'phags pa ga ya 'go'i ri zhes bya ba theg pa chen po'i mdo
Āryagayaśirśanamamahāyanasutra
Text
ff. 324a–334b · 22 folio sides
- 324a
te byang chub kyi mtshan nyid de lta bu lags na/ bcom ldan 'das rigs kyi bu 'am/ rigs kyi bu mos ji ltar byang chub kyi slad du 'jug pa bgyi/ 'jam dpal byang chub de ji lta ba de bzhin du byang chub sems dpas byang chub kyi phyir 'jug par bya'o// 'jam dpal gyis gsol ba/ bcom ldan 'das ji ltar rab tu 'tshal bcom ldan 'das kyis bka' stsal pa/ 'jam dpal byang chub ni khams gsum pa las yang dag par 'das pa/ tha snyad las yang dag par 'das pa/ yi ge'i sgra skad las yang dag par 'das pa/ sgra las yang dag par 'das pa/ 'jug pa med pa/ bzod ma nyid nas 'jug pa med pa'o// 'jam dpal de lta bas na byang chub sems dpa' 'jug pa las yang dag par 'das pa rnams kyis/ byang chub kyi phyir 'jug par bya'o// 'jam dpal 'jug pa med pa ni/ byang chub la 'jug pa'o// 'jam dpal dngos po med pa la 'jug pa ni byang chub la 'jug pa'o// 'jam dpal bla bag med pa la 'jug pa ni byang chub 'jug pa'o// 'jam dpal chos kyi dbyings kyi rang bzhin la 'jug pa ni/ byang chub la 'jug pa'o// 'jam dpal chos thams cad la mngon par zhen pa med pa la 'jug pa ni
- 324b
byang chub la 'jug pa'o// 'jam dpal yang dag pa'i mtha' dbyer med pa la 'jug pa ni byang chub la 'jug pa'o// 'jam dpal dor ba med pa dang / bzhag pa med pa la 'jug pa ni byang chub la 'jug pa'o// 'jam dpal tha dad pa ma yin pa dang / tha dad pa med pa la 'jug pa ni byang chub la 'jug pa'o// 'jam dpal so so yang dag par rig pa'i mig yor dang / brag cha dang nam mkha' dang / chu zla dang / mi rgyu la 'jug pa ni 'jug pa'o// de nas lha'i bu zla ba dri ma med pa'i gzi brjid 'od zer gyi 'od kyis 'jam dpal gzhon nur gyur pa la 'di skad ces smras so// 'jam dpal byang chub sems dpa' rnams kyi spyod pa'i rtsom pa ni ci gnas ni gang / 'jam dpal gyis smras pa/ lha'i bu byang chub sems rnams kyi spyod pa'i rtsom ni snying rje chen po'o// gnas ni sems can no// smras pa 'jam dpal byang chub sems dpa' rnams kyi snying rje chen po cis bsdus 'jam dpal gyis smras pa/ lha'i bu byang chub sems dpa' rnams kyi snying po ni g.yo ba med pas bsdus pa'o// smras pa/ 'jam dpal gyis smras pa/ lha'i bu byang chub sems dpa' rnams kyi g.yo ba med pa ni sems can thams cad la snyoms pa'i sems kyis bsdus/ sbas pa/ 'jam
- 325a
dpal sems can thams cad la snyoms pa'i sems cis bsdus/ 'jam dpal gyis smras pa/ lha'i bu byang chub sems dpa' rnams kyi sems can thams cad snyoms pa'i sems ni tha dad pa ma yin pa dang / tha dad pa med pa'i spyod pas bsdus so// 'jam dpal gyis smras pa/ lha'i bu byang chub sems dpa' rnams kyi tha dad pa ma yin pa dang / tha dad pa med pa'i spyod pa ni bsam pa dang / lhag pa'i bsam bas bsdus so// smras pa/ 'jam dpal bsam pa dang / lhag pa'i bsam pa ci'i phyir byung / smras pa/ lha'i byang chub sems dpa' rnams kyi bsam pa dang lhag pa'i bsam pa ni byang chub sems kyi phyir byung ngo // smras pa/ 'jam dpal byang chub kyi sems ci'i phyir byung smras pa/ lha'i bu byang chub sems dpa' rnams kyi byang chub kyi sems ni pha rol tu phyin pa drag gi phyir byung ngo // smras pa/ 'jam dpal pha rol phyin pa drug ci'i phyir byung / smras pa/ lha'i bu byang chub sems dpa' rnams kyi pha rol tu phyin pa drug po dag thabs dang shes rab gnyis kyi phyir byung ngo // smras pa/ 'jam dpal thabs dang shes rab ci'i phyir byung / smras pa/ lha'i bu byang chub sems dpa' rnams kyi thabs dang shes ni bag yod pa'i phyir byung ngo // smras pa/
- 325b
