gnod sbyin gyi sde dpon chen po lag na rdo rje gos sngon po can gyi dkyil 'khor gyi cho ga zhes bya ba
Mahāyakṣasenāpatayenīlāṃbaradharabajrapāṇiyemaṇḍalanāma
Text
ff. 360a–366a · 13 folio sides
- 360a
ci 'dod ba yi nor rnams ster/ /de ni thun mong dngos grub po/ /bdud rtsi rtsa ba lnga btsal la/ /bdag nyid lha yi rnal 'byor bya/ /dkar gsum mngar gsum nyid la ni/ /sngags bzlas ri lu byas te bza' / /zas dang sman pa sra ra la brje/ /brjes zin zhag gsum 'bras bu 'byung/ /de gsum skye ba bdun pa dang/ /yum gyi cha sres sman rnams sbyar/ /de sgrub 'od zer btul zhing sbyang/ /rtags byung nas ni bza' zhing byug /de yis thun mong dngos grub 'grub/ /mchog gi yang ni grogs su 'gyur/ /mchog gi dngos grub bsgrub pa yang/ /thugs ka yi ni dkyil 'khor du/ /rtsa rgyud 'dab ma brgyad du bsam/ /de dkyil rtsa ni lnga rta'i tshad/ /de yi nang du dbugs kyi lha/ /kha dog lnga dang ldan pa'o/ /de dkyil thig le byang chub sems/ /de la lta zhing bsgom pa ni/ /rtags lnga'i mthar ni stong nyid 'gyur/ /de nyid spro zhing bsdu ba dang/ /dgug cing bskyil ba'i rim pa 'am/ /mnan cing bzlog pa'i man ngag gis/ /rim gyis ye shes skye bar 'gyur/ /de nas phyag rgya'i dngos grub 'thob/ /nang sgrub rim pa 'di yis ni/ /bdag dang mdza' yas sems can dang/ /'di la brten pa'i rnal 'byor pa/ /bla med byang chub thob par shog /gnod sbyin gyi sde dpon chen po phyag na rdo rje gos sngon po can gyi sgrub thabs/ / slob dpon b+ha bas mdzad pa rdzogs so// //*/ /lag na rdo rje gos sngon po can gyi cho ga slob dpon b+ha bas mdzad pa bzhugs so// //rgya gar skad du/ ma hA yak+Sha sen pa ta ye nI lI ba ra d+ha ra badzra pA Ni ye maN+Da la nA ma/ bod skad du/ gnod sbyin gyi sde dpon chen po lag na rdo rje gos sngon po can gyi dkyil 'khor gyi cho ga zhes bya ba/ bcom ldan 'das rdo rje 'dzan pa la phyag 'tshal lo/ /bdud rnams thams cad tshar gcod pa'i/ /mthu stobs can la phyag 'tshal nas/ /chags
- 360b
la mos par gyur pa yi/ /rnal 'byor lam pa'i don chen du/ /rgyud rnams kun dang mi 'gal pa'i/ /dkyil 'khor cho ga bshad par bya/ /slob dpon mtshan nyid ldan pa yis/ /sngon du bsnyen pa rdzogs byas te/ /de nas dkyil 'khor bri bar bya/ /yid du 'ong ba'i gnas dag tu/ /dri bzang tsan dan spos kyis byugs/ /dri zhim me tog mchog bkram nas/ /lho ru kha bltas rol pa'i 'dug stangs bya/ /yang na bsnyen pa zhi ba'i tshul yin pas/ /shar du kha bltas sems dpa' i skyil krung bca' / / 'khor ba'i 'dam du bying pa yi/ /'gro la phan dang skyob pa'i phyir/ /snying rje chen po'i dmigs par bya/ /bskyed pa'i rim pa'i tshul bsgom bya/ /de nas bzlas brjod tshul bzhin bya/ /dkyil 'khor gtso bo'i 'bum du bzlas/ /nge las gzhan