de'i dri tshor nas mdun du 'dug par mi byed do// gnas gsum du g.yul 'gyed par 'gyur te/ 'di lta ste/ chu dang / skam sa dang / bur snang la'o// shugs phun sum tshogs pa dang ldan pa yin te/ nyin gcig gis 'dzam bu'i gling lan gsum du skor bar byed do// skud pas kyang dkrir rung bar 'gyur la/ gang gi tshe 'khor los sgyur ba'i rgyal po glang po che cang shes pa la zhon pa de'i tshe sems dang mthun par 'gyur te/ 'khor los sgyur ba'i rgyal po gang du sems 'jug par 'gyur ba der glang po che cang shes pa de ma bskul kyang 'jug go/ / dal gyis 'gro zhing 'gying bas spyi bo spyod pa gnod pa med cing 'khrugs pa med la/ sdug pa dang mdzes par 'gro ba yin/ byis pa'i nang du song na yang byis pa rnams la 'jigs par mi byed/ lam srang dang / bzhi mdo dang / ba gam gyi nang du song ste/ phan tshun 'gro ba na bud med kyis kyang reg par bzod pa yin/ g.yul 'gyed pa'i dus su drag la/ gnas pa'i dus su ni skud pas

  59. 30b

    / dkrir rung ba yin te/ rgyal po'i glang po che'i yon tan ni de dag yin no// 'khor los sgyur ba'i rgyal pos dge ba bcu'i las kyi lam re re spyad pas kyang 'khor los sgyur ba'i sa bon 'di dag 'grub na dge ba bcu'i las kyi lam mtha' dag gi rjes su zhugs pa lta smos kyang ci dgos/ de ltar rnal 'byor spyod pa de lha'i mig gis 'khor los sgyur ba'i bzhi pa glang po rin po che mthong ngo // nas gzhan yang 'khor los sgyur ba'i rgyal po'i rta rin po che ni yon tan du zhig dang ldan par 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa'am/ lha'i mig gis mthong ste/ rta rin po che ngang pa dang / me tog ku mu da ltar dkar ba yin/ kun nas lha'i nor bu'i gtsug la sogs pa mtshan bzang pos brgyan pa yin/ bong sted dang / mdog dang / dbyibs phun sun tshogs pa yin no// bsgo na nyin gcig gis 'dzam bu'i gling lan gsum du skor bar byed la/ de'i lus dag la shin tu nad med pa yin te/ 'di ni 'khor los sgyur ba'i rgyal po'i rin po che lnga pa yin no/ / de nas gzhan yang 'khor los sgyur ba'i rgyal po'i blon po rin po che ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis mthong ste/ blon po rin po che'i yon tan ni 'di dag yin te/ 'di lta ste/ gang rgyal po'i byi ba'i rnam pa yid la sems pa de nyid/

  60. 31a

    ma bsgos kyang de'i yid kyis shes nas/ rgyal po la yongs su dbul bar byed de/ shin tu rdzogs pa dang / de bsags pa dang / ma chags pa dang / chos ma yin pa rnam par spangs pa dang / shin tu rigs pa brtsams pa dang / yul dang dus dang ldan pa dang / nyon mongs pa med pa dang / gzhan la gnod pa med pa dang / skye bo la rnam par mi 'tshe ba dang / yang dag pa'i tha snyad dang ldan pa'i rang bzhin la skyo ba med par byed do// rgyal po'i bya ba'i rnam pa'am/ chos kyi don gyi bya ba 'dod pa dang ldan zhing / ma 'ongs pa'i bya ba dang ldan pa thams cad yongs su 'bul bar byed do/ / 'di ni 'khor los sgyur ba'i rgyal po'i blon po rin po che yin te/ lhag pa'i gnod sems spangs pa'i dge ba bcu'i las kyi lam spyod pa dag ni 'jig rten thams cad la pha ma ltar phan par gnas pa yin no/ / de nas gzhan yang ji ltar na/ bdun pa khyim bdag rin po che 'byung bar 'gyur/ khyim bdag rin po che de'i yon tan ni du zhig yod ce na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis mthong ste/ rgyal po'i bka' nyan pa'i khyim bdag rin po che'i yon tan ni 'di dag yin te/ 'di lta ste/ rdo rje dang / rin po che mthon ka dang / margad dang / sdug la sogs pa rin po che rnams kyi ngam grog dang / g.yang sa dang / ri khrod dang mi mthun pa gzhan dag tu ma bkos kyang shin tu

  61. 31b

    'gengs la/ rin po che rnams kyang zad pa med par 'gyur na/ gser dang dngul lta zhig smos kyang ci dgos/ khyim bdag rin po che 'di'i 'byor pa ni shin tu gnas pa yin te/ g.yo med pa dang / sgyu med pa dang / gzhan la mi gnod pa dang / skye bo thams cad dga' ba ni khyim bdag rin po che yin no// de ltar rgyal po rin po che sna bdun dang ldan pa ni mi'i gnas bzhi rnams la sgo ba byed cing / klu dang / lha'i ris gnyis dang / rgyal chen bzhi dang / sum cu rtsa gsum gyi lha rnams kyi dbang po'i stan phyed 'phrog pa yin te/ de ltar 'khor los sgyur ba'i rgyal po rin po che sgra bdun dang ldan pa yin no/ / de'i nye ba'i rin po che bdun ni rin po che de dag las cung zad dman pa yin te/ 'di lta ste/ ral gri nye ba'i rin po che dang / pags pa nye ba'i rin po dang / mal cha nye ba'i rin po che dang / tshal nye ba'i rin po che dang / khyim nye ba'i rin po che dang / gos nye ba'i rin po che dang / lham nye ba'i rin po che'o// de la 'khor los sgyur ba'i rgyal po'i ral nye ba'i rin po che'i yon tan ni 'di lta ste/ yul 'khor gang dag rgyal po'i yid dang / tshig las 'gal bar byed 'dod pa der ral gri nye ba'i rin po che 'gro ste/ des btab pa med cing / ral gri rin po che su la yang btab pa med kyis kyang yul 'khor kun gyis mthong nas 'dud par byed do/ / nye ba'i rin po che de'i yon tan 'di yin te/ bzang ba/ mi bzad pa/ chad pa med cing mtshon gyis

  62. 32a

    bda' ba med kyang yul 'khor de dag thams cad 'dud par byed de/ de ni ral gri nye ba'i rin po che'i yon tan yin no// pags pa nye ba'i rin po che'i yon tan ji lta bu zhe na/ pags/ pa rin po che ni rgya mtsho nas 'byung ste/ de byung bar gyur pa dang / tshong pa dag gis rgyal po la 'bul bar byed de/ de'i yon tan ni 'di dag yin no// de rgya mtsho'i klu'i pags pa yin te/ zheng du dpag tshad lnga la chur dpag tshad bcu ste/ de char gyis mi rlan/ rlung gis mi skyod/ mes mi 'tshig/ grang na dro bar byed cing / dro na bde ba bsil bar byed la/ 'khor los sgyur ba'i rgyal po 'khor dang bcas pa gang du 'gro ba der blon po rin po che des khyer bar byed de/ ji ltar so so nas byed pa ltar de rgyal po'i 'khor gyi khyim gyi bya ba thams cad byed do// bud med mi sdug pa dag mthong zhing / dkar ba de dang ldan par 'gyur la/ zla ba dang nyi ma'i 'od snang ba de dang yang ldan par 'gyur ro// gsum pa rgyal po'i mal cha rin po che ni yang zhing 'jam la mtho dman can yin te/ gal te bsam gtan sems/ na/ de'i bsam gtan rnam par grol zhing / blo gros gsal bar byed/ gal te 'dod chags kyis zil gyis non pa yin na/ de mal cha'i steng du 'dug na/ de'i tshe 'dod chags dang bral zhing chags pa med par byed do/ / zhe sdang dang / gti mug dag la yang de bzhin te/ mal cha nye ba'i rin po che ni bsam gtan gyi gnas dang 'dra'o// rgyal po mal cha rin po che'i nang na 'dug pa bud med

  63. 32b

    kyis mthong la/ de'i tshe mchog tu dga' ba skyes kyang yid la shin tu 'dod chags par mi 'gyur te/ gsum pa 'di ni mal cha nye ba'i rin po che'i yon tan yin no// bzhi pa tshal nye ba'i rin po che'i yon tan du yod ce na/ 'di lta ste/ gal te rgyal po tshal du bsam gtan la dga' bar 'gyur te/ de der nye bar 'gro na tshal de'i mthu dang / rgyal po'i dge ba'i las kyis gang lha'i 'jig rten gyi tshal gyi dga' ba'i rnam pa me tog dang / 'bras bu dang / bya dang / pad+ma dang / steng ka dang / 'bab pa'i chu ngogs bde ba dang / lha'i bu mo dag rol mo byed cing / dgod la mdzes pa rtse ba de dag thams cad lha'i ris de nas tshal der nye bar 'ong ste/ rgyal po de yang lha bzhin du lha'i 'dod pa'i yon tan lnga dag dang ldan par 'gyur/ tshal nye ba'i rin po che der bud med dang lhan cig tu dga' zhing dga' dgur spyod par byed de/ dge ba'i las kyis rnal 'byor spyod pa de bzhi pa tshal nye ba'i rin po che mthong nas gnas so// 'khor los sgyur ba'i rgyal po'i khyim nye ba'i rin po che ji lta bu yin/ yon tan ni du zhig dang ldan zhe na/ 'di lta ste/ gal te 'khor los sgyur ba'i rgyal po'i khyim nye ba'i rin po che'i nang du nyal bar gyur na/ mtshan mo nyal ba de'i tshe zla ba lta bar 'dod na 'ong zhing / gza' dang / rgyu skar dang / skar mda' dag kyang de'i khyim der nye bar 'ong bar 'gyur/ de'i nor bu yang mthong na dga' bar 'gyur/ lha mo dag kyang lha'i rol mo byed par 'gyur/ gang mya ngan mang po dang bra

  64. 33a

    ba'i mi de bde bar gnyid log par 'gyur/ gnyid log pa na rmi lam dge ba mchog tu dga' ba dag mthong bar 'gyur/ zang pa'i dus su ni rlung dro ba ldang zhing / dro ba'i dus su yang bsil ba reg na bde zhing 'jam pa ldang ngo / / mtshan mo thun gsum las thun gnyis la nyal zhing / thun gsum pa las gnyid dang bral nas langs te/ bde ba'i chos la gnas par 'gyur te/ 'di ni 'khor los sgyur ba'i rgyal po'i khyim nye ba'i rin po che yin no// gos nye ba'i rin po che'i rnam pa du yod/ yon tan ni du zhig dang ldan zhe na/ 'di lta ste/ thags bzang zhing mchog tu 'jam la dri mas ma gos pa yin te/ gyon nas kyang zang ba dang / dro ba dang / bkres pa dang / skom pa dang / nyam chung ba dang / ngal ba dang / dub pa'i gnod pa med la/ me dang mtshon dag gis bsreg pa dang / gcod par mi nus so// de nas gzhan yang 'khor los sgyur ba'i rgyal po'i lha ma nye ba'i rin po che ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis brtags na/ lham nye ba'i rin po che 'khor los sgyur ba'i rkang pa la gyon na/ ji ltar skams la rkang pa mi 'bying ba de bzhin du chur yang mi 'bying bar 'gyur ro/ / gal te dal gyis sngon du 'gro bar 'dod na dpag tshad brgyar yang 'gro bar 'gyur zhing / lus la ngal ba med de/ 'di dag ni 'khor los

  65. 33b

    sgyur ba'i rgyal po rin po che sna bdun dang / nye ba'i rin po che sna bdun dag la spyod pa yin te/ mi'i gnas bzhi dang / lha'i ris gnyis la nye bar spyod pa yin no// de'i bu dpa' zhing rtul phod la pha rol gyi sde rab tu 'joms pa stong tham pa yod de/ de dag 'khor los sgyur ba'i rgyal po la phyag byed do// gnod sems mi dge ba'i las spangs pa ni/ dge ba bcu'i las kyi lam gyi rgyu mthun pa bde ba dedag myong bar 'gyur ro/ / de nas gzhan yang 'khor ba thams cad kyi sa bon du gyur pa/ thog ma med pa'i dus nas mun pa mun nag tu gyur pa yang dag par spyod pa thams cad kyi bag la nyal bar gyur pa/ / log par lta ba spangs pa ji lta bu yin/ yang dag pa'i lta bas 'khor ba las grol ba ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ rnal 'byor pa des chos la chos kyi rjes su mthong ba ni/ 'di la log par lta ba spangs shing / de'i yang dag pa'i lta bas don med pa thams cad spong ba/ yang dag pa'i sbyor ba'i bag la nyal 'dor bar 'gyur/ de mya ngan las 'das pa dang nye bar 'gyur zhing / 'khor ba dang ring bar 'gyur/ 'di la log par lta ba rnam pa lnga mthong nas/ dbang po lnga sgrub par 'gyur ba ni skyes bu dam pa dam pa'i chos la mngon par dga' ba 'di thog ma nas 'di ltar sangs rgyas kyi yon tan de dag rnar thos nas/ de'i tshe 'di ltar

  66. 34a

    'khor ba'i sdug bsngal rnam pa sna tshogs la dmigs shing / 'gro ba lnga rnams la 'jigs pa chen po lnga dmigs te/ lha rnams la bag med pas 'chi ba'i sdug bsngal dang / mi rnams la 'dod pa'i sdug bsngal dang / sems can dmyal ba rnams la gnod pa'i sdug bsngal dang / yi dgas rnams la bkres pa dang skom pa'i sdug bsngal dang / dud 'gro rnams la gcig la gcig za ba'i sdug bsngal te/ de ltar rnam pa lnga po de dag rnam pa du ma yod cing / sdug bsngal gyi yan lag dbye ba dag dpag tu med par dmigs so// de'i tshe 'di ltar thog ma nyid du 'khor ba thams cad las nges par 'byung bar gyur cing / snang bar gyur la/ dam pa'i chos nges par 'byed pa'i cha lam rab tu 'byung bar sems bskyed de/ de'i sems bskyed pa gcig las dge ba'i chos kyi rgyun nyid skye'o// gang gis de'i sems bskyed pa de dang yang dag par ldan pa la bar snang la spyod pa'i gnod sbyin rab tu mgu zhing / kun tu dga' la rab tu dga' ste/ sems rangs par gyur nas/ yid la rigs kyi bu 'di'i mang ni 'di zhes bya/ rigs ni 'di zhes bya ste/ de thog ma med pa'i dus nas 'dod chags zhe sdang gti mug rnams spangs par 'dod la/ bdud kyi yul gyi dngos po mi 'dod par zhugs pa/ kun nas nyon mongs pa'i yul dag gis dga' ba'i 'dod chags kyi mod las skyes pa'i sred pa dag la kun tu mi dga' ba yin no snyam mo/ / gzhan yang log par lta ba dang bral ba'i rigs kyi bu de ni/ de ltar rtag tu rab tu 'byung ba'i

  67. 34b

    sems kun tu ston par byed cing / goms par byed la mang du byed/ dge ba'i bshes gnyen la basbyin bkur byed/ dam pa'i chos nyan pa la dga' bar 'gyur// sangs rgyas kyi chos la phyir zhing sems gsal la phyag 'tshal bar byed/ lus dang ngag gi las kyi mtha' zhi zhing shin tu gsal ba yin te/ de ltar de'i lus dang / ngag dang / yid zhi bas nyin mo mnyam par gzhag par bar snang la spyod pa'i gnod sbyin gyis rig nas kun tu dga' bar 'gyur te/ rigs kyi bu 'di dge ba'i bshes gnyen la sems rab tu dang zhing khyim gyi gnas gze ba lta bur gyur pa la sems kun tu mi chags/ des bdud kyi yul rnams la thog ma med pa'i dus nas zhugs pa'i 'dod chags zhe sdang gti mug dag gis 'dod pa'i lha dang lhan cig tu 'du shes dag la chags pa med cing bdud dang lhan cig g.yul 'gyed par 'dod la/ nyon mongs pa spang bar 'dod pa de/ bar snang la spyod pa'i gnod sbyin gyis rig nas kun tu dga' bar 'gyur ro// gzhan yang rigs kyi bu de de ltar 'khor ba'i sdug bsngal la dmigs nas ches shin tu rab tu 'byung ba'i sems skyed par byed de/ de srog gcod pa dang / ma byin par len pa dang / 'dod pas log par g.yem pa dang / chang dang / sbyar ba'i chang dang / brdzun du smra ba spangs nas/ sdom pa len par 'gyur ro// de gang gi tshe dge bsnyen gyi sdom pa rdzogs par spyod par 'gyur ba de'i tshe/ bar snang la spyod pa'i gnod sbyin kun tu dga' ste/ rigs kyi bu che ge mo zhig ming ni 'di zhes bya/ rus 'di zhes bya/ grong

  68. 35a

    khyer che ge mo zhig dang / grong rdal ga ge mo zhig dang / yul gage mo zhig tu spu dang ba spu bregs te/ chos gos ngur smrig bgos nas/ yang dag pa'i dad pas khyim nas khyim med par rab tu byung ste/ bdud kyi phyogs ni dems par byed cing / dam pa'i chos kyi phyogs ni mtho bar byed/ bdud kyi 'ching ba ni rnam par gcod par byed cing / nyon mongs pa chen po 'dod chags zhe sdang gti mug las grol bar byed do zhes mngon par sgrogs so/ / log par lta ba ni kun tu sbyor ba'i bag la nyal thams cad kyi gzhi yin la/ yang dag par lta ba ni mtha' mya ngan las 'das pa'i gzhi yin te/ rnal 'byor spyod pa pas chos de rjes su mthong ngo // de'i tshe 'di ltar thog ma nyid du yang dag par lta ba la mngon par bstod par byed de/ mi dgod/ mi smod/ skyon du mi bkra la/ pha rol dag la bstod par byed cing rab tu 'jog par byed do// log par lta ba la smad de/ bstod par mi byed la smod par byed do// yang dag par lta bas ni log par lta ba las dang / chos dang / rnam par smin pa yang dag par mngon par ston par byed cing 'jog par mi byed do// 'ching ba rnams kyi rtsa ba ni log par lta ba yin te/ byis pa so so'i skye bo rnams kyi 'ching ba yin zhing // 'byung po rnams dang / sems can dmyal ba dang / dud 'gro dang / yi dgas kyi yul du gnas pa'i mtha' yin no// rigs kyi bus de spangs na dge ba du ma de dag thob par 'gyur ro// gzhan

  69. 35b

    yang rigs kyi bu de 'di ltar khyim gyi gnas ni sdug bsngal ba/ nyam nga ba 'ching bar gyur pa du ma yin te/ rang dbang med par rig nas khyim nas 'byung zhing rab tu 'byung bar 'dod la/ bdud dang lhan cig g.yul 'gyed par 'dod pa'i skyes bu dam pa des bla dang bar snang la spyod pa'i lha dag gis rig nas kun tu dga' ste/ rgyal po chen po bzhi rnams la kun tu dga' ba'i yid kyis// rigs kyi bu 'di zhes bya ba/ grong che ge mo zhig dang / grong rdal mang ge mo zhig dang / yul ga ge mo zhig tu sgra dang kha spu bregs te/ gos ngur smrig bgos nas/ yang dag pa'i dad pa nyid/ kyis khyim nas khyim med par rab tu 'byung ngo // de khyim nas byung ba bdud kyi phyogs ni dmas par byed pa dang / dam pa'i chos kyi phyogs ni mngon par mtho bar byed do zhes mngon par bsnyad do// de nas rgyal po chen po bzhi po de dag gis sa bla dang bar snang la spyod pa'i lha dag dang / gnod sbyin de dag las de skad thos nas yid dga' la/ bar snang la spyod pa'i gnod sbyin yang rab tu dga' bar 'gyur ro/ / de ltar 'dzam bu gling gi mi dam pa'i chos dge ba'i gtam gyis spro ba skyes nas/ rigs kyi bu de ji ltar rigs par 'phags pa dge sbyong gi mkhan po la bsnyen bkur byed do/ / bsnyen bkur byas nas kyang skra dang kha spu khregs shing / gos ngur smrig bgos te/ so sor thar pa'i sdom pa len to// sdom pa blangs nas sa pra dang bar snang la

  70. 36a

    spyod pa'i gnod sbyin rnams lhag par kun tu dga' ste/ rgyal po chen po bzhi la 'dzam bu gling na/ rigs kyi bu che ge mo zhig ces bya ba grong mang ge mo zhig dang / yul ga ge mo zhig tu log par lta ba spangs nas yang dag par lta ba'i las dang chos yang dag par blangs pa/ bu dang chung ma la sred pa dug lta bu don med cing / nyam nga ba thams cad spangs nas/ skra dang kha spu bregs/ gos ngur smrig bgos shing so sor thar pa blangs te/ bdud dang lhan cig g.yul 'gyed par 'dod pa/ dga' ba'i 'dod chags kyi mod las skyes pa spong bar 'dod pa yin no zhes mngon par bskrad do/ / de nas de'i tshe rgyal po chen po bani kun tu dga' nas/ rgyal chen bzhi'i ris kyi lha rnams la 'dzam bu gling du rigs che ge mo zhig las/ grong mang ge mo zhig dang / yul ga ge mo zhig tu rigs kyi bu che ge mo zhig log par lta pa spangs nas/ yang dag par lta bas skra dang kha spu bregs/ gos ngur smrig bgos nas/ dad pa nyid kyis khyim nas khyim med par rab tu byung ste dge slong ga ge mo zhig gi drung du gnas so zhes mngon par sgrogs so/ / de lha rnams kyis thos nas bdud kyi phyogs dmas par 'gyur zhing / dam pa'i chos kyi phyogs ni 'phel bar 'gyur ro zhes yid dga' bar 'gyur ro/ / de nas rgyal po chen po bzhi las rgyal po chen po bzhi'i lha rnams kyis thos nas shin tu yid dga' bar 'gyur ro// gzhan yang rigs kyi bu de 'di ltar kha na ma tho ba

  71. 36b

    rdul tsam la yang 'jigs par lta la/ bzod cing dul te/ sems yang dag par sdom pa/ 'du 'dzi la mi dga' zhing nye bar khro ba med pa/ rigs nas rigs su nye bar bsten cing / sdig/ bo'i grogs po dang 'grogs par mi byed la/ yul gyi rnam par rtog pa la lta bar mi byed/ bza' ba zhim po mang du mi 'dod cing / tshogs ngan pa dang spyod par mi byed/ yul gyi spyod ba la mngon par dga' bar mi byed cing / nam du yang mdza' bshes su lta ba'i ngang tshul can du mi byed/ yul la spyod pa'i tshul khrims su mi byed cing / dran pa nye bar gzhag pa la rtag tu brtson par 'gyur/ zhi ba'i zas kyis gnas shing bdud kyi 'ching ba spyod pa la rtag tu brtson par 'gyur/ yang dag par lta ba la rtag tu brtson zhing skyes bu dam pa 'jig rten thams cad la/ phan par 'dod pa yin no// 'dir tshigs su bcad pa/ 'byung po rnams la gang mi 'tshe// rtag tu byams sems bzod ldan pa// 'byung po kun gyi pha lta bur// de la 'jig rten rjes su lta/ / ma byin len pa spangs pa ni// rtag tu shes ldan dbang po thul// lus kyi las mtha' dge ba dang // srid pa dog las de rgal to// ri mo bris pa'i bud med la// mig gis lta/ bar mi byed do// 'jig rten 'dod pa dam bcom pa// de lta bu ni grol zhes bya// dpa' la bong ba gser du 'dra// mya ngan bral zhing mnyam par gzhag/ nyon mongs 'dod chags ma 'dres pa

  72. 37a

    de ni mtha' yas sgo thob bo/ / gang la don dang don mi mnyam// de bzhin rnyed dang ma rnyed dang // bde ba sdug bsngal sems mnyam pa// de ni dge slong zhes bya'o// mdza' bshes mi bshes gnyis ka spangs/ / sems ni mnyam zhing dbang po thul// gang dag yul gyis nyon mi mongs// de 'dra bram zer shes par bya// yul ni gang dag dug 'dra la// sdang ba dang / po nyon mongs bral// rdzogs sangs rgyas kyis bshad pa yi// de yi mya ngan 'das mi ring // skye dang 'jig pa'i de nyid shes// yang dag lta la chags pa med// gangs ri lta bur blo mi g.yo// de ni 'khor ba las grol lo/ / tsan dan dang ni ral grir mnyam// zas ni zhim dang mi zhim mnyam// zab dar snam bu mnyam pa ni// sred pas gnod par mi 'gyur ro// rnyed dang bkur sti mi dga' zhing // rtswa stan tsam gyis chog byed la/ / rnyed dang bkur sti me lta bur// gang gis mthong ba de mthong ngo // gang dag yul gyi dbang mi 'gyur// srid pa'i chu bor mi 'jug la// rang gi las 'bras de nyid shes// de ni dge slong sangs rgyas gsung // gang dag 'das pa'i dus mi gnod// ma 'ongs pa la blo mi dga'// rnal 'byor pa ni da ltar la// mi dga' de yi blo gros med// gang gis blo gros phyir log la// chos la rtag tu gnas par 'gyur// dkar po chos la mnyam bzhag pa// de ni 'khor bar mi 'jug go/ gang gi sems la rnyog mi byed// rig pa me lta bu yin no// gang la yul ni bran lta bu// de la

  73. 37b

    sdug bsngal med pa yin/ / gang gis dbang po dbang byed cing // dbang po'i dbang du mi 'gro la// gang dag gzugs sogs mi 'phrogs shing // nyon mongs med pa thub dang 'dra// gang gis bsams// pa dge ba dag/ bzod ldan mthong na dga' ba dang // sems ni rab tu dga' byed pa// mi de zla 'dra thub pa yin// gang dag dgon la mngon par dga'// khang bzang mchog la chags pa med// thang gi shing la mngon dga' zhing // zas slong dge slong zhes bya'o// dpa' bo zhi dul blo bzang ba// bde dang sdug bsngal de nyid rig/ de ni bla med gnas 'gro zhing // gang du song bas nyon mi mongs// snying brtse ldan zhing blo gros dang // rtag tu bsam gtan pha rol 'gro// phal pa rnams dang mnyam mi 'gro// rnal 'byor de ni bden tshig ldan// log par lta ba'i chos de dag/ spangs pas de dag thob par 'gyur/ / gzhan yang log par lta ba spangs pas/ yang dag par lta ba sngon du 'gro ba'i yid rnam par rtog pa spangs pas rim gyis zag pa med pa'i bsam gtan la mngon par dga' ba la/ sa pra dang bar snang la spyod pa'i lha dang / gnod sbyin dang / rgyal po chen po bzhi rnams ji ltar dgu' bar 'gyur zhe na/ rnal 'byor smod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ rgyal po chen po bzhi po de dag gis/ rgyal chen bzhi'i lha de dag dang / lha rnams kyi dbang po brgya

  74. 38a

    byin la spogs par byed pa ni/ lha 'di ltar 'dzam bu'i gling na/ rigs che ge mo zhig las/ grong mang ge mo zhig dang / grong rdal ga ge mo zhig tu/ rigs kyi bu ming 'di zhes bya ba skra dang kha spu bregs te/ gos ngur smrig bgos nas dad pas khyim nas khyim med par rab tu byung ste/ de tshul khrims dang / yang dag par sdom pa spyod pa/ spobs pa rig pa dang grol ba/ dran pa nye bar gzhag pa/ kha na ma tho ba rdul tsam la yang 'jigs par lta ba/ bdud kyi phyogs dmas par byed cing / dam pa'i chos kyi phyogs mngon par mtho bar byed de/ de bdag cag gis lha rnams la gsol ba lags so// de thos nas lha rnams kyi dbang po brgya byin shin tu yid dga' ba dang / brgya byin gyi mdun na 'don de dang / sum cu rtsa gsum gyi lha rnam/ kun tu dga' bar 'gyur ro// dge ba bcu'i las kyi lam le'ur bcad pa'o// // dam pa'i chos dran pa nye bar gzhag pa bam po gsum pa// de nas gzhan yang zag pa rim gyis spangs pa'i dge slong dag dang po mi dge ba'i chos spong zhing / dge ba'i chos ji ltar sgom par byed cig gu snyam nas/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis brtags na/ dge slong de thog ma nyid du yul dang dbang po 'di dag phan tshun rgyu rkyen du gyur pa dag gis/ skye bo kun thog ma

  75. 38b

    med pa'i dus nas 'khor bar zhugs shing / yongs su 'khyam pa de dag nyid kyi skye ba'i rgyur gyur pa/ yul gyi rgya mtsho la rnam par rtog par byed de/ nang dang yul de dag gis skye bo 'di dag 'khyam mo snyam mo/ / de re zhig thog ma nyid du de ltar dben pa la mngon par dga' ba goms par byed de/ dgon pa dang / tshal gyi nang dang / kun dga' ra ba dang / sog ma'i khrod dang / shing drung dang / dur khrod dben pa rnams su sems spre'u lta bu gdul ba'i phyir goms par byed de/ dben pa la mngon par dga' ba'i sems shin tu dang bar byed do// de grong dag tu dgod dgod/ sgeg sgeg/ rtse rtse ba dag la mngon par mi dga' zhing / pha rol gyi bud med de la lta bar mi byed la/ 'du 'dzi la mngon par dga' bar mi byed do// tshangs par spyod pa la tshogs gnyis 'dra ste/ 'du 'dzi dang smad 'tshong ngo // de tshogs gnyis spangs nas dang por de'i yid rtse gcig la dga' zhing rab tu dang bar byed de/ de thog ma nyid du ji ltar na sems 'di bsdu ba dang / gzung bar nus snyam du yang dag par rnam par rtog par byed do// de thog ma nyid du 'di ltar yid kyi dpyod pa bco brgyad dag gros/ dge ba dang / mi dge ba dang / lung du ma bstan pa la yid 'jug par byed do snyam mo// bco brgyad gang zhe na/ 'di lta ste/ mig gi gzugs mthong nas yid bde ba'i gnas su 'gyur ba ni/ kun nas nyon mongs pa mi dge ba'i rnam par smin par 'gyur te/ so sor myong bar byed cing yang dag par rab tu rtog par byed do// yid mi

  76. 39a

    bde ba'i gnas su 'gyur ba ni/ 'dod chags dang bral ba yin te/ de dge ba'i chos rnam par smin par 'gyur ba yin no// btang snyoms kyi gnas su 'gyur ba ni/ du ma bstan pa'i rnam par smin par 'gyur ba yin no// de ltar rna bas smra thos nas yid bde ba'i gnas su 'gyur ba ni/ kun nas nyon mongs pa mi dge ba'i rnam par smin pa yin no// yid mi bde ba'i gnas su 'gyur ba ni/ rnam par byang ba la dmigs pa dge ba'i rnam par smin pa yin no// btang snyoms kyi gnas su 'gyur ba ni/ lung du ma bstan pa'i rnam par smin pa yin no// de bzhin du snas dri bskams nas yid bde ba'i gnas su 'gyur ba ni/ kun nas nyon mongs pa mi dge ba'i rnam par smin pa yin no// yid mi bde ba'i gnas su 'gyur ba ni/ rnam par byang ba dge ba'i rnam par smin pa yin no/ / btang snyoms kyi gnas su 'gyur ba ni/ lung du ma bstan pa'i rnam par smin pa yin no// de bzhin du lces ro myong nas yid bde ba'i gnas su 'gyur ba ni/ kun nas nyon mongs pa mi dge ba'i rnam par smin pa yin no// yid mi bde ba'i gnas su 'gyur ba ni/ rnam par byang ba dge ba'i rnam par smin pa yin no// btang snyoms kyi gnas su 'gyur ba ni/ lung du ma bstan pa'i rnam par smin pa yin no// de bzhin du lus kyi reg bya la reg nas yid bde ba'i gnas su 'gyur ba ni/ kun nas nyon mongs pa mi dge ba'i rnam par smin pa

  77. 39b

    yin no/ / yid mi bde ba'i gnas su 'gyur ba ni/ rnam par byang ba dge ba'i rnam par smin pa yin no// btang snyoms kyi gnas su 'gyur ba ni/ lung du ma bstan pa'i rnam par smin pa yin no// de bzhin du yid kyi chos shes nas yid bde ba'i gnas su 'gyur ba ni/ kun nas nyon mongs pa mi dge ba'i rnam par smin pa yin no// yid mi bde ba'i gnas su 'gyur ba ni/ rnam par byang ba dge ba'i rnam par smin pa yin no/ / btang snyoms kyi gnas su 'gyur ba ni/ lung du ma bstan pa'i rnam par smin pa yin te/ de ltar yid kyi dpyod pa bco brgyad kyi rnam par smin pa dag gis 'khor ba na 'chi ba dang / skye bar 'gyur ro snyam mo// gang gi tshe dge slong de yid kyi dpyod pa bco brgyad dag mthong ba de'i tshe/ bar snang la spyod pa'i gnod sbyin kun tu dga' nas/ sa bla'i gnod sbyin rnams la mngon par bsnyad do// bar snang la spyod pa dang / sa bla'i gnod sbyin yid rab tu dga' bas/ rgyal po chen po bzhi la mngon par bsnyad do// rgyal po chen po bzhi po de dag gis rgyal chen bzhi'i lha rnams la/ gang 'dzam bu'i gling du grong che ge mo zhig dang / grong rdal mang ge mo zhig dang / yul ga ge mo zhig tu/ rigs che ge mo zhig gis rigs kyi bu skra dang kha spu bregs te/ gos ngur smrig bgos nas/ dad pas khyim nas khyim med par rab tu byung ste/ de yid kyi dpyod pa bco brgyad dag la rab tu rtog par byed cing mngon

  78. 40a

    sum du byed la/ dben pa la mngon par dga' ste/ mtha' gcig la spyod pa yin no zhes mngon par bsnyad do// rgyal po chen po bzhi dag las rgyal chen bzhi'i lha dag gis de thos nas/ bdud kyi phyogs ni dmas par 'gyur la/ dam pa'i chos kyi phyogs ni mngon par mtho bar 'gyur ro snyam du kun tu dga' bar 'gyur ro// rgyal chen bzhi'i lha de dag gis wA'i dbang po brgya byin la/ lha gang 'dzam bu gling na rigs che ge mo zhig las zhes bya ba nas/ rigs kyi bu che ge mo zhig skra dang kha spu bregs te/ gos ngur smrig bgos nas/ dad pas khyin nas khyim med par rab tu byung ste/ de dben pa nas dur khrod kyi bar la dga' ba/ yid kyi dpyod pa bco brgyad la rab tu rtog par byed cing / mngon sum du byas nas nye bar bsgrubs te gnas so zhes mngon par bsnyad do/ / rgyal chen bzhi'i lha de dag las/ lha'i dbang po ko'u shi kas de thos nas/ yid mchog tu dga' bar 'gyur ba mthong ngo // de nas gzhan yang dge slong de yid kyi dpyod pa bco brgyad rab tu thob pa/ 'dod pa las gzhan pa'i sa ji ltar yid la byed cig gu snyam nas/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis brtags na/ ngaphags pa'i byin gyi rlabs bzhi mthong ste/ 'di lta ste/ shes rab kyi byin gyi rlabs dang /

  79. 40b

    bden pa'i byin gyi rlabs dang / gtong ba'i byin gyi rlabs dang / nye bar zhi ba'i byin gyi rlabs so// dge slong gis shes rab kyi byin gyi rlabs ji ltar mthong zhe na/ 'di la dge slong ni dge slong bdag nyid kyi lus ji ltar gnas pa de chos nyid kyis mthong ste/ lus 'di la sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams de dag rab tu shes shing / rnam par 'byed la so sor rtog go// de la sa'i khams gang zhe na/ sa'i khams rnam pa gnyis te/ nang na yod pa dang // phyi rol na yod pa'o// de la nang na yod pa gang zhe na/ lus 'di la gang cung zad nang dang so so'i nang du bzung ba dang / zin pa'o// de la bzung ba ni pags pa dang / sha la sogs par bsdus pa'o/ / zin pa ni sgra dang / spu dang / sen mo dang / sos bsdus pa'o// sra ba dang / mkhrang ba'i rnam pa ni bzung ba dang / zin pa ste/ de yang gang zhe na 'di lta ste/ swa dang / sru dang / sen mo dang / so dang / rdul dang / rang gi sha dang / rus pa dang / rtsa dang / rgyus pa dang / snying dang / mchin pa dang / glo ba dang / mkhal ma dang / mchen pa dang / mchil ma dang / pho ba dang / long ka dang / rgyu ma dang / gnye ma dang / lto dang / lto ba dang / klad pa dang / klad rgyas rnams so// gang

  80. 41a

    gzhan yang lus 'di la nang dang / so so'i nang du sra ba dang / mkhrang ba'i rnam pa bzung ba dang / zin pa 'di ni nang gi sa'i khams zhes bya'o// de la phyi rol gyi sa'i khams gang zhe na/ phyi rol la gang cung zad sra ba dang / mkhrang ba'i rnam pa ma bzung ma zin pa 'di ni phyi rol gyi sa'i khams zhes bya'o// de la gang sa'i khams de gcig tu bsdus pa'i khams 'di ni khams tsam ste/ tshor ba pos gnas su ma byas shing / 'dod rgyal gyis ma byas pa'i sa'i khams rtag par ma yin/ bde bar ma yin/ gtsang bar ma yin par mthong zhing / de bdag tu mi blta ba'i shes rab kyi byin gyi rlabs la lhag par mos pa'i dge slong de ni 'di dag thams cad bdag gi ma yin/ de dag bdag ma yin/ de dag bdag dang bdag gi ma yin no snyam mo/ / 'di dag yang dag pa'i shes rab kyis yang dag pa ji lta ba bzhin du mthong nas/ sa'i khams la sems 'di 'dod chags dang bral bar 'gyur te/ de ltar dge slong shes rab kyi byin gyi rlabs la lhag par mos par 'gyur ro/ / de la chu'i khams gang zhe na/ chu'i khams kyang rnam pa gnyis te/ nang na yod pa dang / phyi rol na yod pa'o// de la nang na yod pa ni lus 'di la gang cung zad chu dang / chu'i rnam pa 'byung ba'i mtshan nyid yin te/ chu'i khams ni lus la gsher ba'i bdag nyid du yod pa rdul dang / mchil ma dang / snabs dang / klad pa'i pri dang

  81. 41b

    khrag dang / zhag dang / chu ser dang / tshil dang / rkang dang / mkhris pa dang / gcin dang / klad rgyas rnams so// gang gzhan yang lus 'di la nang so so'i nang du chu dang / chu'i rnam pa bzung ba dang / zin pa gang cung zad yod pa 'di ni nang gi chu'i khams zhes bya'o// phyi rol gyi gang zhe na/ gang cung zad phyi rol gyi chu dang / chu'i rnam pa gsher ba dang / gsher ba'i rnam pa ste ma bzung ba ma zin pa 'di ni phyi rol gyi chu'i khams zhes bya'o/ / de la gang nang gi chu'i khams dang / gang phyi rol gyi chu'i khams de dag gcig tu bsdus pa'i khams de dag khams tsam ste/ 'di dag thams cad bdag gi ma yin/ de dag bdag ma yin/ de dag bdag dang bdag gi ma yin pa/ chu'i khams yang dag pa mthong nas/ chu'i khams la sems 'dod chags dang bral bar 'gyur te/ de ltar dge slong shes rab kyi byin gyi rlabs la 'jug pa yin no// de la me'i khams gang zhe na/ me'i khams kyang rnam pa gnyis te/ nang na yod pa dang / phyi rol na yod pa'o// de la nang gi me'i khams ni lus 'di la gang cung zad nang dang / so so'i nang gi me dang / me'i rnam pa gzung ba dang / zin pa'o// de dag gang zhe na/ 'di lta ste/ gang gis gdung bar byed pa dang / gang gis yongs su sreg par byed pa dang / gang gis 'bar bar byed pa dang / gang gis zos pa dang / 'thungs pa dang / 'chos pa dang /

  82. 42a

    myangs pa rnams legs par bde bar byed par 'gyur ba dang / gang gzhan yang lus 'di la nang gi dang / so so'i nang gi me dang / me'i rnam pa gzung ba dang / zin pa 'di ni nang gi me'i khams zhes bya'o/ / de la phyi rol gyi me'i khams gang zhe na/ phyi rol gyi gang cung zad mu dang / me'i rnam pa dang / dro ba dang / dro ba'i rnam pa ste/ ma bzung ba ma zin pa 'di ni phyi rol gyi me'i khams zhes bya'o/ / de la gang nang gi ma'i khams dang / gang phyi rol gyi me'i khams de dag gcig tu bsdus pa'i khams 'di ni khams tsam ste/ de dag thams cad pa dag gi ma yin/ de dag bdag ma yin/ de dag bdag dang bdag gi ma yin te/ 'di ltar de dag yang dag pa'i shes rab kyis yang dag pa ji lta ba bzhin mthong nas/ me'i khams la sems 'dod chags dang bral bar 'gyur ro/ / de byed pa pos gnas su ma byas kyang me'i khams rab tu 'jug go// de la rlung gi khams gang zhe na/ de la rlung gi khams kyang rnam pa gnyis te/ nang na yod pa dang / phyi rol na yod pa'o// de la nang gi gang zhe na/ lus 'di la gang cung zad nang dang / so so'i nang gi rlung dang / rlung gi rnam pa yang ba dang / yang zhing g.yo ba bzung ba dang / zin pa ste/ de dag kyang gang zhe na/ steng du 'gro ba'i rlung dang / 'og tu 'gro ba'i rlung dang / ngos su 'gro ba'i rlung dang / ltor 'gro ba'i rlung dang / de bzhin du ral gri dang / khab dang / mtshon cha lta bu'i

  83. 42b

    rlung dang / rlung sman dang / srin bu dang / lhan cig rgyu ba'i chung brgyad cu dag go// rlung brgyad cu dag yan lag dang nying lag dag gi rjes su 'jug go// gang lus 'di la gzhan yang nang dang / so so'i nang gi rlung dang / rlung gi rnam pa yang zhing g.yo ba'i bzung ba dang / zin pa 'di ni nang gi rlung gi khams zhes bya'o// de la phyi rol gyi rlung gi khams gang zhe na/ phyi rol gyi gang cung zad rlung dang rlung gi rnam pa yang zhing g.yo ba ma bzung ba ma zin pa 'di ni phyi rol gyi rlung gi khams zhes bya'o/ / de la nang gi rlung gi khams dang / gang phyi rol gyi de dag thams cad mngon par bsdus pa'i khams 'di ni khams tsam ste/ de dag bdag gi ma yin/ de dag bdag ma yin/ de dag bdag dang bdag gi ma yin la/ byed pa pos gnas su ma byas shing / tshor ba pos gnas su ma byas te/ de ltar 'di dag yang dag pa'i shes rab kyis yang dag pa ji lta ba bzhin du mthong nas/ rlung gi khams de la sems 'dod chags dang bral bar byed de/ 'di ni shes rab kyi byin gyi rlabs mngon sum du byed pa'i dge slong yin no// de la nam mkha'i khams gang zhe na/ nam mkha'i khams kyang rnam pa gnyis te/ nang na yod pa dang / phyi rol na yod pa'o// de la nang gi lus 'di la gang cung zad nang dang / so so'i nang gi nam mkha' dang / nam mkha'i rnam pa bzung ba dang / zin pa mi gsal zhing / gzugs kyi rnam pas khyab par bya ba dang / zos pa dang / 'thungs pa dang / 'chos pa dang / myangs pa rnams

  84. 43a

    nang du 'jug par skabs 'byed pa dang / mid pa'i sbubs dang / mig phugs dang / sna'i bu ga dang / lce'i bu ga dang / zas nang du 'gro ba lces skabs 'byed par byed pa 'di ni nang gi nam mkha'i khams zhes bya'o/ / de la phyi rol gyi nam mkha'i khams gang zhe na/ gang cung zad ma bzung ba ma zin pa mi gsal zhing khyab par byed pa ma yin pa ste/ 'di lta ste/ shing lo'i bar gyi gse pa dang / ri phug gi bu ga dang / ri phug gi bu ga'i gseb dang / chu bo'i gse ba dang / gang phyi rol gyi bu ga yod pa 'di ni phyi rol gyi nam mkha'i khams zhes bya'o// de la nang gi gzugs kyi rnam pa'i nam mkha'i khams dang / gang phyi rol gyi de dag gcig tu bsdus pa'i khams 'di ni khams tsam ste/ de dag thams cad bdag gi ma yin/ de dag bdag ma yin/ de dag bdag dang bdag gi ma yin te/ 'di ltar de dag yang dag pa'i shes rab kyis yang dag pa ji lta ba bzhin mthong nas/ nam mkha'i khams la sems 'dod chags dang bral zhing de dag mthong nas 'jug par mi 'gyur ro/ / de dag thams cad bdag gi ma yin/ de dag bdag ma yin/ de dag bdag dang bdag gi ma yin te/ byed pa pos gnas su ma byas shing / tshor ba pos gnas su ma byas pa'i nam mkha'i khams la sems 'dod chags dang bral bar 'gyur ro/ / de la yid kyi khams gang zhe na/ skye mched bcu gnyis dang yang dag par ldan pa ni yid kyi khams te/ mig gi rnam

  85. 43b

    par shes pas don mthong ba yid kyi rnam par shes pas rjes su myong ste/ de bzhin du rna ba dang / sna dang / lce dang / lus dang / yid kyi rnam par shes pa dag ni/ yid kyi rnam par shes pa'i khams rab tu 'byung ba'i rtsa ba yin no/ / 'dir tshigs su bcad pa/ yid ni sngon du 'gro ba'i chos// yid mgyogs yid ni 'gro ba yin// yid ni shin tu gsal ba yis// smra ba dang ni 'byed par 'gyur// sdig pa'i mtshan nyid bsal ba yis// 'chi dang skye ba rnams shes shing // las 'bras de nyid shes pa ni// 'chi ba med pa'i gnas 'thob bo// ga dag dbang po kun 'dzin pa/ / 'byung po kun la phan par dga'// dbang po bde zhing zhi la dul// de lta bu ni dge slong yin// ji ltar dbang po drug la gnas// 'dod chags dgra ni/ zlog par byed// dpa' bo shes rab byed ldan gang // de ni zhi ba'i gnas thob bo// dgon par gnas la dga' byed cing // mnyam gzhag sa la gnas pa ni// mkha' sprin rlung gis gtor ba ltar/ / sdig pa'i chos rnams 'jig par byed// lus ngag las kyi mtha' dge zhing // spyod pa dge la yang dag dga'// de nyid lta zhing bya ba mkhas// bdud kyis bsgrubs pa 'jig par byed/ / 'dod chags la sogs mi gnod cing // dge ba'i sems la brkam chags med// byams dang snying rje mang ba ni// dge slong nges par 'byung la gnas// gang

  86. 44a

    dag yul gyi 'ching ba'i rgyu/ / gzugs la sogs pa mi 'dod pa// de ni zhi ba mchog 'gro zhing // gang du song bar nyon mi mongs/ de nas gzhan yang ci dge slong 'di dang po yid kyi dpyod pa bco brgyad kyi dang po'i sa las/ sa gzhan gnyis pa la 'jug pa ni khams drug gi de nyid shes pa'i sa la ci de ltar chos rjes su dran pa'i sa la 'jug gam snyam nas/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa'am/ lha'i mig gis brtags na/ sa gzhan gsum pa la 'jug go/ dge slong de nyid mthong ba de'i sa gzhan gang zhe na/ sems phan tshun du 'gyur ba ni sa gzhan yin te/ de bde ba skyes pa rnam par shes shing / sdug bsngal skyes pa rnam par shes yid bde ba rnam par shes shing / yid mi bde ba rnam par shes/ btang snyoms rnam par shes shing / bde ba cung zad rnam par shes te/ bde ba myong bar 'gyur ba'i reg pa la brten nas bde ba'i tshor ba skye'o/ / de bde ba'i tshor ba 'di myong ba na/ bde ba'i tshor ba myong ngo zhes yang dag pa ji lta ba bzhin du rab tu shes so// de nas de bde ba myong ba'i reg pa gang 'gags nas/ de bde ba myong ba'i reg pa la brten nas tshor ba skyes pa myong ba na/ bdag gi bde ba'i tshor ba nub bo zhes tshor ba nub pa so sor mngon par shes so// de dag so so bde ba'i tshor ba nye

  87. 44b

    bar zhi zhing sdug bsngal gyi tshor ba so sor mngon par shes so/ / bdag gi bde ba'i tshor ba skyes te/ de dag so sor mngon par shes so// ji ltar bde ba myong bar 'gyur ba'i reg pa bshad pa de ltar sdug bsngal myong bar 'gyur ba yang rgya cher yang dag par brjod par bya'o/ / yid bde ba rnam par shes pa ji lta bu yin zhe na/ yid bde ba'i gzhir 'gyur ba'i reg pa la brten nas yid bde ba skyes pa'o/ / yid mi bde ba so so mngon par shes pa ji lta bu yin zhe na/ yid mi bde ba'i gzhir 'gyur ba'i reg pa la brten nas yid mi bde ba skyes pa'o// de nas 'di ltar de'i yid bde ba'i gzhir 'gyur ba'i tshor ba ji lta ba bzhin rjes su rtog ste/ yid bde ba'i gzhir 'gyur ba'i 'gog pa mthong nas yid bde ba las 'dod chags dang bral bar 'gyur ro// gang bdag gi yid bde ba'i tshor ba sngon skyes pa de zad cing ni la rnam par bral ba de las de'i 'dod chags dang bral bar skyes te/ yang dag pa ji lta ba bzhin so sor myong bar byed do// de bzhin du yid mi bde ba la yang brjod par bya zhing / btang snyoms la yang de bzhin du brjod par bya'o// de'i sa gzhan gsum pa 'di la 'jug pa la/ sa bla'i gnod sbyin shin tu dga' nas/ bar snang la spyod pa'i gnod sbyin rnams la mngon par bsnyad do// de dag gis kyang rgyal po bzhi la mngon par bsnyad do// de dag gis kyang rgyal chen bzhi'i lha rnams la mngon par bsnyad

  88. 45a

    do/ / de dag gis kyang lha rnams kyi dbang po brgya byin ko'u shri ka la 'dzam bu'i gling na rigs kyi bu de sgra dang kha spu bregs te/ dad pas khyim nas khyim med par rab tu byung ba na/ yul che ge mo zhig dang / grong khyer mang ge mo zhig tu/ rigs che ge mo zhig las/ rigs kyi bu ming che ge mo zhig ces bya ba skra dang kha spu bregs te/ dad pas khyim nas khyim med par rab tu byung zhing / de sa gzhan gsum pa la zhugs te/ bdud dang lhan cig g.yul 'gyed par 'dod pa/ bdud kyi phyogs ni dma' bar byed la/ dam pa'i chos kyi phyogs ni mngon par mtho bar byed do zhes mngon par bsnyad do/ / lha rnams kyi dbang po brgya byin ko'u shi kas de thos nas/ mchog tu dga' zhing glang po che sa srungs kyi bu la zhon te/ rdzu 'phrul che ba'i lha tshogs la sogs pas bskor nas/ 'thab bral gyi lha rnams la/ 'dzam bu gling na rigs kyi bu zhes bya ba nas/ rgya cher sbyar te/ sa gzhan dag gsum pa la zhugs pa'i bar dang / bdud dang lhan cig g.yul 'gyed par 'dod pa bdud kyi phyogs dma' bar byed cing / dam pa'i chos kyi phyogs mngon par mtho bar byed do zhes bsnyad do// lha'i dbang po brgya byin las de thos nas/ 'thab bral gyi lha rnams shin tu dga' bar 'gyur ro/ / de nas gzhan yang dge slong des gzhan gsum pa las/ sa gzhan bzhi pa la ji ltar 'jug cig gu snyam nas/ rnal 'byor spyod pa nang gi chos la chos

  89. 45b

    kyi rjes su lnga zhing gnas pa des/ thos pa las byung ba'i shes pa'am/ lha'i mig gis brtags na/ des gzhan bzhi pa la 'jug pa ni/ reg pa'i rkyen gyis bde ba myong bar 'gyur ba bde ba'i rgyu dang / bde ba'i gzhi dang / bde ba'i rkyen gyis bdag gi tshor ba skyes so// de 'gags shing rnam par zhi la nang du nub pa de ma thag tu sdug bsngal gyis reg pa dang / sdug bsngal gyi gzhi dang / sdug bsngal kun 'byung dang / sdug bsngal nyid kyi bdag gi sdug bsngal gyi tshor ba skyes so// de bzhin du btang snyoms kyi rkyen dang / rig pa'i rkyen gyi tshor ba so sor mngon par shes so// skad cig skad cig la bdag gi reg pa'i tshor ba'i grogs dang / reg pa 'byung ba skye ste/ de bde ba'i tshor ba la mi dga' zhing chags par mi byed la/ tshor ba de la mngon par mi dga' zhing mang du mi byed de/ ro myang bar mi byed do// de bzhin du sdug bsngal gyi tshor bas kyang gnod par mi byed cing / rnam par 'tshe bar mi byed la/ rnyog pa can du mi byed do// de btang snyoms la gnas te/ dran pa dang shes bzhin dang ldan pa la ni/ tshor ba gsum po 'di dag gis gal te nan tan du sems 'dod chags dang bral bar 'gyur/ yang na btang snyoms khyad par can du 'gyur te/ yongs su dag pa dang / rnam par byang bar 'gyur ro/ / de 'di snyam du sems te/ kye e ma bdag gi nam mkha' mtha' yas skye mched kyi btang snyoms 'di ltar yongs su dag pa/ 'di ltar rnam par byang ba 'di rdzogs par bya zhing / bdag

  90. 46a

    gi sems dang mthun par bya ste/ bdag gi btang snyoms kyi mthar gtugs pa dang / 'brel ba mngon sum du byas la/ de la mchog tu lhag par gnas par bya/ bdag nam mkha' mtha' yas skye mched kyi btang snyoms kyis bsdus pa de rdzogs par byas te gnas so/ / bdag gis 'di ltar yongs su dag cing / 'di ltar rnam par byang ba/ nam mkha' mtha' yas skye mched dang / ci yang med pa'i skye mched dang / 'du shes med 'du shes med min skye mched kyi btang snyoms 'di rdzogs par byas te gnas par bya'o snyam mo// de 'du shes med 'du shes med min skye mched rdzogs par byas te gnas pa de dang / bdag gis sems mthun par byed la/ btang snyoms de la gnas shing 'dug ste/ de la lhag par chags pa dang / de nye bar len pa bdag gi 'du shes me da 'du shes med min skye mched kyi btang snyoms rdzogs par byas te gnas par bya'o snyam mo/ / 'di lta ste/ dper na gser mgar ram/ gser mgar gyi slob ma mkhas pa de so mal du gser 'jug par byed do/ / bcug nas phra skam gyis bzung zhing / yam shing gis 'bud/ kun tu 'bud do// la sa legs par byas pa'i ga ser de dge zhing ba kra shis la kha dog bzang ba/ las byed pa thams cad bstod pa/ kha dog bzang bar bsngags pa/ yul thams cad du rjes su mthun par 'jug pa de dri ma dang bral zhing / skyon lhag ma yang med par dul zhing bkra shis te/ rin po che'i 'od kyang

  91. 46b

    zil du drug pa byed do/ / de gser makar ram/ gser mgar gyi slob ma mkhas pa gzhan zhig gis gser legs par sbyang ba byas par rig nas/ ci 'dod par byed de/ gal te bsgo bar bya ba dgal dril bu'i rgyan byed/ gal te shin tu blta na sdug pa dag byed/ gal te dpung rgyan du byed/ gal te snying kar mdzes pa'i rgyan byed/ gal te glegs bam la mdzes par byed/ gal tri mahe rgyun du byed/ gal te sor gdub tu byed/ gal ti gser gyi 'phreng bar byed/ gal te rgyan cod pan du byed de/ gang dang gang du byed pa de dang der las dang ldan par 'gyur ro// de bzhin du dge slong shin tu tshul khrims dang ldan pa shes rab can ni bdag gis 'di ltar yongs su dag cing 'di ltar rnam par byang ba/ gal te nam mkha' mtha' yas skye mched kyi btang snyoms de rdzogs par byas la/ bdag de dang mthun par de la gnas te/ de dang 'brel pa dang / de la lhag par gnas pa dang / de nye bar len cing de nam mkha' mtha' yas skye mchod kyi btang snyoms rdzogs par byas te gnas/ rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched rdzogs par byas te gnas so// de 'di snyam du sems te/ gang bdag gis btang snyoms 'di ni mi rtag pa/ mi brtan pa/ ther zug ma yin pa/ yongs su 'gyur ba'i chos can yin par de gzugs med pa'i skye mched bzhi po de nyid la dmigs nas/ bdag gi btang snyoms mi

  92. 47a

    rtag cing mi rtag par dmigs/ mi brtan zhing mi brtan par dmigs te/ 'dus byas su rig par bya'o snyam mo// nam mkha' mtha' yas skye mched mi rtag cing rnam shes mtha' yas skye mched dmigs su med pa dang / ci yang med pa'i skye mched dmigs su med pa dang / 'du shes med 'du shes med min skye mched kyi btang snyoms 'di ni g.yo ba dang bral ba yin 'di ni zhi ba yin/ 'di ni nye bar phan pa yin no snyam mo// de lus kun gyi tshor ba skye zhing myong ba na/ so sor mngon par shes shing skyes pa rnams kyang so sor mngon par shes/ 'gag ba so sor mngon par shes shing / 'gag pa yang so sor mngon par shes so// mig gi reg pa las byung ba so sor mngon par shes te/ de bzhin du rna ba'i reg pa las byung ba so sor mngon par shes/ sna'i reg pa las byung ba so sor mngon par shes/ de bzhin du lce dang / lus dang / yid kyi reg pa las byung ba'i tshor ba so sor mngon par shes so// dge slong tshor ba mngon sum du byas pa de tshor ba de dag nyid shin tu rgyas par rtog ste/ de mig gi reg pa las byung ba'i tshor ba skye ba na/ skyes pa las gnas shing myong bar byed la/ 'gags shing 'gags pa na bdag gi tshor ba 'gags so zhes so sor mngon par shes so/ / gzhan yang rna ba'i reg pa las byung ba'i tshor ba so sor mngon par shes te/ gang bdag gi mig gi reg pa las byung ba'i tshor

  93. 47b

    pa de 'gags shing nub nas med par 'gyur te yang mi 'byung ngo / / de dag 'gags nas/ gzhan yang rna ba'i reg pa las byung ba'i tshor ba skyes pa bde ba 'di/ bde ba la dmigs pas sdug bsngal ma yin/ bde ba dang sdug bsngal dmigs pas/ bde ba ma yin zhing / sdug bsngal ma yin no snyam mo// de rna ba'i reg pa las byung ba'i tshor ba ji lta ba bzhin rjes su mthong zhing rnam par shes nas/ rna ba dang 'brel ba'i tshor ba dag la kun tu chags pa med la/ de tshor ba myong ba na 'dod chags dang bral te rnam par grol bar 'gyur ro// rna ba'i reg pa las byung ba'i tshor ba de 'gags na/ sna'i dmigs pa'i tshor ba skye ste/ de snas kun nas blang ba snas kun nas so sor myong bar byed de/ bdag sna'i reg pa las byung ba'i tshor ba skyes pa bde ba la dmigs pa ni bde ba'o// sdug bsngal la dmigs pa ni sdug bsngal lo/ / sdug bsngal yang ma yin/ bde ba yang ma yin pa la dmigs pa ni/ sdug bsngal yang ma yin/ bde ba yang ma yin no snyam mo// de sna'i dmigs pa'i tshor ba yang dag pa ji lta ba bzhin so sor myong bar byed de/ nub pa yang so sor myong bar byed do// de 'gags na sna'i dmigs pa'i tshor ba bde ba dang / sdug bsngal dang / sdug bsngal yang ma yin/ bde ba yang ma yin pa skye ste/ de so sor myong bar byed do// bdag gi sna'i dmigs pa'i tshor ba skye ste/ ji ltar lhag par 'chags pa skyes pa de ltar bdag gi 'gog pa 'di dag kyang skye ste/

  94. 48a

    de 'gags nas/ lce'i dmigs pa'i tshor ba rnam pa gsum skye ba nas/ yid kyi dmigs pa'i tshor ba rnam pa gsum snga ma bzhin no// des gzhan bzhi pa la tshor ba yang dag par/ rgya che ba la 'jug ste/ de'i brtson 'grus brtsams pa/ spo ba chen po bdud kyi 'ching ba gcod par 'dod pa la/ sa p+pa'i gnod sbyin shin tu dga' nas/ bar snang gi gnod sbyin rnams la mngon par bsnyad do/ / de dag gis kyang rgyal po bzhi la mngon par bsnyad do// de dag gis kyang rgyal chen bzhi'i lha rnams la mngon par bsnyad do// de dag gis kyang lha rnams kyi dbang po brgya byin la mngon par bsnyad do/ / brgya byin gyis kyang 'thab bral gyi lha rnams la mngon par bsnad de/ gang 'dzam bu'i gling na rigs kyi bu yul che ge mo zhig dang / grong mang ge mo zhig dang / rigs ga ge mo zhig las/ rigs kyi bu che ge mo zhig ces bya ba de skra dang kha spu bregs te/ gos ngur smrig bgos nas/ dad pas khyim nas khyim med par rab tu byung ste/ de 'bad pa dang brtson bas rim gyis sa gzhan bzhi pa'i tshor ba yang dag par rgya che ba la zhugs pa/ bdud kyi phyogs ni dma' bar byed cing / yang dag pa dam pa'i chos kyi phyogs ni mngon par mtho bar byed de/ bdag gis lha rnams la bsnyad do snyam mo// brgya byin glang po che sa srungs kyi bu la zhon pa 'thab bral gyi lha dag gis mthong nas dga' ste/ brgya byin la smras pa/ brgya byin gang 'dzam bu

  95. 48b

    gling gi mi chos dang ldan zhing chos kyi rjes su 'jug pa de/ brgya byin khyod kyi dam pa'i chos dang 'thun par gyur pa nyid yin no// gzhan yang dge slong de bdud kyi 'ching ba spong zhing rab tu spong ba'i tshor ba la ji ltar rtog ce na/ rnal 'byor spyod pa nang gi chos la chos kyi rjes su lta zhing gnas pa des/ thos pas las byung ba'i shes pa 'am/ lha'i mig gis brtags na/ dge slong de yang dag pa'i tshor ba nyid la 'di ltar rnam par rtog par byed de/ de mig gi rnam par shes pa'i dmigs pa mi dge ba skyes pa de langs pa na/ dge ba la dmigs pa gnyis pas 'gags so// dge ba skyes pa de yang lung du ma bstan pa la dmigs pas 'gags shing / lung du bstan pa yang 'gags la/ lung du ma bstan pa skyes so// de bzhin du rna ba'i reg pa las byung ba'i tshor ba dang / sna'i reg pa las byung ba'i tshor ba dang / lce'i reg pa las byung ba'i tshor ba dang / lus dang yid kyi reg pa las byung ba'i tshor ba so sor myong bar byed do// so sor myong bar byed pa na dge ba'i chos rnams yongs su rdzogs par 'gyur zhing / de'i nyon mongs pa srabs par 'gyur ro// de de ltar sgom pa na tshor ba phra mo de dag so sor shes so// de chos kyi tshor ba dang lhan cig 'gag pa mthong ste/ ji ltar mar me'i 'od nyi ma'i 'od kyis 'gag pa de bzhin du tshor ba gnyis ka 'gag go/ gzhan yang dge ba dang mi dge ba'i tshor ba rgyas pa so sor myong bar byed de/ dper na mar me'i 'od

  96. 49a

    la mar me'i 'od gnyis pas gsal bar byed pa bzhin no/ / gzhan yang tshor ba rab tu rnam par 'byed par byed de/ tshor ba gang zhig dang / tshor ba gzhan gang zhig gi tshor ba dang lhan cig nan tan du mi mthun par 'gyur ram snyam pa las/ dge ba'i tshor ba dang / mi dge ba'i tshor ba lhan cig gtan du mi mthun par mthong ste/ dper na mar me'i 'od dang / skar ma'i 'od lhan cig mi mthun pa bzhin no/ / gzhan yang dge slong de rab tu rnam par 'byed par byed de/ tshor ba gang zhig la tshor ba gang zhig gis gtan du sel bar byed ce na/ de zag pa med pa la dmigs pa'i tshor bas zag pa dang bcas pa la dmigs pa'i tshor ba gtan sel ba nyid du mthong ste/ dper na me'i 'od kyis kha ba zhu ba bzhin no// tshor ba gang zhig la tshor ba gang zhig gis gnod cig gu snyam nas/ yang 'di rgyas par byed de/ gang gi tshe mi bde ba'i tshor ba la bde ba'i tshor bas zil gyis gnon par mthong ngo // de yang rgyas par byed de/ dper na nyi mas nyin mo'i zla ba'i 'od zil gyis gnon par 'gyur zhing / zla ba'i 'od de yang mtshan mo rgyas par 'gyur ba bzhin no// de nas gzhan yang dge slong de tshor ba rab tu rnam par 'byed par byed de/ gang tshor ba mang po dang ldan pa dag/ tshor ba gcig gi dran pa rtse gcig pa'i tshor ba dang lhan cig mi mthun pa zil gyis gnon par 'gyur ram snyam na/ de 'jig rten pa byed pa'i tshor ba mang po dag/ 'jig rten las 'das pa zag pa med pa'i tshor bas zil

  97. 49b

    gyis gnon par mthong ste/ dper na mtshar mo rgyu skar dang / gza' dang / skar ma mang po'i 'od dag zla ba'i 'od gcig gis zil gyis gnon pa bzhin no// gzhan yang dge slong de tshor ba rjes su mthong bapa'i tshor ba ches phra ba la rtog par byed de/ mig dang / rna ba dang / sna dang / lce dang / lus kyis kun nas bslangs pa zag pa dang bcas pa'i tshor ba mang ba ni gang yin/ dge ba ni ji ltar rtsom zhig gu snyam na/ de 'jig rten pa'i zag pa dang bcas pa'i tshor ba mang ba yang / zag pa med pa'i snang bas thub par 'gyur te/ dper na mtshan mo rgyu skar dang / gza' dang / skar ma rnams kyi 'od zla ba'i snang ba gnas pas thub pa bzhin no/ / de nas gzhan yang dge slong de tshor ba de la rtog ste/ bdag gi tshor ba gzhan yun ji srid gcig tu gnas snyam mo// de skad cig la bdag gi tshor ba gzhan skye zhing 'jig par gnas par mthong ste/ dper na glog bzhin no// gzhan yang dge slong de 'di ltar rab tu rnam par rtog ste/ ci mig gi tshor ba sna'i tshor ba'i rkyen du 'gyur ram snyam mo/ / de blo gcig bzhin du dbang po tha dad pa'i dmigs pa'i tshor ba dbang po de dag thams cad kyis mthong ste/ dper na ba glang cig gcig rta dang / rnga mo dang / bong bu dang / ma he'i rigs tha dad pa rnams kyi rkyen du mi 'gyur ba de bzhin du/ thog ma med pa nas brtson pa'i dbang po lngas kun nas bslang ba'i yul gyi bye brag tha dad pa'i dbang po rnams kyi dmigs pa ni gcig tu mi 'gyur

  98. 50a

    te/ dper na glang dang / rta dang / rnga mo dang / bong bu dang / ma he dang / phag bzhin no// de ltar tshor ba rjes su mthong ba'i dge slong de dag ni shes pa ches zhib pa skye bar 'gyur/ te/ de shes pa de la kun tu ston cing sgom ste mang du byed do// de kun tu bsten pa na tshor ba rjes su mthong zhing / zad pa dang / 'jig pa rjes su mthong nas/ 'di snyam du sems te/ bdag gi mig dang / rna ba dang / sna dang / lce dang / lus dang / yid kyis kun nas bslang ba'i tshor ba gang nas 'ong zhing gang du 'ongs/ 'gag pa na gang du sogs par 'gyur snyam mo// dge slong tshor bzang pa dang / 'jig pa rjes su mthong ba de rab tu sems pa na/ lam gyi rnam pa la 'di snyam du sems te/ mig gi tshor ba gang nas kyang skye ba med cing 'ong ba med la/ 'gag pab na yang gang du sogs par mi 'gyur te/ mig gi tshor ba ma byung ba las byung zhing / byung nas kyang so sor 'bral bar 'gyur ro// mig gi 'byung khungs las tshor ba byung ste/ dper na rmya mtsho'i gzhi las chu 'byung ba bzhin no/ / 'gag pa na yang gang du yang mi sogs te/ dper na chu bo gzhol bar 'gro ba rgya mtshor 'du ba bzhin te/ mig gi tshor ba ma byung ba las 'byung zhing byung nas kyang so sor 'jig par 'gyur ro snyam mo/ / mig dang / rna ba dang / sna dang / lce dang / lus dang / yid kyi tshor ba dag ni rten cing 'brel par 'byung ba yin te/ dper na rdza/

  99. 50b

    mkhan nam/ rdza mkhan gyi slob ma mkhas pa zhig 'khor lo la yang brten/ 'jim pa la yang brten/ rtsol ba la yang brten/ chu la yang brten nas/ rgyu 'jim pa la brten pa'i bum pa 'byung bar 'gyur te/ bum pa de 'byung khungs gang nas kyang ma 'ongs zhing / 'jig pa na yang gang du yang sogs par mi 'gyur te/ rgyu rkyen las bum pa 'byung ba de bzhin du/ mig la yang brten/ gzugs la yang brten/ snang ba la yang brten/ nam mkha' la yang brten/ yid la byed pa la yang brten nas/ mig gi tshor ba bde ba 'am// sdug bsngal ba'am// sdug bsngal yang ma yin/ bde ba yang ma yin pa skye'o// dper na bum pa gal te rgyu rkyen bzang po las byung na/ bum pa de legs par 'gyur zhing / gal te ngan na de'i tshe bum pa ma legs par 'gyur ba de bzhin du/ gal te dmigs pa'i rgyu dang rkyen bzang na/ de'i tshe mig la sogs pa'i tshor ba bzang po skye bar 'gyur te/ chos dang ldan pa'i dge ba'i rim gyis mya ngan las 'das par 'gro bar 'gyur ro/ / gal te rgyu dang rkyen mi bzang na/ de'i tshe mig la sogs pa'i tshor ba ngan pa skye bar 'gyur te/ 'dod chags zhe sdang gti mug la dmigs par 'khor ba na/ sems can dmyal ba dang / yi dgas dang / dud 'gror 'gro bar 'gyur ro// las dang 'bras bur 'brel ba thams cad la mkhas par sems pa'i dge slong ni tshor ba rjes su tshol ba na/ tshor ba du ma

  100. 51a

    la gnas par mthong ste/ byed pa pos gnas su ma byas shing / rgyu med pa las kyang ma byung la/ 'dod rgyal gyis ma byas/ zer zug tu gnas pa ma yin/ rtag pa ma yin/ brtan pa ma yin/ ther zug ma yin/ yongs su 'gyur ba'i chos can yin zhing / de'i tshor ba'i phung po de mthong nas/ yang 'byung ba'i sred pa dga' ba'i 'dod chags kyi mod las skyes pa dri ma can yongs su nyams par byed de/ 'khor ba thams cad mi rtag par rjes su mthong ba'i dge slong ni lam kun tu sten par byed cing / goms par byed la mang du byed do// dede ltar sgom pa na kun tu sbyor ba dag spong bar byed cing / bag la nyal 'dor bar byed de/ kun tu sbyor ba dag gang zhe na/ rjes su chags pa'i kun tu sbyor ba dang / khong khro ba'i kun tu sbyor ba dang / nga rgyal gyi kun tu sbyor ba dang / ma rig pa'i kun tu sbyor ba dang / lta ba'i kun tu sbyor ba dang / mchog tu 'dzin pa'i kun tu sbyor ba dang / the tshom gyi kun tu sbyor ba dang / phrag dog gi kun tu sbyor ba dang / ser sna'i kun tu sbyor ba ste/ kun tu sbyor ba de dag spyong bar byed do// bag la nyal ba gang zhe na/ 'di lta ste/ 'dod pa'i 'dod chags kyi bag la nyal dang / srid pa'i 'dod chags kyi bag la nyal dang / lta ba'i bag la nyal dang / khong khro ba'i bag la nyal dang / ma rig pa'i bag la nyal dang / nga rgyal gyi bag la nyal dang / the tsom

  101. 51b

    gyi bag la nyal te/ de dag ni gtso bo ji lta ba bzhin du srid pa gsum du yongs su 'jug par byed pa/ sa gsum du yongs su rgyu bar byed pa/ nyes pa gsum la yongs su 'jug par byed pa dus gsum gyi rjes su 'gro ba/ bar ma gsum gyi tshor ba gsum rjes su bsgoms pa/ skye ba gsum du 'pho bar byed pa ste/ 'khor ba'i rgyur gyur pa yin no// de nas gzhan yang ji ltar dge slong de rgyu dang rkyen du bcas pa 'di dag khong du chud par 'gyur/ mig gi rkyen ni gang / rgyu ni gang las skyes/ gzhi gang la lta bar byed pa zhig gu snyam nas/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis brtags na/ mig gi rgyu ni las las byung zhing / las kyis skye ba mngon par bsgrubs te/ dper na shing ba Ta'i sa bon chung ngu las shing ljon pa skye la/ shing ljon pa'i rgyu rkyen las yang shing ba Ta'i sa bon phra mo 'byung bar 'gyur ro// de bzhin du mi shes pa las mngon par 'grub par 'gyur la/ las las kyang skye ba mngon par 'grub par 'gyur te/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / 'khrug pa rnams yod cing 'byung bar 'gyur te/ de ltar las kyi rgyu sred pa'i zhags pa des bcings pa'i byis pa so so'i skye bo ni/ 'khor lo lta bu'i rgya mtshor

  102. 52a

    yongs su 'khyam mo/ / tshor ba de dag thams cad kyi rgyu dang rkyen 'di dag la/ 'du shes kyis las su bya ba med de/ las med na sred pa 'byung bar mi 'gyur la/ de med na tshor ba med par 'gyur ro/ / rgyu rkyen ni dper na snying po la yang brten/ skong bu la yang brten/ ma ra la yang brten/ me la yang brten nas/ mar me'i 'od skad cig ma mngon par 'grub par 'gyur ro/ / de bzhin du dge slong de tshor ba'i rgyu dang rkyen mthong ba/ las kyi rgyu tshol zhing las kyi rjes su 'brang ba/ las kyi mthus tshor ba thams cad skye bar 'gyur ro// de la lus ni skyong bu lta bu yin/ dbang po dag ni mar lta bu yin/ 'dod chags zhe sdang ga ti mug ni me lta bu yin te/ shes pa skad cig ma ni mar me'i 'od 'bar ba lta bu yin no// rnal 'byor pa gang gis srid pa gsum du 'gro ba'i tshor ba de nyid tshol zhing mthong ba ni shes pa yin te/ dper na gser mgar gser blangs nas/ las dang las su byas pa'i gser las rgyan gyi rnam pa legs pa mngon par 'grub par byed do/ / de bzhin du rnal 'byor spyod pa gser mgar lta bu de/ dmigs pa gser lta bu la dmigs te/ gal te dmigs pa bzang na/ de las bzang po mngon par 'grub par 'gyur zhing / mya ngan las 'das par 'gro'o// gal te dmigs pa ngan na/ de ngan pa 'grub par 'gyur ro// 'dir tshigs su bcad pa/ rgyu rkyen de/

  103. 52b

    nyid shes pa ni// don zhi ba nges par byas pa yin// thar pa'i rgyun la mngon dga' na// sred pas khyer bar mi 'gyur ro// lus can thams cad las dag gi/ rjes 'brang las kyi skye gnas dang / / las kyi 'bras bur sbrel nas su// srid pa nyam ngar kun tu 'khyam// gang zhig mi dge mi len cing // rtag tu dge ba'i las dga' ba// zla 'od dri ma med pa lngar// rnal 'byor 'gro ba de 'drar 'gyur/ / me yis shing skam bsregs pa ltar// sdig pa'i chos rnams rab bsregs pa// sdig las grol zhing nyon mongs rgal// sa gsum dag tu rnam par mdzes// gang zhig yid ni thar 'dod cing / / nams kyang 'khor bar mi dga' ba// de ni 'khor bar mi 'ching ste// mkha' la bya ni 'gro ba bzhin// gang zhig tshor 'byung de nyid shes// tshor ba'i 'bras bu rig pa ni// de nyid grol bar shes par bya/ / rig pa srid pa lam du// nga thug gis ni de mi gnod// nim dang rabs gos pa med// gang dag srid pa 'bar ba ltar// rnal 'byor de ni bsam pa ldan// zla gros rtag tu mi rmongs shing / / rtag tu chos kyi pha rol 'gro// dge slong sdom la mngon dga' ba// de lta bu ni dge slong yin// gnyen lta ba la dga' med cing // mkhas bdag la lta 'dod la/ khyim gyi skyon las nges 'byung ba// de lta bu ni dge slong yin// dbang po thams cad rab zhi zhing // yul rnams la ni chags med na// gnya' shing gang tsam lta ba dag/ de lta bu ni dge slong

  104. 53a

    yin/ / khro mad khyim la spyod med cing // tshong zong nyo tshong mi byed la// srang dang bzhi mdor mi dga' ba// de lta bu ni dge slong yin// klu dang gar la mi lta zhing // nyes rtsom rnams la chags med la/ / gang dag dur khrod dga' byed pa// de lta bu ni dge slong yin// nyi ma gcig la bsod snyoms mchog/ blangs nas sang gir mi sems la// lto 'grangs tsam gyis chog byed pa/ / de lta bu ni dge slong yin// gang dag gos mchog rnam spong zhing // phyag dar khrod kyis chog 'dzin la// gang dag rigs par zas za ba// de lta bu ni dge slong yin// gang dag las ni mi rtsom zhing // las rnams kun la bsam med la// spro med 'dud pa med pa ni// de lta bu ni dge slong yin// 'dod pa'i khro las rnam grol zhing // gti mug 'dam ni rnam spangs la/ / sdig pa'i chos kyis ma gos pa// de lta bu ni dge slong yin// kun tu sbyor ba kun las 'das// bag la nyal ba thams cad spangs// bsam pa kun las rnam grol ba/ de lta bu ni dge slong yin// 'phags lam yan lag brgyad pa yis// mya ngan 'das pa'i grong khyer gnas// gang dag nyon mongs kun bcom pa// de lta bu ni dge slong yin// dbang po dul zhing blo gros brtan/ / 'dod pa'i 'dam ni rnam par spangs// rtse gcig yid ni legs gnas pa// de lta bu ni dge slong yin// gang dag sa yi rim shes la// sa yi de nyid ston

  105. 53b

    byed cing / / yang dag phan tshun sa shes pa// de lta bu ni dge slong yin// zag bcas zab pa med pa'i chos// rgyu dang rkyen du 'byung ba dag/ rnam pa bzhin du kun shes pa// de lta bu ni dge slong yin/ / tshangs par spyod pa drang zhing zhi// rmugs dang gnyid ni rnam spangs la// nang par ldang zhing mkhas gtsang ba// de lta bu ni dge slong yin// gang zhig zhi gnas lhag mthong la/ dga' zhing bsam gtan bzhi la dga'// dgon pa kun dgar dga' ba dag/ de lta bu ni dge slong yin// nam mkha' la ni bya gnas pa// de'i grib rtag tu rjes 'gro ltar// gang blo dam pa'i chos la gnas/ / de lta bu ni dge slong yin// gang zhig nyon mongs nye nyon mongs// bcom zhing zhi ltar blo gros gtsang // dbugs 'byung rngub pa'i rnam pa shes// de lta bu ni dge slong yin/ / gang zhig rim pa'i cho ga shes// rnal 'byor rig cing de nyid ston// lam dang lam min rim shes pa// de lta bu ni dge slong yin// gang zhig dga' la mi chags shing // 'jigs pa dag la 'jigs med pa/ / dpa' bo dga' dang 'jigs mnyam pa// de lta bu ni dge slong yin// rga dang 'chi ba'i de nyid shes// lha dang lha min phyag byas pa// sems kyi rnam pa phan tshun shes/ / de lta bu ni dge slong yin// gang zhig snam sbyar lhung bzed kyis// cho ga 'dzin sogs 'jog mi byed la// 'dod pa chung zhing tshangs par spyod// de lta bu ni dge slong yin//

  106. 54a

    dri med stan gcig zas za zhing // zhim pa'i rol mi chags la// rnyed dang bkur sti spangs pa dag/ de lta bu ni dge slong yin// btang snyoms snying rje dag la dga'// 'cha dang skyon ni rnam spangs shing / / nyes pa'i rdzas kun nges bsreg pa// de lta bu ni dge slong yin// dge slong de nang gi chos la chos kyi rjes su lta zhing / tshor ba de dag ji lta ba bzhin du rjes su rtog ste/ de shes pa shin tu zhib mos mig gi 'dus te reg pa las byung ba'i tshor ba'i dmigs pa rjes su rgyu ba med par mthong ste/ dmigs pa gnyis pas lhan cig 'gag cing 'jig pa mthong ste/ mig gi 'dus te reg pa las byung ba'i tshor ba'i dmigs pa 'das nas/ bdag sgra la dmigs pa dang bcas pa'i tshor ba sdug pa dang / mi sdug pa skye ste/ bdag gi sems de dang lhan cig gyur pa med do snyam nas/ des sems kyi dmigs pa de brtan par byas nas 'dzin par byed do// rna ba'i tshor ba sgra la dmigs pa dang bcas pa de 'gags nas/ sna'i tshor ba dri la dmigs pa skye ste/ de sna'i tshor ba la yang rtog par byed ce na/ shin tu rtog par byed de/ bdag gi sna'i tshor ba dri dang bcas pa dge ba'am/ mi dge ba 'am/ lung du bstan pa'am/ lung du ma bstan pa skye ste/ bdag gi sna'i tshor ba de'i sems gyur pa/ gal te des sems gyur pa mthong na/ des yang dmigs pa de nyid la goms par byed cing spyod la/ 'bad cing brtson te las su rung

  107. 54b

    bar byed la/ dge ba'i chos zag pa med pas sems goms par byed do// gal te mi g.yo na lce'i dmigs pa dge ba'am/ me dge ba 'am/ lung bstan pa 'am/ lung ma bstan pa la dmigs par byed de/ de dmigs pa de mngon sum du byas nas/ bde ba dang / sdug bsngal dang / sdug bsngal yang ma yin/ bde ba yang ma yin pa'i tshor ba la lta bar byed cing/ ci 'dis bdag gi sems gyur tam snyam mo// gal te ro la dmigs pa'i tshor ba skyes par sems gyur pa mthong na/ des yang sems dmigs pa'i ka ba la mos pa'i thag pas bcings nas/ ji ltar sems 'di lce'i tshor ba dang bcas shing / sred pa dang bcas pas mi 'phrogs par bya snyam nas/ spyod cing 'bad la nan tan du byed do// // dam pa'i chos dran pa nye bar gzhag pa bam po bzhi pa/ / de nas gzhan yang dge slong de lus kyi reg bya dang bcas pa'i reg bya'i tshor ba dmigs pa'i ka ba la bcings nas/ dge ba dang / mi dge / ba dang / lung du ma bstan pa la rtog par byed de/ gal te reg bya'i tshor ba des sems gyur par mthong na yang / ji ltar dmigs pa'i ka ba la bcings nas las su rung bar byed cing / gyur pa med pa de ltar byed do// yang dge slong de yid la 'ong ba'i yid dang shin tu 'brel pa'i chos kyi tshor ba dge ba dang / mi dge ba dang / lung du bstan pa dang / lung du ma bstan pa la

  108. 55a

    lta bar byed de/ gal te tshor ba de dag gis yid gyur na/ de dmigs pa'i ka ba de la mos pa'i thag pas bcings nas las su rung bar byed de/ gyur pa med pa de ltar byed/ do// yul drug lus la yod pa'i tshor ba la lta ba'i dge slong yang dag pa'i tshor ba 'byung ba dang / zad pa de nyid mthong ba ni gnas lnga pa la 'jug pa/ de mig gi 'dus te reg pa las byung ba'i tshor ba shes pa'i sgron mas tshor ba myong bar byed pa'i tshor ba 'di dag gang zhig yin zhes rnam par rtog par byed do/ / de yid kyi rnam par shes pa'i tshor ba 'di ni rten cing 'brel par 'byung ba yin/ te/ yid dang shin tu 'brel bar mthong la/ byis pa so so'i skye bo thams cad ni yid kyi rnam par rtog pas phrogs shing / shin tu rtog pa'i sems bsregs te/ 'di la tshor ba po dang / byed pa po ni gang yang med kyi/ rgyu rkyen dang 'brel ba'i 'du byed kyi phung po 'di nyid skye/ 'du byed kyi phung po 'di nyid 'gag go snyam mo// de mig gi 'dus te reg pa la byung ba'i tshor ba ji lta ba bzhin rjes su mthong zhing rjes su 'jug pa des/ sems mi 'phrogs shing / rnam par mi g.yo la skyon du 'gyur bar mi byed de/ dri ma can du mi byed do// yang dge slong de rna ba'i tshor ba la rtog par byed de/ tshor ba rjes su myong zhing rig pa'i tshor ba 'di gang yin snyam mo// de rna ba'i tshor ba 'di yid kyi rnam par shes pa dang shin tu 'brel pa

  109. 55b

    mthong ste/ yid dang shin tu 'bral ba de la gnas par zad kyis/ 'di la byed pa po dang / nor ba po med rnying / rna ba'i tshor ba rten cing 'brel par 'byung ba la/ byed pa po dang / tshar/ pa po med de/ 'du byed kyi phung po stong pa ni rgyu rkyen gyi dbang gis skye zhing 'gag go snyam mo// yang dge slong de sna'i tshor ba la rtog par byed de/ tshor ba 'di myong zhing rig pa gang zhig yin snyam mo/ / de tshor ba yid kyi rnam par shes pa dang shin tu 'brel par mthong ste/ de la dmigs pa de la gnas pa de rgyu dang rkyen las byung zhing / rjes su myong ba'i mtshan nyid yin gyi/ 'du byed kyi phung po stong pa 'di byed pa pos gnas su ma byas shing / tshor ba pos gnas su ma byas pa rgyun chags par 'jug pa yin no snyam ste/ de sna'i tshor ba rtogs nas byed pa po dang / tshor ba po/ med cing don gyi bar du gcod par 'gyur ba ni med do snyam mo// yang dge slong de lce'i tshor ba la rnam par rtog ste/ lce'i tshor ba 'di myong zhing rig pa gang yin snyam mo// da lce'i tshor ba 'di yid kyi rnam par shes pa dang shin tu 'brel bar mthong ste/ de la gnas pa de dang 'brel pa de la dmigs pa de'i rgyu las byung zhing / de la brten pa yin gyi/ 'di la byed pa po dang / tshor ba po dang don gyi bar du gcod par 'gyur ba med de/ 'du byed kyi phung po stong pa 'di rgyu dang rkyen gyi dbang gis skye'o snyam mo// yang dge slong de lus kyi reg bya'i tshor ba la rtog par byed do// lus

  110. 56a

    kyi tshor ba myong zhing rig pa 'di gang yin snyam mo/ / de lus kyi tshor ba 'di yid kyi rnam par shes pa dang shin tu 'brel par mthong ste/ 'di la byed pa po dang / tshor ba po don gyi bar du gcod par gyur pa ni med de/ 'du byed kyi phung po stong pa 'di rgyu dang rkyen gyi dbang gis 'jug go snyam mo// yang dge slong de yid kyi tshor ba la rnam par rtog par byed de/ yid kyi tshor ba myong zhing rig pa 'di gang yin snyam mo/ / de yid dang chos la brten nas yid kyi rnam par shes pa skye bar mthong ste/ gsum 'dus pa'i reg pa reg pa dang lhan cig 'byung ba'i tshor ba dang / na rdzas dri zhim pa du ma bsdus pa las spos bzang po 'byung ngo // spos de'i rgyu mi 'byung ba gcig kyang med pa de bzhin du/ rgyu dang rkyen 'di 'dus pa las tshor ba thams cad 'byung zhing // byed pa pos gnas su ma byas shing / tshor ba pos gnas su ma byas pa yin no// dper na lo ma la yang brten/ ze ba la yang brten/ sdong bu la yang brten/ ze 'bru la yang brten nas pad+ma/ zhes bya ba'i me tog 'byung ste/ pad+ma de'i rgyu gcig kyang med do// de bzhin du dmigs pa la yang brten/ nam mkha' la yang brten/ yid la byed pa la yang brten/ snang ba la yang brten nas mig gi 'dus te reg pa las byung ba'i tshor ba 'byung ste/ mig las skyes pa/ mig la brten pa'i tshor ba de rigs gcig pa ma yin/ rdzas gcig pa ma yin/ 'byung ba gcig pa na

  111. 56b

    yin zhing / ther zug tu gnas pa ma yin la/ sprul pa lta bu yin snyam mo// de ji lta ji ltar de nyid tshol ba'i dge slong de ni/ de lta de ltar chos dkar po 'byung bar 'gyur te/ dper na bu ram shing snod/ kyi nang du bcug nas/ mes bskol ba des/ dang po zhu zhing dri mar 'gyur ba ni pu ram dri ma can zhes bya'o// lan gnyis su bskol ba dang / dkar bar 'gyur zhing bu ram du shes so// lan gsum pa la shin tu dkar bar 'gyur te/ ji lta ji ltar bu 'am shing bskol ba de lta de ltar shin tu dri ma dang bral bar 'gyur ba de bzhin du/ dge slong dmigs pa'i snod du ye shes me lta bus sems kyi rgyun bu ram shing lha bu yongs su skol bar byed do/ / de dbu ba lta bu bsam gtan dang po thob par 'gyur zhing / de'i dkar ba lta bu bsam gtan gnyis pa thob par 'gyur te/ de bzhin du ji lta ji ltar dge slong gi sems kyi rgyun ya shes kyi mes skol bar byed pa de lta de ltar zag pa med pa'i chos shin tu dkar zhing shin tu dri ma med pa/ shin tu skyon med par 'gyur te/ las phyir phyogs pa dri ma dang bral zhing dkar la dag pa skye bar 'gyur ro/ / gzhan yang dge slong de tshor ba de dag la shin tu rnam par phra ba gnan gyis rtog par byed de/ sems can che ge mo zhig tshe rab mig gi 'dus te reg pa las byung ba phra ba 'am/ rags pa dri ma can gti mug dang ldan pa skyes pa de/ tshor ba rags pa che ge mo zhig gis bsal cing spangs la/ lhag ma dang bcas par byas so// rna ba'i tshor ba dang / sna'i tshor ba dang / lce'i tshor ba dang / lus

  112. 57a

    kyi tshor ba yang de bzhin no/ / dge slong de de ltar brtson zhing spro la/ bdud kyi sde 'jom pa na/ sa bla'i gnod sbyin dang / bar snang la spyod pa'i gnod sbyin de dag gis kyang rgyal po chen po bzhi la mngon par bsnyad do/ / sa bla'i gnod sbyin dang / bar snang gi lha la sogs pa'i gnod sbyin de dag dang / rgyal po chen po bzhi po de dag gis kyang rgyal chen bzhi'i lha rnams la mngon par bsnyad do/ / sa bla'i gnod sbyin de dag dang / bar snang la spyod pa'i gnod sbyin de dag dang / rgyal po chen po bzhi po de dag dang / rgyal chen bzhi'i lha de dag gis kyang lha'i dbang po brgya byin la mngon par bsnyad do/ / lha'i dbang po brgya byin yang glang po ches srungs kyi bu la zhon nas/ yid dga' bas 'thab bral gyi lha rnams la mngon par bsnyad de snga ma bzhin no// 'thab bral gyi lha de dag kyang brgya byin la dga' nas/ rin po che sna tshogs thogs shing lus lha'i 'phreng ba dang / spos rnam pa sna tshogs kyis brgyan pa sgra dang / reg bya dang / gzugs dang / dri yid du 'ong zhing bde ba dpe med pa/ rab tu dga' ba'i shugs kyi dga' ldan gyi lha'i ris na/ rin po che sna bdun las byas pa'i khang pa dang / gzhab med khang dang / grong khyer rnam pa sna tshogs kyis brgyan cing / dpag tshad stong phrag bzhi bcu yod pa/ yid kyis brtags pa zhes bya ba der/ byang chub sems dpa'i khang bzangs dpag tshad khri yod pa/ zag pa med par 'gro ba zhes bya ba de na/ bcom

  113. 57b

    ldan 'das byang chub sems dpa' lnga brgya dang thabs cig tu bzhugs pa de la/ 'thab bral gyi lha dag yid rab tu dga' bas/ gos phyogs gcig tu bgos te/ pus mo sa la btsugs/ mgo btud thal mo sbyar nas gsol pa/ lha 'di ltar 'dzam bu gling na las kyi sa la gnas pa/ grong che ge mo zhig dang / grong rdal mang ge mo zhig dang / yul ga ge mo zhig tu/ rigs che ge mo zhig las/ rigs kyi bu che ge mo zhig smrasgra dang kha spu bregs te/ gos ngur smrig bgos nas/ dad pas khyim nas khyim med par rab tu byung ste/ de spyod pa la nan tan bgyid cing bla ma la bsnyen bkur bgyid pa/ zag pa med pa'i chos kyi de nyid tshol zhing / tshor ba de nyid mthong ba zhes bgyi ba sa gzhan bzhi pa la zhugs nas/ bdud kyi phyogs 'dzom par bgyid cing / dam pa'i chos kyi zam pa brtan par bgyid/ chos dkar po rab tu ston par bgyid cing / bdud kyi phyogs smod par bgyid la/ lha'i phyogs 'phel bar bgyid pa de bdag cag gis lha rnams la mngon par gsol lo/ / 'thab bral gyi lha rnams la byams pas/ lha'i phyogs 'phel bar gyur pa de thos nas/ kye lha dag 'di ltar gang bdud kyi phyogs dma' bar byed cing / dam ba'i chos kyi phyogs mngon par mtho bar byed la/ nyon mongs pa rnams las rab tu grol bar byed cing / bdud kyi sde rnam par 'joms par byed pa la bdag rab tu dga' 'o zhes gtam du byed do//

  114. 58a

    gzhan yang dge slong des tshor ba'i tshogs drug mdor bsdus pa ji lta ba bzhin mthong nas/ tshor ba'i phung po'i sa'i chos sa gzhan lnga pa la ji ltar 'jug ce na/ rnal 'byor spyod pa nang gi chos la chos kyi rjes su lta zhing gnas pas brtags na/ yang dge slong de tshor ba'i de nyid mthong zhing / tshor ba'i tshogs drug gi las kyi mthar byas la/ 'du shes kyi phung po yang dag par rab tu rnam par 'byed cing mtshan mar byed do/ / sa gzhan 'du shes dang bcas pa gang yin snyam na/ bdag chos dkar po dben pa la spyod cing / phan pa dang / mi pham pa las dben par spyod pa'i 'du shes kyis 'du shes su byed cing / de yang dag par sems par byed la/ de chos dkar po mtshan mar byed pa ni/ 'di ltar thog ma nyid du chos rnams rab tu rnam par 'byed de/ dmigs pa bstan du yod cing // thogs pa dang bcas pa dang // bstan du med cing thogs pa'i 'du shes ji ltar skye bar 'gyur// gang yin zhig gu snyam nas/ de shin tu dben pas 'du shes de la rtog par byed cing / 'du shes des gzugs rnam pa bcu gcig la mtshan mar dmigs te/ 'di lta ste/ ring ba dang / thung ba dang / gru bzhi dang / zlum po dang / zur gsum dang / sngon po dang / ser po dang / dmar po dang / dkar po dang / btsod ka'o// de la 'du shes kyi mtshan mas ring por byed pa ni/ kye ma byis pa blo gzhan pa rnams kyis thog ma dang tha

  115. 58b

    ma med pa'i skye ba dang / 'chi ba dang / las dang / 'bras bu dang / 'chi 'pho dang / 'byung ba dang / sdug pa dang bral ba dang / grang ba dang / tsha ba dang / bkres pa dang / skom pa dang / dub pa dang / na ba dang / gzhan gyis bsgo ba dang / brnyas pa dang / bran gyi ngo bo dang / gcig la gcig za ba dang / sogs par byed cing / don med par gyur pa/ dpag tu med pa 'di kun ni bzod par dka' ba yin te/ lus dang / ngag dang / yid kyis kun nas bslangs pa'i nyes par byas pa'i las kyi bye brag bye ba khrag khrig brgya stong phrag dpag tu med pa dag gis byis pa so so'i skye bo dag yang dang yang du khyab par byas shing rnam par gtses pa'i 'khor ba 'di ni ring ngo snyam mo/ / de la mir gyur pa rnams la 'dod pas nyon mongs shing gcig la gcig 'drid pa dang / gzhal lugs dang / gshegs dang / tshong pa dang / rgyal po'i pho brang du bsten pa dang / mtsho dang / ngam grog dang / yul gzhan du 'gro ba dang / 'thab mo dang / zhing rmed pa dang / phyugs skyong ba dang / kla klor skye ba dang / log par lta ba dang / dbang po ma tshang ba dang / dam pa'i chos dang bral ba dang / sangs rgyas 'byung ba dang bral ba dang / rkyen ma tshang ba dang / mi ba dang / chang 'thung ba dang / ma byin pa len pa dang / brdzun du smra ba dang / 'dod pas log par g.yem pa dang / brnab sems dang / gnod sems dang / phra ma dang / tshig rtsub po dang /

  116. 59a

    tshig 'khyal pa la yid rnam par zhen pa'i 'khor ba 'di ni ring ngo snyam du 'du shes kyi mtshan ma la dmigs par byed do// lha rnams kyi 'khor ba yang ring bar 'du shes kyi mtshan ma la dmigs par byed de/ yul sdug pa spa dang / ro dang / gzugs dang / dri la rab tu chags shing / 'dod chags dang / zhe sdang dang / gti mug dang / bag med pa dang / bud med kyi nyon mongs pa dang / dga' ba'i tshal dang / yongs 'du dang / rnam par mdzes pa dang / shing rta sna tshogs dang / tshal dang / nags tshal dang / lteng ka dang / dal gyis 'bab pa dang / kun tu rtse ba dang / me tog dang / spos dang / bdud rtsi'i ro dang / rnam pa sna tshogs su rtse ba dang / kha zas dang / gnas khang la rab tu chags pa dang / tsan dan dang / lha'i me tog 'phreng dang / phye ma dang / byug pa dang / me tog man+da ra ba dang / lha'i rol mo dang / lha'i glu dbyangs la sems rab tu chags shing / dam pa'i chos la kha phyir phyogs pa'i lha rnams kyi 'khor ba ni ring ngo snyam mo/ / yi dgas rnams kyi 'khor ba yang ring bar 'du shes kyi mtshan ma la dmigs par byed de/ nyes par byas pa'i las kyi 'gro ba/ bkres pa dang / skom pa dang / dub pa dang / nyam chung ba dang / ma'i char rab tu 'bab pa dang / mid pa khab tsam la/ lto ri tsam pa dang / lto skal pa la zha ba dang / phrag dog dang / ser sna skyes shing

  117. 59b

    gcig la gcig mtshon gyis 'debs pa dang / mun nag tu 'jug cing g.yang sar rab tu ltung ba dang / chu bo dang / steng ka dpa' bab chu'i da dang / mtshor rgyug pa dang / gshin rje'i mis ral gri dang / dbyig pa dang / gzhor dang / mdung gis btab cing sdug bsngal ba/ skyugs pa dang / ngar snabs kyi kha zas lo 'bum phrag du mar za ba/ sdug bsngal rnam pa sna tshogs kyi mchi ma rab tu byung zhing bzod par dkar ba/ yul ngan byung zhing gding dang lus smras khebs pa/ lus la srin bu 'bum zhugs pa/ lus nad thams cad 'byung ba'i gzhir gyur cing thebs pa 'khor bar yun ring du zhugs pa/ lcags kyi bya rog mchu 'bar ba dag gis mig phyung ba/ lus shing bsregs pa 'dra zhing pha rol gyis gnod pa/ gcig la gcig za da/ dgon pa dpag tshad bye ba brgya phrag sum cu rtsa drug tu zhugs pa/ mgon med cing zas dang skom gyi mas lus bsregs pa/ mun nag tu zhugs pa'i yi dgas dag ni dam pa'i chos mnyan pa la kha phyir phyogs pa yin te/ log par lta bas bslus pa rnams kyi 'khor ba ni ring ngo snyam du 'du shes kyi mtshan ma la dmigs par byed do// gcig la gcig za zhing khong du chud par bya ba dang / khong du chud par bya ba ma yin pa shes pa la kha phyir phyogs pa rnams ni/ chu dang chu la spyod pa rnams rtag tu skom pas gdungs shing / snying yongs su bskams pa dang / gzung

  118. 60a

    bas 'jigs pa/ chu srin byis pa gsod dang / chags skam dang / sram dang / rus sbal dang / nya dang / nya mid dang / nya mid ming dang / chu srin kum b+hi ra dang / chu srin na kra dang / chu srin ma ka ra dang / chu srin nya phyi sa dang / chu srin dung la sogs pa chen po dang / chung ngu rtag tu gcig la gcig za dang / de las gzhan pa rgyas shor zhing bzung bas 'jigs pa rnams dang / de bzhin du skam sa la rgyu ba ri dgas dang / ma he dang / phag rgod dang / glang po dang / khyu mchog dang / rta dang / bong bu dang / pa glang dang / ri dgas ru ru dang dred mo dang / bse la sogs pa sdug bsngal sna tshogs kyis 'ching zhing mtshon gyis gcod pa dang / nad dang / rga ba dang / 'chi bas gcig la gcig gnod pa brgya phrag stong gis nyen pa rnams dang / de bzhin du nam mkha' la rgyu ba bya rog dang / 'ug pa dang / ngang pa dang / rma bya dang / khyim bya dang / bya ko ma shrI ka dang / phug ron dang / bya dang / t+yu ha dang / bya tsa sha dang bya 'dab brgya dang / bya tsha yab lin dang / bya shang shang te'u dang / bya san ta pa la sogs pa gzhan yang bya'i rigs dag gsod pa dang / 'ching ba dang / bkres pa dang / skom pa dang gcig la gcig za ba dang / grang ba dang / tsha bas gnod pa rnams dang / gnas gsum la gnas pa skams dang / chu dang bar snang la rgyu ba'i dud 'gror gyur pa rnams la mi bzod cing

  119. 60b

    so so'i 'jigs pa rnams kyi 'khor ba ni ring bar 'du shes kyi mtshan ma la dmigs par byed do/ / de bzhin du yang sos dang / thig nag dang / bsdus 'jom dang / ngu 'bod dang / ngudu 'bod chen po dang / tsha ba dang / rab tu tsha ba dang / mnar med pa rnams kyi mi bzod pa/ bsam pa shin tu ngan pa rnams kyi so so'i 'jigs pa brgya stong du ma yod pa/ me dang / mtshon dang / g.yang sa dang / rgyal pa'i chu bo dmar po'i nang du lus rab tu 'jug pa/ lo ma'i ral gri'i nang du 'jug cing / bdab mas so sor nyams su myong ba/ brgya'i chu'i nang du 'dug cing sa rab tu 'bar ba la 'gro ba/ sreg par byed pa'i pad+ma mi bzad pa/ gnod par byed pa bzod par dka' ba rnam pa du mar mtshungs pa mang ba'i sems can dmyal ba rnams kyi 'khor ba ni ring bar 'du shes kyi mtshan ma la dmigs par byed do/ / dge slong de 'du shes kyi phung po rab tu rnam par dpyod pa la bstan du yod cing thogs pa dang bcas pa yun ring po'i gzugs 'phags pa'i bden pa bzhi la las dang 'bras bu'i rgyu'i gzhi dmigs pa/ sems can rnam pa sna tshogs dpag tshad brgya phrag stong gi 'gro bar song ba rnams la lta bar byed cing / mtshan mar byed la/ rnam par 'byed par byed/ gzhi la dmigs pa'i 'du shes rab tu dag pas mthong ste/ 'khor ba la yid 'byung bar byed do// gzhan yang ji ltar na dge slong de zung ngu rnam par 'byed cing mngon sum du

  120. 61a

    byed ce na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis brtags na/ dge slong de bdud kyi sde rnam par 'jig par byed de/ ji ltar thung ba rnam par 'byed ce na/ 'khor ba thung ba'i brtul zhugs dang / sdom pa dang / mchod sbyin dang / tshul khrims dang / cho ga shes pa dang bla ma la gus pa dang / yid drang ba dang / yang dag pa'i lta ba dang / pha ma la gus pa dang / sangs rgyas dang / chos nyan cing lha la bsnyen bkur byed pa dang / g.yo byed pa dang / gzhal lugs dang / 'drid pa dang / dge ba'i bshes gnyen gyi spyod pa ma yin pa spong ba dang / phyug pa dang / yid drang ba dang / snying brtse ba dang / lus dang / ngag dang / yid las su rung ba dang ldan zhing / mi'i snying dang ldan pa rnams kyi 'khor ba ni thung bar 'du shes kyi mtshan ma la dmigs par byed do// de bzhin du gang dag bag med pa la zhugs pa rnams kyi dga' ba'i tshal dang / rnam par mdzes pa dang shing rta sna tshogs dang / yongs su 'du dang / nags tshal dang / lteng ka dang / pad+ma sna tshogs dang / rgyan dang / do shal dang / bro gar dang / khron pa dang / shin tu mdzes pa'i dpag bsam gyi shing dang / 'bab chu dang / chu mig tshag tshig dang / tshal dang / bdud rtsi dang / zas dang / gnas kyi khyad par dag spangs nas/ gang dag tshul khrims kyi rnam pa'i zas bsam gtan dang /

  121. 61b

    klog pa la gnas shing legs par lta la/ kha ton du 'don pa dang / sbyin pa dang / dul ba dang / yang dag par sdom pa dang / tshangs par spyod pa dang / dbang po dul ba dang / smra ba'i tshig nyung ba dang / chos 'dod pa dang / zhi ba'i zas la gnas pa'i lha gang yin pa de dag gi 'khor ba ni zung ngo // ji skad bshad pa bzhin du sdug bsngal gyi rnam pa bkres pa dang / skom pa dang / kha bskams pa dang / tshal shing bsregs pa bzhin du dman zhing zhum la/ spa dang gdong shong bsregs pa lta bu'i lus can gang yin pa de dag sdug bsngal du mi bgrang bar/ gang dag skad cig tsam zhig kyang / sangs rgyas dang / chos dang / dge 'dun la dbang po rab tu dang bas dad pa chung ngu zhig byas pa de dag gi 'khor ba ni thung bar 'du shes kyi mtshan ma la dmigs par byed do/ / gcig la gcig za zhing brdeg pa dang / grang ba dang / tsha ba dang / yul ngan pa dang / 'jigs pas 'jigs pa de dag gal te nus na/ skad cig tsam du rnam par gnon par mi bgrang bar/ skad cig tsam zhig kyang sangs rgyas dang / chos dang / dge 'dun la sems dang bar byas pa'i dud 'gro de dag gi 'khor ba ni thung bar 'du shes kyi mtshan ma la dmigs par byed do/ / yang sos dang / thig nag dang / bsdus gzhom dang / ngu 'bod dang / ngu 'bong chen po dang / tsha ba dang / rab tu tsha ba dang / mnar med pa la sogs pa'i sems can dmyal ba

  122. 62a

    rnams su skyes pa gang dag sdug bsngal shin tu gnod pa rnam pa sna tshogs de dag sdug bsngal du mi bgrang bar/ gang dag skad cig gcig tsam du tshul khrims la sems dad par byed pa'i sems can dmyal ba de dag gi 'khor ba ni thung bar 'du shes kyi mtshan ma la dmigs par byed de/ de de ltar 'khor ba thung bar sems so// 'khor ba gru bzhi po ji lta bu zhig snyam na/ byang gi sgra mi snyan gyi mi rnams ni bdag gi ba med cing / bdag tu nga rgyal med la/ nges par gong du 'gro ba de rnams kyi 'khor ba ni gru bzhi pa yin par 'du shes kyi mtshan ma la dmigs par byed do// sems can dmyal ba dang / yi dag sa dang / dud 'gro mi shes pas yongs su 'gyur zhing / sems bzang po ma yin pa'i rjes su 'jug pa'i 'khor ba ni zlum po yin par 'du shes kyi mtshan ma la dmigs so/ / dge ba dang / mi dge ba dang / lung du ma bstan pa'i las 'dren ma dag ni sems can dmyal ba dang / lha dang / 'dren ma mi rnams kyi nang du skye bar 'gyur te/ de la mi dge ba'i las kyis ni sems can dmyal ba rnams su'o/ / dge ba'i las kyis ni lha rnams su'o// 'dren mas ni mi rnams su skye ste/ las gsum nye bar 'gro'o// gang dag gnas gsum gyi skyes pa de rnams kyi 'khor ba ni zur gsum po yin par 'du shes kyi mtshan ma la dmigs par byed do/ / rgyal chen bzhi pa dang / 'thab bral gyi lha dang / gzhan 'phrul dbang byed kyi las

  123. 62b

    lta bur skyes pa'i lha dag las shi nas lha rnams su skye bar 'gyur/ gang dag mi las shes nas mi rnams kyi nang na skyo bar 'gyur ba mi khom pa med pa'i sa de dag gi 'khor ba ni zlum po yin par 'du/ shes kyi mtshan ma la dmigs par byed do// las dmar pos yongs su bzung ba dag ni dud 'gro yin te/ de dag kyang gcig la gcig za zhing dmar po la dga' ba'i 'du shes kyi mtshan ma la dmigs par byed do/ / las kha dog dkar pos yongs su bzung ba ni lha dang mi yin te/ gtsang zhing dge ba'i las kyi lam rin po che las byung ba'i rim gyis lha dang mir skye ba 'dzin te/ lha 'chi ba na de/ la lha dag bde 'gro mi'i 'jig rten du bzhud cig ces smra'o// de bzhin du mi 'chi ba na gnyen dang / mdza' bshes dang / chung ma dag mig mchi mas gang zhing / ngom zung gnag pa dag bdag cag/ thong la bde 'gro mi'i 'jig rten dgyes par bzhud cig ces smra'o// de 'di snyam du sems te/ mi de nyid thob kyang gang dge ba dang / sbyin pa dang / tshul khrims dang / shes rab la brtson 'grus med pa de ni sems can dmyal ba dang / yi dgas dang / dud 'gro'i dgon par gtses shing yongs su 'khyam ste/ so so'i skye bo ni las kyi lam gyis bslus shing chud gsan pa yin no snyam mo/ / dge slong de tshor ba'i de nyid mthong ste/ 'du shes kyi phung po la tshul bzhin yid la byed pa la dmigs pa'i de nyid mthong ba ni 'di ltar de nyid tshol bar byed de/ mig dang gzugs la

  124. 63a

    brten nas mig gi rnam par shes pa skye'o/ / gsum 'dus pa las reg pa brjod pa'i 'du shes rnam par 'byed de/ gzugs mthong ba na bzang ba dang / mi bzang ba dang / nye ba dang / bskal pa dang / ring ba dang / thung ba dang / gru bzhi dang / zlum po dang / dkar po dang / zur gsum dang / gzugs kyi dbyibs 'du shes kyis yang dag par rnam par 'byed cing / mtshan mar byed la gzhi la lta bar byed do// phung po dang / khams dang / skye mched kyi gzhi 'du shes su byed cing / rnam par 'byed/ dge ba dang mi dge ba'i las kyi rnam par smin pa shin tu 'byed cing / mngon sum du byed do// rgyu dang ldan pa la dmigs shing / rgyu ma yin pa dang ldan pa shes nas/ rnam par skyong bar byed/ phan pa dang / mi phan pa'i mtshan nyid mi 'dra ba 'das pa la 'du shes su byed de/ ji ltar 'dis bdag gi byas pa nyes pa byas pa'i 'du shes kyis 'du shes par byed de/ snga ma bzhin no// gal te 'du shes med na// dran pa yang med de/ dran pa dang / 'du shes su 'brel ba ni de'i dmigs pa yin zhing / de'i rkyen yin te/ dper na 'od de'i rkyen de'i gzhi de'i rgyu mar me yin pa de bzhin du/ dran pa ni 'du shes kyi rgyu/ 'du shes kyi rab tu byung ba/ 'du shes kyi bdag po yin no snyam mo// dge slong des gzhan lnga pa 'du shes su reg pa zhes bya ba la 'jug ste/ de yang dag pa'i tshor ba bde ba

  125. 63b

    la 'du shes su byed kyang de la dga' ba med la/ sems can dmyal ba rnams kyi las byas pa/ sdug bsngal de yang 'jigs pa med par de mtshungs par rtog ste/ gser bzang po bzhin no/ / dge slong 'du shes can de 'du shes kyi rnam pa gzhan gyis rtog par byed de/ 'du shes las rnam par grol zhing rtog par byed pa gzhan ma yin pa// bdag gi 'du shes kyi rkyen ni gang yin/ rgyu ni gang yin/ gzhi ni gang yin snyam mo// de 'du shes 'di ni rten cing 'brel par 'byung ba yin te/ rkyen tshogs pa des 'di skye zhing / de 'gog pa las 'gag par 'gyur te/ dper na zla ba la yang brten/ chu shel la yang brten nas/ nor bu chu shel las chu dang ba 'byung ba de bzhin du/ rgyu dang rkyen la brten nas 'du shes 'byung bar 'gyur te/ 'du shes 'di ni rgyu/ med pa la sa 'byung ba ma yin zhing / byed pa po dang / tshor ba pos ma byas/ 'dod rgyal las ma byung bar 'di skye'o snyam mo// dge slong de 'du shes kyi phung po'i de nyid tshol ba yin te/ de 'du shes kyi de nyid mthong zhing / de skye ba dang 'jig pa'i de nyid shes pa/ rim pa bzhin du phra mos tshol ba yin no// chu bo'i rgyun 'bab pa ltar 'du shes la zhugs pa/ rgyu dang rkyen gyi dbang gis dge ba 'byung ba/ rgyu dang rkyen gyi dbang gis mi dge bar 'gyur bar skyes so// de yang sems spre'u lta bu nyams pas lung du ma bstan par 'gyur ba lung du ma bstan pa skyes so//

  126. 64a

    de bde ba'i 'du shes la bde bar mi 'di lta ste/ zag pa med pa'i bde ba la bde bar 'du shes shing / bde ba la yang bde ba ma yin par 'du shes te/ bde ba de dag ni// chung ngur 'du shes so// ji ltar na bde ba'i phung po dang / khams dang / skye mched kyi phung po skye ba dang / 'gog par lta zhing / tshor ba dag la yang mngon par chags pa med ce na/ tshor ba nub pa des 'du shes mngon par dga' ba med cing / 'du shes nub pa des 'du byed rnams 'byung bar 'dod pa med de/ gnas pa med cing 'jig pa med la gzhan du 'gyur ba med pa'i rnam par shes pa 'byung ba la mngon par 'dod pa med do/ / gnas pa med cing 'jog pa med pa la gzhan du 'gyur ba med pa'i ngo bo 'di ni dge slong phung po'i de nyid shes pa yin te/ bdud kyi yul la mi gnas shing / 'dod chags zhe sdang gti mug rnams kyis gnod pa med pa yin/ de rtag pa dang / bde ba dang / gtsang ba dang / bdag tu lta ba ma yin/ 'khor ba na sgra dang / reg pa dang / gzugs dang / dri sdug pa/ dra ba'i zhags pa lta bu dag gis 'ching bar mi 'gyur zhing / dran pa nyams par 'gyur te/ de dran pa nye bar gnas pa rnam par shes shing / zag pa zad par bya bar nus la/ mya ngan las 'das pa la mngon du phyogs par 'gyur ro// 'dir tshigs su bcad pa/ dge slong brtson 'grus zhan pa dang // le lo byed cing lta ba la// gang zhig

  127. 64b

    rtag tu spro dga' med/ / de lta bu ni dge slong yin// mal cha stan la longs mi spyod// dge slong yin zhes sangs rgyas gsungs// gang zhig le lo mngon dga' ba// de ni dge ba'i 'os min no// mongs rnams kyi gzhi gcig ni// le lo yin te gang la yod// gang la le lo gcig yod pa// de la chos ni med pa yin// bgo ba tsam gyis cho ga 'dzin pa// de ni dge slong yin zhes brjod// gang gi blo gros rjod med cing / / bsam gtan med la zag zad med// cha byad tsam gyis cho ga 'dzin pa// de lta bu ni dge slong min// gtsug lag khang dang kun dga' brtson// chos kyi spyod yul dga' med cing / / bud med chang la chags pa'i blo// de lta bu ni dge slong min// gang zhig bdud kyi 'ching gcod dang // sdig pa'i las dag spyod byed la// dge 'dun spyod yul mi spyod pa// de ni dge slong rgyal bas gsungs/ / sbrul gdug dang ni ta mra dag/ smin ma za ba nyis na rung // tshul khrims 'chal pa dge 'dun gyi// bzab btung spyod pa mi rung ngo // gang zhig nyon mongs 'dus ba ni/ / de ni bsod snyoms 'os min zhing // de ni bsod snyoms rigs min te// de ni dmyal ba'i 'os yin no// sbrul gdug khung nang dug lta bu'i// nyon mongs gang gis bcom zhing spangs// dge slong de ni bsod snyoms spyod// de ni bud med lta ba med// gal te bdag nyid gtar bzhag cing // sdig pa rnams la chags pa ni// de 'dun rin chen sun byed pa// de ni dge slong ji ltar shes//

  128. 65a

    gang zhig rnyed dang bkur sti dang // gang zhig yul sdug sems byed la// bud med lta zhing de 'dod pa// dge min khyim min g.yo can yin// ji ltar me yis tshal bsregs bzhin/ / gang gis nyon mongs tshal ba sregs pa// bram ze de yin de dge zhing // sdig pa'i zas la mi chags so// rtag par grong du 'gro spro zhing // g.yon can rtag tu khrus byed pa// rmongs pa bdag dang gzhan sku ste/ / dam chos lam la rmongs pa yin// yid ni zhi zhing dgon pa ru// rtag tu bsam gtan pha rol 'gro// bram ze de yin de dge zhing // dge ba'i lam gyi spyod yul yin// dgon pa dag tu dga' byed pa// der ni 'dod chags bral ba dga'// 'dod pa tshol ba'i yid dag ni// der ni dga' bar mi 'gyur ro// gang zhig 'bel ba'i gtam dga' zhing // yul gyi sred pas mngon dga' ba/ / gang na 'chi ba med pa yi// zhi ba'i grong du mi 'gro'o// rgyal po brten cing zas dang skom// shin tu zhing 'dod rtag khro ba// ming gis dge slong g.yo thabs kyis// gang dag rgyal po'i sgor 'dug cing / / khyim bdag dang nye rtsom bcas// de nas de dag sun 'byin cing // sbyin bdag bden sems slu bar byed// ji ltar glang chen tshal gnas bzhin// gang dag pu smad yongs spangs nas/ / zhi ba'i tshal na gnas pa ni// de dag sred spangs bsam pa mnyam// dge slong de nyes pa de dag spangs nas/ de nyid mthong ba de las gzhan pa gzugs la sogs pa

  129. 65b

    phung po'i de nyid mthong ba thar pa la 'bad cing spyod de/ bla ma la yongs su 'dri/ lam dang lam ma yin pa'i de nyid shes shing / 'phags pa'i lam yan lag brgyad pas thar pa'i grong khyer de tshol ba ni lam brtson pa'i ngang tshul can mnyam par lta zhing / dri ma med pa'i sems dang / zhi ba'i sems kyis lam de kun tu sten cing sgom ste mang du byed do// de zag pa med pa'i las kyi lam gyi dge ba dang yang dag par ldan pa des/ bdud kyi phyogs ni dmas par byed cing / dam pa'i chos kyi phyogs ni 'phel bar byed do zhes sa bla'i gnod sbyin dag gis shes nas/ bar snang la spyod pa'i gnod sbyin dag la mngon par bsnyad do/ / de dag gis kyang rgyal po chen po bzhi la mngon par bsnyad do// de dag gis kyang rgyal chen bzhi pa nas/ snga ma bzhin du sbyar te/ 'thab bral dang dga' ldan gyi lha/ dag gis/ dga' ldan gyi gnas na byams pa bzhugs pa'i bar la mngon par bsnyad do// de la byang chub sems dpa' gcig cig mchog tu dga' ches nas/ gzhan 'phrul dbang byed kyi lha rnams la mngon par bsnyad de/ 'dzam bu'i gling du rigs kyi bu che ge mo zhig sma dang kha spu bregs te/ gos ngur smrig bgos pa nas/ snga ma bzhin du sbyar te/ de nas gzhan 'phrul dbang byed kyi lha rnams yid mchog tu dga' ba'i bar du snga ma bzhin du gyur ro/ / de nas gzhan yang de slong des gzhan lnga pa la ji ltar 'jug cig gu snyam nas/ rnal 'byor spyod pa nang gi chos

  130. 66a

    pa chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis brtags na/ skye mched gzugs can bcu la rtog par byed de/ bcu gang ne / 'di lta ste/ mig gi skye mched dang / gzugs kyi skye mched dang / rna ba'i skye mched dang / sgra'i skye mched dang / sna'i skye mched dang / dri'i skye mched dang / lce'i skye mched dang / ro'o mched dang / lus kyi skye mched dang / reg bya'i skye mched de/ skye mched gzugs can bcu po de dag la rtog par byed do// bdag gi mig gi skye mched la yang brten/ gzugs kyi skye mched la yang brten nas/ 'du shes su ji ltar 'gyur zhe na/ mig la yang brten/ gzugs la yang brten nas/ mig gi rnam par shes pa skye bar mthong ste/ gsum 'dus pa las reg pa reg pa dang lhan cig skyes pa tshor ba dang / 'du shes dang / sems pa 'byung ngo // de la tshor ba gang yin pa de ni myong ba'o// sems pa gang yin pa de ni sems par byed pa'o// de la 'du shes gang yin pa de ni shes pa yin te/ 'di ltar gzugs 'di ni ring ngo // gzugs 'di ni thung ngu/ gzugs 'di ni sdug pa/ gzugs 'di ni mi sdug pa/ gzugs 'di ni bstan du yod pa gzugs 'di ni thogs pa dang bcas pa/ gzugs 'di ni bstan du med pa/ gzugs 'di ni thogs pa med pa zhes rnam par rig byed ma yin pa'i bar rnam pa bcu gcig po 'di ni 'du shes kyi

  131. 66b

    gzugs su rnam par dbye ste/ de ltar gsum 'dus pa las reg pa skye'o// de reg pa dang lhan cig skyes pa tshor ba dang / 'du shes dang / sems pa 'byung ste/ de la mig gi 'dus te reg pa las byung ba'i tshor ba dang / 'du shes dang / sems pa myong ba'i don ni tshor ba'i don no// 'du shes kyi don ni tshor ba'i tshe yang dag par shes pa yin te/ chos 'di dag la yid 'jug pa skye ba'i mtshan nyid mi 'dra zhing ngo bo nyid mi 'dra ba yin te/ dper na sa chen po bcu'i chos lta bu'o// sems pa'i mtshan nyid mi 'dra ba yang de bzhin te/ rnam par rtog pa dang / yid la byed pa dang / dpyod pa dang / dran pa dang / tshor ba dang / 'du shes dang / sems pa dang / reg pa dang / brtson 'grus dang / ting nge 'dzin de dag ni dmigs pa gcig la mtshan nyid mi 'dra pa yin no/ / de bzhin du tshor ba'i mtshan nyid kyang mi 'dra zhing / de bzhin du 'du shes kyi mtshan nyid kyang mi 'dra ba yin te/ dper na nyi ma'i gzhi ga cig yin kyang / 'on kyang 'od kyi ngo bo nyid tha dad pa de bzhin du/ tshor ba'i ngo bo nyid kyang gzhan la/ sems pa'i ngo bo nyid kyang gzhan yin no// de mig gi 'dus te reg pa las byung ba'i tshor ba dang / 'du shes dang / sems pa'i de kho na nyid shes nas/ mig 'di ni gsog tu mthong / gsob tu mthong / snying po med par mthong ngo // yang dag par mthong ba'i dge slong de ni lam gyi de kho na nyid shes nas/ log par lta ba spangs

  132. 67a

    te/ de yang dag pa'i lta ba sngon du btang bas/ de mig dang lhan cig skyes pa'i 'du shes kyi gti mug rnyog pa can gyi ngo bo nyid du gyur pa spong ngo // sha'i gong bu'i de nyid mthong ste/ mchil ma dang / rnag dang / khrag dang / mchi ma'i gnas yin par rig nas 'dod chags spong zhing mi rtag par rig nas/ rtag par mi lta ba yin la/ rus pa'i bu ga'i nang na sha'i gong bu yod par rig nas/ 'dod chags dang bral bar 'gyur/ rgyus pas sbrel par rig cing / mig gi skye mched 'di ni gcig la gcig 'brel bar rtog ste/ 'di la snying po med cing bdag med par rig la/ mdor na mig 'di ni sdug bsngal du gyur pa yin no zhes rnam par shes shing mthong mig gi skye mched kyi 'dod chags dang bral bar 'gyur ro// de mig gi skye mched yang dag par ji lta ba bzhin rtogs nas/ gzugs la yang rnam par dpyod par byed de/ gal te yang dag pa ma yin pa'i gzugs 'di sdug pa dang / mi sdug pa dang / lung du ma bstan pa yongs su rtog ste/ ci 'di la snying po yod dam/ ci gtsang ngam/ ci rtag gam/ ci bde ba yod dam snyam mo// de gzugs la lta zhing shes te/ rtog pa gzugs du ma mi dmigs te/ 'di la snying po med do// / gzugs sdug pa dang / mi sdug pa 'di ni kun tu rtog pa tsam ste/ 'di la sdug pa dang / mi sdug pa'i ngo bo ni med la/ sdug pa dang / khong khro kho nar kun tu rtog pas bzung ba'i 'jig rten 'di

  133. 67b

    ni sdug pa dang sdang bar sems so snyam mo/ / de mig gi skye mched mthong nas/ rna ba'i skye mched la lta bar byed de/ sgra la so sor rtog go// sgra skyes pa'i dbang po'i yul la 'jug ste/ des rna ba la yang brten/ sgra la yang brten/ de skyed pa'i yid la byed pa la yang brten nas/ rna ba'i rnam par shes pa skye ste/ gsum 'dus pa las reg pa/ reg pa dang lhan cig skyes pa'i tshor ba dang / 'du shes dang / sems pa 'byung ba'o// de la reg pa dang lhan cig skyes pa gang gis myong bar byed/ de la reg pa dang lhan cig byung ba'i 'du shes gang gis kun tu shes par byed reg pa dang lhan cig byung ba'i sems pa gang gis sems par byed snyam na/ 'du shes ni 'di lta ste/ 'di ni ring po ma yin pa'i mtshad nyid do// sgra 'byung ba'i rkyen 'di las skyes pa'i sgra mi gsal ba dang / chung ba dang / chen po snyan pa dang / mi snyan pa 'di 'byung ste/ de sgra byung ba de la so sor rig par byed cing / yang dag par sems par byed la/ 'du shes kyi rnam par 'byed par byed/ yid kyi rnam par shes pas rnam par shes par byed cing / tshor rabs shes par byed la/ som nyi rnam par dpyod par byed do// de rna ba'i skye mched la mngon par zhen pa na/ rtog par byed/ rtog pa na rnam par dpyod par byed/ rnam par dpyod pa na so so yang dag par rig par byed de/ 'di la sgra'i ngo bo nyid kyis snyan pa 'am/ mi snyan pa ni med do// sgra snyan pa 'am/ mi snyan pa

  134. 68a

    'di ni kun tu rtog pa tsam kho na ste/ sgra 'di ni ngo bo nyid kyis rtag pa 'am/ bde ba 'am/ snying po 'am/ bdag dang bcas pa ni med la/ sgra snyan pa 'am/ mi snyan pa 'di ni 'dod chags zhe sdang gti mug kho na'o snyam mo/ / de sgra'i skye mched la mngon par kun tu rtog pa na/ sgra thos na rmongs pa med cing / chags pa med la snying po med par rtogs so// derna ba dang sgra'i skye mched la mngon par rtog pa na/ rna ba'i rnam par shes pa la chags pa med cing / 'dod chags dang bral ba thob ste/ rna ba'i rnam par shes pa ni bdag ma yin zhing / bdag gi ma yin no snyam mo// reg pa dang / tshor ba dang / sems pa la yang de bzhin no// yang dge slong de sna dang dri'i skye mched la lta ste/ sna la yang brten/ dri la yang brten/ skyed pa yid la byed pa la yang brten nas/ sna'i rnam par shes pa skye ste/ nye ba 'am/ ring ba 'am/ yid du 'ong ba 'am/ yid du mi 'ong ba 'am/ dri zhim pa 'am/ dri mi zhim pa 'am/ rlung gis khyer te 'ongs pa 'am/ khyer te mi 'ong ba'i dri so sor snom mo// de la sna'i skye mched la phyi rol gyi dri de sbyor bar byed de/ de la gsum 'dus pa las reg pa/ reg pa dang lhan cig skyes pa'i tshor ba dang / 'du shes dang / sems pa 'byung ngo // de la myong ba'i mtshan nyid ni tshor ba'o// shes pa'i mtshan nyid ni 'du shes so// de rna ba dang sgra'i skye mched thos

  135. 68b

    nas/ nang gi reg pa'i mtshan nyid ni reg pa/ shes pa'i mtshan nyid ni 'du shes/ de sems pa'i mtshan nyid ni sems par byed pa yin te/ chos 'di dag ni skad cig ma gcig la dmig/ pa yin la/ bya ba ni tha dad par rtsom pa yin te/ dper na ji ltar ngo bo nyid mi 'dra ba sa chen po'i chos bcu pa lta bu'o// de bzhin du chos 'di dag thams cad kyi mtshan nyid tha dad cing skad cig mi gcig la gzhan bya ba gcig rtsom pa yin no snyam ste snga ma bzhin no/ / dge slong de sna dang dri'i skye mched kyi de kho na nyid shes pa de nyid 'di ltar tshol te/ ci 'di la skye mched 'di rtag pa dang / brtan pa dang // thezer zug pa med cing yongs su 'gyur ba yin te/ sna dang dri'i skye mched mi rtag pa dang / sdug bsngal ba dang / stong pa dang / bdag med par shes la/ de dag thams cad la bdag med cing / bdag gi med do zhes rig nas/ sna dang dri'i skye mched 'di ni kun tu rtog pa kho na tsam yin te/ des so so'i skye bo thams cad bcings pa yin te/ blo zhan pa dag ni rnam pa la so sor rtog go snyam mo// yang dge slong de lce'i skye mched tshol bar byed de/ lce la yang brten/ ro la yang brten/ de skyed pa yid la byed pa la yang brten nas/ lce'i rnam par shes pa skye ste/ gsum 'dus pa las reg pa/ reg pa dang lhan cig skyes pa'i tshor ba dang / 'du shes dang / sems pa 'byung ngo // de la myong ba'i mtshan nyid ni tshor ba/ shes pa'i mtshan nyid ni 'du shes/ reg pa'i mtshan nyid ni reg pa/

  136. 69a

    sems pa'i mtshan nyid ni sems par byed pa yin te/ chos 'di dag ni 'du shes kyi mtshan ma la dmigs pa yin zhing / rang gi mtshan nyid dang / spyi'i mtshan nyid du gyur pa bya ba tha dad pa rtsom zhing / thams cad kyang don gcig rab tu sgrub pa yin te/ dper na shing la yang brten/ skam pa la yang brten/ ze'u la yang brten/ thab la yang brten/ mgar ba la yang brten nas/ lag pa'i rgyan sor gdub cig byed de/ chos de dag thams cad kyi mtshan nyid mi 'dra ba de bzhin du/ lce'i skye mched kyi chos 'di yang / lce'i skye mched dang / ro'i skye mched skyed do// yang dge slong de lce'i skye mched kyi de kho na nyid mthong ba 'di ltar rab tu rtog par byed do/ / lce'i skye mched la rtag pa 'am/ bde ba 'am/ gtsang ba 'am/ bdag dang bcas pa cung zad yod pa/ rnam pa thams cad du rnam par bsams na/ gang mtshan nyid de lta bu dang ldan pa'i chos chung ngu tsam yang mi dmigs te/ de lce dang ro'i skye mched kyi 'dod chags dang bral lo// de sems can rgya mtsho de dag thams cad gang du zhugs shing chags pa/ mi dang / lha dang / sems can dmyal ba dang / dud 'gro dang / yi dgas 'gro ba lnga po dag gcig la gcig gnod cing zhugs te 'ching ngo // de lce dang ro'i skye mched las rnam par grol zhing 'dod chags dang bral te/ lce'i skye mched dag la bdag med cing / lce dang ro'i skye mched dag la bdag gi med de/ bdag rtag pa'am/ brtan pa 'am/

  137. 69b

    ther zug pa med cing yongs su 'gyur ba'i chos can yin te/ lce dang ro'i skye mched ni med pa yin no snyam ste/ de de las kyang 'dod chags dang bral lo// gzhan yang dge slong de lus dang reg bya'i skye mched// la lta bar byed de/ de lus la yang brten/ reg bya la yang brten nas/ lus kyi rnam par shes pa skye bar mthong ste/ gsum 'dus pa las reg pa/ reg pa dang lhan cig skyes pa'i tshor ba/ dang / 'du shes dang / sems pa 'byung ste/ chos 'di dag ni snga ma bzhin du shes par bya'o// ji ltar mig gi dbang po'i skye mched rnams bshad pa bzhin du/ lus kyi reg pa yang khong du chud par bya'o/ / 'dus pa'i go rims bstan pa// / dam pa'i chos dran pa nye bar gzhag pa bam po lnga pa/ de nas gzhan yang ji ltar na dge slong de skye mched gzugs can bcu brtags nas/ chos kyi skye mched kyi de kho na nyid rtog cing / chos kyi skye mched la lta bar byed ce na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa'am/ lha'i mig gis brtags na/ chos gang chos kyi skye mched du bsdus pa ni/ so sor brtags pas 'gog pa dang / so sor brtags pa ma yin pas 'gog pa dang nam mkha' 'o/ / de la chos gang cung zad med pa'i chos de bsdus pa ni nam mkha' yin no// so sor brtags pas 'gog pa zhes bya ba ni/ mya ngan las 'das pa la so sor rtog pa'i

  138. 70a

    shes rab yin te/ de rnam pa du ma mngon sum du byas nas gnas/ so so rtog pas nyon mongs pa sel cing zad par byed la 'jig par byed/ zag pa med pa thams cad la phyogs par byed cing mngon du byed pa yin no/ / so sor brtags pa ma yin pas 'gog pa ni/ so sor brtags pa ma yin no zhes bya ba gang mi shes shing / shes pa med la/ so sor rig pa med/ shes pa ma yin zhing / shin tu khong du chud pa med la rab tu rtog pa med/ gzhan gyi rnam par shes pa brgya phrag stong skyes pa dag kyang 'jig par byed cing / mig dang / rna ba dang / sna dang / lce dang / lus dang / yid kyi rnam par shes pa de dag 'jig par byed la/ yang 'byung bar mi byed pa/ gsum pa 'di ni so sor brtags pa ma yin pas 'gog pa ste/ nam mkha' dang chos gsum po 'di dag ni skye ba med la rtag pa de dag dus kyis ma bskyed cing skye bar mi 'gyur la mi skye'o/ / de nas gzhan yang ji ltar na dge slong des chos kyi skye mched gzugs dang / gzug ma yin pa rnam pa gnyis rnam par 'byed ce na/ de la gzugs can bcu ni skye mched gzugs can yin no// de la ji ltar na bstan du med cing thogs pa med pa'i mig gi rnam par shes pa bstan du yod cing thogs pa dang bcas pa'i gzugs ji ltar dmigs par 'gyur/ de bzhin du ji ltar na rna ba'i rnam par shes pa bstan du med cing thogs pa med pas sgra 'dzin par 'gyur/ de bzhin du ji ltar

  139. 70b

    na sna'i rnam par shes pa bstan du med cing thogs pa med pas dri 'dzin par 'gyur/ de bzhin du lce'i rnam par shes pa bstan du med cing thogs pa med pas ro rnam par shes par 'gyur/ de bzhin/ du lus kyi rnam par shes pa bstan du med cing thogs pa med pas phyi rol gyi skye mched lnga dang / gzhan nang gi skye mched lnga po 'di dag ji ltar na bstan du med cing thogs pa med pa dag gis bstan du yod cing thogs pa dang bcas pa'i skye mched dag ji ltar dmigs par 'gyur zhe na/ dge slong de ji tsam du dmigs pa'i rnam par gyur pa de tsam du rnam pa mthong zhing / de rnam par shes pa skye ste/ rgyu dang rgya'i 'bur bzhin no// de la rgya de'i mi 'dra ba mkhrang ba dang / rgya'i 'jam pa dang / snyi ba dang / mkhrang ba dang / mi mkhrang ba de las rgyu'i 'bur 'byung ngo // de bzhin du bstan du med cing thogs pa med pa'i rnam par shes pa bstan du yod cing thogs pa dang bcas pa la dmigs pa 'dzin to/ / gsum brgya'i 'bur 'byung ba bzhin du mi 'dra ba de dag thams cad las mi 'dra ba 'byung ste/ de ltar mi 'dra ba las mi 'dra ba 'byung ba ni mtha' dang po yin no// mtha' gnyis pa ni 'dra ba dag las 'dra ba 'byung ba yin te/ dper na thags dkar po dag las gos kyi snam bu dkar por shes pa lta bu'o/ / mtha' gsum pa ni mi mthun pa dag las mi mthun pa 'byung ba yin te/ dper na gtsub shing las me 'byung zhing / me dang shing mi mthun par mthong ba lta

  140. 71a

    bu'o/ / mtha' bzhi pa ni sba ba las ska ba 'byung ba yin te/ dper na 'o ma sla ba las ska ba 'byung ba ni/ ji ltar 'o ma sla ba las zho ska ba 'byung ba de bzhin du/ dngos po mi 'dra ba mig gi rnam par shes pa la sogs pa rgyu rkyen gyi bye brag gis mig gi rnam par shes pa la sogs pa skye'o/ / 'dir tshigs su bcad pa/ chos rtogs pa la mngon dga' zhing // bsam gtan kun dgar gnas ldan la// de yi mtshan nyid shes pa ni// mya ngan 'das pa mchog 'thob bo// byams la rtag par kun tu dga'// chos kyi spyod yul brtson byed cing // lus kyi mtshan nyid de nyid shes/ / de nyid kho na dge slong yin// gang gi blo gros tshul bzhin sems// 'dod dang khro bas mi nyams pa// dge slong de yin shes par bya// de las bzlog na gzhan du 'gyur// 'byung po kun la brtse zhing zhi// chags pa thams cad rnam spangs la// 'ching ba kun las nges grol ba// de nyid rig pa dge slong yin// gang gi rnam shes las rung zhing // gang dag yul gyi mi/ nyams pa// gser la dri ma med pa bzhin// dag pa dge slong zhes bya'o// gang gi yid la dga' ba dang // mi dga' ba yis gos med cing // skyon rnams thams cad rnam spangs pa// de ni dge ba'i gter du blta/ / tshul khrims nye bar khro med cing // chos spyod pa dag dbang po thul// sems can mi dman blo gros ldan// de lta bu ni dge slong yin// gang dag bstan bcos bstan bcos

  141. 71b

    don/ / rtag tu rnam shes blo gros dga'// bza' btung dag la dga' med pa// zhi ba'i yid de dge slong yin// gang dag tshal dgon gtsug lag khang // dur khrod dang ni rtsa bting la// yid ni/ dga' bar byed pa dag/ de lta bu ni dge slong yin// skyon rnams de nyid las shes shing // 'bras bu'i bye brag rig pa dang // rgyu dang rkyen gyi de nyid shes// sdig dang bral ba dge slong yin// sdig pa'i dgon pa bcom byas shing / / skyon bcom dbang po thul ba dang // yang srid rnam pa shes pa ni// zhi ba'i yid de dge slong yin// bsngags pas snying la dga' med la// smad pas zhum pa med pa ni/ / rgya mtsho lta bur zab pa ste// rnal rig dge slong zhes bya'o// blo gros brtan pa bdag mi bstod// snyan par smra zhing dus su smra// brkam med grags pa mkhas pa dag/ dge slong de ni zhi zhes bya/ / 'dod pa'i khams su 'gro ba'i rgyu// de bzhin gzugs kyi khams dang ni// gzugs med khams kyi de nyid shes// bstan rig dge slong zhes bya'o// 'jig rten gtam la chags med cing / / gang gi yul dag dug lta bu// chags pa'i skyon dag rtag 'joms pa// dge slong de ni sangs rgyas bstan// gang gis blo gros 'dod rnams la// 'dam lta bur ni rtag tu lta/ / bstan pa blo gros nges grol zhing // de ni 'khor ba'i 'ching las grol// gang zhig le lo thag bsrings pa// bsam gtan kha ton las rung zhing // sems can rnams la phan

  142. 72a

    byed pa/ / dgon gnas dge slong zhes bya'o// gang gi blo gros dris lan ldon// spobs pa ldan zhing dbang po thul// de ni chos kyi gtam shes te// gang dag bzlog na rtsa dang 'dra/ / gang gi blo gros lus dub pas// rnam pa kun tu skyo med cing // don du bya ba kun shes pa// de ni dge 'dun sogs pa byed// tshong zong phyir min longs phyir min// grags pa'i don du ga la zhig/ gang blo dge 'dun don sems pa// de ni 'khor ba'i 'ching las grol// gang gi brtul zhugs mtho ris dang // rnyed dang grags pa'i don du min// thams cad mya ngan 'das don byed// dge slong de ni zhi zhes bya/ / sdig pa dag ni rtag tu spangs// legs par byed la rtag dga' zhing // sdig pa'i bshes dang mi 'dre ba// sangs rgyas bstan la dge slong yin// sems ni byams par bsgoms byas shing / / mkhas pa drang po'i sems ldan la// bslab pa'i gzhi la nyams med pa// mya ngan 'das pa yong mi ring // 'khor ba'i skye dang rga ba yi// 'jigs las kha ni phyir phyogs shing // bsam gtan ldan la bag yod pa/ / mya ngan 'das pa yong mi ring // mi rtag stong pa bdag med pa// bya ba'i rnam pa shes pa dang // bsam gtan 'phel ba'i rnam shes pa// mya ngan 'das pa yong mi ring // de nas gzhan yang dge slong des gzhan lnga pa las sa gzhan drug pa la ji ltar 'jug ce na/ rnal 'byor spyod pa nang gi chos la chos kyi rjes su lta zhing gnas pa des/ thos pa

  143. 72b

    pas byung ba'i shes pa 'am/ lha'i mig gis brtags na/ dge slong de mu bzhi pa la lhag par mos pa yin no// ji ltar na chos 'di dag gi rgyu 'dra ba dag las 'dra ba 'byung ba dang / mi 'dra ba dag las mi 'dra ba dang / 'dra ba yang ma yin pa dag las 'dra ba ma yin pa dang / phyed 'dra ba dag las phyed 'dra ba 'byung / ji ltar na rgyu 'dra ba dag las 'dra ba 'byung zhe na/ dper na 'bru dang 'bru'i rgyur gyur pa dag las 'bru nyid skye ba de bzhin du/ nang gi dge ba'i las 'dra ba dag las 'dra ba'i 'bras bu nyid lha dang mi rnams la dmigs pa ni mu dang po yin no// rgyu mi 'dra ba dag las mi 'dra ba 'dra ba 'byung ba ni/ dper na 'o ma las zho sgyur ba 'byung ba de bzhin du// gang gi yang 'jig rten 'dir kun nas nyon mongs pa sgra dang / reg pa dang / ro dang / gzugs dang / dri'i 'dod pa sdug pa dag byas pas/ zho sgyur ba 'byung ba de bzhin du/ mi 'dod cing mi sdug la yid du mi 'ong ba'i 'bras bu rnam par smin pa sems can dmyal ba dang / yi dgas dang / dud 'gro rnams la dmigs pa ni mu gnyis pa yin no// / rgyu mi 'dra ba dag las mi 'dra ba 'byung ba ni/ dper na tshon sngon po dang ba blar sbyar na kha dog mi 'dra ba 'ga' zhig tu 'gyur ba de bzhin du/ nang gi chos la yang las dang 'bras bu rnam par smin pa'i las dang 'bras bu mi 'dra ba 'byung ste/ las dang 'bras bu mi 'dra ba ni/ dper na log par lta ba mchod sbyin pa dag mtho ris 'dod pa'i phyir phyugs dag gsod de/ de dag sems can dmyal bar 'gro ba ni

  144. 73a

    mu gsum pa yin no/ / rgyu phyed 'dra ba dag las phyed 'dra ba 'byung ba ni/ thags phra mo dkar po las snam bu dkar po stug po nyid du byed de/ phra mo dang stug po gnyis mi 'dra ba nyid du yod pa de bzhin du/ rgyu phyed 'dra ba dag las phyed 'dra ba 'byung ba ni/ mi dge ba'i las bsags pa phra mor gyur pa dag gi sems can dmyal ba chen po dag byed pa ni mu bzhi pa yin no// dge slong de las dang 'bras bu 'ong ba dang 'gro ba'i byed pa rjes su bsams pa mthong nas/ las dang 'bras bu 'khor lo bzhin du srid par 'gro ba'i mu bzhi pa sems par byed de/ rigs dang ldan pa'i mi la gnod par byed pa'i las thob pa med pa gang yin pa ni mu dang po yin no/ / mi la gnod par byed pa'i las thob pa gang yin pa ni mu gnyis pa yin no// gnod par byed pa'i las thob pa dang ma thob pa gang yin pa ni mu gsum pa yin no/ / gnod par byed pa'i las thob pa yang ma yin/ ma thob pa yang ma yin pa gang yin pa ni mu bzhi pa yin no// ris dang ldan par gnod par byed pa'i las thob pa med pa gang yin pa de ni yod de/ dper na 'jig rten par gyur pa dag rgyu skar ma thob par mi dag la gnod par byed pa lta bu'o// 'jig rten las 'das pa ni mig gi rnam par shes pa las kyi rgya mtsho thob pa med pa'i mi la 'dod pa dang / mya ngan la sogs pas gnod par byed pa ni mu dang po yin no// mi la gnod par byed pa'i las thob pa gang yin pa ni/ dper na 'jig rten pa dag me 'am/ ral gri dang phrad na/ sreg go zhe 'am/

  145. 73b

    gcod do zhes zer ba lta bu'o// 'jig rten las 'das pa ni mi dge ba'i las thob pa na/ sems can dmyal ba dang / dud 'gro dang / yi dag sa rnams su gnod pa byed pa ni mu gnyis pa yin no// gnod par byed pa'i las thob pa dang ma thob pa gang yin pa ni/ dper na 'jig rten pa dag rig sngags dang / dug gi mthu thob pa dag ma thob pa sbyin par byed pa lta bu'o// 'jig rten las 'das pa ni 'chi ba'i yul gyi dus su sems can dmyal ba rnams kyi mtshan ma'i gzugs brnyan thob pa ni mu gsum pa yin no/ / gnod par byed pa'i las thob pa yang ma yin/ ma thob pa yang ma yin pa gang yin pa ni/ dper na 'jig rten pa dag sman gyi sa bon btab pa skye bar 'gyur ba thob pa yang ma yin/ ma thob pa yang ma yin pa lta bu'o// 'jig rten las 'das pa ni dper na dge slong dgra bcom pa la nges par myong bar 'gyur ba'i las ri rab tsam yod kyang dgra bcom pa mya ngan las 'das te/ dgra bcom pa la yod pa'i las de dag thob pa med cing / gnod par yang mi 'gyur la/ grol ba ni mu bzhi pa yin no/ / tshe 'di la myong bar 'gyur ba dang / skyes nas myong bar 'gyur ba ma yin pa'i las ni mu dang po yin no// skyes nas myong bar 'gyur la/ tshe 'di la myong bar 'gyur ba ma yin/ pa ni mu gnyis pa yin no// skyes nas myong bar 'gyur ba dang / tshe 'di la myong bar 'gyur ba ni mu gsum pa yin no// tshe 'di la yang myong bar 'gyur ba ma yin pa dang / skyes nas kyang myong bar

  146. 74a

    'gyur ba ma yin pa ni mu bzhi pa yin no/ / tshe 'di la myong bar 'gyur ba dang / skyes nas myong bar 'gyur ba ma yin pa'i las gang yin zhe na/ dper na 'jig rten pa dag rgyal po la/ gnod pa byas nas chad pas gcod pa ni tshe 'di la myong bar 'gyur ba yin la/ skyes nas myong bar 'gyur ba ma yin pa lta bu'o// 'jig rten las 'das pa ni sbyin pas de bsngags par 'gyur ba tshe 'di la myong ba yod pa de dang 'jig rten pha rol tu lhan cig mi 'gro ba ni mu dang po yin no/ / skyes nas myong bar 'gyur la/ tshe 'di la myong bar 'gyur ba ma yin pa ni/ dper na 'jig rten pa dag me dong du zhugs pa mtho ris thob par 'gyur ro zhes zer ba lta bu'o/ / 'jig rten las 'das pa ni tshe 'di la dge ba 'am/ mi dge ba byas pas gzhan du rgyu dang 'bras bu mngon sum du mthong ba thob pa ni mu gnyis pa yin no/ / tshe 'di la myong bar 'gyur zhing / skyes nas kyang myong bar 'gyur ba ni mu gsum pa yin te/ dper na 'jig rten pa dag tshe 'di la myong bar 'gyur ba dang / skyes nas myong bar 'gyur ba lta bu'o/ / 'jig rten las 'das pa ni mu gsum pa yin no// tshe 'di la myong bar 'gyur ba ma yin zhing / skyes nas myong bar 'gyur ba ma yin pa ni/ dper na 'jig rten pa dag mi smra ba'i brtul zhugs lta bu yin te/ mi smra ba'i brtul zhugs dang / sbyin pa dang / tshul khrims dag ni tshe 'di la myong bar 'gyur ba yin no// 'jig rten las 'das pa ni lung du ma bstan pa'i sems

  147. 74b

    kyi las yin te/ lung du ma bstan pa'i las des/ tshe 'di la myong bar 'gyur ba'i 'bras bu rnam par smin pa yang mi dmigs shing / skyes nas kyang 'gyur ba ma yin pa ni mu bzhi pa yin no// de ltar dge slong de phyogs gcig tu 'dug nas sems can dmyal ba dang / lha dang mi rnams kyi las dang / 'bras bu dang / rnam par smin pa'i dra ba mang po yan lag du ma mthong nas/ yang dag pa'i chos la chos kyi rjes su lta zhing gnas so/ / de nas gzhan yang dge slong de las kyi 'bras bu rnam par smin pa shes pa ji lta bu yin zhe na/ rnal 'byor spyod pa chos la chos kyi rjes su lta zhing gnas pa de las dang las kyi 'bras bu dge ba dang mi dge ba shes pa yin te/ 'di ltar sems can 'di dag lus kyis nyes par spyod pa dang ldan/ ngag gis nyes par spyod pa dang / yid kyis nyes par spyod pa dang ldan pa ni/ 'phags pa rnams la skur pa 'debs shing log par lta ba yang dag par blangs pa yin te/ de rgyu de dang rkyen de dag gis ngan 'gro log par lhung ba sems can dmyal ba dang / dud 'gro'i skye gnas sam/ yi dgas rnams kyi yul du skye'o// gzhan yang sems can 'di dag lus kyis legs par spyad pa dang ldan pa dang / ngag gis legs par spyad pa dang / yid kyis legs par spyad pa dang ldan pa ni/ 'phags pa rnams la skur pa 'debs pa ma yin te/ de dag rgyu de dang rkyen de dag gis lus dang bral nas bde 'gro lha rnams kyi nang du

  148. 75a

    kye'o/ / rang gi las dang / chos dang / rnam par smin pa yang dag pa ji lta ba bzhin mthong ba'i dge slong de ni gzhan dag las thos pa la rnam par rtog cing / bdud kyi dbang du song ba'i semam can dag dang spyod pa mtshungs par mi spyod la/ mya ngan las 'das pa'i mthar gtugs pa'i spyod pa la yid 'byung ba dang / dge ba dang / 'khor ba'i mthar gtugs pa dang ldan pa dang / 'khor ba 'di las ji ltar bdag nyid kyis bdog dang / sbyin bdag dang / sbyin pa po dag sgrol ba dang / gzhan dag la yang phan gdags pa byed par gyur pas spyod do// chos dang / las dang / rnam par smin pa shes pa'i dge slong de sems can dmyal ba dang / yi dgas dang / dud 'gro dang / lha dang mi rnams kyi las dang / chos dang / rnam par smin pa la rtog cing dpyod/ par byed de/ dper na nor bu shin tu dang zhing gsal ba/ nor bu bai DUR+Ya'i bu ga'i nang du skud pa bcug pa ser po 'am/ btsod ka 'am/ dkar po ji ltar snang ba de bzhin du/ las kyi nor bu'i nang du rnam par smin pa'i skud pa yod de/ dge slong thos pa las byung ba'i shes pa 'am/ lha'i mig rnam par dag pa des mthong ngo // yang dge slong de thos pa las byung ba'i shes pas/ nor bu lta bu'i las dang / chos dang / rnam par smin pa mthong ste/ dper na nor bu dkar zhing shin tu dkar ba gang zhig kun nas gsal zhing rma med la/ dang zhing 'bug bzod pa las su byar rung zhing kun tu sgor gyur

  149. 75b

    la/ skye bo thams cad kyis bsngags pa/ nor dang ldan zhing rgyal po la 'os pa/ yon tan rnam pa de dag dang ldan pa'i nor bu de rgyal po 'am/ rgyal po'i bus de'i yon tan shes shing / de'i rin shes par gyur nas/ rgyan du bya ba nas/ gdags pa'i bar du byas pa de bzhin du/ dge slong de phyogs dkar po dge ba bcu'i las kyi lam gyi nor bu 'di kun nas dkar zhing / shin tu gsal la sdig pa med pa/ kha na ma tho ba med cing dang la dbug bzod pa/ chos kyi phyogs dang gnyen po skyed pa/ dri ba dang lan ldon pa la chos kyi thur mas 'bigs par bzod cing / las su rung ba sbyin pa dang / tshul khrims dang shes pa dag ji lta ji ltar yongs su sngo bar byed pa de lta de ltar dge ba bcu'i las kyi lam gyi nor bu 'di las su rung ba nyid du de 'khor los sgyur ba'i rgyal srid dam/ de bdud kyi rgyal srid dam/ de tshangs pa'i rgyal srid dam/ de zag pa med pa'i bsam gtan gyi ting nge 'dzin sgom pa'i rgyal srid 'grub par byed de/ de de ltar dam pa'i chos kyi nor bu 'di las su rung zhing kun tu sgor gyur pa yin no// kun tu sgo ni lha dang / mi'i sgor gyur pa yin te/ de ltar dam pa'i chos kyi kun tu sgor gyur pa ni 'khor ba'i grong khyer las 'byung zhing / mya ngan las 'das pa'i sgo'i rjes su 'jug pa yin/ skye bo thams cad kyi bsngags pa zhes bya ba ni/ yang dag pa'i lta ba dang ldan pa'i slob pa rnams kyi bsngags pa'o// rgyal po la 'os pa zhes bya ba ni dam pa'i chos kyi lam sgrub pa shes pa'i sems kyis dbang phyug tu rung ba'o// der zhugs pa zhes bya ba ni

  150. 76a

    nor bu bai DUR+Ya dang / dam pa'i chos kyi nor bu yon tan thams cad phun sum tshogs pa de dang / chos mthun par dmigs pa'o// yang dge slong de las dang / chos dang / rnam par smin pa nor bu bzhin du mthong ste/ dper na nor bu gzhan zhig rma yod cing thams cad du bzang ba ma yin la/ kun gyi sgo ma yin/ dkar ba ma yin zhing dbug tu mi bzod la/ las su byar mi rung / skye bo kun gyis bsngags pa ma yin zhing / rgyal po 'am/ rgyal po'i bu la rung ba ma yin pa de bzhin du/ gzhan mu stegs can chos kyi gzugs brnyan gyi chos kyi nor bu ma yod pa de'i rma gcig po ni 'jig tshogs la lha ba dang / tshul khrims dang / brtul zhugs mchog tu 'dzin pa dang / the tsom yod pa yin no// kun gyi sgo ma yin pa ni/ sems can dmyal ba dang / yi dgas dang / dud 'gro'i sgo yin no// dkar ba ma yin pa ni zag pa med pa'i bkra shis dang mi ldan pa'o/ / dbug par mi bzod pa ni legs par 'dri ba dang / lan blan pa'i chos kyi gtam 'bugs pa'i thur mar mi rung ba'o// rgyal po 'am/ rgyal po'i bu la 'os pa ma yin pa ni/ sems can thams cad kyi dbang phyug dam pa'i chos kyi lam du zhugs pa/ skyes bu gang zag brgyad rnams su mi rung ba ste/ rnam pa de lta bu'i chos kyi gzugs brnyan chos ma yin pa mgus du thogs so/ / de dag nor bu de'i gzugs brnyan gyi nor bu thogs nas/ sems can dmyal ba dang / yi dgas dang / dud 'gro rnams kyi 'khor bar thog ma med pa'i dus nas zhugs te yongs su 'khyam mo// /

  151. 76b

    de lta bas na dge slong nor bu de lta bu'i nor bur gyur te/ dper na byis pa so sora'i skya bo ni bai DUrma dang 'dra ba'i nor bu mching bu mthong nas bai DUchu yin no snyam du sems pa bzhin no// dge slong de chos dang / chos ma yin pa brtags pa'i de kho na shes pa/ sa gzhan bdun pa la 'jug ste/ de la zhugs pa'i brtul zhugs sa bla'i gnod sbyin dag gis mthong nas/ bar snang la spyod pa'i gnod sbyin dag la mngon par bsnyad do/ / de dag gis kyang rgyal po chen po bzhi la'o// de dag gis kyang rgyal chen bzhi'i lha rnams la'o// de dag gis kyang sum cu rtsa gsum pa rnams la'o// de dag gis kyang brgya byin la'o/ / brgya byin gyis ni 'thab bral ba rnams la'o// 'thab bral ba dag gis ni dga' ldan pa rnams la'o// dga' ldan pa dag gis kyang byams pa la'o// byams pas kyang 'phrul dga' ba rnams la'o/ / 'phrul dga' ba rnams kyis kyang gzhan 'phrul dbang byed pa rnams la// 'dzam bu gling du rigs kyi bu che ge mo zhig ces bya ba snga ma bzhin du sbyar ro// de nas gzhan yang dge slong des las dang / chos dang / rnam par smin pa rnam par rig byed ma yin pa'i 'du shes kyi gzugs bcu gcig rjes su ji ltar mthong zhe na/ rnal 'byor spyod pa nang gi chos la chos kyi rjes su lta zhing gnas pa des/ gang gi tshe chos thams cad kyi byed pa dang ldan pa/ gang sdom pa nyid blangs pa de phan chad gnyid log gam/ myos sam/ rab tu myos kyang dge ba'i

  152. 77a

    chos kyi rgyun nyid rab tu 'jug ste/ dper na chu bo'i rgyun bar chad med pa rtag tu 'bab pa de bzhin du/ skyes bu de gnyid log gam/ myos sam/ rab tu myos pa'i 'jug baba'i yang de bzhin no/ / de ltar rnam par rig byed ma yin pa'i gzugs bstan du med pa thogs pa med par 'dod do// gzugs de ji lta bu yin zhe na/ las kyi ngo bo yod pa nyid yin te/ de lta bas na gzugs de yang gzugs rnam pa bcu gcig po de dag yin la/ dge ba'i chos thams cad kyi rten du gyur pa yin no// dge slong des sems can 'di dag gi gzugs tha dad pa/ gnas skabs tha dad pa/ ming dang 'gro ba tha dad pa/ gnas kyi rnam pa tha dad pa ji lta bur mthong zhe na/ 'di ltar de sems can de dag gi sems tha dad pa gnas kyi rnam pa dang / mos pa tha dad pa/ las kyi rnam pa tha dad pa mthong ba de'i phyir/ gzugs tha dad pa dang / gnas skabs tha dad pa dang / ming dang 'gro ba tha dad pa dang / gnas kyi rnam pa tha dad pa de dag ni/ dper na ri mo mkhan nam ri mo mkhan gyi slob ma mkhas pa zhig/ sa yid du 'ong zhing 'jam la mkhrang ba zhig mthong nas 'dug ste/ tshon sna tshogs dag gis ri mo'i rnam pa sna tshogs gzugs legs shing legs pa rnam pa sna tshogs sems kyi dbang gis 'dri ba de bzhin du/ sems ri mo mkhan nam/ ri mo mkhan gyi slob ma lta bu 'di lhag par mos pas/ khams gsum gyis shin tu 'jam zhing mkhrang ba dag

  153. 77b

    la las kyi 'bras bu rnam par smin pa dag gi 'khor ba'i sar gnas skabs tha dad pa dang / ming dang 'gro ba tha dad pa dang / rnam pa tha dad pa dang / sems can gyi gnas kyi rnam pa tha dad pa dag sems ri mo mkhan lta bu des mngon par 'grub par byed do/ / yang ji ltar tshon dkar pos ni gzugs dkar por 'dri bar byed la/ dmar pos ni dmar por 'dri bar byed/ ser pos ni ser por 'dri bar byed/ tshon phug ron kha lta bus ni phug ron kha lta bur 'dri bar byed/ nag pos ni nag por 'dri bar byed pa de bzhin du/ sems ri mo mkhan lta bu 'di sems kyi dmigs pa dkar po nye bar bzung nas zag pa dang bcas pa 'dod chags la sogs pa'i dri ma dag gis nyon mongs pa med pa'i chos dkar po lha dang mi rnams kyi gzugs dkar po mngon par 'grub par byed do/ / ri mo mkhan gyis tshon dmar po blangs nas lha dang mi rnams kyi gzugs dmar po mngon par 'grub par byed de/ dmar po zhes bya ba ni sgra dang / ro dang / reg pa dang / gzugs dang / dri stug po dag gis ri mo'i gzhi la tshul bzhin du byas pa'o/ / yang sems ri mo mkhan lta bu des tshom ser po blangs nas/ dud 'gro mngon par 'grub par byed de/ de dag kyang ser po'i dbang gis gcig la gcig khrag 'thung bar byed cing sha za bar byed la/ gcig la gcig tshon ser po lta bur gyur pa'i 'dod chags zhe sdang gti mug gis gsod do// yang sems ri mo mkhan lta bu des tshon phug ron

  154. 78a

    kha lta bu la dmigs pa mthong nas/ tshon phug ron kha lta bu'i las dri ma can yi dgas kyi 'gro ba byed de/ de dag kyang lus tshal shing bsregs pa lta bu yin la/ sems ri/ mo mkhan lta bu ser sna la dmigs shing / gti mug gi rab rib kyi sgrib pa'i dbang gis/ bkres shing skom pa'i sdug bsngal rnam pa sna tshogs yongs su nyams pas zil gyis gnon pa yin no// yang sems ri mo mkhan lta bu des tshon rtsi nag po lta bu'i las kyi ngo bo blangs nas/ sems can dmyal ba'i gzugs nag po 'dri ba lta bur de dag kyang las nag pos lcags nag po'i rab 'bar bas skor ba der skyes te/ lus nag po la nad dang / gnod pa dang / bkres shing skom pa rnam pa sna tshogs kyi gzhir gyur cing / rang gis nyes par byas pa gzhan dang mtshungs pa med pa'i gnod pa'i sdug bsngal gyis nyam zag pa yin no/ / yang dge slong rnal 'byor spyod pa de tshon rtsi lnga'i ri mo'i gzhi lta bu'i 'khor ba khams gsum du 'gro ba lngar kun tu gnas shing / sa gsum po 'dod pa'i khams kyi sa dang / gzugs kyi khams dang / gzugs med pa'i khams la kun tu gnas te/ de la sems ri mo mkhan lta bu de/ 'dod pa rten cing 'dod pa'i khams la dmigs pas// gzugs rnam pa nyi shu rnam pa sna tshogs 'dri'o// 'dod pa'i khams dang bral ba dag ni gzugs kyi khams la dmigs shing gnas pa de la brten pa'i sa'i gnas skabs bcu drug po dag ni//

  155. 78b

    bsam gtan bzhi'i bar gyis gzugs kyi khams mngon par 'dri'o// gzugs kyi khams la dmigs pa dang bral ba dag ni snyoms par 'jug pa bzhi'i sred pa la marnam par dmigs pa'i sems mo mkhan lta bus gzugs med pa'i khams mngon par 'dri ste/ khams gsum gyi gzhi 'di ni rgya che ba yin no// yang dge slong des sems can gzhan gyi sems ri mo mkhan lta bu rnam pa gzhan gyis mthong ste/ de la sems ni ri mo mkhan lta bu yin no// lus ni ri mo'i tshon rtsi'i snod lta bu yin no// 'dod chags zhe sdang gti mug dag ni las brtan par byas pa lta bu yin no// dmigs pa ni khri rdza bu yin no/ / dbang po ni pir lta bu yin no// phyi rol gyi yul sgra dang / reg pa dang / ro dang / gzugs dang / dri sna tshogs dag ni tshon rtsi sna tshogs lta bu yin no// 'khor ba ni rtsig pa lta bu yin no// shes pa ni snang ba lta bu yin no/ / brtson 'grus rtsom pa ni lag pa lta bu yin no// las kyi 'bras bu rnam par smin pas byas pa'i gzugs mang po dag ni ri mo'i gzugs cha byad dang / dbyibs dang / mdog dang / 'byor par gyur pa mang po lta bu dag yin no// yang dge slong bsam gtan la zhugs pa de sems ri mo mkhan lta bu de nyid rnam pa gzhan gyis mthong ste/ dper na gang ri mo mkhan de mgu/ na tshon rtsi'i rnam pa legs par spang ba byas pa gsal bar 'gyur zhing / pir gyis yang dang yang du legs par 'dri na/ de'i tshe gzugs legs par 'dri ba de bzhin du/ gang sems ri mo mkhan lta bu/

  156. 79a

    'di mgu na/ bsam gtan gyi bya ba la/ tshon rtsi lta bu'i bsam gtan gyi rnam pa yongs su sbyang ba byas pa/ tshon rtsi lta bur gsal bar 'gyur zhing / pir gyis yang dang yang du legs par 'dri ba lta bu'i dmigs pa lung phog pa yongs su sbyang ba byas pas/ 'og dang steng du mnyam par 'jog pa dang / ldang ba la skyo ba med na/ sems ri mo mkhan lta bu de bsam gtan gyi sar gzugs legs par 'dri'o/ / gal te mi dga' na sems ri mo mkhan lta bu de/ sems can dmyal ba dang / yi dgas dang / dud 'gro'i sa ngan pa der 'gro ba'i ris dang / gnod pa dang / lcags kyi gtun shing bir lta bus mi dge ba'i tshon rtsi blangs nas/ snod lta bur gyur pa'i sems can dmyal ba dang / dud 'gro dang / yi dgas kyi gzugs de dud 'gro'i 'gro ba'i gzugs ma legs pab 'dri ste/ rgya cher snga ma bzhin du sbyar ro// yang dge slong de sems spre'u lta bur mthong ste/ ji ltar spre'u ni 'phyar ba yin te/ shing dang / lcug ma dang / me tog dang / 'bras bu dang ri brags kyi bu ga dang / sman ljongs tha dad par thogs pa med par 'gro ba de bzhin du/ sems spre'u ltar 'phyar ba 'di yang tshal tha dad pa lta bu'i sems can dmyal ba dang / yi dgas dang / dud 'gro dag gi 'gro ba lngar 'gro ste/ sems can ni shing lta bu'o// sred pa'i lcug ma ni lcug ma'i rnam pa du ma lta bu yin/ rtog pa ni me tog gi yal ga lta bu yin no// sgra dang / ro dang / gzugs dang

  157. 79b

    dri dang / ri yul dang / bu ga dang / spyod pa sdug pa dang / mi sdug pa'i khams gsum ni 'bras bu lta bu yin no// lus phug pa lta bu yin no// sems spre'u lta bu sems can dmyal ba lta bu dang / yi dgas dang / dud 'gro dang / lha dang / mi'i gnas rnams su thogs pa med par 'gro ste/ sems spre'u lta bu de 'khor ba'i sar 'khyam mo// yang dge slong bsam gtan la zhugs pa de sems gar mkhan lta bur mthong ste/ ji ltar gar mkhan dag cha byad dang / tshon rtsi dang / sa dang / gos dang / sil snyan sna tshogs dag thogs nas/ gar mkhan gar byed pa de bzhin du/ sems gar mkhan lta bu 'di yang sa dang / 'gro ba'i ris kyis sna tshogs su las kyis sprul pa'i cha byad sna tshogs thogs shing / rgyu dang rkyen rnam pa sna tshogs 'dzin pa ni/ cha byad sna tshogs pa thogs pa lta bu yin no/ / byed pa dag ni sil snyan rnam pa sna tshogs lta bu yin no// 'khor ba gar mkhan lta bu ni rang gi yul gar mkhan lta bu yin te/ gar nyid kyi sems gar mkhan lta bu 'khor ba thog ma med cing lun ring ba rnam pa sna tshogs du mar gar byed do/ / yang dge slong de sems nya lta bu chu bo'i nya lta bur mthong ste/ ji ltar nya ni ri'i chu bo 'gyur zhing dba' rlabs 'khrugs pa gting zab la rgyun drag ste/ bzod par dka' zhing 'bab pa'i rgyud kyi shing ljon pa mang po rtsa nas 'byin par nus la/ 'gyur ba'i shugs drag po bzlog par dka' ba'i las mi bzad par 'byung

  158. 80a

    zhing 'jug pa de bzhin du/ sems nya lta bu 'di yang srid pa gsum gyi dpa' rlabs 'khrugs pa ni 'gyur zhing dpa' rlabs 'khrugs pa lta bu yin la/ mnar med pas mchog tu zab pa ni 'dod pa'i khams kyi chu bo rab med ltar gting zab pa yin/ byis pa so so'i skye bo thams cad kyi dge ba dang / mi dge ba'i las kyi rgyun bzod par dka' ba'i 'gro ba dag tu pha rol tu 'gro ba ni rgyun drag pa bzod par dka' ba lta bu yin la/ 'gro ba lnga'i chu bor rgyu ba ni rgyun drag pos bsgral pa du ma tsam du 'dren par 'gyur ba mi bzod pa ni/ 'bab pa'i rgyun 'gyur ba'i shugs drag po lta bu yin/ mi rtag pa nyid kyis 'gyur ba'i shugs bzlog par dka' ba ni bzlog par dka' ba lta bu yin te/ sred pa chu bo lta bur sems nya lta bu 'byung zhing 'jug ste/ lha dang mi dag tu 'byung la/ sems can dmyal ba dang / yi dgas dang / dud 'gro rnams su ni sred pa chu bo lta bur sems nya lta bur sems te lta bur 'jug go// de nas gzhan yang ji ltar na dge slong rnal 'byor la gnas pa de las dang / chos dang / rnam par smin pa shes shing / sems can thams cad sems la rag las par mthong la/ sems kyi rnam pa sems kyi dbang du gyur cing / sems kyi ba slus pa mthong ste/ rnal 'byor spyod pa nang gi chos la chos kyi rjes su lta zhing gnas pa de// zos pa las byung ba'i shes pa 'am/ lha'i mig gis sems can thams cad sems kyi las la rag

  159. 80b

    las shing / sems kyi las kyi rnam pa la sems rag las pa mthong ste/ kye ma 'khor ba thog ma dang tha ma med pa nas 'gro ba du mar rab tu rgyu ba'i sems can 'di dag ji ltar 'gyur snyam mo// de thos pa las byung ba'i shes pa 'am/ lha'i mig gis sems can gyi sems kun nas nyon mongs pas 'ching zhing rnam par byung bas 'grol bar mthong ngo // de la sems kyi rnam pa mang ste/ dmigs pa'i bye brag dang / ngo bo nyid kyi bye brag dang / 'gro ba'i ris kyi bye brag gis 'gro ba rnams kyi rnam pa lnga'o// rten bzang po'i bye brag gi rnal 'byor dang ldan pa dang / kun tu sbyor ba'i 'du byed dang yang dag par ldan pa'i sems bag la nyal dang ldan pa dang / nam mkha' la sogs pa gsum dang rtag tu mi ldan pa ste/ rnam pa lnga yin no// de yang dbang po'i bye brag gis ni dpag tu med la/ sred pa'i gnas sna tshogs kyi bye brag gis mdor na kun nas nyon mongs pa'i phyogs 'di ni sems las byung ba lngar 'gyur ro// ji ltar na rnam par byang ba'i phyogs su 'gyur zhe na/ nyon mongs pa'i rtsa ba gsum dag gi gnyen po gsum yin no/ / 'das pa dang ma 'ongs pa'i yang dag par rdzogs pa'i sangs rgyas thams cad kyi gsung rab yang dag pa'i lam ston pa ni 'di lta ste/ 'dod chags la ni mi sdug pa'o/ / zhe sdang la ni byams pa'o// gti mug la ni rten cing 'brel par 'byung ba'o// de la lus la 'dod chags skyes pa dang / de lus de la dmigs nas gnas shing rnam par 'byed de/

  160. 81a

    rkang pa dang sen mo nas/ mgo dang / yan lag dang / nying lag rags pa'i bar la rnam par byed pa ni/ bdag gang yin/ bdag gi ci yin zhes de rang gi yan lag gi phyogs la rkang pa dang / sen mo lus tha dad par lta ste/ gang la bdag tu nga rgyal 'jug pa 'di ni sen mo dang lus ma yin zhing / rkang pa'i sen mo lus sam bdag ma yin/ gang la bdag tu nga rgyal 'jug pa 'di ni rkang pa'i mthil lus ma yin zhing / long bu bdag gam lus ma yin/ rkang pa'i rting pa bdag gam lus ma yin zhing / bsdus pa bdag ga ma lus ma yin/ sta zur dang dpyi bdag gam lus ma yin/ gzhang ba dag gam lus ma yin/ skal pa'i rus par gyur pa bzhi bcu rtsa lnga bdag gam lus ma yin/ lhag pa bdag ga ma lus ma yin/ bzhin gyi rus par gyur pa bdag gam lus ma yin te/ dge slong des rnam par phye na don gzhan du gyur pa'i lus ma mthong zhing / so so la yang lus ma mthong la/ rnam par phye na yang lus ma mthong ngo // mig dang / rna ba dang / sna dang / lce dang / lus dang / yid la yang lus sam/ bdag mi mthong zhing bdag nyid med do// de ltar lus rdul phra mor so sor rnam par 'byed de/ de bdag gi lus yungs kar tsam dang / bye ma lta bur mthong ngo // de 'byung ba chen po rnams rnam par 'byed de/ bdag ni gang zhig/ ci sa'i khams bdag yin nam/ chu'i khams bdag yin nam/ me'i khams bdag yin nas/ rlung

  161. 81b

    gi khams bdag yin nam snyam mo/ / de don dam du na bdag gi khams ma mthong zhing / bdag gi khams mthong ba med pa na/ don gzhan du gyur pa ma mthong ste/ dper na shing ljon pa du ma 'dus pa la tshal du mthong la/ shing ljon pa re re la tshal med do// don dam par na tshal zhes bya ba shing ljon pa ma gtogs par tshal med la/ yang dag par na shing ljon pa yang shun pa dang / rtsa ba dang / yal ga dang / lcug ma ma gtogs par don gzhan du gyur pa med de/ kun rdzob tu tshal yod do// de ltar lus 'di yang lag pa la sogs pa 'dus pa tsam 'di la kun rdzob tu 'di ni lus yin no// zhes 'du shes 'jug go snyam nas/ de lus de'i chos kyi de kho na nyid shes nas/ lus la 'dod chags dang bral zhing lus kyi yan lag dang / nying lag dag la 'dod chags dang bral bar 'gyur ro// de 'dod chags dang bral na dga' ba'i 'dod chags kyi mo da las skyes pa yang 'byung ba'i sred pas gnod pa med de/ de ltar 'dod chags kyi gnyen po la rab tu brtson no// ji lta ra na zhe sdang gi/ gnyen po la rab tu brtson zhe na/ de byams pa la gnas par gyur te/ kye ma sems can 'di dag ni nyam nga bar zhugs pa yin te/ 'di lta ste/ 'gro ba lnga rnams su skye ba dang / 'chi ba dang / 'chi 'pho dang / 'byung ba dag 'jigs pa lngar zhugs shing / shi ba'i lus rul ba lta bu de dag la ma lta bur snying rje skye'o// rma la ba tsas byugs pa lta bu'i sdug bsngal ba 'di dag la ji ltar khro ba skyed de/

  162. 82a

    sems can de dag ni rang bzhin gyis sdug bsngal ba yin no snyam ste/ de nyon mongs pa'i rnam pa chen po gnyis pa la gnas so// yang dge slong de ji ltar na nyon mongs pa chen po gsum// bo so sor 'jig pa la rab tu brtson zhe na/ gti mug gis bsgribs pa'i sems can ni lus kyis nyes par spyad pa spyod pa dang / ngag gis nyes par spyad pa spyod pa dang / yid kyis nyes par spyad pa spyod pa/ yin te/ lus dang bral nas ngan 'gro log par lhung ba sems can dmyal ba rnams su skye'o// gang gi tshe yang dag pa'i lta ba sngon du song bas gti mug dang bral bar 'gyur ba de'i tshe/ lus kyis legs par spyad pa dang / ngag gis legs par spyad pa dang / yid kyis legs par spyad pa spyod pa de/ chos dang chos ma yin pa'i de kho na nyid shes par 'gyur ro// gang gi tshe chos dang chos ma yin pa de dag gi de kho na shes shing / rnam par shes par 'gyur ba de'i tshe/ nyon mongs pa chen po gsum po'i ngo bo nyid med par 'gyur ro// dge slong de nyon mongs pa gsum po de dag gzhig pa'i gnyen po gsum po ni nyon mongs pa dang / nye ba'i nyon mongs pa thams cad kyi kun tu sbyor ba dang / bag la nyal so sor gnas pa 'jig par 'gyur ba yin te/ dper na shing ljon pa'i rtsa ba bcad na shun pa dang / rtsa ba dang / 'dab ma dang / lo ma dang / sdong po dang / yal ga dang / me tog dang / 'bras bu la sogs pa de dag thams cad rul ba dang rnyis par 'gyur ba de bzhin du/ gsum po de dag bcom na/ nyon mongs pa thams cad bcom

  163. 82b

    par 'gyur ro snyam mo/ / de nas gzhan yang ji ltar na dge slong des gzhan bdun pa las sa gzhan brgyad pa la 'jug ce na/ rnal 'byor spyod pa de nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ ji ltar na dge slong thog ma nyid du 'di ltar mig gis yang dag par ji lta ba bzhin mthong zhing / ji ltar na mig gis rnam par shes par bya ba'i gzugs rnams la/ byis pa so so'i skye bo kun tu chags shing / rnam par chags la/ shin tu rmongs shig gu snyam na/ de la kun tu chags pa'i gnas su 'gyur ba ni/ mdza' bshes mthong ba'am/ gzugs sam/ bud med dam/ de las gzhan pa mthong na kun tu chags par 'gyur ba'o// zhe sdang gi gnas su 'gyur ba ni 'gran zlar gyur pa 'am/ 'gran zla'i gnas su 'gyur ba dag la zhe sdang bar 'gyur ro/ / 'dod chags dang zhe sdang gis bsgribs pa'i mig dag ni/ yang dag pa ji lta ba bzhin mi mthong ste/ gti mug gis bsgribs pa'i byis pa so so'i skye bo'i sems ni kun tu rtog pa tsam gyi mig gi rnam par shes par bya ba la kun tu chags shing rnam par chags la shin tu rmongs so/ / sred pas bslus pa'i mi ni rang gi 'dod pa'i rnam par rtog pas bdag nyid la bdag nyid kun tu chags par byed de/ dper na khyi ni sha med pa'i rus pa blangs te khar bcug go/ de 'gram so'i bar du rus pa bcug pa'i kha chu 'dzags pa'i gsher ba la za la

  164. 83a

    la chags pa'i khyi yang rang gi kha'i so'i bar nas khrag 'ong ste/ de rus pa de'i ro yin par sems kyis ro 'di ni bdag nyid kyi khrag la bdag nyid myong bar byed do snyam du ni mi sems shing / ro la chags pa'i khyi de lce yang za'o// ro la chags pas bsgribs pa rus pa yin par sems pa de ni kun tu rtog pa tsam kho na yin te/ de bzhin du byis pa so so'i skye bo mig gi rnam par shes par bya ba'i gzugs mig tu sdug pa'i gzugs dag la kun tu chags par 'gyur ro/ / de kha chu lta bu'i rnam par rtog pas blo gros bsgribs pa yin la/ rnam par dpyod pa ni rus pa lta bu yin// mig/ ni khar bcug pa lta bu yin te/ de lta de ltar za'o// de'i sred pa ni gang gis khrag 'dzag pa lta bu yin te/ 'di ni bdag gi gzugs yin no snyam du sems pa ni sred pas khrag gi ro la chags pa lta bu yin te/ de ro de la chags so// de la khyi ji lta ba bzhin du byis pa so so'i skye bo yang de dang 'dra/ rus pa ji lta ba bzhin du mig gi rnam par shes par bya ba'i gzugs kyang de dang 'dra/ 'gram sos za bar byed pa ji lta ba bzhin du rnam par rtog pa yang de dang 'dra/ so ji lta ba bzhin du yul yang de dang 'dra ste/ de lta bas na mig gis rnam par shes par bya ba'i gzugs rus gong lta bu dag gis byis pa so so'i skye bo thams cad rnam par slu bar byed do snyam mo/ / yang dge slong de sems par byed de/ ji ltar na 'khor bar yid byung ba'i dge slong dag sred pa'i 'jigs pas 'jigs shing /

  165. 83b

    'dod pa thams cad rab tu spong zhig gu snyam mo// ji ltar glang po che lo drug lon pa glang po che'i cho ga shes pa'i mis bskor cing / lus chen po de shing thags kyis bskor te/ bcing ba lnga yis bcings nas/ bu ram shing dang / la du dang / bu ram chang dang / bza' ba dang / btung ba'i ro mang po sbyar cing sil snyan dang / glu dang / dbyangs dgag sa de rnam par 'dul bar byed de/ gang gis de tshal gyi bde ba brjed par bya ba brjed nas/ der glang po che tha mal ba dag dang lhan cig gnas par byed cing / de gzhan gyis dkrir rung bar byed do// de nas glang po che'i cho ga shes pa des/ de ltar yongs su spyod pa na/ rang gi tshal gyi bde ba 'dod pa'i gnas ri dang / sman ljongs dang / tshal dang / me tog dang / 'bras bu dang / bya'i sgra dang / chu'i rgyun dang / sa phyogs dga' ba rjes su bsams shing bcings pa thams cad kyang bde ba de dag rjes su dran nas/ bcings pa thams cad bcad de/ glang po che'i cho ga shes pa'i mi la yang 'dzem pa med par byas/ shing btags btsugs pa yang bcom bu ram shing gi dum bu dang / la du dang / bu ram chang dang / btung ba'i ro dag ni 'thungs la/ glu dbyangs dag gis bzhag par ma nus shing / de'i yid rnam par brtul ba dang / de'i tshal gyi bde ba brjed par bya bar ma nus/ glang po che tha mal pa dang lhan cig 'gro bar mi 'dod cing / yang tshal de dag dran pa de bzhin du/ rnal 'byor spyod pa'i dge slong de thog ma med pa'i dus na zhugs pa/ 'ching

  166. 84a

    ba lnga dag gis bcings te/ lnga gang zhe na/ 'di lta ste/ sgra dang / reg pa dang / ro dang / gzugs dang / dri sdug pa dag yin no// glang po che'i cho ga shes pa'i mis bskor ba lta bu gang yin zhe na/ 'di ste ste/ mig dang / rna ba dang / sna dang / lce dang / lus dang / yid kyi rnam par shes pa kun nas nyon mongs pa rnams yin/ rang gi blo gros khyim gyi gze ba lta bus bskor ba ni/ 'di lta ste/ bu dang / chung ma dang / kun dga' ra ba dang / bran mo dang / bran po dang / longs spyod dang / khyim gyis bskor ba yin/ bu ram shing dang / la du dang / bu ram chang dang / btung ba'i ro zhes bya ba ni kun tu rtog pa'i la du 'dod chags kyi skom zhes bya ba de'i tshig bla dgas so/ / sred pa la rnam par chags pa ni glu dbyangs lta bu yin no// dga' ba'i 'dod chags ni bcings pa lta bu yin/ glang po che tha mal pa dang 'dra ba zhes bya ba ni/ mi tha mal pa log par lta ba thang po che zhes bya ba de'i tshig bla dgas yin no// lhan cig gnas zhes bya ba ni/ de dang lhan cig 'jig tshogs la lta zhing / tshul khrims brtul zhugs mchog tu 'dzin pa dang / yang dag par 'brel ba mi tha mal pa'i khar sbrang rtsi lta bu log par lta ba'i gtam dag gis rab tu dga' ba'o// gzhan gyis bkrir rung ba zhes bya ba ni 'dod chags zhe sdang gti mug gi dbang du gyur pa zhes bya ba'i tshig bla dgas so/ / glang po che'i cho ga zhes bya ba ni/ rnal 'byor spyod pa zhes bya ba de'i tshig bla dgas yin no// yongs su spyod pa na zhes bya

  167. 84b

    ba ni/ gti mug nyon mongs pa thams cad dang 'gro ba zhes bya ba de'i tshig bla dgas so// nges par 'byung ba'i ridran zhing / ri'i sman ljongs zhes bya ba ni/ bsam gtan dang snyoms par 'jug pa zhes bya ba de'i tshig bla dgas so/ / me tog dang 'bras bu zhes bya ba ni yang dag pa'i lam la sems bskyed pa'i 'bras bur gyur pa mya ngan las 'das pa'o// bya'i sgra zhes bya ba ni/ chos kyi gtam gyi sgra zhes bya ba de'i tshig bla dgas so/ / chu bo'i rgyun dga' ba zhes bya ba ni/ shes rab kyi chu bo zhes bya ba de'i tshig bla dgas so// rgyun zhes bya ba ni/ sems rtse gcig ces bya ba de'i tshig bla dgas so/ / sa phyogs zhes bya ba ni/ tshangs pa'i gnas zhes bya ba de'i tshig bla dgas te/ 'di lta ste/ byams pa dang / snying rje dang / dga' ba dang / btang snyoms so// rjes su bsams nas zhes bya ba ni/ bsam gtan gyi bde ba rjes su bsams pa yin te/ rnal 'byor spyod pa de glang po che'i tshogs lta bu'i rjes su 'gro'o// de lta bas na glang po che lta bur rnam 'byor spyod pas bya yi/ khyi lta bur ni mi bya'o// de nas gzhan yang ji ltar na dge slong de sa gzhan brgyad pa las sa gzhan dgu pa la 'jug ce na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis brtags na/ khams gsum pa 'di dag thams cad ni mi rtag pa dang / sdug bsngal

  168. 85a

    ba dang / stong pa dang / bdag med pa dang / mi gtsang ba'i snod du gyur pa 'dod pa thams cad kyang mthong ste/ dper na nags tshal gyi khrod na ri nags chen po'i ngam grog la shing 'bra go skye ba skyon du ma dang ldan pa yin te/ de la 'bras bu chung ngu yod pa blang bar dka' zhing / nyes pa mang por 'gyur ba dang / ngam grog tu ltung ba'i nyes pas srog la the tshom za bar byed pa dang khong stong gi nyes pas g.yang sa'i phyogs su ltung ba dang / shing mthon po la 'dzegs pa dag gis srog 'chad par byed pa'o// gal te mi byis pa so so'i skye bo rmongs shing mun par gyur pa dag ro la chags pa de 'bras bu de dag mthong nas/ ngam grog dang / g.yang sa dang / shing khong stong mthon po ltung ba'i sar 'gro ste/ 'chi bar 'gyur pa mi sems so// byis pa so so'i skye bo blo zhan pa ro chung ngu myong bas phrogs pa de dag shing de la 'dzegs so/ / de shing de las 'bras bu dag ma thob par de'i srog ni ga yang sar gtong ngo // gal te rang bzhin gyis thabs gzhan dang ldan pa 'am/ dge ba'i las byed pa kha cig ni de 'dod chags kyi ro ches chung bas byis pa'i blo'i nyes dmigs ches mang ba bcings par mthong ba de bzhin du/ dge slong des nags tshal gyi khrod lta bur 'gro ba lnga'i rim pa mthong ngo / / // dam pa'i chos dran pa nye bar gzhag pa bam po drug pa/ ngam grog chen po zhes bya ba ni/ nyes pa

  169. 85b

    thams cad ngam grog lta bu yin no/ / shing 'bra go zhes bya ba ni 'dod pa'i shing zhes bya ba de'i tshig bla dgas so// skyon brgya phrag du ma zhes bya ba ni nyon mongs pa brgya phrag stong du ma ste/ de dag tshol ba sdug bsngal zhes bya ba'i tshig bla dgas so/ / shing la yod pa'i 'bras bu zhes bya ba ni/ sgra dang / reg pa dang / ro dang / gzugs dang / dri sdug pa 'dod pa de dag la rnam par chags pa'i blo zhes bya ba de'i tshig bla dgas so/ / blang bar dka' zhes bya ba ni/ 'dod pa'i 'bras bu blang bar dka' ba yin te/ dper na rgya mtshor 'jug pa dang / mtshon gyis 'khrug pa dang rgyal po la bsten pa dang / chom rkun dang / tshong pa la sogs pa'i nyon mongs pas thob pa bzhin no// 'dod pa'i 'bras bu lta bu nyes pa mang po zhes bya ba ni/ 'dod chags zhe sdang gti mug ces bya ba de'i tshig bla dgas so/ / ngam grog dang / g.yang sa zhes bya ba ni/ sems can dmyal ba dang / dud 'gro dang / yi dgas kyi g.yang sa zhes bya ba de'i tshig bla dgas so// srog la the tshom za bar 'gyur zhes bya ba ni/ chos kyi srog ces bya ba de'i tshig bla dgas so// shing khong stong gi nyes pa zhes bya ba ni stong pa dang / gsog dang / gso ba dang / snying po med pa zhes bya ba de'i tshig bla dgas so/ / rmongs pa'i mi 'gro'o zhes bya ba ni/ byis pa log par lta ba zhes bya ba de'i tshig bla dgas yin te/ de lta bas na skyon mang po du ma 'bras bu med pa'i 'dod pa mnog chung ba

  170. 86a

    mthong nas dge slong de 'dod pa thams cad la kun tu rtog par mi byed do/ / yang dge slong de 'dod pa me 'bar ba lta bur mthong ste/ ji ltar me mthong na dga' la/ rag nA mchog tu tsha ba la/ phye ma leb rmongs pa mar me kha dog sdug pa mthong nas/ mar me de'i nang du song ba dang / de 'chi bar 'gyur pa de bzhin du/ 'dod chags zhe sdang gti mug gis bsgribs pa'i byis pa so so'i skye bo phye ma leb lta bu dag ni/ 'dod pa thams cad la kun tu dga' bar lta'o// mar me lta bu zhes bya ba ni/ gal te mar me der lus song ba'i phye ma leb bzhin du sems can dmyal ba dang / dud 'gro dang / yi dag sa rnams su sreg par 'gyur te/ de lta bas na 'dod pa dag gis chog go snyam nas/ dge slong de 'dod pa dag las 'dod chags dang bral bar 'gyur ro// de nas gzhan yang dge slong de sems can dag 'ching ba gang gis bcings shing 'khor bar kun tu 'khor snyam nas/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis brtags na/ 'jig rten 'di ni bcing ba gnyis kyis bcings te/ zas kyi 'ching ba dang / reg pa'i 'ching ba'o// de la zas kyi 'ching ba ni/ rnam pa bzhi ste/ kham kyi zas gang zhe na/ 'di lta ste/ mi'i gnas bzhi dang / 'dod pa na spyod pa'i lha'i ris drug dang / sems can dmyal ba chen po brgyad dang / dud 'gro dang / yi dgas kyi phyogs

  171. 86b

    gcig go/ yid la byed pa'i zas yod pa de dag mthong ste/ 'di lta ste/ gzugs na spyod pa'i lha'i bsam gtan gyi zas so// reg pa'i zas ni bya dang / mig gis lta ba dag gi'o// de'i rnam pa gzhan ni 'dod pa'i khams kyi byis pa so so'i skye bo mi dang / yi dgas dang / dud 'gro sems can dmyal ba 'di dag thams cad ni 'khrig pa'i reg pa la rab tu chags pa yin te/ gang 'dod pa la bsten pa de ni 'dod pa'i khams su 'byung ngo / / mnyam par dmigs pa'i zas ni gzugs med pa'i snyoms par 'jug pa yin te/ de lta bas na 'jig rten 'di ni gnyis kyis bcings te/ kun tu sbyor ba dang / bag la nyal thams cad kyi 'ching ba dag las de 'dod chags dang bral ba ma yin no// de mig gis rnam par rig par bya ba'i gzugs rnams la/ rnam pa gzhan gyis mig gis yang dag pa ji lta ba bzhin mthong ste/ mig gi 'dus te reg pa las byung ba gang yin pa de las bde bar 'gyur ba dang / dmigs pa bde ba las rnam par smin pa mi bde ba'i las 'byung ba de yang yang dag pa ji lta ba bzhin du mthong ngo / / de bzhin du mig gis rnam par rig par bya ba yid la mi bde bar 'gyur ba'i gnas gang yin pa de/ mig gi 'dus te reg pa las byung ba'i sdug bsngal rnam par smin pa bde ba las byung ba de yang dag pa ji lta ba bzhin du rab tu shes so/ / mig gis rnam par rig par bya ba de dag gang yin zhe na/ gzugs la dmigs pa bde ba ni/ rnam

  172. 87a

    par smin pa mi bde ba yin te/ 'di la nang gi chos la chos kyi rjes su lta ba'i mig gis tshul bzhin ma yin pa yid la byed pa la dmigs pa'i gzugs mthong ste/ da ltar byung ba'i rnam par dmigs pa bde ba la bde'o zhes rab tu shes shing / rtog par byed la ro myang bar byed do// yongs su 'gyur bas rnam par smin pa sdug bsngal ba ni/ sems can dmyal ba dang yi dgas dang / dud 'gror yang dag par 'grub par 'gyur ro// gang dag da ltar byung ba la rnam par smin pa bde ba ma yin la/ yongs su 'gyur bas rnam par smin pa bde ba'i las de gang yin zhe na/ 'di la mig gis rnam par rig par bya ba'i gzugs rnams mthong nas/ mig gi 'dus te reg pa las byung ba'i tshul bzhin yid la byed pa la mngon du phyogs pa'i sems de la chags pa med cing yid 'jug pa med pa de ni da ltar byung ba la rnam par smin pa sdug bsngal ba yin la/ yongs su 'gyur bas lha dang mi'i bde ba skye zhing mya ngan las 'das pa'i mthar phyin par 'gyur ro// de bzhin du rna ba dang / sna dang / lce dang / lus dang / yid kyi rnam par shes pa'i chos rnams la yang sbyar ro// de nas gzhan yang ji ltar na dge slong de mig gis reg par bya ba'i gzugs rnams la btang snyoms su gnas she na/ rnal 'byor spyod pa nang gi chos la chos kyi rjes su lta zhing gnas pa'i dge slong gi mig gis 'di la gzugs mthong nas/ ma chags

  173. 87b

    shing rnam par ma chags la/ rnyog ma can du ma yin/ smon pa med cing dga' bar mi byed la/ yid la mi byed/ tshul bzhin ma yin pa yid la byed pas bsgribs pa ma yin zhing / btang snyoms pa yin te/ de ni btang snyoms su 'gyur ba'i gnas la/ sdug bsngal dang bde bar 'gyur ba'i gnas mi dmigs so// yang dge slong de sa drug pa'i rab tu dbye ba'i ngo bo sa gzhan bcu pa la 'jug/ ste/ 'di lta ste/ mi khyogs pa med pa dang / bsam gtan dang po'i sa khyad par can dang / bsam gtan bzhi ste/ sa drug pa'i rab tu dbye ba la 'jug go// de skyes nas 'jug par 'gyur ba'i lam 'phags pa'i lam yan lag brgyad pa'i sgo rtogs shing / khong du chud pa'i chos skye ba dang / 'jig pa mthong zhing yang dag par mthong nas/ rab tu 'bad do// de de ltar rab tu 'bad pa na/ sa bla'i gnod sbyin dag gis bdud kyi 'ching ba phal cher spa gong bar mthong nas dga' ste/ bar snang la spyod pa'i gnod sbyin dag la mngon par bsnyad do// de dag gis kyang rgyal po chen po bzhi la mngon par bsnyad do/ / de dag gis kyang rgyal chen bzhi'i lha rnams la mngon par bsnyad do// rgyal chen bzhi'i ris kyi lha rnams kyis kyang sum cu rtsa gsum pa rnams la'o// sum cu rtsa gsum gyi lha rnams kyis kyang 'thab bral ba rnams la'o/ / 'thab bral ba rnams kyis kyang dga' ldan pa rnams la'o// dga' ldan pa rnams kyis kyang 'phrul dga' ba rnams la'o// 'phrul dga' ba rnams

  174. 88a

    kyis kyang gzhan 'phrul dbang byed pa rnams la'o/ / gzhan 'phrul dbang byed pa rnams kyis kyang tshangs ris pa rnams la mngon par bsnyad de/ de ltar 'dzam bu gling du rigs kyi bu che ge mo zhig ces bya ba rgya cher snga ma bzhin du sbyar ba nas/ sa gzhan brgyad pa la 'jug pa dag sa drug pa'i nang du lhag par zhugs pa de tshangs ris kyi lha dag gis thos nas mchog tu dga' ba/ bsam gtan la bde bar gnas pa btang ste/ kun tu dga' bar gyur pa'i bar de thos nas shin tu dga' bar 'gyur ro// 'dir tshigs su bcad pa/ dge dang mi dge dag gi las// bdag gis byas pa'i las kun gyi// 'bras bu nges par spyod 'gyur te// lus can dag dang 'brel ba yin// nyon mongs sa ni dang por dang ra// rnam par smin pa tsha ba yin// de dag don med byas pas na// dug dang 'dra bar spang bar bya// nyon mongs dbang du mi 'gro zhing // ye shes dbang du 'gro bya ste// ye shes ldan pa tshe 'di dang // pha rol dag tu bde ba thob// ji ltar rtswa la mes bsregs bzhin// shes pas rtag tu nyon mongs gnom// tshangs pa dkon mchog gsum ston pa// ye shes me lce mchog yin no// gang dag ye shes spyod yul dga'// de dag zhi ba'i lam la gnas// gang dag nyon mongs sprul bsregs pa// de dag thams cad zhigs par 'gyur/ / dpa' bo gang dag phan tshun shes// mkhas pa de nyid mthong ba ni// de dag gnas ni dam par 'gro// skye dang 'chi ba spangs pa yin// gang dag 'khor la mngon dga' zhing // mgu ba

  175. 88b

    nyon mongs sgra dag gis/ / rtag tu bcings pas bcings pa ste// de dag srid pa nyam ngar 'khyam// gang dag nges 'byung blo yod cing // gang dag rtag tu zhi spyod pa// de ni lha yi rigs dag gi/ tshangs pa'i 'jig rten 'byung bar 'gyur/ / 'dod la sogs la gang sdang ba// sangs rgyas la sogs rtag tu mchod// shing skam me yis bsregs pa ltar// de ni 'khor ba 'jig par byed// gang dag sems kyi dbang mi 'gro/ / rtag tu de'i rjes sems 'gro ba// mun la nyi ma shar ba ltar// de ni nyon mongs nges par 'joms// sems ni dgra nang dgra chen te// de las gzhan pa'i dgra med do// ri ni dus su sreg pa ltar// sems can rtag tu sems kyis bsregs// byis pa blun po sems dbang song // dbang po ma thul gang yin pa// de yi sdug bsngal zhi med cing // de yi mya ngan 'das pa ring / / sdug bsngal sdug bsngal rnam smin dang // sdug bsngal rgyu ni rnam shes pa// kun nas nyon mongs 'dus pa yi// 'ching ba thams cad 'jig par byed// snang ba'i nang na shes pa mchog/ mun pa'i nang na gti mug ste// de ltar gang zhig snang la dka'// de ni mkhas pa zhes bya'o// don rnams mchog kun med byed pa// dpa' bos gti mug rnam par spongs// gang zhig gti mug dbang song ba/ / de la zhi ba med pa yin// gal te che bar bdag 'dod na// me yis reg par gyur kyang rung // sbrul dang lhan cig gnas kyang bla'i// nyon mongs lhan cig sbyor mi bya// bdud rtsi'i mang

  176. 89a

    na shes pa mchog/ che ba'i nang na gter mchog yin// gnyen gyi nang na gnyen mchog ste// nor gyi nang na nor mchog go// de lta bas na ye shes mes// rtag tu nyon mong ri bsreg go/ / nyon mongs ri dag sreg pa ni// bde ba'i gzhi la gnas pa yin// mi gang blo ni zhan pa dag/ chos ma yin par nyon mongs gzeb// 'khor ba dag las ma rgal ba// mun pa mun nag nang du 'jug/ gang dag chos la blo brtag pa// de dag dam pa rtag tu mchod// de dag tshe rabs 'bras bur ldan// de dag blo yis gtse ba med// de ltar dge slong de chos dang chos ma yin/ pa de dag gi rnam pa yang dag pa shes par gyur nas gnas te/ de ltar de shin tu dri ma med pa'i sems kyis tshe 'bum phrag du ma'i 'khor ba'i ri'i rtse mo 'jig par byed cing / spong bar byed la/ 'joms par byed de/ yang 'byung bar mi byed/ de'i nyon mongs pa'i dgra 'joms par byed cing / de'i mya ngan las 'das pa'i mthar byed do// de nas gzhan yang dge slong de las kyi chos kyi rnam par smin pa gzhan rjes su sems par byed de/ ji ltar na nyes par byas pa'i sems kyi rgyu'i rgyun rnam pa du ma chu bo'i rgyun ltar 'bab pa'i sems can rnams kyis nyes par byas pa'i las kyi 'bras bu'i sa mngon du gyur pa/ sems can dmyal ba'i tshor ba mi bzad pa tsha ba rtsub pa dag myong bar 'gyur snyam nas/ nang gi chos la chos kyi rjes su lta ba de legs par byas pa dang / nyes par

  177. 89b

    byas pa'i de kho na nyid spyod pa'i blos rtog par byed de/ kye ma srog chags 'di dag ni sems kyis bslus shing sred pas bslus nas/ yang sos dang / thig nag dang / bsdus gnom dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa'i gnod pa'i 'khor gyi nye 'khor gyi sems can dmyal bar ji ltar skye bar 'gyur/ 'di ltar las mngon sum du gyur pa/ sems can dmyal ba'i 'khor ni gang zhig/ sems can dmyal ba las gang gis srog chags rnams sems can dmyal ba'i 'khor du 'gro snyam nas/ dge slong des thos pa las byung ba'i shes pa 'am/ lha'i mig gis brtags na/ sems can dmyal ba chen po yang sos na yod pa'i 'khor gyi ming ni 'di lta ste/ mi gtsang ba'i 'dam dang / lcags kyis bsgyur ba dang / snod du btso ba dang / gnod pa rnam par ma zhi ba dang / mun pa dang / kun tu mi dga' ba dang / tshor ba bdo ba dang / nad thams cad pa dang / mtshon 'bab pa dang / gnod pa drag pa dang / ne'u le nag po lnga bu dang gzhan du 'gyur ba dang / sdug bsngal gyis gnod pa dang / pad+ma'i 'phreng ba dang / mtshe'u dang / gnod pa mtho ba ste/ yang sos kyi 'khor bcu drug yin no// de la las kyis sems can dmyal ba yang sos kyi 'khor du skye bar 'gyur snyam nas/ dge slong des thos pa las byung ba'i shes pa 'am/ lha'i mig gis brtags na/ srog gcod pa kun du bsten cing bsgoms te mang du

  178. 90a

    byas pa'i las dang / las kyi nyer bsdogs dang / las kyi mjug dang ldan pas/ sems can dmyal ba yang sos su skye bar 'gyur te/ 'di ltar srog gcod pa chen po dang 'bring dang / tha mas gnod pa chen po dang / 'bring dang / pha mar 'gyur ro// de la sems can dmyal ba chen po ni/ mi tshul khrims dang ldan pa 'am/ sdom pa blangs pa 'am/ tshul khrims kyi phyogs spyod pa'i sems can gzhan sems can du yang shes la/ bsams bzhin du srog gcod de/ las kyi mjug kyang sogs shing 'chags par mi byed la/ sems la 'gyod par mi byed/ gzhan dag la yang rung ba brjod cing phyir zhing byed/ gzhan dag kyang srog gcod pa de la spyod du 'jug cing rab tu spro bar byed/ dga' bar byed cing rab tu gnas par byed la slob par byed gzhan dag gis byas pa la rjes su yi rang bar byed pa'i mi gti mug can yang dang yang du byed pa'o/ / de sems can dmyal ba'i gnas der skye bar 'gyur te/ mi rnams kyi lo lnga bcu gang yin pa de ni rgyal chen bzhi'i nyin zhag gcig go/ / bgrang ba'i tshul de lta bu'i nyin zhag sum cu la zla ba gcig go// zla ba bcu gnyis la lo gcig ste/ rgyal chen bzhi pa dag ni lo lnga brgyar 'tshol/ de ni sems can dmyal ba chen po yang sos kyi nyin zhag gcig yin no/ / sdig pa za ma dang / 'bring dang / chen pos tshe thung ngu dang / 'bring dang / ring por 'gyur te/ dus ma yin par 'chi ba ni yod do//

  179. 90b

    gal te sdig pa'i sa bon mi bzad pa byas na/ de'i 'khor gcig gam/ gnyis sam/ gsum mam/ bzhi 'am/ lnga 'am/ drug nas/ de bzhin du 'khor bcu drug gi bar dag tu smin par 'gyur pa nas/ sdig pa'i las bcom zhing bsal la/ zad par ma byas kyi bar du 'byung ngo // sems can dmyal ba gzhan dag gi lo lnga brgya ni lha'i bgrang ba'i tshul dang mthun te/ mi ni ma yin no/ / de nas gzhan yang ji ltar na dge slong de sems can dmyal ba'i 'khor dag gi las mngon sum du gyur pa yin zhe na/ rnal 'byor spyod pa nang gi chos la chos kyi rjes su lta zhing gnas pa des/ sems ri mo mkhan lta bus/ ri mo lta bu'i rang gi las kyi 'bras bu'i sa'i cha sems kyi bsam pa'i gnas kyi rnam pa gnod pa bye ba khrag khrig 'bum phrag dag gi 'jigs pa gzhan dang mtshungs pa med pa'i sems can dmyal ba yang sos kyi 'khor dag rab tu 'byed par byed do/ / las gang gis 'khor mi gtsang ba'i nang du skye bar 'gyur snyam nas/ de thos pa las byung ba'i shes pa'am/ lha'i mig gis brtags na/ mi gtsang ba'i 'dam du skye bar 'gyur pa ni/ mi dge ba'i las kyi sa bon du gyur pa srog gcod pa yin te/ gal te// 'dod chags kyis byed na/ bya yis bya la 'am/ mig dud ka lta bus mig dud ka lta bu la'am/ dud ka lta bus dud ka lta bu la 'am/ rgya'am/ gdos kyis ri dgas dang /

  180. 91a

    dgas dag gsod par byed la/ 'chags par mi byed cing / las kyi nyer bsdogs dang / las kyi mjug sogs pa snga ma bzhin du sbyar te/ de der skye bar 'gyur ro// de'i gnod pa'i phyogs gcig tu 'gyur ba ni 'di lta ste/ mi gtsang ba'i 'dam gyi 'khor du mi gtsang ba rab tu 'bar ba/ ro tsha bzangs bzhus pa lta bu dang ldan zhing / srin po mchu rdo rje lta bu dang ldan pa dag gis kun tu gang ste/ de gal te mi gtsang ba de dag za na/ de'i srin bu de dag gis lus de'i nang du song ste/ sngar mchu za'o// phyis lce za ste/ de'i 'og tu dkan za/ dkan gyi 'og tu grol gong / srol gong gi 'og tu snying / snying gi 'og tu mchin pa/ mchin pa'i 'og tu mcher pa/ mcher ba'i 'og bA ra shwa/ bA ra sh+ma'i 'og tu bag kra li ka/ bAg kA li ka'i 'og tu gnam gnye ma'i 'og tu rgyu ma/ rgyu ma'i 'og tu long ka'i nang du song nas gnad thams cad dang / so so'i gnad rgyus pa dang / sha dang / glo ba dag ste/ mi gtsang ba'i lus las srin bu 'byung ba de dag gi za'o/ / de sems can dmyal ba'i tshor ma tsha ba/ rtsub pa/ mi bzad pa/ mi'i bzang ba'i tshul gyis lo du ma lo 'bum phrag du mar tshor ba myong bar 'gyur te/ ji tsam du sdig pa bya'i/ srog gcod pa ni bya gsod/ srog chags dud ka lta bus ni dung ka lta bu gsod/ rgya dang gdos kyis ri dgas gsod pa rngon pa spyod pa'i ngang tshul can ni/ de dag gis gsod cing de dag gis dbang du

  181. 91b

    byas nas za ste/ de'i 'bras bu las kyi rnam par smin pas ji ltar de dag gis de zos pa de ltar srin bu de dag gis de'i nang du song nas za'o// rang gi las dge ba dang mi dge ba'i 'bras bu 'dra ba ni gang gi tshe de'i sdig pa'i las bcom zhing spangs par gyur na/ de de'i tshe mi gtsang ba'i 'dam gyi 'khor gyi sems can dmyal ba las thar par 'gyur zhing / sems ri mo mkhan lta bu de yang ri mo bris pa lta bu 'jig par 'gyur ro/ / de de las thar nas gal te lan grangs gzhan la myong bar 'gyur ba'i las su mi 'gyur na/ de dud 'gro byar skye bar 'gyur te/ de bya der gyur nas/ de bzhin du bya des gsod do// ri dgas su gyur na yang / des sngon ji ltar rgya 'am/ gdos dag gis bya 'am/ ri dgas dag bsad pa'i las kyi 'bras bu des sems can dmyal bar smin pa'i rgyu mthun pa'i 'bras bus dud 'gror skye'o/ / gal te lan grangs gzhan la myong bar 'gyur ba'i las kyis lha 'am mir skyes na/ las de dang rgyu mthun par de tshe thung bar 'gyur ro// de nas gzhan yang dge slong de sems can dmyal ba yang sos kyi 'khor gnyis pa lcags kyis bsgyur ba zhes bya ba la rtog par byed de/ srog gcod pa'i las gang gis der skye bar 'gyur/ snyam nas/ des thos pa las byung ba'i shes pa 'am/ lha'i mig gis brtags na/ gal te rnyed pa dang / btsong ba dang / blang ba'i rgyu'i sems can dag srog gcod par byed de/ mtshon

  182. 92a

    gyis gzhan bsad cing srog dang bral na/ de rgyu de dang / rkyen de dang / gzhi de 'chags par mi byed cing / rab tu spro bar byed pa'i las dang / las kyi nyer bsdogs byas pa ni snga ma bzhin du sbyar te/ lus dang bral nas ngan 'gro log par ltung ba sems can dmyal ba lcags kyis bsgyur bar skye bar 'gyur ro// de na lcags kyi rab rab tu ba ba 'phang du tshad bcu yod pa sems can dmyal ba'i mes rab tu 'bar te/ de'i drung na mi dag gi me ni sprin dang mtshungs so// mtshon rab tu 'bar ba'i shugs kyis kyang de dag gi lus pa rab tu 'bab ste gang gis lus de yungs kar tsam du gcod cing / 'jig sreg cing gshag go// thams cad du mtshon gyi char rab tu 'bab ste/ dper na 'dzam bu gling du dus su char gyi rgyun 'bab pa lngar phyogs bcur mtshon gyi char gyis mngon par khebs te/ gang gis sems can dmyal ba de dag gshags kyang 'chi bar ni mi 'gyur ro// de'i sdig pa'i las kyi 'bras bu rnam par smin pas yan/ lag rnams bcad cing gtubs pa dang rab tu ngu'o// lcags kyis bsgyur ba'i sems can dmyal ba de na/ ral gri lo ma lta bu'i tshal yod de/ steng dang 'og gi so rno ba/ ba tshwa lta bu'i tshal de rgyang ring po nas tshal nag po'i phung po lta bu mthong nas/ de dag bkres pa dang skom pas gdungs pa kun tu rgyug cing cho nges 'debs pa na/ de gang du zhugs par 'gyur ba de dag kun nas mtshon gyi char gyis

  183. 92b

    rnam par gshegs par byed de/ der las kyis rgyu ni phyugs de dag la zas kyis brid nas/ bslus pa de'i las de dang 'bras bu de ni/ 'di ltar sems ri mo mkhan lta bus sems can dmyal ba'i ri mo'i gzhi la/ sems can dmyal ba pa'i mi dge ba'i las mngon par 'dri ba de lta de ltar sems can dmyal bar 'grub pa'i las so sor myong bar 'gyur ro// der sems can dmyal ba de dag ji tsam du de'i sdig pa'i las bcom zhing spangs la zad par ma byas pa de srid du/ lo 'bum phrag du mar gshegs par byed de/ gang sems ri mo mkhan lta bu des mngon par 'dri ba ni snga ma bzhin no// de nas gzhan yang dge slong de yang sos kyi 'khor snod du btso ba zhes bya ba de'i las kyi 'bras bu rnam par smin pa la rtog par byed de/ las gang zhig gis der skyes par 'gyur snyam nas/ des thos pa las byung ba'i shes pas brtags na/ sems can rnga mo 'am/ phag gam/ ma ta la ka 'am/ ri bong du gyur pa 'am/ mA to la ka 'am/ dri sh+ya b+hu te gson pa dag bza' ba'i don du spu dbyi bar bya ba'i phyir der 'jug cing rab tu bskor te/ 'jog par byed pa de dag lus dang bral te shi nas/ ngan 'gro log par lhung ba sa bon dang mtshungs pa'i 'bras bu snod du btso bar skye bar 'gyur ro/ / de rab tu btso ba lcags kyi snod kyi nang du rab tu bcug nas/ sran ma mud ga bzhin du 'tshed de/ lo 'bum phrag du mar sems can dmyal ba pa'i me mi bzad pas 'tshed do// sems

  184. 93a

    ri mo mkhan lta bu'i gzhi bcom zhing spangs te zad par byas nas/ de de las yongs su thar bar 'gyur te/ sems can dmyal ba myong bar 'gyur ba dang / lan grangs gzhan la myong bar 'gyur ba dang / skyes nas myong bar 'gyur ba'i 'bras bu ni snga ma bzhin du sbyar te/ gang lha dang mi'i bar dag tu skye bar 'gyur la/ de tshe thung bar 'gyur ro// de 'khor snod dang ba mthong nas yang dag pa ji lta ba bzhin nang gi chos la chos kyi rjes su lta zhing gnas pa'i dge slong de ji ltar na/ sems can dmyal ba'i 'khor la lta zhe na/ de thos pa las byung ba'i shes pa 'am/ lha'i mig gis brtags na/ 'di ltar dge slong 'di ni mchog tu dpa' ba/ bdud kyi sde mngon par 'joms shing / 'khor ba'i rgya mtsho las sgrol ba/ tshul khrims kyi chus 'dod chags kyi me gsod par byed pa/ byams pa'i chu'i bum pas zhe sdang gi me gsod par byed pa/ rten cing 'brel par 'byung ba'i sgron mas gti mug gi rab rib rab tu sel bar byed de/ zab mo khong du chud pa'i dge slong ni 'khor ba'i rgya mtsho las rgal ba yin no/ / de nas gzhan yang dge slong de yang sos kyi 'khor bzhi pa gnod pa rnam par ma zhi ba zhes bya ba la rtog par byed de/ de rgyu dang 'bras bu rnam par smin pa ni sa bon dang 'bras bur mtshungs te/ gang gis mir gyur pa yang sos gzhan gnod pa rnam pa du ma byas par 'gyur te/ 'di lta ste/ shing gi bar du btsir ba'i tshor ba

  185. 93b

    dang / lum ba ka'i tshor ba dang / dud pa'i tshor ba dang / lam gyi tshor ba dang / dbang po'i lam 'dren pa'i tshor ba dang / sa'i tshor ba dang / rab tu btung ba'i tshor ba dang / khab kyi tshor/ ba dang / zag pa sa 'dren pa'i tshor ba dang / glang po che'i steng nas lhung ba'i tshor ba dang / bye mas 'thor ba'i tshor ba dang / gtun shing gi tshor ba dang / lcags bzhus pa'i tshor ba dang / klad ba na ba'i tshor ba dang / bus pa dang khye'u phang bar btsir ba lta bu'i tshor ba dang / grang ba dang dro ba'i tshor ba dang / chu'i tshor ba dang / khar gongs sam chu blugs pa'i tshor ba dang / shing la dbyang/ pa'i tshor ba dang / ngam grog dang g.yang sar rnam par 'jigs pa'i tshor ba dang / dgra'i dbang du gyur pa'i tshor ba dang / lba pa gcod pa'i tshor ba dang / ser mo la rab tu gnod pa'i tshor ba dang / klu 'thog pa'i tshor ba dang / mgo 'khor los bskor ba'i tshor ba dang / zha nye dang / ro nye dang / zangs rab tu bskol bar 'jug pa'i tshor ba dang / snar lcags rnon po 'jug pa'i tshor ba dang // sba ba'i gnas su sprul 'jug pa'i tshor ba dang / bong bas 'phen pa'i tshor ba dang / sreg pa'i tshor ba dang / lus la me'i 'phreng ba'i tshor ba dang / sgra 'bal ba'i tshor ba dang / srog chags mar ko dag 'jug pa'i tshor ba dang / pags pa gtubs pa'i tshor ba dang / rtswa s+thi na ka'i tshor ba dang / 'dus pa'i tshor ba dang / lus gtubs pa'i tshor ba dang / rdza ma dang bum par

  186. 94a

    bcos pa'i tshor ba dang / so phag gi tshor ba dang / lus byed du ba tsha blugs pa'i tshor ba dang / phyag dar gyi phye ma'i tshor ba dang / rab tu sreg pa'i tshor ba dang / rkang pa'i mthe bo mtshon gyis bcad cing rab tu bsregs pa'i tshor ba dang / byi byi ling gi tshor ba dang / rgya mtsho sum cu'i dbu ba'i tshor ba dang / lag pa dang rkang pa'i tshor ba dang / ring du 'gro ba'i tshor ba dang / 'bram so'i tshor ba dang / snum gyi tshor ba dang / gser rdung ba'i tshor ba dang / tshabs cher spangs pa'i tshor ba dang / bslang ba dang dbab pa'i tshor ba ste/ tshor ba de dag gis gang sdug bsngal gyi tshogs rnam pa sna tshogs du ma kun tu spyod pa de dag ni lus dang bral nas ngan 'gro log par ltung ba sems can dmyal ba'i gnod pa rnam par ma zhi ba de ni/ der rgyu dang mtshungs po'i 'bras bu myong bar 'gyur te/ sems can dmyal ba de'i rnam par smin pa dpe med pa bye ba stong phrag bcur bsgyur ba/ sngar ji skad bshad pa'i gnod pa de dag thams cad rang gi las kyi 'bras bu mngon sum du gyur pa'i sems can dmyal ba'i sa der de dag myong bar 'gyur ro/ / gang sems ri mo mkhan lta bus sreg pa'i pir dang / mi dge ba kun tu rtog pa rnam pa snga tshogs kyi tshon rtsi snod kyi gzhi lta bu'i snying la kun tu 'dri ste/ bu dang chung ma'i mtshan ma dam pos de rjes su myong bar 'gyur ro// rang gis legs par byas pa'i las ni phams byas

  187. 94b

    yin te/ ji tsam du sdig pa'i las bcom zhing spangs la zad par ma byas pa de srid du 'chi bar mi 'gyur ro// de nas shi nas gal te lan grangs gzhan la myong bar 'gyur ba'i bar gyi las gang gis dud 'gro dang yi dgas dag tu ma skyes la/ gal te mi rnams dang skal ba mnyam par gyur na rgyu mthun pa'i 'bras bus de rtag tu bcing ba dang / gtse ba dang / gnod pa dang / rgyal po'i pho brang 'khor nas 'tshe ba dang / mi bde bar 'gyur/ skye bo kun gyis kyang mngon par gtso ste/ rtag tu sdug bsngal mi bzad par 'gyur/ gnyen 'dab dang / mdza' bshes dang / chung ma dang / bu dag dang yang zhe 'gras par 'gyur ro// de nas gzhan yang dge slong de sems can dmyal ba yang sos kyi 'khor lnga pa mun pa zhes bya ba la rtog par byed de/ sems can dag las kyi 'bras bu rnam par smin pa gang gis skye bar 'gyur snyam nas/ thos pa las byung ba'i shes pas brtags na/ sems can gang dag log par lta ba las dang 'bras bu phyin ci log tu ston pa/ mchod sbyin dag la phyugs bsubs nas gsod par byed pa dang / rus sbal dag so phag gis mngon par g.yogs shing mun par 'jug par byed pa de dag lus dang bral nas ngan 'gro log par sbyong ba sems can dmyal ba mun par skye bar 'gyur ro/ / der skyes nas kyang mun par byung ba'i mes sreg par byed/ rdo rje lta bu'i ri shugs

  188. 95a

    drag po dag 'ongs shing las kyi rlung gis bangs nas de gnyis kyi dbus su bcug la/ bye ma snyim pa nas gtor ba bzhin du thal bar rlog ste/ ji ltar skra'i rtse mo bsdus pa phan tshun skyabs med pa de ltar rtag tu gnod pa byed cing spu pri lta bu'i rlung rab tu 'bar ba la nges pa gang gis yan lag dang / nying lag dag zhigs par byed do// skom pa dang bkres pas lus rab tu 'bar ba de dag ni de na dud me 'byin te/ ji ltar de dag/ sa rus sbal me'i nang du bsregs shing / so bag dag gis mnan pa de ltar lo 'bum phrag du mar 'khrul 'khor la khab kyi bu ga tsam gyi snang ba med pa bzhin du snang ba med par byed la/ gi lus las byung ba'i spu rab tu 'bar ba dag gis kun tu sreg par byed do// sems spre'u lta bus bag la nyal ri lta bu la rnam par rgyu zhing / rgyu ri'i ngos ltar brtan pas rgyags pa ri'i rtse mo lta bu la gnas pa/ lnga ba ngan pa ri khrod lta bu la rnam par rgyu zhing / nga rgyal las byung ba/ shing ljon pa thibs po lta bur spyod pa// khro ba brag gas pa lta bu la gnas pa/ phrag dog yon tan bsags pa lta bu'i 'bras bu dang / sred pa chu bo'i dbang du song ba lta bus gang mi dge ba'i rlabs byas pa de dag ji tsam du rnam par bcom zhing spangs la zad par ma byas pa de srid du 'chi ba'i dus mi byed do/ / de sems can dmyal ba'i 'khor mun pa de las thar nas/ gal te yi dgas dang dud 'gror ma skyes la/ mi dag dang skal ba

  189. 95b

    mnyam par mi rnams kyi nang du skyes na/ de rgyu mthun pa'i 'bras bu rtag tu bcing bas bcings par 'gyur zhing tshe thung bar 'gyur ro// de nas gzhan yang dge slong de sems can dmyal ba yang sos kyi 'khor drug pa kun tu mi dga' ba zhes bya ba la rtog par byed de/ las gang gis sems can dmyal ba kun tu mi dga' bar skye bar 'gyur snyam nas/ des thos pa las byung ba'i shes pas brtags na/ sems can la mngon par 'khu ba'i bsam pa yod pa ni rtag tu srog gcod pa la mngon par brtson pa yin te/ de dung dang / rnga pa Ta ha dang / bong bu'i skad kyis nags khrod na rnam par rgyu ba'i sems can ri dgas dang / seng ge dang / dred dang / gung dang / spre'u la sogs pa bag tsha ba med par rgyu ba dag sgra de dag gis kun tu skrag par byed cing / rgyal po 'am/ blon po phal cher yid kyis bsam pa yod pa'i rjes su rngon pa bsad pa'i bsam pa yod pa 'gro ba de ni lus dang bral nas ngan 'gro log par lhung ba sems can dmyal ba kun tu mi dga' bar skye bar 'gyur ro/ / rgyu dang mthun par 'bras bu 'byung ste/ ji ltar sems can de dag gis kun tu mi dga' ba byas pa de ltar sems can de dag sems can dmyal ba'i me'i nang du bcug nas bya rog dang / 'ug pa dang / bya rgod dang / khyi dang / srin po dang / tha rnams kyi mchu rnol sgra mchog tu 'jigs pa rnams kyis rna ba drung nas bcad cing za la/ mchog tu 'jigs pa mi 'dod cing /

  190. 96a

    mi sdug pa/ yid du mi 'ong ba/ skye bo thams cad skrag par byed pa'i sgra des/ kun tu mi dga' ba phal cher yid la gcags par 'gyur zhing / srog chags mar ko ta ka'i mchu/ rdo rje lta bus yang dang yang du rug pa'i gseng dang / nang du zhugs pa dag gis rna ba la za'o// sems nya lta bu de sred pa chu bo lta bu la rnam par rgyu zhing / khro ba dpa' rlabs lta bur 'khrug pas 'khor ba ri bo'i gseb lta bu la gnas shing / 'dod chags zhe sdang gti mug gi phyogs kyis 'dod pa'i ro chung ba/ mchil pa lta bu'i 'ching ba/ lta ba ngan pa chu ltar zab pa la rnam par rgyu ba skye ba dang 'chi ba'i 'gro ba'i lus 'di sgra dang / reg pa dang / ro dang / gzugs dang / dri la rtag tu sred pa/ gang mi dge ba'i las des dgo cing byas la de'i ngad mo zi pa ni ma mo gi bar du 'chi ba'i dus mi byed do/ / 'dir tshigs su bcad pa/ rang gi sred pa grong gnas pa// sems ni nya 'dra rmongs pa yis// las byed tshe na dgar 'dzin la// myong ba'i tshan ngu bar byed// ga tshe mi dge de yi las/ / lhag ma med par bcom zhing spangs// med gyur de ni de nas su// shi nas yi dgas dud 'gror skye// lan grangs gzhan la myong ba'i las// gang gis gal te der mi skye// gal te der ni mi rnams dang // skab mnyam mi ru skye bar 'gyur// de ni rtag tu dman pa yi// zil gyis non cing nams kyang ni// de yi sems dga' skye mi 'gyur// gang dang gang ni byed pa

  191. 96b

    dag/ don med dga' ba med byed dang // bu dang chung ma nor dang 'bru// gsod dang 'ching bar byed pa dang // de ni mi dge las kyis su// dga' med rgyu mthun 'bras bu yi// kun tu mi dga' rtag tu thos/ / yang dge slong de sems can dmyal ba yang sos kyi 'khor bdun pa tshor ba bdo ba zhes bya ba la rtog par byed de/ sems can dag las gang gis der skye bar 'gyur snyam nas/ de thos pa las byung ba'i shes pas brtags na/ sems can bag la nyal ba do ba dang / zhe 'gras pa bdo ba dang / sems zab pa bdo ba'i sems can ni srog gcod pa mang po bag med pa la 'jug ste/ de dag lus dang bral nas ngan 'gro log par lhung ba sems can dmyal ba tshor ba bdo bar skye bar 'gyur ro// der tsha ba dang / mtshon dang / me dang / ngam grog dang / g.yang sa dang / phur bu dang / me 'bar ba'i 'phreng ba'i rgyan byas pa'i tshor ba la rtag tu rgyun mi 'chad par nyin gcig bzhin du 'jug par 'gyur ro// de nas gzhan yang dge slong de las kyi 'bras bu de kho na nyid shes pa/ mya ngan las 'das pa'i grong khyer tshol ba na/ 'khor ba'i sdug bsngal gyi de kho na nyid shes pa sems can dmyal ba chen po thig nag gi 'khor la rtog par byed de/ ji ltar thig nag gi 'khor gzhan gang zhig yod snyam nas/ de thos pa las byung ba'i shes pas brtags na/ sems can dmyal ba bsreg pa mi bzad pa'i tshor ba rtag tu 'dus pa zhes bya ba'i sems can dmyal ba mthong ste/

  192. 97a

    sems can dag las gang gis sems can dmyal ba der skye bar 'gyur snyam nas/ de thos pa las byung ba'i shes pas brtags na/ gang lta ba ngan pa'i bstan bcos kyi gtan tshigs dang dpe dag gis tshul khrims spangs pa'i mi ngam grog dang / g.yang sar rab tu ltung ba yang dag pa ma yin pa thams cad kyi dbang du song ba de lus dang bral nas ngan 'gro log par ltung ba'i sems can dmyal ba tshor ba 'dus par skye bar 'gyur ro/ / der gnod pa 'di dag 'byung bar 'gyur te/ 'di lta ste/ mi de thag pas rab tu 'bar bas bcings na/ dpag tshad du mar gyen du bteg bteg ste/ ngam grog dag tu 'dor bar byed de/ skyes nas spu gri dang mtshon gyis phyogs rnams su yang de dag 'dor bar byed/ yan lag dang nying lag thams cad nas sgra 'byin pa na/ rang gi sems kyis bkrus shing 'khor ba'i 'khor lor zhugs nas/ 'khyam pa gti mug gi mun pas long bar byas shing / tshal kun nas bsregs pa lta bu'i lus dag la/ khyi mche ba rab tu rno ba rnams kyis kun tu za bar byed kyang / gang de na 'dug pa de dag la skyob pa 'am/ dpung gnyen nam/ bde bar byed pa 'am/ dbugs 'byin par byed pa gang yang med do// gshin rje'i 'jig rten pa'i gshin// rje'i mi de dag gis ci rigs par tshigs su bcad de smras pa/ log par lta ba'i gti mug gi/ gti mug zhags bsgrims skye bo khyod// sems can dmyal ba'i gnod pa dag/ shin tu mi bzang

  193. 97b

    'dus pa thog/ / mi yi skyes bu tham dag/ ldog par stabs dge sun bzhugs// de yis sems can dmyal dang 'brel// gnod pa mi bzad khyer te 'ongs// gang dag log pa'i da song ba/ / sems kyis yongs su bzlas pa yi// skyes bu gro zhan de dag ni// sems can dmyal bar kun tu 'gro// dam gzhan shin tu ldang bar du'i// sems kyi dam ni ldang ba ra de yis bcings pa'i mi dag ni/ / gshin rje'i gnas su khrid par byed// yul rnams la ni rtag rgyug cing // dam pa'i chos la mi rgyug la// dam chos lam la rmongs pa ni// sems can / dmyal ba chen por khrid// gdul ba'i nang na sems gdul dka'// me yi nang na me mchog ste// gdul dka' myur du 'gro ba ni// dmyal ba'i nang na dmyal ba yin// gang dag sems kyi dbang song ba/ / mi de sems can dmyal bar 'gro// gang dag mi bzad de zlog pa// de dag sdug bsngal rjes mi 'gro// 'dod chags mi bzad me gcig yin// gti mug mun pa zhes bya'o/ / zhe sdang mi bzad dgra yin te// 'gro ba dgra gsum dbang du song // sngon gyi sems kyi rjes zhugs pa// khyod kyis mi dge gang byas pa'i// rmongs pa de yis 'dras bu spyod/ / khyod kyis legs pa dag ma byas// rang gi sems kyis yongs bslus pa// gzhan gyi nor dag phrogs pa dang // gzhan gyi bud med bstan pa yis// skye bo dag ni rtag tu

  194. 98a

    bcings/ / de yi las kyi rnam smin gyis// khyod ni de ring dbang du gyur// mi yi tha ma rang gis sa// las ngan byas pa ngur ci yod// mi gang gis ni nyes byas pa/ phyi nas blo la 'gyod par 'gyur// tsha sgor sa bon btab pa ltar// de la de yi 'bras bu med// 'dod pa dang rab chung ldan pa// rnam par smin pa tsha ba yin// rmongs pa gang zhig de sten pa// de ni mun pa mun nag 'gro// bu dang chung ma bde bya'i phyir// rmongs pas ngan pa gang byas pas// sems can dmyal bar gcig pu sreg/ rang gi las kyi 'bras bus bslus// gang zhig bu smad dbang song ba/ / mi ni ngan par byas pa bsten// de ni dmyal ba 'dir 'gro ste// khyod kyis de yi rjes su myong // bu dang chung ma'i don mi 'dod// mdza' bshes don lta ga la yod// 'chi/ ba'i dus ni byung ba na// nye bar gnas shing srung ba med// gang dag kun nas nyon mongs sems// gang dag sred pas yongs bslus pa// de dag de ltar grogs su 'gyur// ci phyir khyod ni bsreg mi bya/ / sngon ni yul gyi dbang byas shing // sred pa dag gis yong su bslus// bdag nyid ngan pa bdag nyid kyis// byas pas bdag nyid ci ngur yod// de ltar sems can dmyal ba tshor ba 'dus pa la/ gshin rje'i mi dag gis sems can dmyal ba de dag la rjes su bstan pa na/ ji tsam du de'i sdig pa'i las byas shing bsags pa bcom zhing spangs la zad par ma byas pa

  195. 98b

    de srid du/ gnod pa drag cing mi bzad pa du ma dag yo 'bum phrag du mar myong bar 'gyur ro// de phyis de las grol zhing thar nas/ gal te mi dag dang skal ba mnyam par lan grangs gzhan la myong bar 'gyur ba'i las kyis 'phrogs pa med na/ de rgyu 'thun pa'i 'bras bus 'gro lding ba dang / bar ba ra'i yul dang / rgya mtsho'i dbus kyi yul dang / sin du'i yul dang / zhar bu'i gling gi yul dang / gang na bran mchog tu sdug bsngal bar 'gyur ba der skye bar 'gyur zhing dbul ba'i bran du 'gyur/ sgo srungs dang / yan lag dang / nying lag thams cad nyams shing ma tshang ba dang / pus skom pa dang / bkres pas yongs su gdungs shing / grang ba dang / tsha ba'i gzhir gyur pa dang / shin tu sdug bsngal zhing gzhan gyis rtag tu gtse ba dang / byis pa dag gis dbyug pa dang bong ba dag gis rdeg cing / skye bo kun gyis brnyas par 'gyur/ bu dang chung mas kyang rnam par spang bar 'gyur zhing / mngal nas skyes tshun chad mchog tu sdug bsngal bar 'gyur ro// las kyi rnam par smin pa'i 'bras bu ni rgyu dang mtshungs pa dang / rkyen dang mtshungs pa yin te/ ji ltar sngar byas pa de phyis de bzhin du spyod par 'gyur ro// de nas dge slong de nyes pa byas pa myong bar 'gyur ba'i las de mabong nas/ sems can dmyal ba mun pa la dmigs pa dang / 'khor ba la phal cher shin tu yid byung bar 'gyur ro// yang rnal 'byor spyod pa'i dge slong

  196. 99a

    de rtog par byed de/ 'di ltar las kyi 'bras bu'i de kho na nyid mthong ba la rtag tu brtson zhing / 'gro ba shin tu bsdams pa la rab tu spyod pa/ 'khor ba thams cad la yid byung ba/ bdud kyi 'ching ba mchog tu dam pa gcod pa/ bdud kyi yul gyi dngos po mi 'dod cing / nyon mongs pa 'dod chags dag gi dngos po dang lhan cig 'dug par mi 'dod pa/ dga' ba'i 'dod chags kyi mod las byung ba'i sred pa la mngon par mi dga' ba'i dge slong yon tan gyi rnam pa de lta bu dag dang ldan pa de/ sa bla'i gnod sbyin dag gis mthong nas/ bar snang la spyod pa dag la mngon par bsnyad do/ / de ltar snga ma bzhin du sbyar te/ tshangs ris dag gis thos pa'i bar rgya cher snga ma bzhin du sbyar ro// de nas gzhan yang dge slong de sems can dmyal ba thig nag gi 'khor la lta bar byed de/ sems can dmyal ba thig nag gi 'khor gzhan gang zhig yod snyam mo// de sems can dmyal ba rab tu mi bzad pa zhes bya ba mthong ste/ des sems can dag las gang gis der skye bar 'gyur snyam nas/ khyim pa gang gis 'os pa ma yin pa'i gnas mal dang / na ba'i gsos sman gyi rkyen gyi yo byad mang po dag la spyad pa 'chab pa dang / gzhan la snyad btags te phyugs gsod pa 'am/ g+ha la snyad btags pa'am/ bram ze 'dod pa'i sdig pa de lus dang bral nas ngan 'gro log par ltung ba sems can dmyal ba rab tu

  197. 99b

    mi bzad par skye bar 'gyur ba mthong ngo / / der gnod pa 'di dag 'byung bar 'gyur te/ 'di lta ste/ bya rog dang / bya rgod dang / phag rgod gtum pa dag gis mig 'byin cing / bag dang 'khrugs/ pa'i sgra dang / gtun shing dang / me rab tu 'bar ba dang / dmyal ba'i srungs ma drag pa rab tu mi bzad pa yod do// sems can dmyal ba rab tu mi bzad par skye ba'i gnod pa 'byung ba ni 'di lta ste/ mig 'byin pa dang / lce gcod pa dang / yan lag dang / nying lag thams cad gcod pa dang / lcags kyi snod rab tu 'bar ba dag nas zangs kyi khu ba ldud pa dang / lus thams cad la phur bu 'dzugs pa dang / rkang pa gcod pa dang / bya 'og gis za ba dang / nad thams cad kyi gnod pa byed par 'gyur te/ ji tsam du de'i sdig pa'i las bcom zhing spangs la zad par ma gyur pa de srid du/ sems can dmyal ba mi bzad par lo 'bum phrag du mar du ba na/ mgon med cing grogs med la/ gshin rje'i mi dag gis gsod par 'gyur ro// de sems can dmyal ba de nas thar bar gyur te/ thar nas kyang gal te lan grangs gzhan la myong bar 'gyur ba'i las gang gis dud 'gro dang yi dag sa dag tu ma skyes la/ mi dag dang skal ba mnyam par mir skyes na/ de lag rdum mam/ long bar 'gyur zhing yun ring du gnas par mi 'gyur/ shi nas kyang srog chags las kyi lu gu rgyud kyis sbrel pa dag yang ngan song de dag tu 'gro bar

  198. 100a

    'gyur la/ legs par byas pas ni legs pa dang / nyes pa byas pas ni nyes pa thob par 'gyur te/ 'khor ba na skye zhing 'byung ba'i 'bras bu ni/ rgyu 'thun pa'i 'bras bu/ dang 'brel ba yin no// de nas gzhan yang dge slong de sems can dmyal ba thig nag gi 'khor la lta bar byed de/ las gang gis sems can dmyal ba bya rgod kyis 'jig/ skye bar 'gyur snyam nas brtags na/ mi gang gis don du mi bya ba'i phyir mi bsad dam/ bcings sam/ bkres pa 'am/ skom par byas na/ de lus dang bral nas ngan 'gro log par ltung ba sems can dmyal ba bya rgod kyis 'jigs par skye bar 'gyur ba mthong ngo / / der gnod pa 'di dag 'byung bar 'gyur te/ 'di lta ste/ sems can dmyal ba pa'i sa gzhi lcags las byas pa dpag tshad brgya stong phrag bcu yod pa/ mes rab tu bsregs shing / lcags las byas pa'i 'bras bu zur gsum kha dog chu lta bu rab tu 'bar ba rnams kyis kun tu gang ba de na/ sems can dmyal ba pa dag gshin rje'i chad pa gcod par byed pa rab tu mang po dag gis kun tu gsod par byed pa na/ ral gri dang mda' bo che yod pa'i lus kyi shugs drag po dag gis gsod cing nyin mtshan du gnod pa byed do// mtshon rnams kyis gsod pa na/ gang gi tshe mgon med pa 'bros par byed pa de'i tshe/ gshin rje'i mi de dag gis ral gri dang / mda' bo che dang / mda' rab tu 'bar ba dag gis kun tu gsod par

  199. 100b

    byed cing / thang la yang bkres pa dang skom pa yod pa'i 'tsho ba dang 'brel la/ chu med cing mgon med/ dbugs 'byin pa med cing skyabs med la/ pha rol gyi gnod pas bkol ba na/ kun tu sdug bsngal thams cad dang ldan par 'gyur ro/ / 'dir tshigs su bcad pa/ grogs mang dag dang lhan cig tu// nyes par byas pa'i las byed pa// de yi las kyi 'bras bu ni// gcig tu srid pa srid par spyod// ji ltar mi dag 'jig rten du// bdag nyid ngan byas rgyug pa ltar// de ltar med dang mtshon dag dang // dug dang dgra dag gnas pa min// las dang 'bral ba ma yin gyi// rang gi gnyen 'dab kun dang 'bral// 'jig rten pha rol dge ba dang // mi dge 'gro zhing rjes su 'gro// gang na me tog yod pa yi// der ni dri dag rjes su 'gro// de ltar dge dang mi dge ba'i// las ni 'gro zhing rjes su 'gro// ji ltar phyogs char dri 'gro zhing / / nags tshal dag tu 'dus pa yi// bya dag nang bar gyes pa ltar// srog chags 'dus pa'ang de dang 'dra// dpal che ba dag chung gsan cing // 'jig rten gyi ni nyes byas pa// gti mug gis ni yongs su bslus/ / mi dge'i las dag ci mi byed// gang zhig zhi ba mchog mi 'gro// gang zhig lha yi gnas mi 'gro// de yi rgyu la mchog rmongs pa// mun pa'i nang na re mun gnag/ de ltar dmyal bar btso ba na/ / de ni bye ba du ma ru// rang gi nyes par byas pa yis// sems can dmyal bar yongs su 'khyam// ji srid de yi mi dge ba// ngan bcas bcom zhing spangs pa dang // zad par ma

  200. 101a

    gyur de srid du/ / 'chi ba'i dus ni byed mi 'gyur// gang tshe de yi las kyis der// thams cad du ni byang gyur na// dmyal ba bya rgod 'jigs de las// de ni grol bar 'gyur ba yin// gal te de las de grol zhing // yi dgas dud 'gror ma skyes la// mi rnams dang ni skal mnyam par// gal te mi ru skyes gyur na// de ni rnga mo spyod 'gyur zhing // khal glang dag la spyod par 'gyur// rgod ma dag la spyod 'gyur zhing / / glang po kha sbyar rta rdzi 'am// bshor ba dag gi rgya thogs pa// dbul zhing tshe ni thung bar 'gyur// ngan par byas pa'i las dag dang // skyon du bzang ba'i las dag ni// rgyu dang 'bras bu 'thun pas ni/ / 'bras bu de dang 'thun par 'gyur// / dam pa'i chos dran pa nye bar gzhag pa bam po bdun pa/ de nas gzhan yang dge slong de sems can dmyal ba chen po thig nag gi 'khor la rtog par byed de/ sems can dmyal ba de'i 'khor la gzhan dang gzhan nas kun tu lta bar mi byed do// sems can dmyal ba chen po thig nag gi 'khor bcu drug po 'di yang ji ltar sems can dmyal ba chen po yang sos kyi bzhin no/ / yang dge slong de sems can dmyal ba'i 'khor gnyis pa dag la brtags na/ las kyi chos kyi rnam par smin pa shes shing // nyes par byas pa'i las kyi 'bras bu rnam par smin pa'i snying po thams cad rig ste/ byas la bsags pa dang / bsags la mi byed pa dang / byas la ma bsags pa'o// de la byas la bsags pa

  201. 101b

    ni myong bar 'gyur bar nges pa yin/ bsags la mi byed pa ni myong bar 'gyur ba nges pa ma yin/ byas la ma bsags pa 'di yang myong bar 'gyur bar nges pa ma yin no// dge slong de sems can dmyal ba gzhan la brtags na/ des thos pa las byung ba'i shes pas mthong ste/ las kyi thag pas rgyud phan tshun sbrel pa'i 'khor dag gi las kyi 'bras bu rnam par smin pa rnam pa gsum gyi de kho na nyid shes pa ni/ de yang las rnam pa du ma sna tshogs du ma dag dang / sems phal cher dmigs pa'i dbang du gyur pa/ sems kyi dbang du gyur pa'i sems can dag mthong nas skyo bar gyur to// dge slong des sems can dmyal ba gzhan lang rtags na/ des thos pa las byung ba'i shes pas/ sems can dmyal ba chen po gsum pa bsdus gzhom zhes bya ba mthong ngo // der las bas/ pa gang gis sems can dag nyes par byas pa'i las smin par gyur snyam nas/ des thos pa las byung ba'i shes pas brtags na/ mi dge ba'i las rnam pa gsum byas la bsags pa so sor myong bar 'gyur ba'i 'bras bu sems can dag sems can dmyal ba bsdus gzhom du skye bar 'gyur te/ 'di lta ste/ srog gcod pa dang / ma byin par len pa dang / 'dod pas log par g.yem pa mi dge ba gsum po dag gi las kyis srog chags dag sems can dmyal ba bsdus gzhom du skye bar 'gyur ro/ / der sdig pa chen pos ni sems can dmyal ba'i gzhir skye bar 'gyur/ 'bring dang chung ngu dag gis ni 'khor

  202. 102a

    du'o/ / de dag gi chen po dang / 'bring dang / chung ngu rnams kyi ni gnod pa yang chen po dang / 'bring dang / chung ngur 'gyur ro// de dag gi sems kyi dbang du song ba'i las kyis kyang / ring po dang / 'bring dang / thung ngur 'gyur/ de dag gi sems kyi dmigs pa chen po dang / 'bring gi dbang gis kyang gnod pa chen po dang / 'bring du 'gyur ro// las rnam pa gsum du rnam par gzhag ste/ lus dang / ngag dang / yid kyi'o// dus gsum du rnam par gzhag ste/ da ltar byung ba dang / 'das pa dang / ma 'ongs pa'o// yang rnam pa gsum ste/ 'dod pa'i khams su skyed pa dang / gzugs kyi khams su skyed pa dang / gzugs med pa'i khams su skyed pa'o// yang rnam pa gsum ste/ 'bring dang / chen po dang / tha ma'o// yang rnam pa gsum ste/ tshe 'di la myong bar 'gyur ba dang / skyes nas myong bar 'gyur ba dang / lan grangs gzhan la myong bar 'gyur ba'o// yang rnam pa gsum ste/ dge ba dang / mi dge ba dang / lung du ma bstan pa'o// yang rnam pa gsum ste/ tshe dang 'brel ba dang / srid pa bar ma dang 'brel pa dang / tshe gzhan dang 'brel pa'o// yang rnam pa gsum ste/ mi dang mi ma yin par 'brel pa rab tu 'byung ba dag yin te/ mi dang mi ma yin par 'brel pa ni 'di lta ste/ mir gyur pa las sems can dmyal bar las kyis 'phangs pa'o// byed pa'i khyad par zhes bya ba ni/ gang ji tsam du byed pa rtsom pa de'i byed pa'i rnam pa de tsam du las kyi rnam pa nyid skye bar 'gyur

  203. 102b

    te/ dge slong dag ji ltar mos pa'i rdzu 'phrul thob pa bzhin no// yang rnam pa gsum ste/ byed pa byas pa dang / mi byed pa byas pa dang / 'brel bar byas pa'o// de la byed pa byas pa ni ji lder sngar dge sbyong du gyur pa/ phyis de'i rjes su mthun par dgra bcom pa'i bar du byas pa'o// mi byed pa byas pa ni gang dge sbyong du gyur nas legs par bya ba mi byed pa'o// 'brel par byas pa ni ji ltar tshe 'di las shi nas/ de tshe rabs gzhan du skye bar 'gyur ba'o// yang rnam pa gsum ste/ bsam gtan dang 'brel pa dang / bsam gtan dang 'brel pa ma yin pa dang / rnam par smin pa dang 'brel pa ma yin// pa'o// de la bsam gtan dang 'brel pa zhes bya ba ni/ ji ltar bsam gtan dang po'i sa nas bsam gtan gnyis pa'i sa ra 'brel ba yin te/ ba sam gtan gsum pa 'am bzhi par ma yin no// bsam gtan dang 'brel ba ma yin pa ni sbyin pa dang tshul khrims la sogs pa'o/ / rnam par smin pa dang 'brel ba ma yin zhes bya ba ni/ ji ltar dgra bcom pa zag pa zad pa'i rnam par smin pa myong bar 'gyur/ par nges pa/ tshe dang 'brel pa med pa yin te/ de ltar 'jig rten las kyi dra ba dang 'brel pa rgya mtsho lta bu 'di kun phan tshun rag las shing skye ba'i rim pa'i las kyi rnam par smin par 'gyur te/ 'di la byed pa po 'am/ tshor ba po 'am/ 'dod rgyal gyi las ni gang yang med do snyam mo// dge slong de de ltar sems pa na/ bdud kyi sde rnam par 'jig par byed cing / dge ba'i chos sgrub par byed do//

  204. 103a

    sems can dmyal ba bsdus gzhom gyi las kyi rnam par smin pa chen po yang rjes su mthong ste/ ji ltar na sems can dmyal ba bsdus gzhom gyi gnir skye bar 'gyur snyam na/ des srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa dang / las kyi nyer ba sngogs dang / las kyi mjug dang / las mngon par bsten cing bsgoms te/ mang du byas pas sems can dmyal ba bsdus gzhom gyi 'khor du skye bar 'gyur ba mthong ngo // der sems can dmyal ba'i gzhi'i gnod pa 'di dag 'byung ste/ 'di lta ste/ shing ljon pa'i khrod du/ bya rgod mchu rab tu 'bar ba dag gis bzung nas/ rgyu ma brus te za bar byed do// chu bo phur bus gang ba zhes bya ba na/ phur bu ring po rab tu 'bar ba der bcug nas/ gshin rje mis yang ral gri rab tu 'bar ba mang po dag gis gsod par byed do/ / de der 'dug pa na tshor ba drag cing rtsub pa/ gzhan dang mtshungs pa med pa/ dpe zla med pa dag myong bar 'gyur ro// 'di lta ste/ phur bu rab tu 'bar ba'i tshor ba ni phur bu rab tu 'bar ba dag gis 'bigs par byed cing / sems can dmyal ba de dag gshin rje'i mi de dag gis bzung nas de bzhin du spyod de/ sems can dmyal ba de dag phan tshun du bskyod pas/ rnam par 'khrugs shing ngu bar byed do// de na zangs dmar po skol cing / bzhus pa rab tu 'bar bas lus shing skam lta bur byed de/ rmongs par byed cing sreg par byed

  205. 103b

    do/ / phur bus gang ba'i chu bo der bskol ba na/ sems can dmyal ba de dag kha cig ni lus rtswa ltar rab tu bsreg go// kha cig ni rdo lci ba lta bur nub bo// kha cig ni lus tsa lcibs ltar chu 'gram du byung ngo // kha cig ni lus nya lta bu la bya rgod kyi mchu rab tu 'bar ba des za'o// kha cig ni lus mar gsar gyi gong bu ltar zhu'o// kha cig ni lcags rab tu 'bar ba lta bu'i rdo bas lus kyi khog pa bye ma snyim pa nas gtor ba bzhin du dum bu brgya'am sdong du rlog go/ kha cig ni ba tshwas sreg pa na zangs sam lcags dag nang du bcug pa bzhin du zhu'o// kha cig ni phra skam rab tu 'bar ba dag gis bzung nas/ yang mtshon spu gri lta bus kun tu gsod do/ / kha cig ni lus thags ltar cher brgyangs nas gsod do// kha cig ni kha bub tu bzhag nas gsod do// kha cig ni bum pa'i nang du 'jug par byed do// kha cig ni bum pa de'i nang du bcug nas der mon sran gre'u btso ba bzhin du steng du 'byung zhing 'og tu 'jug go/ kha cig ni steng du byung nas du'o// kha cig ni gcig la gcig 'jus nas du'o// mgon med pa la cig ni bya rgod dang / khwa dang / wa dang / khyi rab tu 'bar ba dag gis sa gzhi rab tu 'bar ba na gnas pa dag bzung nas za ste/ nyin gcig bzhin du tshor ba rnam pa sna tshogs myong ngo // de ltar rang gi sems kyis bslus pa de lta bu de dag ni 'dod pas log par g.yam pa kun tu spyod cing / srog gcod pa dang / ma byin par len pas kun nas bslang ba la dmigs pa de dag ni/ tshor ba'i rnam pa

  206. 104a

    'bum phrag du ma myong bar 'gyur ro/ / yang sems can dmyal ba kun nas mgon tshol ba/ skyabs tshol ba de dag bdag cag nyon mongs pa 'di las skyob pa su zhig yod snyam nas/ kun tu rgyug cing ngu ba na/ gshin rje'i de dag gis gad+han shing rab tu 'bar ba dag gis bsnun cing / chu bo dang / shing ljon pa dang / brag rab tu 'da' ba'i gseb dang / sman ljongs dang / pu nu'i gseb dang / rigs ba dag tu shin tu bcug nas/ gnod pa rnam pa sna tshogs dag byed de/ 'di lta ste/ shing ljon pa shin tu mtho ba'i khar khrid nas yang de nas yang phur bu btsugs pa'i steng du rab tu 'dor bar byed cing / de der yam lag bye brag tu nyams pa brgya 'am stong du 'gyur ro// yang sems can dmyal ba de dag gshin rje'i mi dag gis bzung nas/ lo ma ral gri nags tshal lta bur bcug ste/ 'dab ma spu gri lta bu rab tu 'bar bas patsir to// rang gi las kyis shing ljon pa de la bud med nyams dga' ba/ cha byad me tog gi 'phreng ba dang / phye ma dang / byug pas lus rnam par klubs pa/ rgyan gyi cha byad mchog tu bzang bas mngon par brgyan pa/ shin tu gnon zhing sen mo gtsang la/ sgeg bag can du chas pa byis pa so so'i skye bo thams cad kyi yid 'phrog par byed cing / dga' ba sna tshogs dang ldan pa/ rin po che rnam pa sna tshogs kyi rgyan bkod pa thogs pa mthong ngo // mthong nas sems can dmyal ba de shing drung du song ste/ 'di snyam du sems so// 'di ni mi gang mir gyur cing mi byed pa na bdag gi yin no/

  207. 104b

    snyam nas rang gi las kyis bsgribs pa de shing de la 'dzeg par byed do// de shing de la 'dzeg pa na lo ma ral gri lta bu de dag gis sha gcod par byed do// sha bcad nas rgyus pa gcod do// rgyus pa bcad nas rus pa gcod do/ / rus pa bcad nas rkang 'byin par byed do// de rab gris kun tu gshag pa na/ bud med de la mchog tu chags pa'i blos shing de la 'dzeg par byed do// de las gnod pa 'di dag myong bzhin du sems kyis bsrus pa de shing de la 'dzeg par byed do/ / shing de'i thor to la 'dzegs pa dang / bud med de sa'i steng na gnas shing skyes bu la ltang mthong ngo // skyes bu la kun tu cha pa'i mig gis rnam par lta bar byed cing / skyes bu de la tshig snyan pas 'bod la/ sngar 'dzum zhing snyan par smra ste/ 'di ltar bdag ni khyod kyi slad du 'dir mchis na/ ci'i slad du bdag la tshig mi gsung zhing / bdag gi lus dang mjal bar mi mdzad/ de nas sems can dmyal ba des las kyi sprul pa byas pa de mthong nas/ yang kun tu 'dod chags kyi sems kyis shing lo ma ral gri lta bu de las 'bab par byed do/ / de 'bab pa na lo ma spu gri rab tu 'bar ba lta bu de dag kha gyen du ltas te/ de dag gis kyang sems can dmyal ba de dag sngar sha btogs so// phyi nas rgyus pa gcod de/ de nas rus pa rus pa'i 'og tu gnad thams cad gcod do// de nas rkang brus te shin tu gnad par byas so// de nas sems can dmyal ba snying la 'dod pa'i sred pas yongs su gdungs pa de dag gis

  208. 105a

    bcad cing gshag la gnad dang gnad gcod bzhin du bud med de la lta'o/ / 'di ltar de la lta ba na bya rgod kyi mchu rab tu 'bar bas mig 'byin cing / spu gri rnon po lta bus de'i rna ba yang gcod/ du ba na 'dab ma rab tu 'bar ba de dag gis lha gcod cing / de sna yang gcod do// de'i yan lag dang nying lag thams cad gcod do// 'dod chags kyi sred pas yid phrogs shing yang sa la 'ang bar byed pa dang / yang bud med de shing khar 'dzeg go/ 'dzegs pa dang / de mthong nas yang de shing gi thor to de la 'dzeg par byed pa snga ma bzhin du sbyar te/ de ltar las kyi dbang gis 'phangs pa rang gi sems kyis yongs su bslus pa'i sems can dmyal ba de lo 'bum phrag du mar sems can dmyal bar yongs su 'khyam mo/ / de ltar sems can dmyal ba de don gang gi phyir yongs su gdungs shing / de ltar 'dod pas log par g.yem pa'i rgyus pa sregs kyang de dag 'dod chags dang bral bar mi byed do/ / de ltar sems 'di ni thog ma med pa'i dus nas/ sems can dmyal ba dang / dud 'gro dang / yi dgas su song ba yin te/ de lta bas na sems can dmyal ba dag tu 'gro ba'i sems can gyi sems 'di la yid brtan par mi bya'o// yang sems can dmyal ba bsdus gzhom de na/ ri bya rgod dang nye ba zhes bya ba yod de/ de na sems can dmyal ba skom pa dang bkres pas gdungs pa de dag gis brgyugs pa dang / de'i tshe ri bya rgod dang nye ba la bya rgod lcags kyi mchu rab tu 'bar ba lus che zhing ste/

  209. 105b

    pa che ba dag gnas te/ de dag gi lto'i nang na me mdag yod do// gang gi tshe sems can dmyal ba dag mgon med cing skyabs med na/ ri de la 'dzeg par 'gyur ro// de nas mgon med pa ngu 'bod pa dag la bya rgod de dag gis klad pa btogs shing / klang rgyas brus la mig kyang 'byin par byed do// gang gi tshe de'i klad pa dang / klad rgyas dag la 'thungs nas mgo yang 'dor bar byed do// klad rgyas dang mig phyung ba de dag sems can dmyal ba'i mun pa 'thibs po'i nang du brgyugs pa dang / de las gzhan pa las kyis byas pa'i bya rgod lus che zhing kho lag che ba/ lto ba'i nang na ma mdag yod pa'i bya/ rgod 'ongs te/ des sems can dmyal ba de dag bzung nas za'o// de ltar lto'i nang du song ba de dag lo 'bum phrag du mar sreg kyang de srog gcod pa kun tu bsten cing bsgoms te mang du byas pa'i mthus 'chi ba'i dus mi byed do/ / 'dod pas log par g.yem pa kun tu bstan cing bsgoms te mang du byas pa'i mthus ni/ lo ma ral gri lta bu'i nags su bud med mthong ba yin no// mgrin par len pa kun tu bsten cing bsgoms te mang du byas pa'i mthus ni/ sems can dmyal ba'i phyogs gzhan du 'gro'o// de na yul chu bo mtha' yas pha rol zhes bya ba zangs bskol cing bzhus pas rab tu gang ba'i chu bo de'i pha rol na/ sems can dmyal ba dag gis bza' ba dang / bca' ba dang / gnas mal mang zhing bzang ba dang / grib ma dang / nags tshal shin tu gsal ba dag mthong zhing / chu bo rab tu 'bab pa dang

  210. 106a

    steng ka'i phyogs bsil ba dag mthong ste/ des de dag mthong nas snga ma bzhin du sbyar te/ brgyugs pa dang / gcig la gcig ngu zhing 'khrugs so// grogs po dag tshur shog rma shogabaza' ba dang / bca' ba dang / gnas mal bde ba dag rnyed pa snga ma bzhin du sbyar te/ de nas sems can dmyal ba de dag gis sgra thos nas/ sems can dmyal ba gzhan mgon 'dod pa skyabs 'dod pa/ dpung gnyen 'dod pa dag kun tu rgyug go/ de nas sems can dmyal ba de dag 'dus nas/ kye ma bdag cag gi bde ba dang / mgo na skya bas de phyogs gang nas thob par 'gyur zhes smra'o/ / de nas sems can dmyal ba de dag gis sems can dmyal ba gzhan dag mthong nas smras pa/ kye grogs po dag chu bo mtha' yas pha rol zhes bya ba'i pha rol na/ bza ba dang / bca' ba dang / gnas mal dang / tshal dang / nags tshal mang po dag la ltos shig ces bya ba snga ma bzhin du sbyar te/ de nas sems can dmyal ba de dag thams cad la chu bo mtha' yas rab med des phan tshun gnod pa/ ro nye rab tu bskol ba bzhu ba'i debu bas khebs pa dag tu de dag thams cad der lhung ngo // lhung nas kha cig ni mar gsar gyi gong bu ltar zhu'o// kha cig la ni kha mchu rab tu 'bar ba dag gis za'o// kha cig ni nya'i kha rab tu 'bar bas mid de/ lus kyi yan lag dang nying lag zhu pa de dag thams cad chu bo de'i nang du de dag thams cad zhu par gyur ro/ de ga go las ji ltar rigs pa rjes su brtan

  211. 106b

    pa tshigs su bcad de smras pa/ khyed ni sems kyis bslus nas su// bu smad gang gi don byed pa// sdig las byung ba'i zhags pa yis// sems can dmyal ba'i gnas su khrid// blo ngan zhan pa khyed rnams kyis/ / gang gi don du sdig byas pa'i// bu dang chung ma grogs po dang // gnyen 'dab rtsa lag gang du song // mi yi sar ni khyed kyis su// bdag la nges par sdug ma byas// mi yi tha ma bu yi don/ / des na sdig pa khyed kyis byas// gang gis sngan chad sdig byas pa// phyis ni gnod par mi 'gyur min// bu dang chung mas bsdus pa de// sems can dmyal ba drag por 'gro// chung ma gnyen gyis ci byed cing / / bu des ci zhig byed par 'gyur// las kyi lam brgyags yod pa ni// gcig pu sems can dmyal bar sreg/ bde ba byung ba ma smad pa// dge ba'i las ni ma byas pas// byis pa gti mug gis bslus pa// phyi nas don byed ci mi gdung // gang zhig gti mug gis bslus pa// 'dod chags zhe sdang rjes su 'gro// bu dang chung ma bde bya'i phyir// de dag kun gyi 'og/ tu 'gro// srog chags las kyi skye gnas dang // rang gi las kyi 'bras la spyod// legs byas lha yi 'jig rten du// nyes par byas pas de bzhin dma'// de ltar gshin rje'i mi de dag gis sems can dmyal ba bsdus gzhom pa de dag la rjes su bstan pa/ gang khyed cag gis byas pa'i las 'di dag su zhig spyod par 'gyur te/ dge ba 'am mi dge ba rang gis byas pa sprod par 'gyur zhing /

  212. 107a

    ma byas pa ni 'ong bar mi 'gyur la/ byas pa ni chud za bar mi 'gyur ro// de ltar sems can dmyal ba de dag gis ji srid du sdig pa'i las bcom zhing spangs la zad par ma gyur pa de srid du/ sems can dmyal ba bsdus gzhom du lo 'bum phrag du mar btso bar 'gyur ro// de ltar srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa dag gi 'bras bu 'thob par 'gyur ro/ / ji ltar khyad cag gis de dag nyid thob pa 'di ltar sems can dmyal ba de dag las thar nas/ gal te lan grangs gzhan la myong bar 'gyur ba'i las kyis yi dag sa dang dud 'gro dag tu ma skyes la mi rnams dang skal ba mnyam par mir skyes na/ de tshe thung zhing dbul ba chung ma ngan pa dang / de gzhan gyi chung ma la rab tu chags par 'gyur ba 'am/ de chung ma med par 'gyur la/ brnyas shing gzhan gyis bkol bar 'gyur te/ de ltar las de dang rgyu mthun pa'i 'bras bu'i las kyi mthus bslus pa'i mi sems can dmyal bar 'gro ba la 'di dag thams cad 'byung bar 'gyur ro/ / de nas gzhan yang dge slong las kyi 'bras bu rnam par smin pa shes pa des sems can dmyal ba chen po bsdus gzhom gyi 'khor la brtags na/ des tshor ba tshad med pa dang / 'bras bu a la bud lta bur gcod pa dang / gnad dang gnang gcod pa dang / bsdus pa dang / 'jigs par lta ba dang / nyam nga ba mang

  213. 107b

    pa dang ga gnod pa mi bzod pa dang / a tsa zer ba dang / kyi hud zer ba dang / rgyo ba cig pa dang / mchi ma'i rgyun me lta bur mi 'chad pa dang / dbang po thams cad 'gags pa dang / tshor ba mtha' med pa dang / pad+ma lta rags pa dang / pad+ma chen po ltar gas pa dang / me zab dang / lcags kyi me'i rab mthong ste/ 'di dag ni sems can dmyal ba chen po bsdus gzhom gyi 'khor bcu drug yin no/ / de nas las gang gis der skye bar 'gyur snyam nas/ dge slong de sems par byed de/ gang mi dge ba byas pa rnam pa gsum du 'gyur ba mthong ste/ 'di lta ste/ srog gcod pa dang / ma byin par len pa ni snga ma bzhin no// 'dod pas log par g.yem pa kun tu bsten cing bsgoms te mang du byas pa de ni/ de'i myong bar 'gyur bar nges pa yin te/ sems can dmyal ba'i las kyi tshor ba tshad med par skye bar 'gyur ro/ / gang bud med 'os pa ma yin pa la tshul bzhin pa'i 'dod pas log par bsten pa de ni sems can dmyal ba tshor ba tshad med par skye bar 'gyur te/ der gnod pa 'di dag 'byung bar 'gyur ro// 'di lta ste/ gsal shing rab tu 'bar bas ro smad du 'bigs par byed de/ ro smad du bcug pa'i gsal shing des yang gal te rgyang 'bigs par byed de/ gal te ltor/ gal te dbus su/ gal te rked pa'i phyogs su/ gal te phrag par/ gal te dpung mgor/ gal te med par/ gal te kha ra/ gal te klad rgyas 'bigs/ gal

  214. 108a

    rna bar 'bigs te/ de ltar sems can dmyal ba de'i gsal shing de ni yan lag dang nying lag thams cad 'bigs par byed/ gnod pa chen por byed/ sreg par byed/ yan pa thams cad 'tshed par byed de/ de gnod pa de dag myong bar byas nas tshor ba mi bzad par yang rjes su myong bar byed do// 'di lta ste/ lcags kyi phra skam rab tu 'bar bas rlig pa 'byin par byed cing bya rgos kyis kyang bzung nas za ste/ ji tsam du byas la bsags pa'i las bcom zhing spangs la zad par ma gyur pa de srid du ngu skad 'don to// gang gi tshe de'i las zad par gyur pa de'i tshe/ sems can dmyal ba de las thar par 'gyur ro/ / thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de'i mi dge ba'i las kyi rgyu mthun pa'i 'bras bus de yang ma ning du 'gyur ro// de nas gzhan yang dge slong des sems can dmyal ba chen po bsdus gzhom gyi 'khor la brtags na/ des sems can dmyal ba 'bras bu a la bud lta bur gcod pa zhes bya ba mthong ngo // de sems can dag las gang gis skye bar 'gyur snyam na/ des srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pas/ de sems can dmyal ba 'bras bu a la bud lta bur gcod par skye bar mthong ngo // der 'dod pas log par g.yem pa rnam pa du zhig

  215. 108b

    byas pa yin snyam na/ gal te bud med 'os pa ma yin pa'i khar bcug na/ de lus zhig nas ngan 'gro log par ltung ba sems can dmyal bar skye ste/ de la gnod pa 'di dag 'byung bar 'gyur ro// 'di lta ste/ gshin rje'i mis de'i khar phur bu bcug nas/ brdung bas rdung bar byed de/ de phur bu brdungs pa des/ gal te lhag par phug nas/ 'byung bar byed par bskul ba dang rna bar 'byung ngo // lcags kyi snod kyi nang du zangs rab tu bskol bas khar blugs so// des de'i mchu bsregs nas lce sreg go/ lce bsregs nas dkan sreg ste/ de ltar mid pa bsreg pa nas/ lto'i bar du bsreg ste ro// smad du 'byung ngo // 'di dag ni 'dod pas log par g.yem pa kun tu bsten cing bsgoms te mang du byas pa'i las kyi 'bras bu rnam par smin pa yin no// sems can dmyal ba de tshor ba'i rnam pa de dag myong ba ni/ ji srid du de'i sdig pa'i las bcom zhing spangs la zad par ma byas pa de srid du/ lo bye ba 'bum phrag du mar sreg cing 'tshed do// de de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis ma phrogs te/ yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu mthun pa'i 'bras bus de'i kha nas dri rul ba lta bu 'byung ste/ srog chags gang gis tshor ba kun yid 'byung bar 'gyur ro// de nas gzhan yang dge slong las kyi 'bras bu rnam par smin pa shes pa des

  216. 109a

    sems can dmyal ba chen po bsdus gzhom gyi 'khor la brtags na/ des sems can dmyal ba gnad dang gnad gcod pa zhes bya ba mthong ngo // des sems can dag las gang gis skye bar 'gyur snyam nas/ gang gis srog gcod pa dang / ma byin par len pa kun tu bsten cing bsgoms pa mang du byas pa des/ de sems can dmyal ba chen po gnad dang gnad gcod par skye ba mthong ngo / / gang 'dod pas log par g.yem pa la mngon par dga' bar byas pa'i rnam pa ni 'di dag yin te/ 'di lta ste/ bud med gzhan 'dod chags mi 'dod pa de'i mngal ma yin par mthus bcug na/ des lus dang bral nas ngan 'gro log par ltung ba sems can dmyal ba gnang gcod par skye bar 'gyur ro// de la srog gcod pa dang / ma byin par len pa dag gi tshor ba gang yin pa ni snga/ ma bzhin du sbyar ro// 'dod pas log par g.yem pa'i bye brag ni 'di lta ste/ dza ra dza ra nyis 'gyur du byas pa bsregs pa rab tu 'bar ba dag gis kha 'gengs te/ ji srid du de'i sdig pa'i las bcom zhing spangs la zad par ma gyur pa de srid du/ mgon med pa lo 'bum phrag du mar du 'bod do// de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu mthun pa'i 'bras bus de'i chung ma gzhan dag la rab tu

  217. 109b

    'gyur ba zlog par ma nus te/ byas sa pa'i las kyi rnam par smin pa ni tshor ba ma myang gi bar du chud za bar mi 'gyur ro// de nas gzhan yang dge slong des mas can dmyal ba bsdus gzhom gyi 'khor la brtags pa/ sems can dmyal ba 'jigs par lta ba zhes bya ba mthong ngo // der srog nags dag las kyi rnam par smin pa gang gis skye bar 'gyur sngam na/ des srog gcod pa dang / ma byin par len pa dang / 'dod pas log par g.yam pa bsgoms te mang du byas pa/ byas la bsags pa de ni sems can dmyal ba 'jigs par lta bar skye bar 'gyur ba mthong ngo / / de la ji ltar na srog gcod pa dang / ma byin par len pas 'gyur snyam na snga ma bzhin du sbyar nas/ 'dod pas log par g.yem pa ni/ gang gis byis pa gzhan du bzhin du mthus sba ba'i gnas su bcug pa ni/ de lus dang bral nas ngan 'gro log par ltung ba sems can dmyal ba 'jigs par lta bar skye bar 'gyur ro// der gnod pa 'di dag 'byung pabapar 'gyur te/ 'di lta ste/ sems can dmyal ba der sngon mir gyur pa na/ de'i bu gang yin pa mthong ste las kyis byas pa de la 'di ltar de ni mir gyur pa na/ mir gyur pa bdag gi yin no snyam du sred pa'i yon tan 'byung ngo / / de nas bu de la gshin rje'i mi rnams kyis phur bu dag 'debs shing de ltar sba ba'i gnas su phur bu dag btab pa mthong ngo // de mthong nas bu de la 'di sngar

  218. 110a

    gnod pa 'byung ba de'i rnam pa yod pa de srid du yid la sdug bsngal skye zhing / gang la sdug bsngal gnod pa'i me 'byung ba de'i sdug bsngal gyi cha bcu drug yid la sdug bsngal gyis gnod pa skye bar 'gyur te/ yid kyi sdug bsngal khyad par che'o// lus kyi sdug bsngal yang sdug bsngal 'di dag 'byung ste/ de la gnod pa 'byung bar 'gyur ba ni 'di lta ste/ gshin rje'i mi dag gis kha sbub tu bzhag nas lcags rab tu 'bar ba'i snod kyi nang du zangs rab tu 'bar bas de smra ba'i gnas su ldugs so/ / de la de blugs pa dang / sba ba'i gnas dang / sba ba'i gnas bsregs nas long ka sreg/ long ka bsregs nas rgyu ma sreg go// de yang bsregs nas snying sreg go// snying yang bsregs nas mcher pa sreg go// mcher pa yang bsregs nas glo ba sreg go/ glo ba bsregs nas srol gong sreg go/ srol gong bsregs nas mid pa sreg ste/ mchil ma yang bsregs nas lce'i drung sreg go/ lce'i drung yang bsregs nas lce sreg go/ lce bsregs nas rkan sreg go/ dkan bsregs nas klad pa sreg go/ klad pa bsregs nas klad rgyas sreg ste/ 'bar ba de 'og tu byung nas 'gro'o// de ltar 'dod pas log par g.yem pa 'di ni lo 'bum phrag du mar las kyis byas pa'i bu dag mthong ste/ de lus dang yid la sdug bsngal gyis gnod pa ni ji srid du de'i sdig pa'i las bcom zhing spangs la zad par ma byas pa de srid du lo 'bum phrag du

  219. 110b

    mar bsreg ste/ 'chi ba'i dus mi byed do// de phyis de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ de mi rnams dang skal ba mnyam par mir skyes na/ las de dang rgyu mthun pa'i 'bras bus de'i khu chu nyams par 'gyur zhing / de bu med par 'gyur la/ de ma ning zhes bya ste/ skye bo kun gyis smad par 'gyur ro/ / de nas gzhan yang dge slong de sems can dmyal ba chen po bsdus gzhom gyi 'khor la rtog par byed de/ 'khor gzhan gang zhig yod snyam mo// de thos pa las byung ba'i shes pas sems can dmyal ba gzhan 'khums pa zhes bya ba/ 'khums pa'i rang bzhin can yod pa mthong ngo // der sems can dag las gang gis skye bar 'gyur zhe na/ gang gis phyugs mig zlum gcig gi mngal du bud med gzhan zhig yin par bsams te/ de la spyad do snyam pas bcug na/ de lus dang bral nas ngan 'gro log par ltung ba sems can dmyal ba 'khums par skye bar 'gyur ro/ / der gnod pa 'di dag 'byung bar 'gyur te/ 'di lta ste/ ba de dag gam/ rta rgod ma de dag la bdag gi snying gis gang sngon chags pa'i lus yin par bsams pa'i ba 'am/ rta rgod ma las kyis byas pa sems can dmyal bar mthong ngo // de 'dod chags kyis zil gyis non pa'i sems kyis pa 'am/ rta rgod ma de la bsnyags so// de dag gi khong ba'i nang na lcags kyi ma

  220. 111a

    mdag rab tu 'bar ba dag gis gang ste/ gal te de dang phrad na de tshul bzhin ma yin pa'i las byas pa'i sgo des/ khong pa'i nang ma mdag gis gang ba der 'jug par 'gyur te/ de de'i khong pa mun pa der lo 'bum phrag du mar bsreg cing 'tshed de ngu bar yang mi nus so// de ji srid du rnam pa du ma bcom zhing spangs la zad par ma byas pa de srid du 'tshed do// de phyis de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis dud 'gro dang yi dgas dag tu ma skyes la/ gal te mi rnams dang skal ba mnyam par mir skyes na/ gang du rang gi chung ma ma yin pa gzhan dag la byas la bsags pa/ 'dod pas log par g.yem pa rgyu mthun pa'i 'bras bus de yul de lta bur skye bar 'gyur ro// de nas gzhan yang dge slong des gang sems can dmyal ba chen po de'i 'khor la brtags na/ de thos pa las byung ba'i shes pas sems can dmyal ba nyam nga ba zhes bya ba mthong ngo // der sems can dag las gang gis skye bar 'gyur snyam na/ de gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms la mang du byas pas 'gyur ba mthong ste/ srog gcod pa dang / ma byin par len pa ni snga ma bzhin no// 'dod pas log par g.yem pa ni/ skyes pa gang zhig skyes pa la 'jug par byed na/ de lus dang bral nas ngan

  221. 111b

    / 'gro log par ltung ba sems can dmyal ba nyam nga ba mang bar skye bar 'gyur ro// byas la bsags pa'i las kyi mthus der gnod pa 'di dag 'byung bar 'gyur te/ 'di lta ste/ skyes pa/ de nyid sems can dmyal ba der mthong ste/ skra rab tu 'bar zhing lus thams cad rab tu 'bar la/ lus rdo rje ltar rab tu sra ba des 'dzin pa ni ji ltar bye ma chad pa nas gtor ba de ltar yan lag dang nying lag thams cad la gnod pa byed do/ / de mi dge ba'i las kyis shi nas yang 'tsho bar 'gyur te/ de skyes pa rab tu 'bar ba des 'jigs shing zhum par byed do// des ngam grog de dag mthong ste/ de'i nang du lhung ngo // de nam mkha' la gnas pa dang / ji ltar de yungs 'bru tsam du yang mi snang ba de ltar khwa mchu rab tu 'bar ba dag 'ongs nas dum bur gcod do// de yang byung bar gyur nas/ sa la lhung ba dang / der wa kha rab tu 'bar ba dag 'ongs nas za bar byed de/ gal te de'i rus pa dag zad par btogs na yang skye bar 'gyur te/ de byung ba dang / gshin rje'i mi dag gis lcags kyi rdzu ma rab tu 'bar ba dag gi nang du 'tshed do// de ltar ji srid du mi dge ba'i las byas shing bsags pa bcom zhing spangs la zad par ma byas pa de srid du lo 'bum phrag du mar 'tshed cing za la phye mar rlog go/ de phyis sems can dmyal ba nyam nga ba mang ba de las thar par 'gyur te/ thar nas kyang de gal te lan grangs gzhan la myong bar

  222. 112a

    'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de 'dod pas log par g.yem pa'i rgyu mthun pa'i 'bras bus/ de'i chung ma du ma chud za zhing chung ma gcig kyang mi grub la/ kun mi gzhan gyi drung du 'gro bar 'gyur ro// de nas gzhan yang dge slong des sems can dmyal ba chen po bsdus gzhom gyi 'khor la rtog par byed de/ sems can dmyal ba chen po bsdus gzhom gyi 'khor gzhan gang zhig yin snyam mo// de thos pa las byung ba'i shes pas sems can dmyal ba gnod pa mi bzod pa zhes bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem kun tu bstan cing bsgoms te mang du byas pas 'gyur la/ de la srog gcod pa dang / ma byin par len pa ni snga ma bzhin no// 'dod pas log par g.yem pa ni snga'i tshogs gzhan gyi bud med thob nas skyes pa mang po dag la byin zhing bdag nyid kyang mngal lam mngal ma yin par 'jug na/ de lus dang bral nas ngan 'gro log par ltung ba sems can dmyal ba gnod pa mi bzad par skye bar 'gyur ro// dor gnod pa 'di dag 'byung bar 'gyur te/ 'di lta ste/ gshin rje'i mi rnams kyis rkang pa gyen du shing khar btags shing / de gyen du btags pa la mes sreg ste/ gang gis de'i kha la sogs pa lus

  223. 112b

    thams cad sreg cing / de'i tshe de'i mig shin tu sdug gu byung zhing skyes pa dag mes sreg go/ de ltar na sems can dmyal ba de'i tshor ba drag pa/ tsha ba/ rtsub pa/ bzod par dka' ba yin no// de tshor ba des nyam thag pa na 'bod cing ngu skad 'byin la/ ngu zhing khro bo/ sems can dmyal ba de skad 'byin pa de'i khar me bcug ste/ kha'i nang du me bcug pas glo ba dang / mcher ba dang / pho ba dang / long ka dang / mdoms dang / gzhang bsregs pa nas/ rkang pa'i bar du bsregs so// de bsregs pa na yang nyam thag pa'i tshor ba myong bar 'gyur ba'i khwa de dag 'ongs nas/ de'i lus la za bar byed do/ / de tshor ba gnyis kyis zhen nas sreg cing ngu ste/ de ltar sreg pa na/ ji srid du de'i sdig pa'i las bcom zhing spangs la zad par ma byas pa de srid du/ de 'di ltar lo 'bum phrag du mar sems can dmyal ba de'i tshor ba drag cing tsha la mi bzad pa/ gzhan dang mtshungs pa med pa lo 'bum phrag du mar myong bar 'gyur ro// de sems can dmyal ba de las phar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de'i mthus de'i chung ma mchog tu dga' zhing mchog tu blta na sdug pa yang sde'i tshogs gzhan dag gis phrogs pa dang / de'o dod 'bod cing ngu la mya ngan byed do// 'dod pas log par g.yem pa'i rgyu mthun pa'i 'bras bus chung ma de'i phyir 'jig

  224. 113a

    rten 'di dang pha rol tu yang 'o dod 'dod cing ngu bar byed la/ yongs su gdung bar byed do// de nas gzhan yang dge slong des sems can dmyal ba chen po bsdus gzhom gyi 'khor la rtog par byed de/ las gang gis sems can dmyal ba a tsa zer bar skye bar 'gyur snyam nas/ de thos pa las byung ba'i shes pas brtags na/ sngon tshul bzhin ma yin pa yid la byed pas/ bud med gzhan ma rnyed nas lug ma mo 'am/ bong mo la 'jug par byed cing mchod rten nam/ mchod rten gyi phyogs sam/ sangs rgyas la gus pa tsam yang byed pa med pa ni de lus dang bral nas ngan 'gro log par lhung ba sems can dmyal ba a tsa zer bar skye bar 'gyur ro/ / der gnod pa 'di dag 'byung bar 'gyur te/ 'di lta ste/ lcags kyi grog sbur tshor ba chen por skyed pa dag gis yan lag dang nying lag thams cad la za bar byed do/ / sems can dmyal ba de dag gi lto yang mes gang bar 'gyur te/ rang gi las kyi rnam par smin pa drag cing mi bzad pas/ lo 'bum phrag du mar phyi nang sreg cing za'o/ / srin bu a tsa zer zhes bya ba yang skye bar 'gyur te/ gang sems can dmyal ba'i mi de dag gi sha la za'o// sha zos nas khrag 'thung ngo // khrag 'thungs nas rgyus pa gcod do// rgyurgyas pa bcad nas rus pa 'cha'/ rkang 'jib cing rgyu ma dang gnye ma dag la za bar byed do// de sreg cing 'tshed la za ba na/ 'o dod 'bod cing ngul cho nges 'debs shing snying rje rje skad du smre sngags 'don

  225. 113b

    to/ / ji srid du rnam par smin pa'i 'bras bu nye bar ma spyad kyi bar du de'i nyes par spyad pa'i sdig pa'i las drag cing mi 'dod la mi sdug cing yid du mi 'ong bar 'gyur te/ ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar sreg cing 'tshod la za bar byed do/ / de phyis sems can dmyal ba de las thar par 'gyur te/ phar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ mi de'i las kyi rgyu mthun pa'i 'bras bu'i rgyus de la 'gran zla mang zhing / rgyal po'i pho brang 'khor du de'i 'grub pa med par 'gyur/ dbul zhing nor rdzas thams cad nyams par 'gyur la tshe thung bar 'gyur ro// de nas gzhan yang dge slong de sems can dmyal da chen po bsdus gzhom gyi 'khor la rtog par byed de/ las kyi rnam par smin pa byas la bsags pa las nyer bsdogs dang / las kyi mjug gang gis sems can dmyal ba kyi hud zer bar skye bar 'gyur snyam nas/ des thos pa las byung ba'i shes pas brtags na/ srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni/ de lus dang bral nas ngan 'gro log par ltung ba sems can dmyal ba kyi hud zer bar skye bar 'gyur ro/ / der las kyi rnam par smin pa gang gis skye bar 'gyur snyam nas/ de la srog gcod pa dang / ma byin par

  226. 114a

    len pa ni snga ma bzhin no/ / 'dod pas log par g.yem pa ni gang kla klo dag tu skye bar 'gyur te/ de skye ba'i ris mthun pa'i skyon gyis de gal te gang sring mo 'am/ gzhan 'os pa ma yin pa de lta bu dag la spyod par byed na/ de lus dang bral nas ngan 'gro log par ltung ba sems can dmyal ba kyi hud zer bar skye bar 'gyur ro// der gnod pa 'di dag 'byung bar 'gyur te/ 'di lta ste/ sems can dmyal ba der sems can dmyal ba pa dag sreg cing 'tshed la/ gshin rje'i mi rnams kyis gsod pa na/ gang gis dpag tshad lngar gang ba'i sgra de lta bu 'byin to// srid pa bar ma la gnas pa'i sems can dmyal ba des gzhi de las snying rje zhing 'jigs par thos pa/ las kyi dbang gis mi mthun pa'i log par thos te/ de'i du ba gla dpangs snyan pa'i sgra lta bu dang / pheg rdob par thos so/ / de de ltar blta ba na der bdag kyang 'gro'o snyam du sems so// des sems bskyed ma thag tu srid pa nye bar len pa'i rkyen las byung bas der skye bar 'gyur ro// gang dang gang du srid pa bar ma pa'i nye bar len par byed pa de dang der skye bar 'gyur te/ nye bar len pa de byas pas der skyes so// lhan cig skyes ma thag tu sems can dmyal ba'i sdug bsngal 'byung bar 'gyur te/ sgra de dag sems can dmyal ba dag gi ngo bo nyid du thos te/ tshor ba mi bzad cing drag la tsha ba gzhan dang mtshungs pa med cing dpe zla med bdag myong ba na/ sgra de nyis 'gyur gyis snying la 'bigs par byed do// gnod pa 'di dag

  227. 114b

    kyang 'byung bar 'gyur te/ 'di lta ste/ lcags kyi ri rab tu 'bar ba/ khwa spungs pa zhes bya ba yod de/ de dpag tshad stong lnga brgyar 'bar la/ ring khyad gnam la thug pa zhig yod do// de la lcags kyi shing ljon pa dang / lcags kyi khwa rab tu 'bar ba dag gis gang ste/ ri de thams cad kyang rab tu 'bar ba me lce gcig tu gyur cing / kun nas de'i las kyis byas pa'i mas rgyun mi 'chad par rab tu 'bar ba na/ nyes par byas pa'i las kyi ri de pad+ma'i tshal gyis khebs par mthong zhing / pad+ma'i 'dab ma de dag 'od 'phro bar mthong nas de dag gcig la gcig bos te/ grogs po dag tshur shog tshur shog/ ri tshal grib ma bsil ba can du 'dong / tshal sdug pa dag nye bar bsten par bya'o zhes smra'o// de nas sems can dmyal ba pa de dag la gshin rje'i mi rnams kyis rdo'i char dag gis rdeg pa na skyob pa 'dod pa/ skyabs 'dod pa/ mgon 'dod pa dag rig la ba der de dag rgyug go/ ji ltar ri de la de ltar 'dzegs pa dang / ri de yang 'bar ba'i 'phreng bas 'khrugs shing / kun nas rab tu 'bar la/ kha rab tu 'bar ba mchu shin tu rno ba rnams kyis sems can dmyal ba shin tu gang ba de dag mthong nas rgyug cing / sems can dmyal ba de dag la za bar byed de/ kha cig ni klad pa dang / klang rgyas la 'jog kha cig ni mig la/ kha cig ni sna la/ kha cig ni 'gram pa'i pags pa la/ kha cig ni rked pa'i ngos la/ kha cig ni lce la/ kha cig ni mgrin pa la/ kha cig ni mgrin pa'i pags pa la/ kha cig ni

  228. 115a

    ming pa la/ kha cig ni snying la/ kha cig ni glo ba la/ kha cig ni mcher ba la/ kha cig ni rgyu ma la/ kha cig ni gnye ma sbom po la/ kha cig ni lto ba'i pags pa la/ kha cig ni rna ba'i rus pa la/ kha cig ni brla la/ kha cig ni brla'i sbubs la/ kha cig ni rkang pa'i rting pa la/ kha cig ni rting pa'i pags pa la/ kha cig ni rkang mthil la/ kha cig ni gzhang la/ kha cig ni rkang pa'i sor mo la 'thog go/ yang rnam par phye nas za bar byed de/ kha cig ni mdun gyi ngos la/ kha cig ni glo la/ kha cig ni glo'i pags pa la/ kha cig ni lag pa'i rgyab kyi rus pa la/ kha cig ni yan lag dang ting lag thams cad dang / rkang yod pa'i sems can dmyal ba de dag so sor phye nas khwa de rnams kyis za bar byed do// yang las kyi dbang gis skye bar 'gyur te/ skyes nas kyang gshin rje'i mis 'jigs shing khas 'jigs la skyob pa 'dod la/ skyabs 'dod pa dag ri khA spungs pa ga la ba der rgyug go/ de dag gang gi tshe/ las kyis byas pa'i mes 'bar ba'i 'phreng ba 'bar ba'i ri spungs pa de la 'dzeg pa na/ 'bar ba'i 'phreng bas lus yongs su dkris pa dag ri de la lo 'bum phrag du mar sreg par 'gyur ro// ji srid du de'i sdig pa'i las bcom zhing spangs la zad par ma byas shing / ji srid du de'i srog gcod pa dang / ma byin par len pa dang / 'dod pas log par g.yem pa kun tu bslang ba la kun tu bsten cing bsgoms te mang du byas pa'i/

  229. 115b

    las bcom zhing spangs la zad par ma byas pa de srid du lo 'bum phrag du mar de'i las drag cing tsha ba byas la bsags pa'i mthus/ gang dag khwa spungs pa'i ri de'i rtse mo la yang gang gis byung ba dag 'dzeg par byed de/ de dag la 'bar ba de dag gis dpag tshad stong lnga brgyar gyen du bteg bteg ste/ phye ma leb bzhin du sreg par byed kyang / cig car 'chi ba'i dus ni mi byed do// gang gi tshe de bcom zhing spangs la zad par byas pa de'i tshe/ sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgra dang dud 'gro dag tu ma skyes la/ mi rnams dang skal ba mnyam par mir skyes na/ de'i las byas la bsags pa'i rgyu mthun pa'i 'bras bus de'i yan lag dang nying lag thams cad las dri rul ba 'byung zhing / mdze'am/ de la sha bkra 'byung bar 'gyur/ 'gran zla mang zhing phal che la dbul ba dang / yul ngan par skye bar 'gyur ro// de nas gzhan yang dge slong des sems can dmyal ba chen po bsdus gzhom gyi 'khor la brtags na/ des thos pa las byung ba'i shes pas 'khor gzhan mchi ma'i rgyun me lta bu zhes bya ba yod par mthong ngo / / der sems can las kyi rnam par smin pa gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len//

  230. 116a

    pa dang / 'dod pas log par g.yem pa kun tu bsten cing bsgoms te mang du byas pas 'gyur te/ de la srog gcod pa dang / ma byin par len pa ni snga ma bzhin no// 'dod pas log par g.yem pa ni/ dge slong ma tshul khrims ral cing spyod pa ngan pa la sngar gzhan gang zhig gis lhan cig mi tshangs par spyad pa byas la/ phyis gzhan zhig de dang lhan cig byed na/ de lus dang bral bas ngan 'gro log par ltung ba sems can dmal ba mchi ma'i rgyun me lta bur skye bar 'gyur ro// der gnod pa 'di dag 'byung bar 'gyur te/ 'di lta ste/ tsha ba rtsub pa mi 'dod pa'i las kyi rnam pa de lta bu byas par 'gyur/ gang gis kun nas rab tu 'bar ba'i mes sregs pa na/ mchi ma gang 'byung ba de dag me'i mchi mar 'byung ste/ de dag gis lus de dag sreg cing sems can dmyal ba de dag la gnod pa'i rnam pa de lta bus nyen par 'gyur ro/ / de yang gnod pa gzhan dag myong bar 'gyur te/ mig gi nang du seng ldeng gi ma dag mas kun tu 'gengs shing / gshin rje'i mi rnams kyis rus pa rdung / so sor 'byed la smyug ma lta bur 'bud cing sems can dmyal ba so sor 'jigs pa la/ lcags kyi phur bu dang / gtun shing dang / mda' bo che rnams kyis sems can dmyal ba pa de dag gi lus gcod cing 'bigs la/ dum bur rlog go// phra skam rab tu 'bor bas gzhang gdangs pa'i nang du/ zha nye bskol bas kun tu bkang ste/ de'i nang na zha nye bskol bas rab tu

  231. 116b

    sreg la/ phyi rol me shin tu 'bar bas rab tu bsreg go// de gnyis kas sreg pa na tshor ba shin tu tshwa zhing mi bzad pa rnam pa du ma myong bar 'gyur ro// / dam pa'i chos dran/ pa nye bar gzhag pa bam po brgyad pa/ 'dir tshigs su bcad pa/ dmyal ba'i sdig pa'i las kyis su// zha nye dag gis nang blugs shing // me 'bar ba yis phyi rol du// sreg pa shin tu sdug bsngal yin/ / gang dag sdug bsngal las 'bras skyes// tsha ba 'byung ba skye ba ni// khams gsum dag tu de yi dpe// bya bar sla ba ma yin no// rnam gsum 'bras bu gsum skyes pa// khams gsum dag tu skye ba ni/ / sems gsum las bslang nyes gsum skyes// gnas gsum dag tu smin par 'gyur// rgyu dang rkyen ni tshogs pa yis// kun bslang so so de nyid dag/ de yi las kyi rnam smin ni// khams gsum dag na snang ba yin/ / ji lta ji ltar sems 'byung ba// de lta de ltar yongs gyur te// dge ba yis ni dge byed cing // sdig pa yis ni sdig pa byed// las ni sems dang 'brel ba ste// srid pa las dang // 'brel ba yin// sems dang las kyis kun bslang ba// 'di ni 'khor bar yongs su bsgrags// sred pa gang gis bslus pa yis// sdang ba'i sems dang ldan pa'i las// 'dir ni mi dag de byed de// da ni sems can dmyal bar 'tshed/ / gzhan gyis byas pa'i sdig pa ni// gzhan la yongs su smin mi 'gyur// srog chags kun gyis bdag nyid kyi// las kyi 'bras bu dag la spyod// khyed cag rang gi sems kyis

  232. 117a

    su/ / 'di dag thams cad bslus pa yin// me yis yongs su gdungs pa yi// ngu skad don med ci zhig 'byin// de ltar sems can dmyal ba de dag la gshin rje'i mi de dag gis rang gi las dag rang nyid kyis ma myong bar grol ba med do zhes rjes su bstan te/ de ltar las dang 'bras bur 'brel ba ni/ de thams cad srid pa bar mar dmigs so// de ltar rjes su ston pa ni/ ji srid du de'i sdig pa'i las byas shing bsags pa bcom zhing spangs la zad par ma byas pa de srid du/ sems can dmyal ba de dag la/ gshin rje'i mi de rnams kyis lo 'bum phrag du mar sreg cing 'tshed do// phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las byas la bsags pa'i rgyu mthun pa'i 'bras bu'i mthus skran can du 'gyur zhing / skem po 'am/ byad ngan pa 'am/ sgom pa 'am/ lus tshal zhing bsregs pa lta bur 'gyur ro// / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po bsdus gzhom gyi 'khor la brtags na/ de thos pa las byung ba'i shes pas sems can dmyal ba dbang po thams cad kun tu 'gags pa zhes bya ba ji ltar 'dug pa mthong ngo / / der sems can dmyal ba dag las gang gis skye bar 'gyur snyam nas/ des brtags na/ gang gis

  233. 117b

    srog gcod pa dang / ma byin par len pa dang / 'dod pas log par g.yem pa kun tu bstan cing bsgoms te mang du byas par gyur pa de dag sems can dmyal bar skye bar 'gyur te/ de la srog gcod pa dang // ma byin par len pa'i rnam par smin pa ni sngar bshad pa bzhin no// 'dod pas log par g.yem pa kun tu bsten cing bsgoms te mang du byas pa rnam pa dur 'gyur snyam na/ shin tu 'dod chags bdo ba gang gis bud med kyi skye gnas ma yin pa kha 'am/ rkub tu lhan cig 'dod pas log par g.yem pa kun tu ston na/ de lus dang bral nas ngan 'gro log par ltung ba sems can dmyal ba dbang po thams cad kun tu 'gags pa zhes bya bar skye bar 'gyur ro/ / der gnod pa 'di dag 'byung bar 'gyur te/ 'di lta ste/ khar me'i kham gyis gang bar bkang zhing / lcags kyi snod kyi nang du zangs dmar po bzhus pa blugs nas brdzang bas brdzangs la/ 'og nas kyang srog chags mar ko Ta ka'i mchu rab tu 'bar bas za'o// me 'bar ba'i 'phreng ba bcu gcig gis bskor ba'i dbus su gdungs shing sreg ste/ yang sos shing yang sreg go/ grog sbur rab tu 'bar ba dag gis ni mig za la/ zha nyes ni rna ba gang / ral gris ni sna bcad/ spu gris ni lce bcad/ spu gri'i char gyis ni lus gshags te/ dbang po thams cad sdug bsngal chen po myong ba ni/ sems can dmyal ba pa'i rnam par smin pa'i bde ba med cing / sdug bsngal 'byung ba mi bzad la tsha ba/ gzhan dang mtshungs pa med cing dpe zla med pa de'i phyogs 'ga'

  234. 118a

    zhig brjod na/ 'di lta ste/ ji ltar nyi ma'i 'od las mar me'i 'od de bas chung ba de ltar sems can dmyal ba pa'i sdug bsngal rjes su dpag par bya zhing / lha rnams kyi bde ba dang zla med pa de bzhin du/ sems can dmyal ba pa rnams kyi sems can dmyal ba pa'i sdug bsngal yang dpe zla med do// de ci'i phyir zhe na/ lha'i 'jig rten dang / sems can dmyal ba'i bde ba dang / sdug bsngal ni gzhan dang mtshungs pa med de/ 'di ni phyogs gang 'ga' zhig brjod pa yin no// ji srid du de'i sdig pa'i las byas shing bsags pa byang zhing zhi la/ spangs shing zad par ma byas pa de srid du/ de tshor ba mi bzad cing tshal drag pa dag myong bar 'gyur ro// de sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de'i las byas shing bsags pa'i rgyu mthun pa'i 'bras bu'i mthus de'i chung ma sdom pa med par 'gyur la// chung ma des kyang de ltar chom rkun pa dag gnyer nas gsod par byed/ de bzhin du rgyal po'i pho brang 'khor du g.yo thabs sbyar nas gsod par byed/ de bzhin du dug gis gsod par byed cing / de gnyid log pa dang mtshon gyis gsod par byed de/ byas shing bsags pa'i las kyi rnam par smin pa ma myong bar thar pa med do// de nas gzhan yang dge slong des sems can dmyal ba chen po

  235. 118b

    bsdus gzhom gyi 'khor la rtog par byed de/ des thos pa las byung ba'i shes pas sems can dmyal ba tshor ma mtha' med ces bya ba mthong ngo // der sems can dag las gang gis skye bar 'gyur snyam nas/ des brtags na/ srog gcod pa dang / ma byin par len pa'i 'bras bu ni ji skad bshad pa bzhin no// gang shin tu 'dod chags kyi sems kyis bud med 'os ma yin pa rjes su dran nas/ lag pas 'dod pas log par g.yem pa byas na/ de lus dang bral nas ngan 'gro log par ltung ba sems can dmyal ba tshor ba mtha' med par skye bar 'gyur ro// der gnod pa 'di dag 'byung bar 'gyur te/ byas shing bsags pa'i las kyi tshor ba shas che bar 'gyur ba ni 'di lta ste/ me'i tshor ba dang / mtshon gyi tshor ba dang / ba tshwa'i tshor ba dang / nad kyi tshor ba ste/ chor de dag gting dpag dka' zhing / mtha' dpag dka' la mtha' yas pa yin te/ ji skad bshad pa'i tshor ba de dag ni dpe bya bar sla ba ma yin no// de ltar sems can dmyal ba pa dag der rang gi sems kyis yongs su bslus pa yin te/ ji srid du de'i nyes par byas pa'i las bcom zhing spangs la zad par ma byas pa'i bar du lo 'bum phrag du mar sreg cing 'tshed do// de sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir

  236. 119a

    skyes na/ de dbul por 'gyur zhing / ri brags dang / dgon pa dang / 'jigs pa dang / ri brags pa dag gi g.yog bran du 'gyur/ nad rnams kyis rtag tu na par 'gyur ro/ de nas gzhan yang dge slong des sems can dmyal ba chen po bsdus gzhom gyi 'khor la brtags na/ des thos pa las byung ba'i shes pas sems can dmyal ba chen po pad+ma lta gas pa zhes bya ba mthong ngo / / der sems can dag las gang gis skye bar 'gyur snyam na/ de gang gis srog gcod pa dang / ma byin par len pa dang / 'dod pas log par g.yem pa byas la bsam pas/ de sems can dmyal ba pad+ma ltar gas par skye bar mthong ngo // de la srog gcod pa dang / ma byin par len pa ni snga ma bzhin no// 'dod pas log par g.yem pa ni dge sbyong du dam bcas pa gang zhig sngon gyi 'dod pa dag la sems gtong zhing ro myang bar byed na/ yid la byed/ tshul bzhin ma yin pa yid la byed pa'i ro myang ba byas pas/ mtshan mo nyal ba na de'i rmi lam du bud med de nyid dang lhan cig 'khrig par byed cing / sad nas kyang mi tshangs par spyod pa rmi lam rmis pa de nyid kyi ro myang bar byed cing / yang yid la byed/ rjes su yi rang zhing gzhan dag la yang yon tan du 'dzin la/ de dang lhan cig goms par byed/ mang du byed cing / de dang de nyid la dga' bar byed na/ lus de dang bral nas ngan 'gro log par ltung ba sems can dmyal ba pad+ma wAr

  237. 119b

    gas par skye bar 'gyur ro/ / der gnod pa 'di dag 'byung bar 'gyur te/ 'di lta ste/ ji ltar pad+ma'i mdog nyid du gyur pa de ltar/ de'i snang ba kun tu dmar po nyid du gyur te/ der sems can dmyal ba de dag bum pa dag gi nang du 'tshed cing / lcags kyi bre bo'i nang du lcags kyi gtun shing rnams kyis 'chog go/ de de dag las thar nas mtsho chen po'i nang na pad+ma sngon po skyes pa de rgyang ring po nas mthong nas/ de nas sems can dmyal ba pa skyabs 'dod pa/ mgon 'dod pa/ bkres pa dang skom pas yongs su gdungs pa'i lus can dag gnod pa de dag las thar nas bdag cag gis bde ba thob par bya'o zhes der dong ngo / / de nas brgya 'am stong yod pa de dag pad+ma ga la ba der dong ngo // der dong ba dang lam du phur bu btsugs pa dag gis rkang pa la zug go/ rkang pa nyams pa de kha bub tu ltung ngo // kha bub tu lhung ba de dag la phur bu rnams kyis zug go// gal te phyis gan kyal du 'gyel na/ de dag gi rgyab tu phur bu de rnams kyis zug cing 'bigs par byed do/ / gal te glos 'gyel na phur bu de rnams kyis de dag gi gro yang 'bigs par byed do// gal te 'dug na de'i 'og nas 'jug go/ de dag sreg cing 'tshed pa na gcig la gcig skad 'byin te/ skom pa dang bkres pas shin tu gdungs pa'i las can dag/ gcig la gcig 'byin cing ngu'o// mya ngan byed cing smre sngags 'don pa'i yid du gyur pa de dag thams cad pad+ma de la lta zhing

  238. 120a

    'khod pa na/ rgyab nas gshin rje'i mi rnams kyis ral gri dang / dgra sta dang / mda' bo che dang / mdung thung rnams kyis 'debs te/ de ltar sems can dmyal ba mgon 'dod pa/ skyabs 'dod pa/ bsil ba 'dod pa dag thabs 'ga' zhig gis pad+ma de'i drung du phyin te/ de la 'dzegs pa dang / pad+ma de yang seng ldeng gi me'i mdag ma lta bus gang zhing / rdo rje ltar sra ba'i lo ma rnams la de dag 'dzeg ste/ de yang kha zhum par 'gyur ro// de ltar las kyi mtha' nyes par spyad pa dang / nyes par spyad pa'i las kyis ji srid du de'i sdig pa'i las byas shing bsags pa bcom zhing spangs la zad par ma byas pa de srid du/ las kyi dbang gis de dag sems can dmyal ba pad+ma ltar gas pa der lo brgya phrag du ma 'am/ lo stong phrag du ma 'am/ lo bye ba phrag du mar bskol cing 'tshed kyang / de dag dus las 'da' bar ni mi byed do// phyi nas thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dud 'gro dag tu ma skyes la/ mi rnams dang skal ba mnyam par mir skyes la/ de'i las byas la bsags pa dag gi mthus de mig yon du 'gyur/ tshul khrims 'chal cing dbul la tshe thung bar 'gyur ro/ / de nas gzhan yang dge slong des sems can dmyal ba chen po bsdus gzhom gyi 'khor la brtags na/ des sems can dmyal ba pad+ma chen po lta rags

