rDzogs chen - Sems sdeAll versions of this work

byang chub sems rdzogs pa chen po ye shes bdun gyi rgyud

Bhodhicittamahasandhijñanatantra

Text

ff. 226a–235a · 19 folio sides

  1. 226a

    'khrul pa'i phyir bzlog med 'gyur ba// sgyu ma'i sgyu shes ngag gis sgyu ma'i glang po 'dra bar sgyu mas rmongs pa'i sgyu ma rnams// rmi lam gyis bslang bzhin du rmi yis bden pa'ang nyams shing rmi lam dbang du song ba'i rmi lam pa// lam 'di sbyong zhing mtha' dang lam gzhan lam du bsdus nas ma nor lam zhes ston pa de// de dag rdol gser bzhin thugs rjes rung zhing thugs rjes kye ma 'o phrogs pa yin// shin tu ma sbyangs dus kyis mnar ba'i skye bo lnga brgya tha ma la/ gsung rab dri med rtog dka' dag la sgra bzhin spyong dang tshul bzhin min// rang gi blo gros stobs bzhin 'jug la sogs pa lta ba sna tshogs dag/ mi shes chu bos g.yengs shing gsung gi nyid khu bdud rtsi rnal 'byor bral// de phyir rgyal bas gsungs pa'i thugs kyi gsang ba dam pa 'di// kun tu rgyal ba rnams kyi spyod yul thun mongs ma yin yang // goms pa'i mthu yis mi 'gal tshul du tshad ma dag las rab bslabs te/ 'gro ba'i don du mi gnyis lam mchog 'di ni rab bgyis pa/ snye bo ste gnas thams cad du yang skad cig tud/ mi mthun phyogs kyis mi nyams rgyal ba kun gyi thugs 'di rab rgyas shog// sems bsgom rdol gser zhun rdzogs so// / ye shes bdun 'byung gi rgyud bzhugs/ rgya gar skad du b+ho d+hi tsit+ta ma hA sin+d+hu dz+nyA na tan tra/ bod skad du/ byang chub sems rdzogs pa chen po ye shes bdun gyi rgyud/ dpal ye shes rdzogs pa chen po la phyag 'tshal lo// 'di skad bdag gis thos pa dus gcig ma

  2. 226b

    bcom ldan 'das rang bzhin rdzogs pa chen po gsal ba'i ngang nyid bde ba'i ngang nyid// lhun gyis grub pa'i bdag nyid/ ma lus pa cig gi rang bzhin// thig le chen po nyid / 'og min gyi gnas/ chos kyi dbyings mtha' dang dbus med pa'i de bzhin nyid// rig pa 'pho 'gyur med pa'i gzhal yas khang // cir yang gsal ba'i rgyan gyis klub pa na// bcom ldan 'das rang bzhin rdzogs pa chen po// rang bzhin dkyil 'khor rang bzhin gyis lta ba'i 'khor dang // rang bzhin la gnas pa'i 'khor dang / rang bzhin mngon du gsal bar 'gyur dang thabs ci go/ de'i tshe na brgya byin gyi lha'i dbang pos/ gdul bya'i don shes nas/ phyogs bcu'i rgyal ba la/ 'di skad ces bsku'o// dus gsum sangs rgyas thams cad kyis/ thun mongs bya ba mthar ston nas/ gang la nye bar mdzes pa yis/ dam pa'i bsrung ba bsrung du gsol// rtsol bral rig pa'i khyad par las gnyis pa'i don de mi gnas te/ de nyid snang ba'i byin brlabs las// ji ltar 'dod pas so sor gsal/ zhes bskul to// de nas phyogs bcu'i rgyal ba thams cad kyis de bzhin gshegs pa rdo rje sems dpa' la mgrin gcig tu 'di bskulo// rang gsal rig pa mchog gi sku// rtsol bral bstan pa thugs la rdzogs// 'dod 'byung 'bar ba'i nor bu ltar// gdod nas kun 'byung ba dag tu gsal// rig pa lhun rdzogs dbyings la bzhugs// bdag gzhan mi mnga' dbyings la bzhugs// bdag gzhan mi mnga' phyogs rigs bral// nam mkha' mi 'gyur rtag pa ltar// rang gsal 'gyur med lhun grub khyod/ gang la rkyen gyis bskul ba ltar

