gter snying po rin po che spungs pa'i rgyud
Suranadhanaraṅnarasvitantra
Text
ff. 86b–89a · 6 folio sides
- 86b
nor mi 'gyur ba la bya'o// snying po ces pa ni rtsa ba dang rang bzhin la bya'o// yang snying ces pa ni byed pa med pa la bya/ rtsal du med pa'i phyir yang / snying po bcud ces pa ni nying khung 'dus pa ma bcos pa'o// spungs ces pa ni thig le bcud 'dus shing spungs pa'o// bcud thig ces pa ni gdams pa'i skal ba dang ldan pa la babs pa'o// bdud rtsi ces pa ni nyon mongs pa dug lnga'i bdud la sku lnga yis lnga'i rtsis 'dul zhing 'joms pa'o// 'khor ces pa ni sdug bsngal zad pa med pa dang bcings pa'o// thog ma ces pa ni ma byung ma skyes/ ci yang med pa tha snyad las 'das pa'o// tha ma ces pa ni bska ldan gcig 'gro drug gi g.yang sa chod nas rang ngo shes shing // sangs rgyas pa'o// gcod ces pa ni man ngag go// rgyud ces pa ni rgyun ma chad pa'o// dgongs pa ces pa ni chos nyid la'o// nges bces pa ni ma nor ba'o// 'grel patsas pa ni ye shes so// ces gsung so// rin po che spyi gnad skyon sel thig le kun gsal gyi rgyud las// gnad 'grol ba'i le'u ste dgu pa'o// / rin po che spyi gnang skyon sel thig le kun gsal gyi rgyud le'u dgu pa rdzogaso// / / skyon gyi slob dpon pad+ma 'byung gnas dang / lots+tsha bka ba dpal rtsegs kyis bsgyur nas// rgyal po khri srong sde'u bo tsan la gdams te/ rin po che gter du swa so// gter rgya/ sbas rgya/ gtang rgya/ gsang rgya'o// gtar rnying rin po che srungs pa'i rgyung bzhugs// rgya gar skad du/ su ra na d+ha na rong na ra sri tan tra/ bod skad du
- 87a
gter snying po rin po che spungs pa'i rgyud/ bcom ldan 'das thog ma'i sangs rgyas 'od mi 'gyur ba la phyag 'tshalo// 'di skad bdag gis rang bzhin rtogs nas bshad pa'i dus cig na/ rang bzhin gyi rnam par dag pa'i gnas kun gzhi'i pho brang // kun gzhi'i sems nyid khyab brdal chen po'i dkyil// 'od gsal 'gags pa med pa'i klong // rin po che rtsal zer kun 'byung gi mkha'// bsgrib pa med par 'od gsal ba/ de nyid rnam par dag pa/ rgya chad phyogs lhung med pa'i gnas de na/ mngon mthong spyi phud kyi sangs rgyas 'od mi 'gyur ba bzhugaso// de'i tshe rtsal zer shes rig gis 'khor yang 'di lta ste/ ma 'gag rtsal zer 'od dang 'gyur pa'i 'khor dang / shes rig yi sems dran rtog blo yis 'khor dang / rang bzhin gyi 'khor yang 'di lta ste// rang bzhin gnas pa'i 'khor dang / rang bzhin lta ba'i 'khor dang / rang bzhin rtog ba'i 'khor dang / gzhan yang smin pa chen po'i 'khor yang 'di lta ste// rgyu'i byang chub sems dpa' dang / lam gyi byang chub sems dpa' dang / 'bras bu'i byang chub sems dpa'o// bstan pa'i rgyal po gter snying rin po che srungs pa'i rgyud 'di/ dus gsum dbyer med snga phyi med pa'i dusu gsungaso// gter snying rin po che spungs pa'i rgyud las/ gleng gzhi phun sum tshogs pa'i le'u ste dang po'o// // de nas shes rig rgyal po yis// sngon thog spyi phung sangs rgyas la// gzhi 'khrul rtsad gcod rtogs thabs gang // ces zhus pa dang / ston pas 'khor la bka' stsal pa/ gzhi ni ming ma thogs pa la// dngos med ka dag blo las/