  239. 120b

    pa zhes bya ba mthong ngo / / der sems can dag las gang gis skye bar 'gyur snyam na/ de gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pas sems can dmyal ba pad+ma chen po ltar gas par skye bar 'gyur ba mthong ngo / / de la srog gcod pa dang / ma byin par len pa ni snga ma bzhin no// 'dod pas log par g.yem pa ni dge sbyong dge sbyong du dam bcas pa gang zhing tshul khrims ral la/ lug bong ltar spyod pa/ mya ngan las 'das par 'gro ba la smod pa ni/ 'di ltar tshangs par spyad pa spyod de/ 'dir bdag lha 'am/ gzhan zhig tu 'gyur bar bya ste/ bdag lha'i 'jig rten der lha mos yongs su bskor bar gyur cig snyam ste/ de ltar tshangs par spyod pa de tshangs par spyod pa log par yongs su sngo'o// de sred pa la spyod pa yin te/ de 'khor ba'i rgyur spyod cing / sred pa'i rgyur spyod la/ de sdig pa spyod pa yin/ de nad dang / rga ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa la sogs pa dag las yongs su thar par mi 'gyur ro// shi ste lus dang bral nas kyang ngan 'gro log par ltung ba sems can dmyal ba pad+ma chen po ltar gas par skye bar 'gyur ro/ / der gnod pa 'di dag 'byung bar 'gyur te/ 'di lta ste/ ba tshwa'i chu bo'i rlabs zhes bya ba gang du ba tshwas gang bar ma gyur pa ni/ de na khab kyi bu ga tsam yang med pa/ zheng du dpag tshad lnga yod la

  240. 121a

    chur dpag tshad brgya yod par 'jug go/ / sems can dmyal ba'i chu bo der de dag zhugs pa dang / tshor ba shin tu che ba/ shin tu rtsub pa/ shin tu bzod par dka' ba dag myong ste/ de'i rus pa gang yin pa de dag ni rdor gyur/ sgra gang yin pa de dag ni nya lcibs su gyur/ sha gang yin pa de dag ni 'dam du gyur/ ro nye bskol ba gang yin pa de dag ni chur gyur/ sems can dmyal ba gang yin pa de dag ni nyar gyur te/ chu bo der kha bub tu ded cing skol to// 'gram dag tu chags na khwa mchu rab tu 'bar ba rnams kyis za'o// gal te mgon 'dod pa/ skyabs 'dod pa dag chu bo de las thar nas 'bros pa na/ gshin rje'i mi rnams kyis lcags kyi mdung rab tu 'bar ba dag gis btab nas/ chu bo'i rlabs de nyid kyi nang du 'jug par byed do// de ltar de dag steng du 'byung ba na/ rkang pa 'tshed par byed la/ barba'i sbubs dang / rgyab kyi sha dag 'tshed par byed/ mgul pa'i sha yang chad par 'gyur/ rus pa yang skol bar 'gyur/ mgo'i sha chad cing mgo bong pa yang chad par 'gyur te/ de ltar sems can dmyal ba pa de dag ji lta ji ltar chu bo der 'jug cing / ji lta ji ltar zhugs pa de dag de lta de ltar lo 'bum phrag du mar sreg cing skol la 'tshed do// yang sems can dmyal ba pa de dag nyon mongs pa'i chu bo de las tharas/ mtsho dang / me tog dang / pad+ma sngon po yod par mthong ste/ mgon 'dod pa/ skyabs 'dod pa/ bde ba 'dod pa dag de'i drung du

  241. 121b

    'gro bar 'dod de de'i drung du dong ngo / / pad+ma'i tshal de dag kyang lcags kyi pad+ma yin te/ de dag gi reg pa ni spu gri lta bu yin la/ sems can dmyal ba pa gang dag gi lus de dag la reg pa dag ni gshags par byed cing / gcod par byed la za bar byed cing rdung bar byed do// de ltar gshin rje'i mi rnams kyis mngon par gtses pa dag pad+ma'i tshal de dag la 'dzegs par byed de/ pad+ma de dag gi nang me ma dag gis rab tu gang ba yin la/ steng gi lo ma lcags la byas pa dag gis 'dzums par byed de/ de'i nang du lan du mar sems can dmyal ba pa las byas pa de dag skye bar 'gyur te/ me ma dag des lo 'bum phrag du mar sreg go/ / khwa dag gis sems dmyal ba pa de dag gi mig gis mig za bar byed cing / lce gcod par byed/ rna ba 'bigs par byed/ lus rnam par zad par byed do// de ltar rang gi las kyi 'bras bu la spyod pa'i sems can dmyal ba pa de dag ji srid du de'i sdig pa'i las bcom zhing spangs la zad par ma byas pa de srid du/ sems can dmyal ba chen po pad+ma chen po ltar gas pa der 'tshed par byed do/ / de nas sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la mi rnams dang skal ba mnyam par mir skyes na/ las de dang rgyu 'thun pa'i 'bras bus rmu rdzing can du 'gyur zhing / rtag tu bkres pa dang skom pas gdungs la/ khro bar yang 'gyur ba mthong ngo //

  242. 122a

    de nas gzhan yang dge slong des sems can dmyal ba chen po bsdus gzhom gyi 'khor la brtags na/ des thos pa las byung ba'i shes pas sems can dmyal ba me thab ces bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa ni snga ma bzhin no// 'dod pas log par g.yem pa ni dge sbyong dge sbyong du da bcas pa des/ gang sngon gyi khyim na gnas pa'i bud med dag dang lhan cig tu rgod cing rtses pa dag/ de'i tshe de tshul bzhin ma yin pa yid la byed pas dran zhing / yang dang yang du dran pa nyid du byed/ de la chags shi yongs su rtog par byed/ de 'dod chags de nyid la yang dang yang du sems par byed cing dge ba'i chos la sems par mi byed la/ chos dang 'thun pa'i chos mi sgrub sdug bsngal ba dang / kun 'byung ba dang / 'gog pa'i chos rjes su sems par mi byed cing / rjes su mi slob la/ rjes su mi sgrub/ de las su rung bar mi byed cing / sangs rgyas dang / chos dang / dge 'dun rjes su dran par mi byed/ 'chi ba rjes su dran par mi byed cing / 'khor ba la yid 'byung bar mi byed la/ kha na ma tho ba rdul tsam la yang 'jig par mi lta/ gnas mal dang / na ba'i gsos sman gyi rkyen mang po 'chang bar byed cing / gnas mal dang na pa'i gsos sman gyi rkyen mang po 'os pa ma yin pa gnas mal dang / na ba'i gsos sman gyi rkyen rab tu mang ba de dag des

  243. 122b

    'chang bar byed de/ rnam pa de lta bu byas pa ni de lus dang bral nas ngan 'gro log par lhung ba sems can dmyal ba me thab tu skye bar 'gyur ro// me thab kyi sems can dmyal ba de 'bar/ rab tu 'bar/ kun tu rab tu 'bar zhing me lce gcig tu gyur par sreg ste/ der gang 'bar/ rab tu 'bar/ kun tu rab tu 'bar zhing / me lce gcig tu ma gyur pa ni skra'i rtse mo tsam yang med do// der sems can dmyal ba pa de dag shing ljon pa lta bur rab tu 'bar te/ de 'bar/ rab tu 'bar/ kun tu rab tu 'bar zhing / me lce gcig tu gyur pa der skad 'byin to// de ltar skad 'byin pa na khar mes bkang ngo // de tshor bas nyam thag pa dang / yang de skad 'byin to// de'i rna bar me 'bar ba bcug ste/ bcug nas skad 'byin cing ngu la smre sngags 'don to// de'i snar yang me 'bar ba bcug ste/ de'i lus kyang kun nas rab tu 'bar bar 'gyur te/ de yang shin tu 'khrugs shing skad 'byin la/ smre sngags 'don to// gal te tshul khrims dang mi ldan par gyur pa zhig pha rol gyi bsod snyoms zos na/ de'i lce lkugs rab tu 'bar ba'i glegs mas sreg go/ gal te tshul khrims can tshul bzhin ma yin pa yid la byed pas bud med dag mthong na/ de'i mig sreg par 'gyur ro// gang shin tu chags pa'i sems kyis bud med gzhan dag rgod cing glu dbyangs len la/ sgra 'byin pa thos na/ de'i rna ba ro nya bskol bas 'gengs par 'gyur ro// tshul khrims 'chal pa 'os par 'gyur ba ma yin pa gang

  244. 123a

    gis dge 'dun rnams kyi bdug spos yongs su bzung ba sna bcad cing sreg par 'gyur te/ de ltar tshul khrims 'chal pa de'i dbang po lnga car la sbyar te/ sems can dmyal bar las dang mtshungs pa'i chad pa drag po rab tu 'byung ngo / / las kyi mtha' nyes par spyad pa byas pa de ni ji srid du de'i sdig pa'i las bcom zhing spangs la zad par ma byas pa de srid du/ sems can dmyal ba kun nas me lce 'bar ba'i 'phreng ba 'khrugs pa'i sems can dmyal ba ma thab der sreg cing 'tshed do/ / de de las thar nas/ gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de sdig pa'i las de dang rgyu mthun pa'i 'bras bus/ de byad lag ngan cing long ba dang / zha zhing dbul bar 'gyur la/ dar la bab pa nyid kyi tshe 'chi bar 'gyur ro// de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po bsdus gzhom gyi 'khor la brtags na/ de thos pa las byung ba'i shes pas 'khor gzhan lcags kyi phye ma me mdag gi rab zhes bya ba yod pa mthong ngo // der sems can dag las kyi rnam par smin pa gang gis skye bar 'gyur snyam nas/ des thos pa las byung ba'i shes pas brtags na/ gang gis srid gcod pa dang / ma byin par len pa ni snga ma bzhin no// dge sbyong dge sbyong du dam bcas pa gang gis

  245. 123b

    mi'i gar dang / klu dbyangs dang / rgyan dag gi sgra thos nas tshul bzhin ma yin pa yid la byed pa/ g.yengs pa'i blos rgod pa dang / sgeg pa dang / rtses pa de thos nas khu ba byung la/ byung nas kyang ro myang bar byed cing sogs na/ de lus dang bral nas ngan 'gro log par lhung ba sems can dmyal ba lcags kyi me mdag tu skye bar 'gyur ro// der gnod pa 'di dag 'byung bar 'gyur te/ 'di lta ste/ sems can dmyal ba de'i lcags kyi rab gru bzhi pos bskor ba/ 'khor dpag tshad lnga brgya yod pa de'i nang du sems can dmyal ba pa rang gi las kyis sreg cing / der ma'i char dang / lcags kyi char rgyun mi 'chad par 'bab bo/ / der sems can dmyal ba pa dag lcags kyi char pas yan lag dang nying lag thams cad phye mar rlog la/ me mdag gi char pas gdungs shing sreg go/ de ltar char pa gnyis kyis nyam thag pa dag gnod pa de dag myong bar 'gyur te/ ji ltar sems can dmyal ba pa'i myong ba de dag gi gnod pa gang yin pa de ni dpe bya bar bla ba ma yin no// ji srid du de'i sdig pa'i las bcom zhing spangs la zad par ma byas pa de srid du dus las 'da' bar mi byed de/ rtsub cing mi bzad la tsha ba/ 'jig rten thams cad 'jig par byed cing mi 'dod la mi sdug cing yid du mi 'ong ba'i las byas pa'i tshor ba de lta bu myong bar 'gyur ro/ / de phyis de las yongs su thar par gyur te/ gal te lan grangs gzhan la myong bar 'gyur ba'i las kyis yi dgas dang dung

  246. 124a

    'gro dag tu ma skyes la/ de mi rnams dang skal ba mnyam par mir skyes na/ las de dang rgyu mthun pa'i 'bras bus/ de rtag tu chu bo chen po'i mnyan par rtag tu 'gyur/ rtag tu 'jig pa dang / nad bu can du 'gyur/ glang po che'i sos 'tsho zhing / de rtag tu 'chi bas nyen par 'gyur ro// de nas gzhan yang dge slong des sems can dmyal ba chen po bsdus gzhom gyi 'khor la brtags na/ de 'khor gzhan zhig pa bcu bdun pa ma mthong la/ sems can dmyal ba chen po bsdus gzhom gyi 'khor gyi nye 'khor bcu drug pa las kyi chos kyi rnam par smin pa yod pa mthong ngo / / de sems can rnams kyi las dang 'brel ba/ las kyi 'bras bu rnam par smin pa rnam pa sna tshogs dag mthong nas/ 'khor ba la yod byung ngo // yang dge slong de ji ltar sems can dmyal ba chen po gsum gyi 'khor gyi las kyi 'bras bu'i de kho na nyid rig cing / de las kyi 'bras bu rnam par smin pa dgra 'dzin par byed la/ de lta zhing dmigs par byed de/ srid pa dag la yid 'byung bar thob cing / bdud kyi yul gyi dngos po la mi 'dod pa/ rnal 'byor spyod pa nang gi chos la chos kyi rjes su lta zhing gnas so// de ltar brtson pa'i dge slong des bla'i gnod sbyin dag gis mthong nas/ bar snang la spyod pa'i gnod sbyin rnams la bsnyad do// de dag gis kyang rgyal po chen po bzhi la bsnyad pa nas/ de ltar snga ma bzhin du sbyar te/ tshad med 'od kyi bar gyi

  247. 124b

    lha rnams la bsnyad do/ / snga ma bzhin du sbyar te/ 'dzam bu gling du rigs kyi bu grong che ge mo zhig ces bya ba nas/ skra dang kha spu bregs/ gos ngur smrig bgos te/ dad pas khyim nas khyim med par rab tu byung nas/ des gzhan dgu pa'i bar la zhugs pa ste/ tshad med 'od kyi lha dag gis thos nas dga' bar gyur te/ kye lha dag bdud kyi phyogs ni dmara' bar 'gyur zhing / dam pa'i chos kyi phyogs ni mtho bar 'gyur ba ni bdag cag dga' 'o zhe'o/ / de nas gzhan yang dge slong des sems can dmyal ba gsum mthong nas/ sems can dmyal ba bzhi pa ngu 'bod ces bya ba la rtog par byed do// der sems can dag las gang gis skye bar 'gyur snyam nas/ thos pa las byung ba'i shes pas brtags na/ srog gcod pa dang / ma byin par len pa dang / 'dod pas log par g.yem pa dang / chang 'thung ba bzhi kun tu bsten cing bsgoms te mang du byas pa dag gis las dang / nyar bsdogs dang / mjug byas shing bsags pa dag gis lus dang bral nas ngan 'gro sems can dmyal ba chen po ngu 'bod du skye bar 'gyur pa mthong ngo / / de la srog gcod pa dang / ma byin par len pa dang / 'dod pas log par g.yam pa'i 'bras bu rnam par smin pa ni sngar bshad pa bzhin no// chang dang sbyar ba'i chang kun tu bstan cing bsgoms te/ mang du byas pa ni sems can dmyal ba ngu 'bod du skye bar 'gyur ro// gang gis khyim gyi gnas nas byung ste sdom pa blangs/ bsam gtan gyi bde bas sems sbyangs shing / zhi ba'i dge slong gi dge 'dun dag gi

  248. 125a

    / 'khor du chang khrims te// ra ro bar byag na/ de lus dang bras nas ngan 'gro log par sbyang ba sems can dmyal bar rab tu gdung ba chen pos byas pa'i tshor ba myong bar 'gyur ro// der gnod pa 'di dag 'byung bar 'gyur te/ 'di lta ste/ pra skam gyis kha gdangs pa'i nang du zangs dmar po bskol ba rab tu 'bar ba ldugs so// de 'thung ba na de'i tshe sngar mchu sreg go/ mchu bsregs nas dkan sreg go/ / dkan bsregs nas lce sreg go// lce bsregs nas mid pa/ de bzhin du srol gong / de bzhin du gnye ma dang / rgyu ma dang / de bzhin du pho ba dang / long ka bsregs nas ro smad du 'byung par 'gyur la/ de ltar chang 'thung ba de ni mi dge ba myong bar 'gyur te/ de'o dod 'bod cing ngu/ 'khrug cing smre sngags 'don to// de shin tu 'khrug pa na/ gshin rje'i mi dag gis rjes su bstan pa tshigs su bcad de smras pa/ sdig pa dag ni byed pa na// 'bras bu tsha ba shes par gyis// rmongs pa gang zhig bdag mi shes// phyi nas de ni yongs gdung 'gyur// ji ltar blo gros ngan pa dag/ sdig pa dag gis las byas pa/ / ma du de ltar la gor spyod// smre sngags don med ci zhig 'don// sdig pa'i las kyi 'bras bu ni// mi ni kun gyis thos par 'gyur// gal te bdag nyid bde 'dod na// de ltar sdig pa bsten mi bya/ / dmyal ba drag po chen po pa// de dag las kyang sdig pa'i sems// thar kyang gti mug dbang song ba// yang dang yang du sdig pa byed// 'di yis dmyal bar mi 'gro zhes// sdig pa la ni yid ma

  249. 125b

    rton/ / me chung bas ni ro dang tshal// ljon par bcas pa sreg pa bzhin// rmongs pa sdig pa byed 'dod la// gnod pa 'byung la 'dod mi byed// sdig pa'i rjes su 'bras bu 'jug/ rgyu dang rkyen las byung ba mthong / / chos ni ci phyir bsten mi bya// sdig pa'ang ci phyir rnam smin spangs// sdig pa spangs pa'i mi dag ni// sems can dmyal ba nyid mi mthong // bdag gi sdig las 'bras bu dag/ rmongs pa gang dag mi/ shes pa// de yis nyes pa 'di thob ste// blo ngan khyod ni de dag spyod// sdig pas sems can dmyal bar 'gro// sdig pas yongs su sreg 'gyur te// sdig pas mya ngan 'das mi thob// sdig pa lta bu'i dgra gzhan med/ / sdig pas sngon ni bslus pa dag/ sdig pas yongs su sreg 'gyur te// sdig pa dag ni mi byed pa// de yis mdun du 'gro mi 'gyur// lam 'di zhi ba gtso bo ste// gang dag sred dbang mi gnas pa'o/ / sred pa spangs pa'i mi dag ni// mya ngan 'das dang nye bar gnas// sdig pa dag ni byed ldan zhing // dge ba rnams kyang mi byed pa// sdig pas sreg 'gyur de lta bas// sdig pa yid la ma byed cig/ sdig pa spyod pa'i mi dag ni/ / nams kyang bde ba mi thob bo// de ltar gal te bdag nyid kyis// bde 'dod chos la rtag tu sten// gang dag sdig pa sten byed pa// sdug bsngal de las sdug bsngal med// de lta ngas na sdig mi bsten/ / gal te sdug bsngal dag gis skyo// legs pas legs pa'i don bya'o// legs la sdig pa'i bya ba dka'// sdig la sdig pa'i bya ba sla// 'phags la sdig pa'i bya ba dkar/

  250. 126a

    ltar gshin rje'i mi de rnams kyis sems can dmyal ba pa de dag la yang dang yang du bshad/ yang dang yang du bsgo zhing gnod pa rnam pa sna tshogs dag byed de/ 'di lta ste/ ri rab tu 'bar la kun tu 'bar zhing mkhregs pa gnyis shugs kyis rgyug ste/ phan tshun 'dus pa de gnyis kyi bar du sems can dmyal ba pa de dag 'jug ste/ 'di lta ste/ ri de gnyis kyis 'bag pa ni ji ltar mngon pa med par de ltar shin tu 'thag go/ / yang 'byung bar 'gyur te/ byung nas kyang yang ri de gnyis kyi dbus su bcug nas 'thag go/ de'i sdig pa'i las zad par ma gyur kyi bar du lo 'bum phrag du ma'i bar du byung zhing 'thag go/ / de sems can dmyal ba'i phyogs de nas thar nas/ skyabs 'dod pa/ mgon 'dod pa/ dpung gnyen 'dod pa dag gzhan du rgyug pa dang / de dag la gshin rje'i mi gzhan rnams dang phrad nas/ lcags kyi rdza ma'i nang du kha bub tu bcug go/ ji srid du de'i sdig pa'i las bcom zhing spangs par ma gyur pa de srid du/ de dag der kha bub tu lo 'bum snyed du sreg par 'gyur ro// skyabs 'dod pa/ mgon 'dod pa/ bde ba 'dod pa de dag rdza mar btso ba de dag las thar nas/ gar bab bab tu 'bros so// ji srid du de'i sdig pa'i las bcom zhing spangs par ma gyur pa de srid du lo 'bum phrag du mar de dag gi mdun du lcags kyi khwa rab tu 'bar ba de dag gis bzung nas/ de dag gis yan lag dang yan lag/ gnad dang gnad/ tshigs dang tshigs su brgya 'am stong du za'o// skyabs 'dod

  251. 126b

    pa/ mgon 'dod pa/ dpung gnyen 'dod pa de dag de las thar nas kyang gar bab bab tu 'bros so// bkres pa dang skem pas gdungs pa de dag mtsho'i chu rab tu dang ba zhig rgyang ring po nas mthong ste/ de dag der brgyugs pa dang / de dag kyang ro nye rab tu bskol bas gang ba yin te/ der khrus bya ba'i phyir 'jug go// gang gi tshe zhugs par gyur pa dang / sa phyogs der de dag las kyis byas pa'i chu srin rnams kyis bzung nas kha bub tu drangs te/ ji srid du de'i sdig pa'i las bcom zhing spangs la zad par ma byas pa de de srid du lo 'bum phrag du mar de dag ro nye de'i nang du skol lo// phyis las kyis byas pa'i chu de dag las thar par 'gyur te/ thar nas kyang tshor bas nyen pa/ skyabs 'dod pa/ mgon 'dod pa/ dpung gnyen 'dod pa dag gar bab bab tu 'bros so// gal te mdun na 'khod pa'i gshin rje'i mi rnams kyis mthong nas de dag der 'dzin te/ bzung nas kyang mdung rtse rab tu 'bar ba dag gis 'bigs par byed do// de dag la mdung rtse de dag par 'ga' rgyab tu phug nas 'byung / bar 'ga' glor phug nas 'byung / bar 'ga' mgrin par phug nas 'byung ste/ sems can dmyal ba pa tshor bas nyen pa dag gi sgra de sems can dmyal ba pa gzhan dag gis phyogs de na glu dbyangs kyi sgrar thos so/ / de yang ngu ba'i sgra yin na las kyi dbang gis snyan par thos te/ skyabs 'dod pa/ mgon 'dod pa/ dpung gnyen 'dod pa de dag gnas der 'gro'o// ji srid de'i sdig pa'i las byas shing bsarba/

  252. 127a

    pa bcom zhing spangs la zad par ma byas pa de srid du lo 'bum phrag du mar de dag ga shin rje'i mi de dag gis bzung nas/ mda' bo che dang / mdung rab tu 'bar ba dag gis 'bigs par byed do/ / de dag de las thar par 'gyur te/ thar nas kyang skyabs 'dod pa/ mgon 'dod pa dag gar bab bab tu 'bros so// de dag gis kyang rgyang mi ring ba na/ grong dang khyim phun sum tshogs pa dang / chu bo dang lteng ka phun sum tshogs pa mthong ste/ de'i phyogs su de dag rgyug cing / de dag grong khyer de'i nang du 'jug go/ grong de dag thams cad kyang rab tu bskol ba 'bar ba yin la nang nas srog chags mar ko Ta ka kha rdo rje lta bu la mche ba rno ba rnams kyis shin tu gang ba yin te/ de dag gang gi tshe grong de'i nang du zhugs par gyur pa dang / khyim de'i sgo gcod par gyur te/ de dag der srog chags mar ko Ta ka mche ba rno la rab tu 'bar ba rnams kyis ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar za bar byed do/ / gnod pa rgya mtsho lta bur gyur pa de las thar nas/ gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ chang btung bar ldud pa gang yin pa de'i nyes par byas pa'i las rgyu mthun pa des/ de sems 'khrugs par 'gyur zhing / dbul ba dang / lam po che dang / bani mdo'i tshong pa dang / byis pa thams

  253. 127b

    cad kyi bzhad gad par gyur cing / bzhin gyi mdog ngan pa dang / so 'ba' zhig snang ba dang / rkang pa shin tu rdol ba dang / lus rtag tu bkres pa dang / skom pas gdungs pa dang / bu dang / chung ma dang pha dang / ma dang / gnyen bshes rnams kyis gtang bar 'gyur ro// gang chang de sdom pa blangs pa dag gis 'thungs na/ de dag sems can dmyal ba chen po du 'bong du rnam par smin pa myong bar 'gyur par rig par bya'o/ / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'dod kyi 'khor la brtags na/ des 'khor sgra chen po zhes bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba kun tu bsten cing bsgoms te mang du byas pas 'gyur ro// de la srog gcod pa dang / ma byin par len pa dang / 'dod pas log par g.yem pa ni snga ma bzhin no// chang 'thung ba ni gang gis gso sbyong ba rnams la chang brud na/ de lus dang bral nas ngan 'gro log par snang ba sems can dmyal ba sgra chen por skye bar 'gyur ro// der gnod pa 'di dag 'byung bar 'gyur te/ 'di lta ste/ ro nya rab tu bzhus pas thog ma nyid du khar ldugs so// ji ltar de dag gis gso sbyong ba rnams la blud pa de ltar lcags kyi bor bu rab tu 'bar nga'i nang nas ldud pa na/

  254. 128a

    ltar sems can dmyal ba gzhan dag na med pa snying rje ba'i sgra de lta bu 'byung bar 'gyur ro// de ltar snying rje ba'i sgra kun tu 'byin pa dang / gang sgra 'byung ba des nam mkha' de thams cad shin tu gang bar 'gyur ro/ / las kyi dbang gis sems can dmyal ba pa de rnams de ltar khro ba na/ khro ba de gshin rje'i mi rnams kyis thos nas kyang nyis 'gyur gyis khro bar byed do// de ltar chang btung ba'i 'thung ba de/ ma legs pa thams cad byed pa yin te/ sems mnyam par bzhag pas dge ba'i tshogs 'dzin par 'gyur ba'i sems de chang gis rnam par 'khrugs par byed do/ / rnam par 'khrug pa'i sems kyis ni bya ba dang bya ba ma yin pa so so'i ngo mi shes so// de na mi dge ba'i tshogs thams cad slong bar 'gyur ro// gang chang btung ba ldud pa ni de'i rgyu mi dge bar 'gyur te/ rgyu ji ltar byas pa de ltar 'bras bu nyes pa dang bcas par 'gyur la/ de gnod pa des shin tu rno ba dang / shin tu yun ring bar gnod pa du ma 'byung ngo // ji srid du de'i sdig pa'i las bcom zhing spangs la zad par ma byas pa de srid du sems can de dag sems can dmyal ba sgra chen po der gnod pa chen po'i sgra 'byin pa du ma dag 'byung bar 'gyur te/ des na sems can dmyal ba de sgra chen po zhes bya'o/ / de dag phyis thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ de mi rnams dang

  255. 128b

    skal ba mnyam par gal te mir skyes na/ rgyu dang 'thun pa'i 'bras bus de yid mi gsungs par 'gyur zhing // de dus zung ngus kyang brjed par 'gyur/ de'i yid gsungs pa chung bas longs spyod med par 'gyur zhing / skye bo yang dga' bar mi 'gyur/ de'i nor de dag med par 'gyur zhing / nad chung ngus kyang 'chi bar 'gyur ro// de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des kye ma sems can dmyal ba ngu 'bod kyi 'khor bcu drug mthong ste/ 'di lta ste/ sgra chen po dang / thams cad sgra 'byin pa dang / skra mer 'bar ba dang / ma'i phye ma srin bu dang / lcags kyi me 'bar ba'i gtun shing dang / rdo me 'bar ba char ltar 'bab pa dang / gsod med dang / lcags tshal dgon pa dang / rab rib kun bsags dang / gshin rje'i mtshams kyi dgon pa dang / shing shal ma li'i tshal dang / shing shal ma la'i tshil chen po dang / chu shing bsregs pa dud pa'i tshal dang / me mdag dud pa'i tshal dang / glog gi na bun tshal dang / kun tu rtog byed de/ de dag ni sems can dmyal ba chen po ngu 'bod kyi 'khor bcu drug yin no// der las kyi rnam par smin pa gang gis skye bar 'gyur snyam nas/ dge slong des brtags na/ des sems can dmyal ba sgra chen po'i 'khor mthong nas/ 'khor gnyis pa thams cad sgra 'byin la rtog par byed do// des brtags na/ srog gcod pa dang / ma byin par len pa dang / 'dod pas log par

  256. 129a

    g.yem pa ni snga ma bzhin no/ / chang 'thung ba ni gang gis kun tu bsten cing bsgoms te mang du byas pa dang / dang po sdom pa blangs ma thag la chang blud na/ de lus dang bral nas ngan 'a/ log par ltung ba sems can dmyal ba thams cad sgra 'byin du skye bar 'gyur ro// der gnod pa 'di dag 'byung bar 'gyur te/ ji lta ji ltar sems can dmyal ba pa rnams lcags kyi gtun shing gis rdeg pa na/ delta de ltar sgra chen po 'byin te/ des sems can dmyal ba'i 'khor de dag thams cad gang bar 'gyur ro// gal te khor yug dang / khor yug chen po'i ri dag dang / chu bo'i 'khor dag med na/ sgra des 'dzam bu'i gling la sogs pa mi'i gnas bzhi po der thams cad du 'byung bar 'gyur ro/ / de'i dud mo'i sgra 'byin pa des ji srid du de'i sdig pa'i las bcom zhing spangs la zad par ma byas pa de srid du snying rje zhing / de srid du ro med pa yin te/ de dag rang gi las dang mthun par sems can dmyal ba pa de dag de srid du ngu ba'i sgra 'byin to// de dag phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ chu dkon pa'i yul dang / 'brog tu skye bar 'gyur te/ srog gcod pa dang / ma byin par len pa dang / 'dod pas log par g.yem pa'i 'bras bu ni snga ma bzhin no// de nas gzhan yang dge slong las kyi 'bras bu rnam par

  257. 129b

    smin pa shes pa des/ sems can dmyal ba ngu 'bod kyi 'khor la brtags na/ des thos pa las byung ba'i shes pas 'khor sgra me 'bar ba zhes bya ba mthong ngo // der sems can dmyal ba pa dag las kyi rnam par smin pa gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni snga ma bzhin no/ / dge bsnyen bslab pa'i gzhi lnga yod pa la chang 'thung ba yon tan yin par bslab pa'i gzhi 'dzin du bcug na/ de lus dang bral nas ngan 'gro log par ltung ba sems can dmyal ba sgra me 'bar bar skye bar 'gyur ro/ / der me'i char rab tu 'bar ba gang yin pa des sems can dmyal ba pa dag gi sgra la sogs pa nas/ rkang pa'i bar dag tu sreg cing 'tshed la rab tu 'bar ro// sems can dmyal ba pa de dag gi rkang pa dag la ni khyi dang / klad pa la ni bya rgod mchu rab tu 'bar ba dang / dbus su ni wa dag gis za ste/ de ltar rang gis mi dge ba'i las byas pas sreg cing za'o// nyon mongs pa de dag du bzhin du gshin rje'i mi rnams la 'di skad ces smras so// bdag cag snying rje'i gnas su gyur// khyed la snying rje med dam ci// khyed la zhi ba med dam ci// bdag la khyed cag snying mi rje/ / de dag gis de skad smras pa dang / gshin rje'i mi dag gis slar smras pa/ ji ltar khyed cag gti mug gis// bsgribs pa'i sdig las mang po byas// mi bzad pa yis khyed cag bdas//

  258. 130a

    de ni nged kyi rgyu ma yin// rmongs pas tshul khrims ma bsrungs shing // sdig pa mang po bsags pa byas// sdig pa mang po bsags pa yi// 'bras bu de ni nye bar gnas// de/ la bdag cag rgyu med de// 'di ni khyed cag nyid kyi rgyu// gang dag sdig pa'i las byed pa// de ni las de'i rgyu yin no// sred pa'i zhags pas bslus pa yi// khyed kyis sdig pa gang byas pa// de ni khyed la dradrug tu 'tshed/ / nged la ci zhig smra bar byed// sdig pa rgyu med ma yin te// sdig ma byas la rnam mi smin// gang gis sdig pa gang byas pa// da la de ni yongs su smin// chang ni dug gi mchog yin te// chang 'thung ba la bsten mi bya// chang 'thung ba la bsten pa ni// dge ba'i chos rnams nyams par 'gyur// gang gis rtag tu chang bstan pa// de yi blo ni mi brtan zhing // blo yo ba la chos med de// de lta bas na chang spongs shig/ nyams med nang na nyams mchog ni// chang zhes mkhas pa rnams kyis bshad// mi la nyams pas nyams byed pa// de lta bas na chang mi sten// chang 'thung ba la sten byed pa/ / mi sdug sdig pa'i chos yin te// de lta bas na dug lta bu'i// chang 'thung ba ni rnam par spongs// chang 'thung ba la gnas pa'i skyon// nor zad ngan pa rjod byed cing // le lo shin tu skyed byed pas/ / de lta bas na de spongs shig/ chang gis 'dod chags skyed byed cing // de bzhin khro dang gti mug dag/ yang dang yang du skyed byed pa// de lta bas na chang spongs shig/ de ltar ji srid

  259. 130b

    du de'i sdig pa'i las bcom zhing spangs la zad par ma byas pa de srid du rang gi las kyi 'bras bu la spyod pa'i sems can dmyal ba pa dag sems can dmyal ba sgra me 'bar bar 'tshed do/ / de dag sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyi sa yi dgas dang dud 'gro dag tu ma skyes la/ mi rnams dang bskal pa mnyam par mir skyes na/ de rgyu 'thun pa'i 'bras bus/ gang du rnam pa thams cad du chang med pa'i yul de lta bur skye bar 'gyur zhing / gzugs dang ro mngon par shes par mi 'gyur ro// de nas gzhan yang dge slong las kyi 'bras bu rnam par smin pa shes pa des sems can dmyal ba ngu 'bod kyi 'khor la rtog par byed de/ sems can dmyal ba chen po ngu 'bod kyi 'khor gzhan gang zhig yod snyam mo/ / des thos pa las byung ba'i shes pas sems can dmyal ba pa me'i phye ma srin bu zhes bya ba mthong ngo // der sems can dag las kyi rnam par smin pa gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni snga ma bzhin no// chang 'tshong ba ni chu mang bar byed la/ rin thang gzhan yin na gzhan du 'tshong ste/ de la skyon kha na ma tho ba brdzun dang / ma byin par len pa dang / chang 'thung ba de dag 'byung ngo // de lus

  260. 131a

    dang bral nas ngan 'gro log par ltung ba sems can dmyal ba me'i phye ma srin bur skye bar 'gyur ro/ / der gnod pa 'di dag 'byung bar 'gyur te/ 'di lta ste/ nad bzhi brgya rtsa bzhi 'byung ste/ rlung las gyur pa brgya rtsa gcig dang / mkhris pa las gyur pa brgya rtsa gcig dang / bad kan las gyur pa brgya rtsa gcig dang / 'dus pa las gyur pa brgya rtsa gcig ste/ sems can dmyal ba pa dag dang 'thun par 'byung ngo / / gang nad gcig gis nyi ma gcig tu 'dzam bu gling dang / byang gi sgra mi snyan dang / nub kyi ba grang spyod dang / shar gyi lus 'phags kyi mi de dag kun sa lus par 'chi bar byed pa'i nad kyi rnam pa de lta bu dag sems can dmyal ba pa de dag la 'byung bar 'gyur ro/ / gnod pa gzhan dag yang dang yang du 'byung ste/ 'di lta ste/ sems can dmyal ba pa rang gi lus de dag la srin bu dag 'byung bar 'gyur te/ gang pags pa dang / khrag dang sha dang / tshal dang / rus pa dang / rkang dag la phug cing phug cing 'thung ngo // de ltar mgon med pa/ gshin rje'i mis 'jigs shing du skad 'byin pa na/ me'i gnod pa rnam pa du ma 'byung ste/ ji srid du de'i sdig pa'i las bcom zhing spangs la zad par ma byas pa de srid du/ me des sreg cing 'tshed la rab tu 'bar bar byed do/ / de dag sems can dmyal ba de las thar bar 'gyur te/ gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam

  261. 131b

    par mir skyes na/ de chang gi nyo 'tshong gi rgyu mthun pa'i 'bras bus sdug bsngal ba dang / dbul bar 'gyur ro// de nas gzhan yang dge slong las kyi 'bras bu rnam par smin pa shes pa des/ sems can dmyal ba ngu 'bod kyi 'khor la brtags na/ sems can dmyal ba lcags kyi me 'bar ba'i gtun shing zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni sems can dmyal ba lcags kyi me 'bar ba'i gtun shing du skye bar 'gyur te/ snga ma bzhin no// seng ge dang / stag dang / gzig dang / ri skyegs dang / shang shang te'u dag chang gis brid de nyams par byas la bzung nas/ bsad pa gang yin pa de ni der skye bar 'gyur ro/ / der gnod pa 'di dag 'byung bar 'gyur te/ 'di lta ste/ lcags kyi gtun shing rab tu 'bar ba dag 'byung ngo // las kyis byas pa'i gtun shing de rnam kyis yan lag dang nying lag thams cad phye mar rlog cing gsod de/ ji ltar bye ma'i tshad tsam du de ltar yan lag dang nying lag thams cad phye mar rlog go// tshor ba des nam thag pa dga'o dod 'bod/ ngu skad 'byin/ smre sngags 'don cing / phan tshun rgyug ste/ brgyugs pa dang / gtun shing rab tu 'bar ba rnams kyis kun tu 'tshog go// ji srid du de'i sdig pa'i las byas shing

  262. 132a

    bsags pa bcom zhing spangs la zad par ma byas pa de srid du/ tshor bas nyen pa'i sems can de dag gshin rje'i mi rnams kyis bzung nas/ spu gri dag gis yan lag nga nyid lag thams cad 'jog cing gshog la 'dral lo/ / de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas nga dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu mthun pas/ dreg pa can du skye bar 'gyur/ de las de dang rgyu mthun pas dbul bar 'gyur zhing / sman pa dang / sman sbyor ba dang bral ba'i yul ngan pa dang / rtswa dang / mya ngan dang / mes tshig pas 'jig pa mang ba'i yul ngan pa dag tu skye bar 'gyur ro// dam pa'i chos dran pa nye bar gzhag pa bam po dgu pa/ de nas gzhan yang dge slong las kyi 'bras bu rnam par smin pa shes pa des can dmyal ba du'abad kyi 'khor la brtags na/ des thos pa las byung ba'i shes pas brtags pas/ 'khor rdo ma 'bar ba char ltar 'bab pa zhes bya ba mthong ngo // der sems can dmya ba dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms

  263. 132b

    te mang du byas pa ni sems can dmyal ba rdo me 'bar ba char ltar 'bab par skye bar 'gyur ro/ / chang ni g.yul 'gyed pa'i don du/ ji ltar glang po che chen pos g.yul du mi mang po gsod par 'gyur te/ de las bdag cag rgyal bar 'gyur ro snyam nas glang po che dag la chang blud de mi bsad na/ de dag las de'i rnam par smin pas sems can dmyal ba rdo me 'bar ba char ltar 'bab par skye bar 'gyur ro/ / der gnod pa 'di dag 'byung bar 'gyur te/ 'di lta ste/ sems can dmyal ba der las las skyes pa me rab tu 'bar ba'i glang po che srog thams cad 'phrog par byed pa 'byung ste/ des mi de bzung nas/ yan lag dang nying lag thams cad phug cing phye mar rlog par byed/ 'phen par byed cing / rnam par 'tshe bar byed/ rnam par 'khrug par byed cing yan lag dang nying lag so sor 'byed par byed do/ / de nas de las thar par 'gyur te/ phyi nas de gshin rje'i mi rnams kyis bzung ngo // bzung nas zangs dmar po rab tu bskol ba'i nang du bcug ste/ ji srid du de'i sdig pa'i las bcom zhing spangs la zad par ma byas kyi bar du de lo 'bum phrag du mar sreg cing 'tshed la gsod par byed do/ / de sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu mthun pa'i 'bras bus/ des glang po che gsod par bshams kyang //

  264. 133a

    glang po che des gsod par 'gyur/ dbul zhing byad bzhin ngan la/ rkang pa dang lag pa bong bu'i rkang pa ltar 'gyur zhing / lus rtag tu rtsub par 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba chen po 'chi med ces bya ba mthong ngo / / der mi dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni snga ma bzhin no/ / chang ni bud med gzhan 'os pa ma yin pa la blud de/ blung nas kyang myos pas 'khrul par byas la/ de dang lhan cig tu mi tshangs par spyad na/ de lus dang bral nas ngan 'gro log par ltung ba sems can dmyal ba 'chi med du skye bar 'gyur ro/ / der gnod pa 'di dag 'byung bar 'gyur te/ 'di lta ste/ khyi rab tu 'bar ba dag gis rlig pa 'byin par byed do/ / phyung zhing bton nas kyang yang shin tu 'jam zhing sdug pa skye bar 'gyur ro// yang 'byin par byed de/ gnod pa don med pas ngu skad 'byin par byed do// de ltar de dag de las thar nas/ ga ra ba bab tu 'bros so/ / de dag bros pas mdun na/ ngam grog chen po de la bya rog dang / bya rgod dang / 'ug pa dang / bya d+h+ya mi ka lcags kyi mchu dang / sen mo rab tu 'bar ba rnams kyis gang ba mthong ngo //

  265. 133b

    ngam grog de la sems can dmyal ba 'khams te/ bzhin gyur pa/ mgon 'dod pa/ skyabs 'dod pa de dag rab tu lhung ngo // de nas bya rog dang / bya rgod dang / 'ug pa mchu dang sen mo rab tu 'bar ba rnams kyis yan lag dang nying lag so sor phye ste za'o/ / ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar yang skye bar 'gyur ro// de dag sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ snga ma bzhin du sbyar te ba las de'i rgyu dang 'thun pa'i 'bras bus rgyal pos bzung zhing lus mdog ngan pa dang / bzhin mdog ngan par gyur cing // de nyid du 'chi ba'i dus byed par 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba ngu 'bod kyi 'khor la brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa snga ma bzhin du des mthong ngo // chang ni dug dang sbyar nas/ dgra gsad par bya ba'i phyir brud na/ lus dang bral nas ngan 'gro log par ltung ba 'khor lcags tshal dgon par skye bar 'gyur ro// 'di lta ste/ lcags kyi 'khor lo 'khor bar rab tu 'bar ba der sems can dmyal ba de dag lcags kyi

  266. 134a

    @khag pas bcings nas lcags kyi 'khor los kor bar byed do/ / bkor ban dgrag shi rje'i mi rnams kyis lan lag dang cing lag thams cad la mtshon chadag gis 'debs par byed de/ ji ltar yungs 'bru tsam du sems can dmyal ba pa de dag gi lus kyi sha de la lhag ma ma lus par byed kyang / de'i las nyes par byas pa'i rnam par smin pas dus las 'da' ba ni mi byed do// gal te de dag las zad nas 'khor lo 'khor ba de las thar nas/ gar bab bab tu 'bros pa dang / de dag las kyis byas pa'i lcags kyi sbrul rnams kyis gzung bar 'gyur te/ ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar za'o/ / de phyis sems can dmyal ba de dag las thar bar 'gyur te/ thar nas kyang gal te lan grangs gzhan la myong bapar 'gyur ba'i las kyis yi dag sa dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu mthun pa'i 'bras bus sbrul gyis 'dzin pa 'am/ mgo'i nor bu 'byin par 'gyur ba 'am/ las de dang rgyu 'thun pa'i 'bras bus sbrul rnams kyis srog dang phral bar 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des 'khor rab rib kun bsags zhes bya ba mthong ngo // der sems can dag las gang gis skye bar

  267. 134b

    'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni snga ma bzhin no// sems can so so 'tsho bar bya ba'i phyir chang 'thung ba'i zong ngam/ rin byin na/ de lus dang bral nas ngan 'gro log par ltung ba sems can dmyal ba rab rib kun bsags su skye bar 'gyur ro// der gnod pa 'di dag 'byung bar 'gyur te/ 'di lta ste/ sems can dmyal ba de thams cad mun pa yin te/ der gnod pa myong ba ni gshin rje'i mi dag kyang mi mngon la/ 'di dag sus byas zhes gnod pa yang mi mngon te/ mun nag las byung ba'i ma'i nang du 'jug go// me de'i 'od kyang shin tu mi gsal ba yin te/ bar skabs skra'i rtse mo tsam yang med pa'i me de'i nang du de dag sreg cing 'tshed la gdungs so/ / ngu zhing skad 'byin pa na/ ji srid du de'i sdig pa'i las byas shing bsags pa bcom zhing spangs la zad par ma byas pa de srid du sog le dag gis kyang mgo la sogs pa nas/ rkang pa'i bar du phyed mar gshag go// phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dag sa dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu mthun pa'i 'bras bus rtag tu skom pa dang bkres pas gdungs par 'gyur zhing / de nor rdzas dang 'bral bar 'gyur la/ gang na

  268. 135a

    bza' btud nyung ba'i gling de dag tu skye bar 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba gshin rje'i mtshams kyi dgon pa zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni snga ma bzhin no// gang gis nad mi bzad pas thebs pa dang / bu btsas pa dag la chang 'thung ba'i zong dang rin gyi don du/ gos kyi rgyu 'am zas kyi rgyu byin na/ de lus dang bral nas ngan 'gro log par ltung ba sems can dmyal ba gshin rje'i mtshams kyi dgon par skye bar 'gyur ro/ / der gnod pa 'di dag 'byung bar 'gyur te/ 'di lta ste/ rkang pa dang sen mo la sogs pa gshin rje'i mi kha 'a bar rab tu 'bar ba ngag gis za bar byed do/ / zos nas kyang gnod pa 'byung bar 'gyur te/ 'di lta ste/ ji srid du de'i sdig pa'i las bcom zhing spangs la zad par ma byas pa de srid du/ mdung zung gi rtse mo rab tu 'bar ba dag gis lo 'bum phrag du mar 'tshed cing sreg la gshag cing gsod do/ / de sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i

  269. 135b

    las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu mthun pa'i 'bras bus de yul ngan pa dang / gnas ngan pa dang / ri brags ngan pa dag tu phag 'tsho ba dang / long bar 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba shing shal ma li'i tshal zhes bya ba yod pa mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa ni snga ma bzhin no// chang 'thung ba ni mchog tu mang pos chang shin tu ra ro bar 'gyur ba'i rdzas de dag sbyor bar byed de/ de'i chang ji ltar kha cig ni dar ba lta bu dang / kha cig ni chu lta bu dang / kha cig ni zho ga chu lta bu de ltar bcos nas/ 'brog dgon par zhugs pa de'i ded dpon dag la blud de/ de yang ra ro zhing shin tu ra ro bar 'gyur/ de kun gyis shin tu ra ro bar byas te/ ra ro ba de dag des bsad nas/ nor gang dang gang yod pa de dang de dag phrogs na des bslus pa yin pas/ de 'jig rten na chom rkun tu rgyu ba zhes bya ba'o// de'i las kyis bskyod pas de lus dang bral nas ngan 'gro log par ltung ba sems can dmyal ba shing shal ma li chen po'i nags su skye bar

  270. 136a

    'gyur ro/ / der gnod pa 'di dag 'byung bar 'gyur te/ 'di lta ste/ me rab tu 'bar ba'i rdo char gyi tshogs kyis lus dag kun tu bsreg cing 'bugs la gcod par byed de/ sa'i bar du sreg par byed do// chu bo rab tu bskol ba'i phyed mdag ma dmar po tsha bas bzhu ba'i chu rtag tu 'jigs pa zhes bya ba yod de/ ji srid du de'i sdig pa'i las bcom zhing spangs la zad par ma byas pa de srid du/ zangs dang ro nyer bsres pa rab tu bskol ba'i chu bo der lo 'bum phrag du mar sreg cing 'tshed la/ gshin rje'i mi rnams kyis kyang ral gri dang / mda' bo che rab tu 'bar ba dag gis kun tu 'debs par byed do/ / de phyis thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu mthun pa'i 'bras bus mig gi mdog gnag cing / rtag tu khro la phrag dog mang por 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ de thos pa las byung ba'i shes pas shing shal ma li chen po'i tshal yod pa mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa

  271. 136b

    kun tu bsten cing bsgoms te mang du byas pa ni lus dang bral nas ngan 'gro log par lhung ba sems can dmyal bar skye bar 'gyur te/ snga ma bzhin no// chang gi dbang du byas nas/ sings po lngar bcos te/ 'brog dgon pa'i skye bo mang po dag la blud na/ de lus dang bral nas ngan 'gro log par ltung ba'i sems can dmyal ba shing shal ya li chen por skye bar 'gyur ro// de chang blud pa'i 'bras bus der gnod pa 'di dag 'byung bar 'gyur/ 'di lta ste/ las kyis byas pa'i shing shal ma li 'phang du dpag tshad gcig tsam yod pa 'byung ste/ 'dab ma spu kri lta bu yin la/ yal ga me 'bar ba lta bu yin/ dud pa gdug cing / rlung dug lta bu 'byung ste/ de ltar chang gi las kyis byas pa de 'byung ngo // gang dpag tshad gcig tshun chad du rlung dug lta bus gnod par byed kyang / srog dang bral bar mi 'gyur ro// ji lta ji ltar shing shal ma la chen po'i nags dpag tshad sum stong yod par chud na/ de lta de ltar ma dag ma dang du bar bsres pa dug lta bu'i shugs kyis sdug bsngal 'bum snyed myong yang dus las 'da' bar ni mi 'gyur ro/ / gang gi tshe shing shal ma li chen po'i tshal du sems can dmyal ba pa gshin rje'i mi rnams kyis 'jig par byas pa chud par gyur pa de'i tshe/ shing rnams las kun nas spu gri lta bu'i char rab tu 'bab ste/ gang lag na ral gri dang / mda' bo che mang po thogs pa 'khrugs pa dag gis yan lag dang / nying lag thams cad dang / rgyus pa dang / gnad dang / ka ran da ra dang / rus

  272. 137a

    pa dang / rkang thams cad yang dang yang du rnam par gsheg cing 'dral la/ dum bur byed do// ka shin rje'i mis 'jigs shing skrag pa de dag lcags kyi shing shal ma li chen po'i rigs khrod na/ kha cig ni grib ma'i nang na zhum zhum por 'dug/ kha cig ni shing khar 'dzeg/ kha cig ni gshin rje'i mi de dag dang brud nas ral gri dag gis 'debs shing gshag go// de chang 'thung ba'i 'bras bus gang dag gis grib ma'i nang na zhum zhum por 'khod pa de dag gi mig kyang bya rgod kyis 'byin cing khu ba yang 'thung ngo / / chang 'thung ba de'i 'bras bus shing de la 'dzeg pa de dag kyang shing de dag las yal ga ltung bas de dag dum bu brgya 'am/ yang na stong du phye mar rlog go/ gang dag tshal de'i thor to la 'dzeg pa de dag pa tshwa'i chu bo bzhus par 'jug ste/ ji srid du de'i sdig pa'i las bcom zhing spangs la zad par ma byas pa de srid du/ lo 'bum phrag du mar rgyus pa dang / rus pa dang / lus nyid la gnod pa myong bar 'gyur te/ 'di ni de'i phyogs 'ga' zhig bstan pa yin no/ / de de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis de yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bus de yid rnam par g.yengs shing nad drag po 'am/ gal te snying nad dam/ gal te ngal skyen pa mang ba 'am/ gal te rkang pam

  273. 137b

    gyis 'debs par 'gyur zhing / gal te long bas nyam thag par 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba chu shing bsregs pa'i dud pa'i tshal zhes bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni snga ma bzhin no/ / chang 'thung ba ni bud med yon tan can dag la thabs gzhan gyi spyod pas brid de blud nas ra ro bar byas te/ sems 'khrul par gyur na/ 'di lta ste/ sems can dmyal ba de ni las de'i rnam par smin pas kun nas dpag tshad lnga yod pa de'i nang dud pas 'khrigs shing rgya mtsho'i glong gi me'i mun nag gis gtibs pa/ zabs su kun nas rgyang grags gsum du sa brkos pa der me ma dag khrol bu rab tu 'bar bas shin tu gang ba'i sa'i bu ga der sems can dmyal ba pa de dag nyin gcig bzhin du 'jug ste/ ngu skad 'byin par yang mi nus shing / de bzhin du 'dzag sgo thams cad kyang mes gang bar 'gyur ro/ / de las thar nas chu shing gi dud pa des de ltar yang dang yang du 'dzag sgo thams cad gang bar 'gyur la/ 'di ltar me de la bde bar sems te/ dung

  274. 138a

    de'i mthu ni de ltar shin tu rno ba nyid yin no/ / de las kyang thar nas ji srid du de'i sdig pa'i las bcom zhing spangs la zad par ma byas pa de srid du/ bya du nga'i mdog gi 'phreng ba zhes bya ba'i mchu shin tu rno bas de dag gi rus pa phug nas rkang dag la za bar byed do/ / de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bus blo dang mjug do dag la gdon gyi nad kyis thebs shing dbul ba dang / tshe thung bar 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pa des sems can dmyal ba me mdag dud pa'i tshal zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni snga ma bzhin no// chang 'thung ba ni dgra gsad pa'i phyir dang / chom rkun dang / rgyal pos bkrabs pa gsad pa'i phyir blud na/ de lus dang bral nas ngan 'gro log par ltung ba sems can dmyal ba me mdag dud pa'i tshal du skye bar 'gyur ro// der gnod pa 'di

  275. 138b

    dag 'byung bar 'gyur te/ 'di lta ste/ der las kyis byas pa'i me mdag spu gri lta bu'i rlung ldang la/ rlung des sems can dmyal ba pa de dag phan tshun gyi shugs kyis thug cing shin tu drug go// de dag gi lus phan tshun thug pa na/ ji ltar bye ma chang pa nas gtor ba bzhin du de ltar lus de dag phye mar rlog go// yang las kyi dbang gis skye bar 'gyur te/ ji srid du de'i sdig pa'i las bcom zhing spangs la zad par ma byas pa de ji srid du/ lo 'bum phrag du mar gnod pa thams cad myong bar 'gyur te/ 'di lta ste/ spu gris gshag cing me'i tshor ba dang / nad kyi tshor ba dang / mtshon cha'i tshor ba dang / pa tshwa'i tshor ba ste/ tshor ba mchog tu tsha ba/ mchog tu 'jigs pa/ de dag ji srid du de'i sdig pa'i las bcom zhing spangs la zad par ma byas pa de srid du/ lo 'bum phrag du mar myong bar 'gyur ro// phyis sems can dmyal ba de las thar nas kyang lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ gal te mi rnams dang skal ba mnyam par mir skyes na las de dang rgyu mthun pa'i 'bras bus gzhang 'brum rim gsum pas thebs par 'gyur zhing / rtag tu grang ba'i rim gyis thebs par 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba glog gi

  276. 139a

    na bun tshal zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang mkhyen par len pa dang / 'dod pas mgo par sa sem pa can tu bstan kyang ba sgoms te sa smrarnam pa ni rdza ma bzhin no// radu drang ba na phyi romam thamangon par ben pa'i ngang chu can dkyus ba'i bsam pas blud na/ lus dang bral nas ngan 'gro log par ltung ba sems can dmyal ba glog gi na bun tshal du skye bar 'gyur ro// de dag la gnod pa 'di dag 'byung bar 'gyur te/ 'di lta// ste/ sems can dmyal ba de khru nyis brgyar sems can dmyal ba'i mas rab tu gang ba der sems can dmyal ba pa dag gshin rje'i mi rnams kyis bzung nas 'jug ste/ rkang pa nas/ mgo la sogs pa'i bar bteg cing bzhus so/ / las kyi rlung gis yang skye bar 'gyur la/ me de ni lo ma sdud pa lta bu yin te/ ji tsam du phyogs bcur thag pas dkris pa bzhin du sems can dmyal ba pa de dag dkris nas/ ji ltar thal ba yang mi mngon pa de ltar sreg par byed do// yang 'byung bar 'gyur te/ ji srid du de'i sdig pa'i las bcom zhing spangs nas zad par ma byas pa de srid du/ de ltar lo 'bum phrag du mar sreg go// de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro

  277. 139b

    dag tu ma skyes la/ mi rnams dang skal ba mnyam par mir skyes na/ de chang 'thung ba'i rgyu mthun pa'i 'bras bus yul ya ba na dang / ba lci ka der skyes shing / bkol bas nyams par 'gyur te shugs drag pas bkol bar 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba du 'bod kyi 'khor la brta na/ des 'khor kun tu rtog byed ces bya ba mthong ngo // der sems can dag las kun tu bsten cing bsgoms te mang du byas pa gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa ni snga ma bzhin no// chang 'thung ba ni ji ltar 'di dag chang gis yid g.yengs na lam du 'jug pa la ngal bar mi 'gyur ro snyam nas/ lam du 'jug pa'i ched dang / rngon pa dag ri dgas bsad pa la 'gro ba mgyogs par 'gyur ro// snyam nas blud na/ de lus dang bral nas ngan 'gro log par ltung ba sems can dmyal ba kun tu rtog byed du skye bar 'gyur ro/ / de dag la gnod pa 'di dag 'byung bar 'gyur te/ 'di lta ste/ 'dod pa gang dang gang nyid kun tu sems pa de dang de nyid gshin rje'i mi dag gis brgya 'am/ yang na stong ngam/ bye ba brgya 'am/ yang na stong du byed de/ sems can dmyal ba'i 'khor gzhan du gnod pa gang dang gang 'byung ba de dag thams cad kyi bzhi 'gyur der 'byung

  278. 140a

    ste/ snga ma bzhin no// sems can dmyal ba pa rnams lag shin rje'i mi dag gis rjes su bstan pa'i tshigs su bcad pa smras pa/ de yi las ni rnam gsum gyis// gnas skabs dgur ni 'tshed byed cing / / rnam par smin pa bzhi bcu tham// drag po rab tu g.yos par 'gyur// don med gni ni chang yin te// sems can dmyal ba'i bcud gad pa// dbang po thams cad rnam nyams shing / / don med pa yi rgyur gyur to// tshig la shin tu dga' ba dang // chags pa dang ni 'jigs pa dang // ngag gi skyon dang rlom pa dang // tshig rtsub gzhi ni 'di yin no// chang gis kun tu g.yengs pa'i yid// bya dang mi bya mi shes pas// mi de phyugs dang mtshungs pa yin// de lta bas na chang spongs shig/ chang gis g.yengs pa'i mi dag ni// gson yang shi ba dag dang mtshungs/ / gang zhig rtag tu gson 'dod pas// rtag par chang ni rnam par spongs// chang ni nyes pa kun gyi gzhi// rtag par don kun med par byed// ngan song gsum gyi them skas te/ / mun nag gnas ni chen po yin// chang gis sems can dmyal bar 'gro// de bzhin yi dgas 'jig rten dang // chang gi skyon gyis bslus pa yi// mi dag dud 'gro rnams bu 'gro/ / dug ga nang du drug ni cang // de bzhin myal pa'i nang na dmyal// mang gyin ngan nad mchog ni// chang zhes mkhas pa rnams kyis bshad/ khro dang dbang po nyams byed song /

  279. 140b

    chen chos ni zad byed la// tshangs par spyod pa 'jig byed pa// mi bzad chang ni skye gnas gcig/ rgyal po dang ni bstan bcos mkhas// chang gis yang bar byed 'gyur na// tha mal mi dag chang 'thung ba/ / srus par 'gyur ba ci zhig smos// chang la ston pa'i mi dag ni// chos rnams kyi ni snga re yin// ngo tsha med par byed pa'i mchog/ yang ba dag tu nye bar bstan// chang gis phrogs par gyur pa'i sems/ / bya ba dang ni mi bya ba// mi shes rnam par mi shes shing // thams cad mi yis mi shes so// gang zhig chang la sten byed pa// skye bo res 'ga' dga' byed cing // res 'ga' yongs su gdung byed la/ / res 'ga' sdig pa byed pa yin// blo ni shin tu rmongs skyed cing // 'jig rten gnyis ni rnam 'jig byed// thar pa'i chos la me lta bur// sreg byed kho na chang yin no/ / mi gang dag ni chang spong ba// chos kyi ngang tshul mnyam par gzhag/ gang na 'chi ba med pa yi// gnas mchog dag tu de 'gro'o// chang 'thung ba yis bslus pa dag/ de ni byed pa dman pa yin/ / mi bzad sems can dmyal bar ltung // don med ci zhig yongs su gdung // 'thung ba'i tshe na chang zhim ste// rnam smin chen mchog tu tsha// kim pa ka nang kim pa ka/ chang zhes mkhas pa rnams kyis bshad/ / bdag la 'di yis mi gnod ces// blo ldan chang la yid ma rton// myong na bsil yang rnam smin tsha// chang ni dmyal bar 'gro bar byed// sdig pa'i chos rnams byed pa la//

  280. 141a

    sems g.yengs pa dag dga' bar byed// phyi nas rnam smin chab ru// blo ngan yongs su gdung bar 'gyur// 'dod pa rnams la blo mi gtang // 'dod pa mchog tu slu ba yin// 'khor ba'i 'ching ba drag po ste/ / sems can dmyal ba kun gyi rgyu// gang zhig 'dod pa rnams la dga'// de yi sdug bsngal mtha' med do// 'dod pa'i sbrul gyis zin pa la// bde ba rnams kyang ga la yod// khyed cag 'dod pa mi bzad cing // drag po sems can dmyal bar 'ongs// gnod pa shin tu mi bzad la// don med ci zhig yongs su gdung // gang tshe 'dod pas bslus pa yi// khyed cag gis ni sdig byas pa/ / de tshe ci phyir khro mi byed// de ring ci zhig yongs su gdung // byas la bsags pa brtan pa yi// las dag gis ni 'bras bu snang // sdig pa'i tshor ba mi bzad pas// de lta bas na sdig mi bya/ / sdig pa sdig pa'i rnam smin de// rtag tu sdig pa rnams su smin// sdig mi byed la sdig med de// de lta bas na sdig pa spongs// sdig pa yongs su spangs pa la// sdig pa'i 'jig pa med pa yin/ / sdig pa rang gis byas pa gnod// gzhan gyis spyod par mi 'gyur ro// de ltar gshin rje'i mi de dag sems can dmyal ba ba de rnams la rjes su ston pa rjes su bstan nas/ ji srid du de'i sdig pa'i las bcom zhing spangs la zad par ma byas pa de srid du gnod pa rnam pa sna tshogs dag byed du 'jug go/ / phyis sems can dmyal ba de las thar par 'gyur te/ thar nas kyang gal te lan grangs

  281. 141b

    gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bus de mchog tu khro bas khro bar 'gyur zhing / bka' blo mi bde bar 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la rtog par byed kyi/ sems can dmyal ba chen po'i 'khor gyi nyen kor la kun tu mi rtog ste/ las kyi 'bras bu rnam par smin pa yang mi mthong ngo // de 'di snyam du sems/ kye ma sems can dmyal ba'i 'khor bcu drug po 'di yang ji ltar yang sos dang / thig nag dang / bsdus 'joms bzhin te/ bye brag tu na sems can dmyal ba der gnod pa gzhan gang dang gang yod pa/ sems can dmyal pa de la tshor ba de dag thams cad bcu 'gyur du 'gyur te/ las byas pa'i rgyu gang brtan pa/ srog gcod pa dang / ma byin par len pa dang / 'dod pas log par g.yem pa dang / sdom pa blangs bas chang ldud pa 'am/ 'thung ba'i las ngan pa bzhi 'gyur byas pas der skye bar 'gyur te/ las de'i 'bras bu rnam par smin pa bzhi 'gyur gyis tshe shin tu ring po de dag la tshor ba shin tu drag pa 'byung ngo / / dge slong des bzhi 'gyur mthong nas las kyi 'bras bu rnam par smin pa ji lta ba bzhin rjes su bsams pa dang / 'khor ba las yid 'byung ba yang bcu 'gyur du yid byung ngo // yang dge slong

  282. 142a

    de sems can dmyal ba ji lta ba bzhin mthong nas/ 'khor ba la shin tu 'jigs shing skrag ste/ sa gzhan bcu pa la zhugs pa/ rnal 'byor spyod pa nang gi chos la chos kyi rjes su lta zhing gnas so/ / de yang sa bla'i gnod sbyin dag gis shes nas/ bar snang la spyod pa'i gnod sbyin dag la mngon par bsnyad do// snga ma bzhin du sbyar te/ tshangs ris dang / tshangs pa mdun na 'don dang / tshangs pa chen po'i bar gyis thos nas/ bdud kyi phyogs ni dma' bar 'gyur zhing / dam pa'i chos kyi phyogs ni mngon par mtho bar 'gyur ro zhes tshangs pa chen po'i ris kyi lha dag dga' ste/ rgya cher snga ma bzhin du sbyar ro// de nas gzhan yang dge slong las kyi 'bras bu rnam par smin pa shes pa des/ sems can dmyal ba gzhan la brtags na/ des thos pa las byung ba'i shes pas sems can dmyal ba ngu 'bod chen po zhes bya ba yod pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms te mang du byas pa rdzogs pa de ni sems can dmyal ba ngu 'bod chen por skye bar 'gyur te/ de la srog gcod pa dang / ma byin par len pa dang / 'dod pas log par g.yem pa dang / chang 'thung ba ni snga ma bzhin no//

  283. 142b

    mchog tu bya bar dka' ba skye bo mkhas pa kun gyis rab tu smad pa/ ngan song kun gyi sgor gyur pa/ rnam pa du zhig gis brdzun du smra ba rdzogs par 'gyur snyam na/ 'di lta ste/ rgyal po 'am/ blon po 'am/ 'khor gyi nang du 'dug kyang rung ste/ gnyis shig chos kyi srang la zhon nas rtsod pa'i tshe/ dbang po 'di ni tshad ma yin te/ gang 'dis smras pa de bdag cag tshad ma yin no// zhes smras pa las/ de yang dran bzhin du don gzhan du smra ba ma/ gal te nor gyi phyir ram/ gal te phyogs bzung ngam/ gal te 'dod chags kyis bdag la bdag nyid bslu ba ni snga ma bzhin te/ 'di ltar brdzun 'di las kha na ma tho bar 'gyur ba cung zad kyang med de/ bdag gis brdzun de bya'o snyam nas/ de ltar de grub na nyes pa don med pa byas pa de las de gnyis kyi nang nas gcig la chad pas gcod de/ gal te gsod du dogs pa 'am/ gal te gsod pa 'am/ gal te khyim 'phrog ste/ ji ltar nyes pa'i tshul dang mthun par brdzun du smras na/ de'i rgyus sdig pa'i mi de lus dang bral nas ngan glo log par ltung ba sems can dmyal ba ngu 'bod chen por skye bar 'gyur ro/ / der tshe shin tu ring bar 'gyur te/ gang 'phrul dga'i lha rnams kyi tshe ni lha'i lo brgyad stong ngo // gang mi'i bgrang ba'i tshul gyis ni mi'i lo brgyad brgya la nyin zhag gcig ste/ de 'phrul dga' ba rnams kyi nyin zhag gcig yin no// de nyin zhag sum cu la zla ba gcig go// zla ba bcu gnyis la lo gcig

  284. 143a

    ste/ sgra de rnams kyi tshe ni lha'i lo brgyad stong yin la/ de ni sems can dmyal ba ngu 'bod chen po'i nyin zhag gcig yin te/ der brdzun smras pa sdig can rnams gnas so// bdag dang gzhan la slu ba ni dge ba'i rtsa ba thams cad ma rung bar byed cing / mun pa chen por gyur pa/ skye bo chen po'i yid ches par mi byed la/ skye bo mkhas pa kun dang lo stong du mi mthun pa nyan thos dang / rang sangs rgyas dang / yang dag par rdzogs pa'i sangs rgyas kyis smad pa/ 'jig rten pa dang / 'jig rten las 'das pa'i lam gyis skyon du bgrang ba/ dge ba'i rtsa ba'i stegs thams cad la sta re lta bur gyur pa/ rtag tu gnod pas yongs su 'gyur ba/ ro myags pa/ snying po med pa las dug lta bur langs pa/ 'khor ba'i 'gro ba ngan pa'i rgyur gyur cing nyal nyil du gyur pa/ kha nas dri ma nam pa bskyed pa/ rtag tu sdug bsngal gyi dra ba'i rgyur gyur pa/ mi 'dod cing mi sdug la yid du mi 'ong ba/ sems can dmyal ba 'jig pa chen po'i pho nya 'chi ba'i tshe rnam par spangs pa chen por byed pa/ gshin rje'i mi'i yul du phyin pa rnams kyi mi mdza' ba chen por gyur pa/ yi dgas dang dud 'gro'i 'gro ba dag la g.yang sa lta bur gyur pa// nyes par byas pa'i las kyi mtha'i rgyur gyur pa/ dbul po'i rgyur gyur pa/ sems can dmyal bar 'jigs pa chen po byed pa/ dud 'gro dag gcig la gcig za ba'i rkyen du gyur pa/ thog ma med pa'i

  285. 143b

    dus nas zhugs pa/ 'khor ba'i sa bon du gyur pa/ brdzun smra ba'i 'bras bus der skye bar 'gyur ro// sems can dmyal ba chen po de'i 'khor ni 'di lta ste/ sgra 'byin shin tu sgra 'byin dang / tshor ba dpag tu med pa dang / tshor ba rtsub cing tsha la bzod par dka' dang / gnod pa dpe med dang / thams cad mun pa dang / 'jig rten par gyi du ba dang / phye ma leb ltar rab tu lta ba dang / srog 'chi ba dang bcas pa dang / gzhan du 'gyur ba dang / bsam pa dga' med dang / phan tshun gnod pa 'jug pa dang / nags tshal mes mched pa'i rgyun lta bu dang / tshor ba ring ba dang / tshor ba mtha' yas dang / khwa'i mchu rdo rje lta bu dang / khrag dang rkang za ba dang / me lce bcu gcig ste/ de dag ni sems can dmyal ba ngu 'bod chen po'i 'khor bcu drug yin no// sems can dmyal ba ngu 'bod chen po der sems can dag las byas shing bsags pa gang gis skye bar 'gyur snyam na/ las kyi nyer bsdogs dang / las kyi lam/ las kyi mjug kun tu bsten cing bsgoms te mang du byas pas/ so sor 'jigs pa chen po sems can dmyal ba ngu 'bod chen por skye bar 'gyur ro// der gnod pa 'di dag 'byung bar 'gyur te/ 'di lta ste/ lce pad+ma'i 'dab ma ltar shin tu 'jam pa de kha nas drangs te/ rgyang grags gsum du brgyangs pa/ gshin rje'i mi 'jigs 'jigs ltar 'dug pas de bzung nas gshin rje'i mi rnams kyis

  286. 144a

    lcags kyi thong gshol rab tu 'bar ba dag gis 'bugs shing rmed la yongs su 'dral lo/ / zangs dmar po rab tu 'bar bas chag chag 'debs shing / lce las byung ba'i srin bu kha rab tu 'bar ba dag skye ste/ gang lce dag la za yang brdzun smra ba des lce de dag phyir kha'i nang du gzhug par mi nus so// de'i kha'i nang gi so gang yin pa de dag la so srin u lu ka la zhes bya ba 'byung ste/ de dag gis 'byin par byed cing / de'i dkan yang las kyis byas pa'i rlung gis bye ma'i phye ma ltar phye mar rlog go// de'i mid pa yang spu gri lta bu'i rlung gis 'jog par byed la/ de'i snying yang srin bu mchu rab tu 'bar ba dag gis za bar byed do// brdzun smra ba'i lus can ni sems can dmyal ba ngu 'bod chen po'i gzhir skyes nas sreg ste/ las byas pas kun nas bslang ba'i lus las byung ba'i srin bu rnams kyis lus rab tu 'bar ba'i rgyu ma dag la za'o/ / de'i nang na 'dug pa'i srin bu rnams dang / nad rnams kyis tshor ba mi bzad cing tsha la drag ba rnams myong ngo / / phyi rol du yang sdug bsngal rnam pa gnyis kyis gnod de/ 'di lta ste/ me las byung ba'i sems can dmyal ba pa dag la gshin rje'i mi rnams kyis tshor ba'i rgyu rnam pa sna tshogs dag gis 'jigs pa skyed do/ / phur bu dag gis kyang yan lag dang nying lag thams cad dang / lus kyi rtsa dang / rgyus pa dang / rus pa'i gse pa thams cad 'bugs par byed do//

  287. 144b

    gzhan yang tshor ba rnams kyis mngon par gtses par 'gyur te/ 'di lta ste/ ste'u yis yan lag nas/ rus pa la sogs pa'i bar thams cad 'jog go// brdzun smra ba smras pa de ni mchog/ tu don ma yin pa byed cing / chos kyi stegs kun las rgal ba yin te/ brdzun smra ba ni don med pa thams cad kyi sgor gyur pa/ dge ba'i lo tog thams cad la ser ba lta bur gyur pa/ ngan 'gro thams cad kyi sgor gyur pa/ bya ba ma yin pa thams cad kyi gzhir gyur pa/ sems can thams cad kyis yid ches par 'gyur ba ma yin pa/ 'phags pa'i skye bo kun gyis mi gtsang ba dang 'dra bar smad par gyur pa/ rdzogs pa'i sangs rgyas dang / nyan thos dang / rang sangs rgyas dang / dgra bcom pa dag gis dug bzhin du rnam par spangs par gyur pa/ 'jig rten pa dang 'jig rten las 'das pa'i lam gyi mun par gyur cing su yang 'dod pa med pa/ gcig tu sems can dmyal ba mngon du gyur cing / gzhan yang mtshungs pa med la/ mun nag tu gyur pa yin te/ rnam pa de dag tu gyur pa don med pa 'byung ba yin no/ / gang dag smra zhing gang dag smras pa na/ sems can dmyal ba ngu 'bod chen por rgyu de dang mtshungs par 'bras bu 'byung ste/ de'i rkang pa mes mar gsar bzhin du 'ju zhing / de'i bar yang sog le rab tu 'bar bas gshag go// de'i lus dang yid thams cad du sdug bsngal zhing don med pa rgyu mthun pa'i 'khor de'i mes sems can dmyal ba pa chen po

  288. 145a

    dag 'tshed pa na/ nad thams cad kyis sems can dmyal ba mtshungs pas kun tu ngu skad 'byin to// nad mi bzad pa de dag gi ming bzung bar bla ba yang ma yin te/ de/ ni ji ltar bstan pa bzhin du ji srid du de'i sdig pa'i las byas shing bsags pa bcom zhing spangs la zad par ma byas pa de srid du/ lo 'bum phrag du ma brgya stong bye ba khrag khrig tu sems can dmyal ba pa'i sdug bsngal myong bar 'gyur ro/ / de phyis sems can dmyal ba las thar par 'gyur te/ thar nas gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de ltar srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dag gi rgyu mthun pa'i 'bras bus de dbul zhing tshe thung la sems g.yengs pa/ ma ning skye bo kun gyis smad cing yid brtan pa'i gnas su mi 'gyur ro// 'dir tshigs su bcad pa/ lus can brdzun du smra ba yi// chos gcig las ni 'gal byas pa// 'jig rten pha rol rnam rgal ba'i// sdig pa don med gang med min// kun la yid ches mi byed pa// brdzun gyi tshig ni ma smra zhig/ 'khor bar gang gis gnod pa ni/ bde 'gro nyid ni mthong mi 'gyur// brdzun tshig rab tu 'jug pa ni// 'jig rten gnyis la gnod byed cing // kun gyis rnam par sdang byed la// chos rnams kun gyi dgon pa yin// gang gis

  289. 145b

    da khyo rgyus/ rdzus pan// A k+ShA gyu/ ga kAr+b+ha spyan/ na / yin zhing / / de ni mun nag skye gnas gcig/ bden pas dman pa'i mi dag ni// mkhas pa kun gyis rnam par spangs// 'jig rten 'dir ni rtswa ltar 'gyur// pha rol ngan song rnams su 'tshed// dpa' bo shin tu brdzun mi smra// nyon mongs brdzun tshig smra ba dag/ kha nas rul ba'i dri 'byung la// phyi nas lus kyis gdung bar 'gyur// bden pa rin chen rnam spangs pa// de la chos ni med pa yin/ / chos ni rnam par spangs pa la// sdug bsngal mtha' med gnas pa yin// chos rnams kun gyi sgron yin zhing // mkhas rnams rin chen lta bur dga'// mtho ris lam gyi dam pa ni// bden pa yin zhes rims bral gsung // bden pa yis ni mtho ris dang // bden par smra ba thar par 'gro// bden pas dman pa'i mi dag ni// khyi dang 'dra bar rab tu bsgrags// gang la bden pa med pa ni/ / tha shal nang na de tha shal// bden pa chos kyi them skas te// snang ba'i 'byung khung chen po yin// thar pa'i chos kyi lam yin zhing // nor gyi nang na nor mchog la// skyabs kyi nang na skyabs mchog ni/ / bden pa yin zhes mkhas pas bshad// snang ba'i nang na snang ba mchog/ mig gi nang na mig dang ldan// nor rdzas med la nor rdzas te// rgyan gyi nang na'ang rgyan

  290. 146a

    bzangs yin/ / bden pa mi zad gter yin te// rgyal po kun gyis dbrog mi nus// mi dag gang gis smra ba ni// 'gro ba mchog tu 'gro ba yin// ji ltar bden pas skyes bu dag/ brgyan pas mdzes de lha 'dra'o// sna tshogs rgyan gyi skyes bu dag/ brgyan pa de ltar mdzes pa min// ji ltar 'jig rten pha rol tu// pa med ma med don med cing // bshes med gnyen med skyabs med pas/ / de ltar rtag tu bden pa smros// me yi nang na me mchog la// dug gi nang na dug mchog ste// ngan 'gro rnams kyi them skas ni// brdzun pa yin zhes yongs su bsgrags/ / reg na dug dang me 'dra ba// brdzun pa rnam par spangs par gyis// brdzun gyis bsregs pa'i mi dag ni// bsregs pa yin zhes mngon par brjod// de ltar mngon par 'bad kun gyis/ / mi dag brdzun ni ma smra zhig/ 'jigs la sogs pa nyon mongs kun// brdzun las byung zhes yongs su brjod// de ltar dge slong de brdzun gyi las kyi 'bras bu'i de kho na lkog tu ma gyur pa mthong ba/ bden pa'i yon tan gyi de kho na mthong ba/ dge ba dang mi dge ba'i de kho na mthong ba/ sems can dmyal ba chen po ngu 'bod chen po'i 'khor la rtog par byed de/ des sems can dmyal ba sgra 'byin shin tu sgra 'byin zhes bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang

  291. 146b

    gis srog gcod pa dang / ma byin par len pa dang / 'dod pas log par g.yem pa dang / chang 'thung ba ni snga ma bzhin no// brdzun smra ba ni rtsod pa'i tshe/ rang gi gnyen 'dab kyi phyir ram/ phyogs gzung ba'i phyir ram/ phyogs su gyur pas smras la/ de smras nas kyang 'chags par mi byed/ skyon du mi 'dzin la/ kun tu bstan cing bsgoms te mang du byas na/ des lus dang bral nas ngan 'gro log par ltung ba sems can dmyal ba sgra 'byin shin tu sgra 'byin du skye bar 'gyur ro/ / der gnod pa 'di dag 'byung bar 'gyur te/ 'di lta ste/ de'i lce gang gis brdzun smras pa de la chad pas gcod par byed de/ gshin rje'i mi rnams kyis spu gris med pa dral nas der 'byin te/ phyung nas ba tshwa'i chu rab tu tsha bas chag chag 'debs so// nang na yod pa'i lce la rul ba'i dri rab tu 'byung zhing / srog chags mar ko Ta ka'i kha rab tu 'bar bas kyang lce de la za'o// lus kyi tshor ba yang gang sems can dmyal ba yang sos la sogs pa'i bshad pa des thams cad kyi mtha' dag snga ma bzhin du ji srid du de'i brdzun gyi las de bcom zhing spangs la zad par ma byas pa de srid du/ sems can dmyal ba pa de la 'byung bar 'gyur ro// de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba

  292. 147a

    mnyam par mir skyes na/ de smyon par 'gyur zhing dbul bar 'gyur/ sems rnam par g.yengs pa dang / tshe thung ba dang / dbang po ma tshang ba dang / skye bo kun gyis smad pa dang / don thams cad med pa'i skal ba can 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba du 'bod chen po'i 'khor la brtags na/ de thos pa las byung ba'i shes pas ji ltar sems can dmyal ba ngu 'bod chen po'i 'khor tshor ba dpag tu med pa zhes bya ba yod pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ 'di ltar gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba byas pa ni snga ma bzhin no// brdzun smra ba ni 'dod chags kyi rgyu'am/ zhe sdang gi rgyu mi bzad pas smras shing / gzhan la yang 'di ltar 'di ni bdag cag/ gi mdza' bo mchog tu sdug pa/ bdag cag la byams pa yin te/ phyogs gzung bar bya yis/ bden par ma smra zhig ces bsgo ste/ gzhan la yang der gzengs bstod cing rab tu bkod de/ btsud na/ de lus dang bral nas ngan 'gro log par ltung ba sems can dmyal ba tshor ba dpag tu med par skye bar 'gyur ro// der gnod pa 'di dag 'byung bar 'gyur te/ gang sems can

  293. 147b

    dmyal ba yang sos la sogs pa'i bshad pa de mtha' dag sems can dmyal ba ngu 'bod chen por 'byung ste/ gang las kyi rgyu lci ba'i phyir gnod pa yang lcing nyid du 'gyur ro// gnod pa lci ba nyid kyang las kyi 'bras bu rnam par smin pa yang dag par ston to/ / de ltar 'di ni dus mtha' med pa nas 'jigs pa dang / rab tu ldan pa'i las dang nyon mongs pa dang bcas pa zo chun gyi rgyud ltar 'khor ba'i 'khor lor rab tu 'jug go/ / sdig pa gzhan thams cad kyi gnod pa gzhan du 'jug pa na/ brdzun du smra ba ni ches sdig pa che ba yin no zhes brjod do// brdzun du smra ba rdzogs pa ni dge ba'i rtsa ba rton pa gcod par byed de/ rgyu ji lta ji lta ba bzhin du 'bras bu yang de lta de ltar 'gyur te/ rgyu 'dis sems can dmyal ba tshor ba dpag tu med par tshor ba 'byung ba gang yin pa de dag brjod par mi nus so/ / der gnod pa ni sems can dmyal ba pa gzhan thams cad dang yang mtshungs pa med de/ sems can dmyal ba sdig pa chen po'i tshor ba 'byung ba ni 'di lta ste/ srin bus bslang ba'i tshor ba dang / srin bu'i tshor ba dang / skom pa dang bkres pa'i tshor ba dang / re thag chad pa'i tshor ba dang / so so'i mun nag gi sdug bsngal mtha' yas pa'i tshor ba dang / phan tshun phog pa'i tshor ba dang / sgra dang / reg pa dang / ro dang / gzugs dang / dri mi 'dod pa'i tshor ba dang / tshe rabs dran pa'i dgra

  294. 148a

    bgegs kyi mtshon chas rab tu gcod pa'i tshor ba dang / ba tshwa'i chu bo las shin tu sgrol ba'i tshor ba dang / phur bu rnams kyis 'debs pa'i tshor ba dang / rmog zag mes bsregs pa'i tshor ba dang / rtswa dar ba ltar gcod cing rdo rje reg pa'i tshor ba dang / kun nas me dang tshal bsregs pa'i me 'bar ba'i 'phreng ba'i tshor ba ste/ de la sogs pa'i sems can dmyal ba dang mthun pa'i tshor ba ji srid du brdzun smra ba nyes par spyad pa bcom zhing spangs la zad par ma byas pa de srid du/ g.yang sa chen po lta bu'i brdzun gyi 'bras bu sems can dmyal ba'i tshor ba dpag tu med pa 'byung ngo / / de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de brdzun smra ba'i rgyu 'thun pa'i 'bras bus de rtag tu nad kyis mngon par 'debs shing / skar bgegs pa dang / kha nad la sogs pa 'byung la/ dbul bar 'gyur/ sbyin pa po 'am/ sbyin bdag la sman slong ba na de yid mi ches par 'gyur te/ 'di yang ngag log par smra'o snyam nas mi 'thob ste/ de nang mi bzad pas thebs nas 'chi ba'i dus byed pa mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba ngu 'bod chen po'i

  295. 148b

    'khor la brtags na/ des thos pa las byung ba'i shes pas sems can dmyal ba tshor ba rtsub cing tshal bzod par dka' ba zhes bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ rgyal po 'am/ blon pos bdag rang gi don du rgyal srid kyi phyir ram/ nor rdzas kyi phyir ram/ srog gi phyir mngon sum du yid ches par smras la/ shin tu mngon par gnod pa byas na/ des lus dang bral nas ngan 'gro log par lhung ba sems can dmyal ba tshor ba rtsub cing tsha la bzod par dka' bar skye bar 'gyur ro// der gnod pa 'di dag 'byung bar 'gyur te/ 'di lta ste/ rang gi lus las las kyis byas pa'i srin bu dag skye ste/ lus thams cad la zhugs shing / gnad thams cad la zhugs la/ chu rgyus thams cad gcod cing rnam par gcod do/ / sems can dmyal ba grub pa dag sha thams cad za zhing glo ba za la/ mi bzad par yongs su 'gyur ba dag/ sems can dmyal ba der tshor ba me ltar shin tu drag pa dang / tshor ba chen po 'phel ba dang / dug gi tshor ba me lta bu dang / tshor ba shin tu drag pa ji skad bshad pa dag ni/ tshor ba rtsub cing tshal bzod par dka' ba yin no// sems can dmyal ba sdig pas 'tsho ba de'i mi bzad pa gang yin pa dag brjod par mi nus so/ / sems can dmyal ba pa de ji srid du de'i sdig pa'i las bcom zhing spangs la zad par ma byas pa de srid du 'tshed do//

  296. 149a

    de phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ gal te mi rnams dang skal ba mnyam par mir skyes na/ las de dang rgyu 'thun pa'i 'bras bus de ma'i mngal du zhugs nas de'i nyes par byas pa'i las des ji srid du de'i nyes par byas pa'i las kyi mtha' spyad pas btsa' bar 'gyur ba de srid du ma yang rtag tu nad bu can du 'gyur/ gang gi tshe ma'i mngal de nas byung nas de phan chad de yang byis pa nas rtag tu nad bu can du 'gyur te/ sman pa thams cad kyi nad gso bar mi nus pa mthong ngo / / // dam pa'i chos dran pa nye bar gzhag pa bam po bcu pa/ de nas yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des sems can dmyal ba gnod pa de pe med pa zhes bya ba mthong ngo // der sems can dag las byas shing bsags pa gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang btung ba 'thung ba dang / brdzun du smra ba kun tu bsten cing bsgoms te mang du byas pas 'gyur ro// 'di lta ste/ bu ram shing dang / sa bsdu ba'i don du zhing gi rnang rgal la sogs pa brdzun dang g.yo thabs kyis 'phrog cing rtsod

  297. 149b

    la/ gzhan la yang brdzun gyis sru na/ lus dang bral nas ngan 'gro log par ltung ba sems can dmyal ba gnod pa dpe med par skye bar 'gyur ro// der gnod pa 'di dag 'byung bar 'gyur te/ gang sems can dmyal ba yang sos la sogs pa de dag thams cad kyi snga ma bzhin du 'byung ngo // gang sems can dmyal ba pa rnams kyi gnod pa 'byung ba ni 'di lta ste/ lcags mgar sdud pa'i dbugs kyis rkang pa gnyis kyi lcags brdung zhing gleb par de bzhin du/ gshin rje'i mi rnams kyis sems can dmyal ba pa de sems can dmyal ba der sdud pa gnyis kyis spyad cing 'ju'o// las kyis bsgrubs pa'i tsha ba thams cad kyis 'bud cing 'jul/ brdung zhing glebs pa ni lcags bzhin du kun tu brdung ngo // yang skye bar 'gyur te/ de nas phyung nas rdza ma'i nang du bcug ste/ ji srid du de'i sdig pa'i las bcom zhing spangs la zad par ma byas pa de srid du mon sran gre'u bzhin du skol to/ / de sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ gal te mi rnams dang skal ba mnyam par mir skyes na yang / las de dang rgyu 'thun pa'i 'bras bus de rtag tu skom pas gdungs shing khro la/ skye bo thams cad yid ches par mi 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba

  298. 150a

    chen po ngu 'bod kyi 'khor la brtags na/ des sems can dmyal ba thams cad mun pa zhes bya ba mthong ngo // der sems can dag las kun tu bsten cing bsgoms te mang du byas pa gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba kun tu bsten cing bsgoms te mang du byas pas 'gyur ro/ / brdzun smra ba yang gzhan gyi bud med la nyal nas/ de rgyal po'i pho brang 'khor du 'di ltar bdag gis bud med 'di la ma nyal zhes smra la/ bud med kyi khyim thab mi de la yang gnod pa byed pa mngon par sgrub na/ de lus dang bral nas ngan 'gro log par ltung ba sems can dmyal ba thams cad mun par skye bar 'gyur ro// der gnod pa 'di dag 'byung bar 'gyur te/ 'di lta ste/ spyi bor phug nas der lce 'byin to/ / phyung nas kyang ral gri dag gis gcod do// bcad cing bcad cing yang skye bar 'gyur ro// yang mtshon cha hu lu ka rab tu 'bar ba dag gis ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar gcod do/ / de sems can dmyal ba de las thar par 'gyur te/ bar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de las de dang rgyu 'thun pa'i 'bras bus de dmus long dang 'on par 'gyur zhing / de skyes ma thag tu la

  299. 150b

    zas lam po che dang / bzhi mdor sdug 'phongs pas 'tsho bar 'gyur ro// khyim gyi sgo du mar kha zas slongs mos 'tsho zhing tshe thung la bu dang chung mas kyang spangs par 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor sems can dmyal ba 'jig rten mun pa dang dud pa zhes bya ba la brtags te/ der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang chang 'thung ba kun tu bsten cing bsgoms te mang du byas pas 'gyur ro/ / brdzun du smra ba yang tshong pa khe spogs kyis 'tsho ba'i phyir/ rdzas 'di ni tshong pa'i nang khrims kyis bdag dbang ste/ 'di gzhan mi dbang zhes des brdzun smras shing / g.yo thabs kyis rdzas 'phrog na/ de lus dang bral nas ngan 'gro log par ltung ba sems can dmyal ba 'jig rten mun pa dang dud pa zhes bya bar skye bar 'gyur ro/ / der gnod pa 'di dag 'byung bar 'gyur te/ 'di lta ste/ snga ma bzhin du gang sems can dmyal ba yang sos la sogs pa la 'byung ba ltar yan lag dang nying lag shin tu 'jam pa thams cad bcad cing gtubs pa dang yang rab tu ngu'o/ / de'i sdig pa'i las kyi rgyu mthun pa rnam par smin pa tshab/ rnam par smin pa chen pos shin tu 'jam pa de dag kyang bcad nas skye'o// samra

  300. 151a

    can dmyal ba pa de cho nges 'debs pa dang / zla ba drug cing lus pa'i rus pa gang yin pa de dag kyang rang gi lus las byung ba'i srin bu rdo rje mchu can la kha rab tu 'bar zhing kha dog sna tshogs can dag gis za la/ gnod pa sna tshogs dang / gnod pa'i tshor ba byed de/ de ltar ji srid du de'i sdig pa'i las bcom zhing spangs la zad par ma byas pa de srid du lo brgya stong phrag du mar ro/ / de phyis sems can dmyal ba de las thar par 'gyur te/ de thar nas gal te lan grangs gzhan la myong bar 'gyur pa'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes kyang / las de dang rgyu 'thun pa'i 'bras bus de'i lus la dri nga ba 'byung / de'i mgo 'am gos la yang drod gsher las skyes pa'i srin bu skye bar 'gyur// zhing / dbul bar 'gyur/ mchu dang bzhin khab ltar phra la tshe thung bar yang 'gyur/ tshig yid mi ches shing skye bo thams cad mi dga' la/ sdug 'phongs par 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags te/ des sems can dag las gang gis skye bar 'gyur snyam nas/ des thos pa las byung ba'i shes pas sems can dmyal ba phye ma leb ltar 'jug pa dang 'dra ba zhes bya ba la brtags na/ gang gis srog gcod pa dang / ma byin par len

  301. 151b

    pa dang / 'dod pas log par g.yem pa dang / chang 'thung ba kun tu bsten cing bsgoms te mang du byas pas 'gyur ro// brdzun smra ba yang dge 'dun gyi rdzas kyi rnam pa nyo ba dang / btsong ba zas sam gos cung zad cig blangs la dge 'dun gzhan la rin thang chen por 'debs shing chags pa dang ldan pa dag dge 'dun de dag la slu bar yang byed de/ 'di ltar bdag gis nyos pa 'di de bzhin du khyod la sbyin no zhes smras la/ skyes bu rmongs pa de tshong pa'i bde ba la chags nas brdzun smra'o// de lus dang bral nas ngan 'gro log par lhung ba sems can dmyal ba phye ma leb ltar 'jug pa dang 'dra ba zhes bya bar skye bar 'gyur ro/ / der gnod pa 'di dag 'byung bar 'gyur te/ 'di lta ste/ khyis lto phug nas rgyu ma dag za'o// gshin rje'i mi rnams kyis ste'u rab tu 'bar ba dag gis rgyab kyi sha bzhogs nas/ srang gcig gam/ srang phyed du srang gis btsal nas khyi dag la sbyin par byed cing / rkang dbyung ba'i phyir ste'u rnon po dag gis rus pa yang 'jog par byed do/ / skum pa rab tu 'bar bas mgul ba'i phyogs phug nas lce 'byin to// yan lag dang nying lag thams cad la phur bu rab tu 'bar ba dag btsugs nas/ sha dag bcad cing rgyus pa 'byin te/ de nyes par byas pa'i las kyi mtha' sprad pa rang gis byas pa'i las spyod cing brdzun smra ba de rnam par 'tshed do// sems can dmyal ba pa dag gshin rje'i mi rnams las

  302. 152a

    thar nas/ me rtag tu 'bar bas gang ba'i sems can dmyal ba der ji srid du de'i sdig pa'i las bcom zhing spungs la zad par ma byas pa de srid du lo 'bum phrag du ma phye ma leb bzhin du skye zhing sreg go/ de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na// las de dang rgyu mthun pa'i 'bras bus de dbul zhing dman la bkren pa dang / gzhan gyis bkol ba'i rigs su skye bar 'gyur/ de byis pa nas shin tu bsrungs kyang mes tshig par 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des sems can dmyal ba shi ma thag tu 'tsho ba zhes bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bstan cing bsgoms te mang du byas na/ de lus dang bral nas ngan 'gro log par ltung ba sems can dmyal ba shi ma thag tu 'tsho bar skye bar mthong ngo / / der sems can dmyal ba yang sos rnams kyi tshor ba gang yin pa de dag thams cad snga ma bzhin du 'byung ba'i steng du/ khyad par du na

  303. 152b

    zo ba dag gis kun tu btags pa dang / phog ma thag tu 'chi bar 'gyur zhing / bteg ma thag tu 'tsho bar 'gyur la/ phog pa dang yang 'chi bar 'gyur te/ de ltar sems can dmyal ba bdag lo 'bum phrag du mar skye ning 'chi'o/ / de nyes par spyad pa'i las kyi mtha' spyad pa de las thar nas/ me tog ut+pa la'i tshal mthong ste/ skyabs 'dod pas der brgyugs pa dang / me tog ut+pa la dag me sngon pos shin tu gang bar gyur to/ / brdzun smra ba de'i 'bras bu gang yin snyam nas/ 'jigs sar 'gro ba'i tshong pa gsad pa'i phyir chom rkun pa gang zhig dge slong gi tshul du zhugs nas/ 'jigs nas chom rkun med do zhes smras pa dang / de dag nang der dong ste phyin pa dang / rkyen des bcom pa'i las de'i 'bras bus me tog ut+pa la gang yin pa de ma dag ma sngon pos gang bar zhugs pa yin te/ rkang pa med cing phyir 'byung bar mi nus so// de'i las kyi tshul de lta bu'i mthus de lag pa dang / rkang pa dang / mig dang bral zhing ji srid du de'i sdig pa'i las bcom zhing spangs la zad par ma byas pa de srid du/ lo 'bum phrag du mar me tog ut+pal ma dag mas gang ba der sreg cing 'tshed la/ gsod cing yang 'tsho bar byed do// de sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dag sa dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pas de rtog pa po dang / g.yo thabs smra bar 'gyur/ de'i nor rdzas thams cad rgyal pos 'phrog cing // de yang

  304. 153a

    bcings pa'i tshe 'chi ba'i dus byed par 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba chen po ngu 'bod kyi sems can dmyal ba gzhan du 'gyur ba zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba kun tu bsten cing bsgoms la mang du byas par 'gyur ro/ / brdzun smra ba yang de dbye ba 'am/ gsod pa 'am/ pha rol las rgyal bar bya ba'i phyir g.yo sgyu smra ba yin na/ 'di lta ste/ bdag ni rtag tu bden par smra ba yin te/ bdag bden par smra zhes 'jig rten kun dad pa bskyed nas/ de de'i tshe brdzun sna tshogs smra ba gang gis yul 'khor 'joms par byed/ skyes bu dam pa gsod par byed/ dgra gzhan dag gi nor rdzas 'phrog par byed do// sngon bden pa smra'o zhes 'jig rten yid ches pa thob par byas shing dad pa bskyed de/ de nas brdzun smra ba ni de cha lugs bzang por bsgyur cing rkun ma brdzun smra ba yin te/ de lus dang bral nas ngan 'gro log par ltung ba sems can dmyal ba gzhan du 'gyur bar skye bar 'gyur ro/ / der gnod pa 'di dag 'byung bar 'gyur te/ 'di lta ste/ rgyang ring po nas de'i ma dang / pha dang / bran dang / bstan grogs dang / sdug

  305. 153b

    pa'i mi dag mthong ngo / / sems can dmyal ba des mthong ba dang / de dag gi kha nas des tshig snyan pa dag thos pa dang / de dag gi drung du mgon 'dod pa/ skyabs 'dod pa/ dpung gnyen 'dod pa/ dpung gnyen// tshol bas rgyug go/ de ji lta ji ltar de dag gi drung du rgyug pa de lta de ltar mdag ma mtsho lta bu'i nang du nub ste/ ji ltar rdo chur bor ba bzhin du nub bo// de nas 'byung la yan lag dang nying lag thams cad shin tu bsregs te/ tshor bas nyam thag nas du skad 'don pa na/ de'i pha dang / ma dang / bu dang / bsten grogs dag mthong ba dang yang rgyug go/ de nas yang las kyis byas pa'i gshin rje'i mi sog le thogs pa dag lam nas byung ste/ de gshin rje'i mi de dag gis bzung ngo // bzung nas shing bzhin du dbus gshog go/ de res 'ga' de las thar na pags pa dang rus pa tsam lus pa yan lag dang nying lag thams cad phug cing bral ba'i lus rma mtshan can dag gar thar thar du 'bros so/ / de bros pa na yang gshin rje'i mi gzhan dag gis bzung ngo // bzung nas las las byung ba'i zo chun rgyud mo'i nang / rdos bkang ba der de btsug go/ de nas zo chun rgyud mo rab tu 'bar ba 'khor lo ltar bskor te/ der brdzun smra ba de phye bzhin du 'thag cing phye mar rlog go// de zo chun rgyud mo de las byung ste mar nas/ yang ma dang / pha dang / bsten grogs dang / snying du sdug pa mthong ste/ mgon 'dod pa/ skyabs 'dod pa/ dpung gnyen 'dod pa de de dag gi drung du brgyugs/ rjes su brgyug pa dang /

  306. 154a

    de las kyis byas pa'i lam du phur bu dang / las kyi stag byung ste/ de des bzung ngo // bzung nas khar bcug ste de 'gram so'i bar du bcug nas bur bu rno zhing rab tu 'bar rnams kyis gzer nas 'dren to/ / de sems pa dang ldan nas brgyugs pa dang / de'i rkang pa yang gcog cing 'thub/ byin pa yang gcod cing 'thub la sreg go/ de'i yan lag dang nying lag thams cad phug cing dral la lus bsregs shing / lus nyams la rnam par nyams pa dang / rtsa dang / rgyus pa dang / rus pa dang / lus kyi lhag ma lus pa dag shin tu rgyug ste/ de ltar brdzun smra ba kun tu bstestan cing bsgoms te mang du byas pa'i 'bras bus rgyu dang mthun par 'bras bu 'grub bo/ / 'di ltar de bden par smra bar bsgrubs la/ de nas brdzun smra zhing g.yo thabs smra la/ shur lung smra ba dag de ltar de na ma dang / pha dang / bsten grogs dang / snying du sdug pa mthong ngo // brdzun smra ba de 'di ltar tshor ba rtsub pa/ tsha ba/ tshor ba rno ba mtha' yas pa dag ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar sreg go/ 'tshed do// gcod do// gsod do// de sems can dmyal ba de dag las thar par 'gyur te/ thar nas lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun par de dbul zhing nad bu can dang / dman pa dang

  307. 154b

    dbang po ma tshang bar 'gyur/ skye bo thams cad la yid mi ches shing / zhe 'gras pa dang mi mthun par 'gyur/ de'i bsam pa thams cad mi 'grub cing log par 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba kun la re ba med pa zhes bya ba mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin/ par len pa dang / 'dod pas log par g.yem pa dang / chang 'thung ba kun tu bsten cing bsgoms te mang du byas pa ni snga ma bzhin no// brdzun smra ba ni rnam pa 'di dag smra ba yin te/ sdug bsngal ba dang / nang bu can dang / ltogs pa dang / dman pa dang / mgon med pa dang / bkren pa dag la nor rdzas sbyin par khas blangs pa las ma byin pa yin te/ 'bras sA lu'i bza' ba dang / btung ba dang gos dang / mal cha dang / khyim sbyin par khas blang la/ ma byin pa de ni rgyu des re ba med par 'gyur te/ de lus dang bral ba'i 'og tu ngan 'gro log par ltung ba sems can dmyal ba kun la re ba med pa zhes bya bar skye bar 'gyur ro/ / der gnod pa'i rnam pa 'di dag 'byung bar 'gyur te/ 'di lta ste/ gang gis bza' ba sbyin par khas blangs pa las ma byin pa de ni sems can dmyal bar bza' ba dang / bcar

  308. 155a

    bzhim po dang / rgyan sna tshogs kyis klubs pa dag mthong ngo // sems can dmyal ba pa ltogs pas nyen pa de dag rgyang ring po na/ bza' ba nyams dga' zhing smon pa'i bza' ba de dag mthong ste/ bza' ba de dag gi phyogs su brgyug pa dang / lam phur bu dang sbas gang zhing / lam du sog le rab tu 'bar bas gshegs pa na/ phyogs der rgyug pa ni snga ma bzhin du sbyar ro// nam zas de thob pa dang / de dag lcags kyi tho lum rab tu 'bar ba lta bur gyur cing dri nga la mdog mi sdug pa las kyis byas pa tshul log par mthong ste/ de nye bar bltas pa dang / mig gi 'bras bu ltung ngo / / gang gi tshe bsnams pa dang / dri des sna tshog nas byed do// reg pas yan lag dang nying lag thams cad rab tu tshig ste/ de'i lus srin bu ma khyer lta bur byed do// ro bro ba lcags kyi bu lum bsregs pa lta bus lce sreg go/ de bsregs nas yang med pa dang / snying dang / mchin pa dang / gnye ma dang / rgyu ma dang / pho ba dang / long ka nas/ ro smad kyi bar du bsregs nas byung ngo / / yang gang gis mal cha dang khyim sbyin par khas blangs pa las/ rdzun smras pa de grang ba dang tsha bas gdungs shing ra ba med par byas so// sems can dmyal ba pa de sa gzhi zangs kyi glegs ma rab tu bzhus par bzhag ste/ des yan lag dang nying lag thams cad rnam par 'ju zhing sreg go/ des khyim sbyin par byas pa las ma byin pa de yang 'byung bar 'gyur te/ khyim gyi

  309. 155b

    brdzun smra ba de lcags kyi khyim dga' ba dang / nye bar dga' ba tshad dpag tshad lnga bcu par lcags khu rab tu bskol ba'i nang du 'jug go// de der 'og nas steng du/ steng nas 'og tu bskol ba na steng nas steng du 'byung zhing / 'og nas 'og tu bskol ba dang / rab tu tshos te/ yan lag dang nying lag thams cad rnam par zhigs shing / sha dang / rgyus pa dang / pags pa dang / rus pa dang / tshigs lhag ma lus pa thams cad kyang rnam par zhig nas rab tu bskol bas gang ba'i rdza ma mun pa mun nag de gnyis kyi nang du 'byung ste/ gdungs shing rnam par khro la smre sngags 'don to// gang rdza ma gong ma der btsos pa dang / de'i 'og tu lcags kyi rdza ma 'og ma der rab tu 'tshed de/ 'di ltar 'og tu 'byung zhing de dag gi shugs kyis gcig la gcig phog ste/ lus dum bu brgya 'am gal te stong du gyes so/ / de nas yang 'byung ste/ sems can dmyal ba pa gzhan dag la phog ste/ ji srid du brdzun smra ba de'i las bcom zhing spangs la zad par ma byas pa de srid du las kyi zhags pas bcings pa dag yang lan 'bum snyed du rnam par zhigs so/ / de de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la mi rnams dang skal ba mnyam par mir skyes na/ las de dang rgyu 'thun pa'i 'bras bus de bran gyi rigs sam/ de dang mthun par de nyid du skye bar 'gyur te/ gang khas blangs pa la brdzun smra ba de ni de

  310. 156a

    dang 'thun par las gzhan dang gzhan du 'gyur ro/ / de 'khor ba thog ma med pa nas gnod pa gang zhugs pa/ thog ma med pa nas dge ba dang mi dge ba'i las kyis byas pa'i rgyud// kyi 'khor ba'i mtha' kun tu zhugs pa/ las kyi rgyud kyi dga' ba'i 'dod chags kyi mod la sred pa gang byung ba'i gnod pa des gzhan dag gi bran du 'gyur te/ bza' ba dang / btung ba dang / mal stan dang / nad kyi rkyen gsos sman med cing / jo bo des rtag tu spyo bar 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po du 'bod kyi 'khor la brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba ni des snga ma bzhin du mthong ngo // brdzun smra ba ni bzo bo tshogs shing 'dus pa'i nang du song nas/ rgyags pa bdo ba'am/ zhe sdang ngam/ phan tshun mi mthun pas gang du tshogs shing 'du ba'i khrims bcas te/ chad pas bcad par byas pa las/ de nyes pa med bzhin du bdag dang gzhan bslus nas chad pas gcod par byed cing / de yang goms par byed/ lan mang du byed la/ las kyi mjug bsags pa de ni lus dang bral nas ngan 'gro log par ltung ba sems can dmyal ba phan tshun gnod pa 'jug par skye bar 'gyur te/ gang gi tshe tshogs shing 'dus pa de dag gi nang du song nas/ gnod pa byas pa'i rgyu de dang rkyen des lus dang bral nas ngan 'gro log par ltung ba

  311. 156b

    sems can dmyal ba phan tshun gnod pa 'jug par skye bar 'gyur ro/ / der gnod pa 'di dag 'byung bar 'gyur te/ yang sos dang / thig nag dang / bsdus 'joms dang / ngu 'bod la sogs par bshad pa snga ma bzhin du 'byung ba'i steng du bye brag tu 'byung ba ni 'di lta ste/ las byas pa'i sems can dmyal ba der seng ge mche ba rab tu 'bar ba 'byung ste/ de sems can dmyal ba pa brdzun smra ba de la sngon smras pa'i tshor ba dang ldan pas yang nas yang du za'o/ / de bgram pa phye ba dang 'tsho bar 'gyur la/ btsums pa dang / yang lus thams cad za ste/ sos pa dang za'o// de sos pa dang za bar 'gyur te/ de'i las kyis byas pa'i seng ge'i so gtams pa'i bar du chud pa dang / de'i kha ma dag ma rab tu 'bar bas gang ste/ de sos ni za la/ mes ni cig car sreg go/ de ltar brdzun zer ba de ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar gnod pa dpe med pa rjes su myong bar 'gyur ro/ / de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bus de sprul lam/ seng ge 'am/ stag gam/ dom gyis gsod par 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la

  312. 157a

    brtags na/ des thos pa las byung ba'i shes pas/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun zer/ pab mthong ste/ de skye ba'i rigs gcig pa'i spun gyi nor gyi phyir ram/ pha dang mes po gcig pa'i spun de gnyis nor gyi phyir rtsod pa na/ de spun gnyis pa 'am/ khu bo'am/ de dang rigs gcig pa'i ched du g.yo thabs kyi blo dang / brgyud pa'i blos brdzun mngon du zer zhing shes par byas/ rig par bya la/ las dang / las kyi mjug dang / nyer bsdogs dang ldan par gyur na/ de lus dang bral nas ngan 'gro log par ltung ba sems can dmyal ba phan tshun gnod pa 'jug par skye bar 'gyur ro/ / der gnod pa 'di dag 'byung bar 'gyur te/ gang yang so sa la sogs pa'i snga ma bzhin du 'byung ba'i steng du khyad par du 'byung ba ni/ las byas pas shen par 'gyur te/ gang rang gi gnyen 'dab de la bslus shing / brdzun byas pas sha de bcad cing bcad cing bdag gi kha der 'jug ste/ sems can dmyal ba pa de zar 'jug go/ / sems can dmyal ba banyes par byas pa'i las des rang gi sha de yang lcags ltar rab tu 'bar zhing ro bro ba med pa yin no// de la gnod pa gnyis 'byung ste/ shen pa byas pas/ lus la tshor ba 'byung ba dang / bkres shing skom pa byas pa gnyis te/ de sha bcad pa na de las byung ba'i srin bu dag skye ste/ gang rus pa gzhan dag dang / rkang tshun chad la yang za'o// de ltar nyes pa/

  313. 157b

    byas pa'i las kyi mtha' spyad pa de ji srid du de'i sdig pa'i las bcom zhing spangs la zad par ma byas pa de srid du/ lo 'bum phrag du mar sems can dmyal ba phan tshun gnod pa 'jug par skye bar 'gyur ro/ / de sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bus/ des nams kyang pha dang mes po'i nor 'thob par mi 'gyur/ yid ches pa'i gnas su mi 'gyur zhing / dbul ba 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba nags tshal mes mched pa'i rgyud lta bu zhes bya ba mthong ngo / / der sems can dag las gang gis skye bar 'gyur snyam nas/ des brtags na gang gis srog gcod pa dang / ma byin par len pa dang / 'dod pas log par g.yem pa dang / 'bru'i chang dang / sbyar ba'i chang myos par 'gyur ba blud pas 'gyur ro// brdzun smra bas 'gyur ba ni gyang tshogs shing 'du ba'i nang du song ste/ nyes pa byas nas chad pas 'jig pa'i phyir/ bdag gis nyes par ma byas zhes smra na/ de lus dang bral ba'i 'og tu ngan 'gro log par ldang ba sems can

  314. 158a

    dmyal ba nags tshal mes mched pa'i rgyud lta bur skye bar 'gyur ro/ / der gnod pa 'di dag 'byung bar 'gyur te/ 'di lta ste/ sems can dmyal ba yang sos la sogs par bsdus pa gang yin pa de dag thams cad sems can dmyal ba 'dir 'byung bar 'gyur ro/ / khyad par du 'byung ba ni lcags kyi glegs ma rab tu 'bar bas 'khri ste/ de kun nas khrag dang sha 'dam lta bur cing shing ljon pa king shu ka ltar mtshon 'bab ste/ de'i tshe de'i lus de la lcags kyi glegs ma 'chang bar 'gyur ro// gang gi tshe ngu skad 'don pa na de'i sha dang / tshil dang / khrag lcags kyi glegs ma de la 'khris pa gshin rje'i mi dag gis de'i lus las shu bar byed do/ / de sems can dmyal ba de las thar pa dang / mgon 'dod pa/ skyabs 'dod pa/ kun nas gtses pa/ gshin rje'i mi rnams kyis 'jigs shing skrag pa/ lus shig shig por gyur pa/ des pa tshwa'i chu bo gnod skyes zhes bya ba mthong ste/ der rab tu 'jug go// de ltar gshin rje'i mi rnams kyis 'jigs pa'i zil gyis non pa de dag zhugs ma thag tu yan lag dang nying lag thams cad dang / lus chu rgyus mang pos brgyus shing sbrel ba dang / pags pa dang / rus pa kun rnam par nyams shing lus kyi sha snyil ba'i lus de mar gsar gyi gong bu bzhin rab tu 'ju yang / de'i nyes par byas pa'i las kyi mthus de 'chi bar ni mi 'gyur ro// 'di ltar 'od ma'i lo mas khengs pa bar med pa'i nags tshal

  315. 158b

    mes mched pa'i rgyud kun nas rtag tu rab tu 'bar bar byas pa gang la mes ma mched pa 'am/ gang du sems can mi sreg pa 'am/ mi 'tshed pa med pa de ltar sems can dmyal ba nags tshal mes mched pa'i rgyud lta bu khab kyi bu ga tsam gyi phyogs kyang mi dmigs te/ gang du sems can dmyal ba pa mgon 'dod pa/ skyabs 'dod pa dag mi sreg pa 'am/ mi 'tshed pa 'am/ ngu skad mi 'don pa 'am mi rgyud pa med do/ / de dag ji srid du de'i sdig pa'i las bcom zhing spangs la zad par ma byas pa de srid du sdug bsngal de dag las re zhig thar par mi 'gyur ro// de phyis sems can dmyal ba// de las thar par 'gyur te// thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal pa mnyam par mir skyes na/ las de dang rgyu 'thun pa'i 'bras bus de'i kha nas tshig 'khums pa 'byung ste/ smra mi nus shing 'phral skad kyang smra bar mi nus na/ legs par sbyar te smra ba lta zhig nus par lta ga la 'gyur ba mtho de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba tshor ba ring ba zhes bya ba mthong ngo / / der sems can dmyal ba dag las gang gi skye bar 'gyur snyam nas/ des brtags na/ mi dge ba srog gcod pa dang / ma byin

  316. 159a

    par len pa dang / 'dod pas log par g.yes pa dang / chang 'brang ba byas shing bsags pas 'gyur ro// brdzun smra ba yang rnam pa 'di dag smras pas 'gyur te/ sngar dran bzhin du cung zad khas blangs pa ni dge 'dun la dngos po cung zad khas blangs pa'am/ de bzhin du sangs rgyas dang / chos la gsal bar khas blangs la/ des phyis mi bzod pa byung nas bdag gis khas blangs pa med do zhes smras la/ dge 'dun la yang des khas blangs pa gang yin pa des gnod par gyur na/ de'i brdzun du smra ba de byas shing bsags la 'dus byas pa'i 'bras bus sems can dmyal ba tshor ba ring ba zhes bya ba der skye bar 'gyur ro/ / der gnod pa 'di dag 'byung bar 'gyur te/ 'di lta ste/ sems can dmyal ba yang sos la sogs par bshad pa gang yin pa de dag thams cad snga ma bzhin 'byung ba'i steng du khyad par du 'byung ba ni 'di yin te/ 'di lta ste/ gshin rje'i mi rnams kyis khab kyi rtse mo rab tu ring ba rno zhing phra la rab tu 'bar ba dag gis 'bigs par byed de/ de tshor bas nyam thag cing du skad 'byin to// de ngu skad 'byin pa na 'di lta ste/ dong pa'i nang mdas bkang ba de ltar de'i kha dang lce la khab de dag nyid kyis rtag tu 'gengs te/ de tshor bas nyam thag par gyur kyang ngu skad 'don pa 'am/ smre sngags 'don par mi nus so// rang gis sems can la brdzun smra bas bslangs shing bdag gzhan smra bar byed pa de

  317. 159b

    / rtag tu tshor ba gzhan dang mi 'dra ba'i tshor ba myong bar 'gyur ro// sems can dmyal ba'i 'gro ba las thar nas kyang yan lag dang nying lag thams cad ba spu'i khung bu 'dra zhing / lus thams cad nyams pa dag gar bab bab tu tshor ba ring bas nyam thag par 'gyur ro/ / de ji lta ji ltar lhung ba de lta de ltar khab shin tu rno bas de'i lus la 'dzugs par byed de/ de khab de dag gis yang da yang du nyam thag par byed cing / ches shin tu sgra 'byin par byed la/ kha bkag pas zil gyis non pa ni 'khun cing nang du 'khun par byed do// gal te khab de dag res 'ga' kha nas byung na/ du skad 'byin par nus la/ gzhan du na kha bkab pas zil gyis non pa 'khun par byed do// lcags kyi sa gzhi rab tu 'bar ba dag la srid cing 'gre ldog/ rab tu 'bying zhing rab tu 'jug la g.yo bar byed de/ gshin rje'i mis nyam thag pa sta re dang / mdung zung dang / mda' bo che dang / gtun shing dang / mtshon chas lus thams cad shig shig por byas so// de ltar brdzun smras pa de ji srid du de'i sdig pa'i las bcom zhing spangs la zad par ma byas pa de srid du/ lo 'bum phrag bye ba du mar tshor ba de dag myong bar 'gyur ro// de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnam par mir skyes na/ las

  318. 160a

    dang rgyu 'thun pa'i 'bras bus de dbul zhing tshig yid mi ches par 'gyur/ gang dang gang la don bcol ba de dang de las len pa tsam du yang mi btub cing / de shin tu dbul pa byas pas yid re ba med par 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba tshor ba mtha' yas pa zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung bas 'gyur ro// brdzun smra bas 'gyur ba ni/ 'di ltar tshong ba rgya mtshor zhugs pa dag gi mnyan pa gdos pa 'dzin pa la chom rkun pa rnams kyis snying brkam bcug gam/ nor rdzas kyis dbyen byas pa yin te/ chom rkun pa de dag nyid kyis sam/ tshong pa de dag gi nang nas kha cig gis dbyen byas pa tshong pa de dag la gdos pa 'dzin pas 'di ltar khyed cag rin po che'i gling du bkri'o zhes smras la/ de dag la de ltar dam bcas nas/ brdzun byas te thang gi gling la khrid pa las der gal te ba dan sngon po mthong bzhin du chom rkun pa 'ong ngo zhes tshong pa de dag la ma sbran te/ de dag kyang gdos pa 'dzin pa bden pa smra ba de bdag cag la slu bar mi byed do zhes yid brtan cing 'dug 'du/

  319. 160b

    pa las/ gdos pa 'dzin pa des chom rkun pa dag tshong pa de dag gi nor med par byed du 'jug cing / bdag kyang nor rdzas de 'phrog par byed na/ brdzun smras pa de lus dang bral nas ngan 'gro log par b a sems can dmyal ba tshor ba mtha' yas par skye bar 'gyur ro/ / der gnod pa 'ding ka 'byung bar 'gyur te/ 'di lta ste/ sems can dmyal ba yang sos la sogs par sngar bshad pa bzhin de dag cad der 'byung ba'i steng du/ khyad par du 'byung ba ni sems can dmyal ba pa der skyes pa de dag gi mig phra skam 'dren pa rab tu 'bar ba dag gis 'dren to// mig 'dren pa rang gis drangs pa dang / yang shin tu gzhon sha can sdug par skyes te/ gnod pa ches mang ba dag gis de 'byin par byed do// de dag gi rna ba yang ro nye rab tu bskol bas bkang la/ gshin rje' mi rnams kyis yan lag dang 'ing lag thams cad spu gri dag gis 'jog par byed do/ / srin pu tA la lnga la ka zhes bya bas de'i gnye ma dang / rgyu ma'i nang du zhugs nas rab tu za'o// phyi rol mun pa kun nas shin tu gnag pa der 'jug phyi nang de thams cad du yang las kyis byas pa'i chu srin rab tu 'bar ba dag 'byung ste/ de dag gi za bar byed/ kha dang / sen mo dang / so rdo rje ltar rmo zhing 'bar ba dag gis ngan lag dang nying lag thabs cad 'byed par byed/ phye mar rlog par byed de/ bye ma chang pa nas gtor ba bzhin byed do// de so'i bar de nas thar nas chu srin rab tu 'bar ba de dag gi lho'i nang du 'dzag par meng ngo // de ltar de

  320. 161a

    srin gyi lto der lo 'bum phrag du mar lo bye ba phrag du mar chu srin de dag gi lto rab tu 'bar bar dbugs med pa 'am/ dbugs chung bar sgeg cing 'tshed do// brdzun smras pa dag tshor ba/ drag pa tsha ba rtsub pa myong zhing las kyi rgyu brdzun smra ba rang gi lces kun nas bslang bas sreg la/ phyis sems can dmyal ba pa'i mes kun tu sreg go// 'di ltar chu srin de dag gis yan lag dang nying lag thams cad dkris nas lus phyed mar byas pa kha nas 'byin te/ de nas yang phyi rol du me mdag sngon pos sreg go// sreg pa na gshin rje'i mi rnams kyis tshigs su bcad de bstan pa/ sems can dmyal ba'i rgyur gyur pa/ / brdzun du smra ba ston pa yin// sngon chad rgyu ni bsten byas pa// don med smre sngags yongs su 'don// me yi nang na me mchog ste// rgya mtsho dag kyang sreg byed na// gang dag brdzun smra shing dang rdo// rang bzhin 'dra ba smos ci dgos// mi gang bden pa spangs nas su// rdzun du smra ba sgrub byed pa// de ni rin chen spangs nas su// sdig pa'i bdag nyid rdo 'dra sgrub/ bdag la sdug par mi byed gang // de ni sems can dmyal ba dga'// brdzun gyis rang lus me 'byung ste// blo dang mi ldan de bsten to// bden tshig legs par rnyed yin te// lus can kun gyi rgyan yin no/ / bden pa spangs nas brdzun spras pa// blo med ci phyir chags par byed// bden pa yon tan bdag nyid mchog/ brdzun smra dran pa skyon yin te// rmongs pa yon tan btang nas su// ci phyir skyon

  321. 161b

    ma yongs su rgyug/ sems can dmyal bar rtag 'gro ba// skyon gyi 'bras bu zhes pa yin// khyed cag yon ngan de dang 'gras// mi bzang dmyal bar kun tu gnas// sdug bsngal kur rdzas pa@ smra bar rab tu grags/ / de bzhin bde ba bden yin te// de bas su zhig brdzun du smra// bden par smra ba'i mi dag ni// lus can kun gyi dga' ba yin// brdzun smra mi dang 'gras pa ste// de bas su ni rdzun du smra/ / bden par smra ba'i mi dag ni// lha ltar rab tu dga' ba yin// dmyal bar de ltar rmongs pa dag/ de bzhin sems kyis rdzun du smra// legs pa'o las ni ma byas la// sdig pa du ma pas na/ / sdug bsngal mtha' yas skyes pa dag/ ci zhig sdig pas yongs su gdung // dge bas 'bras bu legs pa yin// sdig pas nyon mongs 'tshed par byed// blo lngar mi yi sdig byas kyang / / dge ba rjes su sten par byed// dge ba'i nang na bden pa mchog/ skyon gyi nang na de bzhin brdzun// skyon spangs yon tan tshol byed pa// mi yi nang na me mchog yin// bde 'byung bde ba'i 'bras bu ni/ / bden pas yongs su 'grub par 'gyur// bden pas bde ba 'thob 'gyur te// bden pas mya ngan 'das par 'gro// sdug bsngal 'byung bsngal mod la 'tshed par 'gyur/ / sdug bsngal kun mdza' brdzun yin na// mi yis ci phyir spang mi bya// bden pa don gyis thob yin te// nyon mongs pas kyang

  322. 162a

    pa yongs spangs nas/ / brdzun smra ba la dga' bar byed// yul gzhan dag na bden mi 'ong // de ni gzhan du btsal ba med// chu la stegs btags stegs min te// bden pa stegs kun mchog yin no/ / sgron ma'i nang na sgron ma mchog/ bden pa yin zhes sangs rgyas gsung // sman gyi nang na sman mchog ste// de yis rtag tu sdug bsngal sel// nged kyi sdig pa bzung ba med/ / khyed cag rmongs pa'i sems kyis su// ngan pa khyed kyis byas pas na// khyed cag yongs su gdungs pa yin// sems can dmyal bar skyes pa ni// sdig pa byang bas rnam par grol/ / kun tu ngu skad 'don pa'i mi// nams kyang thar par ga la 'gyur// rang gi las kyis rnam bsdus pa// rmongs pa khyed cag ci zhig du// byis pa rang gi sems kyis bsdus// blo med khyed cag du skad 'don// de ltar sems can dmyal ba'i srungs ma de dag gis/ sems can dmyal ba pa de dag la so sor rjes su bstan nas/ ji srid du de'i sdig pa'i las bcom zhing spangs la zad par ma byas pa de srid du/ gnod pa mi bzad pa'i rnam pa brgya phrag du ma ji ltar sngar bzhin 'byung ngo // de phyis sems can dmyal ba de dag las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu mthun pa'i 'bras bus de rtag tu gzhan

  323. 162b

    du zhugs nas slu bar byed cing / nor rdzas thams cad kyang 'phrog par byed/ de'i bya ba gzhan gang yin pa dag kyang tshegs chen por 'gyur zhing / de'i tshig kyang 'jig rten pa yid ches par mi 'gyur mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba khwa mchu rdo rje lta bu zhes bya ba mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun du smra ba kun tu bsten cing bsgoms la mang du byas pas 'gyur te/ de lus dang bral nas ngan 'gro log par lhung ba sems can dmyal ba khwa mchu rdo rje lta bu'i nang du skye bar 'gyur ro// der gang sems can dmyal ba yang sos la sogs pa'i gnod pa de dag thams cad 'byung bar 'gyur ro/ / brdzun ni gang zhig dge 'dun gyi 'khor gyi nang du song nas/ nad kyi rkyen gyis gsos sman sbyar bar khas blangs pa las ma byin na/ de lus dang bral nas ngan 'gro log par ltung ba sems can dmyal ba khwa mchu rdo rje lta bu'i nang du skye bar 'gyur ro/ / der gnod pa 'di dag 'byung bar 'gyur te/ 'das pa'i dus su las byas pa de dag khwa mchu rdo rje lta bus sha bcad cing

  324. 163a

    bcad cing za'o/ / gang gi tshe sha bcad par gyur pa'i skad cig de nyid dang / gnas de nyid du yang ches shin tu gzhon sha can pad+ma ltar 'jam pa skye bar 'gyur te/ de ci nas kyang mos ba ches drag par bya ba'i phyir de nyid byung zhing btog pa dang / de nas yang ches shin tu gzhon sha can gsar pa gzhan dag skye bar 'gyur ro// de ji ltar sems can dmyal ba pa de dag lo 'bum phrag du mar khwakhA mchu rdo rje lta bus za bar byed do/ / de nas thar pa dang / bye ma'i nang nas lcags rab tu 'bar ba 'byung la/ de bye ma de dag la rkang pas 'gro ste/ de ji ltar thal ba yang mi mngon pa de ltar des sreg par byed do/ / de nas langs pa dang yang thams cad 'byung bar 'gyur te/ gang gis brdzun de smras shing sdig pa'i rjes su smras pa/ brdzun smra bas brdzun zer ba smras pa de yang 'byung zhing bdag nyid kyi lce yang bdag nyid za'o/ / 'di ltar tshogs su bcad pa/ bdud rtsi dang ni dug nyid dag/ mi rnams kyi ni lce la gnas// bden par smra ba bdud rtsi yin// brdzun gyi tshig ni dug dang 'dra// / gang zhig bdud rtsi mngon 'dod pa// de ni rtag tu bden la gnas// gang zhig dug la mngon dga' ba// de ni brdzun gyi tshig la dga'// dug gis gnod par nges med de// brdzun du smra bas nges par 'gyur/ / gang zhig brdzun ni sngon smra ba// skyes bu de ni 'chi bar 'gyur// brdzun gyis bdag la mi phan na// gzhan la phan par ga la 'gyur// bdag dang gzhan gang sdug bsngal

  325. 163b

    pa/ / de ni mi yis ci phyir bsten// de ltar brdzun la brten pa ni// sdig pa byed par 'grub 'gyur te// mtshon dang me dang ngam grog las// mi yi sdug bsngal de 'dra med// lus cig 'phrog pa mthong ba ni/ / 'chi ba dug las 'byung 'gyur te// tshe rabs snga phyi stong dag tu// brdzun gyi tshig gis chud gzon to// btsun pa'i rigs la mthor byed cing // dma' ba'i rigs la rgyun du byed// thar pa'i lam dag ston byed pa// bden pa yin zhes mngon par brtags// sems can rnams kyi rang gi las// sred par khyer bar gyur pa na// gzings 'dra bden smra mchog yin zhes// bde bar gshegs pas bka' stsal to// 'jig rten thog ma tha ma med// sred pa'i zhags pa'i dbang du song // 'di ltar skyabs gzhan bden pa las// med ces chos la mkhas pas rig/ gcer bu mtshon gyis gcod pa ltar// bden pas rtag tu nyon mongs gcod// mtshon gyis btab pas ngu bar 'gyur// bden pas nams kyang du ba med// 'jig rten gnyis la phan byed pa/ / bden pa mi bzad gter zhes bya// chos so cog gi khrims yin zhing // nor gyi gzhi yi mchog yin no// bden pa'i yon tan rab bsgrags pa// bde 'byung 'bras bu chen po yin/ / blo ldan ngan g.yo rnams spongs shig/ de nyid mthong bas spangs pa yin// bden pa spangs pa'i mi dag khamachu rdo rje lta bus ji srid du de'i sdig pa'i las bcom zhing spangs la

  326. 164a

    zad par ma byas pa de srid du lo 'bum phrag du mar 'tshed do/ / de phyis sems can dmyal ba de las thar par 'gyur te/ thar nas kyang gal te lan grangs gzhan la myong par 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bu tshab sems can dmyal bar 'gro ba bden pa de dang mi mthun par gyur pa brdzun smras pas/ de rtag tu 'thab pa dang / rtsod pa mang zhing rtag tu gzhan rgyal bar 'gyur la/ tshig gis 'jig rten pa yid mi ches par 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba khrag dang rkang za ba zhes bya ba mthong ngo / / sems can dmyal ba khrag dang rkang za ba der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba byas shing bsags pas 'gyur te/ 'di lta ste/ rgyal po 'am/ blon po 'am/ rje dpon du gyur pas/ dpya thang las lhag par phab la/ 'di ltar ngas lhag par phab pa med do zhes smra zhing / dpya 'bebs na/ de lus dang

  327. 164b

    bral nas ngan 'gro log par ltung ba sems can dmyal ba khrag dang zhag za bar skye bar 'gyur ro/ / de gnod pa 'di dag 'byung bar 'gyur te/ 'di lta ste/ gang sems can dmyal ba yang sos dang thig nag la sogs par 'byung ba rnam 'byung ba'i steng du/ khyad par du 'byung ba ni 'di lta ste/ shing rab tu 'bar ba lo me spu gri lta bu yod par brdzun smra ba gshin rje'i mi rnams kyis lcags kyi thag pa rab tu 'bar ba dag gis bcings nas/ kha sbub tu dpyangs pa de'i rkang pa dag la mchu dang / sen mo rdo rje ltar rno ba dag gis za ste/ kha spub tu dpyangs pa de dag khrag 'byung ba de la za ba des gnas par byed do/ / tshor ba thams cad kyi nang na/ kha zas kyi tshor ba mi bzad par bshad de/ de rang gi khrag la 'thung ngo // de tshor ba gnyis dag gis yongs su gnodade/ me'i tshor ba dang bkres pa dang / sgom pa'i tshor ba'o// 'dir tshigs su bcad pa/ ji ltar bkres shing skom pa ni// las kyis shin tu g.yengs pas gdungs// de ltar sreg pas sreg min zhing // chung drag pa yis khyer mi byed/ / de ltar lo brgya stong phrag du mar de rang gi khrag dang rkang dag la za ste/ 'di ltar ro smad me mchog tu tsha bas bsregs so// de ji srid du de'i sdig pa'i las bcom zhing spangs la zad par ma byas pa de srid du/ sems can dmyal ba der sreg go// de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar

  328. 165a

    'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bus de dbul bar 'gyur zhing ngag yid mi ches pa dang / rtag tu de'i sna nas khrag 'dzag cing so shing 'cha' ba na/ khrag 'byung bar 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba du 'bod kyi 'khor la brtags na/ des thos pa las byung ba'i shes pas mthong ste/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung bas 'gyur ro// brdzun smra bas ni gnyis shig rtsod pa na/ rgyal po'am/ blon po 'am/ gzhan yid ches pa'i gnas su bya bas nor blangs sam/ mdza' bshes sam/ 'dod chags sam/ zhe sdang gis phyogs bzung ste/ zhal che yon por gcod na/ lus dang bral nas ngan 'gro log par lhung ba sems can dmyal ba me lce bcu gcig pa der skye bar 'gyur ro/ / phyogs gzung ste/ brdzun smra ba de la gang sems can dmyal ba yang sos la sogs pa'i tshor ba/ gnod pa 'di// dag thams cad bcu 'gyur du 'byung ba'i steng du khyad par du 'byung ba ni 'di lta ste/ rang gi lus las phyogs bcur me lce'i phung po bcu gcig 'byung bar 'gyur ro// brdzun smra ba'i lce'i kha

  329. 165b

    las bkres pa dang skom pa 'byung bar 'gyur te/ zhal che yon por gcod pa ni/ skad cig skad cig la skye zhing sreg go// sreg pa na tshor ba'i rnam pa de lta bu 'byung bar 'gyur te/ gang me lce'i phung po bcu gcig po dag gis/ bcu drug gi char yang mi phod do// las kyis byas pa'i tshor ba de dag ji srid du de'i sdig pa'i las bcom zhing spangs la zad par ma byas pa de srid du/ 'di ltar de sems can dmyal ba me lce bcu gcig par lo 'bum phrag du mar sreg go// 'tshed do// de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de zhal che yon por bcad pa'i rgyu mthun pa'i 'bras bus de rtag tu bkres pa dang skom pas gdungs shing yan lag thams cad rnam par bsregs pa dang / dbul zhing tshe thung ba dang / ngag yid me ches pa dang / shin tu glen pa dang / gzugs mi sdug pa dang / rkang lag nyams pa dang / dri ma can dang / gnas ngan pa sum mdo dang / bzhi mdo'i khyim du 'jug cing / tshe gcig gi bar du shin tu sdug bsngal bar 'gyur ro// de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des sems can dmyal ba chen po de'i 'khor bcu bdun pa ni

  330. 166a

    gcig kyang ma mthong ngo / / // dam pa'i chos dran pa nye bar gzhag pa bam po bcu gcig pa/ de nas gzhan yang rnal 'byor/ spyod pa nang gi chos la chos kyi rjes su lta zhing gnas pa'i dge slong de 'di ltar zhi ba rga ba med cing 'chi ba med pa/ zag pa med pa/ mya ngan las 'das pa'i lam la 'jug pa de'i brtson pa/ sa bla'i gnod sbyin dag gis mthong nas/ bar snang la spyod pa'i lha rnams la bsnyad pa nas/ rgya cher sbyar te/ 'od chung gi lha rnams kyi bar la bsnyad de/ 'di ltar 'dzam bu gling du rigs kyi bu che ge mo zhig ces bya ba nas/ rgya cher sbyar te/ sa gzhan bcu pa'i bar la zhugs pa bdud kyi yul gyi gzhi la mi 'dod cing / dga' ba 'dod chags kyi mod las byung ba'i sred pa'i dngos po dang lhan cig gnas pa dang / kun nas nyon mongs pa'i yul gyi dngos po rnams dang lhan cig gnas par mi 'dod pa de 'od chung gi lha rnams kyis thos nas/ bdud kyi phyogs dma' bar 'gyur zhing / dam pa'i chos kyi phyogs mngon par mtho bar 'gyur ro zhes yid dga' bar 'gyur ro/ / de nas gzhan yang dge slong las kyi 'bras bu rnam par smin pa shes pa 'khor ba'i 'ching ba gcod pa la brtson pa de 'di snyam du sems te/ kye ma sems can 'di dag ni sdug bsngal ba yin te/ sred pas bslus pa/ gti mug gi kun tu sbyor bas bcings pa/ sems can bag la nyal rnams dang yang

  331. 166b

    dag par ldan pa/ dus gsum du 'tshed kyang 'khor ba gcod pa'i phyir 'bad par mi byed pa'i sems can 'di dag la snying med dam ci/ 'on te snying la mi shes pa zhig yod dam/ 'on te shes pa yod kyang yid 'byung bar mi byed dam/ sems can 'di dag gi rnam pa de gang zhig yin/ gal te sems can rnams 'di ltar mtho ris su yun ring du gnas kyang yid 'byung bar bya ba yin na/ 'di ltar sems sra zhing mkhrang ba de lta ci smos/ gang gnod pa'i rnam pa du ma kun gyis sdug bsngal rjes su myong yang skyo bar mi byed do// yun ring po nas bag la nyal rjes su 'brang ba'i sems la mi mthun pa lnga yod de/ 'di lta ste/ rga ba dang / na ba dang / 'chi ba dang / mi sdug pa dang phrad pa dang / sdug pa dang bral ba'o// gzhan yang nyes dmigs kyi gnod pa bcu 'byung ste/ bkres pa dang skom pa'i nyes dmigs dang / sdug pa dang bral ba'i nyes dmigs dang / yul nas yul du 'gro ba'i nyes dmigs dang / 'chi ba dang skye ba'i nyes dmigs dang / gzhan gyis brnyas pa'i nyes dmigs dang / gzhan gyis bcol ba'i nyes dmigs dang / grang ba dang tsha ba'i nyes dmigs dang / zlas dbye ba'i nyes dmigs dang / 'byor pa rgud pa'i nyes dmigs dang / 'dod pa'i nyes dmigs te/ de ltar mdor na nyes dmigs bcu dag gis sems mngon par gnod par byas kyang / kye mi dga' bar mi byed pa'i sems can 'di dag ni/ e ma

  332. 167a

    thog ma med pa'i dus nas sems dgra lta bu g.yos pa dang / rna ba dang snying med cing rdo dang rdo rje lta bu'i sems yul rnam pa mang pos dam pa'i chos la nams kyang dga' bar mi byed pa yul sgra dang / gzugs dang / reg pa dang / ro dang / dri dug dang / mtshon dang / me lta bu'i sred pas rtag tu chog mi shes pa dug lta bu'i yul lnga dang / chom rkun lta bu'i skye mched drug dang / byang chub kyi yan lag bdun mi shes pa dang / 'phags pa'i lam yan lag brgyad par 'gro bar mi spro ba dang / sems can gyi gnas dgu mi shes pa dang / dge ba bcu'i las kyi lam mi shes pa dang / sa bcu gcig gi rnam par dpyad pa la blun pa dang / skye mched bcu gnyis kyi skye ba dang / gnas pa la rab tu rnam par spyod pa/ mkhas pa dang mi mkhas pa la rnam par spyod pa/ sa gong ma bcu gsum gyi spyod pa la blun pa/ sems kyi dmigs pa bcu bzhi dang 'grogs pa/ gnod pa bco lnga mi bzod pa/ gnod pa sdig pabapa'i mun pa bcu drug gis gnas pa/ byis pa'i shin tu rnam par dpyod pa bcu bdun dang / tshor ba rab tu 'byung ba'i bu ga bco brgyad dang / 'gro bar rnam par rgyu ba'i srang bcu dgu dang sgra gnas pa nyi shus sems de rnam pa nyi shur bslus par rig nas/ de sems can la snying rje bar sems so// dge slong de las kyi chos kyi rnam par smin pa la rab tu rnam par dpyod par

  333. 167b

    byed de/ 'di ltar de bdud kyi 'ching ba bcad pa dag la rtag tu brtson par byed cing / de nas yang blo skyed par byed de/ sems can dmyal ba ngu 'bod las gzhan pa/ sems can dmyal ba ches sdig pa che ba yod pa/ de'i thos pa las byung ba'i shes pas sems can dmyal ba chen po gzhan tsha ba zhes bya ba nyes par byas pa'i las rab tu bdo bas kun nas blang ba sems can dmyal ba chen po du 'bod las gnod pa bcu 'gyur gyis lhag pa zhig yod pa mthong ngo / / 'khor bcu drug la 'di lta ste/ rab tu sreg pa chen po dang / pad+ma dkar po lta bu dang / sbrul 'khyil pa lta bu dang zangs bzhus par nya 'khyug pa lta bu dang / lcags kyi bum pa dang / chu bo dmar po 'bab pa dang / rkang dang rus pa la srin bu mang ba dang / skye bo thams cad sreg pa dang / sar 'bying mtha' yas dang / pad+ma chen po lta bu dang / mtha' drag dang // rus pa rdo rje lta bu 'byung zhing 'du ba dang / lcags nag po'i skud pas 'dral zhing gcod pa tsha ba dang / srin bu na kra dang / 'khor lo dang / me 'jigs ltar skyes pa dang / nags tshal gyi me mun ltar 'khrigs pa dang / bung ba rdo rje lta bus gnod pa'i go cha zhes bya ba ste/ 'di dag ni sems can dmyal ba chen po tsha ba'i 'khor bcu drug yin te/ der tshe ni bzang du mi lang ngo // der sems can dag las gang gis skye bar 'gyur snyam nas/ des zos pa las byung ba'i shes pas brtags na/ gang gis srog

  334. 168a

    gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur la/ las kyi nyer bsdogs dang / las kyi mjug kun tu bsten cing bsgoms te mang du byas pas 'gyur ro// de lus dang bral nas ngan 'gro log par ltung ba sems can dmyal ba chen po tsha bar skye bar 'gyur ro/ / de la srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba rnams kyi 'bras bu rnam par smin pa ni bshad zin to/ / log par lta ni gang gis kun tu bsten cing bsgoms la/ pha rol la yang bstan pa yin te/ 'di lta ste/ sbyin pa med do// mchod sbyin med do// legs par byas pa dang / nyes par byas pa rnams kyi las kyi 'bras bu rnam par smin pa med do// 'jig rten 'di med do// 'jig rten pha rol med do// ma med do// pha med do zhes de skad chad par smra ba ni las yod pa 'jig pa yin te/ gzhan dag la yang ston cing yang dag par rab tu 'jog par byed la/ yang dag par rab tu dga' bar byed pa/ log par lta ba bskyed nas/ pha rol dag la las kyis lam gyi rgyu med par ston pa ni/ chom rkun pa tshul bzang por 'chos pa yin te/ de lus dang bral nas ngan 'gro log par ltung ba sems can dmyal ba chen po che bar skye bar 'gyur ro// de las kyi

  335. 168b

    lam dang / las kyi 'bras bu yod bzhin du rnam par slub yin te/ de 'chi ba'i dus byas nas/ srid pa dar ma'i bar du skye ba na/ ltas ngan pa'i mtshan ma 'byung bar 'gyur ba ni 'di lta ste/ 'jig pa mchog tu mi bzad pa mun par nges par gyur pa dang / so so nas 'jigs par byed pa seng ge dang / stag dang / dred dang / gung dang / sbrul mang po phug dang / mun pa med pa na 'dug pa dang des gzhan yang ri che zhing mtho ba de'i mgo'i steng du myur bar 'ong ba mthong ba dang / stag dang seng ge de dag kyang so so nas 'jigs par byed cing sgra 'byin pa thos pa dang / gzhan dag kyang gzugs mchog tu dman zhing snying rje rje ltar 'dug pa mthong ba dang / de dag las nag po lta bu mthong zhing me rab tu 'bar ba de'i steng na 'dug par mthong ba dang / wa brgyal ba'i sgra drag po thos pa dang gshin rje'i mi gzugs mi sdug par bsgyur ba dag mthong ba dang de skrag go/ / log par smra ba/ sgyu ngan par smra ba/ phyogs ngan pa smra ba/ lta ba ngan pa smra ba/ las kyi 'bras bu rnam par slu ba smra ba ngam grog dang g.yang sa'i rgyu smra ba/ bdag nyid la bdag slu bar byed cing / sdig pa chen po byed pa de'i las rtag tu bsten cing bsgoms te mang du byas la bsags pa'i 'bras bu ni 'chi khar mthong bar 'gyur te/ de 'jigs shing dbang po blong zong por 'gyur ba dang / bshang ba 'byung bar 'gyur ba 'am/ de bzhin du gci ba 'byung bar 'gyur ba 'am/ de bzhin du skad 'byin pa 'am/ de bzhin du kha

  336. 169a

    gdong bar byed pa 'am/ de bzhin du mal gyi mtha' la nom par byed do// ri de bdag gi steng du 'ong ba mthong nas/ lag pas gzung bar 'dod pa de la/ mi dag na re 'di ltar 'di ni nam mkha' la reg par 'dod do zhes smra ste/ 'di ltar ri 'ong ba de yang dang yang du 'ong ba dang / bdag nyid kyi lus thams cad kyis reg par byed do// 'di ltar de nyes par byas pa'i las spyad cing / las kyi 'bras bus bslus pa ni/ 'di ltar sems can dmyal ba yang dag par myong bar 'gyur ba'i ltas mang po 'byung bar 'gyur te/ 'di lta ste/ dper na mi zhig mi gtsang ba'i phung po da dung gi bar du ma mthong gis kyang dri nga ba'i dri mnam pa de bzhin du/ sems can dmyal ba da dung gi bar du ma mthong gis kyang / sems can dmyal ba chen po'i mtshan ma mchog tu 'jigs shing dreg pa dag 'byung bar 'gyur ro/ / dran par Na zhing smra ba rnams cad skrag par byed de/ sbyi byos pas sgrubs pa/ nyes par byas pa'i / sems can dmyal par drin rin/ der gnas pa'i rnam par smin pas de'i rlung pib pa la ka dang / su tsa ka shin tu drag pa dag gis yan lag dang nying lag rnam par skul bar byed/ rnam par rdung bar byed/ rnam par gshog par byed do/ / de'i lus bdo ba na/ de'i sems srid pa tha ma pa la tshor ba gnyis kyis gdungs pa yin te/ de srid pa za ma pa la sems kyi dmigs pa legs par spyad pa'i 'du shes su byed

  337. 169b

    do/ / de lta bas na mi'i 'jig rten nas rang gis byas shing bslus pa srid pa bar ma la sems can dmyal bar myong bar 'gyur ba'i ltas dag 'byung bar 'gyur ba ni 'di lta ste/ snying gi lam la sgra dang reg pa dang / ro dang / gzugs dang / dri mi 'dod pa dag 'byung bar 'gyur te/ sems can dmyal ba dag gi gzugs mi sdug pa'i sgra skad thos pa dang / rlung reg pa spu gri lta bus reg par byed pa dang / ro tsha ba'i ro myong bar byed pa dang / gzugs 'jigs par ston pa rab tu gdung ba lta bur byas pa dag kyang mthong bar 'gyur/ dri nga ba'i rdzas bsags pa'i dri dag snom par 'gyur ro// de ltar yul thams cad kyis skrag pa sems can dmyal ba shin tu log par lta bas mthong bar 'gyur te/ ji ltar des chos log par bstan pa de ltar sems can dmyal ba des mthong bar 'gyur ro// de 'di snyam du sems te/ kye ma yul grong khyer gyi tshul dang 'thun pa 'di re dga'/ der bdag ji ltar 'dug par bya snyam ste/ de la 'dod par byed do// de srid pa'i yan lag myong bar 'gyur ba rig nas de skye bar 'gyur te/ nye bar len pa'i rkyen gyis srid pa 'byung ba der sems bskyed ma thag tu skye bar 'gyur ro// der skyes ma thag tu gang sems can dmyal ba yang sos la sogs pa'i sdug bsngal de dag thams cad bcu 'gyur du 'byung ngo / / nad bzhi brgya rtsa ba ni yang 'byung ste/ drag pa sems can dmyal ba dang mtshungs pa/ gcig gi dper gcig rung ba/ don thams cad

  338. 170a

    med par byed cing 'jigs par byed pa/ nyes par byas pa'i las kyi 'bras bur gyur pa dag yin no// me'i rnam pa 'di lta bu 'byung bar 'gyur te/ gang til 'bru tsam gyis ri dang / nags tshal dang / grong rdal dang / gling dang bcas pa dag sreg na/ sems can dmyal ba pa'i lus dag lta smos kyang ci dgos te/ des mar gsar gyi gong bu bzhin sreg go/ de nas yang 'byung bar 'gyur te/ nyin mo dang mtshan mor mi mngon zhing mun par zhugs pa na/ lo 'bum phrag du mar gnod pa'i rgya mtshor bying ba thams cad mun pa mun gnag tu gyur pa/ log p ar lta bas byas shing bsags la bstan pa dag gis 'bras bus de 'di ltar lo dpag tu med cing bgrang gis mi lang bar de'i sdig pa'i las bcom zhing spangs la zad par ma byas pa de srid du sdug bsngal dang tsha bas dpe med pas 'tshed do/ / sreg go// de sems can dmyal ba'i yun ring po de las 'das nas/ gal te sems can dmyal ba de las thar par 'gyur te/ thar nas kyang tshe rabs lnga brgyar yi dgas ser sna can zhes bya ba der skye bar 'gyur ro/ / de nas thar nas kyang tshe rabs lnga brgyar dud 'gro thams cad kyi sdug bsngal ba gang yin pa der skye bar 'gyur ro// gal te brgyal gnya' shing gi bu gar rus sbal 'jug pa lta bur lan grangs gzhan la myong bar 'gyur ba'i las kyis mi rnams dang skal ba mnyam par mir skyes na/ log par lta ba de dang rgyu mthun pa

  339. 170b

    'bras bus de kra klo'i rigs su skye bar 'gyur zhing / dbul ba dang / nad dang / long ba dang / lag rdum pa dang / nad bu can du 'gyur/ tshe thung ba dang / tshig yid mi ches par 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba rab tu sreg pa chen po zhes bya ba yod pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba las dang 'bras bu mi mthun par ston pa kun tu bsten cing bsgoms te mang du byas pas 'gyur ro/ / 'di lta ste/ srog gcod pa byas na/ srog gcod pa po tshe phyi ma lha rnams su skye'o zhes zer ba de ni 'di ltar las dang 'bras bu mi mthun par ston pa yin no/ / de ci'i phyir zhe na/ srog chags rnams kyi snying la ches sdug bsngal ba med pa ma yin la/ 'di ltar lha rnams su skyes pa dag la ches bde ba med pa ma yin te/ sdug bsngal gyi rgyu srog gcod pa dang yang dag par ldan pa ni bde ba'i rgyur mi 'gyur/ sdug bsngal yang bde ba'i las kyi 'bras bur mi 'gyur to// log par lta ba'i rnam pa

  340. 171a

    de dag ston par byed pa de ni las dang 'bras bu mi mthun par ston pa yin no/ / de lus dang bral nas ngan 'gro log par snang ba sems can dmyal ba rab tu sreg pa chen por kye pabapar 'gyur ro/ / der gnod pa 'di dag 'byung bar 'gyur te/ 'di lta ste/ gang sems can dmyal ba yang sos la sogs par ji ltar bstan pa'i sdug bsngal bsdus pa de dag thams cad bcu 'gyur du 'byung ngo / / rang gi lus las kyang kun nas me 'byung ste/ rnam pa de lta bur rab tu sreg pa ni/ gang las byas pa'i sems can dmyal ba pa'i me phyi rol na gnas pa bcu drug gi char yang mi phod do/ / me de'i mdog kha ba 'dra la rnam pa de lta bus de rab tu sreg par byed de/ de'i phyi nang thams cad rab tu tshig go// yid la gcags pa las 'byung ba'i me gzhan gsum pa 'byung bar 'gyur ro/ / des kyang sems can dmyal ba pa de sreg go// log par lta ba de phyis 'di ltar log par lta ba'i 'bras bu ni tsha'o// rnam par smin pa'i 'bras bu ni tsha'o// ro myang ba ni tsha'o zhes mngon par shes par 'gyur ro/ / de ma gsum gyis mngon par sreg pa na/ skad cig tsam yang bde ba mi 'thob ste/ sems can dmyal ba tsha ba'i 'khor rab tu sreg pa chen por 'di ltar nyes par byas pa'i las kyi mtha' spyad pa de/ der lo grangs med par yun ring mo zhig tu 'tshed de/ de'i sdig pa'i las bcom zhing spangs la zad par ma byas pa de srid du de sreg go

  341. 171b

    'tshed do/ / rnam par 'jig par byed do// de phyis sems can dmyal ba de las thar par 'gyur te/ thar nas tshe rabs sum brgyar yi dgas rnams su skye bar 'gyur/ tshe rabs nyis brgyar/ dud 'gro rnams su skye bar 'gyur ro// de de las thar nas/ gal te brgya la mi rnams dang skal ba mnyam par mir skyes na/ de pha ma la rim gro bya ba btang zhing sgra skad 'byin par 'gyur/ mi gtsang ba za zhing yul nas yul gzhan du rgyu ba dang / dam pa'i chos dang bral ba dang / skye bo kun gyis smad pa dang / bza' ba dang / gnas pa khyi'i spyod lam dang mtshungs pa dang / rkang lag la thor pa 'byung ba dang / pha rol gyi bsod snyoms kyi zas gso ba gsog tu gyur pa zos nas/ mi'i tshe 'di nyid la 'chi bar 'gyur te/ de ltar log par lta ba ni thog ma dang / bar ma dang / tha mar mi 'dod pa 'byung ba dge slong des mthong ngo // yang dag pa'i lta ba ni blo'i sngon du 'gro zhing de kho na nyid mthong la/ yang dag pa'i lam la rab tu gnas pa/ mya ngan las 'das par 'gro ba ni/ sngon du 'dren pa yin par mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas 'khor pad+ma dkar po lta bu zhes bya ba mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags

  342. 172a

    na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms te mang du byas pas 'gyur ro/ / log par lta ba yang rnam pa 'di dag kun tu bsten cing bsgoms te mang du byas pas 'gyur ba ni 'di lta ste/ zas mi za bas mtho ris thob par 'gyur ro snyam nas de gzhan yang 'dzin du 'jug cing rjes su dga' bar byed du 'jug la rab tu 'jog par byed pa/ rgyu ngan pa dang / lta ba ngan pa gzhan gyis sems bcings pa dag bstan bcos ngan pa byed cing / gzhan yang 'dzin du 'jug go/ 'dzin du bcug ste/ zas mi za ba la bkod nas/ srog dang bral bar byed do// de lus dang bral nas ngan 'gro log par lhung ba sems can dmyal ba pad+ma dkar po lta bur skye bar 'gyur ro/ / de der skyes nas gang sems can dmyal ba yang sos la sogs pa'i sdug bsngal de dag thams cad nyis 'gyur du 'gyur ba'i steng du gnod pa khyad par du 'byung ba ni 'di lta ste/ yan lag dang nying lag thams cad rtag tu 'bar ba'i 'phreng bar 'gyur te/ lus de la rgyu las dang 'thun pa rno ba dpe med pa'i rgyu nges me rab tu 'bar ba yungs kar gyi tshad tsam yang ma khyab pa med de/ des rtag tu rab tu 'bar ro// ji ltar mi gtsang ba thams cad kyi nang na log par lta ba kun mi gtsang ba de bzhin du/ me thams cad kyi nang na me 'di kun tu tsha

  343. 172b

    me'i gnod pa dpe med pa des sems can dmyal ba pa de dag la rgyu dang mthun pa'i 'bras bu 'byung ste/ des yun ring du sreg go// de gal te las kyi dbang gis me tog pad+ma dkar po'i tshil na/ bya'i tshogs du mas kun tu bsten pa/ chu 'bab pa phun sum tshogs pa mthong ba dang / sems can dmyal ba pa gzhan dag la smras pa/ kye 'di ltar rgyugs rgyugs/ pad+ma dkar po'i tshal der bdag cag chu bsil ba btung bar bya'o/ / tshal grib bde ba dag bsten par bya'o zhes de dag gis de spro ba bskyed nas de dag nyid dang lhan cig tu pad+ma dkar po'i tshal der rgyug go/ brgyugs pa dang / kha cig mngag ma'i phung pos gang ba dag tu bying ngo / / bying nas yan lag dang nying lag thams cad rnam par zhigs so// rnam par zhigs nas yang 'byung bar 'gyur te/ byung nas de ltar pad+ma dkar po'i tshal la/ sred pas de nyid du rgyug go/ / brgyugs pa dang / spa'i lcug ma rab tu 'bar ba dag 'byung bar 'gyur te/ de dag gis yan lag dang nying lag thams cad dkri dkri nas/ nyams/ rnam par nyams par byas te/ rus pa dang rkang tsam zhig yod par byas so/ / de nas yang skye bar 'gyur te/ skyes nas kyang de bzhin du pad+ma dkar po'i tshal du rgyug pa dang / de'i sha la las kyis byas pa'i srin bu dag byung ste/ de la za'o// sa de dag thams cad kyis snga ma bzhin du re zhig mig la 'phyang 'phyang nas migs za'o// sred pas nyam thag pa long bar 'gyur ba de der rgyug go// rgyug pa na srin bu gzhan dag 'byung bar 'gyur te/ de sa

  344. 173a

    gi lus mun par bsgribs pa du skad 'don pa de la rtag tu za'o/ / de nas yang mig nas byung ste/ de la yang za ste/ de ltar lo 'bum phrag du ma'i bar du za za nas skye bar 'gyur ro// yongs su rgyug pa na yang gal te yang pad+ma dkar po'i tshal de dang phrad na/ de'i bsam pa dang / lus thams cad rab tu sim pa dang / bdag gi bsam pa bzhin du pad+ma dkar po'i tshal de dang phrad do mnyam du de'i sems skye'o/ / de der zhugs pa dang / pad+ma dkar po de dag 'phang du dpag tshad lnga'o// rgyar dpag tshad gnyis kyi tshad de me 'bar ba'i pad+ma dkar po de la las kyis bslus pa dag 'dzeg go// lhag ma gzhan dag ni 'dzeg cing 'khod la/ sems can dmyal ba pa de dag gi lus 'bar ba'i 'phreng ba'i yan lag dang ldan par 'gyur te/ 'dzeg bzhin du de dag re ba med cing shin tu sdug bsngal la/ bkres pa dang skom pas nyen pa de dag me mdog pad+ma dkar po lta bus sreg go/ / 'tshed do// 'chi zhing skye'o// lus kyi yan lag dang nying lag thams cad bsregs shing king shu ka lta bu'i lus dag ji srid du de'i sdig pa'i las bcom zhing spangs la zad par ma byas pa de srid du yun ring por gnod pa myong bar 'gyur ro/ / de phyis sems can dmyal ba de las thar par 'gyur te/ thar nas kyang tshe rabs bzhi brgyar yi dgas bkres shing skom par 'gyur ro/ / de las bar nas kyang tshe rabs sum brgyar dud 'gro rnams su skye bar 'gyur ro// gal te gnya' shing gi bu gar rus sbal 'jug pa lta bur lan grangs gzhan la

  345. 173b

    myong bar 'gyur ba'i las kyis mi rnams dang skal ba mnyam par mir skyes na/ des log par lta ba spyad cing nyes par byas pa'i las de dang rgyu mthun pa'i 'bras bus de mtshon gyis 'khrug cing mu ge dang chom rkun rab tu mang po'i yul rnams su skye bar 'gyur/ der skyes nas kyang dngul zhing nad bu can dang / gzhan gyis bkol cing sdug 'bongs par gyur la dbang po ma tshang bar 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba sbrul 'khyil pa lta bu zhes bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms te mang du byas pas 'gyur ro// log par lta ba kun tu bsten cing bsgoms te mang du byas pas 'gyur ba ni// 'di ltar tsog tsog po bgying bar 'dug la/ skom 'thung zhing lag pa la bldag na mya ngan las 'das pa 'thob ste/ 'dod chags zhe sdang gti mug spangs pas ma yin zhing / dbang po zhi bas ma yin no zhes smra na/ de lus dang bral nas ngan 'gro log par ltung ba sems can dmyal ba sbrul 'khyil pa lta bur skye bar 'gyur ro// der gnod pa 'di dag 'byung bar 'gyur te/ 'di lta ste/ sems

  346. 174a

    can dmyal ba de sbrul gdug pa gdengs ka can rab tu 'bar bas kun tu gang ba de na/ sbrul dpag tshad tsam yod cing sbrul gdug pa dpag tshad tsam yod pas kyang shin tu gang ba yin la/ kha cig ni lta ba'i dug/ kha cig ni reg pa'i dug/ kha cig ni mche ba'i dug ste/ de dag gis sems can dmyal ba de gang ngo // der sems can dmyal ba kha cig gi nang du sbrul de dag 'byung par 'gyur te/ gang dag nang du skyes pa la de'i tshe/ sbrul de dag gi lus reg pas chang ba'i phye bzhin 'thag go// gang dag kha'i nang du skyes pa ni mche ba dang 'dres pa'i dug rab tu 'bar ba de dag gis skye zhing 'chi'o/ / shi nas yang 'tsho ste/ de dag me gsum gyis sreg go// 'di lta ste/ dug gi me dang / sems can dmyal ba pa'i me dang / bkres pa dang / skom pa'i mes de dag rang gi las dang 'thun par me gsum gyi dbus su bcug nas tshor ba tsha ba rtsub pa dag myong bar 'gyur ro/ / gzhan yang nad las byung ba'i tshor ba brjod par yang mi nus pa'i nad gzhi las byung ba'i mes de sreg go/ / de ltar nyes par byas pa'i las kyi mtha' spyad pa dag/ ji srid du de'i sdig pa'i las bcom zhing spangs la zad par ma byas pa de srid du yun ring por me'i nang du bcug nas sreg / 'thag go// skems so// rnam par zhigs par byed do// de phyis sems can dmyal ba de las bar bar 'gyur ro// thar nas kyang tshe rabs brgya lnga bcur yi dgas la ba mgrin du skye bar

  347. 174b

    / 'gyur/ tshe rabs nyis brgyar me dang chu med pa'i gnas ri sul dpag tshad bcu gnyis bkres pa dang skom pa thams cad kyis yongs su gdungs pa'i dud 'gro seng ge dang / stag dang / dred dang / gung du skye bar 'gyur ro// gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ las de dang rgyu mthun pa'i 'bras bu des 'brog dgon pa'i mir 'gyur te/ gang dag gis nam yang zas mthong bar yang mi 'gyur na/ bza' ba lta smos kyang ci dgos te/ gzhan du na der rngad dang / rtswa dang / tshal gyi 'bras bus srog 'tsho bar 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des sems can dmyal ba zangs pa zhus par nya 'khyug pa lta bu zhes bya ba mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra bas 'gyur ro// log par lta ba yang 'di ltar kun tu/ bsten cing bsgoms la mang du byed pas 'gyur te/ 'dir 'gro ba 'di dag thams cad dbang phyug gis sprul te/ las kyis ma byas so zhes smra na/ de lus dang bral nas ngan 'gro log par

  348. 175a

    ltung ba sems can dmyal bzangs bzhus pa nya 'khyug pa lta bur skye bar 'gyur ro/ / sems can dmyal ba de yang zangs bzhus pa de rab tu 'bar bas rgya mtsho ltar gang ba'i sems can dmyal bar skye bar 'gyur te/ der yang las kyis byas pa'i lcags kyis nya rab tu 'bar ba dag rnam par rgyu zhing / zangs bskol ba de'i dbus su shing lo ma spu gri dang mdung phung lta bu dag 'byung ste/ der sems can dmyal ba de dag skyes nas/ 'chi zhing skye ste/ yan lag dag thams cad zhigs so// zhugs pa na nub cing 'byung ste/ tshor bas nyan pa dag phan tshun rgyug cing ngu skad 'don to/ / gcig la gcig log par smras pas de dag de ltar ngu skad 'don pa na/ las kyis byas pa'i nya de dag sems can dmyal ba de dag gi drung du kha gdangs shing rgyug go de nas nya de dag gis sems can dmyal ba pa de dag kha chu'i zhags pas bzung ste za zhing / de'i tshe so'i bar du phye mar brlags so// de dag gi lus phyed nya rnams kyis zos shing / phyed zangs bskol mar 'tshed do/ / de dag tshor ba drag pas nyen la/ tsha ba rtsub pa'i tshor ba gnyis myong bar 'gyur te/ de nya de rnams kyis phyed za ba dang / phyed zangs bskol bar 'tshed do// yun ring mo zhig 'das nas nya'i kha de nas bar pa dang / zangs bskol ba'i bum pa'i nang du 'jug go// zhugs pa dang / srin bu a ba mA si ka zhes bya ba mche ba rdo rje lta bur mche ba rno ba dug

  349. 175b

    dpag tu med pa yod pa de dag gis bzung ngo / / bzung ba rnams zangs bskol ba'i bum pa mun par gyur pa der phye mar rlog go// phye mar brlags nas phye ma'i dum bu tsam du za'o// gang tshor pas nyen pa du skad 'don pa dag zangs bskol ba des kha 'gengs shing ngu skad 'don to/ / de dag gi 'dzag sgo zangs bskol ba des 'gengs shing 'gog la 'tshed cing rnam par zhig par byed do/ / zangs bskol ba de las yun ring mo zhig 'das nas yang rgyal lo// rgyal nas kyang las kyis byas pa'i chung spu gri lta bu rnams kyis ji srid du de'i sdig pa'i las bcom zhing spangs la zad par ma byas pa de srid du/ log par smra ba las dang 'bras bu la bslu bar zhugs pa dag phye mar rlog go/ de phyis sems can dmyal ba de las thar par 'gyur te/ thar nas kyang tshe rabs sum brgyar yi dgas kha zas med pa rnams kyi nang du skye bar 'gyur ro/ / yi dgas kyi yul de las thar nas kyang tshe rabs sum brgyar dud 'gro glang po che dang / dom dang / grog sbur la sogs pa shin tu sdug bsngal ba rtag tu bkres pa dang / skom pa dang / grang ba dang / tsha ba dang / rlung dang / gdung ba rnams su skye bar 'gyur ro// dud 'gro de la sa thar nas kyang gnya' shing gi bu gar rus sbal 'jug pa lta bur gal te lan grangs gzhan la myong bar 'gyur ba'i las kyis mi rnams dang skal ba mnyam par mir skyes na/ las de dang rgyu 'thun pa'i 'bras bus de khyis 'tsho ba 'am/

  350. 176a

    shing thun nam/ nye par skye bar 'gyur bar mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba lcags kyi bum pa zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / rdzun smra ba kun tu bsten cing bsgoms te mang du byas pas 'gyur ro/ / log par lta ba ni 'di ltar mtho ris su mi 'di dbang du 'gyur ro zhes mchod sbyin dag la mi dag gsod par byed pa dang / 'jig rten pha rol du dbang du bya ba'i phyir rus sbal dag gsod par byed cing / gzhan dag kyang rab tu 'jog par byed pa nas/ skye ba'i bar du byed pa yin te/ lam bzang po sun par byed cing / lam ngan pa la 'jog par byed pa'i las kyi rnam pa 'di dag ni log par lta ba yin no/ / de lus dang bral nas ngan 'gro log par lhung ba sems can dmyal ba lcags kyi bum par skye bar 'gyur te/ der sems can dmyal ba yang sos la sogs pa'i gnod pa de dag thams cad bcu 'gyur du 'byung ngo / / bum pa dpag tshad bcu pa drug 'byung ste/ de dag gi ming ni 'di dag yin te/ 'di lta ste/ zhugs ma thag tu sdug bsngal ba dang / skyabs med dang / rtag tu mes

  351. 176b

    bskol dang / chu sog le lta bu dang / spu gri'i 'phreng ba dang / chu bskol ba'i nang du sbrul zhugs pa'o// der gang dag sdug bsngal mtshungs par 'tshed pa de dag la rnam pa de lta bu'i sdug bsngal 'byung ste/ gang du sems can dmyal ba pa de dag 'tshed pa na/ tshor ba'i sdug bsngal yang mtha' dag 'byung bar 'gyur ro// gang skyabs med pa 'tshed pa de dag la lus kyi skyabs med cing / yid dang chos kyi skyabs kyang med de/ gang ngan 'gro'i skyangs can de dag thams cad de na skyabs med do// gang rtag tu mes bskol ba yun ring por 'tshed pa de dag ni mes bskol ba'i zangs bzhus pa las byung bas ji ltar thal ba yang mi mngon pa de ltar lus rnam par zhigs par byed do/ / de nas yang lus de skye bar 'gyur te/ chu sog le lta bu der 'jug par byed do// zangs bskol ba'i chu de sog le lta bu yin te/ de dag thams cad me 'bar ba mched pa der bcug pa dang / 'og nas steng du 'byung zhing zangs bskol ba'i chu sog le lta bur gnad dang gnad dag la gnod par byed/ gshog par byed do// de nas yang de dag steng nas 'og tu 'byung ste/ sog le de dag nyid kyis gsheg cing 'dral lo// mon sran gre'u lta bu'i rigs de dag lus steng dang / 'og dang / sa'i ngos la yun ring du 'joms so// gsheg go// sreg go/ spu ma'i 'phreng ba'i nang du 'jug pa de dag la gnod pa 'byung ste/ 'di lta ste/ bum pa de spu gri rnams kyis gang ba yin te/ der sems can dmyal ba ba dag spu gri dug gis gos pa de dag gis yan lag

  352. 177a

    dang cing lag ga shog par byed do/ / chu rgol ba'i nang du sbru la zhugs pa de dag la gnod pa 'byung ba 'di sa ste/ chu rgol pa dpag tshad byed du sgrol ba shin tu chab 'byung ste/ der du/ ba'i nang na sbrul gnas pa mche ba mchog tu rno ba dag reg pa dang / mthong bas me bzhin du sreg go// reg pas spu gri bzhin du gcod do// sems can dmyal ba pa de dag sbrul de dag gis gcod par byed reg pas rus pa tsam lus par byed cing / mthong bas sgrol bar byed la dbu ba bzhin du zhu bar byed do// chu bskor bas skol bar byed de/ sems can dmyal ba pa dag sdug bsngal shin tu tsha zhing rtsub pa dag myong bar 'gyur ro/ / gal te gshin rje'i mi dag gzhan du dong bar gyur na/ de'i tshe bum pa de dag gi kha 'og ma'i bu ga med par 'gyur te/ des sems can dmyal ba pa dag 'bros par byed mi nus so/ / de nas gshin rje'i mi de dag 'di snyam du sems te/ 'di ltar sems can dmyal ba pa bug med pa'i bum pa'i nang 'dir zhugs pa dag rdo rje lta bu'i skyang nul gyis bu ga med par byas te/ gnod pa rnam pa sna tshogs kyis sems can dmyal ba pa dag 'bros mi nus par bya'o snyam du sems so// de nas gshin rje'i mi de dag 'di snyam du sems te/ las kyis byas pa'i bum pa 'di dag thams cad kyi kha 'og ma bdag cag gis nges par yang me 'bar ba'i 'phreng ba mched pas nyis 'gyur du rab tu 'bar bar bya'o snyam nas/ de nas sems can dmyal ba pa de dag

  353. 177b

    la gnod pa de dag gis gnod par byed do/ / de nas gshin rje'i mi de dag khros nas yang bum pa de dag lcags kyi shing de dag gis nyis 'gyur du rab tu sreg par byed do// de nas sems can dmyal ba pa de dag gyen du 'gro ba na/ zangs dmar po bskol bas phan tshun gnod par byed de/ sdug bsngal gyi gnod pa sna tshogs kyis nyam thag pa dag ji srid du de'i sdig pa'i las bcom zhing spangs la zad bar ma byas pa de srid du kha cig ni rnam par zhigs so/ / kha cig ni sbrul gdug pa me ltar tsha bas skol cing sreg par byed do// de dag bum pa'i gnod pa de las thar par 'gyur te/ thar nas kyang tshe rabs sum brgyar yi dag sa dri za ba rnams kyi nang du skye bar 'gyur ro/ / gal te mi rnams dang skal ba mnyam par mir skyes na/ las de dang rgyu 'thun pa'i 'bras bus de bstan bcos ngan pa'i gtan tshigs kyis rmongs pa/ blo gros ngan pas don gyi phyir ram/ mtho ris kyi phyir sha dag sogs par byed do// sred pa'i bag la nyal gyis 'brel pa dag yang sdug bsngal de nyid don du gnyer bar byed pa mthong de nas yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba chu bo dmar po 'bab pa zhes bya ba mthong ngo / / der sems can dag log par lta ba'i las byas pa gang gis skye bar 'gyur snyam nas/ des thos pa las byung ba'i shes pas brtam

  354. 178a

    na/ tshul khrims 'chal pa gang gis tshul khrims 'chal pa mang du byas nas/ phyis 'di snyam du sems te/ bdag dka' thub dka' ba byas pa dang / bdag gis nyes par byas pa dang / nyes par ma byas pa de dag thams cad 'byang bar 'gyur ro snyam nas/ de tshal du song ste shing la rkang pas btags nas mgo thur du sbyangs te/ mtshon chas sna 'am da bral ba gcod de/ de las gang khrag byung ba de dag mer sreg la dugs par byed do// sred pas mtho ris 'dod pa/ lam ngan par zhugs pa/ bye ma dag las til mar 'byung bar 'dod pa de khrag zad nas 'chi ste/ de lus dang bral nas ngan 'gro log par ltung ba sems can dmyal ba chu bo dmar po 'bab par skye bar 'gyur ro// der gnod pa 'di dag 'byung bar 'gyur te/ 'di lta ste/ gang / sems can dmyal ba yang sos la sogs pa'i sdug bsngal bsdus pa de dag thams cad lnga 'gyur du 'byung ba'i steng du khyad par du 'byung ba ni/ 'di ltar gshin rje'i mi dag tho ba dang / ral gri dang / mda' bo che dang / rdo rnams kyis ji ltar khrag dang klad rgyas 'byung zhing 'bab pa de ltar phye mar chog ste/ ji ltar chu bo des ded pa de ltar sems can dmyal ba pa skra dang rus pas mu khebs pa gzhan dag kyang chu bos ded do/ / zangs bskol ba'i chu bo rab tu mi bzad cing mchog tu 'jig pa zhes bya ba gnyis pa 'bab ste/ chu bo de'i nang na srog chags kyi rigs yang gu di ka zhes bya ba reg na me ltar

  355. 178b

    bzhig yod pa des sems can dmyal ba de dag rab tu bsregs shing bsregs shing za'o/ / de ltar chu bo dmar po 'dab pa'i sems can dmyal ba pa dag gi lo bgrang gis mi lang ste/ ji srid du de'i log par lta ba sdig pa'i las bcom zhing spangs la zad par ma byas pa de srid du/ chu bo dmar po 'bab pa'i sems can dmyal bar yun ring du gnod pa dag myong bar 'gyur ro// de phyis sems can dmyal ba de las thar par 'gyur te/ thar nas kyang las de dang rgyu mthun pas tshe rabs lnga brgyar yi dgas bdug spos za ba rnams kyi nang du skye bar 'gyur ro// de las bar nas kyang tshe rabs bzhi brgyar dud 'gro rgya mtsho'i byar skye ste/ de chu bo'i sgor gnas pa 'am/ gal te mgo dmar por 'gyur ro// de gal te mi rnams dang skal ba mnyam par mir skyes na/ las de dang rgyu 'thun pa'i 'bras bus de dbul zhing nad bu can du 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba rkang dang rus pa la srin bu mang ba zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ lus sam/ ngag gam/ yid kyi chad pa mi dge ba mang du byas nas/ de phyis thos pa ngan pas rmongs pa/ tshangs pa'i 'jig rten la

  356. 179a

    sred pa/ lam ngan pa la rab tu gnas pa/ tshul khrims rnam par spangs pa/ tshul khrims 'chal pa'i rang bzhin dang ldan pa/ g.yo can pha rol la gnod pa dag tshul khrims spangs nas/ lci ba'i me thab byed de/ sdug bsngal ba de tshe 'di la mi'i mes sreg go// lus dang bral nas ngan 'gro log par ltung ba sems can dmyal ba rkang dang rus pa la srin bu mang bar skye bar 'gyur ro/ / der gnod pa 'di dag 'byung bar 'gyur te/ 'di lta ste/ lcags las byas pa'i brdung bas de'i mgo man chad kyi bar dag rdung bar byed do// ngu skad 'don pa na ji ltar sbrang rtsi'i tshogs ma bzhin du byed de/ yan lag dang nying lag thams cad mngon par dmigs su med par byed kyang log par lta ba las de dang rgyu mthun pa'i 'bras bus 'chi ba'i dus ni mi byed do// sems can dmyal ba pa de dag gis lus bsags par gyur pa dag ji ltar rkang dang rus pa chen po'i tshogs kyi ri 'phang du dpag tshad lnga yod cing / rgyar dpag tshad gsum yod pa de ltar bsags par gyur te/ de dag la srin bu drod gsher las skyes pa/ sems can gyi grangs su bgrang ba zhig 'byung bar 'gyur te/ gang dag las ci zhig byas pas 'gyur snyam nas/ skyes pa 'am bud med gang gis rang gi lus sam/ gzhan gyi lus las 'byung ba'i shig kam/ srog chags ma ko ta ka 'am/ rkang la za ba 'am/ gzhan yang rnam pa de lta bu bsad par gyur na/ de dag kyang lus

  357. 179b

    dang bral nas ngan 'gro log par snang ba sems can dmyal ba srin bu zhes bya ba der skye bar 'gyur ro/ / de dag gi 'du shes 'byung ba ni 'di lta ste/ las de dang rgyu mthun pa'i 'bras bus lus 'byung zhes bya ba'i ri de la de dag skye bar 'gyur te/ de dag kyang sems can dmyal ba rkang dang rus pa la srin bu mang ba'i gshin rje'i mi gzhan dag 'ongs nas/ las kyis byas pa'i mes rab tu sreg par byed do/ / lus 'byung ba zhes bya ba'i srin bu yod pa der sems can dmyal ba pa lci ba'i me dang thab kyis bslus pa dag de ma thag tu mes sreg go// de'i ri de sreg pa na 'phang du mes dpag tshad bcu tsam du 'bar bar byed de/ sems can dmyal ba pa de dag rang gi lus las byung ba'i me dang srin bu de dag gis lhan cig sreg par byed do// lus las 'byung ba'i srin bu bong chung ba dag 'byung par 'gyur te/ de las sdug bsngal ches chung ba 'byung ba ni/ sems can dmyal ba dag bsdus nas de dag mngon pa med par byed de/ phan tshun me 'bar ba'i 'phreng bas lus yongs su gdungs pa dag/ yun ring du ji srid du de'i sdig pa'i las bcom zhing spangs la zad par ma byas pa de srid du lo bgrang gis mi lang bar sreg go// de phyis sems can dmyal ba de las thar par 'gyur te/ thar nas kyang las de dang rgyu mthun pa'i 'bras bus tshe rabs lnga brgyar rig seb tu yi dgas khab mgrin du skye bar 'gyur ro// tshe rabs lnga brgyar rgya mtsho'i sa'i 'og gi rma

  358. 180a

    zang mo ba tsha'i rgyu'i nang gi nyar skye bar 'gyur ro/ / de dag de las thar nas gal te brgya la gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de tshal na spyod cing tshal gyi nang na gnas pa 'am/ nags khrod na 'tsho ba 'am/ dbul zhing de tshal gyi mes sreg par 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba skye bo thams cad sreg pa zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba snga ma bzhin kun tu bsten cing bsgoms te mang du byas pas 'gyur ro// log par lta ba yang thos pa ngan pas rmongs pa/ lus kyi chad pa dang / ngag dang yid kyi chad pas rnam par rmongs pa/ rtag tu chad pa rnam pa gsum gyis nyam thag pa/ log par lta ba dang mtshungs par spyod pa dag/ tshal lam/ ri 'am/ mtshams kyi bar ram/ nu 'am lcug ma'i tshal dag la mes sreg par byed pa dag/ 'di ltar mtshim par byas pas/ lha dag dga' bar 'gyur te/ de dag dga' ba dang lha yul du khrid par byed de/ bdag lha'i 'jig

  359. 180b

    rten de thob pa dang me tshim par byas pas/ bdag der lha'i dga' ba thob par 'gyur ro snyam ste/ rmongs pa thos pa ngan pas bslus pa de lus dang bral nas ngan 'gro log par ltung ba sems can dmyal pab skye bo thams cad sreg pa zhes bya ba der skye bar 'gyur ro/ / der gnod pa 'di dag 'byung bar 'gyur te/ 'di lta ste/ gang sems can dmyal ba yang sos la sogs pa'i gnod pa de dag thams cad lnga 'gyur du 'byung ba'i steng du khyad par du 'byung ba ni/ 'di ltar der skyes pa gang dag las kyis sprul pa'i bu dang / bu mo dang / chung ma dang / dga' ba'i bsten grogs dang / pha ma dang / de las gzhan pa dga' ba dang 'brel pa de dag der 'tshed pa na/ bu dang / chung ma dang / bsten grogs dang / pha ma'i tshogs de dag thams cad mthong ngo // de dag kyang de ltar sems can dmyal bar 'tshed pa na mthong ste/ 'tshed pa de mthong ba dang / yid kyi sdug bsngal mi bzad pa tsha ba rtsub pa dag myong bar byed do// dga' ba'i tshogs de dag thams cad mthong nas mya ngan gyi me'i rnam pa 'di lta/ bu 'byung bar 'gyur te/ gang sems can dmyal ba pa'i mang dag sred pa'i me'i bcu drug gi char yang mi bod do// sems can dmyal ba pa'i me thams cad kyi nang na sred pa'i me thams cad ches shin tu tsha'o/ / me rnams kyi nang na yang 'di ma yin no// zhags pa rnams kyi nang na 'di zhags pa'i mchog yin no// 'ching ba rnams kyi nang na 'di 'ching ba dam pa yin te/ 'ching ba dam pa des so

  360. 181a

    so'i skye bo byis pa thams cad bcings so/ / gang log pa'i las kyis byas pa'i dga' ba'i tshogs sems can dmyal ba pa dag mthong nas kyang sred pas de bzhin sreg ste/ gang me de dag las byung ba'i sems can dmyal ba pa kha ba lta bur gyur pa de yang / de'i bu dang chung ma'i tshogs dang / pha ma'i tshogs du skad 'don te/ 'di ltar bdag cag la yongs su bskyab par gyis zhes snying rje rje skad du ngu skad 'don kyang / de dag yongs su bsgrub par ga la nus te/ gang sems can dmyal ba pa dbang med pa mes sreg cing 'tshed do// de ltar ji srid du de'i sdig pa'i las bcom zhing spangs la zad par ma byas pa de srid du de yun ring po lo bgrang gis mi lang bar lus dang yid kyi mes sreg go/ / de phyis sems can dmyal ba de las thar par 'gyur te/ thar nas kyang las de dang rgyu mthun pa'i 'bras bus de lo sum brgyar yi dgas gtor ma za bar skye bar 'gyur/ tshe rabs lnga brgyar dung ma lta bu'i nang dir de'i bus pa pho monya pa dag gis gsod par byed do// gal te mtha' shing gi bu gar rus sngal 'jug pa lta bur mi rnams dang skal ba mnyam par mir skyes na/ de dbul zhing tshe thung ba dang / dbang po ma tshang ba dang / bu dang chung ma dang bral zhing / gang dag tu bran gdog tu 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal

  361. 181b

    sar 'bying mtha' yas zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms te mang du byas pas 'gyur te/ mdor na lus kyi chad pa 'am/ ngag gi chad pa'i las kyi nyer bsdogs dang las kyi mjug kun tu bsten cing bsgoms te mang du byas pas 'gyur ro/ / de lus dang bral nas ngan 'gro log par ltung ba sems can dmyal ba sar 'bying mtha' yas su skye bar 'gyur ro// der gang sems can dmyal ba yang sos la sogs pa'i sdug bsngal bsdus pa de dag thams cad lnga 'gyur du 'byung ngo // log par lta bar gyur pa ni zos pa ngan pa gang gis srin bu phye'u dang / srog skur dang / sbrul dang / sbrul shin tu gnag pa dang / ri dgas dang / bya rnams me'i nang du bcug na/ me de dag dga' bar 'gyur ro// dga' nas kyang 'jig rten mtha' yas pa sbyin par byed de mer bsregs pa de dag gis kyang drag po'i 'jig rten mi bzad par byed do/ / gang mer bcug pa de dag de'i chos chen po thob par 'gyur ro zhes bsgrags shing / de ltar 'dzin du 'jug pa ni chos log pas rnam par bslus pa log par lta ba yin te/ de lus dang bral nas ngan 'gro log par ltung ba sems can dmyal ba sar 'bying mtha' yas su skye bar 'gyur ro// der gnod pa 'di dag 'byung bar

  362. 182a

    'gyur te/ 'di lta ste/ mdag ma'i ri brgyar dpag tshad lnga yod pa/ kun nas sems can dmyal ba pa'i mes rab tu 'bar ba de la sems can dmyal ba pa de dag gshin rje'i mi rnams kyis bteg cing 'dor bar byed de/ rkang pa dang / rkeng pa dang / mdoms dang / rgyab dang / dpung pa dang / mgrin pa dang / lag pa dang / mig dang / rna ba dang / mgo dang / klang pa'i bar bsregs nas/ de nas yang 'byung bar 'gyur te/ sreg pa na ji srid du de'i sdig pa'i las bcom zhing spangs la zad par ma byas pa de srid du/ dus du ma/ yun ring ngo po/ lo bgrang gi mi lang bar sreg go/ / de phyis sems can dmyal ba de las thar bar 'gyur te/ thar nas kyang log par lta ba mi bzad pas las de dang rgyu mthun par tshe rabs lnga brgyar yi dgas mi gtsang ba za ba/ lus thams cad rab tu 'bar ba mtshan mo rgyu ba na skye bo kun gyis mthong ba dang / las ngan pa byas pa dbang du gyur par skye bar 'gyur ro// yi dgas kyi ris de las thar nas kyang / dud 'gro lus thams cad la srin bu me khyer rab tu 'bar ba 'byung zhing / nyin mtshan du skye bo kun gyi mngon sum du 'gyur ba dang / khong pa'i nang du me zhugs pas sreg cing / nyi ma'i 'od zer dag gis zil gyis non par 'gyur pa mthong ngo / / / dam pa'i chos dran panye bar gzhag pa dam po bcu gnyis pa/ de nas yang dge slong las kyi 'bras bu rnam par smin pa shes pa des

  363. 182b

    sems can dmyal ba chen po tsha ba'i 'khor la brtags na/ des sems can dmyal ba pad+ma chen po lta bu zhes bya ba mthong ngo // der sems can dag las gang gis skye bar 'gyur snyam nas/ des bos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms la mang du byas pas 'gyur te/ mdor bsdu na lus kyi chad pa dang / ngag gi chad pa'i las kyi nyer rab sngogs dang / las kyi mjug dang ldan pa de ni lus dang bral nas ngan 'gro log par ltung ba sems can dmyal ba pad+ma chen po lta bur skye bar 'gyur ro/ / log par lta ba yang rnam pa 'di dag byas pas 'gyur te/ 'di ltar mis gsang gi mchod sbyin byas pas 'jig rten nyams pa med pa thob par 'gyur ro zhes zer ba de ni/ lus dang bral nas ngan 'gro log par ltung ba sems can dmyal ba pad+ma chen po lta bur skye bar 'gyur ro// der gnod pa 'di dag 'byung bar 'gyur te/ 'di lta ste/ sems can dmyal ba de'i byang gzugs pad+ma lta bu yin te/ gang de dag gi ze ba'i bar rdo rje lta bu'i tsher mas gang ba der/ sems can dmyal ba dpag tshad lnga brgya tsam pa de tsher ma'i bar de dag tu skye bar 'gyur ro/ / skyes ma thag tu de dag gi lus thams cad tsher ma rnams kyis shin tu phug ste/ gang ma phug pa gcig med pa ni/ der khab kyi bu ga tsam

  364. 183a

    gyi phyogs kyang med de/ gang sems can dmyal ba pa'i mas rmas ma gang ba med do// de ltar ji srid du de'i sdig pa'i las bcom zhing spangs la zad par ma byas pa de srid du yun/ ring por 'tshed do// sreg go/ de phyis sems can dmyal ba de las thar par 'gyur te/ thar nas kyang las de dang rgyu 'thun pa'i 'bras bus tshe rabs nyis brgyar yi dgas ldan ljin za bar 'gyur// de de las shi nas kyang tshe rabs lnga brgyar rma bya dug za ba'i rigs su skye bar 'gyur ro// gal te de nas shi nas gnya' shing gi bu gar rus sngal 'jug pa lta bur mi rnams dang skal ba mnyam par mir skyes na/ de rtag tu dbul zhing rtag tu phan tshun rag las pa mang ba dang / gal te ltad mo pas 'tsho ba'i gar mkhan nam/ gang rnam pa de las gzhan pa'i ltad mo pas 'tsho bar 'gyur te/ ji srid 'tsho'i bar du bkren pa rab tu 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba mtha' drag ces bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms te mang du byas pa ni snga ma bzhin no//

  365. 183b

    / log par lta ba kun tu bsten cing bsgoms te mang du byas pas 'gyur ba ni/ 'di ltar chur zhugs pas nyes par byas pa thams cad 'byang bar 'gyur zhing / khyab 'jug gi 'jig rten du skye bar 'gyur/ la/ gnas de nams kyang mi g.yo ste/ g.yo ba med pa der skye bar 'gyur ro zhes de pha rol dag kyang de nyid la 'jog par byed cing / yang dag par dga' bar byed par chur zhugs pas srog dang bral bar byed na/ de chur zhugs pas 'chi ba'i dus byas nas sems can dmyal ba mtha' drag tu skye bar 'gyur ro// lus kyi chad pa dang / ngag gi chad pa dang / yid kyi chad pas nyams pa der skyes pa dag la/ gang sems can dmyal ba yang sos la sogs pa'i sdug bsngal de dag thams cad snga ma zhin 'byung ba'i steng du/ khyad par du 'byung ba ni/ sems can dmyal ba de kun nas rdo'i zur shin tu rno ba rnams kyis khebs pa/ kun nas ri rang 'od shin tu rno ba 'phang du dpag tshad bcu yod pas bsgribs pa de la bya yang 'gro bar mi nus na/ sems can dmyal ba pa dag ri de la rgal bar lta ga la nus te/ kun nas 'bar/ rab tu 'bar/ kun tu rab tu 'bar te/ ri de dag kun nas me lce gcig tu gyur pa dang / sems can dmyal ba pa de las gcig gis sems can dmyal ba pa mtha' dag la kye grogs po dag ri'i rtse mor sems can dmyal ba 'di dag ri 'di dag las rgal ba dang / bde ba thob bo zhes smra ste/ de ltar las ngan pas bskul ba'i sems can dmyal ba pa de/ sems can dmyal ba

  366. 184a

    pa de dag la smra'o/ / smras ma thag tu sems can dmyal ba pa las ngan pas bskul ba de dag ri thag thug zar zur shin tu mi bde zhing kun nas rab tu 'bar ba ga la ba der de dag rgyug kyang de dag 'dzeg par mi nus te/ de dag kha cig ni de nyid du mas tshig go/ 'jigs skrag pa kha cig ni de nyid du rdo rang rong la 'ju bzhin du sreg go/ skrag dang ngas pa'i sems can dmyal ba mgon 'dod pa/ skyabs 'dod pa/ dpung gnyen 'dod pa de dag kha cig ni gshin rje'i mi rnams kyi lag pa nas/ ral gri dang tho bas yang dang yang du btags te/ de ltar sems can dmyal ba pa lus kyi chad pa dang / ngag gi chad pa dang / yid kyi chad pas nyen pa de dag ji srid du de'i sdig pa'i las bcom zhing spangs la zad par ma byas pa de srid du shin tu yun ring por 'tshed do// sreg go// de phyis sems can dmyal ba de las thar par 'gyur te/ thar nas kyang las de dang rgyu mthun pa'i 'bras bus lo sum brgyar yi dgas khrag za ba'i ris dang mthun par skye bar 'gyur/ de las thar nas kyang lo sum brgyar dud 'gro sbrul chen po'i ris su skye bar 'gyur ro/ / gal te mi rnams dang skal ba mnyam par mir skyes na/ de dbul zhing nang bu can dang / yul ngan par skye zhing dbang po ma tshang ba dang / rtag tu 'jigs pa mang ba'i yul dag tu skye bar 'gyur bar mthong ngo / / de nas yang dge slong las kyi 'bras bu rnam par smin pa shes pa des/ sems can dmyal ba chen po che ba'i 'khor la brtags na

  367. 184b

    des zos pa las byung ba'i shes pas sems can dmyal ba rus pa rdo rje lta bu 'byung zhing 'du ba zhes bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms te mang du byas pas 'gyur ro// log par lta ba yang kun tu bsten cing bsgoms la mang du byas pas 'gyur te/ 'di ltar dngos po dag ni 'dod rgyal las 'byung zhing / 'dod rgyal las 'gag ste/ 'di ltar tsher ma rno ba dang / rma bya dag gi bkra ba dang / 'di ltar smig rgyu dang / dri za'i grong khyer dag gi rgyu rkyen ni med kyi/ 'dod rgyal las 'byung zhing 'gag ste/ dngos po thams cad ni de lta bu yin no zhes de de ltar gzhan dag kyang 'dod rgyal du lta bar gyur pa der rab tu 'jog par byed cing yang dag par ston par byed la/ lus kyi chad pa dang / ngag gi chad pa dang / yid kyi chad pas nyams par byed pa de ni lus dang bral nas ngan 'gro log par ltung ba sems can dmyal ba rus pa rdo rje lta bu 'byung zhing 'du bar skye bar 'gyur ro/ / der sems can dmyal ba yang sos la sogs pa'i sdug bsngal bsdus pa de dag thams cad 'byung ba'i steng du khyad par du 'byung ba ni/ 'di ltar gshin rje'i mi rnams kyis/ gang gi tshe sems can dmyal ba pa de dag mtshon cha hu lu rnon po dag gis de'i sha med par byas la/ gang dgra gzhan byung bas rus pa

  368. 185a

    de dag blangs te/ dgra des rus pa phan tshun btags so// rus pa de dag gi las nyes par byas pa des rdo rje lta bur gyur te/ kha cig ni mgo phug/ kha cig ni rked pa phug kha cig ni yan lag dang nying lag thams cad thal bar rlog/ kha cig ni khrag tsam lus par byed/ kha cig gi yan lag gcig 'jig par byed/ kha cig la phan tshun sbron par byed/ rus pa dang rus pas sam/ rdo rab tu 'bar ba dag gis sems can dmyal ba pa de dag gcig la gcig rdeg cing gsod de/ sems can dmyal ba pa las kyis bskul ba de dag 'di ltar ji srid du de'i sdig pa'i las bcom zhing spangs la zad par ma byas pa de srid du shin tu yun ring po lo bgrang gis mi lang bar sems can dmyal ba pa de dag gcig la gcig gsod do/ / de phyis sems can dmyal ba de las thar par 'gyur te/ thar nas kyang las de dang rgyu 'thun pa'i 'bras bus yi dgas rang gi klad rgyas za ba'i nang du skye bar 'gyur/ de nas shi nas kyang tshe rabs sum brgyar dud 'gro'i 'jig rten rtsangs pa dang / sbyin gor dang / srog chags b+hil la kar skye bar 'gyur te/ de nas shi nas kyang gal te brgya la gnya' shing gi bu gar rus sbal 'jug pa lta dur mi rnams dang skal ba mnyam par mir skyes na/ de tshal du gnas pa dang / 'gro lding ba'i yul dang / an d+ha ka'i yul gyi dbus dag tu dbul ba dang / nad pu can dang / gzhan gyis bkol bar 'gyur ba mthong ngo //

  369. 185b

    de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba skud pa nag pos 'dral zhing gcod pa tsha ba zhes bya ba mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun du smra ba kun tu bstan cing bsgoms te mang du byas pas 'gyur ro// log par lta ba ni mtshan ma dang mtshan ma las byung ba byas pa ston par byed/ sgom par byed/ mang du byed na/ de lus dang bral nas ngan 'gro log par ltung ba sems can dmyal ba lcags nag po'i skung pas 'dral zhing gcod pa ma bar skye bar 'gyur ro/ / der gang sems can dmyal ba yang sos la sogs pa'i gnod pa bsdus pa de dag thams cad lnga 'gyur du 'byung ba'i steng du/ khyad par du 'byung ba ni/ rang gis byas pa nyes par byas pa'i las las byung ba'i skud pa nag pos bcal nas/ gshin rje'i mi rnams kyis mtshon cha'i so rno zhing rab tu 'bar ba dag gis rkang pa la sogs pa nas mgo'i bar du gcod do/ / de ltar de dag gcod pa na snying rje zhing rnam par khro la skad 'byin cing ngu'o// mtshon chas gshog cing lcags nag po'i skud pas 'di ltar yungs kar tsam du yang mi mngon

  370. 186a

    par ches phra bar gcod do/ / de ltar sems can dmyal ba pa de dag ji srid du de'i sdig pa'i las bcom zhing spangs la zad par ma byas pa de srid du yun shin tu ring por gnod pa myong bar 'gyur ro/ / de phyis sems can dmyal ba de las phar par 'gyur te/ thar nas kyang las de dang rgyu mthun pa'i 'bras bus tshe rabs lnga brgyar yi dgas gtor ma za ba rnams kyi nang du skye bar 'gyur/ tsherabs lnga brgyar dud 'gro chu'i srin bu dang / sdig pa dang / grog skur gyi skye gnas dag tu skye bar 'gyur ro// gal te mi rnams dang skal ba mnyam par mir skyes na/ de de dag gi rgyu 'thun pas rabs su bkres pa dang skom pas gdungs par 'gyur zhing / gang rgyal po gzhan gyis gnod pa byas par 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba srin bu na kra dang / 'khor lo dang / me 'jigs 'jigs ltar skyes pa zhes bya ba mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms te mang du byas pas 'gyur ro// log par lta ba yang bsams shing bsgoms

  371. 186b

    la mang du byas pas 'gyur te/ 'di ltar 'jig rten 'di rtag go// 'jig rten 'di zer zug go/ chos thams cad rtag go// chos rnams ni rtag ste/ phyin ci ma log pa'o zhes de ltar de phyin ci log tu// lta ba ni/ log par lta ba yin te/ pha rol dag kyang log par lta ba de nyid la yang dag par 'jog par byed/ yang dag par 'dzin du 'jug par byed/ yang nas yang du ston cing 'khor la smras pa dang / rgyu ngan pa dang / lta ba'i mtha' 'khor 'dzin du 'jug cing chos ma yin pa chos kyi tshul du ston pa de dag lus dang bral nas ngan 'gro log par ltung ba sems can dmyal ba srin bu na kra dang / 'khor lo dang / me 'jigs 'jigs ltar skye bar 'gyur ro// der skyes nas gang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du// khyad par du 'byung ba ni/ 'di ltar lcags kyi ka ba 'byung bar 'gyur te/ de'i klad par brgyab nas rkub tu 'byung ngo // de nas byung nas kyang sa'i nang du lhan cig nub bo// gsal shing gis phug nas srin bu na kra zhes bya bas pags pa dang / sha dang / tshil thams cad za la/ de'i yan lag dang / nying lag za zhing 'phung ste/ khrag 'byin par byed pa dang / lus skul bar byed pa dang / sha gcod par byed pa dang / mig 'byin par byed pa dang / gzhungs pa dang rgyus pa 'byin cing / rtsa yang gcod pa dang / 'dzag sgo sreg pa dang / spu 'thog pa dang

  372. 187a

    pags pa 'dral ba dang / rgyus pa mang po'i nang du 'jug pa dang / snying dral nas 'thung ba dang / glo ba dang / rgyab dang / gnad dang gnad dag la za bar byed do// de'i ming pa dang / lce dag phra skam rab tu 'bar bas drangs nas khyi zar 'jug go// rgyu ngan pa dang / lta ba ngan pa'i mthar chud pa ngan par smras pa gang de'i nyes pas de dag thams cad sdug bsngal gyi dra bar chud pa yin te/ sems can dmyal ba pa log par lta ba/ g.yo sgyu'i lta ba/ g.yo sgyus 'gyed pa de dag log par smra ba chen po yin te/ gang de dag des der rab tu bcud cing / lus kyi chad pa dang / ngag gi chad pa dang / yid kyi chad pas nyams pa de dag thams cad ji srid du de'i sdig pa'i las bcom zhing spangs la zad par ma byas pa de srid du/ yun shin tu ring zhing lo bgrang gis mi lang bar sems can dmyal bar sreg go/ / de phyis sems can dmyal ba de las thar par 'gyur te/ thar nas kyang las de dang rgyu mthun pa'i 'bras bus tshe rabs sum brgyar yi dgas mi ro za bar skye bar 'gyur/ de las thar nas kyang gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ las de dang rgyu mthun pa'i 'bras bus/ gang rgyal po gzhan gyis nyes par byas pa de de'i lus la 'bab pa dang / de dbul zhing nang bu can dang / gzhan gyis bkol bar 'gyur zhing / mi'i sha za ba dang / lus nga

  373. 187b

    ba'i 'du shes mi 'thob par 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba nags tshal gyi me mun ltar 'khrigs pa zhes bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang // ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms la mang du byas pas 'gyur te/ las kyi nyer bsdogs dang / las kyi mjug dang ldan pas 'gyur ro// de lus dang bral nas ngan 'gro log par lhung ba sems can dmyal ba nags tshal gyi me mun ltar 'khrigs pa zhes bya bar skye bar 'gyur ro/ / log par lta ba kun tu bstan cing bsgoms la mang du byas pas 'gyur pa ni/ 'di ltar kha cig ni mi rtag go/ kha cig ni rtag go/ de la mi rtag pa ni lus yin no// rtag pa ni sa la sogs pa 'byung ba rnams yin te/ de mthar 'dzin par lta ba gnyis kyis rgyu ngan pa/ lta ba ngan pa'i mtha' gzhan 'dzin du 'jug cing yang dag par dga' bar byed du 'jug la/ yang dag par rab tu 'jog/ 'khor la chos ma yin pa'i tshul gyis chos ston cing rab tu 'jog par byed pa de lus dang

  374. 188a

    bral nas ngan 'gro log par ltung ba sems can dmyal ba nags tshal gyi me mun ltar 'khrigs par skye bar 'gyur ro/ / der gang sems can dmyal ba yang sos la sogs pa'i gnod pa de dag thams cad lnga 'gyur du 'byung ba'i steng du khyad par du 'byung ba ni/ 'di ltar gang gi tshe gshin rje'i mi'i gnod pa dag las gal te thar nas kyang / phyis de'i las kyis byas pa'i mun pa mun nag gi tshogs kyi rlung ldang ste/ des sems can dmyal ba pa de dag dmigs pa med pa na nam mkha' la ji ltar de'i lus kyang mi mngon pa de ltar bskor ro// yongs su bskor ba de yo su bskor ba dang / rlung gzhan spu gri lta bu ldang ste/ des lus de chang pa nas bye ma 'thor ba ltar phyogs bcur 'thor ro// de nas yang skye bar 'gyur te/ yang 'phor ro// de ltar ji srid du de'i sdig pa'i las bcom zhing spangs la zad par ma byas pa de srid du/ yun shin tu ring ba lo bgrang gis mi lang bar sdug bsngal drag cing tsha la rtsub pa dag myong bar 'gyur ro// de phyis de las thar par 'gyur/ te/ thar nas kyang las de dang rgyu mthun pa'i 'bras bus tshe rabs bzhi brgyar yi dgas skyugs pa za ba rnams kyi nang du skye bar 'gyur ro// de las thar nas kyang gang dud 'gro lhag ma za ba bkres pa dang skom pas yongs su gdungs pa'i lus su 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po che ba'i

  375. 188b

    'khor la brtags na/ des thos pa las byung ba'i shes pas sems can dmyal ba bung ba rdo rje lta bus gnod pa'i go cha zhes bya ba ji ltar 'dug pa de mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms te mang du byas pas 'gyur ro// log par lta ba ni 'di ltar 'khor ba 'di ni thog ma yod cing rgyu yod pa'o// gang 'di dag thams cad kyi rgyu rtag pa dang mi rtag pa gnyis te/ des bskyed do zhes brdzun de rgyu ngan pa dang / lta ba ngan pa'i mthas bsrad pa/ des chos ma yin pa chos kyi tshul du ston cing / pha rol rab tu 'jog par byed/ yang dag pa'i lam las bkol bar byed cing / chos las phyir zlog par byed la/ log par lta ba yang dag par 'dzin du 'jug par byed kyang / de de ltar ma yin te/ rgyur gyur pa rtag pa gang yang med do// rtag pa ni dus dang bral ba/ 'gyur pa med pa/ de bskyed pa ma yin pa/ nam mkha' lta bu yin na/ de yang gzhan du rtog ste/ de lus dang bral nas ngan 'gro log par ltung ba sems can dmyal ba bung ba rdo rje lta bus gnod pa'i go char skye bar 'gyur ro/ / de lus kyi chad pa dang / ngag gi chad pa dang / yid kyi chad pas nyen pas nyams pa/ skyes bu ngan pa/ log par lta ba/ yang dag par smra ba/ phyir 'gog

  376. 189a

    pa/ yang dag par ma yin pa smra ba la rab tu 'jog pa/ rmongs pa lam ngan par zhugs pa/ shes rab kyi nga rgyal can rang gis yongs su btags pa smra ba ni gnod pa dag dang phrad de/ gang sems can dmyal ba yang sos la sogs pa'i gnod pa bsdus pa dag lnga 'gyur du 'byung ba'i steng du khyad par du 'byung ba ni 'di lta ste/ gshin rje'i mi phra skam phra mo thogs pas sha ba spu tsam du btog btog nas de nyid zar 'jug go/ / bung ba'i mchu rdo rje lta bu dag 'byung bar 'gyur la/ gang de'i lus la lan tshwa ltar drag par byed de/ de las khrag dron po 'byung ngo // de gshin rje'i mi rnams kyis de nyid zar 'jug ste/ zas des de'i srog 'tsho bar byas so// nyes par byas pa'i las kyis bslus pa de yang bkres pa dang skom pas lus dang snying bcu 'gyur du gdungs so// de nas yang las de dang rgyu 'thun par rang gi sha dang khrag de nyid 'byung bar byed de/ rang gi las kyis 'chi ba'i dus mi byed do// de nas yang rang gi sha dang khrag de nyid 'byung bar byed de/ ji srid du de'i sdig pa'i las bcom zhing spangs la zad par ma byas pa de srid du las kyis bslus pa de yun shin tu ring po lo bgrang gis mi lang bar gnod pa myong bar 'gyur ro/ / de phyis sems can dmyal ba de las thar par 'gyur te/ ba ra nas kyang las de dang rgyu mthun pa'i 'bras bus tshe rabs bzhi brgyar yi dgas lhag ma za bar skye bar 'gyur ro// tshe rabs lnga brgyar dud 'gro ci len da dang / ba glang gi nags tshal la sogs

  377. 189b

    par bkres pa dang skom pas gdungs pa'i lus su skye bar 'gyur ba mthong ngo / / de nas yang dge slong las kyi 'bras bu rnam par smin pa shes pa des/ sems can dmyal ba chen po che ba'i 'khor la brtags na/ de sa bcu bdun pa ni gcig kyang ma mthong la/ 'di ltar sems can dmyal ba chen po tsha ba'i 'khor 'di'i mtha' ni 'di yin/ gnas pa ni 'di yin/ log par lta ba pa ngan par byas pa'i las byas pa rnams kyi gnas ni 'di yin no snyam ste/ des sems can dmyal ba chen po drug pa la brtags nas/ yang dag pa ji lta ba bzhin nang gi chos la chos kyi rjes su lta zhing gnas pa'i rnal 'byor spyod pa de rab tu dga' ba dang / sa bla ba'i gnod sbyin dag gis de mthong nas/ kye e ma dge slong 'di ni brtson pa ma nyams pa/ sa gzhan bcu gcig pa la zhugs shing / 'khor ba'i dus rnam par gcod par byed pa de yang shes nas dga' ste/ bar snang la spyod pa'i gnod sbyin dag la snga ma bzhin mngon par bsnyad nas/ 'od chung gi lha'i bar dag la/ 'di ltar rigs kyi bu che ga mo zhig ces bya ba snga ma bzhin du sbyar te/ sa gzhan bcu gcig pa la zhugs pa bdud bzhi dang lhan cig gnas par mi 'dod pa/ nyon mongs pa 'dod chags rnams dang lhan cig rtse bar mi 'dod pa/ yul la gnas pa'i 'gro ba sdug bsngal gyi gzhi mtha' yas pa mi 'dod pa'i bar dag bsnyad do// de nas yang dge slong des sems can dmyal ba yang so sa dang / thig nag dang /

  378. 190a

    bsdus gzhom dang / ngu 'bod dang / ngu 'bod chen po dang / tsha ba'i 'khor la brtags nas/ sems can dmyal ba pa gzhan la yang brtags na/ des thos pa las byung ba'i shes pas sems can dmyal ba rab tu tsha ba zhes bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur ro// dge slong ma gzhon nu sdom pa la gnas pa/ tshul khrims ma nyams pa/ brkam pa med par spyod pa/ 'dod pa med pa'i brtul zhugs nyams par byas shing / de bzhin gshegs pa'i bstan pa las 'khrul par byas la de sangs rgyas la mi dad par byas te/ 'di ltar sangs rgyas ni thams cad mkhyen pa ma yin na/ de'i dge slong ma'i dge 'dun rnam pa 'di lta bus ci zhig tu 'gyur/ de dag thams cad ni brdzun yin te/ bstan pa de ni ngan pa yin zhing / de ni dman pa yin te/ de la byin pas chos su mi 'gyur zhing / de la byin pas mya ngan las 'das pa yang 'thob par mi 'gyur te/ dge 'dun 'di ni dmangs yin no zhes dge slong ma gzhon nu'i brtul zhugs las skyod cing / chos ma yin pa med do zhes de de ltar rjes su sems su bcug nas/ dge slong ma gzhon nu de brtul zhugs las skyong

  379. 190b

    par byed/ chos ma yin pa med do zhes tshul khrims 'khrul pa dang / lta ba 'khrul par byed na/ de lus kyi chad pa dang / ngag gi chad pa dang / yid kyi chad pas lus dang bral nas ngam gro log par lhung ba sems can dmyal ba rab tu tsha bar skye bar 'gyur te/ lus kyi bong tshod dpag tshad tsam la mar gsar 'ju ba lta bur lus shin tu gzhon sha can du 'gyur/ de bzhin du mig dang / sgra dang / reg pa dang / ro dang / gzugs dang / dri shin tu chung bas srog 'chad par byed de/ ji lta ji ltar sdig pa shas cher byas pa de lta de ltar lus dang yid ches gzhon sha can du 'gyur ro// de'i las ngan pa byas pa dang / mi dge ba'i las kyi mthus 'di ltar tshe 'di la sdug bsngal shin tu drag pa dag myong bar 'gyur te/ 'chi ba'i dus kyi tshe nges par myong bar 'gyur ba ni/ ji ltar sems can dmyal ba yang sos su skyes pa de ltar 'chi ba'i dus kyi tshe myong bar 'gyur ro/ / nyi ma gsum lon nas 'chi ba'i bar du de'i lce lkugs par 'gyur zhing / 'jigs pa'i 'du shes su 'gyur/ 'du byed rnams nyam chung bar 'gyur/ rnam par shes pa shin tu skrag par 'gyur te/ tshul de lta bur 'byung ba chen po bzhi rnams kyis dkrugs nas shin tu sdug bsngal bar 'gyur ro// sa'i khams sra ba'i ngo bo 'khrugs pas/ lus dang / rtsa dang / rgyas pa dang / ming pa thams cad shin tu 'gog par byed/ 'bugs par byed/ rab tu 'bugs par byed/ rnam par

  380. 191a

    mtho 'tsham par byed/ mar gsar gyi gong bu bzhin du gnod par byed/ shin tu 'thag par byed cing 'bas par byed do// chu'i khams 'khrugs pas kyang lus dang rtsa thams cad dang / rgyus pa rgya dag gis 'ching bar byed/ ches mkhrang bar byed/ chu ser du byed/ lhod lhod por byed/ dri skyed par byed/ srin bu gsod par byed/ 'dzag sgo thams cad 'gag par byed/ spa nga rangar po 'byin par byed/ mid pa dang / lce'i 'dzag sgor gyur pa'i tshor ba gnod par byed/ yan lag dang nying lag thams cad las rdul 'byung bar byed do/ / me'i khams 'khrugs pas kyang / lus dang / rtsa dang / rgyus pa thams cad sreg par byed/ 'tshed par byed/ sdug bsngal gyis nyam zag par byed/ bags pa zang kyi mdog lta bur byed/ nang du sreg pa skyed par byed/ phyi rol tu rnam par sreg pa skyed par byed/ sred pa'i stobs rab tu spyad par byed/ kha skam par byed/ snying sreg par byed do// rlung gi khams 'khrugs pas kyang yang ba'i ngo bo g.yo ba las nam mkha' la bteg nas 'dor ba bzhin byed/ rtsub pa'i dngos pos yan lag dang nying lag thams cad dang / khams thams cad shin tu rtsub par byed do/ / yan lag dang nying lag thams cad dang / gnad thams cad kyi bar bar du chung pib pa la ka dang / sU tsa ka khab lta bur gyur pa rgyu ste/ rlung pib pa la ka khab

  381. 191b

    lta bu rab tu 'bar ba dag gis ba spu'i khung bu la sogs pa nas/ kha chu dang / pags pa dang / sha dang / tshil dang / rus pa dang / rkang dang / khu chu'i bar dag la 'jog par byed de/ stesde'u bzhin du gcod par byed/ 'jig par byed/ dbang po'i lam thams cad 'gog par byed/ bshang ba dang gci ba'i gnas 'gog par byed/ srog chags kyi dbugs yang dag par 'gog par byed/ mid par med pa'i sgo'i lam log par byed/ lta bas 'du shes phyin ci log tu byed/ rna bas sgra mi snyan pa thos// de'i snar chu 'byung zhing / de'i sen mo dag sngon por byed/ sna yon por byed cing / rlig pa mdoms su 'phyang bar byed/ rku ba kha na ba dang / pho mtshan na ba dang / reg pa mdag ma dang mtshungs pas sdug bsngal bar byed/ pags par gtogs pa dang / pabags pa dag sbyangs par byed/ de'i sgra dang spu dag shig shig por byed de/ nyes par byas pa mi mthun par spyad pa dag 'chi ba'i dus su sdug bsngal mi bzad par 'byung ba'i phyogs tsam zhig bshad pa yin te/ de ltar nyin zhag gsum du 'byung ba chen po bzhi 'khrug pa rnams kyis rnam par 'tshe'o// gang gi tshe dus tha ma 'bab par 'gyur ba na/ sems can dmyal ba pa de'i 'jig rten pha rol gyi mtshan ma 'di dag 'byung bar 'gyur te/ 'di lta ste/ de'i gnas thams cad 'phyar ba ngan pa rab tu 'bar bas khebs par snang zhing rmi lam gyi gzugs lta bu dag mthong ngo //

  382. 192a

    gnas med pa'i seng ge dang / stag gi gzugs 'jigs 'jigs ltar 'dug pa'i rnam pa de lta bu dang / gzhan yang shin tu 'jigs 'jigs ltar 'dug pa mi sdug pa dag mthong ngo / / rna bas sgra'u r-i 'ur po 'jigs shing mi dga' ba'i tshig dag thos so// de'i pags pa mtshon nyid kyis gcod do// srid pa tha ma par bab pa na rlung de de'i steng du 'byung bar 'gyur/ sen mo dag btang nas rkang pa dag gtong / rkang pa dag btang nas byin pa gtong / byin pa btang nas brla gtong / brla btang nas mdoms gtong / mdoms btang nas lto gtong / lto btang nas snying gtong / snying btang nas sgra ngar ngar por byed/ mchil ma dag skam par byed la/ mig ya gcig dmar por byed do// gshin rje'i mi dag lag na ral gri dang tho ba thogs pa nam mkha' la 'gro ba dag mthong ba dang / de'i mdza' bshes dang / nye du dag na re/ nam mkha' la reg par 'dod do zhes smra'o// de dbugs chen pos nyam thag cing lus dang bral/ dbugs chad nas mar me ngan pa snying po dri ma can dag pa sregs pa ltar/ 'jig rten 'di nas srid pa bar mar skye ste/ rgyu dang mtshungs pa'i 'bras bu dag 'byung ngo // nyes par byas pa'i las kyi mtha' spyad pa de/ srid pa bar ma pa'i sdug bsngal rnams kyis mngon par nyams par 'gyur ro/ / des bdag nyid ji ltar mi lo brgyad khri bzhi stong thub pa'i bus pa lo brgyad lon pa'i tshad de lta bur mthong ste/ skye bo dag

  383. 192b

    thams cad nas thams cad du mi snang ngo / / 'byung ba chen po phra ba dang / rags pa dag 'byung ste/ phra mo bltar med cing thogs pa med pa de lta bu byung bas/ gang ri rab dug nas 'gro yang bdag nyid dang / ri rab la yang gnod pa med na/ ri gzhan dag lta smos kyang ci dgos/ de ltar de bdag nyid lcags nag po lta bu'i kha dog dang mun pa mun nag gi rdzong gi nang du zhugs par mthong ste/ de bdag nyid kyi sa las byas pa des/ spu thams cad 'bar bar mthong ngo // bdag nyid gshin rje'i mi rnams kyis lcags kyi thag pa nag pos phyin ci log tu dam pos rab tu bcings par mthong ste/ rkang pa dag kyang shin tu drag cing dug gis reg pa ltar mkhrang ba gzugs shin tu 'jigs 'jigs ltar 'dug cing thags thogs med par 'gro ba gzhan yod pas/ thams cad kyi nang na bcing ba dam pos bdag nyid bcings par mthong ste/ ji ltar skra'i rtse mo'i phyogs tsam yang bcing ba dam pos de ltar ma bcings pa med do// sgra dang / reg pa dang / ro dang / gzugs dang / tri mi 'dod pa dag 'byung bar 'gyur te/ 'di lta ste/ mig gis gzugs mig dang mi mthun pa/ kha dog mi sdug pa/ 'jigs 'jigs ltar 'dug cing // rab tu 'bar ba mang po dag mthong rna bas kyang gang tshig de la dga' bar mi 'gyur ba/ mi snyan pa/ mi 'dod pa/ yid du mi 'ong ba dag thos so// 'di ltar nyes par byas pa'i las kyi mtha' spyad pa/ lus kyi chad pa

  384. 193a

    dang / ngag gi chad pa dang / yid kyi chad pa mi phan pa byed pa dag 'dis 'thob ste/ mis legs par byas pa'i rin po che'i gling gis bslus shing / mi dge ba bcu'i las/ kyi lam mi gtsang ba bsams bzhin du gcod pa/ phyin ci log gis rin po che'i gling nyams pa/ mtshon dang / me dang / dug dang / g.yang sa lta bu'i 'dod pas bslus pa/ gzhan gyi bud med kyi tshig gis rnam par bslus shing / / de la 'dod pa des mi dge ba rnam pa gsum byas so// blo ngan pas rang gi las nyes par spyad pa des/ de ltar sems can dmyal ba rab tu tsha bar sdug b sngal sna tshogs kyis nyam thag pa dag ji ltar bu dang chung ma mthong bas bslus pa nyes par spyad pa'i chad pa rnam pa de lta bu yang mi 'byung bar bya ba'i phyir bdag cag gis rnam pa brgya stong phrag du mar gnod pa bya'o snyam nas/ gshin rje'i mi rnams kyis srid pa bar ma pa dag la rjes su bstan pa'i tshigs su bcad pa smras pa/ gnyen bshes tshul ni dgra yin te// mi phan phan pa'i tshul gyis khyed/ / bcom nas mi yi 'jig rten nas// de ring mun nag chen por 'gro// ji ltar las ni rnam gsum byas// nyes gsum byas pa dgra gzhan med// las rnams gsum gyis khrid de 'ongs/ / gshin rje'i gnas su khrid par byed// las dag gcig cig byed pa ni// 'bras bu gcig cig myong bar 'gyur// skye bo skye bo'i tshogs med par// rdzong ni gcig cig rgal bar 'gyur//

  385. 193b

    skye bo gang zhig skye bo 'dod// nyes par byas pa mang du byed// skyo bos skye bo skyob mi nus// skye bo rang gis byas la spyod// skye bo bu yi 'du shes kyis// rmongs pa ci yi phyir na bslus// rmongs pas bslus pa khyod kyis su// sbyin la sogs la blo ma bskyed// 'jig rten 'di dang pha rol gyi// 'jig rten de bzhin 'brang ba'i dgra// dgra yi nang na dgra dang po// ngan song thams cad rnam ston pa/ / dug dang me dang mtshon lta bu// rang gis byas pa ngan pa yin// khyod kyis las ni byas pa dag/ khyod nyid rjes su spyod pa yin// gzhan gyis byas pa'i las de ni// rol dag la 'pho ba med// mi yis nyes par spyad byas pa// 'jig rten 'di dang pha rol dang // thog ma bar ma tha ma ru// bde 'byung bde ba'i ro mi myong // de nyid 'dod par mi byed pa'i// sems ni rnam par 'khrugs par byas// byis pa sems dang yid 'phrog pa// mi dge'i chos ni rnam par 'phel// yid kyis bslus pa'i sems can ni// yid kyis rab tu rnam par chags// mun pa nas ni mun pa ru// sems can dmyal ba sdig can 'gro// 'khor bar mun pas bsgribs pa dag/ sangs rgyas bstan pa rnyed par dka'// gang dag chos ni mi 'dod pa// sdug bsngal shin tu sdug bsngal 'gro/ / gang zhig rtag tu sems ma bzhi// yul rnams kyis ni nges par 'joms// gnas 'di dag tu de 'gro ste// 'di ltar khyod nyid rjes su ltos// de ltar/

  386. 194a

    nyes par byas pa'i las kyi mtha' spyad pa rang gi lus dang / ngag dang / sems kyis bslus shing nyes par byas pa ni/ gshin rje'i mi de dag gis rjes su bstan nas/ sems can dmyal ba chen po rab tu tsha bar song ste/ snas ni ldan ljin dang / rul ba dang / mi gtsang ba'i tshogs kyi dri shin tu mi zhim pa dag snom mo// lces ni zangs rab tu tsha zhing mkhrang la ro bro ba med pa dang / dri dang / ro dang / gzugs yid du mi 'ong ba dag myong ngo // sems can dmyal ba pa'i lus kyis kyang rlung spu gri dang / me lta bu dang bcas pa reg go/ yul 'jigs pa lngas mi 'jigs pa'i yid kyang sems can dmyal ba chen po lngar bstan pas shin tu rnam par blong bar byed do// mid pa yang gshi ni rje'i mis rab tu dam por bcings shing las kyi rlung langs pa'i sems can dag gis dbang med par khrid do/ / gshin rje'i mi bzhin bsgyur cing / lag pa dang / rkang pa dang / lto dang / sen mo so so na 'jigs pa 'brug gis 'ur sgra 'jigs shing lag na mtshon cha thogs pa/ sprin nag po lta bu dang / mig 'bar zhing rab tu 'bar la/ mche ba 'khor lo ltar rno ba gsus pa rab tu che zhing lag pa thung ba/ sen mo mkhrang zhing rno la rod pa/ lus thams cad rtsa sbom pos khyab par sbrel ba'i rnam pa de lta bu dag gis nyes par byas pa'i las kyi mtha' sprad pa ste/ de ltar dpag

  387. 194b

    chad bye ba sum cu rtsa drug dang / 'og tu dpag tshad bye ba ban+d+ha dang / sa dang / rgya mtsho dang / gling dang / tshong dus dang ldan pa dpag tshad stong phrag drug cu rtsa brgyad du khrid de/ mtshor gtogs par de 'dug go// rnam pa de lta bu'i las kyi rlung gis 'phangs pa ni/ gang du yid kyis kyang dpe bya bar bya ba ma yin no// nyi ma dang / zla ba dang / rlung 'gro ba med do/ / rlung rnams kyi nang na ni las kyi rlung mchog yin te/ gzhan rlung ma yin pa de lta bur nyes par byas pa'i las kyis mtha' spyad pa de khrid de/ gshin rjes snga ma bzhin rjes su bstan to/ / nyes par byas pa'i las kyi zhags pas bcings pa/ gshin rje'i gnas de nas byung nas/ sems can du bzang ba lus dang ldan pa'i las mi gtsang ba rnams kyis bcing pa/ sems can dmyal ba rab tu tsha ba der khrid do// sems can dmyal ba de rgyang ring po na kun nas rab tu 'bar ba/ mun pa mun nag rgyang ring po nas me 'bar ba/ rang gi bong tshod dpag tshad lnga stong yod pa/ skye 'grib med pa/ ches nyung ba dang / ches mang ba mthong ngo // dpag tshad sum stong nas sems can dmyal ba pa rnams kyi sgra 'byin pa thos te/ so so snying rje rje skad dang / 'jigs shing dman la/ gdangs mi snyan pa/ dga' ba med cing sdug bsngal tsha ba/ rtsub pa/ bzod par dka' zhing ro bro ba med pa/ rnam pa du ma dag lo 'bum phrag bye ba

  388. 195a

    du ma/ lo bye ba bgrang gis mi yang bar rgyun du bla 'byin pa zos so// sems can dmyal ba pa de sems can dmyal ba pa rab tu tsha bar sgra 'byin pa des thos nas yid bcu 'gyur du 'jigs shing skrag go/ sems can dmyal ba chen po rab tu tsha ba ga la ba de'i phyogs su yang gshin rje'i mi rnams kyis khrid nas tshigs su bcad pa 'di dag smras so// 'di ni sems can dmyal ba'i sgra/ / thos nas blo ngan khyod 'jigs sam// gang du khyod ni me yis su// shing ltar bsregs na ji ltar bya// me yis bsregs pa bsregs pa min// ngan par byas pas khyod bsregs so// mem ni zhi bar 'gyur srid kyi// nams kyang ngan byas me mi zhi// me yis 'jig rten mthar mi khyer// me yi phyi bzhin me mi 'brang // ngan byas sdig pa'i me 'di yis// khyod dang bcas pa myur du sreg/ ngan byas me yis gang bsregs pa// mi de dag ni dmyal bar sreg/ ngan byas me ni gang spong ba// de dag dmyal ba'i 'jigs pa med// gang dag rtag tu gces 'dod dang // gal tedamyal ba rnam 'jigs pa/ / sdig pa dag ni rnam par spongs// de las sdug bsngal 'byung mi 'gyur// sdig pa shin tu rnam spangs pa// sems ni rtag tu gtsang ba dang // lus dang ngag gis tshogs zhi ba/ / mya ngan 'das pa yong mi ring // sems can rtag tu sdig sems pa// rtag tu gti mug dbang du song // sems can dmyal ba drag po thob// ci phyir rab tu mchi ma 'byin/

  389. 195b

    ngan byas thog ma par tha mar// sdug bsngal sdug bsngal rnam smin dang // de bzhin sdug bsngal 'gro ba dang // legs pa yongs su smin mi 'gyur// 'jig rten pha rol khyod kyi sdig/ sdig pa gang dag ngan byas mang / / de yi 'bras bu rnam smin ni// de ring mi bzad nye bar spyod// mi yis ngan byed byas pa ni// mi bzad shin tu mi bzad 'gro// mi yis legs byed byas pa ni/ / bde las shin tu bde bar 'gro// sdig pa'i 'bras bu mi bzad pa// bde ba 'thob par 'gyur ba med// bde ba dag gi 'bras bu yang // mi bzad log par smin mi 'gyur// 'khor ba thog ma med pa nas/ / legs byas 'bras bu bde ba dang // ngan par byas pa'i las dag ni// de bzhin sdug bsngal 'bras bu dran// rgyu rkyen 'dra bar 'byung 'gyur gyi// log par rtog par mi byed de/ / ji ltar sngon gyi rgyu byas pa// de ltar 'bras bu thob par 'gyur// de ltar srid pa bar ma pa der las kyis byas pa'i gshin rje'i mi rnams kyis rjes su bstan nas/ de sems can dmyal ba der khrid do// thos nas yang spu zing gis byed cing shin tu 'jigs na mthong na lta smos kyang ci dgos pa srid pa bar ma pa des mthong nas/ gzugs la sogs pa'i phung po de dag/ ji ltar sems can dmyal bas byas pa dro ba 'dod pa de ltar grang bar byas pa'i sdug bsngal mi bzad pas sdug bsngal lo// de nye bar len pa nyid las srid pa 'byung la

  390. 196a

    de ltar srid pa'i yan lag la gnas pa de las skye ba 'byung ste/ de'i mi dge ba'i las gang yin pa srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta bas dge slong ma zhe sdang med pa/ tshul khrims dang ldan pa/ 'dod pa med pa/ 'os ma yin pa la rung bar bzung ste sun phyung na/ de'i mi dge ba'i las byas shing bsags pa'i rnam par smin pa lci ba'i shugs gang yin pa des me'i phung po 'bar ba/ rgyur dpag tshad lnga brgya yod cing / 'phang du dpag tshad nyis brgya yod ba der las ngan pa byas pas 'phangs te/ ji ltar ri mthon po la lcags kyi mda' 'phangs pa thags thogs med par 'gro ba shugs kyis 'phen pa de ltar sems can dmyal ba pa de me za ba der 'dor ro/ / 'dor ba na las kyis byas pa'i phur bu rnams 'byung bar 'gyur te/ gang byung ba tsam gyis kyang lus yongs su mi gtong ngo // de ltar de'i mgo thur du sbyangs shing rkang pa gyen du bsgreng ste/ 'dor ba na dang po kho nar mes mig dang mgo'i pags pa sreg go// de nas mgo'o thod pa/ de nas 'gram pa'i rus pa/ de nas so// so'i 'og tu so drung / sau drung gi 'og tu mgrin pa'i rus da mgrin pa'i rus pa'i 'og tu rgyab kyi rus pa dang brang rus/ brang rus kyi 'og tu mgrin pa dang ming pa/ de'i 'og tu mchin pa/ mchin pa'i 'og tu mcher pa/ mcher ba'i 'og tu rgyu ma/ rgyu ma'i 'og

  391. 196b

    tu gnye ma/ gnye ma'i 'og tu mdoms/ mdoms kyi 'og tu pho mtshan/ pho mtshan gyi 'og tu brla/ brla'i 'og tu pus mo'i lha nga/ pus mo'i lha nga'i 'og tu pus mo gnyis ka/ pus mo gnyis ka'i 'og tu sor mo ste/ de ltar dang po las byed pa ngan pa byas pa de sems can dmyal ba ba'i me'i dong du 'dor ba na/ sreg cing 'tsho yang sdug bsngal rgyun mi 'chad par 'byung ste/ ji lta ji ltar ngan par byas pa'i las yang dang yang du byas pa de lta de ltar sems can dmyal ba pa'i sdug bsngal yang dang yang du 'byung la/ de shugs kyi 'bar ba'i 'phreng ba'i thab tu 'dor zhing sa gzhi rdo rje lta bu dag la phyir btag pa dang / skyes nas de nas yang ji ltar pho long dang por sa la brdabs nas/ btud de brdabs pa de ltar de'i ro stod lnga la ro smad phyis 'dor ba du skad 'don pa na de nas yang 'dor ro// 'bar ba'i 'phreng bas 'phangs pa'i lus de de nas yang sreg pa na/ snga ma bzhin du me lce'i nang du 'jug go// de ltar de lo 'bum phrag du mar sems can dmyal ba'i me thab der sreg go// bsregs nas de nas dus zad kyi bar du 'byung ngo / / de nas me thab de las sems can du bgrang ba ma yin pa gshin rje'i mi phra skam rab tu 'bar ba thogs pas mi de bzung nas 'dren to// phra skam rab tu 'bar ba'i rnam pa de lta bu de bas gang me thab ches drang ste/ pra ska ma nyis 'gyur gyis tsha ba gang yin pa de'i rgyu ni gang / rkyen ni gang yin snyam na/ de la rgyu ni 'di yin te/ gang srog bcad pas me zab tu sreg

  392. 197a

    la/ srog gcod pa dang / ma byin par len pa ngan pa byas pa dag phra skam gyis nyis 'gyur du rab tu sreg skye/ rgyu ni de yin/ rkyen ni de yin/ gzhi ni de yin no// phran ma/ gyis nyis 'gyur du rab tu bsregs pa gang yin pa'i phra skam des drangs nas/ sems can du bzang ba ma yin pa gshin rjeni mi de rnams kyis lcags kyi sa gzhi rab tu 'bar ba'i steng du 'jog go/ phur bu rab tu 'bar ba'i bur bu des de'i rgyab dang mdoms snga ma bzhin phug nas de'i steng du bzhag la/ ral gri shin tu rnon po rab tu 'bar bas rlig pa dang po mtshan lhan cig gcod do// sdug bsngal sum 'gyur du myong ngo // de'i rgyu ni gang yin/ rkyen ni gang yin/ gzhi ni gang yin snyam na/ de la rgyu ni 'di yin/ rkyen ni 'di yin// gzhi ni 'di yin te/ 'di lta ste/ srog gcod pa dang / ma byin par len pa dang / 'dod pas log par g.yem pa rgyu dang / rkyen dang / gzhir gyur te/ rgyu des sdug bsngal sum 'gyur du myong ngo // 'di lta ste/ lcags mgar gyis na/ lcags mgar ram/ lcags mgar gyi slob mas srud pa blangs te/ dbugs kyis bkang nas/ ji ste ji ltar dbugs kyis 'bud pa de lta de ltar nyes par byed pa'i las kyi mtha' byas pa de bzhin du sreg go/ nyes par byas pa makar ba ni las dang mjug ces bya ba'i tshig bla dgas so// mgar ba'i slob mnyes par byas pa zhes bya ba ni/ las kyi nyer bsdogs

  393. 197b

    zhes bya ba'i tshig bla dgas so/ / rlung zhes bya ba ni las kyi rlung zhes bya ba'i tshig bla dgas so// sdud pa zhes bya ba ni lta ba ngan pa zhes bya ba'i tshig bla dgas so// mdag ma rab tu 'bar ba zhes bya ba ni sems can dmyal ba zhes bya ba'i tshig bla dgas so/ / ji lta ji ltar sdud pa 'bud pa de lta de ltar sreg ces bya ba ni sems can dmyal ba pa dag kyang ji lta ji ltar shin tu mi dge ba'i las byas pa de lta de ltar sdug bsngal shin tu mi bzad pa myong bar 'gyur te/ de ni rgyu yin/ de ni rkyen yin no// ral gri'i gnod pa gang gis de shin tu mi bzad pa sum 'gyur du myong bar 'gyur te/ srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa rnams kyi 'bras bu de yin par rig par bya'o// sems can dmyal ba pa de 'jigs pas mig blong ba rnam par sgra 'byin cing 'phags pa ma yin pa'i las kyis 'tshed pa na dris pa/ kye grogs po dag khyed cag la ci zhig gnod/ sdug bsngal de dag gis mngon par nyam thag pa des/ gshin rje'i mi rnams la 'di ltar sdug bsngal tsha ba dag gis nyam thag pa'i sdug bsngal 'di dag ni sdug bsngal ba med kyi/ 'di ltar bdag cag ni skom pas gdungs so zhes smras pa dang / de gshin rje'i mi de dag gis thos nas 'jigs pa'i rlabs zhes bya ba zangs dang zha nye bsres pa rab tu bskol ba'i rlabs kyis 'gram gnyis ka gnod pa

  394. 198a

    chu bo'i rlabs kyi sgra mthong zhing zos nas 'jigs shing spangs pa de nas lcags kyi snod kyi nang du zangs dang na nye bsres te bskol ba der blugs nas khyer te 'ongs nas/ 'di ltar kye grogs po dag 'thung zhes smras so/ / de skom pas gdungs pa'i bsam pas btung ba yin no snyam nas/ de lag pa gnyis kas blangs nas/ las kyis bsgribs pa skom pas gdungs pa 'azung ba dang / de mchu sreg cing lce sreg pa nas/ mgul ba dang mid pa'i bar nas ro smad kyi bar du 'byung ste/ de sdug bsngal bzhi 'gyur du myong ngo // bzhi 'gyur du bsregs pa de las kyi 'bras bu gang yin snyam na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba ni sdom pa blangs pas 'thungs shing khyim gyi gnas nas byung ba/ sdom pa blangs pa'i dge slong ma dag la blud pa/ de'i 'bras bu ni 'di yin te/ 'di ltar sems can dmyal ba pa de zangs dmar po rab tu bskol ba de la 'thung ba'i bsam pas len pa de yin no/ / de bzhin du dge slong tshul khrims dang ldan pas btung ba rung ba yin no snyam nas/ chang de yang dug ha la ha la lta bu yin te/ dge slong blo zhan pa des sbyin pa po dang / sbyin bdag dag gi sa la dbo bar ma nus shing / dge 'dun la 'jigs nas 'thungs pa de'i 'bras bu ni 'di yin te/ sems can dmyal ba pa'i zangs bzhus pa de sa dag la dbo bar mi nus te/ las

  395. 198b

    de'i 'bras bu ni de yin no/ / // dam pa'i chos dran pa nye bar gzhag pa bam po bcu gsum pa// de nas yang gshin rje'i mi de dag gis sems can dmyal ba pa de dag la dris la/ 'di ltar kye grogs po dag khyed la ci zhig gnod/ sems can dmyal ba de dag gis smras pa/ bkres pas rab tu kho nar gnod de sdug bsngal 'di yang bdag gi gnod pa de dag thams cad zil gyis non te/ bkres pa'i sdug bsngal gyis gnas so// de nas gshin rje'i mi rnams chu bo'i rlabs 'jigs pa nas lcags kyi thu lum lnga 'gyur du rab tu 'bar ba blangs te 'ongs pa dang / de nas sems can dmyal ba pa las kyis rnam par rmongs pa'i blo gros can de dag lcags kyi thu lum de dag bza' ba yin no snyam nas blangs te za ba dang / snga ma bzhin du de'i mchu bsregs pa nas/ ro smad kyi bar du byung gis kyang 'chi bar mi byed do// de'i las ngan par byas pa'i dbang gis lce de yang slar 'byung bar 'gyur la/ pad+ma'i 'dab ma ltar shin tu 'jam zhing de lus kyang 'byung bar 'gyur te/ de'i las kyi 'bras bu ni de yin no// de nas yang dge slong des zos pa las byung ba'i shes pas/ de bzhin gshegs pa'i sgron ma lta bur gyur pa la/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba de'i 'bras bu ni 'di yin te/ gang tshul

  396. 199a

    khrims 'chal pa/ lug bong ltar spyod pa/ tshul khrims dang ldan no snyam nas/ yul 'khor gyi bsod snyoms la yongs su spyod pa de'i 'bras bu ni de yin par shes so// de nas yang sems can dmyal ba pa de gshin rje'i mi de dag gis mthong nas/ de dag gi lce bsregs shing las kyi rnam par rmongs pa'i blo gros can de dag gi lce de kha nas 'byin par byed de/ de yang brdzun du smra ba'i rgyu des pad+ma'i 'dab ma ltar shin tu 'jam pa rgyar dpag tshad phyed khebs so/ / de nas gshin rje'i mi de dag gis lce de bzung nas/ las kyis bsgrubs pa'i rmon pa brgya phrag du ma rnams kyis nyes par byas pa log par smra ba ngu zhing skad 'byin bzhin du shin tu rmed do/ / de ltar lo 'bum phrag du ma/ lo bye ba brgya phrag bgrang gis mi lang ba'i bar du myong bar gyur te/ las byas shing bsags pa de dag gi 'bras bu rnam par smin pa dag ma myong bar sems can dmyal ba las thar pa med do// de nas gshin rje'i mi de dag gis sems can dmyal ba de dag la tshigs su bcad pa 'di dag rjes su bstan to/ / ji ltar khyed la srog gces pa// gzhan la'ang de ltar rab tu gces// sdig pa dag gis rjes 'brang ba// khyed kyis ci phyir srog gcod byas// mi yis srog dang bsngos byas nas/ / nor ni gang zhig yang dag bsgrubs// gzhan gyi nor la 'dod pas su// de ni khyed kyis ci phyir 'phrog/ kun gyi nang na sdug pa ste// srog pas 'phangs pa'i chung

  397. 199b

    ma de/ / khyed kyis 'dod chags chags pa yi// stobs kyis ci yi phyir na 'phrog/ skye bo rnam par rmongs pa'i blo// chos la mchog tu sun 'byin pa// sdig pa'i chang ni 'thung ba dag/ khyed kyis ci phyir yongs su spangs/ / dug lta bu yi lce las byung // gang kun yid ches mi byed pa// brdzun du smra ba'i sdig pa dag/ khyed kyis ci phyir yongs ma spongs// de ltar sdig pa rnam lnga yis// gang phyir rjes su chags ldan khyed// de phyir ma du legs par zo// smre sngags don med ci zhig 'don// dug lta bu yi sdig pa'i chos// gang phyir yongs su ma spangs par// de phyir 'bar ba'i/ 'phreng ba yis// dmyal ba 'khrugs pa chen po thob// de ltar sems can dmyal ba pa de dag la/ gshin rje'i mi de rnams kyis rjes su bstan pa bstan nas/ rang gis byas pa'i las rgyu'i 'bur lta bur gyur pa'i gnod pa drag po sna tshogs dang / rnam pa du ma dag gis rdeg cing gsod de/ ji ltar mi dge ba'i rnam pa du ma kun tu spyad pa de ltar sdug bsngal rnam pa du ma yang so sor myong bar 'gyur la/ rgyu dang mtshungs par 'bras bu 'byung zhing / sa bon dang mtshungs par 'bras bu 'byung ngo // 'di ltar sems can dmyal ba chen po rab tu tsha ba der mi dge ba'i las byed pas shin tu gang ba'i 'bras bu mi dge bas shin tu gang ba de lta bu la spyad de/ de ltar lo 'bum phrag du mar sdig pa'i las dgra lta bur gyur cing mi phan par 'dod pa des sems can dmyal ba pa de dag

  398. 200a

    'tshed do/ / de gal te de las thar na mgon 'dod pa/ skyabs 'dod pa/ dpung gnyen 'dod pa rgyug pa dang / des rgyang ring po nas khyi'i tshogs chen po dag kha gdangs shing spro/ ba che la shin tu mgyogs pa/ so rdo rje ltar rno zhing shin tu 'jigs pa'i sgra 'byin pa'i khyi de khyi rnams kyis bskor nas rgyug cing 'ong ba mthong ngo // mthong nas sems can dmyal ba pa de 'bros par brtsams pa dang / de nas khyi de dag thams cad kyis brgyugs nas de bzung ngo // bzung nas kyang ma lus par za ste/ rgyus pa'i tshogs nas rgyus pa'i tshogs dang / gnad kyi bar nas gnad kyi bar dang / rus pa'i tshogs nas rus pa'i tshigs te/ ji ltar de yungs 'bru tsam yang ma lus pa de ltar yan lag dang nying lag thams cad za'o// de nas yang 'byung bar 'gyur te/ de ltar de yun ring du khyi rnams kyis za'o// de'i las kyi 'bras bu de gang zhig yin snyam na/ gang des sha ston bya ba'i phyir sems can bsad cing srog bcad pa'i 'bras bu ni de yin no// ma byin par len pa'i 'bras bu 'byung ba yang 'di ltar sems can dmyal ba pa des/ las kyis byas par gyur pa'i nor rdzas dag mthong ba dang / de dag kyang las las byung ba'i rmongs pa yin te/ 'di ltar 'di dag ni bdag gi yin na/ pha rol dag gis phrogs pa lta snyam du khong du chud nas de der brgyugs pa dang / de gshin rje'i mi rnams kyis bzung ngo // bzung nas kyang mtshon rnam par

  399. 200b

    / gcod pas gnang nas gnad shin tu gcod cing sreg go/ de sems can dmyal ba pa gzhan dag gi drung du rgyug la/ sems can dmyal ba pa de mthong nas de dag kyang gshin rje'i mi de rnams kyis bzung ste/ ral gri dang / mdung thung dang / mda' bo che dang / rdo rab tu 'bar ba rnams kyis rnam par gshog par byed do// de dag kyang ma byin par len pa de'i 'bras bus ji srid du ma byin par len pa'i 'bras bu bcom zhing spangs la zad par ma byas pa de srid du lo 'bum phrag du mar gshog par byed do/ / de phyis de las thar par 'gyur te/ 'dod pas log par g.yem pas bud med pa tshwa'i chu bos khyer zhing shin tu rtsub rtsub skad smras/ rlabs kyis brdabs pa na bar 'ga' ni steng du 'byung / bar 'ga' ni 'og tu 'jug cig/ sems can dmyal ba pa de las 'di ltar bdag la mgon med de/ ba tshwa'i chu bo'i nyon mong/ pa 'di las bdag yongs su skyobs shig ces smra ba mthong ngo // de nas sems can dmyal pa pa des bud med de'i sgra de thos nas/ las kyis rmongs pa ba tshwa'i chu bo der 'jug go/ des zhugs ma thag nyid du de'i lus pa tshwa'i chu bo'i shugs kyis ji ltar rus pa yungs 'bru tsam yang ma lus pa de ltar khyer ro/ / de nas yang 'byung bar 'gyur te/ yang bud med de nyid rgyang ring po na ba tshwa'i chu bo de nyid kyis khyer ba na/ bdag la mgon med pa bdag la yongs su skyobs shig ces sgra 'byin pa mthong ngo // de nas yang bud med de las dmigs pa de'i drung nyid du rgyug go// de nas bud med de la 'ju ste/ de'i sen mo lcags

  400. 201a

    las byas pa'i mtshon rnon po rab tu 'bar ba lta bu dag gis mi de la 'jus pa dang / ji ltar de'i lus yungs 'bru tsam yang ma lus par de ltar rnam par 'thub bo// lus kun tu khrag/ gi chag chag ltar btab cing / lus rgyus pa'i dra ba lus pa 'dod chags dag gis zil gyis non pa/ yang bud med de nyid kyi phyir rgyug ste/ de ba tshwa'i chu bo de'i nang du ji srid du de'i sdig pa'i las bcom zhing spangs la zad par ma byas pa de srid du ded do/ / de phyis sems can dmyal ba de las thar par 'gyur la/ thar nas de nas yang 'byung bar 'gyur te/ bkres pas yongs su gdungs pa'i lus de gar bab bab tu yongs su rgyug go/ / de phyis chu bsil ba 'dod pa'i phyir chu bo'i dngo rab tu dang ba der rgyug go/ de gang gi tshe phyin pa dang chu bo'i dngo de yang zha nye rab tu bskol ba 'jigs 'jigs ltar 'dug pa chen po yin zhing / thams cad du dug rab tu drag pa dang / sbrul rnams kyis khebs te/ skom pas gdungs pa de dug dang sbrul de rnams dang lhan cig 'dres pa'i zha nye de las 'thung ngo / / de dag kyang las las byung ba yin te/ sbrul phra mor gyur pa'i mgo mi de la rab tu 'jug go// gang gi tshe sems can dmyal ba pa'i lto der zhugs par gyur pa de'i tshe/ lus chen por 'gyur te/ de lus de'i nang na rgyu ma dang / gnye ma la sogs pa thams cad 'cha' 'o// 'jib bo// za'o// chang 'thung ba'i sdom pa de las 'da' ba las kyis rmongs pa de lo 'bum

  401. 201b

    phrag du mar de la 'thung zhing / gnye dang sbrul du 'dres pa des kyang sreg go// gsod do// shi zhing shi nas yang 'byung bar 'gyur la/ de'i chang gi sdom pa las 'das pa'i nyes pas lce gang sprul de/ rnams kyis za bar byed de/ de ni brdzun du smra ba'i 'bras bu yin no// de ltar de ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar sdug bsngal myong bar 'gyur ro/ / yang de nas thar nas gar ba ba bab tu 'bros so// byams par mi lta ba'i 'bras bu ni 'di ltar sems can dmyal ba pa de'i las las byung ba'i sems can gyis smras pa 'di ltar khyod 'dir rgyu med par ci ste 'tshed/ gnas 'di las gzhan dag kyang yod la/ de ngas khyod la bstan par bya ste/ der khyod bde ba 'thob par 'gyur ro// de nas mi des sems can dmyal ba pa de khrid de 'khor rnams kyi nang du 'jug par byed do/ / der yang mi des sems can dmyal ba pa de dag la gang gnod pa tha dad pa de dag myong bar byed de/ 'di lta ste/ phyogs thams cad rab tu sreg pa gang du gnod pa mang po dag gis phyogs thams cad rab tu 'bar zhing sreg go/ lus chen po shin tu sgra 'byin 'jigs 'jigs lngar 'dug pa gang du de'i lus dpag tshad bcu yod cing shin tu gzhon pa 'tshed do/ / me spyi gtsug lta bu gang du me lce las byung ba'i sreg pa gzhan thams cad dang mtshungs pas 'tshed do// ma mdag bye ma lta bu'i char rtag tu 'bab

  402. 202a

    pa'i sgo gang du char rab tu 'bab pa ltar bye ma'i char rab tu 'bar ba 'bab pa'i nang na 'dug pa 'tshed do/ / me ma dag gang du bus pa'i lus lta bu 'jug pa/ sems can/ dmyal ba pa'i mdag mas 'tshed do// sems can dmyal ba a la la zer bar phan tshun gyi yan lag dang nying lag thams cad phan tshun bcad pa'i sdug bsngal myong ngo // shar gyur pa thams cad sdug bsngal bas 'tshed do/ / der gang gzhan yang so sor 'jigs shing bag tshab/ khyi dang / seng ge dang / bag rgod dang / khA dang / bya rgod dang / sbrul dag gis de rnam pa thams cad du sdug bsngal bar byed do/ / chu bo rab med rab tu tsha bar yang 'tshed do// sreg go/ pa tshwa dang / zangs dmar po dang / zhe nye rab tu bskol ba'i chu bo gang du brgya 'am/ yang na stong du rab tu ded cing de dag tu yang 'tshed do/ / rtag tu mun pa mun nag las byung ba'i me'i gnod pa rnam pa sna tshogs dag gis kyang 'tshed do// sems can dmyal ba gnod pa'i 'breng par yang 'tshed do/ / mgo gang la 'khor lo rab tu 'bar ba 'khor zhing / yan lag dang nying lag thams cad kyang sog le dag gis rnam par gshog par byed do// de las thar nas srad bu'i rgyud 'dre ba dud pa ltar 'khrigs pa der yang gnod par byed do/ / gang du kun nas thig skud rab tu 'bar ba dag gis brgya 'am/ yang na stong du btab nas/ gshin rje'i mi dag gis

  403. 202b

    sems can dmyal ba pa de dag mtshon cha hu lu rab tu 'bar ba rnams kyis gcod par byed do/ / de las rnam par thar nas sems can dmyal ba skra shad 'dzings pa dang / bya kha yod par gnod par byed de/ gang du lus tshal shing bsregs pa lta bu'i rang gi lus las byung ba'i mes sreg go/ gcig la gcig kyang sems can dmyal ba pa'i lo 'bum phrag du mar mtshon cha char ltar 'bab pas gcig la gcig 'jog go/ / de las thar nas kyang sems can dmyal ba snying rje rje skad sgra 'byin par 'tshed de/ gang du gnod pa'i rnam pa 'di lta bus nyam zag cing sgra 'byin par gyur pa ni gang sems can dmyal ba gzhan thams cad na yang rnam pa de lta bu med do/ / de las thar nas kyang sems can dmyal ba snying rje chen por skye bar 'gyur te/ der chos ngan pa gang dag chos su ston cing / lta ba ngan pa rab tu ston pa de/ der bu sdug pa'i gzugs de dag sreg cing bskul ba na/ de yongs su smre sngags 'don te// 'di ltar pha dang spun dang / bu dang / mdza' ba mgon med na/ bdag la yongs su skyobs shig ces de'i lag pa gnyis ka stod nas shin tu snying rje rje skad 'byin pa mthong ngo // de mthong nas mya ngan gyi me sred pa'i bud shing gis sbar ba rnam pa de lta bu 'byung ste/ gang khyad par ni sems can dmyal ba pa'i me de kha ba dang mtshungs so// de shin tu tshab rnam pa de lta bu gnyis kyis

  404. 203a

    sreg cing / shin tu tsha ba'i sgra skad 'byin pa na/ gshin rje'i mis rjes su bstan pa'i tshigs su bcad pa smras pa/ sred pa'i me 'di'i drung na ni// 'brar ba/ dag gis gang zhes bya// dmyal bar dmyal ba pa yi me// khams gsum dag tu sred pa'i me// sems can dmyal bar gang byung ba// me 'di mtshungs par gyur pa yin// sred pa'i rgyu las byung ba yi/ / me 'bar ba ni mang por mched// sems can dmyal ba sdig spyad pa// las zad nas ni rnam par grol// sred pa'i dbang du song ba'i me// khams gsum dag tu sreg par byed/ / 'khor bar thog ma med dus nas// sred pa'i me yi rjes 'bring ba// sems can dmyal ba sred pa'i me// ci phyir dmyal ba'i me mi 'byung // sems can dmyal ba pa yi me/ / lus ni shin tu sreg par byed// sred pa'i me yis mi rnams kyi// lus yid shin tu sreg par byed// de lta bas na sred rgyu las// 'byung ba'i me ni khyad par che/ / dmyal ba pa yi kha ba 'dra// sred pa'i me ni khyad par dran// sred 'brang rgyu ni gsum las 'byung // las gsum dag ni yongs su bstan// dus gsum 'byung bar shes par bya// de ltar sred me gzhan du min// 'dod chags mes ni mtho ris sreg/ zhe sdang mes ni dud 'gro dran// gti mug mes ni dmyal bar sreg/ sred pa'i mes ni kun tu gnas// de ltar//

  405. 203b

    sred pa'i me yis su// gnas gsum thams cad rab 'bar bar// mthong nas chos ni ma spyad pa// de ring ci zhig yongs su gdungs// de ltar sems can dmyal ba snying rje chen por sems can dmyal ba pa de gshin rje'i mi de rnams kyis rjes su bstan nas/ sdug bsngal dang / gnod pa sna tshogs dag byed do// de de nas bar nas kyang sems can dmyal ba che ba'i par 'tshed do/ / der yang sems can dmyal ba bdag gis lus kun nas bsregs nas/ lus shing king shu ka ltar byas so// de las thar nas kyang sems can dmyal ba shing skam ltar 'jig par 'tshed do/ / de ltar log par lta bas zin pa'i dge slong ma sun 'byin pa de 'khor bcu drug tu 'tshed do// de der ji srid du de'i sdig pa'i las bcom zhing spangs la zad bar ma byas pa de srid du dus dpag tu med par sreg go/ / de phyis sems can dmyal ba de las thar par 'gyur te/ thar nas kyang dge slong ma sun phyung ba'i las de'i rgyu mthun pa'i 'bras bus tshe rabs stong phrag du mar yi dgas dang dud 'gro dag tu 'tshed par 'gyur te/ bkres pa dang skom pas gcig la gcig za ba dang / lus brgya phrag stong du dud 'gro dag gis za bar 'gyur/ log par lta ba dge slong ma sun phyung ba de 'on kyang gal te de gnyara' shing gi bu gar rus sbal 'jug pa lta bur mi rnams dang skal ba mnyam par mir skyes na/ de tshe rabs lnga stong

  406. 204a

    du mir gyur pa tha mar 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba rab tu tsha ba'i 'khor la brtags na/ des thos pa las byung ba'i shes pas sems can dmyal ba phyogs thams cad rab tu sreg pa zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba ni snga ma bzhin no/ / dge bsnyen ma bslab pa'i gzhi lnga yod pa sun phyung ba de lus dang bral nas ngan 'gro log par ltung ba'i sems can dmyal ba phyogs thams can rab tu sreg par skye par 'gyur ro/ / der gnod pa 'di dag 'byung bar 'gyur te/ 'di lta ste/ sems can dmyal ba de ji ltar khab kyi bu ga tsam yang med pa de ltar kun nas rtag tu nam mkha' la yang rab tu 'bar par 'gyur ba der/ sngar de'i lag pa me'i nang du 'jug ste/ du skad 'byin pa na/ me tsha zhing rtsub pa shin tu drag pa'i stobs kyis ji ltar de'i thal ba yang mi mngon pa de ltar sreg go// de nas yang 'byung bar 'gyur te lo 'bum phrag du mar sreg go/ / de las thar nas mgon 'dod pa/ skyabs 'dod pa de dag gar bab bab tu 'bros pa dang / gshin rje'i mi rnams kyis bzung ngo //

  407. 204b

    bzung nas kyang lcags kyi thag pa kun nas rab tu 'bab pa dag gis rkang mthil gyi bar nas mgo'i bar de dag 'ching ste/ de'i khrag de dag thams cad de'i mgo la bsdus so// de phyis sems can dmyal ba pa de dag la gzugs pa'i phur pa blangs te/ mgor btsugs nas shugs kyis btab ste 'di ltar bur ba de mgul par 'byung ngo // byung nas kyang shugs kyis phyung ba dang de'i khrag de ji ltar sems can dmyal ba'i mgo las zangs bskol ba'i khrag 'byung ba de dang cung zad kyang khyad par med pa de ltar tsha ba 'byung ngo / / de rang gi lus las byung ba'i khrag des lo 'bum phrag du mar 'khru'o/ / sreg go// 'chi'o// de'i las kyi mthus 'byung bar 'gyur te/ ji srid du de'i sdig pa'i las bcom zhing spangs la zad par ma byas pa de srid du sdig pa'i las des sreg go/ 'tshed do// de phyis sems can dmyal ba de las thar par 'gyur la/ thar nas kyang las de dang rgyu mthun pa'i 'bras bu sa lo 'bum phrag du mar yi dgas dang dud 'gro dag tu skye bar 'gyur/ / der yi dgas bkres pa dang skom pa'i sdug bsngal dag myong bar 'gyur ro// dud 'gro rnams su gcig la gcig lus brgya phrag du ma dag za zhing / pha rol dag gis rnam par 'jigs par 'gyur ro/ / de sdug bsngal de dag myong nas/ gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de dbul zhing nad bu can dang / pha rol gyi

  408. 205a

    gnod pa dang / sems g.yems pa dang // tshe thung bar 'gyur zhing tshe rabs bzhi brgyar za mar 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des zos pa las byung ba'i shes pas sems can dmyal ba lus chen po shin tu spa 'byin 'jigs 'jigs ltar 'dug pa zhes bya ba mthong ngo / / der sems can dag las gang gis skye bar 'gyur snyam nas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba ni snga ma bzhin no// gang gis tshe lu ma rab tu sun 'byin par byed na/ de lus dang bral nas ngan 'gro log par ltung ba sems can dmyal ba lus chen po shin tu sgra 'byin 'jigs 'jigs ltar 'dug par skye bar 'gyur ro/ / der gang sems can dmyal ba yang sos la sogs pa'i gnod pa 'byung/ pa de dag thams cad sems can dmyal ba lus chen po shin tu sgra 'byin 'jigs 'jigs ltar 'dug par 'byung ba'i steng du khyad par du 'byung ba ni// 'di ltar gang gi lus dpag tshad tsam la mar gsar ltar shin tu snyi ba'i lus de de dag gis bzung na spu 'byin pa'i phra skam gyis ji ltar yungs kar gyi 'bru tsam du/ de ltar sen mo la sogs pa nas/ rkang pa'i bar dag gcod par byed do//

  409. 205b

    sdug bsngal gyis nyam thag pa de ji ltar sgra sems can dmyal ba pa gzhan dag gis thos nas kyang snying zags shing rdol ba de ltar sgra skad 'byin to// thog ma med pa'i dus nas de'i las kyi 'bras bus/ bslus shing / sems kyi dgras yongs su bslus pa'i sems can dmyal ba pa shin tu sdug bsngal bas nyam thag pa de nyid mthong nas/ 'di ltar gshin rje'i mi rnams kyis rjes su bstan pa'i chos/ su bcad pa smras pa/ 'dod pa yang dag ston pa'i tshig/ snyan cing yid 'ong sna tshogs dag/ smras pa sdig pa chen po yin// de yi 'bras bu 'dir 'ongs so// 'dod par gyur pa'i tshig smras pas/ / spu gri rnon por brdar ba yi// so yis bdag rang bdag nyid kyi// lce ni yang dag bcad kyang bla// sems can 'dod chags kyis bsdus shing / zhe sdang gis ni yongs gdungs pa/ / gti mug dbang du song ba dag/ tshig mi snyan pa smra bar byed// 'dod chags chung bas zin pa gang // nyes par byed pa mang du byed// rmongs pa gti mug dbang song ste// sdug bsngal las ni sdug bsngal 'thob/ / 'dod pa'i dga' ba yud tsam ste// de ni bde med rtag pa'am min// 'gyur ba shin tu mi bzad de// de ltar de ni yongs su spongs// 'dod chags zil gyis non po'i mi/ / sems can dmyal ba'i gnas su gnas// gang dag 'dod chags dbang mi 'gro// de dag dmyal ba'i 'jigs pa med// de ni sdig pa'i las byas pas// ngan song

  410. 206a

    nges par myong ba yin/ / blong zhing dman pa snying rje'i skad// ci zhig de ring yongs su gdung // sems can dmyal ba sdig byed pa// las zad nas ni thar 'gyur gyi/ rnam par sgra 'byin mang 'gyur ba// bar pa dag tu ga la 'gyur// mi 'dod ngan 'gro 'gro ba'i las// byas pas 'dod chags dbang du gnas// rmongs pa gang zhig smre 'don pa// de ni don med yongs su 'don/ / gang zhig ma 'ongs 'bras bu shes// da ltar byung ba'i dge la dga'// de ni dmyal bar skad mi 'byin// khyod ni 'di ltar rjes su gdung // de ltar yang de la bstan pa dang / las byed pa ngan pa byas pa de gshin rje'i mi de rnams kyis rjes su bstan nas kyang / ji srid du de'i sdig pa'i las bcom zhing spangs la zad par ma byas pa de srid du gnod pa rnam pa dad pa sna tshogs du ma dag gis gnod par byed do/ / de sems can dmyal ba de las thar nas/ las de dang rgyu 'thun pa'i 'bras pus tshe rabs stong phrag du mar dud 'gror skye bar 'gyur gal te brgya gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de tshe thung zhing dbul ba dang / sems g.yengs pa dang / ngag skye bo kun gyis yid mi ches par 'gyur zhing / tshe rabs bzhi stong du za mar 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen

  411. 206b

    po rab tu tsha ba'i 'khor la brtags na/ des thos pa las byung ba'i shes pas sems can dmyal ba me spyi gtsug lta bu zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bstan cing bsgoms te mang du byas pas 'gyur ro/ / gang gi zhe sdang ba med cing spyod pa dang ldan pa'i bu mo'i skye gnas ma yin pa'i sgo sun phyung na/ de lus dang bral nas ngan 'gro log par ltung ba sems can dmyal ba me spyi gtsug lta bur skye bar 'gyur ro/ / der gang sems can dmyal ba chen po yang sos la sogs pa'i sdug bsngal de dag thams cad bcu 'gyur du 'byung ba'i steng du/ khyad par du 'byung ba ni sems can dmyal ba me spyi gtsug lta bu de spyi gtsug 'dra la/ / srog chags spyi gtsug ces bya ba byad gzugs gzhu rgyud ltar ring zhing dug shin tu drag pa yod la/ mthong na yang shin tu drag pa gnas so/ / de nas sems can dmyal ba pa de gshin rje'i mi rnams kyis bzung nas/ lcags kyi sa gzhi rab tu 'bar bar por bu'i nang du lus thams cad dang / lag pa dang rkang pa thams cad nub par bcug cing / me shin tu tsha bas rgyab sreg pa na du skad 'byin cing chos nges 'debs so// de nas gshin rje'i mi de rnams kyis srog chags me spyi gtsug/

  412. 207a

    lta bu zhes bya ba de dag blangs nas/ sems can dmyal ba pa de rnams kyi rkub tu 'jug par byed do// de dag gi lus gzhu rgyud lta bu yin zhing / dug rnon po shin tu mkhrang la/ tsha ba yod pa'i lus can de 'jug par byed do// de rab tu 'jug pa na reg pa me lta bur tsha ste/ sems can dmyal ba de las thog ma nyid du de'i rku ba sreg par byed do// bsregs nas za'o// de zos nas nang du 'jug ste/ de long ka sreg go/ bsregs nas kyang za'o// long ka zos nas lhag ma med par byas te/ gyen du byung nas pho ba sreg cing za'o// mcher pa bsreg ste/ de bsras nas za'o/ / de yang zos nas rgyu ma dang / pho ba'i gnas ga la ba der 'gro'o// song nas pho ba'i gnas dang / gzhan rgyu ma dang / gnye ma dag 'cha' zhing za'o// thams cad lhag ma med par bsregs shing zos pa dang / sems can dmyal ba pa de'i rus pa seng seng por byas kyang srog dang ni mi 'bral lo// de phyis mid pa ga la ba der song nas// de snying la 'cha' zhing yongs su sreg par byed do/ / de sreg cing kun nas za ba na/ ngu skad 'byin cing cho nges 'debs la yongs su smre sngags 'don to// de'i nang du me spyi gtsug lta bu 'bar zhing phyi rol du sems can dmyal ba pa'i me ste/ me de gnyis kyis sreg cing za'o// de nas me spyi gtsug lta bu des/ de'i ming pa'i nang zos nas kha ga la ba der song ste/ de dang por lce drung 'cha' zhing za'o// de zos nas rna ba'i phyogs

  413. 207b

    su song ste/ de yang za'o// klad pa dang klang rgyas ga la ba der song ste/ des klad pa dang / klang rgyas de dag zos shing / thong ba dang mgor gtogs pa zos nas/ zod pa dang mgor gtogs pa dug/ ste 'gro yang / de'i las kyi mthus sems can dmyal ba pa de 'chi bar ni mi byed do// de'i lus kun nas bu ga yod de/ bu ga de dag tu zhugs nas/ sems can dmyal ba de mes sreg par byed cing / rab tu 'bar bar byed do// nyes par byas pa'i las kyi mtha' spyad pa de'i lus kyi nang dang / phyi rol kun nas rab tu 'bar ba yin te/ de ltar lo 'bum phrag du mar za zhing za'o// de nas yang 'tsho bar 'gyur la/ de nas yang 'chi bar 'gyur ro// de nas yang 'tsho ste/ de ltar mi 'di de'i nyes par byas pa byas shing bsags pa'i mthus gnod pa dag myong bar 'gyur/ ro// de de las thar nas gar bab bab tu 'bros pa dang / des sbrul chen po'i tshogs 'ong ba mthong ngo // des de mthong nas shin tu skrag cing yi mug ste/ gar bab bab tu 'bros so// de nas las kyis byas pa'i rlung gi shugs lta bu'i sbrul de dag mi de la 'dzin to/ / bzung nas mche ba chen po rno zhing dug chen po drag pas kun nas bskor nas/ sems can dmyal ba de lan grangs brgya 'am/ yang na lan stong du sreg par byed do// sdug bsngal gyis kun nas nyam thag pa de bkres pa dang skom pa'i me dang / sbrul gyi dug gi me dang / sems can dmyal ba

  414. 208a

    pa'i me ste/ me gsum gyi sreg go/ de ltar de ji srid du de'i sdig pa'i las bcom zhing spangs la zad par ma byas pa de srid du lo 'bum phrag du ma/ lo bgrang gis mi yang bar sreg/ go/ de phyis sems can dmyal ba de las thar bar 'gyur te/ thar nas kyang las de dang rgyu mthun pa'i 'bras bus tshe rabs stong phrag du mar yi dgas dang dud 'gro dag tu skye bar 'gyur te/ yi dgas rnam su shin tu bkres pa dang skom pas gdungs par 'gyur/ yi dgas dang dud 'gro dag tu dud 'gror 'gyur ba thams cad du yang tshe rabs tshe rabs su 'byung zhing za bar 'gyur ro// de de las thar nas kyang gal te gca' shing gi bu gar rus sbal 'jug pa lta bur mi rnams dang skal ba mnyam par mir skyes na/ de tshe rabs lnga brgyar ma ning du 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba ma dag ma bye ma lta bu'i char rtag tu 'bab pa zhes bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur ro// gang gis tshe lu ma sun 'byin par byed

  415. 208b

    cing sun phyung nas kyang rjes su dga' bar byed la/ de nyid la shin tu chags par byed na/ de lus dang bral nas ngan 'gro log par ltung ba'i sems can dmyal ba ma dag ma bye ma lta bu'i char rtag tu 'bab par skye bar 'gyur ro/ / der gang sems can dmyal ba yang sos la sogs pa'i gnod pa bsdus pa de dag thams cad sems can dmyal ba 'dir 'byung ba'i steng du/ gnod pa khyad par du 'byung ba dag ni 'di lta ste/ sems can dmyal ba pa de'i 'khor ni dpag tshad lnga brgya yod la/ de thams cad rab tu 'bar ba/ bye ma rdo rje'i ma mngag lta bu dag gis der dpe bya bar yang mi nus pa gang ste/ 'di ltar 'tshed pa po yang nub par 'gyur na/ sems can dmyal ba pa las lci ba lta smos kyang ci dgos te/ de ji ltar chu 'bab pa'i shugs kyis ded par de ltar der 'jug go/ de nas yang las kyis nub pa 'byung bar 'gyur te/ de bye ma rdo rje'i gzegs ma lta bur zur gsum yod cing so rno ba de dag gis/ ji ltar de'i rus pa lhag ma yang med pa de ltar 'thag go// de nas yang 'tsho bar 'gyur la/ de nas yang 'thag ste/ 'chi zhing skye'o// de kun nas dga' ba med cing / bye ma rab tu 'bar ba'i nang du nub ste/ sreg cing 'tshed pa dang / skad 'byi cing yongs su smre sngags 'don te/ de las kyis bsgribs pas sdug bsngal de las bdag nyid thar bar mi nus so// de yun ring po zhig 'das la/ gal te las zad nas sems can

  416. 209a

    dmyal ba de las thar bar 'gyur te/ de las de dang rgyu mthun pa'i 'bras bus de tshe rabs stong phrag du mar yi dgas dang dud 'gro dag tu bkres pa dang skom pas gdungs par 'gyur/ dud 'gro gcig la gcig za bar srog lan stong 'chad par 'gyur/ de las thar nas kyang gal te gnya' shing gi bu gar rus sbal 'jug pa lta bur mi rnams dang rgargal ba mnyam pa mir skyes na/ de tshe rabs lnga brgyar dbul zhing nang bu can dang / spyo ba dang / ngag yid mi ches pa dang / gzhan gyis bkol ba dang / za mar 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba nang na me ma dag yod pa zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang // ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas ni snga ma bzhin du 'gyur ro/ / gang gis dge bsnyen ma bslab pa'i gzhi lnga yod pa stobs kyis mnan nas mi tshangs par spyad pas bslab pa dral cing 'di snyam du bsrung ma mo bslab pa'i gzhi las 'das pa chos

  417. 209b

    ma yin pa gang yang med do snyam du blo skye zhing / las kyi 'bras bu la yid mi ches na/ de lus dang bral nas ngan 'gro log par ltung ba'i sems can dmyal ba nang na me mdag yod par skye bar/ 'gyur ro// der sems can dmyal ba yang sos la sogs pa'i gnod pa bsdus pa de dag thams cad sems can dmyal ba 'dir 'byung ba'i steng du khyad par du 'byung ba ni/ 'di ltar sems can dmyal ba de kun nas me ma dag gi ri lnga la 'di lta ste/ kun bsreg pa dang / gting zab dang / mun nag 'thibs reg dang / me mdag tsha ba lta bu dang / las mngon sum pa rnams kyis yongs su bskor ba der/ sems can dmyal ba de kun nas dpag tshad stong yod pa/ ri de dag kun kyang kun nas ri khor yug dang / khor yug chen po dang / ha cang mi ring ba na yod de/ der sems can dmyal ba pa des ri de dag me tog ut+pa las gang ba lta bu dang / shing ljon pa dang / nags tshal dang / lteng ka phun sum tshogs pa lta bur mthong nas/ dag bde ba myong bar bya ba'i phyir de gang gi tshe brgyugs pa dang / de'i tshe las kyi rlung ma lta bu langs pas bdas so// me mdag de dag kyang rlung des bus so// bus pa des sems can dmyal ba pa de kun nas yongs su dkris so/ / lus thams cad bsregs pa de yang ri de dag gi gzugs sngon por mthong ste/ tsha bas gdungs pas mgon 'dod pa/ skyabs 'dod pa/

  418. 210a

    dpung gnyen 'dod pa de yang rgyug go// de gang gi tshe ri de'i drung du phyin pa dang / de 'di ltar kun nas byi brun la lcags kyi mdas 'phen pa/ 'phangs pa tsam gyis 'gro ba mi mngon pa de ltar sems can dmyal ba pa de me mdag de'i nang du 'gro ba'i grogs kyang gar song gtol med par mi mngon no/ / de der song ma thag tu 'di ltar sreg cing 'tshed la bskol ba na mun pa mun nag gi nang du song nas/ dbang po thams cad 'gags shing / sdug bsngal thams cad kyi gzhir gyur te/ nyes par byas pa'i 'bras bu thams cad mngon sum du byung la/ des gang gis mi dge ba byas shing bsags pa de dag de'i las kyi shugs kyis 'ongs pa'i 'bras bu la nye bar spyod do/ / de ltar de me mdag gi mun pa'i nang na dpung gnyen med cing grogs med pa/ sdug bsngal mi bzad pas nyam zag par gyur pa/ yun ring du rang gis byas pa'i las kyi 'bras bu la spyod pa zhugs pa yun ring du 'tshed do// de gal te yang las kyi rlung de dag nyid kyis me mngag de dag gi nang nas 'byin par byed de/ lus thams cad bskol cing sdug bsngal thams cad kyis nyam thag pa de rkang pagar bab bab tu 'dor ro// de nas yang 'byung bar 'gyur te/ gshin rje'i mi rnams kyis gzung ngo / / bzung nas kyang de'i rku ba sog le rab tu 'bar bas gcod do// bcad cing gtubs nas yang shin tu gzhon sha can du skye bar 'gyur te/ de ltar lo 'bum phrag du mar de sog

  419. 210b

    le'i sdug bsngal myong zhing / de 'di skad du rnam par sgra 'byin par byed de/ bdag gis las dag byas pa yi// 'bras bu de dag bdag nyid yin// 'dod chags dgra yis gdungs pa ni// phyi nas sems can dmyal bar 'ongs// 'dod chags gdungs pa'i las can gyis// bag med sa ni mi gtsang ba'i// zhags pa de yis bcings pa yis// bdag ni gnas 'di dag tu 'ong// sngon chad bdag ni 'dod chags kyi// 'bras bu tsha snyam mi byed de// mi shes pa yis bdag bslus pas// 'dir ni bdag gis byas la spyod// brtse med shin tu drag pa yi// sdig pa dag gi dbang du song / / sdug bsngal rgya mtsho mtha' yas pa// 'di las bdag nyid ji ltar thar// sdug bsngal dag las sdug bsngal las// 'di yis bdag ni yongs su 'tshed// bdag ni sems dmyal zad pa 'am// bde ba 'thob pa ma mthong ngo // de ltar sems can dmyal ba de nang na me mdag yod pa'i sems can dmyal bar shin tu sdug bsngal bas nyam thag cing du skad 'don te/ sems can dmyal ba pa ji srid du de'i sdig pa'i las bcom zhing spangs la zad par ma byas pa de srid du sdug bsngal myong bar 'gyur ro// de phyis sems can dmyal ba de las thar par 'gyur te/ thar nas kyang las de dang rgyu mthun pa'i 'bras bus tshe rabs brgya phrag du mar yi dgas dang dud 'gro dag tu skye bar 'gyur te/ yi dgas rnams su bkres pa dang skom

  420. 211a

    pas gdungs pa'i lus can dag gcig la gcig lta ba kho nar zad de/ dud 'gro rnams su gcig la gcig za ba lus lan brgyar 'chi bar 'gyur ro// de de las thar nas gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de'i las kyi mthus rtag tu rim nad kyis 'debs shing dbul ba dang / nad pu can dang / yan lag ma tshang bar 'gyur bar mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas dmyal ba a la la zer zhes bya ba mthong ngo // der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur ro/ / des 'di ltar bslab pa'i gzhi gcig gam/ gnyis sam/ gsum mam/ bzhi 'am/ lnga las gzhan pa blangs pa dang / bu sring ngam/ bu sring dang 'dra bar ram/ grogs kyi chung ma 'os pa ma yin pa dag la/ des 'di ltar brda byas nas slu bar byed na/ de lus dang bral nas ngan 'gro log par

  421. 211b

    lhung ba sems can dmyal ba a la la zer bar skye bar 'gyur ro/ / der skyes nas kyang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du/ khyad par du 'byung ba ni/ 'di ltar rlung shin tu drag cing shin tu rtsub la/ shin tu mi bzad pa shugs mgyogs pa dang ldan pa ldang la/ gang gis sems can dmyal ba de dag gis lus so sor khyer bar byed de/ ji ltar rlung chen po shin tu mi bzad cing rtsub pa/ ras bal gyi spu 'am/ spu'i snod glongs nas/ spu rnams kyi gdags pa yang mi mngon par khyer ro// gang gis khyer ba'i ras bal de dag gi spu rnams rlung des phyogs bcur bdas shing khyer ba phan tshun thug pa der/ sems can dmyal ba de dag gi lus sems can dmyal ba'i rlung spu gri lta bu des 'di ltar bye ma'i tshad tsam du yang mi mngon par khyer ro/ / gang gis lus de dag spa tsam dang / nyung du nyung ngur byed de/ yan lag dang nying lag thams cad gdags par yang mngon par mi byed do// las ngan pa byas pas yang lus de dag 'byung bar 'gyur te/ de ltar ji srid du de'i sdig pa'i las bcom zhing spangs la zad par ma byas pa de srid du/ yang 'dod chags kyi dbang gis snga ma bzhin du khyer ro/ / yun ring mo zhig 'das nas gal te brgya la de'i rlung gis gnod pa las thar nas/ de byi ba mche ba rdo rje lta bu yod pa 'byung la/ gang de'i rku ba yungs 'bru tsam

  422. 212a

    du rlog ste/ brlags nas ngu skad 'don bzhin du za bar byed do// de zos nas rgyu ma dag kyang za'o// long ka thams cad kyang za'o// long ka de dag zos nas rgyab tu 'byung la/ de'i skal tshigs za ste/ de ltar de'i las kyi mthus sems can dmyal ba der lo 'bum phrag du mar sdug bsngal myong bar 'gyur ro// de gal te de las bar par 'gyur te/ de rgyun ring mo zhig 'das nas/ gal te nyon mongs pa de las thar nas gar bab bab tu 'bros so// de nas rang gi lus las byung ba'i srog chags mar ko Ta ka rnams kyis gang zhing / de'i rkub kyang de nas 'cha' zhing za'o// de ji srid du de'i sdig pa'i las bcom zhing spangs la zad par ma byas pa de srid du/ srog chags mar ko Ta ka rnams kyis sdug bsngal mi bzad pas ngu bar byed/ 'o dad 'bod/ sgra skad 'byin/ smre sngags 'don to// de phyis sems can dmyal ba de las thar par 'gyur te/ thar nas kyang las de dang rgyu 'thun pa'i 'bras pus tshe rabs stong phrag du mar yi dgas rang gi sha la za bar skye bar 'gyur te/ ji ltar de'i tshe des bdag nyid kyi bud med ma yin pa la mi tshangs par spyad pas rang gi sha la za ste/ des bdag nyid 'tsho bar byed do/ / gal te brgyal yi dgas kyi 'jig rten de las thar nas kyang / de phag gi skye gnas su skye bar 'gyur te/ ji ltar des rang gi me dag la chos ma yin pa byas pas gang du skyes

  423. 212b

    par rang gi mas za bar byed do/ / de gal te de las bar nas gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de rtag tu skyes pa'i nad kyis 'debs/ shing / de nad drag po mi bzad pas gnod pa byed la/ pho mtshan gcod par byed do// gal te brgya la de'i chung ma zhig yod par 'gyur na yang / 'di ltar pha rol gyi bud med 'os ma yin pa phrogs pa ltar/ de yang rung ba ma yin pa'i mi dag gis de 'phrog par byed de/ mi'i don 'di thams cad med par byed pa ni 'di lta ste/ 'jig rten dang 'jig rten las 'das pa'i chos rnams dang 'gal pa 'os ma yin pa'i drung du 'gro'o/ / de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba chen po rab tu tsha ba'i 'khor sems can dmyal ba shar gyur pa thams cad sdug bsngal ba zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur ro// bud med sdom pa blangs pa gang gis 'os pa ma yin pa'i dge slong dbang du byas te/ chang blud nas

  424. 213a

    de 'khrul par byas shing yid la gcags pa bskyed na/ / de lus dang bral nas ngan 'gro log par ltung ba sems can dmyal ba shar gyur pa thams cad sdug bsngal bar skye bar 'gyur ro/ / der gang sems can dmyal ba yang sos la sogs pa'i sdug bsngal dang / gnod pa bsdus pa de dag thams cad 'byung bar 'gyur te/ gang gis rtag tu tshul khrims dang ldan pa/ 'os pa ma yin pa la 'os pa nyid du goms par byed na/ de rtag tu mi dge bar zhugs pa des lam ngan pa de nyid rjes su sten par byed do// las kyi zhing ngan pa byas pa'i ngang tshul can mi dge ba'i las kyis mtha' spyad pa des mi dge ba'i las de rjes su sten cing goms par byed do/ / sems can dmyal ba de sdug bsngal ches drag pa dang / sdug bsngal ches mi bzad pa dang / sdug bsngal ches rtsub cing tsha ba dag shin tu so sor myong bar 'gyur te/ der gang sems can dmyal ba yang sos la sogs pa'i sdug bsngal bsdus pa de dag thams cad 'byung ba'i steng du khyad par du 'byung ba ni 'di lta ste/ rkang pa'i mthe bo la sogs pa nas/ mgo'i bar du mtshon cha hu lu rab tu 'bar ba dag gis sha ma gtogs par pags pa gcod par byed de/ de ltar de'i yan lag dang / nying lag thams cad dang / pags pa dag gcod par byed pa'i sdug bsngal shin tu mi bzad do// de'i pags pa de dag kyang sa'i nang du bcug nas sreg par byed de/ de'i lus pags pa med pa'i

  425. 213b

    lus de la gshin rje'i mi rnams kyis lcags kyi snod kyi nang du ba tshwa rab tu bskol ba khyer nas ldugs par byed do/ / des de sreg par byed/ skol bar byed/ sdug bsngal gyis nyam thag cing sdug bsngal tshab rtsub pas nyam thag pa de ngu skad 'byin cing cho nges 'debs la yongs su smra sngags 'don to/ / de ltar de lo 'bum phrag du mar sdug bsngal myong bar 'gyur zhing / lo bgrang gis mi lang paba'i bar du myong bar 'gyur te/ ji srid du de'i sdig pa'i las byas shing bsags pa bcom zhing spangs la zad par ma byas pa de srid du sdug bsngal tsha ba shin tu mi bzad pas gdungs so// de phyis sems can dmyal ba de las thar par 'gyur te/ thar nas kyang gal te yi dgas dang dud 'gro dag tu ma skyes la/ gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ las de dang rgyu mthun pa'i 'bras bu sa de dbul zhing nad pu can dang / lus dag la nad shin tu mi pa zad pas thebs par 'gyur/ de rgya mtsho'i nang gi bar dag tu gang ris 'thun par 'gyur ba/ mi ma tshang ba 'di lta ste/ rkang pa gcig pa dang / sna gcig pa dang / lag pa gcig pa dang / lus chung ba dang / che thung ba rnams te/ 'di lta ste/ der skyes pa nyi ma gcig/ cig thub par 'gyur ba mthong ngo // // dam pa'i chos dran pa nye bar gzhag pa bam po bcu bzhi pa// de nas yang dge slong las kyi 'bras bu rnam par

  426. 214a

    smin pa shes pa des/ sems can dmyal ba chen po rab tu tsha ba'i 'khor ba brtags na/ des zos pa las byung ba'i shes pas sems can dmyal ba chu bo rab med rab tu chab zhes bya ba yod pa mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun du smra ba dang / log par lta ba kun tu bsten cing bsgoms te mang du byas pas 'gyur ro// stegs bu'i dbus su me bus nas/ lag pas bzung ste bskor nas sgra blan pa grogs kyi chung ma nyams pa med pa la sun 'byin par byed cing / sun phyung nas kyang mngon par dga' bar byed/ yang dag par dga' bar byed la/ dga' bar byed pa mi dge ba de nyid la kun tu spyod na/ de lus dang bral nas ngan 'gro log par ltung ba sems can dmyal ba chu bo rab med rab tu tsha bar skye bar 'gyur ro// der skyes nas gang sems can dmyal ba yang sos la sogs pa'i 'khor gyi gnod pa bsdus pa de dag thams cad 'byung ba'i steng du/ gnod pa khyad par du 'byung ba ni mun nag 'thibs pos nam mkha' gang ba nas/ las kyis byas pa'i dbyug pa dang / ral gri shin tu rno ba dag rab tu 'bab pa der/ sems can dmyal ba pa de'i lus kyi nang du nub bo// nang du nub nas sreg par byed cing / yan lag dang nying lag thams

  427. 214b

    cad shin tu 'bugs par byed/ gshog par byed/ 'tshed par byed/ yan lag dang nying lag thams cad phan tshun 'dral bar byed do// de'i phyi rol me'i sdug bsngal gyis kyang sreg par byed cing / nang du dbyug pa dang / ral gris gshog pa'i sdug bsngal ba na/ sdug bsngal shin tu mi bzad cing tsha la rtsub pa gzhan dang mtshungs pa med pa'i sdug bsngal myong ngo // sdug bsngal des bsgribs pa de gar bab bab tu 'bros pa dang / des ngam grog chen po na chu bo rab med rab tu tsha ba zhes bya bar las las byung ba'i sbrul gdug pa rnams kyis rab tu gang bar mthong ngo / / der sdug bsngal gyis gdungs pa des 'khrul par mthong ngo // mi mtho 'tsham par byed pa de rnams kyis de rab tu so sor phye nas sbrul gdug pa rnams kyis za bar byed do// sprul g dug pa'i mchog rnon po rnams kyis kun nas shin tu sdug bsngal gyis nyam zag pa de ji srid du de'i sdig pa'i las bcom zhing spangs la zad par ma byas pa de srid du ngu skad 'byin cing cho nges 'debs la yongs su smra sngags 'don to/ / de phyis de las yun ring mo zhig 'das shing lo bgrang gis mi lang ba na thar par 'gyur te/ thar nas kyang gal te yi dgas dang dud 'gro dag tu ma skyes la/ gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ las de dang rgyu 'thun pa'i 'bras bus de dbul zhing nad bu can dang / yongs

  428. 215a

    su sne sngags 'don pa dang / gzhan gyis bkol pa dang / dbang po mtshang bar 'gyur ro// mi byang gzugs te rgod ma'ang zhing / chang tshing gangs ri lha bu'i nang skye la/ kha zas 'bras bu'i rtsa ba 'ba' zhig gis 'tsho bar byed de/ de gzhan las skyes pa'i kha zas nams kyang mngon par shes par mi 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba rtag tu mun pa zhes bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur ro// phyi rol pa'i 'dod chags dang bral ba de phyis 'dod chags mngon par spangs te/ 'dod chags zhe sdang gti mug dang bral ba de bud med dag gis bslus nas yang 'dod pa rnams la 'jug par byed na/ de lus dang bral nas ngan 'gro log par ltung ba sems can dmyal ba rtag tu mun pa zhes bya bar skye bar 'gyur ro/ / der skyes nas kyang gang sems can dmyal ba yang so sa la sogs pa'i gnod pa drag

  429. 215b

    po bsdus pa de dag thams cad 'byung ba'i steng du/ khyad par du 'byung ba ni/ 'di ltar srin bu sa rko zhes bya ba dag gis de ji ltar dbu ba la 'bigs pa de ltar mchu rdo rje ltar rno ba de dag sem/ can dmyal ba pa de'i nyes par byas pa'i las des 'byung bar 'gyur la/ gang dag pas mi bde ba byed pa yin te/ ches sdug bsngal ba yin no// sa rko de rnams kyis rus pa dag phug pa nas/ rkang gi bar du za ste/ ji ltar sems can dmyal ba pa'i sdug bsngal bsdus pa de dag thams cad de ltar brgya'i cha dang / stong gi cha dang / brgya phrag stong gi char yang mi phod de/ de ltar bdag nyid de dag las thar bar byed mi nus so// de gang dang gang du 'bros pa de dang de nyid du srin bu dag gis mi gtong bar byed de/ de ltar de lo 'bum phrag du mar sreg go/ 'tshed do// sems can dmyal ba pa'i sdug bsngal ches shin tu sdug bsngal dag gis nyam thag pa// sems can dmyal ba der yun ring du sreg cing 'tshed kyang / de'i las byas shing bsags pa sems can dmyal ba grub pa'i mthus 'chi ba'i dus ni mi byed do/ / de ji srid du de'i sdig pa'i las byas shing bsags pa bcom zhing spangs la zad par ma byas pa de srid du 'tshed do// de gal te yi dgas dang dud 'gro dag tu ma skyes la/ gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ las de dang rgyu mthun pa'i 'bras bus de

  430. 216a

    mdog ngan cing rkang lag rdol ba dang / tshong pa mo'i bran mo dang / bran mo bum pa thogs par 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba gnod pa'i rgyud ces bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun du smra ba dang / log par lta ba kun tu bsten cing bsgoms te mang du byas pas 'gyur ro// tshul khrims dang ldan pa chos kyi lam las nyams pa med pa'i dge slong bag tsha ba med pa'i sar song ba las/ bud med sbyar ma zhig na re/ bdag la ci dka' bar mdzod cig/ gal te dge slong khyod bdag dang lhan cig mjal bar mi mdzad na/ de bdag gis dge slong 'di dag la 'dod par byed pa las/ de kho mos ma 'dod do zhes smra bar bya'o// des na khyod la chad pa chen pos gcod par 'gyur te/ gal te rgyal po'i 'khor nas sam/ gal te bdag gi khyim zab kyis gcod par byed do/ / gal te mdzad na de bdag gis khyod la bza' ba dang bca' ba mang po dbul bar bya ste/ de ltar 'o skol shin tu dgyes par 'gyur zhing / gzhan gyis kyang

  431. 216b

    mi tshor bar 'gyur ro/ / 'jig rten pa dag la yang dge slong 'di ni shin tu tshul khrims dang ldan pa yin te/ 'di la mal cha dang / na ba'i rkyen gsos sman gyi yo byad mang po dag phul cig ces smra bar bgyi ste/ sbyin pa po dang / sbyin bdag tu 'gyur ro zhes de ltar 'jigs pas bsdigs nas brid de/ dge slong yang dag pa'i lam las nyams par byed na/ bud med de lus dang bral nas/ ngan 'gro log par lhung ba sems can dmyal ba gnod pa'i rgyud ces bya ba der skye bar 'gyur ro// der gang sems can dmyal ba chen po yang sos la sogs pa'i gnod pa bsdus pa de thams cad 'byung ba'i steng du/ gnod pa khyad par du 'byung ba dag ni/ 'di ltar gshin rje'i mi dag gis bud med de bzung ste/ btsir btsir nas pags pa 'thog par byed do// pags pa de dag btogs nas/ kyang yang yog par 'byung zhing / yang shin tu gzhon nur skye ste/ kha dog shin tu mi sdug par skye'o// de gshin rje'i mi rnams kyis dam por bzung nas/ lcags kyi so mangs rab tu 'bar bablangs/ te de'i lus thams cad 'chad par byed do// rnam par gshog par byed/ yongs su 'dral bar byed do// sdug bsngal gyis nyam thag pa'i bud med de/ nyes par byas pa'i las kyis bslus pa yun ring / du ngu skad 'don cing / cho nges 'debs la yongs su smre sngags 'don to// de ltar gnod pa myong bas gar bab bab tu 'bros pa dang / de nas las kyis sprul pa'i dge slong 'ong ba mthong ste/

  432. 217a

    sems 'dod pas bsgribs pa/ sems kyis yongs su bslus pa de de'i drung nyid du rgyug la/ de ltar 'dod pa dgra lta bu las rgyal bar bya bar dka' ba/ gang de'i gnas su rgyug par byed la/ de de dang phrad pa dang / yongs su 'ju bar byed do// de yang me zab tu gyur nas/ kun nas rab tu 'bar ba der/ de rab tu 'jug par byed do// de me des lo 'bum phrag du mar sems can dmyal ba gnod pa'i rgyud du/ ji srid du de'i sdig pa'i las byas shing bsags pa bcom zhing spangs la zad par ma byas pa de srid du sdug bsngal drag cing rtsub la shin tu mi bzad pa myong bar 'gyur ro/ / de phyis sems can dmyal ba de las thar par 'gyur te/ thar nas kyang las de dang rgyu mthun pa'i 'bras bus tshe rabs lnga brgya dud 'gro dag tu skye bar 'gyur ro// gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de yang bud med du 'gyur te/ grong khyer dang / grong khyer thams cad kyi ljan ljin 'phyag pa dang / grong khyer ba thams cad kyis smad pa dang / dbul zhing mdog ngan la rkang lag rdol ba dang / byad bzhin mthong na 'jigs su rung ba dang / pha ma dang gnyen 'dab kyis spangs par 'gyur/ rtag tu chu phye bkra tsam gyis 'tsho zhing dri ma can dang / bgo ba ngan pa dang / lus kyi phyogs gcig nyams pa dang / lus shin tu chad pa dang / 'gro ba na byis pa rnams kyis rdo dang bong ba dag gis mngon par 'tshog

  433. 217b

    ste/ sdug bsngal bas 'tsho bar 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba srad bu'i rgyud 'bab pas dkrugs pa zhes bya ba mthong ngo // der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgom te kun tu byas pas 'gyur ro/ / rgyal po bsnyems pas sam/ rgyal srid gzhan gyi yul 'khor 'phrog pa'i tshe/ dge slong mnyon mongs pa med pa mthus sun phyung na de lus dang bral nas ngan 'gro log par ltung ba sems can dmyal ba srad bu'i rgyud dkrugs par skye bar 'gyur ro/ / der skyes nas kyang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du khyad par du 'byung ba ni/ ji ltar sems can dmyal ba de thams cad 'di ltar dra ba rdo rje sra ba'i nang du bcug nas/ der yan lag dang / nying lag gi phyogs gang dang gang reg pa de dang der spu gri lta bus kun nas gcod par byed do/ / der yang ji ltar sbrang bu dag spu la rab tu 'phyang ba/ de ltar srad du rdo rje lta bu'i dra ba la 'byung ngo // de nyid du skye zhing 'chi ste/ gshin

  434. 218a

    rje'i mi rnams kyi sa yan lag dang nying lag thams cad mda' rab tu 'bar ba dag gis sdog par byed do/ / de dra ba rdo rje ltar sra ba'i nang du bcug cing / mda' dag gis kyang bsdog pa na/ sdug bsngal shin tu tsha ba/ drag pa/ mi bzad pa dag myong bar 'gyur te/ de du skad 'don cing cho nges 'debs la yongs su smra sngags 'don to// sdug bsngal mtha' yas pa dag gis nyam thag cing / kun nas dbyer med pa/ ba cing ba kun gyis bcings pa na/ de gal te las kyi rkyen gyis thar na shin tu sdug bsngal ba yin te/ gar bab bab tu 'bros so/ / de me mdag gi rlung dag gi nang du 'jug ste/ rab tu zhu zhing sreg la/ yongs su smre sngags 'don cing ngu skad 'byin pa na/ gnyis su med la grogs med pa des/ rgyang ring po na sgo chen po kun nas gsal ba zhig mthong nas/ der rgyug cing der rab tu 'jug par byed do// de yang sbrul chen po shugs rab tu drag cing gdug pa zhig yin te/ des mid do// sems can dmyal ba pa de lus kyi nang du sreg pa na/ skad 'byin par yang mi nus so// sbrul de yang las las byung ba yin te/ ji lta ji ltar bdag nyid yongs su bkri bar byed de ltar sems can dmyal ba pa'i lus nang du zhugs pa de dag thams cad sgra skad 'byin par mi nus shing / lus rtsa dang rgyus pa dang bral ba de dag thams cad bye ma ltar zhib mor byed de/

  435. 218b

    de ltar de lo 'bum phrag du ma lo bye ba grangs med par de sbrul gyi lto der 'tshed do// 'thub bo// de gal te yang sbrul des skyugs pa dang / lus shin tu ma tshang ba/ lus rtsa dang rgyus pa thams cad shig shig por gyur pa'i lu sa gar bab bab tu 'bros pa dang / de sa gshi na rje'i mi rnams 'ong ba mthong ste/ de dag gis bzung nas de mtshon rnon po rnams kyis yan lag dang nying lag thams cad chu srin byis pa gsod pa ltar rnam par zhig par byed do/ / de ltar de ji srid du de'i sdig pa'i las bcom zhing spangs la zad par ma byas pa de srid du lo 'bum phrag du ma kho bgrang gis mi lang bar yun ring du sdug bsngal myong bar byed do/ / de phyis sems can dmyal ba de las thar par 'gyur te/ thar nas kyang las de dang rgyu 'thun pa'i 'bras bus tshe rabs lnga brgyar yi dgas dang dud 'gro dag tu skye bar 'gyur ro/ / gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de dbul zhing nad bu can dang / gzugs mi sdug par 'gyur/ rtag tu sgra mi snyan pa dag gis gnod par 'gyur la/ lus thams cad dug gi sa yog cing nyam thag par 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des sems can dmyal ba skra shad 'dzings pa dang / bya khra

  436. 219a

    yod pa zhes bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun du smra ba dang / log par lta ba kun tu bsten cing bsgoms te mang du byas pas 'gyur ro// sring mo chang gis 'aror gyur pa la mi rigs pa byas na/ de lus dang bral nas ngan 'gro log par ltung ba sems can dmyal ba skra shad 'dzings pa dang / bya khA yod par skye bar 'gyur ro// der gang sems can dmyal bapa chen po yang sos la sogs pa'i sdug bsngal bsdus pa de dag thams cad 'byung ba'i steng du khyad par du 'byung ba ni 'di lta ste/ zangs kyi zhig dag gi nang du 'jug par byed do// zhugs nas kyang der 'ju bar byed do/ / de nas yang 'tsho bar 'gyur ro// de nas yang 'ju bar byed de/ zhig de dag gi nang du bcug nas/ 'tsho yang 'tsho la 'chi yang 'chi ste/ 'chi ba dang 'tsho bar byed do/ / de 'di ltar gshin rje'i mi rnams kyis skud pa gnyis kyis 'bud de/ ji ltar de'i sol ba dang / de'i zhig dag dang / sems can dmyal ba pa de'i lus kyang mi mngon// par 'bud do// de ltar de lo 'bum phrag du mar zhig dag gi nang du bcug nas/ ji ltar mis gsar 'ju ba ltar 'tshed do// de ltar de sems can dmyal ba der nyes par byas pa'i las kyi mtha'

  437. 219b

    spyad pas 'tshed de/ de gal te las zad pas zhig de dag gi zhabs kyi nang du lhung ste/ gshin rje'i mi rnams kyis bzung nas/ brdung ba rnams kyis ji ltar lcags mgar sa dag la lcags// gong bur byas te/ lcags mgar gyis kun tu brdung ba de ltar kun tu rdung ngo // de ltar kun tu brdung ba na brdungs pa dang / srog chad la/ de nas yang rdung ba bteg pa dang yang 'tsho ste/ de ltar sems can dmyal ba pa de yun ring du lo bgrang gis mi lang bar 'tshed do/ / de brgya la de las thar nas/ gshin rje'i mi rnams kyis rnga bo che'i nang du 'jug par byed do// bcug nas kyang las kyis byas pa'i rnga bo che'i sgra gang gis de'i snying zhigs par byed pa rnam pa de lta bu 'byung bar 'gyur te/ snying rnam par zhigs pa de yang 'tsho bar 'gyur la/ de nas yang 'chi bar 'gyur te/ de ltar de ji srid du de'i sdig pa'i las byas shing bsags pa bcom zhing spangs la zad par ma byas pa de srid du 'tsho zhing 'chi'o// de phyis sems can dmyal ba de las thar par 'gyur te/ thar nas kyang las de dang rgyu mthun pa'i 'bras bus tshe rabs drug brgyar dud 'gro dag tu skye bar 'gyur ro// gal te brgya la mi rnams dang skal ba mnyam par mir skyes na/ de rtag tu snying skrag par 'gyur/ ri dgas kyi sems ltar rnam par 'khrul cing rgyal po'i 'khor nas rtag tu 'tshe bar 'gyur/ gzhan gyis sgra 'byin par byed cing / bcing bas kyang tshe zad par byed

  438. 220a

    de/ nams kyang sems bde bar mi 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba snying rje rje skad sgra 'byin pa zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur ro/ / mchod sprin gyi lam log par mthong ba'i lam gyis sring mo gzhon nu sun 'byin par byed pa ni/ ji ltar bram ze'i smrang las/ bud med gzhon nu 'dod chags langs pa gang bag mar ma blangs na/ des mi'i srog gcod pa dang 'dra ba 'thob par 'gyur ro zhes de ltar smrang ngan pas bslus pas/ 'os pa ma yin pa la byed pa de lus dang bral nas ngan 'gro log par ltung ba sems can dmyal ba snying rje rje skad sgra 'byin par skye bar 'gyur ro/ / der gang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du khyad par du 'byung ba ni/ ji ltar gshin rje'i mi rnams kyis lag pa dag gis mde'u ste'u ka rab tu 'bar ba 'phen pa de ltar sems can dmyal ba pa 'phen te/ ji ltar sprul

  439. 220b

    sa'i 'dab ma tsam du lus gang nyams pa dang / rnam par nyams pa ma yin pa la lhag ma med par byed de// de ltar yan lag dang nying lag thams cad nyams/ rnam par nyams shing rab tu 'bar la kun nas/ sdug bsngal ma be zad pas nyam thag pa// mgon med cing grogs med la// gnyis su med pa yun ring du lo bgrang gis mi lang bar sdug bsngal tsha ba rtsu ba ba myong bar 'gyur ro// gal te las zad pa'i rkyen gyi dbang gis mde'u ste'u ka dang / ral gri nyam nga ba de las thar na/ lcags kyi sa gzhi'i steng na me mdag rab tu 'bar ba'i phung por 'bying bzhin du 'bros so// sdug bsngal gyis gdung ba mang pos nyam thag cing ngu skad 'byin pa'i tshe/ thag nye ba na nags tshal chen po sprin nag po lta bu yod de/ kun nas bya skad snyan pas yongs su skor cing / de'i yang zag nye ba zhig na/ mtsho chen po chu rab tu dang ba zhig yod pa mthong nas/ de 'di snyam du sems so// kye e ma nag po 'di ni nags tshal yin la/ mtsho sngon po dang yang ldan pa zhig ste/ bdag ni 'dir bde ba thob par 'gyur ro snyam nas mgon 'dod pa/ skyabs 'dod pa/ dpung gnyen 'dod pa de nags tshal de'i drung du sa gzhi ma mdag rab tu 'bar ba'i phung por 'bying bzhin du rgyug go/ de gang gi tshe thag nye ba nags tshal yod pa de dang bya dag gis kyang bskor ba mthong ba dang / shin tu bde ba 'dod pa dpung gnyen 'dod pa de yang nags tshal de dag nyid kyi drung du rab tu rgyug go/ de gal te tshegs chen pos nags tshal de'i drung du phyin pa