  3. 227a

    thugs rje sems dpa' bstan du gsol/ zhes zhuso// de nas de bzhin gshegs pa rdo rje sems dpa' la bskul bas// lha'i dbang po'i ngo la gsang ba'i bdag por gyur to// de nas lha'i dbang pos 'di skad ces gsol to// rgyal ba kun gyi gsang ba'i thugs// kun 'dus byang chub sems kyi dang // rang gsal nyag cig dri ma med// bde chen khyed kyi sku mchog gi/ brjod bral gsang ba'i chos nyid 'di tshigs dang yi ge kun bral yang // de nyid brjod pas go bya'i phyir// ye shes gsal bas gsungs du brjod// zhes zhus pas/ de nas phyag na rdo rje de nyid rang gi ye shes gsal bar snang ba zhes bya ba la snyoms par bzhu te/ rang nyid lta bu'i 'khor rnam par bkod pa las// rnam par langs nas 'di skad ces bskul to// rang byung rig pa'i 'od 'bar ba// kun gsal nyams myong bral ba 'di// brjod med rig pa'i don go nas// brtsol bral don la dgongs du gsol zhes zhuso// de nas skyes bu dam pa des// 'di skad ces bka' stsal to// rang byung rig pa bde mchog don// rang rig 'od gsal gsang ba'i nyams// 'dzin med dri ma kun gyi dben// brjod bral rig pa dbyings la bzhugs// 'bar ba'i 'od kyi rnam pa ltar// kun tu gsal zhing nyid du gnas// rang gsal rig pa'i chos dbyings la// cho 'phrul bdag rdzogs gnyis pa med// rna brgyud dag pa'i sgra tshig gis/ 'phrul gyi me long ji bzhin du// gzhan gyis gsal te rang la rdzogs// ci yang ma yin cir mi dgos// bsam med mi g.yo mchog gi lung // ji bzhin nyid la ji bzhin gsal// rgyan bral brda phreng don gyi lung // brjod bral bas

  4. 227b

    ba'i nyams kyis go// rang byung mchog gi snying po la/ yengs pa med pa'i sems kyis gnas/ rang gsal dmigs bral cing mi dgongs// gshes med gsal bar mar me ltar// yi no gang du'ang bsam pa med// 'gyur med sems kyi g.yung drung la// ci dgar bzhag pas g.yo med lung // yul med bsam bral sgro skur bcad// ting 'dzin rig pa'i 'khor lo yis// bag chags 'dzin pa rnam par gcod // nam mkha' gsal ba'i mar me ltaradza8gsal la dmigs pa rnam par gcad// 'byung 'jug med pa'i thig le yis// gsang ba rig pa'i 'khor lo gang // ma rig gsal ba'i me long gis// khyab pa na mkha'i rjesu blta// rang byung rig pa rang gsal skyes dang rgyu rkyen bral ba'i dbyings la rdzogs// bsam pa spangs te dbyings la gnas// mi 'byung mi 'jug gnyis med dang // spyad med ltar rang bzhin bzhag/ rtsol bral chu yi rang bzhin ltar// mA bcos bder bzhag don gyis gsal// de nyid nges pa'i don 'di ni// bsam gyis mi khyab don gyis shes// mi tshol 'od kyi snying po ltar// 'du 'bral med par ye nas rdzogs// de kho na nyid yul med la// gnyis med rig pa gcig tu bor gti mug bsgoms pas bde ba rgyas// kun 'joms re ba'i snying po 'di/ mtha' bral mngon par mtho ba la// mtshan bral mi chung gcig las med// des na rang bzhag dgongs pa gnas// kun la gsal te gcig la gson/ 'gyur med sems kyi dgongs pa'o// ye shes bdun gyi rgyud las// gleng gzhi'i gsang ba'i le'u ste dang po'o// / kye sems dpa' chen po// rang bzhin thabs dang nyams kyis

  5. 228a

    ni dang bsdus te thig le gcig tu gsal// rang gsal 'gyur med ye shes kyis// ji bzhin klong du gsal bar gnas// 'khor ba rang gsal nyid du ba // na mkha' mnyam pa'i 'od dang ldan gsal ba na mkha'i snying po ltar// khyab par kun gyi rjesu song // sbyang ba na mkha'i mtha' ltar yangs// 'khrul gyi me long gsal ba'i 'od// phyogs rigs med par kun la 'char// rgya mtsho chen por yid brtags pas khyab par gsal bas dbyings la 'dra// ma bcos rang byung snying po la// sgro skur dag pa'i dbyings la gnas// bsam pa med pa'i 'du shes can// rgyu ba'i yu ba rnam par gcang// kun snang 'od gsal nyag pa'ong ci yang ma yin gang yang rung // ma bkag yon tan de ltar gnas// rang rig yul med chos kyi dbyings// rang gsal ye shes kun tu bzang // rang byung rkyen bral 'jigs pa med// ye shes snang ba rnam par dag rdzogs pa'i ya shes klong du thim// mkhyen bral gti mug chen po la// shes dang mi shes yongs kyi med// rang gsal lung la kun rdzogs pas// gnyis pa chos dang gdod nas bral// rang bzhin 'dra 'bral med pa nyid// thig le gcig tu de rdzogaso// gsal ba'i me long thabs kyis shes/ kun 'byung ye shes phung po la// gsang ba'i thabs kyis rtogs gyur na/ brtsol bral 'od ltar khyab par 'gyur// kun la phye Ta rigs med par snang / 'phrang dang ma phrad nus pa las// de lta de ltar nyidu snang / 'phrang dang 'thob pa med pa yis/ mi snang mi gsal rang bzhin gsang / sngon 'gros shes rab sbyong ba yis/ lus dang srog la

