rDzogs chen - Man ngag sde/sPyi ti'i skorAll versions of this work

dri med ka dag gi rgyud/ rin po che gsang ba chen po zhes bya ba

Aniratajñanadhadhatantraratnakalomahanama

Text

ff. 141a–147b · 14 folio sides

  1. 141a

    dri me ka ngag gi rgyung bzugs/ rgya gar skad du/ a ni ra ta dz+nyA na d+ha d+hA tan+t+ra rat+na ka lo ma hA nA ma/ bod skad du/ dri med ka dag gi rgyud/ rin po che gsang ba chen po zhes bya ba/ bcom ldan 'das ye ji bzhin pa'i rdo rje 'chang chen po// skyon ka dag yon tan lhun gyis grub pa'i ston pa/ dri ma med pa'i dgongs pa mnga' ba// rin po che 'od 'bar ba'i dpal la phyag 'tshalo// bud+d+ha sarba mA la/ sa ma ti/ a ho// 'di skad bdag gis thos pa'i dus gcig na// bcom ldan 'das ston pa 'od mi 'gyur ba// rin po che dri med 'od gsal ba// ye ji bzhin pa chen po// gzhon nu bum pa'i sku ru bzhugs pa/ gzhonu mtshan rab tu dang ba shes rab kyi bskur bzhengs pa ste// chos nyid dri med ka dag gi klong // mi 'gyur ba'i gzhal med khang // phyi nang med par zang thal ba// rgya yongasu ma chad pa'i klong du// rin po tsha 'odu gsal bas/ sbrul sku'i gan su shar ba ni// lho phyogs bde ldan yid 'dres pa'i tshal/ pad+ma rtsegs pa'i pho brang / gsang chen rol pa'i dur khro du me ri 'bar ba'i rtse la bzhugs te// dpal 'jig byed kyi rgyal po la// mngon par 'khod pa'i mkha' 'gro rnam pa lnga dang // byang chub sems dpa' sprin gyi shugs can bdun dang // gsang ba'i bdag po rnams byin gyis brlabs kyis 'duso// de'i tshe gsang ba'i bdag pos sna drangs te// 'dus pa'i tshogs kyi mar me mdzad la rkyang phyag 'tshal te// bskor ba lan dgu mdzad// 'di skad ces gsol lo// e ma ho// dpal gyi dpal mchog he ru ka/ gsang ba yang gsang dri med ka dag don

  2. 141b

    rin chen 'od gsal chen po'i rgyud// ma rig mun pa gsal ba'i phyir// shes rab chen po sbar ba'i thabs// 'dus pa'i tshogs la gsung du gsol// ces zhuso// ston pas bka' stsal pa// a ma ho// gsang ba'i mdzod chen rin chen thugs kyi gtar// 'gyur med chos nyid gsang ba'i rgyas btab pa// shes rab ka dag chen pos rgyas dral nas// ka dag 'od gsal rgyud chen gter phyung ba// dbugs med 'gyur ba yis rlung gi rta// rang byung ye shes mi bo chen po chibs// yid las 'das pa'i shes rab ka dag mtshon// phyag tu bsnams te zla khams pad+ma can// gsung gi sgo mo chen mo lam phyung nas// chos sku dri med ka dag la sogs pa// rin chen 'od gsal chen po ngas bshad kyis// 'dus pa'i tshogs rnams rna ba nges blog la/ tshig gi bdud rtsis blo yi the tshom nad// gting nas phyung la gzhi dgongs chen po'i don// dri med ka ngag rin chen 'od gsal 'di// skal ldan thugs la sgron ma gsal bar bstan// ces gsungaso// dri med ka dag gi rgyud rin po che 'od gsal ba las// gleng gzhi'i le'u ste dang po'o// / de nas yang gsang ba'i bdag pos zhus pa/ kyai bcom ldan dpal gyi dpal// chos nyid ka nas ji ltar ngag/ dag pa'i ngo bo ji ltar gnas// dri ma phra rags ci yis snang // dag pa'i nang du bskyal thabs gang // 'dus pa'i tshogs la gsung du gsol/ ces zhuso// ngag gzhi nas ngag la rang byung rang snang tshul// 'byung gsum phra rab rnam pa gsum// dngas pa'i chu las btab snyogs dang mtshungs// ngo bo dri med ka dag gong ma bzhin// de ltar rtogs pa'i shes rab mig yod pas//