pa'i ru bzlas/ /mtshan ma rnams gsum thob pa yis/ /yang na bsnyen sbyor goms pas ni/ /rdul tshon dkyil 'khor brtsam par bya'o/ /slob ma snod dang ldan pa yis/ /dang por gsol gsum btab nas ni/ /snyen rdzogs gting la gdab par bya/ /dang por sa ni brtag par bya/ /phyogs chad dbyibs ldan skyon bral ba'i/ /mkhas pas ci nus brtag par bya/ /maN+Dal legs byas me tog dgram/ /lha yi gnas dang gdan du bsam/ /lha bskyed la sogs byas nas ni/ mchod dang bstod pa tshul bzhin bya/ /dgongs cig dus gsum mgon po rnams/ /sangs rgyas thams cad mchod pa dang/ /slob ma rnams la sman slad du/ /bdag ming 'di zhes bgyi ba yis/ /dpal ldan rdo rje 'dzin pa yis/ /dkyil 'khor dam pa 'bri bar 'tshal/ / rgyal ba sras dang bcas rnams kyis/ /bdag la byin gyis brlab du gsol/ /zhes lan gsum du brjod de/ gsol ba gdab par bya'o/ /de nas chos skyong pa'i srungs ma rnams la/ mchod dang gtor ma byin la ni/ /bstod cing gsol ba gda
- 361a
par bya/ /de nas las thams cad pa'i thab khung du sbyin sre gis spyad pa bya'o/ /sbyin sreg grub par ma gyur na/ /las thams cad ba'i gsang sngags chus/ /bgegs ni nye bar zhi bar bya'o/ /de nas ji ltar brtags dbus su/ /byin brlabs rdo rjes phru gang brko/ /skyon rnams spangs nas sa rin bcal/ /'thas par bcags la byug par bya/ /sngags dang phyag rgyas byin brlabs pa'i/ /ri rab gzhal yas bskyed nas ni/ /lha bskyed la sogs rdzogs byas la/ /de nas skad cig myur du khros/ /'khor rnams kyi ni gsol ba gdab/ /khro bo mig dang rkang sogs byin gyis brlabs/ /rdo rje dril bu gnyis bzung nas/ /stang stabs sbyor ba la sogs kyis/ /bgeT rnams ma lus tshar gcad do/ /de nas sa yi lha mo la/ /mchod bstod gsol ba btab pa yis/ /dbang po phyir ni sta gon gnas/ /bdud rtsi thig le la sogs bya/ /lha rnams cho ga la sogs rdzogs/ /de nas gsol ba gdab par bya/ /bdug spos lag thogs bus btsugs la/ /bcom ldan rdo rje 'dzin pa mchog /rig sngags rgyal la phyag 'tshal bstod/ /thugs rje'i bdag nyid can rnams kyi/ /dkyil 'khor bdag ni bri bar bya/ /slob ma rnams la brtse ba dang/ /khyed rnams la yang mchod pa'i phyir/ /bcom ldan bdag ni gus pa la/ /de ni gnang ba mdzad pa ??/ /sangs rgyas 'gro don bya don gsol/ /byang chub sems dpa' gsang sngags lha/ /'jig rten skyong dang mthu chen dang/ /gang yang rdo rje'i spyan mnga' ba'i/ /sems can bstan la dga' ba rnams/ /bdag ming 'di zhes bgyi pa yig/ /rdo rje 'dzin gyi dkyil 'khor du/ /yo byad ci yod pas 'drin/ /deng bdag slob mar bcas pa la/ /thugs brtse bar ni dgongs su gsol/ /tshogs pa thams cad dkyil 'khor du/ /byin gyis brlabs pa mdzad du gsol te de ltar
- 361b
