gtor ma'i cho ga
Balibidhi
Text
ff. 169a–169b · 2 folio sides
- 169a
'khor dmar po'i dbus gnas pa'i// sgrub bya dmar po rnam pasam bya// rtag tu gsang sngags zlas 'byung ba'i// sngags ni rgyun chad med par bzlas// myos par gyur pa zhabs drung lhung // de ni grub grub par rnam par bsam// de tshe dbang du ma gyur na// mar dang sbrang rtsi spang ba yis// 'khrul 'khor de nyid seng ldeng gi/ sol mo rnams kyis gdung bya ste// skal ngan skal ba bzang por 'gyur// gang du'ang rung ste gzhan du min// dur khrod ras sam zla mtshan ngas// rgya skyegs khub mnyam ldan pas// 'khor lo gnyis ni mngon bris te// dzaHhriHyi ge rnam par spel// bud med thod pa'am bam por la// bris te grub pa'i 'khor lo ni// srad bu dmar pos dkris nas ni// me tog dmar po rnams kyis mchod// sgrub bya'i snying ga lcags kyus phug/ mgrin par zhags pas bcings pa'o// gang gi bsam pa'i sgrub bya ni// nam yang 'ong bar ma gyur na// seng ldeng shing gi me yis ni// gdungs te 'khrul 'khor cher bcad pa'o// des ni skad cig tsam gyis so// che ge a kaR+Sha ya hrIHdzaHyig gis ni sgrub bya dgug/ rkang pa dgug pa mchog yin no// de nas gzhan yang rengs pa yi// cho ga mchog ni bshad par bya// dur khrod ras la bri bar bya// yung ba ba bla'i khu ba bsres// 'khor lo gnyis ni yang dag bri// sgrub bya'i ming ni stam b+ha ya// laM yig gis ni rnam spel ba// cog brgyad ri rab gnas pa yi// kham phor kha sbyar du byas te// ri rab steng du gnas pa yi// dbang chen dkyil 'khor gyi dbus su// lam yig gis mtshan rnam par bsgom// sna tshogs rdo rjes mnan pa'o// srad bu ser pos dkri bya ste// sku ni mi g.yo brjid ldan pa// bdag nyid lus ni rnam bsgom bya// lho ru mngon
- 169b
phyogs rnal 'byor pa// kha dog ser po rnam par sgom// sgrub bya lhun po'i dbus gnas la// lhun po yis mnan bsgom par bya// de steng sna tshogs rdo rje yis// kun tu mnan pa rnam par sgom// rang gi/ gnas su de byas pas// dgra yi kha ni rengs pa dang / sde rnams thams cad rengs pa dang // dgra yi snying yang rengs par byed// de nyid bzhin du sngon rim gyis// shin tu nges pas 'khor lo bri// me tog ser pos mchod bya ste// ngag rengs pa yi mchog yin no// 'khor lo gnyis ni dur khrod kyi// ras la rtag tu mngon bri bya// sgrub bya'i ming dang po yig ni// rnam par spel bas kha bcings pa// sgrub bya// lug gi snying ga ru// rab tu zhugs par rnam bsam ste/ dbang chen dkyil 'khor dbus su ni// ga'u bzhin du kha sbyar bya// rgyun chad med par sngags bzlas nas// lkugs par 'gyur ba gdon mi za// denas gzhan yang bsad pa yi// cho ga nges pa mchog bshad bya// ske tsholan che tshamar khu/ nim pa'i lo ma de bzhin dug/ dur khrod sol ba d+hA t+tA ra// rang gi sdigs 'dzub khrag gis kyang // rdzas 'di dag ni snag tshar bya// lho du mngon phyogs rnal 'byor pas// bya rog gshog pa'i sbu gu yis// 'khor lo gnyis ni mnyam par bri// sgrub bya de yi ming bzung ste// hUM yi ga gis ni rnam spel bya// khro bo drag bo'i sgra yis sam// g.yon brkyang ba yi zhabs kyis kyang // nyi ma'i dkyil 'khor dbus gnas pa// bskal pa'i me ltar rnam par bsgom// sngon po mche ba gtsigs pa yi// mgrin pa hUM yig gis gang ga bsam byas phyogs mi sdug pa'am// dur khrod sol ba'i dbus su te// sa phyogs 'di la sogs gnas su// sgrub bya ltas nas mkhas pa yis// dri ma dang bral gos thul dang // nyams chung ba ni
Colophon
gtsug tor rnam par rgyal ba'i gzungs kyi gtor ma'i cho ga rdzogs so/_/'di yang ba ri 'gyur kho na lags/