'jam dpal bag yod pa ci'i phyir byung / smras pa/ lha'i byang chub sems dpa' rnams kyi bag yod pa ni legs par spyod pa rnams pa gsum gyi phyir byung ngo // smras pa/ 'jam dpal legs par spyod pa rnam pa gsum ci'i phyir byung / lha'i bu byang chub sems dpa' rnams kyi legs par spyod pa rnam pa gsum ni dge ba bcu'i las kyi lam gyi phyir byung ngo // smras pa/ 'jam dpal dge bcu'i las kyi lam dag ci'i phyir byung / smras pa/ lha'i bu byang chub sems dpa' rnams kyi dge ba bcu'i las kyi lam dag ni sdom pa'i phyir byung ngo // smras pa/ 'jam dpal sdom ci'i phyir byung / lha'i bu byang chub lha'i bu byang chub sems dpa' rnams kyi sdom pa ni tshul bzhin du yid la bya ba'i phyir byung ngo // smras pa/ 'jam dpal tshul bzhin du yid la bya ba ci'i phyir byung / smras pa/ lha'i bu byang chub sems dpa' rnams kyi tshul bzhin du yid la bya ba ni so sor rtog pa'i phyir byung / smras pa/ 'jam dpal so sor rtog pa ci'i phyir byung / smras pa/ lha'i bu byang chub sems dpa' rnams kyi so sor rtog pa dran pa'i phyir byung ngo // smras pa/ 'jam dpal byang chub sems dpa' rnams kyi sems bskyed pa dag rgyur bsdu ba dang / 'bras bur bsdu bar
- 326a
'gyur ba du/ 'jam dpal gyis smras pa/ lha'i bu byang chub sems dpa' rnams kyi sems bskyed pa dag rgyur bsdu ba dang / 'bras bur bsdu bar 'gyur ba ni bzhi po 'di dag ste/ bzhi gang zhe na/ dang po sems bskyed pa dang / spyod pa dang / 'brel pa dang / phyir mi ldog pa dang / bskye ba gcig gis thogs pa'o// de la dang po sems bskyed pa ni spyod pa dang 'brel pa'i rgyur blta'o// spyod pa dang 'brel pa'i ni phyir mi ldog pa'i rgyur blta'o// phyir mi ldog pa ni skye ba gcig gis thogs pa'i rgyur blta'o// skye ba cig gis thogs pa 'bras bu dang / 'brel ba'i rgyur blta'o// lha'i bu gzhan yang dper na/ sa bon btab pa de lta bur ni dang po sems bskyed pa blta'o// dper na sa bon las myu gu mngon par 'grub pa de lta bur ni spyod pa dang / 'brel ba'i sems bskyed par blta'o// dper na sdong bu dang 'dab ma dang / me tog dang 'bras bu 'byung ba de lta bur ni phyir mi ldog pa'i sems bskyed pa blta'o// dper na 'bras bu yongs su smin pa de lta bur ni skye ba cig gis thogs pa'i sems bskyed par blta'o// lha'i bu gzhan yang dper na/ shing rta mkhan gyi bsdu ba shes pa de lta bur ni dang po sems bskyed par blta'o// dper na shing rta'i yan lag yongs su sbyang ba shes pa de lta bur
- 326b
ni spyod pa dang / 'brel pa'i sems bskyed par blta'o// dper na shing rta mkhan gyi yan lag sbyor ba shes pa de lta bur phyir mi ldog pa'i sems bskyed par/ blta'o// dper na khal dag la bshes pa de lta bur ni skye ba gcig gis thogs pa'i sems bskyed pa blta'o// lha'i bu gzhan yang zla ba tshes pa'i dkyil 'khor mngon par 'grub pa de lta bur ni dang po sems bskyed pa blta'o// dper na tshes lnga dang drug dang bdun gyi nub mo zla ba'i dkyil 'khor sha ra ba de lta bu ni spyod pa dang 'brel pa'i sems bskyed par blta'o// dper na tshes bcu'i nub mo zla ba'i dkyil 'khor shar ba de lta bur ni phyir mi ldog pa'i sems bskyed ba blta'o// dper na tshes bcu'i bzhi'i nub mo zla ba'i dkyil 'khor shar ba de lta bur skye ba cig gi thogs pa'i sems bskyed pa blta'o// dper na tshes bco lnga'i nub mo zla ba'i dkyil 'khor shar ba de lta bur ni de bzhin gshegs pa'i ye shes lta'o// lha'i bu gzhan yang sems bskyed pa dang po ni nyan thos kyi sa las yang dag par 'da'o// sems bskyed pa gnyis pa ni rang sangs rgyas kyi sa las yang dag par 'da'o// sems bskyed pa gsum pa ni ma nges pa'i sa las yang dag par 'da'o// sems bskyed pa bzhi pa ni nges pa'i phung po la gnas so// lha'i bu gzhan yang dang po sems bskyed pa ni yi ge'i