  6. 228b

    mi spyad// rna rgyud thob phyir yul bar bya// ye shes rang gsal thabs rdzogs pas// ma brjod pa'i thabs kyi so// rang byung rig pa'i thabs kyis gsal/ 'gyur med gsang ba'i thabs lam bzhugs// kun 'dus ris pa gos 'i nyamos// brjod pas mi rtogs nyams kyis gsal// gsal ba'i me longs thabs rdzogs pas// brjod bral blo yi thabs kyi shes// gsal ba'i mar me dbyings la khyab// rig pa'i 'od gsal mchog gi thugs// gtang med yul la dus gcig rdzogs/ gsal ba mi mngon dus kyi mchog/ nges pa dus tshod de kho na// gsal lo 'du shes 'bral med// rig pa'i klong la kun tu zhugs// gang yang ma yin 'od gsal yon/ mi 'bral mi spyod yul dang bral// brda' phrad rig pa shugs kyis go/ yang na na mkha'i se la'o// yang na chu bo'i rgyun la'o// yang na gsal ba nyid la'o// yang na mtshan gyi sgra la'o yang na de nyid gang min par// rang bzhin rig par bzhag pas na// chu la chu ltar gsal bar gnas/ mi shes pa nyid ma yengs pas// 'byed pa med pa'i ye shes 'grub/ rang rig nyams mong kun bral ba brjod bral bstan pa rgya mtsho'i mdzod// sku bral rig pa thugs la rdzogs// gsal la bsam du med pas na// dmigs med rig par rang gsal lung // ci la'ang mi gnas mngon gsum lus// thams cad rig pas mngon par shes/ bsam du med pas 'dzin dang bral/ sa la dmigs bral gcig dang // mi spyad mi 'dzin bsam du med// ma bsam pa nyid bsam pa ste// mtha' dang 'du shes rgyu ba nyid

  7. 229a

    bsam yas sgribs pas don mi shes/ gang du'ang mi bsam mi spyad de// rang bzhag rig pa nyid kyis gsal// nyams myong bsam rtogs yul shes bral// rang byung cing la nyid mi rtor rjes mi 'brang zhing yul mi tshol// mi 'phro mi bsdu mi bcos te// mtha' dbus de bzhin nyid mi tshol// de bzhin nyid du rang bzhin gnas// kun kyang rang bzhin thig le nyid // sgro bsdu med pa'i dbyings la 'dus// 'das dang ma 'das chos kun kyang // rtsol bral 'od la rnyog tu bzhugs// chu yi gnyer ma ji bzhin te// rig pa 'od gsal dbyings la thugs// rang la spro zhing dbyings la 'du/ nyi ma gsal ba'i snying po ltar// gsal la ma 'dres lhun gyis rdzogs// kun kyang shin len la 'dra// gang yang ma yin gcig tu gnas// ma yin kun kyang rig pa ste// rig pa ma yin ma rig min// ri me mes bsregs kun tshigs ltar// rtogs pa'i rig pa rang gsal la// 'dzin pa mi gnas rang gsal la// spangs pa med par mnyam du gnas// gcig la ye shes rdzogs lung la// don bral mnyam pa'i sems kyi blta// de nyid rig pa'i 'od 'bar lung brjod med gsal ba'i don yi no// ye shes bdun byung ba'i rgyud las// ye shes snang ba'i le'u ste gnyis pa'o// / k+She sems dpa' chen po// rang gsal ye shes mnyam nyid la// tshig brjod pa'i rim pa yis// rdzogs pa'i ye shes mngon gyur nas/ ye shes 'od gsal nyi du ngas// ma slang rkyen bral nyag gcig po// reg pa ma yin dusu gcig gsal// rtsol bral gcig bci