  440. 221a

    dang / sngar bzhin du mthong la/ de gzhan zhig tu mthong ste/ sbrul shin tu gdug cing rab tu 'jigs pa/ mgo stong yod pa/ mig rab tu 'bar ba/ byad bzhin 'jigs 'jigs ltar 'dug pa zhig dang / bya gang yin pa de dag kyang lus rab tu 'bar la/ de dag thams cad sems can dmyal ba pa'i sgra skad rab tu 'byin par mthong la/ sbrul des mod bzhin du bzung nas za ba byed de/ sdug bsngal sna tshogs kyis nyam thag pa cho nges 'debs pa/ de yang sbrul de'i kha rab tu 'bar bas bzung nas/ kha'i bar du bcug ste za bar byed do// de las kyis byas pa'i sbrul de nyid kyis za ba ni/ yun ring po lo bgrang gis mi lang bar za bar byed do// de gal te las zad nas/ sbrul de'i kha de nas thar nas/ skom pas gdungs pas mtsho de'i drung du rgyug go// mtsho// de yang dud pa nag pos bsgribs shing / nang yang sems can dmyal ba pa'i mes gang ste/ de mtsho der nub bo// mtsho de zabs su dpag tshad tsam ste/ der nub cing der sdug bsngal mi bzang/ pab myong ngo // ji srid du de'i sdig pa'i las bcom zhing spangs la zad par ma byas pa de srid du rang gi las dang mthun pa gzhan dang mi 'dra ba'i sdug bsngal myong bar 'gyur ro// de phyis sems can dmyal ba de las thar par 'gyur te/ thar nas kyang las dang rgyu 'thun pa'i 'bras bus tshe rabs bdun brgyar yi dgas dang dud 'gro dag tu skye bar 'gyur ro// de gal te gnya' shing gi bu gar

  441. 221b

    rus sbal 'jug pa lta bur mi rnams dang skal ba mnyam par mir skyes na/ de dbul zhing nad pu can dang / gzhan gyis bkol ba dang / lam gyi bzhi mdo dang / lam po cher spang ba dang mi'u thung du 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba snying rje chen po zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur ro/ / gang gis slob tu bcug la slob pa'i tshig de yang dag pa'i lam rab tu ston pa yin na/ de 'dod chags bdo bas mkhan po de'i chung mnyes pa med pa sun 'byin par byed cing 'jig rten pa dag la yang 'di ltar 'di ni mkhan mo ma dang 'dra ba ste/ bdag ni bu dang mtshungs so zhes kyang brjod la yid gcugs pa 'dor na/ de lus dang bral nas ngan 'gro log par ltung ba sems can dmyal ba snying rje chen por skye bar 'gyur ro/ / der gang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du khyad par du 'byung

  442. 222a

    ba ni/ 'di ltar gong dang 'og na so mi mthun pa'i kha gcod pa mtshon 'dzugs pa lta bus yang dang yang du gcod par byed do// de gcod pa na/ nang du rtogs pa'i sha dang / rgyus pa dang / pags pa dang / chu ser dang / rus pa dang / rkang gi bar thams cad mtshon cha dag gis gcod par byed de/ de ltar snying rje rje skad du ngu zhing yongs su smre sngags 'don to/ / ji ltar sems can dmyal ba pa gzhan dag kyang rus pa'i sgra des/ de ltar sdug bsngal mi bzad pas nyam thag ste/ shin tu snying rje rje skad nyam thag pa na sdug bsngal de dag thams ca/ myong ngo // gcod pa na srog chad par mi 'gyur te/ de ltar des ji srid du de'i sdig pa'i las bcom zhing spangs la zad par ma byas pa de srid du lo 'bum phrag du ma kun tu bcad cing bcad cing yang 'byung bar 'gyur ro/ / de phyis sems can dmyal ba de las thar par 'gyur te/ thar nas kyang las de dang rgyu mthun pa'i 'bras bus tshe rabs drug stong du sems can dmyal ba dang / yi dgas/ dang / dud 'gro dag tu skye bar 'gyur ro// de nas thar nas kyang gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de gal te mngal du 'am/ gal te btsas nas sam/ gal te gan kyal du zhags na 'am/ gal te gog tsam na'am/ gal te rgyug tsam na 'am/ gal te rgyug nus tsam na 'chi bar 'gyur zhing / gang

  443. 222b

    dang gang du skyes par dbang po thams cad ma tshang bar skyes par 'gyur ba mthong ngo / / de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba snying rje med pa'i sa zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur ro// mna' ma la mi rigs pa byas na/ de lus dang bral nas ngan 'gro log par ltung ba sems can dmyal ba snying rje med pa'i sar skye bar 'gyur ro/ / der skyes nas gang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du khyad par du 'byung ba ni/ 'di ltar de dag sa'i steng du phung po rtseg par byas te/ gshin rje'i mi rnams kyis zangs kyi sa gzhi rab tu bsregs par brgya 'am/ yang na stong gcig gi steng du gcig phung por byas pa ni ji ltar skra'i rtse mo la bar skabs med pa de ltar gcig gi steng du gcig bsdus nas sreg go/ de ltar de dag gcig gi steng du bce bas gnod pa na/ ji ltar de dag gcig gi steng du gcig shin tu zags dam par bcer ba'i

  444. 223a

    bar mi mngon pa de ltar bsdu bar byas nas gshin rje'i mi rnams kyis tho ba thogs te kun tu 'tshog go/ de ltar ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar sdug bsngal mi bzad par tsha ba rtsub pa myong bar 'gyur ro/ / de phyis sems can dmyal ba de las thar par 'gyur te/ thar nas kyang las de dang rgyu mthun pa'i 'bras bus tshe rabs dgu brgyar yi dgas dang dud 'gro dag tu skye bar 'gyur/ de las thar nas gnya' shing gi bu gar rus sbal 'jug pa lta bur mi rnams dang skal ba mnyam par mi'i skyes na/ de dbul zhing nang pu can dang / 'gran zla gzhan gyis gsad par 'gyur/ yul ngan par chu 'gram gyi mi kla klor skye bar 'gyur te/ der yang thams cad kyi tha mar 'gyur zhing tshe thung bar 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des sems can dmyal ba rab tu tsha ba'i 'khor la brtags na/ des thos pa las byung ba'i shes pas sems can dmyal ba shing skam bsdus pa lta bu zhes bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas

  445. 223b

    pas 'gyur ro/ / mi 'jigs pa sbyin pa byin pa'i chung mnyes pa med par 'phrog pa ni de bsad pa'i sar khrid cing bsad du dogs pa na/ gang srog phyung ste/ mi de btang ba las des kyang drin med par byas nas de'i chung ma 'phrog par byed na/ de lus dang bral nas ngan 'gro log par ltung ba sems can dmyal ba shing skam pa bsdus pa lta bur skye bar 'gyur ro// der skyes nas gang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du khyad par du 'byung ba ni/ 'di ltar sems can dmyal ba pa de chu bo sgra chen zhes bya ba'i nang du 'jug par byed do/ / der sems can dmyal ba pa brgya stong du ma dag kyang 'jug par byed de/ sems can dmyal ba pa de dag gi nang du 'jug par byed do// de de ltar de dag gi nang du zhugs shing shugs drag pos bdas pa rnams kyis 'og tu bcug nas/ de ji ltar skra'i rtse mo tsam yang mi mngon pa de ltar de dag gi steng nas steng du 'dug nas gnod par byed de/ de'i steng na sems can dmyal ba pa rnams 'khod do/ / 'og tu ni zha nye rab tu bskol bas 'tshed cing sreg la gsod do// cho nges 'debs shing rtag tu sdug bsngal bas nyam thag ste/ de sdug bsngal bas nyam thag pa phyir zhing las kyis byas pa'i chu srin dag nye bar 'ong ste/ gang dag gis sems can dmyal ba pa de yan lag dang nying lag thams cad za zhing 'byung ngo // de shing skam ltar bsdus pas sdug bsngal myong ba

  446. 224a

    na/ ji srid du de'i sdig pa'i las bcom zhing spangs la zad par ma byas pa de srid du yun ring por las kyis byas pa'i tshor ba shin tu mi bzad pa'i sdug bsngal myong bar 'gyur ro/ / de phyis sems can dmyal ba de las thar bar 'gyur ro// thar nas kyang las de dang rgyu mthun pa'i 'bras bus tshe rabs lnga brgyar yi dgas dang dud 'gro dag tu skye bar 'gyur ro// de de las thar nas kyang gal te mi rnams dang skal ba mnyam par mir skyes na/ de bud med kun gyi yid chags par mi 'gyur te/ de ltar bu'i ngo bo dang / pha'i ngo bo dang / ming po'i ngo bo lta bu dang tshe rabs lnga brgyar po mtshan dang bral bar 'gyur bar mthong ngo / / de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags nas/ der 'khor bcu drug pa la sa bcu bdun pa ma mthong ste/ sems can dmyal ba chen po rab tu tsha ba ni 'khor bcu drug dag gis yongs su bskor to// sems can dmyal ba chen po rab tu tsha ba mi bzad pa chen po ni de dag yin/ mjug ni de dag yin/ mtha' ni de dag yin te/ de rang gis byas pa'i las kyi 'bras bu'i sa la spyod pa'i mi dag 'tshed cing sreg ste/ 'di ltar gzhan gyis byas pa 'thob pa ma yin pa las de dang mthun par gnod pa myong ngo // rang gis byas pa chud za bar mi 'gyur la/ gzhan gyis byas pa dang phrad pa med de/ byas pa

  447. 224b

    chud za bar mi 'gyur zhing / rang gis byas pa dang mthun par 'bras bu dag 'byung bar 'gyur ro// rang gis byas pa'i skye gnas las skyes pa'i sems can dag ni rang gi las la spyod pa yin te/ 'di ltar dge ba'am/ sdig pa'i las su 'gyur ba de'i las kyi bgo skal la spyod pa yin no// de ltar dge slong de sems can dmyal bar gtogs pa'i las rjes su sems pa na/ sred pa mngon par sgrub pa la cung zad kyang bde ba med de/ rtag pa med la ther zug pa med cing bdag dang bcas pa ma yin par mthong ste/ 'khor ba thams cad mi rtag pa dang / sdug pa skul ba dang / sgo/ pa dang / bdag med par mthong ngo // de de ltar mthong ba na/ 'dod pa thams cad dang / 'dod pa kun tu sbyor ba dang / 'dod pa so sor 'brang ba dang / 'dod pa la rnam par rtog pa dang / 'dod// pa'i gzhi dag la rab tu 'dod chags dang bral bar 'gyur ro// de phyis zhing yang 'dod pa'i nyes dmigs dag la ches shin tu 'jigs par yang 'gyur te/ de ltar lus dang / ngag dang / yid g.yo pa shin tu bsdams pa de la bdud dang bdud kyi 'khor gyis rab tu mi tshugs so/ / de ltar goms par byed pa de 'khor ba'i tshe rabs mang po'i rgyud zhigs par 'gyur/ srabs par 'gyur/ spangs par 'gyur/ lhod lhod por 'gyur ro// de nas yang rnal 'byor spyod pa nang gi chos la chos kyi rjes su lta zhing gnas pa'i dge slong 'di ni/ kye ma spro ba ma bri ba yin

  448. 225a

    sa gzhan bcu gcig pa la zhugs pa yin no snyam mo/ / de ltar spro ba ma bri bde la sa bla'i gnod sbyin dga' nas/ bar snang la spyod pa'i gnod sbyin dag la mngon par brgya do/ / de dag gis kyang rgyal chen bzhi pa dag la mngon par bsnyad pa nas/ snga ma bzhin du sbyar te/ tshangs pa'i lha'i bar dag la 'di ltar 'dzam bu gling du/ rigs che ge mo zhig las rigs kyi bu zhig grong che ge mo zhig dag dang / grong rdal mang che ge mo zhig dang / ming ga ge mo zhig ces bya ba spa dang kha spu bregs nas/ gos ngur smrig bgos te/ dad pas khyim nas khyim med par rab tu byung ba de bdud kyi yul gyi dngos po mi 'dod cing / 'dod chags kyi dga' ba'i mod las skyes pa'i srid pa'i dngos po dang lhan cig gnas par mi 'dod/ nyon mongs pa sbrul lta bu dang lhan cig dga' bar mi byed la/ gzhan gyi nyon mongs pa dag mthong nas 'khor ba thams cad las yid byung ngo zhes mngon par bsnyad do// de thos nas tshangs chen gyi ris kyi lha rnams bdud kyi phyogs ni dma' bar gyur to/ / dam pa'i chos kyi phyogs ni mngon par mtho'o zhes dga' ba skyes so// de ltar sa gzhan bcu gcig pa la zhugs pa/ rnal 'byor spyod pa lha'i mthong ba dang / yang dag pa'i lam mthong ba/ las kyi chos kyi rnam par smin pa shes pa lus kyi chad pa dang / ngag gi chad pa dang / yid kyi chad pa'i de kho na nyid mthong ba de 'di snyam du sems te/ 'di ltar

  449. 225b

    / lus kyi chad pa dang / ngag gi chad pa dang / yid kyi chad pa shin tu zhib mor rab tu rnam par 'byed pa na/ dge slong dag lha dang bcas pa'i 'jig rten dang / bdud dang bcas pa dang / tshangs pa dang bcas pa dang / dge sbyong dang / bram ze dang / skye dgur bcas pa dang / lha dang mir bcas pa dag gis de ltar rab tu rnam par 'byed pa mi shes na/ gzhan mu stegs can kun tu rgyu ba pa dag gis shes pa lta smos kyang ci dgos te/ gnas med cing skabs med la/ nga'i slob ma dang / gang nga las thos pa ni ma gtogs so snyam mo// de ltar chad pa gsum shin// tu phra rab tu rnam par 'byed pa de ni/ de ltar shin tu phra ba yin no// dge slong dag gzhan mu stegs can kun tu rgyu ba pa dag gis dris na/ lan de ltar gdab par bya'o// gzhan mu stegs// can kun tu rgyu ba pa dag ni dris pa'i lan la shin tu rmongs par 'gyur ro// de ci'i phyir zhe na/ dge slong dag 'di ltar 'khor bar gtogs pa'i sems can thams cad kyi yul ma yin pa'i phyir ro/ / de dag gi lus kyi chad pa dang / ngag gi chad pa dang / yid kyi chad pa rnam pa gsum po de ni rigs pa ma yin te/ nyes pa dang bcas pa/ dri ma dang bcas pa/ khyad du gsod pa dang bcas pa la sems pa yin/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba rnam

  450. 226a

    par gcod pa ma yin/ 'phags pa rnams kyi chos mngon sum du byed pa yang ma yin/ mya ngan las 'das pa'i mthar thug pa ma yin// gtan zad par byed pa ma yin zhi ba ma yin/ bde ba ma yin/ lha'i 'jig rten du skye bar byed pa yang ma yin te/ de dag lus kyi chad pa dang / ngag gi chad pa dang / yid kyi chad pa rnam pa gsum po la sems par byed do// dge slong dag gzhan mu stegs can kun tu rgyu ba pa dag ni rang gi lus kyis mgu nas/ nga rgyal 'ba' zhig byed par zad de/ skyon dang yon tan dang dpyod par mi byed do// de ltar lus kyi chad pa dang ngag gi chad pa dang / yid kyi chad pa rnam pa gsum po de dag ni mi bzad pa chen po yin te/ de dag dang / nga'i dang / cung zad kyang 'dra ba med pa ni/ dper na mya ngan las 'das pa dang 'khor ba gnyis cung zad kyang mi 'dra ba bzhin te/ de ltar de dag gi chad pa rnam pa gsum dang / nga'i dang 'dra ba med do// dge slong dag de de ltar lan gdab par bya ste/ phas kyis rgol ba dag gi ni stong pa yin la/ nga'i lam ni bde ba yin no// mya ngan las 'das pa ni ni nga'o// 'dus byas thams cad ni g.yo ba'o// 'khor ba thams cad la ni bde ba med de/ gang rtag pa dang / brtan pa dang / ther zug dang / mi 'gyur ba'i chos can dag la de ltar bsam par bya'o// dge slong dag de ltar lus kyi chad pa dang / ngag gi chad pa dang / yid kyi chad pa rnam pa gsum gyi

  451. 226b

    de kho na nyid mthong ba'i dge slong de ni che ba yin no/ / rnal 'byor spyod pa'i dge slong thar pa'i grong khyer gyi de kho na nyid mthong ba de yang rtogs par byed de/ dge slong de ji ltar nas gzhan bcu gnyis pa la zhugs shig gu snyam nas/ rnal 'byor spyod pa des brtags na/ dge slong 'di ni brtson pa ma bri ba yin la/ da dung du las ngan pa byas pa rnams kyi rgyu dang 'bras bu'i de kho na nyid la rtag par byed de/ sems can dmyal ba chen po bdun gyi 'khor dmyal ba mnar med pa zhes bya bar stong 'gyur du 'byung ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis bsams bzhin du ma bsad pa dang / pha bsad pa dang / bskal pa'i lhag mar gnas par 'gyur ba ni/ gang bskal pa'i tha mar nyes par byas ba'i las byas pa mnar med par 'grub par 'gyur ba de bskal pa'i lhag ma der smin to/ / gnod pa gang 'gags pa'i dus ni yang 'byung bar 'gyur ba med de/ de lta bas nas/ byas pas bskal pa'i lhag mar smin te/ las khyad par can byas pas gnod pa drag pa rtsub pa tsha ba khyad par can 'byung bar 'gyur ro// gang mnar med pa'i las gcig byas pas ni/ sems la gnod par mi 'gyur te/ 'jam zhing bsam pa 'jam par 'gyur la/ 'di ltar mnar med pa 'di'i las gcig cig byas na/ gal te yang sems rtsub cing / sems kyi bsam pa rtsub pa ra/ de'i sdug brgyal

  452. 227a

    drag pa dang rtsub par 'gyur te/ de'i gnod pa rnam pa de lta bur ni mi 'gyur ro// las kyi 'bras bu rnam par smin pa thams cad ni sems la rag las te/ sems kyi dbang du song zhing sems kyi kun tu sbyor ba yin no/ / sems kyi kun tu sbyor bas 'ching ba'i sems can dag ni bcings pa yin la// sems rnam par byang bas ni grol bar 'gyur ro// rim pa ji lta ba bzhin du mnar med pa rnams kyi gnod pa'i rim pa yang de ltar 'byung ste/ de'i sdug bsngal ba yang lus sbom zhing gzhon sha can du 'byung ngo // de la mtshams med pa lnga'i las kyis ni lus dpag tshad lngar 'grub bo/ / las bzhis ni bzhi'o// las gsum gyis ni gsum mo// las gnyis kyis ni gnyis so// las gcig gis ni lus dpag tshad gcig 'grub par 'gyur ro// de nas yang dge srong des sems can dmyal ba chen po mnar med pa'i 'khor la brtags te/ sems can dmyal ba chen po'i 'khor 'di ni spu zing zhes byed pa yin no// des thos pa las byung ba'i shes pas sems can dmyal ba'i 'khor bcu drug pa ji ltar 'dug pa bzhin mthong ste/ gang dag gis sems can dmyal ba chen po de yongs su bskor ba ni 'di lta ste/ bya rog kha zhes bya ba dang / sa kun gyi 'og dang / tshor ba mtha' med ring dang / wa ltar sba 'byin dang / lcags dang ce spyang za dang / bya rog lto dang / lus zhu dang / sgra 'jigs ston dang / me tog kham bye ba lta du

  453. 227b

    dang / ri brtsegs 'bab dang / chu sgra dang / 'gram dang ra dang / sdug bsngal kun dkris dang / dri 'dod dang / lcags bsnam dang / 'gro ba mes 'jig ste/ 'di dag ni sems can dmyal ba chen po mnar med pa'i 'khor bcu drug yin no/ / de nas yang dge slong des 'chi ba'i dus la sogs pa nas/ srid pa bar mar skye ba'i bar la rtog ste/ ji ltar na sems can dmyal pa pa mnar med par 'gro ba'i sdug bsngal las sdug bsngal nyid du 'byung bar 'gyur snyam nas/ des brtags na/ 'dod chags dang // zhe sdang dang / gti mug gis zal gyis non pa'i srog chags ngan pa byed pa byas pa dag ni mnar med par 'gro'o snyam mo/ / de la mnar med pa ni kha cig 'di ltar de lha'i 'jig rten 'dod pa'i phyir mer 'jug par byed/ gang dag ri ngos g.yang sa las 'dor bar byed/ gang dag chur 'jug par byed/ gang dag zas mi sbyin pas gsod par byed de/ lam ngan pas rnam par rmongs pa/ thos pa ngan pas rnam par bslus shing / gti mug pa dag ma gsod par byed do/ / kha cig mtho ris 'dod pas 'di ltar zas mi sbyin pas sam/ ri la ga yang du gtong bas sam/ mer 'jug pas sam/ chur 'jug pas ma bsad na mtho ris 'thob bo snyam nas/ de mtho ris la sred pas srog dang bral bar byed do// kha cig ni zhe sdang ba sems mi brtan pa'i ngo bo nyid kyi rkyen gyis te/ de ltar nyes pa gsum gyis zil gyis

  454. 228a

    non pa'i srog chags dag gi srog gcod par byed pa ni mnar med par 'gro'o/ / de la mnar med pa ni kha cig zhing chen por gyur pa de ma shes nas/ khrag 'byin par byed pa dang / de bzhin du dge 'dun gyi dbyen byed pa dang / dgra bcom pa yang srog dang bral bar byed pa ni/ phyir zhing zhe sdang gis zil gyis non pa yin te/ de ltar don thams cad med cing bar du gcod par byed pa de dag ni sems can dmyal ba chen po mnar med par skye bar 'gyur/ de dag 'chi ba'i dus kyi tshe kha cig rang gi lus nyid la mnar med pa'i me gnas shing 'byung bar 'gyur/ kha cig 'chi ba'i dus byas ma thag tu srid pa bar mar 'byung bar 'gyur la/ de'i 'og tu mnar med par skye bar 'gyur la/ gang gi tshe mnar med pa'i las byas pa de'i tshe/ de phan chad rab tu 'byung ba myong bar 'gyur ba thar pa'i las kyi skal ba nges par sreg par 'gyur/ de'i sdom pa so sor skye bar mi 'gyur/ dge ba'i las kyi mtha' spyad pa bsregs pa myong bar 'gyur bar ma nges pa dang / lan grangs gzhan la myong bar 'gyur ba dang / skyes nas myong bar 'gyur ba de nges par sems can dmyal bar 'byung bar 'gyur/ de tshe thung bar yang 'gyur/ gang gis lo brgya thub par 'gyur ba de lo nyi shu zhig thub par 'gyur/ gang yid kyis rtog cing sems par byed pa de dag thams cad kyang / ji ltar tsha sgo la sa bon btab pa bzhin 'bras bu med par 'gyur/ de phan chad lha gang phyi bzhin du 'brang ba des/ de yongs su spong bar byed//

  455. 228b

    de'i las kyi mtha' 'bras bu med par 'gyur/ de'i dbang po yul rnams la zhen par 'gyur/ rtag tu rmi lam ngan pa dag kyang mthong bar 'gyur/ don med pa kun la yang sbyor bar 'gyur/ gal te de'i bu dang / chung ma dang / bran dang / bran mo dag yod na/ de thams cad kyis yongs su spong bar 'gyur/ rtag tu bkres pa dang skom pas 'phongs par 'gyur/ gal te zas zhim po zhig sbyar na// de yang ji lta ba bzhin du mi 'gyur/ skad kyang 'gag 'gag por 'gyur/ rtag tu bzhin gyi mdog ngan cing rtsub pa dang / rtag tu sems 'khrul ba dang / rang gi nye du dang / gnyen 'dab kyi tshogs thams cad kyis kyang yongs su brnyas pa dang / de'i sems la glo bur du skrag pa 'byung bar 'gyur/ 'jig rten 'di dag thams cad dud pas 'khrigs par mthong bar 'gyur/ de'i khams sngon ltar nams kyang nyams par mi 'gyur/ rgyang ring po na gzugs mi sdug pa med bzhin du mthong bar 'gyur/ rlung chung dus ded par 'gyur/ rtag tu bdag nyid tsha bas gdungs par 'gyur// rtag tu mkhris pa'i nad kyis nyam thag par 'gyur/ de'i kha rtag tu kha ba dang lan tshwa bro bar 'gyur/ mal gyi gzhi thams cad 'jam pa yin yang rtsub par 'gyur/ gling bu dang / 'khar rnga dang / rdza rnga dang / pi wang gi sgra dag kyang 'jigs shing bag tsha bar thos par 'gyur na/ sgra gzhan dag lta smos kyang ci dgos/ de'i sna yang rtag tu nyams par 'gyur te/ de rdzas dri zhim po dag kyang

  456. 229a

    tshor ro/ / de'i lus thams cad las kyang dring ba 'byung bar 'gyur/ de'i sgra dang sputhams cad 'byi zhing / de'i so dag mdog ngan par 'gyur/ rkang pa dang lag pa rab tu rdol bar 'gyur/ bde ba thams cad las yongs su nyams par 'gyur/ rmi lam na lha dag gis rtag tu gtse bar 'gyur/ de rtag tu snying nad kyis 'debs par 'gyur/ de'i snying gas par 'gyur/ lus nams kyang sdug par mi 'gyur/ gal te brgya la me tog dag btags na de dag myur du rnyis par 'gyur/ de'i gos dag kyang myur du zad par 'gyur te/ lus dang gos dag bkrus kyang dri ma can du 'gyur/ glo bur du lam gol bar 'gro na 'gyel bar 'gyur te/ de'i lus 'gyel bas nyams shing / de'i lus la rma mang po 'byung bar 'gyur la/ yun ring pos 'tsho bar 'gyur/ gnyid log na mgul bskams shing / de sad nas kyang chu 'thung ba nyid du 'gyur/ sbyin byed ma'i bus gnod par gyur pa na/ grong dang grong khyer dag stong pa nyid du mthong bar 'gyur/ gza' dang / skar ma dang / rgyu skar dag gi gzugs log par mthong bar 'gyur/ rlung chung ngu langs pa kun dang phrad na yang mtshon gyis btab pa lta bur drag par 'gyur/ me chung ngu dag gis reg na yang sreg par 'gyur/ nyi ma yang nyis 'gyur gyis tsha bar 'gyur/ zla ba yang dro bar 'gyur te/ zla ba shin tu dro bar myong bar 'gyur/ chu bsil ba thams cad

  457. 229b

    kyang dro bar 'gyur/ / tshal dang nags tshal bde ba dag la 'jigs 'jigs ltar 'dug par mthong bar 'gyur/ bya'i skad snyan pa dag tha skad 'jigs pa lta bur thos par 'gyur/ 'jig rten thams cad dur khrod lta bur rig cing rtag tu dga' ba med par 'gyur/ de chang gis mchog tu dga' ba skye bar mi 'gyur/ ngo tsha med cing tshul med par 'gyur te/ srang dang bzhi mdo dag tu skye bos mngon sum du bshang gci byed par 'gyur/ / // dam pa'i chos dran pa nye bar gzhag pa bam po bco lnga pa// lha thams cad kyis kyang yongs su spangs par 'gyur/ don thams cad med pa'i skal ba can du 'gyur/ mdog tshal shing bsregs pa lta bur 'gyur/ skye bo dang yul gyi mi kun dang zhe 'gras par yang 'gyur te/ de dag ni mnar med pa de'i mtshan ma tshe 'di la sngar 'byung ba yin no/ / de'i 'og tu de'i 'chi ba'i mtshan ma 'byung ba ni nyin par zla ba mthong zhing / mtshan mo nyi ma mthong bar 'gyur/ rang gi grib ma mi mthong bar 'gyur/ rmo bur du sgra mi snyan pa thos par 'gyur/ de'i sna yon por 'gyur/ de'i skra dang kha spu 'dzings par 'gyur/ thog mar rims kyis 'debs shing 'chi ba'i bar du nad kyis 'debs te/ de kun nas me ma dag rab tu 'bar ba lta bu'i rims kyis shin tu gdungs shing nad bzhi brgya rtsa bzhi lta bu ma yin pa dag gis nyam thag pa kun nas me mdag gi rlung dag tu 'tshed pa na/ srin bu'i rigs brgyad cu dag la rlung

  458. 230a

    brgyad cu dag/ lus dang / rtsa dang / rgyus pa dang / pags pa dang / rus pa dang / sha dang / tshil dag tu zhugs nas gnod par byed do// 'di lta ste/ srin bu'i rigs brgyad du dag la/ rlung brgyad cu dag gis gnod par byed de/ srin bu spu can la/ rlung spu sun 'byin gyis gnod par byed do// srin bu kha gnag la/ rlung rlung dag gis rjes su mthun pas gnod par byed do/ / srin bu spro med la/ rlung rmi lam 'khrul ston gyis gnod par byed do// srin bu rab che byed la/ rlung bzod med kyis gnod par byed do// srin bu rnam par rmongs byed la// rlung lces brjod par mi bzad kyis gnod par byed do// srin bu me mdog byed la/ rlung ro bro khrid byed kyis gnod par byed do// srin bu 'gred byed la/ rlung mchin pa 'jig byed kyis gi nod par byed do/ / srin bu 'og 'gro la/ rlung bshang bsteng 'gros gnod par byed do// srin du ud ting ga la/ rlung gnang rgyas gnod par byed do// srin bu kun rtog mthong / la/ rlung dran pa nyams byed kyis gnod par byed do// srin bu dri nga la/ rlung bags pa 'jigs byed kyis gnod par byed do// srin bu rus pa legs skyes la/ rlung ro bro ba 'jim byed kyis gnod par byed do/ / srin du kha dmar la/ rlung sha 'jigs byed kyis gnod par byed do// srin bu brtson bcas la/ rlung rgyags pa 'jigs byed kyis gnod par byed do//

  459. 230b

    srin bu gnad rgyu za la/ rlung rus pa 'jigs byed kyis gnod par byed do// srin bu mtshon cha kha la/ rlung rus kun 'jigs byed kyis gnod par byed do// srin bu spu gri kha la/ rlung gnye mar song gis gnod par byed do/ / srin bu spu med la/ rlung mgo skya byed kyis gnod par byed do// srin bu kha ba gdong la/ rlung rdul 'jig gis gnod par byed do// srin bu s+thi sI dza la/ rlung gci ba shin tu 'jigs byed kyis gnod par byed do// srin bu rkang med la/ rlung zas ldan gyis gnod par byed do// srin bu bshang ba g.yang byed la/ rlung so 'gasra/ byed kyis gnod par byed do// srin bu gsum byed la/ rlung rtse'u chung sogs kyis gnod par byed do// srin bu rgyu ma 'jigs byed la/ rlung 'og tu 'gros gnod par byed do// srin bu dpos byed la/ rlung gyen du 'gros gnod par byed do// srin bu mdog bzang la/ rlung ngos ldang gis gnod par byed do// srin bu gnang rkang la/ rlung mid par 'gros gnod par byed do// srin bu lpags byed la/ rlung sems sun 'byin gyis gnod par byed do// srin bu tshol gnod la/ rlung 'khrug byed kyis gnod par byed do// srin bu bsags byung la/ rlung mig 'dzums 'byed kyis gnod par byed do/ / srin bu dri zhim la/ rlung phan tshun phrad pa lngas gnod par byed do// srin bu sa ha tsu ra ba la/ rlung snying po 'jigs byed kyis gnod par byed

  460. 231a

    do/ / srin bu gnod byed la/ rlung snying po 'chags byed kyis gnod par byed do// srin du snying po me tog skyed la/ rlung 'ong ba dang / 'gro ba dang / gnas pa dang / rgyug par byed pas gnod par byed do// srin bu ku ta ka chen po dang / phag 'tshong dang / nag po dang / za chen po dang / srin bu rkang dro dag la/ rlung mig dang / rna ba dang / sna dang / lce 'jig gis gnod par byed do// srin bu rus pa 'jig byed la/ rlung mkhris pa 'jig byed kyis gnod par byed do// srin bu rkang gnag la/ rlung bad kan 'jig byed kyis gnod par byed do/ / srin bu tshogs gcod la/ rlung gzhungs pa 'jigs byed kyis gnod par byed do// srin bu klad par rgyu la/ rlung srin mo gnas kyis gnod par byed do// srin bu klad rgyas za la/ rlung rkang pa ngos gnas kyis gnod par byed do// srin bu thod par rgyu la/ rlung sems med byed kyis gnod par byed do// srin bu smra za la/ rlung 'byed byed kyis gnod par byed do/ / srin bu rna rgyu la/ rlung 'gro ba nyams byed kyis gnod par byed do// srin bu rnabs 'khril/ rlung long bu 'jig gis gnod par byed do// srin du tshul ngan rgyu la/ rlung byin pa 'jig byed kyis gnod par byed do/ / srin bu la chu 'debs la/ rlung tshigs byed kyis gnod par byed do// srin bu so drung zal/ rlung byin pa 'jig pa tsher med kyis gnong par

  461. 231b

    byed do/ / srin bu kha chu za la/ rlung spro ba 'jigs byed kyis gnod par byed do// srin bu bad kan rlan byed la/ rlung sna 'phrul rengs byed kyis gnod par byed do// srin du rab tu skyug byed la/ rlung ro bro ba bcu khyer ba nang du rgyu zhing du sh+ya ga ta zlog byed kyis gnod par byed do// srin bu sbrang rtsi myos la/ rlung tshigs 'khrugs kyis gnod par byed do// srin bu ro drug sreg la/ rlung spu dang / sen mo dang / bshang ba 'jig byed kyis gnod par byed do// srin bu bar bu ra ba la/ rlung kha chu 'khrul byed kyis gnod par byed do// srin bu ro yid byung la/ rlung shig shig byed kyis gnod par byed do// srin bu rmi lam sred la/ rlung mdoms rengs kyis gnod par byed do// srin bu spu za la/ rlung bshang bskams byed kyis gnod par byed do/ / srin bu so su ra la/ rlung rtsib logs 'ching byed kyis gnod par byed do// srin bu skye ba'i ma la/ rlung khwa bug drug gis gnod par byed do// srin bu um par la/ rlung yin lag dang nying lag 'thung byed kyis gnod par byed do/ / srin bu rab zag la/ rlung me 'jog byed kyis gnod par byed do// srin bu spu grong la/ rlung san 'gad nying lag kun byed kyis gnod par byed do/ / srin bu spu zan la/ rlung brtan 'gems byed kyis gnod par byed do// srin bu si mi si ma la/ rlung yan lag kun khyab kyis gnod par byed do// srin bu am bu/

  462. 232a

    ka la/ rlung sreg byed kyis gnod par byed do// srin bu rmas bslang la/ rlung 'jig byed kyis gnod par byed do// srin bu tsun tsu sgra la/ rlung steng 'og gis gnod// par byed do// srin bu rgyas pa gcod la/ chung mo'i srog gang la song ba 'tsho byed kyis gnod par byed do// srin ba cu rtsod la/ rlung mig 'apyid kyis gnid par byed do// ji ltar srog nas/ thams cad 'chi ba'i dus su srin bu dag la/ rlung dag gis so sor nges par gnod pa byed pa de ltar mnar med pa'i ma yin te/ de'i las ngan pa byas pas 'og dang steng du mi mthun pa las kyis byas pa'i rlung rab tu drag pa dag so sor ldang ste/ de ltar rlung brgyad cu dag gis srin bu brgyad cu dag la gnod par byed do// rlung dag gis ji lta ji ltar srin bu dag la gnod par byed pa bzlog pa la de lta bu mi byed do/ / dang por rlung pi pa pa la ka dri mi zhim pa dag gis de'i lus thams cad ji ltar bu ram shing dbang shing gis btsir ba de ltar skams par byed de/ khrag thams cad skams par byed// gnad thams cad du gnod par byed/ rgyus pa thams cad gcod par byed/ sdug bsngal gyis rkang thams cad rab tu 'ju bar byed do// nyes par byas pa las kyi mtha' spyad pa 'chi ba'i dus kyi tshe mnar med pa de'i khar srin bu gsal bar 'byung bar 'gyur ro/ / sems can dmyal ba pa de'i khyim ni 'di lta ste/ ko ba nag pos g.yogs shing / phyogs gcig rab tu 'bar ba dang / yang ko ba nag po

  463. 232b

    de'i phyogs gcig nas me 'byung ste/ khang pa'i nang thams cad rab tu 'bar ba mthong ngo // des khyim rab tu 'bar ba mthong nas/ bzhin mog mog por gyur te/ ngu zhing skad 'byin la lag pa g.yo ba par byed/ mig 'gul bar byed/ kha nas kha chu 'dzag par 'gyur ro// so dag gis so dag la 'debs par byed/ mchus mchu la reg par byed do// snang ba gnyis pa mthong ba ni/ mun pa mun nag thibs por gyur cing / ri brag chen po la so sor 'jigs pa chen po seng ge dang / stag dang / dred dang / sbrul 'jigs pas gang ba steng du 'ong ba mthong nas bshang ba 'byin to// de'i steng du ri de 'ong ba'i 'jigs pas lag pa rkyong bar byed pa dang / de nye du dag gis mthong nas nam mkha' la rig par 'dod do zhes smra'o// de'i 'og tu de bzhin du ri brag dang / nags tshal dang / ri bor dang lcug tshal mang po 'bar ba'i 'phreng ba steng du 'ong ba mthong ste/ shin tu 'khrul pa du skad 'byin cing sgra ngar ngar po 'thon la/ yang bshang ba 'byin to// mig 'gyur bar byed cing 'jigs bzhin mog mig por mchi ma 'byin par byed/ spu tsher ma ltar 'greng / de'i rlig pa yang gyen du 'greng la/ kha chu stong par byed do// de'i 'og tu yang 'byung ba chen po bzhi dag kun tu 'khrug par 'gyur te/ 'di lta ste/ sa'i khams dang / chu'i khams dang / me'i khams dang / rlung gi khams so// de la sa'i khams 'khrugs pas yan lag dang nying lag thams cad sra ba'i ngo bos gdung bar byed de/

  464. 233a

    dper na rdo gnyis dag gi dbus su dbu ba'i gong bu bzhin gnod par byed pa dang / dper na bye ma chang ba nas gtor ba bzhin lus kyi dbyibs thams cad dang / yan lag/ dang nying lag thams cad kun nas gnod par byed/ rnam par zhigs par byed/ rnam par gcod par byed de/ de'i sa'i khams 'khrugs pas de sdug bsngal shin tu tsha ba myong bar 'gyur ro// de'i 'og tu de'i las nyes par byas pas chu'i khams kyang rab tu 'khrug par 'gyur te/ de 'khrugs pas de skad du skad 'byin cing sgra ngar ngar por 'don to// de'i rgyus pa dang / shar bcas pa brlan cing lhod lhong por 'gyur te/ chu'i rgyun mang du 'byung bar 'gyur/ de'i rna ba dang mig nas kyang chu'i rgyun mang po byung bar nus par 'gyur ro// de'i 'og tu me'i khams kyang 'khrug par 'gyur te/ de me mdag gi tshogs mang po'i nang du bcug nas sreg go// de'i sdug bsngal ni yan lag dang nying lag thams cad sdug bsngal drag cing tsha la rtsub cing gdung ba skye bar 'gyur te/ 'jigs pas nyam zag pa de du skad 'byin/ 'o dod 'bod/ blo g.yas g.yon 'gyur bar byed/ lag pa g.yob par byed de/ mgo skad cig kyang 'jog mi phod do/ / de'i 'og tu rlung gi khams kyang 'khrug par 'gyur te/ de'i rlung gi khams sra ba rtsub pa mang ba yang bgrang bas yan lag dang ting lag thams cad mkhranga' ba nyid kyis rdung bar byed/

  465. 233b

    / mang ba nyid kyis sleb par byed/ yang ba nyid kyis nam mkha' la sdig pa ltar byed cing / gsang sa chen por 'dor ba ltar byed/ zang pa nyid kyis rgyus pa dag zhum par byed do// de 'chi ba'i dus/ kyi tshe sbrul rab tu gdug pa lta bur 'byung ba chen po bzhi dag rab tu 'khrugs pa'i sdug bsngal gyi rnam pa de lta bu 'byung bar 'gyur te/ kun kyang dpe bya bar yang bla ba ma yin no// de'i lus thams cad dbu ba'i gong bu bzhin du myur du 'gyes par 'gyur/ rnam par 'jig par 'gyur/ sreg par 'gyur/ 'tsheng par 'gyur te/ kun nas sdug bsngal gyi tshor ba mi bzad pas nyam thag pa mal gyi mtha' 'am/ nam mkha' la nyug ste/ de'i srid pa tha ma'i sems nye bar 'gyur ro// de ri brag che zhing mtho ba'i khar bteg bteg nas 'dor bar byed de/ bor nas de rten med pa nam mkha' la kun tu 'khyam zhing yongs su 'khyam mo/ / de nas rgya'i 'bur lta bur de'i srid pa tha ma'i sems dang ldan par 'gyur te/ des gshin rje'i mi byad bzhin dang / rkang lag mi sdug par bsgyur ba/ kha gdong glang po che dang / rta dang / bong bu dang / phag dang / gung dang / seng ge dang / stag dang / gzig dang / ne'u le dang / wa dang / skyugs pa za ba lag na mtshon cha sna tshogs thogs pa dag sems can dmyal ba ba de la bsdigs pa na/ de gcig pus mthong gi/ gzhan gang gis kyang de mi mthong ngo // de 'jigs pa mi bzad pas mig 'gyur zhing mar me

  466. 234a

    snum zad nas 'chi ba bzhin du 'chi bar 'gyur te/ srid pa bar ma de'i gzugs ltar snang ba thogs pa med pa/ byis pa lo brgyad lon pa lta bur skye bar 'gyur ro// 'chi ba'i/ dus byas ma thag tu gshin rje'i mi rnams kyis 'dzin par byed de/ gzung nas kyang lcags kyi zag pa rab tu 'bar bas mgul nas 'ching zhing / lag pa gnyis ka phyin ci log tu bcings so// des phyogs dang / des phyogs mtshams dang / sa gzhi dang / nam mkha' dag rtag tu 'bar/ rab tu 'bar/ kun tu rab tu 'bar bar mthong ngo // me'i nang de dag na gshin rje'i mi dag byad bzhin mi sdig par bsgyur ba du ma dag kyang mthong ste/ me'i nang de dag tu 'dor bar byed do// 'dor zhing sems can dmyal ba pa de la bsdigs pa na/ lag na mtshon cha sna tshogs thogs pa de dag des mthong nas/ bag pa'i bcing bas bcings te/ kashin rje'i mi mchog tu 'jigs shing skrag par byed pa de dag gis spyo zhing / lho phyogs dag tu khrid pa na/ 'di ltar snying rje rje na yong su smre sngags 'don to/ / ded dpon mi mkhas 'khrul pa ltar// gson pa'i sa nas bdag nyams so// byad bzhin bsgyur bas yongs bskor cing // dbang med 'jigs pa dag tu khrod/ rtag tu bar snang phyogs dag dang // phyogs mtshams nyid dang sa rnams dag/ thams cad bar chad med par ni// 'bar ba'i 'phreng ba dag gis 'khrugs// sdug bsngal

  467. 234b

    dbang med gang du khrid / / bdag gi gnas ni mi shes so// 'brog dgon dag tu bdas pa na// kun nas thogs ni byed pa med// sdug bsngal 'di las rnam grol bar// mgon skyabs byed pa gang yang med/ / nus pa med cing dbang med la// sdug bsngal me yis yongs gdungs so// bcing bas lag pa bcings nas su// dbang med dag ni gang du khrid// don rnams dang ni mdza' bshes dang / / bu dag dang ni chung ma la// kyi hud bdag drin chud zos te// sdug bsngal 'di las skyob mi byed// dga' ba med cing nyams gyur la// sems ni sdug bsngal dag gis nyams/ / 'chi ba'i zhags pas bzung ba yi// skyabs ni nye bar mi mngon no// bdag la khros ltar tshig smra ba// kun nas spyo ba brgyad pa byed// 'di gang yin zhig kun nas su/ / 'ching ba 'di ni gang zhig yin// bdag gis gang dang gang mthong ba// yul dang de bzhin dgon pa ste// de dang de dag kun gyi nang // thams cad me yis yongs su bskor// phyogs rnams kun na dga' med de// 'khrug pa dag gis yongs su bskor// skyabs su 'gyur ba yong med cing // bdag la kun nas grogs med do// mun gnag mi bzad nang du 'jug/ me mdag phung por bcas pas bsgribs// nam mkha' rgyu skar gza' dag dang // skar ma nyid kyang mi mthong ste// 'di dag thams cad log pa yin// mun

  468. 235a

    gis yongs su bskor/ / dbang po lnga ni thams cad dag/ kun nas byin ci log tu gyur// bdag gi lus ni thams cad dag/ sog les yongs su gshog par byed// skyabs su 'gyur ba yong med de// bdag gi gnas ni gar 'gyur zhing // sdug bsngal tshogs ni 'phel 'gyur te// bdag ni kun nas yongs su bskor// lus dang sems las skyes pa yin/ / sdug bsngal yang dang yang du 'phel// sdug bsngal gyis ni non pa na// de la kun nas grogs med do// rang gi las kyi 'bras bus dkrugs// las kyis bskyed pa'i gshin rje dang / / 'khor dag shin tu 'khrugs nas su// bltas te de nas tshig smras pa// sngon chad bya ba gang byed pa// de ni phyis nas yongs su sems// gti mug gis ni yongs bslus pa/ phyi nas ci zhig yongs su gdung // gnod las 'dod pa gang che ba// sdig pa las ni sdig pa che// khyod kyis ngan byas gang byas pa// sdug bsngal las ni sdug bsngal che// bskal pa 'am bskal pa'i lhag ma ru// khyod ni me yis sreg par byed// ngan byas mang po ci byas pa// gti mug yongs su bsam par gyis// las kyi zhags pas bcings pa la// lha dang lha min dri za dang // sha za lto 'phye srin bu dag/ khyod la yongs su skyob mi byed// las kyi zhags pas gang bcing ba// mi de sems can dmyal bar bcings// rgyu dang rkyen gyis

  469. 235b

    'gro ba yi/ thams cad dbang med khrid par byed// las byas nges par 'grong ni// ma ni gsod par byed pa ste// sdig pa 'di ni shin tu sdig/ sdig las sdig pa chen po yin/ nga gis khyod ni sngon bskyed pa/ / pa yi khu chu las bskyed pa// de la khyod kyis gnod byas shing // dbang med mtshon gyis srog gcod byas// gang zhig khams gsum khyad par 'phags// nyes pa thams cad rnam spangs shing // 'ching po kun las nges grol ba// de las khyod kyis sdig pa byas// chos rnams kun gyis gter yin zhing // thar pa'i sgo ni rnam 'byed pa/ / khyod kyis dge 'dun dbyen byas sdig/ de yi 'bras bu 'dir 'ongs so// sbyor ba thams cad las 'das shing // bag la nyal ni kun spangs pa// rmongs pas dgra bcom gnod bskyed pa'i/ / de yi 'bras bu nye bar spyod// chos rnams kun la me lta bu// bden pa rin chen rnam 'jig pa// rtag tu khyod kyis brdzun smras pa'i// de yi gnod pa spyad par gyis/ / phan tshun dbyen ni bya ba'i phyir// bsams bzhin du ni yang dang yang // phra ma de ni sngon smras pa// de yi 'bras bu 'dir 'ongs so// gang gi rgyud las gdung byed mchog mtshon dang me dang dug lta bu'i/ / khyod kyis rtag tu tshig rtsub smras// de yi 'bras bu nye bar spyod// snga phyi 'brel pa med pa'i tshig/ don med rigs pa med pa dang // 'brel med mang

  470. 236a

    du spras pa yi/ / de yi 'bras bu 'dir thob bo// srog ni rtag tu sbyar len pa// srog chags dbang med 'jigs byas shing // khyod kyis mang du rnam par gtses// der/ 'bras bu mang ngo lob// chags pas non pa'i yid kyis su// khyod kyis gzhan gyi nor rdzas phrogs// gang dag 'dod pa'i dbang song ba// de yi dus ni 'dir 'ongs so// rnam chog bud shing byung gyur pa/ / me ni gnyis pa 'dra ba yin// 'dod pa dag la log pas spyad// don med ci zhig yongs su gdung // gzhan gyi nor la chags sems la// rang nyid kyis ni bsam pas bsamra// de la bya bar nus pa med// de yi 'bras bu de ring spyod// gang la gnod sems mang yod pa// de yi gnod sems yongs su bsams// dmyal dang nye ste de lta bas// nged cag gis ni yongs su 'dren/ / log par ston pa mi zad des// las gnyis rnam par 'jig byed pa// khyod kyi log par lta ba la// gzhan gyi yid dag mngon par bcug/ lus dang ngag dang yid rnams kyi// sdig pa'i chos ni 'di dag ste/ gti mug rjes zhugs khyod kyis su// byas shing gzhan dag rab tu sbyar// byas pa nges par 'gro ba yi// dmyal ba drag po 'di thob ste// nged cag gis ni yongs bskor ba/ / gti mug ci zhig yongs su gdung // rgya mtsho'i khyad par gang yin pa// gang gi khyad par chu thigs tsam// gang dag mi bzad thob pa yi// sdug bsngal 'di

  471. 236b

    ni cam no/ / mi nos zhig sdig byed pa// de bdag nges par 'phags mi byed// bdag gi ying la sdig pa byas// thig pas sems can dmyal bar 'tshed// sdig pa sa sdig pa'i rdzas 'gro/ / de bzhin dge bas dge bar mthong // sdig byed dge la sdang ba ni// sems can dmyal bar skye bar 'gyur// mi dge'i blo yi dge ba dag/ btang nas ci phyir sdig par 'gro// rmongs pas rin chen por nas su// ci phyir rdo yi rjes su rgyug/ sangs rgyas rin chen la sogs pa// sna tshogs chos kyi mtshungs par gang // mi yi chos ni thob pa dag/ ci phyir mang du spyad mi bya/ / sdig pa yongs su spangs pa yi// sems ni rtag tu dge ba dag/ mya ngan 'das pa lag na yod// rtog pa rnams kyis mi mthong ngo // thog ma dbus dang mthar dge ba// bde ba'i chos ni rtag tu 'byung / / thog ma dbus dang mthar mi dge/ sdig pa'i las kyi 'bras bu yin// de ltar rtag tu sdig spangs shing // rtag tu dge la dmigs par gyis// sdig pa yongs su spangs pa ni/ / rtag tu bde la gnas pa yin// 'khor ba thog ma med pa nas// yang dang yang du sdig pas gdungs// byis pa gti mug dbang song ba// ci yi phyir na skyo mi bya// sdig pa yis ni sngon bsregs shing / / phyi nas me yis sreg par byed// sdig pa'i rgyu las byung ba'i dmyal// sdig pa rnams su yongs su 'tshed// sdig pa don med smras pa ni// sems ni yang bas smra bar byed/

  472. 237a

    tsha ba gang gis yongs sreg pa// ci yi phyir na sdig par byed// khyod ni sgo dag du mar gyur// de lta bas na sdug bsngal 'gyur// de ltar de ni bsdigs pa na// gshin rje'i tshe ca du ma yis/ / las kyi zhags pa'i dbang song ba// mi bzad dmyal bar khrid par byed// de'i yan lag dang nying lag thams cad shing khong stong gi nang na ma 'bar ba lta bur bsregs shing zag nyer na/ sems can dmyal ba chen po'i sgo gang dpe bya bar yang mi nus pa mthong ngo // 'dir tshigs su bcad pa/ gru bzhi pa la sgo bzhi yod// dpag med sbrul gyis rnam par byed// sems can dmyal ba du ma dag/ dbang med der ni 'tshed par byed// de ltar de sems can dmyal ba pa rnams kyis/ sgra chen po shin tu mi bzang ba/ rtsub pa/ tsha ba/ mi snyan pa/ tha dad pa 'jigs su rung zhing gzhan dang mtshungs pa med pa/ thos na mi mthun pa dag dpag tshad nyi khri lnga stong nas de mngon par thos so// thos nas gang sems can dmyal ba gzhan du skyes pa'i sems can de dag kyang sems can dmyal ba'i sdug bsngal de dag thams cad brjed nas/ sems 'khrugs par gyur cing / de las gzhan pa sems can dmyal ba pa thams cad kyang byas pa'i sdug bsngal brjed nas/ 'chi ba'i dus byed na/ gang gis sngon gyi sgra de dag nams kyang ma thos pa lta smos kyang ci dgos/ sems can dmyal ba pa'i snang ba byas pas srid pa bar ma la sdug bsngal sna

  473. 237b

    tshogs kyis nyen pa de'i sems rnam par rmongs te/ yang phyir sgra des bcu 'gyur du rnam par rmongs so// de'i sdug bsngal gyis rnam pa mtha' dang mu med pa/ lus dang yid la sdug bsngal gyis nyam/ thag pa'i sems de'i phyir zhing rmi lam gyi gzugs brnyan lta bur rnam par 'khrug par 'gyur ro// de mnar med pa dang nye bar gnas pa de'i tshe/ las kyis bskyed pa/ las kyis byas pa'i rlung grang ba ldang ste/ khyad par gang sa'i 'og na chu yod cing / sa'i 'og gi bar na chu gnas pa/ bar gyi bskal pa'i nyi ma thams cad kyis kyang sngon ma reg pa de lta bu bas kyang de grang ste/ gang mi'i chab ro ma shin tu grang ba dang 'dra'o/ / chu de dag pas kyang shin tu grang ba las kyis byas pa'i spu gri lta bu'i rlung de ri dpag tshad bcu pa yang bsgyel nus pa ldang ste/ phal cher rlung de'i nang du bcug nas srid pa bar ma pa'i grang ba rnam pa de lta bu'i gzugs la sogs pa'i phung po bdas so/ / 'di ltar de dang 'thun pa nyi ma bdun shar ba'i tsha ba stong pas lhag par tsha ba'i me mngon par 'bar ro/ / srid pa'i yan lag ni 'di yin te/ 'di lta ste/ nye bar len pa'i rkyen gyis srid pa 'byung ngo // de 'dod pa bskyed ma thag nyid du srid pa bar ma'i phung po 'gag par 'gyur la/ srid pa gzhan du skye ba'i tshor ba'i phung po dag 'byung bar 'gyur te/ dper na sum cu rtsa gsum pa'i lha rnams kyi mig lnga dang / bzhi dang / gsum 'byung ba de bzhin du/ las kyi dbang gis mi 'dra

  474. 238a

    lus dpag tshad gcig pa mngon par 'grub par 'gyur ro/ / de mgo thur du bstan cing / rkang pa gyen du bsgreng ste lhung ba na mnar med pa'i ma lce rab tu 'bar ba'i shugs kyis brdabs shing rab tu nyams pa/ lo nyis stong du 'gro'o// de ltar spyi'u tshugs su de mnar med pa'i sar song ste/ de'i 'og tu de las gzhan pa 'di lta ste/ mnar med pa med do// 'dod pa'i khams 'di'i mtha' ni mnar med pa yin la/ gzugs kyi khams kyi mtha' ni gyen du grangs te/ 'og min gyi lha'i bar yin te/ khams gnyis so// de ltar de lhung ba na skye ba'i srid pa thob nas de ma thag pa'i rkyen gyis rtag tu gnod cing sdug bsngal gyi shugs rab tu 'byung ste/ de'i drung na rab tu tsha bar skyes pa'i sems can dmyal ba pa dag gzhan 'phrul dbang byed kyi lha dang 'dra bar mngon no/ / de 'bar ba 'khrugs shing mi bzad pa'i sems can dmyal ba'i nang du skyes so// skyes ma thag tu sems can dmyal ba pa'i mes yud tsam zhig gdungs te/ de'i tshe lus yongs su bsregs shing tsha bar 'gyur ro/ / de'i gnas de yongs su tshol bar byed de/ gal te ri'i rgyal po ri rib la 'khyud cing / de ltar de stong phrag drug cur yongs su bskor la/ de chu bo dang shing ljon pa dang / lteng ka dang / nags tshal du bcas pa bskor ba tsam gyis/ sems can dmyal ba pa'i me du mas sreg par byed de/ de sems can dmyal ba pa gzhan yun ring du skyes pa

  475. 238b

    ni ma gtogs so/ / de ltar sreg pa 'di cung zad 'dra ba bstan pa ni/ 'di ltar me shin tu tsha bas dog le yongs su bsregs pa'i nang du snum gyi thigs pa gcig bsregs pa bzhin du/ las kyi rgyu gcig gis mnar med par skyes pa'i lus las 'byung po'i tshogs gnas dang bcas pa dang / ri dang / lha dang / lha ma yin dang / ri chen po dang / sman ljongs dang / gling dang / tshal du bcas shing / rgya mtsho dang bcas pa sreg go/ gang gi sa las gnyis byas na des rgya mtsho gnyis snga ma bzhin sreg go/ gang gis gsum byas na rgya mtsho gsum sreg go// de ltar bzhis rgya mtsho bzhi ste/ lus la dog le bsregs pa bzhin lhung ma thag tu sreg go// ri khor yug dang / khor yug chen po dang / rgya mtshor gtogs pa dag ni klu dang / lha ma yin dang dud 'gror skyes pa'i tshogs dang bcas pa dang / mi'i gnas bzhi dang / 'dod pa na spyod pa'i lha drug dag gi skyabs yin no// de ci'i phyir zhe na/ mnar med pa'i sems can dmyal ba pa dag gis lus dri nga ba des de dag thams cad ma rung bar 'gyur te/ de ltar sems can dmyal ba pa dag gi dri nga ba'i lus la dri 'byung ngo // ri mthon po de dag gi dri de yong mi tshor te/ sems can dmyal ba pa'i las byas shing bskyed pa dang / ma skyed pa dang / rnam par phye ba'i dri de dri gzhan gyis dpe bya bar mi nus so// de'i tshe sems can dmyal ba pa rnams kyi bya'i

  476. 239a

    rigs dag 'byung bar 'gyur te/ mchu rab tu 'bar ba mkhrang zhing rno ba la shugs ser ba myur du 'bab pa lta bu'i shugs kyis sems can dmyal ba pa de dag thams cad/ kyi lus dang / pags pa dang / sha dang / tshil dang / rus pa dang / rkang rnams rab tu 'dren te/ 'di lta ste/ me las me 'byung ba de bzhin du 'byung zhing / der gnas/ der 'gro/ de la za'o// sems can dmyal ba pa rnams kyi sha zo// rus pa phug/ sha drangs nas khrag la 'thung ngo // de dag kyang zos nas rkang dag la za'o// de nas ngu zhing cho nges 'debs la/ yongs su smre sngags 'don cing rmongs pa na/ bya'i rigs gzhan dga' byung bar 'gyur te/ 'di lta ste/ bya me lce spyod pa zhes bya bas gang me lce'i nang du zhugs nas sreg ste/ mthong ma thag/ tu sems can dmyal ba pa rnams kyi klad pa phug nas khrag 'thung ngo // bya klad pa'i bar na rgyu zhes bya ba klad pa phug nas mchu rab tu 'bar bas klad rgyas 'thung ngo // bya zas su lce za zhes bya bas lce kha gnyis su drangs nas rab tu za bar byed do/ / de yang zos shing yang pad+ma'i 'dab ma ltar shin tu 'jam pa skye'o// bya so 'byin ces bya bas mchu gnyis ka pra skam ltar 'dzin cing rab tu 'bar bas so thams cad 'byin par byed do/ / bya ming pa la sogs pa 'dren pa zhes bya bas gang med pa'i sha dag zhib mor 'thub cing za bar bya'o// bya klo ba za zhes bya bas gang glo

  477. 239b

    ba dag za bar byed do/ / bya snying za ba zhes bya bas gang snying dag gshags nas za bar byed do// bya pho ba za ba zhes bya bas pho ba gshags nas der zhugs te/ ro bro ba za bar byed do// bya mchin pa 'jig byed ces bya bas gang mchin pa dag za bar byed do/ / bya bu ga za ba zhes bya bas gang sems can dag gi bu ga za bar byed do// bya sgal tshigs za zhes bya bas gang skal tshigs dag phug nas/ gzhung pa dag zos te phyir 'byung ngo / / bya gnad gsang zhes bya ba sa gang gnad kyi bar thams cad phug cing ga nad dag phye ste/ bar du zhugs nas du bzhin du rkang gi bcud 'thung ngo // bya khab ltar 'bigs zhes bya bas gang mchu khab lta bus khrag 'thung ngo / / de bzhin du bya 'gram rus kyi bar du zhugs shing rus pa gzhan dag phug nas/ rus pa'i bar na gnas zhes bya bas phyi rol yang za bar byed do// bya bags pa rnam drug za zhes bya bas gang pags pa rnam drug za bar byed do// bya se na mo 'byin ces bya bas gang sen mo thams cad 'byin to// bya tshil za zhes bya bas gang pags pa dag phug nas tshil za bar byed do/ / bya rgyus pa 'byin ces bya bas gang rgyus pa de thams cad phyung nas za ba'o// bya sla shad 'dzings zhes bya bas skra drung nas 'byin par byed de/ de ltar de mnar med pa'i phyogs dpag tshad sum stong na/ bya 'jigs 'jigs ltar 'dug pa zhes bya ba des der sems can dmyal ba de las gzhan pa rnams kyis de ma thag tu lo 'bum phrag du mar za bar

  478. 240a

    byed cing / yang slar 'byung bar byed do// de gal te yang mnar med pa na/ byA 'jigs 'jigs ltar 'dug pa'i phyogs de dag las thar na/ sdug bsngal gyi dra ba thams cad yongs su dkris pa/ ngam grog dang g.yang sa zhes bya ba'i phyogs gnyis pa yod do// der mgon 'dod pa/ skyabs 'dod pa/ skyob par 'dod pa 'gro ba na/ kun nus me lce'i phung po bcu gcig gis khebs shing / grogs med la las kyi zhags pa'i bcing bas bcings nas phyi nang nang du dgras gang ba'i dgon par zhugs so// sems can dmyal ba'i tshogs thams cad pabapas ches shin tu nyon mongs par zhugs la/ ngam grog dang g.yang sa zhes bya ba'i phyogs su rgyug ste/ der lhung nas rkang pa rab tu sreg go// bteg pa dang yang shin tu 'jam zhing gzhon sha can du 'gyur te/ sdug bsngal tsha zhing mi bzad pa'i sdug bsngal gyis mngon par gdungs so// de ltar de 'jigs shing bzhin mog mog por gyur pa'i rkang lag dang / yan lag thams cad rab tu zhu ba na/ ngam grog dang g.yang sa zhes bya ba'i yul de 'byung bar 'gyur te/ ngam grog dang g.yang sa dpag tshad sum stong yod pa'i yul der de lhung bar 'gyur ro// yang las kyis byas pa'i rlung gis 'deg cing de 'dor ba na/ bya kang ka dang / khA dang / bya rgod dang / 'ug pa rnams kyis za bar byed do// de nas yang rlung spu gri dang me lta bus gyen du 'deg cing 'dor ba nas/

  479. 240b

    / de dag nyid kyis za bar byed de/ de ltar de 'deg cing 'dor ba lo 'bum phrag du mar byed do// de gal te yang de las thar nas/ 'khor lo ltar yongs su bskor ba mtshan ma'i bar zhes bya ba'i phyogs su rgyug go/ / phyogs der yang 'khor lo rtsibs stong yod la/ lte ba rdo rje las byas pa shin tu 'bar zhing myur bar 'khor ba 'byung ba ste/ de dang lhan cig 'gro ba nyid kyis 'khor le do lus la bab nas 'khor ro/ / mgo'i 'khor lo gcig gis klad pa 'thag par byed de/ de nas klad rgyas rab tu 'bar ba dag 'byung ba nas/ mig gi bar du 'byung bar byed do// phrag pa gnyis ka la 'khor lo gnyis 'khor te/ de rus pa dang rkang dag phye mar rlog go// lag pa gnyis la yang 'byung ste/ des gtsub shing bzhin du lag pa gnyis ka la me 'byung la/ de me nyis 'gyur gyis sreg go/ de bzhin du de'i brang la 'khor lo rab tu 'ab ra ba yongs su 'khor te/ des de'i rus pa thams cad bcom nas 'thag ste/ bye ma'i phye ma bzhin du byed do// de'i rgya ba la yang lcags kyi me mdag gis reg cing / 'khor lo rtsibs stong pa 'khor te/ des brang gi phyogs dang / rgyab kyi rus par gtogs pa la sogs pa thams cad 'joms so// de nas de'i mdoms su lcags kyi mtshon brang ko la la ki 'byung ste/ des mdoms thams cad gtsub shing bzhin du btsugs nas 'dren par byed cing / de'i long ka thams cad 'bigs par

  480. 241a

    byed do/ / dug nas kyang rgyu ma dag la yang 'jigs par byed do// pus mo'i lha nga la yang 'khor lo 'byung ste/ des pus mo'i lha nga de 'bigs par byed do// de bzhin dulong bu la ya 'byung ste/ des de'i rus pa dag phug nas rkang dag za bar byed do// de'i rkang mthil la yang phur bu rnams kyis 'bigs par byed de/ des kyang gdung ba cher byas shing / sbu bsngal skyed par byed do/ / de ltar las kyi mtha' nyes par byas pa spyod pa mnar med pa'i sdug bsngal rang gi las kyis byas pas/ thun mong ma yin pa// mi bzad pa/ tsha ba/ rtsub pa'i gnod pa dag lo 'bum phrag du mar 'byung bar 'gyur ro/ / de gal te yang de las thar na gnod pa myong bzhin du 'bros par byed de/ mgon 'dod pa/ skyabs 'dod pa/ dpung gnyen 'dod pa de bros pa na/ ri chen po zhig yod par mthong nas de la rgyug go// ri de yang srin bu ma ko Ta ka yan lag dang / nying lag rab tu 'bar ba rnams kyis gang la/ de ltar de srin bu ma ko Ta ka reg na rtag tu me ltar tsha ba rnams kyi nang du skye bar 'gyur te/ de rnams kyis de kun nas yongs su bskor nas rdul phran tsam du za bar byed do// cho nges 'debs pa na/ srin bu ma ko Ta ka kha'i nang du yang zhugs nas med par song ste/ pho ba dang long ka'i nang du zhugs nas za bar byed cing / de sdug bsngal mi bzad pa/ tsha ba/ rtsub pa dag myong ngo // gang sngon shin tu nyes par

  481. 241b

    smad pa byas pa dang / gang mnar med pa byas pa dang / mi dge ba bcu'i las kyi lam dang ldan pa de ni rgyu de dang mthun pa'i 'bras bu nye bar spyod par 'gyur te/ de ltar srin bu ma ko Ta ka'i ri der lo 'bum phrag du mar sdug bsngal myong bar 'gyur ro/ / gal te yang de las thar na/ sha za ba seng ge dang / stag dang / dred dang / gung dang / dom gyis gang ba'i tshal du brgyugs pa dang / de rnams kyis de gzung ngo // bzung nas kyang yan lag rab tu za bar byed de/ la la ni klad pa brtol nas klad rgyas za bar byed/ la la ni brla'i ngos la/ la la ni rgyu ma la/ la la ni gnye ma la/ la la ni long ka la/ la la ni pho ba la/ la la ni byin pa'i spu s+phu la/ la la ni pu sa mo la/ la la ni rkang pa la/ la la ni rkang mthil la za ste/ de ltar de bza' bza' nas/ yang shin tu gzhon sha can du 'byung bar 'gyur ro// shin tu gzhon sha can de la yang dang yang du lhag par sdug bsngal myong bar 'gyur la/ yang zos na yang de'i sha rdzogs par skye bar gyur te/ des srog gcod pa byas shing bsags pa'i 'bras bu ni de yin no// de ltar de rang gis byas pa gzhan dang mi 'dra ba'i sdig pa'i las de lo 'bum phrag du mar myong bar 'gyur de nas yang dge slong de ma byin par len pa kun tu bsten cing bsgoms te mang du byas pa'i 'bras bu so sor yang dag par myong ba la rtog par byed de/ des thos pa las byung

  482. 242a

    pa'i shes pas brtags na/ 'di ltar de nyes par byas pa'i las kyi mtha' la spyod pa/ mgal me'i 'khor lo dang / dri za'i grong khyer dang / ri dgas skom pa lta bu dag la don gyi rnam pa chen po dbyig dang / nor bu dang / gos dang / nor dang / 'bru'i tshogs su lta'o// de ltar de chags pas zil gyis non la/ las kyis rmongs pa dag 'di snyam du sems te/ 'di dag ni bdag gi yin no snyam mo// de ltar rmongs pa sdig pa byed pa de me mdag rab tu 'bar ba'i chu bo dag las brgal nas rdzas kyi rnam pa de dag gi drung du rgyug pa dang / las kyis byas pa'i gshin rje'i mi rnams kyis bzung ste/ de mtshon cha'i dra ba'i nang du bcug nas yan lag dang nying lag thams cad gsheg cing gcod la sreg ste/ rus pa'i lhag ma ma lus par byed kyang / de thog ma med pa'i dus nas zhugs pa de gnas skabs de dag tu yang 'dod pa de spong bar mi byed do// 'dir tshigs su bcad pa/ bud shing lta bu'i rtog byung bas/ / nga rgyal phrag dog me ltar 'bar// shing gi mes ni mi sreg gi/ 'jig rten 'dod pa'i mes sreg go// 'dod pa'i dug gis zin pa gang // de dag la ni bde ba med// 'dod pa bsten cing bsten byas na// phyir yang de bzhin rab tu 'phel// ji lta ji ltar 'dod gyur na// 'dod pa du ma 'phel bar 'gyur// me las 'bros par nus srid kyi// 'dod pa'i

  483. 242b

    me las mi nus so/ / 'dod pas yongs su bslus pa yi// 'jig rten 'khor lo bzhin du 'khyam// thog ma med pa'i 'jig rten la// 'dod pa lta bu'i dgra med do// 'dod pas yongs su bslus pa dag/ rgya mtsho'i chu nang 'jug par byed// mtshon cha thibs po 'bab pa yi// g.yul du yang dag rab tu 'jug/ 'dod pa'i rgyu yis sa bdag rnams// phan tshun dag tu 'jig par byed/ / nor la sred pas ma bu yang // 'thab mo'i g.yul ni 'gyed par byed// sred pa'i dug las rnam grol ba// 'dod pa'i me medag rnam par spangs// bong ba gser ltar mnyam pa de/ mya ngan 'das pa'i mthar 'gro'o// nor gyi nang na tshul khrims mchog/ nyi ma 'od dang ldan pa bzhin// nor dang bral nas 'gro 'gyur gyi// tshul khrims 'di ni mdun na gnas// tshul khrims kyis ni sum cu gsum// de bzhin bsam gtan spyod yul 'gro// 'jig rten 'di dang pha rol tu// tshul khrims gzi dang mtshungs pa med// mnar med par ni skyes pa dag nor la 'dod pas bsregs pa yin/ / 'dod pa'i me ni gar 'byung ba// yul der me ni 'byung mi 'gyur// mkhas pa'i ye shes chu yis su// bsgrims te 'dod pa'i me dag sod// 'dod pa med par ma byas na/ / mya ngan 'das pa thag ring ngo // de ltar sems can dmyal ba pa de 'dod pa'i ma des bsreg pa na/ yang mnar med pa'i me gnyis pa mtshon 'bab pa dang bcas pas

  484. 243a

    sum 'gyur du sreg go/ der yang mgal me bskor ba dang / dri za'i grong khyer dang / ri dgas skom pa lta bu'i nor dag la 'phrog par byed pa dang / log par bsgyur ba rmi lam gyi mi lta bu/ sems can dmyal ba pa'i gshin rje'i mi de dag gis der ma byin par blangs pa'i sems can dmyal ba pa de lo 'bum phrag du mar sdug bsngal myong bar byed do// de nas dge slong de 'dod pas log par g.yem pa mnar med pa de'i 'bras bu la rtog par byed de/ des brtags na/ 'di ltar sdig pa byed pa mtshon cha nyam nga ba de las thar na/ ji ltar yang las kyi 'khrul pa me mdag gi chu bo las brgal nas/ log par rnam par lta ba zhes bya ba'i phyogs gzhan du zhugs so// de las byas pa'i bud med dag gang sngon gyi dran pa nyams pa des mthong ngo // de dag mthong nas de thog ma med pa'i dus nas goms pa'i 'dod chags kyi me 'byung ste/ de der rgyug par byed do// gang na bud med 'khod pa de dag las kyis byas pa/ lcags kyi bud med dag yin te/ de dag gis de gzung ngo // gzung nas lce la sogs pa la za ste/ ji ltar de'i lus de la yungs 'bru tsam gyi lhag ma yang ma lus par de ltar za'o// de nas yang 'byung bar 'gyur te/ yang za'o// de sdug bsngal tshab rtsub pa myong bzhin du 'dod chags kyi me de dag las ldog par mi byed kyi/ gang na bud med de dag gnas pa der yang dang yang shin tu rgyug par byed de/

  485. 243b

    de ji ltar 'dod chags kyi mes gnod pa de ltar sdug bsngal gnod par mi rtsi'o// de nas bud med de dag yang lus rdo rje dang / lcags rab tu 'bar ba'i lus kyis mi bzung nas/ 'bar ba'i 'phreng / pa 'khrugs pa'i lus kun gyis sems can dmyal pa de bye ma chang pa nas gtor ba bzhin du gtor to// lus thams cad phye mar byas pa de slar yang 'byung bar 'gyur te/ de nas shin tu rgyug kyang de'i 'dod chags zhi bar mi 'gyur ro/ / de'i gnas de lta bu mthong nas/ dge slong des bsams te/ thos pa las byung ba'i shes pas 'di ltar tshigs su bcad de smras pa/ bud med ngan song gzhi yin zhing / / kun nas nor ni zad par byed// mi gang bud med tshig nyan pa// de la bde ba ga la yod// don med chos la dga' ba ni// bud med g.yo dang phrag dog mang // 'jig rten gnyis ni rnam 'jig pa/ / skyes pa rnams kyi mdun na gnas// de'i tshig shin tu mi brtan te// rtag tu 'dod chags skyed la mkhas// de yi snying ni gzhan sems la// gzhan gyi tshul gyis smra pabar byed/ / dang por mnyen zhing srun byed la// phyi nas sems ni rdo rje 'dra// sems ni yang la phan pa med// bkur sti dag ni dran mi byed// legs pa brgya ni chud gzon la// ma leg gcig pu dran par byed/ / sdig pa'i sa gzhi bud med yin// snying ni glog gi ngo bo bzhin// skyes pa chags pa'i sems yod pa// 'jig pa'i rgyu ni bud med byed// 'jig rten 'di

  486. 244a

    dang pha rol tu/ / 'jig byed nang na bud med 'jig/ gal te bde ba'i mchog 'dod na// de ltar bud med rnam par spongs// bud med rtag tu spangs pa ni// 'jig rten 'di dang pha rol bde/ / gang zhig dbul ba spong 'dod cing // gang zhig bdag ni 'byor 'dod dang // gang zhig mya ngan 'das 'gro 'dod// mi des bud med spang bar byos// de ltar phyin ci log tu mthong ba snying rnam par rmongs pa de lo 'bum phrag du mar sreg go/ / gshog go// gsod do// de nas yang slar 'byung bar 'gyur te/ de gal te de las thar na/ de nas yang me mdag gi chu bo'i nang du bying zhing 'tshed pa na/ bkres pa dang skom pas gdungs te/ gar bab bab tu 'bros so// de nas dge slong de mnar med pa'i mi mi dge ba byed pas gang brdzun du smra ba de kun tu bstan cing bsgoms te mang du byas pa'i 'bras bu la gartags na/ des thos pa las byung ba'i shes pas mthong ste/ 'di ltar sems can dmyal ba lus bkres pa dang skom pas 'khrugs shing gdungs pa de/ gshin rje'i mi stobs po che rnams kyis gzung ngo // bzung nas kyang kye grogs po dag khyed la ci gnod ces 'dri'o// las kyi dbang gis bskul ba de dag bdag cag bkres so zhes smra'o/ / de nas de dag gshin rje'i mi rnams kyis gzung ngo // bzung nas kyang de'i kha gshog par byed de/ de'i lce 'byin par byed do// lce de yang las kyi dbang gis dpag tshad lnga

  487. 244b

    brgya tsam du 'gyur ro/ / brdzun du smra ba de'i 'bras bus de byung ma thag tu/ de gshin rje'i mi rnams kyis bzung nas/ lcags kyi sa gzhi rab tu 'phar ba la ba ldag tu 'jug cing / las kyis byas pa'i thong gshol rtse mo rab tu 'bar ba dang / rmod glang stobs dang ldan pa stong byung ste/ lce de'i steng du song nas rmod par byed do// de las rnag dang / khrag dang / srin bu 'dzag pa chu bo ltar 'bab bo/ rnag dang srin bur 'dres pa'i lce de yang ji ltar lha rnams kyi mig bzhin du gzhon sha can du 'gyur te/ de'i lce'i phyogs la rmod pa de dag slar yang tha mal par 'gyur ro// de nas yang lo 'bum phrag du ma 'am/ lo bye bar rmod de/ lce de la sdug bsngal mi bzad pa 'byung ngo // tsha zhing rtsu ba la rab tu rtsub pa drag pa pas kyang shin tu drag pa sdug bsngal mi bzad pab dag gis nyam thag pa de ku co 'don/ cho nges 'debs/ du skad 'byin kyang / de'i sdug bsngal de sus kyang sel bar mi byed do// gang bdag gis byas pa de dag ni pha mas ma byas/ lhas ma byas/ mi gzhan gyis ma byas/ 'dod rgyal las ma byung / gzhan nas ma 'ongs/ byas pa chung mi za ste/ rang gis byas pa'i las kyi 'bras bu yod do// de nas de dag du skad 'byin bzhin du/ 'di ltar gshin rje'i mi rnams kyis rjes su bstan pa tshigs su bcad de smras pa/ rtsub cing drag la bde med pa// brdzun du smra ba rnam par spong // brdzun du smra ba'i mi rnams ni// sems

  488. 245a

    dag yang la rnam par 'jig/ de ni yid ches gnas ma yin// mkhas pa kun gyis rnam par spangs// bdag nyid la ni bslus byas nas// pha rol la ni brdzun sprug/ skyes bu dpa' sems can dag gis// dgra bzhin du ni rnam par smad// gang tshe bdag dang gzhan 'jig pa// dang por mi mthun kha nas smra// mi yis rnam par ma spangs na// lha rnams kyis kyang gtong bar byed/ / yid la brdzun gyi tshig sems na// dma' zhing 'og mar 'gro bar 'gyur// mi gang log pas mngon nyams pa// de dag bde ba'i gnas med do// 'jig rten 'jig rten 'das lam la/ / brdzun du smra ba rnam par smad// 'byed pas 'byed pa'i rnam smin te// brdzun du smra ba rnam par spongs// de ltar de la gnas pa'i mi// dmyal ba yin par nye bar brtag/ mi mchog bden pa smra ba ni// 'jig rten kun gyis mchod par 'gyur// brdzun du smra ba rnam par spongs// 'on tang bden pa'i mchog tu 'gyur// 'tshe med bden tshig smra ba ni// 'byung po kun la brtse zhing mnyen/ / bden pa mtho ris skas yin ning // chos rnams 'byung khrung chen po yin// mi gang gshin rje'i 'jig rten dang // de bzhin dmyal bar 'gro ba yi// de'i rgyu brdzun du smra ba ste/ / mi mkhas pa dag smra bar byed// dug dang zhags pa gdos 'dra zhing // de ni mtshon dug me dang 'dra// brdzun du smra bar mi bya ste// de yi 'bras bu sdug bsngal yang //

  489. 245b

    de ltar las 'bras zhe 'gras pa// de ni rnam ston 'chi bar byed// zhi ba'i tshig ni smra bar gyis// smad par bya ba rnam par spongs// de ltar sems can dmyal ba de sdug bsngal mi bzad pa myong ba na/ de lo 'bum phrag du mar de'i lce 'byin par byed do// de gal te yang sems can dmyal ba pa de'i kha'i nang du sdud par byed de/ 'jigs shing skrag la byad bzhin mog mog po de ma mdag gi chu bo'i nang du sreg bzhin du kar bab bab tu 'bros so/ / de ltar sdug bsngal gyis nyen cing mgon med/ skyabs med/ dpung gnyen med pa de la yang gshin rje'i mi rnams 'byung ba 'gyur te/ gshin rje'i mi lag na tho ba dang ral gri thogs pa de rnams kyis/ mi de ngu skad 'don cing / yang dang yang du mnar med pa'i mes sreg pa na/ klad pa la sogs pa nas/ rkang pa'i bar du phye mar byed do// de nas yang dge slong de phra ma kun tu bsten cing bsgoms te mang du byas pa'i rnam par smin pa la rtog par byed de/ des thos pa las byung ba'i shes pas brtags na/ 'di ltar phra ma'i las kyi 'bras bus bskul ba'i sems can dmyal ba der shin tu mi bzad pa'i sa gzhan la 'jug par byed de/ de gshin rje'i mi drag shul chen po ston pa gzhan rnams kyis gzung ngo / / bzung nas sems can dmyal ba pa de la/ gshin rje'i mi rnams kyis smras pa/ grogs po dag khyed la ci gnod// de dag gis smras pa/ bdag

  490. 246a

    cag la bkres pas gnod do/ / de nas gshin rje'i mi rnams kyis de'i kha de brgyangs nas lag pas lce 'byin par byed do// de yang dpag tshad sum brgyar gyur te/ de ltar phyir zhing rgya che bar 'gyur ro/ / gshin rje'i mi rnams ral gri so rab tu 'bar ba dag blangs te/ lce de la gcod par byed do// khyi dang wa rnams kyis kyang phyogs gzhan dag la za bar byed de/ de ltar sdug bsngal mchog tu tsha ba myong ba dag so sor myong ngo // de lce de dang bral ba'i tshig mi gsal bas du skad 'byin cing cho nges 'debs te/ de ltar de ngu skad 'byin pa na/ 'di ltar gshin rje'i mi rnams kyis rjes su bstan pa tshigs su bcad de smras pa/ 'dus pa'i go rims bstan pa// // dam pa'i chos dran pa nye bar gzhag pa dam po bcu drug ba/ / dbyen gyi bsam pa mang po yis// khyod kyis mang du gang smras pa// chos rnams kyi ni sdig par gyur// de yi 'bras bu 'dir 'ongs so// mi mthun pa la gang dga' ba/ / de ni rtag tu mdza' bshes dang // gnyen 'dab rtsa lag 'byed pa yin// dam pas phra ma rnam par smad// srid pa nyam ngar gar skyes pa// rtag tu dman par skye bar 'gyur// phra ma la ni gang sbyor ba// phyir zhing gti mug dbang du 'gro// phra ma la ni gang 'jug pa// sdig pa sten par byed pa ste// sdig pa'i las kyis dmyal ba ru// yang dang yang du 'tshed par

  491. 246b

    byed/ / phra ma'i kha ni gnyis su mthong // phyi ma'i shal shin tu za// yid gcugs dam pa med par byed// gsang ba'i tshig ni sun 'byin to// gang dag phra ma spangs pa ni// de la rtag tu grub pa gnas/ / mdza' bshes gnyen 'dab rtsa lag dang // de ni nams kyang 'bral mi 'gyur// phra ma spangs pa zhi ba ni// legs shing sdig dang bral ba yin// de ni rtag tu sa bdag gi/ gsang ba 'dzin par byed pa yin// chos ni ma spyad gang yang med// phra ma dag kyang ma spangs pa// phra ma'i 'bras bu myong bar gyis// de ring ci zhig yongs su smra// de ltar rjes su bstan cing lce'i sdug bsngal myong ba na/ de lo 'bum phrag du mar sdug bsngal gyi nang du song ste bying ngo // de sdug bsngal tsha ba rtsub pa myong ba na/ gal te yang de'i lce 'jam por 'gyur te/ gshin rje'i mi de dag kyang mi snang bar 'gyur ro// de dag de las thar na/ sems can dmyal ba pa shin tu mi bzad cing drag pa las kyi shing gi mthu dang / rnam par smin pa'i rlung mar langs par mes sreg pa na/ gar bab bab tu 'bros so// de nas gshin rje'i mi gzhan dag gis sems can dmyal ba de gzung ngo // bzung nas kyang smras pa/ grogs po dag khyed la ci gnod/ las kyi 'bras bus bskul ba de dag gis smras pa/ lce'i sdug bsngal gnod do// de nas lce de brgyangs nas gzung ngo // gzung nas mtshon so

  492. 247a

    brdar ba rnams kyis gtub gtub nas yang de nyid zar gzhug pa'i phyir kha'i nang du 'jug ste/ bkres pa dang skom pas gdungs shing kha gdong nyams pa de rang gi khrag dang / kha chu 'dzag pa dang / rang gi lce de nyid la za'o// lce gtu ba gtub pa de las kyi dbang gis yang skye bar 'gyur te/ de nas yang sdug basbrul gyis nyam thag pa dag sa la 'phye zhing 'gre ldog la yongs su ngu skad 'byin to/ / de sdug bsngal gyis nyam thag pa de'i mig gi 'bras bu ni gyur/ sdug bsngal gyis nyam thag cing dman la grogs med pa gcig pu rang gis byas pa la nye bar spyod do/ / 'di ltar gshin rje'i mi rnams kyis rjes su bstan pa tshigs su bcad de smras pa/ tshig rtsub ces bya gang mthong ba// mda' ltar rno ba khyod kyi tshig/ gzhu lta bu yi lce las 'phadra// de yi 'bras bu 'dir 'ongs so// gang la tshig rtsub 'byung ba ni// dug lta bu yi lce las byung // 'jig rten la ni sha za 'dra// de dag yongs su spang bar gyis// ji ltar yid 'byung 'gyur ba ni/ / nyam ngar tshig rtsub smra ba ste// me mtshon dug ni byung ba la// mi dag de ltar yid mi 'byung // gtsu pa shing lta bu'i lce las byung // shing lta bu yi snying gis spel// 'jig rten tshig rtsub me ltar 'bar// shing skam lta bur sreg par byed// gang dag snyan par smra la dga'// 'jig rten kun gyis phyag byed do// 'jig rten kun la ma dang 'dra// de ni

  493. 247b

    phra dang 'dra bar dga'/ / dang por snyan par smra ba dge/ bde 'jam bde ba 'byung ba yin// sdig pa mi bzad sel ba dang // mi sdugs kun skyong ba yin// tshig snyan mtho ris skas yin te/ tshig snyan dge ba'i gter yin no// tshig snyan 'jig rten gnyen yin te// tshig snyan legs pa mngon par grub// khyod kyis tshig rtsub de smras pas// sems can dmyal ba drag por 'ongs// lce de dag la'ang gnod par byed// de ring ci zhig yongs su smra// de ltar rjes su bstan pa na brdzun du smras pa de kun tu bsten cing bsgoms te mang du byas la rjes su yi rang zhing ma bshags pa dang / lo 'bum phrag du mar lhan cig gnas so// de gal te yang de las thar na/ gar bab bab tu 'bros pa dang / de nas mdun nas gshin rje'i mi rnams kyis bzung ste/ de sdug bsngal mi bzad la drag pas yongs su gdungs shing tshor bar byed pa mthong ngo / / de nas yang dge slong de tshig bkral pa kun tu bstan cing bsgoms te mang du byas pa'i sdig pa mi dge ba'i las kyi 'bras bu'i rnam par smin pa la rtog par byed de/ des thos pa las byung ba'i shes pas brtags na/ sems can dmyal bab 'di dag rang gi las kyi 'bras bu la spyod pa/ sdug bsngal gyis nyam thag cing shin tu mi bde ba de dag gshin rje'i mi rnams las thar nas kyang / gar bab bab tu 'bros so// de nas gshin rje'i mi gzhan dag gis bzung nas

  494. 248a

    sbas pa/ kye tshogs po dag khyed la ci gnod/ de dag gis smras pa/ bdag cag la bkres pa dang spros pa gnod do zhes smras nas tshigs su bcad de smras pa/ mar gyur pa stong phrag dag/ rang gi lus las gtsub shing byung // bkres dang skom las byung ba'i mes// bdag la mi bzad sreg par byed// kha ba me ltar khyad par che// de ni ri rab yungs 'bru bzhin/ / sems can dmyal bar sreg pa ni// bsreg pa'i khyad par de 'dra'o// sems can dmyal ba'i me byung bas// de ni gzhan du gnod par byed// bkres dang skom las byung ba'i me/ / lha dag la yang yod ma yin// gnod pa mi bzad gang yin pa// de dag dmyal bar bdag la byung // bkres pa'i me yis gnod pa ltar// de dag de ltar mi gnod do// / de'i tshig de thos nas gshin rje'i pho nya dag phra skam rab tu 'bar ba blangs nas kha gdangs pa'i nang du snod rab tu 'bar bar zangs shin tu bzhus pa khyer nas blugs te/ tshig bkyal pa smras pa'i 'bras bu des ji ltar kha ba chal chol me'i nang du 'ju ba ltar de'i lce yang de ltar sreg go/ / de sreg pa mi 'dra ba gnyis kyis sreg pa na ngu skad 'byin/ cho nges 'debs/ ku co 'don cing mig shin tu 'gyur bar byed de/ zangs dmar po rab tu 'bar ba des de'i lce sreg par byed do// lce ba sregs nas med pa sreg go// mid pa bsregs nas snying sreg go// snying bsregs nas rgyu ma sreg go//

  495. 248b

    de dag kyang bsregs nas long ka sreg go// long ka yang bsregs nas 'thur du byung ngo // de ltar de sreg pa na/ 'di ltar gshin rje'i mi rnams kyis rjes su bstan pa tshigs su bcad de smras pa// phyi'i brel pa med pa'i tshig/ don med thog tu mi phebs te// 'brel med khyod kyis gang smras pa// de yi 'bras bu 'di 'dra'o// gang dag rtag tu bden mi smra// tshig don bzang po ma yin zhing // lce de mkhas pas mi mthong ste// sha yi gong bu tsam du zad// gang dag rtag nga bden smras pa// yon tan brtan zhing rtag tu legs// de ni mtho ris skas yin te// de la lce zhes mi brjod do// denas gshin rje'i mi de dag gis sems can dmyal ba pa de la rjes su bstan nas/ zangs dmar po rab tu bskol ba de dag sems can dmyal ba pa de'i khar ldugs te/ lo 'bum phrag du mar 'brel/ ba med par smra ba de'i rnam par smin pa snying rje rje ltar myong ngo // de nas gal te sems can dmyal ba pa de gshin rje'i mi de dag gis btang nas gar bab bab tu 'bros so// me mdag gi chu bo'i ning dag tu bying ste/ rab tu 'ju ba na/ rkang pa dang / byin pa dang / rked pa dag me mdag gi chu bo de dag gi nang du mar gsar gyi gong bu lta bur rab tu 'ju bar byed do// de nas yang 'byung bar 'gyur te/ de ltar mgon 'dod pa/ skyabs 'dod pa/ dpung gnyen 'dod pa de gar bab bab tu 'bros so// de nas las kyis byas pa'i nor rdzas mang po gsob gsog

  496. 249a

    snying po med pa gzhan gyis yongs su bzung ba dag la/ las kyis bskul ba rmongs pa de/ 'di ni bdag gi yin no snyam mo// de nas sems can dmyal ba pa de nor rdzas ga la yod pa de nyid du rgyug go/ / de brnab sems mi dge ba kun tu bsten cing bsgoms te mang du byas pa'i 'bras bu 'di ni gang sems can dmyal ba pa des de ltar log par mthong ba yin no// de ltar brnab sems mang por mthong ba de'i lag tu mtshon cha 'byung bar 'gyur te/ des brgyugs pa dang / sems can dmyal ba pa gzhan dag gi lag tu yang mtshon cha 'byung bar 'gyur te/ de dang de dag lhan cig mtshon gyis 'gyur do// sems can dmyal ba pa de dang de dag mtshon rnon po rnams kyis 'jog par byed do// 'jog pa de dag kyang rus gong gi lhag ma de tsam zhig lus par byed do/ / de nas yang slar skye bar 'gyur te/ yang de bzhin 'jog par byed cing de dag yang skye bar 'gyur ro// de nas lo 'bum phrag du ma 'das pa dang / las kyis byas pa'i gshin rje'i mi rnams 'ongs nas de dag gis mtshon cha rnon po blangs te/ sems can dmyal ba ba de rnams dang / sems can dmyal ba pa gzhan de rnams la ji ltar yungs 'bru bas kyang phra ba de ltar lus kyi shal 'jog ste/ de ltar rus gong gi lhag ma tsam zhig lus par byed do// de du skad 'byin/ cho nges 'debs/ dra zhing smre sngags 'don pa bzhig bzhog nas

  497. 249b

    yang skye bar 'gyur te/ ji ltar chu srin byis pa gsod bzhog bzhog nas chu'i nang du bcug pa dang / de nas yang slar skye bar 'gyur ba de bzhin du/ sems can dmyal ba pa de dag yang slar skye bar 'gyur ro/ / de ltar sdug bsngal gyis nyam zag cing ngu skad 'byin pa de dag la/ 'di ltar gshin rje'i mi rnams kyis rjes su bstan pa tshigs su bcad de smras pa/ brnab sems kyis ni nyams pa'i mi/ / brnab sems kyis ni yongs su bslus// gzhan nor bdag gir bya snyam pa// de ltar de ni bslus pa yin// brnab sems sdig pa yid byed pa/ / mdzangs pa rnams kyis ma bstan to// mar me 'bar ba'i me bzhin du// bdag gis byas pas sreg par byed// brnab sems sdig pa yid byed pa// gnod pa dag ni nye bar byed/ / tsha bar smin cing dug byung ba// gang yin de ni rtag tu spongs// gzhan gyi phun sum tshogs mthong nas// bdag gir bya snyam bsams pa ni// brnab sems de yis bslangs pa yi/ / dug gi 'bras bu 'dir 'ongs so// de ltar de gshin rje'i mi de rnams kyis spyo skyo brgyad brgyad nas/ lo 'bum phrag mang por gnod pa nyid kyis gnod par byed de/ de sdig pa'i las kyis 'byang bar mi 'gyur ro/ / de nas yun ring mo zhig 'das nas sems can dmyal ba de me mdag gi chu bo'i nang du bying zhing bros pa na/ gar bab bab tu bros pa dang / lcags

  498. 250a

    kyi sa gzhi rab tu 'bar ba'i steng du bab nas/ de yang dang yang du 'gre ldog ste/ langs nas kun tu rgyug pa na/ gcig pu gnyis su med cing grogs med pa las kyi dbang gis gyur pa'i sems can dmyal ba pa las kyi dgra'i nang du song ngo / / gal te yang gshin rje'i mi de dag las thar nas/ gar bab bab tu 'bros so// de nas gnod sems kun tu bsten cing bsgoms te mang du byas pa de'i 'bras bu nye bar gnas pa ni mgon 'dod pa/ / skyabs 'dod pa/ dpung gnyen 'dod pa de/ skyabs dang dpung gnyen 'dod cing / las kyis byas pa'i seng ge dang / stag dang / sbrul shin tu khros pa dag mdun du 'dug pa dang / de de dag la 'jigs nas gar bab bab tu 'bros kyang de mi dge ba'i las kyis 'bros par ga la nus te/ de de dag gis gzung ngo // bzung nas kyang shin tu 'khrugs pa rnams kyis dang por re zhig klad pa la za'o// de'i klad pa la za ba na du skad 'byin cing / smre sngags 'don la 'gre ldog par byed do/ / de'i rtsib logs la yang mche ba dug ltar rno ba kun gyis brad brang nas za zhing stag dag gis kyang rgyab tu zos rkang pa ni mes bsregs shing gshin rje'i mi rnams kyis kyang rgyang ring po la sogs par 'phangs so/ / de ltar snying rje chen po'i shugs thob pa de la 'di ltar gshin rje'i mi rnams kyis rjes su bstan pa tshigs su bcad de smras pa/ mi yi skyes bu tha ma

  499. 250b

    la/ / gnod sems me 'dra yod pa ni// sreg pa dag las sreg pa thob// don med ci zhig yongs su smra// sems can dmyal bar skye ba yi// rgyu ni mi bzad gnod sems yin// thag pa gang gis bcings pa yi// mi ni yongs su khrid par byed// gnod sems dag gis rmongs pa'i mi// rtag tu de la yid 'jug pa// zhi bar shin tu mi 'gyur te// bu ga'i nang na sbrul gdug bzhin/ / mi gang gnod sems mi bzad cing // shin tu drag pa'i ngo bo ni// nyi ma la ni mun pa bzhin// de dag la ni bde ba med// gnod sems snying la yod pa ni// kun gyis bsrung bar mi nus te// bshes grogs gnyen gyi mis ma yin// chos dang don gyi tshogs kyis min// gnod sems de ni mun pa yi// tshogs dang 'dra zhes brjod pa yin// gnod sems skyed par byed pa ni// gnod sems zhes ni yongs su sgrogs// gnod sems med pa ji ltar 'gyur// gnod sems med pa mchog tu dge/ gnod sems yod pa pha rol tu/ / mi bzad 'chi bar de dag 'gro// gnod sems kyis ni drangs pa dag/ sems can dmyal ba drag por 'ongs// las zad nas ni thar 'gyur zhing // dmyal bar 'gro ldog mi byed do/ / de ltar de bstan cing rjes su bstan nas/ gshin rje'i mi rnams dang / seng ge dang / stag gnod sems mang du yod pa rnams kyis mthun par rdeg cing za bar byed

  500. 251a

    de sa bon las 'bras bu 'byung ba bzhin du de'i gnod sems dang mthun par las kyi rnam par smin pa 'byung ste/ de ltar sems can dmyal ba pa de las de'i 'bras bus 'tshed cing za'o/ / de gal te de yang de las thar nas/ mgon 'dod pa/ skyabs 'dod pa/ dpung gdod pa de gar bab bab tu 'bros so// sdig pa chen pos bskul ba log par lta ba mtshams med pa lnga'i lam ni 'di yin te/ mnar med par skyes nas/ de nas nges par myong bar 'gyur ba'i mtshams med pa gzhan dag yod pa der skye la/ skyes ma thag tu las so sor myong bar 'gyur ro/ / sems can dmyal ba pa de mu stegs kun tu rgyu dang / rdzogs byed dang / lhas byin dang / ko ka li ka gang du 'tshed pa'i gnas der sems can dmyal ba pa chen po 'di yang 'gro bar 'gyur te/ gang na sdug bsngal nges par myong bar 'gyur ba mi bzad pa/ tsha ba drag pa bas kyang shin tu drag pa de dag rjes su myong ngo // de'i sdug bsngal sems can thams cad kyis dpe bya bar bla ba ma yin te/ mnar med pa'i sdug bsngal de myong bar 'gyur ro// sdig pa byed pa de mun pa'i tshogs su gyur pa dang / sems can thams cad spu zing zhes byed pa mnar med pa chen po ga la bder 'tshed do/ / sreg go// gshog go/ mtshon char ltar 'bab pas 'jog go// de nas yang 'byung bar 'gyur te/ yang 'jog go// gshog go// sreg go// mda' bo che dang

  501. 251b

    rdo rje dang / ser ba dang / rdo char ltar 'bab pas gsod do// de ltar mtshams med pa lnga byed pa de dag sreg pa na/ me'i phung po chen po bcu gcig byung ste/ de dag shin tu sdug bsngal bar byed do/ / der phyogs bcu'i me 'bar ba bcu dang / me'i phung po bcu gcig 'byung ste/ bkres pa dang skom pa byas nas khar byung ngo // de'i lus kyi steng 'og dang / rtsib logs su 'bar ba'i 'phreng ba mched nas ji ltar de'i lus kyi gse ba phra mo yang mi mngon pa de ltar sreg go/ me de yang ji ltar skra de dag gi rtse mo'i bar yang mi mngon pa de ltar phan tshun shin tu nyon mongs par 'tshed pas mnar med do/ / bde ba'i bar skabs kyi dus cung zad kyang med pas mnar med do// dbang po thams cad yul kun la 'tshed cing yid dang 'gal bas mnar med de/ 'jig rten de nas shi nas sems can dmyal ba chen po mnar med pa ma gtogs par de las gzhan du mi skye ste/ mnar ba'i gzhi med cing gnod pa'i grangs kyi bar med pa'i phyir mnar med do// 'dod pa'i khams su gtogs pa'i sems can thams cad kyi 'og tu gyur pa ni mnar med pa de dag yin ste/ gzhan dag mnar med pa yin pas mnar med do// sems can dmyal ba chen po de'i mgo la ji ltar steng nas gnod pas kun nas nyon mongs pa ltar de'i mgo la yang de'i bar skabs kyi gzhi med pas mnar med do/ / sa gzhi zangs dmar po rab tu bskol ba dang / khrag dang / sha dang /

  502. 252a

    rus par 'dres shing 'khrugs pa dag la bar med pa de bzhin du/ mnar med pa yang pags pa dang / sha dang / tshil dang / rus pa dang / rkang du gtogs pa thams cad rab tu 'bar te/ de ltar kun nas rab tu 'bar bdag la mngon pa med cing mnar ba'i gzhi cung zad kyang med pa'i phyir mnar med do// ri las chu 'bab pa'i shugs ltar nyin gcig bzhin du gnod pa dpe med 'phel zhing 'byung ste/ de ltar gnod pa rnams mnar ba'i gzhi cung zad kyang med pas mnar med do// srid pa bar ma 'gag pa dang dus mnyam du lan grangs gzhan la myong bar 'gyur ba'i las kyis der skyes nas mnar ba'i gzhi'i bar shin tu chung ba yang med pa'i phyir mnar med do/ / de ltar gnod pa brjod par mi nus kyang cung zad cig dper bya na rgya mtsho'i thigs pa bgrang bar bla ba ma yin pa de bzhin du/ mnar med pa rnams kyi las nyes par byas pa lnga'i gnod pa bgrang ba 'am/ brjod par bya ba ma yin no// 'di lta ste/ ji ltar mnar med pa'i las lci ba'i mthus de'i tshe/ sdug bsngal gyi gnas gzhan ci yang med de/ sdug bsngal de yang de lta bu'i yin no// gang gis mnar med pa'i las gcig byas na/ de'i sdug bsngal chung bar 'gyur/ gang gos las gnyis byas na/ de'i tshad thams cad pas lus che bar 'gyur te/ sdug bsngal yang de ltar rgyu dang rgyu yis 'bras bu lci bar 'gyur ro// bde ba dang / sdug bsngal gyi rgyu ni dpe med par 'gyur te/ 'dod pa rnams kyi ni bde ba yin/ mi 'dod

  503. 252b

    pa rnams kyi sdug bsngal ba yin te/ gnas 'di gnyis ni steng dang / 'og dang / mtha' dag tu dpe bya bar mi nus so// de ci'i phyir zhe na/ legs par byas pa dang / nyes par byas pa'i mtha' dag ni rgyu dang 'thun par 'bras bu 'byung ste/ sems can dmyal ba pa rnams kyang de dang 'dra bar dpe bya bar mi nus so// de ltar de bskal pa 'am/ bskal pa las lhag par bsregs nas/ las de zad na thar par 'gyur te/ rgyu rkyen zad na 'bras bu yang zad par 'gyur ro// ji ltar me shi na tsha ba med par 'gyur ba dang / sa bon zad na 'bras bu yang zad par 'gyur ba de bzhin du/ gang gi tshe mnar med pa'i mi dge ba'i las de bcom zhing spangs la zad par gyur pa de'i tshe/ sems can dmyal ba de las thar par 'gyur ro// thar nas kyang rgyu dang mthun pa'i 'bras bus ri gseb khab rtse lta bu'i nang du yi dgas rnams su skye bar 'gyur ro/ / der skyes nas bkres pa dang skom pas gdungs shing lus tshal shing bsregs pa lta bur 'gyur ro// de las thar nas kyang dud 'gro 'am/ chu srin byis pa gsod dag tu skye bar 'gyur ro/ / de bzhin du ldan ljin gyi tshogs phyi sa mi gtsang ba 'jig par byed pa'i srin bur 'gyur ro// tshe rabs nyis stong du yi dgas bkres shing skom pa dag gis gdungs par 'gyur zhing sreg par 'gyur/ tshe rabs nyis stong du dud 'gro rnams su skye ste/ yang las kyi dbang gi rgyu dang 'thun pa'i 'bras bus dud 'gro'i ris sdug bsngal rnam pa sna tshogs kun

  504. 253a

    dang / za ba dang gsod pa'i bsam pa tha dad pa rnams kyi nang du skye bar 'gyur ro// de gcig la gcig za ba'i sdug bsngal de las thar nas/ gal te lan grangs gzhan la myong par 'gyur pa'i las kyis mi'i nang du skyes na/ las de dang rgyu mthun par tshe rabs lnga brgyar mngal du 'chi bar 'gyur/ tshe rabs lnga brgyar byung ma thag tu 'chi bar 'gyur/ tshe rabs lnga brgyar gog thal thul tsam na 'chi bar 'gyur ro/ / gal te yang phyis rgyu mthun pa'i 'bras bu ma lus par 'gyur te/ de lus mtha' yas pa nas zhugs pa/ las kyi dra ba dang mthun pa'i 'bras bu chung du dang / 'bring dang / chen po dmigs par 'gyur ro// 'dir dge slong gis tshigs su bcad de smras pa/ 'khor ba thog ma med pa nas// las kyi dra bas bsgribs pa'i mi// rang gi las kyi rgyu 'bras las/ / 'byung ba skye zhing 'chi ba yin// lha las dmyal bar skye 'gyur zhing // dmyal las de bzhin lha yul du// mi rnams yi dgas yul du'am// sems can dmyal bar rab tu 'gro/ / gzhan dang gzhan du 'byung zhing skye// gzhan dang gzhan du 'byung zhing bde// sred pa'i las kyi byung ba'i tshe// dbang phyug la sogs de ma byas// 'khor bar srog chags rnams kyis ni/ / rtag tu las ni grangs med byas// de bzhin gshegs pa ma gtogs par// mkhas pas nam yang mi shes so// las de'i rnam pa bdag gis shes// rgyu dang rkyen ni rtag tu rig

  505. 253b

    stobs de dag dang ldan pas na/ / srog chags kun la so sor pa na// dge slong dag de ltar dge slong des mnar med pa'i sdug bsngal dag so sor mthong ba na/ 'khor ba thams cad la yid 'byung zhing // byams pa mchog gi bdag nyid dang / snying rje yongs su bsgoms pa'i sems nye bar bzhag pas sa gzhan bcu gcig pa la zhugs so// de sa gzhan de la zhugs pa dang / sa bla ba dag dga' nas/ bar snang la spyod pa'i gnod sbyin rnams la mngon par bsnyad do// de dag gis kyang rgyal po chen po bzhi la bsnyad do// de dag gis kyang rgyal chen bzhi'i lha rnams la bsnyad do// de ltar snga ma bzhin du sbyar nas/ tshangs pa chen po'i lha rnams kyi bar dag gcig la gcig sgrogs te/ 'di ltar lho 'dzam bu gling na yul che ge mo zhig na/ rigs kyi bu mang ge mo zhig skra dang kha spu bregs gos ngur smrig bgos nas/ dad pas khyim nas khyim med par rab tu byung ste/ de bdud dang lhan cig g.yul 'gyed par 'dod la/ de yul gyi dngos po la mi 'dod/ de kun nas nyon mongs pa'i shul rnams la dga' bar mi byed de/ nges gzhan bcu gcig pa la zhugs pa de thos nas/ lha tshangs pa chen po bdud kyi phyogs ni dmas so// dam pa'i chos kyi phyogs ni mthos so// dge ba'i phyogs ni 'phel lo/ / chos kyi rjes su 'jug pa ni kun nas 'byung ngo zhes yid rab tu dka' 'o// dge slong dag de nas yang rnal 'byor spyod pa nang gi chos la chos kyi rjes su lta zhing gnas pa

  506. 254a

    mnar med pa ji lta ba bzhin mthong nas/ de'i 'khor ji ltar 'dug snyam nas rtog par byed/ kye ma sems can dmyal ba chen po'i 'khor ji snyed cig yod snyam du yongs su rtog par byed do/ / des thos pa las byung ba'i shes pa 'am/ lha'i mig gis 'di ltar mnar med pa dge slong gi yid 'byung ba de mthong nas de'i 'khor gzhan la rtog par byed do// de nas yang dge slong las kyi 'bras bu rnam par smin pa shes pa des/ sems can dmyal ba chen po mnar med pa'i 'khor la rtog par byed de/ kye ma sems can dmyal ba chen po'i 'khor ji snyed cig yod snyam mo/ / des thos pa las byung ba'i shes pas ji ltar sems can dmyal ba chen po gzhan dag gi 'khor bcu drug pa yod pa de bzhin du/ mnar med pa yang 'khor bcu drug gi bar du yod par mthong ste/ 'di lta ste/ bya rog kha dang / thams cad sa 'og dang / sdug bsngal mtha' yas mang ba dang / wa skad 'byin pa dang / lcags kyi lce spyang gi zas dang / lto nag dang / lus zhum dang / rmi lam 'jigs byed ston dang / lus zhum mi bzad 'phyang dang / ri brtsegs char ltar 'bab dang / bya 'dzam b+ha skad 'byin dang / skar 'phreng dang / sdug bsngal kun gyis nyen dang / gos dr-i dang / lcags glebs dang / 'gro ba mas sreg ste/ 'di dag ni sems can dmyal ba chen po'i 'khor bcu drug yin no// de la mo dge ba bcu'i las kyi lam dang / sems can dmyal ba chen por 'gro ba lnga dag gis mnar med pa 'grub pa

  507. 254b

    / mthong ste/ mang du lnga dag byas pas mnar med pa der skye bar 'gyur ro// de dag mthun pa'i las chung ngu byas pas ni de'i 'khor du skye bar 'gyur te/ ji ltar las byas shing bsags pa las nyer bsdogs dang / las kyi mjug byas pa bstan cing bsgoms te mang du byas pa bzhin du sems can dmyal ba'i 'khor gzhan du skye bar 'gyur ro// de la mang du mnar med pa lnga byung ste/ 'di lta ste/ bsams bzhin du ma la ngan sems kyis khrag 'byin par byed cing / 'byin pa de la dga' bar byed/ goms par byed/ mang du byed/ pha rol dag la ston par byed/ de nyid la rab tu 'jog par byed cing / de nyid kyi las byed du 'jug na/ de lus dang bral nas ngan 'gro log par ltung ba sems can dmyal ba bya rog kha zhes bya bar skye bar 'gyur ro// der skyes nas mnar med pa ma gtogs par gang yang sos la sogs pa bdun gyi gnod pa thams cad brgya 'gyur du 'byung ngo / / khyad par du 'byung ba ni ji ltar bya rog gi kha ltar gdangs nas gshin rje'i mi nag po zhes bya bas pa tshwa'i chu bo de dag len par byed do// ba tshwa'i chu bo de dag ni shugs drag pa yin te/ ba tshwa'i chu bo de la de'i kha bzed du 'jug go/ ba tshwa'i chu bo des mchu dang / dkan dang / so dang / mid pa dang / rna ba dang / snying dang / mchin pa dang / rgyu ma dang / pho ba dang / long ka dang / glo ba dag bsregs nas 'thur du byung ngo // de ba tshwa'i chu'i nang du song ste/ khong pa'i nang du song zhing bu ga'i nang du song ba des gsog tu rgyur cing phyi rol 'ba'

  508. 255a

    zhig lus te/ las kyi chad pas bzung zhing sdug bsngal tsha ba rtsub pa dag myong ba na/ dus yun ring po lo bgrang gis mi lang bar 'tshed par byed de/ de ji srid du de'i sdig pa'i las bcom zhing spangs la zad par ma gyur pa de srid du 'tshed do/ / de de las thar nas/ las de dang rgyu mthun par tshe rabs stong du yi dgas lto gug tu skye bar 'gyur/ tshe rabs stong du dud 'gro glang bo che dang / sri mar dang / d+hun d+hu dang / mar dang / sre mo dang / sbrul dang / 'ga' la dang / go Ta ka dang / sarko dang / sbrang bu dang / phye ba dang / ba lang gi rigs rnams su skye bar 'gyur ro// de gal te yang de la sa thar nas mi rnams dang skal ba mnyam par mir skyes na/ de rngon pa'i rigs su skye bar 'gyur te/ de tshe rabs nyis brgyar mngal du gnas pa nyid na 'am/ gog thag thul na 'am// kha spu skyes tsam na 'chi bar 'gyur te/ bag chags des de phyir zhing sdig pa byed pa mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba thams cad sa 'og ces bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis bsams bzhin du dge slong ma dgra bcom pa zag pa zad pa la spyad la kun tu bsten cing bsgoms

  509. 255b

    te mang du byas na/ de lus dang bral nas ngan 'gro log par ltung ba sems can dmyal ba thams cad sa 'og tu skye bar 'gyur ro// der skyes nas kyang de la gang sems can dmyal ba yang so sa la sogs pa bdun gyi gnod pa bsdus pa de dag thams cad brgya 'gyur du 'byung bar 'gyur ro/ / khyad par du 'byung ba ni 'di ltar lcags kyi sa gzhi de brkos nas/ gshin rje'i mi rnams kyis mgo/ 'thur du bstan te/ sa brkos par de'i mgo gang yin pa mthur du bstan cing / rkang lag gang yin pa de dag gyen du ston par byed do// de sdug bsngal gyis nyam thag nas ngu skad 'don mi nus// cho nges 'debs mi nus/ ku co 'byin mi nus so// de'i lus 'thur du bstan pa gang yin pa de dag thams cad gshin rje'i mi rnams kyi sa ste'u thogs te rus pa lhag ma lus pa'i bar du 'jog par byed do/ / rus pa de dag la yang ba tshwa'i chus chag chag 'debs te/ de dag la chag chag btab nas 'gre ldog go// de ba tshwa'i chag chag btab pa de dag las de phyung na srog gi lhag ma cung zad cig lus bzangs dmar po rab tu bskol ba 'khrigs pas bdas shing lcags kyi snod rab tu bsregs par 'jug par byed do/ / de der mon sran gre'u dang / rgya sran 'tshed pa ltar steng 'og tu byung ba na/ lcags kyi bum pa kun bltar mi snang bar kun nas blangs pas 'khrigs te/ ji srid du de'i sdig pa'i las bcom zhing spangs la zad par ma byas pa

  510. 256a

    de srid du lo 'bum phrag du mar rdung zhing 'tshed do/ / de phyis sems can dmyal ba de las thar nas bskal pa 'am/ bsgral pa'i lhag mar sreg pa'i gnod pa bsam/ gyis mi khyab pa cung zad cig 'byung bar 'gyur ro// de de las thar nas/ tshe rabs stong du yi dgas kha zas med pa'i nang du skye bar 'gyur te/ de'i lus bkres pa dang skom pas gdungs shing kun nas thams cad du mar me'i snying po 'bar ba ltar rab tu 'bar ro/ / de de las thar na las de dang rgyu 'thun par tshe rabs stong du dud 'gro mya ngan gyi bya bkres pa dang skom pas gdungs pa'i 'di lta ste/ bye'u mchil pa dang / tha dang / zin pa dang / 'ba' sa ka dang / sbyin gor dang / tung ka dang / yi dgas ma tri ka dang / ba ra po ta dang / khyi dang / mche ba gtsigs la sogs pa'i dud 'gro rnams su skye bar 'gyur ro/ / de las thar nas gal te mi rnams dang skal ba mnyam par mir skyes na/ de mi rta gdong can gyi yul du skye bar 'gyur// tshe rabs nyis brgyar yang mngal du 'chi bar 'gyur/ gal te de yang byung nas 'tshon de dbul zhing nad kyis nyon mongs par 'gyur/ de bzhin du tshe rabs lnga brgyar za ma dang ma ning du 'gyur ba mthong ngo // de nas yang dge slong las kyi 'bras bu rnam bar smin pa shes pa des sems can dmyal ba chen po mnar med pa'i 'khor la brtags na/ des zos pa las byung ba'i shes pas sems can dmyal ba sdug bsngal mtha' yas mang zhes bya ba ji ltar

  511. 256b

    gnas pa mthong ngo / / der sems can dag las gang gis skye bar 'gyur snyam na/ thos pa las byung ba'i shes pas brtags na/ shin tu chags pa'i snying gi yul la sems 'jug pa 'am/ sdig pa'i grogs po dang phrad pas sam/ ra ro ba'i nyes pas ma la 'khrig pa byas shing / sad nas kyang shin tu chags pa'i 'dod chags dang ldan pas 'khrig pa byas la/ sdig pa'i grogs po'i tshig gis de nas yang chags pas yang de nyid la 'khrig par byed/ kun tu sten cing sgom la mang du byed/ gzhan dag kyang de nyid la rab tu 'jog par byed na/ de lus dang bral nas ngan 'gro log par ltung ba sems can dmyal ba sdug bsngal mtha' yas mang du skye bar 'gyur ro/ / der skyes nas kyang gang sems can dmyal ba yang sos la sogs pa'i gnod pa de dag thams cad brgya 'gyur du 'byung ngo // khyad par du 'byung ba ni 'di ltar de'i rkub tu phur bu rab tu 'bar ba rnams dang / tsher ma gang yin pa dag 'jug par byed do// snar yang tho ba dag blangs nas phur bu rnams 'debs par byed/ rna khung du'ang thob dag gis phur bu rnams 'debs par byed/ khar yang tho ba blangs nas phur bu so rno zhing 'bar rab tu 'bar ba rnams kyis rab tu 'gengs par byed/ de'i 'og tu kha'i sdug bsngal rab tu 'bar ba dang / 'og tu gyur pa'i sdug bsngal dag gis sdug bsngal bar byed/ sreg par byed/ gshog par byed/ rdeg par byed/ rdo bar byed do// nang gi mnar med pa kun nas rnam pa thams

  512. 257a

    cad du sdug bsngal gyis nyen te/ ji ltar dpe bya bar bla ba ma yin pa de ltar ji srid du de'i sdig pa'i las bcom zhing spangs la zad par ma byas pa de srid du sdug bsngal myong bar 'gyur ro// de phyis sems can dmyal ba bskal pa 'am bskal pa las lhag par bsreg pa de las thar na/ sdig pa'i las de dang rgyu mthun pa'i 'bras bus tshe rabs bzhi stong du yi dgas kha 'thur du bltas pa ma dag ma za ba'i nang du lus bkres pa dang skom pas gdungs pa'i lus su skye bar 'gyur ro/ / mya ngan chu dang grib ma med pa'i smyig ma'i tshal gyi dud 'gro dag tu yang skye bar 'gyur/ srog chags ri la gnas pa grib ma 'jigs byed dang / mun pa can dang / zin pa gnas pa de dag gi dud 'gro kha gdong nyams shing shi la thug pa'i rnam pa de lta bur skye bar 'gyur ro// gang 'od ma'i tshal du rlung gis drung pas me 'byung ste/ me des tshe rabs bzhi stong du sreg cing 'tshed do// de las thar nas gal te mi rnams dang skal ba mnyam par mir skyes na/ de'i chung ma srung bar mi 'gyur/ gzhan gyi chung / ma dang lhan cig 'dug par 'gyur/ de rgyal po 'am blon pas de'i rlig pa 'byin par byed/ khyim thams cad yongs su spang bar 'gyur/ lam po che'am/ bani mdo 'am/ grong khyer ram gzhan gyi sgor rag lus par 'gyur/ rtag tu skom slong zhing bkres la lus chung bar 'gyur/ de yang dang yang du nad chen po thebs par 'gyur te/ de srang ngam/ bzhi mdo 'am/

  513. 257b

    dur khrod du sdug bsngal mi bzad bas nyam thag nas 'chi bar 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal ba chen po mnar/ med pa'i 'khor la brtags na/ des thos pa las byung ba'i shes pas sems can dmyal ba wa skad 'byin ces bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang thams cad mkhyen pa'am/ rang sangs rgyas sam/ dgra bcom pa 'am/ chos dang 'dul ba la ngan du brjod cing / chos ma yin pa la chos lta bur brjod la/ gzhan dag kyang chos ma yin pa la rab tu 'jog par byed/ shin tu dga' bar byed/ rab tu dga' bar byed la/ de chos ma yin pa de nyid la yang dang / yang du chos lta bur ston par byed cing 'phags pa rnams la rtag tu mi snyan par brjod na/ de lus dang bral nas ngan 'gro log par ltung ba sems can dmyal ba wa skad 'byin par skye bar 'gyur ro/ / der skyes nas kyang sems can dmyal ba yang so sa la sogs pa bdun gyi gnod pa bsdus pa de dag thams cad rang gi las kyi 'bras bu dang mthun par 'byung ngo // khyad par du 'byung ba ni 'di ltar sems can dmyal ba de'i las kyis byas pa'i wa kha rab tu 'bar ba rnams kyis shin tu gang la der skyes ma thag tu tha mchi ba rab tu 'bar ba rnams rgyug ste/ 'phags pa la skur ba

  514. 258a

    'debs pa de la 'dzin par byed do/ / sdig pa byed pa de'i mgo yang gzhan/ lce yang gzhan/ klad pa yang gzhan/ brang zhol yang gzhan/ snying yang gzhan mcher ba yang gzhan/ rgyu ma yang gzhan/ gnye ma yang gzhan/ lto yang gzhan/ sta zur yang gzhan/ brla'i rus sbubs kyang gzhan/ byin pa'i rus sbubs kyang gzhan pus mo'i lha nga yang gzhan/ lag pa dang rkang pa yang gzhan/ sor mo yang gzhan/ rkang pa'i sor mo yang gzhan du khyer te/ de ltar yan lag dang / nying lag zhig pa thams cad so sor khyer ro/ / de nas yang de'i sdig pa'i las byas shing bsags pa so sor yang dag pa myong bar 'gyur ba'i 'bras bus skye bar 'gyur te/ de ltar de yun ring du 'bras bu de myong bar 'gyur ro/ / de gal te yang thar nas gar bab bab tu 'bros pa dang / gshin rje'i mi gzhan dag gis bzung nas/ de'i kha de gdangs te/ lce bzung nas mtshon hu lu dag gis dum bu dum bur gcod do/ / bcad nas kyang yang skye bar 'gyur te/ de'i ngag mi gtsang ba 'byin pa gang gis 'phags pa la skur pa btab pa dang / pha rol dag la chos ma yin pa la chos lta bur bstan pa ni de ltar de yun ring du sdug bsngal gyi tshor ba cha bdag myong bar 'gyur ro/ / degal te yang de las thar nas mgon 'dod pa/ skyabs 'dod pa/ dpung gnyen 'dod pa/ gar bab rab tu 'phros

  515. 258b

    ba dang / de'i las kyis byas pag shin rje'i mi dag 'byung bar 'gyur te/ de dag gis yang gzung ngo // bzung nas kyang phyin ci log tu smra ba dang / g.yo thabs smra ba dang / sdig pa smra ba chos ngan pa'i chos kyis sems can dag lam bzang po las spyod par byed cing smra ba de rnams kyis bzung ste/ kha gdangs nas de'i lce byung ngo // de yang 'jam zhing zangs kyi mdog ltar dmar brgyang grags tsam du skyes te/ de yang lcags kyi sa gzhi rab tu 'bar ba la ldag tu 'jug go// bldag tu bcug nas thong gshol gyi so rno zhing 'darab rab tu 'bar ba brgya dang / rmod grang rmig pa 'dor ba rno zhing rab tu 'bar ba thong mkhan dang ldan pa rnams kyis don ma yin pa byed pa 'jig rten pha rol tu 'gro ba'i dbang du gyur cing / don ma yin pa'i skye gnas lcer ming btags pa de la rmed par byed de/ de ltar de yun ring du 'tshed cing sreg go// de'i lce gnod pa dang phrad pa de ngu bar byed/ 'khun par byed/ ku co 'don par byed/ ngu skad 'byin par byed/ mig yongs su 'gyur bar byed do/ / de ltar de du skad 'byin pa na/ 'di ltar gshin rje'i mi rnams kyis rjes su bstan pa tshigs su bcad de smras pa/ sdig tshig yid la bsams nas su// 'phags la smod gang dmyal par ni/ / bye ba lnga bcu rtsa drug dang // de bzhin bye ba phrag drug gnas// chos ma yin pa chos tshul dang // sdig byed legs pa'i tshul du ni// khyod kyis sngon ni gang smras pa// mi des khyod la

  516. 259a

    sreg par byed/ / ji ltar sems can khyad par can// chos 'dod dag la khyod kyis su// nges par ngan 'gror 'gro ba yi// bde med sdig pa rab tu smras// gang zhig rtag tu brdzun smra zhing / / chos ma yin smra chos ldan min// de yang kun gyi rkun ma yin// rkun ma tha mal rkun ma yin// chos smra ba yi mi dag gang // chos nyid la ni spyad pa ste// gang du 'gro ba gnod med pa'i/ / rtag pa'i gnas su de 'gro'o// 'khrug med mi zad nor yin te// skye bo kun gyi jo bor che// bden pa mtho ris skas yin te// de nyid mya ngan 'das pa'i sgo// de ltar bden pa mchog rtag pa// rtag tu chos shes dran pa ni// mya ngan rga ba med gnas su// mi mchog 'di ni 'gro bar 'gyur// khyod kyis chos ni rnam spangs pa// mkhas rnams kyis kyang smad pa yin/ / khyod kyis mi bzad gang bsgrags pa// de 'dir khyod la rnam par 'tshed// de ltar 'phags pa la skur pa 'debs pa'i mi de gshin rje'i mi de rnams kyis rjes su bstan nas gnod pa snga ma dag pas mang bar gnod par byed de/ gang de'i ming yang shes par bla ba ma yin no// 'phags pa la ngan du brjod pa de nyid kyi gnod pa mi bzad pa gang yin pa rgyu dang mthun par 'bras bu 'byung ba ni de bzhin gshegs pas gsungs te/ de ltar ji srid du de'i sdig pa'i las bcom zhing spangs la zad par ma byas pa de srid du 'tshed do// de sems can dmyal ba de las thar na/

  517. 259b

    las de dang rgyu mthun par tshe rabs 'bum du yi dgas bzlums pa'i nang du skye bar 'gyur la/ gang dag gis lus ba'i gong bu ltar bzlums par 'gyur te/ mthong ba med/ thos pa med/ snom pa med/ smra ba med do// de de las thar nas kyang / tshe rabs sum stong du ldan ljin gyi srin bur 'gyur/ de las kyang thar nas/ gal te mi rnams dang skal ba mnyam par mir skyes na/ de tshe rabs lnga brgyar dbul zhing tshig kun gyis yid mi ches pa dang / brjed ngas pa dang / lkug pa dang / 'on par 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba lcags kyi lce spyang gi zas zhes bya ba/ mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis shin tu 'khrugs pa'i sems dang / sems rtsub mos bsams bsams te dga' nas/ dge 'dun gyi gtsug lag khang la me spa ra la/ der yang sangs rgyas kyi sku gzugs bsregs shing / dge 'dun gyi gnas na mal stan dang / gos dang / nor dang / 'bru'i 'byor pa mang po dag me'i nyes pas tshig la/ tshig pa de la yang rjes su dga' bar byed cing 'gyod par mi byed/ gzhan dag kyang de nyid la 'jog par byed/ shin/

  518. 260a

    tu dga' bar byed/ yang dag par rab tu dga' bar byed la/ las dang las kyi nyer bsdogs dang / las kyi mjug dang ldan par byed na/ de lus dang bral nas ngan 'gro/ log par ltung ba sems can dmyal ba lcags kyi lce spyang gi zas zhes bya bar skye bar 'gyur ro// der skyes nas gang sems can dmyal ba yang sos la sogs pa'i sdug bsngal bsdus pa gang yin pa de thams cad 'byung ste/ thams cad stong 'gyur du 'byung ngo // khyad par du 'byung ba ni ji ltar las lci bas gnod pa yang lci bar 'gyur te/ gang gnod pa'i rgyu dang mthun par 'bras bu 'byung zhing sa bon dang mthun par 'bras bu 'byung ngo / / 'di ltar der skyes pa'i las kyi rkyen gyis lus thams cad kun nas rab tu 'bar bar 'gyur/ lus de las mgo bcu gcig byung ba dpag tshad bcu bcu yod de/ sems can dmyal ba thams cad pas shin tu drag cing mi bzad pa 'byung ngo // de'i dbus na 'dug pa'i mi'i lta bur kun nas rnam pa thams cad du rab tu 'bar shin tu rab tu 'bar te/ bkres pa dang skom pas gdungs pa'i lus dag 'tshed do// sreg go/ gsod do// kun nas lag pa gyen du bsgrengs te/ de'i lag pa de yang dpag tshad lnga brgya tsam du 'bar ba'i 'phreng bas 'khrugs shing de rA'i ri ltar sreg go/ / de kun nas bsreg pa na ngu skad 'byin/ 'o dod 'bod/ ku co 'don cing yongs su smre sngags 'don to// de du skad 'don pa na me lce des de'i kha thams cad

  519. 260b

    'gengs par byed do/ / de'i kha phye ba dang / phyi rol tu kun nas rab tu 'bar zhing rtag tu me lce gcig tu gyur pa yang dang yang du 'phel ba'i mes sreg pa na yun ring du 'tshed do// de gal te yang de las thar na gar bab bab tu 'bros so/ / mgon 'dod pa/ skyabs 'dod pa/ dpung gnyen 'dod pa/ bde ba 'dod pa de 'bros pa dang / legs par byas pa dang / nyes par byas pa'i las kyis 'brel ba sems can dmyal ba de las gnas gzhan du 'byung ste/ mtshan mo ri la char 'bab pa'i chu ltar gnod pa 'phel lo// de'i lcags kyi rdo rgyang grags tsam rab tu 'bar te/ de dag gis de'i klad pa la sogs pa nas/ rkang pa'i bar du ji ltar bca' sgra btags pa lta bur de ltar phye mar byed do/ de'i lus mngon pa med par byed do// de ltar de lcags las byas pa'i mi bzad pa char ltar 'bar pas btags na/ de nas yang slar 'tsho bar 'gyur te/ lce spyang gi mche ba rab tu 'bar ba dag gis de'i lus bca' sga ltar srab mor byas shing za'o// de nas yang byung zhing skyes nas lce spyang mi bzang pa de dag gis za ste/ de ltar yang yun ring du 'tshed cing sreg go// slar yang skye bar 'gyur te/ de ltar des las de myong bar 'gyur/ so so yang dag par 'tsho bar 'gyur/ de sdug bsngal tsha ba rtsub pa gnod pa dag myong bar 'gyur te/ rang gis byas shing gzhan gyis ma byas pa/ ma byas pa dang phrad pa ma yin/ byung ba rnams kyis byas pa chud za ba ma yin/ rgyu med pa

  520. 261a

    ma yin/ 'dod rgyal las byung ba ma yin/ rgyu dang rkyen mi mthun pa las byung ba ma yin/ byed pa pos byin gyis ma brlabs/ tshor ba pos byin gyis ma brlabs te ji srid du de'i sdig pa'i las bcom zhing spangs la zad par ma byas pa de srid du rang gi rgyu dang rkyen gyis byas pa myong bar 'gyur ro/ / de sems can dmyal ba de las thar na las de dang rgyu mthun par tshe rabs stong du yi dag sa mchog tu mi bzad pa smin te/ lus kun nas rab tu 'bar zhing du skad 'a byin/ ku co 'don pa na/ skye bo kun gyi gnas grong du mtshan mo ngu zhing nyin par yang nyi ma'i 'od ma dag ma char ltar 'bab pas ji srid de'i sdig pa'i las kyi mi 'byung ba bcom zhing spangs la zad par ma byas pa de srid du sreg par byed do/ / de las kyang thar na dgon pa'i dud 'gro rkang pa brgya par 'gyur te/ rtag tu bkres pa dang skom pas gdungs la/ kha gnyis kyis bdag nyid nyon mongs par 'dren cing / de'i lus thams cad srin bu ma ko Ta ka rnams kyis za bar byed do// de gal te yang dud 'gro'i skye gnas de las thar la/ gal te mi rnams dang skal ba mnyam par so sor myong bar 'gyur ba'i las kyis mir skyes na/ de sprin nag po 'dra bar 'gyur zhing nyams par gyur pa/ yongs su spangs pa/ dbul ba/ yun ring du rnga mong gis nyon mongs shing gzhan la rag las pa mang zhing / lus bkres pa dang skom pas gdungs pa de'i srog gi 'tsho ba'ang

  521. 261b

    gzhan la rag las par 'gyur te/ de ltar tshe rabs stong du yi dgas rnams dang / tshe rabs stong du dud 'gro rnams dang / gnas skabs de dag gi mir 'gyur ba mthong ngo // 'dus pa'i go rims bstan pa/ / // dam pa'i chos dran pa nye bar gzhag pa bam po bcu bdun pa// de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba lto ga nag ces bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis sangs rgyas kyi dkor nor ma byin par blangs te de la yang spyod la/ sbyar nas kyang dag par mi byed/ las de'i 'bras bu la yid mches te/ de nas yang spyod par byed/ gzhan dag kyang de nyid la rab tu 'jog par byed/ sangs rgyas kyir gtogs pa sangs rgyas kyi dkor nor yon la yang bar sems na/ de lus dang bral nas ngan 'gro log par ltung ba sems can dmyal ba lto ga nag tu skye bar 'gyur ro// der skyes nas kyang gang sems can dmyal ba yang sos la sogs pa bdun gyi gnod pa de dag thams cad brgya 'gyur du 'byung ngo / / khyad par du 'byung ba ni 'di ltar lus bkres pa dang skom pas gdungs te/ rang gi sha nyid la za'o// de nas yang slar skye bar 'gyur te/ de

  522. 262a

    ltar de lo brgya stong bye ba phrag du mar za zhing slar skye bar 'gyur ro/ / sdug bsngal nyis 'gyur gyis gdungs pa de'i sdug bsngal gyis las byas pa de brgya 'gyur du gyur te/ bkres pa dang skom pa'i sdug bsngal gyis kyang sdug bsngal lo// rang gi lus las byung ba'i sdug bsngal gyis kyang sdug bsngal te/ de ltar de rang gi sha dag la za bar byed cing / gar bab bab tu 'bros pa dang / de sbrul po che lto gnag la mdog sprin ltar 'dug pa dang phrad de/ des de'i sen mo la sogs pa dang / rus pa la sogs pa mthar chags kyis za'o// de nas sos pa dang yang za ste/ de ltar gang zhig thams cad kyi mchog tu gyur pa/ sangs rgyas kyi ma rung bar byas pa'i las des yun ring du sdug bsngal myong bar 'gyur ro// de gal te de las thar nas phyogs seng ldeng gi mdag ma rab tu 'bar ba'i gong bu bsags pa dpag tshad tsam gyi nang du 'dug ste/ de mdag ma de'i nang du song nas lo brgya stong bye ba phrag du mar sreg cing 'tshed do// de nas yang slar skye bar 'gyur te/ de nas des mthong nas gal te thar na mgon 'dod pa/ skyabs 'dod pa/ dpung gnyen 'dod pa'i drung du gshin rje'i mi dag 'ongs nas phra skam rab tu 'bar ba de dag gis gzung ngo / / de bzung nas lcags kyi bum pa 'bar ba'i nang du bcug ste/ de der mon sran dang / sran chung bzhin du sreg cing 'tshed la/ yongs su skol te steng 'og tu 'byung ba'i sdug bsngal

  523. 262b

    shin tu 'jigs shing tsha ba myong ba ni de'i dpe bya bar yang sra ba ma yin no/ / sems can dmyal ba pa de'i sdug bsngal ni khams gsum thams cad kyi rgyu 'bras mthun pas kyang brgya dang stong gi char yang mi phod de/ de ltar de gnod pa brgya phrag stong yod la/ sdug bsngal gyi rgya mtsho shugs dang ldan pa shin tu tsha bar bdas pa na/ rang gi las kyi 'bras bu mngon sum du gyur te/ ji srid du de'i sdig pa'i las bcom zhing spangs la zad par ma byas pa de srid du 'tshed par byed do// de phyis sems can dmyal ba lto gnag de las thar par 'gyur te/ thar nas kyang las de dang rgyu mthun par tshe rabs nyis stong nyis brgyar yi dgas kha zas mi gtsang ba za ba rnams su skye bar 'gyur/ de gal te de las thar nas kyang tshe rabs bdun brgyar dud 'gro skyug pa za bar skye bar 'gyur de las thar nas kyang gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de yang mi ba lang rdzir nas/ mi gtsang ba za bar 'gyur ba mdzong de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ / des thos pa las byung ba'i shes pas sems can dmyal ba lus zhum zhes bya ba mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis chos kyi

  524. 263a

    dkor nor spyad cing byas pa bsags la/ las dang las kyi nyer bsdogs dang / las kyi mjug dang yang bcas par gyur/ gzhan dag kyang de la gzengs stong par byed nade lus dang bral nas ngan 'gro log par ltung ba sems can dmyal ba lus zhum du skye bar 'gyur ro/ / der skyes nas kyang gang sems can dmyal ba yang sos la sogs pa'i gnod pa de dag thams cad brgya 'gyur du 'byung / gang de dag gi ming yang shes par sla ba ma yin no// khyad par du 'byung ba ni 'di ltar lcags kyi ljon shing rab tu 'bar zhing rab tu mched pa gnyis 'byung ste/ de dag kyang las kyi rlung ga shugs drag pos phan tshun 'jud par byed do// de gnyis kyi dbus su sems can dmyal ba pa'i lus de g.yas g.yon du shugs drag po kun gyis gnod par byed/ rnam par zhum par byed/ ta la'i 'dab ma ltar byed do// de las yang slar 'byung ste/ yang rnam par zhum par byed do// de tshal chen po'i shing ljon pa shin tu mi bzad pa gnyis kyi bar du bcug nas phan tshun bskul ba dang / lus las byung ba'i sdug bsngal myong bar 'gyur la/ gal te ma bskul na/ rnam par zhum par byas pa ltung bar 'gyur ro// de de las ltung ba dang lcags kyi bya rdo rje'i mchu can dag shing de dag gi yal ga la gnas te/ de dag gis sems can dmyal ba pa de'i mgo dang klang pa btog btog nas 'bigs par byed do// phug nas mig dag la za bar byed do// snying

  525. 263b

    rje rje skad du skad 'byin cing smre sngags 'don pa na/ de'i mig zos nas mgo dang klad pa 'bigs so// de phug nas klad rgyas la za'o// klad rgyas kyang zos nas snying gshog par byed do// yang gshags nas nang du song ste khrag 'thung ngo // 'thung nas rgya ma la za'o// de dag kyang zos nas mcher pa la za'o// mcher pa la zos nas long ka la za'o// de dag kyang zos nas mdo mag/ la za'o// parla'i sbubs la yang za'o// pus mo'i lha nga la yang za'o// rkang pa dag gi sor mo la yang za/ de ltar de sdug bsngal drag po de dag yun ring po bgrang gis mi lang bar myong bar 'gyur te/ gang gi ming lo brgyar yang shes par sla ba ma yin no// phyogs gcig cig shes par bya na/ ji ltar rgya mtsho'i chu khyor gang blangs pa de'i phyogs tsam du brjod pa de bzhin du 'di yang phyogs gcig tsam zhig brjod de/ de ltar de ji srid du de'i sdig pa'i las byas shing bsags pa so sor myong bar 'gyur ba bcom zhing spangs la zad par ma byas pa de srid du sdug bsngal de dag myong bar 'gyur ro/ / de sems can dmyal ba de las thar par 'gyur te/ thar nas kyang las de dang rgyu 'thun par tshe rabs stong du yi dgas mchil ma za ba rnams su skye bar 'gyur/ de gal te srog gis 'tsho ba tsam du 'gyur zhing lus shin tu bkres pa dang skom pas gdungs pa yi dgas kyi 'jig rten de las shi nas kyang ba tshwa'i chu'i rgya mtsho'i nang du dung

  526. 264a

    'gro nyar skye bar 'gyur/ rtag tu rgya mtsho'i chu'i gsed kyi nang na spyod pa'i chu srin na kra 'am/ ma ka ra 'am/ rus sbrul du 'gyur/ tshe rabs stong kun tu rtag tu bkres pa dang / skom pas gdungs shing ba tshwa'i chu la yongs su spyod par 'gyur/ de las kyang thar nas/ gal te so sor myong bar 'gyur ba'i las kyis mi rnams dang skal ba mnyam par mir skyes na ni/ de de'i tshe yul gnyis kyi bar du skye bar 'gyur te/ gang du sa bdag gnyis kyi mtshams phan tshun 'thab mo 'gyed pa'i yul du skye bar 'gyur ro// der de'i nor rdzas bsags pasasra/ pa de dag gzhan gyis 'phrog par byed cing / rgyal po'i chad pas kyang de gzung ngo // bzung nas kyang btson rar 'jug par 'gyur/ lus bkres pa dang skom pas gdungs par 'gyur/ srog/ btsam gyis 'tsho ba gzhan la rag las shing shin tu sdug bsngal bar 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal chen po mnar med pa'i 'khor la brtags na/ des thos pa las byung ba'i shes pas sems can dmyal ba rmi lam 'dzags byed ston ces bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis lo nyes byung ba'i tshe dge 'dun gyi 'du ba'i sgo la dge slong za 'dod pa dag nye bar lhags pa'i zas dang skom zos shing nye bar

  527. 264b

    spyad la/ mi sdig pa byed pas de'ang phrogs te kha zas de dag bcad/ kha zas bcad pas de dag gi lus la gnod cing dge ba'i chos yid la byed ma nus par 'gyur/ bsam gtan la dga' ba med par gyur/ sems mi sbyong bar gyur/ mi sdig pa byed pa de'ang dge 'dun gyi 'du ba'i sgo de phrogs nas/ 'chags par mi byed cing / 'gyod par mi byed la/ de nas slar yang 'du ba'i sgo de nyid la mi dge ba'i las mngon par byed par dga' zhing / gzhan dag kyang de nyid la byed du 'jug/ rjes su dga' bar byed cing de'i las dang las kyi nyer bsdogs dang / las kyi mjug byas na de lus dang bral nas ngan 'gro log par ltung ba sems can dmyal ba rmi lam 'jigs byed ston du skye bar 'gyur ro/ / der skyes nas kyang gang sems can dmyal ba yang sos la sogs pa bdun gyi gnod pa bsdus pa de dag thams cad 'byung ngo / / khyad par du 'byung ba ni byas pa brgya 'gyur du 'byung ste/ gang de ltar sems can thams cad kyi gnod pa de dag de ltar mi bzad pa/ de ltar rtsub pa/ de ltar bzod par dka' ba/ de ltar sdug bsngal mtha' med pa rang gis byas pa'i las las byung zhing bslang ba de'i ming yang shes par sla ba ma yin te/ de'i phyogs tsam zhig brjod na 'di lta ste/ rgya mtsho las chu khyor gang blangs pa de bzhin du brjod do// ji ltar mi dag gi rmi lam du 'jigs pa dag mthong ba de bzhin du/ sems can dmyal ba rmi lam 'jig byed ston der yang

  528. 265a

    gshin rje'i mi lag na tho ba sna tshogs thogs pa de dag 'byung ste/ sdig pa byed pa'i mi de bzung nas lcags kyi sa gzhi'i steng du 'jog par byed do// lcags kyi lung pa'i nang du'ang / de'i lus bcug nas/ gtun shing gis phye mar rlog ste/ rus pa de 'di ltar sbrang rtsi'i tshigs ma'i gong bu ltar byed do// de nas yang slar skye bar 'gyur te/ yang thob rnams kyis phye mar rlog ste/ de'i sdig pa'i las byas shing bsags pa so so yang dag pa myong bar 'gyur ba'i mthus 'bras bu de nye bar spyod do// lung pa gnod pa de las thar na/ gal te yang rang gi las kyis mtshon cha'i nags tshal gyi nang du khrid nas 'gro ste/ mtshon cha'i nags tshal der phyin nas/ lus la mtshon 'bab pas gnod pa mang du byed/ gshog par byed/ 'joms par byed/ phye mar rlog par byed do/ / de'i lus kyi pags pa thams cad hal hol du byas nas rgyug par byed do// mgon 'dod pa/ skyabs 'dod pa/ dpung gnyen 'dod pa de rgyug pa de dang der mtshon cha chen po char ltar babs pas gshog par byed/ 'joms par byed do// rtsa dang rgyus pa thams cad shad shadang por byas te/ lus gang la pags pa bya sgro tsam yang ma lus par byas nas/ lus kyi rus pa'i phra btsam zhig 'jog go/ / rgyas pa spel ba'i gnang de dag tu'ang mtshon char lha bab pas gcod cing gshog par byed de/ de gcod pa na snying rje rje skad du ku co 'don cing yongs su smre sngags

  529. 265b

    'don la thams cad 'bros so/ / rang gi lus dang yid kyis kun nas bslangs pa'i mi dge ba'i las kyis bslus pa de bdag nyid thams cad las des shin tu 'tshed par byed do// rnam par smin pa ma myong bar de dag 'gag par mi 'gyur zhing / mi dge ba'i las de ma myong bar thar pa med de/ gang gi tshe so sor myong na/ de sems can dmyal ba de las thar par 'gyur ro// thar nas kyang las de dang rgyu 'thun par tshe rabs stong du yi dgas mchil ma za ba rnams kyi nang du skye bar 'gyur ro/ / de las thar nas kyang tshe rabs lnga brgyar 'od ma'i tshal du srin bur skye bar 'gyur te/ gang dang gang du skyes par rdo 'bab pas 'dam bu srab mor brdungs pa ltar lus shin tu srab mor rdung ba'i gnod pa myong bar byed do// de las thar nas kyang / gal te mi rnams dang skal ba mnyam par mir skyes na/ de dbul zhing nad bu can dang / gzhan gyis ma ngag pa dang / yul bye ma can dang / mya ngam dang / g.yang sa dang / chu med pa dang / rtswa med pa dang / nags tshal med pa dang / ne'u gsing med pa dang / lteng ka med pa'i 'khor rtag tu gnod par skye bar 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba lus zhum mi bzang 'phyang zhes bya ba mthong ngo // der sems can dag las

  530. 266a

    gang gis skye bar 'gyur snyam nas/ des thos pa las byung ba'i shes pas brtags na/ sbyin pa po 'am/ sbyin bdag gang gis 'di ltar rdzas 'dis nad pa de dag nyid kyi don du 'gyur bar bya'o snyam nas/ gus pa dang / dad pa dang / dang ba dang / yid gsal bas nad pa'i khyim gyi nang nas byung ba/ de nad zhi bar bya ba'i phyir rdzas byin pa/ sdig pa can lug bong ltar spyod pa/ khong gsog tu 'dug pa/ gos ngur smrig bgos pa des nad pa'i gsos sman gyi rkyen gyi yo byad du byas pa 'phrog par byed do// phrogs nas kyang rang nyid za'o// zos nas kyang 'chags par mi byed/ 'gyod par mi byed/ sbyong bar mi byed cing / de nas yang byed la/ gzhan dag kyang dad par byed/ rab tu 'jug par byed/ rjes su dga' bar byed cing / yang dang yang du sems kyis ro myong bar byed na/ de lus dang bral nas ngan 'gro log par ltung ba sems can dmyal ba lus zhum mi bzang 'phyang du skye bar 'gyur ro// der skyes nas kyang gang sems can dmyal ba yang sos la sogs pa'i gnod pa bsdus pa de dag thams cad 'byung ngo / / khyad par du 'byung ba ni 'di ltar sems can dmyal ba de na lcags kyi shing ljon pa yal ka rab tu rgyas shing rab tu 'barab dpag tshad tsam yod de/ rab tu mched cing 'bar ba'i rnam pa de lta bu de khong pa'i nang du 'tshed do// gang gis sems can dmyal ba de rdo reg na rdo rje ltar sra zhing rab

  531. 266b

    tu 'bar bas yang brgya 'gyur du rab tu sreg ste/ shing gi me de'i rnam pa ni de lta bu yin no// shing de'i rtsa ba'i 'og tu sems can dmyal ba de skye bar 'gyur te/ nad bzhi brgya rtsa bzhis gnod/ par byas shing 'phel bar byed pa na/ gcig pu zla med cing grogs med par sdug bsngal myong ngo // gang de'i mgo de thur du bstan cing / rkang pa gyen du 'greng ba'i shing de'i me'i mthu de ni me gzhan gang yin pa de dag chu bsil ba dang 'dra ste/ de'i rtsa bar de de ltar gnod par byed do// ji ltar sgra'i rtse mo'i bar tsam yang med pa de ltar gnod par byed do// de nad de dag gis kyang nyon mongs shing me brgya 'gyur gyis sreg la shing gi 'og tu song bas kyang shin tu gnod pa na yun ring po lo bgrang gis mi yang bar gnod pa myong ngo / / de ltar de gnod pa myong ba na/ yang gshin rje'i mi lag na mtshon cha thogs pa dag mtshon cha blangs nas gnad dang gnad dag gcod par byed cing pags pa 'dral bar byed do/ / de gnod pa lnga yis gnod par byed de/ nang dang / shing gi me dang / mtshon cha dang / bkres pa dang / skom pas yun ring po lo bgrang gis mi yang bar sdug bsngal myong ngo // spu zing zhes byed pa brgya phrag khri dang ldan pa de mngon par brjod pa des/ ji srid du de'i sdig pa'i las bcom zhing spangs la zad par ma byas pa de srid du sdug bsngal che ba/ mi bde ba/ rtsub pa dag myong bar 'gyur ro// gang gi tshe las de zad

  532. 267a

    nas sems can dmyal ba de las thar par 'gyur la/ thar nas kyang las de dang rgyu 'thun par yi dgas me mngag dang dud pa za ba rnams kyi nang du skye bar 'gyur te/ lus bkres pa dang skom pas gdungs shing lus tshal shing bsregs pa lta bur 'gyur/ yi dgas kyi 'jig rten de las thar nas kyang tshe rabs lnga brgyar dud 'gro ma mdag char ltar 'bab pa dang / bye ma char ltar 'bab pas sreg cing 'tshed do// dud 'gro'i 'jig rten de las thar nas kyang / gal te mi rnams dang skal ba mnyam par mir skyes na/ 'du ba'i gzhir gnas shing rdol za ste/ skyes nas shin tu sdug bsngal la nams kyang lto 'grangs par mi 'gyur/ lce'i rtse mos kyang zas zhim po myong bar mi 'gyur te/ thos pa tsam 'ba' zhig tu zad do// gzhan gyis bkol zhing / dbul ba dang / nad bu can dang / smad par 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal ba chen po man med pa'i 'khor la brtags na/ des thos pa las byung ba'i shes pas sems can dmyal ba ri brtsegs char ltar 'bab pa zhes bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis rang sangs rgyas bkres pa'i zas phrogs na/ de lus dang bral nas ngan 'gro log par ltung ba sems

  533. 267b

    can dmyal ba ri brtsegs char ltar 'bab pa zhes bya bar skye bar 'gyur ro/ / der skyes nas kyang gang sems can dmyal ba yang sos la sogs pa'i gnod pa bsdus pa de dag thams cad brgya 'gyur du 'byung ngo / / khyad par du 'byung ba ni/ 'di ltar tho ba dang / mdung thung dang / rdza ma dang / lung ba'i sdug bsngal dang / mtshon cha 'bab pa'i sdug bsngal sna tshogs myong bar byas shing ri brtsegs char ltar 'bab pa de'i steng du 'bab bo/ / de'i steng du ri brtsegs pa dpag tshad tsam yod pa bab pa gang gis de bye ma chang pa nas gtor ba bzhin phye mar rlog go// phye mar brlags pa dang / yang slar skye bar 'gyur ro// de nas yang phye mar rlog par byed do// me'i phung po bcu gcig gi dbus su bcug nas me thab kyi nang du lus ma lus par sreg go/ de'i mige skyes pa las phyung nas gtubs shing bcad de gtor to// de'i lce yang ga shin rje'i mi rnams kyis gcod do// bcad nas kyang slar skye'o// de'i sna yang bcad cing zha nye rab tu bskol bas 'gengs so/ / de'i rna ba'ang zangs dmar po bzhus pas 'gengs so// pa tshwa rab tu bskol bas lcags kyi snod rab tu bsregs pa bkang ste/ khyer nas de la chag chag 'de bra shing / yang spu gri rnams kyis shin tu 'jog par byed do// nad bzhi brgya rtsa bzhi rnams kyis rtag tu gnod par byed do// de kun nas sdug bsngal gyis nyam thag cing thams cad nas rab tu//

  534. 268a

    'bar ba me lce gcig tu gyur pa/ sems can dmyal ba ba'i sdug bsngal tsha ba rtsub pa dag ji srid du de'i sdig pa'i las byas shing bsags pa so so myong bar 'gyur ba bcom zhing spangs la zad par ma byas pa de srid du yun ring po lo bgrang gis mi lang bar myong bar 'gyur ro/ / de phyis sems can dmyal ba de las thar par 'gyur te/ thar nas kyang las de dang / rgyu 'thun par tshe rabs lnga brgyar yi dgas grog sbur yan lag rno ba 'bab pas nyam thag cing tsan da ni ka za ba'i nang du skye bar 'gyur ro// de gal te de las thar nas kyang tshe rabs bdun brgyar ci ri ka dgon pa na gnas pa ma rungs pa sgra 'byin pa'i nang du ri dgas ru rar skye bar 'gyur te/ lus rtag tu bkres pa dang skom pas gdungs par 'gyur/ de gal te de las thar nas kyang / gal te mi rnams dang skal ba mnyam par mir skyes na/ de dag tu khur khyer zhing gzhan gyis bkol bar 'gyur/ gnod pa sna tshogs kyis lus shig shig por gyur cing mtshan mo dang nyin par bde bar gnas par mi 'gyur/ rkang pa dang lag pa dag rdol cing / gdong rtag tu rtsub par 'gyur/ lus kyi mdog ngan pa dri ma can la rtag tu gos dang bral bar 'gyur/ las de dang rgyu mthun par mir gyur na'ang tshe rabs lnga brgyar mi yi dgas kyi gzugs lta bur 'gyur/ mtshan mo dang nyin par lus dang yid bde bar gnas par mi 'gyur ba mthong ngo // de nas yang dge slong las kyi 'bras bu rnam par

  535. 268b

    smin pa shes pa des sems can dmyal ba chen po mnar med pa'i 'khor la brtags na/ / des thos pa las byung ba'i shes pas sems can dmyal ba bya 'dzam b+ha sgra 'byin ces bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis yul dgon dung na chu nyung ngu zhig yod pa dang srog chags rnams su 'brel te/ de la srog ltos/ de la rag las shing 'dren pa srog 'tshol de dag dang 'brel pa'i chu de mi ngan pa sdang ba'i sems kyis gcod do// de'i chu bcad pas yul thams cad ma rung bar byas pa nas/ ri dgas dang bya'i bar thams cad kyang shi la/ grong dang grong khyer gyi dge sbyong dang / bram ze kun la gnod par byas/ skom gyis gdungs par byas shing / de'i chu bcad pas yul ma rungs pabapar byas pa de lus dang bral nas ngan 'gro log par lhung ba sems can dmyal ba bya ba' dza ma b+ha sgra 'byin du skye bar 'gyur ro/ / der skyes nas kyang gang sems can dmyal ba yang sos la sogs pa'i gnod pa bsdus pa de dag thams cad 'byung ngo / / khyad par du 'byung ba ni/ 'di ltar dkon pa dpag tshad bdun brgya yod pa dang / lcags kyi shing ljon pa dang / ri brag rab tu 'bar zhing mi bzad pa de pa sems can dmyal ba des phyin ci log tu chu dang / shing ljon pa dang / nags tshal dang / lteng ka phun sum tshogs pa mthong ngo // de'ang bkres pa dang skom pa dpe med cing shin tu mi bzang ba'i

  536. 269a

    me des bsregs nas ngu skad 'byin/ yongs su smre sngags 'don bzhin du chu de bdag gis btung ngo snyam nas/ lteng ka de'i drung du brgyugs pa dang / de'ang ba tshwa rab tu bskol bas gang ngo / / de nas yang gshin rje'i mi lag na mtshon thogs pa brgya 'byung ste/ de dag gis de gzung ngo // bzung nas kyang mtshon cha rnams kyis gshegs shing dral to// de sdug bsngal gnyis kyis sdug bsngal ba yin te/ mtshon cha dang / bkres skom gyi sdug bsngal gyis sdug bsngal lo// de ltar de yun ring du mtshon cha dang dgon pa'i sdug bsngal myong ngo // de gal te de las thar nas kyang bkres pa dang skom pas nyen pas ga rabab bab tu 'bros pa dang / des chu bsil ba dag cig mthong nas der song ngo // der song ba dang / chu de dag kyang bya 'dzam b+ha skad 'byin ces bya ba glang po che tsam la mchu rno ba zhig yin te/ des gzung ngo // bzung nas kyang gnam du 'phangs so// 'phangs nas 'khrul cing dran pa dang bral bas slar log pa dang / sa gzhi rab tu 'bar la sra zhing reg par mi bzod pa'i steng du rdo bzhin du lhung ste/ de der dum bu brgyar gyes so// de nas yang slar 'dus te sos pa dang / bya dag gis bzung nas de sngon bzhin du sdug bsngal bar byed do/ / nad thams cad kyis kyang thabs nas/ de ltar sngon bzhin du lo bye ba 'bum phrag du mar byas pa'i sdug bsngal gyi rnam pa de dag myong ngo // de gal te de las thar nas kyang / yang gshin

  537. 269b

    rje'i mi rnams kyis gzung ngo / / bzung nas zangs dmar po rab tu bskol ba chu bo'i glong lta bur bcug go// de bcug nas dbu ba'i gong bu bzhin du rab tu bzhus so// de nas yang slar 'byung ste/ nyes par byas pa'i las kyi mthar spyad pa de/ de ltar yun ring du lo bgrang gis mi lang bar 'tshed do// de gal te de las thar nas kyang / lus bkres pa dang skom pas gdungs pa yul ma rung bar byed pa de rang gi las kyis byas pa myong bzhin du gar bab bab tu 'bros pa dang / lam du phur du rtse mo shin tu brdar cing rno ba byung ste/ des de'i rkang mthil la sogs par brtol ba nas/ pus mo'i lha nga'i bar du brtol to/ / rkang pa brtol ba de de'i lus ni rab tu 'bar/ sdug bsngal gyis nyam ni zag/ snying rje rje skad du ku co 'byin/ yongs su smre sngags ni 'don/ ngu zhing rang gi khrag gi nang du lhung zhing bying ngo / / de nas yang lus kyi yan lag thams cad bsregs pa langs nas de ltar sems blong blong por gyur pa de 'gro ba dang / khyi so rab tu 'bar ba dag 'ongs nas de dag gis bzung ste/ ro'i yan lag dang nying lag thams cad dang / pags pa dang / khrag dang / sha dang / tshil dang / rkang yan chad la za'o// de ltar yul ma rung bar byed pa de ji srid du de'i sdig pa'i las byas shing bas grwa pa so sor myong bar 'gyur ba ma zad cing ma spangs pa de srid du rang gi gnod pa yun ring du myong bar 'gyur ro/ / de phyis las de dang 'thun par tshe rabs lnga brgyar dud 'gro phyi ba rnams kyi nang du skye bar 'gyur

  538. 270a

    te/ gar skyes par se rabs sam/ sbrul dag gis gsod pa 'am/ rlung dag gis gsod par 'gyur/ de de las thar nas kyang / gal te mi rnams dang zhal ba mnyam par mir skyes na/ de ri khrod pa'i rigs su skye zhing skye bo kun gyis smad par 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba skar 'phreng zhes bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang nyon mongs pa thams cad zad par byed 'dod pa/ 'gog pa las langs pa'i dge slong dang po shin tu bkres pa de'i kha zas phrogs te/ phrogs nas kyang / mgu zhing yid rab tu dga' la/ yang dang yang du ro myang bar byed/ legs par sems pa de nyid la gzhan dag kyang gzengs stong par byed la/ las dang las kyi nyer bsdom dang / las kyi mjug dang yang dag par ldan pa byas shing bsags pa'i las mi bzad pa rnam pa de lta bu byed na/ de lus dang bral nas ngan 'gro log par ltung ba sems can dmyal ba skar 'phreng du skye bar 'gyur ro/ / der skyes nas kyang / gang sems can dmyal ba yang sos la sogs pa'i gnod pas bsdus pa de dag thams cad brgya 'gyur du 'byung ngo // khyad par du 'byung ba

  539. 270b

    ni/ 'di ltar sems can dmyal ba de'i gnas grwa gnyis pa yod de/ kun nas rdza mas yongs su bskor to// grA gcig na rdza ma rab tu 'bar ba skar ma bkram pa lta bur le bye ba khrag khrig sum cu rtsa dgu dang / ber 'bum dgu stong dang / bye bdung 'phyar phrag drug cu dang / rkyang 'phyes bye ba sum cus dza li ni dang / kod nU TI kod D+hA dang / kI sar stong drag nyi shu ste/ grangs kyi tshu de snyed kyi bar du 'tshed cing sreg ste nya ltar 'gre ldog go/ zangs dmar po bskol ba rab tu 'bar ba rdza mar blugs par nyin gcig bzhin du tsha bar byas shing sdug bsngal drag pa/ rtsub pa/ mi ba zad pa 'phel te ngu skad 'don cing cho nges 'debs so/ / de ltar de nyes par byas pa'i las smad par byas pa rang gi sems las byung bas yun ring du snga ma bzhin du 'tshed do// gal te phyogs gcig las thar nas kyang / rlung sems dang phrag par 'jug ces bya ba spu gri lta bus gnad thams cad dang / gnad so so dag bcad nas/ des sems can dmyal ba pa de steng du byung ste/ sems can dmyal ba pa'i grwa gnyis pa der bcug go/ sems can dmyal ba pa rlung gi sa bdas nas/ grwa gnyis su bcug pa'i lus kyi khams su gtogs pa thams cad bye ba snyed du gtubs shing bcad de lus la rtsa rgyus tsam lus par byed do/ / de ltar de bcad pa'i lhag ma de ga shin rje'i mi rnams kyis gzung ngo // bzung nas rdza ma skar ma'i 'phreng ba lta bur chung gis bdas te bcug go// de yang dang

  540. 271a

    yang du der bcug pa na/ rkang pa gyen du bsgreng zhing mgo zur du bstan pa dang / thog ma nyid du mgo ltung ngo // de'i 'og tu zangs dmar po rab tu bskol bar mig ltung bar byed do// de'i 'og tu de'i kha'i pags pa ltung bar byed do// de'i ming par zangs dmar po bzhus pas gang ste/ de'i mid pa thams cad khyab par sreg pa na/ ngu skad 'byin pa 'am/ bros par mi nus so// de ltar de'i lus kyi sdug bsngal gyis nyam thag pa yang dang yang du gshin rje'i mi de dag gis tho ba blangs nas/ mgo slar byung ba dag la rdeg par byed do// klad pa nyams pa des de'i lus thams cad khyab ste/ mgo dang / lus dang / khog pa yun ring du nya 'gre ldog pa ltar 'gre ste/ de ltar de sems can dmyal ba skar 'phreng gi grwa gnyis par ji srid du de'i sdig pa'i las byas shing bsags pa bcom zhing spangs la zad par ma byas pa de srid du 'tshed do/ / de'i las byas shing bsags pa zad nas/ de de las thar par 'gyur te/ thar nas kyang las de dang rgyu 'thun par tshe rabs stong du yi dgas zas la re bar skye bar 'gyur te/ de ltar de tshe rabs bdun brgyar tshegs chen pos lo brgyar bsgrubs na/ zas lan cig gcig rnyed par skye bar 'gyur/ tshe rabs lnga brgyar ri bor na gnas pa'i ri dgas rnams kyi nang du skye bar 'gyur te/ rtag tu 'khrul pas 'jigs shing skye bo kun gyis 'jigs pa dang / ri dor gyi gseb mi med par yang rtag tu 'khrul cing lus skem la mdog ngan par 'gyur ro//

  541. 271b

    de phyis las kyi lhag ma des lings mi dag 'ong ba'i gnod pas srog dang bral bar 'gyur ro// de de nas shi nus kyang gal te so so myong bar 'gyur pa'i las kyis mi rnams dang skal ba mnyam par mi skyes na/ de rtag tu tshong pa'i lam ston pa byed par 'gyur/ rtag tu lus bkres shing skom la dud pa dang / yi chad pa dang / gzhan la rag las pa mang ba dang / srog tsam gyis 'tsho ste/ de ltar mi'i gzugs brnyan du gyur pa/ rtag tu sdug bsngal gyis sdug bsngal bar 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba sdug bsngal kun gyis nyen ces bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pa sa brtags na/ gang gis thams cad mkhyen pa'i gsung rab glegs bam la bris pa/ sdang sems dang / log par lta ba dang / log par 'khu ba'i sems kyis 'di ltar sangs rgyas la srog chags dag chos de nyan pa dad pa med par bya ba'i phyir chos kyi gzhi gzhig ste gtong ngo snyam nas bor na/ de log par lta ba byas shing bsags pa'i las kyis sems rnyog par byas shing / gzhan dag kyang de la rab tu 'jog par byed/ yang dag par dga' bar byed la/ de nas

  542. 272a

    yang chos kyi glegs bam du gtogs pa snang ba'i sems kyis 'dor bar byed de/ las dang las kyi nyer ba sdogs dang / las kyi mjug la phyi phyir zhing de nyid la dga' bar byed na/ de lus dang bral nas ngan 'gro log par ltung ba sems can dmyal ba sdug pasngal kun gyis nyen par skye bar 'gyur ro// der skyes nas kyang gang sems can dmyal ba yang so sa la sogs pa bdun gyi gnod pa bsdus pa de dag thams cad 'byung ngo / / khyad par du 'byung ba ni 'di ltar dmyal ba'i mig la zangs dmar po rab tu bzhus te chag chag btab pas rab tu zhu ba dang / de bzhin du bye ma rab tu 'bar ba reg na rdo rje ltar sra ba rnams kyis mig de la btab nas lag pas bzung ste/ mi bzad pas mnyes so// de ltar mig la mnyes pa gang yin pa de bye ma reg pa rab tu zhu'o/ / de nas yang slar skye bar 'gyur te/ yang mnyes so// sog le rab tu 'bar ba'ang blangs nas lag pa gnyis bcad do// de nas yang slar 'byung bar 'gyur te/ phyed rdza ma rab tu 'bar ba'i nang du lhung ste 'tshed do/ / de'i byed kyang mtshon gyis 'jog par byed cing / gcod par byed do// de mig gnyis kyis dam pa'i chos mthong nas bor ba de'i rnam par smin pa ni de yin no/ / gang lag pas bor ba de'i rnam par smin pa ni// de'i lag pa bcad pa yin no// gang gis nyes par spyad pa de bsags pa ni rdza ma'i nang du bcug ste 'tshed pa na/ bya'i mchu rno la

  543. 272b

    rab tu 'bar bas bzas te phug nas/ za zhing steng gi khu ba la 'thung bar byed do// de'i 'og tu song ba'i pags pa lcug ma rdza ma'i nang du ma bcug pa phyed po de ni gshin rje'i mi rnams kyis ste'u yis 'jog go/ / byed bzhogs nas shin tu srab mor byed do// de nas ba tshwa'i chus kyang chag chag 'debs so// khab rtse mo rno zhing rab tu 'bar ba 'bigs par byed pas skabs yod yod du lus la 'bigs par byed do/ / de'i mgo'ang 'khor los yongs su 'khor ro// de nas thar pa dang / kun nas rab tu bzhus pa'i rgyun mi 'chad par 'bab pa de la 'thung bar byed do// de ltar de gnod pa myong ba na/ der las mi bzad pa byas shing bsags pa ji srid du de'i sdig pa'i las byas shing bsags pa bcom zhing spangs la zad par ma byas pa de srid du myong bar 'gyur ro/ / de phyis sems can dmyal ba de las thar par 'gyur te/ thar nas kyang las de dang rgyu 'thun par tshe rabs lnga brgyar yi dgas dud pa za ba rnams kyi nang du skye bar 'gyur te/ de'i snying ngan song gis bsgribs la lus la gnod par 'gyur ro/ / gal te de las thar nas kyang tshe rabs bdun brgyar dud 'gro mtshan mo rgyu ba 'ug pa thur du lta bar skye bar 'gyur/ de las thar nas kyang so sor myong bar 'gyur ba'i las kyis gal te mi rnams dang skal ba mnyam par mir skyes na/ tshe rabs bdun brgyar gangs khrod du gnas shing zas su ko dra ba zal dbul ba dang / kla klor 'gyur ba mthong ngo // de nas yang dge slong las kyi

  544. 273a

    'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba gos rba zhes bya ba mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ log par lta ba gang gis ched du bsams te ched cher byas/ dga' bar byas/ shes par byas shing / mngon par zhen pa'i blos 'di ltar yo byad 'di dag bsregs pas/ dge slong de dag ma rung bar bya'o snyam nas/ dge 'dun gyi zhing ngam bu ram shing ngam/ ldu mar 'am/ kun dga'i ra ba 'am/ de las gzhan pa dge 'dun gyi 'tsho ba'i yo byad rnams mes bsregs la/ de las dang las kyi nyer bsdogs dang / las kyi mjug dang ldan na/ de lus dang bral nas ngan 'gro log par ltung ba sems can dmyal bgos drir skye bar 'gyur ro// der skyes nas kyang gang sems can dmyal ba yang so sa la sogs pa bdun gyi gnod pa bsdus pa de dag thams cad brgya 'gyur du byung ngo / / khyad par du 'byung ba ni/ 'di ltar sems can dmyal ba de kun nas dra ba rab tu 'bar bas 'khor te/ kun nas dra ba khab kyi bu ga tsam gyis khebs pa der skyes so/ / sems can dmyal ba de gshin rje'i mi rnams kyis mda' rab tu 'bar zhing rno la shugs drag pas glo gnyis kar brgyab pa na/ dra ba de'i nang

  545. 273b

    nas 'bros pa dang / de dra ba'i mig nas 'bros par mi nus shing / de dra ba der shin tu thogs te/ de'i dra ba rno ba'i mthus bdag nyid 'byin par mi nus so// dra ba de sa lag pa'ang gcod par/ byed/ rtsi ba logs kyang 'jog par byed/ yan lag dang nying lag thams cad kyang rus pa la thug gi bar du 'jog par byed do// dra ba des 'jog pa na/ yang dang yang du gshi na rje'i mi rnams/ kyis ma de'u'i rtse mo shin tu 'bar ba yis lan brgya 'am/ yang na stong du gsod do// las kyi dra bas pasgribs pa de mda'i sdug bsngal gyis yun ring du nyon mongs te/ sems can dmyal ba der ji srid du de'i sdig pa'i las byas shing bsags pa bcom zhing spangs la zad par ma byas pa de srid du sdug bsngal mi bzad pa rtsub pa gzhan dang mi 'dra ba dag myong bar 'gyur/ de phyis sems can dmyal ba de las thar par 'gyur te/ thar nas kyang las de dang rgyu 'thun par tshe rabs bdun brgya ra yi dgas khyim gyi nang na bu 'byin pa skad ngan 'don pa rnams kyi nang du skye bar 'gyur/ de las thar nas kyang tshe rabs lnga brgyar dud 'gro'i skye gnas khyim bya dang / rma bya dang / ba yang dag gi lci ba'i nang du skye bar 'gyur/ de las thar nas kyang de mi rnams dang skal ba mnyam par mir skyes na/ de las de dang rgyu 'thun par gtum po'i bu btsa' ba'i khyim du skye bar 'gyur ba mthong ngo // de nas yang dge slong las kyi 'bras bu rnam par smin pa shes pa des sems

  546. 274a

    can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba lcags glebs zhes bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ mi brtan pa dang / mi brtan pa'i sems kyi blo ngan pa bslu ba'i bsam pa gang gis 'di ltar dbyar zas med pa'i tshe/ dge slong dag la nad kyi gso sman gyi rkyen dang zas dag sbyar gyis/ dge slong dag sems la sa chung ngur gyis shig/ tshegs chung ngur gnas par gyis shig yid kyi las chung bar gyis shig ces smras nas/ dge slong dag spya na drangs la/ dge slong de dag kyang de'i dad pa skyes pa des zas med pa'i tshe'ang de'i dad pa bskyed pa des yon bdag gzhan du ma btsal to/ / de nas mi ngan pa des dge slong de dag gi re ba med par byas pa dang / zas med pa de'i tshe la la ni 'chi ba'i dus byed/ la la ni dge ba'i chos bskyed par mi nus/ 5 la ni shin tu sdug bsngal bar 'gyur/ la la ni yul gzhan du 'gro bar byed de/ de ltar gang dge slong de dag la brdzun byas pa de sems can dmyal ba lcags glebs su skye bar 'gyur ro// der skyes nas kyang gang sems can dmyal ba yang so sa la sogs pa'i gnod pa bsdus pa de dag thams cad 'byung bar 'gyur ro// khyad par du 'byung ba ni/ 'di ltar sems can dmyal ba pa

  547. 274b

    de me'i phung po bcu gcig gis yongs su bskor cing bkres pa dang skom pas yongs su gdungs la/ gshin rje'i mi rnams kyis yang dang yang du zangs dmar po bskol ba dang / lcags kyi lum rab tu 'bar bas sems can dmyal ba lus rnam par zhum pa de pad+ma chen po kha btsums pa dang / phye ba ltar sreg go// 'tshed do// skems so// gsod do// de nas yang slar skye/ par 'gyur te/ gnod pa khyad par du 'byung ba ni/ ji ltar las byas pa bzhin du de'i lcags glebs pa chu zheng dpag tshad lnga yod pa kun nas rab tu 'bar la/ kun nas me lce gcig tu gyur pa khyer te/ des slu bar byed pa de yongs su dkris shing du mar bskol to// lus kun nas rab tu 'bar ba ku co 'don pa na so sor nyams shing thams cad nas bde ba khab kyi bu ga tsam yang med do/ / me dang lcags glebs pa des rtag tu khyab ste/ de ltar de sdug bsngal drag pa/ rtsub pa/ shin tu mi bzad pa dag myong ngo // bkres pa dang skom par gyur cing lcags glebs dang me 'byung bas de ltar de ji srid du de'i sdig pa'i las byas shing bsags pa bcom zhing spangs la zad par ma byas pa de srid du gnod pa de dag myong bar 'gyur ro/ / de de las thar na/ las de dang rgyu 'thun par tshe rabs bdun stong du yi dgas grang rgyas za ba rnams kyi nang du skye bar 'gyur ro/ / de las thar nas kyang tshe rabs bdun stong du dud 'gro ba zas med pa 'am/ me za ba rnams kyi

  548. 275a

    nang du skye bar 'gyur ro/ / de las thar nas kyang gal te so sor myong bar 'gyur ba'i las kyis mi rnams dang skal ba mnyam par mir skyes na/ de rtag tu rgyal pos btson rar bcug cing / tshe rabs lnga brgyar bkres pa dang skom pa dag gis 'chi ba'i dus byed par 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba 'gro ba mes sreg ces bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags nas/ gang gis 'di ltar 'phags pa dang / 'phags pa'i gang zag mi gnas par bya'o snyam nas/ sangs rgyas kyi gtsug lag khang 'jig par byed dam/ de sangs rgyas kyi gsung rab yi ger bris pa 'byin nam/ klan ka btsal ba'i phyir mkhas pa dag la mi mkhas pa'i bdag nyid can gyis sangs rgyas kyi gsung rab nyan par byed de/ thos nas kyang chos 'dul ba de la 'jug par mi byed cing / yongs su mi snyan par brjod la/ brjod nas kyang kun tu sten cing sgom la mang du byed na/ de lus dang bral nas ngan 'gro log par ltung ba sems can dmyal ba 'gro ba mes sreg tu skye bar 'gyur ro/ / der skyes nas kyang gang sems can dmyal ba yang sos la sogs pa'i gnod pa bsdus pa de dag thams

  549. 275b

    cad brgya 'gyur du 'byung ngo / / khyad par du 'byung ba ni/ 'di ltar sems can dmyal ba de la khyad par thams cad stong 'gyur du 'byung ste/ sbrul rnams kyis 'khrigs shing kun nas 'dra bar gang ba// der sems can dmyal ba pa de 'gro bar byed do// 'gro ba na gshin rje'i mi lag na tho ba thogs pa de dag thams cad kyis sreg par byed de/ dug gi metshan po ches kyang sreg par byed do// de dug dang sems can dmyal ba'i me gnyis kyi nang du sreg pa na/ snying rje rje skad du ngu skad 'byin/ smre sngags 'don/ cho nges 'debs so// de de ltar cho nges 'debs pa dang / 'di ltar gshin rje'i mi rnams kyis rjes su bstan pa tshigs su bcad de smras pa/ glen pa dam pa'i chos yul la// rmongs pa'i shugs kyis thams cad du// sreg pa'i dug gis myos pa dag/ don med ci zhig yongs su smra/ / sdig byed dga' ltar mthong ba ni// bzlog na mthong ba med pa yin// sdig pa byed tshe bde ba ni// bzlog na me dang 'dra ba yin// sdig pa byed pa'i mi dag ni// 'jig rten kun gyis rnam par smad/ / dge ba byed pa rtag tu bstod// de bas sdig pa rnam par spongs// mi 'dod mi phan sdang ba yi// rnam par smin pa sdug bsngal tsha// sdig pa sdig pa'i rnam smin te/ / de ltar gro ldan de spongs shig/ sdig la rag tu sdig pa yod// sdig pa med la sdig med do// byed la ltos la sdig yod de// byeng po sems kyi rjes su 'jug/ sdig pa sem

  550. 276a

    la rag las shing / / 'bras bu sems la rag las te// sems ni rkyen las skyes par mthong // rgyu dang rkyen las shin tu byung // sems can sems kyis bslus nas// su// sdig pa'i dbang gis 'ongs pa dag/ gnod pa'i mchog ste stobs po che// sems can dmyal ba drag por 'gro// sems dbang gyur pa mi 'gro ste// rtag tu chos dbang 'gyur mi 'gro/ chos spyod pa ni rtag tu bde// sdig pa spyod pa mi bde'o// chos ma yin pas legs med cing // log par 'tshed par mi byed de// rgyu dang 'dra bar de mthong zhing // 'bras bu sna tshogs 'grub par 'gyur/ / rgyu dang 'bras bu 'thun par 'byung // nams kyang log par 'byung med de// 'dus byas kyi ni chos 'di dag/ rgyu dang 'bras bur shin tu 'byung // rgyu med 'bras bu yod ma mthong / / sems can dmyal ba rnam par phye// rgyu sbyor las ni 'bras bur sbyor// sems can dmyal bar rnam par 'tshed// byas shing bsags pa drag pa dang // nges par ngan 'gror 'gro ba yi/ / las dang 'bras bur 'brel ba ni// sems can dmyal bar rnam par 'tshed// so sor bshags pa'i rnam pa yis// las gang rnam par bzlog bya ba// de mi 'dod pa lam de nyid// rnam par mthong bas 'bras bu mthong // 'od gang smon la rag las te// de bzhin 'bras bu las la thogs// gzhan dang gzhan las 'bras 'byung ste// 'dus byas thams cad de 'dra'o//

  551. 276b

    gzhan dang gzhan las rgyu mthong ste// gzhan dang gzhan du dbang sbyor ro// 'thun par rjes su 'brel ba ni// de nyid mthong ba dag gis mthong // rgyud la rgyu 'bras mang man te// dbang phyug la sogs gnas pa med/ / 'dus byas chos kun 'byung ba ni// de nyid mthong ba dag gis bstan// 'khor ba thog ma med pa nas// rgyu dang rkyen las byung ba ste// las rnams dang ni 'thun par mthong / / log par brtags pa mi bya'o// gang 'dod las kyi dbang song ba// srog chags las kyi rgyu las skyes// las 'bras de nyid shes pa de// dag pa yin nos na ngon par rtogs/ / gti mug nags pa'i dbang song ba// khyod kyis sdig de rtag tu byas// sdig dang bcas pa'i las byas pas// byis pa don med ci zhig gdung // sdig la sdig pa rtag tu gnas/ / de bzhin chos la chos gnas te// de nyid las ni ston byed pa// brtan pa dag gis gnyis ka spong // sangs rgyas bstan la rmongs pa dang // lam dang lam min rmongs pa gang / / de dag la ni zhi med de// mun la ni ma med pa bzhin// rtag tu chos dang chos min dang // rgyu dang rkyen la rmongs pa dag/ gnod mchog shin tu mi bzad pa// sems can dmyal ba drag po thob/ / gtan tshigs ldan pa'i tshig rnams kyis// de la sgo nas gshin rje'i mi// mdung zung gtun shing thogs nas su// de nas khro zhing rngam par 'gyur

  552. 277a

    de nas yang mtshon cha rnam pa du ma dag thogs nas/ ji srid du de'i sdig pa'i las byas shing bsags pa bcom zhing spangs la zad par ma gyur pa de srid du lo 'bum phrag du ma'i dus nas bskyed pa rang gi las kyis byas pa la spyod pa'i sems can dmyal ba de dag la gsod do/ / de phyis sems can dmyal ba de las thar bar 'gyur te/ thar nas kyang las de'i mthus tshe rabs bdun brgyar yi dgas stor khung nas 'bab pa 'thung ba rnams kyi nang du skye bar 'gyur/ de de las thar nas kyang las de dang rgyu 'thun par tshe rabs lnga brgyur dud 'gro si mi si mi rnams kyi nang du skye bar 'gyur/ de las thar nas kyang mi rnams kyi nang du bya rog ltar dman par skye bar 'gyur te/ der rtag tu kha zas snying po med pa za zhing / skom yang rnyog ma can 'thung bar 'gyur la/ skom de'ang yan 'ga' zhig 'thung bar 'gyur ba mthong ngo / / // dam pa'i chos dran pa nye bar gzhag pa bam po bco brgyad pa// de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des 'og dang thad kar phra ba 'am// rags pa'am/ rjes su sbyor ba 'am/ rjes su zhugs pa'i 'khor gang bcu bdun pa gcig kyang ma mthong ngo / / de de ltar sems pa na// lam mthong ba'i dge slong de 'di snyam du sems te/ kye e ma bdag gis sems can dmyal ba brgyad po

  553. 277b

    ngag gi 'khor bcu drug rnams kyi mtha' mthong ste/ nyes par byas pa'i las kyi sa 'di de tsam zhig pa lta snyam mo// byis pa so so'i skye bo thams cad kyis byas shing bsags pa gnod pa'i sa dang las ngan pa byas shing mngon du gyur pa'i sems can dmyal ba chen po brgyad kyi 'khor las skyes pa 'am/ de bzhin du ches shin tu lci ba'i rnam pa mnar med pa gang du/ sems can dmyal ba chen po mnar med pa ma gtogs par/ srog chags dag sreg pa'i sems can dmyal ba chen po gzhan dgu pa ma mthong ngo // gang du 'di'i phyogs gcig las stong gi cha gcig rtsig bstan te/ rgyu gang ngas bshad pa 'am/ mnyan pa'am/ dpe bya bar yang sla ba ma yin no// de ltar sems can dmyal ba pa'i sdug bsngal zad par dka' ba/ de ltar gzhan dang mtshungs pa med pa/ sdug bsngal dpe med pa de rgyu gang dang / mnyam pa gang dang / gang de nyid khong du chud cing shes par byas nas/ gang khrag tu skyugs nas 'chi bar 'gyur te/ de ltar sems can dmyal ba pa de'i gnod pa sdug bsngal bas ches sdug bsngal ba mi 'dod pa/ mi sdug pa/ yid du mi 'ong ba yin no// de nas dge slong des sems can dmyal ba de mthong nas/ 'khor ba'i sdug bsngal thams cad la yid byung ste/ 'dus byas thams cad la mi rtag pa dang / sdug bsngal ba dang / stong pa dang / bdag med par mthong ngo // de'i 'og tu 'phags pa'i bden pa 'di la rnam par dpyad

  554. 278a

    khas 'khor ba la sems shin tu 'dod chags dang bral bar byed/ yid 'byung bar byed/ mi dga' bar byed cing 'khor ba la smod par byed do// rnam pa de dag gis 'khor ba mi bzang pa/ shin tu 'jigs par mthong nas/ de 'di snyam du sems te/ kye e ma sems can 'di dag ni lha'i lta ba dang shin tu bral zhing mig dang bral ba yin te/ yang dang yang du sems can dmyal ba shin tu mi bzad pa/ shin tu tsha ba/ shin tu 'jigs par skyes kyang skyo bar mi byed de/ byis pa so so'i skye bo 'di dag 'khor ba thog ma med pa nas srid pa'i zhags pas bcings pa yin nosnyam mo/ / de nas yang rnal 'byor spyod pa nang gi chos la chos kyi rjes su lta zhing gnas pa/ 'di ltar dge slong rgyun mi 'chad par spro ba de mi bzad pa bas kyang shin tu mi bzad pa sems can dmyal ba yang sos la sogs pa mnar med pa'i bar gyi las kyi 'bras bu rnam par smin pa thams cad kyis/ sa gzhan bcu gsum pa la zhugs te/ bdud kyi yul la mi dga' zhing / bdud kyi dbang du mi 'gro/ / bdud kyi 'ching ba thams cad rnam par gcod cing / bdud kyi yul la gnas par mi byed de/ rtag tu brtson pa'i dge slong de dag la nyal gyi sbyor ba ma lus par bcad nas/ mya ngan las 'das pa'i grong khyer du 'jug par byed do// de'i spro bas rba'i gnod sbyin dag gis mthong nas/ bar snang la spyod pa'i gnod sbyin rnams la bsnyad do// 'di ltar gang rigs che ge mo

  555. 278b

    zhig las/ rigs kyi bu de grong mang ge mo zhig dang / grong rdal ga ge mo zhig dang / yul che ge mo zhig nas skra dang kha spu bregs/ gos ngur smrig bgos nas/ dad pas khyim nas khyim med par rab tu byung ste/ rtsol zhing 'bad pa na/ yang dag pa'i lam gzhan dang mi 'dra ba'i lta ba thun mong ma yin pa/ 'jig rten las 'das pa/ las kyi chos kyi rnam par smin pa shes pa/ sa gzhan bcu gcig pa la zhugs te/ sems can dmyal bar gtogs pa kun gyi thog ma dang tha ma'i sdug bsngal shes so// de ltar sa bla'i gnod sbyin dag gi sa bar snang la spyod pa'i gnod sbyin dag bsnyad do/ / de dag gis kyang de ltar snga ma bzhin du rgyal po chen po bzhi la bsnyad do// de dag gis kyang sum cu rtsa gsum pa rnams la/ de dag gis kyang 'thab bral ba rnams la/ 'thab bral ba rnams kyis kyang dga' ldan pa rnams la/ dga' ldan pa rnams kyis kyang 'phrul dga' ba rnams la/ 'phrul dga' ba rnams kyis gzhan 'phrul dbang byed rnams la bsnyad do// de ltar rim gyis ma bzhin du 'od chung gi lha rnams kyi bar la bsnyad do/ / 'di ltar lha khyed cag sems shin tu mnyam par bzhag pas nyon cig/ 'di ltar 'dzam bu gling na/ rigs che ge mo zhig las/ rigs kyi bu mang ge mo zhig yul ga ge mo zhig nas skra dang kha spu bregs/ gos ngur smrig bgos nas/ dad pas khyim nas khyim med par rab tu byung ste/ de rtsol zhing 'bad la bsgrim pa na/ spro ba mi 'dri

  556. 279a

    zhing bdud kyi yul gyi dngos po mi 'dod la/ dga' ba'i 'dod chags kyi mong las byung ba'i sred pa dang lhan cig shin tu chags par mi byed/ kun nas nyon mongs shing mi sdug pa/ gzugs dang / sgra dang / dri dang / ro dang / reg bya rnams kyis shin tu chags par mi byed de/ des gzhan bcu gsum pa la zhugs so// sems can dmyal ba brgyad po kun gyi las rgya chos kyi rnam par smin pa shes pa'i dge slong gis 'khor ba ma rig pa'i mun pa'i sdug bsngal thams cad shes nas ji lta ba bzhin du yid byung ste/ bdud kyi phyogs kyi dngos po ni dmas so// dam pa'i chos kyi phyogs ni mngon par mtho'o zhes de thos nas/ 'od chung gi lha rnams mchog tu dga' zhing 'khod de/ 'di ltar bdud kyi phyogs ni dmas so// dam pa'i chos kyi phyogs ni mngon par mtho'o snyam mo/ / de ltar lha rnams dga' ba'i yid kyis dam pa'i chos nyan par 'gyur na/ gang dad pa dang / dad pa'i rjes su 'brang zhing de kho na mthong ba'i skyes bu dam pa de dag/ las de dang rgyu 'thun par dam pa'i chos 'phel zhing rgyas pa yid dga' bar 'gyur ba lta smos kyang ci dgos/ / de nas yang dge slong las kyi 'bras bu rnam par smin pa shes pa des sems can dmyal ba'i gnod pa rgya mtsho'i chu lta bus kun tu sreg pa/ glong lta bur g.yo ba/ sems can dmyal ba chen po yang so sa la sogs pa nas/ mnar med pa'i bar rgya che ba'i nang sa'i

  557. 279b

    'og/ 'jigs par rdzogs byed dang / kun tu rgyu dang / ko ka li ka dang / sbrus byin dag/ nya dang chu srin chen po ltar zin cing / sems can dmyal ba pa'i lhag ma nya mi dang / ming chen po dang / chu srin na kra dang / chu srin kum b+hi ra dang / chu srin byis pa gsod dang / rus sbal dang / sram 'khrugs pa lta bu dag 'dod chags zhe sdang gti mug rlung gi shugs dang / kloslong 'khyil pa lta bus sems g.yo ba'i rla bas glong ltar 'khyil pa de'i dus kyi mthus shugs dbu ba lta bus sems can dmyal ba pa gnod pa rab tu mang ba mchi ma char ltar gang bar du zhing smre sngags 'don la/ cho nges 'debs/ ha ha'i sgra skad kyi shugs dang / sems kyi shugs chu rla bas ltar mang ba nyes par byas pa'i las kyis klu'i shugs lta bus sdug bsngal char 'bebra/ shing mnar med pa zab mor bskal ba'i mtha'i me 'bar ba'i shugs kyis khor yug dang / chu btsos pa lta bu'i sems can dmyal ba chen po'i sdug bsngal rgya mtsho lta bur mtha' med la/ mi bzad pa mthong nas/ dge slong de yid byung ste/ 'di ltar tshigs su bcad de smras pa/ sred pas yongs su bslus byas shing // rmongs pas rmongs pa'i sems can dag/ skye zhing 'chi ba nyam nga ba/ / 'og tu 'jig rten 'gro bar 'gyur// mi yul las ni dmyal bar 'gyur// dmyal ba las ni lha yul du// mi nyid las ni dud 'gror 'gro// de nas yi dgas 'gro bar

  558. 280a

    'gyur/ / sems can 'dod chags dbang song ba// rang gi las kyis 'gro ba 'khrul// gti mug zhags pas bcings pa dag/ srid pa'i mtshor ni rnam par 'khyam// 'khor bar me ni sdug pa sbrul 'di// rnam pa sna tshogs goms byas te// der ni rgyu de goms pas na// ji ltar mchog tu skye mi 'gyur// lha dag bag med pa yis nyams// mi dag yongs su / tshol bas nyams// yi dag sa bkre sa dang skom pas nyams// dud 'gro gcig la gcig za'o// sems can dmyal ba dmyal ba'i me// yi dgas rmongs pas rtag tu nyams// 'khor ba khab kyi rtse tsam yang / / bde ba nyid ni cung zad med// rmongs pa'i sems kyis skye bo dag/ sdug bsngal las ni bde ba chags// sdug bsngal 'di las thar pa gang // yang dag lam ni ston pa med/ / gang dag rtag tu chos mi sgrub// gang dag rtag tu bden mi sgrub// bsam gtan rtag tu mi sgrub gang // de dag sdug bsngal bral mi 'gyur// 'jig rten 'di dang pha rol tu/ / rtag tu ma 'dra ba 'dra zhing // gnyen dang 'dra zhing sgron 'dra ba// sangs rgyas kyis ni chos bstan to// rtag tu nyes gsum dbang song ba// phung po gsum nas sems can dag/ rtag tu khams gsum dag tu 'jug/ de ni sdug bsngal gsum dang ldan// las gsum dbang song 'khrul pa dag/ de ni ngan song gsum na rgyu// srid

  559. 280b

    gsum chags pa'i 'gro ba dag/ rim pa gsum du rnam par rgyu// gang zhig dkon mchog mchog gsum dang // gang zhig byang chub gsum dngang song // gang zhig lnga pa gsum spangs pa/ / de dag la ni sdug bsngal med// dus skabs gsum la rtag gnas shing // dga' ba gsum gyi de nyid mthong // gsum gyi cha yis lto 'grangs pa// de ni mya ngan bral bar 'gyur/ / phung po gsum la sems mnyam zhing // las gsum rnam par dpyod pa gang // de ni 'khor bar mya ngan gyi// rnam pa bral zhing rims med 'gyur// lam dang lam min rnam pa shes/ / dngos dang dngos med rnam sems pa// byams pa'i sems ni bsgoms pa gang // de ni 'gro ba mchog tu 'gro// kun nas rab tu rnam gsal zhing // dpa' bo rnyog pa med pa yi/ / yid ni sdig dang ma 'dres pa// mi de rnam par rab tu grol// gang zhig yang dag lam zhugs shing // dran dang ldan pa stobs che la// srid pa dag la 'dod bral ba/ / de ni nges par 'gro bar 'gyur// srid pa 'dod cing dga' ba la// mi gang mngon par mi dga' ba// de la srid las skyes pa yi// sdug bsngal shin tu chung ba'ang med// mi bzad las ni mi bzang 'byung // mi bzad pa yis yongs bsgyur ba// 'dod pa sdug dang me lta bu/ rab tu bsgrims te spang bar gyis// 'dod pa yongs su spangs byas shing /

  560. 281a

    rtag tu thar la dga' ba ni// nyi ma shar bas mun med ltar// mi dge'i chos rnams 'jig par 'gyur// de ltar rtag tu dge bsten zhing // mi dge ba nyid spang bar gyis/ / mdor na nges par bstan pa ni// dge dang mi dge yongs su rtogs// de ltar dge slong de 'jig rten 'di dang / 'jig rten pha rol de la phan par 'dod pa'i blos sems can dmyal ba'i sdug bsngal la mngon par brtags nas/ sems can rnams la snying brtse ba rjes su 'jug par byed de/ byams pa bsgom pa'i sems kyis de sems can dmyal ba 'jigs shing nyam nga ba thams cad la mngon par brtags shing / las kyi 'bras bu rnam par smin pa'ang shes nas mchog tu yid byung ba'i sems kyis rtog par byed de/ e ma sems can 'di dag ji ltar srid/ pa'i dgon par 'jigs shing sdug bsngal sna tshogs kyi nang du bying zhig gu snyam nas/ de snying rje ba'i blo 'di ltar nye bar 'jog par byed de/ 'di ltar mi dag de ma thag tu ngan song du 'gro ba ni las ngan pa byas pa/ rang gi ser snas bslus shing longs spyod ngan pa 'dod la/ rnyed pa ngan pas zil gyis non pa rnams sbyin pa dag ma byin par gyur te/ de dag gis dge sbyong dang / bram ze dang / 'phongs pa dang / long ba dang / bkren pa spongs mo pa rnams la ser sna'i dri mas sbags pa'i sems kyis sbyin pa dag ma byin zhing / bsod nams dag ma byas la/ 'jig

  561. 281b

    rten 'di dang pha rol tu tshul khrims mtsho lta bur gyur pa ma bsrungs/ bu dang / chung ma dang / bran po dang / bran mo dag la'ang sbyin pa ma byin la/ ser snas 'jig rten pha rol la bslus pa de yi dgas rnams kyi nang du skye bar 'gyur te/ yi dgas kyi rgyud du skyes pa'ang phal cher yi dgas mor skye bar 'gyur ro// mi 'thab mo dang phrag dog gi dri ma gang gis nang gi sems nyams par byas pa 'dis na/ yi dgas mo rnams kyi nang du skye bar 'gyur ro snyam mo// de nas yang dge slong las kyi 'bras bu rnam par smin pa shes pa des yi dgas kyi yul la rtog par byed de/ yi dgas kyi yul 'di gang zhig yin snyam mo// des thos pa las byung ba'i shes pas brtags na/ yi dgas ni mdor bsdus na rnam pa gnyis te/ 'jig rten na rgyu ba dang / yi dgas kyi yul na gnas pa'o// de la 'jig rten na rgyu ba ni mtshan mo dag gal te mi rnams kyis mthong bar 'gyur ro// yi dgas kyi yul na gnas pa ni gang du sa'i 'og dpag chad lnga brgya na gnas te/ yi dgas kyi yul gyi rkyen ma gtogs par/ 'dzam bu gling gi mtha' nas dpag tshad sum stong drug brgya yod do// de dag 'dzam bu gling dang zag nye ba dang / ring ba ni nges pa med do/ / de nas yang dge slong las kyi 'bras bu rnam par smin pa shes pa des yi dgas kyi 'gro ba la rtog par byed de/ yi dgas kyi yul ji tsam yod snyam nas

  562. 282a

    des thos pa las byung ba'i shes pas brtags na/ yi dgas rnam pa mang ste/ mdor bsdu na rnam pa sum cu rtsa drug yod do// de dag thams cad phrag dog dang ser sna'i rgyus der skye bar 'gyur la/ bsam pa sna tshogs skyed pa dang / sdug bsngal dang / bsam pa dang / bza' ba sna tshogs dang / g.yo ba sna tshogs dang / gnas sna tshogs dang / lus bkres pa dang / skom pas gdungs pa yin no// de dag thams cad mdor ba sdu na rnam pa sum cu rtsa drug yod de 'di lta ste/ yi dgas lto gug dang / yi dgas kha khab ltar phra ba dang // yi dgas bshang ba za ba dang / yi dgas kun ston dang / yi da kas dri za dang / yi dag sa chos kyi sbyin pa za ba dang / yi dag sa sbyin pa za ba dang // yi dgas chu 'thung ba dang / bsam pas 'tsho ba dang / mchil ma za ba dang / 'phreng ba za ba dang / khrag za ba dang / sha za ba dang / bdug pa za ba dang / drag shul spyod pa dang / glags lta ba dang / sa'i 'og na gnas pa dang / yi dgas mthu bo che dang / mtshan mo lus rab tu 'bar ba dang / mi rnams la glags lta ba dang / 'dod pa'i gzugs can dang / gling gi bar na gnas pa dang gshin rje'i dbyug pa dang / byis pa la za ba dang / tshangs pa'i srin po dang / 'bru drus pa'i shun pa za ba dang / mi gtsang ba za ba dang / lam po chen gnas pa dang / mang du za

  563. 282b

    ba dang / me mdag za ba dang / dug za ba dang / dgon pa na gnas pa dang / dur khrod na gnas pa dang / shing la gnas pa dang / lam gyi bzhi mngon gnas pa dang / bdud kyi sde ste/ de ltar mdor bsdu na/ yi dgas kyi rigs sum cu rtsa drug yod do// rgya cher ni sems kyi bsam pa'i las kyi cha'i bye brag dang / bsam pa sna tshogs kyi bye brag gis dpag tu med do// de n as yang dge slong las kyi 'bras bu rnam par smin pa shes pa des yi dgas shin tu bkres pa dang skom pas gdungs pa'i lus can rnams phal cher phrag dog dang ser snas nyams pa dag yin zhing rgya cher ni lus dang / ngag dang / yid kyi las gsum gyis skye la/ bye brag tu dbye na mi dge ba'i las kyi lam rnam pa bcu dang yang dag par ldan pas yi dgas rnams kyi nang du skye bar 'gyur ro/ / de mdor bsdu na mi dge ba'i las kyi lam rnam pa bcu'i mi dge ba'i rgyu gang yin pa la srog chags kyi sdug bsngal thams cad de la rag las/ de la spyod/ de las skye zhing 'byung de'i phyi bzhin 'brang / de dang 'brel/ rgyu de las byung ba yin te/ ngan song gis kun tu 'khor yang 'khor ba la yid 'byung bar mi byed do// sems spre'u lta bu thog ma med pa'i dus nas 'khor bar zhugs shing / sdug bsngal gzing gzing ba'i bar na gnas pa la goms pa yan lag dang / nying lag gi dra ba sna tshogs can gyi nang na ldom zhing 'khor ba'i ri la myur du gnas pa/

  564. 283a

    sems gzing gzing ba'i bag chags kyi rtog pa'ang gcig tu shes par sla ba ma yin la/ de ltar 'gro ba myur du 'gro ba 'di sems spre'u lta bu yin te/ de lta bas na/ sems 'di re zhig thog ma nyid du shin tu dul bar bya'o// de ltar ma byas na ngan song gi sa mi bzad pa rnams su sems can dag shin tu sdug bsngal bar 'gyur zhing / de ltar ma byas na 'khor bar sems kyi dgras zin te/ de bde ba 'thob par mi 'gyur ba mthong ngo // de ltar dge slong de so sor rab tu rnam par 'byed pa na/ yang dang yang du 'khor ba 'di la yid byung zhing mi dga' la 'khor bar gtogs pa'i sdug bsngal thams cad la rnam par smod par byed de/ dge slong de de ltar sems par byed cing / yi dgas rnam pa du ma dag la sems pa na/ 'di ltar rab tu rnam par 'byed pa ni/ las dang las kyi rnam par smin pa'i byed rgyu gang yin pa'i cha gcig cig rab tu rnam par 'byed de/ skye ba'i rgyu med pa ma yin zhing / bde ba dang / sdug bsngal ba dang / 'thun pa dang / mi mthun pa dang / skye ba ngan pa dang / bzang ba dang / rigs bzang ba dang / rigs ngan par skye ba ni srog chags thams cad kyi tshe 'ching dang / skye ba 'dod rgyal gyis cung zad kyang byas pa med do snyam mo/ / las kyi chos kyi rnam par smin pa shes pa'i dge slong des yi dgas rnams kyi las kyi chos rnam par dbye ba dag rnam par 'byed de/ des thos pa las byung ba'i shes pas

  565. 283b

    brtags na/ yi dgas lto gug ces bya ba rang gi lus nyis 'gyur gyis che zhing / kha dang / lag pa dang / rkang pa nyams la thams cad du lto gug pa yin te/ bu ga'i gse ba dag tu me ma dag gis rab tu bkang / lus bkres pa dang skom pas gdungs/ lus tshal shing bsregs pa lta bu/ 'gro ba'i dus mtha' med pa nas bcings pa dag dga' ba med cing / grogs med la mgon med pa yin no/ / de dag las gang gis der skye bar 'gyur snyam nas/ des thos pa las byung ba'i shes pas brtags na/ gla mi nor 'dod pa gang gis 'di ltar bdag gis gla dag khyim du bsag go snyam nas srog gcod pa byed cing phyogs la 'tshe ba 'am/ de snying rje med pa chags pa'i dbang gis srog gcod pa byed la sgom zhing sten te mang du byed na/ de lus dang bral nas ngan 'gro log par ltung ba sa'i 'og dpag tshad lnga brgya na yi dgas lto gug gi rigs rnams su skye bar 'gyur ro/ / de sa'i phyogs mun pa'i nang der skyes pa dang / steng gi phyogs nas ri rnams kyis btsir zhing / 'og gi phyogs nas ri gnyis pas bteg ste/ de ri gnyis kyi bar du rang gi ngo bo'i lus kyi tshad dpag tshad tsam pa leb leb por byas shing / bkres pa dang sgom pas shin tu gdungs so/ / tshe'i tshad kyi mtha' ni tshe rabs lnga brgya yin te/ mi'i lo bcu la yi dgas kyi bgrang ba'i tshul gyis nyin zhag gcig ste/ bar du 'chi ba'i dus byed pa ni yod do//

  566. 284a

    mi dge ba'i las gzhan gnyis pa byas pa ni 'di lta ste/ skyes pa 'am/ bud med la nor rdzus bcol ba bcabs nas/ 'di ltar bdag la med do zhes smra na las de'i rnam par smin pas der skye bar 'gyur la/ zang zing gi sbyin pa'ang ma byin/ chos kyi sbyin pa'ang ma byin/ mi 'jigs pa'i sbyin pa'ang ma byin te/ sbyin pa gsum po de dag dang bral la/ ser sna dang phrag dog gis sems rtag tu zil gyis non pa ni der skye bar 'gyur ro// de nas yang dge slong las kyi 'bras bu rnam par smin pa shes pa des yi dgas rnams la brtags na/ des thos pa las byung ba'i shes pas yi dgas kha khab ltar phra ba zhes bya ba ji ltar 'dug pa mthong ngo // der sems can dag las kyis skye bar 'gyur snyam nas// des thos pa las byung ba'i shes pas brtags na/ / nor rdzas kyi phyir mi rnams gsod pa'i gshed ma gang pha rol la phrag dog dang ser sna yang dag par blangs shing / rtag tu mngon par brtson la bkren pa bkren pa'i rang bzhin can/ 'di lta ste/ zang zing sbyin pa dang / chos sbyin pa dang / mi 'jigs pa sbyin pa ste/ sbyin pa rnams spangs pa ni de lus dang bral nas ngan 'gro log par lhung ba yi dag sa kha khab ltar phra ba rnams kyi nang du skye bar 'gyur ro/ / rang gi las kyi 'bras dus bslus pa der skyes pa de dag gi kha'i sgo khab ltar phra zhing lto ri tsam du che bar 'gyur la/ rtag tu bkres pa

  567. 284b

    dang skom pa'i nyon mongs pas gdungs par 'gyur/ lus kyi mes kyang bkres pa dang skom pas dkrugs la/ phyi rol tu yang tshal shing gi me mched pas dkrugs par 'gyur/ grang ba dang tsha ba dang / sha sbrang dang / sbrang bu dang / srog chags ma ko Ta kas za ba dang / rims la sogs pas de ltar skyes pa 'am/ bud med der skyes pa'i lus dang / yid las byung ba'i sdug bsngal sna tshogs kyis mi'i lo bcu la yi dgas kyi bgrang ba'i tshul gyis nyin zhag gcig pa'i tshe rabs lnga brgyar mngon par gdungs te/ tshe rab chad du 'gyur ba ni yod do// der skye bar 'gyur bani las gnyis pas kyang yang der skye bar 'gyur te/ 'di ltar dge sbyong dang bram ze dag bdag cag gi der zan sbyin no zhes byas la/ bza' ba dang bca' ba dag kyang yod bzhin du bud med ser snas mngon par zin pa de/ khyim thab la bslu ba'i bsam pas 'di ltar ci'ang med na/ dge sbyong dang bram ze dag la sbyin du ga la yod ces smras na/ de'ang lus dang bral nas ngan 'gro log par ltung ba yi dgas kha khab ltar phra ba rnams kyi nang du skye bar 'gyur ro/ / ser sna de kun tu bstan cing bsgoms te mang du byas pas bud med phal cher yi dgas rnams kyi nang du rdzus te skye bar 'gyur ba de ltar mi'i nang du skye bar mi 'gyur te/ 'dod pa la phrag dog dang ser snas nyams pa'i rgyu gang gis yi dgas mor 'gyur ba de ltar mi'i na mi 'gyur ro// bud med ni sems chung zhing sems yang ba

  568. 285a

    yin la/ de ltar rgyu de dang rkyen des yi dgas mo rnams kyi nang du skye bar 'gyur te/ de ji srid du ser sna dang phrag dog byas pa'i sdig pa de bcom zhing spangs la zad par ma byas pa de srid du der skye bar 'gyur ro/ / de phyis yi dgas kyi 'jig rten de las thar par 'gyur te/ thar nas kyang las de dang rgyu 'thun par gal te lan grangs gzhan la myong bar 'gyur ba'i las kyis dud 'gro rnams kyi nang du skye bar 'gyur ro/ / bya khug rta rnams kyi nang du skyes nas/ de rtag tu bkres pa dang skom pas gdungs par 'gyur/ de las thar nas kyang gal te lan grangs gzhan la myong bar 'gyur pa'i las mar 'grub pa'i las kyis mi rnams dang skal ba mnyam par mir skyes na/ skyes pa 'am/ bud med de rtag tu bkres pa dang skom pas gdungs par 'gyur/ rtag tu sdug bsngal zhing zas gzhan du tshol la/ lam po che dang / bzhi mdor 'tsho bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas skyugs pa za ba zhes bya ba ji ltar 'dug pa mthong ngo // der skyes pa 'am/ bud med dag las gang gis skye bar 'gyur snyam nas/ des thos pa las byung ba'i shes pas brtags na/ bud med gang bza' ba dang // bca' ba dang / ro myang bas khyim thab la mngon par gnod par byed cing / bdag nyid ni

  569. 285b

    de dag la za bar byed la/ phrag dog dang ser snas kyang rtag tu zil gyis non/ bu dang bu mo gzhan dang mi 'dra bar mi dga' ba ma yin la/ dga' ba dang slu ba ma yin te/ mi slu ba la mngon par gnod pa byas na/ de'ang lus dang bral nas ngan 'gro log par ltung ba yi dgas skyugs pa za ba rnams kyi nang du skye bar 'gyur ro// der skyes nas kyang de rtag tu de'i lus kyi bdag nyid dpag tshad phyed tsam yod par bkres pa dang skom pas gdungs te/ dgon pa chen por gcig pur chu btsal ba'i phyir rgyug cing thams cad du cho nges 'debs so// smre sngags 'don pa na/ de chos sbyin pa dang / zang zing sbyin pa dang / mi 'jigs pa sbyin pa ma byas te/ sbyin pa gsum dang bral ba dag der skye bar 'gyur ro// tshe'i mtha' ni snga ma bzhin te/ de ji srid du ser sna byas pa'i sdig pa de bcom zhing spangs la zad par ma byas pa de srid du bkres pa dang skom pas gdungs par 'gyur ro/ / de phyis sdig pa de las thar par 'gyur te/ thar nas kyang las de dang rgyu 'thun par gal te dud 'gro rnams kyi nang du skyes na/ de skyugs pa za bar 'gyur te/ ji ltar yi dgas rnams kyi nang du skyugs pa za bas srog cung zad 'tsho bar gyur pa de ltar dud 'gro rnams su yang 'gyur ro// de las thar nas kyang gal te mi rnams dang skal ba mnyam par mir skyes na/ de mchod ston gyi tshe dge sbyong dang bram ze'i bkad sa rnams kyi gral du slongs mos de'i srog 'tsho ba thub par 'gyur ba mthong ngo // /

  570. 286a

    de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas bshang ba za ba zhes bya ba mthong ngo / / der skyes pa 'am/ bud med dag las gang gis skye bar 'gyur zhig gu snyam nas/ des thos pa las byung ba'i shes pas brtags na/ gang gis ser sna kun tu bstan cing bsgoms te mang du byas pas gyur/ snga ma bzhin du sbyin pa dang bral la/ dge sbyong dang bram ze dag la'ang kha zas lhag mar byas pa byin te/ de dag kyang gtsang ma zhig yin no snyam nas zos na skyes pa 'am/ bud med de lus dang bral nas yi dgas pashang ba za ba rnams kyi nang du skye bar 'gyur ro// de'i las kyi mthus de'i tshe'ang snga ma bzhin la/ de'i lus bkres pa dang skom pas gdungs te/ gal te de rnyed na'ang rtag tu mi rnyed la/ de'ang chung ste lto tsham par mi 'gyur ro// gal te yang yi dgas rnams kyi nang du bshang ba rnyed na srin bu zhugs shing zos la bu gar byas pa ngan ngon zhig rnyed de/ rgyang ring zhing tshegs chen pos rnyed pa de'ang chog par mi rnyed do// de ltar de'i tshe mtha' sdug bsngal ba 'thob ste/ de ji srid du de'i sdig pa'i las yi dgas kyi 'jig rten 'grub pa ser sna byas pa bcom zhing spangs la zad par ma byas pa de srid du bkres pa dang skom pa des byas pa'i sdug bsngal myong bar 'gyur/ de phyis yi dgas kyi 'jig rten bshang ba za ba de las thar par

  571. 286b

    'gyur te/ thar nas kyang las de dang rgyu 'thun par ji ltar las nye bar 'gro bas 'khor ba na yongs su 'khyam mo// de gal te yang mi rnams kyi nang du gnya' shing gi nang du rus sbal 'jug pa lta bur mi rnams dang skal ba mnyam par mir skyes na/ de dbul zhing nad pu can la/ bza' ba nyung ba dang / srog gis 'tsho ba rtag tu gzhan la rag las shing tshegs chen pos 'tsho ba tho ba la don du ma med pa'i snod du 'gyur/ sems shes pa dang / mi shes pa phal pa yin zhing lus rma mtshan dang dri ma can mi sdug pa skye bo kun gyis smad par 'gyur/ de'i kha nas kyang dri ma mnam po 'byung zhing gro pur du so nag por 'gyur ba mthong ngo / / de nas yang dge slong las kyi 'bras bu rnam par smin pa shes pa des ser sna'i gnas su gyur pa'i yi dgas kyi 'jig rten la brtags na/ des thos pa las byung ba'i shes pas ser sna thams cad kyi gnas su gyur pa yi dgas kha zas med pa zhes bya ba mthong ngo // der las gang gis skye bar 'gyur snyam nas/ des thos pa las byung ba'i shes pas brtags na/ skyes pa 'am/ bud med ser snas zil gyis non cing / phrag dog gis zil gyis non pa/ g.yo thabs sam/ sbub byed pa stobs dang ldan pa gang gis sems can dag/ bcing bas bcings te/ kha zas ma byin pas srog dang bral la/ srog dang phral nas kyang snying nas 'chags par mi byed la/ 'gyod par mi byed/ yang las de nyid byas nas rjes su dga' bar

  572. 287a

    byed cing / / gzhan dag kyang de nyid la rab tu 'jog par byed las dang las kyi nyer ba sngogs dang / las kyi mjug dag byas nas yang de nyid byed na/ de lus dang bral nas ngan 'gro log par ltung ba yi dgas kha zas med pa rnams kyi nang du skye bar 'gyur ro/ / skyes pa de 'am/ bud med de der skyes nas kha zas med par byas nas/ bkres pa dang skom par byas pa me// des sreg pa na/ yang dang yang du ri las chu 'bab pa'i shugs ltar bkres pa dang skom pa'i sdug bsngal rab tu 'phel lo// de'i kha zas med par byas pa'i mthu des ji ltar thal ba'ang mi mngon pa de ltar de'i nang dang / yan lag dang nying lag thams cad sreg go// de nas yang yan lag dang nying lag de dag slar 'byung bar 'gyur te/ yang sreg par byed do// de bkres pa dang skom pas gdungs pa dang / lus bsregs pa ste/ sdug pa sbal gnyis kyis sreg pa na/ rang gi las kyi 'bras bu nyes par byas pa sa basmras pa de sdug bsngal gyis nyam thag nas shin tu ngu skad 'byin/ cho nges 'debs/ smre sngags 'don cing phyogs dang phyogs mtshams su rgyug ste/ de ni de'i nang du 'byung ba'i sdug bsngal yin no// phyi rol du 'byung ba'ang las kyis byas pa mes yan lag dang nying lag thams cad sreg par byed do/ / me nang du song ba slar byung nas phyi rol gyi lus kyang sreg par byed de/ dper na shing khong stong gi nang du mi zhugs pa/ shing gi nang

  573. 287b

    bsregs nas phyi rol sreg pa de bzhin du/ me des yi dag sa de'i nang bsregs nas phyi rol yang sreg par byed do// de nang dang phyi rol thams cad tshal shing bsregs pa lta bur rab tu bsregs te/ me lce gcig tu gyur pas du skad 'byin cing cho nges 'debs so// de der cho nges 'debs pa na/ khar me 'byung ste/ de yang dang yang du de'i lus thams cad 'bar ba nyis 'gyur gyis ches rab tu 'bar bar byed do/ / gang dang gang du 'gro ba'i lam de dang der rtswa dar ba rab tu 'bar ba khab lta bur 'byung bar 'gyur la/ gang du de'i rkang pa gnyis bor na ma rungs par byed de/ rkang pa ma rungs pa de du skad 'byin/ cho nges 'debs/ yongs su smre sngags 'don to// de yongs su smre sngags 'don pa na/ de'i lce mar gsar gyi gong bu ltar zhu bar byed de/ de nas yang nyes par byas pa'i las de sngar 'byung bar 'gyur ro/ / de gang dang gang du rgyug pa de dang der de'i nyes par byas pa'i las des/ chu dang / lteng ka dang / 'bab chu'i dngo dang / mtsho dang / chu 'dzag pa dang / chu bo dang / khron pa thams cad dang bral bar 'gyur/ tshal dang / nags tshal dang / khyim dang / ne'u gsing gi sa gzhi dang bral bar 'gyur/ tshal dang / nags tshal dag kyang log par mthong ste/ ri dang / ljon shing dang / ri sul gyis phyogs thams cad kyang rab tu 'bar ba mthong ngo // kun nas yi dgas kyi chad pa lag na ral gri dang gtun shing khyer ba rnams kyis gtse bar byed cing spro bar byed pas

  574. 288a

    mchog tu sdug bsngal te/ rang gi phrag dog dang ser snas bslus shing sems kyi dgra dang lhan cig ldan pas tshe rang sgyu ma bzhin no// de ltar de nyes par byas pa'i las byas pas/ ji srid du de'i sdig pa'i las byas shing bsags pa bcom zhing spangs la zad par ma byas pa de srid du yi dgas kha zas med pa'i sdug bsngal myong bar 'gyur/ de phyis yi dgas kyi phul de las thar par 'gyur te/ thar nas kyang las de dang rgyu 'thun par rang gis byas pa'i las spyad pa ji ltar las nye bar 'gro bas 'khor bar yongs su 'khyam mo// de gal te mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de mngal na gnas pa na ma de zas 'dod pa med par 'gyur/ gang gi sa ma de'i lus dang bzhin kha dog mchog tu mi sdug par 'gyur/ de gal te mngal de nyid du gnas pa na/ las rab tu mthu che ba dang / srog bcad pa rab tu mthu che ba des 'chi ba'i dus byed par 'gyur/ gal te yang brgya la btsal bar gyur na/ de ltar ngan par byas pa 'dus byas de'i ma rtag tu dri nga zhing mdog mi sdug la ma dang sa med par 'gyur/ de srog gi 'tsho ba dus thung zhing tshegs chen pos thob par 'gyur/ yul gyi bdag bo rgyal pos kyang de ltar btson rar bcug nas bkres pa dang skom pa dag gis 'chi ba'i dus byed par 'gyur ba mthong ngo / / de nas yang dge slong las kyi 'bras bu rnam par smin pa

  575. 288b

    shes pa des yi dgas kyi 'jig rten la brtags na/ des thos pa las byung ba'i shes pas yi dgas dri za ba zhes bya ba ji ltar 'dug pa mthong ngo // der las gang gis skye bar 'gyur snyam nas/ des thos pa las byung ba'i shes pas brtags na/ gang gis bza' ba dang btung ba mang po shin tu bsdus nas bdag 'ba' zhig za la/ bu dang chung ma dag la yang dag par 'ged par mi byed/ de dag ro bro ba 'dod na dri tsam zhig la snom du 'jug/ de bu dang chung ma de'i mdun du rang 'ba' zhig za bar byed la/ phrag dog dang ser snas zin pas yang dag par 'ged par mi byed de/ de ltar bu dang chung ma ris 'thun par lhan cig 'khod pa la brnyas par byed cing / gzhan dag kyang de nyid la rab tu 'jog par byed pa la rjes su dga' zhing / de nas yang bdag gcig pu za bar byed la/ de byas nas kyang skyon du mi 'gyur zhing / ngo tsha bar mi byed na/ de lus dang bral nas ngan 'gro log par ltung ba yi dgas dri za ba rnams kyi nang du skye bar 'gyur ro// der skyes nas lus rtag tu bkres pa dang skom pos gdungs shing gar bab bab tu rgyug ste ngu skad 'byin/ cho nges 'debs/ smre sngags 'don to// de gal te yang lha khang ngam/ mchod rten nam/ khyim gzhan du yon bdag dad pas bdug spos dri zhim po dag bdugs pa dang / de des dga' bar 'gyur// de bzhin du dri gzhan gyis kyang dga' bar 'gyur te/ de ltar 'di ni yi dgas dri za ba'i

  576. 289a

    phyogs gcig yin no/ / dri za ba'i phyogs gzhan yang 'di ltar mi dag la nad byung ba na/ nad pa gang yin pa de dag gi phyir lha khang ngam/ kun dga' ra ba dag tu bdug spos gang bdugs pa'i dri des de tshim par 'gyur te/ des srog 'tsho ba 'thob cing de'i phyi bzhin 'brang / gzhi des lus kyi srog 'tsho ba 'thob ste/ de ltar de'i las kyi mthu sa yi dgas de dri za bar 'gyur/ zhing / srog gi tshegs chen pos za ba de 'thob par 'gyur/ der skyes nas kyang ji srid du sdig pa'i las bcom zhing spangs la zad par ma byas pa de srid du bkres pa dang skom pa'i sdug bsngal myong pabar 'gyur/ de phyis yi dgas kyi 'jig rten de las thar par 'gyur te/ thar nas kyang las de dang rgyu 'thun par las kyi 'bras bu la spyod pa 'khor ba na yongs su 'khyam mo// gal te mis byas pa'i las myong bar 'gyur ba'i las kyis brgya la mi rnams kyi nang du gnya' shing gi bu gar rus sbrul 'jug pa lta bur mir skyes na/ de dbul zhing nad bu can la/ lus thams cad las dri de 'byung bar 'gyur ba mthong ngo / / de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yo dgas chos kyi sbyin pa za ba zhes bya ba der 'jug pa thob pa des srog 'tsho ba 'thob par 'gyur ba ji ltar 'dug pa mthong ngo / / der las gang gis skye bar 'gyur snyam nas/ des zos pa las byung

  577. 289b

    ba'i shes pas brtags na/ gang rang bzhin gyis ser sna dang phrag dog gi zil gyis non pa yin la/ srog gso ba kho na'i thabs sam rgyu des dang ba med cing dad pa med la/ pha rol la phan 'dom/ pa'i bsam pa med pa'i rgyus skyon du bgrang ba'i chos ston par byed cing / de tshul khrims dang ldan pa ma yin te/ 'di lta ste/ srog gcod pa'i chos kyi gtam dang / g.yul du 'chi ba'i chos dang / nor rdzas nan gyis 'phrog pa'i chos dang / khyu mchog bag yongs su gtong ba'i chos te/ des skyon du bgrang ba'i chos kyi rnam grangs de dag pha rol dag la bstan nas/ de las rnyed pa gang yin pa de sbyin par mi byed cing sogs pa 'ba' zhig byed na/ phrag dog gi zil gyis non pa mi ngan pa de lus dang bral nas ngan 'gro log par ltung ba yi dgas chos kyi sbyin pa za ba rnams kyi nang du skye bar 'gyur te/ de'i tshe ni snga ma bzhin no// de ri'i yul nas ri'i yul du yongs su rgyug cing / lus bkres pa dang skom pas gdungs la/ thams cad du du skad 'byin pa/ shing skam 'dra zhing skra ring la ngom zum gnas/ lus thams cad spu ring pos khebs shing rtsa dang rgyus pa'i dra bas dkris la/ pags pa dang rus pa tsam lus pa/ lus ring zhing sen mo mi sdug pa/ rang gis nyes par byas pas yongs su bslus pa/ mig gi khung ring zhing bskums la/ gdong mchi mas yogs pa/ lus sprin nag po 'dra zhing mi sdug pas mngon par khebs pa yan lag dang / ting

  578. 290a

    lag thams cad dang / spu rnams kyi nang du sbrang bu dang / sha sbrang dang / srog chags ma ko Ta ka rnams zhugs nas za ba na thams cad du yongs su rgyug go// gal brgya la dge 'dun gyi gtsug lag khang gi nang du song nas yongs su rgyug pa na/ de gal te dge 'dun gyi 'am/ dge 'dun gyi gtsug lag khang du tshes gcig la gnod sbyin la byin pa'i rnyed pa 'thod cing / dge 'dun gyi gnas brtan nam/ gzhan chos kyi sbyin pa byin pas mngon par mgu bar 'gyur la/ de des shin tu tshim par 'gyur/ des srogs 'tsho ba thob par 'gyur/ des 'tsho ba rnyed par 'gyur te/ ji srid du sdig pa'i las de bcom zhing spangs la zad par ma byas pa de srid du yi dgas kyi sdug bsngal myong bar 'gyur/ de de las thar nas las de dang rgyu 'thun par rang gi las la smod pa sna tshogs dang / rnam pa sna tshogs byas pa 'khor ba na tshe sna tshogs myong bar 'gyur/ de gal te brgya la gnya' shing gi bu gar rus sbal 'jug pa lta bur mi rnams dang skal ba mnyam par pir skyes na/ de gzugs bram ze lta bu yin zhing / lha rten gyi drung du phyugs gsod par byed dam/ za bar byed/ srog 'tsho ba gzhan la rtag tu rag las shing / des srog 'tsho ba thob par 'gyur/ de nas yang de nyes par byas pa rjes su 'brel pas sems can dmyal bar 'gro bar 'gyur ba mthong ngo // de nas yang dge slong las kyi 'bras bu rnam par smin pa shes

  579. 290b

    pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na/ yi dgas chu 'thung ba zhes bya ba ji ltar 'dug pa mthong ngo // de dag las/ gang gis skye bar 'gyur snyam nas/ des thos pa las byung ba'i shes pas brtags na/ 'di ltar mi rigs par chags pa'i zil gyis non pa'i sems can chang 'tshong ba gang gis khyim na chang yod pa dang / sbyar ba'i chang dang / bu ram chang 'tshong bar byed pa/ ser sna dang phrag dog gis mngon par nyams pa de chang de dag chus bslad de/ chang 'thung ba pha rol po de dag la 'drid par byed/ rnam par 'tshe bar byed cing / des sbyin pa dag ma byin/ bsod nams dag mi byed/ tshul khrims mngon par mi srung / chos mi nyan/ chos ma spyod/ gzhan dag kyang mi rigs par chags pa de la 'jog cing rjes su dga' bar byed la/ las dang las kyi nyer bsdogs dang / las kyi mjug dang bcas par byed na/ de nyes par byas pa des lus dang bral nas ngan 'gro log par ltung ba yi dgas chu 'thung ba rnams kyi nang du skye bar 'gyur ro/ / lus rtag tu bkres pa dang skom pas gdungs pa de yul chu med pa'i ri brags dang / 'brog dang / dgon pa chen po rnams su yongs su 'khyam mo/ / mdog bung ba dang sol ba 'dra zhing / yan lag dang nying lag thams cad sra la rtsub ste/ shin tu rdol ba dang / de'i lus 'bar ba 'khrigs

  580. 291a

    shing kha gdong skra ring po rnams kyis mun par khebs te/ rtag tu bkres pa dang skom pa las byung ba'i mes gdungs pa na/ gal te res 'ga' brgya la chu dang nye bar gyur pa de'i tshe/ chu brgal ba gang 'bog pa na/ rkang pa'i chu'i zer ma byung ba dang / chos spyod pa gang dag chu 'gram du lag pa dag gis chu 'thor zhing gang skom pa de dag la sbyin no zhes smra ba de dag gis de srog 'tsho ba 'thob par 'gyur ro/ / gal te ma byin par 'dod nas/ de chu 'gram du 'dug ste btung ba 'thung ba dang / chu rgyun de srung ba'i yi dgas rnams kyis mngon par 'tshe bar byed cing lus kyang kun nas bzed bzed/ btog btog par lta bur byed do// sdug bsngal gyis nyam thag pa de/ de nas yang du skad 'byin/ smre sngags 'don cing yongs su rgyag go/ / nyes par byas pa'i las kyis bslus pa de ji srid du de'i sdig pa'i las byas shing bsags pa de bcom zhing spangs la zad par ma byas pa de srid du der sdug bsngal de myong bar 'gyur ro/ / de phyis yi dgas kyi 'jig rten de nas thar par 'gyur te/ thar nas kyang las de dang rgyu 'thun par rang gi lus rlung lta bus 'khyam pa na 'khor ba na yongs su 'khyam mo// de gal te brgyal mi rnams kyi nang du gnya' shing gi bu gar rus sbal 'jug pa lta bur mi rnams dang skam pa mnyam par mir skyes na/ de chu dang / steng ka dang / nags tshal dang bral ba/ ri brags

  581. 291b

    dang / 'brog dang / grong ngan par skye bar 'gyur/ rtag tu khron pa'i chu la 'thung bar 'gyur/ mkhris pa'i nad kyis kyang 'debs par 'gyur/ nyin mtshan du skom med pas gnod par 'gyur ba mthong ngo / / de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten yi dgas kun ston ces bya ba mthong ngo / / de dag las gang gis skye bar 'gyur snyam nas/ des thos pa las byung ba'i shes pas brtags na/ mi ngan pa phrag dog dang ser snas ril g yis non cing mi rigs par chags pa la brkam pa gang gis mkhas pa dbul po'i 'tsho ba tshegs chen pos bsgrubs pa dag la rin thang steng du ma bab pa'i rin mi 'dra ba zang zing zhig byin la de rtag tu de la dga' zhing slu bar byed/ gzhan dag kyang las ngan par byed pa de nyid la 'god par byed cing 'jog par byed la sbyin pa dag ni mi gtong / bsod nams dag kyang mi byed/ tshul khrims la mi gnas/ dad pas nye bar 'gro bar mi byed/ chos dang 'thun pa'i chos mi spyod/ drang po dang dul bar mi byed/ dge ba'i bshes gnyen gyi ngang tshul can du mi byed cing / yang dang yang du phrag dog dang ser snas zil gyis non par gyur na/ de lus dang bral nas ngan 'gro log par ltung ba yi dgas kun ston rnams kyi nang du skye bar 'gyur te/ de las 'jig rten pa de dag

  582. 292a

    pa zhes brjod do/ / de rtag tu lus dkres pa dang skom pas gdungs shing / lus tshal shing bsregs pa 'dra la/ dga' ba med pas nyams par 'gyur/ mchims gdong yog cing / rkang pa dang lag pa shin tu rdol la/ sbas kha gdong mun pa ltar khebs/ lto'i mdog sbyin nag po 'dra zhing d+ma skad 'byin/ smre sngags 'don pa na/ 'di ltar yod su smre sngags 'don te/ ma byin pas lta ga la 'thob// ma btab 'bras bu ga la 'byung // sgron ma med na 'od med ltar// ma byin pa de ba gang la yod// ji ltar lus can long ba yi// mig gis lta bar nus med ltar// sbyin dang bral ba de 'dra ste// yi dgas bde ba mi rnyed do// yi dgas 'jig rten yi dgas gang // de bzhin nor med 'jig gsum du// shin tu mi dga' 'khyam byed pa/ / de ni ser sna'i 'bras bu yin// rang gi las 'bras za ba yi// srog chags las la longs spyod pa// ma byin ci yang mi 'thob ste// byas pa chud ni za ba med// yi dgas 'jig rten gnas pa dag/ ngan byas rnams kyis bdag cag bsregs// bkres dang skom las byung ba yi// mi yis 'dir ni yongs su spyod// bdag cag rnams ni skom pa las// nam bral bde ba 'byung bar 'gyur/ / yongs su gdungs las bdag cag rnams// nam na yongs su thar par 'gyur// lam dang lam min mi shes shing // las kyi 'bras bu dag mi shes//

  583. 292b

    bkres dang skom las byung ba'i me// tsha ba 'byung ba mi shes so// bzhin ni skra yis mun ltar khebla// re ba med cing srog rnams btang // pags pa rgyus pa'i dra bas sbrel// bdag 'tsho kyi hud sdug bsngal lo/ / dgon par chud pa'i lus can rnams// thams cad du yang sdug bsngal te// 'dir ni skyob pa gang yang med// bdag cag sdug bsngal zhugs par gyur// de ltar yi dgas kun ston par byed pa de dag du skad 'byin/ smre sngags 'don cing / thams cad du yongs su 'khyam mo// de dag gal te yang yongs su rgyug pa na/ dge slong des mthong nas sems par byed/ kye e ma khyad par du 'dod pa'i khams kyi 'khor ba rab tu 'bar ro snyam mo// de ltar yongs su rgyug pa de dag la gal te dad pa can zhig gis kyang byin la/ de rigs der skyes pa zhig/ kyang yin na de 'byung bar 'gyur te/ de de las srog gi 'tsho ba 'thob par 'gyur zhing / skyob pa de yin la/ skyabs de yin te/ de la rten to// de ltar de srid du sdig pa'i las de bcom zhi sngangs la zad par ma byas pa de srid du 'tsho bar 'gyur ro/ / de phyis yi dwags kyi 'jig rten de las thar par 'gyur te/ thar nas kyang las de drang rgyu 'thun par rang gi las kyi 'bras bu la spyod pa dang / rang gi las rlung lta bus nged par byed do// de dag gal te yang mi rnams kyi nang du gnya' shing gi bu gar rus sngal 'jug pa lta bur mi rnams dang skal ba mnyam par mir skyes na/ de rdza rnga rdung ba

  584. 293a

    'am/ dril spa sgrogs pa 'am/ gtsug lag khang gi srungs mar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na/ yi dwags mchil ma za ba zhes bya ba ji ltar 'dug pa mthong ngo // de dag las gang gis skye bar 'gyur snyam nas/ des thos pa las byung ba'i shes pas brtags na/ 'di ltar mi ngan pa skyes pa 'am/ bud med phrag dog dang ser snas zil gyis non pas dge 'dun nam/ gzhan mkhas pa'i rnam pa de lta bu dag gi kha zas lhag mar byas la/ de 'di ltar lhag mar ma byas so zhes smras nas/ de dag kyang yid ches pa'i dbang gis kha zas mi 'dra ba de za bar byed do// mi ngan pa de'ang yang dang yang du de ltar de nyid la dga' bar byed cing / gzhan dag kyang de nyid la rab tu 'jog par byed la/ sbyin pa dag gtong bar mi byed/ tshul khrims la mi gnas/ mkhas pa la mi sten/ chos dang ldan par mi spyod// yang dang yang du kha zas lhag mar byed pa'i las de nyid la mngon par dga' bar byed na/ de lus dang bral nas ngan 'gro log par ltung ba yi dgas mchil ma za ba rnams kyi nang du skye bar 'gyur ro// der skyes nas lus bkres pa dang skom pas gdungs pa'i mchil ma bor ba ldan ljin nam/ rtsig pa la reg pa'am/ sa la bor ba de la kham gyis za bar byed de/ des srog 'tsho ba 'thob par 'gyur zhing /

  585. 293b

    de'i phyi bzhin 'brang la skyabs de yin/ zas de yin te/ ji srid du sdig pa'i las de bcom zhing spangs la zad par ma byas pa de srid du de 'byung bar 'gyur ro// de phyis yi dgas kyi 'jig rten de/ las thar bar 'gyur te/ thar nas kyang las de dang rgyu 'thun par rang gi las kyi 'bras bu la spyod pa 'khor ba na yongs su 'khyam mo// de gal te brgya la mi rnams dang skal ba mnyam par mir skyes na/ de dbul zhing nad bu can la sna rul bar 'gyur/ rtag tu dge 'dun gyi nang na ldan ljin 'phyag par 'gyur/ lam gyis 'tsho ba dang lhag ma za bar 'gyur ba mthong ngo // / / dam pa'i chos dran pa nye bar gzhag pa bam po bcu dgu pa// de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na nyes par byas pa spyod pa/ bkres skom chung zhing lus gos med pa ji ltar 'dug pa mthong ngo // de las gang gis der skye pabar 'gyur snyam nas/ des thos pa las byung ba'i shes pas brtags na/ des gnod sems kyi phyir ni ma yin gyi/ gtsang ba 'dod pa'i phyir sangs rgyas la 'phreng ba phul ba rku ba dang debazhin du bla ma dag gi 'phreng ba'ang rku bar byed na/ de lus dang bral nas ngan 'gro log par ltung ba yi dgas 'phreng ba za ba rnams kyi nang du skye bar 'gyur te/ de mchod rten nam/ mcho

  586. 294a

    sbyin gyi gnas su skye bar 'gyur zhing / de mthu che ba dang / dbang che bar yang 'gyur ro// de legs par byas pa dang / nyes par byas pa'i rmi lam dag ston par nus so/ / gal te mi gang la rang bzhin gyi mi dge ba zhig byung la/ yi dgas de la kha zer na/ de gzhi des mi de la 'tshe bar byed pa dang / 'jig rten pa de dag gnod sbyin 'di ni rdzu 'phrul che ba mthu che ba zhig go zhes brjod do/ / de 'phreng ba mang po thob ste/ de des shin tu tshim par 'gyur zhing / lus bkres pa dang skom pa sa gdungs par yang mi 'gyur/ 'jig rten gyis kyang mngon bapar stod par 'gyur te/ de des rtag tu rab tu dga' bar 'gyur ro// de ltar de yi dag sa 'phreng ba za ba de ji srid du sdig pa'i las sdig pa chung ba de bcom zhing spangs la zad par ma byas pa de srid du 'tsho bar 'gyur ro/ / de phyis yi dgas kyi 'jig rten de las thar par 'gyur te/ thar nas kyang las de dang rgyu 'thun par byas pa nye bar 'gro ba ji lta ba bzhin de la spyod cing 'khor ba na yongs su 'khyam mo/ / de gal te brgya la mi rnams dang skal ba mnyam par mir skyes na/ des 'phreng ba mkhan du 'gyur te/ dbus dang / mtha' dang / mjug des de'i 'tsho ba nye bar 'grub pa mthong ngo / / de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas

  587. 294b

    kyi 'jig rten yi dgas khrag za ba zhes bya ba khrag gis srog 'tsho bar byed pa ji ltar 'dug pa mthong ngo / / der sems can de dag las gang gis skye bar 'gyur snyam nas/ des thos pa las byung paba'i shes pas brtags na/ mi gang la la de'i lus brtan par bya ba'i phyir sha'i khrag 'thung la de la dga' zhing gtum pa dang / phrag dog dang ser snas mngon par nyams pa/ bu dang chung ma la slu bar byed cing srog gcod par byed na/ khrag la 'chums pa'i ngang tshul can des/ de lus dang bral nas ngan 'gro log par ltung ba yi dgas khrag za ba rnams kyi nang du skye bar 'gyur ro// der skyes nas kyang las de nyid kyis bskyed pa'i yul du skye bar 'gyur la/ de la mi dag 'di ni gnod sbyin zhig yin no zhes brjod de/ de la mchod pa'ang byed do// de la kun nas bskor nas khrag gi gtor mas kyang mchod par byed de/ de phyir zhing khrag 'thung bas myos nas mi dag la gnod po byed do// de la mi dag yang dang yang du gnod sbyin 'di ni rdzu 'phrul che zhing mthu che ba zhig yin no zhes brjod de/ de ltar de gcig nas gcig tu rjod par byed do// tshe'ang snga ma bzhin te/ de ltar de ji srid du sdig pa'i las de bcom zhing spangs la zad par ma byas pa de srid du/ de ltar yi dgas rdzu 'phrul che ba de nyid byed do/ / de de las thar na las de dang rgyu 'thun par rang gi las la spod pa/ las nye bar 'gro ba ji lta ba bzhin du 'khor ba na yongs su 'khyam mo// de gal te brgya la mi

  588. 295a

    rnams dang skal ba mnyam par mir skyes pa 'am/ bud med du skyes na/ mi de mkha' 'gro ma 'am/ mkha' 'gror 'gyur pa mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na yi dgas sha za ba zhes bya ba ji ltar 'dug pa mthong ngo / / de las gang gis der skye bar 'gyur snyam nas/ des thos pa las byung ba'i shes pas brtags na/ ser sna la chags pa'i zil gyis non pa gang gis ba lang ngam/ rta 'am ri dgas sam/ phag gam/ lug shi ba'i sha rin thang ngam srang la g.yo byas nas rin chen por btsongs na/ de lus dang bral nas ngan 'gro log par ltung ba yi dgas sha za ba rnams kyi nang du skye bar 'gyur ro/ / de bzhi mdo dang / sum mdo dang / tshong dus dang / lam gyi bzhi mdo dang / srang dang / grong khyer dang / gtsug lag khang gi gnas rnams kyi gnod sbyin du skye bar 'gyur te/ ngo bo nyid gtum la gyur pa shes so/ / yi dgas rdzu 'phrul che ba mi dge ba'i las shin tu mi bzad pa'ang ma yin la/ de sbyin pa tshe ra ma lta bu'ang byin te/ rgyu des rdzu 'phrul che ba nyid du 'gyur ro// de la mi phal pa dag ma he dang / ri dgas dang / sbrul dang / lug la sogs pa dag srog bcad nas shas shin tu tshim par byed do// de ltar de nyes par byas pa'i ngo bo nyid ji srid du

  589. 295b

    dge ba'i las phrag dog byas pa de bcom zhing spangs la zad par ma byas pa de srid du der 'byung bar 'gyur ro/ / de phyis yi dgas kyi 'jig rten de las thar par 'gyur te/ thar nas kyang la de dang rgyu 'thun par las nye bar 'gro ba dang / las so sor 'brang ba ji lta ba bzhin du 'khor ba na yongs su 'khyam mo// gal te brgya la las legs pa byas pa des gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ sha za ba shan pa phal pa 'am/ dum bur byed pa'i mir 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas bdug pa za ba zhes bya ba de thob pas/ des srog 'tsho ba 'thob pa ji ltar 'dug pa mthong ngo / / de las gang gis der skye bar 'gyur snyam nas/ des thos pa las byung ba'i shes pas brtags na/ 'di ltar lha cher ser snas zil gyis non cing las kyi 'bras bu mngon par mi shes pa/ sangs rgyas zhes bya ba 'di zhing ma yin no snyam nas/ zhing du mngon par shes pa gang gis bdug spos bzang po bzhag la bdug spos ngan pa khyer te/ sems dang ba med cing / dad pa med par gyur pa// las kyi 'bras bu yang dag par myong bar 'dod pa gzhan gyi ngor 'di ltar bdug spos phul bas bdag gi

  590. 296a

    las kyi 'bras bur 'gyur snyam nas/ de lus dang bral nas ngan 'gro log par lhung ba yi dgas rdzu 'phrul che ba me tog 'phreng ba dang / phye ma dang / byug pa dang / spos dang rol mo'i sgra la rab tu dga' zhing / bdug pa za ba'i gnod sbyin du 'gyur te/ gnod sbyin gyi gnas su 'am/ bzhi mdo 'am/ lam po che 'am/ srang ngam/ gtsug lag khang ngam/ kun dga' ra ba 'am/ skyed mos tshal lam/ khyim ma ma/ mkhor ram/ pu shu dag tu a ka ru nag po'i bdug spos kyis myos par 'gyur zhing / skye bo kun gyis phyag byas par 'gyur ba ni sems dang rdzas kyi yon gyis ma yin gyi/ zhing bzang po'i yon yin te/ sangs rgyas dang / chos dang / dge 'dun la chung ngu zhig phul na'ang 'bras bu chen por 'gyur ro// dper na gang gi tshe shing n+ya gro d+ha'i sa bon chung ngu zhing gshin pa la btab pa de'i tshe/ shing ljon pa yal ga bzang zhing lo ma'i tshogs chen por 'gyur ro// de bzhin du de zhing bzang po sangs rgyas dang / chos dang / dge 'dun la phul ba'i 'bras bu'ang zhing gi yon tan dang mthus chen por 'gyur ro// 'di ltar yi dgas rdzu 'phrul che ba de bde banyams su myong ste/ las zad nas yi dgas kyi 'a rten de las thar bar 'gyur te/ thar nas kyang las de dang rgyu 'thun par las de nye bar 'gro ba ji lta ba bzhin du 'khor ba na yongs su 'khyam mo// de gal te mi rnams kyi nang du gnya' shing gi bu

  591. 296b

    gar ru swa sbal 'jug pa lta bur mi rnams dang skal ba mnyam par mir skyes na/ de rtag tu dbul ba'i rigs su skye zhing / rtag tu me tog 'phreng ba dang / phye ma dang / byug pas lus byugs te/ lus shin tu dri zhim par 'gyur ba mthong ngo // de nas yang dge slong las kyi 'bras bu rnam par smin pa shes pa de sa yi dgas kyi 'jig rten la brtags na/ des thos pa las byung ba'i shes pas yi dgas drag shul spyod pa zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ mi ngan pa ser snas zil gyis non cing dge sbyong gi tshul 'dzin pa/ tshul khrims 'chal pa gang gis dge sbyong gzhan la tha snyad btags nas/ 'di ltar dge sbyong shin tu nad mi/ bzad pas thebs te/ de sbyin bdag khyod kyis na ba'i gsos sman gyi rkyen gyi yo byad dag byin cig ces smras nas de blangs te bdag nyid za bar byed/ de zla des ngan g.yo byed par gyur nas tshul sna tshogs bzung ste/ yul nas yul du rgyug cing sbyin bdag rnams la slu bar byed na/ de lus dang bral nas ngan 'gro log par ltung ba yi dwags drag shul spyod pa rnams kyi nang du skye bar 'gyur ro/ / der skyes nas kha zas ldan sprin mo gtsang ba za bar 'gyur/ rtag tu lus bkres pa dang skom pas gdungs par 'gyur/ mi gang mi gtsang ba de la brnyas par byed cing / de ltar

  592. 297a

    nga rgyul med par byed/ grags mthong ba nyid kyis gzhan dag gi rmi lam du 'jigs pa ston par byed cing / dur khrod rnams su dga' bar byed/ lus dang smra thams cad rab tu 'bar la yul 'jig pa'i tshe rab tu dga' bar 'gyur ro/ / drag shul du spyod pa'i rig sngags dag gis gzhan dag drangs nas rnam par 'tshe bar byed de/ yud tsam gcig gis dpag tshad brgya phrag stong nas kyang drangs te 'ong bar byed do/ / de ltar drag shul spyod pa'i yi dgas de gnod sbyin gyi ming thob ste/ de la skye bo phal po dag gnod sbyin 'di ni rdzu 'phrul che zhing / gnod sbyin mthu che ba yin no snyam nas mchod par byed do/ / de ltar de skye bo rnam pa sna tshogs la gnod pa byed cing rnam par 'tshe ba na/ ji srid du tshe ma zad pa de srid du 'tsho bar 'gyur ro// de phyis de las 'chi bar 'gyur te/ shi nas kyang las de dang rgyu 'thun par rang gi las la spyod pa 'khor ba na yongs su 'khyam mo// de gal te brgya la mi rnams dang skal ba mnyam par mir skyes na/ de 'byung po mi bzad pa gnod sbyin mo skyong bar 'gyur ba mthong ngo / / de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na yi dgas klags lta ba zhes bya ba rang gi ngo bo nyid kyis klags lta ba ji ltar 'dug pa mthong ngo / / de las gang gis der skye bar 'gyur snyam nas/ des thos pa las byung

  593. 297b

    pa'i shes pas brtags na/ 'di ltar phrag dog dang ser snas zil gyis non pas gzhan gyi nor rdzas la g.yo thabs dang / ngan g.yo dang / bslu ba dang / 'khu ba byas shing / grong dang / grong khyer dang / tshong dus pa la brid de/ glags rnyed pa dang / pha rol 'jig par byed cing / sbyin pa dag mi gtong / bsod nams dag kyang mi byed/ mkhas pa la lhur mi lta/ rtag tu ser snas zil gyis non cing gzhan la 'khu ba'i bsam pas gzhan gyi phun sum tshogs pa mthong nas yid bzhin du sems bshes grogs dang / gnyen 'dab dang / rtsa lag dang mi mthun zhing yul la zhe ba gras pa skye bo thams cad kyi mngon sum du gyur pa de lus dang bral nas ngan 'gro log par ltung ba yi dgas grags lta ba rnams kyi nang du skye bar 'gyur ro/ / lus dang spu rtag tu rab tu 'bar zhing lus bkres pa dang skom pas gdungs la lus shing ljon pa king shu ka 'dra ba/ du skad 'byin/ smre sngags 'don cing / sa phyogs gang na chu yod cig gu/ gzhan gang na bdag gis bza' ba'i kha zas kyi rnam pa cung zad gang yod cig gu snyam nas rgyug par byed do/ / de res 'ga' gal te mi blo zhan pa zhig dang phrad la/ mi de mchod rten skor bar mi byed pa dang / de'i phyi bzhin du 'byung ba'i lha des gtong bar 'gyur la/ de'i tshe mi de'i phyi bzhin 'brang ba'i lha dang bral bar 'gyur te/ yi dag sa glags lta ba des glags rnyed nas rnam par 'tshe bar byed cing / de bzung nas de'i tshe srog 'tsho bar byed do// de bzhin du mi gzhan gang

  594. 298a

    dag bud med dang phrad pa brtsog gi nyes pa'am/ kha zas dang btung ba zos pa'i lhag ma mi gtsang ba'i nyes pa ma bkrus na/ lha yang rnam par 'tshe bar byed la/ yi dgas de nyid kyis srog 'tsho ba 'thob par 'gyur zhing / de'i mgon de yin la skyabs de yin te/ ji srid du sdig pa'i las de bcom zhing spangs la zad par ma byas pa de srid du 'tsho bar 'gyur ro// de phyis yi dgas kyi 'jig rten de las thar par 'gyur te/ thar nas kyang las de dang rgyu 'thun par las la spyod par 'khor ba na yongs su 'khyam mo// de gal te mi rnams dang skal ba mnyam par mir skyes na/ de rtag tu rgyal po dang / chu dang / chom rkun dang / me dang / dgon pa dag gis ma rung bar byed cing / rtag tu dbul ba dang / nad bu can dang / dman par 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na yi dgas sa'i 'og na gnas pa zhes bya ba mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ mi blo gros ngan pa ser snas zil gyis nod pa'i gzhi gang gis btson ra bya ba'i phyir sa rkos pa/ mun nag gi nang du sems can bcings pa gang dag phan tshun blta bar yang mi mthong ste/ de dag du skad 'byin cing ku co

  595. 298b

    'don/ so so nas mgon med la shin tu sdug bsngal ba dag mi ngan pa gang gis btson rar 'jug pa byed pa na/ de las dang bral nas ngan 'gro log par ltung ba yi dgas sa 'og na gnas pa sa gzhi mun pa mun nag gi nang du 'byung bar 'gyur te/ de lus kyi tshad dpag tshad gsum yod la/ kun nas sbrul gdug pas dkris shing / de rlung grang la mi mthun pa rnams kyis shin tu gnod par byed/ lus spu can bkres pa dang skom pas mchog tu gdungs pas du la/ lus skra ring pos khebs pa/ yang dang yang du sdug bsngal rnam pa sna tshogs rnam pa du ma rnams kyis mngon par gdungs shig dgon pa mi bzad par zhugs/ sdug bsngal drag cing mi bzad pa myong bzhin du yongs su rgyug la/ gcig pu zla med cing grogs med pa/ rlung spu gri lta bur bdas pa na/ ji srid du nyes par byas pa'i las bcom zhing spangs la zad par ma byas pa de srid du de myong bar 'gyur ro/ / de phyis de las thar par 'gyur te/ thar nas kyang las de dang rgyu 'thun par las nye bar 'gro ba ji lta ba bzhin du 'khor ba na yongs su 'khyam mo/ / de gal te mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de ri gseb dang / rgya mtsho'i ri dang / nyi ma dang / zla ba med pa'i yul rnams su long bar 'gyur zhing srog 'tsho ba gzhan la rag las pa dang / dbul por 'gyur pa mthong ngo // de nas

  596. 299a

    yang slong las thAg rnam par smin pa shes mnas gas mi 'dzig rten d+hAgs/ ma thagasas byung mas pas pa sa kyi lan / 'phrul che ba zhes bya ba rang bzhin gyis rdzu 'phrul che zhing mthu che ba ji ltar 'dug pa mthong ngo // de las gang gis der skye bar 'gyur snyam nas/ des thos pa las byung ba'i shes pas brtags na sems can ser snas nyams pa gang g.yo thabs dang sgyus sam/ mthus gzhan gyi nor phrogs te/ gzhan dag la byin pa dang / sems dang ldan pa ma yin zhing // zhing bzang po ma yin pa la sbyin tsher ma lta bu dang mtshungs pa'i sbyin pa 'gran pa dang / dbang med pa dang / sba ba dang / spogs dang / ngo chen dang / sten sten pa dang / slar re ba la sogs pa'i sbyin pa tsher ma lta bu dang mtshungs pa dag byin na/ de lus dang bral nas ngan 'gro log par ltung ba yi dgas mthu bo cher 'gyur ro// de der skyes nas yi dgas lus bkres pa dang skom pas gdungs pa rnams kyis yongs su bskor ba/ 'brog dgon pa 'am/ ri zad zed kyi gseb bam/ rgya mtsho'i mtha'i gling dag tu yi dgas rdzu 'phrul chen por 'gyur te/ bdag gcig pu mchog tu bde bar 'gyur ro// gzhan lus tshal shing bsregs pa lta bu dang / lus bkres pa dang skom pas gdungs shing / lus gdungs pa bkren pa'i mig gis lta ba rnams kyis mngon par bskor ba/ bdag gcig pu

  597. 299b

    mchog tu bde bar 'gyur te/ sbyin pa ngan pa de'i 'bras bu bdag gcig pu nye bar spyod do// shin tu sdug bsngal bas 'khrugs shing yongs su bskor ba/ gang gi tshe las de zad par gyur pa de'i tshe/ de de las thar bar 'gyur te/ thar nas kyang las de dang rgyu 'thun par rang gi las kyi 'bras bu la ston pa 'khor ba na'atho ba sna tshogs su skye bar 'gyur ro// de gal te mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de lo nyes byung ba'i yul dag tu rgyal po 'am/ rgyal phran du 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na// des thos pa las byung ba'i shes pas yi dgas kyi 'jig rten na/ yi dgas mtshan mo lus rab tu 'bar ba zhes bya ba ngo bo nyid kyis kyang mtshan mo rab tu 'bar te/ ngu bzhin du grong gi 'dab dang / grong khyer gyi 'dab dang / tshong dus kyi 'dab dang / ri'i gnas rnams su rgyug pa/ shing ljon pa rab tu 'bar ba 'dra zhing lus bkres pa dang skom pas gdungs pa ji ltar 'dug pa mthong ngo // de las gang gis der skye bar 'gyur snyam nas/ des thos pa las byung ba'i shes pas brtags na/ ji ltar phrag dog gis zil gyis non pa/ gang pha rol la gnod par byed pa/ g.yo thabs dang sgyu byed pa/ yul ma rung bar byed pa/ ljongs 'jig par byed pa/ mi gsod pa

  598. 300a

    gnyen 'dab dang / bshes grogs dang / rtsa lag 'jig par byed pa de dag bshig nas kyang rgyal po 'am/ blon po la 'dul bar byed de/ de las yang thabs thob nas de nas yang sdig pa byed pa'i mi yul de dag nyid snga ma bzhin du 'jig par byed la/ sbyin pa dang / tshul khrims dang / thos pa dang bral ba dang / mkhas pa la sdang bar byed cing / gnod par byed delus dang bral nas ngan 'gro log par ltung ba yi dgas mtshan mo lus rab tu 'bar ba rnams kyi nang du skye bar 'gyur ro/ / des ji ltar de dag mtshan mo btson rar bcug ste/ lus la gnod pa bas pa de bzhin du/ las de dang rgyu 'dun par las mi bzad pa des/ de'i lus kyang mtshan mo rab tu 'bar bar 'gyur ro// ji ltar des btson rar bcug nas/ ngu zhing du skad 'byin la/ cho nges 'debs pa de bzhin du/ yi dgas de'i lus mtshan mo rab tu 'bar bar 'gyur te/ de ltar de ji srid du sdig pa'i las de bcom zhing spungs la zad par ma byas pa de srid du las de myong bar 'gyur ro/ / de phyis yi dgas kyi 'jig rten de las thar par 'gyur te/ thar nas kyang las de dang rgyu 'thun par las nye bar 'gro ba ji lta ba bzhin du 'khor ba na yongs su 'khyam mo// de gal te mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de rtag tu gzhan gyis gnod par byas par 'gyur/ nor rdzas bsarba

  599. 300b

    bsags pa'ang rtag tu rgyal po'i 'khor nas kyang 'phrog par byed/ shing ljon pa'i kha nas rtag tu ltung bar 'gyur te/ de lhung nas lus snang bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na/ yi dgas mi rnams kyi bus pa la glags lta ba zhes bya ba bus pa gang btsas ma thag tu 'phrog par byed pa ji ltar 'dug pa mthong ngo / / de las kyi 'bras bu gang gis der skye bar 'gyur snyam nas/ des thos pa las byung ba'i shes pas brtags na/ gang gis sngon gzhan du skyes pa na/ de'i bus pa bsad pa dang / skyes pa 'am/ bud med de sems can de la zhe sdang skyes nas/ 'di ltar bdag gnod sbyin du gyur te/ de dag gi bus pa gsad par bya'o snyam du sems na/ de lus dang bral nas ngan 'gro log par ltung ba yi dgas gzhan la glags lta ba rnams kyi nang du skye bar 'gyur ro// de khro ba de la mngon par zhugs pa'i blos rtag tu de yid la byed par 'gyur te/ gal te bud med de bu btsa' bar 'gyur na/ de'i bus de de la bdag gis glags rnyed nas dbrog par bya'o snyam du sems so/ / yi dgas de mgyogs par skyes te/ ji ltar dpag tshad brgya phrag stong dag na khrag gi dri tshor ba yang der yud tsam gyis phyin par 'gro ste/ de gang gi tshe bud med de btsa' bar 'gyur

  600. 301a

    pa de'i tshe/ yi dgas glags lta ba khon du 'dzin cing dgra'i glags lta ba de chung ngur gyur nas gnas so// de gang gi tshe thams cad du 'tshol te/ glags 'tshol dmigs pa 'tshol/ gsapa gas pa 'tshol/ gzhi 'tshol/ rgyu 'tshol/ nyes pa 'tshol/ spyod pa tha dad pa 'tshol/ bkra shis ma yin pa 'chol/ skar khung gi bu ga 'tshol/ sgo'i bu ga 'tshol/ gzhir 'jug pa 'tshol/ chu migatsang ba 'chol/ gsang sngags la glags 'tshol/ rig sngags la glags 'tshol/ bkra shis la glags 'tshol/ grib ma la glags 'chol/ dngos po la glags 'tshol/ me mdag gi bu ga 'tshol/ sa'i bu ga 'tshol/ mtshon cha'i bu ga 'tshol/ khang pa'i pu shu dang / ngam grog dang / g.yang sa'i bu ga 'tshol te/ de ltar yi dgas snying la khon du 'dzin pa chen po yod pa de grags rnam pa sna tshogs dag tshol lo// de gal te ji skad bstan pa'i glags dag rnyed na de btsa' ba'i khyim na gnas pa nyid 'phrog par byed do/ / gal te ma rnyed na glags rnam pa sna tshogs tshol ba de lo bcu 'das kyi bar du'ang 'phrog par byed do// de ltar snying la khon du 'dzin pa mi dge ba dang 'brel pa/ mi dge ba nyid kun tu spyod bzhin du lus bkres pa dang skom pas gdungs pa des/ gal te nus na de'i bus pa de phrogs nas gsod par byed do// ci ste las kyi dbang ngam/ bsrung ba'i

  601. 301b

    dbang gis ma nus na/ snying la khon du 'dzin pa de 'chi ba'i dus byed de/ de ltar shi nas las nye bar 'gro ba ji lta ba bzhin du las kyi dbang gis 'khor ba na yongs su 'khyam mo// de gal te/ yang brgya la mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ sngon 'brel ba'i dgra de dang rgyu 'thun par de sngar bshad pa'i snying la khon du 'dzin pa des/ rgyu med bzhin du thabs rnam pa sna tshogs kyis rab tu gsod pa'i dgra 'byung bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na yi dgas 'dod pa'i gzugs can zhes bya ba ji ltar 'dug pa mthong ngo / / de las gang gis der skye bar 'gyur snyam nas/ des thos pa las byung ba'i shes pas brtags na/ bud med dam/ ma ning gang bud med kyi cha byad du zhugs shing / de bud med smad 'tshong ma'i cha byad sna tshogs su zhugs nas/ pha rol dag 'dod chags skyed par byed cing / de nas yang 'dod pa nyid la g.yengs nas 'jug par byed la/ bcug nas kyang phrag dog dang ser snas zil gyis gnon pas pha rol las kla nor rdzas dag len par byed do/ / blangs nas kyang res 'ga' zhing ngan pa dang / snod ngan pa dang / yul ngan pa la sbyin pa'i dngos po

  602. 302a

    ngan pa tsher ma lta bu dang ldan pa cung zad tsam sbyin par byed de/ rgyu des de 'chi ba'i dus byas nas yi dgas 'dod pa'i gzugs can rnams kyi nang du skye bar 'gyur ro// der skyes nas kyang de yi dgas kyi gzugs kyi tshul sna tshogs 'dzin te/ tshul bzang ba dang / tshul ngan pa dang / gzugs bzang ba dang / gzugs ngan pa 'am/ sdug pa 'am/ skyes pa'i gzugs sam/ bud med kyi gzugs sam/ dud 'gro'i gzugs dag byed par nus so// de tshul sna tshogs dag bzung nas yul dag tu 'gro bar nus so// de rgyu dang bcas/ rkyen dang bcas par gyur na/ kha zas bza' bar nus so/ / rgyu'i gzugs de shin tu chung bar byas nas khyim du 'jug par byed de/ zhugs nas kha zas de la za bar byed do// khyim na gnas pa de gzhan la bdag cag gi kha zas yi dgas kyis zos so zhes smra'o/ / res 'ga' yang lha 'am/ mi'i tshul du gnas nas dus kyi dga' ston dag gi kha zas la za bar byed do// res 'ga' yang byar sprul nas/ dur 'thor ba'i kha zas dag la za bar byed do/ / res 'ga' yang mi snang bar byas nas 'phrog par byed de/ de ji ltar 'dod pa de bzhin du gzugs rnam pa sna tshogs su byed do// de la 'jig rten dag gnod sbyin ji ltar 'dod pa'i gzugs can zhig yin no zhes brjod do/ / de res 'ga' yang bud med du sprul nas/ grong mi'i chos kyis skyes pa 'dren par byed do// de ltar de tshul sna tshogs bzung nas 'jig rten gru bar

  603. 302b

    byed de/ de ji srid du yi dgas dang ldan pa'i sdig pa'i las de bcom zhing spangs la zad par ma byas pa de srid du de ltar 'jig rten bslus nas yi dgas kyi 'jig rten du skye bar 'gyur ro// de phyis yi dgas kyi 'jig rten de las thar par 'gyur te/ thar nas kyang las de dang rgyu 'thun par rang gis byas pa'i las la spyod pa 'khor ba na yongs su 'khyam mo// de gal te yang brgya la mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes nas/ de bro gar mkhan tshul sna tshogs 'dzin par 'gyur zhing / de bzhin du spyod pa'i tshul gzhan sna tshogs 'dzin par 'gyur te/ de tshul sna tshogs 'dzin pa'i las des 'tsho ba de bzhin du/ bdag nyid 'tsho bar byed de/ bdag gi chung ma gzhan dag la byin nas tshegs chen pos 'tsho ba 'grub par 'gyur ba mthong ngo / / de nas yang dge slong las kyi 'bras bu rnam par smin pa shi ba des yi dgas kyi 'jig rten la brtags na/ des thos pa las byung ba'i shes pas yi dgas rgya mtsho'i gling gi par na gnas pa zhes bya ba ji ltar 'dug pa mthong ngo / / de dag las gang gis der skye bar 'gyur snyam nas/ des thos pa las byung ba'i shes pas brtags na/ dgon par zhugs pa gang 'jigs shing bzhin mog mog por 'gyur/ nad kyis nyam thag ste mgon med cing bshes pa med pa can de la sems can gzhan phrag dog dang ser snas nyams shing mi rigs par chags la brkam pa gang gis

  604. 303a

    zong ngan pas nor rdzas bzang po la rin 'dra bar 'debs shing slu bar byed na/ mi ser snas nyams pa de 'chi ba'i dus byas na/ rgya mtsho dang nye ba'i dgon pa mang po dang shing ljon pa dang / steng ka dang / chu bo dang / tshal dang / nags tshal med pa'i yul dag tu grang ba'i tshe ni brgya 'gyur du grang la/ tsha ba'i tshe ni brgya 'gyur du tsha ste/ lus bkres pa dang skom pas gdungs pa 'am/ zil pa'i thigs pas srog 'tsho ba'i yi dgas su 'gyur ro// rgya mtsho'i chu'ang btung ba mi 'thob la/ de dag gi las ngan par byas pa des rgya mtsho yang thams cad du bskams par 'gyur te/ ri dang / nags tshal dang / rgya mtshor bcas pa de'ang rab tu 'bar ba mthong ngo // de re ba med cing thams cad nas gnod pa lus bkres pa dang skom pas gdungs pa du zhing smre sngags 'don bzhin du gnas nas gnas dag tu rgyug la/ ngu skad 'byin/ smre sngags 'don/ cho nges 'debs kyang de la grogs su 'gyur ba su'ang med de/ de la skyob pa med/ dpung gnyen med do/ / rang gi las kyis sems bslus pa de/ sgras mun pa ltar khebs shing lus kyi yan lag dang / nying lag thams cad rgyus pa'i dra bas sbrel ba lag pa gnyis so sor phral te brgyangs pa dang / ku co 'don pa kun nas mgon 'dod cing / dpung gnyen 'dod kyang de'i mgon du 'gyur ba su'ang med de/ de ltar de ji srid du sdig pa'i las de bcom zhing spangs la zad par

  605. 303b

    ma byas pa de nyid du 'tsho bar 'gyur ro/ / de phyis yi dgas kyi 'jig rten de las thar par 'gyur te/ thar nas kyang las de dang rgyu 'thun par gal te mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de de bzhin du gling gi bar na gnas pa'i mir 'gyur te/ gling chu chung ba der rkang pa gcig pa 'am/ lus thung bar 'gyur ba mthong de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na/ yi dgas gshin rje'i chad pa zhes bya ba ji ltar 'dug pa mthong ngo // de las gang gis skye bar 'gyur snyam nas/ de thos pa las byung ba'i shes pas brtags na/ mi gang phrag dog dang ser snas nyams shing rgyal po'i mi'i gnas byed pa/ sems drag shul can snying rje med pa/ chos kyi tshul btang ba/ 'jig rten thams cad kyis smad pa de lus dang bral nas ngan 'gro log par ltung ba yi/ dgas kyi yul na yi dgas gshin rje'i chad pa zhes bya bar 'gyur te/ gang mi'i 'jig rten na mi nyes par byas pa'i las kyis gshin rje'i sgo ba nyams par 'gyur ro// de'i nyes par byas pa'i las kyis gshin rje'i mi nye bar 'dug ste/ shin tu sngangs par byed cing cha byad bsgyur ba 'chang ba/ lus bsgyur ba/ lag tu mtshon cha thogs pa/ lus skas mun pa ltar khebs pa/ mchu dang lto 'phyang ba/

  606. 304a

    rna ba 'phyang ba/ ha ha'i sgra dang / mtshon cha 'debs pa rnams kyis mi de la 'jigs par byed do// de dag gis mi de mthong nas phyis lag pa bcing bas bcings te/ gshin/ rje'i 'jig rten gshin rje'i drung du khrid do// 'di ltar de lha dang mi'i 'jig rten nas yi dgas kyi yul du khrid de/ lus kyis nyes par spyad pa dang / ngag gis nyes par spyad pa dang / yid kyis nyes par spyad pa dang ldan pa de la lhas rjes su bstan par gsol zhes smras so/ / de nas gshin rje'i rgyal po chen pos mi de la 'di ltar rjes su bstan pa/ mkhas pa rang gi las kyis su// mi dag tu ni khyod skyes nas// rin chen gling du khyod bslus pa// ci yi phyir na chos ma spyad// bde ba las la rag las mthong // yid ni de bzhin bde rag las// 'chi dang skye ba rnams spyad/ pa// chos ni yid dang rjes su 'brel// 'du byed thams cad mi rtag ste// chu yi chu bur lta bu yin// 'jig rten 'di dang pha rol tu// de ltar legs pa'i las sprad do// gang zhig rtag tu dge byed// pa/ kun tu mi dge yong mi byed// de ni ngar lta lam mi 'dod// mtho ris skas la kun tu gnas// byis pa gang dag sems med pa// rtag tu nyes par spyad pa dga'// sdig pa nges par rnam spangs pa/ 'gro ba bzang por 'gro bar 'gyur// 'jig rten las kyi 'bras bu mthong // lha la rnam pa sna tshogs mthong // gang zhig bag med shin tu rtsub// de dag nges par 'phags mi byed//

  607. 304b

    gang gi don du lus dang ngag/ yid kyis mang du sdig byas pa// de dag thams cad gzhan du dong // gnas 'dir khyod ni gcig pu 'dug/ mi ni rnyed dka' thob nas su// gang zhig sdig pa mang byed pa/ / shin tu slu ba mi bzad de// ngan 'gror nges par 'gro ba yin// gang zhig sdig las bral ba ni// shin tu dge la dga' 'gyur te// de ni bde las bde 'thob cing // mya ngan 'das par rab tu 'gro/ / gang zhig dge la nyer bstan pa// mi ni shin tu bkra shis 'gyur// gang zhig sdig la nyer bsten pa// de ni shin tu bkra mi shis// thog ma bar dang mthar ngan pa/ / dam pas de ni rnam par smad// sdig pa sdig par 'gro ba mthong // sems can dmyal ba nye bar rtog/ las dge dbang po thul ba ni// 'jig rten dag na shin tu bzang // lus dang bral nas bde 'gro ste// lha yi 'jig rten skye bar 'gyur// khyod ni bcing ba dam pos bcings// gshin rje'i pho nyas dbang du byas// gshin rje'i 'jig rten rten dga' ba// drag po mi bzang khyod kyis thob// khyod kyis ngan byas gang byas pa'i// las de 'dir ni spyad par gyis// byis pa rang gis byas la spyad// gzhan gyi spyod pa nyid mi 'gyur// de ltar de gshin rjes rjes su bstan pa na/ gshin rje'i chad pa de dag mngon sum du gyur to// de nas de bstan nas// gshin rje'i mis nyes par byed pa byas pa// rang gi las kyi 'bras bus bsdus

  608. 305a

    pa de phyir byung nas nye bar 'gro ba ji lta ba bzhin du khrid de/ ji srid du sdig pa'i las byas shing bsags pa de bcom zhing spangs la zad par ma byas pa de srid du zas rlung la za bar byed do/ / de phyis yi dgas kyi 'jig rten de las thar par 'gyur te/ thar nas kyang gal te mi rnams dang skal ba mnyam par mir skyes na/ las de dang rgyu 'thun par ri nyam dang / dang chu mi bde ba'i 'gram du gnas te/ lam du 'gro ba skyed par 'gyur ba mthong ngo // de nas yang rnal 'byor spyod pa nang gi chos la chos kyi rjes su lta zhing gnas pa dge sroslong de sa gzhan bcu bzhi pa la ji ltar 'jug snyam nas/ des thos pa las byung ba'i shes pas sam/ lha'i mig gis gzugs kyi skye mched bcu mthong ste/ 'di lta ste/ mig gi skye mched dang gzugs kyi skye mched dang / rna ba'i skye mched dang / sgra'i skye mched dang / sna'i skye mched dang / dri'i skye mched dang / lce'i skye mched dang / ro'i skye mched dang / lus kyi skye mched dang / reg byabya'i skye mched do/ / de 'di snyam du sems te/ mig dang gzugs la brten nas bdag gi 'du shes 'byung ngo snyam ste/ des brtags na/ mig dang gzugs la brten nas mig gi rnam par shes pa skye ste/ gsum 'dus pa la reg pa/ reg pa dang lhan cig skyes pa tshor ba dang / 'du shes dang / sems pa dang / rnam par shes pa 'byung ste/ reg par byed pas reg pa/ tshor bar byed

  609. 305b

    pas tshor ba/ shes par byed pas 'du shes te/ 'di ltar gzugs 'di ni ring ngo // thung ngo // sdug go/ mi sdug go/ bstan du yod pa'o// thogs pa dang bcas pa'o snyam pa'o// sems par byed pas sems pa'o/ / yang rnam par shes par byed pas rnam par shes pa ste/ chos de dag dmigs pa gcig la 'jug cing 'byung bar 'gyur te/ mtshan nyid gzhan dang gzhan/ ngo bo nyid gzhan dang gzhan yin no/ / 'di ltar sa chen po'i chos bcu ni/ tshor ba dang / 'du shes dang / sems pa dang / reg pa dang / yid la byed pa dang / 'dun pa dang / mos pa dang / dran pa dang / ting nge 'dzin dang / shes rab ste/ de ltar dmigs pa gcig la mtshan nyid gzhan du 'dod/ rnam par shes pa la sogs pa chos bcu gcig po de dag kyang ji ltar nyi ma'i 'od zer gcig tu 'du yang / 'on kyang ngo bo nyid gzhan pa bzhin du rnam par shes pa'i ngo bo nyid gzhan pa nas/ sems pa'i bar du gzhan no snyam ste/ dge slong gzugs kyi skye mched kyi de kho na nyid shes pa des/ mig gsog dang / gso ba dang / snying po med pa dang / yang dag pa ma yin par mthong ngo // phyogs bcur lam gyi de nyid shes shing log par lta ba spangs pa yang dag pa'i lta ba sngon du 'dren pas mig gi rnam pa gti mug gi rnyog par gyur pa spong ste/ de kho na nyid mthong bas des sha'i gong bur byas pa/ rnag nyung ngu dang mchi ma mang ba'i gnas yin no snyam du rig nas

  610. 306a

    de la 'dod chags skye ba rab tu spong ngo / / mi rtag pa yin no snyam nas/ mi rtag par lta bar byed/ sha'i gong bu dang rus pa'i bu ga'i rnam pa yin no snyam nas/ 'dod chags dang bral bar byed/ rgyus pas sbrel ba yin no snyam nas/ mig gi skye mched phan tshun rag las pa 'di la rtog ste/ 'di la snying po med cing bdag med par rig go// mdor na mig 'di ni sdug bsngal yin no bar shes shing mthong nas/ mig gi skye mched kyi 'dod chags dang bral lo// de mig gi skye mched ji lta ba bzhin rtogs nas/ gzugs la'ang rnam par dpyod par byed de/ gzugs gang sdug pa dang / mi sdug pa dang / lung du ma bstan pa 'di ni kun tu rtog pa tsam ste/ 'di la snying po ci yod/ gtsang ba ci yod/ rtag pa ci yod/ mi rtag pa ci yod ces lta ba na rnam par rtog cing dpyod par byed do/ / dpyod pa na so so yang dag par rig par byed de/ gzugs 'di la ngo bo nyid kyis bde ba med pa des gzugs mthong zhing shes la rtog pa 'thob po// gzugs 'di la snying po med de/ gzugs sdug pa dang mi sdug pa 'di ni kun tu btags pa tsam mo// 'di la sdug pa dang mi sdug pa'i ngo bo med de/ 'jig rten 'di 'ba' zhig sdug pa dang mi sdug par 'dod do// gzugs 'di ni ngo bo nyid kyis rtag pa 'am/ brtan pa 'am/ ther zug pa 'am/ bde ba 'am/ snying po 'am/ bdag dang bcas pa ma yin te/ 'dod chags dang / zhe sdang dang / gti mug gis

  611. 306b

    bsgrigs pa ni gzugs sdug go/ / mi sdug go snyam du sems so snyam nas/ de gzugs kyi skye mched yang dag par brtags te/ mig dang gzugs mthong nas chags par mi byed/ rmongs par mi byed/ snying po yod par mi sems so// mig dang gzugs kyi skye mched la mngon par brtags nas/ mig gi rnam par shes pa la chags par mi byed cing 'dod chags dang bral bar byed do// mig gi rnam par shes pa bdag ma yin/ mig gi rnam par shes pa bdag gi ma yin te/ de bzhin du reg pa dang / tshor ba dang / 'du shes dang / sems pa bdag ma yin/ sems pa bdag gi ma yin no/ par rig go// de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na yi dag sa byis pa la za ba zhes bya ba ji ltar 'dug pa mthong ngo / / de las gang gis der skye bar 'gyur snyam nas/ des thos pa las byung ba'i shes pas brtags na/ nad pa rnams kyi lha mchod pa 'am/ gnod sbyin mchod pa'i phyir las mi bzad pa drag po gang gis gzhan dag bslus nas nor rdzas phrogs sam/ lug bsad na/ de lus dang bral nas ngan 'gro log par ltung ba sems can dmyal ba yang sos su skye bar 'gyur ro/ / de nas thar nas kyang yi dgas byis pa la za ba'i nang du skye bar 'gyur la/ gang srog gcod pa gzhan zhig gal te mi'i so so yang

  612. 307a

    dag par myong bar 'gyur ba'i las kyis mi'i skye gnas su skyes/ de srog gcod pa mang du byas pa ji lta ba bzhin du yi dgas de gsod par byed de/ de mngal na gnas pa na gsod pa 'am/ de btsas pa'i khyim du gsod pa 'am/ de gog thal thul na gsod pa 'am/ de phud pu bcas pa na gsod pa 'am/ de yongs su rgyug pa na gsod par byed de/ de ltar yi dgas des rim gyis bus pa de gsod par byed do/ / de gang gi tshe nyes par byas pa'i las des yi dgas de glags 'tshol te/ glags rnyed nas bus pa de la za bar byed do// 'dir tshigs su bcad pa/ kha cig mngal te de bzhin du// gzhan ni btsas pa'i khyim dang gzhan/ de bzhin gog ni thal thul dang / yongs su rgyug na 'chi bar 'gyur// de ltar skom pa dang bkres pas gdungs pa'i lus de rang gis nyes par byas pa'i las myong bar 'gyur te/ 'di ltar byis pa'i srog 'tsho bar 'gyur ba na/ nyes par byas pa las nyes par byas pa nye bar sgrub cing de ltar byis pa la za ba'i yi dgas de nyes par byas pa las/ shin tu nyes par byas pa'i las gzhan rgyun mi 'chad pa na yi dgas kyi 'jig rten de myong bar 'gyur te/ de ltar de ji srid du de'i sdig bapa'i las byas shing bsags pa bcom zhing spangs la zad par ma byas pa de srid du yi dgas kyi 'jig rten der skye bar 'gyur ro/ / gal te mi rnams dang skal ba mnyam par mir skyes na

  613. 307b

    las de dang rgyu 'thun par de'i dus pa rim mo byas snang 'tsho bar mi 'gyur ro/ / 'dir tshigs su bcud pa/ nyes par byas pa'i las 'brel pas/ nyes par byas pa'i 'brag bur brjod/ de bzhin legs byas 'bras bu ni// rnam par smin pa bde bar mthong // las kyi thag pa ring po yis// byis pa dam du bcings pa'i rnams// mya ngan 'das pa'i grong mchog tu// 'gro bar mi 'gyur thar par dka'// ye shes mtshon gyis de bcad nas// gang du de ni mi 'jug cing // nges par 'khor ba'i rims nad bral// dam pa mya ngan 'das par 'gro// ji ltar nya dag rgyas bcus na/ / bde bar yongs su 'byung du rung // de ltar sems can sred bcings pa// 'chi bdag gis ni nye bar 'dren// dug dang bcas pa'i mdas phog pa'i// ri dgas gang dang gar 'gro ba/ / de dang der ni dug 'gro ste// de bzhin mi dug sred pa yin// 'gro ba 'gro bar rjes 'greng ba// sred pa dug 'dra spang bar gyis// shing skam me yis sreg pa ltar// byis/ pa rnams la de yis sreg/ re zhig dga' ste shes par dka'// rnam par smin pa me dang 'dra// gal te bde ba nyid 'dod na// sred pa de las thar par gyis// ji ltar mchil pas zin pa yi/ / ha ni 'chi ba'i dbang du 'gro// de ltar sred pas zin pa yi// mi rnams yi dgas dbang du 'gro// yi dgas yul du yi dgas gang // sdug bsngal ba dag yongs su rgyug/ dmyal

  614. 308a

    bar sems can dmyal ba rnams/ / de dag sred pa chen pos spyod// mi gang nyon mongs nor bral zhing // gzhan gyi drin gyis 'tsho ba yi// phal pa de ni sred pa yis/ skyod ces thub pa rab tu gsung // de ltar dge slong des ser sna dug lta bu kun nas bskyod pa de dpyad nas/ yang 'khor ba las yid 'byung bar byed do// de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na/ yi dgas mdangs za ba zhes bya ba ji ltar 'dug pa mthong ngo / / de las gang gis der skye bar 'gyur snyam nas/ des thos pa las byung ba'i shes pas brtags na/ dgra mdza' bo ltar bcos pa ngo gnyis po gang gis 'di ltar khyod g.yul 'gyed par zhugs shika dang / khyod kyi phyi bzhin bdag gis yang dag par bsrung bar bya'o zhes yongs su bslus nas/ de gzi byin dang mthu nyid skyes so// skyes nas g.yul 'gyed par zhugs pa dang yongs su gtong bar byed cing / 'di ltar de 'dir gzung na de'i nor gang yin pa de dag rgyal po'i 'khor du gsol te bdag gir bya'o snyam nas mi bslus pa de des gsod na/ spu slub de lus dang bral nas ngan 'gro log par ltung ba yi dgas mdangs za ba rnams kyi nang du skye bar 'gyur te/ de lus bkres pa dang skom pas shin tu gdungs shing / lus mtshon gyis rtag tu gshog la/ lus kyi

  615. 308b

    pakas pa dang / sha dang / rus pa rnam par nyams pa mtshon cha 'bab pa rnams kyi phyogs su 'gro ba na gar bab bab tu 'bros so// de rnam pa gzhan du 'bros pa na/ mi mi gtsang ba gang gzhan nam/ mchod rten skor bar mi byed pa de'i glags yi dgas des rnyed nas de'i gzi brjid 'phrog par byed de/ des gal te lo bcu 'am/ gal te lo nyi shur de 'tsho bar byed de/ de ltar shin tu sdug bsngal bar 'gyur te/ ji srid de'i sdig pa'i las byas shing bsags pa nges par myong bar 'gyur ba'i las kyi nyer bsdogs dang / las kyi dngos gzhi dang / las kyi mjug dang yang dag par ldan pa bcom zhing spangs la zad par ma byas pa de srid du rang gi las kyi 'bras bu la spyod pa/ rang gis byas pa la za ba/ rang gi las skye ba'i rgyun shin tu 'khor ro// de phyis yi dgas kyi 'jig rten de las thar par gyur te/ thar nas kyang gal te lan grangs gzhan la myong bar 'gyur ba'i las kyis mi rnams kyi nang du skyes na/ las de dang rgyu 'thun par de lha rten gyi sar 'tsho ba dang / rtog ge ba dang / tshogs chen pos 'tsho ba dang / gzhan la rag las pas 'tsho bar 'gyur ba mthong ngo // // dam pa'i chos dran pa nye bar gzhag pa bam po nyi shu pa/ / de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi

  616. 309a

    yul na/ yi dgas tshangs pa'i srin po zhes bya ba ji ltar 'dug pa mthong ngo // de las gang gis der skye bar 'gyur snyam nas/ des thos pa las byung ba'i shes pas brtags na/ mchod sbyin ngan par byed pa gang gis srog gcod pa dang yang dag par ldan pa/ shin tu bzod par dka' ba'i mchod sbyin byas pa dang / zas dang skom so sor khe spogs byed pa dang / rin chung ngus nyos la rin chen por 'tshong ba dang / phrag dog dang ser snas nyams pa de lus dang bral nas ngan 'gro log par ltung ba yi dgas kyi 'jig rten na lus bkres pa dang skom pas gdungs pa tshangs pa'i srin por 'gyur ro/ / de ltar de mi'i gzugs kyis yongs su rgyug cing sems can rnams la nye bar 'tshe bar byed de/ de sum mdo'am bzhi mdo dben par 'dug go// 'dug nas kyang glagrags lnga/ de mi rnams la nye bar 'tshe bar byed do// phal cher bram ze 'dra bar 'gyur la/ de nas mi snang bar 'gyur zhing / yang mi rnams la nye bar 'tshe bar byed de/ yi dgas la sems pa dag na re/ 'di ltar de ni gdon gyis zin to zhes 'jig rten pa de dag brjod do// de ltar de sdig pa dang 'brel cing / sdig byed la lus bkres pa dang skom pas gdungs pa yin te/ de ltar tshangs pa'i srin po de ji srid du de'i sdig pa'i las byas shing bsags pa phrag dog dang / ser sna dang yang dag par ldan pa bcom zhing spangs la zad par ma byas pa de srid du yi dgas kyi yul

  617. 309b

    de na gnas par byed do/ / de phyi sa yi dgas kyi 'jig rten de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis mir skyes na/ las de dang rgyu 'thun par de mi la za ba 'am/ de mkha' 'gro ma mi'i khrag 'thung bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na/ yi dgas me'i khung bur za ba zhes bya ba ji ltar 'dug pa mthong ngo // de las gang gis der skye bar 'gyur snyam nas/ des thos pa las byung ba'i shes pas brtags na/ phrag dog dang ser snas nyams pa/ dge ba'i bshes gnyen lta bur bcos nas dge 'dun gyi zas skom zos na/ de lus dang bral nas ngan 'gro log par ltung ba sems can dmyal bar skye bar 'gyur ro/ / de nas shi nas yi dgas me'i khung bur za ba rnams kyi nang du skye bar 'gyur ro// der skyes nas kyang lus tshal shing bsreg pa 'dra zhing / lus dkris pa dang skom pas gdungs la/ rang gi las kyis yongs su bslus pa gcig pu thams cad du rgyug pa na/ de'i srog gi 'tsho ba 'di ltar 'gyur te/ gang gi tshe me'i nang du gzhan 'ga' zhig ltung na phyed tshig par 'gyur te/ de me dang 'dra zhing me'i char lta bu la za'o// de me'i khung bu de dang 'dra ste/ bkres pa dang skom pas gdungs pa

  618. 310a

    de'ang me des nyis 'gyur du sreg go/ / de sreg pa na gang mi dge ba'i las des byas shing bsags pa nges par myong bar 'gyur ba'i las kyi mthus du skad 'byin cing ku tsa 'don to/ / de der ji srid du de'i sdig pa'i las byas shing bsags pa bcom zhing spangs la zad par ma byas pa de srid du sdug bsngal myong zhing nye bar spyod par 'gyur ro// de las zad de de las thar nas gal te mi rnams dang so so yang dag par myong bar 'gyur ba'i las kyis mir skyes na/ las de dang rgyu 'thun par de dbul zhing nad bu can du 'gyur la/ mes bsreg pa'i khung bur sreg par 'gyur ba mthong ngo / / de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas gang gis ser sna kun tu bsten cing bsgoms te mang du byas pa'i las kyi dngos gzhi dang / las kyi mjug yang dag par blangs pa de lus dang bral nas ngan 'gro log par ltung ba yi dgas kyi 'jig rten srang mi gtsang ba rnams su skye bar 'gyur ba mthong ste/ yi dgas de las gang gis skye bar 'gyur snyam nas/ des thos pa las byung ba'i shes pas brtags na/ dge 'dun gyi rim gro byed pa/ phrag dog dang ser snas nyams pa gang gis bza' ba dang bca' ba la sogs pa zhim po dag la yang dag par spyod par byed cing / tshangs par spyod pa dang ldan pa gtsang ba rnam/

  619. 310b

    la kha zas ngan pa sbyin par byed na/ de srung mi gtsang bar yi dgas gnas pa rnams kyi nang du skye bar 'gyur ro// der skyes nas kyang nyin par lus ltar mi mthong zhing / mtshan mo mthong ba nyid du 'gyur ro/ / de dag gang grong ngam/ grong khyer ram/ ri brag gam// 'tsho skyong gi gnas sam/ bya rog gi gnas sam/ gsher sa na gnas pa kun gyi bshang ba dang / gci ba'i sa dang gcig tu nyal nyil dang / ldan ljin gyi sa dang / phyi sa bsags par gyur pa 'am/ kun nas srin bus khebs shing dri nga ba shin tu 'jigs pa/ skye bo kun gyis mthong ma thag tu skyug dro bar 'gyur ba/ srin bu yun ring du gnas pa/ myags pa des dge 'dun gyi kha zas zhim po za bar byed pa yi dgas su skye bar 'gyur ro// shin tu sdug bsngal ba dag der skyes nas kyang gang las kyis byas pa'i gshin rje'i mi rnams kyis ral gri rab tu 'bar ba thogs pa de dag las/ mi gtsang ba de dus thams cad du bza' bar mi 'thob bo// gal te zla ba phyed na 'thob cing / gal te zla ba gcig na 'thob pa gang yin bde'ang tshim par mi 'thob cing / zos nas kyang skyug par 'gyur te/ lus bkres pa dang sgom pas gdungs pa de dag 'di ltar du skad 'byin cing cho nges 'debs/ phan tshun rgyug cing sme sngags 'don te/ sa bon mi gtsang gyur pa las// shin tu mi bzang yongs su 'gyur// sdig pa'i las kyi 'bras bu ni// rgyu dang 'dra bar mthong ba yin// sdig pas drangs pa'i skye bo ni/

  620. 311a

    mchil pas log par drangs pa bzhin// mchil las nya ni thar srid kyi// sdig las sdig pa mi thar ro// sdig pa'i thag pa mi bzad pas// glo bur du ni 'dren pa na// yidapra gnas su 'dren byed de/ / bkres dang skom pa chen pos bsgribs// bkres dang skom las byung ba'i mes// mi bzad gdungs par 'gyur ba ltar// me dang mtshon dang dug rnams kyi// de ltar mi bzad gdungs mi 'gyur/ / gang du bde ba chung gyur pa// skad cig med cing zang cig med// yud tsam med cing mtshan mo med// rtag tu bdag ni sdug bsngal bsgribs// sdug bsngal gyi ni rgyu bsten pas/ / sdug bsngal las ni sdug bsngal thob// sdug bsngal las ni nam grol te// bdag la bde bar 'byung bar 'gyur// gang du bdag ni rgyug pa der// 'bab chu'i dong dang chu mi mngon/ / lteng ka rnams kyang bskams gyur cing // chu bo dag kyang med par 'gyur// bdag ni rtag tu chu 'dod nas// sa la yongs su rgyug pa na// brag dang nags tshal stug por bcas// chu bo de dag bskams par gyur// bdag gi lus ni bsregs pa ste// bkres dang skom pa'i me yis gdungs// lhag par skyabs su 'gro med de// nyon mongs shin tu mi bzad 'ongs// de ltar rang gi las kyi 'bras bus bslus pa'i yi dgas de ji srid du sdig pa'i las byas shing bsags pa bcom zhing spangs la zad par ma byas pa de srid du du skad 'byin cing smre sngags 'don to//

  621. 311b

    dpyis yi dgas kyi 'jig rten de las par bar 'gyur te/ bar nas kyang gal te lan grangs gzhan la myong bar 'gyur ba'i las kyis mir skyes na/ las de dang rgyu 'thun par gal te bud med dam/ de bud med smad 'tshong mar 'gyur ro// gal te skyes par gyur na de grong khyer gyi ldan ljin 'phyag pa 'am/ bud med kyi cha byad du zhugs nas des nye bar 'tsho bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi gnas na yi dgas gzhan gang zhig skye bar 'gyur snyam nas/ yi dgas kyi 'jig rten la brtags na des thos pa las byung ba'i shes pas yi dgas kyi yul na yi dgas rlung za ba zhes bya ba ji ltar 'dug pa mthong ngo / / de las gang gis der skye bar 'gyur snyam nas/ des thos pa las byung ba'i shes pas brtags na/ sto bo che lto 'ba' zhig sems pa gang gis dge sbyong dang / bram ze dang / nyon mongs pa dang / sdug bsngal ba dag la nyi ma 'ga' tsam gyi zas sbyin par khas blangs te// dam bcas nas brdzun byas la/ de dag kyang nye'i nyin par bkres pa dang skom pas shin tu gdungs par gyur nas rlung bsil bas reg par gnas na/ brdzun zer zer ba de lus dang bral nas ngan 'gro log par ltung ba yi dgas rlung za ba rnams kyi nang du skye bar 'gyur ro/ / der skyes nas kyang de nas de yongs su rgyug pa na/ de'i kha zas med cing re ba med la gnas med de/ mgon med

  622. 312a

    par rang gi sems kyis yongs su bslus pa de'i mig gi yul du gang yang sos la sogs pa'i rdzas bza' ba dang / btung ba dang / gnas khang dang / kun dga' rab nyams dga' ba mang po dag rgyang ring po nas mthong ste/ bza' ba dang btung ba'i don du der rgyug go// de der rgyug pa na ngal dub pas bkres pa dang skom pa nyis 'gyur du 'gyur te/ de la gdong par byed do/ / de'i kha ga dngas par rlung 'jug ste/ de rlung de 'ba' zhig kha'i nang du song bas/ bkres pa gang sel bar byed cing / gang gis lus mi gtsang ba de 'dzin par byed do// de'i bza' ba dang btung ba de dag kyang / ri dgas skom pas phyin ci log tu mthong ba ltar gso ba dang / gsog dang / snying po med pa dang / mgal me'i 'khor lo dang 'dra bar snang ba kho na tsam du zad de/ ji ltar des sbyin pa snying po med pa gsog byin pa de bzhin du gsog rjes su mthong ngo // 'dir tshigs su bcad pa/ rgyu dang 'thun par 'bras bu zhes// blo gros ldan pa de skad gsung // rgyu dang mi mthun 'bras bu ni/ / lus can rnams la smin mi 'gyur// skye ba lug rgyud mang po yi// rgyu dang rkyen gyis shin tu 'brel// 'khor bar gang gis spel ba yi// lus can 'grol bar mi 'gyur ro// tu sprul pa dam po dag/ mchog tu mi bzad de bkrol nas// gang la sdug bsngal mi gnas pa// zhi ba mchog tu 'gro bar 'gyur// der rgyu dang 'thun pa'i 'bras bu la nye bar spyod cing rgyug pa na/ sems

  623. 312b

    bslus pa de ji srid du de'i sdig pa'i las byas shing bsags pa so so yang dag par myong bar 'gyur ba'i las bcom zhing spangs la zad par ma byas pa de srid du rlung 'ba' zhig za ba'i lus bdag nyid/ 'dzin par byed do/ / de phyis yi dgas kyi 'jig rten de las thar par 'gyur te/ thar nas kyang gal te lan grangs gzhan la myong bar 'gyur ba'i las mi yis so so yang dag par myong bar 'gyur ba'i las kyis mir skyes na/ las de dang rgyu 'thun par de rtag tu dbul por 'gyur/ gang de la shes bzhin du nor dang / bza' ba dang / btung ba dang / ston mo dang / gnas dang / chu dag med par 'gyur zhing / sbyin par mi byed la yid mi gcugs par 'gyur/ kha zas med par byas/ med par byas pa'i sems ni re ba la dga' zhing re ba med pa la yang dga' ste/ mngon par nyams pa'i lus shin tu sdug bsngal pas 'tsho bar mthong ngo / / 'dir tshigs su bcad pa// 'dir ni sdig pa'i bag chags kyis// thams cad du ni sdug bsngal byed// lus can rnams dang mi mthun pa// mi gtsang ba yi dri bzhin no/ / yun ring ngan 'gro bcom pa yi// dge ba'i bag chags dga' byed de// me tog nyams kyang til dag la// bag chags snang ba ji bzhin no// de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na/ yi dgas ma dag ma za ba zhes bya ba ji ltar

  624. 313a

    'dug pa mthong ngo / / de las gang gis der skye bar 'gyur snyam nas/ des thos pa las byung ba'i shes pas brtags na/ zhal che bar bskos pa phrag dog dang ser snas 'jung/ pa gang gis gzung bar bya ba nyes pa med pa dag bzung nas bcings te/ bkres pa dang skom pas yongs su gnod par byas la/ de'ang bzung ba'i sdug bsngal gyis nyam thag par byas shing / shin tu gnod par byas pa re ba me la bkres pa dang skom pas gdungs nas thal ba za la/ de'i las kyi rnam par smin pas gzhi de las shi bar ma gyur na/ zhal che bar bskos pa'i mi de sdig pa'i las de'i mthus lus dang bral nas ngan 'gro log par ltung ba yi dgas ma dag ma za ba rnams kyi nang du skye bar 'gyur ro/ / las mi bzad pa da ltar bde la/ rnam par smin pa sdug bsngal mi 'dod pa/ mi sdug pa/ yid du mi 'ong ba/ dug nag po lta bu dang 'dres pa'i mthus de rtag tu dur khrod kyi mdag ma za yang / mdag ma des tshim par mi 'gyur ro// de ma dag ma'i zas des lus kyi me shin tu che ba cung zad zhi bar byed de/ me la chus bsad pa bzhin no// de lta bas na dug nag po lta bu dang / shin tu rtse rtse bas cho ga ste/ nag po dang 'dres pa spangs na 'dod chags dang bral bar 'gyur ro/ / gang byis pa nag po'i dbang du song ba dag ni me'i sdug bsngal bsil bar gyur kyang / sdug bsngal ni me gzhan gyis dpe bya bar nus pa gang yang med do// de ltar ji srid du de'i

  625. 313b

    sdig pa'i las so so yang dag par myong bar 'gyur ba bcom zhing spangs la zad par ma byas pa de srid du yi dgas kyi yul de na gnas so/ / de phyis yi dgas kyi yul de las thar par 'gyur te/ thar nas kyang mi dang so so yang dag par myong bar 'gyur ba'i las kyis mir skyes na/ las de dang rgyu 'thun par de ri bor gang du lo nyos byung zhing gsog za ba rnams kyi nang du skye bar 'gyur la/ res 'ga' yang kha zas zhim por mi 'gyur zhing / rtag tu kha zas lan tshwa med par 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pa des yi dgas kyi yul na yi dgas dug za ba zhes bya ba rang bzhin gyis dug za ba ji ltar 'dug pa mthong ngo // de las gang gis der skye bar 'gyur snyam nas/ des thos pa las byung ba'i shes pas brtags na/ ser rnas nyams pa gang gis nor rdzas kyi phyir pha rol dag la dug blud la/ de'ang shin tu dug ldung ldud pa lus dang bral nas ngan 'gro log par lhung ba sems can dmyal ba yang sos su skye bar 'gyur ro/ / de nas thar nas yi dgas dug za ba rnams kyi nang du skye bar 'gyur te/ ri 'bigs byed kyi ri srul dang / ri yongs 'du'i ri sul dang / ri kha ba can gyi rtse mo dang / ri ma la ya'i gseb gang yin pa de dag dang / ri'i rtse mo dug mang zhing chu med pa dang / sbrul gnas pa'i

  626. 314a

    dgon pa dang / grang lpags che ba'i dgon pa dog cing shin tu 'jigs pa dang / shing ljon pa yal ga 'phyang ba med pa dang / rdo ngan pa 'ba' zhig yod pa dang / seng ge dang stag gis gsod pa shin tu 'jigs pa gang yin pa de dag tu skye bar 'gyur ro/ / der skyes nas kyang grang ba'i dus su grang ba brgya 'gyur myong bar 'gyur la/ tsha ba'i dus su tsha ba brgya 'gyur myong bar 'gyur ro/ / las byas pa tsha ba'i dus su zhag lngar me'i char pa lus rnams la 'bab cing / grang ba'i dus su zhag lngar lhags pa char pa lta bur 'bab bo// nyes par byas pa'i las des me mdag de dag dang / mi dga' ba dgon pa lta bu de dag gi nang na lus bkres pa dang skom pas gdungs pa dag tu ku co 'don/ ngu skad 'byin/ cho nges 'debs/ smre sngags 'don te/ lus bkres pa dang skom pas gdungs pa dag la/ dug gi reg pa lcags kyi thu lum rab tu 'bar ba lta bu gang yin pa de dag med par byed do// ming ma thag tu shi'o// de nas yang nyes par byas pa'i las des skye pabar 'gyur te/ skyes nas kyang bkres pa dang skom pa de sdug bsngal nyis 'gyur bar lhag par myong bar 'gyur ro// de ltar de du skad 'byin pa na/ bya'i mchu rnon pos kyang de'i mig phyung nas za bar byed de/ de phyir zhing sdug bsngal gyis nyam thag nas du skad 'byin/ ku co 'don/ cho nges 'debs so// mig phyung ba de dag skye bar 'gyur la/ de nas yang 'byin par byed de/ de ltar de ji srid du de'i sdig

  627. 314b

    pa'i las byas shing bsags pa so so yang yang dag par myong bar 'gyur ba bcom zhing spangs la zad par ma byas pa de srid du sdug bsngal myong bar 'gyur ro/ / de phyis yi dgas kyi 'jig rten las thar par 'gyur te/ tha ra nas kyang gal te lan grangs gzhan la myong bar 'gyur ba'i las kyis mir skyes na/ las de dang rgyu 'thun par de lam po che dang bzhi mdor 'tsho bar 'gyur/ dug ldud ldud pa'i las kyi lhag ma des yang de'i srog chad par 'gyur ba mthong ngo / / de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas brtags na/ des thos pa las byung ba'i shes pas yi dgas kyi yul na yi dgas dgon pa na 'dug pa zhes bya ba ji ltar 'dug pa mthong ngo // de las gang gis der skye bar 'gyur snyam nas/ des thos pa las byung ba'i shes pas brtags na/ chom rkun pa gang gis 'brog dang / dgon pa chen po dang / chu med pa dang / shin tu dog pa dang / nyi ma'i 'od kyis kun tu tsha ba dag tu lteng ka/ dang nags tshal dag gi lam byas nas/ chom rkun pa de dag gis lteng ka de dag 'dzag par byed de/ 'di ltar bdag cag gi 'dir 'gron po 'ongs te/ skom gyis gdungs shing mthu chung ba dag nor rdzas kyi phyir gsad par bya'o snyam nas/ de dag phrag dog dang ser snas nyams shing / sbyin pa dang bral ba dag gis de ltar 'gron po de dag gsod par byed do// de dag lus dang bral nas ngan 'gro log par

  628. 315a

    ltung ba yi dgas dgon pa na 'dug pa rnams kyi nang du skye bar 'gyur ro/ / der skyes nas kyang mar me'i shing rtar 'brog rab tu 'bar ba rnams kyi nang nyid du ni ma'i gdung bas gdungs te/ mgon 'dod pa/ skyabs 'dod pa/ dpung gnyen 'dod pa dag chu dang bza' ba'i phyir rgyug cing ku co 'don to// de dag las kyi nyes pa des rgyang ring po na ri dgas skom pa lta bur chu dang pa 'dra ba zhig yod par mthong ngo / / de dag gis de mthong ste/ chu rnyed do snyam nas rgyug ste/ re ba dang bcas pa'i sems kyis ngal ba grangs su'ang mi rtsi ba na/ de ji lta ji ltar rgyug pa de lta de ltar ri dgas sgom pa lta bur ngo bo nyid kyis gsog tu 'dug pa de dag ga la zhig thob par 'gyur/ de dag ngal ba'i nyes par ru dar b+ha'i rtse mos rkang pa'i rting pa dag tu zug nas/ 'gyel zhing na nas kha cig 'chi ba'i// dus byed do// de nas yang las kyi lhag ma des yang 'tsho bar 'gyur te/ de ltar lus bkres pa dang skom pa bcu 'gyur gyis gnas par byed do// bya 'og dang / 'ug pa dang / bya rgod brgya snyed kyis lus dang mig dag can con du 'thog cing za ste/ rus pa la thug gi bar du 'bigs par byed do// mgon med pa/ skyabs med pa/ dpung gnyen med pa de dag sdug bsngal sum 'gyur gyis shin tu sdug bsngal te/ phan tshun der song nas 'di ltar smre sngags 'don to// bya rog 'ug pa thams cad nas// rdo rje chen po'i mchu rnon gyis// mngon par gtses so skyabs

  629. 315b

    med cing / / bde ba lta bar mi mthong ngo // ji ltar bdag gis 'gron po bcom// de yi las de nye bar gnas// 'di ni gzugs brnyan lta bu ste// de bzhin 'bras bu 'dir 'ongs so// las kyi zhags pas bcings gyur cing // las kyi thag pas gnod par byas// las zad ma gyur par du ni// dpung gnyen byed pa mi mthong ngo // skye bo las kyis khrid byed cing // las kyis yongs su khrid par byed/ / gang du las ni rnam smin pa// der ni las kyis 'phen par byed// gnas gsum du ni las kyis 'phangs// 'khor lo bzhin du rtag tu 'khyam// de lta bas na dge bya zhing / / sdig pa mi phan rtag tu spongs// sdig pa gang dag mi 'dod cing // de dag ma dang 'dra bar mthong // bkres dang skom pa'i mes gdungs pa// de ni yi dgas gnas su khrid// skom pa'i sdug bsngal 'byung ba ni// yang dang yang du rab tu 'phel// bdag ni me yi 'phreng ba yis// mched pa'i ri dang 'dra bar gyur// ril me 'bar chu bo yi// rgyun gyis thams cad gsod nus kyi/ / rgya mtsho'i klung gis bdag gi me// 'di ni bsad par mi nus so// las kyi shing skam byung nas su// sred pa'i rlung gis grogs byas te// bdag ni kun nas yongs bskor nas// las kyi me yis shin tu bsregs// tshul khrims brtson 'grus ye shes chu// sbyin pa'i snod ni rab bzung nas// srid gsum rjes 'gro las kyi mi// bdag nyid chen pos 'jig par byed/