- 327a
phyi mo 'dzin pa'i tshul du blta'o// dper na rnams par dbye ba la rab tu rnam par 'byed par shes pa de lta bur ni sbyong ba dang / 'brel pa'i sems bskyed pa blta'o// dper na grangs dang rtsis dang shod dgod pa de lta bur ni phyir mi ldog pa'i sems bskyed par blta'o// dper na bstan bcos rnams khong du chud pa shes pa de lta bur ni skye ba cig gis thogs pa'i sems bskyed pa blta'o// lha'i bu gzhan yang sems bskyed pa la dang ni rgyur 'brel pa'o// sems bskyed pa gnyis pa ni ye shes dang 'brel pa'o// sems bskyed pa gsum pa ni spong ba dang 'brel pa'o// sems bskyed pa bzhi pa ni 'bras bu dang 'brel pa'o// lha'i bu gzhan yang sems bskyed pa dang po ni rgyus bsdus pa'o// sems bskyed pa gnyis pa ni ye shes kyi bsdus pa'o// sems bskyed pa gsum pa ni spong bas bsdus pa'o// sems bskyed pa bzhi pa ni 'bras bus bsdus pa'o// lha'i bu gzhan yang sems bskyed pa dang nga po ni rgyus las yang dag par byung ngo // sems bskyed pa gnyis pa ni ye shes las yang dag par byung ba'o// sems bskyed pa gsum pa ni spong ba las yang dag par byung ngo // sems bskyed pa bzhi pa ni 'bras bu las yang dag par byung ba'o// lha'i bu gzhan yang sems bskyed pa dang po ni rgyu rab tu dbye ba'i
- 327b
yan lag go// sems bskyed pa gnyis pa ni ye shes rab tu dbye ba'i yan lag go// sems bskyed pa gsum pa ni spong ba rab tu 'byed pa'i yan lag go// sems/ bskyed pa bzhi pa ni 'bras bu rab tu 'byed pa'i yan lag go// lha'i bu gzhan yang sems bskyed pa dang po ni sman bsdu ba'i tshul du blta'o// sems bskyed pa gnyis pa ni sman rab tu dbye ba la mkhas pa'i tshul du blta'o// sems bskyed pa gsum pa ni sman sbyor ba la mkhas pa'i tshul du blta'o// sems bskyed ba gzhi pa ni nad pa gso ba la mkhas pa'i tshul du blta'o// lha'i bu gzhan yang sems bskyed pa dang po ni chos kyi rgyal po'i rigs kyi rgyud du byung ba'i tshul du blta'o// sems bskyed pa gnyis pa ni chos kyi rgyal po'i rigs kyi rgyud kyi brlab pa yang dag par 'dzin pa'i tshul du blta'o// sems bskyed pa gsum pa ni chos kyi rgyal po'i rigs kyi rgyud kyi brlab pa tshar phyin pa'i tshul du blta'o// sems bskyed pa bzhi pa ni chos kyi rgyal po'i rigs kyi rgyud kyi brlab pa la dbang bsgyur ba'i tshul du lta'o// de nas lha'i bu 'od rnam par nges pa'i 'od zer gyi 'od kyis/ 'jam dpal gzhon nur gyur pa la 'di skad ces smras so// 'jam dpal byang chub sems dpa' rnams gang dang ldan na/ myur du bla na med pa yang dag par rdzogs par byang chub sems dpa' rnams kyi lam mdo bsdu ba gang / 'jam dpal gyis smras pa/ lha'i bu
- 328a
byang chub sems dpa' rnams kyi lam ni mdor bsdu na 'di gnyis te/ byang chub sems dpa' dag lam 'di gnyis dang ldan na/ myur/ du bla na med pa yang dag par rdzogs pa'i byang chub du mngon par 'tshang rgya'o// gnyis gang zhe na/ 'di lta ste/ thabs dang shes rab po// de la thabs ni bsdu ba shes pa'o// / shes rab ni yongs su gcod pa shes pa'o// thabs ni sems can la blta'o// shes rab ni chos thams cad la mi lta'o// thabs ni chos la sbyor ba shes pa'o// shes rab ni 'brel pa shes pa'o// thabs ni rgyu la dmigs pa shes pa'o// shes rab ni rgyu zad par 'gro ba'o// thabs ni chos tha dad pa shes pa'o// shes rab ni chos kyi dbyings dbyer med pa shes pa'o// thabs ni sangs rgyas kyi zhing gi rgyan shes pa'o// shes rab ni sangs rgyas kyi zhing mnyam pa nyid dbyer med par shes pa'o// thabs ni sems can gyi dbang po dang spod pa la 'jug par shes pa'o// shes rab ni sems can dmigs su med par shes pa'o// thabs ni byang chub kyi rgyun thob par byed pa shes pa'o// / shes rab ni sangs rgyas kyi chos thams cad mngon par rdzogs par byang chub pa shes pa'o// shes rab ni sangs rgyas kyi chos thams cad mngon par rdzogs par byang chub ba shes pa'o// lha'i bu gzhan yang mdor bsdus pa'i lam gnyis gang zhe na/ tshogs kyi lam dang yongasu gcod pa'i lam mo// de la tshogs kyi lam ni pha rol tu phyin