  3. 142a

    rnam gsum ma thub ngo bo 'dug tshul yang // gsum nyid byung tshul gnas la ngo la gnas// dbugs dang bral bas phra rag rang dag 'gyur// shes rab can la nga lta nyid nas dag/ de ltar ma mthong rtsal bas ngag 'gyur med// ces gsungaso// dri med ka dag gi rgyud rin po che 'od gsal chen po las// chos nyid ka dag rin po che 'od gsal bar bstan ste le'u gnyis pa'o// / de nas yang rdo rje 'chang la zhus// kyai bcom ldan dri ma med// rtogs med ye shes rang gsal mnga'// rig pa ka nas ji ltar dag/ dag pa'i ngo bo ji ltar gnas// dri ma phra rag ci yis snang // dri ma dag pa gang gis byed// 'dus patsho la gsung du gsol// rdo rje 'chang gi bka' stsal pa// skye 'gag med pa'i ye shes las// phyogs lhung med pa'i shes rab gsal// de nyid rig pa nya gcig gsal// gdod nas dag pa'i rig pa las// sgo nga'i chos can ka nas dag/ rig pa zang thal spros med la// yid kyi rnam shes ka nas dag/ rang gsal 'dzin med ye gnas la// ngar 'dzin nyon mongs can gyi yid// ma sbyang ka nas dag pa yin// rig pa spros dang bral ba nyid// nyag cig ka nas dag pa las de// 'phel 'grib gang stong med pas na// kun gzhi ka nas dag pa yin// de dag yon tan phyogs snang ste// ngo bo 'dug tshul 'di ltar gnas// mi rtog ye shes rang gsal la// sems med rang rig ye gnas la// lha'i lha mchog bka' stsal pa/ rdo rje 'dzin sogs nges zung cig/ phyi nang med pa'i zang thal ni// chos nyid gzung 'dzin bral ba la// 'byung bzhi'i sgrib pa ka nas dag/ chos nyid mtshan med spros bral

  4. 142b

    la 'byung bzhi'i mtshan ma ka nas ngag/ chos nyid 'byung ba med pa la// sa'i mtshan ma ka nas dag/ chos nyid gdod nas dag pa la// chu'i mtshan ma ko nas dag/ chos nyid rang gsal chen po la// chos nyid don gyi 'dug tshul 'di ltar gnas// dngos med spos bral dag gsal zang thal de// mtshan ma'i rdzas med thams cad 'char ba'i rten// dag pa'i chu dag dag pa'i me long bzhin// ma'i mtshan ma ka nas dag/ chos nyid mi g.yo thog med la// rlung gi mtshan ma ka nas dag/ 'byung zad chos nyid ye gdangs la// na mkha'i mtshan ma ka nas dag/ chos nyid gdod nas dag pa'i rgya mtsho chen po la// 'byung lnga'i rdul gyi mtshan ma ka nas dag/ chos nyid kha dog med pa'i rang gsal la// 'byung gzhi'i bag gi kha dog ka nas dag/ ka dag rang gi chos nyid 'dug tshul ni// yon tan mtshan nyid grangs las 'das mod kyang // dri ma phra rag rnam gsum snang ba yang // chos nyid mtshan nyid ye nyid 'byung ba lnga// de nyid mtshungs pas rin chen 'od gsal ba// de lnga'i nang na de las de lngar gsal// de gsum mtshungs pas mthu rtag rags par snang // gcig la cig thabs dri mas phra bar snang // dag pa'i klong du gong ma'i gdangs dashar bas// chos nyid dang la grib pa'i bag tu snang // yon tan mtshungs pas 'od gsal phra rag snang // blo btags phyi nas lta ba don grib kyang // gzhan la ltos 'gyur chos ma yin// rim gsal stong nyid snying por gnas gnas// bum pa'i nang gi mar me bzhin// gsal la g.yo sems med pa'o// tshogs brgyad chos can snang ba yang // rang rig 'byung lnga'i mtshan nyid kyis// phyogs re klong nas ye shes rlung // dbugs med 'byung ba ldad/