lan gsum gsol btib nas/ /ra ba dra bas mtshams bya'o/ /gser la sogs pa'i bum pa yis/ /lto ba che ba mgrin ring ba/ /skyon spangs nyes pa bral ba dang/ /yon tan la sogs lha grangs bstun/ /rdzas dang kha rgyan mgul chings ldan/ /mtshan ma rdzogs nas byin gyis brlab/ /rnam rgyal las kyi bum pa la/ /khyad par cho ga la sogs bya/ /de nas slob ma blo ldan la/ /slob dpon gyis ni cho ga bya/ /slob ma sgo yi drung gnas te/ /dga' chen khyod bdag ston pa bas/ /slob dpon khyod ni dgongs su gsol/ /byang chub chen po'i tshul bstan pa/ /mgon po chen po bdag 'tshal lo/ /dam tshig de ni stsal du gsol/ /byang chub sems ni bdag la stsol/ /sangs rgyas chos dang dge 'dun te/ /dkon mchog gsum ni bdag la stsol/ /thar ba chen po'i grong mchog tu/ /mgon po bdag nyid 'jug par 'tshal/ /de ltar lan gsum gsol btab nas/ /slob dpon gtso bo'i ting 'dzin zhugs/ /tshigs bcad 'di ni gsang sngags sbyin/ /bu tshur theg pa chen po yis/ /gsang sngags tshul spyod chog 'di/ /khyod la yang dag bstan par bya/ /khyod ni tshul chen snod yin te/ /dus gsum 'byung ba'i sangs rgyas rnams/ /sku gsung thugs kyi rdo rje dang/ /rdo rje gsang sngags rab bsgoms pa'i/ /dpa' bo byang chub shing drung du/ /thams cad mkhyen pa mtshan med brnyes/ /gsang sngags sbyor ba mnyam med do/ /shAkya seng ge skyob pa yis/ /bdud sde shin tu mi bzad pa'i/ /dpung chen dag kyang de yi bcom/ /'jig rten rjes 'jug par rtogs nas/ /'khor lo bskor nas mya ngan 'das /de bas kun mkhyen thob bya'i phyir /bu yis blo gros 'di bgyi sheg ces smras so/ /gnas skyabs 'gro sdig bshags la sogs kun/ /phyag rgya'i dkyil 'khor nyid du shes par bya/ /srog chags rnams ni bsad mi bya/ /ma byin bar
- 362a
yang mi blang ngo/ /'dod pa dag kyang spyad mi bya/ /nyes pa kun gyi rtsa ba yi/ /chang ni myos par btung ma yin/ /sems can gdul bya ma gtogs pa/ /bya ba ma yin thams cad spang/ /dam pa nye bar bsten bya zhing/ /rnal 'byor can du bsnyen bkur bya/ /lus kyi las ni rnam gsum dang/ /ngag gi las ni rnam pa bzhi/ /yid kyi las ni rnam gsum dang/ /ci nus pa ru rjes su bsrung/ /sems can don la rgyab mi phyogs/ /theg pa dman la 'dod mi bya/ / 'khor ba dag kyang spang mi bya/ /rtag tu mya ngan 'da' mi bya/ /lha dang lha min gsang ba pa/ /de la brnyas par mi bya zhing/ /phyag rgya bzhon pa mtshon cha dang/ /mtshan ma 'gom par mi bya'o/ /de ltar dam tshig phog pa dag /blo ldan khyod kyi rtag tu srung/ /mdor na rtsa ba yan lag gi /dam tshig nyin mtshan bgrang zhing bsrung/ /de nas bla mas gsungs pa yi/ /sdom pa legs par bzung bar bya/ /tshul khrims zhes bya sogs pa ni/ /dus 'di nas ni bzung nas ni/ /ji srid byang chub snying po'i bar/ /bdag ni rab tu ldog par bgyi/ /de ltar sdom pa dang ldan pa'i slob ma la/ /snying ga dang mgrin