- 328b
pha rol tu ba lnga po dag go/ yongs su gcod pa'i lam ni shes rab kyi phyin pa'o// gzhan yang mdor bsdus pa'i lam gnyis te/ gnyis gang zhe na/ chags pa dang / bcas pa'i lam dang chags pa med pa'i lam mo// de la chags pa dang bcas pa'i lam ni pha rol tu phyin pa lnga po dag go/ chags pa med pa'i lam ni shes rab kyi pha rol tu phyin pa'o// gzhan yang mdor bsdus pa'i lam gnyis te/ gnyis gang zhe na/ zag pa dang bcas pa'i lam dang zag pa med pa'i lam mo// de la zag pa dang bcas pa'i lam ni pha rol tu phyin pa lnga po dag go/ zag pa med pa'i lam ni shes rab kyi pha rol tu phyin pa'o// gzhan yang mdor bsdus pa'i lam gnyis te// gnyis gang zhe na/ tshad yod par byas pa'i lam dang tshad med par byas pa'i lam mo// de la tshad yod par byas pa'i lam ni mtshan ma'i gnas so// tshad med par byas pa'i lam ni mtshan ma med pa'i gnas so// gzhan yang mdor bsdus pa'i lam gnyis te/ gnyis gang zhe na/ shes pa'i lam dang / spong ba'i lam mo// de la shes pa'i lam ni sa dang po nas bzung ste/ sa bdun pa'i bar du'o// spong ba'i lam ni sa brgyad pa nas bzung ste/ sa bcu pa'i bar/ da'o// de nas byang chub sems dpa' sems dpa' chen po ye shes sgrib pa dpa' bos 'jam dpal gzhon nur gyur pa la 'di skad ces smras so// 'jam
- 329a
dpal byang chub sems dpa' sems dpa' chen po ji ltar na/ don gyis rab tu phye ba yin/ ji ltar na ye shes kyis rab tu phye ba yin/ 'jam dpal gyis smras pa/ rigs kyi bu don ni ldan pa med pa'o// ye shes ni ldan pa'o// 'jam dpal ci'i phyir/ don ni ldan pa med pa med la ye shes ni ldan pa yin/ 'jam dpal gyis smras pa/ rigs kyi bu don ni 'dus ma byas pa ste/ chos gang dang yang ldan pa 'am/ mi ldan pa ma yin par khong du chud par bya'o// de ci'i phyir zhe na/ don ni 'gyur ba med pa'i mtshan nyid yin te/ de ni chos gang dang yang ldan pa 'am/ mi ldan pa ma yin par khong du chud pa bya'o// don ni gzod ma nas yongasu grub pa med pa'i phyir chos gang dang yang ldan pa 'am/ mi ldan pa ma yin par khong du chud byar bya'o// don ni dor ba med pa dang / bzhag pa med pa'i phyir/ chos gang yang ldan pa 'am/ mi ldan pa ma yin par 'ong du chud par bya'o// ye shes shes bya ba ni lam ste/ lam ni sems dang yang dag par ldan pa yin gyi mi ldan pa te/ rigs kyi bu de'i phyir ye shes ni ldan pa zhes bya ba ste/ mi ldan pa ma yin no// ye shes na spong ba dang / yang dag par ldan pa yin gyi/ mi ldan pa yin te/ rigs kyi bu de'i phyir ye shes ni ldan pa zhes bya ste/ mi ldan pa ma yin to// ye shes zhes bya ba ni phung po la mkhas pa dang / khams
- 329b
la mkhas pa dang / skye mched la mkhas pa dang / rten cing 'brel par 'byung ba la mkhas pa dang / gnas dang gnas ma yin par rnam par dpyang ba la mkhas pa ste/ rigs kyi bu de'i phyir ye shes ni ldan pa zhes bya ste/ mi ldan pa ma yin no// rigs kyi bu gzhan yang byang chub sems dpa' sems dpa' chen po rnams kyi shes pa rnams pa bcu ste rnam bcu gang zhe na/ 'di lta ste rgyu shes pa dang / 'bras bu shes pa dang / don shes pa dang / thabs shes pa dang / shes rab shes pa dang / bsdu ba shes pa dang / pha rol tu phyin pa shes pa dang / snying rje chen po shes pa dang / sems can yongs su smin par