shes rab bskyed pa zhes bya ba'i gzungs
Prajñābardhanināmadhāraṇi
Text
ff. 94b–95a · 2 folio sides
- 94b
oM nAn+d+ra ba lo ki te sa man+ta/ s+pha ra Na rA shrIb+hA bsam ya/ ma hA ma Ni d+ha ru du ru/ hr-id ma dza la ni d+hu/ 'bab chu'am mtsho'i 'gram du 'dug sbre lag pa g.yas pa'i khyor bar chu thugs la/ ye shes skar mnga'i snying po 'di lan bdun bzlas te/ chu khyor ba bdun 'bab chu 'am chur gtor na/ sangs rgyas kyi spyan gyis gzigs pa'i yi dgas ji snyed yod pa de dag thams cad lha'i kha zas kyi ro dang btung ba'i ro mchog dang ldan pa 'thob cing yidags re re'ang kha zas dang btung ba yul ma ga d+ha'i lnga bre bdun bdun gyis tshim par byas par 'gyur zhing / chu de 'thungs pa tsam gyis de dag thams cad yi dgas kyi skye gnas las thar cing / bde 'gro mtho ris kyi gnas su skye bar 'gyur ro/ / skyes pa'am/ bud med dam/ khye'u 'am/ bu mo 'am/ gzhan yang byol song gi skye gnas su gtogs pa yi dgas sam/ bya'am/ chul gnas pa la sogs pa gang gis chu de 'thungs pa de dag thams cad sdig pa dang sgrib pa thams cad byang zhing bde 'gro'i lam du 'gro bar 'gyur ro/ / ye shes skar mdo'i snying po'o// / rgya gar skad du/ pradz+nyA bar+d+ha niH mad+hA ra Ni/ bod skad du/ shes rab skyed pa zhes bya ba'i gzungs/ thams cad mkhyen pa la phyag 'tshal lo// 'di skad bdag gis thos pa dus gcig na/ bcom ldan 'das byang chub sems dpa' blo ldan nas bya ba ri rab kyi ngos la bzhugs te/ ri rab la gnas pa'i lha'i bu thams cad kyis bskor nas mdun du byas te chos ston to// de nas byang chub sems dpa' sems dpa' chen po gzhon nu gzugs can gyis thal /
- 95a
sbyar te/ byang chub sems dpa' blo ldan la gsol ba btab pa/ bcom ldan 'das sems can shes rab rtul ba/ blo dang mi ldan pa/ yid mi gzhungs pa rnams kyi slad du shes rab skyed pa zhes bya ba'i gzungs bshad du gsol/ bshad pa/ hUM pi tsu pi tsu pra dz+nyA bar+d+ha ni/ dz+wa la dz+wa la me d+ha ba d+ha ni/ d+hi ri d+hi ri/ bud+d+hi bar+d+ha ni swAhA/ gang zhig gzungs 'di klog pa dang / 'dri ba dang / 'drir 'jug pa dang / kun chub par byed pa dang / chung ngu'ang yi ge 'bru gcig tsam thos na'ang tshe 'di nyid la shes rab chen por 'gyur ro// gang gis zla ba drug gi bar du nyin re zhing rtsa bas khyor gang la rig pa 'di lan bdun btab ste/ nyi ma shar ba'i tshe 'thungs na tshigs su bcad pa stong 'dzin par 'gyur ro// lan cig 'thungs na lnga brgya 'dzin te/ nyin gcig bzhin du shes rab 'phel bar 'gyur ro// nyin re bzhin du brjod pa tsam gyis dran pa dang yid gzhungs par 'gyur ro/ / shes rab skyed pa'i gzungs rdzogs so// dkon mchog gsum la phyag 'tshal lo// de bzhin gshegs pa dgra bcom pa yang dag par rdzogs pa'i sangs rgyas shAkya thub pa la phyag 'tshal lo/ / tad+yathA/ ma ti bcu lce/ ta thA ga tA dz+nyA na/ dar she n+de pra drA pa tA/ kaur+t+ti re/ bo d+hi mad+hA nu sa ri Ni/ a bid+d+ha/ ta monad+ha/ ka rib d+ha ma ni dz+wa la dz+wa la/ pradz+nyA dI pe/ me d+ha pa di na sarba a d+hiSh+Thi te/ su ru su ru/ d+hu ru d+hu ru/ me d+ha A na ya swA hA/ cho ga ni nang re zhing bzlas brjod byas na labs skyen par 'gyur ro// sman bram hi snyim par bcug ste/