  5. 143a

    skyod pas// shes rab rlung 'byung snang ba la// 'od lnga zer gyi tshul du shar// chos nyid dang na 'od gsal ba// de ni rang byung ye shes la// bag chags lusu yongasu smin// 'byung ba yum lngas skyed pa'o// de tshe sgo lnga snang ba ste// ye shes rin chen 'od gsal yin// tshogs brgyad dri ma phra rags kyang // gsal cing spangs pas mi 'dag ste// shes rab skye thabs rnam gnyis kyis// ma rig ling thogs gsal ba yis// shes rab gsal ba'i spyan phye bas// dri med ka dag ngo la snang // de dag snang tshul 'od gsal ba// de'i rim bstan gong ltar snang // skad cig cha las 'dzin pa dag/ de'i dri ma rang dag 'gyur// ces gsung so// dri med ka ngag rin po che// 'od gsal ba las rig pa ka dag rin po che 'od gsal du bstan pa'i le'u ste gsum pa'o// // de nas yang gsang ba'i bdag pos zhus pas// kyai bcom ldan mtha' las 'das// #chos sku nas ji ltar gnas// dri ma phra rags ci yis snang // dag pa'i phabasu gang rnams bstan// 'dus pa'i tshogs la gsung du gsol// zhes zhuso// ji bzhin rdzogs pa dpal gyi dpal// khrag 'thung rgyal pos bka' stsal pa// nyon cig rdo rje 'dzin sogs kun// chos sku ka nas 'di ltar dag/ chos sku dri med dag gsal la// gzung ba phra rags ka nas dag/ rig pa dri med rang gsal la// 'dzin pa phra rags ka nas dag/ phyir gnyis med zang thal ya// chos nyid dri med snying po ru// rig pa dri med rang gsal ba// chad pa'i dri ma ka nas dag/ rig pa dri med stong gsal la// chos nyid dri med stong gsal gyi// gnyi su med pa'i rgyal btab pas

  6. 143b

    rtag pa'i dri ma ka nas dag/ de dang mtshungs pa'i dri ma kun// martsal ka dag ye yin mod // 'dug tshul ngo bo gnas lugs ni// dri med na mkha'i snying po la// rtog med rig pa'i snying po shar// stong gsal dbyer med rang gsal la// rang gdangs mi 'gags mtshan ma med// thugs rje'i sgo nas ma 'gags par// mi 'gyur ba ni sa'i bdag nyid che// dri med kun 'dus chu'i bdag nyid che// gzung 'dzin rtog meng me'i bdag nyid che// gnyis la thog med rlung gi bdag nyid che// rang gsal mi 'gag na mkha'i bdag nyid che// 'byung ba lnga'i bdag nyid chos kyi sku// rig pa nyag cig 'gyur med lhun gyis grub// spros med na mkha' la nyi ma shar ba bzhin// chos nyid klong na rig pa 'gyur ba med// gnas dri ma phrags snang ba yang // 'gyur ba med 'od gsal rag par snang // dngos med spros bral 'od lnga 'phro// de stobs nyid kyi shin tu phra// yon tan snang char ngo ma shes// dri mar snang 'dzin de yis byas// de phyir dri med 'od gsal yin// dag pa'i thabasu brda' dang ngag/ brdas mtshon sgra su brjod pa yin// ngo bo snang tshul gnyis rtogs pas// dri med ka dag chos kyi sku// dri med dag pa'i na mkha' la// dri med ka ngag rang rig shar// zang thal gsang ba'i sgo bzhi nas// ma sgrib yis spyan la gsum// rin tshan 'od la phra rag gsum// mi gnas ka dag ngo la snang // gsal ba kr-i ba ma byas par// dbugs dang bral bas rang dag 'gyur// ces gsung so// dri med ka dag gi rgyud rin po che 'od gsal chen po las// chos sku ka rlag pa'i rin po che// 'od gsal 'bar ba bstan pa'i le'u ste bzhi pa'o//