bya ba shes pa dang / chos thams cad la mngon par zhen pa med par shes pa ste/ rigs kyi bu rnam pa de bcu ni byang chub sems dpa' sems dpa' chen po rnams kyi shes pa'o// rigs kyi bu gzhan yang byang chub sems dpa' sems dpa' chen po rnams kyi brtsom pa rnam pa bcu ste/ rnam pa bcu gang zhe na/ 'di lta ste/ sems can thams cad kyi las yongs su sbyang ba'i phyir lus kyi rtsom pa dang / sems can thams cad kyi ngag gi lus yongs su sbyang ba'i phyir ngag gi rtsom pa dang / sems can thams cad kyi yid kyi las yongs su sbyang ba'i phyir sems kyi rtsob pa dang /
- 330a
sems can thams cad la mngon par zhen pa med par bya ba'i phyir nang gi rtsom pa dang / sems can thams cad la mtshungs par sbyor bar bya ba'i/ phyir rtsom pa dang sangs rgyas kyi ye shes yongs su rdzogs par bya ba'i phyir ye shes kyi rtsom pa dang / sangs rgyas kyi zhing thams cad kyi yon tan bkod pa kun tu bstan pa'i phyir zhing rtsom pa dang / nyon mongs pa'i nad kyi sman yongs su shes par bya ba'i phyir/ sems can yongs su smin par bya ba'i rtsom pa dang / nges pa'i phung po yongs su rdzogs par bya ba'i phyir de kho na'i rtsom pa dang / khams gsum pa thams cad la sems mngon par zhen pa med pa zhes bya ba'i phyir 'das ma byas kyi ye shes yongs su rdzogs par bya ba'i rtsom pa ste/ rigs kyi bu rnam pa 'di bcu ni byang chub sems dpa' sems dpa' chen po rnams kyi rtsom pa'o// rigs kyi bu gzhan yang byang chub sems dpa' sems dpa' chen po rnams kyi sbyor ba bcu ste/ bcu gang zhe na/ 'di lta ste/ pha rol tu phyin pa'i sbyor ba dang / bsdu ba'i dngos po'i sbyor ba dang / shes rab kyi sbyor ba dang / thabs kyi sbyor ba dang / snying rje chen po'i sbyor ba dang / bsod nams kyi tshogs yongs su tshil ba'i sbyor ba dang / ye shes kyi tshogs yongasu tshol ba'i sbyor ba dang / bsam pa rnam par sbyor ba'i sbyor ba dang / bden pa rnam par dpyang ba'i sbyor ba dang / sdug pa dang mi sdug pa thams cad la mngon
- 330b
/ par zhen pa med pa'i sbyor ba ste/ rigs kyi bu bcu po 'di dag ni byang chub sems dpa' sems dpa' chen po rnams kyi sbyor ba'o// rigs kyi bu gzhan yang byang chub sems dpa' sems dpa' chen po rnams kyi mi zad pa la rtog pa bcu ste/ bcu gang zhe na/ 'di lta ste/ lus mi zad pa la rtog pa dang / dngos po mi zad pa la rtog pa dang / chos mi zad pa la rtog pa dang / sred pa mi bla la rtog pa dang / lta ba mi zad pa la rtog pa dang / tshogs mi zad pa la rtog pa dang / nye bar len pa mi zad pa la rtog pa dang / mngon par zhen pa med pa mi zad pa la rtog pa dang / 'dra ba mi zad pa la rtog pa dang / byang chub kyi snying po shes pa mi zad pa la rtog pa ste/ rigs kyi bu bcu po 'di dag ni byang chub sems dpa' sems dpa' chen po rnams kyi mi zad pa la rtog pa'o// rigs kyi bu gzhan yang bcu po 'di dag ni byang chub sems dpa' sems dpa' chen po rnams kyis 'dul ba'i dngos po ste/ bcu gang zhe na/ 'di lta ste/ gtong ba'i char rab tu 'bebs pas ser sna'i sems 'dul ba nyid dang / las rnams yongs su sbyor bas 'chal ba'i tshul khrims kyi sems 'dul ba nyid dang / byams pa sgoms pas khong khro ba'i sems 'dul ba nyid dang / sangs rgyas kyi yongs su btsal ba la mi skyo ba le lo'i sems 'dul ba dang / bsam gtan dang rnam par thar pas rnam par 'phrul pas mi dge ba'i sems 'dul ba nyid dang / shes rab kyi pha rol tu phyin pas/
- 331a
