byang chub sems klong yangs pa'i dkyil 'khor
Text
ff. 39a–40a · 3 folio sides
- 39a
@#pa gsum gyi bcud bsdus rgyal ba khyod// skyes pa'i skyon rdza sa mngon rdzogs rgyal po bzhugs// ye shes rab gnas rdzogs so// dpal mngon rdzogs rgyal po la phyag 'tshal lo// mi gnas bde ba'i dkyil 'khor la// snre la rgya gram 'phra bkod pas kha dog sna tshogs so sor gsal// thig le chen po mdor 'brel pa// gnas bzhi 'dzin pa'i sa bon las// phab pa'i 'od chen 'phro 'du yos// 'bur bzhi mdzes ldan rgyud bskul bas// bar gyi sa bon 'od la bsdu// de nas rig pa hUM las gzung // hUM nying sa yi lam zhugs te// 'od kyis 'jig rten khengs par spros// mya ngan la 'das pa'i sgron ma rdzogs so// sde rgyud chen po bzhi yi gang la yang // gsang bar thugs kyi dgongs pa ste// dus phyis lus par gzigs nas ma bstan to// rgyud chen po bcu bdun yod par grags pa las phal cher snang ba ni/ 'ga'i spyod yul tsam ste/ bde byas sdug bsngal dbyings phyug b+ha ga la/ dbyer med lhun rdzogs dbyings nyid che bskyed pa// mi 'da' ye shes rin po che// bya ba med pas lhun rdzogs thig la che// thams cad ma 'gags dbyer mid/
- 39b
bdag gi rgyud// skye med dbyings las thams cad skyes// don dam nyid du sems dpa' che// bsgrub tu med pas ye nas gnas// btsal du med pas mngon sum dbyings// smon du med pas rang la rdzogs// tha snyad med pas rnal 'byor bdag/ go 'phang chod pas kun gyi dbyings// las rnams spyad cing ci spyad kyang // thig le nyid pas spang du med// / 'dod chags zhe sdang gti mug kyang // spang du med pas bdag gi rgyud// gti mug nyid pas bsam du med// rnam grangs nyid pas dbyings nyid klong // gzugs rnams med pas/ byang chub sku// thig la ye nas dam tshig gsang // dam tshig ming du btags pa med// 'chi ba med pas bdud rtsi dbyings// khyad par nyid las ye shes che// ri rab rtse la nyi ma stong sha ra bas// ye shes thugs kyi nyi ma shar ro// shar ba nyid na nub pa med// sgom pa nyid pas sgom du med// sgom pa dmigs su med pa'o// sgom pa gzhan nas chos mi rnyed// rdo rje rin chen 'bar bltar// thams cad kun kyang de bzhin no// 'gyur ba med pas bal nag bzhin// bsgyur du btub pas bal dkar bzhin// brtags na bal nag nyid kyi dbyings// lhun gyis gnas pas go 'phang chod// gdod nas dag pas pad ma bzhin// 'gyur pa med pas thig le bde// bya ba med pas thig le
- 40a
/ bde// dus gsum med pas thig le bde// btsal du med pas thig le bde// btsal bar 'dod pas dbyings mi bskyod// dra ba nyid pas mu khyud bde// thig le nyid pas thig phran bde// rtse rgyal rtogs na gnas chen bde// thogs med yongs su sbyangs pa'i b+ha ga la// dbyer med lhun rdzogs thig le dbyings nyid che// sku gsung thugs shar mu khyud dkyil// rnam par dag pas byang chub rgyu// 'gro ba'i lam chen mkha' dbyings nyid// thig le ye nas rdo rje dbyings// thig le nyid pas 'du 'bral med// de bas thig le bdal ba'i dbyings// bdal ba nyid na nub pa med// byang chub sems klong yangs pa'i dkyil 'khor rdzogs so// / rgya gar skad du/ a ra li dri ku sha na hi ta na tra na ma/ bod skad du/ a ra li rnyog pa med pa'i rgyud ces bya ba/ dpal rdo rje 'dzin pa nyid la phyag 'tshal lo// 'di skad bshad pa'i dus gcig na// rang byung rig pa'i rgyal po nyid// sangs rgyas kun gyi bdag nyid de// zab mo rnyog pa med pa'i sku// lhun gyis grub pas ngo bo nyid// rig pa lhun grub gzhan yas khang // dpag med rgyal ba'i gnas chen na// rang bzhin rnyog pa yod med kyis// rgyal ba kun dang lhan cig