  7. 144a

    kun sa na sa [।] m+b+ha ni dgu pa'o du kro la thabs ji ltar la

  8. 144b

    rang bzhin ma 'gags brjod du med pa'i gsungs// shes rab ngo la mtshan ma'i phyag rgya med// shes rab rang bzhin ya nas gsal ba la// sprul pa'i sku lnga wal 'khyug gsal// dngos mtshan med pas gdul byas mthong ba med// shes rab yin pas rang gsal 'gag pa med// yid 'das kun tu rgyu ba'i gzung 'dzin med// 'dus byas tsam la sgyu ma tsam snang dang // yid kyi yul gyur phyogs mthun mtshan ma yang // shes rab sku lnga rin chen 'od gsal te// rlung gi stobs las yid kyi rnam pa 'byung // rlung lnga thabs pas 'byung lnga rdzogs par byas// chos nyid klong nas yis sgyu ma tsam// me long gzugs rnyan chu zla 'ja' tshon tsam// ma 'ag dngos med ma 'dres so sor snang // phyi nang blo btags shes rab sku 'grib kyang // shes rab ngo la dngos mtshan ka nas dag/ de tsam snang ba shes rab sku yis gdangs// de ltar rtog pa'i ka dag shes rab dang // so sor rtog pa'i shes rab ngo la gsal// dbugs dang bral bas dri ma rang dag 'gyur// chu spu'i nang du byad kyi gdangs shar bzhin// stong gsal ma 'gags shin tu phra ba'i bdag/ man shel klong nas ma 'dres gsal ba ltar// chos sku dri med zad thal dang na gsal// ces gsung so// dri med ka dag gi rgyud rin po che 'od gsal chen po las// shes rab ka dag rin po che 'od gsal bstan pa'i le'u ste lnga pa'o// // de nas rdo rje 'dzin pas zhus pa// kyai bcom ldan thugs rje can// sbrul sku ka nas ji ltar dag/ sprul sku'i gnas lugs ji ltar bzhugs// dri ma phra rags ci las byung // dri ma gnyis po dag pa'i ngag lugs gang //

  9. 145a

    @ces gsungaso// rang byung thugs rjes bka' stsal pa// chos nyid ka nas dag pa yis// me long g.ya' dag lta bu la// rang byung ye shes zer shar ba// mi 'gyur ba'i 'gyu ba ste// ye shes rlung gis zer lnga skyod// thugs rdza rgyun gyi theg pa shar// chos nyid dag pa'i klong du 'khyil// 'byung ba lnga yis rlung chen gyis// bskyod dus min skyong lnga byas pas// chos sku 'bras bu gzugasu smin// mi bskyod rin 'byung mtha' yas grub// snang mdzad kun 'dus zhal du shar// de ni chos sku sprul pa'i sku// shes rab sku yis rtsal stobs yin// phyis ni gdul bya rang la snang la// 'dul byed rig pa rang snang gsal// shes bya'i dkyil 'khor 'od du gsal// rang byung sku lnga 'od kyi sbubs nas thon// che ba'i ye shes ma rtsa la lhun gyis grub// thugs rjes rgyud mthun mongs gdul// bya sgrol dri med sku gsung thugs las g.yos pa med// bag chags sbubs gzugs phung bzhi pa'i sku// phra rags sgrib pa rtog ge'i ngang la snang // sku lnga'i yon tan rin chen 'bar ba'i 'od// ngo bo ka dag phra rags gdod nas med// de ltar rtogs pas theg pa brgyad po lta rtsol sgrub ma byas dri ma ka nas dag/ ma btsal lhun grub sku dang ye shes gsal// so sor rtogs pa'i shes rab spyan ngo la// dbugs dang bcas nas snying po bzhi la rdzogs// sgrib med ye shes 'gro la khyab// dbugs dang bral bas ka dag klong na gsal// ye shes 'od kyi bum pa'i gsang rum na// phyag rgya'i snang ba gang bstan ngang du gnas// sku dang ye shes rgyu'i klong du thim// shes rab sku la mtshan ma'i gzugs med pas/