  8. 229b

    dgos/ cir snang rang gsal nyid kyi dbyings/ ma brtsal ma sbyangs nyid kyi dbyings// rig pa ma rtsal mngon sum dbyings// smon du med pas rang la rdzogs// dus med rang gsal ba yi yum// bskyod med chos dbyings dag pa nyid// kun kyang rig pa mnyam du skyes// 'byung 'jug mi gnas cir ma dgongs// ma slad ma bcos ye nas byung // brgya byin nor bu ji bzhin du// ma brtsal gdod nas lhun gyis grub// rig pa ye shes 'od gsal la// mnyam dang mi mnyam chos mi gnas// mtha' dang dbus med e shes klong // phyi dang nang dang chos kyi dbyings// ma skyes pa dang mi gnas pa/ ma chags pa dang lhun gyis grub// gdong nas dag pa chen po la// sbyang zhing bskyod pa ga la yod// dus gsum rgyal ba'i snying po ni// rig pa ye shes rang gsal yin// zab mo gsal ba'i des don la// phyogs dang phyogs min chos mi gnas// rig pa rang gsal ye shes nyid// sbyangs pa ma yin gdod nas 'grub// gnyen pos ma btsal de bzhin nyid// ma bcos mi gnas rang bzhag pas// ji bzhin rang byung gnas par gsal// snang srid 'khor dang 'das pa kun rang byung rig pa rang gsal bas// sgro dang bskur ba'i lam mi gnas// rtsal med ye shes gsang ba ni// khyad par gsal la dmigs dang bral// 'du 'bral med par ye nas byung // mi bsam mi spyad rang byung nyid rang gsal rdzogs pa nyag gcig/ du ma'i chos kun rdzogs pa'i ngang // che chung med pa ye nas mnyam// rang byung dbyings las ma g.yos par// kun la snyoms pa'i thugs rje 'char/ ci yang yi no gang

  9. 230a

    yang rung // bsam med rig pa'i ngang la bzhugs/ brjod bral mi gnas tshig dang bral// de rtog sgra yi 'khor lo yis// rig pa ye shes 'od du 'bar// gsal 'dzin mtha' yi rtogs pa bcad// rang gsal brda' yis gsal bar shes// sbyang med shes rab rnam gsum gyis// rig pa bde mchog gsal bar shes// gang zhig de yis rjes 'brangs nas// rig pa rang gsal don mi mthong // ye gsang ba'i don la so gol// bde mchog gsang ba'i lam dang bral// mtshan ma 'khor ba'i lam du rgyud// rang byung gsal ba'i lam mi shes// rang bzhag rig pa'i rgyud tshig gis// ji bzhin ma bcos ngo bo la brjod bral rang bzhag dgongs pa yis// rang byung dbyings la gsal bar bya// ma bcos gsang ba'i dgongs pa las// bcos ma'i rnal 'byor log pa'i lam// mtshan bral spros med snying po la// 'dzin pa'i rnam rtog log pa'i lung // gang dag rang 'dod phyogs tsho yis/ 'dzin pa so sor mthong ba yis/ phyogs bral ye shes chen po la/ btsal zhing spyad pas don mi mthong // cir snang gcig gis ngo bo la// yengs pa med par kun tu gsal// nyams myong brjod bral gsal 'dzin med// 'di la phyogs ris gdod nas med/ rang bzhag rig pa shugs kyi gau/ ma brjod brda' yis gsal bAr shes// dus gcig yis rang gsal byas// gnyis 'dzin phra rogs kun gyi dben/ 'dzin med mkha' la nyi shar ltar// gsal la stong pas 'du shes med/ gang yang mi gsal 'byed med lung // mi bas ma ris po cing mi dgongs

  10. 230b

    rang bzhag rig pa bsam mi khyab// yul bral shes pa'i 'dzin rtsol med// ma yengs bsam med brjod bral lung // rang gi nyams kyis gsal bar shes// dbus mtha' med pa'i rig pa la// mi 'jug mnya pa'i sems kyis gnas// gang du mi bzhag rten bral bas// bzhag rgyu med pa'i sems 'di la// de bzhin nyid la goms pa yis// dus gsum ma bcos dgongs pa bzhag/ rdo rje sems dpa' dgongs pa'i donadang ma bcos rig pa gsal bar shes// tshig min don du mnyam sbyar bas// gang ltar gnas pa de ltar ba zhag/ 'di ni rig pa'i nyam su brjod// gdod nas ma bcos lhun grub la// mtshan ma'i brda' yis mnyam sbyar nas// yengs med rang gsal bde chen la// ye nas de ltar gnas bzhin bya// bde ba de yi don go nas// btsA la med 'od ni rang las shar// rgyal ba'i dgongs pa dbyings la gtugs// sbyong lam gang ltar bde ba bzhin// rang bzhin gsal la mnyam par bsgom// ma yangs ma btsa la tso shugs kyis gsal// bum pa'i rlan ltar de bzhi no// ma btsal rig pa bsgrub par 'gyur// btsa la la 'jam chu rdo gzugs ltar// 'od gsal 'khor ba'i gnasu 'gyur// mi bsam mi dpyad pa yi klong // yengs med mtshan ma'i sgro bkur bcas// gcig kun gyi rang bzhin gsal// dang po de nyid rang nyams gsal// ma brjod nyams myong ting 'dzin te/ 'khor ba rang gsal snying po 'gru bo// thams cad gsal ba'i maN+Dal ltar// gsal la 'dzin med rang bzhag blo// ma bcos mnyam par gnas par bya// yis