gtan la 'bebs pa la mkhas pa'i tshogs sogs pas mi shes 'dul ba nyid dang / lam gyi tshogs skyed pas nyon mongs pa 'dul ba nyid dang / phyin ci ma log pa'i lam skyed pas bden pa'i tshogs sogs pas 'dul ba nyid dang / dus dang dus ma yin par dbang sgyur bas/ sems 'dul ba nyid dang / bdag med pa'i chos la rtog pas bdag 'dul ba nyid de/ rigs bcu po de dag ni byang chub sems dpa' sems chen po kyi 'dul ba'i dngos po'o// rigs kyi bu gzhan yang bcu po 'di dag ni/ byang chub sems dpa' sems dpa' chen po rnams kyi 'dul ba'i sa te/ bcu gang zhe na/ lus kyi las mi dge ba rnam gsum yongasu spong ba lus dul ba nyid dang / ngag gi las rnam pa bzhi yongs su spong bas ngag 'dul ba dang / yid kyi nyes par spyod pa rnam pa gsum yongasu spong bas sems dul ba nyid dang / ngag gi lus la mngon par zhen pa med tshul gyis nang dul ba nyid dang / chos thams cad la mngon par zhen pa med pa'i tshul gyis phyi rol gyi yul dul ba nyid dang / lam la mngon par zhen pa med pa'i tshul gyis ye shes kyi tsho gas la mngon par zhen pa med pa dul ba nyid dang / 'phags pa'i sa'i ngo bo nyid la rtog pa'i tshul gyis bdag la stod pa dul ba nyid dang / shes rab kyi pha rol tu phyin pa la gnas pa'i tshul gyis phyi ma'i mtha' rnam par dag pa yongasu sbyor ba dul ba nyid dang / sems can thams cad la mi slu ba'i tshul gyi tha snyad
- 331b
shin du yongs su dul ba nyid dang / sems can thams cad yongs su smin par byed pa'i snying po'i tshul gyis lus dang sems la mi lta bdul ba nyid de/ rigs kyi bu bcul de dag ni byang chub sems dpa' sems dpa' chen po rnams kyi dul ba'i sa'o// rigs kyi bu gzhan yang byang chub ni sgrub pa snying por byed pa'i byang chub sems dpa' sems dpa' chen po rnams kyi yin te/ log par bsgrub pa snying por byed pa rnams kyi ni ma yin no// de la sgrub pa snying por byed pa ni ji skad smras pa de bzhin du byed pa yin no// log par sgrub pa snying por byed pa'i tshig gi dngos po kho na'o// de ni sgrub pa snying por byed pa mang ba yin gyi/ log par sgrub pa snying por byed pa mang ba ni ma yin no// rigs kyi bu gang gnyis po 'di dag ni byang chub sems dpa' sems dpa' chen po rnams kyi sgrub pa ste/ gnyis gang zhe na/ 'di lta ste/ lam sgrub ste/ spong ba sgrub ste/ rigs kyi bu gnyis po de dag ni byang chub sems dpa' sems dpa' chen po rnams kyi sgrub pa'o// rigs kyi bu gzhan yang byang chub sems dpa' sems dpa' chen po rnams kyi sgrub pa gnyis te/ gnyis gang zhe na/ 'di lta ste/ bdag 'dul ba'i sgrub pa dang / sems can yongasasu smin par bya ba'i sgrub pa ste/ rigs kyi bu gnyis po de dag ni byang chub sem dpa' sems dpa' chen po rnams kyi sgrub pa'o// rigs kyi bu gzhan yang byang chub sems dpa' sems dpa' chen po rnams kyi sgrub pa gnyis te/ gnyis gang zhe na/ 'di lta ste/ rtsol ba
- 332a
dang / bcas pa'i shes rab sgrub pa dang / lhun gyis grub pa'i ye shes kyis grub pa ste/ rigs kyi bu gnyis po de dag ni byang chub sems dpa' sems dpa' chen po rnams kyi sgrub pa'o// rigs kyi bu gzhan yang byang chub sems dpa' sems dpa' chen po rnams kyi sgrub pa gnyis te/ gnyis gang zhe na/ 'di lta ste/ sa rnam par bzhag pa la mkhas par sgrub pa dang / sa dbyer med pa la mkhas par bsgrub pa ste/ rigs kyi bu gnyis po de dag ni byang chub sems dpa' sems dpa' chen po rnams kyi bsgrub pa'o// rigs kyi bu gzhan yang byang chub sems dpa' sems dpa' chen po rnams kyi sgrub pa gnyis te/ gnyis gang zhe na/ 'di lta ste/ sa'i nyes pa rnam par spong ba'i sgrub pa dang / sa nas sar 'phar ba la mkhas pa yongasasu rdzogs par bya ba'i sgrub pa ste/ rigs kyi bu gnyis de dag ni byang chub sems dpa' sems dpa' chen po rnams kyi sgrub pa'o// rigs kyi bu gzhan yang byang chub sems dpa' sems dpa' chen po rnams kyi sgrub pa gnyis te/ gnyis gang zhe na/ 'di lta ste/ nyan thos dang rang sangs rgyas kyis bstan pa'i sgrub pa dang / sangs rgyas kyi byang chub las phyir mi ldog pa'i sgrub pa ste/ rigs kyi bu gnyis po de dag ni byang chub sems dpa'/ sems dpa' chen po rnams kyi sgrub pa'o// rigs kyi bu byang chub sems dpa' sems dpa' chen po rnams kyi sgru ba ni 'di dag ste/ de la byang chub sems dpa' sems