pa dang dpral ba gsum du rdo rje khu tshur gyis dri'i thig le gsum du bya ste/ /nyi ma dang zla ba dang pad+ma'i yi ge gsum so sor bkod la/ sku gsung thugs su byin gyis brlab cing las thams cad pas bsrung bar bya/ /de nas mchod pa bya ste/ spyi bor me tog dang spos so/ /mar me dang dri ni snying khar do/ /lha ba shos mdun du'o /de nas tshig ni 'dis su sbyin/ /dus 'di nas ni bzung nas su/ /'khor ba'i nyes pas ma gos par/ /mchod pa kun dang ldan par ni/ /dus kun du ni bde bar mnas/ /de nas tshems shing la sogs sbyin par bya/ /'jig rten du ni kun mkhyen rnams/ /u dum bA ra'i me tog bzhin/ /brgya lam
- 362b
zhes bya ba la sogs pa'i chos bshad par bya'o/ /de nas thig byin gyis brlab pa la sogs pa shes par bya'o/ /de nas thig skud gdab pa ni/ /dkyil 'khor spyi dang mthun pas na/ /chon rnams byin gyis brlabs nas ni/ /tshon rnams dgye ba'i las bya'o/ /pad+ma 'dab ma brgyad dkyil du/ /zla ba nyi ma'i gdan stengs su/ /gtso bo bri bar bya ba yin/ /'dab ma brgyad la lha brgyad bri/ /gru chad bzhi la lha mo bzhi/ /sgo bzhir sgo ba bzhi bri'o/ /de 'og lhag chad bskang bya'o/ /nam mkha' 'degs par 'dod pa dang/ /yang bskyed yang sdud byed pa gnyis/ /gang ltar mos pa 'jug pa yis/ /gtso bo sngon du 'gro ba rdzogs pa yin/ /'khor rnams sbrul pa 'am cho gas bskyed/ /dbus su gtso bo sku mdog sngon po ste/ /zhal gcig phyag g.yas rdo rje bsnams/ /g.yon ni gdul bya'i skabs dang sbyar/ /shar gyi pad+mar rnam par rgyal/ /sku mdog dmar po dbu gsum po/ /phyag g.yas rdo rje rtse lnga 'dzin/ /g.yon pa dgra sta bar ma gnyis/ /gung mo mthe bo ngos mdud nas/ /gzhan rnams yongs su brkyang ba yin/ /de nyid snying khar bzung nas ni/ /de 'og zhags pa ral gri bsnams/ /lho yi pad+mar mgon po ni/ /sku mdog nag po zhal gcig phyag gnyis pa/ /g.yas g.yon tsan dan beng chen zhags pa bsnams/ /nub kyi 'dab mar lus ngan po/ /sku mdog ljang khu zhal gcig pa/ /phyag gnyis mchod rten ne le bsnams/ /byang gi 'dab mar bdud rtsi 'khyil/ /sku mdog sngon po zhal gcig pa/ /phyag gnyis brang bsnol sdigs mdzub 'phyar/ /shar lho'i 'dab mar gnod sbyin bskyod/ /sku mdog dmar nag zhal gcig pa/ /phyag gnyis gri gug cing te'u bsnams/ /lho nub pad+mar ro langs ma/ /phyag gnyis rdo rje lcags sgrog bzung nas su/ /gung mo srid
- 363a