  10. 145b

    mtshan ma'i sku la rtogs pa mi mnga' bar// shes rab klong na tha dad med par bzhugs// ces gsung so// dri med ka dag rin po che 'od gsal chen po'i rgyud las// sbrul sku ka dag rin po che 'od gsal bar bstan pa'i le'u ste drug pa'o// / rdo rje 'dzin pas yang zhus pa// kyai bcom ldan ye shes thugs// ye shes ka dag ji ltar dag/ rang gi ngo bo ji ltar gnas// dri gsum snang ba ci yis snang // dri ma dag pa gang gis byed// 'dus pa'i tshogs la gsung du gsol// zhes zhuso// bcom ldan 'das kyis bka' stsal pa// e ma ho// rdo rje 'dzin pa la sogs nyon// dang por rgyu med rang byung ye shes dang // bar du rkyen med bde ba chen po'i ngang // ma bcos 'bras bu ye shes rnam lngar snang // 'dul byas 'phral byung ka nas dag pa'i don// phyogs lhung med pa'i shes rab las// 'byed pa med pa'i shes par// ma rig gti mug ka nas dag/ dri ma phra ba'i phra ba dag/ 'byed pa med pa'i shes rab dang // mnyam nyid bde bar khong mnyam pas// nga rgyal phrag dog dri ma phra ba med// shes rab dang gsal rang snang la// chags sdang skye ba'i yul med pas// rags pa'i dri ma ka nas dag/ ye shes rang gi 'dul tshul ni// rnam grangs rtsi lugs grangs med kyang // blo nyams phyogs tsam cha mthun yin// nges pa'i 'dug tshul ye shes lnga// lnga pa gsum 'dus de nyid nya gcig dang // chos rnams 'byung gnas ka nas ngag/ ka rag dbyings nyid chos sku'i ye shes nyid // snying po 'bru lnga chos sku'i rang bzhin las// rang bzhin ma 'gags me long ye shes 'ong // shes rab sgo nas so sor ngagasal phra/

  11. 146a

    @#/ kun rtog ye shes ma rtsal lhun gyis grub// gdul bya'i 'khor la 'dul byed rang snang bas// sku lnga yongasu rdzogs thugs rjes don mdzad pa// bya ba grub pa'i ye shes rang bzhin gsal// ma rtog blo la steskyes sgrib mod kyang // ye shes ngo la gdong nas rnam par dag/ yon tan rang snang ma rtogs bsgrib par shar// ye shes lnga rnams brda' dang ngag bstan pas// ngag tshul snang tshul sor don mthong ste// sgrib med ye shesau rang gi ngo la snang // shes rab bstan la ye shes rab gsal ba// 'dam pad bzhin du skyon gyis gos pa med// skyon dang bral bas sku gsum ye shes gsal/ ces gsungaso// dri mad ka dag gi rgyud rin po che 'od gsal chen po las// ye shes chen dag rin po che 'od gsal bar bstan pa'i le'u ste bdun pa'o// / de nas yang gsang ba'i bdag pos zhus pa// kyai bcom ldan shes rab dag shes rab ka dag ji ltar bdag/ shes rab 'dug tshul ji ltar 'dug/ dri ma tsam du snang ba rgyu ci yin// shes rab dri ma ci yis sel// 'dus pa'i tshogs la gsung du gsol// ces zhus so// rdo rje 'chang gis bka' stsal pa/ gsang bdag la sogs nges zud cig/ shes rab rang gsal rtog med la// shes bya'i yul gyur du ma rnams// shes bya shes byed rtog med par// shes rab gsal ba rgyun chad med// dri ma rag pa ka nas

  12. 146b

    / dag/ shes rab gsal skye 'gag med// res 'jogs gsal 'grib med pa ni// dri ma phra ba ka nas dag/ shes rab rnam rtog bag chags med// phra ba'i phra ba ka nas dag/ 'dug tshul gsal la mi rtog gcod// rang gsal 'dzin med dus gsum mnyam// gcod dang gzung ba rnam gnyis don// 'byed pa med dang so sor rtogs// sku gri ral gri mthun pa'i dpe// de ltar ma rtogs shes rab ma smin pas// gzugs kyi 'od du drim phra rags snang // gcod kyi yon tan rin 'od gsal ba// rags par snang ba blo dman rnams la'o// rang gi phar ltas yon tan tshur snang bas// gcod dang zung ba gnyis yod de nyid snang // de bas dri med ka ngag 'od gsal yin// brda' dang ngag gis gong ltar gtan la phab pas// shes rab spyan phye rang gsal ba/ gnyis kyi ma sgrib yod med shes rab gsal// gsal ba'i rta pho ye shes rlung gi byed // 'od gsal rta ru 'gyu byed rlung 'di che// de dang bral ba de nyid rlung dag 'gyur// ces gsungaso// dri med kau dag gi rgyud rin po che 'od gsal ba las// shes rab ka dag rin po che 'od du bstan pa'i le'u ste brgyad pa'o// de nas gsang ba'i bdag pos yang zhus pa// kyai bcom ldan mi g.yo mgon// dgos pa ka dag ji ltar dag/ dgongs pa'i 'dug tshul gang dang gang phra rags snang ba gang las byung // gsal cing bri ba'i thabs rnams gang // 'dus pa'i tshogs la bshangadu gsol// ces zhuso// mi g.yo mgon gyis bka' stsal pa// e ma rdo rje 'dzin la sogs// ma bcos dang la g.yos med rtog pa med// rgya mtsho 'dra ste mi g.yo yul