- 332b
dpa' chen po rnams kyi 'bad par bya'o// rigs kyi bu byang chub sems dpa' sems dpa' chen po de ltar sgrub pa rnams la/ bla na med pa yang dag par rdzogs pa'i byang chub rnyed dka' ba ma yin no// de nas bcom ldan 'das 'jam dpal gzhon nur gyur pa la bka' stsal pa/ 'jam dpal khyod kyis tshigs 'di legs par bshad pa legs so legs so// bcom ldan 'das kyis de skad ces stsal nas/ 'jam dpal gzhon nur gyur pa dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsung pa la mngon par ston to// // 'phags pa ga ya 'go re zhes bya ba theg pa chen po'i mdo// // rdzogs s+ho// / rgya gar gyi mkhan po su ren tu po de dang // zhu chen gyi lo tsha ba ban de ye shes bsdes bsgyur cing zhus te tan la phab pa// @rgya gar skad du/ she se na a ba dA na/ bod skad du/ dpal gyi sde'i rtogs pa brjod pa/ dkon mchog gsum la phyag 'tshal lo// gleng bzhi gnyan du yod pa na te/ de nas bcom ldan 'das kyis dge slong rnams la bka' stsal pa/ dge slong dag gal te ci ltar ngas sbyin pa'i 'bras bu yang shes la/ sbyin pa bgo shing 'bras bu rnams par smin pa yang shes pa bzhin du/ sems can rnams kyis kyang / sbyin pa'i 'bras bu la yang shes la smin pa'i bgo sha'i 'bras bu rnam par smin pa yang shes su zin ni/ de ltar na kham gyi
- 333a
tha ma dang / khams kyi 'jug lus pa gang yin pa de las kyang gal te/ yon gnas len pa po rnyed nas/ de la ma byin nam bgo bsha' ma byas kyi bar du bzing bar mi byed la/ de dag gis sems kyang ser sna skyes pas kun nas bkris shing 'dug par mi 'gyur ba zhig na/ ci ltar ngas sbyin pa'i 'bras bu yang shes la/ sbyin pa'i bgo ba sha'i 'bras bu rnam par smin pa yang shes pa bzhin du/ sems can rnams kyis sbyin pa'i 'bras bu yang mi shes la/ sbyin pa'i bgo ba sha'i 'bras bu rnam par smin pa yang mi shes pas ni/ de'i phyir dag ni kun tu 'dzin pa'i sems kyis byin pa 'am/ bgo bsha' ma byas par za bar byed la/ de dag gis sems kyang ser sna skyes pas kun nas kris shing 'dug go/ bcom ldan 'das kyis de skad ces bka' stsal to// bde bar gshegs pas de skad gsung nas/ gzhan yang ston pas 'di skad ces bka' stsal to// bgo bsha' dag ni rnams par smin/ ji lta na don chen gyur pa de/ drang srong che rnams gsungs pa bzhin/ sems can rnam kyis shes na ni/ ma byin par yang mi za zhing // ser sna can du mi 'gyur la// de dag kun tu 'dzin pa'i sems// rnams kyang skye bar mi 'gyur na// gang tshe phyir byis pa'i gti mug gis// sgribs pa dag ni ma shes pas// de phyir kun tu 'dzin sems kyis// rtag tu ma byin za bar byed// de dag ser sna skyes nas kyang // sems ni kun nas/
- 333b
dkris shing 'dug/ gang tshe bcom ldan 'das kyis mdo 'di bshad pa de'i tshe/ sa rnams pa drug tu g.yos par gyur cing / bcom ldan 'das kyi sku las 'od zer rnam byung bar gyur to// de nas dge slong rnams kyi bcom ldan 'das kyis/ sa rnam pa drug tu g.yos par 'gyur/ cho 'phrul bsam gyis mi khyab cing rmad du byung ba 'di lta bu mthong ba na/ ngo mtshar skyes te sangs rgyas bcom ldan 'das la zhus pa/ btsun pa rgyu ma mchis rkyen ma mchis par ni/ de bzhin gshegs pa dgra bcom pa yang dag par rdzogs pa'i sangs rgyas rnams/ 'di lta bu'i rmad du ba'i cho 'phrul ston par mi mdzad// btsun pa 'di lta bu'i cho 'phrul gyi rgyu gang lags/ rkyen gang