lag la sogs gsum po rnams/ /dam por bkyag nas yongs su bsdam/ /mtheb mdzub bzhi rnams rab brkyang ste/ /spyi bor nges par bsnol ba bsnams/ /nub byang 'dab mar rdo rje mkha' 'gro ma/ /sku mdog dmar? skya zhal gcig ma/ /phyag gnyis spyi bor spyar nas su/ /me lce phreng ba yongs su 'dzin/ /byang shar mtshams kyi 'dab ma la/ /'jigs byed mkha' 'gro gdod sngo nag /zhal gsum phyag drug zhabs gnyis pa/ /g.yas kyi dang po glang po bsnams/ /g.yon pa glang chen lpags pa bsnams/ /de 'og dgra ste rdo rje bsnams/ /tha ma mi mgo lcags kyu bsnams/ /gru chad bzhil lha mo bzhi/ /'od skyed ma sku mdog dkar mo/ /zhal cig phyag gnyis me tog bsnams/ /yid 'phrog ma sku mdog ser mo/ /zhal cig phyag gnyis dri'i spos phor bsnams/ /kun bzang ma sku mdog dkar mo/ /zhal gcig phyag gnyis ro mchog bsnams/ /glu sgra ma sku mdog sngon mo/ /zhal gcig phyag gnyis sgra snyan gar/ /shar gyi sgo ru srog gcod ma/ /zhal gcig phyag gnyis sku mdog mthing/ /phyag gnyis tho ba zhags pa bsnams/ /nub sgor khrag 'thung ma sku mdog dmar mo/ /zhal gcig phyag gnyis gri gug gzhaT byar sgor sha za ma zhal gcig phyag gnyis rnon po zhags/ /de ltar gsal bar bskyed nas su/ /ye shes dkyil 'khor spyan drangs nas/ /nam mkhar bzhugs pa de nyid la/ /mchod bstod byas nas dam tshig gi/ /dkyil 'khor dag la bstim par bya/ /de nas bdag nyid shar sgo ru/ /dang po nyid nas mes po'i tshul/ /shar sgo ru ni gnas pa 'am/ /yang na phyi nas sras kyi tshul/ /de nas byin brlabs dbang bskur bya/ /mchod dang bstod brdzogs byas la/ /bsgrub pa'i bzlas
- 363b
brjod thim pa dang/ /slob ma dkyil 'khor gzhug par bya/ /de nas yol bas bcad ba'i bar du/ las kyi chu gtor ba dang/ gdong g.yogs bcing ba dang/ yon phul nas ni mthong ba dri/ /chu blud bka' bsgo byas nas me tog dor/ /mig dbye lha ngo de ni rim bzhin bltan/ /de nas dbang bskur rim bzhin bya/ /yang yum snyoms zhugs 'od zer las/ /bde gshegs 'od bskul bum par thim/ /ma 'dres pas ni 'od zhu nas/ /spyi bor chu yi dbang bskur ro/ /tshigs bcad 'dis ni sbyin par bya/ /sku gsung dam tshig las byung ba'i/ /ye shes bdud rtsi las byung ba'i/ /ye shes bdud rtsi dri ma med/ /lha yi chu ni dag pa yis/ /mi bskyod pa yi dbang bskur ro/ /oM badzra A darsha dz+nyA na a b+hi Shiny+tsa zhes pas so/ /dbu rgyan man ngag shes byas la/ /'di skad do/ / sangs rgyas kun gyi ye shes de/ /dbu rgyan rin chen dam pa ste/ /dbu rgyan rin chen mchog 'gro bas/ /rdzogs sangs rgyas la phyag 'tshal la/ /oM sa man+ta dz+nyA na ratna nA ma hUM tiSh+Tha a b+hi Shiny+tsa zhes pas so/ /rdo'i man ngag shes byas la/ /sangs rgyas kun gyi rdo rje'i dbang/ /mi phyed rdo rje 'od gsal ba/ /dam chos 'byung ba'i sgor gyur pa/ /rdo rje chos kyi dbang bskur ro/ /oM pra ta a b+hi She ka dz+nyA na badzra a b+hi Shiny+tsa/ dril bu'i man ngag shes byas la/ /thabs dang shes rab ldan pa yis/ / 'gro don mnyam med byed pa dang/ /mchod pa'i las rnams rdzogs byed pas/ /rdo rje las kyi dbang bskur ro/ /oM kri tA nut+ta dz+nyA na badzra a b+hi Shiny+tsa/ ming gi man ngag shes byas la/ /rdo rje ming gi dbang bskur bas/ /byang chub snying po'i bar du ni/ /cis kyang mi shigs mi g.yo bas/ /rdo rje'i ming du rab tu grags/ /oM pra ti sho d+ha d+ha rma d+hA tu dz+nyA na nA ma ya b+hi Shiny+tsa mi/ /de nas dam tshig gsum gyi dbang bskur bya ste/ dkyil 'khor phyi rgyud cho ga bzhin/ /tshigs bcad rnams kyang bsgrag par bya/ /oM