  11. 231a

    bdun 'byung ba'i rgyud las// rang bzhag rig pa'i yis mnyam par bzhag pa'i le'u ste gsum pa'o// / kye sems dpa' chen po// yis gom dang brtags nyid dang // tshul dang blo yi tshul nyi // rang bzhag thug phrad mnyam nying ni// rang byung rang gi rang las shes/ rang la ma yin gzhan la min// gnyis ka ma yin khyad par gsal// rang rig yul meng dus gcig gsal/ yin dang me yin phyogs med klong // kun gsal rig pa'i sgo phye nas// yengs med ma bcos don la bzhugs// snying rje bsam med phyogs bcur brdal// yul med ma bcos de bzhin nyid// ma gsal mi gsal khyab par gnas/ ye nas rig pa'i klong du bzhugs// brjod bral gsal ba'i gter la spor// gsang ba'i rig pa lung gi phyung // 'di dang gzhan sems 'dzin sems bral// blo yi rig pas ji bzhin dgongs// gnyis med rang gsal ye shes la// dran bsam rig pa ji brtags kyang // bya bral rig pa ji mi spyad// rang bzhin 'khor lo rig pa bskor// 'jug med 'jug bral dgongs par gnas// bsam gyis mi khyab chos kyi dbyings// mtshon pa lam gyi rgyud dang bral/ gsal bar shes te rgyu ba bral// cir yang mi 'dzin de bzhin nyid// gdod nas lhun gyis grub pa'i ngang // rang byung 'od gsal gcig la rdzogs// mi gnas rig pa'i 'khor lo la// ma bsams ma bsgrubs 'dod nas gsal/ 'byung 'jug med pa'i ye shes kyis// yengs med dbyings la thabs kyis 'jug/ 'khor ba ye nas sangs rgyas pas// 'od gsal dag pa nyid

  12. 231b

    gsal da ma sgribs kun la khyab pa'i 'od// thams cad gsal ba rang bzhin 'char// 'di la sbyangs bgrod yul dang bral// 'di la bsam spyod mtha' dang bral// 'di la rtsol sgrub mtha' dang bral// 'di la dgag sgrub kun las 'das// kun gyi snying por rang byung la// rig pa gsal bar nyams myong la/ kun kyang rang gsal mnyam par mkhyen/ yul me rang gsal cig gi lung // du ma go cig tu gsal bar shes// kun kyang lhun grub snying po bas// du mar 'dzin pa'i chos mi gnas// mi bsam mi spyad rang bzhin bzhag/ na mkha'i rdo rje rnal 'byor pas// snang srid thig ler mnyam sbyor zhing // na mkha'i 'od gsal mnyam par mkhyen// chags pa mi mnga' zhan pa dag/ mi 'phro rang gsal gnas pa dang // 'khor ba lhun grub snying por gsal// ma bcos gsang ba'i sgo phye nas// dam pa lung dang rig pa phrad// rgyal thabs rigs dang rjeng gi 'phags// snying rje phyogs rigs med par 'char// rig 'dzin rig pa klong du son// ma chags dag pa'i spyod pa yis// kun bzang mdzad pa'i nges pa can// khams gsum sku gsung thugs gsal bas// sku gsum zhing du rig pas sbyor// ye shes rol pa rang 'char bas// phyogs rigs med par kun la byung // rdzogs pa'i 'od gsal mnyam sbyor bas// thugs rje'i dkyil 'khor rang bzhin 'char// byin brlabs ye shes 'od 'chang bas// ma lus snying po nyid du mthong dang gdong nas mi bcos 'od gsal la// ma spangs gsal ba'i gdeng gis bzhag/ dpol ldan na mkha' rgyas pa'i sku// ma bcos nyi ma'i snying po ltar// drod rtags che 'phrul rang bzhin thob// dmigs med lhum