  630. 316a

    gang dag las kyi dbang song zhing // las gsum gyis ni yongs su bsgyur// gsum nyid kyi ni rmongs pa dag/ de ni gnas gsum rgyu bar byed// las dbang sum cu rtsa drug dang // bzhi bcur song zhing rnam par rgyu// dgu bcu rtsa brgyad ma bcom pa// khams gsum du ni de 'gro'o// gang dag brgya rtsa brgyad shes shing // bcu gnyis don la sems pa'o// chos dang chos min rnam shes gang / / de dag bde ba mtha' yas so// mtshan nyid gnyis kyis rnam shes shing // brgyad gnyis yongs su shes pa'o// bcu drug skye ba rig pa gang // skye bo de ni sdig pa bsregs// brtan po lam gnyis lta ba dang // gzhi rnams yongs su mthar phyin cing // chu bo bzhi las rnam grol ba// mkhas pa de ni sdig pa bsregs// lam brgyad de nyid 'jug rig cing // stobs bcu dag ni mthong ba dang / / sdug bsngal gnyis kyi rgyu rig pa// zad pa med pa'i gnas su 'gro// gang dag bden gnyis pha rol phyin// dran pa bzhi la rnam par dpyod// brtan po dug gsum don sems pa/ / de ni bdud kyi dbang mi 'gro// dkar po'i chos ni rnam spangs shing // rang gi las kyi 'bras bus rmongs// de ni bdag gi sdig las kyis// yi dgas 'jig rten 'dir phyin to/ / de ltar yi dgas de dag gi nang nas kha cig sngon dge ba'i las cung zad byas pas shes rab shin tu rno bar 'gyur te/ de la dmigs par gyur pa'i yi dgas de dag la de skad rjes su bstan to// /

  631. 316b

    rjes su bstan nas kyang ji srid du de'i sdig pa'i las byas shing bsags pa bcom zhing spangs la zad par ma byas pa de srid du rang gi sdug bsngal so so myong bar byed do// de phyis yi dgas kyi 'jig rten de las thar par 'gyur te/ thar nas kyang gal te lan grangs gzhan la myong bar 'gyur pa'i las kyis mi rnams dang skal ba mnyam par mir skyes na/ las de dang rgyu 'thun par de ri dgas kyi brtul zhugs dang / ri dgas kyi rjes su 'brang bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags/ na/ des thos pa las byung ba'i shes pas yi dgas kyi yul na/ yi dgas dur khrod na 'dug pa zhes bya ba ji ltar gnas pa mthong ngo // de las gang gis der skye bar 'gyur snyam nas/ des thos pa las byung ba'i shes pas brtags na/ sems can ser snas nyams pa gang gis sangs rgyas la gzhan gyis me tog phul ba dag des brkus so// brkus nas kyang khe 'dod pa'i phyir btsongs na/ de lus dang bral nas ngan 'gro log par ltung ba lus dkres pa dang skom pas gdungs pa yi dgas dur khrod na 'dug pa rnams kyi nang du skye bar 'gyur ro// dur khrod na 'dug pa de dag gi kha zas ni 'di lta ste/ dur khrod kyi phyag dar gang yang rung ba du ba'i rgyun med pa de la de dag zla ba gcig gi bar du za zhing 'dug la/ de nas kha zas med par 'khod do// rtag tu de'i mgo

  632. 317a

    lcags kyi 'phreng ba rab tu 'bar bas bcings shing / de gang dang gang du skyes pa'i klad pa rab tu 'ju bar byed la/ mgo'i thod pa'ang sreg par byed do// lcags las byas/ pa'i 'phreng ba gnyis pas kyang de'i mid pa bcings shing / des de'i mid pa dang brang yang sreg ste/ gang sangs rgyas kyi me tog brkus pa'i rgyu des na yan lag dang nying lag thams cad kyi nang du me de dag song nas sreg par byed do/ / lus kyang srin bus yog cing sdug bsngal mi bzad pas nyam thag la/ srin bu gzhan gang zhig dur khrod der 'ongs nas/ des kyang de dag tho ba dang / ral gri dang / gtun shing rnams kyis kun nas phye mar rlog go/ / du skad 'byin cing smre sngags 'don pa na/ sdug bsngal gsum gyis nyam thag ste/ bkres pa dang skom pa'i sdug bsngal dang / lcags kyi 'phreng ba'i sdug pa sbal dang / gzhan gyis ral gri dang tho bas brdeg pa'i sdug bstsal te/ de ltar de dag mong zhing nyes par byas pa'i de 'brang bar byed la/ sme sngags 'don pa na/ 'di ltar tshogs su bcad de smras pa/ bkres dang skom pa'i sdug bsngal dang // gnyis pa me yi sdug bsngal byung // gsum pa tho ba ral gri yi// sdug bsngal de ni bdag gis myong // rang gi sems dang las kyis su// 'dir ni bslus shing yongs su rmongs// yi dgas gnas su skyes gyur cing // mdza' bshes gnyen dang bral bar gyur// stobs dang bral ba'i las dag gi/ zhags pa yis ni khrid pa na//

  633. 317b

    bshes gnyen bu dang chung ma dang / rtsa lag gis kyang skyo ba mi byed// ji ltar las bzhin skyob gzhan med// rnam pa gsum ni bdag gis myong // sbyin dang tshul khrims thos dang gzhan// rnam/ pa gsum ni yongs su bsgrags// gti mug dra bas bsgribs pa 'dir// bdag gis ngan byas gang ma byas// mi bzang rgyur ni gyur pa yi// las rnams kyi ni 'bras bu 'ongs// shin tu mi bzad yi dgas yul/ / sdig las gal te bdag grol na// yang dang yang du sdig pa'i las// bdag gis nams kyang mi bya'o// de ltar de yi dgas smre sngags 'don pa de dag ji srid du de'i sdig pa'i las byas shing bsags pa so so yang dag par myong bar 'gyur ba bcom zhing spangs la zad par ma byas pa de srid du der sdug bsngal chen po des gnod cing yid la gcags par 'gyur ro/ / de phyis yi dgas kyi 'jig rten de las thar par 'gyur te/ thar nas kyang gal te mi rnams dang so so yang dag par myong bar 'gyur ba lan grangs gzhan la myong bar 'gyur ba'i las kyis mi dang skal ba mnyam par mi rnams kyi nang du skyes na/ las de dang rgyu 'thun par de gtum zhing dur khrod kyi gos kyis 'tsho bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na/ yi dgas shing gi nang na gnas pa zhes bya ba ji ltar

  634. 318a

    'dug pa mthong ngo / / de las gang gis der skye bar 'gyur snyam nas/ des thos pa las byung ba'i shes pas brtags na/ gang gis dge 'dun gyi 'tsho ba'i shing ljon pa 'am/ de bzhin du skye bo bkres pa dang / skom pa dang / lus ngal ba kun gyi 'tsho ba'i don du rdzing bu dang khron pa byas pa de dag ser snas nyams pa des ma rung bar byas sam/ shing skam 'dod/ pa'i phyir 'di ltar 'di dag ni bdag gi shing bya'o snyam nas gcod par byed cing / de de bzhin du byed na/ de lus dang bral nas ngan 'gro log par lhung ba yi dgas shing gi nang na 'dug par 'gyur/ ro// der skyes nas kyang de'i las kyis shing gseb tu skyes pa de shin tu grang ba dang tsha bas gnod de/ ji ltar srin bu shing skam gyi nang du skyes pa thams cad nas gnod pa bzhin no// shin tu sdug bsngal gyis nyam thag pa de gal te brgya la sdug bsngal de rtse zhil bar byed na/ de shing skam gyi gse pa na srin bu ma ko Ta ka dang / a sho ta ra rnams kyis za zhing de'i zas su 'gyur ro// gang kha/ cig gis bsams nas gtor ma gtor na des de'i srog 'tsho bar byed de/ yi dgas kyi yul de na ji srid du de'i sdig pa'i las byas shing bsags pa so so yang dag par myong bar 'gyur ba bcom zhing spangs la nyams par ma byas pa de srid du sdug bsngal rab tu mi bzad pa de myong bar 'gyur ro/ / de phyis yi dgas kyi yul de las thar par 'gyur te/ thar nas kyang gal te lan grangs gzhan la myong

  635. 318b

    par 'gyur ba'i las kyis mi rnams dang skal ba mnyam par mir skyes na/ las de dang rgyu 'thun par de tshal dang / tsA dang / sman dang / nags khrod dang / shing skam dang / me tog gis srog 'tshe ste/ 'tsho ba gzhan la rag las shing shin tu sdug bsngal bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na/ yi dgas lam gyi bzhi mdo na gnas pa zhes bya ba ji ltar 'dug pa mthong ngo // de las gang gis der skye bar 'gyur snyam nas/ des thos pa las byung ba'i shes pas brtags na/ rkun po gzhan ya gnod par bya ba'i blo dang / ser snas nyams pa gang gis zas dang skom pa rnogs shing / de 'gron po dag gi zas dang skom ma byin nas dgod la/ de dag kyang gnas der shin tu sdug bsngal bar gyur nas/ rkun po de las kyi mthu des shi nas lam gyi bzhi mdon gnas pa'i yi dgas su 'gyur ro// pha rol gyi yid gcugs pa bcom pa'i las de'i mthus sog le dag 'byung bar 'gyur te/ de dag gis nyin gcig bzhin du de'i lus bkres pa dang skom pas gdungs pa de rnam pa bzhir gcod par byed/ gshog par byed/ yan lag rnams gtub par byed do/ / gang gi tshe skye bo dag 'jigs par 'gyur ba de'i tshe byis pa phal pa byis pa'i rang bzhin can las dang 'bras bu mngon par mi shes shing 'bras bu dang rgyu ngan pa la lta ba de

  636. 319a

    dag de'i tshelam gyi ba'i mdor gtor ma 'bor bar byed de/ 'di ltar 'dis nad pa'i nang rab tu zhi par 'gyur ro snyas nas/ gtor ma lam gyi ba'i mdo dag tu 'thor bar byed do// de des dga' bar 'gyur te/ des srog 'tsho bar 'gyur zhing / des gnas par 'gyur la/ des so sor ston par byed de/ ji srid du de'i sdig pa'i las byas shing bsags pa so so yang dag par myong bar 'gyur ba bcom zhing spangs la zad par ma byas pa de srid du yi dgas kyi yul der gnas so/ / de phyis yi dgas kyi 'jig rten de las thar par 'gyur te/ thar nas kyang gal te lan grangs gzhan la myong par 'gyur ba'i las dang / mi rnams dang skal ba mnyam par so so yang dag par myong bar 'gyur ba'i las kyis mir skyes na/ las de dang rgya 'thun par de rigs ngan pa phyugs gsod par byed par 'gyug pab mthong ngo / / de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na/ yi dgas bdud kyi ris zhes bya ba ji ltar 'dug pa mthong ngo // de las gang gis der skye bar 'gyur snyam nas/ des thos pa las byung ba'i shes pas brtags na/ las ngan pas 'tsho// pagayos gzhan la gnod par byed pa/ rgyu ngan pa dang lta ba ngan pa'i mtha' la de nyid yin no bar mngon par zhen pa gang gis lam bzang po sun par byas na/ de lus dang bral nas ngan 'gro

  637. 319b

    log par ltung ba yi dgas bdud kyi ris rnams kyi nang du skye bar 'gyur ro/ / der skyes nas kyang rtag tu dge slong bsam gtan gyi zas kyis gnas pa rnams kyi sems rnyog pa can du byed/ rnam par 'tshe// bar byed/ spra bo che 'don par byed/ de rmi lam du bgegs dag byed de/ dam pa'i chos la sdang ba ni bdud kyi dbang du 'gro bar 'gyur ro// de ltar yang dag pa ma yin pa'i lam du zhugs pa de ni/ tshe 'di la myong bar 'gyur ba yi dgas kyi yul du skye bar 'gyur te/ kha zas ni lcags kyi thu lum za bar 'gyur ro// de de dag gis sreg cing shin tu sdug bsngal ba myong ba na/ shin tu sdug bsngal pa de las skyo bar mi byed de/ de de nas shi nas sems can dmyal ba'i nang du skye bar 'gyur ro// de nas bskal pa mang po zhig gis mi lus thob par 'gyur te/ gal te bskal pa khri 'am/ gal te bskal pa nyis khri 'thob la/ de ltar nges par ngan song gsum rnams su 'tshed do// sreg go// za'o// gal te yang de nas lan grangs gzhan la myong bar 'gyur ba'i las kyis gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ las de dang rgyu 'thun par de long ba dang / 'on pa dang / lkug pa dang / dran pa nyams pa dang / nad du mas lus nyams pa dang / shin tu dbul bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/

  638. 320a

    des thos pa las byung ba'i shes pas 'di ltar yi dgas kyi 'jig rten las kyi 'bras bu rnam par smin pa'i bye brag gis yi dgas kyi 'gro ba rags pa de tsam dag ni mthong na 'khor 'bum phrag du ma ni ma mthong ste/ gang rgya mtsho'i mtha'i bar rnams dang / gang rgya mtsho'i gling rnams dang / gang 'dzam bu'i gling rnams dang / nub kyi ba lang spyod dang / shar gyi lus 'phags dang / byang gi sgra mi snyan la sogs pa gling chen po rnams kyi bar na gnas pa de dag gi ming gi rnam grangs tsam shes so// srin po dang / sha za dang / grul bum de dag gi las kyi 'bras bu rnam par smin pa dag ni shin tu phra bar shes bya ste/ gang las gang gis der skyes/ kha zas ni ci za/ spyod pa ni ci yin/ rgyu ni ci zhig yin snyam mo// de dag gi gnas dang sems ni spre'u ltar sdom pa med par rnam par g.yo la/ ba lang gi rna ba 'gul zhing ldog pa chu shing gi tshal du zhugs na/ rna ba shin tu 'gul ba ltar ni rab tu rgyu/ bum pa rdol ba ltar yul thams cad la ni 'khyam/ rlung chen pos rdul bslang ba ltar shin tu g.yo bar ni byed/ seng ge dang / stag dang / sbrul gdug pa dag pas kyang shin tu gdul ni dka'/ gang g.yos pa ni de'i pha rol tu 'bras bu de dang 'thun par 'thob ste/ sems can rnams kyi sems kun nas nyon mongs pa las ni kun nas nyon mongs la/ sems rnam par byang ba las ni rnam par grol bar 'gyur te/ shes par dka' 'o// sems

  639. 320b

    ni rgyal po 'dra la/ dbang po rnams ni zhabs 'bring ba lta bu yin te/ de la rag las pa ni las yin la/ las la rag las pa ni 'bras bu yin/ 'bras bu la rag las pa ni 'gro ba lnga dag yin// no// sems ni 'khrul 'khor mkhan po 'dra zhing / lus ni 'khrul 'khor 'dral/ dbang po rnams dang dbang po'i don skud pa 'dra ste/ sems ma dul ba de ni ngan song du 'gro la/ shin tu dul zhing legs par yongs su sbyang ba byas pa ni lha dang mi'i 'gro bar 'gro ba dang / g.yo ba med pa'i gnas mya ngan las 'da' bar 'gro'o snyam ste/ de ltar dge slong de sems kyi rnam pa shin tu phra ba la rnam par dpyod do/ / rnam par dpyad nas 'khor ba rnams la shin tu skyo ba skyes te/ sems can dmyal ba 'khor dang bcas pa dag la skyo la/ de ltar yang yi dgas kyi 'jig rten dag la lhag par shin tu skye ste/ sdug bsngal 'phags pa'i bden pa rtogs/ sdug bsngal 'phags pa'i lam rtogs shing / lam bzang po dang / lam la gnas pa rtogs so// yi dgas kyi le'u ste gnyis pa rdzogs so/ / de nas yang rnal 'byor spyod pa nang gi cho sa la chos kyi rjes su lta zhing gnas pa/ 'di ltar dge slong las kyi 'bras bu'i de kho na nyid ma mthong ba des/ sems can dmyal ba 'khor dang bcas pa rnams la brtags shing / 'gro ba gnyis pa la'ang brtags nas/ 'khor ba mi bzad pa yang dag pa ji lta ba bzhin mthong ste/ yid la'ang 'jog par byed do//

  640. 321a

    'di ltar dge slong de bdud kyi yul na mi gnas shing / de mya ngan las 'das pa'i mtha' la gnas la/ de'i spro ba mi ldog ste/ 'bras bur gyur pa/ sa gzhan bco lnga pa la zhugs so/ / de zhugs pa dang / sa bla'i gnod sbyin dag dga' nas// bar snang la rgyu ba'i gnod sbyin rnams la bsnyad do// de dag gis kyang rgyal chen bzhi rnams la'o// de dag gis kyang sum cu rtsa gsum pa rnams la'o/ / sum cu rtsa gsum pa rnams kyis kyang 'thab bral ba rnams la'o// 'thab bral ba rnams kyis kyang dga' ldan pa rnams la'o// dga' ldan pa rnams kyis kyang 'phrul dga' ba rnams la'o/ / 'phrul dga' ba rnams kyis kyang gzhan 'phrul dbang byed pa rnams la'o// de ltar 'dod pa'i khams kyi sgra dag gzugs kyi khams su'ang grag pa nas/ tshangs ris la sogs pa'i bar dang / 'od gsal gyi bar rnams su sgra grags te/ 'di ltar kye lha dag 'dzam bu gling du rigs kyi bu rigs che ge mo zhig dang / grong mang ge mo zhig dang / grong khyer ka ge mo zhig dang / grong rdal che ge mo zhig dang / yul mang ge mo zhig na/ ming ga ge mo zhig ces bya ba skra dang kha spu bregs nas/ gos ngur smrig bgos te/ dad pas khyim nas khyim myed par rab tu byung ngo / / de bdud kyi gzhi dang lhan cig gnas par mi 'dod la/ de'i yul gyi dngos po'ang mi 'dod kyi/ bdud kyi sde ni 'jom par byed/ bdud kyi g.yog ni 'jig par byed/ nyon mongs

  641. 321b

    / ba man gon rgyagaso par / dam pam tshag kyi lam du ni 'jug par byed/ na 'a nas tu 'byung bar 'gyurate/ dusbyar k+Shazhan btsa pa sa rnags so// des byos nas 'od m+b+haH/ lha rnams dga' ste/ lha gzhan dag la spras pa/ 'di ltar kye lha dag bdag cag ni mchog tu dga' ste/ gang bdud kyi phyogs ni dma' 'o// dam pa'i chos kyi phyogs ni mngon par mtho'o// bdud kyi 'khor ni yongs su nyams so// dam pa'i chos kyi chu bo ni rab tu 'bab bo// mu stegs kyi mtsho ni rnam par bskams so// 'dod chags dang / zhe sdang dang / gti mug rnams ni rab tu rtse zhal lo/ / chos ma yin pa'i phyogs ni zhig go// dam pa'i chos kyi phyogs ni rab tu 'phel lo// 'khor ba ni 'jig ste/ kye de dag bdag cag gis thos nas mchog tu dga' 'o// de ltar dam pa'i chos kyi sgra 'od gsal gyi lha'i ris kyi bar du gcig nas gcig tu grags te/ dge slong de brtson 'grus ni brtsams/ sems ni dge zhing mi g.yo la brtan/ g.yo med cing drang po'i rang bzhin can yin te/ de ltar de'i dge ba'i sgra mya ngan las 'das pa'i grong khyer gyi sngon du 'dren par grags so// de nas yang dge slong las kyi 'bras bu rnam par smin pa shes pa des/ sems can dmyal ba'i las kyi chos kyi rnam par smin pa yang dag pa ji lta ba bzhin shes shing / sems can dmyal ba pa rnams kyis 'khor brgya sum brgya rtsa drug gi tshe ring ba dang /

  642. 322a

    tshe lhag pa'i tshad dang bcas pa de'ang yang dag pa ji lta ba bzhin shes nas/ 'gro ba gnyis pa la'ang rtog par byed de/ yi dgas rnam pa mang du yod pa'ang mdor bsdu na rnam pa sum cu rtsa drug yod pa la rtog par byed do/ / rim par 'khod pa de dag gi de kho na nyid la rtog ste/ des thos pa las byung ba'i shes pas dud 'gro'i rnam pa dbye ba sum cu rtsa bzhi mthong nas 'di ltar 'gro ba lnga dag ni/ sems kyi kha na las shing rag lus pa yin la/ phal cher kun kyang cha byad dang / gzugs dang / 'gro ba dang / kha zas sna tshogs 'chang ba/ 'thun pa dang mi mthun pa dang / sdang ba dang / mi sdang ba dang / shes pa dang / mi shes pa dang / lhan cig spyod pa dang / lhan cig mi spyod pa'i rigs can dag yin no// de dag gi nang nas 'dab ma yod par gyur pa 'di lta ste/ ri dgas kyi tshogs dang / bya'i tshogs bya rog dang / dang pa la sogs pa yin te/ 'thun pa dang mi mthun par gyur pa dag ni/ 'di ltar wa dang khyi lta du ste/ de la sogs pa'o// sdang ba dang / mi sdang ba dag ni 'di lta ste/ bya rog dang / 'ug pa dang / rta dang / ma he dang / sbrul dang / ne'u le la sogs pa lta bu dag go/ de la srog chags dag las gang gis cha byad dang / gzugs dang / 'gro ba dang / kha zas sna tshogs su 'gyur snyam nas/ des thos pa las byung ba'i shes pas brtags na/ 'di ltar srog chags dag sems sna tshogs

  643. 322b

    dang srog chags dag rag las pa dang / las rnam pa sna tshogs byed de/ de dag gi 'gro ba rnam pa sna tshogs su 'gyur zhing / kha zas rnam pa sna tshogs su 'gyur ro// de la gang 'thun pa dang mi mthun pa'i rgyu gang yin snyam nas/ de dag gis las la rnam par dpyod de/ desu thos pa las byung ba'i shes pas brtags na/ mir gyur pa gang gis lta ba log pa'i bstan bcos brjod la/ mkhas pa nga rgyal can gnyis pas kyang bstan bcos ngan pa gnyis pa brjongs de nyid kyi thos pa de don med pa dang / bde ba ma yin pa dang / bde 'gror 'gro ba ma yin te/ bstan bcos ngan dang / rgyu ngan pa dang / lta ba ngan pa'i mtha' de gnyis kyis phan tshun dga' bar byed na/ de gnyis shi nas sems can dmyal ba rnams kyi nang du skye bar 'gyur ro// gal te dud 'gro rnams kyi nang du skyes na/ de'i tshe 'thun pa dang mi mthun pa'i rgyus phan tshun rab tu snang bar 'gyur te/ 'di lta ste/ sbrul dang / ne'u le dang / rta dang / ma he dang / bya rob dang / bdag lta bu'o// de nas yang dge slong las kyi 'bras bu rnam par smin pa shes pa de dud 'gro'i 'jig rten la rtog par byed de/ rgyu gang dang las gang gis dud 'gro dag lhan cig spyod pa'i grogs su 'gyur snyam nas/ des thos pa las byung ba'i shes pas brtags na/ 'khor ba la mngon par chags pa'i sbyin bdag gang gis 'di ltar las 'dis ni bdag dud 'gro'i skye gnas

  644. 323a

    gzhan dag tu skyes na'ang / khyod bdag gi khyim thab tu 'gyur zhing / bdag kyang khyod kyi chung mar gyur cig snyam nas/ sbyin pa byin na/ de lus dang bral nas ngan 'gro log par ltung ba dud 'gro bde ba rnams kyi nang du skye bar 'gyur te/ 'di lta ste/ shang shang te'u dang / thi ba dang / ngur pa de dag las yongs su byas pa'i rgyus 'khrig pa la dga' ba yin no// de nas yang dge slong las kyi 'bras bu rnam par smin pa shes pa des wa la sogs pa'i mi mthun pa la rtog par byed de/ de dag las gang gis wa dang khyi dag tu skye bar 'gyur snyam nas des thos pa las byung ba'i shes pas brtags na/ gang gis mkhas pa dang / sdom pa dang ldan pa rnams kyi kha zas zhim po phrogs shing dus rtag tu 'dod par sems la brnab sems kyi shas che na/ de lus dang bral nas ngan 'gro log par ltung ba dud 'gro rnams kyi nang du skye bar 'gyur te/ wa dag dang 'thab 'dod cing phan tshun rab tu rtsod par 'gyur ba mthong ngo // de nas yang dge slong las kyi 'bras bu rnam par smin pa shes pa des ri dgas rnams la brtags na/ des thos pa las byung ba'i shes pas sngon mir 'gyur ba/ dung dang rnga smra dag gis spungs byed pa gang gis grong dang grong khyer dang / tshong rdal ba dag bskrad cing sgra des pha rol dag la 'jigs pa bskyed na/ de lus dang bral nas ngan 'gro log par ltung ba sems can dmyal bar skye bar 'gyur ro// de nas thar

  645. 323b

    nas ri dgas rnams kyi nang du skye bar 'gyur te/ las de'i mthus sems rtag tu skrag par 'gyur zhing / ji ltar grong dang / grong khyer dang / tshong rdal ba dag bskrad nas/ dgon par byas pa de bzhin du/ dgon par gnas pa 'am/ nags tshal gyi nang du gnas par 'gyur ro// de gal te mi rnams dang skal ba mnyam par mir skyes na/ las de dang rgyu 'thun par de rtag tu sems skrag par 'gyur/ sems shin tu zhan pa dang / sems rmongs par 'gyur ro// des phyogs tsam dud 'gro'i 'jig rten la rtog par byed/ dra ba mang po'i dud 'gror 'gyur la/ de ltar lhag ma'ang las kyi mthus phan tshun mi mthun par 'gyur ba mthong ngo / / de nas yang dge slong las kyi 'bras bu rnam par smin pa shes pa des dud 'gro'i 'jig rten la rtog par byed de/ rdzus te skyes pa de/ dag las gang gis skye bar 'gyur snyam nas/ des thos pa las byung ba'i shes pas brtags na/ mir gyur pa chags pa gang gis zab par bya ba'i phyir srin bu rnams chu'i nang du skol bar byed do// de dag bskol ba na rdzus te skye ba'i srin bu gtsug ces bya ba'i tshogs du ma dag skye bar 'gyur te/ phra mo de dag mchod sbyin byed pas/ mchod sbyin bya ba'i phyir mer sreg na/ de lus dang bral nas ngan 'gro log par ltung ba pa sems can dmyal ba rnams kyi nang du skye bar 'gyur ro/ / de nas thar nas dud 'gro rdzus te skye ba dar gyi srin bu la sogs pa rnam pa du ma skye bar 'gyur ba mthong ngo //

  646. 324a

    nas yang dge slong las kyi 'bras bu rnam par smin pa shes pa des dud 'gro'i 'jig rten la rtog par byed de/ dud 'gro drod gsher las skyes pa de dag las gang gis skye bar/ 'gyur snyam nas/ des thos pa las byung ba'i shes pas brtags na/ mi ngan pa lta ba log pa gang gis nor rdzas 'dod pa'i phyir nya dang / rus sbal dang / srog chags rgyun du gsod pa dag sa brkos nas 'jug gam/ de bzhin du sram dang bcas pa gzhan dag kyang sa brkos nas 'jug cing / der srin bu drod gsher las skye ba rnams su skye la/ de dag mi ngan pa des mchod sbyin gyi phyir ram/ nor rdzas 'dod pa'i phyir gsod na/ de lus dang bral nas ngan 'gro log par ltung ba sems can dmyal ba rnams kyi nang du skye bar 'gyur ro// de nas thar nas srin bu drod gsher las skye ba sbrang bu dang shig la sogs pa'i nang du skye bar 'gyur ro/ / skye gnas gnyis pa la yang dag pa gzhan ma yin pa'i lam gyis lta ba dang / blo gros gzhan ma yin pa khong du chud pa shin tu zhi ba mos so sor rtog par byed do/ / de nas yang dge slong las kyi 'bras bu rnam par smin pa shes pa des dud 'gro'i 'jig rten la rtog par byed de/ las gang gis dud 'gro sgo nga las skye bar 'gyur snyam nas/ des thos pa las byung ba'i shes pas brtags na/ gang la la 'jig rten pa'i bsam gtan thob pas 'dod chags dang / zhe sdang dang / gti mug rab tu zhi ba las/ gal te rkyen

  647. 324b

    zhig gis zhe sdang skyes la/ de yid kyis nyes pas yul 'jig par byed na/ de lus dang bral nas ngan 'gro log par ltung ba sems can dmyal ba rnams kyi nang du skye bar 'gyur ro// de nas thar nas kyang dud 'gro sgo nga las skye bar bya rgod dang khwa la sogs pa rnams kyi nang du skye bar 'gyur ro/ / de nas thar nas kyang gal te mi rnams dang skal ba mnyam par mir skyes na/ de rtag tu khro zhing 'jig par 'gyur ba mthong ngo / / de nas yang dge slong las kyi 'bras bu rnam par smin pa shes pa des dud 'gro'i 'jig rten la rtog par byed de/ las gang gis dud 'gro mngal nas skye ba'i nang du skye bar 'gyur snyam nas/ des thos pa las byung ba'i shes pas brtags na/ 'dod chags la zhen pa gang gis gseb rgod ma la gtong ba dang / glang khyu ba la gtong ba dang / nags tshal la me gtong ba dang / mi sbyar po 'os ma yin pa la byed na/ de lus dang bral nas ngan 'gro log par ltung ba sems can dmyal ba'i nang du skye bar 'gyur ro// de nas thar nas kyang dud 'gro mngal nas skyes pa rnams kyi nang du skye bar 'gyur ro/ / de nas thar nas kyang gal te mi rnams dang skal ba mnyam par mir skyes na/ las de dang rgyu 'thun par de 'gro ba gsum par skye bar 'gyur ba mthong ngo // de ltar dge slong des dud 'gro rnam pa bcu gcig la brtags na/ de nas yang zas rnam pa bzhi kham gyi zas dang / yid la sems pa dang / reg pa dang / dga' ba rnams la rtog par byed cing / zas rnam bzhi'i 'bras bu

  648. 325a

    rnam par smin pa la rjes su sems par byed de/ des thos pa las byung ba'i shes pas brtags na/ gang gis tshul ngan pa dang ldan pa chom rkun pa dag la kham gyi zas byin te/ 'di// ltar 'di zo la bdag gi dgra gsod cig ces byas pa dang / kha zas yas rkam pas nyams pa de dag gis kyang de bzhin du de srog bcad na/ de lus dang bral nas ngan 'gro log par ltung ba sems can dmyal nga'i nang du skye bar 'gyur ro/ / de nas thar nas kyang las de'i mthus dud 'gro kham gyi zas za ba rnams kyi nang du skye bar 'gyur te/ 'di lta ste/ ba lang dang / ma he dang / bong bu dang / phag dang / khyi dang / wa dang / rnga mo dang / bal glang dang / rta dang / lug dang / ri dgas dang / ra dang / srog chags sri mar dang / khA dang / bya rgod dang / ngang ba dang / srog chags ti ti b+ha dang / skyar mo dang srog chags rA ma dang / dgo ba dang / srog chags ku rang ga dang / ri dgas mo dang / srog chags ka dam b+ha dang / nor bu'i mchu dang / shang shang te'u dang / sbrul dag gnas tsher ma can dang ngam grog la sogs pa mtha' yas pa rnams su skye bar 'gyur ro/ / phyogs dag la'ang rab tu dpyod par byed cing / reg pa'i zas la'ang rjes su sems par byed de/ sgo nga las skye ba/ sgo nga las skye bar gtogs shing byung ba dag ni 'di lta ste/ bya dang / chu na gnas pa dang / shug tu 'brel ba dang / rgya mtsho'i 'gram nas skye ba dang / rgya mtshor skyes pa dang / klu dang / sbrul dang /

  649. 325b

    khung na gnas pa la sogs pa de dag las gang gis reg pa'i kha zas za bar 'gyur zhig gu snyam nas/ dge slong de rnam par dpyod par byed do// des thos pa las byung ba'i shes pas brtags na/ gang gis pha rol dag la sbyin pa byin no snyam du bsam la ma smras par yid kyis byin te/ de 'chi ba'i dus byas nas/ de gal te lan grangs gzhan la myong bar 'gyur ba'i las kyis dud 'gro rnams kyi nang du skyes na/ bsam pa 'ba' zhig gi las de nyid kyi mthus de reg pa'i zas de za bar 'gyur ba mthong ngo // de nas yang dge slong las kyi 'bras bu rnam par smin pa shes pa des dud 'gro'i 'jig rten la rtog par byed de/ zas gsum pa yid la sems pa zhes bya ba des sems can de dag ji ltar bdag nyid 'tsho bar byed snyam nas/ des thos pa las byung ba'i shes pas brtags na/ 'di ltar sgo nga las skye ba nya dang / chu srin ma ka ra dang / kum b+hi ra dang / na kra dang / ny+ra phyis dang / dung la sogs pa sgo nga las skye ba skyes pa rnams yid la sems pa'i zas des 'tsho bar byed do/ / gal te ma 'am/ gal te phas rang gi bu dran na/ dran pa des tshim par byed de/ de nas yang 'phel bar byed cing 'tsho bar byed la kha zas kyi bya nga'ang byed do// de las gang gis skye bar 'gyur snyam nas/ dge slong de rab tu dpyod de/ des thos pa las byung ba'i shes pas brtags na/ blo zhan cing las dang 'bras bu dag mngon par mi shes pa gang

  650. 326a

    gis gzhan dag la 'di ltar ngas khyod la zla ba phyed dam zla ba gcig na/ nor rdzas kyi rnam pa 'am/ kha zas kyi rnam pa 'am/ nor gyi dbyig gi rnam pa cung zad sbyin no zhes khas blangs la/ de'i tshig de dbul po des thos nas dga' bar 'gyur te/ 'di ltar sbyin pa dag 'dis bdag dbul po la las blangs pa de bdag la sbyin par byed do snyam nas/ de yid mchog tu dkar nas/ de bzhin du zla ba phyed dam/ zla ba gcig gi dus su de 'ongs nas/ de'i drung du phyin pa dang mi ngan pa des kha stongs par byas na/ de lus dang bral nas ngan 'gro log par ltung ba sems can dmyal ba dga' ba dang / dga' ba med pa'i nang du skye bar 'gyur ro// de nas thar nas kyang gal te dud 'gro rnams kyi nang du skyes na/ 'di ltar des de la brdzun byas nas yid dga' bar byas pa de'i mthus de yid la sems pa'i zas 'thob par 'gyur ro/ / gal te mi rnams kyi nang du skyes na/ las de dang rgyu 'thun par de de'i bran nyid du 'gyur ba mthong ngo // de nas yang dge slong las kyi 'bras bu rnam par smin pa shes pa des dud 'gro'i 'jig rten na kha zas bzhi pa dga' ba zhes bya ba la rtog par byed de/ des thos pa las byung ba'i shes pas 'di ltar dud 'gro'i yul na dud 'gro kun nas nyon mongs pa can gyi dga' ba'i zas kyis 'tsho ba yod de/ nags khung na sbrul po che a dza ga ra zhes pa dga' ba'i zas dang chung za zhing 'tsho ba dang / srog chags ga la go li ka dang / ri zhol gnas

  651. 326b

    zhes bya ba la sogs pa dang / gzhan yang yod de/ de la 'od gsal gyi lha rnams kyi dga' ba'i zas ni/ gnod sems med pa'i dga' ba'i zas kyis 'tsho ba yin gyi/ dud 'gro'i dga' ba'i zas ni khon gyi lta ba dang / kho na dam du 'dzin pa'i sems dang ldan pa yin na/ de dag las gang gis der skye bar 'gyur snyam nas/ des thos pa las byung ba'i shes pas brtags na/ zhe sdang gi shas che ba 'am/ zhe sdang gi rang bzhin can gang yin pa ste/ khon gyi rgyu dang 'thun pa dang / gti mug gi shas che ba des srog gcod pa byas na/ de lus dang bral nas ngan 'gro log par ltung ba'i sems can dmyal ba rnams kyi nang du skye bar 'gyur ro/ / de kho na dang dga' ba'i gzhi yod pa des dud 'gro rnams kyi nang du skyes na dga' ba'i zas dang / rlung za bar 'gyur ro// de gal te mi rnams dang skal ba mnyam par mir skyes na/ las de dang rgyu 'thun par de rtag par glo bur du pha rol dang lhan cig rgyu med par 'thab pa dang 'brel bar 'gyur ba mthong ngo / / de nas yang dge slong las kyi 'bras bu rnam par smin pa shes pa des rnam pa gzhan gyis dud 'gro'i 'jig rten mtha' yas pa la rtog par byed de/ yang chu'i nang na rgyu ba dag ji ltar skye bar 'gyur snyam nas/ des thos pa las byung ba'i shes pas brtags na/ gang blo zhan cing rnam par shes pa zhan la shes pa zhan pa skom gyis gdungs bzhin du 'chi ba'i dus byed na/ de lus dang bral nas ngan 'gro log par ltung ba chu'i nang na rgyu bar 'gyur ro// de bzhin du nya'i skye gnas rnam

  652. 327a

    pa sna tshogs kyi nang na gcig pu skye bar 'gyur ro/ / de skom gyis gdungs nas srid pa bar ma la chu de mthong bar 'gyur te/ don du gnyer bas des da ni bdag 'dir skye bar 'gyur ro snyam nas/ sems bskyed ma thag tu de nyid du skye bar 'gyur te/ srid pa ni rgyu dang rkyen gyis 'byung la/ srid pa'i yan lag la gnas pa ni de lta bu yin no// gang de sbyin pa ma byin zhing / bsod nams ma bsgrubs pa'i las kyi rnam par smin pa des chu rtag tu dro bar 'gyur zhing / de'i kha yongs su skam par 'gyur la/ reg pa ba tshwa dang 'dra bar 'gyur ba mthong ngo // de nas yang dge slong las kyi 'bras bu rnam par smin pa shes pa des bya skams la rgyu ba dang bar snang la rgyu ba dag la rtog par byed de/ las gang gis bya dag par snang la 'phur zhing nam mkha' rten med pa la rten par byed snyam nas/ des thos pa las byung ba'i shes pas brtags na/ 'di ltar rdzu 'phrul ni rnam pa gsum ste/ 'di lta ste/ mos pas bsgyur ba dang / lus kyis 'gro ba dang / yid ltar mgyogs pa'o/ / de la mos pas bsgyur ba ni/ rdzu 'phrul can dag gi yin te/ ji ltar mos pa de ltar 'gro ba dang / gal te sa'i khams su rab tu mos na/ de'i tshe nam mkha' sa'i khams su mthong nas 'gro bar byed pa lta bu'o/ / lus kyis 'gro ba ni chos nyid kyi khyad par las gyur pa ste/ bya rnams lta bu'o// yid ltar mgyogs pa ni de bzhin gshegs pa sangs rgyas kyi yid la

  653. 327b

    yid kyi ji ltar gzas pa de bzhin gnas gzhan du phyin par byed pa yin te/ de'ang khams gsum gyi las so so'i bye brag gis de ltar rdzu 'phrul rnam pa gsum du 'gyur ba mthong ngo // / dam pa'i chos dran pa nye bar gzhag pa bam po nyi shu gcig pa// de nas yang dge slong las kyi'i bras bu rnam par smin pa shes pa des dud 'gro'i 'jig rten la rtog bar byed de/ sems can dmyal ba dang / yi dgas dang / dud 'gro dang / lha dang / mi dang / chu dang / skams dang / bar snang la rgyu ba'i bya rnams dang / ri dgas la sogs pa 'byung bar 'gyur la/ ci'i phyir na sems can dmyal ba'i sar sdug bsngal myong bar 'gyur snyam nas/ des thos pa las byung ba'i shes pas brtags na/ sems can dmyal ba'i sa na dud 'gro sems can du bgrang ba dang / sems can du bgrang ba ma yin pa sna tshogs dag mthong ngo // der sems can dmyal ba pa de dag skye ba na mes sreg cing / bya lus phyin ci log tu 'dug pa gzhan de dag bde par mthong ste/ de dag 'dir skye bar 'gyur ro snyam nas bsams pa dang / sems bskyed ma thag nyid du bya de rnams kyi nang du skye bar 'gyur te/ ji ltar sems can dmyal ba pa rnams kyi 'bras bu rnam par smin pa sngar bstan pa de bzhin du bya de rnams la'ang 'byung bar 'gyur ro/ / sems can du bgrang ba ma yin pa rnams ni las byas shing bsags pa mi 'dra la/ sems can dmyal

  654. 328a

    bar gang dang gang dag 'byung ba de dag thams cad 'jigs pa chen por mthong ste/ seng ge dang / stag dang / 'ug pa dang / srog chags ma ko Ta ka dang / sbrul dang / sbrul/ chen po 'jigs 'jigs ltar 'dug pa chen po dag 'byung bar 'gyur ro// sems can dmyal ba pa sems can du bgrang ba la/ sems can du bgrang ba ma yin pa rnams kyis gnod par byed de/ der sems can du bgrang ba la las kyis bskyed pa'i dud 'gro sems can du bgrang ba ma yin pa gzhan dag gis gnod par byas kyang / de dag bdag nyid ni sdug bsngal myong bar mi 'gyur ro// de nas yang dge slong las kyi 'bras bu rnam par smin pa shes pa des yi dgas kyi 'jig rten la rtog par byed de/ yi dgas lus bkres pa dang skom gyis gdungs pa de dag gi 'jig rten na dud 'gro dag las gang gis skye bar 'gyur snyam nas/ des thos pa las byung ba'i shes pas brtags na/ rnam pa sum cu rtsa drug gang yin pa rnams su skye bar 'gyur ro// byar gyur pa de dag ni// me yul du byar gyur na de dag gis bya gzhan 'di lta te/ byan lag dang / ne'u le dang / bya rog dang / bya rgod la sogs pa de dag gis bsad nas za'o// de 'chi ba'i dus byas nas srog bcad pa'i rnam/ par smin pas yi dgas kyi 'jig rten du byar skye bar 'gyur te/ lus bkres pa dang skom pas gdungs pa'i byar 'gyur ro// de dag gi kha zas ni yi dgas rnams kyi mig phyung nas za la klad pa'ang

  655. 328b

    bzung ngo / / gang gi tshe de dag za ba de'i tshe nyes par byas pa'i las kyis rkang dang klad pa dag shin tu tsha ste/ ba tshwa dang zangs bzhus pa lta bur 'gyur ro// de ltar dge slong de yi dgas kyi 'jig rten na/ bya 'dug pa dag la brtags nas/ 'di ltar rjes su bstan pa tshigs su bcad de smras pa/ las ngan mi dge tsha bas 'dir// rnam par smin pa tsha ba ste// gnod pa chen po byed pa yin// de lta bas na sdig pa spongs/ / ser snas nye bar shin tu mnyam// nyes byas las ni mi bya'o// ser snas nyams pa'i skye bo dag/ yi dgas dud 'gro rnams su 'gro// dud 'gro'i skye gnas bsgrubs nas su// gcig la gcig ni khro ba dang // 'ching zhing gsod la za bar byed// de lta bas na gti mug spongs// gti mug gis ni nyams pa'i sems// tshul khrims sbyin pa rnam spong ba// byis pa sred pas bslus pa dag/ dud 'gro'i skye gnas dag tu skye// rung dang mi rung mi shes la// bza' dang mi bza' de bzhin te// don dang don min phyi rol gang // chos dang chos min 'gal bar byed// dbang po lnga ni blun zhing rmongs/ / mi rnams dud 'gro'i skye gnas 'gro// de ltar dge slong de dud 'gro'i 'jig rten la cung zad rtog par byed de/ de ltar las kyi lu gu rgyud kyis tshe 'bum phrag du mar bar sbrel pa dag/ de ltar sdug bsngal 'bum phrag du ma dpag tu med pa'i sdug bsngal gyi rlung gis sbrel cing / dud 'gror mngon pa'i las du ma dang / rgyu dang rkyen du ma dag gis bsam pa phan

  656. 329a

    tshun 'brel pa dag ni gang rgya mtsho dpag tshad bcu yod pa 'khor de nya dang / chu srin ma ka ra dang / nya ming dang / chu srin na kra dang / dung gnas pa dag gis de dag phan tshun 'jig/ par byed do// de dag rmongs pa'i sems kyis 'dod chags spyod par byed de/ rgyu des rung ba dang / mi rung ba mngon par mi shes pas/ de'i phyir rgya mtsho'i gnas zab mor skye bar 'gyur la/ ba tshwa'i chu yis bskol ba/ rtag tu skom pas mngon par gdungs pa dag phan tshun gsod pa'i rnam pas 'jigs par 'gyur ro// rgya mtsho bar ma na gnas pa gang yin pa de dag ni zhe sdang spyod pa dag yin te/ de dag lhag par zhe sdang gi rgyus rgya mtsho bar ma dpag tshad stong yod pa der klu rnams skye zhing rtag tu gnas so// klu de dag phan tshun khro ba dag skyed cing sems khros pas 'khrugs nas/ phan tshun du gtong bar byed la/ rtag tu gnod par sems pa yin no// de dag gi gnas ni longs spyod ldan zhes bya ste/ de dpag tshad sum stong yod la/ gnas de ni klu'i rgyal po rnams kyis shin tu gang ngo / / gnas de rnams su klu'i rgyal po rnam pa gnyis te/ chos dang ldan pa dang / chos dang mi ldan pa'o// de dag mi'i 'jig rten thams cad la bde bar byed pa dang / gnod/ par byed pa yin no// gnas de'i klu'i rgyal po chos dang ldan pa rnams gang du gnas pa der klu'i rdul dag mi 'bab bo// gang du chos dang mi ldan pa dag gnas pa der klu'i rdul dag 'bab par

  657. 329b

    'gyur te/ de'ang bye ma rab tu 'bar ba 'dra la mgo la chu 'bab bo// de klu'i rgyal po de dag kun gyi gnas rab tu sreg par byed la/ des klu'i bud med du gtogs pa thams cad kyang sreg par byed de/ de nas yang 'byung bar byed pa mthong ngo // de nas yang dge slong las kyi 'bras bu rnam par smin pa shes pa des klu rnams kyi klu'i rdul gyi rgyur gyur pa dang / las la rjes su sems par byed de/ las gang gis klu de dag gi rdul du 'gyur snyam nas/ des thos pa las byung ba'i shes pas brtags na/ khro bas zil gyis non cing bus pa'i blo can nam/ rmongs pa'i blo can gang gis dge 'dun gyi gtsug lag khang ngam/ grong ngam/ grong khyer ram/ tshong rdal mos bsregs na/ de lus dang bral nas sems can dmyal ba'i nang du skye bar 'gyur ro// de nas thar nas dud 'gro klu rnams kyi nang du skye bar 'gyur ro/ / de sngon mes bsregs pa'i rgyu des/ de la 'bab pa'i phyir klu'i rdul 'bab par mthong ngo // de nas yang dge slong de klu'i 'jig rten na rtog par byed de/ las gang gis klu rnams la klu'i bye ma mi 'bab cing / las gang gis der skye bar 'gyur snyam nas/ des thos pa las byung ba'i shes pas brtags na/ gang mu stegs su gyur cing 'jig rten pa'i kun nas nyon mongs pa'i tshul can yin la/ de sbyin pa tsher ma dang bcas pa'ang byin na/ snga ma bzhin tsher ma bdun gyi nang du skyes la/ khros pas kyang bsgribs nas

  658. 330a

    'di ltar klu rnams kyi nang du skye bar gyur cig ces/ klu rnams kyi nang du smon lam btab na/ de lus dang bral nas ngan 'gro log par ltung ba longs spyod ldan gyi klu rnams kyi nang du skye bar 'gyur ro/ / der skyes nas kyang ha cang khro ba'i rang bzhin du mi 'gyur la/ chos dang ldan zhing chos kyi rjes su 'jug par 'gyur te/ de la klu'i rdul de mi 'bab cing / mgo la'ang mi 'bab bo// de nas yang dge slong las kyi 'bras bu rnam par smin pa shes pa des klu'i 'jig rten la rtog par byed de/ las gang gis klu rnams kyi gnas longs spyod ldan na/ chos dang ldan pa'i klu de dag rnam pa du yod/ chos dang mi ldan pa de dag rnam pa du yod snyam nas/ des thos pa las byung ba'i shes pas brtags na/ gang du chos dang ldan pa dag gnas pa der ni/ rin po che'i ra bas bskor cing / rin po che sna bdun 'byung la/ kun nas 'od 'byung ste/ lteng ka dang / 'bab chu dang / ut+pal phun sum tshogs pa skye ste/ bdud rtsi'i kha zas la ni za/ rtag tu bde ba la ni gnas/ lus me tog dang / phye ma dang / byug pas ni brgyan/ mgo sbrul du 'dug pa kho nar zad la/ gzhan du na 'dod pa'i gzugs can du 'gyur te/ gang du rab tu 'gro bar 'dod pa dang / gang du rnam par rgyu bar 'dod pa der so sor gnas par byed do/ / de la klu'i rgyal po 'di rnams ni chos dang ldan pa yin te/ 'di lta ste/ mgo bdun dang / glang po'i gdong dang / klu'i rgyal po nor rgyas kyi bu dang / de bzhin

  659. 330b

    du klu'i rgyal po 'jog po dang / klu'i rgyal po bzang ldan dang / klu'i rgyal po skyed pa dang / klu'i rgyal po mi 'joms pa dang / klu'i rgyal po sprin 'phreng can dang / klu'i rgyal po 'khyil pa dang / klu'i rgyal po kun 'gro dang / klu'i rgyal po rab spro ste/ klu'i rgyal po 'di rnams kyi chos dang ldan zhing chos kyi rjes su 'jug pa yin no// de rnams ni lo legs par bya ba'i phyir dus su 'bab pa'i char mi nyung bar bde bar 'bebs par byed la/ dus ma yin par 'byung ba'i ser ba dang / sprin dang / rlung dag gtong bar mi byed do// sangs rgyas dang / chos dang / dge 'dun la dad cing dad pas rjes su 'jug pa yin/ sangs rgyas kyi sku gdung bsrung la/ klu'i rdul dang bral bas shin tu bde ba yin no// de'ang mi'i gnas bzhi la 'di lta ste/ 'dzam bu gling dang / nub kyi ba yang spyod dang / shar gyi lus 'phags dang / byang gi sgyu mi snyan rnams su char 'bebs par byed de/ gang gi tshe dge sbyong dang bram ze dag chos dang ldan zhing chos kyi rjes su 'jug pa'i mi byung ba de'i tshe chos kyi brag gis klu'i rgyal po chos dang ldan pa dag stobs rab tu che bar 'gyur te/ de'i tshe char legs par 'bebs par byed cing / de'i tshe lo legs par 'gyur la/ dri dang / ro dang / kha dog phun sum tshogs par 'gyur/ 'gro ba dang / dug dang / rlung gzhan gyis gnod pa byed par mi 'gyur zhing / 'bras bu bzang po 'byung bar 'gyur la/ nyi ma dang zla ba'i 'od dag gis gnod par mi 'gyur/ klu

  660. 331a

    rgyal po chos dang ldan pa rnams ni klu'i gdug pa dang / rlung dag gtong bar mi byed do// 'dzam bu gling gi sems can rnams kyi srog gi bar chad ni rgyu bzhis byed de/ 'di lta ste/ lo nyes dang / mtshon gyis 'khrugs pa dang / dug dang / rlung gis reg pa dang / chu'i nyes pa'o// de la gal te chos dang ldan zhing chos kyi rjes su 'jug pa'i skye dgu dag 'byung ba na/ chos dang ldan pa'i klu de dag stobs dang ldan par 'gyur te/ de dag sprin ngan pa dag sprul par mi byed cing / de dag sprin ngan pa dang 'du bar mi byed la/ rlung ngan pa dag gtong bar mi byed do// de chu bo dag la gnod par mi byed cing / chu bzang pos 'bru rnams legs par skyed de/ me tog dang 'bras bu dag ro bro ba dang / mdog bzang ba dang / dri dang / ro phun sum tshogs par 'byung ngo / / de nas sems can rnams dga' bar byed la/ nad dag dang bral zhing khams rnams stobs dang ldan pa 'gyur/ de dag yang las legs pa dag byed la/ de dag sems can rnams kyi dbang gi 'bras bu'ang 'bru rnams phun sum tshogs par byed de/ de ltar rim gyis 'dzam bu gling gi mi rnams la klu dag gces smras byed par 'gyur ba mthong ngo // de nas yang dge slong las kyi 'bras bu rnam par smin pa shes pa des 'dzam bu'i gling so sor shes par byas nas/ nub kyi ba lang spyod kyi gling la rjes su sems par byed de/ chos

  661. 331b

    dang ldan zhing chos kyi rjes su 'jug pa dag ji ltar kun tu srung bar byed cig gu snyam mo/ / gling der mi yid shin tu 'jam pa dag 'byung bar 'gyur la/ de dag la bar chad gcig 'byung ba ni// 'di lta ste/ chu rnyog pa can yin te/ des nub kyi ba glang spyod kyi mi rnams dus nye bar zlums par byed do// klu'i rgyal po chos dang ldan zhing chos kyi rjes su 'jug pa de dag sprin ldang bar mi byed cing / ngam grog dang / g.yang sa dang / ri bo mi bzad pa rnams la de dag chu rnyog pa can mi 'bebs la/ klu rnams kyi mthus chu rnyog pa med par byas pas/ nub kyi ba lang spyod kyi mi rnams bde par gnas pa mthong ngo / / de nas yang dge slong las kyi 'bras bu rnam par smin pa shes pa des shar gyis lus 'phags gling la rtog par byed de/ kye ma chos dang ldan zhing chos kyi rjes su 'jug pa'i klu dag shar gyi lus 'phags gling bde bar bya ba la ji ltar 'bad snyam nas/ des thos pa las byung ba'i shes pas brtags na/ shar gyi lus 'phags kyi mi rnams la glog gi 'jigs pa dang / sgra'i 'jigs pas bar chad 'byung bar 'gyur te/ de dag gang gi tshe klog mthong ba dang / sgra thos pa de'i tshe sems shin tu 'jam pa dag la nad 'byung bar 'gyur ro// gang gi tshe der chos dang ldan zhing chos kyi rjes su 'jug pa'i klu'i bdag po dag sla'ang mi 'byin/ klog kyang mi gtong ste/ de'i tshe klu'i bdag po rnams kyis shar gyi lus 'phags kyi mi rnams la nad 'byung

  662. 332a

    dar mi byed pa mtshang/ de nas yang dge slong las kyi 'dusas rnas par ldan pa shes pa kyang sasum ldan gyis rnams kyi mnad pa la rjes sus / pa byed de/ sa mya sa rgyan mas rnams pa gnod pa shAr 'byung bar 'gyur sa nas/ skye mos pal ldang bamigs pas brgyugs na/ rlung sa m+b+ha sa ldan pa rnams sa byung g nod par byed de/ smin nag pos gnod pa dang / rlung zang mos me tog de dag zhus par 'gyur/ dri mi gas par 'gyur/ de nas de dag yid mi dga' ba bye ste/ smin nan po'i rkyen gyis bya dag gang sa snyan par 'byin la/ ba~M wang dang rnga dza'i sgra'ang mi snun par 'gyur ro// ri kun tu snang byed la sogs pa la gnas pa rnams la/ de ltar smras byas pa dag gis gnod par byed do// gang gi tshe chos dang ning chos kyi rjes su 'jug pa'i rgyal po 'byung ba de'i tshe rlung grang mo dag 'byung bar mi 'gyur la/ smin nag po'ang 'byung bar mi 'gyur ro// de ltar mi'i gnas bzhi dag la gru'i rgyal po chos dang ldan thaMng chos kyi rjes su 'jug pa rnams bde'i grub par byed/ phan ba sgrub par byed do// de nas yang dge slong las kyi 'bras bu rnam par smin pa shes pa de rgyu'i 'jig rten la rtom pa byed de/ las gang gis chos dang ldan zhing chos kyi rjes su 'jug par mi 'gyur snyam nas/ des zos pa las byung ba'i shes pas brtags na/ dzaM sngar klu'i gnas lings spyod ldan na/ mu nama?/

  663. 332b

    kyi rgyal po chos dang mi ldan pa 'di lta ste/ klu'i rgyal po rab 'joms dang / klu'i rgyal po bsgyings pa dang / klu'i rgyal po nag po dang / klu'i rgyal po hu lu hu lu ste/ de dag rgya mtsho bar ma longs/ spyod ldan na gnas so// chos dang mi ldan zhing chos kyi rjes su 'jug par mi byed pa de dag gi mthu ji lta bu yin snyam nas/ des thos pa las byung ba'i shes pas brtags na/ gang gi tshe dge skyosbyong du mi 'dzin pa dang / bram zer mi 'dzin pa'i skye dgu dag 'byung ba de'i tshe klu de dag gi dbang du 'gyur ro// de'i tshe de dag 'dzam bu'i gling du sems gdug cing lus las dug mang po 'byung bar byed/ de dag sprin ngan pa'i nang na rgyu zhing dug gi shing ljon pa 'byung bar byed de/ de dag gis rlung ma rung bar byed/ rlung des chu ma rung bar byas pa des 'bru'i tshogs shin tu ma rung bar byed/ kha zas de zos pa las nad dag rab tu 'khrug par byed do// 'bru ma rung bar byas pa des tshe dag thung bar 'gyur te/ de ltar rgyal po nyes pa che zhing sdang bas kyang phan tshun gsod pa dag byed do// de nas nyes pa des 'dzam bu gling gi mi dag rab tu nyung bar 'gyur te/ rkyen 'dis klu ma rungs pa rnams bar chad byed par 'gyur ba mthong ngo // de nas yang dge slong las kyi 'bras bu rnam par smin pa shes pa de klu'i bdag po la so sor rtog par byed de/ chos dang mi ldan pa'i rgyal po dag nub kyi ba lang spyod kyi mi rnams kyi bar chad ji ltar byed cig gu snyam nas/ des thos

  664. 333a

    pa las byung ba'i shes pas brtags na/ gang gi tshe mi rnams kyi rgyal po chos dang mi ldan pa de dag 'byung ba de'i tshe/ klu'i rgyal po chos dang mi ldan zhing chos kyi rjes su mi 'jug pa dag nub kyi ba lang spyod kyi ngam grog dang ga yang sa dang / ri bo'i rtse mi bzad pa rnams la char du byug pa lta bu 'bebs par byed de/ char pa'i chu des chu rnyog pa can du byed do// nub kyi ba lang spyod kyi mi rnams de la 'thung bar byed de/ bar chad byed pa'i rgyu ni 'di yin no// dge slong de nub kyi ba lang spyod kyi gling la yang dag par ji lta ba bzhin so sor brtags nas nang gi so so rig par byed de nas yang dge slong las kyi 'bras bu rnam par smin pa shes pa des shar gyi lus 'phags gling la rtog par byed de/ des thos pa las byung ba'i shes pas brtags na/ gang gi tshe chos dang ldan zhing chos kyi rjes su mi 'jug pa'i skye dgu dag 'byung ba de'i tshe/ klu'i bdag po ma rungs pa dag gi stobs rab tu che bar 'gyur ro// de dag shar gyi lus 'phags gling du sgra rab tu chen po 'byin te/ 'di lta ste/ ri chen po snyil ba na/ sgra 'byung ba lta bu de dag thos nas shar gyi lus 'phags gling gi mi rnams kyi snying shin tu 'jam par mi 'gyur te/ de dag kha cig nad kyis 'debs so/ / de bzhin du glog kyang 'byin te/ 'di ltar phyogs bcu thams cad 'bar ba'i 'phreng bas 'khrugs par 'gyur zhing / sprin gyi nang du zhugs pa'i klu de dag gzugs 'jigs 'jigs ltar

  665. 333b

    bsgyur ba/ mig ni shing rta'i 'khor lo tsam/ gzugs ni ri nag po 'dra la mgo gsum po las me thams cad gtong zhing khyi'i gzugs dang / sbrul gyi gzugs te/ gzugs du ma/ gzugs mi/ bzad pa dag mthong ngo // de dag mthong nas shar gyi lus 'phags gling gi mi rnams kyi bar chad du 'gyur ba mthong ngo // de nas yang dge slong las kyi 'bras bu rnam par smin pa shes pa de mtho ris las gzhan mtho ris kyi 'jig rten gnyis pa lta bu/ byang gi sgra mi snyan gyi gling la rtog par byed de/ klu'i bdag po ma rungs pa dag byang gi sgra mi snyan gyi mi rnams la ji ltar gnod pa skyed par byed snyam nas/ des thos pa las byung ba'i shes pas brtags na/ ji ltar byang gi sgra mi snyan gyi ri rnams la snga ma bzhin du pad+ma dang / rtag tu me tog rgyas pa dang / rtag tu dri zhim pa dang / mchog tu nyams dga' ba dag yin te/ de dag mthong nas byang gi sgra mi snyan gyi mi rnams 'grang ba dang / dga' bar 'gyur ro// gang gi tshe dge sbyong du mi 'dzin pa dang / bram zer mi 'dzin pa'i skye dgu dag 'byung ba de'i tshe/ klu ma rungs pa dag gis byang gi sgra mi snyan du sprin stug po ro lta bu de dag 'byin par byed de/ de dag byung ma thag tu nyi ma sgrib par byed do// de bsgribs pa'i skyon gyis pad+ma dag zhum par 'gyur zhing / dri mi zhim par 'gyur la/ nyi ma bzhin du gsal bar mi 'gyur ro// de dag zhum pa tsam gyis byang gi sgra mi snyan gyi mi rnams yid dman par 'gyur

  666. 334a

    ro/ / sprin dang rlung yang gtong bar byed la/ des pi wang dang rdza rnga rnams kyi sgra mi snyan par 'gyur te/ de ltar mi'i gnas bzhi la klu rnams bar chad byed pa mthong ngo // de nas yang dge slong las kyi 'bras bu rnam par smin pa shes pa des gling bzhi'i nang na bzang ba dang / bzang ba ma yin pa dag la rtog par byed de/ des thos pa las byung ba'i shes pas brtags na/ gang byang gi sgra mi snyan ni bde ba mngon du che ba yin la/ mi'i gnas gsum dag ni ma yin no// 'dzam bu gling du ji lta ji ltar chos dang ldan pa dang / chos dang mi ldan pa'i skye dgu 'byung ba de lta de ltar 'phel pa dang / 'grib pa dang / bde ba dang / sdug bsngal ba dag yod de/ gling gsum gyi nang na 'di ni las kyi sa yin no// 'dir ni dge ba bcu'i las kyi lam dag sems pa yin zhing / 'dir ni sangs rgyas 'byung ba yin la/ 'dir ni mi'i gnas bzhi dag ri ra ga las pa yin te/ 'di ni las kyi sa yin no// 'dir ni dge ba bcu'i las kyi lam dag nges par sems shing rnam par dpyod pa yin/ 'dir ni tshangs par spyod pa'i gnas yin/ 'dir ni 'chi ba dang skye ba sems pa yin/ 'dir ni rdo rje las byas pa'i rdo rje'i gdan yod de/ gang 'dzam bu gling du dpag tshad brgyad khri ba ni stong 'bigs pa 'khor ba thams cad na med la/ rdo rje'i gdan zil gyis gnon pa'ang med de/ sangs rgyas bcom ldan 'das gang la gnas nas byang chub kyi thugs bskyed pa'i rgyu 'dis na 'dzam bu gling 'dir 'khrungs te/

  667. 334b

    gang dang byang chub thob par byed pa dge ba'i rtsa ba'i grangs kyi rgyu gang yin pa de ni ri'i rgyal po ri rab kyis kyang yang dag par gzung bar mi nus na/ sa phyogs gzhan lta smos kyang ci dgos/ gang gis 'dzam bu'i gling 'dir sangs rgyas 'byung ba'i rgyu ni 'di yin te/ 'dir de gnya' shing gi bu kar rus sbal 'jug pa lta bur 'khrung gi/ gling gzhan du ni ma yin te/ de'i rgyu ni de yin/ rkyen ni de yin no// gang mi'i gnas bzhi la kun gyi gtso bo ni 'dzam bu gling yin te/ gling gzhan dag ni ma yin no// de nas yang dge slong las kyi 'bras bu rnam par smin pa shes pa des klu'i 'jig rten la rtog par byed de/ las gang gis klu'i rgyal po chos dang mi ldan zhing chos dang mthun par mi byed pa rnams sbal pa za ba dang / bye ma za ba dang / rlung za bar gyur snyam nas/ des thos pa las byung ba'i shes pas brtags na/ sngon mir gyur pa'i tshe gang gis bu dang chung ma rnams bkol te/ btsan brnogs byed la/ bu smad ni 'gram chu langs te re bzhin du lta ba dang / de dag gcig pu zas mang po za la/ du smad la ni kha zas ngan pa sbyin par byed pa las/ de lus dang bral ba'i 'og tu klu'i skye gnas su skye zhing / zas su sbal pa za ba dang / bye ma za ba dang / rlung za ba mthong ste/ las dang 'dra bar 'bras bu smin pa'i phyir ro/ / de nas yang dge slong las kyi 'bras bu rnam par smin pa shes pa de klu'i 'jig rten la rtog par byed de/ las gang gis klu de rnams char 'bebs par byed

  668. 335a

    las gang gis ser ba 'bebs par byed cig gu snyam nas/ des thos pa las byung ba'i shes pas brtags na/ gal te chos dang mi ldan pa'i klu'i rgyal po rnams 'khrugs na/ gcig la gcig brnyogs te/ khros pas char smin bsgrubs nas/ char 'bebs par byed cing / gnod pa'i sprin dang / rlung dang / ser ba dang ldan pa'i char drag po dag 'bebs par byed la/ des na ning la nas dang / 'bras dang / 'bru thams cad ma rung bar byed de/ de ltar gnod pa'i char 'bebs par byed pa mthong ngo // de nas yang dge slong las kyi 'bras bu rnam par smin pa shes pa de klu'i 'jig rten la rtog par byed de/ klu rnams 'dzam bu gling du rnyed pa dang ldan par bya ba'i phyir bu ram shing gi tshal dang / zhing la nas/ gro dang / 'bru rnams 'phel bar bya ba'i don du bde bar byed pa'i char ji ltar 'bebs par byed snyam nas/ des thos pa las byung ba'i shes pas brtags na/ sems can rnams kyi dbang gi 'bras bus skye bo thams cad la phan pa dang / bde ba'i phyir klu'i rgyal po chos dang ldan zhing chos dang 'thun par byed pa rnams 'byung bar 'gyur te/ de dag gis 'bru mod par bya ba'i phyir char 'bebs pa mthong ngo // de nas yang dge slong las kyi 'bras bu rnam par smin pa shes pa des klu'i 'jig rten la rtog par byed de/ rgya mtsho dang / rgya mtsho'i chu lag dag na klu ji snyed cig gnas snyam nas/ des thos pa las byung ba'i shes pas brtags na/ gal

  669. 335b

    te 'dzam bu gling ba'i mi rnams phal cher chos dang mi ldan par 'gyur na/ de'i tshe chos dang mi ldan pa rnams rgya mtsho'i chu lag dag tu klu grangs med par skye bar 'gyur ro// gal te phal cher chos dang / ldan na ni/ klu bye ba phrag lnga bcu rtsa bdun 'byung bar 'gyur te/ de dag rgya mtsho'i chu lag bzhi po dag tu rgyu bar 'gyur ro// de nas yang dge slong las kyi 'bras bu rnam par smin pa shes pa des klu'i 'jig rten la rtog par byed de/ des rgya mtsho'i chu lag dang bcas pa'i rgya mtsho'i nang gi klu'i grong khyer longs spyod ldan zhes bya ba brtags nas/ rgya mtsho'i gting gi sa gzhi la rtog par byed de/ rgya mtsho'i gting gi sa gzhi la su dag gnas snyam nas/ des thos pa las byung ba'i shes pas brtags na/ lha dang 'gran pa'i lha ma yin zhes bya ba dag gnas so// de dag mdor bsdu na rnam pa gnyis te/ yi dgas kyi 'gro bar gtogs pa rnams dang / dud 'gro'i 'gro bar gtogs pa rnams so// de la yi dgas kyi 'gro bar gtogs pa rnams ni/ bdud kyi ris kyi yi dgas rnams dang / yi dgas rdzu 'phrul chen po rnams so// dud 'gro'i 'gro bar gtogs pa gang yin pa de dag ni/ rgya mtsho'i gting gi sa gzhi la gnas te/ ri rab kyi rten dpag tshad brgyad khri bzhi stong yod pa'i sa'i 'og na gnas so/ / de dag kyang mdor bsdu na sa gzhi bzhi yod do// de las gzhi dang po la ni dpag tshad nyi khri chig stong yod de/ sa gzhi de na ni lha ma yin

  670. 336a

    rnams kyi rgyal po sgra gcan zhes bya ba gnas so/ / des ni 'dod pa'i khams su thams cad pas lhag pa'i gzugs sprul nus la/ mi rnams kyi dge ba dang / mi dge ba'i dbang gis de 'di snyam du sems te/ bdag cag lha ma yin rnams kyi 'gran zla ni lha rnams yin gyis/ bdag gis dgra de dag gi tshal dang / nags tshal dang / lha'i bu mo gang dag la lha rnams rab tu chags shing / dga' bar 'dzin pa de dag blta'o snyam mo// des de ltar bsams nas bdag nyid kyi lus brgyan te/ nor bu'i rgyal po mthon ka chen po'am/ nor bu'i rgyal po pad+ma rA ga dang / gser gyi rgyal po lam mer 'dug pa 'am/ da ma ra lnga'i rgyal po gser ram/ gos kyi rgyal po ma btags pa kha dog sna tshogs sngon po dang / dmar po dang / ser po dang / nag po rnams kyis mdzes par byed cing / nor bu'i rgyal po gang rgyan du thogs pa de'i kha dog gis sgra gcan de'i lus kyi tshad ni ri rab tsam yod pa de thams cad nor bu'i 'od de kho na dang 'dra bar snang pabapar 'gyur te/ gal te mthon ka chen po rgyan du thogs pa na ni de'i lus thams cad mchog tu sngon por snang bar 'gyur ro// dmar po'ang de dang 'dra'o// ser po'ang de dang 'dra'o// gal te/ spug rgyan du thogs na ni/ de'i lus thams cad nor bu de'i kha dog bzhin du snang bar 'gyur ro// nor bu gzhan dag rgyan du thogs na'ang / de bzhin du de dang de'i kha dog 'dra bar snang bar 'gyur

  671. 336b

    ro/ / de lha rnams kyi 'gran zla yin la/ lha ma yin gyi bu mo rnams dang / lha'i bu mo rnams ni rang bzhin gyis chags su rung ba yin te/ de dag la chags par gyur nas/ sgra gcan de phan tshun/ 'gro ba'i chas su zhugs nas/ sa gzhi de nas 'byung ngo // sgra gcan gyi sa gzhi de na de'i grong khyer 'od can zhes bya ba dpag tshad brgyad stong yod pa rin po che sna du ma'i tshal dang / nags tshal dang / shing ljon pa dang / khang khyim dang / lteng ka dang / 'bab chu dang / rdzing dang / chu ka bde ba rnams kyis mdzes par byas pa de'i nang nas lha ma yin gyi dbang po de lus me tog gi 'phreng ba dang / phye ma dang / spos kyi byug pa rnams kyis brgyan te byung nas/ de lha rnams kyi tshal dang / nags tshal rnams la lta bar byed do// de lta zhing 'dug pa na/ gal te 'dzam bu gling gi mi rnams chos ma yin// pa la zhugs te/ par mi 'dzin pa dang / mar mi 'dzin pa dang / dge sbyong du mi 'dzin pa dang / bram zer mi 'dzin pa dang / rang gi pha tshan gyi nang na rgan rabs kyi rim pa med pa dang / chos la mi rten pa dang / dkon mchog gsum la mchod pa mi byed pa dang / dge ba dang mi dge ba'i las la mi lta bar gyur na ni/ de'i tshe sa tha ma la gnas pa/ rgyal chen bzhi'i ris kyi lha rnams mthu chung bar 'gyur te/ gcig gis gcig bsogs nas/ kye lha rnams seng ge mo'i bu sgra gcan ni bdag cag gsad pa'i phyir brtul te byung ngo zhes 'dzer to// gang gi tshe 'dzam bu gling gi mi rnams chos dang

  672. 337a

    ldan par gyur te/ phar 'dzin pa dang / mar 'dzin pa dang / dge sbyong du 'dzin pa dang / bram zer 'dzin pa dang / rang gi pha tshan gyi nang na rgan rabs kyi rim pa yod pa dang / chos la rten pa dang / dkon mchog gsum la mchod pa byed pa dang / dge ba dang / mi dge ba'i las la lta bar gyur na ni/ de'i tshe sa tha ma la gnas pa/ rgyal chen bzhi'i ris kyi lha rnams kyis rin po che sna tshogs blangs zhing / lus rgyan cha lugs sna tshogs su tsha zhing lus me tog gi 'phreng ba dang / phye ma dang / spos kyi byug pa rnams kyis brgyan te/ mtshon cha sna tshogs kyi char 'bebs la/ ha ha zhes bya ba'i sgra sgrogs shing ri rab kyi khong na/ tshal dang / nags tshal gang na/ seng ge mo'i bu sgra gcan 'dug pa de dag tu rgyug go/ de ste de mi rgol na ni/ ri rab kyi ngos la tshal dang / nags tshal 'dug ba dag la/ nyi ma'i zer gyis phog pa'i 'od zer 'bum phrag mang po de'i gdong du ba ba ste/ mig la gnod par gyur pa mthong ngo // des nyi ma'i zer de mthong nas/ nyi ma'i zer gyis mig 'khrugs te/ nyi ma'i lan gyis lha'i bu mo rnams kyang lta bar ma nus/ lha'i tshal dang / nags tshal rnams dang / rdzing rnams dang / lha'i 'byor pa rnams kyang lta bar ma nus nas/ des bsams pa/ kye ma nyi ma'i lan gyis lha'i bu mo rnams bdag gis blta bar ma nus so snyam ste/ khros pas mig rtsa dmar por gyur cing / lag pas nyi ma'i dkyil 'khor sgrib par byed do// des nyi ma'i dkyil 'khor

  673. 337b

    lag pas bsgribs nas/ de dag gi lha mo rnams dang / mtho ris blta'o snyam ste/ mdog sdug cing yid du 'ong ba lta ba la rtse tshugs su 'dud do// de nas rgya mtshos ni de'i rked par phyin la/ snga/ ma bzhin du nor bu'i rgyan ji lta bu thogs pa de lta bu'i kha dog gis rked pa yan chad khyab par 'dug ste/ nor bu'i 'od kyis lag pa sngon po'am/ dmar po 'am/ ser po 'am/ nag por 'gyur te/ lag pas nyi ma'i zer gyi gnon pa bsgribs pa de/ bram ze rtog ge pa log pa'i thos pas bslus pa rnams kyis mthong nas/ nyi ma gza' sdig can gyis zin to// nyi ma gza' dmar pos zin to// nyi ma gza' ser pos zin to// nyi ma gza' nag pos zin no zhes zer zhing / las dang 'bras bu rgyab tu bor nas/ de lta bus 'tsho ba tshol ba'i phyir/ 'di ltar lo legs par 'gyur ro// lo nyes par 'gyur ro/ / rgyal po la rung bar 'gyur ro// rgyal po la mi rung bar 'gyur ro// ltas bzang ngo // ltas ngan par 'gyur ro zhes rtog ge'i rig pas ston par byed do// yang dag par na ni des nyi ma lag pas bsgribs nas/ lha'i 'jig rten tshal dang / nags tshal dang / lteng ka dang / rin po ches mdzes par byas pa dang bcas pa bde blag tu lta bar byed pa yin no// de nas lha'i dbang po brgya byin gyis de mthong nas/ lha rnams la nga'i shing rta sngon du thong la sgra gcan 'di zlog cig ces bsgo'o// de nas lha'i dbang po brgya byin gyis bsgo ba bzhin du lha rnams lus rin

  674. 338a

    po che sna tshogs kyis brgyan te/ seng ge mo'i bu sma gan+d+ha na ga la ba der 'thab mo bya ba'i phyir rgyug go// de nas des/ lha de rnams mthong nas/ phyir rang gi gnas su 'gro bar 'gyur ro/ / de nas yang dge slong las kyi 'bras bu rnam par smin pa shes pa de zla ba la gza' 'jug pa la rtog par byed de/ zla ba la sgra gcan ji ltar 'dzin snyam nas/ des zos pa las byung ba'i shes pas brtags na/ sgra gcan gyi g.yog 'khor gang yin pa de dag/ rtag tu rgya mtsho'i chu'i steng du rgyu ba de dag gis zla ba shar phyogs kyi ri'i rtse mo nas 'dzam bu gling du 'ong ba na bai DUR+Ya'i 'od kyi dkyil na/ brgya 'gyur bas kyang mdzes par mthong nas/ sgra gcan gyi g.yog 'khor rnams kyis sgra gcan la bsnyad de/ rgyal po chen po zla ba nya ba de lha'i bu mo'i bzhin kho na ltar 'dug pa 'ong ngo zhes zer ro/ / de nas de dag las thos nas/ sgra gcan lha'i bu mo la chags pas/ zla ba la lta 'dod par 'gyur nas/ sgra gcan rang gi sa gzhi nas byung ste/ lha'i bu mo'i bzhin la reg par 'dod pa'i phyir thag rang po nas zla ba'i dkyil 'khor la sgrib par byed pa de'i tshe/ rin po che du mas snga ma bzhin du lus brgyan pa de/ 'dzam bu gling ba'i rtog ge ba rnams kyis mthong nas/ yul gyi mi rnams la bsnyad de/ gza' nag po zhig go/ gza' dmar po zhig go// gza' ser po zhig go/ lo legs par 'gyur ro// me nyos par 'gyur ro// rgyal po la rung bar 'gyur ro// rgyal po la mi rung bar 'gyur ro// mtshon gyis 'gyed par 'gyur ro/

  675. 338b

    bde bar 'gyur ro zhes zer ro// nub kyi ba lang spyod dang / shar gyi lus 'phags dang / byang gi sgra mi snyan la sogs na gza' 'dug ste/ nyi ma dang zla ba la sgrib na ni/ gling de dag na rtog ge ba dag kyang med/ log par smra ba dag kyang med de/ de ltar na rgyu de lta bus gzas zla ba dang nyi ma'i dkyil 'khor la sgrib par byed do// rtogage pa rnams ni gnam grum pa'ang ston par byed de/ sgra gcan sa'i 'og na 'dug pa la/ lha ma yin rnams kyis smras pa/ kye ma ji ltar lhari dbang po ko'u shi ka ri rab kyi steng na/ grong khyer blta na sdug dang / lha'i 'dun sa chos bzang na/ lha'i 'dod pa'i yon tan lnga 'byor cing ldan par 'dug la/ bde ba rnams nyams su myong ste/ de ltar lha rnams kyi rgyal po ni ko'u shi ka lags/ bdag cag gi rgyal po ni khyod lags te/ de bas ches mthu che zhing rdzu 'phrul che ba lags kyi/ bdag cag dong la/ dbang po dang bcas pa'i lha rnams dang g.yul 'gyed par bgyi'o/ / de'i grong khyer yang gzhom par bgyi'o zhes zer ro// de ltar lha ma yin gyi dbang po sgra gcan lha ma yin rnams kyis sdad nas khros te skad 'byin cing / grong khyer 'od can de nas rings par 'byung ste/ gang gi tshe des skad phyung ba de'i tshe/ rtog ge pa rnams na re/ gan ma grum pa 'di ni lha'i ltas yin te/ lo legs par 'gyur ro// lo nyes par 'gyur ro// rgyal po la rung bar 'gyur ro/ / rgyal po la mi rung bar 'gyur ro// mtshon gyis 'gyed par 'gyur ro// mtshon gyis 'gyed par mi 'gyur ro zhes zer te/ de dag sbyin sreg byed cing zhi ba dang / bde legs su bya ba dag byed do//

  676. 339a

    de nas lha ma yin gyi dbang po sgra gcan 'di snyam du sems te/ ji tsam du grong khyer 'od can na nor bu rnams 'od gsal bar 'dug pa tsam du bdag gi pho zang ches 'od gsal bar 'gyur la/ 'od mi gsal na ni de'i 'od kyang zhan par 'gyur ba de bzhin du/ lha rnams kyis 'od byed pa'ang nor bu dang 'dra bar zla ba nya ba dang nyi ma yin gyis/ bdag gis dkyil 'khor de gnyis re re nas bsgrib par bya'o// de ltar byas pa dang / lha rnams kyi 'od med par 'gyur ro snyam ste/ de blo de lta bus gal te nyin par byung na ni/ des snga ma bzhin du lag pa'ang gcig gis ni nyi ma'i dkyil 'khor sgrib par byed do// lag pa ya gcig gis ni ri rab kyi zom la nom par byed do/ / de nas lha rnams kyis de'i lag pa mthong nas/ 'thab pa'i phyir tsha bar byed do// de nas de dud 'gror gtogs pa yin pas snying stobs chung la lha rnams kyi lus rin po che sna tshogs kyis brgyan pa/ gzi brjid kyi lus can dag mthong nas/ de bag tsha ba skye ste/ phyir sa'i 'og tu grong khyer 'od can du 'gro bar 'gyur ba 'di ni nyi ma dang zla ba la gza' 'jug pa dang / gnam grum pa'i rgyu gnyis pa yin no// de nas yang dge slong las kyi 'bras bu rnam par smin pa shes pa de lha ma yin chen po sgra gcan gyi bde ba la rtog par byed de/ des thos pa las byung ba'i shes pas brtags na/ 'di ltar de'i grong khyer ni dpag tshad stong yod la/ ri rab la brten te/ rin po che sna tshogs kyis mdzes par byas pa/ chu klung dang / lteng ka dang /

  677. 339b

    skyed mos tshal dang ldan pa/ sa gzhi gser btsoms ngargyan pa// gser gyi khang khyim byu ru'i shing ljon pas mdzes par byas pa dang ldan pa/ dril bu g.yer ka can gyi shing sngon pas sgra bsgrags/ pa/ sil snyan dang / rol mo'i sgra dang / klu dbyangs kyis rab tu dga' bar byas pa/ mtshe'u gser gyi pad+ma dag gis mdzes par byas pa dang ldan pa/ gser gyi dang mo dang / zal mo dang / du pa rnams kyis mdzes par byas pa ste / 'di lta ste/ lha yul gyi bya lta bu rma bya blta na sdug pa dag dang / nor bu'i mchu can lta bu dag dang dus thams cad du rab tu dga' zhing du 'dug pa dag dang / 'gro sa sdug pa dang / rin po che sna bdun gyi lus can dag dang / bai DU rma'i sngon po'i mdog can dag dang / mthon ka chen po'i mdog can dag dang / rab tu dga' zhing / khang bzangs kyi rtse mo mdzes bapar byed pa dag dang / mig mi 'dzums shing / char sprin gyi 'brug bla lta bu'i sgra skad 'byin pa dag dang / ltad mo che ba dag dang / bya'o cog dang 'dra bar ston pa dag dang / mthong na yid dang 'bad pab dag dang / rig 'gram ring ba sha stag dang / bya a ga ni tsud zhes bya ba mig zur byed pa mgo gnyis pa la chung ma gnyis dang lhan cig 'grogs pa dag dang / me tog gi khu bas myos shing / ba ku la'i me tog bzhin du lhan cig gtams pa dag dang / skad kyi gdangs brag cha can gser gyi rwa can dag dang / bai DUR+Ya'i rwa can chu la rtse ba dag dang / dus tshigs su rgyags pa dang / rtag tu rgyags shing rab

  678. 340a

    tu dga' ba dag dang / mig gi mdog snum pa sha stag dang / bya ka ra na da ka zhes bya ba me'i mdog can dza gra lta bu'i gdang sa dang ldan pa sha stag dang / bya sbubad+ma zhes bya ba mdog 'jam zhing glog gi kha dog can dag dang / spu sdug spel ma can nags khrod du rgyu ba dag dang / sal sul dang / gshang gshong dag na rgyu ba dag dang / rtag tu rgyags pa sha stag dang / bya b+hing gar dza dang / hu lu kun da dang / mu lu kun da dang / sprig ka gan d+ha zhes bya ba khang khyim la gnas pa/ mdog 'ja' tshon ltar 'dug pa dag dang / me tog gi chun po mchog lta bu dag dang mgrin pa mdzes pa dag dang / mgrin pa dmar ba dag dang / pad+ma lta bu dag dang / 'dab ma 'jam pa dag dang / 'dab ma drag tu spyod pa dang / 'dab ma kha dog dang dbyibs du ma dang ldan pa dag dang / mchu ring zhing nor bu dang gser las grub pa sha stag dang / khu byug dang / bya bang lus mkhregs shing mgrin pa mtho la dri ma med cing 'dab ma'i mdog sdug la/ gnyis shing nam mkha' la lding ba dang / gnyis shing chu 'thung ba dang / gnyis shing thang la 'grogs pa dang / gar byed bzhin du skad 'byin pa dang / rgyags shing skad 'byin pa sha stag dang / shing ljon pa ba ku la la gnas pa'i bya'i rigs rnams skyed mos tshal dang / nags tshal du bcas pa'i grong khyer de kho ra khor yug na gnas shing skad 'byin pa dang / grong khyer de na mtsho yod pa rnams pad+ma'i tshal rnam pa

  679. 340b

    sna tshogs kyis gang la/ nags tshal gyis 'khor zhing mdzes par byas so// grong khyer de na gser gyi shing ljon pa'i nags tshal bzhi yod de/ grong khyer de'i nags tshal de dag thams cad kyi tshad ni dpag tshad brgya yod do/ / de la nags tshal gcig gi ming ni rtsed mo can zhes bya'o// gcig gi ming ni rgyags pa'i kun dga' ra ba zhes bya'o// gcig gi ming ni dang pa'i gnas zhes bya'o// gcig gi ming ni khu byug gi kun dga' ra ba zhes bya ste/ nags tshal bzhi po de rnams kyis grong khyer de'i kho ra khor yug nas sba bar byas so// nags tshal de na shing ljon pa'i rigs sum stong yod de/ shing ljon pa de dag gi nang na gtso bo ni 'di lta ste/ sprin ltar sgrib pa dang / yal ga mtho la 'jam pa dang / bya gnas dang / rtag tu me tog rgyas dang / dpag tshad gcig tu ngad ldang ba dang / bung bas gang ba dang / sbrang rtsi 'dzag dang / gser mdog can dang / chang 'dzag dang / tsan dan sa mchog pa dang / sprin nag po'i mdog can dang / lo ma bdun pa dang ke ta ka dang / shing sprig ka dang / ser bu ngad ldang dang / a ka ru nag po'i mdog can dang / kun tu mig ldan dang / smon shing dang / nor bu'i ljon shing dang / me mdog dang / mya ngan 'tshang sngon po dang / mya ngan 'tshang dmar po dang / bku la dang / a rdzun dang / ni rdul dang / sin du ba ra ti dang / til kang dang / ni pa zhes bya ba rnams te/ khor khor yug nas pad+ma'i tshal gyis 'khor

  680. 341a

    ba/ me tog rgyas dang / ma du ka dang / na yi ke ra dang / pa na sa dang / chu shing dang / ku ba 'phyang dang / byi dur dang / sa 'ges dang / gnam 'bring dang / sprin mdog can/ dang / mthong dga' dang / sprin 'khor dang / bya mangs dang / bung mangs dang / spos 'phreng ldan dang / me tog dri zhim dang / kha dog sna tshogs can dang / me tog can dang / dus tshogs kun dga' dang / dus tshigs so sor dga' ba dang / bud med mthong dga' dang / bud med sbyin dang / rgun shing dang / ka pid tha dang / pa ru sha ka dang / kha dog dang rgyan gyis klubs pa dang 'od can dang / chu 'gram skye dang / ri mthong dga' byed dang / rgyang ring snang dang / de lta bu la sogs pa kha cig ni 'dzam bu gling na skye ba/ kha cig ni byang gi sgra mi snyan na skye ba/ shing ljon pa kha cig ni lha ma yin gyi grong khyer na sa skye ba dag yod do/ / lha ma yin gyi grong khyer snang ldan de na shing ljon pa kha cig ni me tog 'ba' zhig gi shing dang / kha cig ni me tog dang ldan pa'i shing dang / kha cig ni 'bras bu'i shing dang / kha cig ni chang byung ba'i shing dag yod do// lha ma yin gyi dbang po chen po sgra gcan de'i kho ra khor yug nas lha ma yin gyi bu mo dag gis bskor te/ shin tu gar byed cing dgod la ci mdzes su 'chos te/ rab tu rtse zhing / rab tu dga' bar byed de/ kun nas nyon mongs pa can/ ring por mi thogs pa/ mi rtag cing mi brtan pa/ mi bde bar 'gyur

  681. 341b

    ba'i bde bar nyams su myong ngo / / lha ma yin gyi dbang po de la btsun mo bzhi yod de/ gcig gi ming ni yid bzhin mdzes 'gyur zhes bya/ gcig gi ming ni spos kun ldang zhes bya/ gcig gi ming ni nags tshal mdzes zhes bya/ gcig gi ming ni bkra shis ma zhes bya'o// de dag gi g.yog mo'ang lha ma yin gyi bu mo khrag khrig phrag bcu gnyis yod de/ de'i nang na de'i kho ra khor yug nas bskor te/ 'dod pa la sems zhen cing 'dug go// de'i ngo mtshar rung ba'i bde ba dang / yul gyi longs spyod gang yin pa de dag gi ming yang shes par sla ba ma yin no// de de na lha ma yin bye ba phrag du mas zhabs 'brang byas te/ khang bzangs ka ba stong gis mdzes par byas pa/ dngul las byas pa'i khang bzhag gis dkrigs pa de na rtse zhing dga' la dga' dgur spyod de/ rang gi las kyi 'bras bu la spyod do// de nas yang dge slong las kyi 'bras bu rnam par smin pa shes pa des sgra gcan gyi las dang chos la brtags te/ las gang gis na lha ma yin gyi dbang po sgra gcan 'gro ba de lta bur song zhig gu/ 'di'i las ci zhig byas na/ las de'i rnam par smin pas 'bras bu 'di lta bu myong bar 'gyur snyam mo// 'di la tshigs su bcad pa dag yod de/ rgyu med par ni bde ba dag/ ji ltar byas kyang myong mi 'gyur/ / 'bras bu las dang 'brel ba ste// 'bras bu sa bon rag las bzhin// legs byas 'bras bu dge ba ste// lha dang mir ni nges par 'gyur// nyes byas ngan song gsum du des//

  682. 342a

    lha min 'jig rten ji lta bur// shes rag zhan cing shes rab 'tshal// dud 'gro'i skye gnas skyes de dag/ ji ltar bde ba myong ba mthong // 'di la rgyu zhig yod par 'gyur/ de ltar dge slong mchog tu yid gzungs pa dang ldan pa des thos pa dang ldan pa'i shes rab kyis brtags na/ de sngon bram ze rig byed dang / rig byed kyi yan lag dang / gtam rgyud lhur byed pa/ sbyin pa la mchog tu dga' ba zhig tu gyur nas/ des nags khung gi lam du zhugs pa rnams la'ang btung ba dang / kha zas dang / 'bras bu dang / rtsa ba dang / chu dang / khyim dang / mal cha dang stan gyi sbyin pa dag sbyin la/ sgo bzhin 'khod pa'i dman pa dang / long ba dang / bkren pa dang / sdug 'phongs pa rnams la'ang zas dang / skom dang / mal cha dang / stan mang po dag byin te/ de'i tshe ni yang dag pa'i lta ba dang ldan par gyur to// de lan cig gcig na dge 'dun gyi gtsug lag khang mi thi la'i tshal zhes bya ba rgyar dpag tshad nyi shu yod la/ mchod rten 'bum phrag du mas brgyan pa gser 'bar bas 'khor ba zhig/ rgyal po ni mi zhes bya ba la sogs pa rgyal po lnga brgyas byas pa yod de/ de'i nang na'ang mchod rten 'og gi gdan gser las byas pa/ kho ra khor yug nas gser 'bar bas 'khor ba/ rin po che sna bdun gyis mdzes par byas pa/ 'bur rnam pa sna tshogs kyis mdzes par byas pa/ sangs rgyas kyi theg pa'i tshig rnam pa sna tshogs kyis mdzes par byas

  683. 342b

    pa zhig yod la/ mchod rten de la'ang tshal dang / nags tshal dag bris pa yod de/ snga ma bzhin no// de'i tshe na shing ljon pa gang dag sgra gcan gyi gnas su bris pa de dag thams cad 'dzam bu gling na yod de/ ri mo mkhan rnams kyis ji ltar mthong ba bzhin du mchod rten de la bris so// rdzing bu mang po byas pa gang ba dag kyang yod do// snga ma bzhin no// de lan cig gcig shing rta ba ni stong dang nags khung der song ste/ 'gron po nags khung du dong ba rnams kyi phyir zas dang / thug pa dang / chu dag khyer ro// de nas re zhig na mchod rten 'phang du dpag tshad gnyis yod la/ chu zheng du rgyang grags lnga yod pa der/ mi sdig can zhig gis gsar du me btang nas/ me des mchod rten de tshig la thug ste/ bram ze des me shor ba de mthong nas de 'di snyam du sems te/ bdag la 'di'i bsod/ nams kyang mi dgos/ 'di thams cad mkhyen pa'i gnas kyang ma yin mod kyi/ 'on kyang 'di mdzes pa kho na zhig pas/ mes tshig na ni mi rung la/ rgyal pos kyang bdag bka' gyod smrar med par bya'o snyam ste/ des dad cing gus pa med par shing rta de dag gis chu bskyas nas/ mchod rten de las me bsad de/ 'di ltar des ched cher mi 'dzin par dgod bzhin du/ gal te 'di las bsod nams kyi rnam par smin pa zhig yod na ni/ de rags pa zhig yin grang gis/ de'i rnam par smin pas ci nas kyang 'dod pa'i khams na bdag las lus che ba gzhan med pa tsam du gyur cig ces byas te/ dad pa

  684. 343a

    med pa dang / sems pa med pa dang / rtag tu 'thab par sems pa'i phyir/ las de'i mthus sems pa med pa'i las de'i 'bras bu zhing dam pa'i bsod nams las/ lha ma yin gyi dbang por skyes par mthong ngo / / de nas yang dge slong las kyi 'bras bu rnam par smin pa shes pa des sgra gcan gyi yul sa gzhan yang ji tsam zhig yod ces/ des thos pa las byung ba'i shes pa 'am/ lha'i mig gis brtags na/ sa gzhi dpag tshad khri sum stong yod de/ gser gyi sa gzhi la tshal dang / nags tshal dang / lteng ka dang / rdzing dang / bya dang / shing ljon pa dang / khyim dang / grong khyer dang / glang dang / lha ma yin gyi bu mos gang ba dang / nor bu mang po dang ldan pa'i thang bud med gdu bus brgyan pa bzhin du mdzes pa de na lha ma yin gyi dbang po sgra gcan dbang byed cing / dgra zla med la/ rang dgar byed cing gar dga' bar 'gro ba dang / lha ma yin gyi dbang po'i yul sa de na/ lha ma yin rnams kyi yul bcu gsum yod de/ de na lha ma yin rnams gnas so// de rnams kyi ming la 'di lta ste/ za ba po rnams dang / rab tu rgyug pa rnams dang / nad gtong ba la dga' ba rnams dang / nor bu'i do shal thogs pa rnams dang / bung ba ltar 'khyil pa rnams dang / mig dmar ba rnams dang / kun tu rgyug pa rnams dang / chu na gnas pa rnams dang / nam mkha' la gnas pa rnams dang / lhun po'i

  685. 343b

    khong na gnas pa rnams dang / lteng ka sdug gu rnams dang / nya gdong po rnams dang / lam chen ldan rnams so// de dag gi 'phel 'grib ni gang gi tshe skye dgu rnams dge sbyong du mi 'dzin/ bram zer mi 'dzin pa de'i tshe ni/ lha'i phyogs ni 'grib par 'gyur la/ lha ma yin gyi phyogs ni 'phel bar 'gyur te/ de'i tshe chos dang mi ldan pa rnams ni ches mthu che la/ lha rnams ni zhan par 'gyur ro// gang gi tshe skye dgu rnams dge sbyong du 'dzin cing / bram zer 'dzin pa de'i tshe ni/ lha ma yin gyi phyogs ni 'grib par 'gyur la/ lha'i phyogs ni 'phel bar 'gyur te/ lha dang lha ma yin gnyis kyi 'phel 'gro ba ni/ de ltar chos dang chos ma yin pa la rag las so// de nas yang dge slong las kyi 'bras bu rnam par smin pa shes pa des sgra gcan gyi yul na gnas pa'i lha ma yin/ rnams kyi las dang chos la rtog par byed de/ des thos pa las byung ba'i shes rab kyis brtags na/ gang dag gis dud 'gro rnams la srog gi sbyin pa byas te/ nya rnams gson par bya ba'i phyir/ ba'i rgyu rnams dral ba dang / gang dag gis rnyed pa 'dod pa'i phyir ram/ grags pa 'dod pa'i phyir ram/ rgyal pos bka' stsal pa'i phyir ram/ rigs kyi chos lugs yod pa'i phyir srog gcod legs par bsrungs la/ lhag ma gzhan ni chos ma yin par thams cad byed pa de dag lus dang bral ba'i 'og tu ngan song log par ltung ba sgra gcan gyi yul du lha ma yin du skye bar

  686. 344a

    'gyur ro/ / de dag gi tshe'i tshad kyi khyad par ni/ mi rnams kyi lo lnga brgya gang yin pa de/ de dag gi nyin zhag gcig tu brtsi ba de lta bu'i lo lnga stong thub ste/ bar ma dor 'chi ba ni yod do/ / rab 'bring du 'gyur ba ni sems la rag las so// bong tshod dang / kha dog dang / mtha' yang las dang / chos la rag las te/ sems can rnams kyi sems dang / mos pa sna tshogs las 'gyur ro/ / // dam pa'i chos dran pa nye bar gzhag pa bam po nyi shu gnyis pa/ de nas yang dge slong las kyi 'bras bu rnam par smin pa shes pa des rgya mtsho'i gting sgra gcan gyi sa gzhi la rtog par byed de/ des thos pa las byung ba'i shes pa shin tu gsal ba rnam par dag pas/ sgra gcan gyi sa gzhi'i 'og na sa gzhi gnyis pa yul sa tha dad pa zla ba'i 'phreng ba zhes bya ba dpag tshad nyi khri chig stong yod pa ji ltar 'dug pa mthong ngo / / de nas lha ma yin mgul 'phreng zhes bya ba gnas pa/ lha ma yin de rnams kyi bdag po mgul 'phreng zhes bya ba zhig yod de/ sa gzhi de na gnyis shing rtse ba zhes bya ba'i grong khyer dpag tshad brgya stong pa tshal dang / nags tshal dang / lteng ka dang ldan pa/ pad+ma'i rdzing dang / 'bab chu dang / ri sul dang / gser gyi ri bo dang / gser gyi brag dang / pha bong dang / bya skyibs dang / ri dgas dang / bya spu mdog sdug gu rnams kyis mdzes par byas pa/ bai DUR+Ya'i sa gzhi dang / gsing ma

  687. 344b

    mdog sdug gus mdzes par byas pa/ bya sna tshogs skad snyan pa 'byin pa/ lha ma yin gyi tshogs mang po yul gyi skye bo 'byor pas gang ba/ kun nas rin po che sna bdun mchog tu yid du 'ong bas brgyan pa/ shing ljon pa dag gis snga ma bzhin du mdzes par byas pa/ klu'i me tog dang / klu'i shing mya ngan 'tshang dang / shing d+ha ba dang / seng ldeng dang / rgya skyegs kyi shing sna tshogs kyis mdzes par byas pa de na shing ljon pa'i sna grangs 'di lta bu dag lhag par mang du yod de/ 'di lta ste/ ni sha dang / pra ha sa dang / i ti ni sha dang / ba gu da dang / ni tan ta dang / me tog ljid pa dang / kun tu dga' dang / me tog rgyas dang / ljid kyis non dang / lo lnga zhing me tog 'byung ba dang / bung ba mngon par dga' dang / sgra 'ur 'ur dang / bya skad ca co can dang / dkar por snang ba dang / lo mas rgyas rnams te/ gnyis shing rtse ba'i grong khyer de na shing ljon pa'i sna grangs de lta bu dag lhag par mang ngo // grong khyer de'ang gser gyi ri rtse bzhi pa'i dbus na 'dug ste/ 'di lta ste/ ri'i rtse mo dga' byed dang / ri'i rtse mo lhang tsher dang / ri'i rtse mo rtse mi snang dang / ri'i rtse mo yid 'ong gser zhes bya ba rnams te/ de dag kun kyang kun nas 'phang du dpag tshad lnga stong yod do/ / de dag gi tshal rnams kyang 'bab chu dang / chu bo dang / chu bsil ba dang / ri dgas kyi tshogs kha dog rnam pa sna tshogs can rnams kyis mdzes par byas pa/ skyes pa

  688. 345a

    dang bud med kyi tshogs rtag tu dga' ba rnams kyis gang ba/ rin po che'i sgo sna tshogs rnams kyis mdzes par byas pa/ tsan danas mchog gi shing ljon pa 'dud pa'i klung ltar rtag tu bsil zhing dri zhim pa rnams kyis nye bar 'tsho ba/ me tog gi rnam pa dag gis rtag tu brgyan pa/ rma bya 'bum phrag du ma sgra snyan pa 'byin pa/ lha ma yin chen pos bskyangs pa/ grang ba dang tsha bas nyams pa med la/ skye bo rab tu dga' bas rtag tu gang ba/ rol mo'i sgra dang / glu dang / bro dang / dgod pas rtag tu dga' ba yin no// lha ma yin gyi grong khyer chen po skar 'phreng de ngag gi dbus na mtsho chen po kun nas chu dang zheng du dpag tshad lnga yod pa/ rab tu dang ba/ ro shin tu zhim pa/ 'dam rdzab dang rnyog pa med pa/ chu rtag pa zla ba gnyis pa ltar rab tu gsal ba yin no// skar 'phreng gi dbus na mtsho yod pa gang yin pa de ni kun mthong zhes bya la/ de'i mthu ni 'di lta bu yin te/ gang gi tshe lha ma yin g.yul 'gyed par byed pa de'i tshe/ lha ma yin mgul 'phreng dag mtsho kun mthong der 'gro bar byed do/ / de dag mtshon cha dang go mtshon sna tshogs thogs nas/ g.yul 'gyed pa'i ltas blta ba'i phyir mchod yongs su bskor nas 'khod do// de dag gi gzugs brnyan de dag ji ltar me long g.ya' med pa'i nang na gzugs brnyan snang ba de ltar mtsho de'i nang na snang ngo / / de dag lha dang lha ma yin gyi g.yul du gal te pham par gyur na/ mtsho de'i nang du rang rang gi gzugs

  689. 345b

    brnyan de dag 'bros par snang ngo / / gang dag lha dang lha ma yin gyi g.yul 'gyed pa der/ 'chi bar 'gyur na ni rang rang gi gzugs brnyan mtsho'i nang na 'chi bar snang ngo // lha ma yin rnams kyi bdag po mgul 'phreng zhes bya ba gang yin pa de dang / lha ma yin gyi dbang po lha ma yin gyi grong khyer 'dod pa'i rlung zhes bya ba na 'dug pa gang yin pa de 'bros pa dang / nges par 'chi bar 'gyur bar de ltar mtsho// de'i nang du mthong ngo // de dag 'di snyam du sems te/ gang gis bdag cag kun mthong gi mtsho'i nang du lha rnams las pham zhing nyams par 'gyur ba mthong ba'i rgyu gang yin/ rkyen gang yin snyam byed do// de nas yang de rnams grong khyer de dag tu dong ste/ lo brgya lon nam/ lo lnga brgya lon nam/ de ltar lo bcu lon nam/ de nas yang mtsho kun mthong ga la bar lha ma yin mgul 'phreng dang / lha ma yin gyi dbang po brtan pa dang lhan cig dong ste/ de ltar mtshon cha dang go mtshon sna tshogs thogs pa/ cha byad dang / me tog 'phreng ba dang / phye ma dang / byug pas lus bskus pa de dag mtsho kun mthong de yongs su bskor nas 'khod do/ / de nas yang mtsho yongs su bskor ba de dag nyid kyis/ mtsho de'i nang na 'dzam bu gling gi mi mar 'dzin pa dang / phar 'dzin pa dang / dge sbyong du 'dzin pa dang / chos dang ldan zhing chos kyi rjes su 'jug pa dang / lha dang 'thun par sgrub pa de dag shi nas lha rnams kyi nang du skye bar 'gyur ba mthong ngo // de nas mtsho de'i nang du lha'i phyogs ni rgyal bar 'gyur/

  690. 346a

    lha ma yin gyi phyogs ni pham par 'gyur ba mthong ba dang / lha ma yin mgul 'phreng zhes bya ba dang / lha ma yin gyi dbang po brtan pa zhes bya ba de dag 'di snyam du sems te/ kye/ ma lha rnams ni mi la rag las/ mi'i kho na las mi la rten pa yin te/ bdag cag gis gang mi rnams la mi phan pa dang / mi bde bar bya ba'i phyir 'bad pa dang / de dag nyams pas/ lha rnams kyang // thub par 'gyur ro snyam du de ltar bsams nas/ lha ma yin mgul 'phreng dang / lha ma yin gyi dbang po brtan pa dag sems par byed de/ 'di ltar mi rnams ni kha zas la rag las shing rten pa yin te/ mi de rnams kyi kha zas chud gsan pa la 'bad par bya'o snyam nas/ de dag gis de ltar shes nas rgya mtsho'i nang na klu chos dang mi ldan pa khro ba'i shas che ba/ rtag tu gnod pa'i bsam pa can 'khod pa gang yin pa de dag smra bar byed de/ 'di lta ste/ klu'i rgyal po rab 'joms dang / klu'i rgyal po nag po dang / klu'i rgyal po bsgyings pa dang / klu'i rgyal po hu lu hu lu ste/ de dag la sogs pa chos dang mi ldan zhing chos kyi rjes su mi 'jug pa rnams la/ lha ma yin mgul 'phreng dag na re/ 'di ltar khyed cag la rag las pa'i mi de dag ni lha'i phyogs yin la/ de dag gi srog kyang kha zas kyis 'tsho'o/ / khyed cag la rag las pa kha zas kyis 'tsho ba'i mi de dag ji ltar med par 'gyur ba de ltar gyis shig/ gang gi phyir 'di ltar khyed cag dang / klu'i rgyal po nor rgyas dang / 'jog pa

  691. 346b

    la sogs pa shin tu dgrar gyur pa ltar/ bdag cag dang lha rnams kyang de lta bu yin te/ khyed cag gis bdag cag gi grogs bya ba de ni rigs pa yin no zhes smras so// de nas lha ma yin mgul 'phreng dang / lha ma yin gyi dbang po brtan pa dag gi tshig thos na/ chos dang mi ldan pa'i klu rnams kyis bdag cag dang / khyed cag phyogs 'thun pa yin te/ de ltar bya'o zhes smras nas/ de dag ni rang gi gnas su dong ngo / / klu'i rgyal po khros pas gdungs pa rnams kyang gnas su dong nas/ gal te chu dpag tshad brgyar g.yo bar byed/ gal te dpag tshad nyis brgyar/ gal te dpag tshad sum brgyar g.yo bar byed do/ / chu'i steng na ni sa 'dug ste/ gang gi tshe klu sdang ba rnams kyis chu g.yo bar byed pa de'i tshe/ chu g.yos pas sa g.yo bar byed pa/ phyogs de'i chu'i tshad ji tsam du g.yo bar byed pa de tsam du sa g.yo bar byed de/ klu sdang ba khro bas gdungs pa rnams kyi mthu ni de lta bu yin no// de dag bram ze rtog ge pa bstan bcos ngan pas bslus pa rnams kyis tshor nas/ 'di ltar lo legs par 'gyur ro/ / lo nyes par 'gyur ro// rgyal po la rung bar 'gyur ro// rgyal po la mi rung bar 'gyur ro// mtshon gyis 'khrug par 'gyur ro// mtshon gyis 'khrug pa med par 'gyur ro// char leg par 'bab par 'gyur ro/ / char legs par mi 'bab par 'gyur ro// ba lang dang bram ze 'phel bar 'gyur ro// ba lang dang bram ze 'grib par 'gyur ro zhes de ltar mi rtog ge pa dag mngon par rjod

  692. 347a

    par byed de/ de ltar sa g.yo bar 'gyur ro// yang rgyu gzhan gyis sa g.yo bar byed pa la/ de ltar dge slong de thos pa las byung ba'i shes pas rtog par byed de/ sems can rnams kyi dge ba dang mi dge ba'i dbang gis rlung sa 'dzin zhes bya ba g.yo bar byed do/ / de g.yos pas chu g.yo bar byed/ chu g.yos pas sa g.yo bar byed de/ dpag tshad lnga brgya'am/ dpag tshad brgya 'am/ dpag tshad nyis brgya 'am/ dpag tshad sum brgya'am/ dpag tshad bzhi brgya 'am/ de ltar tshad ji tsam du rlung g.yo bar byed pa'i tshad de tsam du chu g.yo bar byed la/ chu g.yo ba'i tshad kyis/ sa g.yo bar byed do// de la gang rlung dag g.yo ba na chu g.yo bar byed/ chu g.yos pas sa g.yo bar byed pa'i rgyu ni gang / rkyen ni gang / gzhi ni gang yin snyam nas/ dge slong des thos pa las byung pa'i shes pa'am/ lha'i mig gis brtags na/ rlung gis chu 'dzin la/ chu sa las brten te/ rlung de dag g.yos na chu g.yo bar 'gyur/ de dag g.yos pas sa g.yo bar 'gyur ro snyam nas de ltar rgyu des nas g.yo bar 'gyur ro/ / sa g.yo ba de'ang dge slong des rnam pa gnyis su mthong ste/ gal te dge ba'i las kyis dbang gis g.yo na ni/ de dge bar 'gyur te/ sems can gyi bde pa dang lo legs pa yin no/ / gal te mi dge ba'i dbang gis g.yo na ni/ las kyi mtha' spyad cing byas pa'i sems can rnams kyis de mi dge bar 'gyur ro// dge ba dang mi dge ba la rag las pa

  693. 347b

    thams cad ni rgyu med pa ma yin/ 'dod rgyal gyis byung ba ma yin/ byed pa pos gnas su byas pa ma yin te/ rgyu dang 'thun par 'bras bu 'byung ngo // 'bras bu mngon par mi shes pa'i rtog ge/ ba dag na re/ 'di ltar dbang po'i phyogs dag sa g.yo'o// rlung gi phyogs dag sa g.yo'o// chu lha'i phyogs dag sa g.yo ste/ lo legs par 'gyur ro// lo nyes par 'gyur ro// rgyal po la rung bar 'gyur ro/ / rgyal po la mi rung bar 'gyur ro// char legs par 'bab par 'gyur ro// char legs par 'bab par mi 'gyur ro// mtshon gyis 'khrug par 'gyur ro// mtshon gyis 'khrug pa med par 'gyur ro/ / ba lang dang bram ze 'phel bar 'gyur ro// ba lang dang bram ze 'grib par 'gyur ro zhes de ltar rtog ge pa dag rtog par byed do// de'ang cig gcig yin te/ gal 'dod rgyal ba brgya snyed yod pa de dag gi nang na 'di ltar 'du shes pa de kho na nyid gcig yin no zhes de dag rjod par byed do/ / de nas gzhan yang dge slong las kyi 'bras bu rnam par smin pa shes pa des lha ma yin mgul 'phreng dang / lha ma yin gyi dbang po brtan pa dang / klu'i rgyal po chos dang mi ldan pa rab 'joms la sogs pa 'jig rten la phan par mi byed pa shes nas/ gnyen po chos dang ldan pa rjes su sems par byed de/ kye ma klu sdang ba de dag dang lha ma yin sdig can 'jig rten la mi phan pa byed pa de dag ji ltar pham par 'gyur snyam nas/ des

  694. 348a

    thos pa las byung ba'i shes pas brtags na/ 'di ltar gal te 'dzam bu gling du chos dang ldan zhing chos kyi rjes su 'jug pa'i mi dge sbyong du 'dzin pa dang / bram zer 'dzin pa dang / rigs kyi rgan rabs la gus par byed pa'i rgyal po dang blon po chen po 'byung na/ sa bla'i gnod sbyin de dag mthu che bar 'gyur te/ de dag gis klu dang / lha ma yin sdig can sa'i 'og na gnas pa de dag g.yos par mthong nas/ chos dang ldan zhing chos kyi rjes su 'jug pa'is bla'i gnod sprin de dag gis par snang la rgyu ba'i ga nod sprin rnams dang / klu'i rgyal po 'jog po dang / nor rgyas kyi bu la sogs pa la'ang snga ma bzhin bsnyad do// de nas sa bla'i gnod sbyin de dag las thos nas/ bar snang la spyod pa'i gnod sbyin rdzu 'phrul che zhing mthu che bar 'gyur te// rgyal chen bzhi'i lha kun tu rgyu ba rnams la sbran pa'i phyir/ khro bo'i shugs kyis kha tshangs dag par snang la 'byung zhing 'ong la/ 'di ltar lha dag klu snang ba rnams dang / lha ma yin sdig can rnams mi chos dang ldan zhing chos kyi rjes su 'jug pa rnams ma rung bar bya ba'i phyir 'jug par byed do zhes bsnyad do/ / gnod sbyin gyi kha rlangs byung ba de rtog ge pa bstan bcos ngan pa la sems rnam rmongs pa dag gis mthong nas/ 'di ltar gshin rje'i bu brgya rtsa gcig gi nang na gshin rje'i bu du ba mjug rings 'byung ngo zhes brjod de/ gnod sbyin mthu rab tu chen po brgya rtsa gcig gyen du 'gro

  695. 348b

    bar snang ba dang / mi snang ba gang yin pa de dag la rtog ge pa dag na re/ 'di ltar 'di ni gshin rje'i bu brgya rtsa gcig gi nang na mjug rings byung ngo zhes gzhan du yongs su rtog cing lo legs par 'gyur ro/ / lo nyes par 'gyur ro// rgyal po la rung bar 'gyur ro// rgyal po la mi rung bar 'gyur ro// mtshon gyis 'khrug par 'gyur ro// mtshon gyis 'khrug pa med par 'gyur ro// ba lang dang bram ze 'phel bar 'gyur ro/ / ba lang dang bram ze 'grib par 'gyur ro// char legs par 'bab par 'gyur ro// char legs par 'bab par mi 'gyur ro// yul gyi mi che ge mo zhig la gnod par 'gyur ro/ / yul gyi mi che ge mo zhig la gnod par mi 'gyur ro zhes de dag log par rtog par byed pa mthong ngo // de nas yang dge slong las kyi 'bras bu rnam par smin pa shes pa de klu rnams dang / lha ma yin sdig can g.yos pa rnams la rtog par byed de/ des thos pa las byung ba'i shes pas brtags na/ 'di ltar gnod sbyin rdzu 'phrul che zhing mthu che ba rnams lha kun tu rgyu ba rnams la sgrog par byed pa sngar bstan pa ji lta ba bzhin du mthong ste/ kun tu rgyu ba rgyal chen bzhi pa de rnams kyis kyang 'di ltar lha ma yin gyi phyogs ni 'grib bo// bdag cag gi lha'i phyogs kyi stobs ni rab tu che'o/ / 'dzam bu gling na chos dang ldan zhing chos kyi rjes su 'jug pa'i mi mar 'dzin pa dang / phar 'dzin pa dang / dge sbyong du 'dzin pa dang / bram zer 'dzin pa dang / sdom pa blangs

  696. 349a

    pa dang / rigs kyi rgan rabs la gus par byed pa dag yod pas/ klu sdang ba dang lha ma yin sdig can rnams las bdag cag rgyal bar 'gyur gyis/ ma 'jigs shig ma 'jig shig ces sgrog par byed do/ / gnod sbyin rdzu 'phrul che zhing mthu che ba de dag lha kun tu rgyu ba de dag gi tshig de thos nas/ lha ma yin du gtogs pa la shin tu khro yang khro la rab tu dga' ba rnams klu'i rgyal po/ chos dang ldan zhing chos kyi rjes su 'jug pa 'jog po dang / nor rgyas kyi bu la sogs pa la de dag thams cad snga ma bzhin du bsnyad do// lus thams cad rab tu 'bar ba dag gal te nyin par 'ong na de'i tshe ma'i 'od zer rnams zil gyis mnan nas ma mngon no/ / de nas lus thams cad rab tu 'bar ba dag klu chos dang ldan zhing chos kyi rjes su 'jug pa rnams la sbran pa'i phyir mtshan mo rgya mtsho'i nang du 'ong ba na de dag thams cad skye bo kun gyis mthong bar 'gyur la/ de mthong nas rtog ge pa rnams skar mda' ltung bar sems te/ 'di ltar skar mda' ltung bas lo legs par 'gyur ro// lo nyos par 'gyur ro// rgyal po la rung bar 'gyur ro// rgyal po la mi rung bar 'gyur ro// mtshon gyis 'khrug par 'gyur ro// mtshon gyis 'khrug pa med par 'gyur ro// mi ngas 'byung bar 'gyur ro// mi ngas 'byung bar mi 'gyur ro/ / ba lang dang bram ze dag 'phel bar 'gyur ro// ba lang dang bram ze dag 'grib par 'gyur ro zhes de ltar las mngon par mi shes pa dag 'thun par yongs su rtog par byed do//

  697. 349b

    / de nas yang dge slong de skar mda' ltung ba la rtog par byed de/ des thos pa las byung ba'i shes pas/ rgyu gzhan gyis skar mda' ltung ba ji ltar ltung ba mthong ste/ lha rnams kyi gzhal med khang mgyogs par nam mkha' la 'gro la/ gzhal med khang phan tshun 'gro ba gang yin pa de dag 'drud pa las me byung ba gang yin pa de dag la rtog ge pa dag na re/ 'di ltar skar mda' rab tu lhung ba las lo legs par 'gyur ro/ / lo nyes par 'gyur ro// rgyal po la rung bar 'gyur ro// rgyal po la mi rung bar 'gyur ro// bde bar 'gyur ro// mi bde bar 'gyur ro// ba lang dang bram ze 'phel bar 'gyur ro// ba lang dang bram ze 'grib par 'gyur ro zhes de ltar rtog ge pa las kyi 'bras bu mngon par mi shes pa dag 'jig rten pa'i mtshan ma'i ltas ston par byed do// de ci'i phyir zhe na/ de ltar las kyi 'bras du rnam par smin pa phra mo so sor shes pa gang yin pa ni lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu dang / lha dang mi dang / lha ma yin rnams kyi nang na de med de/ 'di ltar bdag cag gis chos 'dul ba la sems pa ni/ dge ba bcu'i las kyi lam gtso bor byed pa yin no// de nas yang dge slong las kyi 'bras bu rnam par smin pa shes pa de so sor rtog par byed de/ kye ma bar snang la rgyu ba'i gnod sbyin mthu bo che rnams kun tu rgyu ba'i lha rnams kyi drung dang / rgya mtsho na gnas pa'i klu chos

  698. 350a

    dang ldan pa rnams kyi drung du ji ltar 'gro snyam nas/ des thos pa las byung ba'i shes pas brtags na/ bar snang la rgyu ba'i gnod sbyin rab tu 'bar ba rnams rgya mtshor zhugs te/ klu'i rgyal po chos dang ldan pa nor rgyas kyi bu dang / 'jog po la sogs pa la 'di ltar lha ma yin mgul 'phreng dang / lha ma yin gyi dbang po brtan pa de dag mtsho kun mthong du bdag nyid lta bar byed do zhes snga ma bzhin par snang la rgyu ba'i gnod sbyin rnams las thos nas/ klu'i rgyal po longs spyod ldan na gnas pa nor rgyas kyi bu dang / 'jog po la sogs pas bar snang la rgyu ba'i klu rnams la 'di ltar bdag gis chos dang mi ldan pa'i klu de dag mthus phyir bzlog cing bskrad de/ chad pas kyang bcad nas/ 'dzam bu gling na chos dang ldan pa rnams kyi lo legs par bya ba dang / char dbab pa dang / rlung gis gnod pa med par bya ba dang / 'dzam bu gling du 'bras sA lu dang / nas dang / bza' ba dag 'byung bar bya ba dang / chos dang ldan zhing chos kyi rjes su 'jug pa'i mi rnams kyi grogs bya'o zhes bsnyad do/ / klu de dag la de skad bsnyad nas/ sa bla'i gnod sbyin rnams klu chos dang mi ldan pa dag ga la ba der g.yul 'gyed pa'i phyir dong ste/ klu'i rgyal po rab 'joms dang / klu'i rgyal po bsgyings pa la sogs pa la/ 'di ltar khyed ni chos dang mi ldan zhing chos kyi rjes su mi 'jug pa yin la/ nged ni chos dang ldan zhing chos kyi rjes su 'jug

  699. 350b

    pa yin te/ de ltar khyed cag dang nged cag mi mthun par gyur cing 'gran zlar gyur pas nged cag ni khyed cag brdeg pa'i phyir 'dir 'ongs so zhes smras so// de thos nas klu'i rgyal po rab 'joms dang / bsgyings pa la sogs pa de dag g.yul 'gyed du lhags te/ de dag phan tshun glog gi char mang po byung ba na de gang gi tshe mar 'dzin pa dang / phar 'dzin pa dang / dge sbyong du 'dzin pa dang / bram zer 'dzin pa'i skye dgu 'byung ba de'i tshe/ klu'i rgyal po nor rgyas kyi bu dang / 'jog po la sogs pa rgyal bar 'gyur la/ klu'i rgyal po rab 'joms la sogs pa pham par 'gyur te/ de ltar 'dzam bu gling du char legs par 'bab par 'gyur zhing / des na lo legs par 'gyur ro// de'i tshe rtogage pa dag na re/ 'di ni rgyu skar gyi yon tan yin no// 'di ni gza'i yon tan yin no// 'di niltas kyi yon tan yin no zhes brjod de/ char legs par 'bab pa gang dus dus su 'bab pas char dus dang 'thun par rab tu 'bab ste/ ba lang dang bram ze dag kyang de'i 'bras bu yin gyi gzhan gyi ma yin no zhe'o/ / gang gi tshe mar mi 'dzin pa dang / phar mi 'dzin pa dang / dge sbyong du mi 'dzin pa dang / bram zer mi 'dzin pa dang / chos dang mi ldan zhing chos kyi rjes su mi 'jug pa'i skye dgu dag 'byung ba de'i tshe/ klu'i rgyal po chos dang ldan pa nor rgyas kyi bu la sogs pa pham par 'gyur la/ klu'i rgyal po rab 'joms dang / klu'i rgyal po bsgyings pa la sogs

  700. 351a

    pa rgyal bar 'gyur te/ lo nyes pa 'byung bar byed de/ char 'bab mi mkhas par byed/ char drag pa rnams kyis lo tog ma rung bar byed/ than pa 'byung bar byed pa dang bram ze rtog ge ba dag gzhan du sgyur bar byed de/ 'di ltar 'di ni rgyu skar gyi nyes pa yin no// 'di ni gza'i nyes pa yin no// 'di ni dus kyi nyes pa yin no// 'di ltas kyi nyes pa yin no zhes de ltar rtog ge ba las kyi 'bras bu mngon par mi shes pa de dag 'di ltar gzhan du sbyar yang de kho na ni mi mthong ngo / / de ci'i phyir zhe na/ de ni nga'i nyan thos sam/ nga'i chos 'dul ba 'di thos nas las kyi 'bras bu rnam par smin pa so sor shes pa gtso bor byed pa 'am/ 'bras bu so sor shes pa ma gtogs par/ lha dang bcas pa'i 'jig rten dang / tshangs pa dang bcas pa dang / dge skyong dang bram zer bcas pa'i skye dgu dang / lha dang / mi dang / lha ma yin rnams kyi yul gyi 'jug pa ma yin te/ gzhan ma yin par mthong ngo // de nas yang dge slong las kyi 'bras bu rnam par smin pa shes pa des lha ma yin gyi sa la rtog par byed de/ gang gi tshe gang du klu chos dang mi ldan zhing chos kyi rjes su mi 'jug pa rnams klu chos dang ldan pa rnams kyis pham par byas pa de'i tshe/ lha ma yin mgul 'phreng dag gis shes par 'gyur te/ lha ma yin mgul 'phreng dag dang / lha ma yin skar 'phreng gi grong khyer na gnas pa dang / gzhan tshal dang / nags

  701. 351b

    tshal na gnas pa de dag thams cad yi mug cing byin nyams la bzhin ngo tsha nas/ khyim du phyir lhags te/ kye e ma lha ma yin bdag cag rnams kyis lha rnams thub par mi nus la byin nyams so/ / gang gi tshe bdag cag gis lha rnams pham par byed nus shig gu zhes de skad smras nas/ lha ma yin mgul 'phreng dag gis/ sgra gcan la lha ma yin gyi dbang po 'di ltar rmad kyis yun ma ring bar bdag cag gis lha rnams pham par bgyid rngo thog gis/ nan tan mdzad du gsol zhes smras pa dang / de skad thos pa dang / lha ma yin gyi dbang po sgra gcan gyis/ lha ma yin mgul 'phreng dang lha ma yin gyi dbang po brtan pa dag la 'di ltar ngas yun mi ring bar lha dag dbang po dang bcas te thub par bya yis/ snying las chung ngur 'khod cig ces smras so// skra gcan las sku ma yin mgul 'phreng dag gis de skad thos nas/ de nas yid rab tu dga' ste rang gi gnas su zhugs so// de nas yang dge slong las kyi 'bras bu rnam par smin pa shes pa des lha ma yin gyi grong khyer skar 'phreng zhes bya ba la brtags nas/ phyi rol la'ang so sor rtog par byed de/ mgul 'phreng zhes bya ba dag gi sa gzhan phyi rol gyi tshal dang / nags tshal rnam pa du yod snyam nas/ des thos pa las byung ba'i shes pas brtags na/ lha ma yin mgul 'phreng zhes bya ba dag gi tshal dang / bya rnams dang / nags tshal dang / nye ba'i tshal dang / lteng ka dang

  702. 352a

    'bab chu'i dngo dang / pad+ma'i rdzing rnams kyis dpag tshad khri phrag sum stong du gang ba/ bya dang pa dang / ka ran da pa dang / ngur pa dag gis mdzes par byas shing nye bar brgyan/ la kun tu sdug par byas pa/ kun nas nyams dga' ba/ spro zhing rab tu dga' ya rtag tu mang ba ji ltar 'dug pa mthong ste/ de nas tshal chen po bdun yod pa la 'di lta ste/ gser gyi 'og pag sprin dang / rtag tu nyams dga' ba dang / skyed mos tshal dga' dang / 'bras bu rtag tu mdzes dang / rlung bde dang / tin ti kun dga' dang / smras pa ste/ de dag ni lha ma yin mgul 'phreng dag gi skye bo gnas pa'i tshal chen po dag yin no/ / sa de dag kyang lha ma yin rtag tu dga' ba rnams kyis gang ba yin te/ lha ma yin las kyi 'bras bu la spyod pa rnams gnas par mthong ngo // de nas yang dge slong las kyi 'bras bu rnam par smin pa shes pa des lha ma yin mgul 'phreng dag gi 'bras bu rnam par smin pa la rtog par byed do/ mgul 'phreng dag las gang gis der skye bar 'gyur snyam nas// des thos pa las byung ba'i shes pas brtags na/ phyi rol pa gang gis gtan pa dang bcas pa/ sdig pa dang bcas pa/ skyon dang bcas pa'i mchod sbyin byas shing bza' ba dang / bca' ba rab tu mang po dag bshams nas/ tshul khrims dang ldan pa la ma byin/ sems kyis ma bsgoms pa'i sbyin pa ngan pa/ sbyin pa de byin pa de ni lus dang bral nas ngan 'gro log par ltung ba dud 'gro'i

  703. 352b

    / 'gro ba lha ma yin mgul 'phreng rnams kyi nang du skye bar 'gyur la/ sbyin pa tha ma dang / 'bring dang / mchog rnams kyis bde ba tha ma dang / 'bring dang / mchog myong bar 'gyur te/ rgyu dang 'thun par 'bras bu 'byung bar 'gyur ba mthong ngo / / de nas yang dge slong las kyis 'bras bu rnam par smin pa shes pa de lha ma yin gyi dbang po brtan pa'i las kyi 'bras bu rnam par smin pa la rtog par byed de/ las kyi rnam par smin pa gang gis brtan pa dag lha ma yin rnams kyi rgyal srid byed snyam nas/ des thos pa las byung ba'i shes pas brtags na/ 'di ltar mir gyur pa rkun ma gzhan gyi nor rdzas kyis 'tsho ba/ sems pa dang bral ba'i sems kyis phyi rol pa'i 'dod chags dang bral ba gcig la zas kyis tshim par byin pa'i las des lha ma yin rnams kyi rgyal srid byed pa mthong ngo / / de nas yang dge slong de lha ma yin mgul 'phreng zhes bya ba'i tshe la rtog par byed de/ lha ma yin mgul 'phreng gi tshe'i tshad ji srid du thub snyam nas/ des thos pa las byung ba'i shes pa 'am/ lha'i mig gis brtags na/ mi rnams kyi lo drug brgya gang yin pa de dag ni/ lha ma yin mgul 'phreng rnams kyi nyin zhag gcig la/ grangs brtsis pa de'i lo drug stong thub ste/ dus ma yin par 'chi ba ni yod do// legs par byas pa dang / nyes par byas pa'i las kyi 'bras bu ni/ las thams cad la rag las pa yin no// des dud 'gro'i 'gro bar bsdus pa lha ma

  704. 353a

    yin gnyis pa dag gis la brtags na/ chos la chos kyi rjes su lta zhing gnas so// sems can 'khor bar gtogs pa thams cad ni/ chos la brten pa/ chos kyi 'gro ba/ chos skyob pa yin te/ legs par byas pas lha dang mi rnams kyi nang du skye la/ nyes par byas pas sems can dmyal ba dang / yi dgas dang / dud 'gro rnams kyi nang du skye bar 'gyur ro// de nas yang dge slong las kyi 'bras bu rnam par smin pa shes pa des rtog par byed de/ ji ltar na lha kun tu rgyu ba rnams gnod sbyin rdzu 'phrul chen po rnams las thos nas ci zhig byed cig gu snyam nas/ des thos pa las byung ba'i shes pas brtags na/ 'di ltar lha kun tu rgyu ba rnams rgyal chen bzhi dang / lha 'phreng thogs rnams la 'di ltar lha ma yin chos dang mi ldan zhing chos kyi rjes su mi 'jug pa rnams kyis klu rnams la/ 'di ltar chos dang ldan zhing chos kyi rjes su 'jug pa'i mi rgyu gang gis 'chi ba'i dus byas nas/ lha rnams kyi nang du skye bar 'gyur pa rnams la bar chad bya bar 'bod cig/ de dag sbyin pa dang / tshul khrims dang / shes pa thams cad kyang kha zas la rag las pa yin la/ de dag kyang kha zas la rten pa yin pas/ 'dzam bu gling du khyed deng la/ le tog thams cad dbrog pa dang / 'bru/ thams cad ma rung bar bya ba'i phyir char po ba cig ces rab tu gzengs stod par byed pa de dag bdag cag la bsnyad do// chos dang ldan zhing chos kyi rjes su 'jug pa bar snang la rgyu ba'i gnod sbyin gang yin pa de

  705. 353b

    rnams kyis kyang de dag bdag cag la bsnyad la/ bdag cag gis kyang khyed cag la bsnyad pa lags so// khyad cag gis kyang nye ba na gnas pa'i lha gang yod pa de dag la bskrad cing / lag na yol go thogs pa rnams kyis kyang pi wang can gsum pa rnams la/ pi wab can gsum pa rnams kyis kyang rtag tu myos pa rnams la bsnyad de/ de ltar rgyal chen bzhi pa rnams kyis chos dang mi mthun pa 'di rgya cher bsnyad do/ / so so'i bye brag ji lta bu yin pa/ rgyal chen bzhi pa de rnams kyis kyang grong khyer chen po blta na sdug na lha'i 'dun sa chos bzang dag gi 'dod pa'i yon tan lnga 'byor par gyur pa'i lha rnams kyi dbang po ko'u shi ka la snga ma bzhin rgya cher bsnyad do/ / de nas lha rnams kyi dbang po ko'u shi kas/ 'jig rten skyong ba rnams la bsgo ba/ 'jig rten skyong ba dag 'dzam bu gling na/ ci sangs rgyas dkon mchog la dang dam/ chos dkon mchog la dad dam/ dge 'dun dkon mchog la dad dam/ dge sbyong du 'dzin ta ma/ bram zer 'dzin tam/ byas pa gzo 'am/ byas pa la phan 'dogs sam/ drang ba yin nam/ drang ba'i rang bzhin can yin nam/ mar 'dzin tam/ par 'dzin tam/ rigs kyi rgan rabs la gus par byed dam/ tshes grangs kyi smyung ba la nye bar gnas sam/ g.yo thabs dang tshul 'chos pa la ma chags sam gzhal lugs la g.yo byed cing mi slu 'am/ phan tshun gnod pa dag byed dam mi byed/ 'dzam du gling du deng la rtogs shig ces bsgo ba dang / lha de ltar 'tshal lo zhes smras na/ 'jig rten skyong ba dag mi

  706. 354a

    rnams la phan par bya ba'i phyir 'dzam bu gling ga la ba der dong ste/ yul nas yul/ ldongs nas ljongs/ grong rdal nas grong rdal/ grong nas thong / grong khyer nas grong khyer tshong rdal nas tshong rdal du de dag rtog par byed de/ 'dzam bu gling na chos dang ldan zhing chos kyi rjes su 'jug pa'i mi dag gang gnas pa 'dzam bu gling 'di thams cad la snga ma bzhin so sor rtog par byed do/ / 'jig rten skyong ba bzhi po de dag gal te chos dang ldan zhing chos kyi rjes su 'jug pa'i skye dgu dag mthong na/ de dag rgya mtsho'i nang du zhugs nas/ longs spyod ldan na gnas pa'i klu nor rgyas kyi bu dang / 'jog po la sogs pa la klu dag ma 'jigs shig/ grogs po dag ma 'jigs shig/ dam pa'i chos kyi phyogs ni 'phel lo// bdud kyi phyogs ni 'grib bo// mun nag mi gsal ba'i phyogs ni sel lo/ / bdud kyi ris ni bsrabs so// chos dang ldan zhing chos kyi rjes su 'jug pa'i lha dang / mi dang / klu rnams rab tu dga' 'o// chos kyi rnga ni kun tu brdungs so// chos kyi dbyangs rab tu len du bcug ste/ lha'i phyogs ni 'phel lo// bdud kyi phyogs ni 'grib bo// klu dang lha ma yin chos dang mi ldan pa rnams ni 'grib cing 'dug go zhes bsnyad do// de thos nas klu nor rgyas kyi bu dang / 'jog po la sogs pa dga' bar gyur pa rnams kyis 'jig rten skyong ba mgu ba dag la 'di skad ces/ lha dag bdag cag rab tu dga' ste/ bdag cag dang mi'i 'jig rten na mi rnams la klu dang lha ma yin

  707. 354b

    chos dang mi ldan pa rnams kyis bar chad bya bar mi nus te/ rab tu dga' zhing mchis so zhes de skad lha rnams kyi dbang po brgya byin la gsol cig ces smras pa dang / de skad zos nas klu rnams kyi drung nas 'jig rten skyong ba dag lha rnams kyi dbang po brgya byin ga ba drer dong ste/ snga ma bzhin de skad bsnyad pa dang / de nas lha rnams kyi dbang po brgya byin yid rab tu dga' nas/ 'di ltar tshigs su bcad de smras pa/ thub pa de nyid gzigs pa yis// khyed la lam gtong 'di gsungs pa// mi gang rab tu gnas pa ni// lha yi 'dun sar 'gro bar 'gyur// sems can rnams la bden dang de bzhin du/ / sbyin dang byams pa bsrung zhing tshig snyan smra// yang dag lta dang dri ma bral ba'i yid// sangs rgyas kyis ni mtho ris lam du gsungs// dkar po'i chos dang yang dag ldan// dkar po'i sems la brten pa rnams/ / snang las snang ba'i me tog dang // sgron las sgron ma gzhan 'byung ltar// snang las snang ba'i mchog 'byung zhing // bde las shin tu bde bar 'gro// de bas skyes bu sgron ma mchog/ ngam thog tu ni ltung mi 'gyur// rtag tu nor bu dri mad ltar// rtag tu gang zhig sems dag pa// de ni zho ste nga med brtan// lha rnams kyi ni nang du 'gro/ bsam gtan tshul khrims ting 'dzin dag/ gang gi sems la shin tu bsgoms// brtan po de ni gser 'dra ste// lha rnams kyi ni nang du 'gro// srog gcod pa dag spangs pa dang /

  708. 355a

    sems can kun la snying rje mchog/ brtse ldan drang po zhi ba dag/ lha rnams kyi ni nang du 'gro/ 'jig rten kun la tshig 'jam zhing // zhe sdang las ni rnam spangs la/ sdig pa'i chos kyis mgos pa// lha rnams kyi ni nang du 'gro// gang la rtswa dang gser mnyam zhing // gang gis 'dod pa dug lta bu// 'dod chags spangs pa'i brtan po de// lha rnams kyi ni nang du 'gro/ / 'dod chags rgyu ste yid 'ong ba'i// yul gyis ma drang gang yin pa// de ni 'jigs pa'i dgon las rgyal// lha rnams kyi ni nang du 'gro// grogs po gnyen bshes rtsa lag dang / / phan tshun mi mthun gyur pa la// gang zhig shin tu sdums byed pa// lha rnams kyi ni nang du 'gro// 'dod pa'i 'dam las drangs shing skyon bsal ba// sems can kun la rtag tu bde 'dod gang / / de ni dri med zhi ba yid 'grol zhing // de ltar bdud kyi skyobs ni 'jom par byed// gang zhig dbang la blo gnas shing // rdo yi dbang du mi 'gro gang // de ni dgra las rnam rgyal te// lha rnams kyi ni nang du 'gro// lus kyi las mtha' dge ba dag/ sdig las bral ba bde ldan gang // de ni 'dod spangs bsam gtan pa// lha rnams kyi ni nang du 'gro/ / sdig pa'i grogs po rnam spangs shing // sred pa'i zhags pas nges grol la// bud med zhags pas ma bcings pa// lha rnams kyi ni nang du 'gro// gang dag chos la rab 'bang

  709. 355b

    cing / / sbyin dang tshul khrims ting 'dzin ldan// blo gros brtan zhin rtag brtson pa// lha rnams kyi ni nang du 'gro// ral gris zhags pa bcad pa ltar// gang gis 'ching ba bcad pa des// rang dbang zhags pa bcad pa yin// lha rnams kyi ni nang du 'gro// 'dod pa'i dri mas ma gos brkam pa med// skyon dag spangs shing bcom ste sred dang bral// nyes med dri bral sems can brtan pa de/ / rang gi 'bras bu la spyod mtho ris 'gro// sems can mir ni gyur pa gang // legs par byas pa mang sprad pa// las kyi rnam smin de yis su// lha yi 'jig rten rang tu 'gengs/ / mi yi mthu yis lha 'byung la// lha yi mthu yis mi 'byung ste// phan tshun mthus 'byung 'di dag ni// dam pa'i chos kyi lam du gnas// lha yi bde 'gro mi yin la// mi yid de// 'gro lha yin te// ngan song gsum gyi sa dag ni// dge ba'i las rnams spangs pa yin// de ni khyed yin rtag tu brtson// legs par mthong ba mchog yin te// rtag tu chos spel byed pa gang // lha mchog rnams ni rab tu 'dod/ / bde ba thams cad chos las byung // mya ngan 'das pa chos las 'byung // gnyid log rnams la chos ston cig/ 'gro ba mchog ni chos yin no// de skad ces bsgo nas lha rnams kyi dbang po brgya byin 'jig rten skyong ba de dag la/ yang 'di skad du mi rnams yongs su bsrung ba'i phyir dang / chos rnams 'phel bar bya ba'i phyir 'bod cig ces bsgo'o// de nas yang dge

  710. 356a

    slong las kyi 'bras bu rnam par smin pa shes pa des lha rnams kyi sems kyi rtog pa rig nas/ nang gi chos la chos kyi rjes su lta zhing gnas so// de nas yang dge slong/ las kyi 'bras bu rnam par smin pa shes pa des lha ma yin rnams kyi sa gnyis pa la brtags nas/ sa gsum pa la rtog par byed de/ lha ma yin rnams kyis gsum pa'i rnam pa ji lta bu yin snyam nas/ des thos pa las byung ba'i shes pas brtags na/ sa gzhi gsum pa gang yin pa ni dpag tshad nyi khri chig stong yod do// sa gzhi de'ang gnas bzang po zhes bya ste/ tshal dang / nags tshal dang / ldeng ka dang / 'bab chu'i dngo dang / skye bo 'thun pa sna tshogs kyis gang ba/ rtag tu spro ba dang / rol mo'i sgra snyan pas gang ngo // grong khyer zab pa zhes bya ba dpag tshad brgyad stong yod de/ grong khyer de na lha ma yin gyi dbang po me tog 'phreng zhes bya ba gnas so/ / lha ma yin de rnams kyang rtse ba la gnas pa zhes bya la/ grong khyer zab pa de'ang rin po che rnam pa du ma dang / tshal dang / nags tshal dang ltesteng ka dang / pad+ma'i rdzing rab tu mang po dang ldan pa/ 'dam dang rnyog pa dang bral ba'i pad+mo skye ba'i rdzing rnams kyis mdzes par byas pa/ lha ma yin rtse ba'i grogs po dang ldan pa rnams kyis kun nas yongs su bskor ba/ dus tshigs drug nyams dga' ba/ tshal chen po bzhi rnams kyis mdzes par byas pa la 'di lta ste/ dril du g.yer ka'i 'phreng ba'i tshal zhes bya ba gang du dril bu g.yer ka'i shing

  711. 356b

    ljon pa rtag tu sgra dbyangs snyan pa 'byin pa dang / 'di ltar tshal gnyis pa gser 'phreng zhes bya ba gang du gser gyi shing ljon pa skye ba dang / tshal gsum pa me 'phreng zhes bya ba gang du me lta bu'i shing / ljon pa 'bras bu dmar po 'byung ba dang / tshal bzhi pa 'dres pa zhes bya ba gang du me tog dang 'bras bu 'dres pa rnams mdzes par byas pa yin te/ tshal bzhi po de rnams kyis lha ma yin gyi grong khyer zab pa mdzes par byas so/ / gang na lha ma yin rtse ba'i grogs dang lhan cig gnas pa ni lha dang 'thun par bde bar gnas pa yin te/ de ltar gnas pa de dag ni me tog 'phreng dang / phye ma dang / byug pa rnams kyis lus brgyan pa/ spro ba dang / dga' ba dang / rtse ba dang / brgal ba dang / dgod pa rnams kyis rtag tu gnas pa/ lha ma yin gyi bu mo 'bum snyed kyis yongs su bskor ba/ lha ma yin gyi dbang po me tog 'phreng gis bskyangs pa/ skyed mos tshal du rtag tu rtse bar gnas pa/ lus kyi bar bar rin po che rnam pa sna tshogs kyis brgyan pa yin te/ lha ma yin gyi dbang po brtan pas gnas gnyis pa na gnas pa lha ma yin 'dzam pa zhes bya ba lha ma yin me tog 'phreng zhes bya ba'i drung du mngags te/ 'di ltar mi'i 'jig rten na/ mi 'di dag thams cad mar 'dzin pa dang / par 'dzin pa dang / dge sbyong du 'dzin pa dang / bram zer 'dzin pa dang / byas pa la phan 'dogs pa yin la/ de ltar gnas pa de dag ni/ mi mthu che ba rnams kyis lha rnams mthu che ba yin te/

  712. 357a

    des na bdag cag dang klu dang bcas pa rnams kyis nges par lha dang mi rnams kyi dam pa'i chos kyi bar chad bya ba la 'bad par bya'o zhes snga ma bzhin du de dag thos nas/ gnas gsum pa na gnas pa lha ma yin gyi dbang po me tog 'phreng shin tu dga' ste/ bdag cag gi dgra bo lha 'di dag mi la rag las pa yin pas lha dang mi'i bar chad bya'o zhes smras so// de nas lha ma yin rtse ning gnas pa mtshon dang / go cha sna tshogs kyis lus rnam par brgyan pa/ shin tu chag pa rnams klu rnams kyi gnas longs spyod ldan ga la ba der dong ngo // de nas lha ma yin gyi sgra de dag zos nas/ klu'i rgyal po chen po nor rgyas kyi bu dang / 'jog po la sogs pa lus la glog gi 'phreng ba 'bar ba 'byung ba shin tu chas pa rnams glog mang po char ltar 'byin pa na/ rgya mtsho'i dbus nas klu 'bum phrag bye ba du ma dag mngon par 'byung ngo / / de nas lha ma yin de rnams dang / klu de rnams rgya mtsho'i dbus su g.yul chen po 'gyed par 'gyur te/ de gang gi tshe chos dang ldan zhing chos kyi rjes su 'jug pa'i mi 'byung pa de'i tshe/ lha ma yin rnams pham par 'gyur la/ gal te chos dang mi ldan zhing chos kyi rjes su mi 'jug pa'i skye dgu 'byung na snga ma bzhin de'i tshe/ lha ma yin gyi phyogs rgyal bar 'gyur te/ klu'i phyogs pham par 'gyur ro/ / de ltar thams cad chos la rag las pa yin te/ de gang gi tshe klu pham par gyur na/ de dag kun tu rgyu ba'i lha rnams la/ kye grogs po dag 'di ltar lha ma yin rnams

  713. 357b

    kyi mthu la bgegs bya ba'i phyir 'bod cig ces smras so/ / de nas kun tu rgyu ba'i lha khro bas gdungs pa rnams kha rlangs 'byin bzhin du rgyal chen bzhi'i lha rnams la/ kye lha dag 'di ltar lha ma yin gyi phyogs 'di ni mthu che ste/ klu rnams ni pham mo// lha ma yin rnams ni rgyal gyis/ g.yul bsham pa la rab tu 'bod cig ces smras so// kun tu rgyu ba'i lha'i bu de dag dang kha rlangs de mthong nas kyang rtog ge pa de dag na re/ 'di ltar du ba mjug rings byung ste/ lo legs par 'gyur ro// lo nyes par 'gyur ro// char legs par 'bab par 'gyur ro// char legs par 'bab par mi 'gyur ro/ zhes snga ma bzhin sbyar te/ 'di ni du ba mjug rings ston pa'i rgyu gnyis pa yin no// de gang gi tshe lha dang / klu dang / gnod sbyin dag rgyal bar 'gyur ba de'i tshe/ char legs par 'bab cing lo 'gru par 'gyur/ de'i tshe nad 'byung bar mi 'gyur zhing mtshon gyis 'khrug par mi 'gyur ba dang / 'di lta ste/ rtog ge pa dag na re/ 'di ltar gzas char phab bo zhes bya ba la sogs pa rgya cher sbyar ro// de nas gang gi tshe chos dang mi ldan zhing / chos kyi rjes su mi 'jug pa'i skye dgu 'byung zhing / mar mi 'dzin pa dang / phar mi 'dzin pa dang / rgan rabs la gus par mi byed pa de'i tshe/ lha ma yin gyi phyogs rgyal bar 'gyur te/ char mi 'bab cing chos dang mi ldan pa rnams kyi lo legs par mi 'gyur/ mtshon gyis 'khrug par yang 'gyur ro// de la rtog ge pa dag gzhan du bsgyur te/

  714. 358a

    ga ba'i nyes pas char mi 'bab bo// rgyu gar gyi nyes pas lo nyes par 'gyur ro zhes snga ma bzhin sbyar te/ de ltar chos dang chos ma yin pa mngon par mi shes pa rtog ge ba dag/ gzhan du bsgyur zhing / 'jig rten pa la gzhan du sgrogs so// de ltar mi shes pas nyams pa thams cad ni mu stegs ya mtshan gyi blor 'gyur ro// gang gi tshe lha ma yin rnams kyi klu rnams zil gyis mnan pa de'i tshe/ de nas yang 'jig rten skyong ba bzhi dag rgyal chen bzhi pa rnams la 'di ltar sgra sgrogs par byed de/ chos lugs rgyal bar gyur cig chos min rgyal ma gyur// bden pa rgyal bar gyur cig brdzun pa rgyal ma gyur/ / lha rnams rgyal bar gyur cig lha min rgyal ma gyur// snang ba rgyal bar gyur cig mun pargyal ma gyur// sbyin pa rgyal bar gyur cig 'jungs pa rgyal ma gyur/ / tshul khrims rgyal bar gyur cig gsod pa rgyal ma gyur// sangs rgyas rgyal bar gyur cig mu stegs rgyal ma gyur// brtan po rgyal bar gyur cig g.yo ba rgyal ma gyur// chos bzhin rgyal bar gyur cig dor sgyu rgyal ma gyur/ / snying rje rgyal bar gyur cig brtse med rgyal ma gyur// byams pa rgyal bar gyur cig khro ba rgyal ma gyur// brgya byin rgyal bar gyur cig lha min rgyal ma gyur/ / gong ma rgyal bar gyur cig 'og ma rgyal ma gyur// 'grangs pa rgyal bar gyur cig bkres pa rgyal ma gyur// ye shes rgyal bar gyur cig gti mug rgyal ma gyur// bya ba rgyal bar

  715. 358b

    gyur cig bya min rgyal ma gyur/ / brtson 'grus rgyal bar gyur cig le lo rgyal ma gyur// skyes pa rgyal bar gyur cig bud med rgyal ma gyur// rgan rabs rgyal bar gyur cig byis pa rgyal ma gyur// bzod pa rgyal bar gyur cig sdang ba rgyal ma gyur// mi rnams rgyal bar gyur cig rab 'joms la sogs pa// phung par byed pa'i klu rnams rgyal ma gyur// nyin mo rgyal bar gyur cig mtshan mo rgyal ma gyur/ / zla ba rgyal bar gyur cig gza' rnams rgyal ma gyur// lo tog rgyal bar gyur cig rtsings pa rgyal ma gyur// bde ba rgyal bar gyur cig bde min rgyal ma gyur// nad med rgyal bar gyur cig nad rnams rgyal ma gyur/ / 'jam po rgyal bar gyur cig rtsub po rgyal ma gyur// thar pa rgyal bar gyur cig bcings pa rgyal ma gyur/ gzhung lugs rgyal bar gyur cig lugs min rgyal ma gyur/ / gces pa rnams ni thams cad rab tu rgyal bar shog/ gces min dag ni dus rnams kun tu bcom par shog/ de ltar 'jig rten skyong ba bzhi dag rnga bo cha thogs nas/ lha rnams la rgyugs shig rgyugs shig ces smra'o/ / de nas lha rnams de dag gis smras pa thos nas mtshon cha dang go cha sna tshogs bgos te/ klu rnams dang / lha ma yin rnams lhan cig g.yul 'gyed par mig 'tshums pa tsam gyi tshad du der thams cad byin no/ / de nas lha ma yin rnams kyis de dag la brtags nas/ 'di ltar dge slong du 'dzin pa dang / bram zer 'dzin pa'i skye dgu 'byung ba snga ma

  716. 359a

    bzhin du sbyar te/ de'i tshe lha ma yin rnams kyis lha de dag mthong nas/ sa'i 'og gzhan ga la bar thams cad 'jug par byed do// gal te dge sbyong du mi 'dzin pa dang / bram/ zer mi 'dzin pa'i skye dgu byung na/ lha rnams dang de dag lhan cig g.yul 'gyed par gshom ste/ de dag yud tsam zhig g.yul bkye nas/ lha rnams kyis pham par byas nas/ de nas yang lha ma yin gyi dbang po me tog 'phreng dang / lha ma yin pham pa rnams dang lhan cig rang rang gi gnas su 'jug par mthong ngo // de nas yang dge slong las kyi 'bras bu rnam par smin pa shes pa des lha dang lha ma yin gyi g.yul mthong nas/ yang dag pa ji lta ba bzhin chos la chos kyi rjes su lta zhing gnas so// de nas yang dge slong las kyi 'bras bu rnam par smin pa shes pa de/ gnas gsum pa la gnas pa zhes bya ba'i lha ma yin me tog 'phreng zhes bya ba la sogs pa'i las kyi chos kyi rnam par smin pa la rtog par byed de/ las kyi chos kyi rnam par smin pa gang gis lha ma yin gnas gsum pa gnas bzang du skye bar 'gyur snyam nas/ des thos pa las byung ba'i shes pas brtags na/ gang gis dus su sbyor ba'i don du byang dam/ sil khrol ba 'am/ du gul la ka ba 'am/ bsdus pa 'am/ dga' 'dun par gyur pa dag la sbyin pa ngan pa byin pa de sems pa dang mi ldan zhing / shing bzang po ma yin pa la byin pa de lus dang bral nas ngan 'gro log par ltung

  717. 359b

    ba gnas gsum pa na gnas pa'i lha ma yin gyi nang du skye bar 'gyur ro/ / de dag mi rnams kyi lo bdun brgya gang yin pa de dag gi nyin zhag gcig yin la/ bgrang ba de'i lo bdun stong thub ste/ dus ma yin par 'chi ba ni yod par mthong ngo // de nas yang dge slong las kyi 'bras bu rnam par smin pa shes pa des lha ma yin gyi bdag po me tog 'phreng gi las kyi 'bras bu rnam par smin pa la sems par byed de/ des thos pa las byung ba'i shes pas brtags na/ 'di ltar sems pa dang mi ldan pa gang gis tshul khrims 'chal pa la zan gcig byin na/ las des lha ma yin gyi gnas zab par lha ma yin gyi bdag po bdud rtsi dri ma can za bar 'gyur ba mthong ngo / / de nas yang dge slong las kyi 'bras bu rnam par smin pa shes pades sa gzhan ra zhi ba la rtog par byed de/ de thos pa las byung ba'i shes pas 'di ltar dud 'gror gtogs pa lha ma yin gyi gnas gzhan bzhi pa mi g.yo ba zhes bya ba dpag tshad nyi khri chig stong yod pa mthong ngo // de'i dbus na grong khyer mdzes pa zhes bya ba dpag tshad brgyad stong pa gcig yod do/ / gnas de'ang dpag tshad khri sum stong yod de/ grong khyer de na lha ma yin gyi dbang po rab spro zhes bya ba gnas so// gnas den lha ma yin gnas pa gang yin pa de dag gi ming ni kun spro zhes bya ste stobs che ba yin no/ / rgyal po de'ang lha ma yin de dag pas stobs shin tu che ba yin te/ shin tu bde ba/ shin tu brtan pa/

  718. 360a

    mthu dang ldan pa/ rdzu 'phrul dang ldan pa/ gar yang 'jig pa med pa/ dbang po dang bcas pa'i 'jig rten yang grangs su mi brtsi ba/ brtson 'grus lhag pas rab tu rgyags pa/ thams cad sa'i 'og gi gting na gnas pa yin la/ de las 'og tu gyur pa ni gzhan gang yang med de/ de nor bu'i sa gzhi'i steng na gnas so// de rtogs par yid rab tu dga' zhing rtag par spro la/ dga' pa rtag par yid sna tshogs su shin tu phye ba/ yul gyi sred pa sna tshogs la rnam par chags pa dag gnas gzhan bzhi pa grong khyer zab pa na shin tu bde bar gnas so// grong khyer de'ang kun nas pad+ma'i rdzing dang / 'bab chu'i dngo dang / bskyed pa'i sa dang ra bas mdzes par byas pa/ rin po che sna bdun gyi khang pas brgyan pa/ 'gran zla dang dral ba/ phan tshun bshes gnyen mi mthun pa dang bral ba/ phan tshun 'khrugs pa dang bral ba/ 'gran zla'i 'jigs pa dang bral ba/ nam mkha' gnyis pa lta bu yin te/ ji ltar nam mkha' la gza' dang / rgyu skar dang / skar ma'i tshogs rnam pa du ma dag gis mdzes par byas pa de ltar yang grong khyer de'ang kun nas rin po che rnam pa sna tshogs dag gis brgyan cing mdzes pa yin no/ / 'dir tshigs su bcad pa// byed kun sems la rag las shing // 'bras bu sems la rag las mthong / / ji ltar sems ni sna tshogs ltar// de lta bur ni 'bras bu'ang mthong // 'jig rten srid gsum rjes 'gro 'di// thams cad sems kyis sna tshogs bris// sems kyi/

  719. 360b

    dbang du ma gyur gang // de yi gnas ni ye med do// yid ni thar dang bcings pa yi// gnyis kyi gzhi dang rgyu ru gyur// dge ba yis ni skye bo 'grol// mi dges myur du 'ching bar byed// de ltar sems can sems kyi dbang / / srid pa gsum na 'khyam par 'gyur// sred pas rmongs pa'i sems can rnams// sems kyi dbang du gyur nas 'gro// dmus long lam bzang mi mthong ltar// mya ngan 'das pa 'thob mi 'gyur/ / ji ltar sems can de rnams kyis yang dag pa'i lam bsgrubs pa de ltar rgyu sna tshogs dang mthun par gyur pa'i gnas de sna tshogs su snang ngo // 'di ltar gnas de grong khyer de'i phyi rol na 'dug pa yin te/ shing ljon pa dang / nye ba'i tshal dang / lteng ka dang / grong rdal dang / pad+ma'i rdzing dang / chu bo rnam pa sna tshogs dang / bya rnam pa brgya snyed kyis mdzes par byas pa yin no/ / de'i gnas bzhi pa de na lha ma yin gnas pa gang yin pa de dag kun spro zhes bya ste/ brtan pa/ ngag tsha ba med pa/ cha byad dang rgyan shin tu bzang bas lus brgyan pa rnams gnas pa/ phan tshun yid la cung zad kyang 'khrug par mi byed pa/ rtag tu yid la spro zhing dga' ba dang ldan pa/ bud med cha byad dang rgyan sna tshogs kyis brgyan pa'i tshogs rnams kyis yongs su bskor cing gnas te/ brgya 'am yang na stong du dga' bar byed/ rtse bar byed/ yongs su spyod par byed do// gnas gzhi de'ang nor bu thogs pa'i bud med rnams kyis rtag tu brgyan pa/

  720. 361a

    lha ma yin kun spro rnams rtag tu lha ma yin gyi dbang po rab spro'i bka' shin tu nyan pa/ yid shin tu phye ba/ de la bka' nyan pa'i ngo bo ni rtag tu dbang du gyur par mthong de nas yang dge slong las kyi 'bras bu rnam par smin pa shes pa des lha ma yin gyi dbang po rab spro'i las kyi rnam par smin pa la rtog par byed de/ der las gang gis skye bar 'gyur snyam nas/ des thos pa las byung ba'i shes pas brtags na/ 'di ltar 'das pa'i dus na log par lta ba la zhen pa/ las kyi 'bras bu mngon par mi shes pa/ sangs rgyas dang / chos dang / dge 'dun las kyir phyogs par gyur pa gang la/ re zhig gcig na dge slong tshul khrims dang ldan pa/ shin tu brtson 'grus dang ldan pa/ lam du zhugs par gyur pa zhig gis nan gyis bsod snyoms gcig bslangs pa dang byin no/ / byin nas kyang bdag gis bsod snyoms byin pa'i 'bras bu ni don med cing 'di las bdag gi chos su 'gyur ba'ang med la/ log par rab tu 'byung ba/ dmangs rigs 'di la bdag gis bsod snyoms sbyin pa 'di ni tsha sgo can la bsod snyoms byin par zad do zhes kyang smra na/ zhing 'ba' zhig yon tan dang ldan la/ gzhan gyi ngo chen gyis sbyin pa tsher ma can nyams pa byin pa des/ lus dang bral nas ngan 'gro log par ltung ba dud 'gro rnams kyi nang du skye bar 'gyur te/ sa gzhi shin tu 'byor pa rin po ches brgyan pa/ g.yo ba

  721. 361b

    med pa dag tu zhing shin tu yon tan dang ldan pa dang / sems pas dngos po ma bzung ba de'i las kyi rnam par smin pas lha ma yin kun spro zhes bya ba rnams kyi bdag por ba spro zhes bya ba so sor 'gran pa lta bu'i bde ba thams cad dang ldan par 'gyur ba mthong ngo / / // dam pa'i chos dran pa nye bar gzhag pa bam po nyi shu gsum pa// de nas yang dge slong las kyi 'bras bu rnam par smin pa shes pa des lha ma yin kun spro zhes bya ba rnams kyi las kyi rnam par smin pa la rtog par byed de/ las kyi rnam par smin pa gang gis lha ma yin gyi gnas su lha ma yin kun spro dag ji ltar skye bar 'gyur snyam nas/ des thos pa las byung ba'i shes pas brtags na/ sred pa'i ro la zhen par gyur pa gang sems can yod pa'i tshal du gnas te/ 'di ltar tshal de dag na sems can 'khod pa de rnams sus kyang ma bsdus/ gang gis kyang lhug par ma bkod de/ bdag gis tshal 'dir bsdu bar bya'o snyam nas/ sems can la snying brtse ba'i phyir dang / bdag nyid kyi 'tsho ba sbrang rtsi dag 'dod pa'i phyir sdud par byed na/ de lus dang bral nas lha ma yin rnams kyi nang du skye bar 'gyur te/ de'i 'tsho ba'i phyir sems can bsrung ba'i rnam par smin pa'i rgyus kun spro rnams kyi nang du skye bar 'gyur ba mthong ngo / / de nas yang dge slong las kyi 'bras bu rnam par smin pa shes pa des lha dang lha ma yin gyi g.yul 'gyed/

  722. 362a

    pa la rtog par byed de/ des bos pa las byung ba'i shes pas brtags na/ 'di ltar klu'i gtso bo longs spyod ldan na gnas pa/ chos dang ldan zhing chos kyi rjes su 'jug pa/ mgo bdun yod pa 'di lta ste/ klu'i rgyal po nor rgyas kyi bu dang / klu'i rgyal po 'jog po dang / klu'i rgyal po bzang po dang / klu'i rgyal po ro hi na dang / klu'i rgyal po sprin 'phreng dang / klu'i rgyal po grong dang / klu'i rgyal po kun 'gro dang / klu'i rgyal po rab spro dang / klu'i rgyal po char 'bebs te/ de dag ni chos dang ldan zhing chos kyi rjes su 'jug pa/ yang dag pa'i lta ba dang tshul khrims la zhugs pa yin no/ / snga ma bzhin du sbyar te/ chos dang mi ldan zhing chos kyi rjes su mi 'jug pa la 'di lta ste/ klu'i rgyal po rab 'jom dang / klu'i rgyal po paskyings pa dang / klu'i rgyal po nag po dang / klu'i rgyal po du lu hu lu dag pham par gyur pa de'i tshe/ sa'i 'og na gnas pa dang / ri rab la rten pa dang / chu'i nang du zhugs pa ga la ba der rgyug par byed de/ 'di lta ste/ gnas dang po la brten pa'i lha ma yin rnams kyis/ gnyis shing rtse ba zhes bya ba'i lha ma yin de dag la smras pa/ klu'i rgyal po nor rgyas kyi bu dang / 'jog po la sogs pa 'di dag dang / rgyal chen bzhi'i lha dang bcas pas bdag cag gtses kyis/ khyed bdag cag gi grogs su tshur shog rgyugs/ de nas de thos nas/ lha ma yin gnyis shing rtse ba dag lha ma yin gyi grong khyer 'od ldan zhes

  723. 362b

    bya ba gang na lha ma yin gyi dbang po sgra gcan gnas pa ga la ba der dong ste phyin nas/ lha ma yin gyi dbang po sgra gcan la snga ma bzhin du thams cad bsnyad do// de nas gal te lha ma yin gyi dbang po sgra gcan 'di ltar dge sbyong du 'dzin pa dang / bram zer 'dzin pa dang / byams pa la phan 'dogs pa dang / rigs kyi rgan rabs la gus pa byed par shes pa de'i tshe/ lha ma yin gyi dbang po sgra gcan klu'i rgyal po rab 'jom la sogs pa la/ 'di ltar bdag cag gis gnas gnyis pa na gnas pa'i lha ma yin rnams la 'di ltar lha rnams kyis bdag cag mngon par gtses so zhes sbran par bya ba'i bar du snga ma bzhin du sbyar te/ klu'i rgyal po 'jog po la sogs pa de dag nyid khog cig khog cig ces bsgo'o// de nas lha ma yin gyi dbang po sgra gcan gnas gnyis pa na gnas pa'i lha ma yin mgul 'phreng zhes bya ba de dag la/ 'di ltar klu'i rgyal po rab 'jom la sogs pa klu'i rgyal po nor rgyas kyi bu dang / 'jog po la sogs pa dang / rgyal chen bzhi'i ris kyi lha rnams kyis mngon par gtses so zhes smras so/ / de nas de thos na lha ma yin mgul 'phreng dag lha ma yin gyi grong khyer skar 'phreng zhes bya ba na/ lha ma yin gyi dbang po 'khod pa gang yin pa dag la/ 'di ltar kye rgyal po chen po bdag cag la/ lha ma yin gyi dbang po sgra gcan dang / klu'i rgyal po rab 'jom la sogs pa na re/ 'di ltar klu'i rgyal po rab 'jom la sogs

  724. 363a

    pa dag/ klu'i rgyal po 'jog po dang / nor rgyas kyi bu la sogs pa dang / rgyal chen bzhi'i lha rnams kyis mngon par gtses so zhes mchi'o// lha ma yin gyi dbang pos de thos nas/ gal te dge sbyong du 'dzin pa dang / bram zer 'dzin pa'i skye dgu chos kyi rjes su 'jug pa 'byung ba dang / bdag nyid kyi stobs che chung mthong ba de'i tshe/ lha ma yin mgul 'phreng de dag la 'di ltar/ kye ma 'dzam du'i gling gi mi rnams chos dang ldan zhing chos kyi rjes su 'jug pas/ lha rnams stobs rab tu che ste/ 'di dag bdag gis gnas gsum pa na gnas pa'i lha ma yin rnams la snga ma bzhin bsnyad par bya'o zhes smras so/ / de nas lha ma yin kun 'gro zhes bya ba la bsnyad do// de nas lha ma yin kun 'gro dag gis/ gang na lha ma yin gyi dbang po me tog 'phreng zhes bya ba gnas pa'i grong khyer zab pa zhes bya ba ga la ba der dong ste/ lha ma yin kun 'gros de thams cad snga ma bzhin bskyed do// de nas lha ma yin gyi dbang po me tog 'phreng zhes bya bas/ gal te chos dang ldan zhing chos kyi rjes su 'jug pa/ dge sbyong du 'dzin pa dang / bram zer 'dzin pa'i skye dgu mthong na/ des lha ma yin de dag la/ 'di ltar gnas bzhi pa na gnas pa'i lha ma yin rnams la mngon par bsnyad par bya'o zhes smras so/ / de nas gnas gsum pa na gnas pa'i lha ma yin gyi dbang pos gnas bzhi pa na gnas pa'i lha ma yin rnams 'khod pa ga la ba der dong ste/ 'di ltar klu'i rgyal po rab 'jom la sogs pa dag/ klu'i

  725. 363b

    rgyal po 'jog po dang / nor rgyas kyi bu la sogs pa dang / rgyal chen bzhi'i lha rnams kyis mngon par gtses te/ de ltar klu de dag ni bdag cag gi phyogs yin pas/ bdag cag rnams kyis nges par lha rnams kyi bar chad bya bar 'bad par bya'o zhes smras so/ / de nas gnas bzhi pa la gnas pa'i lha ma yin dpung bzang dag gis de dag mthong nas/ grong khyer zab pa zhes bya ba gang na/ lha ma yin gyi dbang po rab spro zhes bya ba ga la ba der dong ngo / / de nas lha ma yin rings thabs su 'ongs pa de dag mthong nas/ lha ma yin rnams ci'i phyir rings thabs su 'ongs zhes dris so// de nas lha ma yin dpung bzang dag gis lha ma yin gyi dbang po rab spro la snga ma ji lta ba bzhin bsnyad do/ / de nas lha ma yin gyi dbang po rab spros/ lha ma yin gyi dbang po de dag la 'di skad ces/ kye ma lha ma yin gyi dbang po sgra gcan dag brtson 'grus chung ba yin te/ klu'i rgyal po rab 'jom la sogs pa gnas pa gang yin pa dag rgyal chen bzhi'i lha rnams kyis pham par byas te/ de dag la bdag gis dge sbyong du 'dzin pa dang / bram zer 'dzin pa'i skye dgu rtsis la ma chags pa dang / chos kyi rjes su chos sgrub pa/ rtsis la ma chags par bya'o zhes smras so// de nas lha ma yin gyi dbang po de rang gi lha ma yin rnams 'khod pa ga la nga der song ngo / / de nas lha ma yin gyi dbang po rab spro dpung bzang dag la 'di ltar bdag ni/ klu'i rgyal po 'jog po dang / nor rgyas kyi bu la sogs pa dang / rgyal chen bzhi'i lha rnams la bar chad bya ba'i phyir

  726. 364a

    chas te/ lha ma yin gyi dbang po'i brtson 'grus dang / spro ba dang / 'khor dang bcas pa/ mtshungs pa med pa thams cad lha rnams dang g.yul 'gyed par 'dong gis/ 'di ltar lha ma yin/ rnams myur du chos shig myur du chos shig ces bsgo'o// de nas lha ma yin gyi dbang po rab spros/ lha ma yin gyi dbang po gsum dag la gang chos kyi rnam pa 'di lta bu bzod pa khyed la ci brtson 'grus med dam/ rten med dam/ 'di ltar bdag ni rang gi lag mthu dang / brtson 'grus dang ldan pas cha'o zhes smras so// de nas yang lha ma yin gyi dbang po rab dgod ring po ma thogs par rang gi lha ma yin rnams la grogs po dag rings par chos shig rings par chos shig/ 'di ltar bdag gis lha ma yin gyi dbang po ma lus pa rnams la'ang sbran zin te/ bdag myur du cha yis/ lag tu mtshon cha sna tshogs blangs par shes nas/ lha ma yin gyi g.yul la brtson par gyis shig/ de dag gi blo rig nas bsgrub par bya ba'i chos gang yin pa de dag bsgrub par bya ste/ lha rnams kyis pham par byar mi bzod do zhes smras so// de nas lha ma yin gyi dbang po rab dgod kyis de skad smras nas/ rang gi brtson 'grus chen po dang / stobs kyis dregs pa/ blo gros shin tu rgya che ba/ rang gi stobs dang gzhan gyi stobs tshad ma grangs su mi brtsi bar rang gi gnas nas chas nas/ gnas gzhan gsum par 'gro bar byed de/ grong khyer zab pa na lha ma yin gyi bdag po me tog 'phreng lha ma yin bye ba khrag khrig du ma ga la ba der song ste phyin

  727. 364b

    nas/ brtsams pa'i yid kyis lha ma yin gyi dbang po me tog 'phreng la smras pa/ 'di ltar klu'i rgyal po 'jog po dang / nor rgyas kyi bu la sogs pa dang / lha dang bcas pa dag las rgyal bar bya yis lha ma yin gyi g.yul 'gyed par 'dong 'dod/ de skad smras pa dang / me tog 'phreng des smras pa/ 'di ltar g.yul 'gyed pa 'di ni bdag cag gi dus ma yin te/ mi mar 'dzin pa dang // phar 'dzin pa dang / rigs kyi rgan rims la rim gro byed pa dang / dge sbyong du 'dzin pa dang / bram zer 'dzin pa dang / chos la chos kyi rjes su 'jug pa dag yod pas/ lha'i phyogs stobs che ste/ de lta/ bas na de ring bdag cag gi g.yul 'gyed pa'i dus ma yin no zhes smras so// de nas lha ma yin gyi dbang po rab spros de'i tshig ma mnyan par 'di ltar/ klu dang lha de dag bdag gcig pus pham pa bya bar nus na/ khyed dang bcas pas lta smos kyang ci dgos te/ pham par bya yis/ lha ma yin gyi dbang po dag 'dod 'dong zhes smras so// de nas me tog 'phreng des spro ba bskyed nas/ lha ma yin gyi sde bye ba phrag du ma dang lhan cig gnas gzhan gnyis pa ga la ba der dong ngo / / de nas lha ma yin gyi dbang po sgra gcan la/ rab spro dang / brtan pa dang / ma rtog 'phreng dag gis lha rnams las rgyal bar bya yis/ lha ma yin gyi g.yul 'gyed par 'dod 'dong zhes smras so// de nas lha ma yin gyi dbang po sgra gcan gyis/ de dag la smras pa/ kye ma lha ma yin gyi dbang

  728. 365a

    po dag dus la ma bab ste/ bdag cag gis g.yul 'gyed pa'i dus ma yin no// 'dzam bu'i gling gi mi rnams chos dang ldan zhing chos kyi rjes su 'jug ste/ mar 'dzin pa dang par 'dzin pa dang / dge sbyong du 'dzin pa dang / bram zer 'dzin pa'i skye dgu dag lha yul du skye la/ lha'i phyogs stobs che bas g.yul 'gyed par mi nus te/ lha ma yin gyi dus ma yin no zhes smras so/ / de nas thams cad yid 'thun par lha ma yin sgra gcan de la 'di skad ces 'di ltar bdag cag rnams g.yul 'gyed par spro yis 'dod 'dong zhes smras so// de nas lha ma yin gyi dbang po sgra gcan de dag bdag gi bsam pa dang mthun par rgya mtsho'i nang nas chas nas/ klu'i rgyal po rab 'jom la sogs pa ga la ba der dong ste/ 'di ltar bdag cag lha ma yin gyi dbang po 'di dag thams cad 'ongs te/ klu'i rgyal po 'jog po dang / nor rgyas kyi bu la sogs pa ga la ba der bdag cag g.yul 'gyed du 'ong ngo zhes smras so// de nas rab 'jom gyis de thos nas yid rab tu dga' ste/ 'jog po dang / nor rgyas kyi bu la sogs pa ga la ba der g.yul 'gyed pa'i phyir 'khor dang bcas pa dong ngo // de nas klu'i bdag po 'jog po dang / nor rgyas kyi bu la sogs pa yang / klu'i rgyal po rab 'jom la sogs pa gang du g.yul bshams par g.yul 'gyed du dong ngo // de nas de dag de ltar phan tshun g.yul dkye ba dang / chos dang mi ldan pa'i klu'i

  729. 365b

    bdag po rnams pham par gyur to/ / de ltar de dag pham pa dang / lha ma yin bye ba phrag du ma dag rgyug par byed do// de nas 'jog po dang / nor rgyas kyi bu la sogs pas de dag mthong nas lha ma yin ga la 'khod par g.yul 'gyed du brgyugs so/ / de nas klu rnams dang / lha ma yin rnams tshad med pa de rnams rgya mtsho'i steng du phan tshun g.yul 'gyed de/ me char ltar 'bab pa dang / mtshon char ltar 'bab pa tshad med pa de dang / dug nag pos rnam par gdungs shing / blo dman pa de rnams phan tshun g.yul 'gyed do// de gang gi tshe chos dang ldan zhing chos kyi rjes su 'jug pa/ dge sbyong du 'dzin pa dang / bram zer 'dzin pa'i skye dgu byung na/ de dag klu 'ba' zhig gis lha ma yin rnams pham par byed do// gal te shin tu chos dang mi ldan pa'i skye dgu byung na/ de'i tshe lha ma yin rnams kyis klu rnams pham par byed do// gang gi tshe klu rnams pham par 'gyur ba de'i tshe/ lha kun tu rgyu ba rnams la 'di ltar sa'i 'og na gnas pa 'di dag thams cad kyis bdag cag rnam pa thams cad du gtses te/ de dag dang bdag cag phan tshun g.yul 'gyed par mi nus kyis rgyugs shig rgyugs shig ces smras so// de nas lha kun tu rgyu ba rnams mtshon cha dang lag cha sna tshogs thogs te/ lha ma yin ga la 'khor pa der 'dong bar byed do// de nas lha kun tu rgyu ba rnams klu'i rgyal po 'jog po dang / nor rgyas kyi bu la sogs pa ga la ba der dong ste phyin

  730. 366a

    nas/ bu rnams la smras pa/ bdag cag rnams lha ma yin tshar gcad pa'i phyir 'dir 'ongs te/ bdag cag khyed kyis bsgrubs pa lha ma yin gzhig pa'i phyir 'di nyid du 'ongs so/ / de skad ces smras pa dang / de nas yang klu rnams lha dang lhan cig tu lha ma yin gyi dbang po sgra gcan ga la ba der dong ngo // de nas lha ma yin rnams kyis de dag de ltar mthong nas/ de nas yang lha rnams ka la ba der g.yul 'gyed du dong ngo // de nas lha dang lha ma yin rgya mtsho'i nang du g.yul 'gyed par 'gyur te/ gang gi tshe chos dang ldan zhing chos kyi rjes su 'jug pa 'byung ba de'i tshe/ lha kun tu rgyu ba rnams kyis myur du lha ma yin rnams pham par byed do// de nas lha rnams kyis lha ma yin rnams pham par byas na/ de nas yang lha ma yin gyi dbang po sgra gcan gyi gnas ga la ba der dong ngo / / de nas lha ma yin gnas gzhan gnyis pa na gnas pa de dag rang gi phyogs mngon par bcom pa mngon du mthong nas/ bdag cag 'di na g.yul 'gyed par 'khod na lha ma yin rnams ci'i phyir 'bros/ lha ma yin rnams ci'i phyir 'bros zhes smras so// de nas yang lha ma yin rnams g.yul 'gyed du lha rnams ga la ba der rgyug par byed do/ / de nas lha dang lha ma yin rgya mtsho'i dbus su phan tshun mngon par gnod pa'i g.yul chen po 'khrugs pa bkye bar gyur to// de nas gang gi tshe lha rnams rgyal ba de'i tshe/ lha rnams kyis lha ma

  731. 366b

    yin gyi dpung mngon par bcom mo/ / de'i tshe 'jigs pas skor ba'i sa na gnas pa'i lha ma yin rnams lha rnams ga la ba der 'dong bar byed do// de nas lha rnams kyis lha ma yin gyi dpung mi bzang ba de dag mngon par mthong nas 'khod do/ / de nas lha ma yin rnams kyang lha rnams ga la ba der g.yul 'gyed du dong ste/ phan tshun g.yul chen po dag bkye bar gyur to// de nas gang gi tshe lha rnams pham par gyur pa de'i tshe/ 'jig rten skyong ba dag lha lag na yol go thogs pa dag ga la ba der dong ste/ 'di ltar lha ma yin rnams kyis bdag cag mngon par gtses kyis rgyugs shig rgyugs shig ces smras so/ / de thos nas lha lag na yol go thogs pa dag lha ma yin ga la ba der g.yul 'gyed du dong ngo // de nas lha lag na yol go thogs pa mtshon cha dang / lag cha sna tshogs can dag lha ma yin ga la ba der dong ngo / / de nas lha de dag mngon par mthong nas/ yang lha ma yin rnams khros nas brgyugs so// de nas lha lag na yol go thogs pa rnams dang / lha ma yin de rnams phan tshun spu zing zhes byed pa'i g.yul chen po bkye ba dang / 'di ltar lha dang lha ma yin gyi g.yul 'di lta bu mtshungs pa med pa bkye'o zhes de dag mngon par brjod do// de dag gang gi tshe chos dang ldan zhing chos kyi rjes su 'jug pa'i skye dgu dag 'byung ba de'i tshe/ lag na yol go thogs pa rnams kyis lha ma yin rnams pham par byed de/ de'i tshe rgya mtsho'i dbus su lha dang lha

  732. 367a

    ma yin shin tu 'jom pa chos dang chos ma yin pa la brten pa'i rtags can du gyur pa dag na/ gzhan dang mi 'dra ba'i g.yul bkye'o// gang gi tshe lha lag na yol go thogs pa dedag pham par gyur pa de'i tshe/ 'jig rten skyong ba rnams lha 'phreng thogs dag ga la ba der dong ste/ lha ma yin rnams dam par mdzod cig ces smras pa dang / lha ma yin de rnams la mngon par brtags nas/ lha 'phreng thogs rgyug par byed do// lha kun tu rgyu ba dang / lag na yol go thogs pa dang / 'phreng thogs de rnams kyang phyogs gcig tu gyur cing / 'jog po dang / nor rgyas kyi bu la sogs pa'ang gcig tu 'dus so/ / lha ma yin sgra gcan gyis pa dang / grong khyer 'od ldan na gnas pa dang / gnyis shing rtse ba dang / gnas gnyis pa na gnas pa dang / mgul 'phreng dag ste/ bye ba khrag khrig grangs med pa du ma phyogs gcig tu gyur pa dang / g.yul chen po bkye ste/ gang gi tshe chos dang ldan zhing chos kyi rjes su 'jug pa byung ba de'i tshe/ lha'i phyogs ni rgyal bar 'gyur la/ lha ma yin gyi phyogs ni pham par 'gyur te/ chos la rten pa shin tu legs par 'gyur na/ chos la mi rten pa lta ga la zhig 'gyur/ gang gi tshe de dag chos dang mi ldan zhing chos kyi rjes su mi 'jug pa byung ba de'i tshe/ lha ma yin gyi phyogs rgyal bar 'gyur ro// lha ma yin gyi dpung de dag 'jig rten skyong ba rnams kyis mngon par mthong nas/ lha rtag tu myos gnas ga la ba der dong ste/ lha dag lha ma yin gyi

  733. 367b

    phyogs rnams rgyal bar gyur gyis rgyags shig rgyugs shig ces smras so/ / de thos nas lha rtag tu myos gnas dag lha ma yin gyi phyogs ga la ba der mngon par 'jom du dong ste/ mtshon cha dang lag cha sgra tshogs thogs pa'i tshogs 'bum phrag du ma dag rgya mtsho'i nang na gnas pa ga la ba der lha ma yin pham par bya ba'i phyir ha ha'i sgra phyung nas rings par mngon par 'jom par byed cing / rnam par 'jom par byed pa gnod pa du ma byed pa de dag phan tshun g.yul mi bzad pa chen po bkye'o/ / de nas gang gi tshe lha rnams kyis lha ma yin rnams pham par byas pa na/ de dag lha ma yin gyi dbang po sgra gcan ga la ba der dong ngongo/ / de nas lha ma yin gyi dbang po sgra gcan gyis lha ma yin de dag la 'di skad ces khyed cag gi dpung du bdag gnas na/ grogs po dag ci ste 'bros/ ci ste 'bros/ lha dag nyung zhing 'di dag khyed cag las lhag pa med la/ 'di dag ni brtson 'grus chung ste/ bdag cag gis lha rnams pham par bya yis/ de lta bas na lha ma yin gyi dbang po dag slar log cig ces smras so// de nas lha ma yin gyi dbang po sgra gcan las de skad thos nas/ lha ma yin dag lha rnams dang g.yul 'gyed du phyir log go// de nas yang lha dang lha ma yin de dag mtshon cha 'debs pa 'khrugs pa'i rnam pa du ma'i g.yul 'gyod par byed de/ de'i tshe lha ma yin gnas gnyis pa na gnas pa gnyis shing rtse ba dang / gnas gsum pa na gnas pa mgul 'phreng gi ris su gtogs pa thams cad lha dang g.yul 'gyed par phyir log go/ de nas gang gi tshe

  734. 368a

    chos dang mi ldan zhing chos kyi rjes su mi 'jug pa'i skye dgu byung ba de'i tshe/ lha ma yin gyi phyogs kyis lha'i phyogs pham par byed do// gal te chos dang ldan zhing chos kyi rjes su 'jug pa'i skye dgu dag byung na lha'i phyogs de dag gis lha ma yin gyi phyogs pham par byed de/ de ltar lha rnams ni chos gtsoro// chos kyi rgyal mtshan/ chos la gnol ba yin no// lha ma yin de dag thams cad ni chos dang mi ldan pa/ chos ma yin pa la rten pa/ chos kyis skyob pa ma yin no// de nas lha rnams 'di snyam du sems te/ kye ma lha ma yin 'di dag gis bdag cag la de ltar gtse bar ci ste gnas/ 'di dag ni bdag cag las khyad par zhugs pa'ang med la/ mtshungs pa'ang ma yin no// 'dzam bu'i gling na'ang da dung du mar 'dzin pa dang / phar 'dzin pa dang chos dang ldan zhing chos kyi rjes su 'jug pa dang / rgan rabs la rim gro byed pa dang / gso sbyong la nye bar gnas pa dang / sbyin pa dag kyang sbyin/ bsod nams dag kyang byed/ bag yod pa la bag yod par gnas pa'i mi dag yod de/ de ltar bag yod pa la bag yod par gnas pa de dag 'chi ba'i dus byas nas/ lha rnams kyi nang du skye bar 'gyur te/ lha ma yin gyi chos 'phel ba dang chos 'byung bar mi 'gyur ro snyam mo/ / de dag gis de ltar rig nas/ kun tu rgyu ba dang / 'phreng thogs pa dang / kun di pa ka dang / rtag tu myos pa'i lha rnams chos kyi rgyal mtshan khyer te/

  735. 368b

    ma yin gyi dpung ga la ba der lha de dag thams cad reg ma thogs par rgyug par byed cing / 'di ltar lha ma yin rnams sdod cig sdod cig/ khyed cag gis nged rnams la ci'i phyir gtse/ nged cag las khyed kyi dpung khyad zhugs pa'ang med/ gtso bo'ang ma yin/ mtshon cha'ang mi mang bas/ nged cag 'di rnams ni khyed rnams gzhom pa'i phyir lhags pa yin gyis/ yang sa'i 'og tu ma 'gro zhig mngon par gtse bar byed pa'i blo can chos dang mi ldan zhing / chos kyi rjes su mi 'jug pa 'di dag thams cad la bde ba 'am/ mya ngan las 'das pa med do// de skad ces smras nas/ klu nor rgyas kyi bu dang / 'jog po la sogs pa dang lhan cig de dag thams cad dang bdag nyid thams cad las mtshon cha dang lag cha char ltar 'bebs shing lha ma yin ga la ba der 'dong bar byed do// de nas klu rnams kyang me rab tu 'bar ba char ltar 'debs shing lha ma yin ga la ba der rgyug par byed do/ / de nas lha ma yin rnams kyis kyang / klu de dag la mngon par brtags nas/ chos dang mi ldan zhing chos kyi rjes su mi 'jug pa'i klu rab 'jom la sogs pa la/ 'di ltar khyed kyang bdag cag gi phyogs yin gyis/ klu'i rgyal po nor rgyas kyi bu dang / 'jog po la sogs pa ga la ba der klu rnams dang g.yul 'gyed du rgyugs shig ces bsgo'o/ / de nas de dag thos nas/ klu rab 'joms la sogs pa klu 'jog po dang / nor rgyas kyi bu la sogs pa ga la ba der me char ltar 'bebs pas mngon par 'tshe

  736. 369a

    bar byed do/ / klu de dag gis kyang me'i char chen po 'bebs la/ lha dang lha ma yin rnams kyang g.yul chen po 'gyed de/ de nas yang lha rnams kyis lha ma yin pham par byas so// de nas de dag lha ma yin gyi dbang po sgra gcan ga la ba der 'dong bar byed do// 'jigs shing bzhin mog mog por gyur pa/ skyabs 'dod pa kun lha ma yin gyi dbang po sgra gcan ga la ba de nyid du 'dong pabar byed do/ / de nas sgra gcan gyis de dag mthong nas/ yang 'di ltar bdag ni 'di na gnas na/ lha ma yin khyed cag rnams la ci zhig gnod/ bdag gcig pus lha rnams dbang po dang bcas pa bcom ste/ lha'i 'jig rten thams cad bdag cag gir bya na/ khyed dang 'khod pas lta smos kyang ci dgos/ lha'i dpung 'di dag kyang chen po ma yin/ grogs po dag ci gnod/ 'di ltar bdag gis lha ma yin gyi dbang po brtan pa dang / me tog 'phreng dang / rab dgod dang / thag bzangs ris dag la sbran la bdag nyid kyis lha rnams las rgyal bar bya'o zhes smras so// de nas lha ma yin gyi dbang bopo sgra gcan lha ma yin gyi dbang po brtan pa dang / lha ma yin gyi dbang po me tog 'phreng dang / lha ma yin gyi dbang po rab dgod dang / lha ma yin gyi dbang po thag bzangs ris ga ya ba der rings par song ste byin nas/ de dag la 'di ltar lha de dag thams cad dang / rgyal chen bzhi pa thams cad bdag cag gi phyir 'ong gis/ lha ma yin gyi dbang po 'di dag kun shes nas/

  737. 369b

    lan bya ba gang yin pa la so sor shoms shig ces smras so// de nas tshig de thos nas lha ma yin gyi dbang po kun gyis sgra ga can de la 'di ltar lha rnams dang g.yul 'gyed du bdag nyid thams cad kyis/ bdag cag 'di dag 'khod cing bdag cag rtog par byed kyi/ sum cu rtsa gsum pa'i lha ko'u shi ka la sogs pa dang bcas pa la bar chad bya ba dang / gang gis lha ma yin rnams 'byung bar bya ba'i phyir khyod song zhig ces smras so/ / de nas lha ma yin sgra gcan lha dang lha ma yin gyi g.yul ga la ba der bdag nyid g.yul 'gyed du song ste/ de dag mthong nas lha ma yin gyi dbang po de// lha ma yin rnams la kye ma lha'i stobs rab tu che'o// kye ma lha ma yin rnams las lha'i stobs rab tu che ste/ g.yul 'gyed par lha 'khod pa 'di dag la phyir rgol bar mi nus so zhes smras so// de nas lha ma yin gyi dbang po sgra gcan lha rnams ga la ba der mtshon cha dang lag cha char ltar 'bebs shing g.yul 'gyed du song ngo // de nas lha rnams kyis lha ma yin gyi dbang po sgra ga can de ltar rgyug pa mngon par mthong nas/ klu de dag yang lhan cig tu me char ltar mngon par 'bebs shing // lha ma yin gyi dbang po sgra gcan ga la ba der sgra gcan gzhom pa'i phyir rgyug par byed do// de nas g+ha/ dang lha ma yin de dag g.yul chen po mtshon cha dang / lag cha dang / rdo rje char ltar 'bebs shing mtshungs par g.yul bkye ba dang / de dag gang gi tshe chos dang ldan zhing chos kyi rjes su 'jug pa/

  738. 370a

    dge sbyong du 'dzin pa/ bram zer 'dzin pa/ rigs kyi rgan rabs kyi rjes su 'jug pa'i skye dgu dag byung ba de'i tshe/ lha rnams kyis lha ma yin rnams pham par byed do// gal te chos dang mi ldan zhing chos kyi rjes su mi 'jug pa byung ba de'i tshe/ lha ma yin rnams kyis lha rnams pham par byed de/ de ltar lha dang lha ma yin gyi g.yul chen po 'gyed pa ni/ chos dang chos ma yin pa kho na la rag las pa yin no/ / de nas gang gi tshe lha ma yin rgyal zhing lha pham par gyur pa de'i tshe/ lha rnams phan tshun du lha dag chos la soms shig/ lha dag chos gtso bor gyis shig lha rnams ni chos kyis rgyal bar 'gyur ro zhes brjod do/ / de nas chos yid la byas shing chos la dad pa bskyed pa'i lha rnams yang lha ma yin ga la ba der song ngo // de nas chos kyis brgya dra/ pa'i lha rnams gzi brjid brgya 'gyur du 'byung ste/ de ltar de dag gzi brjid kyis 'bar ba mngon par mthong nas/ lha ma yin shin tu sgyid lug pa rnams la/ lha ma yin gyi dbang pos 'di skad ces khyed ci ste sgyid lug/ 'di dag ni bdag cag las gzi brjid dam/ mtshon cha 'am/ lag cha 'am/ dpung stobs sam/ phal che ba khyad zhugs pa med de/ de dag la khyed ci ste sgyid lug ces smras so/ / de nas de'i tshe tshig de thos nas yang lha ma yin sgra gcan la sogs pa lha rnams ga la ba der phyir log ste 'ong ngo // de nas lha chos kyis rgyas pa'i lus can de dag thams

  739. 370b

    cad lha ma yin ga la ba der shugs myur bar rgyug par byed de/ lha dang lha ma yin de dag phan tshun 'dres nas g.yul 'gyed do// de dag gi nang na sgra gcan stobs chen por gnas te/ ri rab gnyis pa lta bur gnas so/ / de chos nyid kyi mthus lha rnams kyis pham par byed de/ skyob pa rnams kyi nang na chos skyob pa mchog yin no// snang ba rnams kyi nang na chos snang ba mchog yin no// de nas lha ma yin sgra gcan la sogs pa lha ma yin pham pa rnams mngon par mthong nas/ lha ma yin kun nas sgyid lug pa rnams de nas yang dbugs phyung ste/ 'di skad ces lha ma yin dag ci ste 'bros/ lha ma yin 'di dag mi ngan pa'i sar ci ste gnas/ lha ni lha ma yin du mi'i nang na dpa' bo ma yin/ lag cha thogs pa ma yin/ mtshon chas 'jigs pa ma yin gyis phyir log ste 'khod cig/ 'di dag gis ci ste gnod ces smras so// de nas de'i tshe de thos nas yang lha ma yin rnams g.yul 'gyed du phyir log go// de nas yang des gzengs pastod cing mgu bar byas pa/ nga rgyal gyis khengs pa rnams lha rnams ga la ba der g.yul bkye ba dang / de nas yang 'bros so// de nas sgra gcan ni lha ma yin de dag kun gyi dang po kho na la 'dug ste/ de dang po kho nar 'dug nas de la rten/ des skyob/ de la 'khor ba'i lha ma yin de dag thams cad rgyal chen bzhi'i lha ga la ba der sgra gcan gyi mthu la rten pa/ stobs skyes pa

  740. 371a

    dag rgyug par byed cing / 'di ltar bdag cag gi lha ma yin gyi dbang po sgra gcan 'di dang po kho na la zhugs pa/ lha rnams dbang po dang bcas pa'ang thub par 'gyur na/ rgyal chen bzhi'i lha 'ba' zhig lta smos kyang ci dgos snum sems so// de nas yang phan tshun rtog cing mtshon cha'i tshogs kyi rgyun gcig la gcig 'debs pa na/ sgra gcan yang lha ma yin rnams rgyal bar bya zhing / lha rnams pham par bya ba'i phyir lha ga la ba 'khod pa der rdo ri tsam 'phen cing gnod par byed do// de nas sgra gcan de de ltar lha rnams la rdo char ltar 'bebs pa 'jig rten skyong ba dag gis mngon par mthong nas/ lha rnams la sgra gcan 'di ni rdo char ltar 'bebs pas bdag cag la mngon par gnod par byed na/ lha dag mtshon cha dang / lag cha char ltar dbab pa rnams kyis de bzlog cing / 'di ltar yang lha rnams la gnod pa med par mdzod cig/ de dag la 'jig rten skyong ba dag gis de skad smras nas/ lha ma yin gyi dbang po sgra gcan ga la ba de ra/ sgra gcan pham par bya ba'i phyir khro ba'i shugs kyis rgyug par byed do// de nas sgra gcan dang / 'jig rten skyong ba dag shin tu spu zing zhes byed pa/ rdo dang lag char bsres pa'i gdu bkye'o/ / rdo char ltar 'bebs pa des rgya mtsho kun nas rab tu 'khrug par byed cing / lha'i rdo char ltar 'bebs pa rnams kyis kyang / de ltar rgya mtsho na gnas pa'i sems can 'bum phrag du ma

  741. 371b

    dag gsod par byed/ 'khrug par byed/ g.yo bar byed/ kun nas rgya mtsho'i dbu ba 'khrug par byed do// de nas sgra gcan de dang / 'jig rten skyong ba dag g.yul chen po bkye ba lha dang lA ma yin rnams kyis mngon par mthong nas/ ngo mtshar cher skyes te/ kye ma g.yul 'gyed pa rnams kyi nang na/ 'di ni g.yul chen po yin no zhes brjod do// de nas gang gi tshe chos dang ldan zhing chos kyi rjes su 'jug pa'i skye dgu dag byung ba de'i tshe/ lag cha dang dpung dang 'jigs par bya ba kun med kyis kyang / lha ma yin gyi dbang po sgra gcan pham par 'gyur/ gal te chos dang mi ldan zhing chos kyi rjes su mi 'jug pa'i skye dgu dag byung ba de'i tshe/ lha ma yin gyi dbang po sgra gcan mngon par mtho bar 'gyur te/ lha rnams ni ma yin no// de ltar 'di dag thams cad ni chos gtso ba las gyur te/ glo bur rab ni ma yin no// de nas gang gi tshe lha ma yin gyi dbang po sgragacan dpung dang mthu rtsal nyams te pham par gyur pa de'i tshe/ lha ma yin shin tu yi chad pa rnams kyis kyang yang smras pa/ lha ma yin 'di dag ci ste 'bros/ rgud pa'i chos mang po sgrub pa ni/ bdag cag rgud par gyur te/ nyon mongs pa des cho ga go cho ga go// bdag cag rang gi gnas rnams su'ang bde ba 'am/ lha ma yin rnams kyi nang du'ang yid bde ba'i ngo bor mi nus te/ blo de lta bu ma byed par blo mthu rtsal dang bcas par gyis shig/ rang gi gnas su 'gro bar ma 'dod par slar log

  742. 372a

    cig/ slar log cig/ de nas tshig de thos nas yang lha ma yin thams cad 'jig rten skyong ba dag ga la ba der g.yul 'gyed du brgyugs so// de nas yang phan tshun lhan cig rdo mtshungs pa med pa char ltar 'bebs shing ri'i rtse mor klog char ltar 'byin te/ yul ngan du byas par spu shin tu zing zhes byed pa'i g.yul bkye'o// de nas yang lha'i dpung gis lha ma yin gyi dpung pham par byas so/ / de nas yang lha ma yin de dag thams cad 'di snyam du sems te/ kye ma lha 'di rnams mthu chen po dang ldan pa yin no// 'di ltar bdag cag rang gi mthu bskyed pa dang / de bdag cag gi don dang / bde ba'i phyir dang / phan par bya ba'i phyir gnas gnyis pa na gnas pa skar 'phreng gi bdag po lha ma yin gyi dbang po brtan pa la skyabs su dong bar bya'o/ / lha ma yin gyi dbang po brtan pa de ni rang bzhin gyis brtan pa yin te/ sgra dang lha ma yin rnams kyi g.yul du dbang po dang bcas par brgya'am/ yang na stong du stobs kyis rgyal ba yin no snyam mo/ / de nas de ltar lha ma yin gyi dbang po gtso bo de dag thams cad lha ma yin gyi dbang po brtan pa ga la ba der dong ngo // de nas de dag thams cad kyis/ lha ma yin gyi dbang po brtan pa de la 'di skad smras so/ / kye ma lha ma yin gyi dbang po dag 'di ltar lha'i phyogs stobs rab tu che ste/ lha ma yin sgra gcan dang bcas pa rnams kyis phyir rgol bar mi nus pas

  743. 372b

    lha ma yin gyi dbang pos lha ma yin rnams kyi dpung bgyi ba dang / skyabs bgyi ba dang / pha rol gzhom pa'i phyir de dag nges par bgyi ba'i rigs so// khyod kyi lag na mtshon cha yod pas lha dag dbang po dang bcas pa'ang bdag cag la phyir rgol bar mi nus te/ khyod kyis lha dang lha ma yin rnams kyi g.yul du rgyal ba mang du brnyes pa lags so// lha ma yin gyi dbang po de dag nges par bzlog tu gsol/ lag na mtshon cha chen po thogs pa// rang gi dpung dang mthu rtsal spyad cing lha rnams pham par bgyi ba'i phyir bzlog tu gsol/ khyod kyis brgya byin nyid kyang brgya stong du pha ma par bgyis te/ lha de rnams khyod kyi mthu rtsal gyis pham par bgyis pa lags so// de nas brtan pa lha ma yin gyi dbang po de dag las tshig de thos nas/ lha ma yin gyi dbang po me tog 'phreng ga la ba dang / thag bzangs ris dang / rab dgod ga la ba der song ste phyin nas/ lha ma yin gyi dbang po de dag la 'di skad smras so// lha ma yin gyi dbang po'i phyogs sgra gcan dang bcas pa lha rnams kyis pham par byas te/ lha rnams ni stobs rab tu che'o// stobs rab tu che bas bzod par dka' ste/ lha ma yin rnams kyis bzod par mi nus so// g.yul 'gyed par rgyal bar bgyi ba'i phyir de gnang bar mdzod cig/ de nas lha ma yin gyi dbang po me tog 'phreng dang / thag bzangs ris dang / rab dgod kyis/ lha ma yin gyi dbang po brtan pa de la 'di skad ces smras so//

  744. 373a

    ma yin gyi dbang po bdag cag 'di dag khyod kyi grogs su 'khod pa yin gyis/ khyod song zhig khyod song zhig/ bdag cag gis grogs dras pas/ khyod sgra gcan dang bcas pas lha thams cad las kyang rgyal bar nus so/ / de nas tshig de thos nas/ lha ma yin gyi dbang po brtan pa de lha ma yin gyi dbang po sgra gcan ga la ba der g.yul 'gyed pa'i phyir song ngongo/ / de nas lha ma yin rnams kyis lha ma yin gyi dbang po brtan pa de mthong nas/ shin tu mgu zhing mthu rtsal skyes pa rnams lha rnams ga la ba der mtshon cha dang / lag cha dang / mda' dga'aphen cing 'debs pa na/ thams cad lha ma yin gyi dbang po gnyis dang lhan cig lha rnams ga la ba der rgyug par byed do// de nas lha rnams kyis lha ma yin de dag mthong nas 'di skad smras so/ / lha ma yin dag 'di ltar yang dang yang du bdag cag rnams kyis pham par bya 'dod dam/ de nas yang brtson 'grus la dmigs nas/ dud 'gro'i 'gro ba ngo bo nyid kyis pham pa rnams yang 'ong bar byed do/ / de nas de ltar rig nas lha shin tu brtson 'grus brtsams pa/ mtshon cha dang lag cha sna tshogs thogs pa de dag thams cad lha ma yin ga la ba de nyid du 'gros shin tu myur bar 'gro bar byed do/ / de nas lha ma yin gyi dbang po brtan pa dang / sgrag can gyis 'di skad ces smras so// lha rnams bdag cag gi steng du 'ongs te/ lha rnams g.yul 'gyed du 'ong ngo //

  745. 373b

    bdag cag gis de dag nges par g.yul 'di nyid kyi bar du bcug ste gnom par bya'o// de nas de skad smras ma thag tu lha ma yin gyi dbang po brtan pa dang / sgrag can phan tshun rgyal bar 'dod pa dag ldan cig tu rgyal chen bzhi'i lha rnams ga la ba der 'dong bar byed do/ / de nas lha rnams ni nyi ma nub pa'i phyogs su lta/ lha ma yin rnams ni shar ba'i phyogs su lnga ste/ de ltar paba'i 'od zer gyi mthus des mig rab tu nyams pa dang / de nas lha ma yin gyi mtshon cha char ltar 'bebs pa rnams kyis lnga rnams la dbab par ma nus so// de nas lha ma yin mig bsgribs papa rnams phan tshun du 'di ltar nyi ma'i 'od zer rnams kyis mig rab tu rnams te/ bdag cag gis lha rnams lnga rgol bar mi nus so zhes smras so// de nas lha ma yin gyi dbang po sgra gcan gyi rang gi lag pas ni ma sgrib par byed de/ 'di'ang nyi ma gzas zin pa'i rgyu gsum pa yin no// de'i tshe rgyu mi shes pa'i rtog ge pa rnams 'di ltar lo legs par 'gyur ro// lo nyes par 'gyur ro/ / char cher 'bab par 'gyur ro// char chung ngu 'bab par 'gyur ro// rgyal po la rung bar 'gyur ro// rgyal po la mi rung bar 'gyur ro// skye bo 'jig par 'gyur ro// skye ba 'jig par mi 'gyur ro zhes brjod do/ / de ltar bstan bcos ngan pas bslus pa rnams gzhan du rtog par byed do// de ltar skrag can des nyi ma'i dkyil 'khor de bsgribs te/ 'od zer

  746. 374a

    yang bzlog nas blta bar bde ba dang / lha rnams mngon par mthong nas/ lha ma yin gyi dbang po brtan pa la smras pa/ lha dag bde bar mthong ngo // lha ma yin rnams bde bar mthong gis/ pha rol pham par bya ba la 'bod cig/ de nas lha ma yin rnams mtshon cha'i tshogs rnams char ltar mngon par 'bebs shing / lha rnams ga la ba der brtan pas sna drangs nas rgyug par byed do/ / lha rnams kyis kyang de dag mthong na/ mtshon cha sna tshogs thogs te/ lha ma yin ga la ba der rgyug par byed do// de nas 'phreng thogs kyi lha rnams ga la ba der brtan pa de dag rgyug cing / de dag mtshon cha sna tshogs kyi char mngon par 'bebs pa na/ 'phreng thogs kyi lha rnams kyis de dag mngon par mngon nas/ 'di skad ces smras so// lha ma yin gyi dbang po dag legs so legs so/ / 'di ltar khyed lha rnams kyis lan du ma zhig tu pham par byas kyang / khyed chos la so sor rig par mi byed dam/ nged ni chos kyi tshul dang ldan chos la gzhol/ chos sgrub pa yin te/ nged ni chos ma spangs pas rgyal bar 'dod do// khyed ni brnab sems kyis gnod de/ gzhan gyi rdzas la rang gir bya ba'i brnab sems yod do// ban pa sems sang ba de ni byed yin te/ chos ma yin pa dang ldan par 'gyur ba/ dag pabacu'i las kyi lam dang yang dag par ldan pa/ chos dang lan 'i chos kyi rjes su 'jug pa'i

  747. 374b

    ji ltar pham par bya bar 'dod/ mun pas ni snang gsal chen po rnams kyang zil gyis gnon par mi nus so// de nas rnam pa 'di dag smras pa na/ brtan pas/ de dag la 'di skad ces smras so// kye mang du smra ci dgos/ khyed kyi 'byor pa la nged rnams kyang smon pa med do// lha ma yin gyi dbang po zag bzangs ris dang / rab dgod la sogs pa bzhi po 'di dag gi dpung bshams pa rnams kyis lha thams cad pham par bya ba'i phyir 'khod de/ nged ni khyed kyi 'byor pa la dga' ba med do// de skad smras nas/ 'phreng thogs kyi lha ga la ba der rgyug par byed do// de 'ong bar mngon par mthong nas/ ji ltar de'i lus kyi ngo bo shin tu phra ba'ang mi mngon pa de ltar mda' sna tshogs char ltar phab bo// de ltar brtan pa mtshon cha'i char gyi nang du chud nas kyang / 'phreng thogs kyi lha rnams kyis 'di skad ces smras so/ / las kyis bcom zhing sgrub pa brnab sems mang po 'di cir dgos/ chos ma yin pas ni nams kyang chos zil gyis mnan pa med de/ nged ni khyed la chung zad kyang 'tshe bar mi byed na/ nged la ci ste gnod pa byed/ des de skad smra ba na/ lha de dag ga la ba der rgyug par byed do// de nas 'phreng thogs kyi lha rnams kyis/ klu de dag la smras pa/ dpung don med pas khengs pa 'di khyed kyis me'i char mngon par phob cig dang / 'on tang dpung gi mthu 'di nyams par 'gyur ro// de skad smras pa dang / klu'i rgyal po 'jog pos phyogs gcig tu

  748. 375a

    klu'i rgyal po rab 'jom la me'i char bab pa dang / brtan pa ga la ba der rgyug par byed de/ me'i char mngon par bab pa na de lha ma yin gyi dbang po brtan pa ga la ba der brgyugs so// de nas lha ma yin dang klu de dag me'i char chen po'i nang du chud par gyur to// de nas de dag la me'i char mngon par phab pa dang / lha ma yin gyi dbang po sgra gcan ri dpag tshad bcu gcig pa blangs nas 'phreng thogs kyi lha rnams ga la ba der rgyug par byed do/ / de 'ong ba mngon par mthong nas/ lha lag na yol go thogs pa dag ri bsreg pa'i phyir me'i char mngon par 'bebs shing rgyug par byed do// de nas me'i char des ri de dag bsregs so// de lta de ltar bsregs par mthong nas/ brtan pa de mthu nyams te/ lha de rnams la 'di skad ces smras so// 'di ltar bdag gis ri rab tu'abar ba gzhan thams cad steng du dbab bo/ / de nas lha ma yin rnams kyis ri rab tu 'bar ba gzhan zhig de'i drung du khyer ro// de nas brtan pa des de khyer nas/ lha de rnams kyi steng du 'phangs so// de nas lha de rnams kyis/ lha ma yin chen po la 'di skad ces smras so// chos ma yin pas ni chos la rgyal bar mi nus so// nged ni chos mdun du byas nas gnas so// khyed ni chos ma yin pa la brten nas gnas so/ / de ltar de dag lha rnams kyis spros pa mthong nas/ lha ma yin gyi dbang po sgra gcan gyi lha ma yin thams cad bsdus te/ lha rnams ga la ba der dong ngo //

  749. 375b

    ltar de dag 'ong ba mngon par mthong nas/ lha rnams kyang lha ma yin dag ga la ba der rgyug par byed de/ lha dang lha ma yin de dag mtshon cha du ma dang ldan pa'i g.yul shin tu mi bzad pa bkye bar gyur to// de nas lha rnams kyis chos brjod/ bden pa'i byin gyi rlabs byas/ dkon mchog gsum la skyabs su 'gro ba yid la byas nas/ lha ma yin dag ga la ba der dong ngo // lha de dag mthong ma thag tu lha ma yin gyi dpung de thams cad brgya'am/ stong du bcom mo// de nas lha ma yin de dag thams cad sa'i 'og ga la ba der bros so// klu chos dang mi ldan pa rab 'jom la sogs pas/ lha ma yin de dag la 'di skad ces smras so/ / lha ma yin bdag cag bor nas ci ste 'bros/ klu 'jog po dang nor rgyas kyi bu la sogs pa de dag bdag cag gis thub na/ khyed kyis lha 'di dag 'ba' zhig thub par 'gyur ro/ / gang de ltar 'jigs par gnas na/ rang gi dpung nyam drod med par ci'i phyir sa'i 'og nas ldang / lha rnams dang lhan cig ci'i phyir 'gal bar byed/ 'gal ba'i rang bzhin can khyed ni sa'i 'og tu 'dong du yod grang na nged dgar 'dod/ 'jog po dang nor rgyas kyi bu la sogs pas bcom pa gar 'dong / lha ma yin de dag gis de skad thos nas/ de nas yang lha rnams ga la ba der bayul 'gyed du slar log go/ / de nas yang thogs pa med pa'i bro can de dag lha ma yin ga la ba der thams cad 'bad de brgyugs so// de nas de dag 'ong ba mngon par mthong nas/ lha ma yin rnams kyis bzlog

  750. 376a

    bar ma nus so/ / de nas lha ma yin gyi dbang po sgra gcan lha ma yin gyi dbang po brtan pa dang lhan cig tu sa'i 'og ga la ba der dong ngo // de nas lha ma yin gyi dpung de ltar rnams pa mthong nas/ lha ma yin kha cig lha ma yin gyi dbang po gnas gsum pa na gnas pa ga la ba der brgyugs te/ 'di ltar rgyal po chen po me tog 'phreng bzhengs/ lha'i tshogs de dag bzlog tu mi rung la/ lha ma yin thams cad pham par byas te/ phyogs kun tu bkod par gyur to// khyod kyis ni lha dang lha ma yin gyi g.yul du mar rnam par rgyal ba brnyes la/ rgyal ba brnyes par 'gyur gyis/ khyod kyi de dag dgongs te bzhengs/ lha'i dbang po dang bcas pa las rgyal bar spyod cig/ lha ma yin gyi dbang po me tog 'phreng gis de dag thams cad yid la bzung nas/ mtshon cha dang lag cha rnam pa sna tshogs thogs/ lha ma yin bye ba du mas yongs su bskor/ nam mkha'i phyogs thams cad sgra rnams kyis yongs su 'gengs shing / de dag lha dang lha ma yin gyi g.yul ga la ba der 'drong bar byed do/ / lha ma yin gyi dbang po sgra ga can gyis stong snyed 'ong ba mngon par mthong nas/ brtan pa la smras pa/ 'di dag ni lha ma yin gyi dbang po me tog 'phreng yin te/ bdag cag gi 'byor par bya ba dang / lha rnams pham par bya ba'i phyir 'ong gis/ lha ma yin dag slar zlogacig/ 'di ni lha ma yin gyi dbang po bdag cag gi 'byor par bya ba'i phyir 'ong ngo // de thos

  751. 376b

    nas lha ma yin dag de nas yang g.yul 'gyed pa'i phyir phyir log go/ / de nas yang de dag rgyal chen bzhi'i lha rnams ga la ba der lhags so// de dag lhags pa na lha rnams kyis 'di skad ces smras so/ / dud 'gro khyed yul ji srid cig tu de skyong bar byed/ gti mug gis bsgribs pa khyed rnams rang gi dpung gzhig par bya ba'i phyir yang phyir ldog gam/ de skad smras nas/ de nas yang lha rnams lha ma yin ga la ba der brgyugs so/ / de nas me tog 'phreng gis/ lha ma yin de dag la 'di skad ces smras so// lha mo yin rnams bzlums te 'khod pa ci sems/ lnga rnams la gnod pa ci'i phyir mi bya/ so sor mi mthun par 'khod pa/ lha rnams pham par mi bya 'am/ 'di ni bdag gnas pa gcig pus lha thams cad las rgyal bar nus na/ gang lha ma yin gyi dbang po brtan pa dang / seng ge mo'i bu sgra gcan bdag cag gi grogs su gyur pas/ smos kyang ci dgos te/ 'jigs par ma byed cig/ khyed cag kun kyang thams cad du g.yul gyi 'jigs pa med pa yin na/ sgyid lug pa des mchog gam/ lha ma yin rnams rgyal bar gyur cig/ lha ma yin rnams mthu rtsal dang bcas pas rnam par rgyal bar gyur cig/ de skad ces smras nas/ de nas lha ma yin gyi dbang po me tog 'phreng lha ma yin gyi dbang po rnams dang lhan cig/ lha me tog 'phreng thogs dang / rtag myos gnas dang / lag na yol go thogs pa dang / pi wang can gsum pa lha'i dbang po rnams bai DUrma'i ri'i rtse mor 'dzegs

  752. 377a

    te 'khod cing thams cad du khyab par byas nas/ sred pa skye ste/ 'di ltar sum cu rtsa gsum pa'i lha rnams dang / brgya byin med kyang bdag cag 'ba' zhig gis lha ma yin rnams chos gcig dang bcas pas lan du mar thub par byas so/ / de dag gis de skad smras pa dang / lha ma yin rnams kyis rgya mtsho de nyid khyab par byas nas/ de nas yang g.yul 'gyed par 'byung ngo // de nas lha rnams kyis lha ma yin de dag 'ong ba mngon par mthong nas smras pa/ 'di ltar lha ma yin bdag nyid thams cad dpung ches 'phel te 'ong gis/ 'di dag ni nges par lha ma yin gyi dbang po gsum pa me tog 'phreng yin/ te/ de dag 'ong ba lta zhig/ de dag la de skad smras pa dang / lha ma yin g.yul 'gyed par mdun nyid na 'khod do// de nas lha rnams kyis de dag mthong nas smras pa/ khyed gang gis bslus nas 'ongs/ da dung du chos dang ldan zhing chos kyi rjes su 'jug pa'i mi mar 'dzin pa/ phar 'dzin pa/ dge sbyong du 'dzin pa/ bram zer 'dzin pa/ dge ba don du gnyer ba/ dge ba la zhugs pa yod de/ de dag shi ba'i dus byas nas lha rnams kyi nang du skye bar 'gyur ro/ / de ni nged yin te/ khyed pas ches dpung che la ches gtso bo yin no// de lta bas na chos bsgrubs pa bdag cag la khyed kyis mngon par ma gtse zhig/ bdag cag la khyed kyis ci'i phyir gtse/ de nas de skad smras pa dang / lha ma yin rnams kyis lha rnams kyi tshig rtsis la ma chags par byas nas/ lha rnams dang g.yul 'gyed pa'i phyir lhags so// de nas lha rnams yang lha ma yin rnams ga la

  753. 377b

    der nam mkha' bkang nas/ lha ma yin gzhom pa'i phyir dang / de dag phan tshun rgyal bar bya ba'i phyir 'dong bar byed de// de nas de dag g.yul gyi rnam pa de lta bu bkye ste/ sgra gang gis rgya mtsho na gnas pa nya dang / srog chag dung dang / chu srin dang / chu srin byis pa gsod pa dang / nya mid dang / nya ming chen po dang / chu srin na kra dang / chu srin dun d+hu gsod mang po rnams kyi snying brgya 'am/ stong du rnam parags so// de dag mtshon cha dpe med pa du ma char gyi rgyun ltar shin tu 'bab pas/ lha dang lha ma yin g.yul bkye'o// lha ma yin gyi dbang po me tog 'phreng gis lha ma yin de dag bkye nas/ gcig pu 'dug ste/ lha rnams la 'di skad smra'o// nga nyid kyis yun ring du g.yul 'dir ma 'dug ste/ de 'dug na ni rnam par rgyal ba thob pas/ dang khyed rnams gzhom pa'i phyir dang / lha ma yin rnams 'byor par bya ba'i phyir 'ongs pa yin no// nga 'ba' zhig 'dug pas/ lha dbang po dang bcas pas yang mdun du 'dug mi nus na/ rgyal chen bzhi'i lha 'ba' zhig lta smos kyang ci dgos te/ ngas pham par bya'o// de skad smras nas/ lha rnams ga la ba der 'gro bar byed do// lha lag na yol go thogs pa rnams kyis de 'ong bar mngon par mthong nas/ lha ma yin gyi dbang po me tog 'phreng de gzhom pa'i phyir ga la ba der 'dong bar byed do// de nas rgya mtsho'i dbus nas ri dpag tshad lnga pa dang / dpag tshad bzhi pa dang dpag tshad gsum pa dang dpag tshad gzis pa dang dpag tshad kyi tshad ni rab tu 'bar ba dag phyung zhing lha lag na yol go thogs pa dag ga la ba der 'phen par byed do/ / de 'phen pa na lnga lag na yol go thogs pa

  754. 378a

    rnams kyis chos rjes su dran par byas/ dkon mchog gsum la skyabs su song nas/ mda'i rgyun rnams kyis ri de dag rgya mtsho'i dbus der bye ma chang pa nas gtor pab bzhin du gtor to/ / me tog 'phreng des las kyi 'bras bu de dag med par mngon par mthong nas/ lag na dbyug zo thogs te/ lha lag na yol go thogs pa ga la ba de'i mdun nyid du 'dug go/ / de dag 'khor dang bcas/ dpung dang mthu dang bcas pa 'ong ba mngon par mthong nas// char ga nam lcags lta bu'i mthu yis dbyug tho dogacod par byed cing / lha ma yin de dag nyams smad de/ de ltar de pham par byas so// lha ma yin gyi dbang po brtan pa'ang lnga rtag tu myos gnas ga la ba der g.yul 'gyed pa'i phyir mtshon cha kun 'jom dpag tshad tsam blangs nas 'dong bar byed do/ / de nas lha ma yin gyi rgyal pos/ lha de dag la 'di skad smras so// 'di ltar di ring bdag gis thams cad las rgyal bar bya ste/ thams cad mtshon cha kun 'jom gyis gshin rje'i gnas ga la ba der nye bar bkye'o zhes de skad sgru bsgrags nas/ lha rtag tu myos gnas rnams ga la ba der 'dong bar byed do// 'jig rten

  755. 1b

    ang gri legs par byas pa'i las byas pa de dag rnams mtshol dus de snyed du rtsed ni/ / mo byas nas/ phyis nyid kyang myos p a'i skyon rnams dang bral ba dang myos pa'i yon tan rnams dang

  756. 2a

    ldan pa'i btung ba dag 'thung bar byed pa rnams la/ ji ltar 'dod pa bzhin du bsil ba dang / ji ltar 'dod pa'i dri rnams dang / ji ltar 'dod pa'i kha dog rnams dang / ji ltar 'dod pa bzhin gyi snod kyi dbyibs dang / rin po c he'i rang bzhin gyi yon tan rab kyi mchog gis kun nas gang ba'i btung ba'i mtsho chen

  757. 2b

    po de nyid kyi drung nas byung nas/ ma lus pa rnams la 'gro bar byed pa dang / gang dag yin pa'i lha de dag rnams 'thung bar byed do/ / gzhan yang thag nye ba na gnas pa'i lha gzhan dag rnams kyang / mtsho chen po de nyid du song nas gar byed par gyur pa na bdud rtsi'i khu ba dag lha rdzas kyi dri dang / ro dang / reg bya dang / kha dog mchog dang ldan pa rnams de dag gis mthong bar gyur nas de de dag rnams la dga' ba'i yid kyis rtse bar byed de/ zas bza' bar 'dod pas/ de de dag rnams kyi drung du nye bar phyin nas bdud rtsi de dag ming par byed do/ / de yang lag tu blangs nas sam/ sdod du bcug nas kyang rung ste/ ji ltar las kyi rjes su 'thun

  758. 3a

    pa'i cha 'dra ba rnams yin no/ / de dag med par gyur nas slar yang gang kho na mtsho de nyid yin pa der nye bar legs par phyin pa / des mthong ba ni 'ad+ma chen po de'i 'od zer rnams dang ldan pa yang nyi ba brgya stong sa zas ches lhag par 'bar gyur pa gang la mtho ris kyi po che'i 'od rnams thams cad kyis bcu drug char yang mi phod pa yin no/ / de nas lha de dag gis pad+ma chen po de kun nas mngon par mthong bas mchog gi rab tu dga' ba'i yid kyis/ lha'i tshogs rnams kyis yongs su bskor nas/ rnga skad yan lag lnga dang ldan pas gar byed par gyur cing mtsho chen po rnam par rgyas pa de'i 'khor rnams kun tu yongs su 'chag go/ / de dag rnams ji lta ji ltar yongs su 'chag par byed pa de lta de ltar phyir zhing nyid kyang mchog tu blta na sdug pa rmad du byung ba'i khyad par gzhan rnam pa sna tshogs pa rnams/ mtsho de dag tu legs par mthong ngo // pad+ma

  759. 3b

    chen po de'i rnam pa de lta bu rnams gang zhe na/ 'di lta ste/ dga' bar gyur pa dang / ngo mtshar bar gyur pa rnams la/ kha cig ni pad+ma chen po 'di'i steng na/ mdog dang dbyibs sna tshogs pa'i bung ba rnams te/ rin po che bdun gyi rang bzhin gyi gshog pa can gyi bung ba dang / bung ba mo de dag lhan cig tu dga' bar spongad ngo do// de kho na bzhin du rin po che bdun gyi rang bzhin gyi bung ba mo de dag bung ba de dag rnams lhan cig tu/ me tog gi rtsi dpe med pa'i rang bzhin gyi pad+ma'i rtsi rnams 'thungs par gyur pa na/ des tshigs su bcad pa brjod pa/ ji ltar/ rnam pa sna tshogs las bskyed pa'i// sna tshogs 'bras dang yan lag ldan// gang 'di bkra bar 'gro ba yi// sems kyis ji ltar legs 'dod bzhin// thams cad sems kyis// bkra bar byas// rnam par bkra bar rten par byed// las zhig nas ni rnam 'jig pa// ring po min par 'byung bar 'gyur// dpe med pa yi bde ba 'di// gal te lha rnams kyis mthong ba/ / mi rtag thabs 'og nyin du ni// ring po min par chud par 'gyur// dbu ba dang ni chu'i chu bur// 'di na smig rgyu'i mdog mtshungs pa'o// rab tu rnam 'jig bde ba kun// log lhung mthar ni 'gro bar 'dod// bzlog thabs med dang mi bzad pa'i// 'byung po thams cad 'jig byed pa// bzlog par mi nus shugs can 'dir// 'chi bdag rgyal por rgyug

  760. 4a

    par byed/ / bde ba thams cad 'joms pa dang // gson pa yang ni bcom nas ni// kun rtogs las kyis bcings pa yi// 'jig rten gzhan du khrid par 'gyur// mi rnams kyi ni 'das de gang / de ni bde bar rtog par med// gang yang bde ba 'dod gyur pa// de yang cung zad bgrang mo byed// sred pa'i dug dang 'dres pa yi// de lta ba yi bde ba gang // / de kun log par ltung ba'i mtha'// 'dus byas mi rtag g.yo ba yin// 'jig rten gsum gyi bde ba gang // de nyid gzigs pas bsngags mi bzad// de yis ji ltar lha rgyags 'gyur/ / don med pa dang bral bar gyis// lus 'dir ring min na nyams par// 'di ni myur bar rgyugs par 'gyur// shing skam la ni me bzhin du// lha gang gis ni chos sreg pa// bde ba thams cad shin tu ltung // dge legs yid ni bya bar gyis// 'chi bdag dus ni byung gyur na// phyi nas 'gyod par ma byed cig/ skye ba gzhan yang stong phrag la// las kyi bde ba gang byung ba/ / de dag gar song rmi lam bzhin// bdag cag 'jig pa'i mtha' min nam// shing skam me ni ji lta bar// byis rnams bde bas tshim pa min// de phyir bde la chags pa yis/ / bde ba mthar thug 'gyur ma yin// skom pa'i skyon la chags pa'i ni// 'dod pa'i skyon rnams rjes su 'dren// bsam gtan pa yang bag yod pa'i// de yi bde gang rnyog pa

  761. 4b

    med/ / de thob shin tu bder 'gyur gyi// srid pa las skyed bder mi 'dod// sbrang rtsi dang bsres sred ji ltar// de ltar bde ba srid bde yin// de phyir bde la chags pa dang // rtag tu 'dod pa btsal mi bya/ / bde ba shin tu mthar thug yin// de phyir 'dod pa zhi pa min// zhes bya ba'o// de ltar bung ba de dag rnams kyis mngon du phyogs nas/ legs par gnas pa'i lha// de dag rnams la legs par bya ba'i las kyis kun nas bskul ba brjod pa yin no// lha de dag rnams kyis de dag gis bshad pa de la brtsi bgrang ma byas par slar yang mtsho de lta bar byed pa la/ shin tu spro ba dang / de la song ba'i yid kyis lhan cig spyod pa'i 'khor rnams dang bcas nas dga' bar gyur pa dang / rtse dga' bar gyur pa dang / rgod par gyur pa dang / klu len par gyur pas kyang yongs su spyod par byed do/ / de dag rnams kyis de'i tshe dus ring du rtsed mo rtses nas/ gzhan yang mtsho de lta bar byed pa la/ kun nas mngon du phyogs pas phan tshun grogs su gyur pas mtsho de rgal bar byed do/ / pad+ma chen po de gtsang bar gyur pa dang / 'byung ba chen po yang ba'i dbang gis dang / las rnams kyi mthus kyang yongs su rnam par rgyu ba yin no/ / rang gi las kyis 'gro bar byed pa de dag rnams pad+ma'i 'dab ma gzhan la 'chel zhing chags par gyur pa'i kha dog du ma/ rnam par bkra ba'i cha shas du mas rnam par bkra

  762. 5a

    bar byas pa rnams la zhen par gyur cing lha rnams dga' bar byed de/ lhan cig spyod pa rnams dang bcas pas/ pad+ma'i 'dab ma gzhan dag gi nags rnams su yang lhan cig rtse bar byed do/ / kun tu 'chel ba'i lha de dag rnams nyid dang / 'dab ma rnams la kun tu 'dzeg par byed pa'i lha de dag rnams dang / lha de dag rnams ji lta ba bzhin du de ltar yang pad+ma'i 'dab ma de dag kha 'bye bar 'gyur ro/ / dge ba'i las rnams kyi rkyen gyis pad+ma chen po de yang de kho na bzhin du kha 'bye'o// snying po yang de bzhin du ji srid du dpag tshad nyis brgyar 'gyur ba dang / de bzhin du gsum dang / de bzhin du bzhi dang / de bzhin du lnga dang / de bzhin du drug tu yang 'gyur te/ de bzhin du dgu dang / de ltar ji srid du dpag tshad stong gi bar du yang lha de dag rnams kyis legs par byas pa'i las kyis 'gyur ro/ / snying po de yang de kho na bzhin du kha 'bye ste/ ji srid du dpag tshad brgya'i bar du kha 'bye'o// mthu stobs 'di dag ni pad+ma chen po de'i yin no/ / 'di la lhan cig spyod pa dang bcas pa'i lha de dag rnams thams cad so sor 'dab ma gzhan la song nas dga' bar byed pa dang / rtse bar yang byed pa na de dag rnams kyang kha 'bye'o/ / de nas rtse bar byed pa'i lha de dag rnams nyid 'di snyam du sems te/ bdag cag rnams rtse bar byed pas 'di ltar rnam par rgyu ba nyid la gzhan

  763. 5b

    yang gnas 'di nyid na/ bza' ba'i klung dang / btung ba'i klung ro bzang po dang ldan pa rnams 'byung bar 'gyur mod/ de nas sems bskyed pa tsam nyid na/ de dag rnams nyid gnas pa'i sar bza' ba'i klung dang / btung ba'i klung de dag kyang pad+ma'i nang gi 'dab ma de nyid la rab tu 'byung bar 'gyur ro// de dag nyid 'di snyam du sems par gyur te/ bdag cag gi btung ba dang / kha zas 'di dag la ltos dang zer nas/ de dag lha dag dang lhan cig tu bdud rtsi za bar byed do// de nas lha de dag rnams dus ring du 'da' bar byed do// 'das nas ni 'di nyid du rnam par gnas pa'i bdag cag rnams la yang / 'dab ma'i bar rnams nyid las rtsed mo'i nags 'di dag rnams kyang legs par 'byung bar gyur cig/ de nas sems bskyed pa tsam nyid na legs par byas pa'i las rnams kyis nags de dag rab tu byung bar gyur pa ni/ rin po che bdun gyis rnam par spras pa'i ljon shing rnams la sna tshogs pa'i bya rnams kyis sgra'i khyad par brjod par dga' bar gyur pa 'khri shing kun nas dud pa'i khang pa rnam par rgyas pa dang / me tog dang / 'bras bu dang / lo tog rnams phun sum tshogs pas dus dang nam zla thams cad du dga' bar gyur pa dang / khyad par du rnam pa sna tshogs pa dga' bar gyur pa'i chu klung dang / 'bab chu dang / shin tu blta bar mdzes pa'i chu tshag tshig dang / rnam

  764. 6a

    pa sna tshogs pa'i 'bab chu dang / chu ba shal dag gi skyu'ur 'ur zar ba rnams ches dga' bar gyur pa rnams dang / shin tu rnam par phye ba'i sa gzhi'i cha shas rnams la rnam pa du ma sna tshogs pa'i dri dang / tshad dang / dbyibs dang ldan pa'i me tog rnams nye bar skyes par gyur pa la 'di lta ste/ chu las gyur pa'i me tog der skyes pa ni/ 'di lta ste/ ut+pal sngon po dang / ku mu da dang / a ma lA nA dang / ni tA na dang / legs par spras pa dang / 'dab ma brgya pa dang / g.yo ba med pa dang / phun sum tshogs pa dang / la ba la dang / khor yug dang 'dra ba dang / 'od snang ba dang / bung ba'i mig dang mtshungs pa dang / brtags par rnam par bkra ba dang / in+d+ra nI la'i mdog dang / me tog rnams thams cad thams cad du skyes pa de lta bu rnams la sogs pa'i chu las skyes par gyur pa'i lha rdzas kyi me tog rnams kyis nye bar mdzes par byas pa'i nags rnams rab tu 'byung ngo / / de bzhin du thang las skyes par gyur pa'i me tog rnams/ mdog dang dbyibs sna tshogs par dga' bar gyur pa'i me tog gis nye bar mdzes par byas pa rnams pad+ma chen po'i 'dab ma'i gseb tu zhugs pa'i lha rnams la/ pad+ma chen po nyid kyi nags las legs par skyes pa'i me tog rnams kha cig ni/ 'di lta ste/ bde ba'i 'od zer 'thab bral ba rnams kyis bos par gyur pa

  765. 6b

    na 'ong ba/ gang gi tshe bos pa nyid na lha mo rnams kyi drung du'am/ lha rnams la yang rtag par rab tu drangs pas/ kha bye bar gyur pa'i mdog gis 'ong bar 'gyur te/ dpag tshad brgyar dri 'byung ba/ blta na sdug cing dga' bar gyur pa/ kha dog sna tshogs pa rnams legs par kha bye ba/ dus thams cad rab tu rangs shing gang bar rgyas pa/ 'dab ma dang ze ba rnams 'jam pas reg na shin tu bde ba/ 'od zer thams cad kyis rnam par brgyan pa/ sa gzhi la blta bas ngoms pa med pa/ 'dod pa bzhin du dga' ba/ rnam pa de lta bu'i thang las skyes pa'i me tog rnams rab tu 'byung ngo / / yang nags rnams la/ ljon shing las gyur pa'i me tog rnams ni/ 'di lta ste/ man+da ra ba'i me tog kyang rtog par sla ba dang / reg bya dang / ro dang / dri dang / kha dog dag kyang dga' bar gyur pa dang / ke ta kA dang / tsam pa ka'i me tog dang / klu gzhon nu'i lce dang / rnying pa dang / gsar pa'i ma la'i kA dang / yid bde ba dang / 'od byed pa dang / dris tshim par byed pa dang / thams cad las dga' bar gyur pa'i ro'i 'phreng ba dang / rtse mo dga' bar gyur pa rnams las rnam pa de lta bu'i me tog dang / shing ljon pa dang / 'khri shing dang / shing gel ba rnams la rab tu skyes shing legs par byung bar gyur pa ni/ pad+ma'i nang gi 'dab ma rnams la zhugs nas rtse bar

  766. 7a

    gyur pa'i lha de dag rnams kyis legs par byas pa'i las kyi mthu las yin no/ / de nas lha de dag lhan cig spyod pa'i 'khor dang bcas pa rnams nags de dag rnams dang / pad+ma'i tshal gyi 'dab ma'i nang du song nas/ de ltar dga' bar byed pa dang / rtse bar yang byed pa'i mthu stobs 'di ni pad+ma chen po'i nags de dang / pad+ma'i nags de dang / rnam par rgyas pa'i mtsho de'i yang yin te/ kun brtags par rnam par kha bye ba de'i yin no// de ltar lha de dag rnams pad+ma chen po'i 'dab ma'i nang du song nas dus ring du dga' bar byed pa dang / lha rdzas kyi 'dod pa'i yon tan lnga dang nye bar ldan pas rtse bar yang byed do// de nas de ltar rtse bar byed pa de dag rnams/ de ltar pad+ma chen po'i 'dab ma'i nang du song ba rnams 'di snyam du sems te/ gang mthang yang bdag cag 'di na gnas nas/ rtsed mos rgyu ba rnams la ri dga' byung bar 'gyur na rung ste/ rin po che sna tshogs pa'i rtse mo can/ 'od zer gyis snang bar byas pa dang / bya'i tshogs kyi sgra rnam par brjod pas mngon par dga' ba dang / ri phug dang / khrod dang / chu klung dang / ngos dang / ljongs dag gis dga' bar gyur pa'i sa gzhi cha shas rnams legs par rnam par phye ba thams cad nas/ rtsed mo rtse bar 'ong ba lha bdag cag rnams la/ lha rnams kyi yang lha bdag cag pad+ma chen po'i 'dab ma'i gsab tu

  767. 7b

    zhugs pa rnams la/ de lta bu'i ri dgas legs par 'byung bar 'gyur na rung ngo // de nas sems bskyed pa dang lhan cig kho nar lha de dag rnams la 'byung bar 'gyur te/ lha de dag gi legs par byas pa'i las kyi rkyen dbang dang / las kyi rkyen gyi dbang gis rab tu phal che bar gyur pa'i nags dang / nye ba'i nags dang / rdzing bu dang / ri'i rtse mo dang / khong gseng gi gseb dang / dga' bar gyur pa'i ri ngos rnams dang / tshang tshing dang / phug dga' bar gyur pa'i rin po che bdun gyis rnam par spras pas kun tu 'bar ba'i 'od zer dang ldan pas dga' bar byed pa de 'khri shing kun nas 'phyang ba dang / sman ljongs dang / ri khrod rnams yid kyis rjes su 'thun pa rtag tu mthong na dga' bar 'gyur ba'i ri brgya phrag rab tu byung bar gyur pa rnams la lha rdzas kyi me tog dang / 'bras bu dang / 'khri shing kun tu 'phyang bas legs par 'khrigs pa rnams kyis dga' bar gyur pa'i phug dang / ngos dang / ljongs brgya stong dang ldan pa rnams 'byung bar gyur to/ / de nas lha de dag rnams 'dab ma'i gang bu de yongs su spangs nas de kho na bzhin du lha stong gis yongs su bskor bas lha rdzas kyi mdog dang / dri dang / reg bya dang ldan pa rnams kyi rnying pa med pa'i me tog 'phreng ba rnams kyis nye bar khyab pa/ lha'i glu mkhan gyi skad snyan pa rnams dang bcas pa'i ngal zhing brgyud pas yid 'phrog pa'i sku mdzes pa

  768. 8a

    rnams kyis/ ring du yang rna ba'i bug tshim pa med par lha rdzas kyi 'dod pa'i yon tan lnga dang ldan pa'i ri de la dal bu dal bus 'grim par byed de/ thob 'phyi kun tu rgya bskyed nas mig legs par bsgyur zhing lta bar byed pa'i mig snga nas mngon par dga' ba rnams lha de dag rnams dga' bar byed par g.yog gi bya ba rnams kyang byed do/ / zas dang skom gyi klung rnams la yang btung ba dang bza' ba dga' bar gyur pa dag la za ba dang 'thung bar byed do/ / de rnam pa sna tshogs pa rnam pa du ma dang ldan pa'i btung ba dang bza' ba'i bya ba rnams byas nas ri khrod kyi gse ba rnams su man+da ra ba dang / pad+ma ku she Sha yA mchog gis rang gi lus la yang bcings pa dang / de bzhin du lha mo rnams kyis yang lha rdzas kyi 'phreng ba mchog gis byas nas gar byed pa dang / glu len pas kyang dus ring du lha rdzas nyid kyi 'dod pa'i yon tan lnga dang bcas shing yang dag par ldan par gyur pas/ slar yang de kho na bzhin du yul rnams la chags pa'i yid kyis thams cad nyid du ngoms par ma gyur nas sred pa'i rtsang pos nges par khyer bar gyur pas/ gzugs dang rgyan dang cha lugs sna tshogs pa can gyi lha de dag rnams lha mo'i tshogs kyis yongs su bskor nas lan brgya phrag rnams su dang / yang na lan stong phrag rnams su slar nyid kyang gang rnam par rgyas pa'i mtsho chen po la pad+ma chen pos leg par rgyas pa de nye bar 'gro'o// phyir

  769. 8b

    zhing yang mtsho chen po de nyid du kun nas nye bar 'jug par byed pa dang / kun tu nye bar bgrod par yang byed la/ slar yang de kho na bzhin du de kho na nyid kyi pad+ma'i 'dab ma rnams la de bzhin nyid du so so so sor ches dga' bar gyur pa'i rtsed mo rnams nyams su myong bar byed de/ rang gi las rnams dang 'dra ba rgyas btab pa'i rjes su ded pa bzhin no// de nas gzhan yang lha de dag rnams nyid 'di snyam du sems te/ tha mar na yang bdag cag rnams kyi ri sul sna tshogs pa rnams nas rnam pa du ma sna tshogs pa'i bya/ gzugs dang / cha byad dang / rtsed 'jo dang / dbyibs dang / zas dang / gnas dang / spyod lam rnams mthong na dga' ba/ snyan par gyur pa'i sgra du ma rnams kyis rtse sgrogs pas lhag par dga' bar gyur pa/ rin po che bdun gyi thig les rnam par spras pa'i rin chen bdun rnam par bkra ba'i thig le rnams skyes pa'i lus rgya chen po thams cad du thogs pa med pa'i 'gros kyis legs par spyod pa/ chu dang / thang dang / bar snang rnams la yang bde ba'i gros kyis 'gro bar byed pa gang dag gis bdag bcag rnams kyis nus par 'gyur ba/ blta na sdug pa'i bya de rnams byung na rung na/ nged rang rnams kyis kyang nam mkha'i dkyil du 'gro bar ni nus na/ 'on kyang bdag cag rnams 'dod pa ni tha mar na yang bdag cag bya de dag rnams kyi rgyab tu zhon la lha mo'i tshogs rnams thams cad

  770. 9a

    kyis yongs su bskor nas/ shin tu bde bas nam mkha'i dkyil du rab tu bgrod pas/ bde ba rgya chen po'i sa ma lus pa 'di dag rnams kun nas gnod pa med/ pa'i 'gros kyis kun tu blta bar bya'o// nye 'khor kun la rnam par bltas shing rnam par bltas nas/ slar nyid kyang ches lhag par lhan cig spyod pa'i 'khor dang bcas nas rtsed mo byed/ par gyur pa na/ de ltar lha de dag rnams kyi sems bskyed pa dang lhan cig kho nar sna tshogs pa'i ri'i khrod dang / phug dang / 'khri shing 'phyang ba rnams dang / ri'i rtse mo rnams dang / rnam pa sna tshogs pa'i tshang tshing dang / ri sul dang / ljon shing rnams dang ldan pa dang / rin po che bdun gyi thig le rnams kyis spras pas rnam par bkra ba/ lha mo rnams thams cad kyang ngo mtshar ba skye ba dang / yid mngon par dga' ba dang / nam mkha'i dkyil ma lus pa de dag rnams kun nas khyab par gyur pa dang / rtse sgrogs pas kyang gar byas nas pad+ma chen po'i gang bu rnams gang na lha de dag rnams rtse ba der kun kyang 'ong bar 'gyur ro/ / de dag rnams ni nam mkha' la 'gro ba yin pas nam mkha' ma lus pa rnams thams cad du khyab par byed do/ / de nas lha de dag gis bya de dag mngon par mthong nas lha mo dang bcas pa rnams slar nyid kyang ches rab tu rangs par gyur pa'i yid kyis lhan cig spyod pa dang bcas pa rnams na ma

  771. 9b

    mkha'i dkyil du 'phags par 'dod par gyur to/ / de nas bya de dag rnams gang gi tshe nye bar 'ongs pa de'i tshe lhan cig spyod pa rnams dang bcas pa de dag nyid kyi rgyab tu nges par zhon to// nam mkha' dbyings kun tu 'phags par gyur nas nye 'khor du yang de dag gis khyab par byas so// de nas glu len par gyur pas lag na pi wa da dang / ga sar gyi rga po rgyud mangs dang / gling bu dang / rnga mur ba dang / lha rdzas kyi rol mo mkhan dga' bar gyur pa rnams kyi rna ba'i bu gar gtad par gyur pa/ phan tshun lhan cig tu bde ba'i sa de dag rnams la kun tu lta bar byed do/ / dga' ba rnams la nye bar longs spyod par byed do// lha de dag rnams bde ba'i 'dod chags kyis chags par gyur pa/ dga' ba'i 'dod chags kyis rab tu rnam par nyams pa'i yid can rnams kyis pha rol tu yang log par ltung bar 'gyur ba ni mthong ba ma yin no/ / de nas de'i dus na legs par byas pa'i las rnams kyis legs par bskul bas/ de kho na nyid brjod pa zhes bya ba'i byas lha bag med pa de dag rnams la rjes su 'doms par byed pa'i tshigs su bcad pa bshad pa/ ji ltar/ ji ltar lus can rnams kyi ni// srog ni shin tu myur 'gro ba/ / bya rnam 'gros dang rlung po yang // de bzhin myur du 'gro ba ni// rlung de las ni phyir zlogs shing // bya de rnams kyang phyir la zlogs// 'gags par 'gyur

  772. 10a

    ba'i srog kyang ni/ / de ni slar yang 'ongs pa med// las ni myur bar zad pa dang // tha ma yang ni myur bar 'byung // cis kyang 'byung ba'i 'du 'bral ba// lga rnams kyis kyang go ba min/ / bzlog par mi nus shugs chen po// gtum po thams cad brlag par nus// nges par myong ba'i stobs ldan pa// 'chi bdag 'di yang ma rig go// shin tu bag med pa yi lha/ / bde bas yongs su bslus pa yin// gang zhig nges par 'byung ba yi// sdug bsngal chen po ma rig go// 'dus byas kyang ni thams cad kyang // 'jigs dang bcas pa'i khyad par gyis/ / 'di ni rnam par 'jig par 'gyur// srid nas srid par chos nyid kyis// 'di ni dga' bas lang tshe 'joms// srog ni 'chi ba'i tham ste// rgud par gyur pa'i 'jig byed kyis// gnas pa rnams ni 'jig pa'i rgyu// 'jigs chen rnam pa de lta bu// sdug bsngal gyis kyang 'jigs pa che// bag med pa yi lha gang yang bsam pa de dag cung zad med/ / gang yang blo yi mig gis ni// ma 'ongs pa yi 'jigs pa mthong // de ni mkhas pa yin zhes bya// byis pa rnams ni bzlog pa yin// rnam rmongs yid can thams cad ni/ / rang gi sems ni bslus pa yin// mar me'i snum ni zad lta bu'i// las zad pa ni ma mthong ngo // dga' ba'i yul ni du ma rnams// bde ba'i

  773. 10b

    bla na med pa 'di/ / longs spyod nas ni las zad pas// slar yang log par ltung bar 'gyur// de ltar bya des legs par byas pa'i las kyi tshogs lha de dag rnams la rjes su ston par byed do/ / bag med pa'i yul gyis kun nas rmongs pa'i lha de dag rnams kyis go bar mi 'gyur zhing / brjod pa de dag rnams la yang brtsi blag ma byas par/ phyir nyid kyang bde/ ba rgya chen po'i sa gzhi ma lus pa de dag rnams kun tu lta bar byed de/ thams cad las mngon par dga' bar gyur pa'i ri rnams dang / chu klung dang / sman ljongs dang / 'bag chu dang / rdzing bu dang / ljon shing dang / nags dang legs par 'brel ba rnams dang / de lta de ltar pad+ma'i tshal rnams dang / ri bo'i mchog rnams kyis yongs su gang ba rnams na lha'i tshogs rtse dga' ba rnams kyis legs par 'brel ba rnams dang / yang gzhan rnams la bya rnams kyis brjod pa'i khyad par dga' bar 'gyur ba'i bar du glu blangs pa lta bur thams cad nas rna bas dang du len par byed pa'i sgra rnams dang / gzhan yang de ma yin pa rnams mthong bar gyur pa la/ lha dang lha mo'i tshogs kyis yongs su bskor nas/ pad+ma'i bar mtshams rnams nas rin po che'i rtsi dag 'thung bar byed do// dpag bsams kyi shing gi nags rnams la yang rnga skad yan lag lnga dang ldan pas lhan cig tu dga' bar byed do//

  774. 11a

    gzhan yang gzhan dag rnams su rgyu bar gyur pa na/ khang bu nam mkha'i dkyil dang 'dra ba rnams la zhon pa'i lha dang lha mo rnams lhan cig tu lha rdzas kyi me tog gi 'phreng ba'i rgyan dang / lha rdzas kyi yul lnga po rnams nyid la lha rdzas kyi rnga rnams nyid kyis rtse bar gyur pa rnams mthong ngo // lha dang lha mo de dag rnams nyid kyis kyang mthong nas phan tshun lhan cig tu tshogs par gyur te rtse bar byed do/ / rin po che bdun dang / rin po che ma ra ka ta yis rnam par bkra zhing tsher bag dang ldan par nam mkha'i dkyil nas 'ongs pa'i bya de dag rnams kyi rgyab tu legs par zhon pa rnams dang / lha gzhan gang dag dga' ba'i tshal na kun tu gnas pa de dag rnams khang bu'i steng du legs par zhon pa rnams dang / de dag thams cad dang yang dag par ldan par gyur nas nam mkha'i nyid la rtse dga' bar byed pa dang / phan tshun du grogs kyi bya ba dang ldan pas dga' bar byed do// dus shin tu ring bar 'dod pa'i mchog rnams la de dag rnams kyis lhan cig tu rtse dga' bar byas nas slar yang ri'i rtse mo dag la 'khod par byed do/ / nags dang nye ba'i nags rnams la de dag rnams kyis rnam pa sna tshogs pa'i rtsed 'jo rnams byas nas/ slar yang rnam par rgyas pa'i mtsho chen po der 'gro'o// bya de dag rnams nyid kyi rgyab tu legs par zhon nas nam mkha' bzhin du khyab par byas pas/ lha rdzas kyi rol mo rnam

  775. 11b

    la chags par gyur pa'i yid kyis nags dang nye ba'i nags rnams las/ slar yang rnam par rgyas pa'i mtsho chen po de nyid du legs par 'gro bar byed do// gzhan yang rnam par rgyas pa'i mtsho de nyid thams cad las dga' bar gyur par gong nas gzhan yang de dag rnams bya de dag las mu tig gi stan rnams la legs par babs so/ / de nas yang thams cad dang ldan par gyur pa rnams phyir zhing nyid du/ de dag rnams pad+ma'i 'dab ma la rab tu 'dug nas dga' bar byed pa rnams ni snga ma bzhin no// de bas pad+ma'i 'dab ma de la dus ring du dga' bar gyur nas/ dus gzhan na 'di lta bu'i blo skyes par gyur te/ bdag cag rnams 'di kho na ltar gnas bzhin du mthang yang 'khri shing gi khang bu rnams la rgyags pa'i khu byug gi sgra dga' bar gyur pa rnams dang / me tog gis tshar ka kun 'phyang ba rnams dang / rin po che sna tshogs pa rnam par bkra ba ches rab tu phal che ba sna tshogs pa'i lo ma dang / 'dab ma chags par 'gyur ba rnams dang / yang dag par ldan pas nye bar bkod pa'i 'khri shing gi khang bu dag bdag cag rnams kyi rtsed mo'i don du byung bar gyur mod/ de nas sems bskyed pa lhan cig nyid du lha de dag rnams kyi legs par byas pa'i las kyis de dag gi 'khri shing gi khang bu rnams rin po che sna tshogs pa'i 'od dang ldan pa/ me tog mchog gis kun tu sprul pa/ gser bzang po'i ring bzhin dang / dngul gyi rang bzhin

  776. 12a

    dang / bai DUR+Ya'i rang bzhin dang / sngon po chen po'i rang bzhin dang / pad+ma rA ga'i rang bzhin dang / de bzhin du shel gyi rang bzhin dang / de bzhin du gser btso ma'i rang bzhin gyi mchog tu mthong na dga' bar 'gyur ba dang / sa dang / de bzhin du rnam par 'dres pa po'i rnam par bkra ba'i 'khri shing gi khang pa de rang byung bar 'gyur te/ legs par byas pa'i las rnams kyis dus mi ring ba nyid na 'byung bar 'gyur ba yin no/ / de nas lha de dag rnams kyis 'khri shing gi khang bu de dag mngon par kun nas legs par mthong bas mchog tu rab tu dga' ba'i yid kyis slar yang de kho na bzhin du rtse bar byed cing dga' bar yang byed do/ / lha mo'i tshigs rnams thams cad kyis yongs su bskor ba dang bcas nas/ lha rdzas kyi 'phreng bas brgyan pa 'dod pa thams cad phun sum tshogs pa/ gnod pa med pa dang ldan pa'i yid kyis phrag dog dang ser sna dang bral ba/ 'thab mo dang yid mi bde ba'i skyon rnams dang bral ba/ bde legs su rnam par rgyu ba legs par byas pa'i las rnams kyis de dag rnams la dga' bar byed pa'i rnga skad yan lag lnga dang ldan pa'i rnams la ma nyams pa dang / snyan pa dang / ngal zhing rgyun chags pa'i dbyangs kyis rgyan du byas pa 'khri shing gi khang bu de dag rnams su lhan cig spyod pa de dag nyid dang / ngoms pa med pa'i yid kyis lhan cig tu dga' bar byed pa rnams thams

  777. 12b

    cad kyang sred pa'i dug gis bsregs par gyur pas 'dod pa'i yon tan lnga mtshungs pa med pa rnams kyis rnam par ngoms pa med par gyur pa/ mi rtag pa dang cha 'dra ba'i dpe med pa'i 'khri shing gi khang par dga' bar gyur pas ches lhag par chags pas bsgos par gyur pa'i dga' ba rnams nyams su myong bar byed do/ / 'khri shing gi khang pa de dag kun kyang rnam pa sna tshogs pa'i 'khri shing 'phyang bas dga' bar gyur pa rnams la 'di lta ste/ bai DUR+Ya'i rang bzhin gyi 'khri shing rnams la ni gser gyi 'dab ma rnams dang / pad+ma rA ga dang mtshungs pa'i mdog gi 'bras bu rnams so/ / in+d+ra nI la'i 'khri shing rnams la ni dngul gyi rang bzhin gyi kha dog gi 'dab ma rnams dang shel dang kha dog mtshungs pa'i 'bras bu rnams so// gser gyi 'khri shing rnams ni in+d+ra nI la dang mdog mtshungs pa'i lo ma rnams dang / pad+ma rA ga dang mdog mnyam pa'i 'bras bu rnams so// rin po che bdun rnam par 'dres pa'i 'khri shing rnams la ni 'dab ma dang 'bras bu rnams kyang rnam par 'dres pa'o/ / gser gyi 'khri shing rnams la ni dngul gyi rang bzhin gyi 'dab ma dang / dngul gyi kha dog gi 'bras bu rnams so// rnam pa de srid kyi 'dab ma rnams nyid yin te/ gser de dag dang mtshungs pa'i kha dog rnams la de dang mtshungs pa'i bdab ma dang de dang mtshungs pa'i 'bras bu'o// de ltar lha de dag rnams kyi 'khri shing gi khang pa

  778. 13a

    rnams de dag rnams kyi legs par byas pa'i las kyis sems bskyed pa dang lhan cig nyid du 'byung bar 'gyur ro/ / de nas lha de dag rab tu dga' ba'i bde bas 'khri shing gi khang bu de dag tu legs par zhugs nas lha mo rnams dang lhan cig tu rtse bar byed pa dang / dga' bar yang byed cing g.yog gi bya ba rnams kyang byed de/ rnam pa sna tshogs pa'i lha yul gyi bde ba rnams kyis myos shing ngoms pa yang med la bde bas chu la nya bzhin du'o/ / de de ltar lha de dag rnams nyid kyang shin tu ngo mtshar bar skyed par byed pa'i rgyur gyur pa'i 'khri shing gi rnam par 'phyang bas/ kun nas g.yogs pa rnams su legs par zhugs nas dga' bar byed cing glu yang len par byed la/ rnga skad yan lag lnga dang ldan pas de ltar yang dga' bar gyur pa na/ 'di ltar sems par byed de/ ji ltar chung ngu na 'khri shing gi khang bu 'di dag nyid du rab tu bde bar zhugs pa'i bdag cag 'di dag rnams nyid la rab kyi mchog gi mdog dang / dri dang / ro dang / bde ba'i reg bya phun sum tshogs pa'i chu klung gang zhig 'dab ma'i gseb nas dang par gyur na ci ma rung / zhu gsol ba'i lhan cig rjes su spyod pa dang bcas pa rnams phyir zhing ches lhag pa nyid du zhu bar bya ba'i don du de bzhin du sems par byed do/ / de dag rnams sems bskyed pa tsam nyid na/ chu klung de dag ro dang / dro dang /

  779. 13b

    reg bya rab kyi mchog dang ldan par yang legs par byas pa'i las rnams kyis byung bar gyur pa rnams ni 'dab ma'i gseb dag nas rgyun 'bab par gyur pas rab tu rdol bar gyur pa na/ de de ltar lhan cig rjes su spyod pa rnams dang bcas pa rmad du gyur pas rgyags shing myos nas/ 'dod pa'i sred pa rnams kyis rnam par ngoms pa med pas dus yun ring du glu len pa'i rgyags pas rgyags pa'i sems kyis dga' bar byed pa dang / rtse 'jo bar yang byed de bag med pa'i sa rnams su skyes par gyur pa de dag rnams ni rang bzhin gyis legs par byas pa'i las rnams zad par byed pa yin la/ 'chi 'pho ba'i dus na ni legs par mthong bar 'gyur ro// yul gyi sred pa rnams kyis ngoms pa med pa de ltar rtse rab tu 'jo bar byed pa rnams ni 'di ltar 'gyur ba yin te/ gang chung ngu na bdag cag rnams la dri dang / ro dang / mdog dang / reg bya rab kyi mchog dang ldan pa'i bdud rtsi dag 'dab ma'i gse ba rnams nas rab tu zags par gyur mod/ de nas lha de dag rnams kyi legs par byas pa'i las dag gis sems bskyed pa tsam nyid kyi ro dang / mdog dang / dri dang / reg bya mchog gi rab tu gyur ba'i bdud rtsi de dag ji ltar las mkhos 'dra zhing / rjes su 'thun pa rnams rab tu bab par gyur pa na/ de ltar yang de dag rnams nyid dus yun ring por med par byed do// de nas lha

  780. 14a

    de dag rnams 'di ltar yang sems par byed de/ gangam thang yang bdag cag rnams la do shAm+b+ha da / cod pan nor byas smras pa rnams dpung rgyan dang / mngon 'phreng ba dang / lha rdzas rnams ji ltar mtho ris kyi rjes su 'thun par ches lhag par dga' bar gyur pa rnams 'khri shing gi gseb dag nas rnyed na ci ma rung na/ de ltar lha de dag rnams kyis sems bskyed pa dang dus gcig nyid du legs par byas pa'i las rnams kyis mtho ris kyi rjes su 'thun par dga' bar gyur pa'i rgyan de dag rnams rab tu byung bar gyur to/ / de nas lha de dag rgyan de dag rnams kyis brgyan du byas nas/ 'dod pa'i bde ba rnams kyis dus ring du yang ngoms pa med par lha mo'i tshogs rnams kyis yongs su bskor ba dang bcas pas dus ring por dga' bar byas kyang / yul gyi sred pa rnams kyis rnam par ngoms pa ni med pa yin no// de dag de ltar rnam par gnas pa rnams 'di ltar sems par gyur te/ gang chung ngu na rol mkhan rnams las kyang lhag pa'i dbyangs gzhan du gyur pa/ sna tshogs pa'i me tog gi dri rnams dang yang dag par ldan pa'i yon tan de lta bu dang ldan pas 'dab ma rlung gis skyod par byed na ngo / / de nas lha de dag rnams kyis legs par byas pa'i las de dag gis/ sems bskyed pa tsam nyid na rnam pa de tsam pa nyid kyi rlung rnams kyi khams legs pa dal bus 'byung ba rtsom ste

  781. 14b

    gang gis de dag rnams la rab tu bskyod cing phan tshun du bkrol bas byas pa'i rnam pa de lta bu'i dbyangs 'di dag rab tu 'byung ba'i khyad par gang gis/ glu mkhan gyi glu de dag ni bcu drug char yang chog pa ma yin no/ / de nA lha de dag rnams lha mo de dag dang stabs gcig tu dus yun ring por dga' bar byed pa dang / 'gying bar yang byed la/ glu len pa dang rgod par yang byed do// 'on kyang 'dod pa rnams kyis ni ngoms par 'gyur ba lta ga la yod/ de dag rnams ni gzhan yang 'di snyam du sems par byed de/ gang chung ngu na yang bdag cag rnam par gnas pa rnam nyid la rnam pa sna tshogs pa'i kha dog can rin po che bdun gyis rnam par spras pa/ 'dod pa thams cad phun sum tshogs par gyur pa'i khang bu dag rab tu byung bar gyur na rung ste/ gang gis slar yang bdag cag rnams mtsho chen po 'di'i nye 'khor rnams su yongs su bskor nas nam mkha' la gnas pas de ltar rtse 'jo dag byed par 'gyur ba dang / bdag cag rnams yongs su spyod par yang bya ba dang / rgod par 'gyur ba dang / 'gying bar 'gyur ba dang / glu len par gyur par yang byed do// de ltar de dag gi sems bskyed pa tsam nyid na lha rnams kyi drung du khang bu dag rab tu 'byung bar gyur pa rnams la/ rin po che bdun gyi rang bzhin las rnam pa sna tshogs pa'i rin po che'i cha shas rnams kyis rnam par bkra bar gyur pa/ mu tig gi 'phreng ba dang bcas pa lan kan

  782. 15a

    dga' bar gyur pa rnams ches mchog tu mthong na dga' bar gyur pa yin te/ kha cig ni ngang pas 'dren pa/ kha cig ni rma byas 'dren pa/ kha cig ni shang shang te'us 'dren pa dang / la la ni rnam par bkra ba'i bya rnams thams cad kyis 'dren pa rnams yin zhing / lha de dag rnams kyis mdun nyid ni ji ltar 'dod pa'i bzhon pa de dag rnams yin par de ltar legs par shes so/ / de dag rnams mthong bar gyur nas gzhan yang lha de dag kho na bzhin du mnyam por zhon par gyur nas de kho na bzhin du 'gying bar yang gyur pa dang / rtse bar gyur pas kyang de dag thams cad gang na rnam par rgyas pa'i mtsho yod pa der legs par 'gro bar byed do/ / de dag rnams kyis mtsho de mtha' dag dang / pad+ma chen po de yang mthong bar gyur nas de dag rnams rgyu bar byed pa na/ pad+ma chen po de ma lus pa mthong na shin tu ngo mtshar bar gyur pa yin te/ de yang rnam pa sna tshogs pa'i rin po che'i rang bzhin gyi 'dab ma rnams rnam par bkra ba'i 'od zer 'gro bar gyur pas rnam par gsal bar byas pa de'i kha dog sna tshogs pa rnams la 'di lta ste/ rdo rje dang / in+d+ra nI la dang / ma rA ka ta dang / pad+ma rA ga dang / bai DUR+Ya dang / sngon po chen po dang / dngul dang / gser dang mtshungs pa'i kha dog rnams dang / de dag rnams kyi 'od kyis kun nas gsal bar byed pa dang 'dab ma mtshungs pa dang / mchog tu blta na sdug par

  783. 15b

    gyur pa dag mthong ngo / / nam mkha'i dkyil na khang bu rnams la legs par gnas pa'i lha de dag rnams dang / pad+ma'i 'dab ma de dag rnams la lha gzhan dag lhan cig spyod pa'i 'khor dang bcas pa gnas pa rnams rtse bar byed pa dang / phan tshun grogs su gyur pas myos pa la don gcig pa rnams mtsho de'i pad+ma'i 'dab ma rnams kyi gsab tu song nas glu len pa dang gar yang byed do/ / de nas nam mkha'i dkyil na rgyu bar byed pa'i lha de dag rnams dang / gang yang pad+ma chen po'i 'dab ma'i nang na gnas pa de dag dang / de dag rnams thams cad kyang rnam pa du mar rtse dga' ba chen bo nyid kyis rnam par rgyu zhing rtse 'jos rnam par rgyu bar byed pa gang yin pa la ni/ dpe rnams kyis nye bar 'jal bar bya bar sla ba yang ma yin no// de dag rnams de ltar rtse bar gyur pa'i glu dang rol mo'i sgra dbyangs rnams ni dpag tshad lnga brgyar rnam par gnas par gyur pa dang / de dag ni 'dod pa'i yon tan lnga phun sum tshogs par gyur pa'i rnga skad yan lag lnga dang ldan pa'i chen po rnams rnam pa du mar nye bar longs spyod par byed do/ / de dag rnams ni rang gi las kyi khyad par gang yin pa rnams spyad cing byas la yongs su bsags pa de skyel bar byed la/ 'on kyang dran par 'gyur ba yang ma yin no/ / ji ltar na las rnams zad par 'gyur ba ma yin pa dang legs par byas pa rnams ni gtugs par 'gyur ba yin pa dang / 'chi 'pho ba'i dus na gang du 'gro bar bya dgos pa

  784. 16a

    yin pa dang / 'gro ba gang rjes su bsgrubs pa 'byung ba yin pa dang / rnam pa ji lta bu'i bde ba dang sdug bsngal rnams la nye bar longs spyod par bya ba 'byung ba dang / 'byung bar mi 'gyur ba ni gang yin pa dang / legs par byas pa dang / nyes par byas pa'i las rnams kyi lam legs par ston pa po dang / dmyal ba dang / yi dgas dang / dud 'gro dang / mi'i gnas rnams su 'jigs pa dang bcas pa dang / 'jig pa med par bsgrub pa'i 'jigs pa med pa'i dbang du byas nas skye ba gzhan gyi gnas rnams la de ltar kun tu go ba ma yin te/ mun par byed pa'i bag med par nub par gyur pa de'i tshe go ba ma yin no/ / gang gi tshe legs par byas pa'i las rnams zad par gyur nas/ mi rtag pa nyid kyi rlung gis nges par ltung bar byed pa de'i tshe/ bag med pa de bsten cing bsgoms la lan mang du byas par gyur pa rnams grogs po ma yin pa grogs po'i gzugs can dang / phan pa ma yin par phan pa'i gzugs 'dzin pa rnams kyis rig pa phyin ci log tu byed pa'i 'bras bu nye bar rig par 'gyur ro/ / gang dag bdag cag gis bag med pa rnams kun nas bsten cing bsgoms la lan mang du byas pa gang yin pa rnams ni/ legs par bsgrubs pa yang ma yin par de ltar 'bras bu rnams shes par 'gyur na/ bag med pa'i dgra bos ji ltar byas pa de dag rnams la brtsi bgrang med par lha de dag rnams phyir zhing

  785. 16b

    kyang dga' bar byed cing / glu len par byed la/ mtsho de yang legs par byas pa'i las rnams thams cad kyi snying po dang 'dra bar ches dga' bar gyur par pad+ma'i rgyal po'i 'dab ma rnams kha rtse dga' bar byed pa de dag rnams dang / gang yang nam mkha'i dkyil na khang bu rnams kyis 'gro ba dag gis mtshe de mtshungs par mthong ngo // de nas de ltar bag med pa rnams la chu'i rlabs la rtse ba zhes bya ba'i byas lha de dag rnams kyi tshig legs par byas pa'i las kyis tshigs su bcad parjod par byed de lha rnams la ji ltar/ lus can rnams kyi gson pa ni/ yi rlabs ltar g.yo ba yin// snying po med pa'i chu'i chu bur// lha rnams kyis ni go ba'ang min// dbu ba'i phung po ring gnas kyi// tshe 'di yang ni mdor bsdus pa'i// lha ni yun rong gnas min te/ / mi rtag pa yis bskal pa spangs// ji ltar mar me rnams zhig pas// 'od rnams zhig par 'dod pa yin// de bzhin las ni rnam zad pas// lha rnams kyi ni bde ba 'jig/ byas pa'i las gang mi 'jig pa// cung zad yod pa ma yin no// de ltar na yang rmongs pa'i rnams// skye 'di rnams ni rtag nyid min// dngos gang 'ga' zhig skye ba ni/ / de yi 'jig pa rnam par gnas// 'dus byas kyang ni thams cad kyi// chos nyid 'dir ni rnam par gnas// gal te 'khor ba'i srog chags rnams// rang gi las kyis 'khor byed na/

  786. 17a

    'jig rten 'di ci'i don du rmongs// bag med pas ni rnam par bcom// bag med pas ni bde legs 'joms// bag med pa ni 'chi ba'i mchog/ bag med log par ltung ba dang / / bag med pas ni dmyal bar 'tshed// sdug bsngal 'di yi rgyu gcig pu// bag med yin par yongs su bsgrags// de phyir bde don gnyer skyes bus/ / bag med yongs su spang bar gyis// gang gis bag med yongs spangs pa// de yis go 'phang 'pho med 'thob// gang yang bag yod la dga' ba// de ni mya ngan 'das mtha' nyid/ / bag yod go 'phang de dag kyang // mya ngan 'das mchog 'gro ba yin// bag med log par ltung ba yi// rgyu de dag tu rab tu bsgrags// skyes bu bag med thams cad ni/ / de ni smon pa bzhin du snang // 'jig rten 'dir ni glad sla zhing // phyi ma la ni sdig pas 'tshed// bag med pa yi skyes bu kun// phyin ci log la 'jug par byed/ / rgyu rnams las kyi rnam smin dang // 'chi 'pho skye ba de bzhin te// bag med me ni gdug pa 'dis// dmyal bar rjes su khrid par byed// de phyir dmyal las grol don du/ / bag med rnam par spang bar gyis// gang gis bag med nges rnam rgyal// rtag tu shes rab la dga'i mi// de ni nyon mongs 'ching bcad nas/

  787. 17b

    bde ba'i go 'phang 'char bar 'gro// sgo lnga nas ni dri ma gsum// skye bas khams gsum rtag 'jug pa// bag med pas ni rnam rgyal ba'i// sangs rgyas rnams kyis bkra med gsungs/ / bag med mun pa'i skye gnas yin// bag yod pa ni bde ba yin// de phyir bde don gnyer skyes bus// bag med rnam par spang bar gyis// de ltar chu'i rlabs la rtsed mo rtse ba zhes bya ba'i byis lha bag med par gyur pa de dag rnams kyi bag med pa kun tu zhi bar bya ba'i don rjes su ston pa'i tshigs su bcad pa rnams bshad do/ / lha de dag rnams kyang kun tu rmongs par gyur pa'i phyir na ji ltar de kho na nyid de dag rnams brjod par gyur pa na/ de ltar kun tu mi rtogs so// slar yang de kho na bzhin du gang dag rnam mkha'i dkyil du song ba rnams dang / mtsho chen po rnam par rgyas pa'i pad+ma'i 'dab ma rnams song ba gang yin pa de dag rnams phan tshun cha kun tu lta ba la ched cher byed pas/ rtse 'a bar byed cing dga' ba yang byed do/ / mchog tu snyan par gyur pa'i lha rdzas kyi ji skad yan lag lnga pa rnams kyis so// yul gzhan rnams kyi gzugs dang dris kyang phan tshun du yid 'phrog par gyur pa'i bde ba rnams kyis kyang / rnam par ngoms pa'i yul rnams ni tshwa'i chu bzhin du lan cig ma yin pa dang / lan cig ma yin par yang nags rnams nyid du rnam par ngoms

  788. 18a

    pa med par 'gyur te/ lha de dag rnams de kho na bzhin du rnam pa du mar dka' bar byed cing / bde ba yang nyams su myong bar byed do// de nas dus shin tu ring bar ltar dag gis nam mkha'i dkyil rtsed sgrogs dag byas nas/ slar yang gang na rnam par rgyas pa'i mtsho de dang / pad+ma chen po'i nags yod pa der legs par 'bab par byed do// lha gang yang pad+ma chen po de'i 'dab ma rnams la lhan cig rjes su spyod pa dang bcas nas rnga skad yan lag lnga dang ldan pas glu len par byed pa dang / dga' bar byed pa dang / kun tu g.yog byed pa de dag rnams ni phan tshun du g.yog gi bya bas bgrod cig/ 'thun par 'jug pas rgyags pa la don gcig pa 'dod pa drug la rnam par chags pa'i yid kyis dus ring du glu len par byed pa dang / mchog tu rtsed mo rtse bar yang byed de/ de dag rnams rnam pa du ma dang rnam par rtog pa du mas bde ba rnams nyams su myong bar byed do// de dag gi bde ba de dag rnams kyang sems bskye ba dang lhan cig tu skye ba dang / kun tu rtog pa tsam gyis rab tu 'grub cing rab tu 'grub par 'gyur ba ni/ dge ba'i las rnams kyis de ltar yang phun sum tshogs par 'gyur ro// lha de dag de ltar kun tu rtog pa'i chu'i shugs la rnam par rtog pa'i rlabs kyi 'greng ba dang ldan pa'i chu klung chen pos kun tu khyer bar gyur pa de dag rnams ni/ mchog tu rar med pa'i yid kyis dus ring du 'da' bar

  789. 18b

    byed do/ / mtsho chen po de'i pad+ma'i 'dab ma rnams la song ba'i lha rnams ni/ lha rdzas kyi bde ba rnam padu ma rnams dang / rnam par 'dres pa du ma rnams nyams su myong bar byed do// de dag ltar rnam par 'phyan pas bag med par spyod pa de dag rnams la rjes su brtse ba'i don dang / bag med pa kun tu spang bar bya ba'i don du yang 'thab bral gyi bdag po mu su lun d+ha des sprul pa 'di dag rnams byed pa yin te/ gzugs dang lang tsho'i rgyags pa rnams kun tu zhi bar bya ba'i don du yang yin no// de bzhin du yang mtsho chen po rnam par rgyas pa'i drung de na grib ma sngon po zhes bya ba ri thams cad nas kyang shin tu rab tu dang ba'i bai DUR+Ya'i rang bzhin la gser dang / dngul gyi khams kyi 'byung khung rnams dang ldan pa thams cad du bkra zhing / bkra bar gyur pa'i nags 'bar ba'i 'phreng ba rnams dang ldan pa/ 'bab chu stong phrag brgya gser shin tu bsil ba dang / rin po che'i 'od kyis kun tu snang bar gyur pa'i rtse mo thams cad la yang ljon shing gi tshal dang ldan pa dang pad+ma'i rdzing bu rnams kyis nye bar mdzes pa dang / me tog gi 'byung gnas rnam pa du ma sna tshogs pa rnams kyis nye bar mdzes pa/ 'khri shing gi khang bu stong gis rnam par brgyan pa/ nye 'khor rnam pa de lta bur rnam par mdzes pa'i ro'i mchog de la 'thab bral ba'i mnga' bdag des bde ba rgya chen po'i sa na gnas pa'i lha rnams dang / lha gzhan rnams la yang phan par bya ba'i don du rdzu 'phrul byas pa

  790. 19a

    rnams ni/ lha rdzas kyi lasam gyis mi khyab pa'i ri bo'i sprul pa rnams yin te/ bde ba rgya chen po'i si la gnas pa'i lha de dag rnams las/ thabs thams cad nas cu 'gyur gyis gzugs dang / lang tsho dang / mdangs dang / mgyogs pa dang / spro ba dang / gar dang / glu dang / rgod pa dang / 'gying bag dang / rtse 'jol spro ba la sogs pa rnams kyis ches lhag pa'i lha rdzas kyi yul gyi rnam pa de srid pa rnams sprul pa gang yin pa 'di dag gi khyad par gyis lha gzhan de dag rnams ni bcur byas pa'i cha tsam du yang 'gyur ba ma yin no/ / rim pa thams cad kyis gzugs dang / lang tsho dang / tshad dang / mdog dang / dbyibs dang / rgod pa dang / 'gying bag dang / glu dang / gar dang / rtsed mo'i yang rim pa rnams thams cad kyis kyang cung zad kyang mdzes pa ma yin no/ / rnam pa de dag tu sprul pa de dag rnams phal cher ni grib ma sngon po'i ro de la ste/ nye 'khor kun nas bai DUR+Ya'i rang bzhin yin pa rnams ni snga ma bzhin no// de nas ri'i mchog gang yin pa de'i rtse mo dang / thams cad mchog tu gyur pa de dag rnams las sprul pa'i lha de dag rnams dang / lha mo dag yang glu len par gyur pas yan lag lnga dang ldan par gyur pa'i rol mo rnams kyang mnyam pa dang / chags par byed pa dang / smin par gyur pa rnams byed cing gang na rang bzhin gyi lha de dag rnams gar byed pa dang / 'gying bar byed pas skyed tshul gyi ltad mi byed

  791. 19b

    der lha mo de dag rnams dang lha de dag rnams rim gyis 'jug go/ de nas lha de dag rnams kyis sprul pa de dag gi glu'i sgra rnams thos par gyur pa dang / bcu 'gyur gyis shin tu snyan par gyur pa ni snga ma bzhin te/ rang bzhin gyi lha de dag rnams rtse dga' ba la mchog tu yang zhugs pa dang / lha mo de dag rnams kyis kyang de kho na bzhin du rtses par gyur to// de nas sprul pa'i lha de dag rnams kyis dal bu dal bus legs par bab ste/ de nas phan tshun du gang gi tshe khyad par zhugs par mthong bar gyur pa de'i tshe/ rang bzhin gyi lha de dag rnams ni/ sprul pa de dag rnams kyi khyad par gyis tshul thams cad kyis mi mdzes so/ / gzugs lhag pas ni gzugs kyi rgyags pa nye bar bcom mo// de dag rnams kyis byas pa'i cha byad du byas pa rnams bcom mo// 'od rnams kyis ni rang gi lus kun tu 'byung ba'i 'od rnams bcom mo/ / sprul pa'i dbyangs rnams kyis ni ngo bo nyid kyi glu'i gdangs rnams nye bar bcom mo// dri rnams kyis ni dri rnams bcom mo// sprul pa'i tshad dang / kha dog dang / dbyibs rnams kyis ni lha de dag rnams lha mo dang lhan cig tu bcas pa rnams kyi tshad dang / kha dog dang / dbyibs rnams nye bar bcom mo// de bzhin du yan lag lnga dang ldan pa'i yul gyi bde ba rnams kyis ni yan lag lnga dang ldan pa'i yul gyi bde ba rnams nye bar bcom mo/ / ji lta ji ltar ngo bo nyid kyi lha rnams kyi rgyags pa chen po thams cad chung ngun du byas par

  792. 20a

    5 / babs rnams pasdus cad kyis ga na/ sku dag da ma cad kyi sa dag nams rnam par 'dre bar gyur pa 'i de'i chen po// de sang de kun smras kyi ngo bo nyid kyi lha rnams kyi gzi brjid de dag de bzhin du zil gyis gnon te/ ji ltar 'dzam bu'i gling du nyi ma shar bar gyur na/ gza' dang / skar ma dang / rgyu skar rnams kyi ka bi brjid nyams par byed do/ / de bzhin du sprul pa'i lha de dag rnams kyi lha rnams thams cad kyi 'od zer zil gyis gnon no// ji ltar lha rdzas kyi rol mo rnams kyis mi rnams zil gyis gnon par byed bde bzhin du/ rol mo rnams kyang mngon par zil gyis gnon no// klu rnams kyang de bzhin du zil gyis gnon no// tshad dang / mdog dang / dbyibs kyang de bzhin du zil gyis gnon te/ ji ltar 'thab bral bas mi rnams zil gyis gnon pa bzhin no// de nas ngo bo nyid kyi lha de dag rnams ngo tsha ba dang bcas pas gang na de mtsho chen po yod pa'i 'gram der nye bar 'gro/ bar byed de/ ngo tsha ba dang mtshar bar gyur pa dang bcas pa'i yid kyis so// de nas sprul pa'i lha de dag rnams mtsho de'i gang na pad+ma chen po yod pa yin pa de dang nye bar mngon par gnas nas glu len par byed par gyur/ gar byed par gyur/ rgod par gyur pas kyang lha rdzas kyi 'dod pa'i yon tan lnga phun sum tshogs par gyur pa'i bde ba rnams dang yang dag par ldan pas mtsho

  793. 20b

    de'i steng gi pad+ma chen po'i 'dab ma rnams kyi bar du song nas gar byed pa dang / rgod par byed pa dang / 'gying bar byed pa dang / phan tshun grogs byed pas kyang rgyags pa la don gcig pa rnams yin te/ 'thab bral ba rnams las ches lhag pa'i lus can de dag rnams kyis/ rang bzhin lha rnams la phan par bya ba'i don du de'i tshe tshogs su bcad pa mngon par bsnyad pa/ glu dang legs par 'dres pa rnams bshad pa// ji ltar lha yi bde ba thams cad ni// las dang cha 'dra mthong ba yin// gson pa dang ni bde ba yin// las zad pas ni 'jig pa yin// de phyir rnam pa du ma'i bde// ji srid zad par ma gyur pa// de srid du ni bsod nams kyis// bsod nams ma byas las sdug bsngal// gsod tshe myur bar 'gro ba yin// 'chi bdag myur ba nyid 'ong gis/ / bag med pa la dga' ma byed// lus can rnams kyi bde ba kun// 'jig pa'i rgud par 'gyur ba yin// gson par yang ni mthar 'joms na// bag med pa la dga' ma byed/ / dbang po rnams kyi spyod yul la// mi skye bar ni bya mi nus// dbang rnams rang gi spyod yul las// gang phyir shes pa zlogs par byed// de phyir rtag tu shes pa bsten// shes pa yongs su spong ba dang // skyon rnams rtag tu spong mi 'gyur// de ni don min myu gu yin// bag med pa las 'dod chags skye// 'dod chags las ni sdug bsngal 'byung //

  794. 21a

    sdug bsngal gyis bsgrubs skye ba 'di// de dag 'khor ba'i lam yin no// bag med yongs su spang ba gang // yul 'di sten par mi byed pa// de la skyon ni mi// dmigs la// skyon gyi dngos po grol ba yin// sdug bsngal ljon shing rtsa bar ni// bag med 'di gcig rnam par gnas// bag med pa la mchog gyur pas// skye 'di lam ni thams cad 'joms/ / gzugs ni rtag pa mthong ba med// mnyam du 'gro ba'i bde ba med// srid nas srid pa'i dngos po 'di'i// kun thob par ni rnam 'jig 'gyur// yul ni 'ching ba rnams kyi rgyu/ / ji lta ji ltar bsten byas pas// de lta de ltar rnam 'phel te// bud shing las ni me ji bzhin// ngoms pa med pa'i sdug bsngal 'di// de ni bde bar 'dir mi brjod// 'jo ba las ni kha log pa'i/ / gang zhig sred bral de bde yin// de phyir gang zhig mthar thug bde// bde ba de ni bde bar brjod// 'dod pa 'byung min bde ba ni// mthar thug pa yi bde ba yin// de ltar bag med pa rnams kyis shin tu bcom par ma gyur pa'i mu su lun d+has sprul pa'i lha de dag rnams kyis lha de dag rnams la glu bsnyad nas mchog tu snyan pa snga na ma thos pa'i glu rnams len par byed la/ ji ltar bstan pa dang kun tu bsres pa'i sprul pa'i de kho na nyid rnams ngo bo nyid kyi lha dag gis thos nas nyan par byed do// de nas lha de dag gis tshigs su bcad pa'i dbyangs

  795. 21b

    kyis bsnyad pa thos nas/ srid pa snga ma la goms par byas par gyur pa yongs su dag pa'i rgyud gang yin pa ji ltar lnga de dag gi ches gtso bor gyur pa rnams kyis/ glu dbyangs kyi don du rtogs nas skyo ba skye bar 'gyur ro/ / de nas yang bdag cag rnams kyi drung na rim pa rnams thams cad kyis khyad par du 'phags par gyur pa de dag gang gis tshigs su bcad pa'i dbyangs 'di dag legs par bshad pa yin yang / de dag rnams gang yin pa'i drung na bdag cag rnams ci'i phyir thams cad du shin tu dman par gyur ces/ de ltar thabs de dag rnams kyi 'thab bral gyi bdag pos snying la legs par go bar byas te/ bag med pa rnams dang bral bar yang byas so// thabs gzhan rnams kyis kyang phan par byed pa yin la/ de ltar lha de dag rnams gzugs la sogs pa'i bde ba'i rgyarma pa dag gis rgyags par gyur nas/ log par ltung bar 'gyur ba rab tu mthong ba de/ phyis yi 'pho dus na 'gyod pa'i mes bsregs nas/ phyi nas yang dmyal ba'i mes sregs par 'gyur ba yin no/ / de la thabs 'di dag gis rang bzhin pa'i lha de dag rnams la phan par 'dod pas/ mu su lun d+ha des kun skyo bar byed do// de nas lha de dag rnams yid byung bar gyur pa rtogs nas/ yang sprul pa gzhan yang shin tu yid 'byung ba'i rgyur gyur pa'i sprul pa rnams byed de/ ji ltar pad+ma 'dab ma rnams nyid la rnam grangs du ma rnams kyis dga' bar byed pa dang / yongs su glu len

  796. 22a

    par byed pa dang / rnam grangs du mar 'gying bar yang byed pa de ltar byed do// ji ltar rang bzhin gyi lha de dag rnams kyis nam yang 'ga' zhig tu yang mthong ma myong ba'i rtse mo de dag rnams de ltar rnam pa du ma rnams su dang / rnam par rtog pa du ma rnams su dang / ches dga' ba du ma rnams su ngo bo nyid kyi lha de dag rnams kyi bag med pa dang nges par bral bya ba'i don du dang / ji ltar de dag rnams kyi rgyags pa kun nas spang bar 'gyur ro// ngo bo nyid kyi lha de dag rnams kyis sprul pa'i lha de dag rnams kyi glu shin tu snyan par 'gyur ba rnams ji lta ba bzhin du thos pas ngo tsha bar gyur nas/ glu len par mi byed pa dang / gar yang mi byed/ 'gying bar yang mi byed/ dga' yang mi byed/ kun tu spyod par yang ni mi byed kyi/ sprul pa de dag rnams kyi lha lta bar 'dod pa'i yid rtse gcig pas thams cad nyid gnas par gyur to/ / de dag rnams kyis kyang rnam pa du mar gar dang / gru dang / rgod pa dang / 'gying bag dang rnam par rtog pa du ma dang / dga' bar 'gyur ba du mar yang gzhan rnams dang 'dra ba ma yin pa'i rnam pa du ma rnams kyang / pad+ma'i 'dab ma rnams la song nas/ lha de dag rnams glu len par byed pa dang / gar yang byed do// de nas gang gi tshe rang bzhin gyi lha de dag rnams kyi yid las su rung bar byas par go nas/ mu su lun d+ha des sprul pa gnyis pa byed pa rnams

  797. 22b

    ni ji ltar pad+ma'i 'dab ma rnams la gnas nas glu len par byed pa'i lha de dag rnams nyid kyi pad+ma'i 'dab ma gcig sprul pa'i lha rnams kyis legs par gang ba rab tu lhung ngo / / de nas mcho de la lha de dag rnams las kha cig ni nub par gyur to/ / kha cig ni byung nas yang nub bo// la la ni lus rnams chu la brten nas rgyal bar byed do// kha cig ni phan tshun kun du 'khyud par byed pa dang / nub par yang gyur nas/ ji lta ba bzhin du skyobs dang / skyabs par gyis dang zhes de ltar phan tshun du 'bod par byed cing / 'bod par byed pas kyang phan tshun du rten par byed pa dang / ngu bar yang byed pa dang / lhung ba dang / byang bar yang 'gyur ba'i nyam nga ba chen po dang / 'jigs pa chen po dang / sdug bsngal chen po rnam pa du ma de dag rnams mtsho chen po de'i 'gram du song bar gyur pa'i lha de dag rnams kyis khyad par du mthong ngo / / de nas 'dab ma gcig de dag tu zags pa dang / mnyam pa thabs kyi rjes thogs su 'dab ma gzhan sprul pa'i lha rnams kyis kun tu gang bar gyur pa'i 'dab ma de dang de dag rnams zags shing zags shing / rnam par rgyas pa'i mtsho chen por lhung la/ sprul pa'i lha de dag gang yin pa de dag rnams thams cad kyang / 'jigs pa chen po rnams su lhung bar gyur to// kha cig ni chung nub bo// kha cig 'gyur ldog byas pas shes smad par gyur nas/ rnam par khro bar byed do//

  798. 23a

    kha cig ni dri gar song ba mthong bar gyur pa nyid kyang ma yin no// kha cig ni chur 'gyur ldog byas pas shi bar gyur to// kha cig ni rnam par khro 'tshig go/ bzhin du lha'i bu mo rnams kyang shin tu rnam par nyams par 'gyur zhing / rnam par khros 'khrugs pa dang / bying bAr mun par sna de dag rnams pa 'jus 'phyangs nas nub par gyur to/ ji ltar gang gi tshe gru zhig par gyur na/ de'i tshe gang dag der zhugs pa de dag rnams med pa dang bying bar 'gyur ro// de bzhin du mi dge ba'i chu rnams kun tu rgal bar byed pa na/ sprul pa'i lha de dag rnams kyang 'dab ma rnams las lhung bas/ nges par nub par 'gyur ro// de'i rjes la rnam par rgyas pa'i mtsho chen por pad+ma'i 'dab ma gsum pa lhung bar gyur pas de nas yang lhab dag gnas pa de dag rnams thams cad rdo ba bzhin du 'og tu bying zhing / nub nas thams cad kyang ma mthong bar song ngo // de'i rjes thogs la sprul pa'i lhas kun nas gang ba'i 'dab ma gzhan ma dag kyang rab tu srung bar 'gyur te/ de dag na yang de'i lha gang dag de la kun du 'dus shing legs par tshogs pa de dag rnams kyang / mtsho rnam par rgyas pa de dag tu nges par ltung bar 'gyur te/ lhung bar gyur nas kyang phan tshun kun tu chags par gyur cing / rnam par khros pas kyang phan tshun du 'bod par byed cing / kun tu bying bar gyur pas kyang / dus ring du rnam par rjod par

  799. 23b

    / byed cing / rnam par brjod pas kyang mtshe de'i nang du lhung bar 'gyur ba ni/ de ltar lan brgya phrag rnams su dang / ji sten lan stong phrag rnams su yang bye brag mang du rnam par rjod cing / mtsho chen po de'i nang du nges par ltung zhing / nges par bying ba ni rdo bzhin te/ lan du mar yang 'og gi yang srid pa rnams su 'gro bar 'gyur ro// de'i rjes thogs su lha rnams nyid kyis kun nas gang ba'i pad+ma'i 'dab ma gzhan rnams kun du lhung bar gyur to/ / de dag rnams ltung bar gyur pa de'i rtsa ba las kyang sgra chen po rnam pa du mar kun tu byung bar gyur pa rnams ni/ dper na ri'i rtse mo kun tu nyil ba 'am/ sa gzhi g.yos pa'am/ rgya mtsho 'khyoms pa rnams kyang kun tu 'byung bar gyur to// de ltar 'dir tug cem gyi sgra de dag rnams rab tu byung bar gyur to// sgra de dag rnams thos nas kyang gang dag rang bzhin du gnas pa'i lha de dag rtsa ba nas 'gyel zhing gnas par gyur te/ rnam pa du mar khyad par du mi rigs pa de dag gis mthong bar gyur nas/ shin tu yi mug cing 'jig pa dang mchog tu skyo ba'i yid du gyur to/ / gzhan yang gang na mtshor song ba'i sprul pa'i lha de dag rnams rab tu lhung bar gyur pa de dag rnams 'khor rnams kyis yongs su bskor nas/ shin tu sdug bsngal ba'i yid kyis gnas pas gnas te/ snga na ma mthong ba 'di rnams ci yin/ lha rnams thams cad kyis kyang sngar nam yang de ltar nyams su myong bar ma gyur pa/ shin du mi

  800. 24a

    bzad pa'i sdug bsngal ba'i go 'phang lha rnams kyis nyams su myong ba yin no zhes rnam pa de lta bu'i mchog tu 'jigs par gyur pa'i shin du mi rigs pa rnams de skad du/ rjod par yang byed do/ / de ltar de dag rnams sems par byed pa nyid dang / phan tshun du gleng bar yang byed pa dang / mchog tu skyo ba'i yid du yang 'gyur ro// 'dab ma gzhan nyid kyang tu lhung bar gyur pas/ lha mo rnams thams cad kyang shin tu nyams dmas par gyur nas/ phan tshun du rnam par khro bar byed pa dang / hA yongs su skyobs dang zhes bya ba de ltar phan tshun du rjod par yang byed do/ / ji ltar gang dag bag med par gyur pas/ bag med par rgyu bar byed pa de dag rnams kyi gnas skabs 'di yin la/ rnam par lhung ba'i rnams kyang 'di 'dra ba yin no/ / de ltar phan tshun rnam par khro ba rnams las rang bzhin pa'i lha de dag rnams kyi yid las su rung bar byas te/ bag med pa nyams dma' bar gyur pa rnams ni/ mya ngan las 'das pa'i chos rnams sgrub pa la las su rung ba yin par mthong nas/ mchog tu gzhan la phan pa la rab tu zhugs pa'i mu su lun d+ha des de dag rnams la phan pa'i don du yang lha de dag dang bcas paba'i pad+ma'i snying po de nyid mi mthong bar 'gyur ro/ / de yis 'gro ba'i tshogs chen po bag med pas na bag med par spyod par byed pa gang yin pa de dag rnams kyi yid dge lags dang ldan par

  801. 24b

    gyur ro/ / de ltar legs par skyes par gyur nas/ dus 'di nyid du ni 'di dag rnams dam pa'i chos bsgrags pa rab tu 'dzin par gyur te/ dam pa'i chos bsgrag par bya'o// de nas der de ltar rig nas mtsho der 'jigs pa chen po'i rim pa du ma gzhan nyid kyang sprul par byed pa yin te/ 'dab ma brgya yang 'jigs pa dang / sprul pa'i lha rnams kyang 'jigs pa chen po rnam pa du ma dang / 'phung nyes rnams dang / mtsho la yang 'bying bar 'gyur ba dang / de bzhin du rnam pa du mar kun tu rjod par byed pa dang / yid nyams dmas pa kun tu 'byung ba dang 'chi bar 'gyur ba du ma yang sprul par 'gyur te/ de dus ring du rtogs par byed de/ de dag gis kyang rang bzhin gyis lha de dag gi 'gros bcom zhing ji lta ba bzhin yid nyams smad nas gzhan du 'gro bar byed pa na yang de ltar 'byung ba'i 'gros bcom nas/ ji ltar de dag gis mthong bar 'gyur bar byed do// mthong ba'i rjes thog nyid la yang shin tu nyams dmas shing skyo ba skye bar 'byung bar 'gyur ro/ / de ltar thams cad byas nas pad+ma'i nang gi snying po la rjes su zhugs te/ bag med pa'i lha de dag rnams nyid dang lhan cig tu lta bar byed pa dang / lhan cig tu spyod par yang gyur pa na yang / shar bar gyur pa legs par mngon par mthong ba dang / gzhan la phan pa dang / rjes su 'dzin pa la rab tu zhugs pa dang / mchog tu snying rje

  802. 25a

    che ba dang / gzhan rnams la phan pa dang / rab tu ldan pas legs par zhugs pas kyang / lha de dag rnams kyis su 'brang ba dang bcas pas/ pad+ma'i snying po de kun tu btang bar gyur to/ / sprul pa de dag rnams kyang mi snang bar byas nas dbugs 'byin par byed do// ji ltar shan tu bar yang 'jigs pa'i gnas rnams su lha de dag 'gro bar byed pashin tu 'jigs par gyur pa'i gnas rnams su rab tu 'gro ba na/ bag med pas 'jigs pa'i gnas rnams su 'gro bar mi byed cing / bag med pas rnam par rgyu ba rnams kyi gnas skabs ni 'di dag yin no/ / bag med pas rgyu bar byed pa rnams ni/ bag med pa'i rtsa ba las shin tu 'jigs par 'gyur ba yin te/ bag med pa las sdug bsngal rnams mi 'byung ba ni 'ga' yang med do/ / de nas dus de dag tu mu su lun d+has tshigs su bcad pa'i dbyangs rnams brjod pa/ ji lta/ bag med la ni mngon dga' byis// rtag tu sdug bsngal skal ldan yin/ / gang yang bag med rnam par spangs// rtag tu bde ba'i skal ldan de// sdug bsngal ljon shing thams cad kyi// rtsa ba bag med par brjod do// de phyir sdug bsngal yongs spang bas/ / bag med pa ni rnam par spongs/ de nas lha rang bzhin pa de dag gis kyang mu su lun d+ha de mngon par mthong nas/ de dag rnams yid rnal du phebs pa dang / ches

  803. 25b

    rab tu dga' bar gyur nas/ gang na 'thab bral gyi mnga' bdag de yod pa der thams cad nyid nye bar brgyugs so// ji ltar lha bdag cag rnams kyi mgon po de/ bdag cag rnams kyi mgon po/ bdag cag 'thab bral ba rnams kyi mnga' bdag de ni pad+ma'i snying po la lha'i tshogs thams cad kyis yongs su bskor nas legs par gnas te/ bdag cag rnams rjes su 'dzin par byed pa'i rgyu mtshan du 'dir byon no/ / de ltar phan tshun du rig par gyur nas gang na pad+ma'i snying po yod pa der thams cad nyid nye bar 'gro bar byed do// de nas nye bar song ba dang / pad+ma'i snying po la rang nyid legs par gnas pa gang yin pa 'di ni/ mu su lun d+ha kun tu gnas pa yin no// pad+ma'i snying po'i seng ge'i khri la kha dog mtshungs pa'i gzugs dang ldan pa rnams kyi lha gzhan gyi zhabs 'bring byas nas nye bar 'gro ba na/ lha de dag gis mu su lun d+ha de la 'di skad ces brjod de/ lha lags/ lha 'di dag rnams gang yin pa la de ltar mtho 'tsham par byed pa 'di dag ci lags/ 'ching bar byed pa dang / kun tu skor bar byed pa dang / chu rnams la yang kun tu nub par byed par 'gyur ba dang / rnam par khro bar yang byed pa dang / rnam pa mang ngo'i gnas skabs rnams kyang byed du 'jug lags na/ de nas mu su lun d+ha des lha de dag rnams la 'di skad sa ces brjod de/ ji ltar srog chags su gyur pa rnams thams cad kyis ci nas kyang

  804. 26a

    myong bar bya ba gang yin pa de bag med pa'i skyon 'di dag rnams yin par khyed rnams kyis legs par mgo'o/ / de nas de'i dus na mu su lun d+has tshigs su bcad pa'i dbyangs kyis bsnyad pa/ ji ltar/ 'byung po thams cad kyis mi mthong // las rnams kun gyis rgyal ba min// 'jig rten thams cad rnams 'jig pa// 'chi bdag ces ni mngon par brjod/ / de yis skye bo 'di dag 'joms// phung po skye mched 'joms byed po// 'jig rten 'di nas pha rol tu// 'chi bdag rgyal pos kun tu khring // 'di yis khrid par gyur pa ma de 'ga' zhig la'ang stobs mi dmigs/ / chos ma gtogs pa de yi phyir// chos ni skyob pa'i mchog tu brjod// gson pa yang ni myur bar 'gro// myur bar lang tsho 'gro ba yin// 'chi bdag myur bar 'ong ba yin// bag med pa yis dga' ma byed// lus can rnams kyi bder gyur pa// thams cad 'jig pa'i rgud pa yis// bag med yang ni mthar 'joms kyi// bag med pa la dga' ma byed// dmyal ba yi dwags dud 'gror ni// las kun zad nas 'gro dgos kyi// shes kyis sdug bsngal mi bzad 'di// dga' bar ma byed bag med la// srid gsum ngam grog srid 'di gang / / mi rtag pa'i thabs 'og yin// skye zhing 'chi ba de lta la// bag med pa la dga' ma byed// 'chi bdag gis ni lus 'joms la// rgas pa yis

  805. 26b

    ni gzhon pa 'joms/ / so bsod pa ni nad kyis 'joms// bag med pas ni dga' ma byed// las kyi thab pas rnam bcings nas// sems kyi 'phyang mo la legs brten// sems can srid pa gsum na 'khyam/ / dga' bar ma byed bag med la// sgyid den po yang sdug bsngal 'gyur// sdug bsngal can yang rnal phebs gnas// rje dpon yang ni bran 'gyur gyi// bag med pa la dga' ma byed// ma yang chung mar 'gyur ba dang // chung ma yang ni dgra 'di nyid// 'gyur ldog chen po 'di 'dra la// bag med pa la dga' ma byed// nags dang nyenags brag rnams la/ / lha yi tshogs kyis brgyan pa yi// 'jig rten 'di ni med 'gyur ba'i// bag med pa la dga' ma byed// lus can rnams kyi bde ba ni// g.yo zhing 'tshe dang bcas pa yin/ yid ches med dang stong pa la// bag med pa la dga' ma byed// sdug bsngal gyis gzir skya 'di yang // rga dang nad kyi snod yin no// skye ba nges par 'chi ba yang // gang gis thams cad du nus min/ / bde ba thams cad 'chi ba'i mtha'// de bzhin lang tshe rgas pa'i mtha'// rmi lam lta bu'i 'dod pa la// bag med pas ni dga' mi bya// chu shing lo ma dang mtshungs dang / / grog rnams dang yang rab tu mtshungs// sba bar byed pa thams cad la// bag med pas ni dga' ma byed// yul gyi spyod yul can dbang po// rgyal bar bya bar nus ma yin//

  806. 27a

    dbang po rnams kyi rang yul las// gang phyir shes pas zlog par byed/ de ltar mu su lun d+ha des lha de dag rnams kyi yid skyo bar gyur pa la/ gzhan pa phan pa'i don du tshigs su bcad pa rnams ji lta bar brjod do/ / gzhan yang 'thab bral ba'i bdag po de nyid kyis/ lha rnams kyi bag med pa la rnam par gshe'o// ji ltar bag med pa'i mun pa'i 'og tu nub pa de dag ma mthong ba rnams ni/ sdug bsngal chen por gyur pa rgas pa dang / 'chi ba rnams 'byung bar 'gyur ro// ji ltar lha de dag ni khyed rnams nyid dang mtshungs pa yin/ te/ phyin ci log rnams la ji lta bar zhugs nas/ bag med pa la mngon par dga' ba rnams yin te/ phyin ci log nyid la zhugs pa rnams thams cad la yongs su skyob par byed pa ni 'ga' yang med do/ / gang khyed rnams kyi khyad par las tshul thams cad kyis khyad par du 'phags pa rnams bag med pas brlag par gyur nas/ tshad dang / mdog dang / dbyibs dang / nye bar longs spyod pa rnams dang / khang bu dang / 'od zer dang / lha mo dang / skye bo rnams kyis yongs su spangs pa de dag rnams khyed rnams kyis mngon sum du 'gyur ba yin na/ ji ltar na yongs su spyad par 'gyur ba yin/ ji ltar na 'khor rnams dang bcas pa yin/ phyin ci log la zhugs pa de'i tshe/ de dag ni bag med pa'i skyon gyis yin par mngon par mthong ba'i

  807. 27b

    phyir na/ thams cad la dus thams cad du/ thabs rnams thams cad kyis bag med pa yongs su spang bar bya'o// gang cung zad cig 'tshe ba/ 'di 'dzin pa dang bcas pa'i bag med 'tshe ba/ de dag ni dug gis zin pa rnams las kyang shin tu khyad par du 'phags pa yin no// gang 'ga' zhig me dang bcas par gyur pa de dag rnams kyi drung na/ bag med pa'i me kun tu rtog pa'i rlung dang bcas pa ni shin tu bar yang lhag pa yin no/ / gang cung zad cig mun pa dus ring du 'thibs pa rnams las bag med pa'i rang bzhin gyi mun pa ni de dag rnams las zla med par khyad par du gyur pa yin te/ thog ma med pa'i dus nas kun la ring du 'byung ba yin pa'i phyir ro// gang 'ga' zhig dgra bo glags gcod par byed pa rnams kyi nang nas bag med pa'i dgra ni de dag rnams kyi drung na khyad par du 'phags pa yin te/ yul gyi rdzogs rnams kyis kun nas glags gcod pa yin pa'i phyir ro// gang cung zad mtshon char brjod par bya ba so rnon po de dag rnams kyi nang nas bag med pa'i mtshon gyi so rnams ni lhag par rno ba yin te/ ngan song du log par ltung ba'i rtse mo rnon po rnams yod pa'i phyir ro// gang 'ga' zhig sbrul dug can du gyur pa de dag rnams kyi drung na bag med pa'i sbrul gyi dug gis sems can thams cad kyi srog nges par 'phrog par byed pa'i dug chen po de ni khyad par du 'phags pa yin te/ byis pa'i skye bo rnams/

  808. 28a

    thams cad kyi sems stobs nges par 'jom pa'i phyir ro// gang cung zad grogs po'i gzugs can grogs po ma yin pa rnams las bag med pa ni de dag rnams kyi nang na bla lhag pa yin te/ dga' ba'i 'dod chags dang kun tu 'dres pa'i phyir ro// gang cung zad 'ching bar gyur pa lcags sgrog gam/ shing gdos sam/ thag pa las byas pa de dag rnams kyi nang nas bag med pa ni bla lhag pa yin te/ zhe sdang 'thug po dang / kun tu 'dres pa'i phyir ro// gang 'ga' zhig pas bla lhag par gyur pa ni dgon par rnam par 'khyams par gyur pa rnams la chu dag dang / shing ljon pa dang / 'bras bu dang / grib ma dang / bzhon pa yang med pas/ sems can rnams thams cad sdug bsngal bar byed pa po de dag rnams kyi nang nas bag med pa'i dgon pa ni shin tu bla lhag pa yin te/ bde ba'i chu dag dang / skyes bu dam pa rnams kyi tshul khrims kyi ljon shing gi grib ma rnams las tha mar sems can rnams thams cad sdug bsngal bar byed pa'i phyir ro/ / gang 'ga' zhig rnam par slu bar byed pa po'i ngo bo don med par 'gyur ba mthong ba rnams las/ 'di dag gi ji lta ba'i don ni 'di lta ste/ chun 'khor mo dang / dri za'i grong khyer dang / smig rgyu rnams so// de dag rnams kyi drung na yang bag med pa ni shin tu lhag pa yin te/ yul gyi nye bar longs spyod pa rnams ni g.yo bar gyur