- 364a
A(rgyud 'grel): hUM/ de gsum man ngag 'od zer ni/ /bla ma las ni shes par bya/ /de nas me khor dbang bskur bya/ /gong ma bzhin du man ngag gtso/ /de nas khyad par dbang bskur ni/ /phyag rgya'i dkyil 'khor ji bzhin no/ /gos sngon sgrub pa'i dbang bskur ba rdzogs so// //rdo rje slob dpon 'dod pa yis/ /yon gyis bla ma mnyes byas la/ /phyag 'tshal nas ni gsol ba gdab/ /byang chub rdo rje sangs rgyas la/ /ji ltar mchod cing gsol mdzad pas/ /bdag la bsrung pa'i don gyi phyir/ /nam mkha' i rdo rje bdag la gsol/ /zhes gsol ba gdab bo/ /de nas shar phyogs su dkyil 'khor chen po dang/ bar du 'dom gyis chod par ni dbang gi dkyil 'khor tshul bzhin bris la de'i steng du dbang stegs kyi khri byas la pad+ma 'dab ma brgyad pa seng ges mtshan pa bzhag ste/ de la gdugs la sogs pa thams cad kyis klubs la/ rnam par rgyal ba dang/ lha thams cad kyi bum pa dang/ las thams cad kyi bum pas man ngag ji lta ba bzhin dbang bskur ro/ /de nas rdo rje brtul zhugs dang/ lung bstan pa dang/ rdo rje 'dzin dbugs dbyung ba dang/ dus dang 'khor la sogs pa'i dbang byin la/ de nas dkyil 'khor de nyid bstan de nas yon phul la de nas gsang ba'i dbang bskur bar gsol ba gdab po/ /gsang ba'i dbang bskur ba yang 'od dang/ grib ma'i tshul du g.yon du bsams la/ man ngag bzhin du byang sems dbab/ /phab pas sbyin par bya ba dang/ /yang na bdud rtsi rnam lnga ni/ /mtshan dang ldan pa'i snod bzhag nas/ /sa bon lnga la rigs lnga ni/ /snyoms bzhugs bdud rtsir zhu bar bsam/ /yang na dbab pa'i tshul du bya/ /yang na dngos su dbab pa dang/ /yang na gnyis kas bya ba yin/ /bcu gang gi ni lde gu spyar/ /
- 364b
cha gnyis bsres pas gong bzhin no/ /tshigs bcad 'dis ni gsol ba gdab/ /rdo rje sems dpa' khyod sangs rgyas kyis ni bde ba 'grub/ /rnam dag byang chub sems dpa' ni/ /rgya cher sras su bcas pa rnams/ /yun ring stong nyid sgom gdung la/ / dga' bas yid 'ong bde chen gyis ni dgyes par mjod/ /kye 'dod chags dri med kun tu bzang po'i spyod pa ste/ /dga' ba'i 'dod chags rdo rje'i dam tshig la ni phye mdzad nas/ /dga' ba rnam pa drug po spyod pas shin tu gdung ba ni/ /rab tu dgyes dbang 'dod pa'i bde ba nyid kyis 'jug par 'tshal/ /byang chub sems ni rin chen 'bar 'byung ba'i/ /ma lus rgyal ba rnams ni lus skams la/ /rnam dag rdo rje las byung ye shes chu/ /dri med rin chen sbyir