  13. 232a

    grub rol pa ni// mdzad pa'i gar thabs sna tshogs pa// rang rigasal bar thabs kyis shes// nyams myong mi gsal bsam pa spangs// sku gsum rang bzhin dus gcig rdzogs// snying po rang bzhin rdzogs pa ni// gcig kun gyi rnam pa 'dzin// bsam gyis mi khyab dus gcig 'brel// tshul ni gang du yang mi spyad// yengs pa med pa'i rang bzhin gyis// bsam gyis mi khyab dbyings la gsal// bdag min gzhan min gang yang mIm/ me bcos chul chu bzhag sbyar/ rang bzhin rig pas gsal byur shes/ swA b+hA la rig po 'i ye shes kyis/ mA btsal gyi nang ba shad pas so// ma bcos gsang ba'i rnal 'byor ba ma brjod rig pa'i shugs kyi go/ mi spro mi bsdu yal bar gnas// tshig bral bstan pa rgya mtsho'i mdzod/ dbyings la dbyings gsal sgrib pa med// ma bcos rdzogs pa'i rnal 'byor la// 'di yin 'di ming phyogs ris med// blo yi rang bzhin ma skyes pa/ rig pa'i rang bzhin bsam dang bral// phyi dang nang med bde ba'i klong // gsal la mi 'jug mi gnas pa// zag med mkhyen pa nyid kyi dang // yengs med ma btsal sems kyis gnas// 'di ni rang rig sems kyi lung // brjod bral rig pa nyams kyis gsol// thugs phrad dran rig med par gsal// ye shes bdun byung ba'i rgyud las// ye shes rang gsal gyi le'u ste bzhi pa'o// kye sems dpa' chen po// gang gi rang bzhin gsang ba la/ log pa'i phyogs kyi sgrib pa // rang gsal brda don sbyang ba yis// brtsal brel rig po 'char bar 'gyur/ kun 'byung snying po byang chub na// rnam par

  14. 232b

    mi rtog byang chub zab// dmigs bral rig pa'i klong du 'das// drug chos bzhin yul med pas/ rang byung snying po gcig la rdzogs// ye shes mkha' mnyam sgra don med// gsang ba ye shes rig pa'i lung / sgo bskur med pa nyid bstan// phyogs med ye shes khyad par gsal// kun 'byung dpag med sgra brjod bral// thig le spros bral mkha' ltar dag/ rang byung rig pa'i snying po la// gang ltar brtags pa'i phyin ci log gzhan drug rig pa'i rtsal brgyad kyis/ ma bcos gsal ba'i dgongs pa slang // 'dzin soms log pa'i lcags kyis bcings// mtshan ma 'khor ba'i 'dam du bzung // zhen chags 'dod pa'i 'o dong pas bcings phyogs bral phyogasu bslab pas 'khor// log pa'i ri bos mngon du dka'// spros bral 'bar ba'i ye shes la/ mtha'i zhen pa mi gnas kyang // don las log pa'i byis pa yis// rnam rtog 'khor ba'i khams brtags// dud la ser por 'dzin pa ltar// dngos por gnas pa ma yin yang // log par mngon par zhen pa'i mthus// rang snang ma bcos zhen par brtags/ yod med mthong ba 'khrul pa'i lam// de nyid mthong bas grol bar 'gyur/ spong 'gegs 'khrul pa ngal ba'i lam// ma bcos rtogs pas grol bar 'gyur/ bzung 'dzin lta ba gnyis kyi chos// gnyis 'dzin bral bas grol bar 'gyur// gnyis kyi gcig 'dzin nges med lam// gcig tu rtogs pas grol bar 'gyur// spong len mthong ba che chung lam/ gsal ba'i ngo bstan gcig gis grol/ bsnyen bsgrub dag pas dag pa 'grub// ye nas yin la bzod sgrub brtsol