- 87b
'das/ dpe med tshig med tha snyad med// lhun grub kun ldan gang yang med// mi 'gyur kun gzhi phyogs med klong // ces gsung so// gzhi bstan pa'i le'u ste gnyis pa'o// / de nas shes rig rgyal po yis/ rnga sngon thog spyi phud sangs rgyas la// ka dag ma rtogs ji ltar 'khrul// ces zhus pas/ ston pas 'khor la bka' stsal pa/ gzhi la 'khor dang ma 'khrul med// ka dag ma rtogs 'khrul pa yin// dngos med ma rtogs sdug bsngal myong // rnal ma rtogs 'khor bar 'khyams// ye gsal ma rtogs ma rig mun+ta// rangs ma zin 'gro drug 'khrul// tho yor thag pa smig rgyu gsum// mi sbrul chur 'khrul dpe dang mtshungs gzhi la med de rtog pas gzung // nyes skyon sdug bsngal zad mtha' yas// ces gsung so// gter snying rin po che spungs pa'i rgyud las// 'khrul pa bstan pa'i le'u ste gsum pa'o// de nas rig pa'i rgyal po yis// sngon thog sangs rgyas spyi phud la// 'khor ba rtsad nas ji ltar bcad/ ces zhus pa dang / ston pas 'khor la bka' stsal pa/ gzhi 'khrul rtsad tshong ma bu 'brad// 'khrul chod klong du rgya yis thebs// khams gsum 'gro drug rtsad chod pas// ma rig 'khor ba'i ming yang meng // lan tshwa chu ru thim pa 'am/ dug la sngags kyis phebs pa 'dra// ces gsung so// gtor snying rin po che srungs pa'i rgyud las/ cad gcod bstan pa'i le'u ste bzhi pa'o// / de nas rig pa'i rgyal po las// sngon thog spyi phung sangs rgyas la// dngos po mngan ka ngag gang gis rtog/ ces zhus pa ngas /
- 88a
ston pas 'khor la bka' stsal pa/ dngos med ka dag rtogs thabs ni// rtsol med bsam bral rtogs pa las// lha sgom spyod pa ma yin no// cang med spyir snang dngos med kun gzhi de// 'dod bral blo 'das bsam med dang sad de/ stong gsal ye dngas sang de dngos med dbyings// gting gsal gdang la gang gi tha snyad med// ka dag rnal ma blo 'das rtogs// ces gsung so// gter snying rin po che spungs pa'i rgyud las/ rtogs thabs bstan pa'i le'u ste lnga pa'o// // de nas rig pa'i rgyal po yis// sngon thog spyi phung sangs rgyas la// la zla chen por ji ltar lags// ces zhus pa dang / ston pas 'khor la bka' sprul pa/ ka dag dngos med rnal ma la// sangs rgyas byang chub chos rnams med// sku dang rigs lnga lha sgom med// nyams rtogs mngon shes tha snyad med// 'khor 'das yod med rtag chad med// chags sdang 'khor ba'i bya ba med/ yid brengs kyang ma gtad 'khrul snang yin// 'khrul snang chags sdang nam kyang slu/ nga bas 'khor ba'i bya ba thong // chags na lha la chags kyang ltung // gang la'ang chags sdang ma byed cig/ ces gsungaso// gter snying rin po che srungs pa'i rgyud las/ la zla'i le'u ste drug pa'o// / de nas rig pa'i rgyal po yis// sngon thog spyi phung sangs rgyas la// gzhi yi 'khrul pa rtsang chong pas/ rtogs thabs gdams ngag ji ltar bstan// ces zhus pa dang / ston pas 'khor la bka' stsal pa// gsang sngags bsdus bshad 'khor rnams nyon// nam mkha'i dbyings la ci 'dug ltos//