dbab dbang bskur ro/ /mnyam pa ma mnyam 'dod chags tshul dag pas/ /pad+ma'i gnas su rdo rje gtong mdzad pa/ /sna tshogs sems dpa' sems can brlag gyur pa/ /sbyor ba gzhan pa yin pa thogs bshad par gsol/ /rdo rje sems khyod dbang mchog bde bar byed pa yi/ /rdo rje pad+ma bye ba'i tshul gyis sbyor mdzad de/ /rgyal ba kun gyi gzugs sku rab ston nas/ /thams cad bde grub nyid kyis bdag la dgyes par mdzod/ /de nas tshogs kyis mchod byas la/ /mtshan ldan snod nas blangs nas ni/ /rdo rje srin mtheb byin brlabs la/ / oM a mri ta gu hya a b+hi Shiny+tsa zhes pas mgrin par gsung la dbul bar bya'o/ /slob mas byad bdud rtsi chen por bsam la a ho sa zhes pas btud par bya'o/ /de nas gsang ba'i dbang bskur ba'i bstod pa yang bya'o/ /da ni shes rab ye shes kyi dbang bskur bar bya ste/ phyag rgya la brten mi 'jug la/ /man ngag 'di ni bstan pa yin/ /yid gyi lta mo gzugs mdzes la /man ngag sbyar bar bya ba dang/ /yang na rdo rje lce ba tung gi /sbyor ba'i man ngag brten pa dang/ yang na rtsa ni gnyis bo
- 365a
lo/ /phyag rgya'i sbyor ba bstan pa dang/ /yang na rdzas rnams mthu chen gyis/ /byugs pas dga' ba skye 'gyur ro/ /slob mas yon dbul gsol ba gdab/ /mchod cing bstong pas mnyes byas la/ /'di skad tshig kyang brjod par bya/ /khams gsum la ni rnam grol zhing/ /nam mkha' dang ni mnyam gyur pa/ /'dod pa rnams kyis ma gos pa/ /dmigs med khyod la phyag 'tshal/ /phung po rnams dang skye mched rnams la mi brten cing/ /phyin ci log pas rnam grol zhing/ /nam mkha' dang ni mnyam 'gyur zhing/ /'dod pa dag gis ma gos pa/ /dmigs med khyod la phyag 'tshal lo/ /rnam rtog med cing kun rtog med/ /thugs ni rab tu mi gnas pa/ /bsam gyis mi khyab pa yi thugs/ / dmigs med khyod la phyag 'tshal lo/ /ji ltar nam mkha' gnas med cing/ /sgros med dgos pa med pa ltar/ /mkha' dang mnyam pa'i thugs mnga' ba'i/ /dmigs med khyod la phyag 'tshal lo/ /thams cad stong pa'i rang bzhin can/ mngon par byang chub blta bar 'tshal/ /dga' mchog sgo nas bstod mdzad pa/ /lhan cig ye shes khyod phyag 'tshal/ /de nas sngags 'di brjod par bya'o/ /oM pra dz+nyA dz+nyA na a b+hi Shiny+tsa mi/ zhes pa lan bdun nam nyi shu rtsa gcig bzlas so/ /de nas dbang bzhi bstan pa ni/ /bzhung lugs mi 'dra mang mod kyang/ /dang po'i tshig rten man ngag ni/ /rna ba dag tu brgyud pa yin/ /tha ma lhan cig dga' ba yin/ /dang po bum pa'i dbang gis ni/ /man ngag rnams ni bstan pa yin/ /de nas gsang ba yi bstan la/ khyad par sngags rnams don dang bcas rnams ni/ /rna ba brgyud par bya ba ni/ /oM nI lAM ba ra d+ha ra badzra pA Ni hUM hUM phaT/ oM pradz+nyA ti sa ta ni ya hUM phaT/ oM sha swa gA pa yi hUM phaT/ oM ga ti sh+rI??