  15. 233a

    rtsal med dag pas grol bar 'gyur// rgyu 'bras 'dzin pa gnyis kyi lam// gnyis med rig pas 'grub par 'gyur// brda' don spyad pa'i rim pa yis// rig pa gsal ba'i don rtogs nas mi rtogs rnam grol bde bar gshegs// gsal ba nyams myong gang yang min// 'du shes kun bral dbyings nyi du// rig pa mkha' ltar gnas par bya// tshad ma mngon sum mtshon de la// rjes dpag shes pa phyin ci log mngon sum rang gsal rig pa la// rjes 'jug mtshan ma tsir mi dgongs// gnyis med gsal bar rtogs pa la// mi bsam mi spyang gnas na grol// ji ltar gnas par bzhag pas bde// rang bzhag rig pa chen po la yengs pa med pas yang sangs rgyas// ye shes gsal bar gnas pa yis// che mchog bla na med pa yis// nges rtogs lung gi ngo ma thag/ rang byung byin brlabs ngo mtshar che// gsal ba'i me long thabs kyi tshul// 'ang shes bral bas rab tu bde// ye shes bdun 'byung ba'i rgyud las// ye shes gsang ba'i le'u ste lnga pa'o// / kye sems dpa' chen po// rang byung rig pa mchog nyon cig/ rdo rje gsang ba reng byung ba/ rgyu med rkyen bral chos kyi sku// rig pa 'khor lo bsam mi khyab// gsang ba'i 'khor lo rtog pa dka'// ye shes 'khor lo gsang ba'i ngang // ting 'dzin gsal ba'i mar me la/ bsam pa'i 'dzin pa kun dang bral dang kun la gnas kyang bsam dang bral// mkha' gsal mnyam pa rig pa'i dkyil/ snang byung rig pa'i 'bum phragasas/ gsal dmigs pa med pas na// bsam med dran mi g.yo ba/ rnam par mi rtog mchod

  16. 233b

    gi lam// spyod lam rnam bzhir mi gnas pas// mi ldog ye shes ngo bor gnas// snang ba rnam rtog cir mi lta// dran 'byung rtog pa'i rjes mi 'brang // ma bsgrub ma snyogs chu bzhin du// ma bsams bzhag pas sgrib pa byang mi rtogs mkha' ltar gsal ba la// ye shes nyi ma phyogs bcur brdal// ji bzhin rang bzhin rnam par dag/ rgya mtsho g.yo med ji bzhin du// rnam rtog mi g.yo cir mi dgongs// rang byung gsang ba na mkha' che// ma lus gsang ba nyid la 'dus// gsang ba kun 'dus rig pa'i gter// mkha' khyab rig pa'i sems nyid ni// khyab par gsal la 'dzin pa med// rang byung rig pa rang shar bas// khyab par gsal la dngos po med nga rig gsal ba'i ye shes kyis// ma sgri bse gsal ba nyid du mkhyen// rtog med 'ang gsal sems kyi mkhyen// gsal ba rang byung rig pa'i kong / rdzogs chen thig le ji bzhin la// mnyam par dgongs mang rig par bzhag/ byung tshor g.yo 'gog ji snyed la// gsal ba med pa nyid kyis gsal// rdzogs chen ma bcos dgongs pa'i lam// gang ltar bcos pa log pa'i lam// ma bcos rig pa mnyam sbyar nas/ sgro bral rig pa'i 'khor lo la// thugs rje rig pa'i byin brlabs ni// ma btsal nyi ma'i 'od ltar 'byung // gsal la mtha' dbus med pa la// rig pa mnyam pa'i sems kyis blta// gtang 'dzin med pa'i rig pa yis// rang byung lhug par bzhag par bya// rang byung rig pa cir mi dgongs// rang gsal 'khor lo rgyun mi chad/ ye shes bdun byung ba'i rgyud las// ye shes 'khor lo'i le'u ste drug pa'o//

  17. 234a

    kye sems dpa' chen po// rang bzhag rig pa'i dgongs pa yis// ji bzhin sngon du gsal byas nas// rin chen 'bar ba'i 'od gsal bas// sems kyi dkyil 'khor 'bar bar byed// 'dzin bral rig pa'i chos dbyings las// bsam med 'gyur med na mkha' ltar gnas// bsam gyis mi khyab chos kyi dbyings/ gang dag byis pa'i 'du shes kyis// rang byung rig pa'i ye shes la// bsam bral rig pa'i mtshan nyid de// bstan pa nyid kyis go bar mdzad// dngos grub rin chen 'od ltar 'byung // zang med na mkha'i dkyil 'khor la// nyi zla gza' skar bkram pa ltar// ma 'dres rig pa dbyings la gsal// de nyid mi gnas rang bzhin ni// kun 'byung rig pa phyogs med shar// nyi ma'i 'od ltar lhun grub pa// kun la ji ltar 'dod par 'char// mkha' ltar gsal la khyab pa che// mi rtog dbyings kyi ngang la gnas// 'od dang 'od can ji bzhin du ma btsal lhun gyis grub pa'o// ma yengs ye bzhag dgongs pa'o// gsal med rig pa'i gdengs gi gzhi/ ma sbyangs ma yin gdod nas dag/ ma grol bla ma'i sa mchog la// dus gcig dman pas bgrod du med phyag rgya mi 'ching sngags ma zlos// tshogs dang mchod pa mi byed de/ kha ton dri dang mchod pa dang // ma byas dngos grub mchog tu 'gyur// ji srid rtsol ba'i rnam grangs dag/ de srid lag pa'i grong khyer te// ma btsal ma sbyangs gdod nas ngag/ snying po rig pa'i phyag rgya can// gsang ba 'od gsal klong la 'jug/ brjod bral sgo yi dkyil 'khor la/ nyan bral rig pa'i tshul gyis gsal// gsal ba nyid na mi dmigs pas// cog bral nam