  13. 147a

    med pas/ rags pa'i dri ma snang ba ka nas dag/ rang bzhin sku dang ye shes mi 'gags pas// don gyi ngo la gsal 'grib bdod nas med// de phyir rang bzhin me rtag lta bu la// bying rmugs myos 'jig ka nas dag/ ka dag rang gi dgongs pa la// rang gi 'dug tshul bag chags kyis// zhen pa ye nas rnam par dag/ de phyir phra ba'i phra ba dag/ rang gi 'dug tshul cig las med mod kyang // blo dang sbyar nas rnam pa gnyisu bstan// bsgom du yod dang med dang rnam pa gnyis// bsgom du yod pa'i don bstan pa// bsgom bya sku dang ye shes gnyis// rang gi rig par ye gnas pa'i// rig pa rgyun chad med pa la// ma rmugs gsal ba'i rtog mtha' bral/ dang bzhag bsam bral nyid du bde// bsgom na dgongs pa'i dgra gnyis gzhom// mi rtog pa'i dgrar bkod pas// gsal ba'i dgra yang bying bas gsal// bya ba btang la ngal bar sdang // dpa' bo lnga'i sgo mi bcad // blo 'phang stod la dgongs pas ni// mig yang mi 'gul bzhag par bya// dbugs kyang cung zad tsam bzung ste// 'og sgo blong la blo 'phangs smad// grangs par mi sdud chad bzang pos// mi gzi tsam btung thun mong ngo // rkun ma gnyis po me la chos bsrung // mtshor yid la byed pa yis// dgongs pa rang gnas bskul ba ni// yid rtog rkun pas mi rtog sku// 'o na btang dgongs pa dngos po'i gshis// de ni bsgom pa'i skabs thab so// ma bcos dang gri de la gnas// byings rgod ma nor rang bzhin no// gsal la mi rtog de nyid mi 'byed pas// bdag nyid chen po rang gi rgyal por bzhag/ sku gsum rang bzhin rin chen 'od gsal bas// nga yis mngon du gyur pa yin//

  14. 147b

    nyams stobs mthong snang rang bzhin shugs kyi shar// nyin gyi rig la ji bzhin brda' la lta// snang ba phyung ba yun dmigs la gtad // mtshan gyi rigs la sgron ma'i lta ba snang // nyan pa'i dus su ma bcos dang la bzhag/ rlung gi rta la rig pa'i sku rgyu ba// kha dang thugasu rang snang snang ba shar// bag la nyal ba mngon du byung ba'i thabs// gong bstan gzhan du bzhag nas dbyung // dri ma phra rags tsam du snang ba mang // rang gi dri ma 'od du dbyung // rang bzhin yon tan rin chen 'od gsal du// 'phro rgol rtog spyod rang gi rtsal yin pas// blo dman bdag gi blo'i dri ma yang // rtogs ldan ngo la rin chen 'od du gsal// de ltar rtogs pas rtsol ba ma ma byas par// shes bya'i ngo la da lta nyid nas dag/ dbugs dang bral bar ka ngag dang la gnas// ces gsungaso// dri med ka dag rin po che 'od gsal ba'i rgyud las// dgongs pa ka dag 'od gsal du bstan pa'i le'u ste dgu pa'o// / de nas ston pas gdams pa/ e ma ho rdo rje lags na 'chang // gsang ba'i don nyid nges bshad rgyud// kun la ma bstan rin chen gter du spros// skal ldan can gyi bdud rtsi sman// sbrul med dug du gyur tA re// ces gsung so// e ma ho rdo rje 'chang chen pos// dri med ka dag rin chen 'od gsal 'di// dri ma de dgongs pa 'dis rtogs pas// blo yi rnam rtog kun dang bral// ces gsung so// dri med ka dag gi rgyud rin po che 'od gsal chen po las rgyud gtang ba dang / rje su yi rang ba'i le'u ste bcu pa'o// / rdzogs pa chen po dri med ka dag gi rgyud rdzog so//