- 365b
ni hUM phaT/ oM maM sa b+hak+Sha ni hUM phaT/ /oM trai lokya bi dza ya hUM phaT/ oM badzra yak+Sha hUM phaT/ oM mahA kA la ro Sha Na hUM phaT/ oM badzra be ta li hUM phaT/ oM bai sh+ra pa Na ye hUM phaT/ oM badzra DA? gi ye hUM phaT/ oM a mrita kuN+Da li ha na ha na hUM/ oM badzra b+ha ra ya hUM phaT/ oM bra bitpa na ya hUM phaT/ oM ma na maha ra nA ya hUM phaT/ oM sa man+ta b+ha drE ya hUM phaT/ oM shabda gI ti ya hUM phaT/ oM nI lAM ba ra d+ha ra badzra pA Ni mahA yakA se na ba ta ye hUM hUM phaT/ sngags kyi don rnams ma shes na/ / dag gi sgrib ba mi 'dag phyir/ /des na slob dpon rna brgyud kyi/ /man ngag de la nan tan bya/ /de nas shes rab ye shes kyi/ /man ngag de ni bstan par bya/ /dga' ba bum pa'i don bstan la/ /mchog dga' gsang ba'i don bstan no/ /khyad par shes rab ye shes bstan/ /lhan cig skyes pa'i dga' ba ni/ /bzhi pa kho na bstan pa yin/ /yang na bum pa'i dbang bskur nas/ /bskyed pa'i rim pa bstan pa yin/ /de nas gsang ba'i dbang bskur nas/ /rdo rje bzlas ba bstan par bya ?? shes par ye shes dbang bskur nas/ /sems dben par ni bstan par bya/ /de nas sgyu ma la gnas pas/ /bzhi pa'i man ngag bstan par bya/ /de nas 'od gsal la gnas pas/ /zung 'jug ting 'dzin bsgom par bya/ /zung 'jug ting 'dzin mthar phyin pa/ /chos kyi sku zhes de la bya/ /de ltar bzhi pa'i rna brgyud bstan/ /dpa' bskur rdzogs nas tshogs 'khor bya/ /gtor ma btang nas mkha' 'gro bskang/ /sbyin sreg gis ni lhag chang bskang/ /yi ge brgya ba zlos byed cing/ /dkyil 'khor bskor zhing sgra rnams brdung/ /ye shes gshegs nas ting 'dzin bsdu/ /rdul tshon chags la chu la dor/ /maN+Dal zhal bsil dga' ston bya/ /rnal 'byor lam ba'i don chen du/ /rgyud rnams kun dang mi 'gal
- 366a
ba'i/ /dkyil 'khor cho ga 'di byas pas/ /'di byas dge ba'i rtsa ba yis/ /bdag dang mdza' yas sems can rnams/ /thams cad byang chub thob par shog /dkyil 'khor gyi cho ga slob dpon b+ha bas mdzad pa rdzogs so/ / lo tsA ba dge slong gzhon nu tshul khrims kyis bsgyur cing gtan la phab pa'o// // */ /lung bstan sbyor ba'i man ngag slob dpon chen po b+ha bas mdzad pa bzhugs so// //bcom ldan 'das rdo rje 'dzin pa la phyag 'tshal lo/ /lung bstan sbyor ba'i man ngag 'di/ /rgyud rnams kun las mi gsal ba'i/ /mkha' 'gro ma yi rgyas btab la/ /rnal 'byor blo dman don du ni/ /yang nas yang du gsol btab nas/ /yid ches brod pa bskyed pa'i phyir/ /man ngag rim pa bstan pa la/ /bla ma la ni mnyan par gyis/ /gsang sngags sgo ni dpag med nas/ /thabs kyi rim pa mang gsungs pa/ /sems can las ni sna tshogs pas/ /so so mos pa mi mthun phyir/ /dper na sman rnams nus pa yis/ /nad rnams so sor sel ba bzhin/ /man ngag thabs rnams so sos kyang/ /dug gi nad rnams 'joms par byed/ /dper na sman nus gcig gis kyang/ /phrad pa tsam gyis nad 'jom pa'o/ /yang na gnyis 'joms gsum 'joms dang/ /bzhi 'joms lnga 'joms la sogs dang/ /mang po 'dus nas 'joms pa dang/ /de dag kun gyis ma tshoms pa/ /sbyor ba gzhan log 'joms pa dang/ /gzhan pa kho nas 'joms pa dang/ /sman dang sbyor ba de dag kyang/ /mkhas pa yis ni 'joms par 'gyur/ /mi mkhas pas ni gnod par 'gyur/ /sman pa mkhas par gyur kyang ni/ /brtson 'grus nan tan ma byas na/ /nang rnams 'joms par mi 'gyur ro/ /de bzhin mthun
Colophon
dkyil 'khor gyi cho ga slob dpon b+ha bas mdzad pa rdzogs so/_/lo tsA ba dge slong gzhon nu tshul khrims kyis bsgyur cing gtan la phab pa'o