  809. 28b

    pa ji lta ba'i don dang bral bas na/ zo chun 'khor mo dang / dri za'i grong khyer dang / smig rgyu rnams las kyang bla lhag par stong pa yin no// gzhan yang cung zad rab tu ltung bar byed pa gang yin pa'i yul du gyur pa rnams cung zad yod pa'i ngam grog dang / g.yang sa dang 'dra ba de dag rnams kyi drung na yang bag med pa shin tu lhag pa yin te/ ngan song du log par ltung ba rnams nges par yang nyams su myong bar byed pa'i phyir ro/ / de ltar bag med pa 'dis ni lha rnams dang / srog chags su gyur rnams thams cad dang / 'gro ba lngar skyes par gyur pa rnams dang / khams gsum dugatogs pa rnams kyang log par ltung bar byed pa'i phyir ro/ / de'i phyir thams cad kyis thams cad kyang rab tu brtson pa thams cad kyis/ gnas skabs thams cad du sdug bsngal gyi 'jigs pa rnams dang / bde ba 'dod pa rnams kyis kyang sdug bsngal rnams kyi rtsa ba 'di yongs su spang bar gyis dang / 'di lta ste/ bag med pa'o// de nas yang de'i tshe na mu su yun dA des tshigs su bcad pa brjod pa/ ji ltar/ bag yod pa ni dga' bar brjod// bag med sdug bsngal skal ldan yin// bag yod bag med pa dag gi/ 'di ni rang gi mtshan tid brjod/ de ltar lha rnams kyi mthar bdag dam pa'i lam ji lta ba bzhin du ston par byed pa po nges lha de dag rnams la rjes su 'doms par byed do// de la lha de dag rnams

  810. 29a

    thams cad kyang yid las su rung bar byas pa dang / dbang po rnams rgyas pa dang / dbang po rnams rab tu dang ba dang / yid rtse gcig tu gyur pas nyan par byed cing su su lun du ba d+ma'i snying po la seng gi'i zil gnas pa de la 'di sar yang rjod par byed de/ bdag cag rnams la shin tu phan par gyur pa dang / mthar thug par bde ba gang yin po ngag kyang 'dir brjod lags na/ bdag cag rnams la phan pa dang / bde ba rnams kyang khyed nyid kyis bka' stsal du gsol/ bdag cag rnams kyis ci bgyi bar yang lha nyid kyi zhal snga nas bka' stsal du gsol/ ji ltar tshig 'di dag rnams brjod pa dang / 'thab bral gyi bdag po des 'di skad ces brjod do// ji ltar bcom ldan 'das gang yin pa 'di ni thar pa'i spyod pa rnams rig cing rtogs la mkhyen pa/ skyon rnams thams cad las rnam par grol ba/ yon tan rnams thams cad dang ldan pa/ sems can rnams thams cad kyi gtso bor gyur pa'i sangs rgyas de la skyabs su song dang / sdug bsngal rnams thams cad dang bral bar 'gyur gyis/ de ni bag med pa rnams dang bral ba yin pas de la skyabs su song nas/ gong na med pa'i 'khor ba'i 'jigs pa rnams thams cad las yongs su skyob par 'gyur ro// de nas yang nges par mu su lun d+ha'i drung nas lha de dag rnams kyis tshig 'di dag

  811. 29b

    thos pa dang / thams cad nyid kyis pus mo rnams sa gzhi la btsugs te/ 'khor dang bcas pa rnams gus pa legs par skyes pa dang / don la dbang po rnams rgyas shing sangs rgyas bcom ldan 'das la legs par gus par skyes pas mgo bo kun tu btung bar gyur pas rab tu phyag 'tshal te/ gsum la skyabs su 'gro bar byed pas kyang skyabs su song ngo/ thams cad kyang sangs rgyas dang / chos dang / dge 'dun rnams la yang legs par skyabs su 'gro bar byed do// yid shin tu rab tu dang ba dang / bag med pa rnams la yang rnam par smod par byed cing bshags par byed de/ gang dag bag med pa'i lha de dag rnams kyis bzod par mi nus pa rnam pa mang por/ mi bzad pa rnam pa du ma rnams thams cad kyis shin tu sdug bsngal ba rnams mthong ba'i phyir ro/ / de nas mu su lun d+ha yang lha de dag rnams kyis yid kun tu skyo bar gyur pa de dag rnams legs par mthong nas/ slar nyid kyang cho 'phrul rnam pa du ma rnams byed de/ yud tsam cig la yang rnam pa du mar gcig tu gyur nas brgyar 'gyur ro// stong du 'gyur ro// stong phrag brgyar yang 'gyur ro// yud tsam yud tsam la yang cha byang du byas pa'i dbyibs rnams su 'gyur ro/ / yud tsam cig la yang rnam pa du ma'i cha byad dag gis mtshungs par byas pa'i dbyibs rnams su 'gyur ro// yud tsam nyid

  812. 30a

    la nam mkha'i dkyil du 'phags nas rin po che'i khang bu sna tshogs pa rnams kyis kun tu grang ba rnams na/ gzugs dang cha byad sna tshogs pa rnams 'dzin par 'gyur ro/ / yud tsam la yang chur 'bying bar 'gyur ro// mgo bo stong du gyur nas kyang rin po che sna tshogs pa'i dbu rgyan dang / dpung rgyan 'bar ba rnams kyis brgyan pa dang / ma snang bas lhag pa'i gzi brjid can lha'i tshogs rnams thams cad kyis yongs su bskor nas nye ba'i nags rnams thams cad du legs par mthong ngo // stong phrag brgyar gsal bar byed pa'i gzi brjid dang ldan pa'i lha rnams kyi tshigs thams cad kyis yongs su bskor nas pad+ma chen po de nyid kyi steng du 'byung bar byed pa dang / rang gi gzi brjid rnams kyis lam mer gyur par lha de dag rnams kyis lus shin tu blta bar dka' ba yin no/ / gzhan yang mu su lun d+ha de nyid kyis rdzu 'phrul gzhan yang byed par gyur pa ni/ lha de dag rnams nyid kyi bag med pa kun nas bsrungs par byas pa'i don du 'di lta ste/ kha nas lha brgya stong kun tu 'byung bar byed do// kha cig ni khang bu'i steng du zhon nas rin po che sna tshogs pa'i 'od rnams kyis lus shin tu gsal bar gyur pa rnams so/ / kha cig ni rnam pa sna tshogs pa'i cha byad 'dzin par gyur pas/ gru'i rol mo rnams nye bar len par byed pa rnams su rdzas

  813. 30b

    kyi rgyan dang / cha byad dang / mchog tu lang tsho la bab pa'i lha mo rnams kyis yongs su bskor nas gru nye bar len pas mu su lun d+ha'i kha nas byung nas 'gro'o// kha cig ni rin po che bdun gyi rang bzhin pad+ma gzhan dag rnams la nang du zhen nas snyan pa'i glu rnams len par byed pa dang / rtsi yang lha rdzas kyi ro dang / dri dang yang dag par ldan pa dag 'thung bar byed de lhan cig spyod pa rnams kyis yongs su bskor nas lan brgya phrag rnams su dang / gal te na lan stong phrag tu yang rnam par mdzes par gyur pa dang ldan pa'i lha rdzas kyi 'phreng ba'i mchog rnams kyis brgyan pa/ rang gi 'od kyi dpal 'bar ba dang ldan pa rnams yin no// gzhan yang lha gzhan dag rnams rnam pa gzhan gyis mu su lun d+ha de'i kha nas kun tu byung nas 'gro ba rdzu 'phrul gyis sprul pa rnams la 'di lta ste/ bya'i rgyab tu zhon pa rnams rin po che bdun gyi rang bzhin gyi bya rnams la mngon par zhon nas dga' bar byed pa dang / glu yang len par byed pa dang / lhan cig spyod pa rnams kyis yongs su bskor nas/ rab kyi mchog tu rangs pa'i yid kyis rnga skad yan lag lnga dang ldan pa nyan par byed cing / bag med pas nye bar 'tsho ba rnams mu su lun d+ha'i kho nas kun 'gro'o/ / lha ngo mtshar du gyur pa mtshungs pa med pa'i gzugs gsal zhing / sdug pa'i yon tan dang ldan pa gzhan yang rnam pa gzhan gyis lha rnams

  814. 31a

    sprul par byed pa na/ dzI wAr smu swA lun d+ha'i kha nasna de dag nyid 'gro ba nI/ ut+pa la'i ze ba'i nang du zhon zhing / rgyan rgyun rnam par 'brel ba'i dbus su song nas/ sgyu rdzas kyi rnga skad yan lagi lnga pa nyan par byed cing lha mo'i tshogs rnams kyis yongs su bskor nas/ lha rdzas kyi btung ba dag 'thung bar byed do// gru yang len par byed la/ ldan spyod pa'i 'khor rnams kyis yongs su bskor nas/ lan brgya phrag dang / ci ste lan stong thag dang / lan bye ba zag rnams su yang gzugs dang / kha dog dang / dbyibs dpe med papa'i lha'i bu mo mchog rnams kyis yongs su bskor nas/ dga' bar byed pa lha rdzas kyi nags dang / nye ba'i nags su thabs du mas rab tu sgrub par byed do// nam mkha'i dkyil du mngon pabar 'phags nas/ sa gzhi dag bzhin du 'gro bar byed la/ rang bzhin pa'i lha de dag kyang glu de dag rnams nyan par byed de/ de dag gi drung na yon tan rgyas lhag par snyan par gyur pa de dag giglu dang / de dag gi gzugs dang / de dag gi bde ba yang rnam pa sna tshogs pa'i yon tan dang ldan pa yin no// de nas rang bzhin du gnas pa'i lha de dag snga na ma mthong ba'i ngo mtshar cha ba de dag rnams kun tu mngon par mthong nas/ kha cig ni ngo mtshar ba'i mchog dang ldan par gyur to// kha cig ni rab tu dga' bar gyur la/ kha cig ni rmad du byung bar gyur nas/ ci'i

  815. 31b

    phyir lha de dag rnams ji ltar na 'thab bral gyi bdag po mu su lun d+ha'i kha nas 'gro bar 'gyur/ 'di dag ni shin tu yang ya mtshan che'o// de ltar rang bzhin gyi lha de dag rnams sems par byed pa dang / phan tshun rjod par yang byed de/ de ltar yang rang bzhin gyis lha de dag rnams byed do// gzhan yang mu su lun d+has mchog tu gyur pa'i rdzu 'phrul gzhan dag byed pa ni/ 'di lta ste/ kha nas byung ba'i lha de dag las sna tshogs pa'i tshe byad 'dzin pa ral pa ring po dang / cod pan dang ldan pa shing shun gyi gos can lag na ril ba spyi blugs thogs/ lha rdzas kyi 'phreng ba'i rgyan can/ gzi brjid kyi dpal 'bar ba'i ri dwags kyi pags pa 'dzin pa'i rnam pa sna tshogs pa'i drang srong dag kun tu 'byung ste/ brgya phrag rnams dang / de nas lan stong phrag kyang kun tu 'byung nas/ nam mkha'i dkyil du 'khod nas/ tshigs su bcad pa rnams kyang bag med pa rnams dang kun nas bral bar bya ba'i don du rjod par byed pa/ ji ltar/ sgyu ma lta bu'i srid pa las// g.yo ba'i sems can 'di dag kyang // tham ca 'chi ba'i mtha' can gyi// dngos pos bag med par ma byed/ / sred pa kun nas 'phel ba yi// dga' bar 'gyur ba thams cad la// tha mar smad pa'i gnas kyi ni// dngos pos bag med par ma byed// gang zhig skyes pa

  816. 32a

    mi 'jig pa'i/ / gnas ni yod pa ma yin no// gang phyir bde kun 'jig bcas kyis// bag med ma byed dngos rnams la// gal te yon tan ldan pa yi// dga' bar mthong ba 'di thams cad// thams cad rmi lam 'dra ba yi// srid pas bag med par ma byed// bag med dgra bo sdig can 'di// dga' ba'i 'dod chags gdul dka' ba/ dmyal bar myur du 'bab 'gyur ba'i// dngos por bag med par ma byed// bde ba 'di ni yang dang yang // yongs su nyams pa kun tu 'byung // yang ni thams cad 'jig 'gyur ba'i// srid pas bag med par ma byed// 'og tu bar gyi bskal par ni// skye dgu skyon gyis nye bar bcom// las kyi lcags sgrog gis bcings nas// ji ltar mchil pas nya bzhin du// / thabs kyi rnam pa tha dad kyi// lugs sgrog gcod par nus mod kyi// lha dang lha min thams cad kyis// las kyi sgrog ni gcod mi nus// mthong ba med dang shin tu ring // skye ngargya che ba yi sgrog/ sred pa'i rgyud ni dam po 'dis// gang yang 'ching ba byis pa rnams// bdag cag lha rnams thams cad dang // mi dang de bzhin lha min med// mi rtag nyid las rnam grol min/ / mig med pas kyang mthong ba min// las rgya chen po'i rgyun rnams ni// shin tu ring bar rab tu 'jug/ ji srid shes pas rnams ma bcom// de srid du ni sred pa

  817. 32b

    yin/ / lnga'i rtsub shing las gyur pa'i// srid pa'i bud shing las byung ba// rnam rtog rlung ni stobs po ches// dus kyi mes ni shin tu bsreg/ byis pa blo gros chung rtag tu/ sdug bsngal bdes kyang kun du ldan// phyin ci log gis yongs 'khrul pas// de ni 'gro ba lnga 'khor ro// longs spyod rnam pa sna tshogs dang // chung ma bu la kun tu chags / mi lus nad kyis rnam bcom nas// 'chi bdag rgyal pos kun tu 'dren// spyang kis ji ltar ri dgas kun// rab dang man pas mngon par 'joms// de bzhin 'chi bdag dpung tshogs kyis/ / dang ba min pas mi rnams 'joms// mnyam pa med dang khyad 'phags pa'i// sdug bsngal srid dang yid par mthong // gti mug gis ni yongs bslus pas/ / 'jig rten 'di ni skyo ba'ang med// shin tu bdag la byams pa gang // de kun sdig la rten pa'i mi// gang drug bdag la byams min pa// de la 'jig rten su mi byams/ / de ltar lha de dag rnams kyi bag med pa kun nas zhi bar bya ba'i don du mu su lun d+ha'i kha nas 'byung bzhin pa'i drang srong rnams rdzu 'phrul gyis sprul nas/ rang bzhin gyi lha rnams la ston par byed de/ de dag ni mthar thug par phan pa rnams yin no// gzhan yang 'thab bral ba'i mnga' bdag des/ phan pa gzhan gyi sprul pa gzhan

  818. 33a

    rnams byed pa ni/ 'di lta ste/ brang du ches mchog tu dga' bar gyur pa'i ngang pa dang / kA ra Na Da ba dang / ngang ngur dag gis nye bar mdzes par gyur pa yan lag brgyad dang ldan pa rab tu dang ba mchog ga chu dang yang dag par ldan pa'i pad+ma ri rdzing bu sprul par byed do/ / de'i pad+ma'i rdzing bu de na brgya stong bye ba'i pad+ma rnams legs par skyes pa 'di dag rnams ni mtsho chen por gyur pa rnams yin te/ rin po che bdun gyi rang bzhin du gyur pa dang / dpag tshad brgyar dri zhim po rnams 'byung ba yin no// pad+ma de dag rnams kyi nang du son pa'i snying po rnams la cod pan dang ldan pa'i mgo bo rnams rnam pa sna tshogs pa'i 'dab ma rnams kyi 'od kyis rab tu snang bar byas pa/ rin po che rab kyi mchog gis rgyan du byas pa'i dpung rgyan rnams 'dug pa la/ rnam pa du ma sna tshogs par rab tu rab kyi mchog tu lang tshol bab pa mang po rnams kyis nye bar glu len par byed cing / seng ge'i khri la nye bar gnas pa la rnga yab dkar po nye bar g.yob par byed pa dang / mgo bo la me tog gi mchog rnams dang ldan pa'i rjes su spyod pa gzhan rnams kyis mngon par spong par byed par gyur pas/ rgyal bar gyur cig rgyal bar gyur cig ces kun nas dga' ba 'phel bar byed pa rnams kyis mngon par bstod par gyur pa na/ brgya byin la rab tu 'gran par byed pa'i rgyal po brgya stong sprul par byed do//

  819. 33b

    gzhan la phan pa la rab tu zhugs par gyur pa'i 'thab bral phyi mngar bdag des/ rang bzhin pa'i lha rnams la go bar bya ba'i don du/ 'khor los sgyur ba brgya phrag la 'gran par byed pa'i rgyal po brgya phrag stong yang yongs su sprul par byed do/ / gzhan yang gzhan la phan pa rnams la rab tu zhugs pas rdzu 'phrul gzhan byed pa ni/ mu su lun d+ha des rang gi lus rnams la sprul par byed pa rnams la/ dpag tshad brgya pa'i pad+ma de dag rnams ni brgya stong bye ba'i 'dab ma dang ldan pa rin po che bdun gyi rang bzhin gyi rnam par bkra ba'i 'dab ma rnams la lha'i bung pa rnams gru nye bar len par gyur pa'i sgra rnams kun tu brjod pa/ dga' bar gyur cing mnyan par 'os pa mthong na ches dga' bar gyur pa/ lha rnams kyi pad+ma chen po de'i sgra dag ni dpag tshad lnga brgyar 'gro ba yin no/ / yu ba rnams sprul par byed pa ni/ bai DUR+Ya'i rang bzhin rdo rjes legs par gnas pa/ in+d+ra nI la'i rin po che dang ldan pa mdzes pas 'ja' tshon rnam pas kyang ches lhag par dga' ba yin no/ / pad+ma chen po de'i nang du zhugs pa na/ mi'i rgyan dang cha byad sna tshogs pas/ rnam pa du mar brgyan pa'i lus mchog tu skyid pa rnams thong gshol gyis zhing las kyang byed cing zhing gi gnang la tshigs su bcad pa'i dbyangs brjod pa/ ji ltar/ 'bras don mi rnams thams cad kyis// sa gzhi 'di la zhing las byed//

  820. 34a

    'dod la chags pa'i mkhas min rnams// 'chi ba legs par mthong ba min// skad cig skad cig la 'grib pa// skye bo 'dod pa'i bsam pas rmongs/ skad cig skad cig la zad pa'i// 'du byed go ba yang ma yin// mi rnams lang cho mthar byed pa'i// rgas pa'i dbyug pa 'di 'byung ngo // nad med lo tog 'di 'joms pa'i/ nad kyi dbyug pa 'di 'byung ngo // 'jigs pa'i dbyug pa 'di gsum gyis// lhar bcas lha min 'jigs byed pa// byis pa'i 'jig rten blun po 'dis// 'ong ba mthong ba yang ma yin/ / lha dang lha min dri za dang // sha za klu dang srin po la'ang // gson po mthar ni byed pa'i mchog/ dus kyi dbyug pa 'di 'byung 'gyur// skye bo yang ni rab bcom nas/ / rang gi skye la chags shing 'chums// srid gzhan 'gro bas skye gtong yang // rmongs pas bcing ba'i skye bo rnams// bu dang tsha ba yang tsha dang // mi gang de yi rigs gnas pa/ / de dag thams cad med gyur yang / khyod ni chags pas 'ching bar byed// de ltar sprul pa de dag gis gzhan la phan pa bsgrub par bya ba'i don du tshigs su bcad pa'i brjod pa yin no/ / rang bzhin gyi lha rnams kyis kyang thos shing / thos par gyur nas kyang yid kyis 'thun par byed do// yul rnams la yang shin tu bag med par yang

  821. 34b

    mi 'gyur ro/ / de nas gzhan yang rdzu 'phrul gzhan shin tu dga' ba rnams gzhan la phan pa la rab tu zhugs pa'i 'thab bral gyi mnga' bdag des sprul par byed pa rnams ni/ 'di lta ste/ yan lag dang / nying lag rnams thams cad las rgyan dang cha byad sna tshogs pa dang / rnam pa tshogs pa'i dbu rgyan gyis brgyan pa rnams ni kha cig yin no// kha cig ni kha dog du ma rnams dang / dbyibs du ma rnams dang / 'gro ba du ma rnams dang ldan pa'i lha dang / dri za dang / mi dang / klu dang / lha ma yin dang / gzhan dag rnams kyang ste/ rab kyi skye ba gnyug mar gnas par gyur pa'i rgyan dang cha byad can rnams kun tu 'byung ste/ 'thab bral gyi mnga' bdag de'i spu'i khung bu rnams thams cad las dang / lus kyi mtha' rnams ma lus pa nas 'byung ba ni/ ji ltar rjes su mthun pa dang / gnas skabs ji lta ba dang / de dag gi rigs rnams dang / rjes su spyod pa rnams ji lta ba'i 'khor gyis klu len par byed pa dang / gar byed pa dang / rgod par byed pa yin no// mi rnams ni mi rnams dang rjes su 'tsham par gyur pa'i longs spyod mchog tu yid 'phrog par byed pa rnams dang yang dag par ldan pas gar byed pa dang / rgod par byed pas kyang mi rnams kyi rgyal po bde ba rnams la nye bar longs spyod par byed pa yin no// de bzhin du rnam pa sna tshogs pa'i rgyan dang //

  822. 35a

    cha byad can gyi glu rnams kyang kha cig ni mgo bo gcig pa/ kha cig ni mgo bo gnyis pa/ kha cig ni mgo bo gsum pa/ kha cig ni mgo bo bzhi pa/ kha cig ni mgo bo lnga pa/ khwa cig ni mgo bo drug pa/ kha cig ni mgo bo bdun pa rnams yin te/ mdog dang dbyibs sna tshogs pa'i cod pan bcings pa'i mgo bo rnams yin no// rin po che sna tshogs pa'i 'od zer gyis mchog tu gsal bar byas pa'i mgo bo can rnams rnam pa sna tshogs rol mo'i sgra dang / glu dang / rgod pa dang / 'gying ba dang / rtse dga' bas rjes su chags pa'i yid kyis bde ba rnams la nye bar longs spyod par byed do/ / de bzhin du lha ma yin du yang brtan pa la sogs pa sgra gcan 'dzin gyi mthar thug pas gzhir gtogs pa rnams sprul par byed do/ / 'thab bral gyi bdag po des bskol ba gzhan gyi brgya byin gyi rtsa lag lhan cig rjes su spyod pa rnams kyis rjes su 'brang bar gyur pa/ mchog tu gzugs dang rgyan dang / cha byad dang / rab tu dang ba'i lha ma yin gyi bu mos rjes su 'brang bar gyur pas rnga skad yan lag lnga pa rnams thos na dga' bar 'gyur bas/ yid ches su 'brel bar mchog tu skyid pa rnams dang / lha ma yin gyi mnga' bdag rnams kyang khang bu na legs par gnas nas/ mu su lun d+ha'i lus dang kha nas kun tu 'byung ste/ sprul pa rnams thams

  823. 35b

    cad kyang rtse bar byed bzhin pas mchog tu yang dpe med pa'i bde ba rnams la nye bar longs spyod par byed do/ / de bzhin du byang phyogs sgra mi snyan pa'i mi rnams kyang sprul par byed de/ sprin dang 'dres pa la sogs pa'i ri chen po bcu la so sor gnas pa rnams/ sum cu rtsa gsum pa'i lha rnams las nye bar longs spyod par bya ba rnams cung zad kyis chung bar gyur pa'i nags dang / nye ba'i nags dang / rdzing bu dang / pad+ma'i tshal rnams dang / rnam pa sna tshogs pa'i bza' ba'i klung dang / btung ba'i klung rnams dang / rnam pa sna tshogs pa'i bde ba rnam pa du ma rnams nyams su myong bar gyur pas rtse bar byed pa dang / gar byed pa rnams kyang mu su lun d+ha'i lus po nyid las kun tu 'byung ngo // de bzhin du ba lang spyod pa rnams kyi mi rnams kyang rang gi bde ba dag dang yang dag par ldan par gyur pas/ mchog gi rab tu dga' ba'i yid kyis gar byed par gyur pa dang / glu len par gyur pa dang / rgod par gyur pas mu su lun d+ha'i lus nyid las kun tu 'byung ngo / / de bzhin du shar phyogs lus 'phags po'i mi rnams kyang rang gi bde ba dang yang dag par ldan pa dang / rab kyi mchog tu rangs pa nyid kyis rtse bar gyur pa rnams kyang rang bzhin gyi lha rnams kyis mthong ngo / / cho 'phrul gyi mchog rnams dang yang dag par ldan par gyur pa'i 'thab bral ba rnams kyi bdag po des/ de ltar rnam pa du

  824. 36a

    ma dang / rnam par rtog pa du mas bag med pa rnams kun nas zhi bar bya ba'i don dang / gzhan rnams la phan par bya ba'i don du yang sprul pa de dag rnams byed do/ bag med par rnam par rgyu bar byed pa'i lha de dag rnams ji ltar na mi rtag pa mngon sum du gyur pas/ sems rgyud 'jam por 'gyur ba yin zhes/ rgyu 'di'i phyir na/ phun sum tshogs pa rnams ston par byed de/ 'dod pa rnams kyi kun nas ro myang ba'i don dang / phyi nas ni nyes dmigs rnams ston par byed do// rnam pa ji srid kyi 'dod pa rnams nyes nges par 'byung ba yin pa'i rgyu 'di dag gis lha rnams sprul pa byas so/ / de la kun nas ro myang ba gyur pa rnams ni ji ltar thos par gyur pa bzhin du/ rnam pa sna tshogs pa'i 'dod pa'i longs spyod pa rnams kyi gar dang / rgod pa dang / 'gying bag dang / gru dang / gos rnams dang nye bar longs spyad par bya ba bza' ba dang / btung ba rnams ming par byed pa dang / bud med rnams kyis yongs su bsnyen bkur ba dang / 'khyud 'phyang byed pa rnams te/ dbang po lnga ka'i nye bar longs spyod pa rnams thams cad ji ltar 'dod bzhin mngon par chags pa phun sum tshogs pa 'di ni'adod pa rnams kyi ro myang ba zhes brjod do/ / de la nyes dmigs rnams gang dag ce na/ thob par gyur pa'i 'dod pa'i gang dag yin pa rnams mngon par 'chums pa/ mngon

  825. 36b

    du 'gro bas don du gnyer bar byed pa na/ nyams par 'gyur ba dang / thun mong ba rnams kyis dbang byas nas/ brlag par gyur pa'i bral bas bskyed pa'i sdug bsngal rnam pa du ma rnams dang gzhan dag gis phrogs par gyur pa 'am/ rdzas dang ldan pa las 'jig pa lngas nges par 'joms pa rnams kyang 'di lta ste/ rgyal po dang / chu dang / chom rkun pa dang / me la sogs pa rnams so// sdug bsngal gzhan dag rnams kyi yang gzhi por gyur pa yin te/ rtag tu yang dgra rnams kyis mngon 'tshe bar 'gyur ba dang / brlag gis dogs pa srung ba'i 'jigs pa rgyun mi 'chad pa rnams kyis 'jig par yang 'gyur ro/ / mngon par zhen pa sngon du song bas gang dag gi yid kyang mya ngan gyi rtag tu gzer zug dang ldan par 'gyur ro// de ni lus dang yid kyi 'dod pa'i nyes dmigs rnams yin no// 'dod pa rnams kyi nyes dmigs de ni 'chi ba'i mthar thug pa na yang byis pa blo dman pa rnams la yi mug pas bskyed pa'i sdug bsngal rnam pa du ma rnams skyed par byed de/ zug gzer 'di dag rnams kyang 'dod pa rnams kyi nyes dmigs yin la/ gzhan yang 'dod pa rnams kyi nyes dmigs yod do// 'di yang gang dag ce na/ 'di lta ste/ des ma dang bu dag kyang lhan cig tu 'thab cing rtsod par byed do// dka' blas kyis tshor bar 'gyur ro// 'dod pa de'i rgyus gang dag spun rnams kyang lhan

  826. 37a

    cig tu 'thab rtsod byed de/ gsol pa dang 'ching ba rnams kyang phul du phyin par byed do// de dag kyang 'dod pa'i rgyu las yin la/ 'dod pa rnams kyi don gyis de bzhin du rgyal po dang rgyal po yang lhan cig tu 'thab cing rtsod par byed do/ / g.yul 'gyed par byed do// yul ljongs rnams 'joms par byed do// phan tshun du gsod pa dang 'ching ba'i sdug bsngal rnam pa sna tshogs pa rnams kyi rtse mor phyin par byed do/ / de la de dag nyid thams cad kyang 'dod pa rnams kyi don du yin pas na/ 'dod pa rnams kyi nyes dmigs 'di dag rnams kyang so sor shes par bya'o/ / gang gi phyir 'khor ba rnams thams cad kyi 'ching ba yin pa'i phyir 'dod pa 'di dag rnams bye brag tu rtogs par bya ba yin no// de la rgyu 'di dag gis na 'thab bral ba rnams kyi bdag po des/ lha de dag rnams la rnam pa du ma dang / rnam par rtog pa du mas kyang rdzu 'phrul de dag rnams byas so// de lta bu dag ni mi rnams kyi 'dod pa'i nyes dmigs rnams yin te/ gang gzhan dag rnams lta bar zhog gi/ rgyal po yang rnam pa du ma dang bcas pa'i thabs rnams byed do// gang yang mi gzhan dgra 'dod pa'i don du rgya mtshor 'jug par byed pa dang / 'khrug pa la lhan cig tu 'jug par byed pa dang / 'ching ba dang / mya ngan dang / ngal dub dang / sems khral dang / 'thab rtsod dang / 'jigs pa la

  827. 37b

    sogs pa'i don med pa rnams kun bzod par byed do/ / de dag rnams thams cad kyang 'dod pa'i don du yin la/ de ltar mi rnams thams cad 'dod pa rnams kyi don du nyes dmigs rnams kun nas bzod par byed do/ / ci ji ltar na yang lha rnams 'dod pa'i nyes dmigs rnams kun kyang bzod par byed pa yin na 'di lta ste/ lha gang dag lha ma yin rnams dang lhan cig tu g.yul 'gyed par byed pa dang / rtsod par byed pa dang / de dag gis de dag rnams thams cad kyang 'dod pa rnams kyi don du yin no// de bzhin du lha ma yin rnams kyang lha rnams dang ldan cig tu rtsod par byed pa dang / g.yul 'gyed par byed pa gang yin pa 'di dag yang 'dod pa rnams kyi nyes dmigs yin no// dngos po rnams kho na'i rgyags pa gang yin pa de dag rnams ni 'dod pa rnams kyi nyes dmigs yin no/ / de la rgyu 'di rnams kyis kyang sprul pa rnams byas so// gang yang klu rnams klu rnams dang lhan cig g.yul 'gyed par byed cing / yul gzhan dag rnams kyang 'jig par byed pa dang / glog dang thog la sogs pa yang gtong bar byed pa gang yin pa de dag rnams thams cad kyang 'dod pa rnams kyi don du yin no// yang gang dag dud 'gro rnams kyang phan tshun du za bar byed pa dang / gsod pa dang / 'ching ba la sogs par byed pa rnams dang / 'thab par yang byed pa de dag rnams thams cad kyang 'dod pa rnams kyi

  828. 38a

    don du yin te/ 'di yang 'dod pa'i nyes dmigs yin no// de bzhin du yi dgas rnams kyang zas kyi rgyu mtshan gyis sam/ 'khrig pa'i rgyu mtshan gyis kyang phan tshun du ral gris gcod par byed pa dang / de dag rnams thams cad kyang 'dod pa rnams kyi don du yin no// gang yang 'dod pa rnams kyi nyes dmigs de dag rnams yin pa'i rgyu mtshan 'di dag gis na 'thab bral gyi mnga' bdag des bag med pa dang bral bar bya ba'i don du lha rnams la sprul par byed do/ / de bzhin du dmyal ba'i rnams kyang phan tshun du mngon par 'joms par byed do/ / nyes par byas pa'i las rnams kyis skye ba gzhan rnams su gang dag dang zhe 'gras par gyur pa de dag rnams rjes su dran par 'gyur la/ rjes su dran nas kyang kho na de dag rnams ni ral gri rnams kyis phan tshun du las byed par 'gyur ba kho nas nyes par gnas pas bdag nyid dang / gzhan dag rnams kyang gzhog par byed do// de ltar yang dmyal ba rnams kyi 'dod pa rnams kyi nyes dmigs yin no/ / de la rgyu mtshan 'di dag gis kyang 'dod pa rnams yongs su spong ba'i rgyur/ 'thab bral ba rnams kyi mnga' bdag de sprul pa gzhan rnams byed pa yin no/ / 'gro ba lnga po 'di dag thams cad na ni 'dod pa rnams kyi nyes dmigs yod pa yin no// gang yang 'khor ba las la phyir phyogs par gyur pa de dag rnams thams cad na

  829. 38b

    gnas skabs thams cad du 'dod pa rnams las nges par 'byung ba ston par byed pa dang / 'chad par yang byed do// de la 'thab bral gyi bdag po des 'dod pa rnams kyi ro myang ba rnams bstan pa yin zhing / nyes dmigs rnams kyang pad+ma 'dab ma brgya po dang po der lha rnams rab tu lhung bar gyur pa/ rang bzhin pa'i lha rnams la cung zad cig bstan pa yin no// rgyas par yang lha dang mi rnams kyi nyes dmigs gzhan dag kyang bdag gis bstan par bya ba yin/ nyes dmigs rnams legs par bstan nas/ nges par 'byung ba yang bdag gis bshad par bya ste/ thar pa'i sa bon gyi rgyur gyur pa rang bzhin gyi lha rnams la phan pa'i don du dang / bde ba'i don du'o// gzhan yang lha de dag rnams la phan pa'i don du mu su lun d+ha des 'dod pa rnams kyi nyes dmigs rnams mngon sum du byed de/ 'dod pa rnams kyi nyes dmigs rnams gzhan rnams su mthong bar gyur pa dang / gzhan du yang thos par gyur pa'i rgyu mtshan gyis kyang 'khor ba la yid 'byung bar 'gyur ba ma yin no/ / de la rgyu mtshan 'dis lha de dag rnams la 'dod pa rnams kyi nyes dmigs rnams so sor sprul par byed do// de nas lnga de dag dang / lha ma yin dang / klu rnams kyi 'dod pa rnams la ro myang bar byed pa de dag rnams bstan nas/ nyes dmigs kun tu ston par byed de/ lha dang / mi dang / klu dang

  830. 39a

    lA ma yin de dag rnams nyid yang dus rnams mdor bsdus pa ji lta ba bzhin du yin pas so/ / de la lha rnams ni rnam pa sna tshogs pa'i 'dod pa rnam pa du ma rnams la longs spyad nas/ 'chi 'pho ba'i dus byung bar gyur pa na/ de dag rnams ji ltar yin pa de bzhin du ston par byed de/ rnam pa du ma sna tshogs pa'i tshul gyis 'chi 'pho bar 'gyur ba rnams la 'di lta ste/ ri'i drung dag nas rnam pa du mar gyur pa'i byi la dang / gung dang / gzig dang / ser ba cag cag dang / lce spyang dang / ri bong dang / seng ge dang / phag pa dang / klu dang / dom dang / stag dang / srid bya dang / rta dang / snga mar dang / glang po dang / khwa ta dang / su su ka dang / chu srin dang / rus sbal dang / rngamo rnams kyi gdong gcig pa dang / gdong gnyis pa dang / gdong gsum pa dang / gdong mang por gyur pa de dag rnams kha cig gi lag na ni thal ba dang / sol me thogs pa'o// kha cig gis ni thams cad du rab tu 'bar bar gyur pa'o// kha cig gis nI ma'i char 'bebs par byed pa dang / rdo rje dang bcas pa'i ral gri kun nas 'phen par byed do// thon kor kun nas 'jigs su rung ba'i sgra mang po rnams kun 'don par gyur pa ni ri dang / thog 'bab pa dang mtshungs pa'i 'jigs pa chen po rnam pa du ma rnams yin te/ char 'byung ba'i

  831. 39b

    sprin mthing nag dang mdog 'dra bar 'jigs pa chen por gyur pa'i gzugs dang ldan pa de'i mgo bo ni ri dang mnyam pa/ sgra rnams dang lus rab tu 'bar bar gyur brgya phrag mang po rnams dang / de bzhin du stong phrag mang po rnams kyis kun nas bskor nas lag na zhags pa thogs pa dang / ral gri dang / mdung dang / rdo rje dang / rdzogs lag na thogs pa/ 'jigs byed chen po'i gzugs su ston par byed pa rnams/ ri de dag gi khrod rnams nas byung nas nges par 'ong bar byed do// gang na sprul pa'i lha de dag rnams yod pa der rgyug par byed do// khros pas bzhin dmar po rnam par rol pa nye bar sgyur bar byed pas/ sngon po dang / ser po dang / dmar po rnams kyi mdog gi me 'bar ba rnam pa du mar char 'byung ba'i sprin mthing nag gi gseb rnams las bzhin du glog rnam par 'byin pas nges par rgyug par byed do/ / sprul pa gzhan rnams kha cig ni 'chi bdag lta bur gyur pas/ mchog tu 'jigs su rung ba'i gzugs rnams kyis gang sprul pa de dag rnams yod par rgyug par byed pa ni/ sna tshogs pa'i zhags pa dang / lag cha thogs pa rnams la 'di lta ste/ lcags kyi rang bzhin las lag pa gyen la rab tu 'bar bar gyur pa/ 'brug bzhin du sgra kun nas sgrog par byed pa/ lus rab tu 'bar bar gyur pa/ dpag tshad bcu'i tshad tsam gyi gzugs can rnams so//

  832. 40a

    kha cig ni mig brgya pa rnams so// kha cig ni mig bzhi brgya pa rnams so// de bzhin du b+hA pa dang / drug pa dang / bdun pa dang / brgyad dang / dgra/ dang / mig brgya phrag bcu pa rnams te/ mig rab tu 'bar bar gyur pa/ rgyang grags tshad tsam pa rnams rab tu 'ong bar byed do// kha dog sngon po dang / ser po dang / dmar po dang sngo skya rnams dang / dbyibs rnam pa sna tshogs par gyur pa/ 'byung po rnams thams cad 'jigs par byed pa/ hA hA zhes sgrogs par byed pas kyang de dag thams cad ri'i rtse mo 'dud pa'i sgra dang 'dra bar so sor gsus pa 'phyang ba dang / gsus pa gzhan dag rnams ni ri dang mtshungs par gyur pa'i gsus pa dang / ri dang mtshungs pa'i mgo bo can rnams yin no/ / mgo bo thung ngu dang ldan pa dang / gzhan rnams ni ring bar rab tu 'bar bar gyur pa'i sgra/ lag pa ring por gyur pa dang / sen mo rab tu 'bar ba dang / de bzhin du lus la skyes pa'i ba spu rnams kyang ste/ nye 'khor kun nas rab tu 'bar bar gyur pa'i ri dang mnyam pa rnams/ dus kyi ri chen po de la ni sprul pa byas pa rnams nges par 'ong ba yin te/ rdo rje'i thog 'bor bar byed pa nye 'khor kun nas 'bebs par byed pa yin no// yang rnam pa gzhan dag rnams kyis de bzhin du 'chi bdag gi pho nya nye bar rgyug par byed pa naH

  833. 40b

    ni nye 'khor rnams na bya rgod dang / khA ta dang / kang ka dang / lce spyang dang / rnga mo'i gdong can rnams lus po khrag gis rnam par byugs pa dang / grog ma 'phungs pa'i lus can gyi lha de dag rnams mngon par mi dga' ba nges par yong bar byed pa yin no/ / dus kyi ri chen po de dag las sprul pa byas pa de dag rnams thams cad kyang / gang na lha sprul pa'i lha de rnams yod pa der rlung gi shugs chen pos btab pa bzhin du/ ri nag po klog pa dang bcas pas myur bar rgyug par byed do// de nas 'chi bdag lta bur byed par gyur pa de dag rnams kyis lha de dag rnams dang nye bar 'ongs par gyur nas/ sprul pa'i lha de dag rnams mngon par 'dzin par byed do// de'i rting la kha cig ni rab tu 'bar bar gyur pa'i lcags kyi thag pa rnams kyis dpung pa bcings nas 'dren par byed do/ / de bzhin du sprul pa'i lha gzhan de dag rnams kyis/ de dag rnams nyid khrid pa'i gyur pa mngon par mthong nas/ shin tu 'jigs par gyur pas phan tshun kun tu rgyug par byed do/ / de dag rnams kyang 'dzin par byed de/ 'chi bdag gi pho nya ni mgo la mngon par dmigs nas/ de dag nam mkha' la 'phags te/ 'jigs par byed pa'i nga ro dag kun tu bton pas mig gi yul nges par mchong bar byed do/ / kha cig ni lha gzhan ma de dag rnams nyid bzung nas/ lcags kyi rang bzhin gyi rab tu 'bar ba'i thag pa

  834. 41a

    rnams kyis mgrin par bcings shing khyer tre sa gzhi'i gseb tu rjes su thim nas mi mthong bar 'gro bar byed do/ / 'chi bdag gi pho nya sprul pa byas pa gzhan de dag rnams kha cig gis kyang sprul pa'i lha rnams khyer nas chur bying bar byed de/ rab tu khros par gyur pas nang du nub par gyur to// de ltar rnam pa du ma dang / rnam par rtog pa du ma rnams su sprul pa de dag rnams ni/ 'jigs pa chen por gyur pa rnams yin no// rang bzhin gyis lha de dag kyis kyang de dag rnams thams cad rmi lam gyi snang ba bzhin du mtho bar gyur te/ 'di dang 'di dag rnams ni ci yin zhes go bar 'gyur ba yin no// de nas de dag gang gi tshe/ sprul par gyur pa'i lha rnams la dmigs pa de'i tshe/ sprul pa'i skyes bu dedag rnams kyis rjes su gdams par byed pa'i tshigs su bcad pa brjod pa rnams ni/ ji ltar/ longs spyod rgyags pas rgyags pa yi// bag med dbang gis 'jug pa rnams// rmongs pa rnams kyi dus song nas// 'chi bdag dus 'di 'ongs pa yin// nags kyi yul 'di mtha' yas pa// dug gis gang ba ji bzhin nags// sred pa'i myu gu rnam spangs pa/ / dge ba don gnyer kun nas spangs// mdzes pa'i las ni ma byas par// bag med pas kyang bag med 'gyur// 'chi bdag 'jigs pa'i dus byung na// blo gros

  835. 41b

    ngan pas ci byar yod/ / sred pa'i chur ni nub pa gang // sdug bsngal pha rol tu phyin min// rga dang 'chi bar byung ba gang // bde ba de dag rnams la med// skyes pa tsam gyis thams cad kyi/ / rgyab na 'chi bdag nges par gnas// ci yi don du 'jig rten 'dir// bag med pas ni bag med bying // nyams pa med dang rnam mi shes// rtag tu glags gcod stobs po che/ / 'chi bdag dmag dpung shugs po che// 'jig rten pas kyang go ba min// rtag tu rnam par 'gal 'gyur dang // zlogs sa med pa nyid kyang yin// sems can thams cad 'chi ba yang // bag med pas ni mgo'o// 'chi bdag gir gyur 'jig rten gsum// nye 'khor kun tu rnam par dpyod// rga dang na dang rgud pa yang // byis pa rnams kyis rigs pa min/ / de ltar sprul pa'i 'chi bdag gi pho nyar gyur pa de dag gis sprul pa'i lha de dag rnams la rjes su gdams par byed pa'i tshigs su bcad pa rnams brjod nas lan brgya phrag rnams su dang / lan stong phrag rnams su yang srid pa rnams su khrid par byed cing / de bzhin du 'dren par byed do// sdug bsngal chen po de dag rnams mthong par gyur pas kyang / rang bzhin gyi lha de dag gis bag med pa las shin tu sdug bsngal bar gyur pa spangs nas yid byung bar gyur cing / thams cad kyang rab tu dang ba'i yid kyis dkon

  836. 42a

    mchog gsum la skyabs su song bar gyur to/ / de dag rtogs nas gzhan yang 'thab bral gyi bdag po des/ lha de dag rnams kyi yid gzhan yang ji lta ba bzhin du las su rung bar bya ba'i phyir/ slar nyid kyang sprul pa gzhan rnams sprul par byed pa ni/ lha de dag rnams nyid phyir zhing nyid kyang khyad par du rtogs nas dga' bar 'gyur ba rnams la 'di lta ste/ dbu rgyan gyis brgyan pa 'dod pa rnams thams cad phun sum tshogs pa'i rgyal po gang yin pa de dag rnams mu su lun d+ha'i lus las nges par 'byung ste/ lhan cig spyod par byed pa'i mchog tu lang tshol bab pa rnams kyi phyi bzhin 'brang bar gyur pa rnams ni sngar kho na bzhin no/ / de dag thams cad kyang rnams de srid kyi gzugs dang / phun sum tshogs pa rnams kyis kyang phun sum tshogs par gyur nas/ phyi nas yang rgyal po rnams lus gog par song ba/ mgo bo kun sgra dkar rnams kyis g.yogs par gyur pa/ lus po rnams kun ras 'khums pa lus la gnyer ma dang / skra dkar rnams kyis kun tu gang ba/ lus dbyug pa la kun nas rten pa/ mchog tu rjud par gyur pa'i lus po can rnams/ las rnams thams cad la nus pa med par gyur pa/ gzhan la kun nas 'gro bar byed pa/ skye bo rnams thams cad bzhad gad du gyur pa/ spanganang por gyur pa'i dbugs phyir 'byung ba/ lus kun la bsnyen pas

  837. 42b

    nyams par byas pa/ dbang po rnams shin tu brnyings par gyur pa/ thams cad la yang spro ba med pa/ skye ba rnams thams cad skyug zlog par byed pa/ 'khor zhing 'gro bar gyur pa dus shin tu nye bar gyur pa rnams mtshe 'di nyid na rgyu bar byed de/ stobs shin du yang chung bar gyur pa/ gzhan dag gi lag pa la 'phyangs nas/ gom pa rnams 'bor bar byed pa shin tu yang 'jigs su rung ba'i gzugs dang ldan pa rnams yin no/ / de dag de ltar rgyu bar byed pa rnams kyi las rnams la dus 'ga' zhig gi tshe na/ gzugs mang po rnam pa sna tshogs pa'i nad rnams kun skye ba nI/ rims tsha ba dang / ha cang thal ches par 'khru ba dang / glo lu ba dang / dbugs mi bde ba dang / skyigs bu dang / sgang glog dang / mdze sngon du 'gro bar gyur pa rnams kyi shin tu mi bzang par gyur pa/ nye bar 'tsho ba rnams dang bcas pa/ 'chi ba'i mthar gtug par byed pa/ shin tu skyug bro bar byed pa'i nang khyad par du drag po de dag rnams kun tu 'byung bar gyur pa'i stobs kyis/ gso dpyad med pa dang mi 'dod pa rnams mthar thug par byas pas rgyal po de dag rnams thams cad nyid khrid par gyur nas/ shin tu sdug bsngal ba kho nar 'tsho bar byed do// shi ba de dag rnams kyi lus de dag rnams zags shing dri mo zhim par gyur pa la srin bu brgya stong gis khyad par gyur pas za

  838. 43a

    bar byed bzhin pa'i lus de dag rnams rang bzhin pa'i lha de dag rnams kyis mthong bar gyur to/ / de nas gang dag gis de dag gi lus rnams 'dzin par byed pa'i sprul pa'i bya rnams kyang kun tu 'ongs par gyur nas kha cig gis ni za bar byed do/ / kha cig gis ni bzung bar gyur pa mthong nas 'bros par byed de/ de dag rnams kyang mchog tu skyo ba skye bar 'gyur ba'i gnas su legs par mthong bas/ lha rang bzhin pa de dag rnams shin tu legs par mnyam par gzhag pa'i yid du 'gyur ro// gzhan yang lha de dag rnams nyid la phan par bya ba'i don du 'thab bral gyi bdag pos 'go drangs pa'i lha ma yin gyi rgyal po gang yin pa de dag rnams sgra gcan 'dzin gyi mthar thug par gyur pa'i sa 'og na gnas pa de dag rnams gang gi tshe/ mu su lun d+ha las mi ring ba na kun nas gnas par gyur la/ de'i tshe rnam par khros par gyur pas kyang / thams cad kyis skad chen po kun tu bton zhing / phan tshun du yang bros par gyur nas/ sa gzhi la kun nas 'gyel ba ni/ k+ta res shing ka ra Ni kA ra sta res bcad pa bzhin du sa gzhi 'gyel bar gyur to// 'gyel pas kyang shi bar gyur pas/ thams cad shing dang rdo ba rnams bzhin du rnam par 'gyur ba dang bral bar 'gyur ro/ / de dag rnams mngon par mthong nas/ lha ma yin gyi bu mo de dag rnams shin tu yang sdug bsngal gyis gzir nas rnam par khro bar byed pa dang / ngu bar yang

  839. 43b

    byed do/ / yongs su bskor bar gyur nas/ de dag rnams thams cad kyang de ltar ngu bar byed pa rnams la bya dag kun tu 'ongs par gyur nas de dag gis de dag rnams kyi lus shing skam dang // rdo ba dang / shing bu dang mtshungs par byed pa rnams kun nas 'dren par byed do// snying rjes rnam par 'khrugs par gyur pa'i lha ma yin gyi bu mo de dag rnams de nas de ltar rnam par 'khrugs pa'i rting thogs nyid la de dag rnams thams cad kyang shi bar gyur to/ / de dag rnams kyi ri de dag bya rnams nyid kyis 'dzin par byed do// bzung bar gyur nas kyang khA ta dang / 'ug pa dang / bya rgod rnams nam mkha' la 'bur bar 'gyur te/ mthong ba'i yul las 'das nas 'gro bar byed do// de ltar yang 'thab bral ba rnams kyi bdag po des rang bzhin gyi lha rnams phan par bya ba'i don du/ sprul pa gzhan rnams kyang phul du phyin par byas so// de'i rjes thogs la sprul pa gzhan dag byed pa rnams la ji ltar gang de klu'i rgyal po rnams gang yin pa de dag gi sprul pa rnams ni snga ma bzhin no/ / yang de dag rnams kyi mi rtag pa 'di dag ston par byed pa las de ltar yang / klu rnams kha cig ni bye tshan dag gis sreg par byed do// sol ba'i me tsha ba rnams kun tu 'bab par 'gyur zhing / de dag rnams bab par gyur pas kyang de ltar sreg par byed do// ji ltar seng ldeng gi me shin tu chen po rnams su rtswa 'jag skam po gcig lhung ba sreg par byed pa de

  840. 44a

    bzhin du/ lhung bar gyur pa tsam nyid na/ klu de dag rnams bye tshan gyis sreg par byed do// de dag rnams las gzhan pa'i klu rnams kyang 'chi bdag gis 'khrid par 'gyur te/ lhan cig spyod par byed pa rnams kyi nang na gnas pa las rnam par khros par gyur bzhin du/ de dag rnams dus kyi 'khor los sdud par byed do// gzhan rnams kha cig ni phan tshun du 'gyed par 'gyur bas phan tshun du bcings nas/ snying phan tshun du 'joms par byed do// de ltar 'chi bdag rnams kyis kun nas khrid par gyur pa'i sprul pa pa'i klu de dag rnams kyang rang bzhin gyi lha de dag rnams kyis mthong bar gyur to/ / mthong nas kyang phyir kho na shin tu nges par 'byung bar 'gyur ro// gzhan yang 'thab bral ba rnams kyi bdag po de nyid kyis sprul pa gzhan dag byed pa ni/ ji ltar shar gyi lus 'phags po rnams dang ba lang spyod pa rnams kyi mi rnams kyang / rgas pa rnam pa sna tshogs rnams kyis zil gyis gnon par byed do// lhan cig rjes su dpyod pa'i 'khor dang bcas pa'i rnams lan stong du yang byed do// shi ba de dag rnams nyid kyi lus de dag rnams las srin bu rnams kyis grang bar gyur par shin/ 'jigs su rung bar sa gzhi la 'gyed par gyur pa dag rang bzhin gyi lha dag rnams kyis mthong bar gyur to// rnam pa du ma dang rnam par rtog pa du ma yang srin bu'i skyon du'i du phyin pa'i rdzug

  841. 44b

    bsngal gyis 'chi ba mngon par mthong nas/ rang bzhin gyi lha de dag mchog tu yid byung ba dang ldan par gyur par/ 'chi ba'i sdug bsngal 'di ni nges par brlang ba yin te/ de ltar yang srog chags su gyur pa gang yin pa 'di dag rnams thams cad kyang rgas pa dang / na ba dang / 'chi ba rnams kyis mthar thug par byed pa yin par rab tu mi shes na/ de dag rnams kyang gang du song / gang gis khrid par gyur pa yin/ phun sum tshogs pa rnams thams cad ni mi rtag pa yin pa dang / bde ba rnams thams cad kyang srid pa'i skyon dang kun tu 'dres pa'i 'dus byas zhes bya ba g.yo ba/ mthar 'jig par 'gyur ba 'di la blo dang ldan pa'i skyes bu rnams kyis yid ches par mi bya'o// rab tu rnam par 'jig par 'gyur ba'i chos can 'dri dag rnams thams cad la 'di dang srid pa gzhan du yang bde ba yod pa ma yin no/ / mchog tu skyo ba skyes pa'i yid dang ldan pa'i legs par skyo ba skyes pa'i blo dang ldan pa'i rang bzhin gyi lha de dag rnams de ltar phan tshun du rjod par byed do/ / de nas 'thab bral gyi bdag po des de dag rnams kyi sems dang sems las byung de dag rig par gyur nas/ sprul pa gzhan yang byed par gyur pa las/ de nas skyes bu gang dag nga med pa nga'i ba med par gyur pa nges par gong du 'gro bar de dag rnams ni/ 'di lta ste/ gang byang phyogs sgra mi snyan pa gang yin pa

  842. 45a

    rnams te/ de dag lha rnams kyi drung na cung zad cig gis chung ba'i mchog tu skyid par gyur pa'o// de dag rnams kyang rgas pa dang nad kyis gzir bar gyur nas/ 'chi bdag gi zhags pas 'dren par byed do// shin tu 'jigs su rung ba'i lus rnams la srin bu brgya stong gis kun nas g.yogs par gyur pa/ lus po 'di dag la skye bo rnams thams cad kyis blta bar rjes su mi mthun pa/ bshang ba'i phung po rnams kyis kun tu gang bar gyur pa'i byang phyogs sgra mi snyan pa 'di dag rnams so// de ltar bde ba rgya chen po'i sa na gnas pa'i 'thab bral ba'i lha rnams la phan par bya ba'i don du/ lha dang / mi dang / lha ma yin rnams kyi mi rtag pa nyid 'thab bral gyi bdag po 'dis bstan pa yin no// de'i rjes thogs la gang dag rang bzhin gyi lha de dag rnams kyis mthong bar sprul pa gzhan dag rnams byed pa ni/ 'di lta ste/ srid pa bar ma do pa'i tshogs rnam pa du ma rnams so// ji ltar shi bar gyur nas sems can rnams las sna tshogs pa rnams kyi dbang gis dmyal ba dang / yi dgas dang / dud 'gro dang / lha dang mi rnams su skye ba de bzhin du srid pa bar mdo rnams su sprul par byed de/ ji srid 'gro ba lnga po rnams kun tu rgyu bar byed pa rnams lha rang bzhin pas mngon sum nyid du mthong bar 'gyur ro// de la las du ma rnams las sems

  843. 45b

    kyi tha ma'i bsam pa'i dbang gis skye bar 'gyur ro/ / de las rang bzhin gyi lha de dag rnams nyid nges par skyo bar bya ba'i don du rnam pa du ma lan brgya stong du skye dgu rnams 'gro ba lngar skye ba sprul par byed do/ / mtsho de nyid du bsam gyis mi khyab pa shin tu ngo mtshar ba gzhan rnams dang mi 'dra ba de dag rnams mngon par mthong zhing rang bzhin gyi lha de dag gis mngon sum kho nar mthong bar 'gyur ro/ / de la yang 'gro ba lngar kun tu rgyu bar byed pa'i 'byung po rnams thams cad las dang nyon mongs pa rnams kyi dbang gis drangs par gyur pas 'gro ba gzhan rnams su dmyal ba dang / yi dgas dang / dud 'gro dang / lha dang mi'i 'gro ba rnams la yongs su 'khyam par gyur pa la ni skyabs med pa dang / grogs med par gyur pas srid pa gzhan rnams su brje bsor byed pa/ dmyal ba dang / yi dgas dang / dud 'gro dang / lha dang mi rnams kyi nang du brje ba sor byed pa rnams mthong ngo // de la srid pa bar ma do pa rnams kyi ya mtshan che bar gyur pa shin tu 'jigs su rung ba/ kun nas shin tu 'jigs par byed par mchog tu skyo ba skye bar byed pa thams cad la rab tu 'jigs par byed par gyur pa de dag rnams rang bzhin gyi lha rnams kyis mthong bar 'gyur ro/ / de la lha rnams nyid kyis de lta bu'i srid pa bar ma do ba mthong ba las 'thab bral ba'i lha'i rigs rnams las las zad par gyur nas rab tu lhung bar gyur

  844. 46a

    gyur pa na/ 'gyod pa'i mes sreg par byed pa brag med pa rnams kyis de de ltar shin tu bsdus nas mgo ba thur la spyad sA pas rab tu ltung bar 'gyur ro// de dag 'chi 'pho bar gyur pa na lha gang yin pa'i rgyud des yongs su bzung ba'i phung po de dag rnams ni nye bar nub par 'gyur ro/ / rgyu'i rjes dang cha 'dra bor srid pa bar ma do pa'i 'gro ba rnams kyi phung po rab tu 'byung bar 'gyur ro/ / dmyal ba rnams kyis las byas par gyur pa de dang 'khor byas pa'i las kyi rnam par smin pa kun nas slong ba'i 'jigs pa chen po dang / gzer zug chen por yang gyur pa rnams mngon par mthong nas 'thab bral gyi rang bzhin pa'i lha de dag rnams mchog tu skyo ba dang ldan par 'gyur ro/ / de ltar dmyal ba pa rnams kyi srid pa bar ma do ni mthong bar gyur la spro ba'i srid pa rnams ni mu su lun d+ha 'dis legs par ston par mi byed do/ / rgyu gang gi phyir na lha de dag rnams kyis bzod par mi nus pa'i phyir te/ sems shin tu 'jam pa yin pas skad cig nyid la dus byed par 'gyur ba'i phyir ro/ / lha de dag gis dpe med pa'i sdug bsngal 'di rnams mngon par mthong bar byed pa yin no// rgyu 'di dag gis sprul pa byas pas 'thab bral gyi bdag po de legs par ston par byed do/ / de ltar lha de dag rnams dmyal bar rab tu ltung bar gyur pa lha gzhan rang bzhin pa de dag rnams kyis rnam par lta ba byed do// gzhan yang mu su

  845. 46b

    yun d+ha des ngo mtshar rmad du byung ba'i sprul pa 'di dag rnams byas pas srid pa bar ma do pa rnams ston par byed pa ni/ ji ltar bag med pa gang kho na'i skyon gyis nye bar bcom pa'i 'thab bral ba rnams las zad nas 'tsho 'pho ba ni yi dgas rnams su skye'o/ / de dag gi srid pa bar ma de dag rnams ni las byas pa de dag dang 'dra ba'i gzugs brnyan du 'gyur te/ las kyi thag pa ring po rnams kyis drangs par gyur pas mgo thur du spangs nas lhung bar 'gyur bas/ gang la des byas pa'i las kyis 'tshed par byed pa de la de dag kun nas 'khrid do// rang bzhin gyi lha de dag rnams kyis de ltar srid pa bar ma do pa gnyis pa rnams mthong ngo / / gzhan yang sprul pa pa'i srid pa bar ma do pa gsum pa rnams mthong ba ni/ ji lta ba kho nar 'thab bral ba rnams gzhan yang las zad pa nyid bag med pas nye bar bcom nas mgo thur du bltas shing rab tu lhung bar gyur pa dang / shin tu nyam nyes pa dang / kun nas bcings pas kyang dud 'gro rnams su skye'o/ / de dag gi srid pa bar ma do pa rnams ni de dag gis 'gro ba'i rgya'i rjes dang cha 'dra ba nyid du skye bar 'gyur ba ste/ dud 'gro rnams kyi rnam pa mtha' yas pa dang // rnam pa du mar gyur pa de dag rnams dang 'dra ba'i srid pa bar ma do pa rnams su 'gyur ro// rgya'i rjes dang cha 'dra bar gyur pa de yang 'gro ba gsum po rnams kyis kun nas bsdus pa'i srid

  846. 47a

    ba bar mdo pa shin du skrag par byed pa de dag rnams mngon par mthong nas/ slar yang lha de dag rnams ches phal che bar skyo bar 'gyur zhing mchog tu kun nas skrag par gyur pas nye 'khor kun nas 'jigs pa des khong spangs par gyur pa'i bzhin gyis phan tshun rnams su mngon par mthong nas tshigs su bcad pa brjod pa/ ji ltar/ rnam par shes dka' shin tu phra/ / thams cad du ni rgyug pa'o// sems can las kyi dbang 'gro ba// thams cad du ni yongs su rgyug/ gang dag 'phags pa la skur 'debs// gang yang las 'bras la sdang ba/ / de dag shi nas dmyal bar 'gro// gang yang log par 'dul ba po// gang zhig nang du sdig spangs nas// gang yang chos gzhan gyis slu ba// shin tu sdig can 'jig rten te/ / dmyal ba'i rtse mo'i skal ldan yin// bde ba kun chags gzhan gang dang // skye bo rtag tu sdig dga' ba// rang gi sems kyis bslus nas ni// ni bde nas sdug bsngal 'gro// gang zhig mthar thug pa der mthong ba// bde de mtshon char brjod pa yin// gang yang sdug bsngal rnam smin 'gyur// bde de sdug bsngal kho na nyid/ / bag med pa yi lha rnams ni// 'thab bral srid pa nas 'chi 'pho// de phyir chos sogs gang gi phyir// mkhas pas rab tu bsngags par byed// khang bu skyed/

  847. 47b

    mos tshal dga' zhing // ched cher bud med rnamasna la lta// 'dod pa'i yul gyis ngoms med par// lha nI sa la ltung ba yin// ji ltar bde ba 'phel ba ni// sgom pa 'phel ba de bzhin no/ / skom pa las ni mchog tu ni// mkhas pa las ni rab tu brjod// 'jig rten skye dang 'chi mthong nas// mchog tu skyo ba mi skye ba// de la bde legs skyabs gang yod/ / gang yang skyo bar mi 'gyur ro// de ltar rang bzhin gyi lha de dag rnams kyis rnam pa du ma'i srid pa bar ma do pa de dag rnams mngon par mthong bar gyur pa dang / rab tu skyo ba'i yid kun tu skyes so// de dag rnams kyi sems kyi sems de dag mngon par mthong nas 'thab bral gyi mnga' bdag mu su lun d+ha des sprul pa'i lha de dag rnams thams cad kyis snang bar byas nas/ legs par 'phrad par byed do// zhi ba rgyas pa'i cha byad de mngon par mthong nas lha de dag rnams dbugs phyin zhing yid daphebs par gyur nas/ 'thab bral ba rnams kyi mnga' bdag mgon po de gang na yod pa der yongs su bskor nas kun tu gnas te/ gus pa legs par skyes pas khyab par tshim pa'i yid kyis thams cad nyid de ni gnas so/ / skyo ba'i yid kyis bdag nyid mgon dang bcas pa de bzhin du de dag rnams kyis rtogs so// de la rnam pa du ma dang / rnam par rtog pa du mar mthong na ngo mtshar bar 'gyur ba

  848. 48a

    rnams rang gis mthong bas tshim pa med pa'i yid kun dga' bar mthong ba lta bur gyur pa des yongs su bskor nas rang bzhin gyis lha de dag rnams gnas so/ / nas 'thab bral gyi bdag po des/ lha de dag rnams la 'di skad ces brjod pa/ khyed cag rnams nags dang / nye ba'i nags dang / pad+ma'i rdzing bu dang / rin po che'i khams rnams dang ldan pas rnam par brgyan pa'i ri'i rtse mo rnams nyid la yang gar gyis shig ces nyams blang bar bya ba'i don du rjod par byed kyang / ci yang lha de dag rnams skyo bar gyur pa'i yid legs par skyes pa'i phyir dang / bag med pa rnams bsrungs par bya ba'i yid can rnams byed pa yin nam/ de nas rang bzhin gyi lha de dag rnams kyis 'thab bral gyi bdag po'i drung nas tshig de dag thos nas rang bzhin gyi lha de dag sems rab tu skye bar gyur pas 'di skad ces brjod de/ lha lags nags dang / nye ba'i nags dang / rin po che'i khams dang ldan pas brgyan pa rnams la bdag cag ji ltar ci'i phyir dga' bar 'gyur/ lha rnams mtshor bying ba bzhin du bdag gis 'khor ba'i brel dogs rnam par rtog pa du mas kyang bsran par mi tshugs par rnams rang gi mig sngar mthong ste/ 'dod pa rnams thams cad ni mi rtag pa/ sdug bsngal gyi mthar gtugs par byed pa/ bdag cag rnams rtag pa ma yin/ brtan pa ma yin/ ther zug

  849. 48b

    ma yin te/ de dag rnams la snying po gang yang med do// de nas 'thab bral gyi bdag po des lha de dag rnams kyi drung nas tshig gi cha 'di dag rnams thos nas 'di skad ces brjod de bcom ldan 'das kyis ji lta bar 'di dag rnams thams cad sdug bsngal gyi mthar thug pa yin par gsungs so/ / de nas lha de dag thams cad kyis kyang 'di skad ces brjod de/ bdag cag rnams thams cad ni ji lta ba bzhin du de la yid song ba lags na/ ji ltar shin tu sdug bsngal ba rnams lha'i zhal snga nas shes par 'tshal lo// de nas de dag gi drung nas 'thab bral ba rnams kyi mnga' bdag des tshig de dag rnams thos nas 'di skad ces brjod de/ ji ltar 'khor ba'i sdug bsngal ma lus pa de dag rnams ngas brjod par nus mod kyis kyang re zhig ngas khyed rnams la phyogs gcig tsam mngon par brjod par bya ste/ 'khor ba rnams su ji lta bar bag med pa'i dbang gis 'gro bar gyur na ni/ bskal pa bye ba stong phrag du ma rnams na kye ma dkA blas kyis bde 'gro'i 'gro ba 'byung bar 'gyur pa yin te/ 'gro ba gnyis po lha dang mi dag rnyed pa ni shin tu dka' ba yin zhing / gang dag bag med pa'i dbang du 'gro bar mi 'gyur ba de dag rnams ni mkhas pa yin no/ / rkyen gyi dbang gis byung ba rnams kyang yongs su spong bar byed do// de dag gi dbang du 'gro bar mi 'gyur ro// dmyal ba dang

  850. 49a

    yi dgas dang / byol song rnams su de dag skye'o// de la kye lha rnams 'gro ba gsum po rnams ngan song zhes mngon par brjod do// lha dang mi'i 'gro ba gnyis po ni bde 'gro zhes mngon par brjod do/ / de dag rnams kyi re zhig ji ltar rab tu stobs che bar gyur pa'i sdug bsngal dag mngon par brjod par ni nus so// rgyas par ni ston pas mngon par brjod par spyod do/ / mdor bsdu bar gyur na lha dang mi rnams kyi sdug bsngal rnams ni rnam pa bcu drug go// yang lha dang mi rnams kyi de yang gang dag yin na/ bde 'gro'i 'gro bas bsdus pa'i sdug bsngal du gyur pa rnams la 'di lta ste/ srid pa bar ma do'i sdug bsngal dang / mngal na gnas pa'i yang sdug bsngal dang / mngal nas kun 'byung ba'i sdug bsngal dang / zas kyi sdug bsngal dang / 'dod pa'i sdug bsngal dang / mi mthun pa rnams dang kun tu 'phrad pa'i sdug bsngal dang / sdug pa rnams dang bral ba'i sdug bsngal dang / grang ba dang tsha ba la sogs pas bcings pa'i sdug bsngal dang / nad kyi sdug bsngal dang / gzhan gyi dbang du gyur pa'i sdug bsngal dang / tshol khro'i sdug bsngal dang / sdig pa'i grogs po dang 'dre bar byed pa'i sdug bsngal dang / bu dang bu mo dang gnyen 'dun rnams kyi brel dog gi sdug bsngal dang / bkres pa dang skom

  851. 49b

    pa'i sdug bsngal dang / rgas pa'i sdug bsngal dang / lhag par gyur pa'i sdug bsngal shin tu sdug bsngal bas shin tu sdug bsngal ba ni 'chi ba'i sdug bsngal lo// ji ltar rab tu stobs che ba'i sdug bsngal che ba'i sdug bsngal chen po bcu drug po de dag rnams ni mi'i 'jig rten pa rnams kyi yin te/ 'chi ba'i mthar thug pa rnams mi'i 'jig rten du skyes pa rnams kyi yin no/ / gang sems can gzhan dag rnams la ni rnam pa sna tshogs pa'i sdug bsngal gzhan dag rnams 'byung bar 'gyur ba yin te/ shin tu yang bsran par mi bzod pa rnams yin no/ / gang yang mthar thug pa kho nar zad par mi 'gyur ba'i chos can dang / rab tu 'jig par mi 'gyur ba'i chos can gyi bde ba 'di dang srid pa gzhan rnams na yang med do/ / de la re zhig dang po kho nar srid pa bar ma dor skyes pa'i dri za srid pa bar ma do ba'i tha snyad can rnams kyi rnam pa ji lta bu'i sdug bsngal yin na/ 'di lta ste/ las kyi rlung gis btab par gyur pa rnams sha'i mig gis mngon sum du blta bar byar med pa lha'i mig gis mthong bar gyur pa dang / thogs pa med par gyur pa'i rang bzhin can de yang gang go tshe mir skye bar 'gyur ba yin pa de'i tshe/ ji lta bu'i rnam par 'di skye bar 'gyur ba rnams dang / rnam pa ji lta bu'i khyim du 'di skye bar 'gyur ba rnams kyang ste/ dman pa dang //

  852. 50a

    bar ma dang / khyad par du 'phags pa'i khyim rnams su sbyin pa dang / tshul khrims dang / shes rab kyi 'bras bu can rnams la skye bar 'gyur ba na/ dri zad yang rnam pa de lta bu ru 'gyur ba yin no/ / srid pa bar mdo pa 'di'i zas kyi rigs su gyur pa rnams ni gal te dbul po'i khyim rnams su skye bar 'gyur ba na/ de'i zas rnams rtsub pa dang / drung po dang / mdog ngan pa dang / dri dang / ro dang / reg dang / tshad rnams kyang dman par 'gyur te/ sbyin pa'i mthu chung bar gyur pa'i phyir na skye ba na yang 'thob par mi 'gyur ro/ / de la 'di ni mir skye bar gyur pa rnams kyi sdug bsngal gyi dang po yin no// de nas skyes par gyur nas las dang nyon mongs pa'i dbang gis mngal na gnas par gyur to// dbul po'i khyim du skye bar 'gyur na ma'i zas ngan pa dang / gyong po dang sgur mo'i zas rnams dang / zas chungs par gyur na yang sha ma la rab tu brten pas lte ba'i sbubs nas rab tu spel bar byed pa'i srog chags mngal na gnas pa kha dog ngan pa dang lus rid par 'gyur ba yin no/ / ma'i lus g.yo bar gyur pa'i skyon gyis shin tu sdug bsngal bar gyur pas gsus pa'i gseb na rgyug par byed do/ / zas su gyur pa grang ba dang dro ba dag gis byas pas kyang ste/ de ltar gzir bar byed pa mnar pa'i mchog tu phyin pa la yang go ska bla yi med pa

  853. 50b

    swa b+hA ye med pa rnam par 'khro bar byed pa na yang spungs med pa/ gcin dang drug pa'i phung po'i nang du bying bar gyur pa rnams kyi sdug bsngal chen po rnam pa du ma rnams yod do// de la 'di ni gzhan gnyis pa yin te/ bde 'gro ba rnams kyang de 'dran dmyal ba dang / yi dwags dang / dud 'gro rnams lta smos kyang ci dgos/ gzhan yang sdug bsngal gsum pa yod de/ de'i rjes thogs la gal te mngal nas 'byung bar 'gyur ba na/ mi'i skye gnas kyi bug pa'i zug ma mig nas btsir bar gyur pa ni/ ji ltar bu ram gyi shing 'khrul mig gi bu ga nas 'byung ba na btsir bar gyur pas 'byung bar 'gyur ba de bzhin du/ mngal gyi de yang ma'i skye gnas kyi bu ga nas kun tu 'byung ba yin no// de la 'di ni mngal nas skye ba ste/ sdug bsnga gzhan yin no/ / de dag rjes thogs la sdug bsngal bzhi pa yod do// mar gsar pa dang chu shing gi lo ma ltar shin tu 'jam par gyur pa'i lus rab tu smin pa gzhon sha can gyi dper gyur pa'i lus dang ldan pa rnams gang gi tshe btsas pa na ma mas rtsub pa dang / rod rod po dang / rdol pa dang / mdog ngan pa dang / las su mi rung ba dang / ring ba dang / bar mig can dang 'thug pa dang / rtse mo dang / sgra mi snyan pa dag gi lag pa gnyis kyis len par byed pa de'i tshe ji ltar mes sreg par byed pa 'am/ ral gris gtub par byed pa de bzhin du shin tu

  854. 51a

    'jam pa'i phyir na 'di la yang zug gzer skyed do/ / de'i lus shin tu 'jam por gyur pa/ de gal te dang por gos 'jam po rnams bson par gyur kyang de dag rnams ni ji ltar bslabs pa dang / 'jug pa dang / rtsub dang / rdol pa dang / rab tu brnyings pa dang / btsems pa dang / bskums pa rnams kyi nang du lus bcug pa bzhin du 'gyur ro// grang ba'i dus su 'di yang shin tu grang bar 'gyur te/ btsas pa na khyim gang yin par ni grang bas shin tu yang nyen par 'gyur ro// de bzhin du tshang pa'i dus su tshad pa shin tu stobs che bar 'gyur te/ gang gis shin tu sreg par byed pa sbyin pa dman pa nyid kyi phyir na mnar bar 'gyur ro// nang du yang bsregs pas sdug bsngal gyis ma'i skye gnas nas 'byung bar 'gyur/ ro// 'di'i sbyin pa dman pa yin pa'i phyir na de'i rjes thogs la zas kyis sdug bsngal bar 'gyur te/ nu ma dag gis dang zas za bar byed pa ni yang sdug bsngal bar 'gyur ro// zhig nu ma dag ni ma zas nyung bar gyur pas de'i nu zho rnams kyang nyung bar 'gyur ba yin te/ gang gis shin tu ring pa dang / mdog nyams pa dang / mdog ngan pa dang / rjud par gyur pa dang / rgyus pa dang / rus pa dang / lpags pa rnams kyi lhag ma tsam du gyur pa'i lus bkres par gyur pa nad rnams 'dren par byed pa'i lus su 'gyur ro// rtag tu rten

  855. 51b

    du mi bzod pa'i lus su 'gyur ro/ / de nas dus gzhan na zas dang skom dag yod par gyur na yang / de dag kho na bzhin du yongs su 'dzin par byed pa'i rnam par rtog pas yongs su bcom pa'i phyir dri dang / ro dang / reg bya rnams chung zhing dman pa dang / gzhan rnams kyi zas kyis te/ gal te shed nas srog kun nas gtong ba 'am/ shin tu rid pas 'dzin par 'gyur ro/ / de ltar yin pas yang gal te na nu ma zas su za bar 'gyur te/ ji ltar mdzes pa ni lus ltad mor che bas srog 'jig pa 'dzin par byed pa yin no// de ltar 'di'i sbyin pa ngan pa yin pa'i phyir na 'di'i ma lus pa kun yang rab tu zad par 'gyur ba yin no/ / des ni yang zas bsod par 'gyur ba rnams kyis 'di'i gsus pa legs par tshim par gyur pa yin na yang / de ltar na yang zas kyis byas pa'i sdug bsngal chen po 'byung bar 'gyur ro// de'i rjes thogs la 'di'i sdug bsngal lnga pa yod pa rnams ni/ 'di lta ste/ 'dod pas byas pa rnams so// de de ltar zas kyis byas pa'i sdug bsngal rnams kyis gzir bar gyur pa na 'di la rnam pa sna tshogs pa rnams su rgyu bar bya bar 'dod pa'i 'byung bar 'gyur te/ lto bkres pas nye bar bcom pa yin pa'i phyir ro// de des gzir bar gyur pa'i phyir gal te na phan pa ma yin pa'i las gzhan cung zad tsam med par 'gyur te/ lhan cig tu

  856. 52a

    gnas pa de gsod par byed pas 'chi ba 'am/ 'chi ba la thug pa'i sdug bsngal lhag par 'byung bar 'gyur ro// sdug bsngal 'di dag rnams thams cad kyi yang rtse mor byin par sdug bsngal ni/ 'di lta ste/ bkres pa dang zhos pas byas pa'i sdug bsngal lo// de la dus de'i tshe na mu su lun du ngas 'thab bral ba de dag rnams la tshigs su bcad pa brjod pa/ ji ltar/ phal cher 'khor ba'i sdug bsngal la// bkres pa'i sdug dang mtshungs med pa// gang gis sems can 'di dag gzir// mi dge'i bdag ni byas pa las/ / rang gi lus las langs pa'i mes// bkres pa zhes ni mngon par brjod// rnam rtog me ni ljon shing bzhin// 'jig rten gsum gyi lhag ma sreg/ 'jig rten gzhan du me 'di ni/ / 'gro zhing rjes su 'gro bar 'gyur// bskal pa brgya yi bar du yang // 'chi bar gyur pa'i mthong ba med// gang yang byis rnams mi dge byed// gang yang 'gro ba ngan song du/ / de ni zas rnams dag gi ni// bzhi las yin par mkhas rnams brjod// ltogs pa'i 'bras bu ji bzhin du// me ni rang don la brtson min// khams gsum ma lus 'di dag rnams/ / zas kyis dbang gis 'jug pa yin// de da khang phyir rnam sna tshogs// 'jig rten 'di dag mi las byung // srid gsum chu bo de thams cad/

  857. 52b

    zas don gnyer ba byed las yin// de ltar mu su lun d+ha des rang bzhin gyi lha de dag rnams la rjod par byed do// gzhan yang lha dag mi'i 'jig rten du mi rnams kyi sdug bsngal gang dag ce na/ 'di lta ste/ mi sdug pa dang 'phrad pa zhes bya ba'o// de la drug po 'di dag rnams ni mi sdug pa dang kun tu phrad pa yin no// de la de dag rnams kyang gang zhe na/ 'di lta ste/ mig gis gzugs rnams gang dag mthong ba na mdza' bo ma yin pa la sogs pa de dag rnams ni 'dod pa ma yin pa dang sdug bsngal na ba rnams mthong ba yin no// gzug 'di mthong bar gyur pa las kyang yid kyi rjes su mi mthun zhing dang ba ma yin par 'gyur ro/ / sems dang sems las byung ba rnams rnyog pa can du byas pa las kyang 'jigs pa dang bcas par 'gyur ba dang / nye bar 'tsho ba dang bcas pa'i sdug bsngal rnams sems dang sems las byung ba rnams la skyed par byed do// de la gzugs kyi tshogs de dag rnams kun la dang por 'di 'jug par 'gyur ba ni/ 'di lta ste/ dgra bo dang 'phrad pa 'am/ sdig pa'i grogs po'i skyes bu dang 'phrad pa'o// de bzhin du rna bas kyang sgra rnams thos pa ni mi phan pa dang / mi sdug pa dang / yid du mi 'ong zhing rjes su mi mthun pa rnams 'di la skyed par byed pa dang / yid kyi rgyun yang rnyog pa can du byed pa 'di ni mi'i sdug bsngal gzhan

  858. 53a

    yin no/ / de la mi mthun pa'i sgra rnams kyi phul du phyin pa ni 'di yin te/ 'di ltar dam pa ma yin pa'i chos sgrogs pa na yang de nyan par byed pa'o// 'di thos nas lus zhig pa na yang ngan song log par ltung ba dmyal ba rnams su skye bar 'gyur ro/ / gang yang gzhan cung zad sgra mi snyan pa dang / mi sdug pa dang / mi mthun pa dang / kun nas nyon mongs pa can rnams gang dag thos pas 'di dag rnams kyi yid mo bde bar skyed par byed pa dang / sems kyi rgyud kyang rnyog pa can du byed par 'gyur ba dang / mi 'dod pa mi sdug pa yid du mi 'ong ba 'di ni mi'i 'jig rten pa'i mi rnams kyi mi sdug pa dang phrad pa las skyed pa'i sdug bsngal zhes brjod do/ / lha dag kyang mi rnams dang mi'i 'jig rten du mi mthun pa dang phrad pa las skyes pa'i sdug bsngal gsum pa gzhan gang zhe na/ 'di lta ste/ snas ji srid du dri rnams snom par byed pa na mi 'dod pa mi sdug pa yid du mi 'ong ba rnams dang / gang yang 'dis bsnams par gyur pas sems kyi rgyud rnyog pa can du skyed par byed pa dang / yang yid kyi rjes su mi mthun par gyur pa gang gis 'di kun nas nyon mongs pa can gyi sdug bsngal rnams bskyed par bya ba'o/ / kye he lha dag de la 'di ni mi rnams kyi mi'i 'jig rten na mi sdug pa dang phrad pa rnams kyi phul du phyin pa yin te/ dge legs su gyur pa'i skyes bu

  859. 53b

    gzhan dag gang yang rung ba rnams kyis chos la mchod par bya ba'i rgyu mtshan du'am/ dge 'dun la yang rung ste bdug spos phul bar gyur pa las/ blo gros dman par gyur pa dang / yid mong rtul bar gyur pa gang dag gis ji ltar 'gro bar gyur pa na'am/ 'dug par gyur pa na yang rung ste/ 'dun pa'i 'dod chags sngon du 'gro bas dang / mngon pas rtse ba sngon du 'gro bas dang / gus pa med pa sngon du btang bas dang / thul 'og tu 'jug pa sngon du btang bas kyang rung ste/ kun nas chags pa snga phyogs su btang bas de yang snom par/ byed do// de'i rgyu las lus zhig par gyur nas ngan song log par lhung ba dmyal bar skye'o// skyes bu ngan pa rnams sna'i rgyu dang sna dang kun tu 'brel ba las mi dge ba'i blo dang ldan pa rnams ni lus zhig par gyur pa dang / ngan song log par ltung ba dmyal ba rnams su skye'o// kye lha dag 'di ni mi rnams kyi mo'i 'jig rten na mi sdug pa rnams dang phrad pa las kun tu skyes pa'i sdug bsngal zhes brjod do/ / gzhan yang mi sdug pa dang phrad pa las skyes pa'i shin tu sdug bsngal ba rnams yod de/ de yang gang zhe na/ 'di lta ste/ mi rnams kyi mi'i 'jig rten na blo gros ngan pa dang ldan pa'i skyes bu ngan pa rnams ro'i don du nyes par byed pa'i las rnams byed pa rnams yin la/ gang dag gi rgyus lus zhig pa na ngan song log

  860. 54a

    par ltung ba sems can dmyal ba rnams su skye bar 'gyur ro/ / gang yang dge sbyong ma yin par dge sbyong gi cha byud 'dzin pa/ nang rul bar gyur pa/ thos pa dang mi ldan pa/ dung gi sgra dang mtshungs par spyod pa rnams dge 'dun gyi nang du zhugs par gyur pa'am/ sbyin bdag gi khyim du song bar gyur na yang rung ste/ lce dang rab tu 'brel ba dang / de la song ba'i blos dge slong gi cha byad 'dzin pas ro dag myang bar byed pa ni/ rgyu de dang rkyen de dag gis lus zhig par gyur nas ngan song log par ltung ba dmyal ba rnams su skye'o// gang yang le lo// / can gyi dge slong gzhan rnams ni bsam gtan gyis bsam gtan du byed pa'i bya ba yongasasu btang nas yid de la song ba dang rang gi 'dun pa'i 'dod chags sngon du 'gro bas zas kyi don du gnas nas gnas rnams su nye bar 'gro bar byed do/ / rgyu de las le lo can de lus zhig pa na ngan song log par ltung ba dmyal bar skye bar 'gyur ro// rkye lha dag de la 'di ni mi'i 'jig rten du mi rnams la lce ro dang kun tu 'brel ba'i mi sdug pa dang phrad pa las byung ba'i sdug bsngal yin no/ / gzhan yang kye lha dag mi rnams phan pa 'dod pas byas pa'i mi'i 'jig rten du mi sdug pa dang phrad pa las byung ba'i sdug bsngal gang zhe na/ de la 'di lta ste/ lus kyis reg bya la reg par byed la de dang rab tu 'brel ba'i blor gyur pa dge ba sems par mi byed do// chos kyi lam du nges par 'jug par mi byed do//

  861. 54b

    blo mnyam par gzhag par mi 'gyur ro// 'di ni skyes bu ngan pa yul ngan pa dang rab tu 'brel ba'i blo dang ldan pa zhes brjod do// lus zhig par gyur pas ngan song log par lhung ba dmyal ba rnams su skye'o/ / kye lha dag 'di ni mi rnams la mi'i 'jig rten du mi sdug pa dang kun nas phrad pa'i sdug bsngal zhes brjod do// kye lha dag gzhan yang mi rnams la mi'i 'jig rten du mi sdug pa dang kun nas phrad pa las skyes pa'i sdug bsngal rnams gang zhe na/ 'di lta ste/ gang 'ga' zhig blo g.yo ba dang / blo rnam par gnas pa med pa dang / gcig tu ma nges pa'i blo dang / blo rnam par g.yengs par gyur pas rtag tu yang chos ngan pa yid kyis sems par byed pa'i yin no/ / gal te chos la dga' ba dang / dge ba rten par byed pa dang / bdag la phan par byed pa ma yin pa de dag ni/ gang dag gi rgyus lus zhig par gyur nas ngan song log par lhung ba dmyal bar skye bar 'gyur ro/ / kra ye lha dag 'di ni mi rnams kyi mi'i 'jig rten na mi sdug pa dang kun tu phrad pa las skyes pa'i sdug bsngal zhes brjod do/ rigs du ma dang tshul lugs du mar rnam pa sna tshogs pa'i sdug bsngal gzhan dang gzhan rnams kyang myong bar 'gyur ro// de la rnam pa gsum po 'di ni nges par mi sdug pa dang phrad pa yin te/ 'di ltar srog gcod par byed pa mig gi tsher mar gyur pa rtag tu mi mthun pa'i dgra rnams dang lhan cig kun tu phrad pa 'di ni mi sdug pa dang phrad pa 'dis kun tu phrad pa gcig yin no//

  862. 55a

    gzhan yang mi sdug pa dang phrad par gyur pa la 'di lta ste/ sdig pa'i grogs po dang las lhan cig spyod par byed pa'o// nges par 'dir mi sdug pa dang phrad pa gsum pa 'di lta ste/ 'gras par gyur pa nang du sbas nas dus gzhan du kun nas 'joms par byed pa'o// 'di dag rnams ni nges par mi sdug pa dang phrad pa gzhan rnam gsum zhes brjod do// kye lha dag de ngag rnams ni mi'i 'jig rten pa'i mi rnams kyi sdug bsngal chen po rnam pa du ma gzhan rnams yin no/ / gzhan yang mu su lun d+ha des sdug bsngal las lha de dag rnams kyi yid skyo bar bya ba'i don du ston par byed pa las 'di lta ste/ sdug pa dang bral ba'o// sdug pa zhes bya ba'i ming yang gang dag gi 'jig rten gnyis su phan par byed pa yin no// rtag tu phan par 'dod pa'i dge ba'i grogs po dag dang lhan cig bral bar gyur pa'o/ / de la 'di ni sdug bsngal chen po yin no// yang de ma dang / pha dang / spun dang / sring mo dang / bu dang / bu mo dang 'brel pa rnams dang / gzhan yang sred pa'i gnas su gyur pa rnams kye ma gnod par byed pa tsha ba/ rtsub pa/ mtshon cha dang mer lhung ba las lhag par sems sreg par skye bar 'gyur ro// 'di dag ni sdug pa rnams dang bral ba las gyur pa'i sdug bsngal zhes brjod do/ / gzhan yang 'thab bral ba'i mngar bdag des lha de dag rnams la phan par bya ba'i don du chos ston par byed pa ni/ 'di lta ste/ grang ba dang tsha ba gnyis po dag gis sdug bsngal

  863. 55b

    lo/ gzhan yang 'thab bral gyi bdag po des lha de dag rnams nyid la mngon par brjod pa/ lha dag mi rnams kyi sna'i 'jig rten 'di na sdug bsngal de rnams gang dag ce na/ 'di lta ste/ grang ba// dang tsha ba la sogs pa gnyis dag gis sdug bsngal lo// de la shin tu bsten pas kyang ste/ lha mo dag grang ba ha cang sten par byed pa'i mi rnams ni mi'i 'jig rten du sdug bsngal de la yang longs spyad nas gang yang tsha ba rnams la ston par byed pas/ mi'i 'jig rten pa rnams de las kyang sdug bsngal bar 'gyur ro// de bzhin du kha zas ha cang bsten pas kyang sdug bsngal bar 'gyur ro// dus yun ring du 'dug pa sten pas kyang sdug bsngal lo/ / dus yun ring du langs pa dang 'gro ba yang sdug bsngal ba nyid do// de bzhin du btung ba shin du bsten pa'i sdug bsngal dang / rmi lam gyi sdug bsngal nyid dang / mtshan mo mal stan la gzhogs ngos gcig gis stan las nyal ba yang shin tu sdug bsngal bar 'gyur ro// de bzhin du gzhogs gnyis pas kyang shin tu dus ring du nyal bar gyur shin tu sdug bsngal ba skye bar 'gyur ro/ / gnyis gnyis las skyes pa'i bde ba ltar snang ba rnams kyis mi rnams mi'i 'jig rten du bslus pa'i phyir na/ sems can rnams legs par bya ba'i las rnams ni mi byed do/ / de bas shir tu rnam par bcom pa nges dmyal bar rgyag par 'gyur ro// lha dag mi rnams kyi mi'i 'jig rten na shin du sdug bsngal ba de yang bde ba'i gzugs brnyan gyi sdug

  864. 56a

    bsngal rnams yin no/ / lha rnams de bzhin du ma gyur cig ces phan par bya ba'i don du de ltar su su lun d+ha des 'thab bral gyi lha rnams la chos ston par byed de/ mi'i 'jig rten de la skyes pa rnams kyi bde ba ji lta ji lta ba bzhin du bdag cag rnams kyi bde ba yang 'gyur ba de dgag par bya ba'i don dang / de dag la skyob bskyed par bya ba'i don du 'khor ba las kha phyir phyogs par 'gyur ba'i chos ston par byed do/ / 'thab bral gyi bdag po de 'khor ba las kha phyir phyogs pas phan par bya ba'i don du bag med pas bag med pa rnams 'dul bar bya ba'i phyir ro// gzhan yang 'thab bral gyi bdag po de lha de dag rnams nyid la mi rnams kyi sdug bsngal gzhan dag ston par byed do/ / ji ltar mi rnams kyi mi'i 'jig rten du nad rnams 'byung bar 'gyur ba de la/ rnam pa du ma dang / rnam par rtog pa mang po dang / kun nas spong ba du ma rnams kyis rims nad dang / shin tu 'khru ba dang / dbugs mi bde ba dang / glo lu ba la sogs pa'i nad rnams te nad bzhi brgya rtsa bzhir 'gyur ba yin no/ / gnyis gnyis kyi sdug bsngal gang dag gis mngon par bcom par gyur pa'i sems can rnams ni phyi nas yang nad kyis nye bar 'joms par 'gyur ro// nas gzhan yang gang dag de'i rjes thogs la mi rnams mi'i 'jig rten du gang dag gis 'joms par byed pa de la yang 'di ni lus kyi nad ces brjod do// mi rnams kyang cher mya ngan dang yid mi bde ba la sogs

  865. 56b

    pa rnams ni mi rnams kyi nang yin te/ 'jig rten pas kyang de skad ces brjod do// gzhan yang mu su lun d+ha des lha de dag rnams nyid la phan par bya ba'i don du chos ston par byed pa ni 'khor ba bri bar bya ba'i don du dang / mi'i 'jig rten rnams sdug bsngal gyis kun du 'bar bar ston par byed pa la 'di lta ste/ gzhan gyi dbang du gyur pa nyid ces bya ba ni mi'i 'jig rten na mi rnams kyi sdug bsngal yin no// krakA ye lha rnams mi'i 'jig rten 'di na skye ba mnyam par gyur cing rigs mtshungs pa dang / dbang po rnams mtshungs pa dang / na chod mtshungs pa dang / dpa' brtan mtshungs par gyur pa rnams kyang las dman par gyur pas gzhan gyi dbang nyid nye bar 'gyur ro/ / de nyin mo dang mtshan mo med par rang dbang du 'gyur ba ma yin no// rtag par yang shin tu sdug bsngal gyi khur khyer bar byed do// 'di ni gzhan gyi dbang gi sdug bsngal ba yin no// gzhan yang ches bzod par dka' ba gzhan gyi dbang du gyur pa'i sdug bsngal rnams ni rigs dang / gzugs dang / brtson 'grus dang / spro ba rnams dang / rig pa dang / shes pa dang / rnam par shes pa rnams kyang phun sum tshogs par gyur pa gang zhig dbul bar gyur pas zil gyis mnan pa'i phyir na rim pa rnams thams cad kyis dman pa rnams kyi bran gyi dngos por 'gyur ro/ / gzhan yang mu su lun d+ha des lha de dag rnams kyi las dman pa yin pa'i phyir dang / sbyin pa spangs pa yin pa'i phyir yang ste/ 'thab bral na spyod pa rnams na yang

  866. 57a

    thul 'og tu gzhug pa'i glags thod pa yin la/ nyin mo dang mtshan mo rang dbang can du mi 'gyur ro// sbyin pa'i stobs dman par gyur pa rnams ni rtag tu yang sdug 'pho su gyur nas lag pa dang rkang pa dag rnam par rdol pa/ zad cing rdol la rnying pa dri ma can gyi gos gyon pa/ rtag par yang ltogs pa dang skom pas nye bar bcom pa/ grang ba dang tsha ba'i sdug bsngal gyi khur khyer bar byed do/ / de la rnam pa du mar bzod dka' ba 'di dag rnams ni gzhan gyi dbang du gyur pa'i sdug bsngal yin te/ nyin mo dang mtshan mo med par yang nye bar dga' ba ma yin no/ / de bzhin du gzhan dag rigs dang / gzugs dang / na chod dang / spro ba dang / pha rol gnon pa la sogs pa rnams dman pa la tshul thams cad kyis kyang rigs dang / gzugs dang shes pa dang / rnam par shes pa ches lhag pa rnams rjes su ston par byed do// de thams cad du ngang tshul thams cad kyis kyang zil gyis gnon te/ dbul ba dang las kyi mtho btsams pa'i phyir na sdug bsngal gyi mchog rnams khyer bar byed do/ / de la 'di dag ni lha dang mi rnams kyi sdug bsngal gyi mchog gzhan yin no// gzhan yang gzhan gyi dbang du gyur pa'i sdug bsngal rnams ni ji ltar dbul 'phongs kyis mngon par gtses pa'i skyes bu chos byed rnams kyang sdig pa byed pa la nye bar ston par byed do/ / de zhabs 'bring gi don du de dang sten grogs byas pas de kho na bzhin du gyur /

  867. 57b

    mi 'dod pa mi sdug pa yid du mi 'ong ba'i sdig pa rnams rje dpon gyi dbang gis de kho na bzhin du las rnams byed do// de dag na lus zhig par gyur nas ngan song log par ltung ba dmyal ba rnams su skye'o// de la yang 'jig rten gnyis slu bar byed pa shin tu yang mi dge bar gyur pa ni gzhan gyi dbang du gyur pa'i sdug bsngal yin no// kA ya lha dag gzhan yang mi rnams la mi'i 'jig rten rnams su shin tu bzod par dka' ba'i ches sdug bsngal bar gyur pa rnams ni/ 'di lta ste/ chol gro'i sdug bsngal rnams so// kun tu tshol ba zhes bya ba'i sdug bsngal de rnam pa du ma rnams yod pa 'di lta ste/ rdzas rnams kyi don du rgya mtsho dang / g.yangs dang / g.yul 'gyed pa rnams las 'jug par byed pa dang / dgos pa dang rgyu mtshan gyi dbang gis gzhan rnams dang kun nas 'brel byed pa dang / dman pa rnams kyi zhabs 'bring byed pa dang / zhing gi las dang / tshong byed pa dang / ba lang gi 'tsho skyong dang / byes na gnas pa dang / gzhan gyi dbang du 'gyur ba dang / ri'i mchog la kun tu 'dzeg pa dang / byas su 'gro ba dang 'gro ba na g.yog byed pa las tshogs pa kun tu dub pa rnams gang zhig 'di dag rnams thams cad phal cher ni nor rdzas dang / bza' rgyu dang / gos rnams kyi don du yin te/ dbul zhing 'phongs pas dngos su mnar ba'i phyir dang / sred pas zil gyis mnan par gyur pa'i mi rnams kyis byas so// dang po skyes par gyur pa nas bzung nas ji srid du 'chi bdag gi srid pa'i zhags pas zil gyis ma mnan gyi bar du bya

  868. 58a

    ba ma yin pa gzhan rnams kyang byed de/ de gzhan gyi bsam pa rjes su tshol ba dang / mngon par 'tshe ba dang / 'jal ba la g.yo byed pa dang / khyim la g.yo byed pa dang / chang 'tshong ba dang / til 'tshong ba dang / mi rigs pa'i sbyor ba rnams kyi rnyed pa yul 'khor 'jig par byed pa dang / rgyal srid drug par byed pa'i yul rnams 'joms par byed pa dang / yul ljongs rnams 'joms pa dang / 'di dag dang / gzhan yang gang dag rnam pa sna tshogs pa'i bya ba ma yin pa rnams mi'i 'jig rten po'i mi rnams kyis byed pa ni/ bu dang / bu mo dang / bgo bar bya ba dang / bza' bar bya ba dang / sgom rnams kyi don du yin no// 'di ni yongs su tshol ba'i sdug bsngal zhes brjod do/ gang dag brgya phrag stong du gyur pa'i rnam pa du ma rnams su yang lo stong gis kyang brjod par yang srab ma yin no/ / lha dag de la de dag rnams ni mi rnams kyi sdug bsngal gyi phul du phyin pa yin no// de ltar 'thab bral gyi bdag po de ltar dag rnams la phan par bya ba'i don du srid pa la nges par skyo bar byed pa dang / nges par 'byung bar 'gyur ba'i chos ston par byed do// ji ltar lha 'di dag rnams ni mi dag 'dod pa'i blo skyes par 'gyur te/ des na srid pa la mngon par sred pa'i blo can rnams la len par bya ba gang gis phyir mngon par 'jug par 'gyur ro// de la rgyu mtshan 'di dag gis mi rnams kyi nye bar 'tsho ba thams cad

  869. 58b

    ston par byed pa 'i te/ ji ltar de la de dag rnams su skye bar ma byed cig/ de dag rnams ni sdig pa'i chol khros zil gyis mnan pa rnams kyi yin gyi/ de gcig pu mngon par dga' ba'i yid ni 'byung bar 'gyur ro/ / rgyu de dag gis dmyal ba rnams dang / yi dgas kyi yul rnams dang / dud 'gro rnams su yang skye bar 'gyur ro// de la skyes pa na yang rnam pa sna tshogs pa'i sdug bsngal rnams myong bar 'gyur ro/ / gzhan yang 'thab bral gyi bdag po de nyid kyis lha de dag rnams nyid la sdug bsngal gzhan dag 'chad par byed pa ni/ 'di lta ste/ kye lha dag mi rnams kyi mi'i 'jig rten na sdug bsngal gzhan rnams las sdug bsngal du gyur pa'o/ / 'di lta ste/ sdig pa'i grogs po la sten pa zhes bya ba/ skyes bu ngan pa rnams kyis byas pa/ don ma yin pa rnams thams cad byed par 'gyur ba dang / sdug bsngal thams cad kyi rgyu yang yin te/ sdig pa'i grogs po la sten pa'i skyes bu rnams ni bdag nyid la don ma yin pa rnams cung zad kyang mi sgrub ma yin gyi/ sdig pa rnams ni thams cad byed do// lus dang / ngag dang / yid kyis nyes par spyod pa rnams byed par 'gyur ro// de dag rgyu de dang rkyen de dag gis lus zhig nas shi ba'i 'og tu ngan song ngan 'gro log par ltung ba rnams las dmyal ba rnams su skye'o/ / gzhan dag dang gsum kar yang mang po kho nar rnam pa du ma'i sdug bsngal

  870. 59a

    rnams kun tu khyer bar byed de/ yi dgas dang dud 'gro'i 'gro ba rnams su yang 'gyur ro// lha rnams gzhi de dag las skyon chen po 'di dag rnams mi'i 'jig rten pa rnams la 'byung ngo / / lha rnams ni yi dgas dang dud 'gro rnams su ma yin no// skyon rnams mngon par mthong ba de'i rjes la mi rnam kyi srid pa la mngon par dga' ba rab tu 'gog pa byed de/ mya ngan las 'das pa gcig pu zhi ba yin pa'i go 'phang nye bar bstan par bya ba'i don gyi phyir ro// gzhan yang 'thab bral gyi bdag po des lha de dag rnams nyid la phan/ par bya ba'i phyir kun tu chos ston par byed do// mi rnams kyi sdug bsngal gang dag ce na/ 'di lta ste/ bu dang / bu mo dang / rang gi skye bo dang / gnyen bshes rnams kyi sdug bsnga lo/ / kye lha dag mi'i 'jig rten na mau rnams shin tu yang sdug bsngal ba rnams ni/ 'di lta ste/ bu dang rang gi skye bo la sogs pa rnams kyi ste/ mi rnams kyi mi'i 'jig rten na rang gi skye bo rnams sam/ bu dang bu mo rnams kyang rung ste/ bsad pa dang 'ching ba la sogs pa rnams kyis byas pa 'am/ bkres pa dang / skom pa dang / dbul ba la sogs pa rnams kyis byas pa'i zug gzer rnams 'byung ngo / / de'i tshe de dag rnams kyi zug gzer gyi rgyu mtshan gyi gang dag la de dag dga' ba dang rjes su 'thun par gyur pa'i phyir na de'i tshe de la yang zug gzer

  871. 59b

    shin du che bar 'gyur ro/ / de la 'thun par byas pas byis pa 'di yang gzhan gyi brel dog gis byas pa'i sdug bsngal gzhan yang yin no// mi rnams nyid la yin gyi/ bde 'gro gzha rnams la ni ma yin no/ / de la bu dang / bu mo dang / rang gi skye bo rnams kyis byas pa'i sdug bsngal de dag rnams kyis/ bar bar mi rnams su skye bar byed pa'i blos byas par gyur ta re gang gi phyir rig pa rnams thams cad kyang las bya dgos pa'i mthar thug pa dang / yang gang du 'chi bar 'gyur ba de dag rnams thams cad kyang legs pa ma yin no// 'khor ba na yang sdug bsngal che ba rnams kyi phul du phyin pa ni 'di dag yin te/ 'di lta skye ba dang / rga ba dang / 'chi ba rnams so// de yang thams cad mi'i 'jig rten rnams na dmigs so// lha rnams de'i phyir bzod par dka' ba de dag rnams go bar gyis la/ mi rnams kyi blo ma byed cing / de ltar rnam pa du ma rnams su shis pa'i lam du gyur pa bla na med pa'i don de nyid legs par ston par byed do/ / gang la yang nye bar len pa med par mi'i 'jig rten 'dir don gyi dra ba rnam pa sna tshogs pa rnams 'byung ngo // yang de la ci zhig yod pa yin zhe na/ ngan song gsum gyi sa gzhi zhes bya bar brgya stang bye ba phrag du ma rnams dang / bye ba las 'das pa rnams su yang sdug bsngal dpe med pa rnams sngon du song bar gyur pa'i mi'i 'jig rten pa rnams so// yang bgrang

  872. 60a

    par byed de/ ji ltar bde 'gro lha'i go 'phang las 'chi 'pho bar gyur pa nA/ de la lha 'ga' zhig bag med pa shas chung bar gyur pa rnams la de bzhin du 'gro bar byedapa kye lha dag bde 'gro las kyi sa pa mi rnams su ji ltar 'gyur ba de ltar 'gro bar gyis dang / gang gi tshe mi rnams nas yang dus byed par gyur pa de'i tshe gnyen bshes dang grogs po'i chang pa rnams kyis shis pa brjod pa legs par sbyin par byed de/ bde 'gro lha rnams kyi 'jig rten du song zhig ces so// de ltar na gnyis ka ltar yang bde 'gror 'gyur ba yin no// de dag ni 'gra ba gnyis yin no/ / gzhan ma 'gro ba gsum po rnams kyang mtshungs par yang sdug bsngal ba yin no// de ltar 'di ni phan pa rnams rjes su tshol bar byed pa/ gzhan rjes su 'dzin par byed pa la rab tu zhugs par gyur pa/ rtag tu yang bag yod pas rnam par rgyu ba'i 'thab bral ba rnams kyi bdag pos rnam pa du ma rnams dang / rnam par rtog pa mang po rnams dang thabs du ma rnams kyis kyang rnam pa sna tshogs pa rnams dang / mthar thug pa dang / bla na med par gyur pa'i chos ston par byed do// des bu dang bu mo'i sdug bsngal 'di dag rnams bstan nas gzhan yang lha de dag rnams nyid la mi'i sdug bsngal rnams ston par byed do/ / gang dag ce na/ de ni 'di lta ste/ bkres pa dang skom pas byas pa zhes bya ba sdug bsngal ba rnams kyi

  873. 60b

    phul du phyin pa yin no/ / de la yang mi rnams kyis mi rigs pa rnam pa du ma gang dag yin pa de dag rnams thams cad kyang bkres pa dang skom pa'i rang bzhin gyi sdug bsngal rnams kyis mnar bas yin no/ / gzhan ni de lta bur rnam pa sna tshogs pa'i sdug bsngal de bzhin gshegs pa mi gsung ngo // sdug bsngal ji ltar bkres pa dang skom pas byas pa zhes bya ba nges 'jigs pas kyang mi rnams rnam pa sna tshogs pa'i yang ba rnams sgrub par byed do/ / 'di lta ste/ gang zhig dman par gyur pa rnams la chen po'i rigs su legs par skye ba rnams kyang bkren par gyur pas thal mo sbyor bar byed cing / mig gi mchi mas gdong pa kun du g.yogs pa/ shugs nar nar ba'i sgra 'byin par 'gyur ro// yang gang dag rdzun du smra bar byed pa de dag rnams thams cad kyang dbul bas zil gyis mnan par gyur pas bkres pa dang skom pa'i mi'i 'jigs pa rnams kyis gzir ba rnams yin no/ / gang yang gzhan du ni gson pa la yang the tsom za bar 'gyur ba rnams kyang skyes bu dag gis bgrang bar mi byed de/ mtshon cha'i tshogs rnams kun tu 'khrug pa dang / glang po che'i mche ba'i dkrigs ka ya nga'i sa rnams su g.yul 'gyed pa la 'jug par byed pa de dag rnams kyi de thams cad kyang bkres pa dang skom pa'i 'jigs pas mnar ba rnams yin no/ / de yang gzhan dag rnams su dpag tshad brgya stong phrag du ma rnams kyi chu srin te mi ting mingag dang

  874. 61a

    chu srin na kra dang / chu srin ma kar dang / ri ra sho dang / rlabs kyi ngam grog rnams su srog dang 'bral ba dang mtshungs pa du ma rnams la yang zhugs nas skyes bu ngag rgya mtshor rab tu 'jug par byed do/ / de dag thams cad kyang bkres pa dang skom pas byas pa'i sdug bsngal gyis yin no// gang yang gzhan dag rnams la yang rnam pa sna tshogs pa dang rnam par rtog pa du ma rnams kyis kyang gang dag brjod par yang mi nus pa rnams de srid kyi sdug bsngal rnams la mi dag rab tu 'jug par byed pa yin no/ / de dag rnams thams cad kyang gsod pa'i don du ste/ gsod du khrid par gyur pa rnams gsod pa'i rnga pa Ta ha brdung bar gyur cing / me tog ka ram+b+hi ra'i 'phreng bas mgo la btags nas gsal shing gi mdun du khrid par gyur pa'i sdug bsngal gyis 'jigs pa rnams kyis sems spangs par gyur pa'i bzhin can rnams/ srog gi tha mar gyur pa'i 'jig rten du srid par byed pa rnams las/ gzhan pa ni rnam pa de lta bu'i sdug bsngal rnams yod pa ma yin no/ / ji ltar bkres pa dang skom pas byas pa las gzhan rnams ni rnam pa de lta bu'i sdug bsngal nyid yod pa ma yin no// de'i phyir so sor gnas par bya ba'i don du sbyin pa sbyin par byaste/ sems dang / zhing dang / dngos po rnams phun sum tshogs pa dang / dus su rigs pa dang / yul du ma po ba rnams kyang rab tu brtson pa dang /

  875. 61b

    rnam par 'gyur ba med pas byas pa la gtang bar bya'o// 'khor ba'i 'jigs pa rnams kyis 'jigs pa dang / rnam par rtog pa'i sdug bsngal gang yin pa de dag lha rnams la yang yod mod/ kyis 'khor ba na zas kyis byas pa rnams ni shin tu nyung zad cig yin no// bkres pa dang / skom pa dang kun nas bral bar bya ba'i don du sbyin pa dag ni gtang bar gyis shig/ kye lnga dag de la 'di ni mi rnams kyi mi'i 'jig rten gyi bkres pa dang skom pa'i rang bzhin gyis rnam par rtog pa du ma'i sdug bsngal gzhan rnams yin te/ gong yang de dag rnams ni shin tu 'jam par gyur pa'i lha rdzas kyi bde ba shin tu chung bas kyang zil gyis gnon na/ phal che bar gyur pa'i lha rdzas kyi zas dang skom gyi dngos po rnyed par sla bar gyur pa rnams kyang lha dag gis rig pa ma yin no// 'dod pa'i khams 'di ni nye 'khor rnams thams cad na yang bkres pa dang / skom par gyur pa'i rang bzhin gyi 'jigs pa rnams kyis sdug bsngal gyi rlung gis bdab pas kun tu 'bar bar gyur pa yin gyis de la lha dag rings pa rings pas mi rnams su skye bar ma byed cig/ phyir zhing nyid kyang yid la byas par gyur ta re/ mi'i 'jig rten pa rnams ni skye ba dang / rga ba dang / nad rnams kyis phal che bar gnas pa yin no/ / gzhan yang 'thab bral gyi bdag po mu su lun d+ha de nyid kyis lha de dag nyid kyi yid de dag la kun tu bltas nas phyir zhing nyid kyang shin tu las su rung ba dang / 'jam por gyur pas

  876. 62a

    byed pas/ gzhan yang mi de dag rnams nyid kyi sdug bsngal rjod par byed de/ rab tu brtson pa du mas gzhan la phan par byed pa yin la/ bdag la phan par byed pa/ ni sla ba yin la/ gzhan la phan par byed pa ni dka' ba yin no// de yang gzhan gyi don 'dzin pa ni phan tshun du phan par byed pas yang dang yang du dang / rnam pa du mar yang 'thab bral gyi lha rnams la chos ston par byed do/ / gzhan yang mu su lun d+ha des nyams pa med par gzhan gyi la spro bar gyur cing / 'dod pa'i 'jigs pas 'jigs pa'i lha de dag rnams la mi'i sdug bsngal gzhan rnams kyang ston par byed pa la 'di lta ste/ kye lha dag mchog tu mi'i 'jig rten gyi mi rnams ches sdug bsngal bar gyur pa de dag rnams kyang 'di lta ste/ kha nyen pa'i sdug bsngal ba rnams la mi'i 'jig rten du yid kyis dka' ba yid stobs med par byed pa gzhan po de dag rnams la yang dbang chung ba'i sdug bsngal 'chad par byed pa yin no/ / 'di lta ste/ lha dag mi rnams na rnam pa sna tshogs pa dang / rnam par rtog pa sna tshogs pa dang / shin tu gzer zug che bar gyur pa de dang de rnams la phal cher ni dbul por gyur pa rnams kha nyen pa'i sdug bsngal 'byung bar 'gyur te/ gnyen bshes dang / rang gi skye bo rnams dang / grogs po dang / rtsa 'brel phun sum tshogs par gyur pa rnams kyi drung na dbang chung ba'i skyon g.yog por

  877. 62b

    'gyur ro/ / phun sum tshogs pa dag gi drung ma kha nyen pa'i skyon gnyis pa rnams ni/ dbul bar gyur pa nyid kyis gzhan rnams kyi khyim du zas la rtag tu mngon par dga' 'o// gsum pa ni kun nas 'brel med pa rnams rab tu mang bar smra bar byed pa'o/ / gzhi pa ni rmongs pa ste gnyen bshes rnams kyi mdun du shin tu brdzun par smra ba'i skyon gyis dang / ji lta ba bzhin ma yin pa don rnams spa bas dang / 'dug pa dang / zas ngan pa dang / dri ma can rnams zil gyis mnan pa'i phyir dang / 'di dag rnams ni spo bar 'gyur ba'i rkang rgyun can dang bcas nas ma 'ongs pa'i skyon gyis yin te/ kye lha dag mi rnams la mi'i 'jig rten du de lta bu la sogs pa mang po rnams kyi kha nyen pa'i sdug bsngal dang 'brel ba dag ni me snying la gnas pa yin te/ mi rnams la mi'i 'jig rten du 'di lta ste/ chas gzham pa drag par gyur pa'i ma phal po che rang gi skye bo dang / grogs po dang 'brel ba gdung ba rnams kyi ngan du bcu 'gyur gyis skyon gyi cha dang ldan na yang / des ni lus thams cad sreg par byed pa yin/ yan lag thams cad sreg par byed pa yin pa dang / 'jigs pa dang 'jigs su rung bar gyur pa lus skems par byed cing sreg par byed pa'i me yin gyis/ dbugs rngub pa'i du ba de la kA ye lha dag rings pa rings pas miri skyes par gyur ta re/ mi rnams ni sdug bsngal mang po dang / mnog chung ba dang /

  878. 63a

    nye bar 'che ba dang bcas pa dang / tshe thung ba dang / kha nyen par gyur pa'i skyon rnams kyis dri ma can yang yin te/ kha drug pa yang mir skyes pa'i skyes bu rnams nyid 'ba' zhig la bla lhag tu yin gyi/ de bzhin du 'gro ba gzhan bzhi po rnams na ni ma mthong ngo // de la 'di ni bla lhag tu mi rnams kyi mi'i 'jig rten pa rnams la yin no// gzhan dag las byung ba'i nga rgyal dang / kun tu nga rgyal lus rnams thams cad la nad mi bzad pa dang 'dra bar gyur pa'o// kun tu nga rgyal ba rnams la kha drag pa ni sdug bsngal yin te/ gang gi phyir sngar mnyam par thob par gyur pa las/ de'i gting nyid la don phyin ci log tu gyur pa bcu char 'gyur te/ de ltar sngar ma byung ba'i kha nyen pa rnams 'byung bar 'gyur ro// de la gang dag lan cig rnyed par gyur pa de yang kun la nga rgyal bas thung ngun gyis dus su 'gyur ro/ / sngon gyi nyid yang dang yang du rab tu spel nas ring ba'i dus na thob pa yang sngar gyi nyid du 'gyur ro/ yongs su kha drug par byed pa de ni 'chi bar gyur pa bas kyang shin tu sdug bsngal ba yin te/ rigs kyi bu rnams sems kyi rgyud brgyal bar 'gyur ba yin pa'i phyir ro// kye lhan mas de dag rnams mi'i 'jig rten pa'i mi rnams kyi bzod par mi nus pa gzhan yon te/ sdug bsngal rnams rnam pa du ma bshad pa yin no// bdag gis khyed rnams la gzhan yang bshad par

  879. 63b

    bya ste/ khyed cag rnams gang dag ce na/ 'di lta ste/ rgas pa'i sdug bsngal lo// rgas pa zhes bya ba yang 'du byed rnams thams cad stobs nyams par 'gyur ba'o// de nas ni dbang po rnams yongs su rnyings par byed pa/ lang tsho la bab pa rnams kyis 'gran zlar gyur pa/ dbyug pa la btud nas lhag par gnas pa/ 'gro bar byed mi nus pa/ ming dang gzugs dag stob nyam par byed pa po la drag pa'i skye gnas lus kyi chud kyi skal tshigs smrar bar byed pa/ sgra rnams gzugs mi 'dra bar byed pa/ 'chi bar 'gyur ba'i dang po'i pho nya bkren pa'i skye gnas lus dang dbang po dang yid rnams rgud pa byed pa ste/ mi rnams gson pa nyid na de dag gis skye ba gzhan nyid du khrid par byed pa yin no// kye lha dag de la 'di ni mi'i 'jig rten du mi rnams la ming dang gzugs gnyis la co 'dri bar byed par 'gyur ba yin te/ nges par myong bar 'gyur pa yin gyis/ dus ring du khyed kyis yongs su gzhigs dang / khyed cag gis rtogs nas sdug bsngal bar mi 'gyur ba de dag rnams ni nges par sems med pa yin te/ shing dang rdo ba dang mtshungs pa/ yid dang bral bar gyur pa dang / mi'i gzugs brnyan gyi dud 'gro rnams yin no// kye lha dag de las gzhan mi rnams kyi mi'i 'jig rten na sdug bsngal chen por gyur pa ni skye ba'i sdug bsngal zhes bya ba yin te/ skye ba nyid las rgas par 'gyur ba'i sdug bsngal 'di yin par rig par gyis la/ khyed rnams srid pa la mngon

  880. 64a

    par zhen par ma byed dang / kye lha dag gzhan yang rnam pa mang po rnams su dang / bzod par dka' ba du ma rnams su yang shin tu sdug bsngal skye ba nas skye ba rnams 'gyur ro/ / de dag kyang gang zhe na/ 'di lta ste/ 'chi ba'i sdug bsngal zhes bya ba skye ba de dag tu slar mi ldog pa/ lus dang / dbang po dang / skye mched rnams 'gag par byed pa srog gi dbang po dang skye mched rnams rnam par 'jig pa'i rang gi skye bo dang / grogs po dang / gnyen 'brel rnams dang / phyis mi 'phrad par 'gyur ba/ skal ba 'thun pa rnams rlag par byed pa/ skye ba gzhan du 'gro bar gyur pas rang gi las 'bras bu'i lam rnams za bar byed pa'i skyes bu che mthar thug pa na lus gtong ba ni/ sems can rnams kyis nges pa myong bar 'gyur ba yin no/ / de'i rjes thogs la srid pa bar ma do pa skye bar 'gyur ba 'di ni 'chi ba zhes brjod do// kye lha dag de dag ni tsi nAs kyang nyams su myong bar 'gyur ba ni skyes pa/ yin pa gang gi phyir thams cad la 'chi ba nges par 'byung ba yin no// gal te shes na mthar thug par gyur nas 'chi bar 'gyur ba dang / shi nas kyang mi skye bar 'gyur ba dang / skyes pa yang mi 'gyur ba de dag rnams ni gnas med do/ / de'i phyir myur zhing rings pas kyang mir skye bar 'gyur ba'i yid la byas par gyur ta re/ de nas yang de'i dus na 'thab bral ba rnams kyi

  881. 64b

    bdag po su su lun d+ha des tshigs su bcad pa'i dbyangs rnams brjod pa/ ji ltar/ ji skad bshad pa'i mi sdug bsngal// srid pa par ma dor yang ni// skyes pa rnams ni phyi nas kyang / nges par 'chi bar 'gyur ba yin// srid pa bar ma kun gnas nas// las rnams kyis ni drangs gyur pa// lam rings 'gro ba'i sdug bsngal gang // des ni brjod par mi bzod do// bshang dang gci bar nub gyur pa'i// tsha bas kyang ni mnar gyur pa'i// mngal na gnas pa'i sdug bsngal gang // smra bar bzod pa ma yin no// zas kyi ro la brkam pa dang // rtag pa de la song ba'i sems/ / ro la sred pa'i sdug bsngal gang // de ni brjod par mi bzod do// yid ni 'dod pas sregs pa dang // 'dod pa la ni sreg pa'i sems// gang gis sdug bsngal lhag gyur pa/ / de ni brjod par mi bzod do// mi rnams dug dang me 'dra ba'i// mi sdug bsngal dang lhan cig phrad// de las sdug bsngal skye 'gyur gang // de ni smra bar bzod/ ma yin// sdug pa dang bral sdug bsngal gang // ches che mi rnams la skyo ba// bzod par dka' dang shin tu drag/ de ni brjod par bzod mo yin// tshe grang la sogs 'jigs chen po/ chen po rnam pa du ma rnams// sdug bsngal drag po kun tu skye// de dag brjod par bzod pa min// nad skyes srog ni gcod byed po// dus kyi pho nya lta bu gzhan// gang sdug srog chags

  882. 65a

    rnams mthong nas/ / de brjod par ni bzod ma yin// rang dbang med par bkren pa yi// rtag tu gzhan gyi dbang 'gro rnams// phan pa rab nyams sdug bsngal gang / / de ni brjod par bzod ma yin// rtag tu tshol gros byas pa yi// sred pa'i dug gis bsregs pa yi// lha rnams gang gi sdul bsngal ni// de brjod bya bar bzod pa min rgyun mi 'chad par rnam mang du/ / sdig grogs bskyed pa'i sdug bsngal gang // ngan song skyed par byed pa'i gang // de ni brjod par bzod ma yin// brel dog bu dang bu mo yi// snying la ji lta bur skye ba// dmyal ba rnams kyi rtse mo 'di// brjod par bzod pa de ma yin// bkres dang skom pa'i me dag gis// shin tu bsregs dang sreg 'gyur ba'i// chud zos yid kyi sdug bsngal gang // de ni brjod par bzod pa min// rtag pa nyid du kha drug pa// gnyen grogs skye bo snying byams pa'i/ mya ngan las skyes sdug bsngal gang / de ni smra bar bzod ma yin// 'khar ba la brten skur bar 'gro// sems dang dbang po stobs chung ba'i// lus brnyings pa yi sdug bsngal gang // de ni brjod par bzod ma yin/ / yid dga'i 'jig rten 'di nas ni// 'chi bdag gis ni khrid gyur pa'i// 'gro la sdug bsngal gang skye ba// de brjod par ni bzod ma yin// 'byung po kun gyis mi

  883. 65b

    mthong zhing / / las rnams kun gyis rgyal min par// sems can thams cad rab 'joms pa// 'chi bdag ces ni brjod pa yin// bzod par dka' ba'i stobs po che// sems stobs gdum pas kun rgyu ba/ / so so'i 'jigs chen du ma yin// 'chi bdag ces ni brjod pa yin// bzlog thabs med pa dus kyi me// sems can rnams kyis des myong ba mami rnams gson pa'i bar chad byed/ / 'chi bdag ces ni brjod pa yin// ji bzhin dus kyis rab 'joms pa// gson pa yang ni rnam par 'joms// phung po khams rnams legs mdzad pa/ / 'di ni 'tsho bdag tu brjod do// skyes nas yod pa yang rtag par// gnyen bshes grogs dang bral ba yin// slar yang de dag dang phrad med// 'di ni 'chi bdag ces brjod do/ / bsran par mi bzod mi bzod pa'i// 'chi ba ji srid ma byung ba// de srid chos ni yid la gyis// des ni snying po lha yi gnas// legs par gson pa de yin te// gang gi yid la chos gnas pa'o// chos dang rnam par bral ba yi// gson pa gson par 'dod pa min// gang gi yid la sangs rgyas gnas// de ni legs par gson pa yin// sangs rgyas dang ni rnam bral ba'i// gson pa gson pa min par 'dod// gang gi yid la chos gnas pa// de ni legs par gson pa yin// chos dang rnam par bral ba yi//

  884. 66a

    gson pa gson pa min par 'dod// gang gi yid la dge 'dun gnas// de ni legs par gson pa yin// dge 'dun rnam par spangs pa yi// gson pa gas/ pa min par 'dod// gang zhig bden pa la gnas yid// de ni legs par gson pa yin// bden pa rnam par spangs pa yi// gson pa gson pa min par 'dod// gang zhig yid lam la gnas pa/ / de ni bde bar 'tsho ba yin// lam ni rnam par spangs pa yi// gson pa gson pa min par 'dod// mya ngan 'das par 'gro ba la// gang gi blo ni rtag tu gnas/ / de ni lha yi lha zhes brjod// 'di ni gang rtse lha ma yin// rtag tu sems ni rtse gcig pa// bsam gtan byed pas rtsi 'gyur gang // de ni bde ldan chags byed pa'i// srid par rtsed mo rtsed mo min// rmongs chags mang du nyer rtsi ba'i// srid skyon 'di rnams go gyis la// mya ngan 'das la brtson par gyis// de dag snying po dam par 'dod// de ltar 'thab bral gyi bdag po des rnam pa du mar gzhan rnams la phan pa sgrub par byed de/ lha de dag rnams kyi yid de dag rlan par byed do// ji ltar 'thab bral gyi lha de dag rnams ngan song du 'gro bar mi 'gyur bar byed do/ / de nas 'thab bral gyi lha de dag rnams kyis/ mu su lun d+ha 'di skad ces brjod do// kye 'thab bral ba rnams kyi bdag po ji lta ba bzhin du go lags kyis

  885. 66b

    ji ltar khyod kyis bshad pa de dag rnams thams cad ni bden pa lags te/ bdag cag gis 'dir mngon sum du bgyis so// ji ltar bdag cag rnams kyi drung na rim pa rnams thams cad kyis glags par gyur pa'i lha rnams bzod par dka' ba'i shin tu sdug bsngal bar gyur to/ / de dag rnams kyi tshad dang / mdog dang / dbyibs dang / rgya che bar gyur pa'i rim pa gang dag gi khyad par rnams ni bdag cag rnams kyis bcu char yang / cung zad tsam du yang mi chog pa de dag rnams thams cad kyang bar du gcod pa 'byung bar 'gyur na/ ci'i phyir na bdag cag rnams la 'byung bar mi 'gyur lags/ de dag rnams kyi drung du na 'thab bral gyi bdag po des tshig rnams rjod par byed pa/ ji ltar lha de dag rnams kyi sdug bsngal khyed kyis mthong ba de rnams ni cung zad tsam yin la/ khyed rnams de las brgya 'gyur 'byung bar 'gyur te/ bag med pas kun nas khrid par gyur nas gal te chos ma yin pa'i rjes su 'jug par gyur te/ dmyal ba dang / yi dgas dang / dud 'gror skyes par gyur na'o// ci ste chos kyi rjes su 'jug par gyur na ni/ de'i tshe ngan song gi sgo rnams ni bkag par gyur cing lha dang mi rnams kyi rnam pa sna tshogs pa'i bde ba rnams la nye bar longs spyod nas/ phyi nas de rgas pa med par 'gyur ba dang / gzhan yang mya ngan med par gyur pa'i rtag pa'i go 'phang kun

  886. 67a

    nas 'thob par 'gyur te/ gang la ji skad du bshad pa'i sdug bsngal de dag rnams 'byung bar 'gyur ba yin no// de la rgyu de dag gi phyir na bag med pa rnams la kun tu 'jug par ma byed dang / 'dod pa de dag rnams ni bde ba ma yin no// rtag pa yang ma yin te/ 'di dag gis ni zag pa med pa'i ye shes kyi bsam gtan gyi bde ba bla na med pa rnams kyi bcu drug gi char yang mi phod do/ / de nas de dag gi drung nas 'thab bral ba rnams kyi bdag po des tshig de dag rnams thos nas gzhan yang lha de dag rnams nyid kyi mngon sum du nyes dmigs rnams byed do/ / yang gzhan brjod pa/ ji ltar khyod kyis bdag cag rnams la ston par bgyid pa de dag rnams ni phan par 'dod pa lags pas de ltar bdag cag rnams kyis bgyi lags so/ / lha lags gzhan yang ji ltar na bdag cag rnams kyis kun tu 'dod chags pas byas pa'i sdug bsngal de dag bdag cag gi 'thob par mi 'gyur ba lags/ de nas dus de'i tshe na mu su lun d+ha des tshigs su bcad pa'i dbyangs brjod pa/ ji ltar/ bdag nyid bdag gi mgon po yin// gzhan gang rjes su mgon por 'gyur/ / gang phyir bdag nyid legs btul bas// rtag pa'i go 'phang 'thob par 'gyur// legs par las byas mdzes gyur lta// mgon po gzhan ni ma yin no// skye ba

  887. 67b

    gzhan ni stong du yang / / de la de dag rjes su 'jug/ rga dang 'chi ba spangs pa yi// gnas kyi mchog du 'bab par byed// shin tu dge ba'i rang las 'di// bsams pa yis ni lnga yi mchog/ legs pa'i las la spyod par gyis// phan chen zas ni de las za// de ltar mu su lun d+ha des lha de dag rnams la bstan nas// gzhan yang brjod pa song la nags dang nye ba'i nags rnams su rgyus nas 'dod par gyur pa'i sgra dang / ro dang / gzugs dang / dri rnams kyis khrid par gyur kyang / gang gi phyir khyed rnams ji lta ba bzhin du bag yod par gyis/ de nas de ltar gyur pa dang / de nas lha de dag gis tshig de dag rnams thos par gyur pa dang / 'di skad ces brjod do// ji lta ba bzhin du bdag cag rnams kyis smon lam gdab par bya ste/ ji ltar ma 'ongs pa'i dus na 'di 'byung bar 'gyur ba yang dag par rdzogs pa'i sangs rgyas bla na med pa'i skyes bu 'dul ba/ kha lo sgyur ba/ mtshan byams pa zhes bya ba de'i gsung rab la bdag cag rnams mi'i 'jig rten du skye bar gyur cig/ ji ltar 'di ma 'ongs pa'i dus na 'byung bar 'gyur ba'i 'dus pa dang po de bdag cag rnams byed pa dang / chos rnams mnyan nas zag pa zad par byed par yang bdag cag gyur cig/ de ltar kha cig gis ni bla na med par yang dag par rdzogs pa'i byang chub tu smon lam btab par gyur to// smon

  888. 68a

    lam btab nas kyang sangs rgyas dang / chos dang / dge 'dun rnams la nye bar skyabs su yang song bar gyur to// de dag rnams ni nges par yang byams pa'i gsung rab la mi'i 'jig rten du skye bar 'gyur ro/ / lha gzhan stong phrag bdun cu po rnams ni lhan cig tu dam pa'i chos thos nas zag pa rnams ni zad par byed do// gang yang gzhan de dag rnams kyis ni de bzhin gshegs pa de'i sku gdung ni mthong bar 'gyur la/ sngon dang por de dag rnams kyis gya nom pa'i bla na med pa yang dag par rdzogs pa'i byang chub tu smon lam btab pa yin no/ / gzhan yang lha brgya phrag gis rang sangs rgyas kyi sems su yongs su bsngos so// de dag rnams thams cad kyi yang smon lam rnams 'bras bu dang bcas par 'gyur ba yin no/ / de nas 'thab bral ba rnams kyi bdag po des yid kyis rtogs par gyur nas bdag gis gzhan la phan pa shin tu mang ba byas te/ de dag rnams slar yang bag med pas 'gro par mi 'gyur bar 'thab bral gyi bdag po des rjes su gnang ngo / / lha de dag rnams yid las su rung bar byas pa dang / yid legs par dul bar byas pas mu su lun d+ha de la g.yas phyogs nas bskor ba byas nas mtsho de'i drung du song bar gyur to/ / mu su lun d+ha yang gzhan la phan pa de dag rnams byas nas/ phyir yang gzhan rnams kyi lha gzhan rnams la phan par bya

  889. 68b

    ba'i don du legs par song bar gyur to/ / 'thab bral gyi lha rnams kyis las rtag tu bde ba'i sa sde brgyad pa rdzogs so// su su lun d+ha'i rdzu 'phrul chen po zhes bya ba yang rdzogs so/ / gzhan yang las dang 'bras bu rnam par smin pa shes pa'i dge slong de mtshem pa rnams la phan pa'i don du lha rnams kyi sa la lta bar byed pa na des thos pa las byung ba'i shes rab kyis lha rnams kyis bde ba rab tu 'phel ba dang ldan pa zhes bya ba ji ltar yod par mthong bar gyur to/ / sa der yang las gang gis sems can rnams skye bar 'gyur ba yang des mthong ste/ skyes bu dam pa gang gi dge legs su gyur pa'i sems kyis tshul khrims dang ldan par gyur pas srog gcod pa dang / ma byin par len pa rnams spangs par gyur pa ni snga ma bzhin no/ / 'dod pa la log par g.yem pa rnams kyang shin tu phra ba yang spong bar byed do// dper na yud tsam zhig kyang bud med skyes pa dang bcas par mngon par bris pa rnams la yang tshul ma yin pas/ yid la byed pas bskyed par gyur pas/ de la 'di rtog par mi byed/ brnab sems su mi byed do// ro myong bar med cing / tshul bzhin ma yin pa yid la byed pa'i sems rnyog pa can du byed pa/ nyon mongs par byed pa/ 'jigs pa dang bcas par gyur pa/ tshangs par spyod pa kun tu sun

  890. 69a

    'byin par byed pa rnams kyis dang / gang yang gzhan dag rab tu rtog par byed pa 'am/ lta bar byed pa'ang rung ste/ tshul bzhin ma yin pa yid la byed pas sems kun na sun 'don par byed pa de dag rnams 'dis rab tu 'gog par byed do/ / phyir la zlog par byed do// las kyi 'bras bu rnams kyang ston par byed pa yin te/ ji ltar mi 'dod pa dang / mi dga' ba dang / yid du mi 'ong bar 'gyur ba ni 'dod pa la log par g.yem pa bston pa 'di'i 'bras bu yin pas/ des na de ltar mi bya'o// 'di dag ni zhi bar 'gyur ba'i lam ma yin no/ / dga' ba ma yin/ yid du 'ong ba ma yin/ dam pa rnams kyi mngon par 'dod pa'ang ma yin no// shin tu phra ba'i 'bras bu rnams ston par byed pa/ tshul khrims dang ldan pa/ tshangs par spyod pa/ rnam par dag pa/ kha na ma tho ba phra rab tsam la'ang 'jigs par lta ba de dag ni lus zhig nas shi ba'i 'og tu bde 'gro mtho ris mchim lha rnams kyi bde ba rab tu 'phel ba dang ldan pa'i sa 'di la skye bar 'gyur ro/ / de la skyes pa rnams ni legs par byas pa'i las kyi mtha' rnams la spyod pas/ de dag dga' ba'i las kyi 'bras bu rnams la spyod par byed do/ / 'di lta ste/ nags rnams dang / nye ba'i nags rnams dang / khrus kyi rdzing bu rnams dang / gser tso ri'i rtse mo naH/

  891. 69b

    dang 'bab chu dang / rin po che'i rang bzhin gyi 'bab chu rnams la blta bar sdug pa'i bya rnams kyis kun nas sgra 'don pa dang / gzhal yas khang gi rtse mo rnams kyang rin po che bdun gyi rang bzhin la nor bus cha shas rnam par bkra bar byas pa dang / pad+ma'i rdzing bu rnams kyang bai DUR+Ya dang / in+d+ra nI la dang / gser gyi rang bzhin rnams kyi cha shas rnam pa/ sna tshogs pa la gzugs dang / sgra dang / kha dog dang / dbyibs rnam pa sna tshogs pa la lta bar dka' ba'i bung ba'i cho bla rnams kyi sgra bde ba skyed pa kun tu sgrogs pa dang ldan pa rnams la mngon par rtse bar byed do/ / rig pa dang las rnams thams cad kyi bde ba rab tu 'phel ba dang ldan pa'i nags tshang tshing rnams dang / gzhan yang rdo rje dang / bai DUR+Ya dang / in+d+ra/ nI la dang / shel gyi rang bzhin gyi brag rnams cha shas dang / cha shas su phye ba'i 'od zer rnams kyis rnam par bkra bar gyur pa rnams la dga' bar byed do// 'bab chu sna tshogs pa'i sgra bde ba skye bar byed pa'i sgra snyan pa dang ldan pa rnams la dga' bar byed do/ / ji ltar 'dod pa bzhin du byed pa rang dbang can rnams dpe med par gyur pa'i lha rdzas kyi 'dod pa rnams la sten par byed do/ / lha'i bu mo'i tshogs brgya stong phrag du ma rnams kyis yongs su bskor nas ches 'phags par gyur pa'i bde ba rnams 'phel ba ldan pa'i 'dod pa rnams

  892. 70a

    la nye bar longs spyod pa yin te/ de'ang rnam par rtog pa du ma rnams su dpe med par gyur pa'i lha rdzas kyi bde ba rnams la longs spyod par byed do// ri dang rtse mo rnams gser gyi rang bzhin dang / bai R+Ya'i rang bzhin rnams la de dag nam mkha' la lan brgya phrag tu 'gro bar byed pa/ rnam pa sna tshogs pa'i gzugs dang / cha byad dang / rgyan rnams phun sum tshogs pa/ srin po rnams kyi dgod pa dang / gru dang / gar gyis kun nas brgyan par gyur pa'i zhabs 'bring rnams kyis rnam par brgyan cing rol pa'i gzugs dpe med pa dang ldan pa'i lha'i bu mo'i mchog rnams kyis yongs su bskor nas/ nye 'khor kun nas rtse dga' bar gyur pas rnam par rgyu bar byed/ rang gi 'od dang ldan pa'i lha'i bu mo rnams kyis yongs su bskor nas/ de lha rdzas kyi 'dod pa'i yon tan gyi yul lnga la rnam par chags pas/ gzugs gang dang gang nyid mthong bar gyur pa de dang de nyid kyang rnam par rtog pa du ma dang ldan pa'i lha rdzas snying 'gul bar byed pa/ dpe med pa'i bde ba rnams legs par ston par byed pa mthong ngo // ji ltar 'dod pa bzhin du spyod par byed pa de kA mig gis gzugs rnams mthong bar 'gyur ro/ / de bzhin dun pas sgra rnams thos par gyur pa yang thos na 'de bar 'gyur ba dang / ji ltar 'dod pa bzhin du rnam po dumar rnam pas

  893. 70b

    tshogs par gyur pa dang / kun tu rtog pa rnams skyed par byed pa dang / mchog tu gyur pa'i lha'i bu mo rnams kyis legs par bskyed pa'i rgod pa dang / 'gying bag dang / rtsed mo rtse bar byed pa rnams so/ / de bzhin du snas kyang lha rdzas kyi dpe med pa dang ldan pa'i dri rnams snom par byed de/ rnam par rtog pa du mar dpe med par gyur pa rnams la 'di ltaste pad+ma'i rdzing bu rnams kyi dri shin tu zhim par gyur pa'i dri rnams mngon par 'dod pa'i rlung gis legs par btab pa rnams la dang / dri gzhan yang de kho na bzhin du dri shin tu zhim pa dpe med par gyur pa'i lha rdzas rnam pa du ma rnams mngon par 'dod pa'i rlung gi ri dang / sman ljongs rnams dang / bang rim rnams dang / ri khrod rnams dang / nags kyi nang rnams nas btab par gyur pa'i shin du dri zhim pa dang ldan pa'i me tog du ma dri bla lhag par gyur pa rnams snom par byed do/ / de bzhin du lces kyang ro rnams myong bar byed do// de ni 'dod pa'i bde ba rnams thams cad phun sum tshogs pa yin te/ lha rdzas kyi ro rnam pa du mar gyur pa sgyur ba dang / lan tshwa dang / tsha ba dang / kha ba dang / bska ba dang / rtsub pa rnams dang / rnam pa du ma rnams dang / dpe med par gyur pa rnams dang / rdzas du ma rnams las skyes pa dang / ji lta ba nyid du ji ltar 'dod pa'i dus su mkho ba rnams de dag gis

  894. 71a

    za bar byed do/ / de ltar lces ro rnams myong bar byed do// de bzhin du lus kyis kyang reg bya rnam pa du ma rnams la reg par byed pa ni/ bde ba'i reg par bya/ pa brgyad dang ldan par gyur pa rnams la bsil bar gyur pa dang / dro ba dang / dro bar gyur pa dang / bsil ba'i reg bya rnams dang ldan pa dang / de bzhin du 'jam pa dang / phra ba dang / tshags dam pa dang / ma btags pa dang rnams te/ kha dog du ma dang ldan pa'i gos rnams so// de bzhin du mtho ris kyi rjes su 'thun pa'i rgyan gyi rnam pa rnams kyang / ste rin po che du ma'i 'od zer snang bar byed pa dang ldan pa rnams la dpag tshad bcu dang / nyi shu dang / sum cu dang / bzhi bcu dang / lnga bcu dang / drug cu dang / de bzhin du ji ltar dpag tshad brgya'i bar du 'od dang ldan pa'i nor bu rnams kyi reg bya rnams kyang nye bar longs spyod par byed do/ / de bzhin du rgyan gyi rnam par gyur pa'i me tog bde ba'i reg bya dang / dri dang legs par 'brel bas bsgos par gyur pa/ rnam pa sna tshogs pa rnams lha rdzas kyi nags kyi gseb nas rlung gis bdes pa'i bde ba'i reg bya dang ldan pa rnams kyi reg bya la rjes su longs spyod par byed de/ lus kyis legs par byas pa'i las kyi mtha' rnams la spyad par gyur pa/ rang gis legs par byas pa'i las rnams kyis 'dod pa sdug pa

  895. 71b

    yid du 'ong ba/ 'phags pa dgyes pa yin gyi/ ma byas pa rnams su kun tu 'ong bar 'gyur ba ni ma yin no// 'dod rgyal ba rnams ni ma yin no// byas pa chud za bar 'gyur ba ma yin no/ / rgyu med pa ni ma yin no// gzhan bag med pa rnams kyis byas pa ni ma yin no// las dang 'bras bu rnams dang cha mi 'dra bar gyur pa'i rgyu rkyen rnams kun tu tshogs pa ni ma yin no/ / 'di dag ni 'bras bu dang bcas par smin par legs par mthong ba rnams dang cha 'dra ba'i las rnams kyi 'bras bu la nye bar longs spyod pa yin no// tshul khrims la spyod par gyur pa de de bzhin du yid kyis kyang gang 'dod pa rnams la ste/ 'dod pa yid du 'ong ba'i lha rdzas kyi gzugs mang zhing rgya chen por gyur pa rnams dang / phra ba rnams dang / bar ma rnams dang kun nas 'phel bar 'gyur ba'i dus su byung ba rnam dang / de bzhin du mar 'bri ba'i dus su dang / bar ma'i dus su thob pa rnams longs spyod par byed pa na/ de ltar yang sems bskyed pa nyid kyis mngon par 'dod par gyur pa'i nye bar longs spyod par bya ba rnam pa du ma'i chos rnams la mngon par 'tshal bas nye bar longs spyod par byed do/ / tshul khrims la spyad pa'i skyes bu de dag rnams de ltar khyad par du rang lha rnams ni dug gi me la rnam par tshogs par gyur cing / 'dod pa'i chu bo rnams kyis 'khyer bar gyur pas/ de dag nags nas nags rnams dang / ri'i rtse mo nas ri'i

  896. 72a

    r tse mo rnams mardzas kyi rin po rje'i khams rnams kyi 'byung zungs dang ldan pa rnams nas rin po che'i khams rnams kyi 'byung khungs dang ldan pa rnams su gan bar 'gro bar byed cing / nags dang nye ba'i nags kyi tshal rnams dang / 'bab chu'i sgra rnams kun nas legs par grag pa dang / kha dog dang / dbyibs dang / rigs dang / tshan mi 'dra ba brgya phrag gi bya rnams kyi sgra snyan par 'byin pas dga' bar gyur pa/ rna ba dag la gtad pas dbyangs kyis kun nas khrid pa dang / rgyan dang legs par ldan pa'i dga' bas yid 'phrog par gyur pa rnams/ de ltar de legs par byas pa'i las kyi mtha' la spyad pa rnams de legs par nye bar 'gro'o// mang po rnams nyid kyang gzug dang cha byad dang / rgyan dang / legs par gnas pa rnams kyi yon tan du ma rnams dang ldan po'i cha byad can rnams bsgrin pa dang 'gying bas 'dod pa'i me rnams legs par skyed par byed pa rnams kyis yongs su bskor nas/ gnas rnam pa du ma rnams nye bar ston par byed do// lha rdzas kyi 'phreng ba mchog rnams kyis brgyan pa dang / me tog gi 'phreng ba dang / phyi ma dang / byug pa rnams kyis rnam par brgyan pas gser gyi rang bzhin dang / bai DUR+Ya dang / gser 'bar ba'i rang bzhin gyi rtse mo rnams la sten par byed do// sems bskyed pa dang

  897. 72b

    lhan cig nyid du 'dod pa du ma rnams nye bar bsten nas lhan cig spyod pa rnams dang bcas/ gal te shed na nye ba'i nags gzhan rnams nye bar sten par byed de/ mnyam pa dang mi mnyam pa'i sa'i cha shas rnams dga' bar gyur pa'i gser dang / bai DUR+Ya'i rang bzhin dang / gser bzang po'i rang bzhin dang / dngul dang / in+d+ra nI la dang / mu stA ra'i rang bzhin rnams la dril bu g.yer ka'i sgra sgrogs pa'i dra ba'i skad phun sum tshogs pas rnam par brgyan pa'i sgra rnams dang / bya'i tshogs rnam pa sna tshogs pa rnams kyis rnam par brgyan pa rnams la lan brgya rnams su rnam par rgyu bar byed pa gang gi tshe/ bag med pas bag med par rnam par spyod par byed pa de'i tshe/ de dag rnams mngon par kun tu mthong nas bag yod pa zhes bya ba'i byas rjes su 'doms par byed pa'i tshigs su bcad pa 'chad pa/ ji ltar/ gsar po'i las kyir zad 'gyur la// rnying pa yongs su spyod pa yin// de zad pas ni rtag tu lhung // mtho ris lha yi chos 'di dag/ rtag du las kyis ltung ba yin// de bzhin 'tsho ba skad cig ste// 'chi bdag myur bar 'ong ba yang // byis pa rnams kyis rig pa'ang min/ / khyod kyis 'di min 'di'i yang khyod// min yang chags pas ma shes so// dus 'gro rtag par shin tu nyung // ltung 'gyur de yang nye bar 'ong // thob pa dang ni 'jig

  898. 73a

    pa'i rgyu/ / yul du ma chags pa yi ni// gnod dang bcas pa de la khyod// blo ngan rtag tu ci ste 'gro// gang phyir legs par byas pa'i las// de ltar khyod kyis bde longs spyad/ / yang ni ci phyir legs byas pa'i// las rnams dag ni ci mi byed// yul rnams la ni gang chags pa// de ni srid pa'i rgya mtshor nub// ga yang de las rnam grol ba/ / de ni sdug bsngal mtsho las grol// yul gyi rlabs kyi shugs po che// srid pa'i chu klung las kun byung // myang 'das grong khyer 'gro ba yin// dpa' bos de ni spang bar gyis// brtan pa de nyid chol rnams kyis// yul rnams nges par zlog par gyis// des bskyed yul gyi sred pa rnams// srid pa gsum du 'jug cing 'gro/ / yul rnams sa par zlog par gyis// bdag cag de yid byas la reg/ kim pa ka dang 'dra ba dang // byi nas rnam smin rtsub pa yin// mi sems bde la kun chags/ / yul rnams la ni rgyug par byed// des ni mi dge'i las rnams so// blo gros ngan pas gang rgyug pa'i// g.yo ba mi bzang rtsub pa las// de phyir sems ni rtag du spangs// rtag tu yul la kun chags pa// srid pa'i yul gyis g.yogs pa yi// yul rnams la ni rgyug byed pa// brel 'phongs de dag mgo'o// phyis nas 'brel 'phongs thob pas kyang /

  899. 73b

    las kyi 'bras bu rig par 'gyur// shes nas kyang ni las 'di dang // rtag tu yul rnams skyon de dang // 'gro ba ma lus bcings gyur pa'i// skyon gzhan yang ni drug s+ho/ de ltar bag yod par gyur pa'i bya des bag med pas bag med par rnam par rgyu ba'i lha 'di dag rnams la legs par bsgregs so// de gtan tshigs kyis brjod kyang de dag rnams kun nas rtogs pa'ang ma yin te/ yul la kun tu 'chums par gyur pas des de dag la brtsi bgrang med par/ slar yang de kho na bzhin du yul rnams la rnam par chags par gyur pa'i blos 'khor ba'i dgon pa lta bur gyur pa dang / shin tu sdug bsngal skyed par byed pa'i rgyur byed pa de ltar sems dang / 'gro ba dang rab tu spyod par byed pa/ rtag tu yang yul gyi gnas skabs rnams la 'gros byed par mtshungs pa'i gnas skabs rnams su rjes su chags par byed pa/ gnas pa med pa'i 'gros dang / rab tu rgyu bas kun du gnas par byed pa/ rtag tu rang skyes pa gcig cig tshol ba la zhugs pa dag dang / mtshon cha dang / me dang / g.yang sa rnams dang yid mtshungs pa mi rnams thams cad sreg par byed pa'i nags kyi mer gyur pas/ sdug bsngal thams cad kyi rgyu mtshan du gyur pa'i lha'i bu mo de dag rnams nyid dang de lhan cig tu rtse dga' bar byed/

  900. 74a

    do/ gang zhig bde ba rnams thams cad 'dod pa dang / blo dang ldan pa dang / bde ba rnams rjes su tshol bar byed pa dang / 'khor ba'i 'jig pa rnams kyis ni 'di dag rnams kyi drung na gnas pa ni 'jigs pa yin par rig par bya'o/ / thams cad kyis kyang brtson par bya'o// de dag nyid la kun tu rmongs pa'i yid can rnams 'dod chags kyis dmus long du byas pa'i yid rnams kyi mthus stobs las byung ba'i sdug bsngal rnams shes kyang / de dag rnams nyid dang lhan cig tu dga' bar byed do// / byis pa rnams thams cad ni 'khor ba'i 'dam rdzab tu gyur pa'i mtshan nyid kyi long ba/ 'dod chags zhe sdang grati mug rnams kyis long bar gyur pa'i 'chi bdag rnams thams cad dang rtse dga' 'o/ / de ltar de dag rnams dang de yang lhan cig tu spyod par byed pa la yang de bzhin du yang mi rtsi'o// gang rnam pa du mas phan par gyur pa dang / de kho na nyid dang / ngan song las zlog par byed pa'i tshig yin yang de kho na bzhin du de'i sems yongs su bslus pas/ de kho na nyid de mngon par ma shes pas nags dang nye ba'i nags de dag rnams su dga' 'o/ / sred pa'i zhags pa legs par bskyed pa de dag rnams nyid dang lhan cig tu ste/ 'phags pa ma yin pa rnams dang lhan cig tu dga' bar byed do// de gser dang / bain+yarma

  901. 74b

    dang in+d+ra nI la dang / nI la chen po dang / mu sA ra ga lA la sogs pa'i rin po che rnams kyis yongs su gang ba rnams legs par rnam par bye ba'i sa gzhi'i cha shas rnam pa du ma rnams kun la rnam par rgyu bar gyur pa ni/ brgya la zhig na chen por gyur pa'i skad kyi gdangs thos na bde zhing yid dga' bar byed pa/ lha rdzas kyi yon tan rnams dang ldan pa thos par 'gyur ro// des de thos nas 'di snyam du sems te/ sgra 'di dag gang gi yin snyam nas/ de ngo mtshar bar gyur pa'i yid kyis lhan cig rjes su spyod pa'i 'khor dang bcas nas/ gang na sgra 'di yod pa der legs par nye bar 'gro'o/ / de nas 'gro bar byed pa nyid na gang na shin tu ngar che bar gyur pa/ yi ge rnams gsal bar gyur pa/ glu'i sgra de dag rnams nyid shin tu snyan pa'i mchog tu phyin pa/ yan lag lnga dang ldan pa'i rnga sgra rnams kyis phun sum tshogs pa de dag rnams ni shin tu bar yang yon tan rnams phun sum tshogs pa/ dpe med par gyur pa'i sngar thos ma myong ba'i sgra 'di dag de dag tu thos par gyur to/ / lha gsar du skyes pa de lhan cig spyod pa rnams dang bcas nas nags der nye bar rgyug ste/ rin po che'i rang bzhin gyi zhing rnam pa du ma rnams phun sum tshogs pa/ dga' ba chen po'i nags tshal zhes bya ba rgya khyon du dpog tshad brgya pa/ zheng du dpag tshad nyi shu pa/ nags de na ni nags chen por gyur pas shing rnams phun sum

  902. 75a

    tshogs pa/ yon tan chen po dang ldan pa brgya phrag du ma rnams dang / stong phrag du ma rnams kyi lha'i tshogs gnas pa yang gru len par byed pa dang / rtse dga' bar byed pa dang / gar yang byed do// de nas lha gsar du skyes pa des nags de mthong bar gyur nas zhugs par gyur pa dang / nags rnams thams cad gser gyi rang bzhin gyi shing bai DUR+Ya'i rang bzhin gyi lo ma lha'i rdzas las rab tu byung ba dri dang me tog rnams so/ / de dag dang 'dra ba'i yon tan gyi 'phreng ba rnams dang / mdog dang dbyibs rnam pa du mar gyur pa de dag rnams des yang dag par mthong nas/ gzhan yang gzhan rnams la lta bar byed de/ shing bai DUR+Ya'i rang bzhin la in+d+ra nI la'i yal ga rnams dang / gser gyi rang bzhin gyi 'dab ma rnams dang dngul gyi kha dog gi 'bras bu rab tu smin par gyur pa rnams lha rdzas kyi re'i yon tan rnams phun sum tshogs pa'o/ / in+d+ra nI la'i mdog gi yal ga rnams kyis mngon par bskor ba lnga rnam pa sna tshogs pa'i kha dog dang ldan pa'i me tog rnams kyis mngon par basbyor ba rnams dang / shing gzhan dag rnams kyang mthong ba la 'di lta ste/ in+d+ranI la'i rtsa ba gser gyi mdog gi yal ga be nuR+Ya'i rang bzhin gyi 'dab ma dang ldan pa rnams la mdog dbyibs rnam pa du ma rnams ldan pa'i bung ba'i tshogs rnams kyis nye bar mdzes par gyur pa/ shin tu

  903. 75b

    snyan pa'i sgra rnams kyis mig dang yid 'phrog par byed pa rnams so/ / de bzhin du lha gsar du skyes pa des gzhan dag rnams kyang mthong ba la/ lha rdzas kyi me tog kha bye ba dang mig zum pa rnams kyang mthong na dga' bar 'gyur pa'i rin po che bdun gyi rang bzhin rnam par 'dres pa'i cha shes rab tu rnam par phye ba mchog tu ngo mtshur bar gyur pa/ sgra'i rnam pa thos par dga' ba rnams kyis yid mngon par dga' ba'i byed pa rnams so/ / de bzhin du gzhan dag 'khri shing gi khang pa rnams gser gyi 'khri shing rnams kyi lo ma 'gul ba rnams la/ 'dab ma rnams legs par khyab par gyur par bung ba'i tshogs kyi khyad par brgya stong rnams kyi sgra'i bye brag mnyan par dga' ba rnams mthong ngo // de bzhin du 'khri shing gi khang pa gzhan dag kyang bai DUr+m+ma'iri rang bzhin gyi yal ga rnams kyis rnam par brgyan pa/ in+d+ra nI la chen po'i 'dab ma rnams kyis legs par g.yogs pa/ rab kyi mchog gi nor bu mdog rnam par bkra ba rnams kyis brgyan pa la bya rnams kyis kun tu sbyin par byed pa rnams nags de'i 'jam pa mnan na nem la/ bteg na 'bar ba'i sa gzhi'i cha shas legs par phye ba rnams dang / lha rdzas kyi dri rnams kyis bsgos pa lha'i bu mo'i tshogs rnams dang / bcas pa mthong bar gyur to// de bzhin du gnas gzhan dag rnams kyang

  904. 76a

    m thong bar gyur pa la lhag sar du skyes pa des gang 'ga' zhig sngar ma mthong ba sa'i rnam pa'i cha kun yang yongs su tshogs pa bzhin du lha rdzas kyi kha dog gi rin po che bdun gyi rang bzhin rnams kyis legs par rnam par g.yogs pa/ shin tu dgar ba dang legs pa mnyam pa'i sa phyogs kyi cha mchog tu dga' ba rnams/ phyi bzhin rje su 'brang ba'i 'khor dang bcas pa rnams mchog tu ngo mtshar bas rnam par g.yengs pa'i mig gis mthong bar 'gyur ro/ / nags der lha des gang dag kho na mthong bar gyur pa de dag kho na 'dod pa sdug pa yid du 'ong ba mthong bar 'gyur ro/ / gang dag kho na thos pa de dag nyid 'dod pa sdug pa yid du 'ong ba yid mngon par dga' ba rnams thos par 'gyur ro// des gang dang gang nyid snom par byed pa na/ de dang de nyid 'dod pa dga' ba yid du 'ong ba rnams sdom par byed do// rnam pa du ma de dag rnams las des gang kho na sems par byed pa de dag nyid 'dod pa dga' ba yid du 'ong ba rnams myang bar byed pa yin no/ / rab kyi phul gyi lha rdzas kyi ro'i ro gcig phun sum tshogs pa las kyang de gang kho na nyan par byed pa de dang de nyid rnam pa du mar dga' ba yid du 'ong ba rnams thos par 'gyur ro/ / de gang dang gang la reg par byed pa 'am/ gang dang gang nyid sems par byed pa de dang de nyid 'dod pa dga' ba

  905. 76b

    yid du 'ong ba rnams 'di'i sems bskyed pa dang dus gcig kho nar 'di la phun sum tshogs par 'gyur ro/ / de ltar 'di 'dod pa rnams thams cad kyi 'ching bas bcings nas rab tu rgya che ba'i bde ba dang ldan pa ni/ de la phyi bzhin rjes su 'gro ba'i 'khor rnams dang bcas nas rnam pa du ma dang rnam par rtog pa du ma'i sa'i cha rnams la/ lha yul gyi bya'i tshogs kyis khyad par gyi sgra 'dod pa'i nags tshal chen po de la zhugs par gyur to/ / de zhugs par gyur pa na pad+ma'i rdzing bu rnam pa sna tshogs par mdzes pa rnams dang / sa bzhi'i cha shas legs par rnam par phye ba rnams dang / las shin tu ches lhag par ster ba'i sa phyogs kyi cha gzhan rnams nyid kyang rab tu mthong ngo // pad+ma'i rdzing bu de dag rnams kyi mdzes par gyur pa rnams ni/ 'di lta ste/ pad+ma la la ni bai DUR+Ya'i yu ba/ gser gyi 'dab ma/ rdo rje'i rang bzhin gyi ze'u 'bru/ de bzhin du in+d+ra nI la'i rang bzhin gyi lte ba rnams yin te/ shin tu 'jam pa rnams yin no// de bzhin du gzhan dag rnams kyang bai DUR+Ya'i 'dab ma dang / gser gyi rang bzhin gyi yu ba dang / dngul gyi rang bzhin gyi snying po dang pad+ma rA ga'i ze ba dang ldan pa rnam pa sna tshogs pa'i bung ba'i tshogs rnam par brjod pa'i sgra 'byin pa/ mnyan par 'os par snyan pas dga' bar gyur pa rnams dang / 'dang

  906. 77a

    pa rnam par bkru bar gyur pa'i pad+ma'i 'dab ma rnams ni rin po che bdun gyis rnam par smras pa dang / gser gyi 'dab ma rnams kyang legs par rnam par phye ba dang lte ba rnams kyang de kho na bzhin du sna tshogs par legs par rnam par phye ba rnams kyang 'di lta ste/ in+d+ra nI la dang / pad+ma rA ga dang / bai DUR+Ya dang / gser dang / mu sa rA ga lA dang / shel dang / ma hA nI la dang rnams kyi kha dog gi rnam pa sna tshogs pa'i kha dog de dag rnams dang cha 'dra ba'i 'od zer gyis nye bar gsal bar byas pa'i bdag nyid can rnams yin no// de la snying po rnams kyang 'di lta ste/ gcig ji lta ba bzhin du du ma rnams kyang de bzhin du rnam pa sna tshogs pa'i kha dog dang / dbyibs dang ldan pa'i kha dog can rnams yin no// des pad+ma'i rdzing bu de dag rnams mthong ba dang / gzugs de dag rnams mthong ba de lta bar byed pa nyid kyis ngoms par mi 'gyur ro// des ji lta ji ltar yul de dag rnams mngon par mthong bar gyur pa de lta de ltar 'di'i sred pa rnam par 'phel bar 'gyur te/ mar btab par gyur pa'i me bzhin du ngoms pa skye bar 'gyur ba ma yin no// tshim pa med pa rnams la'ang bde ba ga la yod/ bde ba dang bral ba rnams la'ang zhi ba ga la yod/ sred pa dang bcas pa rnams la ni gang yang zhi ba skye bar mi 'gyur ro// de ji lta ji ltar bde ba

  907. 77b

    rnams thob par gyur pa de lta de ltar 'di'i sred pa rnams rnam par 'phel bar 'gyur ba yin zhing / de lta de ltar sred pa rnams gong du khyad par du 'gyur ro// ji lta ji ltar yang tshim med par gyur pa de lta de ltar rnam par ngoms pa med pas khyad par du sdug bsngal bar 'gyur ro/ / de sdug bsngal ba la bde bar mngon par nga rgyal ba'i 'dod pa'i me rnams kyis bsregs par gyur pas phyir yang nags de nyid du 'jug par byed pa na/ nags tshul gyi nang na tshang gi khyad par rab tu mang po rnams des mthong bar gyur pa la rnam par 'dres pa'i 'od zer kun nas 'bab par gyur pa rnams so/ / kha cig ni lha'i/ kha cig ni me tog gi 'od kyis kun tu gsal bar byed pa ste/ kha dog rnams mngon par mthong nas nye 'khor kun tu mig rgya bsrings pas de yul lnga'i me tog rnams kyi nang du 'gro bar byed do/ / 'dod pa'i bde ba rnams kyis tshim pa med par/ sngar yang nags de nyid du 'jug pa byed pa na des nor bu'i rang bzhin gyi gcal rnams dang / gser dang / shel gyi rang bzhin gyi mdog dang / 'jam pa chu bal dang rnam par bral ba'i mdog dang / 'jam pa shin tu 'jam par gyur pa'i myu gu lnga 'byung bar gyur pa'i chu klung na rnam pa sna tshogs par zad pa rnams mthong bar gyur to/ / gzhan yang yul phyogs gzhan dag rnams la'ang mthong ste/ mtsho rab tu dang bar gyur pa/

  908. 78a

    dngul gyi rang bzhin nyid chus yongs su gang bar gyur pa/ rin po che'i rang bzhin gyi gcal rnams legs par bkram pa/ 'od zer rnams kyang rtag tu 'byin par gyur pas nye bar mdzes par byas pa de na ngang pa dang / kA ra na Da ba dang / tsakra bA ka rnams kyis nye bar mdzes pa dang / nye 'khor rnams na'ang pad+ma'i rdzing bu rnams kyis nyo bar mdzes p a 'gram du skyes pa'i ljon shing rnams kyis kyang nye 'khor rnams rab tu khyab par gyur pa'ang nags kyi gseb rnams rnam par rgyu bar byed pa'i rnam pa sna tshogs pa rab kyi phul du byiphyin pa/ sgra rnams dang ldan pa'i bya rnams kyis nye bar mdzes par byas pas kyang mtsho 'di ni mdzes par gyur pa yin no// mdzes par gyur pa de dag rnams mngon sum du mngon par gyur nas/ gzhan yang rab tu zhugs par gyur pa na lha gsar du skyes pas nags de na mthong ba rnams la ut+pa la'i tshal rnams lha'i bung bas nye bar mdzes par gyur pa rnams dang / rin po che bdun gyi rang bzhin gyi sgro rnam par bkra ba chu la rgyu ba rnam pa sna tshogs pa'i bya rnams kyis bsten par byas pa/ legs par rab tu brtson pa rnams kyis 'dam dang nges par bral ba'i chu yan lag bdun gyi yon tan phun sum tshogs pa dang / tsakra bA ka'i yon tan phun sum tshogs pa dang / tsa kra bA ka'i tshogs rnams zung du gyur pa rnams kyis yongs su gang ba dang /

  909. 78b

    nye 'khor na'ang krung du skyes par gyur pa/ mchog tu dri zhim pa/ dbyibs sna tshogs rnams su skyes pa'i 'dab ma'i shing gis nye bar mdzes pa ste/ de dag rnams kyis ut+pa la tshal 'di dag rnams mang por lhang nger gyur pa yin no/ / gzhan yang lha gsar du skyes pa de nags de nyid du zhugs par gyur pa na/ lha rdzas kyi bdud rtsis rab tu gang ba'i chu bo nye 'khor/ na legs par 'bab pa mthong bar gyur te/ gzhan yang zhugs par gyur pa na/ lha gsar du skyes pas de dag nyid las gzhan pa rnams mthong ba la/ de bzhin du rnam pa sna tshogs pa'i kha dog gis bdud rtsi de dag rnams 'dam gyis shin tu gtsang ba/ s+tha si li li sgrogs pa'i btung ba'i chu bo brgya phrag rnams dang / ci ste na stong phrag rnams kyang tenyete'akhor dag na rab tu 'bab pa dang / btung ba myos par 'gyur ba rnams la kun chags pa'i bya rnams kyis nye bar mdzes pa rnams yin no// gzhan yang rab tu zhugs par gyur pa nyid na lha gsar du skyes pa de ma yin pa rnams rab tu mthong ba ni/ thang la skyes par gyur pa rnam pa sna tshogs pa gzugs dang / dbyibs dang / 'dab ma dang / snying pa dang / dri dang / kha dog rnams dang ldan pa/ bung ba rnams kyis nye bar mdzes par byas pa'i me tog gi nags chen po'i khyad par du brgyan pa lta bur gyur pa yin no//

  910. 79a

    nags de dag ni rang bzhin gyis kyang shin tu dri zhim pa yin pa de dag rnams kyis dris phyir zhing shin tu lhag par yang dri mchog tu zhim par byed do// gzhan yang lhag sar du skyes pa de lhan cig spyod pa rnams dang bcas pa rnams kyis rab tu mthong bar gyur pa dag la/ nags kyi nang dag na mthon por gyur pa'i ri'i rtse mo rnams rin po che sna tshetshogs kyi 'byung khungs rnams kyis rnam par bkra ba/ 'bab chu brgya stong phrag legs par 'byung ba rnams kyis snang bar byed pa dang ldan pas/ ri'i rtse mo rnams rtag par yang mdzes par gyur pa dang / shing gel ba rnams kun nas 'dud pas rnam par gsal zhing 'bar bar byed do// khu byug gi sgra dga' bar 'gyur pa rnams dang / sna tshogs pa'i rin po che mchog tu 'bar ba kun tu snang bar byed pa'i 'od zer dang ldan pa'i bya brgya stong phrag du ma rnams blta bar sdug cing rnam par brjod pa'i sgra mnyan par 'os pa rnams dang / de bzhin du dri dang ldan pa'i me tog brgya stong phrag du ma rnam dang ldan pa'i ri'i khrod rnams kyis kyang / ji ltar 'dzam bu'i gling na rang gi 'od kyi gzi brjid kyis nam mkha'i dkyil brtol ba bzhin du langs nas gnas pa'i nyi ma dang / zla ba 'di dag gis rnam par mdzes par byed pa de bzhin du kun tu gsal bar byed do// 'od zer rnams thams cad kyang du mar rnam par

  911. 79b

    bkra ba'i 'od zer rnams yin pas/ 'thab bral ba'i sa rnams las 'od zer gong du 'phel ba'i khyad par gyis phyir zhing nyid du shin tu ches lhag par gsal bar byed do// rnam par bkra ba'i 'od zer du ma rnams cha shas su rnam pa phye ba de dag rnams kyang lhag sar du skyes pa des legs par mthong zhing / ri'i rtse mo de dag rnams kyang legs par mthong nas phyir nyid kyang lhan cig spyod pa rnams dang bcas pas mang du rnam par bkra ba'i nags der 'jug par byed do/ / de nags der ji lta ji ltar rab tu 'jug par byed pa de lta de ltar ches dga' bar 'gyur pa rnams mthong bar 'gyur ro/ / de nas yang de las gzhan pa'i yon tan gyi tshogs du ma rnams phun sum tshogs pa la sgra 'phang mtho bar rung ba dang / snyan zhing ring la 'khyim pa dang / mi thon pa ltar brgyal ba la sogs pa'i sgra dbyangs mang po phun sum tshogs pa rnams so/ / ji ltar sgra 'di dag rnams dang nye bar gyur cing des sgra de dag rnams thos par gyur pas/ shin tu lhag par yid ches rab tu dga' bar gyur pas rings pa nyid du legs par zhugs pa na/ lha'i tshogs sngar ma mthong ba rnams kyi ca co'i sgras mig rab tu rnam par gdangs nas de gang gi tshe 'khor rnams su legs par zhugs pa de'i tshe na/ shin tu lhag par gyur pa'i nags tshal gyi 'phreng ba mdzes pa rnams mthong ba ni/ rab tu rnam par gyes pa'i bai DUR+Ya'i ljon shing mchog

  912. 80a

    tu 'bar ba rnams kyis nye bar mdzes pa dang / de bzhin du in+d+ra nI la'i shing gi tshogs rnams kyis nye bar mdzes par byas pa rnams kyis kyang ri'i tshogs rnams rnam par mdzes par byed pa yin no/ / gzhan yang lha de nyid kyis legs par mthong ba rnams rin po che bdun gyis rnam par bkra bar byas pa'i pad+ma'i rdzing bu rnams kyis nye bar mdzes pa'i nags kyi rgyal po rnam par mdzes pa rnams so/ / de dag rnams thams cad na'ang rtag par rgyun mi 'chad par kun tu rtog par rnam pa sna tshogs pa'i ches lhag pa rnams kyi rgyan dang cha byad rnams dang ldan pa/ dpe med par gzugs dang lang tsho la bab cing / rgyan dang cha byad rnams dang ldan pa'i lha mo'i tshogs brgya stong gis yongs su gang bas rnam par mdzes pa'i tshogs pa rnams la/ lha rnams 'ga' zhig ni kun nas gnas te myos byed kyi skyon dang rnam par bral bar gyur pa'i lha rdzas kyi ro dang / dri dang / reg bya'i bde ba rnams skyed par byed pa'i myos byed de dag rnams 'thung bar byed cing / rgyags pa la don gcig par gyur pa'i lhan cig spyod pa'i 'khor rnams dang bcas nas/ kha dog rnam pa sna tshogs par gyur pa'i nags kyi 'phreng ba mdzes pa rnams la rtse dga' bar byed do// tshogs pa gzhan rnams nyid ni rnam par 'dres

  913. 80b

    pa'i 'od zer gyis legs par gsal bar byas pa'i nags mdzes pa/ cha shas rnam par bkra ba rnams la tsher bag dang ldan pa'i lus can rnams rtse dga' bar byed do/ / lha gzhan dag rnams kyang de kho na bzhin du lhan cig spyod pa rnams dang bcas pas/ rang dang gzhan rnams la'ang mchog tu dga' bar 'gyur ba'i ljon shing gis rab tu gang ba'i nags kyi 'phreng ba mdzes pa rnams pha rol mo'i cha byad rnams dang / gar dang / rnga sgra dang bcas pa'i lha rdzas kyi 'dod pa'i yon tan lnga rnams kyi lha rdzas rnams dang nye bar ldan no// de bzhin du rin po che bdun gyi rang bzhin gyi ljon shing gzhan dag rnams kyi tshang tshing rnams dang ba rnams su song bar gyur nas/ de kho na bzhin du dga' bar byed de/ rnga skad yan lag lnga dang ldan pa rnams kyis de dag rnams la yid song ba de dag rnams rjes su chags shing rjes su 'gro ba dpe med pa'i lha rdzas kyi bde ba rnams la kun nas chags par gyur pa/ lhan cig rgyu bar byed pa'i 'khor rnams dang bcas pas/ rdza skad yan lag lnga dang ldan pa/ gru dang spyugs pa'i rol mo la yid kun nas chags par gyur pa/ bde bas sing kun tu gang ba nyid kyis rtse dga' bar byed pas kyang tshims pa med pa'i 'bras bu'i sred pa rnams la rnam par chags pa'i yid can rnams 'thun pas/ snying kun tu rgyas par

  914. 81a

    rtse dga' bar byed pa'i 'dod pa rnams nyid kyis kyang ngoms pa med pa/ sred pas rnam par 'chel ba'i yid can rnams sgo lnga la rab tu rten par byed pa gang yin ba'i 'dod pa'i chu bo rnams su nub pa yin no/ / de bzhin du pad+ma'i nags gzhan rnams la lhan cig tu skyes par gyur pa'i pad+ma'i 'dab ma'i lte ba rnams su legs par gnas par byas nas myos byed 'thung bar byed de/ 'on kyang myos byed kyi nyes pa rnams kyis kyang kun tu gos par ni mi 'gyur ro// dri zhim po dang / reg bya dang / kha dog rnams dpe me/ par gyur pa'i btung ba de dag rnams kyis yid legs par chags pas bsgos pa yin no// yang gzhan dag rnams ni sna tshogs pa'i 'bab chu rnams kyi ngos gnyis su lha de dag rnams phan tshun du grogs su gyur pas dpe med pa'i lha rdzas kyi bde ba rnam pa du ma rnams la nye bar longs spyod par byed do/ / gzhan yang lha gsar du skyes pa des mthong bar gyur pa rnams la gser dang bai DUR+Ya'i rang bzhin rnams la nor bu'i stegs bu rnams su dang / khang bu'i 'phreng ba rnams la'ang dga' bar byed do// dga' bar byed pa'ang phan tshun du grogs su gyur pa ste/ 'dod pa rnams la don gcig pa legs par byas pa'i las rnams kyis dman pa dang / bar ma dang / khyad par du 'phags par gyur pa'i gzugs dang / lang

  915. 81b

    d ang bde ba rnams la las rnams dbang por gyur pas mchog tu legs par zhugs pa rnams khyad par mtshungs pa med pa'i yan lag lnga pa'i bde ba rnams kyis nye bar 'tsho bar byed do/ de nas lha des sngar mthong ma myong ba'i rnam pa du mar dga' bar gyur pa de dag rnams ni sngar bzhin no// yang lha de nye 'khor rnams na rtse bar gyur pa las mi mnyam pa'i bde ba phun sum tshogs pa rnams dang ldan pa'i lha rnams gang yin pa de'i tshogs der rab tu dga' bar gyur pa'i yid kyis lhan cig spyod pa rnams dang bcas pa myur bar 'gro bar byed do/ / lha rnams kyis kyang phul du byung ba'i rgyan dang / cha lugs dang / gzugs phun sum tshogs par gyur pa'i snga na ma mthong ba de la ngo mtshar bar gyur pas mig shin tu khyad par du ngar ngar byed do/ / lha de'ang lha de dag rnams la nye bar brten nas yid ches rab tu dga' bar 'gyur ro// de dag rnams kyis kyang phan tshun du nye bar rten par byed de/ phan tshun du nges par g nod pa med par nye bar 'gro ba'i yid dang lhan cig cig rjes su spyod pa dang bcas pa rnams kyang rjes su chags par gyur pa'i yid kyis rnam par mdzes pa'i nags kyi rgyal po rnams nas rnam par mdzes pa'i nags kyi rgyal po rnams dang / nags las nags rnams su dang / gser gyi rang bzhin gyi ri dang ri bo'i rtse mo rnams las ri dang ri bo'i rtse mo rnams su dang /

  916. 82a

    pad+ma'i rgyas rnams nas pad+ma'i tshal rnams su dang / zas kyi chu bo rnams nas zas kyi rgyu bo rnams dang / de bzhin du 'bab chu rnams nas 'byab chu rnams la chu bo dag turang kun nas nye bar 'gro bar byed de/ gzhan dang 'dra ba ma yin pa rnams dpe rnams kyis ji lta ba bzhin du brjod par smra ba'ang ma yin no// de ltar lha'i tshogs de dag rnams thams cad kyang dga' rangs par byed do/ / de ltar de dag tu dus shin tu ring bar rtses par gyur nas/ gang na thams cad kyi snying po zhes bya ba'i ri yod pa der kun yang nye bar 'gro bar byed do/ / ri de'ang ri'i thams cad nas gser gyi khams dang ldan pa/ 'bab chu dang / pad+ma 'iri tshal dang / khrus kyi rdzing bu rnam pa du ma rnams phun sum tshogs pa nags dang nye ba'i nags dang / lha dang lha mo rnams kyis yongs su bskor nas rtag tu rang rol mo dang / rnga sgra dang / gru rnams kun brjod pa'i sgra sgrogs pa dang / thams cad las kyang yid mngon par dga' ba'i ri la chu klung brgya stong phrag du ma rnams kyis yongs su gang ba/ khang pa'i 'phreng ba brgya stong phrag du ma rnams kyis mngon par dga' ba dang / nye 'khor kun nas pad+ma rnams kyis yongs su khebs par ldan pa dang / 'jug ngogs brgya stong gis brgyan pa/ rab tu gsal bar byed pa'i ljon shing rnams bzhin te 'khor rnams na/

  917. 82b

    dpag bsam gyi ljon shing rnams kyis nye bar mdzes pa/ skyes pa rnams kyang de lta bu'i rnams 'di dag rnams mthong na dga' bar 'gyur ba dang / nye 'khor rnams na'ang lha rnams kyis mthong na shin tu ngo mtshar ba skye ba'i nags dang nye ba'i nags rnams phun sum tshogs pa yin no/ / de'i ngos gcig ni bai DUR+Ya'i rang bzhin no// gzhan gcig ni gser gyi rang bzhin no/ / gzhan gcig ni in+d+ra nI la'i rang bzhin no// gzhan gcig ni nI la chen po'i rang bzhin no// rin po che'i logs cha shas legs par rab tu rnam par phye ba'i ri'i mchog de'i nye 'khor chen po rnams ni 'os par gyur pa'i bang rim rnams dang / ri'i phug dang / sman ljongs dang / nags kyi 'phreng ba phun sum tshogs pa rnams la reg par bya ba'i don du dang / rtse mo la rnam par rgyu bas dang / de kho nar dga' bar bya ba'i ched kun nas mdzes par byed de/ lan brgya phrag dang ci sten stong phrag rnams su'ang phyi bzhin rjes su spyod pa'i 'khor dang bcas pas lnga rdzas kyi rnga skad yan lag lnga dang ldan pa rab tu chags pa mtshungs pa la rjes su chags par byed pa dang / snyan pa dang / rnam pa du ma rnams yang dag par ldan pas dga' bar byed cing / rtse bar yang byed de/ phal che ba'i 'dus pa rnams nags dang nye ba'i nags rnams dang / khrus kyi rdzing

  918. 83a

    bu dang 'bab chu rnams su'o/ / de nas lha de dag rnams ji lta ji ltar mngon par 'dzes par byed pa de lta de ltar ches dga' ba rnams mthong bar 'gyur te/ thams cad las kyang 'dod pa thams cad kyi bdag nyid kyi lha rdzas kyi shing brgya stong gis nye bar mdzes par gyur pa/ 'od zer rnams mchog tu 'bar ba'i rin po che'i rang bzhin 'od ze dang ldan pa'i pad+ma'i tshal rnams mchog tu 'bar ba dang / pad+ma'i tshal gyi 'phreng bas nye bar mdzes par gyur pa rnams yin no// sngar ji skad du bshad pa de dag rnams bzhin du lha de dag rnams rtse dga' ba dang / gar dang gru len par byed do// glu len par byed pa dang / gar byed par gyur pas kyang dal gyis dal gyis ri de la kun nas bgrod par byed de phan tshun du grogs su gyur pa dang / rang gis byas pa'i las rnams grogs su gyur pa dang / de'i lam nas 'gro bar byed pa dang / des legs par byas pa'i las rnams kyis rang nyid 'od dang ldan pa dang / sha dang / rus pa dang / chu ser rnams nges par med pa dang / phan tshun du gnod pa med pa zas kyi klu rnams la dang / btung ba'i klung rnams pa dang / bdud rtsi'i klung la'ang rang gis byas pa rnams dang cha 'dra bar mdog dang / ro dang / dri dang / rig bya phun sum tshogs pa rnams sdod babang po phun sum tshogs pa

  919. 83b

    rnams kyis 'os su gyur pa rnams la nye bar longs spyod par byed cing / yul lnga la rnam par chags pa'i yid can yin te/ phan tshun rnams kyis kyang kun nas chags pa skyed par byed pa dang / yod kyang de la song bar gyur pa dang / rtag par rgyun durang bzhin rab tu dang bar gyur pas kyang rtse dga' bar byed do// 'dod pa rnams thams cad rtag tu'ang phun sum tshogs par gyur pa snga na med par rnams dang / mnyam pa med pa rnams dang / rnam pa du ma rnams kyi bde ba rnams kyis nye bar 'ab par byed do// ri de la kun tu 'dzeg par gyur pa de dag rnams ni/ shin tu ngo mtshar bar gyur pa'i dga' ba chen po rnams kyis de dag rnams yongs su rgyas par gyur pa ni/ lus kyi khyad par rnams mthong bar gyur pa'i lha'i tshogs rab tu chags shing bde bar gyur pa rnams kyis/ 'khor rnams kun na'ang mtshungs pa med pa rnams mthong bar gyur pa'i ri bo'i mchog de'i rgyab de dag rnams su kun nas gnas par gyur nas/ rtsed mo'i ri zhes bya ba'i ri de yang shin tu yang dga' bar gyur pa yin te/ rin po che'i rang bzhin rnam pa du ma sna tshogs pa'i rtsed mo'i ril mthong ba rnams ni/ ljon shing dang / chu klung dang / pad+ma'i tshal dang / ulnga pa'i tshal rnams kyis kun tu gang ba yin no// de'i rgyab na dpal rnams kun gyis yongs su gang

  920. 84a

    bar gnas par yid la 'dod pa rnams thams cad phun sum tshogs pa yin te/ der gang dang gang kho na sems par byed pa de dang de dag rnams nyid phun sum tshogs par 'gyur te/ rnam pa du mar 'dod pa dga' ba yid du 'ong ba dang / gzhan rnams dang thun mong ma yin pa rnams 'byung ba yin no// yid kyi rjes su 'thun pa rnams kyang rnam pa du ma nye bar gnas so/ / yon tan lhag ma rnams nyid ni brjod zin to// bde ba la lha rnams dus shin tu ring du rtse bar byed do// de ltar de dag rnams rtse bar gyur cing dga' bar gyur la/ ri de dag rnams kyang so so dang so sor kun tu lta bar byed pa na/ gal te nam zhig na 'khri shing legs par 'khril pa rnams kyis kun nas g.yengs par gyur pa/ rin po che rnams kyi rang bzhin gyi 'od zer gyis kun nas gsal bar byed pa'i ri legs par langs pa rnams kyis nye 'khor rnams kun nas yongs su bskor ba/ sa gzhi rnams rin po che bdun gyi rang bzhin gyis rab kyi phul du gyur pa/ zhi bar gyur pa'i bya rnams kyi brjod pa'i khyad par ches dga' bar 'gyur ba'i sgra rnams dang ldan pa/ rab t u zhi ba'i mchog tu gyur pa'i phug rnams kyis kyang nye 'khor rnams nas yongs su bskor bar gyur pa'i mtsho rab tu zhi ba'i spyod pas rgyu ba rnams kyi gnas zhes bya ba ri'i khrod na gar+tha

  921. 84b

    pa yin no/ / mtsho der yang gang dag gis rab tu zhi ba skye ba gzhan du spyad par gyur pa dang / 'on kyang tshul khrims rnams po yang spyad pa ma yin pa dang / snying po'i chos legs par 'dzin par byed pa'i bdag nyid can ni yin pa dang / khro bar gyur pa dang / ji skad smras pa de ltar mi byed pa dang / gar mkhan dang chos mtshungs par gyur pa'i chos smra ba de dag rnams dmyal ba dang / yi dag sa rnams nas rga bas shi 'phos pa rnams yin no// gal te zhig de dag rnams lan grangs gzhan la myong bar 'gyur ba'i las kyi rgyas bcus pa'i sred pas mtsho der skye bar 'gyur la/ rab tu zhi ba skye ba gzhan dang gzhan la spyad pa'i dbang gis mtshe de'i yang ngang pa rnams su phal cher skye bar 'gyur te/ bya de dag rnams ni rin po che bdun gyi rang bzhin gyi sgo ngag dang ldan par 'gyur ba dang / skye ba nyid kyi mthu stobs kyis sgra snyan pa dang / lha rdzas kyi pad+ma'i zas dang ldan par lhan cig spyod pa rnams dang bcas pa rtse dga' bar yang byed do/ / ngang pa'i rgyal po byang chub sems dpa' dus bzangs zhes bya ba'ang phal cher mtsho de na gnas te/ phug de dag na 'thab bral ba rnams kyi bdag po mu su lun d+ha dang chos dang ldan pa'i gtam byed do/ / bya'i tshogs de dag rnams chos kyi gtam de dag nyan par byed do// de nas lha dag rnams rtse dga' zhing dga' mgur spyod par byed pa

  922. 85a

    las gal te shed na choms gnyis su 'gyur te/ gang dag legs par byas pa'i las rnams kyis bskul bar gyur cing / skye ba gzhan la'ang legs par byas pa rnams spyad pa de rnams ni gang na mtsho de yod par gyur pa der 'gro bar byed do/ / gang dag gis ma spyad pa de dag rnams ni gang na bag med pa rnams spyod pa zhes bya ba'i nags der song nas rtse dga' bas gnas par 'gyur ro/ / ji ltar skye ba gzhan rnams su rab tu zhi ba spyad pa de rnams ni mtsho'i gnas su song bar gyur nas/ de dag rnams dang kun nas 'dre bar gyur pa nyid na/ kun brjod pa dang ldan pa zhes bya ba'i ngang pa de dag gis tshigs su bcad pa rnams brjod pa/ ji ltar/ gang gis ji skad smras pa'i mis// de tshe de ltar mi byed pa/ / de ni rmongs pa stong pa smra// sdug bsngal rnams ni mthar byed min// gang zhig gzhan la chos smra zhing // chos la yang na mi 'jug pa// tshig gi snying po'i skyes bu de/ / rtag tu sems ni stong par 'dod// bag med las ni 'dod chags skye// 'dod chags kyis ni zhe sdang sgrub// dang po skyon de dang ldan pas// dmyal ba'i rjes su nye bar rgyug/ 'das pa'i bde ba gang yin der// de la khyod ni kun 'jug min// ma 'ongs pa yi bde gang yang // des ni da ltar bde ba min// dus gcig la ni bag med

  923. 85b

    gang / kun rmongs longs spyod la 'chums pa// rang gi las kyis bslus pa yis// lha de dmyal bar 'gro ba yin// sred par dus gsum spu byed cing // rtag tu 'thun par mi byed pas/ / blo ldan de la yid ma rton// de ni 'khor ba'i 'ching ba yin// dgra ni mnyen bzhin byis pas mthong // dgra bzhin du yang gcod par byed// shes ldan de la yid ma brtan/ / de ni 'jig rten 'ching ba yin// lcags dang shing gi 'ching ba ni// gcad par nus pa de bzhin du// rtag tu 'dod pa la zhen pa'i// sred pa'i 'ching pa gcod mi nus/ / bde ba zad med 'dod pa gang // gang zhig 'ching ba gzhig 'dod 'di// de ni sred pa'i yul las grol// shes rab yul du 'gro ba yin// ye shes snang ba bde ba'i 'od/ / sdug bsngal sred pa'i mun par brjod// de phyir snang ba la gnos la// mkhas pas mun pa rjes su sol// shes rab mtshon cha rnon po yis// sred pa'i shing gcod de bzhin du// rtsad nas shing gcod skyes bus ni// bde ba bla na med pa 'thob// rtag tu 'bab chu'i klung gang ba'i// skyon gyi nags ni bcad pa las// mkhas pa srid pa las grol 'gyur// sred pa'i chu bo lam gsum 'gro// bag med spyod pas rgal bar dka'// shes rab grul brten nas kun// skyon gyi pha rol 'gro bar 'gyur/

  924. 86a

    shes rab ri yi rtser song nas// tshul khrims bug ni mdzes pa las// sred pa'i skyon ni 'di dag kun// gzhal du med pa'i mig gis mthong // skyes bu chos spangs pa de ni/ / byi dang nang yang stong pa yin// gang dag chos ni mi 'dod pa// lbu ba bzhin du stong po med// phyi dang nAng yang snying po de// skyes bu rdo rje ltar brtan pa// gang zhig zhi ba'i chos spyod pa// sems can gzhan la phan pa yin// bag med 'dam du bying ba yi// mi gang yul la spyod pa ni// rmongs pa de ni srin bus zos// bde ba mchog/ gi skal ldan min// de phyir bde don gnyer skyes bus// bag med rjes su brten mi bya// bag med 'jigs pa dang bral bar// gnas pa'i bde ba dpag tu med// dpyod pa pos ni bag med la/ / rjes su yid brten ma byed cig/ des bltas pa yi mi rnams ni// 'gro ba lngar ni 'khor ba yin// de ltar de dag gis lha de dag rnams la rjes su gdams par byed pa'i tshigs su bcad pa rnams kyis rjes su 'doms par byed do/ / de ltar rtogs par byed par gyur na'ang kun tu rig pa'ang ma yin te/ de dag 'dod pa'i bde ba rnams kyis kun tu mi rtogs so/ / de dag rnams kyis de dag rnams la brtsi bgrangs byas pas phyir yang de kho na ltar gar byed par 'gyur zhing 'dod pa dga' rnams la rnam par chags

  925. 86b

    par gyur to/ / de nas blo rtag tu mnyam par gzhag pa/ sems can rnams thams cad la gcig tu phan pa byed pa/ gcig pu la blo mnyam par gzhag pa'i byang chub sems dpa' dus pazangs de ngang pa de dag gi nang du song bar gyur to/ / de gal te na skal ba 'thun par gyur pa nyid kyi phyir bya de dag gi dbus su dga' bar byed do// gal te na phug bzang po der rang nyid gcig pu zhig legs par mnyam par gzhag pas chos sems par byed do/ / de ltar bya'i rgyal po dus bzangs 'di rtse dga' bar byed pa nyid dang lhan cig rjes su spyod pa'i ngang pa gzhan rnams chos kyi gtam rnams kyang byed do/ / bya'i tshogs de dag rnams kyi nang du 'ongs par gyur pa'i lha de dag rnams rab tu dga' ba'i yid kyis phan tshun grogs su gyur pas dga' bar bya 'dod nas 'ongs pa rnams kyis mtsho de mngon par mthong bar gyur pa na thams cad las kyang mngon par dga' bar gyur pa/ mchog tu'ang mig dang yid 'phrog/ par byed pa/ kun nas 'phel bar byed pa'i ljon shing dang 'bras bu rnams kyis nye bar mdzes par gyur pa ste/ de dag rnams mngon par mthong nas lha de dag rab tu dga' bar gyur pa'i yid kyis nye 'khor de dag rnams kyang lhan cig rjes su spyad pa'i 'khor dang bcas pas yongs su bzung zhing / gar dang / gru dang / rgod pa dang / 'gying bag gi bya ba rnam

  926. 87a

    bcu 'gyur las kyang lhag par byed par rtsom mo/ / de ltar mchod na lha de dag rnams dga' bar byed cing rtse bar yang byed do// de nas de dag rnams kun tu mthong nas/ byang chub sems dpa' mchog tu yongs su smin pa'i blo dang ldan pa des tshigs su bcad pa 'di dag 'chad par byed pa/ ji ltar/ bag med pa ni bgra yod pas// gang tshe mkhas pas spang bar gyis// shes rab khang bzangs rtser byung ba// bde legs thob pa bla na med// gang zhig bag med rnam spong ba'i// lam 'di dag ni zhi ba mchog/ lam de yis ni mya ngan 'das// chen pos mkhas pa 'gro ba yin// lam gyi gegs ni mi bzad pa// sems rgyud sun 'byin byed pa po// chos kyi zam rnams gcod pa ni/ / bag med par ni yongs su bsgrags// dran pa sun 'byin ma bgrungs pa// thar pa'i lam ni 'jig pa po// pha rol ngan song rnams su khrid// bag med pas ni kun tu 'jug/ 'di yis yid dkrugs pa yis ni// bdag gis phan pa mi shes so// shi ba yi ni ro bzhin du// tshig min den yang rig pa min// de phyir 'di ni phyugs mtshungs pa'i/ / lha yi lus ni 'dzin pa yin// bag med pas ni nyer bcom pa'i// rmongs pa gar dang rgad pa yang // skye dang 'chi 'pho ba gzhan gyis// 'jig 'gyur ba dang

  927. 87b

    sngangs par byed/ / gang zhig bag med rjes su rgyug/ srid gsum 'byung po thams cad rnams// skyon rnams thams cad skyed byed pa// 'ching dang sdig pa'i las rnams dang chos kun dran pa nyams byed par/ / bag med dgra ni rab tu 'jug/ nang gi bdag nyid las rnams dang // phyi rol ji ltar yang min te/ bag med nyer bcom skye bo rnams dam zos yid ni skyed par byed/ / gang yang 'di ni sun 'don las// de ni bag med pas 'gogs so// khrims bral ngo tsha med pa yi// mi ni bag med pas nyer bcom// rtsed mo yis ni yid bral bas/ / gar rol glu snyan pa yis g.yangs// lha rdzus yul gyi ngoms pa med// mtho ris gnas nas nyams par 'gyur// 'jigs pa'i gnas la dga' ba de// bag med pas ni rnam rmongs so// lam la lam du mi rig pa'i// mi ni dmus long dang mtshungs so// de ltar gzhan la phan pa byed pa'i dus bzangs de lha de dag rnams mngon par mthong nas/ kun nas brjed pa dang ldan pa'i bya de dag rnams kyi dbus su song zhing / mchog tu mig dang yid 'phrod par byed pa'i ngang pa de dag rnams kyi nang du phyin nas kyang rjes su 'joms par byed pa'i tshigs su bcad pa 'di rnams ji lta bar brjod kyang / 'gag pa'i yid bzhin du lha de dag rnams kyis thos par mi 'gyur ro// de ltar brtsis bgrang yang mi byed

  928. 88a

    par gar dang / rgod pa dang bcas nas rnga skad yan lag lnga dang ldan pa mtshungs pa dang / snyan pa dang / thams cad kyi sems dang yid 'phrog par byed pa rnams kyis kun nas 'khrid par 'gyur te/ yul gzhan lnga po rnams la'ang yid shin tu rnam par chags pa'i phyir na thos par mi 'gyur ro// de ltar yang mtsho de kun tu bskor nas gnas par byed do/ / de kho na bzhin du yul rnams la rnam par chags pa'i yid can rnams bag med pas bag med par gnas pa'i 'thab bral ba'i lha rnams la chos ston par byed pa ni dge ba chen po rnams dang ldan pa'i sems can gsum po 'dri dag rnams yin pa la 'di lta ste/ mu su lun d+ha de dang / ngang pa'i rgyal po dus bzangs dang / rma bya'i rgyal po rnam par bkra ba gsum po de dag rnams ni gzhan rjes su 'dzin pa la rab tu zhugs pas chos ston par byed pa yin te/ kha cig ni rang sangs rgyas kyi byang chub la/ kha cig ni nyan thos kyi byang chub la rab tu 'god par byed pa yin no/ / de ltar nges par gnas pa rnams ni de dag dge legs dang ldan pa rnams yin te/ bdud kyi yul las bros par 'dod pa rnams yin / de nas bdud sdig can de nyid 'di snyam du sems te/ ji ltar bdag gnas pa'i yul stongs par byed pa rnams ni mi'i 'jig rten na dge sbyong gis so// rgyal chen rigs pan

  929. 88b

    na ni rgyal po chen po bzhi yin no/ / sum cu rtsa gsum na ni ko'u shi ka yin no// mtshem na ni mu su lun drA dang / dus bzangs dang / rnam par bkra ba rnams yin no// dga' ldan/ na ni rab tu zhi ba yin no// lhan cig spyad pa'i 'khor de dag rnams gang yin pa thams cad kyis kyang thos par mi 'gyur ba yul rnams dang / bdag gis lha dang mi rnams kyang gti mug rmongs par bya'o/ / 'phrul dga' ba zhes bya ba gang yin pa rnams ni ma rtogs pa rnams kyis thos par bya'o// bdag gis pa'i shin tu stobs dang ldan pa des kyang bdag gis phyir bzlog pa'i bkod pa bya ba nus kyis/ tha mar gyur na rang gang na 'thab bral ba'i lha rnams yod pa der/ shes rab dang pha rol gnon pas mtshungs par gyur pa'i 'khor btsal la gtang bar bya'o/ / de nas de ltar bdud sdig can des rig nas/ blon po dang lhan cig tu bgros nas/ mu su lun d+ha de dang / dus bzang de dang / rnam par bkra bde dang yang brtsad par bya ba'i don du pho nya btang ba rnams blo gros mkhas pa dang / sprul pa la mkhas pa dang / gzi brjid che ba rnams 'di lta ste/ dga' ba dang / bag med pa dang / rnam par rmongs par byed pa rnams so// kye khyed rnams mtshe ma'i lha rnams kyi nang du song la mu su lun d+ha dang / dus bzangs dang / rnam par bkra ba rnams chos ston pa'i bar chad

  930. 89a

    gyis shig/ de nas de'i tshig thos par gyur nas gang na 'thab bral ba'i lha'i rigs yod pa der nges par 'bab par 'gyur ro// zhugs par gyur nas kyang / gang na bya'i rgyal po dus bzangs yod pa der kun nas nye bar song ngo / / kun nas nye bar 'ongs pa'ang mthong bar gyur nas/ lha de dag rnams la bstan pa dang / rnam par gsal ba dang rgya che bar gyur pa rjes su bsngags par byed pa'i tshigs su bcad pa rnams bshad pa 'di lta ste/ bag med pa yi dus 'di min// dga' ba yi yang nam yang min// rnam rmongs skyed pa 'di dag kyang / / 'chi bdag stobs po che yi dus// dga' ba 'du ba bag med mes// lha rnams kun ni sreg pa yin// yul la gti mug gis rmongs pa// mig med pas kyang ma rig go/ / lus can rnams kyi 'du byed ni// rnam par chag pa med par mthong // de ltar yul la kun rmongs pas// gang phan pa ni rtogs pa min// de yis de'i tshigs rnams thos nas 'thab bral ba'i lha rnams nyid dang 'dra bar byas nas/ bag med pas smras pa/ kun dga' mchog gis mtha' yas pa// bag med dga' ba skyed byed pa// bde kun rab tu 'phel byed pa// de khyod ci yi phyir mi 'chang// dus bzangs kyis rab tu brjod pa// kun dga' bag med pa 'dis ni// bde ba thams cad 'joms par byed// bag

  931. 89b

    med sdug bsngal bskyed pa po/ / de phyir rtag tu de khyod 'chad// bag med pas smras pa/ bde ba yi ni yul rnams dang // bag med lha yi bu mo dang // de bzhin du ni klu rnams yang / / bag med bde ba yin par bshad// dus bzangs kyis brjod pa/ mi rnams yul ni gang skyes pa// sdug bsngal yul ni skyes pa yin// de yi rtsa ba gcod byed pa// gang gis mi ni 'og tu 'gro// bag med pas smras pa/ nags dang nye ba'i nags dang brag/ khrus kyi rdzing bu pad+ma'i tshal// khang bzangs rtse dang kun dga' tshal// bdag ni bag med pa yi dus/ / dus bzangs kyis smras pa/ dgon pa dang ni zhi ba'i tshal// ri dang nags kyi nang du yang // bag yod dga' ba zhi ba yis// bcings las thar par 'gro ba yin/ sems rmongs pa yi mi gang dag/ bag med pas ni dmyal bar 'gro// de bzhin du ni dud 'gror yang // yi dgas su yang skye 'gyur te// de ltar dus bzangs kyis brjod pa yin/ te/ bdud kyi phyogs kyi bag med pa dang / dri ba dang / phyir lan 'debs pa rnams brjod nas ji srid du rin po che'i 'od kyis nye bar gsal ba'i phug gang yin pa de'i nang du zhugs pa'i bar du ste/ de nas yang phal cher ni mu su lun d+ha de bag med pa spang bar bya sgom par byed do// gang yang lha gzhan dag de'i lhan cig spyod par gyur pa de dag rnams ni rgyu mtshan de dag gis/ lha nyid kyang brgya

  932. 90a

    stong phrag du ma rnams kyis yongs su bskor zhing / gar dang / gru dang / rol mo rnams kyi sgra dang ldan pas nam mkha'i dkyil ma lus pa rnams kun tu gang bar gyur pas mtsho chen po der 'ongs par gyur to/ / gang yang lha gzhan dag rnams ni de dag gi rjes su 'gro bar gyur nas/ de dag rnams de na bag med pa byed do// gang yang sems mnyam par gzhag pa de dag rnams shin tu myur bar 'ong bar gyur te/ ji srid du bya'i rgyal po dus bzangs dang bdud kyi phyogs kyi bag med pa dag dri ba dang lan byas zin par ma gyur gyi bar du'o/ / de nas mu su lun d+ha des de dag rnams thams cad dus bzangs las thos par gyur te snga ma bzhin no// de nas mu su lun d+ha de'i yid kyis rig par gyur nas bag med pa la 'di skad brjod do/ / khyod ni gdon mi za bar bdud sdig to can gyi phyogs su gyur pa'i bag med pa 'di yin te 'ong gis/ de'i yang phyogs byed pa'i 'khor gsum yin par bdag cag gis lha gzhan dag gi drung nas thos so/ / 'di lta ste/ bag med pa dang / rgod pa dang / rnam par rmongs pa'o// 'jig rten rmongs pa rnams phyir zhing nyid du ches lhag par rmongs par byed do/ / gang chungs kyang bdag gis 'di dag dang / rgod pa dang ma bsdams pa la sogs pa rnams kyi lan dri ba dang / phyir zhing dri ba dang / lan gyi chos kyi

  933. 90b

    rnam grangs chen po bcu gcig pa zhes bya ba chos dang ldan pas brtsad par bya'o/ / de nas 'thab bral ba rnams kyi mnga' ba dag gis de ltar rig nas dus bzangs de dang yang lhan cig/ tu 'gro bar byas par gyur te/ nam mkha'i dkyil du 'phags nas pad+ma'i snying po la nye bar gnas te/ bag med pa la mngon par dga' ba'i lha brgya phrag mang po rnams kyis yongs su bskor nas 'di skad ces brjod do/ / dri ba dang / phyir zhing dri ba dang / lan zhes bya ba'i chos kyi rnam grangs bcu gcig pa zhes bya ba'i chos bshad par bya'i/ mnyan par gyis shig/ bag med pa gang bcom ldan 'das 'od srungs kyis gsungs pa rnams bag yod pa la mngon par dga' ba bkra shis zhes bya ba'i sngon gyi lha la bdag gis thos pa'i chos kyi rnam grangs gang yin pa de legs par rab tu yid la byas te nyon cig/ lha rnams thams cad dang dus bzangs thog mar gyur pa'i kun nas brjod pa dang ldan pa'i bya rnams thams cad dang bag med pa yang nyan no/ / bdud kyi phyogs kyang nyan te phyin ci log tu smra ba/ 'jig rten pa rnams la phan pa ma yin pa byed pa/ bdud kyi phyogs rnams kun tu gnas so/ dri ba dang / phyir zhing dri ba dang / lan gyi chos kyi rnam grangs bcu gcig pa de dag rnams kyang gang zhe na/ 'di lta ste/ chos bcu gcig po 'di dag rnams ni chos bcu

  934. 91a

    gcig gis rab tu spang bar bya ste/ yang dag pa ji lta ba bzhin du 'dod pa dang / mya ngan las 'da' bar 'gro bar byed pa dang / bdud kyi yul rnams la gnas par mi 'dod pa dang / 'khor ba'i 'ching ba rnams kyi 'jigs pa dang / dgon pa zhi ba rnams su gnas pas dang / gcig pu dga' ba rnams kyis dang / yang dag pa ji lta ba la re bar gyur pa dang / gti mug gzhom par 'dod pa de dag rnams kyis yin no// bcu gcig po rnams kyis rab tu spong bar byed pa dang / chos bcu gcig po de dag rnams gang yin pa'ang gang dag ce na/ 'di lta ste/ rgod pa ni 'dul bas so// ma bsdams pa ni sems rtse gcig pas so// tshul khrims 'chal pa ni skyes bu dam pa la brten pas so/ / le lo ni brtson 'grus brtsams pas so// grong dang grong khyer rnams su rab tu 'jug pa'i spyod pa la dga' ba ni gcig pu dgon par gnas pas so// 'dod pa che ba ni chog shes pas so/ / gnyen 'dun lta ba la mngon par dga' ba rnams ni 'gron por yun ring du gnas pa la mngon par dga' bas so// don med par smra ba ni gang yang dag pa bsdams pas so/ / rtsa ba bral nyid ni brtan pas so// dbul po rnams kyang sbyin pas so// mi shes pa ni shes pas so// chos bcu gcig po de dag rnams ni kun

  935. 91b

    nas nyon mongs pa rnams kyi dri ma dang / kun nas nyon mongs pa can gyi 'ching bar gyur pa/ bag med par gyur pa'i ljon shing rnams kyi yal ga rgyas par gyur pa yin pas/ bdud kyi yul las 'da' bar 'dod pa rnams dang / 'khor ba'i 'jigs pas skrag pa rnams dang / bag med pa pham par bya ba 'dod pa rnams kyis spang bar bya'o// 'khor ba rnams thams cad ni bag med pa'i rtsa ba las yin no/ / bag yod pa'i rtsa ba las ni thar pa yin no// 'khor ba las bros par 'dod pa rnams thams cad la 'di nyid bcom ldan 'das kyis gsungs pa yin no/ / de la 'dul ba la mngon par dga' ba rnams dang / 'dul ba 'dod pa rnams dang / sems can rnams thams cad sdug pa dang / 'thun pa dang / yid du 'ong bar gyur pa de dag rnams thams cad kyis kyang / zhe log par lta ba'i chos rgod pa zhes bya ba gang dag ce na/ 'dul ba la mngon par dga' ba de dag dang de dag rnams kyis kyang sdig pa'i chos 'di dag rab tu spang bar bya'o/ / de la rgod pa'ang rnam pa lnga yin no// 'di lta ste/ grong dang grong khyer du 'jug pa rnams la mgyogs par lam du 'gro ba dang / 'gro bar byed pa na rang kun nas ma bsdams pa dang / kha cig ni lam du 'gro ba na gos tshags lhod pa dang / kha cig ni lam na gos rnam par 'phyar bar byed pa dang / 'khrul pa

  936. 92a

    yang dang yang du 'byung ba 'am/ sems mnyam par ma gzhag pa'o// rnam pa de lta bu de dag rnams gzhan gyis mthong bar gyur na/ de ma thag tu rnam par ldang bar 'gyur ro/ / de ltar 'gro bar byed pa rnams kyis kun nas ma bsdams pa'i 'gros 'di'ang gang las yin na/ chung ngu na 'di ni rgyags pa 'am/ yid la byed pa dang bral ba yin te/ de bzhin du rgod pa rnams ni rnam pa du ma las yin no// de dag rnams kyang kun nas bsdams pa'i spyod lam gyi 'gros kyis dang / gnya' shing gang tsam du lta zhing 'gro ba dang / gos rnams kyi tshigs bsdams pa dang / mi 'phyar bas kyang ste/ pus mo las sor bzhi tsam gyis lhag par bla gos ring ba yin pa dang / dpung pa gnyis mi bskyod pas lha'i 'jig rten gyi bag med pa rnams ni bag yod pas 'joms par 'gyur ro/ / dge slong ngam de lta bu'i rigs can rnams kyi rab tu gzhom par bya ba'i bag med pa bzhi las gzhan lhag par gyur pa'ang gang zhe na/ gang cung zad cig smra bar gyur pa ma rang legs par ma brtags par byed pa yin no// gang gi tshod kar gyur pa de'i tshod ka rnams kyang kun nas rig par mi 'gyur ro/ / de sbyin pa po dang sbyin bdag gi khyim du sgras legs par 'jug par byed pa rnams ni sdom par byed pa yin te/ se gol gyi sgra ma byas

  937. 92b

    par 'jug par byed pa yin no/ / stan yang ngan par 'dzin par byed do// bsdams pa med pa du ma rnams smra ba yin gyi/ smra ba dang mi smra ba rnams kyi tshod rig par 'gyur ba ni ma yin no/ / 'dug pa nyid na skad 'phang mthon pos smra bar 'gyur ba yin no// bud med rnams la rtog dpyod 'jug par byed do// bab tshol du rgod par byed do// bab chol du khro bar byed do/ / 'khor rnams la'ang snga phyir lta bar mi byed do// de ltar rgod bag tu spyad pa kun nas ma bsdams par 'jug par byed pa'i dge slong rnams ni mi sdug pa dang / yid du mi 'ong bar 'gyur zhing 'di dag rnams las gzhan pa rab tu zhi ba'i cha byad dang / spod tshul can yod dam zhes rjod par yang byed do// ji ltar skyes pa rnams sam/ de las gzhan de'i rigs can rnams kyang rung ste/ kye ma dge slong 'di dag ni rgod bag can yin no// yang gang gi tshe ngag kun nas legs par bsdams par gyur pa na/ snga phyi tshig rnams kun legs par 'brel par rjod par byed do/ / skyes bu gzhan dag rnams mthong bar gyur pa 'am/ de nyid mthong bar gyur kyang rung / sbyin pa po dang sbyin bdag rnams sam/ de'i rigs can gzhan dag rnams kyang rung ste/ yul dang dus su rigs pa dang 'gal ba med par dal bus smra bar byed do// zhi ba dang go bar gyur pa dang / chos nyid dang mi

  938. 93a

    'gal ba'i ngag rnams ji ltar rjod par byed pa de bzhin du sgrub par yang byed do/ / bud med rnams la rtog dpyod mi byed do// se gol gyi sgra byas nas legs par 'jug par yang byed do/ / dus kyang rig par 'gyur ro// phyir 'byung bar 'gyur ba'i ngo bo yang shes par 'gyur ba dang / zur gyis go bar 'gyur ro// chos gos rnams kyang rnam par 'phyar bar mi byed do/ / dpung pa dag skyed par yang mi byed do// glo drag po lu bar yang mi byed do// ngag gis 'phya bar yang mi byed do// dris pa dang / gzhan la gus par gyur pas phyi nas tshig rjod par byed do/ / dal ba dang snyan pa dang / chos dang ldan pa rnams kyis kyang ste/ de ltar rgod bag ni 'dul bas 'joms par byed do// gzhan yang 'dul bas rgod pa kun nas 'joms par byed do/ / 'di yang gang dag yin zhe na/ 'di lta ste/ khyim rnams su de 'jug par byed pa na de na glu dang / gar dang / rol mo'i sgra rnams dang / gad mo dang / 'gying bag dang / yongs su spyod pa dang / gzhan dag gis brjod pa dang / phan tshun du rgod pa rnams la nyan par mi byed do// ro myang bar yang mi byed do/ / de dag rnams la sems rab tu smon par mi byed do// tshogs pa 'dus pa la mngon par dga' ba mi 'gyur ro// khyim gzhan dag rnams kyi spyod tshul gzhan dag tu rjod par ma

  939. 93b

    byed do/ / shin tu myur bar 'gro ba dang / 'ong ba dang / rab tu 'jug pa mang ba ma yin no// ha cang spong bar byed pa'i rang bzhin can ma yin no// de lta bur yang dge slong de gzhan gyi khyim du 'jug ste/ sbyin pa po dang / sbyin bdag dang / gzhan yang de lta bu'i rigs can rnams kyi khyim du 'jug pa na/ rgod bag rnams ni 'dul bas kun nas 'joms/ so// 'jig par byed do// rnam par 'byed do// gzhan yang gal te khyim rnams su zhugs par gyur nas/ dge slong gis sbyin pa po dang / sbyin bdag rnams dang / gtam la zhugs par gyur pa na chos dang ldan pa'i gtam rnams bzhag nas 'dod pa rnams kyi gtam byed do/ / yul ljongs kyi gtam rnams byed do// mtho ris kyi gtam byed do// gar mkhan dang gar dang / rol mo bstan pa'i glu'i gtam rnams byed do// grong khyer rnams sam/ gzhan gyi yang rung ste/ kun nas nyon mongs pa can gyi gtam rnams byed do// bud med rnams dang kun nas 'dre bas nye bar gnas par byed cing / rnam par bkra bar byas pa'i cha byad kyis kyang khyim rnams su rgyu bar byed do// dge slong rnams sam/ gzhan yang de'i rigs can rnams la rgod bag de lta bu dag kyang 'byung ba yin no/ / rgod bag de lta bus rab tu zhugs par gyur pa rnams 'dul ba ji lta ba rnams kyis nye bar spang ba yin na/ 'di lta ste/ dge slong

  940. 94a

    dam gzhan dag de'i rigs can rnams kyang rung ste/ khyim du legs pas nye bar zhugs par gyur pa na/ legs pa la brten pa'i gtam rnams byed par 'gyur ba yin no/ / dper bya na sbyin pa'i gtam dang / tshul khrims kyi gtam dang / ye shes rab tu bsngags par bya ba'i gtam rnams dang / log par lhung ba'i gtam dang / rgas pa'i gtam dang / nad kyi gtam dang / rnam par 'bral bar gyur pa'i gtam dang / las bdag gir bya ba'i gtam dang / rgud par 'gyur ba'i gtam dang / 'chi ba'i gtam rnams dang / yang dag par mgu bar bya ba'i gtam dang / legs pa la brten par bya ba'i gtam dang / sdug bsngal gyi gtam dang / kun 'byung ba'i gtam dang / 'gog pa'i gtam dang lam gyi gtam rnams dang / sa rnams kun tu bgrod par bya ba'i gtam rnams dang / tshul khrims rab tu bsngags pa dang / dang po byung ba'i gtam rnams dang / 'dod chags dang bral ba'i gtam rnams dang / ser sna yongs su gzhig par bya ba'i gtam rnams dang / gzugs kyi rgyags pas myos pa rnams la gzugs tshad med pa brjod pa'i gtam rnams dang slu bar 'gyur ba'i gtam rnams dang / lang tsho la bab pa la sogs pa rnams kyang rga bas nges par slu bar byed pa'i gtam rnams te/ sbyin pa po dang / sbyin bdag rnams kyi bas

  941. 94b

    pa kun tu rig par byas la de kho na bzhin du gtam bya'o/ / de ltar na dge slong gis rgod pa rnams 'dul bas nye bar spong ba yin no// gzhan yang rgod pa rnams ni 'dul bas nye bar 'joms// par byed de/ gang la zas dang skom mang bar gyur pa de dag gi phe'u btab par gyur la/ der yang legs par nye bar phyin pa dang / yang gzhan gang dag 'dod pa che bar gyur pa rnams kyang rol la mngon par dga' ba'i phyir na phal che ba rnams su rab tu 'jug par byed de/ stan 'grogs pa de dag tu nye bar 'gro bar byed la/ brten grogs bya ba'i don du yang dag gis nye bar sgrub par byed do/ / rnam pa gang dag gis nye bar sgrub par byed pa dang / ji srid du nye bar sgrub par byed pa de srid du chos gos dang / bsod snyoms dang / gnas mal dang / nad kyi rkyen sman dang / yo byad rnams kun nas dga' bar byed do// gang gis 'di'i bde ba rnams la kun tu dran par mi byed cing / ro myang bar yang mi byed do// rnam par rtog par yang mi byed de/ yang de ltar gcig tu rnam par rgyu ba dang / legs pa la brten nas rnam par rgyu ba dang / kun nas bsdams nas rnam par rgyu ba ni 'dul ba dang ldan pa yin no// dge slong ngam/ de'i rigs can gzhan dag rnams kyang rung ste/ de ltar dgod pa rnams 'dul bas nye bar 'joms pa yin no// rgod pa rnams thams cad kyang bag med pa las rab tu 'phel bar 'gyur ba yin no// don ma yin pa'i

  942. 95a

    tshogs rnams thams cad kyang bag med pa'i rtsa ba las yin no/ / de'i phyir na mya ngan las 'das pa tshol bar byed pa rnams thams cad kyis bag med pa kho na gzhom par bya/ ba yin no// de ltar mu su lun d+ha 'dis sngon gyi lha'i drung du thos pa gang yin pa'i chos de dag dang / ngang pa'i rgyal po dus bzangs de dang / bdud kyi phyogs su gyur pa'i bag med pa de dag gi mdun du ston par byed do/ / bcom ldan 'das 'od srungs kyis gsungs pa dri ba bcu gcig pa'i mdo las/ dri ba gcig rdzogs so// / ji ltar dri ba gnyis pa yin na/ 'di lta ste/ ma bsdams pa rnams ni sems rtse gcig pa nyid kyis te/ ma bsdams pa rnams kyang rnam pa gnyis yin te/ 'jig rten pa dang / 'jig rten las 'das pa'o/ / bsdams pa'ang mdor bsdu na sems rtse gcig pas 'dzin par byed pa'o// de la sdom pa'ang rnam pa du ma yin no// mdor bsdu na ni rnam pa gnyis te/ rang bzhin gyi kha na ma tho ba dang bcas pa'i kha na ma tho ba'o/ / de la rang bzhin gyi kha na ma tho bas nyams pa rnams ni/ dge slong ma yin zhing 'od srungs pa yang ma yin te/ srog gcod pa dang / mi tshangs par spyod pa dang ma byin par len pa'ang yongs su rdzogs pa ni kAShA pa na gsum gyi blor gyur pas chos dang ldan na'ang rung ste/ phrogs nas yongs su longs spyad na ni/ yul gyis dang / gnyen

  943. 95b

    'brel ma yin pa dang / gnad la bsgo bas kyang rung ste/ dge slong ma yin zhing 'od srungs pa ma yin no// rul bar gyur pa/ ma rungs pa/ rdzun pa/ rtags 'ba' zhig 'dzin par byed pa yin no/ / de ltar rang bzhin gyi kha na ma tho ba tshul khrims 'chal par gyur pa de'ang bag med pas byas pa yin no// de'i phyir na 'od srungs rab tu brtson pa rnams kyis kyang bag med pa yongs su spang bar gyis shig/ de ltar 'thab bral ba rnams kyi mnga' bdag mu su lun d+ha 'od srungs kyis gsungs pa'i mdo byang chub sems dpa' dus bzangs dang / smra ba por gyur pa'i ngang pa rnams dang / bdud kyi phyogs kyi bag med pa rnams la chos ston par byed cing / pad+ma'i snying po la yang dag par gnas nas bshad do// gzhan yang bcas pa'i kha na ma tho ba rnams ni mdor bsdu na rnam pa dgu yin no/ / mi gtsang ba rnam pa dgu po rnams kyang gang zhe na/ gcig spyod pa dang / bshags pas ldang ba spyod pa dang / bag med pas bag med pa spyod pa dang / phyed spyod pa dang / phal cher spyod pa dang / bshags pa dang ldan pa yang bar spyod pa dang / lam ston par byed pa dang / bsgrags pas spyod pa dang / rlag par spyod pa dang / thams cad spyod pa'o// de ltar dge slong rnams sam/ gzhan dag de'i rigs can rnams kyang rung ste/ bag med pa'i dbang gis byis pa'i skye bo rnams

  944. 96a

    thams cad blo nyams par gyur pa dang / ji srid du chos 'dul ba ma bslab pa rnams kyi mdor bsdu na la na ma tho ba rnams dgu yin no// gcig spyod pa ji lta bu yin zhing / ji ltar na bcas pa'i kha na ma tho ba yin na/ 'di na bslab pa gang dag yang mor gyur pa rnams dang / ldang ba yang bar gyur pa de dag rnams 'dis khyud du gsad par gyur nas bag med pa'i dbang gis rgal bar byed de/ ji ltar bdag gis 'di dag las brgal bar byas la/ phyi nas ni bdag gis kun nas ldang bar bya'o snyam pa'o// dper na sa rko bar byed pa dang rtsa gcod par byed pa'o/ / 'di ni gcig spyod pa zhes brjod de/ dge sbyong ngam/ gzhan yang de'i rigs can rnams kyang rung ngo // yang ji ltar na bag med pa spyod pa rnam bshags pas ldang bar spyod pa yin/ 'di ni dge sbyong dag bslab pa'i gzhi gcig gam/ bslab pa'i gzhi gnyis sam/ gsum la spyod pa las 'da' bar byed do// ji ltar de snyed cig las 'das par byed cing / 'da' bar byas nas kyang kho bos phyis yang ldang bar bya'o zhes pa ste/ de rim pa de nyid kyis dang / de khyad du gsod par byed pas kyang rtag tu bcas pa'i kha na ma tho ba rnams byed do/ / de dag ni chos la gus par spyad pa nyid kyang ma yin no// bag dang ldan pa'ang ma yin no// rtag tu'ang rnam par g.yengs pa dang bcas pa'i sems su 'gyur

  945. 96b

    ro/ / 'di la ni bshags pas ldang bar spyod pa zhes bya'o// ji lta ba na bag med pas bag med pa yongs su 'phel bar spyod pa yin na/ 'di na sems yang bar 'gyur zhing sems stobs kyang yang ba rnams kyis bslab pa'i gzhi rnams kyi bshags par bya ba rnams kyang mngon par shes par 'gyur ba ma yin no/ / snying po dang snying po med pa rnams bshags par bya ba dang / ldang ba'ang mngon par mi shes pa yin no// de la ni bslab pa'i gzhi bcas pa'i kha na ma tho ba rnams gang yin pa rnams shin du'ang mang bar 'gyur ro// de dag rnams kyang 'dzin par byed cing / yang gang dag dus shin tu ring ba na dka' blas chen pos ldang bar 'gyur te/ de dag kyang 'dzin par byed pa yin no// yang gang dag kha na ma tho ba chung bar gyur pa de dag ni legs par 'dzin pa'ang ma yin no/ / chos la gus par gnas pa'i rang bzhin can ma yin no// dge sbyong rnams sam/ rnam pa de lta bu gzhan dag rnams kyang rung ste/ 'di dag ni bag med pas bag med par rab tu 'phel bar spyod par brjod pa yin no/ / yang ji ltar na phyed la spyod pa yin na/ 'di la bslab pa'i gzhi gang dag yang ba rnams sam/ lci bar gyur pa rnams kyang rung ste/ dge slong gis kun nas sdang ba 'ba' zhig byed du 'gro ba 'am/ gal te na 'dzin par byed pa 'am/ gal te na shin tu bsrabs par gyur te/ ldang bar 'gyur ba yid la byas nas/

  946. 97a

    de rigs 'thun pa'i cha rnams ma lus pa kho na phyir zlog par byed de/ 'di ni byed la spyod pa zhes brjod do// gang gi phyir phyed la ni spyod par byed la/ phyed la spyod par byed pa nyid kyang ma yin te/ rim pa 'di dag gis na phyed la spyod pa yin no// bag med pa rnams kyis bag med par rnam par rgyu ba/ bag med pa'i dbang gis 'gro ba/ bag med pa'i yul la gnas pa/ 'di na dge sbyong dang / rnam pa de lta bu gzhan dag rnams kyang rung ste/ phal cher spyod par byed pa yin no// bslab pa'i gzhi rnams yongs su rdzogs par 'dzin par byed pa/ dge sbyong ma dang / dge tshul dang / dge bsnyen rnams kyang rung ste/ shin tu myur bar mya ngan las 'das par 'gro bar 'gyur ba 'di dag dang / rnam pa de lta bu rnams dang / tshul mi mthun pa de dang de dag la rgyab kyis phyogs par gyur pa'i phal cher spyod pa rnams ji lta bu yin zhe na/ 'di na bcas pa'i kha na ma tho ba'i bslab pa'i gzhi rnams shin/ tu phal cher 'dzin par byed pa rnams ma nyams pa dang / ma ral ba dang / ma zags pa dang / mi brtan pa dang / snying po med pa dang / gcig tu lhag ma med pa ma yin par gal te shed na 'dzin par byed do/ / gal te shed na mi 'dzin par byed do// dge sbyong dang / rnam pa de lta bu gzhan dag rnams kyang rung ste/ 'di ni phal cher spyod pa zhes brjod do// yang

  947. 97b

    ji ltar na bshags pa dang ldan pa yang bar spyod pa yin na/ 'di na bag med pa'i dbang gis sam/ sdig pa'i grogs po la bsten pa'i dbang gis kyang gal te na bslab pa'i gzhi rnams nyams par byed/ / de myur bar so sor rig nas 'gyod par 'gyur ba dang / sems rab tu dang bar gyur pas sam/ dmyal ba'i 'jigs pas 'jig par gyur pas kyang rung ste/ bshags par byed/ dge 'dun la'ang mthol bar byed do// ji ltar na bdag gi bslab pa'i gzhi nyams par byas pa ni bdag gis mdzes pa ma byas kyis/ dge 'dun rnams kyis de las ldang bar mdzad du gsol zhes bshags pa la 'khod par bya ba dang / gnyen pos kyang mthol zhing bshags par byed pa dang / ldang bar byed pa zhes bya bas kyang 'jigs pa yin no/ / de'i phyir dge slong 'di ni bshags pa dang ldan pa yang bar spyod pa zhes brjod pa yin no// ji ltar na dge slong lam ston par byed pa dang bsgrags pas spyod pa yin na/ 'di na dge slong ngam/ rnam pa de lta bu gzhan dag rnams kyang rung ste/ brgyal zhig na bag med pa'i dbang gis kha na ma tho ba mang po gyur pa/ sdug bsngal gyi rtsa ba gcod par byed pa'i bslab pa'i gzhi rnams las 'da' bar byed pa 'am/ nyams dmas par byas par gyur na'ang de dag bla ma rnams la rjod par byed do// dge 'dun rnams la'ang gso sbyong gi dus kyi tshe na'o// de la

  948. 98a

    dge 'dun rnams kyi lam 'doms par mdzad cing dka' blas rnams kyang nye bar ston par mdzad la/ ldang ba'i 'jigs pa rnams kyang 'gro bar byed do// de dag rnams la'ang thos shing go bar byas te langs pa yin no zhes nas/ phyi nas yang ni bslab pa'i gzhi rnams las 'da' bar mi byed de/ dmyal ba dang / yi dgas dang / dud 'gro rnams kyis 'jigs pa'i phyir ro/ / dus bzangs 'di ni lam ston par byed pa dang / bsgrags pas spyod pa zhes brjod do// yang ji ltar na brlag par spyod pa yin na/ rga ba dang 'chi ba'i dbang du song ba'o/ / 'di na chos 'dul ba rnams bslabs par gyur pa/ bsam gtan gyis bsam gtan du mi byed par bya ba dang / byed pa rnams la mngon par dga' bar gyur nas/ rtag tu'ang khyim nas khyim rnams su dang / gnas nas gnas rnams su dang / sbyin bdag gi khyim rnams nas sbyin bdag gi khyim rnams su zas dang gos kyi don kho na rgyu bar byed do/ / legs par 'gro la zhabs 'bring yang byed do// khyim pa rnams nyid nye bar rten par byed do// 'di ni brlag par spyod pa zhes brjod do// rkun ma de ni shi ba'i 'og tu dmyal ba'i mthar thug par 'gyur ro/ / dus bzangs yang ji ltar na thams cad spyod pa yin na/ chos 'dul ba rnams thams cad la dad pas byed do// brjod do//

  949. 98b

    byed par 'gyur ro// gal te shed na bslab pa'i gzhi gcig gam/ gnyis kyi yang rung ste/ kha na ma tho ba cung zad cig byung na'ang goms pa med pa dang / chos la gus pa'i dbang gis 'dzin par mi byed/ mi nus par gyur nas de dag las ldang bar byed pa yin no// dus bzangs 'di ni thams cad bshags shing spyod pa zhes brjod do// dge slong ngam/ rnam pa de lta bu gzhan dag rnams kyang rung ste/ kha na ma tho ba nyung ba rnams kyang 'di dag bslab pa'i gzhi gang dag las 'da' bar byed pa 'di dag kyang bag med pa'i nyes pa yin no// de ltar 'thab bral ba rnams kyi mnga' bdag de pad+ma'i snying po na legs par gnas nas/ smra ba po'i ngang pa de dag rnams dang / bdud kyi rigs kyi bag med pa de la'ang chos ston to/ / de nas de'i dus na mu su lun d+ha des tshigs su bcad pa brjod pa/ ji ltar/ skyes bu bag med pas long ba// bag med dug ni sten pa po// bag med zhags pas bzung nas ni/ / dmyal bar rjes su nye bar khrid// bag med skyes bu 'jig rten pa'i// gshe ba thams cad thob par 'gyur// ngag rnams don med 'gyur ba dang / dmyal bar yang ni 'dre bar byed// rmongs pa nyin med mtshan med dang // lam du 'gro dang brjod pa na'ang // bag med skyes bu skad cig kyang // bde ba'i skal ba yod ma yin//

  950. 99a

    'khor lo bzhin du 'gro ba lngar// gang dag 'dod pa'i khams na 'khor// gang yang bsam gtan las lhung ba// de yang bag med pas byas so// gzug med pa yi gnas bzhi yang / / 'jig rten pa ni gang thob pa// srid pa 'phyang 'ug 'khor ba ni// de yang bag med pas byas so// khams gsum 'di dag ma lus pa// bag med 'ching bas bcings pa yi/ / srid pa'i zhags pas bsdams byas pas// blo med pas kyang mi rig go// de ltar mu su lun d+ha des sngon gyi lha rnams kyi drung nas/ bcom ldan 'das 'od srungs kyis gsungs pa'i mdo bshad par bya ba'i gnas skabs su bab pas/ ngang pa'i rgyal po dus bzangs de dang / smra ba por gyur pa'i ngang pa de dag rnams dang / bag med pa dang // rgod pa dang / rgyags pa dang bcas pa'i bdud kyi rigs de dag rnams chos bcu gcig po rnams las chos gsum po bstan to// de rnams gang dag ce na/ 'di lta ste/ rgod pa ni 'dul bas rab tu 'joms par byed do/ / ma bsdams pa ni sems rtse gcig pas yin la/ tshul khrims 'chal pa rnam pa sna tshogs pa rnams las rang bzhin gyi kha na ma tho ba ni skyes bu dam pa bsten nas/ phyi nas dge ba'i rtsa ba rnams kyis/ tshul khrims 'chal par brjod par bya ba'i rang bzhin gyis kha na ma tho ba rnams kyang skyes bu dam pa la legs

  951. 99b

    par bsten grogs byas pas 'khor ba las grol bar gyur na/ bcas pa'i kha na ma tho ba rnams lta smos kyang ci dgos des na rab tu brtson pas kyang skyes bu dam pa la brten par bya ba yin no/ / spang bar bya ba gang dag ce na/ 'di lta ste/ le lo ni brtson 'grus bskyed pas so// le lo rnams thams cad kyang brtson 'grus bskyed pas spong bar 'gyur te// yang ji ltar bag med pa ni don ma yin pa rnams thams cad kyi dang / dge ba'i bshes gnyen bsten pa ni chos 'dul ba rnams kyi phul du phyin pa'i rtsa ba yin no// gzhan yang chos bzhi pa chos bzhi pas nye bar 'joms shing spong la spang bar bya ba rnams gang zhe na/ de ni 'di lta ste/ le lo ni brtson 'grus bskyed pas te/ le lo rnams ni thams cad kyang brtson 'grus bskyed pas 'joms par 'gyur ro/ / dper na mun pa 'joms par byed pa de bzhin du/ le lo rnams thams cad kyang brtson 'grus bskyed pas spong ba yin no// de la le los ni chos rnams thams cad kyi bar chad byed pa po yin te/ dper na ji ltar byas pa de lta de ltar mngon par 'phel ba yin zhing / 'jig rten pa dang / 'jig rten las 'das pa'i chos rnams kyi bar chad byed par 'gyur ro/ / 'jig rten 'di dang / 'jig rten pha rol rnams su rang bde bar 'gyur ba ma yin pa mang po de dag rnams kyi ming yang gzung bar sla ba ma

  952. 100a

    yin no/ / le lo can zhes bya ba ni brtson 'grus zhan pa ste/ gzhan gyis nye bar 'joms par byed do// gzhan rnams kyi zhe zlog par 'gyur ro// gzhan gyis pham par byed cing tshar gcod par 'gyur te/ le lo can rnams ni shin tu nye bar 'joms pas shin tu dbul bar 'gyur ro// las kyi mtha' rnams la sgrub par mi byed do// khe spogs rnams mi byed do/ / zhing las mi byed do// khyim gyi gzhi'i bya ba rnams kyang mi byed do// skyes bu la sten par mi byed kyi/ snyoms las kyi bsam gtan gyis gzung ba yin/ no/ skye bo rnams thams cad kyi mtshon par 'gyur ro// ye shes la sbyor bar mi byed do// de ni mkhas pa ma yin no// mkhas pa'i rang bzhin yang ma yin no// yul dang dus shes pa ma yin no/ / bdag dang gzhan rnams kyi khyad par shes pa ma yin no// rang gi stobs rnams dang / gzhan stobs rnams kyi khyad par shes pa ma yin no// dus su legs par dgos pa rnams sgrub pa ma yin te/ de'i bya ba rnams thams cad la bar chad 'byung bar 'gyur ro// gang gi tshe 'jig rten 'di dang 'jig rten phyi ma rnams kyi yang le lo de dag rnams nyid brtson 'grus bskyed pas bcom par 'gyur ba de'i tshe 'di la 'jig rten pa rnams kyis mngon par bgrod par bya bar 'gyur ro/ / snga bar langs par byed pa

  953. 100b

    dang ngal du ba las rgyal ba dang / gnyid las rgyal zhing legs par sad pa dang / dus su langs pa dang / dus su skyo ba skye ba dang / ltos pa dang bral bas bya ba rnams rtsom par byed do/ / de lus kyi brtson 'grus brten pa dang ldan pas/ le lo'i dri ma de dag rnams dag par bkrus pa'i brtson 'grus legs par rtsom pa de ni/ don rnams thams cad dri ma dang kun nas bral bar sgrub par byed do/ / don rnams la bgegs byung bar gyur na'ang skrag par mi 'gyur la/ skyo ba skye bar mi 'gyur ro// gzhan rnams kyis bar chad byed ba'ang ma yin no/ / rab tu bstan pas kyang rtsom par byed do// brtson 'grus dang ldan pas gang dag sgrub par byed pa rnams ni kun nas nyams par yang mi 'gyur ro// gzhan gyi dbang gis bya ba rnams kun tu rtsom pa'ang ma yin no/ / mi rnams kyi khyad par yang shes par 'gyur ro// bdag gi dpung dang gzhan gyi dpung rnams kyi khyad par shes par 'gyur ro// / de dag rnams kyis kyang bsngags par 'gyur ro// skye bo'i tshogs chen po rnams kyis mchod par yang 'gyur ro// rgyal po dang rgyal po'i blon po dag gis kyang mchod par byed do// rtag tu nor dang ldan par yang 'gyur ro// sems stobs dang / stobs rnams kyang nyams pa med par 'gyur ro// gang dag dang lhan cig tu 'gal bar gyur pa de dag rnam par

  954. 101a

    pham par 'gyur ro/ / gang gi phyir brtson 'grus dang ldan pa rnams dang ni lhan cig tu 'gal bar bya bar mi nus so// mdza' bo dag kyang rjes su sgrub par byed la des kyang 'di'i mdza' bo rnams mngon par 'phel bar 'gyur ro/ / de grogs po mang ba dang / mchog tu bde ba dang ldan par yang 'gyur ro// grong khyer gzhan dag na rang mngon par dga' 'o/ / byes na'ang skye bo mang po rnams kyis mngon par shes par 'gyur ro// de de'i phyir gang dag dang sten grogs byed par 'gyur ba de dag rnams kyis mchod par byed do// 'jig rten dag na'ang 'di kun gyis shes par 'gyur ro// le lo rtsa ba nas rnam par spangs pa'i skyes bu rnams kyis ni yon tan du ma thob par 'gyur ro// de nas bdag nyid chen po de dag nyid kyis kyang go cha brtan po de lta bu rnams dang / rnyog pa dang rnam par bral bas bdud kyi dpung rnams nges par 'joms par byed do// 'khor ba phyir zlog pa'i g.yul gshom pa skye bo dam pa rnams thams cad dga' ba dang / brtson 'grus rtsoms pa dang bcas pa gang gis 'jig rten las 'das pa/ zag pa med pa/ kha na ma tho ba med pa/ mya ngan las 'das pa'i nam mkha'i legs par thob pa'i dgos pa kun nas rtsom par byed do// de dang po kho nar re zhig shin tu brtan pas mchog tu dka' bar gyur pa/ khyad

  955. 101b

    bar du ro'i gnas dman pa rnams las dka' bas dgrol ba 'di ni 'khor ba pa rnams thams cad kyi 'ching ba yin te/ khyim na gnas pa bu dang / chung ma dang / bran po dang / bran mo dang / zhing dang / 'bru dang / bang mdzod rnams kyis gang ba'i sred pa'i chu bo'o// brtson 'grus brtsams pa'i grogs dang ldan pa gang dag gis 'khor ba'i 'jigs pas 'jigs pa rab tu 'joms pa de dag gis ni/ rnam pa de lta bu'i khyim gyi gnas rnams btang nas gos rnams ngur smrig tu bgos te/ brtson 'grus dang ldan pa gang yin pa de khyim gyi gnas nas nges par byung ngo / / khyim gyi gnas kyi 'ching ba rnams las grol bas thar pa mthar phyin pa'i lam thob nas bsam gtan dang / kha ton dag la brtson pa dang ldan pa/ brtson 'grus pa rol gnon pa rnams mos pa ji lta ba bzhin du thar pa la 'jug par byed do// de la legs par ston pa/ brtson 'grus dang ldan pa/ dus rab tudu shes pa/ lus dang ngag gi de kho na nyid kyi mtshan nyid dang / skye ba dang 'jig pa'i de kho na nyid shes pa/ rang gi mtshan nyid kyi de kho na nyid shes pa/ phung po rnams kyi skye ba dang 'jig pa'i de kho na nyid shes pa/ nyin dang mtshan du'ang brtson pa mi 'dor ba des rab tu brtson pas kyang slob dpon pa legs par rten pas dang / ye shes mang du spel bas kyang kun nas rtsom par byed do// chub byed/

  956. 102a

    rab tu 'bad par byed/ lam goms par byed/ skyon spong bar byed do// thog ma med pa'i dus zhugs par gyur pa/ 'khor ba'i 'ching bar gyur pa/ don med pa rnams thams cad byed pa/ mun par byed pa'i 'os su gyur pa/ don ma yin pa rnams thams cad kyi rgyur gyur pa/ srog chags la shin tu mthas par gyur pa/ de dag rnams kun nas brtsams pa'i brtson 'grus kyis spong bar byed do/ / de ji lta ji ltar lam rnams thob par gyur pa de lta de ltar phyir zhing nyid kyang spro ba skye bar byed pa yin no// brtson 'gru shin tu brtsams pas bral ba'i 'bras bu rnams ci nas kyang 'byung bar byed do/ / kun nas nyon mongs pa'i chos 'ching bar gyur pa/ byis pa'i skye bo rnams thams cad kyi yid kun nas 'phrog par byed pa'i yul rnams la chags par mi byed do/ / 'di lta ste/ 'dod pa'i rjes su 'thun par gyur pa'i sgra dang / reg bya dang / ro dang / gzugs dang / dri rnams kyis dge ba'i rdzas gang yin pa rnams rku ba 'drid pa'i chos can/ rnam par slu ba'i chos can/ don ma yin pa rnams thams cad byed pa/ mi 'dod pa'i rnam par smin 'gyur ba/ mi 'dod pa'i 'ching chos su gyur pa/ byis pa so so'i skye bo yongs su ma sbas pa rnams thams cad kyi sems rnam par g.yeng bar byed pa dang / rnam par rmongs par byed pa'i yul

  957. 102b

    gyi sgra de dag rnams thams cad spong bar byed do/ / ro myang bar mi byed pa dang / thar pa'i lam sgom par byed do// sems dri ma med par byed do// de ji lta ji ltar dri ma rnams med bar byed pa de lta de ltar brtson 'grus dang ldan pa dang / dran pa dang ldan pa dang / ngo mtshar bar gyur po shes bzhin can dgra rab tu bcom par 'gyur ro// gzhan yang brtson 'grus de nyid kyis spro ba dang bcas pa gang yin pas/ 'dod chags zhe sdang gti mug rnams rab tu 'joms par byed do// rnam par bral bar byed do// rgyal bar byed do// yang srid pa mi 'byung ngo // dgra rnams las rgyal ba mi mthun pa rnams las rgyal ba de ni/ dri ma med pa'i nam mkha' bzhin du dang / rab tu dang po'i chu bzhin du dang / sprin gyi tshig rnams las grol bar gyur pas/ dri ma med pa'i zla ba bzhin du dang / mabun dang bral ba'i 'dzam bu gling gi nyi ma bzhin du ste/ de lta de ltar rnam par snang ngo // ji lta ji ltar nad pa nang rnams las grol ba bzhin du dang / dbul po rnams kyis rab tu nor rnyed pa bzhin du dang / mig med pa rnams lam stor nas nags khrod du zhugs pa las lam du bgrod par byed pa de dag rnams bzhin du/ 'dis mthar thug pa'i tshul khrims shis pa gang yin pa nye bar thob pa'i dbang du byas nas/ bsnyen par rdzogs par byas te gnas so// ji ltar

  958. 103a

    bdag gi skye ba rnams ni zad do/ / tshangs par spyod pa ni spyad do// bdag gis 'di las srid pa gzhan ni mi shes so// de ltar 'di'i sdig pa rnam par bral ba// 'ching ba'i zhugs pa rnams thams cad las grol ba/ chu klung gi pha rol tu phyin par gyur nas rnam par rgyal zhing mdzes so// brtson 'grus brtsams pa dang ldan pa gang gis brtan pa rnams kyi de dag rnams kyi de dag rnams thams cad yin no/ / de ci'i phyir zhe na/ thams cad kyis kyang rab tu 'bad pas brtson 'grus brtsam par bya'o// 'khor ba'i 'ching bar gyur pa'i le lo dang bag med pa rnams kyang spang bar gyis shig/ de nas de'i tshe na mu su lun d+has bcom ldan 'das 'od srungs kyis gsungs pa'i tshigs su bcad pa brjod pa/ ji ltar/ brtson 'grus brtsams pa dran ldan pa// de tshe gcig tu mngon par dga'// sdig pa'i chos las rnam par grol// mkhas pas thar pa thob par 'gyur// brtson 'grus rtsom pa dang ldan pa// gang gis le lo'i dri ma spong // ngan 'gro 'jigs las rnam par grol// skye bo de ni mtho ris 'gro// le lo chos rnams thams cad kyi/ bar chad byed pa yin par 'dod// skyon des nye bar bcom pa yin// mi ni sdug bsngal skal ldan yin// 'di dang pha rol bde don gnyer// de yis de ni spang bar gyis// de phyir

  959. 103b

    des zin skyes bu de/ / bkra shis dang yang de mtshungs 'dod// de ltar 'thab bral ba rnams kyi mnga' bdag des smra ba po'i ngang pa de dag rnams dang / ngang pa'i rgyal po dus bzangs de dang / bdud kyi rigs kyi bag med pa de dag rnams la/ bcom ldan 'das 'od srungs kyis gsungs pa'i mdo gang yin pa sngon gyi lha las des thos pa rnams ston pa yin no/ / gzhan yang nyon mongs pa dri ma can gyi chos rnams dkar po'i chos kyis rab tu gzhom par bya'o// 'di'ang gang zhe na/ 'di lta ste/ grong dang grong khyer du 'jug pa la dga' ba'i spyod pa rnams spong ba ni gcig tu dgon pa na gnas pas so/ / grong dang grong khyer na spyod pa la dga' bar byed pa gcig tu goms par gyur pa ni dge slong la gcig tu/ bar chad byed par 'gyur ro// ji ltar gyur pas zhe na/ dge slong gi bya ba nyid du gyur pa bsam gtan dang kha ton yongs su spangs nas grong ngam/ grong khyer du 'jug par byed cing gnas par yang byed do/ / khyim de dang de dag rnams la blo shin tu lhag par chags par gyur nas/ bud med rnams dang ngam/ skyes pa dang bcas pa dang yang rung ste/ rgyun mi 'chad par 'chog yang byed par 'gyur ro// de gal te bud med dang lhan cig tu 'ching bar 'gyur ba rnams thams cad byed do// don thams cad las yongs su nyam

  960. 104a

    par 'gyur zhing / yid 'dod chags kyi dbang du 'gyur bar kun nas skyed par byed do// rgyu gang gis bud med ni me dang 'dra ba yin te/ ji ltar gang me nye ba nyid du gnas pa de ni nye bar sreg par 'gyur ro/ / de bzhin du gang yang bud med rnams dang nye bar gnas par byed pa de'i sems rnam par 'khrul bar 'gyur ro// rgyu mtshan de'i phyir na dge slong gis grong dang grong khyer rnams su 'jug par mi bya'o/ / gal te skyes pa dag dang lhan cig tu 'du tshogs pa 'am/ gzhan rnams dang yang kun rjod par byed pa de dag ni bya ba rnams thams cad las yongs su nyams par 'gyur ro/ / 'di'i sems zag pa med pa'i chos rnams la yang dag par rab tu dang bar 'gyur pa'ang ma yin no/ / dge slong grong dang grong khyer rnams su 'jug pa la dga' ba'i dbang gis bar chad chen por gyur pa gzhan rnams nyid kyang 'byung bar 'gyur te/ de la 'di dag rnams kyang gang zhe na/ 'di lta ste/ khyim nas khyim rnams su 'jug pa'i dge slong ni sems rnam par g.yos par 'gyur ro// khyim rnams kyi nye bar spyod par bya ba rnams yongs su rtogs shing zas dang skom gyi longs spyod dag mngon par mthong nas spangs kyang de nam zhig nas slar yang mi mnyam pa rnams la 'jug par rtsom ste/ nags kyi nang nas ci nas kyang khyim par 'gyur ro// nags na

  961. 104b

    gnas pa'i dga' ba las yongs su nyams par gyur nas de phyir yang khyim gyi gnas kyi 'ching ba'i skyon de nyid kyis kun nas bcings par gyur nas/ 'dod chags dang / zhe sdang dang / gti mug rnams la spyod do// de nyes pa de dag rnams kyi skyon gyis phyir yang dmyal ba dang / yi dgas dang / dud 'gro rnams su skye ba yin no// sdug bsngal de rnams kyi rtsa b.rang grong dang grong khyer du 'jug pa'i spyod pa la dga' ba yin no/ / de'i phyir yang dag pa'i dge slong yin par 'dod pas de dag rnams yongs su spongs shig/ rnam pa de lta bu'i skyon de dag rnams kyang gang gis spong na/ gcig tu dgon pa na gnas pas so// dgon pa na gnas pa de'ang mthar thug pa'i yon tan rnams thams cad kyi rten du gyur pa mchog tu bzang ba yin no/ / gcig pu dgon pa na gnas par dga' ba'i dge slong ni dbang po rnams zhi ba dang / sems shin tu rab tu dang ba dang / blo legs par btul ba'i gser dang mtshungs pa dang / mchog tu zhi ba dang / dbang po rnams mchog tu bsdams pa dang / 'jigs pa'i dri ma rnams dang rnam par bral ba dang / mchog tu gtsang bar gyur pa'i zag pa med pa'i bde ba rnams gang yin pa 'thob par byed do/ / bde ba de'i khyad par rnams kyis ni 'dod pa na spyod pa lha rigs drug po 'di dag rnams

  962. 105a

    thams cad kyis kyang yang dag par legs pa dang ldan par gyur cing kun gyis kyang gang sngon las rnams gcig tu byas par gyur la/ de'ang 'dod pa sdug pa yid du 'ong ba mchog tu mtshungs pa med pa'i lha cig gis rnam par smin pa'i 'bras bur gyur cing / 'dod pa na spyod pa 'di dag rnams kyi bde ba rnams dang / kun nas ldan par gyu pa gang yin pa des kyang zag pa zad pa'i bde ba gcig gi char yang mi phod cing dper yang mi bzod do/ / dpyad par gyur pa ni thams cad du dper yang mi chog go/ de'i phyir gang 'ga' zhig don dam pa'i bde ba 'dod pa zhes grong dang grong khyer du 'jug pa la dga' ba'i bde ba de dag rnams thong la/ bsam gtan dang snyoms par 'jug pa'i bde ba rnams don du gnyer zhing rtag tu gcig pu nyid mngon par dga' bas ri khrod dang / ri'i phug dang / dgon pa rnams su rtswa sog gi stan du gnas par 'gyur bar gyis shig/ zag pa med pa'i bde ba la mngon par dga' bas gnas pa'i dge slong rnams ni grogs po dang / gnyen 'brel dang / rang gi skye bo rnams lta bar byed pas rnam par rgyu ba rten par 'gyur ba ni ma yin de rang gi skye bo dang / grogs po dang / gnyen 'brel rnams la lta bas rnam par rgyu ba sten par gyur na/ de rang gi skye bo dang / grogs po dang / gnyen 'brel rnams dang

  963. 105b

    'phrang pa las byung ba'i bde ba rnams ni 'jig pa dang / mi brtan pa dang / mi rtag pa dang / mthar rnam par 'bral ba de dag rnams ni mchog tu mthar phyin pa ma yin no// nyon mongs pa rnams dang bcas pa dang / de ni dri ma dang / skyon dang / gnod dang bcas pa dang / gcig tu nges pa ma yin pa 'jigs pa dang bcas par gcig tu nges pa dpe med pa rnam par ma grol ba yin no/ / de'i phyir na blo gros dman par gyur pa gang 'ga' zhig don dam pa'i bde ba rnams kun nas dor nas zag pa dang bcas pa'i bde ba tshul dang 'thun pa ma yin pa sdug bsngal rnams tshol bar byed do/ / de ni 'od bor bar gyur nas mun pa tshol bar byed pa yin no// de las kyang 'khyam par 'gyur te/ blo dang mi ldan zhing yon tan dang // yon tan ma yin pa dang / skyon gyi mtshan nyid la blo gros ldongs pa'i phyir ro// de'i phyir grong dang grong khyer du 'jug par dga' ba'i spyod pa rnams spongs la/ rtag par gcig pu dgon pa na gnas pa la mngon par dga' bar gyur par gyis shig/ de ltar na kun nas nyon mongs pa rnams spangs pa shin tu mthar phyin pa'i bde ba rnams thob pa yin no// chos lnga pa dri ma dang bcas pa 'di ni dri ma med pa'i chos kyis rab tu gzhom par bya'o/ / bde ba 'dod pa rnams dang / bdud kyi yul mngon par mi dga' ba rnams dang / de'i sa la

  964. 106a

    'dug par mi 'dod pa rnams nyid kyis de ltar dri ma dang bcas pa'i chos de dri med pa'i chos kyis rab tu gzhom par bya'o/ / de ltar mu su lun d+ha 'dis kun nas brjod pa dang ldan pa'i ngang pa de dag rnams kyi blo'ang rtogs pas dang / dge ba'i mtha' dang ldan pa mchog tu rgya che ba'i blo gros can gyi byang chub sems dpa' dus bzangs gzhan la phan pa la rab tu zhugs pa de dang / bdud kyi phyogs su gyur pa'i bag med pa de khor rgyags pa dang skyo ba dang bcas pa rnams dang / de dag rnams kyi bsams pa rig nas/ bcom ldan 'das 'od srungs kyis gsungs pa'i mdo 'di yul dang dus su rigs par bstan no/ / de la chos bcu gcig po rnams las chos lnga pa bstan pa yin no// lhag ma drug po de'ang yul dang dus su 'os par ngas bstan par bya yis/ khyed rnams yid rtse gcig pa dang yang dag par ldan par gyis shig/ gang gi phyir dal 'byor phun sum tshogs pa thob par gyur nas gang dag chos ston par mi byed pa dang / gang yang nyan par mi byed pa de dag ni shin tu mi khom pa thob pa yin no// de'i phyir na ji srid du dal 'byor phun sum tshogs pa dang / dbang po kun tshang bar gyur pa de srid du chos bstan par bya'o/ / gang gi phyir ngan song gsum po dmyal ba dang / yi dgas dang / dud 'gro rnams ni shin tu sdug bsngal ba'i phyir ro// dmyal ba ni ji ltar

  965. 106b

    chos nyan par 'gyur/ de bzhin du yi dgas dang / dud 'gro rnams ni/ ji ltar chos 'dul ba rnams yod/ phan tshun du gsod par byed pa dang / skom pa dang / ltogs pa'i skyon dang / ldan pa'i phyir ro// lha dang mi rnams kho na ni chos sgrogs pa yod pa yin te/ gang dag bag med pa ma yin zhing / bag med pa rgyu ba ma yin pa rnams kyis so// de la bdag gis/ bag med pa spangs la/ khyed dad pa'i nor dang ldan pa dge ba'i bsam pa can rnams nyid la ngas chos bstan par bya yis/ de khyed rnams kyis rab tu gus par gyis la mnyan par gyis shig/ de ltar chos 'dul ba ni shin tu dkon pa dang / dal 'byor phun sum tshogs pa'ang shin tu rnyed par dka' ba yin no// gzhan yang chos dri ma can mi gtsang ba dang bcas pa gzhan rnams slu bar byed pa'ang gang zhe na/ 'di lta ste/ 'dod pa che ba'o// chos de'ang mchog tu dri ma can du gyur pa 'dod pa che bas byin gyis brlabs pa gang gis gzhom par bya na/ 'di lta ste/ chog shes pas so// 'dod pa che ba zhes bya ba ni khyim pa rnams dang rab tu byung ba rnams kyang bde bar rgyu ba ma yin te/ gang gi phyir 'dod pa che bar gyur pa rnams ni khyim pa 'am/ rab tu byung ba'ang rung ste/ nyin mo dang mtshan mo'ang de dag rnams bde bar mi 'gyur ro// rdzas rnams thob par gyur pas kyang zhi ba

  966. 107a

    'thob par mi 'gyur ro/ / nor gang rnyed par gyur kyang des mthar thug pa'i tshim pa 'byung bar mi 'gyur ro// 'dod pa che bar gyur pa de'ang khyim gyi gnas nas nges par byung ba'i rab tu byung ba rnams la ji lta ba de ltar khyim pa rnams kyi bar chad byed par ni mi 'gyur ro/ / gang gi phyir rab tu byung ba 'dod pa che bar gyur pa gang yin pa de ni khyim pa yin gyi/ rab tu byung ba ni ma yin no// rab tu byung ba zhes bya ba ni rgyags pa dang / nga rgyal dang / 'gying ba dang / rmongs pa dang / phrag dog rnams bcom pa dang 'dod pa che ba dang yang rnam par bral ba yin no/ / spyir skyon de dag rnams nyid las kyang dge slong 'dod pa che ba'i ming can rnams la ni gzhan thams cad 'phya bar 'gyur ro/ / gang yang 'dod pa che ba'i blo can gyi dge slong ni rtag tu blo nor la song bar gyur pas nyin mtshan med par de'i sems dge ba'i chos rnams la legs par rab tu dang bar mi 'gyur ro/ / de'i blo rab tu ma dang ba dang / dbang po rab tu ma dang ba dang / bya ba rnams rab tu ma dang ba gang yin pa'i gom pa 'bor bar gyur pa 'am/ dge 'dun gyi sa la 'chag par byed kyang der dmyal bar nye bar 'gyur na/ gnas mal dang / nad kyi rkyen sman dang / yo byad rnams kyis ni dang po kho nar bar chad byed pa 'byung bar 'gyur ba yin no//

  967. 107b

    dmyal ba 'ba' zhig tu 'tshed par byed de/ gang tshul khrims 'chal par gyur pa/ 'dod pa che ba sdig pa'i chos can/ dge sbyong ma yin par dge sbyong du khas 'ches pa/ seng ge'i pags pa kun nas gon pa'i lce spyang / sgyu ma'i zeng dang mtshungs pa/ dung gi sgra dang mtshungs par spyod pa/ mchog tu stong po/ shin du sru ba/ shin tu chad par gyur pa yin no// gang 'ga' zhig 'dod pa che bar gyur pa/ ji ltar nga ni dge slong yin te/ 'od srungs yin no// 'od srungs kyi chos 'dul ba la rab tu byung ba yin no// zhes de ltar dam 'cha' brjod par byed pa na/ 'dod pa che bar gyur pa de ltar mes ni mi sreg go/ ji ltar 'dod pa che bar blo gros chung ba rnams na bar byed pa de ltar dug gis lhang kyog mi byed do// ji ltar 'dod pa che ba'i rgas pas rgas par byed pa de ltar rga bas rgas par mi byed do/ / ji ltar dge ba'i ljon shin rnams 'dod pa che ba'i mtshon gyis rtsa ba nas gcod par byed pa de ltar mtshon gyis ni rtsa ba nas mi gcod do/ / ji ltar 'dod pa che ba'i nad rnams kyis nye bar 'joms par byed pa de ltar nad rnams kyis ni nye bar 'joms par mi byed do// ji ltar 'dod pa che ba'i dgras nang du gseb du nye bar song nas snying la kun tu gnas te srog 'jig par byed pa de ltar/ dgra bo grags tshol ba rnams nags kyi gseb tu zhugs te/ rtag tu

  968. 108a

    nye bar grags skabs tshol ba rnams kyang srog gcod par mi byed do/ / de'i phyir skyon de dag rtogs par gyis la/ gnyis 'jig par byed pa'i skyon can/ dge slong 'dod pa che ba rnams kyis 'jig rten gnyis ka 'jig par byed dang / dri ma rnams dang ldan pa dang / sdig pa'i rtse mor gyur pa yin pas rnam par spang bar gyis shig/ de dpyad par gyur pa na'ang nyin mo 'am/ mtshan mor yang rung ste/ 'ga' zhig kyang bde bar mi 'gyur ro// de nas de'i tshe na 'thab bral ba rnams kyi mnga' bdag mu su lun d+ha des bcom ldan 'das 'od srungs kyis gsungs pa'i tshigs su bcad pa brjod pa/ ji ltar/ 'dod pa che ba'i mtshon chen ni// gang gis gtub pa byis pa rnams// de phyir mtshon cha bzhin de spongs/ / mig med pa ni des bcings nas// 'dod chen rma ni mi bzad pa// gang gi snying la skye bar 'gyur// nyin dang mtshan mo byed pa yang // 'dod ldan de ni bder mi 'gyur/ / kun rtog bud shing las byung ba'i// sred pa'i rlung gis kun tu spar// 'dod chen rang bzhin me yis ni// mi rnams snying ni sreg par byed// 'dod pa'i yid ni bskor ba'i yid/ / sems ni yang mo'i skyes bu ni// nor la sred par gyur pa yis// gson po'i snying po 'joms par byed// gang yang sdig pa'i las rnams ni// skyes bu tha shal

  969. 108b

    gyis byed do/ / de kun nor sred las yin par// ma byas pas rab tu brjod pa yin// 'bar bar gang du rnam par 'jug/ gang gis mi rigs par byed yang // de kun 'dod pa'i skyon gyis ni/ / bdag la phan min byed pa yin// 'khrul pa rnam pa sna tshogs dang // mtshon cha'i sdug bsngal shin tu yang // sten pa'i skyes bu rmongs pa gang // de yi rgyu yang 'di yin no// 'dod pa'i skyon las kun 'byung ba'i// nyer 'tshe 'di dag go bar gyis// de bsten phan pa byed min par// lam rig pas ni yongs su gsungs// de ltar mu su lun d+ha des smra ba po'i ngang pa de dag dang / ngang pa'i rgyal po dus bzangs de dang / bag med pas 'go drangs pa'i bdud kyi rigs su gyur pa gsum po rgyags pa dang / smyo ba dang de dag rnams la bshad do/ / rnam pa de lta bu'i skyon chen po rnams dag pa'i chos gang dag gis rab tu gzhom par byed pa yin na/ 'di lta ste/ 'dod pa chung ba zhes bya bas so/ 'dod pa chung ba zhes bya ba ni 'di lta ste/ bde ba rnams thams cad 'byung ba'o// de gang la yod pa'i skyes bu de ni rtag tu bde ba'i mchog dang ldan pa yin la/ de la medapa rgyal po dang / chom rkun pa dang / chu la sogs pa rnams kyi 'jigs pa med do// 'di nor gyi sred pa rnams kyis rnam par bsregs nas khyim nas khyim dag tu bsten par bya

  970. 109a

    ba'i don du smra bar mi byed do/ / sten grogs rnams ni rkun ma'i sten grogs yin// dman pa'i gnas rnams kyi khyim skor gnas pa'ang ma yin no// badz+ra gyis sten grogs kyi tshigs dag kyang smra bar mi byed do/ / gar dang / rgod pa dang / 'gying bag rnams zhabs 'bring gi ngor byed pa'ang ma yin no// tshig rnams smra bar mi byed cing don dag kyang mi byed do/ / nor mi 'dod pa'i me rnams kyis mi sreg go// gzhan dag dang mnyam du 'grogs pa la spro bar gyur pa rnams kyi dbugs 'byin pa med pa'i sdug bsngal mang por mi 'gyur ro/ / nor gyi 'dod pas sdig pa'i grogs po rnams sten par mi byed do// rtag tu dog pa dang bcas par mi 'gyur zhing lam du 'gro bar gyur pa na/ chom rkun pa'i 'jigs pa med do/ / grogs po ma yin pa rnams ma mi 'byung zhing / skye ba rnams thams cad kyis rtog dpyod par mi 'gyur ro// chad pa'i 'jigs pas kyang rnam par mi 'jigs so/ / de ltar khyim par gyur kyang 'jigs pa rnams med par 'gyur ro// skyon gyi 'jigs pa rnams kun tu 'gags pa dang / thams cad du so gsod par gnas pa dang / gang yang khyim pa rnams kyang skyon las kun tu rgal ba yin na nags na gnas pa rnams la lta ci smos/ de nyid slar yang 'dod pa che bar byed na ni/ de skyugs pa za ba dang

  971. 109b

    mtshungs par 'gyur ro/ / dge slong gi chos pa'i mchog rnams ni 'di lta ste/ 'dod pa chung ba zhes bya ba yin no// 'dod pa chung zhing chog shes pa'i dge slong rnams ni gang gi shi tu'ang mdzes shing gsal la rnam par snang ngo / / gdan gcig pa 'ba' zhig dang / phyag dar khrod pa 'ba' zhig dang / gcig pu kho na rgyu ba dang / ri'i khrod dang / phug dag dang / rtswa'i phung po dang / dur khrod 'ba' zhig tu gnas pa dang / gsus pa'i sum cha 'ba' zhig gis chog shes pa dang / su'ang mi shes pa 'ba' zhig gis yul ljongs rgyu bar byed pa dang / gnyen bshes dang / grogs po dang / rang gi skye bo rnams la'ang bsod snyoms 'ba' zhig pa dang / lhung bzed gog po gcig 'ba' zhig 'chang bar byed pa dang / shes rab kyi phyin ci log 'ba' zhig yongs su spong bar byed pa dang / yul gang na mchod par byed pa'i yul de yongs su spong bar byed pa dang / lam 'ba' zhig legs par lta ba dang / gnya' shing gang tsam du lta ba dang / gzhan du mig mi yengs pa dang / ro zhim po 'ba' zhig za ba la sten pa spong ba dang / chu zhag du ma bgrangs pa 'ba' zhig gi btung ba 'thung ba dang / yul ljongs dang / grong dag tu zhag gsum dang / zhag bdun 'ba' zhig gnas par byed pa dang / gser dang / 'khar ba dang /

  972. 110a

    dngul gyis mdzes par byas pa'i nyal khri 'dzin par mi byed pa kho na dang / sngon gyi khyim dang / grogs po dang / gnyen bshes kyi lam kun tu lta bar byed pa spong par byed pa 'ba' zhig dang / mchog tu gyur pa'i rgyal po'i bsod snyoms dang / mal stan dang / rgyal po'i sgor sten par byed pa rnams spong ba kho nar byed pa dang / rigs kyi mchog las rab tu byung bar kun nas sgrogs pa rnams spong ba kho nar byed pa dang / de dang rang bzhin mtshungs pa 'ba' zhig dang / brjod pa dang / gsod gsal dang / rjod par byed pa yin no// rnam pa de lta bur gyur pa'i dge slong gi sdom pa dang dka' thub ni rnyog pa rnam par spangs pa mchog tu chog shes pa/ mchog tu 'dod pa chung bas ni bdud kyi 'ching ba rnams gcod par nus so/ / 'dod pa che ba rnams ni sdug bsngal gyi tshul khrims dang ldan pa/ dge slong gi cha byang 'dzin pa nad dang 'dra ba rkun ma yin lnga dang bcas pa'i mi'i tshogs kyi skye dgu rnams nye bar ma gus par byed pa'i sdig pa can yin no/ / dge slong rnams kyang chog shes pa dang ldan pa dang / 'dod pa chung ba'i dge slong ni dge slong yin no/ / sgra dang / reg bya dang / ro dang / gzugs dang / dri dang / yul rnams la de'i dbang po rnams rgyu bar mi byed do// phyi khyams ngag tu

  973. 110b

    ba dang / sems can thams cad la phan par gnas pa'i lus dang / chos dang / tshor ba dang / sems can rnams la dran pa nye bar gzhag pa rjes su rtogs pa dang / kun nas mchog tu blo rnam par bsdus pa dang / 'khor ba'i tshogs rnams las dbang po gcig tu bsdams pa dang / chog shes pa ni dge slong du brjod pa yin te/ ji srid du 'dod pa chung bar gyur pa de dag rnams ni khyim pa 'am/ rab tu byung ba yin yang rung ste/ brag med par mi 'gyur ro// de nas de'i tshe na 'thab bral gyi bdag po des tshigs su bcad pa'i dbyangs brjod pa/ ji ltar/ bag yod 'bras bu thar pa yin// dmyal bar mi rnams bag med pas// bag yod bag med pa dag gi/ 'dis ni khyad par brjed/ pa yin// gang yang bcing ba thar pa yi// khyad par dang ni zla dang mun// bag yod bag med de dag gi/ khyad par 'di nyid kho na yin// bde ba 'dod pa chung ba mthong // sdug bsngal 'dod chen mi rnams yin// bde sdug mtshan nyid 'di yin par// yongs su rtogs par byed pas bshad// rtag tu 'dod chen mi rnams kyi// me ni snying gnas rang bzhin yin/ / gang du 'dod med khrus byed pa'i// 'dod pa chung ba bsil ba'i mtsho// ji ltar me ni bud shing gis// rab tu zhi bar 'gyur ma yin// de bzhin

  974. 111a

    'dod chen mi rnams ni/ / nor gyis gang bar 'gyur ma yin// 'dod pa can la nyid dang ni// mtshan mo med par bde mi 'gyur// skyes bu 'dod pa che ba gang sred pa'i zug rngus rnam par gnas/ / rgyal po nor gyis ngoms med par// bye ba phrag tu shi zhing song // gzhan yang mang por 'gro bar 'gyur// de phyir 'dod pa chung ba bde// de ltar 'thab bral gyi mnga' bdag de pad+ma'i snying po la legs par gnas te/ dus bzangs de dang smra ba po'i ngang pa de dag rnams la 'chad par byed do// gzhan yang 'thab bral gyi bdag po de nyid kyis bag med pa de'i skyon rnams bzung bar bya ba'i don du smra ba po'i bya de dag rnams kyi mdun du dang / dus bzangs de'i sngon du'ang / bcom ldan 'das 'od srungs kyis gsungs pa'i mdo sngon gyi lha'i drung nas thos pa rnams 'chad pa ni ji ltar/ chos dri ma can rnams bsten pa gang yin pa de ni/ dkar po'i chos rnams kyis rab tu gzhom par bya'o/ / de la dri ma can gyi chos bdun pa bstan par bya ba rnams dang / dkar po'i chos rnams kyis gzhom par bya ba dang / 'di dag kyang gang zhe na/ 'di lta ste/ gnyen pa shes bltolta ba la mngon par dga' ba ni byas su yun ring por gnas pas so// de ltar yang gnyen bshes dang / grogs po dang / rang gi skye bo rnams dang phrad pa la ma

  975. 111b

    par dga' ba'i dge slong ni/ blo de la song bar gyur pa dang / de rjes su sgrub par byed pa dang / de la rab tu 'byams par gyur pa dang / des brel dog tu gyur nas/ nyin mo dang mtshan mo med par yang bsam gtan blo la byed pa la'ang ma yin no/ / kha ton yang mi byed cing / bla ma la legs par sten pa'i dbang gis gnas pa'ang ma yin no// dkon mchog gsum la mchod pa rjes su sgrub par mi byed do/ / 'jig rten pha rol gyi lus kyi las su bya ba rnams rjes su dran par byed pa dang / gzhan la ston pa dang / ngag gi las dang / yid kyi las dang / rnam pa gsum byed pa ma yin gyi/ blo de la song ba 'ba' zhig tu zad do// ji lta ba bzhin nga dang / nga'i gnyen bshes rnams dang / grogs po dang / rang gi skye bo rnams ma mthong na/ de dag rnams kyi khyim gyi bya ba ni ci dang / ji ltar gyur ram/ yang de dag gi gson pa rnams kyang ji ltar gyur ram zhes/ de de ltar yid la byas nas mya ngan gyis gzir bar 'gyur te/ gang gi don du de lta bu rnams las nges par grol bar bya ba'i don du nags su gnas par gyur pa las/ de nyid la rjes su 'jug par byed do// blo gros ngan par gyur pa mi g.yo ba'i mya ngan can/ skye ba dang / rga ba dang / na ba dang / 'chi bas byas pa'i rang gi mya ngan rnams yongs su btang nas/ gzhan gyi mya ngan du byed pa dang / de mi mnyan

  976. 112a

    pa dang mnyam pa'i rang gi skye bo rnams dang / gnyen pashes dang zad pa'i dra ba 'dir nges par 'jug par byed do// de na yang des gnyen pa shes de rnams mngon/ par mthong nas gdung bas gdungs shing / gzhan gyi zas bsod pa rnams za bas/ khyim nas khyim rnams su phe'u 'debs pa'i ston mo rnams la mngon par dga' bar 'gyur ro// khyim de dang 'brel bar gyur pa'i don dag ni byed la/ nyan par yang byed do// des de dag rnams yid la byas nas de dag rnams las gzhan yang byed do// de khyim gyi 'tsho tshis rnams byed pas rang gi don rnams las yongs su nyams par 'gyur ro/ / 'jig rten pha rol tu gyur pa rnams kyi 'jigs pa dag sems par mi byed do// dmyal ba dang / yi dgas dang / dud 'gro'i 'gro ba rnams su 'chi 'phos pa dang / skye ba rnams sems par mi byed do// 'di'i 'jigs pa rnams kyang sems par mi byed do// rga ba dang / na ba dang / 'chi ba dang / sdug pa rnams dang bral ba dang / mi sdug pa rnams dang phrad pa dang / sdug pa dang yid du 'ong ba rnams thams cad kyang tha dad du 'gyur ba/ med par 'gyur ba/ rnam par 'bral ba// so sor gnas pa rnams sems par mi byed do// de srid pa de srid du gnyen dang grogs po rnams kun tu sten par byed do// gnyen bshes dang grogs po rnams lta bar byed pa/ mngon

  977. 112b

    par 'dod pa 'thun par byed pa/ gzhan gyi zas zab/ gzhan gyi khyim sgo spen par byed pa gang yin pa rnams ni lus zhig nas ngan song dang / ngar 'gro log par ltung ba dmyal ba na su skye bar 'gyur ro/ / yi dgas kyi yul rnams dang / dud 'gre'i skye gnas rnams su'ang ngal du ba dang bcas pa'i 'gros bla lhag par gyur pas de srid du yongs su 'khyam mo// dmyal ba rnams su skyes pa na'ang tshor ba drag po rnams kyis zil gyis mnan pa rnams la/ grogs pos ma yin zhing gnyen bshes rnams kyis gang bsil bar gyur pa'i dngos po rnams ni cung zad kyang med do/ / de'i phyir na dge slong rnams thams cad kyis tshul rnams thams cad kyang dmyal ba dang / yi dgas dang / dud 'gro'i 'gro ba pa'i 'jigs pas 'jigs pa rnams kyis kyang gnyen bshes dang / grogs po rnams dang phrad par mi 'dod par bya'o// de dag rnams dang 'du 'tshogs byas pas kyang ni don ma yin pa drag po rnams byed par 'gyur ro/ / de la dmigs par byed pa dang / don des kyang gang gi phyir srid pa rnams zad par bya ba'i don du rab tu byung ba las sred pa de nyid la sred pas sten par byed pa na/ de ni mchog tu rang byis par gyur pa rnams kyis sten pa yin no// gang dag kho na bcom nas rab tu byung ba'ang dra ba de nyid du blo 'jug pa ni blo gros dman pa yin te//

  978. 113a

    yang 'ga' zhig ji ltar me'i 'jigs pa spangs pa las me de nyid du nye bar sten par byed do// de bzhin du khyim gyi gnas rnams 'jigs nas spangs pa'ang 'jigs pa de nyid du nye bar 'jug par byed do/ / de bzhin du gang 'ga' zhig gnyen bshes rnams kyi rlung chen por nye bar 'gro zhing / slar yang de dag rnams nyid la nye bar sten par byed pa de dag rnams ni mig med pa dang / blo gros bkab pa dang / dbang po kun ma bsdams pa yin no// de ltar kun nas nyon mongs pa can gyis chos 'di dag chos gang gas// rab tu gzhom par bya na/ 'di lta ste/ gang shes rab can rnams kyis kyang spang ba dang / gzung bar yang nus pa ma yin te/ de yun ring du byas na gnas pa la mngon par dga' ba rnams kyis ni rab tu gzhom pa dang / gzung bar yang nus pa yin no// ring du 'gron lam la gnas pa'ang 'di lta ste/ blo gros zhan pa rnams dang / gnyen po gzhan gyis kyang gnyen bshes dang / grogs po dang / rang gi skye bo rnams la gdung sems so sor bzlog par bya bar mi nus kyis/ de rang yun ring du 'gron du 'gro bar gyur pas tha mar ni gdung sems de dag rnams rab tu 'joms te/ brtse ba'i sems ni gnas skabs rnams thams cad dang thams cad du ma 'phrad pas rab tu 'joms pa/ je dang por ni gdung sems de nyid

  979. 113b

    kyi gnyen po rnams skabs thams cad du rig par 'gyur ba ni 'di lta ste/ 'dus pa rnams thams cad kyi mtha' ni 'bral ba ste/ 'chi ba'i yul dang dus rnams su 'ga' zhig gis kyang 'ga' zhig dmigs par 'gyur ba 'am/ yongs su skyob par 'gyur ba ma yin no// 'chi ba'i yul dang dus rnams su ni las nyid kho na gnas skabs rnams thams cad du yongs su/ skyob par byed pa yin no// skye ba gzhan dag brgya stong du ma rnams su rang las nyid skyabs su 'gyur te/ rnam pa thams cad kyis thams cad du gnyen bshes rnams bzhin du 'gyur rero/ gnyen bshes rnams kyis ma yin zhing rtsad 'brel rnams sam/ gzhan dag rnams kyis kyang ma yin no// gnyen bshes rnams gang 'ga' zhig gis kyang skyob par byed pa ma yin pas gcig tu mngon par dga' zhing / gnyen bshes kyi dbang du bya ba 'am/ rang gi skye bo rnams kyi dbang du byas nas/ de ltar spyod par byed do// de'i phyir na kun nas nyon mongs pa can gyi chos gzhan 'di ni gcig pu mngon par dga' ba'i dge slong gis rab tu gzhom par bya ba yin no/ / 'chi ba'i yul dang dus rnams sam/ na ba'i dus dang / rgas pa'i dus na'ang 'ga' zhig kyang 'ga' zhig la cung zad mi byed do// yongs su skyob par byed pa ni su dag kyang ma yin no zhes de ltar sems par byed do// dge slong 'di'i

  980. 114a

    rang gi skye bo rnams kyis byas pa'i brtse gdung gang yin pa 'di las de dag rnams thams cad dam/ thams cad nyams par 'gyur ba 'am/ mgo sprad par 'gyur ro/ / de ltar dge slong gnyen bshes la phrad pa'i brtse gdung rnams ni byes su 'gro bas rab tu 'bral bar 'gyur ro// gzhan yang kun nas nyon mongs pa can gyi chos nges par 'byung bas rab tu gzhom par bya'o/ / 'di gang zhe na/ 'di lta ste/ don med par smra ba ste/ khyim pa yin yang rung / gang dang grang skye bo thams cad kyang rtswa dang 'dra ba kho nar 'gyur ro/ / 'di lta ste/ gang gi phyir ngag gi tshig rnams ni nor yin gyi/ nor gzhan ni tha ma yin no// skyes bu rnams ni ngag gi snying po can du 'gyur ro// de dang rnam par bral ba ni snying po med pa dang / nor dang kun nas bral bar 'gyur te/ gsog/ gsob/ snying po med pa/ phyugs rnams dang mtshungs par 'gyur ro// dag gi nor rnams dang bral ba/ ngag dang bral ba'i skye bo rnams ni skyes bu'i ming can gyi phyugs rnams yin no// mkhas pa'i skye bo rnams thams cad kyis spangs pa dang / brtsog par gyur pa dang / shin tu 'ang tha shal yin no// rnam pa de lta bu byed pa'i chos rnams chos gang dag gis rab tu gzhom par bya/ don med par smra ba'i chos de'ang rab tu gzhom par bya'o//

  981. 114b

    chos gang dag gis she na/ 'di lta ste/ ngag bsdams pas so// ngag bsdams pa'ang rnam pa gnyis yin te/ 'di lta ste/ gang yang cang mi smra ba 'am/ sdom pa rnam pa bzhi dag pa'o/ / gang dag ce na/ 'di lta ste/ brdzun gyi rang bzhin dang / phra ma dang / tshig rtsub po dang / 'brel ba med par smra bar byed pa rnams rnam par spangs pas/ ngag kun nas bsdams par bya'o/ / de ltar na yang yang mor mi 'gyur ro// dge slong ngam/ gzhan yang de'i rigs can rnams kyang rung ste/ rgyu drug gis skyes bu rnams skad cig la yang mo dang / rnam par zhe sdang bar yang 'gyur ro// gang dag ce na/ 'di lta ste/ don med par smra bar byed pa dang / ji ltar rab tu zhugs par byed pa dang / yang dang yang du zas la dga' ba dang / rgan po'i stan chen po la nye bar gnas pa dang / gsong gsal brjod pa dang / lab log byed pa dang / rgyu de dag gis de ltar mi rnams thams cad kyang dar cig la yang mor 'gyur zhing / rab tu dga' bar yang myur bar 'gyur ro// de'i phyir na dge slong 'am/ khyim pa rnams kyis kyang chos de rnam par spang bar bya'o// yang chos gzhan yang shin tu dri ma can du gyur pa kun nas nyon mongs pa can rnams dkar po'i chos kyis rab tu gzhom par bya'o/ / 'di dag kyang gang zhe na/ 'di lta ste/ rko trog ni brtan pas so// gang gi phyir ko trog

  982. 115a

    gi chos rnams ni rab tu gzhos par byaste/ rko tog gis kyang chos rnams thams cad kyi bar du gcod par 'gyur ba'i phyir ro// rang bzhin gyis kyang sems cab// rgal can du gyur pa/ de slar yang ches g.yo bar son pa'i phyir na/ chos 'di dag rnams thams cad la'ang de kun nas yid ches pa yod pa yin no// so sor rtogs pa med do// brtan par 'dzin pa med do// rab tu dga' bar bya ba'ang med do// spyod pa bsdams par bya ba'ang med do// mngon par brjod par bya ba med do// sdom pa thob pa ma yin no// mngon par rtogs pa dang / 'jig rten pa rnams kyang med do// 'jig rten po'i lam rnams thams cad bkra bar byed pa so sor rtogs pa med do// las su rung ba ma yin no// rtsa ba dral can ni bag med pa yin pa de'i phyir rtsa ba dral de skyon dang bcas par go bar byas la/ don rnams thams cad chud gson par byed pa po 'di phyi mar yang phan pa ma yin par byed pa'i mchog yin pas/ dge slong ngam gzhan yang de'i rigs can rnams kyis kyang rab tu gzhom par byed do// gang gis de rab tu spong zhe na/ 'di ltar dge ba'i chos gang yin pas te/ 'di ltar brtan par gyur pas so// brtan par gyur pa ni dge slong ngam/ de'i rigs can gzhan dag rnams kyang rung ste/ skye bo rnams thams cad kyis mchog tu'ang mchog par 'gyur ro//

  983. 115b

    brtan pa'i tshul khrims dang / brtan pa'i shes rab dang / blo gros brtan pa dang / blo bsdams pa dang / gcig tu rgyu ba rnams kyis ni bdud kyi yul rnams rab tu 'joms par byed do/ mya ngan las 'das pa'i grong khyer du phyin par byed pa de'i dge ba'i chos rnams phun sum tshogs par 'gyur ro// 'jig rten pa'i don rnams la'ang brtan par gyur pa'i skyes bu ni mkhas pa rnams kyis rab tu bsngags par byed do/ / des kyang 'jig rten pa'i don de dag bsgrubs par nus pa'ang yin no// thams cad du rang skye bo rnams thams cad kyis shin tu'ang mchod par 'gyur ro/ / rab tu bstod par yang 'gyur ro// ming rnam par thos pas kyang thams cad du rang bde ba dang ldan par 'gyur ro// don gang dang gang rtsom par byed pa de dang de dag 'grub par 'gyur ro/ / de'i phyir blo gcig tu nges pa dang / blo kun nas bsdams pa dang / blo gros brtan pa dang ldan par gyur pa'i skyes bu de dag ni 'jig rten pa la yang rab tu bsngags pa yin no/ / de lta bas na skyes bu rnams sam/ dge slong gis kyang rung ste/ rtsa ba hral spangs la blo gros brtan pa dang / dpa' ba dang / shes rab dang ldan par bya'o/ / gzhan yang mu su lun d+ha de nyid kyis smra ba po'i ngang pa'i rgyal po lus bzangs de dang / bdud kyi rigs kyi bag med pa dang / smyo ba de la'ang bcom ldan 'das

  984. 116a

    'od srungs kyi mdo 'di sngon gyi lha'i drung nas thos par gyur pa phan pa'i don du ston par byed pa las/ 'di lta ste/ sme bar gyur pa'i chos gzhan gyi dri ma can mkhas pa'i skye bo thams cad kyis spangs pa dag kyang rab tu gzhom par bya'o/ / 'di'ang gang zhe na/ 'di lta ste/ dbul po'o// dbul por gyur pa zhes bya ba'ang rnam pa gnyis te/ shes rab kyis dbul ba dang / tshul khrims kyis dbul ba'o// gzhan yang rnam pa gnyis te/ sbyin pas dbul ba dang / blo gros kyis dbul ba'o// gzhan yang rnam pa gnyis te/ rigs kyis dbul ba dang / lta bas dbul ba'o// gzhan yang rnam pa gnyis te/ sdom pa la brtson pas dbul ba dang / bla mas dbul ba'o// gnyen bashre dang rang gi skye bo rnams kyis dbul ba'o/ / de la dbul po de dag rnams thams cad kyang mchog du zhe zlog pa yin te/ rigs kyi bu 'am/ rigs kyi bu mo'i nye gnas kyis kyang ma lus pa rnams spang bar bya'o/ / gang gis 'di dag thams cad rab tu 'joms par byed ce na/ 'di lta ste/ sbyin pas so// sbyin pa nyid gcig pu zhig gis dbul ba rnams thams cad 'joms par 'gyur ro/ / dper na mar me rnams thams cad kyis kyang mun pa rnams thams cad rab tu bsal bar byed par 'gyur ro// shes rab rnams thams

  985. 116b

    cad kyis kyang mi shes pa rnams kun tu 'joms par 'gyur ro/ / lta ba rnams thams cad ni yang dag pa'i lta bas nye bar 'joms par byed do// de la mchog tu mdzes par gyur pa'i chos mchog tu rgya che dang ldan pa/ mkhas pa'i skye bo rnams thams cad kyis yongs su gzung ba/ ngan 'gro thams cad spong bar byed pa/ bdag cag gi 'jig rten nas 'jig rten pha rol tu legs par sgrol bar byed pa'i chos kyi mchog 'dis 'joms par byed do/ / gang dag gis 'joms she na/ 'di lta ste/ sbyin pas so// sbyin pa'ang rnam pa mang du yod do/ / 'di lta ste/ shes pa'i sbyin pa dang / tshul khrims kyi sbyin pa dang / chos kyi sbyin pa dang / blo bsro ba'i sbyin pa dang / lam nye bar ston pa'i sbyin pa dang / lam gyi nyon mongs pa rnams la khrus kyi rdzing bu'i sbyin pa dang / bya ba'i sbyin pa dang / srog gi sbyin pa dang / zang zing gi sbyin pa dang / mi 'jigs pa'i sbyin pa dang / bden pa'i sbyin pa dang / the tsotsam gcod pa'i sbyin pa dang / sbyin pa lnga la nyon mongs pa med pa'i sbyin pa dang / rab tu dbyung ba'i sbyin pa dang / de bsnyen par rdzogs pa'i sbyin pa dang / nad po la sman gyi sbyin pa dang / mig gi sbyin pa ste/ rnam pa de lta bu'i sbyin pa rnams ni 'jig rten pha rol legs par sgrol bar byed pa sbyin bdag thams cad la rtag tu ma dang pha dang 'dra ba yin no// derang

  986. 117a

    sems rnams kyis dang / sems kyis legs par bsgoms nas byin par gyur pas/ dbul ba rnams thams cad bcom zhing ngan 'gro rnams thams cad bcad nas/ lha dang mi gnyis kyi bde ba la nye bar longs spyad par gyur nas/ tha mar ji srid du mya ngan las 'das pa thob par 'gyur te/ skyes bu des rtag tu de lta bu'i las bya'o// de bas na dbul ba zhes bya ba'i chos gzhan 'di mchog tu dge ba rnams dang / mkhas pa'i skye bo rnams la mchog tu dga' ba dag gis rab tu gzhom par bya'o// 'di lta ste/ sbyin pa dang / sems dang / dngos po dang / zhing rnams phun sum tshogs pas so// gzhan yang chos thams cad dang 'khor thams cad kyi 'ching ba'i rab tu gyur pochos rnams thams cad kyi mun pa lta bur gyur pa'o/ / 'di'ang gang zhe na/ 'di lta ste/ mi shes pa'o// de la ji srid du ma rig pa'i mun pa yin pa'i bar du mi shes pa rnam pa du ma yin te/ 'khor ba thams cad kyi 'ching bas mun pa thams cad kyi tshogs su gyur pa'i mun nag gi zhen pa'i rdul du gyur pa'i 'ching ba dang / shin tu 'ching bar byed pas mtshon cha dang / dug dang / me dang mtshungs pa'i mi shes pa rnams thams cad ni ma rig pa dang 'dra ba/ thams cad ma rig pas kun nas bslang ba/ dmyal ba

  987. 117b

    dang / yi dgas dang / dud 'gro rnams thams cad du yongs su 'khyam pa/ 'ching ba gang kho nas nges par bcings nas sems can 'di dag rnams 'obs na yongs su 'khor ro/ rnam pa de lta bu'i dgrar gyur pa'i dri ma 'di dag rnams rnam pa ji lta bu dag gis rab tu 'joms par 'gyur na/ 'di lta ste/ sgron mar rung ba/ skyabs su gyur pa/ skyob par gyur pa/ yongs su 'dren par gyur pa/ sems can rnams thams cad kyi yang ma dang / pha lta bur gyur pa dang / sman pa dang sman lta bur gyur pa'i zag pa med pa'i ye shes su gyur pas 'ching ba rnams thams cad gcod par byed par gyur pa'i ye shes kyis rab tu 'joms par 'gyur ro/ / ma rig pa rab tu spangs pa rnams ni sgrar nyid kyang rab tu 'byung bar 'gyur ba ni ma yin te/ dper na ljon shing rtsa ba nas bton pa rnams ni slar yang rab tu skye bar 'gyur ba ni ma yin no// ji ltar mes tshig par gyur pa'i shing rnams ni slar yang legs par skye bar mi 'gyur ro/ / ji ltar chu klung gi chu song ba rnams slar phyir log nas 'ong ba ni med do// de bzhin du zag pa med pa'i ye shes kyis bsrabs pa rnams kyang phyir 'byung bar mi 'gyur ro/ / de'i phyir na rab tu brtson pa kho nas/ thams cad kyi gnas skabs thams cad dang / dus thams cad du/ mi shes pa thams cad kyang

  988. 118a

    ye shes thams cad kyis rab tu gzhom par bya'o/ / chos bcu gcig po de dag rnams thams cad kyang bag med pa'i rtsa ba can dang / bag med pa'i gnas skabs dang / bag med pa'i rigs can yin no// de'i phyir na gnas skabs rnams thams cad du dang / rnam pa rnams thams cad kyis bag med pa nyid re zhig yongs su spang bar bya ba yin no/ / bag med pa rnams kyi rtsa ba las kyang thams cad gnas skabs thams cad du don ma yin par 'gyur te/ de yod pa las 'byung ba yin no// de med pa las ni mi 'gyur dper na sa gzhi ni sman rnams thams cad dang / rtswa dang / nags tshal dang / chu dang / 'bru dang / chu klung dang / ri dang / mtsho'i mchog dang / grong khyer gyi mchog dang / grong dang / nags dang / nye ba'i nags dang / ri rab lhun po'ang kun tu 'dzin par byed pa yin no// de bzhin du dmyal ba dang / yi dgas dang / dud 'gro ba'i rigs rnams kyi sdug bsngal thams cad kyi rtsa ba gcig po ni bag med pa yin no/ / de'i phyir na skyes bu dam pa rnams kyis de nyid re zhig spang bar bya'o// de nas de'i tshe 'thab bral ba rnams kyi bdag po mu su lun d+ha des tshigs su bcad pa rnams brjod pa/ ji ltar/ rgas pas mnan nas gnyer mas gang // rjud pa dbyug pa lag na thogs// gang zhig mchog tu chos mi

  989. 118b

    spel/ de ni bag med byed pas yin// lus rnams nad kyis zhig pa dang // mal stan spyod la ched cher byed// shin tu skyo bar mi 'gyur ba// de dag gti mug 'di yi 'bras// bkres pa'i sred pas 'jigs mthong ba// gang de 'og gi gnas su 'gro// sngar yang skyo ba mi skye ba// bag med byed pas de byas so// mi rnams sdug pa dang bral ba'i/ snying la sdug bsngal gang skye ba// de ni bag med sten pa las// yin par de bzhin gshegs pas gsungs// sdug bsngal gang gang 'gro ba lngar// du ma rnams ni longs spyod pa/ bag med pa yi srog chags kyi// rtag tu de dag rmongs pas byas// skye dgu 'khor bar rmongs pa rnams// kye ma kyi hud skyo ba ste// las kyi 'khor lo chen po yis/ 'khor bar 'gyur ba yang dang yang // rnyog pa med par gang brtags pa'i// bde de srid pa gsum na med// de ltar na yang kun rmongs pas// nges par byis rnams skyo mi 'gyur// yul dga' ba la zhen pa yi// rmi lam bzhin du 'di dag g.yo// 'gro 'di thams cad sdug bsngal ba// mig med pas kyang ma mthong ngo // gang la phyir bcos thabs med pa'i// 'chi ba dag 'jigs pas sred par 'gyur/ / de ltar na yang kun rmongs pas// bag med pas ni mi rnams bcom// tshul bzhin ma yin yid byed pas// sems ni rnam par g.yeng byas pa'i// 'chi/

  990. 119a

    bdag rgyal po 'dren pa na// 'jig rten pas kyang go ba min// nor rnams dang ni bu dag dang / shin tu sdug pa'i srog kyang ni// gson pa de ni 'phrog byed pas/ 'chi bdag rgyal po 'di yis 'dren// bag med myu gu las byung ba'i// gang gis skye dgu 'joms pa yi// 'jig rten don min yang gsum ste// nad dang rga dang 'chi ba ra chol khros mi rnams nye bar bcom/ / lha rnams bag med pas nye bcom// yi dgas bkres skom dag gis g.yengs// tshor ba drag pos dmyal ba rnams// phan tshun kun tu gsod sogs pa/ / dud 'gro gti mug dpung gnyen yin// de ltar 'jig rten rnam du mar// brel dog de dang des dkrugs so// bag med pas ni rmongs pa yi// 'on kyang chos la dga' ba min/ / sman dang rtswa sogs thams cad kyang // ji ltar sa gzhi las rab skye// de bzhin bag med las nyon mongs// rnam pa tha dad rab 'phel byed// de ni bdud kyi dmag tshogs kyi/ / rje dpon dbang phyug mchog 'di yin// nyi ma'i 'od kyis mun pa ltar// ye shes rdo rjes gzhom par bya// skyon yon yongs shes de dag ni// re zhig dang por bstan pa yin/ / bag med pa rnams rtag sdug bsngal// bag yod 'bras bu bde ba yin// de ltar 'thab bral ba rnams kyi bdag po mu su lun d+ha des rnam pa du ma rnams su

  991. 119b

    dang rnam par rtog pa du ma rnams kyis kyang bag med pa de'i skyon rnams dang / bag yod pa'i yon tan rnams kyang mngon par brjod do// 'chi bdag nad dang rga sdug bsngal// mi mthun pa dang phrad pa dang // gzhan yang sdug bsngal drag po dang // 'khor ba 'di ni ldan pa yin// ma 'ongs sdug bsngal mchis pa ni// phan pa dang ni bde ba yin// sdug bsngal sdug pa'i rgyu las skye/ / sdig med byed pa bde ba yin// nyon mongs zad las bde ba'i mchog/ yin par mkhas pas gsungs pa yin// 'di ni mya ngan 'das 'gro lam yin par de nyid gzigs pas gsungs/ / kun nas bsdams dang bag yod dang // zhi ba dang ni nags na rgyu// 'dod pa brkam min brtan pa yi// mya ngan 'das pa ring ba min/ / grogs dang grogs min dang rab bral// srid pa'i 'dod chags rnam par spangs// yul rnams la yang bag yod pa'i// shin tu mya ngan 'das ring min// dge dang sdig la chags pa med// byams dang snying rje sgom pa po// 'khor ba'i 'jigs pas 'jigs pa ni// shin tu mya ngan 'das ring min// nyon mongs zad pa'i thabs shes dang / / ye shes btung bas tshim pa dang // le lo'i dri ma dang bral ba'i// shin tu mya ngan 'das ring min// lhag par theg pa che la mos// sems can thams cad la

  992. 120a

    lan dang / stong nyid don ni rab rtogs pa'i// shin tu mya ngan 'das ring min// de ni skyon gsum 'gog pa yi// 'phags pa'i bden pa bzhin sbyin pa/ dbang gyur dbang po zhi ba yi// mya ngan 'das pa shin ring min// dbugs dang dbugs 'byung rnam pa shes// mtshan nyid 'gags pa rten pa dang // shes dang shes byan rnam pa shes/ / shin tu mya ngan 'das ring min// rtag tu blo dang ldan pa dang // nyon mongs rnams kyis sems mi 'tshe// skyon bcas 'jigs pa las grol ba'i// thub pa pha rol phyin par brjod/ / de ltar 'thab bral gyi mngar bdag des smra ba po de dag rnams dang / ngang pa'i rgyal po dus bzangs de la chos bstan te/ bcom ldan 'das 'od srung kyis gsungs pa'i mdo/ / bag med pa la rnam par gshe bar byed pa rnams bstan no// de ltar rnam pa du mar bcom ldan 'das kyis gsungs pa'i dam pa'i chos 'dul ba de dbyangs snyan pa dang / dul ba'i blo rgya chen pos ston par byed do// ji ltar gcig tu dam pa'i chos kyi ror gyur pa'i tshig 'di dag rnams thos nas/ bdud kyi rigs kyi bag med pa de 'di snyam du sems te/ ji ltar rnam grangs 'ga' zhig gi sgo nas kyang / bdag gis 'thab bral rnams kyi bdag po 'di dam pa'i chos 'dul ba de dag las g.yo bar bya

  993. 120b

    bar mi nus te/ de ltar dam pa'i chos la blo gros su mthar thug pa yin no// de ltar rtogs nas bag med pa skyed pa mkha' la 'gro bar byed de/ ji ltar mu su lun d+ha 'di ni byung chub sems dpa' sems dpa' chen po yin pas/ bdag cag gi chos kyi las la bdag cag rnams kyis gom pa bskul b+har myi nus so// de nas thams cad kyang yid gtsugs gyur cing / pha rol gnon pa'i stobs chen po dang / yid la smon pa dang / gzi brjid rnams nye bar bcom par gyur to// yid kyi rgyal srid pham par byas pa dang / nam mkha'i dkyil du 'phags nas de myur du 'gro ba yin pas dus min ring ba na/ gang na gzhan 'phrul dbang byed na/ 'dod pa'i khams kyi dbang phyug bdud sdig can yod pa der thams cad kyis phyin no/ / de nas bdud kyis/ de dag la 'di skad ces brjod do// bdud rnams bya ba 'ga' zhig byas sam/ yid la re ba de dag nyid thams cad yongs su rdzogs nas nga'i drung du khyod kyis bsdebs pa yin nam/ de ltar thos nas des bdud de'i drung du 'di skad ces brjod de/ lha lags par la gnod pa'i stobs rnams ni/ ji lta ba bzhin du nyams nas bdag cag lha'i rigs 'dir rjes su sleb par 'gyur ro/ / 'thab bral gyi bdag po de gom pa gcig kyang bskyod par bdag cag gis bdag cag gi lam nus te/ de bzhin du 'di

  994. 121a

    dam pa'i chos la nges par dga' ba'i blo dang ldan pa'i lhan cig spyod pa de la bdag cag gis ci byar yod/ bdud sdig can de ltar thos par gyur nas/ de 'di snyam du sems te/ gang bag med pa'i lha chos thams cad la rab tu zhugs pa rnams ngas 'dod pa'i spyod pa rnams la rab tu dgod par bya'o// de la'ang bag yod pa de dag rnams kyi dbang gis 'di rnams nyid thams cad kyis pha rol gnon pa'i stobs rnams nye bar bcom nas nga'i drung du nye bar 'ongs pa yin no/ / de nas 'di dag rnams go nas 'di skad ces brjod de/ dus 'das nas byed pa'i tshig rnams ji ltar dus gzhan du na bdag cag gis bag med par nus kyi/ 'thab bral gyi bdag po mu su lun d+ha de la so so'i thabs rnams bdag gis bya'o/ / de'i phyir khyed ma rings shig/ bdag cag thams cad kyis dus gzhan phyir bzlog par bya'o// zhes de ltar sdig can des dus gzhan 'phen par byed pa'i tshig rnams brjod nas rnam par gnas te/ mtshungs pa med pa'i lha rdzas kyi 'dod pa rnams la rab tu chags par gyur pas bde bar gnas so// bag med pa'i sa rnams las slar yang rab tu spel ba 'gyur pa'i phyir na/ rnam pa du mar rgyu ba'i lha rnams dang / 'thab bral ba rnams kyi bdag po dang / dus bzangs de dang / smra ba po'i ngang pa de dag rnams

  995. 121b

    dang / gzhan nyid kyang chos kyi gtam rnam pa du ma rnams byed de/ de dag rnams ni ji ltar bdud kyi rigs rnams kun nas bral ba dang / don med pa rnam pa thams cad kyi rtsa ba gyur pa bag med pa de kun nas song bas na/ lha rnams dang bya de dag rnams bya ba byas pa bzhin du rnam par gnas so// de nas de lta de ltar brjod nas de dag rtsed mos yid brel bar gyur pa de dag rnams ni rab tu dga' bas rtse bar byed de/ skyed mos tshal dang / khang bzangs dang / kun dga' ra ba dang / nags dang / nye ba'i nags kyi yul de dag rnams su nye bar song nas rtse bar 'gyur ro/ / gang 'thab bral ba rnams kyi bdag po de dus bzangs dang lhan cig tu brjod pa dang ldan pa'i ngang pa rnams dang rgyu bar byed do// de nas 'thab bral ba rnams kyi bdag po des lha de dag rnams mngon par mthong nas dus bzangs la smras pa/ ji ltar nye bar gnas pa'i gang yin pa 'di dag rnams ni rtsed mo'i gzhan dbang du song nas bag med pa yin pas/ bdag cag kyang gang na nags dang nye ba'i nags rab tu zhi ba yod par 'gro bar bya'o// de ltar rig nas nam mkha'i khams su 'phags par gyur to/ / lha bag med par spyod pa de dag kyang 'dod pa'i yon tan lnga dang yang dag par ldan pa'i nags dang / nye ba'i nags dang / rdzing bu rnams la ji srid du 'dod pa sdug pa yid

  996. 122a

    du 'ong ba'i las byas shing bsags pa'i las zad par ma gyur pa de srid du rtse dga' bar byed do/ / gang gi tshe zad par gyur pa de'i tshe rang gis byas pa'i zas bzang po rnams zos nas/ slar nyid kyang dmyal ba dang / yi dgas dang / dud 'gro rnams su skye'o// gang yang mi rnams dang skal ba 'thun par gyur pa mir skyes par gyur na/ de mchog tu phun sum tshogs pa dang / mchog tu rgya che bar yang 'gyur te/ rgyal po rnams sam/ rgyal po blon po rnams su gyur nas/ skye bo thams cad dga' ba dang / mchog tu skyed pa dang / las de'i rgyu 'thun pas yul gyi mi rnams thams cad byams par 'gyur ro// gzhan yang dge slong las kyi 'bras bu rnam par smin pa shes pa de 'thab bral ba'i lha rnams kyi sa rnams la kun tu lta bar byed/ des thos pa las byung ba'i shes rab bam/ lha'i mig gis ji ltar yod pa'i 'thab bral ba rnams kyi lha'i sa gcig tu dga' ba zhes bya ba mthong ngo / / der las gang gis sems can rnams skye bar 'gyur ba'ang des thos pa las byung ba'i shes rab bam/ lha'i mig gis mthong na ji ltar skyes bu dam pa gang gis bya bar gyur pa'i don byas pa tshul khrims dang ldan par gyur nas srog gcod pa dang / ma byin par len pa dag spangs par gyur pa ni snga ma bzhin no//

  997. 122b

    'dod pa la log par g.yem pa'ang mchog tu spang bar dka' ba dang / khyad par du dor bar dka' ba rnams kyang rab tu 'gog par byed pa yin te/ ji ltar bya dang bya dag lhan cig spyod par gyur pa rnams dang / ri mo la phan tshun du gyur pa rnams dang / de bzhin du phan tshun du gyur pa mthong ba de dag rnams kyang yongs su spong bar byed do// yid kyis kun tu rtog par mi byed do/ / nye bar sgom par mi byed do// 'dod pa la log par g.yem pa'i rnam par smin pa'i phyir rgol ba rnams kyi 'jigs pas thams cad kyang gnas skabs rnams thams cad du spong bar byed do/ / gzhan dag rnams byed par gyur pa na'ang rab tu 'gog par byed do// chos 'dul ba la rab tu 'god cing 'dod pa la log par g.yem pa'i las kyi 'bras bu rnam par smin pa rnams ston par byed do/ / rnam pa du mar yang log par lhung bar gyur pa'i chos rnams ston par byed do// ji ltar 'dod pa la log par g.yem pas ni// thams cad du'ang mi 'dod pa/ mi sdug pa/ yid du mi 'ong ba/ dmyal ba kun nas 'phel bar byed pa'i 'bras bu rnam par smin pa can du 'gyur ro// de bdag nyid kyang mi byed do/ / gzhan dag rnams byed pa narang rab tu 'gog par byed do// rang dang gzhan la phan pa'i yon tan la rab tu zhugs par gyur pa/ dge legs dang ldan pa'i sems can de