lags/ bcom ldan 'das kyis bka' stsal pa/ dge slong dag cho 'phrul 'di 'byung ba'i rgyu nyan par 'dod dam/ btsun pa de ltar 'tshal lo// dge slong dag de'i phyir legs par rab tu nyon la yid la zung shig dang / ngas bshad par bya'o dge slong dag sngon byung ba 'das pa'i dus na/ rgyal po'i pho brang a ri shA zhes bya ba 'byor pa rgyas pa bde ba lo legs pa/ skye bo mang po dang mis gang ba chur dpag tshad bcu gnyis/ zheng du dpag tshad bdun/ gru bzhi pa rnam par dbyes pa/ gdugs dang // rgyal mtshan dang / ba dan dang / rta babs bsgreng ba zhig byung bar gyur te/ rgyal po'i pho brang der rgyal po dpal gyi sde zhes bya ba/ stobs kyi 'khor los
- 334a
sgyur ba/ gzugs bzang ba/ mdzes pa/ blta na sdug pa/ kha dog bzang ba rgyas pa mchog dang ldan pa/ 'di bzhin gis skye ba dran pa/ chos dang ldan pa/ chos kyi rgyal po// chos kyis 'dzam bu'i gling gi dbang phyag gi bdag po byed pa zhig byang bar gyur to// rgyal po dpal gyi sde'i mthus shing rnams rtag tu me tog dang 'bras bur ldan zhing / lha rnams dus su char yang dag par 'bebs la/ lo tog shin tu phun sum par gyur to// sems can rnams kyang nad med par gyur te/ sems can thams cad kyang phun tshun byams pa'i sems kyis gnas so// rgyal po de'i btsun mo dam pa rgyal po'i 'od ces bya ba/ gzugs bzang ba/ mdzes pa/ blta na sdug pa/ yan lag nyid lags thams cad tshang ba/ yul gyi bzang mo rgyal po dpal gyi sde'i shin tu yid du 'ong ba dang / sdug pa dang / phangs zhig 'byung bar gyur to// dge slong dag rgyal po dpal gyi sde'i 'dzam bu'i gling gi mi thams cad la dpya dang shog ma dang / gru bcas med de/ zhing gi 'byor pa dang ldan be/ skye bo rnams ba zhi ba/ khyim bya rnams dang ldan pa'i yul dang / grong dang / grong khyer dang / grong rdal dang / yul 'khor dang / rgyal po'i pho brang bar gyur to// dge slong dag rgyal po dpal gyi sde byang chub sems dbang gyur te/ thams cad ster ba/ thams cad yongs tu gtong pa/ chags pa med par yongs su gtong ba
- 334b
dang / gtong pa chen po la zhugs nas/ tha na rang gi sha yang stong ste/ des ma byin pa dang yongs su ma btang ba ci yang med do// dge slong dag rgyal po dpal gyi sde rgyal po'i pho brang a ri shA'i shar phyogs kyi grong khyer gyi mthar sprin gtong gi gnas byas te/ spen pa ni gtong / bsod nams byed do// lho dang nub dang byang gi grong khyer gyi sgor sbyin pa ni gtong bsod nams ni byed do// gsum mdo'i dbus na yang spen pa ni gtong / bsod nams ni byed do// 'di lta ste/ zas 'dod pa rnams la ni zas/ skom 'dod pa rnams la ni skom bza' ba dang / bca' ba dang / mar me dang / 'phreng ba dang / dri dang / byug pa dang / gos dang / mal cha dang / stan dang / brgya rten dang / gnas gzugs rnams dang / shing rta dang / glang po dang / rgyan rnams dang / gser gyi desnod dngul gyi phye mas yongs su gang ba rnams dang / dngul gyi gasnod gser gyi phye mas yongs su gang ba rnams dang / ba glang gser gyi ram dang / ba dngul gyi rmig pa gtags pa/ khar bzhong snod dang / ras zur gyis bka' ba rnams dang / gzhon nu ma rnams kyang rgyan thams cad kyis brgyan nas/ sbyin pa ni gtong / bsod nams ni byed de/ dge slong ci tsam du rgyal po dpal gyi sdes ci tsam gyi 'dzam bu gling pa'i mi thams cad phyug pa dang / nor mang ba dang / longs spyod che bar gyur pa de tsam du sbyin pa rnams byin no// yang de'i tshe rgyal po'i
Colophon
'phags pa ga ya 'go'i ri zhes bya ba theg pa chen po'i mdo// //rdzogs s+ho// rgya gar gyi mkhan po su ren dra bo de dang/ /zhu chen gyi lo thsa ba ban de ye shes bsdes bsgyur cing zhus te tan la phab pa/