  18. 234b

    ma'i dbyings kyi yum/ 'di zhes bsam zhing dmigs pa med// ji ltar gnas pa de bzhin gnas/ rang bzhag rig pa yengs med klong / phyogs med ye shes khyab par gsal// gnyis mang na mkha'i dbyings ltar gnas ye shes bdun 'byung ba'i rgyud las// ye shes grub pa'i le'u ste bdun pa'o// kye sems dpa' chen po// de nas gasnang ba'i bdag po 'khor bsam gyis mi khyab pa dang bcas pas// rdo rje sems dpa' la 'di skad ces gsol to// kye bcom ldan 'das// rang gsal lhun gyis grub pas btsal ba kun dang bral// bsam med spyad 'dzin bral bas dgongs pa dag pa mchog/ ci yang mi bya mi bsam rtogs pa'i rgyun// dgongs pa rang byung lhun grub khyod phyag 'tshal// blta med mthong med yi nas de bzhin nyid// lta ba'i rgyal po gnyis med khyod la 'dud// thos pa mi rig brda' tshig kun dang bral// ma byas ma bsgrub ma rtsal lhun gyis grub pa'i ngang / rang gsal mo bcos rig pa gang yang min// thig le 'phro 'du ma yin bdag nyid lhun gyis grub/ phyogs bral lhun grub 'od gsal rig pa rang dbyings// brtso lo 'joms mi gnas gsal ba'i mar me 'dra/ bstan pa'i rgyal po yang gsang rig pa'i gter la 'dud// de nas gsang ba'i yang gter 'di// rin chen gsal ba'i glags bam 'di// ston pa rdo rje sems dpa' yis// gsal ba'i rigs pa'i rgyas btab nas// mkha' dbyings sbas pa lha dbang gi/ spyis blangs yang dag dbang thob nas/ sprul pa nyid la rab tu bshad // de nas rdo rje gdan ste su/ yang sbrul thugs kyi sras rnams la// rgyal thabs spyi blug

  19. 235a

    @dbang bskur nas// ma bgrod rtog pa'i 'jim las sgrol// rnam grol sa la bde bar gshegs// de bzhin 'od gsal rnal 'byor ma// shes rab dag pas mnyam sbyar nas// rdzogs pa chen lhun grub sa la sbyor dang gang zhig dad pas 'dzin klog pa/ bsod nams brjod par mi nus te/ bskal pa ngan pa'i yul med pas// sreg dang bral ba'i kha bzhin bya// rgyal tshab nges pa gcig la gtad / sbas pa thugs kyi nyi ma 'di yong gsang rig pa'i gter du bzhag/ gnas dang sgrom du nges par sba// ye shes bdun 'byung ba'i rgyud las// rje su yi rang ba'i le'u ste brgyad pa'o// / ye shes bdun 'byung ba'i rgyud sems kyi me long chen po rdzogaso// / bkra shis pa'i dpal rig pa'i khu byug gi rgyud bzhugs// rgya gar skad du/ swa sti shrI/ bod skad du/ bkra shis pa'i dpal/ bcom ldan 'das dpal kun tu bzang po la phyag 'tshalo// 'di skad bdag gis thos pa'i dus gcig na// dus gsum gyi de bzhin gshegs pa bcom ldan 'das thaMd kyi thugs// bcom ldan 'das chen po'i ye shes dang yang mi mnyam pa'i gsang sngags theg pa chen po'i yang theg pa chen po// rus gsum gyi de bzhin gshegs pa zad kyi sku gsung thugs rdo rje ltar dbyer mi phyed pa'i bdag nyid// gzhi rtsa ba med pa'i snying po chos thang rgyu yod pa dang med pa'i tshig zad pa// sring pa'i sa bon ma spangs par zad nas dag pa// kha dog dbyings dang mtshan ma med pa rigs rgyud dang bral ba// gang gi gan su mi gyur cing tha~Md kyi gzhir gyur pa/ ming dang tshigs rna raM dag cing // snang ba'i spyod pa thang dang zhing bden