  998. 123a

    ni lus zhig par gyur nas shi ba'i 'og tu bde 'gro mtho ris kyi 'jig rten las 'thab bral gyi lha rnams kyis gcig tu dga' ba la skye bar 'gyur ro/ / der skyes pa na'ang 'dis legs par byas pa'i las kyi mtha' rnams la spyad pas/ bde ba rgya chen po la sogs pa bde ba du ma rab tu 'phel bar gyur pa'i so der skyes pa rnams ni nags dang / nye ba'i nags rnams na lhag par gnas pa 'dod pa rnams thams cad 'dod pa bzhin gyi yon tan dang ldan pa'i bde ba rnams la nye bar longs spyod pas nags dang / nye ba'i nags dag sten par byed do// de rgyu ba'i dus ni nags 'di dag rnams yin te/ 'di lta ste/ 'od zer mngon par dga' ba zhes bya ba dang / 'bab chu rnams kyis mngon par dga' ba zhes bya ba dang / gzhal yas khang gi ri bo zhes bya ba dang / rnam par bkra ba'i chu'i pad+ma'i rdzing bu rnams zhes bya ba dang / dri 'thul ba zhes bya'o// nags dang / 1 ba'i nags dang / rdzing bu rnams dang / gzhan dag kyang rir gyur pa rnams kyi lha rdzas kyi yon tan gyi phun sum tshogs pa rnams ni grangs kyang dmigs so// de la nags gang dag dang / mcho gang dag ni mchog tu dga' bar gyur pa yin no// gang dag la 'di dag rnams dga' bar byed pa 'di dag rnams ni dbyings che ba dang ldan pa yin no// 'di lta ste/ nor

  999. 123b

    bu'i stegs bu zhes bya ba'i mtshon bya phal po che rnams kyis mngon par dga' ba dang / rtag par yang shin tu rangs pa'i lha rnams kyis bsten par gyur pa/ dogs pa med par gyur pas mthong bar gyur pa yin no/ / mtshe de dag nyid kyi nye 'khor rnams na lha rdzas kyi sgra dang / mdog dang / tshad dang / mchog tu ldan pa'i bya dag gis yongs su gang bar gyur pa dang / nges gnyis ka na'ang dpag bsam gyi shing rnams kyis yongs su gang bar gyur pa yin no// yon tan du ma dang ldan pa de dag rnams la legs par byas pa'i las kyi mtha' la spyod pa 'di/ 'dod pa'i yon tan lnga rnams la lha'i bu mo du ma rnams kyis kyang yongs su bskor nas dga' bar byed de/ lha rdzas kyi gzugs dang ldan pa rnams dang / de'i mdun pa'o rjes su 'jug par byed pa dang / rtag tu rgyun mi 'chad par bde ba ched cher byed pa dang / mchog tu bde ba la rab tu chags pa dang / lha rdzas kyi bde ba gzhan dang gzhan rnam pa du ma rnams kyis de dag rnams mtsho der legs pa bsten nas phyir zhing nyid kyang 'dod pa'i yon tan lnga'i nye bar longs spyod pa rnams kyis ngoms pa med pas/ sred pa'i zug rngu rnams kyis rab tu 'brel bar gyur nas/ slar yang rjes su 'brang ba de dag rnams nyid kyis yongs su bskor ba rnams nor bu'i cha shas rnams kyis rnam par bkra ba

  1000. 124a

    zhes bya ba'i mtsho dang / pad+ma'i rdzing bu dag gis nye bar mdzes par byas pa'i ri de 'khod par byed de/ skyed mos tshal gyi ltad mo'i dbang du byas nas lha rdzas kyi bdud rtsi'i pad+ma'i yu ba dag gis nye bar mdzes par gyur pa dang / lha rdzas kyi gos rnams gon pa dang / lha rdzas kyi yul lnga po rnams bsten par byas pas kyang / nor bu'i cha shas sna tshogs pas bkra ba mthong na mchog tu yid 'phrog par byed pa'i ri de la rtse dga' bar 'dod pas mnyam par 'khod par byed do/ / de nas de'i rtse mo gzhan la ri'i khrod dga' ba zhes bya ba de na dga' ldan gyi lha'i rigs su gyur pa'i lha gzhan lha rdzas kyi 'phreng ba dang / gos dang ldan pa/ gser gyi rang bzhin rnam pa du mar dga' ba'i nags su brgya phrag dang de nas stong phrag dang / thams cad nyid babs nas rtsed mo'i mchog rnams byed do// lha de dag rnams mngon par mthong bar gyur nas lha gsar du skyes pa de lhan cig spyod pa rnams la brjod pa/ ji ltar gang dag lhan cig spyod pa rnams kyis yongs su bskor nas rtse zhing 'gro bar gyur pa'i lha de dag rnams dang / mthang yang gang dag bdag kyang de dag dang nye bar gyur mod/ de nas de dag thams cad kyis kyang de'i drung nas tshig de le bar thos nas 'di skad ces brjod do// lhang ji ltar mngon par 'dod par gyur pa de ltar bdag cag rnams kyis de

  1001. 124b

    bzhin du bya'o/ / de nas de ltar rig nas lhag sar du skyes pa de lhan cig spyod par byed pa rnams kyis yongs su bskor nas lha rdzas kyi rnga skad yan lag lnga dang ldan pa rnams nye bar bsgrags par gyur pas/ gang na lha de dag rnams yod pa de dang nye bar gyur to// de nas phan tshun 'dres gyur pa'i lha de dag rnams phan tshun du rnam par 'dres pas rab tu chags par gyur pa'i snying ngoms pa med pa rnams la/ ri gtsug na nor bu zhes bya ba'i byas tshigs su bcad pa'i dbyangs brjod pa/ ji ltar/ las kyi snying po 'jig rten dang // lha ni las kyi snying po can/ 'dus byas lha yi 'jig rten pa// las zad nas ni ltung ba yin// 'thun par 'grogs pa'i 'jig rten ni// 'bral bar rtag tu 'thun pa min// 'dus pa'i mtha' ni 'bral ba yin/ / de bzhin gshegs kyi chos nyid 'di// bde la kun tu chags pa'i yid// yul gyis bdag nyid bslus pa yin// yid shugs dang mtshungs rnams kyi/ ni/ lha rnams tshe ni zad par 'gyur// rga dang nA dang rgud pa dang // 'bral ba lus can thams cad la// 'byung ba yang ni kun rmongs pas// yul gyis 'khrid nas rig pa min// rga ba'i chad pa sngun gsar nas// 'chi bdag 'dis ni kun tu sreg/ nad kyi dpung gis 'di rnams bral// blo gros med pas mthong ba'ang min// drug gis 'jig rten rnam

  1002. 125a

    par 'joms/ / thugs bzhin du yangar joms par byed// gol ba'i lam du zhugs pa ni// 'khri shing bzhin du yongs su bskor// gang 'di'i za na rtag par yang / / rgyu dang 'bras la legs par gnas// de ni rgyu 'bras legs lta bas// phyi nas gdung bas mi 'joms so// yul rnams kyis ni 'joms min te// drang por lta ba brkam chags med/ / des ni shin tu mi bzad pa'i// dga' ba'i yul kun myur du 'dor// skyon las rnam grol ngam grog dang // dri ma'i 'jigs pa las rnams grol// bag med me gang des rtogs nas// thams cad du ni yongs su spangs// 'jigs pa lnga po 'di yis gang // dang por 'jig rten 'di gsod pa// rga dang na dang 'chi ba dang // rnam par 'bral dang gang gi las// de ltar ri gtsug na nor bu zhes bya ba'i bya ni rnam par bkra ba gtsang ba dag gi rma bya'i rgyal po byang chub sems dpa'i lhan cig spyod pa dang gnyis ka'ang smon lam gyi dbang gis rma bya'i skye gnas su skyes par gyur pa yin no/ / de dag kyang rma bya rnams dang 'thab bral gyi lha rnams la bag med pa dang bral bar bya ba'i don du chos ston par byed do/ / de nas lha des snga na med pa'i lha de dag mngon par mthong bar gyur pas/ slar nyid kyang ches rab tu dga' bar gyur pa'i yid kyis legs par bshad pa de dag

  1003. 125b

    rnams la brtsi bgrang ma byas par bag med pa'i dbang gis rab tu rtse bar byed pa dang / gar byed pa dang / rgod par yang byed cing rdzu skad yan lag lnga pa dang ldan pa rnams kyis rnam pa du mar dga' bar byed do/ / dpe med pa'i nags dang / nye ba'i nags rnams dang / ri dang ri'i ljongs rin po che kun tu 'bar ba'i 'od zer gsal bar snang ba rnams dang / dpag bsam gyi shing gis nags rnams dang ldan pa rnams dang / dga' ba'i bya dang ldan pa rnams dang / ri'i chu klung brgya phrag dang ldan pa rnams dang / pad+ma'i nags dang ldan pa rnams la lhan cig spyod pa rnams dang bcas shing / 'dod pa rnams thams cad phun sum tshogs pa lha rdzas kyi bde ba rnams dang ldan pas rnam pa du mar lha rnams rtse dga' bar byed do// de ltar rtse bar gyur pa'i lha de rnams rims kyis nor bu'i cha shas rnam par bkra ba zhes bya ba'i ri de la 'khod do// ri de la'ang pag bsam gyi shing gi nags rin po che bdun gyi rang bzhin gyi shing rnams kyis nye bar mdzes par gyur pa ste/ dpag tshad lnga brgya yod pa yin no// nags chen po de na shin tu bkra bas rnam par bkra bar gyur pa'i rma bya'i rgyal po rab tu gnas pas/ bag med pa dang bral bar bya ba'i don du lha rnams la chos ston par byed do// lha rnams kyang chos la rjes su 'jug par bya ba'i don du'ang ston pa ched cher

  1004. 126a

    byed do/ / nags dang / nye ba'i nAg spu rnams dang / pad+ma'i rdzing bu rnam pa sna tshogs pa rnams dang / chu klung dang / 'bab chu rnam pa sna tshogs/ pa rnams dang / rin po che'i khams rnams dang ldan pa'i ri'i rtse mo rnam par bkra bi rnams dang / bye ba brgya stong phrag ngos na sgra kun tu sgrogs pas dga' bar gyur pa rnams dang lha'i tshogs rnams kyis nye bar mdzes pa dang / lha mo'i tshogs rnams kyis rnam pa sna tshogs par chos dga' bar gyur pa la lha de dag phan tshun grogs su gyur pas dga' bar byed do/ / rnam pa sna tshogs pa'i 'dod pa'i rgyags pas myos pa dang / rang gis byas pa'i las kyi 'bras bu rnams longs spyod pas thams cad nyid dga' bar byed pa dang rnam pa du ma dang / rnam par rtog pa du mas kyang lha rdzus kyi dpe med pa rnams la rtsed mo dag kyang rtse bar byed do// de nas lha de dag rnams kyis bag med pa'i bde ba de dag nye bar rnyed nas/ nor bu'i cha shas rnam par bkra ba'i ri de na dga' bas rtse bar gyur pa rnams la/ rma bya'i rgyal po des tshigs su bcad pa'i dbyangs bsnyad pa ji ltar/ gzugs sogs pa yi yul rnams kyis// tshim par ma gyur 'gyur ba min// sol me'i me yis bsregs pa rnams// slar yang yul la 'dod pa

  1005. 126b

    rnams/ / yang dang yang du lha 'jig rten// 'chi 'pho dang ni skye bar 'gyur// las kyi nya rgyas bzung nas ni// slar yang dmyal bar 'gro ba yin// dmyal dang yi dgas dud 'gro ni/ / sdug bsngal mang gnas skal ba can// rgyu dang 'bras kyi skal ldan pas// sems can 'gro ba ldan 'khyam// lus can rnams kyi las rnams ni// tshogs mang po 'dir byas nas// 'bras bu sna tshogs de dgu nyid// du ma'i sgo nas lha rnams spyod// byung zhing 'dzad pa'i chos can ni// de zad nas ni rtag tu lhung // de nyid bzhin du mkhas pa yis// lha rnams kyis ni 'chi 'pho mthong // 'chi bdag 'di ni kun 'byung bas// mi rnams gson pa'i bar chad byed// thabs med yul gyis bag med pa/ / rmongs pa yis kyang rig pa min// bdag nyid tshol bar byed pa'i ngag/ du ma rjes su bsngags par 'gyur// lha rnams bde bas rnam rmongs pas// 'dod pa rnams ni rnam mi spong / / chos ldan dge ba'i ngag gis ni// 'di dang phyi mar bde ba 'byung // rmongs dag gang gis mi 'dzin pa// de ni phyi nas gdung bar 'gyur/ mang por rjes su gdams gyur pa'i/ / de nyid don ni gsal byed pa// bag med pas 'phrogs lha yis ni// gang phan pa ni mi rtogs so// srog gi bar chad byed pa'i dgra// bsran par mi bzod

  1006. 127a

    stobs po che/ / 'gor ba med par shugs po che// 'dir ni 'chi bdag khyed la 'byung // lha klu dri za sha za dang // lto 'phye dang ni srin pos kyang // de yi stobs ni gzhig nus pa'i// de stobs rnam pa de 'dra med// stobs dang stobs med rnam pa shes// las rnams de nyid mthong ba po// sdig pa'i chos kyis mi gos shing / / de ni ngan 'gror 'gro mi 'gyur// dge ba bgyis dang mi dge dug/ de ni spangs pa nyid du yang // byas na 'di yi tshe la ni// sdug bsngal rjes su rgyug pa'i min/ / chos rjes 'brang dang dad pa ni// brtson 'grus kyis ni yongs su spel// theg chen stobs la brtson dang ldan// ma bzhin du ni phan par byed// de ni skyes bu thams cad kyis/ / 'gro ba lngar ni dbugs 'byin 'gyur// de la pa dang ma med par// 'gro zhing rjes su 'gro ba min// chos rjes 'brang dang dad pa can// ji ltar bde ba 'byung bar 'gro/ / ngan song las ni kun 'dzin pa'i// sdug bsngal stobs ni che ba yi// mun pa'i de yang mar mer rung // nad pa rnams kyi 'di ni sman// dmus long rnams kyi mig gyur dang / / de ni dbul po nor chen yin// srid pa chu bos khyer rnams kyis// rgyal bar gyur pa'i bde ba khyer// bag med rgyags pas rgyags rnams kyi//

  1007. 127b

    de ni bag med 'joms pa po// 'chi bdag dus ni nyer byung ba// srid pa'i chu bo 'joms byed de// gang yang go 'phang zhi gang de// sngon gyi thub pas rnam 'dzin pa// yang dag lta bas sngon 'gro ba/ / de ni ngal ba med par 'thob// bag yod de bzhin dad pa dang // brtson 'grus rtsom pa de bzhin 'dzin// ye shes goms pa dam pa sten// thar pa yi ni skye mched drug/ sbyin dang tshul khrims dul dang bzod// byams par gyur pas 'tshe ba med// snying rje dga' ba btang snyoms ni// zhi ba legs 'thob rgyu rnams yin/ rtsa ba hral can dang sdig la 'dre// khron na de bzhin min pa'i tshig/ log lta dang ni bag med kyang // dmyal ba'i rgyu yi rtse mo rnams// ser sna dang ni phrag dog ngag rtsub bag med pa/ / bsten pa la ni mngon par dga' dang mi dga' dang // sems can 'tshe la mngon par dga' ba'i yid dang ni// 'di dag yi dgas lam du 'phags pa dag gis gsungs/ / blo gros blun po dang ni rmongs pa sten pa dang // dam pa'i chos la smod dang 'khrig pa la yang dga'// zas la chags pa dang ni gnyid la phal che ba// dud 'gro rnams su skye ba'i rgyu rnams yin par smra/ / lus dang ngag dang yid rnams kyis// mi dge rnam pa gsum cher byas// skyes bu blo gros dman pa ni// dmyal bar skye bar 'gyur ba yin

  1008. 128a

    rgyu rnams ci 'dra ba yi ni/ / 'bras bu de dang 'dra bar mthong // 'bru 'azas 'bru dang 'dra ba gang // de med par yang 'byung ma yin// 'khor bar sdug bsngal rgyu mang po/ / mang po legs par mthong ba yin// de ltar na yang des rmongs pas// lha rnams kyis ni mi go'o// dang po bag med bde dang ldan// phyi nas sdug bsngal ldan par 'gyur/ / phyis gang sdug bsngal rgyur gyur pa// de ni mkhas pas spong bar byed// ji srid mya ngan 'das mi gzhol// de srid bde ba thob mi 'gyur// rnam grol skyes bu thams cad ni/ / rtag tu bde dang ldan par 'gyur// bde gang brten par min pa dang // de ni bde bar rab ma bsgrags// gang yang bsan pa de la ni// de 'di/ bde ba zhes brjod do// gong nas gong du legs 'brel ba'i// las rnams legs par ston par byed// 'bras bu rnams kyang legs 'brel ba// de ni gong nas gong nyid do// de phyir las 'bras go ba dang // bag med pa yang rnam par spongs// bde legs kyi ni blo gyis dang // de dag bde ba bla na med// de ltar rma bya rnams kyi mnga' bdag des de dag rnams la bag med pa dang bral bar bya ba'i don du rnam pa du mar chos ston par byed de/ bstan zhing gsal la snyan pa rgya che ba'i skad rnam pa de lta bu dag gis gang lha de dag rnam

  1009. 128b

    kyi glu de dag rnams thams cad nye bar bcom nas/ dge ba'i chos kyis dpag tshad stong phrag nyi shur sgra dbyangs bzang po rnams kun tu bsgrags so// thos pa'i bde ba dang / chos yongs su smin pa'i bde ba rnams dang yang ldan pa yin no// de nas lha gang dag dga' ldan gyi lha'i rigs nas babs par byed pa de dag rnams ni nam mkha'i dkyil nas rgyu bar 'gyur te/ ji ltar rgyal chen rigs bzhi'i lha rnams rgyu bar byed pa de ltar de dag rnams kyang rgyu ba yin no// gal te shed na de dag rnams kyis rnam par rtog pa du mar gyur pa'i dbyangs snyan pa de thos par 'gyur ro/ / de nas thos par gyur pa dang // lha nyid stong phrag bdun cu ste// dam pa'i chos la gus pa dang // bag med pa'ang shas chung bar gyur pas gang na 'thab bral ba rnams kyi lha'i sa yod pa/ gang la rma bya'i rgyal po rnam par bkra ba 'di'i legs par bkra ba dang bcas nas chos ston par byed par bzla/ par gyur to// de nas dga' ldan gyi lha rnams babs par rig nas rma bya'i rgyal po de ches rab tu dga' bar gyur pa'i yid kyis rjod par byed pa/ ji lta ba bzhin du bde bar 'ongs sam/ kye ye yang dag pa'i lha rnams 'dir 'ongs pa rnams ni bag med pa rnams nyung bas rnam par rgyu ba dang / 'di dang pha rol rjes su dpyod par byed pa dang / chos

  1010. 129a

    rnam pa du mnyan pas babs par gyur pa yin mod kyi/ khyed rnams ji lta bar bdag cag gi chos nyon dang / de bzhin du bdag gis bstan par bya'o// shis pa thabs su gyur pa mya ngan las 'das pa'i grong khyer legs par 'thob par byed pa thams cad kyis sngar ma mthong ba gang dag skye ba bzhan zhig du mir gyur pa na/ bcom ldan 'das 'khor ba 'jig gi spyan snga nas thos pa de skye ba gzhan rjes su dran pa dang / smon lam gyi dbang gis ngas da rung dran zhing / gzhan dag rnams la'ang nye bar ston par byed do// de nas dga' ldan gyi lha de dag rnams kyis rma bya'i rgyal po de'i drung nas tshig dag nye bar thos nas nam mkha'i dkyil nas babs te/ dam pa'i chos la gus pas tshim par gyur pa'i yid kyis thams cad nyid kyang ri de'i rtse mo 'bab chu dang / rdzing bu phal che ba dang / nags dang / nye ba'i nags rnams phun sum tshogs pa dang / pad+ma'i rdzing bu dang / rin po che'i khams rnams dang yang dag par ldan pa dang / bya brgya stong du mas rnam par rjod par byed pas mngon par dga' ba dang / rin po che'i khams kyi 'byung khungs rnams dang ldan pa'i nor bu'i cha shas kyis rnam par bkra ba'i ri'i rtse mo de la/ lha de dag gis rma bya'i rgyal po de yongs su bskor nas kun tu gnas so// gzugs dang / brtan pa dang / rgya chen

  1011. 129b

    por gyur pa phun sum tshogs pa'i ngo bo rnams thams cad las 'di lhag par gyur pas/ 'thab bral gyi lha de dag gi drung na ches lhag par gyur pa ni/ ji ltar 'dzam bu'i gling gi mi rnams kyi khyad kyis 'thab bral ba rnams thabs thams cad kyis bla lhag pa yin no/ / de bzhin du dga' ldan gyi lha de dag rnams 'thab bral ba'i drung na bla lhag par gyur pa yin no// de nas 'thab bral ba de dag gis dga' ldan pa de dag rnams mngon par mthong nas gzugs kyi rgyags pa dang / dbang phyug dang / rgya chen po nye bar bcom par gyur pas/ gang na rma bya'i mnga' bdag yod par gyur pa der nye bar 'gro'o/ / 'ga' zhig ni rtse ba la dga' bar gyur pas/ nags dang nye ba'i nags dag tu zhugs so// ji ltar 'dzam bu'i gling gi mi rnams kyi khyad par gyis 'thab bral ba rnams tshul thams cad kyis khyad par du 'phags pa yin la/ de ltar dga' ldan gyi lha de dag rnams 'thab bral ba de dag gi drung na'ang bla lhag pa yin no/ / kha cig ni ma mthong ba'i phyir dang / ngo mtshar bar gyur pa'i phyir yang dga' ldan gyi lha de dag rnams nyid la kun nas mngon par lta zhing gnas par gyur to// cig ni slar nyid kyang ri'i rtse mo de dag nyid la rtse ba'i don du mngon par 'khod par byed do// de nas dga' ldan pa de dag dang 'thab bral ba de dag rnams kyis rma bya'i rgyal po de la

  1012. 130a

    yongs su bskor nas de na gnas so/ / de nas byang chub sems dpa' des/ de dag la 'di skad ces smras so// lha dag ji ltar chos la gus pa la goms pabapa'i dbang gis lha dang mi rnams la phan pa'i don gang yin pa dang / mchog tu bde ba dang / sems can rnams thams cad la phan pa dang / sems can thams cad lha dang mi rnams la yang dag par 'god pa ni 'di lta ste/ chos nyi shu rtsa gnyis po 'di dag rnams kyis ni lha dang mi rnams 'jig rten 'di dang pha rol du rang phan pa dang / bde ba dang / sdug pa dang / yid du 'ong ba gang yin par 'gyur ro// chos nyi shu rtsa gnyis po gang gis bag med pa rnams kun nus 'dor ba dang / chud gson par byed pa dang / med par byed pa dang / de dang bral bar byed pas kyang / bde ba mtha' yas par gyur pa lnga dang mi rnams mya ngan las 'das pa'i mthar thug par byed pa dang / ji ltar mas ma yin zhing phas kyang ma yin pa rnams chos kyis de bzhin du phan par gyur pa de dag gang zhe na/ 'di lta ste/ 'gyod pa dang / ngan song gi 'jigs pa dang / bzod pa dang / brtson 'grus dang / chos ston pa dang / snying rje dang / sems rab tu 'dul ba dang / rab tu rten pa dang / las la dad pa dang ldan pa dang / grags pa ma yin pas 'jigs pa dang / mngon par

  1013. 130b

    zhen pa med pa dang / gcig pur dga' ba dang / sems rnam par ma g.yengs pa dang / 'chi ba rjes su dran pa dang / gzugs dang / dbang phyug dang / rigs dang / nad med pa'i rgyags pa dang bral ba dang / mi gnas pas nye bar bcom pa dang / brtan pa dang / ngag 'jam po dang / sems can thams cad la mnyam pa nyid dang / chog shes pa dang / yul rnams la 'jigs par lta ba dang / sems la yid ches par mi byed do// de la chos nyi shu rtsa gnyis po de dag rnams ji lta ba bzhin du brten par gyur pa na/ lha 'am mi rnams kyang rung ste/ ngan song gi sa rnams la skye bar mi 'gyur ro// mya ngan las 'das pa'ang myur bar thob par byed do// de la ji ltar 'gyod par byed par bya ba yin zhing / ji ltar na thams cad kyang bde legs la legs par sbyor ba yin na/ yid la gcags pa rnams rnam pa thams cad du byas par gyur na ni/ dge ba'i chos rnams kun nas 'joms par byed do// de la 'dri ji ltar byas par gyur nas yin na/ gal te'ang 'di na gzhan 'ga' zhig mi dge ba rnams lus dang / ngag dang / yid kyis kyang byed par gyur pa na ni/ des dge slong 'di skyug bro bar blta bar bya ba dang / rnam par smod par byed pa dang / gang yid la gcags par gyur pa byed pa de dang lhan cig tu gnas par yang mi byed do// de nas yang

  1014. 131a

    gal te bdag nyid kyis ci zhig ltar rkyen gyi dbang gis byas par gyur tam/ sems la'ang rnam par rtog pa kun tu skyes par gyur na/ de skyes par gyur pa tsam nyid narang rab tu 'joms so/ / phyir nyid kyang ro myang bar mi byed do// gang dag gis phrogs par gyur na yang gzhan dag gi drung du mthol bar byed do// 'di 'byung bar mi 'gyur ba la'ang kun nas 'bad par byed cing / sems kyis 'bad par byed do// de kho na bzhin du phyir zhing dang / de dag nyid la sngar yang dang yang sems rab tu gnas par mi byed do// des mi dge ba'i chos rnam par rtog par de dag rnams de ltar sme bar byed de/ dper na drug pa 'am/ khyi'i ros mgul bar bcings pa 'am/ mi gtsang ba rnams 'ga' zhig tu bcug par gyur na/ mi gtsang ba de dag rnams dang khyi'i ro de dag la'ang gtsang ma 'dod pa'i skyes bu rnams skyug zlog par byed do/ / de ltar dge slong mi dge ba'i chos yid la byed pa la sdug bro bar byed do// rnam par gshe'o// 'gyod par yang byed pa yin no// dper na yang skyes bu gzhan 'ga' zhig gtsang ma 'dod pa/ gtsang ma la sten pa/ gtsang ma rnams la so sor skyabs su song ba dag brgya la zhig bshang ba za bar byed pa yin te/ gal te shed na mi shes pas sam/ byis par gyur pas gzhan grogs po ma yin pa dag gis bar bcug par gyur kyang rung ste/ des mi gtsang ba de rnam

  1015. 131b

    par smod par byed cing / sme bar byed la/ phyir yang kun nas za bar mi byed par des kyang 'gyod par byed do// de kho na bzhin du dge slong ngam de'i rigs can gzhan dag rnams kyang rung ste/ gang 'ga' zhig dge ba rjes su tshol ba rnams la ci zhig ltar mi dge ba yid la byed pa'i rnam par rtog pa dag skyes par gyur na'ang rnam par smod par byed do// sme bar byed do/ / gang dag gis khrid par gyur pa na de dag yang mi skye bar bya ba'i don du sems skyed par byed cing dag pa la'ang spyod do// 'di ni bag med pa rnam par 'joms pa dang / bag med pa rlag par byed pa dang / bag med pa rnams 'jig par byed pa'i lha dang mi rnams kyi chos dang po yin no// de'i phyir skyes bu dam pa de kho na nyid tshol ba rnams dang / 'khor ba'i 'jigs pas 'jigs pa gang yin pa rnams kyis 'di ltar bslab par bya ste/ mi dge ba'i rnam par rtog pa phra ba'i phra ba yid la skyes par gyur na'ang 'gyod par bya'o// 'dir ni bag yod par bya ba yin te/ skad cig kyang bag med par ni mi bya'o// de lta bas na mi dge ba'i chos rnams kyi rtsa ba gcig pur gyur pa ni 'di lta ste/ ro myang bar byed pa dang / yid la gcags par byed pa ste/ chos dang po yin no// chos gzhan yang dgod pa kun 'phel bar byed pa dag yod do// 'di ltar ngan song gis 'jigs pa'o// /

  1016. 132a

    ngan song gi 'jigs pa zhes bya ba ni/ theg pa chen po'i chos yin te/ 'dir ngan song gis 'jigs pa'i lha dang mi rnams thams cad kyi'ang bag med pa rnams rlag par byed pa dang / bag med pa rnam par 'joms par byed pa yin pas/ dge slong dag gam de dag dang mtshungs par gyur pa gzhan rnams kyang rung ste/ thabs na yin pa la 'jigs pa rnams ni mi dge rtsom par mi byed do/ / gzhan dag rnams byed pa na'ang rjes su yi rang bar mi byed do// mi dge ba'i las 'di dag rnams kyis ni ji lta ba bzhin du dmyal ba dang / yi dgas dang / dud 'gro rnams su sems can rnams skye ba yin no zhes shes pa'ang yin pas/ bdag gis mi dge ba'i chos de bya ba ma yin te/ gang gi phyir sdig pa'i 'bras bu des kyang thabs ma yin pa rnams su ltung bar 'gyur ro// mi dge ba chung ngu yang bsten cing bsgoms la lan mang du byas par gyur pa'i rgyu gang gis srog chags rnams dmyal ba dang / yi dgas dang / dud 'gro rnams su skye bar 'gyur ro// de'i phyir na dge sbyong dang / bram ze dang / gzhan yang de'i rigs can rnams kyis 'di ltar bslab par bya ste/ ngan song rnams kyis 'jigs pa rnams kyis rtag tu'ang mi dge ba'i chos rnams la 'jigs par bya'o// gang gi phyir mi dge

  1017. 132b

    ba'i las mtha' dag gi 'bras bu rnam par smin pa rnams ni dmyal ba dang / yi dag dang / dud 'gro rnams su nye bar longs spyod par byed pa yin pas bag med pa rnams bag med par rgyu bar byed pa'i lha blo dman pa rnams kyis de ltar ngan song la 'jigs par bya'o/ / ngan song rnams 'jigs pa'i phyir bag med pa kun tu sten par mi byed do// lus dang / ngag dang / yid kyi mi dge ba'i las rnam pa gsum po rnams mi byed do// de nyin gcig bzhin du rtag par yang dge ba rnams ni byed pa'ang yin la/ mi dge ba'ang spong bar byed do/ de de ltar na ngan song gis 'jigs pa rnams kyis rnam par 'jigs pa yin no// ji ltar skyes bu 'ga' zhig rang gi stobs dang / gzhan gyi stobs rnams kyi de kho na nyid mthong ba dug dang / gcan gzan dang / me dang / mtshon cha dang / g.yang sa dag dang / srog gi bar chad byed par 'gyur ba rnams las rnam par gzhig par byed pa yin no// de bzhin du thabs ma yin pa rnams kyis 'jigs pa'i phyir/ 'byung bar 'gyur pa'i chos rnams las rnam par gzhig par byed do// rtag tu yongs su spong bar byed pa dang / mi dge ba rnams las phra mo tsam yang mi byed do/ / bag med pa dag la'ang mo sten no// de yongs su spangs par gyur pa las kyang lha mi rnams su longs spyod rnams la rjes su spyod cing

  1018. 133a

    mya ngan las 'das pa'i grob khyer rjes su btsal nas 'di mya ngan las 'das par ci nas kyang 'gro bar 'gyur ro/ / dri ma med pa mi g.yo ba zad pa med pa'i bde ba'i mchog rnams thob par byed do/ / de'i phyir na rtag tu'ang ngan song gis 'jigs par bya'o// de ltar byas par gyur na dge sbyong ngam/ bram ze 'am/ de dang 'dra ba rnams kyang rung ste/ go 'phang gi mchog thob par 'gyur ro// 'di la'ang tshigs su bcad pa'i dbyangs kyis bsnyad pa/ skyes bu thabs min pas 'jigs pa// bag med stobs ni spong ba po/ / dge ba spyod cing yon tan chos// mya ngan las 'das rtogs par 'gyur// gang zhig thabs min pas 'jigs pa// de yi sems ni rnal du gam mnyam par gzhag pa'i sems kyis ni/ / bde ba nas ni bde ba thob// gang la ngan song 'jigs pa med// de ni sdig pa mang po byed// de ni sdig pa'i mes bsregs nas// phyi nas dmyal ba thob par 'gyur// me stag shin tu phra bas kyang // ji ltar rung bar sreg pa yin// de bzhin sdig pa chung ngus kyang // sdig pas blo med dmyal bar 'gro// de phyir bde ba 'dod pa yis// ngan song gis ni 'jigs par bya// des kyang mi rnams kun du skyob// sdig las bde ba 'byung ba min// de ltar chos gzhan 'di bya ste/ lha dang

  1019. 133b

    mi rnams dge sbyong dang / bram ze 'am/ de dag dang 'dra ba gzhan dag rnams kyis kyang rung ste/ chos gzhan po pa di dag rnams bya'o// gang dag 'jigs par gyur pa rnams ni de'i yid las skyes par gyur pa'i sdig pa chung ngu rnams kyang dus de nyid du bshags par byed do/ / rjes su yi rang ba mi byed cing / phyis kyang mi byed do// sems par yang mi byed do/ / de'i 'bras bu dmyal ba dang / yi dgas dang / dud 'gro'i sdug bsngal rnams yid la byas shing rtogs pa yin no// de ltar ngan song gis 'jigs pa rnam pa gsum po de dag rnam pa bcur phye bas ni mi dge ba bcu'o/ / rnam par spong bar byed cing / byed pa'ang ma yin no// rjes su yi rang mi byed do// de byed pa rnams dang lhan cig tu 'dre bar mi byed do/ / de ni sdig pa rnams thams cad rnam par spangs pa'i skyes bu dam pa dge bar spyod pa/ rnam par dag par spyod pa/ dri ma med pa/ bag med pa rnam par spangs pa/ sdig pa rnams kyis byas pa'i srid pa'i brje bsor mi dge ba'i las rnams thams cad nas so sor spangs pa/ skyon thams cad las yongs su grol ba yin no// skyon thams cad las yongs su grol ba rnams dang / nyon mongs pa rnams thams cad las rnam par grol ba rnams dang / rnal du gnas pa'i rnon po rnams ni srid pa'i chu bo'i pha

  1020. 134a

    rol tu 'gro bar 'gyur ro/ / de'i phyir 'di ltar bslab par bya ste/ rtag tu ngan song gis 'jigs pa rnams go bar bya'o// chos gzhan 'di ni 'dod pa/ sdug pa/ yid du 'ong ba sems can rnams thams cad kyang mya ngan las 'das pa'i mthar thug par byed pa yin no// gzhan yang bcom ldan 'das de nyid kyis lha dang mi rnams la phan pa dang bde ba'i don du bag med par rab tu 'jom par bya ba dang / mya ngan las 'das pa thob par bya ba'i don du/ yang chos bstan pa bdag mir gyur pa na thos pa gang yin pa de dag ngas dran pa dang rjes su 'brel pa rnams lha rnams la bstan par bya ba'o/ / 'di'ang gang zhe na/ 'di lta ste/ bzod pa'o// bzod pa zhes bya ba'i chos rnams ni mchog tu dge ba dang / shin tu bde legs su gyur pa dang / mchog tu sangs rgyas kyis bsngags pa yin no// bzod pa de'ang rnam pa gnyis te/ gang yang chos mnyam pa nyid kyi lam du 'gro ba'i bsam gtan pa rnams kyi dkar po'i chos rnams la nges par bstan pa'i phyir/ chos nyid la bstan par gyur pa rnams bsam gtan gyi lam gyi dge ba'i khyad par gyis kyang bzod par byed pa'i bzod pa ni/ de ltar 'dir yang brag dang / nags dang / nags tshang tshing du ma dang bcas pa'i 'jig rten ma lus pa 'di dag rnams sa gzhi

  1021. 134b

    steng na gnas par gyur pa'ang bzod par byed do/ / 'bying bar yang mi 'gyur ro// de bzhin du bzod pa'i kyang mya ngan las 'das pa'i chos rnams thob par byed pa'i chos rnams thams cad la brtan pa dang / snying po dang / chos nyid dang / khyad par du dang / gtso bo dang / dkar po'i chos rnams dang / mya ngan las 'das pa'i lam thob par gyur pa rnams kyis kyang bzod par byed do/ / bzod pa 'di dag nyid brtan pa dang ldan pa'i lam mdun du gsar pa'i 'jig rten las 'das pa yin pa gang gi phyir mya ngan las 'das pa thob par byed pa yin no/ / gzhan yang bzod pa gnyis pa yod do// 'di lta ste/ gang 'ga' zhig dge sbyong ngam/ bram ze 'am/ rnam pa de lta bu gzhan dag rnams kyang khro ba skyes par gyur pa'i dug 'joms par byed do/ / khro ba'i 'bras bu rig par gyur/ khro ba de'i go skabs 'byed par mi byed do// de la khro ba nyid skyes par gyur na/ de srid du skyes bu rang nyid kyi rten sreg par byed do/ / bzhin 'gyur par byed do// khrag rnams ngor ldog par byed do// gzhan las bag med pa go bar byed do// 'jig rten pa 'jigs pa skyed par byed do/ / yul ldongs pa rnams thams cad dang yang mi mthun pa dang / yid du mi 'ong ba dang / sme bar yang byed par 'gyur ro// phyi nas lus zhig par gyur nas kyang ngan song

  1022. 135a

    log par ltung ba dmyal ba rnams su skye'o/ / gang dag khro bas zil gyis mnan pa'i skyes bu rnams kun tu spyod par byed pa las bya ba ma yin pa gzhan de ni yod pa ma yin zhing byed pa'ang ma yin no/ / de'i phyir khro ba 'di dag me bzhin du brtan pa de dag gis yongs su spang bar gyis shig/ phan pa byed pa'i skyes bu de dag rnams kyis ni/ rnam pa de ltar skyon gyi 'bras bu rnams rtogs nas rang la phan pa dang / gzhan rnams la phan pa la rab tu zhugs pas bzod par byed cing 'jil bar byed de/ de ltar skyes bu 'ga' zhig gi khyim la me shor bar gyur na me zhi bar byed pa ltar/ ye shes kyi chu dag gis blo dang ldan pa rnams khro ba kun nas zhi bar byed pa'i bzod pa phun sum tshegs pa mchog tu dge ba'i yid can dang / bzod pa dang ldan pa khro ba rnam par spangs pa'i skyes bu la skye bo rnams thams cad dang 'thun par 'gyur ro// yid du 'ong ba dang / mthong na dga' bar 'gyur ro/ / mchog tu yid ches pa'i sa dang / bzhin gyi mdangs rab tu dang ba dang / sems rab tu dang bar yang 'gyur ro// sems shin tu legs par gnas pa dang mchog tu dge ba'i bsam pa dang ldan par 'gyur ro/ / lus kyi nyes pa dang bral ba dang / ngag gi skyon dang bral ba dang / yid kyi gdung ba dang bral ba dang / ngan 'gro'i

  1023. 135b

    'jigs pa dang bral dang / zhe 'gras pa'i skye bo rnams dang bral ba dang / dgra rnams dang bral ba dang / mi snyan pa'i dri ma rnams dang bral ba dang / gnod sems dang bral ba dang / snying la kun du gcags pa dang bral ba dang / rgyal po'i chad pa'i 'jigs pa rnams dang bral ba dang / ma bgrungs pa'i tshig ngan pa rnams brjod pa'i 'jigs pa dang bral ba dang / kun nas 'gyod pa'i 'jig pa dang bral ba dang / kun nas brjod pa'i 'jig pa dang bral ba dang / rnyed pa'i 'jig pa dang bral ba dang / sdug bsngal gyi 'jig pa dang bral ba dang / rgyag pa'i 'jig pa rnam dang bral 'i skyes bu yon tan tham cad dang ldan par 'gyur ro/ / 'gro ba thams cad du 'di snyan par grags pa dang mi 'bral bar 'gyur ro// 'jig rten 'di dang pha rol gnyis kar song ba na'ang skyid par yang 'gyur ro/ / skye bo rnams thams cad kyi yang ma dang / pha dag tu rung bar 'gyur ro// kun gyis 'drul 'jug bya bar yang 'gyur ro// skyes bu dam pa bzod pa dang ldan par 'gyur ro/ / de'i phyir khro ba gzhan 'di ni btsan dug dang / mtshon cha dang / rlung 'tshub dang mtshungs pa'i khro ba gang yin pa rnams bzod pas zhi bar byed mthol bar byed pa dang / bzod par byed pa dang / sdom par yang byed do// bzod pa de'ang skyes bu dam pa dge bar 'dod pa rnams kyis yid la bya ste/ rin po che

  1024. 136a

    bzhin du yongs su skyongs shig/ de'ang pha rol khro bas rnam par bsregs pa rnams dang / khro ba'i mun pa na kun nas gnas pa de dag rnams la dam pa'i chos kyi sgron ma rab tu sbyor bar byed pa dang / dmus long ba rnams kyi ni mig tu gyur pa'o// dam pa'i chos kyis 'phongs pa rnams la ni chos kyi rdzas so// log pa'i lta bas dbul ba rnams ni 'joms par byed pa yin no/ / ma dang phas spangs pa rnams la ni ma dang bar gyur pa yin no// khro ba'i chur rab tu bying bar gyur pa rnams kyi rgyal bar gyur pas rtag du phan 'dogs par byed pa yin no/ / ngan song du rab tu lhung ba rnams la ni lag pa brkyang bas shin tu brtan pos legs par 'dren par byed pa'o// sems can khro bas zin pas dmyal ba'i me ma dag tu rab tu lhung bar gyur pa rnams la ni chu'i bya ba byed pa yin no/ / yi dgas kyi 'jig rten du rab tu rgyug par gyur pa'i skyes bu phrag dog dang ldan pa rnams bkres pa dang skom pa'i sdug bsngal gyis rnam par bcom pa rnams la ni zas dang skom bzhin du byed pa yin no/ / dud 'gro'i 'gro ba dang rab tu 'brel ba dang ldan pa'i sems can rnams phan tshun du gsod par mngon par dga' ba rnams la ni/ gson pa legs par sbyin par byed pa rnams bzod pa bsten cing bsgoms

  1025. 136b

    kha lan mang du byas pa las yin pas/ de'i phyir na ngan song gi 'jigs pas 'jigs par gyur pa'i skyes bu dge ba rnams kyis rab tu brtson pa mchog gis yid la bya'o// de nas dus de'i tshe na rma bya'i bdag po des gtsug lag gi tshigs su bcad pa brjod pa/ ji ltar/ bzod pas brgyan pa'i skyes bu la// nor gyis brgyan pas bsgrin du med// nor rnams 'phrog par byed na yang // bzod pa nyid ni nam yang min// bzod pa dang ldan skyes bu la// lus can thams cad dga' bar 'gyur// phyi nas bde legs la sbyor ro/ / de phyir bzod la dka' thub mchog/ bzod dang ldan pa'i skyes bu ni// khro bo'i skyon rnams thams cad spangs// skye ba 'di dang gzhan du yang // dge leg sa la ni rab tu sbyor/ / bzod pa'i nor dang tshul khrims nor// shes rab kyang ni nor nyid yin// nor de rnams ni bsngags pa yin// dbyig la sogs pa nam yang min/ / bzod dang ldan pa'i skyes bu ni// rtag tu dam pas mchod par byed// snyan grags la yang sbyor bar 'gyur// de phyir kun las bzod pa mchog/ khro ba'i dug gi sman mchog tu/ / bzod pa de ni 'dod pa yin/ khro ba bzod pas nges bcom pa// slar yang skye bar mi 'gyur ro// mun pas rab tu zil mnan pa'i// byis pa rnams

  1026. 137a

    / la byung bar smra// bzod pa'i sam sa bskyon pa / smon ma bya ba byed pa myu gyur// dam tshas nor dang bras pa rnams// 'gro bu A mA~M ma pa yin/ / gang dag bzod pa 'di yi tsam// de dag 'jig rten nor ldan dran// khro ba yau ni mun pa'i tshogs// rgal dka' ba yi 'brog dkon par// bzod pa'i lam tha za mthong ba/ / yid can rnams ni nges par sgrol// dam chos lam ni ston rnams la// sten par byed pa bzod pa mchog/ ngan song 'jigs pas 'jigs rnams la// 'jigs pa med pa bzod par brjod// sdug bsngal rnam par 'joms pa dang // mi rnams bde ba rtag tu 'byung // rtag tu bde legs kun thob pa// bde legs min spang bde legs yin/ / de la dam pa rnams rtag dga'// yid ches yon tan byed pa yi// dge ba bzang po 'byung byed dang // mi dge ba rnams rnam par spong // skyes bu'i thar pa legs ston dang / / 'khor ba'i 'jigs pa 'jigs par byed// mtho ris them skas gyur pa des// dmyal ba'i me ni rnam par 'joms// yi dgas 'jig rten la skyob dang / / dud 'gro'i skye gnas des de bzhin// yon tan tshogs kyis rtag gang ba'i// lus can de rnams shis par gyur// rab bsngags bde ba des thob pa// bzod pa

  1027. 137b

    rab tu brtson pa thob/ / de ltar bzod pa zhes bya ba'i// chos gzhan 'dir ni bsten par gyis// mchog tu bde ba 'byung bar 'gyur ba dang / lus zhig par gyur nas kyang mtho ris bde 'gro'o 'jig rten lha rnams su skye bar 'gyur ro/ / mya ngan las 'das pa'ang thob pa yin no// de'i phyir bag med pa dang bral bar bya ba'i don du dang / lha dang mi'i 'gro/ ba rnams su skye bar byed pa rnams kyis bzod par bya'o// gzhan yang dge legs kyis chos bag med pa'i dug rnam par 'joms par byed pa rnams dge sbyong ngam bram ze 'am/ de dag dang 'dra bar gyur pa gzhan dag rnams kyis kyang bya'o// 'di'ang gang zhe na/ 'di lta ste/ brtson 'grus ni mchog tu dge legs kyi chos dge ba dang yang dag par ldan pa yin te/ thar pa'i lam du 'khrid pa'i brtson 'grus yang dag par byas nas yul dang dus su rig par byas par gyur pa rnams kyis ni shis par 'gyur ro// 'jig rten dang / 'jig rten las 'das pa rnams la'ang rig pa dang / 'gal ba med pa dang / mthar thug par bsten par gyur dge sbyong dang / bram ze rnams 'jig rten dang 'jig renas 'das pa'i chos rnamal yang dag par brtson pa dang ldan pas shis par 'gyur ro/ / dus su ldang ba dang / dus su ngal bso bar byed pa'i gang yul dang dus kyi thabs

  1028. 138a

    shes pa gang yin pa de dag ni bde legs kyi skal ba dang ldan par 'gyur ro/ / brtson 'grus des snyoms las rnams thams cad nye bar bcom nas nges par gnas so/ / nyon mongs pa gzhom pa la brtson pa dang ldan pa'i dge sbyong dang / bram ze de dag rnams ni nyan bya dang / reg bya dang / ro dang / bsnam pa dang / blta bar bya ba de dag rnams las/ brtson 'grus dang ldan par gyur nas yid des zlog par byed do// de rkyen rnams las skyes par gyur na'ang yid kyis rnam par dpyod par byed cing sdom par byed do/ / grogs gnyis pa brtson 'grus dang ldan par gyur pas/ yul rnams thams cad las sems nges par zlog par byed do// chos shin tu myur bar sems kyi shugs 'byung zhing 'byung bar gyur pa rnams dge ba'i brtson 'grus kyis so sor rnam par spong bar byed do/ / kun tu sdud par byed cing / rab tu 'gog par byed do// nges par sdom par byed do/ / gang gi phyir brtson 'grus ni/ chos rnams thams cad kyi rtse mor gyur pa'i chos yin no// de dang 'grogs pa'i dge ba'i chos gang yin pa rnams ni shin tu brngan pa dang / nyams pa med pa dang / 'bras bu dang bcas par 'gyur ro// brtson 'grus mdun du bdar ba'i dge ba'i sems kyi yon tan ni//

  1029. 138b

    yang dag par rdzogs pa'i byang chub kyi mthar thug par 'gyur ro// des na yon tan rnams rtogs par byas la/ theg pa chen po la yang dag par gnas nas/ myur du bla na med pa yang dag par rdzogs pa'i byang chub tu mngon par rdzogs par byang chub par 'dod pa'i dge sbyong ngam/ bram ze dag rnams kyis kyang de rjes su 'thun pa'i brtson 'grus la goms par bya'o/ / 'jig rten pa dang 'jig rten las 'das pa'i don rnams la'ang brtson 'grus nyid lhag par 'gyur ro// skyes bu 'jig rten pa'i don gang dag rtsom par byed pa na'ang de dag rnams thams cad kyang shin du brtan pa'i brtson 'grus/ brtson 'grus kyis brtsams par byas na ni/ 'bras bu med par mi 'gyur ro// dus ring du gnas pa dang / gzhan rnams kyis nye bar mi choms pa dang / 'chi ba'i mthar thug par byed pa'i 'jig rten pa'i 'jigs pa chen po dang bcas pa ma lus pa rnams byung du zin kyang / brtson 'grus dang ldan pa'i skyes bu rnams ni sems sbas par mi 'gyur ro/ / g.yos par mi byed cing na tsha med do// rang dang gzhan gyi don rnam par nyams pa chen po rnams byung bar gyur na'ang / yi mug par mi 'byung zhing / yang dang yang du don de nyid rtsom par byed do// rgyas par byed do// dgra bo rnams kyis kyang gdul dka' bar 'gyur ro// 'di

  1030. 139a

    dag gi don 'ga' zhig grub pa la 'joms par mi 'gyur ro/ / don gang dang gang brtsams pa de dag rnams rgyas par 'gyur ro// de ltar re zhig 'jig rten pa'i don rnams la'ang de shes par gyur pa/ mkhas pa rnams kyis bsngags par byed na/ 'jig rten las 'das pa'i don yang dag pa'i shes pa sngon du byed pa rnams la brtson 'grus gtso bor gyur pa lta ci smos/ de'i phyir thams cad la gnas skabs thams cad dang / dus thams cad du'ang shes pa sngon du btang bas yul dang dus su 'tshal ba dang / rig pa dang ldan pas brtson 'grus brtsam par bya'o// de las mthar thug pa'i bde ba rnams 'byung bar 'gyur ro// bzlog pa las ni bde ba ma yin pa dang / don ma yin pa du ma rnams su 'gyur ro/ / de'i phyir na log pa'i shes pa sngon du gtang ba'i brtson 'grus rnams ni brtson 'grus ma yin par rig par bya'o// de nas de'i tshe rma bya'i mnga' bdag des gtsug lag gi tshigs su bcad pa'i dbyangs kyis bsnyad pa/ ji ltar/ yul dang dus su rig pa yi// bya ba'ang rab tu brtson ldan pa// brtson 'grus rigs pas brtsams gyur pa'i/ 'bras bu 'bras dang bcas par 'gyur// rigs pa yul dang bya ba bral// chos kyis yongs su spangs pa yi// bya ba byed pa nyams par 'gyur// brtson 'grus kyis ni yongs spangs pas//

  1031. 139b

    rigs pas brtson 'grus rtsoms pa ni// mkhas pa thar par 'gro ba yin// nam mkha' la ni mda' 'phangs bzhin// lha yi 'jig rten du yang 'gro// stobs dang skyes bu brtson 'grus can/ / dgos pa gang dag brtsams gyur pa// de dag de ni rab 'grub cing // rnam par byang bar 'gyur ba yin// 'jig rten 'das pa'i don 'ga' zhig/ lha yi 'jig rten las 'dod pa/ / de ni brtson 'grus kyis rab 'grub// brtson 'grus bral bas rnam yang min// snying las chung zhing brtson 'grus bral// chos kyang yongs su spangs pa yi// / mi la dpal ni rgyas min te// zhim por za zhing zas kyi bzhin// 'phags pa'i lam ni yan lag brgyad// shes pa legs par yongs su bskyangs// brtson 'grus ldan pa spro ba che// 'gro ba'i mchog tu 'gro bar 'gyur// brtson 'grus kyis kyang byang chub thob// brtson pas de bzhin mtho ris dang // sangs rgyas nyid kyang brtson ldan pas// brtson 'grus dang mtshung 'gro ba med/ / de phyir yon tan de rtogs la// brtson 'grus ldan pas dbang po khrid// brtson 'grus brtsams pa'i blo yis dang // brtson 'grus mtshungs pa'i nor yod min/ de ltar rnam par bkra ba zhes bya ba'i rma bya'i rgyal po des dga' ldan pa'i lha de dag rnams dang // 'thab bral gyi lha de dag rnams la skye ba gzhan rjes su dran par

  1032. 140a

    gyur pas gtsug lag gi chos rnams ston par byed do/ / lha de dag nyid thams cad kyang gtsug lag gi chos de dag rnams thos par gyur pa dang / bag med pa rnams dang bral ba dang / rna ba kun nas lhags shing yid kyang rtse gcig tu gyur pas/ rnal du phebs pa'i lha de dag rnams kyi yid rnams rtogs nas/ rma bya'i mnga' bdag de gzhan yang shin tu legs par brtsams pa'i blo dang ldan pas shin tu rab tu rangs par gyur pas/ chos gzhan ston par byed pa ni/ thabs su gyur pa dang / legs pa dang / shis pa dang / mya ngan las 'das par 'gro bar 'gyur ba rnams lha de dag rnams la phan pa'i don dang / bde ba'i don du ste/ gzhan la phan pa la rab tu zhugs ba'i byang chub sems dpa' gzhan yang chen po gzhan lnga pa lha dang mi rnams kyi don dang / phan pa dang bde bar 'gyur ba'o// 'di'ang gang zhe na/ 'di lta ste/ chos ston pa ni gang gi phyir sbyin pa thams cad kyi nang nas bla lhag pa yin te/ rgod pa 'di dag thams cad 'joms par byed pa ni 'di lta ste/ chos ston par byed pa'o// chos ston pa dang / nyan pa dang / chos ston pa la gus pa dang / chos ston pa la dad pa dang / chos ston pa la gces par byed po dang / chos ston pa la sgrub pa dang / chos ston pa rgyun mi

  1033. 140b

    'chad par byed pa dang / de bzhin gshegs pas kyang chos bla mar mdzad pa yin na/ gzhan nyan thos dang rang sangs rgyas rnams la lta smos kyang ci dgos/ gang gi phyir/ yon tan bcu gcig dang ldan par gyur pa'i chos ston pa ni gces par 'gyur ba yin no// yon tan bcu gcig gang zhe na/ 'di lta ste/ yul dang dus su rig pa dang / go bar 'gyur ba dang / 'gal ba med pa dang / gsal ba dang / rnyed pa dang / bkur sti'i rtsa bas ma yin pa dang / gdul bya'i sems kyi rjes su 'thun pas chos ston pa dang sbyin pa'i 'bras bu slu ba med par ston pa dang / theg pa chen po dang yang dag par ldan pa dang / 'khor ba'i nyes dmigs kyi chos ston pa dang / mtho ris su 'bab par 'gyur ba'i chos ston pa dang / las dang 'bras bu kun tu ston par byed pas ston pa ste/ de ltar rnam pa bcu gcig gis chos ston par byed pa ni nyan pa po rnams dang / rab tu smrar byed pa rnams la'ang gces par 'gyur pa chos rnams yin ni don du byed pa dang / yon tan du byed pa dang / bde bar byed pa dang / mya ngan las 'das pa'i mthar thug par byed pa rnams/ ji lta ji ltar yongs su sngo bar byed pa de lta de ltar 'gyur ba yin no// chos smra ba ni gang gi phyir rnam pa sna tshogs pa'i sbyin pa 'di dag rnams thams cad kyi drung na'ang dam pa'i

  1034. 141a

    chos ston pa'i sbyin pa ni shin tu lhag pa yin no/ / lus can rnams thams cad la'ang mya ngan las 'das pa'i mthar thug pa'i bde ba rnams dang ldan par 'gyur ro/ / dam pa'i chos ston par byed pa dang / nyan pa'i yon tan gzhan yang yod de/ gang 'ga' zhig chos sgrogs pa la dad pa dang / rab tu drang ba dang ldan pa/ dbang po kha bye ba/ blo gtsang ba gcig tu dkon mchog gsum la rab tu dang ba'i blos khyim pa 'am/ rab tu byung ba'ang rung ste/ dam pa'i chos nyan par 'dod pas khyim nas byung nas lha khang ngam/ kun dga' ra bar 'gro bar byed pa na/ de gom pa 'bor ba dang / gom pa 'bor ba la tshangs pa'i bsod nams 'byung bar 'gyur ro// yang gang dag chos dang chos smra ba la nor dag gis mchod par byed pa des ni/ dngos su sangs rgyas la mchod par 'gyur ro// de ji lta ji ltar mchod pa de dag yongs su sngo bar byed pa na/ de lta de ltar yongs su smin par 'gyur te/ de ji srid du de bla na med pa yang dag par rdzogs pa'i byang chub kyi bar du 'gyur ba yin no// chos ston pa po mchod par byed pa gang yin pa ste// de ci'i phyir zhe na/ chos bsgrags pa las sems las su rung bar 'gyur ba'i phyir ro// de las su rung bar byas pa las kyang thog ma med pa'i dus nas zhugs par gyur pa'i mun pa

  1035. 141b

    rnams 'joms par byed pa'i phyir ro/ / de las gzhan 'ga' zhig gis kyang sems las su rung bar byed pa ni ma yin te/ chos smra ba rnams ji lta bar bzhi po rnams kyi rang phan par lam gyis blan par sla ba ma yin no/ / bzhi po gang zhe na/ 'di lta ste/ ma dang / pha dang / sangs rgyas dang / chos ston pa po'o// de dag rnams la byin pa ni/ gzhal du med par 'gyur ro// rgyu dang 'bras bu la kun tu rmongs pa ni chos bstan pa thos nas rgyu dang 'bras bu la dad pa dang ldan par 'gyur ro// log pa'i lta ba la sems kun tu zhugs pa rnams ni yang dag pa'i lta ba dang ldan par 'gyur ro/ / srog gcod pa dang / ma byin par len pa dang / mi tshangs par spyod pa la dga' ba rnams ni chos bstan pa dag thos nas/ de dag rnams spong bar 'gyur ro// de dag rnams la chos bstan pa des kyang las su rung bar byas nas mya ngan las 'das pa'i mthar thug par 'gyur ro/ / de la rgyu de dag gis na chos ston par byed pa pos phan btags pa la lan blan par sla ba ma yin no// lus sbyin par byed pa po'i ma dang ba dag la'ang lan blan par bya/ mi nus te/ gso skyed byed pa po de dag chos la rab tu 'god par gyur pa ni ma gtogs te/ gang gi bus ma dang pha dag chos la rab tu 'god par byed par gyur pa de ltar na

  1036. 142a

    cung zad cig phan btags par 'gyur ro/ / de bzhin gshegs pa dgra bcom pa yang dag par rdzogs pa'i sangs rgyas khams gsum na ches khyad pa du 'phags pa 'khor ba las nges par thar pa'i 'phags pa la'ang lan blan par bya bar mi nus te/ de rtogs shing bsgrubs pa kun tu dga' ba'i rgyus lan ldon pa rnams ni ma gtogs so/ / de bzhin gshegs pa la'ang bya ba byas par 'gyur ba bdag nyid kyang ba de legs la sbyar bar 'gyur ro// de nas dus de'i tshe rma bya'i mnga' bdag des gtsug lag gi tshigs su bcad pa'i dbyangs brjod pa/ ji ltar/ bde legs mya ngan las 'das 'gro ba'i// gang yang chos ni ston byed pa// de ni 'brel pa kun gcod pa'i/ / lus can rnams kyi bla ma yin// gti mug rang bzhin zhags bcad nas// shis pa gzhan ni ston par byed// chos rnams rab tu ston pa dang / lam ston par ni de rab brjod/ / chos gang gis ni mi rnams kyang // srid pa'i rgya mtsho las grol ba// dam chos mchog rab yin par brjod// gang yang 'jig rten chos ma yin/ gang yang lus can rnams la ni// zhing ni bzhi po 'di rnams yin// theg pa mchog tu bla med dang // dbang po tshang ba de rnyed pa// de yi skye 'di 'bras bcas par//

  1037. 142b

    lam ston mdzad pas gsungs pa yin// mi gang chos la mi dga' ba// de ni phyi nas 'gyod par 'gyur// rtag tu rnam par chags pa yin// rtag tu 'dod pa rjes su tshol bu dang chung ma la ra' chags/ / lus can rnams la mthar byed 'byung // kun nas nyon mongs rtag tu 'thug/ skyon ni de dang de yis gang // ngan song la ni sems 'bab cing / / lus can rnams ni sems kyis bcings// gdul bar dka' dang dbyug pa gsum// rtag tu yang ni glags gcod pa// de yang mi rnams dgrar gyur pa'i// / sems kyi dbang du ma 'gro dang // dgra bo shin mig rno des// rnam pa du mar sgom par byed// dmu rgod rta ni ji lta bar// sems de chos kyis yang dag byos// de ltar mchog tu zab par gyur pa'i zhing gi yon tan rnams rab tu bsngags te shes pas/ lha de dag rnams la phan par 'dod pa'i byang chub sems dpa' de smon lam gyi dbang gis der skyes nas gzhan la phan pa la rab tu zhugs pas/ rnam pa du mar chos bstan par gyur cing chos kyi yon tan rnams kyang rab tu bsgrags par gyur to// chos 'dul ba de dag thos par gyur nas kyang / lha de dag yid ches par rab tu dang ba dang / thams cad kyang yid rtse gcig tu gyur pas nyan par byed pa dang / gtam rjod par yang byed de/ ji ltar 'gal ba med

  1038. 143a

    par chos 'di dag ston par byed do/ / gang rma bya'i rgyal po 'dis bdag cag dga' ldan pa rnams la ston pa de ni/ dga' ldan gyi mnga' bdag nye bar zhi ba'i chos de dang 'di la'ang 'gal ba cung zad kyang med cing tha dad du bya ba'ang cung zad kyang med do/ / so so dang khyad par du bya ba'ang cung zad kyang med do// chos 'dul ba 'di thams cad nas yongs su brtags par gyur pa na/ thog ma dang / bar dang / tha mar dge ba dang / mchog tu rab tu dang ba dang / mchog tu bde legs su gyur pa dang / mchog tu bde legs kun tu 'thob pa dang / lha dang mi rnams thams cad la phan par byed pa dang / shis par byed pa yin no// de nas lha de dag gis de skad ces badz+rod nas/ slar nyid kyang ji ltar bdag cag rnams thams cad la phan pa dang / bde ba dang / mya ngan las 'das pa'i mthar thug par 'gyur bar nyi shu rtsa gnyis par gyur/ pa'i chos kyi rnam grangs 'di rma bya'i mnga' bdag gis bshad du gsol/ lha de dag gi drung nas thos pa dang / phyir zhing nyid kyang ches rab tu rangs par gyur yid kyis te/ sems rab tu dang ba dang / sems can rnams thams cad la snying rjes brlan pa'i blo dang ldan pa dang / gzhan la phan pa la rab tu zhugs par gyur pas/ slar nyid kyang nyi shuH

  1039. 143b

    gnyis par gyur pa'i chos kyi rnam grangs mchog tu zab pa'i theg pa chen po mchog tu rgya che ba'i bde legs kun nas thob par byed pa ston par byed pa la 'di lta ste/ chos gzhan/ 'di ni mchog tu thar par byed pa yin te/ mchog tu rgya che ba dang / skye bo rnams thams cad dga' bar byed pa ni 'di lta ste/ snying rje ba'o// snying rje zhes bya ba'i chos ni skye bo rnams thams cad kyi yid du 'ong ba dang / skye bo rnams thams cad kyis yid ches par byed pa dang / 'khor ba'i 'jigs pas 'jigs pa rnams kyi yid ches pa'i sa gzhi dang / legs par bsdams pa'i yid can rnams kyis mya ngan las 'das pa dang / skyob pa med pa rnams skyabs kyi sa yin no// gang la snying rje yod pa de la mya ngan las 'das pa ha cang ring ba ma yin no/ / g.yo yang yod pa nyid ma yin te/ khro ba'i sems las mngon par 'das pa dang / khro ba dang rnam par bral ba'i snying la snying rjes zhu ba'i sems dang ldan pa'i skyes bu rnams ni snying rje zhes bya ba'i rgyan chen po rnams kyis brgyan pa yin no/ / snying rje zhes bya ba'ang gang gi phyir gnod sems kyi nyes pa rnam par 'joms par byed pa'i chos kyi snying rje 'gro ba lngar skye bar 'gyur ba'i sems can rnams la bya bar bya'o/ / de la re zhig theg pa chen po la rab tu gnas pa'i byang chub sems dpa'

  1040. 144a

    dmyal ba pa rnams kyi dbang du byas pa'i snying rje bsgom par bya'o/ / ji ltar zhe na/ sems can de dag rnams ni rang gi las kyis co dris pa dang / sems dgrar gyur pas yongs su bslus pa dang / dpe med par gyur pa rnam pa du ma'i phur pa dang / 'gyur byed dang / tho ba dang / zangs kyi khu ba dmar po dang / gtun shing dang / chu klung rab med du bya rgod dang / bya rog gis 'dren par byed pa dang / nags tshal ral gri lo mar 'jug par byed pa dang / 'gyur byed kyi chu klung la sogs pa'i tshor ba dgra bo rtsub pa dpe med pa rnams kyis yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa'i mthar thug pa'i nye 'khor gyi dmyal ba rnams dang / dmyal ba brgya sum cu rtsa drug gi brgya phrag rnams la 'tshed par byed/ gshag par byed/ 'byed par byed/ chur bar byed de/ rang gi las kyis bslus pa/ las kyi zhags pas bzung bar gyur pa/ sred pa'i mes yongs su gang ba'i phyir skyob par byed pa/ rjes su tshol ba dang / skyabs rtsad gcod par gyur pas/ thams cad du kun nas rgyug par byed pa rnams la 'di ltar sems bskyed par bya ste/ cis 'di dag rnams bde bar 'gyur// ji ltar na skyabs su 'gyur ba yin na/ gang gi tshe 'di dag rnams kyi mchog tu rtsub

  1041. 144b

    pa'i sdug bsngal gyi rgya mtsho chen po las bdag gis sgrol bar byed par 'gyur/ de sems can de dag la de ltar snying rje bar byed do// snying rje dang ldan pa de'ang gang gi tshe shi bar gyur pa de'i tshe lha rnams kyi mngar bdag tu 'gyur ro/ / mi rnams kyi yang ste 'khor lo sgyur ba'i rgyal por 'gyur ro// sems can rnams thams cad la'ang 'dod pa dang / sdug pa dang / yid du 'ong ba dang / dge ba'i chos rnams la rjes su dga' bar yang 'gyur ro// de ltar dmyal bar gyur pa'i sems can rnams kyi gzer zug de dang ngag rnams dmigs te/ snying rje bskyed par bya'o// de ltar na mang du chen por gyur pa dang / rnam pa du ma rnams su'ang tshangs pa'i bsod nams mngon par 'phel bar 'gyur ro// gzhan yang theg pa chen po la rab tu gnas pa'i byang chub sems dpa' gyur pa dge sbyong ngam/ bram ze 'am/ bro de dag dang mtshungs par gyur pa gzhan yang rung ste/ bskul ba'i blos sems can rnams la phan pa la gcig tu mngon par dga' bas yi dgas kyi dbang du byas la snying rje bskyed par bya'o/ / sems kyang 'di ltar bskyed par bya ste/ ji ltar yi dgas 'di dag rnams ni yi dgas kyi skye gnas su skyes par gyur pa/ rnam sna tshogs pa'i bkres pa dang skom pas bsregs par gyur pa'i lus can/ nags tshig pa dang 'dra ba'i lus dang ldan pa

  1042. 145a

    rnams phan tshun du kha mngon du phyogs par gyur nas mngon par rgyug par byed de/ 'bar ba'i 'phreng ba'i rab tu 'bar bar gyur pa'i lus can rnams thams cad du skyabs rtsad gcod par byed pas/ phyogs bcur brgyugs kyang de dag rnams kyi skyabs ni 'ga' zhig kyang med do// sdug bsngal de dag rnams las sgrol bar bya na/ kye ma 'di dag rnams bkres pa dang skom pa'i rang bzhin gyi sdug bsngal rnam pa sna tshogs de dag rnams las nam zhig thar pa 'byung bar 'gyur/ de ltar yang yi dgas kyi 'jig rten du skyes pa'i sems can rnams kyi dbang du byas nas snying rje skyed par byed do/ / gzhan yang theg pa chen po la legs par rab tu gnas pa de nyid kyis byang chub kyi sems mngon du byed pas// dud 'gro rnams mthong nas kyang snying rje skyed par byed do// yi dgas rnams ni sdug bsngal rnam pa du ma dang ldan pas phan tshun ches lhang kyog gis gsod pa la mngon par dga' bar gyur pa yin la/ dud 'gro yang gnas gsum du rgyu ba rnams la 'di lta ste/ bar snang dang / chu dang / sa gzhi la rgyu ba'o// phan tshun du za bar byed pa'i dbang du byas nas de dag rnams kyi srog gtong bar byed pa'i tshul ni rnam pa du ma yin no/ / kye ma gang gi tshe de dag rnams sdug bsngal rnam pa du ma de dag las grol bar 'gyur zhes/ de ltar dud 'gror skyes pa'i sems

  1043. 145b

    can rnams kyi dbang du byas nas snying rje skyed par byed do/ / sems bskyed pa dang lhan cig nyid du tshangs pa'i bsod nams 'phen par 'gyur ro// byang chub sems dpa' sems dpa' chen po mchog tu dge bar gyur pa'i sems dang ldan pa/ sems can thams cad la snying rje dang ldan pas dud 'gro rnams la snying rje bskyed par gyur cing / shin du nyes par spyod pa'i las kyi 'bras bu'i sa pa rnams mchog tu sdug bsngal ba/ mchog tu rtsub par gyur pa'i 'gro ba gsum po rnams la snying rje bskyed nas/ 'dod pa na spyod pa'i lha drug rnams kyi dbang du byas nas snying rje bskyed par bya'o/ / lha rnams kyis kyang ri dang sman ljongs rnams la/ nags dang / nye ba'i nags rnams la'ang dpe med pa'i mtho ris bde ba rnam pa du ma rnams nye bar longs spyod cing / pad+ma'i rdzing bu dang / nags rnams la bud med dang lhan cig tu rtse dga' brgya stong nye bar longs spyad nas las zad par gyur pa na 'chi 'pho ba'i sdug bsngal 'byung ngo // de'i rjes thogs la dmyal ba dang / yi dgas dang / dud 'gro rnams su skye bar 'gyur ro// de'i phyir na 'khor ba 'di shin tu mtho btsams par gyur pa dag srog chags rnams kyis nye bar longs spyod par byed do/ / sred pa'i 'ching ba rnams kyis shin tu dam par bcings nas sngon gyi mtha' dang / phyi ma'i mtha' rnams su kun tu rgyug par byed kyang / 'di dag gis

  1044. 146a

    lam dam pa tshol bar byed pa'ang ma yin no/ / de ltar lha rnams la'ang 'chi 'pho ba'i sdug bsngal rnams la nye bar dmigs nas snying rje skyed par byed do// de bzhi/ du mi rnams la'ang snying rje ste/ rnam pa sna tshogs pa'i lam gyi 'bras bur skyes pa rnams dman pa dang / bar ma dang / khyad par du 'phags pa'i bde ba dang / sdug bsngal gyi 'bras bu dag nye bar longs spyod par byed pa rnams dman pa dang / bar ma dang / khyad par du 'phags pa'i las la nye bar zhugs pa rnams spyod pa dang / rab tu rgyu ba sna tshogs pa dang / bsam pa dang / mos pa sna tshogs pa dang / dbul bas gzir ba rnams skyabs med pa rnams gzhan gyis zil gyis mnan pas shin tu rang gzir bar gyur pa rnams yongs su tshol ba'i sdug bsngal gyi mchog la yongs su longs spyod par byed pa'i mi'i 'jig rten de mngon par mthong nas snying rje skyes par byed do/ / 'di'ang mchog tu dga' bar gyur pa dang / mya ngan las 'das pa'i thar par 'gyur ba'i chos yin no// de la de ltar 'gro ba lnga'i sems can rnams la sdug bsngal lnga nye bar dmigs pa'i na/ theg pa chen po la kun nas rab tu gnas pa gang yin pa'i dge sbyong ngam/ bram ze dag gis kyang snying rje skyed par byed pa rnams ni/ thams cad du'ang bde legs su gyur pa'i mya ngan las 'das

  1045. 146b

    pa thob par 'gyur ro/ / de nas de'i dus 'dir rma bya'i rgyal po de 'khor ba 'jig gi tshigs su bcad pa'i dbyangs brjod pa/ ji ltar/ kA ye theg pa la rtag tu// gang gi sems ni legs gnas pa/ / de yi snying rje rjes 'brel ba// ma la bu ni ji bzhin no// gang gi sems kyang myong min pa'i// snying rje yis ni rnam brgyan pa// de yi grogs por 'jig rten 'dir/ / 'gyur ro snyan pas kun tu khyab// snying rjes brlan dang skyon dang bral// dbang po legs par gdad pa dang // yang dag lta ba rab ldan pa'i// shin tu mya ngan 'das ring min/ / gang zhig snying rjes rnam pargyun dang // mi yi 'jig rten na de lta// snying rje yis ni gang dbul ba// de ni shin tu dbul por 'dod// gang yang bsam pa 'jam pa ni// mi bzangs gser dang 'dra ba yin// snying rje rin po che 'di ni// gang dag yid la 'jug gyur pa// sems can gang yang rtag brtson ldan// rtag tu chos la gzhol gyur pa// de dag snying rje'i sgron ma yis// snying ni legs par rab gsal byas// gang dag dam chos chu bo ni// nyin mtshan med par ldog pa med// de dag gnas skabs thams cad du// snying rjes mngon par dga' ba'i yid// snying rjes bsil bar gyur pa yin// sems can kun la phan dga' bas// bde ba dpe med longs spyad nas// phyi nas mya ngan 'das

  1046. 147a

    par 'gro/ / snying rje thub pas bsngags pa yin// snying rje dri med snying po yin// snying rje skyon rnams 'jom sa pa bo// snying rje zad pa med pa'i gter// yon/ tan rgyan rnams kyi yang mchog/ skyon rnams thams cad rnam 'joms so// snying rjes brlan phyir thub rnams kyis// go 'phang bla na med par 'gro// snying rje'i bzhon ma gang la yod/ / de ni mchog gi 'o mo ldan// khro bas sreg dang mi ldan par// snying la legs par rab tu 'jug/ theg chen rgyal ba la zhon pa'i// brtse ba'i snying rje legs gnas nas skyon gsum rlabs ni shugs po che'i/ / srid pa'i rgya mtsho las sgrol byed// yon tan rgya chen rnams kyi gtso// nor ni ma yin pa yi rgyan// bzang po rnams kyis rtag brtse ba/ / 'di ni snying rjer brjod pa yin// de ltar des lha de dag rnams la chos ston par byed do// thog ma dang / bar ma dang / tha mar dge bar gyur pa dang / thams cad du 'gal ba med pa dang / rab tu bsngags pa dang / shes pa dang / lha rnams thams cad nye bar 'phel bar byed par 'gyur ba'o// gzhan yang bcom ldan 'das des bstan par gyur pa'i chos gzhan gang dag yin zhing / theg pa chen po la rab tu gnas pa'i byang chub sems dpa' sems dpa' chen po rnams chos gang dang yang dag par ldan

  1047. 147b

    pas skyes bu myur du bla na med pa yang dag par rdzogs pa'i byang chub tu mngon par rdzogs par sangs rgyas par 'gyur ba 'di'ang gang zhe na/ 'di lta ste/ dul ba'o// dul ba'i chos kyang gang gi phyir yang bar gyur pa'i skyon rnams yongs su spangs pa dang / yon tan rnams yongs su 'dzin par byed pa yin no// bsam pa 'jam po dang ldan pa'i skyes bu la'ang / dri ma rnams thams cad yongs su spangs pa'i mya ngan las 'das pa lag tu 'ong bar 'gyur ro// bsam pa 'jam po'i skyes bu'ang gcig tu dge ba byed par gyur pa dang / skye bo rnams thams cad yid ches par byed par 'gyur ro// snying rtsub par gyur pa'i skyes bu ni rdo rje dang / rdo ba dang mtshungs pa/ mkhregs pa'i kho na dam po rnams bro la bsdams pa dang kun nas ma bsdams par rgyu ba/ skye bo rnams thams cad dang mi mthun par 'gyur ro// mi sdug pa dang yid du mi 'ong bar 'gyur te/ gang dang gang dag bzung bar gyur pa de dag 'di'i snying las yongs su mi 'pho'o/ / gcig tu dga' bar mi 'gyur zhing / bsam gtan gyi kun dka' ra ba na rgyu bar mi 'gyur ro// dam pa dang kun tu 'dre// bar 'gro ba ma yin no// de la chos 'dul ba rnams legs par 'dod par mi byed de/ ji ltar gzhan gyi sa bon bzhin dang / ji ltar bye ma rnams las 'bru mar mi 'byung ba bzhin

  1048. 148a

    su/ de skar skyes bu khron pa'i rang bzhin can sems rtsub pa de la chos rnams de ltar mi 'byung ngo // ji ltar ba lang ki rA las 'o ma dang / zla ba dro ba dang mo gsham la bu dang / nam mkha' la me tog yod pa ma yin no// de bzhin du khron ma'i rang bzhin can dang / khro ba'i las can mchog tu g.yo dang ldan pa dang / g.yon can gyi rigs su gyur pa/ blo gros dman pa/ bdag nyid slu bar byed pa/ gzhan dag slu bar byed/ srid pa'i 'dam du bying ba/ mi dge ba rnams sten par byed pa/ dkon mchog gsum spangs par gyur pa/ theg pa chen po las kha phyir phyogs pa/ dmus long du gyur pa/ dam pa'i chos kyi nyi ma mig gis ma mthong ba/ mchog tu mya ngan byed par gyur pa'i skye ba dang / rga ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba'i dgon par 'khyams pa/ mtha' yas pa'i sdug bsngal rnams 'joms par byed pa'i bdud rtsi spangs pa'i skyes bu ngan pa sdug bsngal gyi chu bor bying bar gyur pa la ni mya ngan las 'das pa nyid yod par mi 'gyur ro/ / de ci'i phyir zhe na/ gang gi phyir 'dis mya ngan las 'das pa rtogs par 'gyur ba/ legs par thob par byed pa'i lam gyis rgyu la'ang mi 'jug pa'i phyir ro// de'i phyir 'di bde ba'i

  1049. 148b

    skal ba can du mi 'gyur ro/ / gang yang 'dul ba dang ldan par gyur pa 'jam po'i yid can de dag rnams thams cad ni mya ngan las 'das pa 'thob pa'i skal ba can du gyur pa rnams ni de dag yin no/ / dper na til las ni til mar ro// nyi ma las 'od zer ro// zla ba las ni bsil ba'o// me las ni dro ba'o// sa gzhi ni brtan pa yin no// rgya mtsho las ni ha cang mi g.yo ba'i chu'o// btung chu ni bsil ba'o// 'byung ba chen po bzhi po rnams ni bro kun tu gnas par 'gyur ba yin no// sems 'jam po rnams kyang de kho na bzhin du yin te/ sems las su rung ba dang / dad pa dang ldan pa dang / rab tu brtson pa dang ldan pa dang / phyin ci ma log par ston par byed pa dang / rgyu dang 'bras bu la dad pa dang ldan pa la ni mya ngan las 'das pa mdun nyid na gnas so/ / de nas dus der rma bya'i rgyal po des gtsug lag gi tshigs su bcad pa'i dbyangs kyis brjod pa/ ji ltar/ gang gi snying ni bdul byas pa// zhu bar gyur pa'i gser bzhin no// de nas nges par phan dge ba'i// sdug bsngal las ni myur du 'grol// kun nas nyon mongs brtul ba yis/ / gang gi sems ni snod du byas// de la bde legs skye 'gyur te// zhing rnang gi nis su bzhin// sems kyi khyim gyi gter ldan pa// lus

  1050. 149a

    can kun la de mi bzad/ / mi rnams g.yo sgyu chen po yis// dbul ba kun nas 'joms par byed// dbang po rno zhing zhi ba dang // rtag tu bsam gtan gyi gnas shing / / yul rnams la yang bag dang ldan// sdug bsngal dag gis gnod pa'ang med// de ltar rma bya'i mnga' bdag des tshigs su bcad pa brjod pa las 'a'athab bral ba'i lha dang / dga' ldan pa'i lha de dag rnams kyang ngoms pa med pas/ slar yang chos 'dul ba de nyid nyan par 'dod pas thal mo kha sbyar te/ dam pa'i chos la gus par gyur cing slar yang chos nyan par 'dod pas rab tu smras pa/ 'phags pas bshad du gsol/ rma bya'i mnga' bdag gis bstan du gsol/ sems dpa' chen po bdag c ag rnams nyid kyang gnyis kyis lhag pa'i chos kyi rnam grangs nyi shu pa 'di dag gang thos par gyur nas bdag cag rnams mchog tu bde legs rnams thos par 'gyur ba lags de nas rma bya'i mngar bdag rnam par bkra ba de sngar nyid kyang lha de dag rnams nyid la/ chos kyi rnam grangs gnyis kyis lhag pa'i nyi shu pa de nyid 'chad par byed do/ / 'di lta ste/ chos gzhan 'di'ang theg pa chen po la legs par rab tu gnas pa'i dge sbyong ngam/ bram ze 'am/ de dag dang 'dra ba rnams kyis kyang yid pa

  1051. 149b

    bya'o/ / 'di'ang gang zhe na/ 'di lta ste/ rab tu sten pa'o// rab tu sten pa zhes bya ba'i chos ni thams cad nas thams cad la mdzes so// de dang yang dag par ldan pa'i dge sbyong ngam/ bram ze 'am/ de dang rang bzhin mtshungs par gyur pa gzhan rnams thams cad dang / khyim pa 'am/ rab tu byung ba 'am/ gzhan dag kyang byis pa 'am/ rgan po'ang rung ste/ de dag dang yang dag par ldan par gyur cing / des rab tu g.yogs pa ni mdzes pa yin no// de dang mi ldan pa'i skyes bu rnams ni lce spyang dang / khA ta dang mtshungs pa rnam par gyur pa 'dra ba ma yin pa rnams yin no/ / re zhig rab tu bsten pa 'di'ang rab tu byung bas ji ltar bya zhe na/ re zhig dang po kho nar rab tu byung ba rnams kyis rab tu brten par bya'o/ / 'di ni rnam pa bdun te/ rnam pa bdun po 'di dag kyang gang zhe na/ 'di lta ste/ yul gyi rjes su 'thun par gyur pa'i phyag dar khrod/ yul gang dang gang na ji lta bu'i gos dag khyim pa rnams gon par byed pa de ched du bor bar gyur pa dang / dur khrod na gnas pa de dag kyang rab tu byung bas blang bar bya'o// de'i phyir gang yang dri ma can dang / rgyal po dang / sbom po de dag blang bar bya'o// 'di ni chos gos kyi rab kyi rten yin no// gzhan yang blta ba rab tu rten pa ni mig rab tu lta bar byed pa rnam pa ji lta bu yin

  1052. 150a

    na 'di na gang dge slong dag gnya' shing gang tsam du las du lta bar byed pa dang / sbyin pa po dang sbyin bdag rnams kyi khyim du rjes su zhugs pa na'ang sa la lta bar byed do/ / de yang na sangs rgyas kyi sku gzugs la gcig tu dran pa nye bar gnas par byed do// dbang po gcig tu bsdams pa dang / lus thams cad shin tu legs par bsdams pa dbu 'byung ba dang rngub pa bgrang bar gyur pas lus kyi dbang du byas nas kyang dran pa dang ldan pas rgyu bar byed kyi/ sbyin bdag gi khyim du rnam pa thams cad du'ang nye bar mkho ba'i snod spyad rnams yongs su bcad nas lta bar mi byed do/ / mig rig rig por mi byed cing bud med dag la rab tu rtog par mi byed do// byis pa la 'khyud par mi byed cing / yang dang yang du rkang pa dag skum par mi byed do/ / log pa dag rnam par spyod par mi byed do// stan las rab tu spyod par mi byed pa dang / lag pas rang gi mgo bo phyi byad mi byed pa la yang dang yang du chos gos dag spyod par mi byed do/ / lag pas lag pa gnon par mi byed cing / sor skyong par mi byed do// 'di ni rab tu rten pa gnyis pa yin te/ rnam pa de lta bu'i dge slong ni lta bar byed pa la rten pa rab yin no/ / gzhan yang rab tu rten pa gsum pa yod de/ dge slong sbyin pa pa dang khyim bdag gi khyim du zhugs par gyur nas/ rkang pa gnyis

  1053. 150b

    bkrus la lag pa gtsang bar byas te/ lhung bzed byi dor bya'o// byi dor byas nas kyang dman zhing dman pa'i sems kyis stan la 'dug par bya'o// bsdad nas kyang gang yang rkang pa gnyis kyi bar tsam gyi mdun du lhung bzed kyi ldum kor bar lhung bzed gzhag par bya'o/ / lag pa g.yas pas kyang lhung bzed bsrings la legs par byas te/ bsod snyoms byin len bya'o/ / blangs nas kyang de'i rjes la sman bzhin du dang / kham yang ha cang che bar mi bya'o// de'ang kha ha cang gdangs nas khar gzhug par mi bya'o// sgra che bas bza' bar mi bya zhing / mchu ha cang kun tu bskyod par mi bya'o// gsus pa'i sum cha tsam gyis chog shes par gyur par bya'o// gzhan dag gi lhung bzed la kun tu blta bar mi bya'o// zas gang la brkam chags bskyed par gyur pa derang bza' bar mi bya'o// de zos pa gang gis bag med pa gzhan rnams byed par mi 'gyur ba rnams so// ston mo'i yul dang / dus nges par rdzogs pa dang / gang gis dbang po rab tu dang bar gyur pa dang / shin tu mnyam par bzhag par gyur pa'i yid kyis chos bstan par bya ste/ blo mnyam par gzhag pas dang / shin tu myur ba ma yin pa dang / bul ba ma yin pa dang / drang ba ma yin pa dang / kyog po ma yin pa dang / ring ba ma yin pa dang / yul dang dus mngon par

  1054. 151a

    bltas te/ sbyin bdag gi sems rjes su bsrung bar 'gyur bar bya'o// ji ltar 'di bag med pa rnams kyis 'jigs par mi 'gyur bar bya'o// 'di ni rab tu brten pa gsum pa yin no/ / gal te yang gang zas thob gyur pa 'dis cung zad cig mthong bar gyur pa grong ngam/ grong khyer ram/ tshong dus rnams la des de yid la mi bya'o// 'dod par yang mi bya'o/ / de la sems spro ba bskyed par yang mi bya'o// sa mtshams rigs pa ma yin par kun tu go bar byed pa'i gnas mal rnams la brtags te 'dug par mi bya ba 'di ni rab du bstan pa bzhi pa yin no/ / gzhan yang nges par chags pa med pa rab kyi rten yod de/ don rnams thams cad la lus dang srog gnyis la'ang ltos pa med par gyur pa'o// yo byad dang snod spyad mang po rnams thogs shing khyer bar gyur pa ni dge slong ma yin pa dang / kun du rtsom pas yul ljongs rgyu ba la mngon par dga' ba ma yin pa'i dge slong du gyur pa dang / gzhan gyi rtags dang cha byad 'dzin pa ma yin pa dang / phe'u btab pa la ched cher byed pa ma yin pa dang / khyim gcig tu rab tu 'jug pa la mngon par dga' bar gyur pa ma yin pa dang 'di ni rab tu rten pa lnga pa yin no/ / gzhan yang nges par chags pa med pa'i rab tu rten pa yod pa ni/ shing dang / rtswa dang / sa gcod par gyur pa ma yin/ lham kha

  1055. 151b

    bo dang / gos khra bo gon par gyur pa ma yin/ shin tu tshul khrims 'chal pa rnams la'ang gshe bar byed pa ma yin/ rgyal po'i bsod snyoms la ltos pa mchog tu byed pa ma yin/ kun tu rtsod pas gzir ba dang ldan pa'i dge slong la rjes su sten par byed pa ma yin pa 'di ni rab tu rten pa drug pa yin no// gzhan yang rab tu rten pa dag yod pa la ji ltar dge slong gang sems mnyam pa la rten pa de ni/ rab kyi rten de dang des rjes su bsten pas phan bzhin du gyur pa bdud kyi yul las 'bros pa la brtson pa la ched cher byed pa dang / zhi ba dang dbang po dul ba rnams kyis rjes su sten par byed pa ni/ ri khrod dang / ri phug dang / bla gab med pa dag tu rgyu ba dang / rtag tu'ang stong pa nyid dang / mtshan ma med pa dang / smon pa med pa la gnas par gyur pa 'di ni rab tu sten pa bdun pa yin no// de ltar na dge slong gis rnam par 'joms pa dang / 'ching ba rnams thams cad las rnam par grol bar yang 'gyur ro/ / de nas de'i dus 'dir rma bya'i mnga' bdag gis tshigs su bcad pa gzhan dag bsnyad pa/ ji ltar/ ji bzhin rab tu rten spyod ldan// / ye shes spyod yul sten pa'o// 'khor ba'i skyon gyis 'jigs pa yi// rab tu byung ba 'azas bcas 'dod// bslab pa'i gzhi ni nyams med dang // sngon bde ba la'ang

  1056. 152a

    spro ba med/ / phung po rgyun gyis 'jigs pa yi// nags su sten pa 'bras dang ldan// ngag 'jam pa dang zhi ba dang // mya ngan 'das la'ang kha phyogs pa// lus ni tshul khrims kyis brgyan pa'i// rab tu 'byung ba 'bras bcas 'dod// bdag gi dngos dang gzhan dngos la// gang gi blo ni rmongs med pa// las kyi rnam par smin pas min/ / lam dang lam min de bzhin nyid// bde dang sdug bsngal 'jigs pa dang // sgrib pa dang yang min ldan la// khyim gyi zhags pa rnam grol bas// sdug bsngal nyid ni gnas pa min/ / de ltar rab tu rten pa'i yon tan rnam pa du ma rnams su rma bya'i mngar bdag 'dis lha de dag rnams la brjod de/ lha de dag rnams slar yang dad pa skyed par byed pa'i phyir ro/ / de'i tshe lha de dag rnams thams cad kyang chos 'dul ba rnam pa du mar brjod par gyur pa na/ mnyam par gzhag pa'i rna ba'i bug pas ma par byed do/ / de nas gzhan yang rma bya'i mnga' bdag de spro ba ldog par med par gyur pas slar yang chos de nyid ston par byed de/ 'thab bral gyi lha de dag rnams dang kun tu lhags par gyur pa'i dga' ldan gyi lha de dag rnams la dam pa'i chos sgrogs pa la gus pas/ phyir yang rma bya'i bdag po de nyid kyis chos ston par byed do//

  1057. 152b

    theg pa chen po la rab tu gnas pa'i dge sbyong ngam/ bram ze la'ang ji ltar gces par bya bar gyur pa'i chos gzhan de'ang gang zhe na/ 'di lta ste/ las la dad pa dang ldan pa'o// las dang 'bras bu la dad pa dang ldan pa zhes bya ba'i chos ni chen por gyur pa yin no// gang yang dge sbyong ngam/ bram ze 'am/ de dag dang mtshungs par gyur pa rnams kyang rung ste/ las dang 'bras bu la dad pa dang ldan par gyur pa'i yid can des ni/ lus kyi nyes par spyod pa byed pa na shes par byed de/ ji ltar lus kyi nyes par spyad pa 'di bstan cing bsgoms la lan mang du byas pa ni/ mi 'dod mi sdug pa yin/ yid du mi 'ong ba'i rnam par smin pa rnams bdag la 'byung bar 'gyur ba yin te/ dmyal ba dang / sri dgas dang / dud 'gro'o 'gro ba'i yul rnams la 'bras bu mi 'dod pa/ mi sdug pa/ yid du mi 'ong ba'i sdug bsngal rnams so sor myong bar gyur ta re/ de dag tu rang nyid ngag gi nyes par spyod pa rnams spyod pa na'ang 'di ltar yid la byed do/ / ji ltar bdag gi ngag gi nyes par spyod pa 'di nyid bsten cing bsgoms la lan mang du byas pas ni mi 'dod pa/ mi sdug pa/ yid du mi 'ong ba'i 'bras bu rnam par smin pa 'byung bar 'gyur te/ dmyal ba dang / yi dgas dang / dud 'gro'i 'gro ba rnams su mi dge ba'i las

  1058. 153a

    kyis skye ba rab tu myong bar 'gyur ro/ / de bzhin du yid kyis nyes par spyod pa'ang byed pa dang / bsten cing bsgoms la lan mang du byas par gyur pas ni mi sdug cing yid du mi 'ong la mi 'dod pa mi sdug pa'i yid du mi 'ong ba'i 'bras bu dmyal ba dang / yi dgas dang / dud 'gro'i yul rnams su 'byung bar 'gyur te/ dge sbyong ngam bram ze 'am/ de dag dang mtshungs par gyur pa gzhan rnams sam/ gang yang de dag dang 'dra bar gyur pa rnams kyis gang sngon gyi dus na sdig pa'i las byas par gyur pa rnams dra par byas nas bshags par byed do/ / 'gyod par yang byed do// sangs rgyas la rjes su ston par byed do// ji ltar bdag cag gi las kyi 'bras bu nyes par byas pa rnams las grol bar 'gyur zhes/ de dag rnams ni yongs su 'dri ba'i rang bzhin can du 'gyur ro// de dag de rgan po bshes gnyen dang ldan pa dul ba la spro bar byas nas ltung ba 'di dag bshags par byed do/ / 'di las langs pas de srid kyi sdig pa'i las rnams zad par 'gyur ro// de ltar re zhig gang sngon gyi dus na las byas par gyur pa dam pa ma yin pa'i la nye bar byas pa de dag phyis yang mi byed do/ / ldang bar yang spyod par byed do// des mi dge ba'i las 'di dag thams cad nas thams cad du rab tu bral bar 'gyur ba 'am/ de dag

  1059. 153b

    mgo smad par 'gyur ro/ / de bzhin du de ltar pa'i dus su nyes par byas pa'i las byas par gyur pa lus kyi dang / ngag gi dang / yid kyis kyang ste/ rnam pa gsum po sems yang mor yongs su 'jug pas gal te byas par gyur na'ang / dus 'jug pa yun thung ngus de ma thag tu gang dag sems kyis yongs su btang nas bshags par byed do// 'gyod pa skyed par byed cing phyis yang mi byed do/ / de de bzhin du rab tu 'gyod par byed par gyur pa yin na/ gang las las de phyi bzhin lta bar byed par mi 'gyur/ sdig pa'i las rnams yod pa ma yin// ldan pa ma yin no// de thams cad nas thams cad du med par 'gyur pa 'am/ zad par byed pa'am/ nyams smod par yang 'gyur ro// ji ltar las kyi 'bras bu rnam par smin pa shes pa'i dge sbyong ngam/ bram ze 'am/ gzhan yang de dang 'dra ba rnams dpyod par byed de/ ji ltar gal te bdag gi lus kyis nyes par spyod pa 'am/ ngag gis nyes par spyod pa 'di dag rnams byas shing goms par byas par gyur na/ des bdag dmyal ba dang / yi dgas dang / dud 'gro'i 'gro ba'i yul rnams su 'bras bu rtsub po 'byung bar 'gyur bobabos na/ de mi dge ba'i las kyi 'bras bu ma skyes pa de rnams mi bskyed par bya ba'i don du 'bad cing rtsol la brtson 'grus rtsom par byed do// de la de ltar 'das pa'i dus kyi las

  1060. 154a

    kyi 'bras bu rnams la dad pa'i stobs dang ldan pa'i dge sbyong ngam/ bram ze rnams kyis kyang rung ste/ de dag rnams kyi dmyal ba myong bar 'gyur ba'i las dus ring du kun tu myong bar 'gyur ba chos 'jigs par gyur pa'i tshor ba gang yin pa des yang dus thung ba dang / shin tu zhan pa'i tshor bar 'gyur ba 'am/ thams cad kyi thams cad du'ang med par 'gyur ro/ / de de ltar gzhan yang spyod par byed/ 'bad par byed/ brtson 'grus rtsom par byed pas ni/ gang de la yi dgas su skye bar byed pa'i las ngan pa rnams dus ring du myong bar 'gyur ba dang / bkres pa dang skom pa'i rang bzhin gyi ches drag pa yod pa de dag rnams dman par 'gyur ro// dus thung bar 'gyur ba'am/ tha cad kyi thams cad du'ang med par 'gyur ro/ / de de bzhin du dge sbyong ngam/ bram ze rnams dang / gang yang de dag dang 'dra bar las dang 'bras bu la dad pa dang ldan pa rnams gang yin pa rnams de dag gis dud 'gror skye bar 'gyur ba'i las tshe 'jigs pa rnams byas pas/ de dag phan tshun du za bar byed pa dus ring bar myong bar 'gyur ba de dag rnam kyang shin tu chung ba dang / phan tshun du za ba mi myong bar 'gyur ba dang / dus thung ba dang / thams cad nas thams cad durang med par 'gyur ro// gang byas shing bsags

  1061. 154b

    / la nges pa kho nar so sor myong bar 'gyur ba'i las kyi 'bras bu gang dang gang la 'phen par byed pa'i dmyal ba dang / yi dgas dang / dud 'gro'i 'gro ba'i lus rnams ni ma gto/ so/ gzhan yang las kyi 'bras bu de nyid la dad pa dang ldan pa yin te/ 'di ltar las de ni shin tu rtogs par dka' ba dang / mchog tu phra bar gyur pa'i las kyi 'bras bu rnams la spyod par byed do/ / de la mi dge ba'i las rnam pa gsum po de dag byas par gyur pa rnams de so sor bshags par byed pa dang / kha na ma tho ba de dag rnams rab tu spangs par byed pa de la/ gang kho na nges par myong bar 'gyur pa rnams las dud 'gro'i 'gro ba myong bar 'gyur ba de dag/ 'di ltar sems kyis legs par sgoms shing yongs su dag pas de spong bar byed de/ / de las gang dmyal ba myong bar 'gyur pa dang / yi dgas dang / dud 'gro'i 'gro ba myong bar 'gyur pa dang / lan grangs gzhan la myong bar 'gyur ba rnams sems kyi rnam par 'gyod par byed pa dang / gnyen po dkar po'i chos rnams kyi nye bar bcom pa'i dbang gis kyang rnam pa thams cad du mi 'gyur pa 'am nyams smod par byed pa 'am/ las de nyid kyis gang ches sdug bsngal ba'i dud 'gro'i skye gnas so sor rab tu myong bar 'gyur ba'ang rung ste/ nyes par byas pa de bshags

  1062. 155a

    pa las langs pas sam/ chos shin tu dkar bar gyur pa'i legs par byas pa'i las rnams kyis kyang gang dud 'gror tshe ring por 'tshed par byed pa rnams nye bar bcom pas/ de tshe thung ngu dang sdug bsngal chung bar yongs su 'tshed pa 'am/ thams cad du med par byed do// de la rgyu 'di dang mtshan ma 'di dag gis las dang 'bras bu la dad pa dang ldan pa nyid du bya'o/ / dge slong ngam/ bram ze 'am/ de dag dang 'dra bar gyur pa gzhan rnams kyang rung ste/ gang yang las dang 'bras bu la dad pa dang ldan pa de ni chu klung gi ngos dang bcas nas tshad yod par 'khor ba na 'khor ba yin no/ / de ci'i phyir zhe na/ gang 'gro ba lnga na dge ba dang mi dge ba'i las rnams kyis ma bskyed pa'i 'bras bur gyur pa gang yin pa'i skye ba ni cung zad cig kyang yod pa ma yin no/ / de'i phyir de kho na bzhin du skyes bu'i snying po ni gang las dang 'bras bu la dad pa dang ldan pa zhes bya ba yin te/ srog chags rnams ni thams cad kyang las rnams thams cad kyi 'bras bu'i bgo skal la spyod pa yin no// de'i phyir na bud med dam/ skyes pa rnams kyis kyang rung ste/ thams cad kyis kyang rab tu brtson pas/ nyin mo dang mtshan mor yang bdag nyid thams cad kyis las dang 'bras bu la dad pa'i stobs bskyed par bya'o//

  1063. 155b

    'dir re zhig 'khor ba'i srog chags rnams las de dag gi snying por gyur pa'o// chos gzhan yang dge sbyong ngam/ bram ze 'am/ gzhan yang de dang rang bzhin mtshungs pa rnams kyis yid la bya'o/ / 'di'ang gang zhe na/ 'di lta ste/ mi gnas pas nye bar bcom pa nyid do// mi gnas pas nye bar bcom pa ni gang gi phyir dge sbyong ngam bram ze rnams gang dag yang rung ste/ de dag rnams ni blo gros dman pa rnams yin no// mi gnas pas nye bar bcom par gyur pa'i skyon des sems chags par byed do/ / mi gnas pa de nyid kyis kun tu 'khor bar byed de/ dge 'dun gyi kun dga' ra ba dang / gtsug lag khang dang / grong dang / yul dang / grong khyer dang / gzhan dag tu'ang rung ste/ rtag tu rang le lo can du 'gyur ro// de dang de dag nyid la dga' bar 'gyur ro// de zhi ba'i dgon pa rnams dang / zhi ba'i gnas gzhan dag rnams su'ang mngon par dga' bar mi 'gyur ro/ / legs par 'gro ba'i rang bzhin can ma yin te/ 'gron lam du 'gro ba'i dbang du byas pa na'ang de ni rab tu byung ba'ang ma yin la/ khyim pa yang ma yin no// de thams cad du rigs mtshungs par 'gyur ro// yul phyogs gcig po de nyid la gnas pas kyang dus 'das par byed do// de gang gi don du rab tu

  1064. 156a

    byung bar gyur pa'i bsam gtan gyis bde bar gnas par bya ba de nyid ni mi byed de/ kun tu gnas pa'i skyon gyis nye bar bcom pa'i phyir ro// gar yang mi tshugs/ pa'i skyon de ni rig par gyur nas/ dge sbyong ngam/ bram ze 'am/ gzhan de dang rang bzhin 'dra ba dag la sbyin pa po dang sbyin bdag rnams kha drag por 'gyur ro// 'di dang phrad pa'i don du thams cad du nye bar 'ong bar yang mi 'gyur ro/ / 'di la gang sbyin pa po dang sbyin bdag rnams dbang du mi 'gyur bar dbang che bar 'gyur ro// 'di dag gi tshig nyan par mi 'gyur zhing / de gtso bor byas nas sbyin pa rnams gtong bar mi byed do// shin tu sems stobs yang bar gyur pa/ 'dug pa'i sa mi zin pas nye bar bcom pa/ rtag tu'aphrad par byed pa/ rtag du zhabs 'bring byed pa yin no// de kun tu gnas pas nye bar bcom pa'i skyon gyis nye bar bcom par gyur pa la bzhad gad du byed do// khyim pa dag phan tshun du gleng brjod kyang byed de/ ji ltar dge slong ngam/ bram ze che ge mo zhig ces bya ba gar yang mi chags pas nye bar bcom nas de dang de nyid la dga' 'o// dgon bzhi pa rnams su ni ma yin gyi/ rtag tu tshol sogs byed pa'i rang bzhin can/ rtag tu khyim pa rnams lta bar 'dod pa dang / zhabs 'bring gis dngos por yang 'gro ba dang /

  1065. 156b

    zan bzhin du khyim pa rnams kyi g.yog byed do// g.yog byed par gyur pa de dag gis kha nyen par byed do// de nyid kyis khyim pa kun tu chub par mi 'gyur la/ rab tu byung bar yang mi 'gyur te/ mi gnas pa'i skyon gyis nye bar bcom pa'i phyir ro// gang la'ang skyon 'di dag rnams med pa de ni skye bo rnams thams cad kyis 'byor par byed do// gang kun tu gnas pas nye bar btsem pa'i skyon gyis sbyin pa po dang sbyin bdag rnams kha mi drag par mi 'gyur ba ni 'ga' yang yod pa ma yin no// gnas pa med par kun tu lta bar byed pa'i skyon gyis yang mor 'gyur zhing / / dge sbyong dang bram ze gang 'ga' zhig kun tu gnas pas nye bar bcom par gyur pa rnams la ni/ ji srid du rnam pa de lta bu dang skyon gzhan dag rnams kyang 'byung bar 'gyur ro/ / de'i phyir dge slong dang / bram ze rnams dang / de dag dang mtshungs pa gzhan rnams kyis kyang gcig par bya ste/ rtag tu chags pa'i bro dang / rtag tu gcig pu mngon par dga' ba dang / shing drung pa dang / dur khrod pa dang / phug gi nang du bsam gtan byed pa dang / ri khrod ston pa dang / gcig pu rnam par rgyu bas gnas skabs thams cad du ji srid 'tsho'i bar du mi gnas pas nye bar bcom pa nyid yongs su spang bar bya'o// gcig pu zhig 'ba' zhig dang

  1066. 157a

    yang mngon par chags par mi bya'o/ / chags pa rnams thams cad yongs su spang bar bya'o// chags pa rnams thams cad yongs su spangs pa las thar pa 'thob par 'gyur ro/ / de ni mi gnas pas nye bar bcom pa yin no// de nas dus de'i tshe rma bya'i mnga' bdag des tshigs su bcad pa'i dbyangs kyis bsnyad pa/ ji ltar/ kun nas nyer bcom dge slong ni/ / mi rnams kyis ni bran bzhin mthong // rtswa bzhin du ni yang mor 'gyur// rang don las kyang nyams par 'gyur// gnas kyis nyer bcom dge slong ni/ khyim pa ma yin nags gnas min// bsam gtan bsgom par bya ba la// yid ches nyid na rab mi 'jug/ mi gnas nyer bcom dge slong ni// rtag tu tshol sogs// la brtson no// chol sogs la ni brel ba'i yid// tshe yang yongs su nyams par 'gyur// skad cig shin tu myur ba yi// gson pa go ba nyid ma yin// bde ba gzhan du longs spyad pa/ / gang byas pa ni rig pa'ang min// gnas kyis nye bar bcom dge slong // skye bo lta la ched cher byed// rtag tu sdig pas 'gro ba yin// des kyang ngan song rnams su 'gro/ / yid ni mngon par zhen pa med// chags pa med pa'i lus can rnams// chags pa kun las rnam grol ba// dge sbyong 'bras dang bcas par 'dod//

  1067. 157b

    ri yi khrod dang shing gi drung // rtag tu bsam gtan gyis gnas pa// dge ba rab tu dang ba dang // ye shes skyon de yongs su spangs// chags pa kun las nges rnams grol// yul rnams kyis kyang bslus min pa'i// skam po'i shing la me bzhin du// dge slong de yi nyon mongs sreg/ gcig pu dga' bas dgar gyur pa'i// dge slong dbang po lnga bsdams pa/ / lus kyi mtshan nyid de nyid shes// mya ngan 'das pa rtogs par 'gyur// brtson 'grus ldan zhing dran dang ldan// rtag par skyon rnams rnam par spangs// 'gying bag don gyi skyed tshal bzhin// mya ngan 'das pa lhag par 'gro// mya ngan 'das pa rtag mngon dga'// srid gsum chu bos kyang 'jigs pa// kun gnas kyis ni ma bslus pa'i/ / dag pa'i bdag nyid dge slong yin// de ltar mi gnas pas nye bar bcom pa'i skyon rnams dang ldan pas dge sbyong gang dag shin tu'ang so sor rgyug par byed do/ / de'i phyir gcig pu nyid snying por byed pa rnams kyis mi gnas pas nye bar bcom pa dge slong rnams yongs su spang bar bya'o// khyim pa rnams kyis shin tu chung bar nye bar bcom pa rnams dang / dge slong gnas kyi nye bar bcom pa las re zhig khyim la'ang skyon de dag rnams su 'gyur na/ khyim gyi gnas nas nges par byung ba'i dge slong la

  1068. 158a

    skyon rnams thams cad kyi skal ba can du 'gyur ba lta smos kyang ci dgos/ 'di lta ste/ brtan pas ni dge ba'i chos rnams thams cad 'thob par 'gyur ro// de'i phyir kun du mi gnas pas nye bar bcom pa rab tu brtson pas kyang spang bar bya'o// gzhan yang dga' ldan pa de dag rnams dang 'thab bral ba'i lha de dag rnams la/ rma bya'i mnga' bdag des bcom ldan 'das de nyid kyi mdo 'chad par byed pa la/ ji ltar chos gzhan yang 'dod pa sdug pa yid du 'ong ba mya ngan las 'das pa thob pA 'a gyur ba yod do/ de'ang gang zhe na/ 'di lta ste/ brtan pa dang ldan pa'i dge slong rnams ni rigs kyi dge ba'i chos kyi khur khyer bar 'gyur ro// 'jig rten pa rnams kyis shin tu rang rab tudu bsngags par 'gyur ro/ / brtan pa ni 'jig rten pa dang 'jig rten las 'das pa'i lam rnams la'ang rgyan du gyur pa yin no// skyon rnams thams cad las kyang rnam par grol lo/ / brtan pa skyon thams cad las nges par grol ba'ang gang gi phyir/ 'di ni thog ma med pa'i dus nas rab tu 'jug pa'i skyon gyi dra ba rnam pa du ma rnams rab tu 'phro ba dam zhing shin du brtan por sems kyi rjes su 'brel ba de dag rnams dus cung zad tsam dang / brtson 'grus chung ngu dang / ting nge 'dzin dang / brtan pa'ang cung zad tsam gyis

  1069. 158b

    gzhom par mi nus shing / sems kyi sa gzhi la rnam par zhen nas gnas pa'i skyon gyi dra ba de dag rnams ni dge slong gis 'khor ba las 'grol bar byed pa'i brtan pa ma rtogs pa gzhan rnams kyis ni chod pa ma yin no/ / de dang yang dag par ldan pa'i rnal 'byor spyod pa rnams kyis ni rkyen rnams las nye bar skye ba'i zhen pa mi dge ba rnams blo gros brtan po dag gis yongs su spong bar byed pa'i phyir ro/ / de la kun tu chags par yang mi byed de/ bdag nyid thams cad kyis kyang brtson 'grus brtan por byas nas mi dge ba'i chos rnams kyis 'jigs pa'i phyir yongs su spong bar byed do/ / 'dod chags skyes par gyur na'ang dge slong dag brtan pa'i blos mi sdug pa sgom par byed do// de de dang yang dag par ldan zhing dpung gnyen du gyur pas ni mun par gyur pa'i 'dod chags kyi rkyen gyis skyes par gyur pa'i mi dge ba'i sems rnams yongs su spong bar byed do/ / des kun tu khrid par mi 'gyur ro/ / de bzhin du zhe sdang dang lhan cig 'grogs par gyur pa'i sems skyes par gyur na'ang des 'phrogs par mi 'gyur te/ brtan pa dang ldan par gnas pa'i byams pa'i gnyen po grogs su gyur pa'i phyir ro/ / de bzhin du gti mug dang ldan pa'i sems kun tu skyes pa rnams la'ang rten cing 'brel par 'byung ba'i gnyen pos sgrub par byed

  1070. 159a

    do/ / de nas dus 'dir mabya'i mngar bdag des tshigs su bcad pa brjod pa/ ji ltar/ kun nas sa yang gang chags pa// de ni srid pas rtag tu chags srid pa'i 'ching las grol min rnams/ / 'jig rten 'dir min pha rol yang min// de ltar rma bya'i mnga' bdag des dga' ldan gyi lha de dag dang / 'thab bral rtag tu gcig tu dka' ba rnams la kun tu gnas pa'i skyon rnam pa du ma ston par byed do/ / de nas lnga de dag rnams rnam pa du mar nyan par gyur kyang rnam pa thams cad du ngoms pa med pas slar yang rma bya'i mnga' bdag la brjod pa/ ji ltar khyod kyis bdag cag la mchog tu ngo mtshar bar gyur pa/ mchog tu zab pa'i chos de dag rnams brtan pa gang yin pa ni// thog ma dang / bar ma dang / tha ma dge ba mya ngan las 'das pa'i mthar thug pa rnam par rtog pa du mar 'khor ba la skyo bar byed pa'i lam gyi mchog de slar nyid kyang bdag cag rnams la rjes su brjod pa'i rim pa chos bstan du gsol/ bdag cag thams cad kyang sems rtse gcig pas mnyan par bgyi'o// rang dang gzhan la phan pa la rab tu zhugs pa'i chos kyi lam de dag rnams lha de dag gi drung nas thos par gyur nas/ slar nyid kyang rma bya'i bdag po des lha de dag rnams thams cad nyid kyang sems rtse gcig tu gyur pas ji lta ba bzhin du chos

  1071. 159b

    nyan par byed pa'i lha de dag rnams kyi yid de dag kyang kun du rtogs pas/ bdag gis phyir zhing nyid kyang ches rab tu rangs par gyur pa'i yid du gyur pas slar nyid kyang de dag rnams la bsten par bya'o/ / de nas phyir yang sems rtogs nas slar yang chos de nyid rnam pa du ma rnams su sgra dbyangs brtan zhing rgya che ba dang / mchog tu snyan par gyur pa dang / gzhan la phan pa la rab tu zhugs pa'i snyan pas ston par byed do/ / kye lha dag gzhan yang theg pa chen po rab tu gnas pa'i dge sbyong ngam/ bram ze'am/ de dag dang 'dra ba rnam kyis chos yid la bya zhing de la rab tu brtson pas kyang 'jigs par bya'o/ / 'di'ang gang zhe na/ 'di lta ste/ grags pa ma yin pas 'jigs pa nyid do// grags pa ma yin pas 'jigs pa'i dge slong ni gcig tu nges pa'i blor 'gyur ro/ / de skyon 'di dag rnams grags pa ma yin pa la 'jigs pas spong bar byed de/ ji ltar rtsa ba hral gyi bud med kyi skyon gyi dri ma phal che bar gyur pa'i khyim du 'jug par mi byed cing 'dre bar yang mi byed do/ / chang 'tshong dang lhan cig kun rjod par mi byed cing / mi srun pa rnams dang ma yin no/ / rkun ma dang yang ma yin la/ sdig pa byed pa rnams dang ma yin no// rgod bag can dang ma yin zhing / kun tu 'gyed pa rnams dang ma yin no// rtags gzhan pa rnams

  1072. 160a

    dang rtags gzhan pa la so sor 'brang ba rnams dang ma yin no/ / tshe long ba rnams dang ma yin zhing / rtog mi rnams dang yang ma yin no// byis pa dang ma yin/ zhing / bud med kyis 'tshe ba rnams dang yang ma yin no// rko trog can rnams dang ma yin zhing / kha mi 'tsham pa rnams dang ma yin no// shin du brkam chags can rnams dang ma yin zhing / 'jal ba la sgyu byed pas slu ba rnams dang yang ma yin no// 'jig rten pa rnams dang 'gal bar gyur pa'i tshong pa dang ma yin zhing / chu klung gi ngos la bcom nas sgrol ba rnams dang ma yin no/ / ma ning rnams dang ma yin zhing / lam du'ang bud med dang gom pa gcig kyang lhan cig tu 'gro bar byed pa ma yin no// glang po che 'dul ba rnams dang ma yin no/ / mi 'dul ba rnams dang ma yin no// rta 'dul ba rnams dang ma yin no// med par smra ba rnams dang ma yin no// dkon mchog gsum la kha phyir phyogs pa rnams dang ma yin no/ / theg pa chen po la zhe sdang bar gyur pa rnams dang ma yin no// sdom pa ma yin pa la gnas pa rnams dang ma yin no// rigs ngan pa rnams dang ma yin te/ rnam pa de lta bu'i sdig pa'i las can rnams dang lhan cig tu dge slong gnas par mi byed do// de ci'i phyir zhe na/ lhan cig tu gnas par byed pa gang gi phyir dge slong chung za bar

  1073. 160b

    'gyur la/ de bzhin du 'jig rten pas kyang go bar 'gyur ro// ji ltar 'di'i dri ma can gyi las yin pa de kho na ltar dge slong la'ang rtog par byed do// gang yang yid can rnams thams cad rnam pa ji lta bu dang lhan cig tu 'dre bar byed pa na/ de dag rnam pa de kho na bzhin du skye bo rnams kyis yang rtogs par 'gyur ro// de'i phyir grags pa ma yin pas 'jigs pa rnams kyis dri ma can gyi las can rnams dang lhan cig tu gom pa gcig kyang 'grogs par mi bya'o/ / de nas de'i dus 'dir rma bya'i mnga' bdag des bcom ldan 'das kyis gsungs pa'i tshogs su bcad pa rjod par byed pa/ ji ltar/ ma rnags rnag dang 'dre byed pa// rnag nyid nye bar skye bar 'gyur// de yi rnag dang 'dre ma byed// rnag med bya/ bar 'os pa yin// skyes bu ci 'dra ba dag la// mtshungs par rten grogs byas pa na// dge dang gal te mi dge yang // de dang 'a dri las de 'drar mthong // skyes bu bde don gnyer kun gyis/ / dge ba kho na rjes su brten// des 'dir bde ba 'thob 'gyur gyi// dge bas sdug bsngal byed pa min// kun 'dres yon tan skye bar mthong // 'dre las skyon skye de bzhin te/ yon tan skyon gyi mdor bsdus pa'i// mtshan nyid 'dir ni brjod pa yin// rtag tu bzang po dang 'grogs pa'i// dge slong snyan grags dang legs ldan//

  1074. 161a

    ngan pa dang ni 'grogs pa ni// skyes bu dran par myur du 'gro// gang dag ngan pa rnams spong ba'i// de dag snying po rtag tu gyis// legs rtag lhan cig gnas pa dang / / ma rungs pa yang spang bar gyis// de ltar rma bdag po 'dis lha de dag rnams la chos ston par byed do// grags pa ma yin pas 'jigs par gyur pa'i dge slo/ rnams kyang yon tan bdun dang yang dag par ldan par 'gyur ba la 'di lta ste/ sdig pa can gyi skye bo rnams la mi sten no// rnyed pa dang bkur sti rnams la mngon par dga' bar ni// 'gyur ro// chog shes pa dang ldan pa rnams la sbyin pa po dang sbyin bdag rnams rab tu dang bar 'gyur ro// ri ri khrod rnams su sten par 'gyur ro// de dag ni dge legs kyi skal ba can du 'gyur ro/ / mang du kun rjod par mi 'gyur ro// grong du rgyu bar mi 'gyur zhing 'thung dag gi khang par yang mi 'jug go// nyo ba dang 'tshong bar yang mi byed do// de de lta bu'i yon tan rnams dang yang dag par ldan pa legs par rgyu ba'i dge slong ni chung 'dza' bar mi 'gyur ro// skye bo'i tshogs mang po rnams kyang gus pa dang bcas par 'gyur ro/ / de'i phyir bag med pa'i rgyu bar rtse mo ni 'di yin te/ 'di ltar dge slong grags pa ma yin pa rnams kyis 'jigs pa med pa'o// gang yang dge slong grags pa ma

  1075. 161b

    yin pas 'jigs pa med pa de ni khyim pa rnams kyi drung na'ang shin tu lhag pa yin te/ skyon rnams las de ci dga' bar spyod par byed pa dang / ci rung bar smra ba dang / ngotsha med pa dang / khrel med pa dang / tshul khrims 'chal par mang du byed par 'gyur ro// de lus zhig par gyur nas ngan song log par lhung ba dmyal ba rnams su skye'o// grags pa ma yin pas 'jigs pa ni gcig pu rgyu bar 'gyur ba dang / khyim rnams la rjes su sten par mi byed do// de dag ni rtag tu'ang ri dang dgon par gnas par 'gyur zhing / chog shes par yang 'gyur ro// 'dod pa dang brnab sems la sten par mi byed do// yul ljongs kyi skyon rnams thams cad spong bar byed do// kha na ma tho ba cung zad tsam la'ang 'jigs par lta bar 'gyur ro/ / de ltar 'jig rten na grags pa ma yin pa rnams kyis 'jigs par gyur pa gang yin pa ni dge slong yin no// de ni/ dge ba'i skal ba can yin no// gzhan yang theg pa chen po la rab tu gnas pa'i dge slong rnams la gces par gyur pa'i chos yod do// 'di'ang gang zhe na/ 'di lta ste/ mngon par zhen pa med pa'o// mngon par zhen pa med pa zhe bya ba'i chos ni mchog tu dga' bar gyur pa yin te/ 'di na dge slong dag mngon par zhen pa med pa ni

  1076. 162a

    dag pa dang / 'ba' zhig pa dang / kun tu chags pa med pa'i blo dang ldan pa dang / gcig tu nges par rgyu ba dang / blo legs par gnas par gyur pa/ 'tsho ba dag pa rnams mchog tu mya ngan dang bral bar 'gyur ba yin no// mchog tu rnal du phebs pa'i yid 'dzin pa yin no// de sdug bsngal bas zhum pa mi 'gyur ro// chu ba dang 'khrug pa 'byung bar mi 'gyur ro/ / dga' ba ya ya bo'i gnas rnams la dga' bar yang mi 'gyur ro// 'jig pa'i gnas rnams la'ang rnam par mi 'jigs so// / gnyen bshes rnams la snying nye bar chags par gyur nas rang gi don rnams las yongs su nyams pa ma yin no// grong khyer pa rnams kyis bgad pa dang 'gying bag byas pa dang rtses pa dang / yongs su spyad pa rnams la'ang mngon par zhen par mi byed do// nye bar 'gro ba'i rang bzhin can ma yin no// grong nas grong dang / grong khyer nas grong khyer dang / tshong dus nas tshong dus rnams dang / khyim nas khyim kun tu chags pa med pa'i blos gcig tu bde bar nyal ba dang / rab tu sad par yang 'gyur ro// de'i blo mngon par chags pa med pa dang / rnam par dag pa yin no// kun tu spyod pa rnam par dag pa de ni bdud dam/ sgra dang / reg bya dang / ro dang / gzugs dang / dri dang /

  1077. 162b

    de dag gis kyang 'phrogs par mi 'gyur ro// rnyed pa dang bkur sti rnams la mngon par dga' bar mi 'gyur ro// de thob pa rnams sam/ gzhan yang ji ltar skyes pa'i yid kyi rnam par rtog pa rnams 'joms par byed do/ / yongs su spong bar byed do// mi dge ba'i rnam par rtog pa de dag mi skye bar bya ba'i don la rab tu 'bad par byed cing brtson 'grus rtsom par byed do/ / ji ltar lam 'di dag skyed pas ni mi dge ba yid la byed pa'i rnam par rtog pa de rnams ji ltar phyi nas yang bdag gi sems rnam par dkrugs pa'i ngo bor mi byed pa de ltar bdag gis gzhom par bya'o zhes/ de re zhig rnam par rtog pa rkyen gyis skyes pa'i mi dge ba gcig pu de nyid mi bskyed par bya ba'i don du 'bad rtsol brtson 'grus rtsom par byed pa yin na/ mngon par zhen pa'i chos rags par gyur pa/ 'jig rten pa rnams mi byed pa la lta ci smos/ gang dag rnal 'byor spyod par gyur pa rnams kyis chos gsum po 'di dag ni bya ba yin no/ / gsum gang zhe na/ 'di lta ste/ sems kyi rgyun rab tu sun 'byin par byed pa skyes par gyur mi dge ba'i chos rnams rnam pa thams cad du mi skye bar bya ba'i don du dang / ma skyes pa rnams mi bskyed par bya ba'i don du dang / de bzhin du 'das pa'i chos mi dge ba rnams dran par byas la rab tu brtson par bya ste/ dge slong

  1078. 163a

    yid shin tu mnyam par gzhag pa dang / spyod pa rnam par dag pa rnams dang / rnam pa thams cad du blo mngon par zhen pa rnams dang / rnam par dag par spyod par byed pa rnams dang / gcig tu sred par zad par 'dod pa rnams dang / 'dod chags dang bral bar 'dod pa rnams dang / bde ba 'dod pa rnams kyis kyang/ mngon par zhen pa med pa'i blo bskyed par bya'o// yang dge slong gang dag blo mngon par chags pa med par gyur pa rnams ni/ mchog tu bde ba dang ldan pa ches bde ba'i go 'phang 'thob pa yin no/ / de nas dus 'dir rma bya'i mnga' bdag des 'khor ba 'jig gis gsungs pa'i tshigs su bcad pa brjod pa/ ji ltar/ rtag par kun tu chags med blo/ bsam gtan gyis ni rtag tu gnas// yid ni rtag tu rnam par dag/ rtse gcig yid la mngon par dga'// sems gang shin tu rtsa gcig pa// de ni skyon gyis 'ching ba med/ / skyon bcas 'jigs las nges grol ba// 'di la rang bzhin gnas zhes brjod// rtse gcig lnga ni mngon dga'i sems// rnam rtog nyid kyis bsgrub pa min/ / rnam par rtog las rnam grol te// mdzes par rang bzhin gnas par 'gyur// gang gi sems ni rtag tu zhi// rgyun du mya ngan 'das mngon dga'// de ni mi

  1079. 163b

    dge'i rgyu rnams kyi/ / dbang skyes skyon ni 'gyur ma yin// gang yang bsam gtan gyis byas bde// gang yang ting 'dzin las skyes bde// de kun rtse gcig blo yi ni// rtag tu lus can rnams la 'gyur// rtse gcig dka' ba'i sdom brtson gyi// bde gang snying la skye ba ni// de 'dir bde bar rnam shes kyis// 'jig rten pa yi bde mi 'dod/ / rtse gcig sems la mngon dga' dang // rnam par dag byas nyid kyang ste// skyon bral las ni rnam grol ba'i// des ni zhi ba rtogs par 'gyur// rtag tu yid ni gcig tu nges/ / dbang po lnga rnams kun tu bsdus// sred pa'i me sreg mi bzad pa// blo yi ye shes chu yis 'joms// sred pa dang ni ldan min te// rnam par dag pa'i bde 'dod pa/ / zad min 'grib pa med nyid kyi// go 'phang mdun na gnas drang 'dra// rnam par rtog par gya gyu'i sems// gang dang gang la skye 'gyur ba// gcig la dmigs pa dang ldan pa'i/ / ting 'dzin de yis 'dzin par byed// de phyir chos de dag gi mchog/ myang 'das grong khyer 'gro ba yi// gang ni rtse gcig yid byas la// bdud kyis sbubs byed gzhom par gyis// rab brtan ye shes 'od zer gyis// yid kyi rta ni brtul bzung nas// mya ngan nyon mongs bcom pa yi// mchog gi gnas su

  1080. 164a

    'gro 'gyur te/ / snying po de ni bstan rnams kyis// rnal 'byor mchog tu 'gro rnams kyis// rtse gcig yid ni gang byas na// go 'phang 'pho ba med par 'gro/ / de ltar rma bya'i bdag po des rnam pa du mar chos ston par byed pa ni lha de dag rnams la bde ba'i don du dang / phan par bya ba'i don du yin no// de nas rma bya rnams kyi mnga' bdag des 'thab bral ba de dag dang / dga' ldan pa de dag rnams la slar yang chos de nyid ston par byed de/ ma skyes pa na dga' bar byed pa/ dge ba dang mya ngan las 'das par 'gro'o/ / yang chos gzhan yang ston par byed de/ kye lha dag ji ltar chos gzhan dog nyon dang / ji ltar dge ba'i chos rnams thams cad kyi snying bu ni 'di yin te/ 'di ltar gcig pu dga' ba'o// dge slong gcig pu la dga' ba'ang shin tu kun nas bsdams par rgyu ba dang / shin tu kun nas bsdams par spyod pa dang / legs par bsdams pas rnam par gnas pa dang / mchog tu zhi ba dang / mchog tu gtsang bar 'gyur ro// 'di lta ste/ gcig pu dga' bas mngon par dga' ba'i dge slong rnams ni gcig tu kun nas bsdams par legs par spyod pa dang / zhi ba dul ba shin tu brtan pas gcig pu dga' bas dka' ba rnams ni thams cad du dga'

  1081. 164b

    bar 'gyur te/ zhi ba'i gnas su gyur pa'i ri khrod dag dang / ri phug dang / dur khrod dang / sog ma'i phug rnams dang / thams cad la'ang mtshungs par blo kun nas bsdams par 'gyur ro/ / gcig pu rnam par rgyu ba gcig pu dga' ba'i dge slong la' 'chos bdun gces par 'gyur ba yin te/ gang zhe na/ 'di lta ste/ rtag tu yid rab tu bde bar 'gyur ro/ / rtag tu rang sems rab tu dang bar 'gyur ro// 'jig rten pa rnams kyis kyang 'di gnyan par byed cing / lha dag gis kyang 'di mngon par srung bar byed do/ / dri ma rnams dang yang yongs su bral bar 'gyur ro// dge ba'i chos rnams kyang mngon par 'phel lo// de'i sems shin tu mnyam par gzhag pa'i mchog tu 'gyur zhing rab tu dang ba'i lus dang / ngag dang / yid kyi mtha' rnams kyis thar pa'i lam mngon sum du byed par 'gyur ro// dri ma rnams kyang 'dis ring du byed par 'gyur ro// tha mar yang 'di dkar po'i chos rnams kyi tha snyad kyis 'jig rten pa rnams dang lhan cig tu mngon par dga' bar 'gyur ro// rnam pa du ma rnams su thog ma med pa'i dus nas mang du rab tu 'jug pa'i nyon mongs pa'i dgra rnams kun nas 'joms par byed do/ / de'i phyir gcig pu mngon par dga' ba'i dge slong ni shin tu legs par bsdam

  1082. 165a

    par rtsub dang / nyon mongs pa rnams kyis 'jigs pas kha na ma tho ba za rab tsam rnams la'ang 'jigs par lta ba dang / rtag tu brtson pa dang ldan pa dang / nges par grol ba dang / kun tu spyod pa rnams shin tu dri ma med pa dang / rab tu zhi ba la dga' bar 'gyur ro// de nas dus de'i tshe rma bya'i mnga' bdag des lha rnams la phan par bya paba'i don du tshigs su bcad pa brjod pa/ ji ltar/ mi bzad pa dang g.yo dang drag/ bzod par dka' dang stobs po che// brtan gang sems las nges rgyal ba// 'jig rten pa de bde ldan 'dod/ / gang gis 'jig rten 'di sreg pa'i// skyon ni rnam pa gsum po spangs// me de rnams ni ye shes chus// zhi bar byas pa'i bde bar 'gyur// gang dag chos ni mi 'dod pa'i/ / mi de rnams ni me ma yin// grong khyer mya ngan 'das 'gro ba'i// de nyid lam la gnas pa min// chen por gyur pa'i bde legs gnas// mi yis gang phyir thob par 'gyur/ / theg chen rgyal ba la zhon pas// srid pa'i mtsho las sgrol bar 'gyur// grog drang zo chun rgyud mo 'dra// dri za'i grong khyer dang mtshungs par/ shin tu sdug pa rtag myur ba// lus can kun gyi gson yin// lus zhes bya ba'i myu gu ni// rtag tu skad cig 'jig pa yin// shin du g.yo zhing snying po med// rga shi 'jigs

  1083. 165b

    pa chen po yis/ / nad kyis grong khyer 'di dag rnams// mya ngan khor yug chen po ste// dge mi dge yi zhing la yang // lus su mngon par brjod pa yin// sbyin dang tshul khrims yin gyis gang / / rtag tu lus ni rnam brgyan pa// sems can de ni snying po gcig/ lus ni 'bras bu dang bcas 'dod// gang la snying po bdun yod pa// sangs rgyas yin par de yongs bsgrags/ / brtson 'grus sbyin pa de bzhin khrims// ye shes byams pa bzod dang dul// gang yang grangs med par gyur pa'i// theg chen dang yang yang // / dag ldan// pha rol phyin drug las rgal ba'i// de ni sangs rgyas yin par bsgrags// 'dod pa yongs su spong ba gang // de dag sa gsum snying po yid// 'dod pa thams cad yongs btang bas/ / rtag tu bde zhes 'dir brjod do// 'dod pa rnams la chags yod gang // de yi sdug bsngal 'di mdun gnas// de dag nyes dmigs shes byas la// de'i phyir de dag yongs su spongs// de ltar rma bya rnams kyi mnga' bdag des dga' ldan pa de dag rnams dang / 'thab bral gyi lha de dag rnams la chos ston par byed do// gzhan yang rma bya'i mnga' bdag des lha de dag rnams la chos ston par byed de/ ji ltar chos gzhan yang theg pa chen po la rab tu gnas pa'i dge sbyong dang bram ze rnams la gces par

  1084. 166a

    gyur pa yod do/ / 'di dag kyang gang zhe na/ 'di lta ste/ sems rnam par g.yeng ba med pa'o// sems rnam par mi g.yeng ba'i dge slong yang zo shin tu mnyams/ gzhag pa dang / gcig tu nges par rgyu bar byed pa dang / rtag tu tshangs par spyod pa la mngon par dga' ba dang / rtag tu brtson pa dang ldan par 'gyur ro// bde legs rnams thob par 'gyur/ ngan song gi 'jigs pa thams cad las kyang grol bar 'gyur ro// gcig pu dga' ba'i dge slong ni dbang po drug legs par bsdams pa dang / yul rnam thams cad yongs su spangs pa dang / 'khor ba'i 'jigs pa rnams kyis skrag par gyur pas dge ba'i chos rnams thams cad yongs su spong bar mi byed pa dang / mi dge ba rnams thams cad yongs su spong bar byed pa dang / rtag pa nyid du'ang bde bar rgyu bar 'gyur ro// gang dag gi blo rnam par g.yeng bar ma gyur pa rnams ni/ sgra dang / reg bya dang / ro dang gzugs dang / dri rnams la rtag pa kho nar yang de'i sems mnyam par 'gyur ro// de'i sems mnyam par gzhag pa'i phyir na dge ba'i chos rnams mngon par 'phel bar 'gyur ro/ de dag rnams nyid la dga' bar 'gyur ro// 'khor ba la ni dga' bar 'gyur ba ma yin no// rtag tu brtson pa dang ldan par 'gyur pas/ ting nge 'dzin la mnyam par gzhag

  1085. 166b

    pa'i yid de la lam gyur du skye bar 'gyur ro/ / rtag tu lam la sten par byed cing sgom par yang byed do// de ni mang du byed do// de ni lam de dag bsten cing bsgoms la lan mang du byas par gyur pa las lam mngon du 'gyur ro/ / rtag par rgyun du'ang lam de nyid sgom par byed pa yin no// de lam gyi rjes su rtogs pa'i blo sten par byed cing / de bsten par gyur pa las kyang kun tu spyod pa rnams dang bral bar 'gyur ro/ / bag la nyal ba rnams ni 'dul bar 'gyur ro// 'di'i kun tu sbyor ba gang dag dang yongs su bral bar 'gyur na/ 'di lta ste/ rjes su chags pa'i kun tu sbyor ba dang / khong khro ba'i kun tu sbyor ba dang / ma rig pa'i kun tu sbyor ba dang / nga rgyal gyi kun tu sbyor ba dang / zag dog gi kun du sbyor/ ba dang / ser sna'i kun tu sbyor ba ste/ de'i kun tu sbyor ba de dag rnams dang rab tu bral ba yin no// 'di'i bag la nyal rnams gang dag rul bar gyur pa yin na/ 'di lta ste 'dod pa'i 'dod chags kyi bag la nyal dang / khong khre'i bag la nyal dang / srid pa'i 'dod chags kyi bag la nyal dang / ma rig pa'i bag la nyal dang / nga rgyal gyi bag la nyal dang / lta ba'i bag la nyal dang / the tsom gyi bag la nyal ba dang / rnams rul cing myags par 'gyur ro// de la 'gro ba rnams thams cad du brje bsor byed pa por gyur

  1086. 167a

    pa khams gsum gyis bsdus pa'i stobs po che de dag rnams ni/ rnam par g.yeng ba med pa'i sems kyis ni gnom nus pa yin te/ mthong ba dang bsgom pa'i lam dag gis so/ / de ltar na sems rtse gcig tu byed par gyur pa ni dge sbyong dang bram ze rnams la gces pa yin te/ gang gi phyir gal te na dge bar gyur pa rnams sam gal te na mi dge bar gyur pa rnams kyang rung ste/ chos thams cad ni sems kyi rtsa ba las yin pa'i phyir ro// de'i phyir srid pa'i 'jigs pa'i skyon 'di dag rnams kyis 'jigs pas de ltar rab tu brtson pas lam sten par byed pa rnams thams cad kyis kyang rab tu 'bad pas sems rtse gcig tu bya'o/ / de ltar na nyon mongs pa rnams zad par bya bar nus pa yin gyi/ gzhan du na thog ma med pa'i dus nas 'jug pa'i nyon mongs pa'i tshogs gang yin pa rnams gzhom par nus pa'ang ma yin no// de nas dus der rma bya'i mnga' bdag gis tshigs su bcad pa thams cad mkhyen pas gsungs pa 'chad pa/ ji ltar/ yid ni rtse gcig gyur pa yi// skyon gyis 'jigs pa'i rnal 'byor pa// yid nyid kyi ni pad+ma bzhin/ / yid la zag med chos rnams skye// rtse gcig gyur pa'i yid kyis ni// dge ba'i lam ni sgom par byed// nyi ma shar bas mun pa ltar// mi dge'i chos rnams

  1087. 167b

    'joms par byed/ / gang gi yid ni rtse gcig pa// rtag tu zhi zhing mnyam bzhag pas// dug la bya khyung ji lta bar// skyon rnams la ni de 'jigs min// g.yo bar 'gyur/ ba'i sems 'di ni// rlung chen shugs dang 'dra ba yin// 'dul mkhan ji bzhin 'dzin pa yis// ji lta bar ni bstan pas 'dul// ye shes tshul khrims ting 'dzin gyis// skyon gyi nags ni gtan nas sreg/ rlung dang bcas pa gang gi ni// nags skam pa la me bzhin no// de phyir shes pa rtag tu sten// mi shes pa yang yongs su spongs// dpa tshab 'angs pa yi// than med pa'i kun smra sa 'gro// matsi kATI ka skur pa la// do rab tu rtson por ts+tshog/ de ni smras pa'i dang gyur ba/ skyon skyed byed pa min par 'dod// rtag tu g.yo ba'i yul rnams na// brtan par yongs su bsdus gyur na// lag na rten pa'i dug 'dra ba'i// chags sogs kyis ni gnod mi 'gyur/ / de phyir brtson dang brtan sogs pa'i// yon tan gyis ni yid myur khrid// srad chu lam gsum 'gro ba las// 'gor ba med par rgal bar gyis// de ltar rma bya rnams kyi mngar bdag des gcig tu spyod pa'i dga' ldan gyi lha de dag rnams dang / 'thab bral ba de dag rnams la rnam pa du ma rnams su phan par gyur pa'i don du

  1088. 168a

    chos de dag ston par byed do/ / lha de dag rnams kyang yid shin tu legs par bsdams pa dang / yid shin tu mnyam par bzhag pas bde ba'i yul de dag/ rnams thams cad yongs su spangs nas chos de nyid kho na nyan par byed de/ 'khor bas 'jigs par gyur pa de dag rnams kyi yid de dag rtogs nas/ slar nyid kyang chos de dag nyid ston par byed pa ni ji ltar/ 'dod pa sdug pa yid du 'ong ba bag med pa rnams thams cad kyi lcags kyu lta bur gyur pa'i chos gzhan yang theg pa chen po la legs par gnas pa rnams kyis yid la bya'o/ / 'di dag kyang gang zhe na/ 'di lta ste/ 'chi ba rjes su dran pa'o// gang gi yid la 'chi ba rjes su dran pa yod par gyur cing / rtag tu'ang bsten cing bsgoms la lan mang du byas par gyur na/ ji ltar sdug bsngal 'di dag ni lus can rnams thams cad la so sor mtshungs pa yin te/ phyir bzlog tu med pa skyes pa rnams la ci nas kyang 'byung bar 'gyur ba/ de nges par 'byung ba rnams ni 'thun zhing yid du 'ong ba rnams thams cad kyang tha dad du gyur pa med par 'gyur ba/ rnam par dgyes pa/ rnam par bral ba rnam par bye bar 'gyur ba yin no// bdag cag ni 'jig rten 'di nas 'chi 'phos par gyur nas gzhan rnams su skye bar 'gyur ba yin la/ gal te/

  1089. 168b

    shed na bde ba dang sdug bsngal rnams kun tu 'thob par 'gyur te/ las la kun tu zhon par gyur pa'i sems can de dag rnams rang gi las kyi 'bras bu rnams kyis lam gyi zas tha bar byed pas dmyal ba dang / yi dgas dang / dud 'gro rnams su skye bar 'gyur ro// de ni skye ba dang 'chi ba'i dus byung bar gyur pa na 'ga' zhig la'ang 'ga' zhig gi yang grogs med do/ / de la dge ba dang mi dge ba'i las de dag rnams gang gi phyir dus de na grogs su gyur pa yin no// gang gi phyir legs par spyad pa rnams kyis ni ma dang pha lta bur gyur pa yin no/ / nyes par byas pa rnams kyis ni dgra bo lta bur gyur par dmyal ba dang / yi dgas dang / dud 'gro rnams su skye bar byed par 'gyur ro// de'i phyir legs par spyad pa rnams ni rtag tu gyis dang / nyes par spyad pa rnams ni spang bar bya ba yin no// des 'chi ba rjes su dran pa gang yin pa de dag bshad pa na/ de'i tshe na 'di'i yid skyo bar gyur pas yul rnams la thog brdungs su 'jug pa yin no/ / 'dod chags dang / zhe sdang dang / gti mug rnams kyis kyang 'phrogs par mi 'gyur ro// bu dang / chung ma dang / rang gi skye bo rnams kyi don du mi dge ba'i las rnams mi byed do/ / 'chi ba'i 'jigs pas skrag par gyur pa'i khyim pa rnams thams cad kyang yid rab tu zhi bar 'gyur na/ rab tu byung ba rnams lta smos kyang

  1090. 169a

    ci dgos/ rab tu byung ba'ang 'chi ba rjes su dran par byed pa la'ang tshul khrims 'chal bar mi 'gyur ro// yul rnams la dga' bar mi 'gyur ro// yul ljongs rnams su rgyu bar mi byed do// ljongs rnams su rgyu bar byed pas kyang sems rnam par g.yeng bar byed pa yin pa dang / 'du 'dzi de dag rnams thams cad kyi rtsa bar gyur pa'ang bud med kyi 'gro ba rnams yin pa dang / thams cad kyi'ang skye mched du gyur pa de ni dge slong 'di spong bar byed do// 'chi ba rjes su dran pa de ltar sems par byed do// ji ltar ljongs rgyu ba la mngon par dga' ba rnams kyang dge ba'i chos rnams las 'ga' zhig kyang sems la med la/ 'chi ba'i yul dang dus su'ang de dag rnams thams cad la bdag la phan pa ma yin pa dang bde ba ma yin par 'gyur ro/ / gang gi tshe bdag la grogs po dang khab la sogs pa'i rlung rnams kyis 'chi ba'i yul dang dus su rab tu 'bebs par byed pa de'i tshe na bdag la skyabs sam/ skyob pa gang zhig 'byung bar 'gyur pa rang rang gi las kyi zhags pas kun du bcings nas/ 'di nas 'jig rten pha rol tu khrid par byed pa na 'din pa 'am/ ma 'am/ spun zla 'am/ rang gi skye bo 'am/ grogs po dang / gnyen bshes kyi tshan par gyur pa'i skyabs 'chi ba'i yul dang dus byung bar gyur pa

  1091. 169b

    na med do/ / des 'chi ba rjes su dran pa'ang de ltar sgom par byed do// de'i tshe sbyin pa dang / tshul khrims dang / shes rab rnams la mngon par dgur bar 'gyur ro// de ltar legs par byed par gyur pa de rnams kyi dge ba'i las mngon par 'phel bar 'gyur ro/ / mi dge ba'i las rnams dang yongs su 'bral bar 'gyur ro// de las de dag rnams kyis lha dang mi rnams su bde ba la longs spyod nas phyi nas mya ngan las 'das pa thob par 'gyur ro/ / de'i phyir na yon tan de dag rnams go bar byas la bud med dam/ skyes pa 'am/ khyim pa 'am/ rab tu byung ba 'am/ dge sbyong ngam/ bram ze rnams kyis kyang rtag par 'chi ba rjes su dran pa sgom par gyis shig/ rjes su dran par gyur na ni/ 'chi bdag gi 'jigs pas 'jigs pa'i skyes bu ni mi dge ba'i las rnams thams cad mi byed do// yid kyis kyang sgom par byed la/ de bzhin du sems can rnams thams cad 'chi bar 'gyur te/ lha dang / mi dang / dmyal ba dang / yi dgas kyi yul dang / dud 'gro rnams na'ang gang dag 'chi bdag gi dbang du mi 'gro ba'i gnas de ni yod pa ma yin no/ / de de ltar sgom par byed pa na 'jig rten pha rol gyi 'jigs pas 'jigs pa'i sems can sgra dang / reg bya dang / ro dang / gzugs dang / dri la rab tu chug

  1092. 170a

    par mi 'gyur ro/ / rtag pa dang / brtan pa dang / ther zug gi blor yang mi 'gyur ro// de mi rtag pa dang / sdug bsngal ba dang / stong pa nyid dang / bdag med pa rnams kyi'ang blor 'gyur ro// de gang gi tshe 'chi ba rjes su dran par gyur pa de la ni skyon rnams thams cad kyis gnod par mi 'gyur zhing / rtag par rgyun mi 'chad par yang dge ba la sems par 'gyur ro/ / yid la byed pa rnams kyang mngon par 'phel bar 'gyur ro// 'chi ba rjes su dran pa rtag par rgyun du bstan cing bsgoms la lan mang du byed par gyur pa de la ni yid la byed pa'i dmigs pa rtag tu skye bar 'gyur ro/ / ji ltar 'og dang thad ka rnams na'ang gang dag ma zhig pa dang / ma lhung ba dang / bye bar ma gyur pa dang / rnam par 'gyur ba'i chos su gyur pa ni 'di na gnas yod pa ma yin te/ ri'i khrod dga' bar 'gyur ba brgya stong rnams las/ je thog mar ro thams cad kyi rgyal po ri rab blun po'ang bskal pa'i mes nye bar btsem nas med par 'gyur na/ e ma'o bdag gi lus gnas par 'gyur ram ci/ mtha' yas pa'i rgya mtsho chu klung rnams thams cad tu bdag por gyur pa klu rnams thams cad kyi gnas dang lham yon rnams yang ste/ nyi ma bdun gyis nges pa kho na nye bar skams par 'gyur ba yin na/ bdag gi lus la lta smos

  1093. 170b

    kyang ci dgos/ mdor bsdu na 'dod pa'i khams dang / gzugs kyi khams dang / gzugs med pa'i khams dang / gsum po de dag rnams thams cad mi rtag pa dang / mi brtan pa dang / ther zug ma yin pa dang / yongs su rnam par 'gyur ba'i chos can yin na/ bdag gi lus dang / srog ni mi rtag pa dang / mi brtan pa dang / ther zug ma yin pa dang / rnam par 'gyur pa'i chos can du 'byung bar 'gyur pa lta smos kyang ci dgos/ de gang gi tshe de ltar rtag par rgyun du shin tu mnyam par gzhag pa'i yid kyis gcig tu nges par dge ba yid la byed par 'gyur pa'i blos de dag sgom par byed pa de'i tshe 'di 'ga' zhig la'ang mngon par zhen par mi 'gyur ro/ / kun tu chags pa med par gyur pa'i blo ni 'dod chags rnams 'ga' zhig gam/ zhe sdang gis kyang 'ching bar mi 'gyur ro// de'i 'dod chags dang / zhe sdang dag rtag tu rab tu bcom pas gti mug kyang med par 'gyur ro/ / de rnams skyon ma lus pa las grol bar gyur pas mchog tu 'chi ba med pa dang / rga ba med pa dang / zad pa med pa'i go 'phang thob par 'gyur ro/ / de'i phyir na 'chi ba rjes su dran pa de dag la dmigs par bya'o// de'i phyir dran pa rnams thams cad kyi mchog tu gyur pa 'di ni 'di lta ste/ 'chi ba rjes

  1094. 171a

    su dran pa'o/ / gzhan yang 'chi ba rjes su dran pa sgom par byed pa rnams la yon tan gzhan yang yod do// dge slong ngam/ bram ze'ang rung ste/ gang / gi tshe de nyid sgom par byed pa de'i tshe lus po sdug bsngal gyi sbom bu lta bur gyur pa la so sor rtog par byed do// ji ltar sdug bsngal rnams rig par gyur pa yin na/ ji ltar bdag gi lus 'di dag la lus ni nad rnams kyis dang / 'chi bdag nye bar 'ongs pas kyang yang nye bar 'joms par 'gyur ro// 'chi bdag gi zhags pa des bdag nyid kun tu bcings par gyur pa ngas ci zhig byar yod/ sbyin pa dang / tshul khrims dang / shes rab kyang bdag gis bsgom par ni mi nus so// de'i phyir na ji srid du 'chi bdag de yid la 'ongs par ma gyur pa de srid du sbyin pa dang / tshul khrims dang / shes rab rnams bsgom par bya'o// sems can rnams thams cad kyi srog 'joms par byed pa po'i 'chi bdag ring po mi thogs par 'ong bar 'gyur ro/ / dge sbyong dang / bram ze de dag gang kho na 'chi ba rjes su dran pa gcig tu sems la byed pa rnams la ni/ de las 'di'i yid la byed pa rnams 'bras bu yod pa dang / mya ngan las 'das pa'i mthar thug par yang 'gyur ro// gzhan yang rnam pa gzhan gyi sgo nas kyang 'chi ba de nyid rjes su

  1095. 171b

    dran par byed de/ gang zhe na/ 'di lta ste/ gzugs kyi phung po 'di ni stong pa nyid do// lus 'di ni stong pa mi rtag pa'o// 'dus byas kyi chos 'di dag rnams thams cad kyang mi rtag pa dang / sdug bsngal ba dang / stong pa dang / bdag med pa yin te/ skad cig myur bar 'jug pas shin tu g.yo ba rab tu nyams par 'gyur ba'i chos can/ med pa/ chang pa stong pa/ snying po med pa/ zo chun 'khor ba dang / dri za'i grong khyer dang 'dra bar gyur pa'o// kye ma ji ltar 'dus byas kyi chos 'di dag rnams thams cad pa de dag dang / lus 'di dang srog kyang lbu ba dang / chu'i chu bur dang 'dra bar snying po med pa dri za'i grong khyer dang 'dra ba yin no// gnas skabs rnams thams cad kyi thams cad du'ang bdag 'chi bar 'gyur ba'i 'jigs pa'i gnas chen po de dag rnams 'byung ba de'i phyir na snying po blang bar gyis dang / dge ba ni rnam pa gsum mo// mi dge ba'ang rnam pa gsum nyid ni yongs su spang bar bya'o/ / de bzhin du'ang 'chi ba rjes su dran par bya'o// de ni dge sbyong ngem/ bram ze rnams la gces par 'gyur ba yin no// rang gi sems la bsgom pas yid la bya'o/ / de nas de'i dus su 'dir rma bya'i mnga' bdag des tshigs su bcad pa brjod pa/ ji ltar/ gang gis 'jig rten 'di 'joms pa'i// 'jig

  1096. 172a

    pa chen po'i dgra bo drug/ rga dang nad dang 'chi bdag dang // 'dod chags la sogs dri ma gsum// dge ba'i rdzas ni 'phrog pa yi// rkun ma yang ni yul lnga yin/ / dgra rnams grogs po'i gzugs kyis ni// srid pa'i ngan grog dag na rgyu// bag med pas ni gang ba'i sems// yul rnams kyis ni 'phel bar byed// skyes bu myur du gzhom pa ni// dmyal dang yi dgas rigs rnams la// sdug bsngal la sogs bden pa yang // gang tshe shes pas rtogs pa yi// de tshe skyes bu bla med kyis/ bde legs zhi ba'i gnas 'thob 'gyur// skyon rnams rtsad nas gdon pa dang // yon tan spel la kun tu spyod// sdig pa'i grogs po mi bya zhing // le lo can kha phyir phyogs kyis/ / brtson 'grus brtsams shing dran dang ldan// dge slong shes rab dpung gnyen can// rga dang 'chi ba spangs pa yi// bla na med pa'i gnas su 'gro// dbang po dang ni dbang don yang // gang tshe de nyid kho na rig/ de tshe shes rab la brten nas// srid pa'i rgya mtsho las rgal lo// nga rgyal can dang le lo can// thams cad la ni rtag dogs can/ / khengs dang sdig blo can rnams ni// mkhas pas grogs po bya ba min// shin tu brtson ldan rang bzhin 'jam// chos la gnas dang skyon spangs

  1097. 172b

    pa/ yang dag lha dang rtsa ba hral med// grogs por bsten gyis mdzes pa yin// sdig can grogs po'i snod ma yin// snod ni za med skyes bu yin// bla med snod du byas/ pa na/ skyon rnams kyi ni 'jigs pa med// skad cig thang cig yud tsam dang // nyin dang mtshan mo de bzhin du// 'chi ba soms dang brtan pa rnams// de la bzlog thabs med pa yin/ / gang 'di 'chi ba 'byung ba ni// dran pa'i mchog tu rab tu bsngags// de sten pas ni zhi ba'i mchog/ rnyog dang bral bar 'gro ba yin// 'chi bdag 'jigs pas dran nas ni/ / skyon la ji ltar yid rgyug 'gyur// skyon med pas kyang dri ma rnams// thams cad rtag tu zhi bar 'gyur// bag yong go 'phang 'di mchog tu// de bzhin gshegs pa rnams kyis gsungs// gang yang 'chi bdag rtag dran dang // mi dge rnams kyang spang bar gyis// zhes bya'o// de ltar rma bya rnams kyi mnga' bdag des dga' ldan gyi lha de dag rnams dang / 'thab bral ba de dag rnams la chos ston pa byed do// chos gzhan yang theg pa chen po la rab tu gnas pa'i dge sbyong dang bram ze rnams la gces par gyur pa yod do/ / 'di'ang gang zhe na/ 'di lta ste/ gzugs dang / rigs dang / btsan phyug gis rgyags pa dang kun du bral bar byed pa'o// /

  1098. 173a

    gzugs dang / rigs dang / btsan phyug gis rgyags pa 'am/ chags pas kyang byis pa rnams lus kyis nyes par spyad pa rnams spyod do// lus ji pa de bzhin ngag dang yid kyis kyang spyod par byed de/ rgyu de dang rkyen des kyang lus zhig par gyur nas ngan song log par ltung ba dmyal ba rnams su skye bar 'gyur ro// dud 'gro'i skye gnas dang / de bzhin du mi dgas kyi yul rnams la yang ste/ de dang de dag rnams la de'i skye ba brje ba sor byed par gyur pa na/ rnam par rtog pa du mar sdug bsngal rnam pa mang po rnams skye bar 'gyur ba de dag rnams gang yin pa'i ming tsam yang shes par sla ba ma yin no/ / de'i phyir skyon gyi 'jigs pa 'di dag rnams shes par gyis la gzugs dang / rigs dang / btsan phyug gis rgyags pa dang bral bar 'gyur zhing gyur pa gang yin pa de ni lus dang / ngag dang / yid kyis nyes par spyod par mi byed do// yang dag pa'i lta ba bzhin du gyur pas lta bar byed pa ni/ mi rtag pa dang / sdug bsngal ba dang / stong pa dang / bdag med pa'i rnam pa rnams su dang / gsog/ gsob/ snying po med pa dang / mi gtsang ba rnams kyi gnod du gyur pa sgra dang / kha spu dang / sen mo dang / so dang / khrag dang / lpags pa'i tshogs la sogs par gyur pa rus pa'i 'khrul 'khor du ma dang /

  1099. 173b

    rgyus pa dang / zhag dang / gcin dang / rtug pa rnams kyis kun tu gang bar gyur pa'i bdag gi gzugs 'di dang por gtsang ba ma yin/ bar du ma yin/ tha mar ma yin te/ las dang nyon mongs pa du ma rnams kyis kun du skyes pa 'di ni/ snying por gyur pa ni cung zad kyang yod pa ma yin no// rtag pa'ang ma yin zhing bdag dang bcas pa'ang ma yin no/ bdag 'chi bar gyur pa'i yul dang dus kun tu byung ba na lus 'di gom pa gang yang 'gro ba dang rjes su 'gro bar 'gyur ba'ang ma yin no// dur khrod du mes sreg par byed pa 'byung bar 'gyur zhing / kun tu drangs nas bya rgod dang / 'ug pa dang / lce spyang dang / khA ta la sogs pa rnams kyis kyang za bar byed par 'gyur gyis zhes/ de ltar sgom par byed pa'i skyes bu dam pa de'i gzugs dang / btsan phyug gis rgyags pa gang yin pa 'di dag des thams cad du bral bar 'gyur ba 'am/ mgo gnon par 'gyur ro/ / gzhan yang gang gi tshe ji ltar nga ni bzang po'i rigs su skyes pa yin no zhes/ dge sbyong dang bram ze 'di dag rnams la rigs kyi rgyags pa skyes par gyur na/ de'i tshe gal te na gang kho na rigs yin pa/ yang dag pa ji lta ba kho na bzhin du so sor rtog par byed de/ don dam par na rigs ni yod pa ma yin zhing / kun tu brtags pa 'ga' zhig

  1100. 174a

    sna kyis pa rnams 'didus rdzus padU d+mas/ dzi rdzogs 'di du rnams ni dgas rjod pa yin te/ rnamazla ba'i gyuraro// de ba kyang med pa yin no/ / dge ba'i rgyu rnams kyis gzhan nyid kho na rigs yin no// gang dag ce na/ 'di lta ste/ gang la bden pa dang / tshul khrims dang / sbyin pa dang shes rab dang / rab tu zhi ba dang / dul ba'i yon tan rnams yin no// gang dag rigs ngan par gyur pa'ang chen po'i rigs su legs par skyes pa yin no// rgyu gang gi phyir yon tan rigs yin pa'i phyir dang / skye ba ni rgyu mtshan ma yin pa'i phyir ro// de lta bas na dge sbyong dang / bram ze 'am/ de'i rigs can gzhan dag rnams kyis kyang de ltar skye ba dang / rigs dang / btsan phyug gis rgyags par mi bya'o// gzhan yang de'i tshe na dge sbyong ngam/ bram ze 'am/ de dag gi rigs can gzhan rnams kyis kyang gzugs gang yin pa kho na yang dag pa ji lta bar rnam pa gzhan gyi sgo nas so sor rtog par byed de/ ji ltar bdag gi gzugs 'di ni ji lta bu'i rnam par bdag byis pa phyis rgan na nyal bar gyur pa'i rnam pa de lta ni gog 'gros byed par gyur pa ni ma yin la/ gog 'gros byed pa'i rnam pa de lta bu ni/ ji srid gtsug phud bzhag pa na ma yin te/ gtsug

  1101. 174b

    bud kyi de ltar ni ji srid du lang tsho la bab pa'i bdag gi gzugs 'byung bar mi 'gyur ro/ / bar ma rin chod kyi rnam pa ji lta bu'i rnam pa de lta bur ni bdag glo bur du 'chi ba'i dus ma yin no/ / rnam pa de lta bu ni yun ring ba na 'chi ba na'ang ma yin no// bdag gi gzugs 'di ror gyur nas sbrang ma la sogs pa dag gis za bar byed pa 'byung bar 'gyur ro// de las kun tu 'byung ba'i 'bu gzhan dag gis kyang za bar byed la/ de lta bu rnams 'byung bar 'gyur ro// rlung dang / nyi ma dang / char pas kyang thams cad nas thams cad du nyams par 'gyur pa 'byung ba yin no/ / de'ang phyogs bcu rnams su cha shas tha dad par 'byung bar 'gyur ro// gzhan dag rnams kyis bdag dur khrod du kun nas drangs shing lus 'di rnam pa du mar cha shas tha dad par byed par 'gyur ro/ / gzhan dag gis rus pa rnams drangs nas khyer bar byed do// gzhan dag gis ni mgo'i thod pa'o// gzhan dag gis ni mjing pa'i rus pa'o/ / gzhan dag gis ni sna'i ste/ gzhan dag gis lag pa'i grum mo// gzhan dag gis lus kyi dpung pa/ gzhan dag rnams kyis ni sor mo'i thur ma gzhan dag rnams kyis ni sen mo'o/ / gzhan dag gis ni rtsib logs/ gzhan dag rnams kyis ni rgyab kyi rus pa/ gzhan dag gis ni oMn tong ba'i rus pa'o// gzhan dag

  1102. 175a

    gis ni brla'i rus pa/ gzhan dag gis ni rkang pa'i rus pa/ gzhan dag gis rkang pa'i sor mo rnams kyi tshogs so// de ltar bdag nyid kyi gzugs de yang dag pa ji lta bar so sor rtog par byed pa rnams ni gzugs kyis rgyags par mi 'gyur ro/ / ji ltar na btsan phyug gis rgyags pa rnams la yang dag pa ji lta ba nyid du lta bar byed pa dang shes par byed pa na med par 'gyur ba yin zhe na/ gang gi tshe skye dgu dag rnams thams cad kyang yang dag pa ji lta bzhin du rtogs te/ ji ltar 'di dag rnams thams cad ni/ gzhan gyi dbang du gyur pa dang rang dbang med pa yin no// skye dgu rnams ni rnam pa du mar yang gzhan gyi dbang du gyur pa yin na/ de la ji ltar na 'di rang dbang du 'gyur ba yin/ gzhan gyi dbang du gyur pa'i 'dus byas kyi chos 'di dag rnams ni gzhan gyi skye mched kyis rab tu 'jug pa yin te/ rgyu dang rkyen rnams las kun du byung ba yin no// ji ltar khang pa la'ang rnam pa du ma rnams su bskor ba la sogs pa'i tshogs rnams phan tshun gyi dbang gis dang / phan tshun la kun du brten nas khang pa zhes bya ba'i tha snyad du 'gyur la/ bzhin du lus kyi tha snyad can gyi gzugs phung 'di yang lpags pa dang / sha dang / rus pa dang / tshil dag gi tshogs su gyur pa/ dbang phyug med pa/ byed pa po rnams dang

  1103. 175b

    rnam par bral ba'i gzugs phung la gzugs kyi tha snyad yin no/ / de la 'dir ji ltar dge sbyong ngam/ bram ze 'am/ gzhan yang de'i rigs can dag gis de ltar rjes su 'jal ba la brten nas/ gang dag gzugs yang dag pa ji lta bar rnam par phye ba 'di dag rnams ni/ gzugs dang / rigs dang / dbang phyug gi sa rgyags pa de thams cad dang rab du bral bar gyur pa 'am mgo smad par 'gyur ro/ / gzhan yang ji ltar bdag ni mngon par mtho ba'i rigs su skyes so zhes/ de ltar gang gi tshe 'di'i rigs kyis rgyags par gyur pa ni/ yang dag pa ji lta ba bzhin du mthong ba yin la/ phyi nas ni yang dag pa kho nar mthong ba yin te/ ji ltar rigs zhes bya ba ni kun tu brtags pa 'ba' zhig tsam kho na las/ mig med pa rnams kyis 'di dag yongs su rtogs par byed pa yin no/ / shes rab dang / tshul khrims dang / sbyin pa rnams ni ma mthong ba yin te/ de lta bu rnams ni rnam par dag pa'i rigs dang legs par ldan pa yin no/ / med pa la byis pa rnams kyis nga rgyal du byas pa 'ba' zhig la 'di dag tu rtogs pa kho na yin no// dper na/ dge sbyong ngam/ bram ze 'am/ de'i rigs gzhan dag rnams kyang rung ste/ yang dag pa ji lta ba bzhin du de ltar rigs rnams rtogs pa ni/ de'i tshe 'di'i rigs kyi rgyags pa gang yin pa de dag rnams thams cad

  1104. 176a

    kyi thams cad du rab tu bral bar 'gyur ro/ / mgo smad par 'gyur ro// de nas de'i rma bya'i rgyal po des tshigs su bcad pa'i dbyangs kyis bsnyad pa/ ji ltar/ gzugs dang btsan phyug rigs rgyags pa// lus can gang la dmigs pa ni// de myos glang chen smyon pa 'dra// rab tu lhung zhing mthong ba min// rgod pa'i skyes bu thams cad ni/ / bag med pas na dbang po dkrugs// yang mor 'jig rten 'dir song nas// phyi mar ngan song dag tu 'tshed// gzugs dang dbang phyug rgyags pa yis// 'ong ba'i mi gang sdig byed pa/ / de dag bde ba legs rnyed min// phyi mar ngan song rnams su mthong // gzugs dang dbang phyug rigs dag dris// gang de de nyid skal ldan min// de nyid rtogs min byis pa rnams// srid pa'i mtsho las rgas mi 'gyur// gang yang rigs dang phun tshogs dang // gzhan yang bde bar 'dod pa gang // de dag thams cad mi rtag pas/ / de phyir 'di la blo ma gtod// shes rab tshul khrims nges bral ba'i// rigs ni mkhas pas bsngags pa min// gang dag shes rab dang tshul khrims// de ni chen po'i rigs la gnas/ / shes rab dang bral dbang phyug min// rigs min len pa'i srol yang min// de phyir shes rab 'di rigs yin// shes rab dang bralarigs

  1105. 176b

    med yin/ / spyod pa dri med gang dag gi/ tshul khrims bsil ba'i mtshe'u bzhin no// de ni chen po'i rigs su skyes// dri ma can gzhan rigs min no// tshul khrims dka' thub bsam gtan sbyin/ / bden dang brtan dang pha rol gnon// rigs gang yang dag ldan pa de'i// chos gang rnam par spangs pa yi// skra bregs dge sbyong min par mthong // skye rigs nyid las bram ze min/ / shes rab tshul khrims rang bzhin gang // dge sbyong bram ze yang de yin// rga bas gzugs ni 'joms par byed// 'chi ba dag mi rnams srog mthar byed// / rgud pas nor ni 'joms byed pa// rtag pa nyid du rnam par gnas// nad kyang nad med 'joms par ni// lus can rnams la rab tu 'jug/ mkhas pa'i skyes bus thams cad du/ ba tsan byug rgyags pas 'dir ma lhung // 'khor ba'i nyer 'tshe go gyis la// skyes bu rgyags ldan ma byed cig/ de phyir 'dir ni sgrin po yis// gzugs rgyags dbang phyug la maH/ lags par spyad pas chos la spyod// de ltar sdug bsngal gyis mi 'jom so// de skar ma bu rnams kyi mapar bdag 'dis lnga de dag rnams la chos ston par byed do/ chos gzhan yang dge sbyong dang bram ze theg pa chen po la yang dag par rab tu gnas pa rnams kyis bya bar bya'o// 'dirang gang zhe na/ 'di lta ste/ sems can tham

  1106. 177a

    cad la mnyam pa nyid do/ / sems can thams cad la mnyam pa nyid ces bya ba'i chos ni sems can du gyur pa rnams thams cad la ste/ dge sbyong dang / zam ze dang / de'i rigs can gzhan dag rnams kyang mchog tu bde ba dang ldan par 'gyur ro// sems can rnams thams cad kyis 'thun par byed par yang 'gyur ro// lus zhig par gyur nas kyang shi ba'i 'og tu yang mtho rigs kyi 'jig rten du skye'o/ / dge sbyong dang bram ze dag gis ji ltar na sems can rnams thams cad la mnyam pa nyid du bsgom par bya na/ gang yang dge slong dang bram ze dag kun tu rtsod par byed pa rnams yongs su spong bar byed do// gang 'ga' zhig dang yang kun tu rtsod par mi byed do// kun tu rtsod pa rnam par spangs pa/ de'i ni sems can rnams thams cad la'ang yid mnyam pa nyid du 'gyur ro// de'i phyir re zhig dang po kho nar thams kyis gnas skabs thams cad du/ thams cad kyis kyang dge sbyong dang bram ze rnams kyis kun du rtsod par byed pa rnams yongs su spang bar bya'o/ / de ltar na sems can rnams thams cad la mnyam pa nyid du 'gyur ro// yang gnyen po gzhan dag gis kyang dge sbyong dang bram ze rnams sems can thams cad la mnyam pa nyid kyi blor 'gyur ro/ / ji lta ba bzhin du sems can rnams thams cad kyi sdug bsngal la rtog par

  1107. 177b

    byed pa ni/ grogs po rnams la'ang ji lta ba de kho na bzhin du grogs po ma yin pa rnams la'ang ste/ 'khor bar kun du chud par gyur pa'i srog chags 'di rnams thams cad kyang skye ba'i rigs kyis chos rnams ni rigs kyi chos nyid kyis bral ba yin la/ de dag gi skye ba rnams bden pas ni rga ba dang / nad dang / 'chi ba dang / mya ngan dang / sme/ sngags 'don pa dang / sdug bsngal ba dang / yid mi bde ba dang / ngal dub tu 'gyur ba yin no// grang ba dang / tsha ba dang / bkres pa dang / skom pa dang / gsod pa dang / 'chi ba dag gis skye ba yin no// mi sdug pa rnams dang phrad pa dang / sdug pa dang bral ba'i sdug bsngal gyi khyad par rnams 'byung bar 'gyur ro// de de lta bu nyid du grogs po'i sdug bsngal rnams kyang la lung lta ba byed do/ / de kho na bzhin du grogs po ma yin pa'ang ngo // de de ltar sgom par byed pa na dge sbyong ngam/ bram ze rnams kyang sems can rnams thams cad la mnyam pa nyid kyi blor 'gyur ro/ / gzhan yang dge sbyong ngam/ bram ze dag gis 'di ltar sems par byed de/ kye ma sems can 'di dag rnams ni sdug bsngal shin tu bsnyems pa'i sdug bsngal myong bar 'gyur ro/ / de gang dag ce na/ 'di lta ste/ nad ces bya'o// sems can rnams thams cad ni nad kyis 'joms

  1108. 178a

    bar 'gyur ro/ / de dag gi lus dang yid kyang nad kyis gzir bar gyur pa rnams shin du sdug bsngal bar 'gyur ro// de ji lta ba bzhin du grogs po la sems par byed pa de kho na bzhin du dgra bo rnams la'ang sems par byed do/ / de de ltar mnyam pa nyid du gyur pa'i blo sems rab tu dang bar 'gyur ro// de'i sems rab tu dang bar gyur pa las/ brjod pa rnams kyang rab tu dang bar 'gyur ro// khrag kyang rab tu dang bas bzhin gyi mdog kyang rab tu dang ba'o// de'i dbang po rnams thams cad kyang rtag par rgyun du kun nas rab du dang bar 'gyur ro/ / 'di ni de'i mthong ba'i chos kyi 'bras bu yin zhing / skye bo rnams thams cad kyi rang 'dod pa sdug pa yi 'ong bar 'gyur ro// de lta yang sems can rnams thams cad la byams par 'gyur ba de ni/ lus zhig par gyur nas shi ba'i 'og tu mtho ris bde 'gro'i 'jig rten pa lha rnams su skye bar 'gyur ro// yang rnam pa gzhan gyis kyang dge sbyong ngam/ bram ze rnams sem can thams cad blo mnyam pa nyid du 'gyur ba ni 'di lta ste/ grogs po rnams kyi la sems par byed cing / de kho na bzhin du dgra bo rnams kyi la yang ste/ ji ltar srog chags 'di dag rnams thams cad ni 'chi ba'i chos can/ 'chi ba'i chos nyid las rnam par ma grol ba yin no// skye ba dang bcad par gyur pa

  1109. 178b

    'di dag rnams thams cad kyang 'chi bar 'gyur ba yin no/ / rang rang gi las rnams kyis sems can 'di dag rnams dmyal ba dang / yi dgas dang / dud 'gror skyes pas sems can 'di dag ni/ kye ma rid par 'gyur ro// de de ltar sgom par byed pa dang / sems can rnams thams cad la'ang phan par 'dod pa de ni mchog tu khrag rab tu dang bar 'gyur// ro// khrag rab tu dang bar gyur pas bzhin gyi mdog dang ngo // de'i bzhin gyi mdog rab tu dang bas blta na mdzes par 'gyur ro// des sems can rnams thams cad dga' bar 'gyur te mthong ba'i chos la yin no/ / rnam par smin pas ni lus zhig par gyur nas kyang mtho ris bde 'gro'i 'jig rten gyi lha rnams su skye bar 'gyur ro// de ltar yang dge slong rnams sems can thams cad la mnyam pa nyid kyi dbang du byas nas/ dge ba'i las chen po rnams byed par 'gyur ro// yang rim pa gzhan gyis kyang dge sbyong ngam/ bram ze 'am/ gzhan yang de'i rigs can rnams kyis sems can rnams thams cad la mnyam pa nyid sgom par byed de/ ji ltar sems can 'di dag rnams thams cad ni las kyi bsgo skal la spyod pa/ las kyi skye gnas pa las bdag gir byed par gyur pas/ ji ltar las byas pas gyur pa dge ba'am sdig pa can yang rung ste/ las de dang de'i skal ba can du 'gyur ba

  1110. 179a

    yin no/ / legs par byas pa rnams kyis ni sku dang mi rnams kyi nang du'o// nyes par byas pa rnams kyis ni dmyal ba dang / yi dgas dang / dud 'tsho naH su skye bar 'gyur ro/ / dge sbyong dang / bram ze 'am/ gzhan yang de'i rigs can de dag rnams kyis de ltar sgom par byed pa na/ de'i tshe 'di'i sems can gyi dbang du byas pa'i sems rab tu dang bar gyur pos bzhin gyi kha dog rab tu dang bar 'gyur ro/ / bzhin gyi mdog rab tu dang bar gyur pas kyang sems can rnams thams cad kyi 'dod pa sdug pa yid du 'ong bar 'gyur ro/ / lus zhig nas kyang mtho ris bde 'gro'i 'jig rten pa lha rnams su skye bar 'gyur la/ tha mar yang yongs su mya ngan las 'da' ba yin no// de'i tshems rab tu dang bar gyur pa dang / sems can rnams thams cad la mnyam pa nyid du gyur pa'i dge sbyong dang bram ze dag rnams kyi rang 'bras bu de lta bur 'gyur ba yin no// yang rim pa gzhan gyis dge sbyong ngam/ bram ze rnams kyang sems can rnams thams cad la mnyam pa nyid sgom par byed do// gang zhe na/ 'di lta ste/ sems can thams cad la'ang sems can rnams thams cad ni sdug pa dang yid du 'ong ba rnams dang tha dad du 'bral bar 'gyur ro/ / med par 'gyur ro// rnam par 'thor bar 'gyur ro// rnam par thal bar

  1111. 179b

    'gyur ro/ / so sor 'byung bar 'gyur ro// 'khor bar gtogs pa'i sems can rnams thams cad la'ang sdug pa yid du 'ong ba 'dod pa rnams thams cad dang yang lhan cig tu/ bral bar ma gyur cing 'bral bar mi 'gyur ba rnams ni 'di dag 'ga' zhig kyang yod pa ma yin no// sdug pa rnams dang rab tu rnam par bral ba ni shin tu 'ang sdug bsngal yin no// de de/ ltar sgom par byed pas sems rab tu dang bar 'gyur zhing / sems kun nas rab tu dang bas gdong gi mdangs gsal bar 'gyur ro// de'i bzhin gyi mdangs gsal bar gyur pas kyang mngon par dga' ba'i gzugs su 'gyur ro/ / de'i gzugs bzang bas skye bo rnams thams cad rab tu dang bar 'gyur ro// 'dod pa dang / sdug pa dang / yid du 'ong bar yang 'gyur ro/ / de sems can rnams thams cad la mnyam pa nyid kyis mthu stobs kyi mthong ba'i chos kyi 'bras bu ni 'di dag yin no// lus zhig par gyur nas kyang mtho ris bde 'gro'i 'jig rten du lha rnams su skye bar 'gyur ro/ / las kyi lhag ma rnams kyis kyang yongs su mya ngan las 'das par 'gyur ro// yang rnam grangs gzhan gyis kyang dge sbyong ngas// bram ze rnams kyis sems can thams cad la mnyam pa nyid kyis sems bsgom par bya ba yin no// gang dag ce na/ 'di lta ste/ gang gi phyir yang mor myur du 'jug pa'i phyir

  1112. 180a

    na sems ni kun tu gnas pa med pa yin pas/ dge sbyong dang bram ze de dag rnams yang gal te 'dod chags dang bcas par gyur pa'i sems skyes par gyur na/ des mi sdug pa sgom par byed do// gal te zhe sdang dang bcas par gyur na/ des byams pa sgom par byed do// gal te gti mug dang bcas pa'i sems skyes par gyur na/ des rten cing 'brel par 'byung ba rnams sgom par byed do// de de ltar sems kyi gnyen por gyur pa'i gnyen po rnams sems par byed par sems can thams cad la mnyam pa nyid du 'gyur ro/ / de ni grogs po dang dgra bo rnams dang rab tu bral ba dang / mnyam pa dang / yang ba dang / rab tu dang ba'i blo gros can thams cad du dogs pa med par 'gro zhing rnam par rgyu ba dang / mchog tu rnam par dag pa bde bar gnas pa yin no// bde bar mtshan mo nyal bar 'gyur ba dang / bde bar yang nyin par rab tu sad par 'gyur la/ lha rnams kyis kyang 'di dag la mngon par srung bar byed do/ / de ni dbang che bar yang 'gyur ro// mthu stobs che bar 'gyur ro// de de ltar rab tu yid rnam par dang bas khrag rab tu dang bar 'gyur ro/ / khrag rab tu dang bas bzhin gyi mdog rab tu dang ngo // de'i mdog rab tu dang bas blta na mdzes pa'i gzugs su 'gyur ro// rab tu mdzes pa dang skye bo

  1113. 180b

    rnams thams cad la 'dod pa dang sdug pa dang / 'thun pa dang / yid du 'ong bar yang 'gyur ro// de'i sems can thams cad la mnyam pa nyid du gyur pa'i las kyi 'bras bu rnam par smin pas lus lo par gyur nas shi ba'i 'og tu yang bde 'gro mtho ris kyi 'jig rten lha rnams su skye bar 'gyur ro/ / kun tu lhag par gyur pa'i las kyis kya ji ltar mos pa bzhin du yongs su mya ngan las 'da' bar 'gyur ro/ / de nas de'i tshe bla bya'i rgyal po des tshigs su bcad pa'i dbyangs kyis bsnyud pa/ ji ltar/ grogs dang grogs min thams cad la/ / gang tho kun tu chags med par// phyogs 'dzin med dang chos shes pa'i// shes ldan thub par brjod pa yin// skyon gyi 'dam gyis yid gang la/ / nam yang gos pa med pa dang // gcig pur rgyu bar dag pa dang // gang dag chags bral thub par rjod// nga yir med dang spyod med// rnyog pa'i dri ma kun dang zal/ yul rnams nyon mongs thams cad kyis// kun tu 'phrogs med thub par brjod// mi rtag la sogs bden pa ni// ji lta bzhin du rjes su mthong // 'jig rten 'jig rten mun nyid kyang / / brtan pa de ni thub par brjod// 'jig rten chos kyis nam yang ni// rjes su sbyong bar 'gyur ma yin// bde sdug mtshungs pa'i shes

  1114. 181a

    rab ni/ / dri med thub par brjod pa yin// rtag tu kun dga' mchog gis ni// rtag tu 'dod pa rnam par spangs// sred pa med dang nyung ngus 'tsho// gtsang ba 'di ni thub par brjod// gang dag de dang 'grogs pa yis// gang la de la rjes 'gro min// gcig pu rgyu zhing blo gros brtan// bsrung 'tshams dang ldan thub par brjod/ / 'jigs dang dga' ba las rnams grol// sred pa'i shugs kyis 'joms min gang // rab tu zhi ba'i dbang dag sems// ro la zhen med thub par brjod// sems can rnams la mnyam nyid gang // mi mnyam pa la rtag tu mnyam// thams cad la ni mnyam pa nyid// shes rab ldan pa thub par brjod// dge mi dge rnams thams cad kyi/ / las dang 'bras bu'i de nyid rig/ dge dang mi dge'i yongs spangs pa'i// 'jig rten 'di ni thub par brjod// shin tu skyon rnams 'dzem la brtson// rtag tu lus gtogs pa yi dran// tshor ba la sogs de nyid shes// shes rab ldan pa thub par brjod// yul dus bya bar rtsom pa dang // rigs pa smra zhing dbang po dul 'khor ba'i 'jigs pas 'jigs pa yi/ / rab zhi gang yin thub par brjod// de ltar rma bya'i mngar bdag des dga' ldan pa de dag rnams dang / 'thab

  1115. 181b

    bral ba de dag rnams la rnam pa du mar chos ston par byed do/ / de la ngag rnams thams cad kyang yid shin tu mnyam par gzhag pa yin te/ thams cad du yul gyi bde ba de dag rnams thob kyang / gcig tu dge ba'i chos kyi btung bas yid ngoms par gyur pa yin no// de nas lha de dag rnams kyi yid zhu bar gyur pa nye bar rnyed pa dang / gzhan yang rma bya'i rgyal po de gtsug lag gi chos nyid ston par byed pa la/ ji ltar chos gzhan yang theg pa chen po la rab tu gnas par gyur pa'i dge sbyong ngam/ bram ze 'am/ de lta bu'i rigs can gzhan rnams kyis kyang yid la bya'o/ / byas nas kyang kun tu spyod par bya'o// 'di dag kyang gang zhe na/ 'di lta ste/ chog shes pa'o// chog shes pa zhes bya ba'i chos ni mchog tu ga ces par bya ba yin te/ bde bar byed pa'ang yin no// lus dang sems thams cad tshim pa yang 'gyur ro// chog shes pa'i grogs dang ldan pa dang / chog shes pa'i dpung gnyen dang ldan pa'i dge sbyong dang bram ze rnams ni/ mchog tu gyur pa'i bde ba rnams la longs spyod do// thams cad du'ang thams cad kyis chog shes pa de dag rnams thams cad ni/ bde ba'i mchog rnams la nye bar longs spyod par byed pa yin no// 'dod pa sdug pa yid du 'ong ba'i gzugs du ma rnams la mig gis

  1116. 182a

    mngon par zhen par mi byed do/ / don du gnyer bar yang mi byed cing / kun tu rtog par yang mi byed do// mig gi yul du gyur pa'i gzugs de dag rnams la kun tu rtog par mi byed do/ / sems kyis bsams te smon par mi byed do// phyir zhing don du gnyer bar mi byed do// 'dod pa sdug pa yid du 'ong bar gyur pa'i 'das pa'i gzugs de dag rnams la kun tu rtog par mi byed do/ / des byas pa'i 'dun pa'i 'dod chags skyed par mi byed do// de nyid la dran par byas nas smon par mi byed do// rnam par 'chel bar mi byed do/ / bdag nyid rang gis bdag nyid mchog tu dga' bar byed pa'i dge sbyong ngam/ bram ze rnams ni rtag pa nyid du'ang skyid par 'gyur ro// de bzhin du rna bas 'dod pa sdug pa yid du 'ong ba'i sgra rnams thos par gyur pa na kun du rtog par mi byed do/ / yid kyis rab tu smon par mi byed do// 'das pa'i yul de dag rnams la 'dun pa'i 'dod chags skyed par mi 'gyur ro/ / kun tu rtog par mi byed do// yang dag pa ji lta ba bzhin du gyur pas sgra rnams la so sor rtog par byed do// sgra 'di dag ni rtag pa ma yin/ bde ba ma yin/ bdag dang bcas pa ma yin gyi/ kun tu rtog pa 'ba' zhig gis bcom par gyur pa'i byas pa'i srog chags rnams kyi ji ltar bde bar kun nas sbyar bar byed pa porade

  1117. 182b

    ltar yongs su brtags shing zhen pa rnams la sgra rnams rna ba'i yul du gyur pas sems kun nas dkrug par byed pa yin no/ / de la ji lta ba bzhin du rnam pa du mar tshul bzhin yid la byed pas yang dag pa ji lta ba bzhin du mthong ba 'dis ji lta ba bzhin du kun dga' bar byed pa na/ sgra de dag nyid yang dag pa ji lta ba bzhin du so sor rtog par byed de/ ji ltar sgra 'di ni chad pa stong pa dang / rgyun 'chad pa dang / snying po med pa yin te/ 'di ni snying po cung zad cig kyang yod pa ma yin gyi/ 'khor bar rtog pa 'ba' zhig gis kun tu phrogs pa'i byis pa so so skye bo rnams yin no/ / de dag gi tshe sgra de nyid la kun tu lta bar byed pa na de'i tshe/ thams cad kyang snyan pa/ 'dod pa/ sdug pa/ yid du 'ong bar gyur pa'i khyad par thams cad dang ldan pa'i sgra rnams thams cad kyis kyang 'thogs par mi 'gyur ro/ / chog shes pa de ni bde ba'i mchog rnams thob par 'gyur ro// gzhan yang dge sbyong ngam/ bram ze rnams dang / de'i rigs can gzhan rnams kyis kyang snas dri rnams snom par mi byed cing rtog par yang mi byed do// yid kyis kyang tshul bzhin ma yin pa'i yid la byed pas sems par mi byed do/ / yang dag pa ji lta ba bzhin du snas dri 'di dag rnams snom byed pa rnams kyis ni/ yang dag pa ji lta ba mthong bar byed pa yin te/ ji ltar dri 'di dag

  1118. 183a

    rnams ni rtag pa 'am/ brtan pa 'am/ ther zug gam/ rnam par mi 'gyur ba'i chos can ni ma yin gyi/ dri gang la kun tu chags par byed pa dang des rmongs par byed pa dang / tshul bzhin ma yin pa yid la byed pas sems kyi rgyun dkrugs pa/ dri la chags pa gang yin pa rnams ni/ mi rtag pa dang / 'di dag ni snying po med pa dang / ga sog dang / gso ba yin no// de ltar cho ga shes par gyur pa'i dge sbyong ngam/ bram ze 'am/ gzhan yang de'i rigs can rnams ni shin tu chog shas par gyur pa yin no/ / de ni sna'i sred pa de dag gis kun tu mi thogs so// de ji lta ji ltar rjes su lta bar byed pa de lta de ltar ches bde bar 'gyur te/ chog shes pa de mchog tu rnam par dag par gyur pa bstan cing bsgoms la lan mang byas pa'i phyir mchog tu bde bar 'gyur ro/ / gzhan yang dge sbyong de nyid dam/ bram ze 'am/ gzhan yang de'i rigs can rnams kyi lces ro rnams myangs par gyur nas kun tu chags par mi 'gyur ro/ / kun tu rtog par yang mi byed do// sngon gyi dus du myangs par gyur pa'i ro snga ma dag rjes su dran par mi byed do/ / tshul bzhin ma yin pa yid la byed pas kyang sems par mi byed do// phyir zhing yang dang yang du ro de nyid myongs pa la don du gnyer bar mi byed do// chog shes pa tid

  1119. 183b

    kyis kun tu bde bar 'gyur ro/ / chog mi shes pa nyid kyis kun 'khrid par mi 'gyur ro// de la nang du mngon par zhen par mi byed do// yang dag pa ji lta bar yang ro de yid kyis rtog par byed pa yin te/ ji ltar ro 'di dag rang bzhin gyis snying po 'am/ brtan pa 'am/ ther zug gam/ rnam par mi 'gyur ba'i chos can ni ma yin gyi/ kun tu rtog pa'i 'dod chags kyis phrogs pa 'ba' zhig gi sems can rnams kyis/ ji ltar ro ni mdzes pa kho na'i zhes rtogs par zad do// gang gi tshe yang dag pa ji lta ba bzhin du ro de dag la so sor rtog par byed pa na/ de'i tshe ro de rnams la chags par mi 'gyur ro// rnyog pa can du mi 'gyur zhing / 'di'i yid kyis ro'i sred pa las byung bas ro rnams la myang bar mi byed do/ / chog shes pa nyid kyis dga' bar 'gyur ro// de ni ros kun tu 'khrid par 'gyur ba nyid kyang ma yin no// gzhan yang dge sbyong ngam/ zam ze rnams k yis kyang reg bya la reg par gyur pa na kun dga' bas chog shes pa dran pa dang ldan pa rnams reg bya la reg par gyur nas yang dag pa ji lta ba bzhin du kun tu lta bar byed pa ni ji ltar reg bya 'di dag rnams rang bzhin nyid kyis rtag pa 'am/ brtan pa 'am/ ther zug gam/ yongs su mi 'gyur ba'i chos can ni ma yin gyi/ 'di dag rnams ni

  1120. 184a

    gsog/ gsob/ snying po med pa yin te/ reg bya 'di dag ni byung nas med par 'gyur ba dang / byung nas kyang phyir ldog par 'gyur ba yin no// des yang dag pa ji lta ba bzhin du reg bya 'di dag rnams la lta bar byed do// rnam par rtog par mi byed do// 'das pa'i reg bya rnams la dran pas rjes su 'brel par mi byed do/ / srid pa rnams skyed par mi byed cing / reg bya de dag rnams la chags par yang mi byed do// phyir zhing yang dang yang du reg bya gzhan rnams la don du gnyer bar mi byed do/ cir yang rung ba'i reg bya de dag gis kyang cho ga shes par yang 'gyur ro// ji lta ba bzhin du 'dun pa'i 'dod chags dang rnam par bral ba'i reg bya dag gi cho ga shes par byed do/ / 'di ni reg byas chog shes pa zhes bya bar brjod do// gzhan yang dge sbyong ngam/ bram ze 'am/ de dag gi rigs can gzhan rnams kyis kyang yid kyis chos 'dod pa rnams dang / mi 'dod pa rnams dpyad par gyur nas yang dag pa ji lta ba bzhin du rjes su lta'o// chos 'di dag ni rtag pa'am/ brtan pa 'am/ ther zug gam yongs su mi 'gyur ba'i chos can ni ma yin gyi/ 'di dag rnams ni stong pa dang / med pa dang / snying po med pa yin no// 'di dag ni mi rtag pa dang / sdug bsngal

  1121. 184b

    ba dang / stong pa dang / bdag med pa yin te/ med par gyur nas kyang byung bar gyur la/ byung nas kyang phyir ldog par 'gyur yin no// de dag rnams thams cad kyang rnam par nyams par 'gyur ba'i chos can gyi 'dod pa dang mi 'dod pa'i chos de dag rnams bsam nas/ kun tu dga' ba'i mchog tu gyur pas mi 'dod pa rnams kyis rnam par nyams par mi 'gyur zhinga'adod pa rnams la chags par yang mi 'gyur ro/ / 'das pa rnams la'ang dran par gyur nas rjes su 'brel bar mi byed do// 'das pa rnams kyi ro myong bar yang mi byed do/ / de ltar yid kyis chos rnams la tshul bzhin du yid la byed pas mngon par zhen par mi byed do// chos rnams thams cad kyis ro myang bar mi byed do/ / sred pa rnams kyis kyang 'phrogs par mi 'gyur ro// de ltar sred pa drug gi tshogs rnams las kun nas rnam par grol ba'i dge sbyong ngam/ bram ze'am/ de ngag dang rigs 'dra bar gyur pa rnams kyang chog shes pa yin no/ / de nas dus der tshe na rma bya'i mngar bdag des tshigs su bcas pa'i dbyangs kyis bsnyad pa/ ji ltar/ sred pa drug gi yul grol ba'i/ / chog shes pa yang skyob pa yin// spro med ro la zhen pa yi// mthar thug pa yi bde bar 'dod// de ltar gyur pa'i gzugs la ni// gang gis

  1122. 185a

    mnyam par gzhag ldan/ / gzugs kyi rang bzhin srid pa rnams// de yi sems la rab 'jug min// rlabs sgra rnams la reg nas// ming ni rab tu rtso mi byed/ / de yi rna pa'i rang bzhin gyi// 'dod chags snying nyid la rgyug min// sna ni yul dang yang dag ldan// gang phyir de kho nar rig pa// gang phyir de yi yid kyang ni// sna dang skyon/ gyis 'ching ba min// brtan par ro rnams myangs nas kyang // yang dag par de rjes su rtog/ de yi yid kyi khang par ni// ro skyes skyon gyis nyams mi byed// rnam pa sna tshogs reg bya rnams/ / lus kyis reg nas rmongs mi 'gyur// reg bya'i thabs blag shes pa de'i// bde ba mtha' ni yas par 'gyur// 'thun dang mi mthun yid gang ba// 'ga' zhig chos rnams la bzod pa/ / rab tu brtan pa bral 'dra bar// de yi yid ni yongs su bsgrags// zhes bya'o// de ltar dge sbyong dang bram ze yang sred pa las/ kun nas rnam par grol ba de dag rnams ni chog shes par yongs su bsgrags pa yin no/ / de lta de ltar rma bya'i mnga' bdag de nyid kyis 'thab bral ba de dag dang / dga' ldan pa de rnams la gtsug lag gi chos rnams ston par byed do/ / chos gzhan yang theg pa chen po la rab tu gnas pa'i dge sbyong ngam/ bram ze rnams kyis kyang yid la bya'o// 'di dag kyang gang zhe na/ 'dis

  1123. 185b

    lte yul rnams la 'jigs par lta ba zhes bya'o/ / bde ba'i mchog rnams 'byung bar byed do// dge sbyong ngam/ bram ze rnams yul gang yin pa las kyang bzhin gzhan du lta bar byed do/ / gang gi tshe mig gis gzugs rnams rjes su mthong bar gyur na/ de'i tshe mig gi rnam par shes pa skyes pa la yid kyi rnam par shes pas yongs su myong bar gyur pa rnam par 'byed par byed de/ ji ltar 'dir 'ongs pa'i yul 'di la ni 'dun pa'i 'dod chags kyang spang bar bya'o// bdag rab tu 'ching bar byed pa po'i yul nyid la/ 'dun pa'i 'dod chags las kun tu skyes pa'i 'jigs pa rnams 'byung bar 'gyur bas 'dun pa'i 'dod chags rab tu gzhom par bya'o/ / sred pa rnams ni bskam par bya'o// tshul bzhin ma yin pa'i yid la byed pa yang spang bar bya'o/ / yul mthong ba dang lhan cig nyid ji ltar kun tu rtog pa skyes par gyur pa de ltar yang rnam par shes par skye ba yin no// de la'ang 'dod chags dang lhan cig 'grogs par 'gyur pa 'am/ de la'ang zhe sdang dang lhan cig tu 'grogs pa de dag 'dis yang dag pa ji lta ba bzhin du rab tu shes so// nyon mongs pa can gyi mthar thug pa'i yid la byed pa 'di dag bdag la skyes la/ de dag gis kyang bdag la phan pa ma yin pa rnams 'byung bar 'gyur ro// 'jig rten 'di dang pha rol tu yang

  1124. 186a

    bde bar mi 'gyur la nyon mongs pas ni bdag gi don dugyi gyur/ / 'di dag rnams ni sems can thams cad kyi 'ching bar gyur pa yin te/ de'ang gang gi tshe dge sbyong d ang bram ze rnams kyis yul rnams de ltar yongs su rtogs par byed pa de'i tshe 'di'i snying la 'dun pa'i 'dod chags kun du skyes par gyur pa gang yin pa de dag rnams thams cad thams cad du rab tu bral bar 'gyur ba 'am/ bsnyungs par 'gyur ro// de ji lta ba kho nar mig gis gzugs rnams yang dag pa ji lta bar so sor rtog par byed pa de kho na bzhin du rna ba'i sgra rnams skyes pa'ang so sor rtog par byed de/ rna ba'i rnam par shes pa 'di skyes pa ni rna ba'i rkyen dang skyes pa yid la byed pa'i rkyen gyis bde bar kun tu tshor ba 'am/ sdug bsngal tshor ba 'am/ de las skyes pa'i rnam par shes pa'i dbang du byed pa/ rnam pa de lta bu'i yid la byed pa rnams bdag las skyes so// 'dod chags lhag par gyur pa 'am/ zhe sdang lhag par gyur pa 'am/ gti mug lhag par gyur pa'ang rung ste/ rnam par shes de mar me'i 'od bzhin du 'dra bar gyur pa rgyud dang kun tu 'phel ba'i rnam par shes pa gzhan gyis de rnam par shes par byed pa ni/ ji ltar bdag la mi dge ba'i yid la byed pa 'di skyes so zhes des yid la byed pa mi dge ba de nyid du mngon par shes so// de ji lta ba bzhin du so sor

  1125. 186b

    shes shing rkyen gyis byung ba'i mi dge ba rnams spong bar byed do/ / de gang gi tshe mi dge ba'i chos rnams yongs su spong bar byed pa de'i tshe na dge ba'i chos gzhan rnams kyis kyang yongs su gang bar yang 'gyur ro/ / 'dir yang dag pa ji lta ba bzhin du yul rnams lta bar byed pa na'ang tshul bzhin yid la byed pa rnams ni rab kyi stobs dang ldan par 'gyur la/ tshul bzhin ma yin pa'i yid la byed pa rnams ni 'byung bar 'gyur ro/ / dga' ba'i 'dod chags dang lhan cig 'grogs par gyur pa 'di'i sred pa'ang 'byung ba can gyi sred pa dang ldan par mi 'gyur ro/ / de de zad par gyur pas rnam par dag par 'gyur ro// nyon mongs pa'i rnyog pa rnams dang bral ba dang / de mi dge ba'i dri ma rnams dang bral bar 'gyur zhing thams cad du'ang bde bar 'gyur ro/ / de dag gi phyir na'ang dge sbyong ngam/ bram ze 'am/ gzhan dag rnams kyis kyang dang po kho nar yul rnams la 'dun pa'i 'dod chags skyes par gyur pa mi dge ba rnams rab tu gzhom par bya'o/ / dge ba rnams kyang rtag par mang du so sor dpyad par bya'o// sdig pa mi dge bar gyur pa'i chos rnams thams cad kyang rab tu gzhom par bya'o/ / de bzhin du rna bas kyang sgra rnams thos nas yang dag pa ji lta ba kho nar dge ba'i rnam par shes pa rnams so sor bskyed par bya'o// gzhan yang

  1126. 187a

    dge sbyong ngam/ bram ze dang / de dag nyid dang / de'i rigs can rnams kyis kyang snas dri rnams bsnams nas ji ltar shes par byed pa yin na/ 'di na sna'i rkyen dang dri'i rkyen las kyang sna'i rnam par shes pa skye bar 'gyur la/ de skyes pa'i yid la byed pa'i rkyen gyis kyang gang gi tshe mi dge ba'i yid la byed pa skyes par gyur pa'i tshe dge sbyong ngam/ bram ze 'di dag gis rnam par shes pa yin te/ de ltar mi dge ba'i chos sdig pa can 'di dag skyes par gyur to// des kyang bdag la don ma yin pa rnams 'byung bar 'gyur ro/ / bde ba ma yin pa 'di dag bdag gis yongs su spang bar bya'o// de gang gi tshe mi dge ba'i yid la byed pa de dag rnams yongs su spang bar byed pa de'i tshe/ 'di yang dag par ji lta ba bzhin du so sor rtog par byed do/ / de'i tshe 'di la tshul bzhin du yid la byed pa rnams legs par skye bar 'gyur ro// de tshul dang 'thun pa'i yid la byed pa de dang yang dag par ldan pas/ dga' ba'i 'dod chags dang ldan pa'i sred pa rnams rab tu 'joms par byed do// de slar yang dro de nyid la so sor rtog par byed de/ de ltar so sor brtags par gyur pa na de thams cad du dri rnams thams cad la mngon par chags par mi 'gyur ro/ / de rab tu bcom pa las kyang skyed par 'gyur ro// de ji lta ji ltar yang

  1127. 187b

    dag par ji lta bar yul rnams mngon par shes par gyur pa/ de lta de ltar shin tu mthar thug pa mchog gi bde legs rnams thob par 'gyur ro// de ltar smras kyang dri rnams bsnams nas yang dag pa ji lta ba bzhin du lta bas/ dri dag rnams la kun tu chags par mi 'gyur ro// gzhan yang dge sbyong dang bram ze de dag rnams nyid kyi lces ro rnams myangs par byas pa na'ang / gang de la mi dag 'dun pa'i 'dod chags skyes par gyur pa de dag rnams kyang 'dis yang dag pa ji lta ba bzhin du rab tu shes so// ji ltar lce'i rkyen gyis dang ro'i rkyen gyis kyang lce'i rnam par shes pa skye bar 'gyur zhing / de skyed pa'i yid la byed pa'i rkyen las kyang lce'i rnam par shes pa skye ba yin no// rnam pa de lta bu rnams kyi mtshan nyid las skyes pa'i lce'i rnam par shes pa la de la mngon par zhen par mi byed do/ / de la kun tu chags par mi byed do// yang dag pa ji lta ba bzhin du'ang lce'i rnam par shes pa de shes so/ / de gang gi tshe yang dag par shes pa de'i tshe ro la dmigs pa'i rnam par shes pa dga' ba'i 'dod chags dang kun tu ldan pa'i sred pas 'ching ngo // de de las grol bas mchog tu bde ba dang ldan par 'gyur ro// ji lta ji ltar yul rnams yang dag par ji lta ba bzhin du mngon par shes par gyur pa na yang / de lta de ltar dri ma'i rnyog

  1128. 188a

    pa rnams dang rnam par bral ba'i mthar phyin pa'i bde ba rnams 'thob pa'o/ / de ltar dga' ba'i 'dod chags dang kun tu ldan pa'i sred pa rnams kyis mi 'ching ngo / / yang dag pa ji lta ba bzhin du des lce'i ro rnams thams cad dang gnas skabs thams cad du ji lta ba bzhin du rtogs nas/ lus kyi reg bya'i yul rnams la kun tu lta bar byed de/ de la lus kyi rkyen dang / reg bya'i rkyen dang / de skyed pa'i yid la byed pa'i rkyen las kyang reg bya'i rnam par shes pa skye bar 'gyur ro// gsum po rnams 'dus pa las ni reg bya'o/ / reg bya dang lhan cig 'grogs nas tshor ba dang / 'du shes dang / sems pa'o// de'ang dge sbyong dang bram ze 'di dag gis yang dag pa ji lta bar reg bya de nyid la kun tu lta bar byed do/ / reg bya 'di dag ni rtag pa 'am/ brtan pa dang / ther zug pa ma yin no// gang 'di la bdag gis tshul bzhin ma yin pa yid la skyed par gyur na/ tshul bzhin ma yin par yid la byed pa des bdag la don ma yin pa rnams 'byung bar 'gyur ro// bde bar mi 'gyur zhing phan par yang mi 'gyur ro// de gang gi tshe reg bya de'ang ji lta ba bzhin du kun nas rtogs par 'gyur zhing / tshul bzhin du yid la byed pas so sor rtog par byed pa na/ de'i tshe 'di dga' ba'i 'dod chags dang ldan par gyur pa'i

  1129. 188b

    sred pas gnod par mi 'gyur ro/ / yul gyi stobs rnams kyis kyang kun tu sbyor bar mi byed do// thabs rnams thams cad kyi lus kyi reg bya rnams ji lta ba bzhin du kun tu brtags par gyur nas/ yid kyis kyang chos la kun tu lta bar byed de/ ji ltar yid kyi chos rnams yin na/ 'di na yid kyi rkyen dang chos kyi rkyen las kyang yid kyi rnam par shes pa dge ba 'am/ mi dge ba 'am/ lung du ma bstan pa'ang skye bar 'gyur ro// de la gang gi tshe mi dge ba la dmigs par gyur pa'i yid kyi rnam par shes pa tshul bzhin ma yin pa 'byung bar 'gyur pa de'i tshe rigs par 'gyur te/ ji ltar bdag las skyes pa 'di ni mi dge ba'i chos kyi dbang du byas pa'i yid kyis rnam par shes pa skyes pa yin la/ dga' ba'i 'dod chags dang kun du ldan pa'i sred pa yid la byung bas ni bdag don med par 'gyur ro// phan par mi 'gyur zhing bde bar yang mi 'gyur ro// gang de kho na ltar chos rnams kyi 'byung ba spyod par byed cing / de ltar chos rnams la chos kyi rjes su lta bas gnas par gyur pa na/ chos rnams thams cad kyirang rang gi mtshan nyid dang spyi'i mtshan nyid la ji lta ba bzhin du rjes su lta bas/ dga' ba'i 'dod chags dang lhan cig mtshungs par ldan pa'i srid par yang 'byung ba can gyi sred pa rnams kyi 'ching bar mi 'gyur ro// de dga'

  1130. 189a

    ba'i 'dod chags kyis byas pa'i sred pa de dag rnams las grol bas mchog tu bde ba dang ldan par 'gyur ro/ / chos rnams kyi rang 'phel ba dang 'grib pa shes par 'gyur ro/ / de ltar gang gi tshe ji lta ba bzhin du yul rnams thams cad la'ang so sor rtog par byed pa de'i tshe 'di la yang dag pa'i shes pa skye bar 'gyur ro// de'i yang dag pa'i shes pa des nyon mongs pa rnams zad par byed do/ / de nyon mongs pa rnams zad pas kyang zag pa med pa'i ye shes skye bar 'gyur ro// de de dang yang dag par ldan pas go 'phang gi mchog 'thob par 'gyur ro/ / de ltar dge sbyong ngam/ bram ze 'am/ gzhan yang de'i rigs can rnams kyis rtag pa nyid du yul rnams la yid ches par mi bya'o// dgra lta bur gyur pa yin pas gang gi phyir yul rnams ni bting snyoms su gzhag par bya ste/ srog chags rnams thams cad thul 'og tu 'jug par byed pa yin no// de'i phyir ji srid du zag pa med pa'i ye shes skyes par ma gyur pa de srid du yul rnams la nam yang 'ga' zhig la'ang yid ches par mi bya'o/ / rko trog can de dag ni grogs po'i gzugs su 'chos pa'i dgra bo rnams yin zhing 'khor ba'i 'ching ba rnams thams cad kyang de dag rnams yin no/ / de nas de'i dus der rma bya'i mnga' bdag des tshigs su bcad pa brjod pa/ ji ltar/ yul gyi de nyid

  1131. 189b

    mthong ba yin/ / ye shes lcags kyus 'dzin par byed// des ma bzung bas mi bzad g.yo// don min thams cad byed par 'dod// yul gyis bsam pa rmongs pa rnams/ kun tu rtog pa snying la sems// 'tsho ba'i bsam pa kun sdom pa'i// 'chi bdag zhags pa 'di 'ong 'gyur// yang mo'i sems kyi srog chags rnams// yul rnams kyis ni yongs su drangs/ / gti mug gis ni yongs bsdus pa// kun rmongs kyis kyang shes pa min// g.yo bas yul rnams thams cad ni// dri za'i grong khyer 'dra ba yin// sdug bsngal kun tu spel byed de/ / dmyal ba yi yang rgyu rnams yin// 'dod pas rnam rmongs byis pa rnams// yul rnams me yis sreg par byed// sreg bzhin du yang mi go bar// de nyid la ni yongs su 'jug/ kun rtog las ni 'dod chags skye// chags la khong khro rab tu 'jug/ khro bas gzir ba'i skyes bu ni// dmyal ba'i rjes su rgyug par 'gyur// de phyir 'dod pa yongs su spongs/ / mkhas pas khro ba zhi bar gyis// gti mug myur du yongs spangs nas// mya ngan 'das pa mngon du 'gyur// dgra bo bzhin du yul shes bya'o// grogs po dang 'dra mya ngan 'das// mya ngan 'das yul brtan pa ni// mya ngan 'das pa rtogs par 'gyur// de ltar rma bya rnams kyi bdag po des lnga de dag rnams la gtsug lag

  1132. 190a

    mdo de dag ston par byed do/ / chos gzhan yang legs par bsrung bar bya ba gces par gyur pa yod do// 'di'ang gang zhe na/ 'di lta ste/ sems la yid ches par mi bya'o// 'di na dge sbyong ngam/ bram ze'am/ gzhan yang de'i rigs can rnams kyis kyang ji srid 'tsho'i bar du de ltar sems la yid ches pas bgrod par mi bya'o/ / de dag kyang gang gi phyir kun tu g.yo bar gyur pa/ bzlog tu med pa'i rang bzhin gya gyus rnam par gnas pa med pa/ yul rnams la brkam par gyur pa yongs su skyes par byed pa 'dis kyang / byis pa so so'i skye bo rnams thams cad kyang dmyal ba dang / yi dgas dang / dud 'gro rnams kyi 'gro ba la rnam pa du mar yongs su 'khyam par byed do/ / nam zhig kyang 'di dag dang yongs su 'dris pa 'byung bar mi 'gyur te/ yul 'gyur zlog can 'di dag rnams kyis kun tu rmongs par gyur pas byis pa so/ so'i skye bo rnams thams cad kyang dmyal ba dang / yi dgas dang / dud 'gro rnams su lan cig dang / phyogs gcig ma yin par yongs su 'khor bar byed do// de ltar na yang skyo ba skye bar mi 'gyur ro/ / de ltar de dag ni thams cad 'jig par byed pa'i drag cing rtsub par gyur pa'i sdug bsngal can ni 'khor ba yin no// de'i phyir shin du mi bzang

  1133. 190b

    cing mchog tu drag par gyur pa'i sems 'di la ji srid dang ji srid du 'phags pa'i rgyas ma bta ba de srid du yid ches par mi bya'o/ / ji srid du rgyun du zhugs pa'i 'bras bu thob pa ma gyur gyi bar du ste/ phyis nas ni ngan song gi sgo gcad par 'gyur ro// gzhan du na ni 'gro ba rnams thams cad du rgyu ba dang / sdug bsngal rnams thams cad dang bcas par 'gyur ro/ / 'ching ba rnams thams cad kyis bcings par gyur pa/ rjes su 'brel ba rnams thams cad dang kun nas ldan pa/ mchog tu bsgrub par dka' ba/ mchog tu gdul bar dka' bar gyur pa yin no// de'i phyir theg pa chen po la rab tu gnas pa'i dge sbyong ngam/ bram ze 'am/ gzhan yang de'i rigs can rnams kyis kyang rung ste/ brgya nam zhig kyang yid ches par mi 'gyur/ de nas de'i tshe rma bya rnams kyi mnga' bdag des tshigs su bcad pa'i dbyangs kyis bsnyad pa/ ji ltar/ rgal dka' myur du dri bral dang / / sems can kun la 'gyur ba che// sems ni skye dgu thams cad la// rgyal po bzhin du rab tu 'jug/ mthong ba med dang 'jigs bcas pa'i/ las kyi dmyal ba g.yo ba 'di'i// gang gi sems 'dzin de shes rab/ de ni 'gro ba'i mchog tu 'gro// de bzhin bde ba'i gnas su gzhol// des ni ngan 'gro dag tu 'bab//

  1134. 191a

    de nyid btul bas dri med pa'i// mya ngan 'das pa rtogs par 'gyur// bde dang sdug bsngal byed pa sems// de 'dul ba las bde ba 'bab// las rnams rnam pa sna tshogs pa/ / sems kyi 'phen pa'i rjes su 'jug/ de phyir sems ni rtag tu srungs// de bdul bas kyang bde ba 'byung // gang gi yid ni rab zhi ba// dbang po spyod yul las rab zhi// skye dang mya ngan bral ba'i de// go 'phang nad med dag tu song // de ltar rma bya rnams kyi mnga' bdag des 'thab bral gyi lha de dag rnams dang // dga' ldan pa rnams la/ bcom ldan 'das 'khor ba 'jig gis gsungs pa'i gtsug lag gi mdo de bshad do// de nas lha de dag nyid thams cad kyis kyang yongs su bskor nas kun tudu gnas nas ches rab tu rangs par gyur pa'i yid kyis de la 'di skad ces brjod do/ / legs so legs so// skal ba chen po chos 'di na mdzes pa lags so// thog ma dang bar ma dang / tha mar mdzes par gyur pa/ mya ngan las 'das pa'i mthar thug par 'gyur ba khyod nyid kyis bdag la bshad do// de nas lha de dag rnams la slar yang rma bya'i rgyal po des brjod pa/ ji ltar gang bdag gis gnyis kyis lhag pa'i chos nyi shu'i chos kyi rnam grangs bcom ldan 'das kyi spyan snga nas thos pa de dag bdag gis khyed la bstan pa yin te/

  1135. 191b

    don dang ldan pa dang / phan pa'i don du dang / bde ba'i don du dang / mya ngan las 'das pa'i mthar thug par 'gyur bar bdag gis mchog tu phan par gyur pa'i chos 'dul ba 'di khyed rnams bstan pa yin no/ / de nas lha de dag rnams thams cad kyis kyang bshad pa de la mngon par bstod nas/ rma bya'i rgyal po de mchod cing mngon par phyag 'tshal bar gyur nas yang gang dag 'thab bral ba de dag rnams ni nags dang / nye ba'i nags dang / rdzing bu dang / pad+ma'i rdzing bu rnams su rtsed mo'i don du rab tu zhugs par gyur to// dga' ldan gyi lnga gang yin pa de dag rnams kyang / nam mkha'i dbyings nas dga' ldan gyi lha rnams yod pa der de dag rnams phyir song ngo // chos kyi rnam grangs nyi shu rtsa gnyis par gyur pa rdzogs so/ / de nas 'thab bral gyi lha de dag rnams nags dang nye ba'i nags de dag la/ ji srid du 'dod pa sdug pa yid du 'ong ba nges par myong bar 'gyur ba'i las rnams zad par ma gyur pa'i bar de srid du dga' bar byed/ rtse bar byed do// de nas rang gis byas pa'i las la longs spyod pas dmyal ba dang / yi dgas dang / dud 'gro rnams su skye bar 'gyur ro/ / yang gal te lan grangs gzhan la myong bar 'gyur ba'i las kyis mi rnams su skyes par gyur na/ de rtag tu chos la gnas par 'gyur zhing chen po'i rigs dang

  1136. 192a

    dmangs dang / dbang phyug gi yon tan rnams phun sum tshogs par gyur pa'i yul bzang po rnams su rgyal po 'am/ rgyal po'i blon por yang legs pa byas pa'i las de'i rgyu 'thun pas 'gyur ro/ / gzhan yang dge slong las kyi 'bras bu rnam par smin pa shes pa des 'thab bral ba'i lha rnams kyi sa la kun tu lta ba byed do/ / des thos pa las byung ba'i shes pas sam/ lha'i mig gis ji ltar yod pa'i 'thab bral ba rnams kyis mthong ba gyur pa ni/ rU dza ni na rgyu zhes bya ba'o// sa de la las gang dag gis sems can rnams skye bar 'gyur ba'ang des mthong ba ni/ sems can chen po skyes bu dam pa dge legs su spyod pa drang po'i rigs can gang dag gis rtag tu'ang tshul khrims dang ldan par gyur pas/ srog gcod pa dang / ma byin par len pa yongs su spangs par gyur pa ni snga ma bzhin to// 'dod pa pa log par g.yem pa'ang yongs su spangs par gyur pa ni/ bud med kyi yul rnams la rtsig pa las gyur pa'ang rung ste/ rnam pa thams cad du bka tsam cig kyang tshul bzhin ma yin pa'i yid la byed par gyur pa 'dod chags dang lhan cig 'grogs pas kun tu lta bar mi byed de/ / gzhan dag byed par gyur pa rnams kyang rab tu 'gog par byed do// tshul khrims la rab tu 'god par byed do//

  1137. 192b

    chos rnams kyang lan cig ma yin lan cig ma yin par sngon par byed pa de dag la'ang rab tu 'god par byed do// sems can thams cad la'ang 'dod pa la log par g.yem pa'i skyon rjod par byed do/ / las kyi 'bras bu rnam par smin pa ston par byed do// ji ltar gang 'ga' zhig 'dod pa la log par g.yem par gyur pa'i sems can dman pa de dag ni lus zhig nas ngan song log par ltung ba dmyal ba rnams su skye bar 'gyur ro/ / de'i phyir na dmyal ba'i las kyi rnam par smin pa mchog tu rtsub pa/ shin tu sdug bsngal ba rnams yid la gyis la/ 'dod pa log par g.yem par ma byed cig/ phyi nas 'gyod par ma byed cig/ sdug bsngal rnams kyang ni drag pa dang / rtsub pa dang / tsha bar gyur pa yin no zhes/ de ltar 'dod pa la log par g.yem pa'i rnam par smin pa rnams gzhan dag la'ang ston par byed do/ / de dag la'ang so sor kun tu 'jug par byed de/ ngan 'gro rnams su 'gro bar 'gyur ba'i 'jigs pa rnams kyis skrag par byed de/ / dge legs su gyur pa'i sems can de rang dang gzhan la phan pa la rab tu zhugs pa/ tshul khrims dang ldan pa/ tshul khrims la rab tu gnas pa'i tshul khrims de nyid la kun nas brten nas ji srid 'tsho'i bar du ma nyams pa dang / rgyun ma chad pa dang / ma dol bar 'dzin par byed pa de ni/ lus

  1138. 193a

    zhig nas shi ba'i 'og tu mtho ris bde 'gro'i 'jig rten 'thab bral gyi lha rnams kyi nang gi dza ni na rgyu ba'i sar skye bar 'gyur ro/ / der nye bar skyes nas yang 'dor bde ba mnyam pa med pa rnams phun sum tshogs shing mtshungs pa med pa'i bde ba'i longs spyod rnams dang yang dag par ldan pa la bde ba 'di dag rnams yin te/ rA dza ni na zhes bya ba'i rdzing bu dpag tshad lnga brgya par gyur pa/ bsil ba'i chu rab tu dang bldem par gyur pa'i 'od kyis yul 'ga' zhig tu yang gsal bar byas pa/ nye bar ri dag na'ang gser dang / bai DUR+Ya'i rang bzhin la gser btso ma'i 'dab ma dang / in+d+ra nI la'i rang gzhin gyi yal gas yongs su gang ba'i shing ljon pa rnams kyis nye 'khor yongs su gang ba/ dpag tshad lnga brgyar gyur pa'i rdzing bu pad+ma rnams kyis yang nye 'khor kun tu gang ba rnams la/ bai DUR+Ya'i yu ba can rnams la ni gser gyi 'dab ma rnams so// gser gyi yu ba can rnams so// gser gyi yu ba can rnams la ni bai DUR+Ya'i ze ba rnams so// pad+ma gzhan 'ga' zhig ni rin po che bdun gyi rang bzhin yin te/ rnam pa sna tshogs shing rnam par bkra ba'i pad+ma rnams kyis kyang thams cad nas yongs su khyab par gyur pa'o/ / rdzing bu de'i nye 'khor rnams na'ang bya kha dog rnam pa sna tshogs pa dang ldan par gyur pa/ rin po che bdun dang cha 'dra ba'i

  1139. 193b

    kha dog gi lus can gyi bya rnams kyis kun nas nye bar mdzes pa/ mchog tu snyan par gyur pa'i dbyangs kyis kun du gang ba yin te/ rA dza na'i rdzing bu de na'ang lnga brgya stong gis yongs su bskor bar gyur pa yin te/ 'di gang yin pa la lha nyid brgya phrag du ma rnams kyis kyang yongs su ma bskor ba'i lha rnams ni med do// lha mo de dag rnams dang lha de dag rnams kyang lhan cig tu rnga skad yan lag lnga dang legs par ldan pas rdzing bu de na dga' mgur spyod cing rtse bar byed pas rang gi las kyi 'bras bu rnams za bar byed do/ / gzhan yang rdzing bu d e nyid kyi 'gram na yongs su bskor ba'i nye 'khor rnams na mchog tu dga' bar gyur pa'i rin po che bdun gyi rang bzhin gyi ljon shing rnams kyis yongs su bskor nas yid dga' ba zhes bya ba'i nags kun tu gnas so/ / de nas yang dga' bar 'gyur ba'i bya'i tshogs rnams kyi mngon par dga' bar gyur pa'i 'bab chu brgya stong phrag du mas kun tu brgyan pa/ rin po che'i khams rnams kyis rnam par brgyan par gzhan dag lhan cig spyod pa rnams kyis yongs su bskor nas/ dpe med pa'i lha rdzas kyi dbang po lnga mngon par dga' ba'i yul rnams dang yang slar ldan pas yid dga' ba'i nags de na lha rnams dga' bar byed do/ / lha de dag rnams kyang rA dza ma'i rdzing bur yang rtsed mo sna tshogs pa rnams kyang ldan

  1140. 194a

    cig tu rtse bar byed do/ / de nas lha gang dag legs par byas pa'i las kyis der skyes pa de dag rnams 'di ltar 'gyur te/ snga na med pa'i glu'i sgra de dag thos pa'i dpe med pa de dag gis drangs par gyur pas/ krung du skyes pa'i shing rin po che bdun gyi rang bzhin gyi ljon shing rnams kyi nags de dag gi nang gang na yod pa der legs par nye bar 'gro bar byed do/ / de nas lha gzhan gang dag lha'i rigs de nas shi 'phos par gyur nas/ rA dza ni na rgyu ba'i sa der skyes par gyur pa'i lha ga sar du skyes pa de dag/ lha rdzas kyi 'phreng bas kun du brgyan pa'i lha'i bu mo gang yin pa de dag rnams kyis mngon par mthong zhing / rje dpon de mngon par mthong bar gyur nas kyang mngon par rgyug go/ lha'i rigs kyi bu las kyi 'bras bu rnam par smin pa 'di dag ni ji ltar srog gcod pa dang / ma byin par len pa dang / 'dod pa la log par g.yam pa rnam par spangs pa de la skye bar 'gyur ro// 'dod pa log par g.yem pa rnam par spangs pa de dag rnams kyi lha mo ni lha gzhan la mi 'pho'o// ma spangs pa'i lha de dag rnams kyi lha mo rnams ni gzhan la kun tu nye bar 'pho bar 'gyur/ rgyal chen bzhi'i ris dang sum cu rtsa gsum pa rnams ni/ lha gang dag gis 'dod pa log par g.yem pa yongs su ma spangs par gyur pa rnams ni/ de las 'chi 'phos

  1141. 194b

    par gyur pa ni/ lha gzhan de dag lha mo de dag rnams kyi nang du skye'o// de dag rnams kyis kyang 'od nyams par gyur pa'i mar me dang 'dra ba'i tshe 'gag par 'gyur ba spangs nas gsar du gar skyes pa'i lha de la sten par byed do/ / de dang lhan cig tu rtse bar byed/ dga' bar byed/ yongs su spyod par byed do// de nas 'chi 'pho bar gyur pa'i lha gang yin pa 'di la 'chi 'pho bar gyur pas byas pa'i phrag dog gis de la sdug bsngal skye bar 'gyur ro/ / 'di ni dmyal ba'i yang sdug bsngal chen po yin te/ sems kyi skyon phul du phyin pa des dmyal bar skye bar 'gyur ro/ / lha de 'chi 'pho ba de'i 'bras bu rnam par smin pa 'di ni 'thab bral ba'i lha rnams la bag med pa yin te/ de dag ni phal cher 'dod pas log par g.yam pa rnam par spangs pa rnams de dag tu skye bar 'gyur ro/ / rgyu mtshan des na lha gsar du skyes pa de sngun gyi lha med par lha mo de dag rnams kyis lha gsar du skyes pa de la nye bar snyen par byed do/ / nye bar bsnyen nas kyang kun nas de yongs su bskor cing gang na nags chen po de yod pa der nye bar 'gro bar bya'o// rgyags pa la don gcig pas bde bar rgyu bas de dag rnams thams cad kyang / gang na lha'i tshogs de dag yod pa der legs par nye bar 'gro'o// de nas lha'i tshogs de dag rnams kyis lha gsar du skyes pa de mngon par mthong nas/ ches rab tu

  1142. 195a

    dga' bar gyur pa'i yid kyis lhan cig spyod 'khor rnams dang bcas pas rdzing bu de nyid du phyin par gyur to/ / brgya phrag dang de nas stong zag rnams su'ang ste/ nags dang nye ba'i nags rnams dang ldan pa dang / dpag bsam gyi shing rnams dang ldan pa la bya'i tshogs rnam pa du ma yongs su gang ba rnams dang / pad+ma'i rdzing bu brgya stong gis rab tu brgyan pa rnams dang / rgyags pa'i ka ran Ta pa dang / ngang ngur dag gis nye bar mdzes pa rnams dang / yon tan du ma brgya stong 'di dag rnams kyis brgyan pas dga' bar gyur pa'i rdzing chen po der de dag rnams dus ring du ste/ rnga skad yan lag lnga pa dang lha rdzas kyi 'dod pa'i yon tan lnga dus shin tu ring bar yul rnams la rjes su longs spyod nas/ sngar yang sul dedag nyid kyis ngoms par ma gyur pas nags de nyid du rnam par rgyu bar byed pa las/ gang na nye 'khor kun tu snang bar byed pa zhes bya ba'i ri bo yod pa der legs par nye bar 'grol bde bar rgyu ba'i don gyis gar byed par gyur pa dang / rgod par gyur pas pad+ma'i rdzing bu nas pad+ma'i rdzing bu rnams dang / nags nas nags rnams su dang / nye ba'i nags nas nye ba'i nags rnams su dang / 'bab chu nas 'bab chu rnams su dang / ri'i mtho sa nas ri'i mtho sa rnams dang / ri'i bang rim nas ri'i bang rim rnams la dang / ri'i gseb nas ri'i

  1143. 195b

    / gse ba rnams su dang / 'khri shing gi tshang nas 'khri shing gi tshang tshing rnams la dang / me tog gi nags nas me tog gi nags rnams su dang / 'bab chu nas 'bab chu rnams su dang chu klung dang tshang tshing nas chu klung dang tshang tshing rnams su dang / dpag bsam gyi shing gi nags nas dpag bsam gyi shing gi nags rnams su dang / 'khri shing gi khang pa nas 'khri shing gi/ khang pa rnams su dang / rin po che'i khams sna tshogs pa rnams dang ldan pa'i ri'i gseb nas ri'i gseb rnams su rtsed mo rtse bar gyur pas thams cad kyang rnga skad yan lag lnga dang l dan zhing dpe med par gyur pa'i 'dod pa'i yon tan lnga po rnams kyang rang gi las kyi 'bras bu rnams dang 'dra bar yang dag par ldan pas thams cad nye 'khor kun nas snang ba zhes bya ba'i ri bo 'di gang na yod pa der nye bar 'gro bar byed do/ / glu'i sgra de dag thos nas ngo mtshar ba kun du skyes pa'i yid kyis lha de dag rnams myur bar ri bo de gang na yod par 'khod de/ de kun tu lta ba la ched cher gyur pa'i phyir ro/ / de nas ri'i mchog de la 'khod par gyur pa'i lha de dag rnams gang yin pa rnams kyis nye 'khor rnams las kun tu snang bar byed pa'i ri mchog de la legs par gnas nas lha de dag gis mngon par mthong bar gyur to/ / mchog tu dga' bar gyur pas slar yang bya bzhin du nam mkha'i dkyil du 'phags te rgyan dang cha byad

  1144. 196a

    du ma rnams dang / rang gi 'od kyis 'bab par gyur pas phan tshun du lta ba la ched cher byed par gyur cing 'dres par gyur pas de dag thams cad kyang ri bo'i mchog de na dga' par gyur pa'i chu klung dang / 'bab chu dang / rdzing bu dang / pad+ma'i tshal dang / 'khri shing gi khang pa dang / dpag bsam gyi shing rnams rin po che bdun rab tu 'bab pa'i 'od dang ldan pa de dang de dag lha rnams thams cad rA dza ni na rgyu ba na dga' bar byed pa dang rtse bar byed do/ / kha cig ni pad+ma'i tshal du'o// kha cig ni chu klung dang tshang tshing du'o// kha cig ni ut+pa la'i tshal du'o// kha cig ni dpag bsam gyi ljon shing gi nags su'o/ / kha cig ni ra'i khong pa na'o// kha cig ni nam mkha'i dkyil du kun nas 'phags nas/ gang na lha gzhan rnams yod pa der 'gro bar byed do// kha cig ni glu mkhan dang bcas pas rgyags pa la don gcig pa'i bud med rnams kyis yongs su bskor nas/ myos byed kyi btung ba kun tu ston par byed de/ myos pa'i skyon rnams dang bral bar gyur pa/ rab tu dga' ba'i lha rnams phyir zhing de nyid kyis rab tu dga' ba kun tu skyed par byed pa 'ba' zhig yin no// yon tan de lta bu rnams dang ldan pa'i yul gyi rab tu dga' ba'i du ba dang mes slar yang nyis 'gyur du sreg par byed do/ / de nas de ltar kun tu gnas pa'i lha de dag rnams la de kho na nyid rig pa zhes bya ba'i byas tshigs su bcad pa 'don par byed pa la

  1145. 196b

    ji ltar/ 'bar ba lnga la rab chags pa'i// srid pa'i klung gis bdas pa yi// bag med me yis lha rnams ni// 'dod pas rmongs nas sreg par byed// snga ma'i las ni zad pa 'gyur/ / gsar pa nyid kyang nyer mi spel// de zad nas ni ltung bar yang // lha rnams thams cad mthong ba yin// 'chi ba'i dus ni nyer byung na// sdug bsngal gyis ni sems nyer bcom/ / gang yang dge ba ma gtogs pa// skyabs gzhan rnams ni ngas ma mthong // bud med ched cher lta ba dang // rnyed dang longs spyod la rab chags// rang gi sems kyis bslus pa yi/ / tha ma'i gnas su myur 'gro 'gyur// gson pa 'chi ba'i mtha' yin pa// de dag rnams kyis go 'am ci// 'dod pa rnams ni rab 'jig cing // rtag pa la yang 'thad pa med/ / yul gyis rnam par bshig pa dang // rang las kyis kyang bslus pa yin// sred pas nye bar bcom pa'i sems// lha rnams tshe ni 'gro ba yin// rtsig pa zhig pa ji bzhin du/ / ri mo'i las kun rab tu 'jig/ las rnams zad pas de bzhin du// lha rnams 'jig par 'gyur ba yin// dbang po rnams kyang yul rnams kyis// ngoms pa nam yang yod ma yin// mar gsar blugs par gyur pa yin// 'bar ba'i rim pa ji bzhin no// de ltar bya des lha de dag rnams kyi bag med pa'i yid 'joms pa chos dang

  1146. 197a

    ldan pas kun tu rtogs par byed pa'i tshigs su bcad pa rnams byas pa yin no/ / de nas lha de dag rnams kyis de dag thams cad brtsi gdab ma byas par bag med pas rnam par rmongs pa'i phyir/ lha mo de dag nyid kyis yongs su bskor nas rab tu dga' ba'i yid kyis tshan can du gyur pa'i tshogs rnams kyis ni kha cig go/ kha cig ni rang gi 'khor rnams dang ngo / / kha cig ni nam mkha'i dkyil du 'phags par gyur nas ri de la 'khod par byed do// de dag rnams 'khod par gyur pa ni nyi ma brgya stong pas ches lhag par gyur pa'i gzi brjid kyi 'od dang ldan pa'i ri de'i nye 'khor rnams na rin po che'i 'od zer gyis kun nas snang bar byas pa/ rtse mo rnams ni ches mchog tu'ang 'od kyis kun nas rab tu gsal bar byed do// ride la nags du ma rnams yod pa'ang rin po che sna tshogs pa'i rang bzhin gyi shing ljon pas nye bar mdzes par gyur pa/ de dag rnams kyis kyang shin du ches bla lhag par lha de dag gi 'ong zer rnams bcu 'gyur du skyed par byed do/ / lha yang gzhan gang dag nags rnams dang / pad+ma'i tshal rnams dang / 'khri shing gi khang pa rnams dang / rin po che sna tshogs pa'i 'od zer gyis gsal bar gyur pa de dag rnams la rtse bar byed cing / dga' dgur kun tu spyod par byed pa na/ des kyang 'od de dag mthong nas mchog tu ngo mtshar ba dang ldan par gyur te/

  1147. 197b

    de na ri bo'i mchog 'di ji lta ba bzhin du mdzes par gyur pa'i phyir ro// de nas nags dang nye ba'i nags de dag rnams na rtse bar byed pa gang yin pa de dag rnams kyang 'di dag rnams nas 'ong nas rA dza ni na rdzing chen po de'i ri'i mchog gi ri bo de la rtse bar 'dod pa yin te/ de dag thams cad mnyam du 'grogs nas phan tshun du grogs su gyur cing / phan tshun du brdzi ba med par snying la bde ba rnams legs par skyes pas phan tshun du bde ba bskyed pa nye bar 'byin pas 'thun par gyur pas/ rin po che bdun gyi 'od kyi 'phreng bas kun tu snang bar byas pa'i ri de la dal bu dal bus kun tu 'khod par byed do/ / rol mo sna tshog pa rnams dang / glu dang / gar dang / rgod pa dang / 'gying ba dang / rtse ba dang bcas par gyur cing / nad kyi 'jigs pa dang / mya ngan gyi 'jigs pa dang / lkog tu gyur pa'i skyon rnams dang bral ba dang / rang ji ltar 'dod pa bzhin du 'gro ba dang / rgyu bar byed pa mchog tu bde ba dang ldan pa gyur pa rnams rnga skad yan lag lnga dang ldan pas gar byed par gyur pas ri chen po de la ji ltar 'dod pa'i kha zas bdud rtsi dag 'thung bar byed do/ / bdud rtsi rang med par gyur pas nimachog tu dga' ba dang ldan pa skyes par gyur nas dga' bar byed de/ rang gi las dang 'dra ba'i bde ba rnams dang yang par ldan par gyur pas de de ltar dga' bar gyur nas de

  1148. 198a

    kho na bzhin du bde ba la longs spyod par 'gyur ba las/ dus nam zhig na gang na mthong na kun dga' ba zhes bya ba'i pad+ma'i rdzing bu der nye bar 'gro bar byed do// pad+ma'i rdzing bu de'ang dpag tshad bcur yangs pa/ dpag tshad lngar rgya che bar gyur pa/ mchog tu nye 'khor kun nas dga' ba rnams la/ pad+ma'i rdzing bu 'di'i dga' ba nyid ni ngang pa dang / ka ra Na Da pa dang / ngang ngur rnams kyis nye bar mdzes pa 'di'i nye 'khor rnams na'ang gser btso ma'i mdog pad+mas nye bar mdzes par gyur pa/ 'di'i nye 'khor rnam kun na'ang dga' bar gyur pa'i gser rnams dang / bai DUR+Ya sngon po dang / sngon po chen po dang / pad+ma rA ga'i rang bzhin du gyur pa'i sdug pa dag gis nye bar mdzes par spras pas shin durang mdzes par gyur pa/ krung du skyes pa'i shing ljon pa rnams kyis kyang nye 'khor kun nas mdzes pa/ rdzing bu de yongs su bskor nas kun du gnas pa la 'di lta ste/ gsar gyi rang bzhin la dngul gyi 'dub ma dang / dngul gyi rang bzhin gyi yal ga rnams la ni gser gyi 'dab ma'o// in+d+ra nI la'i yal ga rnams la ni pad+ma rA ga'i 'dab ma'o// shel gyi rang bzhin gyi yal ga rnams la ni bai DUR+Ya dang / gsar dang / in+d+ra nI la'i rang bzhin gyi 'dab ma rnams so// be DUR+Ya'i sdong bu can rnams la ni gser dang / dngul dang / in+d+ra nI la'i

  1149. 198b

    rang bzhin gyi 'dab ma'o/ / sngon po chen po'i rang bzhin gyi sdong bu rnams la ni shel dang / in+d+ra nI la'i yal ga rnams la gser bco ma'i rang bzhin gyi lo ma'o// gser gyi sdong bu dang / sdong bu phyed bai DUR+Ya'i rnams la ni sngon po chen po'i yal ga rnams so// gser bcom dang / mu sa ra'i 'dab ma'o// kha cig ni thams cad du gser gyi sdong bu dang / gser gyi 'dab ma dang / gser gyi yal ga dang ldan pa nyi ma pas lhag par gzi brjid kun tu snang bar byed do// shing ljon pa gzhan kha cig ni bai DUR+Ya'i yal ga dang / bai DUR+Ya'i 'dab ma dang ldan pa yin te/ sprin gyi phung po dang 'dra bar thon kor kun nas rnam par mdzes par byed do// kha cig ni gser btso ma'i rang bzhin gyi sdong bu dang / gser btso ma'i rang bzhin gyi yal ga dang / gser btso ma'i rang bzhin gyi 'dab ma spel ba'i me'i phung po'i mdog dang mtshungs par kun nas snang bar byed do// kha cig ni dngul gyi 'dab ma dang dngul gyi yal ga dang / dngul gyi sdong bu rnams kyis zla ba dang 'dra bar kun tu snang bar byed do// kha cig ni in+d+ra nI la'i rang bzhin gyi sdong bu dang / in+d+ra nI la'i rang bzhin gyi 'dab ma la a ka ru nag po'i ngu ba'i mdog tu kun nas snang bar byed do/ / ljon shing gzhan kha cig ni 'khri shing sna tshogs pa rnams kyis yongs su bskor ba yin te/ gang dag gse

  1150. 199a

    b coma'i rang bzhin yin pa de dag ni sngon po mchog tu gsal pa'i kha dog dang ldan pa'i in+d+ra nI sa'i rang bzhin gyi 'khri shing gis nye bar bdud nas lam mer snang bar byed do/ / ljon shing gzhan kha cig ni gser dang dngul gyi rang bzhin du gyur pa rnams so// ljon shing gzham pa ciki ni me tog phun sum tshogs pa rnams kyis/ kha dog sna tshogs pa'i me tog rnams kyis nye bar mdzes par gyur pa'o/ / ljon shing gzhan kha cig ni man+da ra ba'i rang bzhin no// gzhan dag rnams kha cig la ni pad+ma ku she sha ya'i 'dab ma kun dutudu snang bar gyur to/ / ljon shing gzhan dag rnams kha cig la ni dris bu g.yer ka'i dra bas kun nas spel ba rnams kyi sgra 'khrol bar gyur pa'i gser dang dngul gyi rang bzhin gyi 'dri shing gis nye bar phub par gyur pa'o/ / ljon shing gzhan dag rnams kha cig la ni shel gyi rang bzhin dang / gser dmar po'i rang bzhin gyi 'khri shing gis phub par gyur pa'o// ljon shing gzhan dag rnams kha cig ni pad+ma rA ka'i rang bzhin dang / dngul gyi rang bzhin gyi 'khri shing dag gis yongs su bskor nas gnas pa'o// ljon shing gzhan dag rnams kha cig la ni yang dril bu g.yer kha'i dra ba rgyangs pa'i ska la khrol ba'o/ / ljon shing gzhan dag rnams kha cig la ni shing thog rnams smin par gyur pa la 'di lta ste/ khu ba

  1151. 199b

    ' bras bu rnams las ni 'bras bu de dag rnams las rnam pa de lta bu'i khu ba dag rab tu 'bab par 'gyur ba gang yin pa'i khyad par gyis lha rdzas kyi myos byed dag rnams kyi yang cung zad kyang ma yin no/ / ljon shing gzhan dag 'ga' zhig ni me tog gi shing yin te/ gang dag gi dri rnams ji srid du dpag tshad brgyar yang rlung gis rab tu bdebs par byed do/ / ljon shing gzhan dag rnams kha cig ni sgra'i shing yin te/ gang dag rlung 'jam pos rab bskyod par gyur pa rnams rnam pa de lta bu'i 'dab ma kun tu bskyod pa lnga skyes pa'i mchog tu snyan par gyur pa klu mkhan gyi las ches lhag par gyur pa'i sgrar 'gyur ro/ / ljon shing gzhan 'ga' zhig ni gcig tu lta bar mngon par dga' ba yin no// gang dag rnam pa de lta bu'i gzugs dag yin te/ gang dag gi khyad par gyis kha dog sna tshog pa rnams kyis rnam par bkra ba'i nags kyi rgyal po dag gis kyang bcu drug kho na'i cha 'ba' zhig tu chog pa'ang ma yin no/ / bdug pa'i shing ljon pa gzhan kha cig ni rnam pa sna tshogs pa'i bdug pa'i dri rnams gang dag gis 'thul bar byed pa ste/ mchog tu dri zhim par gyur pa'i dri gang dag gis bsnams pa na lha rnams kyang dga' bar byed pa yin no/ / rnam pa de lta bu'i shing ljon pa yon tan mtshungs pa med pa gzhan dag rnams kyis kyang pad+ma'i rdzing

  1152. 200a

    bu mthong na kun dga' ba zhes bya ba yongs su khyab par gyur pa yin no/ / de nas lha de dag rnams kyis rnam pa de srid du mngon par mthong bar gyur te/ ngo mtshar ba rnams mthong zhing mtshungs pa med par nye bar longs spyod par bya ba rnams mngon du legs par mthong nas/ rA dza ni na rgyu ba'i lha de dag rnams kha cig ni 'bras bu rnams za ba yin no/ / kha cig ni 'bras bu'i khu ba rnams 'thung ngo // kha cig ni lhan cig spyad pa rnams dang bcas nas me tog gi rtsed me byed do// kha cig ni nags kyi nang gi sa dag la nye bar gnas nas rnam pa sna tshogs pa'i myos byed rnams 'thung zhing gru yang len par byed do/ / kha cig ni lhan cig spyad pa rnams dang bcas nas glu dbyangs dag len par byed do// kha cig ni gar byed do/ / kha cig ni pad+ma'i rdzing bu la 'bogs par byed do// kha cig ni bdud rtsi med par byed do// kha cig ni lhan cig spyod pa rnams kyis yongs su bskor nas nam mkha'i dkyil du 'phags so/ / gzhan dag kha cig ni rin po che bdun gyi rang bzhin gyi khang bur zhug nas/ lha'i bu mo'i tshogs kyis kun nas yongs su bskor nas rnam pa sna tshogs pa'i 'dod pa'i longs spyod la rjes su spyod par byed do/ / de ltar lha de dag rnams pad+ma'i rdzing bu de na dga' bar byed do// 'dod pa'i yon tan lnga dang yang dag par ldan pas dga' bar byed pa

  1153. 200b

    dang rtse bar byed kyang yul rnams kyi nye bar longs spyod pas ngoms par yang mi 'gyur ro/ / sred pa dang ldan pa rnams la ni ngoms par 'gyur ba nam yang yod pa ma yin te/ dper namar gyis legs par btab par gyur pa'i shing rnams kyis me la ngoms pa'i mthar thug pa med do/ / de bzhin du sred pa dang ldan pa'i mi rnams kyang yul rnams kyis yin no// de nas rdzing bu de'i pad+ma'i ngos kyi dbus kyi pad+ma'i nags mchog tu dga' ba dang / mchog tu rgya cher gyur pa sna tshogs pa'i bya'i tshogs rnams kyis kun tu gang bar gyur pa na/ rang gi smon lam gyis skyes pa'i byang chub sems dpa' dus bzangs zhes bya ba'i ngang pa'i rgyal po ngang pa brgya stong gis yongs su bskor bar gyur pa ni/ ji ltar 'dzam bu'i gling gi gza' dang skar ma rnams kyis zla ba la bzhin no/ / de bzhin du de'ang nye 'khor rnams kun tu snang bar byed do// pad+ma'i tshal rnams kun tu snang bar byed do// pad+ma'i tshal rnams kyang bung ba'i chog rnams kyis kun nas nye bar mdzes par gyur pa'o/ / nye 'khor kun nas yongs su bskor ba'i lha de dag rnams legs par mngon par mthong nas gzhan la phan pa la rab tu zhugs pas tshigs su bcad pa brjod pa/ ji ltar/ 'gro ba dang ni gnas nyid dang / rtse ba dang ni rgod pa yang // bzod par mi nus shugs po che// mi bzad pa yi 'chi bdag 'byung // gang

  1154. 201a

    la 'di yi mi sgrub pa'i/ / 'di dag phyi mar gnas de med// de ltar na yang kun rmongs pas// 'gro ba 'di dag gis mi rtogs// dbul po dang ni dbul min dang / / gzhon pa dang ni gnas brtan dang // khyim pa dang ni khyim pa med// gang yang 'di yis mi 'joms med// skyid bde ba dang sdug 'phongs dang // yon tan can dang de las gzhan/ / spong la gnas dang spong gnas min// gang yang 'di yis mi khrid med// tshul khrims 'chal dang tshul khrims ldan// shes rab can dang rmongs pa dang // rgyal po dang ni de las gzhan// gang dag 'dis ni mi khrid med// lha rnams dang ni dmyal ba 'am// yi dgas dud 'gro'i skyes de bzhin// bag med pa dang bag yod dang // gang dag 'di yis mi khrid med// 'dod pa'i khams su skyes pa'am// gzugs kyi khams kyang de bzhin te// gzugs med par ni skyes pa'am// gang dga'adi yis mi khyer med/ / las kyi zhags pas rga ba'i chad// nad kyi lus so stobs po che// srin po lta bu'i 'chi bdag 'dis// sems can blangs nas 'gro ba yin// de ltar 'jigs su rung ba yi/ / 'chi bdag mchog tu mi bzad pa// 'dod pas rnam par rmongs pa'i lha// ngu bar 'os la dga' bar byed// ji lta ji ltar bsten byas pa// 'dod pa

  1155. 201b

    sdug bsngal rgya rnams ni/ / de lta de ltar rab 'phel ba// mar blugs pa yi me ji bzhin// mi dge de dag slu byed yin// byas pa chud gson sdug bsngal rgyu// dang por mngar ba'i 'dod pa ni/ / yongs su smin nas mi bzad pa// 'dod las dang por bde legs dang // bar dang tha mar byed pa'ang min// zhi yi rjes su thob pa min// nyams dang zhi ba'i rgyu rnams ni/ / dbang po dang ni dbang don la// rmongs nas rnam pa tha dad par// byis pa'i yid 'phrogs 'dod pa yis// dmyal bar 'gro bar byed pa yin// gang dang lhan cig byis pa dga'/ / de nyid 'di ni mi bzad mchog/ dgra bo grogs po'i gzugs kyis ni// khyad par gyis ni rab tu rgyu// de ltar dus bzangs des lha bag med pa bag med par spyod pa rnams mngon par mthong nas tshigs su bcad pa brjod do/ / de nas lha de dag 'dod pa de dag gis rnam par rmongs pa'i phyir phan par gyur pa gang yin pa de rjod pa na kun tu mi rtogaso so/ / de nas slar nyid pad+ma'i rdzing bu de nyid kyi 'gram du rA dza ni na rgyu ba'i lha de dag rnams nags dang / nye ba'i nags rnams dang / pad+ma'i rdzi bu dag dang / 'khri shing ' phyar bas legs par kun tu g.yogs pa'i mchog tu dri zhim pa'i 'khri shing gi khang pa rnams la bung ba brgya stong du ma skad snyan pa rnams 'don pas rna bar snyan pa rnams la

  1156. 202a

    wa de dag rnams lha'i bu mo'i tshogs rnams kyis yongs su bskor nas dga' bar byed cing / rtse bar byed de/ rnga skad yan lan lnga dang ldan pas shin du snyan pa dang / brgyud mar dma' zhing snyan pa dang / mthon por 'jam zhing snyan pa'i sgra dang yang dag par ldan par dpe med pa rnams kyis dga' bar byed do// gzhan dag ni khang bu'i steng na kun du gnas te mchog tu dgara' ba'i pad+ma'i rdzing bu'i cing la kun tu lta bar byed do/ / rA dza ni na rgyu ba'i lha de dag rang las la spyod pas rjes su 'brang ba rnams dang bcas pas 'khor kun tu lta bar byed do/ / de nas kun tu lta bar byed pa de dag rnams las gzhan yang dus bzangs de 'di snyam du sems te/ lha de dag rnams kyis yid la ci zhig yod par gyur na/ nges par nyams su myos par 'gyur ba'i sdug bsngal 'byung bar 'gyur ba rnams gang yin pa gang dag gis ko bar mi 'gyur ba/ lha rnams 'chi ba'i dus na 'jigs pa ni snga yod de/ lnga po rnams gang zhe na/ 'dod pa sdug pa 'thun pa yid du 'ong ba'i bud med rnams thams cad dang lha'i rigs kyi skal ba 'thun pa de nyid du slar yang kun tu mi 'brad pa/ de la 'di ni rnam par 'bral bas byas pa'i sdug bsngal chen po dang po yin no/ / gzhan yang lha rnams 'chi 'pho bar gyur pa'i dus na sdug bsngal gnyis pa 'di lta ste/ 'dod pa sdug pa yid du 'o

  1157. 202b

    ba'i lha rdzas kyi yul rnams dang phyi nas yang mi 'phrad pa zhes bya ba 'di ni lha rnams 'chi 'pho ba'i dus na sdug bsngal chen po gnyis pa yin no/ / gzhan yang lha rnams la sdug bsngal gsum pa yod de/ lha gzhan gang dang rtse bar byed pa de dag gis 'di'i mngon sum du gyur pa gang gi tshe na snum zad pa'i mar me 'chi ba bzhin du mthong bar 'gyur ro// de'i tshe de la sdug bsngal gang dag skye bar 'gyur ba de dag 'di ltar 'byung ba yin te/ nges pa'i las kyi rlung gis bdag nges par rlag par 'gyur ba yin no zhes de la rnam par 'bral bas byas pa'i sdug bsngal skye ba gang yin pa de/ dmyal ba'i sdug bsngal gyis kyang char mi bzad do// gzhan yang lha rnams kyi sdug bsngal bzhi pa yod de/ gang gi tshe 'chi 'pho bar 'gyur pa dang nye bar gyur pa na/ 'gro ba gang nas skye bar 'gyur pa dang / gang la 'di skye ba byung bar 'gyur pa dmyal ba dang / yi dgas dang / dud 'gro rnams kyi 'gro ba de des ji lta ba bzhin du mthong bar gyur pa na/ de'i tshe 'di 'gyod par gyur pas byas pa'i mer 'os pa rnam pa du ma'i sdug bsngal 'byung bar 'gyur ro// gzhan yang lta rnams la sdug bsngal chen po lnga pa yod de/ gang dag dge ba'i bshes gnyen du gyur pa rnams kyis chos bstan par gyur pa na de'ang nyan par mi byed pa dang / dam pa'i chos rjes

  1158. 203a

    su sgrub par mi byed par bag med pas bag med par rgyu ba yul gyis kun nas phrogs par gyur pa'i sems kyis te/ 'chi 'pho bar 'gyur ba'i dus de'i tshe de'ang rjes su dran pas/ dA mi bzad pa'i sdug bsngal ngas ci zhig byas na/ chos gang yin pa ni ma mnyan no// tshul khrims la'ang rjes su ma grub pa/ shes rab kyang goms par ma byas de'i sems dang po kho nar rnam par 'gyod par gyur pa'i mes sreg par byed do/ / rang las kyi zhags pa des dbang med par nges par bcings nas bag med pa'i dgras bsdus pa yin te/ lha rnams la sdug bsngal chen po lnga po 'di rnams yod do// sdug bsngal de dag rnams kyang lha rnams kyis mi shes te/ bag med pa'i dgra rnams kyis co dris pa'i phyir dang / bslus pa'i phyir dang / rnam par nyams par byas pa'i phyir ro// de nas de ltar rig nas ngang pa rnams kyi mnga' bdag de gcig tu nges pa'i blo dang lhan cig tu blo nges par bzhag par gyur nas/ thabs rnams gang yin dpyod par byed de/ gang gis 'di dag legs par byed par 'gyur ba'i thabs gang dag gis lha 'di dag rnams la bdag gis chos bstan par bya/ de nas de ltar dus ring ba na rtogs nas ngang pa rnams kyi bdag po de gzhan la phan pa la rab tu zhugs pas/ sems can de dag rnams la phan par bya ba'i don

  1159. 203b

    du tshigs su bcad pa brjod pa/ ji ltar/ rtag du sbyin dang tshul khrims ldan// sems can thams cad la rjes brtse// kun tu bsam pa thams cad 'grub// de phyir tshul khrims mchog yin no/ / byams dang snying rje dang ldan zhing // 'dod pa zad pa'i lus can rnams// gzhan dag rjes su 'dzin ldan pa'i// lus 'grub pa ni rtag tu gnas// chog shes pa dang bag yod pa'i// sems can kun la phan pa 'dod// 'dod chags zhe sdang las rnam grol// lus grub pa ni rtag tu gnas// grogs dang dgra dang bral ba dang lus can rnams la snyoms pa'i sems/ / ngan song 'gro bas 'jigs pa yi// lus grub pa ni rtag tu gnas// bslu ba med dang bstan pa dang // chos sbyin pa la dga' ba dang / / ser sna phrag dog rnams grol ba'i// lus 'grub pa ni rtag tu gnas// sdom la gnas dang zhi ba dang // bla ma mchod la dga' ba dang // don dang don min thabs lag shes/ / don grub pa ni rtag tu gnas// g.yo med shin tu mkhas pa dang // rtag par yang ni snyan pa'i ngag/ mgon med rnams la sdom brtson ldan// don grub pa ni rtag tu gnas/ / yul dus rnam par shes pa yi// bsgrub dang bsgrub min rnam par shes// sdig pa'i sbyang thabs shes nus pa'i// lus grub pa ni rtag tu gnas//

  1160. 204a

    de ltar ngang pa rnams kyi mngar bdag des rig par gyur nas/ ji ltar 'di dag rnams chos byed du 'gyur ba dang / chos ston par 'gyur bar byed de/ gzhan dag rjes su 'dzin par byed pa la sbyor ba gang yin pa de dag rnams ni kun tu bsams pa rnams thams cad 'grub pa des rig pa'i phyir ro/ / de nas lha de dag rnams bag med pa bag med par rgyu bas rnam par rgyu bar byed pa yin na/ de la gang gis 'di dag rnams kyis bag med pa dang 'bral bar 'gyur bar ji ltar bdag gis de dag rnams la chos bstan par bya/ de nas ye shes stobs po ches legs par spyad pa rnams rig cing skye ba gzhan dran pa'ang dran par gyur nas/ ji ltar sngon bdag mir gyur nas 'dzam bu gling du skyes pa na/ bcom ldan 'das gser thub kyi spyan sngar chos thob par gyur par de'i dus ni/ chung ngu na yang nges par 'di yin la/ bcom ldan 'das des ni dus 'di dag mkhyen nas bdag la chos bstan pa yin te/ ji ltar tshong dpon gtso bo'i bu ut+pa la sbyin zhes bya ba 'di shi bar gyur nas/ 'thab bral ba'i lha rnams kyis rA dza ni na rgyu ba dang pa skye ba gzhan la skye bar 'gyur ro// des bdag gi chos 'di dag rnams ga med pas bag mod par rnam par rgyu bar byed pa'i lha de dag rnams la ston par byed do zhes bya ba/ chos de'i dus de ni de ring 'dir byung ba yin pas/ ci nas kyang bdag gis chos

  1161. 204b

    de dag bstan par bya ba yin no/ / ngang pa rnams kyi mnga' bdag des de ltar rig nas gzhan la phan pa la rab tu zhugs pa snying rje dang ldan par gyur cing / byams pa dang snying rje mang pos bla na med pa yang dag par rdzogs pa'i byang chub yid la byas nas/ gang na rnga skad yan lag lnga dang ldan pas lha de dag rnams rtse bar byed pa der nye bar 'gro'o// ngang pa'i tshegs chen po rnams kyis yongs su bskor nas nye bar phyin par gyur nas/ mthong ba ni lha de dag rnams kha cig ni nags tshal gyi gseb la rtse bar byed de// kha cig ni pad+ma'i rdzing bu rnams la'o/ / kha cig ni 'khri shing gi khang pa rnams su'o// kha cig ni nam mkha'i dkyil na khang bu la legs par kun du gnas nas rtse bar byed do// kha cig lhan cig spyod pa rnams dang bcas nas bdud rtsi za bar byed do/ / de nas dus bzangs 'di snyam du sems te/ ji ltar bag med pas bag med par rgyu ba de dag rnams nyid la chos bstan pa'i dbang du byas pa'i dus ni 'di yin te/ gang tha mar gyur yang bdag gis rnam pa ji lta bu'i dbyangs snyan pa'i dbyangs rnams kyis chos kyi tshigs su bcad pa'i dbyangs kyis 'di dag la bsnyad par byas te/ bdag gi dbyangs kyi gdangs shin tu snyan pa gang yin pas/ lha de dag rnams kyi dang / lha mo de dag rnams kyi snyan pa dang ldan pa'i glu dbyangs de dag thams cad nye

  1162. 205a

    bar bcom nas/ nga'i dbyangs de la kun tu gnas pa kho nas lha de dag rnams dbyangs kyis kun tu 'phrog pas rna ba'i rnam par shes pa brtad nas nyan par 'gyur ro/ gzhan du na 'dod pa'i longs spyod rnams kyis bag med pa nyan par mi 'gyur ro// de nas de dag la blo kun nas gnas par byas nas/ ngang pa'i rgyal po des tshangs pa'i dbyang de yid la byas shing / sangs rgyas kyi yon tan de dag rnams kyang rjes su dran par byas te/ byams pa dang snying rje'i blo mang du skyes par gyur nas/ rin po che bdun gyis rnam par brgyan pa'i ri'i rtse mo la mngon par gnas te/ ngang pa de dag rnams nyid dang lhan cig tu dpag tshad brgya stong phrag bcur khyab par gyur pa dang / mtshungs pa med pa'i dbyangs snyan pa rnams kyis tshigs su bcad pa bshad pa/ ji ltar/ gson par re ba rnams 'jig pa// 'chi ba ji srid ma byung ba// phyi nas 'gyod par mi 'gyur ba// ji srid du ni bsod nams kyis/ / rtag tu bag med rten pa dang // 'di ni 'chi bdag go 'phang yin// bag yod pa ni nges brtan pas// 'chi ba med pa'i go 'phang mchog/ gang dag bag med pas rmongs pa'i/ / lam 'di shis par rab rjod min// bag yod pa las mnyam brten nas// mkhas pa mya ngan 'das par 'gro// gnas de dag ni chung gson pa'i// bag

  1163. 205b

    med pa la dga' ma byed/ / zhi min go 'phang blangs nas ni// dmyal bar rjes su rgyug la re// rab zhig rab tu chud zos gang // lus can rab du chung 'dza' 'gyur// bdag bag med skyon yin par/ / de bzhin gshegs pa gsung bar byed// de phyir thams cad kyis thams cad// brtson pa kun gyis thams cad kyi// bag med yongs su spong ba yi// / lha rnams 'dir ni zhi bar brjod// de ltar ngang pa rnams kyi mnga' bdag de ri'i rtse mo de la lhag par gnas nas rnam pa de lta bu'i dbyangs kyis rjod par byed de// de lta bu'i snyan pa dang / de lta bur gsal ba dang / de lta bur yid 'phrogs pa'i dbyangs gang gi khyad par gyis ni lha rnams kyi glu'i dbyangs de dag gis thams cad du skyo ba skyes par 'gyur ro// de nas de dag rnams thams cad kyang sgra des drangs par gyur nas gang na ri de'i rtse mo yod pa der nye bar 'gro bar byed de/ mchog tu snyan pa shin du rgya cher gyur pa'i rnam pa ji lta bu'i dbyangs de lha rnams kyis nam yang sngar thos pa'i blo la de dang de dag rnams la skye ste/ ji ltar glu'i sgra 'di dag rnams 'dod par gyur pas de dag kun tu drangs pa'i yin gyi chos la gus pa ni ma yin no/ / de nas ri'i rtse mo de la 'khod nas mthong bar gyur pa dang pa'i rgyal po dus bzangs des tshigs su bcad pa rjod par byed pa ni ji ltar sngar bzhin no//

  1164. 206a

    de nas lha de dag dang lha mo de dag rnams thams cad kyang snyan pa dang rgya che bar gyur pa mchog gi dbyangs nges bkug pa'i phyir/ thams cad kyis kyang dus bzangs de yongs su bskor nas gnas te/ rab tu dang ba rtsa gcig pa'i yid kyis dbyangs de 'ba' zhig nyan par byed do// tshigs su bcad pa 'di dag rnams las snyan par gyur pa'i tshigs rnams nye bar 'dzin par byed do/ / de nas lha de dag rnams kyi yid rtse gcig tu gyur pa dang pa'i rgyal po des rig nas/ de mir gyur pa na gtso bor gyur pa'i bu'i ming yang ut+ma la sbyin du gyur cing gyur pa ni bcom ldan 'das gser thub kyi spyan sngar thos pa'i chos de gang yin pa 'di las brtsams nas/ snyan zhing mchog tu rgya che bar gyur pa'i dbyangs de nyid kyis yid rtse gcig tu gyur pa rnams nyid la rang dang 'dra bar ston par byed pa yin te/ de ltar lha mo'i tshogs rnams kyis yongs su bskor ba'i lha de dag rnams la/ ji ltar bag med pas bag med par rnam par mi rgyu bar lha dag gis gnas par bya ba dang / chos kyang bag yod pas nyan par bya ba dang / skyes bu dam pa phan par byed pa rnams kyi drung du dam pa'i chos nyan par gyur pa na/ dam pa'i chos sgrogs pa la gus pa dang ldan pa'i skyes bu dam pa rnams ni mya ngan las 'das pa'i mthar thug par 'gyur ro// dga' ba dang yid bde ba

  1165. 206b

    mang bar 'gyur ro/ / zag pa rnams zad par 'gyur ro// 'jig rten gnyis po 'di dag tu skyes bu dam pas tshangs pa'i bsod nams skyed par 'gyur ro// tshul bzhin du gyur pas/ kyang 'dzin par byed do// zag pa dag yang zad par byed do// de la gang yang dam par byas te chos ston par byed pa dang / gang yang dam par byas te nyan par byed pa gang gis de la de dgram dang pa gnyis dang mtshungs par 'gyur ba yin no/ gang dka'akhor ba nas nges par 'byung bar 'gyur por chos ston par byed pa'o// mthar thug pa dang / dge ba'i chos nam 'phel bar 'gyur ba'i chos ston pa po de ni chos nye bar 'phel ba de yis ma dang pha dang mtshungs par 'gyur ro/ / de la dam pa'i chos ston par byed pa ni/ chos ston pa po// sbyin pa po/ chos kyi sbyin bdag tu gyur pa/ nyan pa po rnams la chos sgrogs pas nyan par byed du 'jug pa ste/ chos sgrogs par byed pa po yin no// de la chos bsgrags pa nyan pa rnams kyis ni rab tu brtson pa dang ldan pa dang / sems drang po'i rang bzhin du gyur pa dang / dam pa'i chos la gus pa dang ldan pas chos sgrogs pa rnams las chos nyan par 'dod pa ni yon tan sum cu tham pa dang yang dag par ldan no/ / sum cu tham pa po gang dag rnams dang ldan zhe na/ chos sgrogs pa po chos smra ba po gcig tu chos kyi sbyin bdag tu gyur pa

  1166. 207a

    ma dang pha dang mtshungs pa 'khor ba'i rgyu ma yin pa'i drung nas/ 'di lta ste/ ma thos pa'i chos rnams thos par 'gyur ba dang / thos pa rnams so sor rig par byed pa dang / so sor rig par byas nas rnam par dpyod par byed pa dang / rnam par dpyad nas kyang rab tu sgrub par byed pa dang / rab tu zhugs par gyur nas bdag nyid rab tu gnas par byed do/ / rab tu gnas gyur nas gzhan dag rnams kyang rab tu 'god par byed do// de dang lhan cig tu chos nyan par gyur pa las rnam par dpyod par byed do// rgod par gyur pas kyang kun nas rab tu g.yo bar mi 'gyur ro/ / dge ba'i rtsa ba ma bskyed pa rnams la skyed par byed pa dang / gong du rnam par smin par byed do// yongs su smin pa rnams thar par byed do// log pa'i lta ba can rnams yang dag pa'i lta ba can du byed do// skyes par gyur pa'i mi dge ba'i rnam par rtog pa rnams so sor 'joms par byed do// dge ba'i sems kun du skyes pa rnams legs par 'phel bar byed do/ / rkyen gyis byung ba'i mi dge ba rnams yongs su spong bar byed do// bag dang ldan par 'gyur ro// skyes bu dam pa rnams la rjes su ston par byed do/ / g.yo dang ser sna rnams dang bral bar byed do// ma dang la la gus pa dang ldan par 'gyur ro// las dang 'bras bu rnams kun du shes so// 'dis ni tshe ring ba 'phel bar

  1167. 207b

    byed pa'i las rnams yang mngon par 'phel bar byed do/ / 'jig rten pa rnams kyis kyang bsngags par 'gyur ro// wa rnams kyis kyang 'di dag mngon par srung bar byed do// kun tu bsams pa rnams kyang phun sum tshogs par 'gyur ro// chos dang ldan pa'i longs spyod dag thob par 'gyur ro// le lo med par yang 'gyur ro// brtson 'grus brtsams ba dang / byas pa shes par yang 'gyur ro// rtag par kun tu yang 'chi ba rjes su dran pa sgom par byed do// 'chi ba'i dus na 'gyod pa med par yang 'gyur ro// mthar yang yongs su mya ngan las 'das par 'gyur ro/ / de lta bu'i yon tan sum cu tham pa yin te/ chos dang ldan pa'i 'chad pa po ma dang pha dang mtshungs par gyur pa'i chos kyi sbyin bdag chos sgrogs pa po'i drung nas chos thos pa las yin no/ / de ni mthar thug pa dang mtha' yas pa'i phan pa byed pa'i phyir pha yin te/ gang gis rnyog pa med pa dang / yid rab tu rnam par dang bar gyur pa dang / phan pa byed pa dang / nges par rtogs par byed pas kyang / chos ston par byed pa de ni/ don dam pa las sangs rgyas dang / chos dang / dge 'dun gyi bya ba byed pa yin no/ / 'khor ba las grol bar byed do// 'di na chos sgrogs pa po chos brjod pa'i drung nas gang gi tshe chos nyan par byed pa na/ dang po nyid du de 'khor ba thog ma med pa'i

  1168. 208a

    dus nas 'jug pa las/ gal te shes na 'ga' zhig las chos thos par gyur te/ de chos sgrogs pa de'i drung nas ma thos pa'i chos rnams thob par gyur nas ngo mtshar skye bar 'gyur ro/ / ji ltar skyes pa nas long bar gyur pa'i mig gi nyes pa rnams sman pa chen pos gang gi tshe kun nas bsal bar gyur pa na/ des du ma sna tshogs par gyur pa'i sa gzhi 'di mthong nas mchog tu dga' zhing rangs par 'gyur ro/ / snga na med pa dang sngar ma thos pa rnam pa sna tshogs pa'i dga' bar gyur pa'i gzugs mngon par mthong bar 'gyur ro/ / de bzhin du 'di'i thog ma med pa'i dus nas rab tu zhugs pa rnams kyang dam pa'i chos sgrogs pa rnams 'dzin pa'i don gyis/ gang gi tshe byang chub kyi yan lag gis gzhi sna tshogs pa'i dge ba'i snying po dga' bar 'gyur ba snga na med pa'i don rnams rjod par byed pas gsal ba gyur pa mthong bar 'gyur ro/ / de'i tshe shin du bar yang rab tu rangs par 'gyur te/ dmus long bzhin du gzugs rnams mngon par mthong nas rab tu dga' bar 'gyur ro// 'di'i yon tan dang po yin no// dam pa'i chos sgrogs par byed pa rnams las des thos nas de dag rnams rab tu rig par 'gyur ro/ / dam pa'i chos nyan par byed pas chos de dag thos par gyur nas/ yid kyis rab tu rtogs par byed do// bshad pa de'i don

  1169. 208b

    z hig yin pa'ang gang gi tshe bdag nyid kyis kun nas ma rig pa de bzhin dag rnams la yongs su 'dri bar byed de bshad pa de dag gi don cig yin zhes bya bar de dag dang gzhan dag rnas kyi drung nas kyang de thos nas yid kyis rab du rig par byed do/ / sems par byed do// sgom par byed do// lan mang du byed do// snga ma dang phyi ma'i don dag dang bshad pa de dag sbyor bar byed do/ / yid la byed do// yid la byas nas kyang yang dang yang du don rnams la kun du lta bar yang byed do// kun tu bltas pas kyang dga' ba thob par 'gyur ro// ji lta ji ltar kun tu lta bar byed pa na yang de lta de ltar don zab mo rnams kyang yid kyis so sor rnam par byed par 'gyur ro// 'di ni chos spogs pa la nyan pa rnams kyis mthos ba dag legs par bshad pa yid la byas pa'i yon tan gnyis pa yin no/ / gzhan yang yon tan gsum pa yod pa ni/ chos bsgrags pa rnams kyang so sor rig par byas nas rnam par dpyod par byed do/ / 'di'i don ni 'di yin no// 'di'i don yin te/ dgongs pa 'di dag gis bshad pa yin no// de dag gi spyi'i don ni 'di dag tu rigs pa yin te/ gdul bya rnams kyi dbang gis don 'di bcom ldan 'das kyis gsungs pa yin no// don de dag rnams thos nas dpyod par byed do// 'di dag dang lhan cig tu

  1170. 209a

    bcas nas gang dag gis sems par yin no/ / snga phyi des rnam par dpyod par byed pa ni gces par gyur pa yin no// mya ngan las 'das pa'i mthar thug par yang byed do/ / 'di ni dam pa'i chos sgrogs par byed la nyan pa'i yon tan gsum pa yin no// gzhan yang yon tan bzhi pa ni/ dam pa'i chos bsgrags pa rnams rnam par dpyad par gyur pa na/ bshad pa de'i snga ma dang phyi ma'i don de dag rnams phyi nas rig par gyur nas sgrub par byed do// bsgrub pa zhes bya ba'ang ji ltar bshad pa de'i don yin pa las ji ltar lus dang / ngag dang / yid kyi las kyis rab tu sgrub par byed pa yin te/ dge ba rnam pa gsum byed pa yin no// sgom par byed do// lan mang du byed do/ / bshad pa de la rab tu sgrub par byed do// blo rab tu dang bar gyur pas tshig nas tshig rnams dang / dbang skal nas dbang skal rnams dang / 'brel pa nas 'brel pa rnams su rnam par dpyod par byed do/ / des ji ltar rnam par dpyad par gyur pa de lta de ltar don las mi nyung bar 'gyur ro// des snga nas med pa'i don rnams rnyed par 'gyur ba'i phyir/ nyon mongs pa rnams la 'bad par byed do// de kun tu sbyor ba rnams dang / rjes su 'brel ba rnams la yang 'bad par byed pa dang / yon tan du ma rnams

  1171. 209b

    dang / tshul khrims dang / shes rab dang / sbyin pa la de lta de ltar rjes su sgrub par yang byed do// gal te na bsam pa'i khyad par gyis dang / sbyin pa dang / tshul khrims dang / shes rab rnams la ste/ 'di ni dam pa'i chos sgrogs pa bsten cing bskams la lan mang du byas pa'i yon tan bzhi pa yin no// gzhan yang dam pa'i chos sgrogs pa la legs par nyan zhing legs par rab tu zhugs par gyur pa'i yon tan lnga pa yod de/ las rnam pa gsum po rnams kyis phyi nas bdag nyid shin tu brtan par byed pa yin no// chos 'dul ba de la rab tu 'akod par byed do// ji ltar yang dge sbyong ngam/ bram ze 'am/ khyim pa rnams kyis kyang 'di ltar rjod par byed de/ ji ltar rigs kyi bu che ge mo zhig chos 'dul ba la legs par gnas par gyur te/ de skad brjod pa de ltar byed pa yin no bya ba'o// de ltar bdag nyid dang gzhan dag kyang chos 'dul ba de la rab tu gnas par byed do/ / des ji lta ji ltar rab tu 'god par byed pa de lta de ltar 'khor ba'i skye ba brgya stong phrag bye ba khrag khrig dang / bskal pa brgya stong phrag bye ba nas bye ba rnams 'joms par byed do/ / 'jig par byed do// skye ba gzhan gang dag brgya stong rnams su dmyal ba dang yi dgas rnams su skye bar 'gyur ba rnams 'gog par byed do// 'di'ang ngam

  1172. 210a

    pa'i chos bsgrags pa nyan cing bsten pa la bsgoms shing rnam par dpyad pa rnams kyi yon tan chen po gzhan yin no/ / chos nyan par byed pa rnams la dam pa'i chos sgrogs pa rnams ni shin tu gces par gyur pa yin te/ mya ngan las 'das pa nye bar ston par byed pa'i phyir na don gyis na sangs rgyas yin no// gang gis chos kyi dbang du byas nas rab tu 'god par byed pa dam pa'i chos smra ba po de la bla lhag tu 'thun par 'dzin pa dang / gus pa chen po dang / rab tu dang bar gyur pa rnams g.yo med pas ston pa bzhin du bya'o// 'di ni dam pa'i chos nyan pa'i yon tan lnga pa yin no// gzhan yang dam pa'i chos sgrogs pa'i yon tan drug pa 'di dag gang zhe na/ 'di lta ste/ rang dbang du gnas par gyur nas gzhan rab tu gnas par byed do/ / gzhan dag rnams kyang rab du dad par byed do// gang dag gi skye ba gzhan brgya stong du dmyal ba dang / yi dgas su skyes par gyur pa'i sdug bsngal du ma rnams bcom nas snod du byed do/ / 'khor ba la skyo ba skye bar byed do// bde legs yang dag par ston par byed do// sdug bsngal dang / kun 'byung ba dang / 'gog pa dang / lam rnams kyi gtam byed do// de gnyis ka'i rgyud las bsod nams rab tu 'byung bar byed do// da rang gi rgyud la yang ste/ de ni bdag dang phan par byed pa

  1173. 210b

    yin pas bsod nams chen po rab tu 'byung bar 'gyur ro/ / ji lta ji ltar dam pa'i chos sgrogs pa nyan par byed pa de lta de ltar shes rab mngon par 'phel bar 'gyur ro// de lta de ltar nyon mongs pa rnams zad par byed do/ / de nyon mongs pa rnams zad pas yongs su mya ngan las 'da' bar 'gyur ro// dam pa'i chos sgrogs pa'i yon tan ni de dag rnams yin no/ / gzhan yang dam pa'i chos sgrogs pa bsten cing bsgoms la lan mang du byas pa'i yon tan bdun pa yod do// 'di'ang gang zhe na/ 'di lta ste/ rgud pas sems zhum par mi 'gyur ro/ / las kyi 'bras bu rnam par smin pa rnams thos nas rgud pas zhum par mi 'gyur ro// bya ba ma yin pa rnams mi byed do// brjod par bya ba ma yin pa rnams rjod par mi byed do/ / bsam par bya ba ma yin pa'i bsam khral rnams sems par mi byed do// 'di'i sems kyi dbang rab tu nyams par yang mi 'gyur ro// 'di ni dam pa'i chos bsgrags pa'i yon tan bdun pa yin no/ / gzhan yang dam pa'i chos bsgrags pa'i yon tan brgyad pa ni yang gzhan dag la shes pa 'am/ thos pa 'am/ tshul khrims sam/ shes rab bam/ lung gis lhag pa mthong bar gyur nas nga rgyal dang ldan par mi byed par de dag dang lhan cig tu chos kyi mtshan nyid la rnam par dpyod do// bshad pa de dang de dag gi don rnam

  1174. 211a

    par 'dres pa gyur pa rnams kyang gsal bar byed do/ / 'di ni dam pa'i chos bsgrags pa'i yon tan brgyad pa yin no// dge ba'i rtsa ba ma bskyed pa rnams skyed par byed de/ gang gi phyir dam pa'i chos bsgrags pa thos par gyur nas/ dge ba'i rtsa ba ma skrun pa rnams skrun par byed do// dam pa'i chos sgrogs pa rnams 'dod pas// dge ba'i rtsa ba rnams skyed par byed pa ni/ 'di lta ste/ zhing gi rnang la sa bon kun nas so sor btab par gyur pas myu gu rnams rab tu skye bar nus par 'gyur ro// de kho na bzhin du brtson 'grus drag pa rnams kyi dge ba'i rtsa ba'ang chos nyan pa po rnams kyis chos sgrogs par phyin zhing chos smra ba'i drung nas/ dge ba'i rtsa ba'i sa bon rnams rna ba'i bu gu nas zhugs nas/ yid kyi zhing rnang la legs par skye'o// chos kyi sa bon rna ba'i zhing rnang la rjes su zhugs pa de dus gzhan du 'bras bu rnam par rgyas par gyur pas dmyal ba dang / yi dgas dang / dud 'gro'i 'gro ba'i sdug bsngal gyi mu ge'i 'jigs pa rnams las yongs su skyob par byed do// de'i phyir de dag rnams las yongs su bskyab par byas shing sdug bsngal de dag rnams thams cad kyang rab tu gzhom par byas la ngam grog rnams thams cad kyang bcad cing 'jigs pa rnams thams cad las grol bar byas nas/ zhi ba'i

  1175. 211b

    go 'phang tha na med par gyur pa'i bar du 'jug par byed do/ / des ni mya ngan las 'das par zhugs par 'gyur ba yin no// dam pa'i chos sgrogs par byed pa de ni don de dag gi phyir na sangs rgyas kyi mdzad pa byas pa yin no/ / de'i phyir dam pa'i chos sgrogs par byed pa de'i yon tan gzhan 'di dag yin te/ gang dam pa'i chos rtag tu sgrogs pa la 'gro ba dang bsnyen bkur byed pa dang / bsgrub pa dang / de dag rnams ni skyabs yin zhing 'khor ba las nges par 'byung bar byed pa'i sgo yin no// dam pa'i chos sgrogs par byed pa rnams la ni yon tan gzhan dag kyang yod do/ / 'di dag kyang gang zhe na/ 'di lta ste/ gong du skyong bar byed pa'o// dge ba'i rtsa ba rnams rgya chen por gong du yongs su smin par byed do// gang 'ga' zhig chos sgrogs pa la rtag tu nyan du 'gro bar byed pa'i brtson 'grus drag po dang ldan pa de'i dge ba'i rtsa ba rnams ni phyi nas yongs su smin par 'gyur ro/ / dper na zhing gi/ rnangal sa bon rab tu btab par gyur pa las/ dus phyis nyi ma'i 'od zer gyi sa dang dus kyi 'gyur bas yongs su smin par 'gro'o// de bzhin du phyi nas dge ba'i rtsa ba rnams shes rab kyi nyi mas yongs su smin par byed do/ / de'i phyir rtag par rgyun mi 'chad par dam pa'i chos bsgrags par bya'o// mnyan pa yang bya'o// dam pa'i chos sgrogs pa yon tan

  1176. 212a

    gzhan yang yod do/ / 'di'ang gang zhe na/ 'di lta ste/ yongs su smin pa nges par grol bar byed do// gang gi tshe sems la dge ba'i rtsa ba rnams yongs su smin par gyur pa de'i tshe/ 'di kho na la rtag tu 'gro ba dang / 'dzin pa dang / rnam par dpyad pa dang / sgrub par byed pa'i rgyus sems kyi rgyud de yongs su sbyang bar byas pa'i phyir/ nyon mongs pa rnams 'joms par byed do// nyon mongs pa rnams zad pas yongs su grol bar byed do// nges par rnam par grol ba rnams ni chags pa med par 'gyur bas de 'di snyam/ du sems te/ bdag gi skye ba rnams ni zad do// tshangs par spyod pa ni spyad do// bya ba rnams ni byas so// bdag gi srid pa gzhan rnams ni rab tu mi shes so// de la yon tan de dag rnams thams cad kyang dam pa'i chos bsgrags pa las yin no/ / de'i phyir na rgyun mi 'chad par chos mnyan par bya'o// yang thabs gzhan gyis nges par grol bar byed pa'i rgyu'i yon tan gzhan yod do/ / 'di dag kyang gang zhe na/ 'di lta ste/ log pa'i lta ba can rnams yang dag pa'i lta ba can du byed do// gang yang thog ma med pa'i dus nas 'khor ba'i bya ba ngan pa rnams kyis phyin ci log pa la rab tu zhugs pa'i 'gro ba rnams thos pa ngan pa rnams la kun tu 'jug par 'gyur ba yin no/ / thos pa ngan pas kyang dmyal

  1177. 212b

    ba dang / yi dgas dang / dud 'gro'i 'gro ba rnams su skye bar 'gyur ba yin no// gang gi tshe dam pa'i chos nyan par byed pa dang / dam pa'i chos sgrogs pa bsten cing bsgoms la lan mang du byas par gyur pa na/ de'i tshe log pa'i lta ba de dag sten cing sgom la lan grangs mang du byed par yang mi 'gyur ro// de'i tshe 'di la bde ba rnams kyi mchog tu gyur pa dang bslu ba med pa'i yang dag pa'i ye shes 'chang bar 'gyur ro/ / de'i phyir na dam pa'i chos bsten cing bsgoms la lan mang du byas par gyur pa'i yon tan gzhan yang 'di dag yod do// 'di'ang gzhan gang dag ce na/ 'di lta ste/ skyes par gyur pa'i mi dge ba'i rnam par rtog pa rnams so sor 'joms par byed do// yang dam pa'i chos bsgrags pa bstan cing bsgom pa lan mang du byas pa'i yon tan 'di dag ni gzhan yin no/ / 'di'ang gang zhe na/ 'di lta ste/ mi dge ba'i rnam par rtog pa nyung ngu tsam zhig yid la skyes par gyur kyang de'i tshe mi dge ba gnyen pos nges par 'joms par byed pa la 'di lta ste/ gang gi tshe 'dod chags kyi rnam par rtog pa skyes par gyur na ni/ de'i tshe mi sdug pa'i gnyen pos nges par 'joms par byed do/ / gang gi tshe zhe sdang gi rnam par rtog pa skyes par gyur pa na/ de'i tshe byams pa'i gnyen pos 'joms par byed do// gang gi tshe gti mug gi rnam par rtog pa skyes

  1178. 213a

    par gyur na ni/ de'i tshe rten cing 'brel par 'byung ba'i gnyen pos 'joms par byed do// de la gnyen po de dag rnams ni dam pa'i chos sgrogs pa nyan pa las yin no/ / de la ma thos pa rnams kyis ni re zhig mi dge ba'i rtsa ba gsum po rnams kyi rnam par rtog pa'ang rnam par 'joms par byed pa ma yin na/ gang dag phra bar gyur pa nye ba'i nyon mongs pa gzhan de dag rnams kyi so sor 'joms pa 'byung bar mi 'gyur ba la lta smos su ci zhig yod nas/ de'i phyir dam pa'i chos sgrogs pa'i yon tan 'di'ang gzhan yin no// dam pa'i chos kyis kyang mi dge ba'i rnam par rtog pa rnams so sor joms par byed do// gang gi tshe nyi mas mun pa rnams 'joms par byed pa yin la/ de bzhin du shes rab kyis kyang nyon mongs pa'i mun pa rnams thams cad 'joms par byed pa yin te/ dam pa'i chos kyi phyogs ni stobs dang ldan pa yin la/ nyon mongs pa'i phyogs ni stobs zhan pa yin pa'i phyir ro/ / de'ang dam pa'i chos sgrogs pa ma gtogs pa'i gzhan rnams kyis ni/ gzhom par mi nus so// 'di ni dam pa'i chos sgrogs pa'i yon tan gzhan yin no// dam pa'i chos sgrogs pa la yon tan gzhan yang yod do// 'di'ang gang zhe na/ 'di lta ste/ dge ba'i sems skyes pa rnams 'phel bar byed pa'o// 'di ni dam pa'i chos sgrogs

  1179. 213b

    pa'i yon tan gzhan yin te/ mi dge ba rnams rab tu 'joms par byed pa 'ba' zhig ni ma yin gyi/ dge ba'i rnam par rtog pa skyes pa rnams 'phel bar byed do// gang gi tshe 'di la dge ba'i rnam par rtog pa rnams skyes par gyur pa de'i tshe/ 'phel bar byed pa ni 'di ltar shes rab kyis yin no// dper na me chung ngu tsam zhig skyes par gyur pa la/ gang gi tshe rtswa dang shing bu la sogs pa rnams dang rlung dang bcas par gyur cing / lhan cig tu 'dus shing tshogs par gyur pa de'i tshe 'phel bar 'gyur ro// de bzhin du dge ba'i rtsa ba chung ngu skyes par gyur pa'ang shes rab kyis kun tu 'phel bar byed de/ dam pa'i chos bsgrags pa rnams las gang dag thos pa'i don dang ldan par gyur pa'i dge ba'i sems bskyed pa gcig kyang / bskal pa brgya stong du ma rnams su'ang chud za bar mi 'gyur ro// mi skye bar bya ba'i don yang byed do// de'i phyir yon tan de dag go bar gyis la rab tu brtson pas kyang chos mnyan par bya'o/ / chos la skyob par byed pa gzhan ni med do// chos thos pa las sbyin pa btang bar gyur pas sbyin bdag tu 'gyur ba yin no// chos rnams thos nas chos bsrungs pa las mkhas par 'gyur ba yin no/ / chos thos nas shes rab dang ldan par 'gyur ro// de'i phyir yon tan de dag rnams thos shing legs par mthong bar gyur nas 'khor

  1180. 214a

    ba thams cad las nges par 'byung ba'i rgyur gyur pa'i chos la rab du brtson pas kyang ji srid 'tsho'i bar du rab tu brtson pas mnyan par bya'o/ / de dag ni skyob pa rnams kyi mchog yin zhing / dam pa'i chos sgrogs pa gang yin pas ni srid pa'i sdug bsngal rnams las nges par 'byung bar byed pa'i phyir/ de dag ni mchog tu gyur pa yin no// yang dam pa'i chos sgrogs pa la ni yon tan gzhan yod de// 'di'ang gang zhe na/ 'di lta ste/ mi dge ba rnams yongs su spong ba'o// rkyen gyis mi dge ba rnams 'ongs par gyur na yongs su spong bar byed do/ / gang gi tshe mi dge ba'i rkyen gyis skyes par gyur pa na/ de'i tshe ngan song gi 'jigs pa rnams kun nas mthong bar gyur nas yongs su 'dor bar byed do// yongs su dpyod par byed pa po 'khor ba'i 'jigs pa rnams kyis 'jigs par gyur pa de kho na nyid yongs su rtog pa pos rkyen gyis mi dge ba skyes pa rnams kyang yongs su spong bar byed do/ / de la 'jug par mi byed de// de mi bskyed par bya ba'i don du de dag la tshul khrims dang ldan pa dang / shes rab dang ldan par 'gyur ro// gang gi tshe rnyed pa dang bkur sti la dang che bar gyur pa na/ de sbyin pas rab tu 'joms par byed do// ser sna'i dri ma rnams ni 'dod pa med pas rab tu 'joms so// kun du mi shes pa ni shes rab kyis

  1181. 214b

    so/ / rnam par rtog pa rnams ni yang dag pa ji lta ba'i don mthong bas so// mu stegs pa'i ngag rnams ni rigs pa dang ldan pa'i ngag gis so// yang dag pa ma yin pa'i rnam par rtog pa rnams ni yang dag pa'i rnam par rtog pas so/ / bde ba'i rnam par rtog pa rnams ni sdug bsngal gyi rnam par rtog pas so// stong pa ma yin pa'i rnam par rtog pa rnam ni stong pa'i rnam par rtog pas so/ / bdag gi rnam par rtog pa rnams ni bdag med pa'i rnam par rtog pas so// de ltar yang dag par gyur pa'i gnyen por gyur pa rnams kyi gnyen po rnam par rtog par gyur pa de rnams kyis yongs su spong bar byed do/ / rkyen las byung ba'i yang shin tu phra ba 'am/ rags pa 'am/ bar ma'ang yongs su spong bar byed do/ / de thams cad la gnas skabs thams cad du mi dge ba'i rkyen rnams dam pa'i chos thos nas spong bar byed kyi/ ma thos par ni ma yin no// dam pa'i chos bsgrags pa ni bde legs rnams thams cad kyi gzhir gyur pa lta bu yin no/ / yang dam pa'i chos bsgrags pa la yon tan gzhan yod do// 'di'ang gang dag ce na/ 'di lta ste/ bag yod par gyur pa'o/ / gang gi tshe rnam par rtog pa rnams yongs su spong bar byed pa de'i tshe bag yod par 'gyur ro// des ni bde legs rnams thams cad 'thob par 'gyur ro//

  1182. 215a

    bag med pa de'ang gang gis med par 'gyur ba yin na/ dam pa'i chos bsgrags pa 'ba' zhig gis yin te/ gang gi phyir bag med pa'i skyon rnams thos nas yongs su spong bar byed do/ / dam pa'i chos bsgrags pa las gyur pas bag yod pa de'i dbang po lnga po rnams dbang du 'gyur ro// dbang po lnga kun tu bsdus pa de'i blo ni tshul bzhin ma yin pa yid la byed pas gnod pa mi 'gyur ro/ / rtag par rgyun du'ang tshul bzhin yid la byed pa sten par byed do// des tshul bzhin yid la byed pa de mgu bar byas par gyur na mchog tu bde bar gyur pa rnams 'thob par 'gyur ro/ / gang gi phyir bag med pa'i rtsa ba las nyon mongs pa'i tshogs rnams thams cad yin no// de bzhin du bag yod pa'i gzhi las kyang rnam par byang ba'i phyogs rnams yin no/ / de'i phyir bag med pa rnams kyi gnyen por gyur pa yin pas/ dam pa'i chos ci nas kyang bsgrags par bya ba kho na yin no// yang dang yang du bsgom par bya'o// lan mang du bya'o// gzhan yang dam pa'i chos sgrogs pa la yon tan yod do// 'di'ang gang dag ce na/ 'di lta ste/ skyes bu dam pa la bar sten par byed pa'o/ / dam pa'i chos thos nas kyang skyes bu dam pa nyid la sten par byed do// dga' bar yang skyes bu dam pa dang byed do// skyes bu dam pa rnams dang ldan

  1183. 215b

    cig tu'o/ / dga' bar gyur pa rnams kyi ni mchog 'di lta ste/ sems mnyam pa nyid do// yon tan gyi mchog rnams skyes bu dam pa dang sten pa las 'byung bar 'gyur ro// skyes bu dam pa dang sten pa ni yon tan rnams kyi mchog yin no// de bzhin du skyon rnams kyi yang rtse mo ni skyes bu dam pa ma yin pa dang 'grogs pa yin no// skyes bu dam pa la sten par byed pa de yang dam pa'i chos la sten pa ma gtogs pa gzhan du ni ma yin no/ / de'i phyir 'di ni tshangs par spyod pa'i mchog yin te/ 'di ltar skyes bu dam pa la sten par byed pa'o/ / gzhan yang dam pa'i chos sgrogs pa la yon tan yod do// 'di'ang gang zhe na/ 'di lta ste/ g.yo dang ser sna rab tu 'joms par byed pa'o// skyes bu dam pa la rjes su rten par byed pa rnams kyi yon tan gang dag 'thob par 'gyur ba yin na/ gal te yang skyes bu dam pa la sten pas yon tan du ma rnams yod pa yin gyis kyang yon tan 'di ni rab du khyad par du 'phags pa yin te/ 'di lta ste/ chos rnams kyi 'bras bu rnam par smin pa thos par gyur nas g.yo dang ser sna rab tu 'joms par byed pa'o// 'di ni g.yo dang ser sna dag gis ji ltar 'gyur ba yin na/ de'i lus zhig par gyur nas shi ba'i 'og du ngan song log par lhung nas yi dgas sam/ dmyal ba rnams su skye bar

  1184. 216a

    'gyur ro/ / des gal te dam pa'i chos bsgrags pa las las rnams kyi 'bras bu thos par gyur nas g.yo dang ser sna mang bar gyur pa yin na/ des rab tu 'joms par byed do/ / sme bar byed do// gal te tha mal pa yin par gyur na smod par byed cing sme bar blta'o// bshags par byed do// gzhan dag g.yo dang ser snang ldan par gyur na yang rab tu 'gog par byed do/ / smod par byed do// bshags su 'jug go/ dge zhing legs pa'i lam dam par 'god par byed do// de la yon tan de dag rnams ni dam pa'i chos bsgrags pa dang mnyan pa las yin no/ / de'i phyir ni mi rnams kyi snying po ni gang dam pa'i chos sgrogs par byed pa de dag yin no// gzhan yang dam pa chos sgrogs pa la yon tan yod do/ / 'di'ang gang dag ce na/ 'di lta ste/ ma dang pha la gus pa dang ldan par gyur pa'o// dam pa'i chos thos par gyur pa gang gi phyir las rnam kyi rnam par smin pa dang / zhing gi yon tan rnams kun tu rig par 'gyur te/ ji ltar mchog tu gyur pa'i zhing de dag ni 'di lta ste/ ma dang pa dag yin no// de gang gi tshe las kyi 'bras bu la yid ches mngon par skyes par gyur na de'i tshe sems la bsgoms nas/ ma dang pha dag la mchod par byed do// rab tu phal che bar gyur pa'i nad kyi rkyen sman dang yo byad rnams

  1185. 216b

    kyis legs par sbyor bar byed do/ / de ji lta ji ltar ma dang pha dag la mchod par byed par gyur pa de lta de ltar tshangs pa'i bsod nams 'byung bar 'gyur ro// de dag gis mya ngan la 'das pa thob par 'gyur ro/ / dam pa'i chos bsgrags pa las ma dang pha la mchod par gyur na/ yon tan gzhan 'di yang yod de/ skye bo rnams thams cad kyis bsngags par 'gyur ro/ / mthong ba'i chos nyid la ma dang pha las bsngags par gyur la lus zhig par gyur nas shi ba'i 'og tu mtho ris bde 'gro lnga'i 'jig rten du skye bar 'gyur ro// rgyu de nyid dang rkyen de dag gis kyang mthar yang yongs su mya ngan las 'da' bar 'gyur ro/ / de'i yon tan de dag mngon par mthong bar gyur pa'i skyes bu mkhas pa rnams ni ji srid 'tshe'i bar dum dang pha dag la gus par gyur ro/ / blo gzhan ma yin pa dang / spyod pa gzhan yin pa dang / blo gros mnyam par bzhan par gyur pas spyod pa rnams kyang bsdams par 'gyur ro// / gzhan yang dam pa'i chos bsgrags pa la yon tan gzhan yang yod do// 'di'ang gang zhe na/ 'di lta ste/ las kyi 'bras bu kun du rig pa'o// las dang 'bras bu'i de kho na nyid gang gis mthong bar 'gyur pa ni dam pa'i chos sgrogs pa ma gtogs pa gzhan gyis ma yin no/ / de la gang gi tshe mi dge ba'i sems dang ldan pa'i mi dge ba la dmigs par

  1186. 217a

    gyur na/ de'i tshe mi dge ba zhes so sor mngon par shes so// gang gi tshe dge ba'i sems kun tu skyes par gyur pa na// de'i tshe dge ba'o zhes so sor rab tu shes par 'gyur ro/ / des ji lta ba bzhin du las kyi 'bras bu rnam pa kun tu shes so// ji lta ba nyid du mi dge ba'i sems dag la sems par gyur pa'i mi dge ba'i sems de dag gis ni/ phyi nas mi 'dod pa mi sdug pa'i 'bras bu rnam par smin pa dmyal ba dang / yi dgas dang / dud 'gro rnams su bdag la 'byung bar 'gyur ro// gang gi tshe ngag gi nyes par spyod pa rnams byas par gyur pa de'i tshe 'di snyam du sems par 'gyur te/ ji ltar mi dge ba'i las skyes pa 'di dag rnams kyis bdag la mi 'dod pa dang / mi sdug pa dang / yid du mi 'ong ba dmyal ba dang / yi dgas dang / dud 'gro rnams 'byung bar 'gyur ro// gang gi tshe lus kyi nyes par spyod pa byed pa rnams byed par 'gyur ba de'i tshe 'di snyam du sems te/ ji ltar mi dge ba'i las skyes pa dang byas pa 'di dag gis ni dmyal ba yi dgas dang / dud 'gro rnams su bdag la rnam par smin pa mi 'dod pa rnams 'byung bar 'gyur ro/ / de la las kyi rnam par smin pa rnam pa gsum po 'di dag rnams kyang dam pa'i chos sgrogs pa ma gtogs pa gzhan gyis ni shes par 'gyur ba ma yin no//

  1187. 217b

    de'i phyir na skyes bu dam pa rnams kyi ji srid 'tsho'i bar du dam pa'i chos sgrogs pa dang mnyan par yang bya'o// gang gi tshe dam pa'i chos sgrogs pa rnams rjes su nyan par byed pa de ni// legs par spyod par byed pa yin no// nyes par spyod pa rnams ni yongs su spong bar byed do// gzhan yang dam pa'i chos sgrogs par byed pa la yon tan yod do// 'di yang gang zhe na/ 'di lta ste/ tshe ring po kun du 'phel bar byed pa'i las rnams kyang 'di la mngon par 'phel bar 'gyur ro// de gang gi tshe dam pa'i chos sgrogs par byed pa la ched cher gyur pa na de'i tshe las kyi 'bras bu'i de kho na nyid mthong bar gyur na/ srog gcod pa la sogs pa'i mi dge ba'i las rnams mi byed do// rgyun du yang dge ba'i las rnams sten cing sgoms la khan mang du yang byed pa yang 'gyur ro/ / de dge ba'i las de dag gi rnam par smin pas lha dang mi rnams su tshe ring bar 'gyur te/ des de ltar dam pa'i chos bsten cing bsgoms la lan// mang du byas pa'i phyir ro// de'i phyir dam pa'i chos bsgrags pa'i yon tan 'di ni gzhan yin te/ 'di lta ste/ tshe ring por 'gyur ba'i las 'di kun tu spel bar byed pa'o// dam pa'i chos bsgrags pa'i yon tan gyi rgyu 'dis de dag thos nas kyang lha dang mi rnams su skye bar 'gyur ro/ / mi'i 'jig rten du skyes par gyur nas kyang de gal te lha rnams kyi nang du skye bar

  1188. 218a

    'gyur na/ tshe ring ba'i lha rnams kyi nang du skye bar 'gyur ro// khyad par du yang mdog dang / gzugs 'od dang rtsed mos rnam par rgyu ba dang ldan par gyur ro// dam pa'i chos bsgrags pa des gal te mi rnams su skyes par gyur kyang / de rigs dang / gzugs dang / phun sum tshogs pa dang / yon tan dang / tshe yang ring bar 'gyur ro/ / yul ljongs bzang por yang 'di skye bar 'gyur ro// de yang dag pa'i lta ba can du yang 'gyur ro// dam pa'i chos de bsten cing bsgom la lan mang du byas pa 'di ni sdug bsngal las nges par 'byung ba gzhan yin te/ 'di lta ste/ rab tu dang ba'i yid kyis dam pa'i chos bsgrags pa la gom pa 'dor bas tshangs pa'i bsod nams rab tu 'byung ngo/ dam pa'i chos bsgrags pa la gang dag gi dam par byas te 'gro bar byed pa na/ de dag ni lus kyi legs par spyod pa rnams la yang dag par sbyor ba yin no// gang dag gis thos pa'i blo des ngag gi legs par spyod pa dang yang dag par ldan par 'gyur ro/ / gang thos par gyur nas yid rab tu dang ba bskyed par gyur pas ni/ des yid kyi legs par spyod pa rnams dang yang dag par ldan par 'gyur ro/ / de ltar chos bsgrags pa rnams legs par spyod pa gsum dang yang dag par ldan pa gang gi tshe gyur pa na/

  1189. 218b

    de'i tshe wa dang mi rnams kyi nang du skyes par gyur nas mchog tu skyid par 'gyur ro// tshe ring ba dang ldan par yang 'gyur ro// de yongs su mya ngan las 'da' bar yang 'gyur ro// yon tan rnams thams cad ni chos bsgrags pas 'thob par 'gyur gyi/ gzhan rnams kyis ni ma yin no// de'i phyir bde legs rnams kyi rtse mo rnams su 'gyur pa ni gang ngam pa'i chos bsgrags pa las yin no/ / gzhan yang dam pa'i chos bsgrags pa'i yon tan yod do// 'di yang gang zhe na/ 'di lta ste/ 'jig rten pa rnams kyis rab tu bsngags par 'gyur ba yin no/ / thams cad kyang chos bsgrags pa las yin te/ tshul khrims dang ldan pa dang / yon tan dang ldan pa dang / mang du thos pa dang / rnam par dul ba dang / blo gros rgya chen po gyur pa dang / skye bo rnams thams cad kyis kyang mngon par brjod par bya ba dang / phyag 'tshal ba dang / snyan par smra ba'i rang bzhin can du 'gyur ba dang / drang po dang drang po'i rang bzhin can du 'gyur ba dang / thams cad kyang chos sgrogs pa las yin no// de yon tan de lta bu rnams dang ldan pa ni kha na ma tho ba za rab tsam la'ang 'jigs par blta ba'i phyir skye bo rnams thams cad kyang grogs por 'gyur ro/ / thams cad kyis kyang 'di rab tu bsngags par byed do// 'di la 'jig

  1190. 219a

    pa 'am/ sdug bsngal byung ba rnams thams cad kyis kyang grogs byed par 'gyur ro// de ltar dam pa'i chos sgrogs par byed pa rnams 'jig rten pas rab tu bsngags par 'gyur ro/ / de ltar dam pa'i chos sgrogs par byed pa de dag rnams la yon tan gzhan yang yod do// 'di'ang gang zhe na/ 'di lta ste/ lha rnams kyis 'di dag la mngon par srung bar byed pa yin no/ / de la yon tan de lta bu dang ldan par gyur pa'i chos sgrogs pa po ni lus kyi legs par spyod pa rnams dang yang dag par ldan pa'i phyir na/ lha rnams kyis mngon par srung bar byed do// ji ltar yon tan dang ldan par gyur pa dang / 'di dag rnams kyi mngon par bsrungs pas skye bo'i tshogs chen po rnams kyis kyang yon tan byed par 'gyur ro/ / skye bo'i tshogs chen po rnams kyis 'di'i bar du gcod pa'ang nub par 'gyur la/ de bdud kyi phyogs rnams kyis mi 'dzin la/ gzung du med par yang 'gyur ro// dam pa'i chos kyi phyogs rnams ni shin du mthong bar 'gyur ba yin no// rgyu 'di dang yang dag par ldan pa mngon par mthong nas kyang 'di dag lha rnams kyis srung bar 'gyur te/ nyin mo dang mtshan ma dang sgrogs pa na yang phyi bzhin kun tu rjes su 'brang bar 'gyur ro// dgos pa gang 'ga' zhig rjes su

  1191. 219b

    rtsom par byed pa na ni/ 'di de dang de dag kyang phun sum tshogs par 'gyur te/ lha de dag rnams rab tu dad par gyur pas dang / legs par byas pa'i las rnams kyis kyang ngo / / phan tshun rgyur gyur pa'i phyir na gang gi tshe de'i don rnams grub par gyur pa na de'i tshe shin tu phyir zhing ches dge ba byed do// de lta de ltar yang 'di'i legs par byas pa'i las rnams kyi thams cad du 'grub par 'gyur ro/ / ji lta ji ltar mngon par grub par gyur pa de lta de ltar rab tu phal che bar gyur pa'i legs par spyad pa rnams byed do// de ltar 'di bde ba brgyud pas 'jig rten gnyis su phan pa rnams su byed par 'gyur ro// sa gzhi lta bur gyur pa'i dam pa'i chos bsgrags pa 'di'i yon tan rnams ni l ta bu yin no/ / de'i phyir bde legs kyi mchog tu gyur pa'i gter de dag ni 'di lta ste/ dam pa'i chos sgrogs pa yin no// dam pa'i chos sgrogs pa la yon tan gzhan yang yod do/ / 'di dag kyang gang zhe na/ 'di lta ste/ 'di'i kun tu bsams pa yang phun sum tshogs par 'gyur ro/ de de lta bur gyur pa chos dang ldan zhing chos la rab tu rjes su zhugs pa/ shes pa dang ldan pa dang / tshul khrims dang ldan pa dang / sbyin pa dang ldan par gyur pa ni mthong ba'i chos kyi kun tu bsam pa rnams thams cad phun

  1192. 220a

    sum tshogs par 'gyur ro/ / 'di'i rtsom pa rnams thams cad phun sum tshogs par mi 'gyur ba gang dag 'di'i rlag par 'gyur ba'i don de dag rnams thams cad kyang de'i rab tu brtson pa nyid kyis rab tu 'grub par 'gyur ro/ / nyon mongs pa ma yin zhing chos dang ldan par yang 'gyur la/ don la rjes su chags pa'i 'jigs pa lnga yongs su spangs pa dang / yang dag par nye bar 'tsho ba dang / thun mong ma yin par 'gyur ba dang / lus zhig par gyur nas shi ba'i 'og tu yang bde 'gro lhar skye bar 'gyur/ ro/ dam pa'i chos bsgrags pa 'di'i yon tan gzhan yin te/ 'di'i'ang gang dag ce na/ 'di lta ste/ 'di'i nga chos dang ldan pa'i longs spyod can du 'gyur ba'o// de de lta bu'i yon tan dang ldan pa'i chos sgrogs pa skye bo gang tshul khrims dang bcas pa de la nye bar sten par byed do/ / de tshul khrims kyis phan tshun du cha skal sbyin par byed do// de dag kyang gzhan rjes su bcom pa ma yin zhing / gzhan rnams ngo mtshar bar byas pa ma yin par chos pa rnams kyi drung nas rnyed pa'i skal ba de/ chos pa dag la rab tu sbyin par byed pas de dag rnams gong nas gong du khyad par du 'phel bar 'gyur ro/ / 'jig rten gnyis la phan pa dang / 'jig rten gnyis su bde bar yang 'gyur ro//