- 88b
ces gsungaso// 'khor gyis na mkha'i dbyingasu ltas// ci yang mi gda' gang ma mthong // de la ston pas bka' stsal pa/ ma mthong ba de mthong ba yin// ces gsung so// ston pas 'khor la bka' stsal pa/ ra mkha'i mthongasu 'ja' mtshon shar ba de// dngos por 'dug na ma zin na mkha' gdangs// ces pa dang / yang la ka'i la btsas mi bltos// thag ring thang chad 'gron po la// sngon na lha khang stong gnyis 'dug/ sgo gnyis gang zhig phye nas 'gro/ 'gron po skye med 'dzegs par phyin// mi 'byung dgra gnyen gang yin nam// mi gnyis cig 'gro la gshol 'debs// thog mar gang du lhogs lags na// long ma'i mig phyed mun nag nyi shar ram// sha btsan rdos khro la dug la sngags thebs sam// lan tshwa chur thim gnas la mdangs phog gam// gser 'gyur rtsir ldan nang pas sman zos sam// sdong po rtsad tshong wa phrug ma phrad dam/ zas kyi bcud 'thungs nor gyi dbyigs rnyed dam// ces gsungaso// gtar snying rin po che srungs pa'i rgyud las/ gsang sngags brdas bstan pa'i le'u ste bdun pa'o// / de nas rig pa'i rgyal po yis sngon thog spyi phung sangs rgyas la// gnas phyogs bcu dgongs ji ltar lags// ces zhus pa dang / ston pas 'khor la bka' stsal pa/ rnam dag 'od gsal dkyor 'di// ka dag dngos med lha yi mchog/ blo 'das mchod bstod bshags pa'i mchog/ ka dag rnal ma dbang gi mchog/ snang srid dbyer med gtor tshogs mchog/ zhe 'dod rtsol mer 'jug sgo'i mchog/ 'dzin med blo ni gang du rang skye med dgongs pa'i mchog/
- 89a
@gang yang zhe 'dod rten med lta ba'i mchog/ yid sems gang yang mi 'gyur bsgom pa'i mchog/ dran rig la'ang ma chags sbyod ba'i mchog/ shes pa gang la'ang mi 'jug nyams kyi mchog/ dngos med ka ngag blo 'das 'bras bu'i mchog/ smon pa'i sa non sa lam 'bras bu'i mchog/ brtsol bsgrub bya byed med pa sangs rgyas mchog/ snang sring yod med kun rdzogs rdzogs chen gyi/ tsas gsung so/ gter snying rin po che spungs pa'i rgyud las/ mchog bstan pa'i le'u ste brgyad pa'o// / de nas rig pa'i rgyal po yis// dngos med sangs rgyas spyi phud la// mtshan dang gtang rgya ji ltar la Ta/ ces gsol pa dang / ston pas 'khor la bka' stsal pa// sna tshogs kun 'byung snying por 'dus// snying po gter snying rgyad du zung // dgos 'dod ma lus 'byung ba ya// rin po che yi rgyud du zung // don gyi bcud rnams spungs pa'i phyir// rin chen spungs pa'i rgyud ngu zung // rgyud bzang dang ring dad pa che// gus dang dam tshig shes rab ldan// de lta bu la rgyud 'di gtad // dam med nga rgyal g.yo sgyu can// de lta bu la mi sbyin no// ces gsungaso// gtor snying rin po che spungs pa'i rgyud las/ mtshan dang snod bstan pa'i le'u ste dgu pa'o// // gter snying rin po che spungs pa'i rgyud kyi rgyal po rdzogaso// skyon pad+mas bshad cing lo tsa ba ka ba dpal rtsegs kyis bsgyur nas/ rgyal po khri srong lde btsan la gdams pa'o// gter rgya/ zab rgya/ gtang rgya'o// thil mi ma mas chung srung sa sgor ma yar gyi chung bzhugs//