  1193. 220b

    ni dam pa'i chos bsgrags pa'i yon tan gzhan yin la/ dam pa'i chos bsgrags pa'i yon tan gzhan yang yod do// 'di'ang gang zhe na/ 'di lta ste/ le lo med par gyur pa'o/ / mkhas pa'i rang bzhin skyes bu dag gang gi tshe chos sgrags pa nyan par byed pa de'i tshe/ le lo'i skyon gyis nyan par byed na/ gang gi tshe gang 'jig rten pa dang / 'jig rten las 'das pa'i don mi 'grub pa'o// de dag thams cad kyang le lo'i skyon gyis yin la/ le lo'i skyon thos par gyur nas yongs su spong bar byed do// brtson 'grus brtsams pa dang / dran pa dang ldan par 'gyur ba dang / shes bzhin dang ldan pa dang / don rnams thams cad la yang le lo dang rnam par bral bas myur bar byed pa dang / dus su byed par 'gyur ba dang / sdig pa med par byed pa dang / 'dor ba med par byed pa ni/ don rnams thams cad phun sum tshogs par 'gyur ro// 'jig rten gnyis la phan par byed pa po/ le lo dang bral ba po rtag tu grim par gyur pa/ brtson 'grus brtsams pa rnams ni/ don rnams thams cad kyi pha rol tu phyin par 'gyur rtsom pa thams cad kyang yang dag par 'dzin par byed do/ / gal te yang 'di la brgya zhig la le los snying la zhugs par gyur na/ dam pa'i chos bsgrags pa gang yin par

  1194. 221a

    des thos nas/ le lo'i skyon de dag rnams de dran pas rtag tu yon tan 'dzin par 'gyur zhing / skyon rnams la rnam par snang bas le lo me bzhin du spong bar byed do/ / mtshon cha bzhin du yang yongs su spong bar byed do// yang ji ltar 'ga' zhig gi don rnams nyams pa nye bar 'byung na yang thams cad le lo'i skyon gyis yin no// le lo med pa de'i thos pa'i don rnams 'grub pa'o/ / 'di ni dam pa'i chos bsgrags pa'i yon tan gzhan yin no// dam pa'i chos bsgrags pa'i yon tan gzhan yang yod do// 'di'ang gang zhe na/ 'di lta ste/ byas pa shes par 'gyur ba'o// chos gzhan yang gzhan rnams thos par gyur nas byas pa rig pa dang / de kho na nyid shes pa dang / byas pa shes pa'i yang yon tan rnams thos nas chos sgrogs pa las rtag pa nyid du byas pa shes par 'gyur ro/ / byas pa shes pa byas pa rig par gyur pa de'i grogs pa thams cad shin tu brtan par 'gyur ro/ / skyes bu gang dag gis 'di la yang grogs por khas blangs par gyur pa de dag rnams thams cad kyang grogs po nyid du 'gyur ro// yon tan dang ldan pa 'di zhes bya ba nas/ gang dag la 'di la phan chung ngus byas par gyur pa de'ang dran par byed do// de byas pa shes pa de dang ldan par gyur pas yon tan chen po rnams chos

  1195. 221b

    par 'gyur te/ thams cad mkhyen pa nyid do// dam pa'i chos bsgrags pa la yon tan gzhan yang yod do// 'di rang gang dag ce na/ 'di lta ste/ rtag tu 'chi ba rjes su dran par byed pa'o/ / rjes su dran pa de dag rnams kyi mi mchog tu gyur pa ni 'di lta ste/ 'chi ba rjes su dran pa'o// 'chi ba dpyad pas zil gyis mnan pas ni sems can thams cad 'jig pa dang bcas par 'gyur ro/ / 'jig pa dang bcas par gyur nas ni/ don ma yin pa rnams ni mi byed do// mig gis gzugs rnams mthong nas kun tu chags par mi byed do/ / kun du rtog par yang mi byed do// rna bas rnams sgra thos par gyur nas kun tu chags par mi byed do// kun tu rtog par yang mi byed do// lces rorna myangs par gyur nas kun tu chags par mi 'gyur zhing / kun tu rtog par yang mi byed do// lus kyis reg bya rnams la reg par gyur nas kun tu chags par mi 'gyur zhing kun tu rtog par yang mi byed do/ / yid kyis chos rnams rig par gyur nas kun du chags par mi byed la/ kun tu rtog par yang mi byed do// de ltar srid pa'i dra ba 'di dag rnams thams cad kyang kun tu gcod par byed do/ / skyes bu 'chi ba'i 'jigs pas 'jigs par gyur pa des/ 'jig rten 'di dag rnams thams cad la yang snying po thams cad

  1196. 222a

    med par mthong ngo / / thams cad kyang sdug bsngal du mthong ngo // thams cad bdag med par mthong ngo // thams cad stong par mthong ngo // yang dag pa ji lta ba bzhin du mthong ba de 'ga' zhig la yang chags pa med pas lha'i 'jig rten rnams la chags pa dang mi ldan no/ / mi'i 'jig rten rnams la yang chags par mi 'gyur ro/ / ci'i phyir dmyal ba dang / yi dgas dang / dud 'gro rnams su 'byung la/ de ni 'gro ba lnga la chags pa rnams las rnam par grol ba yin no// thams cad las nges par byung ba/ thams cad la 'jig pa/ 'chi 'pho dang skye bas byas pa'i sdug bsngal rnams kyis yid byung bar 'gyur ro// 'dod chags dang rnam par bral ba de rnam par grol bar 'gyur ro/ / rnam par grol ba las kyang rnam par grol ba'i ye shes nyid 'byung ba yin te/ ji ltar nga'i tshangs par spyod pa ni spyad do// bya ba ni byas so// bdag gi srid pa gzhan ni rab tu mi shes so/ / de ltar bstan pa'i yon tan de dag rnams ji ltar nga'i tshangs par spyod pa ni spyad par bya ba rnams ni dam pa'i chos nyan pa dang / dge ba'i bshes gnyen sten par byed pa ma gtogs par gzhan gyi ni ma yin no/ / de'i phyir thams cad kyis kyang rab tu brtson pa thams cad kyi gnas skabs thams cad du dam

  1197. 222b

    pa'i chos sgrogs pa mnyan par bya'o/ / 'khor ba na 'jig rten gnyis su phan pa de dag rnams thams cad 'di lta ste/ dam pa'i chos sgrogs pa rnams dang / dge ba'i bshes gnyen bsten pa yin la/ 'di dag gnyis srid pa gnyis su bde legs rnams 'thob par 'gyur ro// dam pa'i chos sgrogs pa yon tan gzhan yang yod do// 'di 'ang gang dag ce na/ 'di lta ste/ 'chi ba'i dus na yang 'gyod pa med par 'gyur pa'o// dam pa'i chos sgrogs pa thos pa'i don gyi skyes bu dam pa rnams thams cad kyang 'chi/ ba rjes su dran pa sgom par byed do// skyon gang gis sems can rnams skye bar 'gyur ba'i skyon de yongs su spong bar bya ba 'dod chags dang / zhe sdang dang / gti mug dang dri ma gsum po de dag kyang 'khor ba'i rgyu rnams yin no/ / de dag rnams yongs su bcad par gyur na ni slar yang mi skye'o// 'chi bar mi byed do// 'chi 'pho bar mi 'gyur ro/ / nges par skye bar mi 'gyur ro// de la yon tan de dag rnams ni dam pa'i chos nyan pa las ma gtogs par gzhan dag las ni ma yin no// de'i phyir yang mchog tu bde/ legs kyi rtsa ba kho nar gyur pa dus bzang 'dis bcom ldan 'das gser thub kyis gsungs pa'i mdo de dag lha rnams la bshad do// dam pa'i chos sgrogs pa dang ldan pa la/

  1198. 223a

    dam pa'i chos sgrogs pa la yon tan gzhan yang yod do// 'di rang gang zhe na/ 'di9/ 'chi ba'i dus mi 'gyod pa'o// gang dam pa'i chos bsku pa thob pa'i don dang ldan pa dang / de byed pa dang / de dag kyang 'chi ba'i dus na 'gyod par mi 'gyur ro// gang 'ga' zhig gis legs par bya ba byas par gyur pa de dag ni 'chi ba'i dus na rab tu rnam par 'gyod par mi 'gyur ro/ / gang dang gang gis dam pa'i chos bsgrags pa 'di'i thos par gyur pa de'ang gang gi tshe 'di la mngon du 'gyur ro// de'i tshe mngon sum du mthong bar gyur pa de dag mngon par mthong nas/ sangs rgyas dang / chos dang / dge 'dun rnams la phyir zhing nyid kyang shin tu lhag par kun na sa rab tu dang bar 'gyur ro/ / de la de'i sems rab tu dang bar gyur pas mchog tu khrag kun nas rab tu dang bar 'gyur ro// de rab tu dang bar gyur pas/ bzhin gyi mdog rab tu dang bar 'gyur ro/ / de'i sems rab tu dang bar gyur pas/ lus kyang rab tu dang bar mthong ngo // gang dag snang ba kho na 'gro ba de dag ni dkar po nas dkar po snang ba dga' bar 'gyur/ ba'i lha'i 'jig rten du skye bar 'gyur ro// des de dag rnams mngon par mthong nas phyir nyid kyang shin tu lhag par ji lta bar rab tu dang bar 'gyur te/ ji lta ji ltar sangs rgyas

  1199. 223b

    dang chos dang / dge 'dun rnams la rab tu dang bar gyur pa de lta de ltar ches lhag pa'i rigs rnams su skye bar 'gyur ro// gal de rgyal chen pa'ir skye ba kun 'phen par 'gyur/ las byas par gyur pa ni de'i sems rab tu dang bar gyur pa nyid las/ sum cu rtsa gsum pa rnams su skye bar 'gyur ro// sum cu rtsa gsum pa rnams su skye bar 'gyur ba'i las byas par gyur na/ de 'thab bral ba rnams su skye bar 'gyur ro// de bzhin du gal te dga' ldan du skye bar 'gyur ba'i las byas par gyur na/ de 'phrul dga'i lnga rnams kyi nang du skye bar 'gyur ro/ / de bzhin du ji srid du gzhan 'phrul dbang byed pa rnams kyi nang du skye bar 'gyur ro// de ltar sems kyi 'phen pa dang / rab tu dang bar gyur/ ba'i dbang gis ji srid du des shis pa'i gnas 'di dag rnams 'thob par 'gyur ro// de dag rnams thams cad kyang thos pa las yin gyi/ ma thos pas ni ma yin no// thos pa de'ang dam pa'i chos bsgrags pa las yin gyi/ gzhan rnams las ni ma yin no// 'di ni yon tan gzhan yin te/ dam pa'i chos sgrogs pa ni 'chi ba'i dus na/ skyob par gyur pa dang / skyabs su 'gyur ba dang / nges par 'byung bar 'gyur ba rnams ni dam pa'i chos sgrogs pa las yin no// dam pa'i chos sgrogs pa la

  1200. 224a

    yon tan gzhan yang yod do/ / 'di'ang gang zhe na/ 'di lta ste/ mthar yang yongs su mya ngan las 'da' bar byed pa'o// yon tan gzhan rnams zas cad kyi steng du 'phags pa yin no/ / 'di'ang gang zhe na/ 'di lta ste/ yongs su mya ngan las 'da' ba'o// chos thos pa de nyid bsten cing bsgoms la lan mang du byas pas/ ji skad brjod pa de bzhin du byed par 'gyur bas/ legs par rang bzhin du gnas par gyur pa'i skyes bu dam pa rnams kyis nges par kho nar nyon mongs pa rnams zad par byas nas/ mya ngan las 'das pa kun thob par 'gyur ro// de ltar ngang pa rnams kyi mnga' bdag dus bzang 'dis bag med pa rnams kyis bag med par rgyu ba'i lha de dag rnams la/ lha rnams kyang ngo mtshar bar byed pa'i dbyangs mtshungs pa med par gyur pas/ gtsug lag gi chos ston par byed do// de nas lha de dag rnams kyis gtsug lag gi chos de thos par gyur nas/ rab tu rnam par dang bar gyur pa'i yid thams cad la skyes nas/ de la de dag rnams kyis 'di skad ces brjod de/ de'ang ji ltar khyod kho ma 'di na lha yin te/ gang la'ang rnam pa 'di 'dra ba'i blo dang sgrub pa med pa'i phyir ro// bdag cag rnams ni dud 'gro yin te/ bag med pas rnam par bcom pa dang / yul rnams

  1201. 224b

    dpung gnyen du byed pas rtag tu yang sred pas nye bar bcom pa'i sems gang la yang rnam pa de lta bu nyid ni med do/ / bdag cag rnams thams cad kyis gus pa thams cad kyisku/ blangs par gyur yang rnam pa ji srid par gyur pa'i dbyangs de dag rnams ni mi 'byung ngo // de nas de'i dus 'dir ngang pa rnams kyi mnga' bdag des tshigs su bcad pa'i dbyangs kyis bsnyad pa/ ji ltar/ dam chos bya ni rlabs dang ldan pa// chos bsgrags gnas pa'i dbang ji bzhin// dam chos bsgrags pa thos nas ni// sdig pa rnam spong skyes bu de/ dga' bas legs par rab tu sgrub// rtag par yang ni skyed par byed// dam chos bsgrags pa thos nas ni// yid ni tshim par 'gyur ba yin// dge ba'ang shin tu chen po ni/ / rgyud la kun nas rab tu 'jog/ thos nas phun sum tshogs par 'gyur// thos nas sdig pa mi byed do// thos nas las dang 'bras bu shes// de ni mya ngan 'das par 'gro/ / thos nas chos la rdzogs pa dang // thos nas sangs rgyas la rab dang // thos nas sdug bsngal rnam grol ba'i// mi gang de ni mkhas pa yin// chos bsgrags ni shes pa ni/ / thos pas yid can rnams la 'gyur// de'i phyir rab 'bang thos pa'i gro// rab tu brtson pas byas par gyis// thos nas 'khor ba las kha phyir// gtam ni

  1202. 225a

    bde bar gshegs pas gsungs/ / srid pa rnam pa gsum bcom nas// go 'phang nyam pa med par 'gro// rab tu brtson pa rnam bzhi yis// skye 'gag med pa'i chos rnams ni/ / thos nas sa bon thams cad pa// de thos skyes bus rnam par bsgom// phung po skye mched khams rnams kyi// gang phyir mtshan nyid de nyid dag/ thos nas kyang ni thams cad shes// de phyir shes rab mchog yin no// gang yang 'khor ba kun 'ching ba'i// rab kyi stobs ldan skyon de dag/ dam chos thos pa rnams kyi ni/ de ni lhag ma med par 'joms// skad cig ma lus pa rab 'jug/ lhag ma ma lus par yang ldog/ thos dang ldan pas rab tu shes// de phyir thos pa bla na med// 'chi ba'i dus su phyin pa yi// tshor bas gzir ba'i lus can rnams// ji ltar thos pa la dmigs te// cung zad snying la skyes pa yin// thos pa'i me yis ma lus kun// nyon mongs shing nags ngasregs pa'i// de dag slar yang 'byung ba ni// nam yang dmigs pa ma yin no// bag yod pa yis sreg pa'i yang // de las bde ba thams cad 'byung / / thos pa'i gzhi las bde legs yin// de phyir thos pa mchog yin no// dam chos bsgrags pa mnyan nas ni// spel la nyer sten mkhas pa yang // rga dang 'chib

  1203. 225b

    spangs pa yi/ / bla na med pa'i gnas su 'gro// thos pas sdig pa mi byed cing // thos pas chos la 'jug par byed// thos nas sdug bsngal las rnam grol// de phyir thos pa gtso bo yin/ / lus ngag yid gsum dag pa ni// lus can rnams kyi thos pa yin// de phyir legs par dag 'dod gang // des ni gus pas mnyan par bya// thos pa'i grwa la legs bsten nas/ / brtson 'grus brtan pos pha rol gnon// rnam pa sna tshogs cher rgyas par// skyes bu myur du sgrol bar gyur// thos pas phyug pa'i skyes bu ni/ nor rnams kun tu ldan par brjod// thos med don gyi nor ldan pa// de dbul rab tu sangs rgyas gsungs// dam chos nor ni nyams pa dang // tha ma yang ni spangs pa yi// gson pa'i 'bras bu med pa dang // sdig pas kyang ni bcom par 'dod// bag med pa dang le lo can// sdig pa'i grogs kyi lus can rnams// gson pa 'bras med mig sa ni/ 'bras bu gzhan gyis brton pa bzhin// thos pa'i mig dang rnam bral ba// dmus long zhes ni mngon par brjod// gang yang chos ni yongs bor nas// chos min pa la rjes gnas pa/ / de ni sman rnams yongs bor nas// nad nying nye bar ldan pa yin// bstan pa nyid kyang skyes bu nges// chos ni rnam pa du mar spel// char rnams dang ni tshigs

  1204. 226a

    pa las/ / chu klung rab tu 'jug pa ltar// chos la spyod pa rabazhi'i bdag/ dus su ldang dang mnyam par gzhag/ nges par bde ba'i skal ldan 'gyur// bag med kyang bslus pa min// de phyir shes rab yon tan du// shes kyi mkhas pas shes rab bsten// shes min yang dag legs ldan pa'i// bde ba'i skam ldan skye 'gag med/ / de ltar dus bzangs des lha de dag rnams kyi dge ba'i rtsa ba de snying la legs par 'jug par byed do// rab tu 'god par byed do// lan cig dang / phyogs gcig ma yin par yang phan par gyur pa rnams nye bar sdud par byed la/ mi phan pa rnams dang bral bar byed do// rdzogs pa'i sangs rgyas kyis gsungs pa'i gtsug lag gi chos rnams ston par byed do/ / de nas lha de dag gis de'i drung nas chos de dag thos par gyur nas/ gus pa legs par skyes par tshim par gyur pa'i yid kyis/ slar nyid kyang bag med par zhan par gyur kyang lus lhan cig pa'i skyon gyi rtsed mo rtse 'dod pas gzhan du 'gro bar byed do/ / dus bzangs kyang bcom ldan 'das gser thub kyis gsungs pa'i dam pa'i chos sgrogs pa'i snying po zhes pa'i mdo yon tan du ma dang ldan pa de bshad nas/ yul gzhan la chos kho na sems par byed pas kun tu gnas so// bcom ldan 'das gser thub kyis

  1205. 226b

    gsungs pa'i yon tan sum cu dang yang dag par ldan pa'i dam chos sgrogs pa'i snying po zhes bya ba rdzogs so/ / / 'thab bral ba rnams kyis rA dza ni de na rgyu bar byed pa'i lha de dag rnams kyang / ji srid du 'dod pa sdug pa yid du 'ong ba byas shing bsags par gyur pa'i las zad par ma gyur kyi bar de srid du rnga skad yan lag lnga dang ldan pa dang lha rdzas kyi 'dod pa'i yon tan lngas dga' bar byed do/ / gang gi tshe de dag zad par gyur pa de'i tshe/ nyes par byas pa rnams kyis slar nyid kyang dmyal ba dang / yi dgas dang dud 'gro rnams su skye bar 'gyur ro/ / gang yang mi rnams dang skal ba 'thun par gyur pa lan grangs gzhan la myong bar 'gyur ba'i las kyis mir skyes par gyur na/ de phun sum tshogs par gyur la/ mchog tu skyid pa'i skal ba can dang / mchog tu bde bar gyur pa dang / rgyun du dam pa'i chos rnams nyan par 'dod pa dang / chos pa'i mchog tu gyur pa dang / yid gzhungs pa dang / yang dag pa'i lta ba can dang / rgyal po 'am/ rgyal po'i blon por yang las de rgyu 'thun par 'gyur ro// rA dza ni na rgyu ba zhes bya ba'i sa rdzogs so/ / / gzhan yang dge slong las kyi 'bras bu rnam par smin pa shes pa de/ 'thab bral ba'i lha rnams kyi sa la kun tu lta bar byed de/ des thos pa

  1206. 227a

    las byung ba'i rang bzhin gyi shes rab kyis 'thab bral ba'i sgra rnams kyis rnam pa sna tshogs par rnam par bkra ba zhes bya ba ji ltar yod pa de mthong ngo / / der yang las gang gis sems can rnams skye bar 'gyur ba'ang des ji lta ba bzhin du mthong ba/ skyes bu dam pa gang gis dge legs byed par gyur pas lus dang / ngag dang / yid kyi las rnams dge ba la rab tu zhugs pa/ tshul khrims ldan par gyur pa dang / gzhan gyis dkri bar mi 'gyur ba dang / yang dag pa'i lta ba dang / yang dag pa'i 'tsho ba dang ldan pas nye 'khor kun nas mchog tu dri ma med par gcod par 'gyur zhing / drang po dang drang po'i rang bzhin can du gyur pas/ sems can rnams la mngon par zhen par gyur pa'i blor gyur pas srog gcod pa dang / ma byin par len pa rnams ni spangs par gyur cing / 'dod pa la log par g.yem pa'ang spang bar gyur pa la 'di lta ste/ lam yang bud med mthong bar gyur nas mngon par zhen par mi byed do// de dang lhan cig tu bgrod par yang mi byed do// nyin mo yang gzhan rnams dang yid kun tu rnyog pa dang bcas pas yongs su rnam par rtog par mi byed do/ / ji lta bar bdag gis 'dod pa rnams la log par g.yem pa dag de ltar yongs su spang bar gyur na/ ji ltar mchog tu

  1207. 227b

    rnam par dag pa'i 'bras bu bdag la 'byung bar 'gyur te/ nyid kyis 'dod pa log par g.yes pa 'di rnam par spang ba'i rgyus bdag ltar yang 'gyur la/ lha gzhan dag rnams su yang rung ste/ des lha'i bu mo'i tshogs rnams kyis yongs su bskor bar bdag 'byung bar 'gyur zhing / lha'i yang bud med kyi mchog rnams la bdag nye bar long spyod par 'gyur gyi/ mi'i ni ma yin no// de lha'i bu mo rnams gang yin pa kho na'i bsam pas de ni rnyog pa dang bcas pa'i tshangs par spyod pa spyod par 'gyur ro// ji ltar bdag la lha de nyid kyis kyang ni bya ba med kyi/ gal te 'dir bdag gis 'dod pa la log par g.yem pa rnam par spangs par ma gyur pa ni/ ji ltar gang dag bdag gis bud med rnams dang / sngon yang lhan cig brgad cing bsgyings la rtses pa dang yongs su spyad pa de dag rnams ni/ yang dag pa'i 'gro bar skye bar 'gyur ba'i legs pa ma yin no/ / de gang gi tshe sngon bud med rnams dang nye bar longs spyad par 'gyur ba'i lhan cig tu brgod pa dang / bsgyings pa dang / rtses pa de yang yid kyis ro myang bar mi byed do// kun tu rtog par yang mi byed do// 'dun pa'i 'dod chags yid la skyes par gyur na yang 'gogs pa la brtson par byed do// de'i tshe 'bad par byed de/ brgad pa dang /

  1208. 228a

    bsgyings pa dang / yongs su spyad par gyur pa'i rnam par rtog pa rnying pa gang yin pa bdag la skyes pa rnams dang / so sor na bar longs spyod pa'i bud med rnying pa rnams la yang rnam par rtog pas rtog par mi byed do/ / skyes pa rnams la yang nges par bcom par byed do// skyes bu dam pa de las de dag gis lus zhig par gyur nas shi ba'i 'og tu mtho ris bde 'gro'i 'jig rten 'thab bral gyi lha rnams kyi rnam pa sna tshogs pa rnam par bkra ba'i sa la skye bar 'gyur ro/ / der skyes pa 'di yang legs par byas p a'i las kyi mtha' la spyad par gyur pa'i legs par dge ba'i las rnams kyi 'bras bu la nye bar longs spyod pas 'dod pa'i yon tan lnga dang yang dag par ldan pa ji ltar gang kho nar lnga de skyes par 'gyur ba rnams las/ re zhig dang po kho nar thams cad nas rin po che'i 'od zer gyis thams cad rnam par bkra bar gyur pa de'i mtho ris kyi yul de dag yin no// la lnga de'i legs par byas pa'i las kyis gsar du rin po che 'di dag rnams rab tu 'byung ba yin no// 'di lta ste/ nye 'khor rnams na rdo rje rnam pa du ma dang / ri'i rtse mo la rnam pa sna tshogs pa'i 'od zer gyi 'phreng ba dang ldan pa rnams la/ ji ltar bai nuR+Ya dang / sngon po dang / sngon po chen po dang / shel dang / mu sA la garba dang / pad+ma rA ga dang / ma ra

  1209. 228b

    ka ta ma chu lta bu rnams dang / de bzhin du gzhan dag kyang lha rdzas kyi las kyi khyad par rnams kyi khyad par du skyes par gyur pa'i rin po che'i rnam pa brgya stong phrag rnams kyi 'od kyis gnas der shin tu yang khyab par gyur to/ / de re zhig dang po nyid kho nar kha dog sna tshogs pa'i 'od rnam par rgyas pa rnams yang dag par mngon par mthong nas/ mig gi rnam par shes pa kun tu 'jug par byed do/ / gang dag des sngon nam yang ma mthong ba de la de'i mig gi rnam par shes pa shin tu 'phen par byed do// de'i rjes thogs la rnam pa sna tshogs par gyur pa mtshungs pa med pa'i lha rdzas rnams kyi glu dang rol mo'i sgra rnams kyi sgra nyan par byed do/ / de'i rjes thogs la 'di lha rdzas kyi dri rnam pa sna tshogs pa dpe med pa'i rnam pa rnams la sna kun tu 'jug par yang byed do/ / dang por skyes pa de gsum gyis thog ma kho nar kun tu g.yengs par shes par bya ste/ sngon ma mthong ba dang / mtshungs pa med pa rnams kyi bag med pa'i sa la kun nas 'jug par byed do/ / de dag rnams mngon par mthong nas gang dag lha nyid du gyur pa de dag ni skal ba dang ldan pa yin pas/ legs par byas pa'i las kyis rtse mor gyur pa de dag ni nags kyi nang gi gseb dag nas kun tu 'ong bar byed do/ / nags de yang 'od snang ba zhes bya ba ste/ nye 'khor kun na 'od zer rnam pa sna tshos

  1210. 229a

    pa mtshungs pa med pa rnams rab tu snang bar byed do/ / nags de la lha de dag gis kun nas bgrod nas gang na lA ka sar du skyes pa yod pa der nye bar rgyug par byed/ pa rnams ni cha byad sna tshogs pa 'chang ba/ gzugs sna tshogs pa dang ldan pa/ rnam pa sna tshogs pa'i klu dang / rnga sgra dang / rol mo'i sgra snyan pa rnams dang gru kun tu sgrogs pabar byed pa dang / klu dbyangs snyan pa dpe med pa dga' bar gyur pa rnams nye bar byung nas skad rnams kun du 'don no// de nas lha de yang de dag rnams mngon par mthong ba dang / thog ma med pa'i dus nas goms par gyur pa'i 'dod chags kyi blos kun nas 'phangs pas/ gang na lha de dag yod pa der rab tu dga' ba'i yid kyis 'dre bar byed do// de dag rnams kyang gang na lha 'di yod pa der nye bar rgyu ste/ kha cig ni nam mkha'i dkyil du shin tu 'phags par gyur nas pi wang laka na thogs pas klu len par gyur pas so// gzhan dag kha cig ni khang bu'i steng na ches rab tu rgod par byed pa'i mig gi me tog kun tu spel ba mtshungs pa med pa rnams kyi dri snom par byed/ lha gzhan dag rnams kha cig ni sa gzhi nyid ma tshogs pa 'dun pa rnams kyi sna tshogs pa'i rol mo dang / lag na me tog zegs par gyur pas gang na lba 'di yod pa der rgyug par byed do// zhwa gzhan la cig ni laka nas

  1211. 229b

    tog rnams thogs pas/ gang na lha'i bu 'di yod pa der rgyug par byed do// de nas lha gang myos byed de bzung nas/ rgyug par byed pa de dag gi lag pa dag la des kun du 'jus nas lha 'di myos byed de dag blangs nas/ lha'i kha dog dang ro phun sum tshogs par gyur pa rnams 'thung bar byed do// de nas 'thung bar gyur nas/ de bcu 'gyur gyis lhag par rab tu dga' ba thob par 'gyur ro/ / de yul bzhi pas kyang rnam par g.yengs pa yin te/ sngar ni gzugs dang / sgra dang / dri rnams kyi yin la/ phyi nas ni ros kyang kun nas g.yengs par gyur to/ / lus kyis kyang rnam pa sna tshogs par gyur pa'i mchog tu bde ba dang ldan pa/ yid kyi rjes su 'thun par byed pa'i reg bya rnams la reg par byed do/ / yid kyis kyang gang kho na kun tu rtog par byed pa de kho na 'bad pa med cing ngal ba med par phun sum tshogs par lhan cig nyid du 'byung bar 'gyur ro// de ltar lha gsar du skyes pa de sred pa'i tshogs drug gis rnam par 'byed par byed do/ / de nas lha gsar du skyes pa lha de dag rnams dang lhan cig tu gang na lha gzhin dag 'dod pa'i yon tan lnga dang bcas shing yang dag par ldan par gyur pas dga' bar byed pa/ 'dod pa rnams thams cad rjes su 'thun pa'i nags zhes bya ba'i nags der lha 'di nye bar 'dre bar byed

  1212. 230a

    / de nas sngakAs du skyes par gyur pa de la de dag gis yongs su bskor ga nyid kyis/ rnam pa sna tshogs pa'i rtsed mo rnams kyis rtse bar gyur pa'i 'ad rnams nyid mthong ba la/ kha cig ni pad+ma'i rdzing bu rnams na rtse bar byed do// kha cig ni 'khri shing gi gseb tu song nas rtse bar byed do// kha cig ni ri'i rtse mo rnams kyi gseb tu song nas/ rnga skad yan lag lnga dang ldan pa rnams kyis rtse bar byed do// lha gzhan kha cig ni sred pa drug gi tshogs rnams kyi rnam par 'byed do// de nas lha gsar du skyes par gyur pa de lha de dag rnams dang lhan cig tu gyur pas/ gang na lha gzhan dang lha mo'i tshogs rnams kyis yongs su bskor zhing / nam mkha'i dkyil na khang bu'i rgyab tu song nas/ sna tshogs pa'i rin po che rnams kyis rnam par brgyan pa'i lus rnams rtse bar byed pa dang / lha gzhan dag kha cig ni ljon shing gi yal ga la kun tu babs nas lha mo'i tshem kyis yongs su bskor te gar dag byed pa dang / rgod par yang byed pa dang / rnga skad yan lag lnga pas 'gying bar yang byed do// de nas lha ga sar du skyes pa des lha de dag rnams mngon par mthong bar gyur nas rab tu ches dga' bar gyur pa'i yid kyis/ lha de dag rnams nyid kho nas yongs su bskor nas rnam par 'dre bar 'gyur ro// lha de dag rnams

  1213. 230b

    dang lha de dag kyang phan tshun du lhan cig tu gyur cing / lha de dag rnams dang lhan cig tu gyur pa gang lha de dag rnams dang / lha gsar du skyes pa de dang bcas pa rnams nags der rjes su zhugs par gyur to/ / de de la bde bar rnam par rgyu bar gyur pas rnga skad yan lag lnga dang ldan pa dang / 'dod pa'i yon tan lnga po rang gi las dang 'dra ba rnams la dus ring du rtse bar byed cing / dga' bar yang byed do// de nas dus shin tu ring du nags de la bgrod par gyur nas/ 'bab chu rnam pa sna tshogs pa dang ldan pa zhes bya ba'i ri rin po che bdun gyis rnam par bkra bar byas pa la rtse bar yang gyur pas lhag par 'khor bar byed do/ / de ltar phan tshun du myos pa la grogs su gyur pa nas rnams rang gi las kyi 'bras bu rnams la longs spyod pa rnams de dang de la yang rtse bar byed pa yin te/ ljon shing rnams kyi bar dag tu gyur pa'i 'bab chu rnams dang / rnam pa sna tshogs pa'i rdo rin po che rnams kyis rnam par brgyan pa rnams dang / rab tu dang zhing bsil bar gyur pa rnams dang / mchog tu bsil ba dri ma med par gyur pa'i ri'i 'bab chu sna tshogs pa dang ldanapa de dag rnams la yang dga' bar byed do/ / de nas lha bag med pa de dag rnams nyid mngon par mthong bar gyur nas/ 'bab chu la rgyu ba zhes bya ba lha rnams rtse bar byed pa'i bya/

  1214. 231a

    dag gis tshigs su bcad pa brjod pa/ wAr/ las rnams ku byir nam drug / 'bras bu bde bar kun nas gnas// de zad nas ni sngar ltung ba/ lha yi 'jig rten la 'byung 'gyur// bde bad ltar bas rmongs nas// mdun gyi 'jigs pa mthong ba min// las zad sdug bsngal kun thob pa// phyi nas shes par 'gyur ba yin/ / bde min bde ba'i gzugs kyis ni// bag med kun nas rab tu 'jug/ las zad nas ni rnams ltung ba// de ni phyi nas yongs gdung 'gyur// gang las chud za bar 'jug pa'i/ / bag med dug bzhin du ni spongs// bag med pas ni nye bcom lha// phyi nas dmyal ba'i skal ldan yin// 'du ba la ni blo dga' zhing // bral ba la yang rjes su gdung / / 'dus pa'i mtha' ni 'bral 'gyur bar// chos nyid 'di ni rnam par gnas// shes gang 'jigs par mi 'gyur ba'i// gnas de dmigs pa ma yin no/ rnam par 'jig dang 'byung ba nyid// chos rnams 'byung zhing 'jig pa yin// ji lta ji ltar lha rnams kyang // bde ba rgyu ba mthong bar yang // de lta de ltar bag med pa'i 'jug gis rmongs nas rab chung 'dzal/ / bag med lha rnams thams cad kyis// sngar ni dga' ba bzhin du mthong // phyi nas sdug bsngal thob nas ni// mi rnams

  1215. 231b

    ni dgra bzhin ste/ / bud med dang 'dre tho ldan gyi// bag med rnams las lhag par brjod// de dang 'dre bas lha rnams 'jig/ zhwa min lto 'phye chen po yang // bud ma dang 'brel chang 'thung dang / / rtsed mo yul dang lhan cig tu// rtsa ba hral de nas le lo dang // de dag bag med myu gus yin// de ltar bya des lha de dag rnams mngon par mthong na/ / rjes su 'doms par byed pa'i tshigs su bcad pa rnams brjod do// de nas lha de dag la de ltar phan pa rnams brjod par gyur pa na yang rtogs par mi 'gyur/ yul rnams kyis nye bar bcom nas/ de kho na bzhin du gar byed par 'gyur zhing / rgod par gyur pa dang / rtse bar gyur pas slar yang 'khri shing ljon shing gis kun nas khyab pa'i nags 'od snang ba de nyid du rab tu 'jug par byed do/ / nags de na ni mchog tu dga' bar gyur pa rnam pa sna tshogs pa'i shing dang / ljon shing dang / pad+ma'i rdzing bu dang / khrus kyi rdzing bu dang / 'bab chu rnams la dga' ba rnam pa sna tshogs pa'i bya'i tshogs brgya phrag gi sgra 'byin pa rnams dang / me tog brgya stong phrag kha bye bas dga' bar gyur pa man+da ra ba kun nas dud pa'i ljon shing dang / myu gu la lha brgya stong phrag gis gang bas dga' ba/ lha rdzas kyi rnga skad yan lag lnga pa'i sgra sgrogs par 'gyur ba'i sgras/

  1216. 232a

    sa de dag lhagasar du skyes pa de dang yang dag par ldan pas rtse bar byed cing / dka' bar yang byed do// de lan gang dag skyes nas ring du lon pa de dag na m+b+hasa?/ lan cig dang lan cig ma yin par rnam pa du mar nags de dag dang / nags kyi bkod pa dag rnams la dang / 'jug ngos de dag dang / pad+ma'i rdzing bu de dag dang / sa ga zhi'i cha de dag dang / 'khri shing gi khang pa de dag dang / nags kyi gseb de dag dang / dpag bsam gyi shing de dag dang / khrod kyi gseb rin po che bdun gyi 'od kun nas 'bar ba'i 'od zer dang ldan pa dang / khang bu snga na ma mthong ba de dag rnams kyis de ltar kun tu khrid par byed do// de bzhin du lhag sar du skyes pa 'di yang thams cad du rnam par lta bar gyur pas kun tu 'gro bar byed do/ / ngo mtshar bas yid kun tu g.yos par gyur pa'i blos lnga de dag nyid kyis yongs su bskor nas/ de la yul gsar pa rnams kyi srid pas gdung ba'i 'dod pa'i me dang bag med pa'i dud pas bsreg par gyur cing / lha de dag rnams nyid kyis yongs su bskor nas/ nags kyi nang gi gseb tu yul rnams kyi da sred pa'i shugs du mas bsreg par gyur pas rtag par rgyun du 'gro bar byed do/ / dus yun ring du rgyu bar gyur pa las/ de gal te shes na lha de dag gis yongs su bskor nas/ gang na rnam pa sba

  1217. 232b

    tshogs pa bkra pa zhes bya ba'i pad+ma'i rdzing bu yod pa der kun tu 'gro bar byed do/ / rnam pa sna tshogs par bkra ba'i pad+ma'i rdzing bu de'i yang mtshungs pa med par gyur pa'i mdzes pa 'di dag yin te/ dper na pad+ma de lta bu'i gzugs rnam par bkra bar gyur pa rnams la 'di lta ste/ bai DUR+Ya'i 'dab ma dang / gser gyi yu ba dang / pad+ma rA ga dang / gser bzang po'i snying po dang / dngul gyi mdog dang mtshungs pa'i ze 'bru dang ldan pa rnams la/ in+d+ra nI la'i rang bzhin gyi bung ba rnams kyis nye bar mdzes par gyur pa dang / pad+ma gzhan kha cig ni dngul gyi rang bzhin gyi yu ba dang / in+d+ra nI la'i 'dab ma dang / gser gyi ze 'bru la mu sa ra gar ba dang / shel dang gser gyi mdog gi bung pa rnams kyis nye bar mdzes par byas pa'o/ / pad+ma gzhan kha cig ni gser gyi yu ba la in+d+ra nI la'i 'dab ma dang / pad+ma rA ga'i ze 'bru dngul gyi snying po la pad+ma rA ga dang mdog mtshungs pa'i bung ba rnams kyis nye bar mdzes pa'o/ / pad+ma gzhan kha cig ni yu ba dang / 'dab ma dang / ze 'bru dang / snying po rnams thams cad dmar po yin te/ de bzhin du bung ba yang dmar po rnams kyis nye bar mdzes par byas pa'o/ / gzhan yang pad+ma gzhan dag ni yu ba dang / 'dab ma dang / ze 'bru dang / snying po rnams thams cad kyang dngul dang

  1218. 233a

    mtshungs par gyur pa la bung ba rnams kyang kha dog gcig pa'o/ / pad+ma gzham kha cig ni ut+pal dang cha 'dra ba yu ba dang / 'dab ma dang / ze 'bru dang / snying / po rnams thams cad nas sngon por gyur pa la bung ba'i tshogs rnam par sgrog pa rnams kyis nye bar mdzes pa'o// gzhan yang pad+ma gzhan rnams rnam par mdzes par gyur pa/ pad+ma'i rdzing bu de nyid na kha dog rnam par bkra ba'i pad+ma rnams la 'di lta ste/ pad+ma gcig kyang rin po che sna bdun gyi rang bzhin gyis rnam par bkra ba dang / dbyibs sna tshogs pa dang / rnam pa sna tshogs par rab tu skyes par gyur pa'i pad+ma rnams yin zhing / rnam pa sna tshogs pa'i dri dang ldan pa dang / 'dab ma kha dog sna tshogs pas nye bar mdzes par gyur pa rnams la 'di lta ste/ sngon po dang / ser po dang / dkar po dang / dmar po dang / nag po dang rnam par 'dres pa'i 'dab mas nye bar mdzes par byas pa'i pad+ma'i rdzing bu las skyed pa la bung ba'i tshogs rnams kyis mdzes par gyur pa'o/ / rnam pa de srid pa rnams nyid kyi nye bar mdzes par gyur pas/ pad+ma'i gseb rnams rab tu gsal lo// rnam pa de ltar bung ba rnam par bkra bar gyur ba'i pad+ma'i rdzing bu de na mchog tu dga' bar gyur pa/ rab tu dang ba'i chu bsil zhing mngar ba'i tshul mchog tu dka' ba'i lha rdzas kyi mdog dang / dri dang / dbyibs dang ldan pa'o/

  1219. 233b

    pad+mas nye bar mdzes par gyur pa/ 'di na lha gsar du skyes pa lha mo'i tshogs rnams kyis yongs su bskor cing lhan cig tu lha rdzas kyi 'dod pa'i yon tan lnga dang ldan par gyur nas/ rnga skad yan lag lnga pas rtse bar byed cing rgod par byed do// rnam pa sna tshogs par rnam par bkra ba'i pad+ma'i rdzing bu de'i mtha' man yang rta rdzas kyi 'gram nas skyes par gyur pa'i ljon shing gi rigs yod pa rnams ni/ gang dag gis pad+ma'i rdzing bu de brgya 'gyur du yang rnam par mdzes pa dag yin te/ 'di ltar rtsa ba nas bzung nas sngon po dang / ser po dang dkar po dang / nag po dang / dmar po'i mdog gi me tog rnams kyis nye bar mdzes pa dang ldan pa'i ljon shing rnams yin no// pad+ma'i rdzing bu de na gang dag yon tan brgya 'gyur du gyur pa'i'od dang ldan pa'i bya'i tshogs rnams kyis dpag tshad bcur nye bar mdzes shing / skad snyan pa rnams kyis nye 'khor kun nas rnam par mdzes par byed/ do/ gzhan yang pad+ma'i rdzing bu de nyid shing ljon pa 'gram nas skyes pa gzhan dag khang bu'i ljon shing rnams yod pa'i dag ni/ lha rnams kyis legs par byas pa'i las kyi ga brjid yin no/ / gang gi chal de dag pad+ma'i rdzing bu den rtse bar byed pa de'i tshe/ gal te na shing la rnam par 'dzeg par gyur nas 'di ltar sems par byed do// ji ltar khang /

  1220. 234a

    bu rnams kyang bdag cag la 'dir byung bar gyur na rung na snyam pa de'i tshe/ khang bu'i shing de dag rnams las zung ba rnams tshim par byed pa'i me tog rnams da/ brjod pa pa dang / de dag rnams thams cad kyang lha de dag gis legs par byas pa'i las kyis te/ rin po che bdun gyi 'od rnams dang ldan pa dang / rab tu phal che bar gyur pa chu klung dang / rdzing bu dang / nags dang / nye ba'i nags dang / ri'i rtse mo rnams dang / rin po che bdun gyis nye bar spras pa dang bcas pa rnams gang yin pa de dag khang bu'i nang na phun sum tshogs par 'byung ngo / / de dag khang bur zhugs par gyur cing rnam pa sna tshogs pa'i rgyan dang / cha byad can gyi lha mo'i tshogs rnams kyis yongs su bskor nas/ rtse bar gyur cing / rgod par gyur la/ glu yang len par gyur pas/ nam mkha'i dkyil du 'phags pas 'thab bral ba'i lha rnams kyis gzhan la ji ltar 'dod pa kun tu lta bar byed do/ / yon tan de lta bu rnams dang ldan pa'i 'gram skyes kyi shing zhes bya ba gang dag khang bu'i ljon shing 'di dag rnams mthu yin no// gzhan yang pad+ma'i rdzing bu de nyid kyi 'gram na yod pa'i ljon shing pa rnams la rnam pasna tshogs par rnam par bkra ba'i me tog dang / 'bras bu rnams dang / rnam pa sna tshogs par rnam par bkra ba'i bya rnams

  1221. 234b

    kyis nye bar mdzes par gyur pas rnam par gsal bar gyur pa yin no/ / nor bu'i sgra zhes bya ba gang dag gi mthu stobs ni 'di yin te/ gang gi tshe lnga de dag rnams pad+ma'i rdzing bu de nyid na rtse bar byed na/ de'i tshe shing de dag rlung 'jam po rnams kyis rab tu bskyed par gyur pas lan tshun du 'jud par byed do// kun du 'drud par byed pa de dag rnams kyi phan tshun du snyan par gyur pa dang / phan tshun du yid du 'ong ba dang / sgra rgya chen po rnam pa sna tshogs pa rnams rab tu 'byung bar 'gyur ro// lha rdzas kyi nor bu'i phung po yang mchog tu ma dang zla ba 'di dag gis 'dzam bu'i gling rab tu snang bar byed pa de bzhin du/ nor bu de dag rnams kyis rab tu gsal bar byed do// de'i tshe nam mkha'i rang bzhin rab tu gsal bar byed pa yang yin no/ / ljon shing gzhan yang pad+ma'i rdzing bu de nyid kyi ngos na yod pa rnams 'di lta ste/ skye bo mi g.yo ba zhes bya ba'i shing ljon pa'o// pad+ma r dzing bu de dag nyid na lha de dag na lha de dag rnam rtse bar byed pa na ma de'i tshe ljon shing de dag las lnga de dag rnams nyid kyis legs pa'i las rnams kyi 'bras bu kha dog dkar por gyur b

  1222. 235a

    a'i rtsi lha rdzas kyi dri dang / ro dang / kha dog dang / reg bya can de dag rab tu 'byung ngo // de'i tshe lha de dag rnams 'thung bar byed do// des bcu 'gyur/ gyis kyang lhag par yid ches rab tu rangs par 'gyur ro// myos kyi ba'i skyon rnams dang ni bral ba yin no// lhan cig spyod par byed pa de dag rnams kyis yongs su bskor nas gar dang rgod par yang byed do/ / bza' ba yang bdud rtsi'i rang bzhin rnams rab tu za bar byed do// de ltar shing de dag rnams nyid las lha de dag rnams kyi las ji lta bu rnams dang 'dra bar 'gyur ro/ / gzhan yang pad+ma'i rdzing bu de dag nyid na rnam pa sna tshogs par rnam par bkra ba'i dri dang kha dog ces bya ba 'gram na skyes pa'i shing ljon pa gzhan dag yod do/ / gang gi tshe na lha de dag rnams pad+ma'i rdzing bu de na rtsed mo rtse bar byed pa na/ de'i tshe lha de dag rnams nyid kyis legs par byas pa'i las kyi bde ba'i reg ba'i rlung 'jam po rab tu 'gyur ro/ / rlung de dag gis kyang ljon shing de dag rnams kyi 'dab ma de dag 'drud par byed do// phan tshun kun tu 'jud par 'gyur ba de dag rnams las mchog tu yid du 'ong bar gyur pa'i sgra rab tu 'byung ba rnams la 'di ltaste/ lha de dag rnams nyid kyi rol mer gyur ba/ mnyam pa dang / chags par gyur pa dang / snyan par gyur ba'i rnam /

  1223. 235b

    bu rnams las rab tu 'byung bar 'gyur ro// de bzhin du pad+ma'i rdzing bu rnam pa sna tshogs par rnam par bkra ba de nyid na 'gram na skyes pa'i shing ljon pa gzhan dag yod pa ni byas dga' ba zhes bya'o// de dag gi mthu ni 'di lta bu yin te/ 'di ltar bya gang dag yin pa de dag sngon shing de dag rnams pa so sor gnas so/ / ji ltar lha de dag rnams song bar gyur nas pad+ma'i rdzing bu de nyid du yun ring du rtsed mo rnams byas shing / dza skad yan lag lnga pas dga' bar byed nas/ ljon shing dag rnams lhag par 'khor bar byed pa dang / dga' bar gyur pa rnams la lta bar 'dod pa'i phyir/ bya de dag rnams kyi yang rgyab tu zhon par byed de/ gang gis rnam pa ji lta bu dag gis nam mkha'i dkyil 'phags nas/ sa rnams ji lta bzhin du kun du blta bar 'dod pa'i rnams de lta bur/ bya de dag lha rnams kyi sems bskyed pa tsam gyi 'gyur ro// yang na der khang bu dag byung zhing phal che bar gyur pa'i 'bab chu dang / rdzing bu dang / nags dang / nye ba'i nags dang / 'khri shing gi khang bu phun sum tshogs pa rnam pa sna tshogs par blta na mdzes par gyur pa'i bzhon pa rnams la zhon nas/ lha rnams kyis la de dag kun tu lta bar byed do// gzhan yang bya gzhan dag gis tshigs su bcad pa'i dbyangs brjod pa/ ji ltar/ tshul khrims bsrung ba'i mi rnams 'chi ba mchog yin gyi/ / khrims 'tshal rnams ni yun rings gson pa'ang 'dir mchog min// mi yis yongs su zil gyis mnan nas gnas phyir man/

  1224. 236a

    'chi 'phos na yang ma yin dmyal ba rnams su gnas// snga phyi rim pa blo ldan rnams// skad cig re re nyung ngun nyung // gar pa dang ni khrus mkhan yang // byi ngor 'bras bu'i bdag nyid yin// de nas yang bcom ldan 'das rgyal po'i khab kyi nA la ta'i bram ze'i grong na bzhugs so// de nas bcom ldan 'das kyis/ dge slong rnams la bka' stsal pa/ dge slong dag lus dran pa nye bar gzhag pa zhes bya ba ngas bshad par bya ste/ dang por dge ba/ bar du dge ba/ tha mar dge ba/ don bzang po tshig 'bru bzang po 'ba' zhig pa/ yongs su rdzogs pa/ yongs su dag pa/ yongs su byang ba/ tshangs par spyod pa ngas bshad par bya'o// 'di smra ste/ lus dran pa bar gnag pa zhes bya ba'i rjes kyi grangs so/ / da legs pa rab tu med la byas te/ can nog/ shang bar bya'o// de skad ces bka' su pa / slong dag bcom s+ho/ sun dus smras par las / pa sa sa sa du ma b

  1225. 236b

    zhin du lus mthong ngo / / ye shes mngon sum du byas par gyur nas/ mya ngan las 'da' ba yang mthar byed parang gsung ngo // 'di na dge slong lus yang dag par lta bar byed pa/ rnams ni tshul bzhin ma yin pa yid la byed pas/ mi 'phrogs pa dang / kun nas nyon mongs pa rnams dang yang bral bar 'gyur ro// nang gi bdag nyid kyi mig dang / rna ba dang sna dang / lce dang / lu sa dang / yid dang / phyi rol gyi gzugs dang / ro dang / dri dang / reg dang / sgra dang / chos rnams kyang lus yin no// nang gi bdag nyid kyi lus la lus kyi rjes su lta zhing gnas par gyur nas/ mthar mya ngan las 'da' bar 'gyur ro// 'di na dge slong dag mig gis gzugs rnams mthong ba na kun tu rtogs par mi byed cing dga' ba'i 'dod chags dang mtshungs par ldan pa'i sems kyis yang dag par nyid du lta bar mi byed kyis/ lus 'di la yod pa rnams ni sgra dang / sen mo dang / so dang rus pa dang / pags pa dang / khrag dang / rgyus pa dang / zas dang / smin pa dang / bad kan dang / mkhris pa dang / rlung dang / rgyu ma dang / gnye ma dang bshang ba dang / gcib dang / grob dang / malal ma dang / sha dang / tshis dang / khu chu dang / chu ser dang / snabs dang / grang rgyas dang / klang pa dang rnam

  1226. 237a

    so/ de gang gi tshe de ltar lus la lus kyi rjes su 'brel bar dran par gyur pa na/ de'i gzugs dang / ro dang / dri dang / reg bya dang / sgra dang chos dang / phyi rol gyi chos rnams kyis kyang 'phrog par mi 'gyur ro// mig gis kyang gzugs rnams dang po nyid nas yang dag pa ji lta ba bzhin du mthong ngo // rnal 'byor spyod pa rnams kyis yang dag pa ji lta ba bzhin du nang gi bdag nyid kyi mig sha'i gong bu 'byung ba chen po bzhi las gyur pa ji ltar mthong ba yin na/ nang gi bdag nyid kyi mig sha'i gong bu'i mig 'di dag la gang cung zad cig sra zhing mazang bar gyur pa/ zin par gyur pa de dag nye bar len pa 'di ni/ nang gi bdag nyid sha'i gong bu'i mig gi sa'i khams zhes brjod do// delta nang gi bdag nyid sha'i gong bu'i mig 'di dag nyid so so'i bdag nyid la chu dang chu rnams ni de dag brlan zhing / brlan par 'bab/ de la brten nas gsher bar gyur zin par gyur pa/ nye bar len pa'i 'di ni nang gi bdag nyid kyi sha'i gong bu'i mig+sa ge chu'i khams zhes brjod do// des rlung gi bdag nyid kyi sha'i gong bu'i mi 'di nyid mis bdas mings me gyur ba ni rje ba dang rje ba'i gyur pa rin par gyur ba nya bar yin pa 'di ni mang gi bad med shimi ging bu'i mig me 'i khams nas rjo po/ / rnaM la mang gi 'dag nyid kyi

  1227. 237b

    sha'i gong bu'i mig 'di nyid so so'i bdag nyid la rlung dang rlung du gyur pa rnams ni yang zhing kun g.yo ba nyid du gyur pa 'di ni/ nang gi bdag nyid kyi sha'i gong bu'i mig gi rlung gi khams zhes brjod de/ / ji ltar mig la yang dag pa ji lta ba bzhin du so sor rtog par byed/ de ltar rna ba dang / sna dang / lce dang / lus rnams la yang so sor rtog par byed cing lus la lus kyi rjes su lta ba'i dge slong ni dga' ba'i 'dod chags dang lhan cig gnas pa'i sred pas 'ching bar mi 'gyur ro/ / gzhan yang rnal 'byor spyod pa lus la lus kyi rjes su lta zhing gnas te/ nga'i lus 'di ni skad cig dang / skad cig la skye ba dang / rgas pa dang / 'chi ba dang / shi 'pho ba dang / skye bar yang 'gyur bas/ 'di ni sgyu ma lta bu dang / gsog/ gsob snying po med pa lbu ba dang / chu bur rdos pa lta bur gyur pa/ sdug bsngal ba dang sdug bsngal ba rnams skyabs gnas su gyur pa dang sdug bsngal gyi skye gnas kyi lus yin no/ / sdug bsngal ma yin par 'gyur ba 'am/ mi rtag pa ma yin pa dang / yongs su 'gyur ba'i chos nyid ma yin pa dang / mi 'ji po'i chos nyid ma yin pa gang yin pa'i gnas skabs ni lus 'di la cung zad cig kyang yod pa ma yin no/ / gzhan yang rnal 'byor spyod pa lus la lus kyi rjes su lta zhing

  1228. 238a

    gnas te/ skyabs ni gang yin/ skyob pa ni gang yin/ 'di ni lhar gnas zhes des yang dag pa ji lta ba bzhin du lus la so sor rtog par byed do// de dag ni ltar yin te/ lus 'di ni las kyi rtsa ba las yin zhing / las kyi skyabs gnas pa/ las kyi skyob pa yin pas/ dge ba'i las rnams dang ldan na lha dang mi rnams su'o// mi dge ba'i las rnams dang ldan na dmyal ba yi dgas dud 'gro rnams su'o// lus 'di la ni rdzas ma gtsang ba 'am/ snying po 'am/ rtag pa/ brtan par gyur pa ni m ed do zhes des 'di yang dag par so sor rtog par byed pa gang yin pa las dga' ba'i 'dod chags dang lhan cig gnas pa'i srid pa yang 'byung ba can gyi sred pa rnams yongs su spong bar 'gyur ro/ / gzhan yang rnal 'byor spyod pa mig de nyid yang dag pa ji lta ba bzhin du so sor rtog par byed do// ji ltar 'dzam bu gling pa rnams kyi mi'i mig gis gzugs rnams snang ba dang / nam mkha' dag las rjes su 'thun par mthong bar gyur pa de kho na bzhin du gnas gzhan nA gnas pa'i me'i mig gis gzugs rnams mthong ba yin naman bya bar te/ de nas legs par bsams shing thos pas kyang thos pa las byung ba'i shes rab 'am/ lha'i mig gis kyang kun tu lta bar byed pa la/ ji ltar 'dzam su rtsi

  1229. 238b

    pa rnams kyi mig dang / gzugs dang / snang ba dang / nam mkha' dang / yid la byed pa'i rkyen de dag rnams las gzugs rnams legs par mthong ba yin no// de bzhin du byang phyogs sgra mi snyan pa rnams kyi skyes bu song zhing nam mkha' la gnas nas/ gzugs rnams mthong ba yin te/ dper na tshun chul spyod pa'i nyal sogs pa rnams kyis gzugs mthong / mi snyan pa'i skyes bus ris bsgribs par gyur pa'i gzugs rnams kyang mthong ngo // gzhan yang rnal 'byor spyod pa bdag nyid 'dzam bu'i gling pa'i lus kyis byang gi sgra mi snyan pa'i lus la so sor rtog par byed de/ ji lta bur kho nar bdag gi rna bas mi 'dod pa'i sgra dang rab tu gsal ba rnams thos la/ bar chod pa rnams ni ma yin zhing de bzhin du sgra chen po rnams bdag cag gis thos pa yin na/ de kho na bzhin du byang phyogs sgra mi snyan pa rnams yin nam/ ci ste ma yin zhes/ de yang dag pa ji lta ba zhinadun rnams sor rtog par byed/ zag capa rnams dang / rlung ring ba rnams dang / dman pa rnams dang / snyan pa rnams dang / mi snyan pa'i bla rnams ca tshas da gyi khyad par ci byang phyogs sgra mi smin pa'i rgyas sa thos pa yin te/ rjes marnams thag napa dang / chung ring ba dang / bas che ba dang / gzugs man pa dang / gzang ba

  1230. 239a

    mi gtsang ba rnams kyang gsal bar byed do/ / de bzhin du byang phyogs sgra myi snyan pa'i mi rnams kyis kyang bla thos so// gzhan sa du nas 'byor spyad pa lus ma lus kyis rjes sun zhing gnas te/ ji ltar 'dzam bu gleng pa'i mi rnams kyi spyi'i dbang po de kho na bzhin du byung gi swa mi snyan rnams kyi yang yin nas/ ci ma yin nas/ las byung ba'i shes rab mas/ lha'i mig gis so sor rtog par byed de/ sna dri zhim po rnams ni snom par byed la/ snas dri zhim po smin pa rnams snom par mi byed pa 'o/ chos nyid kyi khyad par gyis ji ltar 'o ma dang chu dag 'dres par gyur pa la ngang pas chu mi 'thung bar 'o ma 'thung bar byed pa yin no/ / de kho na bzhin du byang phyogs sgra mi snyan pa'i mi rnams kyis dri zhim tho snom par byed cing / dri mi zhim pa rnams ni mi snom mo// gzhan yang rnal 'byor spyod pa lus la lus kyi rjes su lta zhing gnas te/ ji ltar 'dzam bu gling pa'i mi rnams ro myang bar byed pa de kho na bzhin du byang phyogs sgra mi snyan pa rnams kyang yin nam/ ci ste na ma yin zhes/ des thos pa las byung ba'i shes rab bam/ lha'i mig rnam par dag pas mthong bar gyur pa/ 'dzam bu gling pa rnams kyi lus ni rnam pa du ma rnams su dman pa dang / bar ma dang / khyad par du 'phags pa'i zas can yin la/ de kho na bzhin du byang phyogs sgra

  1231. 239b

    / mi snyan pa'i mi rnams ni ma yin te/ de dag rnams ni ba'i bag med pa dang / rtag pa kho nar dge ba'i las rnams spyad pas kyang de dag rnams ni nga'i se sa dang / ro rnams kyang gcig / yin gyi/ ji ltar 'dzam bu gling ba'i mi rnams kyi ltar ni ma yin no// gzhan yang rnal 'byor spyod pa lus la lus kyi rjes su lwa zhing gnas te/ ji ltar 'dzam bu srid pa'i mi rnam kyi lus kyi gzugs rnam pa du ma yin pa de kho na bzhin du/ byang phyogs sgra mi snyan pa rnams kyi yang yin nam/ ci ste ma yin zhes de thos pa las byung ba'i shes rab bam/ lha'i mig gis mthong bar gyur pa/ ji ltar 'dzam bu gling pa rnams kyi lus ni rnam pa du ma yin gyi/ de ltar byang phyog sgra mi snyan pa rnams kyang yin te/ de dag ni gang gi phyir las mtshung pa rnams kyis lhan cig tu 'ongs pa rnams yin pa'i phyir/ lus mnyam pa 'dzam bu chu bo'i gser 'dra ba de dag rnams ni rgya che zhing gyong pa ni ma yin la/ 'jam zhing mdzes pa'i lus can rnams yin no/ / de ltar 'dzam bu'i gling pa'i mi rnams ni ma yin te/ 'di dag rnams ni las gcig gis nye bar 'gro ba ma yin zhing / lus gcig kyang ma yin la gzugs/ gcig gis 'gro ba ma yin no// de mi'i gnas gnyis kyi lus la lus kyi rjes su bltas par gyur nas/ mi'i gnas gsum par gyur pa shar gyi lus 'phags po zhes bya ba

  1232. 240a

    la rnam par lta bar byed do/ / des thos pa las byung ba'i shes rab pam/ lha'i mig gis mthong bar gyur pa/ ji ltar 'dzam bu'i gling kI mi rnams dang byung gi sgra ni snyan bI mi rnams kyi skye mched yin pa de bzhin du/ shar gyi lus 'phags po rnams kyang ste/ de dag rnams kyi mig gis gzugs mthong ba ni/ ji ltar 'dzam bu gling ba'i snang ba la rgyu ba'i khyi dang / stag dang / srin bya dang / byi ba la sogs pa rnams 'jig pas snang ba med par mthong ba yin la/ de ltar shar gyi lus 'phags po'i skyes bu rnams kyis kyang mun pa la gzugs mthong ba yin te/ phra ba dang / rags pa rnams dang / ji ltar mig gi yul du 'gro ba rnams so// gzhan yang rnal 'byor spyod pa lus la lus kyi rjes su lta zhing gnas te/ ji ltar 'dzam bu gling pa'i mi rnams kyi sgra nyan par byed pa ni sngar bzhin te/ de bzhin du shar gyi lus 'phags po rnams kyi ya yin nam/ ci ste ma yin zhes/ des thos pa las byung ba'i shes rab bam/ lha'i mig gis mthong nas rnam par lta bar byed de/ ji ltar 'dzam bu gling pa dang / byang gi sgra mi snyan pa'i mi rnams sgra nyan par byed pa de ltar shar gyi lus 'phags po de dag rnams ni yin te/ shar gyi lus 'phags po de dag ni mnga' ltung ba'i tshad tsam

  1233. 240b

    cig tu rna ba'i rnam shes pas sgral 'jug gi/ chos nyid kyi khyad par gyis lhag par sgra 'dzin pa ni ma yin no// gzhan yang rnal 'byor spyod pa mi'i gnas gsum gyi lus la lus kyi rjes su lta zhing gnas te/ ji ltar 'dzam bu gling pa rnams dang / byang gi sgra mi snyan pa'i mi rnams kyis sna'i rnam par shes pa dri la 'jug par 'gyur ba de bzhin du/ shar gyi/ lus 'phags po rnams kyi yang yin nam/ ci ste na ma yin zhes/ des thos pa las byung ba'i shes rab kyis sam/ lha'i mig gis mthong bar gyur pa/ shar gyi lus 'phags po'i mi rnams ni chos nyid kyi khyad par gyis nyin mo sna'i rnam par shes pas dri rnams snom par gyur ro/ / gzhan yang rnal 'byor spyod pa lus la lus kyi rjes su lta zhing gnas te/ ji ltar 'dzam bu gling pa rnams dang / byang gi sgra mi snyan pa'i mi rnams kyi lce'i rnam par shes pa kun tu 'jug par gyur pa de ltar shar gyi lus 'phags po'i mi rnams kyi lce'i rnam par shes pa kun nas 'jug pa yin nam ci/ des thos pa las byung ba'i shes rab kyis sam/ lha'i mig gi mthong bar gyur pa/ shar gyi lus 'phags po'i mi rnams ni sA lu ka'i zas gcig zos pas 'di dag rnams zhag gsum du lus 'tsho bar 'gyur ro/ / chos nyid kyi khyad par gyis de dag rnams la 'chi ba'i bar

  1234. 241a

    dund kyang med pa yin la/ dus gang gi tshe nyi ma ldan 'chi ba 'byung bar 'gyur ba de'i tshe na nad 'ongs pa yin no// gzhan yang rnal 'byor spyod pa lus la lus kyi rjes su lta zhing gnas te/ ji ltar 'dzam bu gling pa rnams dang / byang gi sgra mi snyan pa'i mi rnams kyi lus yin pa de kho na bzhin du/ shar gyi lus 'phags po'i mi rnams kyi yang yin nam ci/ des thos pa las byung ba'i shes rab kyis sam/ lha'i mig gis mthong bar gyuras/ shar gyi lus 'phags po'i mi rnams kyi lus nin+ya dron dang cha 'dra bar nye 'khor kun nas yongs su 'grib pa yin no/ / gzhan yang rnal 'byor spyod pa lus la lus kyi rjes su lta zhing gnas te/ mi'i gnas gsum po rnams yang dag par so sor brtags nas/ skyes bu'i gnas bzhi par gyur pa ba lang spyod ces bya ba la so sor kun nas rtog par byed de/ ji ltar ba lang spyod pa rnams kyi mig 'jug par gyur pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ ba lang spyod pa'i mi rnams ni nam mkha' med par yang mig gi rnam par shes pa 'jug pa yin te/ ris kyang sgrib par mi 'gyur te/ ji ltar 'dzam bu gling pa'i mi rnams kyis shel gyis bsgribs pa'i gzugs mthong bar 'gyur ba de bzhin du

  1235. 241b

    chos nyid kyi khyad par gyis ba lang spyod pa rnams kyis ris bsgribs pa'i gzugs kyang mthong bar 'gyur ro/ / gzhan yang rnal 'byor spyod pa lus la lus kyi rjes su lta zhing gnas/ te/ ji ltar 'dzam bu'i gling pa'i mi rnams dang / byang gi sgra mi snyan pa rnams dang / shar gyi lus 'phags po rnams kyi so sor rna ba'i rnam par shes pa rab tu 'jug pa de kho na bzhin du/ ra lang spyod pa'i mi rnams kyi yang yin nam ci/ des thos pa las byung ba'i shes rab kyis sam/ lha'i mig gis mthong bar gyur pa de ni mig nyid kyis thos pa yin te/ ji ltar 'dzam bu gling pa'i mi rnams kyi mig gis thos pa spru pa yin pa de bzhin du/ ba lang spyod pa'i mi rnams kyi mig nyid kyis thos pa yin zhing / ji ltar ris bsgribs pa'i gzugs rnams nyid mthong ba bzhin du sgra ris bsgribs par gyur pa yang thos pa yin te/ chos nyid kyi khyad par gyis yin no// gzhan yang rnal 'byor spyod pa lus la lus kyi rjes su lta zhing gnas te/ ji ltar 'dzam bu gling pa rnams dang / byang gi sgra mi snyan pa rnams dang / shar gyi lus 'phags po'i mi rnams kyi sna'i rnam par shes pa 'jug par 'gyur bas/ mi rnams kyi gnas gsum na mi la sogs pa rnams so sor tha dad par 'jug pa yin pa de kho na bzhin du/ ba lang spyod pa rnams kyi sa

  1236. 242a

    rnas par shes pa 'jug pa smin mA hA/ sa pas byung ba'i sh+ye sta kyis swA/ s+phA smrika gis sa myo ga gyur pa/ t og rnams sam/ gzhan yang rung ste/ dngos po mig gis mthong ba rnams des dri yang 'dzin par byed do// 'di lta ste/ chos nyid kyi khyad par gyis mthong ba dngos po rnams dri 'dzin par byed pa yin no/ / gzhan yang rnal 'byor spyod pa lus la lus kyi rjes su lta zhing gnas te/ ji ltar ba lang spyod pa rnams kyi lce'i rnam par shes pa 'jug pa yin nA/ des thos pa las byung ba'i shes kyis sam/ lha'i mig gis mthong bar gyur pa de dag na sA ma kA'i zas za ba dang / de ba sang gi 'o ma dang zho dang / dar ba rnams kyis rtag tu yang skom gyi bya ba byed de/ ji ltar 'dzam bu gling pa rnams bu chang dang / rgun chang dang / mngar chang dang / zan chang rnams yin pa de ltar ba lang spyod pa rnams kyi sa lang ki 'o ma dang / zho dang / dUr ba rnams yin no// ji ltar 'bras sha li yis thim par 'gyur ba de ltar ba lang spyod pa rnams swa ma kA siH tshim pa yin no/ / gzhan yang rnal 'byor spyod pa lus la lus kyi rjes su lta zhing gnas te/ ji ltar ba lang spyod pa rnams kyi lus yin na/ des thos pa las byung ba

  1237. 242b

    shes rab kyis sam/ lha'i mig gis mthong bar gyur pa dang / de ni ta la tsam du mtho bar gyur te/ rang gi las kyi yin pas ji ltar las rnams dang 'dra ba'i gzugs yin no/ / gzhan yang rnal 'byor spyod pas skyes bu'i gnas bzhin mtshungs shing 'dra bar gyur pa'i yid dang mtshungs shing / 'dra bar gyur pa'i skye ba dang mtshungs shing 'dra bar gyur pa'i rten rnams kyang phan tshun du bltas par gyur pa na/ des thos pa las byung ba'i shes rab kyis sam/ lha'i mig gis shes pas kyang skyes bu gcig kyang yod par ma mthong ngo / / skyes bu'i gnas bzhi pa rnams na gang dag phan tshun du mtshungs shing / 'dra bar gyur pa'i yid dang mtshungs shing / 'dra bar gyur pa'i skye ba dang mtshungs shing 'dra bar gyur pa'i rten rnams thams cad kyang 'dra ba/ thams cad 'dra bar gyur pa ma yin pa de ltar lus la lus kyi rjes su lta zhing gnas so// gzhan yang rnal 'byor spyod pa lus la lus kyi rjes su lta zhing gnas te/ ci skyes bu'i gnas bzhi po 'di dag rnams na skyes bu gang dag las kyi bgo skal la spyod pa dang / las bsten par byas par gyur pa ma yin pa gang yin pa'i skyes bu de ni gcig kyang ma mthong ngo / / dge ba 'am/ sdig par gyur pa yang rung ste/ las gang dag byed par 'gyur ba de dang de dag nyid kyi las/

  1238. 243a

    rnams kyi bgo skal la spyod par 'gyur ro// gang yang mdza' bo dang / mdza' bo ma yin pa dang / bar ma'i phung po rnams su ma gyur pa ni med do// ltar lus la lus kyi rjes su lta zhing rnal 'byor spyod pa gnas pa yin no// legs par byas pa'i las kyi mtha' rnams la spyad pa'i lha rnams kyi lus ni ji lta bu yin zhing ji ltar na lha rdzas kyi 'dod pa'i yon tan lnga la spyod par 'gyur zhing yang dag par ldan pas lha rnams gnas pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ rgyal po chen po bzhi'i rigs kyi lhar skyes pa'i sems can rnams lha rdzas kyi lha'i 'dod pa'i yon tan dang bcas shing yang dag par ldan pa rnams la 'di lta ste/ lha rnams kyi mig lha rdzas kyi gzugs rnams kyi tshim par mi 'gyur ba'i lha rdzas kyi gzugs phra ba dang rags pa rnams thams cad kyang lhan cig skyes pa'i lha'i mig gis dpag tshad stong phrag bcur mthong ngo / / gal te rdzu 'phrul byas nas mig 'khrul par gyur nas ni nges dpag tshad stong phrag rab tu mang po rnams rab tu mthong bar 'gyur ro/ / de ltar dge slong gi legs par byas pa'i las kyi mtha' rnams la spyod pa'i mthu stobs dang ldan pa'i lha rnams kyi nang nas/ rgyal chen

  1239. 243b

    bzhi'i ris kyi wa rnams kyi gang yin pa mthong ste/ de dag kyang 'dod pa dang dka' ba yid du 'ong ba mthong ngo // gzhan yang rnal 'byor spyod pa lus la lus kyi rjes su lta/ zhing gnas te/ ji ltar rgyal chen ris bzhi'i lha rnams kyi rna bas sgra thos pa yin na/ des thos pa las byung ba'i shes rab kyis sam/ lho'i mig gis mthong bar gyur pa/ lha rnams kyi sgra gang dang gang dag kho na thos pa de dang de dag rnams ni/ 'dod pa sdug pa yid du 'ong ba rnams thos pa yin te/ lhan cig skyes par gyur pa'i rna bas ni dpag tshad sum stong gi sgra rnams thos/ gal te rdzu 'phrul byas nas rna ba sprul par gyur na ni/ des dpag tshad stong phrag nyi shur thos par 'gyur te/ gang dag thos par gyur ba de dag rnams kyang 'dod pa sdug pa yid du 'ong ba rnams thos par 'gyur ro/ / gzhan yang rnal 'byor spyod pa lus la lus kyi rjes su lta zhing gnas te/ ji ltar rgyal chen ris bzhi'i lha rnams kyi snas dra snom par byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ rgyal chen ris bzhi'i lha rnams kyi sras ni dri dag dpag tshad nyis brgyar dri rnams sdom par byed do/ / gal te rdzu 'phrul byas te snga sprul par gyur na ni dpag tshad stong zag brgya'i bar du dza

  1240. 244a

    'dzin to/ / gzhan yang rnal 'byor spyod pa lus la lus kyi rjes su lta zhing gnas te/ ji ltar wa rnams kyi lce'i dbang po ros tshim par byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ rgyal chen ris bzhi'i lha rnams kyi lce'i dbang pos mig dman pa dang / yid du 'ong zhing yid du 'ong ba'i ro rnams kyi bde ba dang ldan pa yin te/ ro rnams ni ji ltar legs par byas pa'i las byas pa rnams kyi lha rnams so sor tshim pa med pa yin no// gzhan yang rnal 'byor spyod pa lus la lus kyi rjes su lta zhing gnas te/ phra ba dang / rags pa dang / myur ba nyid du yang gyur pa'i lha rnams kyi dpag nyid kyi dngos po'i lha rnams kyi lus ji lta bu yin no/ / des thos pa las byung ba'i shes rab kyis sam/ lha'i mig gis mthong bar gyur pa/ de pad+ma gcig nyid la lha lnga brgyar gnas par gyur na yang phan tshun lus kun tu thug par 'gyur ba dang gzer zug kyang 'byung bar mi 'gyur ba de srid du lus rnams shin tu phra bar gyur pa yin te/ gang gi phyir lha rnams kyi lha rdzas kyi gzi brjid yin pa'i phyir ro/ / dper na khang pa gcig gi nang du mar me lnga brgya legs par sbar bar gyur la/ 'on kyang mar me'i 'od rnams phan tshun du zug gzer du gyur

  1241. 244b

    pa ni med pa yin la/ kun tu reg par 'gyur ba yang ma yin no// de ltar lha rnams kyi gzhal yas khang gi mchog na gnas pa rnams la phan tshun du gnod zug med pa yin/ zhing / thug pa yang med pa yin no// gal te yang lha rnams rags pa'i lus sprul par byed na/ des dpag tshad brgya phrag mang po rnams su gyur pa'i gzugs byed pa dang / blta na sdug pa 'am/ blta na mi sdug pa'am/ 'jigs par byed pa 'am/ 'jigs par mi byed pa rnams kyang byed par 'gyur ro// gzhan yang rnal 'byor spyod pa lus laM lus kyi rjes su lta zhing gnas te/ wa rnams ji skar na mgyogs par 'gro ba yin na/ des zos pa las byung ba'i shes rab bam/ lha'i mig gis mthong bar gyur pa/ lha rnams kyang re zhig mgyogs par 'gro ba yin no// rdzu 'phrul byas par gyur na/ gang dag mig btsum tsam la yang dpag tshad brgya stong phrag mang po rnams su 'gro bar byed cing / slar yang 'ong bar 'gyur ba yin no// gang dang gang la lha rnams 'gro bar 'dod par gyur pa de dang de dag rnams nyid la kun tu thogs pa med par 'gro bar 'gyur ro/ / lha rnams 'dod pa gang dang gang dag don du gnyer bar gyur pa de dag rnams nyid de bzhin du 'dir phun sum tshogs par 'gyur te/ thob pa rnams ni gzhan gyis phrogs par

  1242. 245a

    mi nus pa dang / dbang du gyur pa yang yin no// thob par rang gi don rnams la phyis yang 'di dag rnams gzhan dag 'ga' zhig la 'jigs par 'gyur ba yang ma yin no/ / mtho 'tsham pa yang med do// rang gi yul ljil rdzas rnams kyis nyin dang mtshan du 'phel byed do// legs par byas pa'i las byas pa na ni 'dod pa'i yon tan lnga 'byor cing rdzogs par rab tu ldan par gyur pa yin te/ de dag rnams ni thams cad du 'gyur ba yin no// de ltar rnal 'byor spyod pa lus la lus kyi rjes su lta zhing gnas so/ / gzhan yang rnal 'byor spyod pa lus la lus kyi rjes su lta zhing gnas te/ ji ltar sum cu rtsa gsum pa'i lha rnams kyi lus yin zhing yul rnams la yang ji ltar 'jug pa yin na/ des thos pa las byung ba'i shes rab bam/ lha'i mig gis mthong bar gyur pa/ ji ltar rgyal chen bzhi'i lha rnams kyi yul gyi bde ba de dag rnams las sum cu rtsa gsum pa'i lha rnams kyi 'dod par gyur pa'i sgra dang / reka bya dang / ro dang / gzugs dang / dri rnams ni stong 'gyur du gyur pa yin no// de ci'i phyir zhes rgyal chen ris bzhi'i lha rnams kyi drung na sum cu rtsa gsum pa rnams kyi ni shin tu 'dod par gyur pa dang / shin tu phal che ba dang / rab tu dga' bar gyur pa dang / mchog tu

  1243. 245b

    yid du 'ong ba dang / khyang bur phags pa'i las rnams sum cu rtsa gsum pa'i lhas byas pa'i phyir ro// de ci'i phyir zhe na/ sum cu rtsa gsum pa'i lha rnams ni legs par byas pa phul du byung ba yin pa'i phyir na/ rgyal chen ris bzhi pa rnams kyi ni sum cu rtsa gsum gyi lha rnams kyi bde ba'i dbang du byas nas mnyam par byas pa yang sa yin no/ de ltar rnal 'byor spyod pa zhib mor lus la lus kyi rjes su lta zhing gnas pa yin no// gzhan yang rnal 'byor spyod pa lus la lus kyi rjes su lta zhing gnas te/ ji ltar dmus ba pa'i skye bo rnams kyi lus yin na/ yang so sa dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tshab dang / mnar med pa dang / dmyal ba chen po rnams des thos pa las byung ba'i shes rab kyis sam/ lha'i mig gis mthong bar gyur pa mi 'dod pa dang / mi sdug pa dang / yid du mi 'ong bar gyur pa'i las rnam pa gsum po lus kyis dang / ngag gis dang / yid kyis byas shing bsags pas dmyal ba rnams su skye bar 'gyur ro// gang gi phyir byas shing b.lags pa'i ches par byas pa'i las rnams sa myong gi bar du 'grel par 'gyur ba ni med do// desar rnal 'byor spyod pa lus lo lus kyi rjes su

  1244. 246a

    zhing gnas pa na/ las gang dag gis dmyal ba 'di dag rnams gang du rgyu bar 'gyur ba sang nas thos pa las byung ba'i shes rabya 'am/ 'i min nas mthong bar gyur pa/ srog gcod pa shin tu bsten cing bsgoms la lan mang du byas par gyur pas ni/ dmyal ba yang sos su skye bar 'gyur ro// srog gcod pa dang ma byin par len pa yang shin tu bsten cing bsgoms la lan mang du byas par gyur pa'i nyis 'gyur gyi las rnams kyis thig nag tu skye bar 'gyur ro/ / srog gcod pa dang / ma byin par len pa dang / 'dod pas log par g.yem pa rnams shin tu bstan cing bsgoms la lan mang du byas par gyur pas ni/ dmyal ba chen po bsdus 'joms su skye bar 'gyur ro/ / srog gcod pa dang / ma byin pa len pa dang / 'dod pa la log par spyod pa dang / brdzun du smra ba rnams shin tu bsten cing bsgoms la lan mang du byas par gyur pa ni ngu 'bod du skye bar gyuraro/ / srog gcod pa dang / ma byin par len pa dang / 'dod pa log par spyod pa dang / brdzun du smra ba dang / 'bru dang bcos pa'i chang sdom pa 'dzin pa la som du byin par gyur na ngu'abong chen por skye bar 'gyur ro/ / srog gcod pa dang / ma byin par len pa dang / 'dod pa log par g.yam pa dang

  1245. 246b

    dzun su sum dang / 'bru bcos pa'i chang thos pa bzung ba la smos du byin par gyur pa dang / mig par sgrub can dugyur na rtsa ba'i dkyus brten pa smra bar 'gyu/ gcod pa dang / ma byin par len pa dang / 'dod pa log par spyad pa dang / brdzun du lba ba dang / 'bru dang bcos pa'i chang sem pa 'dzin pa la 'byung du bcug panas dang / log par lta ba dang / sdom pa 'dzin pa'i dge slong ma dang / dge slong yang rung / sun phyung bar gyur pas ni rab tu tsha ba'i dmyal ba chen por skye bar 'gyur ro dmyal ba chen po kun nas 'grub par 'gyur ba'i las lngas mnar med par skye bar 'gyur ba ni 'di ltar/ pa dang / ma dang / dgra bcom pa rnams srog gcod par byed pa dang / dge 'dun 'byed par byed pa dang / sangs rgyas bcom ldan 'das la ngan sems kyis khrag 'byin par byed pa dang / las de rnams kyis mnar med pa'i dmyal ba chen por skye bar 'gyur ro/ / des dmyal ba pa rnams kyi las kyi rnam par smin pa rnams la bsams nas sems can rnams la rjes su snying brtse bar byed do// gzhan yang rnal 'byor spyod pa lus la lus kyi rjes su lta zhing gnas te/ des yi dgas kyi 'gro bar gtogs pa'i sems can rnams ji ltar mthong ba yin zhe na/ gzhan yang

  1246. 247a

    rnal 'byor spyod pa lus la lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong bar gyur pa ser sna rnam pa du mas skyes pa'i yi dgas rnams dpag tshad lnga brgya'i sa'i 'og nyid du skyes par gyur pa rnams la rnam pa du mar yang zas med pa/ shin tu sme bar gyur pa/ baphan tshun du zas su gyur pa/ ltogs pa dang skom pas nyam thag pas shin tu sdug bsngal bar gyur pa rnams me'i char 'bab pas sreg par byed pa rnams ni las ji lta ba bzhin// du nye bar 'gro ba dang / las kyi bgo skal la spyod pa dang / las kyi skye gnas pa rnams yin te/ shin tu yang sdug bsngal bar gyur pa'i yi dgas de dag rnams mthong nas// gzhan yang rnal 'byor spyod pa lus la lus kyi rjes su lta zhing gnas pa na/ des dud 'gro'i 'gro bar gtogs pa rnams la kun tu lta bar byed do// des thos pa las byung ba'i shes rab kyis sam/ lha'i mig gis mthong bar gyur pa la/ rnam pa du mar gyur pa rnams mthong ba yin no// mdor bsdu na gnas gsum na rgyu ba rnams 'di lta / tshul rgyu bar byed pa rnams ni nya la sogs pa'o// zang la rgyu bar byed pa rnams ni glang po che dang / rta dang / ba lang dang / ma he sha dang / ri dgas dang / phag pa la

  1247. 247b

    sogs pa rnams so/ / nam mkha' la rgyu ba rnams kyang rnam pa du ma'o// gzhan yang rnam 'byor spyod pa lus la lus kyi rjes su lta zhing gnas par byed pa na/ mdzod ba thos pa las byung ba'i shes rab kyis som/ lha'i mig gis ji ltar skye gnas bzhi las skye ba'i dud 'gro rnams mthong ba yin zhe na/ des thos pa las byung ba'i shes rab bam/ lha'i mig gis skye gnas bzhi las skye bar gyur pa'i dud 'gro rnams mthong ste/ mangs las skye ba ni phag pa dang / ba lang dang / ma he sha dang / glang po che dang / rta la sogs pa rnams so// sgo nga las skye ba ni sprul dang / ngang pa dang / bya lA ba ka dang / khyim bya dang / bya rog la sogs pa rnams so// drod gsher las skyes pa ni shig dang / 'dre shig pa la sogs pa rnams so// rdzus te skye ba ni phal cher gdong rings kyi klu la sogs pa rnams so// des dud 'gro rnams gang yin pa yang dag pa ji lta ba bzhin du mthong ngo / / de la gnas skabs gsum po thams cad na yang 'dod pa dang yid du 'ong ba rnams tha dad du 'gyur ba dang / med par 'gyur ba dang / 'bral bar 'gyur ba dang / 'byes par 'gyur ba rnams su gang dag mi 'gyur ba'am/ gang la srog chags rnams thams cad kyis kyang lhan cig tu

  1248. 248a

    mdza' bo dang mi mdza' ba dang / bar ma'i phung po rnams thams cad rnam par bzhag pas byas par ma gyur pa 'am/ gang la yang 'chi 'pho ba dang skye bar 'gyur ba rnams byas shing / byas par ma gyur pa ni dmyal ba'i gnas rnams dang / yi dgas kyi gnas rnams dang / dud 'gro'i gnas rnams dang / gnas kyis bsdus pa rnams na cung zad kyang med do/ / dge slong dag 'khor ba 'di ni 'dod par bya ba ma yin zhing / ji srid du dga' ba ma yin pa de ltar yid du 'ong ba ma yin te/ de ltar mi mthun pa dang / de lta de ltar slu ba dang / de ltar rab tu 'jig pa'i chos can dang / de ltar sems can rnams thams cad ni thun mong ma yin par sdug bsngal bar gyur pa yin no/ / de'i phyir dge slong dag 'khor ba'i gnas la 'dod chags dang bral bar gyis shig/ don med par slu ba/ rnam par 'jig pa'i chos can/ mi rtag pa sdug bsngal ba/ mun nug tu byed pa/ mnog chung ba 'di dag las shin tu myur bar rnam par 'grol bar gyis shig/ de ltar nA la ta'i grong ki zam ze dang / khyim bdag rnams dang / dge slong rnams kyang nang gi bdag nyid kyi lus kyi phyi rol gyi lus kyang yang dag pa nyid du rnal 'byor spyod pas mthong nas lus la lus kyi rjes su

  1249. 248b

    zhing gnas so/ / yang ji ltar na nA la ta'i grong gi bram ze dang / khyim bdag dang / dge slong rnams kyang nang gi bdag nyid kyi lus la lus kyi rjes su lta zhing gnas pa yin na/ 'di na yang dag pa ji lta ba bzhin du gyur pa'i nang gi bdag nyid kyi lus las/ yang gang dag lus kyi nang du zhu bar gyur pa'i mi gtsang ba'i yan lag rnams la yang dag pa ji lta ba bzhin du mthong zhing / rnam par spyod la so sor rtog par byed pas lan cig ma yin/ lan cig ma yin par mgo bo nas/ ji srid du rkang pa'i bar du lus la lus kyi rjes su lta zhing gnas par byed do/ / rnal 'byor spyod pa de dang po kho nar so sor rtog par byed pa na/ de thos pa las byung ba'i shes rab ba mA/ lha'i mig gis mthong bar gyur pa/ thod pa'i srubs bzhir gyur pa'i rus pa'i mgo bo glang por gyi dum bu bzhi'i yin zhing / de srin bu kun tu rgyu ba yin te/ de'i rigs can du gyur pa rnams zas glad phor la rgyu ba yin la/ gnyis pa glang bor la rgyu ba zhes bya ba'i srin ni klad pa za bar byed pa ste/ de la yang so sor gnas pa dang / de'i rigs can dang / klad pa za bar byed pa yin no// gang glang por gyi rus pa'i gseb na 'gro ba'i srin rnams ni mgo'i glang por gyi gseb na so sor gnas so// de'i rigs can

  1250. 249a

    dang / de'i zas su gyur pa yang yin no// sgyu za ba zhes bya ba'i srin ni klung bor gyi phyi rol na yod de/ des sku lo'i rtsa ba'i zas can de zas phal che bar gyur na ni mgo bo sgra rjen du 'gyur ro/ / rna ba la spyod pa zhes bya ba'i srin ni rna ba gnyis kyi nang na so sor gnas te/ de las skyes shing zas kyang yin la/ de khros par gyur na ni/ rnarno ba gzer ba dang nang du 'gyur ro// snabs la 'jug pa zhes bya ba'i srin ni sna bug na gnas te/ de las skyes pa dang zas kyang de yin la/ de khros na ni gang dag zos pa dang / 'thungs pa dang / 'chos pa dang / myangs pa rnams za bar byed do// de nga'i sna 'di las klad rgyas las 'phos nas za bar byed de/ de'i skyon gyis bdag gi dang ka mi bde bar 'gyur ro/ / tshil gyi nang na spyod pa zhes bya ba'i srin ni nga'i mgo la gnas te/ de las skyes shing de za bar byed pa de khros par gyur na ni mgo la lhang kyog 'ong ngo // tshigs kyi gseb na rgyu ba zhes bya ba'i srin ni nga'i lus las so sor gnas te 'gram pa'i bar na dang / de las skyes pa dang / de za bar yang byed la/ de rna ba'i phyi rol gyi khar rnams kun tu 'gro bar byed do/ / de khros nas za bar gyur mi khab kyis bzhin du 'bigs par byed do// lud pa za ba zhes bya ba'i srin ni zas kyi ro rnams 'bab pa'i

  1251. 249b

    sbubs dang / lce'i rtsa ba na gnas te/ de las skyes pa dang / de za bar byed pa dang / de khros par gyur na ni bdag gi kha skam par 'gyur ro// so rnams kyi rtsa ba na srin po ser gnas te/ so'i rtsa ba za bar byed pa zhes bya ba gang yin pa khros par gyur na ni so gzer bar 'gyur ro// de ltar nang gi bdag nyid kyi lus la lus kyi rjes su lta zhing rnal 'byor spyod pa gnas pa yin no/ / bdag gi mgo bo la srin bu'i rigs bcug nas so// gzhan yang rnal 'byor spyod pa mgo bo'i rus pa dang / sha dang / nang gi bdag nyid so so rnams kyi lus la lus kyi rjes su lta zhing gnas te/ mgo bo'i rus pa dang / sha rnams kyang ji tsam zhing yod pa yang des thos pa las byung ba'i shes rab bam lha'i mig gis mthong bar gyur pa/ mgo'i glang por ni dum bu bzhi'o// mkhrur chos kyi ldan rus pa ni gsum mo// og sgo'i rus pa ni gcig go// so'i rtsa ba'i rus pa rnams ni sum cu rtsa gnyis so/ / de ltar yang nga'i rkan gyi rus pa ni gnyis so// mdzad pa'i rus pa rnams ni bco lnga'o// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag nyid kyi mgo bo la sha yod pa dang / mgo bo'i sha zas rnams kyi 'phel ba ni ji tsam zhig yin

  1252. 250a

    na/ des thos pa las byung ba'i shes rab kyis sam/ lha'i mig gis mthong bar gyur pa/ bdag gi glang phor la ni sha'i dum bu bzhi'o// 'gram la gnyis so/ / thod pa dag gi bar na ni gcig go// mgrin pa dang / sna dang / lce rnams la dum bu re re'o// mchu gnyis la ni dum bu gnyis so// rna ba'i bkrus pa'i leb ma'i dum bu gnyis te/ sha'i gong bu de dag rnams dang nye bar ldan zhing bdag gi zas kyi dbang gis nye bar 'phel ba dang / phyir zhing rgyas pa dang / shin tu rgyas par yang 'gyur ro/ / gzhan yang srin gyi rigs bcus mgrin pa drug par byed pa rnams ni 'di lta ste/ zas su kha'i ljan ljin rnams za bar byed pa dang / mchis ma 'byung bar byed pa dang / skyug par byed pa ni khu ba 'grim pa'i rtsa chu'i nang rnams la rgyu bar byed pa yin no// mngar myos kyi myos pa dang / rab tu myos pa dang / ro drug la sred pa dang / gyur gyur ra ba dang / ro la rab tu sdang ba dang / nyal ba la shin tu dga' ba dang / sbom po dang rnams so// de la dge slong dag rnal 'byor spyod pa lus la lus kyi rjes su lta bar byed de/ nga'i srin bu dag gis lus 'di yul phyogs gang dag tu nang du gyur pa 'am/ nad med par gyur pa las ci dag byed pa yin

  1253. 250b

    des thos pa las byung ba'i shes rab dag gis sam/ lha'i mig gis mthong bar gyur pa// kha chu ba bar byed pa'i srin bu ni mgrin pa'i yul phyogs dang po na rab tu gnas/ te/ de bdag gis zas so rang thag gis phye mar brnal nas 'og tu gsus par rab tu ltung bar gyur pa na/ skad cig la skyug par byed pa dang 'dra bar ldan ldan rnams kyis g.yogs pa yin pas de grang rgyas las rab tu 'bab par 'gyur ro/ / snabs de dang de dag rnams kun tu g.yogs par gyur pa'i lhun ldan dang 'dres pa med par byed do// des kyang rgyas par gyur nas/ gal te na shin tu sgom par song bar gyur na ni/ des bdag pa da kan gyis lu bar byed do// snum pa shin tu mngar mo gyur pa dang / shin tu mngar ba dang / shin tu sgyur ba ma yin pa dang / shin tu bsil ba'i zas rnams kyis mgrin pa'i yul phyogs su skye bar 'gyur ro// gzhan yang rnal 'byor spyod pa lus la lus kyi rjes su lta zhing gnas te/ mchil mA la 'byung bar byed pa'i srin gyis bdag gi lus so gsod par byed pa 'am/ so ma gsod par byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ mchil ma 'byung bar byed pa'i srin ni nga'i mgrin pa'i gseb na so sor gnas/ de gal te rang bzhin du gyur na

  1254. 251a

    de'i tshe sngar bshad pa'i nga'i zas rnams skyug drug tu mi 'gyur ro/ / yang dag par bde bar gyur pas kyang khu ba rgyu ba'i rgyun bcur mngon par 'bab bo// dper na 'di ni bad kan che bar gyur na nad med par mi 'gyur ro// srin gyi bad kan chu skyugs sam snying la ldag par byed do// gzhan yang rnal 'byor spyod pa lus la lus kyi rjes su lta zhing gnas te/ des thos pa las byung ba'i shes rab bam/ lha'i mig gis mthong bar gyur pa/ skyug byed ces bya ba'i srin bus bdag la rang bzhin du gnas pa 'am rang bzhin du mi gnas par ci zhig byed pa yin zhing / zas kyang ci dag gis nga'i lus la so sor gnas pa yin na/ rab tu skyugs byed ni khu ba rgyu ba bcu'i rgyun nang du zhugs par gyur nas mgrin pa'i sbubs kyi yul phyogs su rgyun las skad cig nyid la steng du 'phos nas 'byung bar byed do/ / zos pa na yang rung ste des bdag la skyug par byed pa rnam pa lnga skyed par byed de/ rlung dang / mkhris pa dang / bad kan dang / 'dus pa dang / sbrang bus byas pa rnams so// ci ste rang gi gnas par gyur na sngar bshad pa'i gsus pa'i zhabs su babs nas bdag gi zas rnams legs par 'gyur ba dang / de ni mchil ma'i zas can yang yin no// rab tu skyug par byed pa'i srin gyis ji ltar rlung gis skyug

  1255. 251b

    par byed pa yin na/ des thos pa las byung ba'i shes rab kyis sam/ sku'i mig gis mthong bar gyu rab/ gas te yang ba dang / bsil ba dang / rtsub pa dang / d+hun cung zad bsdams pa dang / gnyid ma log pa las bdag la 'byung bar 'gyur ro// de nga'i mgul ba'i sbu gu la rab tu zhugs pas rlung 'byung ba yin te/ nga'i srin rab tu skyeg byed gnas las 'pho bar 'gyur ba'i skyon gang yin pas bdag la rlung gi skyug pa 'byung bar 'gyur ro/ / gzhan yang rnal 'byor spyod pa lus la lus kyi rjes su lta zhing gnas te ji ltar nga'i srin rab tu skyug byed kyi mkhris pas skyug par byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ tsha ba dang dro ba dang / lan tshwa ngong / 'gyur byed kyi tshwa dang ldan pa'i zas gang gi tshe mang du zos par gyur na bdag gi dro ba la sogs pa de dag gi skyon de dag gis stug byed kyi srin mtho tsam bar gyur nas gnas las steng du gyur pas/ des bdag ma bris pa'i skyug pa skyed par 'gyur ro// gzhan yang rnal 'byor spyod pa lus la lus kyi rjes su lta zhing gnas te/ ji ltar bang kan gyis rab tu sdug par byed pa yin na/ des thos pa las byung ba'i shes rab bam/ lha'i mig gis mthong bar gyur pa/ mngar bar gyur pa dang / bsil ba dang

  1256. 252a

    ba dang / sdum pa dang / 'jam pa dang / nyin mtshan du nyal ba rjes su sten pa las/ bad kan rab tu 'khrug par gyur la/ des nga'i smyug byed kyis srin shin tu 'tsho bar gyur nas/ des nga'i mgrin par nad byed par 'gyur ba dang / skyug par yang byed do// de las bdag la bad kan gyi skyug pa skyed par 'gyur ro// gzhan yang rnal 'byor spyod pa lus la lus kyi rjes su lta zhing gnas te/ ji ltar bdag gi srin rab tu skyug byed kyis 'dus pa'i skyug par byed pa yin na/ des thos pa las byung ba'i shes rab ba ma/ lha'i mig gis mthong bar gyur pa/ yang ba dang / bsil ba dang / rtsub pa dang / tsha ba dang / sgyur ba dang / lan tshwa dang / 'jam pa dang / grang ba dang / mngar ba dang / snum pa rnams shin tu bstan par gyur pa bdag gi spun rab tu spyug byed kyis mgul ba'i yul du rnam par 'joms par byed do// des skyon gsum gyis pa dag skyug par byed do// gzhan yang rnal 'byor spyod pa lus la lus kyi rjes su lta zhing gnas te/ ji ltar bdag la sbrang bus byas pa'i skyug par gyur pa sdug byed kyi srin gyis bying pa yin na/ des thos pa las nga@mthong bar gyurasdang ba'i drug pa'i skyon gyis rab tu byug

  1257. 252b

    byed kyi srin mgul ba'i yul du g.yo bar 'gyur ro/ / de'i skyon gyis bdag la skyug pa skye bar 'gyur ro// gzhan yang rnal 'byor spyod pa lus la lus kyi rjes su lta zhing gnas thos pa las byung ba'i shes rab dag gis sam/ lha'i mig gis de mthong bar gyur pa/ nga'i srin mngar myos ni lce'i rtse mo nas kun la rgyu bar byed cing / ji srid du srog rgyu ba'i rtsa'i nang na kun rgyu gnas so/ / shin tu phra ba dang / rkang pa med pa dang / sre bar gyur pa yin no// gal te bdag 'dod par gyur pa'i zas rnams za bar gyur na/ bdag 'dod par gyur pa'i zas des srin mngar myos dga' bar 'gyur la/ mi 'dod pa rnams kyis ni rgud par 'gyur ro// de'i zas rnams ni ji lta ji ltar me tog gi nang du rgyu/ bar gyur pa'i bung ba rnams shin tu phra bar gyur pa'i rtsi rnams 'thung bar byed pa yin no// de bzhin du mngar myos kyi srin yang zas rnams las shin tu phra bar gyur pa'i zas rnams kyi rangs pa yin la/ de dag gis kyang 'di tshim par 'gyur ro// yang zas gang dag la mngar myos kyi srin kun tu myang bar byed pa de kho na la yang myang bar byed pa yin no// yang zas gang dag la srin dang par gyur pa'i zas de dang de dag rnams la bdag kyang dad par 'gyur ba yin no// gal te yang bdag zas za bar mi byed na nga'i srin mngar myos de

  1258. 253a

    nad par 'gyur ro/ / mi dga' bar gyur pa'i rigs can gyi srin mngar myos de la so sor rtog par byed pa yin no// bdag gi sprin rab myos kyis kyang rang bzhin du gnas pa 'am/ rang bzhin du mi gnas pa ji tsam zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ rab myos kyi srin ni mig phor gnyis kyi rtse mo la rab tu gnas so// gal te yang ltag tshig pa la 'gro bar byed na ni des bdag khro ba skye bar 'gyur ba 'am/ mi dga' yang byed do/ / mgul ba la sha skye ba dang / mgul pa la yang grog ma bzhin du zhugs nas dbang phyug tu yang byed do// gal te yang rang gi gnas na gnas par gyur na ni// des nad de dag rnams 'byung bar mi 'gyur ro// des rab myos kyi srin la so sor brtags par gyur nas/ ro drug la shin tu sred par gyur pa'i srin la so sor rtog par byed do/ / gzhan yang rnal 'byor spyod pa lus la lus kyi rjes su lta zhing gnas te/ skyes bu zhen par byed pa'i srin gyi rang bzhin du gnas pa 'am/ rang bzhin du mi gnas pab ci zhig byed pa yin na/ des thos pa las byung ba'i shes rab bam/ lha'i mig gis mthong bar gyur pa/ ro drug la zhen cing sred pa zhes bya ba'i srin rnams gang dag

  1259. 253b

    na la mngon par sred par gyur pa'i ro de dang de dag rnams kho na la bdag kyang dad par 'gyur ba yin no/ / ro gang dang gang gi rang bzhin la ro drug la mngon par sred pa'i srin rnams 'dod par mi 'gyur ba'i ro de dang de dag rnams la bdag kyang mngon par sred par mi 'gyur ro/ / yang grang gi tshe bdag tshad rims kyis bdag btab par gyur pa na/ de'i tshe bdag gi srin ches snga bar tshad rim kyi zil gyis mnan par 'gyur ro/ / skyon de dag gis bdag zas snying du mi sdug pa nyid du 'gyur ro// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ g+hur gyur kau zhes bya ba'i srin nga'i mig phor gnyis kyi 'og tu gyur pa na rab tu gnas pa yin zhing / des thos pa las byung ba'i shes rab bam/ lha'i mig gis mthong bar gyur pa/ gal te gyur gyur ka ra ba tu khros par gyur na des bdag gi mgo bo gang du gnas par bya bar byed do// mig phor dang mgul par lhang kyog 'byung ba dang / mgrin par 'thog pa dang / rlung gis kyang bdag gi mgrin pa'i yul du lhags par 'gyur ro// des bdag la 'chi ba tsam/ du sdug bsngal skyed par byed do// glur gyur ka'i srin dang mgul pa na gnas pa'i srin rnams thams cad lhan cig tu 'gal bar 'gyur ro// yang gang gi tshe 'gal bar gyur pa

  1260. 254a

    de'i tshe na nad de dag rnams 'byung bar 'gyur ro/ / g+hur gyur srin ni rtag tu mchil mas g.yogs par 'gyur ba dang / srin 'di dag ni kha dang rkang 'thung bar gyur pa yin no/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par gyur pa na/ des thos pa las byung ba'i shes rab/ kyis sam/ lha'i mig gis mthong bar gyur pa la/ ro la rab tu dang ba zhes bya ba'i srin mgo bo'i mgul pa'i gzhi dang mig phor gnyis la rab tu gnas so// des bdag la rang bzhin du gnas pa 'am/ rang bzhin du mi gnas pa ci zhig byed pa yin na/ ro la rab tu sdang ba zhes bya ba'i srin ni ro gcig 'dod pa yin gyi/ ro gcig lhag ma rnams la ni rab tu sdang ba yin mo/ / de yang na mngar ba 'dod par gyur na ni ro lhag ma rnams la rab tu sdung bar 'gyur ro// de yang sgyur ba 'dod na ni ro lhag ma rnams la rab tu sdang bar 'gyur ba yin no/ / de yang na tsha ba 'dod par gyur na ni ro lhag ma rnams la rab tu sdang bar 'gyur ro// de yang na lan tshwa 'dod par gyur na ni ro lhag ma rnams la rab tu snang bar 'gyur ro// deyang na kha ba 'dod par gyur na ni ro lhag ma rnams la rab tu spang bar 'gyur ro// rab tu sdang bar gyur pa'i srin ro rnams gang rang gang dag mngon par mi 'dod pa de dang de

  1261. 254b

    dag rnams nyid dngang yang mi 'dod pa yin no/ / ro rgyu ba zhes bya ba bdag gi lce'i rtse mo'i sbubs la ro snang ba'i rjes su 'thun pas de 'byung bas de 'byung ste/ bdag gi lce'i rtsa mo skam par 'gyur/ bdag gi lce yang de khros par gyur na 'bram zer du byed pa dang lci bar 'gyur ro// mgul pa zil gyis gnon par gyur na ni ma khros pa yin no// khros bapar ma gyur na ni ji skad du bshad pa'i nad de dag rnams mi 'byung ngo / / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab bam/ lha'i mig gis mthong bar gyur pa ni/ nyal ba la dga' ba zhes bya ba'i nga'i srin phra bar gyur pa nyi zer gyi rdul gyi tshad tsam yin no/ / thams cad kyi ma zhugs pa gang yin pa'i rgyun rnams su de mngon par rgyug par byed pa yin te/ gA nad dang lbu ba'i gse ba rnams dang / sha'i gong bu'i gse ba rnams dang / mgo bo'i glang por gyi gse ba rnams dang / 'gram pa'i rus pa'i gse pa rnams dang / so'i rtsa ba'i gso ba rnams dang / mgul ba'i gse rnams dang mgrin pa'i sbu gu'i gseb rnams dang / rna ba'i gse ba rnams dang / mig gi gse ba rnams dang / sna'i gse ba rnams dang / sgra dang kha spu'i gse ba rnams su

  1262. 255a

    rlung bzhin rgyu bar byed do/ / rgal ba la dga' ba'i srin de gang gi tshe nyin mo nang par 'gyur ba dang ngas par snang 'gyur ro// de mtshan mo snying gi rtsa ba la kun tu dbyar bar 'gyur ro/ / de snying ka pad+ma'i dbyibs de ni nyin mo 'byung ba yin no// mtshan mo ni 'gum par 'gyur te/ nyi ma'i 'od zer med pa'i phyir ro// de'i tshe nA snying la kun tu zhum par 'gyur ro/ / de la snying gi pad+ma'i dbyibs 'khums par 'gyur ro// des kyang bdag sred pa med par 'gyur ro// dus gang gi tshe nyal ba la dga' ba'i srin mi brtson par gyur pa na/ dus de'i tshe rang gi yul rnams la dbang po rnams dub par gyur nas ngal ba so bar byed do// de srog chags de dag rnams thams cad gnyid du 'gyur ro// gal/ te yang nyin mo yang chad par 'gyur ro// nyal ba la dga' bar gyur pa'i srin yang dag pa ji lta ba bzhin so sor rtog cing gnas so// gzhan yang rnal 'byor spyod pa pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab dag gis sam/ lha'i mig gis mthong bar gyur pa la/ srin sbom po zhes bya ba nga'i lus la rab tu gnas pa yin te/ mgo bo dang / mgrin pa'i yang khrag gi nang du rgyu bar byed pa dang / tshil rnams kyi gseb tu rgyu bar byed pa yin pas

  1263. 255b

    gang dang gang la za bar gyur nas/ nga'i khrag rnams 'thung bar byed pa na/ de dang de dag nyid rnams su bdag spungs par 'gyur ba dang / rko glog tu yang byed de/ nga'i kha'i zo yul lam sgra'i tho yul lam/ lhag tshig kyi yul gzhan rnams la yang rung ngo // gal te yang rgyu bar mi byed na ni rgyas pa'i gseb tu gnas par 'gyur zhing / des ji skad du bshad pa'i nad de dang de dag rnams 'byung bar mi 'gyur ro/ / gang yang nA la ta'i grong gi bram ze dang khyim bdag 'di dag rnams nyid dang / rnal 'byor spyod pa'i dge slong rnams kyang rung ste/ ji srid du lus la nye bar 'jug pa'i srin bu'i rigs su gyur pa rnams mgrin par 'jug pa rnams dang / lce la zhugs pa rnams dang / lhag tshogs la zhugs pa rnams dang / ba spu'i khung bur zhugs pa rnams dang / bad kan la zhug pa rnams dang / rus pa la zhugs pa rnams dang / khrag gi gseb tu zhugs pa rnams dang / rgyus pa'i gseb tu zhugs pa rnams kyang yang dag pa ji lta ba bzhin du mthong ngo / / rnam par shes pa 'gyur ro// lcer gtogs pa rnams ror gyur pa rnams la 'dod chags dang thal bar 'gyur ro/ / 'di'i ro la sreg pa yang 'byung ba can gyi sred pa rnams rab tu 'jom par 'gyur ro// kun dga' bo 'di ni sred pa'i kun du sbyor bas bcings par gyur pa'i

  1264. 256a

    sems can rnams kyi ro'i rgya mtsho yin pas/ de dag rnams las 'di 'dod chags dang bral bar 'gyur ro// de 'dod chags dang bral bar gyur pas de zas su gyur pa'i sred pa dag gis mi 'ching ngo / / sbyin pa po dang sbyin bdag rnams kyi khyim dag tu rgyu bar mi byed cing / zhabs 'bring bar mi 'gyur ro// nor dang nye bar mkho ba rnams rab tu phal che ba ma yin no/ / nas srin gyi thug pa tsam gyi zas kyis kyang chog shes par 'gyur ro// rnyed pa dang bkur sti'i rgyus gzhan dag rnams la rab tu zhe sdang bar mi byed do/ / tshogs 'dus pa 'du bar byed pa la mngon par dga' ba ma yin no// rgyags pa'i gtsug lag khang dang / kun dga' ra ba rnams ma yin no// lus rgyags pas rgyags par mi 'gyur ro// gzugs kyi rgyags pas rgyags pa ma yin no// gos kyi rgyags pa ma yin no// lhung bzed kyi rgyags pa ma yin no// chos gos kyi rgyags pa ma yin no/ / phyi bzhin 'brang ba'i dge sbyong yongs su 'dzin pas rgyags pa ma yin no// grong du 'jug pa'i rgyugs pas ma yin no// nye 'brel lta bas rgyags pa ma yin no/ / gcig pur gyur pa dang / 'dod pa la mi brkam pa dang / rnyog pa med pa dang / sdig pa rnams bcom par gyur pa ni dge sbyong gi yul la rab tu

  1265. 256b

    gnas pa yin no/ / mya ngan las 'das pa'i mtha' la rab tu gnas so// de'i phyir na ro'i rgyu mtshos gang dag khrid par gyur pa de dag rnams dang / gang dag ro'i rgya mtshos mngon par sred par gyur pa rnams ni bdud kyi drung na rab tu gnas so/ / mya ngan las 'das pa las ring bar gyur nas gnas pa yin no// de'i phyir na/ lus la gnas pa'i srin rnams bsgom par gyur nas/ ro rnams las rnal 'byor spyod pa 'dod chags dang thal lo// 'dod chags dang bral ba de zas kyis kun tu 'khrid pa ma yin no// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas nas/ rgyab la so sor rtog par byed pa na/ des thos pa las byung ba'i shes rab bam/ lha'i mig gis yang dag pa ji lta ba bzhin du mthong bar gyur pa/ rgyab tu gyur pa'i rus pa rnams ni lnga bcu rtsa bzhi'o// brang gi ni bcu bzhi'o// 'dus pa'i bcu gnyis so// / loyogs gcig la ni bcu gnyis so// logs gcig la ji tsam pa gnyis pa la yang de tsam kho na'o// thang ba yang ji tsam pa de tsam pa ste/ rus pa'i gong bu rnams slar yang rus pa'i phung po'i lus su byas nas/ nang bdag nyid kyi lus la lu skyi rjes su lta zhing gnas so// mgrin pa nas bzung nas ji srid du phongs kyi bar du so sor rtog par byed pa/

  1266. 257a

    sha'i dus bu ji tsam zhig yod pa yin na/ ngos gcig la ji tsam pa gnyis pa la yang de tsam yin no// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ de dag rnams rgyus pas ji snyed cig spel ba yin zhes/ mgrin pa nas ji srid du mjug ma'i bar du thos pa las byung ba'i shes rab ba ma/ lha'i mig gis mthong bar gyur pa/ bdag gi rgyug pas sbrel ba rnams ni mgrin pa nas bzung nas mjug ma'i bar du ngos gcig la brgya/ ngos gzhan la yang brgya'i bdag nyid yin te/ rgyus pa phra mo rnams ni ma gtogs so// gzhan yang rnal 'byor spyod pa nang gi bdag nyid kyi lus lnga lus kyi rjes su lta zhing gnas te/ bdag gi tshil gyi tshad ji tsam zhig yin zhes mgrin pa la sogs pa mjug ma'i bar du des thos pa las byung ba'i shes rab bam/ lha'i mig gis mthong ba ni/ zas bsod pa'i dbang gis tshil rnams 'phel bar 'gyur ro/ / 'grib pa yang skye bdag gi rnam pa thams cad byas pa la yang ma ka d+hA'i mang lnga yin no// gzhan yang rnal 'byor spyod pa la lus la lus kyi rjes su lta zhing gnas pa na/ nga'i lus kyi chu'i tshad ni ji tsam yin zhes des thos pa las byung ba'i shes rab bam/ lha'i mig gis mthong ste/ rang gi snyim pa'i

  1267. 257b

    tshad kyi/ nga yi chu ni snyim pa dag bcu yin no// de 'dzin par 'gyur ba'i sgo ni spu'i khung bu rnams so// rdul du grags pa rnams ni lus kyi ba spu'i sgo nas 'byung ngo // nu ser du klags pa rnams ni rma'i sgo nas so/ / mya ngan skyes pa'i dus na ni mig dag na sa mchi ma 'byung bar 'gyur ro// sa gzhi la rgyu ba'i srog chags rnams nyams par 'gyur ro// de ni nga'i brlan gyi zas rnams yongs su smin par gyur pa'i khu ba rnams 'phel ba'i rdul phra' ba gang dag 'byung ba yin no// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ nga'i bshang ba'i tshad ni ji tsam yin na/ des thos pa las byung ba'i shes rab bam/ lha'i mig gis mthong bar gyur pa/ bdag nyid kyi snyim pa bdun ni bshang ba yin na/ drug ni bad kan yin no// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ nga'i mkhris ba dang / kacin gyi tshad kyang ji tsam yin na/ des thos pa las byung ba'i shes rab bam/ lha'i mig gis mthong bar gyur pa/ mkhris pa ni snyim pa lnga yin la/ bzhi gcin yin te/ 'phel ba dang 'grib par gyur pa ni ma gtogs so// nad med pa dang nad kyis byas pa yang ma gtogs pa yin no// gzhan yang rnal 'byor spyod pa nang gi

  1268. 258a

    bdag nyid kyi lus la lus kyi rjes su lta zhing gnas te/ drod dang / khu chu dang / stobs kyi tshad ni ji tsam yi mnges thos pa las byung ba'i shes ra bam lha'i mig gis mthong bar gyur pa/ drod ni snyim pa gnyis so// khu chu ni gcig go// stobs ni snyim pa gcig go// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gi tshad ni ji tsam zhig yin na/ des thos pa lasu byung ba'i shes rab bam/ lA'i mig gis mthong bar gyur pa/ chung ba'i tshad ni snyim pa gsum yin no/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ zos pa dang / 'thungs pa dang 'chos pa dang / myangs pa rnams yang dag par bde bar smin par gyur nas/ 'tsho bar byed pa'i rtsa rgyus bdag gi lus la ji tsam zhig yod na/ des thos pa las byung ba'i shes rab bama?/ lha'i mig gis mthong bar gyur pa/ rtsa'i rgyun bcu gsum mo// yur ba'i chu gang gis zhing rgyas par byed pa ji lta ba de bzhin du/ lus 'di nyid de dag rnams nyid kyis rgyas par byed do/ / 'di lta ste/ srog rgyu ba'i rgyun dang / mthar rgyu ba'i rgyun dang / chu rgyu ba'i rgyun dang / rdul rgyu ba'i rgyun dang / kacin rgyu ba'i rgyun

  1269. 258b

    dang / rtug pa rgyu ba'i rgyun dang / mdangs rgyu ba'i rgyun dang / khrag rgyu ba'i rgyun dang / sha rgyu ba'i rgyun dang / tshil rgyu ba'i rgyun dang / rus pa rgyu ba'i rgyun dang / rna ba rgyu ba'i rgyun dang / khu chu rgyu ba'i rgyun no// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ rtsa'i rgyun de dag rnams kyi gzhi ci las lus kyi khams gang dag rgyas par byed cing / srin rnams kyang bdag gi lus kyi yul phyogs dang / yul phyogs rnams la kun tu rgyu ba rnams kyis kyang 'gal ba 'am/ 'tsho bar byed pa yin zhe na/ des thos pa las byung ba'i shes rab bam/ lha'i mig gis mthong bar gyur pa/ srog rgyu ba'i rgyun rnams kyis ni snying gi gzhi las so// mthar rgyu ba'i rgyun rnams kyi ni rtsi ba logs kyi gzhi las so/ / chu rgyu ba'i rgyun rnams kyis ni long kA dang / khro ba dang / bad kan dang rnams kyi gzhi las so// rdul rgyu ba'i rnams kyis ni/ spu'i khung bu rnams dang / tshil gyi gzhi las so// kau cin rgyu ba'i rgyun rnams kyis ni/ skang dpag dang / pho mtshan gyi gzhi las so// drug pa rgyu ba'i rgyun rnams kyis ni/ pho ba dang / tshil khra dang / gzhang rnams kyi gzhi las so// bdag gi ma dngas ma rgya ba'i rgyun rnams kyis ni mjing pa'i rtsa bcu dang / mchin pa dang

  1270. 259a

    snying dang rnams kyi gzhi las so/ / khrag rgyu ba'i rgyun rnams kyis ni bdag gi mcher pa dang / mchin pa'i gzhi las so// sha rgyu ba'i rgyun rnams kyi ni pags pa dang / chu rgyus kyi gzhi las so// tshil rgyu ba'i rgyun rnams kyi ni mkhal ma dang gzhag rnams kyi gzhi las te/ gzhug rus kyi gzhi las dang / bdag gi/ rus pa dang rgyu ba'i rgyun rnams kyi gzhi las ni logs dang / zas kyi gnas dang po dang / glo ba dang rnams yin la/ lbu ba dang / khu chu rgyu ba'i rgyun dag gis ni mtshams thams cad dang / rus pa dang rnams kyi gzhi las so// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi srin gang dag gis gzhug ma'i yul phyogs nas bzung ba'i thams cad du yang rtsa'i rgyun gang dag la rang bzhin du gnas pa 'am/ rang bzhin du mi gnas pa ci dag byed par gyur na/ des thos pa las byung ba'i shes rab kyis sam/ lha'i mig gis mthong bar gyur pa/ mngal nas skyes par gyur pa'i srin bcu dag gis bdag gi mcher pa dang mchin ji dag gi gnas su song bar gyur nas nad rnams skyed par byed do/ / 'di lta ste/ srin bu spu za ba dang / 'bigs par byed pa dang / dzan du man+ta ra ba dang / u 'u dum par bya

  1271. 259b

    dang kun tu 'dzin pa dang / spu'i gling dang / khrag la rab tu khro ba dang / khrag za ba dang / rab rab byed pa dang / Am byA kas dang rnams so// srin bu 'di dag rnams ni rkang pa med pa dang / rang dkar 'jug pa dang / rdul phra rab kyi dbyibs dang / shin tu phra bar gyur pa dang / mig med pa dang / za 'phrug gi mtshan nyid dang / nad kyi mtshan nyid yin no// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pas/ nga'i srin re res kyang las ra re byed par 'gyur ba rnams des thos pa las byung ba'i shes rab bam/ lha'i mig gis mthong bar gyur pa/ spu za ba zhes bya ba'i srin rab tu khros par gyur na/ smin ma dang mig gnyis kyi 'am kha spu dang ba spu la sogs pa rnams za bar byed do/ / de'i skyon gyis mdzer 'gyur ro// de la 'dir 'bigs byed ces bya ba'i srin rab tu khros par gyur na/ de khrag rgyu ba'i rgyun du song nas lus thams cad 'khrug par byed do/ / 'dzin to tu ma ta ro zhes pa'i srin des ni/ khrag rgyu ba'i rgyun rnams dri ngan par skyed par byed do// kha dang sna bug gnyis su o'u dum 'bar ro zhes bya ba'i srin gyis te/ de ni khrag gi srin yin pas de khrag la rab tu khro zhing rnam par sdang bas 'brum bu phra mo dang / skye la bol du byed do// kun tu

  1272. 260a

    'dzin byed ces bya ba'i srin de ni khrag gi rgyun du rab tu khros par gyur na mchin pa dang / khrag dang / mkhris pa skyed do// spu'i gling zhes bya ba'i srin de khrag rgyun du song bar gyur nas shin tu khros pas nad 'di dag rnams phul du byed do/ / 'di lta ste/ g.yan pa dang / mig ser ba dang / 'brum bu dang / mo tsA lang dang rnams so// khrag la rab tu khro ba zhes bya ba'i srin de khrag gi rgyun du song bar gyur nas nad 'di dag rnams byed do// 'di lta ste/ mdzer gyur pa dang / 'dod chags kyi nad gzhan yang bud med la khrag gis g.ya' bar grags pa dang / khye ma rnams so// khrag za ba zhes bya ba'i srin de khrag gi nad 'di dag rnams byed do// 'di lta ste/ mgo 'khor ba dang / skye 'gul ba dang / gzhang smin par byed pa'o// rab rab byed pa zhes bya ba'i srin de khrag gi rgyun gyi gseb tu song bar gyur na nad 'di rnams byed do// 'di lta ste/ ngal dang / rengs pa dang / rgyun drag tu 'gyur ba dang / dang kha mi bde ba dang rnams so// gang yang de dag rnams ni khrag la gnas pa'i srin 'khor dang bcas pa rnams tham cad kyi yin no/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ srin gyi rigs bcu ni sha la gnas pa yin no// 'di lta ste/

  1273. 260b

    rmas kun nas slong ba dang / tsun tsur kaHdang / rgyus pa sprul pa dang / rtswa sprul pa dang / bags pa za bar byed pa dang / rdod skul ba dang / 'phel byed dang / dri/ ngan pa dang / rdul la rgyu ba dang / rnam par sreg byed dang rnams so// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ nga'i shal gnas pa'i sprin gang dag gis rang bzhin du gnas pa 'am/ rang bzhin du mi gnas pa ci byed pa yin na/ des thos pa las byung ba'i shes rab bam/ lha'i mig gis mthong bar gyur pa/ nga'i srin rmas kun nas spang ba zhes bya ba ni yul phyogs gang du rma kun du 'byung bar gyur pa de'i yul phyogs su rmas kun nas blang ba'i srin 'khor mang por gyur nas rma rnams za bar byed pa dang / za 'phrug dang rma dag kyang bdag la skyed do// tsun tsu ra kA zhes bya ba'i de'i srin gyis kyang rang bzhin du gnas pa 'am/ rang bzhin du mi gnas pa ci byed pa yin na/ des thos pa las byung ba'i shes rab dag gis sam/ lha'i mig gis mthong bar gyur pa/ tsun tsu ra ko dag gi srin gal te ltogs par gyur na/ des gnad rnams dang bshang ba dag kyang rab tu 'byed par byed do/ / des mnyam par shin du 'khru bar 'gyur ro// nga'i me drod nyams par byed do// des bdag gi kha skam par 'gyur ro//

  1274. 261a

    bdag gi lus rnying par 'gyur ba dang / gzer zug dag 'byung bar byed do// ngag gi bshang ba dang chu 'dres par byed do// nyin mo dang mtshan mor yang gnyid 'byung bar mi 'gyur ro/ / srin tsun tsu ra kas ni rtag tu yang bdag gi smin pa'i gnas su bshang bar tshol bar byed do// de bdag gi rtug pa'i gter la brten nas/ rlung dang / rdul dang / gcin dang / bad kan rnams dang lhan cig 'grogs par gyur pa'i shin tu 'khru bar byed do// des bdag gi dang kha mi bde ba skyed par 'gyur zhing / lkug par byed do// gal te mya ngan byed par gyur na/ de snga nga'i srin tsun tsu ra ka shin tu dga' bar byed do// de shin tu yang bdag la stobs dang ldan par 'gyur zhing / mnyam zhing shin tu rgya cher khrag tu gyur pa'i rtsa rnams sun 'byin par byed de// des nga'i shin tu 'khru bar 'gyur ro// bad kan be'u snabs shin tu khrus pasna rlung lhags par 'gyur ro/ / tsun nu ra ka'i srin la so sor brtags pas yang dag pa jis pa bzhin du lus rab tu shes so// gzhan yang rnal 'byor spyod pa nang gi bdag nisakyi lus la lus kyi oM su g+ha m-ing gi nas pa na/ des thos pa las byung ba'i shes rab dag gis som/ lha'i mig gis mthong bar gyur pa/ nga'i srin rgyas ma bral

  1275. 261b

    bya ba rtag tu rgyus pa sdom pa 'am/ phra ba rnams kyi yang gseb tu rgyu bar byed do// de bdag la khros par gyur na des nga'i rgyus pa rnams na bar 'gyur ro// gal te ltogs par ma gyur na ni des nga'i rgyus par gyur pa rnams na bar mi 'gyur ro/ / bdag gi rgyus pas sbrel par gyur pa'i rus pa'i skal tshigs rnams thams cad ma lus pa nas thug tu mthong bar gyur pas/ des bdag gi lus la rgyus pa las gyur pa'i tshor ba rnams skyed par byed do// nga zas dang bral bar gyur pas gal te na nga ltogs par gyur na/ de bdag gi rgyurgyas pa la gnas pa'i khrag rnams 'thung bar byed do/ / des nga'i rtsol ba rab tu nyams par 'gyur ro// gal te sha za bar byed na des nga la bar kan smug po nga la bskyed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa/ des thos pa las byung ba'i shes rab bam/ lha'i mig gis mthong bar gyur pa/ rgyus pa 'gul ba zhes bya ba'i srin de nga'i rtsa kun thams cad kyi mtha' rgyu zhing / gseb tu rgyu bar byed pa phra bar gyur pas shin tu thogs pa med par 'gro ba yin no// de gal te nga'i zas rnams kyi stobs kyis rtsa rnams 'joms par byed do/ / des bdag gi lus po kun tu skams par 'gyur ba 'am/ yi ka mi bde ba 'byung bar 'gyur ro// gal te yang chu rgyu ba'i rtsa rnams

  1276. 262a

    la gnod pa byed par gyur na/ des nga'i rkan skams par 'gyur ro// gal te yang rdul rgyu ba'i rtsa rnams la gnod par byed par gyur na/ des kyang nga'i ba spu'i khung bu rnams nas rdul kun tu 'byung bar 'gyur ro/ / yang gal te chung na rgyu ba'i rtsa rnams kyi gseb tu song bar gyur nas sun 'byin par byed na gcin sgom par 'gyur ro// khu chu sunA 'den par byed na yang shin tu sdug bsngal mi bzad par 'gyur ro/ / gal te yang drug pa rgyu ba'i rtsa rnams kyi nang dag tu rgyu bar byed cing khros par gyur na ni/ des bdag gi rtug pa'i gnas rnams sdom pas 'tsho ba tsam gyi sdug bsngal byed do/ / rtsa skul bar byed pa'i srin de la so sor brtag par gyur na/ yang dag pa ji lta ba bzhin du so sor shes so// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong bar gyur pa/ pags pa spyod par byed pa zhes bya ba'i srin pags pa drug gi gseb na gnas pa rnams gal te nga'i zas kyi skyon gyis khros par gyur na ni/ nges pa dag gi pags pa rnams kha dog ngan par 'gyur ro/ / rtsub par 'gyur ba 'am/ g.yan pa'am/ pags pa rnams dmar ba nyid dam/ skye ba nyid dam/ sngo ba nyid dam/ rdol bar 'gyur ba 'am/

  1277. 262b

    na mo dang / nga / m+bu dang / spyan sa dang / sbyirnam satshal par 'gyur/ 'brus ba thug thug pa2/ mdze 'gyur sgru5/ dgas pa dang / dro bye bral du 'gyur ro// des pags pa spyod par byed pa'i srin rnams la so sor btags par gyur pas kyang lus la yang dag pa ji lta ba bzhin du so sor rtog par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par gyur na/ des thos pa las byung ba'i shes rab bam/ lha'i mig gis mthong ni/ tshil rgyu bar gyur pa'i rgyun rnams kyi gseb na gnas pa'i tshol skul ba zhes bya ba'i srin bdag gi lus la gnas par gyur pa des mthong bar gyur to// yang de gral te nA nyam pa'i skyon gyis sam/ zas kyi sbyin gyis kyang rung ste/ rab tu 'khrugs par gyur pa skyes na/ des ngal 'khru skyug gam/ 'brum bu 'am/ skyo bar snang ba 'am/ thig le'i rigs su gyur pa rnams skyed par byed do/ / ke la lba bar gyur pa 'am/ rgyus pa yang rul ba 'am/ stobs zad pa dang / lus rjud pa dang / bdag zas za bar byed par gyur na/ rtag tu rdul ba nyid du yang byed do/ / tshil skul bar byed pa'i srin de la so sor brtags par gyur pas kyang lus yang dag pa ji lta ba bzhin du rab tu rig go/ gzhan yang

  1278. 263a

    rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab bam/ lha'i mig gis mthong bar gyur pa 'phel byed ces bya ba'i srin lus la rab tu gnas pa yin la/ des bdag la rang bzhin du mi gnas pa 'am/ rang bzhin du gnas par gyur pa ci dag byed pa yang / des thos pa las byung ba'i shes rab kyis sam/ lha'i mig gis mthong ba ni/ nga'i srin 'phel byed kyis lus la nye bar longs spyod par byed de/ zin pa dang ma zin pa'o// de la zin pa yang lus phyed drod dang / khrag dang / sha dang / rus pa dang / lha ba dang / mkhris pa dang / khu chu'o// ma zin pa yang ji ltar lus la sgra dang / ba spu dang / sen mo dang / kha spu dang / so dang rnams so// nye bar 'phel byed kyi srin des kyang bdag gi lus la rnam pa gnyis su 'phel bar byed pa yin te/ gal te yang nga'i zas// kyi skyon gyis 'phel byed kyi srin rnams rab tu rgyas par ma gyur na ni/ des nga spro ba dang rnam par bral bar 'gyur ro// 'gro ba dang / 'ong ba la yang bdag bde bar gnas par 'gyur ro/ / myur zhing brtag par gnyid kyi rgyun 'byung bar 'gyur ro// de mas kyang bdag gi stobs rab tu 'phel bar 'gyur te/ bdag gi pags pa dang / khrag dang / tshil

  1279. 263b

    dang / lta ba dang / rus pa dang / khu chu dang / stobs rnams skye bar 'gyur ro// des 'phel byed kyi srin la so sor brtag bsdu kyang lus yang dag pa ji lta ba bzhin du rab tu rig go/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ dris thos pa las byung ba'i shes rab bam/ lha'i mig gis mthong bar gyur pa/ nga'i srin dri ngan pa zhes bya ba nga'i sha dang / bshang ba dang / gcin gyi gseb na gnas pa yin la/ gal te zas kyi skyon gyis khros par gyur na/ nga'i zas de dag gi skyon gyis des phyi sa dang / gcin dang / mchil ma dang / snabs rnams dri mi zhim par 'gyur ro// sna'i rnag dang / mig rnag dag kyang 'byung / srin rnams dang lhan cig kun tu 'tshog par 'gyur ba de dang de dag rnams kyang srin gyi dri ngan pa rnams skyed par byed do/ / gang yang gos sam/ mal cha dang / nam zas kyi rigs su gyur pa rnams kyang rung ste/ so'i gseb tu song bar gyur na/ de dag rnams srin de yis dri ngan pa dang / ches dri ngan par 'gyur bar byed do// mtshan mo nyal bar gyur pa'i skyon gyis kyang rung / lho'i dri ma de shin tu dri mi zhim par 'gyur ro// lce'i dri ma rnams shin tu skye bar 'gyur ba dang / lus dri ngan pa dang / dri ma can du yang 'gyur ro//

  1280. 264a

    des yang dag pa ji lta ba bzhin du dri ngan pa'i srin de la so sor brtag par gyur pas kyang lus yang dag pa ji lta ba bzhin du so sor rab tu rig par 'gyur ro// gzhan yang rnal 'byor spyod pa nang gi bdag nyid kyis lus la lus kyi rjes su lta zhing gnas pa na/ des thos pa las byung ba'i shes rab bas/ lha'i mig gis mthong bar gyur pa rdul la rgyu zhes bya ba'i srin gshul sha'i gseb na rgyu ba yin te/ de gal te nga'i zas zhu bar gyur na/ des bdag gi ru shing gi yul phyogs kyi rus pa gsum gyi bu gu gang yin pa ra nga'i bshang ba drangs nas phongs kyi mdor 'jog go/ / rus pa gzhan gsum gyi bu gu brlan par byas shing bdag gi chu ngan gyis brlan par byas nA rtug pa'i pidri chen po rnama.an tong rus pa'i yul phyogs su byas nas nga'i gcin 'thung bar 'gyur ro/ / des rdul la rgyu ba'i srin la rab tu brtag par gyur pas kyang yang dag pa ji lta ba bzhin du lus rab tu rid par 'gyur ro// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab bam/ lha'i mig gis mthong bar gyur pa/ srin gyi rigs bcu bdag gi mkhris pa la gnas pa de las skyes par gyur pa lus thams cad kyi rjes su 'jug par byed pa rnams ni 'di lta ste/ tsu ra dang / skul byed dang /

  1281. 264b

    rdzas kyi rgyas pa dang / chen po'i rigs dang / nag pa pa dang / zas chen po dang / dro ba la rgyu ba dang / rnam par sreg byed dang / me drod nyams par byed pa dang / me chen po dang ste/ srin gyi rigs bcu po de dag rnams ni mkhris pa la rgyu ba de dang de las skyes par gyur pa lus thams cad kyi rjes su 'jug pa rnams yin no// bdag gi srin gang dag gis nga'i lus lnga rang bzhin du gnas pa 'am/ rang bzhin du mi gnas pa ci byed par 'gyur na/ des thos pa las byung ba'i shes rab bam/ lha'i mig gis mthong ba la/ tsur bo zhes bya ba'i srin lus la rab tu gnas so/ / de gal te bdag gi zas kyi skyon gyis khro ba kun nas skyes par gyur na/ des nga'i mig gnyis kyi rdzi ma dag za bar 'gyur ro// des nga khal 'brum pa dang ga ya ma dag skye bar 'gyur ro/ / gal te rdzi ma gzhan rnams la za bar 'gro na mig las gyur pa'i mchi ma rab tu phal che ba yang rab tu 'byung ngo // gal te mig gi nang la rgyu bar gyur na/ des bdag gi mig nad drag po rnams skyed par byed de/ mthong ba rnam par nyams pa 'am/ mig nye bar sdom par yang 'gyur ro// de dag gis mig gi nang na rgyu zhing sha gong bu gyur pa'i mig gi tha snyad du byas pa la 'gal bar byed nas mig la gnas pa'i nur nur po la gnas par byed do/ / des nga'i mig 'bras bur gtogs pa'i g.yogs ma dang dmar

  1282. 265a

    bor snang ba yang skyed par byed do/ / srin 'dis ni rtag par rgyun du nang chen po rnams byed do// des tsun ra'i srin la yang dag pa ji lta ba bzhin so sor brtags par gyur pas kyang yang dag pa ji lta ba bzhin du so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab dag gis sam/ lha'i mig gis mthong bar gyur pa/ skul byed ces bya ba'i srin lus la gnas te/ mkhris pa'i nang na rgyu ba dang lus thams cad yang thogs pa med par 'gro bar byed pa dang / mkhris pa nyid kyis lus g.yogs pa yin no// des gang gi kho bo'i rus pa sreg par byed par gyur pa shar gtogs pa yang shin tu tsha bar gyur pa 'am/ bdag gi yan lag rnams kyang dron mor 'gyur ro// bdag gi lag pa rkang pa gnyis kyang shin tu rnam par sreg par gyur pa ni nyin mo dang mtshan mo yang rab tu zhi bar mi 'gyur ro/ / gal te pags pa la 'gro bar gyur na bdag la rdul 'byung bar mi 'gyur ro// des skul byed kyi srin la so sor brtags par gyur pas kyang yang dag pa ji lta ba bzhin du lus rab tu shes so/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa

  1283. 265b

    na/ des thos pa las byung ba'i shes rab dag gis sam/ lha'i mig gis mthong bar gyur pa dag gi srin rdzas kyis rgyas pa zhes bya ba mkhris pa'i nang na rgyu bar gyur pa/ mchu/ shin du rno ba/ rkang pa thung ba/ me'i lto dang nad chen po gyur pa'o// de gal te shed na lus kyi yul phyogs gzhan la gnas par gyur na/ nga'i zas kyi skyon gyis lcogs par gyur/ nas sul phyogs de dang de dag tu lus sreg par 'gyur ro// khrag 'grim par 'gyur ro// khrag skyug par 'gyur ba dang / bdag gi lus thams cad kyang rang bzhin du mi gnas/ pa gnas pa me bzhin du sreg par byed do// bdag gi lus kyi pags pa rnams thams cad me'i yul du 'gyur zhing / rkang pa dag la yang 'brum pa'i thig le dang lus rnams me dang mtshungs par skyed do/ / rdzas kyis rgyas pa'i srin la so sor brtags par gyur pas kyang yang dag pa ji lta bar lus so sor rig par 'gyur ro// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong bar gyur pa/ rigs chen po zhes bya ba'i srin lus kyi nang na rgyu bar gyur pa mkhris pa'i gseb na rgyu ba yin no/ / de gal te nga'i zas kyi skyon gyis khro ba skyes par gyur na/ des nga rang bzhin du gnas pa 'am/ rang

  1284. 266a

    bzhin du mi gnas pa ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ rigs chen po'i srin nga'i lus kyi nang na rgyu bar gyur pas mgo nas bzung nas/ ji srid du rkang pa'i bar du thogs pa med par 'gro ba yin te/ de bdag la khros na lus thams cad la khrag mkhris kyi 'brum thug byed pa dang / 'dis mkhris pa dang khrag dag gis rna ba dang sna bug gi nang dag nas khrag mkhris 'dzag par byed pas 'chi ba'i gnas skabs dang 'dra bar byed do// sngon por byed cing mig ser du yang byed do/ / des kha kha bar yang byed do// des rigs chen po'i srin la so so brtags par gyur pas kyang yang dag pa ji lta ba bzhin du lus so sor rig par 'gyur ro/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ nag pa zhes bya ba'i srin mkhris pa skyon can rnams drangs nas lus la kun tu rgyu bar byed do// de gal te bdag gi zas kyi skyon gyis zotho ba skyes par gyur na/ lus kun la snyoms par til 'dra ba'i thig le nag po rnams byed pa dang / sha 'azum par byed pa 'am/ lus la yang nag po dang ser por 'gyur ba 'am/

  1285. 266b

    dmar po'i rlung dang rlung dag dang mtshungs par 'jug par byed pa 'am/ bdag gi mkhris pa 'am/ gzhang 'joms par 'gyur ro// des nag po'i srin la so sor brtags par gyur pas kyang yang dag pa ji lta ba bzhin du lus rab tu shes so/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na// des thos pa las byung ba'i shes rab kyis sa ma/ lha'i mig gis mthong bar gyur pa/ zas chen po zhes bya ba'i srin lus la gnas te/ des lus rang bzhin du gnas pa 'am rang bzhin du mi gnas pa ci byed pa yin na/ des thos pa las byung ba'i shes rab kyis sam/ lha'i mig gis mthong ba ni/ za sa chen po zhes bya ba'i srin zas kyi skyon gyis gal te khros par gyur na de nga'i mkhris pa'i nang na gnas pas zas zos pa dang de ltar tsha ba skyed par byed de/ / de chen por gyur pas bdag gi lus rlan par 'gyur zhing / nim par gyur nas/ yan lag dang / nying lag rnams thams cad dang / mig dang / rna ba dang / sna dang / bdag gi lce'i dbang po rnams kyang nyams par 'gyur/ rang dang rang gi yul rnams la yang lta bar mi nus par 'gyur ba dang / zas kyi skyon gyis bdag gi dbang po lnga po rnams lam ngan pa la rab tu gnas par yang 'gyur ro// des zas chen po'i

  1286. 267a

    srin la so sor brtags par gyur pas kyang yang dag pa ji lta ba bzhin du lus so sor rig par 'gyur ro/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong bar gyur pa/ dro ba la rgyu ba zhes bya ba'i srin ni rtag tu zas dro ba la dga' bar gyur pa/ zas grang ba rnams la rab tu sdang ba yin no// des bdag la rang bzhin du gnas pa 'am/ rang bzhin du mi gaH pa ci byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ gal te bdag zas su gyur pa dag gam/ bza' ba dang btung ba dang / bca' ba dang / myang ba yang rung ste/ grang mo dag za bar gyur na/ de nga la khros par gyur nas/ nga'i kha la ldag par byed pa 'am/ lus rlan pa 'am lci ba dang / nyam chung ba 'am/ 'gag pa 'am/ snying la yang ldag pa 'am/ lus thams cad kyi ston du gyur pa ste/ des lung ba dmar por byed pa 'am/ mchin pa ldag par yang byed de/ / des dro ba la rgyu ba'i srin la so sor brtags par gyur pas kyang yang dag pa ji lta ba bzhin du lus la so sor rtogs pa yin no// gzhan

  1287. 267b

    yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong bar gyur pa/ rnam par sreg byed ces bya ba'i srin lus kyi mkhris pa'i gnas la rab tu gnas pa yin la/ des nga la rang bzhin du gnas pa 'am/ rang bzhin du mi gnas pa ci byed pa yin na des thos pa las byung ba'i shes rab kyis sam/ lha'i mig gis mthong bar gyur pa/ sreg byed kyi srin bdag gi lus la gnas pa las/ gal te ngas zas lci mo gang dag zos pa gyur na/ nga'i zas de dag gi skyon gyis rnam par sreg byed kyi srin gyis mes sreg par byed do// stobs lhag pa nyid dang rtsu'u cung la gnod par 'gyur ba dang / zas kyi khams shin tu che bas mgrin pa 'thog par yang 'gyur ro/ / bdag gi ba shang ba yang skya bor 'gyur zhing / chung na yang ji lta bar te bdag drang ba la dga' ba nyid du yang mi 'gyur ro// / zas mngar mo rnams la 'dor bar yang mi 'gyur ro// des rnam par sreg byed kyi srin la so sor brtags par gyur pas kyang yang dag pa ji lta ba bzhin du lus rab tu shes so// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong

  1288. 268a

    bar gyur pa/ me drod nyams par byed pa zhes bya ba'i srin nga'i lus la mkhris pa dang lhan cig skyes nas gnas te/ de la dga' ba dang / de grang ba'i dus na ni dga' bar 'gyur ro/ / dro ba'i dus na ni rgud par 'gyur ro// grang ba'i dus na yang rab tu dga' bar gyur nas bdag zas 'dod par byed de// dro ba'i dus na ni me drod nyams par byed do/ / grang ba'i dus na yang nga'i mkhris pa lags par sgrub par byed cing / dro ba'i dus na ni sun 'don pa yin no// de'i skyon gyis ni ma drod nyams par byed do/ / des ma drod rnams nyams par byed pa'i srin la so sor ba rtag par gyur pa sa yang dag pa ji lta ba bzhin du lus so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong bar gyur pa/ me chen po zhes bya ba'i srin lus la gnas te/ des nga la rang bzhin du gnas pa'am/ rang bzhin du mi gnas pa ci byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa ni nga'i srin me chen po zhes bya ba ni zas 'gal ba/ zos pa rnams thams cad 'dod par 'gyur ro// gal te yang rang ltogs par gyur na ni/

  1289. 268b

    des nga'i lus kyi gseb tu gyur pa'i srin rnams za bar byed do// srin de'i skyon gyis bdag la 'dir lhung kyog 'byung bar 'gyur ro// rgyab tu gzer bar 'gyur ba'am/ lag pa la zug gzer yang rung ste/ yul phyogs gang du srin rnams za bar byed pa'i yul phyogs de dang de dag rnams su gzer zug skye bar 'gyur ro// des mkhris pa la gnas ba'i srin la so sor brtags par gyur pas kyang / yang dag pa ji lta ba bzhin du lus rab tu rig par 'gyur ro// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong bar gyur pa/ rus pa las gyur pa dang / tshil la gnas pa'i srin gyi rigs 'di lta ste/ rus pa la ldag pa dang / shin tu 'drud byed dang / tshig pa gcod cing rgyu ba dang / dri mi zhim pa dang / rus pa'i rnag gi rigs dang / kha dmar ba dang / myang bar byed pa dang / pags pa za ba dang / grog ma pa dang / spu gri'i kha dang rnams so// de la nga'i rus pa las gyur pa'i srin rnams kyi rang bzhin du gnas pa 'am/ rang bzhin du mi gnas pa ci byed pa yin na/ des thos pa las byung ba'i shes rab bam/ lha'i mig gis mthong bar gyur pa/ rus pa la ldag par byed pa zhes bya ba'i

  1290. 269a

    srin ni phyi rol gyi rus pa'i rkang rnams rab tu gnas so/ / 'di lta ste/ dpung pa'i rkang la gnas pa dang / brla'i rkang la gnas pa dang / rgyab kyi sprul pa la gnas pa rnams yin te/ rus pa rnams thams cad kyi yang gnad rnams kyi gseb na rgyu ba yin no// gal te yang de zas kyi skyon rnams kyis khro ba skyes par gyur na/ des nga'i rus par gyur pa'i lhang kyog rnams dang / lus kyi mdog dang / reg pa yang ngan par byed do// rus pa rnams sam/ sha rnams kyang rung ste/ rus pas bsdus pa rnams za bar byed do/ / des nga'i rus pa las gyur pa'i tshor ba chen po mchog tu mi bzad pa rnams skyed do// gal te yang de ltogs par ma gyur na ni ji skad du bshad pa'i nga'i tshor ba rnams dang 'bral bar 'gyur ro/ / des rus pa la ldag par byed pa zhes bya ba'i srin la so sor brtags par gyur pas kyang yang dag pa ji lta ba bzhin du lus rab tu rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab snyam/ lha'i mig gis mthong bar gyur pa shin tu 'drud byed ces bya ba'i srin rus pa rnams thams cad la gnas pa yin no/ / des gal te shin tu rus pa 'drud par byed na na/ des bdag gi khams rnams thams cad skam po

  1291. 269b

    krog klog tu 'gyur ro/ / chad pa dang / skad 'gag pa dang / bshang ba 'khru bar byed do// de rnams bdag la med na rtsib logs kyi nad dang / skyugs pa dang / yi ga ni bde bar 'gyur ro/ / gal te rus pa'i tshogs su gyur pa rnams thams cad kyi yang rus pa rnams mi 'drud na nI/ ji skad du bshad par gyur pa'i nad rnams nga la 'byung bar 'gyur ba ma yin no/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lnga'i mig gis mthong bar gyur pa/ tshigs pa gcod cing rgyu ba zhes bya ba'i srin lus la gnas pa yin no// des rang bzhin du gnas pa 'am/ rang bzhin du mi gnas pa ci byed pa yin pa yang / des thos pa las byung ba'i shes rab kyis sam/ lha'i mig gis mthong bar gyur pa ni/ tshigs pa gcod cing rgyu ba zhes bya ba'i srin ni// la te yang zas kyi skyon gyis rtogs par gyur na bdag gi lag pu 'khums par byed do/ / lus kyi yan lag rnams 'dzum par 'gyur ba 'am/ snying gi nad du gyur pa'am grong khyer gnas pa rnams kyang stong par mthong bar 'gyur ro/ / skabs kyang 'khrug par 'gyur ro// rtag tu yang yi mug pa dang / reg bya dang / gzugs rnams la

  1292. 270a

    kun dga' bar mi 'gyur ro/ / de ci'i phyir zhe na/ tshor ba rab tu stobs dang ldan pa'i phyir ro// des tshig pa gcod byed kyi srin la so sor brtag par gyur pas kyang yang dag pa ji lta ba bzhin du lus rab tu rid par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na des thos pa las byung ba'i shes rab kyis sam/ lha'i mig gis mthong bar gyur pa/ dri ngan pa zhes bya ba'i srin lus la gnas pa yin te/ des rang bzhin du gnas pa 'am rang bzhin du mi gnas pa ci zhig byed pa yin na/ des thos pa las byung ba'i shes rab kyis sam/ lha'i mig gis mthong ba las dri ngan pa zhes bya ba'i srin gal te yang zas kyi skyon gyis khro ba skyes par gyur na des bdag la rnam par sreg pa dang / lci ba dang / lus rmar gyur myur du sos pa rnams kyang ring zhig 'gor ba dang / sha bkra yang bdag gi lus kyi dkyil 'khor la 'byung bar 'gyur ro/ / skya bor gyur pa yang lus la rgya chen por 'gyur ro// thams cad du ma byung bar gyur na/ nyal ba ji lta ba bzhin du lus 'gyur ro/ / mdze yang bdag la 'byung ngo // rnag gi dngos por gyur par bdag gi lus rnams thams cad la rgyas par 'gyur ro// de'i nad de dag rnams rab tu zhi bar mi

  1293. 270b

    'gyur ro/ / des dri ngan pa'i srin la so sor brtag par gyur pas kyang lus yang dag pa ji ba bzhin du rab tu rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong bar gyur pa/ rus pa'i rnag gi/ rigs kyi srin rnams bdag gi lus la gnas pa yin te/ des bdag la rang bzhin du gnas pa 'am/ rang bzhin du mi gnas pa ci byed pa yin na/ des thos pa las byung ba'i shes rab dag gis sam/ lha'i mig gis mthong ba ni bdag gi srin rus pa'i rnag gi rigs rnams gal te zas kyi skyon gyis khros pa skyes par gyur na/ de gal tite lo 'am/ lo gnyis sa ma/ lo mang po na yang rung / bdag byis par gyur pa tsam yang rung ste/ lus la gal te brgyab cing bsnun pa rab tu zhi zhing sngon sos par gyur/ pa las/ de dag bdag gi srin de khros nas slar yang rnying pa la rgyu bar byed de/ ji srid du rgas par gyur kyi bar du yang khros pa skye bar gyur/ rus pa'i rnag gi rigs kyi srin 'di ni shing ba la sho dang / dum pa ra'i 'bras bu dang 'dra ba'i thig le dri mi zhim pa skyed par byed do// de yang g.yan pa mang bar 'gyur zhing mang du 'dzag pa rnams kyang skye bar 'gyur

  1294. 271a

    ro/ / smin ma 'dra ba yang skye bar 'gyur zhing tshad sbrang dang / sha sbrang rnams kyang babs par 'gyur ro// des rus pa'i rlug gi rigs kyi srin la so sor brtags par gyur pas kyang lus yang dag pa ji lta ba bzhin du lus rab tu rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa'i shes rab kyis sam/ lha'i mig gis mthong bar gyur pa/ kha dmar ba zhes bya ba'i sra ni rus pa la gnas pa yin te/ des bdag la rang bzhin du gnas pa 'am/ rang bzhin du mi gnas pa ci byed pa yin na/ des thos pa las byung ba'i shes rab dag gis sam/ lha'i mig gis mthong ba bdag gi kha dmar ba zhes bya ba'i srin gang gi tshe zas dag gi skyon gyis ltogs par gyur pa na/ bdag la rus sbal 'dra ba'i nad chen po me dang mnyam par gyur pa/ khrag gi mthar thug par 'byung ba/ chu ser dang rnag mang por gyur nas/ nyin mo dang mtshan mo med par yang rab tu nye bar zhi bar mi 'gyur ro// khong rma zhes bya ba'i nad rab tu byed par gyur ro// kha dmar ba'i srin la so sor brtags par gyur pas kyang yang dag pa ji lta ba bzhin du lus la so sor rig par byed do/ / gzhan yang rnal 'byor spyod pa nang gi bdag nyid kyi lus

  1295. 271b

    la lus kyi rjes su lta zhing gnas par byed pa na/ des thos pa las byung ba'i shes rab dag gis sam/ lha'i mig gis mthong bar gyur pa/ myang bar byed pa zhes bya ba'i srin bdag gi rus pa la spyod pa yin te/ des nga la rang bzhin du gnas pa 'am/ rang bzhin du mi gnas pa ci zhig byed pa yin na/ des thos pa las byung ba'i shes rab kyis sam/ lha'i mig gis mthong ba ni myang bar byed pa zhes bya ba'i srin zas dag gi skyon gyis gal te ltogs par gyur na/ des nga la 'brum bu rnams su byed do// lus thams cad kyi yan lag dang nying lag rnams la kun tu rgyu bar byed pa yin te/ des lus gang dag nyid kho na la kun tu rgyu bar byed pa de dag nyid kho nar bdag rengs par 'gyur ro/ / snying stong pa dang lus la tshor ba med par yang 'gyur ro// gang ba dang bshang ba 'gag par yang 'gyur ro// gnyid med par yang 'gyur ro// grog ma dang radra bar yan lag dang nying lag rnams la rgyug par yang byed do/ / bdag shin tu sgom par yang 'gyur ro// bdag la mun pa kun du 'byung bar 'gyur ba dang / grang ba'i tshad pa dang / skrangs par yang 'gyur ro// gal te yang myang bar byed pa'i srin ltogs par ma gyur na ni ji skad du bshad pa'i nad de dag rnams rab tu zhi bar 'gyur ro//

  1296. 272a

    gzhan ya nganal 'byor spyan pa nang gi bdag rjid kyi lus sa A zhing gnas par byed pan/ des thos pa las byung gA'i shes rab dag gi sa sas/ !/ mig gis mthong bar gyur pa/ pags pa zab zhes bya ba'i srin lus la gnas pa yin te/ des rang bzhin du gnas pa 'am/ rang bzhin du mi gnas pa ci zhig byed pa yin pa yang / des thos pa las byung ba'i shes rab snyam/ lha'i mig gis mthong ba ni pags pa za ba zhes bya ba rus pa la gnas pa yin te/ de gal te ltogs par gyur na ni des nga'i mchu snang bar byed pa'am/ kha skang bar byed pa'am/ mig spang bar byed pa 'am/ rtag gi thor pa 'am/ rgyus pa 'khums par gyur pa'i tshor ba dang / skom dang che ba dang / mgrin pa bskams pa dang / rna ba spang ba dang / mjid pa rengs pa 'am/ thod pa la brkod glog tu gyur pa 'am/ dus ma yin par sgra dkar po rnams 'byung bar 'gyur ba'am/ gre ba 'joms pa 'am/ dus ma yin par gnyid dang mi mthun pa'i zas rnams la dga' ba 'am/ gnas gcig la mi dga' bar 'gyur ba dang / gnas dang kun dga' ra ba stong pa rnams la dga' ba 'am/ sems rnam par g.yengs par gyur pa 'am/ cung zad kyis mang du smra bar byed pa 'am/ rtag par rgyun du yan lag

  1297. 272b

    rnams la sen mos 'phrug pas kyang bdag gi lus la thal tshub dang 'dra bar 'gyurate/ pags pa za bar byed pa'i srin rnams kyi skyon gyis yin no// de gal te ltogs par ma gyur na ni/ de'i tshe ji skad du bshad pa'i nad rnams 'khrug par mi 'gyur ro// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par byed na/ des thos pa las byung ba'i shes rab bam/ lha'i mig gis mthong bar gyur pa grog ma pa zhes bya ba'i srin bdag gi rus pa'i gseb na rgyu ba yin te/ yang gal te bdag nyid ltogs par gyur na yang rang bzhin du gnas pa 'am/ rang bzhin du mi gnas pa ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa ni grog ma pa zhes bya ba'i bdag gi srin yang gal te zas kyi skyon gyis khros par gyur na/ de nga'i gnad rnams la sbrul bzhin du kun tu skrag par byed pa'i yid kyi tshor ba 'byung bar byed do/ / 'di lta ste/ spyi bo dang / 'gram pa dag dang / snying dang / rgyu zhags dang / gzhang dang / lag pa dang / rkang pa'i mthil dang / sen mo'i gseb rnams su song nas khab bzhin du dUr bar byed do// rgyun rnams kyang skul bar byed do// rna la snabs rnams chud za bar byed do//

  1298. 273a

    mig dang / kha dang / lus rnams kyang 'gul bar yang byed do// bdag zas rnams la zhe sdang bar gnas par 'gyur ro// de yang ltogs par gyur na srin du gyur pa'i sran gzhan gse pa na rgyu ba rnams la rtsis med par lus la mtho 'tsham par byed pas nyin mtshan kun tu gnas so/ / de'i tshor bas bdag zil gyis mnan pas gnyid 'byung bar ni/ 'gyur ro// gal te de ltogs par ma gyur na ni ji skad du bshad pa'i nad de dag rnams 'byung bar mi 'gyur ro// grog ma pa'i srin la so sor brtag par gyur pas kyang yang dag pa ji lta ba bzhin du lus so sor rig par byed de/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong bar gyur pa/ spu gri'i kha zhes bya ba'i sku ni lus la rab tu gnas pa yin te/ des rang bzhin du gnas pa 'am/ rang bzhin du mi gnas pa ci zhig byed pa yin na/ des thos pa las byung ba'i shes rab kyis sam/ lha'i mig gis mthong ba ni nga'i srin spu gri'i kha ni skye gnas kyi sgo nas 'byung bar 'gyur ba'i dang po nyid du 'byung par 'gyur te/ chos nyid kyi khyad par gyis de dang lhan cig tu skye bas skyes pa yin no// mngal gyi nang du 'byung bar 'gyur ba'i srin rnams ni thams cad nyi tshe'i 'du byed 'gog pa yin la/

  1299. 273b

    ma'i nu ma dang zas kyi khyad par las bdag skyes par gyur nas ji skad du bshad pa'i srin rnams 'byung ngo // des spu gri kha'i srin la so sor brtag par gyur pas kyang lus yang dag pa ji lta ba bzhin rab tu shes so/ / rus pa'i gseb na rgyu ba'i srin gyi rigs rnams yang dag pa ji lta ba bzhin du so sor brtags nas/ des rus par gyur pa'i lus la dran pas yang dag pa ji lta ba bzhin du lus mthong ste/ rab rib med pa'i mig so so'i skye bo las shin du 'das par gyur pa/ nyon mongs pa med pa/ nga'i ba med pa/ som nyi med pa/ mya ngan med pa rnam par dag par gyur pa/ gzhan mu stegs can rnams kyi lta ba'i lam nas ma yin pas lus yang dag pa ji lta ba bzhin du khyad par du shes par gyur pa rnams ni mya ngan las 'das pa'i mthar 'gyur ro/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par byed pa na/ des thos pa las byung ba'i shes rab kyis sam lha'i mig gis mthong bar gyur pa/ srin gyi rigs bcu bdag gi rtug pa la rgyu bar byed pa rnams ni 'di lta ste/ be'u snabs pa dang / khab kyi kha dang / phi pi skyes pa dang rkang pa med pa dang / bshang ba rnam par 'thor byed dang / skom pas gdung ba dang / rgyu ma 'byed byed dang / rnam par rengs byed dang / mdog bzangs dang / gzhang smin

  1300. 274a

    par byed pa dang / srin gyi rigs bcu dag gi rtug pa la rgyu ba rnams la so sor rtog par byed de/ bdag gi srin gang dag gis rang bzhin du gnas pa'am/ rang bzhin mi gnas pa ci zhig byed pa yin na/ des thos pa las byung ba'i shes rab bam/ lha'i mig gis mthong bar gyur pa ni/ be'u snabs pa zhes bya ba'i srin bshang ba la rgyu bar byed pa yin te/ gal te lus 'di'i me drod nyams par gyur na ni/ des bdag gi lus kyi me drod shin tu yang nyams par byed do// des sha skyed par byed de/ bshang ba rnams 'jigs pas mdog skya bor 'gyur ro/ / bdag 'dir 'phel bar 'gyur ba yang ma yin no// nga'i kha gdong skya bor yang 'gyur ro// des be'u snabs pa'i srin la so sor brtags par gyur pas kyang lus yang dag pa ji lta ba bzhin du so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par byed pa na des thos pa las byung ba'i shes rab dag gis sam/ lha'i mig gis mthong bar gyur pa khab kyi kha zhes bya ba'i bdag gi srin yin te/ des ni nga'i bshang ba'i nang na spyod pa dang / sbom pa dang / ring ba dang / pho ba dag long ka dag na rgyu ba yin te/ srin rnams thams cad kyis gzung bar mi nus pa yin no// des nga'i pho ba dang / long dag kyang gyen la bzlog nas bad

  1301. 274b

    kan dag dang lhan cig tu khar 'byin par byed do/ / bdag gi snying la yang ldag par byed do// lkugs pa 'am/ me drod nyams par yang byed do// yang gang dag lus kyi phyi rol du 'gro ba 'gyur ba rnams ni me tog dang lhan cig tu yud tsam cig 'tsho bar 'gyur ro/ / des khab kyi kha'i srin la so sor brtag par gyur pas kyang yang dag pa ji lta ba bzhin du lus la so sor rtog pabapar byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par byed pa na/ des thos pa las byung ba'i shes rab kyis sam/ lha'i mig gis mthong bar gyur pa/ pi pi skyes zhes bya ba'i srin yin te/ bshang ba'i nang na rgyu bar byed pa dang / skya bo dang / lus thung ba dang / 'khor mang bar gyur pa rtag par yang ldan ljin gyi khu ba la rgyu ba dang / dri ngan pa dang / rtag tu yang spo bar gyur pas bshang ba dang lhan cig tu 'byung bar 'gyur ro// bdag gi lus la sbrang bu dga' ba'i bshang ba dang mnyam du 'byung bar 'gyur ro/ / bdag gi bshang ba shin tu mang ba rnams 'byin par byed do// bdag zas yid du mi 'ong bar 'gyur ro// des pi pi skyes kyi srin la so sor brtag par gyur nas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas

  1302. 275a

    par byed pa na/ des thos pa las byung ba'i shes rab bas/ lha'i mig gis mthong bar gyur pa/ rkang pa med ces bya ba'i srin dra'i lus la gnas pa yin no/ de rang bzhin du gnas pa 'am/ rang bzhin du mi gnas po ci zhig byed pa yin na/ des thos pa las byung ba'i shos rab dag gis sam/ lha'i mig gis mthong ba ni/ rkang pa med pa zhes bya ba nga'i srin de dag gal te zas kyi skyon gyis ltogs par gyur na/ de rlung gis btab par gyur pas nga'i rgyun drug par byed do// 'di lta ste/ gcin gyi rgyun drug pa 'am/ bshang ba'i rgyun drug pa 'am/ gang gi tshe yang long kar song bar gyur na/ des sgra'i rgyun drug par byed do// glo lu ba'i rgyun drug pa dang / ltogs pa'i rgyun 'byung bar byed pa dang ngas pa'i dbugs kyi rlung gi rgyun 'byung ba dang / sgom pa'i rgyun 'byung bar yang byed pa'i// rgyun 'byung ba de dag rnams kyi bdag la rnam pa sna tshogs par gyur pa'i nad rnams 'jum bar byed pa rab tu des rkang med kyi sprin la so sa'i brtag par gyur pas kyang yang dag pa ji lta ba bzhin du lus si sor rig par 'gyur ro/ gzham yang sa 'byer spyod pa nang gi bdag nyid kyi sras la lus kyi rjes su sa ni gnas pa ni/ nas thos pa las byung ba'i shes rab kyis sam/ mra'i tshig gis mthong bar gyur pa/ @#

  1303. 275b

    rnam par 'thor byed ces bya ba'i srin lus la gnas pa yin te/ de bdag gi zas rnams las gang dag nyid kho na zhu bar gyur pa'i bshang ba rgyu ba'i sbubs rnams thams cad du des yan lag dang nying lag rnams bcug par gyur nas/ bshang ba dang lhan cig tu bdag gi lus thams cad la yang rgyu bar byed pa yin no// ji srid du rkang pa la sogs pa'i lus kyi yul thams cad la yin te/ gang de dag rnams kyis ni bdag gi lus gser gyi mdog tu mtshon par byed do// de dag rnams ni bshang bas byas pa yin no// des bshang ba byed pa po'i srin la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong bar gyur pa/ skom pas gdungs pa zhes bya ba'i srin bdag gi lus la gnas pa yin te/ de gang gi tshe bdag tsha ba skyes par gyur pa des dri ma sun 'byin no// bdag gi pho ba yang sun 'don par byed do// me shin tu myur bar sun 'don no// dri ma rnams kyang kun tu sun 'don no/ / tshad pa dang / kun tu tsha bar gyur pa des bdag gi lus dang yan lag rnams la srin rnams kun tu rgyug par byed do// rdul tshad dang tshan mo

  1304. 276a

    de yis kun tu gdungs par gyur pas khu ba rnams rgyu ba'i sbubs skam par 'gyur ro/ / de bdag la khros par gyur pas kyang skom pa dang mgo bo'i nad kyang byed do// des skom pas gdungs pa'i srin la so sor brtag pas kyang yang dag pa ji lta ba bzhin du lus so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong bar gyur pa/ rgyu ma 'byed par byed pa zhes bya ba'i srin lus la gnas pa yin te/ des rang bzhin du gnas pa 'am/ rang bzhin du mi gnas pa ci zhig bdag la byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ gang dang gang dag ngas bza' bar bya ba dang / btung bar bya ba dang / bca' ba dang / myang ba rnams mid par gyur pa na/ de nang gi gseb tu song bar gyur nas kun tu mnar ba byed do// de'i rgyu ma rnams 'byed par byed do// bdag gi gsus pa 'chad par byed pa 'am/ rlung gi gsus par 'gyur ba 'am/ mkhris pa'i gsus par 'gyur ba 'am/ bad kan gyi gsus par 'gyur bar skyed par byed do// gzhi de las de rang ngam/ gzer zug gzhan rnams kyang bdag la 'byung

  1305. 276b

    ngo / / rgyu ma 'byed par byed pa'i srin des ni bshang ba rnams sun 'don par byed do// des rgyu ma 'byed par byed pa'i srin la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong bar gyur pa/ nga'i srin rnam par reng byed ces bya ba lus la rab tu gnas pa yin te/ des rang bzhin du gnas pa 'am rang bzhin du mi gnas pa bdag la ci zhig byed pa yin pa yang / des thos pa las byung ba'i shes rab kyis sam/ lha'i mig gis mthong bar gyur pa ni/ bdag gi rnam par reng byed ces bya ba'i srin bshang ba'i nang na rgyu bar byed pa yin te/ gang dag bdag med par byed pa'i ro de dang de dag rnams mnyam du med par gyur nas rnam par rengs par byed de chos nyid kyi khyad par gyi yin no/ / des nga'i srog rgyu ba'i sbubs 'byin par yang byed do// zas dang lhan cig pa'i me de'i skyon gyis bdag rnam par rengs par kun tu skyed pa dang / ma rnams kun tu 'bums pa 'am/ na tsha bar 'gyur ba'am/ snying gi gzer zug gam/ po che'i gzer zug yang byed do// gzhan yang rnal 'byor spyod pa nang

  1306. 277a

    gi bdag nyid kyi lus la lus kyi rjes su lta zhing gnas par byed pa na/ des thos pa las byung ba'i shes rab bam/ lha'i mig gis mthong bar gyur pa mdog bzang zhes bya ba'i srin bdag gi lus la gnas pa yin te/ des rang bzhin du gnas par gyur pa 'am/ rang bzhin du mi gnas pa dag la ci zhig byed pa yin na/ des thos pa las byung ba'i shes rab bam/ lha'i mig gis mthong bar gyur pa la mdog bzangs kyi srin ni nas thug gam/ mi gsod pa rnams sam/ lci ba'i zas bdag la phan pa ma yin pa rnams kyang rung ste/ gang dag bdag gis za bar byed pa de dag rnams bdag gi srin mdog bzangs kyi yan lag dang / nying lag rnams kyi khams la yang phan pa'i// zas su byas nas khyab par byed cing bde bar byas kyang 'phen par byed do// nad rab tu zhi bar gyur pa dang yang 'phen par byed de// stobs rnams kyang 'byung bar byed do// skyon rnams dang yang 'bral bar byed do/ / srin 'di ni lus kyi nang na rab tu gnas pa yin no// de gal te rab tu stobs che bar gyur na chos nyid kyi khyad par gyis des bdag mdog bzang ba dang/ stobs dang ldan par 'gyur ro// gal te stobs rab tu che bar ma gyur na ni des bdag gi lus ring pa nyid du 'gyur ro// des mdog bzangs kyi srin la so sor brtags par gyur pas

  1307. 277b

    kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong bar gyur pa/ gzhang smin par byed pa'i srin nga'i lus la rab tu gnas pa yin te/ des rang bzhin du gnas par gyur pa 'am/ rang bzhin du mi gnas pa lci zhing byed pa yin na/ des thos pa las byung ba'i shes rab kyis sam/ lha'i mig gis mthong ba na/ gzhang smin par byed pa zhes bya ba'i srin de gal te ltogs par gyur na des bdag la rnam pa sna tshogs par gzhang smin par byed pa'i nad rnams skyed par byed do/ / 'di lta ste/ rlon pa dang / skam pa dang / lhan cig skyes pa dang / sngon gyi dus na skyes pa dang / rlung las gyur pa dang / mkhris pa las gyur pa dang / bad kan las gyur pa dang / gsum gyi skyon las skyes pa'i 'dus pa las gyur pa'o/ / de gal te ltogs par gyur na nga'i bshang ba rgyu bar gyur pa'i sbubs sun 'don par byed do// khrag rgyu bar gyur pa 'am/ khu ba rgyu bar gyur pa yang ste bdag gi me drod kyang nyams par byed do/ / bdag gi me drod kyang nyams pa des gzhang smin par byed pa'i srin khro ba rab tu skye bar 'gyur te/ des nga'i gzhang rnam pa sna tshogs pa rnams su smin

  1308. 278a

    par byed do/ / des gzhang smin par byed pa'i srin la so sor brtags par gyur pas kyang yang dag pa ji lta ba bzhin du lus so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par byed pa na/ des thos pa las byung ba'i shes rab kyis sam/ lha'i mig gis mthong bar gyur pa/ srin gyi rigs bcu lta ba la rgyu ba rnams 'di lta ste/ spu la yod pa dang / kha nag pa dang / spro ba med pa dang / lu ba'i gzer zug chen po dang / rno par byed pa dang / me mdog can dang / 'og tu 'gro ba dang / o'u rnying gA dang / kun tu rtogs pa dang / dga' ba dang rnams so// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong bar gyur pa/ spu la yod pa zhes bya ba'i srin lus thams cad kyi spu la gnas pa yin te/ de gal te lta ba ngan par gyur na/ snyam par lta ba rnams sun 'don no// lam du 'gro bar yang gyur nas yan lag dang nying lag rnams thams cad kyi bdag gi lba ba rnams sun phyung nas za bar byed do/ / de'i skyon gyis bdag mdog ngan pa dang / mdze dang / rus pa'i gzer ba dang

  1309. 278b

    stobs zad par yang 'gyur ro/ / des spru la yod pa'i srin la so sor brtags par gyur pas kyang yang dag pa ji lta ba bzhin du lus so sor rig par byed do// gzhan yang rnal 'byor spyod pa nang gi bdag gi nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong bar gyur pa/ kha nag pa zhes bya ba'i srin bdag gi lta ba'i gseb na rgyu bar byed pa dang / yan lag dang nying lag rnams thams cad la yang thogs pa med par 'gro ba yin no// de gal te ltogs par gyur na/ des nga'i lha ba bzhu bar byed do// des bdag gi rus pa 'byed pa dang / mdog ngan pa dang / skal pa 'byung ba dang / spungs chung ba dang nye sar bgrod pa dang / rnam par nyams par 'gyur ro// kha nag gi srin la so sor brtags par gyur bas kyang lus so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong bar gyur pa/ spro ba med pa zhes bya ba'i srin nga'i lus la rab tu gnas pa yin te/ des ni lhab za bar byed pa yin pas gal te lta bas tshim par gyur na des bdag spro ba med pa nyid du skyed par byed pa

  1310. 279a

    dang yang rung ste/ de gal te lha ba la rgyu bar gyur pa'i srin gzhan rnams kyis mtho btsams par gyur na ni/ des ngal mchog tu mi bzad par gyur pa'i lhang kyog skye bar byed do/ / des spro ba med pa'i srin la rnam par bltas par gyur pas kyang yang dag pa ji lta ba bzhin du lus mthong bar gyur to// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab dag gis sam/ lha'i mig gis mthong bar gyur pa zug gzer chen po byed pa zhes bya ba'i srin ni lta ba'i nang na rgyu bar gyur pa/ rtag tu yang rgyu bar gyur pa/ khams gsum po rnams thams cad zad par byed pa/ nad rnams thams cad kyi rgyur gyur pa/ mthar thug par gyur na yang nga'i chu ser dang gnyid yar bar yang byed do// zug gzer chen po'i srin la so sor brtags par gyur pas kyang yang dag pa ji lta ba bzhin du mus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lbu zhing gnas pa na/ des thos ba las byung ba'i shes rab kyis sam/ lha'i mig gis mthong bar gyur na/ rmongs par byed pa zhes bya ba'i srin nga'i lus la rab tu gnas pa yin te/ de ni bdag gis yid

  1311. 279b

    rgyu bar gyur pa'i sbubs la rnam par rgyu bar byed pa dang / shin tu za bar gyur nas/ nga'i yid rangs pa'i rgyun gang yin pa de yang dkrug par byed do// de dag rnams bskyod par gyur pas kyang bdag la snying gi nang du sbyang ngo / / des kyang bdag brgyal bar 'gyur ro// mdog ngan pa dang / snying stong par yang 'gyur ro// dang kha mi bde ba dang / chad pa skye ba dang / snying ga zer ba dang / 'chad par 'gyur pa dang / snying 'tshir ba dang / phyi rol du srin mthong bar gyur nas kyang bdag yid 'byung bar 'gyur ro// des rmongs byed kyi srin mthong bar gyur pas kyang yang dag pa ji lta ba bzhin du lus rab tu rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong bar gyur pa/ 'og tu 'gro ba zhes bya ba'i sprin khu chu rgyu'i rtsa rnams kyi nang na rgyu ba yin te/ gang la phan par gyur pa'i bza' ba dang / btung ba dang / bca' bas bdag gi khu chu ldeg par 'gyur ro// de bdag gi gcin gyi sbubs su lhung bar gyur nas gcini dang lhan cig tu 'byung bar 'gyur ro/ / 'og tu 'gro ba'i srin de la so sor brtag par gyur pas kyang yang dag pa ji lta bar lus so sor rig par byed do//

  1312. 280a

    gzhan yang rnal 'byor spyod pa nang gi bdag nyid kyi lus la lus kyi rjes su lta ba na/ des thos pa las byung ba'i shes rab kyis sam/ lha'i mig gis mthong bar gyur pa/ o'u rnying go zhes bya ba'i srin lgang phug la rab tu gnas so// gang gi tshe gcin gyis bdag gi lgang phug gang bar gyur na de'i tshe dga' bar 'gyur ro// dga' bar gyur pas kyang gcin gyi stobs kyi khu chu rgyu ba'i gnas bzhi'i skye mched rnams rtsub mor byed de/ gang la byis pa so so'i skye bo rnams tshul bzhin ma yin pa'i yid la byed pa'i sgo nas so/ / gzhan yang rnal 'byor spyod pa lus la lus kyi rjes su lta zhing gnas pa na/ des bros pa las byung ba'i shes rab bam/ lha'i mig gis mthong bar gyur pa// kun tu rtog par dga' ba zhes bya ba'i srin bdag gi lus la gnas pa yin te/ des rang bzhin du gnas pa'am/ rang bzhin du mi gnas pa ci zhig byed pa yin na/ des thos pa las byung ba'i shes rab bam/ lha'i mig gis mthong ba ni/ kun tu rtog pa la dga' ba zhes bya ba'i bdag gi srin de gal te ltogs par gyur na des nga nyal bar gyur pa na dge ba 'am/ mi dge ba rab tu phal che ba rnams bdag gis mthong bar 'gyur te/ de ni bdag gi srin gyi skyon gyis yin te/ bdag gi yid rgyu ba'i sbubs na rgyu ba'i srin gyi stobs

  1313. 280b

    kyis bdag nyal ba na yang 'gyur ro/ / de ltar nA la ta'i grong gi bram ze dang / khyis bdag rnams dang / rnal 'byor spyod pa'i dge sbyong rnams kyis kyang lus las gyur pa'i/ dran pa nye bar bzhag pas/ lus yang dag pa ji lta ba bzhin du so sor rtog par byed de/ des ci lus 'di la rtag pa'am/ ther zug gam/ yongs su mi 'gyur ba'i chos kyi bde ba 'am/ gtsang ba'am/ bdag dang bcas pa'am/ byed pa pos byan gyis brlabs par gyur pa yin nam/ des bros pa las byung ba'i shes rab kyis sam/ lha'i mig gis mthong bar gyur pa/ lus 'di la yang phra ba dang rags par gyur pa dang / phra bar gyur pa'i yang las kyi rigs su rtogs pa dmigs par 'gyur ba'am/ gang yang rtag pa dang / brtan pa dang / ther zug pa dang / yongs su mi 'gyur ba'i chos kyi bde bar gyur pa 'am/ bdag dang bcas par skye ba 'am/ byed pa po rnams kyis byin gyis rlob par byed pa ni med do/ / dper na nyi ma la mun pa rags pa ma dmigs so// phra mo yang ma dmigs so// de bzhin du lus la yang rtag pa dang / bde ba dang gtsang ba dang / byed pa po dang / shes pa po yang ma dmigs so// de ltar rnal 'byor spyod pa des nang gi bdag nyid kyi lus la lus kyi rjes su lta zhing gnas pa ni/ bdud kyi

  1314. 281a

    drung na gnas par mi 'gyur ro/ / mya ngan las 'das pa'i mthar 'gyur ro// dga' ba'i 'dod chags dang lhan cig tu gyur pa'i srid pa rnams kyis kyang mi 'chid do// srid pa yang 'byung ba can gyi nyon mongs gnod par mi 'gyur ro// des de ltar lus la lus kyi rjes su lta zhing gnas nas/ gzhan yang nang gi bdag nyid kyi lus de nyid rnams la gzhan gyi so sor rtog par byed de/ lus su gtogs pa rnams kyis rlung du gyur pa rnams kyi bya ba rnams la yang so sor rtog par byed de/ ji ltar bdag gi lus rlung gis 'dzin par byed pa dang / bya ba byed pa dang / 'gro bar byed pa dang / gnas par byed pa dang / skum par byed pa dang / rkyong bar byed pa dang rnams kyi bya ba thams cad nus par 'gyur ba yin zhes bral bar yang rlung gi dbang gis 'gyur ba yin zhe na/ des de ltar lus la lus kyi rjes su lta zhing granas par byed pa na/ des thos pa las byung ba'i shes rab bam/ lha'i mig gis mthong bar gyur pa/ bdag gi kha la rten pa'i rlung yin la/ des bdag la las ci zhig byed kyang / des thos pa las byung ba'i shes rab kyis sam/ lha'i mig gis mthong ba na bdag gi kha las rten pa'i rlung gi mthu stobs kyis ni rab tu 'phel bar byed de/ lag pa dang / rkang pa dag dang / sen mo

  1315. 281b

    rnams kyang 'phel bar byed par 'gyur ro/ / rlung de'i mthu stobs kyi rnal 'byor spyod pa pa rnams kyi sems kyi dang po dmigs pa ni sen mo'i rtse mo rnams la yin no// rlung 'dis// ni lus kyi rnam par thar pa'i bsam gtan gyis gnas pa rnams shin tu bde bar yang byed pa yin no// de la lhag par gyur pas kyang pags pa dang / sen mo dang / lag pa dang / rkang pa dag par 'gyur ro// shin tu myur bar skyen par yang 'gyur ro// kha la rten pa'i rlung yang dag pa ji lta ba bzhin so sor brtag par gyur pas kyang lus yang dag pa ji lta ba bzhin du rab tu shes so/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas na/ des thos pa las byung ba'i shes rab kyis sam lha'i mig gis lta bar byed de/ bdag gi rkang pa'i legs la brten gnas gnas pa'i rlung de las ci zhig byed pa yin zhing / bdag gi rkang pa'i logs la yang ji ltar gnas pa yin/ des thos pa las byung ba'i shes rab kyis sam/ lha'i mig gis mthong bar gyur pa/ bdag gi rkang pa'i logs la rten pa'i rlung des ci zhig byed cing / ji ltar yang bdag gi rkang pa la gnas na g.yan pa skyed par byed do/ / ga yan pas byas par gyur pa'i 'brum pa can du bdag gi rkang pa gnyis 'gyur ro// bdag lam du 'gro bar gyur na yang rdol ba'i

  1316. 282a

    sgra 'byung bar 'gyur ro/ / bdag gi rkang pa brtan par gyur pa yang 'gro ba na rus pa 'khrol bar 'gyur ro// bdag gi rkang pa'i logs la brten pa'i rlung gis mig la mig gi rgyus las kun nas 'bral ba'i lam nas grang ba dang / dro ba rnams dang lhan cig tu 'gyur gyi/ 'di dag bskum par gyur pas kyang bdag gi mig dag tshims par byas par yang na mi 'gyur ro/ / des rkang pa'i logs la gnas pa'i rlung la so sor brtag par gyur pas kyang yang dag pa ji lta ba bzhin du lus rab tu rig par byed do// gzhan yang rnal 'byor spyod pa nang gi bdag nyid kyi lus lus kyi rjes su lta zhing gnas pa na/ des thos pa las byung ba'i shes rab kyis sam/ lha'i mig gis mthong bar gyur pa/ sems med par byed pa zhes bya ba'i bdag gi rlung nga'i pus mor gtogs pa'i pags par gyur pa la rab rab byed par 'gyur ro/ / de dang 'gal bar gyur pas ni nga'i pus mo gnyis la grog ma bzhin du mched par byed do/ / gang gi tshe zug gzer du ma gyur pa de'i tshe rtsa'i gseb tu rgyu bar byed pas rang bzhin du gnas pa yin no// bdag la grog ma dang 'dra bar 'phel bar byed do/ / des sems med par gyur pa'i rlung la so sor brtags par gyur pas kyang yang dag pa ji lta ba bzhin du lus so sor yang dag par rig par byed do// gzhan yang rnam

  1317. 282b

    'byor spyod pa nang gi bdag nyid kyi lus la lus kyi rjes su lta zhing gnas pa na/ bdag gi rlung gang gis las ci dag byed pa yang / des thos pa las byung ba'i shes rab kyis som/ lha'i mig gis mthong bar gyur pa/ rus pa gcog par byed pa zhes bya ba'i rlung yin te/ des las ci zhig byed pa yin na/ des thos pa las byung ba'i shes rab kyis sam/ lha'i mig gis mthong ba na/ rus pa gcog par byed pa zhes bya ba'i rlung nges bdag nyin mo spyod pa'i sar 'gro ba na'am/ kun dga' ra bar 'gro ba na'am/ lam du zhugs par gyur pa na'am/ ngal dub tu gyur pa na'am/ gnas par gyur pa na yang rus pa 'bigs par byed do// lgang kyog skyed par byed do// gnyid yang bar byed do/ / bdag gis skum pa dang / rkyang bar yang byed mi nus par 'gyur ro// ji srid du rang bzhin gnas par ma gyur pa de srid kyi bar du'o// des rus pa gcog pa zhes bya ba'i rlung la so sor brtags pas kyang yang dag pa ji lta ba bzhin du lus so sor rig par 'gyur ro/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par byed de/ bdag gi rlung gang dag gis las ci zhig byed pa yin na/ des thos pa las byung ba'i shes rab bam/ lha'i mig gis mthong bar gyur pa/

  1318. 283a

    'gro ba 'jom par byed pa zhes bya ba'i rlung las ci zhig byed pa yin na/ des bdag gi lus su gtogs pa'i nang du gyur pa'i nad pa'i lus rnams rnam par dkrug par byed do/ / bdag gi 'gro ba dang 'ong bar byed nus par yang mi 'gyur ro// 'on kyang bdag gi 'gro ba rnam par 'joms par yang mi 'gyur ro// des 'gro ba 'jom par byed pa'i rlung la so sor brtag par gyur pas kyang yang dag pa ji lta ba bzhin du lus rab tu rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ bdag gi lus la rlung gzhan gang gri las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ bdag gi long bu'i tshogs pa'i 'byed pa zhes bya ba'i rlung yod de/ des bdag la las ci zhig byed pa yin pa yin pa yang / des thos pa las byung ba'i shes rab kyis sam/ lha'i mig gis mthong bar gyur pa/ bdag gi long bu'i tshigs pa 'byed pa zhes bya ba'i rlung gal te bad kan dang bcas par gyur nas/ de dag gi rgyus pa dang / rus pa dang / sha'i gseb tu yang song nas ral gri'i lhang kyog ji lta ba bzhin du 'byung ngo / / rang gi gnas su song bar gyur nas brla yang yang du na bar byed do// brla ma gtogs pa lus thams cad las kyang ni ma

  1319. 283b

    yin no/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ bdag gi rlung gzhan rnams kyis lus kyi gseb tu song nas las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ ljang ngar byed pa zhes bya ba'i bdag gi rlung yod de/ de las ci zhig byed pa yin na/ des bdag gi lding ngar la brten par gyur nas bshang ba rgyu bar gyur pa'i rtsa de dag rnams thams cad sbom por byed do// 'khum par byed do// phan tshun rnams 'byar bar byed do/ / lci bar byed do// ljang ngar la brten par gyur pa'i sha la yang gzer zug chen por byed do// ljang ngar gnyis po dang phan tshun du mi 'dra bar byed do// rgyurgyas pa'i dra bas g.yogs par yang ldang ngar gcig gi yul phyogs su byed do// des ldang ngar 'byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa/ bdag gi rlung gzhan gang dag gis bdag gi lus la las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ tshigs pa 'byed par byed pa'i rlung yin te/ des nga'i lus

  1320. 284a

    la las ci dag byed pa yin na/ yang des mthong ba na/ tshigs pa rnams kyi gseb tu song bar gyur nas tshigs pa la zug gzer byed do// 'di lta ste/ mgo bopo'i bzhi dang / 'gram pa gnyis kyi tshigs pa gsum dang / dpral ba'i tshigs pa gnyis na bar byed do// bdag gi mgrin pa'i tshigs pa gcig dang og sgo'i tshigs pa gcig dang sum cu nyis so/ / gtun khung gi tshigs pa dang / rkan gyi tshigs pa gcig dang / ma rkan gyi tshigs pa gnyis so// sked pa'i tshigs pa bco lnga'o// tshigs pa gcig la yang tshigs pa gnyis su gyur pa ni brang ngo / / tshigs tshigs ma yin pa la 'brel bar gyur pa'i tshogs ma yin pa tshigs la 'brel bar gyur pa ni dpung pa'i tshigs gnyis dang gru mo'i tshigs dang bcas pa'i tshogs pa gzhan gnyis so/ / mig rus kyi tshigs pa ni bzhi bzhi'o// lag 'gul gyi tshigs pa gnyis dang / rkang mthil gyi tshigs pa gnyis dang / lnga bcu rtsa lnga ni rgyab tu gyur pa'i tshogs pa rnams so// gzhogs ngos gcig la ni tshogs pa bcu gnyis so// de bzhin du gnyis pa la yang ngo // thang ba'i tshigs pa bcu gnyis so/ / sha'i dum bu'i tshigs pa bcu gnyis so// chu so'i tshigs pa gcig go// phongs chos kyi rus 'azas tshigs pa gnyis so// mo mtshan gyi

  1321. 284b

    tshigs pa gcig go/ brla'i tshigs pa gnyis so// ltung ngar gyi mthil gyi tshigs pa gnyis so// long bu ni tshigs pa gnyis so// skal mthil gyi tshigs pa drug cu'o// rkang pa dang lag pa'i sor mo'i tshigs pa dang / sen mo'i tshogs pa rnams ni nyi shu'o// 'di dag rnams yin te/ tshigs pa 'byed par byed pa'i rlung de dag rnams la rten pa yin na/ de dag la gnas par gyur nas gang gi tshe bdag la 'khrug pa bskyed par gyur na des 'chi bar yang 'gyur pa 'am/ 'chi ba tsam gyi sdug bsngal yang 'byung bar 'gyur ro// des tshigs pa 'byed par byed pa'i rlung la so sor brtag par gyur pas kyang yang dag pa ji lta ba bzhin du lus so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis lus la las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ byin pa la nyal bar byed pa'i bdag gi rlung yod de/ bdag gi lus la las ci dag byed pa yin pa yang des thos pa las byung ba'i shes rab kyis sam lha'i mig gis mthong bar gyur pa ni/ byin pa la nyal ba po'i bdag gi rlung 'khrugs par gyur na/ de'i tshe bdag gi byin pa 'khums par gyur nas/ bdag gis rkyong bar

  1322. 285a

    mi nus so/ / brkyang bar gyur nas kyang bdag gis sdum par mi nus so// shing lta bur bdag gi rig par gyur nas kyang phan tshun kun tu bdag gi 'bral bar yang/ mi 'gyur ro// bdag gis 'gro ba dang 'ong ba yang nus par mi 'gyur te/ rlung de'i skyon gyis yin no// des ldang ngar la kun tu nyal bar byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par 'gyur ro/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ bdag gi lus la gnas pa'i rlung gzhan gang dag gis las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ spro bar byed pa khri bya ba'i rlung bdag gi lus la gnas pa yin te/ de bdag la gang gi tshe bdag la 'khrugs par gyur pa na de'i tshe las ci zhig byed pa yin zhing / yang gang gi tshe 'khrugs par ma gyur pa de'i tshe nad ci dag byed pa yin pa yang / des thos pa las byung ba'i shes rab kyis sam/ lha'i mig gis mthong ba yin te/ gang dag bdag gi lus kyi bya ba'i khams la gnas par gyur pa rnams kyis ni 'di dag byed pa yin te/ lus thams cad la yang 'gro ba dang / bral bar byed pa dang / dbugs gyen du 'byung ba dang / zos

  1323. 285b

    pa dang / 'thungs pa dang / 'chos pa dang / myangs pa rnams kyi bskyed pa'i lus mdog bzang bar byed do// bdag gi mig dang / rna ba dang / sna dang / lce dang / lus dang / yid rnams kyis rang rang gi yul rnams la rab kyi stobs dang ldan par 'gyur ro// zos pa rnams kyang legs par smin par byed do// kang gi tshe 'khrugs par 'gyur pa de'i tshe las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa lus la gnas par gyur pa'i zos pa dang / 'thung pa dang / 'chos pa dang / myangs pa rnams thams cad kyang bdag gis bde bar 'ju bar mi 'gyur ro// lus kyi mdog kyang bzang bar mi 'gyur ro// lto rnam par 'gyu bar byed do/ / spro bar byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par byed pa na/ des thos pa las byung ba'i shes rab kyis sam/ lha'i mig gis mthong bar gyur pa rgyus pa spyod par byed pa zhes bya ba'i bdag gi rlung de 'khrugs par gyur pa na yang las ci zhig byed pa yin na/ nyal ba dang / sad pa dang / dbang po'i yid gzhan gang dag gi lus

  1324. 286a

    la gnas par gyur pa'i bya ba de dag rnams thams cad kyang 'dis byed do/ / rgyus pa dang ldan pa'i rlung gis byin gyis rlob par mi byed na ni bdag gi lu 'khrug par mi 'gyur ro/ / bdag gi lus la tshor bas gzir bar yang mi 'gyur ro// zha bor yang mi 'gyur te/ de'i rlung 'khrugs par ma 'gyur na'o// gal te yang rgyus pa skyod byed kyi rlung 'khrugs par gyur na ni/ nyal ba dang / sad pa dang / yid gzhan du 'gyur zhing dbang po gzhan la yengs par gyur pa'i bdag gi lus kyi bya ba de dag rnams thams cad ni bdag gis brjod par mi nus te/ rlung de'i mthu las gyur pa yin no// des rgyus pa skyod byed kyi rlung la so sor brtags par gyur pas kyang yang dag pa ji lta bar lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi lus la gnas par gyur pa'i rlung gzhan gang dag gis las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ 'gro ba rnam par zlog par byed pa zhes bya ba'i rlung bdag gi lus la gnas pa yin na/ 'khrugs par gyur pa na'am/ ma 'khrugs par gyur pa na bdag la las ci zhig byed

  1325. 286b

    pa yang / des thos pa las byung ba'i shes rab bam/ lha'i mig gis mthong bar gyur pa ni/ lus su gyur pa thams cad kyi lus kyi lam gang yin pa de bdag rnams la/ 'dis gegs byed do// de rab tu 'khrugs par gyur na bdag gcin sdom par 'gyur ro// bdag la lgang bag gi nad 'byung bar 'gyur ro// bdag la rlig pa'i nad kyang 'bru ngo / / zas mi 'dod par yang 'gyur ro// mi gtsang bas gsus pa kun tu rgyas par byas pas bdag sdug bsngal byas nas chu ngan gyi lam 'byin no// bdag gi yan lag dang nying lag rnams thams cad la srin bu rnams kyang 'byung bar 'gyur ro/ / khong pa'i nad kyang 'byung bar 'gyur ro// bdag gi yan lag dang nying lag rnams thams cad rgyas par yang 'gyur ro/ / bdag gi rtsa sdom par 'gyur ro// gal te 'khrugs par ma gyur na ni/ des ji skad du bshad pa'i bdag gi nadwa rnams rab tu zhi bar byed par 'gyur ro/ / des 'gro ba rnam par zlog par byed pa'i rlung la so sor brtags par gyur pas kyang lus yang dag pa ji lta ba bzhin du so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gang zhig 'khrugs par gyur na yang las ci dag byed pa yin//

  1326. 287a

    na/ des thos pa las byung ba'i shes rab kyis sam/ lha'i mig gis mthong bar gyur pa 'gro ba'i 'brel rnam par g.yeng ba zhes bya ba'i rlung bdag gi lus la rab tu gnas te/ de gal te 'khrugs par gyur pa 'am/ 'khrugs par ma gyur pas bdag la nad ci zhig byed pa yang / des thos pa las byung ba'i shes rab kyis sam/ lha'i mig gis mthong bar gyur pa ni/ gal te 'brel bar 'gro ba dkrugs pa'i rlung 'khrugs par gyur na/ des bdag gi gsus pa la gnas pa'i rlung gi sman byed do/ / rtug pa 'byung bar 'gyur ba'i gegs byas pas bang mtho ba tsam par gyur nas/ lag pa dag gis drud pas rab tu la zug pa skyed do// khams 'khrugs par gyur pa yang bdag la 'byung ngo / / bdag la mi bzad pa'i gegs byas par gyur pas mgo'i nang du 'gyur ro// bdag gis zos pa dang / 'thungs pa dang / 'chos pa dang / myangs pa rnams yang dag pa bde bar smin par yang mi 'gyur ro// bdag gi lus la 'brum bu nye bar skye bar yang 'gyur ro// bdag la tshad pa yang 'byung ngo // gal te bdag gi 'gro ba'i brel rnam par dkrug par byed pa'i rlung 'khrugs par ma gyur na ni/ de ji skad du bshad pa'i bdag gi nad rnams bdag la rab tu 'byung bar mi 'gyur ro//

  1327. 287b

    des 'gro ba'i 'brel rnam par dkrug pa'i rlung la so sor brtags par gyur pas kyang yang dgra pa ji lta ba bzhin du lus so sor rig par 'gyur ro// gzhan yang // rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gi lus la las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ spu dang / sen mo dang / rtug pa rnams 'byed par byed pa zhes bya ba'i rlang ba dag gi lus la rab tu gnas pa yin te/ de gal te bdag la 'khrug par gyur pa dang / 'khrug par ma gyur pa na yang / las ci zhig byed pa yin na/ gal te bdag gi spu dang / sen mo dang / rtug pa rnams 'byed par byed pa'i rlung ba dag gi lus la 'khrugs par gyur na/ des bdag gi dbang po rnams mnar bar gyur pa nas/ rid pa nyid du byed pa yin no// bdag gi kha dang / sna bug dang / rna ba rnams kyi phyed zug gzer gyis gzir bar byed do// mig la yang rab rib tu 'gyur ro// bdag gi snas kyang dri 'dzin par mi 'gyur ro// bdag gi kha yang skya bor 'gyur ro/ / bdag rang bzhin du gnas par bsdad kyang sdug par 'gyur ro// bdag gi bsam gtan gyi bde ba la yang gnod par 'gyur ro// bdag gi sems

  1328. 288a

    kyi rgyun gcig tu gnas par yang mi 'gyur ro/ / lus rang bzhin du gyur pa rnams ni sems rang bzhin du gnas par 'gyur ba yin no// lus la ni phung / po lngar rten pa yin te/ gzugs dang / tshor ba dang / 'du shes dang / 'du byed dang / rnam par shes pa dang rnams so// lus kyi rjes su lta zhing 'gro ba'i 'du byed rnams thams cad rig par gyur nas/ rnal 'byor spyod pa des 'phel ba dang 'grib pa'i chos rnams shes par 'gyur ro// des spu dang / sen mo dang / rtug pa rnams 'byed par byed pa'i rlung rigs par gyur nas/ yang dag pa ji lta ba bzhin du lus rig par gyur na/ gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis lus las gyur pa'i las ci drag byed pa yin na/ des thos po las byung ba'i shes rab kyis sam/ lha'i mig gis mthong bar gyur pa khu chu rnam par rlug byed ces bya ba'i rlung lus la rab tu gnas pa yin te/ des bdag la las ci zhig byed pa yin pa yang / des thos pa las byung ba'i shes rab byas sam/ wa'i mig gis mthong bar gyur pa la/ chu'i chu bur 'dra bar khu chu rnam par chug byed ces bya ba'i bdag gi rlung yod do// des

  1329. 288b

    bdag gi gcin gyi lam nas rnam par rtog pa ma byas par gyur du zin kyang gcin dang ldan du khu ba rab 'byung bar 'gyur ro/ / 'di lta ste/ yungs kar gyi tshad tsam drang nas tsam du 'thas par byas nas bdag gi lus la 'bab pa'o/ / bshang ba'i gnas kyang des zug gzer du byed par 'gyur ro// des ni nad dang mtho 'tsham pa'i rigs can yin te/ bdag gi sems kyi rgyun gcig tu gnas par yang mi 'gyur ro// des khu ba rnam par rlug byed kyi rlung la so sor brtags par gyur pas kyang yang dag pa ji lta ba bzhin du lus rab tu rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi lus la gnas par gyur pa'i rlung gzhan gang dag gis 'khrugs par gyur pa dang / mi 'khrugs pa na las ci dag byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa ni/ rgan gog tu byed pa zhes bya ba'i rlung ba dag gi lus la rab tu gnas pa yin te/ de gang dang gang du bdag la rgyas par 'gyur ba de dang de dag gis bdag gis 'du byed rnams rnying par gyur cing rgan gog tu 'gyur ro/ / 'gro ba dang 'ong ba'i gnas rnams la yang stob dang ldan par mi 'gyur ro// bdag yud tsam cig nye bar

  1330. 289a

    bsdad pas kyang nad par 'gyur ro/ / bdag mal stan gyi gnas su phyin na yang nad par 'gyur ro// yan lag dang nying lag rnams la yang bdag dbang sgyur nus par yang mi 'gyur ro/ / bdag nyid mang bar yang 'gyur ro// gal te yang bdag gi rgan gog tu byed pa'i rlung 'khrugs par ma gyur na ni/ ji skad du bshad par gyur pa'i nad de dag rnams rab tu 'byung bar mi 'gyur ro/ / des rgas la bogs par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi lus la gnas pa'i rlung gang dag gis 'khrug par gyur pa dang / 'khrugs par ma gyur pa yang las ci dag byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ rkang bug rengs par byed pa zhes bya ba'i rlung bdag gi lus po la rab tu gnas pa yin te/ de 'khrugs pa dang ma 'khrugs pa na bdag la las ci zhig byed par gyur pa yin pa yang des mthong ba ni sgang bug rengs pa zhes bya ba'i rlung de gal te 'khrugs par gyur na/ bdag gi yan lag dang nying lag rnams thams cad la'ang 'phro bar byed do//

  1331. 289b

    dbugs bsdam par byed pa dang / snying gi nad dang / lgang bug tu gyur pa yang g.yeng bar byed pa dang / bdag gi rtug pa dang gcin rnams thams cad kyang rengs par byed/ pa'am/ rengs par mi byed pa yang rung ste/ bdag gi drug pa bde bar mi 'thon no// tso 'dri bar byed pa dang / zug gzer du byed do// sems kyi rgyun rnam par g.yeng bar byed par 'gyur ro/ / bdag gi rnam par shes pa stobs dang ldan par yang mi 'gyur ro// chos kyi dbang du byas nas sems rab tu dang bar 'gyur ba dang / las la mngon par 'dod pa yang ma yin te/ lus sdug bsngal bar gyur na yang chos mngon par 'dod par mi 'gyur ro// gal te lgang bug rengs par byed pa'i rlung mi 'khrug na ni ji skad du bshad par gyur pa'i nad de dag rnams rab tu 'byung bar mi 'gyur ro/ / des lgang bug rengs par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag rlung gzhan gang dag gis 'khrugs par gyur pa dang / 'khrugs par ma gyur na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong

  1332. 290a

    bar gyur pa bshang ba skam por byed pa zhes bya ba'i rlung bdag gi lus la rab tu gnas te/ de bdag la 'khrugs pa dang ma 'khrug pa na las ci zhig byed pa yin pa yang / des thos pa las byung ba'i shes rab kyis sam/ lha'i mig gis mthong bar gyur pa la/ bdag gi bshang ba kun tu skam par byed pa zhes bya ba'i rlung gal te 'khrun par gyur na/ des bdag gal te rab tu phal che ba'i bza' bar bya ba dang / bca' bar bya ba rnams bsod par gyur pa'i 'du shes su byas nas mang du zas skom rnams med par gyur pa na/ de lus kyi gseb tu song bar gyur nas dang / 'gram so'i gseb tu song bar gyur nas dang / de lus kyi gseb na gnas pa dang / mnan pa'i bar du gnas pa dang / lus tham cad kyi gseb tu song bar gyur nas kyang bdag la lhang kyog tu byed do// nga'i bshang ba yang skam par byed do// zhag gnyis sam/ zhag gsum mam/ zhag bzhir yang bdag gis drug pa btang bar mi nus so/ / gal te bdag gis nus par gyur na yang tshor ba chung ngu bdag la 'byung bar 'gyur ro// gal te yang bdag la bshang ba skams par byed pa'i rlung de 'khrugs par ma gyur na ni/ ji skad du bshad pa'i nad de dag rnams rab tu 'byung bar mi 'gyur ro// bshang ba kun tu skam byed kyi rlung la so sor brtags par

  1333. 290b

    gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te bdag gi rlung gzhan gang dag gi sa las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa rtsi ba logs na bar byed pa zhes bya ba'i rlung bdag gi lus la rab tu gnas pa yin te/ des bdag la 'khrugs par gyur pa drang 'khrugs par ma gyur na las ci zhig byed pa yin pa yang / des mthong ba ni rtsib logs na bar byed pa zhes bya ba'i bdag gi rlung de gal te 'khrugs par gyur na/ des bdag gi logs kyi rus pa la gnas na/ logs kyi gseb tu rgyu bar byed pa logs kyi khrag rnams rab tu skams par byed pas/ bdag la 'jigs su rung ba dang rtsub pa dang mi bzad cing drag por gyur pa'i tshor ba rnams skyed par byed do// gal te/ rlung de bdag la 'khrugs par ma gyur na ni/ ji skad du bshad pa'i nad de dag rnams rab tu 'byung bar mi 'gyur ro// des logs na bar byed pa'i rlung rig par gyur nas yang dag pa ji lta ba bzhin du so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ bdag gi rlung gzhan

  1334. 291a

    yang gang dag 'khrugs par gyur par dang / 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa bu gu dgu'i nad ces bya ba'i rlung bdag gi lus la rab tu gnas pa yin te/ des bdag la 'khrugs pa dang / ma 'khrugs par gyur pa na las ci zhig byed pa yang / des thos pa las byung ba'i shes rab kyis sam/ lha'i mig gis mthong ba las/ bu gu dgu bar byed pa zhes bya ba'i bdag gi rlung gal te 'khrugs par gyur na/ des bdag gi bu gu dgu po rnams lus par 'dzum par byed do// bu gu bdun mgo bo la gnas pa dang / gnyis bshang ba dang gci ba'i yin te/ spyir yo 'am gal te re re yang rlung bkag par gyur na yang des lus mnyam par na bar byed do/ / dbugs rngub pa dang 'byung ba yang 'dis shin tu sdom par byed do// sna bug na yod pa'i rlung gis ni lus rnams thams cad par 'dzin par byed pa dang / bdag gi lus kyi gong bu 'di ni rlung gi dbang du gyur pa yin zhing / rlung yang 'khrul 'khor bzhin te/ rlung ni rlung nyid kyis spyod par byed kyi/ gzhan dag 'ga' zhig kyang ni ma yin no/ / des bu gu dgu na bar byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do//

  1335. 291b

    gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa yan lag dang nying lag thung bar byed pa zhes bya ba'i bdag gi rlung yin na/ des 'khrugs par gyur pa dang / 'khrugs par ma gyur pa na bdag la las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa ni/ gal te bdag gi yan lag dang nying lag rnams thung bar byed pa'i rlung 'khrugs par gyur na/ des sor mo rnams 'khum par byed do// nad rnams 'bigs par byed do// dman zhing thung bar byed do// rkang pa dang lag pa yang kun tu 'bum par byed do/ / steng gi rus pa rnams gzer zug byed do// brla'i rgyus pa rnams 'bum par byed do// 'on kyang rgyu ma la gnas pa rnams sbom por yang mi byed do/ / skrangs pa dang lus rnams ngal du bskyed par byed do// nad 'di dag rnams ni yan lag dang nying lag thung bar byed pa dag gi rlung gis byed do// gal te 'khrugs par ma gyur na ni ji skad bshad pa'i nad de dag rnams 'byung bar mi 'gyur ro/ / yan lag dang nying lag thung bar byed pa'i rlung la so sor brtags par gyur pas kyang yang dag pa ji lta ba bzhin du lus

  1336. 292a

    la so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gang dag gis las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa me drod kun tu sun 'byin pa zhes bya ba'i rlung bdag gi lus la rab tu gnas pa yin te/ des bdag la 'khrugs par gyur pa dang / 'khrugs par ma gyur pa na las ci zhig byed pa yang / des mthong bar gyur pa gal te ma drod sun 'byin par byed pa'i rlung lus la 'khrugs par gyur na/ des bdag gi lus la gnas par gyur pa'i me drod rnams rang gi gnas nas 'pho bar byas nas nyams par byed do// des bdag ma drod nyams par gyur nas zas smin par mi 'gyur ro/ / skom yang bdag gis 'ju par mi 'gyur ro// des pags par gyur pa rnams kyang mdog ngan par 'gyur ro// khrag rnams kyang skam zhing sha dag kyang yongs su nyams par byed do/ / rgyus pa rnams 'khum par 'gyur ba skyed par byed do// tshil rnams med par 'gyur ro// bdag gi rus pa rnams kyang skam par 'gyur ro/ / lta ba kun kyang srab mor 'gyur ro// bdag gi lus thams cad las gyur pa'i khu chu dag dang stobs rnams kyang nyams par byed do// snying la rten pa'i rlung gis ni

  1337. 292b

    rtog par mi byed do/ / gal te yang me drod kun tu sun 'byin par byed pa'i rlung 'khrugs par ma gyur na ji skad du bshad pa'i nad de dag rnams 'byung bar mi 'gyur ro// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gang dag gis las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa bdag gi lus kyi yan lag dang nying lag rnams thams cad grang bar byed pa zhes bya ba'i rlung yin te/ des 'khrugs par gyur pa 'am 'khrugs par ma gyur pa na las ci zhig byed pa yin yang / des thos pa las byung ba'i shes rab kyis sam/ lha'i mig gis mthong ba ni/ bdag gi lus thams / cad grang mor byed pa'i rlung gal te 'khrugs par gyur pa lus la kha chu skyed pa dang rlan par yang lus 'gyur ro// 'di lta ste/ nyal bar gyur pa na rtsub pa dang / gyong ba'i kha dog dang // bum par yang byed do// snyoms par lus kyi yan lag dang nying lag rnams zung drung por 'gyur ro// bdag gi lus kyi ba spu rnams langs par yang lus 'gyur ro// lab leb mang zhing mi mnyam par gyur pas lus kyi yul 'ga' zhig tu skyed par 'gyur ro/ / 'dzad par 'gyur ba skyed pa dang / g.yan pa'i ngo bor gyur pa'i chu ser khrag gi rgyal po yang skyed do//

  1338. 293a

    rnams kyang ser por 'gyur ro// tshad pas gdungs par yang 'gyur ro// sdom pa nyid du 'gyur zhing / lus kyi yul rnams mi mnyam par yang 'gyur ro// skya bo nyid du yang yul de dag rnams 'gyur ro/ / bdag gi lus po la yang pags pa 'thug po ka ba ko ba mang du 'gyur ro// glang po'i pags dang 'dra bar yang 'gyur ro// bdag gi dka' blas kyis bdag gis langs nus par 'gyur ro/ / rnag gi dri rnams kyang bdag gi lus la 'byung bar 'gyur ro// ji srid du zas kyang rtsub pa'i rtags rtog can du 'gyur ro// bdag gi lus kyi phyogs gcig nas glang po che'i pags pa dang 'dra bar 'gyur ro/ / 'brum 'jur dang skye ba yang bdag gi ngos gcig tu 'gyur ro// skyes bu lag pa dang rkang pa dag la rma yang kun tu skye bar byed do/ / bdag 'gro ba dang 'ong bar gyur pa na yang ngal zhing dub par 'gyur ro// g.yan pa yang bdag gi lus kyi phyogs gcig tu kun nas skye bar byed do// rnam par sreg par byed pa yang rtag tu skyed do/ / bdag gi lus reg bya ngan par kun tu skye bar byed do// rnag gi thum po skyes pa rnams rnam par 'phel bar byed do// rnam par smras par byed do/ / so la yang bdag chags pa dang bral bar 'gyur ro// bdag gi sna yang zug gzer chen por 'gyur ro// bdag gi mig gnyis kyi rdzi ma phra mo rnams 'brul bar 'gyur ro//

  1339. 293b

    sor mo dang rkang pa'i sor mo rnams kyang rnam par 'thul bar 'gyur ro// skad rnams kyang gag yar med par 'gyur ro// srin bu yang phyi rol du rgyu bar gyur par rab tu 'byung bar 'gyur// ro// bdag gi yan lag nying lag rnams thams cad kyi spu rnams nyil bar 'gyur ro// skye bo rnams thams cad kyang bdag la skyug log par 'gyur ro// sbyin pa po dang sbyin bdag gi khyim du yang smon par bya ba'i gnas su 'gyur ro/ / sbrang bu rnams kyang bdag gi lus la rtag tu rgyug par 'gyur ro// chos gos kyang bdag gi lus la mi bzod do// bdag gi sen mo rnams kyang rnam par nyil bar 'gyur ro/ / bdag nyal bar gyur pa na yang ngar ngar po'i dbugaso rnams kun tu 'byung ngo // bdag sdug bsngal bar gyur pas kyang zas la sred par 'gyur ro/ / 'on kyang 'ju ba ma yin no// bdag gis btung ba rnams 'thung bas kyang khyad par du tshad pa skyed par byed do// bdag gi lce yang rnam par 'gyur ba skyed do// de ltar yan lag dang nying lag rnams thams cad la grang bar byed pa'i rlung gis dman par gyur pas lus rnams 'dzag par 'gyur ro// gal te yang bdag gis yan lag rnams thams cad la grang bar byed pa'i rlung rab tu rgyas par ma gyur na ni grang ba ma yin pa'i rlung des lus mdog bzang ba dang / mkhregs pa dang / 'jam zhing sdum bag can dang

  1340. 294a

    dkar ba dang / mnyen pa dang / skye bo rnams thams cad dga' bar 'gyur ro// rdul ba rnams thams cad ni dro bar 'gyur ba la rigs pas/ yan lag dang nying lag rnams thams cad dang ba spu'i khung bu rnams nas 'byung bar 'gyur ro/ / ji skad du bshad par gyur pa'i nad rnams kyang rab tu 'byung bar mi 'gyur ro// de yan lag dang nying lag rnams thams cad la grang bar byed pa'i rlung la so sor brtags par gyur pas kyang lus yang dgra pa ji lta ba bzhin du so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gis rlung gzhan dag gis lus pa las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa brtan pa 'jig par byed pa zhes bya ba'i rlung lus la 'khrugs par gyur na/ des bdag 'jig pa chung ngu la yang bdag gi nyid spangs par 'gyur ro/ / yan lag dang snying lag rnams thams cad la yang lhung kyog 'byung ngo // rengs par 'gyur ba dang / sdang bar yang 'gyur ro// rmongs bar yang 'gyur ro/ / bdag dbugs kya spongs shin tu yul du phyin par 'gyur ro// 'on kyang dbugs kyang rngub par yang mi nus par 'gyur ro// bdag gis chos gos

  1341. 294b

    mi bzod do/ / bdag la mgo bo'i nang rnams 'byung bar 'gyur ro// bsam gtan la gnas par gyur na yang sems kyi dmigs pa gcig tu mi 'gyur ro// bdag gis rmi lam du yang rnam par 'gyur ba rnams mthong bar 'gyur ro/ / bdag la skyug pa yang 'byung bar 'gyur ro// bdag gis zhi bar gyur pa'i gzugs rnams kyang drag por gyur par mthong ngo // / thag nye bar gyur pa'i gzugs rnams kyang bdag gis rgyang ring bar mthong bar 'gyur ro// bdag gis sred pa yang rab tu che bar 'gyur ro// gal te yang brtan pa 'jig par byed pa'i rlung 'khrugs par ma gyur na ni/ ji skad du bshad pa'i nad de dag rnams 'byung bar mi 'gyur ro// des brtan pa 'jig par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing ga nas te/ bdag gi rlung gzhan gang dag gis las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa lus thams cad la 'phar ba zhes bya ba'i rlung lus la gnas pa yin te/ des bdag la 'khrugs par gyur pa dang / 'khrugs par ma gyur pa na las ci zhig byed pa yang / des thos pa las byung ba'i shes rab

  1342. 295a

    kyis sam/ lha'i mig gis mthong bar gyur pa ni/ gal te bdag gi lus thams cad la 'phar ba zhes bya ba rlung lus la 'khrugs par gyur na nges bdaka' bar bar byed do/ / rna ba 'ur 'ur byed cing rnam par 'phar byed do// rlung gis 'phar bar yang byed do// yan lag dang nying lag rnams thams cad la yang 'phar bar byed do// nang du rgyu bar yang 'gyur ro/ / yul dang yul rnams su sdom par yang byed do// 'on kyang nang ni mi skyed do// gal te lus thams cad la rgyu ba'i rlung de 'khrugs par ma gyur na/ ji skad du bshad pa'i nad de dag rnams 'byung bar mi 'gyur ro/ / des yan lag thams cad 'phar ba'i rlung la so sar brtags par gyur pas kyang yang dag pa ji lta ba bzhin du so sor rtog par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis lus la las ci zhig byed pa yin na/ des thos pa las byung ba'i shes rab kyis sam/ lha'i mgags mthong bar gyur pa sreg par byed pa'i rlung bdag gi lus la rab tu gnas pa yin te// des bdag la 'khrugs par gyur pa dang / 'khrugs par ma gyur pa na las ci zhig byed pa yang / des mthong bar gyur pa sreg byed kyi rlung 'khrugs par gyur na ni/ des bdag

  1343. 295b

    gis mid par gyur pa'i zas rnams mgul pa'i spu gu la rab tu brten par byas nas myur du sreg par byed do/ / zas la gnas par gyur pas bdag gi 'byung ba chen po rnams rgyas par mi 'gyur ro/ / bza' bar bya ba dang / bca' bar bya ba zos par gyur pa rnams kyang rnam pa gnyis su 'gyur ba yin te/ rab tu dang bar gyur pa dang / rnyog par gyur pa'o// de la rab tu dang bar gyur pa rnams kyis ni 'byung ba chen po rnams rgyas par byed do/ / rnyog par gyur pas ni nad rnams rab tu 'byung bar 'gyur ro// bdag gi sreg byed kyi rlung de 'khrugs par gyur na// phal cher zas kyi rigs rnams rnyog pa can du byed de// nyung ngu nyung ngu tsam zhig rab tu dang bar 'gyur ro// des bdag gi nad rnams rab tu 'khrugs par byed do// gal te yang sreg byed kyi rlung 'khrugs par ma gyur na ni/ des bdag gis zas rnams rnam pa gnyis su byed do// rab du dang bar gyur pa dang / rnyog pa ste/ des kyang nga'i 'byung ba chen po nas snyoms par 'gyur ro/ / nad rnams dkrug par yang mi 'gyur ro// des sred byed kyi rlung la so sor brtags par gyur pas kyang yang dag pa ji lta bar lus so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ rlung gzhan gang dag bdag gi lus la rab tu gnas pa yin na/ des

  1344. 296a

    thos pa las byung ba'i shes rab kyis sam/ lha'i mig gis mthong bar gyur pa/ srin la kun tu 'jug par byed pa'i rlung bdag gi lus la rab tu gnas pa yin te/ des bdag gi yan lag dang nying lag rnams thams cad la gnas pa'i srin rnams la so sor 'dre bar byed do// rnam par 'dre bar byed do// kun tu 'gal bar byed do// rnam par 'gal bar byed do// kun tu skul bar byed do// steng 'og tu byed par 'gyur ro// mgo bo nas ji srid du rkang pa'i bar du dang / glad pa la rgyu bar byed pa de glad pa la rgyurgyas nas de glang rgyas la rgyu bar gyur nas/ thod pa la rgyu bar byed cing gseb tu song nas skra za bar byed pa dang / rna ba la rgyu ba dang / snabs shin tu 'phel bar byed pa dang / tshil la rgyu bar byed pa dang / tshigs pa rnams dang 'gram par gyur pa dang / dpral ba za ba dang / so'i rtsa ba rnams za ba dang / skug byed kyis srin gyi rigs gzhan bcu mgrin pa dang / mgul pa la gnas pa rnams la 'di lta ste/ zas su ngar snabs za ba dang / mchil ma rnams shin tu 'grim par byed pa dang / rab tu skyugs byed rnams so// khu ba rgyu ba bcu'i rtsa rnams kyi nang na rgyu ba mngar myos dang / rab myos dang / ro drug la sred pa dang / krur gyur pa dang / rol rab tu sdang ba dang / nyal ba la shin tu mngon par

  1345. 296b

    dga' ba dang / sbom po rnams so// khrag las skyes par gyur pa'i srin gyi rigs bcu sha dang lhan cig gnas pa rnams 'di lta ste/ spu za ba dang / so su ra dang / dzin tu ra dang / o'u dum pa rab dang / kun tu 'dzin pa dang / spu'i gling dang / khrag la rab tu khro ba dang / khrag za ba dang / rab rab byed pa dang / sgur po dang rnams te/ rkang pa med pa dang / zung ngu dang / 'phel ba'i dbyibs can dang / khrag las skyes pa'i srin du gyur pa mig med pa dang / g.yan pa'i mtshan nyid dang / 'bigs byed kyi mtshan nyid dang ldan pa rnams yin no/ / sha la gnas pa'i srin gyi rigs bcu po rnams 'di lta ste/ rma kun nas slong ba dang / tsun tsu ka tha dang / rgyus paskul ba dang / rtsa ba 'bigs pa dang / pags pa za ba dang / tshil skul ba dang / 'phel byed dang / dri ngan dang / rdul rgyu ba dang / sred byed dang rnams so// mkhris pa la gnas par gyur pa'i srin gyi rigs bcu po rnams ni 'di lta ste/ tsur ba tha dang / skul byed dang / rdzas kyi rgyas pa dang / chen po'i rigs dang / nag pa ba dang / zas chen po dang / dro ba la rgyu ba dang / rnam par sreg byed dang / me drod nyams byed dang / me chen po dang rnams yin no// yan lag dang nying lag rnams thams cad la gnas pa'i srin rnams ni 'di lta ste/ rus

  1346. 297a

    pa la ldag pa dang / shin tu 'thung byed dang / rmugs pa gcong cing rtsu ba dang / dri mi zhim bdung / nus pa'i nag gi rigs dang / kha dmar pa dang / pa / dgas pa pa ba dang / glegs pa dang / su mr-i'i khadang rnams so// bshang byas rgyu ba'i srin gyi rigs bcu po rnams ni 'dis te/ dngas ma pa khab kyi khadang / pi bi skyes dang / rkang pa med padang shang ba rnam par 'thor byed dang / sgom pas gdungs pa dang / bshang ba byed pa dang / rnam par rengs byed dang / mdog bzangs dang / bshang ba sbyin byed dang rnams so// zlab la rgya bar byed pa'i srin gyi rigs bcu po rnams ni 'di lta/ sbrul gnas pa dang / sprob med pa kha na ka dang / gzer drug chen por byed pa dang / rmongs par byed pa dang / mom ngog can dang / reg tu 'gri ba dang / u'u n+ya gi dang / kun tu rnag pa der ga ba badrur rnams so/ / 'di dag rnams ni ji ltar 'did pa bzhin du sras sa rgyu bar byed pa yin no// khams thams cad la 'jug pa dang / skyon rnams thams cad la / par byed pa'i man lag dang nyid lagasang rnams thams cad la gnas pa'i srin 'a dag rnams la/ srin rnams la kun tu 'jug par byed pa'i rlung gis srin rnams thams cad kyi

  1347. 297b

    kyi nang du rgyu ba ji ltar 'dod pa bzhin du rlung gis 'debs par byed pa yin te/ bdag gis lus dang po dang srin rnams thams cad kyang ngo // des srin bu rnams la kun tu 'jug par byed pa'i rlung la so sor ba rtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lnga zhing gnas te/ des thos pa las byung ba'i shes rab kyis sam/ lha'i mig gis mthong bar gyur pa steng 'og tu byed pa zhes bya ba'i rlung bdag gi lus la rab tu gnas pa yin te/ des 'khrugs par gyur pa dang / 'khrugs par ma gyur pa na las ci zhig byed pa yin pa yang / des thos pa las byung ba'i shes rab kyis sam/ lha'i mig gis mthong ba ni/ steng dang 'og gi rlung gal te bdag la 'khrugs par gyur na/ de rnam pa lngar lam lnga la rjes su rten par 'gyur ro// gnas lnga la gnas pa yin no// gnas lnga la gnas par gyur nas kyang las gang dag byed pa yin na/ dbugs 'byung ba dang rngub pa rnams kun tu rgyu bar byed do// des la 'jig rten 'di na srog ces brjod do// de mgo bo dang brang la kun tu brten nas de dag gi nang na rgyu bar byed pa lus thams cad la stobs dang ldan par 'phro bar byed pa yin no/ / de yang gang gi tshe mi bzad par gyur pa na des lus kyi 'khrul 'khor rnam par

  1348. 298a

    'jig par byed do/ / de'i las ni lung ba dang gle lu ba 'og tu song bar gyur nas zas kha'i lam nas steng du byed do// des las kyi 'khrul gyi dbugs 'byung ba dang / rngub pa'i ngag gi cha gnyis pa brang dang snying la legs par brten nas shin tu dga' bar byed do// gang gi ro yang steng du rgyu bar gyur na dga' ba dang bral bar yang 'gyur te/ de mgrin pa'i slu ku'i gseb nas steng du 'byung bar 'gyur zhing / mgo bo rab tu brtol bar gyur nas lha'i rtsa bar 'gro'o// de lce la brten par gyur pa na de ma thag pa'i yid kyi lhan cig byed pa'i rkyen dang phrad pas/ yi ge'i brjod pa rnam pa sna tshogs pa dang rtogs pa dang ldan pa rnams rjod par byed do// cha gsum pas kyang rtag par rgyun du lus kyi me drod 'phel bar byed do// skyon yang des 'dug par byed do/ / bzhi pas ni rang gi lus la khyab par gyur nas nges par gnas so// rtag tu mig 'dzums pa dang 'byed par byed pa po de la brten nas rked pa dang / rgyu nabs dang / brlaR+Ya dang / rlig pa rnams la rten cing bshang ba'i lam la rten par byed do// des kyang lho rgyas par byed de/ bud med rnams ni 'grib par byed do// an tong rus pa la brten nas/ gang gi tshe bud med dag khu chu dang khrag rnams kun tu sbyor bar 'gyur ba na/ bud med kyi rgyu zhabs kyi gnas su shugs dang ldan par kun tu rgyug par gyur nas/ des

  1349. 298b

    khu chu dang khrag kun tu 'dre bar byed do/ / sa mo rnams ni yang bar byed do// gang gi tshe zas rnam par 'ju bar byed pa na cha gsum pa 'dod pa'i mo'i bya bas gsal bar byas na med par 'byed par byed do/ / rnam par rtog pas lus ring ba dang / thung ba dang / zlum po dang / gru bzhi yang byed do// rlung de ji lta ji lta lus mngon par gsal ba dang / tshad dang / dbyib rnams mngon par byed pa de bzhin du/ rnam par shes pa yang rnam pa sna tshogs pa'i mtshan nyid du 'brel bar 'gyur ro// dper na zhe ska mo dang chu bud med kyis bum par sdud par byed do// bsrubs pas skra mo lbu ba rdos par 'gyur ro// lbu brdos nas 'thas par 'gyur ro// 'thas pa las mar gsar du 'gyur/ de kho na bzhin du rlung yang lus la nyon mongs pa rnams thams cad dang bcas nas kun tu mngon par 'jug go/ / cha lnga pas ni zos pa dang / 'thungs pa dang / 'chos pa dang / myangs par gyur pa rnams gang gi tshe lce'i rtse mo dang sru gu la rab tu brten par gyur pa'i zas rnams des sgra rnams kyi mtha' nas bzung nas ji srid du sen mo rnams la brtson 'grus kyis rnam par byed do/ / ro dang / kha dag dang / dri rnams kyang lus thams cad la byed do/ / gang gi tshe yang zas steng du byed par 'gyur ba'i rlung 'khrugs par gyur na ni/ des rnam pa lngar chags pa dang bral bar 'gyur ba'i las lnga byed pa yin/

  1350. 299a

    te/ steng du dbugs 'byung bar 'gyur pa'i dbugs mi 'byung bar byed do// des lus kyi khams rnams thams cad la lgang kyog chen po 'byung bar 'gyur ro// lhang kyog gis kyang lus yongs su btang nas/ 'khrugs par gyur pa'i las gsum pa byed do// dbang po rnams thams cad dang / shes pa rnams thams cad kyang dkrugs par byas nas lus kyang 'dor bar byed do/ / lus yongs su dor bas kyang gsum 'dzem par 'gyur te/ srog dang / drod dang / de nas ni sa rnam par shes pa'o// 'di la tshigs su bcad pa/ srog drod de nas rnam par shes// gang tshe lus 'di btang ba na// ji ltar shing bzhin sa la ni// 'gyel nas de tshe nyal ba yin// 'khrugs par gyur pa'i las gnyis pa yang byed do/ / 'dugs thung ngu ni 'byung bar byed kyi dbugs ring po ni 'byung bar mi byed do// de las kyang lus rnams thams cad la rgyug pa'i zug gzer chen po 'byung bar 'gyur ro/ / zug gzer gyis kyang lus yongs su btang bar 'gyur ro// 'khrugs par 'gyur ba'i las gsum pa rnams byed de/ dbang po rnams thams cad dang shes pa rnams thams cad kyang rnam par g.yeng bar byas pas/ 'du shes med par yang byas nas lus 'dor bar yang byed do// 'khrugs par 'gyur ba'i bzhi pa yin te/ brgya

  1351. 299b

    la na dbugs 'byung ba stobs dang ldan par gyur pas sam/ gal te shes na dman par 'gyur bas kyang lus 'dor bar byed pa 'am/ ma yin pa 'am/ nyal ba'i 'du shes kyi de dbugs dang ldan par gyur pas 'tsho ba 'dzin par byed do/ / des steng 'og gi rlung rnams rig par gyur pas kyang yang dag pa ji lta ba bzhin du so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa kun rdzogs par byed pa zhes bya ba'i rlung lus la rab tu gnas te/ 'tsho bar gyur pa dang rjud par yang byed do/ / sems kyi rgyud brtan par yang byed do// gal te 'khrugs par 'gyur na ni/ des kyang sems kyi rgyun rtsa ba hral can du byed do// rnam par shes pa goms par byas pa yang nyams par byed do/ / thos pa rnams kyang gzhan du byed de// des mthong bar gyur pa rnams kyang mi mthong bar byed do// de bzhin du rna bas kyang sgra rnams mi thos par byed do// de bzhin/ du sgom par mi byed cing / de bzhin du myang bar mi byed la/ de bzhin du lus kyis reg bya rnams 'dzin par mi byed do// de bzhin du yid kyis chos rnams mi shes so// bdag nyid rang dang gzhan rnams shes

  1352. 300a

    par mi 'gyur ro/ / ngas kun rdzogs par byed pa'i rlung rig par gyur pas kyang yang dag pa ji lta ba bzhin du lus so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gang dag gis las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa sems rgyud kun tu sun 'byin pa'i rlung bdag gi lus la rab tu gnas pa yin te/ des 'khrugs par gyur pa 'am/ 'khrugs par ma gyur pa nu/ bdag la las ci zhig byed pa yang / des thos pa las byung ba'i shes rab kyis sam/ lha'i mig gis mthong ba na/ gal te bdag la sems kyi rgyud kun nas sun 'byin pa'i rlung 'khrugs par gyur na/ des bdag gi sems rmya bar byed pa'i lam du du sun 'byin par byed de// skyod par byed do// rengs par byed do// shin tu skams par yang byed do/ / rnam par g.yeng bar byed de// kun tu rmongs par yang byed do// pa dag gis zos par gyur pa rnams kyang lam nas yang dag par yongs su bzhu bar mi 'gyur ro// des rang gi sems rnam par g.yeng bar 'gyur ro// des bdag gi sems dge ba'i chos rnams la mngon par dga' bar mi byed do// rtag tu yang bdag gi lus las rdul kun 'byung

  1353. 300b

    ngo/ / bdag gi kha nas lbu ba yang 'byung bar 'gyur ro// grang mor gyur pa'i reg bya rnams kyang bdag gis mi bzod do// gang dag gi gzugs rnams mthong bar gyur pa de dag rnams ni mi gsal bar yongs su 'dzin no/ / bdag gi lus po dag lci bar yang 'gyur ro// 'on kyang bdag la de dag la mthu stobs yang med do// bdag gi lus shin tu rgud par yang 'gyur ro/ / des sems sun 'byin par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang / 'khrugs par ma gyur pa na las ci zhig byed pa yi ni na/ des thos pa las byung ba'i shes rab kyis sam/ lha'i mig gis mthong bar gyur pa 'khrugs par byed pa zhes bya ba'i rlung bdag gi lus la rab tu gnas pa yin te/ de gal te 'khrugs par gyur pa na/ bdag gis rmi lam na/ rmi lam gyis bya ba rnams byed par mthong ngo // bdag nyal bar gyur pa yang rnam par 'khrul bar byed do// bdag gi drong rnams thams cad shin tu grang ba stobs dang ldan par 'gyur ro/ / grong khyer dang khang pa rnams kyang bdag gis shin tu stong par mthong ngo // bdag gi mdog skye bor 'gyur ro//

  1354. 301a

    bdag gi lus ngag gi byed pa rnams nyung bar 'gyur ro// mal stan la bdag gi bde ba rnyed par mi 'gyur ro// gang yang bdag gis chos rnams mngon sum du byas pa de dag rnams kyang bdag shin tu mngon par 'dod par mi 'gyur ro/ / bdag gi 'byung ba chen po rnam pa thams cad kyang kun tu 'khrugs par byed do// zos par gyur pa'i bdag gi 'byung ba chen po rnams thams cad dang / brjod pa rnams kyang bdag gi snying gi phyogs na kun tu gnas par 'gyur ba dang / bdag glo bur du tshor ba med par yang 'gyur ro// bdag gis thal ba'i phung po yang glo bur du mthong bar 'gyur ro/ / gal te yang 'khrugs par ma gyur na ni/ ji skad du bshad pa'i nad pa'i rnams 'byung bar mi 'gyur ro// des kun du la thugs par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang / 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa mig 'byed pa dang 'dzums par byed pa zhes bya ba'i rlung bdag gi lus la rab tu gnas pa yin te/ de gal te 'khrugs par

  1355. 301b

    gyur na des bdag gi mig 'byed pa dang 'dzums par yang mi byed do/ / de ltar yan lag dang nying lag rnams thams cad la rgyu ba dang / rtsa rnams thams cad la rgyu ba dang / dbang po rnams thams cad rmongs shing zhen par byed pa'i rlung myur bar ni bdag gis gcig kyang ma mthong ngo / / 'byed pa dang 'dzum par byed pa'i rlung gal te 'khrugs par ma gyur na ni/ ji skad du bshad pa'i nad de dag rnams rab tu 'byung bar mi 'gyur ro/ / 'byed pa dang 'dzum par byed pa'i rlung la so sor brtags par gyur pas kyang yang dag pa ji lta ba bzhin du lus so sor rtogs par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa 'am/ 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa phan tshun kun tu dkrug par byed pa'i rlung lnga bdag la 'chi ba'i dus na 'byung bar 'gyur te/ de 'khrugs par gyur pa'am/ 'khrugs par ma gyur pa na/ bdag 'chi bar gyur pa'i dus na las ci zhig byed par 'gyur ba yin na/ mig dang / rna ba dang / sna dang / lce dang / lus dang / yid rnams kun tu 'gag par byed do// rang rang gi yul gzugs dang sgra dang / dri dang / ro dang / reg bya dang / chos rnams

  1356. 302a

    kyang ste/ gal te 'khrugs par ma gyur na ni/ des bdag myur bar 'chi bar byed par mi 'gyur ro// nges phan tshun 'khrugs par byed pa lnga'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang / 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa mngal kun tu chags par byed pa zhes bya ba'i rlung ba dag gi lus la rab tu gnas pa yin te/ des bdag dang po mngal du skye bar gyur pa na/ gal te tha mal pa'i las kyi rkyen gyi bdag nur nur po'i nang du des srog dang 'bral bar byed do/ / nur nur po la gnas par gyur pa na/ gal te yang srog dang bral bar ma gyur na/ mer mer po la gnas pa na 'bral bar mi byed do/ / nar nar po la gnas par gyur na yang 'bral bar mi byed do// des lus kyi cha shas rnams thams cad dod pa na 'bral bar byed do// yan lag dang nying lag rnams thams cad 'gyus pa la ni srog 'phrog par mi byed do/ / des bdag gi dbang po rnams dod par byas nas 'phrog par byed do// skye ba gzhan gang yang rung ba rnams la

  1357. 302b

    ji lta ji ltar srog gcod pa shin tu lci ba rnams byas par gyur na/ de lta de ltar 'di'i mngal nas bzung nas shin tu myur bar srog dang bral bar byed do// gal te yang 'dis skye ba gzhan gang yang rung ba rnams su srog gcod pa ma byas par gyur na ni 'chi bar 'gyur ba ji skad du bshad pa de dag rnams shin tu myur bar 'byung bar mi 'gyur ro/ / des mngal 'phel bar byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa 'am/ 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam/ / lha'i mig gis mthong bar gyur pa mngal 'jig par byed pa zhes bya ba'i rlung lus la gnas pa yin te/ de 'khrugs pa'am/ ma 'khrugs pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa gal te bdag gis mngal 'jig par byed pa'i rlung 'khrugs par gyur na/ 'dod pa log par g.yem pa'i rkyen dang ldan pas rang bzhin sun 'byin par byed pa yin te/ bdag skyes par gyur nas mngal na gnas pa las des bud med dam/ ma ning du yang byed do// thams

  1358. 303a

    cad du yang mngal 'pho bar byed pa yin te/ nyes par byas pa'i las can rnams la'o// gal te yang mngal 'jig par byed pa'i rlung sngon nyes par byas pa'i las rnams kyi rkyen dang ldan par gyur pas 'khrugs par ma gyur na ni/ ji skad du bshad pa'i mngal gyi rnam par gyur pa'i nang de dag rnams 'byung bar mi 'gyur ro// des mngal 'jig par byed pa'i rlung la so sor brtags par gyur pas kyang yang dag pa ji lta ba bzhin du lus rab tu rig par byed do/ / gzhan du yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang / 'khrugs par ma gyur na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa gal te bdag 'gro ba dang / 'ong ba dang / rgyug pa dang / mchong bar byed pa'i rlung 'khrugs pa dang / ma 'khrug par gyur na/ des bdag kyog por 'gyur ro// lag pa dag kyang 'khum par 'gyur ro// sgur por yang 'gyur ro// gnas su yang 'gro bar mi nus so// bdag gis zas dang / gnas dang / kun dga' ra ba rnams su 'gro bar mi nus so// bdag gi lus kyi dbang po'i blo rnams dang yid kyang rab tu dang bar mi 'gyur ro// gal te 'khrugs par ma gyur na ni

  1359. 303b

    des bdag gi lus 'gro ba dang 'ong ba rnams nus par 'gyur ro/ / bdag gis rgyug pa dang / mchong ba dang / 'dzeg pa rnams kyang nus par 'gyur ro// des 'gro ba dang / 'od ba dang / rgyug pa dang / mchong bar byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do// gzhan yang rnam 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa 'am/ 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa bdag gi mig dang / rna ba dang / sna dang / lha dang / lus rnams kyi so sor rgyu bar byed do/ / de la rlung gcig ni mi gi dang lhan cig tu gyur pa'i 'byung ba bzhi las shin tu g.yo bar byed pas na rlung yin te/ des na 'di la ni rlung zhes brjod do// des gal te bdag gi mig rab tu dang bar byed par gyur na ni/ gang gis bdag gi 'byung ba chen po rnams rab tu dang bar byas pas gzugs rnams lta bar byed pa pa la nus pa dang ldan par 'gyur ro// rna ba la yang bdag gi rlung gzhan rab tu gnas pa yin te/ des sgra rnams 'dzin par byed pa la bdag nus pa dang ldan par 'gyur ro// de bzhin du snas dri rnams 'dzin par byed pa yin te/

  1360. 304a

    ltar snas nus par 'gyur ba yin no// de ltar bdag gi lces kyang ro rnams myang bar byed pa yin no// de ltar bdag gis lus kyis kyang / rig bya rnams 'dzin par byed pa yin no/ / de ltar yang rlung lnga po rnams shes par gyur pas kyang yang dag pa ji lta ba bzhin du lus so sor rig par byed do// gal te yang rlung de dag rnams kyang 'khrugs par gyur na niji skad du bshad par gyur pa'i yul de dag rnams la dbang po rnams nus pa med par 'gyur ro/ / des mig dang / rna ba dang / sna dang / lce dang / lus rnams la gnas par gyur pa'i rlung lnga pa rnams shes par gyur pa dag gis kyang yang dag pa ji lta ba bzhin du lus so sor rig par byed de/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag lus la rab tu gnas pa yin la/ de dag la 'khrugs par gyur pa 'am/ 'khrugs par ma gyur pa nalas ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa grog ma pa zhes bya ba'i shes rab kyis sam/ lha'i mig gis mthong bar gyur pa na/ gal te grog ma zhes bya ba'i rlung bdag 'chi ba'i dus su gyur pa na shin tu 'khrugs par gyur na ni/ des bdag gi pags pa dang / khrag dang / sha dang

  1361. 304b

    tshil dang / rus pa'i 'du shes dang / khru chu yang ste/ khams de dag rnams thams cad kyang skams par byed do// kun tu skul bar 'gyur/ 'jug par 'gyur ro// kun tu bskams par gyur nas kyang bdag 'chi ba'i dus kyi tshe na de ltar tshor ba rnams byed par 'gyur ro/ / rab tu 'bar bar gyur pa'i lcags kyi rang bzhin grog ma stong phrag rnams gal te lus la bcug par gyur na yang de'i bcu drug gi char yang mi phod do/ / gal te yang bdag 'chi bar gyur pa'i dus na shin tu stobs che bar 'khrugs par ma gyur na ni/ legs par byas pa'i las rnams kyi rang bzhin gyis des bdag la shin tu mi bzad pa'i tshor ba rnams 'byung bar mi 'gyur ro/ / des grog ma par gyur pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa 'am/ 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa khab pa zhes bya ba'i rlung bdag gi lus la rab tu gnas pa yin te/ de 'khrugs pa dang ma 'khrugs pa na las ci zhig byed pa yin pa yang / des thos pa las byung

  1362. 305a

    ba'i shes rab kyis sam/ lha'i mig gis mthong bar gyur pa ni/ gal te bdag 'chi bar gyur pa'i dus su khab lta bu'i rlung de 'khrugs par gyur na/ nges bdag gi lus su gyur pa rnams thams cad dang / tshigs su gyur pa rnams thams cad dang / gnang du gyur pa rnams thams cad dang / rgyas par gyur pa rnams thams cad dang / rgyus ba'i gseb tu gyur pa rnams thams cad dang / khog par gyur pa rnams thams cad dang / spu'i khung bur gyur pa rnams thams cad dang / sha'i dum bur gyur pa rnams thams cad dang // lta bar gyur pa rnams thams cad dang / rus par gyur pa rnams thams cad la yang rab tu 'bar bar 'gyur zhing / khab dang 'dra bar gyur pa rnams kyis lus thams cad khyab par byed de/ des de bzhin du bdag la tshor ba rnams byed par 'gyur ro// dper na khab brgya stong phrag mang po rab tu 'bar bar gyur pa rnams kyang lus thams cad la btsugs par gyur pas kyang bcu drug gi char yang chog par mi 'gyur ro/ / gal te yang sngon legs par byas pa'i las rnams kyi gzi brjid kyis bdag 'chi ba'i dus kyi tshe na khab lta bu'i rlung shin tu stobs che bar ma 'gyur la/ de ji skad du bshad par gyur pa'i tshor ba rnams mi bzang bar mi 'gyur ro// des khab lta bu'i rlung la so sor brtags par gyur pas kyang yang dag pa ji lta ba bzhin du

  1363. 305b

    lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrun par gyur pa dang / 'khrugs par ma gyur pa na lus la las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa mkhris pa kun nas sun 'byin pa zhes bya ba'i rlung lus la rab tu gnas te/ de 'khrugs par gyur na yang bdag la las ci zhig byed pa yin na/ des thos pa las byung ba'i shes rab kyis sam// lha'i mig gis mthong bar gyur pa ni/ gal te mkhris pa kun nas sun 'byin pa zhes bya ba'i rlung 'khrugs par gyur na/ des bdag gi gsus pa na gnas par gyur pa'i mkhris pa sun phyung nas kha skams par byed pa yin no/ / lus thams cad ni ser sbyar byed pa dang / sen mo dang / mig dang / kha dang rnams kyang ser por byas nas gsus pa thang bar byed do/ / sngon po dang / ser po'i rtsa rnams bdag gi gsus pa'i snod du skye bar byed do// bdag spro ba med par yang 'gyur ro// zos pa rnams kyang shin tu 'ju bar mi 'gyur ba dang bdag gis kha kha bar yang 'gyur ro/ / bdag gi chung na yang ser por 'gyur ro// lus thams cad skam por skyed par byed do// bdag gi gzugs thams cad kyang sngon po dang

  1364. 306a

    ser po dang / sngobasangs su mthong bar 'gyur ro// 'on kyang bdag gis lang nus par yang mi 'gyur ro// rtag tu yang bdag gi gsus bsgra dang bcas par yang 'gyur ro/ / gal te yang bdag gi mkhris pa kun tu sun 'byin par byed pa'i rlung 'khrugs par ma gyur na ni/ ji skad du bshad pa'i nad de dag rnams rgyas par mi 'gyur ro// sa ma zis pa kun tu sun 'don par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang / 'khrugs par ma gyur pa na pas gang zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa rgyu ma 'byed pa zhes bya ba'i rlung bdag gi lus la rab tu gnas yin te/ de 'khrugs par gyur pa dang / 'khrugs par ma gyur pa na bdag la las ci zhig byed pa yang / des thos pa las byung ba'i shes rab kyis sam/ lha'i mig gis mthong bar gyur ba ni/ gal te rgyu ma byed pa zhes bya ba'i rlung bdag gi lus la rab tu gnas nas/ de gal te 'khrugs par gyur na/ des kyang bdag gis zos par gyur nas lce'i

  1365. 306b

    mthar song ba na yang rung ste/ shin du bar yang bdas shing rus pa'i kreng tor ram/ lus kyi gre ba 'bigs byed do// de yis zas kyi ro rnams lus kyi gseb tu nges par 'gro'o/ / nges par zas kyi rgyu ma'i gseb tu song bar gyur pas kyang bdag gi gsus pa 'phel bar 'gyur ro// des bdag ches sgom par byed do// bza' ba dang / 'thungs pa dang / 'tsho dab myangs pa rab tu phal che bar gyur pa rnams bdag gis nges par spyad par yang mi nus so/ / bdag zas dang bral bar gyur pa de yis spro ba yongs su nyams par 'gyur ro// bdag gis lag pa dang rkang dag kyang skrangs par gyur pa kun tu skyed par byed de/ / bdag gi gsang ba'i gnas kyang sreg par byed do// rnam par sreg pa yang rgyun gyis 'jug par 'gyur ro// lus thams cad dang kha yang skam par 'gyur ro// bdag gis dka' bar gyur pa'i rmi lam rnams kyang mi mthong ngo // rlung gis rgyu ma rnams yud tsam yang gnas par mi 'gyur ro// gal te yang rgyu ma 'byed par byed pa'i chung 'khrugs par ma gyur na/ ji skad du bshad pa'i nang rnams de dag rnams rgyas par mi 'gyur ro// des rgyu ma 'byed par byed pa'i rlung la so sor pa rtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/

  1366. 307a

    bdag gi rlung gzhan gang dag gis 'khrugs par gyur pa dang / 'khrugs par ma gyur na las ci zhig byed pa yin pa yang / des thos pa las byung ba'i shes rab kyis sam/ lha'i mig gis mthong bar gyur pa bad kun kun nas sun 'byin pa zhes bya ba'i rlung bdag gi lus la rab tu gnas pa yin te/ de 'khrugs pa dang / ma 'khrugs pa na bdag la las ci zhig byed pa yin pa yang / des thos pa las byung ba'i shes rab kyis sam/ lha'i mig gis mthong bar gyur pa ni/ gal te bdag gis bad kan sun 'byin pa zhes bya ba'i rlung 'khrugs par gyur na ni/ des bdag gi kha mngar por byed do// snying 'phar ba dang / dang kha mi bde ba dang / bsam gtan la 'gro bar gyur pa na yang gnyid dang rmugs pa skyed par byed do/ / lce yang lci mor byed pa dang / bdag gi mgul pa la yang na tsha skyed par byed do// khar thug par gyur pa rnams kyang skad cig la mgrin pa'i spu'i yul phyogs kyi steng du 'ongs par gyur na dri mi zhim zhing tshor ba dang bcas pas kha nas kun tu 'byung bar 'gyur ro/ / ltogs pa dang skom pa dag kyang stobs dang ldan par 'gyur ro/ / bdag gi mgrin par yang 'khyig par byed do// gal te bdag gi bad kan kun tu sun 'byin par byed pa'i rlung lakhrugs par ma gyur na ni/ ji skad du bshad par

  1367. 307b

    gyur pa'i nad de dag rnams rab tu rgyas par mi 'gyur ro/ / bad kan kun tu sun 'don par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ gzhan bdag gi rlung gang dag 'khru par gyur pa dang / 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa lta ba kun tu sun 'byin pa zhes bya ba'i rlung bdag gi lus la rab tu gnas pa yin te/ de gal te 'khrugs par gyur pa na des bdag 'dar bar 'gyur ba dang / las cung zad tsam gyis kyang ngal bar 'gyur ro/ / rtag tu bdag nad par 'gyur ro// bdag gi de bzhin mdzes par yang mi 'gyur zhing / bdag gi lus la rko glog tu byed pa dang / bdag gis mang du smra bar yang mi nus so/ / bdag gi yid kyang brtan pa ma yin par 'gyur ro// nyin mtshan med par yang rus pa'i gse ba rnams las gyur bdag gi tshor ba rnams 'ji bar yang mi 'gyur ro/ / bdag gi lus po rnams la rtag tu ba spu langs par yang 'gyur ro// dbang po rnams thams cad dang bcas par 'gyur ro// bdag gi mgo bo la

  1368. 308a

    yang tshor ba rnams rgyun gyis 'jug par 'gyur ro/ / bdag mgo bo la kun tu spyod par byed pa'i srin rnams kyang rlung gis mgo bo'i nang du song bar gyur nas rnam par spyod par byed do/ / de rnam par spyod par gyur pas kyang khab bzhin du bdag gi mgo bo 'bigs par byed do// gal te yang 'khrugs par ma gyur na ni ji skad du bshad pa'i nang de dag rnams rab tu 'byung bar mi 'gyur ro/ / des lta ba kun tu sun 'byin pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ gzhan yang bdag gi rlung 'khrugs par gyur pa dang 'alakhrugs par ma gyur na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa pags pa kun tu sun 'byin pa zhes bya ba'i rlung bdag gi lus la rab tu gnas pa yin te/ de 'khrugs pa dang ma 'khrugs pa na bdag la las ci zhig byed pa yin pa yang / des thos pa las byung ba'i shes rab kyis sam/ lha'i mig gis mthong bar gyur pa ni/ gal te pags pa kun nas sun 'byin pa rlung lus la rab tu gnas pa 'khrugs par gyur na yang de

  1369. 308b

    yis bdag gi pags pa'i mdog rnams dang bral bar 'gyur ro/ / lus thams cad kyang rtsub mo drung por 'gyur zhing / glang po'i pags pa'i ka ba kob po rnams dang 'dra bar pags pa'i yul thig le du ma nye bar skyes par 'gyur ro/ / yan lag rnams las thogs pa med cing myur bar rdul yang 'byung bar 'gyur ro// nyal bar gyur pa na bdag gis/ lus rnams rtsub par 'gyur ro// bdag gis lus rkyong bar yang mi nus la/ bskums par gyur na yang bdag gis rkyong bar byed mi nus so// dong rnams dang ga yang sa ra gyur pa dang rtsub pa'i mdog rnams rmi lam du yang bdag gis mthong bar 'gyur ro/ / bza' bar bya ba rnams dang / bca' bar bya ba rnams dron mor gyur pa mid pa yang thams cad grang mor yang bdag gis rtogs so/ / bdagi lce yang rdol bar 'gyur zhing / bdag gis zas rnams med par mi nus so// gal te yang pags pa kun nas sunu 'byin par byed pa'i rlung 'khrugs par ma myur nA ni/ ji skad du bshang par gyur pa'i nad de dag rnams 'byung bar mi 'gyur ro// des pags pa kun tu 'joms byed kyi rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor pa nang gi bdag nyid kyi lus la lus kyi

  1370. 309a

    rjes su lta zhing gnas par gyur pa na/ gzhan dag gi rlung gang dag 'khrugs par gyur pa dang / 'khrugs par ma gyur pa nA las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ khrag kun nas sun 'don pa zhes bya ba'i bdag gi lus la rab tu gnas pa yin te/ de gal te 'khrugs par gyur na nges bdag gi mchin pa'i gnas kyi nang gi gseb na rgyu bar gyur pa'i khrag rnams gnyis su rnam par 'byed par byed de/ ma bgrungs pa steng du 'gro ba dang 'og tu 'gro'o/ / de la steng du 'gro ba rnams ni sna bug dang / mig dang / rna ba dang rnams su rgyu bar byed cing / khrag rgyu ba'i rgyun rnams kun tu sun 'don no/ / de sun bton par gyur pas kyang nang gi khams thams cad 'khrugs par byed do// de yis bdag gi yan lag dang nying lag rnams thams cad kyang rtsol ba med par 'gyur ro/ / rna ba las su mi rung ba dang / 'gro ba dang / 'ong ba yang bdag gis mi nus par 'gyur ro// rtag tu yang bdag gis sna bug gnyis dri mi zhim par 'gyur ro// tshangs par spyod par gyur pa bdag nyin mo spyod pa'i sar 'gro ba na mngon par spro bar mi 'gyur ba dang / kun tu 'dre bar yang mi byed do// gal te yang 'og tu 'gro bar 'gyur

  1371. 309b

    ba'i khrag rnam par byed par byed na/ de gzhang dang pho mtshan dag rnam par 'jig par byed de/ des kyang bdag gi khrag rnams mtshan nas shin tu rab tu rgyu bar byed do// bdag gi gzhan yang khro gnyer gsum du sun 'byin par byed la/ bshang ba rgyu bar gyur pa'i sbubs kun tu sun phyung bar gyur cing khu bas kyang bdag la gzhang 'brum pa skyed par gyur nas/ de dag shin tu yang na tsha bar byed do// des yang na khrag gis shin tu 'khru bar byed do// des khrag kun tu sun 'don par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing granas te/ bdag gi rlung gzhan gang dag gis 'khrugs par gyur pa dang / 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa shA kun nas sun 'don pa zhes bya ba'i rlung bdag gi lus la rab tu gnas pa yin te de bdag la 'khrugs pa dang ma 'khrugs pa na las ci zhig byed ce na/ gal te sha kun nas sun 'don par byed pa'i rlung ba dag la rab tu 'khrugs par gyur na/

  1372. 310a

    de yis bdag rtsub pa dang / snum bag can ma yin pa dang / mdog ngan pa dang / drung drung po dang / nad chen por gyur pa dang / dri mi zhim pa dang / lus su gyur pa rnams thams cad la yang ka ba kob tu gyur pa'i thig le rnams skyed do// kun tu skyes par gyur pa rnams kyang dri mi zhim par 'gyur ro// bdag shin tu yang chu ngan mang bar 'gyur ba dang / grang ba rnams bzod pa dang / dro ba rnams dang / chu dron gyi gtam tsam yang bzod par mi 'gyur ba dang / ngo// tsha bar gyur pa rnams mi bzod pa dang / bsil ba dang / mngar ba dang / yang ba rnams bzod par 'gyur ro// bdag gi lus thams cad kyi sha yang 'drul ba dang / dri ma zhim pa dang / rnag 'dzag par 'gyur ro// des sha sun 'don par byed pa'i rlung la so sor brtags par gyur pas kyang yang dag pa ji lta bar lus rnams so sor rig par byed pa'o/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par gyur pa na/ rlung gzhan gang dag bdag gi lus la rab tu gnas pa yin zhe na/ des thos pa las byung ba'i shes rab kyis sam/ lha'i mig gis mthong bar gyur pa tshil kun nas sun 'don pa zhes bya ba'i

  1373. 310b

    rlung bdag gi lus la rab tu gnas pa yin te/ de bdag la 'khrugs par gyur na nang gang dag skyed par byed pa yin na/ des thos pa las byung ba'i shes rab kyis sam// lha'i mig gis mthong bar gyur pa ni/ gal te bdag gi tshil kun tu ma rung bar byed pa'i rlung des bdag gi tshil rnams shin tu phul du byung ba bskyed par gyur nas/ bdag gi lus kyi gnas rnams las kha cig ni zil gyis gnon par byed de/ / la la ni skrag par byed par 'gyur ro// 'ga' zhig ni ma rung ba'i gnas su byed do// 'ga' zhig ni dma' bar byed do/ / brgya la na shing sran par yang byed do// 'ga' zhig ni skye bor yang 'gyur ro// 'ga' zhig ni rnam pa thams cad du sems med par 'gyur ro// gal te 'khrugs par ma gyur na ni ji skad du bshad par gyur pa'i nang de dag rnams 'byung bar mi 'gyur ro/ / des tshil kun tu sun 'don par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig go/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang / 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam

  1374. 311a

    lha'i mig gis mthong bar gyur pa rus pa kun tu sun 'don pa zhes bya ba'i rlung lus la rab tu gnas pa yin te/ de 'khrugs pa dang ma 'khrugs pa na bdag la las ci zhig byed pa yin zhe na/ des rus pa'i lgang kyog rnams kun nas skyed par byed do// mur 'gram 'byed par yang 'gyur ba dang / gnyid med par yang byed ste nyin mtshan med par yang gnyid med par 'gyur ro/ / bdag gi rkang mar yang shin tu sdug bsngal bar byed cing / bdag gi lus thams cad kyang so sngo bor kun tu spyad par byed do/ / rgyus pa yang rab tu rgyus par mi 'gyur ro// sra ba yang ma yin no// sngo bar gyur pa dang / rtag par nye bar dga' ba ma yin pa'i tshor ba rnams kyis khyab par byed pas/ dal bar gyur pa rnams bzhin du bdag gi lus kyang rtag tu 'gyur ro// skad cig tsam dang mig btsum tsam du yang bdag gis bde ba rnyed par mi 'gyur ro/ / des rus pa sun 'don par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag lazhugs par gyur pa dang / 'khrugs par ma gyur pa

  1375. 311b

    na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ khu chu kun tu skam par byed pa zhes bya ba'i rlung bdag/ gi lus la rab tu gnas pa yin te/ 'khrugs pa dang ma 'khrugs pa na bdag la las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa na/ gal te khu chu skam byed kyi rlung bdag la 'khrugs par byed par gyur na/ des bdag 'khrugs par byed do// mtshan mo yang mal na bu mo dag gi rmi lam gyi rnam par 'gyur ba kun du ston par byed do/ / rnam par gyur pa ni kun tu rnam par rtogs pa las gyur pa'i so so'i skye bo rnams 'dod par gyur pas brdzun pos 'dod pa la spyod par byed pa ste/ rlung des dmigs par gyur pa ni srin po rgyu ba'i bu mo brdzun pa dang / bden pa dang / rnam par bral ba zhes bya ba des bdag la co 'dri bar byed 'dod pa yin no/ / bdag gi zas smin par mi 'gyur ro// des khu chu kun nas sun 'don pa'i rlung la so sor brtags par gyur pas kyang yang dag pa ji lta bar lus so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag 'khrugs par gyur pa dang

  1376. 312a

    'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa 'thug kob tu byed pa zhes bya ba'i rlung bdag gi lus la rab tu gnas pa yin te/ de 'khrugs pa dang ma 'khrugs pa na bdag la las ci zhig byed pa yang / des thos pa las byung ba'i shes rab kyis sam lha'i mig gis mthong bar gyur pa ni/ gal te 'thug kob tu byed pa zhes bya ba'i rlung 'khrugs par gyur na/ des bdag gi rkang pa'i gseb tu gyur pa dang / rkang pa'i mthil gyi gseb tu gyur pa dang / pus mo'i lha nga'i gseb tu gyur pa dang / mjug ma'i gseb tu gyur pa drang / rgyab kyi gseb tu gyur pa dang / klo'i gseb tu gyur pa dang / nu ma'i gseb tu gyur pa dang / skye'i gseb tu gyur pa dang / dpung pa'i gseb tu gyur pa dang / mgo'i gseb tu gyur pa dang / rna ba'i gseb tugyur pa dang / smin ma'i gsab tu gyur pa dang / yan lag dang nying lag rnams thams cad kyi gseb tu gyur pa'i bdag gi lus rnams la 'thug po kab kob tu skyed do// kun tu dkrig par byed cing rab tu 'phel bar byed do// kun tu 'khum par byed pa dang 'khrul bar byed do/ / rkang pa dag rdol bar yang byed do// gal te yang bdag gis mar gser dang mar nag gi byug pa byas par gyur pa na/ des bdag gis bskus

  1377. 312b

    pa rnams skam par byed do/ / rnyings par byed do// des 'thug kob tu byed pa'i rlung la so sor brtags par gyur pas kyang yang dag pa ji lta bar lus so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis las ci zhig byed par gyur pa yin na/ des thos pa las byung ba'i shes rab kyis sam/ lha'i mig gis mthong bar gyur pa na/ skra dkar por byed pa zhes bya ba'i rlung bdag gi lus lnga rab tu gnas pa yin na/ de dag la 'khrugs par gyur pa dang / 'khrugs par ma gyur pa na las ci zhig byed pa yin na/ gal te sgra dkar por byed pa'i bdag gi rlung bdag gi lus 'khrugs par skyes par gyur na/ des bdag gzhon pa lang rgo la bab pa yin na yang skra dkar kun tu skyed par byed do// gzhon pa lang tsho la bab par gyur pa yang rjud pa nyid du skyed par byed de/ de ni rje ltar rgan po bzhin no/ / gal te yang byis pa so so'i skye bo gzhan rnams la yang zas kyis skyed par byed par byed do// de dag kyang bu'i rim pa ji lta bar rgan po rnams su 'gyur ro// gzhon pa lang tsho la bab par gyur pa de dag rnams kyang nges par yang kun tu 'brel bar byed do// de dag rnams kyang gzhan gang dag byis pa rnams la yin pa las de dag kyang rgyun gyi rim

  1378. 313a

    pas rgas pa dang shin tu 'brel par byed do/ / gsar pa lang tsho la bab pa rnams kyang skra dkar por byed pa'i rlung gis mthu stobs kyi gsar pa lang tshol bab pa rnams kyang rgas pa rab kyi stobs dang ldan par 'gyur ro/ / skra dkar du byed pa'i rlung de yang bzang ldan gyi dus ni ma byung ngo // rtsod ldan gyi dus na yang ji ltar chos ma yin pa la phal cher skye dgu rnams gnas par gyur pa de lta de ltar sgra dkar du byed pa'i rlung de rab tu 'phel bar 'gyur ro/ / de ltar yang chos ma yin pa la gnas pa'i sems can rnams phal che bar 'gyur ro// des sgra dkar du byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis las ci zhig byed pa yin na/ des thos pa las byung ba'i shes rab kyis sam/ lho'i mig gis mthong bar gyur pa 'thun pa sun 'don pa zhes bya ba'i rlung bdag gi lus la rab tu gnas pa yin te/ de gal te bdag la 'khrugs par gyur pa dang / 'khrugs par ma gyur pa na/ des bdag la las ci zhig byed pa yin na// des thos pa las byung ba'i shes rab kyis sam/ lha'i mig gis mthong bar gyur pa bdag la 'khrugs par gyur pas ni dang kha mi bde bar byed do// sdug pa dang 'thun pa rnams la zhe sdang bar 'gyur

  1379. 313b

    ro/ de nyin mo nyal ba na 'khrugs par 'gyur te/ zas mngar mo rnams kyang bdag gis ming par mi nus te/ bdag tsha ba dang sbyar ba'i zas rnams 'dod par 'gyur ro// rtsub mo de dag rnams kyis kyang bdag gi yid rab tu khro ba skyed par byed do/ / nyin mo spyod pa'i sar ma phyin na yang lus ngal bar 'gyur ro// des 'thun pa sun 'don par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed de/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ rlung gzhan gang dag gi lus la rab tu gnas pa yin na/ des thos pa las byung ba'i shes rab kyis sam/ lha'i mig gis mthong bar gyur pa gcin lhag ma sun 'don par byed pa zhes bya ba'i rlung bdag gi lus la rab tu gnas te/ de 'khrugs par gyur pa dang / 'khrugs par ma gyur pa na bdag la las ci zhig byed pa yin na/ des thos pa las byung ba'i shes rab kyis sa maHlha'i mig gis mthong bar gyur pa ni/ gal te bdag gi gcin kun nas sun 'don par byed pa'i rlung rab tu 'khrugs par gyur na/ de yis nyin mo dang mtshan mo med par yang bdag gi phopo mtshan la gnas pa'i tshor ba rnams rab tu zhi bar mi 'gyur ro/ / rtag tu yang bdag chu ngan gtong 'dod par 'gyur ro// bdag gis chu ngan btang bar yang mi nus so// bdag gi

  1380. 314a

    lus kyang rtag par kun tu spro ba med par 'gyur ro/ / bdag gi dbugs 'byin pa ni rdzogs par yang mi 'gyur ro// de rab tu stobs che bar gyur na bdag shin tu yang skya bor skyed pa dang / rjud par yang byed do// des gcin lhag pa kun nus sun 'don par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ rlung gzhan gang dag bdag gi lus la rab tu gnas par gyur na/ des thos pa las byung ba'i shes rab kyis sam/ lha'i mig gis mthong bar gyur pa zas dang ldan pa zhes bya ba'i rlung bdag gi lus la rab tu gnas pa yin de bdag la 'khrugs par gyur pa dang / 'khrugs par ma gyur pa na las ci zhig byed pa yang / des thos pa las byung ba'i shes rab kyis sam/ lha'i mig gis mthong bar gyur pa ni/ gal te/ zas dang ldan pa'i rlung rab tu 'khrugs par gyur na/ rang bzhin du gnas par gyur pa'i zas las de yang gang gi tshe zas bzhi 'gyur ram/ lnga 'gyur du yang za bar byed do// de bdag la rab tul khrugs par gyur na zas dang bcas par gyur du zin kyang spo ba 'jig par byed do/ / bdag gis mig 'byed dang 'dzums par byed kyang mi nus so// rlung de stobs dang ldan par gyur pas bdag

  1381. 314b

    gis yid la chos rnams srid par yang mi 'gyur ro/ / des zas dang ldan pa'i rlung la so sor brtags par gyur pas yang dag pa ji lta ba bzhin du lus so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag 'khrugs par gyur pa dang / 'khrugs par ma gyur pa na las ci zhig byed pa yin na des thos pa las byung ba'i shes rab kyis sam/ lha'i mig gis mthong bar gyur pa steng du 'gro bar byed pa zhes bya ba'i rlung bdag gi lus la rab tu gnas pa yin te/ des bdag la las ci zhig byed pa yin pa yang / des thos pa las byung ba'i shes rab kyis sam/ lha'i mig gis mthong bar gyur pa ni/ gal te so 'byin par byed pa'i rlung 'khrugs par gyur na ni/ des bdag gi so la lhang kyog dang / so 'jigs pa dang / so rnams rtsa ba nas 'drul ba dang / so rnams rnyil skrang ba dang / kha snyung ba dang / mchu skrang ba dang / skan yang sngon por byed do// des so 'byin bar byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi lus la rlung gzhan gang rab tu gnas pa yin na/ des thos pa las byung ba'i shes rab kyis sam/ lha'i mig gis mthong bar gyur pa dang

  1382. 315a

    rtse'u chung dag la rab tu sreg par byed pa zhes bya ba'i rlung lus la rab tu gnas pa yin te/ de 'khrugs par gyur pa dang / 'khrugs par ma gyur pa na bdag la las ci zhig byed pa yang / des mthong bar gyur pa ni rtse 'u chung la rab tu sreg par byed pa'i rlung bdag la rab tu 'khrugs par gyur na/ des bdag gi mgrin pa la zug gzer dang / mgrin pa la sha 'bras dang / mgrin pa sbom por yang byed do// rur 'ur zhes kyang byed do// des rtse'u chung la sreg par byed pa'i rlung la so sor brtags par gyur pas kyang yang dag pa ji lta bar lus so// sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang / 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa 'og tu 'gro ba zhes bya ba'i rlung lus la rab tu gnas pa yin te/ de bdag la 'khrugs par gyur pa dang / 'khrugs par ma gyur pa na las ci zhig byed pa yin na/ 'og tu 'gro bar byed pa'i rlung de gal te 'khrugs par gyur na/ yang des bdag gi zas rnams lan mang du sun bton par gyur nas/ shin tu nyung ba zhig dngas par 'gyur ro// de la zas rnams dngas par gyur pas ni/ pags pa dang /

  1383. 315b

    khrag dang / sha dang / tshil dang / rus pa dang / khu chu dang / lha rkang rnams kyang 'phel bar byed do// rnyog par gyur pas ni rlung dang / mkhris pa dang / bad+ma kan rnams rab tu 'khrug pabapar 'gyur ro/ / bdag gi steng dang 'og tu byed pa'i rlung de gal te 'khrugs par gyur na ni/ des ches mang du zas dang brtson 'grus rnams sun 'byin par byed do// shin tu nyung ba zhig dang bar byed do/ / des 'og tu 'gro ba'i rlung la so sor brtags par gyur pas kyang yang dag pa ji lta ba bzhin du lus so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag 'khrugs par gyur ba dang / 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa steng du 'gro bar byed pa zhes bya ba'i rlung bdag gi lus la rab tu gnas pa yin te/ de 'khrugs par gyur pa dang 'khrugs par ma gyur pa na las ci zhig byed ba yin na/ des thos pa las byung ba'i shes rab kyis sam/ lha'i mig gis mthong bar gyur pa steng du 'gro bar byed pa'i rlung ni bdag gi spyi bo la brten nas spyi bo'i thod pa phug par gyur nas/ du babalta bu spyi bo nas byung ste 'gro bar byed do/ / bdag tsha bar gyur pa'i nang na 'gro bar gyur na spyi bo brtol nas du ba nyid du rgyu bar byed do// de ni gtsug phud nas mthong bar 'gyur ro// nyin mo dang mtshan mo med

  1384. 316a

    par yang rgyun mi 'chad par 'gro ba'o/ / so so'i skye bo rnams thams cad kyis mngon sum du yang mthong ngo // gal te yang rab tu 'khrugs par gyur na/ des ni spyi bo brtol nas kun tu 'gro bar byed de/ de rgyun ma chad pas zhag gsum nas nges par 'chi bar 'gyur ro// des steng du 'gro bar byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed de/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gis rlung gzhan gang dag 'khrugs par gyur pa dang / 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa gal te bdag gi glo na rgyu bar byed pa'i rlung 'khrugs par gyur na/ des bdag gi dbugs dbyung ba dang rngub pa rnams kyang skyod par byed pa dang / bdag gi rtsa dang rgyus pa rnams thams cad kyang g.yo bar byed do// rnam par 'dre bar byed do/ / rnam par 'dra bar byed cing 'phyang bar yang byed do// kun nas thung bar byed cing ring bar yang byed la/ sna sngags dag 'joms par byed do// shu shu'u bdag yang skyed par byed do/ / des kyang bdag 'chi ba la thug pa'i sdug bsngal 'byung bar 'gyur ro// des rtsib logs rgyu bar byed pa'i rlung la so sor brtags par gyur pas kyang yang dag pa ji lta bar lus so sor

  1385. 316b

    rig par byed do/ / gzhan yang rnal 'byor spyod pa rang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag 'khrugs par gyur pa dang / 'brug/ bar ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa za ma tog la gnas pa zhes bya ba'i rlung lus la rab tu gnas pa yin te/ de 'khrugs pa dang ma 'khrugs pa na bdag la las ci zhig byed pa yin yang / des thos pa las byung ba'i shes rab kyis sam/ lha'i mig gis mthong bar gyur pa ni/ za ma tog la gnas pa'i rlung gal te 'khrugs par gyur na/ des bdag gi rgyus pa mang po lag pa'i gnad la gnas pa rnams dang / rkang pa la gnas pa'i rgyus pa mang po rnams dang / rgyab la gnas pa'i rgyus pa mang po rnams dang / gsang ba la gnas pa'i rgyus pa mang po rnams dang / lus thams cad la gnas pa'i rgyus pa mang po rnams kun tu 'bum par byed do// kun nas brel bar yang byed do/ / kun tu rko bar yang byed do// sems dang bral bar yang byed do// rgyas pa'i tshogs chen po de la yang lus so zhes kyang rjod par byed do// des za ma chog la gnas pa'i rlung so sor brtags par gyur bas kyang yang dag pajis pa bzhin du lus mo sor rig par byed do/ / gsan yang rnal 'byor spyong ba nang gi bdag nyid kyi lus la lus kyi rjes su lha ming ga

  1386. 317a

    rlung gzhan gang dag bdag gi lus la rab tu gnas pa yin na/ des spu 'byed par byed pa zhes bya ba'i rlung bdag gi lus la rab tu gnas par gyur pa mthong bar gyur te/ de 'khrugs par gyur pa dang / 'khrugs par ma gyur pa na bdag la las ci zhig byed pa yin pa yang / des thos pa las byung ba'i shes rab kyis sam/ lha'i mig gis mthong bar gyur pa ni gal te spu 'byed pa zhes bya ba'i rlung bdag gi lus la 'khrugs par gyur na ni/ des bdag gi yan lag dang nying lag rnams thams cad la gnas pa'i spu rnams 'jom par byed do// ser skyar yang byed pa dang / yan lag de'i yul phyogs rnams mdog ngan par yang byed do// bdag gi spu rnams nyams par 'gyur ro zhes shes par yang 'gyur ba dang / chud 'dza' bar gyur pa rnams ni phyir zhing lhag par khyad par du 'phel bar yang 'gyur ro/ / des spu 'byed pa'i rlung la so sor brtags par gyur pas kyang yang dag pa ji lta ba bzhin du lus la so sor rtog par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag 'khrugs par gyur pa dang // 'khrug par ma gyur pa na yang las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa rlung rjes su 'thun pa zhes bya ba ste/ rlung 'khrug/

  1387. 317b

    pa'am/ ma 'khrugs pa na las ci zhig byed pa yang / de ba zos pa las byung ba'i shes rab kyis sam/ skra'i mig gis mthong bar gyur ba ni/ rjes su 'thun par g.yo ba'i rlung / ni skabs dang skabs rnams su ji lta bar rlung gi rjesu 'thun par spro bar byed pa ste/ tha mal pa'i tshad du 'gro ba dang / 'ong bskum pa dang rkyong ba dang rnams rjes su 'thun par rnam par 'byed par byed pa'o/ / gal te yang lus thams cad du 'gro bar byed pas skyong nas ni/ des yid rgyu bar byed pa'i rgyun yang skyod par byed do// de'i rkyen gyis bdag rlung gis smon par 'gyur ro// bdag gi sems mnyam par gzhag par mi 'gyur ro// des rlung rjes su 'thun pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ rlung gzhan gang dag gis lus la rab tu gnas pa yin la/ nges 'khrugs par gyur pa dang / 'khrugs par ma gyur pa na bdag la las ci zhig byed pa yang / des thos pa las byung ba'i shes rab kyis sam/ lha'i mig gis mthong bar gyur pa las/ nyal ba las rnam par g.yeng ba ston pa zhes bya ba'i rlung lus la rab tu gnas pa yin te/ de gal te bdag la 'khrugs par gyur na/ nges bdag sangs rgyas kyi gsung nyan par gyur pa na ni gnyid skyed

  1388. 318a

    par byed do/ / kun nas nyon mongs pa can mi dge bar gyur pa rnams nyan na ni gnyid mi skyed do// de sems kyi rgyun rnam pa g.yeng ba nyid du yang byed do// mtshan mo yang / yid la byed pa yang dag par mi 'gyur ro// bdag mang du mngon par rjod par 'gyur ro// phyogs su gyur pa rnams yang bdag gis smra shad 'dzings par mthong bar 'gyur ro// des nyal bas rnam par g.yengs pa rnams ston pa'i chung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa na gi bdag nyid kyi lus la lus kyi rjes su lta zhing gnas pa na/ rlung gzhan gang dag bdag gi lus la rab tu gnas pa yin na/ des las ni ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa mi bzod pa zhes bya ba'i chung bdag gi lus la rab tu gnas pa yin te/ de 'khrugs par gyur pa dang / 'khrugs par ma gyur pa na bdag la las ni zhig byed padang/ des thos pa las byung ba'i shes rab kyis sam/ lha'i mig gis mthong bar gyur pa las/ gal te bdag gi mi bzod pa'i rlung 'khrugs par gyur na/ des khri chos kya / / sa tha sa bya sa yang segs pa yin pa nga sa// ya kyi rnams pa tshu rgya ma ma

  1389. 318b

    rnams kyang langs par byed do/ / snying la gnas pa'i glan rnams skyed par yang byed do// bdag gi nye ba na gnas pa'i gzugs rnams kyang ring ba na gnas pa bzhin du mthong ngo // bdag gi nyi ma dang zla ba dag gi dkyil 'khor yang phyin ci log tu mthong bar 'gyur ro/ / zla ba yang nyi ma ltar bdag gis mthong bar 'gyur te/ rlung de rab tu 'khrugs par gyur pa'i skyon gyis yin no/ / des mi bzod pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang / 'khrugs par ma gyur pa na las ci zhig byed pa yin te/ des thos pa las byung ba'i shes rab kyis sam/ lha'i mig gis mthong bar gyur pa ni/ lce la gsal byed dang yi ge rnams byed pa zhes bya ba'i rlung bdag gi lus la rab tu gnas pa yin te/ des 'khrugs pa dang ma 'khrugs pa na las ci zhig byed pa yang / des thos pa las byung ba'i shes rab kyis sam/ lha'i mig gis mthong bar gyur pa ni/ bdag gi gsal byed dang yi ge gang yin pa 'di dag rnams ni brjod par bya bar yang mi nus kyi/ de dag ni sems dang sems las byung ba dag gis dmigs pas lce las brjod pa dang /

  1390. 319a

    yi ge rnams dang bcas par rlung gis mngon par brjod pa yin te/ sems kyi byed pa'i rjes su 'brang bar byed pa'i rlung gis bskyod par gyur pas brjod pa dang yi ge rnams gcig ma yin par byed pa yin zhing / de ltar lce yis brjod pa dang / yi ge byed pa'i rlung la brten par gyur nas gsal byed dang yi ge'i kun brjod pa dus rnams byed pa yin no/ / gal te yang 'khrugs par gyur na ni lce zhan par 'gyur ba 'am/ lce mgyogs par yang byed cing / lkug par yang byed do// lce la gsal byed dang yi ge byed pa zhes bya ba'i rlung la so sor brtags par gyur pas yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gi 'khrugs par gyur pa dang / 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ ro sred par byed pa zhes bya ba'i rlung lus la rab tu gnas pa yin te/ des bdag la 'khrugs pa 'am/ ma 'khrugs par las ci zhig byed pa yang / des thos pa las byung ba'i shes rab kyis sam/ lha'i mig gis mthong bar gyur pa ni/ gal te bdag gi ro sred par byed pa'i rlung 'khrugs par gyur na/ des

  1391. 319b

    bdag gi lce'i rtse mo la srin mngar mos 'don par byed do/ / de yis bdag thams cad du 'dod par gyur pa dang / thams cad du dga' bar gyur pa dang / thams cad du yid du 'ong par gyur pa'i zas rnams la bdag dga' bar 'gyur ro/ / bdag gi mid pa yang byed mi nus so// bdag zas de dang bral bar gyur na lus bsam gtan la mnyam par 'jog par byed mi nus par 'gyur ro/ / dge ba'i chos rnams la yang shin tu spro bar yang mi 'gyur ro// bdag gis lus kyi skyon gyis yin te/ gzugs ni phan tshun gyi dbang gis kun tu gnas pa'i phyir na/ ji ltar dbyug gu gnyis phan tshun du bltos pa'i dbang gis 'dzin par byed pa ni phan tshun gyi stobs kyis yin no// de bzhin du ming dang gzugs gnyis par tshun gyi stobs kyi sa dang / zas kyi dbang gis kyang 'khor ba'i phung po 'di yin no// ji ltar phye dang chu gnyis 'dres par gyur pa dag gi phan tshun gyi stobs kyis gong bur 'gyur ro// de bzhin du phan tshun gyi stobs kyis ming dang gzugs dag gnas pa yin no/ / de ro sred par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gis rlung gzhan gang dag 'khrugs par gyur

  1392. 320a

    pa dang / 'khrugs par ma gyur na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa gal te bdag gi mchin pa kun tu sun 'byin pa'i rlung 'khrugs par gyur na/ des bdag gi zas rnams mtshan mo 'ju bar byed pa na/ ljang kyog skud par byed pa dang / zas rnams kyang skyur por byed do/ / de srid du lhang kyog yod par gyur pa ji srid du zas rnams kyang snyoms par mi 'gyur ro// bdag gi yan lag dang nying lag rnams thams cad kyang spro ba med par 'gyur ro/ / 'brel pa rnams thams cad kyang rgyas pa'i dra ba thams cad du 'brel bar byas par 'gyur ro// mchin pa kun tu sun 'dod pa'i rlung la so sor brtags par gyur pas yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gis rlung gzhan gang dag gis 'khrugs par gyur pa 'am/ 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa bshang ba steng du byed pa'i bdag gi rlung de 'khrugs pa 'am/ ma 'khrugs par gyur pa na ste/ des bdag gi kha dang sna bug gnas dri ngan pa rnams skyeng bar byed do// bdag gi

  1393. 320b

    nang nas byung nas spu'i khung bu rnams thams cad las kyang phyir 'byin par byed do/ / zas kyis gnas dang po'i steng du gyur par bshang ba dang zas kyis gnas tha ma dga' dren par byed do/ / des kyang bdag shin tu drag pa dang / tsha ba dang / rtsub par gyur pa'i tshor ba lus su gyur pa thams cad la 'byung bar 'gyur ro// zas kyang yang dag pa dang bde bar 'ju bar mi 'gyur ro/ / bdag bsam gtan gyi bde bas kyang gnas par yang mi 'gyur ro// bdag gi nyin mo spyod pa'i sar dge ba'i phyogs la sbyor bar yang mi nus so// bshang ba gyen du zlog par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bshang ba la rgyu ba zhes bya ba'i rlung lus la gnas pa yin te/ bdag gi rlung gzhan gang dag 'khrugs par gyur pa dang / 'khrugs pa ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa gzhang la kun tu rgyu ba zhes bya ba'i rlung lus la gnas pa yin te/ de 'khrugs pa dang ma 'khrugs pa na bdag la las ci zhig byed pa yang des thos pa las byung ba'i shes rab kyis sam/ lha'i mig gis mthong ba ni/ gal te bdag gi

  1394. 321a

    gzhang la kun tu rgyu ba'i chung 'khrugs par gyur na/ des bdag gi gzhang la 'brum bu'i rigs lnga dang / 'brug kob tu gyur pa gsum kun nas skyed par byed do// gzhang la kun tu brten nas kyang rlung gis rnag rnams 'byin par byed do// rnam par sreg par byed pa dang gnyid du yang 'gyur ro// rgyus pa dang klang phor dag 'khrugs shing 'khrug par 'gyur ro/ / me drod nyams par yang 'gyur ba dang / bdag gi lce yang ro la sred pa dang bral bar 'gyur ro// des bshang ba la rgyu ba'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi lus la rlung gzhan gang dag rab tu gnas pa yin la/ de bdag la 'khrugs par gyur pa 'am/ 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa dran pa kun nas 'joms pa zhes bya ba'i rlung bdag gi lus la rab tu gnas pa yin te/ de 'khrugs pa dang ma 'brug pa na bdag la las ci zhig byed pa yang / des thos pa las byung ba'i shes rab kyis sam/ lha'i mag gis mthong bar gyur pa la/ gal te bdag gi dran pa kur nas sun

  1395. 321b

    'don pa'i rlung 'khrugs par gyur na/ des bdag gi dran pa rnams 'jom par byed do// bdag gis sngon bklags pa rnams ni mi dran no// bdag gi dmigs pa med pa bzhin du phyogs rnams mthong ngo / / glo lu bar byed pa dag kyang yang dang yang du 'gyur ro// spu rnams thams cad kyang rtsub mor 'gyur ro// bdag gi sen mo rnams kyang mdangs khrag med par 'gyur ro/ / bdag la tsha grang dag kyang lhan cig tu 'gyur ro// bdag gis zos pa rnams kyang ha cang dran pa yang ma yin no// des dran pa sun 'byin pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang / 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa gal te spro bar byed pa'i rlung bdag gi lus la rab tu gnas pa yin te/ de 'khrugs pa 'am/ ma 'khrugs pa na bdag la las ci zhig byed pa yang / des thos pa las byung ba'i shes rab kyis sam/ lha'i mig gis mthong bar gyur pa la/ gal te bdag gi spro bar byed pa'i rlung 'khrugs par gyur na/ des rab tu phal che bar

  1396. 322a

    gyur ba'i bza' bar bya ba dang / bca' bar bya ba shin tu bsod pa rnams la bdag gis rab tu brtson pa bskyed nas mid par gyur kyang lus la spro ba skye bar 'gyur ba nyid kyang ma yin no/ / bdag gi lus po dug gis bdug pa bzhin du 'gyur te/ rlung rab tu 'khrug pa'i rkyen gyis so// des spro bar byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang / 'khrugs par ma gyur pa na ci zhig byed pa yin na/ des thos pa las byung ba'i shes rab kyis sam/ g+ha'i mig gis mthong bar gyur pa lus dang sems kyi stobs byed pa zhes bya ba'i rlung lus la rab tu gnas pa yin te/ de 'khrugs pa dang ma 'khrugs pa na bdag la las ci zhig byed pa yang / des thos pa las byung ba'i shes rab kyis sam/ lha'i mig gis mthong bar gyur pa la/ ji lta ji ltar bdag mngal la sogs pa rnams nas de lta de ltar bdag gi sems kyang 'phel bar byed do/ / rlung de'i mthus bya ba dang bya ba ma yin pa dag la yang bdag gi sems gsal por yang rlung des byed do// bdag gis shes par 'gyur zhing / dang po dus

  1397. 322b

    ring po nas byas pa'i bya ba rnams la yang bdag gis yang dag par drad no/ / bdag gi 'gro ba dang 'ong ba dag yang 'joms par mi 'gyur ro// bdag grang ba dang / dro ba dang / ltogs pa dang / skom pa rnams bcas par 'gyur ro// bdag gi lus mkhrang por yang 'gyur zhing skra dkar rnams kyang dus ma yin par mi skye'o// des lus dang sems kyi stobs byed la rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa rang gi bdag nyid kyi lus la lus kyi rjes su lta zhing gnas te/ bdag gi rlung gzhan gang gis 'khrugs par gyur pa dang / 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa mgrin pa dang ngag rnam par 'joms par byed pa zhes bya ba'i rlung la rab tu gnas pa yin te/ de 'khrugs par bdag la las ci zhig byed pa yang / des thos pa las byung ba'i shes rab kyis sam/ lha'i mig gis mthong bar gyur pa na/ gal te bdag gi mgrin pa dang ngag rnam par 'dzem par byed pa zhes bya ba'i rlung 'khrugs par gyur na/ des bdag gi chung rang bzhin du gnas par ni rgyu gzhan gyis 'gyur ro// rlung de bzhin des 'khrugs par gyur pas de'i phyir

  1398. 323a

    lkugs par byed do/ / des yang na 'on par byed pa 'am/ des yang na lag pa 'khums par byed pa 'am/ des yang na sgur po nyid du byed pa 'am/ des yang na dmus long du byed par 'gyur te/ rnam pa de lta bu rnams kyi nad rnams kun tu skyed do// gal te 'khrugs par ma gyur na ni/ ji skad du bshad par gyur pa'i nad de dag rnams 'byung bar mi 'gyur ro/ / des mgrin pa dang ngag rnam par 'joms par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ rlung gzhan gang dag bdag gi lus la rab tu gnas pa yin na/ des thos pa las byung ba'i shes rab kyis sam/ lha'i mig gis mthong bar gyur pa nyal ba na glo lu bar byed pa'i rlung lus la rab tu gnas pa yin te/ de 'khrugs par gyur pa dang / 'khrugs par ma gyur pa na las ci zhig byed pa yang / des thos pa las byung ba'i shes rab kyis sam/ lha'i mig gis mthong bar gyur pa ni/ gal te bdag nyal ba na glo lu bar byed pa'i rlung 'khrugs par gyur na ni/ des bdag gi rnam par 'gyur ba dang bcas pa'i rmi lam rnams mthong bar 'gyur ro// rna ba ngan par gnas par gyur pa'i 'khrul pa'i bya ba rnams

  1399. 323b

    byis pa rnams thams cad la yang 'byung ba yin te/ bdag gis rus pa'i tshigs rnams kun tu 'bigs par byed pa'i tshor ba dag kun tu skyed do// nyal ba ni phyis lus la// 'gyur ro// de nyal ba na glo lu bar byed pa'i rlung la so sor brtags par gyur pas kyang lus yang dag pa ji lta ba bzhin du rig par byed do// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ rlung gzhan gang dag bdag gi lus la 'khrugs par gyur pa dang / 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa drod 'dzin pa zhes bya ba'i rlung bdag gi lus la rab tu gnas pa yin te/ srog chags rnams thams cad 'ga' zhig gi lus la yang nyung bar mi byed do// de ni srog chags 'di dag rnams thams cad kyi srog ces bya ba ste/ lhan cig tu yus 'dzin par byed pa rnam par shes pa'i rten du gyur pa yin no/ / de gal te 'khrugs par gyur na srog chags rnams thams cad gsod par byed do// des drod kun du 'dzin pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing

  1400. 324a

    gnas te/ rlung gzhan gang dag bdag gi lus la rab tu gnas pa dang / de 'khrugs par gyur pa dang / 'khrugs par ma gyur pa na yang bdag la las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa bdag gi rlung lus thams cad 'khyil pa zhes bya ba'i gal te mngal na gnas pa rnams kyi yang gang la lus rab tu rgyas par gyur pa yod pa rnams kyang des de'i lus ches mi 'phel ba dang / shin tu nyams pa dang / lhag par yang 'gyur ro/ / thung ba 'am/ gog po 'am/ 'khums par yang 'gyur ro// des lus thams cang sdom par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ rlung gzhan gang bdag gi lus la rab tu gnas pa yin na/ des thos pa las byung ba'i shes rab kyis sam/ lha'i mig gis mthong bar gyur pa pags padzin pa zhes bya ba'i rlung lus la rab tu gnas pa yin te/ de phyi rol gyi rlung dang mtshungs par 'grogs pas kun tu reg par byed do// rlung de ni grang ba dang / dro ba dang / dman pa dang / gsod pa dang //

  1401. 324b

    rab tu stobs che ba dang / dus su ji lta bar rigs pa dang / ji ltar dus su rigs pa rnams yin no// des pags pa 'dzin pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ rlung gzhan gang dag bdag gi lus la rab tu gnas pa yin zhe na/ des thos pa las byung ba'i shes rab kyis sam/ lha'i mig gis kyang rung ste/ nyon mongs pa med gzhan gyi rkyen gyis mi bkri ba/ ngam grog rnams las rgal ba ji lta ba bzhin du de kho na mthong bar gyur pa'i lha'i mig gis mthong ba 'di ni rlung gzhan ni yod pa ma yin la/ lus la yang de tsam cig dang ldan pa yin no/ / rlung gi tshogs rnams ni 'di dag yin zhing / rlung gi phung po dang srin gang dag gis khams la dmigs par byed pa'i dbang po las dang / nyon mongs pa dang bcas pa'i lus 'dzin par byed pa dang mtho 'tsham par byed pa rnams ni de dag las med do/ / rnal 'byor spyod pa des tha ma'i rlung la so sor brtags shing lus kyi gong bu 'di mthong ba gyur nas 'dod pa rnams las/ 'dod chags dang bral bar 'gyur ro// dga' ba'i 'dod chags dang lhan cig tu gyur pa'i srid pa rnams kyis mi 'ching ngo // bdud kyi yul la mi gnas so//

  1402. 325a

    mya ngan las 'das pa'i mtha' la gnas pa yin no// thog ma med pa'i dus nas rab tu zhugs par gyur pa'i 'dod chags dang / zhe sdang dang / gti mug/ gi mun pa rnams 'joms par byed do// ye shes kyi nyi ma mthar yang 'byung bar 'gyur ro// som nyi med pa dang / ngam grog rnams dang rnam par bral bar yang 'gyur ro// kun nas nyon mongs pa can du gyur pa'i sgra dang / reg bya dang / ro dang / gzugs dang / dri rnams kyis 'khrid pa yang ma yin no// yul gyi de kho na nyid ma mthong ba yin par mi 'gyur ro/ / khams gsum ma lus pa rnams mi rtag pa dang / sdug bsngal ba dang / stong pa dang / bdag med par yang ji lta ba bzhin du mthong ngo // nA la ta'i grong gi bram ze dang / khyim bdag rnams dang / dge sbyong rnal 'byor spyod pa pa rnams kyis kyang yang dag pa ji lta ba bzhin du lus so sor rig par gyur to// lus dran pa nye bar gzhag pa la mngon par dga' bar 'gyur ro/ / skye ba dang 'jig par 'gyur ba'i chos rnams shes pa dang / gzhan rnams kyis 'khrid par mi 'gyur ba dang / lus thams cad la so sor rtogs par gyur pa na bcing ba dang thar pa rnams cad shes par 'gyur ro/ / gzhan yang rnal 'byor spyod pa lus de nyid la rnam par 'jig pa'i mthar dang / zad pa dang / 'grib pa dang / rnam

  1403. 325b

    par 'jig pa'i rnam pa gzhan dag rnams kyi rnam pa gzhan rnams kyis so sor rtog par byed de/ ji ltar na lus 'di rnam par 'jig pa yin/ 'chi ba'i dus na meng par 'gyur ba yin/ ji ltar na srin rnams rlung rnams kyis kun tu bcom nas rlag par byed pa yin/ ji ltar na khams rnams thams cad 'khrugs par gyur pa yin/ ji ltar na tha ma'i dus kyi bya bar 'gyur ba yin/ srin rnams rlung gis 'joms par gyur pa na/ ji ltar na steng 'og tu 'gyur ba yin/ de ltar na nang gi bdag nyid du gyur pa'i lus kyis lus la rtag par rgyun du rnam par lta bar byed do/ / 'chi ba'i dus na khams rnams thams cad kyi srin kun tu 'khrugs par 'gyur ba/ des thos pa las byung ba'i shes rab kyis sam/ lha'i mig gis mthong bar gyur pa ni/ sngun du ni srin rnams rlung gis 'joms par 'gyur la/ phyi nas ni bdag 'chi bar 'gyur ba yin no// bdag gi 'du byed rnams thams cad kyang rnam par 'jig par 'byung bar 'gyur zhing / bdag 'chi bar 'gyur ba'i mthar ni mi bzad cing rtsub pa'i tshor ba rnams 'byung bar 'gyur ro// des rnam par lta bar byed de/ klad pa la gnas pa rgyu ba'i srin rnams ni ser mo la rten pa'i rlung gis mgo las kun tu bgrod nas 'joms par byed do/ / 'chi bar byed do// mgo bo dang mgul pa la rgyu ba'i srin rnams ni rkang pa'i logs la rten

  1404. 326a

    pa'i rlung gis 'joms par byed do/ / thod pa la rgyu ba'i srin rnams ni sems med par byed pa'i rlung gis 'joms par byed do// skra za ba'i srin rnams ni rus pa gcog par byed pa'i rlung gis 'joms par byed do/ / rna ba la rgyu ba'i srin rnams ni 'gro ba 'joms par byed pa'i rlung gis 'joms par byed do// snabs kyis g.yogs pa'i srin rnams ni long bu'i tshigs pa 'byed pa'i rlung gis 'joms par byed do/ / tshil gyi mtha' na rgyu ba'i srin rnams ni rje dar 'byed par byed pa'i chung gis 'joms par byed do// tshig pa rnams dang / 'gram par gyur pa dang / lung ba za ba'i srin rnams ni tshogs pa 'byed par byed pa'i rlung gis 'joms par byed do// so'i rtsa ba nas za ba'i srin rnams ni byin pa rab tu 'byed cing nyal ba'i rlung gis 'joms par byed do/ / bdag gi srin rigs gzhan bcu mgrin pa dang brang gi gseb na rgyu ba rnams rlung gis snga phyir rim pas 'joms par byed pa rnams ni/ 'di ltar zas su ngar snabs za ba'i srin rnams ni spro ba 'phel ba'i rlung gis 'joms par byed do// rab tu skyug par byed pa'i srin rnams ni khu ba bcu'i rtsa ba rnams kyi nang na rgyu bar gyur pa de 'dra ba'i 'gro ba rnam par zlog par byed pa'i rlung gis 'joms par byed do/ / yangar myos kyi srin rnams ni tshogs rnam par dkrug pa'i rlung gis 'joms par byed do// ro drug

  1405. 326b

    la dga' ba'i srin rnams ni spu dang / sen mo dang / bshang ba rnams 'byed par byed pa'i rlung gis 'joms par byed do// g+hur gyur pa'i srin rnams ni khu chu rnam par rlug byed kyi rluchung gis 'joms par byed do/ / ro la rab tu sdang ba'i srin rnams ni rgan gog tu byed pa'i rlung gis 'joms par byed do// nyal ba la shin tu mngon par dga' ba'i srin rnams ni glang bag rengs par byed pa'i rlung gis 'joms par byed do/ / khrag las skyes par 'gyur ba'i srin gyi rigs bcu 'di lta ste/ lus la spu za ba'i srid rnams ni bshang ba kun tu skams byed kyi rlung gis 'joms par byed do/ / rlubs can gyi srin rnams ni logs na bar byed pa'i rlung gis 'joms par byed do// 'dzag tu ma rta ra'i srin rnams ni bu gu dgu la gnas pa'i nad ces bya ba'i rlung gis 'joms par byed do/ / o'u dum pa ra'i srin rnams ni yan lag dang nying lag dang thug par byed pa'i rlung gis 'joms par byed do// 'dzan du mA tra ra dang kun tu 'dzag pa'i srin rnams ni me drod kun tu sun 'don pa'i rlung gis 'joms par byed do/ / spu'i gling gi srin rnams ni yan lag dang nying lag rnams thams cad grang bar byed pa'i rlung gis 'joms par byed do/ / khrag za ba'i srin rnams ni brtan pa 'jig par byed pa'i rlung gis 'joms par byed do// skyur po pa'i srin rnams ni sreg par byed pa'i rlung gis 'joms

  1406. 327a

    par byed do/ / rkang pa med pa dang / dbyibs thung bar gyur pa dang / khrag las skyes pa'i srin shin tu phra ba dang / mig med pa dang / g.yan pa dang / 'bigs byed kyi mtshan nyid do/ / de la de dag rnams ni gang gi tshe 'chi ba'i yul dang dus su gyur pa na/ de'i tshe rlung rnams kyis srin de dag rnams bcom par gyur nas khrag kyang skam par byed do// la de dag rnams ni 'chi bar gyur pa na yin te/ rtsub par gyur pa dang mi bzad par gyur pa'i tshor ba rnams kyis kyang shin tu skems par byed do// 'chi bar gyur pa'i mtha' na so so'i skye bo'i rnams rang gi mdza' bo dang / grogs po dang / gnyen 'brel dang / bu dang / chung ma dang / phun sum tshogs pa dang / yongs su spyad par bya ba rnams yongs su gtong bar 'gyur ba'i sred pa dag gis byas pa'i 'chi ba'i 'jigs pa drag po rnams blo dman pa rmongs pa'i kun tu sbyor bas bcings pa rnams las 'byung ste/ skyabs med par gyur pa chos dang chos ma yin pa dang lhan cig tu gcig pu nyid du gyur pa lus dang sems kyi sdug bsngal gyis yan lag dang nying lag rnams thams cad nas khrag kun tu tshim par 'gyur ro/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi srin gyi rigs gzhan dag rnams gang yin zhing / rlung gi tshogs

  1407. 327b

    rnams kyang gang dag gi srin gang bcom pas bdag la sdug bsngal du byed par 'gyur ba yin zhe na/ des thos pa las byung ba'i shes rab kyis sam/ lha'i mig gis mthong bar gyur pa srin gyi rigs bcu bdag gi sha la gnas pa rnams ni 'di lta ste/ rmal kun tu 'byung ba rnams te/ de la rmal kun tu 'byung ba'i srin rnams ni sdud pa'i rlung gis 'joms par byed do/ / tsun tsu ka'i srin rnams ni steng 'og gi rlung gis 'joms par byed do// rgyus pa skul ba zhes bya ba'i srin rnams ni srog gi rlung gis 'joms par byed do// gang gi phyir song bar gyur pa'i skyes bu 'chi bar 'gyur ro/ / rtsa 'bigs par byed pa'i srin rnams ni 'dzums par byed pa'i rlung gis 'joms par byed do// pags pa gtub pa'i srin rnams ni sems sur 'byin par byed pa'i rlung gis 'joms par byed do/ / tshil sprul bar byed pa zhes bya ba'i srin rnams ni 'khrug par byed pa'i rlung gis 'joms par byed do// 'phel byed kyi srin rnams ni mig 'byed par byed pa dang 'dzums par byed pa'i rlung gis 'joms par byed do/ / dri ngan pa'i srin rnams ni phan tshun du dkrug par byed pas 'chi ba'i mthar thug par byed pa'i rlung lngas 'joms par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ ji ltar bdag 'chi bar gyur pa'i dus na rdul la rgyu ba'i srin rnams

  1408. 328a

    rlung gang dag gis 'joms par byed pa yin na/ des thos pa las byung ba'i shes rab kyis sam/ lha'i mig gis mthong bar gyur pas/ de bzhin du mkhris pa la rgyu ba'i srin rnams la rnal 'byor pas so sor rtog par byed pa ni 'di lta ste/ tsu ra ba ka'i srin rnams ni mngal kun tu 'phel byed kyi rlung gis 'joms par byed de/ skyes bu'i lus rnams dang khyad par du 'phel bar byed do// skul byed kyi srin rnams ni mngal 'jig par byed pa'i rlung gis 'joms par byed do// gur kum gyi mdog 'dra ba'i skyur po gcig kha'i sgo nas kun tu 'byung bar yang byed do/ / gal te na yang bud med du 'gyur bar yang byed do// ku shi me tog gis srin rnams ni 'gro ba dang / 'ong ba dang / rgyug pa dang / mchong par byed pa'i rlung gis 'joms par byed do// chen po'i rigs kyi sprin dang / nag pa pa dang / zas chen po dang / dro ba la rgyu ba dang rnams ni mig rnab sna lce lus rnams rnam par 'joms par byed par rlung lngas 'joms par byed do/ / rim pa ji lta ba bzhin du rnam par sreg byed kyi srin rnams ni grogam pa'i rlung gis 'joms par byed do/ / me drod nyams byed kyi srin rnams ni khab pa'i rlung gis 'joms par byed do// me chen po'i srin rnams ni rgyu ma 'byed pa'i dus rlung gis 'joms par byed do//

  1409. 328b

    gzhan yang rnal 'byor pa nang gi bdag nyid kyi lus la lus kyi rjes su lta zhing gnas te/ bdag ji ltar 'chi bar gyur pa'i dus na rus pa la gnas pa'i srin rnams rlung gang dag gis 'joms par byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa yan lag dang nying lag rnams thams cad la gnas pa'i srin rnams ni 'di lta ste/ rus pa la lhag pa'i srin rnams ni mkhris pa kun tu sun 'don par byed pa'i rlung gis 'joms par byed do// dro ba la rgyu ba'i srin rnams ni bad ka na kun nas sun 'don pa'i rlung gis 'joms par byed do/ / tshigs pa gcod cing rgyu ba dang dri mi zhim pa'i srin rnams ni pags pa kun nas sun 'don pa'i rlung gis 'jom par byed do/ / rus pa'i rnag gi rigs kyi srin rnams ni khrag kun tu sun 'don par byed pa'i rlung gis 'joms par byed do// kha dmar ba'i srin rnams ni sha sun 'don par byed pa'i rlung gis 'joms par byed do/ / pags pa la spyod cing za ba'i srin rnams ni rus pa kun nas sun 'don pa'i rlung gis 'joms par byed do// grog ma pa'i srin rnams ni khu chu kun nas sun 'don pa'i rlung gis 'joms par byed do/ / spu gri'i kha'i srin rnams ni 'khrul par byed pa'i rlung gis 'joms par byed do// gzhan yang rnal 'byor spyod

  1410. 329a

    pa nang gi bdag nyid kyi lus la lus kyi rjes su lta zhing gnas te/ bdag 'chi bar gyur pa'i dus na bshang ba la rgyu ba'i sprin gang dag rlung gis 'joms par byed pa yin zhe na/ des thos pa las byung ba'i shes rab kyis sam/ lha'i mig gis mthong bar gyur pa dang sam pa'i srin rnams ni stobs byed pa'i rlung gis 'joms par byed do// khab kyi kha'i srin rnams ni rdul kun nas sun 'don pa'i rlung gis 'joms par byed do// pi pi skyes kyi sprin rnams ni gcin lhag par sun 'dod par byed pa'i rlung gis 'joms par byed do/ / rkang med kyi srin rnams ni tshal kun tu sun 'don pa'i rlung gis 'joms par byed do// mi spyod pa'i srin rnams ni zas dang ldan pa'i rlung gis 'joms par byed do// / bshang ba rnam par 'thor byed kyi srin rnams ni so rnam par 'byed pa'i rlung gis 'joms par byed do// bshang ba 'byed pa'i srin rnams ni rtse'u chung sdud par byed pa'i rlung gis 'joms par byed do/ / rgyu ma 'byed pa'i srin rnams ni 'og tu 'gro ba'i rlung gis 'joms par byed do// zas smin pa rnams so sor rengs par byed pa'i srin rnams ni steng du 'gro ba'i rlung gis so sor 'joms par byed do/ / mdog bzangs kyi srin rnams ni logs la rgyu ba'i rlung gis 'joms par byed do// gzhang smin par byed pa'i srin rnams ni za ma tog la

  1411. 329b

    gnas pa'i rlung gis 'joms par byed do/ / srin rnams dang rlung de dag rnams kyis kyang bshang ba rnams thams cad kyang nges par skams par 'gyur zhing / khams rnams thams cad khyad par bskams nas/ phan tshun gyis g.yoms shing kun tu drud par gyur pas steng 'og tu gyur par byas nas khams rnams thams cad kyang dkrug par gyur pas gog por gyur pa dang / myags par gyur pa dang / rnam par g.yoms par gyur pas kyang bye brag tu byas shing dman par byas pas ni skyes bu rnams sam/ bdag kyang rung ste/ 'chi ba'i mthar gyur pa na rtsub pa gzhan rnams dang mi 'dra ba'i tshor ba rnams nges par myong bar 'gyur bar skye bo rnams thams cad la nges par myong bar 'gyur bar byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdago gi srin gang dag 'chi ba'i mthar thug par gyur pa na rlung gang dag gis 'joms par byed pa yin zhe na/ des thos pa las byung ba'i shes rab kyis sam/ lha'i mig gis mthong bar gyur pa bdag gi rkang mar la rgyu bar 'gyur ba'i srin gyi rigs bcu la 'di lta ste/ spu la gnas pa'i srin rnams ni spu kun nas sun 'don pa'i rlung gis 'joms par byed do// kha nag pa'i srin rnams ni rjes su 'thun par byed pa'i rlung gis 'joms par byed do//

  1412. 330a

    spro ba med pa'i srin rnams ni nyal ba na rnam par g.yeng bar ston pa'i rlung gis 'joms par byed do// gzer zug chen por byed pa'i srin rnams ni mi bzod pa'i rlung gis 'joms par byed do/ / rmongs par byed pa'i srin rnams ni lce la gsal byed dang yi ge byed pa'i rlung gis 'joms par byed do// mi'i mdog gi srin rnams ni ro rnams 'dra bar byed pa'i rlung gis 'joms par byed do/ / 'greng ba'i srin rnams ni mchin pa kun nas sun 'don pa'i rlung gis 'joms par byed do// 'og tu rgyu ba'i srin rnams ni bshang ba gyen du byed pa'i rlung gis 'joms par byed do/ / o'u shIng ka'i srin rnams ni bshang la rgyu ba'i rlung gis 'joms par byed do// kun tu rtog pas dga' ba'i srin rnams ni dran pa kun nas sun 'don pa'i rlung gis 'joms par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ rtags par kun tu mthong ba ma yin/ bdag tu mthong ba ma yin no// sngon gyi srin gcig ni mkhal ma sun 'don par byed pa'i rlung gis 'joms par byed do// sprin 'di dag rnams ni 'chi 'i dus dang 'chi ba'i dus su rlung rnams kyis 'joms par byed do/ / de de ltar na nang gi bdag nyid kyi lus la lus kyi rjes su lta zhing gnas par byed pa yin te/ dge slong gis ga rang par mthong ma yin/ thog ma med pa'i dus nas rab tu zhugs par gyur pa'i mun pa rnams lhag ma lus pa med par 'joms par 'gyur ro/

  1413. 330b

    / zag pa med pa shin tu mthar thug par gyur pa/ gzhan rnams dang mi 'dra bar gyur pa/ 'jig rten las 'das pa'i snang ba rnams kyang 'di la rab tu 'byung bar 'gyur ro// rjes su dran pa rnams kyang rnam pa bdun du gyur pa las chi ba rjes su dran pa ni mchog tu brtan pa yin no/ / 'di lta ste/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / lha rjes su dran pa dang / mi rtag pa rjes su dran pa'o// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ chos rnams thams cad la rgud pa 'byung bar byed pa'i 'chi ba rnam pa du zhig yod ce na/ des thos pa las byung ba'i shes rab kyis sam/ lha'i mig gis mthong bar gyur pa/ 'chi ba ni rnam pa bzhi yin no// 'di lta ste/ sa'i khams ma snyoms pas bskyed pa dang / chu'i khams ma snyoms pas bskyed pa dang / rlung gi khams ma snyoms pas bskyed pa dang / me'i khams ma snyoms pas bsgreng ba'o/ / de la ji ltar na sa'i khams mo snyoms pas bskyed pa'i 'chi bas 'chi bar 'gyur ba yin zhe na/ gang gi me sa'i khams rnams 'khrugs par 'gyur ba na/

  1414. 331a

    zhing rlung gis kyang sa'i khams rnams kyang sra zhing mkhrang bar gyur nas yan lag dang nying lag rnams thams cad kun tu mnan pas myags par byed do// phan tshun du 'jom par byed cing kun tu 'tshir bar byed/ dper na rdo rje'i rang bzhin gyi ri gnyis su gyur pa de dag gi bar du mar gsar pa'i gong bu gcig bcug par gyur la/ de dag kyang phan tshun du dus kyi rlung gi tshad du gyur pa'i rlung gi shugs kyis legs par drud par gyur na/ de la ji ltar mar gsar gyi gong bu'i snying po nyid du tha snyad gdags par bya/ de kho na bzhin du sa'i khams 'khrug par gyur pas bdag gi yan lag nying lag rnams thams cung dang / khams rnams thams cad dang / rgyas pa'i za ma tog gi pags pa dang / khrag dang / sha dang / tshol dang / rus pa dang / rkang mar dang / khu chu dang rnams ni thams cad kyang mar gsar dang 'dra bar gyur pa yin no// rtag tu rgyun mi 'chad par kun nas mnan par gyur pa'i nye 'khor rnams de ltar mnan par gyur pas sdug bsngal rnams 'byung bar 'gyur ro/ / sangs rgyas rjes su dran pa 'am/ chos rjes su dran pa 'am/ dge 'dun rjes su dran par gyur pa yang rung / srid pa tham pa rnams kyis yang dag pa'i blos dmigs pa rgyun ma chad par gyur na/ so so'i skye bo 'di dag rnams thams cad la yang rgyud la dmigs pa dang cha 'dra ba'i rnams shin tu nyams par mi 'gyur ro/ / des bdag gi kham

  1415. 331b

    skye ba 'byung bar 'gyur ro/ / rgya'i cha rnams ci 'dra bar gyur pa yin pa'i rgyas btab pa rnams kyang de dang 'dra bar 'gyur ro// de bzhin du 'chi ba'i dus kyi srid pa tha ma pa rnams kyi sems kyi rgyun rnam pa ji srid dang 'dra bar gyur pa'i skye ba de dang 'dra ba'i rnams 'byung ba yin no/ / sems spre'u'i dbang gis skye ba dang 'chi ba rnams 'byung ba yin no// gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ ji ltar na bdag cag gi chu'i khams rnams ma snyoms par byed pas so so'i skye bo 'di dag rnams thams cad 'chi ba yin zhe na/ des thos pa las byung ba'i shes rab kyis sam/ lha'i mig gis mthong bar gyur pa/ gal te bdag gi chu'i khams rnams 'khrugs par gyur na/ des bdag gi yang lag dang nying lag rnams thams cad dang / rgyus pa'i sbubs rnams thams cad la dang / khams rnams thams cad dang / pags pa dang / khrag dang / sha dang / tshil dang rus pa dang / rkang mar dang / khu chu dang / rnams kun tu slu bar byed cing kun nas bzhu bar 'gyur ba ni/ 'chi ba'i dus na bdag dang so so'i skye bo 'di dag rnams thams cad la yang nges par 'brel bar 'gyur ro/ / par tshun du kun nas slu bar byed cing byed pa skyong par byed do// 'dis ste/ ri gnyis ni sngon bzhin no// de la ma reg sar gyi gong bu rgya mtshor bcug par

  1416. 332a

    gyur cing dus kyi rlung gis rnam par bcom pa la ni gnas pa med do/ / skyob pa med do// snying por gyur pa gang yang med cing / de la ni brtan pa yang yod pa ma yin no/ / bdag chu'i khams kyis mnar bar gyur pa'i sdug bsngal rnams ni de lta bu yin no// sangs rgyas rjes su dran pa 'am/ chos rjes su dran pa 'am/ dge 'dun rjes su dran pa yang rung ste/ srid pa tha ma pa rnams kyi yang dag pa'i blos dmigs pa rgyun ma chad par gyur na/ so so'i skye bo 'di dag rnams thams cad la yang rgyud la dmigs pa'i rgya rjes dang cha 'dra ba'i skye ba 'byung bar 'gyur ro/ / rgyu'i cha rnams ci 'dra bar gyur pa yin pa'i rnam pa de srid kyi rgyas btab pa'i skye ba 'byung ngo // dpe de bzhin du 'chi ba'i dus kyi tshen srid pa tha ma pa rnams kyi sems kyi rgyun rnams ji srid du gyur pa de bzhin du skye ba rnams 'byung bar 'gyur ro/ / gang gi phyir sems spre'u'i dbang gis rga shi'i dus na skye ba'i gnas yin no/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ ji ltar bdag 'chi bar gyur pa'i dus na me'i khams 'khrugs pa 'chi bar gyur pa yin zhe na/ des thos pa las byung ba'i shes rab kyis sam/ lha'i mig gis mthong bar gyur pa/ gal te ngadag 'chi bar gyur pa'i dus na me'i khams rnams

  1417. 332b

    'khrugs pas 'chi bar gyur na/ des bdag gi yan lag dang nying lag rnams thams cad dang / rtsa dang rgyas pa'i za ma tog rnams thams cad dang / khams rnams thams cad dang / bags pa dang / khrag dang / sha drang / tshil dang / rus pa dang / rkang mar dang / khu chu rnams sreg go/ 'tshed do// ku ni tsha bar byed do// kun nas rab tu 'bar bar byed do/ / dper na seng ldeng gi me mdag gi phung po chen po ri dang mtshungs par gyur pa dag tu mar gsar gyi gong bu bcug par gyur lA/ de sreg par byed do// 'tshed par byed/ kun nas rab tu 'bar bar byed do/ / kun tu skol bar yang byed pa de bzhin du/ bdag gis lus po rnams thams cad kyang mar gsar gyi gong bu dang 'dra bar gyur pa yin no// de yis bdag 'chi bar gyur pa'i tha ma'i lus kun tu tsha bar sdug bsngal bar byed do/ / sangs rgyas rjes su dran pa 'am/ chos rjes su dran pa 'am/ dge 'dun rjes su dran par yang rung ste/ yang dag pa'i blos tha ma'i sems kyi dmigs pa rgyun ma chad par gyur na/ so so'i skye bo 'di dag rnams thams cad la yang rgyud la dmigs par gyur pa'i sgrub pa'i rgyu dang cha 'dra ba'i skye ba rnams 'byung bar 'gyur ro/ / ji ltar rgya gang dag dang 'dra bar gyur pa'i rnam pa de srid kyi rgya'i rjes kyi skye ba 'byung ba yin no// de ltar rnam pa ji srid par gyur pa'i 'chi ba'i dus ni srid pa tha ma'i sems 'byung

  1418. 333a

    bar gyur pa de ltar skye ba yang 'byung bar 'gyur ro/ / gang gi phyir sems spre'u'i dbang gis rga shi'i dus su skye ba nye bar gnas pa yin no// gzhan rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag 'chi bar gyur pa'i dus na ji ltar na rlung 'khrugs pas 'chi bar gyur pa yin zhe na/ des thos pa las byung ba'i shes rab kyis sam/ lha'i mig gis mthong bar gyur pa/ gal te bdag 'chi bar gyur pa'i dus su rlung gis khams rnams rab tu 'khrug par gyur na/ des bdag gi yan lag dang nying lag rnams thams cad dang / rgyus pa'i za ma tog rnams thams cad dang / khams rnams thams cad kyi yang 'di lta ste/ pags pa dang / khrag dang / dang / tshil dang / rus pa dang / rkang mar dang / khu chu rnam par nyams par byed do// kun tu skems par byed do// kun tu gyong pa nyid du byed do// phan tshun du gshag par byed do/ / rkang pa'i sen mo rnams nas bzung nas/ ji srid du mgo bo'i bar du bye ma dang 'dra bar phye mar byed do// dper na mar gsar gyi gong bu dus kyi rlung gis phan tshun du btab par gyur na mar gyi gong bu rnam par nyams par byed do/ / kun tu skams par byed do// kun nas gyong po nyid du byed do// nam mkhar phan tshun gyi yan lag rnams bye ma bzhin du phye mar byed

  1419. 333b

    do/ / de kho na bzhin du bdag 'chi bar 'gyur ba'i dus na rlung gi khams rnams rab tu 'khrugs par gyur pas/ de las bdag 'chi bar gyur pa'i mtha' ma'i lus kun nas mngon par sred pa'i tshor ba'i sdug bsngal rnams 'byung ngo / / sangs rgyas rjes su dran par gyur pa 'am/ chos rjes su dran par gyur pa 'am/ dge 'dun rjes su dran par gyur pa yang rung ste/ yang dag pa'i blos tha ma'i sems kyi dmigs pa rgyun ma chad par gyur na/ so so'i skye bo 'di dag rnams thams cad la yang rgyud la yang dmigs pa/ so so'i rgya rnams dang cha 'dra ba'i skye ba rnams 'byung ba yin no/ / ji ltar rgya rnams ji srid kyi rnam pa yin par gyur pa de bzhin du rnam pa ji srid du 'chi ba'i dus kyis srid pa tha ma pa'i sems gyur pa'i de ji lta ba bzhin du skye bar 'gyur te/ gang gi phyir lus sems spre'u'i dbang yin pa'i phyir 'chi ba'i tshe na skye ba'i gnas yin no/ / de ltar na 'byung ba chen po bzhi po rnams rab tu 'khrugs pa'i 'chi ba rnam pa bzhi yin no// rnal 'byor spyod pa nang gi bdag nyid kyi lus la lus kyi rjes su lta ba rnams kyis ni mi rtag pa dang / sdug bsngal ba dang / stong pa dang / bdag med par sems can rnams mtshungs par mthong po yin no/ / de mthong bar gyur pas kyang bdud kyi drung na mi gnas so// mya ngan las 'das pa'i mtha' la gnas pa yin no// de kun nas nyon mongs pa can du 'gyur ba'i 'dod pa

  1420. 334a

    sgra dang / reg bya dang / ro dang / gzugs dang / dri rnams kyis khrid par byed pa nyid kyang ma yin no// dga' ba'i 'dod chags dang lhan cig 'grogs par gyur pa'i sred pa rnams kyis 'ching bar mi byed do/ / nyon mongs pa'i rdul rnams dang rnam par bral bar 'gyur ro// ngam grog rnams dang rnam par bral ba dang / gzugs dang / dris kyang 'phrogs pa ma yin no/ / gzugs kyis rgyags pas rgyags par yang mi 'gyur ro// lang tsho'i rgyags pas rgyags par yang mi 'gyur ro// gson pa'i rgyags pas rgyags par yang mi 'gyur ro/ / tshogs pa 'dus pa la dga' bar yang mi 'gyur ro// rtag tu grong khyer rnams su 'jug par yang mi 'gyur ro// gang de la mngon par dga' bar yang mi byed do/ / 'chi bar 'gyur ba'i 'jigs pas 'jigs par 'gyur ro// kha na ma tho ba phra rab tsam rnams la yang 'jigs par lta bar 'gyur ro// yang dag pa ji lta ba bzhin du lus so/ sor rig par 'gyur ro// skye ba dang 'jig pa'i chos rnams kyang shes par 'gyur ro// de ni kun nas nyon mongs pa can du 'gyur ba'i 'dod pa rnams thams cad las 'dod chags dang bral bar 'gyur ro/ / snyom las can du mi 'gyur ro// dam pa'i chos pa yang rgyun du dga' bar 'gyur ro// de ltar nA la ta'i grong gi bram ze dang / khyim bdag rnams dang / dge

  1421. 334b

    sbyong rnams kyang nang gi bdag nyid kyi lus la lus kyi rjes su lta zhing gnas so/ / rnal 'byor spyod pa rnams ji ltar gnas pa yin zhe na/ dge slong dag 'di ni phyi rol gyi chos kyis rnal 'byor spyod pa rnams nang gi bdag nyid kyi lus la so sor rtog par byed do/ / 'di lta ste/ phyi rol gyi chos rnams mthong nas nang gi bdag nyid kyi lus la lus kyi rjes su lta zhing gnas pa las dang po sa bon gyi tshogs rnams la so sor rtog par byed de/ sa bon las ni myu gu 'byung ngo // myu gu las ni sdong bu 'byung ngo // sdong bu las ni 'dab ma 'byung ngo // 'dab ma rnams las ni me tog 'byung ngo // me tog las ni 'bras bu 'byung bar 'gyur ro// de kho na bzhin du rnal 'byor spyod pa rnams kyis nang gi bdag nyid rnams la yang mthong ba yin te/ dang / po sa bor du gyur pa'i rnam par shes pa las dang nyon mongs pa rnams dang bcas pa khu chur ltung ba yin no// khu chu las ni mer mer por 'gyur ro// mer mer po las nur nur por 'gyur ro// / nur nur po las gor gor por 'gyur ro// gor gor po las ni nar nar por 'gyur ro// nar nar po las ni 'bur bur lnga 'byung bar 'gyur te/ rkang pa'i 'bur 'bur gnyis dang / lag pa'i 'bur 'bur gnyis dang / mgo bo'i 'bur 'bur gcig go// de ltar 'bur 'bur lnga po rnams las ni dbang po rnams gsal bar skye bar 'gyur ro// de ltar lnga phyi'i rim pas rga

  1422. 335a

    shi'i mthar thug par 'gyur ro/ / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ ji ltar sa bon gyi tshogs rnams ni dang po sngon po nyid du 'gyur ro/ / phyi nas ni skye bor 'gyur zhing rnyings par 'gyur ro// thams cad nyid du med par yang 'gyur ro// de kho na bzhin du lus 'di yang dang po ni byis par 'gyur ro// / byis pa las ni dar la bab par 'gyur ro// dar la bab pa las ni rgas par 'gyur ro// rgas par gyur nas ni rnam pa thams cad du med par 'gyur ro// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ ji ltar na phyi rol gyi sa bon gyi tshogs rnams 'byung bar 'gyur ba yin zhing / ji ltar yang sa gzhi las sman dang nags tshul rnams mngon par 'phel bar 'gyur ba yin na/ / des thos pa las byung ba'i shes rab kyis sam/ lha'i mig gis mthong bar gyur pa chos 'di dag rnams thams cad ni phan tshun gyi rgyu can dang / phan tshun gyi rkyen can yin zhing / phyi rol tu gyur pa dang nang gi bdag nyid du gyur pa'i 'dus byas rnams thams cad ni phan tshun gyi stobs kyis skye bar 'gyur ba yin la/ chos gsum ni ma gtogs so// 'di lta ste/ so sor brtags pa'i 'gog pa dang / so sor ma brtags pa'i 'gog pa dang / nam mkha' dang rnams so//

  1423. 335b

    ji ltar na phan tshun gyi stobs kyis chos rnams rab tu 'jug par 'gyur ba yin zhe na/ 'di lta ste/ ma rig pa'i rkyen gyis 'du byed rnams so// 'du byed kyi rkyen gyis ni rnam par shes pa'o/ / rnam par shes pa'i rkyen gyis ni ming dang gzugs dag go// ming dang gzugs kyi rkyen gyis ni skye mched drug go// skye mched drug gi rkyen gyis ni reg pa'o// reg pa'i rkyen gyis ni tshor ba'o/ / tshor ba'i rkyen gyis ni sred pa'o// sred pa'i rkyen gyis ni len pa'o// len pa'i rkyen gyis ni srid pa'o// srid pa'i rkyen gyis ni skye ba'o// skye ba'i rkyen gyis ni rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / yongs su ngal ba rnams 'byung bar 'gyur ro// de ltar sdug bsngal gyi phung po chen po 'di 'ba' zhig kun tu 'byung bar 'gyur ba yin no/ / yang dge slong dag ma rig pa 'gags par gyur pas kyang 'du byed rnams 'gog go// 'du byed rnams 'gags par gyur na/ rnam par shes pa 'gag go/ rnam par shes pa 'gags par gyur na/ ming dang gzugs 'gag go// ming dang gzugs 'gags par gyur na/ skye mched drug 'gag go// skye mched drug 'gags par gyur na/ reg pa 'gag go// reg pa 'gags par gyur na/ tsher rab 'gag go/ tshor ba 'gags par gyur na sred pa 'gag go/ sred pa 'gags par gyur na/ len

  1424. 336a

    pa 'gag go/ / len pa 'gags par gyur na srid pa 'gag go// srid pa 'gags par gyur na skye ba 'gag go// skye ba 'gags par gyur na/ rga shi dang / ngan dang / smre sngags 'don pa dang / sdug bsngal ba dang / yid mi bde ba dang / nyam thag pa rnams kun 'gag par 'gyur ro// de ltar sdug bsngal 'ba' zhig gi phung po chen po 'di 'gag par 'gyur ba yin na/ de ltar chos de dag ni gcig la gcig gis rkyen gyi dbang gis yin te/ phyi rol gyi chos rnams sam/ nang gi bdag nyid kyi chos rnams kyang rung ste/ phan tshun gyi dbang gis yin no// de ltar rnal 'byor spyod pa de ji ltar nang gi bdag nyid yin pa de ltar phyi rol rnams yin zhing ji ltar phyi rol yin pa de ltar nang gi bdag nyid kyi chos rnams yin no zhes nang gi bdag nyid kyi lus la lus kyis rjes su lta bar byed pa dang / phyi rol gyi lus rnams la yang dag pa ji lta ba bzhin du lus kyi rjes su lta zhing gnas so// de ltar rnal 'byor spyod pa rnams phyi rol dang nang gi bdag nyid kyi chos rnams rab tu shes par byed de/ dang por re zhig 'dzam bu gling pa rnams kyi chos rnams 'phel bar 'gyur ba la'o// / de nas ni nang gi bdag nyid rnams ches gsal bar byed pa'i chos gcig so so shes par byed pa dang / so sor ba rnams legs par rab tu shes par byed pa dang / kun tu mdze

  1425. 336b

    pa rnams dang / tshor ba rnams dang so sor bar gyur pa'i chos rnams kyang rab tu shes par byed do// phyi dang nang gi dbang gis 'byung po'i grong rnams thams cad dang / phyi rol gyi dbang gis kyang nang gi bdag nyid kyi sems dang sems las byung ba'i tshogs rnams so/ / gal te yang phyi rol tu gyur pa'i chos rnams kyis nang gi bdag nyid kyi chos rnams 'phel bar 'gyur zhing / de las kyang nang gi bdag nyid kyi chos rnams ches gsal bar 'gyur ba dang / gal te yang nang gi bdag nyid kyi chos rnams kyis phyi rol gyi chos rnams 'phel bar 'gyur ba yin zhing / des kyang ches gsal bar 'gyur ba yin zhe na/ de la yang phyi rol gyi chos rnams kyi ji ltar nang gi bdag nyid kyi chos rnams 'phel bar 'gyur ba ni/ gal te gnas mal dang / nad kyi rkyen smar rnams rab tu phal che ba dang ldan par gyur na ni/ de dge slong rnams dge ba'i chos rnams la mngon par dga' bar 'gyur ro// gnas mal dang / nad kyi rkyen sman dang / yo byad rnams rab tu phal che ba ldan ma gyur na ni/ de thams cad du yang dge ba'i chos rnams la mngon par dga' bar mi 'gyur ro// de ltar chos rnams ni gcig gis gcig skyed par byed pa dang / phan tshun du ltos pa dang / tshun du skyed par byed pa dang / phan tshun gyi rgyu can yin gyi/ don gzhan du gyur pa'i byed pa po dang / rtag pa dang / ther zug dang / yongs su mi 'gyur ba'i chos can rnams gang yin pa 'am/

  1426. 337a

    rgyu rnams kyi nang du 'du bar 'gyur ba'i rgyu med pa rnams kyis kyang / kun kyang skyed par 'gyur ba la shin tu 'bad par byed pa 'di ni mthong ba ma yin no// gzhan yang rnal 'byor spyod pa nang gi bdag nyid kyi lus la lus kyis rjes su lta zhing gnas te/ ji ltar khams gsum du skyes par gyur pa'i sems can rnams thams cad kyang phyi rol gyis don gcig par gyur pa'i phyi rol gyi las gang gi nang gi bdag nyid kyi chos rnams 'phel bar 'gyur ba yin na/ des thos pa las byung ba'i shes rab kyis sam/ lha'i mig gis mthong bar gyur pa 'du byed par skyes pa'i sems can rnams thams cad kyi chos gcig tu gyur pa ni/ zas gang dag yin pa rnam pa bzhi po khams kyi zas dang / yid la sems pa dang / reg pa dang / dga' ba dang / 'di dag gnas rnams yin no// de la 'dod pa'i khams na ni zas 'di dag rnams gang yin pas sa bon gyis tshogs byas nas/ phyi rol gyi zas de dag gi kyang rang gi bdag nyid kyi bsam gtan la bde bar gnas pa rnams 'phel bar byed do/ / de la dang po nyid du re zhig phyi rol gyi chos so sor rtog par byed de/ ji ltar nang gi bdag nyid kyi chos de dag rnams phyi rol gyi chos rnams kyis 'dzin par byed pa yin zhe na/ des thos pa las byung ba'i shes rab kyis sam/ lnga'i mig gis mthong bar gyur pa rgyu gang dang / rkyen gang dag dang /

  1427. 337b

    gzhi ci las gang gi tshe bzang ldan gyi dus kyi srog chags rnams thams cad kyi zas yin na/ yan lag brgyad dang ldan pa rnams yin no// de la yan lag brgyad po de dag rnams kya gang dag yin na/ 'di lta ste/ 'dod pa'i sgra dang / reg bya dang / ro dang / gzugs dang / dri dang / 'dod pa sdug pa'i khu ba 'thas pa'i mdog dang dbyibs so// de la gal te mal stan dang / nad kyi rkyen dang / yo byad rab tu phal che bar gyur pa'i phyi rol gyi chos rnams kyi lus 'phel bar 'gyur na/ de'i tshe na rlung gi bdag nyid kyi dge ba'i chos rnams la yang mngon par dga' bar 'gyur ro/ / de ltar rnal 'byor spyod pa phyi rol gyi lus kyis lus la rjes su lta zhing gnas so// phyi rol gyi sbrang bu mchu rnon dang / sha sbrang dang / grog ma phra mo la sogs pa rnams kyis gal te lus la lus mtho 'tsham par mi byed na/ des las nang gi bdag nyid kyi chos rnams la yang mngon par 'dod bar 'gyur ro/ / gal te yang grang ba dang / dro ba dang / char pa la sogs pa rnams kyis lus la mtho 'tsham par mi byed na/ de'i tshe nang gi bdag nyid kyi chos rnams la mngon par spro bar 'gyur ro/ / gal te yang 'dod pa sdug pa yid du 'ong ba rnar snyan par 'gyur ba'i sgra rnams thos par gyur na/ de'i tshe nang gi bdag nyid kyi chos rnams la mngon par

  1428. 338a

    dga' bar 'gyur ro/ / gal te 'dod pa sdug pa yid du 'ong ba'i dri rnams kyi dbang du 'gyur ba na/ de'i tshe nang gi bdag nyid kyi chos rnams la mngon par dga' bar 'gyur ro/ / gal te grang ba dang / tsha ba dang / char pa la sogs pas lus la com dris na/ de'i tshe nang gi bdag nyid kyi chos rnams la mngon par dga' bar 'gyur ro// dbang po lnga po rnams gal te rgyas par byed pa'i phyi rol gyi skye mched lnga po rnams kyi nang gi bdag nyid kyi skye mched lnga 'phel bar 'gyur na'o/ / de ltar phyi rol gyi lus la lus kyis rjes su lta zhing gnas te/ theg pa chen po la yang dag par gnas pa'i rigs kyi bu 'am/ 'phags pa nyan thos rnams kyis kyang yang dag pa ji lta ba bzhin du lus so sor rig par byed do// gzhan yang rnal 'byor spyod pa phyi rol gyi lus kyis lus la rjes su lta zhing gnas pa na/ ji ltar bdag gi rnam par shes pa'i tshogs drug chos rnams la dga' bar 'gyur ba yin na// des thos pa las byung ba'i shes rab kyis sam/ lha'i mig gis mthong bar gyur pa/ gal te phyi rol gyi chos rnams kyi mtho btsams par ma gyur na/ de'i tshe nang gi bdag nyid kyi chos rnams rang bzhin du gnas pas chos rnams la mngon par dga' bar 'gyur ro/ / rnam par shes pa'i tshogs drug po de dag rnams kyang gang zhe na/ mig gi rnam par shes pa dang

  1429. 338b

    ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa rnams so// de ltar nang gi bdag nyid kyis chos rnams kyi phyi rol gyi dbang po rnams dang lhan cig phan tshun gyi dbang du 'gyur ba dang / phan tshun 'grogs pa yin te/ dper na 'di lta ste/ bya nam mkha'i dkyi du song bar gyur na rab tu rgyu bar byed pa de gang dang gang du ji ltar nam mkha' la 'gro bar gyur pa de dang de dag rnams su 'di'i grib ma de kho na bzhin du dbang du gyur nas 'gro'o/ / de kho na bzhin du phyi rol gyi dngos po rnams kyi dbang gis nang gi bdag nyid kyi dngos po rnams thams cad yin no/ / gal te lus thams cad rgyas par gyur na ni de las kyang sems rnam par nyams par mi 'gyur ro/ / des na thams cad kyang phan tshun du bltos nas rkyen gyi dbang gis thams cad 'byung ba yin no// des ni de ltar rnal 'byor spyod pa rnams kyis 'dir mthong ba yin la/ mi rtag pa dang / mi brtan pa dang / ther zug ma yin pa dang / yongs su 'gyur ba'i chos can ma yin pa zhes bya ba chos rnams ni gcig kyang skye ba na yod pa ma yin no// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ ji ltar 'dzam bu gling ba'i mi rnams kyi tshe thung ba dang 'phel bar 'gyur ba yin na/ des thos pa las byung

  1430. 339a

    ba'i shes rab kyis sam/ lha'i mig gis mthong bar gyur pa gang gi tshe bzang ldan gyi dus kyi mi rnams thams cad ni 'od gsal gyi lha'i rigs las babs par gyur pa rnams yin pas sa zhag zas yin te/ dper na sum cu rtsa gsum gyi lha rnams kyi ni bdud rtsi yin pa de bzhin du/ dge ba'i sems dang ldan pa'i bzang ldan gyi dus kyi mi rnams kyi ni sa'i bcud mdog dang / dri dang / gzugs dang / reg bya bzang ba skyon rnams thams cad dang bral bar gyur pa'i mi rnams zas rnams kyi dbang gis 'tsho ba yin no// de'i stobs kyis tshe tshad ni lo stong phrag brgyad cu rtsa bzhir 'gyur ro/ / nad kyang gsum 'byung bar 'gyur ro// 'di lta ste/ ltogs pa dang / skom pa dang / 'dod pa la bltos nas de dag rnams thams cad/ kyang 'tshe ba dang nad med par 'gyur ro// de nas gsum ldan gyi dus na ni sa'i bcud de dag nyes pa dang bcas par 'gyur zhing / mi rnams kyang de bzhin du sems dge ba'i sems dang ldan par mi 'gyur ro/ / nad rnams thams cad kyang mi rnams la 'byung bar 'gyur ro// 'di lta ste/ ltogs pa dang / skom pa dang / dus ma yin par 'chi ba dang / tsha ba skye ba'o// de ltar phyi rol gyi zas rnams kyi dbang gis 'dzam bu gling gi mi de dag rnams thams cad kyang 'tsho ba dang nad med par yang 'gyur/ gzhan yang rnal 'byor spyod pa phyi rol gyi lus kyis lus

  1431. 339b

    kyi rjes su lta zhing gnas te/ ji ltar na 'dzam bu gling gi mi de rnams thams cad gsum ldan gyi dus na zas kyi dbang gis kha dog dang tshe ji lta bu yin na/ des thos pa las byung ba'i shes rab kyis sam/ lha'i mig gis mthong bar gyur pa gsum ldan gyi dus na ni sa'i bcud de dag de bzhin du nub par 'gyur ro// nang du ma rnams kyang 'byung bar 'gyur te zas kyi skyon gyis mi rnams la rlung dang / mkhris pa dang / bad kan rnams rab tu 'khrugs par 'gyur ro// rnal 'byor spyod pa de'i phyi rol gyi zas rnams kyi nang gis bdag nyid kyi skye mched rnams 'phel bar 'gyur ba'i 'du byed kyi tshogs rnams thams cad mthong bar gyur nas/ yang dag pa ji lta ba bzhin du lus la phyi rol gyi chos rnams kyis kun tu lta bar byed do// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ ji ltar na bzhi ldan rtsod pa'i dus kyi 'dzam bu gling ba'i mi rnams kyi zas yin na/ des thos pa las/ byung ba'i shes pas mthong bar gyur pa rtsod pa'i dus kyi 'dzam bu gling gi mi rnams ni khre rgod kyi zas dang / nas thug gi zas dang / nya'i zas dang / rdog gu rtsa ba'i zas rnams yin gyi/ ro rnams thams cad ni nub par 'gyur ro// mi de dag rnams la ni rtag tu nad rnams 'byung bar 'gyur ro// dus ma yin par rgas pa yang 'byung bar 'gyur ro// rtsod ldan gyi

  1432. 340a

    dus kyi mi rnams ni spro ba med par yang 'gyur ro/ / gzhan yang rnal 'byor spyod pa phyi rol gyi lus la lus kyis rjes su lta zhing gnas te/ ji ltar bzhi ldan gyi mi rnams kyi tshe dang tshad rnams 'phel ba dang 'grib pa yin zhe na/ des thos pa las byung ba'i shes rab kyis sam/ lha'i mig gis mthong bar gyur pa/ bzang ldan gyi dus su 'dzam bu gling pa'i mi rnams kyi tshe rab tu ring ba nin lo stong phrag brgyad cu rtsa bzhi yin no/ / bdag nyid kyi dngos po ni gzhu 'dom brgya phrag bcur 'gyur ro// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ gnyis ldan gyi dus na 'dzam bu gling pa'i mi rnams tshe rab tu ring ba ji lta bu yin na/ des thos pa las byung ba'i shes rab kyis sam/ lha'i mig gis mthong bar gyur pa gnyis ldan gyi dus kyi 'dzam bu gling pa'i mi rnams kyi tshe ring ba ni lo stong phrag bzhi bcur 'gyur ro// bdag gi dngos bor gyur pa'i tshad ni gzhu 'dom nyis brgya yin no/ / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ gsum ldan gyi dus na 'dzam bu gling pa'i mi rnams kyi tshe ring bar gyur pa ni ji lta bu yin na/ des thos pa las byung ba'i shes rab kyis sam/ lha'i mig gis mthong bar gyur pa gsum ldan gyi dus kyi 'dzam bu gling ba'i man

  1433. 340b

    kyi tshe ring bar gyur pa ni lo stong phrag nyi shu yin no/ / bdag nyid kyi dngos po ni gzhu 'dom brgya phrag gcig tu 'gyur ro// gzhan yang rnal 'byor spyod pa phyi rol gyi lus la lus kyis rjes su lta zhing gnas te/ rtsod ldan gyi dus kyi 'dzam bu gling pa'i mi rnams tshe rab tu ring bar gyur pa dang / bdag nyid kyi dngos po'i tshad kyang ji lta bu yin na/ des the/ pa las byung ba'i shes rab kyis sam/ lha'i mig gis mthong bar gyur pa rtsod ldan gyi dus na 'dzam bu gling pa'i mi rnams kyi tshe shin tu ring bar 'gyur ba ni lo brgya'o// bdag nyid kyi dngos po yang gzhu 'dom gcig ni ya mtha' yin no/ / rtsod ldan dang rjes su 'brel ba 'jig pa'i dus dman pa dang ldan pa mi rnams kyi dge bcu dang bral bar gyur pa'i skye bo'i tshogs thams cad bdag nyid bzang po yin par shes par byed pa rnams kyi tshe shin tu ring bar gyur pa ni gang dag ce na/ des thos pa las byung ba'i shes rab kyis sam/ lha'i mig gis mthong bar gyur pa 'jig par gyur pa'i dus dman pa dang ldan pas ro'i gtso bo rnams kyi thams cad ni nub par 'gyur ro/ / 'di lta ste/ tshwa dang / mar dang / zho dang / sha dang / sbrang rtsi dang / ro mngar po dang / bu ram shing dang rnams te/ 'bras sA lu rnams thams cad kyang rnam par 'gyur ba dang bcas par gyur nas/ drug cu pa la sogs pa rnams yin gyi/ ji ltar gtso bor gyur pa rnams

  1434. 341a

    ni nub par 'gyur/ sha yi gzhan rnams kyang dper na 'di lta ste/ 'bras dasha yi dmar po dang / ros 'phrog pa dang / btang ga dang / skya bo dang / thugs kyi stobs dang / rab tu dga' bar byed pa dang / sha ri kaHdang / dung gi mu tig dang / tu ra na kaHdang / lo ha b+hu lA zhes bya ba kun tu bi ni taHdang / dmar po dz+wa lu kaHdang / phye ma ba dang / a rdzu naHdang / ban rdza kaHdang / skam po ru ha dang / rgya mtsho kun tu ru haHdang / gnyis su 'phel ba dang / sa ma ha saHdang / rab tu tsha ba dang / tha ma med bdag rtsub pa rab tu tsha ba dang / yA ba kaHdang / thams cad du skye ba dang / sing haT dang / sdig pa med pa dang / kha dog chen po dang / thams cad du legs par skyes pa dang / a rdzun dang / rab tu tsha bar byed pa dang / dri ru haHdang / sbrul gyis gcod pa dang / kas mar ya ru haHdang / ri las skye ba dang / rtag tu skye ba dang / tshig pa med pa dang / thams cad las skye ba dang / kA ling kA dang / kA ling ga kaHchen po dang / he ma ston po dang / dung chen po dang / rnyed sla ba dang / bA hi ni ro drang / shi khI Ni dang / ang gu kyis dang / sen nA d+ha ba kaHdang kA la bA haHdang / bra sa bu dang / big+ha saHdang / rab tu sbyin byed dang / ing ga ligaHdang / tshad ma pa dang / bya bi daHdang / mi 'dod pa dang lhan cig tu rnam par 'dres pa dang / bud+d+ha

  1435. 341b

    liHdang / nyi ma'i dbang dang / dri ma med pa dang / ma ga d+ha'i dang / rgya mtsho'i lbu ba dang / be la ru haHdang / snyoms par ban tsa kaHdang / sbun pa med pa dang / rab kyi mchog tu gyur pa dang / dron po dang / rgya nag gi dang / gur kum gyi mdog dang / dri ma dang bcas pa dang / rab tu 'brel ba dang / 'dzid ga'i sems dang / stobs can dang / khang ka khan Ti kaHdang / rnam par 'dres pa dang / bdud rtsi 'gram pa na rgyu ba dang / gro'i mdog rnams so// nas rnams ni rnam pa drug ste/ sbun pa dang bcas pa dang / sbran pa med pa dang / rnam par 'dres pa dang / mngar po dang / mdog nag pa dang / mdog slu ba'o// nas chung ba ni rnam pa gnyis te/ 'dod rgyal ba dang / sa bon las skyes pa'o// shin tu dri bzang bar gyur ba'i me tog rnams thams cad kyang gan tu sdug bsngal bar gyur pa'i 'jig pa'i dus na rub par 'gyur ro/ / til dang / mon sran sde'u dang / rgya sran leb bu dang / skyes pa dang / btab pa dang / byas pa dang / ma byas pa rnams kyang nye 'khor du thams cad nub par 'gyur ro// ba la dang / ma he sha'i khu ba'i bcud dang / rgun 'brum dang / 'dod par gyur pa'i ro rab tu phal che ba rnams dang / mngon par 'dod par gyur pa'i ro rnams kyang nub par 'gyur ro// de dag rnams rab tu zhig par gyur pas kyang 'dzam bu gling ba'i mi rnams pags pa drod dang / rus pa dang

  1436. 342a

    rkang mar rnams kyi grang tsam du thams cad kyang 'gyur ro/ / ro'i zas rnams dang rnam par bral bas 'dir na thams cad kyang rus pas sbrel ba tsam du 'gyur ro// gang gi phyi rol dang nang gi bdag nyid rnams thams cad kyang phan tshun gyis bltos pa'i dbang gis yin pa'i phyir 'du byed rnams thams cad kyang 'jig par 'gyur bar rnal 'byor spyod pas so sor rig par byed do/ / yang dag pa ji lta ba bzhin du phyi rol rnams rab tu rig par byed do// rtag pa ma yin/ bde ba ma yin/ gtsang ba ma yin/ bdag dang bcas pa ma yin la/ byed pa pos byin gyis brlabs pa yang yin no/ / rgyu med pa ma yin zhing 'dod rgyal ba yang ma yin te/ byed pa po gcig gis byas pa ma yin/ gnyis kyis ma yin/ gsum gyis ma yin/ bzhis ma yin/ lngas ma yin/ lam log sten par byed pa gzhan mu stegs can rnams kyi rgyu drug pas kyang ma yin no// de ltar phyi rol gyi dbang du byas nas rnal 'byor spyod pa lus la lus kyis rjes su lta zhing gnas so// rnal 'byor spyod pa des de ltar bzang ldan gyi dus nas/ 'jig pa'i dus kyi bar du thams cad la rgyas par sngar bzhin du rig par gyur nas/ yang dag pa ji lta ba bzhin du phyi rol gyi lus kyis lus la rjes su lta zhing gnas so/ / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ ji ltar mi'i gnas bzhi po rnams thams cad ni ri'i dang

  1437. 342b

    chu bo dang / thang dang / rgya mtsho rnams dang / ri'i rgyal po ri rab lhun po'i bar du yang re re zhing cher 'phel bar 'gyur ba dang / chung ngu 'grib pa rnams kyang gang dag ce na/ skyes bu'i gnas bzhi po rnams 'di lta ste/ 'dzam bu'i gling dang / nub kyi ba lang spyod pa dang / byang phyogs sgra mi snyan dang / shar gyi lus 'phags po dang bcas pa rnams so// dmyal ba yang chen po brgyad do/ / yi dgas rnams dang / dud 'gro rnams dang / 'dod pa na spyod pa'i lha ris drug go// de ltar phyi rol gyi lus kyis lus la rjes su lta zhing gnas so// gzhan yang rnal 'byor spyod pa 'dzam bu gling gi shar phyogs kyi cha de'i ri dang / chu bo dang / yul dang / mtshams la kun tu lta bar byed do// des thos pa las byung ba'i shes rab kyis sam/ lha'i mig gis mthong bar gyur pa 'dzam bu gling gi shar phyogs na yang ming a nA na zhes bya ba'i ri yod do// ri a nA na de ni dpag tshad bcu pa yin no// gzhan pha rol po a nU na'i ri ni dpag tshad sum cu pa yin no/ / ri de dag gnyis kyi bar gyi sa la chu bo mtho ris dga' bo bya ba 'bab pa'o// chu klung ko'u shi ka dang / chu klung gzhan ko sha lA dang / yul yang gra ma can zhes bya ba dang / yul gnyis pa'i ming yang rnam par sreg byed ces bya ba'o// ko'u shi ka dang / ko sha lA dang lhan cig tu yongs su gang bar yul ljongs rnams dang 'brel ba yin/ de bzhin

  1438. 343a

    du ang ga zhes bya ba yul ljongs gnyis pa'o/ / de la rnam par sreg byed na rgyar dpag tshad brgya yin no// gra ma can zhes bya ba'i ri de yang dpag tshad brgya phrag nyi shu yin no// ko'u shi ka'i yul ljongs ni grong stong phrag bcu yin no/ / ljongs gnyis pa'i phyed ko'u ra ba zhes bya ba'i ljongs ni kun nas gang bar gyur pa shing phun sum tshogs pa ste/ na ga dang / nA Ti dang / go'u ra ba dang / rdza la hi na ta la dang / ta lo rnams kyis nye bar brgyan pa dang / kha rdzu'u ra dang / pa na sa dang / na Ti ke ke re'i 'bras bus gang bar gyur pa'i ljongs ko sa la de rnal 'byor spyod pas mthong bar gyur to/ / rna ba gon pa rnams dang / sha ba na 'chang ba dang / kan+ti ka dang / dga' ba'i bzhin dang / rnga mo'i bzhin dang rnams kyi yul ljongs de dag rnams la ni dpag tshad brgya sum cu yin no/ / yul ljongs de dag rnams la bltas par gyur kyang rnal 'byor spyod pa phyi rol gyi lus la lus kyis rjes su lta zhing gnas so// yul ljongs de dag rnams kyi mthar thug pa yin nam/ 'on te 'dzam bu gling na chu klung du bya ba dang gzhan dag kyang yod do// des thos pa las byung ba'i shes rab kyis sam/ lha'i mig gis mthong bar gyur pa chu bo chen po Sho No zhes bya ba rgyur dpag tshad phyed pa me g+ha la ti'i raM las 'bab pa yin te/ ring du ni dpag tshad lnga brgyar gyur pas ji srid du rgya mtsho'i shar du 'bab par 'gyur ro// 'di'i gzhi yang brag gi gcal gyis rnam par

  1439. 343b

    brgyan pa yin no/ / gzhan yang rnal 'byor spyod pa phyi rol gyi lus la lus kyis rjes su lta zhing gnas te/ 'dzam bu'i gling 'di na ri'i rigs su gyur pa 'am/ chu klung gi tha snyad du bya ba gzhan dag kyang yod dam zhe na/ des thos pa las byung shes rab kyis sam/ lha'i mig gis mthong bar gyur pa ri'i rigs gzhan dag kyang yod pa yin te/ gcig pu pa zhes bya ba'i ri ring du ni dpag tshad brgyar gyur pa/ 'phang du ni dpag tshad lnga brgya pa yin no// de las dmar po zhes bya ba'i chu bo 'bab pa yin te/ gzi brjid chen po dang ldan par gyur pa/ rgyar ni dpag tshad phyed yin zhing / ring du ni dpag tshad brgyu yin te/ ji srid du rgya mtshor 'jug go// gzhan yang rnal 'byor spyod pa phyi rol gyi lus kyis lus la rjes su lta zhing gnas rnam pa de lta bu'i chu klung gi rigs gzhan 'dzam bu'i gling na yod pa yin nam zhe na/ des thos pa las byung ba'i shes rab kyis sam/ lha'i mig gis mthong bar gyur pa 'dzam bu'i gling na rab tu 'bab par gyur pa'i chu bo chen po ka be ri zhes bya ba me tog chen po rnams kyis nye bar mdzes par byas pa rnams la 'di lta ste/ ke ta ka dang / tsam pa ka dang / ardzun dang / kA dam pa dang / ma lo ka gsar pa dang / a ti mu ka ta ka dang rnams kyis nye bar mdzes par byas pa'o// gnyis pa yang ba lang can zhes bya ba/ ba lang gis sa gzhi rnams kun tu gang ba yin no//

  1440. 344a

    chu bo de dag gnyis ka yang zheng du ni dpag tshad phyed yin la/ ring du ni dpag tshad sum brgya yin no// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ 'dzam bu'i gling gi rigs su gyur pa 'am/ chu klung gi rigs su gyur pa gzhan dag kyang yod dam zhe na/ des thos pa las byung ba'i shes rab kyis sam/ lha'i mig gis mthong bar gyur pa 'dzam bu'i gling na ri'i rigs dang / chu bo'i rigs gzhan dag kyang yod do// de dag kyang 'di lta ste/ Ta ka sho b+ho chen po zhes bya ba'i ri yod pa ni mi thams cad kyis bgrod du rung ba rgya mtshos bskor ba yin no/ / ri de'i tshad ni dpag tshad sum cu yin no// 'di la mi rnams gnas pa yang cung zad ki na ki rA tA zhes bya ba'i mi brtse ba med pa dang / kla klo dang / rna gon pa dang rnams so// gzhan rnams kyang rab tu gnas par gyur pa ni lo mgon pa rnams te/ de dag kyang rgya mtsho'i chu bo'i nang gi glang po che'i sha rnams za bar byed do/ / goms par gyur pa'i dbang gis zas rnams za ba yin pas mA'i sha rnams kyang za bar byed do// gzhan yang rnal 'byor spyod pa phyi rol gyi lus kyis lus la rjes su lta zhing brla te/ 'dzam bu'i gling las shin tu 'das par gyur pa'i rgya mtshon ri'i rigs sam/ gling gi rigs gzhan yang gang dag ce na/ des thos pa las byung ba'i shes rab kyis sam/ lha'i mig gis

  1441. 344b

    mthong bar gyur pa rin po che dang ldan pa zhes bya ba'i ri rgya mtsho'i nang na dpag tshad stong du gyur pa/ rin po che rnam pa sna tshogs pa rnams kyis nye bar mdzes par gyur pa rnams la 'di lta ste/ in+d+ra nI la dang / nI ya chen po dang / rdo rje dang / bai DUR+Ya dang / mu sA ra garba dang / a ra ka dang / pad+ma rA ga dang / su ku ma ri ka la sogs pa rnams kyis ri de nye bar mdzes par byas pa yin no/ / de la bzang ldan gyi dus na ni las kyis rjes su 'jug par 'gyur ba'i tshong ba rnams rgya mtsho'i klung gis bdas nas rab tu 'jug par byed do// ri de las shin tu 'das pa'i rgya mtsho stong phrag bcur nya chen po dang / chu srin byis pa gsod dang / grib ma'i rtse bya ba'i srin mo rnams kyis kun tu gang ba yin no// rgya mtsho de las kyang shin tu brgal bar gyur nas gser gyi rtsartsig pa zhes bya ba'i gling yod pa yin te/ gser gyi sa gzhis yongs su khebs par gyur pa de na mthong na shin tu 'jigs par 'gyur ba brtul zhugs che ba'i srin mo rab tu gnas pa yin no// yul de las shin tu 'das nas rgya mtsho dpag tshad nyis stong gi pha rol na d+hi ri ko zhes bya ba'i ri yod pa yang rtse mo gsum pa ste/ 'phang du dpag tshad bdun/ rgyur ni dpag tshad sum brgya pa la/ rin po che bdun gyis mdzes par byas pa rnams ni 'di lta ste/ in+d+ra nI pa dang / rdo rje dang / bai DUR+Ya dang / pad+ma rA ga dang / su ku ma ri ka dang / nI la chen po dang / mu sA ra

  1442. 345a

    dang rnams kyis nye bar mdzes par byas pa'o/ / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ ri de las 'das par gyur nas ri'i rigs sam/ rgya mtsho'i rigs gzhan dag yod dam zhe na/ des thos pa las byung ba'i shes rab kyis sam/ lha'i mig gis mthong bar gyur pa chu nag po zhes bya ba'i rgya mtsho chen po dpag tshad stong phrag bcur gyur pa/ gang la lha ma yin rnams klu'i bu mo dang lhan cig tu rtse bar byed pa yin no// rgya mtsho 'di'i klu rnams kyang mthong na 'jigs su rung ba yin no// lta yang grib ma'i rtse la 'byung ba zhes bya ba'i srin mos lha ma yin stobs dman par rgyu bar byed pa gang dag bzung nas rgya mtshor 'phen par byed do// chu nag po de'i chu'i nang rnams ni ri yis gang bar gyur pa/ sprin nag po dang mtshungs par gyur pa/ lto 'phye chen po rnams kyis chos gang bar gyur pa rnams kun tu mthong bar gyur nas/ rnal 'byor spyod pas yang dag pa ji lta ba bzhin phyi rol rnams la rnam par lta bar byed do/ / rnal 'byor spyod pa pas rgyu nag po de las yang dag par 'dras nas/ 'di dag las pha rol na ri'i rigs su gyur pa 'am/ rgya mtsho'i rigs su gyur pa yod dam zhes lta bar byed do/ / des thos pa las byung ba'i shes rab kyis sam/ lha'i mig gis mthong bar gyur pa rin po che rnams kyis kun tu gang ba zhes bya ba dang / gzhan ni dmar po

  1443. 345b

    zhes bya ba ste/ rgya mtsho de dag na ni 'dzam bu zhes bya ba 'di'i shing rnams las lhag pa dpag tshad dgu bcu'i tshad du gyur pa'o// de la ni rdo rje'i mchu dang ldan pa'i bya'i rgyal po nam mkha' lding 'di/ gnas pa yin no// ljon shing de las nyung bar gyur na ni dpag tshad brgyan chu sngon po zhes bya ba'i rgya mtsho yod do// de la rgyang grags kyi tshad tsam gyi srin mo man de ha zhes bya ba yod do// de ni chu'i nang gi ri'i mchog rnams la rgyu bar byed pa yin te/ rgya mtsho'i chu'i nang gang dag na ri bo rnams yod par gyur pa de dag rnams la rnam par rgyu bar byed do// de dag las 'das par gyur nas ri'i rigs su gyur pa 'am/ chu klung gi rigs su gyur pa gzhad dag rgya mtsho na yod dam zhes rnal 'byor spyod pa pa yul rnams la lta bar byed do// des thos pa las byung ba'i shes rab kyis sam lha'i mig gis mthong bar gyur pa chu rab tu dang ba zhes bya ba'i rgya mtsho dpag tshad lnga brgya pa yod do/ / rgya mtsho de'i nang na 'od zer gyi 'phreng ba can zhes bya ba'i ri 'phang du dpag tshad brgya pa rgyar ni dpag tshad sum brgyar gyur pa yin no/ / ri 'di ni dngul gyi rang bzhin du gyur pa la rin po che rnams thams cad kyis kyang mdzes par byas pa dang / gser gyi pad+ma rnams kyis nye bar mdze/ par byas pa rnams ni 'di lta ste/ steng du mthong ba zhes bya ba'i pad+ma'i rdzing bu zabs su ni dpag tshad brgya yod pa/ ring du dpag tshad sum cur gyur pa'o// de la song nas 'phreng ba thogs

  1444. 346a

    ba'i lha dang / yol go thogs pa rnams kyang dga' bar byed do// lha'i ngang pa dang / kA ra Na Da ba dag gis kyang mdzes par byas par gyur pa yin no// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ rab tu dang bar gyur pa'i rgya mtsho las kyang gzhan du gyur pa'i ri dang / rgya mtsho'i rgyal po'i rigs su gtogs pa rnams sam/ gling du gyur pa dag yod dam zhe na/ des thos pa las byung ba'i shes rab kyis sam/ lha'i mig gis mthong bar gyur pa'i rlabs chen po zhes bya ba'i rgya mtsho yod de/ dpag tshad ni lnga brgyar gyur pa yin no// de las 'og gi chu'i nang du song bar gyur pa'i rlung rnams steng du gyur pa gang yin pas rgya mtsho dang gling de dag rnams thams cad kyang 'khrugs par byed de/ sems can rnams kyi las kyi dbang gi phyogs kyis yin no// rlabs rnams ni dpag tshad nyis brgyar 'byung ngo // lhag ma rnams ni 'dzam bu'i gling gi rgya mtsho'i rlabs zhes gang dag rjod par byed do/ / de la ni nya thams cad rta'i gdong can du gyur pa rnams rab tu gnas so// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ rlabs chen po'i rgya mtsho'i ri las ri'i rigs lam/ rgya mtsho'i rigs yod dam zhen/ ngas thos pa las byung ba'i shes rab

  1445. 346b

    kyis sam/ lha'i mig gis mthong bar gyur pa rlabs chen po'i ri'i pha rol byang phyogs ngos na ri ngos gcig pa zhes bya ba dpag tshad brgya phrag bcu bzhir gyur pa'i rigase 'bar ba dag gis rnam par brgyan pa nyi ma gnyis pa dang 'dra bar gyur pa yin no/ / de la lha'o me tog tu gyur pa'i man+dA ra ba pad+ma ku she sha yA dang / bai DUR+Ya'i rang bzhin gyis pad+ma skye ba yin no/ / lha'i nags dang nye ba'i nags rnams kyang ri 'di la yod pa yin no// ngos gcig pa'i ri de las 'das par gyur nas/ gzhan ri'i rigs su gyur pa dag yod dam zhes rnal 'byor spyod pa kun tu lta bar byed pa na/ des thos pa las byung ba'i shes rab kyis sam/ lha'i mig gis mthong bar gyur pa shar gyi phyogs su rgya mtsho dpag tshad sum stong du nges par byung nas song bar gyur pa na/ gser 'bar ba zhes bya ba ri rab las ha cang mi ring ba na yod do// de nas lhun po'i logs la ri sha ra ba zhes bya'i ri yod do// gang gis 'dzam bu'i gling 'di ni de bai DUR+Ya'i rang bzhin gyi mdog tu byed pa dang / gang gis shar gyi lus 'phags po ni des gser gyi mdog tu byed pa yin no// ri de'i ngos sngon por snang ba yin pas ri yis 'dzam bu'i gling gi nam mkha' yang sngon por mthong ngo / / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ ri shar ba de dang thag nye bar gyur pa na gzhan dag yod

  1446. 347a

    dam zhe na/ des thos pa las byung ba'i shes rab kyis sam/ lha'i mig gis mthong bar gyur pa ri shar ba de ring du 'das par gyur nas/ shar gyi lus 'phag+sa su ri rab lhun po de'i rwa gnyis par gyur pa/ yid bde ba zhes bya ba'i lha'i 'dzam bu'i chu bo'i gser gyi rang bzhin du gyur pa yangs pa/ gser gyi pad+mas legs par kun tu brgyan pa ste/ rgyar ni dpag tshad bcu pa'o// 'phang du ni dpag tshad lnga brgya yin no// de la ni gser gyi rang bzhin gyis ljon shing dang / ri dgas dang bya rnams dang / gser sa le sbram gyi rang bzhin gyi ljon shing lo ma rnams dang / lha'i glu mkhan rnams kyis kyang sten pa yin no// de la 'phreng ba thogs par gyur pa'i lha rnams dang / pi wa nga gsum pa can rnams kyang rtse dga' bar byed do/ / ji ltar las rnams kyis bskyed par gyur pa rnams dman pa dang / bar ma dang / khyad du 'phags pa'i lam rnams kyi mngon par sprul pa ste/ rang gi las kyi bgo skal la spyod par byed pa'i lha de dag rnams yid bde ba'i ri de dang / ji srid du ri nyi ma dang mtshungs par gyur pa'i ri sha ra ba la yang sten par byed do// 'dzam bu'i gling gi rtse mor gyur pa shin tu mtho ba yin te/ de tsam zhig 'dzam bu gling gi shar phyogs na yod pa yin no// gzhan yang rnal 'byor spyod pa phyi rol gyi lus kyis lus la rjes su lta zhing gnas te/

  1447. 347b

    ltar 'dzam bu gling gi lho phyogs na chu bo'i rigs su gyur pa 'am/ ri'i rigs su gyur pa 'am/ rgya mtsho yongs su 'khrugs par gyur pa 'am/ ji tsam zhig gis mthar thug par 'gyur ba yin zhe na/ des thos pa las byung ba'i shes rab kyis sam/ lha'i mig gis mthong bar gyur pa de la 'bigs byed ces bya ba'i ri'i nye 'khor du dpag tshad brgyad yod pa las chu klung nar ma d+ha zhes bya ba zheng du dpag tshad phyed du gyur pa/ ring du dpag tshad brgya phrag gnyis yod pa ste/ de la yang dug chen po dang ldan pa'i klu rnams rab tu gnas shIng / chu sri 'dzin khris kyang gang bar gyur pa yin no/ / chu klung de las gnyis par gyur pa chu klung rlabs ldan zhes bya ba yang 'bigs byed la kun tu 'bab pa'o// chu klung gsum pa shugs dang ldan pa zhes bya ba ste/ dga' bar gyur pa rnams kyis yongs su bskor bar gyur pa yin no// chu klung gzhan yang nag po 'khyil ba zhes bya ba zabs su ni dpag tshad gsum du gyur pa/ rang bar gyur pa'i dngos por ni dpag tshad sum brgya pa yin te/ ji srid du rgya mtshor 'bab pa yin no// chu klung yang ro d+ha chen po zhes bya ba la dug chen po dang ldan pa'i klus gang bar gyur pa yin no/ / rim la ya zhes bya ba ni tsan dan gyi rang bzhin du gyur pa/ mchog tu dga' ba ring bar gyur pa'i ngo bor ni dpag tshad lnga brgya yin la/ 'phang du gyur pa ni dpag tshad sum brgya

  1448. 348a

    yin no/ / rlabs can zhes bya ba'i chu klung rab tu 'bab pa yin te/ zheng du yang dpag tshad gcig yin la/ ring ba'i ngo bo ni dpag tshad brgyar gyur pa/ ji srid du rgya mtshor 'bab pa yin no/ / be tra can zhes bya ba'i chu klung zheng ni ljon shing sna tshogs pa rnams kyis gang bar gyur pa la bya rnams kyis khyab par gyur pa ste/ rgyar ni dpag tshad gcig yi ya ring du ni dpag tshad lnga brgyar gyur pas ji srid du rgya mtshor 'bab pa yin no/ / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ 'dzam bu'i gling na gzhan dag ci yin zhe na/ des thos pa las byung ba'i shes rab kyis sam/ lha'i mig gis mthong bar gyur pa yul rnams la 'di lta ste/ me la ko'i ljongs kyi yul phyogs ni rnam pa du ma rnams yin te/ yul de dag ni dpag tshad bzhi bcu yin no// rtso ga la zhes bya ba'i yul ljongs gnyis pa ni dpag tshad lnga bcu pa yin no// ljon shing dang / t a ka ta dang / nu Ti re ke ra dang / pa na sa dang / chu shing dang / bi la dang / ka bid tha dad / ba ru sha ka dang / ba da ra dang / an rdzun dang / tsam pa ka dang rnams kyis nye bar mdzes par gyur pa'o/ / ljon shing gzhan ni tsha bing ka ling grwa zhes bya ba dpag tshad brgya pa ste/ shing gsar pa rnams thams cad dang / sha li dag gis nye bar mdzes par byas pa'o// de

  1449. 348b

    nas chu ldan zhes bya ba'i yul gzhan ni zheng du dpag tshad brgya yin te/ ljon shing dang sha la ngag gis nye bar mdzes par byas pa yin no// nags na ri dgas dang / stag dang / mi bgrungs par gyur pa da Na kA ra N+yang zhes bya ba ni dpag tshad nyi shu yin no/ / gzhan yang rnal 'byor spyod pa phyi rol gyi lus kyis lus pa rjes su lta zhing gnas te/ 'dzam bu gling gi lho phyogs na chu klung gi rigs sam/ ri'i rigs gzhan dag yod dam zhe na/ des thos pa las byung ba'i shes rab kyis sam/ lha'i mig gis mthong bar gyur pa chu klung gong dA ba rI zhes bya ba rab tu dang bar gyur pa'i chu yod de/ zheng du ni rgyang grags yin la/ ring du gyur pa'i ngo bor ni dpag tshad nyis brgya pa'o// ljongs kyang con tA zhes bya ba ste/ dpag tshad ni nyi shu yin no// ma drA zhes bya ba'i ljongs ni dpag tshad brgya phrag bzhi bcu yin no// ke ta ko zhes bya ba'i yul ni dpag tshad lnga bcu pa yin te/ ba lang dang ma he'i sha rnams kyis kun nas gang bar gyur pa'i ljongs shing dang / Sha li thams cad phun sum tshogs pa yin no// gzhan yang rgya mtsho'i nang na kar ko la'i rang bzhin gyi shing thams cad phun sum tshogs par gyur pa ste/ ring du gyur pa'i dngos por ni dpag tshad sum brgya pa'o// zheng du ni dpag tshad lnga brgya yin no// ka be re zhes bya ba'i chu klung ni shing rnams

  1450. 349a

    thams cad kyis nye bar mdzes par gyur pa ste/ rab tu dang ba'i chu zheng du ni dpag tshad do// ring du gyur pa'i ngo bor ni dpag tshad lnga brgya ba sbyin no// de la ni dga' bar gyur pa kar ko l+yA dang / nar ka dang / ke tu ka dang rnams kyis shin tu dga' bar 'gyur ba'i nags yod do// chu klung yang ba sa'i chu zhes bya ba yin no// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ 'dzam bu gling las brgal bar gyur nas/ rgya mtsho dang / ri'i rigs dang / gling gi rig su gyur pa gzhan dag kyang yod dam zhe na/ des thos pa las byung ba'i shes rab kyis sam/ lha'i mig gis mthong bar gyur pa rgya mtsho bu Tis g.yos pa zhes bya ba dpag tshad stong phrag bcu pa ste/ de na rlung gi rlabs rnams ni mi byed do// pad+ma'i 'dab ma'i tshogs rnams ldan pa yin no// rgya mtsho chen po 'di las 'das par gyur nas/ rgya mtsho'i gling dpag tshad lnga brgya pa yod do/ / de la ni srin mo rnams rab tu gnas pa yin te/ zas su nya za bar byed pa 'jigs pa'i gzugs can rnams yin no// de las brgal bar gyur nas dbang chen gyi ri yin te/ rgyar ni dpag tshad bzhi bcu par gyur pa/ 'phang du dpag tshad bcu pa la ta la dang / shA lA'i 'phreng ba dang ldan par gyur pa'o// de la lha ma yin rnams klu'i bu

  1451. 349b

    mo dang rtse bar byed de/ klu dang lhan cig tu 'jug ngogs dang nye ba'i nags su yang ngo // ri de la gnas par gyur nas rgyal po chen po bzhis 'dzam bu gling rnams thams cad brgyad dang bcu bzhi la so sor rtog par byed do/ / skyes bu su dag ni ma la gus pa yin/ chos la spyod par byed pa su dag yin/ chos kyi rjes su phyogs par 'jug pa ni su dag yin/ bsnyen gnas la nye bar gnas pa ni gang dag yin/ sangs rgyas la dad pa ni gang dag yin/ chos la dad pa ni gang dag yin/ dge 'dun la dad par gyur pa ni gang dag yin/ bdud dang lhan cig g.yul 'gyed par byed pa ni su dag yin/ su ni drang po'i rang bzhin can yin/ su ni sbyin bdag tu gyur pa yin/ su ni ser sna med pa yin/ su ni gzhan dag la gnod pa mi byed pa yin/ su ni byas pa khyad du mi gsod pa yin/ su ni med par smra ba ma yin/ dge ba bcu'i las kyi lam rnams la spyod par byed pa ni gang dag yin// gang dag ni theg pa chen po pa rnams yin/ su ni nyan thos kyi theg pa pa yin/ su ni sangs rgyas kyi theg pa pa yin/ su ni grogs po'i dgrar ma gyur pa yin/ gzhan m u stegs can rnams kyi log par lta ba ma yin pa su yin zhes de ltar rgyal po bzhi po de dag gis dbang chen gyi ri las 'dzam bu gling rnams thams cad la so sor rtog par

  1452. 350a

    byed do/ / gal te 'dzam bu gling gi mi rnams chos dang sman par gyur na ni rgyal po chen po bzhi mgu bar gyur nas/ brgya byin la kun tu rig par byed cing / dbang po dang bcas pa rnams dka' bar 'gyur ro// bdud kyi phyogs rnams ni nyams par gyur to// lha'i phyogs rnams ni 'phel bar gyur to// 'dzam bu gling gi mi rnams ni thams cad kyang dge ba'i chos la spyod par byed pa dang / chos kyi rjes su phyogs par gyur ba de thos nas dbang po dang bcas pa'i lha rnams dga' bar 'gyur ro// gal te chos dang mi ldan zhing chos kyi rjes su mi phyogs par 'dzam bu gling gi mi rnams gyur na des rgyal po bzhi sdug bsngal bar gyur nas/ sum cu rtsa gsum gyi sgra rnams la rjod par byed de/ 'dzam du/ gling gi mi rnams thams cad kyang chos dang ldan pa ma yin zhing / chos kyi rjes su 'jug par byed pa yang ma yin no// bdud kyi phyogs rnams ni 'phel bar gyur to// lha'i phyogs rnams ni nyams par gyur to zhes de thos nas dbang po dang bcas pa'i lha rnams kyang sdug bsngal bar 'gyur ro/ / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ dbang chen gyi ri'i pha rol na ri'i rigs su gyur pa'am/ gling gi rigs su gyur pa dag yod pa yin nam zhe na/ des thos pa las byung ba'i

  1453. 350b

    shes rab kyis sam/ lha'i mig gis mthong bar gyur pa dbang chen gyi ri de las ring du 'das par gyur pa na rgyar dpag tshad brgya par gyur pa'i gling yod do// de la rkang pa gcig pa mi rnams rab tu gnas pa yin te/ rtsa ba dang 'bras bu dag gi zas dang / tshe lo lnga bcu par gyur pa dang / shing lo gos su gon pa dang / shing drung na kun tu gnas pa rnams yin te/ yul 'di thams cad kyang mi sha za bar byed pa'i gcan gzan dang seng ges kun tu gang bar gyur pa gshog pa can rnams kyang shin tu rtsub pa rnams yul de so sor gan pa yin no/ / dro ba dang bsil ba dang bcas pas yul 'di yang dga' ba yin zhing / de la ni bud med rnams khyi'i gdong can yin zhing skad snyan pa yin no// de las brgal bar gyur nas rgya mtsho dpag tshad stong phrag nyi shu ba yod do/ / rgya mtsho de brtol bar gyur nas/ tA la'i 'phreng ba zhes bya ba'i ri shel dang / bai DUR+Ya dang / dngul gyi rang bzhin du gyur pa la gser gyi bya rnams kyis sten par byed pa/ me tog man+da ra ba dang / pad+ma ku she ya rnams phun sum tshogs par gyur pas dus drug tu rnam par brgyan pa yin no// de la lha ma yin rdzu 'phrul dang ldan pa rnams 'dod par gyur pa'i sgra dang / reg bya dang / ro dang / dri rnams kyis dga' zhing rtse bar byed la yongs su spyod par byed do// ri de'i ring bar gyur pa'i ngo bor

  1454. 351a

    ni dpag tshad stong phrag lngar gyur pa yin la/ 'phang du ni dpag tshad brgya pa yin te/ ri 'di la dngul gyi rang bzhin gyi ri yang bco lnga yod do// de la ni lha'i bu mo rnams rtse dga' bar byed do/ / lha'i bu mo de dag rnams thams cad lha ma yin gyis kun mtho 'tsham par byed do// gzhi de las dang po lha dang lha ma yin gyi 'khrugs par 'gyur ro// lha dang mi rnams so so'i skye bo rnams thams cad kyang bud med kyi dbang du 'gyur ba yin no// gzhan du yang rnal 'byor spyod pa phyi rol gyi lus kyis lus la rjes su lta zhing gan te/ tA la'i 'phreng ba'i ri de las 'das par gyur nas/ ri'i rigs dang / rgya mtsho'i rigs sam/ gling gi rigs rnams gzhan gang dag ce na/ des thos pa las byung ba'i shes rab kyis sam/ lha'i mig gis mthong bar gyur pa/ de las ring du 'das nas dpag tshad lnga stong du rgya mtsho yin no// de la dpag tshad stong du nya rnams yod de/ dpag tshad lnga'i tshad du gyur pa yin zhing glang po che dang / ma he shwa dang / phag pa dang / rnga mo dang / seng ge dang / stag dang / spyang ki dang / gung dang / spre'u dang / mi'i gdong can rnams dang / sems can rnams thams cad kyi bzhin gyi rjes 'dra bar gyur pa rnam pa du ma can rnams yin no// rgya mtsho de las 'das par gyur nas nyi ma ldan zhes bya ba'i ri yod do// de

  1455. 351b

    la ni 'dod pa rnams thams cad dang / lha rdzas kyi pad+ma dang zhag bdun du rgyags pa skyed par byed pa'i 'bras bu rnams kyang phun sum tshogs pa yin no// de la yang mi 'am ci dag rab tu gnas pa yin te/ glu dang gar gyis rtag tu gnas par byed pa/ rtag tu yid dga' bar gyur pa rnams rang gi las kyi 'bras bu'i bgo skal la spyod par byed pas dman pa dang / bar ma dang / mchog tu gyur pa rnams phan tshun du grogs su gyur pas rtse dga' bar byed do// nyi ma ldan gyi ri de las shin tu 'das par gyur nas dpag tshad nyis stong gi rgya mtsho yin no/ / de las shin tu 'das pa na ni kun dza ro zhes bya ba'i ri thams cad du yang dngul gyi rang bzhin dang / lha rdzas kyi bai DUR+Ya'i rdo ba dang / dngul gyi glegs bu dang / rdo ba yid du 'ong ba rnams kyis yid nye bar mdzes par byas pa'o/ / de la bu mo'i shing ljon pa zhes bya ba'i ljon shing ri de'i nye 'khor na yod do// shing de las skya rengs shar bar gyur pa na byis pa'i skyes bu legs par skye'o/ / nyi ma shar ba na sku 'gros par 'gyur ro// snga dro'i dus su ni gtsug phud dang ldan pa'i gzhon nur 'gyur ro// nyi ma phyed du phyin pa na lang tshol bab par 'gyur ro/ / nyi ma'i cha gsum pa lan tshod par mar 'gyur ro// nyi ma 'babs pa'i dus na ni rgas pas non par 'gyur te/ lus dbyug pa la rten par 'gyur ba dang / 'dzin

  1456. 352a

    phung po ltar 'gyur ro/ / nyi ma nub par gyur ba'i dus na ni/ thams cad dus byed par 'gyur ro// las dang bcas par gyur pa dang / las kyis sems can las/ kyi bgo skal la spyod par byed pa dang / las brtan pa byed pa rnams yin te/ ji lta ji ltar las rnams byas par gyur pa de ni las de dag rnams nyid kyi shin tu yang skal ba can du 'byung bar 'gyur ro/ / gsan yang rnal 'byor spyod pa phyi rol gyi lus kyis lus la rjes su lta zhing gnas te/ kun dza ra'i rI las 'das par gyur nas ri'i rigs su gyur pa 'am/ mtsho'i rigs su gyur pa 'am/ gling gi rigs su gyur pa gzhan gang dag ce na/ des thos pa las byung ba'i shes rab kyis sam// lha'i mig gis mthong bar gyur pa dpag tshad lnga brgyar gyur pa'i rgya mtsho'i chu'i nang na rin po che sna tshogs pa'i rang bzhin rnams kyis gang bar gyur pa bai DUR+Ya dang / in+d+ra nI la dang / shel dang / nor bu'i stegs bu rnams dang / rin po chetshe sna bdun gyis nye bar mdzes par byas pa/ rang bzhin gyi 'od dang ldan par gyur pa'i nor bu rnams kyis kun tu gang bar gyur pa/ gser dang / nor bu'i stegs bu rnams dang khang bzangs dang / gzhal med khang dang / khang pa brtsegs pa dang / khang bu 'phreng ba rnam pa sna tshogs pa rnams dang / nyi ma gnyis pa dang 'dra bar kun tu gsal bar byed parabar+tha

  1457. 352b

    pa yin no/ / de la ni tak+ko zhes bya ba'i klu'i rgyal po legs par gnas pa yin te/ rang gi las rnams kyi bgo skal la spyod par gyur pa dang / sangs rgyas rjes su dran pa/ rjes su dran pa/ dge 'dun rjes su dran par byed pa yin no// taSh+ka'i srid pa pa de las ring du 'das nas rgya mtsho dpag tshad lnga brgya mthong na 'jigs par 'gyur ba/ sems can thams cad 'jig par byed pa/ mchog tu khro bar gyur pa'i klu rnams kyis kun tu gang bar gyur pa yin no// rgya mtsho de las 'das par gyur nas sems can rnams thams cad kyis mtshungs par gang ba 'bri sa b+ho zhes bya ba'i ri yod do/ / de las ni gor shir sha zhes bya ba tsin dan dang / ha ri sh+ya mang zhes bya ba'i tsan dan gnyis pa yang skye ba yin te/ de dag kyang nyi ma dang mtshungs par gzi brjid can yin pas de dag ni tha mal pa rnams kyis blta bar mi nus pa yin no/ / gang dag chos par gyur cing chos kyi rjes su 'jug par byed pa'i 'khor los sgyur ba'i rgyal por gyur pa rnams dang / rnam pa de lta bu'i rgyal po gzhan dag rnams kyi yang tsan dan de dag yin no// de la yang dra za'i rje dpon rnams can dan gyi dri de dag gis myos par gyur nas rtag tu gar dang / glu dang / rol mo'i sgra rnams kyis kyang bde bar 'gyur ro// yul de las kyang shin tu 'das nas rgya mtsho'i dpag tshad lnga brgya rnams su lbu ba 'phreng bar gyur pa rnams rlung

  1458. 353a

    gris 'ur sgra dang 'debs pa yin no/ / rgya mtsho de las ring du 'das pa nar gsum pa zhes bya ba'i ri yod do// de'i rwa gcig ni gser gyi rang bzhin yin no// gnyisapa ni dngul gyi rang bzhin yin no/ / gsum pa ni shel gyi rang bzhin no// de dag na yang lbu ba'i baphreng ba zhes bya ba rab tu dang ba'i chu la gser gyi phye ma dang / gram pa lha rdzas kyi pad+mas nye bar mdzes par byas pa dang pa dang / ka ra na da pa rnams kyis gang bar gyur pas nye 'khor rnams na shin tu sgra 'don par byed do// rwa gsum pa'i ri de la rlung gis brdabs par gyur pas rgya mtsho'i rlabs nges par 'debs par byed do/ / de dag la rab tu brdabs par gyur pas ni nya nyam chung ba rnams dus kyi chos dang kun tu ldan par 'gyur ro// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ rgya mtshon ri'i rigs su gyur pa 'am/ chu klung gi rigs su gyur pa'am/ gling gi rigs su gyur pa gzhan dag yod dam zhe na/ des thos pa las byung ba'i shes rab kyis sam/ lha'i mig gis mthong bar gyur pa yul de las ring du 'das par gyur nas legs par byas pa dge ba rnams dang / mi dge bar gyur pa myong bar nges bar rnams te/ sems can rnams thams cad kyi las kyi 'bras bu'i dbang por gyur pa/ gshin rje'i 'jig rten yod do// de la gshin rje zhes bya ba ni chos kyi rgyal po ste/ chos kyi

  1459. 353b

    sems can rnams rjes su ston par byed pa yin no/ / gshin rje'i 'jig rten 'di ni rang gi sems rnam par 'khrul pa dang mun pas kyang bsgribs pa yin no// gshin rje'i 'jig rten de las 'das par gyu re nas dpag tshad brgyar nam mkha' sgrib pa med pa yin no/ / de las 'das par gyur nas dga' bar gyur pa'i gshin rje'i srid pa yin te/ lha rdzas kyi 'dzam bu'i chu bo'i gser dri ma med pa khang pa dang / rta babs dang thams cad kyang rin po che rnams kyis mdzes par byas pa dang / chu bo dang / 'bab chu dang / rdzing bu pad+ma'i rdzing bu rnams yongs su khyab cing nye bar mdzes par gyur pa ste/ rgyar ni dpag tshad brgya yod pa nyi ma gnyis pa dang mtshungs pa yin na/ gshin rje'i srid pa de lasra 'das par gyur nas ni/ nyi ma dang zla ba'i 'od zer yang nyams par gyur nas/ thams cad kyang mun pas kun tu bsgribs pa yin te/ rgya mtsho la yang nyi ma dang zla ba 'di dag gi 'od med pa yin no/ / srid pa rgya chen por gyur pa'i dmyal ba pa'i skye bo rnams kyi nyes par byas pa'i las rnams kyi rang bzhin gyis rgya mtshor yang mun pas kun tu bsgribs par gyur te/ mtshor gyur pa 'am/ yul phyogs kyang thams cad du gsal por mi dmigs so// gzhan yang rnal 'byor spyod pa phyi rol gyi lus kyis lus la rjes su lta zhing gnas te/

  1460. 354a

    pa'i yul 'di na ni grong khyer du gyur pa 'am/ sngon shing du gyur pa 'am/ chu bor gyur pa 'am/ ri gyur pa rnams kyang rlung / rgya mtshor gyur pa 'am/ lha'i 'jig rten du gyur pa 'am/ dud 'gro'i 'jig rten du gyur pa 'am/ yi dgras kyi 'jig rten du gyur pa rnams sam/ steng du gyur pa 'am/ 'og gam/ phyogs rnams sam/ phyogs mtshams rnams na gang la yang sems can rnams skyes pa 'am/ ma shi ba 'am/ 'chi ma 'phos pa'am/ skyes par ma gyur pa 'am/ 'thun pa dang yid du 'ong ba rnams thams cad kyang med par ma gyur pa 'am/ 'bral bar ma gyur pa 'am/ bslus par ma gyur pa 'am/ brtan pa ma yin pa dang / ther zug ma yin pa dang / yongs su 'gyur ba'i chos can dang / rnam par 'bral ba dang / phan tshun du rnam par 'bral ba dang mi ldan par gyur pa de ni gcig kyang go skabs ma mthong ngo // gang la 'thun pa dang yid du 'ong ba rnams dang med cing 'bral bar byas par ma gyur pa 'am/ tha dad du gyur pa 'am/ rnam par gyes pa dang / rnam par bral ba dang / kun nas bral ba ma byas par gyur pa ni 'gro ba ldan sen mo'i cha tsam ma dmigs te/ sa phyogs kyi cha gang la yang sems can rnams skyes pa 'am/ shi ba dang / 'chi 'phos pa dang skyes par ma gyur pa ni ma mthong ngo // de'i phyir na

  1461. 354b

    shin tu myur bar 'du byed rnams la 'dod chags dang bral bar gyis shig/ slu bar 'gyur ba yin pa dang / gnas 'di dag ni g.yo ba dang / nye bar 'tshe ba dang bcas pa dang // mya ngan dang yid mi bde ba mang bar gyur pa dang / myur ba dang bcas pa dang / kun tu 'byed par 'gyur ba dang / yongs su thob pa las kun tu nyams par 'gyur ba dang / sgyu ma 'dra ba dang / rmi lam dang mtshungs pa dang / rnyed pa rnams chud 'dza' ba dang / sred pa'i gnas de dag rnams kyis ni byis pa'i skye bo rnams slu bar byed pa yin te/ thog mi med pa'i dus nas rab tu 'jug pa'i 'dod chags zhe sdang gti mug rnams rten du gyur pa yin no/ / mdza' ba ma yin pa'i dga' ba'i 'dod chags kyis gzhi lta bur gyur pa yin pas// de'i phyir shin tu myur bar 'du byed rnams las 'dod chags dang bral bar gyis shig/ skyo ba med par gyur ta re/ rnam par g.yeng bar gyur ta re/ kun nas 'bral bar 'gyur ba'i yul rnams kyis khrid par gyur ta re/ byis pa rnams dang lhan cig tu rtse bar ma byed cig/ de ltar rnal 'byor spyod pa des lus gzhan du 'jigs par 'gyur ba'i phyi rol gyi lus kyi lus la yang dag pa ji lta ba bzhin du rjes su lta zhing gnas so/ / gnas bzhi bcu tham pa'i nang rnams la gang las kyi skyabs gnas pa dang / las kyis rab tu sbrel bar 'gyur ba dang / las kyi bgo skal

  1462. 355a

    spyod par gyu bas yin pa'i sems can du gyur pa gcig tsam yod dam/ dge bar 'gyur ba / thig pa dang yang rung ste/ ji sngal la sazlas par gyur 'du de nyid kyis skal ba can du 'gyur zhe na/ gang las kyi bgo skal la spyod pa ma yin pa dang / las kyi skye gnas pa ma yin pa dang / las brtan par byas pa ma yin pa'i skyes bu de ni gcig kyang ma mthong gi bar gyur pa 'am/ sdig pa yang rung ste/ ji ltar las rnams byas pa de ni nyid kyi skal ba can du 'gyur ba yin no// rang nyid kyis las bdag gir bya ba la kun tu bltas nas/ yang dag pa ji lta ba bzhin du lus la lus kyis rjes su lta zhing gnas so// 'dzam bu gling gi nub phyogs na ri'i rigs sam/ chu'i rigs sam/ gling gi rigs sam/ yul gyi rigs su gyur pa rnams kyang ji lta bu yin na/ des thos pa las byung ba shes rab kyis sam/ lha'i mig gis mthong bar gyur pa pun+da nA ga dag gis kun tu gang ba dang / paTa'i shing mang ba dang / khardzu rwa rnams kyis khyab pa dang / ke ta ka'i me tog gis nye bar mdzes pa dang / nA Ti krer mang bar gyur pa dang / ta m+ba la'i ljon shing gis gang bar gyur pa dang / rab tu bsil bar gyur pa'i chu klung rab tu phal che ba dang / ri'i phug rnams dang ldan pa ste/ yul de yang ke ke yin no zhes bya ba'i yul yin la sin d+ha zhes bya ba'i chu'o// su bai ro nas

  1463. 355b

    bya ba'i yul shin tu dga' bar gyur pa/ shA lu dmar po'i zas dang ldan pa'i mi rnams ni blta bar mdzes pa/ sa phyogs rnams ri dang 'bab chus gang bar gyur pa yin no// pA tA zhes bya ba'i yul dpag tshad nyi shu pa ste bal po se'u'i chang mang ba yin no/ / grogs po'i longs spyod ces bya ba'i gnas te/ de nyid kyi nub phyogs kyi yul na chu klung lnga yod do// de las 'das par gyur nas ni/ chu srin 'dzin 'khri rnam pa sna tshogs pas gang bar gyur pa/ 'jigs pa chen po byed pa'i rgya mtsho yod pa rnal 'byor spyod pas mthong ngo // mtsho de'i nub phyogs na dpag tshad brgya par gyur pa'i gling kA la ko zhes bya ba yod do// de la rnam pa sna tshogs pa'i bya rnams dang / nags dang / nye ba'i nags rnams kyang yod de shin tu dga' ba yin no/ / gling de na yang rig pa 'dzin pa rnams kun tu dga' bar byed pa de ni pa ri baT nang zhes bya ba'i rig pa 'dzin pa gnas pa yin no// ral pa can myi dbyibs zhes bya ba'i gnas gnyis pa shin tu dga' dang / dga' bar gyur pa'i yul phyogs yin te/ kA la ke'i gling dri na khung bzangs dang / khyim dang / 'bab chu'i rab tu phal che ba yin no// gling de'i pha rol na ni sin d+hu dang rgya mtsho gnyis 'dre ba zhes bya ba'i yul phyogs yod de/ sin d+hu dang rgya mtsho gnyis kyi bar na su s+thir zhes bya ba'i ri chu'i nang na gnas pa yin no// de la thahA

  1464. 356a

    Da skye ba yin te/ byu ru'i ljon pa bsdoms pas tshong pa dag rgyags par 'gyur ro// gzhan yang rnal 'byor spyod pa phyi'i lus kyis lus la rjes su lta zhing gnas te/ des nub phyogs kyi rgya mtsho la rab tu zhugs par gyur pa na/ ri dang / gling dang / srin mo yang ming ji skad bya ba yin zhe na/ des thos pa las byung ba'i shes rab kyis sam/ lha mig gis mthong bar gyur pa rgya mtsho dang ri yang dpag tshad lnga stong du dung dang / chu srin dang / nya dang / nya chen pos kun tu gang bar gyur pa ste/ thams cad du yang rlung gis rnam par g.yeng bar byed do/ / rlung de'i mthus kyang nya rnams steng dang 'og tu byed par 'gyur ro// rgya mtsho de las 'das par gyur nas kyang rnal 'byor spyod pas mthong bar gyur pa ni gling 'khor kun tu dga' bar gyur pa/ seng ges kun nas gang ba zhes bya ba ste/ de la ni gcan gzan nam mkha' rgyu ba rnams yod do// lus ni nye 'khor du rgyang grags kyi tshad tsam yin de dag rnams ni chu dang sa la thogs rdugs med pa'i 'gros dang ldan pa yin no/ / de dag rnams kyi tshe'i tshad ni lo stong yin no// phan tshun du rtag tu mi mthun par gyur pa dang / rtag tu mngon par brtson par byed pa de dag las 'das par gyur nas rnal 'byor spyod pas mthong bar gyur nas ra ma yo zhes bya ba'i rgya mtsho dpag tshad lnga brgya par gyur pa'o// rgya mtshod

  1465. 356b

    na pad+ma rnams rtag tu kha bye bar gyur pa'i snying po rgya chen po rnams la bung ba dag gis nye bar mdzes par byas pa yin no/ / pad+ma de dag gi nang na ku la kA zhes bya ba'i srin mo rab tu gnas pa yin te/ pad+ma'i snying po gang yin pa'i zas de dag gis bdag nyid kyi dngos po kun tu tshim par byed do// dga' bar gyur ba'i rgya mtsho las ring du 'das nas rnal 'byor spyod pas mthong bar gyur pa ni ar dang ma rung zhes bya ba'i ri nye 'khor du dpag tshad brgya pa yod do/ / ri de la ni glang po che rnams dang / ka la bing+ka rnams legs par gnas so// bya de rnams ni shin tu skad snyan pa yin te/ gang dag gi rnam pa de srid du snyan par gyur pa rnams ni/ de bzhin gshegs pa dang dbang bskur ba thob pa'i byang chub sems dpa' rnams ma gtogs pa ji ltar lha rnams la yang med pa dang / mi rnams la yang med cing / mi 'am ci rnams la yang med la/ lha ma yin rnams la yang med do// ar d+ha ma ru zhes bya ba'i ri de las 'das par gyur nas ri'i rigs su gyur pa 'am/ chu bo'o rigs su gyur pa'am/ rgya mtsho'i rigs su gyur pa 'am/ gzhan ci dag yod pa yin zhes rnal 'byor spyod pa lta bar byed do/ / des mthong ste thos pa las byung ba'i shes rab kyis sam/ lha'i mig gis mthong bar gyur pa ar d+ha ma ru zhes bya ba ri dpag tshad lnga bcur rgya mtsho los yang

  1466. 357a

    pa yin te/ de nyid la ni bain+d+hang+ga rab tu phal che ba yod pa yin no// gzhog pa dang bcas pa'i seng ge rnams rab tu gnas pa smin no// bai DUn+da'i rang bzhin gyin pa dI la mAn de ha zhes bya ba dang rA ma zhes bya ba'i srin mos srung bar byed do/ / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ 'dzam bu'i kluglang la ring du gnas pa ri'i rigs su gyur pa 'am/ rgya mtsho'i rigs su gyur pa gzhan dag kyang yod dam zhe na/ des thos pa las byung ba'i shes rab kyis sam/ lha'i mig gis rtswa bar gyur pa na/ de nas nub phyogs su gyur pa na dpag tshad stong phrag bcu gnyis pa'i rgya mtsho mthong bar gyur te/ des na ri yang med na 'du 'chog gi sar gyur pa yang yod pa ma yin gyi/ glang po che dang phag gi gdong can gyi nya rnams ni ma gtogs so// rgya mtsho de las 'das par gyur nas rnal 'byor spyod pa pas ri gser gyi rang bzhin du gyur pa'i ri sA ra we bya ba mthong bar gyur te/ ri de'i 'od zer rnams kyis rgya mtsho dang bcas par gser gyi chur mdzes par byed do// s+pha ri'i ri de yang ni rgyar dpag tshad lnga bcu pa la mtho bar ni dpag tshad sum brgya yod do/ / de la dri za rnams rab tu gnas pa yin te/ rab tu dga' ba'i 'dzam bu'i 'phreng ba zhes bya ba'o// de dag ni lo stong phrag gnyis su 'tsho ba yin te/ bar du 'chi ba'i dus

  1467. 357b

    byed pa yang yod do/ / de dag gi dri za rnams ni brgya stong phyug du ma rnams de na rab tu gnas pa yin no// lus gser legs pa sbyangs pa dang 'dra ba dang / dri za rnams thams cad rnams dang 'dra ba yin no/ / de la yod pa'i dri za rnams kyi nags kyi rtsa ba dang 'bras bu rnams thams cad dbrog par dka' ba yin te/ sa 'og na gnas par gyur pa'i lha ma yin rnams thams cad kyis kyang de dag rnams kyi 'bras bu nyung bar bya ba dang / 'ga' zhig gi 'phrog par bya ba dang longs spyod par nus so// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ gzhan rgya mtshon ri'i rigs dag yod dam zhe na/ des thos pa las byung ba'i shes rab kyis sam/ lha'i mig gos mthong bar gyur pa rgya mtsho'i bzhi cha las 'das par gyur pa na tsakra bA To zhes bya ba'i ri yod de/ rgyar ni dpag tshad lnga brgya yin la/ 'phang du ni dpag tshad stong du gyur pa'i ri 'di ni rdo rje'i lte ba dang gser gyi yin no/ / gser de dag la ni res 'ga' lha ma yin rnams rab tu gnas par byed do// res 'ga' ni mi 'am ci rnams so// ri de ni mi 'am ci rnams kyi glus dga' bar gyur pa dang 'bras bu rnam pa sna tshogs pa rnams kyis gang bar gyur te/ yul bdin ni spre'u mang ba yin na/ gser gyi mdog gi chu zhes bya ba'i chu klung yang 'bab pa yin te/ gser gyi mdog gi nya rnams kyu

  1468. 358a

    gang bar gyur pa rgyar dpag tshad byed pa'o/ / 'khor lo dang ldan pa'i ri de las 'das par gyur nas/ rnal 'byor spyod pas rgyar dpag tshad stong phrag bcu yod par mthong bar gyur to/ / rgya mtsho de'i dbus na ni rin po che'i gling zhes bya ba'i gling de na rin po che rnam pa sna tshogs pa rnams mthong bar 'gyur gyis/ de na las byas par gyur pa 'am/ rdos byas par gyur pa'i tha mal pa rnams ni cung zad kyang mthong ngo / / gling 'di dag thams cad ni rin po che'i rang bzhin yin no// yang ri de dag dang / mchod las kyang 'dras gyur nas rnam 'byor spyod pas gzhan rgya mtsho'i rigs su gyur pa 'am/ ri'i rigs su gyur pa 'am/ chu bo'i rigs su gyur pa gzhan yod dam zhes lta bar byed do// des thos pa las byung ba'i shes rab kyis sam/ lha'i mig gis mthong bar gyur pa brag skya bo rnams la ljon shing skya bo rnams kyis khyab par gyur pa/ lbu bas kun nas gang bar gyur pa'i rgya mtshos yongs su bskor ba ste/ ri de'i tshad ni rgyar dpag tshad lnga brgya yin la/ 'phang du ni dpag tshad stong yin no// de las 'das par gyur nas rnal 'byor spyod pa pa yul rnams la lta bar byed de/ su me g+ho zhes bya ba'i ri ni dpag tshad drug cu rtsa bzhi pa la/ 'phang du ni dpag tshad brgya pa yin te/ de lha ma yin gyi 'jigs pas stongs par gyur pa/ gsang ba pa'i lha rnams de la rab tu gnas

  1469. 358b

    pa yin gyi/ mi 'am ci yang med la/ gnod sbyin yang med do// ri de las 'das par gyur nas ri chen po su shI mo zhes bya ba rgyar ni dpag tshad stong yod pa la/ ring du dpag tshad sum stong par gyur pa ste/ shel gyi rang bzhin du gyur pa'i lha rdzas mdzes pa yin zhing chu bo dang / ljon shing dang / 'bras bu rnams kyis kyang dga' bar gyur pa yin no// de las 'das par gyur nas dpag tshad brgyar chu sngon po'i rgya mtsho yin te/ dung mang du gnas pa dang / dung mo rnams kyis bgrod dka' bar gyur pa yin no// de las 'das par gyur nas gtso ta/ Shi zhes bya ba'i ri yod de/ de la ni lha ma yin rnams phal cher gnas so// dogs pa dang bcas pas lha rnams kyang lha ma yin gyi bu mo lha rdzas kyi rgyan gyis brgyan pa rnams kyis yongs su bskor ba dang / btung ba'i chu klung rnams kyang 'bab pa yin no// thA ga dz+yo ti She'i ri de la kim pA kA zhes bya ba'i 'bras bu rnams kyang skye ba yin te/ myang bar bya bar zhim pa yin la/ zhu bar gyur nas ni bsod par byed do// gzhan yang rnal 'byor spyod pa phyi rol gyi lus kyis lus la rjes su lta zhing gnas so// rgya mtsho nas ri'i rigs su gyur pa 'am/ gling gi rigs su gyur pa 'am/ chu'i rigs su gyur pa yang rung ste gzhan yod dam zhe na/ des thos pa las byung ba'i shes rab kyis sam/ lha'i mig gis mthong bar gyur pa gser gyi

  1470. 359a

    ri bo stong phrag drug cu pa rnams la gser sa le sbram gyi rang bzhin gyi ljon shing gis nye 'khor rnams yongs su khyab par gyur pa dang / ri dgas dang bya rnams kyis kyang kun tu gang bar gyur pa/ lha'i me tog rnams kyis kyang kun tu rgyas par gyur pa/ gser gyi pad+ma rnams dang / pad+ma'i rdzing bu rnams kyis kyang rtag par yongs su rdzogs par gang ba'i rgyu ste/ rang nyid kyi 'od kyi gzi brjid kyis de rnams kyi dbus na gnas par gyur pa'i ri de ni ri rab lhun po zhes bya ba 'phreng ba thogs pa rnams dang / lag na gzhong pa thogs pa rnams dang / pi wag gsum pa rnams dang / rgyal chen ris bzhi pa rnams dang bcas pa'i lha rnams kun gyi gnas yin no// de la dpag bsam gyi shing yod pa rnams la ni lha'i 'jig rten pa rnams kyis gang kho na yid kyis brtags par gyur pa de dag rnams shing de las 'thob par 'gyur ro/ / bya dang ri dgas rnams thams cad dang / gser gyi me tog rnams dang / man+dA rA ba dang / pad+ma ku she sha dang rnams kyang rung ste/ ngos bzhi la tshal bzhi po rnams 'di lta ste/ dga' ba'i tshal dang / shing rta sna tshogs kyi tshal dang / rtsub 'gyur dang / yongs su 'dres pa dang rnams so/ / nags de na ni yongs 'du zhes bya ba shing gi rgyal po yod pa gang gi rtsa bar lha rnams kyi dbyar zla ba bzhir lha'i 'dod pa'i yon tan lngas kun tu tshim zhing yang dag par ldan par gyur pas rtse

  1471. 359b

    dga' bar byed do/ / de na rgyal chen ris bzhi'i lha de dag rnams dga' ba rnam pa sna tshogs pa'i rang bzhin gyis phun sum tshogs pa rnams thob nas lha rnams skyed mos tshal gyi ltad mo nyams su myong bar byed do/ / rtsub 'gyur gyi tshal du ni rnam pa sna tshogs kyi las byas pa'i rang bzhin gyis phun sum tshogs pa rnams thob nas shing rta rnam pa sna tshogs kyis skyed mos tshal gyi lha mo byed do/ / shing rta sna tshogs su yongs su dga' mgu bar gyur nas sdug pa'i sgra dang / ro dang / gzugs dang / dri rnams dang kun tu tshim par gyur pas dga' bar byed do// de lA dga' ba'i tshal gyi logs de na ni lha rnams rtse dga' bar byed do/ / 'dzam bu'i gling yod pa'i ri rab lhun po'i logs de ni bai DUR+Ya'i rang bzhin no// des kun tu snang bar byas pas 'dzam bu'i gling gi nam mkha' yang sngon po bzhin du snang ngo / / logs gnyis pa la ni rtsub 'gyur zhes bya ba'i tshal lo// de na ni lha dang lha ma yin gyi 'thab mo'i gros rnams bgre bar byed do// ba lang spyod yod pa'i gling gi logs de ni gser gyi rang bzhin yin te/ des kun tu snang bar byed pas ba lang spyod pa rnams kyi nam mkha'i mdog ser por snang ba yin no// ngos gsum pa la ni shing rta sna tshogs zhes bya ba'i tshal lo/ / tshal de na ni lha rnams kyi mtshon char bya ba rnams yod pa yin no// shar gyi lus 'phags po zhes bya ba yod pa'i logs de na ni dngul gyi rang

  1472. 360a

    bzhin yin te/ dngul gyis kun tu snang bar byas pa des shar gyi lus 'phags po'i mi rnams kyi nam mkha' yang skya bor kun nas snang ba yin no// logs bzhi pa la ni yongs su 'dres pa'i tshal lo/ / logs de na ni byang phyogs sgra mi snyan gyi gling yod de/ logs de ni shel gyi rang bzhin yin no// des kun tu snang ba byas pas byang gi sgra mi snyan pa mi rnams kyi nam mkha' skya bo gtsang mar gyur par kun nas snang ba yin no/ / mi rnams kyi grangs su byas pa'i lo lnga bcu la nyin zhag phrugs gcig tu brtsis pa'i rgyal chen ris bzhi rnams ni lnga brgyar 'tsho ba yin te/ khar du 'chi bar gyur pa yang yod do// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ ri rnams kyi rgyal po'iri rab blun po la lha'i 'jig rten dang bcas par gyur pa 'am/ lha rdzas rnams dang bcas par gyur pa gzhan dag yod dam zhe na/ des thos pa las byung ba'i shes rab kyis sam/ lha'i mig gis mthong bar gyur pa sum cu rtsa gsum pa zhes bya ba'i lha rnams ri rab lhun po'i steng na legs par gnas so/ / de dag ni dpe med pa'i lha rdzas dang ldan pa yin te/ lha rdzas kyi bde ba rnams kyis rnam par gnas pa yin no/ / de na grong khyer blta na sdug ces bya ba'i yod de/ grong khyer de la ni dpag tshad stong phrag bcu yod pa yin zhing rin po che sna bdun gyis rnam par brgyan pa ni

  1473. 360b

    rdo rje dang / in+d+ra nI la dang / bai DUR+Ya dang / su mu ru garba dang / pad+ma rA ga dang / su ma ri ka dang rnams kyis rnam par brgyan pa yin no// chos bzangs zhes bya ba'i lha'i 'dun sa yang dpag tshad lnga brgya par gyur pa la bai DUR+Ya dang / nor bu'i stegs bu rnams dang / gser gyi rab dang / rta babs dang / rin po che rnams thams cad kyis nye bar mdzes par byas pa yin no/ / lha rnams kyi 'dun sa chos bzangs de na yang lha'i dbang po brgya byin rang gi las dang 'dra bar gyur pa'i lha rdzas kyi bde ba rnams kyis rab tu gnas pa yin no// mi rnams kyi lo brgya la de dag gi nyin zhag gcig go/ des spel ba'i lha'i lo stong 'tsho bar 'gyur te/ bar bar du dus byed pa yang yod do// de la ri'i rgyal po ri rab lhun po de'i rtse mo zhes bya ba'i nub phyogs kyi cha der nub par gang gi tshe nyi ma 'gro bar gyur pa na de'i tshe 'dzam bu gling du nub bo zhes 'dzam bu gling gi mi rnams la tha snyad 'byung ngo / / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ ri rab lhun po'i tshad ji tsam yin zhe na/ des thos pa lus byung ba'i shes rab kyis sam/ lha'i mig gi mthong bar gyur pa steng du ni dpag tshad stong phrag brgyad cu rtsa bzhi yin la/ 'og tu yang dpag tshad stong phrag brgyad cu rtsa bzhi yin no// de la chu'i nang na gnas pa la ni lha ma

  1474. 361a

    yin rnams rab tu gnas so/ / steng na ni lha rnams so// ri rnams kyi rgyal po ri rab lhun po de la ni rab tu tsha bar gyur pa'i nyi ma dang ldan zhing sems can rgyu dbang gi dang / las kyis byin gyis brlabs pa'i phyir na/ gang zhig nyi ma'i shing rta mchog dang ldan par gyur pa rta'i rgyal po cher sgrogs pa nyan pa zhes bya ba stobs che ba pha rol gnon par byed pas yongs su skor bar byed do/ / gang shing rta mchog dang ldan pa de ni gang shing rta mchog dang ldan pa des 'dren par byed pa yin no// rta'i mchog gcig po de nyid kyis kyang bdag nyid rta bdun du ston par byed do/ / shing rta'i mchog de yang 'khor lo gcig pa yin te/ de yang cher sgrog pa nyan pa rta'i rgyal pos mig btsum tsam la yang dpag tshad stong phrag bcur 'dren par byed do/ / gang gis sems can rnams kyi tshe 'phel ba shes par gyur pa'i nyin mo byed pa'i nyi ma'i dkyil 'khor yang dpag tshad brgya yin no// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ mi'i gnas bzhi po rnams kyi gling bzhi'i tshad ji tsam yin zhe na/ des thos pa las byung ba'i shes rab kyis sam/ lha'i mig gis mthong bar gyur pa 'dzam bu gling ni dpag tshad stong phrag bdun no// ba lang spyod ni dpag tshad stong phrag brgyad yin no// shar gyi lus

  1475. 361b

    'phags po ni dpag tshad stong phrag dgu yin no/ / byang gi sgra mi snyan ni dpag tshad stong phrag bcu yin no// gling rnams gang dang gang gi dbyings rnams ji lta ji ltar gyur pa de dang de la gnas pa'i mi rnams kyi kha gdong gi dbyibs kyang de lta de ltar yin no/ / de la shing rta sha ka t+yA dang mtshungs pa ni 'dzam bu'i gling ste/ de dang 'dra bar 'dzam bu gling pa'i mi rnams kyi bzhin ni gru gsum gyi rnam pa yin no/ / shar gyi lus 'phags po zla gam pa ste mi rnams kyang de dang cha 'dra ba yin no// ba lang spyod kyi gling ni yongs su zlum pa yin te/ mi rnams kyi bzhin yang de dang 'dra ba yin no/ / byang phyogs sgra mi snyan gyi gling ni gru bzhi pa yin te/ byang phyogs sgra mi snyan pa'i mi rnams kyi bzhin yang de dang 'dra ba yin no// de ltar rnal 'byor spyod pa des mi'o gnas bzhi po rnams kyi dbyibs rnams mthong bar gyur nas kyang yang dag pa ji lta ba bzhin du phyi rol la kun tu lta bar byed do// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ 'dzam bu'i gling las ring du 'das nas byang phyogs kyi char gyur pA la rI'i rigs sam/ chu nga rigs sam/ yul gyi rigs sam/ gling gi rigs rnams ji lta bu zhe na/ des thos pa las byung ba'i shes rab kyis sam/ lha'i mig gis mthong bar gyur pa byang

  1476. 362a

    phyogs na nya zhes bya ba yul dpag tshad bcu pa yin no/ / yul gnyis pa bu yin do zhes bya ba dpag tshad nyi shu pa yin no// yul gsum pa dpa' bo'i sde zhes bya ba dpag tshad brgya pa yin no/ / yul bzhi pa su tha li zhes bya ba dpag tshad brgya pa yin no// yul lnga pa dar d+ho zhes bya ba bzang por spyod pa dpag tshad brgya pa yin no// yul drug pa sgra mi spyan we byab dpag brgya pa rnams yin no/ / yul bdun pa bzang po pa zhes bya ba dpag tshad lnga bcu pa yin no// kan dang zhes bya ba'i yul mthara' skor dang bcas pa rnams la dpag brgya yin no// sha kA zhes bya ba'i yul dpag tshad brgya pa yin no// bzang po pa ni dpag tshad nyis brgya yin no// dar d+ho zhes bya ba'i yul ni ri mang bar gyur pa de dpag tshad brgya yin no// b+ha hi la ko ni dpag tshad stong yin no/ / pri Sha ka zhes bya ba dpag tshad nyis brgya yin no// ma hi Sha ka dpag tshad nyis brgya yin no// rgya nag ces bya ba 'khor dang bcas pa rnams la dpag tshad stong yin no// rgya nag gzhan zhes bya ba la ni dpag tshad nyis brgya yin no// khA rA rnams ni dpag tshad lnga brgya yin no// bar ba rA rnams ni dpag tshad nyis brgya yin no// kun Ta'i 'bras bu pa rnams ni dpag tshad lnga brgya yin no/ / ka Tu ka zhes bya ba'i yul dpag tshad lnga bcu pa yin no// kam po dza zhes bya ba'i yul ni dpag tshad brgya yin te/ yul phran tshegs rnams ni ma gtogs pa yin

  1477. 362b

    no/ / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ byang phyogs kyi chan ri'i rigs gang dag yod ce na/ des thos pa las byung ba'i shes rab kyis sam/ lha'i mig gis mthong bar gyur pa gangs can zhes bya ba'i ri'i rtse mo rnam pa sna tshogs pa dang ldan pa dang dpag tshad stong yin te/ shing lo bran dang ldan pa dang / shing shug pas gang bar gyur pa dang pad+mas kun tu yang ba dang / spa bas gang ba dang / sa la dang / ta la dang / ta ma la dang rnams kyis gang bar gyur pa dang / mi 'am ci dang / gnod sbyin rnams rgyu bar gyur/ pa dang / sha za dang / gnod sbyin dang ldan pa yin zhing ri de ni shin tu nyams dga' bar gyur pa yin te/ dka' thub can rnams rgyu ba dang grub pa thob pa rnams kyis kyang gang ba yin no// 'bab chu dang chu klung mchog tu dang ra ba rnams la klu stobs chen po rnams kyis gang ba dang rigs dman pa'i mi mang ba yin no// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ 'dzam bu gling gi byang phyogs na ri 'am/ chu klung gi rigs sam/ rgya mtsho'i rigs sam/ ci dag yod pa yin na/ des thos pa las byung ba'i shes rab kyis sam/ lha'i mig gis mthong bar gyur pa gangs can gyi ri nas dpag tshad lnga brgyan shing rnam pa sna tshogs kyis gang bar gyur par dga' bar gyur pa'i ri dgas dang bya'i tshogs kyis

  1478. 363a

    legs par gang ba/ shug pa dang / lha shing dang / ta ma ru dang / ku lu ma ka dang / rir Sha ka rnams kyis dga' bar gyur pa'i ri gzhan zangs kyi mdog ces bya ba dpag tshad nyi shu pa ste phugs stong dang yang dag par ldan pa yin no/ / de las ring du 'das par gyur nas bar snang dpag tshad brgya tham par yang chu klung gis yongs su bskor ba yin gyis/ de na rtswa dang / gel ba dang / 'khri shing yang med la/ sman dang nags tshal rnams ni gcig kyang mi 'phel lo// de las ring du 'das pa'i bar na ti tse zhes bya ba'i ri dpag tshad lnga brgyar gyur pa mdog dkar ba dngul gyi rang bzhin la gser gyis yongs su gang ba yin te/ de la 'phags skyes po zhes bya ba'i rgyal po chen po rab tu gnas so// de la pad+ma'i mtshe'u yod de/ mtshe rnams las ni chu shin tu bsil ba 'bab bo/ / ut+pal sngon po yang rab tu phal che ba yin te/ pad+ma'i rdzing bu rnams na yang ngang pa dang / ka ran Ta pa dang / tsakra bA ka rnams kyis gang ba yin no// de las 'das par gyur nas ti rtse'i rA zhes bya ba'i dpag tshad lnga brgya pa yod do// de'i shing ljon pa rnams la mi 'am ci rtse dga' bar byed de/ mchog tu glu la mngon par dga' bas rab tu dga' ba yin no/ / de'i rwa lnga yod pa las gser dang / shel dang / gsum ni dngul gyi rang bzhin yin no// phyogs bcur lha'i me tog rnams kyis nye bar mdzes par gyur pa

  1479. 363b

    ste/ ri'i nye 'khor rnams su pad+ma khyab par de ni mchog tu dri zhim zhing dgar ba yin no// ri de'i khrod las ni 'bab chu rab tu 'bab pa yin te/ rab tu dang bar gyur pa'i tshul dang pa dang / ka ran da bA dang / ngang ngur gyi tshogs kyis gang gyur pa mchog tu dga' ba yin no// chu klung de las 'das par gyur nas med na ko zhes bya ba'i ri yod de dpag tshad lnga brgya pa yin no/ / de las lha ma yin dang po nyid nas rab tu gnas pa yin zhing rta'i gdong pa 'dra bar gyur pa'i bud med rnams kyang gnas pa yin te/ rtag tu glu dbyangs kyis mngon par dga' ba nyid yin no/ / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ 'dzam bu'i gling las ring du 'das nas ri'i rigs su gyur pa 'am/ chu bo'i rigs su gyur pa gzhan yod dam zhe na/ des thos pa las byung ba'i shes rab kyis sam/ lha'i mig gis mthong bar gyur pa dpag tshad stong phrag bcu'i rgya mtsho rnams klu dang / nya chen po dang / na kra dang / chu srin dang / dung rnams kyis chu'i nang kun tu gang ba yin no// de las ring du 'das nas mchog tu bzang ba'i blo gros bzang po zhes bya ba'i re yod do/ / ri de la ni mar gsar gyi gong bu zhes bya ba'i mtsho shin tu nyams dga' bar gyur pa dang / ka ran Da ba dang / bya kA ling ga rnams kyis yongs su bang ba yin no//

  1480. 364a

    de la ri blo gros bzang po ni dpag tshad lnga bcu yin no// mtsho de ni dpag tshad gcig yin no// chu klung yang ko'u shi ka zhes bya ba 'bab pa'o// ri de ni shin tu dag bar gyur pa'i chu la rgyu ba rnams thams cad kyis kyang yongs su gang ba yin no/ / ri de las ring du 'das par gyur nas dpag tshad stong phrag nyi shu'i rgya mtsho rnams mchog tu 'jig pa gyur pa'i tug chom byed pa'i glu'i sgra rnams kyis sprin rnams 'du bar byed do/ / de la nyid du zhe sdang gis gzir bar gyur pa'i klu rnams phan tshun du 'thab mo byas nas char 'bab par byed do/ / 'bab par byed cing glog 'khrug pas lha ma yin la co 'dri bar byed do// dug kun nas spro bar byed de khro bas 'khrug par gyur pas phan tshun du srog gcod par byed do/ / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ 'dzam bu gling las ring du 'das pa gzhan nA ri'i rigs sam/ chu klung gi rigs yod dam zhe na/ des thos pa las byung ba'i shes rab kyis sam/ lha'i mig gis mthong bar gyur pa klu rnams kyis kun nas gang gyur pa'i rgya mtsho'i nye 'khor de las ring du 'das nas zangs can zhes bya ba'i gling dpag tshad brgya pa yod do/ / de la zangs ma can zhes bya ba'i srin mo rab tu gnas pa yin te/ nya'i zas dang ldan pa'i shin tu 'jig par gyur pa yin

  1481. 364b

    no/ / de las ring du 'das nas nyi tshe ba'i dmyal ba dmar po zhes bya ba yod de/ gang la nyi tshe ba'i sems can dmyal ba pa rnams 'tshed par byed pa'o// de la gzhan ko'u shi ka zhes bya ba chu bo dang dmar po rnam par zhu zhes bya ba'i chu dang rdo ba'i nyi tshe ba'i sems can dmyal ba rnams kyang gang la dpag tshad lnga brgyar drag pa dang / tsha ba dang / rtsub pa'i tshor ba rnams nyams su myong bar byed pa yin no/ / nyi tshe ba'i sems can dmyal bar skyes pa de las 'das par gyur nas dpag tshad stong phrag bcur nam mkha' mthing kha dang 'dra ba'i smag tu gyur pa yin te// de la ni klu yang med la/ gnod sbyin yang med/ dri za yang med pa yin no// de las 'das par gyur nas rin po che rnams kyis gang bar gyur pa'i rgya mtsho dga' ba'i ri rnams kyi rab tu dga' bar gyur pa chu klung dang / ljon shing dang / lha shing dang / tsan dan dang / shug pa rnams kyis kun tu khyab par gyur cing 'dod pa rnams thams cad kyang ljon shing gi drung nas phun sum tshogs pa yin no/ / rgya mtsho de las 'das par gyur nas ut+ta re zhes bya ba man+dA ra ba'i ri dpag tshad lnga stong pa ke ta ka dang / tsu la dang / nA li ke ra'i nags kyis nye bar mdzes par gyur pa 'bras bu dang / ljon shing dang 'dod pa rnams thams cad phun sum tshogs pa/ chu klung rab tu mang po rnams kyang mtsho phun sum tshogs pa

  1482. 365a

    la ngang pa dang / tsakra 'ba' dang / bya khyung dang / ka dam pa rnams kyis nye bar mdzes pa grub thob pa rnams rgyu bar byed pa'i tshogs kyis gang ba ste/ ri 'di ni mdo bo stong la rin po che rnam pa sna tshogs kyis mdzes par gyur pa rnam pa sna tshogs pa'i smra ba'i nags gser gyis nye bar mdzes par gyur pa yin no/ / dri sna tshogs dang ldan pa'i ud tar man+da ra'i ri de las brgal bar gyur nas rdo sbyin par byed pa zhes bya ba'i chu bo yod de/ chu der ni rtswa'i rigs dang shing gi rigs su gyur pa 'am/ sems can gyi rigs su gyur bapa'am/ ri dwags dang bya'i rigs su gyur pa rnams kyang rung ste/ gang cung zad lhung bar gyur pa de dag rnams thams cad kyang rdo rje'i rang bzhin du 'gyur ro// chu bo de'i ngos gnyis dag na kI tsa kA zhes bya ba'i 'od ma de dag rnams rlung gis btab par gyur nas phan tshun drud pa las ma skyed par byed do/ / me des sems can brgya stong phrag du ma chu bo der 'dor bar 'gyur ro/ / gzhan yang rnal 'byor spyod pa'i dge slong phyi rol gyi lus kyis lus la rjes su lta zhing gnas te/ 'dzam bu gling las ring du 'das par gyur nas ri'i rigs sam/ chu klung gi rigs gzhan dag ni ci zhe na/ des thos pa las byung ba'i shes rab kyis sam/ lha'i mig gis mthong bar gyur pa si ta zhes bya ba'i chu bo yod pa ni rgyar ni

  1483. 365b

    dpag tshad bcu yin la/ ring bar gyur pa'i dngos por ni dpag tshad sum brgya yin no// des sems can gyi rigs gang dag lhung bar gyur pa rnams ni rtsub par gyur pa'i chu yin pas/ de dag rnams thams cad kyang grang ba'i dngos pos rnam par nyigs par 'gyur ro// de la ni 'ga' zhig kyang bya bar mi nus so// chu klung de las 'das par gyur nas 'dzam bu'i gling gi 'phreng ba zhes bya ba'i gling yod do/ / de la rtag tu rgyags pa zhes bya ba'i dri za rab tu gnas pa yin te/ sbyin pa dang tshul khrims kyi bsgrubs par gyur pa/ tshul khrims dang yang dag par ldan pas rtag tu dga' ba myur du song ba/ 'dod pa'i 'bras bu rnams thams cad phun sum tshogs pa yin no// gling thams cad kyang ljon shing thams cad kyis nye bar mdzes par byas pa ste/ gsar gyi rang bzhin gyi ljon shing rnams so// pad+ma rnams kyang bai DUR+Ya'i sdong bu can gyi pad+ma'i rdzing bu rnams kyis nye bar mdzes par byas pa'o// gling 'di nas ri rab lhun po yang ha cang yang ring ba ma yin no/ / de'i dbang gis ri dang / bya dang / chu bo'i tshogs rnams thams cad nyid kyang gser du mthong bar 'gyur ro// ut+pa la dang ku mu da rnams kyang phun sum tshogs pa yin no/ / gling 'di na ni btung ba'i chu klung dang rnams kyang thams cad las rab tu 'bab pa'o// 'bras shA li rnams kyang ma byas par rnyed par 'gyur ro// gling

  1484. 366a

    de yang dpag tshad nyis stong pa yin no/ / de las 'das par gyur nas ri dang / chu klung dang / shing rnams ni nam mkha' bzhin te/ rgya mtsho pag tshad sum brgya lbu bas kun tu gang ba yin no/ / rgya mtsho de na glog gi 'phreng ba zhes bya ba dang rab tu 'bar bar gyur pa'i klu mang po gnas so sor gnas so// de las ring du 'das nas mig btsums pa zhes bya ba'i ri yod do/ / de las mchog tu mdzes par gyur pa'i mig btsums pa'i phug ces bya ba yod do// phug de yang nyi ma'i cha la ni de nas rdzus te skye ba'i bud med rnams legs par skye ste/ mchog tu lang tsho phun sum tshogs par gyur/ rgyan rnams thams cad kyis mdzes par byas pa'o// de ni nyin zhag gcig 'tsho ba yin te/ gang gi tshe nyi ma 'char bar gyur pa de'i tshe de rnams rgas 'khogs par gyur nas 'chi bar 'gyur te/ srog gcod pa'i rgyu 'thun pa las yin no// mig btsum pa'i phug gi ri de las ring du 'das pa na yang zla ba'i ri bo zhes bya ba'i gser gyi mdog tu gyur pa dpag tshad lnga brgya pa yin no/ / ri bo ri rab lhun po la 'gran pa zhes bya ba'i ri dpag tshad lnga brgya yod pa yin te/ do'i byang phyogs logs la ke ta ka'i nags yod pa/ de la ni rmi lam mthong ba'i bgegs zhes bya ba srin mo rab tu gnas pa yin te/ bang shin tu mgyogs par gyur pas mig btsum tsam la yang dpag tshad brgya stong phrag mang po rnams su

  1485. 366b

    'gro bar byed de/ des ni skyes bu dag la don med pa dang / mi bde ba dang / mi phan pa rnams byed do// gzhan yang rnal 'byor spyod pa phyi rol gyi lus kyis lus la rjes su lta zhing gan te/ gzhan ci byang phyogs sgra mi snyan pa dang 'dzam bu gling pa'i bar na ri'i rigs su gyur pa 'am/ chu klung gi rigs su gyur pa 'am/ rgya mtsho'i rigs su gyur pa ni gzhan gang dag yod cing / gang la yang bdag cig skyes par ma gyur pa 'am/ shi bar ma gyur pa 'am/ 'chi 'pho bar ma gyur pa'am/ skye bar ma gyur pa'am/ las kyi nye bar 'gro ba ma yin par ma gyur pa rnams sam/ sdug pa dang yid du 'ong ba rnams thams cad dang yang tha dad du gyur pa bye ba dang bral ba dang / rnam par bral ba dang ldan par ma gyur pa yod dam zhe na/ de ni sen mo'i tshad tsam gyi yul gcig kyang ma mthong ngo / / gang la 'thun pa yid du 'ong bar gyur pa rnams thams cad dang tha dad du gyur pa dang / rnam par zhig pa dang / rnam par gyes pa dang / rnam par bral ba dang ldan par ma gyur pa ni med do/ / de'i phyir na ring ba ring bar 'du byed thams cad las 'dod chags dang bral bar gyis/ rnam par grol bar gyis/ skyo ba med par gyur ta re/ 'khor ba la kun tu chags par gyur pa skyes par gyur ta re/ sred pa'i zhags pa'i dbang du kun nas 'gro bar ma byed cig/ 'khor ba la mngon par dga' bar ma byed cig/ 'khor ba 'di ni rab tu 'bar

  1486. 367a

    ba dang / sdug bsngal ba dang / yid mi bde ba dang / yongs su ngal ba yin no// mi mthun par gyur pa rnams dang phrad pa dang / 'thun pa rnams dang bral bar/ 'gyur ba'i ma dag gi dmyal ba dang / yi dgas dang / dud 'gro rnams su'o// mi dang lha'i gnas su bde ba nyams su myong bar gyur pa rnams ni g.yo ba ma yin la/ bde ba ma yin yang gti mug gis kun nas g.yogs pa yin no/ / de'i phyir na thams cad la yang skyo ba skye bar gyis shig/ da 'khor bar 'khor bar ma byed dang / bdud kyi yul de la gnas par gyur ta re/ nyon mongs pa rnams dang lhan cig tu rtse bar ma byed dang / phyis 'gyod pa skyed par 'gyur bar ma byed cig ces de ltar rnal 'byor spyod pa phyi rol gyi lus kyis lus la rje/ su lta zhing gnas pa rnams ni bdud kyi dbang du 'gro bar mi 'gyur ro// de kho na nyid ji lta ba bzhin du mthong bar 'gyur ba dang / 'du byed rnams thams cad la yang chags pa 'bral bAb dang / nyon mongs pa rnams rnam par spong ba dang / las kyi mtha' rnams dang bral ba dang / the tsom dang bral bar 'gyur ro// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ sgra mi snyan pa dang 'dzam bu'i gling ba'i byang gi phyogs na ri'i rigs su gyur pa 'am/ chu bo'i rigs su gyur pa gzhan dag yod dam zhe

  1487. 367b

    na/ des thos pa las byung ba'i shes rab kyis sam/ lha'i mig gis mthong bar gyur pa khu byug gis gang ba'i sgra dbyangs dang ldan pa zhes bya ba'i ri 'phangs su ni dpag tshad sum cu pa ste/ rgyar ni dpag tshad bcu pa yin no// ri de la ni khu byug brgya phrag mang pos kun tu gang bar gyur pa/ shing mya ngan med sngon po dang / mya ngan med dmar po dang / 'dab ma bdun pa dang ko dA la dang / ka dam pa dang / a sho ka le brgan dang / me tog 'phreng ba gsar ba dang / so'u ba ra na yu thi kang dang / su man dang / shA la ma li dang / ta la pri yang dang dgu ku ta skyes dang / tsam pa ka dang / kun da dang / ban+d+ha dzi ba ka dang / dbyar gyi dus pa dang rnams te/ ji ltar nam zla dang dus tshod kyi rjes su 'dug par byed pa'i me tog rnams / ri de la kun tu gang ba yin na/ 'phreng ba thogs pa zhes bya ba'i lha res 'ga' rang gi gnas ri rab lhun po btang nas de la rtse dga' bar byed do// ri de ni dga' ba yin pa'i phyir yang glu dang gang dang / rol mo'i sgra rnams kyis kyang ri de la yid dga' ba byed do// 'on kyang lha de dag rnams kyi sems kun nas g.yeng bas rnam par g.yeng bar mi 'gyur ro// khu byug gis gang par gyur pa'i ri de las 'das par gyur nas ngang pa'i nags zhes bya ba rgya mtsho'i yul phyogs nas yod de/ ngang pa brgya stong phrag rnams khyus rgyu bar byed do// nye 'khor rnams nyid na

  1488. 368a

    pad+ma rnams kyis kyang gang ba yin zhing / rgya mtsho 'di'i sa phyogs rnams la bya ka ran Ta pa dang / tsakra bA ka dang / ka dam pa dang / rnam nor bu'i chu dang / yul 'jam po'i mgul pa can la sogs pa rnams kyis gang bar gyur pa dang / gser 'bar ba'i mdog lta bu'i pad+ma rnams kyis kyang gang bar gyur pas dpag tshad stong phrag bcu'i sa phyogs khyab par gyur to/ / nye 'khor gzhan las 'das par gyur nas ri rab lhun po'i byang gi cha'i rgya mtsho'i khor yug dpag tshad brgya phrag bcur nya dang / nya chen po dang / chu srin na kra dang / chu srin ma ra dang / chu srin byis pa gsod dang / rus sbal rnams kyis yongs su gang bar gyur pa yin no// nye 'khor kun yang kha dog nam mkha' dang mtshungs par gyur pa'i chu sngon po yin te/ zathabs su ni dpag tshad stong phrag bcu yin no// de na yang mo dung rnams gnas te/ bdag nyid kyi dngos po'i tshad ni rgyang grags tsam yin no// stobs chen po dang ldan pa rnams yin te// chu'i nang na gang dag gnas pa'i rtse mo de dag rnams shugs kyis bskul nas ltung bar byed do// glang po che stobs kyi stobs re re 'dzin pa yin no// de las ring du 'das nas 'o ma'i chu zhes bya ba'i rgya mtsho nye 'khor du dpage tshad stong phrag lnga yod pa ste/ rtag tu rlabs rnams kyis dkrug par byed pa/ rtag tu sprin dang sgra sgrog par byed pa'i shin tu khro bar gyur pa'i klu dug can

  1489. 368b

    rnams kyis gang bar gyur pa yin no/ / gzhan yang rnal 'byor spyod pa phyi rol gyi lus kyis mug pa rjes su lta zhing gnas te/ 'dzam bu'i gling gi byang phyogs ngos na ri'i rigs sam/ bo'i rigs sam/ rgya mtsho rigs gzhan gang dag yin na/ des thos pa las byung ba'i shes rab kyis sam/ lha'i mig gis mthong bar gyur pa/ gser dang / gser dmar po dang / shel gyi rang bzhin gyi ri brgya phrag lnga yod pas/ byang phyogs sgra mi snyan pa'i gling de nang par gyi nyi ma'i mdog dang 'dra ba dang / pad+ma dang / pad+ma'i rdzing bu dag gis kyang gang bar gyur pa ste/ yul de ni dpag tshad sum stong yin no// yul de las 'das par gyur nas/ sgra mi snyan dang 'dzam bu'i gling dag gi phyogs ngos la/ 'o ma dang mtshungs par 'jug pa zhes bya ba'i yul rnam par bkra bar gyur pa'i ri dang / nags dang / nye ba'i nags dang / ri dag dang bya yang rnam pa sna tshogs pa dang rnams kyis kun gang bar gyur pa dang / rtag tu dga' bar gyur pa'i lha gsang ba pa rnams kyis gang bar gyur pa rnam pa sna tshogs pa'i ljon shing dang / me tog gi tshogs kyi kun nas dud par gyur pa rnams kyis gang bar gyur pa/ nye 'khor nyams dga' ba yin no/ / gzhan yang rnal 'byor spyod pa phyi rol gyi lus la lus kyis rjes su lta zhing gnas te/ byang gi sgra mi snyan pa dang / 'dzam bu'i gling gi byang ngos na/ ri'i rig

  1490. 369a

    su gyur pa 'am/ chu bo'i rigs su gyur pa gzhan ci dag yod na/ des thos pa las byung ba'i shes rab kyis sam/ lha'i mig gis mthong bar gyur pa gling gnyis po 'di dag gnyis kyi bar na/ yul phyogs 'ga' zhig kyang yod pa yin no// byang phyogs sgra mi snyan gyi gling chen po ni ma gtogs te/ rgya khyon du ni dpag tshad stong phrag bcu yin no// grong khyer bye ba phrag sum cu rtsa drug gi rnam pa rnams kyi nye 'khor rnams kun tu grang bar gyur pa ste/ mchog tu dga' ba dang bskal pa gzhan rnams la yid dga' ba yin no// sha dang rus pa dang / chu ser rnams bral bar gyur pa ma gtogs par rgyal chen bzhi'i ris kyi lha rnams kyi drung na ni/ 'jig pa med pa yang yin no// lha rnams ni mig mi 'dzums pa yin la/ byang phyogs sgra mi snyan pa rnams ni pags pa dang / sha dang / rus pa dang / chu ser dang / mig 'dzum par byed pa dang bcas pa yin zhing / bdag gi ba med pa dang / nga rgyal yang med pa yin te/ shi nas kyang nges par lha rnams su skye bar 'gyur ba yin no// sgyu dang / g.yo dang / phrag dog dang / khengs pa rnams dang bral bar gyur pa dang / rtag par rab tu/ dga' bar gyur pa yin no// srin mo dang / sha za dang / grul bum dang / seng ge dang / stag dang / gung dang / spyang ki dang / glu dang / lto'i phye dang / sbrul gdengs ka can dang /

  1491. 369b

    mu ge dang / tshad pa dang / grang ba dang / ltogs pa dang / sgom pa dang / nad dang / lhas char mi 'bebs par gyur pa rnams dang bral ba dang / phan tshun kun dga' bar byed/ pa rnams yin no// de dag rnams la 'jigs par gyur pa rgyal po dang / chom rkun dang / chu dang / me dang / mtshon cha 'bab pas 'jigs par byed pa rnams kyang med pa yin no/ / nyin mo dang mtshan mo'i khyad par yang rnyed pa ma yin te/ gser gyi rang bzhin gyi ljon shing rnams kyi 'od zer kun tu 'phro ba'i phyir ro// de la ljon shing rnams ni ha ri rgya'i rang bzhin dang / gser dang / dmar po byi ru dang / dngul gyi rang bzhin rnams yin no// bya rnam par rgyu ba rnam pa sna tshogs par rnams byed pa dang kun nas rangs par gyur pa ni rab tu dga' ba'i skyes bu rnams bzhin no/ / shing de dag rnams kyi sems dang ldan pa bzhin no// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ byang phyogs sgra mo snyan gyi gling na dga' ba yod pa dang / dga' ba las kyang shin tu dga' ba yod pa gzhan gang yin na/ des thos pa las byung ba'i shes rab kyis sam/ lha'i mig gis mthong bar gyur pa byang phyogs sgra mi snyan gyi gling na ri chen po bcu yod do// 'di lta ste/ sang sha ka zhes bya ba'i ri dang / rwa mnyam pa zhes bya ba'i ri dang / ri dgra/

  1492. 370a

    kyi sgra dul ba zhes bya ba'i ri dang / sprin dkar po 'dzin pa zhes bya ba'i ri dang / mtho ba brtsegs pa zhes bya ba'i ri dang / 'phreng ba'i nye 'khor zhes bya ba'i ri dang / dus na dga' ba zhes bya ba'i ri dang / kun dga' ba 'dzin pa zhes bya ba'i ri dang / yid kyis rjes su 'thun pa zhes bya ba'i ri dang / pad+ma ku she sha ya dang ldan pa zhes bya ba'i// ri dang ste/ ri chen po bcu po de dag gis byang phyogs sgra mi snyan gyi gling rgya mtsho'i mthar thug pa yongs su bskor ba yin no// dper na 'dzam bu'i gling ri bzhis yongs su bskor ba yin/ te/ gangs can dang / 'bigs byed dang / ma la ya dang / ti se'o// de kho na bzhin du ri bcus byang phyogs sgra mi snyan gyi gling yongs su bskor ba yin no// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ ri de dag rnams la me tog dang / 'khri shing gi tshogs 'khril ba dang / mtsho dang / chu klung dang / bya dang / 'bras bu/ dang / ri dgas kyi rogs ci yod pa rnams des thos pa las byung ba'i shes rab kyis sam/ lha'i mig gis mthong bar gyur pa sang ka sha'i ri la sang ka sha zhes bya ba'i ljon shing dus drug tu me tog 'byung bar 'gyur ro/ / ljon shing de dag rnams la nyan mtshan du'ang 'od 'byung bar 'gyur te/ 'dzam bu gling gi mtshan mo'i mar me rnams bzhin no// dri yang dpag tshad du rab tu

  1493. 370b

    / byung ba yin te/ ji ltar cung zad cig kyang 'dzam bu'i gling na cha 'dra ba ni med do// sang ka sha'i ri de la nags lnga yod pa rnams ni 'di lta ste/ grib ma sngon po zhes bya ba'i nags dang / bya nges par gnas pa zhes bya ba'i nags dang / zab mo zhes bya ba'i nags dang / sprin dkar po zhes bya ba'i nags dang / rnam par 'bar ba zhes bya ba'i nags dang rnams so// de la sang ka sha'i ri de las sprin dang 'dra bar gyur ba'i me tog rnams rgyas pa'i phyir na/ 'di ni nam mkha' dang mtshungs pa yin no// des na 'di ni sang ka sha'i ri zhes bya'o// de la phyogs gcig na grib ma sngon po zhes bya ba'i nags yod de/ de la gang cung zad dkar po gyur pa'i gzugs song zhing 'gro la so sor 'gro bar 'gyur ba rnams kyang nags de'i 'od kyis kun tu snang bar byas pa'i stobs kyis bai DUR+Ya sngon po'i mdog tu 'gyur ro/ / bya rnams kyang sngon po de dag nyid na gnas pa yin no// 'di lnga ste/ yid kyi rjes su 'thun pa zhes bya ba'i bya ni/ byang phyogs sgra mi snyan pa'i mi rnams grib ma sngon po'i nags su zhugs par gyur nas/ yid kyi rjes su 'thun pa gang dag dpyod par byed na/ de dag bya de dag rnams kyis rtse bar byed do// rtag par rab tu dga' ba zhes bya ba'i legs par gnas pas ni de mthong bar gyur pas kyang / byang phyogs sgra mi snyan gyi skyes bu rnams phyir zhing ches rab tu dga' bar 'gyur ro// grang ba dang dro ba zhes bya ba'i bya de dag mthong bar

  1494. 371a

    gyur pas kyang skyes bu grang bas nyen pa rnams grang bar mi 'gyur ro/ / dro bas nyen par gyur pa rnams kyang shin tu tsha bar mi 'gyur te/ bya dag rnams kyi mthus yin no/ / rlung gi bang yod pa zhes bya ba'i bya rnams kyis ni yud tsam gcig la yang dpag tshad stong du 'gro ba yin te/ de mthong bar gyur pas kyang skyes bu rnams gnas gang dang gang du 'gro 'dod pa de dang der bya de dag rnams kyi stobs kyis yud tsam la dpag tshad stong du phyin par 'gyur ro/ / shang shang te'u zhes bya ba'i bya rnams kyis ni gleng thams cad kyi skyes bu rnams kyis rjod par byed pa'i brjod pa rnams dang cha 'dra bar skad 'byin no/ / mi'i bde ba'i 'khrig pas rtag tu dga' bar byed pa rnams yin no// kha dog rnam pa sna tshogs pa'i sgo rnams kyis nye bar mdzes par gyur cing rin po che sna bdun gyi rang bzhin rnams la 'di lta ste/ in+d+ra nI pa dang / mar ka ta dang / rdo rje dang / mu sa rA gArba dang / shel dang / pad+ma rA ga dang 'dra bar gyur pa'i byu ru dang rnam so/ / bya de dang de dag rnams mthong bar gyur na/ rab tu dga' bar mi 'gyur ba ni 'ga' yang med do// des sang+ga shA ri'i grib ma sngon po'i nags la so sor brtags nas yang dag pa ji lta ba bzhin du lus so sor rig par byed do/ / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ byang phyogs sgra mi snyan pa'i sang bA sha'i ri de la grib ma sngon po'i nags

  1495. 371b

    brgal bar gyur nas/ gzhan nags dag yod dam zhe na/ des thos pa las byung ba'i shes rab kyis sam/ lha'i mig gis mthong bar gyur pa sang kA sha'i ril bya nges par gnas pa zhes bya'i nags gnyis pa yod do/ / de na gnas par gyur pa'i bya de dag ni rtag tu dga' mgu rangs pa dang / pad+ma'i rdzing bu rnams kyang rtag tu gang bsil mo'i 'khyag pas legs par bsdams pa yin no// 'dzam bu gling yin pa chos kyi dus na 'chi 'phos par gyur pa de la ngang pa'i rgyal por 'gyur te/ de de la rab tu gnas par byed pa yin no// de bzhin du mtsho ma dros pa'i ngang pa'i rgyal po dang rnam pa sna tshogs pa'i bya gzhan rnams thams cad rab tu gnas pa yin no/ / 'di lta ste/ kA ran Ta pa dang / hA rI ta dang / g.yu gu ma nA ba tA dang / pa rA ba tA dang / la Tu Sha ka dang / i lA li kA dang / rnga smra ba dang / sar hra dAHdang / dris dga' ba dang / sang mya dz+yaHdang / lus pa po dang / sgras kun tu dga' ba dang / dus drug tu rgyu ba dang / zla ba shar bas dga' ba zla ba shar bas dga' la/ ma shar ba na nyi ma dang mtshungs pa'i mdog go/ rtag tu phyi rol tu sgras kun nas rangs pa dang / tsakra bA ka dang / gser dang mtshungs par gyur pa'i mdog dang kur dang / ku ra na gnas pa dang / nyi mas mi reg pa dang / ni tsun lun dAHdang / gcig pu nyon mongs pas dga' dang / bung ba 'du ba rnams ni gang dag gi sgra rnams dpag tshad

  1496. 372a

    du snyan par thos pa rnams yin te/ ji ltar 'dzam bu gling gi bung ba rnams kyis ba lang la gegs med par ljon shing rtsa ba na gnas pa bzhin no// kang kA dang / la 'jug par byed pa dang / 'khor zhing rgyu ba dang / sA rA dang / khyim bya dang / ba ra sbyar dang / ba TaHdang / ze'u 'bru lus la gon nas pad+ma'i nang na gnas pa dang / ut+pal sngon po grol bar gyur pa'i mgrin pa dang / ko yaSh+Ti kaHdang / bye'u nag mo dang / b+h+ring ga'i skye dang / ban dzu la kAHdang / chu la dga' dang / rtag tu dga' ba'i sgra sgrog pa dang / pi wad dang 'dra ba'i sgra dang / sprin la dga' ba dang / dpung 'gyed pa la dga' ba dang / zil pa'i theg pa dang / 'dam ma'i mtha' na gnas pa dang rnams te/ de dag dang gzhan dag rnams kyang rnam pa sna tshogs pa rnams te/ mthong na yid kyi rjes su 'thun pa'i sgra 'don par byed pa dga' bar gyur pa'i bya khro ba dang rnam par bral ba rnams bya nges par gnas pa'i nags la byang phyogs sgra mi snyan pa'i skyes bu rnams dang rtag par lhan cig tu rab tu dga' bar gyur pas rtse dga' bar byed do/ / bya nges par gnas pa'i nags la so sor brtags par gyur pas yang dag pa ji lta ba bzhin du phyi rol gyi lus rig par byed do/ / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ sang kA shA'i ri bo la nags gzhan gsum pa gang yod na/

  1497. 372b

    des thos pa las byung ba'i shes rab kyis sam/ lha'i mig gis mthong bar gyur pa gsum pa ni zab mo zhes bya ba'i nags yod de/ ljon shing rnams phan tshun gyis nye 'khor rnams na sngon shing 'thug po'i grib ma rnams kyis mngon par khyab par gyur pa yin no/ / de la yang dro ba dang / bsil ba'i grib ma rnams yin pas byang phyogs sgra mi snyan pa'i skyes bu skyed mos tshal du dga' ba rnams nyid shing gi gseb na rtse dga' bar byed do/ / de la shing gi tshogs 'di dag rnams yod pa yin te/ 'di lta ste/ ti la ka dang / klu'i me tog dang / a d+ha shal ma lA dang / kro bi d+hA rA dang / sA la lA laHdang / 'dod pa dga' ba rnams dang / bya ngal so ba dang / sA lAHdang / tA lA dang / shA mA dang / naSh+ka'i rnam pa dang / a mra dang / kar bi ra kaHdang / shi lin d+hA dang / ba ku la dang / ba ku laHdang / dris rang pa dang / ma d+ho d+hA ma dang / ha ni tA la dang / tA mA lA dang / ko la kAHdang / sin d+hu tsArA dang / na gu ma laHdang / mtshungs pa dang / zla ba 'khor ba dang / gza' rgyu ba dang / rtag tu me tog rgyas pa dang / ni tsu lune d+ha dang / lug pa'i lun d+haHdang / a shwad thA dang / king shu kA dang sngo bsangs kyi sems dang / ka bid thaHdang / pa lA dang / nA Ti ke rA dang / pan sA dang / mo tsA dang / srid sgrub dang / ka da maHpA dang / sngon po dang / lha shing dang /

  1498. 373a

    ru dzA yA na'i 'dab ma dang / chu skyes dang / man d+ha rA dang / pad+ma ku sha she yAHdang / ni lA lA dang / kangs kyi mdog dang / dngul gyi mdog dang / ben+d+han+d+ha 'dab ma dang / rtse mo ngal bso dang / yul du 'pho ba dang / snyoms par gnas pa klung du skyes pa dang / kA shA pa ka sha rAHdang / phan tshun du 'thug pa dang / snum pa dang / phrag par skyes pa dang / a prA na'i me tog dang / ud ku li nA dang / sang shA tra kAHdang / byu ru'i shing dang / gur kum gyi snying po dang / nye bar bslad pa dang / rjes su btsugs pa'i skyes pa dang / duba'i mdog dang / mer me'i 'od dang / rlung gis shin tu sgul ba dang / chu shing dang / ko ki lAHmyos pa dang / me tog gi rdul mgon pa dang / mig dang bcas pa btsums pa dang / shas su phye cha dang / 'bras chan dang 'dra ba dang / ud drum 'khrug pa dang / bung ba'i 'khor ba dang / rtse mo 'gul ba dang / rlung gis ngal ba dang / mya ngan med pa dang / mig dga' ba dang / de dag de rnams yin no// de dag ni ji ltar shing gi rigs kyi gtso bor gyur pa drug cu yin te/ gang ma bgrangs pa'i shing gis rigs su gyur pa bar ma dang tha ma rnams ni ma gtogs pa yin no// de kho na bzhin du zab mo na rab tu phal che bar gyur pa'i 'bab chu dang / me tog dang / 'bras bu dang bcas pas dga' ba yin te/ byang phyogs sgra mi snyan pa'i mi rnams 'jig pa dang / nad dang

  1499. 373b

    gzhan gyi dbang du gyur pa rnams rnam par bral ba dang / rims nad med pa dang / phan tshun du brag dog dang / 'thab rtsod kyi 'jigs pa rnams med par gyur nas rtse dga' bar byed do// de ltar sang / ka sha'i ri zab mo'i gnas la so sor brtags par gyur pas kyang yang dag pa ji lta ba bzhin du lus so sor rig par byed do// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ byang phyogs sgra mi snyan gyi gling gi ri dang po sang kA sha'i nags bzhi pa la gzhan bsil ba'i chu ci yod/ des thos pa las byung ba'i shes rab kyis sam/ lha'i mig gis mthong bar gyur pa bsil ba'i chu'i klung chu rnams ni rab tu phal che ba yod la/ ji skad du brjod pa'i ljon shing dang / me tog dang / 'bras bu rnams kyang phun sum tshogs pa yin no// chu klung yod pa rnams ni 'di lta ste/ bsil ba'i chu ni rgyar dpag tshad du gyur pa'o// chu klung zab mo'i chu dang / rab tu dang ba'i chu dang / gtsang ma'i chu dang / 'od ma'i chu dang / dgu 'bru'i chu dang / zla ba rgyu ba dang / 'o thug gi 'dam dang / gram sag gi chu dang / ngang ngur gyis gang ba dang / ngang pa kun tu sgra 'byin pa dang / dbyangs snyan pa dang / me tog rgyu ba dang / sems 'gro ba dang / ru ru ru'i sgras 'bab pa dang / rlabs 'byung ba dang / bde ba'i chu dang / kA dam pa 'khod pa nyid dang / nor bu'i mchu can rnams kyis 'dzin pa dang / chu srin ku'am mang po

  1500. 374a

    nyid dang / nya ro hi 'khor ba dang / rus thal gyis gang ba dang / chu srin na sras bskor ba dang / yid bde bar 'bab pa dang / slu ba'i 'greng ba dang / rab tu dag / bar gyur pa'i chu dang klu mtshungs pa dang / char dang char gyi rjes su 'byung ba'i chu klung dang / dbyangs can gyis mdog tu 'bab pa dang / dus su 'bab pa dang / rid pa rtse mo'i dang / gser gyi chu dang / dngul gyi mdog dang / mu tig gi bye ma dang ldan pa dang / ri bo la rgyu ba dang / sprin 'khor ba dang / mu sA ra gal rgyan du byas pa dang / bi dru ma'i shing dang ldan pa dang / dpyid dga' ba dbyar sprin rab tu dang ba'i chu 'bab pa dang / rtse mo la 'jug par dga' ba dang / gangs yod pa dang / nyi ma shar bar gyur pas mi reg pa dang / myur ba'i chu dang / rlabs rab tu 'jug pa dang / a Tu bA dang / tsu lun daH'bab pa dang / dri'i chu dang / ke ta ka'i dris bsgos pa dang / dbyar dga' ba dang / d+hu na d+hu mA rA dang / nya 'khor na khyab pa dang / dpag tu med pa 'bab pa rgyab nas klung kun tu gang bar rab tu 'bab pa dang / dma' ba'i chu dang / dga' bas 'jug pa dang / sngon gyi du ba'i stobs dang / sprin gyi 'gros dang / dri za'i dbyangs can dang / rnga'i sgra dbyangs can dang / skad kyi dbyangs can dang / klu'i bu mo mngon par dga' ba dang / gsang ba ba rtse dga' dang / rig pa 'dzin pa rtse dga' bas gnas pa dang rnams yin no//

  1501. 374b

    de dag ni ri sang kA sha'i nags bzhi pa sbyin dkar po la ji ltar 'bab chu'i gtso bor gyur pa bdun cu yin par rab tu brjod pa yin no// bar mtha ma'i chu klung rnams ni ma gtogs pa yin no// gzhal du med par dga' bar 'gyur ba'i shing dang / me tog dang / bya rnams kyi yon tan gyi bla na med par gyur pa'i bsil ba'i chu'i nags la so sor brtag par gyur pas kyang yang dag pa ji lta ba bzhin du phyi rol rig par byed do/ / gzhan yang rnal 'byor spyod pa phyi rol gyi lus kyis lus la rjes su lta zhing gnas pa na/ des thos pa las byung ba'i shes rab kyi/ sam/ lha'i mig gis mthong bar gyur pa sang ka sha'i ri la bi shrA mang zhes bya ba'i nags lnga yod pa yin te/ gang la klu mi bzad pa 'di dag rtse dga' bar byed pa'o// 'di lta ste/ khro ba bral ba dang / ba su ki dang / s+thAng+ga go dang / mche ba'i dug dang / glog gi 'phreng ba dang / sprin gyi nye 'khor chos la dbang ba dang / rnam pa de lta bu'i klu stong phrag bdun rtse dga' ba byed do/ / byang phyogs sgra mi snyan gyi nye 'khor rnams su chos kyi char pa 'bebs par byed do// ji ltar sa gzhi dang nam mkha' nye 'khor rnams kyang shin tu byang phyogs sgra mi snyan pa'i 'jig rten pa rnams dang 'dra ba yin no/ / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ ci sang kA sha'i ri nags rnams ni ji skad du sngar bstan pa bzhin

  1502. 375a

    du gyur pa yin la/ sngon shing re re lo mar gyur pa rnams dang / me tog tu gyur pa rnams dang / 'bras bur gyur pa rnams dang / chu klung du gyur pa rnams dang / rdo'i gseb tu gyur pa rnams dang / sa phyogs kyi char gyur pa rnams dang / rtswa'i gseb tu gyur pa rnams dang / ri'i khrang khrod dang khong gseng du gyur pa rnams dang / 'bab chur 'gyur ba la yang rung ste/ khab kyis phug pa'i bar tsam gang dag la yang sems can thams cad lan brgya dang // gal te na lan brgya stong du yang ma skyes pa dang / ma shi ba dang / 'chi/ ma 'phos pa dang / skyes par ma gyur pa 'am/ yid du 'ong ba rnams thams cad dang / tha dad du ma gyur pa dang / rnam par gyes par ma gyur pa dang / rnam par bral bar ma gyur pa dang gzhan du ma gyur pa 'am/ dgrar gyur pa'i lus 'di lan brgya dang / de nas lan stong du dang / lan brgya stong du yang skyes par ma gyur par ni med do// gang la sems can rnams thams cad kyang shi ba dang skyes par ma gyur pa de ni khab kyi bug pa tsam yang go skabs ma mthong ngo / / des sang kA sha'i ri la so sor brtags par gyur pas kyang yang dag pa ji lta ba bzhin du lus so/ sor rig par byed do// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ byang phyogs sgra mi snyan na dga' bar 'gyur ba'i ri'i rigs gzhan yod dam zhe na/

  1503. 375b

    gzhan yang rnal 'byor spyod pa pas thos pa las byung ba'i shes rab kyis sam/ lha'i mig gis mthong bar gyur pa mchog tu dga' bar gyur pa/ lha rnams kyis dga' ba'i tshal dang 'dra bar mnyam pa zhes bya ba'i ri gzhan yod do/ / de'i ljon shing dang / 'bras bu dang / chu klung dang / ri'i phug rnams kyi dga' ba ni rgyas par sngar sang kA sha la ji skad bshad pa bzhin no/ / dga' bar gyur pa'i dus kyi khyad par rnams so sor bye brag tu bya ste/ rA mnyam par gyur pa'i ri gang la rabargya phrag gsum ni gser gyi yin ste mtshungs pa med pa yin no// 'od zer rnams nyi ma gnyis pa bzhin du gsal lo// rA brgya phrag lnga ni dngul gyi rang bzhin yin te/ gang la dngul gyi rang bzhin du gyur pa ni gang sngar bshad pa rnams yin no// yon tan rnams thams cad la yang khyad par yod de/ rwa mnyam pa'i ri de'i nye 'khor rnams na yang byang phyogs sgra mi snyan pa'i skyes bu rnams zla ba rgyas pa'i 'od dang 'dra ba yin no// de dag rnams ni 'jigs pa dang bral ba zhes bya ba'i ming dang ldan pa yin no/ / 'jigs pa dang bral ba'i skyes bu rnams rwa mnyam pa'i ril ni ji ltar rgyal chen ris bzhi'i lha rnams dga' ba'i tshal na dbyar zla ba bzhi lha rdzas kyi 'dod pa'i yon tan lngas yongs su tshim par yang dag par ldan par gyur pa la/ rtse dga' byed pa de bzhin du mngon par rtse dga' bar byed do// de ltar na yang 'jigs pa dang bral ba'i skyes bu

  1504. 376a

    rnams rgyal chen bzhi'i ris kyi lha rnams kyi so sor khyad par ni gang dag yin zhe na/ lha rnams ni sha dang / rus pa dang / chu ser dang bral ba yin la/ 'jigs ba dang bral ba'i skyes bu rnams ni sha dang / rus bu dang / chu ser dang ma bral bar yod pa yin no// lha rnams dang 'jigs pa dang bral ba'i skyes bu rnams kyi khyad par ni de ltar yin no// skyes bu 'jigs pa dang bral ba rnams ni bdag 'dzin med pa dang / nga rgyal med pa dang nges par gong du 'gro bar gyur pa yin no// lha rnams ni de ltar yang ma yin no// yang 'jigs/ pa dang bral ba'i skyes bu rnams dang / rgyal chen+da ris bzhi'i lha rnams kyi so so khyad par gang dag yin na/ rwa mnyam pa'i ri'i nye 'khor rnams dpag bsam gyi shing nyi ma gnyis pa ltar rab tu gsalo bar byed do/ / gang dang gang dag 'jigs pa dang bral ba'i skyes bu rnams kyis sems kyis bsams par gyur pa de dag rnams ljon shing de dag rnams las byung bar 'gyur/ ro// thag pas btags pa 'am/ nor bu'i rigs rnams sam/ rgyan gyi rigs rnams dang / zas dang / skom gyi chu bo yang brgya phrag dang / de nas stong phrag kyang 'bab bo// rdza/ skad du bshad 'gyur pa'i bya rgyags pa rnams kyang rtse dga' bar byed do// gser gyi lo ma rnams kyis brgyan par gyur pa dang / bai DUn sngon po rnams kyis pad+ma'i rdzing bu mang po brgya phrag dang /

  1505. 376b

    ci sten stong phrag rnams la/ ngang pa dang kA lan da pa rnams kyis grang ba/ tsakra b+hA ka rjes su rgyub dang / ri dgas kyi tshogs rnams rjes su sten par 'gyur ba ni/ gser gyi ringags rna bya ru'i rang bzhin gyi rwa dang / mu sa ra'i mig dang / rA dzA ban+da'i rmig pa ste/ ri dgas kyi rigs gzhan rnams kyis kyang rjes su rgyu bar byed pa yin no// ri de'i nye 'khor rnams na mu tig gi dri bas sbrel bar gyur pa'i 'khri shing gi tshogs phan tshun du 'khril bas g.yogs pa dang / rwa mnyam pa'i ri de la ko ki la dang / mi bya dang / ngang pa rnams sgra 'byin par byed pa dang / 'di la 'bab pa stong phrag brgyas kyang kun tu gang ba dang / 'di la chu klung du ma rnams dang / shing krung du skyes pa rnams kyis gang bar gyur pa yin te/ 'khor rnams na yon tan mtha' yas pa dang ldan pa yin no/ / des byang phyogs sgra mi snyan pa'i ri bo gnyis pa rwa mnyam pa la kun tu bltas par gyur pas kyang yang dag pa ji lta ba bzhin du lus so sor rtogs so// chu klung gang dang gang dag 'bab par gyur pa de dag rnams ni mtshungs par yon tan brgyad dang ldan pa'i chu yin no/ / 'di lta ste/ ro phun sum tshogs pa dang / rab tu dang ba dang / dri zhim pa dang skom pa sel bar byed pa dang / bsil bar gyur pa dang / 'thungs par gyur pa na lus na bar mi byed pa dang / chu bal gyis mig gtsang bar ma byas pa dang / chu srin ma ka ras ma reg pa dang

  1506. 377a

    des 'thungs pas lus tshim par byed pa dang rnams so/ / nad kyang skyed par mi byed do// mtsho rnams kyang rnam pa du ma yod do// 'di lta ste/ rgya chen po sa nu dang / bye ma bcom pa dang / shing lnga pa dang / kA ran da pa'i klung dang / ngang pa'i chu dang / kwa dam pa'i bya rnams kyis bcom pa dang / bya brgya phrag gis kun tu gang ba dang / chen po rab tu 'bab pa dang / pad+mas bkab par gyur pa dang / 'od ma skyes pa dang / shing gis g.yogs pa dang / zab mo dang / zla ba dga' ba dang / rtag tu zla ba dang 'dres pa'i chu dang / rlabs 'khor bar gyur pa dang / 'od mas khyab par gyur pa dang / rigs pa 'dzin pa dga' ba dang / shel 'khor bar byed pa dang / rlabs g.yo ba dang / chu brtan pa dang / nya 'khor ba dang / nya dang kun tu 'brel ba dang / rtse mo'i gse ba dang / khrus kyi rdzing bu'i 'phreng ba dang / rlabs su 'jug pa dang / gtsang ba'i chu dang / zla ba'i lus dang / dkyil 'khor dang / dri ma med pa dang / 'od ma'i chu dang / rdzing bu'i 'phreng ba dang / rdul ba la ngal bso ba zla ba dga' ba dang / shel 'jug pa dang / rlabs g.yo ba dang / chu brtan pa dang / rtags pa'i chu dang / lha dga' ba dang / dga' ba'i chu dang / ro bzang po dang / ji ltar 'dod pa'i ro dang / longs spyod du gyur pa dang / ko'u bu b+haHdang / bdud rtsi

  1507. 377b

    'bab pa dang / mtsho'i mchog dang / klu'i be ruHdang / mdzes pa dang / a rdzunaHdang zhes bya ba ste/ de dag rnams ni mtsho bzhi bcu rtsa bdun yin no// ri'i mchog tu gyur pa ra mnyam pa 'di dag thams cad kyang yon tan brgyad pa'i chu sngar ji skad bshad pa bzhin no/ / rA mnyam pa'i ri yang mtho bar 'gyur ba ni nam mkha' 'bigs pa bzhin du gnas pa yin no// nags rnams kyang yon tan de dag rnams thams cad dang ldan par gyur pa yin te/ 'di ltar rdul bas reg pa'i nags dang / zla ba'i mdog dang / dngul gyi ljon shing ni dngul gyi rang bzhin gyi ljon shing rnams kyis bskor ba dpag tshad brgya yin no/ / nor bu'i 'od kyi mdog dang nags de'i nye 'khor na mthong bar gyur pa rnams ni/ nags de la yang pad+ma'i rdzing bu 'di dag rnams yin no// 'di lta ste/ chu bal dang rnam par bral ba dang / bung bas khyab pa dang / dung gi mdog dang / rtag pa'i chu dang / rnam par mthong bar dga' ba dang / kA tam pa'i chu dang / ngang pa'i gshog pas bcom pa dang / rab tu rtse bar byed pa dang / sku bo rnams mngon par dga' ba dang / mgo bo mthong ba dang / bag med pa rnams rtse ba dang / rtag tu mngon par dga' ba dang / rtag tu pad+ma rab tu dga' ba dang / chu la spyod pa'i sa gzhi dang / de dag rnams ni ji ltar pad+ma'i rdzing bu'i gtso bor gyur pa bcu drug yin te/ gang dag gi ming rnams kyang shes par mi 'gyur ba'i bar ma dang tha

  1508. 378a

    mar gyur pa brgya phrag rnams dang / des stong phrag rnams ni ma gtogs so// thams cad kyang 'dam bag med pa dang / chu bal gyis nye bar ma bcom pa dang / ngang pa dang / ka ran pa dang / ngang ngur rnams sgra 'don par byed pa yin no// rtag tu dga' ston gyi nyi mar gyur pa byang phyogs sgra mi snyan pa'i skyes bu rnams bya rtag tu myos pa dang / shang shang te'u dang / bya b+h+ring ga ra dzA dang / rma bya rnams nags dang nye ba'i nags rnams na sgra 'don pa ni rwa mnyam pa'i ri yin no// rwa mnyam pa'i ri la so sor brtags par gyur pas kyang yang dag pa ji lta ba bzhin du phyi rol gyi lus so sor rig par byed do/ / gzhan yang 'phags pa'i bden pa bzhi la lhag par mos par gyur pa'i rnal 'byor spyod pa phyi rol gyi lus kyis lus la rjes su lta zhing gnas te/ rwa mnyam pa'i ri la rtag pa 'am/ brtan pa 'am/ bde ba 'am/ bdag dang bcas pa'am/ stong pa ma yin pa'i gnas dag yod dam zhe na/ sngar bzhin no// gang la yang 'khor bar gtogs par gyur pa'i sems can rnams kyang ma skyes pa dang / ma shi ba dang / rgas par ma gyur pa 'am/ 'thun pa dang / yid du 'ong ba dang rnams thams cad kyang tha dad du gyur pa dang / rnam par gyes pa dang / rnam par bral ba dang / slu ba dang kun tu ldan par ma gyur pa rnams ni rnal 'byor spyod pa des rwa mnyam pa'i ri de la gnas gcig kyang ma mthong ngo //

  1509. 378b

    gang dag rtag pa 'am/ brtan pa 'am/ bde ba 'am/ bdag dang bcas par gyur pa 'am/ stong pa ma yin pa dang / gang la sems can rnams thams cad kyang ma skyes pa dang / ma rgas pa dang / ma shi ba yang med de/ 'thun par yid du 'ong bar gyur pa rnams thams cad kyang med par 'gyur ba dang / tha dad du 'gyur ba dang / 'bral bar 'gyur ba dang / slu bar 'gyur ba dang kun tu ldan par 'gyur ba yin no/ / rab tu ldan par gyur pa yin pa nyid kyi phyir 'khor ba 'di thams cad ni mi rtag pa yin no// de ltar mi rtag par gyur pa'i gnas rnams thams cad gang la yang sems can rnams thams cad kyang ma skyes pa dang / ma shi ba dang / skyes par ma gyur pa ni khab kyis phug pa tsam gyi yul phyogs kyang med do// 'phags pa'i bden pa bzhir gyur pa'i dran pa dang ldan pas byang phyogs sgra mi snyan pa rnams kyis ri bo gnyis par gyur pa/ rwa mnyam par gyur pa thams cad la kun tu bltas par gyur pas kyang phyi rol gyi lus lta bar byed do/ / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ byang phyogs sgra mi snyan na nags dga' bar gyur pa gzhan dag dmigs sam zhe na/ des thos pa las byung ba'i shes rab kyis sam/ lha'i mig gis mthong bar gyur pa'i ri gsum yang yod pa yin te/ ri dgas kyi sgra dul ba zhes bya ba'i ri'o// de la dga' bar gyur pa khyad par med pa gang

  1510. 379a

    dag yin pa de dag rnams ni sang ka sha'i ri dang rwa mnyam par gyur pa'i ri la yongs su bsgrag par zad do/ / ri dgas kyi sgra dul ba'i ri bo de la ni 'bab chu dang / chu bo rnams phun sum tshogs pa dang / chang gi chu klung phun sum tshogs par gyur pa dang / gos kyi ljon shing phun sum tshogs par gyur pa rnams dang / 'di dag kyang khyad par yin te/ 'di ltar gser dang dngul gyi ljon shing rnams la rtag par dus drug tu me tog gi 'phreng ba rnams kyis phyug par gyur nas kur dga' ba dang ldan pa bzhin du rgyas pa yin no// shi ni rang gi 'od dang ldan par nyi ma bzhin du rab tu gsal bar yang byed do/ / phan tshun du 'od 'phro bar gyur pas kyang ri dgas kyi sgra dul ba'i ri bo 'di rab tu gsal bar byed do// de la nags 'di dag rnams yod do/ / 'di lta ste/ gser dang ldan pa dang / dngul mthon por brtsegs pa dang / myos par sgo nga las skyes pa'i ngos dang / mnan na nem la bteg na 'phar bya dadang rnams so/ / de la gser dang ldan pa zhes bya ba'i nags ni dpag tshad brgya pa ste/ gser gyi ljon shing rnams la bung bas lags par khyab par yin no// dngul mthon por brtsegs pa'i nags ni dpag tshad sum brgya pa ste/ dngul gyi rang bzhin gyi ljon shing rnams kyis kun tu gang bar gyur nas/ zla ba brgya stong bzhin du rnam par gsal bar byed do// seng ge rnams kyis kyang kun tu gang

  1511. 379b

    ba yin no/ / nags de yang thams cad nas dkar por kun tu snang ba yin te/ rtag par rab tu dga' bar gyur pa'i bla rnams kyis kyang kun tu gang ba rnams ni ji ltar sngar bshad pa bzhin no// ri dgas kyis sgra dul ba'i ri bo na gsum pa ni myos pa'i sgo nga las skyes pa'i ngos zhes bya ba ste/ de la nags de na ni bag med pas rab tu dga' ba'i bya rnams yod do// nags de'i nye 'khor rnams na yang skyes bu gang dang gang dag rab tu gnas par gyur pa de dag rnams kyang rtag tu dul ba zhes bya ba'i ming du 'gyur ro/ / skyes bu dag rtag tu myos pa'i sgo nga las skyes pa'i nags na rab tu dga' bar gyur pa yin te/ rang 'dod pa bzhin du gyur pa'i gzi brjid kyis lha'i tshogs rnams dang 'dra ba yin no// ri dgas kyis sgra dul ba'i rI la nags bzhi po ni mnan na nem pa bteg na 'phar ba zhes bya ste/ nem pa dang 'phar pa'i nags de na ljon shing gang dag gser dang / gser rab tu 'bar ba dang / bi dru ma'i rang bzhin yin pa rnams la ni ma bcing pa'i bya/ rnams kyis rtag tu gang ba yin no// nem la 'phar ba'i nags ni dpag tshad lnga yin no// nags de'i nye 'khor rnams na skyes bu gang dag rab tu gnas par gyur pa de dag rnams kyi tha snyad ni rab tu phal che bar myos pa zhes bya ba yin no/ / rab tu cher myos pa'i skyes bu rnams gal te nem zhing 'phar bar gyur pa'i nags su rtse dga' bar byed na/ sa de dag ni ka shi ltar 'jam pa dang /

  1512. 380a

    shing bral 'dra bar gzhi mnan na nem la bteg na 'phar ba'i yin no// ji skad du brjod pa'i me tog dang / 'bras bu dang / ljon shing dang / pad+ma da / pad+ma rdzing bu dang / sgra sgrogs pa'i bung ba'i tshogs kyis gang bar gyur pa rnams ni nem zhing 'phar ba'i nags de la yang sngar gyi bzhin no// des byang phyogs sgra mi snyan gyi ri gsum pa ri dgas kyi dgra dul ba legs par mthong bar gyur pas kyang yang dag par ji lta bas lus so sor rig par byed de/ sngar bzhin no// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ gzhan yang byang phyogs sgra mi snyan na dga' bar gyur pa gzhan ci dmigs na/ des thos pa las byung ba'i shes rab kyis sa ma/ lho'i mig gis mthong bar gyur pa sprin dkar po rgyub zhes bya ba'i ri bo nya 'khor du dpag tshad stong yin no/ / shin tu dkar bar gyur pa'i dngul gyi rang bzhin to/ rigang gi 'od zer gyis zla ba'i 'od kyang gsal bar ma gyur to// dper na 'dzam bu gling du zlab shar bar gyur pa na gza' dang / rgyu skar dang / skar phran gyi 'od kyang med par 'gyur ba de bzhin du/ sprin dkar po rgyu ba'i ris kyang zla ba'i 'od mi bsal ba byed do/ / sprin dkar po rgyu ba'i ri bo'i drung du yang skyes bu gang dag rab tu gnas par byed pa de dag rnams ni me tog gi 'phreng bgon pa zhes bya ba ming du 'gyur ro// skyes nas sprin dkar po rgyu ba'i

  1513. 380b

    ribo la rtag tu rtse ba la ched cher byed pa rnams me tog gi ze'u 'bru gon par gyur nas rtag tu glus dga' bar gyur pa dang / rgyun du yang pad+ma'i tshal nags na mngon par dga' bar byed do// sdug gu dang bcas par gyur pa dang / rab tu g.yo bar byed pa dang / rnam par 'khrul pa dang / rnam par 'khor ba dang / rtag tu kun nas 'ching ba med brgyags pa dang / rtag tu mya ngan dang rnam par bral ba rnams yin no/ / gzhan yang sprin dkar po rgyu ba'i ri de dag rnams 'di dag rnams yod do// 'di lta ste/ rnga sgra 'byin pa'i sgra dang / ngang ngur rnams kyi rjes su bsgrags par byed pa dang / yid kyi rjes su 'thun pa dang / chu sgra kun nas sgrogs pa dang rnams so// rnga sgra kun nas skrag pa'i nags su 'phreng ba thogs pa'i lha rnams kyi rnga sgra dag sgrogs par byed do/ / sgra snyan par gyur pa de ni dper na 'dzam bu'i gling gi pi wang dang / gling bu dang / rnga pa Na ba dang / dung gi sgra la chags par gyur pa yin la/ de bzhin du rnga sgra kun nas sgrogs pa'i nags na lha rnams rnga sgra sgrogs par byed pa yin no/ / de dag rnams la ni 'dzam bu gling gi glu mkhan rnams kyis bcu drug gi char yang mi chog gi/ ji skad du bshad par gyur pa'i ri dgas dang / bya dang / pad+ma dang / ljon shing dang / nags dang / nye ba'i nags dang / khrus kyi rdzing bu dang / mtshe'u dang / gser dang / dngul gyi sa gzhi'i cha rnams

  1514. 381a

    dang / 'bab chu dang rnams kyi yon tan rnams kyi de lta de ltar gyi rnga sgra sgrogs pa'i nags na yon tan rnams thams cad kyang yod pa ni sngar bzhin no// 'phreng bgon par gyur pa'i skyes bu rnams ni rnga sgra kun nas sgrog par byed pa'i gdangs kyis rtag tu 'dod pa'i sgra dang rnams la rnam par chags pa yin te/ dper na gzhong pa thogs pa'i lha rnams kyi dga' ba'i tshal gyi nye ba'i nags bzhin du rtag tu 'dod pa'i sgra dang / ro dang / gzugs dang / dri rnams spyod do// nags gnyis pa dang ngur rnams kyi rjes su sgrog par byed pa zhes bya ba ste/ nags de la ni ngang ngur rnams kyis rjes su sgrogs par byed pa dang / pad+ma'i rdzing bu rnams kyang brgya phrag rnams/ de nas stong phrag rnams yod do// de dag rnams kyi ni ming yang brjod cing gzung bar mi nus so/ / ngang ngur rnams kyi rjes su sgrog par nags la ri dgas kyis rigs 'di dag rnams yod pa ni 'di lta ste/ rnam par bkra ba'i be naHdang / rin po che bdun gyis brgyan pa'i lus 'dul ba zhes bya ba'i ri dgas dang / ku rang gA dang / ma ra kA dang / mar kA 'dod pa dang / shin tu dga' ba dang / sam pA bI naHdang / rtse mo g.yo ba rnams 'dzin par byed pa dang / khor yug gi mig dang / kar ke ta'i lte ba dang gser gyi rwa dang / logs dngul gyi logs dang / rlung gi shugs dang / shing gi rtsa ba na r+g+ha

  1515. 381b

    ba dang / chu'i sgra 'bab par 'gro bar byed pa dang / nags kyi 'phreng bar 'grang ba dang / bi d+yu mi'i lus dang / la ga na'i logs dang / lho lha ri ba dang / bar po tAHdang / shang shA rA NaHdang / pags pa nag po dang / rtsa ba'i 'od dang / lang tshol bab dang / shin tu 'jam pa dang / dkar po'i tshogs dang rnams yin te/ de dag rnams ni ri dgas kyi rigs nyi shu rtsa lnga yin no/ / 'phreng ba gon pa'i skyes bu rnams dang lhan cig tu rtse dga' bar byed de/ rang gi las dang 'dra bar gyur pa rnam pa sna tshogs pa rnams nyams su myong bar byed do/ / sprin dkar po rgyu ba'i ri la yid kyi rjes 'thun pa zhes bya ba'i nags yod do// nags de nas ni 'phreng bgon pa'i mi rnams kyi yid kyi rjes su 'thun par gyur pa gang dang gang dag yin pa de dag rnams nyid ljon shing rnams las 'thob par 'gyur ro/ / nags dang / nye ba'i nags dang rnams gang dag yin pa thams cad kyang dga' ba rnams yin te/ sngar bzhin no/ / sprin dkar po rgyu ba'i ri bo la nags bzhi pa chu'i sgra kun nas sgrog pa zhes bya ba yod do// de la ni rnam pa sna tshogs pa'i gzugs 'dzin par 'gyur ba'i reg pa 'dzin pa rnams rtse bar byed do/ / yang gang gi tshe rdul gyis gnod par gyur pa na de'i tshe rang 'dod pa'i cha byad kyis chur 'jug ste/ chu la kun tu 'phyo bar byed do// de la rig pa 'dzin

  1516. 382a

    pA'i rigs 'di drag rnams yod de/ 'di lta ste/ bde ba la chags pa'i shugs dang / 'gor ba med par 'gro pA dang / nam mkha'i stobs dang / sprin ras 'byed par byed pa dang / nyi ma'i lam du legs par rgyu ba dang / ri dgas kyi 'gros dang / bo'u rAHdang / shin tu dud pa dang / ku shi ka dang / ri rnams la kun shi dang / ri rnams la kun chags pa dang / rtag tu myos pa'i dri dang / nam mkha' la rgyu bar byed pa dang / mA khaT 'a nang gnas pa dang / ci mi sha 'phub na rgyu ba dang / rtag pa'i shugs dang / ngang pa'i shing rta dang / glang po'i shing rta dang / glog 'khyug par byed pa dang / ma la ya na gnas pa dang / ka ta ka'i 'phreng ba mchog dang ldan pa dang / bud med la sred pa dang / chang ba rnams kyi btung ba dang / ri rab lhun po la gnas pa dang / kun tu khyab pa'i zhen pa dang / rtag tu dga' ba dang / me tog gi 'phreng ba 'phyang ba dang / sa gzhi la rgyu ba dang / sngags gas ba pa dang rnams te/ de dag ni rig pa 'dzin pa'i rigs sum cu rtsa gnyis yin la/ sprin dkar po rgyu ba'i ri chu sgra nas sgrogs pa'i nags de nyid la gnas nas dga' bar byed do// rnam bsna tshogs pa'i rgyan rnams kyis rab tu brgyan zhing rnam pa sna tshogs pa'i rgod pa dang / 'gying ba dang / rtse ba dang / kun tu spyod par yang byed do// de'i las kyi mthus yin no// de 'dra

  1517. 382b

    bar gyur pa'i bud med dang lhan cig tu zhen par byed do/ / de ltar sprin dkar po 'dzin pa'i nags dang / nye ba'i nags dang bcas pa rnams thams cad kyang yang dag pa ji lta ba bzhin du so sor rig par byed de/ sprin dkar po 'dzin pa'i ri bo 'di la gcig tu nges par gyur pa dang / rtag pa dang / brtun pa dang / ther thug dang / mya ngan las 'das par 'gro bar 'thob pa'i bde ba yod dam zhe na/ des rtag pa dang / brtan pa dang / ther zug dang / yongs su mi 'gyur ba'i chos can du gyur pa'i bde ba ni gcig kyang ma mthong ste/ ji ltar nyi ma la mun pa bzhin no/ / de ltar 'jig rten pa'i bde ba rnams kyang myang bar mngar ba dang / rnam par smin pa rtsub pa dang / kun nas nyon mongs pa can du gyur pa'i dang / sred pa las nges par 'byung ba ma yin pa dang / 'bras bu rtsu ba pa yin te/ kim pa ka'i 'bras bu 'dra ba dang / dug dang / mtshon dang / me dang mtshungs par gyur pa dang / dus de tsam du dga' bar gyur pa yin no/ / gar mkhan gyi tshon rtsi bzhin du yud tsam cig dga' ba yin no// glog dang mtshungs par shin tu g.yo ba yin no// ri'i 'bab chu'i shugs dang 'dra ba dang / nye bar 'tshe ba dang bcas pa dang / dri za'i grong khyer dang mtshungs par slu bar byed pa dang / skye bo rnams thams cad kyang rnam par 'joms par byed pa dang / shing thog rnams thams

  1518. 383a

    cad bzhin du ci nas kyang byung bar 'gyur bar mtshungs pa dang / dug gi zas dang 'dra bar yongs su smin par 'gyur ba dang / spu gri'i so'i myang ba bzhin du rno ba dang / yan brgya stong du ma rnams su yang slu bar byed pa yin pa dang / chu klung gi 'gram gyi shing bzhin du nges par kho nar ltung bar 'gyur bar mtshungs pa yin no// rnam pa de lta bu'i 'dod pa rnams pa kun tu bltas par gyur nas/ rnal 'byor spyod pa pa nges par skyo ba skye bar 'gyur ro// yang ji lta ba bzhin du mthong bar gyur pa dang / tshul bzhin yid la byed pa mthong ba dang ldan zhing rnam par byang pabar gyur pa'i mthong ba dang yang dag par ldan par 'gyur ro/ / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ byang phyogs sgra mi snyan na dga' bar 'gyur ba'i ri dgas kyi rigs yod dam zhe na/ des thos pa las byung ba'i shes rab kyis sam/ lha'i mig gis mthong bar gyur pa mtho bar brtsegs pa zhes bya ba'i ri dpag tshad stong yod ba yin te/ nye 'khor rnams dka' bar 'gyur ba dang / 'od kyi 'phreng ba dang ldan pa yin no// de la shing gi rigs ni 'di dag rnams yod do// 'di lta ste/ bai DUR+Ya'i 'dab ma dang / gas 'bar ba'i sdong bu dang / byu ru'i 'dab ma can rnams dang / dngul gyi sdong bu dang / gser gyi 'dab ma dang ldan par mar me'i kong bu brgya rtsa brgyad 'dra ba rnams yin no// ri rnam pa

  1519. 383b

    du ma dang / shing gi ri gzhan dag rnams dang / pad+ma'i rigs rnams dang / skyed mos tshal gyi rigs rnams dang / ri dgas kyi rigs rnams dang / ri'i rtse mo rigs rnam pa du ma rnams kyang snga ma bzhin no/ / mtho bar brtsegs pa'i yan lag gri brtsegs pa'i rgyar ni dpag tshad nyis brgya'o// de'i brtsegs pa'i gcig na ri rab lhun po la gnas pa'i 'phreng ba thogs zhes bya ba'i lha dang / bi wang gsum pa zhes bya ba'i lha rnams rtse dga' byed do// bi wa nga gsum pa'i lha ni lhun po'i pang rim gtang bar gyur nas mtho bar brtsegs pa'i ri la rtse dga' bar byed de/ ri bo de dga' bar gyur pa'i phyir ro// mthon po de'i yan lag gis brtsegs pa'i nye 'khor rnams ni rin po che'i rang bzhin te/ 'phang du ni dpag tshad lnga bcu yin no// brtsegs ma lnga yod pa'i yan lag gri brtsegs pa'i rgyar ni dpag tshad nyis brgya yin no/ / de la brtsegs ma gcig ni gser la nor bu'i khrod yin te/ rin po che rnams thams cad kyang khrod de la skye bar 'gyur ro/ / 'di lta ste/ bi dru ma dang / byu ru dang / bai DUR+YA dang / mu sar garba dang / shel dang / pad+ma rA ga dang / su gu ma ri ka dang / in+d+ra nI la dang / nI chen po dang / ma btasa? pa'i gos kyang 'byung ngo / / gnyis pa ni dngul gyi rang bzhin yin te/ dngul gyi ljon shing rnams phun sum tshogs pa go shir Sha zhes bya ba'i tsan dan skye ba yin no// b+ha dang lha me yin gyis 'jug pa

  1520. 384a

    g ang yin pa lnga rnams dang sgyu ma yin rnams spyan cig tu g.yul bkye bar gyur pas mtshon gyis smras pa rnams dang lhan cig tu 'gyel bar gyur pa rnams kyi lus nad med par byed pa yin no/ / go shI re Sha pa zhes bya ba ni ri de'i lhan cig skye ba'i ming yin no// de'i tsan dan yang go shI ra Sha ba'i ming yin no// ri'i rtse mo gsum pa ni lha'i bu mo dga' ba zhes bya ba'i yin te/ gang lha'i bu mo rnams rtse dga' bar byed pa nags dang / nye ba'i nags dang / gser dang / dngul dang / bai DUR+Ya rnams kyi ze'u 'bru dang / gzhan pa'i 'jam po rnams la rtag tu sten par byed pa dang / rab tu dga' bar gyur pas rgod pa dang / rol pa dang / rtse bar byed pas rnam par rgyu ba'i dga' rnams la sred pa la rnam par bslad par gyur pa'i byis pa so so'i skye ba rnams dam pa'i chos nyan pa la kha phyir phyogs par 'gyur zhing rtag tu 'dod pa la rnam par chags par gyur pas rA de'i rtse la rtag tu 'khod par byed pa/ rwa bzhi pa ni gang la rgyal po chen po bzhi rkun 'bru'i nags dang / nye ba'i nags rnams la rtse dga' bar byed pa yin no// de la yang rtag tu myos pa'i ri dgas dang / bya dang / gsang ba pa'i lha dang / rig pa 'dzin pa dang / mi rnams dang nye'akhor rnams yang rgun 'bru'i chu klung rnams rab tu 'bab pa yin no/ / kha cig ni sbrang rtsi'i ro yin no// kha cig ni gdug pa ma yin pa dang ldan pa'i ro yin no// kha cig ni 'dres par gyur pa'i ro

  1521. 384b

    skye/ rA de la ni chu klung gi 'gram rnams las gseras le sbram skye'o// kha yang dang / ma he dang / phag pa dang / glang po che dang / lce spyang dang / rnga mo dang / phyugs dang / sbyang ki dang / klu dang / gung dang / seng ge dang / dred dang / wa dang / bya dang / de dang de dag rnams dang 'dra bar gyur pa'i gzugs rnams dang kha dog du mar gyur pa'i rin po che'i rang bzhin pal che ba rnams mthong ngo / / gang dag phyir gang gseras le sbram rnams skye bar 'gyur ba ni ri'i rtse mo de'i grus gser sa le sbram 'di dag rnams yin no// rtse gam lnga pa gang la gser gyi 'dab ma dang baiDUR+Ya'i yu ba can shin tu 'jam par gyur pa'i pad+ma rnams skye'o/ / nye 'khor kun na yang bai DUR+Ya'i ljon shing rnams kyis gang ba yin no// de la pad+ma'i rdzing bu 'di dag rnams yod do// 'di lta ste/ kun dga' ra ba'i rgyas pa dang / pad+mas khyab gyur pa dang / pad+ma dus su rgyu ba dang / pad+ma dmar po kun tu khyab pa dang / nyi ma sten pa dang / gzhi 'jam pa dang / mi g.yo ba dang / ljon shing zab pa dang / me tog dri zhim pa 'byung ba dang / brtan pa'i chu dang ste/ de dag rnams ni pad+ma'i rdzing bu bcu gcig yin no// rA de'i ming yang pad+mas kun tu khyab pa zhes bya ba yin no// chu klung rnams kyang rnam pa sna tshogs pa'i dri dang ros legs par gang bar gyur pa rnams nye 'khor rnams na 'bab ste/ ro drug dang ldan pa yin no// 'dod pa'i ljon shing rnams thams cad dang /

  1522. 385a

    nye bar skyes pa dang / ljon shing dang / me tog dang / chu bo dang / khrus kyi rdzing bu dang ldan pa rnams ni snga ma bzhin no// des rwa lnga pa la kun tu blta bar gyur pas kyang yang dag pa ji lta ba bzhin du phyi rol gyi lus la kun nas lta bar byed do/ / des byang phyogs sgra mi snyan pa rnams kyis ri lnga pa mtho bar brtsegs pa zhes bya ba la kun tu bltas par gyur pas kyang yang dag pa ji lta ba bzhin du phyi rol gyi lus la so sor rig par byed do/ / gzhan yang rnal 'byor spyod pa las dang chos dag gi rnam par smin pa'i dbang du byas nas mthon por brtsegs pa'i ri la kun tu blta ste/ sems can 'di dag rnams ni las kyis chos kyi rnam par smin pa can yin te// rang gi las kyi bgo skal la spyod par byed pa dang / rang gi las rnams brtan/ par byas pa dang / rang gis legs par byas pa rnams kyis ni 'dir skyes pa yin la/ rang gi las de dag zad par gyur nas nges par ltung bar gyur te/ mi dge ba'i las rnams kyis ni myal ba dang / yi dgas dang / dud 'gro rnams su 'gyur ro// legs par byas pa rnams kyis ni lha dang mi rnams kyi nang du'o// mtho bar brtsegs pa'i ri'i nye 'khor na gang dag gnas pa de dag rnams ni bde ba la dga' ba zhes bya ba yin no/ / bde ba la dga' ba'i skyes bu rnams ni rtag tu 'dod pa la mngon par dga' ba rnams yin te/ rtag tu 'dod pa rnams kyis ngoms med pa rnams

  1523. 385b

    yin no/ / 'di la tshigs su bcad pa/ me la bud shing rnams dang ni// rgya mtsho la ni chu bo ltar// sred ldan 'dod pas ngoms pa med// de phyir 'dod pa zhi ba min// zhes bya ba yin te// 'di na sems can 'di dag rnams ni nges pa kho nar du ngu bar byas pa la dga' bar byed pa yin par rnal 'byor spyod pa des dri ma dang rnam par bral ba'i mig gis mthong ngo // de dag rnams kyis ni shes pa yang ma yin te/ 'dus byas 'di dag rnams thams cad ni sdug bsngal gyi bdag nyid yin no// thams cad kyang 'dzad cing 'god pa'i chos can gyi yin no// snying po med dang sgron ma med pa yin no/ / 'di dag rnams la ni mthar thug pa'i bde ba yod pa ma yin no// shis pa ma yin zhing zhi ba yang ma yin no// sems can 'di dag rnams thams cad kyi srog dang lang tshe dang / nad med dang / phun sum tshogs pa dang / 'di dag rnams thams cad kyang bde ba ma yin zhing gtsang ba ma yin la/ mi rtag pa/ bdag med pa/ snying po med pa/ lbu ba rdos pa dang chu'i chu bur lta bu yin te/ gson pa rnams ni thams cad kyang 'chi ba'i mthar thug par 'gyur ba yin la/ phun sum tshogs pa rnams thams cad kyang rgud pa'i mthar thug par 'gyur ba yin no/ / gnas de dag ni dmyal ba dang / yi dgas dang / dud 'gro dang / mi rnams mi bslu ba yin no// dper na ji ltar nyi ma shar bar gyur pa de ni

  1524. 386a

    nges par nub par 'gyur ba yin no/ / de kho na bzhin du skyes pa rnams ni nges par 'chi bar bya ba yin no// yang ji lta ji ltar sa gni gzhon zhing lang tsho la bab par gyur na// ljon shing dang / nags dang / nye ba'i nags dang / ne'u gsing dang bcas par 'gyur ro// sa gzhi de brnyings par gyur na/ ljon shing dang / nags tshal dang / nye ba'i nags dang / mtshe ru dang / pad+ma dang bcas pa rnams kyang de ltar 'gyur ro// de kho na bzhin du so ka'i dus su lang tsho la bab pa rnams ston ka'i dus su rnyings par 'gyur ba dang / gzhon pa rnams thams cad kyang rgas pa'i mthar thug par 'gyur ba 'di byang phyogs sgra mi snyan pa'i mi rnams kyis go ba yang ma yin no/ / yang ji lta ji ltar mtshan mo char bab par gyur na chu klung rnams phun sum tshogs par gyur te/ char bab pa'i dbang gis ngos gnyis kar yang mang du 'bab par gyur ro// phun sum tshogs par gyur pa rnams kyang ston ka zad pa dang 'grib pa'i sgo nas chu chung bar 'gyur ro/ / de kho na bzhin du dbyar gyi mtshan mo char 'bab par gyur pa dang mtshungs pa ni phun sum tshogs pa rnams yin no// dbyar gyi char 'gags par gyur nas ston gyi dus na chu klung rnams zad cing 'grib pa'i sgo mas mtshungs pa ni rgud pa rnams yin no/ / dgun gyi dus na nad med pa ma yin pas bur ba rnams dang mtshungs pa ni phun sum tshogs pa rnams

  1525. 386b

    yin no/ / 'di lta ste/ phyi rol gyi dngos po pad+ma rnams kyang so ka'i dus na rgyas par 'gyur zhing nad med dang bung pa rnams kyis kyang sten par byed do// dgun gyi dus na ni kha ba dang bad dag gi bung ba rnams kyang na bas mi sten no/ / so ka'i dus kyis pad+ma de kho na bzhin nad med pa yin no// dgun gyi dus dang mtshungs par gyur pa ni nad med pa ma yin pa'o// de bzhin du sems can 'di dag rnams kyang sred pas shin tu rnam par nyams par gyur nas bdag nyid kyi rgud pa rnams ni gtan rig par mi 'gyur ro/ / des mtho bar brtsegs pa'i ri'i nags dang / 1 ba'i nags dang / ljon shing 'bab chu dang / khrus kyi rdzing bu dang / ne'u gasring dang / rig pa 'dzin pa dang / ri dgas dang / bya ba dang / ri khrod dang / chu ba shal dang bcas pa rnams la legs par bltas par gyur pas kyang yang dag pa ji lta ba bzhin du phyi rol la yang dag par lta bar byed do/ / gzhan yang rnal 'byor spyod pa phyi rol gyi lus kyis lus la rjes su lta zhing gnas pa na/ des thos pa las byung ba'i shes rab kyis sam/ lha'i mig gis byang phyogs sgra mi snyan na dga' ba dang / dga' ba'i rigs su gyur pa dang / dga' ba'i ri'i 'phreng ba 'dzin pa zhes bya ba gzhan yod pa mthong ngo / / ri bo de ni rnam par bkra ba'i 'phreng ba rnams 'dzin pa yin pas/ dmar po dang / sngon po dang / dkar po dang / mthing kha dang /

  1526. 387a

    ser po dang / rnam pa sna tshogs pa rnams 'dres pa'i mdog gi kha dog dang yang ldan pa'i ljon shing gi rigs rnams yod do// 'di lta ste/ sta ba ka'i shing dang / mya ngan med pa dang / gser gyi lo ma dang ldan pa dang / 'khri shing gel bas g.yogs par gyur pa rnams so// 'di lnga ste/ shin tu grol bar gyur pa'i 'khri shing rnams dang / dga' ba'i lo ma dang / rlung gi shugs kyis rab tu g.yo ba'i lo ma rnams so// 'di lta ste/ shing ni rtsu la dang / bai DUR+Ya'i 'dab ma dang / chu la skyes pa dang rnams so// 'di lta ste brgya la cung zad dang / bi dru ma'i 'dab ma dang / nyi ma mthong bas dga' bar 'gyur ba rnams so// 'di lta ste/ ti la kA sa dang / zla ba'i 'od kyis dga' ba dang rnams so// 'di lta ste/ ku mu ta'i tshogs dang / nyi ma 'pho ba dang rnams so// 'di lta ste/ dus su 'dod pa dang / zla ba phyed pa dang bcas pa na dga' ba dang rnams so// 'di lta ste/ ut+pa la mtshan mo dga' ba'o/ / 'di lta ste/ ban dU dzI ba'i kA dang / de'i rjes thogs pa la 'bras bu 'byung ba dag go/ 'di lta ste/ a mra dang / du ba'i dris lhag par bsgos pa dag go/ 'di lta ste/ mya ngan med sngon po dang / reg par bzod pa dag go/ 'di lta ste/ kun dA dang / shin tu 'jam pa rnams so// 'di lta ste/ shi ri ShaH dang / gom pa bor bar bzod pa dag go/ 'di lta ste/

  1527. 387b

    sems pa dang dro bas dga' bar 'gyur ba'i dri'o// 'di lta ste/ kung ku ma dang / ku su maHdang / yul gzhan du rnam par rgyu ba rnams so// 'di lta ste/ ko bi dA rA dang / bzang po mthong ba dag go/ 'di lta ste/ yid bde ba dang lha'i skye bo rnams dga' ba'o// 'di lta ste/ ni ya ut+pal dang / pad+ma dang / pad+ma mtsho skyes dang / dus thams cad kyi me tog can rnam so/ / 'di lta ste/ seng ge swa prA dang / ka dam pa dga' ba dag go/ 'di lta ste/ rgyus dga' bar 'gyur ba dang / rkang pa'i mthil gyis brgyab pas me tog 'byung ba'o// 'di lta ste/ mya ngan med pa dang / rang bzhin gyis dri dang / kha dog rnams dga' bar gyur pa'o// 'di lta ste/ a Ta ka dang ste/ de ltar de dag rnams ji ltar gtso bor gyur pa'i ljon shing me tog gis byuphyug pa rnams yongs su bsgrags pa yin te/ me tog gi ljon shing gi rigs nyi shu rtsa gnyis yin te/ 'phreng ba 'dzin pa'i ri bo'i nye 'khor rnams na phan tshun du bskyod pas lo 'dab rnams 'khril bar gyur pa'i ljon shing rnams yin no/ / bung ba'i rigs kyi tshogs rnams kyis nye bar gang ba yin te/ bung ba de dag rnams kyang la la bai DUR+Ya'i mdog yin no// la la ni gser gyi mdog go/ kha cig ni dbub gyi mdog tu rnam par snang ngo // kha cig ni gur kum gyi mdog go// kha cig ni sngon po'o// kha cig ni rnam par 'dres par gyur pa'o// kha cig ni mtsho

  1528. 388a

    la rgyu ba'o/ / kha cig ni ljon shing la rgyu ba'o// kha cig ni shing gel ba las rgyu ba'o// kha cig ni thams cad la rgyu ba'o// bya rnams kyang kha cig ni gser 'bab pa'i lus dang dngul gyi mdog gi sgro'o/ / kha cig ni dngul gyi lus la gser gyi sgo'o// kha cig ni bi dru ma'i lus la bai DUR+Ya'i sgo'o// kha cig ni bai DUR+Ya dang 'dra bar gyur pa'i lus la in+d+ra nI la'i sgo rnams so// kha cig ni shel gyi mdog gi lus la sgo rnams gser gyi sgo'i rang bzhin no/ / kha cig ni rin po che gsum gyi lus su gyur pa 'di lta ste/ lus ni gser gyi mdog go/ sgro rnams ni dngul gyi mdog go/ rgyab ni bai DUR+Ya'i mdog go// kha cig ni rin po che bdun gyi mdog gis bya rnams la 'di lta ste/ an+d+ra nI la dang / ma ra ta dang / shel dang / mu sa ra garba dang / bi dru ma dang / su ku mu ri kA dang / pad+ma rA ga'i mdog rnams so// de ltar rang gi las kyi rnam par bkra ba'i lus can rnams yin te/ gzugs rnam pa du mar gyur pa'i bung ba rnams dang / bya rnams kyang rnam pa sna tshogs pa'i sgo dang ldan pa dang / rjes su 'thun pa rnam pa sna tshogs pa'i skad rjod par byed pa yin no// las sna tshogs pa rnams kyis lus rnam par bkra bar gyur pa yin no/ / kha dog dang 'phreng ba dang ldan pa'i me tog du ma rnams 'byung ba yang 'di lta ste/ gzugs du ma rnam yin no// skyes bu rnams kyis rang gis las byas par gyur pa'i rang bzhin

  1529. 388b

    ji lta ba bzhin no/ / ljon shing rnams kyang gzugs dang dri sna tshogs pa yin zhing / byang phyogs sgra mi snyan pa rnams kyi dbang gi shing rgyan rgyu dang / rdo ba dang / chu klung dang / khrus kyi rdzing bu rnams kyang rnam pa du mar dga' bar gyur pa dang / yid la smon pa bzhin du rnam par bkra ba yin te/ sngon legs par byas pa'i las rnams kyi rgyu mtshan gyis rin po che rnams dang yang ldan pa dang / zas skom gyi chu bo rnams kyis rnam par brgyan pa dang / shing ljon shing dga' bar gyur pa dang / sa'i nye 'khor gyi cha de dang de dag rnams byang phyogs sgra mi snyan pa'i skyes bu rnams rtse dga' bar byed do/ / 'phreng ba 'dzin pa'i ri nye 'khor rnams na rab tu gnas pa'i skyes bu gang yin pa de dag rnams la rtag tu 'gying bag can zhes bya ba'i ming 'byung bar 'gyur/ ro// 'phreng ba 'dzin pa'i nye 'khor gang la skyes bu gang dag 'gying bar byed pa de ni 'gying bag can yin te/ ji ltar yongs su 'dus brtol gyi rtsa ba na lha rnams kyi dbyar zla ba bzhi po rnams ma gtogs pa dang / b+ha rnams la mig 'dzum pa med pa dang / sha dang / rus pa dang / chu ser dang / pags pa med pa rnams dang / 'di dag rnams ma gtogs pa rnams dang / byang phyogs sgra mi snyan gyi skyes bu rtag tu 'gying bag can rnams ni thams cad kyang mtshungs pa yin no/ / gzhan yang rnal 'byor spyod pa pa las dang chos la yang dag par kun tu lta bar byed de/

  1530. 389a

    sems can de dag rnams ni rgyags pa rnam pa gsum gyis rgyags par gyur nas legs par spyod pa rnams spyod par mi byed do// 'di lta ste/ gzugs kyis rgyags pa dang / yang tshe'i rgyags pa dang / gson pa'i rgyags pa rnams kyis rgyags par gyur pa'i phyir na/ lus kyis legs par spyad pa rnams mi spyod do// ngag gis legs par spyad pa rnams mi spyod do/ / yid kyis legs par spyad pa rnams mi spyod do// legs par byas pa'i las kyi lhag ma rnams kyis lha rnams su skye'o// lha'i 'jig rten de las shing bos par gyur nas dmyal ba dang / yi dgas dang / dud 'gro dang / mi rnams su skye bar 'gyur te/ gang gi phyir sred pa ni dug gi mchog zas dang 'dres pa yin pa'i phyir sems can rnams la mchog tu rtsub pa dang / 'ching ba dang / mchog tu nyam nga ba yin no// des bcings pa'i phyir na sems can 'di dag rnams kyi ni nges pa kho nar sngon gyi mtha' dang / phyi ma'i mtha' dag kun tu mi shes pa yin no/ / mngar ba'i mchog tu gyur pa la 'bras bu rtsub pa 'dod pa rnams thams cad ni kim pa ka smin pa dang 'dra ba dang / sa 'og gis zhags pa dang 'dra ba yin pa de dag sems can gyis ma rig go/ ga yang dang 'dra ba dang thams cad kyang rnam par 'bral ba dang / 'chi ba'i sdug bsngal ba dang / sdug bsngal rnams la yang dpe med pa yin no// ri chen po'i 'bab chu'i shugs ltar g.yo ba

  1531. 389b

    yin pas lang tshe yang 'di na rtag ma yin te/ brtan pa dang yongs su mi 'gyur ba'i chos can gyis gnas skabs gcig kyang 'gro ba lnga na yod pa ma yin no// 'di ltar nyes pa byas pa las// kyi 'khor lo'i rlung gis yang dang yang du 'khor bar gyur tu zin kyang srog chags 'di dag rnams ni skyo ba yang skye bar mi 'gyur ro// 'phreng ba 'dzin pa'i ri dang nye 'khor gyi skyes bu rtag tu 'gying bag can rnams la yang yang dag par bltas par gyur pas kyang yang dag pa ji lta ba bzhin du phyi rol gyi lus la lta bar byed do/ / gzhan yang rnal 'byor spyod pa phyi rol lus kyis lus la rjes su lta zhing gnas te/ byang phyogs sgra mi snyan na ri'i rigs su gyur pa 'am/ chu klung gi rigs su gyur pa 'am/ khrus kyi rdzing bu'i rigs su gyur pa'am/ gang yin pa de dag dpa' ba dang / shin tu dga' pa dang / mchog tu dga' bar gyur pa gzhan dag zhe na/ de thos pa las byung ba'i shes rab kyis sam/ lha'i mig gis mthong bar gyur pa byang phyogs sgra mi snyan na shin tu dga' bar gyur pa'i ri'i rigs gzhan dag kyang yod do/ / 'di lta ste/ dus na dga' ba zhes bya ba'i ri bo rgyar dpag tshad stong yod pa/ mthor dpag tshad sum cu par gyur pa'o// de la yang dus drug po 'di dag rnams nyid rtag tu nye bar gnas pa yin te/ 'di lta ste/ dgun stod dang / dgun smad dang / sos ka dang / dpyid dang / dbyar dang / ston la sogs pa'o//

  1532. 390a

    ri de la yul phyogs 'di dag dang / dgun stod ni gang dag yin zhing de la yang dgun stod skye ba'i ljon shing gi me tog rab tu rgyas pa gang rnams yin zhe na/ de la dgun s+ho/ skye ba'i ljon shing gi rigs rnams ni 'di lta ste/ sA ri shing kA na dang / khro ba dang / bad kyis rgas pa dang / bung ba bgrod par byed pa dang / nges par dri zhim pa dang / myu gu med pa dang tsakra bA kAs rjes su sgra sgrogs pa dang / mchog tu dga' bar gyur pa'i me tog dang / klu phun sum tshogs pa dang / zab mor skyes pa dang / ni tan tan dang / mchog tu khrod pa dang / nyi ma dang bcas pa dang / me tog bco lnga po de dag rnams ni dgun stod kyi dus su ste/ dgun stod skye ba rnams yin no// dus na dga' ba'i ri bo'i yul phyogs gnyis pa la ni dgun smad kyi dus su 'byung ba rnams yin no/ / de la me tog gi rigs 'di dag rnams dus su dga' ba'i ri la dgun smad kha 'bye ba yin te/ byang phyogs sgra mi snyan rnams kyi ri la byang phyogs sgra mi snyan rnams kyi dbang gis 'bras bu yin no/ / dus na dga' ba'i yul phyogs gzhan la ni so ka'i dus su 'byung bar 'gyur te/ de la me tog gi rigs ni 'di dag rnams yin no// 'di lta ste/ shin tu dbye ba dang / pad+ma dang / kur ba kang dang / dri mang ba dang / bung ba 'khor ba dang / sa ma ma ta dang / mya ngan med dang / king shu ka dang / mya ngan med sngon po dang / 'grib pa med pa'i

  1533. 390b

    dri dang / ku mu da dang / a mra De kang dang / klung du skye ba dang / ldan pa dang / ni tsi ta dang / la mra dang / bAn ta ti kang dang / me tog la bya dga' ba dang / rtag tu me tog kha bye ba dang / 'dab ma stong pa dang rnams yin no// nyi shu po 'di dag rnams ni so ka'i dus su yin te/ yu ti ka dang dus su rgyu ba'i me tog gi rigs rnams kyang yin no// dus su dga' ba'i ri'i yul phyogs gzhan la ni dpyid kyi me tog gi rigs 'di dag rnams 'byung ngo / / 'di lta ste/ tsam pa ka dang / su ma na sa dang / gser gyi yu ti ka dang / dus na rgyu ba dang / du bas grol ba'i dri dang / pad+ma dang / bung pa gnas pa dang / pa sa sam dang / shI ta ti dang / a mrang dang / dri mnyam pa dang / dri rtag pa dang / zangs kyi ro dang / rlung gi 'debs pa dang / 'dab ma brgya pa dang / ta mi'i ro dang / nyi ma byed pa dang / tsu lA lan dang / ti la'i dngos po'i mdog dang / byis pa'i me tog dang / dza ti la dang rnams te/ me tog gi rigs nyi shu po de dag rnams ni dpyid kyi dus na 'byung ste/ byang phyogs sgra mi snyan pa rnams kyis legs par byas pa'i las kyi dbang gis dus na dga' ba'i ri bo la dpyid kyi dus na yin no// dus na dga' ba'i ri'i sa phyogs gzhan dag rnams la ni ri dbyar gyi me tog 'di dag rnams 'byung ste/ 'di ltar yang ke ta ka dang / ku Ta dzang dang / brgya 'gro ba dang / sa la 'gying zhing dga' bar gyur pa

  1534. 391a

    dang / da ri'i 'phreng ba dang / rdo las skyes pa dang / ka dam pa la dga' ba dang / ngang pa 'khor ba dang / me tog dri zhim pos dga' ba dang / zangs kyi ro dang / sa li la dang / tsan tra di ka dang / klung du skyes pa dang / rtse mo mthong ba dang rnams te/ ston kyang me tog gi rigs nyi shu po de dag rnams 'byung ba yin no// de la dus na dga' ba'i ri bo la de ltar de dag rnams dus drug tu yin zhing nye 'khor rnams na yang dus kyis 'khor lo ste/ de dus de dag rnams kyi de sred du byang phyogs sgra mi snyan rtag pa kho nar dga' bar gyur pa'i me tog dang / 'bras bu dang / drudu ma'i 'bras bu dang / ljon shing dang / khrus kyi rdzing bu dang / chu klung gi ngos rnams kyis kyang dus su dga' ba'i ri bo de ltar dga' bar gyur pa yin no// de bzhin du gzhan dag rnams kyang dus rnams la de ltar yin pa ni sngar bzhin no/ / dus na dga' ba'i ri'i nye 'khor na gnas par gyur pa'i skyes bu de dag rnams ni da ri ring ba zhes bya ba'i ming du 'gyur ro// gzhan yang rnal 'byor spyod pa las kyi chos la kun tu lta bar byed de/ ji ltar sems can 'di dag rnams sngon legs par byas pa rnams zad par byed pa yin pa dang / gsar pa rnams kyang mi byed pa yin la/ de dag rnams ni so sor mngon par shes par yang ma yin no/ / ji ltar dus tshod kyi 'khor lo rnams 'khor bar gyur pa'i dus na skyes bu 'di dag rnams kyi tshe kun nas gcod par byed pa yin no// dus kyi mes tshe'i

  1535. 391b

    shing rnams sreg par byed do/ / dus kyi rdo rjes tshe'i tog rnams 'joms par byed do// dus kyi seng ges skyes bu ri dga' rnams rab tu bcom nas za bar byed do// 'chi bdag gi dus ni chu bo dang mtshungs pas skyes bu'i ljon shing rnams mngon par bsdus shing bskyed nas 'joms par byed do/ / dus ni spyang ku dang mtshungs pa dang sbrul dang mtshungs pa'i phyir na/ skyes bu rnams gsod par byed do/ / 'chi bdag ni glang po che dang 'dra bas rtsa ka ta pa dang mtshungs pa'i kham gyi mid par byed do// 'chi bdag ni rlung dang mtshungs pas skyes bu'i ljon shing rnams rtsa ba nas 'gyel bar byed do// skye bo rnams thams cad kyis kyang spang ba mi nus pa'i 'chi bdag gi 'jigs pa de dag rnams skyes bu rnams kyis ci'i phyir kun tu ma gtogs pa yin/ gang gis lang tsho la bab pa rnams thams cad la yang co 'dri bar byed pa dang / stobs rnams thams cad 'jig par byed pa dang / skye bo rnams thams cad kyi bzhad gang du byed pa'i rgas pa yang mthong ba ma yin na rten nyam chung bar byed pa dang / mig dang / rna ba dang / s+thA dang / lce dang / lus dang / yid rnams dang nye bar 'gal bar byed pa dang / kha chu rnam par 'dzag par byed pa dang / sgur por byed pa dang / 'akram pa dang / so dang / thod pa dang / tshigs pa dang / gnad dang / rgyus pa rnams nyams par byed pa dang / 'gro ba dang 'ong ba'i gnas rnams la gegs byed pa por gyur pa/ yang tshol bab pa

  1536. 392a

    rnams thams cad la 'gran zlar gyur pa/ yang tshol bab pa rnams thams cad kyang kha nyen pa'i sar gyur pa/ 'chi bdag rgyal po'i grong khyer du 'jug par byed pa po/ dga' stobs dang spro ba rnams 'jig par byed pa po/ / sgyu snyoms dga' bar gyur pa'i sa pa/ snabs dang / gcin dang / rtug pa rnams mang bar gyur pa/ rtag tu yang mal stan la lhag par snyom las su byed pa por gyur pa/ sems can bag med pa 'di dag rnams kyis ci'i phyir ma mthong / gang gas tshe 'dzag par gyur ba'i nad kyi 'jig pa yang nges par 'dzag par gyur pas shin tu nye/ par gnas pa yin te/ des ni khams rnams 'khrug par byed pa dang / dbang po rnams thams cad kyang longs spyod par byed pa dang / rgyus pa dang / rkang mar dang / bcud dang / bgra ba dang khrag dang / sha dang / tshal dang / rus pa dang / kha chu dang rnams thams cad kyang kun skams par byed pa dang / khu ba rnams thams cad kyi 'gran nga ba'i dgrar gyur pa dang / langs par bya ba dang / legs par 'dug pa yang mi bzod pa sman pa dang / sman pa la bltos nas bzlog par bya ba bza' ba dang / btung ba dang / bldag pa dang / myang bar bya ba la sogs pa rnams thams cad kyang mi gtsang ba lta bur gyur pa/ rid pa dang / nyam chung ba dang / gnyid phal che bar 'gyur te/ pags pa dang / rus pa tsam dang / skye bo thams cad rang gi skye bo dang / grogs

  1537. 392b

    po dang / nye 'brel dang / bu dang chung ma dang bcas pa 'chi bdag dang 'dra ba'i sdug bsngal gang yin pa'i nad kyi 'jig pas bdag nyid bying bar 'gyur bar rtog pa yin no// rnal 'byor spyod pa de skyes bu bag med par gyur pa de dag rnams la rjes su brtse bar 'gyur ro/ / brtse bar gyur pas kyang 'di'i tshangs pa'i gnas kyi spyod yul du gyur pa rnams la 'di lta ste/ byams pa dang / snying rje dang dga' ba'o/ / de ltar rnal 'byor spyod pa des byang phyogs sgra mi snyan pa'i skyes bu bag med pas gnas par gyur pa'i sems can rnams la rjes su brtse bar byed do// 'khor ba'i bdag nyid ni shin tu dman pa yin par mthong ngo / / lbu ba dang chu'i chu bur lta bur gyur pa'i lus la kun tu lta bar byed do// sgyu ma lta bur gyur pa'i rnam par shes pa la ye shes kyis kun tu lta bar byed do// rmi lam gyis nad dang 'dra bar gyur pa'i phun sum tshogs pa rnams la kun tu lta bar byed do/ / nges par kho nar yang yid 'byung bar 'gyur ro// gzhan yang rnal 'byor pa phyi rol gyi lus kyis lus la rjes su lta zhing gnas te/ byang phyogs sgra mi snyan na ri'i rigs sam/ chu klung gi rigs sam/ ljon shing gi rigs su gyur pa dga' ba dang / shin tu dga' ba dang / mchog tu dga' bar gyur pa ci zhe na/ des thos pa yas byung ba'i shes rab kyis sam/ lha'i mig gis mthong bar gyur pa byang gi sgra mi snyan ri gzhan kun dga' ba 'dzin pa zhes bya ba dpag tshad stong

  1538. 393a

    yod do/ / ri kun dga' ba 'dzin pa'i nye 'khor na ni/ rgyu 'thun pa zhes bya ba'i nags dpag tshad rdza pa yod do// nags den ni 'byung grangs rnams thams cad dang ldan no// de la 'byung khungs 'di dag rnams yod de/ 'di lta ste/ gser gyi 'byung khungs dang / dngul gyi 'byung khungs dang / zangs kyi 'byung khungs dang / chang gi 'byung khungs dang / sbrang rtsi'i 'byung khungs dang / ro drug gi 'byung khungs dang rnams te/ 'byung khungs de dag dang gzhan dag rnams kyang de dag la yod pa yin no// rgyu 'thun pa'i nye 'khor rnams ni dga' bar gyur pa yin te/ gang la bai/ DUrluR+Ya dang mtshungs par gyur pa'i ljon shing rnams la ni me tog gi 'khri shing rnams kyis yongs su bskor bar gyur pa dang / gser gyi 'dab ma'i rdzing bu rnams kyi ni dngul gyi yu ba can yin no// dngul gyi 'dab ma la ni gser gyi yu ba can yin no/ / gser dang dngul gyi 'dab ma rnams la ni bai DUR+Ya'i yu ba can rnams te/ nyi ma shar ma thog ltar dmar ba'i pad+ma rnams kyis khyab par gyur pa'i pad+ma'i rdzing bu de dag rnams la bya sna tshogs pa rnams kyis nye bar mdzes pa'o/ / 'di lta ste/ ngang pa dang / khrung khrung dang / ba kai dang / mtsho'i khrung khrung dang / ka dam paHdang / ri dgas kyi mgrin pa dang / chu bya dang / ma ta b+ha ba u0f7ftha bA dang / tsakra bAHka dang / bA lu kA dang / ar+yAHdang / sA ra sI dang / bi la lAHdang / dus su rjod par byed pa dang / uShApa rib dang /

  1539. 393b

    mtshan mo rgyu ba dang / pad+ma'i rdul la dga' ba dang / sin d+ha'i rlabs dang / rlabs las skyes pa dang ste/ bya'i rigs nyi shu po de dag rnams pad+ma'i rdzing bu de na yod do// rgyu 'thun pa zhes bya ba'i rnas kyi nye 'khor de las shin tu 'das nas kun dga' ba 'dzin pa'i ri'i phyed du 'gyur ba na dpag tshad brgya yin te/ de la 'od ma'i klung na nges par gnas zhes bya ba'i skyes bu rnams yod do// gang dag gser gyi rang bzhin du gyur pa'i ljon shing gi tshogs na de dag glu len par byed pa na yang nam mkha' gnas nas lha'i bu mo rnams kyang nyan par byed do/ / chu klung dang / mtsheru dang / nye ba'i nags dang / bya rnam kyang phun sum tshogs par gyur pa ni yul 'di la yang sngar gyis bzhin no/ / gzhan yang rnal 'byor spyod pa pas sems can rnams kyi las kyi rnam par smin pa rnams yang dag par rjes su mthong ste/ sems can 'di dag rnams ni du bar byar yod pa la glu len par byed do// ci'i phyir 'di dag rnams ma mthong ba yin no// bag med pas rnam par rgyu ba'i phyir dmyal ba pa rnams su ni du bar 'gyur ba yin na/ kun tu go ba dang ma yin no// sred pa'i zhags pa'i 'ching bas bcings par gyur pa'i sems can rnams kyis lus dang / ngag dang / yid kyis nyes par spyod pa gang yin pa de rnam byed do/ / de'i rnam par smin pa rnams ni rtsub pa yin pas dmyal ba dang / yi dgas dang / dud 'gro rnams su skye bar 'gyur ro// las rnams ji lta ba bzhin du nye bar 'gro ba yin pas yang

  1540. 394a

    sos dang / thig nag dang / bsdus 'joms dang / ngu 'bod chen po dang / tsha ba dang / rab tu tsha ba'i dmyal ba rnams su ngu ba dang / lhang kyog rnam pa sna tshogs// pa rnams kyis mngon par 'joms par byed do// 'dod pa'i sgra dang / reg bya dang / ro dang / gzugs dang / dri'i sred pa rnam pa lngas kun nas nye bar bcings nas sngon gyi mtha' dang / phyi ma'i mtha' la sems can gyis rgya mtsho 'khor ba yin no// de ltar rnal 'byor spyod pa pas 'od ma'i klung la nges par gnas pa'i skyes bu rnams la kun tu bltas par gyur pas kyang yang dag pa ji lta ba bzhin du phyi rol gyi lus la lta bar byed do/ / gzhan yang rnal 'byor spyod pa phyi rol gyi lus kyis lus rjes su lta zhing gnas te/ byang phyogs sgra mi snyan na dga' ba 'am/ ches dga' bar gyur pa gzhan ci zhe na/ des thos pa las byung ba'i shes rab kyis sam/ lha'i mig gis mthong bar gyur pa byang phyogs sgra mi snyan na ri gzhan yang yod de/ yid kyis rjes su 'thun pa zhes bya ba'i ri dpag tshad ni stong du gyur pa yin no/ / ri de'i dga' bar gyur pa ni mi 'am ci mo rnams kyis rtag pa kho nar glu len par byed pa yin te/ ri'i rtse mo rnams dang / nags rnams dang / nye ba'i nags rnams dang / ring ngos rnams dang / ri phug rnams dang / rdzing bu rnams dang / shing ke ta ka'i nags rnams dang / klu'i nag kyi nang rnams dang / nA ri ke la'i nags rnams dang /

  1541. 394b

    shing pa na sa'i nags rnams dang / khu ru ra'i nags rnams dang / a mra'i nags rnams dang / chu shing gi nags rnams dang / gser gyi dpal 'bras kyi shing gi nags rnams dang / ka bid ta'i nags rnams dang / rma bya'i nags rnams dang / khu byug gi nags rnams dang / ne tso'i nags kyi nang rnams dang / chu klung dang / khrus kyi rdzing bu dang / nye ba'i nags rnams dang / pad+ma'i tshal rnams dang / ut+pa la'i tshal rnams dang / sin du ba ra'i nags rnams dang / grub pa'i nags rnams dang / rtswa ta'i nags rnams dang / ku ra ra'i nags rnams dang / gson pa gson pa'i nags rnams dang / tan Ta'i nags rnams dang / rdzing bu dga' bar gyur pa rnams la thams cad kyang rin po che'i sgra snyan pa yang dag par ldan pa skye bo rnams thams cad kyi rna bar yang snyan par 'gyur ba/ sred pa'i zil gyis mnan nas gyur pa'i byis pa'i blo can rnams la yang slar yang brgya 'gyur du sred pa'i me kun tu 'bar ba 'gyur bar mi 'am ci mo rnams kyis glu len par byed do/ / de dag gi sgra dbyangs kyis ri dgas rnams kyang sgra 'byin par byed do// lhan cig spyod par gyur pa'i bya'i tshogs rnams kyang lhan cig tu rtse dga' bar byed do// bdud rtsir rtag tu rung ba'i 'bras bu rnams kyang legs par med par byed do/ / bung ba rnams kyang rtsi dag 'thung bar byed do// rig pa 'dzin pa rnams dang lha'i bu mo rnams kyang nam mkha' la 'dug

  1542. 395a

    nas nyan par byed do/ / de ltar yid kyi rjes su 'thun pa'i ril mi 'am ci mo de dag rnams kyis glu dga' zhing snyan pa yin no// ri de'i nye 'khor rnams na yang bain+d+haR+Ya'i rang bzhin dang / gser gyi brag dang / dngul gyi rdo dang / bi dru ma'i ljon shing dang / mu tig gi bye ma dang / byu ru'i rkang bu rnams dang / shel gyi rdo ba dang / dung gi rkang bu 'jam po rnams dang / gser gyi pad+ma'i rdzing bu rnams la ngang pa rnams kyis nye bar mdzes par byas pa dang / lus rin po che rnam pa sna tshogs pa las grub pa'i ri dgas rnams dang / ko ka la'i sgra dang bcas pa'i nags dang / rma bya dang / shang shang te ru gyis sgra rnams snyan pa rnams dang / khrus kyi rdzing bu na bung ba'i sgra snyan par gyur pa rnams te/ de ltar yid kyi rjes su 'thun pa'i ri'i dga' ba yin no/ / skye bo rnams thams cad kyi mig dang rna bar sdug cing snyan pa yin no// thams cad du yang rab tu dga' ba dang / rgod pa dang / rol pa dang / rtse bar byed pa dang / yongs su spyod pa dang / mi pos mos dang / bya'i tshogs rnams kyis kyang yid bde bar byed pa yin no// ri rab lhun po gnyis pa lta bur gyur pa dpag tshad nyis stong 'phang du'o// mtho ba'i yid kyi rjes su 'thun pa'i de'i 'od kyis dpag tshad nyis stong du mdog skya bor byed do/ / bai DUR+Ya'i 'od kyi gzi brjid kyis gser gyi mdog dang / ljon shing sngon po rnams kyang nye 'khor bcom nas ri skya bor byed do// dper na

  1543. 395b

    ri rab lhun po'i gser mdog bzang po'i gzi brjid kyis rtswa rnams thams cad kyang gser bzhin du 'gyur ro/ / 'di lta ste/ yid kyi rjes su 'thun pa'i ri'i gzi brjid kyis kyang thams cad skye bor 'gyur ro/ / ri dgas dang / bya dang / chu dang / mchi'u dang / chu klung dang / ljon shing dang / pad+ma rnams kyang phun sum tshogs pa ni r-i 'dri la yang sngar gyi bzhin no// ri bo yid kyi rjes su 'thun pa'i nye 'khor na skyes bu dag rab tu gnas pa de dag rnams ni skye bor snang ba zhes bya ba'i ming du 'gyur ro/ / skya bor snang ba'i skye bo rnams ni gzi brjid che ba dang / gzugs chen po dang ldan pa dang / mchog tu dga' ba dang / mchog tu mdzes pa dang / me tog gi 'phreng ba dang / phye ma dang / dri dang / byug pa dang / rgod pa dang / 'gying bag dang / gar dang / glu dang rol mo'i sgra dang rnams la dga' bar gyur pa dang / phan tshun phrag dog pa dang / ser sna'i dri ma rnams nye bar bcom pa dang / bdag gi ba med cing nga rgyal med pa dang / skya bor snang ba'i skyes bu rnams thams cad nyid kyang 'phreng ba dang / phye ma dang / dri dang / byug pa rnams kyis yus brgyan pa yin no// rnam pa sna tshogs pa'i rol mo'i sgra dang / glu dang / dri za'i sgra rnams kun tu rjod par byed pa'i chos dga' bar 'gyur ba rnams kyi thams cad nyid dga' bar byed do/ / yid la smon pa'i kun tu bsam pa rnams kyang gang dang gang dag yid la sems par byed pa de rnams

  1544. 396a

    kun de dag las 'byung bar 'gyur te/ 'di lta ste/ ma btags pa'i gos rnam pa sna tshogs pa dang / rnam pa sna tshogs pa'i do shal rnams dang / de la 'os par gyur pa'i rnam pa sna tshogs pa'i rgyan rnams dang / nyal ba 'am/ rab tu sad par gyur pa na yang thos na dga' bar 'gyur ba/ yid du 'ong ba las kyang yid du 'ong bar gyur pa'i sgra ma 'dres pa rnams rnam pa sna tshogs pa'i bya brgya stong du ma rnams kyis sgrogs par byed do/ / rigs brgya phrag du ma'i pad+ma'i rdzing bu rnams kyis dri zhim po rnams kyang rtag tu snom par byed do/ / skya bor snang ba'i skyes bu rnams kyis de ltar bzang po'i las kyi 'bras bu sprul pa'i bde ba nyams su myong bar byed do// de bzhin du dman pa dang / bar ma dang / mchog tu legs par byas pa rnams kyang yin no/ / gzhan yang rnal 'byor spyod pa pa las kyi rnam par smin pa la rjes su lta bar byed do// kye ma ji ltar na sems can 'di dag rnams kyis legs par byas pa'i las zad pa rjes su ma mthong ba yin/ 'di dag rnams kyis mngon sum du ma gyur pa yin nam zhe na/ ji ltar skye ba'i sdug bsngal ni dang po nyid du ma dang pha gnyis kyi khu/ dang khrag de dag gnyis kyis mi steng par gyur pa'i gcin gyis nang du gsus pa'i smad kyis rus pa'i rang bzhin gyi rnam pa zhing gi gdub kor lta bu'i mngal du skye ba rnam par shes pa'i sa s

  1545. 396b

    kye'o/ / de yang las kyis rlung gis bu snod kyi bskor bar gyur pas nyi ma bdun pa la mer mer por 'gyur ro// srog gcod pa spangs nas mer mer po gyur pa de la gnas pa na yang rnam par/ shes pa'i mi 'pho'o// nyi ma bdun pa gzhan la ni gor gor por 'gyur ro// rnam par shes pa yang las dang nyon mongs pa dang bcas pa'i dbang gis de nyid ma rmongs pas gnas so// de la gnas pa nyid kyang nyi ma bdun yin te/ nyi ma bdun na sha'i gong bur 'gyur ro// gcin dang rtug pa'i tshogs rnams kyang ma'i gsus pa'i smad du yin zhing / gang dang gang dag ma'i bya bar gyur pa lus rnam par bskyod pa dang / zas kyis byas pa rnams rung ste/ de dang de dag rnams nyid kyi 'di gzir bar 'gyur ro// ji ltar gtun shing gi bu ram gyis shing 'tshir bar byed pa de lta mngal na gnas pa 'tshir bar byed do/ / gzhan yang las kyi rlung gi sha'i gong bu drad par gyur par sbom por 'gyur ro// de las ni rdog rdog lnga 'byung bar 'gyur te/ rkang pa gnyis kyi dang / lag pa gnyis kyi dang / mgo'i'o// gzhan yang las kyi rlung gis bskor bar gyur pas mngal nas skye ba na ma'i gsus par 'byung bar 'gyur la/ de las kyang lte ba'i bu gu 'byung bar 'gyur ro/ spu gu de ni ma'i mkhal ma'i nang nas 'byung bar 'gyur ro// gang yang grang ba dang / dro ba dang / ro bzang ba dang / ro ngan pa rnams kyang rung ste/ mas zas zos pa'i ro yang de yang de la r+tha/

  1546. 397a

    gu de nas 'jug go// lte ba nas zas kyi ro gang yin pa des mngal na gnas pa 'di kun tu 'tshe bar byed do// de ltar mngal gyis byas pa'i shin tu sdug bsngal ba dang / khyad par du brtsog pa rnams nyams su myong bar 'gyur/ de gal te mngal na gnas pa na dus byed par ma gyur na ni gcin dang khrag gis gnas skabs na gnas pa na/ de la thams cad rdzogs par gyur nas zla ba bcu na zur ma mig gi nang nas 'dren pas/ bur shing ltar yan lag dang nying lag thams cad 'tshir bar gyur pas ma'i skye gnas nas 'byung ba yin no// skyes nas kyang rlung dang tsha bas reg par gyur pas sdug bsngal gyi mchog rnams nyams su myong bar 'gyur ro// skyes par gyur nas kyang mas 'di bor nas gar 'dod par kun tu rgyu bar 'gyur// ro// de yang bdag nyid kyi mtheb mo nu bar byed de/ de las 'o ma 'byung bar 'gyur ro// des kyang bdag nyid 'tsho bor 'gyur ro// de ltar dus de nyid kyi tshe na byis pa yin te/ lhags pas ni lang tsho la reg par 'gyur ro/ / de dag rnams ni dus kyi rlung gis nges par btab pa yin na/ des na sems can de dag rnams las kyis bgo skal la spyod par byed pa dang / las kyis skye gnas par gyur pa dang / las brtan par byas pa rnams yin te/ dge ba'am mi dge bar gyur pa rnams kyang rung ste/ ji ltar las byas par gyur pa'i las de dang de dag rnams kyis

  1547. 397b

    skal ba can du 'gyur ba yin no/ / 'on kyang skyes bu de dag rnams kyis ni las dang rnam par smin pa rnams mngon sum du mthong ba yang ma yin no// kye ma kyi hud bag med par rnam par rgyu ba'i sems can 'di dag rnams ni shin tu sdug bsngal ba yin te/ gang gi phyir sdug bsngal gyis mchog tu gyur pa'i ljon shing rnams kyis rtsa ba yang skye ba yin no// skye ba yod par gyur na tsha ba dang / grang ba dang / ltogs pa dang / skom pa dang / ngal ba dang / nyam chung ba dang / mi mthun pa dang phrad pa dang / mthun pa bral ba dang rgas pa dang / rgud pa'i tshor ba rnams kyang 'byung bar 'gyur ro/ / 'khor ba na sdug bsngal phul du 'byung bar gyur pa na skyes pa yin no// 'khor ba 'di ni phun sum tshogs pa dang rgud pa'i phyang mo nyug pa la zhon pa yin no// 'khor ba 'di ni mi rtag pa dang / sdug bsngal ba dang / stong pa dang / bdag med pa yin no// ji ltar ri rnams dang / nags dang / shang shong dang bcas pa rnams dang / nags dang / nye ba'i nags dang / chu klung dang / ljon shing dang / bya dang / me tog dang / 'bras bu dang / ri'i khrod dang / ga yang ka dang / rin po che dang 'di dag rnams kyang med par 'gyur ba yin na/ byang phyogs sgra mi snyan pa'i skyes bu 'di dag rnams kyis ci'i phyir na ma go/ mya ngan dang bral bas 'gyur ba dang / dus kyis mtha' la ni thams cad kyang thal bar 'gyur ro// byang byog

  1548. 398a

    #/ sgra mi snyan gyi gling 'di yang stongs par 'gyur ro// skyes bu 'di dag rnams thams cad kyang dus byas par gyur nas/ grwa'i 'jig rten du mngon par 'byung bar 'gyur/ de nas 'di dmyal ba dang / yi dgas dang / dud 'gro rnams su skye bar 'gyur te/ rang gi las kyis bgo skal la spyod pa yin pa'i phyir ro// de ltar rnal 'byor spyod pa pa des las kyi 'dras bu rnam par smin pa rnams rjes su mthong bar gyur pa na skya bor snang ba'i skyes bu rnams la rjes su brtse ba skye bar 'gyur ro/ / 'khor ba'i bdag nyid ni ngan pa yin par mthong ngo // gzhan yang rnal 'byor spyod pa phyi rol gyi lus kyis lus la rjes su lta zhing gnas te/ gzhan yang byang phyogs sgra mi snyan na dga' ba 'am/ ches dga' bar gyur pa yod dam zhe na/ des thos pa las byung ba'i shes rab kyis sam/ lha'i mig gis mthong bar gyur pa pad+ma ku she sha ya dang ldan pa zhes bya ba'i ri'o// pad+ma ku she sha ya dang ldan pa zhes bya ba'i ri dpag tshad stong du gyur pa la chu bsil ba dang ldan pa zhes bya ba'i pad+ma'i rdzing bu dpag tshad lnga brgya pa yod de/ gser gyi kha dog dang ldan pa'i pad+ma khyab par gyur pa 'dam med pa bung ba dang / ngang pa dang / ka ran Ta ba dang / tsakra bA ka rnams kyis nye bar mdzes par byas pa yin no// pad+ma'i rdzing bu de na yang lha'i me tog pad+ma ku she sha ya dang / lba'i man+da ra ba dang / ku su ma dang / ljon shing dang / me tog

  1549. 398b

    dang / 'azas pa dang / rgarmya dang / barbad dang / bya dang / nags dang / nye ba'i rnams dang / rdzing bu dgar 'ar gyur sa rnams dang / bsil bya'i rnarnams ni sngar ci bzhin no// pad+ma ku she sha ya dang ldan pa'i ri'i phyed du gyur pa dpag tshad lnga brgya la mchog tu dga' bar gyur pa'i gzhal yas khang stong phrag brgyad cu rtsa bzhi yod do// 'di lta ste/ gser dang dbul gyi rang bzhin rnams la ni gser gyi stegs bu dang ldan no/ / shel gyi rang bzhin rnams la ni bai DUR+Ya'i stegs bu dang ldan no// bai DUR+Ya'i rang bzhin rnams la ni shel gyi stegs bu dang / ldan no// in+d+ra nI la'i rang bzhin rnams la ni mu sa ra ga lpa'i stegs bu dang ldan no// mu sa rag lba'i rang bzhin rnams pa ni in+d+ra nI la'i stegs bu dang ldan no// de bzhin du phan tshun du rnam pa sna tshogs pa'i stegs bu rnams kyis legs par brgyan pa dang / dril bu g.yer ka'i dra bas kun tu g.yogs pa dang / glu dang / gar dang / rgod pa dang / rnga sgra rab tu sgrogs par byed pa dang / rtag tu dka' bar gyur pa dang / rgun 'bru'i chu klung rnams kyis yongs su bskor ba dang / nags dang nye ba'i nags rnams kyis legs par khyab par gyur pa yin te/ dper bya ba na g+ha rnams kyi grong khyer brta na sdug dang / lha rnams kyi 'dun sa na chos bzangs kyis gzhal yas khang rnams yin te/ de kho na bzhin du pad+ma ku she sha ya dang ldan pa'i ri

  1550. 399a

    gzhal yas khang stong phrag brgyad cu rtsa bzhi yin no/ / nags dang / nye ba'i nags dang / rdzing bu dang / ljon shing dang / 'bras bu phun sum tshogs pa rnams ni sngar gyi bzhin no/ / pad+ma ku she sha ya dang ldan pa'i ri'i nye 'khor na skyes bu gang dag gnas pa de dag rnams ni rnam par bkra ba zhes bya ba'i ming du 'gyur ro// de dag rnams ni rtag tu rgod pa dang // 'gying ba dang / rtsa ba dang / gar dang / rol mo'i sgra dang / zas dong / skom dang / 'khrig pa la dga' ba rnams yin no// gzhan yang rnal 'byor spyod pa pa las kyi chos kyis rnam par smin pa rnams la rjes su lta bar byed de/ phan tshun rnam par 'bral ba las byung ba'i sdug bsngal sems can 'di dag rnams kyis ci'i phyir ma mthong na/ sems can rnams 'di dag rnams thams cad kyi sdug pa dang / yid du 'ong ba rnams thams cad kyang tha dad du 'gyur ba dang / med par 'gyur ba dang / rnam par 'gyes pa dang / rnam par 'bral ba dang / gzhan du 'gyur ba yin no// sems can 'di dag rnams thams cad ni 'thun pa dang / yid du 'ong ba rnams thams cad dang yang tha dad dang med pa dang / rnam par 'thor ba dang / gzhan du 'gyur ba rnams 'byung bar 'gyur ro// las kyis ji lta ba bzhin du nye bar 'gro ba yin te/ dge ba'i las rnams kyis ni lha dang mi'i nang du'o// mi dge ba'i las rnams kyis dmyal ba dang / yi dgas dang / dud 'gro rnams su'o// de

  1551. 399b

    pa rnam par bkra ba'i gzugs dang ldan pa de dag rnams ni bag med par gnas pa yin pas 'dod pa'i sgra dang / reg bya dang / ro dang / gzugs dang / dri rnams kyis kyang ngoms pa med pa dang sred pas rnam par chags pa dang / sred pa'i dbang du gyur pa dang / sred pa'i chu bos khyer bar gyur pa dang / 'dod chags kyi mes sreg par byed pa/ gti mug gis mun par nub par bying ba'i phyir na/ zad pa dang 'grib pa'i bdag nyid rnams mi shes so// lang tsho la bab pa rnams gog por byed pa'i phyir na rgas pa ni shin tu 'jigs pa yin no// rang gi skye bo dang / grogs po dang / gnyen 'brel rnams thams cad dang bral bar byed pa'i phyir rgol ba'i 'jigs par gyur pa/ gson pa'i ljon shing sreg par 'gyur zhing / sems can rnams thams cad kyis nags lhag ma ma lus par sreg par 'gyur bas 'chi ba'i me nges par 'ong bar 'gyur ro/ / de dag ni mthong ba yang ma yin no// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ ri bcus yongs su bskor bar gyur pa'i byang phyogs sgra mi snyan 'di lta ste/ sAng kA sha dang / rwa mnyam pa dang / ri dgas kyis sgra dul ba dang / sprin dkar po 'dzin pa dang / mtho bar brtsegs ba dang / nye 'khor 'brang ba dang ldan pa dang / dus na dga' ba dang / kun dga' 'dzin pa dang / yid kyis rjes su 'thun pa dang / pad+ma ku she sha ya dang ldan pa 'di dag rnams la/ nges par sar+tha

  1552. 400a

    can 'di dag rnams las gang gis skyes pa yin zhe nA/ das thos pa las blang ba'i shes rab kyis sam/ lha'i mig gis mthong bar gyur pa sngar bzhin du sems can de dag rnams ni dge ba'i las rnams la kun tu byung ba yin no/ / dge ba'i las rnams kyis mtha' la spyod par gyur pa yang srog gcod pa dang / ma byin par len pa dang / 'dod pa la log par g.yem pa rnams rab tu spangs par gyur cing / chang dang / bcos pa'i chang dang / myos par 'gyur ba bag med pa'i gnas rnams kyang rab tu spangs pa dang / 'dir dge ba rnam pa bcu'i las kyi mtha' la spyad pa yin no/ / de dag rnams ni dge ba de'i las rnams kyi rkyen gyis skyes pa yin no// gzhan yang rnal 'byor spyod pa las dang / chos dang / rnam par smin pa rnams la rjes su lta bar byed de/ las gang dag gis skyes bu de dag rnams kyi drung dang skyes bu gzhan dag rnams kyi drung na yang gzugs kyis tshad dang / stobs dang / brtson 'grus dang / dbyibs rnams ches khyad par du 'phags pa'i skyes bu gzhan yod dam zhe na/ des thos pa las byung ba'i shes rab kyis sam/ lha'i mig gis mthong bar gyur pa sems can de dag rnams ni yang dag pa'i lta ba mngon du byas pa g.yo ba med pa dang / gzhan la gnod par mi byed pa dang / drang po dang drang po'i rang bzhin can dang / nges par gyur pa dang nges pa'i rang bzhin can dang / chos pa

  1553. 400b

    dang chos kyi rjes su 'jug pa dang / chos dang ldan pa'i skyes bu rnams dang lhan cig 'grogs par byed pa rnams ni rgyu de rkyen de las lus zhig par gyur nas/ bde 'gro mtho ris kyi 'jig rten ba lha rnams kyi nang du skye bar 'gyur te/ rgyal chen ris bzhi dang / sum cu rtsa gsum pa rnams su'o// de las shi 'phos par gyur nas kyang 'dir skye bar 'gyur ro// 'di las shi 'phos par gyur nas kyang der skye bar 'gyur ro/ / gzhan yang rnal 'byor spyod pa pa las kyi chos kyi rnam par smin pa rnams la lta bar byed de/ las gang gis sems can de dag rnams ches khyad par du 'phags pa yin na/ des thos pa las byung ba'i shes rab kyis sam/ lha'i mig gis mthong bar gyur pa de rnams ni thams cad kyis kyang sngon mi 'jigs pa'i sbyin pa rab tu byin par gyur pa yin te grong khyer gyi lho phyogs kyi sgor khrid par gyur pa'i sems can shin tu skrag pa rnams la srog gi sbyin pa byin pa yin la/ rgyab tu lag pa dam por bcings shing dur khrod du kha phyogs par gyur nas gsod pa'i rnga pa TA hAHbrdungs par gyur cing / gshed ma'i mi gtum po phyi bzhin du rjes su 'brang bar gyur la srog gi sbyin pa byin pa yin no// rgyu de dang rkyen de las kyang lus zhig par gyur pa na bde 'gro mtho ris kyi 'jig rten pa lha rnams kyi nang du skye bar 'gyur te/ rgyal chen ris bzhi dang / sum cu rtsa gsum dang / 'thab bral ba rnams su'o// gzhan yang rnal

  1554. 401a

    'byor spyod pa pa phyi rol gyi lus kyis lus la rjes su lta zhing gnas te/ sems can de dag rnams kyis legs par byas pa'i las gang gis sems can de dag rnams ches khyad par du 'phags pa dang / mchog tu khyad par dga' ba dang / gzugs bzang ba dang / rdzu 'phrul che ba'i mchog tu gyur pa dang / skye bo rnams thams cad kyis mchod par byed yin zhe na/ des thos pa las byung ba'i shes rab kyis sam/ lha'i mig gis mthong bar gyur pa sems can de dag rnams ni sngon theg pa chen po la dad pa'i nor dang ldan pa'i ngang tshul can dang theg pa chen po sgrogs pa la dga' bar gyur pas yin no/ / gzhan yang sangs rgyas kyis gsungs pa'i nyan thos kyi chos 'dul ba dag nyan par byed cing / sangs rgyas kyis gsungs pa'i gtam rgyud rnams kyang 'dzin par byed do/ / rjod par byed do// de sangs rgyas kyis gsungs pa'i chos kyi tshig gcig thos par gyur pa'i rgyu de dang rkyen de las kyang rgyal por 'gyur ba yin te/ gli bzhi la longs spyod par byed pa'i 'khor lo sgyur bar 'gyur ro/ / de las shi bar gyur nas lha rnams su skye bar 'gyur te/ gcig gnyis gsum bzhi lnga drug bdun bldabs shing gling bzhi la longs spyod par yang 'gyur ro/ / de las shi 'phos nas kyang lha rnams su skye bar 'gyur te/ 'dod pa na spyod pa'i lha rnams kyi nang du skye bar 'gyur ro// 'di lta ste/ rgyal chen ris

  1555. 401b

    bzhi'i dang / sum cu rtsa gsum dang / mtshe ma dang / dga' ldan dang / 'phrub dga' dang / gzhan 'phrul dbang byed do// lha'i rigs de dag rnams las shi 'phos par gyur nas 'di skye ba yin te/ 'di na yang byed pa dang ldan pa'i yid kyis sgra dang / reg bya dang / ro dang / gzugs dang / dri rnams nyams su myong bar byas nas slar yang de dag tu skye bar 'gyur ro// phyis yang de nas shi 'phos par gyur pa na theg pa chen po nyan pa'i sa bon de nyid kyis bsam gtan dang po thob par 'gyur te/ de tshangs ris dang / tshangs pa mdun na 'don dang / tshangs pa chen po rnams su skye bar 'gyur ro/ / gzhan yang theg pa chen po thos par gyur pa de nyid dang / thos nas kyang rjes su spyod par gyur pa des bsam gtan gnyis pa thob par 'gyur te/ 'od chung dang / tshad med 'od dang / 'od gsal rnams su skye bar 'gyur ro// gzhan yang theg pa chen po thos par gyur pa'i sa bon de nyid dang / thos par gyur nas kyang rjes su spyod cing spyod pa la zhugs pas ni bsam gtan gsum pa thob par 'gyur te/ dge chung dang / dge rgyas dang / tshad med dge dang rnams su skye bar 'gyur ro// gzhan yang theg pa chen po thos par gyur pa'i sa bon de nyid dang byas shing rjes su spyod la rnam grangs kun chub par byas shing yongs su dri ba byas pas kyang bsam gtan bzhi pa thob par 'gyur te/ sprin med dang / bsod nams skyes pa dang

  1556. 402a

    'bras bu che ba rnams dang / chags pa med pa'i ye shes kyi mes kun nas nyon mongs pa'i ljon shing gi gnas rnams sreg par byed pa'i mi che ba dang / mi gdung ba dang / gya nom snang dang / shin tu mthong dang / 'og min gyis rnams su'o// gzhan yang theg pa chen po thos par gyur pa'i sa bon de nyid dang / thos par gyur nas kyang rjes su spyad cing spyod pa la zhugs pa dang / yongs su dri ba byas te/ sems can lta ba log pa rnams yang dag pa'i lta ba la bkod pa theg pa chen po thos pa'i sa bon de nyid kyis kyang srid pa'i btson ra rnams thams cad zad pa'i rang sangs rgyas su 'gyur ba 'am/ gzhan yang gal te bla na med pa yang dag par rdzogs pa'i byang chub kyi sems su yongs su smin par 'gyur ro// yang na gal te sems can rnams thams cad kyi bde ba 'byung bar 'gyur ba'i bla na med pa'i thugs rje chen po'i sems yongs su goms pa'i byang chub sems dpar 'gyur ro/ / theg pa chen po thos pa'i sa bon de nyid kyis de'i tshe byang chub sems dpa' chen po sangs rgyas su 'gyur te/ rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das su 'gyur ro/ / gang gi phyir theg pa chen po thos pa'i sa bon gyis rtsa ba yang sbyin pa dang / tshul khrims dang / thos pa rnams yin no//

  1557. 402b

    de ci'i phyir zhe na/ thos pas kyang theg pa chen po la rab tu gnas par 'gyur te/ rang byang chub tu yongs su spro bar byed dam/ nyan thos kyi byang chub tu yongs su sngo bar byed na yang nyan thos kyi byang chub tu yang 'gyur ro/ / dge slong ngam/ khyim pa rnams sbyin pa'i 'bras bu thos par gyur nas sbyin pa gtong bar byed do// tshul khrims kyi 'bras bu thos par gyur nas tshul khrims spyod par byed do/ / ye shes kyi 'bras bu thos par gyur nas ye shes goms par byed do// de'i phyir na mtho ris dang thar pa gnyis ka'i sa bon yang theg pa chen po thos pa yin no// de'i phyir 'di ni sbyin pa rnams thams cad kyi yang mchog yin te/ mi 'jigs pa dang / zang zing dang / tshul khrims kyi sbyin pa rnams las ni 'di lta ste/ theg pa chen po sgrog pa'i sbyin pa'o// tshul khrims rnams kyi yang 'di lta ste/ theg pa chen po nyan pa'i tshul khrims so// theg pa chen po ni nyan thos dang / rang sangs rgyas rnams thams cad dang / de bzhin gshegs pa rnams kyis yang skyed par byed pa po yin no/ / de'i phyir na theg pa chen po rtag tu mnyan par bya'o// gzhan yang rnal 'byor spyod pa pa phyi rol gyi lus kyis lus la rjes su lta zhing gnas te/ byang phyogs sgyu mi snyan gyi gling na ming cir btags pa'i yul ljongs gzhan yang gnas pa yin zhe na/ des thos pa las byung ba'i shes rab kyis sam/ lha'i mig gis mthong bar gyur pa dpag tshad nyes stong pa

  1558. 403a

    nye 'khor rnams kyis mig 'jig rten las 'das pa zhes bya ba ste/ de la yul ljongs 'di dag rnams yod do// 'di lta ste/ nam mkha' ring ba zhes bya ba dpag tshad sum brgya pa yod do/ / de'i nye 'khor rnams na skyes bu gang dag rab tu gnas par gyur pa de dag rnams ni gos kyis gnas pa zhes bya ba yin no// ljon shing dang / khrus kyi rdzing bu dang / me tog dang / 'bras bu dang / nye ba'i nags dang / shing gel ba dang / 'khri shing dang / chu klung rnams kyang phun sum tshogs pa ni la yang snga ma bzhin no// nam mkha'i ring ba las 'das par gyur nas gzhal du med pa zhes bya ba'i chu bo dpag tshad bdun brgya par 'gyur ba yod de/ chu klung dang / ljon shing dang / nags dang / nye ba'i nags dang / rdzing bu phun sum tshogs pa rnams ni sngar gyi bzhin no/ / gnal du med pa'i chu bo'o nye 'khor na yul ljongs lnga gnas so// 'di lta ste/ dbu rgyan 'dzin pa dang / pa la sha yis kun tu khyab pa dang / 'phreng ba gnas pa dang / rmya bya'i sgra dang / kAr na'i mtha' na gnas pa'o// dbu rgyan 'dzin dpag tshad phyed dang nyis brgya yin no// pa la shas kun tu khyab pa dang / 'phreng ba gnas pa gnyis ni dpag tshad phyed dang nyis brgya yin no// khri'i sgra ni dpag tshad brgya yin no// ka ra na'i mtha' na gnas pa ni dpag tshad yin no// gnyis pa yang de la dpag tshad brgya phrag bcur gnas te/ dpag tshad brgya ba dang / dpag tshad brgya

  1559. 403b

    yin no/ / 'di lta ste/ kun T+wAM ga ti na gnas pa dang / dri rgyu ba dang / nag po gsus pa dang / mig la kun tu rgyu ba dang / ri'i klung na kun tu spyod pa dang / gru gsum pa dang / kun nas zlum par skyes pa dang / gsus pa nyid dang / g.yogs pa dang tshogs pa'o// gzhan yang yul ljongs de dag rnams nyid la lta bar byed do// chu klung dang / shing ljon shing dang / rdzing bu dang / nye ba'i nags rnams kyang phun sum tshogs pa ni snga ma bzhin no// gling 'di ni gru bzhi pa yin te/ skyes bu rnams kyi bzhin yang de dang 'dra ba yin no// dper na gru gsum du gyur pa ni 'dzam bu gling ngo / / 'dzam bu gling gi skyes bu rnams kyi bzhin yang de 'dra ba yin no// de bzhin du byang phyogs sgra mi snyan pa rnams yin no// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ des brag dang / nags dang / rdzing bu dang / me tog gi nye bar len pa rno ba'i me tog rnams dang / 'bras bu phun sum tshogs pa rnams la bltas par gyur pas kyang yang dag pa ji lta ba bzhin du phyi rol la kun tu lta bar byed do/ / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ byang phyogs sgra mi snyan pa dang / ba lang spyod pa gnyis kyi bar na gzhan rgya mtsho'i rigs su gyur pa 'am/ ri'i rigs su gyur pa yod dam zhe na/ des thos pa las byung ba'i shes rab kyis sam/ lha'i mig gis mthong bar gyur pa byang

  1560. 404a

    phyogs sgra mi snyan dang / ba lang spyod pa dag gi byang phyogs na nye 'khor gyis mig ces bya ba rgya mtsho dpag tshad stong phrag bcu pa yod do// nye 'khor du dpag tshad gcig dang gzhan dpag tshad gnyis pa'o/ / gzhan yang sa 'og gis klu mnga' byed pa'i dbang gis chu'i mig yod do// nye 'khor gyi mig gis rgya mtsho de las 'das par gyur nas rtsed mo'i 'phreng ba zhes bya ba'i ri gzhan dpag tshad stong phrag bcu pa yod de/ klu rnams kyis dbugs kyis sregs pas rtse mo mig rtsi ltar nag pa yin no// rtsed mo'i 'phreng ba'i ri de las 'das par gyur nas dung gi sgra si mi si mi zhes bya ba'i rgya mtsho dpag tshad stong phrag bcu thams cad kyang gang bar nya dang / nya chen po dang / rus sbal dang / chu srin na kra dang / chu srin ma ka ra dang / nya phyis dang rnams kyis kun tu gang bar gyur pas mchog tu bgrod dka' ba blta bar 'jigs pa gang la longs spyod dang ldan pa'i klu nges par gnas pa yin te/ khro bas gzir ba khro ba 'byin par byed do// dung gi sgra si mi si mi'i rgya mtsho de las ring du 'das nas chus khyab pa zhes bya ba'i rgya mtshod pa ba stong phrag bcu pa yod de/ gang gi sa rnams rlung gis dpag tshad bcu 'am/ dpag tshad nyi shu 'am/ dpag tshad sum cu yang lhag par byed do/ / chus khyab par byed pa'i rgya mtsho de las ring du 'das nas mu tig gi shu ka te zhes bya ba'i gling mu tig gis kun tu gang bar gyur pa yod de/ klu dang nya rnams shi bar gyur pa/

  1561. 404b

    de la rlung gis chu gyen du btab pas mu tig 'dren no// de ni dpag tshad stong pa yin no// mu tig gis shu ka ti'i gling de las 'das par gyur nas rin po che'i grog po zhes bya ba'i ri dpag tshad stong phrag lnga pa yin te/ rin po che bdun gyis rtse mo dang ldan zhing bai dUR+Ya dang dor bu mang bar gyur pa ri rab lhun po gnyis pa ji lta ba yin no// rin po che'i grog po'i ri de las 'das par gyur nas dpag tshad nyis stong du de la me tog gi nags dang / rnam pa sna tshogs par dga' bar gyur pa rnams yod do// de las 'das par gyur nas legs par zos pa zhes bya ba'i ri dang tshad lnga stong ngo / / de la gsar gyi pad+ma'i rdzing bu na tsakra bA sgra snyan par 'byin par byed do// king shu ka'i nags tshal de las 'das par gyur nas ri dang / chu klung dang / ljon shing dang rgya mtsho dpag tshad stong phrag bcur gser dang 'dra ba'i chus gang bar gyur pa yin te/ ri rab lhun po 'od kyi gser gyi mdog gi chu zhes bya ba yin no// 'phang du dpag tshad lnga brgya'o// ba yang spyod ces bya ba'i gling dpag tshad dgu stong pa yin te/ grong 'bum phrag bcu dang / grong khyer stong gis gang bar gyur pa'o// grong gi mgo bor gyur pa ni bcu gnyis pa yin no// grong khyer gyi gtso bor gyur pa yang lnga brgya yin no/ / de la ji ltar 'dzam bu gling na ba tA li bu tras mgo drangs par gyur pa'i grong khyer gsum gyis lhag pa'i rgya yin no// de bzhin du ba lang spyod na yang A

  1562. 405a

    b+hA ku Ta chen pos mgo drangs par gyur pa'i grong khyer lnga brgya pa yin no/ / A b+h+ra ku Ta'i grong khyer yang dpag tshad bcu gnyis pa ste/ lam srang dang / khang bzangs kyis bad kyi rim pa dang / sgo mdo'i khyams dang / rta babs kyis legs par gang ba yin no// ba lang spyod kyi gling gi dbus kyi grong khyer gyi gtso bo rnams kyang 'di lta ste/ rta babs brgya pa dang / sa gzhi bsta bas dga' ba dang / dri ma med par gsal ba dang / gang ka ra dang / de lta bu'i la sogs pa'i grong rnams yin no// dbus kyi grong khyer gyi gtso bo rnams kyang 'di lta ste/ bya ba med pa dang / sems song ba dang / kun tu nyams pa'i stobs kyi mtha' dang / a Ni ra'o// yul ljongs kyi gtso bo rnams la 'di lnga ste/ 'dzam bu'i gling na ka shi dang / ko sha la dang / ma ga d+haH'o/ / de bzhin du ji ltar nub kyi ba lang spyod kyi gling gi gtso bor gyur pa'i yul ljongs rnams 'di lta ste/ mi thi lo'o zhes bya ba'i yul ljongs dang / ta Na Ti zhes bya ba'i yul ljongs dang / tsatu ro zhes bya ba'i yul ljongs dang / kor na To zhes bya ba'i yul ljongs dang / sems kyis dri ma zhes bya ba'i yul ljongs dang / ri rab tu rgyu ba zhes bya ba'i yul ljongs dang de dag rnams ni sngar yul ljongs kyi gtso bor gyur pa rnams yin no/ / ba yang spyod kyi yu la ldangs rnams thams cad bsdus par gyur na ni yul nyi shu rtsa lnga yin no// ji ltar 'dzam bu gling gi yul TI

  1563. 405b

    bco brgyad bzhin no/ / ba yang spyod kyi gling na chu bo chen po lnga yin no// 'di lta ste/ yangs pa can dang / tsun tsun pa ba tI dang / zla ba'i shugs dang / chu bzang po dang / kun tu 'dres pa'o/ / dper na 'dzam bu gling gi chu bo chen po bzhi bzhin te/ 'di lta ste/ gang gA dang / ya mu nA dang / bak+Shu dang / si ta'o// nub kyi ba lang spyod kyi gling gi ri chen po lnga la 'di lta ste/ nA To TI na dang / rA gsum pa dang / nor bu'i rta babs dang / ba ra ba brgya pa dang / rtsub pa dang rnams so// ji ltar 'dzam bu gling na ri chen po rnams 'di lta ste/ gangs can dang / 'bigs byed dang / ma la ya dang / ke la sa ra dang rnams bzhin te/ 'di ltar ba lang spyod kyi gling gi mtsho chen po ni gsum yin no// 'di lta ste/ gam bi ra dza yang dang / bar med dang / gam bi ro dkar rnams te/ ji ltar 'dzam bu gling gi ma dros pa dang / ma pham pa dang mtsho chen po gnyis bzhin no// gzhani rnal 'byor spyod pa phyi rol gyi lus kyis lus la rjes su lta zhing gnas te/ nub kyi ba lang spyod pa'i mi rnams ci la nyo btsong du byed na/ des thos pa las byung ba'i shes rab kyis sam/ lha'i mig gis mthong bar gyur pa de dag rnams pa lang la nyo btsong du byed pa dang / gling 'di'i nye 'khor rnams ni ba lang gis yongs su gang ba yin te/ mi rnams thams cad kyang nu ma gsum pa yin no// ji ltar 'dzam

  1564. 406a

    bu'i gling gi bud med rnams zla ba bcun bu skye ba de bzhin du/ ba lang spyod kyi gling na yang 'o ma rab tu 'bab pa yin la/ chu klung dang / nags dang / nye ba'i nags dang khrus kyi rdzing bu dang / me tog gis kun tu khyab pa dang / 'bras bu rnams ni 'dzam bu gling na ji tsam pa de tsam kho na yin no// 'on kyang 'di dag gi 'bras bu rnams ni 'dzam bu'i gling gi re'i byed yin no/ / me tog gi dri rnams kyang 'dzam bu'i gling gi phyed do// gzhan yang rnal 'byor spyod pa phyi rol gyi lus kyis lus la rjes su lta zhing gnas te/ las kyi rnam par smin pa gang gis ba yang spyod kyi gling gi mi de dag rnams skyes pa yin zhing dman pa dang / bar ma dang / chos dman pa'i cha yin zhe na/ des thos pa las byung ba'i shes rab kyis sam/ lha'i mig gis mthong bar gyur pa skye ba gzhan dag tu tshul khrims zhan par 'gyur zhing sbyin pa zhan pa dang / las dang / chos zhan pa rnams kun tu spyad par gyur pa rnams yin no// ji ltar tshul khrims zhan pa yin zhe na/ 'dir skyes bu de dag rnams ni skye ba gzhan du dbul por gyur pas de dag rin thang byas pas bsnyen gnas pa la nye bar gnas pa dang / sangs rgyas dang / chos dang / dge 'dun la yang rgyal po'i chad pas spyi bos phyag 'tshal bar byed kyis/ rab tu dang bar gyur pas ni ma yin no// sbyin pa yang ma gtang ngo // rgyal po'i zhabs 'bring byed pa'i phyir sam/

  1565. 406b

    bsgom pa yang ma yin no// sangs rgyas kyi bka' yang ma yin no// rgyal po'i zhabs tog byed pa'i don gyis sam/ 'dod che ba 'am/ log par lta ba can dang / zhing ngan pa can la byin pa 'am/ dge ba bcu'i las kyi lam rnams rnyog pa med pa dang / dus su ring du ma spyad pa de dag rnams 'dzam bu'i gling nas 'chi 'phos par gyur nas/ las kyi rkyen gyis 'dir skyes pa yin te/ ro phyed du gyur pa'i zas dang ldan zhing / dge ba dang / mi dge ba'i las kyi 'bras bu rnams mngon par mi shes pa dang / blo dman par gyur pa dang / rnam par shes pa nyam chung ba dang / bud med la brkam zhing chags pa yin te/ sngon gyi las de dag rnams kyi sa bon gyi rkyen gyis yin no// sems can 'di dag rnams ni rang gi las nyid kyis 'gro ba yin/ zhing / las kyi bgo skal la spyod pa dang / las brtan par byas pa dang / las kyi skye gnas pa rnams yin no// ji ltar las byed par 'gyur ba dge ba 'am/ sdig pa yang rung ste/ de dang de dag nyid kyis las rnams kyi skal ba can du 'byung bar 'gyur te/ mi dge ba'i las kyis mtha'i las rnams la spyod par gyur na ni/ dmyal ba dang / yi dgas dang / dud 'gro rnams su skye bar 'gyur ro/ / sa bon dang 'dra ba'i las rnams dang 'dra ba'i 'bras bu rnams yin te/ dper na ko dra ba'i sa bon las ni ko dra ba'i 'bras bu skye'i/ khre rgod kyi 'bras bu ni ma yin

  1566. 407a

    no/ / nas kyi sa bon rnams las ni nas kyi 'bras bu'o// de bzhin du yon tan dman pa dang zhing dman pa rnams las kyang 'bras bu dman pa rnams skye'o// de bzhin dus bon bzang po rnams las ni 'bras bu bzang po rnams skye'o/ / dper na 'bras sha li dmar po rnams las ni 'bras bu sha li dmar po rnams so// mon sran sde'u rnams las ni mon sran sde'u rnams so/ / bur shing rnams las ni bur shing rnams so// zhing dang yon tan gyi khyad par rnams las ni 'bras bu bzang po rnams khyad par du 'byung ngo // 'di lta ste/ yon tan yod pa dang / sdug bsngal yod pa dang / gnyis ka yod pa rnams so// de la yon tan yod pa nyid ni bar ma yin no// yon tan dang sdug bsngal yod pa ni khyad par can no// sdug bsngal 'ba' zhig yod pa ni chung ngu yin te/ sems kyis yon tan rnams ma gtogs pa yin no// 'di ltar phyi rol gyi rnams la yang zhing rnam pa gsum ste/ chu bal gyis ma bcom pa ni bar ma yin no// rtswa dang chu ba la rab tu phal che bar gyur pa dang / chu dang chom rkun pa'i 'jigs pa dang rnam par bral ba ni khyad par du 'phags pa yin no// rtswa sdum dang / chu bal gyis nyams par byas pa dang / chu'i skyon dang / 'jig pa dang / chom rkun gyi 'jigs pa dang ldan par brjod pa rnams ni chung ngu yin te/ zhing yas pa rnams kyis yongs su sbyang bar byas pa'i las rnams ni ma gtogs so// de la nang gi

  1567. 407b

    bdag nyid dang phyi rol gyi dngos po de dag rnams kyang las kyi bgo skal la spyod pa dang / las brtan par byas pa dang / las kyi skye gnas pa yin te/ gzhan gyi stobs dang bcas pa yin/ zhing phan tshun gyi rkyen can du gyur pa dang / phan tshun skyed par byed pa yin no// de la nub kyi ba lang spyod pa'i skyes bu de dag rnams ni rnyog pa dang bcas pa'i las kyi 'bras bu rnams la spyod pa yin te/ rnyog pa dang bcas pa'i las rnams kyis 'dir skyes pa yin no// gzhan yang shi 'phos par gyur nas rang gi las kyi rlung gis 'khor bar yongs su 'khor bar 'gyur ro// rnal 'byor/ spyod pa pa des phyi rol gyi las dang chos rnams yang dag pa ji lta ba bzhin du mngon par rtogs nas/ gzhan yang phyi rol gyi lus kyis lus la rjes su lta zhing gnas te/ nub kyi ba lang spyod kyi gling las 'das par gyur nas ri'i rigs sam/ chu bo'i rigs sam/ rgya mtsho'i rigs su gyur pa gzhan ci yod/ des thos pa las byung ba'i shes rab kyis sam/ lha'i mig gis mthong bar gyur pa nub kyi ba lang spyod dang / shar gyi lus 'phags po gnyis kyi gling dag gi bar na yod de/ nub kyi ba lang spyod kyi gling yas ni 'das par gyur nas skyo ma pa zhes bya ba'i rgya mtsho// na dpag tshad stong bcu gnyis pa'o// skyo ma dang 'dra ba'i chu gang yin pas gang bar gyur pa ste/ dung dang / nyadang / 1chen po dang / chu srin na kra dang / chu srin ma ka ra dang / rus sbal

  1568. 408a

    dang / chu srin byis pa gsad kyis yang phung por gyur pa yin no// skyo ma'i chu'i rgya mtsho de las 'das par gyur nas bi drung ma 'dra ba'i nye 'khor du dpag tshad rdzu brgya pa yod do/ / de la dug chen po'i sbrul rnams rab tu gnas so// de las 'das par gyur nas chu dron mo zhes bya ba'i rgya mtsho yod de/ sbrul de dag rnams kyi kha rlangs dron mo'i dug gis dron mor 'gyur ro/ / de la ni sems can gyi rigs cung zad kyang yod pa ma yin te/ sbrul dug can de dag gis dbugs 'byung bas dus byed par 'gyur ro// dug gi rang bzhin yin pas chu yang dron mor 'gyur ro/ / de las 'das par gyur nas chu dmar po zhes bya ba'i rgya mtsho dpag tshad lnga stong yod do// de la klu dang sa 'og na gnas par gyur pa'i lha ma yin rnams phan tshun du zhe sdang bar gyur pa zil gyis mnan nas zas zos par gyur pa dang 'khrug par byed do/ / klung na gnas pa'i klu stobs can de dag gis kyang lha ma yin de dag rnams kyi stobs mi 'phrogs so// de las 'das par gyur nas srin mo'i gling dpag tshad nyis stong pa yod do/ / ral pa can zhes bya ba'i srin mo de de la rab tu gnas pa yin no// dri dang me tog gi 'phreng ba khar 'jug cing za ba'i zas dang ldan pa mig btsum tsam gyi bar la dpag tshad stong du phyin par mgyogs pa mi rnams la lta bar byed pa dang / yid kyang rtag tu de la song bar gyur pa yin te/ sha dang / khrag dang / rus pa rnams kyi ni gling 'di ni dri mi

  1569. 408b

    zhim pa yin no/ / ral pa can gyi gling de las 'das par gyur nas sha za'i gling dpag tshad lnga stong pa yod do// de la sgras khyab pa zhes bya ba'i sha za rab tu gnas pa yin no// de las 'das par gyur nas gling gis legs par gang ba zhes bya ba'i ri dpag tshad lnga stong pa yin no/ / legs par gang ba'i ril ljon shing rnams kyis legs par gang ba la 'di lta ste/ shing nA li ke ra dang / pan sa dang / mo rtsa dang / hi na tA la dang / ta mA la dang / ra ga ta mA ya dang / ser po dang / seng ldeng dang / ti la ka dang / ardzu na dang / ka dam pa dang / nI ba dang / ni tsu la dang / tsam pa ka dang khardzu ra dang / a m+bu dang / pi tsu ma rda dang / ba da ri dang / ba TA dang / king shu ka dang / klu'i me tog dang / ka ma dang / mya ngan med dang / pi lin d+ha dang / ke d+ha ka dang / ke ta ka dang / kar rni kA ra shin tu lhag pa dang / mA li kA ga sar pa dang / pA tra la dang / kA pi da tha dang / dpal shing dang / lha shing dang / shug pa dang / ka ra wI ra dang / mya ngan med sngon po dang / ku ra ba ka dang / kun da rnams te/ phung por skyed pa'i ljon shing rnams kyis legs par gang ba dang / 'bab chu brgya phrag gis dga' bar gyur pa yin no// nags kyi khams rnams dang ldan pa'i nang de la ni dri za rnams rtse dga' bar byed do/ / legs par gang ba'i ri de las 'das par gyur nas rgya mtsho dpag tshad lnga stong du 'o ma'i chu zhes bya ba yin no// de la ni chu 'o ma dang 'dra ba

  1570. 409a

    yod de/ ro 'o ma dang mnyam pa yin no// bdag nyid kyis dngos po dpag tshad lnga par gyur pa'i nya 'ga' zhig rgyu bar byed pa yin no// 'o ma'i chu'i rgya mtsho de las 'das par gyur nas bye ma'i gnas skabs zhes bya ba'i dpag tshad stong du ljon shing gi ngam grog tu gyur pa yin no/ / de las 'das par gyur nas klu'i dug bcom zhes bya ba'i rgya mtsho dpag tshad drug par gyur pa gang la stobs bya ba'i klu rab tu gnas pa yin no/ / phan tshun du mi mthun par gyur pa rtag tu ma zhi ba la dga' ba yin no// phan tshun gyi klu'i dug bcom zhes bya ba'i rgya mtsho de las ring du 'das nas chu mnyam par gyur pa zhes bya ba'i rgya mtsho yod de/ dpag tshad nyis stong du chu brtan zhing gnas pa dang / chu rab tu dang ba zab mo yin te/ nya dang / chu srin ma ka ra dang / dung dang / chu srin byis pa gsod rnams kyis kun tu gang bar gyur pa yin no/ / gzhan yang las kyi chos kyis rnam par smin pa rnams shes pa'i rnal 'byor spyod pa des lta bar byed de/ ji skad du bshad pa'i rgya mtsho dang / chu bo dang / gling dang / nags dang / ri dang / ljon shing rnams dang / gnas de dag rnams gang la yang bdag cag ma skyes pa dang / ma shi ba dang / 'chi 'phos par ma gyur pa dang / skyes par ma gyur pa dang / 'thun pa dang / yid du 'ong ba rnams thams cad dang yang tha dad du gyur pa dang / med par gyur pa dang / bye bar gyur pa dang / bral bar gyur pa dang / gzhan du gyur pa

  1571. 409b

    dang / ldan par ma gyur pa dang / gang yang las kyi bgo skal las spyod pa ga/ las kyi skye gnas pa las brtan par byas pa/ rang gis las kyi 'bras bu myong bar gyur pas 'chi 'pho ba dang skye bar ma gyur pa de ni rgya mtsho'i yul phyogs sam/ ri'i yul phyogs ljon shing gi phyogs rnams la yang gcig kyang ma mthong ngo // lan brgya phrag dang / de nas stong phrag dang / lan stong phrag brgya dang / lan bye ba 'bum du yang gang la bdag cag rnams skyes pa dang / shi ba dang / skyes par gyur pa ma yin pa ni khab kyis phug pa tsam yang med do// 'thun pa dang yid du 'ong bar gyur pa rnams thams cad kyang tha dad du gyur pa dang / med par gyur pa dang / gyes par gyur pa dang / rnam par bral bar gyur par gzhan du gyur par ni lan brgya phrag dang / lan stong phrag dang / lan brgya stong phrag dang / bye bar gyur pa dang / brgya stong phrag tu 'gyur zhing / 'khor ba thog ma med pa nas 'dod chags dang / zhe sdang dang / gti mug gi zhags pas kun nas bcing nas 'khor ba yang dmyal ba dang / yi dgas dang / dud 'gro'i gnas rnams su skye ba dang / 'chi ba dang / skye bar 'gyur ba yin no// de'i phyir na myur ba myur bar 'khor ba las yid 'byung bar gyis shig/ 'khor ba la brkam par 'gyur zhing chags par 'gyur bar ma byed dang / 'khor ba 'di ni sdug bsngal ba yin no// tsha bar gyur pa'i tshor ba dang ldan zhing /

  1572. 410a

    rtsub par 'gyur ba'i tshor ba dang ldan pa yin te/ sdug bsngal dang lhan cig tu gyur pa'i tshor ba yin no// rga ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba mang ba yin no// ltung ba'i mtha' dang zad par 'gyur ba'i sgo yin no// 'di na ni shin tu phra bar gyur pa'i rtag pa dang / bde ba yang yod pa ma yin no// dper na nyi / ma la mun pa shin tu phra ba yang med do// de ltar rnal 'byor spyod pa de phyi rol gyi lus la lus kyis rjes su lta zhing gnas so// gzhan yang rnal 'byor spyod pa yang dag pa ji lta ba bzhin du phyi rol gyi lus rnams rig par byed da/ chu mnyam pa'i rgya mtsho de yas ring du 'das nas chu klung gi rigs su gyur pa 'am/ rgya mtsho'i rigs su gyur pa 'am/ ri'i rigs su gyur pa gzhan yod dam zhe na/ des thos pa las byung ba'i shes rab kyis sam/ lha'i mig gis mthong bar gyur pa shar gyi lus 'phags po zhes bya ba'i gling yod do// dpag tshad stong phrag brgyad pa nye 'khor yongs su zlum par gyur pa grong dang / grong khyer dang / tshong dus rnams phun sum tshogs pa dang / chu klung dang / ljon shing dang / nags dang / nye ba'i nags dang / khrus kyi rdzing bu dang / gling dang / ri dang / 'bab chu dang / shing tshang tshing rnams dkrig ka dang / ldan pa'i nags dang bcas pa dang / me tog dang / 'bras bu dang / ri dgas dang / bya rnams kyang phun sum tshogs pa yin no// de la ri drug po 'di dag rnams ni thams cad la che bar gyur pa yin te

  1573. 410b

    'di lta ste/ logs chen po dang / nags kyi 'phreng ba dang / rma bya'i tshogs dang / ri dwags kyi khrod dang / rgya mtsho'i gyen du 'gro ba dang / mig gi 'greng ba rnams so// ri de dag rnams kyis shar phyogs lus 'phags po'i gling yongs su bskor ba yin te/ 'dzam bu gling ri bzhis ji lta bar te sngar bzhin no// de la logs chen po'i ri rgyur ni dpag tshad sum stong yin te/ ri de la / dpag tshad stong stong gis nags gsum yod do// 'di lta ste/ su be lang gi nags dang / 'bab chu'i sgra dang ldan pa'i nags dang / mi li ka ga hA ri'i nags so// nags na ljon shing rnams phun sum tshogs par gyur pa la 'di lta ste/ lI li ka'i ljon shing dang / ri'i khrod nas skyes pa'i ljon shing dang / yal ga mnyam pa'i ljon shing dang / bgrod dka' bar gyur nas skyes par gyur pa'i ljon shing dang / klung na skyes pa'i ljon shing dang / ut+pa kha skyes pa'i ljon shing dang / ri drag na skyes pa'i ljon shing dang / 'dzam bu gling rnams kyis ljon shing dang rnams ni sngar bzhin no// ri chen po nye 'khor na skyes bu gang dag gnas pa de dag rnams ni me'i gtsug can zhes bya ba'i ming du 'gyur ro// chu klung yang 'di dag rnams yod do// 'di lta ste/ phyi ma 'grim pa dang / sA m+be TA dang / chu g.yo ba dang / klu'i chu dang / nags nas byung ba dang / tsang tsa dang rnams so// nags kyi 'phreng ba'i ri de'i tshad ni dpag tshad stong yin no// de la nags 'di dag rnams yod do//

  1574. 411a

    'di lta ste/ krug guT tsir dang / lga shing gi nags dang / tsi ri ka'i nags dang / dub pa dang / shin tu ma skyes pa dang rnams yin no// chu klung yang 'di dag rnams yod do/ / 'di lta ste/ 'khri shing gis g.yog pa dang / rtse mo la 'khor ba dang / chu nag po dang / lo ma shin tu 'phyang ba dang / du ba dga' ba dang rnams so// ri'i nags kyi 'phreng pa'i nye 'khor na skyes bu gang dag gnas pa de dag rnams ni gya gyur can zhes bya ba'i ming du 'gyur ro/ / ri gsum pa rma bya tshogs la rnal 'byor spyod pa pa des mthong bar gyur pa dpag tshad stong yin no// de la nags 'di dag yod do// 'di lta ste/ sprin gyi nags dang / rtag tu glog 'khyug pa dang / sgra 'phangs mthon po dang / lhag pa thung ba dang man Ta lang dang rnams so// chu klung yang 'di dag rnams yod do/ / 'di lta ste/ ni tsu lun de 'bab dang / drang srong dga' ba dang / sngon 'bab dang / bzang po rnams yin no// rma bya'i tshogs kyis nags kyi nye 'khor skyes bu gang dag gnas pa de dag rnams la ni mgul pa sngon po zhes bya ba'i ming du 'gyur ro/ / gzhan yang rnal 'byor spyod pa pa phyi rol gyi lus kyis lus la rjes su lta zhing gnas te/ shar phyogs kyi lus 'phags po'i gling ni ro'i rigs sam/ chu klung gi rigs gzhan dag yod dam zhe na/ des thos po las byung ba'i shes rab kyis sam/ lnga'i mig gis mthong bar gyur pa'i gzhan bzhi pa ri dgas kyi

  1575. 411b

    khrod ces bya ba yod do/ / ri de la nags 'di dag rnams yod do// 'di lta ste/ rab pa can gyi nags dang / kun dga' ba'i nags dang / rta'i sprin gyi nags dang rnams so// ljon shing dang / me tog dang / 'bras bu phun sum tshogs pa rnams ni sngar gyi bzhin no/ / de la chu klung 'di dag rnams yod do// 'di lta ste/ shin tu grol bar gyur pa'i chu dang / nye 'khor na dga' ba dang / tshogs pa rnams yin no// ri dgas kyi rigs kyang 'di dag rnams yin no// 'di lta ste/ be be ne ya dang / nye 'khor gyi grib ma ya dgar ba dang / bltas pas 'bros pa dang / ku rang gAHdang / lam bzang po dang / phrag dog klu skyes dang / ba lang gi rna ba dang / glang po che 'thun pa dang / byis pa mchog dang / grib ma la dga' ba dang / ri bong yug dang / rnga mo'i lus dang / mjug ma nag po dang / mgo dkar po dang / rma dang bcas pa dang / sbrul lce dang / rang gi so brgya pa dang / sdod pa dang / sbubs kyis mkhyen pa ste/ ri dgas kyi tshogs de dag rnams kha cig ni 'dzam bu gling na yang yod pa ma yin no/ / ri khrod kyi ri la nags dang / nye ba'i nags dang / rdzing bu dang / sngon shing dang / bya dang / me tog dang / phun sum tshogs pa rnams ni sngon gyi bzhin te/ ri dgas kyi khrod kyi ri la 'dzam bu'i gling gi me tog rnams ni thams cad kyang yod do/ / ri dgas kyang khrod kyis nye 'khor na gang dag gnas pa'i skyes bu de dag rnams la ni shugs sdom pa zhes bya ba'i ming du 'gyur ro// shar gyi lus 'phags kyi gling gi ri lnga pa de'i nagras dang / nye ba'i nags dang / rdzing bu rnams la lta bar byed do// rgya mtsho gyen du 'gro ba zhes bya ba'i ri dpag tshad stong dang ldan pa nags dang / nye ba'i nags dang / rdzing bu rnams kyis kun nas gang ba ni sngon gyi bzhin no// de la yang nags 'di dag rnams yod

  1576. 412a

    #do/ / 'di lta ste/ thig le gsum pa zhes bya ba'i nags dang / mgrin pa 'gag pa dang / dga' ba'i ri'i nags dang rnams so// chu klung yang 'di dag yod do// 'di lta ste/ ra gsum pa dang / btso ba dang / rdo ba 'dzin pa dang rnams so/ / rgya mtsho gyen du 'gro ba'i ri'i nye 'khor na skyes bu gang dag gnas pa de dag rnams la ni sprin po zhes bya ba'i ming du 'gyur ro// rgya mtsho gyen du 'gro ba'i ri la bltas par gyur pas kyang yang dag pa ji lta ba bzhin du phyi rol lta bar byed do/ / gzhan yang rnal 'byor spyod pa phyi rol gyi lus kyis lus la rjes su lta zhing gnas te/ shar gyi lus bapags po'i gling na ri'i rigs su gyur pa gzhan dag yod dam zhe na/ des thos pa las byung ba'i shes rab kyis sam/ lha'i mig gis mthong bar gyur pa mig gi 'phreng ba'i ri dpag tshad stong dang ldan pa yod de/ nye 'khor na nags dang / nye ba'i nags dang / rdzing bu dang / 'bab chu phun sum tshogs par gyur pa rnam pa sna tshogs pa'i ri dgas dang / bya dang / me tog dang / 'bras bu phun sum tshogs pa rnams ni sngar gyi bzhin no/ / mig gi 'phreng ba'i ri de yas mi mthong ba'i klung zhes bya ba'i chu klung 'bab pa yin te/ dpag tshad du zab pa yin no// mig gi 'phreng ba'i nye 'khor na skyes bu gang dag gnas pa de dag rnams la ni te 'khor gyis mig ces bya ba'i ming du 'gyur ro/ / de ltar shar gyi phyogs lus 'phags po'i gling ni ri drug gis yongs su bskor ba yin no// de'i nang na grong khyer chen po gsum la 'di lta ste/ dga' ba bzang po zhes bya ba dang / nags mngon par dga' gnas bya ba dang / nye 'khor na rtse dga' ba zhes bya ba'o// grong khyer gyi rgyar ni dpag tshad gsum yin no// lhag mar gyur pa bar ma dang tha chung gi grong khyer rnams kyi drug cu rtsa gsum yin no// bar ma'i grong khyer la phung po grong khyer

  1577. 412b

    zhes bya ba dang / nye 'khor gyi sgra zhes bya ba dang ngo // grong khyer chung ngu la thams cad 'gro ba zhes bya ba'i grong khyer dang / 'brog tu rnam par chad pa zhes bya ba'i grong khyer chen po dang ste/ de dag ni bar ma dang tha chung gi grong khyer rnams kyi ci lte ba gtse bar gyur pa rnams yin no/ / grong khyer bye ba phrag gsum dang / grong stong phrag brgya pa lnga dang / stong phrag gsum dang / grong lnga brgya dang / drug gis lhag pa'i lnga bcu dang rnams shar gyi lus 'phags gling na yod de/ de la 'di dag rnams ni grong gi gtso bo yin te/ 'di ltar nam mkha'i dri ma dang / slu ba'i tshogs dang / bri shrI rang dang / skye bo thams cad pa dang / lo 'dab mang ba dang / b+hi du ra dang / smin pa'i snod dang / mdor bsdus pa dang / biSh+ka TaM dang / gnod pa'i nags dang / phan par 'jug pa'i mig dang / bA du 'u taM dang / ze'u 'bru'i lus kyi shing dang / dus kyi chu dang rnams te/ de lta bu la sogs pa'i grong rnams yin no// gling gi nye 'khor yongs su zlum pa ji lta ba mi kho nar mi rnams kyis bzhin nye 'khor yang yongs su zlum pa yin no/ / de la 'dzam bu'i gling pa'i mi rnams ni rna ba dang sgra la rgyan 'dogs so// byang phyogs sgra mi snyan pa rnams ni mig dang dpung pa la rgyan 'dogs so// ba lang spyod pa rnams ni gsus pa dang mgrin pa la rgyar 'dogs so/ / shar phyogs lus 'phags po rnams ni brla dang phrag pa la rgyan 'dogs so// de la de dag rnams kyang skyes bu'i gnas bzhi po rnams kyis rang rang gi lus la yin no// gzhan yang rnal 'byor spyod pa las kyis chos kyi rnam par smin pa rnams la rjes su lta ste/ las gang gis nges par sems can de dag rnams 'dir skyes pa yin zhing khyad par du 'phags pa dang / bar ma dang / tha ma rnams kyang khyad par du

  1578. 413a

    @#/ 'phags pa dang / bar ma dang / tha ma'i las rnams kyis byas pa yin ne na/ des thos pa las byung ba'i shes rab kyis sam/ lha'i mig gis mthong bar gyur pa sngon sems can 'di dag rnams las dang / chos dang / rnam par smin pa rnams mngon par mi shes par gyur to// de mi shes par gyur pa'i phyir na/ zhing ngan pa la sbyin pa ngan pa la sbyin pa yin te/ dper na phan 'dogs pa'i ngor ram/ sems gzhan du gyur pas sam/ zhabs 'bring gi phyir yang te sngar bzhin no/ / las des sems can tha ma rnams 'dir skyes par gyur te/ bar ma rnams kyang tshul khrims dman pa rnams yin no// 'di lta ste/ rgyal po'i zhabs 'bring du srog gcod pa spong bar byed pa la spangs par gyur kyang rab tu dang ba'i sems kyis ni ma yin no/ / gang de dag rnams ni rgyu de dang rkyen des lus zhig par gyur nas bde 'gro mtho ris kyi lha rnams su skye bar 'gyur ba ni bar ma yin no// khyad par du 'phags pa rnams ni khyad par du 'phags pa'i las rnams kun tu bgrod par 'gyur ba yin te/ theg pa chen po nyan par byed pa dang / yongs su rdzogs par byed pa dang / rjes su yi rang bar byed pa dag gis yin no// theg pa chen po nyan par byed pa dang / ston par byed pa dang / rjes su yi rang bar byed pa dang / yongs su rdzogs par byed pa ma gtogs pa'i 'khor ba'i dgon pa nas nges par 'byung bar byed pa gcig kyang ngas ma mthong ngo // sbyin pa rnams kyi mchog ni 'di yin no// 'di lta ste/ theg pa chen po sgrog par byed pa'i sbyin pa'o// shes rab rnams kyi mchog kyang 'di yin te/ 'di ltar theg pa chen po nyan par byed pa'i shes raba'o// theg pa chen po sgrog pa'i yon tan brjod pa rnams ni sngar gyi bzhin no// des

  1579. 413b

    gyi lus 'phags po'i gling gi sems can rnams kyis las dang / chos dang / rnam par smin pa rnams mthong bar gyur nas yang dag pa ji lta ba bzhin du phyi rol gyi lus kyis lus la rjes su lta ste/ shar gyi lus 'phags po gling gi bar rnams ni ri'i rigs sam/ chu klung gi rigs chu gzhan ci yod ce na/ des thos pa las byung ba'i shes rab kyis sam/ lha'i mig gis mthong bar gyur pa shar phyogs lus 'phags po'i gling dpag tshad stong phrag brgyad pa'i bar las ring du 'das nas lcags kyi phung po zhes bya ba'i ri dpag tshad sum stong pa yod pa gang las shin tu phra bar gyur pa'i lcags kyi phyi ma rnams ni dpag tshad stong phrag bcur 'thul ba yin no/ / lcags kyi phung po'i ri de las 'das par gyur nas/ khor yug gi rnam pa zhe bya ba'i rgya mtsho dpag tshad bdun stong pa yod do// khor yug gis rnam par byas pa nyid kyis ri lngas yongs su bskor ba yin no// 'di lta ste/ khab kyi kha dang / lto chen po dang / b+hA NA Da nA dang / sbrul dang / bla lhag pa rnams so// khor yug gi rnam pa'i rgya mtsho de las 'das par gyur nas khams rnams dang ldan pa zhes bya ba'i gling dpag tshad sum stong pa yod do// de la rig pa 'dzin pa dang / gsang ba pa dang / mi 'am ci rnams rab tu gnas so// gling 'di ni shin tu dga' bar 'gyur ba yin no// chu klung dang / rdzing bu dang / sngon shing rnams kyang phun sum tshogs pa yin no// 'dzam bu gling dang / shar gyi sus 'phags po'i ri dgas dang / bya dang / ljon shing rnams kyang ste/ gling de las ring du 'das par gyur nas/ rgyu skar mang po zhes bya ba'i ri'i rtse mo ri rab lhun po las byung nas ha cang mi ring ba na yod do//

  1580. 414a

    de la gnas nas kyang mnyam pa dang mi mnyam pa'i las rnams kyi dbang gis yin te/ 'dzam bu gling gi mi rnams kyi dge ba dang / mi dge ba'i las kyi rlung gis de las 'char bar byed pas 'char ba yin no/ / de dag rnams 'dzam bu gling du mthong bar gyur nas las dang 'bras bu'i de kho na nyid mi shes pa'i bram ze rtog ge ba rnams kyis gzas byas so// skar mas byas so zhes rgyal po dang rgyal po'i blon po la yang kun tu rig par byed do/ / de la de dag rnams ni lta ba phyin ci log tu gyur pa'i bram ze rtog ge ba rnams kyis mthong ba yin no// dge ba dang mi dge ba'i las rnams ji lta bar gal te gzas dge ba byas pa yin na ma dang zla ba 'di dag kyang gza' khyad par can yin na/ des byas pas kyang dge ba dang mi dge ba'i dus dag rab tu 'jug pa yin la/ de'i tshe dus thams cad kyis me tog dang 'bras bu rnams yod par 'gyur ro/ / gang gi tshe nyi ma dang zla ba de dag gnyis gza' gzhan gyis gzung bar gyur pa 'di lta ste/ ra hus nyi ma dang zla ba 'di dag dang rgyu skar rnams thams cad kyang phan tshun du dang gzas gnod par byed pa yin no/ / de'i phyir na dge ba dang mi dge ba dag gza' dang rgyu skar gyis ma byas so// gzhan yang rnal 'byor spyod pa pa gza' dang rgyu skar gyis byas pa dang / lta bas byas pa dang / las kyi 'bras bu rnams kyi phyi rol gyi lus kyis lus la rjes su lta zhing gnas so/ / de la gzas byas pa dang rgyu skar mang po'i rgya mtsho'i char pa dang / ri rab lhun po dang / char pa'i rtse mo rnams la kun tu bltas par gyur pas kyang yang dag pa ji lta ba bzhin du phyi

  1581. 414b

    rol la lta bar byed do/ / gzhan yang rnal 'byor spyod pa pa phyi rol gyi lus kyis lus la rjes su lta zhing gnas te/ rgyu skar mang po'i rgya mtsho dpag tshad bdun stong pa de las 'das par gyur nas/ b+ha ra ta lhag par gnas pa zhes bya ba'i gling yod do/ / brag dang / chu klung dang / ljon shing rnams phun sum tshogs pa yin no// 'dzam bu gling gi ljon shing dang / me tog dang / 'bras bu thams cad kyang ste/ dpag tshad sum stong yin no/ / rig pa 'dzin pa dang / gsang ba pa dang lhag par gnas pa yin te/ de ni 'dod pa'i rang bzhin gyis ljon shing dang / me tog dang / 'bras bu rnams phun sum tshogs pa yin no// de las ring du 'das nas mtshams kyi mtha'i ri zhes bya ba ste/ shar gyi lus 'phags po dang / 'dzam bu gling pa rnams thams cad kyi yang mtshams su gyur pa yin no// rgya mtsho 'di yang chu bsil ba yin no// gyi lus 'phags po dang / 'dzam bu gling dag gi ring dpag tshad sum stong du dung dang / nya chen po dang / chu srin na kra dang / chu srin ma ka ra dang / rus sbal dang / chu srin byis pa gsod dang / chu srin kum b+hi ra dang / nya rnams rab tu gnas so// 1/ mtshams kyi ri de las 'das par gyur nas dmar po zhes bya ba'i rgya mtsho yod do// 'dzam bu'i gling gi ngos gzhan zhig na dpag tshad lnga stong du dmar po'i mdog gis kun tu gang bar snang ba 'dzam bu'i gling las ha cang mi ring ban yod do/ / de la yang nya shin tu mang ba yin no// khrag rab tu phal che ba yin no// phan tshun du yang 'tshe bar gyur

  1582. 415a

    pa srog gcod par byed do/ / bdag nyid kyang za bar byed do// wag rab tu lal che ba de'i phyir na chu de yang dmar po yin na/ dmar por kun du snang ba'i phyir yang rgya mtsho 'di la dmar po tha snyad du/ 'byung ba yin no// de las ring du 'das nas sngon po zhes bya ba'i rgya mtsho dpag tshad bdun stong dang ldan pa ste/ chu'i klung de thams cad kyang nyes gang ba dang mchog tu zab pa yin no// de las 'das par gyur nas rin po che'i gling zhes bya ba rgya mtsho dpag tshad sum stong pa yod de/ ri dang / rin po che dang ldan pa gser gyi bye ma dang / rdo dang / Sha sh+ya ka dang / mu sa ra ga lpa'i rdo dang / mu tig gi phye ma dang / bi dru ma'i ljon shing dang / su ku ma ra ka mang ba dang / rin po che du ma dang ldan pa yin no// de la mngar ba'i dug sems 'phen par byed pa zhes bya ba ljon shing las skyes pa'i 'bras bu de dag bya 'am// mi yang rung ste/ 'dzam bu grong bar gtogs pa rnams kyis gang gi tshe zos par gyur pa'i nyi ma bdun pa la 'chi bar byed do// bya gang dag gis za bar byed pa de dag rnams kyang dus byed do// rin po che'i gling de las 'das par gyur nas lan tshwa zhes bya ba'i rgya mtsho dpag tshad stong phrag bdun du nya chen po dang / shu ga ti dang / rus sbal dang / na kra dang / chu srin dang / klu dang / bya dang rnams kyis gang bar gyur pa/ srin po dang sha za rnams kyis zil dog tu gyur pa/ chu'i nang na skyes pa'i bi drum dkar po dang / chu nang na nub par gyur pa'i ri yin no// 'dzam bu gling gi 'khor du gyur pa'i gling lnga brgyas yongasu

  1583. 415b

    bskor ba yin no/ / 'dzam bu'i gling na yod pa'i gtso bor gyur pa rnams dper bya na 'di lta ste/ gser gyis gzhi dang ldan pa dang / rin po che'i rdo ba dang ldan pa dang / ke dA dang / ma li ka'i gling dang / dung dang / mu tig dang / me ka la 'byung ba dang / gshol mda' ba dang / dka' thub dang 'brel ba dang / kun tu bzang po'i nags rnams dang / rma bya'i nags dang / dri'i 'phreng ba dang rwa gsum pa dang / sde dpung bzang po dang / s+thA nA she du dang / lang ka'i grong khyer na nges par gnas pa'i srin po dang / ri bcu gnyis la nges par gnas pa dang / lhun po'i bi lA kaHdang / ri la nges par gnas pa dang / dung dang / mu tig dmar po dang / kha ba 'khor ba dang / dngul dang bcas pa'i bye mas yongs su bskor ba dang / lam med pa dang / gser la sogs pa'i lcags ri lngas bskor ba dang / shu ka ti'i gnas dang bu mo'i shing gis bskor ba dang / de dag rnams ni skyes bu rkang pa dang ldan pa rnams kyi ste/ ji ltar khyad par gyur pa'i gling de dag rnams kyis 'dzam bu'i gling yongs su bskor ba yin zhing / dpag tshad bdun stong du dga' bar gyur pa dang / ri rnams ni sngar gyi bzhin no// gzhan yang rnal 'byor spyod pa pa phyi rol gyi lus kyis lus la rjes su lta zhing gnas te/ nyi ma dang phra ba 'di dag 'od kyi tshad ji tsam zhig yin zhen/ des thos pa las byung ba'i shes rab kyis sam/ lha'i mig gis mthong bar gyur pa ri rab lhun po dang / skyes bu'i gnas bzhi'i logs bzhi dang / skyes bu'i gnas bzhi po dang / de dag rnams nyi ma dang zla ba 'di

  1584. 416a

    dag gis rab tu gsal bar byed do/ / rgya mtsho yang ri de'i logs de nas dpag tshad stong phrag brgyad cu rtsa bzhi yin pa las de'i phyed ni rab tu gsal bar byed do// phyed ni mchog tu 'jigs par gyur pa'i mun pas kun tu khyab par gyur to/ / pha rol na ni khor yug tu bye ba phrag sum cu rtsa drug tu gyur pa shin tu bzod par dka' ba'i las kyi me'i rdo rje'i rang bzhin rab tu 'bar bar gyur pa// 'khor lo khyud mo zhes bya ba'i ri yod pa gang la rgya mtsho'i chu ring bar gyur na ni 'o mar 'gyur ro/ / de ji srid du nye bar gyur pas ni de dag zhor 'gyur ro// zho yang mar gsar nyid du 'gyur ro// ji srid du kun nas reg par gyur pas ni mar 'di ya nu ba'i mar du 'gyur ro/ / mar zhu ba de dag dmyal ba'i me de dag rnams kyis 'tshig par byed do// de bzhin du chus kyang sa gzhi nub par byed do// de kho na bzhin du 'dod pa'i khams 'di yang yin te/ rnal 'byor spyod pa pa yang dag pa ji lta ba bzhin du rig par 'gyur ro// rnal 'byor spyod pa pa des yang dag pa ji lta ba bzhin du shes shing mthong la yongs su chub par byed pa'i thos kyang gang zhig rtag pa 'am/ brtan pa 'am/ ther zug tu gyur pa 'am/ yongs su mi 'gyur ba'i chos can du gyur pa 'am/ gang la yang bdag cag rnams thog ma dang / tha ma dang // tha med pa'i 'khor ba rnams su las kyi 'bras bu'i bgo skal la spyod pa dang / rang gi las kyi 'bras bus mnar ba dang / lan brgya phrag dang / de nas stong phrag rnams su yang 'chi 'phos pa dang / skyes par ma gyur pa'i gnas gcig dang yang ldan pa ni des gcig

Colophon

stong phrag sum cu rtsa drug pa 'phags pa dam pa'i chos dran pa nye bar bzhag pa zhes bya ba theg pa chen po'i mdo rdzogs so/ /chos rnams thams cad rgyu las byung/ /de rgyu de bzhin gshegs pas gsungs/ /de yi 'gog pa gang yin pa/ /dge sbyong chen pos de skad gsungs/ /nye bar mkho ba thams cad legs par skrun pa la sogs pas phun sum tshogs pa'i dngos po mtha' dag dang ldan pa/ sa gzhi'i yon tan dang rig pa'i gnas mtha' dag gi 'byung gnas su gyur pa/ spyang zhing sgrin la skye bo thams cad blo dang ldan pas 'dzam bu'i gling yul rnams kyi mig tu dgongs nas/ ston pa yang dag par rdzogs pa'i sangs rgyas mngon par rdzogs par sangs rgyas pa ni klung chen po 'bab pa chu bo gang+gA'i 'gram gyis bsdus pa ches yangs par gyur pa/ rgya gar gyi yul lo de'i yang dbus su gtogs pa las shar gyi sha cha yul chen po shar phyogs pa len dra zhes bya ba'i gtsug lag khang chen po ston pa'i bstan pa'i mig dang / rtsa ba dang / gzhir gyur pa dpal dang ldan pa'i rgyal po'i sras phun sum tshogs pa'i dpal gyis gzhan las mtho bas mnga' cher sgyur ba'i sa'i bdag po ne be'i pA la zhes bya ba'i mtho ris dang / thar pa'i them skas mkhas shing btsun la dul ba'i skyes bu dam pa rnams kyi bzhugs gnas su mdzad pa'i gtsug lag khang dza gad dA lan mkhas pa'i skye dgu paN+Di ta rnams mang du byung shing / mang gis kyang chen po las chen por gyur pa lnga brgya pa'i thams cad mkhyen pa'i 'jig rten par sgrogs pa/ sngon gyi slob dpon chen po rnams dang mtshungs pa yin zhes bya ba'i bsngags pas paN+Di ta rnams kyis bsngags par mdzad pa/ 'jig rten gyi phun sum tshogs pas nga rgyal ba'i rgyal po dang blon po rnams kyis lus kyi mgo ltar gnyan par khur ba/ mkhas pa'i nga rgyal can paN+Di ta'i 'jig rten pa rnams kyis gtsug lag gi nor bu ltar 'dzin pa/ tshe 'di ring du spangs pa'i skye bo thar pa bsgrub pa la brtson pa rnams kyis skyon yon legs par mthong bas lam 'dren pa'i mig dang 'dra bar lta ba/ yul gyi mi thams cad kyis bu gcig pa ltar snying du sdug pa'i 'thun par gyur pas/ dmu rgod lta bur log par sgrub pa rnams ches 'thun par 'dzin pas yid 'phrog par mdzad pas 'gro ba nyams thag pa rnams gzigs nas/ brtse ba'i zug rngus sems gdungs kyang thugs rje'i phyag brkyang bas skal pa dang 'thun par rjes su 'dzin par mdzad pa/ spyir lung bstan pa'i mdo sde stag rna'i rgyu skar las yon tan du ma dang ldan pa dang / rtsom pa po chen po nyid dang / lus brjes nas mtho ris su skye ba bzhes pa/ lung bstan 'phags pa byams pa dang mjal bar bzhed pa'i sred pa dang chos kyi sred pa bla lhag pa mnga' ba/ chags sdang la sogs pa thams cad ni shas chung bar gyur pa'i skyes bu de'i bsngags pa spro bar ni sus nus/ mdor bsdu na/ 'jig rten mi chos kyi mkhyen pa che zhing bzang ba/ gser gyi sa gzhi dang 'dra ba la/ dam pa'i lha chos phun sum tshogs pa mkhas pa dang / btsun pa dang / zhi ba dang / dul ba dang / mnyen pa dang / des pa dang/ bden par smra ba/ g.yo med pa/ drang po'i rang bzhin can/ bsgrub pa la snying por mdzad pa'i dpag bsams kyi ljon shing lo 'dab rgyas pa g.yu'i manDal dang mtshungs par 'khrungs pa las/ tshe 'di dang / gzhan dang / gnas skabs dang / mthar thug pa'i dge ba'i lo tog phun sum tshogs pa'i me tog dang 'bras bu yongs su rgyas shing rnam par smin pas bdag dang gzhan la phan pa'i pha rol tu phyin byon pas cung zad kyang don med pa ma yin pa/ rig pa'i gnas lnga la thogs pa med pa'i mkhyen pa dang ldan pa'i dpal gyis mdzes pa'i paN+Di ta chen po shAn ta a ka ra 'gu pa ta'i zhal snga nas dang / mkhas pa chen po skyes bu dam pa 'dul ba 'dzin pa'i yang mchog tu gyur pa paN+Di ta chen po Ar+ya a ka ra gupa ta dang / thos pa 'dzin pas 'jam dpal dang 'dra bar grags pa spobs pa'i shes rab can rnams kyi mchog paN+Di ta chen po shAkya rak+Shi ta dang / paN+Di ta chen po pa ri rdza A ka ra shAn ti la sogs pa rnams la rgya dpe lnga dang / gzhan yang yul dbus ma ga d+ha zhes bya ba de bzhin gshegs pa'i rten mang du bzhugs shing / sangs rgyas pa'i skye bo dkon mchog gsum la dad pas yul gang ba'i ma ga d+ha'i yul smad na/ rgyal po byang chub sems dpa' de wa pA las mdzad pa'i gtsug lag khang chen po bstan pa'i mig tu gyur pa bri kA ma shi la na yang mkhas pa'i skye bo mang du zin kyang rak+Shi ta de nyid dang / sgra dang / snyan dngags dang/ legs par sbyar ba'i skad kyi lugs la mkhas pa'i paN+Di ta chen po su bu ti tsan+d+ra dang / mngon pa la mkhas pa a Di ta tsan tra la sogs pa rnams la rgya dpe gnyis la legs par mnyan cing gus pas thad du bsten nas don dang tshig ma lus par rtogs pa'i bshad pa zhus nas / shin tu dka' ba'i gnas rnams la ni phyi zhing legs par dpyad pas don dgrol ba'i thabs zhus te/ 'gyur gyi yan lag rgya gar gyi sang+kri ta dang / 'phral skad gnyis/ bod kyi chos skad dang 'phral skad gnyis te/ bzhi la dbang 'byor ba'i shes rab kyi snang ba thob mod kyis kyang/ spyir mdo sde la don gyi gnas mang bas tshig don phal cher brnyings shing lhag par yang mdo 'di don du ma tshig zur rnams kyis ngag gcig tu 'brel bar ston pa ni tshig mdzes pa'i rgyan gyis don gsal bar mdzad pa snyan dngags kyi dbang phyug/ 'gran gyi do med pa rnams kyi mdzad pa'i rim pa yin pa'i phyir na/ sbyangs pa zhan pa rnams la sla ba ma yin la/ khyad par du yang gzhung nyung bas don du ma ston pa'i mdun rol du ma bu rnams ni spyir sor bsgyur bar mngon yang/ blo'i nor can rnams kyis ni de nyid la don du ma nges nus la/ bye brag tu gsal btab na ni don cig ston par 'khrul ba'i phyir dang / tshig ji tsam pas brjod pa de tsam du bsgyur bar rigs pa'i yang phyir te/ mdor na rgya bod kyi don thun mong pa brda tha dad pa'i byed pa ma nyams par byas nas / sngon gyi bsgyur ba mkhas pa rnams kyi bkas bcad la sogs pa'i lugs dang yang mi 'gal bar byang phyogs pa tshab kyi rgyud du skyes pa'i dge slong tshul khrims rgyal mtshan gyis dam pa'i chos la gus pas/ rgya gar gyi rgyal po phun sum tshogs pa'i dpal gyi rgyal mtshan gyi dbang phyug gzhan bas ches mtho ba dang ldan pa ra mA ba la'i ring la/ theg pa chen po'i mdo sde dam pa'i chos dran pa nye bar gzhag pa zhes bya ba shas shing 'gyur ba 'phro yongs su rdzogs par byas nas bsgyur ba'o// // slad kyis zhu dag la ni dge ba'i bshes gnyen zhang bu gcig pa zhes bya ba rab tu grags shing skye dgu rnams sgrogs pa yang/ 'jig rten pa ni rang la phan pa'i rgyu mtshan gyis brjod pa de dag rnams kyi gshis yin pa'i phyir te/ skyes bu des ni sems can la bu gcig pa la bzhin du dgongs pas sras gcig pa'o/ /des ni thugs rje chen po dang ldan pa mtshon no/ /chos la gnas pa rnams shes rab 'od ces grags pa yang / theg pa'i rim pa dang mthun par mkhyen cing bden pa gnyis la sogs pa'i sgor bsdu ba dang / mos pa dang / nges pa dang / mngon du rtogs shing shes nas rang dang gzhan nyon mongs pa dang / shes bya'i sgrib pa'i mun pa 'joms pa'i 'od mdzad pa'i phyir te/ des ni shes rab chen po dang ldan pa dang / bdag gzhan gyi don phun sum tshogs pa bstan to/ /dam pa'i skye bo des grogs mdzad nas dge slong tshul khrims rgyal mtshan nyid kyis dag par byas so/ /de ltar na dang po'i gzhi 'gyur dang / zhu chen dang / tshig don gyi 'brel dpyad pa dang / zhu chung dang yang 'brel dpyad pa dang / lngas zhus shing gtugs te gtan la phab pa'o/ /dam chos mdo sde rin chen theg pa kun gyi gzhi dang rtsa ba bcud du gyur pa'i theg chen dran gzhag 'di/ /legs bsgyur dngos dang grogs byed thams cad dang ni nam mkha' mthas gtugs 'gro kun dge ba dri med kyis/ /srid na bde sbyin skyabs gnas rdzogs pa'i byang chub 'bras ldan sa'i gnas skabs ljon shing lo 'dab phun tshogs shog /dang por tshe 'di brjes nas sangs rgyas zhing dag skye zhing 'khor tshe gzhan la phan pa 'ba' zhig byed par shog /bam po'i grangs su ni ma bcad do//gzhung tshad ni stong phrag sum cu rtsa drug tu rgya dpe rang la bzhugs so/ /yi ge'i brda sngon gyi rnying pa dang mi 'dra ba cung zad snang/ dran pa nye bar gzhag pa sh+lau ka sum brgya la bam por bcad na brgya nyi shu'o